حبس حبس 😂😂 انـااا جيــت و معياااا كرونيك من الطراااز الرفيع ❤❤
حصريااا كرونيك #عشقت_مجرما
على ڨروبنا ايـاااا وينكم تفوتوهااااش كرووو روعه
انحراف و رومنسيات 🔞🔞🔥🔥🔥
ممنوع على القلووب الصغيرة و الصغااار ⛔⛔⛔ من تووو الي قلبها رهيف تقراااش 💘💘💘 كرونيك و لا في الاحلام مافيا رعب خوف حب عشق بقلاوة 💔💔💔
#عشقت_مجرما
دخلت للبيت و حلت الريدو دخل الضوء
-أي قوم يزيك مالنوم راك فددتني منك
-تي خليني نرقد اوووف
-رؤى مانيش فاهمة لوقتاش باش تقعد هكة ما عندكش غرام مسؤولية ما يجيني من تحت راسك كان البلاء راك ضايعة بائعة الدنيا بلفتة و مخليتني نواجه فيها وحدي راني تعبت و أنت مولات الدار موش هوني شايخة و مخليتني أنا وحدي لاهية بأمور الشركة و الدار
-بلاهي تحبني كيفك حاصرة روحي بين دار و الشركة مزلت صغيرة و نحب نشيخ
-أنا ما منعتكش تشيخ أما ما يجيش للمسؤولية لكل عليا (كانت تعيط بصوت عالي و تبكي)
-با... باهي عيش أختي سمر ما تبكيش أمان (هبطت راسها حاسة بالذنب)
-كل مرة هكة كل مرة بعمايلك و في الاخر تبع في الهمال صحابك تتكيف تسهر أغزر دبشك إلي وليت تلبس فيه فضيحة
-سمر نوعدك نتبدل أمان ما تبكيش ما عندي كان أنت سامحني والله نتبدل
-ما نحبكش تتغشش أما نلوج على مصلحتك أنا
و ترمات عليها عنقتها...
نعرفكم بروحي أنا رؤى 23سنة و عندي أختي الكبيرة سمر 26 سنة كنا عائلة محلانا لاباس علينا الحمد لله أما فرحتنا ما دامتش أمي و بابا ماتوا في حادث و من نهارتها تقلبت حياتنا بلاش بيهم العشية مساطت أنا و أختي قعدنا وحدنا أنا و سمر مختلفين في الطبيعة على قد ما أنا نحب نشيخ على قد ما هي مسؤولة ما تحبش الخروج تخدم شدت بلاصة بابا في الشركة و بلاصة أمي في الدار ما عندهاش لا حبيب و لا صديق عكسي أنا ديما نحوس ديما في الحفلات عندي صاحبي مالك أما ما نحبوش عالجو و برا كيما صحابي اليوم كي حكات معايا أختي هكاك ندمت و قررت نولي مسؤولة و نتبدل و حياتي -بالرسمي تبدلت اليوم ههه أول حاجة باش تعملها نبعد على الخلط و أولهم صاحبي قلقت نحب نعاون أختي عندها الحق لازمني نكون مسؤولة أما ما فيباليش حياتي باش تتعكس.
2
المهم اليوم عندي خرجة معا صاحباتي قررت نحكي معا مالك و نبعد عليه باش نتحرر بطبيعتي ما نحبوش ركبت معاه في الكرهبة مشينا لعيد ميلاد صاحبو ضحكنا فدلكنا عطيناه كادوات و خليت صحابي يسكروا و قلت لمالك
- ميساليش نمشيوا نحب نحكي معاك
-باهي عزيزتي أنا بيدي لازم نمشي تو عندي حكاية لازم نحلها
مشينا و وقف الكرهبة قدام أوتيل
-رؤى لحظة نوصل قضية و نرجعلك استناني
هبط ياخي خلطت عليه
-لا مالك لحظة اسمعني شنوة باش نقلك لازمني نمشي باش نعاون أختي ماليوم
-رؤى قتلك لحظة نهز القضية و نرجعلك
-لا مالك موش قبل ما تسمعني
-شنوة تحب تقول فيسع
-مالك أنت إنسان باهي أما أنا باش نضيع كان نبقى نتبّع فيك أنا و صحابي متأكدة تو تجي الطفلة إلي تناسبك و تخرج معاها و تحوس أنا معاش نحب نبدل حياتو يزي ما شخت (و حطيت ايدي على كتفو) تو باش نمشي نخدم معا أختي و أنت ما تحيرش بلاش بيا
-رؤى فاش تحكي؟ يزي مالمساطة أنت متاع مسؤولية اطلع في الكرهبة لحظة و نرجعلك
-لا مالك أما قررت و موش باش نبدل قراري عيشك افهمني
-باهي نجم نطلب منك حاجة
-شنية؟
-القضية هذي وصلها أنت ادخل بيها للأوتيل و استنا في réception أتو يجيو جماعة لابسين costume أكحل أعطيهالهم و تو تلقاني نستنا فيك
-لا هزها أنت علاش ما تهزهاش أنت شنوة فيها؟ و شبيها بcode
-تي قضية وصلها و أرجع عاود حياتك
أنا ما رتحتلهاش و خفت حسيت إلي فما حاجة مخبيها و باش تجيني مشاكل منو
-لا مالك أيا نخليك
ما نفيق بيه كان يجبدلي ايدي و يشدهالي بال menottes في الحقيبة دخلت بعضي
-مالك شنوة تقصد بفازتك!!! (عينيا وساعو دقات قلبي تسارعو بالغش) مالك ما نحبش موش بالسيف نهزها قتلك نحب نروح و قتلك باش نبعد نحيهم تو تمد المفتاح و تنحيهم
-رؤى هدي روحك خوذ نفس و هز الساك هوما عندهم المفتاح تو ينحيوها و ترجعلي هاني نستنا فيك هوني ما تخافش
و حط يديه على خدي يطمئن فيا أنا ما رتحتش و ما تطمنتش شامتها قارصة بلعت ريقي و تلفتلو
-كان صارت حاجة نقتلك
درت و بديت نقدم للأوتيل بخطوات متقطعة كل ما نقرب نزيد نخاف حاسة إلي أنا داخلة في متاهة أما لازم نهز القضية باش يحلولي menottes و نعيش حياتي كيما قررت دخلت للأوتيل و قعدت نستنا و نفزر لكل جيهة نلوج فيهم بعنيا لين شفت زوز رجال لابسين كوستيم نوار و lunettes de soleil يقدموا لجيهتي غزرت لمالك لقيتو يعملي bien بصبعو خذيت نفس أما حسيتو تقطع و الدم جمد في عروقي بعد المنظر إلي ريتو..
جاماتكم
3
-قد ما تكون متعاونة خير
و قام بدا يقدملي بخطوات ثابتة و يوخر في شعرو لتالي
-شنوة علاقتك بمالك؟؟
-أ..أمان أنا
هز يدو لفوق و ضربني بكف قوي لدرجة أني من قوة الضربة طحت مالكرسي و ما تحركتش حتى حركة صدمة ظاهرة في عينيا رجعني راجل إلي جنبي فوق الكرسي و حط الفرد على راسي و البوص متاعهم عاود تكلم
-ما عنديش وسع بال جاوبني قد سؤالي نعاود شنية علاقتك بمالك؟؟
-أ..أنا كنت صاحبتو
نحكي و شادة روحي باش ما نظهرش إلي أنا نبكي خايفة برشا كان نموت تنهد و عاود تكلم
-لواش بعثك أنت؟
-ما نعرفش قالي وصل القضية كيف ما حبيتش وحّل الساك بال menottes في ايدي
-شنوة حكالك؟
-ما حكالي شيء
شدلي وجهي بقوة و غزرلي في عنيا
-شنوة حكالك قتلك؟؟
-ما حكالي شيء
سكت شوية نفخ و جاء باش يتكلم هكاك و دخل راجل آخر
-بوص سايي قالولنا على الكود
-باهي برشا اكتبو و مدهولها هي تحلو باش نتجنبو الخطر
أنا قعدت نغزر مفجوعة الكل بعدو عليا و غطاوا رواحهم بدرع و هو حط ورقة قدامي و وقف وراهم و قالي بصوت بادر
-حل الساك
-علاش أنا نحلو علاش خايفين
-أنا كهو نسأل أما خلي نقلك أنو فمة احتمال يكون فخ و فيه قنلة دونك إلي جابو هو يحلو تفضل أهوك الكود قدامك
-لا لا أمان ما نحبش نمو
مد فرد وجهو ليا و بدا يعيط
-نحسب ل3 و نلقاك مزلت ما حليتوش تموت 1 2
هو بدا يحسب و أنا بديت نرعش قلبو يدق نجم نموت توة و بأبشع طريقة بديت نحط في الكود و نقرا في القرآن شهدت و غمضت عينيا و حليت الساك نستنا باش نموت قعدت مغمضة عينيا لين تكلم و قال
-هاو باهي موش قنبلة أوصف شنوة فما في الساك
بديت نحل في عينيا رتحت ولو أنو ما تبدل شيء حياتي مزالت في خطر غزرت و بديت نتكلم
-فما شكاير كبار فيهم بودر بيضاء
-هز وحدة و وريهالي
مديت وحدو و هزيت ايدي.لفوق غزرلها و تبسم و جاني ليا طول مد مفتاح و نحا الساك من ايدو و هزو
-سايي المخدرات هي إلي حاشتنا بيها
و تلفتلي تكينو يخمم شنوة باش يعملي أكيد باش يقتلني خاطر نمثل خطر عليهم أما غزرلي لبدني لكل و رجع غزر لعينيا بنفس الغزرة الباردة و تكلم
-هزوها تو مبعد نقرر شنوة نعمللها
أحنا هكاك و زوز رجال دخلو شادين واحد مضروب رماوه قدامي أنا و البوص طاح على ركايبو و شد سقين البوص يبكي
-سامحني أمان سامحني أمان أنا ما قلت شيء ما ستعرفتش ما قصدتش شدوني البوليسية على غفلة معاش نعاود ال...
ما كملش حكى و البوص مد فرد وجهو لراس الراجل و خرجت منو كلمات أبرد مالثلج بصوت واثق
-نكره الضعاف
و طاف ضربو في راسو الطش متاع دمو وصل لدبشي و وجهي و أنا ما تحملتش المنظر و راسي دار ما حسيت كان كيف شديت سورية البوص و طحت بين يديه دايخة..
Nkmll?
4
بديت نحل في عنيا لقيت روحي راقدة في فرش حطيت ايدي على راسي و جات بين عينيا الدم و الراجل و بعد عينين البوص متاعهم رعشة سرات في بدني مالخوف غزرت قيت روحي بنفس الدبش مزال الدم متاع الراجل على بدني خفت و بقيت نبعد في القماش من فوق لحمي دورت عينيا في البيت شفت روب عادية قمت نجري نحيت الدبش إلي لابستو نظفت حالتي و لبست الروب هذيكا كانت فوق الركبة بشوية غزرت في المراية برشا أحداث صارت في مدة قصيرة و موش عارفة شنوة يستنا فيا آخر شنوة مزلت ما شفتش و شنوة نوع العذاب إلي باش نتعرضلو تنهدت كان جيت سمعت كلام أختي ماللول ما يصيرليش هكة أنا واقفة نتحسر و تحل الباب راجل من رجالو دخل
-البوص حاشتو بيك تحرك قدامي
ڨحرتلو و خرجت قدامو و هو كبسلي على ايدي و يدز فيا قداش ما عندهمش قلوب عباد باردة كيما الآلات المهم دخلت لقيت البوص قاعد على كرسي و مرا لابسة العريان تعملو في مساج لأكتافو و هو ينفخ في الدخان قعدت قدامو نغزرلو مرة ليه و مرة للمرا مخيبها عاملة وشم على طول يدها شعرها قصير محجمو منو شوية على اليمين هز يدو يشاورلها باش تمشي ياجي خرجت و خرج الراجل معاها قعدنا وحدنا غزرلي شوية طفا السيڨارو و تكلم
-أختار تخدم معانا ولا تموت و تتدفن هوني
جاوبتو بدم بارد خاتر حياتي في الحالتين باش نخسرها
-ما فماش حل آخر؟ نروح و ما نقول شيء مثلا
ضحك ضحكة متاع سخرية بعد غزرلي و عاود تكلم
-شنوة خترت مالا؟
سكتت شوية مزلت نحب نعيش نحبش نموت بالطريقة هاذي و بالكشي تجيني فرصة نهرب منهم ولو أنها فرصة نسبتها ضعيفة أما مادام فمة أمل ما نسلمش فيه غزرتلو و جاوبت بكل ثيقة
-نولي معاكم
-مليح مالا ماليوم حياتك و ماكلتك نومك و كل خطوة تعملها أنا نتحكم فيها حتي الهواء إلي تتنفسو و كل غلطة بحسابها
-باهي بوص
تبسم تكاينو عجبو الخضوع متاعي
-مليح شنوة اسمك؟
-ر..رؤى
-رؤى... قدملي روحك عائلتك و شنوة تجم تعمل
-رؤى **** ما عنديش عائلة كان أختي سمر أنا نرسم و ماخذة ceinture noire في الكاراتيه
-مليح بالنسبة لأختك تو نزيفو خبر مماتك في حادث و اسمك باش يولي أمل و نزيفولك المعلومات إلي عليك لكل و تو تجم ترجع للبيت و ترقد غدوة تو نقلك على المهمة متاعنا
عملت أي براسي و هو عيط الراجل وصلني لبيتي و أنا قعدت على السرير نخمم أنا بالحق دخلت في دوامة كبيرة و ضعت في متاهة الخروج منها شبه مستحيل و أختي شنوة باش يصير فيها كيف تعرف إلي أنا متت تهبل باش تبقى وحدها كلو مني مانيش مسؤولة ضيعت روحي وتو باش نتحمل نتيجة تهوري و صحة راسي دموعي هبطوا الإحساس بالذنب باش يقتلني قعدت نبكي لين هزني النوم..
5
أنا راقدة و ما نفيق كان بسطل ماء بارد تصب عليا قمت مرعوبة موش فاهمة شيء اه رجعت للجحيم إلي أنا فيه حاليا تكلم الراجل
-قوم بدل برشا خدمة تستنا فيك
و رمالي دبش على وجهي روب سامل نوار و بلون لبستها و خرجت كيما العادة يدز فيا و كلام مرزي و بخس وصلت للبوص غزرتلو و هو شاورلي باش نقعد بدا يحكي
-مدام وليت معانا خلي تعرف اسم البوص متاعك حسام باش ندخل طول في الموضوع شفت الشكاير إلي ريتهم في الساك لازم نسافرو بيهم و أكيد باش تسافر بيهم حاجة صعيبة على هكاك باش تعمل عملية تزرع الشكارة في بدنك و العملية ماهيش صعيبة ساهلة و مافيهاش خطر بعد تسافر معايا على أساس راجلك غادي باش تنحي المخدرات من بدنك و بعد نرجعوا كلامي واضح
هزيت راسي قلت
-أي
قالي
-و اليوم باش نعلمك كيفاش تستعمل الفرد خاطر يمكن نستحقوه
أنا ترنثت نخاف من صوت الطلقة متاعو خلي باش نولي أنا نشدو نستعملو و نقتل بيه
-نخاف منو
لطخ على الطاولة بقوة و صاح
-ما تناقشنين
و تلفت الراجل
-هزها و تو نخلط
كركرني قدامي و أنا مسلمة أيست تو لازمني كيما الظل نتبع و ما ناقشش خاطر الخطوة بحسابها دخلني لبلاصة واسعة و فيها برشا مانكان فيها القريب و فيها البعيد قعدت نغزر للبلاصة و أنا وحدي هكاك و دخل هو من غير مقدمات حطلي السلاح في ايدي و أنا يديا طول رعشو بالخوف فاق بالتوتر متاعي
-كان باش تخاف ماكش باش تجم و باش تعبني معاك ما تخافش تو تتعلم كيما أنا تعلمت تو تستانس اكبس على الفرد و خوذ نفس
كلامو هداني شوية وقف ورايا و حسيت بملمس يديه على صوابعي و يتكلم
-شوف الفرد لازم تشدو هكة اليد هاذي موني ولخرى هوني و لازم الزاوية متاع ايدك و بدنك 90 درجة توجه نظرك للهدف متاعك تركز كان عليه نحي الأفكار لكل من مخك ما تخمم كان فيه و بعد أضرب
كان يحكي و فدر وقت يصلح في position متاعي نفس متاعو ماسس في رقبتي و هو مزيان للحظة حسيت روحي تضربت فيه أما الفكرة تلاشات كيف سمعت صوت الطلقة وقتلي نزل على صبعي و تكلم
-شفت هكة تصيب الهدف متاعك هيا ابدا جرب
و سيبلي يدي و وخر شوية سمعت كلامو و جربت أما أكيد موش باش ننجح مالتجربة اللولة ضربت بعيد و صحت فيسع مالفجعة و دموعي هبطوا
-لا رؤى لا موش هكاك ركز معايا تو
و عاود وراني كيفاش قعدت يجي ساعتين و أنا نجرب لين بديت نتعلم و بعد وليت نجم نضرب موش في الهدف قدقد أما كل مرة تجي في الكتف ولا في الكرش وفات الكؤتوشة اللخرة و ما جبتهاس لا في الراس ولا في القلب حتي مرة تنهدت و غزرتلو كنت متوقعة باش يعارك و يعيط أما
-باهي تتسما عملت حاجة باهية تو نكملو غدوة تو باش نتعداو للمرحلة إلي بعد صحيح تعرف تضرب أما حتى هوما قويين ولازمك تعرف تواجه بالڨدا ايجا ندربك شوية حتى تولي تعرف تدافع على روحك و أنت مرا تجم زادة تغري يسرحوا فيك و تضرب هكاك ما نحبش أغلاط خاطر الخطر يجم يواجهنا في أي لحظة
ما نعرفش علاش.كلامو حسسني بالأمان و تكينو خوفي اختفى بعد كلامو لا لا ما لازمنيش نخمم هكة مشيش نحبو..
6
دخلنا لبلاصة أخرى واسعة و فيها ماتريال سبور قعدت نغزر قالي
-باهي تو أحسبني أنا العدو و حاول تتصدى لضرباتي من غير ما تضرب باش نبداو بالأخف
نفيق بيه كان يقدم بزربة و يعطيني بونية على كرشي كان سريع برشا ما فقتش بيه حتى وقتلي ضرب ما خلتش نصدو
-لا ما تسرحش ركز خاطر لكل باش تلقاهم متدربين برشا يجموا بضربة يقتلوك فهمت أغزرلي و ركز
هو قدم و حب يضربني طبست تفاديت الضربة اللولة أما الثانية ضربني بساقو طحت شدني من ايدي وقفني و قعدنا نعاودوا لين تعلمت و بدينا في للمرحلة ايلي بعد أنا نضرب وهو يدافع و هو بالطبيعة كان قوي مالمستحيلات إني نغلبوا و بعد ولينا نتقاتلو الزوز و وفات وقتلي أنا طحت في القاع مالتعب و هو ما سلمش و عطاني ضربة طول و قال
-أنا ربحت ما لازمش تستسلم ماكانش تموت
و بعد وخر شعرو و نحى مريولو عرق نغزر لبدنو المخدوم أكتافوا عراض بالميسكل عندو وشمعلى شكل نار كان مغطي بالمريول في صدرو عندو طابلية شكلاطة و فورم بدنو مزيانة برشا مد منشفة و حطها ورا راسو و فاق بيا باهتة و فمي محلول تبسم و أنا تصدمت أول مرة يتبسم حسيت قلبي سكت لحظتها قربلي و طبس حط ايدو على دڨنونتي و سكرلي فمي و تكلم
-ما تسرحش و برا أهوكا دوش متاع بنات
و غمزلي و قام ما فهمتش يتمنيك عليا ولا يغازل فيا أما بصحتو من غمزة و تبسيمة حسيت روحي غرقت في بحرو و ما فقت كان كي ريتو دخل للدوش مشيت هزيت منشفة و دخلت عملت دوش خفيف لبست دبش سبور لمرة هاذي و خرجت شفتو قاعد يستنا فيا و يتكيف قربت و موش عارفة نتكلم ولا لا
-هيا صحة برا ارقد راك تعبت غدوة زادة نهار متاع تدريب و في العشية باش يجي طبيب العصابة يزرع المخدرات في كرشك
-ب..باهي
و مشيت دخلت لبيتي طول نعست دايخة بالنوم تعبت برشا ملي غمضت عينيا شفت عينيه و ضحكتو و غمزتو حليتهم فيسع و وجهي حمار قمت غسلت وجهي و نضرب في وجهي بشوية و نحكي
-فيق فيق يا مهبولة هذاكا إلي مزال تحب واحد هكاك أصلا تحلم كان يجي نهار و يحبك
تنهدت و مشيت غميت راسي و نعست ليل كامل نحلم بيه..
نكمل؟؟
7
قمت صباح بكري باش نتجنب السطل ماء إلي يفيقوني بيه عديمي الإحساس نحيت دبسي و لبست كلسون و مريول نوار باش نجم نتحرك فيهم مرتاحة و خرجت من بيتي تبعوني زوز رجال لين وصلت لقاعة التدريب شفتو قاعد و طفلة تعملو في مساج غزلت عليها قريب نعجنها كيف شافني تلفتلها مشات و قام مدلي الفرد في ايدي و قال
-تو كان تضرب 10 مرات جرت بعضهم في القلب ولا راس نتهنا عليك تجم تبدا
بديت كل مرة نوصل لثالث وإلا رابع و نضيع تركيز لين نجمت نعملها و ملي وصلت لل10 تبهللت و سيبت الفرد و غزرتلو نضحك قتلو
-سايي عملتها عملتها
قام ببرود و كلمات كانو أبرد
-هيا تو باش نتعداو للي بعد
هبطت راسي كنت نستنا حتى يقول "صحيت" أما لا.. تبعتو ساكتة و بدينا نتقاتلو ما نجمتش نضربو أما على الأقل دافعت على روحي بعد تعب دخل كل واحد دوش و بعد مشينا للجحيم وين دخلوني أول مرة و شفت عملية قتل على المباشر دخلت و شفت الطبيب قاعد
-عسلامة بوص عندي مدة ما..
-تو تجم تبدى تخدم خدمتك ما عناش وقت للحديث تفضل معايا لبيتها
كيما توقعت حسام ما يحبش ياسر الكلام المهم الخدمة عندو دخلنا و رقدت على السرير و حسام قاعد جنبي باش يكون حاضر و يتأكد أنو الطبيب موش باش يغشو أنا نغزرلو بعد ما حسيت بشيء و الدنيا ظلامت..
بديت نفيق حلت عينيا شفتو واقف قدامي يتكلم في البرطابل جيت نقوم ما نجمتش عندي وجيعة موش نرمال في كرشي اه مالعملية هو كيف شافني فقت علق و بقا يغزرلي غزرة درا كيفاش هبطت عينيا لقيت روحي بلاش مريول سوتيان برك تفجعت و جبدت الملحفة غطيت و قلت
-و... وينو مريولي ما تقليش ريتني
حط يديه في جيابو و تكلم عادي
-تهنا ما تحركتليش شعرة مستانس بالمنظر هذا و جرح مزال جديد أبقى هكاك
و خرج خلاني نغزل و نرحي أكيد مستانس عاد هو البنات بالڨروب معاه هات على شكون يرضا نفخت و تغطيت ڨرست و موجوعة موش منجمة نرتاح..
حسام:
من أول مرة شفتها لقيتها مزيانة و يمكن هذيكا مالحاجات إلي خلاوني نخمم نخدمها معانا خاطر الجمال مطلوب للإغراء و زادة خوافة موش باش تخمم تعصي أوامر كيف جربت دربتها ذكية و هذي لاحظتها عليها موش ساهل تتغلب على مخاوفك و تتعلم و فيسع ما تعلمت و حسب خبرتي في النسا نجم نفهم من عينيها أنها أعجبت بيا ههه و هذي حاجة عادية موش نفخة أما البنات ينجذبوا للراجل مزيان و القوي و كيف شفت بدنها وقت العملية أكيد تحركوا مشاعري أنا ما نظهرش باش ما تستغلش بدنها في إغراءي يمكن أول مرة نشتهي نقرب لطفلة هكاك خرجت من بحذاها و مشيت خترت طفلة هزيتها معايا للبيت باش نطفي ناري أول مرة نطول و نعدي برشا وقت في الفرش معا طفلة أما مخي كان في رؤى نتخيل فيها هي و أنا كان عيني نجم ناخو إلي نحب عليه أما نحب بارادتها و تخضعلي باش ما تمرجنيش..
رؤى:
معا نص الليل حسيت بريقي شايح و جعت و ما فما شيء ناكلو حليت الباب بشوية و تكلمت ظهرت راسي برك
-ج...جعت
-شنوة نعملك ههههه تطلب الماكلة زادة
-جعت برشا عيشك
تكلم إلي جنبو
-حسب حاجة ما تنساش البوص قاللنا عملت عملية و كان حبت حاجة جيبوها.
هبط و أنا دخلت ما قعدش برشا و دخل و أنا ما كنتش نتصور باش يدخل طول من غير ما يتكلم حط الماكلة قدامي و جاء خارج أما كيف غزرلي عينيه وساعو و قعد يغزر لبدني و تركزو على صدري..
8
و تركزو على صدري بلع ريقو و تكلم
-معلم مزلت مطول شوية عندي ما نعمل (و تبسم تبسيمة متاع خبث)
-لا خطاك أخرج و سيب علينا
-تي ما نطولش
و بدا يقربلي وهو متبسم وأنا نرعش وصل قدامي و جبدني بقوة ليه لصقني
-وااو قطعة موش نرمال
تقززت منو و خفت حاولت نجبد روحي و موجوعة أنا هو موش حاسس بشيء
قرب شفايفو من وجهي و بقا يبوس فيا من خدي و يقرب لشفايفي أنا طبقتهم على بعضهم و هو بدا يبوس فيهم بلهفة و أنا نبعد فيه و كيف جيت نصيح سكرلي فمي بايدو و دزني للفرش و عيط للي معاه شدلي فمي و هو نحى مريولو و هبطلي سوتيان و بدا يتلمس و أنا نبكي و نتلوى ما نجمتش مالوجيعة ماشية و تزيد في كرشي و بعد بدا يهبط في السروال و نحى سبتت سروالو و أنا نرعش و بعد خطرت ببالي فكرة عضيت راجل إلي شاددلي فمي و صحت بأعلى صوتي تنرفز إلي حب يعتدي عليا و ضربني بكفين و دزني طيحني من فوق الفرش و جاء باش يزيد يضرب أما ما سمعت كان بكرتوشة و طاح ميت البوص جاء و أنقذني ضربو قبل ما يكمل يقتلني و تلفت للي معاه ضربو ببونيات على وجهو دمدمو خرج يتطايح و جاني لقاني غاطسة في دمي الجرح تحل و أنا ما فقتش تبسمتلو كيف شفتو قدامي و غمضت عينيا..
كيف فقت لقيتو قاعد جنبي تكلمت
-ب...بوص شنوة صارلي؟
غزرلي و جاوبني
-شيء لاباس الضربة ما جاتش في كرشك أقعد ما تتحركش حتى لغدوة
-عيشك كان موش أنت أنقذتني ولا راني... (و دموعي هبطوا)
-أنا أنقذتك خاطر مزلت حاشتي بيك
و تفادى أنو يغزرلي و خرج كلامو زاد قلقني و قعدت نبكي لين هزني النوم..
حسام:
بعد ما كملت معا المرا عطيتها بالظهر و نعست و ما فقت كان على صوت صيحة متاع رؤى تفجعت عليها ما فقت بروحي كان نڨزت من فرشي و خطفت فرد و خرجت كيف دخلت لبيتها و ريتها في القاع ناري شعلت ضربتو طول ما نجمتش نحمل نراها هكاك ما نعرفش شنوة خممت لحظتها أما فقدت أعصابي المهم ننقذها بعد كيف شكرتني ما حبيتش نظهر إني تفجعت عليها جاوبتها ببرود و مشيت كيما العادة نتجنبها خير..
رؤى:
بعد ما قمت حسيت روحي خير مرتاحة و نجم نتحرك و نمشي دخل البوص و قالي
-أفطر و بدل الفاليز متاعك حاضرة تو ما نحب حتى غلطة اليوم باش نسافروا أنت أنا مرتي اسمي أحمد ***** رجل اعمال و عنا عقارات في ***** مشينا باش نتفقدوا الخدمة نعديوا أيامات في الأوتيل نعملوا خدمتنا و نقعدوا شوية باش تبعدوا الشبوهات و نروحوا
-باهي فهمت
-صحيت تو أفطر و بدل
و خرج قداش مبردو ما يعرف كان يخدم كهو ما يغزرلي كان أكا الغزرة الحادة و كلامو ديما بارد و ينرفز ناكل و نحكي وحدي محموصة منو قمت بدلت و هبطت لبيتي كانت مذخمة مرت رجل اعمال و هو زادة يفتق بالزين و يسحر موالمو بالكوستيم عاللخر مدلي خاتم لبيتو و هو لبس خاتم عرس و خرجنا ليموزين تستنا فينا.
Nal9a tafe3ol nkmll
9
ركبنا و أنا متوترة برشا و يغزرلي مشبكة صوابعي جيت نتكلم بعد تراجعت خفت كان يتنرفز أم هو كان يغزرلي على جنب بعد يتلفت للشباك و كي وصلنا للمطار تلفتلي قالي
-ما تشلقش إلي أنا متقلقة عادي ما يفيقوش بيك باهي
-ب..باهي
هبطنا و دخلنا للمطار نتبع فيه و نغزرلو سابقني وانا حاسة روحي كل ما نغزرلو نرتاح و الخوف يختفي متقوية بيه خاطرو خبرة (باش ما نقولش مضروبة فيه ههه) طلعنا في الطيارة تعدات الثنية راقدة حتى لين فيقني هو و هبطنا كل شيء حاضر دقائق و كنا في الأوتيل أنا واقفة جنبو قريب ندوخ بالسفر متقلقة و ناقصة نوم و بعد وذنيا وقفت و حسيت برعة في بدني شوية ما دخت كي سمعتو قال
-بيت وحدة أكيد مرسي عليك
جمدت في بلاصتي و قعدت نغزرلو باهتة يعني أنا باش نرقد معاه فرد بيت؟؟ علاه؟؟ يحبني ندوخ تي أنا هكة و شادة روحي بالسيف خلي باش نبات معاه يحب يشلني السيد.. فاق بيا باهتة قلي
-هيا عزيزتي موش باهية لبهتة
-ههه اي اي
موش عارفة كيفاش نطقت كل مرة يزيدني في الدوزة رغملي تمثيل أما أنا قلبي موش متقبلها و كلمت عزيزتي ذوبتني و خلات دقلت قلبي تتسارع بديت نمشي جنبو لين وصلنا للبيت دخلت ميهورة واسعة و مزيانة أما مشكلة سرير واحد بو بلاصتين يا عيني يا عيني ههه تلفتلو قتلو
-ح...حسام
-أحمد
-شنوة
-انسى كلمة حسام تفاهمنا
-أحمد شكون قبل أنا ولا أنت؟
غزرلي غزرة ما فهمتهاش و تلفني جملة و اوب بدا ينحي في بالكوستيم و يحل في السورية و أنا معا فلسة تتحل نزيد نذوب و بعد حل فلسة السروال و أنا دخلت بعضي و هزيت فاليجتي و عطيتو بالظهر و تكلمت
-أنا تو نبدل في الدوش
-أمممم
حسام:
ملي دخلنا للبيت فقت بيها حاشمة و أنا نشيخ عليها كي تدخل بعضها هكاك و حبيت نستفزها أنا ما نعرش كان هو إعجاب ولا شهوة أما قربها ديما يشعل فيا النار و كي لقيت روحي معاها فرد بيت قريب لا كليتها أما تعلمت نشد روحي و ما نظهرش مشاعري لحتى مرا...
رؤى:
دخلت نبدل الصدمة الثالثة كلها روب يحشمو متاع دار و لبسة تكيني معرسة جديد من جيهة حاشمة و من جيهة نغزل فرغت الفاليز ة شيء كلهم هكاك عاودت لميت دبش و خرجت وهو كان لابس شورت و متكي ماخذ راحتو غزرلي و بعد تكلم ببرود
-شبيك ما بدلتش
-بطلت
-دبر راسك (و قام يلبس في مريول) ماشي نجيب حاجة تتاكل
-لا احساس لا ضمير و أنا نموت بالجوع (نتمتم وحدي)
قربلي و قلي
-شقلت؟؟
-شيء قلت صحة
دار و ما جاوبنيش خرج و خلاني وحدي ملا راحة ينرفزني حركاتو كلامو غزرتو برودو تكاينو روبو متحرك نتسائل عندو قلب و مشاعر كيما عباد ولا لا تعرفش كيفاش نمشي نعمل دوش فماش ما يطير عليا الغش..
عبيت البانو و قعدت كلي رغوة ما نعرش قداش قعدت أما رتحت شوية متكية سارحة ساعات نغني ساعات ندعي بيه ساعات نتفكر نهاري قمت باش نمد المنشفة و اوب يتحل عليا الباب قعدت نتبهلل موش مصدقة زدم عليا كيما الحاكم و أنا في المنظر هذا أكيد بديت نصيح و نعارك من غير ما نشعر
-اخرج اااخرررج كيفاش تدخل تي دق الباب ماني ظاهرة هوني
وهو نرمال تكينو موش حاسس بعملتو تبسم و سكر الباب و تكلم كيما العادة غرورو و شموخو
-قتلك و باش نعاودها أنت ما تحركش فيا حتى شعرة عادية عاللخر
و أنا قعدت مصدومة مالموقف شافني موش لابسة شيء و زيد صحت عليه كان ما ضربني بكرتوشة و أنا خارجة بديت نلف في روحي بمنشفة و نقول
-مالا ما نحرك فيك حتى شعرة والله لاما نهببك ما تجمش توصلي يا أنا يا هو اليوم....
10
سمعتو قالي
-اليوم عندي ما نعمل باش نشوف وقتاش يوصل الراجل لاخر ماشي تو
و خرج أنا لحظتها خرجت لافة المنشفة و جبدت شعري و خترت أكثر روبة سكسي و كي قرب الليل طشيت برفان و حطيت روج و دخلت للدوش نستنا فيه يجي سمعت الباب تحل دخل نغزرلو من وراء الباب بدل و أنا دايخة في بدنو هو تكا و أنا خرجت نتبهنس حسيت عينيه وقفو تكينو يشوف في مرا أخرى قعد يغزرلي حتى لين وصل لعينيا إلي كانو يشعلوا بالشماتة بلع ريقو و دور وجهو و ما تكلمش ما سئلش حتى شبيني لابسة هكا مزال ليل طويل تو نشعفك جيت قدامو و قعدت نمشي و نجي زعمة زعمة نظم و نلوج في دبش و شارجور وهو يتبع فيا بعينيه حتى أنا قريب نڨز في حضنو هكاك و أخيرا سمعت صوتو
-أعملي مساج
-م...مساج لا علاش
-تقريب ناسية روحك معا شكون تحكي زيد كلمة أخرى بعدي كان تجم أنا مستانس هكا نعمل مساج قبل النوم
قربتلو و قلبي حاستو سايي عبارة كتلة متاع نار قدامي تحرقني كل ما نقربلها قعدت وراه حاشمة و داخلة بعضي و يديا يرعشو خذيت نفس باش نتشجع مشيش ندوخ..
حسام :
دخلت فادد راجل إلي نستنا فيه عمل روتار و أنا نكره التكركير و بعد كرهبتي طاحت بان دخلت للداى نشم في البارفان تجلب عجبتني تكيت و نلوج فيها بعينيه و اوب تكونسيت كيف شفتها أنوثة زين و بدنها صدرها شفايفها و عينيها كل شيء شعلني شوية لا كليتها حاولت ما نغزرش ما نجمتش غلبتني هههه بعد كي فقت بالتحدي إلي ظهر في عينيها فهمت و قررت أنا نشعلها موش هيا و نشوفو شكون يرضخ للاخر قررت نزيد نقربها تسببت بالمساج أما كي بدات تقرب كتلة متاع إغراء متوجهتلي ما نعرفش كيفاش سيطرت على روحي ستويت القعدة و قلت خلي نشيخ عليها شوية مادمني فادد...
رؤى:
أنا سرحت في أكتافو العراض قعدت باهتة
-رقدت؟ قالها بسخرية
حطيت يديا على أكتافو و رعشة سرات في بدني و بديت خدمتي لا نزيد ناكل على راسي و مشلقة داخلة بعضي وهو حاستو متشمت نزلتلو على أكتافو بظوافري شماتة شيء ما نفعش لصقت فيه أكثر لين صدري مسو و قريب لوجهو وهو والا حركة تي أنا إلي شاعلة أما موش مسلمة تكلم هو
-هكاك هو مساج شبيك تخبش
ما جاوبتش و هبطت لظهرو و أنا نرعش وهو حسيتو دافي قريب نعنقو حرب أعلنتها أنا و باش نخسر فيها هكاك و حط يدو على فخضي قلت سايي طاح أما سي سيد طلع أذكى عدى ايدو على فخضي بعد كمل على الفرش و مد كوموند و حل التلفزة ااه والله واطي ماسط منحرف و زيد يقرص و ايدو تحتو نخنقو و نرتاح هزيت راسي باش نسألو يزي ولا لا أما بكشت حط فيلم روعه هههه منحرف قعدت نغزر للقطة الرومانسية و هبطت راسي.
11
عقلي طار من راسي تكلم هو
-شبيك وقفت كمل
قعدت ساكتة و ما فقت بروحي كان لفيت يدتا عليه و نعدي فيهم على صدرو و طابلية شكلاطة و أنا وراه..
حسام:
ملي بدات و أنا نمشي و نزيد نشعل قلت نزيدها شوية نتلمس بكشي طيح و شيء باقي تكسح في راسها حطيت فيلم آخر حل عندي بكشي تتغلب و فعلا ملي وقفت على المساج فهمتها تبسمت تبسيمة المنتصر قلت نزيد و حست بيديها كان تلفت بيا ما كنتش نتصورها باش تعملها أما داخت فيا كهو...
رؤى:
قعدت شادتو و ساكتة نستنا فيه يعمل أي حاجة حتى يشدلي ايدي وهو باقي يجبد بالمرتاح
-شنوة رؤى
تكلمت بصوت ذابل
-كهو
-شنوة كهو؟
-ك...كهو تغل... تغلبت
دارلي شافني حدودي كيما طماطم نغزرلو مرة و نهبط راسي مرة نغزر لعينيه دارت على بدني لكل و قرّب يديه عداهم على بدني كرشي صدري رقبتي شفايفي و قربلي تكهربت غمضت عينيا و قرّبت شفايفي و هنا كانت المفاجأة تكلم بتمسخير و قالي و نفس متاعو سخون في وجهي
-ما تلعبش لعبة ماكش قدها تلعب بالنار تكويك
و طبع بوسة على خدي و قام شنوة إلي صار تو؟؟؟ حليت عينيا مصدومة مزلت شاعلة وهو صب عليا الثلج كيما العادة عطاهالي لا تقرى لا تكتب قعدت مبهمة معناتها يجاري فيا باش يربحني و في الاخر يحقرني و يقوم تكاينو كان يضحك عليا و كهو دموعي هبطوا قعدت نمسح فيهم و هوما موش حابين يفكوا كان ما يجيش نهار و نرجعها ما إسميش رؤى لاما نحرقوا كيما عملي..
حسام:
كيف درت و شفتها ضعيفة قدامي تحبني نقربها و سمحتلي نمسها قربت باش نعمل إلي نحب بعد تذكرت نظرة التحدي متاعها رغم إلي عمري ما شتهيت طفلة هكاك و عمري ما شعلتني طفلة كيفها حبيتها تعرف إلي أنا ما نتحداش و كي قمت من بحذاها تكينها مغناطيس يجبد فيا أما تقويت خاطر متأكد تو نقربها أما هيا قنبلة ههه
12
رؤى:
خليتو دخل للدوش و أنا تمديت غرست وجهي في المخدة و قعدت نبكي لين هزني النوم و في الصباح قمت بديت نحل في عينيا لقيت روحي راقدة فرد فرش معاه قعدت نستوعب في الفازة و بعد نڨزت طول و تكلمت
-ش..شتعمل بحذايا
بدا يتململ و جاوبني عين محلولة و عين مغمضة
-مالا وين تحبني نرقد؟
سكتت ما لقيت ما نقول و تفكرت ليلة البارح ڨحرتلو و دخلت للدوش غسلت وجهي و ريڨلت حالتي و بدلت دبشي لقيتو سايي طلب الماكلة مدلي القهوة و تكلم
-تشرب فيسع تو باش نمشيوا للطبيب و تعمل العملية باش نخرجوا المخدرات ما لازمش تزيد تبقى و عنا صفقة في الليل
اوميت راسي بالموافقة و أنا نغزل عليه كل ما نتفكر نتمنى نڨز عليه نخنقوا ما نجمش نفهموا كملنا الفطور و خرجنا اليد في اليد تمنيت كان جات هاذي الحقيقة و أنا مرتو موش هو بوص متاع مجرمة و أنا مخطوفة و ملزوزة ثنية كاملة سارحة نخمم في المستقبل في إلي يستنا فيا و فيه قص عليا حبل الأفكار
-وصلنا عزيزتي
شديتو و دخلنا يلوج بعينيه و سأل الممرضة على الدكتور عبد الحق **** قتلو تبعني دخلنا الغرفة متاع العمليات الطبيب
-مرحباا بيك بوص (و ضحك ضحكة صفراء)
-أبدا خدمتك
رقدت أنا و خايفة مخدرات في أحشائي و نجموا نتباصاو بديت نرى في الدنيا ظلمة خدرني تكلمت بصوت متقطع
-ما..ت..خليني..ش. و..وحد..دي
و دخلت في سبات و كي فقت لقيت كل شيء وفا و لاباس تعدات علي خير و حسام لا سأل عليا لا همو تلفتلي
-خوذ نفس نجيبلك تاكل حاجة و نمشيوا نوصلوها للسيد
-ما عينيش في الماكلة
تنرفزت ملا برود فيه يحمصني حاسة روحي لعبة بين يديه يحرك فيا على كيفو طفاني و مشا جاب الماكلة و حطها قدامي و أنا باقي نتعزز و هنا تصدمت فيه هز و حب يوكلني هو تحول من إنسان بارد عديم لٱحساس لواحد حنين و دافي قعدت ناكل من يديه معاش نجم نعاند أول مرة يعمل حاجة لعبد كيفاش نرفض تمنيت كان اللحظة ما توفاش و نبقا معاه في حالتو هاذي موش وقتلي يبدا صعيب و ما عندو وين يدور الريح كملت قام و من وراه تاعبة شوية أما سافا فماش وجيعة..
روحنا خلاني نعست شوية و قمت على صوتو ماشي و يعلى يهدد و يتوعد هزيت روحي و قعدت نغزرلو لابس شورت و يمشي و يجي قدامي يسب و يعيط يد في البرطابل و يد يعدي فيها على شعرو
-شتقصد فهمني بالك أنا معاش نسمع (هدوء ما قبل العاصفة)
-.....
-شتقصد تخوبث علينا اااه فهمني أنت ملا بهايم ط**** نخدم معاهم
-.....
-عملت عليكم باش تختاروا واحد ما يغدرش كيفاش غشوكم كان ما تتحلش نقتلكم واحد واحد دين ****
و لطخ البرطابل على الحيط كسوا متوتر و يمشي و يجي منرفز يتهز و يتنفض و غزرلي لقاني ماني فاهمة شيء قعد على حافة الفرش يحك في لحيتو و ينفخ..
13
يحك في لحيتو و ينفخ تشجعت و تكلمت
-ح..حسام شصار
غزرلي غزرة متاع توتر و قلق و رجع دوّر وجهو عاودت تكلمت
-هكة ما نجموش نحلوها أحكي شصار فما حاجة (كنت خايفة فهمت أنو فما تغير ما يفرحش في الخطة و خفت على روحي و عليه)
-عدوي عمر لعب لعبة و واحد مالخونة إلي يخدم معايا حكالو على العملية و دبر طبيب يخدم في ذمتو عمل فيديو أنا وقتلي هازز المخدرات في ايدي و نخلص في الطبيب و طلب نتنازل على كل شيء ليه ولا يهزو للحاكم و يدملي حياتي
أنا قعدت باهتة ملي سمعتو و حسب ما فهمت أنو أنا موش ظاهرة في الفيديو يعني حاطط على للهدف متاعو كهو كيفاش تعدات على حسام إلي ما يعديها عليه حد
-و ما فماش حل؟
-حسب ما قالولي هو في نفس الأوتيل متاعنا نخمم ندخل وحدة مالبنات لبيتو و تلوج الCD لازم نلقاوه قبل ما يفوت الفوت سنين نخدم في المجال هذا باش نخسر كل شيء ما يزيش قتل..
و سكت أنا انتابني الفضول و سئلت
-شكون قتل
-حاجة تخصني خلي نشوف طفلة ملي معانا تخدم الخدمة
جاء قايم شديتو من ايدو و تكلمت بكل ثيقة
-أنا نمشي
-لا أنسى
-لا ما تجمش تخاطر تجم تغدرك هيا زادة لازم ناخذو حذرنا أوثق فيا
قعد يغزرلي ساكت يخمم أكيد باقي ما عندوش ثيقة فيا يخاف نغر بيه أنا البهيمة إلي خايفة عليه...
حسام:
كنت خايف توترت عمري ما تشدت عليا حاجة كان نعرف شكون غدرني برك لاما نقتلو و تو كيف قاتلي تمشي هي حسيت بدقة في قلبي خفت عليها عمر ما يرحمش يقتلها كان يفيق من غير ما يتردد أول مرة نحس هكة تجاه طفلة أما عندها الحق يجموا يغروا بيا و هي الأمل الوحيد و لازم نسبق خدمتي على عواطفي تعلمت هكة قررت نقبل أنها تقوم هيا بالعملية
-باهي أمشي
-عرفتك باش تقول لا خاطر ما... استنا شقلت؟؟
-قتلك أمشي أما تصيرلك حاجة تلوم كان روحك ما نحب حتى غلطة
رؤى:
ما فهمتوش يهدد فيا و إلا خايف عليا في الحالتين مقتولة يعني ههه أما فرحت معمل عليا باش نقوم بيها تبسمت و قتلو
-باهي شنوة مطلوب مني؟
-اليوم في الحفلة باش تلبش أحلا ما عندك و تزين هو فيسع ما يطيح في المنداف حاول تجلب انتباهو اسحرو و حاول تتقربلو تو أكيد يهزك معاه أغريه و نومو و لوج على CD و تو نحطلك كاميرا في الروب باش نتبعك كان صارت حاجة نتدخل
-باهي مفهوم..
14
غزرلي و بعد قام و قال
-و ما لازمش يشوفني معاك أنت ابدى حضر روحك معاش وقت
و مد برطابل جديد و كلم واحد من رجالو و خرج يحكي معاه و أنا بديت نختار في اللبسة إلي باش نلبسها بعد شديت وحدة و تبسمت هاذي هي و ريڨلت شعري و حضرت روحي عملت برشا بارفان تفتق و قعدت نلبس في الصباط دخل حسام
-قوم سايي هبط للحفلة و...
عينيه وساعت قعد يغزرلي من راسي لسقيا و سارح فيا باهت و أنا حشمت من غزرتو ليا يبست في بلاصتي و ما عرفتش شنعمل
حسام:
كيف قالولي إلي هو سايي في الحفلة طول مشيت لرؤى باش تبدى الخطة أما ما فيباليش باش تسحرني أنا قبلو من غير ما نراها شميت البارفان متاعها أثرت فيا و كيف شفتها عقلي طار حتى الكلام هرب من فمي قلبي بالوقت حسيت الدقات متاعو تسارعت بديت نقدملها من غير ما نتكلم...
رؤى:
من غزرتو حسيتو عراني و كيف بدا يقدم لناحيتي وخرت بخطوات و تحصرت في الحيط قرب وجهو من وجهي قلت أكيد يتمسخر عليا كيما عملي الليلة إلي فاتت شبكت صوابعي في بعضهم و هبطت راسي أما هو حصرني بايد في الحيط و ايد هزلي بيها راسي و عينيا ولاو مقابلين عينيه و قرب شفايفو من شفايفي و أنا حسيت برعشة دقة جديدة في قلبي حتى شقيا رعشو المرة هاذي حط شفايفو على شفايفي حسيتو باسني برغبة بشوق تكاينو يستنا فيها اللحظة هاذي و أنا موش مصدقة غمضت عينيا نفهم في الإحساس الجديد إلي انتابني و بعد بعد عليا نسمع في النفس متاعو يغزرلي لعينيا و بعد فاق إلي أنا سايي باش ندوخ بعد عليا و تكلم بصوت بارد شككني أنو موش نفس الشخص إلي باسني تو زايد غرورو باقي هو ما تبدلش
-ما تبهتش برشا فماش طفلة في العصابة ما قربتهاش هاذي تصويرتو ثبت فيها و اهبط
قعدت نغزرلو نتبهلل باقي ما فقتش مالحلمة مسحورة
-باش تبقا باهتة برشا؟
دخلت بعضي و هزيت التصويرة قعدت نغزر و موش مصدقة حتى هو بوڨوص مزيان عاللخر عينيه و شعرو و بدنو تصويرتو خارج مالبحر ثبتت فيه مليح و رجعتلو التصويرة و خرجت من غير ما نتكلم ولا نغزرلو حالل فيا حرب باش يهبلني بالتقابل متاعو حد ما يفهمو غامض برشا باش يخرجني من عقلي..
حسام:
المرة هاذي الشيء كان أقوى مني ما لقيت روحي كان نقرب لين انغمسنا في أحلى بوسة ما نجمتش نقاوم الجاذبيه متاعها و ما فقت كان كيف حسيتها باش تدوخ بين يديا لازم نتدارك الوضع و ما نخليكش مخها يمشي لبعيد...
رؤى:
هبطت للحفلة لوجتو لعينيا لقيتو قدامي تبسمت..
15
غزرت بعينيا لقيتو قدامي بديت نقدم بكل ثيقة و وقفت قريبة منو طلبت شراب (باش نتظاهر إني نشرب) و هو كان يتبع فيا بعينيه عراوني كلاني بغزرتو رغم إلي معاه طفلة زايد الرجال عمرهم ما يشبعوا بدات غناية مزيانة مشيت نشطح مقابلتو مني كنت نتمايل بحركات تغري أي إنسان يغزرلي حسيت النظرات لكل متوجهة ليا بإعجاب غمضت عينيا و قعدت متشمتة حسام يتفرج مالكاميرا زعمة شنوة إحساسو أنا هكاك و حسيت بايد تحطت على كتفي و هبطت حتى شدلي ايدي تلفتت لقيتو عمر ههه تمت المهمة بنجاح درتلو تكلم
-مادموزال (و باسلي ايدي) نجم نشاركك الرقصة الحلوة
تبسمت و جاوبت
-أكيد
كان موش نعرف خمجو و حقيقتو ولا نصدق إلي هو gentil حطيت يديا الزوز وراء راسو هو لف يديه على حزامي و لصقني قعدنا نسطحو و عينيه مركزة في عينيا الوقت لكل كانت نظرتو حادة شخصيتو القوية و خبثو متخبي وراء تبسيمة صفراء تكيت راسي على كتفو حركاتنا كانت متناسقة بديت نحس في يديه تتعدا على ظهري قريب نكمل المهمة متاعي...
عمر:
هبطت نبدل في الجو بعد النصر متاعي باش نرتاح من عدوي حسام هههه كنت نشرب و شايخ دخلت طفلة رهوجتني كانت مزيانة تجلب و خطوتها ثابتة قلت كان نكمل ليلتي معاها نولي أسعد إنسان كيف شفتها تشطح عرفتها فرصتي نجم نتقرب منها في الاخير أي مرا نحب عليها ناخوها قربت منها ريحة برفانتها سحرتني و كيف لقيتها بين يديا معاش صابر عليها أكثر...
رؤى:
بعدت و غزرتلو في عينيه كانو مركزين على شفايفي و بدا يقرب حطيت صبعي على شفايفو منعتو غزرلي متسائل تبسمت و قلت
-موش هوني ( و غمزتلو ) نطلعوا للبيت
ضحك بخبث تكاينو يستنا فيه قصيت قصة عربي و وفرت عليه عناء المقدمات شدلي ايدي و كركرني معاه و يتكلم
-ليلة نار اليوم محلاك
و أنا نتمتم
-من ناحية نار نار
دخلت معاه للبيت مزلت ما خذيتش نفس حسيتو لصقني من تالي و حوطني بيديه و بدا يبوس فيا من رقبتي ترهوجت و خفت كان ما نجمش نعمل المهمة متاعي حاولت نجاريه
-ههه لا موش طول استنا خلي نشربوا حاجة
-أمممم لا
و باقي يبوس فيا و أنا متقززة هو مزيان و قوي أما قلبي موش ليه بدا يدز فيا لجيهة السرير لين طحت و جاء فوقي نحى المريول و رجع عنقني و أنا باش ندوخ شلزني و زيد البوص يتفرج كان ما فجرلي دماغي اليوم هو جاء يطلعلي الروبة و أنا شديتلو ايدو غزرلي باهت حسيت شك فيا قعد يستنا فيا باش نتكلم و مركز في صدري ما لقيت ما نقول طلعتلو ايدو لحزامي و جبتو ليا بستو من شفايفو و هو نسا الفازة و شوية و عاود هبط يديه أنا بعدت وجهي و تكلمت
-نحب نشرب حاجة
-خلينا تو بعد
و قرب شفايفو هرّبت وجهي و قتلو و أنا نعدي في صبعي على صدرو بصوت كلو دلال
-خلينا نشربو حاجة
-باهي
حسيتو ما عينوش أما يتفلق المهم ما شلقش بيا..
16
المهم ما شلقش بيا جاء باش يقوم شديتو
-خليني تو نصب أنا و نشطحلك و أنت تشرب
تبسم عجبتو الفكرة تكا و تكلم
-أهمكا في البيت الغادي
مشيت مديت دبوزة و صبيت كاس ليا و كاس ليه حطيتلو المنوم و خرجت متبسمة حط عناء و قعدت نشطح وهو يتفرج فيا و يشرب لين معاش فيه قاملي
-كهو يزي معاش نصبر
خطفني و باسني بعد حسيت راسو بدا يدور و طاح فوقي دزيتو خليتو فوق الفرش و بديت نلوح في CD طليت في الخزانة في البيت في كل بلاصة ما فماش شيء وقفت وسط البيت نخمم مفعول الدواء ما يبقاش برشا شنوة الحل بعد عينيا لمعت شفت البيسي في اليت الثانية زعما موجود غادي طليت تبسمت لقيتو خلاه في البيسي حليتو شفتو تهنيت إلي هو و سكرت البيسي خرجت و جيت باش نحل الباب أما حسيت بايد خطفتني بقوة و كف قوي علي خليقتي
-قول لسي حسام موش باش يعديها عليا كاميرا في الروب متاعك
و مدها من بحذا صدري يضحك
-و تو ودع حبيبتك
قالها و هو يغزر للكاميرا و عفس عليها و شدني من شعري لصقني ليه و أنا نرعش
-و أنت مزلت ما خذيتش إلي حاشتي بيه
و لصق شفايفو على شفايفي و أنا ندر فيه و نفارع ما نفعش حسيت شفايفي باش يتقلعو كان يبوس فيا بشوق و غل في نفس الوقت شماتة و شهوة إعجاب بيا و انتقام من حسام حسيت ايدو تمس فيا لوطة سقيا و تطلع في الروب و يحكي
-استمتع خير قبل ما تموت
و رجع لرقبتي و أنا نبكي الباب تخلع و دخل حسام بفرد في ايدو دزو من فوقي بساقو و وجهلو الفرد
-ما تتحركش خيرلك
جبدني من ايدي و جاء خارج أما عمر مد فرد من تحت المخدة و ضرب طول جات في ساقي طحت و حسام تفجع سيب الفرد من ايدو و شدني
-ر..أمل قوم قوم تحمل
و عمر وجه الفرد لحسام أنا تفجعت و صحت عليه
-لاباس برا امشي فيسع أنت أهو CD أمشي
عمر كان يتفرج و يضحك تكاينو يقلنا خوذوا وقتكم و ودعوا بعضكم
حسام هز الCD و خطف الفرد بحركة سريعة و أنا كيف شفت عمر سايي باش يضربوا نڨزت عنقت حسام و صحت
-حسام لااااا
و غمضت عينيا سمعت صوت طلقة فيبالي سايي متت ههه سمعت صوت حسام
-أمل فيسع نڨز معايا مالشباك ما تخافش
أنا قعدت باهتة فحسام نغزرلو ما تحركتش يعني حسام كان أسرع و ضربو قبل سمعنا جماعة الsécurité جايين حسام هزني في حملتو و نڨز مالشباك طول و أنا موجوعة بساقي هبطنا على حاجة طرية الجماعة كانو يستناو فينا حطني في الكرهبة و بعد ما فقت كان و أنا في بيت و ساقي ملفوفة و حسام قاعد و شاددلي ايدي متوتر تكلمت
-حسام لاباس؟
غزرلي بلوم
-أنا نسألك موش أنت قتلك ما تمشيش فجعتني عليك
ضحكت
تنرفز و كبسلي على ايدي
-شنوة يضحك فيك كنت باش تموت و تزيد تنڨز قدامي كان جات فيك
تبسمت و هزيت ايدي شبشبتلو شعرو و تكلمت و أنا نضحك
-هاني لاباس ههههه شوف وجهك كيفاش خايف مش كنت عديم الإحساس محلاك هكة
ما نعرفش كيفاش خرجت من فمي ولا كيفاش تشجعت أما للحظة رجعت رؤى البليدة الشايخة كيف شفت خوفي و غزرتو أول مرة نعرف أنو عندو قلب بعد فازتي حسيتو قعد سارح فيا ما تكلمش و بعد عنقني بقوة ضمني ليه و قعد معنقني ما حبيتش نتكلم و نفسد اللحظة في اللخر باش يرجع بارد نعرفو حفظتو بعد مدة سيبني و تكلم
-اليوم نهزك معايا و ترتاح لازمك نهارين راحة عندي دار تو نمشيولها أيامات و نرجعوا لتونس
و خرج..
Libnet a9al min 50 j'aime w50 commentaire mnkmlch
17
حضرت روحي و جاء هزني ملي دخلت للدار بهتت مضخمة مزيانة و كلها أثاث منظمة برشا و سمعت حركة في الدار لصقت فيه ولات أي حاجة تفجعني بعد إلي صار معاش نستغرب شيء
-ههه شبيك الخدامة تنظم و باش تتلها بيك
بعدت عليه وجهي أحمر و زيد ضحكتو حركتلي مشاعري أول مرة نراه يضحك متأكدة في داخلو إنسان آخر أنا موش حابب يظهرو عاوني في الطلوع للبيت حطلي دبشي و عيط للخدامة كانت مزيانة و لابسة روب قصيرة و صدرها على برّة خدامة ولا تمثل في فيلم إباحي هزيتها و حطيتها و هي عينيها مركزة على حسام قريب تبوسو قدامي قعدت نغزل و هو تكلم
-ليلى باش تتلها بيك و تجيبلك أي حاجة تحتاجها النهارين هذوما
جاوبت بغزول
-باهي
وهزيتها و حطيتها و هيا نفس الحركة عملتها زوز موش طايقين بعضنا قلتلها
-برا نحب نبدل دبشي
خرجت وهو قعد واقف
-و أنت؟ (سئلتو متعجبة)
-أنت قلتلها هي برك تخرج
-ن..نحب نبدل د..دبشي
خرج و سكر الباب و هو شادد الضحكة عليا أنا نحيت دبشي وهو دخل عليا تكونسيت ثالث مرة كان موش أكثر يشوفني ملا مصيبة
-فيبالي كملت
و رجع خرج و أنا ما نجمت نقول حتى كلمة و طول هبطت عينيا نشوف شنوة لابسة هو شاف شاف المهم لابسة النوار لون مزيان هههه لبست روب مالخزانة كانت قصيرة أكيد الخدامة من اختيارها يحشم الدبش خرجت مالبيت للعشاء و أنا نهبط في الروب قعدنا وهو مرة يغزرلي مرة يهبط راسو الهم كان موش هالبقّة إلي قاعدة راو باسني لتو نتفكر بوستو لازم نحس أنو يحب عليا باش ناخو بثأري و يرى إني ما نتقاومش كملت العشاء و الخدامة قامت تلم في الطاولة و طبست عليه صدرها محسوب في وجهو تبسمتلو و قالت
-نحب حاجة أخرى
-لا
و هو يغزرلي أما أنا غزلت منها و هو حسيتو يڨحرلي شوية ما فهمتش علاش أما طفيت الضوء..
حسام:
كيف شفت رؤى بين يديه و يبوس فيها قربها أكثر مني و حسيتها متفاعلة معاه كنت باش نفسد الخطة. نمشي نقتلو أما شديت روحي شفتها كيف باستو و بعد تفجعت كيف شدها خرجت كيما المهبول ما تهنيت إلا ما عرفت إنها لاباس خاصة بعد ما نڨزت قدامي و تو قعدت متقلق نحب نقربها نحبها ملكي رغم إلي كانت تمثل أما أنا ما حبيتش يحط ايدو عليها...
رؤى :
طلعت لبيتي نعست معا نص الليل تحيرت من النوم ساقي توجع برشا..
18
بديت نمشي على طراتش صوابعي باش ما يحسوش بيا طليت شفتو قاعد يتكيف و يتفرج في فيلم وهي ماشية جاية هاي طبست هاي قربت هاي تعدات قدامو تحب تلفت انتباهو أما هو ما غزرلهاش تكاينها موش هي إلي كانت معاه الليلة إلي فاتت معناها هو ليلة وحدة و بعد يطيش الطفلة قلبي زاد عصر عليا جيت راجعة سمعت صوتو
-رؤى شبيك راجعة ادخل
عينيا لمعوا لازم باش نحمصها قيتها فرصتي مشيت قدامو
-اقعد ساقك لازم ترتاح
قعدت جنبو وهو حط يديه وراء ظهري و باقي يتفرج و أنا نستنا فيها تجي ريتها قربت عملت روحي نتوجع
-أي اي ساقي توجع
حط ايدو على ساقي و قلي
-شبيك تحب طبيب
حطيت ايدي على ايدو و تكلمت
-لا لا ميسالش تو تفك
حسيتو استغرب كي حطيت ايدي على ايدو أما بعد تبسم و هز ايدو حطها على راسي و دخل صوابعو بين خصلات شعري لين وصل لرقبتي جبدني ليه و باسني من شفايفي و أنا ذبت ما كنتش متوقعتها منو أما كي شفت الصدمة في عينين البون تشمتت و حطيت ايدي وراء راسو زدت جبدتز ليا باش ما يبعدش لين هي لطخت بساقها و فهمت روحها و مشات وقتها بعدت ايدي و هز بعد و قالي بصوت يتمسخر
-مشات؟
تصدمت فاق بيها هو؟
-ش... شكون مشات؟ (نتبهنس أحسن حل نعمل روحي ما فيباليش)
-ليلى موش كانت ورايا؟
-ما ريتش أنا ما..ما ركزتش وين باش نعرف
-باهي باهي ("فقت بيك يا مغيارة اه هههه")
حسيتو شادد روحو باش ما يضحكش قمت من بحذاه داخلة في حيط سقيا يرعشو حركلي مشاعري دخلت لبيتي فرحانة خليني نتشمت شوية أما بدني مزال في حاجتو ببوسة خلاني ندوخ نفخت و قدمت باب تحب ورايا و تسكر درت لقيتو هو يغزرلي لعينيا
-شنوة؟ (سئلتو)
قربلي و قالي
-باش نكمل إلي بديت فيه
و قرب وجهو تفكرت ليلى بعدت
-ما تقربليش
حسيتو تبدل
-شمعناها؟؟ شتقصد؟؟
-ما تقربليش أهيكا ليلى
-غايرة عليا ياخي؟؟ هههه
-لا لواش باش نغير عليك أما أنا ما نعطيش بدني لأي راجل كيفها ماي رقدت معاك مرة عجبتك تو تعاود أكيد راي ماذابيها
حسيت كلامي هبط عليه كيما سطل ثلج قربلي منرفز و شدني بقوة من مرفقي
-رؤى ما تنساش روحك شكون باهي أنا البوص متاعك أنا نتحكم فيك نعلق على تصرفاتك موش العكس أنت فمك ساكت ما تراش ما تسمعش ظل تبعني كهو و أي حاجة نطلبها تعملها كان ما تعملش نقتلك طول هاذي حاجة ما تنساهاش و ما عنديش علاش نبرر و هي كيما أي طفلة نرقد معاه موش لولة ولا لخرة
-و أنا كنت باش تاخو إلي تحب مني و تخليني مانيش كيفها أنا
كنت نحكي و دمعة هبطت من عيني
-تو نطردها و نرتاحوا زوز
و خرج سرحت في كلامو ياخي يرضي فيا هكة ولا كيفاش المهم باش نرتاح من وجها الأحرف سي اعة و كانت لبرة طردها اييييه ربح السد أنا حبيت نكون ليه أماللأبد موش ليلة نحبو يحبني و يحس كيما أنا حاسة سمعتو دخل للدوش خرجت من بيتي نمشي ناكل حاجة جعت..
19
وقفت قدام المراية نڨحر الروب
-لازمني ناخو دبش طويل شوية شنية هاذي أما قبل ناكل حاجة باش نموت بالجوع
خرجت و نعلم بروحي ماشية للكوجينة نلقا روحي متوجة للدوش باب موش مسكر جملة مردود كهو قربت بعد جيت ماشية غلبني الشيطان شبيني كان هو يشوفني نرجع فازتي و نطل عليه شديت الكوبة و بديت ندز في الباب بشوية عاضة شفتي (نعملها كي نعمل عملة) هكاك وتحل الباب بقوة و تجبدت معاه جيت في حضنو مقابليتني الطابلية شكلاطة صدرو الوشم إلي مزينو غزرتلو باش نموت مالحشمة شفت عينيه و شعرو المبلول وهو متبسم و غمزلي
-شنوة تقريب ضايعة
-أي اه لا لا
-أمممم مغيارة و نسناسة زادة
-شيء ما عملت أ...أنا ماشية ناكل حاجة
-لا لحظة أنا كنت باش نعيطلك
-ل...لواش تعيطلي
-قلت نخطف بوسة على الطاير
قلبي طاح علاش عامل فيا يحب يجلطني السيد هربت من غير ما نجاوبو مفجوعة و هو يضحك محلاها ضحكتو هبلني هالمنحرف فطرت ودخلت للدوش بعدو ندوش و نعس على الباب مشيش يتحل عليا مستعدة للدفاع ههه كملت و تهنيت بدلت لبست شورت و خلعة سيبت شعري باش يشيح و خرجت لقيتو متكي بشورت يتكيف قربتلو غزرلي ركز في تفاصيل لكل و قالي
-نحب على مساج كتافي يوجعو
-باهي
قعدت وراه حاشمة نعملو في المساج لين تكلم
-يزي كهو
-باهي
-نحب نعملك أنا مساج
-ش...شنو؟
-كيما سمعت في اللخر حكاية فارغة باش ما نبقاش تدعي بيا
نسمع و نكذب ياخي يحكي بجدو ولا يفدلك
قعدت قدامو..
20
قعدت قدامو و كي حسيت يديه تحطت على أكتافي رعشت تكينو كورون سرى في بدني شوية ما هربت ما نجمش نقاوم كيفو كل ثانية نزيد ندوخ و بعد تكلم
-شفت كيفاش يتعمل المساج يا جاهلة هههه
-اه؟
-أنت تسلخ موش تعمل في مساج
-اه باهي عرفت كيفاش خلي نهرب..تي نطلع لبيتي
لفني بيديه و تكلم بكل ثيقة
-لا ماكش طالعة عنا ما نعملو
و طبع بوسة على رقبتي
-رؤى مرة هاذي أما باش نقول كهو أنا كنت مسكر باش البنات مخليهم لشهوتي كهو جيت أنت رهوجتني حركتلي قلبي و تربعت فيه نحبك ملكي أنا كهو متاعي تابعتني أنا برك
و باسني بوسة أخرى من رقبتي و بعد لا تي أكيد يحب يزلعني كيما المرة لخرى درتلو
-هههه مرة هاذي ما تتعداش عليا تحب تز...
حط شفايفو على شفايفي و تكلم
-نحبك رؤى
-ح...حتى أنا
-أنت شنوة؟
-نحب روحي
ياخي جاء باش يبعد شديتو نضحك و عنقتو
-نعشقك حسام هبلتني والله
و غرقنا في بوسة طويلة لين تقطع علينا نفس الزوز هزني في حملتو و طالع يحكي
-اليوم نخلص فيك القديم و الجديد تو نوريك عذبتني
هو يبوس فيا من خدي عينيا فمي رقبتي و نحالي روب و أنا بركان تحتو معنقتو نجبد فيه باش ما يبعدش لحظة عليا بعد تكلمت حاشمة
-خ...خايفة
-مناش
-أ..أول مرة
-حتى أنا أول مرة هههه
-يا كذاب (و ضربتو على كتفو نفدلك)
-ما تخافش نسايسك (و تبسم)
و رجع باسني و بعد حسيت بوجيعة وليت ملكو هو كهو حاجة تخصو حسيت بالذنب أما كان جات ظروف أخرى موش مجرم و مانيش مخطوفة ولا محسوبة ميتة رانا عرّسنا رقدت معنقتو و هو مكبش فيا تكاينو خايف لا نهرب عليه و أنا كيف كيف قمنا الصباح فقت لقيتو يتأمل فيا و متبسم
-محلاها تبسيمتك قداش حرمتني منها
-هههه تو ديمة باش نتبسملك و نحبك و نموت فيك تو أنت حبيبتي
-عنقتو باسني من جبيني و قام
قعدت قاعدة
-شبيك ماكش ناوية تقوم
-ح...حتى تخرج
-هههه حشامة هي (و غمزلي)
و خرج قمت بدلت دبشي و هزيت الفرش و هبطت نحضر في قهوة و هو وين أنا وين هو لاصقني معنقني يشم في ريحتي و يبوس فيا
-حسام مرجتني راك شيبني شوية
-لا موش مسيبك ما صدقت اليوم اللخر بعاد على حياتنا متاع الإجرام غدوة راجعين لتونس خليني نشبع بيك تو
-خسارة حبيت نزيد نبقا
-ميسالش هاو اليوم نشبعوا ببعضنا فيه
و غمزلي دخلت بعضي و تمهمشت
-ا.. اي خلي نحطلك القهوة
هز القهوة و باسني من خدي و مشا اه شكون كان يتصور باش نولي معاه والله آخر حاجة توقعتها حاسة روحي في حلمة موش حقيقة..
21
موش حقيقة تكايني في دنيا أخرى تو هو حبيبي أنا كيفاش ملكلي قلبي و خلاني نعشقو هكة -فاش سارحة؟
-اه لا شيء
جبدني من حزامي
-تعرف توحشتك فيسع
بديت نجبد في روحي
-يزي خليني شوية
-هههه باهي باهي
-ممم مالا تو عندي الحق نغير و نعلق و نحكي معاك كيما نحب
-هههه أي هاو غلبتني
-و في الخدمة
-لا ما تظهرش ما نأمنهمش كلاب نخاف عليك
-باهي مالا مساج البنات لا
-هههه أيه و مبعد
-اممم و معاش فما خدامات
-هههه باهي
-و أي لحظة تحب حاجة تاخوها مني
-يا مغيارة كهو جبتها لو
روحك ايجا لهوني نحب على حاجة
و جبدني ليه قعد يبوس فيا و أنا مستمتعة بحبو شوقو ليا لهفتو عليا و قربو نحبو برشا سحرني بعد صار إلي صار حبيت نسألو
-حسام نجم نسألك على حاجة؟
-أي اسال (و باسني من ايدي)
-علاش عمر مغارضك؟
-عمر قتلي أمي حرق الدار و أمي غادي ما نعرفش شنوة كان الهدف متاعو أما قتلها و ما عندي حتى دليل ضدو تبدلت وليت نشرب نزطل تبدلت و دخلت للحبس تمرمدت خرجت عبد آخر في مخي كان الإنتقام وليت كيما حسام آخر إلي أنت ريتو أول مرة و تو أنت رجعتني للدنيا
عنقتو و حطيت راسي نعدي فيها على شعرو
-حسام أنا ديما معاك عمري ما نخليك نكونلك الصديقة و الأخت و حبيبتك ديما جنبك
ما تكلمش و قعد معنقني..
Libnet 4odwa nkmll n7b nal9a tafe3oll
22
بعد قالي
-فيبالك عنى بيسين هوني برا بدل خلي نعومو
-هههه ما فماش دبش عوم و كمل باردة
-تهنى ما نخليكش تڨرس (و غمزلي)
-زايد منحرف
-أنا؟ باهي تو نشعفك
-ح...حسام شنوة باش تعمل
طفاني و هزني سقيا لفوق و أنا وراء ظهرو كيما شكارة سيمان نضرب فيه على ظهرو
-هبطني هبطني يا مهبول
-لا موش مهبطك
وصلني للبيسين و طيشني بروب في الماء و نحى مريولو و نڨز ورايا قعدت نطش فيه و نرعش مالبرد مغششة
-ههه ايجا ما نخليك باردة
-تو نوريك حسام استنا برك
نقول فيها و خارجة مالبيسين
-محلاها الروب مبلولة
-شنوة؟ و غزرت الروب بيضاء ولات تظهر السوتيان ظاهر أحمر رجعت تڨزت في الماء و نطش فيه قربلي و جبدني ليه
-باهي ڨرسانة
قعدت نغزرلو ما جاوبتش غطس بيا تحت الماء و باسني من شفايفي محلاها و بعد طلعنا و أنا نضحك
-رؤى نطلعوا للبيت؟
-ههه شبيك أنت ما تقلقش
-لا منك أنت مستحيل
ضحكت و غزرتلو
-حاسة روحي نحلم
-لا ماكش تحلم أنا معاك ليك راجلك أنت
-أسكت باش تدوخني
-هههه هيا أنا ڨرست نطلعو مشيش نمرضوا الزوز
طلعنا دوشنا و قعد مشطلي شعري
-اليوم باش نمشيوا نحوسوا
-يا بالحق جو نمشي نختار روبتي
-هههه ملا مهبولة دخلت حياتي
-اممم تحبني نخرج
حصرني في الحيط
-لا إلي يدخل يتحصر معاش يخرج راو
-و أنا موش مهبولة باش نخرج (و بستو)
مشيت لبست و هبطت و هو ضحك طول لازم البلادة
-شقولك نبطلوا علاش ماشين باردة البرة هنا أسخن نبقاوا راس راس و نلعبوا
-يزي شبيك ديما تحشمني هكة
-ههه هيا قبل ما نبطل بالحق
مشينا تعشينا و حوسنا و خلاني قاعدة باش تجيبلي ڨلاس في البرد ههه كهو لازم نتدلل هكاك نفيق كان بالخدامة تجي جنبي تتسومم
-عسلامة
-اهلا بيك (جاوبتها بدم بارد)
-تعرف محلاه السخطة
-تعرفني شكون؟
-ماو تخدم معاه كان كيفك كل يوم نرقد معاه كلاني ماكلة ربطني في السرير نهارتها بالأمارة الحبل أهو عندي هههه
كهو معاش فيها قمت نعيط
-يا ***** فيبالك إلي هذاكا ملكي أنا جايا تتزعبن عليا يا رخيصة
و عطيتها كف سبتني ترميت عليها نضرب على وجها و نسب و نعيط...
حسام:
بعد ما وليت معاها حسيت أنسان جديد تخلق فيا لقيتها تحبني و معايا و تأكدت من حبي ليها خترت نرتح قلبي ما نمنعش الحب و أحسن ما عملت دخلتلي الفرحة في حياتي خرجنا مشيت ناخذ في ڨلاص متعدي واحد جنبي يعيط و يجري
تلفتت نلقا رؤى مكبوبة فوق مرا تضرب وهوما يحزوا جريت طول...
رؤى:
أنا نضرب و نفيق كان بحسام يجبد فيا
-يا مهبولة غفلت لحظة عليك -فضحتنا
-سيبني نقتلها سيبني والله لا نسيبك كان ما نقتلك
-يا بنتي سيب باش تقتل الطفلة
ما فكني منها كان بالقوة و أنا قعدت نبكي في حضنو
-قاتلي أنت كنت معاها و
-ما تبكيش أنا تو معاك و ما نغزر لحتى وحدة بخلافك يزي مالبكاء
-حتى أنا نحبك برشا
-هههه أما طلعت ما تحبش على راجلك جملة تخوف
-مالا تحبني نتفرج و نسكت هههه
-هيا نروحوا يا مهبولة معاش بكري
روحنا للدار..
23
قعد يضحك شايخ
-يا خوافة هاني معاك تهنا ما يجيوكش الجنون معايا
-ك..كلو منك
-باهي أما كان باش تبقى متخبية غادي باش تحركلي مشاعري
-مالا نحي الفيلم خلي نرقدوا
-هاو قريب يوفا حتى نشوف اللقطة وقتلي تجيها وهي راقدة و تلبسها
-حسام أ سي كت ممسطك
و نقرص فيه من كرشو
-سايي وفا هيا نمشيوا
-ب..باهي
-قمت نمشي و نغزر و نشعل في الضوء بعد تلفتت ما لقيتش حسام مشى للبيت طول سبقني قعدت نمشي و ضو قص و سمعت فاز طاح بديت نصيح و نعيط
-حسام جات جات اجريلي باش تلبسني
ضو شعل و هو يتكربص بالضحك
-جاتك مالا -ههههههههه ملا دغفة
-ممسطك علاش شعمتلك معاش تكلمني
و طلعت منرفزة سكرت بيتي ليل كامل نتقلب خايفة كهو معاش فيها هزيت مخدتي و مشيت لبيتو قيتو مزال فايق
-خايفة
-مزلت خايفة منها لتو
-أي نحب نرقد هوني
-ما سمعتكش عاود شقلت
-ن.. نحب نرقد بحذاك
-ايجا عندي ما تخافش
قربت حطيت مخدتي و نعست دايرة بالظهر مانحبش نظهر التوتر متاعي و كيفاش تدخل بعضي كل ما يبدا قريب مني نحس بنار تسري فيا
أنا هكاك و هو لصقني و عنقني
-يا هرابة على الأقل عنقني خليني نشم ريحتك
درتلو وجهي أحمر لزني ليه و عنقني بقوة لين غلبني النوم و نعست أول مرة ننعس مرتاحة من سنين حضنو خدرني رقدت فرحانة بلاش منوم ليل كامل لاصقتو موش حابة نبعد عليه جملة أما الوقت تعدا ما لقيت روحي كان في الطيارة راجعة لتونس راجعة للواقع متاعي للهم و الغم تمنيت كان نزيد نبقا أما ما نجموش
وصلنا للمقر متاعنا دخلت لبيتي يجروا فيا زوز رجال باش ما نشلقوش إلي فما تغير وهو مشا لبلاصتو شوية و عيطلي
-أقعد (كان يڨحر)
و غمر الرجال هوما خرجوا و أنا قمت ترميت في حضنو قاعدة في حجرو و نبوس فيه و هو كابس عليا و ضحك
-حتى أنت انحرفت
حشمت قالي
-عنا عملية لازمك تعملها أما تهنا ما فماش خطر قالولي نبعثك و ما نجمتش نقول لا باش ما نشلقش ديما مخليهم هوما يختارو
-باهي شنوة المطلوب مني
و نتبسم
-فما بار باش يمشيولوا جماعة يوصو مخدرات أنت باش تقتل إلي لازم يتسلمها و تتسلها بلاصتو و تعطيهم فلوس دوبل هوما ما يهمهمش المهم money
-باهي حبي ساهلة
أما العملية هذيكا قلبتلي حياتي لكل.
24
-باهي خلي ناخو بوسة أخرى
و باسني طول من غير ما يستنا جوابي و أن تفاعلت معاه بعدت شوية عليه نلهث تقطع ليا نفس و قلبي باش يخرج غزرلي يتبولد
-نقفلوا الباب مزلنا مطولين
هكاك و سمعنا رجالوا بداو يقربوا أنا نڨزت طول و قعدت في الكرسي و هو شادد الضحكة مشيت لبيتي و قعدت نتفكر فيه و نضحك وحدي لين طاح الليل و خرجت متسللة لبيتو تسببت بالماكلة و الجوع و دخلتلو بالسرقة ما لقيتوش في فرشو قلبي رعش يطلعش معا طفلة أنا غاطسة في الأفكار السلبية متاعي و هو عنقني من تالي يشملي في شعري
-ممم معاش تصبر عليا هي؟
-ههه تي يزي مبلدك
-ههه لا جيت بسقيك كهو
و بدا يبوس فيا من رقبتي و يحكي
-وين كنت قبل ما نلقاك أحسن حاجة عملها مالك في خدمتنا
-هو مالك كيفاش ولا يخدم معاكم؟
-(سكت شوية و بعد تكلم) هو كيما الكل ضايع و دخل معايا في الخدمة خلينا منو هو تقتل كيف فقت بيه خان ثيقتي كهو
-باهي و أنا كان تشك فيا نهار تقتلني؟
-و لواش باش نشك فيك؟
-لا شيء مجرد سؤال
-لا نعرفك ما تخونيش
و باسني يضحك قتلو
-قد هكة مغرور هههه
تعدات ليلة سهرنا نحكيوا و نفدلكوا و بعد تسللت لبيتي نعست قمت الصباح على الصوت راجل
-قوم لتو راقدة تحرك اليوم العملية متاعك
قمت طفيتو ما نحبش نفسد نهاري بيه مشيت بحذا حسام فسرلي كل شيء بالتفصيل كيفاش ندخل و شنوة نعمل و وراني تصاور الرجال تدربت معاه شوية و بعد طلعت عملت دوش حضرت روحي و بدلت حطيت مسدس في ساكي متوترة باش نولي قاتلة زادة شنوة مزلت ما عملتوش دخل حسام للبيت
-حبيبتي رد بالك في العملية ما لازمش تضعف جملا
-تهنا عليا
-أوعدني ترجع لاباس
-أكيد أصلا ساهلة
تبسم و باسني و عنقني بقوة عصرني حسيت عنقتو ضحك
-مزال عنا وقت
-لا يزي موش وقتو
-لا أنا نحب تو مزالت ساعتين
-خلينا رايضين هههه
ما سمعنيش تفارعنا في اللخر لقيت روحي في الفرش معاه كان يبوس فيا بلهفة كبيرة معنقني و أنا مستمتعة بكل لحظة معاه موش حاسة بالوقت نضحك و نجبد فيه ليا و هو ما بعدش عليا لحظة..
بعد,
-أوكا ما طولتش عندك مهمة ما حبيتش نتعبك
حدودي حمارو نريڨل في شعري و نغزرلو
-محلاك كيف تحشم هههه أوكا لبست و رجعت أحلى عينيك يلمعو هيا قوم باش يوصلوك
تبسمت قتلو
-نحبك
و خرجت راكبة في الكرهبة و نضحك فرحانة كيف وصلت دخلت للبار قعدت تدور في عينيا في للبلاصة لين شفت واحد ملي ريتهم في التصاور متعدي تبعتو مشا وراء البار بعد ما تلقى مكالمة تبعتو وقفت قريب مديت المسدس بلعت ريقي و غزرت
-باهي برشا معلم مد الفلوس
خرجت نمشي و نقرب بلاش صوت و سيبت طلقة جات في راس واحد طاح في القاع لكل وجهو المسدسات متاعهم ليا و أنا خذيت نفس تشجعت و ضحكت
-أسمعوني و بعدو كان تحبو اقتلوني
غزروا لبعضهم قدمت ياخي تكلم واحد فيهم
-تحريكة أخرى تموت
-ههههه ما تخافش مالموت أنا هاتو إلي عندكم و خوذوا دوبل الفلوس
و رميت الساك باحذاهم حلو واحد فيهم و تبسم رمالي المخدرات و طلب مني نهبط السلاح و نمشي عملت كيما قالي و بديت نمشي كهو نجحت ما كانتش صعيبة...
عمر:
بعثت رجالي باش يقابلوا مجموعة و كنت نتفرج في الكاميرا و نؤمر فيهم شنوة يعملوا بعد سمعت طلقة و الراجل مات طلبت يضربوا طول إلي قدامهم و بعد كيف شفتها طفلة أمرتهم ياقفوا قعدت نثبت فيها وجها موش غريب كيف تلفتت تفكرتها هي إلي قلبي معبي عليها أكيد تعني حاجة لحسام و تو بعثها بارادتو ضحكت و أمرتهم يشدوها يجيبوهالي..
رؤى:
قريب نوصل للكرهبة الرجال يستناو فيا أما ما وصلتش حسيت بضربة على راسي إطلاق نار الكرهبة هربت و خلاتني و أنا فقدت الوعي.
25
بديت نحل في عينيا نستوعب لقيت روحي مربوطة في كرسي و وحدي بديت نصيح و نعيط لحسام دخل راجل يمشي بخطوة ثابتة غزرة ثاقبة تبسيمة متاع نصر جاتني صدمة هو عمر خلط علينا لتونس مستحيل تو باش نموت قربلي و ضحك
-قلي تو شكون باش يمنعك
غزرتلو بثيقة عكس إلي في داخلي
-حسام
ضحك بصوت عالي زاد زعزعني
-ما تتوقعش باش نسيبك بالسهولة هذيكا أصلا الكارتة الرابحة عندي
-شتقصد؟
-بجدك ماشي فيبالك لCD هذاكا كهو موجود؟ حبيت نشيخ عليكم شوية و موش CD برك تعرفوا نعرف سمر زادة (و غمزلي)
قلبي قام يدق رعشت لكلي
-هههه شكون سمر
-أختك
-ما عنديش أخت أنا
-و هاذي موش أختك
و وراني فيديو تصدمت دموعي هبطت أختي تشطح في بار سكرانة و راجل لاصق فيها يتلمس و هي في عالم آخر
-أختك ق*** هههه
بزقت عليه
-أشرف منك يا واطي ما عندك ما تعمللها
-يظهرلك استنا
عمل تلفون
-وي سايي عندكم؟ ههه باهي عديوها
و حطلي البرطابل في وذني نسمع فيها تصيح و تعيط و تبكي و تقلهم سيبوني و شكونكم ما نجمتش نتكلم نبكي كهو غزرتلو نترجا فيه يسيبها أما هو لا تكلم
-جيبوهالي عجبتني بصراحة
و علق و أنا بديت نصيح
-لا أمان لا أختي عندي كان هي أمان
-مالا تولي معايا نقضي على حسام علاش تحمي فيه أنت أهم من أختك
-لا مانيش معاك
-باهي تو نشوفو كان تبدل رايك و كان ما فيبالكش برشا حاجات مزلت ما تعرفهاش
سكتت نستنا شنوة باش يصير جابوا أختي مسكرينلها عينيها و رماوهل قدامو و أنا نغزرلها قلبي تحرق تدمر حسيت بغصة شدها بقوة و بدا يبوس فيها قدامي و هي تبكي و تفارع فيه تترجا فيه
-أمان شكونكم شنوة تحبو من عندي سيبوني ما عندي حد ما تدمروليش حياتي
و هو يستنا فيا باش نقولو نولي معاكم أنا ما تكلمش حسام تو يجيني أكيد يجيني ما يخلينيش بدا ينحيلها في حوايجها باسها من كل بلاصة بغل و يضرب فيها و هي مع كل صيحة نزيد نموت و قلبي يوجعني فلخر كسرها قدامي و أنا ساكتة متحملة و متدمرة أما ما نجمش هزوها و الحيوان جاني ليا و شدني من شعري
-طلعت قوية أما تو نراو قوتك لوين توصل
و نحى سبتة قعد يضرب فيا و أنا متحملة لحمي زراق دموع كهو هابطة معاش نجم نتحرك ولا نتكلم مالقهرة بعد كيف تعب قربلي
-أنت مهما تقويت فاللخر باش تجي معايا ما تتبهنس عنادك ما عندو ما يعملك أصلا كان باش ترفض باش يشد الحبس بطبيعتو و غادي ندبرلو موتة تحفونة شقولك
قلبي رعش ولا يدق خايفة برشا منو يجم يعمل أي حاجة تكلمت بصوت يرعش
-ش..-شنوة تحب مني
-نحب عليك أنت
تصدمت كمل كلامو
-أنت من نهارت إلي ريتك حركتلي غريزتي تعجبني طفلة قوية خوذني كون ليا نقهرو و نرتاح منو و بعد تو نسيبك
-لا أنت مهبول ***** مستحيل تو يجي و ينقذني
ضحك بتمسخير و شدني من شعري باسني من شفايفي و أنا ندور في وجهي لين هز عينيه كانت نار حط يدو على صدري و أنا نصيح باش يبعد عليا باش يسيبني و هو ما كانش يسمع فيا بعد سيبني و قالي
- ما تخافش موش وقتة و خرج بزقت وراه كنت نبكي نرعش خايفة..
حسام:
أنا خفت لا رؤى تغلط تبعتهم و شفت رؤى كيف هزت الساك و راجعة رتحت أما بعد كل شيء فسد ما نجمتش نتدخل خطر علينا لكل تبعتهم وين هزوها و فهمت أنهم تابعين عمر قعدت نستنا في الفرصة باش ندخل شفتهم جايبين طفلة ما عقلتهاش قعدت مركز و خايف لا يعمل حاجة لرؤى ولا يقتلها شفتو خارج مالبلاصة قربت و نشعبطت نڨزت من شباك ضربت زوز رجال و نسمع في صوت بكاء تبعتو مشا فيبالي رؤى لقيتها طفلة أخرى عريتلها عينيها تشبه لرؤى شوية سئلتها بالشوية
-شكون علاش جابوك
-ما نعرفش أمان خرجني أمان خسرت أغلر ما عندي اعتداو عليا خايفة باش يقتلوني
هزيتها و حطيتها فوق كتفي هبطت مالشباك و قلتلها استناني وراء شجرة قريبة مشات و أنا رجعت..
26
أنا رجعت سمعت صوت رجال قربت من بلاصة شفت زوز رجال قاعدين و رؤى مربوطة بحذاهم كبست على المسدس الشر يتطاير من عينيا ضربوها عذبوها و يزيدوا يربطوها خرجت ضربتهم الزوز بكرتوشة و مشيتلها نفكلها في الحبل و هي هزت راسها و تبسمت
-عرفتك باش تجيني
-عمري ما نخليك سامحني رؤى سامحني راني نحبك
و حطيت ايدي على خدها نطمن فيها رغم إلي عارف باش تصير حاجة أنا نحكي و سمعت صوت متاع تصفيق
-هههههه عصافير الحب صحة هاو جاك أما ماكش خارجة من هوني إلا على جثتي
درتلو و وجهت المسدس ليه أما ما نجمت نعمل شيء كيف واحد حط مسدش في.راس رؤى هددني بيها شدني من اليد إلي توجع رميت المسدس أول مرة نتردد باش نقتل ما نحملش أنها تتضر مستحيل إلا هي كانت نقطة ضعفي كانت الحاجة إلي ما نحمل فيها شيء ملكي أنا و جزء من روحي غزرتلو غزرة كلها نقمة كره نتمنى كان يموت
-شنوة تحب باش تسيبها
-ما نحب شيء أخرج كانش نقتلها
نعرفو يعملها تلفتلها وشوشت
-ما تخافش ما نخليكش نرجع
تبسمت كانت عاطية ثيقة فيا متأكدة إني باش نرجع و نهزها
كنت نمشي حاسس بالخسارة لأول مرة هاذي ثاني مرة ياخولي إنسان غالي تكلمت رؤى
-حسام ما تخافش عليا أنا لاباس أمشي نعرف خسرت معركة أما الفايدة في الحرب نعرفك قوي تو ترجعلي نرجعوا معا بعضنا ما تحسش بالخسارة حسيتو تنرفز من كلامها. أما تكلم يضحك
-موت و نرتاحو
وجهلي المسدس..
رؤى:
نرى في حسام خارج قررت نبعد باش نحميه في جرتي ظهر ضعفو في جرتي يجم يموت هبط راسو خاطر بحياتو و أختي خسرت أغلى ما عندها أنا أنانية حبيت نطمنو أما نشاء الله يسامحني نرى في عمر موجهلو المسدس باش يضربو ما نعرفش كيفاش قمت كيفاش تحركت نجري كهو..
حسام:
كيف سمعتو درتلو عرفتها نهايتي هكة جيت لعرين الأسد أما المهم رؤى تكون لاباس في اللخر كب شيء صارلها مني أنا و الدوامة أنا رميتها فيها غمضت عينيا و تبسمت يزي ما شاف ضعفي سمعت الطلقة أما ما جاش فيا مستحيل أكيد لا حليت عينيا جات بين يديا رؤى معنقتني و مضروبة قعدت نعيط
-لا مستحيل لا لا علاش يا رؤى علاش علاش تعاقب فيا علاش
أول مرة نبكي قدام حد و على حد بعد أمي هي تبسمت و تكلمت بصوت ما يتسمعش يرعش
-م...ما..تخا..فش... أنا .. أنا با..ش نبقى ..د..ديمة نحبك..
و حطت ايدها على خدي و أنا شديتلها ايدها كبست عليها كانت باردة معنقها نبكي و نقول
-هزها لطبيب نعملك إلي تحب هزها هزها
بعد تضربت على راسي ماني حاسس بشيء من حولي فقدت وعيي آخر تصويرة في عينيا هي غارقة في الدم و مغمضة عينيها في حملتي و بعد دنيا كلها ظلام..
27
بديت نحل في عينيا نستوعب نرى في ضوء في وجهي تعدا قدام عينيا شريط الأحداث الكارثية إلي صارت قلبي رعش على رؤى قمت فيسع ندور في عينيا نلوج فيها تكلم واحد
-بوص لاباس؟ فما حاجة توجع فيك
تلفتلو لقيتو واحد من رجالي تكلمت بصوت يرعش خافت
-ويني رؤى؟
سكت هبط راسو ما جاوبنيش تفجعت كان تصيرلها حاجة نهبل قمت شديتو من خناقو نعيط
-قتلك ويني حل ر* فمك؟!!!
-ما..ما نجمناش تتقذوها
ايدي ترخفت بدني رعش غزرتلو
-شتقصد؟ ماتت؟ (قلتها بصوت مخنوق موش منجم يتقبل فكرة كيما هكة مستحيل تصير مستحيل تخليه)
-لا بوص ما نعرفوش أحنا خلطنا في آخر لحظة بعد ما ضربوك هدينا عليهم ضربنا زوز رجال ماتوا هزيناك و هوما هزو رؤى معاهم ما نجمناش نخلطوا عليهم..
بديت نعيط و نصيح
-كيفاش ما نخلطوش شمعناها؟؟ مرتين تخليوها مرتين تضيع من بين يديا جرت بهامتكم
-ب..بوص ما نجمناش تو نلقاوها
شديتو بقوة من سوريتو و جبدتو و نار تتشاعل من عينيا
-أكيد باش تلقاوها أكييييد خير ملي نقتلكم لكل
و خرجت طبقت الباب بقوة و غش كبيرة قعدت في بيتي دموعي هبطوا أول مرة نبكي أول مرة نحس بوجيعة على خاطر مرا ثاني مرة تنڨز قدامي تحميني تخاطر بروحها على خاطري علاش عملت هكاك رؤى علاش ما خليتنيش نتضرب ما نجمش نعيش بعد ما نخسرك أنا إلي كنت عديم احساس نقتل و أنا نضحك البوم تجي طفلة ترمي روحها قدامي خايفة عليا من رصاصة أنا نستحق؟ نستحق طفلة كيفها تضحي بروحها على خاطر مجرم كيفيي؟؟؟؟...
رؤى:
كنت مغمضة عينيا نسمع في حركة و صوت رجال أما موش منجمة نتحرك موش منجمة نحل عينيا حاسة بفشلة كبيرة و وجيعة في كامل بدني نحب نقوم نحب نعيطلو نحبو يحتويني في حضنو و يأكدلي إلي هو معايا لوجت على صوتو بين الرجال ما فماش وجيعة بدني كرشي توجع و قلبي موجوع منعوني إني نحل عينيا موجوعة للحظة مشا في بالي باش نموت حسيت روحي عاودت تخدرت و معاش حاسة بشيء...
سمر أخت رؤى:
بعد ما أنقذني الراجل قعدت نستنا وراء شجرة نستنا فيه يخرج أنا رجعش سمعت إطلاق نار و شفت رجال مسلحين دخلوا خفت وجرت لتالي و جريت قعدت نجري و نبكي نبكي على وحدتي على شرفي على زهري حشرت عائلتي لكل و تو نكمل نخسر أغلى حاجة عندي عذريتي يتم اغتصابي و موش عارفة حتى شكونو حياتي ولات جحيم تو ماعاد عندي ما نخسر معاش عندي وجه ولا جهد باش نكمل الخدمة حياتي تحطمت و جاني اقتراح نولي رقاصة هذاكا طريقي كهو مدام شركة بابا خاسرة و فالسة هذاكا الحل الوحيد..
28
سمر:
نغزرلو قدملي و طلع جنبي مد فلوس و بدا يرشق فيهم عليا و أنا نتمايل و حاسة روحي باش نبكي بدني بعتو أما جذبني برشا الراجل رغم أنو ظاهر شهوة في عينيه أنا أنا جلبني لصقت فيه و قعدت نتمايل و هو مستمتع بقربي منو بعد وخر غزرلي و خرج و أنا قعدت لين وفات السهرية بدلت دبشي و خرجت روحت حاسة بخنقة و قعدت نتفكر في الراجل إلي ريتو..
حسام:
كنت قاعد مهموم دخل عليا
-بوص ما لقينا شيء تبخرت خباوها ما نجمناش نوصلولها
-زيدو لوجو يا *** لوجو وين عندها تمشي ما ترجعو كان ما تلقاوها
-اوك بوص
و خرج و قعدت أنا منرفز و موجوع و خايف عليها كان تصيرلها حاجة يصير فيا نلوم في روحي أنا رميتها للهلاك بايدي...
رؤى:
قعدت راقدة لين سمعت حركة في البيت قمت مفجوعة جاوبتني الفرملية
-ما تخافش أنا هوني ما فما حد
سكتت و هبطت راسي
-مدام علاش جابك هوني؟
غزرتلها كانت متسائلة رتحتلهاش كنت محتاجة نفضفض تكلمت
-مدام اليوم سمعتهم يحكيوا على واحد اسمو حسام كان يهمك أمرو
كيف سمعت اسمو قلبي دق خوف و حب و اشتياق و قلت بلهفة
-بو ولدي و حبيبي أمان شنوة سمعت بالحرف
حسيتها وجها مقلوب و غايضتها
-سمعتهم يخطوا يجيبوه باش يهزك على شرط يعطيهم أملاكو و بلاصتو و أكيد ماهوش باش يتردد و بعد يقتلوه
بلعت ريقي حسيت بدوخة صدمة رعب امتلكني كان تصيرلو حاجة ما نجمش نعيش لازم نبعدو عليا لازم ينساني لازمش يخاطر على خاطري لازمني نمنعوا باش يجي راتني الفرملية متوترة داخلة بعضي تكلمت بصوت يدل على خوفها من كلامها
-م...مدام ت.. تحب نعاونك باش توصلو رسالة؟
غزرتلها مستغربة
-ما تخافش يفيقو بيك؟؟
-ما يفيقوش نجم نبعثهالو مستانسة نعمل حاجات من وراهم
-عيشك أختي
و عنقتها نبكي بالشهقة مدتلي ستيلو و ورقة كتبت رسالة عكس إلي حاستو في قلبي عكس النار إلي فيا كذبت برشا فيها مدتهالها قريب نصيح و نقلها قلو إني نكذب أما هذاكا أحسن حل هزتها مني و قالت
-ما تخافش تو تتحل كون قوية
عينيها يقولوا العكس أنا إني نرجعلو و نرجعوا لبعضنا بعد كلامي ضعيب و شبه مستحيل تبسمت بوجيعة
-نشاء الله يسامحني هو و ولدي
-تو نوصلها كيف نكمل الخدمة
عطيتها الأدراس و خرجت مخبية الرسالة كيف كملت الخدمة قعدت تدور في راسها ما لقات حد وراها مشات للأدراس حطت الرسالة قريبة ما يدب فيها حد للبلاصة هذيكا كان جماعة حسام و مشات تزرب خايفة كان تتكشف و نجحت ما شافها حد لحسن حظها تنكرت و سلكتها روحت تنهدت غايضتها المدام الحبلة.
حسام:
كنت قاعد غارق في همي و أوجاعي حتى دخل واحد من رجالي مزروب و في يدو ورقة
-بوص جاتك رسالة
-من شكون؟
قلبي دق كيف شفت الورقة في ايدو
-رؤى
خطفتها من ايدو
-شكون جابها؟؟
-ما نعرفش لقيناها قريبة منا
أشرتلو باش يخرج حليتها يديا يرعشو بديت نقرى و يا ليتني ما قريت
-حسام باش نحكي معاك بصراحة باش ما تفددنيش بتلويجك عليا و نبقا هاربة منك فديت مالمسرحية و حبيت نقصها بوص متاعي عمر تو كيف كسرتلك قلبك وفات مهمتي فديت من كلامك و حبك و صعبك و تظاهري بإني معاك كرهت روحي كيف تبدا قريب و دقيقة معاك تتعدا نهار ما صدقت بعدت و أنت باقي تلوج عليا أخطاني و من غير ما تحاول توصلي خاتر باش تموت أما تحفون الفيلم الهندي إلي عشناه ههههههه ما نحبكش تدمر برشا بعدي لازم الواحد يتجرح أما دنيا ما تاقف على حد و بالنسبة ليا حبيبي الوحيد عمر و كان على عذريتي عملية باش تجد عليك تتسببش بيها و يمشي فيبالك خاطر نحبك عطيتك أغلى ما عندي المهم أخطاني و معاش تحاول توصلي..
نقرى و نعاود في الرسالة بالك معاش نعرف نقرى بالك معاش نفهم بالك تفدلك كمشت الورقة بايدي بعصب و غش عروق ايدي بانت و كل شيء ولا ظلام في عينيا نقمت عليها برائتها رعشتها كلامها دلالها حبها و شوقها ليا كان تمثيل هبطت دمعة من عيني مالخذلان إلي حسيتو عرفت معاها الحب عطيتها قلبي وهي عفست عليه رؤى ممثلة بارعة هههه ضحكت ضحكة كلها وجيعة ماليوم خلقت حسام جديد أصعب مالقديم حسام عندو شحنات متاع نقمة غل رغبة متاع انتقام حطيت الرسالة و أنا نحكي وحدي:
كذبت خليتني نحبك فرحانة مهمتك تمت ههههه باهي القلب إلي حرقتو لاما يحرقك يجيك نهار و ترى الويل مني وقتها تو تترجاني..
29
قعدت تغزرلي تبع فيا بعينيها غزرتهم قد ما حاولت نفهمها ما نجمتش أما كانت فيهم جاذبية خاصة تكاينها تناديلي..
سمر:
كيما العادة في البار نهاري الثاني كنت نشطح و متقززة مالمناظر إلي قاعدين يشربوا و ياكلوا فيا بغزراتهم و فقت كان كيف شفتو داخل مرة أخرى هو نفسو إلي لفتلي انتباهي نشطح و ما نجمتش نغزر لواحد آخر ملي كنت متقززة وليت نتفنن تفكرت عرفي كيف قالي "الراجل حط برشا فلوس عليك لاباس عليه مرة جاية اسحرو برقصتك و بدنك تو يزيد" هبطت مالمنصة و أنا و نمشي بخطوات كلها دلال لين وصلتلو و وقفت مقابلتو و درتو بالظهر و بديت نتمايل لحظات و حسيت يديه تحطت على حزامي حسيت برعشة في كامل بدني قلبي دق أول مرة نسمح لحد يحط ايدو عليا أنا ستحليتها لمستو كانت دافية شوية و حسيت يديه تتحرك لين تلفت على كرشي زاد دوخني دورني ليه و بعد و رشق عليا الفلوس حسيت بغصة أكيد يراني بدن كهو عينيا مدمعة و أنا نشطح و الفلوس كيما الشتاء هابطة فلوس حرام فلوس جبتها ببدني في نظرو عاهره..
وفات السهرية بدلت دبشي نتفكر فيه موش منجمة نحيه من بالي هزيت ساكي و خرجت دنيا ظلام في اللخر أنا بنت ليل بديت نمشي نشوف في رجال سكارى خفت بلعت ريقي غطيت وجهي و زربت لين قربولي مدورة وجهي ما فقت كان بواحد شدني من ايدي و غزرلي و ضحك
-هههه هاي رقاصة بار **** شبيك هاربة اشطحلنا شوية نهزوك
-سيبني خويا (نجبد في ايدي و نتمتم خايفة)
-هههه هيا برك قداش تحب
-قتلك سيبني (بدا صوتي يعلى)
تنزفز قربني ليه و شدلي وجهي
-كل وحدة عندها سومها قلي قداش تحب
-ما نحب شيء سيبني قتلك سيبني
ما سمعنيش شدني بقوة بحب يبوسني بالسيف أنقذني واحد في آخر لحظة عطاه بونيا طيحو في القاع و شدني من ايدي جبدني ليه غزرتلو لقيتو هو إلي ديما نشوفو في البار ما نعرفش علاش قلبي دق كي ريتو و رتحت وهو موجود غزرلي
-شبيك شتعمل وحدك هوني
حسيتو منرفز جاوبتو بصوت يرعش
-هذ..هذاكا وقتي
كركرني معاه في الكرهبة و أنا طلعت كيما المسحورة ما تكلمتش باهتة و مصدومة فيه فقت كان كيف حلي الباب
-أهبط
هبطت لقيت روحي قدام دار خفت و غزرتلو
-أمان خليني نروح معاش بكري تو
-أسكت ما عندك وين ماشية معاش تخدم غادي
-روّح بيا نحب نروح
-باهي خلي نحكيوا شوية و بعد نوصلك باهي؟
حكى بحنية عكس إلي كان عليه جاوبت بأي و دخلت معاه
-اقعد في الصالة هاو جايك نبدل و نرجع
قعدت نستنا فيه و نتفرج في الدار شنعمل هوني آش جابني لدارو ما نعرفوش ريتو مرتين قداش دغفة حتى باش نروح وحدي ما نعرفش ثنية نسمع فيه دخل تلفتلو باش نطلب منو نروح شفتو منحي مريولو لابس شورت بلعت ريقي و قعدت نغزر لصدرو عضلاتو و هو قربلي و قعد جنبي و تكلم
-علاش تخدم غادي موش ظاهر عليك مالبنات هاذوكم؟؟
-أ..اضطريت
-كيفاش
-حكاية طويلة موش مهم
-امممم باهي
-و أنت علاش جبتني لدارك
تلفتلي من غير ما يقول كلمة و تبسم قلبي رعش و قمت
-نحب نروح كهو معاش بكري
و توجهت للباب أما هو شدني من ايدي و حصرني في الحيط
-لا ماكش ماشية ما نحب منك شيء جبتك خاطر نعرفهم باش يتبعونا لوين نمشيوا كان موش مصدقة طل مالشباك تو تراهم كان تحب نوصلك لدارك و نخليك الذيوبة نوصلك ما يقلقنيش.
30
عمر:
خرجت توجهت طول للبار كيما العادة كيما المسحور معاش نجم نصبر عليها سمر ااه يا سمر كل شيء فيها يجذبني ليها أكثر دخلت نشوف فيها تشطح معا راجل حسيت الدم طلع لراسي ما نعرفش شنوة حسيت لحظتها نشوف فيها تتمايل معا واحد منظر و يرشق عليها في الفلوس كبست على يدي و ما فقت كان خانق الراجل و نعيط
-هبطت ** كسرتك من عليها يا ****
و هي تفجعت و بهتت شدتني من يدي
-سيبو أمان فاش تعمل شبيك
و ضربتو على فمو و شديتلها ايدها و كركرتها معايا و هي تبكي خرجتها مالباب و لصقتها للحيط و حصرتها بيدي نضرب في الحيط بقوة و نعيط
-شفت *** مزلت نجي و نلقاك هوني ندفنك حية معاش تخدم هوني معاش نحب نراك هوني جملة
كانت خايفة ما تكلمتش دموعها كهو تعبر على خوفها شفايفها يرعشو قعدت مركز في تفاصيل وجها إلي سحروني اين فيقني صوتها إلي كان متقطع بالشهقة
-ع..علاش علاش..عملت ه..هكاك
لحظتها حتى أنا موش عارف علاش عملت هكاك سؤالها فيقني على روحي شكون أنا باش نغير و نعمل فضيحة هي مجرد رقاصة في بار علاش غرت عليها ماني شطحت معاها كيفو بالضبط أما أنا تعلقت بيها بطريقة أخرى نحبها ملكي يمكن شهوة و يمكن حاجة أخرى مانيش متعود نحس هكة أما ما حبيتش نقلها خاطر أنا زادة موش فاهم روحي غزرتلها و طفيت سؤالها قربت وجهي من وجها و حطيت ايدي على خدها نمسح في الدموع و نحيت الفاست لبستهالها باش نغطيها
-روح معايا و أنساها الخدمة هاذي معاش تجي لهوني
-لا تو نروح وحدي عيشك
و جات باش تمشي توقف ستوب وقفلها ڨروب ولاد في كرهبة قالولها
-مزة لوين تحب نهزوك
و غمزها جاوبتو أنا منرفز
-نمشي وحدك ولا نجي أنا نهدلك فمك
خدم الكرهبة و مشا و أنا خطفتها من ايدها و تكلمت
-يزي ما تعاركت اليوم على خاطرك تمشي معايا و أنت ساكتة
تبعتني و طلعت معايا في الكرهبة ثنية كاملة ساكتين نغزرلها تثبت في الشباك سارحة و أنا موش حابب نلمها مزلت مغشش وصلت للدار دخلت مديتلها دبش مالخزانة قعدت تغزر الروب تكاينها تتسائل متاع شكون و أنا طفيت الضوء و طلعت
-البس الروب هاذي و أنا نمشي نبدل و نجي
هزتها و ما جاوبتنيش و أنا طلعت
باش نتجنب العرك..
سمر:
بهتت من تصرفات شبيه عليا دخل لحياتي و أنا ما نعرف عليه شيء و لقيت روحي نتبع فيه من غير ما نشعر و تو باش نبات معاه في نفس دار و ما نجمش نرفض ما فهمتش علاش. و يزيد يمدلي روب أكيد راي روب متاع وحدة من عشيقاتو و أنا كيما الناس ملاح باس نلبسها و فمي ساكت مانيش لابستها و يتنرفز ولا يتفلق أصلا شكونو باش يحكم فيا في كل شيء.
عمر:
لبست شورت و هبطت لقيتها لابستلي مريولي و طويل عليها و روب مطيشة فوق الكانابي تلفتلها متسائل
-شبيها ما عجبتكش؟؟
-ما نلبسش دبش بنات ما نعرفكمش منين نعرف عليها أنا قداش من وحدة لبستها مديت مريول مالشريطة نظيف أما كان تحب تو نحيه و نرجع نلبس دبشي
شديت الضحكة باش ما نظهرش إلي أنا فهمت غيرتها و قربت منها لين لصقت في الحيط
-لا أما موش قصير المريول برشا هكا؟ أنا راهو ما نجمش نشد روحي
-م..ما يهمنيش مريول هذا خير من روب مسخة متاع..
قصيت عليها
-ياخي غايرة؟
-ل..لواش ب.. باش نغير
و خدودها حمارو ما نجمتش نقاوم و هزيتلها راسها غزرتلها في عينيها
-تهنا خذيت روب هذيكا البارح خاطر معمل نجيبك تعيش معايا و معاش تخدم في البار
و بستها من شفايفها كانت ترعش و خايفة و أنا موش منجم نبعد عليها لين حسيتها تفاعلت معايا زدت لصقتها..
سمر:
بعد إلي قالي أنو يحبني نعيش معاه حسيت نار الغيره فيا طفات و تهنيت معناتها ظلمتو و زيد شلقت على روحي غايرة و موش حابة عليه كيف جيت نجاوبو سبقني و طبع بوسة على شفايفي قلبي قام يدق أول مرة حد يبوسني و أول مرة حد يهتم بيا خفت كان يعتبرني نزوة أما قلبي و بدني كان مطاوعو كنت نحب عليه ما نحبوش يبعد نحب نجرب نحب و نرجع للدنيا تفاعلت معاه رعم إلي ما نعرفش حاجة جديدة عليا و هو كانش متردد باش يتقبلي تكاينو يستنا في اللحظة هذيكا هزني لعالم آخر بعد بعد عليا و باسني من رقبتي و أنا مكبشة فيه بيديا نحبوش يبعد لين جات بين عينيا وقتلي تعرضت للاغتصاب و كيفاش ما نجمتش نحمي روحي في لحظة الحب في قلبي ولا خوف و دزيتو و صحت
-ابعد عليا ما تمسنيش ابعددد
و عينيا دمعو قعدت نغزرلو متعجب و مصدوم فيا و أنا موش منجمة نفسر ولا نقول علاش عملت هكاك غطيت وجهي و جريت لبيتي من غير ما نقلو شيء..
عمر:
كانت متفاعلة معاية تتنفس بزربة و أنا موش منجم نتراجع خدرتني بعد حسيتها قالب ثلج و دزتني تعيط قعدت دايخ مزلت ما ستوعبت شيء هي تبكي و تقلي أبعد و أنا نراجع في الأحداث ما عملتلها شيء و هي ما كانتش مالعاكسين ما عملتش حاجة هي رافضتها علاش تصرفت هكاك و صاحت عليا في وقتلي كنا في عالم آخر الزوز قربت منها باش نعديها و نمسحلها دموعها أما هي غطات وجها و خلاتني حاير من غير ما تفسرلي علاش عملت هكاك و طلعت البيت و أنا مشيت طلعت البيت نسمع فيها تبكي حبيت ندخل نحكي معاها أما ترددت ما نحبش نضغط عليها دخلت تمديت فوق الفرش منرفز و هي ليل كامل تبكي لين سمعتها قصت عرفتها رقدت قعدت نخمم فيها علاش و بالك مني أنا و بالك ماشي فيبالها ما نحبهاش و بالك ما عينهاش بيا لين هزني النوم.
31
شدتلي ايدي و تكلمت بتزعبين
-صار موش باش تبقى معايا في البيت
تلفتلها مصدوم شبيها هاذي
-علاش باش نبقى معاك
-يعني تعس عليا نعملش حاجة هكة ولا هكة و كمل ظاهر قالق تحبش ميساء تنحيلك القلق
قربت عدي في صبعها على صدري و تتبسم بخبث ضحكت و شديتلها ايدها كبست عليها بقوة
-اسمع ميساء حركاتك موش معايا باهي
غمزتلها ودزيتلها ايدها و خرجت طبقت الباب ورايا..
ميساء:
بعد ما خرج طلبت بوص متاعي و صديقي زادة عمر أمي بعد ما ماتت أمو رباتو.. بعد ما تأكدت ما فما حد يسمعني طلبتو باش نطمنو هو بعثني لحسام باش نعطيه تفاصيل الكل عليه من قبل ديما نجيبلو أخبارو هز عليا
-عمر
-شبيك تكلم فيا تو موش قتلك أنا نكلمك
-ههه لواش جبت طفلة جديدة
-ميساء معاش تتجاوز حدودك
-هههه باهي باهي أنا سايي تو مهمة نجحت و هاني قاعدة نعس عليه تهنا كل شيء ماشي كيما نحبوه أما علاش باعثني لواحد بوقوص اي قلبي سحروني عينيه و ظاهر قوي
-نعرفك كان تحط في بالك المهم أنت ما تضيع شيء من حركاتو و معاش تكلمني
-أمممم تستنا فيك برا برا
علق عليا و أنا قمت نضحك تضربت فيه محلاه و قوي كيما نحبو أنا..
في الليل فديت و خرجت لقيت الرجال في الباب تلفتت
-موش مسموحلي نخرج موش هكة
ما جاوبونيش غزلت و رجعت دخلت افف شيء يفدد تكبيت في الفرش و نعست...
رؤى:
بعد ما بدلت هبطت ما لقيتش مراد دخلت للكوجينة سمعت باب الدار تحل و مراد داخل جاب معاه ماكلة
-صباح الخير هاك قمت
-صباح الخير أي أنا خيت نطيب قهوة ما لقيت شيء
-هاو جبتلك ماكلة
قعدنا في الطاولة
-مراد شنوة جديدو؟ حسام سنيا أحوالو شعمل؟
-حسام تنرفز برشا كيف أنت هربت أصلا كنت متوقع يقتلني للحظة ودعت حياتي ههه و البارح طفلة جاتو حسب ما نعرف عندها المخدرات و اليوم العملبة متاعها
-كيفاش الطفلة هاذي؟؟
سألتو بلهفة غيرتي قبل كل شيء ما نحبش حتى طفلة حتى تمشي على الارض إلي هو يمشي عليها
-صورتها أغزرلها
خطفت البرطابل و ضويتو عاللخر و قعدت نثبت فيها هاي مزيانة و أزين مني كبست على البرطابل و سألتو
-وقتاش تمشي هاذي؟
-حتى تعمل العملية و تولي لاباس
-نعم؟؟ و لواش سبيطار هو باش يتلهاو بيها؟
و تفكرت كيفاش أنا وياه حبينا بعضنا هكاك وليت نهلوس مشيش يحبها و ينساني و تولي هي حبو لا لا ما لازمش يصير هكاك
-وين سرحت؟ تهنا هيا فاسدة و موش باش تجم توصلو
-عينيك عليهم أمان مشيش تصير حاجة و تخبي عليا
-باهي و أنا شنوة ناوية تعمل؟
-نشوف الوقت المناسب إلي نجم نحكي فيه معاه موش في الخدمة
هكاك و تليفونو صونا
-سامحني لازم نمشي تو البوص يطلب
-أمان هز عليه نحب نسمع صوتو
تبسم و هز و سمعت صوت حبيبي يعارك ههه مصعبو قداش نعشقو
-ألوو وينك شبيك لتو ما جيتش عنا خدمة تعدل جيب الطبيب في ايدك نص ساعة بلاش تكركير تحرك
و علق و أنا طرشقت بالضحك غزرلي و تبسم
-كيفاش حبيتو هذا هههه
و خرج و أنا قلبي مزال مخدر بعد ما سمعت صوتو قداش نحبو تكيت على الكانابي نلعب بخصلات شعري و نحكي و ايدي على كرشي
-سمعتو؟ هههه شفت مصعبو بابا أما معانا موش هكة يحبنا و ما يعيطت علينا هكاك تو تشوف قداش يدلك يا روحي شوية صبر برك.
حسام:
شوية و دخل الطبيب عيطت للرجال باش يدخلوا ميساء
-بوص ما حبتش تقوم
غزلت
-ما تعرفو تعملو شيء
و مشيت كيما الثور للبيت إلي راقدة فيها و دزيت الباب بقوة لقيتها تتململ مزالت راقدة
-ميساء قوم تحرك ما عنديش نهار بطولو أنا باش نستناك
- اممم درجين أخرين كهو
و غمت على راسها كبست على ايدي و نحكي معا روحي "هدي اعصابك هدي اعصابك " و جبدتلها الغطاء
قامت تنفخ و تبعد في شعرها من عينيها
-مزال بكري
و تتكسل
-أما محلاها كيف نقوم و أول واحد نراه أنت
طفيتها و قلتلها أغسل وجهك و البس و ايجا هاني نستنا فيك البرة
-ميسالش موش لازم تخرج
-ماكش ناوية تفهم روحك ولا تحب نفهمك قدرك أنا
-تطلعش تخاف لا نحركلك مشاعرك
قعدت على الكرسي منرفز
-كان نبقا تسكت و تتحرك؟؟
-أي
و مشات للدوش غسلت وجها و خرجت تلبس في الروب و أنا موش نغزرلها سارح نخمم زعمة رؤى وين مشات و شتعمل و وين باتت.
-كملت
-هيا معايا
دخلنا و بدات تعمل في العملية كانت تغزرلي و تتبسم لين غمضت عينيها و أنا فادد وقتاش تمشي و نرتاح منها.
بعد ما وفات قعدت جنبها نستنا فيها تفيق صحيح ما تعنيلي شيء أما مدامها في ذمتي لازم نرد بالي عليها لين ترجع لاباس و تمشي حسيتها بدات تفيق و أول كلمة قالتها
-جعت
-طلاباتك ما يوفاوش أنت؟
-عاملة عملية و أنا تبخس فيا
-عملية بسيطة راهي موش هدرة كبيرة
-يعني نجم نقوم و نمشي
-افففف اي
-كهو مالا تعشيني في رستو الليلة علاش ما تخرجنيش ماني عملتها على خاطرك باش تهز المخدرات
-باهي
و قمت و خليتها جاوبت من غير ما نشعر المهم نرتاح من حسها موش ناقصها هي نهارين و ترتاح و تمشي كيف حليت الباب لقيت مراد لاصق فيه حسيتو ينسنس ڨحرتلو تكبس و قالي
-بوص الطبيب يحب على فلوسو جيت باش نعيطلك
غزرتلو و كملت من غير ما نجاوب و مشيت للطبيب باش نخلصو...
32
ميساء:
بعد ما خرج تليفوني نوقز هزيت
-ألوو عمر
-الشك متاعي كان صحيح لقيتها رؤى عايشة في دار معا واحد من رجال حسام متخبية عندو شافوها تقضي و تبعوها لدارو اسمو مراد و أنت ما تعلمش أغلاط المهمة متاعنا قريب تكمل
-باهي تفاهمنا
و تبسمت أما غايضني محلاه و تحسو رغم إلي صعيب رجلة ما نعرفش علاش يحب يقتلو.
المهم دبرت خرجة معاه قبل ما تخسروا البشرية ههه.
عمر:
بعد ما طلبت ميساء مشيت خرجت مالبيت لقيت سمر حضرت القهوة و تستنا فيا بستها من خدها
-صباح العسل يا أحلى حب في الدنيا
تبسمت و خدودها وردو
-صباح النور
فطرنا و قلتلها
-وين تحب نمشيوا اليوم
-تجم نختار أي بلاصة
-أكيد البوم نهار كامل على ذمتك
ضحكت
-شقولك في carthageland
-هههه جبتها لروحي
-هاك قلتها خلي نلعبو و تنساو الدنيا نتفرهدوا نهار هبلة
-باهي تدلل قوم حضر روحك ماله
قمت بدلت و أنا لبست و مشينا ملي وصلنا و هي سابقتني و شادتلي ايدي و تقلي
-ايجا نطلعوا في هذيكا أغزر معلاها كنت نخاف نركب فيها ملي صغيرة أما تو أنت معايا نخافش
كلامها خلاني نتبسم من غير ما نشعر و نمشي معاها كيما المسحور رغم إلي البنات كانو يغزرولي أنا كنت ما نراها كان هي قدامي نشوف في ضحكتها و عينيها الفرحة ماليتهم طلعت معاها في الافعوانية كانت طالعة و هي تغزر مالبلار و تضحك لين وصلنا لأعلى نقطة و اللعبة وقفت هكاك غزرتلي مفجوعة
-تقريب باش تطيح
ضحكت و قتلها
-موش ما تخافش معايا تي شيء تصير تو يريڨلوها تو نحب نستغل الفرصة في حاجة
و قربتلها و عنقتها حطيتها في حضني و هي كانت متقلقة و أنا شايخ عليها
-مزلت ما عقلتهاش الحاجة راو
تلفتلي مزالت ما تكلمتش و أنا قربت شفايفي من شفايفها و بستها ما عكستنيش كيما مستانسة لين بعدت عليها خدودها حمر و شفايفها ترعش تغزرلي بعينين ذابلين إلي سحروني ملي تلاقات عينيا فيهم قعدنا نغزروا لبعضنا نقراو في احاسيسنا بلغة العيون لين اللعبة وقفت ما فقتش بيها كيف هبطت كنت في دنيا أخرى معاها هبطنا و بدات هي تكركر فيا للي بعدها و عدينا نهار كامل نلعبو غادي و خذيتها لحية جدي خليتها تاكل فيها شفت حاجة عرفتها تحبها
-كولها و استناني ما تقومش هاني جايك باهي
-أي
و كانت عندها شوية حلوى داير لشفايفها ضحكت و مشيت..
سمر:
أحلى نهار تعدى في حياتي بعد ما ماتت أختي رجعني للدنيا و خرجني مالظلمة خرجني مالجحيم إلي كنت فيه الحب خلاني طفلة أرى طفل تحي تعيش تحب تضحك و تحب تلعب يمكن وليت الطفلة إلي كانت تقلقني في أختي وليت عايشة أنا سارحة و حسيت بايد فوق كتفي تلفتت دبدوب كبير واقف و يعملي باي باي ضحكت و حملتو
-يااا عمر
عينيا دمعت و عنقتو و هو يضحك و يقلي
-يا بنتي فضحتنا هزو بسكات لواش الدموع ههه
-عمر موش عارفة شنوة نقلك والله فرحتني البوم عيشتني في حلمة و..
حط صبعو على شفتي
-لا موش حلمة اليوم لمحة على الحياة الجديدة إلي باش تعيشها معايا و عن قريب نسافروا و نعرسوا و نقعدوا على كل شيء نبداو حياة جديدة و ما نستناش منك غير أنك تقعد تحبني يكفيني
و حط ايدو على راسي يربت عليه تكايني بنتو
-نعشقك عمر
-و أنا نموت فيك هيا وقيت نروحوا الدنيا ظلامت..
روحنا للدار بدلت دبشها و أنا تحيت المريول و قعدت على الكانابي طقس سخون هبطت هي شادة كعكة و قعدت جنبي تحكي
-عمر شقولك كان نتفرجوا في فيلم عندي برشا ما تفرجتش
و أنا لحظتها سارح فيها عجبتني شورت و خلعة و كعكعة إلي عاملتها و تلعب بصوابعها و تضحك كل تفاصيلها تخليني نزيد نغرق في حبها
-عمر تغزرليش هكاك تحشمني
تبسمت و جبدتها ليا غرقت معاها في أحلى بوسة و هي كانت متجاوبة معايا لين ولات تتنفس بصعوبة و تقطع علينا النفس الزوز بعدت و لصقت جبيني لجبينها
-خلينا نتقربلك ما تخافش عمري ما نخليك
ما جاوبونيش أما لفت يديها عليا و باستني اعتبرتها موافقة و هزيتها للبيت كنت نستنا في اللحظة إلي تولي ملكي..
33
على تلفيتي شفتها تبوس فيه معنكشة فيه و باستو تصدمت حسيت سكينة تغرست في قلبي باعني و بدلني بمنظر كيف هذيكا تلفتت لمراد
-امشي نرجعوا
قلتها باردة تكايني موش مهتمة أما في الحقيقة كنت نغلي قريب نقلو قدم و أضربها بالكرهبة اقتلها معاش تفرق معايا بالنسبة ليا هو ملكية خاصة حتى مرا ما عندها الحق تقربلو لا هي لا غيرها
-متأكدة تحب تروح بالك..
-امشي قتلك معاش عيني نتفرج فيهم أكثر ما عندي علاش قاعدة نتبع فيه..
و دورت وجهي البلار دموعي هبطوا و ما خليتوش يشوفني نبكي روحت و تصويرتهم مزالت بين عينيا كيفاش باسها جرحتي برشا طول مشيت لبيتي نبكي كيما كل ليلة مرة دموعي ولات ادمان يومي قبل النوم و كل يوم نزيد نتجرح و نفقد الامل أكثر في إني نرجعلو بطلت موش حاكية معاه خليه مدامو بدلني علاش نرخص في روحي أنا و نجري وراه باش يسمعني ربي معاه..
حسام:
فديت مالقعدة معاها لقيتها كملت شربت و باش تطلب دبوزة ثانية ما خليتهاش
-كهو يزيك ما شربت فديت قوم باش نروحوا
و قمت من غير ما نستنا الجواب متاعها خلطت عليا تتطايح شديتها نعاون فيها تمشي
-كان ما جيتش في ذمتي ولا نخليك و نمشي قتلك ما تشربش ناقصك أنا
-شبي..-شبيك ديما مكشبر هههه حواجك ديما معقودين رغم إلي محلاك صعيب
طفيتها خاطر سكرانة و موش عارفة فاش تخرف تمالكت أعصابي و باقي شاددها لين وقفت
-بووص ايجا نقلك حاجة في وذنك
-امشي هاو قريب نوصلو للكرهبة
-لا موش متحركة حتى نقلك
و لطخت بسقيها في القاع نفخت و قربت وجهي باش نسمعها ياخي عنقتني و باستني و أنا مالصدمة قعدت نغزر و باهت في الجرأة متاعها و كيف فقت مالدوخة بعدتها و شديتها من مرفقها بالقوي و جبدتها ليا نعيط
-أنت موش ناوية تعديها على خير الليلة تحب تموت على يديا -بصحتك سكرانة ولا و الله ندفنك حية
-هههههه أغزر محلاك و أنا مغشش بو زينك أما ايدي وجعتني سيبني
سيبتها و طلعنا في الكرهبة خليتها لواحد من رجالي
-طلعها لبيتها
و مشيت للبيت حاسس بحاجة في قلبي ملي في الرستو نغزر مالشباك نحس في قلبي يدق و نتفكر في رؤى قداش متوحشها نحب نراها نعطيها فرصة تفسرلي ندمت إلي تصفت معاها بالقسوة هذيكا كان تلقاها برك بالك نتفاهموا و يطلع سوء تفاهم تفسرلي و كان تفسيرها موش مقنع وقتها ما نسامحهاش قداش كنت متسرع تكيت على الفرش نتفكر في لعبها و ضحكتها و عينيها لين هزني النوم..
رؤى:
قمت الصباح فرحانة موش على خاطر شفت حسام أما اليوم ماشية باش نعرف جنس البيبي و نسمع دقات قلبو تمنيت كان جاء حسام معايا أما باقي عندي أنا حتى كان شوية باقي حاسة إلي وقتلي باش نجيب الصغير حسام باس يكون جنبي تبسمت و خرجت كرشي بدات تتكعبر شوية بدلت و لبست سالوبات و خرجت..
راقدة على السرير و نغزر للecran و عينيا مدمعة بالفرحة
-مدام عندك طفل مبروك النمو متاعو عادي تحب تسمع دقات قلبو؟
-أي عيشك دكتور
-و بوه موش هوني خلي يسمع معاك؟
-ل..لا يخدم
-ااه ميسالش وقتلي تحبو ايجاو ما فماش حتى مشكل
و سمعت دقات قلبو دموعي هبطوا دموع الفرحة ثمرت حبي أنا و حبيبي زدت حبيتو أحلى كادو في حياتي نحس فيه في كرشي احساسي في اللحظة هذيكا قد ما نحكي عليه و نعبر ما نجمش نوصفو الدموع و التبسيمة المرسومة على شفايفي كانو كافين باش يعبروا علي حاسة بيه بعد ما كملت الكنترول تعديت بديت ناخو في الدبش من تو للصغير ههه مالفرحة حبيت نعدي نهار لولدي ما قماش بوتيك متاع صغار ما مشيتلوش لين بيلت وقفت تاكسي و ركبت وريتو الأدراس و غزرت المراية باش نريڨل مكياجي شفت كرهبة كحلة نفسها إلي ريتها كيف خرجت مالدار حسيتها تبع فيا تلفتت باش نشوف شكون فيها أما البلار ما يظهروش احساسي ماكانش مطمني قعدت كل شوية تتلفت و الكرهبة باقي ورايا..
34
الكرهبة باقي ورايا شكيت و خفت كان يلقاوني أما بعد قلت لا لا صدفة منين باش يعرفوا بلاصتي هبطت مالتاكسي و تلفتت الكرهبة ما فماهاش تنهدت مرتاحة الخوف طار و دخلت للدار نظمت الدبش و بدلت و مشيت نطيب ولدي جاع ههه..
سمر:
قمت في حضن حبيبي لقيتو فايق و يتفرج فيا تبسمت
-عروستي قمت صباح النور
-صباح الخير
-محلاك ماللي قمت و أنا نتأمل فيك ملائكة راقدة في حضني
و باسني من خدي و قام مشى للدوش و أنا دخلت بعدو للدوش كيف كملت و خرجت مالدوش لقيتو يتكلم في البرطابل قال
-رد بالك تضيعها فهمت الغلطة بحسابها
و كيف شافني علق لقاني متسائلة قالي
-عمر صفقة مهمة فالخدمة و وراق مهمين لازمش يضيعوا
حسيتو يكذب أما تلفت أمور خدمة ما تهمنيش تبسمتلو و مشيت بدلت دبشي..
جمعة تعدات و أنا وياه ديما غارقين في الحب رادد بالو عليا و ما يحبش يفارقني سعات نلاحظ عليه تصرفات غريبة يبدا يتكلم يعلق ولا ساعات نراه ياقف معا رجال موش معروفين و ما يجبدش عليهم جملة و ديما يطلبوه في الليل و في النهار اليوم خرج الصباح بكري و أنا مالي قمت نفسي دايرة و متقلقة غير ماشية جاية للدوش بعد تفكرت نطلعش حبلة شكيت مشيت نشوف الدات زدت شكيت و فرحت كان نطلع حبلة عمر يطير بالفرحة بدلت دبشي و خرجت خذيت تاست و روحت أما خلطتش نعمل التاست خاطر هو جاء خبيتو و مشيت حضرت الفطور حسيتو على أعصابو مشيت قعدت جنبو و شديتلو ايدو
-عمر فما حاجة مقلقتك؟
-لا لا ما فما شيء بالعكس بعد غدوة باش نسافروا أنت وياك و نعيشوا بعيد نقلبوا حياتنا و نبداو صفحة جديدة و حياة جديدة
فرحت و عنقتو
-عمر فرحتني برشا نحبك نحبك نحبك
-حتى أنا نعشقك يا روح عمر
-أما أنا ما عندي حد من عائلتي عادي كيف نبدل و أنت ما عندك حد من عائلتك هوني؟
-ما عندي حد أمي ماتت و بابا مات زادة..
-ما عتدكش خوات؟
سكت شوية و بعد كبس على ايدو
-لا ما عنديش
-أمك ماتت مريضة؟
-ماتت خاطر بابا كان ساقط بابا خلاها وقتلي حبلة و أنا وقتها عمري 10 خلاها على مراة أخرى عرس و خلانا للفقر و للهم خلاها تواجه الدنيا وحدها كانت تخدم و توكل و تشرب و قداش من مرة نباتو في الشارع لين نهار دنيا شتاء و هي باش تولد و ما فما حد في الشارع خلي و هي تحت المطر تبكي و تعيط حتى كلب ما وقف باش يعاونها بكيت عيطت ماشي جاي في الكياس نعيط أمي أمي تبكي و حد ما همو فيا آخر حاجة قالتها عمر نحبك ولدي تكون قوي و ما تخلي حد يعفس عليك أنا ديما معاك حطها فيبالك أنا الفوق نغزرلك و نحبك و معاك في كل بلاصة و غمضت عينيها عنقتها و نفيق فيها مشا فيبالي راقدة جاء الصباح و أنا مزلت نستنا فيها تقوم ههه (ضحك ضحكة متاع وجيعة) لين تعدى راجل محترم كبير في العمر هزني و قالي تو تولي تخلط علينا و ما خلطتش ماتت و بابا ما عندوش برشا ماللي مات..
عنقتو بقوة قمت نبكي ما فيباليش تعدى بهذا الكل حياتو كانت صعيبة مالي عمرو 10 سنين واجه الدنيا وحدو
-عمر أنا معاك عمري ما نخليك
-أنت رجعتني للدنيا سمر ملكتلي قلبي و رجعت عمر القديم حي عمر الصغير ما يحيى كان في وجودك
-نشاء الله يوليوا زوز عمر صغار
-كيفاش
-لا شيء نتمنى
تبسم و عنقني
-عمر و ما عندكش خوات من بوك برك؟
-لا .. لاما عنديش
قعدت نغزرلو شاكة في كلامو أنا ما نحبش نضغط عليه...
رؤى:
قاعدة نظم في الدار كيما العادة و مراد دخل معاه القضية و أنا نمسح في الدروج شفتو داخل و في ايدو شكلاطة إلي شاهبتها ضحكت
-عيشك مراد و الله ولدي مهبلني
و جيت هابطة أما ساقي هربت بيا و تزحلقت...
Haya nal9a tafe3ol nkmlta tw lkoul
35
ساقي هربت بيا و تزحلقت ما نجمتش نشد روحي حاولت في آخر لحظة نشد في الحرف أما ما خلطتش تكربست في الدروج و جيت في القاع اللوطة نصيح و نبكي كرشي توجع برشا خفت كان ولدي يتضر والله نموت كان يطيح هو إلي مقويني و حاسة بيه ستانست و نستنا فيه بالدقيقية و الدرج نغزر للدم هابط و مراد سيب إلي في يديه طول و جاني يجري يهز فيا
-ما تخافش رؤى تو نهزك الطبيب
أمان موجوعة أمان ولدي أزرب عيشك
نحكي و نبكي بالشهقة خايفة برشا عليه هزني في حملتو حطني في الكرهبة جنبو و جرى بالكرهبة للسبيطار و أنا حاطة ايد على كرشي و نتوجع و نعيط لين وصلنا حطوني فوق سرير و دخلوا بيا يجريوا و هو كان جنبي و يقلي
-ما تخافش لاباس لاباس
و أنا قبل ما ندخل قتلو
-كان صارت حاجة أحكي لحسام أمان
و بعد تخدرت و غمضت عينيا..
مراد كان يمشي و يجي قدام البيت مفجوع كان تصير حاجة ما لازمش يصير شيء خرجلو الطبيب يحكي معاه
-مسيو أنت راجل المدام؟
-لا أنا خوها لاباس شصار؟؟
-لاباس الصغير ما صارلو شيء نزيف صغير وقفناه هيا هيكا فايقة كان تحب تطل عليها و ترتاح شوية بعد تقوم لاباس عادي أما لازم ترد بالها مرة جايا
-عيشك دكتور
و شفتو داخل
-هكا تفجعنا عليك و على الصغرون
تبسمت و قتلو
-كان ترى أنا قداش خفت لا نخسرو ما نجمش نكمل بلاش بيه متقوية بيه على خاطرو مستعدة نعمل أي حاجة
-شوية و نروحوا و معاش تمس حتى شيء مالقضية فهمت
أنا نحكي و البرطابل نوقز حسام يطلب...
-ألوو بوص
-ايجا تو تو شبيك أنت وين نعيطلك ما نلقاكش ما تنساش إلي أنت مجرد مساعد و مزلت نجرب فيك و أنا على طول بعيد معاش تمشي لحتى بلاصة بديت نشك فيك أصلا و تعرفني كي نشك ما نستناش تفسير الرصاص وحدو يجاوب فهمت؟؟
و علق و هو تلفتلي قتلو
-أمشي عادي حاسة روحي لاباس تو نروح وحدي في تاكسي
-سامحني تعرفو صعيب و ما يسامحش هاو حق التاكسي أنا ماشي..
خرج هو و أنا قمت باقي موجوعة شوية مالطيحة هزيت روحي و وقفت تاكسي شفت الكرهبة الكحلة ورايا وليت خايفة لين شفتو دار في ثنيا أخرى أكيد نهلوس برشا وليت هبطت مالتاكسي و نلوج في مفتغح الدار ما نفيق كان بحد يشدني يكتفني و يغطيلي فمي بمحرمة يدوخ فيا وليت تفارع و حاولت نبعد أما دخت ما نجمتش نشد روحي أكثر...
عمر:
بعد ما حكيت لسمر العذاب إلي ذقتو البرطابل نوقز لقيتهم الجماعة إلي بعثتهم باش يخطفوا رؤى غزرت لسمر قلتلها
-الخدمة يكلموا فيا موش مهم..
و علقت. خلي نمشي نبدل دبشي أنا عزيزتي
-باهي أنا لازم ندخل للدوش
طلعت لبيتي باش نجم نحكي معاهم مدامها لاهية طلبتهم
-بوص سايي رؤى عنا
-صحيت رد بالك تضيعها اليوم باش نفضها معاهم
علقت عليه و طلبت ميساء
-الو عمر
-أي ميساء سايي رؤى عنا تو خطفوها الجماعة و بقا حسام أكيد ملي يعرف إلي هي حبلة منو تو يمشيلها يجري و غادي نقتلهم و نرتاح
-و بعد شنوة باش تعمل
-بعد باش نهز سمر و نهربوا معاش نجيوا قتلك بعد ما ناخو حق أمي و حقي باش نبدا حياة جديدة
-و سمر قابلة الوضع هذا
-لا مهبول أنا باش نحكي لسمر و نقلها أختك حية و باش نقتلها و نهربوا.
هكاك و سمعت حاجة طاحت في القاع تلفتت نلقا سمر ورايا..
36
عمر:
خرجت حاسس بالذنب زعمة نبطل زعمة نتراجع لكن عندي سنين نستنا في اللحظة هذيكا علاش باش نبطل صحيح نعشقها أما تو الأوراق الكل عندي علاش باش نتراجع توجهت طول للبلاصة إلي فيها رؤى و في مخي كان الإنتقام عماني نشاء الله يجي نهار و تسامحني سمر ما نستحقكش وصلت دخلت و ملي شفت الغزرة و هي تطلب في الشفقة و تبكي تبسمت و قربتلها شديت وجها بين يديا
-موش قتلك ما تجمش تهرب مني تو هاك بين يديا وينو إاي هربت على خاطرو؟ وينو إلي وقفت قدام الكرتوشة باش تحميه؟ وينو إلي رضيت يكرهك المهم ما يصيرلو شيء ههه البنات تحبو حب أعمى و معاش تراو شيء
-أنت تحكي على الحب يا مسخ يا حقير عندك الحق ما جربتوش و عمرك ما تجربوا خاطر واطي أصلا بهيمة إلي تغزرلك
ضربتها بكف قوي لدرجة رديتلها فمها بالدم و هي ما تكلمتش و ما بكاتش كانت عندها قوة في عينيها أول مرة نراها تنرفزت و صورتها بعد ما ضربتها كانت حالتها تفجع أما ما أرضاتش الغل و النقمة إلي في قلبي صورتها و بعثت التصاور لحسام و كانت ظاهرة حبلى و كتبتلو مساج و أدراس البلاصة إلي أحنا فيها باش يجي طائر متأكد حتى موش على خاطرها راو على خاطر الصغير أخيرا يا حسام شديتك..
حسام:
قاعد مهموم كيما العادة وصلني مساج حليتو يديا رعشو قلبي حسيتو خرج و عينيا حمارو بالغش و عضيت على شفتي و كبيت على البرطابل لين عروق ايدي بانت نشوف فيها مضروبة و كمل وصلني مساج في الأدراس و فيه إلي هي حبلة عيني دمعت معناتها ولدي في أحشاءها و أنا آخر من يعلم أنا عذبتها و خليتها الوقت هذا الكل معذبة و تحمي فيا ضحات على خاطري بكل شيء و لتو تحي تحميني قد ما نعمل على خاطرها ما نجمش نعوضها على ضحات ليه و صبرتو على خاطري حتى و أنا متأكد مانيش باش نخرج حي من غادي و يمكن هي زادة تتحاسب جرتي أما مستعد باش نحميها لآخر نفس مستعد نعمل المستحيل ميساليش نموت أما هي و ولدي لا ما لازمش يتحاسبوا معايا هزيت المسدس و قبل ما نخرج تلفتت لرجالي
-خوذوا الأدراس هاذي و بعد نص ساعة كان ما طلبتكمش ابجاو و جيبوا جماعة الكل معاكم حاولوا تخرجوا المرا إلي غادي بأي طريقة
و مشيت باش نواجه حتفي و نودع الدنيا على الأقل نخلط نطلب السماح على عملتو فيها رغم إلي ما يفيدش تو... hm
37
مراد:
واقف بحذا البوص في الباب نستنا فيه عنا مهمة و بعد شفتو داخل بعضو و منرفز و أول مرة نشوف الغزرة هذيكا في عينيه كيف قال للرجال يخلطوا عليه كان ما طلبهمش حسيت إلي رؤى في الحكاية هو مسا و أنشا جريت طول للدار باش نطمن عليها هي بطبيعتها تاعبة دخلت للدار نعيط
-رؤى؟؟ رؤى؟
درت البيوت ما فماهاش و طلبت السبيطار قالو إلي هي خرجت أول بلاصة خممت نمشيلها دار عمر بالك نلقا حاجة نوصللها بيها و نتأكد كان هو عندو دخل هديت الباب و نعيط
-رؤى رؤى؟
سمعت صوت باب فما شكون محبوس الفوق ضرب قوي على باب و وحدة تعيط
-خرجني خرجني أمان
مشيت نجري ماشي فيبالي رؤى
-وخر باس نكسر الباب
و خلعتو لقيتها موش هي أما وحدة تشبهلها
-شكون أنت؟ وينو عمر؟؟ رؤى وين؟؟
-تعرف رؤى؟؟ أمان أعطي ثيقة فيا نعرفها وين سمعتو يحكي أمان فيسع لازم نخلط عيشك
ما كانش عندي حل آخر غير إني نسمعها كنت نسوق نجري و هي تقلي
-زيد اجري شبيك تتمشى أزرب أمان أزرب معاش باش نخلطوا يا ربي ما تغلطش عمر ما تغلطش عيشك يا ربي نشاء الله نخلط
وصلنا لبلاصة خالية شوية و هي هبطتت تجري و ٱنا وقفت كلمت البوليسية و بعد خلطت عليها...
عمر:
واقف موش مصدق اللحظة إلي نستنا فيها سنين تو جاتني أنا كبست على المسدس باش نضرب و سمعت صوت.. صوت المرا إلي رجعتني للدنيا
-عمر لااااا
تلفتت مصدوم موش عارف كيفاش خرجت ولا جات
-شتعمل هوني كيفاش خرجت؟؟ شكون جابك
-ترمات عليا عنقتني من غير ما تقول حتى كلمة و طرشقت بالبكاء
-عيشك لا تعمل هكاك أمان فيق ما تخليش الغش يعميك ما عندوش ذنب خوك ما تقتلوش بيدك ماهوش باش يرجع إلي فات والله تندم و كمل أغزر عنا بيبي باش يجي هيا عمر سيبهم و أنا وياك نبعدوا أمان أنا معاك و ولدك زادة معاك أنسى عمر
شديتها و بعدتها من قدامي
-نحبك سمر نعشقك و تو رديتلي فرحتي دوبل أنا موش قبل ما نقتلو سمر كلامك موس باش يبدل شيء أمي تعذبت و ماتت قدامي و تو باش ناخو حقها أمان ما تكرهنيش
شدتلي ايدي إلي فيها المسدس و حطتها على كرشها
-مالا قبل ما تقتلهم أقتلنا أنا و ولدك نفضل نموت على إني نعيش حياتي معا قاتل أختي و خوه أقتلني خير ماللي نعيش بقية حياتي مجروحة أتلني قبلهم عمر
-سمر سيب ما تسيبش هبالك ما نجمش نمس شعرة منك ما تهبلش
-عمر قتلك أقتلني كان ناوي تقتلهم يلا فاش تستنا أقتلني معاهم
لحظتها ما نعرفش شصارلي فاش نعمل شنوة وليت باش نكمل نقتل حب حياتي يديا ولاو يرعشوا كيفاش بعد ما وصلت لهوني نستسلم قد هكا عندها تأثير عليا يديا ترخفت على المسدس و جيت نسيبوا أما لحظتها دخلوا البوليسية
-هز يديك الفوق أنت موقوف...
تلفتلها
-سمر!!!
-لا عمر موش ٱنا ما فيباليش
جاو يشدولي في يديا بmenottes
و سمر ترمات مكبشة فيا و تصيح
-لا عمر أمان لا ما عمل شيء ما تمشيش
كانت معنقتني و يبعدوا فيها عليا و هي تفارع و مكبشة فيا...
Libnet nal9a tafe3ol nkmll l7al9a la5iraa
38
الاخيرة:
كانت معنقتني و يبعدوا فيها عليا و هي تفارع و مكبشة فيا معنقتني و أنا زادة مكبش فيها ما نحبش نسيبها نعرف موش منها و أنا نستاهل النقمة عماتني و هذا إلي نستاهلو لآخر لحظة هوما يجبدوا فيها و هي شادتلي ايدي موش حابة تسيبني
-سمر سيبني تو نرجع سيبني علاش تعمل فيا و في روحك هكا
-لا عمر باهي ما كانش باش يقتل عمر ما كانش باش يسلم فيا أنا و ولدي والله ما عمل شيء حسام تكلم قلهم موش غالط عمررررر سيبوه عمرررر نحب نجي معاك ما تخلينيش أمان ما نجمش نقعد وحدي
-بعيدة عليا خير سمر تو نرجع رد بالك على روحك
عينيا مدمعة نغزر لروحي ماشي و نبعد عليها و هي تبكي و حسام و أختها شادينها و هي تفارع باش تجيني دمعة من عيني هبطت أي أول مرة نبكي حاسس روحي دفنتها جرت التسرع متاعي عارف إلي أنا خرجت خاسر و إلي أنا وصلت روحي للنهار هذا تو باش نتعاقب.
تحكم عليا عام حبس على خاطر حسام حطلي محامين ماخذة في خاطر سمر إلي لآخر لحظة تبكي و معنقتني و أنا خرج مالمحكمة مكبل ماشي للحبس و آخر حاجة قالتها و هي حاطة يديها على خدي :
-كي تخرج تلقاني نستنا فيك أنا و ولدنا عمر كي تخرج باش نبداو حياة جديدة
و باستني
بعد عام:
خارج مالحبس تبدلت معاش عمر المجرم معاش القاتل إلي في قلبو نقمة خرجت نشوف فيها عندي مدة طويلة ما ريتهاش كنت نستنا وقتاش نراها في الحبس تعدا الوقت طويل و أنا كل يوم نراها في منامي. كانت واقفة متبسمتة التبسيمة إلي سحرتني هازة كعبورة صغيرة في ايدها عينيا دمعت و كانو جنبها حسام و رؤى شادين ولدهم بيناتهم قدمت لين وصلت قدامها نغزر لعينيها موش منجم نتكلم غزرت الطفلة إلي في حملتها عملتلي أي براسها و عينيها دمعت و متبسمة عنقتها بقوة و أنا نبكي
-سامحني سمر والله توحشتك والله تبدلت عمري ما نعاود نخليك عمري ما نبعد عليك ولا نخمم نغشك
-نعشقك عمر نحسب في الأيام و كل ما ينقص نهار نفرح نستنا في اللحظة هذي بالدقيقية و الدرج
و غزرت لبنتي كانت تشبه لأمها برشا هزيتها في حملتي أول مرة و كانت تضحك مسرارة برشا عنقتها نشم في ريحتها البنينة و نبوس فيها قريب ناكلها و تلفتت لحسام موش عارف شنوة نقول
-ح..حسام سامحني على صار ما كنش عندك ذنب و..
سكتني بتعنيقة
-ما فيباليش صار هكا خويا أنسى كل شيء باش نعيشو حياة جديدة صفحة جديدة و نخليو الماضي إلي راح أغزر كان لقدام..
هزيت بنتي و شديت ايد سمر و روحنا لدارنا الجديدة بناها حسام كتعويض و يحبني ننسا حياتي القديمه دخلت للدار هزت بنتي قمر من حملتي ناعسة و حطتها و أنا عنقتها و وشوشت
-توحشتك فيبالك
ضحكت و تلفتك طلعت على تراتش صوابعها و لفت يديها و باستني هزيتها في حملتي و قلت
-اليوم نهارك..
أما بالنسبة لحسام روح هو و رؤى لدرهم فرحان كل شيء رجع لبلاصتو و بعد على الإجرام رغم إلي كانت صعيبة أما ضحى كيما هي ضحات على خاطرو و غزر تبسم لرؤى و قلها
-المجرم إلي عشقتوه قتلتوه و خلقتو منا إنسان يحس و يحب نبقى حياتي كاملة نحمد في ربي أنو بعثوكم لينا طفيتو البركان إلي فينا
و عنقها...
The end raykom lbneeet o moltaqanaa f chroo jdida
كمنتار ببلوڨر
تعليقات