الحلقة 1
علي شيخ الجبل... تاج بنت اللبة....
أن كان حبها قدر! فعشقه قرار... ❤️..
نذكركم بقصة حب علي و تاج ❤️
علي الرجل الشهم الي عجباتو تاج في عز كسرتها و خدودها على دمعتها... علي الي يوم تاج كانت باش تكون ضحية لزواج فاشل و زواج مصالح طلبت حمايتو و قبل رغم كانت هاك بداية لنار ما تطفاش و حرب بين العيلتين... سال الدم طاحت الأرواح... أما الدم الي ساب سقى حب تاج في قلب علي.... ❤️.. تاج الي ما تخلتش على حبها ❤️..
** اففف من ها الحس كل يوم هكا... قمت كالعاده على الحس و العرك في ها الدار الي ما يعرفوش السكات و الهدوء و الراحه ديما عرك.... تلفت بجنبي لقيت حبيبي علوشي❤️❤️راقد محلاه 😍😍 كالملايكة تقول مش هو علي الراحل ااصعيب الي رجالو يرعشو منو مالخوف 😘😘... مشيت حليت الباب بالشويا لابسة روبة نوم ستان متع عرايس هههه
طليت مالدروج لقيتهم كالعاده غسان و منى كل يوم عركهم يسمع الناس الكل تقول مش هاذم الي كانو قبل في صحفة العسل.. جيت راجعة لقيت اكا العقرب آمنه تشوحرلي خارجه من بيتها... عطيتها ضحكة صفرا و تكسيلة متع مله ليله تعدت عليا مع علوشي و دخلت و سكرت الباب في وجها هههه..
_علوشي.. علي❤️❤️ أيا قوم يا روحي
النهار طلع حبيبي
_اممم خليني نزيد نرقد
_ توا في العاده انت تبدا مارجني باش نقوم أمان هيا مش قلت اليوم تهز تعمل بيا دورة في ملكم!؟ علي تي علي هيا
*** هي كالعاده تصبح ڨن ڨن عالصباح هاك هي تاجي ❤️ خليتها قربتني باش تفيقني و جبدتها عندي... قلبتها خليتها تحتي... اممم شميت ريحتها الي ما يتشبعش منها... ريحة شعرها ريحة رقبتها... خدها... و هي عاد تشوه و تبعد فيا...
_يزي علي أمان أمان أمان
_ شنوا علي أمان ما ناخوش بوسة الصباح!؟؟
_ هههه باهي بوسة بركا امانك
هكاك ديما تبرول فيا معيشتني في الشياح للي ضربني الجفاف 😅 و هي اصبر عليا اصبر و تبدأ تلمح لكا الليله،💔... انا بيدي نعذرها.. أما بوسة مستحيل نتحرك كان بيها.. ❤️...
_ أمان علي ما تنساش وعدك!!
_ قداش من مرة وصيتني و قتلك الله يبارك أفهم الله يبارك العشية نمشو
_ ههههه و الله مش قصدي نمرجك اما تعرف انو ما انجمش نقعد لنا وحدي و برشا 😉
**** بدلنا دبشنا هبطتنا للفطور علي وحدنا ايدو ما تفارقش يدي اما قدام عيلتو يحشم يبدا انا نقرب و هو يبعد...
ملي قعدنا بدات امو تمررنا في الفطور بمعركة غسان و مرتو!! تقول الواحد ما عندوش الحق تكون عندو حياة خاصة للي حشمت منى و قامت ما كملتش تفطر! منى تحب تمشي تعدي عالصغار! توا ما تعداتش فترة عالعرس اما تحب تزرب تجيب صغير و غسان مش قابل تعدية و يعيط و يصيح انو لاباس!! علي قلو اش فيها و هز مرتك و ما خاسرين شي و هو يتهز و يتحط جاب ربي علي ما عندوش العقلية هاك....
_ برا رضي مرتك انت و اخطونا من ها السيرة و انت علي ما تنساش اليوم جاي
ضياء الدين
_اليوم هو جاي!؟؟ كنت ناسي تصدق!
- بالطبيعة تصدق علاه بقا عندك عقل انت!!
_شكون ضياء هذا!!!
( نوشوش لعلي و هي سمعتنا يخلي دار شرها مقوى سمعها)
_ ولد خويا الغالي عايش في أميركا و باش يجي يقعد عندي فترة
_أمم فترة 😏
حسيت علي قلق!! و خاصه كراني متحمسة نسمع في معلومات عليه قلي بعنيه أيا قوم!!!... انا ما حبيتش ت
نسئلو اما هو بدا يحكي في ما يحملوش لولد خالو هذا!! يحكي انو مغرور و مضروب في روحو الحاصل ما خلى حتى وصف خايب ما قالوش... هو مشا لخدمتو و انا مشيت لخالتي نعيمة الي لاهية بالدار حكاتلي انو وليد عاقل و متربي و شخصيتو تدخل القلب و مزيان ههههه ملي سمعت كلمة مزيان عرفت علاش علوشي❤️ عمل هكاك...
طلعت لبيتي دوشت حررت الوقت في إني عاونت في التحضير لجيان ها الضيف... تعدا الوقت و انا خايفه لا علي يسبب بولد خالو و ما يخرجنيش.. 😏
*** قاعد نستنى في ضياء... هكاك و شفت واحد خارج و رامي ساكو على جنبو... لابس لينات و حطايط... كالعاده مب بنية تتعدا بجنبو يعديها عاارافل...
_ديما بصنعتك ارحم بنات الناس هههه
_ههههه اكحل لحية.. سلاح كرهبة كحلة اكيد علي شيخ الجبل ههههه ( تعانقنا تعنيق رجال)
تبدل ضياء المرخوف ولى راجل توا... بدنو تكبس و ظاهر مقطع روحو بالسبور... ركب بجنبي و هو ضربة عربي و ضربة يطلغم عليا و لاعب فيها ناسي لوغتو... زايد.... دوب خلطنا امي لقيناها في الباب تستنى! و العيله الكل... لمة و طبال و غناء و تقول عنا عرس..
امي فزعت الناس الكل... و هو تضرب في روحو... حس روحو.. 🔞🔞 كبيرة
الحلقة 2
** زغاريط و حس قلت باز وصل ضيفهم... و اكيد معاه علي الي باين نسى موعدنا... خرجت نسلم و منها نلوم علوشي... نلوج بعنيا وينو هلي عاملين عليه طامة و عامة!!؟ هكاك و نعثر في حد!!!!!
_ياي سامحني !!! بربي سامحني ( زعما طحت شدني من يدي أنا طول بعدت و خاصه الي علي مقابلني عنيه زعما طلعت مالفازة😅.. هزيت عيني لقيت واحد ضاوي ههههه و مزيان 🤣 و اكيد مش منا.. هو كلاني بعنيه يخزر لعنيا بكل تروقيع للي حشمني.. هكاك و جا علي مغشش)
_ انت لاباس!! ؟
_لاباس عليها برا انت( هنتلني انا باش نجاوب الراجل و هو بعدني للي زعما طيحني)
*** _برجولية العيشة لنا مش خايبة خويا هههههه
_ اولا اش ريت منها العيشة باش تعجبك و ثانيا كأنا خوك لازك اطيح عنيك مالمرا خاطر كثرتها راك 😡
_ ياسر زين فوق العقل
_ضياء😡 قتلك هاك المرا مرتي متاعي
_ اه علي بلحق!! 😩 سامحني ما فيباليش و زيد مرتك مزيانه برشا عادي ما قلت شي غلط
_ضياء انا باش نولي نقول في الغلط كان تكمل هكا 😡
خليتو و مشيت لغلطة عمري الي باقية توزع في ضحكاتها يمين و يسار شديتها من يدها و طلعنا لبيتنا و هي تڨن تڨن
****_تي سيبني علي!! تعرفني ما نحبش تتقوا عليا!! ؟اش صار !! ؟
_اش صار😡 شبيك بكري داهمة هكاك في الراجل! ما عادش ترى!!!
_ و الله ادعثرت و زيد منين ندري عليه انا!؟؟
_ما فماش حاجه اسمها ادعثرت اليد هذي حد ما يمسها غيري فاهمة 😡
_امممم رجعنا لديسك تحكي عبارة انا لعبة ليك بركا
_ايه ليا بركا 😡
_باهي علي يزي أمان!!! ( قربت من صدرو عنقتو محلاه حبيبي غاير عليا 😍... ولى قربني أكثر عندو و باسلي يدي منين شدني بقوة...) حبيبي النغور😍
_نغور !! انا !! مش شكون باش نغار عليك من هاك واحد فرفور ولد امو هاي راك ماخذة علي رد بالك يغرك رومنسي و كذا نبقا علي
زدت عنقتو باش يبرد شويا هههه شاده ضحكتي بالسيف اما سيا اطرشقت كقلي برا اغسل اديك منين مسك😂😂 ظاهر مش غاير حتى طرف 🤣
** كنا خارجين اما ولات لمة و عشاء على شرف الفزعاك ملي قعد و هو حسسنا انو نعيشو في كوكب آخر كل شي يسئل عليه و يحب يعرفو و غدار كل ما تجي الفرصة لازم يكحل على تاج الي تكروكت كيما حبت هاي ضحكت هاي تتبخطر استفزتني شعلتني... 😍... أنا بلحق مزهار اني معرس بمرا كيفها مزيانه و ما ناقسها شي كان العقل بالطبيعة...... مش ناوية ترحمني... اخرتها قتلي معذورة يعني ما جاتها عادة الشهر كان كأنا نشعل بالاحمر ما عادش فيا... 😂
💘💘💘و. عن أي حب تتحدثون فل يصمت صوت كل ذكر يفسح عن حبه الان في كل بقاع الأرض بزيف و كذب ... للأنثى كل آمالها الان ان يكون لها قلب عاشق كقلب علي❤️.... 💘💘💘
حاسس روحي في بلاصه عالية عارق. تقول باش نطيح.. نخزر للجرف نلقا روحي شادد تاج!! مدمدمة بكلها و دايخه و انا شادها من صوابعها شويا و تفلت مني... ادي الي شاد بيها باش ما نطيحوش غارسها في الحجر للي دمدمت.. مش حاسس بالوجايع قد ما مخي و عقلي في تاج لا ما انجمش نشدها اكثر نعيط تاج تاج باش نفيق و تعاوني و تشد فيا بالقدا اما هي ما تجاوبش. تاج... تاج.... قمت مفجوع!!!! مله حلمة هذي ثاني مرة نحلم بيها!!!! نفس الحلمة ! تلفت لقيت قطوستي بجنبي شعرها على وجها نومها معوج روبتها مشمرة... جبدت الملحفة غطيتها... قربت منها بعدت اكا الشعرات و بقيت نتفرج فيها... بلحق ما نتخيلش حياتي من غير تاجي ❤️❤️
فقت بالسياسة باش ما نقلهاش ليلة البارح عداتها تتقلب ممكن موجوعة...
خرجت للفطور لقيت العيله الكل ملمومة و الضيف عاد ماد وجهو الأول... قعدنا كثرت الحكايات.. و هكاك و هبطت تاج... ملي هابطة في الدروج ركزت مع ضياء كيفاش يخزر و يعاود يتلفتلي يلقاني نڨحرلو يفهم روحو شويا و يعاود.. هي قعدت بجنبي وجها اصفر و باين متقلقة و موجوعة تخزرلي بعنين ذابلة
_ ارجع ارتاح في فرشك تو نقلهم يطلعولك فطورك لبيتك اش قلت ( بالشويا)
_عيب عنكم ضيف شويا و نطلع ( بالشويا .. دخلت إيدي تحت الطاولة و شدتلها يدها الي حاطتها على كرشها مالقلق... بقيت نفطر هكاك للي شلقت😅)
*مستحيل نلقا قلب حنين كقلب علي.. كحسني سيا باقية ماللزز قلي برا لبيتك و مشا وصى عليا باش يتلهو بيا و مشا لخدمتو.. اخخ مله وجيعة... بسم الله الباب تحل بقوة!!؟ ؟
_ اش فما لاباس!! ؟
_ سكرو الباب
_شفما !!؟؟ 😢
_انت قلنا اش فما!! وجهك اصفر و ما عندكش خواطر للماكلة!!!
_ايه شنوا المشكل!؟؟
_حبلة ياخي!! ؟؟؟
_اش يهمكم فيا؟؟ مله حاله (قربت مني حماتي اللفعة و شدتني بقوة عنيها تقطر سم)
_رد بالك تعملها ما نتشرفش بحفيد عندو دم اللبة فهمتي و الا لا!!! الأحسن ترد بالك و ما تحبلش خاطر و الله لا نخليك تفرح بيه نهار كان يتخبط في كرشك فهمت و الا لا😡😡😡
حابة نبعد يدي و الله رعبوني تو نرمال تقلي هكا !! ما سيبتني كان كدخل ضياء منى توري فيه في البيوت و كوصل لبيتي سمع الحس دخل
_لاباس عمتي!!؟ ( باهت كيفاش عمتو شادتني بقوة ظاهرة موجوعة هكاك و سببت)
_، لا شي بابا الغالي حديث نساء كمل وريه الدار منى ☺️و انت 😡 رد بالك تعاود كلمة ل علي حياتك تولي جحيم
_ امم على اساس كنت في نعيم
_رد بالك تطلع حبلة😉(آمنه الساقطة كلام كلو مكر و غشة)
هوما خرجو و انا وليت نبكي بلحق مانيش ناقصتهم ساعات نندم اني بساقيا رجعت لوكر ها الأفاعي 💔💔
الحلقة 3
**مخي عند تاج كيفاش خليتها متقلقة... نخمم شنوا ناخو باش نفرحها... هكاك و جاني خبر انو أحمد رجع لتسوقيطو و تعرضو لرجالو لبنت واحد منا و اغتصبوها بلحق خبر خلاني تمنيت نشعلو نشفي غليل كل الناس.. اما كنبستلو عملة اندمو بيها... مانيش غدار كيفو و نتقوى على الولايه انا نلعب كان مع الرجال... كانو محسوب منا اكيد!...
جا ضياء للقهوة إلي نقعد فيها بقينا نحكو على الخدمة و هو يقدم في عروضو باش ينجم يعاونا هو واحد مثقف و يفهم في أمور البزنس قاريه قراية و انا نلعب بيه لعبان قلت برا خليه معايا يعاون و منها نبعدو عالدار ما دام فيها تاجي،❤️..
*** بقيت نخمم في حكاية الحبالة!!! علي أمنية حياتو يجي النهار هاك! و انا خايفه لا يزي مش ضامنة حياتي معاه بحكم ها الكره الي عند عيلتو ليا و لا يزي حتى كان صبرت و ضحيت نعرف باش نزيد نعذب معايا صغير مكروه أكثر مني 💔💔... اصلا بدني داخل بعضو مريضه و هرمونات مأثرة فيا وليت نبكي تذكرت كل عذاب عشتو في ها الدار... انا ما طالبة شي كان نعيش مرتاحة مع انسان حطو ربي في ثنيتي باش نحبو و يحبني... انا نتنفس حبو ب علي ❤️... مظلمة البيت راقده على فرشي معنقة مخدتي موجوعة و حسيت باب البيت تحل بالشويا... علي في بالو أنا راقده مع انو مزال بكري عالنوم دخل بالشويا في الفرش و عنقني عندو.. متكي بجنبي معنقني... حط اديه على كرشي سخان محلاهم استحليت كيفاش نازل عليا... ريحتو... حتى لحيتو الي تدقني مستحليتها نحبو بجنبي هكاك العمر بطولو... يقرب مني أكثر و يوشوشلي انو يحبني... تلفتلو و حتى في الظلام منجمة نرى صدق عنيه ❤️😍... "و انا زاده نحبك برشا " رجعت عندو... ما سألنيش شبيني... عارفني متقلقة و عارف انو تعديت بنهار صعيب كيما كل يوم ملي روحنا من هربتنا ❤️
نذكر كرجعنا و شافونا الزوز في صحفة العسل كيدهم خرج على برا عياط و صياح و تهديد بإنو حياتنا باش تمرار امو كل جمعة تحط خطار انو اخرني الجمعة هذي اما تلقانا الزوز شادين في أدين بعضنا... وصلو حتى جربو السحر لقيتو تحت فرشي صدفة😢 علي رقاه و فكو و سكت على فضيحة عيلتو نساني في الحكاية و ماتت هكاك الهدرة...
* 💔💔💔💔💔 كل يوم حكاية جديدة كل يوم عذاب جديد اما يروح علي و يحطني عندو هكا ينسيني كل شي تعدا عليا ❤️ اصلا لو مش علي! الحياة لنا لا تطاق...
💘💘💘 يقولون ان للبطولة ثمن! و إن للحب أثمان... 💖.. ان اردت ان تختبر قلب أنثى فا اختبر صبرها على التضحيات.. و لكن حذاري من أن تضحي بك!
أن كانت للتضحيات عنوان سيكون
#تاج💘💘💘
نهار جديد.. قمت خير اليوم... لقيت علوشي ❤️.. سبقني.. ما حبش يفيقني يقلق نومي... خارجة من بيتي نلم في شعري و ندهم كالعاده في ضياء كان مش هو نطيح في الدروج!!!
_اي يا ربي اففف سامحني
_انت سامحني و الحمد لله ما صارك شي
بعدت من اديه الي على عهد مع علي حد ما يحط يدو عليا هو صحيح منعني اما نطيح أهون من اني نكسر كلمة علي ❤️
_، لاباس عيشك
_ صباح الفل ( خزرتو ليا حشمتني ياسر يثبت و يعاود)
_، صصباح الخير تتفضل
_شبيك مربوثة ههههه OK هاني سبقت
هو الحق يربث عندو خزرة غريبة البنات في الدار يطلو عليه و عنيهم كلاتو هو مزيان و بوقوس اما عيب كلاني بعنيه
ربحت منو انو قعدت لأول مرة عالطاولة من غير سم بحكم يمسكو قدامو .. هو كيما قال علي ياسر يحكي بروحو... خسارة ما خلطتش على علوشي❤️..
شيبة النحس وزعاتو لضياء قال شنوا اخلط على علي وقتها فهمت روحي قمت خلطت عليا هي و الأفاعي متاعها كالعاده يسئلو و يعاودو... اففففف ما حبيتش نهدي بالهم اني مانيش حبلة قلت نشيخ عليهم 😡... بقيت نجبد عليهم بالدم البارد و هوما ما فلتو حتى فرصة يكونو متعدين بجنبي و ما يدزونيش حيوانات زايد 😡... قلت لخالتي حليمة تعملي تيزانه و قلت نمشي نقعد بيها في الجردة أما شي ياسر تاعبة الحل اني نرتاح في بيتي وصيتها اطلعهالي و مشيت... فيسع دق الباب لقيت بلاتو عالقاع فيه تيزانه سخونه!!! ؟ استغربت اما قلت اكيد خايفة ماللفاعي... كشربتها قوية اما استحليت انها دفتني و سهلتلي العاده... أما كلي حسيت النزف ولى أقوى!!!! اتكيت شويا نحس في راسي دايخ و عبارة مخدرة بالسيف نهز في الفراش عليا نلقا روحي ننزف بقوة!! ما عنديش قوة باش انادي حد!!!!!
ممكن ساعة ملي شربت و انا ننزف هذاك من رحمة ربي بيا دخلت خالتي حليمة تتندم و تقلب من كثر القضية نسيتك يا بنيتي هاك تيزانه وقتها عرفت انو تغدرت كالعاده
ترعبت كرات حالتي... مسكينه وجها تخطف كراتني ننزف باش تعيط أما لشكون لنا حد ماو باش يترعب عليا بالشويا نقلها "علي علي" هزت تلفوني باش تكلمو تبكي تسخف...
**** أكثر مالساعتين نستنى في اكا.... أحمد زايد....... مش راجل و اخيرا وصل... يجبد عليا بالمرتاح و باقي غدار و قلبو معبي يتهدد و مزال ما بردش على تاج! اصلا عمرو ما يحلم يزيد يراها
و على ذكر تاجي تطلب!!! ما حبيتش نهز بقيت نعلق حديثي طويل مع الي ما يسمى... زعما ولات عركة بينا فضوها بالسيف للي جاني غسان وجهو مقلوب!!!
_،علي أخطاك منو اسمع مني
_خليني نبرد و نرزيه في عمرو..... زايد😡
_علي😡 ركز معايا شويا وينو تلفونك!!؟؟
_ اش دخل تلفوني 😡
_ تاج طلباتك!!؟؟
_تاج! ؟؟، ايه ايه تطلب علاش طلباتك انت!!؟ ( استغربت مش من عادتها تكلم غسان الي ما قلي شي دوب وصلي انو هي حاشتها بيا.. بعدت عالحس كلمتها... بطات باش هزت... نسمع في برشا حس!!!!!!! صوت بعيد عبارة صوت عبد يئن!!!! من بعد سمعت صوت خالتي حليمة)
_ألو علي يا وليدي أجريلنا تاج باش تضيع منا...( بكاء و صوت متقطع... باقي تبكي و تقول أجري يا علي تاج باش تموت... و علقت.....)
جملة خلاتني نجمد في بلاصتي!!!!!! عنيا جملت دموع قرب مني غسان يحرك فيا بالسيف يقلي برا روح!! ، و انا مش مستوعب الي سمعتو....... تاج !!!! تاجي....... 😢💔💔💔💔
الحلقة 4
نجري خرجت طرت بيها الكرهبة... تاج استحمل تاج رد بالك تسلم فيا... رد بالك نخسرلك....... حرقتها الثنية للي خلطت نجري لقيت حليمة قتلي لازم تهز تاج فيسع للسبيطار... نصيح نقلها شبيها و هي تبعد في وجها... طلعت نصيح تاج!!!! عرضوني يتبهنسو عليا للي حطيت غشي فيهم تصير حاجه لتاج نقلبها الدار عليهم.... في البيت... عالفرش تاج دايخه.. مغمضة عنيها.... قربت منها بخوف انو ما تكلمنيش و الا ....
_علي ( بصوت جيد... اه الحمد لله تاج)
_يا قلب علي لاباس حبي شبيك
_ علي ( ولات تبكي و باين موجوعة تحط في يدها على كرشها !!! متغطية !! قلت بالك سخنت بحكم عارقة برشا... عريتها لقيتها تعوم و تغطس في الدم!!!!!!! كانت صدمة عمري للي تنطرت بعدت!!!
_شبيك تاج شكون عمل فيك هكا!!!!! 😰😰
_علي (بالسيف تتكلم و تبكي... قلولي هزها للسبيطار.. صحيح لازم نهزها ركزت اموري بالشويا... لفيتها في ملحفة و حملتها... بعنين كلها غش و شر هددتهم انو لو تكون عندهم ايد فلي صار المرة هذي مانيش باش نرحم حد... و من عنيهم فهمت كل شي... 😠😠)طرت بيها لأقرب سبيطار... على اعصابي بالسيف ما هزوها من حملتي هي مكبشة فيا و انا مرعوب عليها و مش حامل نراها هكاك... تعدى الوقت رزين باش خرجو طمنوني عليها انو جاها نزيف و وقفوه اما قتلي طاحلها الدم و لازمها تعدي الليله في السبيطار... انا مش حابب نعدي ها الليله و هي بعيده عليا اما لمصلحتها قبلت.. دخلت للبيت. ين لقيتها راقده كعادتها كالقطوسة غاطسة في نومة باينه كالملايكة... قربت منها بستها من حبينها.. حلت عنيها بالشويا...
_عروستي تاج راسي ❤️
_علوشي (ضحكت اول ضحكة بعد الكبسة الي عيشتني فيها نهار اليوم... حابه تجبد الموضوع كيفاش وصلت لحالتها هذيكا أما أنا بقيت نبدل في الموضوع.. انا عارفه انو غدروها كالعاده اما المرة هذي حسابهم معايا...)
***علي كعادتو يفهمني مالرمش... اكا الغدرات مانيش باش نعدهالهم المرة هذي و باش نوريهم الوجه الآخر 😡...
انا و علوشي قاعدين انسو في رواحنا انو احنا في سبيطار و هكاك و دخلت طبيبة..
_مادام تاج؟؟ هكا ماو
_وي دكتورة (شديت في يد علي خاطر نخاف مالسبيطارات و الطبة اي حد ببلوزة بيضه يحسسني انو جزار نرى فيه كان الدم 😅)
_ انت راجلها!؟؟
_بالطبيعة
_ايا باهي كلقيتكم الزوز موجودين عندي موضوع صغير باش نحكيه معاكم!
خوفتني كيفاش جبدت الكرسي و قربت مني كنت نستنه في أي لحظة باش تقلي خبر خايب رعبتنا الزوز حتى علي وجهو تقلب...
_ انت تعرف صارلك نزيف و اكيد مش من حتى شي جا!
_غلطت خلطت حشاوش في التيزانه
_ ما يهمش المهم باش نعطيك تعملي تحاليل و تجيبهملي في أقرب وقت
_تحاليل شنوا! ؟؟(علي بصوت باهت)
_ أمم الحق لقينا في الايكو فيبروم صغيرة في الرحم و ما انجموش نحددو نوعيتها يعني هي حاجه عادية و الا اللطف على المدام حاجه خايبة
_عندي كنسار يعني 😭😭 علي!!! ( طول وليت نبكي اصلا الموقف كان لازم نبكي فيه خاطر طول عمري ما عنديش زهر 😭)
_ لا وه!! مادام انا ما قلتش هكا قلت لازم نتأكدو و من بعد تو نعرفو
_ حاجه ما تخوفش على حياتها!؟😡
_ لا monsieur لاباس بإذن الله احنا عنا شك صغير و كهوا خليها تعملي التحاليل ما دامها في السبيطار OK!
*** تمنيت نقتلها الطبيبة و لا نخليها تنطق بها الخبر الي دخل غولة في تاجي.. ذبلت كالوردة الحزينة... لمت ساقيها بدات تبكي... انا قربت منها و هي بدات تحكي بسيرة الموت الي انا تقتلني الحكايات هاك... ما انجمش نتخيل حياتي من غير تاج.. قربتها من صدري نقوي فيها انو لاباس كل شي باش يكون بخير... و لازم تاثق فيا كالعاده... كحبيت نفش غيضي فلي تسببو في حزن تاج!! كالعاده وقفتني بطيبة قلبها انو ممكن ربي جعلهم سبب باش نفيقو بلي كاتب لتاج... خليتها ما رقدت و خرجت لبرا طول جا على بالي امها لازم تاج تكون مرتاحة توا فا مشيت جبتلها امها الي كيما توقعت الزوز كانو مستحقين لبعضهم... في المحنة هذي صحه ليها تاج لقات امها.. انا امي راي ناصبة الأفراح توا تقلك سيا رتحت من تاج... 💔... أما على جثتي كان النهار هذاكا يشوفوه...
***عملت التحاليل الكل و مرج الطبة تعذبت منو... في الاخر طلعت النتيجة و الطبيبة خيرتني نكون وحدي و الا معايا حد!!! نخزر لعنين علي يستنى مني باش نقلها بالطبيعة معايا علي !!!!!! الي ديما معايا في كل محناتي و كنطيح ما يقومني كان علي! أما لا المرة هذي قلتلها لا نحب نكون وحدي... صدمتو اما ما نطقش بحتى كلمة.... قعدت عالبيرو بدات تورق في نتائج التحاليل...
اممم كيما توقعت مادام تاج... مع الأسف... 💔💔...
إلي في رحامك الحمد لله مش كنسار اما لازم بعملية انحوها نقطعو الشك من انو توليلك كنسار اما مع الأسف جايا في بلاصه ممكن تعطل حبالتك شويا و زيد ممكن تكبىلك و تعملك وجايع و نزيف لذلك باش نتفادو كل شي بها العملية هاك ترى مزلت صغيرة و ما تهونيش!!
_كيفاش يعني!؟؟؟ ما فهمتش😱 و كنخليها 😭😭 انجم نحبل ! ؟
_ ممكن تحبل بالطبيعة اما ننصحك تعمل العملية قبل و خلي الحباله بكتبة ربي يعني حسب التحاليل الي قدامي الله غالب vraiment dzl انا نرى تنحيها و تطمن على صحتك خاطر. في أي لحظة تنجم تمرض راو وقتها تكون لعبت و قنطرت بصحتك!
_لا لا 😭😭 تحبني ما نوليش ام 😭😭
_لا ما قلتش هكا انت ظاهرة صغيرة و كلامي ماكش باش تستوعبو اما خليها الحباله بعد العملية تطمن على. روحك قبل خير ريسك كبير الي انت فيه
مستحيل انجم نستوعب اني نعطل روحي و نلعب بصحتي بعملية تنجم من بعد ما عادش نجيب صغار مثلا 😥😥نبقا هكا و إلي يصير خلي يصير...
خرجت ل علي حسيتو جامد في في بلاصتو مالخوف عليا !!! هزيت ساك و قلتلها انسى دبارتك هذي نحيها من مخك.. علي مرجني بلفطتو بحكاية حولة اما شي الظاهر ما صدقنيش...
الحلقة 5
ما كنتش منجمة نروح معاه... و امي طلبت منو يخليني ايامات نرتاح فيهم... من غير ما خمم قلي ميسالش.. هو الوحده بعد ما تسمع خبر هكاك تولي حساسة برشا فا شفت انو خلاني من غير مرج تقول سلم فيا!! غاضتني منو..
تعدو نهارين علي كل ساعة يكلمني.. حاساتو ضايع.. وليت قلت نروح... جان لبالي رجعت لكا الطبيبة و كشافتني فرحت تخسايبني تراجعت في قراري بدات تحكي بإنو انا صغيرة و لازم ننقذ صحتي و شبابي قتلي ينجم الورم يكبر و يعملي وجايع و قلق و لازم العملية تكون في أقرب وقت.. كقلتلها راني مستحيل نقبل خوفتني انو كنحبل خطر عليا ينجم الورم يطور مع الحمل و ممكن برشا نموت بعد الولادة خاطرو يسبب نزيف! كلام طبة و ثقافة مخي ما نجمش يستوعب منو شي! نعبو الجهل الي انا فيه 😭... المهم قلتلها انو انا جيتها باش تحمي سري و مستحيل تعلم بيه حد و لو راجلي و هي قالت انو سئلها راجلي عليا و على صحتي و هي رفضت انو تعطي سر المهنة أعز ما عملت بقات تقرق بيا و انا ودعتها بأمل اني عمري لا عاد نرجعلها و الا نربش الموضوع هاك مرة أخرى...
روحت من غير ما نقول ل علي....
دوب هبطت مالكار حسيت روحي ضايعه من غير علي.. و خايفه لا يغرضني عمي و الا حد من رجالو... ماشية و نتلفت للي سمعت اسمي لقيتها عمتي.. طول جاتني تحمل و تبوس للي ولات تبكي خاطر متوحشتني انا عادي جامدة ما تحركتليش حتى شعرة! بدات تحكيلي انو هي مظلومة و بالسيف عليها تصرفت هكاك و برشا دموع ندم هو كنجي نشوف عندها الحق عيلة اللبة عيله في دمهم كان الغدرة و الكره فا اكيد مسكينه لزمو عليها كل شي.. ما حسيتش انو هاك وقت الملام و لا بلاصه تصلح الناس الكل تتلفالنا و خاصه انو برشا يعرفوني انو مرت علي بحكم ديما معاه يشوفوني 😅..
_كهوا يا عمتي الي فات مات توا لازمني نروح
_يا تاجي يا بنتي المزيانه يجيك نهار و تسامحني توحشتك و توحشت كل شي فيك (تمس فيا من وجهي و تبوس في يدي) قلي شنوا حوالك في هاك الدار مهنيك علي؟
_الحمد لله في خير و نعمة جنة مقارنة بلي كنت فيه
_ نعرفو علي سيد الرجالة رد بالك عليه راو صعيب تلقا منو في الوقت هذا
_ نعرف (كلمة و قص للي لاحظت اني نتجبد عليها)
_ باهي توا ما نعطلكش اما نتمنى تزوني تعرفني ما عندي حد بخلافك
_ شنوا هههه وين تحبني نجيك؟؟؟ نرمال نمشي لدار اكا المتوحشين ؟؟؟ لا السماح 😞
_ما علمكش انت؟ ماو ليلا امي طردتني 😢
_شنوا ؟؟؟ وقتاش شبيني ما سمعتش؟
_حكاية طويلة المهم خرجت نعيش وحدي خذيت دار قريبة مالسوق لنا هانا نتمشو اجا نورهالك (تصدمت ملي سمعتو ! ؟ مكسح قلبها جدتي كيفاش اطرد بنتها مسكينه ما عندها حد؟؟؟ بقات تحكيلي كيفاش صارت برشا مشاكل في العيله و برشا جديد بابا خبرو ما فماش توا فترة و لا يعرفو عليه لا حي لا ميت 😞 و عمتي ولات بدارها وحدها و عمي أحمد عرس!! خذا مرا مسكينه مكرها في حياتها! مله أخبار انا مع علي بلحق كنت في عالم آخر عمري ما جا لبالي نسئل عليهم خاطر عندهم انا ميتة و كان نطيح بين يديهم يقتلوني.. تعدت الآيام و باقي نار عمي أحمد ما طفاتش لا عليا و لا على علي....عرفت الدار و خذات مني عهد اني نزورها في أقرب وقت هو انا نحب و احساس حلو يكون عندك عبد قريبك تزورو و خاصه العيشة في دار علي مرات لا تطاق اما خايفه مالمشاكل 😞...
*** ضايع و نجمتي بعيدة عليا توحشتها و توحشت كل شي فيها.. مش منجم نصفي قلبي على عيلتي بعد إلي صار عاقبتهم اني معاهم جهامة بركا للي ملو الاستفزاز متاعي...
_و الله يا علي لو توى ما تحكيش يا و الله لا عاد لساني يخاطب لسانك😢
_علاش ها الكلام يا الغالية 😏
_كجيت غالية كل تبقاش مباغضني نحكي معاك مطفيني
_ما عاش الي يطفيك انا بركا حابك انت و غيرك (نقصد رقية و آمنه) تعرفو انو لو مش معزتكم انا بلحق ما عادش نحكي معاكم للي نموت 😡
_و علاش هذا الكل!؟؟ (رقية)
_انت تسكر فمك و ما تحكيش معايا 😡
_تسمع فيه امي!؟؟ ؟
_يزي رقية! و انت شنوا ها الكره الي ولى لينا سيدي ولدي؟؟؟ لها الدرجة بنت اللبة ولات مأثرة عليك؟؟ خسارتك
_أمي ما تبداش تبدل في الحديث انتم تعرفو رواحكم شنوا عملتو 😡 مرتي زعما ماتت جرتكم و مش اول مرة 😡 اما صدقوني لو ما تكونش آخر مرة وقتها فما حديث آخر 😡
_ اش كذبت عليك مرة أخرى ليلا مرتك ( آمنة) نحكي معاك؟ ؟
_ انت بالذات رد بالك تجبد مرتي على لسانك 😡 لازمك كلامي تحطو حلق في وذنك! أنا ل تاج!، و تاج ليا فهمت و الا نعاودها
تاج مرتي الانسانة الي نحبها و نحب نعيش معاها و تكون ام صغاري فهمتو !!!! 😡😡
×**** علي يعيط و يهدد فيهم... كلام حلو سمعتو منو.. أما كلمة نحب تاج تكون ام صغاري قداش عزت بيا 😢.. هو تلفت لقاني مقابلاتو.. عنيا للي زغللت بالدموع 😢
_علي 😢
تصدم هههه مشيتلو نجري عنقتو قدامهم للي حسيت روحي رجعت فيا 😍😍😍)
_ يا ناري على حرمة ها الدار لا عاد حشمة و لا جعرة 😡😡( حماتي المنقورة كالعاده 😅 هزت عصابتها و مشو و. انا بقيت عند علوشي 💖💖 الي طبقلي ضلوعي مالوحش و من بعد فاق على وضعو عاد و بدا اللوم 😏)
_كيفاش تروح وحدك!؟؟ نرمال انت؟
_علي أمان بلا لوم توحشتك و قلت نعمتك surprise 😍(رجعت عنقتو امممم مبن ريحتو ما يتشبعش منها)
_نخاف عليك يا تاج راسي كنت باش نجيك العشية (باسني من راسي)
_ و انا ما صبرتش عليك هههه قلي شبيك بكري تعارك ؟؟
_ شي شي المهم انت لاباس توا وريني (بدا يدور فيا يضحك هههه ما تهنى الا ما بديت انقز اني لاباس و تحسنت 😍 و اكيد مرج علي لازم منو دخلني لبيتنا و قلي لازم تزيد ترتاح 😞
عديت النهار في بيتي.. نطل على علي مع رجالو في جردة الدار كل شويا يعمل طلة على شباك بيتنا يلقاني نخزرلو.. علي و حبو أكثر حاجتين مصبريني على كل شي
اما بقيت نخمم فلي حكاتهولي عمتي على جديد عيلة بابا... بابا !! زعما وين حيو توا ؟؟ حابه نسئل علي عليه و خايفه لا يفهمني بالغالطة و يا رب ما يكونش عندو يد في غيبتو 😢💔 خاطر مهما يصير يبقا هو بابا 💔... شارده و سمعت باب بيتي ضرب؟؟؟ علي باقي لوطة الحق خفت شكون جاني توا؟؟؟ مشيت وين الباب
الحلقة 6
_شكون؟؟ ؟
_ اه حل تاج انا ضياء (بهت!؟ ضياء اش يحب مني!؟ خممت شويا و حليت و حسني مستغربة) اهلا (حب يسلم بالوجه ياخي مديت يدي بركا) امم توا جيت و قلولي انك روحت لاباس توا؟ ؟؟ خير مش هكا؟؟
_ يعيشك لاباس (مربوثة و نتلفت على جنابي)
_ ما نزيدش نقلقك حبيت نطمن عليك و برا اللطف عليك 😉( غمزني و مشا ! ؟؟ مش عارفه هذا شنوا نيتو؟ من طيب خاطر جا و الا جبدو حليب عمتو متع الغدرة 😞 لازمني نرد بالي منو أكثر.. هكاك باش نسكر الباب و جا علي.. كراني ولى يضحك ... جا عنقني و باسني من راسي..
_ما صبرتش و خرجت مالبيت حابك ترتاح أكثر
_لا لاباس توا حاسه روحي خير
_تاج؟؟ (شبيك مربوثة ؟؟)
_ اممم (خممت نقلو ضياء جا سئل عليا و خفت!! مش عارفه علاش 😞) لا شي اش قولك تخرجني و الله قالقه هزني لبلاصه العاده
_بلاصة العاده 😏 اكيد عندك موضوع مهم هكا و الا لا؟؟
_الحق اييه 😝 ( هههه ديما مطيحني مهما تبهنست.. دخلت بدلت دبشي و مشينا.. ثنية كاملة علي غاطس تلفونات و حسيتو عندو برشا جديد مع عمي.. مشاكل ما توفاش 😢.. اصلا حسيت علي وجهو تقلب و يسوق قالق.. حطيت يدي على يدو خزرلي و تبسم.. و باسلي يدي..
_ اصلا انت الحاجه الحلوة الي مصبرتني على برشا حاجات
_كيما شنوا ؟؟
_ لا علينا الحمد لله انت في حياتي.. تاج.. رد بالك تكون كيفهم
_كيف شكون ! ؟؟
_عيلتك (مخيبها الكلمة!! يااي قداش حسيتها 😢.. جبدت يدي و هو حسني اني تقلقت.. محسوب هو شكا العيله الهايلة الي عندو 😡..)..
**** ممكن زلطت في الحديث! أما هاك الحقيقة انا خايف تاج يجبدها دم أكا العيله.. غدرة و حقد و تسوقيط و خمج مش حاب نحطتها في الصورة انو عمومتها هوما سبب في كل خراب في ها البلاد من زطلة و فساد بأنواعو الكل.. الي نبنيه أنا يهدوه هوما بالسم الي يبيعو فيه.. كان لازم نسحب كلمتي.. ما نحبش نرى تاجي 😍 الوجه المزيان هاك مكشبر.. خلطنا هبطت و قربت مالجرف.. بلاصة العاده.. هذي سمتها تاج بلاصتها من غادي بدات حكايتنا 😍 من غادي تزرع حبها في قلبي.. بلاصتنا الي كنحبو نبعدو من كل شي نجو لنا لا همنا لا سخانه و لا برد.. الليله فيها نسمة.. ليلة نجوم.. تاجي عنيها تلمع كالعاده تحكي في برشا حديث... شعرها تلعب بيه النسمة 😍 هذا العز الي انا عايش فيه نتمنى عمري الكل يتعدى و انا عندي ها الزين في كل أيامي.. ❤️.. قربت منها.. جبدتها ليا.. خزرتلي و تبسمت بقلق .. باقي مزيانه.. حاسها مخبية برشا كلام..
_احكي (خزرتلي طول في عنيا.. اصلا خزرتها بركا تربث الواحد معقول ربي حط ها الزين الكل في ها العنين؟؟ ؟ سبحان الله)
_ خايفه تدغشش مني 😞 (هبطت راسها.. وليت هزيتو..)
_خليك تخزرلي في عنيا مستحيل وقتها ندغشش منك 😉
_ أمم تسهل فيها عليا و الا تصعب؟؟
_احكي
_ اليوم عرضتني عمتي ( اففف لحظتها حسيت بقلق اما ما شلقتش) و تلزيت كلمتها نعرف انت منبه عليا ما ندورش بيهم 😢 اما
_اما شنوا ؟ تاج
_ ما نجمتش علي ننكر عشرتها و لو هي غلطت معايا 😢 و زيد حكتلي برشا حاجات و تعرف انها نقلت تعيش وحدها و دجا ورتني دارها ( اكيد وجهي تبدل؟؟؟ بعد هذا الكل تحبني نسمعها عادي؟؟؟) شو هاك بديت تقلق اسمعني للآخر أمان 😞
_تاج اسمعني أنت تعرفني قداش ما نسامحش كعبد يكسرلي كلمتي و انت شو قداش من حاجه عملتها 😡
_عمتي راي؟؟؟ ؟
_عمتك ! ؟؟ أيا باهي غدوة إماله تاقف قدامي هكا و تقلي هاك عمي زاده و هاك بابا و وو!!! قتلك من اول ما عرفتك اختار مع شكون تاقف!!! احنا زوز على ميزان و انت اختار الكفة الي تعجبك (جيت باش نمشي شدتني من يدي..)
_أمامك علي 😢 تعرفني نحبك و معاك و انا قلت كلمتها و هي متبرية منهم و مسكينه عاملين فيها و صدقني ما عندها حتى علاقة يعني و جدتي!
_نعاود مرة أخرى ما فماش فرصة تختارنا الزوز!! 😡 يا إما عيلتك هاك و الا انا كهوا 😡😡
*** خلاني و بعد جبد سيڨارو و يتكيف بغش 😢 قداش تغيضني منو ها التصرفات.. تقول اش عملت 😭... انا من فترة حبست على نبشان الماضي و حبست من اني نرجع بالتوالي.. أما شي نحب نفهم كل شي باش نعرف انا وين حاطه ساقيا.. حاسه روحي غارقه في وسط ناس مليانين أسرار و لازم نكشفهم.. علي كيدغشش صعيب يرضى و دجا بكشة قلي اطلع في الكرهبة..اففف على اساس خرجنا تبديل جو 😡... طلعنا الزوز كل واحد شارد بمخو..للي خلطنا ما حكينا شي.. انا طول طلعت لبيتي و هو مشا باش يسهر مع عيلتو 😭 مخيبو احساس اني نكون قاطعني من شجرة و هو عايش في عشو شايح مع خواتو و امو 💔 علي في هذي أناني... ما عطانيش قلبي نقعد نبوم وحدي وليت مشيت بحذا خالتي حليمة و البنات في الكوجينة و الحق نرتاح معاهم برشا نحسهم يحبوني بصدق.. ملي قعدت و هوما يضحكو فيا.. عملت جو معاهم..
_ ساسو (تربيجة ب سوسن تخدم فما و محلاها حاسبتني اختها 😍) شنوا هاك قهوة جديدة؟؟؟
_ ايه شم قداشها فاوحة (عطاتني شميت)
_اممم ظاهر فيها ياسر بنينه 😍 اعملنا منا
_ لا أخطاني هذي متع اكا العقرب آمنه و الله تكبلي سعدي عليها
_ طفي عليك اعملنا منين باش تفيق؟
_ جابتها الصباح خبتها في ها الحكة على اساس ما تفيقوش بيها 😂 و انا ماك تعرفني ما يخفاني شي
_ مله جوع فيها العزا؟؟ على قهوة عامله هذا الكل 😏 تعرف! شماته و الله نعملو زوز قهاوي توا شماااته 😂
الحلقة 7
حبت تقنعني سوسن انو فك علينا من بلا آمنه اما انا ركبتلي عليها. حطينا طيبنا زوز و هي تعس في الباب تضحك 😂 و ما نحكيش على الريحه تشيخ مالبنة فاوحة غير عادية.. دجا ملي ترشفناها حسينا رواحنا تقول زطلنا😂😂ولينا نضحكو من غير سبب للي خالتي حليمة ولات تعارك فينا تقول ممنوع الضحك في ها الدار الكبي 😏 هكاك و دخل ضياء حابب على دبوزة ماء كلقانا قاعدين نضحكو قعد بحذانا من كلمة كلمة ولات تهريج و ضحك هستيري 😂😂 و الله عملت ضحكة مالقلب.. للي جا علي قالب وجهو و زاد تجن كلقا ضياء قاعد معانا 😅
_علي هههههه اجا بربي قعدة محلاها 😂😂😂
_تاج؟؟ تاج😡 (نجبد فيه من يدو نحبو يقعد معانا) ما تروقنيش قعدات النساء (يزرق لضياء الي فهم روحو و خلانا و مشا) هيا نخرجو منا 😡
**** نرفزتني فازة ضياء مش مفلت حتى فرصة باش يستفزني.. هزيت بلوة حياتي الي شادها الضحك تقول زاطلة؟؟؟ ؟؟ مش عارف هي عامله جو لها الدرجة و الا شبيها ؟
_تاج😡يزي عاد
_شبيك هكا كبي ؟ استخسرت فيا تراني عامله جو؟؟ تقلقت خليني نضحك و شايخه 😞
_ باهي بركا ما تقلبش وجهك ارجع اضحك اما تعرفني نغار عليك قتلك ألف مرة راني نغار عليك (
انا نحكي معاها و هي عمال تقرب مني للي ما خلات حتى مسافة بينا.. شدني من وجهي تمسلي في لحيتي و عنيها يدوخو) شبيك ؟ شو احنا وين؟ ( انا نقصد في الكلوار واقفين و حاشم العيله يراو فينا 😅 وليت نوخر راجع لبيتي و هي تقول ڨلعت 😂 عنيها باش تاكلني ههههه دخلنا لبيتنا انا الحق باهت فيها هو صحيح فرحان اما مصدوم 😅) هبلتي يا مرا
_اششش (حطت صبعها على فمي و باقي تتمعشق فيا.. نحس في النار شعلت فيا.. اخرتها حطت شفايفها على فمي.... ( و قمت بالواجب 😅 هو انا عارف روحي مانيش باش نسيطر على روحي....)'' '🔞 بلا ذكر التفاصيل 🔞 ليله و فارقها الصباح 🔞😂😂.............
******* مش عارفه شنوا الي صار 😅 اما حسيت روحي بت في عالم آخر 😍 اول مرة نكون هكا مع علي و كإني زدت اكتشفت فيه روح جديدة ❤️... ملي فاق و هو يقلي نعاودوها الليله 😂 هبلني في جرتو.. محلاه حبو.. احنا خارجين نضحكو و نحكو بالألغاز و ملي هبطتنا لقينا العيله الكل لابسين noir? للي سلولي قلبي عالصباح؟؟ خزرت ل علي هو بيدوف مش فاهم؟؟؟؟ الصبر كان يضحك محلاه الضحكة مالوذن للوذن ياخي وجهو تقلب!
_لاباس ؟؟؟ شبيكم ؟ ل عزاء شكون ماشين!
_عزانا عنا يا ولد كرشي (امو بتسوميم العاده ؟ خزرلي علي مصدوم!!)
_ فاش تحكي امي؟؟
_ بنت اللبة نساتك!!! (يخزرلي مش فاهم) اليوم يدخل علينا الشتاء ببردو نسيت يا ولد كرشي اكا النهار الي ثلج قلوبنا!! نسيت النهار الي لا حبت شمسو تغيب! نسيت يا علي موت ولدك ( اصلا كلامها قبضلي قلبي!! حسيت وجه علي تبدل عمال يتخطف للي سيا صدماتو بها الخبر.. علي!.. اليوم ذكرى وفاة ولدو ل 5!!)
_5 سنين عمرك ما نسيت يا علي و لا مرة نسيت النهار المشوم هاك! تحزن مع شمسو الي تغيب من قبل بيوم!! و ااسنا بنت اللبة نساتك!! (هي قالت هكاك و هو كان شادلي يدي سيبني 😢 بقيت باهتة فلي صاير.. حسيت عنيه غرقو في الدموع.. خلانا و خرج..)
_ علي!!! 😢😢(جيت خالطة وراه حبسني ضياء و قلي تو نمشيلو أنا 😥)
_كلو منكم عيله ناتنة عيله شؤم ملي عرفناكم لا رينا راحة 😡😡 و الله مصيرو ولدي يفيق من منامة عتارس الي عايشها معاك و يرميك على طول يدو 😡😡
_يعني هذا الي هامك انت!! ؟؟ هكاك ولدك استخسرت فيه انو صنع جو و تغيرت حياتو 😡 حسدتيه انو فرح معايا بعد ما كان عايش في الحزن سنين!!!! ( انا من غير ما نشعر نرفزتني وليت نعلي في صوتي ياخي عطاتني كف للي حسيت راسي ترهوج 😢قداش تمنيت تكون عندي القوة و الا الجرءة نرجههولها اما تحمد ربي جات قد جدتي😡😡😡 خليتهم واقفين طلعت لبيتي هزيت ساكي و خرجت من اكا الدار.. ثنية كاملة مرة نتمتم و مرة نبكي 😢 عيشة مقت.... مالاول ما كنتش نعرف وين لازمني نمشي اما حاجه هزتني لدار عمتي!! ترددت قدام دارها! تذكرت كلام علي! و انو مانعني نشوفها اما كهوا انا توا لازمني نفهم كل شي 😢.. مزلت نخمم و عمتي بالصدفة حلت الباب
_تاج؟؟؟ يا و الله تاج يا روحي (طول حملتني تبوس فيا و تشم في ريحتي) ادخل يا تاج يا ربي الحمد لله جيتني ادخل
جهامة بلا روح دخلت.. ملي قعدت و هي كل مرة تحطلي حاجه قدامي ماكلة حلو... تمسحلي على شعري.. ترقي فيا مالعين.. هاك هي عمتي.. و عادتها ديما تقلي زين بنتي محسود.. اه لو تعرف انو قداش تاعبة من كل شي 😥...
_عمتي.!
_يا روحها لعمتك؟ شبي بنتي
_احكيلي شنوا تعرف على علي؟؟ على مرتو و على كل شي؟
_لاباس ماو ؟؟(شدتني من يدي)
_ لاباس اما احكيلي كل شي امانك ما تخبي عليا شي😭
تقول شنوا طلبت منها دخلت بعضها.. قتلي انو عرفاتو شويا في الفترة الي نقلنا فيها نعيشو عندهم اما قالت انو سمعت برشا حديث.. قتلي انو علي مرتو ولات مدمنة قبل ما تموت و انو كانت تشري السلعة من عند عمي أحمد!! كقالت هكاك تذكرت النهار الي دخلت بيت عمي و فركست في دبشو!!؟ ؟😥😥😥 تذكرت كلقيت اكا التصويرة!! ؟؟ كيفاش كنت ناسية 😫 و قتلي انو ولدها مات جرتها و مسكينه كرهت روحها للي انتحرت بعدو و سكتت عمتي!!؟؟
_شبيك سكت؟؟؟؟ كمل
_ و الله يا بنتي غير تنبش على ماضي مشا و عمرو ما يرجع
_علاش شنوا مزال ما نعرفوش!؟؟ عمتي 😫
_ ماتت يرحمها في دارنا يرحمها ماتت بعد ما رمات روحها من بلكون الصالة 😢(الي سمعتو صدمني!!!! علاش عملت هكاك عنا! ؟؟؟😫😫😫)
الحلقة 8
ممكن حبت تعاقب روحها على موت ولدها انو ماتت مالبلاصه الي كانت تاخو منها في السم الي قتل وليدها 😢😢 مسكين علي اش تعدى على راسو
هي كملت حكت و أنا استلبست طول خطفت ساكي و خرجت 😭😭 ما حكيت معاها شي حبت تخلط عليا اما انا زربت 😰 عندو الحق علي انو خيرني بينو و بينهم 😭😭😭 مسكين علي يا ربي كيفاش خليتو يعيش عذاب هكاك 😩 عرفتو علي ممكن في نفس البلاصه الي لقا جثة مرتو فيها 😭 و خليتو يناسب عيله زبالة كعيلتي اه يا ربي مطولها الثنية لا حبت توفا حابه نخلط.. انا متأكدة انو علي في نفس بلاصة العاده.. وحدي نعرف وين انجم نلقاه.. ما عادش فيا مالتعب... باردة.. ولات مطر.. كل شي ضدي 😭.....
***_ أصعب حاجه عشتها هي خسارتي لولدي و من بعد مرتي اول حب في حياتي.. وقتها حسيت روحي مت معاهم و خذيت عهد انو عمري ما ننساهم!!؟؟ شنوا صار معايا توا باش نسيت! ؟؟؟معقول تاج سحرتني بحبها للي نسيت حتى أهم حاجه صارت في حياتي...
كل ما نحاول نفهم الي صار ما نستوعب شي!؟؟ كيفاش صار اني حبيت من عيلة دمرتني و شربتني من كاس المر.. أحمد 😡😡😡😡😡 و الله لتوا لا شفيتش غليلي منك 😡😡 و الله إلما نخليه يخلص كل قديم و جديد هو السبب في كل دموع في ها البلاد.. كل ام بكات على ضناها كل مرا عايشة هجالة كل صغير يتيم جرتو 😡😡😡 نلقالو أيد توجعو انا متأكد
_باهي وسع بالك توا ( ضياء استرجل معايا اليوم و لقيتو واقف معايا وقفة الخو.. بقا سمعني.. احنا في الكرهبة قاعدين في بلاصة العاده متاعي.. هكاك و حسيت حد جا؟؟؟ ؟ طليت.. المطر خطين المساء..) وين هابط مطر هاك ترى ؟؟؟
_فما شكون جا ؟؟(مزلت نحكي و رينا تاج واقفة وين شباك الكرهبة منفخة😫 و ظاهرة تاعبة!!!) تاااج ؟؟؟؟😧😧😧
هبطت فيسع انا و ضياء تلهث مالثنية طول نحيت كبوطي لبستهولها و طلعت ركبت من تالي
_هبلتي انت؟؟؟؟ لا بلحق هبلتي كيفاش تخلط عليا في ها الطقس؟؟ ؟؟؟ نكلم فيك 😡😡
_ وسع بالك علي!!؟ ماكش ترى فيها 🙁 ( ترعش كالفلوس مالبرد و عنيها مزغلة بالدموع!؟؟ )
_تاج؟؟
باهي دغشش مني كيما تحب اما خليني معاك 😢 (خزرتها و كلامها هاك قادر يشفي اي جرح في قلبي.. عارفها باش تكبر رأسها و تعاند و تقعد بحذايا و انت روحي مش طايقها و مش حابب نغششها بتنرفيزي.. قلت ل ضياء يروح بيها في كرهبتو و نبقا وحدي و اكيد بالسيف ما قبلت إلا ما وليت نبسلها في راسها و نحاول انو تسمع كلامي و تخليني وحدي... مش عارف لحظتها شنوا في بالي بعثتها مع ضياء و هي مش مقتنعه و قالبة وجها تحب تقعد معايا و مش لاقية كيفاش تبدلي حالي.. نحت كبوطي رجعتهولي و ركبت منبوزة مع ضياء)
_ عطيتك عين من عنيا 😉 و نعرف صاحبي راجل (هكاك حبيت نبرد على قلبي انو لازم ناثق في ضياء لحظتها لازمها تروح و ترتاح في الدار قلبي ما يستحملش تزيد تمرضلي 💔
*** حاصرة دموعي بالسيف و خاصه انو ضياء مانيش مرتحتلو نحس فيه من ريحة المسمامين الي يكرهوني.. علي سكر عليا كل باب ندخلو باش نتقرب منو و نخفف عليه... علي حب عمري.. كل شي حلو في حيااتي مش منجمة نواسيه و لا نخفف عليه 😭.. نخزر لضياء في كل مرة يحب يحكي معايا و مش لاقي دخلة باهية في هذي عجبني انو احترم ضعفي...
الكاتبة ::
يخزرلها بعنين كلهم شهوة... شهوة لها الزين... شهوة لها الحب الكبير في قلبها ل علي.. في لحظة حسدو.. حسدو على كل شي في تاج.. ضياء ما كانتش صدفة جيتو بعد ها السنين لعمتو! مش حب و لا شوق فيهم.. ضياء جاء بأمر من عمتو انو يدخل في الخط بين علي و تاج و ممكن برشا يسرق قلبها...!.. في الأول كانت بالنسبة ليه حكاية فارغة و تضيع وقت ليه.. عطلة يعديها يسرق قلب الانسانة الي كلات و شربت على قلب عمتو! هكا مشا في بالو مجرد مرا باش تتسحر بزينو و بكلامو و تصرفاتو.. كراها عجباتو كانت تحدي قوي ليه.. مزيانه و متقوية بحب علي.. ضياء خرج على كل قواعد اللعبة الي تفاهمو فيها مع عمتو و بقية البنات... ضياء توا يكور وحدو.. بقوانين جديدة يا تركحلو تاج و هذي فرصة ليه!! يا يستسلم و يجبد روحو من غير تخديم مخ....يسلم فيها برجلة..
_ تاج (انا سارحة و هو تكلم بنبرة غريبة.. حبس الكرهبة) لو تحب تفرغ قلبك تفضل صحيح مزلت كعرفتني اما صدقني تنجم تاثق فيا !( استغربت من كلامو اما انا ما عندي لشكون نحكي و هو طلعلي في الوقت المناسب..)
حاسه روحي ضايعه.. وين نقدم مع علي.. تطلع حاجات ترجعنا لتالي.. 😕 تعرف انو علي كام آخر راجل نتخيل روحي يجيني نهار و نخليه يكون محور ف نحب نملالو كل فراغ في حياتو .. علي عمرو لا كان بمواصفات حلمت بيهم بالعكس كنت نخاف من اني نكون مع راجل صعيب و الدم و السلاح و الروح عندو ساهلة بلحق كان يعرضني حد هذاك في ثنية نبدلها جرتو! انا اليوم معرسة بإنسان هكاك و نعشقو (خزرت لضياء باهت في كلامي يقلك اش تخرف ها الطفلة 😅)
_ المهم توا انتم مع بعضكم و تحبو بعضكم
_كان خلونا 😒
_ تقصد أهل الدار؟؟؟
_الحق ايه ياسر مصعبينها عليا مرات نتعب من تكنبيسهم و دبايرهم الي تتخيل في بالك عملوه ياخي ما يتعبوش 😢
_ربي يهدي ساعة ما تهونش انت
_ انت تقول هوما كان يلقو يذبحوني
_اللطف عليك bon مش لها الدرجة هوما خاطر مزالو مش موالفين بيك انت حاول تقرب منهم و خليهم يحبوك
_ههههه يحبوني !! لا من سابع المستحيلات و دجا ما حاشتيش يحبوني يخلوني نعيش رايضة يزي( حاساتو حرقو الحليب و ما عجبوش كيفاش نحكي على عمتو 😒 سكتنا شويا و من بعد صدمني كيفاش نبرة صوتو تبدلت!!
الحلقة 9
_ذبل عنيه و بكل تروقيع خزرلي بصحاحة رقعة في عنيا للي حشمني)
_ تستاهلي كل الخير يا تاج انت بنية مزيانه و فينو و مش متع ها العيشة جمله صدقني انت ظالمة روحك بعيشة هكا بنية كيفك اي راجل يتمناها 😉( شو الوحيد اش يطلع منو 😡)
_مرا مش بنية 😉 و مرت أعز راجل 😉 عندي راجل بالدنيا ما عنديش علاش باش نكون أمنية راجل آخر 😉( شربتهالو قد قد... المطر كفت قتلو كان باش نقلقك انك تروح بيا تنجم تهبطني و هو فهمها انو وفى الكلام.. شد صحيح وصلني و للدار ما حكى معايا شي كان كجيت نهبط)
_ عمتي ديما تدعي ل علي بالخير و هاو مصادفو 😉 صحه ليه علي
_صحه ليا انا 😉 يعطيك الصحه على مزيتك ( هههه ايييه زدتو دوزة أخرى خلي المرة الجاية يحترم الأمانة الي أمنها عندو علي..
أما زايد هذا الشيء من مأتاه لا يستغرب... عرضتني ام علي باقي تسومم قتلي انو عاملين عشاء لروح المرحوم و الناس الي جات سئلت عليا و انا غبرت المهم تكسير راس.. طلعت بدلت دبشي لبست الاكحل كيما اكدت عليا 😡)
_ و الله حرام عليهم يعذبو فيه ل علي بلي يعملو فيه 😡
_ اششش لا تسمعك عيش اختي (سوسن) و زيد عادة عندهم لنا لازم يذكرو موتاهم بعشاء صدقة
بقيت نغزل في الكجينة و نعاون فماش ما نربد شويا و نخمم في علي وين حيو توا 😢...
***** الجبانة الي في يوم مالايام كانت تذكرني بأتعس يوم عشتو في حياتي يوم دفنت ولدي و من بعد مرتي ولى يذكرني باليوم الي لقيت فيه تاج مدفونة حية 😢.. باقي على قبر عايشة و ولدي و شارد في بلاصة اكا الحفرة الي حفرها.... أحمد.
مزالت لتوا محفورة لتوا مزالت تحيرلي في مواجعي.. تاج احلى حاجه صارتلي في حياتي هذاكا الي زدت تأكدت منو اليوم..
روحت للدار عرضوني الناس تدعي بالرحمة لولدي امي كالعاده كل عام تحيرلي جرحي... 💔...
انا انسي روحي و هي تعطبني في الجرح 😢... بقيت نلوج على تاجي ❤️قالولي في الكوجينة دخلت لقيتها تعاون.. حتى نجمتي لونوها بالأكحل.. لونوها بلون الحزن 😢... دوب شافتني ضحكتلي.. رجعت فيا الروح.. مشتلها قدام الي كانو غادي بستها من راسها و عنقتها هي دخلت بعضها الي غادي حشمو و طول خلونا وحدنا
خرجو
_علي 😅 شبي حبي
_عاوديها
_شنوا هههه علي و الا حبي؟؟
_ اييه يا تاج قداش توحشت صوتك و ريحتك ( معنقها عندي للي حسيت روحي تشحنت من اول و جديد)
_ لاباس توا ( خزرتلي في عنيا.. محلى زينهم سبحان من خلقها)
_توا وليت لاباس (رجعت عنقتها 💕 حسيتها فرحت هي بيدها قربت مني برشا.. حضنها كنت مستحقو برشا) تاجي يا نجمتي ربي يخليك ليا و انا بلاش بيك حتى شي.. ظلام حياتي بلى بيك يا نجمتي (عطيتها بوسة عالطاير و هي حاشمة و خايفة لا حد يدخل علينا 😅.. و إلي خافت منو صار دخلت امي و معاها البقية تعارك كيفاش معطلين الناس على خدمهم و إلي يحب يتمعشق يشد بيتو.. المهم كلينا على روسنا بخص.. انا خليتها و مشيت مصبر روحي بضحكتها الحلوة حتاش نتفاضى بيها وحدنا 😉💕❤️..
الحلقة 10
تعدو ها النهارين تقول عنا ميتة كل يوم ليلا ام علي عاملة عشاء و لمة و ختم في الدار.. علي يقلي يا نجمتي كيما عوضني ربي بيك على كل حزن عشتو باش يعوضني بصغير منك ينسيني في ولدي.. نضحك و نفرح انو حابب نكون ام صغارو اما ضحكة موجوعه و ضحكة بخوف زعما انجم روحي!! زعما نحبل !!! انا مسلمة في صحتي على خاطر نفرحو و ان شاء الله ربي يكتبني و نكون ام لصغير علي و لو ليون بركا في عمري.. حابه نفرحو كيما هو مفرحني... البارح في الليل تلاكشت مع آمنه و من كلمة لكلمة قتلي برو اختمو القرآن في داركم بالك تنجمو تنظفو عاركم و الدم الي سال عندكم.. ذكرتني انو المرحومة قتلت روحها عنا 💔😢.. علي مل من كل ليله زيارة و ناس ملمومة نفسيتو تعبت.. كيما اليوم ماتت المرحومة ملي فاق حسيتو متجنب سيرتها و يدور و يقلي انت حبي انت مرتي و يزيني وجودك.. عبارة يبردلي على قلبي و خاصه من ضغط الشمايتين.. انا عايشة ما نعرفهاش اما غاضتني برشا حسيتها تعذبت برشا بعد موت ولدها و هاك الي خلاها تعمل هكاك هذا الي ظنيتو و الا الي كنت نظنو...... ((التفاصيل مع بقية الحكاية )
سئلت سوسن عليها و حكاتلي برشا حاجات عليها انو هي مزيانه لاهية بروحها تعرف تصنف و مدللة علي مالناحية هاك (غرت مالفازة 😒) اما ماهيش متواضعة و ديما تحسس في الكل انو هي خير و مثقفة و وو و هاك الي خلى العيله تكرها و علي ما يقبلش منها انو تحسسو انو هكاك و وصل بطلها من خدمتها! مع انو فما نقطة مش مفهومة انو علي شك في مرتو وقتها و تسبب بالحكاية هاك و بطلها و وقتها ولات مشاكل بينهم و لقات المخدرات هوما الي ينسوها 🤔 في شكون شك علي! معقول عمي عندو دخل 🤔 انا عارفه روحي مدخلة روحي في دعازق خايبة اما كان لازم نفهم كل شي..... ضياء مرات نحسو يتصرف بطيب نية و نحسبو كغسان!! و مرات نخاف منو و خاصه كنرى اكا العقارب دايرين بيه و تقول يحفظو فيه في درس 😏😏....
*** جاء الليل بظلامو... عايشة دفنتها في الوقت هذا دنيا ليل الكل حبوني نبيتها الا انا ما حبيتش نودعها و هي هكاك... عايشة خرجت من عندي كاملة جاني خبرها مشيت لقيتها 💔 ما نحبش نزيد نذكر.. انا لتوا لا بردت و حاسس حقها مهدور كيما دمها الي سال يومها اما مضطر نسكت و ننسى.. مضطر نكمل نعيش توا.. عندي حياة جديدة عندي تاج... انا باقي مع رجالي نحكو و في رمشة عين تعدت كرهبة فيها عباد مسلحين... نسمع كان في صوت الكرتوش...
* ما خرجنا سلاحنا و نمشينا نشوفو شكون مولى ها العمله الا ما الكرهبة بعدت.. 😡😡
_ اطلعو.... متاعو الي ورى ها العملة نحبهم حييين و الا ميتين 😡😡😡😡😡 ( وصيت رجالي باش يخلطو على الكرهبة و انا قلت نتفقد يبداش حد تصاوب!!! نلوج بعنيا ريت تاج جايه تجري و وراها امي و الكل)
_علي 😢😢( وجها مقلوب) لاباس طمني لاباس!؟؟ ؟( مفجوعة عليا و داخلة بعضها)
_ اهدا لاباس شو ما بيا شي ( شديتها من اديها للي ترعش مسكينه ترعبت عليا.. أمي و بابا يسئلو شكون موله العملة و يراو فيها إهانة لينا كعيله كبيرة الكل يحكو بلوغة الغدرة و يسمو في فلان في فلان و لا حد حسيتو خاف عليا و لا ترعب قد تاجي.. عنيها فيا و حاسه تحب تترمى عندي اما حاشمة.. 😍..)
**** يا ربي قداشهم مستفزين افففف منهم ما همهم كان شكون ورى ها العملة الحمد لله انو علي لاباس يا ربي الحمد لله قداش خفت عليه.. حاسه مالفجعة السكر طاحلي قلبي مقبوض 😨 حاطه أدي على قلبي يضرب في المتين.. واقفه بالسيف.. كملو الكل قالو اكيد عملة أحمد.. و أنا طول تذكرت التصويرة الي في بيت عمي متع عايشة 😨😨😨... معقول عمي لتوا لا برد من علي... معقول الليله كانت نيتو يقتل علي 😨😨😨 يا ربي اعطيني القوة باش نحفظ ها السر 😰😰.... عرقت و حاسه روحي عنيا ضببت حبيت نبعد من حسهم و لومهم و رميان المعنى عليا...
_ لاباس ؟؟( ضياء ! كلي ناقصاتو انا 😰)
مش عارفه كيفاش جاوبتو المهم فهم اني دايخه جا باش ينادي علي... و ما نذكر شي.....
***** كسرولي راسي بسيرة أحمد و يركبولي فيها انو هو موله العملة!!؟ علاه اش معنى يعني افففف على هزة عيني نرى في تاج مش قد بعضها و ضياء يحكي معاها ! ؟؟ و من بعد عيطلي ؟؟؟ هكاك و شفت تاج ترخفت و داخت 😰😰😰 تنطرت نجري مشتلها.... ضياء خطفها شدها باش ما اطيحش على راسها.. أما اما بحكم ما نحملش فيها عيطت عليه "سيبها 😡😡😡"
للي حشمتو هزيتها من عندو نفيق فيها و هي في دنيا أخرى و حسب ما شفت طايحلها السكر.. حملتها و طلعت بيها نجري لبيتنا.. ورايا سوسن عاونتني جبدنا الدواء و زرقنالها.. خليتها عندي للي بدات تفيق... تاجي اللطف عليها من كل شر.. غاضتني انو ديما في رعب معايا.. و غاضتني أكثر انو حد ما سئل علاها و لا لوج تقول مش كنة في ها الدار 😡😡....
_ علي!؟؟
_ يا روح و قلب علي (حاطتها عندي) لاباس توا؟ ؟
_ خفت عليك برشا
_ هههه انا الي ترعبت عليك و علاش باش تخاف عليا راني علي 😉 و زيد نورمالون انت مرت علي ما لازمش تكون هكا فينو برشا (نخزرلها في عنيها و شادلها اديها) لازم تكساح شويا يا مرا 😉
الحلقة 11
_ هههه شنوا ما تقليش تخمم باش تهزني مرة أخرى للصيد؟؟؟
_ لا لا شعفة و توبة مالدراما هاك نخمم نهزك للجيش 😉
_جيش هههه خير عاد و الله نموت
_اششش (حطيت يدي على فمها للي فجعتها)
نكره سيرة الموت ما نحبش تقول على روحو هكاك اصلا مستحيل نقبلها و الا نتخيلها انا حياتي تاج و شنوا تسوى حياتي بلا تاج.....
**** ما عندي ما نتمنى آخر كام ربي يديم حب علي 😍😍😍... نهاري بدا بسيرة الي صار بين كلام مرزي و كالعاده السب فيا و في جرتي 😏 و فما حديث على غيرة حبي 😍 عليا و يقلدولي كيفاش تفجع عليا و ما غار ما خلاش ضياء يمسني🤗🤗 هو الحق ضياء حسيتو تنبز مالفازة و يحكي معايا كلمة و قص.. للي علي قدام العيله الكل قال انو انا ليه بركا محرمة على أي حد غيرو يمسلي حتى شعرة 😂😂😂😂😂 اخخخخ حسيتهم تفتفتووو 🤣🤣🤣
_ ما تفرحش برشا هكاك كان يقول على عايشة و من بعد وصلو ما وصلو و هاك ترى مشات هي جيت انت و على قريب نخلطك عليها 😉(
اه!!! هذي المسمامة آمنه جات تعدت من جنبي و وشوشتلي 😰😰😰 ياخي تهدد فيا هذي!؟ ؟؟ و شنوا تقصد تخلطني عليها 😱😱!!!! تو نرمال هذي.. خليتهم و راجعه لبيتي هكاك و عرضتني منى! حسيت وجها مش قد بعضو ؟؟؟ شنوا زاد هذي غاضها كلام علي عليا!!!!! دخلت بيتها منبوزة!!! طفيت الضو مشيت شفت اموري اما قلبي بقا عندها انا هكاك ما نحملش نرى حد يبكي و نسكت! ريت اختها خارجه من عندها و ضربت باب بيتها!؟؟؟ زدت تأكدت انو صايرة حاجه..!! ؟
حليت الباب...
_قتلك اخرج برا كبيك كبلاش😭😭😭😡 ( تخسايبني آمنه... دخلت بعضها كراتني قدامها) شبيك انت اش تحب!؟ ؟؟
_لاباس ؟؟😰
_اش يهمك فيا ! ؟؟؟ و اش دخلك لنا اخرج تحرك اخرج (ادز فيا تحب تخرجني اما ما عجبتنيش اديها ترعش و وجها اصفر للي زعما داخت شديتها.. سكرت الباب ورايا و عاونتها قعدت عالفرش.. عبتلها كاس ماء و هي عنيها مزغلله بالدموع..
_سفا توا ! ؟؟
_ اييه لاباس (تبعد في عنيها عليا)
_منى لا ماكش لاباس؟؟ (خزرتلي باهتة) شو وجهك اصفر و اديك ترعش!؟ ؟؟ طايحلك الدم ياخي؟ تحب نقول لخالتي حليمة تعملك حاجه سخونه تتفرهد بيها! ؟؟
_ لا ما نحبش و امانك اخرج توا مانيش ناقصة نتعارك معاك و الا يشوفك حد عندي
ما حبيتش نركز مع كلامها هاك و شديت صحيح نعرف شبيها..قلتلها آثق فيا و اني بلحق مانيش كيما يستخايلوني و انجم نعاونها...
ترددت برشا.. خرجت طلت يبداش حد جاي و سكرت الباب اتكت عليه بقات تخزرلي برشا للي قتلي انو غسان رافض يعدي عالصغار و هي قنعاتو يعمل تحليل مني و تفاهمت مع الطبيب بالعينة هاك تعمل طفل أنبوب! خاطر هاك هي الطريقة الي تنجم تحبل بيها.. تحكي و مربوثة و تبكي... الي فهمتو انو موعدها مع الطبيب اليوم و لازم تمشي كونشي ما تفوت عليها ها الفرصه.. الي بعدها مستحيل يقبل غسان يطاوعها في حاجه... انا الحق موضوع هكا ما نجمتش نقبلو بسهولة الي متأكدة منو انو منى مسكينه بلحق و عاجزة و حايرة و زيد اختها جابده بيها و هي وحدها في ها الحكاية.. بقات تبكي و حايرة و انا نخمم 😁 عارفه مش لصالحي ها الهبال اما كان لازم نسمع قلب تاج 😍
_قوم هيا نمشو (تصدمت مسحت دموعها)
_شنوا؟؟ ؟ وين
_حسب رايك هيا قبل ما يفوت عليك موعد الطبيب😁
_ اما كيفاش ؟؟ و الله نباصو كيفاش نقولو لخالتي و علي و غسان 😰
_ و لواه نقولو؟؟ ؟ تي قوم إلبس نمشي بالسرقة نهز ساكي و نتقابلو لوطه OK(خليتها داخلة بعضها دموع و ضحك مسكينه... مشيت ثبت ما فما حد مركز معانا و قابلتها و خرجنا.. الحق ما خممناش كيفاش نمشو اما المهم نجمنا خرجنا من غير ما رانا حد و الا هكا كنت في بالي 😅😅😅😅)
_ تاج؟؟؟ شوف شكون 😰
ضياء 😨
.فاق بينا و طلع متبعنا ملي خرجنا 😩 منى دخلت بعضها و ولات تبكي مرة أخرى و قتلي سيا حكايتي وفلات من قبل ما تبدا.. وترتني كيفاش تبكي هي من عند ربي صحتها خاينتها.. شديتها من اديها قلتلها يزي يزززززي للي صحت عليها باش هدت 😡... مشيت ل ضياء و هو تقول شنوا صار يدز في صدرو عارفنا مخبين حاجه.. قربت منو و مالاخر قتلو معانا و الا ضدنا هو من غير ما خمم خزرلي في عنيا و قلي معاكم😅 و اكيد حب يفهم اما هنتلتو انو يسوق بسكات.. دبرنا توصيلة 😂... خلطنا في الموعد دخلت تريڨل في أمورها و انا و ضياء بقينا نستنو... شادد في شعرة يحب يجبد موضوع اما عارفني صعيبة عليه 😂 وليت سهلتها 😋...
_ ماكش حابب تعرف علاش انت لنا؟؟؟؟
_ (تبسم) و علاش كباش نسئلك باش تقلي ؟؟؟"
_ لا هههه اكيد لا هذا سر
_إماله هاني ساكت
_علاش وافقت!؟؟
_ ما دامني معاك ميسالش 😉( لا عاد هبل هذا.. قمت من جنبو و هو دخل بعضو توا نرمال مش مفلت حتى فرصة!!!!)شبيك تقلقت ! ؟؟ صعيبة برشا انت
_ لا مانيش صعيبة؟؟ ؟😡 انت الي صعيبة عليك تستوعب انك تحكي مع مرت راجل 😡 و زيد ولد خالك زاده!!! تفهم و الا لا؟ ؟؟
احنا هكاك و جات منى ظاهرة فرحانه مشتلها طمنتني انو هي بخير... يا رب يسهللها و يتحقق حلمها.. بدعوة هكاك قلتهالها من قلبي عنقتني!! فيسع اكيد و سيبتني 😅😅 قلت اكيد لخبطة في المشاعر ههههه و اني عاونتها باش جات 😂.. بقيت نڨحر لضياء قتلي شبيه عليك!؟ لحظتها حبيت ناثق فيها و نقلها انو عاملي ضغط اما خفت منها... مشات تحكي معاه و كل شويا يخزرلي.. مش عارفه فاش حكو... اه !! 😰 مله صدفة !! ؟
الحلقة 12
شفت عمي و معاه مرا! ؟؟ تخبيت عليه دخلت بعضي نرى فيه شادها يعنق فيها!؟ باين علاش جو.. عيادة متع طبيبة نساء! و فرحانين اكيد هاك مرتو و طلعت حبلة.. 💕.. لحظتها بقيت نخزرلو اول مرة نراه فرحان هكاك و يتصرف برجلة من غير خباثة.. ما صاب جينا عيلة كالناس الكل 💔.. انا باهتة فيه و منى عيطتلي.. تاج... طول خزرلي جات العين في العين... و هو ما نجم يعمل شي... طول مشيت خلطت عليهم خليتو واقف انا عارفه انو امنيتو لحظتها يشرب من دمي اما الموقف مش مواتي... طلعنا في الكرهبة شارده في كل شي صاير معايا... نذكر الفرحة الي في عنين عمي و مرتو... و الفرحه في عنين منى لحاجه مزالت ما تمتش اما فما امل كبير 💕... و نخمم في روحي حكايتي وين باش ترصي....
**** دخلت لبيتي ما فماش تاج؟؟؟ " مشيت الكوجينة قلولي ما ظهرتش اليوم؟؟؟؟ وين باش تكون ها المرا ؟؟؟ طلبتها ما هزتش؟؟؟
_امي مع انو انت اخر حد نسئلك على تاج انا ويني؟؟؟
_ههههه ضحكتني يا وليدي و انا وين باش ندري عليها اكيد مدغورة مع الخدام تحبهم ة تحب حكياتهم 😏
_ماهيش غادي ويني منى؟؟
_منى مشات للخياطة عندها قضية عندها و عهدك بيها جاية ( آمنه ديما تحب تكون حاضرة في أي حديث 😏) مرتك ماهيش لنا ما ظهرتش مااصباح هي و ضياء ريحتهم ما فماش 😉
_اش تقصد انت!؟؟ اش دخل تاج في ضياء!؟؟ ؟(عارفها تحب تستفزني 😡😡😡)
_هام قالو شفوهم مع بعضهم
_آمنه 😡😡😡
_ من غير ما تخزرلي هكاك برا اسئل رجالك 😏
طيرتهالي و عارفها تكذب اما انا شعراوي و ما نحملش حتى من باب الحديث بركا انو نتخيل مرتي تاجي مع حد آخر و لو بطيب نية.. هكاك و دخلت منى و وراها تاج! فرحت كريتها اما كدخل وراهم ضياء و كيفاش ينقش في ريشو غزلت..
_ علي!!! 😅(تلفتت لمنى و ضياء) اهلا بيك
_وين كنت (انا طول سئلتها و هي دخلت بعضها! ؟؟؟) مع منى؟؟ في الخياطة؟؟؟؟ (كنت متمني تقلي اييه 😑😑😑)
_اه!!! منى ؟؟؟؟ (تخزر لمنى الي هي بيدها داخلة بعضها؟؟؟قامت قالت لا ما كانتش معايا و خلتنا و طلعت في الدروج!! بقات تاج نخزرلها باهتة؟؟ حاسها مخبية حاجه؟؟)
_شبيك ساكتة ؟؟؟
_ انا كنت احم (مربوثة و تخمم برشا ؟؟؟ هكاك و تكلم اكا....)
_معايا (الكل خزرنالو ! حتى تاج تقول تصدمت؟؟ عبارة كانت حابه تخبي و هو كشفها 😡😡)
_ مش قتلك مااصباح خرجت مع ضياء ههههه مله جو 🤣(آمنه لقاتها فرصة باش تشعلني) حب كبير (قالتها بالشويا اما سمعتها 😡😡😡😡😡😡 كنت باش نحط غشي فيها اما قلت نفهم قبل 😡)
_يزي آمنه !! تاج خرجنا بالكرهبة عادي(خمم شويا) توري فيا في البلاد
مله إقناع فيه و مله سبب!!! نخزر لتاج مهبطة راسها و ساكتة!!! ساكتة عالخرم متع ضياء ؟؟معقول كلامو صحيح
قربت منها هزتلها راسها
_تاج كلامو صحيح؟؟؟ انت و مع ضياء وحدكم؟؟ تكلم 😡 (نزرت عليها للي تفجعت)
_ 😰 ايه صحيح اما و الله لا كيما في بالك دورة صغيرة كهوا (صحت عليها باش تسكت 😡😡😡
انا كل شي نعديه كان حد يتصرف من غير شورتي 😡😡😡 و تعرفني نغار عليها تقوم تكون معاه وحدهم 😡😡😡 ضياء حب يلعبها بطل و لاعب فيها يفسرلي و لوغة اش فيها و ما نذكر كان عهدي بروحي باش نخليهم و نمشي درت عطيتو بونية للي نطرتو 😡😡😡 الكل صاحو و امي تجري لولد خوها تعارك فيا و تقلي لم مرتك خير و امنه تشمت في كلو من تلوصيق مرتك.. و انا سيا.. وصلت بيا لل top نخزرلها حاطه اديها على فمها مصدومة خزرتلي باهتة...
**** يا ربي!!! علي في لحظة تحول!!! فمو اطرشق بالدم الراجل مصدومة فيه معقول الفازة غششاتو هكا و لا مسقتهم كيفاش وزروني و خلوني في فم المدفع 😰... ضياء قام و بدا يستفز في علي في مش رجلة يغدرو ببونية و قلو انو معقد و قديم في راسو... كلام مستفز للي علي كان باش يزيد يضربو و ضياء ما قصرش بعد عمتو و داهم زاده هو باش يضرب 😰😰 انا تنطرت في وسطتهم على اساس ما نخلهمش يمسو بعضهم ياخي شوووني جاتني ضربة في كرشي للي تشويت 😢😢 بعدت نتوجع علي حاسو تفجع عليا اما غشو مش مخليه يغلب حبو 💔... خلانا و مشا... خرج من غير حتى تلفيتة... كيفو انا ما كنتش حابه نسمع حتى كلمة أخرى.. ياسر تشويت 😢... ممكن من رحامي الوجيعه... دخلت لسوسن قلتلها اني متقلقه مسكينه تفجعت عليا.. قلتلها تعملي حاجه سخونه تهدي بيها عصابي... طلعت لبيتي عرضتني منى من باب بيتها قتلي "سامحني" و سكرت الباب... اه يا تاج 💔💔 ديما قلبك مخسرك
...
بقيت متقلقه للي جاتني سوسن عملتلي قهوة سخونه باش نهدا..
_ وسع بالك تو تفسر من بعد ل سي علي كل شي و هو من حبو ليك تصرف هكاك هههه محلاه الراجل الحزار و زيد لو ما كانش يموت عليك مستحيل يغار عليك هكاك 😉 و أيا عالفازة قهوة مسروقة هههههه
_ هههههه ضحكتني ما تقليش قهوة اكا العقرب ؟
_ايه حششت عليها عملت وحده ليك و وحده ليا ميسالش نترشفها بحذاك؟ ؟
_ مله مهبولة و زيد بيناتنا نكره كل شي يجيني منها مسمامه 😡
_ذوق تحصل 🤣
بضحك و لعب قنعتني هههه بدينا نشربو و بلحق بالحديث و الفدلكة نسيت كل شي نسبت الي صار معايا و نسيت اني غششت علي 💔...تقول ضربنا جونتة بقينا مرتين الزوز مرة نضحكو و مرة نولي نبكي و نقلها اني خايفه لا نخسر علي.. 💔💔... مش عارفه قداش بقينا.. رقدت... ما فقت كان ما الليل طاح؟؟ راسي مجووجم النومة مش مرتاحه... علي لتوا لا روح... دخلت عملت دوش باش نتفرهد... لقيت عندي شويا دم 😰😰؟؟ تذكرت انو الطبيبة قتلي باش نولي نتقلق شويا و ممكن الدم عادي و الا مالضربة إلى مش عارفه من شكون جاتني؟؟ ؟ضياء ؟؟ و الا علي 💔💔😢😢😢
الحلقة 13
**بقيت سهرت للي قلت اكيد الناس الكل رقدت... روحت كحليت باب بيتي لقيت تاج كالعاده ساهرة.. اصلا كعادتها حتى لو متنابزين تستناني.. قاعده مقابلة الشباك قالبة وجها!! تقول هي الي لازم تكون مدغششة مش انا؟ و اكيد كأي مرا تونسية لازم اللوم و الغلط في الراجل.. بقيت مطفيها للي غزلتها..
_شنوا باش ترقد ؟
_ حسب رايك؟؟؟ ( ببرود نحكي معاها)
_توا نرمال بعد إلي صار نهار اليوم ترقد من غير حتى ما تسمع مني ؟؟؟ عادي إلى عملتو اليوم؟؟؟ في بالك ولد عمك دغشش و امك عملت عليه مشكلة بكري؟؟ 😡
_نقص حسك الناس راقدة؟
_و كما نقصش؟؟ 😡
_من غير صحة راس و زيد اش حرقك عليه انت يدغشش و الا يمشي.... 🔞😡
._ اه 😱😡 نرمال انت ها المنطق؟؟؟
_تاج فوتني خلي ها الليله تتعدا على خير 😡
_ راك ظالمني و غالط فيا و زيد مكبر الحكاية كون متأكد
_باهي صحيتك خليني نرقد توا 😏
_ قداشك دمك بارد؟؟ لا يزي عملت مشكلة مالحيط و لا يزي ( استفزتني سيا و صار الي حبت عليه غششتني شديتها من يدها و فهمتها انو ما نيش نكبر في الحكاية خاطر دجا هي كبيرة 😡😡 انا نغار عليها حتى مالشعرة متع راسها إلى تهبط على وجها و هي تقلي ضياء و الا.... 🔞.. 😡😡)سيبني شويتني يا على أي ايدي 😭😭 ( ديما تخرج مني الوحش إلى فيا و تقعد تتبكى من بعد هوما كلمتين لازم يكونو حلقة في وذنك بكبر الحب الي عندي ليك يا تاج!! لازم تحترم كلمتي! و عمرك ما تخرج على شورتي 😡 كنقول راني نغار عليك لازم تكون قد ها المحبة ليك.. تتوجه بيدها سيبتها للي طاحت عالفرش بقات تتوجع بيها و تبكي 😭...
**** مخيبو علي كيولي هكا 😭 شواني و يعيط عليا تقول اش عملت و لا يقلي فوق همي تعمل في حاجات غالطين تحب تهبلني
_شنوا همك يا سي علي؟؟؟؟ نجحت امك انو ترجع حب عايشة في قلبك؟؟؟؟ شنوا قلبك حرقك عليها 😡😡و الا لتوا تغزل كيفاش ماتت و خلاتك ماك فاهم شي 😡😡
_تاج 😡😡 عدي ها الليله على خير 😡 راك تستفز فيا
_شنوا باش تعمل أكثر؟؟؟ شو يدي و ضربت ولد خالك؟؟ و جرتكم تضربت وينو علي الي مستانس يسئل على احوالي 😭موجوعه يا علي شبيك ما اطمنتش
_ما تحبش علي هاك انت؟ و الدليل كل مرة تستفزو باش يدوان 😡(حتى بالكذب ما قليش شبيكي😢لها الدرجة غضاتو مني؟؟؟ و لها الدرجة يغير علي؟؟) تجبد في عايشة بكري؟ على الاقل عمرها ما كسرت كلمتي كيفك ( يغزلني كيحكي هكاك نحب نقلو لو تعرف سرها تو تسكت عمرك الكل اما سكتت قلت قبل ما نكشف الداقزة هاك ساكتة 😢) و آمنه و الله طلع عندها الحق
_شنوا؟؟ ؟فاش عندها الحق؟؟؟؟
اصلا كلو منها هي ديما توسوسلك و توهم فيك بحاجات مش صايرين 😢
_انت قلت مش صايرين 😐
غزلني كقال هكاك قتلو توا نمشي نشرب من دمها آمنه متأكدة انو سبق و كذبت عليه في برشا حاجات آخرين... و هو شدني ما خلانيش نمشي قربني منو و كيفاش شدني من خدودي شواني
_انت ليا بركا حتى بالكذب ما نحبش حد يتقرب منك و الا يخمم فيك 😡 انا نعرف. طحين الرجال و نعرف قداشو... 🔞.. و اكيد تعجبيه (هو في هذي عندو الحق اما علي باقي محسسني انو انا خاينه ؟)
_باهي حتى لو هو كيما تحكي انت انا شنوا ذنبي 😭
_ماك انت تعطي فيه في الفرصه 😡 تغدر بيا و اطاوع فيه 😡
(لحظتها غزلني للي قتلو ياخي شبيك محسسني انو لقيتني معاه في الفرش... و اللطف عنيه حمارت و ما نرى فيه كان عطاني كف للي حسيت خدي طار 😱😱😱....
بالوقت دموعي هبطتو... نخزرلو مصدوم فلي عملو... انا بقيت هكاك جامدة حاطة يدي على خدي....كالعاده علي هرب.. خرج و خلاني من غير حتى كلمة..... 💔💔💔...
انا الكف ما حسيتوش في خدي حسيتو في قلبي 😢.... معقول علي يضربني؟؟ مانيش مصدقة ما صاب نكون نحلم 💔😭...
بكاني الكف متاعو؟ و الا شكو فيا؟؟؟ و الا اني كل عندي لشكون نشكي و نبكي.... 💔😭......
*** يا ربي شنوا إلى عملتو انا 💔😱 نخزر ليدي و مش مصدق معقول انا وجعت تاجي هكاك؟؟؟ ؟؟؟؟معقول إلى صار
ركبت كرهبتي بعدت بعيد... هي السبب هي... الكلمة الي قالتها ما نحبش حتى تكون فراضية ما نحبش نتخيلها... تاج ليا تاجي متاعي.. تاج حب عمري... تاج ممكن الليله نكون خسرتها... 💔
👌💓المحبة قوية كالموت، والغيرة قاسية كالقبر💔
الحلقة 14
خُــذوا بـدمـي ذات الـوشـاحِ فـإنـني رأيـــتُ بـعـيـني فــي أنـَامـلها دمــي
خُـــذوا بــدمـي مـنـها فـإنـي
قـتـيلها ومــــا مــقـصـدي إلا
تــجــود وتـنـعـم...
ولا تـقـتـلـوهـا إنْ ظــفـرتـم بـقـتـلـها ولـكـنْ سـلـوها كـيفَ حـلّ لـها دمـي..
وقـولـوا لـهـا يــا مُـنـية الـنفس
إنـني قـتيلُ الهوى والعشقِ لو كنتِ تعلمي...
ولا تـحـسـبـوا أنـــي قُـتـلـت بــصـارمٍ ولـكـنْ رمـتـني مــِن ربـاهـا بـأسـهمِ...
أغــــارُ عـلـيـهـا مِـــن أبـيـهـا وأمِــهـا ومـن خـطوةِ المسواكِ إن دار في الفم...
أغـــارُ عــلـى أعـطـافـها مــن ثـيـابها إذا لـبـسـتها فـــوق جــسـمٍ
مُـنـعـمِ...
وأحـــســدُ أقــــداحاً تــقـبـلُ ثــغـرُهـا إذا وضـعـتها مـوضـعَ الـلثمِ فـي الـفم...
شربت من كأس الندم الي ما عادش!! كيفاش نغلط ها الغلطة و نمد يدي على تاج راسي 💔 مستحيل مزلت تسامحني.. ما حبيتش نروح للدار قلت خلي تبرد الحكاية الساعه... و اخرتها قلت معاك يا علي انت غلطت و لازم تلقا ثنية تصلح بيها غلطتك معاها.. في الدار الكل خايضين كيفاش ضياء لم دبشو و قال باش يمشي للبلاد يشوف اوتيل و في أقرب وقت راجع لأمريكا امي تعارك فيا كيفاش غلطت في حقو!!? انا لحظتها همني كان تاج.. كمشتلها لقيتها عاطيتني بالظهر ساكتة كلمة لا.. قربت منها دورتها وجها بلاصة الكف ظاهرة حمرا.. 😢.. قداش حقرت روحي لحظتها..
_سامحني (خزرتلي بعنين مكسورين) سامحني تاج اني وجعتك و اني غلطت ها الغلطة الي عمري ما نعاودها (قعدت هي تبعد وجها و انا نرجعو) نحكي معاك يا تاج كلمني ما طفنيش 😕
_نحب نمشي لأمي 😞
صوتها موجوع)
_اما تاج انا نحبك تكون بجنبي و معايا (شديتها من اديها قربت منها قامت بعدت يدي من على وجها)
_عيشك هزني توا (مشت لفوق الفرش حاطه ساك صغيرة فيها دبشها؟) يعني مقررة تمشي؟ باهي ok تفضل
حبيت نطاوعها قلت من حقها بعد الفازة هاك تبرد وجها و منها فرصة تنسى الحكاية و تسامحني... احنا خارجين و ما نحكيش عاد على نظرات الشماته
جا ضياء يودع في العيله قرب مني و أنا مش منجم نخزرلو بعد إلي صار 😕دجا لتوا نغزل عليه
_ علي.. (سكت شويا) رد بالك عليها لتاج حطها في عنيك 😉
_ههههه باش توصيني عليها زاده؟؟ مرخصك راجل 😡 هاك مش في عنيا هي عنيا بذاتهم
_هههه (ضحكة متع استبلاه) أيا باهي اما ما تخليش حبها يعميك عليها 😉(غزلني مله.... 🔞.. ما حبيتش نزيد معاه الهدرة لا تولي عركة أخرى.. خزر لتاج و هي مطفياتو.. ودع الناس الكل و مشا ركب كرهبتو من عندي لا يرجعو.. هزيت وصلت تاج.. ثنية كاملة ساكتين طوالت المسافة مع سكوتها... كوصلت قلتلها نتمنى كنجيك نلقاك سامحتني)
_على شنوا نسامحك؟؟ 😡( و اخيرا نطقت فرحتني هبطتلها شديتها من اديها و هي تحب تبعدهم و انا مش مخليها..)
_تاج يا تاج اسمعني و الله نادم عليه الكف يا ليت تقصت يدي و لا ضربتك نحبك تعرف اني مش من عادتي نضرب مرا عمري ما ضربت 😕
_عمرك لا ضربت اما البارح ضربتني 😢(نطرت اديا بعدتهم) صحيتك اول ما ضربت ضربتني انا 😢 و كجيت حتى نستحق
_يا تاج 😡 خليني ننسى الي صار اصلا انت ما عرفتش توزن كلامك معايا على هاك غلطت و ضربتك
_ اه قصدك نستحقو الكف!!! مش على اساس نادم 😞
_اييه مش قصدي هكاك شو انت باش تزيد اطلع الماء للسعده برا ارتاح عند امك نهارين و نجي نروح بيك و تو نحكو ok
نخزرلها تحب تزيد تحكي و انا خايف تستفزني و نزيد نعميها دجا انا مزلت ما بردتش) تاج (كانت ماشية تلفتتلي) يا تاج راسو ل علي 💕 راني ضربتك و نضرب عليك راني مستعد نقتل و نشرب مالدم في خاطرك كون متأكده..
_ما حاشتيش بالدم نحب راجل ياثق فيا 💔
****خليتو و دخلت امي ملي حلت الباب طارت بالفرحه رغم جايتها بشاكير أحزان.. حيرة و برشا ضغط و تعب و اسرار....
حكتلها الي صار و لامتني اني رغم تسوقيطهم معايا وثقت فيهم و عطاتني درس من تجربتها في خذلان الراجل غاضتني كلامها انو ما لازمش نسامح علي للي بلحق تتأكد انو ما عادش باش يغلط معايا 😣 و قتلي انو ما نتعلقش بيه برشا اصلا الرجال في عنين امي ما يسوو شي بالطبيعه حكمت عليهم من غدرة بابا 💔 الي كقلتلها انو مفقود حسيت تربثت؟؟ و كإنو مزال فما بقايا متع حب في قلبها ليها.. نبدل الموضوع ادور أدور و ترجعلو.. أمي زاده حاسها مخبيا عليا برشا أسرار 😑...
مجبود حديث على عمي و على ماضيه قالت امي انو كان لاباس عليه بقلب حنين عرف بنية حبها و عرفها على بابا و امي ككانو منبوذين مالعيله بعد ما عرسو انا وقتها صغيرة ما نذكر شي قالت انو هي صبية مزيانه و نافحة بروحها و عمي أحمد يعشقها من بعد قالت انو قطعت علاقتها بيه و لعبت بيه و استغلاتو خلاتو يولي أحمد هاك الناقم على ريحة الأنثى و وقتها دار عالناس الكل حتى من امي
النساء الكل ولاو شواطن في رايو... أمي تحكي و أنا نربط في الخيوط 🤔 زعما عايشة البنية الي حبها عمي؟؟ امي ما تذكرش اسمها اما قالت انو وقتها اتلوج على خدمة معلمة سيا عاد هكا زدت تأكدت 100% من شكوكي..عمي ناقم من علي خاطر خذا الانسانه الي حبها اما المش مفهوم اش رجعها لحياة عمي بعد ما عرست و لوين وصلت معرفتها بيه 😣 معقول كانت تلعب عليهم الزوز 😢 مستحيل علي يسامحني كان يكون ظني صحيح وقتها حتى انا يكون مستعد يضحي بيا باش يقطع اي ريحة تذكرو بالماضي هاك 😭... علاش هكا كتبلي ربي تكون قصة حبي مليانه أسرار و عذاب و دموع انا كأي طفلة نحب انسان يحبني و نحبو و نعيشو كأيها الناس مش هكا نهزو ساق تغرق الأخرى 💔...
الحلقة 15
من غدوة كلمني ضياء؟ الحق تنرفزت من انو مزال عندو عين و يكلم فيا؟؟ اما كشد صحيح هزيت عليه قلي انو حابب يحكي معايا في موضوع اكيد و انا الحق لا خليتلو لا بقيتلو حطيت غشي فيه 😩😩... شد صحيح بطريقة مستفزة وليت قابلتو... ملي شافني و ثبت في آثار الكف على وجهي طول بدا يتندم و يطلب في السماح على جرتو و قلي انو منى توصلي السلام و نادمة زاده علي صار و بالطبيعة لا هو و لا هي عندهم الجرأة يفهمو علي الي صار.. 😏😏.. المهم بعد ما مرجني بالكلام بالألغاز قلي حقيقة جيانو لبيت عمتو 😓😥 صدمني مالمكيدة الي كنت باش نعيش فيه؟؟ لها الدرجة وصلت بيها اللفعه 😡 المهم طلبت مني السماح و قلي انو انا و علي نستحقو بعضنا و نستاهلو بعضنا و امو احلى كوبل شافو نسمع فيه و باقي مش منجمة ناثق فيه رغم مانيش حاساتو يكذب هذي عمتو اكيد مش مهبول باش يكذب عليها قلي انو آمنه تحب تفرقنا و اني لازم نرد بالي منها؟؟ 😓
😓 نصحني انو الحاجات هذي كارها تزيد تقوي حبنا مش تبعدنا و قلي سامحو لعلي راو من حقو يغار
_ لو عندي مرا كيفك انا نعمل أكثر منو 😉 مرا بزينك و حبو ليك عادي ما يحملش حتى النسمة تلعب بشعرك ربي يفضلكم لبعضكم..
😍😍 فرحني انو خلاني نعذر علي هو عارف انو اكا العيله الحزينه لعبو براسو برشا باش خطتهم تنجح 😣 المهم ودعت ضياء بأمل يرجع مرة أخرى و تكون القلوب صافية و لآخر لحظة يقلي سامحني
*** _ راسي باش يطرشق 😣
_شبيك معلم مش عاجبني حالك ها النهارين
_ ضايع يا حمى يا خويا 😣 كثرت عليا المسؤوليات لنا و في الدار خوك مخو تحرق
_وسع بالك نعرف صاحبي راجل و قدها و الا أكثر باهي (ربط على كتفي للي خلاني تبسمت هكاك و وجهو تقلب قلي بعنيه اخزر طلع اكا.... أحمد معاه رجالو يفرقو في اللحم؟؟؟)
_فاش يعمل.... هذا؟؟
_وسع بالك و طفي عليك
_اهلا اهلا بنسيبي الغالي (.... فيه جاي يكشخ) أيا قهاويكم خالصين من عندي
_ما نشربوش حاجه من عند..... الي كيفك
_اه اه اه هههههه😂😂 وسع بالك يا حمى شنوا عرق عليك سيدك 🤣
_ اش تحب 😡😡)(قمتلو مدغشش اصلا مش وقتو جمله 😩)
_وسع بالك ما عنيش لا في عرك و لا شي انا في جمعة سلم و سلام شايخ و فرحان 🤣🤣🤣
(ما فهمتش شبيه؟؟؟ باين صاحي مش شارب حاجه عامل جو يضحك و يفرق في المفرحات عمل هكا و عطاني قزوزة بعدتها من قدامي طاحت تكسرت وقتها عاد رجع لمخو)
_شنوا استخسرت فيهم يشوفو أحمد آخر؟؟؟
_لا خليك على حقيقك خير..... و منافق برشا عاد 😉
_ ههههه باقي مانيش باش نمشي معاك في الخط شنوا ما قتلكش تاج؟؟
؟(كقاال هكاك حسيت خلوقي دارت و تنرفزت؟؟ ؟ اش يقصد هذا و اش مجبدو فيها)
_ تاج ما تعرش واحد كيفك باش تعرف اخبارك 😉
_اه بلحق؟؟ غريبة ساعة كانت حاضرة على اللحظة التاريخية 😂
_لخص و جيب مالاخر
_ اسئلها هي (جا باش يمشي جبدتو من يدو للي الجو تكهرب.. ولى بعدلي يدي) زايد باش تبقا ديما هكا منغص حياة الي دايرين بيك الكل 😡 برا اسئل مرتك شافتني كعرفت انو أحمد ولد اللبة جاييه شبل صغير في الثنية 😉
_ منين شفاتك و كيفاش 😡
_يبارك فيك ههههه(يجبد عليا بالمرتاح)
_أحمد 😡😡😡
_ ايام لتالي هي ولد خالك الفرفور (غزلت كبست بونيتي) و مرت خوك (كجبد على منى وقتها تفردت هههه
اصلا تبسمت للي هو بيدو يخاسيبني هبلت يعني كالعاده بلحق..... عيلتي و طلعوني طرطور و خسروني في تاج 😡 روحت نزرب منرفز ملي دخلت مطمن غسان مش في الدار طلعت طول عرضتني منى خطفتها من يدها و طلعت بيها لبيتها
_علي؟؟؟؟ اه شبيك بالشويا يدي 😓😓😓😓 (دزيتها و هي تطايح بكلها)
_ احكي فيسع 😡
_شنوا باش نحكي شبيك هكا تتصرف 😡 غسان وينو
_اش يهمك في غسان توا 😡
_باهي خالتي ويني؟
_منى؟؟؟ تحب نحضرهم ؟؟ غسان و امي و انت احكي وقتها اش هزك السبيطار من غير إذن حد؟؟؟؟ ؟😡😡
_يااااا هي هي و حكاتلك تاج 😢 هو كتجي تشوف عندها الحق اما علاش قتلك من توا 😭 امانك علي هذا سرنا يفرحك (مصدوووووم نذكر اكا النهار و خزرت تاج و الكذب الكل و كيفاش طاحت في مشكلة معايا و رغم هاك سكتت و ما قالت حتى شي؟؟ و نذكر كيفاش ظلمتها و ضربتها؟؟ حسيت روحي صغررررت برشا؟ ؟) نكلم فيك علي امانك 😭😭
_مش تاج قتلي مسكينه تاج الي قد ما تعمل معاكم باقي كلاب معاها رضت كل شي في روحها و ما قالت شي 😡😡(جيت باش نخرج شدتني عنيها بالدموع و وجها مقلوب)
_أماله شكون ؟؟ يا علي يا خويا؟؟ 😢
_أحمد(تصدمت)
_ شكون ؟؟؟ يا ناري على روحي مشيت فيها قلي قدام غسان حكى؟؟؟ امانك يا علي ( دخلت بعضها للي داختلي؟ ؟؟؟ لها الدرجة ترعبت ناديت لأمي و آمنه عطيناها عالفرش و طلبنا طبيب العايله يجيها.. انا وقتها ما كنت انخمم كان في تاج و في ضياء الي ممكن غلطت في حقو زاده... لازمني نتصرف...
بديت نطلب في تاج التلفون يصوني و ما تهزش تنرفزت حسيت الدنيا ظلامت في وجهي 😫... لازمني نمشيلها لازم اكيد لازم نمشي لتاجي... مش عارف تخلطت عليا المشاعر. الكل مغزل من عيلتي و حاقد عليهم على كذبهم و غشهم و في نفس الوقت فرحان إنو تاج ديما في حسن ظني و بلحق احسن حاجه صارتلي في حياتي... جاييك يا تاجي جاي. ❤️😍
**،** _شنوا ها الشردة يا بنتي؟؟يا تاج بسم الله على بنتي وين سارحه (للي مستني امي من كتفي باش فقت انو هي واقفة بجنبي 😏..) لاباس؟؟؟
_ لا شي شي 😐 لا يا أمي مانيش لاباس حايرة و خايفه
_و من شنوا؟؟ كانك على حكاية مرتو ل علي انسى عيش بنتي كيما هو نسى انت زاده انسى
_لا ما نظنوش نسى 😢
_كجا ما نساش ما يرجعش قلبو يحب من اول و جديد يا بنتي الغالية اسمع مني النسيان دواء كل شي و مرات تعيش في الظلام احسن ببرشا مالضو!! الضو برشا برشا يعمي العنين 😉
( هو كنجي للصحيح امي كلامها صحيح خايفه من آخرة ها الأسرار لا اطير فيهم رقبتي انا ما نيش مستعدة نخسر حبي حكايتي مزلت في أولها ما نحبش نوفاها 💔.. أمي فاقت بتلفوني يصوني طلع علي مالاول رزنت روحي باش هزيت و من صوتو فرحان و قلي هاني جايك و يطلب في السماح و يقلي راني فهمت كل شي 😏..علق و قلي راو في الثنية... تلفت.. تبسمت وحدي الحق فرحت انو جاي.. لقيت امي تستنى فيا نحكي..
_شبيك امي 🤭☺️
_ حابه نقلك ما تروحش حابه نقلك زيد اقعد اما الفرحه الي في عنيك هاك بعد ها التلفون مستحيل نكسرها
الحلقة 16
(قربت عنقت امي و شبعت بريحتها 😢 يا راحتي من كل تعب ❤️..) اما على شرط
_شرط؟؟ (بعدت مستغربة؟؟؟ ؟)
ههههه الحق كل شي توقعتو كان الي باش يصير و أخيرا امي قررت تعمل خطوة باهية تعوضني بيها السنين الي تحرمت منها فيهم ❤️😍...
وصل علي دوب حليت الباب عنقني عندو.. حسيت روحي ذبت بين ضلوعو.. باسني للي تأكدت وقتها انو في قلبي ما عندي ليه حتى غش 💔🤭 لها الدرجة حب علي خلاني متساهلة معاه هكا؟؟؟ فيسع خلاني نبرد؟؟؟
_ فهمت كل شي و ما تتصورش قداشني نادم انا بلحق مزلت ما وليتش نعرفك بالقدا انت ماكش بنية عادية دخلت حياتي انت ملاك يمشي عالارض 😍....
برشا كلام حلو.. كان لازم نصدقو.. كان لازم يخليني ننسا كل شي صار.. مش عارفه كان هذا هو العشق!!! حاجه مخليتني نسامح علي مهما غلط في حقي... 🤭.. دخل طول هز ساكي الي لقاني حضرتو و سلم على بابا عزيزي الي لقاه خارج و في يدو ساك؟؟
_لاباس ماو ؟؟؟(يخزرلي باهت)
_بابا ماشي عند ناس صحابو فترة (امي وصلت بابا للباب... حبستلو تاكسي.. و للي رجعت و علي مش فاهم شي؟؟ و انا في قمة الفرحة 😍...) أيا توا انجمو نمشو 😉
_اه؟ باش نوصلوك لبلاصه؟؟(فس يد ماما ساك 😂)
_ايه باش توصلوني للجبل ليا برشا عليه 😉(علي تصدم هههه)
_ وي علي ماما باش تمشي معايا ميسالش ماو ؟؟؟
***_ ههه بالطبيعة مرحبا بيها (حسيت مشاكل تستنى فيا ماليوم قد شعر الرأس 😐😐😐 اه يا علي اش يستنى فيك.. الي مصبرني انو تاج فرحانه.. عنيها الي يضحكو مالفرحه بالدنيا و ما عندي 😍❤️...)
*** ملي دخلنا البلاد عنيا ما تنحاتش من على امي.. عنيها سارحه مع كل الثنايا... حاستها تحيرتلها برشا مواجع.. كل ما نزيدو نقربو من الثنية لتهز لدار بابا و اللبة امي وجها يتخطف... ظاهرة امي شافت برشا عذاب في ها البلاصه.... وصلنا لدارنا.. انا وقتها حسيت بقلق.. كالعاده الدار هذي ما عندي فيها حتى حد يحبني بصدق كان علي و الا خالتي حليمة و سوسن.. 💔...
**** في كل خطوة نحاول نتخيل ردة فعل امي كباش ترى رجعة تاج و معاها امها 😐.. انا عارفه المشاكل توا باش تزيد..هكاك و جاتنا للباب.. دوب شافت ضيفتنا وجها تعقد.. حسيتهم يبلعو في الريق بالسيف يخزرلو لبعضهم بغزول امي نعرفها غشها تعبر عليه بالخزرة هاك 😡...
_ تفضل ادخل
_هيا امي ندخلو
_يا مرحبا بضيفانا ماو قلنا يا ولدي الي عنا ضياف
_امي مش ضيفة 😉
_اه امك؟ لا امك مش ضيفة انتم الزوز ضياف
_امي 😡😡 عدي ها النهار عديه.
*** حابه اناقشها و نفهمها انو انا اكبر ملي هي تتصور عند علي اما قلت زايد 😏 ناس مرضى.. هزيت أمي دخلنا و خليتهم يمرجو في علي الي قريب يطرشق عليهم مالغش.. وصلت أمس لبيت بجنبي. عرضتنا منى.. تبعد في وجها مالحشمة مني.. قربت سلمت على امي و مشات تجري لبيتها..
_شبيهم هاذم ؟؟؟
_ما عندك ما ريت صدقني يا أمي عيشتي عذاب في ها الدار هذا اقل ما نقدر نوصف بيه للي حاساتو🙄
(امي ومتلي بعنيها انو فما حد ورايا تلفت لقيتو علي يخزرلي بكسرة خاطر..)
_سامحوني ندخل نرتاح توا تعبت مااثنية 🤭
حشمت من انو سمعني نحكي هكاك اما هاك الحقيقه... قرب مني شدني من يدي باسها و باسلي راسي.. من بعد قربني عندو يشملي في شعري..
_يا تاج قلبو ل علي.. 💔 شنوا حل الي صاير معانا (درت قابلتو.. سؤال صعيب..) اعطيني حل..
_ باش نقلك تخليهم يحبوني هههه صعيب ياسر اما على الأقل احميني منهم.. حاجه صعيبة هذي ؟؟؟
_لا (زاد قربني منو.و من بعد قلي نخرجو شويا... انا الحق بقات امي في بالي قلت مشيش يتسومو عليها اما نعرفها ما تروفها لحد اصلا متقوية بيها ماليوم 😍..)
_وين هازني؟؟ كايني نعرفها البلاصه هذي؟؟ ؟
_لنا عنا ذكرى اول ضحكة لينا مالقلب 😉
_ما نسيتش؟؟
_انا في العاده ننسى اما ملي عرفتك مستحيل انجم ننسى اي حاجه تجمعني بيك 😉..
علي و أفكارو قلي انو وقيت يعلمني نتير 😍 بون انا في العاده نخاف من صوت الكرتوش و بلحق تلعب عليا الدوخه كانت كحد يقنص و لو بعيد مني 😂 اما توا لا الصوت هاك ولالي شعور بأمان.. يذكرني ب علي 😍.. ريحة الرصاص ديما نشمها عليه ❤️ فا ولات الريحه هاك تشيخني 😍.. قرب مني و عطاني قلي باش تنجم تقمر مليح لازم تاثق بسلاحك.. و تحبو.. و لازم في كل مرة يتهز سلاحك على حد ما تخممش في حتى شي كان سلاحك و كإنو هاك متعة ليه و انت لازم تشيخو لازم تحسسيه بحبك....
_هههه يعني كنقتل حد يفرح سلاحي؟؟؟؟ 😂
_لا مش بالازمه تقتل.. السلاح مش ديما يقتل.. مرات يجرح مرات يرعب مرات يهدد انا اعرف انو في كل مرة تهز سلاحك على حد انت تنجم تقتلو مالوجيعه 😉 و لو ما تصاوبوش 👍
كلامو صعيب ؟ و غامض.. ما فهمتش علاش يحكي هكاك.. جا لبالي سؤال تافه😅😅
_علي؟؟؟
_يا قلب علي 😘
_تنجم نهار تهز سلاحك عليا؟؟؟ ؟ ( هو تصدم و حسيتو تقلق مالسؤال.. أما الحق تخيلت يقلي تتقص يدي و ما تعلاش عليك و اكا الكلام اما هو شلني بالإجابة 😏😏)
الحلقة17
_ما دامك تاقف بجنبي عمرو ما يعلى عليك سلاحي 😌السلاح يترفع كان على للي ياقف ضدك قدامك و الا وراك اما بجنبك لا 😉 (مخيب اجابتو😏) و انت؟؟؟ (عاد انا شاده السلاح و هو حط الفرد فيه للي وجهي تقبض و خفت ترعبت.. خفت من أي حركة غالطة 😨😨😨)
_فاش تعمل يزي علي أمان نخاف يزي 😵 ( يضحك و يقلي ما تخافش و انا نحب نبعد الفرد.. قام خزرلي في عنيا و قلي يوم الي تهز سلاحك عليا حطو طول في قلبي رد بالك تحطو في بلاصه أخرى.. قلي بلاصتك غادي فا كنحب نموت تموت معايا 😉)
_يزي علي بلحق خوفتني😨 و شنوا ها الفال مستحيل نعملها
_هههه ما تعرش عالزمان يا تاجي 😏( قرب مني نحالي الفرد بلحق يدي ترعش منو.. عنقني.. هو كبس عليا و انا وقتها هديت.. من بعد خذيتلو شطر عمرو و هو يعلم فيا 😂😂😂مسكين روحت بيه مغرب الدنيا ظلامت و احنا مرة ضحكة مرة نبزة 😅😅 اما على الأقل تعلمت شويا كيما قال الواحد ما يدريش عالزمان و انا مرتو ل علي لازم نكون قدها و قدود😍😍
الجو راكح.. طلعت للبيت وين خليت امي ما لقيتهاش؟؟؟ للحظة تحيرت؟؟ دخلت الكوجينة باش نسئل عليها لقيتهم ملمومين يضحكو ❤️ امي و سوسن عاملين جو محلاها لمة.. الضحكة معاهم بالدنيا.. قلتلهم نبدل دبشي و نرجع بحذاكم.. القعده معاهم خيرلي من وجوه اللوح الي لفوق...
***** في الدوش حسيت فما حد في البيت؟؟
_تاج ؟؟حبيبي تمدلي مكينة الحجامة؟؟ تاج (دوب سترت روحي بمنشفة و طليت مالباب لقيت آمنه واقفة مقابلتني؟؟ سكرت فيسع لبست بشكيري و خرجت ؟؟) لاباس ؟؟ اش تعمل لنا؟
_سامحني علي (تذبل في عنيها و كلاتني بخزراتها) حبيت نطلب منك حاجه و قلت من توا نقلك باش ما ننساش 😌
_ايه توا يعني؟؟؟ ما لقيت كان ها الوقت و لنا؟؟ استناني لبرا تو نخلط عليك عيب هكا راو 😉
_شنوا ها العيب الي صار؟؟ و زيد قلت تو تخرج و ما ننسى نقلك؟؟
_امنه اخرج توا لحظات و نخرج
_شبيك هكا ياخي (ترمي في يديها عليا؟؟ لا ماهيش عادية.. شديتها من يدها نخرج فيها هكاك و دخلت تاج 😵.. تربثت انا سيبتها)
_اش فما ؟؟؟ اش تعمل هذي لنا في بيتي؟؟؟
_لا شي هاي خارجه (ندز في آمنه الي يبست كالحجرة)
_هاني نستنه فيك لبرا
_ اهرج اخرج مله رقعه 😡
_ شنوا ؟؟ شكوني الرقعه
_الي داخله لبيوت النوم متع الناس ما تحشمش و ماكش متربية 😡( على اكا الكلمة زعما ولات عركة وليت فضيتهم من بعضهم خرجت آمنه و سكرت الباب و اكا ااباندية الي عندي 😅 علمتها العنف و ندمت ولات تعارك و تتهدد باش تنتفها 😅)
_يزي يزي يا تاج (تحب تبعدني و تخرج للي حملتها و رميتها فوق الفرش باش هدتت) يزي اركح 😍 ما نحبكش كيفهم تحكي انت تاجي العاقلة 😘(انا نقرب منها و نهمس في وذنها اني نحبها و هي تبعد فيا و تزرق في عنيها 😅)
_ شنوا داخلة و راتك هكا؟ ؟ نرمال هذي 😨 حتى انا نغار راني مش كان انت اخر مرة نراك تحكي معاها علي و الله المرة الجاية نقتلها
_ههههه يزي عاد 😂
_شنوا يزي ؟؟؟ انا نعرف وين تحب توصل تحب تفكك بالسيف بأي طريقة و انا خايفه لا توصل وين تحب 😨
_شنوا ها الكلام انا لتاج و تاج ليا تهنى نعرفها فاش تخمم و تموت و لا ترى اكا النهار😉
_يا؟؟؟؟ ؟ ريت هاك استعرفت أمان علي رد بالك منها 😨
_ههههه رد بالك انت عليا 😉(قربت منها.... خزرتلي في عنيا... “اوعدني علي انت ليا بركا.. “ هههه وعدتها اما تطبيقا مش كلام 🤭🤭🤭............)
** فيقة الصباح على صوت علوشي❤️😍 برشا بوسات منو 😍 يفيقني يقلي صباحي ما يبدى و يحلى كان بشوفتك و ضحكتك ❤️.. نقوم معاه.. دوش جماعي ☺️🤭🤫.. نهبط معاه وقت فطور الصباح خاطر ولى يخرج على بكري لخدمتو.. نوصلو للباب 😍.. مرات بعدو نرجع نرقد و مرات نقعد نتفرج في أي حاجه في التلفزة للي يفيقو عقارب العيله نولي نخليهم و نشوف حاجه أخرى.. المرة هذي هدوء في العيله.. الجو متع الحرب الداخلية رمح ملي جات امي 😂 وجودها خلاني نعيش فترة أمان ليا برشا عليها.. كأس قهوتي وفات مشيت باش نزيد نعمل متبعه فيلم مزال ما وفاش.... داخلة للكوجينة جا لبالي قهوة العاده.. متع اكا العقرب الي هاك ما ربحت منها قريب ندمن عليها ريحة بنينه و فاوحه.. لقيت آمنه تفرغ في شكارة صغيرة في وسط هاك الحكة؟؟ كراتني دخلت بعضها.. شدت خضخضت اكا الحكة و حطتها في بلاصتها
_ أنا نعبي و الgحافة تفرغها😏 (تتجولغ مطفيتها) اما عادي منكم ليها انا مش جيعانه كبرشا عباد 😉 (انا حاقرتها و هي تغزل تحبني ننطق بالسيف) اللطف كل شي جيتي لها الدار و هزتيه ياخي اش مرضعينك😫 نكلم فيك(شدتني من زندي)
_زين و عين و قبول ☺️ شي كبير عليك (نطرتلها يدها)
_ههههه ضحكتني و ما عيني في ضحك عزيزتي غالطة برشا في روحك راو ياسر غلطك
_ ياسر يحبني ياسر يعشقني ياسر يموت عليا ☺️😉(بقيت نقرب منها كليتها بالاستفزاز ههه هكاك و دخلت علينا حماتي العزيزة)
_وه فجعتوني؟؟ اش مفيقكم في ها الوقت؟؟ و شنوا تتناقرو عا الصباح كااضراير (حبلت تزرقلي للي ضحكت بنت اختها)
_كها الساعه خالتي ☺️😉( قربت من خالتها و هي تمسح على شعرها 😡😡 ما حبيتش نشمتهم فيا تبسمت و قهرتهم ببرودة اعصابي)
_عادي فيقني راجلي ما يحب يبدى نهارو كان معايا و يشوفني و يحب يفطر و هو يشبع في عنيه مني ☺️🤭😍
_هههه سامحني مش حابه نفسدلك اللحظة اما انا زاده نفيق على خاطر سي راجلك ما يحب ياكل فطاير سخان كان من ادياتي نفيق الفجر نطيبلو 😉(لحظتها انا شاده قهوة و فطيرة في يدي 😡😡 بنت.... ديما تحب تغلبني😡😡....... 🔞..
الحلقة 18
لوحتها من يدي و خرجت مغششة و هوما يضحكو 😡.. مله زهر أحرف معاهم. مشيت سكرت على روحي في بيتي و بقيت نغلي و نغزل للي طلع النهار 😵😵😵......
**** جاني خبر انو اكا الكلب أحمد باش يدخل كمية جديدة متع زطلة للمنطقة متاعنا وليت تفاهمت مع رجالي و عملنالو كمين.. الكرهب الي شدناهم فيهم طرانط سم 😡..
_باش نحلو باب عمرو ما يسكر 😒
_ محسوب من وقتاش تسكر الباب الي بينا هو 😒
_تفضل سي علي (عطاني شكارة مالسلعه؟؟) شبي لونها هكا؟؟؟
_يتلفو بيها.... 🔞.. تقول بن(غسان)
_ ديما... 🔞🔞.. حاجه مش غريبة على عيلة اللبة
_شنوا نعملو بيهم سي علي؟؟؟
(بقيت نخمم و ما جا لبالي كان نحطتهم في بلاصه آمنه عالعنين حتاش نشوف شنوا نعمل بيهم.. الحق مش عارف غلطت و الا لا اما وصيت يحطوهم في كرهبة وحده و هزيتها للمخزن عندي)
_مله ريسك يا علي 😫 كان يصب بينا للحاكم نباصو
_ ههههه كانو راجل خلي يعملها 😉
انا محضرلو خطة لكا... نشعفو على كل شي 😏.. كثرلها م... 🔞.. وليت مشغشب في الخدمة مالتخمام على تاج و كل شي 😌.استغليت اني ما عندي شي قلت نروح نعمل عليها طلة توحشتها 😍... ملي دخلت لقيت الكل في باب الكوجينة يضحكو؟؟
_منى؟؟ اش فما ؟؟؟
_ههههه مله كعبة ماخوها تهبل 🤭
ضحكت و انا ماني فاهم شي؟؟.. دخلت لقيتها غاطسة في الفرينة و الكوجينة مقلوبة على رأسها؟؟؟ شعرها هابط على وجها الي كلو تمسخ و تعجن و تتعارك مع العجينة تقول تحكي مع عبد 😂😂😂 بلحق جابتلي ضحكة مالقلب بقيت نضحك للي شلقت اني جيت
_علي 😅😅😅😅 (سيبت الي في يدها و جاتني تسلم للي مسختني) اه سامحني😫
_ميسالش بركا 😅شبيك انت؟؟؟ شنوا ها الحالة ههههه
_شي عادي كأي مرا في الكوجينة؟؟ 😅شنوا الي يبهت 😳 (قربت مني و همستلي انو ماايوم باش نعوض ناكل كان من يديها..😅)
_صحه ليا😉اما زعما تقد روحك ؟؟؟ شنوا حليمة قداش على 10??
_ (دخلت بعضها و شاده الضحك بالسيف) هاي طيبتلك كعبات فطاير مالحين تو تذوقهم عالفطور 🤭🤭
_أيا باهي 😅
بقيت الحق متشوق اول مرة باش ناكل من يديها فرحانه و تقول مله إنجاز عملاتو صحن ليا خاص ملي قعدت عالطاولة و هي صنع اديا و حياة عنيا 😅 و ظاهرة ترمي في الحديث انو ماليوم كان من يدها باش نعوض ناكل ☺️...
سميت بإسم الله و باش نذوق حسيتهم الكل مركزين معايا يستنو في ردة فعلي هو عارفينها ما تعرش أطيب 😌 و عارفين انو الحاجه هاك باش تغيضها برشا و هي محلاها عنيها يلمعو مالفرحه. بقيت نخزرلها و ذقت 😳 الحق حسيت روحي تقول نسف في الرمل في الشط تتغزعز و ماالحه تشرق اما شديت روحي مضغت و تبسمتلها و هي كانت مغصورة تفرهدت
_ يعطيك الصحه يا مريتي الغالية ابن من هكا عمري ما ذقت 😉🤭
_يا بلحق 😳😳 هههه فرحتني صحه و بالشفاء 😍 (شمخت و حبت تهز من صحني تذوق و حتى امي حبت تهز حابه تتأكد كونشي تهنتلها وليت فكيتو و قلتلهم هذا ليا وحدي ما يمسو حد باش ناكلو وحدي 😵😅 هي شمخت و انا قريت على روحي الفاتحه 😂..)
*** محلاه علي احلى من هكا ما فماش😍😍 دخلت الكوجينة باش نهز الماء لقيت سوسن تضحك؟؟
_شبيك ؟؟ضحكني معاك؟؟؟؟ (كريز ضحك) تي شبيك تكونش زدت عملت قهوة من اكا الحكة 😂بديت نصدق انو هي تشيخ😂😂
_ هو كتجي تشوف حششت عليها 😂😂😂 اما لا حاجه أخرى تعرف صحه ليك و الله
_علاش زاده ؟؟؟ 😂😂 كإحكي
_ شي علي ما يحبكش يعشقك اصل 🤭😂😂
_ اش فز عليك؟؟ و زيد نعرفو يحبني اما بالله علاش؟؟؟ سمعت حاجه
_لا ههههع😂😂 اما ذقت 🤭🤭
_ذقتي ؟؟؟😂😳 (لقات كعبة فطاير من متع علي شاده في الطبق تحتها ذاقتها و عطاتني عاد 😅😅😅ووووه تعيف للي خواطري دارت هههههههه قلتلها علي من بكري و هو يسف فيهم من غير مضغان و انا في بالي مالبنه😅😂😂😂😂 شدنا كريز ضحك للي ما عادش جاتنا خالتي حليمة قالت انو ليلا حماتي قلتلنا يزو 😅😂😂😂 بلحق مش نرمال الفازة رجعت بحذاهم علي باقي يضحكلي و شامخ بيا ❤️😍 بلحق حب كبير و احلى حاجه في حياتي 😍😍😍 قربت منو عنقتو للي تنرفزو مني 😅
امي خرجت تعمل في دورة هكا قلولي و بطات بقيت نستنه للي تحيرت عليها و خفت تصيرلها حاجه علي قلي تو نبعث رجالي يشفوها في السوق و أنا ما نجمتش نشد روحي..
_ باش تمشي تلوج عليها؟؟ ( طلعت منى راتني متحيرة) نكلم فيك تاج مزلت مغششة مني؟؟؟(لحظتها ما كنت طايقة نحكي مع حد 😌خاصه انو ممنوع عليا نخرج تقول محبوسة😏) هيا تحب نمشي معاك؟؟
خزرتلها على اساس ترجع في مزيتي يعني 😏) امانك تاج ؟
_ منى!! انا الحق ما عادش منجمة ناثق فيكم.. انتم ما تحبونيش حكاية فارغة
_لا و الله لا خاصه انا صدقني من اول مرة عادي قابلاتك و زيد عمري لا كنت موافقة اختي و خالتي فلي يعملو فيه 😳( مش عارفه علاش حسيتها تحكي بصدق ذكرتني في برشا فازات هي كانت معايا و خلاتني وثقت فيها و طاوعتها و خرجنا بالسرقة.. أول بلاصة خطرت على بالي هي دار اللبة نخزر من بعيد و خايفه من انو تكون طاحت بين يديهم.. منى متخبية و خايفه..
الحلقة 19
( بقيت استنيت للي شفت كرهبة عمي جايه من بعيد هو باش يدور دورة الدار و انا تنطرت قدامو للي تربث و شد فران قوي.. منى للي صاحت في بالها ضربني.... 😡😡...
⬅️⬅️⬅️⬅️ تو باش نحكي انا شويا 😁😁🎊🎉 دخول شخصية جديدة #امير.. 🎊🎉
هو يسوق بأحمد هكاك و شاف حاجه تنطرت قدام الكهربة شد فران و هو مرعوب.. هز عنيه يلقا بنية مزيانه شعرها مطيرو الريح... عنيها تلمع بالزين.. 😍😍.. تضرب عالكرهبة و تقلو اهبطلي توا.. تصيح و تضرب في الكرهبة... هكاك و أحمد فيقو من شردتو كسب و قال اليوم قاتلها..... 🔞🔞.. هبط يزرب مشالو شدلو يدو كجبد سلاحو حاطو مقابلها و هي ما تحركتلها حتى شعرة... بالعكس كلها سحر😍..
_ ما صابني انا نسوق باقي راني فورتك😡😡😡
_ صحيتك تعملها مش صعيبة عليك 😡ويني امي (تضرب في الكهربة و عنيها تقطر غش)
_نحكي كسرتك من على كرهبتي لا نفرغ... 🔞 متع ها الفرد في راسك 😡😡😡 (شدو أمير بعدلو السلاح و عنيه علاها؟؟ شكوني ها البنية المزيانه الساحرة 😍😍 شكوني الي ربي عطاها من زينو و قوتو باش تكون بنية هكا 😍.. شي كبير
حس بيه للي دخل بعضو)سيبني محمد خلي اليوم ندفنها لنا😡
( محمد تو مع سرد الأحداث نفهمو الحكاية 😁)
_لا وسع بالك و انت يزي بلا صياح (قالها و هو مربوث و خاصه كقربت منو)
_ويني امي قلو توا يجيبلي امي
_ام🔞🔞🔞 متاعك منين ندري عليها؟؟؟؟😡😡
_امي خرجت من عندي و لتوا لا رجعت 😡😡
_شنوا ؟؟؟ سي... 🔞 علي وصلت بيه أمك زاده يدخلها البلاد الي انا خرجتها منها 😡😡 باهي حسابو معايا اصلا فاتورتو زادت و غلات 👌👌😡
_اه باش تلعب فيها ما تعرش OK و رد بالك تخمم تضر شعرة من امي 😡😡😡 (هزت حجرة و ضربت بيها بربريز متع كرهبتو 😬 في لحظة كان باش يقنص عليها لحظتها تنطر أمير عليه بعد الفرد جات الطلقة في الهواء و هي هربت مشات وين لقات منى ترعش مالخوف هزتها و بعدو 😳😳😳بقا أمير يهدي في أحمد و مخو مشا مع تاج؟؟ حابب يسئل و يعرف شكوني هذي و ما نجمش...)
*** بقات منى ثنية كاملة تلوم فيا انو انا عملت هكاك و اكيد عمي مش باش يعدهالي و اكيد باش يعاود ل علي 😬 لحظة غش ما خممتش في العاقبة بقا على بالي اكا الي معاه 😒 كلاني بعنيه و مش عارفه شكونو 😏 نمشو و هكاك و منى قتلي انو حاسه راسها دايخ قلت اكيد مالفجعة مشت خطوتين و داختلي😫 وكلتني رعبة ما صارتش 😵😵 حرت اش نعمل ما فما حتى حد يعاوني بقيت نلوج نلقاشي حد بكرهبة شي 😲 هكاك و انا نحب نفيقها سمعت كان "نعاونك بحاجه؟؟"
تلفت مفجوعة لقيتو هاك الي ريتو مع عمي فجعني
_ اش تحب ؟؟؟ شكونك انت؟؟؟
_ما تخافش شبيها لاباس؟ ؟(قرب من منى شدلها يدها يمس في النبض دزيتو باش يبعد عليها)
_فاش تعمل انت؟؟ 😡
_وسع بالك شفت نبضها طايح برشا لازمها سبيطار 😒
_أمم صحيتك طبيب الغفلة إماله؟؟؟
_لا اما انجم نعاونك (وراني كرهبتو)
_لا ما حاشتي بشي من أصحاب و معارف عمي 😡
_عمك؟؟؟
_ ريت كيفاش ؟؟؟ مخيبها التربية ساعات 😒حابه اناديلو أحمد اما مش منجمة 😔
_ما فيباليش انك تابعاتو
_ماني تابعه حد 😡 و خاصه هاك
_ باهي توا خلي ننقذو المرا و من بعد كمل عاركني 😏 اش قولك (هو كلامو صحيح في لحظة نسيت منى مسكينه حملها و حطها في الكرهبة هزيناها للسبيطار و انا خايفه من كل شي ملي راكبة معاه من عمي من أحمد غسان من منى لا تصيرلها حاجه جرتي من كل شي 😔😔😔 وصلنا طول دخلوها و انا بقيت مع اكا البلاطة نستنو 😒
_تنجم تمشي توا تفضل
_اه؟؟ هكا تقول مرسي انت؟؟ اما هاني ماشي ان شاء الله لاباس (هو جا ماشي و انا حسيت روحي كثرتلها خلطت عليه)
_سامحني جيت في لحظة غش
عيشك انك عاونتنا😔
_ باهي ما صار شي (هو باش يمشي و انا زدت وقفتو)
_امانك قلي عمي ما عمل شي لأمي؟؟ يعني ما خطفشي مرا و الا وصى تي اي حاجه خايبة من عمايلو 😢(خزرتو مش عادية للي خلاني وجهي حمار حسيتو يخزر لأبعد من عنيا لدااااخل)
_انا جديد معاه اما ما سمعتوش جبد على مرا صدقني😉
كلامو طمني 😳 هو باش يمشي و الطبيبة جاتني قتلي انو منى فاقت قلتها لاباس طمني قتلي مبروك عليكم المرا حبله 😍😍😍😍 لحظتها حسيت الدنيا ولات ألوان قدامي للي نقزت مالفرحه بقيت نعنق في الطبيبة للي حشمتها ( هو ولى يتبسم و يضحك وحدو كراني هبلت هكاك ههههه يقلك مش هذي كانت تتهدد و كسرت كرهبة و واقفة قدام سلاح تصيح و مغششة ههههههه شاف هبالي نجري و شعري طاير 😂😂عملتهم الكل.. 😍😍
😍... دخلت للبيت لقيت منى تبكي مالفرحه ❤️ عنقتها بقينا نضحكو و نبكو الزوز ههههه مشاعر دخلت بعضها 😍 لحظتها طلبني علي 😳وجهي تخطف ما حبيتش تفسد الفرحه بعدت و هزيت عليه عطاني بشرى آخرى انو امي روحت و لاباس عليها 😍زدت فرحت أكثر اما قلي وينك و كذبت عليه انو في الدار وقتها خفت 😒... منى قتلي كنروحو نكذبو انو منى داخت و أنا هزيتها وحدنا من غير ما نعلم حد باش ما يتحيروش و هاك الي قلناه😵😵😵 تفاهمت منى مع الشوفار و كل شي 😵😵...
**** في الدار دوب خلطت لقيتهم داخلين بعضهم؟؟؟ تاج مربوثة قلت اكيد من فجعتها على امها 😒 اما شي حسيت فما حاجه آمنه تنطرت كالعاده تصب في الصبة انو تاج و منى خرجو من غير شورتنا 😒 خزرت لتاج دخلت بعضها أكثر.. حتى غسان تقلق؟؟ وقتها منى قالت انو هي متقلقه و مريضه و تاج هزتها للسبيطار انا لحظتها ربطت الأحداث انو سبق و مشت معاها تاج وليت ما ركزتش مع الحكاية
الجو داخل بعضو حابب نعديها الحكاية و ننسى و مش منجم انا نخاف على تاج و ماذبيا ديما نكون مطمن عليها 😏..
_ اسمعو بما انكم ملموين حابه نقلكم حاجه(منى)
_اش فما ؟؟(غسان)
قربت منى من تاج و شدتها من يدها لحظتها قلبي ضرب بقوة حسيت انو باش نسنعو خبر مزيان.. تاج باهتة في منى؟؟
_اش فما منى اش فز عليك (آمنه تغزل خاطر اختها شادة تاج 😂)
_تو تاج تقلكم 😳 (حاسمة منى و داخلة بعضها)
_انا؟؟ 😲😲
_تكلم يا تاج ريحنا لاباس ماو (غسان)
الحلقة 20
**** مله شعور و مله موقف حطتني فيه منى 😍😳😳 دخلت بعضي اما فرحتني انو عطاتني فرصة نكون عتبة خير و يسمو مني خبر زين 😍
_ منى تحب تقللكم (شوقتهم شويا للي غزلو 😂) تقللكم انو انو ههههه باش تجيبلكم غسون صغير و الا منو صغرونة هههههه (انا قلت هكاك و الكل ولو يصيحو مالفرحه غسان عنق علي و يبكي مسكين و الكل دارو بيها يبوسو اختها و خالتها و انا بقيت نسخف وحدي 😂😂😂 للي جات امي شدتني و قتلي العاقبة ليك لحظتها ركزت مع علي و شفت قداش فرح 😍😳 فرح للي عنيه دمعو.. الكل فرحو اما هو فرحة مش عادية ممكن زاده هو حيرت فيه برشا مواجع هو عاش ها الفرحه و اكيد عملو هكا و فرحو و خسارة ما دامتش
زغاريط و أجواء أفراح منى سيبت اختها و جات عنقتني و تبكي
_كلو بفضلك عمري ما ننسى الي عملتو معايا (هي همستلي اما علي سمعها... هي مشات و هو قرب مني باس يدي بالسرقة عليهم و همسلي انو العاقبة لينا زاده 😳 أن شاء الله يا رب يكتبو 😍 على قريب نفرح علوشي زاده ❤️...) محلاه الفرح كيهل على قلوب مشتاقة تضحك و تفرح 😍 بقينا عاملين جو للي بدا التسوميم
_ العاقبة ليك يا قلب امك و نفرح بضناك
_امين
_و المرة هذي الله لا يحرمك منو
_امين 😏😒🤫(يقول فيها بقلق عبارة سكري ها الموضوع يا أمي عارفها باش تفسد الجو)
_ العاطي ربي راو حفيدي الثاني و الا الثالث الي نستنه فيه لما الله يهلك الي كانو سبب (زريقة 1 😵) ربي يكتبلي حفيد ما عندوش دم اللبة جابه ضنوة خير تهل على ها الدار (زريقة نووية هذي للي امي تنطرت عليها انو شبيه صغير من تاج اش ينقصو و اش دخل دم اللبة الحاصل زعما لحمو و فسدو جو الفرحه) اممم حتى تجيبو هي باش نحكو 😒 حتى صغير مش منجمة تفرحنا بيه ولدي يسخف جرت عيلة الهم مش منجم يولي بو و يفرح (هذي مش زريقة هذي كرتوشة قتلتني بيها كرتوووشة😭😭خاطر نعرف انو كلامها صحيح ماهيش توجع فيا بركا.. شديت روحي من بعد خليهم و مشيت بعدت 😭😭😭 انا الي نعرف كل شي نعرف انو جرت عمي مات ولد علي و توا انا فرصة ضعيفة اني نزيد تفرحو بصغير آخر يعني جرت معرفتو بعيلتي خاسر احساس انو يولي بو 😭😭😭😭 خرجت للبركون رغم الطقس بارد قعدت نبكي.. تخلطت عليا المشاعر الكل 😭كلام يووووجع💔💔💔..
*** لو ما كانتش عنا ناس فرحانين مش حابب انغص عليهم كنت لحظتها امي وجعتها بكلامي.. خاطر ظلمت تاج و قسمتلها قلبها بخرم و حديث فارغ.. طليت لقيتها واقفه في البرد قلبي ما عطانيش مشتلها نجري.. قربت منها جبدتها عندي عارفها تبكي.. تاجي البكاية 😍💔 قلت خليها تفرغ قلبها دفيتها عندي و قريتها مني للي هدت و بدت عاد كلام مش مفهوم دموع و خناين 😂.. تقلي انو امنيتها تفرحني بصغير 😍انا زاده هاك ما نتمنى مالدنيا ❤️ تاج و صغير منها و يا موت اراحي....
⬅️⬅️⬅️ بين الفرح و الحزن شعرة... مرة ضحكة.. مرة عركة.. مرة بكية.. روتين حياة... جو العايلة كالعاده.. صراع الحماة و الكنة من اول الزمان... تاج تجاهد باش تعدي نهار من غير مشاكل.. ربحت في صفها منى.. و حياتها مستقرة بوجود امها... روتين العاده عند علي مرة هو يحفر ل أحمد و مرة هو يحفرلو... علي تعرف على الراس الجديد مع أحمد يد جديدة ناوية تغطس في ميلوسي عمايل أحمد..
**** _زيد بربي كأس آخر
_يزي ثالث كأس توا؟؟
_وه امي قهوة راي؟؟
_ايه بلي باش تدمني عليها؟؟ و زيد عنيك حمارت تو يطير عليك النوم😒
_ ايه لاحظت ما عادش يجيني النوم كان بالسيف 😏( شنوة ها القهوة العجيبة و الله دوب نشرب كأس نحس روحي مقلعه😂نولي نحب نضحك و نهبل حتى...... 👌 😭😭 نولي نحب في أي وقت علي هبلتو معايا شي يحشم قريب نغتصبو نهار 😧 يعني قليل نسيب غشي و عركي عليه المكثر يجيني الحاله بالضحك و الشهوة 😓 انا وليت خايفه من كل شي في ها الدار
آمنه مش مفلته فرصه باش تتلوصق في علي 😧و انا وراها و الزمان طويل.. مشيت بقضية مع علي و خلاني و مشا يحكي مع جماعتو... واقفة نخزرلو من بعيد هكاك ما نحس كان بريحة ألكول قوية في خشمي و يدي سكرت فمي..... فقت لقيت روحي في بلاصه ظلمة... 😓
هكاك و شعل الضو..
_فاقت القطوسة ؟؟؟(طلع عمي أحمد للحظة تهنيت انو عندو و لا عند غريب)
_ااش تحب مني (مربوثة و صوتي متقطع مالفجعه)
_اش نحب منك تو بعد نقلك توا لازم تعرف انو انت لا شفتني لا حكيت معايا لا شي فهمتي 😠😠😠 (انا ساكتة ريت اكا المساعد متاعو الجديد عنيه باش تطلع مني.. و عمي نتشني للي صحت.. بلحق شواني جاه بعدو و يهدي فيه خاطر كان ناوي يزيد يضربني ) تكلمي😠
_باهي باهي شنوا تحب 😭😭
بدا يسب في علي و يهدد و كلام أكبر من حجمو قال انو علي فكلو حاجه تخصو و لازم انا نقلو وين مخبيها كونشي باش اطير رقاب 😓
كأنا تجلطمت عليه انو ما ريتش و ما نبيعش علي شدني من شعري و حطلي سكينه و هددني انو يذبح اي حد عزيز عليا قلي نبدا بعمتك و بعد امك للي نوصل نشرب من دم علي قدامك و نقتلك عرق بعد عرق 😓😭😭 الحق ترعبت كان من سيرة امي خاطر هاك نقطة ضعفي اما علي يكذب علي أكبر من انو يكون ضحية لواحد تفشة ك عمي 😓 نعرفو يعملها قلي امك راجعه نهارين لقدام أطل على بوها قلي الكار ما نخلهاش توصل و جدك حد ما يجيبلو خبرة.. الحاصل كلام مستفز و فال خايب خلاني بلحق ترعبت انا مستحيل نتخيل حياتي من غير امي 😭😭😭...
_شنوا المطلوب
_هههههه هاي جات للثنية يزي من دور البطلة علمك برشا حاجات.... 🔞 الي عندك ويني تاج البكاية الهايشة اه ويني 😠😠😠
_ نذكرك الي دفنتها 😉😓
الحلقة 21
حبيت نشلو بالإجابة لما هو توا همو كان امانتو ترجعلو فرغ البيت و بقيت معاه رأس رأس اما كنت مطمنة بهاك الي عاوني قداش من مرة.. أما شي بقيت وحدي معاه قرب مني و شدني من فمي و كبس عليا شواني انو ما نلعبش فيها نموت على خاطرو علي خاطر الكل كيف بعضنا و على السيرة هاك جبد على عايشة انو هي زاده لعبت بيها تعشقو و ما فما كان هو و قلي انو البلاصه هذي كان تنطق قداش جاتو من مرة و عرضت فلوسها و بدنها عليه غير يرضا بركا.. أنا بعدتلو يدو و قتلو كذاب حرام عليك ميتة تجبد فيها ولى عطاني كف للي طرشقلي شفتي 😭😭😭😓 و تسيب في الحديث الي بلحق يا ليتني مت و لا سمعتو و لا عرفتو 😭😭😭 طلعت عايشة خاينة ل علي خيانه فاتت ابعد ما تخيلت.. 💔💔💔هذي بلحق خبر رصاصة قاتلة ل علي مصدووومة و مستغربة علاش خبى عمي الوقت هذا الكل رغم إلي بيدو يكسر علي 😭💔 بقا يحكي برشا عليها و يتندم و متوحشها انا فاهمة كل شي رغم مرات يحكي بالألغاز 😢... خسارة حب و ندم علي السنين الي تعدو على انسانه هكاك 💔 أن شاء الله نموت و لا يسمع علي ها الكلام مني
بقا عمي يوصي فيا شنوا نعمل مرة يعيط، مرة يهددني سيب غشو فيا بالصياح للي هاك محمد جا... عنيه مش نرمال قداش مركزة معايا قرب منو همسلو بحديث هو مشا... و هو قرب مني..
_لاباس؟؟؟ما عملك شي؟؟؟ (يخزرلي بخوف 😶 خزر للضربة في فمي؟؟ شبيه هذا زاده؟؟)
_سيبوني تو نولي لاباس 😢سيبني امانك
_ما تخافش هاني معاك 😉
_شنوا هاك معايا ؟؟شكونك انت خرجوووني منا (نصيح و نعيط للي دخل بعضو و يقلي يزي توا اسكت و تو تخرج لاباس و انا شي بقيت نصيح للي سمعت صوت كرتوشة في السماء رعبتني.. جا عمي و بدا يتسوومم انو باش يسيبني و لو نعاود ل علي و الا نقلو على المفاهمة ما عادش نرى امي 💔💔💔... قال للي معاه يسبني و يوصلني و لآخر لحظة حاطلي السلاح بين عنيا 💔.......
*****_شنوا معناها ما شفتهاش 😡😡😡😡كيفاش تبخرت هي؟؟؟؟ ؟؟ تاااااااج يا تاااااااج ابقو لوجو فيسع في كل بلاصه 😡😡😡😡(... 🔞🔞🔞 عالغفلة مش عارف وين مشات 😡 على اساس مع بعضنا ندورو و نحوسو و هي ممكن خطرلنا تعمل دورة و الا شنوا صار 😡😡 وصيت رجالي يلوجو عليها و شي أرض و كانتلها بلاعة طلبت سئلت امها شي ما تعرفش عليها و تلفونها يصوني و ما تهزش 😡😡😡😡... 🔞 للزهر....
*** _ماكش باش تهز على تلفونك؟؟؟ ؟
_اش يهمك انت 😡 رجعني منين هزيتني يزي 😢
_لا مش عادي تو نهبطك اول الطريق و انت كمل وحدك
_خواف 😡
_ههههه انا خواف؟؟؟لا غالطة 😒
_اممم تو ترى و الله إلما ندفعهالكم غالية تو تشوفو و زيد الي يتبع ثنية عمي ما يربحش بابا كان يدو الأمين ل عمي و توا وينو؟ ؟؟؟ مش معروف حي و الا ميت 💔😢
_ شنوا ها الحقد الي عندك ل عيلتك
_حقد؟؟ ههههه زعما هذي كلمة توصف الي نحسو لكا العيله ؟؟؟؟ 😡 حبس لنا 😡قتلك حبس (مغزلة عليه و هو لاعب فيها بطل و رجال 🙄) عيلتي كان نلقاهم يشعلو نطفيهم بالاصونس 😡
بقا باهت فيا هبطت و طربقت الباب بقوة... نغزل من كل شي و خاصه انو كيفاش نتصرف توا مع علي 😶... هكاك و هو حط كرهبتو بعيد و خلط عليا... انا نمشي و هو في جرتي..
_لاباس ماو ؟؟؟😡😡😡 قلك تبعها؟؟ ديما خواف مش مئمن؟؟؟ ؟؟
_لا مش خوف منو اما خوف عليك 😉
_نعم؟؟؟
_افهمها كيما تحب شوف حالتك؟؟؟ تمشي بالسيف باين الفجعة أثرت عليك(هو صحيح حاسه روحي متقلقه موجوعه و تاعبة علامات سكر طايح يطيح سعدو ل عمي 😡)
_لا لاباس عليا برا للعرف متاعك قلو تو يجيه الخبر و رد بالو مزال يعمل عليا في حاجه. (راسي داخ شويا هو جا بزربة قرب مني و أنا بعدت..) و يرد بالو يضرلي حد ملي نحبهم فهمت 😡😢( تاااااعبة و متقلقة... ما عادش منجمة ناقف... هو مدلي يدو و انا بعدتها اما جيت نطيح لقفني... نحس في صوتو بعيد... التلفون يصوني... هاك ما نتفكر.......)
⬅️⬅️⬅️⬅️ أمير مله مسؤولية جات في راسو.. بقا يتلفت على اجنابو و اخرتها عطى لروحو حق انو يحملها بعدها على الطريق... يخزر في انسانه ضعيفه بين يديه لا حول و لا قوة ليها.. غضاتو... حطتها في كرهبو و طول لأقرب سبيطار... خلاها في أدين أمينة... و وصى مرا تهز على علي......
*** سيا باش نهبل حيرة و خوف على تاج و خاصه قلبي مش عاطيني خير.. نطلب و نعاود للي هزت
_ألو؟؟ ؟ تي وينك يا تاج هكا توا خرقتلي ام اعصابي
_وي اممم
_تاج ؟؟؟؟تاج (الصوت مقطع و عبد داخل بعضو.. طلعت مرا قتلي انو مولات التلفون ضربتها موتور؟؟ ؟و لاباس عليها مشات السبيطار باش تطمن أكثر و قلتها هز انت؟؟؟؟ حكاية ما جدتش عليا و خفت لا تكون صارتلها حاجه..... 💔....)
*** الطبيب حطلي سيروم سكر قلي كملو و تنجم تخرج عادي... مش مذكرة شي.. آخر حاجه دخت و الظاهر انو هاك الي اسمو محمد وصلني لنا 😶 افففف مله حشمة..
_عسلامة بنتي (مرا جاتني ؟؟ما نعرفهاش اما في يدها تلفوني 😥 تفجعت هي عطاتهولي و انا ما فهمت شي؟؟ قتلي انو هزت عليه و قتلي راجل متحير عليا و قتلو اني في السبيطار 😏😏😏 شفت لقيتو علي 💔 اففف كيفاش نسلك اموري توا 😶 قتلي انو قتلو ضربتني موتور و اني لاباس يعني رصتني على الكذبة الي وصاها عليها محمد تقولها ل علي 😥 مخيبو الاحساس اني نكذب على الإنسان الي نحبو.. مسقط رجالو عمي😡 التسوقيط و الكذب في دمهم...
ما تعداتش ربع ساعه و ريت روحي داخل يجري طول دخل عنقني.. اييييييه محلاها الراحه هاك ❤️ اما ما اقتنع اني لاباس كان بالسيف.. كملت في نفس الكذبة للي صدقتني💔.....
الحلقة 22
في الثنية مروحين نسمع فيه يحكي مع غسان عالتلفون على السلعه و قال مخزن و كلام مش مفهوم ... 😒... حاولت نمد وذنيا للي شلقت اني مركزة ☹️.. ما كانش لازم علي يساررني في شي باش تتعدى ها الحكاية من غير مشاكل 💔... اخرتها وليت نجسس عليه.. خايفه و مرعوبة من ها الغدرة الي نعمل فيها أما كنرى امي و نذكر كلام عمي و نتخيل حياتي بلاش بيها نولي مضطرة نسمع كلامو 😢😢...
عرفت المعلومات الي حاشتو بيهم.. و كيما اي تصرفات نذلة نكرها 😢☹️... بعدت عالعنين كلمتو و قتلو على البلاصه و هدتتو انو نبيعو قبل ما يبيعني 😡.. هكاك نغلي في التلفون تلفت لقيتو ورايا 😬😬😥😥
_علي؟؟؟
_تاج ?!! شبيك لاباس ؟؟ باردة عليك ادخل (اكيد ما سمعنيش ما دام يتكلم عادي 😶😶) شبيك ؟؟
_ لا شي قلقت لداخل خرجت نتنفس شويا (قرب مني و هو يتبسم... الطقس بارد.. نحى الفاست متاعو و لبسهالي و قربني عندو.. قربو رااااحه كبيرة ☹️لو انجم نقلو على كل سر مخبي في قلبي خلي نرتاح ☹️ اما شي قلبي لازم يكون مقبرة للأسرار باش انجم نرى ضحكة و فرحة علي ❤️...)
**** حاسس بالذنب انو مش منجم نخلي تاج فرحانه و مرتاحه كيما هي تتمنى.. ديما نرى في سرحتها كلام مش منجمة تقولو... حاسها ديما خايفه.. كان نلقا نحل قلبي و نخبيها فيه 💓...
تعدت جمعة الوضع راكح في البلاد لتوا مش مصدق انو اكا... 🔞... ساكت على السلعة متاعو ممكن عصافرو ما نجموش يعاونوه 😏.. و هو اش يقول المثل اجبد الكلب و حضر العضم 😏.. نخمم فيه بركا و تلفوني صونا لقيتو هو 😑.. خليتو صونا شويا و هزيت.. ملي تكلم توقعت يسب توقعت يعارك يهدد 😏 اما هو بالعكس يضحك و فرحان و متشمت 😡 استفزني و نرفزني أكثر كقال بضاعتي و عادت إليا؟؟؟ فاش يخرف هذا... علقت عليه و كلمت الرجال صدموني انو صحيح هاك الي صار..😡😡😡 وليت نعيط في البيت و لوحت التلفون كسرتو.. هكاك و دخلت تاج تجري مفجوعة..
_علي؟؟؟ 😨 اش فما؟؟ ؟؟ لاباس
_منين لاباس و انا خدمتي الكل طاحت في الماء (نعيط عليها للي ترعبت)
_اش فما ؟؟؟(بخوف و ربثة)
_اكا.... 🔞🔞🔞 عمك هي هي و طاح بسلعتو (وجها تقلب ممكن خاطرني سبيت قدامها 😑) تعرف سم هاري مدخلو للبلاد تعرف قداش من صغير باش يولي مدمن بآفة الزطلة؟؟ ؟ تعرف قداش من مدمن قداش من عيلة باش تدمر و ناس باش تموت 😡😡😡(انا نصيح و نعيط عليها للي ولات تبكي نعرفها تخاف مني كنتحول و نخرج من سينتي استعوذت مالشيطان و قربت منها خايفه ترعش) تاج سامحني حبي و الله مش بقصدي جيتني في لحظة غش (وطيت في صوتي و قربتها عندي للي هدت.. خزرتلها في عنيها حايرين و ضايعين. بستها من جبينها و خليتها و خرجت)
**** اه يا ربي شنوا الي عملتو 😢😢😢😢 دخلت بعضي.. طليت مالشباك لقيتو لام رجالو و يعارك 😫 افففف مله عملة و كان يفيق بيا و الله مشيت فيها 😥 و زيد شنوا الي عاونت عمي فيه زطلة 😫😫يا ناري على روحي وليت شريكة في جريمة عمري لا نسامح روحي عليها 😭😭😭 حاسه روحي ضايعه مش عارفه شنوا نعمل امي ماهيش لنا لشكون نفرغ قلبي 😢😢😢 ذاقت بيا السبل 😞😞😞 بقيت مسكرة على روحي نلوم في روحي للي طاح الليل.. و انا لا عيني في شي و لا تقابل حد.. نطل مالشباك نستنى في علي.. الي حتى طلبتو ما هزش..
😑😑😑 هكاك و لمحت الكرهبة داخلة... هبطت نجري للي زعما طحت في الدروج الكل باهتين في تصرفاتي.. 😫... نستنه فيه يدخل و شنوا باش يقلي اكيد ينجم يكون فاق بيا 😞 و ممكن برشا اليوم اخر نهار ليا معاه 😢علي سبق و قلي اختار الكفة الي باش تاقف عليها 😞... انا معاه اما الظروف تلز فيا باش نغرق وحدي 😟.... الباب باش يتحل... قلبي يدق بقوة... نستنه فيه باش يدخل وجهو مقلوب اكيد باش يطردني.. لا علي ما يعملهاش... علي يحبني... نتصور يعاركني بركا..... اخيرا دخل...... 😞💔💔
. سبق غسان و بعد هو 😨... وجوهم تضحك ؟؟؟ علي يضحك ههههه و الله لاني مصدقة 😥 امو بدات تسءل اش صار و أنا مركزة مش نرمال... خزرلو لبعضهم و ضحكو؟؟ ؟ قرب مني غسان يضحك
_ عمك توا راو يندب كالنساء 😂😂😂
_ما تقولش عمها و تزيد تذكرنا انو تكون من اكا العيله 😑(رقية تسومم 😶)
_اش فما علي؟؟ ( علي حسني مش فاهمة شي قرب مني يضحك و قلي تو بعد نفهمك 😉)
_لا توا احكيلنا الكل اش فما ؟؟؟(ام علي)
_ تو نحكي اما انا امي هههههه ماو علي فك سلعة أحمد
_سلعة شنوا؟؟
_ههههه امي حسب رايك؟؟
_ سم هاري اكيد 😑عيلة زبالة😒( كالعاده حديثهم لا يخلو مالتزريق)
*** بقيت في بيتي حضرت روحي.. حتاش يوصل ها الضيف كلمت امي اطمنت عليها.. بعد روتار خلط الضيف ريت حد هابط من كرهبة تابعه علي كحله و هو لابس كابيش؟؟؟.. وقيت نهبط نتعرف علي مش من عادتو يجوه ضياف و خاصه انو كقتلو شكون جاينا قال شريك في الخدمة 😏....
هابطة في الدروج و على دخلة ها الضيف.. حبست نرى فيه نحى الكابيش و مد كبوطو لسوسن.. العيله الكل دارو بيه يسلمو و علي كل مرة يعرفو بحد؟؟؟.. هكاك و هو خزر للشيرة الي انا واقفة فيها... 😱😱😱😱😱 تصدمت ملي شفتو ؟؟؟؟؟؟ عنيا للي خرجو مالصدمة و ساقي زعما رخت بيا طحت درجة... علي تنطر جاني يجري..
_تاج لاباس؟ ؟؟؟؟
الحلقة 23
_امي؟؟؟ (علي كالعاده ما يحملش فيا اخخخ لو يعرف انو ولات عندي مناعة المهم بقيت مركزة مع غسان يحكي كيفاش أحمد غدرو بيه رجالو و ااسلعه الكل باش نجم يعرف وين احنا خبيناها هزو ااسلعه و بدلوها ب البن ههههههه
_بن؟؟ حاشه ثمار ربي يهلكو
_ايه هههههه هي دجا لونها كيف البن الواطي يخدم في مخو كان باش يبيعها على اساس قهوة ياخي غدرو بيه
_ و شكون عملها؟ (مله سؤال سئلتو الكل بهتو 😟) قصدي كيفاش بدلوها الكل؟
_ايه ههههه شبيك تصدمت؟ ؟؟
_لا عادي (خزرت ل علي قرب مني شدني من يدي و ضحكلي.. لحظتها قلت نعض على لساني باش ما نبداش نخرم و نشلق.. قال غسان انو الزطلة في يد الشرطة ملعوب باهي تلعبلو هوما يضحكو و عاملين جو و انا مخي سارح في كل شي.. خايفه لا عمي يمشي في بالو انا عندي يد في الحكاية خاصه انو امي مش لنا 😞😞😞...
انا باش نطلع لبيتي و علي قال شنوا جاينا ضيف للعشاء 😏 قال برو حضرو كل شي و افرحو بيه.. غسان يتموصت على آمنه انو الي جاي عزابي فا ريقل جوك بقيت بايرة راك و هي زعما لفاتو بكف.. الموقف جابلي ضحكة 😂 بقيت أنا و منى نضحكو و هي تغزل مش نرمال...
***** نبدل في دبشي جاتني تاج تسئل و تعاود على كل شي صار حاسه مخبية عليا حاجه.. شدتها من اديها الزوز و قربتها في حجري و قلتلها لو خايفه من حاجه قلي.. هي تبعد في وجها و تسببت انو توحشت امها و انو والف بيها.. حابب نصدقها اما مش منجم 😞.. خايف لا يكون اكا... 🔞... ضاغط عليها في حاجه و الله نشربو الدم المرة هذي 😡.... بقات حايرة شنوا تلبس و تسبب بالتعب و قالت انو لو ترقد بكري خير انا مش حابب هكا تتصرف و خاصه عنا ضيف و على ذكر الضيف هذا واحد عرض علينا انو يعاونا ندمرو أحمد.. أي حاجه يكنبنها احنا نفشلوها.. تعرفنا عليه و بين صدق نيتو بالفازة الي عملها مع أحمد 😂 اما هذا سر ما لازم يسمع بيه حد و خاصه تاج مش خوف من انو تبيعنا اما خوف عليها هي صغيرة و ما تعرش تصرف...
انا نبعد فيه باش يسيبني و هو شادني بالسيف هكاك و نسمع في الباب يضرب طلع علي 😱😱😱 قلو تستحق حاجه؟؟ حكم شويا و تلفت عالشيرتين
_اه 😑 منشفة ما فماش 😅
_أيا هاني هابط تو نقلهم يطلعولك
الكاتبة ::⬅️⬅️⬅️تاج حاطه السلاح مقابل أحمد تمشي و مرة تصيح عليه تسب تعارك و مرة تبكي و تهدد...
_و الله نقصفلك عمرك و نرتاح يزيني منك تعببببت 😫😫
أحمد مصدوم اصلا مش مسلح هز يديه لفوق و يهدي فيها... هكا في بالو اما هي كل شي فيه ولى عبارة استفزاز.. حتى النفس متاعو....
_نحي سلاحك هبط سلاحك (أحمد اطمأن شويا.... أمير بخوف خايف على تاج... كان ملزوز يعمل هكاك لازم يظهر البطل الحامي لعرفو.. مش حابب خدمتو تفسد... من بعيد مقنص في تاج الي اديها ترعش... الفرد مش راكح مليح في أحمد... شداتو بيديها الزوز باش نجمت تgمرو.. منفخة بالمطر.. بروبة قصيرة مش حاسه بالبرد... مش حاسه ب علي الي ينادي بإسمها انو لا يا تاج خايف لا تتهور تضرب و يتلز أمير يضربها... لحظات القلب فيهم مسموع... كل واحد مشهر بسلاحو في حد... علي سلاحو في يد حب حياتو.. البنية للي ملي دخلت قلبو خلات كل شي مرتبط بيها.. فرح حزن كل شي يدور ب تاج... طول عمرو سلاحو مش مفارقو اليوم اديه تربطت مش منجم يعمل شي.. يخزر ل أمير و بعنيه يقلو لا لا رد بالك اقتلني انا أهون.... أمير بيدو يدعي انو ما يتحطش في الموقف هاك.. رغم مزال كعرف تاج أما حاسس روحو يعرفها عندها سنين.... تاج تقول جاتها فرصة حياتها.. تذكر في كل شي... في كل مضرة من اكا الحيوان... كل دمعة كل ضربة كل ذل عشاتو جرتو... حتى في علاقتها مع علي... أحمد كالشوكة في حلقها... لحظة لمت فيها شوقها لأمها الي ينجم يزيد... لمت كل الكسرات و الخيبات... كل شي تحط في خزرة غش... و عملت قلب باش خرجت طلقتها..
أمير قنص زاده... علي صاح صيحه كبيرة... مشا يجري لتاج الي طاحت عالقاع...⬅️⬅️⬅️ مش كان هي تصدمت... هو بيدو عمرو ما كان يتصور باش يلقاها في ها الدار 😊... بقا يخزرلها... بكلها محلاها.. لبستها مشيتها.. هو علي قيمها و هي بربثة قتلو انو لاباس عليها... كمل علي عرف بالعيله و هي تبعد في عنيها كل مرة لبلاصه.. و هو بكل تروقيع عنيه ما تنحتش من عليها 😍..
_ و هذي تاج... ( تبسم اسم حلو ما ركزش معاه آخر مرة مراها) مرتي (في اكا الكلمة تقول كان أمير في حلمة و فاق منها 😅 مرتو هههه قالها علي بكل فخر و قوة و رجولية و اكيد ممنوع عليها تسلم أما كمد يدو خزرت ل علي عبارة تشاور فيه... باهتة و مربوثة ولى علي سلم عليه و قلو ما عنديش مرا تسلم عالرجال 😉...)
*** مش حاسه بروحي كيفاش منجمة ناقف على ساقيا.. لا عاد انا توا لا يزي كاذبة و مخبية على علي برشا حاجات و زيد توا ظاهرة عبارة خاينة 😥... اش يعمل هذا لنا و كيفاش باش يكون شريك علي الجديد؟؟؟؟ و هو يخدم مع عمي 😡 فما غدرة قاعده تصير ل علي و انا مش منجمة نفرش كوارتي😟عاوني يا ربي... قعدنا عالطاولة.. وين نرمي عنيا تجي في نفس الوقت على خزرتو ليا.. نحشم.. 💔... ما حكوش عالخدمة كان بالالغاز و انو لمة اليوم لازم تقعد سر في ها العيله؟؟ 🤔ما فهمت شي... بقيت ساكتة كلمة ما قلتهاش.. هو سئل على بيت الراحه و قلت هذي فرصتي 😡 نعرف اش يعمل لنا ها محمد هذا؟؟؟
خايفه لا يراني حد هو خرج و انا جبدتو من مريولو 😡
_اش تعمل لنا انت 😡😡(نوشوش) اه؟؟ بعثك عمي مش هكا شنوا حابك تنتقملو عالفازة متع السلعه 😡😡 تكلم و الله عادي توا نصارح علي و خلي الي يصير يصير 😡
_مش لمصلحتك 😉 خليه سر خير
_سر؟؟؟ ايه ظاهر؟؟؟ و زيد شنوا تلعب عالحبلين ؟؟ ما تعرش علي أنت راك و الله يدفنك تحت الأرض الي واقف عليها 😡😡
يتبسم و مركز مع كلامي و حركاتي و كيفاش نتكلم بالشويا و نعارك و الله كان نلقا نفتفتو..)
ننصحك برا قلو الحقيقه خيرلك كونشي أنا الليله نقلو 😡😉
(انا نعارك و داخلة بعضي و هو حط يدو على فمي سكرها و دخلني للدوش😨😨😨
الحلقة 24
_تاج ؟؟؟(باهت فيا.. ماشيتلو نزرب و تلفوني صونا هزيت على اساس امي مرة أخرى تطلب طلع اكا الساقط 😡 حبست في بلاصتي.. " انت بديت و تستاهل الي باش يصير معاك... 🔞.يا ذنوبي تخلط عليها و يضحك 😡😡😡😡😡." جمد التلفون في وذني... نخزرلهم باهتين فيا ؟؟؟
⬅️⬅️ كشادها و مقربها منو قلبو يدق بقوة و خاصه انو تتفرفت تحب تسيب اما كسمعت صوت علي حبست و سيبت اديها... ريحتها.. ريحة شعرها.. كل شي فيها سحرو ل أمير...)
عرفت وقتها انو كالعاده سلكهالي كان باش يفيق بيا علي 😱نحكي معاه.. سيبني.. بعدت عليه مرعوبة.. و خايفه من انو يقلي لازم ترضى بها الحكاية و يقعد علي مغشوش و ها الساقط يبيع فيه ل عمي 😥... عمل طلة فيسع و قلي اجا باش تخرج.. شدني من يدي..😥...
_ ما تخافش مانيش ناوي نضرو ل علي و مانيش تابع عمك أحمد عندي خدمة ما انجم نكملها كان ما نكون الزوز ما يعرفونيش لازمك تسكت 😉 لمصلحة الكل
(عمل هكا و خرجني فيسع و بسم الله تزرف هبط قبلي؟؟؟ شكون ها الجن؟؟؟
انا دخلت لبيتي بقيت شويا من بعد هبطت لقيتهم مزالو ساهرين... هو يخزرلي من تحت ل تحت 😡... الحديث الكل بالالغاز بينهم.. شادة روحي بالسيف نحب نمشي.. للي هكاك و فهم روحو قال بلي وقيت مرواح.. اييييه ارتحت منو... وصلوه الكل للباب اما انا طول طلعت الدروج تلفت شويا لقيت عنيه فيا... مرقعو.. 😏....هكاك و صونا تلفوني.. أمي ؟؟ و في ها الوقت؟؟ ؟ هزيت و انا حايرة ؟؟؟ تتكلم و تبكي؟؟ ؟؟رعبتني قتلي انو هي موجوعه براكوها جماعة دغروها و هاي هازينها للسبيطار تقلي يا تاج موجوعة 😭 تبكي امي تقلي" اجاني يا تاج راني وحدي 😭"" " فما شكون يحكي بجنبها ولات علقت.. 💔.. انا لحظتها تذكرت كلام عمي و تهديدو ليا.. 💔.. الواطي الساقط..هبطت نجري في الدروج خرجت المطر تصب.. و انا لابسة الخفيف.. نلوج على علي... لقيتو واقف مع غسان و محمد قبل ما يطلع في الكرهبة.. مشيتلو نجري 😡😡..
_علي 😭😡 (بصوت عالي للي الكل تلفتولي..)
لحظتها قتلي ما تقربنيش و كعارفه روحها مل تنجمش تهددني حطت السلاح في راسها.. 😫....وقتها بلحق عبارة شكون عدالي سكينة حافية على رقبتي.. كل خطوة غالطة منها انجم نخسرها 💔مجرد التفكير خنقني.. و مع جو العيله الكل و زادو ضغطوها صياح و عياط... سوسن و منى يعيطولها باش تفيق ملي تعمل فيه؟؟ الي لتوا لا فهمت علاش وصلت هكاك؟؟ ..
***** هذاكا حلها باش علي يبعد و يخليني نصفي حسابي 😭.. ايدي ترعش مش منجمة نزيد نشدو أكثر... قتلو علي تقربني تفرغو في راسي 😡😭😭😭.. ولى بعد هو و غسان... رجعت حطيتو في راس محمد... علي تنفس شويا بعد الغصرة.. محمد بيدو حسيتو مرعوب عليا...
_اهدأ و قلي شنوا الي صار
_هزني لكا الساقط توا 😡😭 (نصيح و نعيط للحظة نسيت امي المسكينه 💔...
**** كيما عمري لا ريت تاج؟ ؟ عنيها تقطر شر؟ واقفة حركة لا تلفونها للي طاح و هي مصدومة؟؟؟ المطر نفختها و هي حركة لا؟؟؟ مشتلها...
_تاج ؟؟؟ شبيك لاباس ؟؟؟؟ تاج (خزرتلي بعنين اكا العروسة الي طلبت حمايتي؟ عنين اكا الغزالة الضايعه في الغابة؟؟ عرفت منهم انو تاج في مصيبة و لازمتها حمايتي..) تكلم تاج؟؟؟ (ياسر وجها مبدل قربت مني و مش عارف كيفاش خرجت سلاحي 😨؟؟؟ و بعدت عليا؟؟؟ ؟) تاج ؟؟؟ هات لنا شبيك؟؟؟ ؟؟؟😡
بعدتني و مشت ل محمد حطت السلاح فيه😫
_ غدارين 😭😭😭 هي هي و غدرتو بيا 😭
_تاج ؟؟؟ نحي(مصدوم فيها و خايف لا تعمل مصيبة..)
_ابعد علي 😡😡 ما تقربنيش 😭😡
_شبيك يا تاج تكلم؟؟؟؟ ؟ (نحب نعرف شنوا الي صار؟؟؟ دموعها تخلطو مع المطر ما عاد فاهم شي... محمد واقف حركة لا سلاحو في جيبو خايف يتهور و يضرهالي😞 باقي على اعصابي
_ وينو اكا الساقط توا وينوووو
_ على شكون؟؟؟
_اه؟؟ ما عادش تعرف توا؟؟؟ ؟ عرفك المسخ وينو 😡😡😡
باهت فيها تقلو وينو أحمد؟؟ منين تعرف تاج انو محمد يخدم مع أحمد؟؟؟ ؟ و تقلو غدرتو بيا و تصيح؟؟؟ ؟ ماني فاهم شي؟؟؟؟ شنوا ينجم يكون بينهم؟؟ انا حبيت نفكلها السلاح و هي حطاتو فيا... لحظة الوقت تجمد.. ثواني هوما صارت فيهم اللقطة اما بلحق جمدت برشا حاجات؟؟ ؟ اش خلى تاج تخمم تعمل هكا ؟؟؟ اصلا الي قدامي مستحيل تكون تاج العاده؟ اش صنعت منك يا تاجي 💔كلو من تحت يدي 😫...
***،* هذا الي عمري ما خممت فيه... تاج و سلاح؟؟؟؟ راسي باش يطرشق الكرهبة سابقيني نزمر ما حبسوش... عصابي تحرقت فاش قاعده تعمل تاج؟ ٣ اش صار باش ولت هكاك و لش عمللها اكا.... 🔞🔞 مرة آخرى....
مزلت وراهم و لمحت الكرهبة حبست؟؟ ؟؟؟ و ريت تاج هابطة تجري؟؟؟؟ ؟ اش صار 😥😥😥 و الله سيا هبطت نجري.. هكاك و ريت محمد خارج مالكرهبة زاده.... ؟؟؟؟
_شبيها ياخي؟؟؟
_ أمها بين الحياة و الموت (جمله فهمت بيها كل شي؟؟؟ و اكيد أحمد عندو يد...يا تاج اه اش مزال باش يتعدا على راسك.... 😫... خلطنا وراها و هي تجري و كرات اكا.... 🔞🔞... ولات تضرب في الكرتوش في السماء 😨😨 انا لحظتها تمنيت انقز على تاج نخبيها في عنيا و لا نخلي حد يضرها...
الحلقة 25
خليتو طلع في الكرهبة و طلعت بحذاه.. علي تصدم... حابب يطلع قلت لمحمد يسوق فيسع... عارفاتو باش يخلط عليا اما بعد ما نصفي حسابي. 😡...)
_ ادعي ما يصرلها شي خاطر و الله وقتها ما قعدلي شي نخسرو و الله نرزيكم في اعماركم
_شكون؟؟ ؟؟😡(هو بيدو ولى يصيح عليا انو هو ما يعلم بشي و انو انا مش عارفه برشا حاجات و انو كان أنا نفهم تو نتأكد بلي نعمل فيه غالط... استفزني باش نفسرلو... و قلي نحي السلاح ظاهرة عمرك ما ضربت بيه حد.. اصلا إيديا يرعشو بحركة صغيرة خرج سلاحو.. قلي كان عيني توا نكحلك بيهم عنيك المزيانين هاكم 😟.. قلي نحي السلاح و احكي كالعباد... وقتها حسيت قداشني تافهة و جبانة و ما نصلح لشي 😑..
_امي 😭😭 ما عندي حد بخلافها طلبني اكا الساقط هددني بيها و امي طلبتني في السبيطار 😭😞😞(نحكي و نبكي و نقلو راي مدغورة و شاف نخلط شوف لا و هو قلي هذي البداية 😞😭😭😭 نبكي و رجعت السلاح فيه في الوقت الي هو بيدو حاطط سلاحو فيا.. يسوق بيد و اليد الأخرى مصوب بيها طول فيا.. مش كيفي إيدي ترعش 😟... نقلو امي كان تموت سيا ما عاد يكبر في عيني حد.. بدا يصيح انو ما يعملش و انو لو في بالو مستحيل يخليه يصيح عليا و يقلي باش تفسد برشا حاجات بتصرفاتك.. 😡....)
أحمد وحدو واقف باهت في اكا القوة الي عند البنية الي حاول يكسرها بكل شي... محمد تخبا ورى الكرهبة و بعنيه قلي انو الله غالب؟؟؟ ؟اش يقصد هذا؟؟؟؟ ؟؟ 😨
الكاتبة ::⬅️⬅️⬅️تاج حاطه السلاح مقابل أحمد تمشي و مرة تصيح عليه تسب تعارك و مرة تبكي و تهدد...
_و الله نقصفلك عمرك و نرتاح يزيني منك تعببببت 😫😫
أحمد مصدوم اصلا مش مسلح هز يديه لفوق و يهدي فيها... هكا في بالو اما هي كل شي فيه ولى عبارة استفزاز.. حتى النفس متاعو....
_نحي سلاحك هبط سلاحك (أحمد اطمأن شويا.... أمير بخوف خايف على تاج... كان ملزوز يعمل هكاك لازم يظهر البطل الحامي لعرفو.. مش حابب خدمتو تفسد... من بعيد مقنص في تاج الي اديها ترعش... الفرد مش راكح مليح في أحمد... شداتو بيديها الزوز باش نجمت تgمرو.. منفخة بالمطر.. بروبة قصيرة مش حاسه بالبرد... مش حاسه ب علي الي ينادي بإسمها انو لا يا تاج خايف لا تتهور تضرب و يتلز أمير يضربها... لحظات القلب فيهم مسموع... كل واحد مشهر بسلاحو في حد... علي سلاحو في يد حب حياتو.. البنية للي ملي دخلت قلبو خلات كل شي مرتبط بيها.. فرح حزن كل شي يدور ب تاج... طول عمرو سلاحو مش مفارقو اليوم اديه تربطت مش منجم يعمل شي.. يخزر ل أمير و بعنيه يقلو لا لا رد بالك اقتلني انا أهون.... أمير بيدو يدعي انو ما يتحطش في الموقف هاك.. رغم مزال كعرف تاج أما حاسس روحو يعرفها عندها سنين.... تاج تقول جاتها فرصة حياتها.. تذكر في كل شي... في كل مضرة من اكا الحيوان... كل دمعة كل ضربة كل ذل عشاتو جرتو... حتى في علاقتها مع علي... أحمد كالشوكة في حلقها... لحظة لمت فيها شوقها لأمها الي ينجم يزيد... لمت كل الكسرات و الخيبات... كل شي تحط في خزرة غش... و عملت قلب باش خرجت طلقتها..
أمير قنص زاده... علي صاح صيحه كبيرة... مشا يجري لتاج الي طاحت عالقاع...
***اللحظات فيسع تعدو... تقول الوقت فلاش تعدا.. في غمضة عيني و حليتها لقيت علي يتفقد فيا لاباس و الا لا؟؟ ؟يصيح و يشوف فيا؟؟؟ و انا ماني حاسه بشي؟؟؟؟ اصلا ما جات فيا حتى ضربة؟؟ خزرت لعمي مضروب في يدو و شادو محمد هارب بيه للكهربة... يهدد و يتوعد فيا بعقاب كبير.. علي زاده ما خلالوش... اكيد مستحيل يقبل انو حد يهددني قدامو... قمت لاباس بيا.. شدني من كتافي و خلاني نخزر لعنيه و جمله معقولة خلاني نسمعها مليح...
" عمك خليه عليا توا خليك في امك يزي" أمي؟؟؟ بلحق امي شنوا حوالها 😨 مشينا نجرو ركبنا للكهربة... علي ثنية كامله حارقها كل شوية يبوسلي يدي و يقلي بإذن الله ما فما شي خايب تو ترى.. نعرف هو يطمن فيا اما انا نخزر لإديا و مانيش مصدقة اني بكري ضربت عبد بكرتوشة؟؟؟ ؟
_زعما يعيش؟؟؟
_اه؟؟ شنوا؟ ؟؟ (كان مركز في الطريق) اه اكا الكلب لا تهنا عمرو طويل و زيد ضربة خفيفه ما تخافش (كقاال ما تخافش بهت؟؟ انا باش نخاف عليه؟؟) شبيك بهت؟ اكيد ما نتمناش تولي قاتلة و تخززي في الحبوسات؟؟؟ يزي الي عايشو انا تكمل انت؟؟؟ 😏
يحكي و هو متقلق... ضرب يدو عالفولون انو كلو منو علمني السلاح.. يخزرلي و يشد يدي يقلي اليد هذي ما تقتلش اليد هذي تتباس بركا 💔... قربت منو هو يسوق و انا حابه نقصر الثنية بإني نقعد في حضنو محتاجااااتو عجبتني منو ما سئلني على شي... نخزر لوجهو داخل بعضو مش منجم يستوعب الي صار...
دوب خلطنا لبسني كبوطو و انا في اكا الطقس و الوقت في روبة حسيت البرد ضربني في العضم... أما كلو يهون كنطمن على امي ❤️💔... نمشي مع كل خطوة ندعي ربي ياخو من عمري و لا يختبر صبري في اميمتي... لقيناها في العملية الطبيب قال ضربة في جنبها 😭😭.. قال مش قاتلة اما مش ساهلة تستحق عملية و راحه و كل شي مع الوقت... الوقت و ما ادراك ما الوقت باقية نحسب في كل ثانية تتعدى... كل شي رزن ولى يتعدا بالشويا... علي حاول بلي نجم يقويني... و اخيرا.. خرجت امي مالعمليات قالت الطبيبة خرجت من مرحلة الخطر اما مازلنا نشوفو خاصه و انو جاتها طعنتين وحده في جنبها و وحده في كرشها😭😭😭... يراه مطعون في كل عزيز و غالي ليه... دعوة قلتها لحظة غش اما ممكن لحظتها رفعتها الملايكة للسماء و تقبلت خاطر دعوة مظلوم... 💔...
نخزر لحنينتي😢 راقده في اكا الفرش حركة لا كل شي خلوه للوقت و انا مش مزهارة معاه 💔.. للصباح و انا و علي قاعدين على الكراسي متكية عليه و هو شادلي يدي و يلعب بشعري و في كل فرصه تجيه يقلي ما تخافش هاني معاك ❤️ اصلا هاك الي مصبرني على كل شي...جاء غسان و معاه منى.. المسكينه اكا حدها عليا.. جابتلي ما نلبس فرحتني انو خممت فيا.. نحكي معاها و سمعت غسان يعاود ل علي انو شاف محمد قبل ما يجي و قلو انو أحمد اارصاصه جاتو في كتفو يا دوب جرحاتو ما صارو شي للكلب😨.. و قال انو متحلف في تاج و متوعدها يرجع صربتو.. 😢.. علي حمار بكلو مالغش و يتهدد زاده هو و انو ما دامو حي حد ما يمسلي شعرة.. شي يكسر القلب
الحلقة 26
**** عارف اكا... 🔞.. مش باش يعديها بالساهل وليت بعثت غسان باش يحمي الدار و بقيت مع تاجي الي غايضتني مكسرة الخاطر.. معنقه جدها الي مسكين في حاله على بنتو و قاعدين يستنو في الجديد.. عندي احساس الي نهار اليوم مش باش يتعدا على خير و إلي توقعتو طلع صحيح جماعة مسلحين تهجمو على دارنا في غيابي 😑😑مجرد اني سمعت النار شعلت فيا الحمد لله ما صار شي للجماعة اما كفازة ما انجمش نعديها بااساهل😡...
_أمانك علي نبقا وحدي توا؟ ؟؟(مربوثة و وجها مخطوف)
_ الله غالب يا تاجي نقلك ضرب كرتوش في الدار و تحبني نقعد ساكت؟؟ ما تخافش باش نخلي رجالي الكل لنا و الشعرة منك بألف راجل باهي يا روحي (بستها من جبينها و بقيت نأكد ما يغفلوش عليها ثانية و ما مشيت كان كطمنتني انو هي مقتنعه و كل شي مريقل.. 😑... اليوم يا قتالك يا قاتلني يا احمد 🔞🔞.. الكلب...)....
**** وين نتحرك رجال علي في جرتي وصلت بيهم ندخل لبيت الراحه نخرج نلقاهم بجنب الباب.. تعبت سيا مالوقفة و كل شي جدي بعثتوو للدار يرتاح بعثت معاه شكون يطمني عليه و انا دبرت بيت قلت نرتاح فيها.. باقية نخمم في كل شي صار و شنوا باش يصير و دق الباب؟؟ لقيتو واحد من رجال علي قلي لاباس؟؟ انت بعثت طبيب توا؟ ؟باش حاسه نطلب سي علي؟؟ برشا أسئلة الي دخلت بعضي باش نقول انو ما بيا شي و فاش تحكي و هزيت عليني لقيت هاك محمد لاباس لبسة طبيب و يخزرلي و يتبسم😡..
حبيت نgوعرو اما شي لازم نفش فيه غيضي.. قتلو هذا طبيب امي اكيد باش يقلي الجديد هو دخل و سكر الباب و انا تنطرت عليه من خناقو
_كلكم كلاب و الله معرفة عمي كان الكلب و خوه 😡😡😡 يا غدار هكاك تعمل فيا اكيد انت بعتني و لا فوق هذا الكل ادافع عليه؟؟ كهو عزيز عليك لواه تلعب عالشيرتين😡😡(انا نصيح و نعارك و هو عنيه عليا يخزرلي و يضحك 😡😡تقول نفرقلو في اللوز😣... سيبتو و هو نطق عاد)
_كملتي؟ ؟؟ سيا فرغت قلبك؟؟
_كان ليدي نقتلك و نرتاح
_هاك مجرمة انت؟؟؟ ما تظهرش😉 (غمزني الواطي)
_مزلت ما تعرفنيش😡 و توا انطق علاش جاي؟؟ فاش بعثك عمي ها تكلم؟؟؟؟ ماو على اساس ماكش تابعو و تحب اطيحو؟ ؟؟؟😡و الا تكذب على علي باش يصدقك ها ؟؟؟ تكلم؟؟؟
_بعثني باش نقتلك 😉. بالطبيعة لازم نسمع كلامو مادامني في مهمة تابعاتو
_شنوا؟ ؟؟(استلبست وخرت بالتوالي الظاهر يعملها..) رد بالك تقربني😨.
_قتلك مالمرة الأخرى انو انا لمصلحتكم لازم نبقا معاه من غير ما نخليه يشلق و هو منرفز عليك برشا و ماك تعرفو
_لا ما نعرفوش😢ما نتشرفش و نعرف حد كيفو و توا اخرج عليا 😫
_ما سمعتنيش كقتلك بعثني باش نقتلك ؟؟؟
_فاش تخرف انت؟؟؟؟ 😫😫😫(بدا يقرب مني و أنا نبعد)
_من غير ما تعيط و تقلب السبيطار على راسو و تولي فيها موته و كرتوش و شرطة و الطبة الكل تهرب.و امك تحتاج كان للراحه
_ايه شنعمل نخليك تقتلني؟؟؟😫(خوفني)
_ هههه لا ما يهونش عليا اما على الأقل طاوعني
_ابعد عليا ما تقربنيش شنوا نطاوعك شكونك انت؟؟؟ واحد غدار تلعب عالشيرتين و توا هاني خارجه و كانك تقول بروحك اخلط عليا 😢😢
خرجت فيسع لقيت رجال علي ما فما حد منهم؟؟؟ زدت دخلت بعضي.. بعدت شويا و طلبت علي😫 نحب نقلو اجاني فيسع و هكاك تفك تلفوني ؟؟؟تلفت لقيتو محمد؟؟؟؟ 😫😫
شدني من زندي و قلب تبعني و ما تصعبهاش ؟؟؟علاش ناوي هذا؟؟؟ تلفت للبيت الي فيها امي خفت تجرالها حاجه ياخي قرب مني وشوشلي انو الي دايرين بيها الكل في الكلوار من مرضى و فراملة تابعينو باش يحموها و قلي اطمن؟؟ شكونو هذا مش عارفه اما لقيت روحي مضطرة نتبعو... خرجت بسكوت ركبت معاه في كرهبتو.. ثنية كاملة قلي انو لازم نكون هادية و بلا كلام و انو انا امانه عندو؟؟؟ هكاك يحكي و تلفوني صونا طلع علي؟؟ فكو من يدي و هز عليه😱..
*** نادم الي خليت نجمتي وحدها وصلت اطمنت انو اهلي لاباس و انا مخي معاها و نادم و خايف لا في غيابي يغدرها اكا... 🔞.... كطلبتها بطت باش هزت
_ تاج؟؟ وينك ياخي
_آلو..
😱😱صوت شكون هذا؟؟؟ وقفت في بلاصتي وجهي تقلب؟؟ طول بديت نعارك شكونك و ويني تاج ياخي قلي انو هو محمد و انو أحمد أمر بإنو تتقتل في السبيطار اليوم.؟ شنوا؟ ؟؟ترعبت عليها قلي انو هي معاه و لاباس و بديت نهدد انو لو تصير معاها حاجه ما نخليش فيهم عضم صحيح و هو سمعني للي كملت و عطاني مالاخر انو هو بالعكس حماها قال انو لو ما مشاش هو كانو برشا يستنو في أمر بالقتل!!! اخخخخ منو أحمد و الله حلال نشرب من دمو 😡😡😡.. قال بلي عمل هكاك باش يطمنو انو المهمة ولات في يدو و انو هو باش يتصرف.. هاك الحل الوحيد... عطاني adresse وين انجم نلقاهم و لازمني نتلف شويا يطلعوش يراقبو فينا و نخلط عليهم.... تاج ما تخافش هاني جاي... ❤️....
** هاك آخر كلمات من علي.. 😢... حبيتو يكون معايا.. 💔.. حاسه روحي خايفه.. غاضتني انو ماهوش معايا خاطر اختار يكون مع اهلو على انو يكون معايا 💔..شاده دموعي بالسيف.. محمد يسوق و عنيه على الكرهب الي وراه وجهو مربوث... تلفت ورايا...
_ياخي فما شكون يتبع فينا؟؟؟
_اه؟؟ لا لا ما تخافش
_شنوا ما نخافش؟؟ 😫 هاك ملي خرجنا ورانا؟؟؟؟أمان تكلم قول الحق؟؟
_ باهي OK تابعه عمك حابب يتأكد انو انا هازك ليه
_و انت باش تهزني؟ ؟؟😱(قلتها بصوت حزين و مربوث و قد ما نوصف ما انجمش نعبر على خزرتو كيفاش كانت؟؟؟ مريحه قداش قلي بالحرف الواحد نموت و ما نهزكش ليه 😉.. كمل ساق و كل مرة داخل في ثنية يطول فيها و عارف روحو ينجم يتملص ملي يتبع فيه.. انا لحظتها وثقت فيه.. حسيت بصدق.. قتلو ميسالش نكلم علي؟؟ ضحك اني شاورتو
_مانيش خاطفك راني 😅 انت امانه و لازم توصل لصاحبها لاباس و كهوا 😉..
وينو صاحب الامانه طلبت و عاودت و شي ما فماش ريحتو.. 💔.. نعرف في اللحظة هذي كان علي ينجم يعطيني القوة و الراحه...
_في بلاصتو ما نخليكش وحدك؟؟ يعني خطر صافي
الحلقة 27
_عمي هاجم عيلتو فا كهوا هو زاده خاف عليهم 💔😢
حبيت ننبزو أما كلامو صحيح العاطي ربي راني في حمايتو توا مش مع ها الغريب.. 💔.. من دورة ل دورة وصلنا لبلاصه بعيده عالعنين تأكد انو حد ما خلط علينا و حبس الكرهبة... طلبو عمي خزرلي و كان باش يهبط يتكلم لبرا اما حسني خايفه و مش واثقة فيه ولى هز عليه قدامي و قلو انو علي بعث رجالو وراه و هو اضطر يهرب بيا و انو مزالو في جرتو... عمي الكلب قلو سلك امورك و جيبها و يحكي برشا و يتهدد.. و كلام محمد ما خلانيش نكمل نسمعو..... علق عليه...بقا ساكت برشا..
_ انا هكاك ديما ما عنديش زهر 😢 (خزرلي.. حابب يحكي معايا حابب يقلي علاش و كيفاش اما طبعو غريب يحب يسمع العبد من غير ما يتكلم... انا مالإستراس شادتني وجيعه في حزامي...كل ما تقوى عليا ننزل على كرشي... الي شلقت..)
_لاباس ؟؟؟ متقلقه من حاجه؟
_لا لا الستراس و كهوا 😢
_ما نعرش باش انجم نعاونك ؟؟؟
_ تحب تعاوني ؟؟قلي انت شكون؟؟ اش عملك عمي باش تكون ضدو؟ ؟و اش معنا انت مع علي؟
_عرفتك باش تسئلني هكا اما انا نفضل انو مش توا تعرف كل شي في وقتو خير😉 (دخلني مالباب خرجني مالخوخه 😏 بلفطني معنى آخر) par contre انجم نقلك انو انا مش مع علي يعني مش في ثنيتو؟؟ علي يحب كل شي بقانون متاعو يصير عايش هكاك انا نحب نستغل شعبيتو و نفوذو في البلاصه هذي كهوا عمك حتى شي في وجود علي 😉
_و انت اش معنا مصارحني هكا؟؟ يعني مأمني انو ما نبيعكش؟؟
_ل علي يعني؟؟ هههه عادي قلو الي تحب 😅
_لا ل عمي مثلا 😉( بهت ملي قلتو؟؟ خليتو لحظتها ممكن راو ندم و الا تردد انو صارحني هكاك)
_ما نتصوركش مالنوع هاك
_نوع شنوا؟؟؟(سكت شويا)
_تخون راجلك 😉 ما نتصوركش تغدر بيه
بقيت نسمع فيه و مركزة؟؟ ؟ كلمة خيانة كلمة كبيرة برشا..!!! أما أنا خايفه من روحي و من تصرفاتي عمي يوصل فيا لنفس النقطة الي وصلتلها عايشة انها غدرت ب علي 💔😫 انا ما صاب نموت و لا نرى اكا النهار... تذكرت وجهو كحطيت فيه السلاح و الفازات الي صارت الكل رغم ما حبش يسئلني و لا يسمع تبريري علي واثق فيا برشا و يا رب نكون عند حسن ظنو.. 😍..
⬅️⬅️ علي ما نجمش يتملص ملي يتبعو فيه حابين يوصلو لبلاصة تاج قبلو كان لازم يدخل باش تتفض الحكاية.. الحل هو ضرب النار.. كان لازم يحمي تاج مهما كلفت الحكاية.. في المقابل أمير تحط في نفس الموقف.. كان لازم يهرب تاج من ادين أحمد خرج على قواعد اللعبة الكل. توا الأهم انو تاج توصل ل علي بخير...
**من بلاصة لبلاصة وصلت لأعز بلاصة تجمع بيني و بين علي عادي حد ما يجبلنا خبرة... هبطت مالكرهبة رغم الطقس بارد اما كنت مستحيلة النسمة.. سرحت بمخي لكل ذكرياتي في ها البقعه.. اليوم ولت عندي ذكرى زاده مع محمد.. الي بلحق حسيتو يحب يحميني.. و كان قد كلمتو ل علي...💕... هبط.. خلط عليا حسني بردت عطاني كبوط متاعو.. بقيت مترددة..
_خوذ انا هاني لابس فاست دافي..؟ كيما تحب (كان باش يرجعو وليت خذيتو و لبستو بقا بجنبي كل شويا يخزر لتلفونو يستنى في علي... كسر السكات الي كان بينا...) كيفاش تعرفت على علي؟؟؟ (لحظتها تبسمت.. تذكرت كل شي.. ❤️.. ما حبيتش نحكي التفاصيل اما قتلو لو مش علي كنت مت من اكا الجرف ليا برشا.. بقا باهت يعني جرف عالي؟؟ شنوا يخلي بنية صغيرة كيفي تخمم تنهي حياتها.. هكا خليتو حاير.... تعدا الوقت و احنا سارحين كل واحد مخو وين هزو.. للي سمعنا صوت كرهب و ضو سطع فينا.. لحظتها عملت ردة فعل بهت فيها؟؟ تخبيت وراه شديت في يدو.. و تخبيت ؟للي هو بيدو بهت. رغم هو طول وقف قدامي اما انا لها الدرجة واثقة فيه مأمناتو على حياتي؟؟
طلع علي.. 😍.. بعدت من ورى محمد و نحيت الكبوط الي كنت لابساتو و مشيت نجري ترميت عند علوشي ❤️❤️... اخخخ راحة الدنيا عندو.. تلفت لقيت محمد هز كبوطو و يخزرلي بعنين غريبة؟؟؟ علي اطمن عليا و مشا شكرو على وقفة الرجال الي عملها معاه.. و خليناه و مشينا.. علي اكيد سئل ألف سؤال اش قلك و اش عمل و وو و و لام كيفاش جبتو لبلاصتنا الي واعدين بعضنا تبقا سر لينا الزوز 😏.. مرج الرجال مالاخر.....
⬅️⬅️⬅️ أمير سلك امورو مع أحمد و تعدت على انو علي تعرضلو و فكها منو.. كان لازم يعمل فيلم مقنع.. تاج بقات تمشي مع علي تتطمن على امها و تروح معاه.. ما فماش فرصة للكلب أحمد ينفذ حقدو.. هدت القلوب فترة.. نسميه انا الهدوء ما قبل العاصفة... أم تاج رتاحت و رجعت مع بنتها.. هدوء في العيله.. آمنه كالعاده وين تكنبس حاجه تاج تشلق بيها و بذكاء ما تخلهاش توصل للي تحب عليه... محمد قعد وين يلقا فرصة يتقابل مع علي يبرمجو كيفاش يفشلو اي خطة خامجه لأحمد....كيما قلت فما هدووووء جايا وراه عاصفة... 💔......
*** باش يدخل عام جديد 😍.. من قلبي متمنية برشا حاجات.. نجيب بنبينو ل علي ❤️.. ربي يفضلي الناس الي نحبهم يشفيلي امي الي بعد اكا الحادث قعدت ساعه ساعه تتقلق 💔.. يبعد علينا الحساد.. أمنيات صغيرة و بسيطة..
_ علي(حطيت يدي على كتفو شدها و باسها)
_يا عنين علي
_ خلينا نمشو لبلاصه جديده.. خلينا نسافرو نبعدو من كل شي حابه في العام الجديد تكون لينا بداية جديده (يخزرلي كيفاش نافحه و يتبسم 😍..) احكي شبيك ساكت
_ هاني معاك يزي و الا ما يكفيش ؟
_لا يكفي اما ما لاحظتش قداش ولينا عايشين في روتين؟ كل يوم تخرج الفجر تروح المغرب و انا ما عادش شابعه بشوفتك و كمل عليا امي باش تروح ل جدي و نرجع وحدي في ها الدار 💔 و زيد ممنوع عليا الخروج 😞
الحلقة 28
انا تنبزت و قعدت بعيد و هو قرب مني و بدا يبلفط فيا انو مضطر يحميني و ما عندوش غيري 😏 تلفييييط) يزي يا علي كل مرة تغمني هكا اسمعني منى قتلي انو هوني عاملين حفلة في دار العمدة ليلة راس العام و فيها غناء و جو أمان وافق خلينا نمشو الكل نتفرهدو
_شنوا ؟؟هذاكا الي مزال 😏( بعد عليا قالب وجهو)
_ريت روحك كيفاش ما تاخوش بالخاطر؟؟ و زيد الكل نحبو نمشو حتى امك 😉
_هههه امي؟؟ لا ما نصدقش
_و الله غدوة اسئلها هوما مش لاقين ليك ثنية و كهوا 😞 و زيد منى قتلي انو قبل كنت تهز عايشة علاش توا ما تهزنيش؟؟
*** تاج يا تاج كل ما يبرا جرحي تزيد تحيرو؟؟ اش مجبدك في عايشة.. هي قتلي هكاك و باين على وجها الندم وليت عملت روحي ما ركزتش
_ و شنوا قتلك آخر منى؟؟؟ هاي ولات ما تخلي عليك شي
_ههه صحاب يعني خير من قبل 😅 اه اش قلت؟؟؟
_قلت يعمل الله دليل (تبسمت و بدات باش تعمل طقوس الفرح متاعها) عايشة قبل ما كانوش عندها بونتوات مع حد يعني ما عندي علاش نخاف 😉(تنبزت)
_اممم أيا باهي كعايشة متاعك ملايكة و انا شيطانة 😏(كانت باش تخرج جبدتها عندي)
_يزي.. حد ما قال عليك شيطانه.. و ماكش ملايكة زاده 😅 (تخزرلي مغزلة) يعني حد ماهو ملايكة و زيد ما نحبكش تجبد عبد ميت هكا و حاول انساها عايشة يزي من سيرتها
_اممم يعني كما نجبدهاش انا انت ناسيها؟؟؟ ما نصدقش؟
_تاج ؟😑 بدات اطيرلي راو.. 😕 فك.. بدل الموضوع (تgنgين النساء و التكعريد و الشك و الغيرة هاك الكل يخلي نسبة الحب في القلب تنقص مهما كان العشق كبير.. هكاك تاج الفترة هذي ولات مالقلق تسبب على أي حاجه في أي موضوع نتحاورو فيه لازم تصير بينا نبزيات.. رسميا دخلنا لمرحلة وصلتها مع عايشة و وفات انو طلبت الطلاق مني💔...
****نحاول نشد روحي على المشاكل و شي... نحس الدنيا الكل ضدي.. قلق كبي.. روتين مستفز و عيله ضاغطين عليا.. 😑😣.. حسيت روحي باش نتكلاطه.. الحل اني تكاتلت مع أعدائي المرة هذي من أكل المصلحه العامه.. 😅.. عملنا ضغط ل علي للي وافق 😍😍.. و اخيرا الواحد باش يخرج من حبسو... ليله قبل النهار الي استنيتو بالدقيقة و الدرج فقت مع منى هزنا غسان خذينا لبسة و اخيرا سهل علينا ربي ❤️. و. جا الليل.. عدينا النهار تحضيرات.. آمنه ما عادش فيها مالغزول و خاصه كرات تعابير وجه علي وقت شافني بالحطه😍.. محلاهم عنيه اصلا كان هو يراني بيهم هكاك ❤️❤️💖..
وصلنا لبلاصة الحفلة... برشا شرطة و برشااا عسة.. كل واحد بكلمتو في البلاد جايب معاه رجالو.. ظلامت الدار بالاكحل 😞و خاصه علي.. حسسنا انو شخصيات مهمين داخلين 😅.. سلمنا على أصحاب الحفلة.. و بدات منى تعرف فيا على الناس الي تعرفهم غادي.. هكاك و شفت محمد.. جات العين في العين.. حسيت بربثة خزرتو حشمتني.. بعدت عنيا و مشيت ل علي.. قعدت بجنبو خايفه من كل شي.. خايفه يقلي نروح بيك خاصه انو ظاهر فيه عمي لنا 💔.. الحفلة في أولها.. نحاول نصنع جوي و شي حاسه بضغط.. رغم جو عروبي و حفالي.. هزيت عيني لقيت بلاصه عالية شويا.. من غير ما نشعر مشيتلها.. طلعت بلاصة محلاها أطل عاابلاد الكل.. تقول الأرض تملات نجوم 😍..
_ مخليا نجوم السما و تتفرج في نجوم الأرض؟؟؟ (تفجعت تلفت بزربة لقيتو محمد.. 😊..
تربثت و دخلت بعضي بقيت نخزر يراناش علي..) لاباس عليك؟
_ اه؟؟ (مربوثة)
_تحب نمشي ؟؟
_ايه؟؟ تي قصدي لا تي و الله ما نعرف قلي عمي لنا؟؟؟؟ 😣
_اه هاك مناش خايفه؟ ؟ لا تهنا ما هوش لنا على هاك بعثني انا 😉
_رتحنا 🤭 شبيك ؟؟
_شبيني ؟
_ ما نعرش؟ عندك ما تقلي؟ تخزرلي و تعاود ؟
_لا شي خليني نمشي توا لا يرانا حد 😉
هو مزال كمشا و انا رجعت شارده في ملك ربي و حسيت حد جاي باش يدورلي خلايقي 😏 طلعت آمنه و شافت محمد كان بحذايا بدأت تحكي بالالغاز و ترمي عليا في المعنى و اني لازمني نخاف من علي و برشا خرم؟ هذا الكل خاطر وقف عليا درج فيسع ألفت حكاية 😵.. حبيت نطفيها و نبعد و هي شدتني من يدي للي شوتني و بدات تهدد فيا انو لو ما نبعدش على علي بكيفي باش تخليه يرميني على طول يدو هههه مسكينه قداشها تحلم و مرقعها يا ديني و ما ذلها مرا 😝.. نطرت يدي و رجعت كملت سهرتي..
علي اضطر انو يخلينا و يمشي جاتو قضية اكيده بقينا مع غسان ساهرين.. في اكا العد التنازلي و في بداية ها العام الجديد الي عرفت فيه علي❤️ تمنيت نستقبل معاه عام آخر اما هو كالعاده الخدمه أولى.. بدات 9 8 7 6(انا متحمسة نخزر لمنى في اكا الخوصة شدت يد غسان و هو تبسملها محلاها تكون بداية هكاك بقيت كان مع العقرب امانه نتقاحرو لبعضنا.. بعدت وجهي منها جات العين في العين مع محمد) 5 4 ( يخزرلي طول في عنيا حتى نبعدهم باقي مش مسلم)، 3 2 1 🎊🎊🎉🎉🎉🎊🎊 دخل العام و عيني جات مرة أخرى عليه.. ظاهر ها العام باش يكونلي حاضر في برشا حاجات هكا حاسة.. 💔.. لحظتها غمضت عنيا بديت ندعي و داخلة بعضي ما نحبش ننسى شي.. 🤭.. كحليتهم لقيتو يخزرلي و يضحك.. بعدت من غادي لقيت آمنه كبتت الفازة و تغزل في غزووول ماصت؟؟ عنيها تقطر بالشر ربي يحسن العاقبة من دبايرها.. كملت تكلاطت كوصل علي.. و مشيتلو ترميت عندو.. هو صحيح حشم و بدعني😅.. أما عطيتو اول تعنيقة للعام الجديد...
_كل عام و إنت في حياتي 😍
_كل عام و إنت نجمتي ❤️(باسلي يدي بمحبة و فيسع من غير ما يشلق)
_شنوا هذي نجمتك قلي حبي و الا كلمة آخرى ☺️ شاهية نسمع منك برشا كلام و زيد اش معنا تحبني نكون نجمتك بركا؟ ما تحبنيش معاك؟
_هههه شبيك جبت ما عندك يا مهبولة (جبدني قربت منو) نجمتي يعني احلى حاجه ليا حتى ما تكونش بجنبي تكوني في السماء مونستني النجمة مزيانه و ضواية تلمعي في السماء تزيني الدنيا و تنفعي الناس عالارض تضوي عليهم عتم ليلهم و إلي يضيع انت ترشدهم 😉
لحظة حب يتفسلس فيها علي 😚 اما انا فاهمة قيمتي عندو 😍 عالغفلة ريتو مع محمد غاطسين في الحديث و مشوار و جانا علي قال لازم نروحو؟؟ من غير حتى سبب خلينا الحفلة الي بدات تحلى.. دوب وصلنا للدار و لقينا الجو مكهرب و كثر الحس؟؟ رجال جو مسلحين؟؟؟ هكاك و هبط مالكرهبة عمي 😯 وجهو مقلوب؟؟ عنيه حمر جمر؟ تقول كان يبكي؟؟ بدا يعيط و يصيح و ما فهمنا شي؟ للي من بعد عرفت انو جاه خبر انو مرتو عملت حادث في الثنية ؟؟ يصيح و يهدد في علي انو لو ليه ايد في الموضوع مستحيل يسامحو؟ علي يطرد فيه و يقلو ما علميش و هو باقي يسب و يسفه و يتهدد انو لو تصير حاجه لعايلتو يشرب من دمي قدامو؟؟؟ كل شي لازم نكون فيه انا مركز الحكاية؟؟؟ ؟ دخلني غسان للدار انا و الجماعة و بقيت متحيرة على علي 💔💔 ما تهنيت كان كدخل و سكر الباب.. مشيتلو نجري
الحلقة 29
_علي ؟؟ لاباس
_ما تخافش لتوا لا حفظتو ديما يهدد بالفارغ
_ لا مش في الفارغ المرة هذي لازم نردو بالنا أكثر (غسان)
_اش نعملو أكثر؟؟ هانا محسورين في الدار لا دخول و لا خروج رواحنا طلعت أكثر من هكا شنوا؟؟ ؟ جرت المارك ( رقية تزرقلي علي دوب قلها يزي و تفرتت تبكي و تعارك انو فدت من كل شي و قالت انو مر راجلها خير على فكرة رقية كانت معرسة و طلقت و رجعت تعيش مع أهلها ولات تبكي للي سخفتني انو تعبت مالحصرة و الخوف من كل شي هو كنجو للرسمي الكل هكاك اما لزتلي ولات تحب تسيب غشها فيا وقتها علي بعدني و بخصها انو تفيق على وضعها و انو حد ما يغلط فيا للي طلعت لبيتها تهدد زاده هي انو نهايتي قربت 💔 للحظات وليت نوصل نتمنى بلحق تكون نهايتي قريبة 💔 عمري لا وصلت تكرهت في حياتي قد توا... رقية.. آمنه عمي ؟؟ الي قلبي ما قايلي خير على فازة عيلتو نتمنى ما تكونش ل علي يد في الحكاية مش مستعده نتصدم في علي هكاك 💔...
*
*، راسي باش يطرشق مالتخمام و الستراس 😫.. دخلت شعلت سيقارو و واقف في البلكون شارد..
_تحب قهوة ؟؟
تلفت لقيتها آمنه كلي ناقسها انا 😫 عطاتني قهوة هو الحق هاك وقتها اما هي لا.. كانت باش تمشي بسكات اما شي.. خزرتلي و بدات تتروتب و انو عمالي بيدي عملتو.. تاج انا دخلتها للدار و لحياتي و هذا اخر الي يتبع قلبو.. تحكي و انا باهت في كلامها قتلي انو متغر برشا ب تاج و سئلتني زعما تستحق التضحيات هذي الكل؟؟ زعما ترالك بيه ؟؟ كيفاش ممنها و مخليها بينا ؟كيفاش تأمنها قلبك و حياتك و اسرارك..؟ تسئل فيا و عنيها تقول مخبين عليا حاجات؟ ؟؟ خفت نسئلها تغلطني في تاج مرة أخرى سبق و تبعتها في حكاية ضياء زعما خسرتني في أكثر انسانه مصبرتني على الدنيا... طفيتها ما حبيتش نجاوبها و هي ما سكتتش في رد بالك مالماء الي يجري تحت ساقيك؟؟؟ اش تقصد هذي؟؟؟ ؟؟ اففف فدتتني خليتها و طلعت لبيتي لقيت تاجي استنتني للي غلبها النوم.. ركحتها في بلاصتها و بقيت نتفرج فيها
زعما يا تاج هذي انت بلحق و الا تمسكي عليا ؟ زعما انت مصارحتني بكل شي و الا تخبي عليا.. ؟؟ و الاهم من هذا زعما تستحقي ها الحب الي في قلبي ليك؟؟؟
_رد بالك تاج تكسرلي قلبي.. (قلتها بالشويا.. حلت عنيها عنقتلي يدي الي حاطها على خدها و كملت رقدت..).....
**** النومة مش مرتاحه.. فقت لقيت علي سبقني.. الوقت 10 اففف صبحت راقده.. انا نحضر في روحي و سمعت صوت تكبير و قرآن مالجامع؟ ؟ اليوم سبت؟ و مش وقت صلاة؟؟ هبطت لقيت الكل لاحظو كسئلت سوسن قتلي كيتوفا حد هكاك يكبرو و يرفعو الأذان.. الله أكبر. ❤️.. زعما شكون.. هكاك و جا الرد فيسع.. احنا ملموين عالفطور و دخل واحد من رجال علي وجهو وقلوب..؟ وشوش ل غسان و بعد..
_اش فما ؟ شبي وجهك تقلب؟
_غسان؟ ؟؟(منى)
_إنا لله و إنا إليه راجعون توفت مرت أحمد
_شكون أحمد؟؟
( خزرلي غسان يعني يحكي على أحمد عمي 💔تصدمت نستنى فيه يكمل.. معاه شكون ؟؟؟ خزرلي مرة أخرى و ملاحظ انو وجهي تقلب) و صغيرها مسكينه ماي حبلة 💔
خبر صدمني حطيت اديا على فمي بلحق خبر مخيبو 😭💔 مسكينه يرحمها الموقف كان خايب و خاصه بعنين الشماته الي ريتها؟؟ ؟ ام علي بكل صحة رقعة قالت "اييه يا ربي ذوقتهم ما ذقت" 💔💔💔💔😭 و رقية مشمته بإنو دعانا طاح فيهم و لا قالو زعما يكونش علي خذا بثارو و الله يطلع سيد و يكون عملها؟؟؟؟ علي لا مستحيل نقبل انو يكون ساقط هكاك. قمت من على الطاولة منرفزة و هوما يزرقولي في هاي حرقها الحليب في هاي حست عليهم... 😡😡😡 يخسايبوني كيفهم بلا قلب.. طلعت لبيتي نبكي و نغزل فيهم كان منى مزال عندها قلب خلطت عليا عنقتني و عزتني هي أم و تعرف معنى الضناء 😭..
_منى 😫 زعما بلحق علي يكون عملها؟؟؟
تربثت و من بعد شدتني من يدي و قتلي لا مستحيل يعملها خاطر لو حب يوجع أحمد راو من قبل خذا بثارو.. شي كلامها ما اقنعنيش ممكن علي استنى عمي يعمل كبدة و يحرقهالو وقتها بلحق يكون ذاق من نفس الكاس 💔💔💔😭 لا نموت كان علي تكون ليه يد قي الحكاية...
بقيت نغلي و نطلب في علي ما تحصلتش عليه.. سيا تسكرت في وجهي و عارفه انو الي باش نعملو هبال صافي عبارة ماشية للمشنقة بسقيا و في يدي حبل 😫.. غفلت الناس الكل و خرجت.. قلت نمشي نعرف كل شي وحدي...رميت فولارة على راسي باش ما يعقلني حد غامه وجهي و الحق خايفه من كل شي.. من علي. من عمي الي توا متأكده حياتي باش تولي جحيم أكثر... من غير ما نشعر لقيت روحي قدام دار جدتي.. الدار تملأ و تفرغ و برشا ناس وليت زرفت في وسطتهم.. نخزر لجدتي دايخه في وسط الدار و النساء دايرين بيها و هي و مرا أخرى يبكو بالصوت اللطف نديب و صياح الظاهر هاك نسيبة عمي.. على ذكرو قاعد مهدود فوق كرسي شارد.. الناس تعزي فيه و هو حركه لا.. 💔.. مستحيل يكون هذا عمي حالتو ما تعجبش.. انا متأكده انو مش باش يسكت على حق مرتو و صغيرو و يا رب يا تكونش ل علي يد.. 💔.. انا خارجه و عرضني واحد من رجال عمي.وقفني و بدا يسئل شبيني نتلبد و كطفيتو نحالي الفولارة و الظاهر عقلني 😵😵.. دزيتو و باش نهرب شدني ....😰
خفت لا يمشي يقول بيا ل عمي و يشد يذبحني فما.. اما هو هزني ل محمد.. افففف كشفتو هو تصدم و انا اطمنت شويا... قلو سيبها و برا لخدمتك
_ هبلتي ياخي ؟؟؟؟ سامحني اما الظاهر ما عادش عندك عقل؟؟ 😤
_ طار عقلي سيا و الله وليت مهبولة رسمي 😭
_امشي نبعدو منا... و الله عادي توا يقتلك قدام الناس الكل (شادني من مرفقي و يزرب فيا طلعني في كرهبتو و مشا) مش حل هكا في كل مرة تقنطر بروحك؟؟ بكري بركا علمت علي انو يتهدد عليكم و خاصه انت 😡
_اففف مليت مالخوف اش عندو يعمل؟ انا مليت😢😡
_ ههه قتلو اش عندو يعمل قول اش باش يخلي؟ هو ناقص و كمل عاد بموتت مرتو و صغيرو سيا نقم عالدنيا الكل ما عاد حد ينجمو
_حتى علي؟؟؟ 💔😢
_و خاصه علي😕
_ اش تقصد؟؟ أمان محمد (حطيت يدي على يدو هو خزر للفازة و انا بعدت 😕 اففف فاش قاعده نعمل) محمد أمان قلي الحق علي ما دخلو في شي هكا و الا لا؟؟
_ أن شاء الله ما يكونش ليه يد😉
_اه 😢؟؟ يعني انت بيدك شاكك فيه؟؟
_ أحمد عندو برشا أعداء و منهم علي 😕 الاكسيدون مع الأسف مدبر يعني الكرهبة بالذمة طاحت في الواد الشوفار مزال في الإنعاش حتى يفيق باش نعرفو السر الكل
_كيفاش عرفت انو طاحت في الواد؟ و انو في الإنعاش؟؟؟ 😕
_ هاك تفاصيل الحادث!! عادي معروفة
_,ايه انت منين وحيت بيها بالك لحظة سهو و الا يكونش الشوفار مريض و الا سخطه على راسو 😢😡
_ و باش تفسر عايلتو الكل نقلو منا قبل الحادث ب 3 ايام؟؟ لمو دبشهم و مشو ؟ و فما شكون قال انو خلص سوالو الكل قبل ما يصير الحادث
_ اش تقصد؟؟
_ ممكن هو متعارك مع عمك حب ينتحر و يعاقبو و الا
_و الا شنوا؟؟ ؟😕😕
الحلقة 30
باهتة و مركزه مع كلامو الي لها الدرجة فاهم و عارف التفاصيل هذي؟؟)
_ حد عاطيه فلوس باش يعمل هكاك اما كيما يقولو البحث يجيب 😉
_ محمد؟؟؟ 😕😕😕 وقتاش صار الحادث؟
_ اممم وقت دخل العام (لحظتها رجعت بمخي لتلفونات الي كلات علي و كيفاش خرج و من بعد رجع فرحان..؟؟ ذكرت كلام عيلتو في حكاية الثأر 😫😫😫😦 وجهي تخطف و خفت يكون ظني صحيح 💔) شبيك لاباس ؟؟؟؟ فاش تخمم
_شي 😫 لا حتى شي و زيد انت منين ليك هذا الكل؟؟؟ ياخي شكونك انت؟؟ في بالك انك تنجم تكون ليك يد?! اصلا انت تلعب عالحبلين مع عمي 😦😦😦 اييه صحيح و الله تنجم تعملها هبطني لنا هبطتني😡😡
كدخلت بعضي شاخ ضحك عليا ما عادش فيه قلي بلي فاهمة كل شي بالغالط لا لا مستحيل ظني يخوني خليتو يهبطني بحذا حانوت علي و قتلو ما عادش يجي على ساحتي و هو شي باقي يضحك غزلني كقلي هاو علي باش يبعثك ايام ل أمك حتى يهدأ الجو تو نفهمك كل شي 😡😡😡😡 هو مشا و انا قريب نترما انحيلو لحمة شكونو هذا الي يعرف كل كبيرة و صغيرة؟؟؟ ؟؟
***
غاطس في الخدمه و نخمم فلي صار ل أحمد و تذكرت اكا الغيمة السودة الي تعديت بيها اخيب و أصعب فراق 💔.. جاني تلفون من عند واحد حبيب بعثلي قضية و نتفاهمو على الفلوس
_ اتهنا الفلوس حاضرة كيما تفاهمنا تحب الزيادة ادلل و تو نبعثها في أقرب وقت انت خدمتني في أكثر حاجه نستنه فيها ليا سنين ( انا نحكي تلفت لقيت تاج ورايا تسمع فيا وجها مقلوب مصدومة؟؟؟؟ وليت علقت معاه؟؟؟) تاج ؟؟؟
( اش تعمل لنا؟؟؟؟ كيفاش جيت؟ شبيك؟؟ ؟ ادخل (تتحرك مصدومة؟؟؟) انطق كيفاش جيت؟ 😡😡😡
_مع شكون كنت تحكي؟؟؟
_شنوا ؟؟ يا ولى حوال تاج 😡😡😡 تعرف الي صار و هذا خطر تخرج مالدار
_علي جاوبني؟؟؟؟ 😫😫😫
_ فاش تخمم ياخي ؟؟؟
_امانك علي 😭 قلي انو ما عندكش دخل فلي صار 😢
_شنوا؟ ؟؟ صار انت شاكه فيا؟؟ لا عاد كثرتلها هكا يا تاج 😡
_ ما نحبش نشك أما انت تلزني 😢 و زيد داركم فرحو و قالو انت خذيت بثارك 😭😭 امانك علي قلي (كريتها بكات غاضتني تاج بنية حساسة برشا قربت منها خليتها عندي تطمان)
_ تهنا يا تاج ممكن مزلتي ما عرفتنيش بالباهي علي عمرو ما يقتل الولايه 😉 (زادت عنقتني و ظاهرة فرحت انا مستحيل نقبل تعيش حد مرارت الي تعديت بيه و لو عدو و لو أحمد حسابو غلا اما نفضوها رجال خير..) و توا فسرلي شنوا عطاك مخك و جايا لنا راو خطر عليك
_مش عارفه 😅 مليت مالخوف من كل شي مليت من اني نعيش مانيش ضامنة نكون حية غدوة؟؟؟ شنوا ذنبي انا 😔
_ذنبك انك من عيلة اللبة و مرت علي 😉 و توا خليني نوصلك و اعرف مزلت باش تتعب أكثر عمك مش ناوي يسترجل نارو عليك قايدة قلت نبعثك لأمك فترة ابقا غادي في بلاصة آمنه للي نفضي مشاكلي معاه باهي؟؟
*،*لحظتها ما لقيت ما نقول؟ تذكرت كلام محمد 😦 تي شكونو هذا و كيفاش عرف برنامج علي 😔😔... انا عجبني الحل نمشي لأمي خير مالعيشة في خوف و مع العقارب... وصلنا للدار خليتو يكسر في راسو و هو يقنع فيهم انو ما عندو حتى دخل و انو الشماته حرام و شي 😕 حضرت دبشي قلهم انو باش يهزني لأمي.. انا كنت متفرهدة اما خزرات آمنه قبضولي قلبي 😏😏😏... للحظة كنت باش نبطل البروقرام 😦 زعما علاش ناوية ها العقرب 😕....
** مخي مش مرتاح لها المشية قلبي باش يقعد متحير على تاجي 💔.. خايف عليها من كل شي.. البعد مش في صالحنا جمله الزوز باش نقعدو متحيرين.. ثنية كاملة و هي توصي فيا باش نرد بالي و تعاود في نفس الجمله انو هي واثقه فيا و مصدقتني.. كلامها مفرحني اما انا الي كاري نصارحها قداش خايفه لا تخسرها.. وصلتها لدار امها.. بنفس الخزرات متع العاده فيهم حب و خوف.. تاج ودعتها على أمل انو نهارين نفض فيهم حساباتي مع أحمد و نرجع حمامتي لعشي...
في البلاد أحمد عام فيها فسادا مسيب غشو و حقدو عالناس الكل.. معايا مش منجم يسيب هبالو خاطر عارف نقطة ضعفي ماهيش بجنبي.. ديما يتهدد و مش حابب يقتنع انو الي قاعد يجني فيه نتيجة الكره الي زرعو في قلوب الناس ليه.. انسان مكروه لدرجة انو برشا شامتين.. 💔..
*** _ و الله دوب دورة خفيفه و نروح صدقني امانك ياخي محكوم علينا بالخنقة؟ لا مزال بكري و برا قريب تظلام الدنيا عادي هاني قرابي ؟ (هذي امي بالسيف ما قنعتها انو نحب نخرج نتنفس.. اخخخ متوحشة الحرية.. متوحشة نخرج ندور و انا نضحك فرحانه مليت من اني نتحرك و انا نتلف على جنابي.. عملت دورة في البلايص الكل شخت تفرهدت طلبني علي مشيت تخبيت في بلاصه ما فيهاش حس كرهب و عباد و طمنتو اني بخير 😅😅.. و اخيرا يا تاج عشتي لحظة هكا.. متعت نظري بكل حاجه عرضتني.. وليت نخزر لوجوه العباد نثبت و نتبسم.. 😅 يقلك مهبولة هذي 😂... اخرتها دخلت لجردة قعدت نتفرج في الصغار ضحكتني تصرفاتهم... عملت جو مع ضحكاتهم... نخزر للعباد حسدتهم انهم عايشين اليوم بيومو ما غير ما يكونو مهددين و مضغوطين كيفي 💔... مش حابه انكد على روحي.. سمعت صوت طفل صغير يبكي ورايا تلفت ريت امو تعنق فيه سكت.. الحمد لله لقيت امي باقي كيفاش نقاوم ها الدنيا وحدي.. على هزة عيني كبتييت زوز رجال كايني يعسو عليا؟ ؟؟😫
* تلفت "يا ربي زعما ناوين الخير و الا الشر؟" عاودت خزرت جات العين في العين معاهم.. قمت طول نجري نحب نتلفهم و هوما في جرتي... يا ربي استخسرو فيا لحظات راحه 💔💔💔💔.... بلي جريت انا بطبيعتي ما عنديش برشا souffre و زيد الوجيعه في حزامي مع التعب تقوا بيا... حبيت نراوغ و نتلفهم اما شي خلطو عليا و هوما يصيحو آقف فيسع آقف 😭💔... كونسوني مع كرهبة.. الناس الكل باهتين...
_عاونوني يحبو يخطفوني اجرووووولي.. يا شرطة يا ناس 😭😫😫😫(نصيح حد ما عاوني)
_قتلك آقف و هز اديك لفوق 😡(خرجو السلاح حطوه مقابلني 😩 شنوا حكايتهم هاذم تابعين عمي زعما 😭😭😭)
_شكون انتم؟؟؟
_ اسكت و لا كلمة علاش هربت؟؟ اوراقك فيسع 😡
_أوراقي؟؟؟ ياخي شكون انتم؟؟؟ ( لحظتها بهتت فكلي ساكي و يفركس فيا و انا ما فوقي حتى ورقة؟ قلي شنوا اسمك و انت منين؟؟ برشا أسئلة للي دخلت بعضي و كمل عليا الناس حضبت؟؟ كقلي شرطة معاك اففف لحظتها و الله اطمنت.. أما اش عملت انا؟؟ قلولي لازم تمشي معانا شدوني لبسوني مينوت & و هزوني لكرهبة ماهيش متع شرطة هذي؟؟؟ ؟ يا ربي قريت في عنيهم الشر قلت يبداش فيلم 😫😫😫.. زدت خفت كبدا يتكلم بالالغاز 😩.. اخ يا تاج مكتوبلك الشقاء 💔...
_يا خويا فسرلي شكونكم انتم علاش هكا 😔😔
_ اسكت تو كتوصل تفهم كل شي
_اش باش نفهم؟؟؟ بعثلكم أحمد؟؟؟ 😡 اكيد هو هبطووووني فيسع (بديت نصيح للي عيط عليا بكشت ضربة وحده 😕 و الله فجعني.. وصلنا للمركز؟؟ هام طلعو شرطة بلحق؟؟؟ دخلوني تقول جايبين مجرمة جاني احساس هو فما شكون لعبلي لعبة امسخه 😔😔.. دخلوني لبيرو قعدوني خذو اسمي و كل معلومات عليا
_وين ماشي خويا 😩😩
_ استنه لنا تو يجيك شكون
_و الله غالطين فيا و زيد ما فسرتوليش اش فما ؟؟؟ ( انا نحكي معاه و نحاول و هو مطفيني و يجاوب بكلمة و قص اخرتها قلي انت تعرف اش عملت؟؟
الحلقة 31
ما عملت شي هذا الي نعرفو قلي بغش تتبهنس ؟؟ اش يوصل ملازم في الداخلية يطلب يجيبك في أسرع وقت؟؟؟ اش عمتلو ؟؟ يصيح و يعيط عليا؟؟؟ شكون هذا و انا وين ندري اش من بلوة زرقا طاحت على راسي زاده 😩😩😩 قلي ما تعرش الملازم أمير؟؟
_شكون هذا منين ندري عليه انا؟؟؟ و الله لا نعرف حد بالاسم هذا 😔 (انا نحلف و جايبه ما عندي و سمعت صوت نعرفو 😱😱😱)
_يزي عمران خلينا وحدنا (اه؟؟؟ تلفت مصدومة هاو محمد هذا؟؟؟ اش صاير لنا؟؟؟ خزر للي معاه قلهم قلتلكم جيبوها هكا تعملو فيها؟؟ مدغشش عليهم قرب مني خلي مينوت و انا نخزرلو مصدومة؟؟
معقول يشبهلو لها الدرجة؟؟ و الا يكونش هو؟؟؟) هههه شبيك تصدمت هكا ؟؟؟
_ممحمد ؟؟(مربوثة)
_ههههه ايه و لا bon انا بالنسبة ليك انا محمد 😉 اما انا الملازم أمير (نخزرلو حاطط الحطة و في جنبو سلاحو مش كالعاده مهنتل ؟؟؟ اه تذكرت كل شي كل حديث بيه بالالغاز؟؟ يعني كان في مهمة 😡 و كان يستبله فيا 😡 غزلت عليه كيفاش يضحك عليا خاطرني مصدومة نقزت عليه شديتو من خناقو نعيط عليه و نصيح هو يضحك اما الي معاه نغرو و صدقو حطو السلاح فيا و بصوت واحد أمروني نهز اديا لفوق للي ترعبت 😩😩
اش الهم في روسهم يخوفو.. محمد ركح الجو معاهم خلونا وحدنا.. انا للي قعدت..
_لاباس توا ؟؟؟؟ سامحني انا حبيت نفسرلك انا شكون اما الاولاد بالغو معاك
_بالغو؟؟ ؟ تي زعما قتلوني ؟ ما تعرش عندي السكر راني فجعة أخرى و الله نموتلك لنا 😩
_اللطف عليك ( تفجع بزربة حلي دبوزة الماء عطاهالي مربوث؟) ايه لاباس توا تحبش نهزك للسبيطار ؟؟؟ بلحق سامحني ما كنتش نعرف
_ كهوا كهوا لاباس عليا اما و الله مخيب لعبك 😡
_ سامحني ( يقلي فيها الكلمة بكل سهولة و من غير تعقيد.. و من قلبو زاده بقيت باهتة في خزرتو و تصرفاتو و من بعد قلت نفهم راسي من ساقيا خير سئلتو شكون هو و كيفاش دخل حياتنا
المهم هو اسمو أمير و جاتو مهمة بإنو يكشف عمايل عمي اما الحل الوحيد كان انو يدخل مندس معاه و زيد يقرب من علي يعني 2 en ١ عارف علي عندو المعلومات الكل..
الي قلقني انو ماللحظة هذي لبست سر جديد 😭 ما لازمش علي يعرف حقيقه أمير خاطر لمصلحتو يبقا متعاون مع الشرطة خير 💔 دجا علي في التحنديرة الزلقة بفلقة... افففف مليت مالاسرار 😣... سامحني يا علي انا مضطرة نسكت خاطر تهمني مصلحتك ❤️... وصلني أمير للدار و انا مش مقتنعه بلي قاعد يصير نبهت غلبه ما عادش يظهر في حياتي وليت خايفه نلقا نطيح في عنين علي و نبان كيفي كيف عايشة؟؟ رغم مستحيل نكون هكاك اما ما يهمنيش الرجال ما يخمموش كيفنا.. أمير بيدو عارف انو لمصلحة الكل تبقا بينا des limites...
***روحت للدار راسي باش يتكسر عهدي بروحي نعمل في كاس الظاهر كثرت.. دخلت الكوجينة ما لقيت حد نحب على قهوة تفيقني.. 😣 راسي سيا جوجمني هكاك و جاتني آمنه.. هو صحيح مانيش طايقها اما لحظتها استحقيتها وصيتها على قهوة... و هي لقاتها فرصة باش تبدا تترمى و تتقرب مني..
_ تو نذوقك ابن قهوة من ادياتي تخليك الليله عمرك ما تنساها 😉
_اعمل بركا و يزي بلا طول حديث(جبدت حكة كانت مخبيتها قالت بلي قهوة فاوحة و بنينه.. انا نحب نتكا ما عادش فيا ولات قتلي برا لبيتك تو نخلطها عليك.. اعز حاجه نشد فرشي خير.. طلعت اففف البيت بلا تاجي ظلمة بلي شعلت الضو شي باقي ظلمة 💔.. هكاك و دخلت آمنه و سكرت الباب؟؟ حابب اناقشها تقلها اخرج اما شي لساني رزن.. دوب تشرفت القهوة و حسيت روحي عنيا ضببت.. نرى فيها قربتلي برشا مش منجم نسمعها فاش قاعده تحكي.. و كهوا ما عادش منجم نذكر شي.. ترميت على الفرش بكلي...
. نسمع في صوت تلفوني يصوني.. ما سكتش ورى بعضو هزيت و انا عنيا بالنوم لقيتها تاج.. طلبت حبت تتطمن على كل شي بو حبها الي هبلني.. علقت لقيتو الفجر طلبتني خاطر تعرفني وقتاش في العاده نقوم.. راسي رزين.. حليت عنيا مليح لقيت روحي بلاش مريول؟؟ غريبه مش في عادتي نرقد هكا.. تلفت على جنبي الآخر لقيت شعر بجنب مخدتي؟؟؟؟ ؟؟؟ ترعبت شششكون ؟؟؟
آمنه 😱😱😱😱
_اااش تعمل لنا؟؟؟؟(فاقت مفجوعة و راقده بلاش حوايج ؟؟؟ جبدت الملحفة ليها و ولات تبكي؟؟ ؟؟) اش صاير لنا؟؟؟ (راسي يوجع وين نتحرك نحسو يصوتي😫 تكلم حل فمك اش تعمل في فرشي شي باقي تبكي و انا نحب نفهم اش صار و خايف لا حد يسمعنا؟؟؟؟ لقيت روحي راقد بسليب؟؟ ؟ يا ربي لش صار ليلة البارح؟؟؟ جبدتها من يدها باش تقوم و تفسرلي بحشمة بعدت و دخلت للدوش تبكي؟؟ ؟؟ شبيها هذي ؟؟ تلفت لبلاصتها لقيت.. 🔞... الظاهر انو صارت بينا حاجه 😣😣😣😣 يا.. 🔞🔞.... سيا... 🔞.... مشيت فيها انا حاطط اديا على راسي لبست سروالي بزربة و مريولي 😩 اففف يا... 🔞... شنوا ابي صار مش منجم نذكر شي نضرب في راسي شي مش مذكر... هكاك و خرجت وجها منفط ماابكاء. ؟؟؟؟قعدت عالسرير وجها في القاع؟؟؟؟
_ سيا يا علي 😭😭 انا ادمرت
_آمنه ما صار بينا شي؟ صحيح ماو (قربت منها على ركايبي نحاول) أمان قلي الي هذا خرم و انو ما صار شي بينا؟؟؟ تكلم شبيك ساكتة؟؟ ؟
_ لازمنا نخبو يا علي امانك استر عليا 😭😭😭
_شششنوا نستر عليك؟؟؟ ما عمتلك شي انا؟؟؟ 😦😦 فاش تخرفي
_هذا الكل و نخرف؟ ؟ علي أنت استغليت اني ضعيفة معاك 😡 استغليت اني نحبك و اني عادي نكون معاك اما مش لها الدرجة😭 سيا مشيت فيها انا اه لو تعرف خالتي تقتلني
_اي؟؟؟ انا خالتك متع... 🔞🔞... ما تبديش.. 🔞.. ما صار شي ليلة البارح انا مستحيل نخون تاج 😡 مستحيل نمس مرا غير تاج 😡مستحيل نقبل على روحي (مغزل عليها شادها من خناقها للي قريب نطلعلها روحها)
_سيبني 😢 لا بابا خنتها لتاج و معايا البارح رقدت معنقني و صار بينا الي صار 😡 ما يهمنيش فيك تصدق و الا لا الي يهمني انو ليلة البارح صحيحه انا مانيش باش نطلب منك شي عادي باش نسكت علي صار مش على حاجه اما خاطر نعرف مش باش يرحمني حد 😡 (لبست دبشها فيسع و هزت الملحفة الي كانت عالفرش و قحرتلي٥و خرجت؟؟؟ يا.... 🔞... ياخي نحلم و الا حقيقه؟؟؟ حابب نرجع مخي للي صار البارح و شي. 😱💔...)
الحلقة 32
دوشت قلت بالك نتفرهد و نصحصح شي 💔💔 مخي سيا تبلنتا... اه يا علي لو تكون عملتها بلحق 😫😫😫....
خرجت مصهمم.. حاير.. حتى امي تكلم فيا مانيش نسمع فيها.. عرضتني آمنه لاعبه فيها تبعد في عنيها مني... انا كان نلقا نقتلها و ندفنها بعملتها هاك أرحملي... 💔..
_ علي يا علي شبيك شارد (غسان يكلم فيا و انا و الله لا عاد سامع حد) شبيك؟؟ ؟
_ اه؟؟ شي اش فما؟
_ اجا نخرجو لبرا لازم نقلك على حاجه (وجهو مقلوب و الظاهر مصيبة أخرى كلي انا ناقص 😫..) علي أحمد مش ناوي يعديها برجولية البارح مش عارف كان فقت و الا لا اما جا لنا أحمد و عمل فيلم العاده مش مصدق انو ما عنا حتى دخل فلي صار 😏 تسمع فيا؟؟؟ ؟(هو يحكي و انا شردت نذكر ليلة البارح ما سمعت شي؟؟ تقول مخدر... اكا.... 🔞.. آمنه زعما اش عملت فيا باش هكاك صارلي.. 😡..)
_ خليه ما يصدقش يخسايب الرجال الكل... 🔞.. كيفو و غدارة 😡
_اما..
_اما شنوا ؟؟؟ انطق يا غسان؟؟😏
_ قال بلي عرف بلاصة تاج 🙄
_ شنوا ؟؟؟؟. منين باش يعرف 😡😡 اكيد يفلم عليك
_لا يا علي تحسو يحكي و هو واثق
_يا غسان صلي عالنبي؟؟ بخلافنا احنا منين باش يعرف؟ اصلا كعبات الي يعرفو انو تاج عند امها؟ شكون الي باش يخونا و يبيعنا لكا... 🔞... هذاكا؟؟( هو كنجي للرسمي حد ما يحبها ل تاج 💔 اصلا انا ظالمها ب العيشة معايا و اكيد غدرو بيها كالعاده.. بنرفزة بعدت نطلب فيها و هي عاد تعكس كنكون متحير عليها 😡 ينجم يكون اكا الساقط يفلم اما انا غلطت اني خليتها بعيدة عليا.. نطلب و نعاود شي 💔💔 جربت طلبت امها بعد مرررج هزت و قالت انو تاج مشات تقضي للفطور و تو فيسع ترجع 😡 مش حابب نفجعها على بنتها اما قلتلها دوب تخلط تكلمني urgent 😡😡... لازمني نمشيلها... شديت الثنيا مرعوب من كل فكرة تجي ل مخي مانيش ناقص وجع جديد هكاك و جا لبالي محمد؟؟؟؟ طلبتو و سئلتو وين انجم نلقاه طلع مش في البلاد لنا؟ اصلا هو أقرب لوين موجوده تاج.. قتلو انو اكا... 🔞.. مش ناوي عالخير
و قلي تو نتصرف.. اطمنت شويا مع اني مش عارف الي عملتو صحيح و الا غالط كيفاش نمن تاجي عند براني.. 💔..
** محلاها الحرية.. نقضي على راحتي نتخيل في روحي عايشة مع علي في دار صغيرة في بلاصة. Calme بعيد عالمشاكل الكل 😊 زوز نحبو بعضنا عايشين مع قصة حبنا رايضين في مخاخنا من غير ما حد يكنبننا ☺️ نقضي لفطور نطيبو من ادياتي bon نتعلم قبل 😀😀.. تذكرت فازة علي كمسكين غصب على روحو ماكلة حاشا نعمة ربي برشا باش يفرحني 😂💔 علي مسكين عامل مجهودو باش تنجح قصة حبنا 💔❤️.. الرحمة يا ربي من ناس تحبلنا الشر... على ذكر الشر.. جيت نخلص في الكاسة ما لقيتش ستوشي؟؟ ؟فيه فلوسي و تلفوني؟؟ ؟😅تهنتلت خرجت وجهي احمر مالحشمة يا ولى فضيحه؟؟ نسيتو و الا طيحتو ؟؟ بديت نذكر في الثنية عاونت شكون مطيح دبشو 🙄 ممكن هو سرقني لحظتها 😒😒 ووه عليك يا تاج ديما معدينها عليك 💔 تقول مانيش مرت علي ☹️☹️.. بقيت واقفة نخمم كيفاش نروح توا 😒.. لحظتها ثبت في دايرين بيا الكل؟ حسيت روحي ملي خرجت من دارنا نرى في نفس الوجوه؟؟ تقول يتبعو فيا 🙄... بلعت ريقي بالسيف... زعما رجال علي؟؟ لا لا زعما شرطة حاطتهم أمير ماو قلي باش نحميك ؟☹️☹️...
* عملت روحي مانيش شالقة و بلحق تبعوني... يا ربي شكون هاذم.. لقيت بوتيك متع نساء دخلت و بقيت نعس عليهم تلمو يحكو مع بعضهم و تقول يخططو لحاجه 😫...
_تفضل مادام وزال؟؟ (تلفت مفجوعة..)
_سسمحني اختي تعرف رقم المركز الي في وسط البلاد؟؟؟
_ ايه😐 لاباس ماو؟؟ ؟(نحكي معاها داخلة بعضي و خايفه)
_ شفت هاكم حسيتهم يتبعو فيا 😫 نحب نطلب الشرطة
_بالطبيعة تفضل اجا معايا ما تخافش OK( دخلتني معاها بيرو و طلبتلي الشرطة انا خايفه لا يخلطو عليا يدخلو 😢.. على اعصابي للي قتلي هاك تكلم هزيت التلفون. و انا إيدي ترعش قلتلهم تعدولي الملازم محمد تي قصدي أمير 😢 قلولي لحظة... انا حاسه قلبي ولى يسمع لبرا.. هو قال آلو و انا عبارة واحد غارق و لقا شكون يمنعو.....
⬅️⬅️ أمير ملي كلمو علي و هو على اعصابو و نادم كيفاش ما هوش مع أحمد باقي يعرف كل خطواتو.. باقي يغزل في بيروه بعث رجالو لدار تاج يعسو تروحشي. هكاك و جاه عون قلو فما شكون يسئل عليك ؟؟ لحظتها طول جات لبالو تاج مشا يجري هز سمع صوتها ارتاااااح... قتلو انو فما شكون يتبع فيها و انو هي خايفه.. كان لازم يطمنها انو كل شي مريقل خذا ادراس متاعها و قلها شويا آخر نكون بحذاك.. سئل كان فما باب آخر للبوتيك.. ما لازم يراهم حد مع بعضهم... بقات تاج أطل عليهم و تتخبا للي ملات البوتيك خافت على حانوتها و على روحها قلتها سامحني اما كان تخرج خير 😢.. هو عندها الحق اما تاج كانت مرعوبة من انو يكونو هاكم رجال عمها المرة هذي ماهوش باش يرحمها....
هي خارجه مالباب البراني و على وصول أمير 😀😀😀 مشاتلو تجري مالفرحه هو لابس كابيش مش ما يعقلو حد.. شدها من يدها و جراها لازم يبعدو على كل شي... هكاك و مولات البوتيك شلقت بربثتها و باش تسكر الحانوت ولو دخلو بالسيف يلوجو و بعيطو عليها ويني البنية ولات مالخوف قلتلهم هربت مالباب الي من تالي... خلطو عليها يشوفو فيها تجري شادها أمير حابب يزربها في بالو كقوتو هو كقوتها..
الحلقة 33
⬅️⬅️ تنطرت من يدو.. هو لو كان ليه عمرو ما يسيبها.. طاحت جات على وجها.. بكلها تزلعت.. قيمها و هي سيا مش منجمة حتى تجبد النفس.. داخلة بعضها..
_تاج يا تاج ( ينطق و يتلذذ في اسمها كملت خزرتلو بعينيها للي دخل بعضو..) عيشك صحصح مش وقت تعب توا هيا نزيدو نبعدو
حابه تقلو مانيش منجمة اما شي.. لامة ساقيها الي ادمدمو سروالها تقطع ركايبها بالدم و يديها.. حسها موجوعه شدلها يدها منين كان شادها من نزلتو عليها تحصر الدم؟؟ خزرلها بآهت ؟؟ و هي كاابنية الصغيرة شعرها هابط على وجها و تحب تبان قوية اما مش منجمة.. اخرتها حطت يدها على كرشها... وجايع الدنيا الكل تلمت عليها... أمير بقا يعس يتعدوش مالبلاصه هاك.. يتلفت يلقا تاج حالتها ما تعجبش.. مسؤولية كبيرة بالنسبة ليه.. هي آمانه ! و الا حاجه آخرى..يملأ في عنيه منها بسكات...
💔💔هل أخبرتكم من قبل أن (الصمت) أحياناً يكونُ مخيفاً جداً .. يكون موحشاً جداً ..
يكون قاسياً .. وجارحاً .. ومؤلماً ..💔💔..
الصمتُ مخيفٌ لأنه كالمساحة الرمادية بين الأبيض والأسود ..
كالأحرف الواقعة بين الـ( نعم) والـ( لا )💔💔💔...
_أمير.. (كلماتو تلفتلها يخزر لعنيها طول...) تعبت ما عادش انجم نزيد نقوم 💔..
زاد عليه الحمل.. و كإنها بعنيها قتلو انو توا تستأمو حياتها... يهرب وجهو من عليها.. تحط يدها على أديه يتلفت..
_باش نفسدلك خدمتك الكل سامحني 💔( ما ركزش مع الكلام قد ما ركز مع السخانه الي تعدتلو من اديها.. للي قلبو قوات ضرباتو.... نتحسَّسُ مواضع قلوبنا ..
لنكتشف أخيراً أنها تحترق
بِـصمت !..... 💔...
تاج.. الي يرى عنيها يعشقها... على هاك الي يحب يبحر في زروقية عنيها.. لازم يكون غطاس....
تبسملها و قام من بلاصتو لقاهم يتلبدو جبد سلاحو عليهم...
_محمد؟؟ (فما شكون عقلو و بهت كيفاش جاي في صف تاج؟؟) سي أحمد عطى ordre راو؟ ؟؟😐
_سيك وحدك و توا هز رجالك و طير منا 😡😡
ما فهموش الي صاير اما أحمد كان مأكد عليهم تاج لازم تكون عندو ... في المواضيع هذي ما يفيدش الكلام... لغة اللسان ما توصل لشي... فما كان لغة السلاح...
** ما عادش انجم أمير كابس على يدي باش ما نفلتش منو و نجري معاه اما شي و الله لا عاد انجم نخزرلو بإني سيا تعبببببت دار بيا دورة على اساس نتلفوهم للي سقيا رخت طحت...
***** يا ربي انا شنوا عملت في حياتي باش نكون هكا نهز ساق تغرق الأخرى... ما عادش منجمة ظلم أكثر من هكا 💔💔😭😭... بقيت نبكي.. بلحق تعبت من كل شي.. ما عادش خايفه من صوت الكرتوش و الا تجينيش رصاصة طايشة... أمير كيفو ل علي ربي مسخرو ليا باش في كل مرة تعكسني الدنيا نلقاه اما لوقتاش أنا باش نقعد سبب مشاكل و دم و قتل بين الناس الي نعزهم.. 💔.. مش منجمة حتى ناقف على ساقيا دوب قمت خزرت لأمير يقلي اقعد في بلاصتك و يعيط و يصيح و حاميني بصدرو.. شديت روحي للي قربت منو شديتو من جنبو.....
⬅️⬅️⬅️ دوب حطت يديها حس روحو تقول شلاتو على الحركة وقفت بجنبو تقول أيست سيا من كل شي هو يبعد فيها وراه و هي تتطايح يد شادها بيها و اليد الآخرى يهدد انو حد ما يقرب... يصيح و يعيط و يخطف نظراتو يطمن عليها.. تخزرو في عنيه و تبسمت... و طاحت عالقاع 😢😢😢.... لحظتها ما كانتش هاماتو كان هي داختلو.. يصيح يقلها قوم مش وقت ترخ توا و شي... تاج لا الموقف و لا صحتها في صالحها.. هكاك و قربو منو فكولو سلاحو بلي حب يقاوم و يدافع علاها ما نجمش... تحامو فيه ضرب للي ما حس بشي آخر حاجه شافها واحد من اكا.... 🔞... محمل تاج و طلعها في كرهبة....
*** خلطت لدار ام تاج؟؟ مزلت ما روحتش شي يهبل 😡زدت طلبت تلفونها مسكر حرت في مخي.. على هزة عيني حسيت فما شكون مركز معايا؟؟ يكونش اكا الكلب باعثهم يعسو على تاج.. تبهنست عليهم تعديت بجنبهم هوما تلفتولي و انا جبدت سلاحي عليهم.. هوما بيدهم خرجو سلاحهم.. طلعو 6 ?? بدو يعيطو" هبط سلاحك" مساكن في بالهم اللعب معايا بقيت للي قربو مني و أنا شادد سلاحي فيهم.. للي واحد منهم جبد يتكلم انو طالبين تعزيز؟؟؟ ياخي شرطة هاذم؟ يا ولى زهر.. 🔞.... قربو مني يصيحو هبط سلاحك و هز اديك لفوق 😡🔞.. مانيش ناقص مشاكل وليت طاوعتهم و طول جوني حطولي مينوت؟؟ ؟ ما خلوني نفسر شي ركبوني في كرهبة الشرطة و انا نصيح نقلهم سيبوني مش وقتو توا و شي 🔞🔞🔞🔞🔞.... متع الزهر..
للي خلطنا و هوما يكلمو في بعضهم انو شدو مشتبه بيه؟؟ تي فاش يخرفو يا... 🔞.. وصلنا انا نقلهم مرتي مخطوفة و لازم نلقاها و هوما هات اوراقك و رخصة الفرد و و و. 🔞.... انا واقف يفركسو فيا و يسئلو اش هزك للدار هاك ؟؟ و منين تعرف تاج؟؟؟ يا... 🔞... باش ناخو ترخيص باش نقابل مرتي؟ ؟ كقلت هكاك خزرو لبعضهم و واحد منهم قلهم سي أمير هاو جا؟؟ ؟شكون زاده هذا؟؟؟ نحولي المينوت و يلمولي في دبشي الي فركسوه و لمحت حد تعدا نعرفو؟؟ ؟؟؟ خرجت و هو يعيط آقف آقف؟؟ ؟؟؟
_محمد؟؟؟؟
تلفتلي انا مصدوم و هو أكثر مني؟؟؟؟ مدمدم حالتو في حيط؟؟؟ ؟ لحظتها كان تاج جات لبالي مشيتلو نجري شديتو من خناقو و نعيط ويني تاج شنوا صارلها ؟؟؟؟؟ و هو راسو في القاع.. يبعد في عنيه عليا و قال للي غادي يبعدو؟ ؟؟؟؟ شكون هذا؟ شنوا الي صاير؟؟
_غدر بينا اكا.. 🔞.. ما نجمتش نمنعها
_شششنوا؟؟ يعني توا تاج في يدين أحمد 😡😡😡😡 (هو قلي ايه و انا نكون نعقل وليت نسب و نكسر و نعيط سيا تاج ضاعت مني 😡😡😡 هو ما خلى حد يمسني شدني لصقني الحيط قلي فيق على وضعك لازم نمنعو تاج توا هاك المهم... شكون هذا الي قدامي؟؟؟؟ مش عارف؟ داخل للمركز تقول رزق بوه سلح روحو و طلب تعزيز و قلي هيا ما نضيعوش الوقت
_استنه الساعه 😡😡 شكونك انت؟؟؟؟
_تو بعد تعرف 😡توا الوقت مش في صالحنا لازم نخلطو 😡(هو تلفت و انا دورتو حطيت سلاحي في رقبتو للي الجو تكهرب)
_قتلك شكونك انت 😡😡 (دزني بعدني و جبدلي "شارة الشرطة" بوليس معاك بلحق تصدمت 😡 آخر حاجه كنت نخمم فيها يعني هي هي و عgبها عليا 😒.... 🔞...)
الحلقة 34
علاش ما قلتش مالاول 😡
_خدمة 😡 الي فسدت توا كل شي طاح في الماء و كان نكملو نقجمو هكا حتى مرتك باش نخسروها زاده 😉(على اكا الكلمة شديتو من يدو)
_نخسرها هاااا مريقل
_ (تبسم تبسيمة حقرة) مريقل 😉
هذا مش ناوي الخير.. تاج اه يا تاج ماكش ناوية تشدي الثنية هذا السر رقم قداش الي مخبياتو عليا 😡... كان لازم نقبل الوضع مادام لصالح تاج.. محمد ناوي يعاوني و باش نخزر للموضوع مالناحية هاك حاليا.......
ركبت معاه في كرهبتو و هو وصى رجالو يتبعوه من غير ما يشلقو.. وجهو عاقدو.. مدمدم و منرفز تقول تاج تعتيلو؟؟.. بقيت مغزل عليه..
_أيا فسرلي عاد من وقتاش تاج تعرف انك بوليس؟؟ 😡 نكلم فيك 😡
_يعني وقتو توا؟؟ ؟؟
_محمد 😡
_أمير مش محمد 😒
_ (تبسمت بغزول) يا.. 🔞... شنوا ها التخلويضة ؟
_شو أخطاك من هذا الكل توا و خلينا فلي احنا فيه انت تهمك مرتك توا و انا (سكت شويا) يهمني نشد اكا... 🔞.. خاطر هاك خدمتي مالاول 😉
_ايه مريgل اما تاج اش دخلها في ها... 🔞.. هذا الكل 😡
_ أحمد دخلها في الحكاية مرتك مرتين أحمد زعما قتلها 😡 و توا مش عارف شنوا حوالها معاه و انت هامك كان منين تعرفني 😡😡
(ولى يصيح و يعيط عليا هو لو مش الموقف راني فورتو بكرتوشة في نص راسو.. أما كلامو صحيح لازم نطمن الأول على تاج و من بعد تو نتحاسبو الكل 😡.. وينك يا تاج...
*** _قوم قوم (عبد يصيح صوتو بعيد.... صب عليا ماء بارد...)
_اه اه😨😨 ( قمت مفجوعة.. حليت عنيا لقيت برشا رجال دايرين بيا... خفت.. ملوحة عالقاع.. لميت ساقيا.. بالسيف ما نتحرك.. هكاك و ريت كسرة قلبي.. 😭💔.. همي مش عمي 💔.. قلو راو لقاني مع محمد و راو بيوع و مش عارف منين تعرفو.. الحاصل صبلو الصبة الكل.. يا ربي دمرت خدمة أمير الكل توا.. جاني عمي من شعري شدني للي شواني قلي شكون محمد من رجال علي؟ يصيح و يعيط عليا و انا عاضة على لساني ما حبيتش نقول حتى كلمة.. دورها ضرب.. صمتني و انا
قلت نموت و ما نقولش انو بوليس تجي منو و لا مني...)
_فاش شكون تحمي يا فرخه يا كلبة شبيك هكا (يضرب و يسب مغزل كيفاش ديما عاكساتو😭)
ياخي ما عندكش دمنا يا هم انت شبيك راضعة الغدرة لينا اش شربك علي (يصيح و يضرب فيا بهستيرية) شنوا يعمللكم علي باش تحبوه و تعشقوه هكا 😡 تكلم.. يعيط عليا و يضرب بساقو في كرشي... نحس في حزامي يتقطع عبارة حد يرشق في سكاكن فيا... ضرب متع مهبلة.. ما ارتاح كان ما سيا عنيا ظلامت على كل شي..........
⬅️⬅️ وصلو اخيرا بعد ثنية كاملة نقير و عرك و يهددو في بعضهم.. علي يكره في الدم الشرطة و خاصه المندسين في نظرو هاكم أسقط خلق الله.. و أمير يكره نوعية علي يحبو كان رواحهم و كل شي على كيفهم... أما توا وقت الرسمي.. كان لازم يكونو على قلب واحد.. تفاهمو على خطة.. وقت أمير قنطر و دخل ل أحمد باش يتصرف على اساس انو خطة و انو حابب يلعب على علي.. حكاية تنجم تكون حولة بالنسبة ل أحمد...
ملي دخل أمير عنيه على كل بلاصة يلوج على تاج... عرضوه رجال أحمد فهم انو كانو في اجتماع.. وصل ل أحمد الي لقاه رابط يدو بقماش ابيض للي حمار بالدم 😡.. كبس على بونيتو خاطر عرف انو فما تسوقيط صار في حق اكا البنية الي نسمة الهواء تنجم تجرحها.. 😡...
_اهلا ب محمد؟ تي وينك يا راجل
_ سي أحمد سامحني تعطلت (يقول فيها بغصب في داخلو كان يلقا يقسمو في ثنين..)
بقا أحمد يتبهنس يسئل على وين كنت و برشا أسئلة ولى قلو انو شاف تاج و كان حابب هو يجيبها ليه على اساس يبان بكلمتو و انو وفي ليه.. أحمد حاجات كهكا شاف منهم برشا ما كانش تنجم حكاية هكا يصدقها.. أمير يحكي و يلوح بعنيه شاف في قاع دم 😡😡..
_شنوا سي أحمد فما شكون في البتوار؟؟
(في قلبو يقول يا رب مش تاج مش تاج)
عمل هكا و اطرشق أحمد بالضحك قلو خدمة ليها برشا حابسة و زيد أمور عائلية (كقالو هكاك شد راسو خاطر تأكد انو هاك دم تاج 😨..)
_اسمع انا حكايتك ما جدتش عليا اما كان بلحق تحبني نصدق؟ تعمل الي باش نقلك عليه توا 😉
.. لحظتها أمير حس انو باش يتحط في موقف عالحيط بين مسؤولية حياة تاج و خدمتو.. الي في لحظة مستعد يضحي بيها المهم تاج تكون بخير... قرب منو قلو نحب نحرق قلب انسان غلب عليا .. سكت شويا و قلو علي.. نحب نخليه يسف التراب مالقهر.. أمير يبعد في عنيه من أحمد باش ما يشلقش انو على اعصابو...
_شنوا المطلوب 😡😡
إجابة فرحت أحمد.. قلو لو تعمل الي نقلك عليه توا بلحق نصدق حسن نيتك خاطر أكثر ما نكره الغدارة 😉.. قلو تبعني.. هزو لبيت مسكرة.. بلاصة ظلمة موحشة.. أمير يخزر لكل التفاصيل منين الدخول منين الخروج.. خزر للقاع شاف دم؟ عبارة حد كركروه فما.. قلبو تقبض.. معقول تاج لنا.. 😨.. يبلع في ريقو بالسيف.. قرب منو أحمد و وشوشلو.. ادخل.. صوت الهمس متع استفز أمير.. يعض على شفايفو باش يبقا calme.. الباب تحل بالشويا.. دقات قلبو عمال تقوى.. هو يا باش تكون تاج غادي.. يا احمد ناوي يغدر بيه لداخل........................
على هزة عين أمير للي في وسط البيت.. شاف جهامة مش ظاهرة شكون.. قرب شويا.. أحمد شعل ضو البيت 😨😨😨😨.. تاج.. مدمدمة بكلها... وجها كلو دم..دايخه في عالم آخر.. مش معروفة حية و الا ميتة... أمير عنيه للي حمارت مالغزول.. كبس على بونيتو.. خمم يجبد سلاحو و إلي يصير خلي يصير.. أما كان لازم يطمن على تاج قبل.. دجا هاك مفاهمتو مع علي.. الي قاعد لبرا يستنى على نار بالسيف ما مهدينو البلوسية .. كل دقيقه يقول ندخل للي فكولو سلاحو باش يهدأ و ما يفسدش الخطة..،💔... أحمد قلو ادخل ما تخافش. ..
_ياخي ماتت؟ (كلمة قالها بالسيف.. يدعي يقلو لا لا لا..)
_لا (اففف تهنتى) عمر الكلبات طويل 😡.. هكاك هي ديما مصححة راسها هاني كسرتو اليوم باش تتعلم تسمع كلامي (قرب منها و زادها ضربة على كرشها للي قامت من دوختها و صاحت.. أمير على اكا الصيحه زعما جبد سلاحو.. أما كراها حلت عنيها تهنا.. هي بيدها شفاتو... بعنيها حكاتلو ألف حكاية....
🌟🌟عيناها تربكني ، تحبط افكاري تمزقني ، تعيدني الى السطر الاول عيناها ليست كأي عين يعجز التعبير عن وصفها في عيناها بحر من الكلمات..من الحزن و من الآهات.. في عينيها سحر لا أفهمه.. 🌟🌟..
الحلقة 35
بقو يخزرو لبعضهم في سكات... للي قص عليهم أحمد بالتسوميم.... قلو نحبك تفرح بيها.. كلمة مش مفهومة؟؟. أمير خزر لأحمد بحقد و غل و حقرة؟؟
_شنوا نفرح بيها؟؟ 😡😡
_ريgل جوك معاها 😉 كان عالضرب تهنى خذت بايتها اما توا نحب نقتلو ل علي
_ استنه استنه باقي ما فهمتكش؟؟ 😨(( أمير فهم اما من صدمتو في كمية التسوقيط متع أحمد هي الي شلتلو مخو؟ ؟ معقول فما عم في الدنيا هذي؟؟؟ يقبل يلعب ب شرف بنت خوه؟؟؟ ؟؟ شنوا ها الحقد الي عماه و خلاه بلا قلب؟؟؟ ))
_شنوا توا 😡 ما تحبش انت فما غيرك 😒 يتمنى ها اللحظة (خزر أمير لرجال أحمد كل واحد ريقتو سايلة 😡😡😡 هو يموت و لا يصير شي ملي يخممو فيه.. تاج ولات تبكي و ترعش دخلت في هستيرية متع خوف... خزرلها أمير حابب بنظراتو يطمنها...)
_باهي
***_باهي شنوا ؟؟؟( لحظتها سيا حسيت مخي تحرق؟؟ شنوا إلي أمير قال عليه باهي؟؟؟ ؟ معقول انا تحطيت في ها الموقف؟؟؟ يا رب تطلع حلمة مشومة؟؟ عمري ما تخيلت عمي توصل بيه التسوقيط انو يخمم يعمل هكا 😭😭💔💔 أمير عمال يقرب مني.. و انا نقلو لا امانك لا💔💔 هو انا واثقة فيه اما خايفه من غدرة عمي.. 💔..
طبس عليا أمير.. يخزرلي و بعنيه حابب يطمن عليا.. فهمت كلامو رغم كان ساكت انو ما تخافش ما دامني معاك. 💓.. مش عارفه كيفاش اعمل اما خرج تلفون و حطو بين ساقيا.. وليت فيسع حطيتو ورايا.. عمي واقف يضحك مع رجالو.. قرب مني أمير تقول باش يبوسني للي قلبي وقف... حابه نصيح نبعدو اما شديت روحي 😭.. كقرب وشوشلي "ما تخافش" بهمس بصوت خفيف.. هادي... ريحني.. اطمنت.. للي قريب يخلط من فمي و هو بشفايفو يقلي "اطلب علي"
لحظتها دخلتو في حوايجي.. .. عمي ولى يخمج في مخو في يا محضرك يا علي و تسوقيط..
_احم شنوا سي أحمد قدامكم هكا باش نريقل اموري؟؟
انا بهت فلي قالو.. كبست على ساقيا.. مخيبو الموقف.. عمي خزرلنا و من بعد ولى يضحك و وقفو قلو لا قوم هو انا صحيح ضارب في راسي اما مش لدرجة... 🔞... هذا... لحظتها الزوز تنفسنا.. أمير قام و خرج مع عمي و الرجال و انا اطمنت شويا.. افففف قلبي ما عادش فيه.... يا ربي سترك عليا... تقويت قمت.. قربت مالباب تأكدت انهم بعدو.. و طلبت علي 😭💔....
* سبيت.. عاركت.. ايدي شبعتها ضرب بونيات عالحيط.. على اعصابي نحب نطمن على نجمتي مش مخليني ندخل 😡😡.. هكاك و تلفوني صونا ؟ لقيتو محمد.. و اخيرا أخبار على الي صاير لداخل..
_آلو تي وينك. يا.. 🔞... لتوا لا خبر لا.. ( سكوت.. صوت نفس بالسيف ما طالع..) آلو محمد؟ 😨
_آلو (صوت؟؟؟ صوت تاج تتكلم بالشويا)
_تاج ؟؟؟ وينك يا عمري طمني عليك
_ علي 😭(تبكي للي عصابي توترت 😡)
_يزي بلا بكاء و قلي لاباس انت؟؟
_ علي😭 اجا خرجني خايفه
_باهي اهدأ و قلي محمد معاك؟ شنوا صاير لداخل باش نهبل لنا تاج؟؟ يا تاج تكلم
_ما نعرف شي (تتكلم و تحبس تبكي و ترجع تتكلم) هو قلي كلم علي (مش منجم نفهم شي ماابكاء و ظاهرة موجوعه دوب صوتها خارج.. هكاك نحب نزيد نفهم و سمعت كثر بحذاها الحس و عياط و هي صاحت و تقلو "سيب سيب" ما فهمت شي الصوت تقطع.. انا سيا هبلت في راسي مشتلهم قلتلهم انا داخل و إلي يصير خلي يصير 😡😡 بلي حبو يشدوني ما نجمونيش و زيد سمعنا صوت كرتوش جاي مالمخزن متع اكا.. 🔞... دخلنا نجرو...
⬅️ تاج تكلم في علي.. و واحد من رجال أحمد فاق بيها ولى فكلها التلفون و خرجها من شعرها يكركر فيها لعرفو.. أمير كشاف تاج هكاك تنطر يجري شد خناق اكا الواطي.. و عطاه بونية نطرو... أحمد ولى يضحك و قلو زايد هي هي و شلقت على روحك ما شديتش روحك.. سيا أمير تسكرت في وجهو نسى مهمتو و كل شي ما هاماتو كان تاج الي بين ساقيه قاعده تتوجع و تبكي مالقهرة... 😡😡 جبد سلاحو و سيا ما عاد هامو شي..😡😡..أحمد بقا يتهدد و يعارك انو الزوز باش يندمو.. و رجالو بدو بضرب النار.. أمير بعد تاج تخبو و هي ترعش.. عارف روحو ما ينجم يعمل شي.. هكاك و كثر الضرب....
** باقية ندعي. يا ربي.. راني تعبت بلحق سيا ما عادش انجم أكثر من هكا تعب.. أما الي شدني هو خاف أمير عليا؟؟ بصيفة غريبة عندو خزرة متع خوف و كإني أبعد من اني نكون امانه عندو.. قاعده بجنبو متحامية بيه و هكاك و سمعت صوت كرتوش جاي مالباب.. اه.. علي 😍.. و اخيرا و الله قلبي خرج من بلاصتو مالفرحه.. و اخيرا اطمن قلبي بشوفتو... بقات عنيا عليه.. علي و أمير صاوبو رجال عمي الكل بقا كالكلب وحدو.. انا ما عادش منجمة نرى علي من بعيد.. هو خزرتو ليا ذكرتني في أول مرة شفتو.. تذكرت يوم طحت و هو قيمني.. يوم دافع عليا.. يوم منعني و شد في أيدي و ما خلانيش... 😍... علي... قمت بالسيف ما نتحرك.. و ماشيتلو نتبسملو رغم مسكين عنيه للي مدمعين كيفاش نرى حالتي. 💔...
** يا كسرة قلبي بلي نرى فيه.. وردتي ذابلة.. نجمتي طافية.. تاجي..💔.. هي جايتني تحب تتبسملي باش تبردلي النار الي شعلت فيا كريتها هكاك....
🌟🌟 كان لقاءنا الأول نظرة أخرست قلبي و ادخلتني في دوامة حبها... عيناها اللامعتين أسرتني بنظرة واحدة لا أذكر ما حل بيا بعدها...
تحمل حزنا كبيرا لا أحد يستطيع حمله.. تخبؤه بين لمعة عيناها و إبتسامتها الشاحبة....
موهوبة هي نجمتي في تخبأة حزنها.. لكنها لا تعلم أني أستطيع قراءة حزنها دون أتعلم....
و موهوبة هي تاجي في رسم الابتسامة على ثغري دون شعور منها و دون جهد... 🌟🌟
خلاتني تبسمت كإطمنت انو هي مزلت واقفة على ساقيها رغم إلي تعدا عليها الكل.. هكاك عنيا علاها.. محمد قاعد يعطل في حركة أحمد للي تخلطلي تاجي و نشدها من يدها.. ايد مديتها ليها و ايد حاطط سلاحي وين متخبي لكا الكلب أحمد 😡😡... و مش عارف كيفاش وقف و حط القناص في تاج.. وقفت في بلاصتها.. خزرتلي بعنين انو الظاهر انو كل شي وفى... لا مستحيل نقبل حكايتي معاها تحبس لنا.. حطيت فيه طول..
_هبط سلاحك يا كلب 😡😡😡 (نصيح عليه و نعيط.. هو تقول مقنطر بحياتو رغم برشا حاطين فيه اما هو حابب يوجعني حابب يعذبني و يذوقني مر انا مليت من اني في كل مرة نشرب منو... محمد يصيح بإنو الزوز لازمنا نهبطو سلاحنا.. و انا مطفيه..... يضر شعرة من تاج انا نقصفلو عمرو 😡😡....
⬅️⬅️ أمير دخل بعضو بين تسوقيط أحمد.. بين تاج الي حياتها في خطر بين علي الي زاد عقد الحكاية.. الامور ولات حكاية ثأر... تاج جامدة في بلاصتها حركة لا عنيها على علي...صياح كل واحد من شيرة يعيطو على أحمد باش يستسلم.. أمير بدل بلاصتو.. وقت أحمد لاهي بثأرو.. يخزر بنظرة المتشمت في علي و الناقم الحاقد من تاج... كل شي يصير في لحظة!! تتولد حياة في لحظة.. تتسرق حياة في لحظة... و توفا حياة في لحظة...
الحلقة 36
أمير جا ورى أحمد و بخفة يد فكلو سلاحو و شدو.... تنطرت الشرطة كملو عليه المهمة.. لحظتها... علي في مخو كان تاج قرب منها الي مش مصدقة انو ها الكابوس وفى.. تخزر لأمير يحط في المينوت في يد الي عذبها و ابدع في تعذيبو ليها.. لنا وفا عذابها... معاه وفات حلمة مشومة كانت عايشة فيها بعذاب.. هو خزرلها جات العين في العين.. تبسمتلو انو و اخيرا خلصت...
**** و اخيرا. 💔.. في لحظة حسيت الدنيا صفااات... حسيت غمة من قلبي تتحات.. حسيت روحي تولدت من اول و جديد.. ☺️.. علي يكلم فيا.. يحرك فيا و انا لا عندي لا قوة و لا جهد.. حاسه براحه و فرحة.. اييييه.. أما سيا حاسه روحي وفيت.. عمي كمل استهلكي آخر طاقة كانت ليا... علي يمس فيا يثبت في جروحي و الضربات على وجهي.. قربني من صدرو حاسني موجوعه.. كلمة ما قلتهاش للي ولى يحرك فيا بقوة..
_شبيك ساكتة تكلم 😡😡( زاد شواني.. يصيح و يقلي اش عملك الواطي باش هكا صار فيك.. أمير بيدو جا مفجوع.. وجهو للي تقبض.. يقلو علي اش عمللها الكلب 😡... يعيط و شد خناق أمير.. الي بعدو و قلو الي شفاتو مش شويا.. يزي كسرتها بإنو عمها دمها و لحمها سبب عذابها.. لحظتها خزرتو... صحيييح.. هاك الي انا حاسه بيه... علي جبد سلاحو و قال خليني ناخو ثاري منو.. بقا أمير يهدي فيه انو حاشتنا بيه حي.. قلو خلي يتعاقب على عمايلو الكل.. للي عمي ريتو خرج يخزرلي بعنين و كإنو مش مسلم.. بعنيه مزال يتوعد فيا 😡😡.. أما أنا لنا توا خلصت منو 100% من حزني و مشاكلي هو.. اليوم رتحت.....
⬅️⬅️ علي في مخو كان الثأر... أمير حابب خدمتو تكمل على نسق صحيح.. الزوز في لحظة أنانية كل واحد حب الأمور تصير على زي راسو.. هكاك في عركهم و نتقيرهم كسرت الجو هاك تاج..
_يزوو (قلتها بصوت موجوع.. بلي حبت تعلي صوتها مش منجمة... 💔😢... يزووو قلتها خزرولها الزوز.. هكاك و سيا عطت لبدنها الحق انو يرتاااح.. طاحت قدامهم... الزوز تصدمو و مشولها يجرو.. علي حطها عندو و يفيق فيها و هي مش معاه جمله.. أمير بيدو حار.. حابب يعطي لروحو حق و يطمن اما بحضور علي... صعيب.. . قلو هيا حملها.. و هو مشا يجري خدم كرهبتو.....
تاج متعودة على كل ها التعب.. كل ها سيناريو السبيطارات.. الوجايع.... خوف علي.. كل ولى عادي في حياتهم.. أما توا سيا.. حتى تاج قامت من كسرتها ماخذة عهد مع روحها انو سيا ما عادش باش تكون تاج هاك المكسورة البكاية.... ماليوم تولدت تاج جديدة... عدت ايامات في السبيطار حتاش تحسنت صحتها.. رجعت لدارها وين لقات علي امها سوسن.. منى هاكم فرحو بسلامتها... جمعة تعدات على اكا الكابوس.. أما باقية تاج وين ترقد ترجع بذاكرتها لكا اللحظات الصعاب.. و حتى أمير يجي على بالها و خاصه وقت قرب منها.. كل ليله تحلم بيه تقوم متقلقه.. تحب تنسى الي صار.....
*** فديت من نفس الحلمة؟ انو انا وليت مع أمير؟ ما عادش حابه لا نراه لا نسمع عليه شي و خاصه نشوفو.. طار عليا النوم.. قمت خرجت ماابيت.. لقيت روحي في الكوجينة... قلت برا ناكل حاجه.. هكاك و سمعت حس في الكلوار؟؟ عبد يوشوش وليت تخبيت نسمع في آمنه تحكي مع حد اما كلامها مش مفهوم.. تقلو جيبلي سلعتي و تو بعد نخلصك ؟؟
* تعيط عليه و تقلو غدوة تجيبلي كونشي و الله ندمرك.. الحاصل علقت.. و دخلت الكوجينة.. انا متخبية ورى الخزانه و نخزرلها.. حلت البلنكار و جبدت حكة العاده.. مغزلة كيفاش فارغة 🤔... اديها ترعش ؟؟؟ تعضعض في صوابعها؟؟؟ لحظتها تذكرت برشا حاجات؟؟ القهوة.. الشيخه وقت نشربها انا و سوسن.. حتى تذكرت فازة عمي و السلعه الي كشفها علي و لونها كلون البن 😨😨😨 حطيت اديا على فمي 😫معقول آمنه مدمنة و زيد حبت توصلني نولي كيفها 😡😡 اخخخخ منها.. 😡.. حاجه باهية اني كشفت ها السر 😂 و الله و طحت في اديا يا لفعه.. هي خرجت و انا استنيتها ما بعدت و خرجت رجعت لبيتي.. تتفست و اخيرا شديت زلة عليها ☺️ توا الزلقة بفلقة معايا يا آمنه الكلبة 😡...
*** فقت على تلفوني يصوني.. نجمتي راكشة تحتي تضحك. 😀.. هزيت لقيتو حمه شبيه عااصباح؟ قال انو ما حبش يطلع الصباح مالفرحه؟؟ فرحه و اخيرا ها الكلمة دخلت معجم حياتي.. قال انو ربحت في انتخابات شيخ البلد الجديد 😂😂 اففف مله خبر انا تولى ولات عندي سلطة جديدة باش نخليها في صالحي و صالح الناس الكل.. خبر استنيتو ليا برشا.. توا بوجودي ما عاد حد يخمم يضر المنطقة الي نعيش فيها 💓. علقت عليه و انا طاير مالفرحه.. و اكيد لازم حد يقسمها معايا.. و اكيد اولهم تاجي 💓 هبطت عليها بوس للي فجعتها من بعد ولات تضحك... ضحك هستيري.. لينا برشا عالقومان فرحانين هكا 💓💓💓 شخت فيها حب 💕
من بعد خليت باي للعيله الي الكل فرحولي.. أمي حلفت يمين تقيم الأفراح.. انا ما حبيتش بحكم مرت أحمد تسمى جارة ولو بعيده علينا اما موتتها جديده اكا شي حد ما ينجم يكسر امين امي 😅... بدو يبرمجو وين و فين و شكون يستدعو.. ليسته كاملة تعملت وقت الفطور 😅..أمي قالت ما ننسو حد من الكبير للي يدبي عالحسير.. يا ولى حوال.
_علي 😍
_يا رووحو ل علي.. (تخبينا عالعنين و جبدتها عندي.. بكلها تضحك... نوارة و تفتحت.. و خاصه عنيها.. اه لو تعرف سبب عذابي انو منهم.. 😍😍😍)
_ قلت كان تخليني نمشي مع منى عندها كنترول عند الطبيبة و قلت نتعدا نشري روبة لها المناسبة ما تنسناش راني مرت شيخ الجبل 😍😍😍☺️☺️☺️ (تبلفطني بضحكة عنيها.. خزراتها.. تصرفاتها الي تشعل ناري. 😍. من غير ما نشعر نوافق حتى ناكل الجمر ☺️...)
**مشيت اما و منى للطبيبة.. محلاها أجواء تكون المرا حبلة متحمسة لموعدها مع الطبيب و لكل شي...😍... نتمنى ربي يرزقني فرحة هكاك.. دخلت و بقيت نستنى فيها.. حررت الوقت نعمل في دورة هكاك و سمعت اسمي؟؟؟؟
_مادام تاج؟؟ (تلفت لقيتها الطبيبة الي عدات عليا قبل... خفت لا تراني منى معاها.. قربت مني سلمت و سئلتني على صحتي قلتلها انو لاباس عليا اما هي قالت انو حاولت برشا مرات توصلي.. ذكرتني بآخر مرة كجيت بيصت في السبيطار قالت انو الطبيب الي باشرني كلمها و قلها على جديدي.. الضرب الي كليتو على حزامي سببلي نزيف صغير.. انا نبعد في وجهي و هي قربت مني و قتلي انو هاك مالورم و قتلي علاش مكبرة راسك و اسمع الكلام راك باش تزيد تتعب.. كأنا نقلها لا ما بيا شي انفعلت قالت انو عمرها ما رات حد بكسوحية راسي يا خي ما عندك حد ينصحك انو قاعده تلعبي بعمرك؟؟ هكاك مركزة معاها و ريت منى ورانا بالضبط باهتة مالكلام الي سمعاتو.. الطبيبة مشات و هي قربت مني و شدتني من يدي.. مسكينه عنيها حايرين؟ ؟.برا عاد اش يفضها توا 🙄... مرجتلي الكبيدة للي لقيت روحي نحكيلها مش عارفه الي عملتو صحيح و الا لا 🙄🙄🙄.
فهمتها انو ها الكلام يبقا بينا.. مرجتني علاش نلعب بصحتي و بالسيف ما قنعتها اني حابه نفرح علي بصغير و تو من بعد كان فما عمر تو نعملها العملية 😏... وجها تقلب مسكينه مش قابلة فكرة ها السر.. هي تعرف علي لو يسمع يقلب علينا الدنيا الكل اما خليتها توعدني انو يبقا بينا الحديث هذا... و هذا ما نتمناه انا...
ما حبيتش الجو يفسد سئلتها عالبنبينو و طمنتني انو بخير 😍.. و كملنا تعدينا قضينا لرواحنا و عدينا نهار مرتاحين لا ضغط و لا عسة و لا خوف 💓....
الحلقة 37
***** كملت التحضيرات الكل... مهمة و مسؤولية جديده.. أما حاسس روحي فرحان 💓... أو هما نتمى ديما نكون هكا.. في الدار.. آمنه مش مفلته حتى لحظة تراني فيها ما تبداش تذكر فيا بلي صار... الشي الي تحب تقنعني بالسيف انو صار.. انا ديما نقتلها بسكاتي و حبي ل تاج.. هي لو بلحق صار بينا حاجه عمرها لا تفلت الفرصه هاك... طلعت للبيت.. حابب نعيش فرحتي كامله بعيد على كل نكد.. ملي حليت الباب.. لقيت نجمة ضواية بزين ما صارش.. تاجي كيما عمري لا ريتها.. حطة و بوهرة.. تمنيت نسكر عليها فما و لا نخلي حد آخر يمتع عينو فيها...
_شنوا هذا الكل سايس يا مدام
_ههههه اش قولك؟ (أدور بروبتها 😍..) ظاهرة مرت شيخ الجبل ☺️☺️☺️؟
_ظاهرة مرت أكثر إنسان محسود انو عندو زين هكا في حياتو ❤️.. تاجي (شديتها من اديها بستها من خدها الي حمار من خزراتي بلحق كليتها ماكلة هو لو الوقت مزال كنت كليتها بلحق 😍😍..) كيفاش نصبر روحي الليله على كل عين تراك تقول محلاها؟ كيفاش قلي ؟؟ و انت تعرفني نغار عليك مالنسمه؟ (قربت منها و هي تبعد و تقلي مش وقتو و تو تفسدلي مكياجي 😅 خسارة فلتت عليا فرصة نذوق من اكا العسل إلي يقطر من فمها 😍..)
** خليت و طلعت نضحك هههه مله مهبول تبليت بيه.. الكل في الدار شهدو اني طلعت مزيانه حتى حماتي و الله ماني مصدقة قتلي "تبارك الله عليك "🤔🤔 impossible 😂😂.. أمي و منى و الكل تمنولي الفرحه و الضحكه في عنيا تبقا على طول... آمين... اكيد ما نحكيش عالحقودات هههه هاكم خليهم في داهم 😜... مشينا لوسط البلاد وين باش تصير حفلة كبيرة هي شعبية و جو حفالي تلمت الناس الكل.. ❤️.. بقيت انا و حماتي نستقبلو في النساء و علي و غسان في الرجال.. قاعده مقابلاتو و هو كل شويا يغمزني و الا بعنيه يخدم في مخو ☺️☺️☺️😂 و اكيد ضربات حزارة خاصه كيدخل حد و يعطيني ضربات بهتتة 😂😂..
_ربي يستر لا نباصي على حد الليله
_هههه وسع بالك
_علاش انت هكا؟😉
_وه هكا شنوا؟؟ 😏
_مزيانه برشا ؟ 😀(فجعني للحظة قلت باش يعلق على لبستي و يفسدلي كيفي.. باقين كل مرة يجي حد.. تعبت مالتسليم.. علي و امو ما فلتو حد... كنت باش نمشي.. . هكاك و وصلت كرهبة أخرى 😅 برا عاد عديت السهرة في الباب 😆.. ركح في شعري.. نستوي في الروبة... و على هزة عيني لقيت أمير هابط منها 😯😯 ليا برشا ما شفتوش... دخلت بعضي.. علي خزرلي و من بعد قرب من امو قلها انت استذنتو هذا؟؟ قتلو لا؟؟ رجع خزرلي
_بالطبيعه خاطيني وه 😣
⬅️⬅️ أمير هبط مالكرهبة بكستيم.... عنيه طول جات على تاج.. هي تبعد في عنيها اما هو بكل رقعه خزرلها من فوق للوطه و تبسم و خاصه انو شاف على وجوهم حيرة؟ يعني علي مقدر رجلة أمير معاه اما مش لدرجة يستدعاه على مناسبة خاصه؟.. جا طول ل علي سلم و من بعد سلم على ام علي.. بالطبيعه تاج ممنوع.. يا دوب بعنيه قلها السلام.. بالطبيعه كان لازم يفهمهم سبب جيتو؟ على اساس شكون؟
_ يعطيكم الصحه ع invitation
علي خزر ل غسان و امو؟ ما حبش يgوارو انو ما استدعاه حد للي ولى يتبسم و قلهم انو انتم بعثتم invitation لرئيس المركز متع المنطقة هذي 😅 و انا من نهارين شديت ل poste هاك عاود سلم على علي
_ معاك الملازم أمير رئيس المركز الجديد 😉.. (خلاهم الكل مصدومين و خاصه تاج.. الي دخلت بعضها.. علي شمها قارصة... عارف روحو قادم على صراع جديد.. هاك ما جاه في داخلو...)...
*** أمير دخل و انا حسيت روحي دخلت بعضي يعني ما ريتش من نهار اكا الحادثة لا شكرتو لا حكيت معاه.. هو سبب اني عايشة توا.. خزرت ل علي شيعو بعنيه للي دخل.. كابس على بونيتو.. علي مغيار برشا و اكيد توا باش ترجع حليمة لعادتها القديمة 😣😣... خليتهم و دخلت مشيت بحذا امي و منى... للي بدات السهرة.. كثرت الناس و تعبت من كل بلاصة.. نرى في علي برشا دايرين بيه من كبارات المنطقة كهوا لاهي معاهم.. انا حبيت نصنع جوي بلي نجمت
. الغناء محلاه وين نحاول نحرك روحي و نتفاعل مع الغناية نلقا كان أم علي تgحر و الا بنتها تزرقلي اففف قداشهم كبي.. بعدت عليهم.. هكاك و قربو مني نساء الحومه و المنطقة هاك و يهبطو فيا بالسيف نشطح.. اكيد مالاول ما حبيتش حشمت و ك علي قلي ب عنين ميسالش.. اكيد لازم نبانو شعبين ولاد الشعب 😊😊 لقيتها فرصة فطقت مواهبي 😁😁.. هوما دايرين بيا و اكا لعبت فيها فيفي عبدو زمانها.. نرى في علي نازل على شفايفو باش يقلعهم 😂😂😂 مالغزول.. طفيتو هههه قلت بخصة ماكلتها عربي و الا سوري عاد نتفرهد توا و خلي الي يصير من بعد يصير..
هكاك و شفت أمير.. واقف مقابلني عنيه ما ترى مالناس كان فيا.. لحظتها تقول سرقني مالعالم الكل و ملي دايرين بيا.. نذكر رجولتو و وقفتو معايا و خاصه كلامو.. "نموت و ما يصيرلك شي.." و برشا حاجات.. بلي حبيت نبعد عنيا ندور ندور و تجي فيه... اه منك يا تاج ماش قاعده تعمل.. اخرتها ريت آمنه مشاتلو تسلم و تخزرلي و تتكلم.. نموت و نعرف فاش تقلو.....
⬅️⬅️⬅️ اكيد هي بركا تموت و تعرف انتم لا 😂 إماله أنا فاش قاعده نعمل 💓...
قربت آمنه من أمير.. سلمت عليه و بدات تجبد عليه بالمرتاح انو كيفاش عداهالو علي فازة يجي لدار العيله كمندس.. أمير قلها هاك متطلبات الخدمه ما صار شي... ولات ركزت مع خزراتو الي طول في تاج.. تشطح و تتمايل.. أمير ما يكذبش على روحو.. تاج هاربه بيه ل بعيد... 😍...
_مزيانه اه؟
_أمم شنوا؟؟ (كان شارد..)
_تاج 😉
_ اه 😅 اكيد تبارك الله عليها
_ تعجبك؟
_ كيفاش يعني؟؟
_هههه شنوا كيفاش سؤال ظاهر ☺️
_ اسمع يا شسمك؟
_آمنه 🙃
_ وي آمنه هاك قطعة مزيانه و ما صارتش و تعجب رجال العالم الكل اما الي في مخك انت!! هاك حازو علي 😉 و بصحتو امو راضية عليه تخليك توا. ( بعد ما شربها تهنتيلة ما صارتش ههههه بقات تغزل و تفرك ما عادش فيها 😂.. أمير شاف تاج بعدت على العنين و استغل الفرصه)
الحلقة 38
**** انا قاعده نعاود في rouge-à-lèvres متاعي بالسرقة و حسيت حد جا؟؟ اه هاو أمير هذا..
_ كيما كل مرة تراني تهرب 😉
_ اهلا بيك
_ماكش هاربة يعني؟؟
_ لا اما هاك ترى برشا عباد و فيهم عقليات تاعبة
_فهمتك 😉 حبيت نسئلك على صحتك لاباس توا؟
_ لاباس و انا بيدي هذي فرصة نشكرك على كل شي ☺️ (نحكي معاه و نبعد في عنيا وجهي احمر و داخلة بعضي)
_ من غير مزية تستحق حاجه تعرف وين تلقاني (كقال هكاك زدت حشمت.. في قلبي نقلو الله لا يجعل بينا لقاء آخر.. قتلو اني راجعه نسهر.. أنا مشيت و هو كعادتو عنيه ما تنحاتش عليا.. من بعد كيما صارلي.. الرجال هبطو علي يشطح ههههه اول مرة نراه هكا يضحك.. داخل بعضو.. و هبطو أمير.. الزوز عاطين بالظهر لبعضهم.. قلبي للي ولى يضرب بقوة.. حاسه كالنار تشعل بينهم.. ما نجمتش حتى نمتع عيني ب علي و هو زاهي هكاك 😣...
_ شنوا كثرو عليك؟ (آمنه تتموصت) نكلم فيك من غير ما تمشي لحظة (شدتني من يدي و ما نجمتش نعمل حتى ردة فعل الناس دايرة بينا ما لازمش يصير حتى فضح..وليت طاوعتها)
_ اممم و بعد؟؟
_ مرة ضياء مرة محمد و الا أمير و الا اش سماه ربي؟ ياخي ما تتربيش؟؟؟
_ اعرف اش تخرج من فمك الناس تسمع فينا (قربت منها) نذكرك الي ضياء انت و جماعتك حطيتوه باش تفرقو بيني و بين علي اما تهننو ما تنجمو تعملو شي 😉
_ههههه انت تقول هكاك 😊 يا حسرة ككنت نهدكك انو باش نفكو ل علي توا c'est déjà خذيت الي نحب نوصلو 😊
_مرخصك و الله ؟ تحكي على راجلي نذكرك و ربي يشفيك على مرضك هاك ما نقول
_شبيك ما تحبش تقبلها الحكاية سيا علي يا حسرة ككان ليك بركا (شدها ضحك هستيري و تقلي ذقت منو؟؟؟ اش ذاقت ها الكلبة يذوقها المر 😡.. خلاتني و مشات و انا ركبني العصب 😡 نحب نقنع روحي انو هي عملت هكاك باش تنكد عليا 😡 اما شبيها تحكي بثيقة الهم هذي 😡... بقيت مغزلة للي شلقت شديت كرسي و قعدت.. للي وفات السهرة... روحنا ساكتة.. الكل يحكو و عاملين جو كان انا.. طلعت لبيتي بدلت دبشي.. للي خلط عليا علي...
**_ ليلة محلاها تعدت نتمنى نكون في حسن ظنهم الناس الكل
_امين و أجمعين (بقلق قالتها)
_شبي حبي هي؟
_ حسن ظنهم و ظني زاده 😉
_ايه بالطبيعة (جبدتها عندي و هي ظاهرة تحب تحكي حاجه..) تكلم 😊
_اممم وليت تعرفني يعني أيا باهي.
_تاج
_باهي بركا تعرف اليوم بنت خالتك هاك شعرة و لا نتفتها تنتيف 😡 (هي جات تقوم و انا رجعت قعدتها عندي.. كجبدت على أمنه انا بيدي تقلقت سيرتها متع مشاكل ظاهرة)
_شبيها ؟
_تتموصت سممتلي بدني الهم في راسها 😡 شبيك تخزرلي هكا ؟؟ تبداش ما حملتش فيها زاده؟؟
_ههههه و الله ضحكتني يا تاج؟
_أمم ضحكتك إماله؟ اسمع اش قتلي ركز مليح قتلي ذقت منو راجلك كيما ذقتيه ؟أيا فسرلي الجمله هذي (هي قالت هكاك و انا تصدمت دخلت بعضي.. هي بطبيعتها بعدت من بحذايا تعارك و تتهدد و انا تنرفزت آمنه ولات تلعب في لعب خايب معايا 😡.. اكيد تاج مش مصدقتها اما عذرتها فدت اما لزتلي زاده و طيرتلي الكيف الي عملتو الليله.. 😡..)
_ يا صبر الله😡 يا طواال الصبر منك يا تاج 😡😡😡 تحب نتعاركو و كهوا ؟؟؟
_ علاش نتعاركو سئلتك و انت تجبد عليا لا حبيت تفسرلي
_اعرف كيفاش تحكي معايا 😡
_اممم برا عاد على تاج الي ما تعرف تعمل شي 😡 اكا اللفعه هاك انت و انا و الكل نعرفو لوين تحب توصل و إلي ما تعرفوش انت انو انا فت مرحلة الخوف منها وليت مرعوبة 😫 (قربت مني شدتني من مريولي.. عنيها في عنيا و الله سيا دخلت بعضي..) حاستها باش تفكك مني 💔
_ياخي انا لعبة تحكي عليها؟ بلا تفك بلا ريق نساء فيق راك مرتي و حبي (جبدتها عندي فماش ما نهديها و نسيها في الخرم هاك.. قربتها من صدري.. سكتت) حتى وحده ما تجي في شعرة منك يا تاج (حابها تصدقني خاطر هاك الرسمي.. انا حبي ل تاج عمرو ما صار عليا.. أول و آخر حب هكا في قلبي.. ❤️.. ممكن آمنه تعمل المستحيل باش تتقرب مني إلا قلبي ل تاج بركا. ❤️..)
****غمني علي كالعاده 😏 بت عروسة معاه 😅 ما زعيم كان في الحاجات هاك.. قمت بقيت نخزرلو و هو راقد.. مش حابه نخمم إنو وحده آخرى تنجم ترقد معاه و عندو في ها الفرش و لا غيرو.. حتى وحده ما تذوق ها الحب كان أنا.. بقيت نشمشم فيه و نبوس ههه و نلعب بلحيتو للي قيمتو.. 😍.. و هو عاد ما يكونش مالعاكسين فيسع يسخن 😅😅😅..
_يزي يا علي ديما هو؟
_شنوا الي ديما انا لو نعدي معاك نهار كامل في ها البيت ما نملش
_ههههه خير عاد اقتلني و ريحني
_اششش اللطف عليك من سيرة الموت 😏 و زيد نحب على صغرون انا 😉 (كقال هكاك بعدتو من فوقي..)
_بلحق ؟؟
_ هههه شنوا الي بلحق ؟ كان نلقا صغار مش صغير و اليوم قبل غدوة 😉 مزرووب (هو يحكي بلهفة و شوق كبير و أنا دخلت بعضي.. وليت نطرشق في صوابعي مالستراس 😏.. يحكي على صغير تقول سيا ولد و جا للدنيا.. يتخيل فيه كيفاش و شنوا يسميه و كيفاش يكبرو.. هو عامل جو و انا مخي سرح بكلام الطبيبة.. حطيت اديا على حزامي.. للحظة حبيت نقلو راني في الشك نحققلك ها الحلمة.. أما ما حبيتش نحرمو مالمنامة الحلوة الي عايش فيها. أملي في ربي كبير...)
***** اليوم اول نهار ليا في المنصب الجديد.. لازمني ما نخلي شي ينكد عليا نهاري.. ودعت نجمتي بضحكتها متع العاده.. متعدي عرضتني آمنه شديتها من اديها قلبتهالها للي تشوات و هدتتها انو لو مزلت تلعب بعقل تاج نهايتها على أيدي.. و هي كاللفعه ديما بسمها قتلي علاش ناسي الي صار بينا؟؟ شديتها من خدودها انو تنسى الوهم هاك و انو ما صار شي و تنحي ها الكذبة الي عايشة فيها.. عالتلفيتة لقيت ام تاج راتنا سيبتها و مشيت....
لازم. تطلعك ... 🔞.. تفسد الكيف الكل... ركبت كرهبتي و مشيت لخدمتي... باقي لبرا نعمل في gارو و تعدا أمير برا عاد ناقصو انا.. جا سلم .. و قلي جاي بخدمة معاه؟؟ قال انو بعد ما تشد أحمد الي لتوا مزال موقف ما تحكمش عليه.. مزلت خدمتو تتخدم ؟كيفاش يعني؟ قال انو عندو برشا شركاء و لتوا لا بان حتى راس فيهم.. و لازم نتعاونو نكشفو ها العصابة الي قاعده تسمم في الناس من تحت ل تحت... هو مشا و انا بقيت حاير كيفاش غفلت على حاجات هكا.. 😏😏...
الحلقة 39
لميت رجالي و معاهم غسان و بابا اكيد الي ديما نحب ناخو رايو رغم إلي هو جابد روحو و ما يحبش ها المسؤوليات... قلتلهم انو لازم نزيدو العسة و المندسين بين العباد فماش ما نطيحو راس 😉....
**** امي سمعت ب جدي ما يقدرش و شدت صحيح تروح و لا علي لا رجالو لنا باش يوصلوها وليت تطلبت علي و قتلو اني نوصل امي للمحطة مالاول ما حبش و صعبها عليا تقول اش طلبت منو و اخيرا اقتنع.. علي ما تعجبنيش منو الأنانية متاعو.. يحب يتحكم في كل شي فيا لا دخول و لا خروج.. مرات تخنقني تصرفاتو... أمي ثنية كاملة تنصح فيا نرد بالي ملي في الدار و ما ناثق في حد.. اكيد نرد بالي على علي.. للحظة حسستني انو هي شاكه في حاجه؟ هو الحق أنا بيدي شاكه 🙄...
وصلت امي هي ركبت في الكار و انا راجعه عرضتني مرا كبيرة تبكي و طايحه عالقاع تصيح و تخبط؟؟؟ مشتلها نجري قالت انو سرقوها؟؟ قتلي طفل صغير لابس في الأحمر بكلو سرقلي فلوس الحج متاعي؟؟؟ ياااي قداش سخفتني.. تعنق فيا و تبكي و الناس حضبت علينا... غاضتني انا بعدت بيها قلت نوصلها و الا نهزها تشكي و هي صاحت و قتلي اهوكا اهوكا.. على خطة عيني ريت ولد صغير يعني في 15.هكاك شافنا تربث قتلي هاك هو و مش عارفه اش جا لمخي و عطيت على ساقيا وراه 😅😅😅😅😅
نجري و حارقتها.. رغم اني موفيا أعظم من اكا العزوزة 😂 اما قلت نجرب حظي معاه... هو يزgزق بين الناس اخرتها عماه ربي و تعدا وين المركز و ريت أمير من بعيد 😅 عيطتلو
_امييييير شد سارق سارق 😂😂😂
⬅️⬅️⬅️⬅️ أمير جاه تلفون هو خرج يتكلم و هكاك و لمح تاج جايا تجري 😂 ولى يضحك تعيطلو مش فاهم شي من صوتها ملعثم... شعرها طاير و هي تضحك... اخرتها فهم انو شد هاك سارق ولى ب réflexe حط وراه يجري و هي لا تعبت 😅😅 بقات وراهم للي تنطر أمير عليه شدو.... طيحو عالقاع... في يدو ساك مرا... بقو هكاك للي وصلت تاج 😅 تلهث بالسيف ما تتنفس للحظة كان باش يسيب الفرخ و يشدها هي لا ادوخ 😅..
_ لاباس ؟؟؟ تنفس مليح
_سسس سسارق
_ايه فهمنا انو سارق ارتاح اقعد كتحب (بعدها قعدت على حافة في الطريق مدت ساقيها و باقي تلهث) لاباس؟ اخزرلي (كقللها هكاك هزت عنيها جات فيه.. للي رجعلها النفس اما هو تقطع عليه 😂...)
_ يكب سعدك يا فرخ (قامت لكا الطفل باش تضربو ولى بعدو أمير)
_يزي لحظة بركا سرقك انت؟؟
_لا
_شنوا؟ ها الجري و التعب صار ما سرقكش؟؟
_ما نعرفهاش ها الgمودي الزح واش تجري (الطفل 😅)
أمير ولى يضحك على فازة الgمودي 😂 و تاج للي تبسمت مالفازة اما رجعت كبتلو سعدو انو كيفاش يسرق مرا كبيرة 😡..
هكاك و أمير تلفت شدو من خناقو انو يتحرك قدامو للمركز..
بقا يتشوكع انو خاطيه و انو اش سلطتها عليه.. أمير يضحك انو تاج ولات بقلبها و ترجع في حق الناس 😂.. هكاك و الطفل فلط بكلمة سب ولى جاه شلبوق من أمير للي تاج اطرشقت بالضحك خاطرو يستاهل و قليل تربية.... أمير بقا باهت فيها كيفاش تتحرك بالسيف مالتعب و زيد عليه الضحكه المزيانه متاعها... وصلو للمركز لقو اكا العزوزة واقفة تدعي بالطفل و زعما لا كلتلو قلبو بطراحه..
_تي شنوا بقيت البهيم القصير بينكم (تاج كريز ضحك عليه هي و أمير... العزوزة تدعي بيه في دعاء يضحك...)
_بري بنيتي يراك نجمة الناس تعشقك و كان البريمة يطولك ( حشمتها الدعوة.. خزرلت ل أمير تتبسم) و انت وليدي ربي يعطيك ما تتمنى (لحظتها خزر لتاج.. للي زاد حشمها.. في داخلو قال آمين) هاني ماشية للحج و الله إلى ما نشبعكم دعاء ربي يقرب بينكم في الحلال
_لا لا حاجه احنا ما نعرفوش بعضنا 😅😅 اما ادعيلي ربي يرزقني بصغير يعيشك محتاجة دعوة هكا عالاخر 😢
هي قالت هكاك بقلب ملهوف و العزوزة قالتها و الله لا ننساك في دعايا تلفتت لقات أمير يخزرلها باهت..... هي سلمت عالعزوزة و باش تمشي..
_ ماكش متقلقه ؟
_لا لاباس عيشك (☺️ بتبسيمة متع حشمة خلاتهم و مشت.. بقا يخزرلها للي شلق..)
_تهبل يا وليدي ها البنية كيفاش مفلتها ؟
_هههه طارو بيها الصحاح 😉
بقات تتندم انو خسارة و لاعبة فيها تنصح فيه 😂دخلو يحلو في مشكلة السرقة و تاج شدت ثنية المرواح..
*** بقيت نذكر في فازة العزوزة و الولد و نضحك وحدي 😂.. لقيت روحي قريبة من علي وليت تعديتلو.. لقيتو غاطس في الخدمه عامل اجتماع اما فرح كشافني.... لقيت في بيروه شامخه بيه و هو ساعه ساعه يعطيني تكحيلة.. للي سمعتو وصل الرجال الي كانو بحذاه للباب.. انا خرجتلو و هو لقاها فرصة جا طول يعنق😅..
بقيت مع علوشي 😍 للي كمل خدمتو.. كان نلقا هذا يولي روتيني.. كل يوم نعدي معاه وقتي الكل... ❤️... و إحنا مروحين من حديث ل حديث.. ضحك فدلكة.. جو زوز يحبو بعضهم.. علي مش مرة مش ثنين يقلي ما نحب حتى شي يخسرني فيك؟؟؟ نحب نسئلو علاش تخمم هكا ؟ كان على عمي و الثأر و كل شي ارتحنا منو.. كان يقصد آمنه هاك داء نساء و ما عندها وين توصل كيدي أعظم منها.... خلطنا للدار ديما خزراتها مسمة لينا مرات يجي لبالي نعورلها اكا العنين و نرتحها من شوفتنا مع بعضنا.. هو مشا ل غسان و انا بقيت مع منى نحكو و هكاك و كملت التشكيلة قعدو بحذانا ظاهرين عندهم حكاية جديدة 😅 جيت نقوم حماتي قتلي ترصي في بلاصتك 😂 عنيها يخوفو قعدت من غير ما نشعر.. قالت حاشتها بينا الكل وقت الفطور.. انا و الله فرحت انو ولات حاسبتني مالعيله.. جو رجال الدار و درنا عالطاولة.. علي خزراتو هبال 😍.. للحظة حسيت جونا جو عيله محلاها... و اخيرا نطقت حماتي الغالية.. بإنو حلمت حلمة؟ 😏..
الحلقة 40
قالت انو شافت اختها في المنام.. منى و آمنه وجودهم تقلبت.. قصو عالماكلة اصلا الكل طار كيفنا.. حكت بالالغاز و من بعد قالتها طول بإنو اختها غضبانه عليها خاطر ما كانتش قد كلمتها؟ الكل تفرعسو بقيت كان انا نتبهلل علي قص عليها انو حكاية و مشات على روحها و هي قتلو ما يهمنيش لازم نرضي اختي في قبرها؟؟ ما فهمتش شنوا المطلوب؟ بكل صحاحة رقعه قالت إنو آمنه جرت؟ 😏 و سكتت بقات وحدانية؟؟ و هذا مش وضع يرتح لا حي لا ميت؟؟
من غير طول كلام قالت انو فما شكون خطبتها منها... انا و الله فرحت 😍... عنيا للي لمعو مالفرحه 💗☺️.. اش خص كان ربي يحبني و نرتاح منها.. نخزرلها ترشق في ظوافرها في الطاولة مالغزول؟؟؟ و خزرت ل علي تبسمت و كإنو قتلو هم آخر و باش ينزاح من قدامنا....
**** اخخخ لو امي جمعه جمعتين لتالي قالت ها الكلمات.. و اقتنعت انو انا ل تاج و تاج ليا.. 🙄 و رافحت على حياتنا و خلتنا نتمنعو بحبنا.. الحق دخلت بعضي نخزر ل آمنه عاضها على لسانها تخزرلي من تحت ل تحت بعنين حاقده.. نذكر اكا الليله.. فسدت برشا حاجات
. اصلا لتوا مانيش مقتنع انو صارت من أصل؟؟ اما فرضا كلام آمنه صحيح انا بلحق نكون دمرتها.. 😑.. بقات ساكتة منى فرحت و قالت انو وقيت تنسى الي تعدا و تبدا من جديد.. الكل شجعوها.. حسيتهم أيسو من تفريقنا.. حبنا أكبر من كل حاجه عملوها لينا.. نحس فيها تغلي.. تغزل.. في الاخر وقفت بغش.. للي كبت الكاس بجنبها.. لحظتها قلت سيا.. تكشف السر و باش يتحل عليا باب.. عمرو ما يسكر 😑😑....
خزرتلي في عنيا طول انو و تكلمت...
_نموت و ما ناخو حد 😣... ما حاشتي يا خالتي بحد 😡 انا سيا ادمرت من اكا العام (انا سيا دخلت بعضي خايفه لا تحكي الي صار الكل.. توترت.. تخزر لأني و تقلها أنسى ها الموضوع و سكرو جمله.. حبو يحكو معاها و يقنعوها تسمع شي.. للي ولات تعيط انو ما عندهاش زهر و هذا اقتنعت بيه.. هي مشات و انا خزرت لتاج مسخفتها آمنه كيفاش تحكي 🙄 امي لقاتها فرصة باش تعملي محاضرة انو كلو مني؟؟ علاش اش دخلني هذا الي حبيت نقلو اما زايد تكسير الراس.. طول قمت هزيت تاج باش ما تقعدش للتسوميم.. قلتلها تمتن على روحها و خرجنا.. دنيا باردة.. الحال شتاء و مطر.. معاها مش حاسس بشي.. فرحان اني معاها يزي.. مشينا لبلاصتنا و هي مالاول جبدت على الموضوع متع آمنه و كيما توقعتها تأثرت بلي صار أما من بعد بدلت بدلت الموضوع و ولات تحكي في طرائف. تضحك و عامله جو...
🌟 عنيها في كل مرة نراهم نحس روحي عشقتها من اول و جديد ❤️🌟
_تاج ؟
_أمم يا عيون تاج ( تلفتتي عنيها في عنيا.. و اكا اللمعة تسحر سحران 😍)
_سعادتي ملخصة في ثلاث حروف و هي انت ❤️ تاج اعدني ما تخليهاش بيا 😣
(بقات تخزرلي باهتة تقلك شبيه هكا يحكي شدتلها رأسها بستو و حطيتها على صدري... مش حابه توعدني و من بعد تجبد بيا... كان نلقا نجمد الوقت..هكا.. و الا نخطفها و نهرب بيها بعيد.
بعيد عالمشاكل.. عالاستراس..على كل حد يضرها و الا يحسد حبنا.. خاسرة يا علي في الحب ما عندكش الزهر 💔....
** هدووووء.. هدووء النفس السكينه الراحه.. هذا ما نتمناه كل يوم... نتمنى حد ما يفسدلي خلوقي.. حد ما يحرمني من اني نكون تاج ام الضحكه المزيانه على قول علي ❤️... نبدا خارجه من بيتي ندعي نعدي ساعه صباح من غير كلام موذي.. من غير حك و دك،😅...
_صباح الفل عليكم الكل ❤️❤️
_صباح الزين و العين على ازين مرا في الدار(سوسن)
_اه مله شهادة 😂
_شنوا نكذب ؟؟
_خلي يسمعوك عرفاتك تو ترى
_ هههه خفت برشا و زيد لو فما عرفة في الدار هذي هي انت مرت سيدنا الغالي بكلو 😘😘
_سوسن عملت قهوة اليوم؟؟
_ههههه لا علاش؟ تحبش نعملو وحده مسروقة كالعاده هههه( ضحكت و تذكرت اكا الفازة و جاتني فكرة عسينا ما جاي حد للكوجينة و فرغت اكا الحكه في البوبال و حطيت بن عادي بلاصتها 😂 قلت برا نعمل ضحكة على اكا العقرب.. ☺️☺️..
_اسمع علي خرج؟؟
_لا مزال مع امو يحكو ملي فاق
_برا عاد اكيد موضوع البارح مزال ما كملش
_ممكن اما وصانا نعملو الليله عشاء قمقوم و دلول
_هههه من توا وصى عالعشاء؟ و زبد علاش؟
_عنا ضيف 😉
_ضيف؟؟ شكون زاده يكونوش خطابة لكا العقرب ههععع
بقينا نضحكو عالفازة للي قتلي لا الضيف البطل متاعك؟؟ وجهي تقلب؟ شكون البطل متاعي زاده ؟قتلي انو أمير ضيفنا؟ برا عاد مانيش باش نخلص منو 😏😏
_و زيد شنوا ها كلمة بطل متاعك؟؟
_مش أنت حكيتلي انو نقذك و فازات ؟؟
_ايه خدمتو شنوا؟؟ ؟🙄
_زعما خدمتو بركا ؟؟؟ 😉
*** سمعت كل شي.. تلفتو لقوني واقف... ما عجبنيش كلام سوسن.. حمارت بكلها.. و تربثت... تاجي زاده دخلت بعضها جاتني تصبح و تحكي كيفاش صبحت راقده.. و انا عنيا على سوسن.. علاش حكات هكاك.. حتى تاج بدلت الموضوع اما انا باقية كلماتها في وذني.. 😏..
منين باش نسلكها انا توا 😏..
_علي (صوت آمنه 😣 برا ختمت.. تلفت لقيتها وجها مفرعس بانية بكات ؟؟؟)
_شبيك لاباس؟ شبي حالتك هكا؟
_بلحق تسئل ؟؟ و الله شي يبهت فيك 😡
_شو آمنه و الله حابب نهار نعديه رايض من غير تفرعيس 😡
_اممم يعني انا بركا سبب القلق ليك
_ كون متأكدة 😉
_باهي لحظة (كنت باش نمشي جات وقفت قدامي) انت كارهني كارهني حبيت نقلك فما حاجه مهمة لازمك تعرفها
_ أمنه برحمة امك فك ها الصباح 😡( غزلت كبخصتها قربت مني و قتلي العاده ما جاتنيش الشهر هذا...😉
؟يا ولى وحال هذا الي بقا عاد) هبلتي انت سيا (بعدتها خلطت عليا قتلي انجم نكون حبله.. هي سكتت و انا جمدت في بلاصتي 😰😰😰 !!! تلفتلها مصدوم.. 😡.. انا نقرب و هي توخر عارفتني باش نهبل عليها..)
_تو نتأكد و نقلك (هربت طلعت الدروج بزربة 😡😡 و الله لو قعدتلي كنت غفصتها تحت ساقيا 😡 باينه... 🔞.. لعبتلي لعبة.. أما الحساب قرب.... 😡...
الحلقة 41
خرجت مدغشش الي يعرضني نكش فيه 😡... برافو يبدعو كمشة النسوة الي عندي في الدار في تدوير الخواطر 😡..... عديت النهار خدمة قلت ننسى الي سمعتو و شي.. باقي كلام أكا الساقطة في وذني.. بقيت نخمم كان كلامها صحيح وين باش ترصي..طلبني أمير.. حكينا في أمور خدمة و ذكرتو بموعدنا الليله.. مزلت داخل بعضي الأفكار متضاربة في راسي.. زعما نبداش تفسد في حياتي بإديا.. 😑..
**** بقيت لآخر وقت في الكوجينة شايخه ضحك مع البنات.. جاتنا حماتي قالت برو نحو حوايج الدار و نظمو رواحكم الضيف عهدك بيه وصل.. برا عاد تقول شكون مستاذنين.. سوسن توشوشلي انو عاجبها 😂.. تحبني نستوسط بينهم هههه لا هبلت خلي علي يقسمني في زوز.. 😅😅
طلعت لبيتي. بقيت حايرة اش نلبس 🙄 يعني من باب مش ديما يجونا ضياف 🤔.. بعد ما خممت برشا دورتها في مخي تو لواه ها القاوق 😏... كهوا لبست الي عرضوني ركحت شعري.. و بقيت نستنى في علي توحشتو مالشباك.. عنيا عالباب الكبير نستنى وقتاش يوصل 😍.. هكاك و لمحت الكرهبة وصلت ❤️..
** أمير ثنية كامله تقول يعلم فيا كيفاش لازمني نتصرف.. برا عاد كل شي يحبو على كيفو و هذا مش من عادتي.. حلولي الباب ملي داخل رميت عيني عالدار لمحت تاج واقفة في الشباك.. كعادتها تستناني 😊.. خزرت لقيت أمير بيدو يلعب في عنيه.. حابب أنحي ها الوسواس انو تكونش تاج عاجبها أمير و مش منجم.. كل شي ولات تعملو تبانلي فيها إن 😑...
دخلنا لقينا امي و بابا يستنو رحبو بالضيف.. كملت خلطت تاج.. طول خزرت لأمير عنيه قريب يطلعو منها 😣 برا اش يعدي ها الليله.. هي جات سلمت عليا و تبسمتلو هو كان بيدو يسلم الراجل و ياخو راحتو.. جبدتها بجنبي للي بهتت كيفاش تصرفت هكاك.. هوما دخلو و انا كبستها في نحي اكا التبسيمات الزايدين ؟😡 و نحي صنعة المشي و الجي تشد بلاصتك للي نقلك امشي هي فدتت من كلامي جات ماشية وففتها قلتها تمشي تمسح المكياج و تبدل لبستها.. نحبها تزين كان ليا.. بالطبيعة دغششت و قلبت وجها اما هاك هو الموجود 😡😡.
حطينا باش نتعشو.. كل مرة نرمي عيني على أمير نلقاه مش مفلت حتى فرصة باش يخزر ل تاج هي مالاول بدات تحكي و حابه تدخل في كل موضوع اما أنا بجنبي همستها انو تسكت 😏.. بقات تاكل بغزول.. مشينا للصالة مقابلتنا حتى بلا مكياج باقي محلاها و مزينها 😡 اخخخخ الغيرة باش تهبلني😣 خاصه اني نذكر انو هوما يعرفو بعضهم من قبل ما ندخل انا في الخط يعني بكيفي و مخي عديتها الحكاية انو الزوز تقابلو قدامي و هوما يتبهنسو انو ما يعرفوش بعضهم 😡.. كلام آمنه كلام سوسن.. تخنقت قلتلها اجاني لحظة.. 😣...
****برا عاد على علي و خنقتو الصبر مش عارفه علاش ولى هكا 🙄🙄..
_وي يا علي شنوا آخر تحبني انحيه؟؟ المكياج اللبسة ؟ فديت راني السكات هاني ساكتة 😣😣😣
_فديتي ؟ إماله اش نقول انا 😩
_ شبيك بالله؟؟؟
_شي
_ نقلك حاجه تصبحو على خير هاني طالعه لبيتي
_أعز ما تعمل 😡
ممصتها ها الفازات 😣.. طلعت نغزل باش نموت منو الغيرة خنقتني 😣.. هو رجع بحذاهم يضحك و عامل جو تقول خلص مني و أنا في البيت نعفس على طاجين نقعرو مالغش 😡😡 سوسن رات الفازة خلطت عليا و حطت اللوم في روحها خاطر علي سمعها في فازة بطل متاعي 😑 هو ممكن من هكاك مغزل اما انا نكره التصرفات هاك فيها قلة ثيقة فيا و هو يولي قاري النقص في روحو.. أنا في قلبي كان علي 💕 أمير حتى لو عجبتني تصرفاتو اما تبقا مجرد مشاعر باردة ناحيتو عادية اي وحده فينا تحب التصرفات الرجولية و أدوار البطولة و دجا هو كيفي مستحيل نكون في بالو.. مش مالنوع الرخيص الي يرضى يخلي روحو يلعب بينا الزوز 😉.. بقيت سهرت مع سوسن ما حبيتش انكد على روحي و لا نخلق مشكلة مع علي.. يزينا مالعرك و الفراق و البكاء و الغش.. حابه نعيشو حبنا بعيد على كل ستراس ❤️❤️.
اكيد كان خلونا الناس... علي الحق اقترحت عليه نمشو نعدو نهارين نبعدو بيهم على كل شي.. مالاول تسبب بالخدمه و من بعد اقتنع... مااليل حضرت كل شي.. سيا ما عادش فيا مالفرحه اني و اخيرا باش نصنع جوي... الصباح طلع و احنا شدينا الثنية.. أنا و علي مرة بركا مشينا لأوتيل عملنا فيه العار و روحنا 😂 المرة هذي قلي نمشو لدار صغيرة كريناها على ليلتين بلاصة تهبل.. كيما عمري لكل نتمنى نعيش مع علي وحدنا بعاد عالعينين.. رغم الطقس عاكس برد و مطر و ريح اما عادي المهم انا معاه.. 😍.. و خاصه وحدنا ❤️...
_اش قولك نشرو دار هكا نعملوها ساعه ساعه نهربو ليها
_اش خص يا علي و الله هاك امنيتي الوحيده يعني بخلاف صغار منك 😊😊 (و على اكا الكلمة 😋😋 علي ما يحيرش.. فيسع شدينا بيتنا 😜😜 دشنا الفرش 😛😛...)..
**** نخزر للوقت قاعد يتعدا بزربة.. نثبت في عقارب الساعه.. نحب نقلو بالشويا خليني نزيد نشبع باللحظات الحلوة مع تاجي.. حاسس سحابة جايه. ظلمة من بعيد.. باش تعكر جوي
تقص chauffage.. بدات تبرد طلعنا للبيت زدت الحوايج و دخلت في فرشي.. هو كل شويا يطل مالشباك.. مطر بصيفة غريبة.. يخزرلي و يضحك كيفاش نرعش مالبرد ولى قرب مني هو عكسي عادي بدنو سخون 😅.. بقا يدفي فيا.. الحق دفيت ☺️☺️..
*** حابب ننطق و نقلها الي صاير.. حكاية شكي في أمير و غيرتي منو و اني نغار عليها من كل شي.. حابب نحكيلها على فازة آمنه.. لعل تعاوني في حل؟ انا من داخلي مانيش مصدقها .. أما خايف لا الحكاية تأثر في علاقتنا...... خايف...
الحلقة 42
*** تعدو نهارين أقل ما نقول عليهم انهم هبااال 😍😍😍.. شخت معاه تفردت.. حسيت روحي تشحنت من اول و جديد.... 😍... ثنية المرواح تمنيتها تزيد تتطوال معاه نضحكو شايخين.. كل مرة تتجبد حكاية.. تفدليكة.. 😍.. ملي وصلنا البلاد علي عرضوه الناس بمشاكلهم.. جديدهم و طلباتهم.. فيسع ما تبدلت ملامح وجهو المرتاحه لملامح الحيرة و التخمام و الستراس 😣😣.. كملنا وصلنا للدار لقينا الجو كبي. كساد نفس الروتين عايشين فيه.. ما كان ينجم يقلب الجو كان النكد و المشاكل اكيد.. طبايعهم مستفزة يحبو كان التقلقيل و دزان البيدق.. تفتفتو كيفاش احنا عملنا جو و تفرهدنا 🙄...
انا ما صبرتش كسئلتني منى على الجو بقيت نحكي و نعبر بلحق بكل جوارحي نحكي 😂.. للي دخلت علينا بومة.. اكيد تعرفوها جات قعدت مقابلتنا وجها أصغر حالتها ما تعجبش بقات تخزرلنا بخزرات سم هاري كيفها.. 😡.. خليتهم و مشيت نكمل حكايتي للبنات في الكوجينة 😅.. سوسن حكاتلي انو أمنه شدها كريز و مشات للسبيطار ؟؟؟؟ وراتني البلكار كلو مكسر قالت طيحاتو الكل مالغش متاعها تصيح و تلوح.. اه 😅😅 انا طول اذكرت فازة القهوة، العزا هاي طاحت manque 😆..
بقات سوسن تقلدنا فيها و احنا نضحكو للي دخلت كالجن.. هوما استلبسو كل وحده شده خدمتها و هي قربت مني لاعبة فيها باش تخوفني كالعاده 😂 مسكينه كان مزلت تحلم تهزلي كيف 😆...
_شنوا حششتي
_شنوا 😡😡
_ تحب نعملك قهوة ؟
_صار انت؟؟ اخخخ يا تاج 😡😡 و الله تلعبي بعمرك 😡(قربت مني عالاخر دزيتها بعدت شويا)
_ تحب نمشي نحكيلهم علاش هبلتي و الا نسكت ؟ وحده مدمنة
_ رد بالك و الله نشرب من دمك (نقزت شدتني من شعري للي اابنات ادخلو بينا 😡😡 كثر حسنا و عياطنا للي فضها علي صاح علينا الزوز باش نفيقو على وضعنا 😢.. اللفعه هذي تمنيت نفضحها و نقلهم انها وحده ساقطة مدمنة و انو هي سبب الهم الكل اما شي سكت 😡😡.....
علي شدتني بعدني.. انا نقلو راي ضربتني نتشتني و هو يهدي فيا انو ما تكونش كيفها اففف مليت منها حبيت نقلو حقيقتها و نرتاح. 😡..
**** قلت ل سوسن تخرجها دجا خرجت الناس الكل و بقيت معاها رأس رأس.. قلت لازم نشوف لوين تحب توصل 😡😡 انا نعارك و نتهدد و منرفز منها و هي ساكتة من بعد قتلي كلمة زعزعتني للحظة حسيت الأرض تحركت من تحتي...
_انا حبلة ( تصدمت حابب نكذبها حابب حتى نضربها اما شي تربطت 😣😣.. قالت انو مشات تأكدت و هي حبلة توا.. تحط في يدها على كرشها و تقلي لو مش على خاطري على خاطر صغيرك؟؟ ؟)
_على أيا صغير تحكي هبلتي ياخي 😡😡 (مغزل عليها اما نحكي بالشويا لا يسمعنا حد)
_شنوا تقصد؟؟ باش تنكر عملتك؟؟
_هذي لعبة امسخه منك جديده 😡😡(حاطط صبعي في وجها قريب نعورلها عينها) تكذب
_مانيش نكذب😡 و زيد ما يهمنيش تصدق و الا لا الي يهمني تصلح ها الغلطة
_هههه غلطة ؟انت بكلك غلطة انك تكون بنت خالتي و معايا في نفس الدار غلطة (كنت باش نخليها و شي ما بردتش) و رد بالك حد آخر تحكيلو غلطتك 😉 رد بالك تسمم عباد آخرين بها التخاريف😡
_عباد كيما شكون؟ مرتك مثلا؟؟ تهنى هي أول وحده لازمها تعرف
_آمنه ما تهبلنيش (من وجها شديتها نتهدد عليها ببونيتي و عنيا نااار عليها عملت هكا و حطت يديها على كرشها؟؟؟ ؟
تقول تحمي في صغير بلحق وليت بعدت عليها و سيبتها) مهبولة انت
_مهبولة بيك و انت تعرف ألقا حل فيسع قبل ما (سكتت..)
_قبل ما شنوا 😡 و اصلا ما فماش حتى حل انا مرتي تاج و الصغير الي نحبو يكون ولدي نحبو من تاج 😉
خليتها و مشيت و أنا حاسس انها باش تخربها على راسي يا ولى... 🔞... هذي..
سيا ضاقت بيا السبل.. مشيت لبلاصة العاده سارح في ملكات الله.. لا البرد و لا الريح برد النار الي شاعلة في راسي.. أفكاري تحرقت.. شنوا لازمك تعمل يا علي.. قبل ما تتقلب على راسك.. الهروب ما يفيدش.. سبق و هربت ب تاج و شي درنا و بعدنا و رجعنا لنفس الجحيم.. تذكرت عايشة و العذاب الي عاشاتو معايا و إلي تاج توا قاعده تعيش في مرارتو وليت خايفه لا نخسر تاج زاده.. اصلا نموت و لا نخليها تبعد من عنيا لحظة.. 💕..
رجعت لخدمتي قلولي عندك ضيف.. لقيتو أمير. جايني بحكاية زادت قلعتلي خواطري.. أحمد باش يقدموه للمحكمة في أقرب وقت و قال لازم نهز تاج تشكي بيه بتهمة الخطف و عمايلو المسوده فيها.. 😵.. هي مش ناقصة تحير مواجعها اما زاده لازم تاخو حقها منو كأنا ما نجمتش 💔....
*** _لوين خارجه ؟؟؟
_ علي طلبني و قلي اجاني حاشتو بيا
_ من وقتاش علي يخليك تخرج وحدك؟؟
_هههه علاش في حبس انا؟؟؟ مله
_اعرف كيفاش تحكي مع خالتي 😡 و زيد تهني قريب تتقلعي بعروقك من ها الدار (أمنه ديما ادخل في روحها)
_اش دخلك انت؟؟
_يزو بلا خنار داري مش حمام نساء 😡 و انت لوين ماشية بالضبط(كنت باش نطفي اما قلت برا نطفيلهم نارهم)
_ للمركز
_ههههههع قول مالاول ماشية للدونجوان الجديد أمير
_آمنه احترم روحك
_شنوا نحترم روحي؟؟؟ عنيكم مشلقة 😉
_آمنه 😡😡😡(قربت حماتي و بدات عاد تتهدد انو لو كلام آمنه صحيح علي يشرب من دمي افففف منهم طفيتهم و مشيت و خليتها تحنش في خالتها 😫😫)
..
الحلقة 43
وصلت للمركز.. طلبت علي قلي استناني هاني جاي... واقفه نستنى.. تلفت لقيت أمير جايني يتبسم... جا سلم و قلي انو علي عهدك بيه وصل.. دخلني لبيروه فهمني انو لازم نشكي باش عمي يتحاسب 😥منين باش نبدا في نص الشكاية عمي عذبني بكل معنى الكلمة 😣.. أمير حسني تقلقت ولى بدل الموضوع الكل و جبدلي على اكا العزوزة و يحكي كيفاش في نص الشكاية شبعت اكا الطفل دعاء 😂😂😂 صنعلي ضحكة بقينا نضحكو 🤣🤣🤣 للي دخل علي.؛ 😥
** الجو الي لقيتهم فيه نرفزني.. دخلت مستلبس.. قعدت و هو نشربك حاجه و حب يلعب فيها مضياف هنتلتو انو اخدم خدمتك و خلي نشوفو أمورنا احنا زاده... دخل عون باش يكتب المحضر و بدات تاج تحير في مواجعها.. برشا حاجات نعرفهم و برشا لا.. تحكي شويا. و تسكت تسرح و ترجع تحكي...
⬅️⬅️ الزوز مركزين معاها .. هي سارحه بعنبها تذكر في تفاصيل وجعتها برشا.. علي عارف انو هي تعبت برشا منو.. كابس على بونيتو و مغزل كيفاش ما خذاش حقو بيديه.. خاصة انو أحمد بااسم الي يبيع فيه علي خسر مرتو عايشة و ولدو.. 💔.. كل واحد و سرو و وجيعتو بقات تاج أكثر ما رعبها كجبدت على حكاية دفنها و هي حية... أمير للي فمو تحل؟؟ معقول هذا انسان عادي 😡؟؟؟ و خاصه الي قدامو صار برشا تسوقيط.. كجبدت على خطفانها ما حبتش تجبد على فازة كطلب من أمير يغتصبها... تحكي و تخزر لأمير الي هو زاده تستر على للي صار.. دجا أحمد الدلائل الي عليه تكفي... باش ما عادش يرى الشمس.....
** اخيب لحظات عاشتهم تاجي اما حسيتها تفردهت توا.. كبستلها على يدها انو ارتاحت منو توا.. ما حبيتهاش تروح خاصه انو حكتلي كيفاش كالعاده آمنه متعرضتلها... خليتها بحذايا شبعت عنيا فيها.. ضحكتها 😍.. خزرتها.. ❤️.. للي جا وقت المرواح.. للي وصلنا و هي تضحك و عامله جو.. انا ساقيا ثقال عندي إحساس انو داخل لحرب.. يا نطلع فيها رابح يا خاسر....
شديتها من يدها.. خزرتلي باهتة.. مش من عادتي نشدها قدام العيله الكل.. الي توقعتو صار.. آمنه تمثل كالعاده في دور الضحية.. 😡.. أمي وجها مقلوب.. الكل مصدومين..
_ياخي اش فما ؟(تاج سئلتني و تخزرلي باهتة)
_برا اطلع لبيتنا تو بعد نفسرلك 😘 أيا (حبيتها تطلع و هي باهتة؟؟ ؟ ياخي امي قلتها اقعد اسمع الخنار الجديد... تاج باهتة تسئل اش فما ياخي ؟؟
هكاك و نقزت أمنه عليها كلو منك و تعارك و باش تضرب تاج الي ماي فاهمة شي جبدت تاج بجنبي و عطيت بgحرة ل آمنه باش تسكت..
_بري اطلعي للبيت 😡 (هي تحب تسمع كلامي و آمنه تصيح و تقلها لا اقعد اسمع.. وقفت مقابلتنا و عامله روحها تبكي قربت من تاج قلتها بكل صحاحة رقعه..
_انا حبلة (تاج بهتت) من علي (حلت فمها.. تصدمت.. من بعد خزرتلي.. سكتت شويا و اطرشقت بالضحك؟؟؟ كيما عمري لا تخيلت الخبر باش يضحكها؟؟ ؟)
**** لا سيا هبلت هذي 😂😂😂
_تضحكي تحبي تهبليني 😡😡😡
_هههه دجا انت مهبولة؟؟؟ مله خرم 🤣
_خرم ؟؟انا نقلك راني حبلة من راجلك و انت تضحك ؟؟
_شبيك آمنه 😂😂ما شربتش قهوتك الليله؟ ؟ ههههه (انا نضحك و هي للي عروق رقبتها باش يطرشقو مزعزة عنيها فيا للي رعبتني الهم هذي.. وخرت بجنب علي ساكت ع يسمع فيه؟؟؟ ام علي جات لولدها تعارك و تخبط عالفضيحه.. منى تبكي.. ؟؟؟ شنوا ها الأجواء ياخي صدقوها؟؟ ؟
_شبيكم ياخي ؟؟هههه تصدقو فيها؟؟ شنوا هذي اخر ما جا لمخك باش تفرفني من علي؟؟؟
مشت للكرسي جابتلي تاست تعيط و تقلي شوف +؟؟؟ ما حبيتش نمسو؟ايه برا + اش دخل علي؟؟؟؟
اصلا قهرني شبيه ساكت؟؟ خزرتلي في عنيا طول قتلي علي خانك معايا و انا حبلة بصغيرو 😡؟؟ طفيتها و تلفت ل علي
_أمانك علي شبيك ساكت؟؟؟ تكلم؟ ريت الهبال؟ علي؟؟؟ (لا فهمتو مصدوم و الا شبيه؟؟؟) علي قلهم الي انت مستحيل تعمل هكاك؟؟ ؟ مستحيل تخوني و مع شكون معاها هي؟؟ لا مستحيل تكلم شبيك ساكت (وليت نصيح عليه و نضرب فيه على صدرو و نعارك و هو حركة لا عنيه بالدموع خنقني بأكا الخزرة متع الندم؟؟؟؟ ؟) علي؟؟؟ عملتها😢😢😢 ؟؟؟؟(سيا صدقت.. بعنيه حكالي الحقيقه انو نادم.. 💔💔💔)
نخزر لوجوهم الكل.. ل منى كريز بكاء... للكل روسهم في القاع.. علي باقي ساكت.. كالجبل مهدود... خزرت لآمنه حاطة يديها على كرشها 😡🤢🤢 يعني هي توا حبلة من علي؟ من حب حياتي؟؟ يعني عندها الصغير الي شو قداش عندي نتمنى فيه 😢😢😢.. من غير ما نشعر خزراتها استفزوني و تذكرت انو قتلي وصلت للي حبت عليه وقت منو و اكا الكلام.. تنطرت عليها طول على شعرها قلت نقتلها اليوم.. الكل دخلو بينا باش يفرقونا علي نقز عليا يبعد للي حملني و انا نتهدد عليها نقتلها أهون عليا... بعدني و هو يبعد في عنيه مني..
_علي علاش ما خلتنيش ناكلها بسنيا؟ ؟؟😡😡 اه و زيد شبيك ساكت؟؟؟ شبيك ما حكيت شي؟ قلي انها مهبولة و تكذب؟؟ صحيح و الا لا؟ تكذب مش هكا؟؟ ؟(باقي ساكت 😫)
_ ما نعرش (اه كقال هكاك هبلت سيا ما عاد نعقل شي وليت نصيح و نكسر في الحاجه الي تعرضني.. طلعت لبيتي كملت غشي غادي و هو يخزرلي و ساكت 😡..
، *** و صار الي حسيت بيه.. انا توا على حافة شادد في شعرة لا نطيح.. تاج مخليها تخرج الغش الي داخلها.. للي سيا تعبت هي مريضه و بدنها ما يحملش ها الغش.. قربت منها جبدتها عندي حبيت نهديها.. تبعد فيا
_انت خنتني يا علي 😢😢😢 خنت حبي ليك مع أكثر انسانه نبهتك منها انو راي باش توصل للي تحب عليه 🤢🤢 باش توصل تفكك 😢😢😭
_ ما فكني حد انت تعرف ها القلب ما فيه كان انت؟ 😥
_قلبك؟؟ وينو قلبك ككنت مع غيري؟؟ شبيه ما ذكركش انك ليا و انا بركا للي فيه 😥 تكلم؟؟؟
_ما نعرش ما نذكر شي اما توا مش فاهم روحي
الحلقة 44
حابه تفهم اني مش متأكد ملي صار و زيد خايفه لا يكون هاك صار بلحق.. و هي سيا الغش غملها عنيها قتلي انو كل شي تسامح الا الخيانه
_ غيرة حزارة خنقة ضرب اغتصاب شك كلهم سامحتك عليهم يا علي 😭😭 اما هذي لا مستحيل نسامحك عليها 😡😡
_ لا يا تاج اسمعني
_ما عيني نسمع شي سيا تاج ماتت بالنسبة ليك احسبني مت انا مقنطرة بصحتي باش نفرحك انا تاعبة و صابرة على كرهم ليا تقول ميسالش المهم علي يحبني 😭😭 نقول طبعو عادي نصبر عليه نقول ماو يحبني و صايني يزي 😢 اما انت باش كافيتني غدرت بيا ؟؟ و لا وقتاش يا علي؟؟ هاني ديما معاك؟؟؟ وقتاش و من وقتاش و قداش من مرة؟؟ 😡
تصيح و بدات تلزلي في الحديث للي صحت عليها تسكت و تسمعني ولات تعيط زاده هي انو عادي صيح و اضرب كلو متعوده بيه..💔.. صعبتها عليا اخرتها قتلي توا تهزني لأمي و ما نباتش معاكم في نفس الدار ناس غدارة.. تجبد في خوايجها و ترمي فيهم عالفرش حبيت نحبسها و هي سيا قررت
_مستحيل نخليك تبعد عليا مستحيل يزيني من طعم الفراق مرو ما عادش مستعد نذوقو دزيتها عالفرش و خرجت سكرت عليها الباب.. بقات تصيح في حل.. في باش تحبسني ما عادش حاشتي نقعد... قاعد متكي عالباب و هي تضرب عليه.. نسمع في كلامها.. كل شي قلبي عداه كان كلمة "تحبو تلزوني نعمل كيما عايشة"... وقتها شريط حياتي الكل تعدا قدامي.. دجا كلو قاعد يتعاود.. أنا في يوم شكيت في عايشة انو ليها علاقة مع أحمد.. ادمر كل شي بينا.. و اليوم نخلص في فاتورة أخرى... تاج ما عادش باش تسامحني.. 💔💗💗💗
**** أصعب ما كنت متخيلة نعيشو....ما عادش فيا مالبكاء.. انا الي مخليني صابرة على كل شي هو حب علي ليا 😢.. نقول المهم حبو.. الظاهر طلعت مغشوشة فيه.. علي شنوا الي خلاه يغدر بيا؟؟ اش عملتو انا ؟فاش قصرت معاه 😥😢.. انا ساعات نهدي روحي و نقول بالك تكذب عليه اما هاو بيدو هو مستعرف🤢.. علي و آمنه ؟ سيا مخي تحرق.. مسكر عليا باب بيتي عيطت صحت طفوني💔.. نحب نخرج من ها الدار الي بكلها ولات خانقتني.. مش حامله شي.. لا العباد و لا الحيوط.. كل شي خانق.. كل شي ظالم 🤢... باقية عالسرير نحاول نهدي روحي و الباب تحل. تلفت لقيتو هو 😡😡..
من غير ما نشعر طول قمتلو نعارك و نصيح كيفاش يحصرني.. كيفاش يسكر عليا. 😡... هو واقف حركة لا.
_تكلم شبيك ساكت 😡.. لواه خرجتني من حبسي و منعتني و هربتني من عذاب عمي كباش تتصرف كيفو 😡😡😡 قلي فسرلي نحكي معاك 😡
_ تكلم من غير عياط يزي بلا فضايح 😡
_فضايح ؟؟؟يعني هاك ما خممت فيه؟؟ و زيد سامحني بربي ؟شكون اصل الفضيحه 🤢 مش انت و اكا الكلبة 😡😡 انتم الي خنتوني راو نذكرك
_تاج 😡 اهدأ شويا و خلي نحكو الساعه
_نحكو؟ اه OK هيا احكي؟ باش تقلي نزوة غلطة؟؟ شنوا تحب تقلي نحبك و نموت عليك اما غلطت؟؟
_صحيح.. (دخل بعضو) ممكن كلامك صحيح اما اكيد الحكاية غلطة 😥
_غلطة ؟ اه؟؟؟ تشك فيا قلنا غلطة 😭 تهز يدك تضربني قلنا غلطة؟؟ اما ترقد مع غيري يا علي مش غلطة؟ هذي مصيبة ؟ كيفاش طاوعك بدنك يا علي 😭 كيفاش 😭😭؟؟ و زيد توصل تحبل منك ؟ ما نتصورش من مرة بركا (لاهماتو نعيط و نغزل عليه)
_اش تقصد؟؟ لا هكا بديتي تغلطتي😡
_هههه (ضحك متع تمنييك) غلطت ؟ اه راسي منك يا علي اه و كهوا (طفيتو و بعدت مشيت وين الشباك.. سكت شويا و جا ورايا.. حابب يتروتب كيف العاده.. أما لقاني مش تاج متع العاده.. هو حط يدو عليا و انا بعدت...
***_ما تحطش اديك عليا 😣( عنيها للي حمارو مالبكاء و التعب.. غايضتني.. ما صدق لربي رجعت نوارتي فتحت.. أما هي مصححه راسها مش حابه تعطيني فرصة نشوفو الحكاية شنوا انا ضايع وحدي الناس الكل ضدي.. أمي خانقتني انو لازم نلقا حل و ما نخليش بنت خالتي مفضوحة.. و لازم ناقف معاها و نستعرف بصغيري.. 🤢.. واحل وحلة كلبة انا توا 😵.. بابا دغشش مني انو صارت غدرة هكا في دارنا الي عمرها ما دخلها الحرام 🤢.. قال لازم تكتب عليها؟ كيفاش نكتب و انا على ذمتي تاج 😵حد ما مخمم فيها و لا يحطو في اللوم فيها انو هي دخلت حياتي و فسدت البرامج متع العيله الكل للي وصلنا للنقطة هذي 🤢... مسكينه تاجي.. 💔..
_خليني نمشي لأمي 😢
_تاج ألف مرة قتلك بلاصتك بحذايا 😡أنسى حكاية تمشي منا
_بحذاك؟؟ لا السماح منكم الكل انا لنا ما عاد عندي حد
_شنوا ها الحديث؟ يا تاج لازم مع بعضنا نفضو مشاكلنا و نلقو حل؟ هكا فيسع تسلم؟؟
_ انت لزيتني 😢 انا عمري ما كنت نخمم نبعد عليك و لا نسلم اما انت غدرت بيا (على اكا الكلمة قربت منها شديتها من كتافها عنيا فيها حبيت نخلي قلبها يحن..)
_يا تاج يا تاج راسي ما تخليناش بيا خليك تاج الحنينه الي تحبو ل علي
_ أمان سيبني.. ابعد.. ما عادش حامله تمسني بنفس اليدين الي مسيتها بيهم 😢 (بعدت عليها و هي تقول عايفتني 😡.. انا نقلها ما مسيت حد و هي تذكر فيا بلي صار انا حتى كان غلطت راو لحظة شيطان و انا مانيش صاحي 😢.. تبعد بطريقة حسستني انها خايفه مني كارهتني عايفتني للي خرجتني من سينتي وليت نعيط عليها انو نادم الي صار و انو كيفي كيفها مصدوم و هي مش مأمنه للي وليت نكسر في كل حاجه عرضتني في البيت بل بونية نضرب في القلص و بلارة الكوافاز كسرت الدنيا الكل و هي في كوان حاطه اديها على وجها و ترعش مالخوف.. انا نمشي مريقل اما ما نحبش العوج.. داخل بعضي ضايقه بيا و هي زادت عليا 😡..
_ما فماش مشي لحتى بلاصة 😡 هذي دارك و هذي بيتك و انا راجلك فهمت و الا لا 😡 بلاصتك لنا (حطيت يدي على قلبي نضرب على صدري و هي تخزرلي بعنين مكسورين كملت هبطت لدارنا شديت آمنه من يدها للي رعبتها و قلتلهم انسو كان نستعرف بيها لا هي و لا... سكتت.. أمي قامتلي عنيها تقطر شر قربت مني حسيتها حابه تضربني اما ما نجمتش.. للي قربت مني عنيها فيا طول.. حطت يدها على كرشها
_ يعطيها فرتة ها الكرش الي جابت واحد خذاع كيفك 😡😡 تغدر بحرمة الدار و بأكا المنحوسة الي لفوق و بعرضك و شرفك بنت لحمك و دمك و مش عامل لحد كبير 😡 تفيييه عليك كان تجي( سكتت.. لها الدرجة انا طحت من عنيهم؟؟ و الله آمنه لو مش هبال إلا ما نفرغ فيها سلاحي 😡) ما نسامحكش قدام ربي يا علي كان ما تسترش على بنت خالتك و ترضي قلبي عليك
_فاش تحكي يا أمي؟؟ رجعت تعاود في الحكاية هاك؟؟ ؟ و تاج
_ شبيها تاج ؟ ماك قلت تحبها و نقبتلنا عنينا عليها و خذيتها بالسيف منا الكل و هاك انت خنت العهد كهوا هذا دليل انو هي زايده في حياتك
_هههه فاش تحكي ؟تاج هاك النفس متاعي 😡
_ ما يهمنيش فيك خيرتك و اختار قبل ما نزيدو نتفضحو بين الناس 😡
يا ولى دوامة وليت فيها 😢... خرجت مصهمم.. مش مصدق وصلت لها المرحلة.. بين دارنا.. بين شرف العيله.. بين عيشتي و خدمتي بين تاج.. بين ها الصغير؟ الي مانيش عارف حكايتو شنوا.. 🤢🤢...
و الله لو مش عيب.. نحب نبكي.. و شنوا الي يبكي الرجال.. كان هم في كبر الجبال.... 💔....
الحلقة 45
***للي طاح الليل وحدي في بيت ظلام.. ضوها يشعل اما بغنى قلبي نحس في الظلام... علي خسر فيا طلعلي عشايا على اساس ليا كيف. إلا شاهية.. خرج و سكر وراه الباب.. 😢💔.. تفكلي تلفوني قال شنوا باش ما نتهورش.. لازم نلقا حل و لازم نقبل الوضع الجديد.. علي.. اناني حتى في الحزن.. يحب يلبسني كل شي.. مقابلتني المراية في القلص.. تذكرت يوم هربت مع علي و كانت الدار هذي بداية حبي ليه... بداية حرية و هربة من عذاب و خنقة عمي.. تذكرت كل شي صار قدام ها المراية ياما ضحكت.. بكيت.. تعبت و مليت و قلت يزيني.. تكسرت و تقويت.. اليوم حاسه روحي رجعت بالتوالي.. راجعه لنفس الحبس الي كنت فيه.. نستنى في حد يخرجني..😢..
علي جرحني برشااا و كل يوم جرحو يزيد يقوى.. يدخل يعاود في نفس الحديث.. وعود ما عادش منجمه نصدقها نقلو مليت فديت مش حابه نسامحك توا ؟٣ذ و انا هكا محبوسة و نقلو بلاصتي ما عادش معاك يفز يصيح و يعيط و يكسر.. يخرج منو علي نكرهو.. ما نحبش نراه عليه.. 💔😢...
_تاااج (صوت عبد يعيط بوشوشة؟؟ ؟) يا تاج (قربت طلع صوت سوسن..
_سوسن ؟؟شفت علي اش عمل معايا 😢😭 لا يزي خاني لا يزي شو حابسني راو 😭
_نعرف و راس اختي مصدومه فيه اما إسمع عيش اختي سامحو ل علي تعرف أمنه عقرب و الله هذي فرصتها بالله بونتو فيها لا تسلم فيه (تتكلم بالكلمة و تقص خايفه حد يسمعها.. كلامها عقلي قلي عليه.. أما قلبي رافض 😢.. تجرحت منو برشا و يصلح في غلطتو بغلطة ما أكبر)
_نحب نخرج منا امانك سوسن كلم امي تجيني عيش اختي (سكتت..) سوسن ؟؟ أمان قول لأمي تجي تمنعني 😢😢... سوسن؟؟؟ شبيك سكت؟؟ ( نسمع في صوت المفتاح؟؟ 🤢 طلع علي عنيه موجوعين..)
_ خرجني يا علي الي تعمل فيه زايد 😡
_ تحب امك تمنعك؟؟ علاش ضارك انا؟؟
_حابسني 😡
_حابسك باش ما تتهورش و تخسرنا في بعضنا
_دجا خسرنا بعضنا احنا 😡😡😡
كقتلو هكاك سكت.. مشا قعد عالسرير عنيه يبعد فيهم عليا.. دجا ظاهرين مدمعين..
_شبيك سكت؟؟
_شنوا تحبني نحكي؟ (خزرلي.. و الله عنيه بالدموع؟) انا خسرتك كلو جرتي كهوا ما عندي ما نعمل أكثر من هكا 😕
_اه؟ هذا ما قدرت عليه؟؟ 😥
_يا تاج ما عادش فاهمك راني؟ قتلك غلطت ؟قتلك حاسس انو فما لعبة؟ قتلك تاعب في راسي ماني مذكر شي ماني ماهم شي؟ تاااعب في راسي تاعب (يضرب في راسو بالقوي للي غاضني حبيت نحبسو.. حبيت نقلو يزي.. أما شديت روحي لازم يعرف غلطتو😨😨.. و يعرف قداش جرحني.... كمل هستيرية العاده و قام باش يخرج....
_ كملت زرت سجانتك؟؟ يعطيك الصحه (طفاني) اما نصيحه لم اكا القزاز متع المراية الشيطان الي وسوس لعايشة قاعد يوسوسلي 😥🤢...
(يا اميمتي مله خزرة 😥... رجعلي قرب مني و الله قلت باش يضربني 🤢.. شدني من يدي و خرجني معاه.. سيبني في وسط اكا العيله الهايلة متاعو.. عنيه تقطر غش يخوووف..
_ تو وحدك وحدك ترجع تسكر على روحك البيت.. (خلاني بحذاهم و مشا.. نخزرلهم و لا حد حاسس بناري الكل غايضتهم حال آمنه و هي أبدعت في دور الضحية امو قتلي افهم روحك و اخرج من ها العيله خلي نفضو مشاكلنا في بعضنا.. 💔.. اصلا انا هكاك حاسه روحي دخيله غريبة في وسطتهم... 😵😣... و كيما قال علي ما حملتش كلامهم رجعت نجري للبيت.. 😣.. يا مر ايامي.. 😣...
*** اول بار لقيتو.. رجعت لمحنتي... رجعت نسكر لعل ننسى الي قاعد عايش فيه... حاير دوامة كبيرة قاعد ندور في نفس البلاصه وين نقول سلكت تجي مشاكل جديده.
....لقيت أمير غادي بهت كراني عرف انو عندي مشاكل اما بحسن نية سئلني على تاج؟؟ مش عارف علاش خذيت الحكاية بغش و نغرة ولات عركة بينا ضربة منو.. ضربة مني.. وصلنا للمركز... هو عارفني مش في مخي.. أما أنا سيا ما عاد كابر في عيني حد.. قدامو فلطيت و لمحت اني خسرتها لتاج؟؟.. يخزرلي باهت ؟.. حب يروح بيا.. دزيتو.. قلت نروح وحدي.. هو شد صحيح.. ركبت معاه ثنية كاملة مرة نقلو نحبها.. مرة نسب و نعارك.. للي خلطنا... دوب هبطت شفت شباك بيتها... نجمتي مزلت ساهرة.....
_يا نجمتي... ياااا نجمتي سامحني
*** قاعده كعادتي ساهرة سمعت صوت علي؟؟؟ يعيط ؟؟؟؟ طليت مالشباك لقيتو واقف يصيح؟ معاه علي؟ اش قاعد يعمل.. حسيتو مش في مخو.. يقلي يا نجمتي سامحني.. 😣.. طفيتو و دخلت هكاك و دخلت عليا آمنه تعارك و تسب و جايبة ما عندها.. وراها ام علي تقلي سببتلنا العار و الفضيحه.. يكرهوني... كرهم و مرهم كرهتو.. دزيتهم و خرجت لبرا.. و اخيرا هواء حرية.. وليت نجري حابه نهرب من كل شي... علي راني هاربة خلط عليا.. أمير حاسس انو الجو مكهرب.. حابه نخرج... حاسه كل شي يتعاود عليا.. للي طحت..
*** بنية مزيانه شعرها على وجها... هزت عنيها جات فيا.. عنين اول مرة نرى زينهم.. يلمعو مع ضو النجمات..هكا انت بدايتي معاها... هكا كان أول مرة ريتها فيه... الفرق انو يومها كانت هاربتلي و اليوم هاربة مني.. 💔..
مديت ايدي باش نقيمها خلتها بيا و قامت وحدها تنفض في دبشها.. عنيها غارقين في الدموع...
_لاباس تاج ؟؟(هذا أمير 😡 تلفتلو بغش مش حامل ينطق اسم مرتي على لسانو)
_لاباس بيها برا انت توا 😡 (وليت ندز فيه باش يخرج و هو عنيه علاها واقفة مكسورة الخاطر..)
⬅️⬅️ أمير كان قاري في عنين تاج انها تاعبة.. ضايعه.. خايفه مستحقه حد يمنعها.
يهربها ملي هي فيه.. قاعد يدو فيه علي يوخر و عنيه فيها.. تخزرلو في خزرات متع انسانه مكسورة... 💔... نظرة انسانه تخانت عندها كل مشاعر الحب 💔... هو مشا و علي جاها يطايح شدها من يدها باش يدخلها.. و هي تحب تتملص و هو كابس عليها... شواها اما هاك علي ديما مكبش في يدها عمرو ما سيبها و لا سلم فيها...
_ علاش هكا يا تاج علاش 😢💔
_ بيديك وصلتنا لنا(وقفو بيدو شادها اما هي مش طايقاتو..)
_ ما نحبش نخسرو بعضنا
_احنا خسرنا يا علي افهم 😣😨 اليوم هاربة منك يا علي..
الحلقة 46
(نطرت يدها بقوة...) من فترة هربتلك من جحيم كنت عايشة فيه 😥 شديت في يديك هاك يا دخلتني بيهم لجهنم 😢 رضيت و صبرت اما اليوم انا محروقة فيها يا علي 😢 (قربت منو و بصبعها تتكلم و تهدد) اما كيما لقيتك انت معنتني مالجحيم تو يجي غيرك يمنعني من جهنم هذي)(تلفتت وراها... هو بيدو خزر.. هي تقصد أمير.. زاده خلاتو يشعل 😡😡 تنرفز هي دخلت و هو بقا واقف لبرا يتكيف بغش و غزول.. الطقس بارد.. مطر.. ريح.. تعود علي على الدنيا الي عاكساتو...
_هبلتي ولدي الجبل الي طول عمرو شامخ لفوق 😡😡 الله يهدك (ام علي بحرقة قلب ام على ولدها... تاج متعوده على ها الكلام.. طفتها و طلعت لبيتها.. كل شي ما عادش يشجع عالعيشة.. سبق و تاج خممت قبل في الهروب.. ما نجمتش.. وقتها القلب هو عكسها.. حب علي وقتها عشش عندها.. تخزر لأكا الشجرة تبسمت من غير ما تشعر.. كنقزت و زعما طاحت.. حتى في هربتها منعها.. أول ما طاحت في حضنو.. أول مرة القلب دق.. اكا التفاصيل الي كانت احلى ذكريات اليوم ولات خانقة... هكاك يصير مالقلب يتخذل.. 💔...
ما عادش بكري و علي باقي لبرا.. حاجه من داخلها مزالت تسئل و تهتم بيه. هبطت تشوف فيه وينو؟ هي باش تحل الباب و هو دخل منفخ بالمطر... عنيه هايمة... مشيتو مش مستوية... هز عنيه شافها.. اصلا هي تربثت مش مستانس علي خزرتو تكون مكسورة هكاك.. عضت على قلبها و كانت باش ترجع على ثنيتها.. قلبها حابب يطمن اما عقلها يذكر فيها بكرامتها.. هكاك و رت خيالو طاح 😨... طاح علي على طولو... صاحت.. مشاتلو تجري.... تحرك فيه و هو مالبرد جامد....
_علي 😭😭😭😭😭 امانك فيق أمان ما تعملش فيا هكا 😫😫😫 ما تخلنيش وحدي لنا فيييييق عللللللللي 😭
😭(تصيح للي فاقت العيله الكل.. كثر الحس و الصياح... أم علي تبكي و تندب اش طيحك يا جبل..💔... دخلو رجالو شاملوه مع غسان و دخلوه لبيت امو.. حاجه سخونه.. كلم الطبيب... تفاصيل كانت تاج واقفة بعيده حد ما طايقها.. طمنتها منى انو قام لاباس.. بعدتها.. و نصحتها تطلع ترتاح في بيتها.. اش من راحه.. الي يعيش بينهم ما يعرف طعم الراحه.......
للصباح تخمم فلي صار.. تقنع في روحها انو هي قاعده تغلط في انو تسهل في الثنية ل آمنه.. عارفتها عقرب مسماسمة و عادي كل شي من تحت راسها.. أما مش منجمة تسامح علي فيسع.. هبطت سئلت عليه انو بخير خرج يصلي.. كانت تتخبى من عنين العقارب الي توا كرهم ولى حقد... هكاك و شافت أمنه 😡.. كان لازم تتفض بينهم خلطت عليها جبدتها بقوة و بدات تسب و تعاير فيها.. تاج خرجت غشها و غلها فيها.. ذكرتها بكل رخص عملاتو... آمنه كانت تجبد عليها بالمرتاح... بدم بارد تجاوب.. آمنه قاعده تربح مع كل تصرف غالط تاج تعمل فيه....
_وحده كذابة و ساقطة غدارة كيفك حقدك خلاك جرتك مرا ماتت لازمو علي يعرف انو الشيخه و الإدمان جرتك انت 😡😡 انت دخلتو للدار هذي 😫😫
_محنة عادي من وجيعه قلبي لقيتها كان هي تشفيني
_اه تشفيك ؟ لا تهني مرضك ما عندوش دواء مريضة بالغيرة و الغزول و الغدرة و تهنى الزوز كيف بعضكم 😡😡 ما تفرق عليك بشي عايشة 😡 الزوز غدارات اما تعرف علي لازم باش تتكشفي قدامو
_ههههه تحلم انت و زيد ممكن انتم غدارات اما انا لا عمري الكل صاينة حبي ل علي 😉
_ يا حسرة عليك في ها المقارنة انا عمري ما نكون كيفكم... عمري ما نعمل كيفها و لا نكون كيفها تهنى انت وصلتها هي وصلت روحها ما تفرقش المهم الزوز الغدرة تجري في دمكم على خاطر مصالحم عادي تحرقو الدنيا الكل الي دايرة بيكم باش تربحو انتم.. عادي تسلمو في رواحكم فلوسكم و اعراضكم 😡😡😡 انت ما تفرقش عليها على خاطر مصلحتك عادي لعبت بشرفك كيفها
لحظتها آمنه شافت انو فما حد يسمع فيهم و طلع علي 😢
ولات تتصرف بتبهنيس حابه تزيد تغرق تاج أكثر..
_فاش تخرف انت؟؟ انا مالحب ل علي سلمت في كل شي خاطرني نحبو
_ما تجبدش عالحب قدامي فهمتي و الا لا 😡😡😡 مستحيل تكون تعرفو الحب 😡 لا انت و لا هي الزوز لعبتو لعبة امسخه ل علي خلتوه يعيش بهلول في وسطكم اما ليكم ربي و الله 😡
_ايه اش تفرق علينا هاك انت مخبية عليه و تحمي في عمك؟؟
_يعمي عنيك لواه باش نحميه؟ و شنوا تحبني نقلو علي؟؟ راي مرتك كانت خاينه بلحق و كانت صاحبة عمي؟؟ لا ما نقلوش
سكتت آمنه فرد سكتة؟؟ عنيها تخزر لوراء تاج... تاج عرفت انو فما مصيبة تستنى فيها تلفتت بالشويا لقاتو علي.. 😫😫😫😨😨😨 عنيه تقطر غش للي حمارو.. نازل على بونيتو... بعدت... هو يقدملها و هي توخر.. سيا تأكدت وقتها انو بلحق ما عادش فما رجوع جمله لأول الحكاية...آمنه ربحت... خزرتلها تتبسم بعنين الشماته....
*** آخر ما كنت نتوقعو... آخر ما كنت نتصورو... ها السر دمرني... ها السر نهات بيه تاج كل شي حلو في حياتي.. طلعت عايش في كذبة في ماضي مغشوش و حاضر اغش.. 😥😥... تاج سيا ماللحظة هذي خرجت من قلبي... خرجت كيما هي خرجت السر إلي كانت مخبياتو عليا.. 💔..
_شبيك ؟؟؟
_كانو مخيريني يا إما هوما يا إما انت 😫😥😢... تعرف شكون كنت باش نختار؟؟ ؟؟؟ انت ( صبعي في صدرها للي وجها تخطف) كنت باش نسلم في كل شي 😫 و نهزك و نمشو نهربو لبعيد... أما توا شنوا؟؟ ؟
_ششنوا (مربوثة)
_ انت الي لازم تمشي بعيد 😡 لازمك تبعد عليا باش ما عادش في يوم نراك و لا نذكرك و لا نخمم نرجعلك 😡😥😡.. (ندز بيها بصبعي) اخرج من حياتي اخرررج (صحت عليها و هي عارفه علاش انا حكيت هكاك.. 💔)
الحلقة 47
***، ادمرت سيا.... آمنه.. 🔞.. للمرة قداش تربحني😢
_كلو منك يا ساقطة... (تنطرت عليها شدني من يدي شواني)
_يعني هاك ما تخمم فيه.. 😡😡 مش هامك ها القلب الي كسرتيه؟؟ ؟؟؟( كلمة ما نطقتهاش) اما تعرف شنوا امي عندها الحق انت غلطة ها الدار😡 و انا جا الوقت اني نصلح غلطتي.. ما تستاهليش الي عملتو معاك و لا ها المحبة الي في ها القلب.. قتلك ألف مرة حطي سلاحك في قلبي و اقتلي روحك معايا.. باصتك غادي 😢😡 و انت اليوم حطيتو رصااااص مش رصاصة بركا...
*** (نخزرلها حابب نزيد نفش غيضي فيها و شي شديت روحي.. جيت نمشي شدتني من يدي... نفس اليوم الي في يوم شدتني منها و انا من وقتها ماخذ عهد اني ما نسيبهاش و ما نسلمشي فيها.. ايد العروسة المكسورة... اليوم سيبتها بغش.. بنطرة.. ولات تبكي ما عادش تفرق معايا دموعها.. سيا..
_علي 😭😭😭
_ ماللحظة هذي تحرم على علي
*** شنوا اوجع من هكا.. حرمني عليه.. قلي الطلاق هو حلنا 😢😢 انا بلي دغششت ما خممتش في الطلاق.. و هو سيا.. علي كل شي يعديه كان انو حد يخبي عليه أسرار و الا ينافقو كيما عملت انا 😭 بدمعة المكسورة نخزر لعنيهم.. عنين فرح شماته.. و فما الي تقهرو عليا.. منى طلعت لبيتها تبكي.. سوسن قربت مني تحرك فيا بعد ما جمدت في بلاصتي من صدمتي فلي سمعتو.. 💔.. هكاك و سمعنا صوت طلقة نار جاية من فوق 😨😨😨😨
_علللي ( صحت فرد صيحه الكل مرعوبين طالعين نجرو يا رب نموت و لا يطلع علي عمل سبة في روحو😭😭😭😭... دخلت نجري لبيتنا.. دوب حليت الباب لقيتو شادد السلاح.. نخزرو ما هوش مصاوب.. ما فما حتى ضربة فيه.. دم.. تهنيت اما ركزت في السلاح الي محطوط فيا 😨.. تذكرت يوم سئلتو.. "علي زعما يجي نهار و تهز سلاحك فيا.... توقعت يقلي نموت و لا نعمل هكاك.. أما هو قلي ما دامك تاقف بجنبي عمرو ما سلاحي يتهز عليك... السلاح يتهز كان للي ياقف قدامك..." و صح كلامك يا علي اليوم مانيش بجنبك.... قدامك.. عنيه تقطر شر... قرب منو غسان و فكلو سلاحو... قعدو عالفرش... انا بقيت مصدومة... حبيت نبعد من وجهو ما نزيدش نشعل نارو.. تلفت ورايا لقيت تصويرة عالخزانه مضروبة برصاصة... جايتني بين عنيا.. 😨😨😨.. للي بلعت الريق بالسيف... وقتها سيا تأكدت انو ما عادش عندي بلاصة لنا.. 💔😫... هزيت ساكي و خرجت نجري... 😓😓😓.... أما لوين.. 😰.. شكون عندي بخلافك يا علي.. 💔😓..
*** لقيت روحي عند عمتي.. مليت حلت باب الدار شافتني هكاك ترعبت عليا و عرفت انو صايرة حاجه.. قربتني منها.. عنقتني كنت مستحقة ها الحصن هذا... اطرشقت بالبكاء.
_الي بعثتيني لحمايتو اليوم سلم فيا 😭
بقات تهدي فيا... سمعتني.. سبت عاركت على الشر الي كنت عايشة فيه.. وعدتني تاخولي حقي منهم الكل.. 💔..
عديت عندها اربعه ايام حد ما جابلي لا خبر و لا خبرة.. لا سئلو و لا اطمنو كل يوم نفيق نقول لعل علي يجي و نحكو.. عارفه مستحيل و عارفه زايد الحديث اما خرجتي ما كانتش تليق بحبنا الكبير ما هيش نهاية باهية..
دوايا متع السكر مش الكل هزيتو كخرجت و دبشي.. لبستي.. الدنيا باردة قداش منها عمتي تلبس توكل تشرب.. انا حتى تلفوني ما هزتوش كلمت امي كذبت عليها ما حبيتش نحيرها معايا لاهية مع جدي مريض قلت خلي يركح الجو و تو من بعد نقللها.. اصلا مش عارفه اش مقعدني لنا انا.. 😓
في ساكي كان تفتوفة فلوس ما تعمل شي.. غفلت عمتي و قلت نمشي للفارمسي نشري حتى دواء متع وجايع.. مالستراس متقلقه... ملي خرجت مالدار مش حامله حد نمشي و نتلفت يعرضنيش علي 💔 بقيت ضايعه بلاش بيه.. دخلت للفارمسي بلحق متقلقه واقفه بالسيف على ساقيا قلتلها تعطيني دواء للوجايع و الحق غالي 😢.. بقيت نقلب فيه هكاك و بالصدفة دخل أمير.. جاي يسئل على دواء.. كشافني حسيتو فرح
_تاج؟؟ وينك لاباس عليك (هو انا باينة اني مانيش لاباس اما كذبت عليه اني بخير..)
_مادام باش تشري الدواء و الا لا؟ ؟؟
_لا لا
_تحب نعطيك حاجه أرخص؟
_قتلك لا (هي قتلي على راحتك و هو هز الباكو منها... قلي لاباس متقلقه من حاجه..) لا غير خرجت من غير فلوس نزرب ما فوقيش 😳 ( مشا خلصها للي حشمني.. بقيت نقلو لا ما غير و هو شد صحيح اصلا انا مستحقاتو... خرج معايا ما صبرتش عالخواء شربت كعبة.. بقا يخزرلي باهت.. وجهي تاعب عنيا محوقين..)
_الحق مش باين عليك انك لاباس جمله؟ تحبش نهزك للسبيطار
_لا لا تعب عادي هاني خذيت الدواء عيشك مرة أخرى
_من غير مزية (بهت كيفاش ماشية في ثنية مش متع الدار..)
_عندك ل شكون ماشية؟ ؟
_اه ؟؟ ايه عمتي(تربثت) عمتي مريضة قاعده لاهية بيها ها الفترة
_اه سامحني أن شاء الله لاباس
هو بيدو هاك ثنية خدمتو.. ماشي ساكت اما حاسو حابب يسئل اما حشم مني.. نمشي و نحبس شويا.. حيرتو عليا.. انا حالتي هاك من قلة الماكلة و النوم.. وصلنا لدار..
_هاك دار عمتي عيشك.. (سكت شويا) على كل شي (جيت باش ندخل و عمتي جايا من دار الجيران.. راتني جات تعارك.. اش خرجك و انت مريضه و كيفاش نجمتي و فجعتني عليك.. حشمتني 😓ظهرت نكذب.. للي ترهوجت..
_ووه يا بنتي علاش هكا اش خرجك (أمير تنطر جا شدني.. عمتي حلت الباب و انا نمشي بالسيف ولى حملني دخلني
وجهي مشا ألوان و جا ألوان.. جو الدار داخل بعضو عمتي مسكينه عايشة في مستوى أقل من قيمتها.. لا انا و لا هي مستانسين بعيشة هكا... هي دخلت تحضرلي في حاجه.. قدامو تحكي نهارين على شربة الماء و دواها.. تعارك و تشكي 😓😓😓... بقا يخزرلي
_تتفضل ارتاح (هو في الحالتين كان باش يقعد.. باقي يخزر على اجنابو الدار باردة.. الحال شتاء.. انا موالفة في الشوفاج و الدفا قبل بحذا علي 💔...) سامحني كذبت عليك (خزرلي في عتيا طول)
الحلقة 48
_ بلحق مش عارف شنوا نقول اما وينو علي؟؟ (على اكا السؤال عنيا فيسع تملات بالدموع💔.. مش حابه نحكيلو تفاصيل.. بقيت ساكتة شويا و من بعد جيت باش نقلو عنا شويا مشاكل.. و عمتي جات عملتو قهوة.. قعدت و بدات تفرش في كوارتي في ما عادش تجبد اسمو في ها الدار في سلم في بنتي في لوحها😓 في في في
_عمتي 😨😡😡يزي (ياسر حشمتني.. ولات فهمت روحها خلتنا و مشات.. بقا يخزرلي مصدوم يعني قصتي مع علي في نظرو أقوى من انو نتعدو بحكايات هكا 😥...
ضاع عليه الكلام.. قلي انو موجود في أي وقت و كتبلي نومروه في ورقة قلي بربي لا تبخل في انك تتطلب مني الي تحب.. بلفطو انو باهي.. هو مشا و انا دخلت ل عمتي نعارك في كيفاش تحكي سري ل عبد براني هكاك.. عمتي مغلغله على علي و عيلتو و مش باش تفلتلهم فرصه تفضحهم.. 💔....
**** الي نعديه في الخدمه أكثر ملي نروح فيه للدار.. نروح للنوم طول لا نقابل حد و لا نحكي مع حد.. الدار ولات خانقتني.. ريحة تاج في كل بلاصة.. في كل بيت.. ضحكتها زينها كل شي كان عاطي معنى لمرواحي كل يوم.. 💔.. المرة هذي طلبتني امي و قالت انو لازم نجي فيسع.. انا خفت مالمصايب الي كل مرة هابطة عليا.. دوب خلطت لقيت عمة تاج... كشفتها بلحق تفجعت... وجهي تقبض.. اش من خبر جايبة...
_اش فما ؟؟؟ لاباس ؟؟؟؟😨
_اش من لاباس يا وليدي هاي بنت اللبة جاية شارية عركة لينا فضحتنا و فزعة الجيران علينا و الله لو مش هبال تو نفرغ فيها المgرون 😡
_تعملها محسوب تاج هاك الي فاتها في ها الدار.. العذاب الكل شفاتو،😡
تعيط و تتعاير مع امي.. تحكي على تاج و إلي فهمتو انها عندها؟ انا ما سئلتش و ما حبيتش نعرف أخبارها مش عارف علاش.. ممكن باش ما نضعفش بعد إلي قررتو 😰
_اش تحب توا 😡
_اش نحب ؟؟ و الله ما صاب نقلك 😡 اما الله غالب.. انا السبب في عذاب بنتي تاج.. (قربت مني) أنا قلتلها ريتو هاك!!! هاك سيد! هاك ارجل واحد أمني روحك عندو 😡😡 هاك عمرو ما يسلم فيك و لا يبكيك و لا يغدر بيك (تلفتت لآمنه) تقلي شكونو يا عمتي راني خايفه 😢 قلتلها لا هاك معاه ما تخافش و اليوم اش جنت بنتي كان العذاب و البكاء و القهرة
_أيا يزي ردهالنا ملايكة و احنا شواطن (امي)
_ايه ملايكة بنتي ملايكة عمرها ما ضرت حد تمشي بنيتها في زمان الذيوبة و الثعالب (تتلفت لجماعتي شادد روحي عليها بالسيف)
_ باهي فهمنا انو انا اخيب انسان في العالم و بعد؟ 😏
_اه هكا يعني؟؟ دم بارد؟
_لخص علاش جيت؟؟ كان تحب تاج ترجع لها الدار انسى (امي)
_ههههه مسكينه كان مزلتو تحلمو بيها تاج و لا انت مزلت تحلم تحوزها و لا ترجعلك.. انت سلمت فيها خذيتها وردة. و ذبالت بين يديك غدوة يجيها الي يعاود يسقيها😉... و توا جايه نهز في دبش بنتي
_هههه دبش ؟؟؟ بنتك جاتنا هاربة من عرسها نذكرك لا جابت جهاز كااصبايا لا جاتنا بالجلوة 😂😂
(هوما يضحكو للي بخصتهم باش يسكتو.. قربت مني كان انا بقيت نسمع فيها)
_خلي نهز حوايجها.. بنتي بردانه في ها الطقس.. بنتي مريضه خلي نهز دواها.. ( قسمتلي قلبي... حسيت روحي تختقت نكذب على روحي كان انا ما عادش نتحير عليها و الا نحس بيها 💔 قلتها برا ادخل هز الي تحب.. أمي حبت تمنعها و انا نزرت عليها.. خلطو وراها على اساس تهزش حاجه زايده.. 😓😓😓 أنا تحيرت..أكثر... بقيت واقف للي خرجت..
_ياخي دواء السكر وينو ما لقتوش؟
_ما نعرش؟؟ أسئل البنات في الكوجينة
_من غير ما تسئل لوحتو الكل يزينا من نكدها و مرضها
😡😡😡 امي بلحق لو ما جاتش امي... نازل على بونيتي مغزل 😡😡
_لوحتو ؟؟؟ حرام عليك تعرف قداش سومو هاك؟ ؟ حرام عليك و الله منين باش تجيب توا بنتي حق دواها
_بفلوس ولدي مله؟؟ اما حرة
_امي 😡😡 يزي عاد كثرتلها ادخلو الكل 😡 نعيط عليهم دخلو سكرو الباب تلفت لقيتها ماشية خلطت عليها جبدت فلوس قلتلها هاكم حق الدواء.
_هز عليا 😡. هاك الي بقا و مزال راني بنت اللبة يا كبدي الي تبيعو انت نقدرو نشروه غير الزمان يعبوه كيدور عالعبد 😡😡
خلاتني و مشات 😓.. حيرتلي مواجعي.. حيرتني.. اه يا تاج لوين وصلتينا.. 💔...
*****تعاركت مع عمتي كيفاش رخصتني ليهم باش يوصلو يطيحولي من قيمتي.... خرجت مدغششة قلتلها ما تسالنيش وين نمشي.. بقيت كيما لا مطلقة لا معلقة.. لتوا لا زدت شفتو...
خارجة الطقس مفرعس.. الدنيا فيسع تغمت اللطف.. بقيت ندور من بلاصة لبلاصه.. البرد فرعسلي بدني.. ندمت اني خرجت..
ولات مطر لقيت تينده بقيت تخبيت تحتها.. هكاك و ريت أمير بكرهبتو.. وقفلي..
_تاج ؟ (مله زهر 😅)
_اش تعمل توا ؟؟(هبطلي من كرهبتو...)
_خرجت نعمل في دورة هاو تقلب الطقس 😅
_أيا نوصلك ؟؟؟
_لا لا تو يركح الطقس و نمسي
_لا يا ذنوبي بالعكس باش تزيد تقوا (بقا يقنع فيا. للي طلعت معاه.. اصلا راي عمتي تحيرت عليا..بقا يحكي في حديث عالطقس و انا ساكتة.. من بعد خزرتلو)
_أمير (كيفاش تلفتلي عبارة يستنى فيا نتكلم) وين وصلت حكاية عمي؟ يعني وقتاش المحكمة متاعو نحب نحضر فيها
_على قريب (حط يدو على يدي انا للي جمدت😰...) تو ترى كيفاش القانون يحاسبو على كل شي ( حشمت.. بعدت يدي)
_أن شاء الله 😳
_باهي انجم نسئلك توا ؟؟(حبس الكرهبة.. لقيتو وصلني سيا.. فيسع ؟؟) شنوا صار بينك و بين علي؟ يعني صحيح أمور ما تعننيش اما.. يعني كان ما تراش مانع يعني..
(حاشم باش يسئل و يعرف خممت شويا و من بعد من غير ما نشعر تقول نستنى في حد ينبشني.. وليت نحكيلو انو حكايتنا وصلت لمرحلة ظلمة.. نحكي و نبكي.. نخزرلو متأثر معايا مركز..) باهي سامحني اني سئلت اهدأ شويا تحبش نحكي معاه ؟
_لا لا امانك يا أمير هو سيا خرجني من قلبو من حياتو من كل شي اصلا ضايعه انا توا حابه نشوف أخرة ها الحكاية و خلي نروح لأمي و نحاول ننسى 😭😭😭
الحلقة 49
⬅️⬅️ هي تحكي و تبكي و أمير حابب يصبرها حابب يخفف عليها و ما نجمش.. صبر روحو بالسيف باش ما يقربهاش.. مرا محرمة عليه مرت راجل.. يكفي انو سمعها.. هاك ما خممت هي.. كلقات شكون واقف معاها و يسمعها يزي.. و لعبة القدر الي ديما عاكسة.. الوقت هاك علي ضميرو ما عطاشو تبقا تاجو موجوعه و متقلقة.. و يرى بالعشرة.. تعدا خذا الدواء و باش يوصلو لدار عمة تاج.. من بعيد يشوف في الدار ما فيهاش مؤهلات دار دافية و تليق ب تاجو.. 💔.. متأثر.. نادم.. و على هزة عينو شاف كرهبة أمير؟؟ ؟؟ بهت اش تعمل لنا؟ مشا قرب منها طل لقا تاج قاعده غادي
مالشباك تلفتت جات العين في العين... من أيام ما تقابلوش..هبطت من غير ما تشعر خاصه كرات عنيه الي تقطر غيرة.. ما عاركهاش ما كلمهاش.. ساكت اما عنيه تحكي في ألف حديث.. هي بيدها تربثت..
_علي 😅 اه هاك ترى في الطقس عرضتني و المطر تصب وليت وصلتها دجا توا هابطة (أمير يفسر)
_ما يهمنيش 😡
_يزي أمير ما عندك علاش تفسر 😡
الزوز يعاندو... الزوز يكبرو في ريوسهم.. مقابلين بعضهم.. عنيهم في بعضهم.. بكل صحة راس..
تاج مقوية روحها بالسيف.. ما تحبش تبان مكسورة قدامو.. عمل هكا و جبد الدواء قلها _نستيه عنا لقيتو في الدار
_مش امك لوحاتو؟
طفاها و مشا.. عطاها بالظهر حبت تخلط.. تعارك ياخي شدها أمير... تلفتتلو و قريب تبكي٤... دموعها مش هاينة عليه.. قلها روح توا و اكيد الي جاي خير.... علي ما فاتش خطوتين و رجع...
_برا روح (تاج بهتت) فيسع 😡
_ اش دخلك فيا ؟؟
_تاج😡 فيسع ادخل (يدز فيها للي حلت الباب و باش تسكرو)
_ماليوم ما عادش تدخل فيا 😡
_ادخل (نزر عليها.. دخلت سكرت الباب للي تبسمت انو مزال تهمو..)
تلفت علي لقا أمير مزال واقف...
_أيا برا هز كرهبتك و اندف معلم صاحبي صاحب واجب (يربط على كتافو)
_كإنت تغار عليها هكا علاش سلمت فيها 😒
_ اموري 😉
طفاه و مشا بعد.. و هو فرحان انو اطمن عليها ما دام مزلت تاقف قدامو و تعاندو يعني لاباس...
صبحت نخمم فلي صار ليلة البارح.. علي مزال يغار عليا يعني مزال يحبني.. يعني الي قالو متع خرجتي من قلبي و اكا الغش زعما ما يقصدهمش؟ 😒.. علي وجعتو بإني خبيت عليه اكا الماضي الحزين اما حتى هو عيشني في ماضي أتعس.. وين نذكر انو اكا العقرب ربحت نموووت بالغزول.. قمت ما لقيتش عمتي؟؟ الفريجيدار فارغة ظاهرة عمتي ماديا عالحيط.. خممت نركب اليوم لأمي اما زاده مش هاين عليا نبعد عليها توا و زيد حابه نكمل نحضر محكمة عمي و نفرح اني خذيت حقي منو على الأقل نخرج منا بحاجه تفرح و كهوا لا رجوع جمله.. 😨.. أما للوقت هاك باش نقعد في الدار هكا من غير فايدة باش نزيد نتعب.. قمت لبست و خرجت قلت نرجع ايام الحرية الي كنت محرومة منهم.. ❤️..
ااباصة لنا يعرفوني على اني مرت علي 😒 منين ندور يحبسوني يسلمو و يوصو فيا على قضيات معاه.. لازم كل حد نقلو وحدو انو كلمو علي وحدكم 😏.. من بعيد لمحتو تخبيت... حطيت أديا على قلبي مزال يضرب كيف العاده كنراه.. اش يعمل في الحومه لنا 😰... جرتو درت في ثنية أخرى.. من بلاصة ل بلاصه لقيت روحي بحذا فيلا جدتي اللبة.. ترددت شويا من بعد دخلت.. الثنية الي متعدية منها تذكرت فيها اول مرة ريت علي.. ❤️.. أول خزرات.. أول كلمات.. الراجل القوي الي سحرني.. كيفاش نهارتها دافع عليا بكل قوة من غير خوف... وصلت لساحة الدار.. تعديت وين صارت حفلة عرسي لكا الشايب الي اختفى في ظروف غامضة 😅 كيفو كيف بابا 😥.. تعديت بجنب الباب الي عنقت فيه علي اول مرة و طلبت حمايتو.. "منعني أمان" 😅 لتوا نذكر ردة فعلو كيفاش تفجع.. خزرتو ليا متع هاك معايا.. نذكر كشدني من يدي و هربني معاه.. البداية الكل كانت منا.. واقفة نتثبت و نذكر في كل شي...
_تاج ؟؟؟(تلفت لقيتها جدتي.. دادا اللبة.. خفت منها كنت باش نهرب نخرج عيطتلي) استنه ما تمشيش (حبست تلفتلها جاتني تمشي بالسيف بالعكاز.. قربت مني.. انا نوخر مزلت مرعوبة منها الانسانه هذي كانت سبب برشا دموع ليا و وجيعه.. 💔.. شدتني من يدي جبدتني ليها عنقتني 😰و الله مصدومة معقوله هذي اللبة؟؟ ؟؟ من بعد بعدتني) كسبا جيتني؟؟
_ما جيت لحد.. هكاك متعدية و هاني ماشية
_استنه... ادخل شويا.. (كنت باش نطفيها اما عنيها يحاولو فيا هي مستحيل تحاولني كبرياءها ما يسمحش 😥... طاوعتها.. الدار باردة فارغة.. كانت بحس عمتي عامرة و عمي و بابا و انا.. رغم كانت ايامي الكل لنا بكاء و صياح و نحاول "خرجوووني" و نهدد بإني باش نهرب هههه ندور في الدار و نضحك معقول قلبي حن للأيام هاك؟.. سئلتني على حوالي.. باش نكذب نقول اني بخير ما انجمش دجا ما سئلت الا ما هي تعرف كل شي.. راهي اللبة.. واقفة كعادتها.. رغم المرض و الكبر خذو منها ما حبو.. قربت منها..
_مانيش لاباس 😢 تاعبة برشا.. ضايعه.. واحلة بين نارين و الزوز يحرقو.. كان اخترت البعد نتحرق... كان اخترت القرب نتحرق أكثر.. 😢(تخزرلي باهتة كيفاش طول صارحتها بلي حاسه بيه..) اما مزلت تاج البكاية هههه ما تبدلتش (تلفت على جنب مسحت دموعي.. نخزر للبيوت و لكل شي..)
_ارجعو عيشو لنا (خزرتلها باهتة؟ ؟؟)
_شكون احنا؟؟ بنتك الي لوحتها ؟ و الا انا؟ انا يا دادا ادمرت جرتك انت و عمي 😢ما وصلت الناس الكل عفستني الا مالطبع الي كبرتوني عليه ديما مهزومة 😢
_ما عاش الي يهزمك
_لا تهزمت؟ 😨 انا اليوم بعيده على راجلي خسرتو.. بعيده على امي.. مش عارفه بابا وين.. عمتي مسكينه مش خالطة تشبعلي كرشي خذيت منها تعب صغرها و توا ناخو في تعب كبرها (سكت)
_و انا؟؟
(تبسمت حابه نقلها انت السبب في كل شي و سكت قلت مرا كبيرة يزي ما تكسر خاطرها قلتها خليني نمشي.. خلطت عليا شدتني من يدي و قتلي اقنع عمتك تجيني و ارجعو املو عليا الدار (عنيها بالدموع)
_ماكش مغششة مني ؟راو ولدك دلولك ينجم يخزز في الحبس جرت شهادتي؟
_ الي شرا يخلص هكا و الا لا
_كعادتك صعيبة؟ ؟
_ و انت ماكش باش تفهمني (ما عجبنيش كلامها جيت نمشي قتلي آمنه عمك قادر يدمرها ... انا نمشي و هي تقلي.. نقطة ضعفها عمك.. خليتها و خرجت.. حتى لو نعرف نقطة ضعفها ما عندي ما نربح توا... الي صار صار.. علي فسخني و انا ما انجمش ننسى انها حبلة منو... 💔...
الحلقة 50
**** كل يوم نقعد وحدي نبدا نرجع في مخي للي صار نهارتها.. نذكر في شنوا كليت.. شنوا شربت.. كيفاش وصلت نسيت كل شي بها الطريقة 😥..
_علي شبيك شارد؟.
_نعم اه امي
_اممم كالعاده مزلت تخمم فيها 😡
_اش تحب يا أمي
_ تعرف شنوا نحب. مرتك هو سيا خرجت من ها الدار و انت حرمتها عليك طلقتها يعني كمل ريقل أمور الأوراق و خلي نسترو عارنا قبل كل تكبر فضيحتنا المرا باش تمشي للطبيبة حاشمة تعرف انها مش معرسة 😡
هي تحكي و انا سارح بمخي.. معقول انجم انا نطلق تاج؟؟ معقول انجم ناخو غيرها؟ و خاصه آمنه.. قمت خليت امي تحكي وحدها و خرجت عارف انو عيب نعمل هكاك اما هي تلزني.. مش عارفه اني موجوووع برشا.. لا يزي كسرة خاطري من تاج و زيد الي عرفتو على عايشة.. المرا الي حزنت بعدها بكل أنواع الحزن.. 😥 طلعت ما تستحقش حتى شي 😡..
نحتقرها و نحتقر روحي 😡... هزيت كرهبتي و بعدت لبلاصة العاده.. هبطت اتكيت على كرهبتي.. تذكرت النهار الي هربت فيه تاج.. نخزر لكا الهفهوف.. قربت منو برشا.. نخزر لقاعو.. قلت شنوا كان ينجم يصير كان نهارتها طاحت تاج؟ ؟ شنوا باش يكون حوال ها القلب زعما؟؟... تذكرت كشديتها و هي خايفه.. كنقذت روحها مرة و اثنين و ثلاث.. و في الاخر بعملة كلبة قصفتلها روحها من غير رحمة.. 😨💔... وينك يا تاج.. حتى السماء من غير نجوم.. الليله 💔.....
*** واقفة وين الشباك نخزر للسماء فارغة من غير نجوم.. علي كان يقلي مسميك نجمتي خاطر النجمة احلى ما فما 😳😁...
_شنوا سر هالضحكة؟
_عمتي ههههه هكاك مليت مالحزن
_اممم يا روحي (عنقتني) اصلا ما يواتيك كان الفرح إسمع خممت فلي حكيتلي عليه.
_في شنوا؟؟
_حكاية نرجعو لدارنا(برا عمتي لقاتها مالجنة و الناس ترجع للعز.. بدات تقنع فيا للي ملت)
_مستحيييييل يا عمتي يفرحك
_باهي خلي نرجع انا وحدي لعل نلقا ثنية نطيح فيها اكا... 🔞 آمنه
_و شنوا تفرق؟ 😏
_نحب نكشفها زاده و كهوا نحب النار الي شاعلة فيك تتطفا (زعما تنجم عمتي اطفيلي ناري 😏.. هي قلتلها دبري راسك اما انا هاني هنا الرجوع غادي مستحيل.. و برا عاد فرحت 😂 زايد توحشت ايام الدلال و الغناء.. من غدوة باش نصبح نعيش وجدي 😰 واااو مله زهر...
⬅️⬅️ علي عايش صراع بين رضاية والديه و رضاية قلبو الي محيرو.. كل يوم يمشي وين موجوده تاج و يقعد يتفرج وين الدار للي يطفا الضو يروح حاير.. ضايع.. هاااايم..... أمير زاده مش مفلت حتى فرصة يتقرب بيها ل تاج الي عامتلو حدود مقدرة وقفو معاها اما من باب الرجلة الأخوة أكثر من هكاك مانعة حتى مشاعر ما تتدخل بينهم.. تتقابل معاه يحكو على جديد المحاكمة.. كل ما يقرب النهار هاك تشوق.. النهار الي باش تاخو حقها منو... و زاد آخر نهار ليها لنا... مزال علي ما عمل معاها حتى تصرف فينا يخص علاقتهم الي مش مفهومة؟ هو تخلى عليها و قال كرها و نساها اما مزال يدخل فيها و يغار و يعس و يتحكم.. و هي زاده رغم انو تسمع بجديد دارهم و كيفاش يلزو فيه للطلاق اما مزلت تلقا في ثنية اطيح بيها آمنه و تكشف خططتها المعفنة الكل 😡.....
تاج عايشة بشوية فلوس ادبرهم عمتها من عند اللبة من غير ما تشلق.. رغم فلوس ذل اما تصبر في روحها بيهم...
**** برد بصيفة غريبة لا حب يتبدل الطقس.. 😏... قريب 10 ايام ملي خرجت من داري.. من بيتي و بعدت على سريري الدافي و بعدت على علي😨.. نحسب فيهم بالدقيقة و الدرج.. 😏..
لافة روحي في كوفيرته و ندور و شي باقي برد 😰😰... اخخخخ... الباب يضرب ؟؟ استلبست شكون جايني في ها الوقت.... قربت مالباب؟؟
_شششكون ؟؟؟
_حل (وه؟؟؟ هاو صوت علي كنت باش نحل فيسع من بعد رزنت روحي..)
_اش تحب ؟؟
_قتلك حل 😡
_لا؟؟ هكاك تجي لديار الناس؟؟ مرا وحدي راو برا منا
_قتلك حل ما تهبلنيش الناس تسمع(غزلني ينطر و يتشيف حليت)
_اممم اش فما ؟؟؟😡(لقيتو محمل كردونة كبيرة و دخل و سكر الباب وراه؟؟؟؟) ااااي ؟؟هكاك داخل كمل نحي سباطك و افرش و ارقد؟؟؟؟ مله
_يزي بلا كثر كلام (ديما يبخص السخطه هذا 😡)
_و زيد شنوا هاك؟ ؟؟ (هو حل الكردونة و جبد شوفاج ؟؟ اه 😅) شنوا هذا؟؟؟ هز عليا ما عندي ما نعمل بيه؟ ؟ و زيد شكون قلك كلف روحك و جيبلي؟؟؟
**** تحكي برشا كعادتها 😅 و انا نجبد عليها بالمرتاح..
_كملت حديثك؟؟؟؟ هاذم صدقة حملة خيرية قاعدين نفرقو فيهم عالحومه الكل و بحكم انت تعيش وحدك بلا راجل 😡 هاني جيت و باش نركبو و نمشي
_ ايه وينو الراجل الي باش يركبو ( استفزتني قمتلها طول.. عنيا تبدلت.. قربت منها للي لهمتها الحيط و هي وجها حمار و دخلت بعضها. وجهي في وجها طول للي للحظة قلبي حل لأيامها...
_ تعرف عاد انا راجل و الا لا 😉(قربت منها... مسحت بيدي على خدها.... و شفايفها للي ولات ترعش.. من بعد بعدت عليها باش ترجعت تتنفس)
_نرمال انت 😥😰مزلت تقربني و الله نصيح و نلم عليك الناس
طفيتها عارفها ما تعملهاش.. كملت ركبتو و خدمتو... هو سخن و هي قربت فيسع
_هااي رد بالك تقربو برشا (شديتها بعدتها و هي بعينيها كل مرة تضيعني 😰..)
_باهي يعطيك الصحه سي علي شيخ بلدتنا يا مدفينا و توا تصبح على خير (مشات وين الباب.. بلغة أخرى تطريدة بضخامة.. انا قمت و باش نوصل للباب و الضو قص... بحكم الحال مطر و ريح.. و تاجي عاجتها تخاف مالظلمة.. صاحت مالخوف.. تنطرت جات عندي شادتني كعادتها... كالطفلة الصغيرة الي مضيعه امها.. ترعش بجنبي وليت رجعت و هي شاده فيا قعدنا عالفوتاي نستنو الضو يرجع..
الحلقة 51
_افففف وقتاش يرجع هذا 😥😥
_تو يرجع لحظات..
**** صوت برق و رعد.. و انا بجنبو الدار ظلمة اما انا مطمنة بريحتو... نشبع في روحي منها.. كان نلقا ناخو منو حاجه.. وجودو بجنبي آمان الدنيا.. نخزر في الظلام نقول زعما فاش يخمم ؟؟ هكاك و شعل الضو لقيتو يخزرلي بالضبط العين في العين.. برشا حدييييث اما هانا ساكتين... للي حشمت هبطت عنيا و هو قلي لازم نمشي جا خارج..
_لحظة ؟ 😰
_اممم مزلت حاجه أخرى ؟
_اممم (تردت شويا)
_تستحق حاجه؟
_و شنوا باش نستحق منك؟؟ برا امشي امشي منا (هو خرج و انا سكرت الباب مليح.. شفتو كخدم كرهبتو و مشا.. راجعه لبلاصتي اممم ربحت منو ها الدفا و هكاك لقيتو خلى كشكول متاعو؟؟؟ ما نتصورش صدفة.. اكيد خلاه بالذمة 😢... مشيت طول تلهوثت فيه نشم و نصبر في روحي في وحدتي 😩... على الأقل بخلاف ذكرياتو بقات حاجه منو عندي 😟😟😟....
⬅️⬅️⬅️ كعادتو.. علي.. بعد الكرهبة و رجع بقا مقابل الدار مش نلوج على حتى برد و لا تعب يعس عالدار للي طفات تاج الضو و تهنى انها رقدت.... باش روح.....
الدار ما عندو حتى طعم كيدخلها... بااااردة اعظم من قلبو... دخل الكوجينة لقا سوسن مع حليمة يدفو حاطين فيلم في التلفزة انا دخلت و هوما هاو نحطلك العشاء هاو نعملك قهوة..
_لا لا ما عيني في شي اما تفقدو القاز
_قاز ؟مطفي سي علي علاش؟
_فما ريحة قاز خاطر ؟ (بهتو... كدخل بدات الريحه تقوا..حليمة رابطة رأسها قالت من بكري يوجع؟؟ قرب شم الشوفاج لقاه يخرج في ريحة ادوخ.. سكرو و بدأ ينصح فيهم منو.. خرج من غادي باش يطلع لبيتو و تذكر تاج 😰 خاااف و ترعب تكونش مبيتاتو ؟؟؟؟ريحة القاز و هي وحدها دخلت فيه غولة طول رجع على ثنيتو... ثنية كامله حارقها.. على اعصابو لا عندها تلفون يكلمها عليه.. 😡 منرفززز
دوب خلط بدا يضرب في الباب..
**ما شعلش الضو.. ممكن خاطر برشا ريح ماهيش تسمع في الباب؟؟؟ الجيران الكل راقدين 😟 يا ولى حوال.. ضربت الباب عيطت تاااااج شي... تلزيت مشيت وين الشباك.. كسرت البلار و دخلت يدي نفارع فيه باش يتحل..
**** في غطاية النوم.. نسمع في حس بلار تكسر 😰😰 قلت زعما مالريح؟؟ ؟؟ قمت مرعوووبة من غير ما شلعت الضو طليت لقيت ضو ساطع و حد يحل في الشباك 😰😰😰😰 يا ماما اجريلي.. ترعبت.. شكون هذا اكيد عبد باش يدخلي... شكون و اش يحب مني و انا وحدي 😢😢😢 يا ربي استر عليا... دخلت بعضي من بعد
عضيت على قلبي و بقيت نطل 😟😟😟😟😟 للي ريتو دخل.. هكاك و خرجت صيييييحه من أعماق أعماق قلبي "اجرووووووولي"
و لو مالطقس الصوت ما يوصلش مليح اما دار جارتي بجنبي ضوها شعل يعني فاقت بيا...
**** يا ولى فضيحه عملتها هاي كالجن و انا مرعوب عليها.... تصيح و مش حابه تسكت باش نقلها انو انا علي.. تعديت بجنب الشوفاج كيما توقعتو يخرج في ريحه قاز قصيتو و دخلتها للبيت وين متخبية تصيح... و شديتها عندي سكرتلها فمها و هي تسكك عندي...
_يزي يزي يا تاج علي علي يزي ( وقتها هدأت شويا.. مديت اديا حليت الضو.. لفتها ليا مسكينه وجها مقبوض ترعش مالخوف..)
و الله علي هاك ثبت (لحظتها غزرتلي برشا و ترمات عندي تبكي مالفجعه..اه.. قداش توحشت التعنيقة هاك.. كبست عليها باش تهدأ...) سامحني مش بقصدي.. تحيرت عليك جيتك
( مخليها عندي ساكتة... للي سمعنا صوت كرهبة الشرطة... بعدتها خزرت في عنيا و فاقت على وضعها بعدت... انا بيدي تكبست)
_باهي جرتك شرطة و فضايح؟؟ ؟؟😰
_هاك انت فزعة الناس الكل؟
_اه زاده هذي باش تحطتها فيا ؟؟ انت اغلط و حط اللوم فيا؟؟؟ 😡
_اجا وين ماشية؟؟
_ماشية لفضيحتي ؟؟
_شنوا باش تقول؟؟؟
_اش يهمك فيا 😡
***طفيتو و خرجت... داخلة بعضي الجيران يطلو و أعوان الشرطة يسئلو اش صار.. اش فما.. قلتلهم سوء تفاهم ممكن حد رمى حجرة على شباكي ياخي تفجعت.. صحت.. الله غالب نعيش وحدي و هاك كانت ردة فعلي.. بقيت حاشمة مالناس الكل و جاب ربي جدت عليهم و اقتنعو اما قلولي اجا من غدوة للمركز قدم شكايا لعل نلقوه الي ضربلك الشباك.. هوما مشو و انا طليت.. يكب سعدو علي.. رزاني في اابلار الكل 😰...
_ياخي عندك مشكلة مع اابلار تراه تكسرو؟؟ (تلفت نعلق لقيتو ورايا بالضبط وجهي في وجهي.. وجهي حمار...)
_هاك خبيت عليا ؟
_طول ما انا معاك ديما نخبي عليك لمصلحتك 😉..
(بعدت) و توا عاجبك الي عملتو ؟؟؟ كيفاش نبات انا الليله وحدي؟؟ شباك داري مكسر و زيد يدخل في الريح ناقصة أنا برد؟؟؟؟
_هاو عندك شوفاج خدمو؟؟
_اي حاجه منك ما نحبهاش (عطيتو بالظهر هو انا مش حكاية حاجه منو اما نتقرنط عالقاز 😅😅😅...)
_باهي تو نهزو إماله
_ايه هزو باش تذلني يعني؟؟؟ ( جبدني من يدي ... تلفتلو..)
_ما عاش الي يذلك 😉
_أمم صحيتك (فرحني كلامو) و توا تنجم تمشي راو مزال الليل طويل و نحب نرقد
_و شباكك هكا نخليك و نمشي ؟
_اه إماله شنوا ؟؟؟ناوي تبات يعني 😏
_ايه علاش لا (تمد على الفوتاي؟؟؟) برا جيبلي فراش باردة هاك ترى 😉
يحكي بجدو هذا؟؟؟ بقيت اناقش و نحكي و نكسر في راسي طفاني دخل للبيت هز غطى و شد بلاصتو.. و غم راسو و قلي برا طفي الضو 😅😅...
لقيت روحي نسمع في كلامو.. هههه هو نكذب كان نقول ما فرحتش.. خاطر مستحيل كان يجيني النوم لو بت وحدي... أما كيفاش نرقد و انا و علي بينا حيط 😩... ممكن هو بينا حيط بركا اما مخاخنا و قلوبنا بينا برشا ثنايا.. ضايعين نلوجو على بعضنا...
**** يا ليل اش يعديك... حابب ندخللها.. حابه نمشي نحكي معاها.. حابب نفسر و نحطو النقاط على الحروف اما شي.. 😩.. خلي الحكاية للوقت..
هزني النوم رغم باردة الدنيا... أما رقدت كيما كنت مرتااااح خاطرني فرد دار مع تاجي ❤️ نتفس في نفسها 💕.. ما فقت كان على ضرب باب
الحلقة 52
بالقوي؟؟؟ ؟؟ هكاك و فاقت تاج مزروبة... قايمة مالنوم كعادتها مزيانه... محلاه ها الصباح توحشتو... لمت شعرها.. لفت على روحها و حلت الباب.. طلع أمير متع 🔞..
_لاباس تاج ؟؟ الاعوان قلولي البارح صارت معاك حادثة؟ شنوا صار؟ ؟لاباس ؟؟؟ (تاج ساكتة وجها مقلوب ما جاوبت بشي هكاك و طليت عليه انا... وجهو استلبس) علي؟؟؟
_شبيك باهت ؟؟
_أمير مش كيما انت تتخيل انا
_اششش شنوا ناوية تفسر ؟؟؟ برا ادخل اعملنا قهاوي
_شنوا ؟؟؟
_قتلك ادخل (دزيتها.. دخلت مربوثة)
_مش فازات راو الي تعمل فيهم في المرا 😡
_هههه و انت شنوا تقول على فازاتك انت؟؟؟ اش مجيبك عالصباح لدار لمرا😉 (نزلتلو عليها باش كانو ناسي يذكر أنها مرتي)
_علي هذي خدمتي 😡 و نذكرك سلامة المنطقة الكل من مسؤوليتي
_أيا باهي معلم صاحبي تشكر تهنى عليها البارح كلمتني و جيت بت بحذاها باتت عندي دافية مطمنة 😉
(شربتهالو قد قد.. خرج منبوز.. سكت الباب تلفت لقيتها عنيها تقطر شر 😅)شبيك؟ ؟ ويني القهوة
_روح تشربها في داركم القهوة من أدين مرت المستقبل 😉
قربت منها.. جبدتها عندي للي تربثت
_انت بركا مرتي 😏
_ مرتك ؟؟سيبتي.. نذكرك راك حرمتني عليك و توا برا اخرج من داري 😡(مش من قلبي نطرد فيه.. أما غزلني لا نحبك لا نصبر عليك) و اسمع حق تصليح الشباك عليك فهمت 😡
**** هي تكبير راس بالفارغ عارفها لا تصبر عليا و لا تستغنى.. محلاه يومي بديتو بشوفتها من فترة ما ضحكتش هكا..ماشي في الطريق نوزع في ضحكات امين و يسار.. حتى للخدمة مشيت عامل كيف.. كمل عرفت خيط يوصلني لشريك الكلب أحمد.. نضمت رجالي و رسيتهم عالموضوع .. طفيت أمير حتاش نتأكد من معلوماتي...
عملنا مداهمة لمعمل قديم غادي جانا خبر انو فما عصابة متخبية و من غادي يوزعو في السلعه الي يتاجر بيها أحمد... هو في 🔞.. الحبس و افرياتو ماشية كالزيت فوق الماء.. دخلنا لقيناهم ملمومين و الظاهر واحد من اكا الرجال الراس الكبيرة... حابب نزيد نثبت شكون.. و هكاك و واحد من رجال بهيم شلق.... 😡... و بدا ضرب الكرتوش بينا... الكلاب يحبو يهربو بعملتهم 😡😡😡.. خلطت على واحد منهم فورتو من بلاصتو.. و ما تعداتش نص ساعه مالضرب بينا و جات الشرطة 😡😡... انا هاني كان العرف متاعهم قاعدين يحمو فيه.. باش نصاوبو نشلو الحركة متاعو خاطر باش يهرب و جاتني كرتوشة في كتفي.. اخخخخ للي طيحت سلاحي
تخبيت باش نمنع من باقي الضرب.. رجالو جوني يجرو يتفقدو فيا و انا ما هامني كان اكا الراس الكبيرة لا يهرب.. من بعيد شفت أمير.. دخل قرب مني يعارك و كيفاش نخرج من غير ما نعلمو و برا عاد ردها أمور تفوريخ و بونتوات 😩😩😩...سئلني على جرحي.. مش عارف اما ممكن سطحية.. قتلو انو لازم يشدو لكا الكلب 🔞.... اخخخ بقيت كابس على جرحي للي سيا وفت ها المهمة.. جا أمير عاوني قمت.. طمني انو شدوه.. مشيتلو 😩طلع بوها ل تاج.... على اساس ضايع يا.. 🔞... و هو متخبي عا العنين باش يكمل خدمة خوه 😡😡قربت منو مغزل... عيلة زبالة 😡😡... الكل للمركز مشو و كان عندهم شريك آخر تو يقرو بيه 😡هذا وعد أمير ليا.. انا هبطوني في السبيطار طول..
** باقية نغزل على زهري.. فاده شوفو حالة الدار... حطيت أنظم فيها.. و اكا القزاز عاد 😩.. علي ما فهمتش علاش يعشق تكسير اي بلار يعرضو😡😡.. هكاك نلم و جرحت صبعي... أي .. يا اميمتي صبعي يح.. اخخخخ منك يا علي.. قمت لفيتو في شليقة و مش حامله ها الدم اش كرهتو... على ذكر الدم.. وجيعه حزامي معذبتني.. ولى يجيني نزف ساعه ساعه...حايرة بديت نخمم نرجع نعدي ننقذ روحي.. كان الإنسان الي حابه نضحي في خاطرو ما يستاهلش 😢... باقية شاردة وحدي و سمعت الباب يضرب؟؟؟ طليت طلع عون بعثو أمير؟ ؟ اش فما رعبني قلت زعما على حكاية الشكاية افففف مله حشمة كيفاش نسلك اموري 😩....
فيسع بدلت دبشي و مشيتلو.. لقيت الجو مفرعس؟؟ عرضوني برشا أعوان و فما رجال نعرفهم تابعين علي؟؟؟ يا ربي اش فما دخلت نزرب؟؟ عرضني أمير قلي انو اليوم صار اشتباك جديد و شدينا رأس جديدة مع عمك؟ باش نقلو ايه اش دخلني انا؟؟ للي ريت بابا 😢 خارج من بيرو التحقيق المينوت في يديه راسو في القاع.. راني ولى يعيط "تاج سامحني على كل شي" 😢😢😢 غاضني..رغم كل شي هو يبقا بابا الي جابني للدنيا.. 😭... مشيت عنقتو.. ولى يبكي يقلي سامحني 😢.. معنقاتو حاسه ها الحضن باش يكون آخر حضن ليا معاه.. هكاك و قلي مش بقصدي الي صار 😢.. كهوا ماضي و تعدى.. قلي أن شاء الله يكون بخير.. هوما بعدونا.. مشا و هو يقلي سامحني يا بنتي... 😢 تلفت لأمير متعاطف معايا 😩😩 يقلك مله عيلة زبالة ليها 😭..
_ ريت هاك بابا 😢😢
_ايه نعرف الله غالب 😞
_قلك نادم 😥 مش عارفه على شنوا و الا شنوا 😩 أما ما فهمتش شكون أن شاء الله يكون بخير؟؟؟
وقتها علي وجهو تقلب.. انا نمسح في دموعي.. و هو قرب مني شاف يدي حب يبدل الموضوع اما انا قتلو فسرلي شنوا صار.. داخل بعضو... يحط في يدو على راسو يتبهنس؟؟ ؟؟ قلي صار ضرب نار. و... (يسكت) و شنوا؟؟ حابه يكمل.. 😩.. يا ريتو ما كمل.. قلي علي تصاورب 😱😱😱😱 حطيت اديا على وجهي.. حسيت البلاصة في لحظة فرغت.. الاصوات تقطعت.... نشوف في شفايفو يتحركو بركا 😰😰😰...
_علي شبيه؟؟؟؟ ؟😫😫😫
_ضربة في كتفو (ما بقيتش نسمع الباقي.. طول مشيت نجري قلت نخلط عليه نطمن... انا نجري و هو خلط عليا قلي اجا نوصلك.. داخلة بعضي 😭😭... ثنية كاملة ندعي يا ربي يكون بخير 😫😫 يا ربي... وصلنا هبطت مالكرهبة نجري... نلوج في وجوه الناس الكل الي عرضوني.. داخلة بعضي 😭😫.
**** عادي متعود عالغرز و على طلقات السلاح.. و الرصاص.. ما يقتلني شي... لفولي الجرح مليح.. كتفي كنحرك يدي يوجعني.. سبق و تصاوبت عليه قبل.. الواحد قريب يفصل لبسة anti balle يا.. 🔞🔞.. خرجت من بيت المعاينة.. هكاك و ريت خيال؟؟ نعقلو نعرفو... تاج ؟؟تلوج في البيوت و هكاك و شافتني... جايه تجري و تبكي... ترمات عندي للي شواتني... كابسة عليا و تبكي...
_علي 😭 طمني لاباس عليك؟؟ ؟؟.
_كان تكمل تنزل هكا مانيش لاباس اكيد (حشمتها بعدت.. عنيها حمارو مالبكاء تخزر لجرحي مرعوبة..)
_أمان طمني؟؟ 😰
_توا انا بخير يكفي شفتك (بلحق هذاكا الي حسيتو.. خوفها عليا برالي كل جروحي... تتكلم و تتحرك و لمحت يدها.. شديتها..) شبيها يدك؟؟؟ 😰
_لا عادي تجرحت شويا؟
_شويا ؟؟ها الدم هذا الكل؟؟؟ (دخلتها معايا لوين كنت نغرز علي يشوفها الطبيب. شاف الجرح ماهوش غارق اما كان لازم ينظاف.. سئلها الطبيب كيفاش تجرحت خزرتلي و قتلو عادي جرح بكاس.. ما جدش عليا.. تذكرت قزاز الشباك.. افففف عضيت على بونيتي غزلت اني مزلت نجرح فيها.. 😰😰..
الحلقة 53
كملت خرجنا..
_. حتى وجيعتنا ربي كاتبها كيف بعضنا ( ضحكتني كقالت هكاك.. صحيح برشا حاجات ولينا مرتبطين بيهم.. ما حبيتش نفسد الجو لا بحكاية بوها و لا بالغيرة من اكا الخطة أمير. يستنى فيها و باين هو جابها.. مالغيرة قلبي باش يتفتفت😏... كمل مزيتو وصلناها للدار هي هبطت و انا شيعتها بعنيا فيها للي دخلت.. ما صاب يا تاج ما بعدنا نهار.. ايا سي البطل كمل وصلني و هو عاضض على لسانو باين عندو حديث اخرتها قلي علاش تعذبو في بعضكم؟؟ قلي الزوز باينين تعشقو بعضكم.. أما لحظتها خزرتلو بعين كبيرة.. يعني انسان يصارحك انو ملاحظ حبنا فا مستحيل يكون ناوي يدخل في الخط بينا.. حبيت نقلو راني انا بيدي مش عارف اما شي بقيت ساكت.. على الاقل توا باش يطمن قلبي انو شكوكي فيه زايده..
خلطت للدار الكل تفجعو اش صار اما ما وصلوش ترعبو عليا كيما تاج... ممكن هوما متعودين عليا هكا.. آمنه وجها مقلوب؟؟
قلت شنوا ريق نساء وحم و تعب؟؟ ساكتة وجها مدخن
_علي.. بلحق شديتو بو تاج اليوم؟؟
بهت منين ليها هذي؟ ؟ دخلت بعضها قالت الخبر فايح عند الناس الكل؟؟ حابب نصدقها اما شي دخلت فيا برشا شكوك 😒... خاصه اني سئلت سوسن و قالت انو هي ما خرجتش جمله..ان شاء الله يا آمنه اطيحي في شر أعمالك الكل.. هذا ما نتمنى....
**تعدو نهارين.. علي كل فرصة تجيه يعمل طلة.. انا نفيق بيه مالشباك يعس 😊 نفرح بشوفتو هو يكبر في راسو و انا أعظم منو.. أما هكا خير من بلاش.. جاتني عمتي و قالت انو رات أمنه تجي بالسرقة تقابل رجال عمي؟؟ انا قلت اكيد تشري في السلعه اما كيفاش و هي حبلة ؟؟ بدات تركبلي انو فما لعبة امسخه صارت 😡... دادا اللبة زارت عمي أحمد و مش عارفه شنوا صار و شنوا قتلو اما طلب يراني؟؟ انا؟؟ مستحيل.. خفت.. اصلا ترعبت.. من بعد قررت نواجهو.. هو الي لازم يخاف مني مش انا. ... نهار الي باش نقابلو فيه وقفت برشا نستنه هو خرج شفتو وجهي تقلب... ما نجمتش نثبت فيه خاصه انو مزال كيما هو صعيب و بضحكة شريرة...ما نجمتش نسمعو و لا ناثق فيه... جيت خارجه قلي "ما تندمنيش اني حبيت نحكيلك حاجه " حبست... قويت روحي و دخلت للبيت.. مسلسل كالكلب..
_شنوا باش تهددني ؟ باش توصي حد يقتلني شنوا تحب
_ههههه كان عيني فيهم الزوز رام صارو من اكا العالم.. أحمد بركا لداخل مالحبس جماعتو الكل لبرا (كلامو فجعني اما ما شلقتش). أمي قتلي الي اكا الكلب سلم فيك
_ احترم روحك 😡 سيدك هاك الي تحكي عليه 😡
_ههههه كالعاده باقي تحامي عليه ياخي كلبة مجوعك باش اتبعيه ؟؟؟
_ نحب نفسرلك اما انت بلا قلب زايد نقلك انو فما مشاعر اسمها الحب 😉(سكت شويا.. بعد وجهو و رجع خزرلي)
_لا تهنى نعرفو و ذقتو و جربتو وونارو حرقتني..
_ نعرف كل شي 😉
_ايه صحيح الي ما تعرفوش انت الي انا و انت عنا حاجه تجمع بينا؟؟ شخص هو سبب في محنتنا.. سبب عذابنا
_ههههه باش تقال علي؟؟ هو عقدتك انت اما انا لا الراجل الي حبيتو 😉(جيت باش نقوم صاح عليا اقعد.. للي العون دخل و كان باش يخرجني..)
_ لا يا تاج زيد اقعد
_ما عندي علاش نزيد
_اسمع مليح مانيش نحكي على علي.. نحكي على امنه (لحظتها جمدت في بلاصتي.. خممت شويا حاولت العون قتلو درج و نخرج... هو مشا و انا شنوا الي في درج انجم نربحو من عمي الكلب)
_آمنه؟
_ايه آمنه هي السبب في كل سي.. كنسيتها عايشة فسختها من قلبي.. عضيت على يدي و صبرت.. هي جات حيرت جرحي.. هي قربتها مني.. هي رجعتها لحياتي و لزتها على كل شي..
_كل شي كيما شنوا؟ ؟؟
بقا يحكي كيفاش تجي تاخو الزطلة و تعطيها من بعد تخليها اطيح manque و تبعثها مرة ثنين رجعت حب سنين في قلبو ل عمي.. للي دخلت في اخيب ثنية... و الوقت هاك أمنه بقات تلعب ب علي تشوه في صورة عايشة عندو.. و لعبتلها لعبة الشرف و لعبة الغدرة.. للي كرها.. وصل تبدل عليها.. 💔.. قلي عايشة نتحرت قدامي.. قتلتني معاها.. قلي كان فما شكون تعذب على موتها هو انا.. ولى يبكي.. أول مرة نراه هكا.. قلي فما لعبة أخرى صارت.. و نحبك انت تعاوني نكشفها؟؟ قلي شاكك فيها هي ورى موت مرتو و صغيرو 😱😱 لا لها الدرجة؟؟؟ قلي تأكدلي شكي مستعد نستعرف كل شي عليها... وفى الدرج... 😰... مله مسؤولية انا فيها توا.. أما خرجت فرحانه.. و اخيرا كشفتك يا آمنه.. أما توا لازم نركز اموري و نعرف لشكون نحكي و كيفاش نتصرف.. علي لازم من بعد نكشفلو ها الوجه شكون شكون..
_كملت قابلتو ؟ ما قلقك في شي
(أمير هههع yes أمير هو الي باش يعاوني.. قتلو حاشتي بيك في أهم مهمة في حياتي.. معاها جبدنا الدوسيات القديمة.. رصيتو على كل شي.. تصدم هو في كمية الخبث الي فيها.. هو انا متأكدة انو شاكك في خبثها ما حبش يحكيلي شي عليها.. أما قتلو انو قضية الاكسيدون الي صار هو باش يعاوني نربحو ل صفي.. خذيت وعد منو باش يتحرى شخصيا في الموضوع.. ❤️.. بدات تفرج 😊..
**** في الخدمة صحابي تقول من ذوي الاحتياجات الخاصه يتعاملو معايا 😅... هاك كول هاك اشرب.. مله دلال..
_ سي علي
_اهلا تفضل اقعد
_لا ما جيتكش على مشكل.. جيتك تو تسمح تجي تشرفني انت و العايلة باش ندشن قاعة الأفراح الجديدة الي على الطريق
_اه مبروك مبروك
_نحبك تجي و تكون حاضر
_ربي يسهل
_عيشك باش يكون الحي الكل غادي استذنت أهل البلاصه الكل حاببها لمة و جمع طيب..
أيا باهي بدا حالها يتحسن ها البلاصه.. خلي الأفراح تهل علينا.. خرجت نشم في شوية نسمة.. و ريت نجمة تمشي عالارض.. 😊.. تبعتها و هي تمشي و تتبسم وحدها..
_شنوا النجوم مش في السماء؟ اش هبطتهم للأرض؟ (تلفتت مفجوعة)
_علي 😅؟؟ لاباس ؟
_ايه جرحي لاباس و انت؟
_هو نحكي على مخك الحق؟
الحلقة 54
نرمال تبزنس فيا ؟ و زيد عامل فيها لا نحبك لا نصبر عليك؟؟ مله (طفاتني و مشات هو صحيح كلامها 😅.. هي مدغششة مني و أنا زاده؟ اما علاش نتصرف هكاك 😒... بقيت نخزرلها للي بعدت.. رجعت لقيت غسان شاف الفازة
_شبيك زاده انت؟؟
_باهت في عجب الله 😂
_هههه تعرف نصيحة خو!! اذا مليت من مر الحب ذوق طعم فراقو 😉 بنين (انا مشيت و هو ولى يضحك عارفني ضارب في راسي..)
⬅️⬅️⬅️ أمير المهمة الي وكلاتو بيها تاج.. كان عارف انها تفرق معاها برشا...كل يوم لليل يسئل و يرجع بالارشيف و يربط في الخيوط ببعضها.. لازم يوصل لحكاية.. تاج زاده ولات المحقق كونان 😅 كل يوم تهندس وحدها و تحاول تحل الداgزة.. اخرتها مشات بالسرقة قابلت سوسن.. عطاها آخر التطورات... انو مزلت آمنه تجيها الهبلة.. و دز على وحم و سوسن مش جاده عليها فازة الوحم من اصلو.. تاج هزت شويا من اكا القهوة و خذت وعد يبقا هاك سرهم.. و إلي عملاتو انو قابلت أمير عطاتو العينة هاك باش يتأكد بيها إذا هي قهوة صافية و الا فيها حاجه.. علي زاده ضايع يحب يلقا حل خاصه لضغوط العايلة بإنو يطلق تاج.. هي حاجه مش داخلة مخو.. يمهطل في الحكاية حتى يحلها الله... هو عارف انو تاج تستنى في محكمة عمها و كهوا ترجع منين جات بلا رجعة و هاك الي مخوفو.. النهار الي كان يحلم بيه و يستنى فيه بإنو يرى أحمد يخلص في كل اغلاطو ولى يتمناه يزيد يطوال و يبعد..
فرصة يزيد يشبع بالأمل الي عندو في قلبو....
**** الي كارية من عندو الدار جا استدعاني عامل لمة و حفلة تدشين.. مالاول بلفطو انو تو نمشي و انا مش حابه اما جاتني عمتي.. Gادة و حاطة الحطة تضحك ههههه قالت يزيني بلا كبي و هاي فرصة نتفرهد فيها.. هو الرسمي عندها الحق.. جابتلي معاها روبة من ايام العزوبية تهبل.. خليتهم ورايا كعرست.. قنعتني نحط الحطة و بgلة ليها 😂😂.... و هاك الي عملتو... مشينا لقيناها لمة كبيرة.. جو محلاه الناس الكل تضحك و عامله جو.. بقيت بحذا عمتي الي يدخل يبقا يخزرلي.... "نجمة السهرة" على قول عمتي 😳😳... حشموني.. هوما يعاملو فيا على اني مرت علي يسئلو عليه.. في قلبي نقول ما صاب يجي. 😏😏 رغم نعرفو ما تروقوش ها اللمات..هكاك نحكي و ريتو داخل.. لابس محلاه و هو ما شافنيش.. مليت عنيا منو.. و هكاك خواطري دارت شفت معاه أمته و منى 😩😩... افففف تخبيت عالعنين.... بقيت نبعد في وجي..
_على شكون متخبية (علي😳.. تلفتلو.. يا معلم كبتاني في وسط هاذم الكل... كلاني بعنيه... خزرلي بكلي.. من وجهي.. شعري.. روبتي..عنيه قتلي برشا غزل.. برشا اشعار.. برشا كلام بسكات..) شنوا هذا الكل
_ احم 😳😳 يزي لا يشوفوك بحذايا برا امشي..
_شكون يشوفني؟؟ (هو عارف شكون نقصد.. خليتو و بعدت.. قلت خليني نهبلو شويا.. أي حد باش يشعل نار الحب لازم يحرك رماد الغيرة.. بقيت نتمايع.. شعري بهذلت بيه.. امين يسار 😅😅... الروبة انا نمشي و هي تتحرك وحدها.. نخزرو شويا آخر و ينقز عليا.. هكاك نتمايع... و دهمت في حد لقيتها منى.. عنيها دمعت فيسع كراتني.. انا قلتلها السلام و بعدت.. هي مسكينه متغاضة من كل شي... خلطت عليا..
_تاج ؟؟ وينك لاباس طمني عليك
_لاباس هاك ترى في خير
😊(بكل ثيقة نضحك و مقوية روحي خاصه انو اللفعه راتنا و جات تتبهنس)
_اكا الحكاية لاباس ؟
_شنوا الحكاية (آمنه أدخلت)
_شي 😡 و زيد انا و المرا نحكو و انت اش دخلك (عرك خوات كنت باش نمشي.. منى شدتني) تاج سامحني على كل الي صار
_على شنوا تسامحك شبيك ياخي؟؟ و انت لتوا مزلت لنا؟ مش على اساس قلبتي منظرك منا؟ كان الرخص فيك (نخزرلها تحكي و جايبة ما عندها.. قلت نجبد عليها بالدم البارد تحكي بيديها.. تجذب في الأنظار حتى علي شلق بالفازة جا)
**** يا ولى حالة فيها ... 🔞... آمنه...
_شبيك ياخي 😡 يزي بلا فضايح
_ سامحنا علي انا نحكي مع تاج و هي جات أدخلت
_يا هم شكون فينا اختك شبيك هكا 😡
_آمنه 😡 اش تفاهمنا قبل ما نجو الهبال هذا خليه في الدار 😡😡
_لواه هبال ؟؟ هذي لش تعمل لنا؟ و الله دواها نقتلك توا 😡
_سايس راك حبلة 🤭😉(تاج تستفز فيها و الا فيا مش عارف اما آمنه حبت تسيب هبتلها وليت دزيتها باش بعدت عليهم.. منى ظاهرة متوحشة تاج.. الي بقات عنيها عليا كيفاش نحكي مع آمنه.. فاهم انو هي غايرة عليا منها.. انا نقرب و هوما يبعدوني عليها مسافات.....
سهرة كاملة عنيا ما تنحاتش عليها.. ما نجمتش نركز مع حتى شي.. توحشتها و توحشت حبها و قربها و كل شي.. حاسس قلبي حن لكل شي حتى عركنا مشاكلنا.. بكاها تخرنينها كل شي.. أما بيناتنا عقبة كبيرة.. اسمها آمنه 😡😡..
**** تسفز فيا وين نخزرلها تحط يديها على كرشها😩.. انا بقيت نرحي دخلاني ما عنديش منجمة نشد روحي أكثر حابه نعطيها طراحه نباش القبور 😡.. علي خزراتو ضايعين أكثر. مني..
نبعد في عنيا كل مرة بلاصة و ريت أمير.. دوب شافني جاني يزرب.. قلي حضرت نتيجة التحليل 🤭... فرحت و خاصة انو قلي انو بلحق هاك قهوة مخلطة بالزطلة 😫.. و زادني معلومة أخرى انها نفس النوع الي شدوه عند عمي.. يعني توا تأكدت انها مدمنة.. و هي كانت تحب تخلينا كيفها و الاهم لتوا تشري فيها؟؟ اما ليها زعما و الا لغيرها و لو فرضا ليها؟؟ كيفاش و هي حبلة ؟؟؟ تكونش زعما ماهيش حبلة من اصلو 😳😳😳... مالستراس نغلي دخلاني.. أمير قلي شنوا نعملو توا.. قتلو خلي نحب نفرش أوراقها فرد نهار.. قلي سامحني مزلت ما لقيتش خيط ل آمنه في حكاية موت مرت أحمد.. انا هكا بدات توضاحلي الرؤية بالشويا بالشويا.. اخخخخ جاتني وجايع في حزامي.. تقلقت.. هكاك يصيرلي مع أقل تعب بدني و لا نفسي.. قتلو حابه نمشي لاحظ اني متقلقة... نلوج على عمتي باش نروحو... خرجت لوين الباب.. مزلت مقابلة الناس و للي قعدت عالقاع مش منجمة ناقف مالوجيعه...
**** على الغفلة ضاعت عليا نجمتي؟؟ ويني ؟روحت و هكاك منى قتلي شوف تاج؟ تلفت لقيتها عالقاع قاعده.. أمير بجانبها مشيت نجري ؟؟؟
_تاج شبيك ؟؟؟ لاباس ؟؟
_مش عارف كانت لاباس و توا تقلقت؟؟
_تاج نكلم فيك ؟؟؟😰😰
الحلقة 55
_شي شي موجوعه شويا تو نرتاح
_وين و من وقتاش؟؟ ؟؟ قوم نوصلك (حبيت نقيمها.. وقفت شفت دم بين ساقيها.. و هي حاشمة رجعت قعدت.. أمير شاف الفازة حشم بعد عنيه... أنا وجهي تقبض بكلو؟؟؟ ؟ باش نقلها شنوا هذا؟؟؟ بلحق ترعبت.. تنزف بقوة.. و موجوعه... منى قربت منها.. و تقلها قتلك يا تاج اسمع الكلام علاش وصلت لها الحاله.. و تاج تكبس على يدها باش تسكت؟ ؟؟ حديث بالالغاز؟؟ تقلها علاش تحبي تموتي يا تاج؟؟؟ موت؟؟؟؟ ؟ بعدت منى و شديت ايد تاج نخلي فيها تخزرلي في عنيا انو تنطق تقول باش حاسه.. و هي ساكتة.. وجها فيسع صفار.. نحيت الفاست متاعي رميتها عليها و حملتها باش نهزها للكرهبة و داختلي... بلحق ترعبت... عليها... نصيح نقلها تاااج قوم حل عنيك و هي في عالم آخر.. أمير قال تو نسوق أنا.. ركبتها.. و مشات معانا منى مرعوبة و تدعي في ربي تقوم تاج لاباس... وصلنا هوما دخلوها وانا شديت منى من يدها فجعتها بعدتها عالعنين.. بكلمة وحده.. انطق.. كلامها وجعني.. دمرني... قالت الحقيقه الي خبتها عليا تاج 😢 الحقيقه الي كعادتها تخبي عليا اي حاجه توجعني و الا تغيضني... تاج تلعب بصحتها باش تفرحني.. و انا شكون يهمني بعدها.. 💔.. بقيت على اعصابي للي خرجت الطبيبة قالت انو لازم في أقرب وقت تعمل العملية.. اكيد انا مع.. اكييييد.. هي قتلي تنجم تدخل.. و انا بساقين ثقيلة دخلت لقيتها.. راقدة كالملايكة... قربت بست يديها الزوز.. مش هاين عليا شوفتها هكاك.. تقطع القلب.. حابب يا تاج نعاود نبني الي تهدم بيا.. حااابب..
*** _لا يعاودها عليك يا بنتي ارتاح توا
عمتي ادلل فيا كالبنية الصغيرة حاطتني عندها.. تلعب بشعري.. سيا خذيت قرار اني نعمل ها العملية الي بعدها ممكن تتعطل برشا في حكاية الصغار.. هو الي يطمن اني ما عندي لشكون نضحي.. انا و علي حابسين في نقطة مش مفهومة.. يعني الي كنت حابه نعملو في خاطرو ما يفيدش على الأقل نربح صحتي.. ❤️.. و إلي مفرحني اني بالدليل لقيت صبع ننقب بيه عين آمنه.. 💕😊... غدوة المحكمة متع عمي.. أطول و أصعب انتظار شفتو في حياتي.. خرجت مالدار مشيت قابلت أمير.. قلي انو فما جارة للشوفار الي تسبب في الحادثة متع مرت أحمد.. شافت حد على مرتين يمشي و يجي.. أمير قلي لش قولك نمشو نزيدو نسئلو من غير ما نخمم. طاوعتو الي فهمتو انو خذا برشا فلوس باش يعمل ها العملة.. غادي تصدمت بلي سمعتو.. الجارة قتلي مرا لاهي صغيرة و لاهي كبيرة بالوصف بالتدقيق عرفنا أنها آمنه 🤭🤭🤭😟... اه مش مصدقة وصلت بيها لها الدرجة؟؟؟ ؟ أمير قلي لازم نتصرف و نوقفها انا حلفتو بكل عزيز عليه خليني لمرة في حياتي نبجل مصلحتي على مصلحة الناس الكل.. خليتو يدبرلي مقابلة مع عمي لآخر مرة مع انو ممنوع قبل المحكمة.. أما هو عندو نفوذو... دوب شفتو سكتو المرة هذي انا الي حكيت.. كشفتلو كل أوراقها.. قتلو انا في حقي قانونيا مستحيل نسامحك اما قدام ربي مسامحاتك إذا تنتقملي منها.. خليتلو القرار ليه هو مسكين هبل في راسو كتأكد انو كان ظالمني و ظالم علي و كلو من اكا... 🔞🤭 آمنه ساقطة و لفعة.. 😡😡😡.... و اخيرا جا نهار الحساب.. كل واحد باش يحصد الي زرعو... الليله هاك عديتها نبكي و ندعي لربي ينصرني على كل من ظلمني...
***** _اليوم محكمة أحمد.. (عالفطور)
_لا فكر فيه.. زريعة ابليس و ارتحنا منها
_انت ماشي علي؟
_اكيد انا واحد مالناس ماذبيا الكل نمشو
_لا تربحو جرتو ترزيت في حفيدي 😢
_و علاش نمشو الكل (آمنه مربوثة)
_كيما قلت الكل نمشو لازم نكونو حاضرين وقت باش يخلص حقي الي نسالهولي (امي قنعتهم الكل.. آمنه مرعوبة... مش عاجبتني مش حابه تمشي اما امي غصبت عليها... اش حوال تاج زعما اليوم.. حبيت نتعدالها اليوم باش تتحط في موقف خايب..)
**** و اخيرا ❤️❤️❤️ انا اسعد انسانه توا.. اليوم نهار الحساب.. لبست.. استنيت عمتي الي مقهورة على خوها 💔 الله غالب هو غلط و لازم يخلص و بة نسامح في حقي عندو برشا ديون مع الناس و مشاكل مع الدولة... وصلنا للمحكمة.. ريت علي هابط من كرهبتو و معاه العيله الكريمة.. تبسمت ل علي للي بقا باهت... آمنه عطيتها نظرة متع حقرة و انو اليوم يومك يا عروسة 😊😊.. داخلة بكل قوتي.. شدينا بلايصنا.. عمي جابوه.. علي نازل على بونيتو مغزل.. انا خزرلي و قلي انو "سامحني" بيها فهمت انو صدقني و انو في صفي.. 😊.. بدات محكمتو مع الأسف برشا قضايا على راسو و آخرهم قضيتي انا.. بكل حشمة يسئلو فيا صار و الا ما صارش.. الله غالب ما كانش لازم ننكر شي.. أما كالمحامي قدام القاضي سئلني إذا انجم نسامحو في التتبعات العدلية فيما يخص التعذيب النفسي و المادي الي سلطو عليا باش يتخففلو الحكم.. وقفت تلفت ل علي.. ل عمتي..
ليه هو.. و خاصه انو عارفه هو علاش وصل هكاك و علاش سيب حقدو في علي و كرهو. ممكن انا ظلمني اما ما عمل هكاك الا من قهرتو و وجيعتو و انا ذقت الي ذاقو و عرفت انو أصعب حاجه الخذلان 💔.. بكل قوة قلت اني مسامحة.. خبر ما كانش يخطر على بال حد.. علي يخسايبو مهددني كالعاده.. عمي بيدو مصدوم... اصلا خليتو ندم على كل شي.. علي يصيح و يقول راو دفنها حية.. مدغشش اني سلمت في حقي..هو صحيح كان سبب عذابي.. أما جرتو عرفت علي و حبيتو.. و عشت قصة حب حلوة برشا.. هاك نقطة قوة بالنسبة ليا ❤️😊.... حكمت عليه المحكمة على كل جرائمو الآخرين.. خرجنا الكل.. علي جاني يعارك كيفاش سلمت في حقي..
****هبلتني في راسي.. كيفاش توصل للعين و مل تشربش 😡.. ها النهار استنيناه الكل...
_جاوبني؟؟؟ مهددك ؟؟
_لا
_إماله شنوا باش تهبلني ؟؟؟😰
_اش دخلك فيها انت (آمنه تدخل)
_اسكت انت 😡
_لا خليها تعبر يا علي.. محلى لمتكم.. فرحتو انو بعدت على علي؟؟؟ تهنيتو كشفتونا كل واحد وحدو؟ (مش وقت حديثك يا تاج.. 💔..) اما تعرف يا علي انا سامحتو ل عمي خاطر مش هو السبب في كل شي...فما سوسة كيما جات عليه... (سكتت شويا) جنت عليك و عليا (علينا الزوز؟؟؟ على شكون تحكي.. عملت هكا و جبدت حكة؟؟ قالت هذي متع شكون ؟؟؟ منى على نيتها قالت متع آمنه باهتة كيفنا الكل ؟ آمنه ترعشت انو لا خاطيتها.. انا زاده نعرفها متاعها؟ اما علاش.. ؟؟ جبدت تاج ورقة قالت انو حللت الي موجود في الكرهبة و طلع فيها الزطلة.. الي شديت منها انا عند احمد.. الكل كثر حسهم انو شنوا ها الخرم و بدات آمنه تعارك و تتهم في تاج انو تتبلى عليها... زطلة؟ ؟؟؟ تذكرت فازة القهوة يوم قلتها اعملي... انا نهارتها دخت.. انا نهارتها مستحيل نكون مسيتها.. 😰😰😰...
_باهي أنكر كيما تحب خوذ راحتك (تاج تحكي بكل ثيقة.. هكاك و خرج أحمد باش يطلعوه للحبس.. بالسيف يحب ياقف.. يطلب في السماح من تاج.. و يتهدد على أمنه إنو يخرج يقتلها... يصيح و يقلي يا علي و الله كلو منها.. عايشة ماتت جرتها.. هي غلطتنا.. هي لزتها.. 😰😰😰... راو منها هي... يسب و يعارك و انا مصدوم..
الحلقة 56
هي باقي ادافع على روحها قادمنا انها ظاهرة مفاهمة بينو و بين تاج هي تسامحو و هو يقول هماك 😰😰
**** باقي تكذب اللفعه... باقي تلقا كيفاش تحب تسلك أمورها.. و اخيرا وصل أمير معاه زوز أعوان.. وقف قدامها و هي تتقرعش.. انو وفات المسرحية متاعها.. قلها انت موقوفة بتهمة التحريض على قتل مرت أحمد.. 💔.. حلت تنكر و ولات تبكي.. قلها الدلائل الكل ضدك... يحطلها في المينوت و هي تكذب في كل شي و لاعبة فيها مظلومة... منى تبكي و تقلو سيب اختي حبلة... بهت أمير.. خزرلي.. و قلهم لا يا ذنوبي مزلت ك كاميرا المراقبة سجلتها تشري في الزطلة و تستهلك فيها.. فا اكيد ما فماش مرا حبلة تعمل هكاك.. شدها كريز صياح و تسكك عالقاعه... أجواء مكهربة.. منى تبكي من قهرتها في كل شي.. أم علي للي داخت مالصدمة.. علي في دنيا أخرى..
خزرلي... بقينا نخزرو لبعضنا ضايعين.......
⬅️⬅️⬅️ الي صار في الكواليس.... آمنه خططت لكل شي.. كيما كانت دخلة ضياء الي فشلت فيها.. كانت تغرس في الغيرة في قلب علي فيما يخص أمير و في نفس الوقت زارعة الحقد في قلب أحمد.. .. و باش تضلل الحكاية و تغرق علي تخليهم يحقدو على بعضهم كانت سبب في موت مرت أحمد... كجا الخبر الكل بهتو كان هي.. اصلا هي خططت حتى لخروج علي مالحفلة ليلتها باش علي يلبسها و لو في عنين تاج و احمد...
بقات نهار الي علي روح سكران متقلق.. عمتلو قهوة... كثرت عليه الشيخه رقد.. خلاتو ما غمق.. و حضرت كل شي... نحت دبشهم و الدم ما حارتش.. و حتى موضوع الحباله ما حارتش فيه بوجود اختها حبلة.. غفلتها و حطت التاست في البول متاعها.... آمنه حفرت قبر على قياسها 😉...
**** بعد ما اطمنت على امي بخير.. و أكا.. 🔞.. ل هي حبلة و لا شي... هم و انزاح... حاسس عبارة حد نحي من فوق ظهري حمل ثقيل و هي تاج.. البنية المزيانه نجمتي الي ظلمتها برشا بأحكامي و بكيتها برشا.. 💔.. نخزرلها قاعده بجنبي ساكتة...
*** مشينا لبقعتنا متع العاده.. و اخيرا تنفست... حاسه الهواء بارد منعش.. علي بجنبي مصدوم.. فرحان وي اما مصدوم.. و نادم . انا زاده نادمة اني صدقت كل كذبة تعدت عليا... بقينا الزوز نخزرو لكا الجرف الي فيه تكتبت حكايتنا.. منا تكتبت كل قصتنا..
يوم نقذني علي.. كان مصير جديد مكتوبلي بكل خير و بكل شر.. بكل فرح و كل حزن.. ❤️..
_علي.. لو ما تقابلناش؟
_لو ما ممشيتش يومها نحاسب عمك؟
_لو ما نجمتش نهرب من بيتي؟
_لو ما دهمتيش فيا😊
_لو ما منعتنيش😳
_لو ما مشيتش نصطاد يومها؟
_لو ما ضعتش في الغابة؟
_لو ما صاوبتش الغزالة
_لو ما ما جاتش رصاصتك فيا
_لو ما شفتكش
_لو ما حكموش عليا نعرس؟
_لو ما استدعونيش لعرسك
_لو ما قتليش عمتي عليك
_لو ما حضرتش
_لو ما طلبتش حمايتك؟
_لو ما وافقتش نخطفك
_لو ما هربتش بيا
_لو طحتي نهارتها في الجرف ؟؟؟؟
_لو ما منعتنيش؟
_راني ما حبتكش 😉
_و انا زاده راني ما حبيتكش 😳
_اما صار هاك الكل.. و حتى لو ما كتبلناش ربي قصة بدايتها هكاك اكيد راني حبيتك بطريقة أخرى
_كيفاش 😳
_ راني شفتك في بلاصة أخرى ❤️ راني شفت عنيك و حبيتهم ( قرب منها وجها في وجهو..)
اكيد راني في أي بلاصة و تحت أي سماء و فوق أي ارض راني كنت باش نراك و نحبك ❤️❤️❤️
_اش قولك نصنعو بداية جديدة؟ 🤭
_كيفاش ؟؟ هههه يا مهبولة.. (.. بدات توخر.. مش فاهمها علي فاش قاعده تعمل.. توخر و هو خايف لا توصل للحافة اطيح.. يخزر لوطه.. وجهو تخطف.. مشالها.. هي عطاتو بالظهر... خزرت لوطة و رخفت روحها... تنطر عليها شعرة و اطيح 😰😰😰... يخزرلها في عنيها.. مرعوب..
_انا حبيتك يوم شفت الخوف هذا في عنيك..
_مهبولة 😨
_ انا تاج و انت؟ ؟؟(مدتلو يدها تسلم..)
_ههههه و انا علي (هي ضحكت و هو قرب منها باسها... لحظة ليه برشا يستنى فيها.. ههي زاده عاشت معاه اللحظة...
🌟🌟🌟🌟🌟🌟🌟🌟🌟
سافرتُ أبعد ما أطيقُ ولم تزلْ... عيناك في عيني ووجهك وجهتي فإذا نظرتُ فأنت غايةُ نظرتي وإذا كتبتُ فأنت أنتِ قصيدتي أنا دون صَوتك قصّةٌ لم تكتمل.. يا صفحة الفرح المضيء في قصتي
يا نجمتي قد ضعت في ليل الهوا عودي إليا لكي أواصل رحتلي 🌟🌟🌟🌟🌟🌟🌟🌟..
تعدت مرحلة تصفيات الحسابات.. كل واحد تحاسب على عملاتو.. الي يستحق السماح خذاه.. تاج رجعت لأمها حتاش تركح أمورها.. تاج شكرت برشا أمير الي قلها ً لو كان عارف انو ليه فرصة معاها و لو ب 1% راو ما فلتهاش.. الله غالب هي ل علي قلبا و روحا.. علي فض مشاكلو مع عيلتو الي فاقو من صدمتهم في آمنه و كلاهم الندم على الي صار ل تاج.. الي هي زادة عملت العملية اطمنت على صحتها و كان علي شادد في يديها و مقويها و قابلين كل شي باش يكتبو ربي.. ❤️... تعدت أيامات ارتاحت فيهم و قرر علي يعمل عرس صغير ل تاج.. كانت مفاجأة حلوة ليها هي ما فرحتش بعرس معاه كيما كانت تتمنى.. أما هو حققلها كل ما حلمت بيه ❤️❤️.. ليلة مالاحلام كانت ليهم.. بشهادة الناس الكل كانت هذي أحلى قصة حب بطلتها تاج ❤️ و علي 💓
كمنتار ببلوڨر
تعليقات