U3F1ZWV6ZTM4ODA3MDM2NzM0Nzg5X0ZyZWUyNDQ4MjgzNDQ1MDIwMQ==

انتي سبابي من 61 الى الاخيرة

انتي سبابي 

من انجح الكرونيكات التونسية 

كرونيك انتي سبابي

#انتي_سبابي #كرونيك #كرونيكات 

الحلقة 61

خرج و خلاها بحسرتها..يسمع فيها تبكي من ورا الباب..حاط يدو عليه بقلب ممروج و عين مدمعة رافضة انها تخزرلها بعد لي صار و لي تقال..هبط للصالة زاد فسخ الشوميز جملة بقى في مريول خلعة و سروال الكوستيم.. هي صوتها بات حركتها قلت في البيت موش منجم يطلع موش منجم يشوفها تي حتى يطلب منها السماح موش منجم ينطقها علاش ؟؟ كانو محلاهم في الصالة كان احلى مالحلاوة علاه توا عفس في كل شي ..يحس في روحو مخنوق و خنقها معاها بالعقد لي قاعد يكبر فيهم بيناتهم ... 
شاف لمنقالتو يلقاها قريب الثلاثة..موش حاب بعد النهار هذا يزيد يفلت صلاتو لي هي راحتو .. صلاتو لي حاب يصليها في دارو و هي مرتو و على اسمو اول صلاة يصليها و يهز يديه يدعي لربي باش يباركلو فيها.. هز روحو درجة درجة للبيت وقف مشوار ورا الباب و بعد تشجع و دخل.. عينيه بقات مرشوقة فيها و في المنظر لي هي عليه.. كانت مطيشة بروبتها فوق الفرش راقدة و نومتها مقلقة من نفسها لقوي..بجنبها باكو الدواء لي تاكل فيه في العادة كي تتقلق..منظرها سحرو.. شعرها يدياتها خدودها عينيها لمغمضة الكلها تفاصيل قاتلة بالنسبة ليه.. موش فاهم بهامتو علاش وصلاتو لهوني وصلاتو انو يحرم روحو منها الليلة هذي مالجنة لي كان يخدملها حياتو الكل.. هز دبشو و دخل للدوش لحظات و خرج هبط للبيت الزايدة لي لوطة .. بيت ماحاطين فيها شي جوست زربية كبيرة.. ماحبش يشعل الضو طرح سجادتو و قعد يقرا في القران لين ياذن الفجر.. لحظات بين العبد و مولاه يفرغ فيه طاقتو السلبية الكل يشكيلو و هو لي عالم بحالو يدعيلو رافع يديه و هو لي يلبيه و هو لي حاسس بيه... مقهور و الرجال كي تتقهر مااكبرها..على نفس الحالة لين قام لذان حط لكتاب علي شيرة و قام يستوي في روحو و على تلفيتة منو شيرة الباب يلقاها واقفة.. 
- مميسالش..؟؟ (عملتلو بيدها يعني ندخل ميسالس ؟؟) 
- اي اكيد..مانحكيلكمش وقتها شنيا احساسو شنيا فرحتو لي حاس بيها و هي بجنبو في روبة طويلة و فولار مقدودة بالقدرة هههه..حب ياخذ معاها و يعطي... باش تصلي ؟؟ تحب تصلي معايا ؟؟ 
- اي هزتلو براسها و هي مطبسة تستوي في الفولارة 
- و علاش ههه ؟ كان ماتلصق فيا حتى في صلاتي ؟ 
- لا.. هزت فيه عينيها لكبار لي مزالو حمر من كثر لبكاء.. مانعرفش نصلي.. حبيت نصلي وراك و نشوفك و نتعلم.. خخاطرني مانعرفش.. و هربت بعينيها تخبي فيهم.. 
-تبسم و فرح بصراحتها و شجاعتها انها تاقف قدامو و تقلو مانعرفش نصلي نحب نتعلم..حاسها حاشمة مالموقف حب يفرهدها و يضحكها... زيد ماتعرفش تصلي لا زيد ماتعرفش تلف طرف قماش على راسها... بدا يستوي في فولارتها من اول و جديد..هاو هز منا هاو شد من غادي هاو دخللها خصلات من شعرها ايا منا و من غادي لين جابها للسطر.. ايا للا نبداو انا هاني بنصلي بالفوق و انت تبعني كاهاو..وقفت بجبو قريبة منو منظرها يضحك في الجبة الواسعة و هي ماتبانش بحذاه و هو طول و عرض.. كملو صلاتهم و عملو دعاء محلاه هو يدعي و هي تقول امين وراه لين دمعتهم نزلت فرد وقت قال (اللهم بارك لي فيها و بارك لها في و اجمعنا في مايرضيك....) محلاها اللحظات هاكي بيها و بين يدين ربي ..قعدو ساكتين هو يسبح بيديه و هي تبلحق في عينيها ماعارفة ماتعمل هههه.. عامل روحو موش مركز معاها اما هو تقول عينيه في وذنيه ماحسش كان بيها كي ارتمات عليه في سهوة منها وقت نعسها النوم و طاحت على كتفو.. 
- سسامحني..نعست بالقاعدة.. 
- لا عادي.. استوى في قعدتو و جاء مقابلها.. 
-محلاه صوتك و انت تقرا..تبسمتلو..ميسالشش نقعد لهوني؟ 
- هههههه تمشيش ترقد عاد..خزرلها في عينيها كلمة فرحة ماتنجمش توصف حالتو وقتها..ماحبش يحسبلها و يتكتك قالها من غير تخديم مخ اصلا كان يفلت اللحظة هذي بالرسمي بهيم وقتها... ايجي..فتحلها يديه..ارقد اتكى عليا كان تحب..هي ماكانتش مالعاكسين قربتلو بعد مانحات فولارتها و اتكات عندو تخبات عندو و بين يديه..راحتها فم راحتها بحذا قلبو و بين ضلوعو بين يديه.. غفات عندو و رقدت كايها عمرها لا ذاقت النوم...هو شنوا مازال يحب علاش ممكن يكون مازال يلوج و هي بين يديه غافية متناسية الدنيا و مافيها .. هربت مالدنيا و جاتك نلوج عالراحة عالحب عالامان لي مالقاتوش في غيرك..حاوطها بيديه و كل مرة يمسحلها على شعرها و يبوسها منو يتلذذ باللحظات لي هداتهملو بقصدها و الا بلاش ... كي يكون القلب عاشق مغلغل بالحب مستحيل تكون فما حسابات بين زوز.. هي ارتمات عندو متناسية الكلام و الموقف لي صار قبيلة و رفضو ليها اما تحبو تعشقو و ماترتاح كان في قربو كاينها بالحركة هذي اللايرادية منها حبت توصلو راك دنيتي راك وطني لي نهرب منو ليه....
عداه فجر كامل و هو يتمحطر النوم ماراهش كيفاش يرقد و هي محتلاتو بكلو راقدة و صحة ليها و مخلياتو يتجمر على نار الحب ...الشمس بدات تطلع و نورها عاطي في البيت..
-ايمان.. ايمان 
-امممممم ابعدني نعيمة يا هم خليني نررقد.. و الله تاااعبة و برا رووح انننت اش مجيببك عالصباااح 
-شد روحو عالضحك بالسيف مالا فلتة يعاني فيها ... بدل صوتو بالعاني ..قوم ليوم عرسك يا للا و انت لتو راقد.. يضحك بالشوي 
-اوووو يمشي يزمر ولد علي قلو مافماش عرس اليوم خليه يرجع غدوة...تحكي في نومها و لا على بالها ههههه 
-باللهي بالله ؟؟؟؟ شكون يمشي يزمر ؟؟؟...صوتو فجعها و فيقها مرهوجة.. تعمد يحكي بالفوق .كان يخزرلها بخبث كاتم ضحكتو 
-اه..شكون .. شبيني هوني ؟؟ وليد؟؟ انا انا .. 
- قص عليها... انت معرسة يا مادام ههههه و انا بنمشي شنيا ؟؟ نزمر ؟؟
-بقات تخزرلو مصدومة فيه تلعب في عينيها و تتفكر .. وقت كملت عندها الصور بردتها بضحكة و انسحت .. قامت تستوى في روحها و تهبط في جبتها لي كانت طالعة لفخاضها وين كانو عينيه مرشوقين..طبست باش تهز فولارتها شدتها من طرف و هو فيسع ماشد لطرف لخر و جبدها ليه فكها منها .. 
- سيب جاي برا على روحك اش مازال تحب عندي 
- فولارتتي.. شاورتلو بيديها 
- لا... بكل دم بارد..منين ليك انا شريتهالك 
- هزت حاجبها و جات ماشية 
- لحظة... وقفها و تلفتتلو تعملو براسها شنوا... الجبة زادة انا لي دافع حقها 
- اي عاد ؟؟ ماتقيلش باش تهزها تو ؟؟ 
- هههههههه علاش لا...تشوف فيه قام و باش يجيها ياخي هزت روحها و بدات تجري في الدروج و تتلفت...راك الطيح يا بنتي 
خلط عليها للبيت وين كملو نومتهم هو كان بين نارين و هي اعظم منو تشوف و تحس بيه معاها فرد بيت فرد فرش حجة خلاتها ترقد عاطياتو بالظهر رقت فرد جنب مستلبسة ماتحركتش خلاص..هو عينيه باش تنقبلها ظهرها يهز فيها و يحط مركز مع تفاصيلها الكل من شعرها لاكتافها لظهرها للهونش متاعها و سيقانها لبيض لي لامتهم تحت اللحاف اما باين عرف الحنة لي في ساقها كي تعرات.. تفاصيل و لقطات مستحيل تغيب عليه لين هزو النوم معاها... 

-حبيبي اش نسميوهم ؟؟ 
-نعرش انت قول 
- ههههه انا نحبهم يكونو زوز اولاد و نسميهم اسامة و يحي 
- و كانهم زوز بنات ؟؟ 
- لا اولاد انا عارف و باش يطلعو يشبهولي 
- هههههه انا الكراي معناها مايطلعلي شي في لخر 
- هههههه شكون حط الدينار ؟؟ انا ولا ؟؟ 
- شنيا ؟؟ اش معناها ؟؟ بربي قولي وليييييد... اوووو ولييييد ... صوتها في الحلمة تزامن مع صوتها في الواقع و هي تقوم فيه 
- صباح الخير..بقى يخزرلها باهت و يتبسم و يشوفلها لكرشها 
- هي حشمت و تربثت شبيه يبلحق هذا ؟؟ اداركت الحالة لي فيه.. توا السعتين تاع القايلة و تقلي صباح الخير.. قامت ادور في البيت و تتحاشى في نظراتو المفضوحة .. فددها و هو كلمة لا كان يلصلص في عينيه... بربي لا عاد تخزرلي هكاكا ؟ 
- كيفاه نخزرلك ؟؟ بدا يتكسل و يحك في شعرو..انا حر في رزقي ريت بالشرع بالقانون عندي الحق نخزر و نكحل و نعمل لعمايل 
- تبسمت و هي عاطياتو يالظهر تحل في القلص ... مازلت ماكش فايق ؟؟
- لا... رجع طيش راسو عالمخدة .. تااااعب ميت 
- علاه اش متعبك بايت تعس؟؟ قالتها بنية صافية و هو ديما ببلادتو 
- ههههه بايت نكور ياخي خاسر ثلاثة بلاش .. باقي مافهماتوش البوهالية 
- كيف ماتعرفش تلعب اش لازك من اصلو 
- ههههه و راسك نعرف نكور اما الارضية غير ملائمة حاليا 
- خليك في الاحطياط مالا مانغير ماتعب روحك.. 
-ههههههههههههههههههههههههههههههههههه اما انت اقسم بالله دغفة ااااه يا ربي اعني على مبتلاااي .. تعملي عجة هي المزيانة و تكون محرحرة ؟؟ 
- ماكش باش ترقد معناها ؟؟ قالتها و هي تضحك قريب تفضح روحها 
- اي بطلت الجوع هلكني.. قام ..انا هاني في الدوش لوطة و انت خوذ راحتك لهوني ... و على هاك الكلمة ترتمى عالفاليز تحلها و نبدا تنكت فيه تلوج على حاجة مزيانة الحق الدبش الكل مزيان اما تحب حاجة سكسي شويا تحب اتوبو اش معناها يقلها دغفة درا يسخايبها بوهالية ؟؟ هزت تلفونها تستنجد كيما كل مرة 
- حبيبي 
- اهلا بالعروسة هههه ياخي مازلتي حية انا قلت راهو قتلها ؟؟ 
- خيييت نعيمة مابلدك.. هههه 
- هههه اضحك يا للا ليام ايامك.. اش عاملة اش تحكي 
- اخطاني منك و من اسالتك و قلي حاجة تنفع 
- شنيا زادة 
- ماعرفت مانلبس الزح 
- ههههههه يا لطيف عروسة نهار غير درج و ماكش لاقية ماتلبس ؟؟ صورلي اش عندك خليني نشوف معاك يااا ربي اش نقاسي ... بقاو يحكو بالفيديو و نعيمة تقول حاظرة و تنكت معاها و في سياق حديث حكاتلها عالفازة قبيلة و كيفاش قالها دغفة 
-ههههههههه ماك دغفة بالرسمي ... و ماتقليش بالرسمي قتلو انت لكلام هذاك 
- اي اش فيها ؟؟ ماتقليش حاجة خايبة ؟؟ 
- هههههههههههههههه خايبة و سكتي... حبت تزيد توترها ... تو انت مرا انت ؟؟ و نحن قلنا كبرت و عاطيينك لراجل ؟؟ 
- نعيييييمة براس امك لا عاد توترني .. و الله كان تطلع تفرك فيهم و الله 
- هههه انت لي فركتيهم على رويجلك وخيتي ههههه تي الراجل يحكيلك عالفرش و انت تقلو ماتعرفش اتكور و اقعد في الاحطياط ؟؟؟؟ 
- وووه ووو
- تو انا نكذب في الحكايات هذي تي مشلقة يا ديني ؟؟ هههه لا هو بالرسمي باش يخرج خاسر ماينجمكش و الله انت تعب صافي.. انت شي كبير انت... 
- سكر فمك نعيمة تتبولد عليا ؟؟ 
- لا و الله لا حبيبي شبيك تنرفزت ؟؟ 
- شي جوست نحب نحط حطة مزيانة نطيرو بيها ...حبت تبعد بيها على حكاية الفرش و ليلة لبارح 
- اختي من غير ماتعب روحك حاجة خفافي و سامبل و تكون سكسي.. اممم وريني ذاك الشورط الدجين 
- وووه ياسر قصير ؟؟؟ 
- مالا شرياتو ليه هو باش يلبسو ؟؟ ففف يزيني راك غلبتي عليا ياخي هالبكش و هالحشمة لي هبطت عليه مع وليد يا طفلة ؟؟ 
- هههههه 
- شي يبكش حتى هو هههههه اه اه اه... هيا طير لراجلك و هبليه مانوصيكش... اعععع لحظة البريتال البس هاك لي طايحة على جنب شيرة البابيونة على ماياتي ممكن يكون ماراهاش لبارح مالربثة ههههه 
- عمبوك مابلدك يا فقصة طير برا روح ههههه... 
هي شنعت روحها بالبارفان و عملت طرف روج و بانسو و رخات شعرها لي يهبل عليه..بقات تبوزي في الدوش و تمثل كيفاش باش تاقف قدامو كيفاش باش تتبسم كيفاش باش تحكي .. حاجات نابعين من تلقائيتها و قلة خبرتها في الاغراء و الاهم من حبها فيه لي عمالو و هازها للهبال اكثر و اكثر ... عاودت هزت دبوزة البارفان و فش فش من اول و جديد تي باش يدوخ الراجل.. عملت سلفي و بعثتها لنعيمة طول ماكانش تقتلها.. و خرجت هي حلت الباب و جات في وجهو.. كان لابس شورط دجين للركبة و من فوق عريان... غطات وجها بيديها 
-شبيك عريان انت ؟؟؟ 
- سامحني ؟؟؟ 
- برا البس ماو لباس هاد عليا هكاك ... عطياتو بالظهر و ترفس بساقيها موش متحملة شوفتو هكاك كاناكش باش تتكعبرلها هالقايلة 
- تي برا زمر..طيش روحو عالفرش... انا ديما هكا في الدار.. يا خويتي مانحملش المراول الله غالب 
- هذاك كي كنت وحدك اما تو معاك شكون 
- شكون معايا ؟؟ 
- انا 
- انت شكون ؟؟ 
- تي انا وليد ياخي عامل بالعاني ؟؟ 
- ههههه امم انت مرتي يعني عادي تو تتعود اكيد مانيش معري روحي عالصبايا في الشارع... قعد مركز معاها توا كيف فاق الس هي لي شبه عريانة موش هو.. دور دور شنوا هذا ؟؟ ماهذا يا هذا ؟؟ 

-وجها حمار .. زايد توا اصلا مك كنت باش تخرجلو انت هكاكا؟؟ اي دورلو ويزيك مالريق تاع الحشمة راهو حبيبك وليد و زيد راجلك خوذ بكلام نعيمة يا بهيمة و دورلو و بين القوة متاعك و يزيك مالحشمة و التخبية... استجمعت قوتها و دارتلو 
- اب اب اب اب..دندوكة في ثوبها الجميل ههههه ايجي ..بقات واقفة .. ماكش جاية نجيك انا مالا ... قاملها يدحنس .. شنوا هالزين يا ربي .. توا هذا باش يطيبلي عجة ؟؟ انت تعرف اطيبها العجة تي تعرفها من اصلو .. بصراحة زينك و العجة مايتقابلوش..هي وجها الوان اشكال ساقيها يضربو في بعضهم و حالتها مكربة اصل مالهم لي واقف يسيب في بلادتو و قاصد يلبكها و يوترها 
- اي شبيها العجة علاه مانعرفوهاش ؟؟ عروبة رانا 
- اي هاني نشوف..عدى يدو في شعرو.. يا عربية يا مولاة الزين .. هزلها شهرها بيديه و بقى يثبت و سالها .. يلخي قصيتو ؟؟ 
- لا 
- قصيتو والا ؟؟ 
- تي لا عاد .. دخلت بعضها 
- احلف ترا ؟؟ 
- و الله شويا في لطراف.. انا انا ماحبيتش اما الحجا...هي تحكي و هو يخطفها من راسها من تالي يقربها ليه لين توجعت.. 
- انا اش نبهت عليه ؟؟ اش حكينا فيه قصان شعرك ؟؟ 
- تي و الله الحجامة قاتلي... 
- مطلوب فيها انا الحجامة تاع سمايا ؟؟؟ كان يحكي قريب ليها لوجها لعينيها لشفايفها.. شادها من شعرها مرة يكبس مرة يرخف موش عصب اكثر منو رغبة و حش .. شعرك معاش تمسو باهي ؟؟ شعرك يذخلو مقص انا نتفاهم معاك باهي ؟؟ شعرك بروس معاش تحطيه فيه كان بعلمي باهي ؟ 
-تهزلو براسها كاهاو 
- صحيت.. بقى ساكت يثبت فيها.. و شنيا هالحالة لي عاملتها في وجهك ؟؟ ياخي ماقالك حد راهو المكياج مايواتيكش ؟؟ تقول عبيثة يا بو قلب...برا نحيه برا 
-ععلاش خايب ؟؟ الساعة ماكثرتش.. ععروسة قلت نحط.. 
-لا لا اسمع مني راو كعبة لا عليك...شاد ضحكة بالسيف في وجها كي حسها ندكت لي حطت ماكياج مابلدو و هي دغفة صدقاتو اما تغلضت منو خاطر كانت ناوية تهبلو ياخي زلعها الهم ... 
- باهي ...لحظة..دخلت للدوش تتغصور و هو حك شعرو عامل بون كيف عليها هههه ناوي يبهثل بحالتها هالقايلة و ينصب عليها و على هبالها... هبط يتفرج في التلفزة لوقت لي هي هبطت.. كانت تغسل في وجها بغزول لعصب طالعلها لراسها تقول باش تتجلط 
-انا عبيثة ؟؟ انا مليواتينيش المكياج يا وليد ؟؟ باهي تو نشوفو ...تمسح باللانجات و اطيش فيها وين يجي... قلتهالي في الحجامة و سكتتلك اما تزيد تعمل بالعاني عليا انا ؟؟ بفففف السخطة هذا...خرجت و طربقت الباب و راها تلمون لين فاق بيها و بحس الباب... تلفت يشوف فيها هابطة.

#انتي_سبابي #كرونيك #كرونيكات 

الحلقة 62


كانت هابطة وجها مغسول بالماء.. متنرفزة و متلبكة منو خاطرة على عليها.. 
-دخلت للكوجينة بدات تجبد في اللحم...و ما تحس كان بيديه دوروها ليه
-قربها ليه و تكلم و عينيه في عينيها...قبل ما تبدا تطيب فما حاجة نحبك تعملها
-سالتو برعشة من قربو ليها...ش شنية؟؟ 
-حط يديه على خدها...برا عاود اعمل الماكياج الي عملتو الصباح
-تبسمت حست بحنية يدو على وجها..بعدت شوية مالحشمة و تكلمت بدلال...اممم و عما الالوان اش عملنا فيه
-هههه ولا يضحك قرصها من خدها...فيسع لا نبدل رايي
-حطت يديها في نصها كي الطفلة الصغيرة...اش توتا عليك وليت تحبني نمكيج
-ضحك في سرو قداشها بريئة بعد فازة مبكري كان يتخيل كيفاه باش يرضيها اما ببرائتها و طفولتها كعبورتو فيسع نسات...هههههه قالك لطيفة جاية قلت نقلك تعمل حسابك. ..
- امك جاية و شكون معاها !! 
- بابا...يتمقعر..تو بجدك تسال فيا !! تي ماو نساء الحومة معاها اولهم خالتك و اخرهم منيرة...صحة ليا انا خارج اما انت باش يحلقو بيك...
- اووووف بربي علاه ماتقليش من بكري..ماعيني في حد يجيني. .علاه جايين هوما توا.. ناقصة انا كان هداري النساء..كانت تتنفض من بلاصة لبلاصة تحط في الدبش الماكينة و هزت الدار و هي تاخذ و تعطي ..انت برا خبيه وجهك و خليني نواجهم وحدي..
- علاه ياخي باش يشنو عليك الحرب كان جايين يطمانو و يشوفو الدار اش يعرفني انا انت تعرف. .
- نعرف زادة الي باش يبداو يسالو فيا...و باش يجبدو عالسو. ...هي باش تكمل و الباب نوقز...ياااااا هام جاو ماتحلش شوف حالتي...
- انت برا اطلع بدل و انا تو نتلهى بيهم... برا عاااد شبيك ادور....مشات تجري للبيت و هو عمل طله عالصالة و فتح الباب...
- وريريريريريريريريريريري... الزغاريد عبات الدنيا..النساء حلبوها بالحس... مبروك على ولدي مبروك على الغالي وريريريريريى
- هههههه ميمتي الغالية ربي بفضلك..باسها من راسها و الضحكة في عينيه حتى ولو مصطنعة و عارفهم و فايق بخنارهم لي جايين على خاطرو 
- ااه ولد لطيفة و اخيرا يعني تهنينا عليك...يا وخي يا معذب قلوب العذارى ههههه مبروك على خويا والله صبرت و نلت
- ههههههههه منيرة.. الله يبارك فيك العقبة ليك يااا ربي خل تهج و تريحني من منظرك
- ضرباتو على كتفو.. والله كان واحد مالسلعة لي جايبها في عرسك مانقولش لا ههههههه
- هههههههه سلعة دوريجين هذيكا غالية عليك اما ماتخافش مخمملك في كعبة ...دخلت عليهم خالتها صافية ...
- وليد ربي يهنيكم ..صحيت و سلم ولدي و ان شاء الله ديما زاهي...ايه ويني هاكي بنت خديجة وين مخبية وجها و الا حاشمة
- هههههههه هاي باش تخرج ماك تعرف النساء روحك تخرج و مايخرجوش
- اكبس اكبس باش تلقى ماترخف نهار اخر. ..ضحكو و قعدو في الصالة بقاو يدورو بعينيهم في الدار قداه محلاها ياااسر واسعة و اثاثها مضخم. .وليد كان محمل امو و كل مرة يبوسها من راسها. ..كل مرة وحدة مالنساء تتكلم..
- ايييه والله خديجة يرحمها ناس طيبة وخيتي هاي فعلها بان في بناتها الحمد لله بديارهم و في اعز الناس متهنيين 
-الحمد الله ان شاء الله فرحة هدى و نعيمة يا صفية و في دار خير من هذي 
- تنهدت..ان شاء الله كيما هالساعة.. تي ويني لعروسة !!
- وليد عيش ولدي قوم شوفها..و جيبها معاك ههههه ...قام يجري مسكين تقول يستنى فيها تحكي.. خلاهم محلقين يقطعو ويريشو و يعاودو في ليلة الصالة و يقرضو في لبسة فلانة و مشطة فلتانة...النساء طبعا هههههه 
الدرجة لي يطلعها يعديها باختها...
- راك تطيح يا ولدي مازلت عريس هههههه ...منيرة تتمقعر عليه...دق الباب و دخل ... مالقاهاش في البيت ما تكون كان في الدوش.. 
- ايمان !
- وي وليد هاني هوني. ..كانت تحط في البوكل في وذنها شعرها كان على جنب واصل لخصرها... روج عاطي على لون الروبة..هو معاش تنجم يتوازن الشي يشل اصل.
ريحتها دخلت في خناخشو..حتى و الباب متاع الصال دوبان مردود...بلع ريقو...الجماعة يسألو عليك ...مزلت تبطا ياخي؟
- لحظة هاني جيت بقا عالفرش يستنى فيها لازم يكونتروليها قبل... خرجت.. سي بون هاكا باهي ماناقصة شي!! ماتقليش الروبة قصيرة... شكون لي جاو مع امك !! كانت مربوثة مفجوعة و خايفة منهم... وقف مقابلها.. يا روحي شبيك.. هدي روحك ياخي علاه هال .....بقى ترا فاش مركز...لحظة شبيها رقبتك !! اووو مناش هذا !! 
- تي غلطت في الكوبة ياخي تصب عليا السخون حرقني !! 
- شنيا حرقك يا بنتي ماكش حاسة !! تي الكلهاا حمراء ...حط عليها صوابعو..الزح بربي مخك وين كان.. جبدلها شعرها و حطهولها مالشيرتين..
- والله تربثت ماعرفت مانعمل باهي لي جبدت روحي ولا راني تشويت بكلي. ..
- هاكا سافا هاني معاش تبان و الا راهم مشى في بالهم انا عمتلك هكاك.. بقات تغزرلو تقول في سرها اش خص كان عملت فيا انت لعمايل ... هو مزال يقاوم في ريحة بارفانتها مازال صامد قدام كم الانوثة لي تسمت بيها..مازالت يديه في شعرها ماشلقش بروحو كيفاش دزها من كرومتها ليه قدم باسها من خدها قريب لشفتها..حست بيها سخووونة على خدها هي مازالت تتدارك و هو غدرها بوحدة على شفايفها... هز عينيه فيها يجس في نبضها لقاها لابدة عينيها ضايعين عاود طفى نارو ببوسة أطول شويا من لولة.. مازال يعدي في يديه على رقبتها كان في أقصى حالاتو ياااسر ضعف ياااسر شهيها توا هي اتبع فيه مطاوعاتو مسلمة عللخر. .. بوسة كانت باش تكونلها بصمة على رقبتها لولا الباب لي دق و من وراه لطيفة تنادي 
- ياخي ناويين تبيتونا هوني الليلة هيا اخرجو يا شومي !! 
- ضحك و هو مازال قريب منها. .. ريت علاه قتلك لازمنا نسكنو واحدها... بعد عليها و حك شعرو بيديه الزوز. .. هي مسكينة من الضغط تهدت عالفرش ههههه 
- قوم عاود الروج متاعك..
على قد فرحتها على قد ماهي مقهورة منو و من غدراتو ليها علاه يلعبلها باعصابها تي هي شادة روحها بالسيف عليه كان موش عيب ترمي روحها عليه راهي رمات روحها عليه و خلصت
تعاود في روجها و عينيها فيهم دمعة محصورة كي فرحتها لي تحرمت منها.. نساء جاية تبارك بالهناء و هي تغفص في دموعها حتى جرد بوسة يعطيهالها تقول يتقشف الزح تعرفو يموت و يفنى عليها اما مخو في حكاية أخرى لازمها تعرفها لازمها تفضها باش توصلو توصل ترتمى عندو من غير حسابات
هي خارجة ياخي عيطلها
- بربي تمدلي المريول الروج ! كان عالفرش يبدل في مريولو نحاه و بقا بلاش تقول متشمت فيها. ..مدتهولو و حتى الخزران ماخزرتلوش ماعينها باش تزيد توجع قلبها... قاتلو و هي تسكر في باب القارد.. 
- كانك خارج زيد عطل روحك خاطر ممكن يروحو دونك هزهم معاك. .. و خرجت تزرب
- يا زينو يا زينو وريريريريريري... تبارك الله على بنتي تبارك الله على عروستنا 
- اييييه يا لطيفة و الله و عملتي كنة بالرسمي ههههههه..
- هذيكا بنتي قبل ما تكون كنتي ... و بقات تبوس فيها... 
- خالتي شحوالك علاه لبنات ماجوش معاك 
- ايجي نبوسم قبل و انت بالك في البنات ههههه ماتخافش تو يجوك هههه قتلك شنهي انتم عزايز و نمشو واحدها احنا
- سلم عليهم و قلهم مايبطوش عليا. .. تهاني زادة كانت باش تجيني اما تقلقت مالحبالة مشات الطبيبة...
بقاو يحكي و شويا و بعد قامت تجيب في الضيافة ياخي خلطت عليها منيرة... 
- صحة لامونة محلاها دارك عزيزتي تتهنى
- عيشك منيرة ربي يخليك
- محلاه حتى صاحب الدار 
- ههههههههههههه
- اضحك ياللا ليام ايامك. .. حبت تصلبها... هو محلاه اما ياسر معصاب الهم حاول تربيه الوز و اكسرلو شوكتو لواقفة
- زعما انجمو هههههههههههه 
- هههههههه عزيزتي راك مرا يعني استعملي اسلحتك الكل و ماتنسيش عندك سلاح فتاك 
- هههههههههههه بالرسمي !!... مافهمتهاش الدغفة... مافيباليش والله مخطرة للدرجة هذي انا هههههه
- ههههه ادغف فيا يا لفعة !! شنوا ماتعرفش كيفاش تريضو انت محسوب وليد. .تعطيه يعطيك و زيادة.. نتصور خارج بعشرة بلاش ليه لبارح ههههههههه
- فهمتها تتبولد و تحكي عالفرش... ههههه تعرفو ديما خاسرة قدامو انا وليد اما اسالو انت كان تحب مام ماتحشمش منو هههه الياجورة طايحة من هاك العام 
- ههههه نسالو مالا لاااا كايدة فيه. .. هو كان يسمع فيهم شايخ على ايمان كيفاش قطوسة مغمضة كيما يقول علي ضحك و دخل عليهم...
- اش باش تسألني زادة ديما تنسنس و تقصقص يا انتاربول ماك بطلها هالصنعة..
- نسال في عروستنا على حاجة تخصنا انت منين ليك 
- لا عشيرتي انا و مرتي واحد... لي يخصها يخصني انا ديراكت.. جبد كرسي وياكل في كعبة تفاح...
- امممم باهي مالا قومو حظرو هاك السورية لبحاث للبرا يستناو على نااار... هو هز فيها حاجبو و ايمان جمدت في بلاصتها و خزرتلو في يديها حارة حلو لقفتهم في اخر لحظة... 
- شنيا هذي !! سألها مستغرب
- تلفتت لايمان... يا طفلة ياخي ما حكيتلوش راجلك عالسورية ؟؟ 
- انا.. انا.حطيتها و. ..باش تكمل ياخي حست بالدنيا دارت بيها لقاب شادة في الرخامة و مغمضة عينيها
- بسم الله على اختي لباس !! شدتها من مرفقها و عرضها وليد هزها منها
- شبيك ايمان . يتحسس في يديها و راسها... شبي حبي! ! هزت فيه عينيها لكلها لوم. ..
- لباس لباس ممكن خاطرني ماكليتش..تفكر انها ماحطت شي مالبارح في كرشها ..
- ناااري على امي.. تو انت عبد مخلي مرتك للجوع ابعد هزت غسلتلها وجها و فتحت الفريجيدار جابتلها طرف عسل..هذاك طاحلك السكر..حقرت لوليد ..والله لا تحشم نعرفك انت.. عبيتها كرشك و المسكينة هذي ماخليتلها شي تي صحن العجة في الثلاجة ريحتو قالبة الدنيا ...امونة عود كول عيش اختي و كي يقلك بزايد حار بلبزو بيه على فمو الحار تو يفهم روحو... 
- ههههههههههههه تو تحرض فيها عليا !!
- زيد اضحك..ايا عزيزتي قوم بطينا عالجماعة.. هات عليك الصحن هاني سابقاتك...ماتبطاش...هي خرجت و هو وقف جاء في قفاها
- ايمان... كانت واقفة تصب في الماء باش تهزو...امونة ماحبتش ادورلو... سامحني..
- هي عينيها معاش حاملين دموعها المحصورة خلاتهم يشقو طريقهم على خديها...
- سامحني...سامحني سامح وليد راهو يعشقك ..سامح لي يموت و لا يشوف دموعك سامحو خاطرو بهيم يحب يوحع روحو و مافيبالوش يوجع فيك زادة. ..كانت تبكي مهبطة راسها و شعرها مغطيلها وجها. .. دموعك غاليين يا روحي دموعك يقهرو لهنا راهم..حط يدو على قلبو... اااااه دورلي امان ...ماتعطينيش بظهرك..
- يزي امان معاش تحكي معاش نحب نسمع منك حتى كلمة...تعبت نفس لكلام تعبت و الفعل مافماش الفعل لي تحكي فيه.. 
- لا ايمان و الله لا ... دورها ليه. ..حطلها وجاها بين يديه... نحبك. .نحبك و حبك كل يوم يزيد..تشك في كل شي الا حبي ليك عمرك ماتشك فيه... حبيتك و انت بعيدة و انت لغيري فمابالك و انت ليا مرتي..يمسحلها في دموعها بصوابعو.. مانيش راجل كان مازلت نبككيك والله.. باسلها راسها من جبينها... 
- شنوا ...كانت تمسح في دموعها و حالتها ...شنوا باش نعملو توا. ..السورية و نسيتها 
- ياخي شنية حكايتها السورية الوز هذي؟؟
- حشمت باش تقلو مللول... نعرش حكاية جرات فيها العادة
- ايييييي؟؟؟؟
- تي تكون كيما الدليل على الصبى عند لبنية... 
- مالا خرافات و ماتقليش محلقين من قبيلة على هذي... تو هوما اش يدخلهم فينا مالا حكاية هذي ..الواحد يدخلولو حتى في..... استغفر الله العظيم
- خليك معايا و تلفهم بحكاية امان انت تصرف و صرفهم 
- شبيك خايفة انت !! ياخي باش يقاضوك .. شنيا لحكاية ماي حكاية وقت و تو تتفض.. انت مرتي بكل شي و الحاجات لخرى احنا نقرروها موش هوما.. 
- يا ريتنا فضيناها من بارح...خاطر لازم لازم يشوفوها.. - شنيا لازم هذي !! ياخرو فيه سافا هكا !! ثبت فيها و ضحك هالماكياج موش كاتبلو يبقاش اكثر من ربع ساعة على وجهك... اما محلى زينها عروستي بلاش بيه احلى. .. ضحكت .. بوزينك يا سخطة يعطك كية كيف ماكويتني...
في الصالة كانو محلقين و الباين مازالو مطولين وجات تهاني و كملت القعدة... هي شادة جنبو يدها ماسيبتش يدو حاس بخوفها و حساسيتها مالحكاية... يعرف انو همها موش جرد سورية اما ماذابيها تثبت للناس و اولهم حماتها و خالتها و للحومة لكل انها عفيفة و طاهرة انها صبية عذراء و حافضت على روحها لراجلها... لي من شدانو ليدها حست بالأمان..كان يحكي و يضحك متفاعل باللمة لي جمعتهم..
- ايا بابا المرا و جبناهالك و العرس و عرسنالك انت اكبسلي روحك و هاتلي الولد 
- هههههههه كاهاو لطوف بديت تخمم في الصغار من توا !! 
- هههههههه مالا شنهي الصغار موش زينة الدار !!!..خزرت لايمان. .. نعرف بنتي باش تبيضلي وجهي 
- أن شاء الله طاطا كل شي بالكتبة 
- كبسلها على يدها... على قريب امي ان شاء الله حظر من تو ماعون النفاس. .. ضحكت الجماعة الا هي بقات مصدومة " ياخي منين باش نيجيبو انا البيبي مالحيييط !! " تشوف في خالتها توشوش لمونيرة و هذيك تقلها تهنى لباس لباس... عرفتها عالسورية... كبستلو على يدو تلفتلها
- وي
- قوم قول اي حاجة اي سبلة خليهم يروحو
- باهي باهي... شويا و قام... يا جماعة انا هابط عندي قضية قريب مالحومة نوصلكم كان تحبو...منيرة فهمتو يحب يبقى مع مرتو
- اي أي كاهاو وقيت ياخي بطينا 
- ايمان بنيتي تو غدوة نكلمك و الا نطل عليك ... لطيفة ممروجة موش حابة تروح قبل ماتشوف الأمارة. .. 
- ان شاء الله طاطا مرحبا في كل وقت... خرجو ركب و في الكرهبة و هي معاه في الباب تاع الدار 
- انا قلت سايي حصلنا ووووووه
- ههههههه مالا خوافة. ..بتمقعير.. ساهلة ياسر باش تنحي هالخوف هذا الكل 
- شنيا !!
- حاجة محلاها ماتاخذش مني نص ساعة... غمزها ..تو كي نروح نعلمهالك
- فهماتو بقات تتبسم و هزها تيار الأحلام الوردية. .. سكرت الباب و بدأت تشطح في حالة هستيرية "نحبو نحبو نحبو. .. ههههههههههه نعشقو يا ناااااااس هههه"

#انتي_سبابي #كرونيك #كرونيكات 

الحلقة 63


- كان يسوق يرحي في الطريق رحيان..بعد ما وقف شرالها وردة صفراء..هز تلفونو و طلبها...
-اهلا...
-اهلا وليد
-ياخي صوتك بالنوم كنت راقدة؟؟
-قمت توا هاني دخلت للكوجينة
-اه ايا باهي...شناوية طيبلنا؟؟ 
-هاني باش نعمل حاجة خفيفة
- اه..صارا..باهي حاجتك بحاجة !! ماتوصي شي !! ...
-لا لا سافا عندي كلشي
درجين و كان قدام الدار.....يشكشك في المفاتح في يدو.. يامالي الدار !! ايمان وينك !!' 
-خرجت مالكوجينة قالبة وجها...هاني لنا 
-قدملها خطوتين...شفما و شنية هالريحة...
-نفخت ....تي غفلت ياخي تحرقتلي الصوص...الصبر كنت نزرب نحب نطيبها و نتكا ...
-حط المفاتح و بدا ينحي في صباطو...اي اعمل كعبتين عظم و ارتاح..ههههههه حسستني انك تاعبة مالقضية 
-لا لا منغير ما تنحي صباطك..امان خلي نلبس و نخرجو ناخذو حتى صندويتشات نجيبو نتعشاو...بالك كي نخرج نتفرهد شوية
- زعما !!! انت ماكش متقلقة كي قبيلة سافا توا ابرك !!
-لا سافا سافا...ايا نبدل و نجي؟ 
-بدا يمروح..برا برك..و انت الصادقة خلي نعملو دورة.. ملا ليلة بالسخانة...قوايل الرمان على بكري السنة نورمالمون مزاااال بكري على هالشهيلي 
-هههه بابا يقول حرقات العرجون توا اما رمان يا ولدي !! 
-امممم عاملة فيها فاهمة المرة هههه...تي هيا ياخي ناوية تخرجنا نص الليل !! فيسع لبست و قدت ماكياج خفيف و مزيان...اول مرة باش يخرجو و زيد كانت فادة و حبت تتفرهد هزت ساكها حطت فيه الباكو و خرجت..خزرلها يلقاها لابسة روبة في البلو و كولون و طالون... الشعر مسبول الحنة زايدة فيها الشطر...العينين سود ليل...بهت..هذا الكل على سندويتش ياخي هههههه
-تي ايا برك وليد ...حبيت نتفرهد شوية..كان باش تبدا تتمقعر خليني نشد الدار و برا جيبلنا انت
-ههههههه نتمقعر ايمان !!! باهي الكلمة هذي معاش تعاودها... قدم يتفحص فيها. . هاني سكتت على خاطرك خلينا نشوفو وين بطرسي جرت هالكسكروت...هيا هيا..بطبيعتنا ما خرجناش..تنهد...هاي جات فرصة
- هيا هههههه.. كي جاو باش يركبو تلفونها نوقز..وي منى. .هههه لباس عيشك... وين !!!! ...احنا زادة خارجين...نعرش لحظة نسالو..
- وليد.... ركبت بجنبو و دارتلو و التلفون في وذنها... تسلم عليك منى و قلتلك انت صرفتو صرفتو كي خرجتو كملو تعداو بحذانا هانا في......... بعدت التلفون كومكوا.... انا راني مانحبش... نقلها تاعبة و ماناش باطيين !!!
-قلها باهي براسو..ديمارا و خرج
- عزيزتي نحاولو مانبطاوش عليكم. ..علقت و استوات في قعدتها.. تزيد شويا و تخزرلو و تتبسم... خرجنا مزروبين كارك بدلتو المريول..
-علاه !! كبس على جبينو تاعب. .
- شنيا علاه ياخي خارجين رانا...و زيد لبلاصة مضخمة وين منى باهي توا ندخلو و انت بالمريول هذا !!!
-موش عاجبك المريول ههههه...يا بنتي هذا ركب في الطيارة و جا الي موش عاجبك...تي كادو مالجالية شخصيا ههههه
- اووو صحة ليك..انا زادة و الا تستخايب روحك كان انت تلبس مالبرا..هيا برك خلينا نهبطو.. سافا الروبة موش معطرة ماهي !! وجهي مزيان! ! شعري راكح في بلاصتو... قدمتلو تقدلو في كول المريول... على فكرة ديما ملاحظتها عليك مراولك الكول متاعهم يبداو واقفين !!و شعرك مشبشب..تركح فيه بيدها و هو مصدوم فيها..
-بدا يكح بالشوية و بعد...هيا هيا ندخلو و بعد تو نتناقشو في موضوع كول المريول...سبق للريستورون و هي تبع فيه و تبسيمة على فمها..
- دخل و رجع طول وقت كانت هي في الباب... ياعمبو هالعملة تي الريستو معبي الزح بفففف اش نكره هالبلايص لي تبدى تغلي. .خزرلها كاينو يقلها علاه لابسة هكا هالليلة الكلبة..جاء باش يحكي و السارفار قاطعو. .
- عسلامة مرحبا.. ريزارفي!!.. جاء باش يقلو لا رانا عنا شكون نشوفو و خارجين و هي بادرت بالحديث..
- اي..اي..عنا طاولة باسم وليد الصيد..تربثت و وجها حمار... هو تلفتلها هاز حاجبو
- طاولة باسمي !!!! وقتاش !!!
- تبسمت للسارفار تبرد فيها...و تحكي توشوش... الزح ياخي ماتنجمش تسكت!! انجمو ندخلو توا !! و الا باش تبقى واقف زادة..قدمت و وخرتلو خطوة ..و بربي لا تخزرلي هاك الخزرة...شدتلو يدو و دخلت بيه.. و الضحكة مالية وجها..
- في بالي مايبيعوش سندويتشات لهنا يا طفلة راو..يحكي مستغرب
- ههههه نعرف.. ياخي حارقة عشايا و عملة زرقة باش نعشيك كسكروت في اخر حلقة!! قعدة في الطاولة و هي مازالت تحكي.. الليلة انا مستدعياتك و على حسابي الخاص
-فرح من قلبو.ههههه ياخي الصغرون كبر ولى يستدعى فيا !!
- حطت شعرها لتالي..حتى هي قوايل الرمان ليوم !!! شدت ضحكتها
- هههههههههه لا اما انت ماكش نورمال يا طفلة..تلفت للريستو..و عاود خزرلها. ..وقتاه هذا الكل !! 
-علاه مانجمش روحي !! حبيت نفرحك بحاجة..طبست راسها..قلت نرجعلك شويا من لي عطيتهولي و عملتو على خاطري.. نعرش انا مانيش متعودة بالجو هذا و الريستو اول مرة نشوفو و اصلا الريزارفاسيون عملتها بالفيسبوك...تبسمت.. عجباتك لبلاصة ؟
- قدم شفايفو و تبسم ..شدلها يدها باسها ..انت فيها و ماتعجبنيش !
تي الشعانبي نسكنو كان انت غادي..يعطيك كية كيما كويتني. .
- ههههههههه يزي امان ماتبداش تسيب في ظمارك تعرفني نجمش نخبي ضحكتي بالفوق...جابولهم لعشاء..تعشاو و هوما من ضحكة لتفدليكمة لحكاية...
- مع لحداش و نص بالضبط...قامت..
- لحظة نمشي للتوالات ..
- نمشي معاك! !
- لا تو ندبر راسي...هي قامت و هو شيعها بعينيه مسكين تقول باش يهربولو بيها تي الهم مزينة محنية الشعر مسبول تي مشلقة عروسة الزح..هز تلفونو يبربش فيه و يشوف في الدنيا ظلامة..مخو طول قداها متحير وينها لتوا..قام يزرب باش يجيبها و يشوف في خيالها تمشي و في يدها خبزة قاطو صغيرة فوقها كالشمعة تشعل و تعمل في الطشاش هههه..بقا باهت مصدوم..هي تقدم و الناس بدات تصفق و تغنيلو... دوبة وصلاتو تبسمتلو و هبطت راسها..عاودت خزرتلو هزت حواجبها يعني "اش قولك "
- هههههههههههههه...يضحك و يعدي في يديه على راسو و رقبتو... هبل بالفازة...هز منها القاطو حطو عالطاولة و دارلها جبد عنقها و حشاها عندو... 
- كل عام و انت حي بخير...وقفت هزت روحها ليه و باساتو بوستين.. 
- و الله لازمني نبقى حي بخير مدام فيها الدلال هذا الكل ااووو ...باسلها جبينها. .كل عام و انت معايا كل عام و انت حبي السمح... عاود حظنها و تلفت للناس لي تهني فيه يتبسم و يعمل بيدو لا للناس لي تصور فيهم..قعدت و تستنى فيه يقعد ياخي جاء دارلها. .
- برجولية بعيدة عليا و انت مقابلتني.. لزها للبلار و قعد لاصقها هي حمارت بكلها بالعمل طيحت السكينة في حجرها...يخزرلها في عينيها و يدو في حجرها تبربش في السكينة..بقى مركز معاها كيفاش رعشت اول ماحط يدو..عينيها لي ترمش نفسها لي تفرعس..بكلها تفاصيل تخليه يتمادى و يتبولد هههههه يتبولد على مرتو
- خزرتلو..و مايحس كان بيدها مع يد...هايكا هزها راك وترتني... حسها ترقل في ساقها. .
- و الله و لقيتها شوف اا سيدي.. غمزها..دور يدو ليمين وراها و لخرا شاد بيها السكينة. .. نقصها معناها توا !! 
- تبسمت و عملتلو براسها اي..بدى يقص و هي تغنيلو بالشويا "عيد ميلاد سعيد " و هو يقص و يضحك و يرجع عليها " يا وليييييد " 
- حل فمك...حلاتو طول و هو حطلها طرف بالقاطو 
- علاه توكل فيا قبلك عيدك انت راهو
- انت عيدي و كي تاكل انت يتسمى كليت. .هز طرف كبير و حطو في فمو
- هههههههه قول خايف تحطها في مرة في فمك و تخليني نتفرج بحسرتي..هزت صبعها تقلو "القاطو" 
- شبيه !! بنين هانو
- لا لا فما شويا..تعملو بصبعها شيرة فمو.. مزال طرف كرام امسحو..ضحك عدة لسانو في شفايفو. .
- ههههههه لحظة برك...هزت صبعها مسحتلو..عينيها ترشقت غادي...تحس في روحها ترهوجت و سخنت و كرشها توجع.. فيسع ما هبطت يدها...سي بون معادش
- هو مالفازة مازال يستوعب..هز طرف كرام بصبعو و عاود بلحط بيه روحو... مازال شوف ..كيفاش تقلي معادش !!! 
- ههههههههه انت هبلت سايي... شد..مدتلو لمحرمة.. امسح الناس تخزر..عدت شعرها وراء وذنيها.. 
- مهبول بيك انا..غمزها.. ضحك..خزرلها..بنينة عللخر
-ششنية !! 
- حاجة مالحاجات.. ههههه بالإمارة مدورة مكعبرة حلاوتها كالعسل و الا احلى.. ليا قداش ماذقتهاش
- خزرتلو باستنكار... شبيك بليد وليد !!! دخلت بعضها حساتو يقصد حاجة. .. تعرفني مانحملش كلامك لي ملغز 
- يا عمبو عمري...شد طرف آخر ماقاطو و حشاه في فمو... سامحني اما راو القاطو البنين ماتفهمنيش بالغالط
-صحة و فرحة... تبسمت.. تحب تخرج روحها مالموقف هذا... خفت تطلع ماتاكلش شوكولا... 
- هههههههههه ماتخافش القاطو عشقي الوحيد لي ناكلو بلاش رادة. ..هز يشرب في الجو. .. اي عاد ماقتليش تكمبس و تريزارفي منين ليك تي انا و ناسيه 
- الحق تاع ربي نهار الصداق شفتو الدات و بكري كي انظم في البيت لقيت كونتراتو فيه دات زادة..كاهاو حطيتها في بالي. .. و..مهمهت..و.و حبيت نخرجو مالدار نبدلو الجو... هزت فيه عينيها..معاش نحب العرك في الدار وليد..تخنقت النهارين لي تعداو.. 
- يمسح على خدها... كاهاو كل شي وفى يصير راو العرك ببين اي زوز عزيزتي... و مادامنا خرجنا نتفرهدو و اليوم عيد ميلادي باش نشيخك ايا ليلة شكون كيفك العيد و عيدي و انت لي تقبض !!
-هههههه لي نطلبو يعني !!! 
- لي تطلبو ..يطرشق بصوابعو
- امممم خلينا نتمشو شويا عالبحر. .. شوف محلاه 
- نتمشو يا للا ...هي قامت تمشي و هو خطف كيسان الجو. ..تلفت لطفل في الطاولة لبجنبو لقاه يضحك..اااه صاحبي دافع فلوسي فيه ههههه خلاه يضحك و خلط وراه..امونتي..شد..
- ههههههه علاه تجيب فيهم !! 
- هههههه كوكتال يابو قل
- علاه دافع حقو انت !! ههههه و الله لي يشوفك يقول مشحاح 
- ههههههههه دبر فيا..سكت شويا خزرلها و تكلم..هي كانت سابقاتو تلفتت وهو يتكلم..روبتها طويل شعرها طاير و عقلو خلط عليهم... مونتي انت ماطلبتينيش في فلوس منين ليك هذا الكل.. تلفت للريستو..تي غالي ظاهر الكازي 
- دبرت راسي...ضحكت و كملت تتمشى... لحق عليها.. 
- و كيفاش !! وقف قدامها.. راك تطلع تسلفت !! عقد حواجبو
- و الله لا... قعدت عالفلوكة لي مرسية عالشط. .. كسرت شقاقتي..ضحكت لين عينيها ضياقو.. 
-اطرشق بالضحك. ..تفدلك !! بربي قداه لقيت فيها ؟؟
- تحس فيه نبزها...لا..نحكي بالرسمي.. و لي يقلك فيها 220د كاملين..
- قول و الله !! من وقتاه ؟؟ شاد ضحكة
- سبعة شهور و انا نلم فيه... 
- هههههههههههههههههه 220د بمعدل سبعة شهور يعني دينار و أربعة فرنك في النهار... كاهاو !!! حط يدو على فمو..
- غلبتها البكية. .ياخي هازي عليا وليد !! انا نشوف فيها حاجة كبيرة لفلوس في لميتهم.. تعبت و انا كل يوم نهز فيها و نشوفها رزنت و لا الشقاقة
- ايمان و الله مانق ..... 
- لا ماتحكيش معايا خاطرك ماتعرفش شي.. تعرف كيفاه لميتها انا هذيكا ؟؟ نخبي من الباقي تاع حق الخبز.. و الصرف لي نلقاه في جيب لبلوزة تاع بابا كي نغسلها. .و الا حق الترونسبور لي نخبيه كي نمشي مع راجل خالتي... فرحانة خاطر عمري مالميتهم بالكثرة هذي..مسحت دمعها.. تعرف نحسب فيهم و خايفة مايكفونيش للخرجة هذي ياخي زدتهم طرف من لي مدوهولي لبنات في العرس... حبيت نفرحك وليد... حسب امكانيتي.. حبيت بلاصة خير من هكا و ماكلة أضخم تي حتى خبزة القاطو حبيتها تكون اكبر اما فلوسي ماكافتنيش... هي مازلت تحكي و هو خطفها عنقها..لزها ليه و رصها خباها و حشى راسو في شعرها...
- يا روحي..يا عمري..معزك و الله..محلاك و محلاها الفازة و الله قداه عزت بيا..سامحني مانقصدش نحرجك و الله.. بعدلها راسها و شدو بين بديه.. انك توصل تخمم فيا و في خاطر هالنهار عندي انا بالدنيا... قداااش ليا عليه مانتفكروش عيد ميلادي و عمرو لا عيدني حد تي آخر مرة في المكتب مدتلي طفلة كارطبوستال فيها (و+ب =حب..عيد ميلاد سعيد و اتمنى ان تعيش في كل ابويك) ...هي اطرشقت بالضحك... اسكت مازال المشكل موش غادي...هه تحسها دعوتها من قلبها بالعمل نعدي نهاري في القوايل يطرد فيا الحاج..قالو ظل ابويك
-هههههههههههههههههه خذاتك بالغشم
- و انت خذيتلي عقلي..راسها بين يديه كبس عليه و قدم يبوس فيها..جبينها خدودها ..حتى وصل شفايفها..وخر شويا خزرلها..و عاود غطس فيهم..هي كانت مكبشة في مرافقو تفرفط..مانجماتوش كان اقوى و محتويها لكل ..هبطت يديها شدتلو في مريولو مغمضة عينيها في حالة..بيوس و يوخر بيها لين تخباو وراء فلوكة كبيرة شويا..ولو انو شاهي يبوسها الا انو مستحيل يعملها قدام الناس.. تجرأ يبعد بيها خاطر موش حاب يبطل موش حاب يبعد و مايبوسهاش توا..حط جبينو على جبينها و يعدي في يديه منا و منا على شعرها و كتافها بزربة و داهش...نحب..نحب..ننبوسك مازال نحب..بدأ يطلعلها في دقنونتها و يتنفس... شاهيك راني...معاش انجم و الله..كمل لصق فيها بكلوها و لزها عاللوحة وراها... 
-وليد...خ.خخلينا ننروحو... امان..صوتها ضايع 
- ششش.. ماتحكيش... يتنفس في رقبتها و وذنها. .ماتحكيش خليني براس امك خليني...هز يدو هبطلها لبروتال تاع الروبة و حط شفايفو على كتفها..باسها و عضها منو..هيا تكبست بكلها و غرست صوابعها في جنابو..و تنفست بالقوي... زادت هيجاتو بالعمل عاودلها نفس الفازة ..
- بربي يزي..ولييد..كانت تلهث.. هيا..ننروحو.. دايخة عندو تحكي بالسيف..عرفها طابت زبدة مالحاجات لي عملهملها... 
- حبي 
- أمم
- امونتي 
- ها وليد. .قالتها مدهشرة..تحل في عينيها بالسيف
وشوشلها في وذنها ( نحب نبوس صدرك)..فاقت من كلمتو دزاتو طول
-ششنوا!! ششببك تحكي هكا..يزي مالبلادة..يديها يتراعشو مالخوف و الحشمة
-هههههههههههههههههه نكورو ؟؟
-اه ؟؟
- نكورو فينال الليلة انا و انت واحدنا ... 
- .............بقات مصدومة في بلادتو..المرة هذي فهماتو ديراكت
- هيا.....ماخلاهاش حتى تحكي و جبدها من يدها و مشى بيها.. هي عصرت عليها معدتها في لحظة تكبست بكلها ماكنتها رعشة من سايها لراسها.. خايفة و فرحانة و مترددة.. أفكارها و هواجسها كافيين لين وصلوهم للدار... 
- نزل قبلها و دارلها يجري حللها الباب... هات يدك. .حطتها في يدو و نزلت..كي وصلو الباب حلو و دارها حملها في لحظة. .. 
-هههههه راك اطيحني
- مانجمكش محسوب ماني !!! 
- هههههه نعرش ماجربتكش قبل
- تو تجربني ..تحب تجربني ؟

#انتي_سبابي #كرونيك #كرونيكات 

الحلقة 64


دخلو يتضيحكو صوتهم مالي الدار..وقف بيها في الوسطية و هي مازالت راكشة عندو
- امونة وخيتي فاش تاكل لين رزنتي هذا الكل
- شدتو من وذنو... أولا مانيش رزينة و مانيش سمينة..ثاني حاجة انت حبيت تهزني يعني تتحملني ثالث حاجة و الاهم انا مانيش وخيتك
- ههههههههههه انت حارس مرمى 
- هههههههه تعرف قبل في البيسي يحطوني قارديان وقت البلانتيات هههه تخيل و مانشد حتى كورة
- هههههههه انا معلم مان تحب نعلمك كيفاش تشد.. خزرلها بخبث... نوصل بيك للاحتراف كان لزم. . 
- هههههههههههههههه...براس امك لا عاد تزيد كلمة راهم جنابي معاش حاملين و الله شوف خدودي باش يطرشقو بالسخانة وووه...هبطني..خليني تجيب دبوزة ماء. .
- هاتلي كاس ستروناد امان..مشات بعد شويا سمع حس حاجة تكسرت تنطر يلقاها تلمد في القاعة...لاباس ايمان..نحي من يدك نحي لا تجرح روحك
- هاني كملت صايي... ياااي الصحن مازال جديد قداه عجبني السرفيس كي خذيتو الزح ...موش كاتب...بقات تلم و هو قعد على يكايبو و زادت قابلاتو بروبتها لي ورات افخاذها لي يبهرو كالبلارة... هز من يدها البالات... يزيك تو انا نكمل.. 
- لا خلي عليك تتجرحش 
- فيا و لا فيك..
- بعيد الشر عليك..
- ااااي
- وليييد... باسم الله عليك هزت يدو تشوف فيها
- جاني الشر...ههههه نفدلك
- ممسطك و الله فجعتني 
- بالحق تفجعتي عليا... كانو موش يلمو في الفخار كانو يلمو في يديهم لي تلامس في بعضها... العينين تحكي الشفايف اترجم و ليدين اطبق... محلاك يا طفلة 
- حمارت بكلها من قربو و كلامو و لمستو. .. سكتت ماعرفت ماتجاوب
- يزيني مالحشمة عااااد... هزلها دقنونتها بيديه شفايفك..خذا نفس طويل كاينو يزيح في حمل كبير. ..شفايفك جنة مايسكنها كان وليد...زاد قرب لوجها...انت بكلك ليا و لو انت ماتحبيش اما ليا في النهاية...كبسلها على زندها صحيح قلبو يسير فيه اما مخو يحاول يسيطر.. حس بروحو تقوى على يدها موش فاهم حاببها شاهيها و الا ناقم ... 
- و..وليد..وجعتني
- ماكش موجوعة كيف ما انا نتوجع تو... ماكش حاسة بالنار لي كلات جواجيا من داخل ... نفسو سخووون توغل في وجها لكل..حبك كواني شواني قهرني و خلاني بيك نهتري خلاني تتخيل فيك قدامي نحكي معاك... 
- ول.....جات باش تحكي وهو فقد اخر خيط كان شادد بيه روحو عليها خطفها من شفايفها كلاها ماكلة..
- نحبك...نحبك ايمان نحبك يا روحي يا عمري حبي راك حبي الصغرون الدلول..اااااه...كان يبوس و يحكي داهش تقول لكلام باش يهرب..زاد لهب كي راها مسلمة... راجلها في النهاية راجلها لي باش تتهنى معاه .
البالات طاحت من يدها سايي فشلت تشلت و رعشة ماكانتش تعرفها مكنتها. ..هو مازال هابل مازال مواصل مازال يحب يزيد مازال يحب يوصل لماكثر... هزها بين يديه و خرج بيها لصالة...
حطها عالكانابي و هي مسلمة في دنيا ما فيها كان هي و وليد و الحب ثالثهم...بدا يعدي في يديه و شفايفو ما فارقوش شفايفها..لمسة يدو حنينة خلاتها تنين مالرغبة...منغير ما يشعر بدا يحللها في قفالي الروبة و صوتو يرعش..حتى شي ما يسوى لحظة و انا معاك...يرعش من قوة الحب و الوحش...بحركة بريئة زادت لزتو ليها حركة خلاتو يزيد يهبل ...نحبك يا روح وليد...كانت مسلمة متمتعة بقربو و تحبو يملكها للابد...للحظة جات عينيه على صدرها..لقا عينيه تتفحص و تلوج عالوحمة...خزرتو تبدلت لمسة يديه فقدت الحنية و النفس متاعو رجع بارد الشي الي خلاها تحل عينيها..رات خزرة غل و تفحص..خزرة موش متاع عاشق يحب يملكها...بدات تتملص...حستو تحول معادش هو وليد...كي زاد لقا الحرقوس مغطيلها صدرها زاد جن ولى كيف المهبول يقطع في الروبة...ماللول تحسابها رغبة اما كي قوات لمساتو و وجعتها ...ولات تتجبد...للحظة رجع السيناريو في مخها و كينو القدر يعاود في روحو....منغير ما تشعر دزتو و ولات تبكي و تصيح...
-وليد امان لا وليد وجعتني بجاه ربي ابعدني ولييد..كان خارج الوقت احساسو تعدم معادش في عقلو لين دزتو بقوة بعدتو...و تلكمتت و بدات تبكي بالصوت..كاهااو لي خلاه هو باش تكملو انت !!!!!! ...لقا روحو عمل عملة شنيعة رجعتهم يمكن للنقطة صفر ولا حتى قبل...راسو بين يديه و بدا يصيح
-شنية د.. امك علاااش علاش ما تحبش قربي علاش ..هز الفاز و رماه عالحيط...علاش...نعذب فيك انا؟؟ قربي فيه عذاب؟؟
- ولييد معاش تصيح ... كانت تلم في دبشها مدهشرة معاش تصيح... معاش تقربني شبيك هكا !! علاه هكا !!شنوا صار علاه تلوج !! شنوا مازال مالقيتوش تلوج عليه ..تلم في روبتها.. هاو اش تلوج هاو ..وراتلو تراص تاع يديه و لي يشوف تقول ضاربها. .. وليد نفهم إلى انت شاهيني و تتمنى تصير حاجة بيناتنا ليوم قبل غدوة اما موش هكا و موش لدرجة تكرهني فيها لحكاية لدرجة تكون بالانانية هذي و انت تاخو فيها. .. مشكلتك ديما تحب تاخو تحب تملك. ..و هذيك شاورتلو لعينيه ..نظرة البرود هذيك لتوا ماني فاهمة علاش كل مرة تكون الفيصل بيناتنا..
-ندم فد على روحو...تمالك روحو بالسيف...بقا يديه ترعش و هو يخزر بغل الشي الي زاد خوفها...قربلها و هي زادت تكمشت...و هو بدا يصيح علاااش علااااش دارلها قربلها..انا مسكر يا سيدي و هاكا نفهمها وجعتك !!...باش تجي قد وجيعتي و مرتي تقلي ابعدني !!!
-شنوا علاش شنوا علاااش .. ماكش ترا في روحك اش عملت فيا شنوا تلوج عليه انت اخر ااه !!! وجيعتي مش من بدني يا وليد ..بدات تبكي. .. وجيعتي هوني ..تضرب على صدرها على قلبها. ..وجيعتي من جرحي لي مابراش من الدنيا لي خلاتني نعيش هاللحظة مرة أخرى... وجيعتي على زهري لي خلاني نطيح في حظوظ لي مايسواش. .. انت اش تحب مني !! اش تحب بالضبط !! شبيك مشتت شبيك ضايع معايا و ماكش مركز ياريت بقينا في ليلة العرس يا ريتك مافيقتني مالحلمة و قتلي راهي حقيقة يا ليتها ماكانت حقيقة.. يا ليتني ماوصلت لهوني... يا ليتك سافرت و كان الجرح أهون راني بريت من جرحي و من بعدك... مرتك صحيح و على عيني و راسي و لي تحبو مني تاخذو حقك اما موش بالطريقة هذي موش تحسسني اني قطعة هبرة بين يديك.. سكتت تتنفس ترد في النفس... اش كرهت الظروف اش كرهت الدنيا اش كرهت روحي تعرف كارهاتو بدني كرهتو كرهتوني فيه..
-كلامها قضا على اخر نقطة صبر فيه..ترما عالكانابي بجنيها حط راسو بين يديه...رجعلو شاهد العقل...سكت شوية و تكلم بوجيعة و بغصة...عمرك لا كنت و لا باش تكون بدن وعمري لا نرضا فيك دقة الشوكة...سكت شوية يبلع في ريقو و كمل...عندك حق تقويت عليك اما و الله...و.. و الله موش كيما في مخك...ايمان اقسم بالله لاهو كيما في مخك...راك اغلى حاجة عندي...ن..نعرش شنوة صار...س..سامحني
-تبكي بالشهقة...لبارح قتلي معادش نبكيك...و قلتهالي قبل...و..ويني حبك و مسايستك ليا...صاحت بالقوي...شنية الموال الي في مخك قلي عليه رتحني و نرتحك...تغلغل كي تقربني خاطر عايف بدني؟؟ تقربني و بعد تندم؟؟؟ ناقم عليا ؟؟ شنية الحكاية...شبيني نرا في عينيك حب الدنيا الكل نغمض عيني و نحلهم نرا وليد اخر..بدات ترعش...
-كان يسمع فيها و يحاول في دموعو باش ما تفضحوش...ما كانش قصدو ما كانش ناوي اما الي حكاه الساقط لاخر مخليه يحب يعرف ايمان بالحق خبات عليه...عارفها حتى كان خبات راهي عندها حق خاطر الي عاشتو موش ساهل...كي تفكر الي عاشتو و كلام منى زاد هبل و بدا يضرب في يديه على الطاولة...علاش ياااااا ربي علاش...يسمع فيها تحكي و هي ترعش..
-نكرهك نكرهك نننننننكرهك ...معادش تصيح معادش تمسني...معادش تقربني
-ما هزش راسو...معندوش عينين باش يخزرلها...باهت في روحو و في بهامتو هو استحالة يشك فيها اما يحبه
يحبها تلجالو تحكيلو بالتفاصيل تشفيلو غليلو على هاك الليلة..يحبها تحكيلو ...مشكلة مرتو روحو عمرو يسمع فيها من طبيبتها...كي سمع كلمة نكرهك الدنيا وقفت...تكلم بالشوية...سامحني معادش نخوفك...تعرفني نحبك تعرفني نحبك ايمان اما ...اما غلط هزني الغش...سامحني...
-ما سمعش منها اجابة دوبة هز راسو يلقاها دايخة مسلمة...هبط على ركابو و شدلها يديها
-ايمان !! ايمان فيق بربي اووو ايماااان...ايمان يا ربي شنية عملت...مشا يجري للكوجينة جاب دبوزة الماء بدا يعمللها يفيق فيها و هو يرعش...ايمان قوم...يمس فيها بالسيف...خايف عليها توا من لمسة يديه الي بكاتها مبكري شوية..
شوية و بدات تفيق...بحركة سريعة حلت عينيها و تكمشت...بعدت عليها و هز يديه..يحكي في كلام عمرو لا تصور يحكيه...ما تخافش ايمان حبيبي هاني بعدتك ..ها ..هاني بعيد عليك..
-تحكي مرخوفة...ما تقليش حبيبي 
-باهي باهي اوكي سامحني...قام بعد عليها قعد عالكرسي مقابلها...تكمشت في الملحفة...خليني وحدي
-خ...
-نحب نقعد وحدي
قام مسكين بعد عليها دخل الكوجينة و يسمع فيها طرشقت بالبكا...هو زادة خلا دموعو تاخو طريقها و يديه تضرب في الحيط...تحب توجعو كيما وجعها..
قلبها الدنيا في الكوجينة...من ماعون للفيزان للضرب عالبيبان. .وهي ماقالتش نسكت و كل وين تسمعو عمل حوسة تزيد تشنع..ماتعرفش كيفاش هزت التلفون و طلبتها...
- كان صوتها بالنوم...الوو 
- ممنى ...منى ..صوتها مخلط بالبكاء
- وي ايمان !! ماثبتش في النومرو عزيزتي لباس ؟؟؟ قامت من فرشها و خرجت... شبي اختي علاه لبكاء هذا الكل 
- انا..ولييد..هو توا...معادش ....
- باهي باهي هدي روحك..وخوذي نفس الساعة و يزي بالبكاء. ..اي عيش الزين يزي عااد ...صحيت...بقات تهدي فيها...عزيزتي شبيك ماك الصباح لباس..وليد شبيه لباس !! 
- مانعرش انا لي بيا حكاية و الا هو..معاش فاهمة شي يا منى نقول تحلت نلقاه سكر الف باب و باب.. تنهدت.. كنا لباس علينا في لحظة تقلب..تخيل بدأها يبوس فيا اما بعد حسيت بنظرتو تلبدت و لمستو كساحت معايا تخيل وصل شركلي دبشي تخيل !!!! مافهمتوش شي اش يحب لا قربني لا خلاني على راحتي..جات باش تبكي...
- اسسس يزي امانك موش باهيلك راو..تعرف إلى انت عندك تراتمون و لازمك تعاونني 
- انا هذاك حدي يا منى اما هو لي موش معاون. ..قتلو كان تحب على حاجة مني نحاول على قد مانقدر نعطيهالك و نتقوى على روحي..كان يقلي لا مانقربكش ارتاح برك اما بكري تعرف "تهجم" عليا رقبتي لكلها حمراء والله
- يمشي يزمر هههههه قلو والله مانكولك ابعد من نجوم الظهر.. حبت تشتت تركيزها عالحكاية..غدوة الصباح الحي تسيب كل شي من يدك و تجيني نعملو قهوة و نفطرو و نحكيو. .. ااه اش قال القطوش ؟؟
- مايحبليش كان مانشاورو 
- ياولادي شبيها هذي !!! ابعثيه خليه ياكل بعضو باهيلو يا شومي !!! 
- ههههههههههه كان قتلني ذنبي في رقبتك 
- يقتل عزى ايامو. .ايا اشرب حربوشة و عوض غمضة و حظرلي روحك نحبك تفتق الصباح... 
- باش تجريلي على طلاقي انت
- هههههههه قول على مستقبلك ..ايا بون نوي...علقت و بقات تتنهد فوق الفرش لي معاش حاملاتو زيد مع أعصابها التالفة السخانة عملت فيها...ماطاوعهاش قلبها ماتعملش طلة عليه الله غالب الكبدة مشومة. .. حلت الباب و وقفت اول مارات ضو الصالة يشعل. ..ترددت مالاول و بعد مشاتلو عملت طلة من وراء الباب و تصدمت في المشهد..شهقت بالشوي الحركة لي فطناتو بوجودها تلفتلها طول... كلها الصالة تعجعج بالدخان هو كان قاعد عالقاعة في سروال دجين كاهاو..و يتكيف الظاهر متكيف بارشا خاطر البوتونات لي مطيشين مااقلش من عشرة سواقر ...الفيزان الزوز لي هزولها عقلها اول ملدخلتها هالدار تلقاهم عالحيط..كان يخزرلها عينيه حمر عينيه فيها تعب الدنيا الكل...ضايع مهموم و مقهور ممكن حتى أكثر منها... نظراتهم تحكي بارشا وجيعة بااارشا خيبة و باااارشا وحش كان قاتلهم الزوز...لي كانت هي خايفة منو و هو يطمن فيها و يقلها انساه جاء اليوم ووقف عائق في وجه السعادة لي كانو يستناو فيها... 
مازالت بحوايجها تاع قبيلة. .مشات جابت مصلحة و بالات و بدات تلم في المكسر و تحط في الساشي..وصلاتو وين كان يطيش في السواقر وين ماجاء...كان يراقب فيها بالحركة بالحركة تفاصيلها مشيتها يدياتها و ساقيها لي مزينين بالحنة و الحرقوس...
حتى لكلام مات على شفايفهم..شنوا مزال يتقال بعد لي صار يكون احسن كان يسكتو و كل واحد يشد ببوشتو هو غلط و هي زودتها بردة فعلها و لازمهم يتحملو... لمت لي بقى مالكسار لي فالقاعة خدمت الكليماتيزار و جبدت الباب وراها... خلاتو غارق في افكارو و الدخان سيد الموقف.. دخان باش يقتلو و هو الباكو في جرت خوه... نوم ربي ماراهش بقاء يتقلب مرة في الصالة في مرة في الكوجينة...الميدة ملمومة لمتها بعد ماخرجت من عندو كل شي في بلاصتو الماكلة في ا لفريجيدار و ماعونها مغسول..

#انتي_سبابي #كرونيك #كرونيكات 

الحلقة 65


مرا بأتم معنى الكلمة رغم كل شي دارها ملمومة و واجباتها عندهم الأولوية زاد فد على روحو و غاضو حرصها على دارها و حركتها المرتوبة.. 
عمل دوش و صلى العشاء موخر فيسع قبل مايربثو الفجر و اتكى بجنبها... كان تنفسها موش عادي موش مرتب تحسها متقلقة في نومتها. .. طيش المخدة بعيد و رقد خاطرو يكره يرقد بيها..تمدد على كرشو و وجه و في وجها عينيه من عليها ماتشالتش.. هادي يخمم و اكاهو.. لحظات و هزاتو عينو....
مع صوت لذان قام كالصغار يلوج عليها.. مازالت بجنبو متوسدة يدو حسها سخونة اما ماعطاش أهمية قال اكيد مالدنيا السخونة كل بيفيقها تصلي اما ماهانتش عليه الله غالب خلاها راقدة و قام....
من غدوة مع التسعة قاموا كل واحد حاطط موال في راسو يلقاها في البيت تنظم في الدبش. .
- نهزك عند امي كان تحب انا خارج بقضية ممكن نعطل ليوم
- لا عيشك 
- ماتستحق شي..عندك فلوس
- عندي. ..تمشي و تجي و باعثاتو يزمر اصل. ..
- باهي ...جبد الباب و قلبو ممروج من تطفايتها ايه ماحبتش كيفاش ماهيش تبشبش بيه كي عادتها..
-هو جبد الباب و هي قدعت عالفرش تنفست...تفكرت لبارح كي قامت في نص الليل تلقاه بجنبها..حتى بعد الي صار يقول القايل راهي هربت منو بحكم حالتها لكن من كثر حبها ليه ما تحسش معاه كيما تحس مع الناس الاخرين...وليد يغلط و هي تنسى...يوجعها و في اخر الليل ما يرقد كان بجنبها و ما ترقد كان متوسدة يديه...هو غشو عاميه و موش ملاحظ انو كان هو يعاون شوية برك تو كلشي يتصلح...هزت يديها تفقدت جبينها تقلي بالسخانة...قامت ركحت امورها...لبست و طلبت تاكسي و شدت ثنية الكابيني متاع منى...ملي دخلت تلقا الكابيني فارغة جاب ربي...محلاها و هوما يراو في حنتها عاد و يسالو علاش و كيفاش...خير كي ما لقاتش باسيونات...منى ملي قتلها السكرتارة خرجت بروحها تسلم و تبارك و دخلتها بعد سلامات و كلامات
-ايا هاو قاتو اما منغير فلفول الله غالب هههههه
-قلبها وجعها...عيشك منى علاش تعب في روحك
-علاه كليوم تجيني عروسة للكابيني 
-تبسمت بوجيعة...قول كليوم تجيك عروسة حالتها كيفي..تنهدت...ما نكسب مالعرايس كان الاسم...
-منى عرفتها تحب تحكي...قامت من بيروها و قعدت بحنبها..ايمان احكيلي شنية صار؟؟ 
-فيسع دموعها ما هبطت و بدات تتكلم..ن...نعرش يا منى كنا لاباس...ليلة الصالة خرج و..و رجع ...سكتت
-منى شدتلها يديها...ايمان نعرف انك بنت اصل و ما يهونش عليك تخرج اسرار راحلك و حياتك معاه للغير اما هذا طريق للعلاج و ربي يعرف نيتك كان ما تحكيليش موش باش نجم نعاونك...
-عملتلها اي براسها و كملت...ملي في الكرهبة و هو مقلوب ...وصلنا خلاني و عاود خرج ..و روحلي فجاري..قال شنية شد هاك..ه..هاك الساقط عطاه طريحة...حطت يديها على جبينها...هو موش حابب ينسى يقلي انسى و هو مجرد سمع اسمو و مشالو و قابلو تحول معادش وليد الي نعرفو...تعبت يا منى و الله...كملت تبكي بالصوت...ما حبتش تقص عليها عارفتها مزالت تحب تتكلم...شوية و كملت...تمسح في دموعها...حتى بعد خزرتو الي تقتل راهو جا وليد اخر ما نعرفوش و قلت ميسالش هو يحبني و خذا عهد على روحو انو يشفي فيه غليلو خليه ...في الصباح حاولت نكون عادية عالاخر...حسيت بمحبتو بحنيتو حتى كي جاو النسا و حبو يسالو على السورية لقيت راجلي معايا و سندي و عاطيني ثقتو..لكن كي ..كي باسني كان ظاهر عندو حاجة في مخو ...موش هو وليد ..م..مهوش صافي مهوش مرتاح...فما سؤال يلوجلو على اجابة...رغم انو سالني قبل و جاوبتو...بعد رجعنا عااادي راجلي راغب فيا راحلي نخزرلو حاب عليا...موش كبدن كهو..و..وليد يحبني وليد شطر روحي متشوق ليا
-قصت عليها و سالتها و هي مركزة على عينيها...ايمان و انت تحب تكون معاه؟؟
-اي ...بصوت مهزوم...نحب نصلح كلشي هو ينجم بكلمة يملكني ...صدقني كان باش يملكني ...تفسرلها بيديها...يا منى راني معاه نحس روحي في الجنة...مع الراجل الي نعشقو...اما منغير ما نحس نلقاه تقلب يولي راجل غريب يتفحص فيا تقول مجرمة و هو يلوج في عيني على اداة الجريمة
-ايمان فهمتك ..ايمان اسمعني هذا الكل كنت متوقعتو...وليد كيما اي راجل يحب المرا تلتجئ ليه..وليد يحبك تحسسو انك عندك ثقة فيه...كي يقربك و هو عندو شك واحد بالمية انك يمكن ترفضو حاجة تخليه يهستر يتصرف هكاكة...اما من حبو فيك الحمد لله قاعد يفيق بروحو )منى كانت عارفة انو وليد عندو سبب مخليه يعمل هكا اما حاولت تخبي خاطر عارفتو مجرد احساس راجل شرقي اما الي مفرحها و مرتحها اني حالة تجيه اما حبو لايمان يغلبو( اسمعني ايمان العرس هو توالف زوز طبايع و زوز قلوب...و انتوما الظروف ظغطت عليكم..الزوز تحبو بعضكم اما كل واحد فيكم يستنا في رفض الاخر..كل واحد فيكم يحب عالاخر اما خايف مالرفض...انت مثلا علاش لتوا ما صارحتو بحبك؟؟
-طبست راسها...كل مرة نحب نخرج الي في قلبي نلقا حاجة تسكتني
-ريت ايمان كيفاش انت زادة تنجم تعمل خاجة و ما عملتهاش؟؟ عملتلها اي براسها...ايمان وليد يحبك و مستحيل يضرك 
-قصت عليها بربثة...ه..هذي حاجة متاكدة منها
-تبسمت منى...اي و شبيك تقول فيها بوجيعة
-خ..خاطر ما نحبش يصير بيناتنا هذا الكل...و الله 
-ايمان شوف...ريت كان ما يصيرش هذا الكل و ما تتصادموش و ما تحكيوش و ما يحسش هو بغلطتو و انت ما تواجهوش...باش تبقاو حياتكم الكل كيما الي متخبين لبعضهم و شادين لبعضهم قارد و كل حد يعيش يخمم زعما لاخر موال يحبني زعما يحب قربي...كانت تنجم ليلة العرس انت تعطيه حقو و انت خايفة و هو يملكك اما باش تبقاو حياتكم الكل تتساءلو ...انا نحبكم تخرجو الي عندكم...نحب القلوب كي تتحد تكون صافية ايمان...الهنا موش انو نجريو باش نتحدو رغم انو قلوبنا موغوشة...وليد ليك و انت ليه...انت موش مرتاحة مية بالمية و وليد مخو تاعب و كيما اي راجل حبيبتو تضرت و مزال موش قابل فكرة انك انت وصل شكون تعبك و وجعك و هو يديه مربوطة..حاسس بالفشل انو ما نقذكش ...حاسس بالنقص مع زيد ما تنساش وليد يعرف انك تقبلتو و يرا فيك معاه حنينة و تحب تكون معاه اما زادة ما يعرفش انك تحبو...حبك ليه باش يعطيه قوة كبيرة
-نحبو انا نحبو ...كنت معمية و فقت ...قالتها بطفولة
-تبسمت منى...مالة توا بدينا نتفاهمو...خليكم تريضو ايامات و تو كلشب يجي بطبيعتو...نحبك توا تخلي الصراع الي في داخلو يتحسم و باش يتحسم و انت زادة نحبك تتشجع و تبرى تماما و تو تجي لحظة تلقا روحك تعترفلو فيها و تلقاه معاك
- عيشك منى و سامحني بربي البارح شخشبتك معايا نصاص الليالي.. 
- لا وووه انت بالذات في كل وقت عزيزتي... سكتت شويا تتفقد في أوراقها... اممممم انا نورمالمون كملت خدمة تخرج نفطرو
- نعرش... ماعملتش بروقرام الحق
- يا بنتي و هي الماكلة لازمها كومباس !!! ايا ايا قوم خليني نهزك لبلاصة تعشق تنسى روحك جملة تي وليد الصيد تنساه هههه
- هههههههه مشات معاك... اما مانعطلوش
- باهي ياجبانة هههه انا سليم نحمر فيه عينيا يلبد طووول 
- يجينا نهار زعما !!هههه
- انت و شطارتك عاااد... ايا عروستنا من بعدك...خرجو يضحك و و يفدلكو حبت منى بالمشوار هذا تخليها تخرج الطاقة السلبية لي ماكنتها تخليها تفرح و تنسى جو الدار. ..
كانو في ريستو محلاه سامبل اما ياااسر كلاس كان عالبحر جو هادي موزيكة ولا اروع.. نسمة ألبحر تاع الصيف تدخل لفلات القلب...شعرها كان يتمايل مع النسمة كل مرة تهفتو اما يغلبها ياخي لماتو...
- محلاه شعرك. ..وتاك اكحل صحيت كي ماصبغتوش
- شعري طالع لامي يرحمها... هذا مايتسمى شي قدام شعرها... سكتت... حتى وليد يحبو ههههه يسميه "سواد الليل" 
- ههههههههههه اخطانا من وليد يا بنتي و انت ثنية كاملة حطاتو بيناتنا... خلينا ننساو خنار الرجال و نقعدو قعدة نسا جرابة صافيين. .. تلففت تلوج عالسارفار
- محلاه لبلاصة اول مرة نجيها. ..و الله كنت مغبونة في الحومة هههههه 
- هههههه بالرسمي الساعة سي راجلك لبلايص هاذم مستحيل يفوتوه اش قعدنا قبل هوني تي حتى جاي جاي ديما نعملو قعيدة. .. لحظة نشوف السرفار... هي مشات و ايمان على تلفيتتها تشوف فيه.. تربثت حشمت و وجهت حمار... 
- بس بس ايجي هاني وحدي.نكلم فيك يا عسلة. .ههههه قطوس.. ااااه عالدلال ...هو قام و باش يجيها و تعرضلو منى
- لباس خويا !!! دققت فيه عينيها. 
- لباس نعمل في دورة عالنوار 
- يا سيد نحلة نعلمك الي النوار موش للي يجي و نوارتنا محجوزة..هزتلو ايمان بصبعها توريلو في الخاتم
- الزح علاه زهري راقد. .. تو بربي شكون لي خذاك جيبوهولي... و الله مانفلتك كان عرفتك قبل..
- هههههههههه برا بابا شد طاولتك ماننصحك تلوج على راجلها..ايمان شاخت بالضحك....
- منى...عيطلها بيدها...ايجي اخطينا منو. .. رجع شد طاولتو و عينيه فيها اش يكحل الهم...بقاو شويا و عاودت تلفتتلو منى
- هز عينيك عااد احشم !!!!!
- الصبر الواحد يقطعوا خبزتو من هالبلاد...
بقات ايمان شايخة بالضحك و منى أعظم منها... 
- كلوشارات تاع وذني 
- ههههههههه ماقواك 
- هههههههه يا بنتي قسوات ديما يعرضوني و زيد جبتك معايا ليوم ههههههه نروح بيك لا يخطفوك ترصيلي نبحث مع العاصي راجلك...
كملو فطرو و خذاو جي...بقاو يحكوي شويا منا و شويا من غادي جبدو بااارشا حكاية الا حكاية الرجال و خنارهم حكاو عالدبش عالحجامة عالصبايغ و البارفانات الحاصيلو جوهم احلى.جو.. يضحكو و يطقو في كفوف بعضهم. ..
- محلاه الوقت معاك.. عيشك منى
- هههههه لا محلاه لا شي يا بنتي انت لي محليتها القعدة...ووووه شبيها يدك سخونة! !
- نحس عندي شويا سخانة و خدودي فددوتي زادة
- وريني ترا... اييييه بارشا سخانة اكيد مالنسمة القوية 
- وكي جيتك وقتها كيف خرجت بالدوش اكيد ضربني الهواء
- ايا نمشيو ناخذو دواء حتى زريقة تخفف عليك
- لا موش لازم تو نروح نتمدد نولي لباس..
- انا الطبيبة و انا نعرف لي يصلح بي
- حاااضر تضربنيش برك ههههه 
مشاو للفارماسي ياخي ماحبولهمش كان باوردونونس من عند طبيب ..ولاو مشاو لزميل طبيب تعرفو منى... عدى عليها و قالها سخانة عرضية اما لازمها تتلها بروحها شويا وجها مصتصفر... 
- ايا ان شاء الله لباس... عروسة موش هكا !! 
- أي ههه
- مبروك مبروك ان شاء الله في فرحة عازب... عرضتلو منى
- أن شاء الله صديقي و نفرحو بيك انت زادة هههه ...ايمان تعرف الي بشير البوقوس هذا الكل و زيد مازال فرخ يلوج على عروسة ااااه مصاب كان عندك انت اخت والله نعرسلو بيها
- ههههههههه ان شاء الله بنت لحلال سي بشير
- لا هههههه يهديك كاهاوبشير ماتخلينيش عاااد راني 28 سنة و انت متى شكرا عالفضايح
- ههههههههههه بطول لعمر ان شاء الله 
- ايا عاااد حلقتو. ..قوم ايمان هذاك كان حلاتلو القعدة معاش يسكت... 
عودو مشاو للفرماسي عملو اللازم و وصلتها الدار... هي كيف دخلت و تلفونها ضرب. .. لقاتو هو ..الحمد لله لي تفكرها تي مالصباح لا كلم لا سلم... طبعا ماهزتش عليه.. حطت قضياتها و طلعت تمددت تحس في راسها باش يطرشق... سخانتها مرة تطلع مرة تهبط...
مع المغرب وصل يتفارع هو و السيكان... بقاء يستنى فيها شوي على أمل تجي تحللو كيما متعود تعرضلو النهرات لي فاتو... خيبة رصاتلو بعدها يحل وحدو و يدخل يلوج بعينيه مالصالة للكوجينة للدوش لي ضواوهم طافيين... سكر الباب بساقو و دخل حط القضية في الكوجينة كان جايب لعشاء من برا شوية غلة و طرف حلو و طبعا ساشيات فلفول ههههه الورقة الرابحة بالنسبة بيه ... يلعب بمفتاح الدار في يدو حك شعرو فسخ مريولو و هي ماطلتش... دخل للصالة حل التلفزة و زاد في الفوليم على أمل تحس بيه و تجي تشوفو... بقا يتفرج و موش يتفرج اما هانا قاعد و برا يستنى. .. فد " تي وينها هذي شبيها ماهبتطش " 
في الدوش تغسل و بدا يعمل في الحس يقربع و حال السبالة تشرشر بالماء و شي باقي ماجاتش... ياخي مستحيل تطلع موش هوني ابدا تخرج من غير مشاورتو... موش حاب يطلع حب يزيد يستفزها دخل للكوجينة عامل فيها كسر كاس و شي لا حياة لمن تنادي... المرة هذي بالرسمي فد و فد عللخر زادة... 
كانت تتقلى بالسخانة موش في فورما جملة حست بيه من اول مادخل اصلا القراج تاع الكرهبة قريب لبيت النوم اما مافيحالهاش تهبط و تشوفو و تحكي معاه و زيد السخانة مخرجتلها خلوقها لي كان تشوفها لطيفة تحسبها تتوحم. .. الكليماتيزار و ممنوع عليها الشباك فتحاتو و شي خاطر الجو غااط نسمة مافماش.. كل مرة تدخل تبل اطرافها بشويا ماء و ترجع للفرش خذات دواها و شي... واقفة مع باب الدوش تلبس في خلعتها..و الكوبة دارت تاع الباب. .. كملت لبست و الفشلة مغلبة عليها.. خزرتلو خزرة تاع واحد تاعب مريض فاااد و بااارد ماعينوش لا يحكي لا ياخذ و يعطي.. هو مستحيل كان مايثبت فيها من راسها لراسها... كان لابسة كالسون في الروز بيبي و خلعة gري فيها كلمة love بالروز بيبي زادة.. وهي تمشي مالدوش للفرش بعض الخطوات خلاتو يعريها بخزراتو لي توغلت في صدرها لكرشها للهونش لعريض متاعها نازل لساقيها بحرقوسهم اااااه وقتاه يتنحى هالحرقوس راو قهرو قهران في قلبو ياااسر محلاه ياااسر...
- اهلا... وصلت من بكري مالقيتكش..كان يمهمه.. قعد عالفرش..
- سافا الخدمة ريقلت امورك !!! كانت تضربلو في اللغة يعني تفكرتني كان مع العشوية موخر باش كلمتني.. 
- اخطاني مالخدمة فديت مالبيع و الشريان... هيا نتعشاو !!! كان يقول فيها بحماس يحبها تقلو باهي 
- ماعيني في ماكلة نحس روحي متقلقة كول انت كانك جيعان
- مازال مافهمش روحو هههه... كان تحب نجيبلك للهوني كان ماعينكش في الهبوط !! بقى يستنى فيها اش باش تقول. ..
- وليد م.ا.ع.ي.ن.ي.ش...قلتلها بعصب تحسو خنقها تحس في الدار الكل غاطة عليها عينيها يحرقو تحب ترقد بالنوم تحب تنفرد بروحها و موش مخليها لا الوقت و لا هو لي لاصقها... 
- ايجا اضربني و خلاص.. شبيك انت اه !! تتقشف علينا بالكلمة نورماااال !!! 
- يهديك وليد و الله و رحمة امي ماعيني في عرك...
- ايجا حط حاجة في فمك مالا! ! بقا واقف في الباب يستنى فيها تخلط عليه ياخي بشوف فيها شدت فرشها و حطت راسها عالمخدة...طفي الضو اماان
- ايمان شبيك !! بيك حاجة احكي علاه كلمة و قص معايا
-...........
- ايمان !!! 
- متقلقة وليد ياخي ماتفهمش..ماعينيش نحكي راسي يوجع 
- باهي ميسالش خليني نحطلك الكليماتيزار حتى تبرد الدار و نسكتو... يحكي و يحل في القجر باش يهز الكوموند لين جاء عينو على ساشي الدواء و معاها لوردونونس..استغرب خاطر الصباح لقجر فارغ و الأغرب اني لوردونونس بتاريخ اليوم..بقا يخزرلها و هي متمددة عاطياتو بالظهر... راسك يوجع خاطرك مازلت مادقيت حتى زريقة. ..حب يوصللها انو شلق بيها و شلق بمشوارها لي ماشاوراتوش عليه و هو يمشي و ينبه خروج مالدار بلاش بيه ممنوع..
- اول ماسمعاتو غمضت عينيها استجمع في قوتها ياربي تعديها على خير هالليلة..اااه يا منى لكلو منك قتلك نشاور قبل ياخي ركبتهالي في راسي.

#انتي_سبابي #كرونيك #كرونيكات 

الحلقة 66


و هاني لكزت وحدي.. سكتت لبدت مانطقت حتى حرف.. حست بيه قام و جاء مقابلها..من غير حتى حسابات حط يدو على جبينها و خدها ... اي هاك تقلي بالسخانة انت. . 
- ششويا ..تو ..نولي احسن
- وقتاه!! قحرلها. .. وقت تقتلك السخانة !! ايا يزي مالعناد و قوم كول حاجة و نهزك كل زريقة..
- مانحبش نخ. .
- حظر روحك درجيت و تهبط..خرج و طربق الباب هي كالمصروعة قامت..خايفة منو و من نظرتو و لي زاد رعبها الهدوء لي ظهر عليه علاه ماناقشهاش علاش ماعملش فضيحة و هو شلق بيها خرجت اليوم شبيه تلف. .. اااااه يا ربي خلك تستاهل يا لفعة جايبة فيها لبة و انت جرد جربوع بفففففف...
في المرواح كانو الزوز ساكتين. .. هي خايفة و حاشمة اكثر حاجة خاطر حصلت بالدليل و هو متناسي لحكاية موش وقتها توا تجي و تتحاسب عليها..هو غارق في نشوتو لي حاسس بيها مطيراتو. .يتفكر في تكبيشتها فيه و الفرملي يزرقلها.. شادة في مرفقو مغمضة عينيها صاحت بالشوي و حلتهم تلقاه غارق في تفاصيلها دايخ موش منجم يزيد يتحمل هالعذاب...ياسر إغراء ياااسر حاجات كان منتشي بيهم تكبيشتها صيحتها و تذبيلة العينين وقت فتحتهم كان متمني يعيشهم معاها وقت تولي مرتو بالفم و الملا. .. هههه الله غالب مخو ينحرف ساعات اما ميسالش البلادة في دمو..وصلو للدار شد فيها الصحيح باش تتعشى خاطر ماحبتش قبيلة كان يغرطة.. ماخلاهاش تغسل الماعون طبعا زادة ماهوش باش يغسلهم هو خاطر مايعرفش و مايحبش يخدم خدم النساء كيما يقول..قالها كي تشوف روحك احسن ايجا اغسلهم هههههه وليد رومنسية... جاه تلفون ياخي مشى للصالة و هي تلقى نعيمة بعثتلها ميساج " عزيزتي كاهاو ياخي نساك فينا سي الباندي !! تو نوريك والله متوحشاتك قد الهم يا سخطة. . " رجعتلها " هههههههه حبي و الله انا بيدي متوحشاتك انت و هدى و خالتي و متوحشة قعداتنا ..ايجا غدوة طل عليا والله نعملو جو ايجا بكري مالثمنية " لحظات و رجعت عليها " باهي ان شاء الله عندي قضيات نكملهم ماك تعرف نحظر للفاك و نروح قداك و نفطر فم هههههه باش نقلقكم...ياخي قول.. ماكمش خارجين تحوسو !! " 
" ههههههه لا قلق لا شي انت بالذات في اي وقت يا روحي ... و الخروج و الله مازال ماقررناش وليد قال ايامات يريقل جو الخدمة و نمشيو. .(طبعا كذبة بيضاء ) ايا تصبح على خير "
رقدو ليلتها هو الهدوء باش ينطق منو و هي متليعة من كل شيرة شويا مالسخانة و شويا من تتليفو من حكاية لخروج..و شويا من قربو..كان لاصقها كل وقت يتفقدها.. باين تاعبة اما مخيبة مازالت تكابر و تعاند..
ثلاثة ايام تعداو و مافما شي جديد..
نسمة الصباح تفرهد عالقلب. .قامت تتكسل تحس في روحها انشط..تسمع فيه في الدوش يتغسل قامت حظرت حوايجها باش اددوش بعدو.. لمت الدار و غسلت ماعونها لي خلاهولها لبارح ههههه... كان يشرب في قهوتو و يحكي بالتلفون..ساعات يحمد في ربي الي الخدمة تكدست توا في الوقت لي هوما بعااد عالاقل يهرب يخبي وجهو. .عارف الي هو عريس جديد و عارف الي الوقت مع مرتو المديدة هذي حاجة باهية و تقربهم اما ظروفهم غير ظروفهم أقوى و اقسى... هي كانت من حاجة لحاجة تحرك على قد ماتقدر مازالت مرهوجة مالسخانة اما سافا تنجم تتحمل الدوران..تستنى فيه ينحيش هالسخطة من وذنيه 
- باهي يا علي باااهي ...باااهي...سكت شويا..تي الزح يا علي هبط حتى بالسوم هذاك تو تعرف السوق بارك و انت تقانص على 500 فرنك !! اوووووه...هاني جاي و الكميونة تلحق عليها تكلمها تخلقها منين هي المهم ترجع و تهبطلنا احنا السلعة و ماتمشيش للكانكيري تاع الطحان لسود..علق و بقى مشوار يبربش في التلفون..ترشف قهوتو لي بردت و هي تستنى فيه..
- ايمان تسخنهالي امان !! 
- هزتها منو و عطاتو قهوتها لي دوبة صبتها و خذات منها رشفة. .بقا يبربش على تراس الروج و شرب من نفس لبلاصة... فازة عجبتها عللخر اما ماشلقش على روحها..لقاتها فرصة باش تحكي معاه..
- وليد.. نعيمة باش تجي لهوني
- مع وقتاه !! 
- لا الصباح و باش تفطر علاه ؟؟ 
- لا خاطر ليوم جمعة و كان تعرف تفاهمنا كل نهار جمعة لعشاء في دار الحاج و زيد اليوم نعملو السبوع تاع العرس و الا شنوا. .
- اي اي في بالي مانيش ناسية اصلا كلمتها طاطا .. المهم نعيمة تجي تفطر و بعد تجينا نروحو معاها للحومة فرد مرة موش خير !! 
- يصيير خير ان شاء الله.. انا خليني نمشي توا. . مد يدو يتحسس في جبينها. . اااه لا احسن بياسر الحمد لله.
- اي احسن زيد زريقة فادتني 
- اي حتى كي يخرج الواحد خرجة في وقتها و بثمرتها خير..
- وليد انا خرجت باش نشوف .....
- ايا نخليك توا ..ماناقصك شي !! لفلوس هاني في القجر الثاني و المغازة بجنبك ..اول ما تتفاضو اعملولي ابال
- بالك تو ناخذو تاكسي
- قتلك اعملي ابال.. سكتت طول.. وصل لباب و تلفتلها كل مرة كان ما يحسسها انها الكل في الكل و كلمتها بميزانها عندو... اش تحب نهزو امبعد في يدينا
- نعرش انا بيدي حايرة. .انت برا و كي تجيني تو نتفاهمو 
- باهي ..رد بالك على روحك
- و انت زاد
بقات تلم في الدار غسلت دبشها و عملت خيشة...طيبت قهوة حظرتها و بقات تستنى في نعيمة لحظات و تهد عليها اما موش وحدها معاها هدى... 
- يااااااااااااا جيتو الزوز. ..مشات تجري عنقتهم و اطرشقت بالبكاء...والله قداه توحشتكم والله..
- هههههههه بالشوي يا خرا باش تبكيني معاك .. وعلاه هذا الكل براجلك بدارك و تبكي !!
- اعععع هدى ياخي ماتحسش يا هم ..ايجي امونتي عندي يا روحي عزيزتي انا زادة توحشتك الزح جمعة تعدات تقول شهر بلاش بيك في الحومة..
- ههههههه ريت والله مارزنها...و كالعادة راهي ليوم جمعة و راني متعشية عندكم..حقه اصلا باش نمشو اليوم عند لطيفة انا و وليد 
- ايا باهي و اخيرا باش تجينا عروسة للحومة... 
- هههههههههه اي والله...امونة طيبتش قهوة و الله قداه ليا على قهوتك... ركشو و حكو باااارشا عالعرس و لولاد لي جاو للعرس الحاصيلو هدى نقبت راس ايمان عليهم و هي تقلها والله مانعرفهم صحابو صحيح انا عمري ماريتهم و لا حكى عليهم..
عملو دورة في الدار قداه عجبتهم اصلا محلاها بكل شي فيها البساطة لي فيها محليتها و طبعا فيها ريتوش تاع ديكور وااو خاصة بيت النوم... 
مع لحداش بداو في الفطور خاطر بطبيعتو وليد يروح موخر شويا مع السعتين.. عملو حوت في الكوشة و طاجين و سلاطة مشوية.. كل وحدة في حاجة لين حظر لفطور..بقاو يستناو فيه... 
- دارك محلاها و مشرهة اما بروحك يا وخيتي قداه باش تفد وحدك. .. 
- هههههه لازمني نتعود.. اصلا مازلت مانعرف حد مالجيران امس بركة وحدة معلمة جاتني قاتلي و الله مانسحاب فيها ناس هالدار عمري ماريا فيها حد قلتلها عرايس جدد و انا بطبيعتي ماخرجتش
- ههههههههههههه تو يجي لخروج تعرف علي قالي ايمان باش تحفى في جرتو وليد مايحبش حصرة الدار ديما لبرا ديما يحوس و يقهوج و مانتصورش مايعرفش ريستو و الا قهوة جديدة كي فتحت.. الله غالب عياش 
- ضحكت هدى ضحكة صفراء و مستفزة...ههه باين عياش من محواسهم تاع العرس و عشاواتهم لبرا 
- نعيمة فاقت الي اختها تنبز بهيمة تعرفش تسكت و تلم فمها. .. ووه وين خارجين خليها تروح في السبوع لدارهم و بعد يمشيو..امي تقول العادات جرات هكا هههه
- ايمان بلعتها كلمة هدى و غصتها..هدى عزيزتي انا تعرفني مانلوجش عالحكايات هذي لفايدة في الهناء و الخروج تو يجي مع الوقت علاه ماشروط كان مايعرس جديد باش يتفرهد الواحد !! تلفتت على يسارها تلقى مجلة تاع قروسيست عليها انونس..ضحكت و شدتها..شوف هذا مثلا قروسيست صاحب وليد قالو زوز بلايص لتركيا بعشرة ايام و هانا نخممو الحق 
- صحة اختي محلاها تركيا في التلفزة و تسحر شوف يا بالحق..
- عيشك بطبوطتي..ههههه
- ايييه هاو لكلام الصحيح برا تفرهد. ..تركيا و فرانسا و الله وائل يدبرلكم فيزة فيسع فيسع أعمالوها بشهر كاني في بلاسطكم و الله شيخة 
- حبت تنبزها ايمان تحس فيها غلبت عليها.... هههههه عزيزتي كي تولي في بلاصتنا هكاك اعمل لي تحب عليه... هدى سكتت و نعيمة ستحلاتها فيها اما بردتها بضحكة... 
- ههههههه ايا يا جماعة هاو وليد روح ياخي موش حس كرهبة لبرا.. تنطرت ايمان من بلاصتها حبت تفتحلو الباب تحب تشوفو توحشتو من قبيلة لبنات يجيبو في سيرتو و هي في وحشها غارقة..
- عسلامة...ضحك من عينيه مسكين.. سافا !! 
- اهلا بيك..هات عليك الساشي. .هاوكا لبنات في الصالة..عمللها براسو شكون آخر بخلاف نعيمة. .. هدى زادة جات
- بففففف ممرقها هاك الطفلة..ايجا هوني لحظة ماكش مريضة ماعندكش سخانة !! 
- اي الحمد لله.ههههه نهارين تعداو عليها السخانة راو .. هيا لفطور حاظر من وقت جوست نستناو فيه..و بربي لا تبدولنا موال النبز و انت هدى نعرفكم ماتتباغوش
- حب يستفزها بكلامو..ااااه اش يعديه هالفطور...غمزها و مشى للصالة ... هي حطت الساشيات و حطت لفطور يسخن...وافقة مع الطاولة سارحة و كلام منى جاء بين عينيها علاش ماتقلوش و تصارحو و ترتاح و تريحو خليهم يمحيو هالحواجز و بالأخص هو لي كل مايقرب يزيد يبعد.. تنهدت قلبها تحس عليه قالب..مشات بحذاهم لقاتهم مشنعينها بالضحك..قعدت مقابلاتو خاطر حشمت مالبنات تعرفو بليد يمكن يلبكها بفازة من فازاتو و هي ماتحبش قدام لعباد..
- اي عاد نعمان صديقي وقتها ناوي تقلب منظرك. .ياخي لتوا لا رسمت 
- ههههههه على قريب هاني نحظر و نقضي. . و الله صاعبة عليا الفاك و الكراء وحدي زيد المستير اول مرة نمشيلها..
- ههههههههه انا شطر عمري غادي. . تلفت لايمان.. منى و سليم مالمستير على فكرة.
- اه صارا. ..و الله شكيت فيها موش مالبلاد خاطر عندها اكسون في لهجتها و كلمات موش مداولين هوني..
- هدى ليوم موش عارف اش هس عليها جايبتها نبز و زلع عالصباح... ههههه انا نعرفها و انت قريت غادي وليد و نعمان زاد باش تضرب 5 سنين ميديسين.
ناري عليك يا ايمان لا قريتي لا خرجتي شفتي حتى بعينيك... 
- وليد مايكرديش رجعلها طووول... ههههههه امونتي هاكي محظرلها سوربريز باش تصدمكم الكل و أولهم انت..قحرلها.. ايمان تتبسم و تسال فيه بعينيها... ههههه قلنا سوربريز يعني تو تجي و في مايخص الخروج و المحواس انا مرتي باش نطير بيها لتركيا و كان لقيت وقت نتعدى بيها عند وائل يعني مرتي ماتحكيش بيهم مستير و لحمامات يا هدهد يا وجه البوبيشير ههههه
- نعيمة عرفتها باش تلحم مستحيل وليد و هدى يبقى هاديين في حظور بعضهم...ياخي ماجعتوش يا ولادي راهي السعتين واش..هيا عاد مازلتو حتى بتمشيو للحومة ..
- قامت ايمان و خلط عليها وليد الكوجينة..
- اسمعني انبه عليك بنت خالتك القعرة هذي معاش نحب تشوف خليقتها في داري
- ولييد! !
- لا وليد لا كرموسة..تي الطفلة مطلوسة لسانها سم هالهم ماتعرفش اش تخرج من فمها و الله كان موش على خاطرك و خاطر نعيمة راني رميت ولديها لبرا قسوات تاع وذني 
- يزي بربي يعشك.. امسحها فيا بربي..بربي...هزت يدو اطبطب عليها... خليها ديما هكاك هذيكا انا مانعدلش عليها
- تي تعاير فيك بقرايتك و قلت خروجك و تحبني نكشخلها تمشي وهف 
- اممممم و انت يا سي راجلي شنيا السوربريز ؟؟ 
- ههههههههه باش تغدرني..تو في وقتها تعرفها و حط في بالك...بدى يظربلها على رأسها... حط في بالك الي القرار لي خذيتو و تعديت مبادئي على خاطرك وراهو على خاطر الوعد لي نهار مالنهارات وعدتك باش تعيش في الجنة معايا و ماينقصك شي
- نعرف معاك مايوصلني شي زادة...بقات مركزة في عينيه مستحلية لمستو..
- هزلها يدها باسها.. و انا نعرف الي معاك قلبي يبدى يفرفت معاك ننسى الدنيا معاك مانشوف لحد و ماتملالي عيني حتى وحدة غيرك
- ضرباتو على كتفو حركة كانت تقود فيها الغيرة.. شمعناها معايا ماتشوفش لغيري يعني بلاش بيا وحدك تكحل عالبنات !!!
- ههههههههه عمبو بهامتك تعرف زادة الي انت كعبة لا في الرومنسيات و الفازات و الحركات ههههه
- ههههه انت تعرف يزي. ..هي تحكي و هو غدرها ب يدو لي توغلت في شعرها يمسحلها عليه...نحبك يا بنت الناس ن.ح.ي.ك... هي ماتت من امس مسكينة مالشي لي تخلط عليه و عليها...شبيك محلاك ياخي !! كل يوم تزيان على يوم يا هم و الا عاملتلي بالعاني !! 
- انا..انا...قصت عليها نعيمة. ... 
-انا لي باش نموت بالشر ..ههههههههه يزيو مالرومنسية في القوايل و خلونا ناكلو هالفم عاااد 
- تلفتلها وليد لي ماحبش يسيب يد ايمان... ياخي الواحد مايرتاحش في دارو الزح 
- ظهرتلو لسانها.... لاااا هههههههه هيا اخرج خلينا نحظرو الفطور و نتوكلو هي

#انتي_سبابي #كرونيك #كرونيكات 

الحلقة 67


مع لربعة كانو في الحومة .. لطيفة عرضتهم بالبخور و الزغاريد كالعادة تبوس و تعنق تلمت الجيران القريبة تهني و تبارك الكل يصليو عالنبي عليه و عليها... 
-وليد عيش الغالي برا زيد جيب طرف غلة و حلو عادك بيهم النساء جاو و الله قد ماكثر الحاج في القضية اما نخاف مانلقى مانمد 
- ووووه هالنساء علاش جايين توا ؟؟؟ ياخي كمل راو العرس يا امي ؟؟ شنية كل شويا ملمدتلي حارة نساء 
- انت اش يهمك ووه هذا حكايات نساء و جايين لمرتك باش يباركولها و يشوفوها 
- امممم محسوب مايعرفوهاش ماو شافوها في العرس و ليلة الصالة حظرو زادة ... ماهيش فرجة راهي 
- ايا برا و نقص مالهدرة لي يسمعك يقول باش ينقص منها طرف مرتك.. تو نرجعوهالك سكر برك عليا... ايمان كانت شايخة عليهم بالضحك.. بقات شويا معاهم و دخلت للكوجينة و خلاتهم يتناقشو ام و ولدها ههه 
- اه وليدي لباس اوموركم هانية 
- الحمد لله يامي يا ربي و رضاك 
- الحمد لله و الله شفتك متهني و فرحان هاكا المكسب 
- عيش امي ياربي... سكت شويا و بعد دقق فيها عينيه كيما كل مرة يحب يفصلها معاها في اي موضوع... امي !
- اه بابا 
- ياخي ايمان قاتلي على حكاية سورية مادرا شنية..هاني انبه عليك و انت زيد نبه على خالتها الدواية هاكي..ماخذان و عطيان في الموضوع هذا تنسوه...شنيا هذي حلوة والله عقابها باش النساء تتحاكى في عرضي 
- يا وليدي راهي العادة جرات هكا و زيد... 
- امي ماتفهمش ياخي ؟؟؟ موضوع تسكرو و توا زادة و ماتلوم كان روحك
- باهي... سكتت و بانت عليها علامات الحزن الله غالب النساء لكبار ديما الحاجات هذي يفرحو بيها ياخي قصلهم بونو سي الباندي وليد ... مشات بحذاها للكوجينة و وجها شبه مقلوب حبت تحكي معاها اما موش عارفة اش تقلها 
- طاطا وليد خرج ؟؟ 
- اي خرج... تحكي و عينيها في عينين ايمان ... ايمان عرفتها تحب تقول حاجة... ياخي انت اش قتلو وليد على حكاية السورية ؟؟ ياخي ماتعرفش الي هذي حكايات لازم منها ؟؟ ماقاتلكش خالتك ياخي!! نساء عمامك ماقالولكش لازم منها ؟؟ 
- غاضتها كيفاش تحكي معاها كاينها تلوم فيها على حاجة تخصها كان هي و راجلها.. لا ماقالوليش الله غالب كان جات امي حية راني نعرف باارشا حاجات اما هذي حكايات مانعلمش عليها.. و وليد ماعندي ماقتلو جوست سالتو قالي شنيا هذي هو بيدو مايعلمش عالحكايات هذي .. يعني نسيناها سبحان الله... حبت تبينلها انها تهنات معاه اما نساو السورية و الامارة مافماش 
- تي هو رافض لحكاية من اصلها قالي و الله نسمع بالموضوع تجبد ماتلومو كان ارواحكم... اش باش نقول للنساوين توا ؟؟ 
- ايمان قداه عز بيها السخطة ديما بمواقفو معاها و معا دارهم الغلط و العوج مايطيقوش... و الله ربي يهديكم مازلتو تخممو في التفاهات هذي يا طاطا.. و انت كان تحب اخرج منها و قلهم ريتها انا و السلام و اصلا موش مشروط عليك تقدم تقرير 
- تي ماو لازم و زيد الناس ماترحمش يا بنيتي 
- علاه ماترحمش... ايمان تنرفزت خاطر حستها تقصد فازتها متاع كمال .. علاه ياخي ديما الطفلة هي الضحية لي لازمها تتحرك و دليل براءتها في كفوف يديها ؟؟؟ و الله عيب عليكم و الله .
سكتت و بدات تعول في الكوجينة من حاجة لحاجة لهات روحها لين جاء هو باش يهزها اطل على بوها .. من قبيلة و تهاني تطلب اما ماتنجمش تمشي واحدها يقصلها ساقيها وقتها بالرسمي تعرفو حتى فازتها لولة مانساهاش... 
- امي .. ايمان .. يا ايمان.. 
- وي وليد... عرضتلو في الكولوارحسها موش قد قد 
- شد خوذ امي وينها ؟؟ 
- نعرش ممكن خرجت للعطار 
- و شبيك انت لباس ؟؟ 
- شبيني ؟؟ عادي ... هيا نمشيو لدارنا !!
- ستنى تجي امي قبل 
- اي عااد شبيه محسوب تعرف الي انا باش نمشي غادي و قلتلها من بكري 
- لا مايجيش نخرجو هكاك 
- علاه زادة ؟؟ مشروط؟؟ 
- شنوا توا ايمان شنوا هالكلام توا ؟؟؟ شبيك ياخي ماو قلتلك تجي الساعة وبعد نمشو ياخي من بعدها دار بوك ؟ 
- باهي... طفاتو و دخلت لبيتو لي كانت ليه هو و وائل ... خلط عليها لقاها تبدل في حوايجها كي راتو بطلت كوم مام مازالت ماتنجمش تعمل حاجات قدامو تحشم 
- ياخي صارت حاجة في غيابي باش قالبة وجهك هكا؟ 
- لا ماصار كان الخير.. 
- باهي ان شاء الله ديما خير يا ربي.. سكت و بعد كمل كلامو.. امونة.. جاء قعد مقابلها.. نعرف الي امي ساعات تبلبز بالكلام و ماتوزنش و انا متاكد الي هي تراش قالت من كلمة وجعاتك بيها اما و الله نعرفها ماتقصدش.. 
- لا عادي اصلا تعودت و طاطا كي امي عمري ماناخذ كلامها بغش 
- صحيييت.. نحبك ديما رزينة و تعرف اش تخرج من فمك مرتي راك مانحب يخيبو فيك حتى ديتاي 
- نعرش علاش كي قاتلي راهي الامارة لازم نشوفها انا و خالتك و كذا و الناس تحكي ماترحمش حسيتها تشكك فيا
- اششش.. النساء لكبار ديما نفس التخمام و امي مانتصورش حبت توصلك انها شاكة فيك يا روحي ... مسكين يحاول على قد مايقدر يلطف الجو
- مرسي وليد خاطرك فضيتها لحكاية 
- هههههه ماتنفع معاكم كن العين الحمراء انتم النساء امي بكلمتين قصت طول والله باش يتفقدولي عرضي عقاب عمري 
- و الله كانت على قلبي قد الهم لحكاية 
- قربلها حب يوترها... و انت ماقلتلهاش ؟؟ 
- ششنيا؟؟ 
- انو تو تجيها امارة و على قد ماتشتهى ؟؟ 
- حمارت بكلها و هبطت راسها..نعرش..نجمش. .
- هههههه يا عيني عالحشام يا ربي ..مالا في الليل كي نروحو عنا كلام اخر باهي 
- ششنوا؟؟ كيفاش..انا باش نبات.. نقصد باش نبات في دارنا والا ؟؟ امان
- لا شكون قال هالكلام ؟؟ 
- انا هكا ظهرلي 
- لا عزيزتي نجيبك وقت ماتحب و تبقى قد لي تحب عليه اما مبات لا هذي زيدها لليستة لي حفظتها 
- ولييد علاه بربي حتى تهاني باش تبات و زيد بابا.. 
- بوك توا باش تمشيلو و تشبع بيه.. انا هذا لي عندي و انت دبر راسك... بدات تبكي ديراكت...لا لا لا بكاء لا عاااد ..هزلها يديها من على وجها و شدلها وجها بين يديه... حبيبي علاش تقهر فيا بدموعك.. يزي امان موش مستاهلة 
- مالا خليني نبااات 
- نطر...مانخليكش و مستحيل تبات بعيدة عليا هذي حطها في بالك انت في دار و انا وحدي غادي لاااا مانحملش بعدك والله لا انجمها ريحتك و طيفك و صوتك في داري بالدنيا يا فرخة.. الله غالب تحملني و تحمل تمردي معاك بالذات خاطرني مانفهم شي معاك... هبط راسو يتحسر الله غالب كان جيت تحبني قد ما انا نحبك راك عذرتني 
- وليد انا زادة مرتاحة في قربك و تعودت عليك و على دارنا يااااسر العيشة معاك محلاها .. كنت فاهمتك بالغالط كنت نكابر كنت موش حاسة بحبك اما توا ... تلفونو قص عليها لحظات الاعتراف الاولى الله غالب الزهر ديما عاكسها... بقات تتنفس بالسيف تستجمع في قوتها.. 
- هيا نهزك توا هاي امي روحت...ساعتين في العطار 
- هههه تلقاها كانت تحت الحيط مع منيرة 
- ههههه و هذيكا هاي بطات و ماجاتش كالسبة !!
- و الله مانعلم ..

#انتي_سبابي #كرونيك #كرونيكات 

الحلقة 68


في الوقت لي مشاو فيه هوما...النساء جات كيما قالت لطيفة و كانو قرايبة ثمانية نساوين.. الكل يسالو ويني لعروسة ويني لعروسة؟؟ لطيفة برولتهم بكلمتين دوبة توصل و تجي من دار بوها .. بقاو يحكيو و يسالو فيها على ايمان و زعما مرتوبة زعمة لا و اش يقول عليها وليد و اش يخبر...حكاوي و تنسنيس واضح و مايدل كان على تخلفهم.. 
-ها لطيفة ياخي الطفلة مازالت مطولة راهي الدنيا باش تولي مغرب 
- تكلمت وحدة اخرى من غادي و فمها بعبي بالحلو... السورية يا لطيفة ياخي هات خلينا نشوفو و نبيضو كفها لبنية.. جابتها ماهي ؟؟ 
- لطيفة دخلت بعضها.. اه.. اي .. السورية .. و الله هاني.. انا ريتها الحق و ماكم تعرفو لبنات تحشم قاتلي انت ريتها هاكي الفايدة و الحق اليوم كي جات ماجابتهاش 
- لا عاد يا لطيفة مايجيش هكا هذي حاجات مافيهاش حشمة هكا العادات و الاسبار هكا تعودنا و هكا تربينا الناس الكل ياخي يحمدو ربي احنا قبل يبداو يدورو بيها السورية بين النساء و الرجال و اسمع ياللي ماتسمعش... و توا على حارة نساء موش حابين يجيبوهالنا 
- وحدة مالنساء زادت وترت القعدة...ياشومي يطلعوش ماتهناوش زادة؟؟ لطيفة عينيها ظهرت و شهقت 
- لا ووه قتلك ريتها السورية شبيك ياخي ... تقول هكا و تبرد في الجو وهي داخلة غولة في مخها 
- انا اش يعرفني بنات توا معاش يهنيو و هاك تشوف وحدة كانت مخطوبة و وحدة عاملة علاقة مع راجل قبل مصوحبين بعضهم و الله وين تعلم عالدنيا.. انت كنتك موش كانت مخطوبة ياخي ؟؟ 
- اه سليمة اش تقصد ؟؟ لطيفة كانت باش تقوم تفوح فيها ياخي منيرة قامت بالواجب في دخلتها تسمع في سليمة بدات تفسد بالكلام .. اش معناها كلامك ؟؟ و برا كانت مخطوبة ايمان اش تموتو عالكلامات الفارغة و البوليتيك الفاضي ايا تلمو انت و ياها و خليكم بقدركم موش معناها المرا سكتلكم معناها راهي خايفة ايا عااد افهمو رواحكم و يزيكم بلا تخلف اش يهمكم فيهم تهناو و الا لا انتو اش حرق شعيركم اللطف اش تموتو عالتنسنيس و دقان لحناك و نعرفكم راكم من هوني باش تخرجو لدار اخرى باش تعملو بيها حلالم لحكاية 
- ايييييي شبيك منيرة ايا احشم رانا اكبر منك 
- انت لي احشم يا فضيلة و انت يا سليمة ياخي نسيت بنتك اش غصصو ليها دار حموها عالسورية الزفتة و تجي تشكيلك و انت مشيتي عملتيلهم عرعور و تسكتيهم اه مالا ماننسى شي راني 
- يزي منيرة امان يزي اخطانا مالمشاكل 
- لا لطيفة لا انا تعرفني كلمتي نقولها و كان على قطع رقبتي و ايمان بالذات .. و هزت صبعها تنبه فيهم .. ايمان بنت عمار بالذات وحدة تجيب صوبها ماترا مني كان العين الحارة و تعرفو راجلها نتصور و توا ايا بسلامة كل وحدة تشد دارها ياخي مغرب ماطيبوش عشاواتكم ايا عااد قومو بسلامة ...

-وليد.. 
- روحي... عمالها و تتعود على الغزل لي معيشهولها ههههه 
- زعما بابا شنهي توا ؟؟ 
- لباس لباس.. امس كلمتو و قتلو رانا باش نجيو عندكم قالي مرحبا بيكم.. تحسو عادي و سال عليك زادة 
- قول و الله؟؟ 
- و الله لعظيم و قالي شنيا احوالها معاك قتلو متعبتني بنتك خاصة في الفرش...خرجلها لسانو 
- هههههههه مابللللدك وليد 
- عاد ماو حق قول الي انت ماكش متعبتني ترا..ماتشوفش فيا كيفاش نعاني قلبي واجعني... هزلها يدها و حطها على قلبو.. تسمع فيه ؟؟ يقول ''بوسة مرصوصة'' ''بوسة مرصوصة'' 
- ههههههههههههههههههههه 
- عمبو هاكي الضحكة.. مابنووو ..و عمبو عمري انا لي مصبر روحي عليك... نعشقك دين سماك راني و نعشق ريحتك و ريحة الهم لي حطاتو... كان معمل يقدم يبوسها

- ولييييييد... كانت تهمسلو.. امان تو يشوفنا شكون يزي وليييييد... هو موش معاها جملة كان دايخ شايخ
- هيا نروحو.. شهيك راني.. كان يبوس و يحكي.. تو نرجعو نهار اخر بربي هيا نروحو هيا..
- ظاربتها الدوخة مغلبة عليها الرغبة و قاهرها حبو و شهوتو فيها سلمت و رخفت روحها ليك حبت تجرب معاه الحب تجرب تعيش قصة حب كاملة و تمارسها بكل شي..حبت تقلو هيا نروحو اما اختها خرجت كي استبطاتهم لبرا... تشوف فيها من بعيد تحل في الباب... 
- ولييد وليييد تهاني جات... كانت ادز فيه من صدرو 
- بقى ساكت يغزرلها و دايخ فرحان ليه و ليها ههههه... عامل جو كيفاش تستوي في روحها و تلم في الشوميز لي تفرعست...اهبط انت تو نخلط عليك 
- لا نهبطو مع بعضنا.. 
- اهبط عااد لحظات و نجيك... هبطت تسلم على اختها و هو بقى يشوفلها و يتبسم كيفاش مربوثوة..
كان يعدي في صوابعو على شفايفو لي اخترقت رقبتها قبل شويا.. بقى يكالمي في روحو شويا ههههه مسكين ركبتلو طوول... 
- وليييد... كانت تعيطلو من بعيد .. تعملو ايجي بيدها 
دخلو للدار مربوثين اثار اللحظات لي عاشوها مازال واضح عليهم.. هي اعظم منو بحكم باش تقابل بوها زادت توترت... 
هبط سلم على تهاني و هو عينيه الكلها فيها كيفاش حاشمة و مقرفصة منو.. كي جاو داخلين بحركة منها فرحاتو برشا شدتلو يدو كاينها تقلو خليك معايا راني بيك نتقوى و نرجع ناقف.. كبسلها على يدها و دخلها... 
-السلام عليكم شحوالك عم عمار... مشى سلم عليه و باسلو راسو... لباس عليك 
- اهلا اهلا اهلا شحوالك يا ولدي لباس عليك زارتنا البركة هيا تفضل ... وقف سلم عليه و جات عينو على ايمان لي عينيها تعبات بالدموع اول ما راتو و سمعت صوتو.. قصت عليهم و هوما مازالو يسلمو على بعضهم 
- بابا.. بابا يا روحي ... و رتمات عندو ماخلاتلوش الفرصة انو يبعدها كيما كل مرة.. توحشتك يا بابا و الله توحشتك... سامحني بربي سامحني برحمة ميمتي سامحني مانقصدش و لا عمري نهار قصدت نوجعك و الا نحبلك المضرة...مانجمتش تكفف دمعتها هي بطبيعتها موش عزيزة... بقات معنقاتو تحكي و تعاود و تحلف و تترجى فيه الحاصيلو معاش عارفة ماتقول.. 
- يزي عيش بنتي... يزي مالبكاء ياخي ماتعرف كان تبكي في الدنيا هذي؟؟... وليد من غادي ضحك على كلام بوها مسكين هو بيدو يعاني في دموعها... يزي وراس بنتي مسامحك اصلا مانجمش نكون موش راضي عليك بوك راني ياخي اش نحبلك انا كان مصلحتك و هناك..خزر لوليد.. توا وين تهنيت عليك توا وين انجم نرقد في قبري مرتاح 
-لااا بربي لا تجبد عالموت بربي .. ان شاء الله بعد عمر طويل ان شاء الله فيا و لا فيك 
- اششش يا بهلولة هههه تو نعيش و نشوف اولادك ههههه 
- بابااا... زادت عنقاتو مسكينة قداه ليها على حضنو الدافي و كلامو و سلامو.. ربي يخليك ليا و لا يحرمني منك... هو في لحظة كبس عليه صدرو و جاتو كحة قوية... بابا لباس؟؟؟ ايجا اقعد ايجا ارتاح 
- تكلم وليد يتمقعر... حتى انت ماشي في بالك زفلتوتة باركة على بوك تي ضيقتيلو النفس هههههههه بربي يا تهاني لا تعشيها معاكم خليها تبات على طرف سلاطة و الا نقلك فكك مالسلاطة كعبة يغرط طبيعي خير و ارتح 
- باباااااااا قلو يخطاني توا انا بطية؟؟؟؟ 
- ههههههههه سيب بنتي يا وليد توا تضعاف هالعشرين كيلو الزايدين موش مشكل تو يتنحاو 
- اماااااان انت زادة يا بابا... انا مروحة تو تعشيني طاطا لطيفة 
- تكلمت تهاني... باهي مالا طرف الملوخية لي طيبتها تو نخبيها لغدوة على ماياتي 
- اه .. نقصد.. نتعشى و نهز طرف لطاطا لطيفة.... 
- ههههههههههه... ريت يا حاج اش نقاسي تي تاكلة لي نجيبو تعديه في كرشها... خرجتلو لسانها.. 
- الحمد لله قلبي ابيض لي ناكلو يبان عليا موش كيف بارشا ناس .. و الفاهم يفهم 
- ههههههههه يزيو و انتم كالفار و القطوس ... ربي يبقي عليكم الستر و يعطيكم الوقت الطيب... 
- ايا انا باش تسمحولي خارج...قام يفلسف في تلفونو 
- وليد وين ياخي موش باش تتعشو معانا ؟؟بابا قلو يبقى 
- لا ايمان و الله ماعيني معدتي مقلقتني شويا توا كي نروح ناكل حاجة خفيفة... 
- يا ولدي تي حتى كاس جو 
- لا عمي ان شاء الله مرة اخرى و مانيش براني هههه ايا لولاد يستناو فيا في القهوة 
- باهي رد بالك على روحك... شيعاتو للباب.. باش تعطل؟؟ 
- نحاول نجيك بكري.. انت كي تكمل عشاك برا عند امي ماتخليهاش واحدها زيد بابا راك ماريتوش 
- باهي نتعشى و نمشي تو نقول لبابا يوصلني 
- باهي.. هات وحدة 
- هههه لا ... هربت منو وقت حاول يبوسها... خرجتلو لسانها و سكرت الباب خلاتو يتبسم

#انتي_سبابي #كرونيك #كرونيكات 

الحلقة 69


بقات تعشات و بعد هزها بوها ..ثنية كاملة معنكشة فيه..
- بابا و الله قربك بالدنيا
- عيشلي بنتي يا ربي... فرحانلك و الله يا الصغرونة... وليد راجل و سيد الرجال حطو في عينيك راو يستاهل كل خير
- أن شاء الله بابا انا هذاك حدي
- اي سلملي بنتي الغالية.. الحاجة المتاكد منها انو مستحيل يخليك اطيح مادامو بجنبك ... خليك رزينة و بنتي لي نعرفها. .كالجبل لي مايهزو ريح.. رد بالك تغرك المظاهر و الفلوس راهي الكلها وسخ دنيا لكلها تمشي و تجي و مايبقى كان الأصل و بنات الاصل و انت أصلية يا كبدي.. كلامي حطيه في وذنيك و بقدرة ربي ماتكوني كان رابحة و مستورة...
- عيشك بابا ربي يفضلك ربي يخليك تاجنا و عزتنا و الله ديما فرحانة لي انا بنتك... ان شاء مانوطيلكش راس يا بابا و ماتسمعش فيا العاطل مادامك راضي عليا.... وصلها و دار طول خاطر تهاني تستنى في راجلها هي زادة.. تفاهمو باش يجيوه وحدة كل نهارين باش اطيبلو و تغسلو
وليد ماروحش من وقتها كان مع العشرة...كلمها بالتلفون قالها اخرج نستنا فيك باش نروحو ماخلاهاش حتى تجيبلو عشاه معاها و امو حايرة فيها كيف غبرت ركبت و اول ماراتو شهقت كان مضروب في زندو ديمارا عجاجة و حتى الخزران ما خزرلهاش
- شبيك !! شكون لي عمل فيك هذا الكل !! وليد نحكي معاك !!
-نقص صياح ايمان من عند ربي راسي مكسر...ما بيا شييي

شنيا مابيا شي ياخي تزكم فيا! !اخزر كفاه لكلك دمومات و حالتك حليلة..ثنية كاملة تزن..بدات تمسحلو على يدو بال papier... ربي يستر مايطلعش لي في بالي يا وليد...
-وقف الكرهبة قدام الدار و نطرلها يديها و تلفتلها...ما تعرفش تسكت؟؟ ما تعرفش تخلي العبد رايض؟ تشوف فيا في حالة متاع حديث ...و شنية الي فيبالك...هبط حل الباب و دخل و هي في جرتو و لا حبت تعتقو
- لي في بالي انت تعرفو و هاك تعمل فيه..ياخي ماتشعفش! ! ما تملش !! رجعت لسناستك لقديمة رجعنا لوليد الباندي تاع العرك و الدمومات !! ياخي كان موش خايف على روحك خاف عليا انا مرتك. .ساهلة ياسر يجي شكون يشلطني في وحدة مالتراكن جكارة فيك و الا يعملي سبة شبييك ياخي ؟؟
-هبل معادش فيه...يدور للفاز فوق الطاولة يرميه عالحيط (فيزان دارو حتحتهم لكل ههه ) و يشدها من كتافها يصيح...مهستر ياخي نرمال انت !!ما عملتهاش قبل كي كنت نجري و نجري عليك خليا توا مرتي و عرضي..هز يديه ضرب الحيط وراه..ماو افهم الحكاية ماهو استوعب و اسئل علي صار و بعد حل جلغتك..هي ترعبت منو و من نبرة صوتو لي زعزعتها خبات وجها منو كي ضرب الحيط ماشي في بالها باش يضربها..
-ياخي مروحلي عقوبات الليالي تهزني بالطريقة هاكي من داركم و نزيد نشوفك في الحالة هذي بربي اش تحبني نتصور والا نخمم..انا هكا مشا في بالي...انت تحب العرك وليد راك..
-اخر عرق متاع عقل تقطعلو بعد كلمتها لخيرة...بعد عليها مسح على وجهو و رجعلها...بدا يتكلم بصياح ..يعني مزلت شادة الصحيح ....لهالدرجة انا بالنسبة ليك مانتوبش..فيا طبة و موش باش تتخبى؟ لا قلت راجلي مضروب..سما الدم يجري من يدو..لا تفجعت عليا لا شي...ياخي ما تحسنيش لهالدرجة؟ ما ينجموش يكونو ضربوني ...ظلموني براكاوني...هههه وليد مدمدم يعني عمل بلوة و جا؟ هكا انت شنية صورلك فكرك؟ هز صبعو يحكي و يوجهلها في الكلام الجارح...كان جيت مرا تخاف على راجلها حتى شويييية تسألو تقلو لاباس؟ تدعي بالناس الي عملو فيه هكا..تجري تجيب تضمدلو جرحو اما انت ههه ..تبسم بوجيعة...زعيمة كان تحل الاجراح و تزيد عليها ملح....موش انت الغالطة لااااا انا الغالط خاطر نستنى منك في حاجات...طمن بالك يا مدام لا عملت عركة ولا ضربت حد..المرة هذي عركتي مع عشير عمري و رفيق دربي الي هاز روحو للهاوية...دز الكرسي بساقو...عمل كيفك بالضبط...هه كي لقيتو ماشي للغريق و نصحتو هو زادة سمعني ما نكره...و قلي الكلام الي قلتهولي انت بكري شوية...الزوز قسمتولي ظهري..المرا الي فنيت عمري في حبها و الصاحب الي خرجت بيه مالدنيا..اما فرق بسيييط بيناتكم...هو ضربني في يدي و انت قهرتني في قلبي... حالتو كانت بركان و تفجر. .الهدوء لي معيشهولها المدة لي فاتت كان هدوء ماقبل العاصفة... هدوء كان كابت فيه كلام و ملام ظهرلو باش يقولو ليوم و من قلبو.. موش مستاهلة لحكاية هذا الكل باش يجرحها هكا اما كلامها استفزو باش تفجر في وجها جبدلها لخضر و اليابس خلاها حالة فمها ترعش منو من كلامو و صياحو و عروقو لمشحطة.
بدات تبكي لكلام هرب عليها في حظورو و قدام الكلام لي سمعهولها اغلبيتو صحيح هي تسرعت و كالعادة بلبزتها معاه بالكلام لي نورمالمون لازمها وزناتو قبل ماتخرجو اما زادة هو كثرلها... بدات تمسح في دموعها بيديها وين بانو عراف الحنة لي عملتهملها حماتها بكري ..هو يغزر مغشش اما تركيزو الكل في يديها. ..
-انا.. انا..سامحني... وليد..اسمعني.. مدت يدها حطتها على زندو..انا غلطت كي خممت فيك هكاك و عندك الحق تتغشش من كلامي..انا موش اول مرة نشوفك بالمنظر هذا... تنهدت تحسها باش تقول كلام ما اعمق... انا كان ماتخافش عليك على شكون باش نخاف.. كان ما شغلنيش راجلي و جروحو شكون باش يشغلني آخر.. تحكي و شدتلو يدو تمسح في الدم بطراطف صوابعها و دمعتها خاينتها... قلبي طاح وليد كي شفتك في الحالة هذي والله..والله حسيت الي انت بيك حاجة من لي طلبتني هكاك..كيفاه تحكي و شعرها المجبود بلون الليل.. وجها المقدود بكري جاتها حجامة جارتهم لدار لطيفة...حواجبها لي مرسومات رسمان و عراف الحنة لي في يديها زادو على مابيه.. هي مسكينة عاملة هذا الكل تحت ضغط حماتها عيات و هي تنبه و تعارك كيفاه عروسة بنت سبوع و ماتعودش الحرقوس و الحنة ...
-تمنى يحط يديه و يسرح مع خطوط الحنة...تمنى يبلزلها هاك الروج إلي يلمع..و جها الاحمر إلي يفور مزال...شعرها إلي ملوح على كتافها..ااااه و يا بختهم كتافها ...محظوظين اكثر منو...النار الي عايش فيها و الصراع الي ينهش فيه من داخل صباح و عشية....موش ساهل ايمان تصول و تجول قدامو توا جمعةو هو موش منجم يمسها موش منجم يقربها بهاجس فيه مصعب عليه و عليها...سكت شوية و على النار الي شعلتها فيه حب ينحي غشو فيها...
-ستنا انت الساعة شبيهم عينيك و شعرك مخيبو عود لم شعرك معادش تسيبو... قحرتلو ياخي عرف روحو وصل للي يحب عليه...و ريحة الحنة خييييت و منظرها مد يديه بالعاني بحركة مراوغة منو باش يمسها...كان ما يمسهاش حتى ثانية يهبل الليلة...عدا يديه على الخطوط المرسومة و خزرلها بصوتو إلي خانو...علاش عاملة هذا لكل...زيد الحنة ما نحملهاش...لمسة ييديه و صوتو المبحاح و خزرتو الذابلة ما يتماشاوش جملة مع الكلام إلي يقول فيه....دور وجهو باش ما يزيدش يشلق على روحو...انا جيعان توا و انا ما ناكلش ماكلة من يدين مرا محنية...اش عملنا و جا مليح...
- كول البايت سافا !!!!.
عوجت فمها و نطرت يديا منو و مشات لبيتها ماكنها لعصب تلوم في حماتها خاطر عييات و هي تقلها مانحبش نعمل ....
-كانت تنحي في الصباط و الساك كالمرعوشة وقت الي هو دخل..اول ما حل الباب كبش في البوانيي رهوجتو ريحتها في البيت..لقاها كيف المرعوشة تهز هذي ترمي لخرا عرفها و فهم شربها هههه...كلشي عند المرا كان تقلل من قيمة جمالها...قداشها خصيصة عقل تي هو باش يهبل عليها...بدا يتمقصص...علاه هكاكة البروس مرمية و الدبش في القاعة؟ شفما شبيك تهز و تحط ...ههه تقليش خزرت لروحك في المراية تفجعت كيفي رميت الي في ايدك
-اخطاني وليد... و بعدين انت اش يعرفك في الزين و ريق النساء..و رد بالك يمشي في بالك الي لعملتو ليك و الا على سواد عينيك عملتو مجبورة الله يهديها امك...سكتت و عاودت دارتلو..ماتقليش شعري لي كنت هابل عليه قبل جاي تو ولات فيه العيبة !! و معاش عاجبك.. قالتها بدلال و كلها ثيقة الي كلامها في بلاصتو
-وقع في الفخ...بدا يبلع في ريقو و يعاود عرفها تحب طيحو اما ويين جاية تحبي من تحت الي يمرد ههه..قلها كلمتين خلاها مبهمة...تعدا بجنبها يريقل في شعراتو على المراية...
-اي عاد كان يعجبني قبل كي كنت نركح فيك يعني ماعون خدمة هذاكة هههه اما توا هاك مرتي و في داري علاش عندي نجامل فيك...هو مسكين باش يطير بفرحتو بيها عينيه مزغللين بالرغبة و الحب..حب يفدلك فيبالوش اني كلامو وجعها عالاخر
- تلفتت يمين يسار تلوج على البوند متاعها هزت شعرها الطويل لماتو كعكة و يديها يرعشو و عينيها خانوها كي تنفخو بالدموع... تو نقصو كيف موش حاملو... هزت لانجات للدوش باش تنحي اللبز لي لبزتهولها الحجامة
-كي شاف دموعها عرف و فاق بروحو شنية حكا..جرا جبدها من يديها و دورها ليه يلقاها تبكي..قد عللخر..مد يديه يمسحلها بلهفة عاشق..لمستو الحنينة جففت ليها دموعها و هزلها راسها...ايمان ..كح باش يرجع صوتو...ايمان يزي مالبكا بربي و الله نفذلك اقسم بالله نفذلك عليك...يديه سرحت في شعرها...شعرك كيما الليل الي نضيع فيه و كان ما نراش عينيك الحلوين الي يدلوني للطريق...الحنة زادت فيك الشطر...محلاها لطيفة كي تبدا تدبر في دبايرها المزيانين...شاف ضحكتها قلبو فرح شوية.

#انتي_سبابي #كرونيك #كرونيكات 

الحلقة 70


اممم انت راك في الاصل عفشة اما تبارك الله الحجامة تلهات بيك هههه...ضربتو على كتافو و جات ماشية زاد جبدها ليه لين وجها قرب لوجهو...رد بالك مزلت نرا دموعك...انت بهذا ولا بلاش ازين مرا في الحومة بل في تونس بل في العالم كله ههههههههههههههه
-ههههههههههه و انت اكبر بزناس في الحومة بل في تونس بل في العالم كله... و تو ميسالش تسيبلي بدي و تخليني نشوف وجهي و نعشيك !!
-نسيبلك يدك على شرط ما تنحي شي ملي عاملتو..بربي عينيه بالحق كانو يترجاو فيها كانو يستعطاو في لطفها و حنانها باش تخلي كلشي كيما هو...بدا يعددلها بصوابعها الي مزالو في يديه...و رحمة امي..و رحمة بابا و رحمة ماماتي ..و رحمة خالتي خديجة لا عمري نهار حلات في عيني مرا مالحومة...كراجل عمرها ما حلات مرا في عيني
- عوجت فمها تحب تزيد تصلبو و تسمع منو لكلام لي يفرحها..جملة جملة !!
-لا موش جملة جملة...غمزها..انا ما حلات في عيني و ما تحلى في عيني لين نموت كان وحدة برك...موش مرا ...هي بالنسبة ليا نسا العالم الكل ما يجيوش في خصلة شعرها..حب ينرفزها...و منغير ما تزيد تقلي شكوني خاطرك ما تعرفهاش
- امممممم تقليش حليمة بنت سعاد !! بقات تخزرلو بعين حارة تشوف في وجهو لي لخلخ...ايا خليني نمشي نحظرلك حاجة...خلاتو لدهشتو و جات خارجة...
-بقا باهت و قبل ما تطربق الباب قلها بصوت عالي..هي زادة تخاف مالظلام و عندها فازات مع المكياج و باش نفلس على قريب في جرة شرياني للفلفول..
- ربي يخليهالك...ضحكت من تحت لتحت خاطر وصلت للي تحب عليه..
كانت تميل و تسعدل في الكوجينة وقت الي دخل يلقاها واقفة تصنف قعد على الطاولة...شنية باش توكلني راني جييعااااان
- موش كان عاونتني في حاجة تنفع خير !! مانيش لطيفة راني لي باش تخدمك كالسلطان ايا تحرك .. شافتلو عاملة فيها تتنهزر فيه
-قلي يا عفشة اش تحب نعمل معاك...حاجة خفيفة عاد ...يدي مزالت توجع ..قال الكلمة هذيكة و وجهو تبدل الشي الي خلاها منغير تردد تسألو
- حطت القلاي عالغاز و تلفتتلو... شبيه علي ياخي !! ماتقليش بالرسمي هو لي عمل فيه هكا ؟؟
-تنهد...علي خايف عليه عالاخر ...هازتو هاوية و هو موش فاطن بروحو...اما مدامني حي مستحيل نخليه يضر روحو...الليلة شارب و داخل في حيط حبيتش نكبش فيه ديجا هاك ترا اش عمل فيا...اما غدوة قسما برب العزة ما نعفسلو على راسو ...يحب يهلك روحو
مازالت مافاهمة شي ..تنشف في يديها.. ياخي لهالدرجة
حكاية كبيرة !! رد بالك وليد اليوم عمل فيك هكا ماتعرفش غدوة اش يصير .... سكتت شويا ... والله كان موش انت قتلي مانصدقش علي يعمل فيك هكا !!!!
-ما تغلطش...موش علي الي عمل فيا هكا..لا خيال علي الي ضربني...خيال علي الي مسيطر عليه السم الي يشرب فيه...موش مشكلتي انو ضربني انا نتحمل و غدوة نعاودو نحكيو..انا المهم عندي يبطل الي يعمل فيه...تنهد..مشكلة الصاحب ديما معدية يا ايمان نجمش نراه يغرق و نسكت و نهز خشمي ولا نبعد خاطرو في لحظة موش واعي فيها ضربني..يلزمني نلقا حل
- اخزرلي وليد ..ياخي علي يتعاطى !!! تشوفلو بعينين حزينة و غايضها
-طبس راسو..جات قعدت بحذاه...يتعاطى يا ايمان و باش يهرد روحو و الله لو كان يكمل في الطريق الي ماشي فيه ما يضيع و يضيع عمرو...نحب نلقفو قبل ما يمشي فيها...شد راسو تخيل كان يشدوه مرة تحليل ولا يولي مدمن؟؟ شنية نعملو وقتها...علي يا ايمان يسكر فاسد بنات و سهريات اما زطلة و ادمان لا موش متاعو...ما نحبوش يولي يسرق و يخطف باش يشري هاك السم...هو تو معرض باش يولي بالرسمي و انا لازم نتصرف فيسع...اما هاني شديت خيط المروج الي يعطي فيه في هالسخط و باش نولي نعس عليه معادش لازمو يدور بهاك الربط...تي وين المعمل الي كنت نخدم فيه انت فما حكاية غادي و لازمني نفيق بيها.
-لحظة وليد.... وقفت كاينها دراش تفكرت. .. كيفاش هذا السم يعني كيفاش شكلو !! كيفاه يبيعو فيه باكوات ساشيات كيفاش !! .. وجها بانت عليه بارشا حكايات
ما كانش مركز برشا مع ربثتها...
-تي كيما الصلصال طروف صغار و يبداو في ساشيات..و فما الي يتباع سواقر و فما حتى الزرارق اما الي يسف فيه هاك الطحان صاحبي سواقر ملفوفين باليدين
-يعني كمال كان يزرق!! انا مرة ريتو يزرق كي سالتو قالي انسولين اما ماصدقتوش خاطرو كي يزرق يولي درا كيفاش يتصرف..اي اي اي تذكرت ليلتها كي هربت منو عرضني علي في الطريق لي يجيب للمعمل .. يطلع عندهم علاقة ببعضهم ... خزرتلو بكل حيرة
-هو غللق معاش فيا..يعن دي.....والديه اش مجبدك في اسمو الطحان هذاكة في داري..منيش راجل انا تحكيلي فيه اش ي.....؟؟؟ ...و جاية بصحة رقعة تقلي كان يزرق و درا كيفاه يتصرف...خطفها من زندها لين وجعها... و كبسلها على وجها..كان يقلق فيك قبل كي كان يزرق...تكلم حل جلغتك لا نباصي عليك هالليلة؟
-ولييد ..شبييك..سيبنييي ااايييي توجع فيا راك...اااي ولييييد .. تشوف في عينيه لي قريب يخرج بالعصب سبحان الله تقول موش العبد لي كان يفدلك قبيلة...
موش قد الوجيعة الي في قلبي انا يا ايماان الله...سيبها بكل انهيار و عدا يديه في شعرو رمى روحى عالكرسي...تعرف اش قلي هاك الطحان ليلة الي مشيت فشختو؟ تعرف شقاااالي عليك...قلي ...قلي عندها "أمارة " في صدرها..نزل على رقبتو و عروقو خرجت..قالي تشهيييك باش تبوسها
زادت في بكاها بلة و غطات وجها بيدها.. ياخي انا عريت عليه روحي انا قتلو تهجم عليا انا قتلو زرق و ايجا باش تتعدا عليا !!! انت ..انت شفتني في انا حالة
حرام عليك والله حرااام...هزت فيه عينيها لمدمعة..هذا لي كنت تلوج عليه !! هذا لي نخليك نافرني !! كاره قربي و عايف بدني !! 
-نفخ و عدى يدو على لحيتو..شنية تحبني نجاوبك بربي !! انا معاش نشوف في شي وقتها..زيد يعطي فيا في امارة كيما هكاكة...ساعات نحس روحي موش منجم لا نخزر فيك و نخزر في وجهي
-شنوا ذنبي انا..علاه انت ماحكيتش معايا علاه ماصارحتنيش بالكلام لي في خاطرك لي ركبهولك هو في راسك و جاي تحاسبني بيه !! وصلتك و بالخايب زادة جرحتك و ركبت راسي اما نهار لي طاحت بيا الدنيا مشيتلك كان انت شكيت همي كان ليك و استنجدت كان بيك..فرغت ليك قلبي و انت !! انت خبيت عليا كلام واحد ساقط حب يفرق بيناتنا..خبيت حكاية و رزنت بيها اكتافك وحدك و خليتنا للشك خليتنا في فوضى انا و ياك لا عرفنا نقدمو لا نوخرو..لتوا تحت سقف واحد نعيشو ساعات تقول اغراب...ضحكت ..نهار لي قلت فرحتلي الدنيا أخيرا و عرفت طعم الحب و تليعت منو جاء كل ضدي.. تتلمس في وجها لي يوجع من تكبيشت
تعرف علاه مشيتلو نهارتها !! تعرف علاش هبل عليا !! خاطرني قتلو خلينا نقصوها مارتحتش معاك خلي كل واحد يمشي على روحو ياااسر جرحني بالكلام و قالي انت معقدة و وحدة قعرة بنت حومة شعبي لا تعرف تبوس لا تخرج لا تحب كيما لبنات ... تعرف اش كان يحب !! كان يحب على علاقة و فرش و سرير... كان يخمم في حاجات انا تقززني و خاصة معاه. .. تنهدت ترد في النفس... قلت ميسالش يا ايمان تحمل بالكش مع ايام يوالم طبيعتك و يهفت ..اما لا هو كان ناوي على الشر كان ناوي يضرني و وصل الي حب عليه .. هذاك علاه نهار الخربة لعب لعبتو رصاتلك في الحبس و لعبلي بمخي و خطبني ..كرهني فيك و خلاني ناخذ قرار البعد عليك و شماتة فيك وافقت عليه..انا منين ليا باش نعلم.. كيفاش باش يخطر لبالي خباثتو هذي الكل معايا..
-قاعد مقابلها يفسر في كلامها..زيد التفاصيل الي قتلو عليهم حسسوه بالذنب خاطر هاو هو راجل و يقول بروحو عداها عليه..ما كانش لازم يقسى عليها هكاكة..يشوف فيها تتنفس بالسيف..ايمان خذيت دواك !! شبيك متقلقة !! قوم ارتاح في الصالة..و اخطانا منو هالليلة يعمبوه و بو تراب بوه...قوم متحط شي في بالك انت توا في داري و روحك معلقة في روحي..انت توا بين يدين الراجل الي يهد الدنيا على دمعة من عينيك...هزها و جاب كاس ماء شربها باش تفرهدت شوية...بقا عند راسها و تراجع شوية باش يخليها تتنفس...قوم نهزك للايرجونس 
- لا وليد..شي مابيا و موش باش نسكتو و نفوتوه الموضوع يزينا ماتلفناه يزينا ماسكتنا و حملنا على بعضنا في قلوبنا ..خلينا نحكو و نحطو نقاط عالحروف باش الناس الكل ترتاح..انا و انت و الناس الكل..لي صايرلنا عملناه بيدينا و لازمنا نصلحوه ..هزت عينيها فيه ادقق فيه..لازمنا نحكيو وليد نفهمك و تفهمني
-جا باش يدورها ليه و يمسحلها دموعها شاف الوحمة باينة في صدرها...طلعتلو السخانة و سخن.. عندك وحمة بالرسمي !! معناها كلامو صحيح..طبس راسو مايحبش تشوف نظرة المقت في عينيه كان تمسو يتفجر في لحظتها...و اخيرا نطق و اخيرا خرج هالكلمة و فرهد على روحو و اخيرا سألها... 
-عندي..عندي وحمة و للاسف وقت لي كانت تنجم تكون حاجة سبيسيال و محلاها كانت سبب عركنا و توترنا.. اش تتوقع من واحد مريض انو يقلك ترا !! لازم يفسد عليك حياتك وما لقى حتى حل غير يضربك بحاجة تخصني حاجة خاصة و تنجم تكون انتيم شويا..موش مهم كيفاش راها خاطر وصل تهجم عليا و انا في دنيا اخرى معاش فايقة بشي عطيني نفك روحي منو وقتها..
-كان متحكم في روحو موش عارف كيف..عينيه ترف..حركة تصيرلو كي يوصل لقمة الغش.تفوه عليه موش راجل.. واحد ساقط مريض..كالسوس..
-وليد..حطت يدها على يدو. ..لازمك تسمعني و تفهمني.. معاش نحب العرك شو محلانا و احنا قاعدين نتحاورو و نحاولو نقدمو بالحاجة لي رابطتنا..
-انا مايهداليش بال كان مانمرمدو مرة أخرى و ثالثة و رابعة ... لازم و يخلص طحينو.. لازمو ياكل بايو عليه.. خزرلها في عينيها..تمنيتو ماقالهاليش الكلمة يا ايمان تمنيتو ماشاف شي و لا قرب صوبك.. انو يوصل يشوف الحاجة هذي يمكن يعمل حاجات ما اعظم..
- حست في صوتو نوع ماللوم..لوين تحب توصل وليد لاش تلمح!! قامت و بالرغم الفشلة لي ماكنتها الا انو كلامو استفزها للمرة الألف.. اش عملي !! تحب تعرف اش عملي !!!! نحات الشوميز و طيحتها على كتافها و دارت عطاتو بظهرها و جبدت شعرها القدام ... شوف اخزر حل عينيك يا وليد اخززززر. ..كان اخر ظهرها من لوطة الكل ظرب تاع خيط الضو.. توا تحسهم بداو يبرو. . دارتلو و نسات حالة الشوميز لمهدعة وين بان البياس متاعها لكحل و الوحمة...تعرف الحاجات هذي ماراها حد و ماحكيتها لحد حتى طا لطيفة ماخليتهاش تنحيلي حوايجي في الحمام بكري... ارتحت توا! !! عرفت اش عملي !! انا نحمد في ربي لي ماوصلش لحاجات ما اكبر معايا وقتها و رحمة امي نقتل روحي و نخلط عليها طول...خسارة حتى و هو بعيد علينا كان قادر يدخل بيناتنا بالشك جرة كلمة قالهلك..
هو مسكين في حالة من عمايل الساقط في مرتو و صغرونتو و نار بدنها لي مقابلو عالمكشوف..كان مسكين يتقلى في بلاصتو من بدنها الصافي كي الحليب.
<><>

انتي سبابي 

#انتي_سبابي #كرونيك #كرونيكات 

الحلقة 71

قربلها كهربها ببدنو و بالنفس متاعو.. هذا الكل و انا مافيباليش !!! يوصل يضربك ؟؟ يوصل يمدها يدو لمسخة الساقط عليك و يخليلك هذا الكل !!! ياخي مازال باش نخليه حي انا؟؟ و الله ندفنو بيدي و الله.. الله و راس عينيك الي بكاو ما نربيه الكلب و حسابو مزال ما وفاش..ايمان انا و الله مصدقك و الله و لا نهار شكيت بلي حكاو..مانسكتش راهي كبيرة.. مانيش طحاااان راني !!حاوطها يبدو على كتافها... عينيه تعباو بالدموع..سسامحني ايمان.
تخزر في عينيه و لهفتهم لشفايفو و رعشتهم ليديه و دفاهم و حنيتهم عليها.. لريحتو لي تغلغلت في روحها للداخل..حاجات كيما هذي ماتظهر كان على راجل ذاب بالحب و الوحش و الرغبة عمرو ماباش ينجم يخبي لهفتو عليها في عينيه و بحة صوتو... حطت يدها على رقبتو..و خرجت صوتها.. مادام حكايات الناس مايهموكش و انت ماكش شاكك فيني علاش هذا الكل وليد.. علاه البعد و المسافات هذي !!! مرتك راني.. قدام ربي و عبادو حلالك انت و عرضك. .. زادت قربت منو و بحة صوتها زادت خانتها.. ماكش قاعد تحس بيا !! معاش تحس بشي كي تحط عليا يدك وليد !! و شدتلو يدو حطتها على قلبها وين كان يضرب بين ضلوعها.. حركة منها هبلاتو و هو يلامس في صدرها الدافي و يتحسس في دقات قلبها لي بيخرج.. بلعت ريقها.. ارجع وليد لي قبل وليد لي يحب و يتغزل وليد لي يحس بيا .. حبني كيما قبل ارجع حبني و اعشقني من اول و جديد خاطر..خاطر.. انا ..... سكتت بقات تشوف لشفايفو هبلت بيه مسكينة.. هزت روحها ليهم باستهم بوسة خفيفة. .. لازمك ترجع تحبني خاطرني... نحبك..انا ن.ننعشقك عينيها لمعو..انا نحبك ..عاودت باساتو و لمرة هذي بقات فم غرقت فيهم..من كثر رغبتها فيه عدت يدها ورا رقبتو و قعدت كلي في حجرو..تبوس و تحكي و تلهث سخانتها فاضحتها لمساتها نااار
-ماينكرش انو استحلاها..يكذب كان يقول ماطارش معاها..باسها باارشا مرات اما توا هي تبوس فيه..حلاوتها و بوستها و النار لي شاعلة فيها عمللو جو شيخوه في مخو..مايحبش توفى هالبوسات هاللحظات لي تمناهم اما خاف.. خاف..يكون يحلم
-ايمان ...ايمان..داهش حاط يدو في رقبتو لي لامست خصلات شعرها غادي ...كلمة نحبك كبيرة راهي موش متاع نهارين عشرة ولامتاع لحظة ضعف ...خزرلها بعينين تاعبة...نتحمل كلشي إلا انك تعيشني حتى ثانية في حلمة..و ما نحبكش تعطي وعود تحت تأثير حاجات زايلة...نحبكش غدوة تعطيني حاجات بااسيف عليك..
نحبكش تعاود تتكسر بعد ما رجعت وقفت على ساقيك..ماتكسرش قلبك و قلبي بكلامك هذا اماان... وخر لتالي و قلها بقلب مكسور...ايمان ما اسهلش من كسر القلوب راهو
- شدت شعرها عداتو لتالي..مازالت منتشية..شبيك تحسبلها ياخي !!! علاه متصعد لهذا الكل انت !!! وليد كانك ناوي تشعفني و توبني راني شعفت بما فيه الكفاية ..توا وين فهمت حبك ليا تو وين حسيت بنارو لي تحرق..افهم راني نحبك نعشقك راني نهبل كي تكون بعيد تقتلني الغيرة كي نشوفك مع غيري و الا تضحك مع غيري تخيل حتى نعيمة غرت منها! ! لجين بنت جارتنا متاع 9 سنين غرت منها تخيل !! هذا شنوا زعما شنوا !! اما حلمة و اما شفقة .. مرتك راني مرتك وفهمها هذي مليح شنوا ماتغصب عليا شي ..انا نحب عليه الشي هذاك اي نحب نكون معاك و ليك و مرتك قدام الناس اما موش بالورق نحب نكون مرتك لي تهنات معاك مرتك لي كان تحب توفيها حقها رتحها بقربك.. تحس في روحها معاش متحكمة في ش
قدمتلو و بدأت تظرب فيه على صدرو... ياخي لهدرجة عقابي يستاهل لهدرجة مازال مطول! !! لين امتا باش تستحلى عذابي وقتاه تبرد قلييييي ... انت تصبر خاطر قلبك كاسح قلبك خايب انت خااايب.. اما انا..انا قلبي خسرتو و ماعنديش القوية باش نرجعو خاطرو تعب من حبك و عشقك..
شدها من يديها يحكي بصوت ضعيف..منيش نصد فيك ايمان صدقني نفيق فيك
-لا لا ..تعملو براسها..ماتفيقنيش نحب نبقى هكا..خليني وليد معاك..ارجع حبني ارجع ذوب في خزرتي ..حس بللي حساتو تو تشوف قداه انت عزيز عليا و قداه انا هابلة عليك..
-بالله لا تزيد تعذبني في حبك..يحس في روحو تخنق معاش عارف ما يعمل معاها الزح الطفلة باش تموت بالحب و الوحش.. ضاع بين عينيها و يديها و نفسها السخون ولي زاد على مابيه الرغبة لي تحكي بيها ...معاش فاهم شي عطيه يقول اي حاجة..ارفق بيا مررررة ارفق بيا و حس..تنهد.. معاش انجم و الله 
-انت لي ماكش حاب تعيش مرتاح. . وليد ريح روحك خلينا نعيشو كالناس العاديين ..انا نحبك و كان ماجيتش نحبك ماناخذكش و لا نخلي بابا يغصبني بالسيف راني بايرادتي وافقت. .. امان ولييد سامحني و انسى كلامي انسى الخايب اللي صار و خلينا نابداو صفحة جديدة فيها حبنا..
-كان يعقل في كل شي قبل بوقت اما تو تحسو مصدوم كلمة نحبك و حبنا .. ماكاتنش يالساهل انو يتقبلها منها.. كانت عندو رغبة كبيرة في البكاء و موش عارف علاش.. خاطر في الوقت لي لازمو يفرح فيه هو قاعد يصد و ينهار قدام حبها ..
-وليد؟؟ شبيك ساكت وليد احكي معايا .. كانت تخض فيه من سواعدو مافهماتوش شبيه مركز معاها و مدقق في عينيها..
- علاش؟..صر شفايفو و عقد حواجبو.. علاش توا ؟؟ علاش موش من وقتها..يخزرلها بغزرة قتلتها خزرة تقطع القلب.. حزينة مكسورة و تاعبة... تحبني قتلي ؟؟ تعرف اش يعنيه الحب تعرف عذابو انت و نارو لي تحرق تعرف لياليه و سهرهم للفجاري و الواحد يداري و يناجي ؟؟ تعرف اش معناها تحب في نفس الشخص و هو بايعك باعثك؟؟ تعرف اش معناها كل وين يصدك و تقول سي بون اليوم نبطل حبو تلقى روحك غدوة غارق من اول و جديد؟؟ تعرف اش معناها واحد مريض رافض انو يبرا من مرضو ؟؟؟ انا هذا الكل عشتو معاك و لتوا عايشو ... و انت.. هزلها صبعو يحكي في وجها.. انت ماعندك شي بقارنة بيا.. يضربلها على قلبها بصبعو... جرب اخسرني كل يوم جرب لوج عليا و ماتلقانيش جرب عيش بروحك بلاش الانسان لي حلمت تكون معاه... انا نهار لي باش يهزك غيري تمنيتلك الموت المهم مايهناش بيك هو و انا نبقى بحسرتي عايش 
- تعملو براسها لااا ... انا نحبك وليد و هذا الكل حسيتو معاك و في بعدك زادة..انا ماحبيتش قبل و ماحسيتش بالي تقول فيه.. اما معاك غير معاك عشت لي عمرو ماعشتو و لا حسيتو .. كان موش حب مالا شنوا هذا لي قاهرني شنيا الغيرة هذي ..انت حبيتني و وقفت و حاولت معايا و دافعت على حبك لاخر لحظة و بعد وقت الدنيا طاحت بيا رجعت و قويتني ووقفت معايا ضد اهلك و الناس و دافعت عليا قدام بابا.. وليد,,تنهدت.. انا حبيتك قبل هذا الكل حبيتك وقت قررت تبعد انا و قتها في حبك للعنكوش حبيتك و كسرة لبابا كلمتو و مشيت للساقط و قصيتها معاه و انت مافي بالكش.. حبي ليك موش ردان لمزاياك يا وليد حبي ليك تولد وحدو تولد رغم بعد عذاب تولد هوني..تضرب على صدرها..خاطرك الراجل الوحيد لي يستاهلو..حكات لين شبعاتو حكاوي حكات لين ريقها نشف و كالعادة مالقات غير حضنو ملجا ليها كيما كل مرة... ارتمات عندو بكل قوتها..تنهد
- اااااااااااه ... تنهد بكل قوة 
- بربي ماتمشيش وليد بربي خليك امان

#انتي_سبابي #كرونيك #كرونيكات 

الحلقة 72

قام ياخي قامت وراه. . خزرت في عينيه قربت منو لين معاد يفصلهم شي ...تكلمت و هي شادتلو وجهو بيديها الزوز...منيش باش نغفر لروحي كل لحظة ما فهمتش فيها قلبي و دقاتو...منيش باش ننسى اني حرمت روحي من جنة حبي بتعنطيزي...ودموعها هبطو...و الله حبيتك و الله...ما عرفتش قيمتك و ما فهمتش حبي ليك و عشقك ليا كان بعد مدة...سامحني وليد...
هو معاش فيه معاش منجم يرعش سخن...قريبة هكا و كلامها زادة على مابيه قلبو.. قرا الصدق في عينيها و من تصرفاتها المدة الاخرة..و شهوتو و رغبتو فيها كانو اقوى..معاش يدل شي..شاهيها و حاب عليها حاب يكون معاها معاش حاملها في مخو هالحكاية يزيه...قدم يدز فيها و كلا بقية الحروف بين شفايفو...باسها بغل و حب و وحش و غيرة و غش..خلاه ياكل شفايفها ماكلة...يمشي و يوخر بيها لين لسقها للحيط و حط يديه ورا ظهرها و كمل يبوس...الي زاد شعلو اني تجاوبت معاه تجاوب متاع مرا عاشقة ملهوفة كيفو ولا اكثر...كان مرة يكبس مرة يرخف...لين حسها تغفق بين يديه جبد روحو شوية كان يتنفس بالسيف مغمض عينيه...حط جبينو على جبينها و تكلم...مزالت المسافة بيناتهم ما تتسماش...كان لاسقها...حاضنها...تكلم بصوت ضعيف بحب دفين...انت فرحتي انت شمعتي انت صفحتي البيضة..انت الروح الحب و المرا لي نحب فيها عمري الكل و مانملش . . يحكي و يلهث..كي ما سمعش صوتها حل عينيه يلقا عينيها دوبة محلولة تخزرلو و معبية بالدموع....شبي والديك ديما تتبكى انت !!! يزيني امان راه دموعك قهروني ...زاد وطى في صوتو... متوحشك..متوحشك لدرجة كان نشدك نفرتكك من بعضك هالليلة... متوحشك و شاد عليك روحي بالسيف راني... تعرف اش معناها راجل يشد روحو على مرتو تعرف ولاااااااا... ايامات انا نكابر و نعاند اما مانجمتهاش ماتبلعتش معايا والله..ليامات لي تعداو بلاش بيك كانو على قلبي كالغمة..شدلها وجها بين يديه.. بااارشا مرات نكون نخدم ستنيتك تكلمني تقلي وينك وليد روحلي راني توحشتك روحلي.
-اي توحشتك..قالتها و طبست راسها حشاتو في صدرو..كي..كي تخرج تخدم و الا تقهوج ..الساعات لي نعديهم بلاش بيك نفد. .ياسر تخلي بلاصتك تي ..تي..حتى الفرس بلاش بيك ماينطاق و الله نحب ترقد فيه كان كي تكون معايا و مانرتاح كان ماتجي و تتمد بجنبي. .
ههههه انت زادة توحشتني !..جربتو انت الفرش معايا باش نخلي بلاصتي فيه !! ..خزرلها خزرة لكلها خباثة خلاتها تهبط راسها حاشمة... لا لا لا هز عينيك هز .. اليوم مافماش حشمة مافماش خوف مافما كان انا و انت و حاجة اخرى مزيانة... جات باش تتكلم ياخي سكتها ..اششش و غطس فيها ببوسة على شفايفها تعدى بيها لرقبتها هبط لصدرها وين الوحمة..بقى راشق عينيه فيها يتنفس بزربة.. هز عينيه فيها كانت عينيه حمر تاعبة و تحكيلها عالوحش و الرغبة لي باش تقتلو... إ.يم.ا.ن ن..حب..ك. نحبك..كان قريب منها محتويها بكلها و هي من كثرة ماغلبتها رغبتها كانت مكبشة فيه و مغمضة عينيها... الحاجة لي زادت رغبتو انو يقتحمها اكثر.. هز يديه يحللها في سلسلة التونيك لي كانت اصلا محلولة ..هبل بصدرها..زاد دخل يديه بين التونيك و ظهرها و لزها ليه..
كانت تتنفس تقول باش يتقطع عليها النفس.. كانت تشوف فيه يعمللها في حاجات عمرها ماعاشتهم .. تحس معاه بإحساس اول مرة خلاها تحس برعشة بوجيعة في كرشها اما استحلاتها عللخر.. كانت مغمضة عينيها مالحشمة موش منجمة تخزرلو كيفاش كان معرريها بخزرتو..تتحسس كان في صوابعو و شفايفو على وجها شفايفها و رقبتها و صدرها لي حساتو كلاه ماكلة خاصة وين الوحمة ياسر وجعها فيها .. في غفوتها تحسو لقفها في حملتو خطوتين و كانت عالفرش... مرقدها على ظهرها و يخزرلها وقت كان هو راكز على يديه فوقها..
- اش نعمل فيك انا توا!! .. عينيه قلوب مسكين موش مصدق الي لي قدامو و بين يديه هي ايمان معشوقتو هي ايمان لي عدى لياليه سكران يهتري باسمها ايمان لي نهار حلف ما تبات كان مرتو ايمان لي حبها لروحها و تفركيحها و عنادها لي قتلو قتلان..و زاد هبل بيها لاونوثتها و دلالها و تزعبينها غلبت عليه..
- ششنوا باش تعمل..ما..تخوفنييش امااان وليد 
- هههههههههههه موش لازم تعرف اش باش نعمل... غمزها.. قرب لوذنها و هي استلبست.. نعرفك سنة اولى تحضيري اما الليلة نبداو درسنا لول و نوعدك تخرج بمونسيون.. رجع لبلادتو و تمقعيرو لول زايد يعرف يبزنسها و يلحمها في رمشة.. مسكينة حمارت بكلها مالحشمة و غطات وجها بالفرش لبيض هاربة منو من خزرتو من بلادتو لي تعمد يربثها بيها... حست بيه يتحكرك عرت على وجها تشوف فيه ينحي في مريولو و هد عليها بصدرو لعريض حشاها تحتو.. 
- و..لييد..تحكي مربوثة..حبيبي..
-اااااااااه عاودها برحمة ميمتك عاودها 
-حبيبي..
- دين والديك الليلة اش يمنعك مني.. يا ربي راهي تحبني راهي تحبنيييييي ههههههه... عصرها بين يديه لين خنقها... بو زينو هو.. باسها من خشمها.. ياخي حس بيها ترععش في شفايفها كاينها تحبو يبوسها منهم... عدى صوابعو عليهم كاينو يستراسي فيها.
طفالها نارها ببوسة خفيفة ياخي كبشتلو في مريولو.. تحب تقلو لا خليك زيدني..هو ماكانش مالعاكسين عاود غرق فيها شعلها ذوبها قطع عليها النفس..
- حل..حل فمك ايمان حل فمك ما تخافش.. تسمع و تعمل كيما يقلها و سلمت روحها ليه و لاحساسها بالنشوة لي بقات تستنى فيها بحرقة معاه.. ماتعرفش كيفاش و وقتاش جردها من دبشها خلاها في طرف الملحفة تاع السرير.. معنكشة فيه تتلاوح بين يديه و هو تقول اول مرة تجي عينو عليها.. مسكين يبوس لبلايص الكل و يرجع للوحمة يخليها تنيين بالوجيعة من بوستو..
- حبيبي شدلي روحك شوي من تو بديت بالوجايع ههه.. كل وين يزيد يتمقصص عليها تزيد هي تتعنكش و تحشي روحها فيه مالحشمة ..هاربة منو ليه الله غالب الليلة ليلتو و لازمها تخلص.. غارقة في حبو و حنيتو و لمستو لي مرة تسايس و مرة توجع.. تشوف فيه بزربة يحل في قفل السروال اما اخر حاجة كانت تنجم تجي في لحظتها هي الالارم تاع كرهبتو لي ماقالش نسكت... نفخ بقوة و غزرلها.. 
- شبي ..... . اليوم عليا !!!! 
- هههههههههه... كان تتضيحك حاشمة منو و من حظورو و من كتلة الإغراء لي محلياتو... من هيتو و بدنو العريان.. تنهدت من غير ماتشعر..
- تضحك !! نخرح للا تو نوريك فيه للبرة لي جاي هاد على د... امي في هالليلة !! يحكي يعصب الهم
- ششوفو شكون..
-سكر فمك..و الله و لو كان يحرقوها الكرهبة لا عاد ساقي تخطي خطوة لبرا مالبيت الليلة...ياخي مزال فيها شوفان هي !! خزر مالشباك
-تكلمت بصوت يرعش.ا..اش فما وليد
- تي كمشة فروخ سلطهم بلاهم عليا.. نطر الريدو بغش
-متقرفصة في الملحفة و هتشوفلو من تحت لتحت..مالا سخانة. ..على قد نيتها الصافية على قد مخو الخامج
-كان تشوف انا تي شاعل اصل تحب تمسني !! تمد بجنبها و تكاها.. يعدي في يدو على كرشها ..قام باسها من فوق الملحفة شيرة كرشها... مابنك ولو مازلت ماذقت شي ههه
-برعشة عملت يدها على شعرو...نحبك وليد..كلمة خلاتو يقوم ياخوها في حضنو...عصرها عصران..
-هزت يديها لصدرو و هي محشية عندو...عندي برشا كلام نحب نقولو...تسمعني؟؟؟
- أخطأنا من الكلام ايمان... نعرف اش باش تقول والله نعرف. .. خطف بوسة عالطاير ... ماابنك..
-دوخها خلاها تهتر

#انتي_سبابي #كرونيك #كرونيكات 

الحلقة 73


-تحكي مرهوجة...معادش..تخليني..ما تبعدش عليا وليد...كبشت فيه كي الطفلة الصغيرة...قولهالي وليد قولهالي كل لحظة خليني نصدق الي انا في حقيقة..الي انا بين يدين الراجل الي نحبو و نعشقو و نذوب في كل حاجة فيه...
- اشش. .معاش تبكي يا عمري. .معاش نحب نراهم انا الدموع هاذم مخيبهم..طبس يبوس فيها من عينيها... شفت محلاك هكا بلاش دموع.. يحكي و يبوس و هي عمالها و ترتخف بين يديه في لحظات لقات روحها تحتو..ماهيش منجمة تقاومو من فوقها اصلا موش جاي على بالها تبعدو الليلة خاطرها ستناتها لين ريقها نشف هاللحظة..داخت من لمساتو و ريحتو ..عرفت انو عقابها على يدو الليلة و عقابها كبير باش يكلفها صباها..اما فارحة خاطرها ليه مرتو و حلالو.. كي حساتو يحللها في ساقيها كبشت فيه 
- خاا..ي..فة..كانت عارقة بكلها و تتنفس دوب اللاش..
- ارخف روحك.. ارخف..ماتخافش..راجلك راني...وليد راني..زاد هبلها ببوسات خلاوها اطاوعو...يهدي فيها و يعديلها بيديه على ساقيها يحب يطمنها..كانت فرحتو بيها ما تتوصفش.. سايسها على قد مايقدر اما فرحتو بيها و رغبتو و لهفتو عليها غلبوه اش خلاه يوجعها شويا.. بكات مالوجيعة مسكينة و سعات توصل تصيح اما قربو منها و همساتو في وذنيها كانو يطمنو فيها و يخففولها من وجيعتها ..
- ماتخافش كملنا يا روحي ارخف شوي برك عاااد ..كانت مكبشة فيه مرة بظوافرها في ظهرو مرة بسنيها في كتفو اما هو ماكان حاس لا بتخبيشاتها و لا بعضاتها لا بشي كان برجوليتو لي خلاتو يملكها .. كانت تخزرلو و في عينها الدموع..ظاهرة موجوعة اما تستمد في القوة منو...قداه عزت عليه في لحظتها... خزرلها بفرحة و بعد عليها شوية...وشوش في وذنيها و هو مزال يلهث مزال تحت تأثير الي عاشوه.. قتلكش نعرف نكور راني..و انت بالرسمي كعبة لا بالعمل مركيت ضربة جزاء..ههه ضربت جزاء لا غبار عليها ههه مبروك امونتي..ضحك و باسها من جبينها..
- بدات تفيق...احساس المتعة مسيطر عليها..ههه مابلدك والله.. اما نحبك...بعد شوية و تكاها على صدرو عينيه مرشوقة فيها مدمعة و هي كيف كيف..باسها من كتفها...هزت يديها كي الصغار..حسها موجوعة تحكي بالسيف...زاد لزها ليه...بقاو شوية يحكيو و يوشوشو..
- موجوعة..امان اعمل حاجة..كانت تددمع و تتغصور...
- ماو لكلو منك كان ماجيتش بالحلاوة و البنة هذي راو ماصارش هذا الكل...كان يسايس بشوية و هي تسيب في دلالها عليه و حاربتها بالبكاء... يزيني عااد دلولة برشا راك 
- خليني. .مادامني مرتك باش ندلل و كان عجبك زادة.. هههه... بدات تهز في روحها باش تقوم...
-عمللها بصبعو لاااا...انا باش نتلهى بيك ...صغروني باش يرتاح كهو...
قام لبس شورطوه...غمزها...باش تلبس هذي...قربلها مدلها نويزات اخرى نظيفة...ماهو فيبالك ما تدوش ديراكت ...ولا هذي ما قالولكش عليها النسا ليلة العرس
-شاخت ضحك و هي مقرفصة في الملحفة
-نسيت...عاد ليلة عرسنا عندها مدة...نسيت الي وصاوني عليه...هبطت راسها...ما عملت شي ملي قالولي عليه...
-طلع بحذاها بدا يلبس فيها كيف البيبي و يحكي..اش حاجتك بيهم بربي...انا معاك و انت تخمم في نصيحة خالتك و وصايا عمتك..اخطاك منهم
كان ظاهر من عينيه مزال مرهوج ..مزال ما شبعش بيها حتى شوية اما عارفها تاعبة توا و موجوعة...قام هزها حطها عالكانابي..
في الحومة .. كانت خالتها تعطي في طريحة لهدى لي راتها واقفة على واحد براني مالحومة لخرى.. 
-يا كلبة تحبي تفضحيني ؟؟ كاهاو تقول بابا مع نعيمة في لمستير يرسملها.. خليني نبرطع على طول ذراعي يا مل...... 
- و الله لا والله يامي هو حب يحكي معايا يتبع فيا من مدة تي عيفني في روحي حتى في الخدمة
- اششششش سكر بلا كذب ياخي ادغف فيا ؟؟ ريتك يا بنت الهاملة ريتك معاه مدة لتالي و سكتت قلت تو تفيق على روحها .. ياخي صغيرة ترضعي في صبعك اتبعلي في الهداري لمقطعة .. شوف اندادك يا للا شوف بنت خالتك لي متهنية في دارها و انت مازلت اتبعلي في الهداري الفارغة صحب و رونديوات ؟؟ ماهو كان فما حاجة رسمية يزود و الا يقلب منظرو 
- وووه تي فك عليا عاااد... تعلي في صوتها على امها... اخطاني راك فختلي راسي بايمان و حكايات ايمان و عرس ايمان و دار ايمان ... ياخي منين نجيبو انا وليد واحد اخر اه؟؟ منين نجيبلك واحد بوقوس و لاباس بيه و يحبني كيف بنت اختك؟؟؟ فك عليا بربي و مانيش صغيرة
-شدتها من شعرها... اسمع يا ساقطة ماتعليش صوتك عليا راني انا لي خريت ولديك باهي؟؟ و ربي و ربي لي مليت بيه فمي كان مازلت نشوفك تعمل في عمايلك و الله ندفنك حية ماكش انت لي باش توطيلي راسي يا بنت الكلب... اذهبي شدي بيتك لا نجيب بلايا عليك هالمغرب بري و هاو بوك و لختك قريب يخلطو تو نتفاهمو... يراك هالكة يا كازي بري الدعوة فيك... ااااااه الصبر يا ربي تلطف بيا يا ربي راهي باش تجلطني ... 
- باهي اسكت فضحتنا راك.. الجيران سمعو و الا نجيبلك بافلو سمعسهم...تحكي مالبيت و تحل في فمها 
- شوف الق..... مازالت تحل في فمها... جرات باش تزيد تتشفى فيها ياخي لخرى سكرت الباب طوووول 

كان يمشط في البيت هاو هز هاو حطا هاو جاب.
- تعرف ايمونة انا من نهار لي كتبت علي صداق اثبتت لروحي اني عند كلمتي باش نخليك مرتي و الحمد لله كنت عند وعدي لروحي...يمسحلها على خدها..انت فرحتي انت دنيتي انت نص ديني لي كما بيك ليووم..انت صنعت مني وليد جديد بقصد و الا بلاش اما نحمد ربي الي لي صار الكل على خاطرك..باسها من جبينها.. مرتي..مرتي..محلاها الكلمة و محلاك و مابنك يا فرخة.. يحكي فرحتو بيها ماعاطيها لحد كان يدلل و يحربش بيها تقول بنتو مدللها دلال حتى عند بوها ماراتوش ... كانت متفاعلة معاه ماخوذة بيه و رجوليتو و حنيتو معاها.. ماكانتش متصورة انو وليد يكون عندو هالوجه قد ماراتو في مواقف سخوفيه و حنينة... لابسة نويزاتها لي لبسهالها بيديه.. 
-عزيزتي هذي وين نحطها ؟؟
- في القجر الثاني 
- و هذي جبدها بكري كي وصلت وين نرجعها ؟؟
- في الكازيي في الدوش 
-ياخي الشمبوا كمل ؟؟ 
- وووه وليد هاي في السلة لي معلقة تي كان خليتني قمت حركت وحدي خير شيحتلي ريقي 
- يطل عليها مالدوش.. لااا رد بالك تتحرك اليوم يوم دلالك يا دلولتي 
- هههههههههههه اش مازال زادة ؟؟ 
- اممم تفرهد انت الساعة و تتنحى الوجيعة فيما انا عملت دوش و نخرجو نتعشو لبرة
- تفدلك ؟؟
- ماعينكش ؟؟ 
- اععععععع شنيا ماعينيش و الله موش نورمال... اسمع 
- امم ..كان يدش و الباب مفتوح
-نحبك
- نعشق دين سماك راني اصبر عليا نخرج برك
- هههههههه...وليد ؟
- روحو
-سامحتني من قلبك ؟
- علاش لكلام هذا توا ؟؟ بيناتناش سماح يا عمري
- ياسر انا وجعتك و ياسر تعبتك في جرتي ..شفت..شفت فرحتك بيا قبيلة و ببالحاجة لي صارت بيناتنا.. سامحني خاطر كنت حارماتك فرحتك ليامات لي تعدات الكل..
-اششش..خرج حاط المنشفة في نصو و شعرو مازال يتقاطر بلماء..جاء قعد على حافة الفرش و مدلها يدو..ايجي لهنا ايجي.. قربتلو عينيها مدمعة.. 
-هز عينيك و اخزرلي..وليد لي حبك لي لي عشقك و فنى عمرو باش يعيش نهار معاك على انك مرتو مستحيل يحمل في قلبو عليك.. نسامحك؟؟ علاش خاطر عرست بيا ؟؟ خاطر حبيتني كيما حبيتك ؟؟ خاطر فرحتني و فرحتي دارنا؟؟ علاه نسامحك خاطر عطيتني اغلى حاجة عندك؟؟ خاطر عشت معاك احلى لحظات ينجم يعيشهم راجل مع المرا لي يحبها؟؟ مابيناتناش سماح تعرف علاش خاطرني اليوم راضي على روحي..يحكي و يتبسم.. يديه في الفرش يحب ينحيهولها.. لي لافة بيه روحها و كبساتو في صدرها.. 
- لا يزي ههه.. قالتها حاشمة..ياخي ماتشبعش؟؟
- لا مانشبعش..عينيه في صدرها ترشقو..ضحك و قالها يتمقسس..عندك ماتقول في روحك يا طفلة..زاد ميل راسو و خزر للهونش تاعها هو بطبيعتو عريض شوي.. و الله كيما حبيت و كيما توقعت..هي حشمت و لفت روحها تكمشت على بعضها.. حرك راسو يبل فيها بالماء لي يقطر منو على وجها.. مازال تحبلك خدمة تو مع ليام نتلهى بيك توا هذا روداج راهو.. باهي ؟؟ قول باهي 
- باهي ... قالتها و ماتدريش قصدو الساقط مابلدو...خليني نحظر روحي مانحبش نبطاو
- اوكي..خلاها دخلت للدوش و بقى يفرت للدبش كي عادتو كان مايقلبها الدنيا و يخمج القلص و صوتو لي يعيف يلعلع بيه في البيت عامل فيها يغني .


#انتي_سبابي #كرونيك #كرونيكات 

الحلقة 74


خرجو تفرهدو و بدلو جو.. دارو لين ساقيهم حفات كالصغيرات فرحانين..شرالها بااارشا حكايات عجبوها كل وين يجيبلها حاجة تقوم تتبسم و تكشخ كالصغار و هو يعشق فيها و في بساطتها و تلقائيتها معاه...دخلو لبوتيك محلاه هي بيدها هبلت فيه من داخل و زادت عينيها خرجت مالدبس لي فيه...دخلت تقيس في بارشا قطايع و هو شايخ عليها يستنى..وليد لي بالو ضيق و يكره القضيات و المشاور رضخ اخير ليها خاطرها غلباتو و هاو موسع بالو معاها...تبسم اول ماشاف نومروها عالاكرون..هز و عينيه عالشمبر تاع التبديل لي فيها ايمان..منى كلماتو تقول حست بيهم حست بفرحتهم..كان واضح عليه من صوتو انو مرتاح و متهني ...كطبيبة موش صعيبة عليها تستنتج سبب الفرحة لي يحكي بيها..حكاو شويا و علقت اما كلامها شيخو كلامها خلاه يزيد يغرق فيها و هي قدامو تتبختر و توريلو في الدبش و تطلب في رايو...يتبسملها و كل كلمة قالتها منى تجي بين عينيه
''ايمان بنية بسيطة زوالية طيوبة و دافية ماتحبش شكون يتعدى عليها بالعاطل خاطرها ماتتعدى على حد و ماتظلم زادة... عندها البراءة الكافية باش تهديك يا وليد المعصاب الباندي.
عندها سحرها الخاص لي استحوذت بيه عليك و على قلبك..انت تفرح كي ترا تبسيمة امك و فرحة بوك بيها اول ماتعفس دار الحومة..انك تملك مرا متواضعة مرا رزينة مرا تحترمك قدام داركم و في غيابك راهي بالدنيا ولات..مرا تستكثرفي روحها الكادو الغالي لي تجيبهولها..مرا قنوعة موش جيعانة رغم العز لي ساكنة فيه و الدلال من راجلها لحماتها و حموها و سلفها لي يشري و يبعث مالبرا..مرا ماغرتهاش المظاهر و طيحيتهاش كثرت لفلوس رغم الفقر لي كانت عايشة فيه..رد بالك عليها و راك تجرحها نهار و لا تكسر بخاطرها و الاهم تكون معاها و ساندها ..حطها في عينيك راهي بلارة يا وليد..'' 

من غدوة الصباح فاق على صوت التلفون..كان راقد و هي بجنبومكبشة فيه ما فاقت بشي..تبسم و هو يخزرلها وهز التلفون ثبت في الاكرون و مازال غالبو النوم..
-وي
-بونجووور
-اش تحب وائل عالصباح؟
-ههههه و الله عرفتك راقد...ايا قوم و جيبلي هاك القولف و ايجا هزني 
- قام قعد متوسد مرفقو يخزرلها و يحكي ..نهزك ؟؟ انت وين ؟؟ روحت معناها؟؟
- وي مون فرار شوي لا هههههه ايا عاد لانبدل رايي
-هههههه يا طحان..ديما بغدراتك...قام يلبس في مريولو و يحكي ..كيفاه جاتك هالمرواحة تي ماعندكشي اربعة شهور ؟؟ شنيا لحكاية
-بفففف ياخي كان حكيتلك كل شي توا مالا اش خليت للسهرية ؟؟ ايا حرك...... و ايجاني 
-باهي باهي سكر...علق يلبس في مونقالتو و يفيق فيها...ايمونة ؟ عزيزتي؟؟ 
- امم..حلت عينيها تشوف فيه متأهب ههه..صباح الخير وين ماشي ؟
- ماشي نجيب وائل مالمطار توا كلمني...دخل للدوش و خرج وجهو مبلول..
-بالرسمي ايا الحمد لي روح برك ...
-ايا ايا قوم خليني نحطك في ثنيتي عند لطيفة مادام جبتو و جيت 
-عند لطيفة من تو ؟؟ شدتلو يدو تثبت في المنقالة..تي هاي الستة و نص..مايجيش نفجعها ..برا انت الساعة جيب خوك و بعد نريقل جوي و نكلمك ايجا هزني 
- باهي باهي ..ايا خليني نمشي..فرحان و يكشخ..مالفرحة وصل للباب و رجعلها يبوس فيها...ههههه وجهك مبروك عليا راو
-ههههههه برا برك..كانت متمنية يزيد يبقى و تشبع بيه اما ميسالش تو يروحلها..سيبت روحها عالفرش و دارت على جنبها وين كان هو راقد..جبدت المخدة متاعو لي كان موش يتوسد فيها في العادة اما فيها ريحتو..مريولو لي طيشو مقلوب عالفرش..شلاكتو لي دخل بيها الدوش و خلاها فردة هوني و فردة غادي...تفاصيل تشوف فيهم و تعودت بيهم منو صحيح متعبها و هي تقضي وراه و تلم اما فرحانة و عاملو بون كيف عليه...كل وين تبدى تخرنن عليه يقلها ماني مخلي مرتي ورايا و انا كان موش عليك على شكون باش نتدلل؟؟ 
في الثنية كان يسوق.. و كل مرة يعملو تلفون لين وصلو..بقا يلوج فيه لين شافو خارج مالباب لكبير..طول و زين و وهرة,,لونات ماركة و دبش لابسو يفتق..وليد من لي راه تبسم..
-وليدوو..سيب لي في يدو و جرالو عنقو طووول...هههههه يا كلب و الله ليك وحشة 
-ههههههه احشم راني اكبر منك و معرس زادة...زادو اربع بوسات و يونيا على شداقو...
- اااااه..يا خرا.. يتوجع حاط يدو على علي وجهو..توا نتفاهمو عند لطيفة يا طحان و قتها حل فمك... يمشو لين وصلو الكرهبة... ههههههه قولف سيس و هالاماني وليت غني معناها ؟؟ 
- فلوس الحاج ههههه ..حدفلو المفتاح..ايا انت سوق بيا اليوم و جرب الكعب لا تموت بحسرتك... خرجو و ثنية كاملة ياخذو و يعطو و كل مرة يجبدو حكاية و غناية و الضحك ماليلهم عينيهم... 
الحومة كانت بجوجمتها كالعادة مالعطارة للخبازة للدجاجة و الجزارة و ريحة القهوة لي تفحفح و صطوفة و هو يبخ في المادة تاع القهوة بالماء يستفتح... نسمة الصيف الصباح تفقفق و شجرة التوت لي في الطلعة تتمايل من وراها بانت شمس نهار جديد..نهار رجع الغايب لوكرو نهار باش تحضن لميمة فيه ضناها لي عندها اكثر من اربعة شهور ماراتوش.. نهار باش يلم العيلة و تحلى السهريات بحظورهم.. نهار باش يجمع لحباب و لصحاب... 
كانت في بيتها تلم في فرشها.. قلبها ضرب و كبس عليها..حست بحاجة و كذبت شمت ريحتو و بعد ضحكت على هبالها.. لكن قلبها خبيرها قلب الام دليلها.. قامت تمشي و اليد على القلب..هي تقدم و قلبها يكبس لين وقفت في وسط الحوش..بقات عاطية عينيها و وذنها للباب تستنى و زعما شكون لي جاي ..ستنات و طال صبرها..تنهدت و مسحت على وجها و استغفرت مولاها رجعت بالتوالي تكرك في شلاكتها.
-ريت الكلهم مستصفرين... لتوا لا فهمت شنيا حكايتهم شبيهم ديما في مراول خلعة و من لوطة عرايا بلح هههه
-ههههههههه جابدين في عزيزهم قالك يدور عريان في الحومة هالعامين... ترهوجت مسكينة و تلفتت ديراكت تحب تصدق تحب عينيها و وذنيها المرة هذي مايخونوهاش و مايكذبوهاش.. راتو.. راتو وافق نفس الوقفة نفس الغزرة و نفس الوهرة اما زيان اكثر من قبل تي هو بوقوس الحومة خلي يا يمشي لفرانسا... 
-لطوفتي...
-و..وائل؟ وليدي وائل.. روحت ؟؟ وليدي جيت..تحكي و تزرب راجعتلو مسكينة كان مش الكبر راهي جرات اما هو كان اسرع منها وصلها لقفها و عنق حملها و بدا يدور بيها... 
- ميمتي توحشك يا الغالية توحشتك امي راني
-اه يا ربي اه يا ربي مبروك هالنهار وليدي كبدتي.. تبوس فيه من يديه و شعرو و وجهو و ترجع تعنقو و تسيب دموعها كالعادة... الحمد لله يا ربي عالنهار 
- و الله مامصبرني كان دعاك يا ميميتي غادي.. قداش توحشتك و الله ربي لا ينحيك ... بقاو معنقين بعضهم يتباكو لين قعدو في القاعة محملين بعضهم...
- امممممم هاو بدا التفليم عااد ايا عاد لطيفة سيبيه 
-سكر فمك انت خليني نشبع بوليدي.. تبكي و تبوس فيه
- امي ريتيه هالمجودر كيف غاير مني 
- طيح سعدك علاه بابا نغير ؟؟ كل واحد عارف بلاصتو و انا في الصدارة ديما.. يا اخي البكر يبقى بكر
- يبقى عزا ايامك انا هاني روحت و تو نشوفو .. تلفت للدار لكل تركينة فيها .. ايييييييه و الله و ليك وحشة يا دارنا..جات عينيو على شجرة الكرموس لي في التركينة... هههه بزهري هاي ولدت السنا
- ريت ريت..امك ايامات العرس جيت باش نطيحها فضحتني قاتلي لا وائل لازم يذوق منها وليدي
- اااااه والله قداه توحشتكم ..بابا وينو ياخي لتوا راقد ؟؟ تلفت لامو.. شبيه شيبانيك باخي كاهاو حلالو الجو عاد لا الهامل لكبير لا الصغير هوني ااه؟؟؟ باااباا.. بدى ينادي بالصوت.. يا حاااج.. 
- يدوش الحاج بالك.. وليد شاد ضحكة
-هههه سكر انت.. ياحاج علي وينك ياخي بتخرج و الا خليني نرجع منين جيت ؟؟ ... وليد يتكسل من غادي و كان باش يفسخ مريولو كالعادة.. اول ماشاف بوه دز الباب و خرج عاود مرقو طووول هههه و استوا في قعدتو
-اسكت برك هاو جاك بوك .. مالا فضايح حدفو بكعبة كرموس مازالت نية... 
-يلعن مذهب بوك الكلب... يسب فيه و موش فايق بالحاج وراه
- شبيه بوه ؟؟؟ 
- بابا ؟؟ تصدم و تلفت يتحلف فيه...
- اي بوك و بوه هو الكلب... وليد اطرشق بالضحك ماناجمش يشد روحو كان ماحشى وجهو في المخدة.. هههههه شبيك استلبست ياخي قوم سلم يا فرخ
- هههههههه.. قام عنقو... و الله قلت باش يلعج عليا بالسبتة زي قبل .. خرج لسانو.. لباس عليك شحوالك سافا ؟؟ 
- اخطانا مالصفا عالصباح.. و يزيني من كلام لقورة متاعك.. قعد في الكرسي.. انت لباس عليك اش عامل في قرايتك و خدمتك عجبك الجو غادي فما شكون معاك توانسة ..
- ووووووه سيبوه راهو توا حط ساقو فيها لبلاد لاحقين عالكلامات و خنار القراية.. ايجا يا عيون امك.. ايجا نحط لولدي فطور
-وليد عوج فمو و تلفت لبوه يعملو بصبعو... تشوف فيها ماهو ''عيون امو'' ؟؟ .. امي يا امي.. راني مازلت لهوني شويا قدر امان .. 
- روح لمرتك..دخلت و معاها وائل يتشوحرلو متشمت
- بابا ؟ .. تبسم لبوه..انجم نولي ''يا عيون بوه''؟؟ 
- عمللو بوه براسو ''لا''
- ايا مالا استعنى عالشقاء بالله... اهلي تبرو مني ..
- ههههههه ربي يخليكم و الله حسكم بالدنيا يا كبادي.. ايا طير جيبلي بنتي
- نجيبوها مالا لا ..هذاك عيون امو و هذيكا بنت بوها و انا ولد منيرة.. خارج يتمتم

#انتي_سبابي #كرونيك #كرونيكات 

الحلقة 75


كانو يفطرو في الكوجينة كلمة منا و كلمة من غادي.. لين هدت عليهم هدي و في يديها اربعة باقات و حكة فورماج وتيب ناسكافي
-طاعو شكون روح للحومة ؟؟ تلهث عينيها باش يخرجو.. 
- شكون ؟؟ خالتك حليمة روحت مالعمرة؟؟ 
- اعععع لا لا اما حليمة متاعك هههههه وائل يامي وااااائل ولد الحاج... نعيمة تخنقت بقدمة الخبز..
- وقتاه روح ؟؟؟ 
- توا توا مروحة مالعطار لين تعدات كرهبة وليد و نشوف فيه داخل لدارهم محمل بالفاليزات و الدنيا ياااااي اكيد جاب بارشا حوتيج ادارهم... ايمان ايمان لازمني نكلم ايمان تو نستعلم منها.. طارت جابت تلفونها و طلبتها 
- تي سيب من يدك الخردة يا طفلة تكلم فيها اختك عالصباح فاش قام ترا ؟؟ 
- نعيمة تتبسم... عندو توا اربعة شهور عشرين يوم
- اممممم تحسبلو فيهم انت ؟؟ هدى حاطة التلفون في وذنها و تحكي معاها..
- المهم روح و الله لطيفة باش تهبل عليه.. يطيب خاطر ميمتو و يكحللها عينيها بشوفتو بالله الحد لله يا ربي.. سيبتش هالتلفون يا هدى؟؟ 
- الزح لاحبت تهز هالهم هي زادة... علقت و قعدت تقد في قهوتها.. 
في الوقت هذاك ايمان كانت في الدوش.. كملت لمت دارها و قالت نخلي الدوش اخر حاجة.. تلفونها ماقالش نسكت و هي لداخل.. تسمع في حس الكرهبة عرفاتو وصل.. على قد مازربت باش تكمل و تخرج قبل مايدخل هو اما مانجمتش.. دخل ينادي عرفها في الدوش تبزع في الفرش لي كان منظم عاود فرعسو من اول و جديد
-وليد جيت ؟؟
- لا مازلت نسوق 
- ماسطة... تمدلي دبشي امان ؟؟ 
- تلفت يلقاهم عالفرش محطوطيم مطبقين..وين حطتهم انت ؟؟ .. يضحك و يفرث فيهم..هاو هز روبة هاو خلعة هاو سليب هههههه بقى يتبسم وحدو...ماهو اخرج البس لبرا علاه لداخل
- لا مانيش خارجة
- علاه ماك لابسة كاب مناش حاشمة ياخي .. هاك تشوف فيا كيفاش نعري و نلبس قدامك
- انت ماتحشمش خاطرك
-بدينا بتطييح لقدر عالصباح
- هههههههه يزي امان و مدلي 
- و الله ماصارها و انت و رحمة خدوش كان ماتخرج توا
- براس امك علاه هكا ياخي متشمت فيا و الا شنيا حكايتك؟؟
- اي هكاكا 
-اوفففف.. نحات الكاب متاعها خاطرو قصير و لبست متاعو هو و خرجت..هو كان راقد على ظهرو حاط دبشها بما فيهم السليب على كرشو ههههه .. دوبة تفتح الباب هز راسو و كانتلو زلعة ثلاثية الابعاد.. يشوف فيها غاطسة بكلها في الكاب متاعو مايبان شي لا فخاذها لا ساقيها لا يديها كان راسها..
- ماخيب راسك.. قحرلها
- ههههههههههههه.. نعرف مخك راني و كان تنقص مالبلادة خي
- الزح بربي علاش متقرفصة هكا انت ؟؟؟ الدنيا شاعلة لبرا برد روحك... هاك البس... مدلها السليب.. نرومالمون تبدى بهذا انا نبدا بيه في العادة...
-هي تصدمت و حمارت بكلها.. بقات واقفة حاشمة في بلاصتها..عينيها باش تخرج.. هزاتو منو و لكمتاتو بين يديها..ياخي..ياخي ماو احترم خصوصيات غيرك..تحط في شعرها ورا وذنيها متوترة
-ههههههه اطرشق بالضحك..لين طاح لتالي بعد ماكان قاعد يبلحق.. اقسم بالله لاك عادية..تي جرد سليب راهو.. و بعدين انت لي تحكي عالخصوصيات افسخ لي على ظهرك و بعد حل فمك..
-ياخي انت عامل بالعاني ؟؟ يزي مالبلادة متاعك و انت ديما تحب توترني بيها.. مشات جبدت منشفة لشعرها و توا اخرجو باش نلبس
- هههههههه نحسك صعيبة ياسر..وقف مقابلها و تكسل.. تو نبعدك يا للا و نخليك على راحتك.. تحب نخليك عللى راحتك؟؟
-اي 
-تحب معاش نقلقك؟ 
-اي
-نعصب فيك انا..
-اي
- نحشم فيك معناها؟؟
- اي 
- تحب معاش ندخل عليك و انت تبدل و الا ادوش ؟؟
- اي 
-ههههههه مانيش عاملهم هاذم الكل و كان عجبك و يزيني راك عملت معايا العمايل الكل جايتني توا حاشمة ؟؟ غدرها بضربة على....... هكا نكونو متفاهمين..غمزها.. خرج يزفر..رفست بساقها عالقاعة من غدراتو ليها اما من داخل باش تجنح بالحب.. لبست فيسع فيسع و شيحت شعرها .. الروبة الكحلة جاتها تفتق.. لون القلوس لي عملاتو زاد فيها الشطر و هذيك العينين لي بالكحل يا ميميتي ... قدت كل شي حتى كان السلسلة تاع الروبة مانجمتهاش كانتلها في نص ظهرها فارعت لين فشلت و مانجمتها.. فدت منها..طبست هزت بوشاتها و الطالون متاعها و ساك اخر فيه تبدبلة تاع دار خاطرها باش تبقى لليل غادي.. هبطت تترنح بشعرها لي يتمايل تسمع في حس التلفزة..طلت مالباب..
- وليد.. حطت الساك عالظاولة في الكولوار و دخلتلو..كان متكي عالكانابي يبربش في التلفون و التلفوة تلعلع بحذاه... علاه هكا تشرقع هذي ؟؟ ولييييد نكلم فيك.. كان مركز هزلها براسو وتبسم..
-وووووو محلى دين لمك يا طفلة..
-ههه بالحق عجبتك؟؟
- شنيا بالحق يا بنتي ماشاء الله عليك و الله ترا دور هههه
- لا مانجمش ههه
- علاه زادة ماتنجميش وخيتي؟؟
- دارتلو بالشويا..تي السلسلة ماحبتش تتقفل فديت منها قرين نبدلها.. تحكي و تتزعبن عليها..هو فايق بيها
-ااه من تذبيلة العينين هذيك..دوري دوري خليني نخدم خدمتي.. يتفارع هو و السلسلة و شعرها لي يطايح على ظهرها بهذلو .. و هي تحكي ماقاتلش نسكت
-تتفكرها الروبة هذي؟؟ شريناها نهار لي خرجنا هههه قداه تضربت فيها انت وقتها...انا ملول ماقنعتنيش اما توا ملبوسة تفتق
- اي بالعمل فتقتني من بعضي...قرصها من ظهرها لين صاحت و بعد سكر السلسلة... باهيلك ههه
- اححح..ظهري يوجع بربي علاش الشوم هذا الكل توا اكيد راهي حمارت
- تحب نطل عليها ؟؟ جبدها زعما زعما يدور فيا... 
- اعععععع سيبني ههه
بربي خليني تي راني وين نتفكر الي باش نبقاو لليل في دارنا و ماندورش بيك تلعب عليا الدوخة و الله
- هههههههههههه باهيلك باش تتعلم الصبر... قامت تجري..ممكن زادة نكمل نبات عند لطيفة
-توا انت من شكون هاربة اه ؟؟ و تو نشوفوك كان ماربثتينيش عالمرواح نعرف روحي مانتقاومش ..برا برك في الكرهبة نتفاهمو ..سكر التلفزة و جبد باب الدار و طلع يزرب .. ايا سيدي بسم الله...

-امي ..كان يعمل في دوش و دخل على لطيفة في الكوجينة باسها.. احلى لطوف والله
-هههههه صحة بابا ان شاء الله حمام العرس يا غالي..تصبلو في قهوتو و عينيها تضحك مسكينة..قداه توحشتاك و يا وائل يعلم ربي قداه بكيت ليالي في بعدك و الله
- هاني روحتلك و اشبع بيا ...باسلها يدها.. ههه شنوا خاتم جديد و جو.. محلاه و يدي زادت حلاتو
-هذاك شراهولي وليد نهار لي شرى صياغة عرسو ربي يخليه و ليدي ديما متفكري 
- انت زينة الدار و احنا كان تفكرناكش مالا شكون بنتفكرو
-ربي يعطيكم الوقت الطيب و يجيبك في الصواب و هو ان شاء الله ربي يهنيه و الله متهنية عليه و الحمد لله ربي هداه و عمل دار و بنت الناس الله مصلي عالنبي 
-ايييييه و الله عشنا و شفنا امونة الصغرونة عروسة في دارنا لااا و عروسة وليد.. ههههه اكيد طلعت مزيانة نعرفها قنبلة تاع زين 
- تبارك الله عليهم الزوز ..تو تتفرج عالفيديو تاع العرس 
- ربي يهنيه ..كل حاجة بالكتبة والله شكون كان يقوا وليد و ايمان و بعد لي صار الكل زادة
- مكتوب زايد... 
- تي وينو هو لتوا الزح...هز منقالتو يتفقد في الوقت... تي عندو ساعتين من لي خلرج...خليني نطلبو... 

-يزي. يزي و انت تبلحطي في فمك بهالروج.. 
-............................
-الجماعة حقارة ؟؟ 
- بربي..لا... تقص عليا ...كانت تعمل في الروج و تحكي.. تي نعدل فيه لول ماعجبنيش
-اممممم انت يحطولكش كيلو فم ماتقولش لا 
- شنو توا تحبني انحيه باش ترتاح؟؟؟
- لا تو انا انحيهولك..جبدها من زندها و باس شفايفها لين تفرعس الروج..اوو لا لا نتصور زدت بلبزتو
- وليييييد الزح علاه هكا علااااه... تضرب فيه بيدها على كتفو..الصبر يا ربي 
- ههههههههه 
- تلفتتلو و اطرشقت بالضحك... ممكن انا مايواتينيش كيما تقول انت اما انت تبارك الله عليك...مازال مستغرب و هي دورتلو وجها للريتروفيزار....هههههههههههه
- هههه مالا عملة ..هات موشوار هات ..مازال يخرنن عليها و تلفونو صونى... وي شتحب؟؟
-ههههههه اقسم بالله شتهيت نهار نكلمك و تهز عليا كالخلق.. مجودر زايد

-هاني وصلتك تو نتفاهمو يا م...... جاء باش يرميلو كلمة قد هالنهار و تفكر الي هي بحذاه شد لسانو في اخر لحظة
-ههههههه شنوا لسانك بلعتو ؟؟ الموجيرة شادة جنبك ؟؟ 
- اي شادة جنبي و لاصقتني وشايخ و عين الحاسود فيما تراكس سافا الا نزيدك؟؟ 
-الرقم المطلوب خارج نطاق التغطية الرجاء ماتزيدوش على مابيه
-هههههههه ايا هاني وصلتك علق مارزن ملايكتك يا فرخ...تلفتلها.. شايختلك انت صديقك وائل عااد روح
-ههههه و الله ياسر نعزو من قبل
-عززي يا ماما عززي..ااااه يا دنيا..

#انتي_سبابي #كرونيك #كرونيكات 

الحلقة 76



وصلو للحومة هوما هابطين و منيرة وراهم..بالقفة تجري و الضحكة مالية عينيها...دخلو مع بعضهم يلقاو الجماعة محلقة في الوسطية..منيرة طول زربت لوائل تبوس و تعنق و هو موش خصيص عاد
-منيرة وخيتي اش حوالك سافا ؟؟ يبوس و يحكي ..
-الحمد لله شحوالك انت ؟؟ اش عملة فيك الغربة..شه شه قداه زينت يا طفل يعطيك كية
-ههههههه خوذني تربحني 
-هههه علاش لا اما فما ناس ماتبش.. خزرت للطيفة لي تضحك عليهم
-و الله زينت انا راجل و نعرف في الزين و الله ازين من بااارشا بنات .. خزر لايمان و تبسم و مشالها..وليد تكلم طوول
-هاو جاء عااد و بيبدا يسيب في بسالتو...
-امونة..وخيتي..قدم عنقها..شحوالك 
-اهلا بيك لباس عليك توحتك يا سخطة..ضرباتو على كتفو..بقاو شدين يدين بعضهم و يتضيحكو و هوما قالبينها الدنيا بالحكاوي..وليد معوج فمو يشوف فيها كيفاش تحلت في الحديث فد عللخر
- ايا سيب يدك عاااد.. و انت موش عليه ؟؟ هاوينو خرية لا مشات لا جات...هي اطرشقت بالضحك و وائل زاد لزها ليه بشماتة و يحكيلها بيدو..
- عيش الزين ايجا نفسرلك حاجات ممكن ماتعرفهمش عالمخلوق ولد امي.. شلطام ..المنطق الزفت و الكلام المرزي يعني الفاظ لا اراك الله مكروه..مشحااح ماتتصورش لقداه ظاربو في روحو 
-وليد يقحرلو شدها من يدها و شبدها بقوة جابها في حضنو و خزرلو..سيب المرا و انت كبشت.. و اركح خيرلك راك باش تسفسد على روحك..ذبل عينيه و طبس راسو يحكي معاها...عزيزتي ياخي انا هكا ؟؟ 
-عملتلو براسها 'لا لا '' و تبسمت 
- هههه بربي اش تحبها تقلك و انت غايص فيها ..ااه يا وخيتي ربي يصبرك..ايجي ايجي ..خطفها منو من يدها...شوف شنوا شريتلك
تي سيب الطفلة خليها تجي تعاوني في حاجة الفطور قرب..خزرت لوليد لي يغزل من خوه..برا عيش ولدي شوف بوك وصيتو عاللحم مالصباح و لتوا لا روح هالراجل كل وين يلقى ميعاد يحلق لا يمل لا يكل الصبر يا ربي..
-باهي امي بااهي..تحبوش راسي طيبو بيه هرقمة ؟؟
- ههههههه اللطف عليك..يزي لطيفة سيب الطفل و انت وين تشوفيه تتفكر القضية الكل... 
- اقسم بالله وليت قبل كل جية نكلمها توصيش على حكاية على مياتي..تلفت للصالة يشوف فيهم من بعيد يفرثو في الفاليزات و اصواتهم تلعلع..ياخي شنوا يعملو فيه غادي..تمتم و مشالهم 
-امونة شوف هذي.. و هذي من لي ريتها جيتي في بالي..يهزلها في الرووب و المراول و السيكان..البس البس و رحم عليا..
- امممم محسوب ..علاه بترحم عليك ماو لين تجيبلها حاجة من جيبك يا وبش.. البس مريتي لكلو من لحية راجلك هذاكا..
- ههههههه يزيتوشي توا و انتوما تتناقرو..مالة حالة هههه ..شوف وليد..قامت توريلو في روب تقيس فيها على بدنها و تتمايل بيها و تتضيحك..محلاها تواتيني و الكولار محلاه زادة
- رخى شفايفو و اتكى لتالي..الساعة لي شريتهملك لبارح احلى ..قص عليه وائل و في يدو صباط طالون..
- هاذوما حاجة لوكس دو ..مارك يا ماركة..ههههه تحشمش تعدي فيها عالطفلة ؟؟ 
- كلام خوه و تفركيحها هي و تفوريخها وتروه طلعولو لعصب..براس ميمتك سككر فمك راك فختلي راسي..تلفتلها هي و خطف الروبة .. برا عاون لطيفة في حاجة انت يزي تو بعدين انكت للصباح و قيس..
- تي لحظة برك شو هذ...
- ايمان ؟؟ ماسمعتنيش؟؟؟..حمر فيها عينيه و هي لبدت طول..
- ههههههه هاو بدى الوحش لي فيه يخرج...برا امونة برا لا يطلع هبالو فيك هالضحى..هي خرجت و هو دارلو.. هههه يا مغيار ياخي تغار من خوه يا بهيم؟؟ 
- لا..شنيا نغار هذي..كاهاو يزي تمشي تقضي حكاية جيينو الدبش تو تقيس و تلبس..خزرلو و ضيق عينيه.. و انت لم روحك شويا باهي ؟؟ 
- ههههه عالفازة باش نزيد نتبزع و نتحل في العريض.. و لي عندو ريح يذري ثلاث الاف..حدفلو باكو..شوف الصقع 
- ياخي باش نعبيها يدي بالمناقل انا ؟؟ 
- لا..باش تنحيها لولة لمذرحة و تلبس هذي لي جابهالك العبدو للا..قاعد على ركايبو مقابلو يلبس فيه و يضحك..وليد ؟
- شبيك..حط سيقارو في فمو و يشعل فيه باليد لخر..
- باهي العرس ههههههه
- نفخ نفس بالسيقارو..علاش تسال ؟؟ 
- باين عليك هههه خدودك موردين..
- شد ضحكة...علاه ولية قدامك؟؟ و بعدين لحكاية الكل يواتيه و الا و انا واتاني العرس..كي ماحظرتش فاتك شطر عمرك. يحكي و يقلب في يدو يتفرج في المنقالة
- وهرة و الدجاج يكح ههههه ..تو نتفرج و نقلك تعرفني كان بالدليل
- اخطانا من هالهداري و خلينا نعملو قهوة راسي يوجع...
- هاك الطحان علي وينو لتوا لا ورالي وجهو .. ترا كلمو خلينا نزيدوها طرح رامي
-طيش السيقارو و عفس عليه...تي لين يوريني وجهو انا الساعة الطحان.. 
- متلاكشين ياخي ؟؟ يلبس في سروالو.. ماتحكوش ؟؟
- ايا برك تو نحكيلك... حلو السروال ؟ 
- ماتحسدش برك جبتلك خوه..هز لوناتو و خرج في جرتو يلقاو النساء في الكوجينة..ايمان بدلت دبشها و غطست في الكوجينة..كانت لابسة كالسون اكحل و تونيك فلوري..وائل لاهي مع منيرة و لطيفة يحكي و يضحك و هو عينيه من عليها متهزتش..يشوف فيها تفارع في سطل العولة لكبير..همزها من تحت و هو يهز فيه ...
- سيب من يدك رزين عليك..ياخي في بالك بروحك لبارح كي تتوجع ليلة كاملة من حزام
-نعرف..خزرتلهم من تحت و تلفتتلو..نسيت روحي و الله و اصلا موش رزين
- لا لا رزين و معاش تفركح ياسر..قربلها يضحك..ماتدريش بالك تخطف ماللول ..غمزها
- شنيا ؟؟
- رخى شفايفو.. كميونة ولد ناجية..هيا ولد امي هيا..خرج و هي خلطت واه تجري..
- وليد ستنى..
- روحو ...يلبس في الشابو..اش تحب المزيانة هي
-ميسالش نشوف بابا 
- توا؟؟
- لا بعدين كي نكمل الحوسة..
ساهل ساهل..انت كمل لهوني و شوف اش بتعمل امي للعشاء خاطر ممكن حتى خالتك و راجلها باش يتعشاو لهوني..يعني اوصلو حتى مع المغرب شويا تو نجيك باهب 
-باهي ماتبطاش نبقاش نكلم فيك ؟
- لا مانعطلش..خصلة من شعرها طاحت على وجها و قبل ماتمد يدها سبقها ليها.. شفت كيفاش كنت شاد ببوشتي اما هذي..هاز الخصلة يوريلها فيها..هذي نابشتني واحدها..قربلها و هي عينيها ادور في الحوش.. توحشتك..قالهالها في وذنيها.. و توحشته هو..دزاتو
- احشم ..عدتها ورا وذنيه
- احشم ..عدتها موا وذنيها..ماناش واحدنا راهو؟؟
- اي عاد اش عندي عمتلك انا ؟؟..يشوف فيها تشبك في صوابعها و تقدم في شفايفها.. اما كان تحب نعملو نعملو..يمشي و يقدم و هي عمالها و توخر لين دزها في بيت لخزين سكر الباب و لزها للمارو..واحدنا و الا توا ؟؟ اش نعمل فيك توا ؟؟
- ي.بززي ااماان..تو..يجي ششكون.. شادة طرف التونيك بيدها قريب تقطعها..خليني نخرج
- بيياج..ادفع و تعداني هههه
- وليييد ؟؟
- اششش..دخل فيها ببوسة سكتتها و دوخاتو هو..حسها تفارع فيه ياخي شدلها يديها و عداهم ورا ظهرها و لزها ليه اكثر..البوسة طوالت و هي رخفت معاش منجمة تاقف على ساقيها..يبوس و يحكي و يرجع يغطس فيهم..حل فمك يا سخطة ياخي ماتعرفش تبوس ؟؟
-ممنين..ن.نعرف اانا؟؟ تحاول تحكي لكن هو قتلها و غمها غمان..ترفس بساقيها خاطرو هبلها معاه لين راسها ضرب في سطل جاء مكفي فوقها في الوقت لي هو بعد فيه..
-ههههههه...حك شعرو..يعني نخبزك توا و الا كيف ؟؟
- اعععع فريييينة ؟؟ ممسطك و الله..تنفض في دبشها و شعرها بعصب.. تي علاه حتى تبديلة اخرى ماجبتش ؟
- عادي شوف حاجة قديمة من عندي شورط و كذا
- تتبولد و الا شنيا حكايتك انت ؟؟ بربي ابعدني اخطاني وليد..واحلة في دبشها للكلو فرينو
-بعد ما شبعت فيا بوس ظهرلها باش نبعدها..يمس في شفتو.. جمرتني في بالك ؟؟ تعض ضربة وحدة ؟؟
- مانعرفش نبوس خاطرني..شادة تبسيمة ..تلم في شعرها 
- اممم واضح الشي..ايا مالا خليني نتوكل...في الوقت هذاك وائل حربها الدنيا و هو يلوج عليه..
- وليد ؟؟ وليييد؟؟..ياخي مشى و خلاني لموش راجل..يتمتم وحدو..خرج مالدار و وليد خرج من بيت لخزين و ايمان وراه تتسرسب.. طارت لبيتو لقديمة باش تشوف اش تلبس و هو هز تلفونو ..
- تي وينك سي الخرا ؟؟ هكا تخليني ؟؟
- بربي ؟؟؟ انا خليتك و الا انت ؟؟ الزح درجين نخليك نجي نلقاك ذبت ؟؟ ديما تعملي فيها راك وليد 
- هههههه هدي اعصابك و ستنى هاني نشوف فيك...تلفت وائل يشوف فيه يجري باش يخلط عليه... في الووقت هذاك نعيمة خرجت البوبال...
-نعمان ؟؟ سافا ؟؟ قاتلي ايمان مشيت ترسم 
-اي مشيت..تبسمت لوائل لي يشاورلها بيدو من بعيد...سافا ريقلت اموري عشرة ايام و ماشية ان شاء الله
- ههههه و الله باش تخلي بلاصة..عنقها رصها رصان... اختي الصغرونة راك تستحق حاجة تهز التلفون طول...
- ههههههه جيبلي ايمان وقت مانتوحشها يزيني 
- ههههههه الله يبارك يا للا ..يسمع في وائل يزفرلو..ايا نخليك ملتقانا في السهرية
- ان شاء الله ... بقات تشيع فيهم بعينيها لين عملو الدورة للقهوة... القهوة لي تقلبت الكل عند طاولة لولاد فارحانين بوائل.. لي يهبط شيشة يهبط و لي يسربي في الجواجم و لي باش يخلص طرح رامي...تكلم ولد ناجية
- هههه صطوفة مشي كمية من غادي.. يا و الله وائل يا ربي ..لباس خويا اومورك امرشنة ؟؟
- لباس سامارش..انت اش عامل مازال فاتح الحماص
- هههههه يا حاااسرة عندو نهارين مسكر و تنهد ...الله يهلك اولاد لحرام ضياقت على .... الدنيا جاو بناو بجنب الحماص منطقة قالك ممنوع برا شوف في بلاصة اخرى
- ههههه ولد ناجية و الدولة...تكلم وليد
- قصة حب عذري هههههه ... يدور في عينيه في القهوة...لونفون دو ناجية ريتليش هاك الطحان ؟؟
- اناهو مالطحانة صاحبي..نفخ الشيشة..كثرو هالايامات...
- لي تابعني
- اييييييه هذاك ضاع صايي
- صلي عالنبي شنيا هالكلام؟؟
- و رحمة امي..تي يزطل الراجل ي.ز.ط.ل.
- وائل يمروع عالولعة...ماكنتش مستغربها منو انا علي .. عوج فمو و جبد نفس... الله اعلم بجماعة شكون لايذ..
- كبس على عينيه بغزول... ماهو موش راجل.. اسمعني حمزة تعرفهم الجماعة لي تحشش في الحومة الفوقانية؟
- كعبتين و كعبة ..يا خويا اخطاني ماتصلبنيش على راسي
- عليك امان الله باهيشي توا ؟؟
- الصبر منك يا وليد الصبر.. غمزو و عمللو براسو اقرب...عمار السكليستي و ولد المولدي 
- المولدي لحول ؟؟؟ ياخي ولدو كبر و ولى يزطل جملة ؟؟؟ وائل يسال حال فمو... هههه مالا كيف لحكاية هكا باز باش تلقاو علي انتقل من مرحلة الاستهلاك للترويج .. يا زحي ولد المولدي ؟؟ تي هو بيدو احول 
- هز منه وليد الشيشة...المشكل موش غادي المشكل انهم الزوز كانو خدامة في معمل المابل.. همسلو في وذنو ''متاع لم..... كمال الحوات'' 
- وائل هز حاجبو ..اا بون ؟؟ 
- اا وي..و نعلمك الي صاحبنا مستهلك مروج تي مافيا ولد لحرام
- ولد الهاملة... اي توا اش عملنا في صاحبك ؟؟
- خليني نلقاه الساعة و بعد تو نوريك فيه... يشوف في النشرة الاقتصادية بدات في التلفزة تاع القهوة...صطوفة زيد في الاخباار زيد..
- هههه يا وائل خوك من وقتاش يتبع في سوق البورصة و العملة؟؟ 
- ههههههه عامل فيها مستثمر..اشرب و ابعد عالدومانات هذي حمزة خويا هذاك سيورو مجلوط جرت كريز ايكونوميك
- تعرف انا بيدي عندي كريز ...وائل هز حاجبو امبهم فيه... والله كريز تاع غاز نفخلي بطني ..الزح يعني يعمل جلطة ؟؟ 
- وائل بقى مصدوم فيه... امبوسيبل... مايزيد معاه حتى كلمة هز كرسيه و قهوتو و حول للطاولة لخرة...ايا نخليكم..وليد خزرلو.. وليد خويا موسع بالك والله
- اونفون دو ناجية
- شتحب زادة ؟؟
- وين انجم نلقاه علي..يحكي و بالو في التلفزة
- يا اخي خرجني منها لحكاية براس ميمتك..وين نعلم عليه
- مدلو ورقة بوخمسين حطهالو في الصوندرية تاع الدخان
-تلقاه عند منير خو سمير..يسهرو في دار التوهامي ولد التيجاني ..و ساعات في الخربة تاع عمار النجار...هز الورقة يتفحص فيها..و وليد مام با عبرو يسمع و مركز في التلفزة..خزر لوائل على جنب فهم

#انتي_سبابي #كرونيك #كرونيكات 

الحلقة 77


وليد حتى الفطور ماروحش كلماتو ايمان قالها راني باش نعطل تو نروح المغرب تنرفزت خاطرو وعدها باش يهزها لبوها..وائل بعد طرح القهوة روح طول فطر و بقى راقد مافيقو كان حس الحوسة لي في الكوحينة...
- لبنات ايا خفو رواحكم بربي..طا لطيفة قاتلي لعشاء من يديك الليلة يا ربي معاش بكري
-نعيمة..اما انت و خالتي لطيفة وليتي راسين في شاشية يا حلوفة حماتك عندك الحق
- ههههههه تعرف كل جية نتعلم منها حاجة...تحكي و يديها في البطاطا... هدى برحمة امك حرك يدياتك راك غلبت عليا
-هدى...هاني نحرك وخيتي تي الي ما قضيتوش في دارنا قضيتو لنا و نشاله يرضاو علينا ههههه
-نعيمة عوجتلها فمها...شكون الي تحبهم يرضاو عليك زادة؟؟
-اسكت انت ما تتدخلش و تبدا ترمي في الكلام نحكي مع ايمان انا...قربتلها و السكينة في يدها...ايمان ياخي وائل شنية جابلك مالبرة؟؟؟ تو يخدم هو؟؟ يخلص مليح
-نعيمة تنقرست...اسسسس لا تسمع المرا جايين نسقسيو على ولدها...اش دخلك انت اش يعمل و اش جاب...اسمع طيحش الياجورة و تبدا تحكي معاه..
- سكر انت يا فقصة و ما ادخلش روحك مع لكبار... و بعدين وائل قاري معيا و عادي يعني خارطة عليه تو نسالو... تلفتت لايمان.. مالا بارفانات و سيكان و صبابط
هههههههه وليد يكر و وائل يكر و الحاج يكر..و انت حتى جرد دبوزة بارفان ماقلتش نطيشها لبنية خالتي
-ايمان بهتت اما تنجمش تتكلم ..عزيزتي جابلي كل خير يعطيه الصحة...تلفتت تحرك في الطنجرة
-ووووه مغيبتها امونة هههههههههه ياخي باش نفكلك ولا ناخذك بالعين
-تو فاش قام هالكلام ...اما نجمش توا نفرت نوريك اش جابلي كان يجيو على غفلة...في العقل تو نوريكم
-تفرت هههههههههههههه صار جابلك برشا
-نعيمة..زايد الكلام و الله ...قحرتلها
-هدى و عينيها تلعب..اي اي لفو رواحكم و انت ايمان ايا كلم راجلك و سلفك خلي يجيو قريب نحطو الطاولة
-وليد مازال يعطل و وائل راقد ..هي تحكي و هو دخل... هههه اذكر الصيد ياكلك.. هاو خلط سلفي الغالي. .. قدم باسها من جبينها 
- وخيتي قداه نعزك و الله ...و تلفت للبنات
هدى سافا شنيا حوالك ..جات ترمات باساتو...
- و الله لباس لي ريناك يا سيدي 
-ههههه صارا! ! تلفت لنعيمة لي يدها في كعبات لبريك... ياخي ماكش ناوية تجي تسلم و الا كان مانجيو احنا يا للا !!! 
- لاهية...قالتها و طبست تتبسم..تحس فيه شدلها شعرها كبس فيه وجعها.. وشوشلها "اش معناها ماتهزش التلفون !! " يحكي و يسلم عليها بالبوس.. هذي ماهيش اول مرة و تو نتفاهمو فيها...تربثت و حست روحها باش تبزع القلاي عليه و عليها... نقذها تجلطيم أختها كالعادة..
- اي سي وائل ..اش عامل شنيا الدنيا غادي ... جوك مريقل !!
- باعثها و ياكل في الفريت واقف بجنب ايمان.. مريقل زي الناس..ياخي راجلك لتوا لا روح انت !! 
- ريت ريت ..تي بربي خليني يا وائل نطيب اختك و نعدي للزبلة. .
- هههههه انت ماتعرفش تتصرف انت ماكش لطيفة تو سامبلمون. .. كي مايروحش عود خليهولو بايت و مدهولو كيما لطيفة بالضبط 
- لا لا مايجيش وه تحبني نوكلهولو بايت !!. . تحكي و تخرج في الطجين مالفور..
- ههههههه و راسك يجي و ماينفع معاه كان هكاكا هذاك..
-وائل !!
- وي هدى !
- من غير مقدمات... اش جبتلنا ..!! 
- هههههههههههه ماتخافش مانيش ناسيكم...تلفت لايمان عيش الزين تجيبلي الدخان هاو في البيت..
- باهي ..نعيمة وخيتي قصو انت الطاجين بربي هاني راجعة... هي خرجت و هدى شدت جرتها للبيت..
بقى هو و ياها في الكوجينة واحدهم..هي مربوثة
يشوف فيها... مشات تتكعبر و هو معريها بغزرتو..واقفة تصب في الزيت.. و تركيزها الكل على اي حركة و الا صوت يعملو... ترعش بروحها.. ماحستش كان بيديه و بيها وقت لصقها و حاوطها من تالي..غمضت عينيها..لبها لعرق و يديها تتراعش.. اول مرة يكون بالقرب هذا..اول مرة يكون متوحشها ..ميت في وحشها...
- خذا نفس قوي من ريحتها و ريحة شعرها.. توحشتك توحشت ضحكتك و حكاياتك و تلفوناتك و تفركيحك يا فرخوتي..
- ووه وائل يزي امااان !!! وابعد.ابععد تحركت ملصت روحها تقول هاربة منو.. معاش تعمللي حاجات على غفلة امماان ماانحبش..
- باهي...نطر المنديلة..ماتعمليش وائل ماتقربنيش وائل ماتكلمنيش وائل امي بحذايا جدتي بحذايا...ياخي نورمال انت !!!! بالك تستخايبيني فارح بالي تعمل فيه معايا للا !! تي دين امها المرواحة هذي على خاطرك على خاطر قلبي الطحان لي توحشك 
- ششش ماتصيحش..اسكت بربي تو يسمعوك لبنات
- ياخي لوقتاش باش تخبي عليهم انت !!! قتلك انا خليني تتصرف قريب لا هبطيلي لقشة مالسماء...سكت و خزر للباب و عاود دارلها.. يا رسول الله ليلة لي بنطلع لفرانسا الناس الكل سلمت عليا كان انت حرمتني ربع ساعة معاك..قتلك ايجاني فوق السطح عملت فيها حب عزيز
- لا و الله لا مانجمتش و الله..ياخي نتعزز وليت انا توا !! تي حطيتو راسي بالبكاء ليلة كاملة.. نشوف فيك كي طلعت في الكرهبة انت تبكي و امك تبكي و انا انوح من شباك بيتي...
- بقى ساكت...لين رجعو لبنات.
بعد أذان المغرب روح وليد.. ايمان حتى عينيها ماهزتهمشي فيه... هو موش عارفها علاش.. كملو تعشاو و لمو الحوسة و حلقو في الصالة يتفرجو في التلفزة...
الرجال في البيت لخرى و النساء قاعدين يتفرجو.. كل مرة تجي لقطة تاع وحدة يضربها راجلها.. صفية و لطيفة قريب يدخلو فيها التلفزة جملة و ايمان من غادي دايرين للبنات توريلهم شنوا جاب وائل... 
- محلاها الروبة الجون امونة.. تعطيني نلبسها في حنة دلال !! 
- اكيد عزيزتي ياخي بيناتنا هو !! 
-انا هاو اش بتعطيني نلبس ...هدى طبست على طالون في الروج محلاه...لبساتو و بدأت تخوط و اطقطق بيه...
- ياخي ماو شاوري قبل ماتحط في حوافرك يا هم..انت و الله ماكش نورمال يا اختي
- هههههههه عادي نعيمة..هوي هدى و كان تحب على حاجة أخرى و راسك مانردها من يدك... قصت عليهم صفية من غادي و هي هازة يدها تزيد في التلفزة..
- يا ميمتي هالهموم مايخلوكش تسمع كليمتين على بعضهم يا لطيفة وخيتي حتى قبل كي كان يتقابلو يقلبوها الدنيا
-هههههههه خليهم صغيرات مازالو...اما و الله بالرسمي لا سمعنا شي من حسهم.. تلفتلهم..ايا عاد لمو هالحوسة و خلونا نتفرجو ..شوفو الحلقة الليلة هاكي كريم ضرب مرتو و هي طلبت الطلاق..
- هههه الناس موش لاقية راجل و هي باش تسلم في الزين هذا الكل !!!!
- محسوب كان ضربها ماهو باهيلها و في مصلحتها.. لاش اي وحدة يضربها راجلها أطلق يا شومي !! 
- اي امي عادي يوصلو مايتفاهموش ساعات و يطلقو علاش لين يوصلو للضرب موش باهي راو 
-نعيمة بنيتي.. تبسمتلها لطيفة..ماقلناش الضرب باهي اما زادة المرا ترزن شويا و تتلهى بدارها هاك تشوف الطلاق و المشاكل شي يعمل الفضح في البلاد..
- ضحكت هدى بعد ما لمت الفاليز مع ايمان..ايمان خرجت باش تحطها في البيت... تي قلك تونس فالدول العربية الأولى في نسبة الطلاق.. يعني لا يزيد احنا بايرين من ربي يزيدو هوما يعرسو و يطلقو و يتصدرو الليستة معانا.. 
- هههههههههه هذاك دعاء ولايا يا بنيتي باقي بدارها لمرا تبدا براجل طول و طنطون خدام و بكرهبة تجي تتمرعش تعفس في امها العيشة لي كانت عايشتها و تروح تشد دار بوها شنهي يعني قدري طاح و مانعرفش شنيا 
- محسوب هالقدر الهايل لي باش تلقاه يستنى فيها في دار بوها كي تروح... تي يزيدو يمرمدوها يا لطيفة وخيتي الله يبقى الستر و كاهاو... 
ايمان كي خرجت تلقى وليد و وائل في الدروج لي يهز للسطح قاعدين يدخنو..وائل شافها تتفارع مع الفاليز مشالها يجري هزها منها..
- هات هات عليك ما باال هههه
-عيشك وائل ربي يخليك...قحرت لوليد لي يتبسملها من بعيد 
- تعالي..
- علاه اش تحب مني زادة.. 
-قتلك تعالى راني...مشات فادة منو عالعملة لي عملها 
-مكتفة يديها بقات واقفة مقابلاتو...مهربة عينيها على عينيه... 
- شبيها العسلة هازة خشمها !! مغششة هي !!..خذا آخر نفس مالسيقارو و طيشو..قاملها..هزلها يدها و باسها..
-هي عينيها دمعو طوول..ياسر تضعف في قربو 
-حبيبي..يبوسلها في صوابعها..و الله لا فضيتها من لي خرجت..نعرف بطيت عليك و خليتك تستنى..
- تتغصور و صوتها ضاع..انت وعدتني..قتلي باش تجيني تهزني..هزت عينيها..حتى بابا كلمتو و قتلو راني باش نجيك ..
- و الله و الله لا فضيتها و زيد مشات من بالي لحكاية.. و وائل كان هوني علاش مقتلوش !! 
- نقول لوائل !!!! تو كان انا عملتها راك عمتلي عرعور.. موش مشكلة تو تواتي مرة أخرى
- تحبشي نهزك توا !! 
- لا موش لازم.. بعثتلو عشاه مع نعيمة قبيلة.. كان نعرفو ينجم يجي راني ماشديتش فيك الصحيح و قتلك هزني. .كي سمعتو يقول لخالي علي راني مانجمش نجي قلت تو انا نطل عليه..و انت ماتخلينيش نعفس الزنقة وحدي كاهاو نموت انا هوني و مانراش بابا !!!
- تو هذا كلام !!! عدالها يدو على وجها ياخي بعدتهالو.. اش معناها هذا !!! هز حاجبو
- شي...خليني ندخل هاو وائل جاء..دورت وجها تمسح في عينيها بالسرقة على وائل..
- لوزاموري ههههه ياخي مطولين لهنا !! 
-هههه لا.. هيا ندخلو..دخلو معاها للبيت وين لبنات و النساوين
- هاي القعدات الصحيحة..طبس على صحن البطيخ.. بابا و عم مفتاح مدخلينها بعضها سياسة و هم أزرق طلعولي روحي..يحكي و عينو على نعيمة لي تبربش في التلفون هاربة منو..
- امي !! ياخي لتوا لا كمل هالمسلسل !! تلفت للبنات و وائل ..اقسم بالله عاوداتو يجي 7 مرات مسلسل سنوات الضياع هذا و الا شنيا 
- هههههههه لين حفضت السيناريو... نعيمة !! هزت راسها مفجوعة طول.. تمدلي لمخدة !! 
- مدتهالو و رجعت قعدت و هو بعثلها ميساج " متأكدة مايعرفكش مصطفى الدلاجي !! "" رجعتلو " يعرفني و جابها بالضبط لغناية متاعو

#انتي_سبابي #كرونيك #كرونيكات 

الحلقة 78


صاحت هدى في غفلة مالناس الكل لي كانت لاهية في المسلسل...يااااا ياخي اطلقو ؟؟؟ وليد بقى يقحرلها و يعوج في فمو..
-اي طلقاتو هي لي رفعت القضية المرة هذي..مالا عملة..
- بربي اش من عملة لطيفة تي طيبلها لي فهمت روحها اخيرا..خنقاتو الكازي
- ههههه على سيرة الطلاق..امي ياخي سمعت بيها سندا بنت العقربي ؟؟
- شبيها زادة ؟؟ صفية تاكل في الحلو و عينيها في هدى
-شبيها لباس ؟؟
-ههههه طلقها راجلها 
-وه وه وه ..وقتاه صار هذا ؟؟
- نعرفش.. بكري مفيدة خبرتني في المغازة 
- يااا مسكينة ..ياخي موش عندها زوز اولاد هي ؟؟
- لا يا ايمان.. عندها ولد و بنية.. 
- الصبر يا ربي قداه غاااضتني..غزرت لوليد لي كان لاهي يتفرج في الماتش في تلفونو و حاط الكيت...
- علاه تغيظ فيك بنيتي ؟؟ لطيفة استوات في قعدتها و كملت تحكي.. لي دار بيدو ربي يزيدو..يا من راها اش عاملة ا هججها راجلها 
-اي و الله بنات توا معاش تستغرب شي...يا ناري عليها قصفت شبابها بعد ماكانت بدويرتها بوليداتها متهنية باش ترجع لدار بوها غادي عاد وين باش تتذل على قاعدة..
- وخيتي بنات تلم في الدعاء من الرجالة 
- علاه خالتي تحكي هكا ؟؟ و انت طاطا لطيفة ياخي شبيكم عالطفلة منين تعرفوها حكايتها انتوما ؟؟ ايمان مسكينة مستغربة فيهم..
- شنيا منين لينا ..انا وحدة مالناس مرا تخرج من دار راجلها و تطلق عندي انا موش مرا و ماعرفتش تهني على روحها... 
-تلفتت ايمان و لنعيمة لي تسمع و ساكتة...نعيمة ياخي تتفكري كنا في الفريب تاع الحومة لخرى وقت شفناها هس سندا كيف مدمدمة و راجلها يوكل فيها بطريحة 
- اي و الله كان تشوف يا امي اش عطاها نهارتها انا دعيت بيه و سحسحت الحق ماتقطش فيها 
-تي واحد كان الهملة و الميعة ..لا قال نحشم من اولادي لا من انسابي ..انا نعرف واحد عمل عيلة و دار سي بون يشد ببوشتو يزيه ماهمل في شبابو 
- اي عاد هاو وليد كان يسكر و يهمل كلولاد الكل و هاك خذيتيه في لخر..كي سمع اسمو نحى الكيت و ركز معاهم..لي يحب ملولو يعرف وين يحط ساقيه باش مايحصدش بعد و يندم 
- لا موش كيف يا هدى ...ايمان فدت عليها.. انا نهار لي نعمل عيلة و نجيب اولادي للدنيا و نجيك نقلك راو وليد يعمل و يفعل وقتها احكيلي عالهملة و المياعة...كملت تحكي بكل ثيقة..انا نهار لي يصير معايا هذا نحارب باش نحافظ على داري اما كان لحكاية ولات قدر طايح و عيشة متميزرة وقتها نحفظ لي مازالي من كرامتي و نروح لدارنا 
-يعني تخرب دارك بيدك ؟؟ 
- اللطف يا ربي .. اما كان هي خاربة مالاصل يعني تتهدم و خلاص خاطر الخراب يجيه نهار و يطيح على مولاه 
- ياخي شبيكم علاه هذا الكل ...وليد يسال مافاهم شي... جاوبو وائل
- هههههه تخيل من قبيلة يحللو و يناقشو و مقطعين رواحهم على حكاية سندا بنت التوهامي 
- شكوني هذي ؟؟ 
- تي مرت عمار النجار
- ايييه شبيها ؟؟
- تكلمت لطيفة.. تي طلقت و شدت جنب امها و خواتها البايرات لي الصغيرة فيهم تعمل خمسة و الثلاثين.. و مرتك ماخذة موقف مالحكاية 
- طاطا موش حكاية ماخذة موقف اما كلامكم ماعجبنيش .. ياخي عيب الطلاق هو ت يحنى الشرع مامنعوش .. و بعدين المرا باين موش متفاهمة مع راجلها يعني موش لازم نحطو الحق عليها و نلوموها في الوقت لي ينجم يكون فيه هو ظالمها و هو سبب المشكل 
- صحييت مرتي كلامك صحيح و مقنع
- ضحكت خالتها... يا بنتي طلقت و روحت . هيييه و بعدين ؟؟ ياخي مروحة للعز تستخايبيها ؟؟ باش تلقاهم بالاحضان يعني دارهم ؟؟ افهم عيش بنتي راهي لبنية ان خرجت معاش ترجع و راعي كان باش ترجع باش تعيش ذليلة 
- خالتي انت تقول هالكلام ؟؟ ياخي موش خالتي دنيا طلقت و بصغارها و راجلها عرس طول و عاش حياتو و هي بقات على وليداتها ؟؟
- اي نعرف اما زادة من لي طلقت مارات فرحة .. اش عطاها عزيزك و خوالك كان النبز و البخس و نساهم لس موش طايقينها يدخلو سكو يخرجو يكشو على ولادها مسكينة 
- الله غالب ناس جاهلين مايخافوش ربي .. هذي حاجة كاتبة و تنجم تصير على اي وحدة سبحان الله .. و شبيها هانها كبرتهم اولادها و قراتهم و يخدمو و سادين عليها و مفرحينها ..
- اممم محسوب ماي بنتها بقات حتى لي يجي يخطبها يقولولو فكك رباية هجالة 
- و الله ماكش نورمال يا خالتي و الله ... ياخي اش رات من عمرها هي سيرين ؟؟ تقرا قرايتها باهية و تو تكمل و تخدم و كان عندها مكتوبها تو تعرس..يعني الراجل موش كل شي 
- محسوب...لطيفة صفقت بيدها..بعد اش ؟؟ بعد ما غاصت فيها الناس و شبعو حكاوي ؟؟ بنيتي احنا قبل كانت الدنيا هذي بالعار مرا تخرج من دار راجلها هذي معاش تتسمى مرا و اخت رجال..تاكل المسبط و تسكت و فمها ماتحلوش لا لامها لا لاختها.. 
- و الله خالتي الدنيا تبدلت راهي... و توا تنجم المرا هي لي اطلق موش الراجل يطلقها يعني لحكاية معاش مالعيب هكا الكل .. 
- وي وي حقها تتحرر كانها مذلولة..نعيمة قالت هالكلمتين و وائل هز راسو ركز مع كلامها.. بالحق علاش ديما المرا لازم تخلص واحدها اه ؟؟ مستضعفينها و كاسرينلها جناحها و ملجمينها قال شنهي عار و عيب.. تي العيب هو يقتلوها و يغبنوها مع واحد مايستاهلهاش.
تكلم وائل..هاذي هي عقدة المجتمعات العربية .. تعرفو في فرانسا يسمعوش برك فما مشكل بين لي كوبل يجيو يجريو بالاحاطة النفسية للكوبل و الصغار لين يتوصلو لحل خاطر هوما همهم الوحيد الصغار هذوكم لازمهم يترباو في انتوراج نظيف بعيد عالمشاكل .. 
- جاوبتو نعيمة... وي اكزاكتومون..الفرق الوحيد بنا و بينهم انو المرا لمطلقة تاقف واحدها لصغارها تكبرهم و تربيهم و تعلمهم و تحفى و تاكل البايت في جرتهم باش مايعيبهم حد نهار مالنهارات.. 
- وليد بدا يصفق و يزفر ... هههه و الله برافو لبنات .و تلفت لامو و صفية ... هههه ردوها ان استطعتم 
- ياوما يا وما عاللسانات اب اب اب... انتم ياما جيل احرف جيل لسانكم اول من شعوراتكم
- لا موش هكاك خالتي اما الظلم موش باهي..تحس فيه كابسلها على يدو و يغمز فيها يهني اقرب.. قربتلو و هو دور يدو على كتافها حشمت اما لبدت ماتحركتش
..يوشوشلها
- عيشو لي مايحبش الظلم هو.. اممم و انا ؟؟ 
- انت شبيك؟؟ لباس عليك كالحصان..
- انا مظلوم و مرتي هي لي ظالمتني 
- لااا من غير ماتبرولني ماكش مظلوم وليد و عملتك مازلت مابردتش منها..
- وراس حبي ماقصدت نخليها بيك..جاتني حكاية في اخر لحظة حكاية كنت نركح فيها من مدة كاهاو ماكتبش نروح في الوقت
- و تلفونك ؟؟
- تلفوني طاح شارج ..اش نعمل لعمري ياخي ؟؟
- موش مشكلتي انت وجعتني بالفازة هذي و نسيتني 
- نزل على سنيه..ايمان ماتنطقنيش ياخي شنبقى نتجبهلك و الا شنيا لحكاية ؟؟ كي شافها لبدت و هبطت عينيها حب يلطف الجو... اما مقواك يا طفلة..ههه كان مانعرفكش نقول قرات حقوق..تي لطيفة مانجماتكش و خالتك ام لسين هاكي بلعاتو لسانها جرتك..قادرة تسكتي لي دايرين بين و تغلبهم كان انا نسكتك و نغلبك...وشوشلها.. و نعمل معاك و تسكت ماتزيد حتى كلمة 
- ضرباتو بمرفق على كرشو..هو مسكين كلاه تحملو و سكت...شبيك بليد ياخي ؟؟ كان مطيح الياجورة مع امك ماتراش في خوك و لبنات.. و ابعد غادي راك لصقت في ظهري ابعد..
- هههه و الله نشيخ عليك كي تبدى باش تطرشق بالحشمة..ااااه..تلفت يشوف في وائل يخزرلو و يضحك..هبط معميتك يا خرا و انا وين نهز رازي نلقته مركز معايا الهم..
- و الله ماني معاك جملة..خزر لنعيمة و تبسم...يجينا نهار يا وليد وقتها نبدا انا نوفو و نت تكة قديمة..
- ميسالش المهم اعتقني ... طبس لايمان..عزيزتي ايا وقيت نروحو؟؟ 
- خلي الجماعة تروح قبل مايجيش بالاوصول
- باهي يا اصالة نصري..تلفت لوائل.. برجولية مالا ماتش تلعب
- المهم في لخر هزيناه الكاس.. شفتو اكا سليم الرياحي مالا وهرة يا راجل..
- هههه عمل عمرة قبل الماتش
-هههههه مشى يدعي باش لكليب تهز الكاس... اسمع لازمني مشية للعاصمة غدوة و الا لي بعدو ..
- علاش زادة ؟؟ لاحقين عالعاصمة تو تمشيلها
- لا صديقي عندي اوراق لازمني نقدهم ,, و كلمني قيس قالي راو التونيات تاع لكليب وصلو للبارك و انا برجولية نحب على كعبة
- دبرلنا معاك حتى شورط نكورو بيه 
- و الله مانعطيكش الكلمة انا بيدي موصي شكون 
- باهي ..مالا هاي ايمان قبيلة قاتلي وائل لازمو يجي يطل لدارنا يشوفها و يتعشى عنا..
- تو نجي ياخي كان ماتستدعاوني تي ياما نكرهكم في رواحكم مادامني جيت..
- بات احلم على كيفك ..
- هههههههه خليها مالا جيتي بعد مانروح مالعاصمة...تي هاي حتى مبروكة جاية قاتلي امي 
- هههههههه كاهاو اوموري واضحة انا 
- تعرف تكلم فيها امي و تسال عالجماعة و هي من غادي تلعلع '' وينو وليد اش عامل وينها مرتو ..'' مسكينة تبغيك هههه
- الناس الكل تبغيني و الحمد لله
- حقه اش عملت في حكاية علي ؟؟ شفتهم الجماعة ؟
- ششش ..غمزو..تو نحكو بعد ماتركزش... تلفت للبنات يلقى نعيمة تنعس...هههههه شوف البطية كيف راقدة...وائل يتبسم..
- ستنى تو نوريك فيها...كان عامل ستيك في يدو نحاه و حط فيه بوطونة تاع سيقارو طافي..و جبدو عللخر و سيبو عليها جابهولها في زندها قامت مفجوعة طول..
- هههههههههههههههههههههههههه اطرشق بالضحك فضح روحو وليد مخبي ضحكتو بيديه...
- الله لا تربحك..الطفلة خلعتها..
- ماكش تشوف فيها كيفاش ماكلة راسها بالنوم..
في بلاصة مضلمة كان راكش يلف في سيقارو..سمع حثلة وراه لقاه عمار و التوهامي ولد التيجاني..
-خلعتوني يا ......... شبيكم تمشيو بلاش صوت 
- خلينا نردو النفس الساعة يا هم...لفيت ليك وحدك يا طحان !! ..ابعد غادي .. قعد التوهامي و بدى يحل في دبابز الشراب لي جابوهم توا 
- بربي ريتش ولد ناجية !! 
-ريتو 
- عطاك فلوس الطحان !! تي قريب نمشي نبراكيلو اختو يا زحي.
- هاكي هي العرب خويا... تسلفهم و بعد ينقطع البث 
- تو نوريه.. مد دبوزة ..ياخي جبتو كان حارة !! 
- و بالقدرة زادة قلك شاددين المدة هذي. قتلك...تكلم عمار...اسمع علي.!!
- امم
- وائل الصيد روح من باريس يا كبدي
- بالرسمي !! ..سكت و قال في سرو الزح نورمالمون رانا مع بعضنا توا... تنهد ..صحة لميمتو
- حقه..التوهامي يحكي و يلف...وليد يسأل عليك بكري القهوة قلبها 
- تفدلك !! اش يحب !!
- الله اعلم اما الظاهر حاجتو بيك
- يبعدني يا خويا لا حاجتو لا حاجتي.. 
- كاهاو انا جاني سألني قتلو ماريتوش
- صحيييت... مرشي وحدة اخرى عمار فيسع. ..
مزال الليل بالنسبة ليهم. .اما الجماعة نعست و لكل قامو باش يروحو..
- صفية هذا حويجات للبنات جابهم وائل 
- يا حنانة علاه يشقي في روحو.. و الله وجهو و طلتوو بالدنيا
- عيشك خالتي صفية ان شاء الله فرحة لبنات. ..
روحو دار عم مفتاح و بقاو دار الصيد واحدهم...
- ههههههههههه و اخيرا جرابة صافييين. ..همز لايمان.. مرت خويا الباهية تعملي قهوة 
- لا... جاوبو وليد.. نحن باش نروحو. .ايا انت عجباتك القعدة عاد
- هههههههههه سامحني يا خويا يا وائل رافل رافل ههههه
- الله يعينك...هي تلم في ساكها و الحاج علي تكلم و السبحة في يدو. ..
- ياخي ماتقليش اكا الطفل علي وينو شبيه غبر ياخي !!! 
- الله اعلم عندو مدة ماريتوش...غمز لوائل...تو يجي وين عندو يمشي
- لااااااا مافماش هذي اتو يجي ياخي لبلاد على قرنو هو !! سايرتو قلت من شيرتك اما يدخل و يخرج و يهمل خدمتو هذي سامحني فيها 
- كاهاو شوف صانع يا بابا و قصها 
- لا محسوب باش نستناك لين تقولى..الصانع جبتو من اول أمس تهنى 
- باهي ربي يعاون ..انا هاك تشوف فيا خليتني في الكبيرة وحدي و خدامة نجري و نجرري و معاش خالط..
- كاهاو رزقك اتعب عليه مالا الخبزة ساهلة
- أن شاء الله ربي يسهل..ايا لطوف ليلتك زينة..باسلها راسها و خرج هاز شقالة صغيرة فيها طرف طاجين و فريت و لحم صرتهوملو لطيفة هههه
-وائل لحقو للباب لكبير البراني...يا معلم
- تلفت ...شد هذي و اسبقني انت الكرهبة
- اسمع اش عملت لقيتو !!
- لا ..نفخ
- مالا طحان تو متخبي علاش
- حاشم و هو مازال عندو عين
- برجولية فكك يا وليد ياخي صغير يرضع في صبعو !!
- تعرف انا موش هاين عليا و هاك لعزوزة لي تسخف الزح
- الصبر...ياخي تو اش باش تعمل
- مازال عندي بقعة وحدة هاني نحوس فيها اما جايبو جايبو
- يصير خير..اسمع..حاجتي بفلوس لمشية العاصمة
- يا خويا هاك نومرو الكونط متاعك هزو و فكني
- تي لا اش صار عليا نحل في امها الكونط هات ميتين دينار على مياتي و الكرهبة زادة اكيد مانيش باش نمشي للعاصمة في لواج 
- هههههههههههه تفدلك ياخي !! نعطيك خمسة مية الف و الكرهبة لا 
- هههههههههههه و الله عرفتك بتقولها ..ايا طير مرتك تستنى...بايبالها يبدو و دخل.

#انتي_سبابي #كرونيك #كرونيكات 

الحلقة 79


وصلو للدار كي جات هابطة دار حللها الباب و بدا يذبل في عويناتو -حبيبي سامحني ولا؟ جبدها عندو ايا عاد لازم نتراضاو توا توا موش تفاهمنا معادش نتنابزو في دارنا؟؟ 
-باهي...حطت يديها على صدرو..سامحتك سيا
-تبسم و تكاها على كتفو و بداو يمشيو...
وصلو للباب البراني حلو و درها لصقها للحيط...البلاصة هذي عمري لا بستك فيها...تبسم بخبث...هاي فرصة...لسق ليها و بدا يعدي في شفايفو في وجها و هي مسلمة هزت يديها و بدات تمسح على شعرو...هبط يديه تمسد على ظهرها...شوية و التليفون صونا بدات تتملص منو...حط جبينو على جبينها
-نحبك...نموت على ريحتك و كل مرة يقصو عليا...تو نحيه انا ام التليفون
عاود صونا شاف بلقاه وائل يحسابو باش يدكك...جبدها و هي مدهشرة و دخل للدار قعد عالكانابي و جبدها في حجرو...وشوشلها..ستنا نطلبو نشوفو شبيه و نكملو ما تعلقش ههه...جبد باش يطلبو و هو عاود كلمو
-اااه شبيك اش تحب
-وليد كان ايمان بجنبك ابعد عليها حاجتي بيك
عمللها بيديه لحظة و حطها و قام...
بعد للكولوار 
-وي وائل شفما...
في لحظة يديه بدات ترعش و تلفت بقوة لجهة وين موجودة ايمان و حس روحو باش يطي
نهايرين على هاك الليلة لي تعدات على ريوسهم ..مرضت الحاج عمار جات كالصدمة بالنسبة للناس الكل و اولهم بناتو... تهاني صابرة شويا اما ايمان حالتها تسخف..ليلة عداتها في السبيطار على ساق و نهار لخر عند راسو فس دارهم و لا قالت نسكت و لا قالت نروح...
-سلم بنتي برا روح لدويرتك..هاني لباس ياخي ماك سمعتو الطبيب اش قال
- لا لا معاش نخليك و الله لا عاد نغيب عليك ..لكلو مني هملتك النهارات لي تعدو..
- يهديك ياخي شوف هاني نقوم وحدي و ندور وحدي في الحوش برا يهديك راجلك شخشبتو معاك
- شي مايجرالو..تنهدت..
- باهي جيبلو فراشية و غطيني و انت برا ارتاح...
- باهي ..
شدت بيتها و تلفونها و بدات تقرا في كوم الميساجات لي هابطين عليها '' امونتي سافا علاش ماتهزش عليا''...''حبيبي ياخي متغشش ؟؟ شنيا ذنبي انا امااان هز عليا تلفون برك نسمع صوتك''... ''الفرش بلاش بيك ماينطاااقش و الله تخنقت في البيت وحدي '' ..تقرا و تبكي و هو كمل على مابيها بالميساج لخر '' سامحني حبيبي خاطر لكلو مني و انت عندك الحق تلومني خاطرني قصرت في حقك و حق بوك نهار لي قتلي نحب نشوفو.. سامحني..وكان تحب صيح و اضرب و تغشش قد ماتقدر اما برحمة ميمتك لا تبعد عليا ..تحبش تضربني ؟؟ ميسالش اضرب اما ارجع راني باش نموت وحدي هوني ..نهارين ما اطولهم ما ارزن دين امهم و انت ماكش مضوة دارك يا روحي ... علاه حرمتيني شوفتك علا شانا نجي و انت تتخبى ياخي خايب انا ؟؟ غلط بقصدي ياخي ؟؟ ..ايمان تاااااااعب راني و بعدك زاد على مابيا..نحبك '' 
مع اخر لكلام تفجرت بالبكاء لين ولات تشهق...ماتعرفش كيفاش طلباتو و هي في الحالة هاكي..
-ولييييد...و دزت عالبكاء من اول و جديد...وليد وينك ؟؟
- روحي ؟؟ شبيك تبكي...قام مفجوع وهو كان لابس شورط كاهاو مبطوح في الصالة و الدنيا مقلوبة..ايمان شبييييك ؟؟بوك لباس ؟؟
- لا..انا..انا.. ننحب نرروح..تحكي و تتغصص..ايجاني هزني..
- باهي باهي يزي ياروحي امسح دموعك هاني جيتك...نقز الكانابي موش عارف كيف تي حتى مريولو نساه...هي هبطت تتفقد في بوها لقاتو راقد فيقاتو بالشويا..
- بابا؟؟ 
- نعم..اه ايمان شبي بنتي 
- باش يجيني وليد بابا..بيروح بيا..
- ا ي اي برا سلم بنتي..اخرجلو علاش تبقى ادخل فيه و سلمي عليه..
- باهي ..باساتو..تصبح خير.. مازالت كي طفات الضو و تلفونها صونا...
- ايي هاني وصلت..وقتها وين وقفت الكرهبة فاق بروحو بلاش مريول..ضحك على روحو و على مخو لي تشرب جرتها..يشوف فيها جاية تزرب ببيجاما تاع دار..
- طلعت في الكرهبة و دارتلو ترمات عندو..توحشتك وليد
- كبس عليها قريب يغفصها.. انا قريب خرجت من عقلي و الله..علاه عملت فيا هكا علاه؟؟ 
- سسسامحني بربي..
- ششش...هزلها وجها طول و غطس فيها ببوسة قد هالليلة...
وصلو للدار تقول عجاجة تجري بيهم..كان حاططها في حضنو لين نعست بالعمل حتى كي وصلو مافاقتش.. تكاها عالكرسي و هبط مشالها باش يهبطها..فتح الباب و بقاء يتفرج فيها ..يتفرج في مرتو لي غايبة عليه نهارين كاملين صوت و صورة.. بعدلها شعرها لي هابط على جبينها و باسهالها..هزها في حملتو و دخل بيها و هي متعنكشة فيه وجها غارساتو في كرومتو هبلاتو.
-امونة ؟؟حبيبي؟؟
- امممم..زادت دورت يدها و تعنكشت اكثر..
- ايا قوم وصلنا راو.. ياخي شترقد و تخليني ؟؟ 
- فاقت مدهشرة تقول عندها ثلاثة ايام راقدة..تثاوب و ادور في عينيها للدار لمفرثة و عمالها و تحل فمها مالشي لي تشوف فيه...تلفتتلو و هو خانس يتبسم هاك التبسيمة تاع واحد يسخف... وليد شبيها الدار مقلوبة ؟؟ 
- هههه كاهاو هذاك حدي و الله..تعرفني مانجمش نقد الفازات و الحركات هاكي 
-انت كاارثة وليد..دارت على يسارها وين الكانابي تلقى مريول خلعة..شلاكتو تبان فردة في الباب و فردة في الدروج مقلوبة...طاولة الصالة لكلها دخان و باكوات جو و بشكوتو..
- اقسم بالله عشت عالبشكوتو النهارين لي فاتو.. راني تميزرت في بعدك يا سخطة...جبدها حضنها..كان نعز عليك حتى شويا معاش تخليني بربي.. شعرة لا مت هوني بين هالحيوط...
- اللطف عليه ... باساتو من خدو..ههههه اي اش نعمل انا توا ؟؟ نتلهى بيك و الا مالخمج هذا..تشاور بيديها للفارعة لي حلها في الدار...
- انا طبعا...قام يجبد فيها من يدها...هيا قوم ياخي توحشتش بيتك و فرشك ؟؟ توحشتنيش ؟؟
- تعملو براسها لا ههههههه
- هز اكتافو... باهي نتعداو لمرحلة التجربة..هبطلها و بدا يقدم و هي تربثت.. اركح ماتتحركش...هربت منو على اساس اتكات عالكانابي ياخي تغدرت و مالقات كان لهوى وراها طاحت عالزربية و هو خلط عليها تبزع فوقها
- مارزنك..بحرك منها تلقائية حطت يديها على اجنابو..هو لهب معاش فيه يحسس في ظفرها في لحمو..
- توحشتك..كان راشق مرافقو في الزربية و يعدي بيديه على شعرها و يهبط لاكتافها..و عينيه باش تخرج من بلاصتها.. يحكي و عمالو صوتو يضيع... ااااه يا ربي اش بنعمل فيك انا توا؟؟
- عينيها في عينيه يلمعو تقول اول مرة تراه..منبهرة بيه و مفتونة برجوليتو و حظورو الطاغي.. مسلمة روحها لاحساس ياااسر حلو توحشت تعيشو معاه و تحسو.. زادت هبلت كي هبط في رقبتها يبوس فيها..بوسات رهوجوها خلاوها لا تعرف تتستحلاهم لا تتوجع منهم..نفسها كان يتسمع ...يديها و تكبيشتهم فيه و ساقيها لي كمشتهم تحتو حاجات تخليه هو يعمل جو و يزيد يبهل و يهبلها معاه...
- توحشتني ؟؟ ..حبيبي حل عينيك ..توحشت وليد ؟؟ يحكي معاها و يهزلها في البجامة ينحيلها فيها...قول توحشتك وليد 
- اممان..امان يزززي
- قووول..دوبة تنحات البيجاما و بان وجها و شفايفها غطس فيهم كلاهم بين شفايفو.. و هي تفركح تحتو ..
- ااه ..باهي .. باهي..توحشتك توحشك..امان وليد فمي وجعني
- ههههه كان تشوف انا شونا يوجع فيا..كمل نحاهالها خلاها في بياس و سروال البيجاما..من غير مايخمم و يستنى اصلا معاد فيها تخمام هبطلها البريتال تاع البيان و بدا يخدم في خدمتو.. كالعادة حكايتو حكاية مع الوحمة... موش عارف قداه بقى يبوس و يعض..هي تحتو في عالم اخر شايخة خايفة اما حبو غلبها و غلب عليها

#انتي_سبابي #كرونيك #كرونيكات 

الحلقة 80


معاش منجمة تقاومو هالهم شربلها مخها و غلغل في قلبها و ملكها و ملك احساسها..تتنفس بالسيف تحس في روحها باش تجنح...هو ماكانش خير منها كمل على مابيها بفازة يحبها ..باسها قريب وذنها و بعد عضها من وذنها و هي لزاتو..
-نحبك..نحبك ..نحبك..ذاب و ذوبها معاه يحس فيها ترخف في ساقيها زاد شاخ عليها كان يد في رقبتها تحوس لصدرها و كرشها و يد في السروال متاعها..ضحك عليها كيف تتحيشم...قام قدم صدرو لعريض و طفى الفيوزة لي تشعل و رجع... هههه معاد عندك حتى سبلة توا 
-هههههههه... 

الصباح بكري مع الخمسة و نص كان وائل راقد فوق السطح...بايت ليلو يعس على بنت مفتاح و يبرمس..ويسمع في حس تشليكمها غم على راسو بالمخدة
-وائل ؟...تمسحلو على شعرو..قوم بابا 
- دور راسو للشيرو لخرا...اخطاني لطيفة 
- سلم ولدي برا جيبلي الخبز ..
- هز راسو و حاجبو,,,شنيا نجيبلك ؟؟ خبز؟؟ يبربش في تلفونو..شبيك امي راهي الخمسة و نص لاحقين عالخبز علاه هكا ؟؟
- تي المخبزة باش تسكر بكري قالو عمك عرفات باش يروح للبلاد..هاوكا طيب على بكري و الناس تتخاطف فيها جهاد
- شنيا المشكل ؟؟ تو نجيبلك مبعد مالكوش لخرا ياخي انقرضت الخبزة و الا شنيا لحكاية
- لااا بوك ماياكل كان خبز عمك عرفات... ايا يهديك ربي درجين و ارجع ارقد
- نرجع نرقد...ساهل هو نرجع نرقد...يحكي و يلبس في مريولو..الله يهديك امي و الله...
- برا يسترك...
خرج يدهشر..عين محلولة و عين مغمضة..مريول خلعة و شورط ازرق للركبة..و شلاكة بصبع..من نومو لا غسل وجهو لا ركح شعرو ..قريب يوصل ياخي خطف الدورة وين الخربة لي تحت دار الحاج مفتاح..لقاها خالية وقف يبول ههههه ضاربو النوم واقف مغمض عينيه..كمل و جاء داير يتعارض هو و نعيمة...استلبست كي راتو و الاعظم مزال يركح في خيوط الشورط
-حبي..تبسم و حك شعرو..عسل عالريق
- اش تعمل هوني انت؟؟ تتلفت للخربة
- كنت نبول... عوجلها فمو..الله غالب معصور من نومي
- تبسمت من تحت...لباس فايق من توا ؟؟ 
- شوف مللخر. و قدملها و هي وخرت..تي علاش توخر انت توا.. هاك خوذ..مدلها دينار..برا ارجع جيب ليك الخبز و عطيني لي في يدك خليني نرجع نرقد براس ميمتك؟
-انا نزاحم و انت تاخذها بالبارد ؟؟ علاه ؟ انت قمت قمت كمل جيب الخبز و روح
- يثاوب..شبيك شريرة ياخي؟؟ ااااه راسي اقسم بالله لا ندري على روحي كيفاه رقدت لبارح
- اممممم رقدت و خليتني نحكي وحدي كالعادة
- تو نعوضهالك...شج جنابو و يقدم في مسلانو كاينو ينكسل...ماكش حاشمة معناها و عاطيتني الخبز؟
- لا ..خرجتلو لسانها و زربت تمشي و تتلفت لين عثرت طاحت
- ههههههههه يا ربي ماكرمك.. دعايا هذاك يا بنت مفتاح..هي مالغزول طبست على حجرة و حدفاتو بيها جاتو في ساقو...عمبو والديك يا فرخة..ايييي 
-هههههه تستاهل... كمل ثنيتو يشوف فيها الكوجة تملى و تفرغ بدا يسب و يلعن.
كانو راقدين كيف ماجاء في الصالة عالقاعة مالبارح...هي راقدة عاطياتو بالظهر اما لاسقة فيه..هو مغطس راسو في شعرها يديه محاوطينها و مدخل ساقو بين ساقيها..مزالو مطولين في نومتهم بعد تعب ليلة كاملو خلصو فيها لول و التالي هههه..فايقو صوت تلفونو لي ينوقز..هز راسو مفجوع لقاه وائل علق عليه و سكرو و طيشو بعيد..حط راسو بجنبها و بدا يدور فيه ليه..
-يعض فيها من كتفها...حبيبي 
- تحاول تملص روحها منو..حشات روحها في حضنو و كملت ساكتة خانسة..
- نعرف راك تسمع في
في الطريق كان الطقس سخوووون اوت و ما ادراك.. كانت تقد في وجها في المرايا تاع الكرهبة خاطرو زربها... تحط في الروج و تعمل درا كيفاش بشفايفها,, حركة مدروسة منها حبت تسخنو بيها 
-يزي كثرت راك.. شنيا هذي شفايفك يقطرو اصل ماشين للحومة رانا للحووومة 
- تبسمت...لا يقطر لا شي تي انا معملة باش نزيد طرف... حبت تغزلو 
- بربي ؟؟؟ يعني ساعتين عالمرايا و انت تحمر و ادبغ و مازال باش تزيد تدهن ؟؟ 
- اي عااد عروسة و يواتيني ههههه و انت ماقالك حد اخزرلي و ركز معايا.. 
- باللهي بالله؟؟؟ باهي نحي سماه الخرا لي حطاتو و توا ؟؟ 
ههههههههه وليد باز تفدلك !! شوي امان شنيا تنحيه هذي تي مزالو عشرة مترو عالحومة !! عوجت فمها.. و بدأت تساوي فيروحها و ساكها لي مفرت
-نفخ بعصب...كلمتين يا تنحي دين امو يا خليني نخطف الدورة
- انت ماك كل حاجة نعملها انا تعكسني فيها. ماعنديش كلمة ياخي معاك !! مانعملش موقف لعمري !! كل شي ايمان لا ايمان اي ايمان بري ايمان هزي ايمان نحي ايمان. .. هزت البابيي و بدأت تمسح بعصب و الرعيش ماكنها... ريتو هذا ...هزت صاك المكياج الصغير. .. هاني باش نريحك منو..تحل البلار تاع الكرهبة و اطيشو على طول يدها في الطريق. .. خلينا نرتاحو الناس الكل توا نشوفك لوين باش توصل مازال...
-بقا باهت حال فمو...وقف الكرهبة و تلفتلها...شبيك شنعت انت...ياخي تحب تعمل حمير يجهر و تحبني نسكت...بدا يعلي في صوتو...و شنية هاللغة الجديدة و الصياح انت...منين تعلمتو منيييييين...على قتلك نقص في الحمير هكاكة تعمل...لقاها موش معبرتو خطفها من يديها و دورها ليه لين وجهو لسق في وجها...نكلم فيك على شكون تنطر و تصيح تكلم؟؟
- سيبني ولييد ياخي مازعيم كان تخض فيا و تصيح !! خليني امان نعمل راني لي شريتو انا قعد مكدس حرام.. و انت عمرك كان قتلي محلاك بيه يواتيك ..عند لحق موش ملحق تاكل في كرشك باش تخزرلي ليا انا ..خدمتك أولى و تلفوناتك لي ماتكملش ...دورت وجها تتبسم خاطر وصلت غزلاتو ههههه اياه استضافتها فيه خليها تدلل و تمرضو في جرتها..
-حاول يتحكم على قد ما يقدر...صوتها و قربها نقطة ضعفو...بقا يثبت فيها و بعد.دور وجهو..انت توا باش تعملي عركة مالحيط على صبع جميل !!!! ..اش دخل هذا في هذا...عندي مشاكل في الخدمة عادي فاش قام المرج
-جبدتو من كول الشميز و دققت عينيها فيه...سمعت كلشي كان كلمة نحبك ما سمعتهاش...ولا ما تحبش تقولهالي !!!

- دخلت..ياخي تسمع في ضحك في الصالة فدت ماهيش حابة تشوف مناظر مالحومة تكرهم...اول ما دخلت فاحت فيها عزوزة كبيرة و طاحت فيها 
- ااه للا لتوا !!!! هكا النساوين تصبح !! توا عاد لا نعرفو نفطروك لا نغدوك يا فالحة ... تلفتت للطيفة ...توا هذي كنة يا رسول الله اييييي ياحسرة علينا كي كنا تتقاس المرا الفالحة يقومانها بكري... لطيفة شايخة بالضحك من غادي تشوف في ايمان كيفاش مصدومة و موش عارفة اش ترجع عالمرا.. هي جات باش تحط حد للمسرحية لي عملتها و وليد دخل.
- مبروكة !!! انت هوني !!! تلفت لامو .. من وقتاه !!!
-عسلامة ولدي مرحبا بيكم...تضحك ...ايمان ادخل ادخل...ليوم الفجر مبروكة شرفتنا هههه....
-خزرتلو ...اه يا طحان ما تسألش عليا خلاص ...هاني جيتك تو نوريك...اقرب جاي نبوسك و انت مسمر كي انت كي هالفالحة الي ماخذها
-طرشقت لطيفة بالضحك....ايا انا من بكري خذيت سطاكتي...ليوم برجك انت و ايمان
- ههههههههه متحزمة يا الشايبة
<><>

انتي سبابي 


#انتى_سبابي #كرونيكات #كرونيك 

الحلقة 81

-اي هاني جيت تو تستانس..ثبتت فيها شوي...و الله سمحة ها طفل مزيانة و شبابة ...ايجي سلمي...
ايمان قدمت سلمت عليها و هي متوترة...
-عيش بنتي و ربي يصلح حالك...
وليد عرفها داخلة بعضها جبدها من يدها قعدها بجنبو و حب يدخلها في جو مبروكة قبل لا تاخو عليها الهف
-ااه مبروكة شقولك...شفتي مرتي مسمحها..هالزين هذا الكل ما يجي شي قدام زين اخلاقها..اوكا عملت كيما وصيتيني خذيت للات النسا..
-اسكت اسكت هاني قاعدة نشوف منغير ما تفسر ليا...انا كي نرا العبد مرة يزي نعرفو علاش يمشي و علاش يجي..و هالطفلة ملي دخلت حشمتها و رزانتها خلو قلبي يرفلها...ايجي نزيد نبوسك...
-وقتها ايمان تفرهدت شوي...قامتلها...عيشك طاطا...
- هههههههههه توا تهنيت عليها خليني نقوم نخدم على ايامي...ياخي بابا وينو شبيني ماريتوش !!... كانت مركزة فيه بعينيها كان تلقى تقتلو خلاها لا حمير لا والو قدام مماتو خاصة اول مرة تشوفها طبعا مبروكة ما تكرديش و ماتعديهاش
- شبي عزاك يا طفلة !! لا طرف كحل لا شوية روج. .هكاك بالماء و الصابون عروسة راك يا شومي. ..
- خزرت لوليد لي عامل روحو هارب منها ياخي مبروكة لقفاتو.. ماتقليش هالهامل هو لي عامل فيها يتآمر عليك !! و انت بهلولة تاخذي في رايووو !!
-لا طاطا تزربت كي خارجين قلت تو نعمل لنا الله غالب
- امممممم.. لا محسوب صدقت بكري...ايا انت فاش تستنى واقف برا شد خدمتك..
-هاني ماشي...تلفت لايمان...ردولي بالكم عليها
-برا برا نقص مالتروميز متاعك ...
-اه مبروكة بالشوي عالمرا عاد موش مستانسة و حساسة ...تلفتلها غمزها...ايمان اخرج معايا لحظة
خرجت تبع فيه...تلفتلها بحنية...رد بالك تاخو في خاطرك منها باهي ...مبروكة فخار بكري و ساعات كلامها واقف اما حنينة و تو توالف بيها
-حبيتها انا... دغرية و تجيك مللخر...
-ايا باهي كي عجبتك..يتمقصص..يقولو الي انا طالعلها
- عللخر هاني نشوف في الشي..
-تنهد و وطا في صوتو...ايمان شنوة توا؟؟ باش نبقاو كل ما نحكيو نوقفو الشوكة
- هاني ساكتة ..تعرفني مانحبش العرك و لا نحب نقاطعك..اما و الله مانتفاهمو فيه الروج و تو تدفعو و تشريه بالسيف عليك...ذبلت عينيها.. وليد ياخي للفلفول لي في قجر الكرهبة لشكون !!
-حك لحيتو و تبسم...الفلفول لمرا عاملة فيا بزينها و دلالها. ..و يمكن يمكن اه كان تبوسني بوسة مرصوصة تو نمدلها الباكوات الكل
- اممم. .قالتها بتزعبين و بكل ثقة انو يحكي عليها... انا ناخو لي نحب عليه و مانعطيش. .خرجت لو لسانها هههههه
تزرب حلت القجر و جابتهم كدس في يدها. .. و الله يعطيك الصحة تعيش و تجيبلي.. قبل ماتدخل تلفتتلو... البوسة زيدها عالكريدي آخر الشهر
-ههههههه... كريديك كثر يا طفلة 
- مانيش طفلة انا مرا توا و مرت راجل 
- باهي تو نتحاسبو يا مرتي...مشى يخدم على روحو و هي حلقت مع لطيفة و مبروكة... عملو بااارشا حاجات و طيبو حاجات دياري.. تقول مبروكة خليني نشوف كنايني اش يعرفو... روح الحاج عمار زاد شاخ عليهم...طيبتلهم ايمان تاي حسب معرفتها هههه فركتهم عليها مبروكة كيما حبت اشتهات ... وليد كالعادة روح موخر للفطور.. الجماعة ستناووه عالفطور ياخي هكا..ولا و و رقدو مالقى حد كان جداتو تصلي في ركعات..هي كملت و تلفتتلو طول 
- بابا روحت
بابا روحت؟ 
- تقبل الله مبروكة... ياخي تصلي و تسكاني فرد وقت 
- نصلي و فهمتها اما الفرانساوية لخرى الحق انا و الظروف نفهمها 
- من غير ماتفهمها ترصيلي نبحث في القوايل... بقى يدو في عينيه... ياخي العيلة وينهم ؟؟ غدايا وينو؟؟ 
- الجماعة قيلو.. ماتشوفش في السخانة و انت غداك عالقاز برا حط ..اسمع يا طفل كلماتي وصل ولا !
-وصل لباس.. ياخي باش ناكل وحدي 
-شنيا رباية الدراش هذي ؟؟ انت و خوك مافسدتكم كان امكم 
- ااه مبروكة شبيك على لطيفة مانحملش فيها.. كان ياكل فمو معبي بالماكلة.. 
-ام محسوب خوفتني انا نقولهالها في وجها رباية دلال خاطركم هذي ماناكلهاش هذي ماطيبهاش هذي باسلة ياااسر وليتو تتشرطو...و هاك الهامل لخر دوبة شافني باسني و قال خارج للعاصمة
- اوو نفختلي راسي يا عزوزة جابدة عللوندرا ديما ثبتليي حكاية وحدة خليني نفهم اش نجاوبك 
- برا....زايد طحان 
- ههههههههههههههههههههههههههههه شنيا هذي برا..... منين جبتيها يا طفلة 
- علاه مانعرفهاش محسوب علم اللدن 
- اقسم بالله كان نخرج بيك نهار تورطني تفضحني اصل 
- هههه هذا الموجود..ايا اغسل يدك و ايجا تمد شويا ارتاح... 
خرج مالكوجينة يشوف فيها في الكولوار ياخي خلط عليها... 
-لباس لاحقني موش فطرتك اش تحب اخر؟ 
- ههه نحب نرقد عندك مانع ياخي؟؟ و هذي بيتي و توا ابعد 
- هههه لا عزيزي انا لي باش نقيل هوني اصلا الدار ماتهزناش الكل ا نا و انت و مرتك 
- المعنى ؟؟ هزلها حاجبو.. 
- المعنى برا تمرقد في الصالة هانها واسعة.. 
- بقى حااال فمو فيها ههههه تفدلك مبروكة؟ 
- لا و توا سامحني... دزاتو و دخلت خلاتو باهت يضحك وحدو.. زاد شويا و دخل عليها.. شبي عزاك اش تحب زادة 
- مخدة ميسالش ماهو؟.
دخل هز مخدة و عينيه على مرتو لي كانت في نومتها غارقة شعرها غازيلها اكتافها ظهرها ..كانت لابسة جبة للطيفة عطاتهالها وقت كانو يحركو بكري الصباح... عينيه موش عالروبة عينيه كانت على ساقيها لي كي تحركت تهزت من عليهم الروبة.. بقى يمني في روحو مسكين عينيه باش تنصل من بقعتها 
- ايا اجبد الباب و هز عينيك من على الطفلة يا ساقط 
- ههههه مرتي كان كتب ...اااااااه انت باش تقطع عليا الماء و الضو 
- برا يعطيك يا هامل زايد المحروم محروم..ايا طير طير خليني نحط راسي...جبد الباب بخطوة لقدام و عشرة لتالي...مالا قايلة تعدات على راسو الحاصيلو دار منا دار منا شي و لا حبت تكمل هالقايلة المحنونة... ااااه صحة ليها راقدة مافي بالهاش بيه يتمحطر وحدو محروم جرت تقيلة مبروكة في بيتو.. 
فسخ مريولو ياخي جات عينو عالجرح لي خلاهولو علي هاك الليلة.. زاد تازم اكثر ماهو متازم.. علي لي كسرو ظهرو بالرسمي المرة هذي علي لي قد مايغلط ..وليد يعديلو و يرجعو ماهوش باش يعدد مزاياه معاه اما فازتو قهرتو.. صحيح عندو مدة ماراههش اما يتبع فيه موش ناسيه و لا ناسي السم لي يشم فيه.... 
تعدو نهيرين اخرين فيسع فيسع ايمان لي تعديه محلقة في دار الحومة اكثر من دارنا..وليد فد عللخر خاطر مبروكة كالعساس عليه عاملتلو بالعالي تقانص فيه...
كالعادة تعشاو و سهرة و صار وقت المرواح..
- ايا وقيت يا جماعة.. راني خدام بكري و انتم النساء تحليقكم مايوفاش ااه مبروكة عجباتك السكنة عندنا ماكش ناوية تروحي بري روحي لمعزاتك راهو توحشوك ههه..ناضت معاه ايمان لي عييات و هي تقنع فيه باش تبات ماحبش ياخي عملتلو فازة
-ميمة مبروكة...ايا تمشي معانا ضويلنا دارنا ايامات و الله ما يتشبعش مالقعدة معاك زيد حتى العرس ما حضرتيلوش..خزرتتلو خزرة متاع كان انت ذيب انا الثعلوبة التونسية...قربتلها و شدتلها يديها..موش قتلي تحب تذوق ماكلتي و تشوف رتابتي هههه ايا معايا و تو ترا بعينيك و تتهنى على حفيدك بالباهي
- ههههههه ..الله يصبرني ..ايا قوم جدتي الغالية. .شوف بعينك حفيدك كيفاش متمرمد...
- قامت امو تضرب فيه... ماتحشمش شيباني و تكذب !! كان فما شكون عايش في الدلال راهو انت يا هامل ...
- جدتو تسمع و تضحك فرحانة بيه .. والله تو كان يقولولي باش تموت نقلهم ميسالش مدامي تهنيت عالسبع ولدي الغالي سيد الرجالة ... اييه يا طفلة يا ايمان تعرف الي الناس في كفة و هالهامل في كفة !! الله غالب على قد لهملة على قد لمحبة ..
-تلفتتلو و تلاقت العينين وجها حمار و خدودها بانو و هي تتبسم...ااه شنوة توا معادش تناديو لراجلي يا هامل...هو شايخ عليها بقا يدقق فيها في عينيه و هي كملت تحكي ...حبت تغيضو بطريقتها الطفولية...انا موش على حاجة اما نحبش نولي اسمي ايمان مرت الهامل ههههه
- ههههههه اما مرتك يا وليد يا ولدي مهفة والله جابهالك ربي باش تكسرلك شوكتك.. ايا ايا روحو بيا و كان ماعندكمش وين تبيتوني احكو من تو.. هات هاكي العكاز يا لطيفة و انت وجهك مغصور غايرة مني خاطر بايتة في دار وليد و باش نبقى جمعة سبعة ايام و سبعة ليالي هههههه
-وليد وجهو تغصر فيبالوش باش توافق فيسع تمتم بالشوية..هو الحال واقف و زاد وقف.. سمعتو...وليد وليدي شنوة الي واقف؟؟
جاوبها و هو يمدلها في العكاز....لا ميمة قلت سعدنا واقف كي وافقتي تمشي معانا..خزر للطيفة يتقصص..هيا معانا حتى انت و حتى بابا كلميه يجي بحذانا وخيان و عايلة وحدة ههه.. 
-تكلمت مبروكة و هي تقد في فولارتها...اي و الله فكرة خلينا نتلمو في دارك يا غالي ونلعب انا و وائل طرح شكبة. .على قال نروح غدوة و الله توحشتو الفرخ 
-قرب لايمان و وشوشلها...هي تلعب و انا يحرمو عليا اللعب..خزرلها و علا في صوتو..شنية همبروكة باش تكثري علينا الجمهور ههههه

#انتي_سبابي #كرونيك #كرونيكات 

الحلقة 82

- ههههههههه لا لا انا الحثلة مانحبهاش راني.. يرحم من زار و خفف هيا هيا.. 
في الكرهبة كانت مبروكة متبرصة بجنب وليد و جايبة مانعندها و عقلها الكل في الكياسات و لضواو تاع لمدينة. .. ديما عندها فلتات بلادة زيد الحشمة مع وليد ماتعرفهاش..
ااه شنهي تو العرس و عرسنالك 
- المطلوب يا مززة !! 
- الراجل يجيب الراجل. ..ايا عاد جيبهولي.. ايمان شرقت بكعبة لبواتا لي تشرب فيها لين خرج من خشمها... هو باغتو سؤال مماتو يعرفها بليدة و ممكن تحشمو قدام ايمان
- حاول يدارك الموقف... ههههههه الساعة نركبك تروحي للبلاد و بعد نخدم خدمتي على قاعدة... يشوف في ايمان تتبسم في المرايا .. اه اش قالت مرتي. . وغمزها زادت دخلت في حيط..
- سيبها حشمتها الطفلة يا هامل ..خاطيها الدنيا هذي ماتطلع علمتهالها كان انت بافعالك الفاسدة...
-ها مبروكة وخيتي ثبتيلي روحك تو...تحبي على صغير و تحبيني ما نعلمهاش فعايلي..كيفاش يجي منو هو ..ياخي نوصي عليه الصغير يجيني ملفوف ولا شنية.. -ايمان وجها باش يطرشق...قصت عليه حبت تخرج مالموضوع...على ذكر الملفوف ميمة..تعلمني كيفاش نعملو.
انتوما في البلاد عاد تحقوه حقان.. 
-عرفتها تتهرب تبسمت على جنب و عجبتها حشمتها..اي بنتي نعلمك الي تحبي...يزين سعد كنتنا الغالية...خزرت لوليد ..ريت ريت الحشمة و القدر ريت...و الله هذي ما تكون كان دعيوة من دعيواتي لقات بواب السما محلولة تالي منين ليك انت تحفة هكا.. 
-عينيه لمعت و قلبو خفق خزرلها في المراية و تبسم...كان ترا انا قداه دعيت باش ولدك ياخو هالتحفة
هههههههههههه... 
توا نهيرين من لي شرفتهم مبروكة في دارهم .. فرحانين بيها على قد ما يقدرو...
ليلة مالليالي روح يلقاهم يستناو فيه للعشاء هو بإسم الله كيف قعد و مماتو نطقت اصلا من قبيلة و هي تقحرلو..
- تو ما تحشمش على روحك مخلي مرتك تعاني في الوحم واحدها و انت حتى طلان ما طليتش عليها! ! هو شرق بكاس الماء ...
-شكون تتوحم ؟؟؟
- مرتك مررتك يا عمبو مهامتك. ..و الله زايد زي عرست زي بلاش..كانت كابسة محرمة على رأسها تقول عصابة.. اي نهار تعدى على راسي و انا نسعدل مالبيت للكوجينة و هي ملوحة عالفرش كان الردان و السخانة و انت حتى تلفون ماتخسروش
- لباس ماهي !!!!! انا قلت مادامك هوني متهني فيك و الله ... مزال مافاهم شي مسكين و ايمان جابت بقية الاصحنة فيها الغلة.. بالحق وجها كان اصفر..قعدو ياكلو و مرة مرتين يخزرلها هي موش هامتها شي فااادة و متقلقة..
- ايجا عطيني دبشي..فيقها من سرحانها.
لحقاتو دخلت و هو طول سكر الباب... 
-ياخي كان انا مافاهم شي و الا شنيا لحكاية
- و لا انا زادة مافهمتش ميمة منين جابتها حكاية هالوحم هههه و الله تضحك
- ههههههه تي الشي ماعندوش ايامات ههه
-ههههه اي ممكن خاطر طلعتلي السخانة الصباح و رديت ممكن مشي في بالها حاجات آخرين
- علاه انت مريضة !! شبيك ... قرب يتلمسلها في جبينها و رقبتها ملهوف عليها موش حامل فيها المرض
- لا يا ولدي مافما شي ممكن البارح كثرت مالحوت و انا مانكلوش في العادة برشة
-تو معاش نجيبوه الحوت كيف الحب ماتحملوش و يقلقها...قالها و هو يجبد في دبشو 
- ياخي خارج !
- أي للقهوة علاه حاجتك بحاجة!!.. يحكي و يفسخ في مريولو و هي منبهرة بيه و بدنو. .
-قلت تبقى تسهر معانا من لي جات مماتك معاش تسهر معانا ..خليك امان خلييك..
- شنوة توا ايمان !! ياخي ما يتفرهدش الواحد والله مغصور الخدمة لفوق راسي هاك تشوف نخرج شوية هالليل نشرب قهوة و الا طرح رامي مع لولاد .. تي وائل روح و ماريتوش..وهاي معاك مبروكة انا هذاك علاش متهني عليك باقي مانخليكش وحدك
- باهي ماطبطاش... قالتها و مشات تجيبلو في حكة الجال. ..
- هههههه هاك مانسيتهاش
- أي حفظت درسي سايي. . و نزيدك زادة انت ماتحبش دبشك يتغسل بالاومو و تكره سروالك مصفون و الاهم ماتحبش تبدل البارفان متاعك 
- ولا نحب شكون يعمل منو ..خزرلها بخبث.. قاعد نشم في ريحتي في كل بلاصة راني ياخي نورماال ؟؟ 
- اش تقصد. .تربثت مسكينة.. وين تشم فيها زادة
- قبرلها عند رقبتها..باسها.. هنا نشم فيها... خلاها داايخة و خرج...ههه تكشفت...

- ااه وين على خير يا طفل !!
- مبروكة ميسالش نعملو قهوة ماهو ؟؟
- اممم هذا فاش زعيم انت كان في القهاوي
- اي و كان عجبك هههه
- باهي شنهي مرتك توا ابركش
- هههه لباس عليها حبلى بتوامة غير حضري روحك للنفاس...
مع العشرة روح يسمع في حسهم في البيت أخرى قالهم هاني باش نرقد و دخل لبيتو..واضح من وجهو المكبوس فاد مخنوق...السخانة تشوي و هو نوم ربي ماراهش.. قام زاد تبقى كي مالقاهاش بجنبو...مشالهم...
-دخل لابس سيرفات ...شعراتو مشبشبين...حامل السخانة بالسيف يلقاها متربعة تقشقش في حناكها مع مماتو...ايمان ايجا حاجتي بيك..قال هالكلمتين و دار طول....هو ملي طل اصلا رحمة من عند ربي نطق هاك الكلمتين بعد الي شافو...روب مهدعة...مصورة فيها قطوسة راقدة و حاطة وليداتها تحتها ههههه الزنود بيض عرايا الشعر ليل و الوجه تقولو يقرمشو...كي سمعتو قال هاك الكلمتين و رجع بالتوالي قامت 
-مبروكة عارفاتو درا شبيه...برا بنتي لراجلك...كي راتها متوترة من نبرة صوتو...بنتي الرجال نفوسهم ضيقة..تلقيه عندو مشكلة في الخدمة ..بري اعطيه اش حاجتو.
لحقاتو متحيرة زعما شبيه موش متعود يفيق وليد اصلا نومو رزيين و كان حط راسو يجيبو كان ضو الصباح... شيبك وليد !! متقلق !! من لي روحت ماكش عاجبني.. تستنا فيه اش باش يقلها دار طفا الضو خلا كان ضو الفايوزة و تمد فوق الفرش.
-ايجا شد بلاصتك أرقد
- و مماتك !!! عيب نخليها وحدها خليني نقلها تصبح على خير عالقليلة...
-شد بلاصتك و أرقد قتلك
- هي لبدت خذات بكلمتو و شدت جنبو.. رقدت عطاتو بالظهر اليوم موش نورمال تحس فيه تاعب فاد مافهمتلو والو..حبت تكسر الصمت لي بيناتهم... وليد تحبو يمشي لكليم ؟؟ ميسالش انا تو نتغطى مليح
-مزالت تستنا في اجابتو و حستو تحرك تلفتت تلقاه نحا مريولو و رجع خطفها عندو...لصق بدنو لبدنها...رعشت بكلها و كاينها ديما اول مرة...حشا راسو في شعرها و يديه على كرشها...كلمتين خرجو منو بالسيف...معادش تبعد..مزلت مخدرة مستمتعة طايرة خايفة..برشا احاسيس..سألها...سمعتني؟؟؟
- سمعتك..لزها ليه و حطت يدها على يدو لي حاطها على كرشها و كبشت فيها مغمضة عينيها ...
-كان عايش اللحظة...محلا قربها و هي بين يديه كان تقول غامر الدنيا في احضانو...بلع ريقو و هو يستنشق في ريحتها الي تذوبو...سألها و باغتها...بصوت دوبة يتسمع...شبيك متكمشة تقليش خايفة مني ؟؟؟
-لا ووه هههههه...مازلت تجبد في النفس و ماتحس كان يبدو..

#انتى_سبابي #كرونيكات #كرونيك 

الحلقة 83

في شعرها يبعد فيه من على كتافها و ظهرها.. و بدى يعدي في صوابعو على ظهرها.. متسلطن من تكبيشتها في يدو لي على كرشها لي قريب تقطعهالو و تكميشتها لساقيها
-عكس الي يغلي في داخلو سألها و هو يتبسم..مالة شبيك ترعش؟؟ 
دارتلو تلقى روحها في مواجهة مع صدرو.. ترمات عندو طووول... مانيش بردانة و مانيش خايفة... الخوف مانعرفوش و انت معايا..البرد نحس فيه كي تولي بلاصتك هذي فارغة..
- اششش هاي بدات تبكي توا !! ..يا بنتي وين عندي نمشي هاني هوني تقلي فيا السخانة على جالك يا للا ماتحملش الوز المكيف..خذاها في حضنو..فسخ كل مسافة بيناتهم دخلها في ظلوعو..البلاصة هذي متاعك و ما تملاها كان انت...خذا يديها و شبك صوابعو في صوابعها و خزرلها بحب...ما عندي وين و حتى كان نحب ما نجمش...كانت فارحة و فرحتها ماعاطيتها لحد ..تشوف في صوابعو مالينلها فراغات صوابعها... زادت طارت كي باسلها روس صوابعها.. جدتك زعما اش ماشي في بالها توا هه ؟؟ ضحكت تتحيشم منو..اما ما اقواها بالرسمي..توا عرفتك لشكون طالع..ماتسلمش كان ما تاخذ لي تحب
-ههههههه اش خذيت زادة هههههه هاني راكح نسخف...ضحكو الزوز و بعد سكتو...بقا يخزرلها...تعرف اش نتمنى توا؟؟؟؟
- اممم
حطت يدها ليمين تحت خدها تستنى فيه اش بيخبرها
ايما
-شاورلها للمنقالة...نتمنى هذاكة ياقف و نبقى هكا ..نبقى نخزرلك و نملي عيني منك...نتمنى الدنيا تعطيني فرصة اخرى و ترجع بيا لاول نهار ريتك فيه و حبيتك...عمل بصبعو حركة...تعطيني فرصة اكهو...نرجع نعرفك من جديد و نحبك حب يقربك موش ينفرك مني...نرجع نصلح اغلاط و نعمل حاجات كانو ينجمو يخليوك تحبني من اول مرة ...لكلنا نتمناو كان الغلط لي صار انجمو نصلحوه في وقتو. ..موش شوي لي تعدى علينا موش ساهل نعودو نقومو بعد الطيحة...قصت عليه
-انا تعبت ولييد قبل اما توا بيك تقويت مانحس في راحتي كان هوني و حطت يدها على صدرو... خليني عندك وليد و ريحني
-عصرها بين يديه...هذي بلاصتك من قبل موش من تو...تنهد... مبروكة كانت تقلي الحب يجي بالعشرة راهو...ههههه تو قداش يلزمك من عام باش تولي عائلة فيا هكاكة ههههه يجيوش سبعين...يضحك و عامل فيها يفذلك..
- تعرف قداه نحس روحي صغيرة قدامك و قدام حبك لكبير. ..عملت فازتها متاع كل مرة و حطت خصلتين وراء وذنها... جبدت نفس قوي و حطت يدها على قلبها... هذا قداش يحبك.. انك تحس بعبد و تتوحشو و تتمنى تقابلو تتمنى تفتعل معاه حتى مشكلة جوست باش يتلفتلك و يصيح عليك.. تتمنى ما يبعدش مايخليكش..تحبو يتلهى بيك يدللك يروح على خاطرك و يفرح كي يشوفك.. هذا اش يسموه !! عينيها خانوها كيما كل مرة.. قلبي هو سبابي..نحس بالوجيعة هوني.. جبدتلو يدو حطتها على صدرها. .هوني وليد هوني..محلاه الحب بالرغم يوجعنا...انت قلي وليد انت حبيتني زعما حسيت كيفي تشويت بالنار هذي ياخي يتعب هكا الحب !!
-كان باهت موش دايخ و هو قدام هالكم الهائل مالحب...عينيه لمعت و يديه جمدت..يمسح ليها على وجها و نفسو مزروب و صوتو ضايع...نشاله ربي يبعد عليك نار الحب و ويلو...كعبورتي ما نتمنالهاش تشرب حتى رشفة من كاس الي ياما تسقيت بيه ليالي...نحبش قلبك الصغرون هذا يهز عبئ كبير نخاف ما يتحملش و يحرقك...حبي قوي و كبير يا عمري و نخاف عليك مالحب الكبير...عينيه مزغللة فارح بيها..هو عاشق و يميز العاشق الي كيفو...هزلها دقنونتها بالشوية و تكمل بصوت حنين...نحبك..هبط راسو باسها بوسة خفيفة حنينة من شفايفها.
-تبسم و رجع غطس في شفايفها بلهفة...تقوى عليها بحنية...هاك القوة البنينة...يديه تمسح على ظهرها و شفايفو ما فارقتش وجها...هي كانت مسلمتلو.. اعمل فيا كيما تحب كيما كل مرة.. كبست يديها بالقوي و هو عرف روحو قطع عليها النفس...جبد روحو منها و حشاها بين ظلوعو...نحبك ايمان ...ما نجمش نحب غيرك و ما نعرفش نحب مرا غيرك...تخبات عندو مكبشة فيه هاربة منو ليه...انا ولدت باش نلقاك و نحبك و نفنى في حبك...طبس عليها باسها بوسة حارة من رقبتها ..قاللها في وذنها..شاهييييك شاهي الحب معاك.. شدها من دقنونتها.. هي كانت سايي مافيقها شي كان كي حط يدو بين ساقيها يهزلها في الروبة
- لا..موش توا! 
- هز حاجبو مستغرب فيها تي توا كانت ميتة عليه.. شمعناها !!! 
- خلي مرة أخرى..قالتها بالشوي.. 
- يزيني ايمان ماكش تشوف في حالتي .. كان يرعش من شفايفو ليديه لنفسو السخون. .
- ماو..ولو كنت نحكي انا و ميمة. .
- اش حكيتو زادة..نعرفها عمراتك عاوزة الستوت هاكي
- تحكي قالت الي لازم المدة لولة مانعملوش ديما.. موش باهيلي انا... راني ماقتلها شي علينا اما حسبتها بيني و بين روحي..قلت كيما حالتنا توا
- الزح كان ليوم ايمان كان ليوم هاك عليهم الفهم !!! حدف روحو عالفرش كان يلقى يكسر الحيط مالغزول و الحظ لمعتر لي عندو ..
-هههههههههههه
- تضحك !! ...اضحك عطاتك ايام اما تو نشوفو. .ريت هالضحك هذا الكل باش يوليلك بكاء ماك اخرتك بين يديا..
- ماني نهرب...
- وين هاربة ههههه خرفي يا بنتي لا مفر لا م.ف.ر.. ااااااه قداه نحبك و الله و راس يشهد حبك كبير و عمال و يزيييييد ...
عداووه ليلهم حكاوي و تفدليك..محلاهم كي يكون و رايضين هاديين عاشقين... رقدو معنقين بعضهم... مافيقهم كان حس مبروكة و هي تشلك في الدار غزرلها و تبسم..
- هههههههههههه نمشي نكتفها هالشايبة و الا كيف! !! علاه هكا مازالت الثمنية الزح و اليوم لحد
- هههههه كاهاو لكبار ديما متعودين يقومو بكري اش عندهم يعملو 
-امممممم خزرلها بخبث ..و الصغار !!! الصغار يفيقو موخر خاطر يعديو ليلهم يكورو. .
- و لكبار عالاحطياااط...معاش تتعدى عليا بلادتك راو 
- عوج فمو... و الله و كبرتي يا طفلة و وليتي تفهمي... هزلها يدها عضها من زندها.. مانحبكش تخمج مخك اوكي عزيزتي..
- اااااه وجعتني 
- باهيلك...قام يتكسل ..خليني نمشي عندي حساب بنصفيه..
- أي البس مريولك وين ماشي !! 
- هههههه علاش باش نحشم من جدتي الحبيبة.. هزها و حطها..انت زادة تنجم تهبط بصله الروبة لي لابستها ههههه ..خرج يتشحط و يصيح ينادي مبروكة !! يا بريكة !
تعدى نهار لحد و جاء الليل..كان محلق تحت الشجرة لكبيرة وين الطلعة االعالية...هو و شلة سوكارجية من افسد مافما..اول ماشعلت فيهم الكرهبة الضو قامو مربوثين يستخايبوه حاكم...علي كان في عالم آخر كان مهستر منتشي لاقصى درجة..ماحاس بشي و لا متفطن بحد..
- وليد..تكلم واحد مالجموع معروف بالفساد و السرقة و زطلة مالحومة الفوقانية...طلع البدر علينا ههه تي وينك اش جاب....
- انت تسكر فمك حسك مانسمعوش
-شبي.....انت هاد علينا...موش معناها سموك الباندي باش تخرى فيه. .هو مازال يحكي و يتهدد و يرشقو وليد براس يدوخو
- انا مانيش جايك انت يا زبلة ..عندي امانة بنهزها و مروح. .طبس على علي هزو على كتافو حطو في الكرهبة و خلاهم للغبرة ..
-ييييياخييي مااااتفهمششش اننننت...فوووتني وليد ععلاااش تفسسدلي عليا في كميتييي الز ..... فسدتليييي كيفيييي 
- فسدتك كيفك يا طحاان ااه !!!! عنبوك الكلب يا ساقط تتهومل مع لحوم لخرى زطلة و حشيش يا خامج !!! 
- هههههههههه...اننننت مااااك صدق الله العظييييم ههههههههه...يحكي و يحك في خشمو...يااااخي قيييلني اعععععتق جد بووويا خلييني شااايخ..ياخي تحب نزيييد نشلطك كالمررة لخخرى !! 
- وليد هبل معاش فيه...يد يسوق بيها في الكرهبة و يد نازل بيها بونية في علي. ..يا مسخ يا م ....... تستخايبني خفت منك يا طحان..يضرب فيه وين يجي... و الله توصلش للقمرة لاحقك... ياخي شنيا هالحالة لي فيك !!! راك عملت الريحة يا علي ..زطلة هذي آخرتها!! قلت تو يفيق المرة لي فاتت و يجيني نحكيو ياخي انت زايد في عماك لقدام !!! 
- امممممم اشششش كسسسسرتلي راسي اشششش
- صحييييييت و باش نزيد نكسرهولك...عطاه بونيات دوخو بيه

#انتى_سبابي #كرونيكات #كرونيك 

الحلقة 84

امممممم اشششش كسسسسرتلي راسي اشششش
- صحييييييت و باش نزيد نكسرهولك...عطاه بونيات دوخو بيهم و كركرو لمركز تاهيل.. 
لداخل هزوه جماعة يخدمو فم بعد ما اصر انو يداووه من الضرب في وكلهولو... روح لدارو بعد ما اكدولو انا باش يكون تحت المراقبة من وقتها لغدوة فيها يجي الطبيب لي خذا وليد موعد باش يقابلو و يشوفو اش باش يعملو في هالحكاية الحولة...
ليلة عداها يتقلب متقلق و متحير..بااارشا خواطر و ذكريات تعداو عليه لحظات كان حاظر فيهم علي ولد الحومة..الصاحب الرجلة و الخو و السند..بالرسمي قسملو ظهرو بعملتو... اخخخخ مالفقر مية مرة و ماليتم الف مرة الحاجتين لي يخليو شباب في عمل الورد هالك روحو و يدفن شبابو في الخلط و السم... 
حتى الدخان معاش عاملو كيف طيش الباكو على طول يدو و اتكى على حافة الفرش..ايمان شالقة بيه يتقلب من قبيلة اصلا متقلق من لي روح... لا تعشى لا قعد مع مماتو لي اصلا نهيرين و تروح..
- وليد...استوات في نومتها. ..شبيك !! ماكش عاجبني راك
- لباس ايمان. .لباس ..شوي ضغط في الخدمة
- من وقتاش الخدمة تعمل فيك هذا الكل !! 
- ههههههه و انت من وقتاش تعلمتي التنسنيس هذا الكل..
- يزي. .والله نحكي بجدي. ..
- اسسسس لا جدك لا عمك... ايا ارقد ايا ..ياخي موش متمرضة انت ارقد مالا علاه متعبة روحك
- بلفطني هكاك.. اما تعرف تو يجي الوقت و تحكيلي وحدك..
- ههههه مادامك عارفة هذا الكل علاش تستجوب فيا ليك سعتين
- سعتييين !! اما انت يقوى عليك ربي..سكتت شويا.. اسمع مبروكة قالت بعد غدوة مروحة 
-و اخييييييرا
- يزي بلا بلادة... 
- عاد ماو حق كانت مسكرة اللعب عليا..خليني نتنفس يا ديني... 
- ههههههههههه
- تضحك! ! و الله نعرش علاش حاسك مستحليتها فيا
- هههههه و الله لا ..
رقد معنكش فيها.. بكل قوتو...نمط التنفس كان قوي ياسر تحسو مخنوق..حاجات مستحيل يفوتوها و هو بين يديها.. حايرتلو و موش عارفة مصابو.. شبيه قلبو و خاطرو مهمومين.. 
من غدوة هز مماتو و مرتو للحومة. ..اليوم باش يتعشاو غادي قبل مايسافرو الفجر للبلاد باش يوصلها...حطهم ودار مشى للمركز ...

- علاه لتوا غايب عالوعي!!!! كان يشوفلو متحير عليه
- المريض مافاقش مالبارح خويا..احنا بيدنا عطيناه جرعات توا يعني دواء قبل التحاليل
- علاه !! 
- لازمة باش نحصرو كمية الدروg لي في الدم... تفضل الطبيب يستنى فيك من قبيلة... قلبو وجعو عليه و هو في هاك الحالة.. خطوة لازمو خذاها من هذيك الليلة اما ميسالش مادام جابو حلف مايخرجو كان باري و لباس و خير من قبل...
- صباح الخير
- اهلا..وليد الصيد موش هكا !!
- وي انا هو... حدف روحو عالكرسي 
- اول حاجة نحب نشكرك عالخطوة لي عملتها في حق صاحبك.. و نقدرلك بدرجة ثانية نسبة الوعي لي عندك انو الحل هوني في مركز التأهيل..
- عيشك...كان شاد جبينو حتى كلام الطبيب ماهوش يسمع فيه.. دكتور..دكتور..ادخل في التفاصيل عطيني اش لازم شبيه و شنيا حالتو هو
- هدي روحك يا..وليد..ان شاء الله لباس..
- أن شاء الله..اما موش كيما تسمع عليها كيما تشوف و تعرف شكون يتعاطيها راهي موش نورمال و مع علي ؟؟؟ 
- الله غالب هذيك الهفوات و صحبة السوء و هي لي يذوق مرة ديما لازم يعاود... راهي سم راهي آفة تفتك بكل حاجة جميلة أولها الشباب..
- راهو في عمر الورد يا دكتور تي اصغر مني ماعندوش 28 سنة!
-و للاسف التعاطي ماعندوش عمر ياصديقي..تعرف احنا الجمعة لي فاتت عملنا دراسة حظرو فيها ناس كانت تتعاطى و تعافات..
- و الله برافو حاجة باهية..
- اكيد حاجة باهية.. انا من المنطلق تاعي باش نوضحلك باارشا نقاط 
- تفضل و الله كان يعاونونا علاش لا
- باهي...شوف...حطلو البيسي قدامو فيه تصاور تاع دوايات و حشاويش ... هذيكا الكل انواع المخدرات و أشهرها في العالم. ..منها الطبيعية و منها المصنعة بطريقة كمياوية..احنا بعد ما التحاليل يتعملو للمتعاطى انجمو نعرفو النوعية لي ياخذ فيها. . وقتها تنجم نقدمو و ناخذو التدابير اللازمة
- و الله ماني عارف اش مجيبو للسم هذا..كان في الشرب قلنا تو يبطلو اما زطلة جملة !!! 
-حكاولي الجماعة عالحالة لي جبتو فيها و هذي حالة متداولة و طبيعية انو يكون فاقد للوعي..شايخ..و منتشي
- تي يضرب. .شوف يدي. .. عرالو على زندو لي كان مشلط ...هذي شقفة شلطني بيها...
-وي افاكتيفمون...خاطر بخلاف انها تأثر على وظائف الجسم كيما الحواس و العقل ..تأثر زادة على طريقة تعاملو مع لي دايرين بيه..و قتها نحكيو على جانب انفعالي غير مدمغج و يكون وقتها المتعاطي طاح في تبعيات خطيرة صعيب يخرج منها بسهولة...
- بفففففف..اعرفلي بالضبط شنوا لي يتعاطى فيه دكتور..اكيد كيما فما حاجات ثقيلة اكيد فما لخفيفة !!!! 
- هذي حاجات تبينها التحاليل..كيما قتلك راهي انواع و انواع خطيرة زادة..مثلا أخطر ثلاث انواع في العالم عنا البودرة البيضاء و ما يسمى بالهيروين و هي مادة تستخرج من نبتة الكوكا. . عنا زادة بما يسمى حبوب السعادة معروفة بإسم "اكستاسي"..و الأخيرة و الاشهر نبات القنب و عليها التسمية..و بااارشا كيما مايعرف بالخشخاش و كذا..يعني بتعدد الأنواع يبقى السم واحد للاسف
يسهل ربي دكتور يسهل ربي .. انا من عندي كيما قتلك لي انجم نعملو راني حاضر 
- اكيد... هز التلفون يكلم في الوقت لي وليد جاه ميساج من عند ايمان..'' نستناو فيك عالفطور ماتبطاش'' 
- دكتور.. متاكد الي هو توا في ايدي امينة ..انا خارج باربعة ايام للبلاد عندي قضية ان شاء الله مانعطلش هاوكا التلفون بيناتنا على كل حال 
- كون هاني سي وليد و انا باش ناخو الحالة تاع صاحبك كرهان بالنسبة ليا خاصة و اني كيف مروح من امريكا و جايب خطط علاجية جديدة يعني نجاح العلاج من نجاحي 
- ربي معاك.. و عيشك مرة اخرى... 
خرج يمشي في الكلوار و يدور في عينيه فماش مايشوفو سال عليه قالولو مازال في قسم التحاليل و مازال يعطل اصلا موش حاس على شي يعني زايد يشوفو... في طريقو للدار خطم على ام علي هزلها قضية مسكينة و عيى و هو يفهم فيها و يحكيلها انو باش يبرا و ان شاء الله باش يرجع خير من قبل... خاصة وانها هي لي كلمت وليد ليلة لي ضربو و قاتلو راهو ترا فاش يشم و يهلوس ... 
في الدار كانو محلقين على شقالة الروز لي يفحفح و ضحكهم مالي الدار يستناو فيه لين يوصل 
-هالطفل عمرو ما باش يتبدل توا في بالو الفطور على بكري و باقي يتكركر... 
-عادك بيه يا مبروكة ياخي ماتعرفيش وليد.. و انت ايمان سلم بنتي زيد اطلبو شوفو وين
- نطلب فيه من قبيلة و شي مايهزش 
- ايوااااه انا هاني باش ناكل لي كتب و نقوم نهز شوالقي و ناخذ الكار و نروح و لاعاد زدت درج هوني...قص عليها صوتو مالباب.. 
- ههههههههه يزيتيش مالتزعبين يا شايبة توا موش عيب عليك تهدد فيهم... حط باكوات الرايب على الميدة.. الريق هذا نعرفو كان انا راو.. شدها من راسها و كبس عليك... توا دماغك هذا فيه باش يتحمل سفر الكيران تي ماو باش يفيضلك 
- امممممم سيب يا هم كسرتلي عظامي ... اييي و كي عارفني معاش نحمل الكيران روحت بكري اااه ؟؟ 
- كاهاو تشديت .. هاني جيت عالوقت و الشقالة مازالت عامرة... تلفت لبوه.. امك هذي ماكثر تخنينها فرحان لي باش نرجعها لدارها ..
- ههههههههه ريتي يا حاجة انا خاطيني بينك بينو 
- هاني نشوف يا علي هاني نشوف..اقعد كول هالفم خلينا نتوكلو 
- ياخي بالرسمي باش تروحي ؟؟ موش على اساس غدوة الفجر؟؟ تلفت لايمان يسل فيها بعينيه.. هزتلو باكتافها.
- لا كاهاو يزيني نحب نرجع لدويرتي و ناسي و الهدرة تاع نساء الحومة فديت هوني 
- تكلمت لطيفة... اماااان مبروكة توا موش كل يوم نلملك كدس نساء اطيب بيهم في خاطرك؟؟ 
- و انت تحسبي فيها هدرة هذيكا ؟؟ تي حكاياتهم الكل على الصغار و القراية و ولدي و ولدك و جغ مغ... اييييه انا و فتحية اهل البشير و الله نشدوها من اول الحومة لاخيرها عاد مايطيب ثلاثة برارد تاي 
-هههههههههه ميمة مبروكة تي هاي قعدات تاع تلقيط ذنوب هذي ؟؟ 
- ههههه مبروكة انت طيب التاي و ربي يطيبك انت و فتحية مرت البشير ههههه... خزر لايمان.. تحظرلي دبشي شوف تلقاش حكاية في الكازيي تاعي لهوني ماعينيش في الرجوع للدار 
- قداه باش تبقى ..تحكي معاه و هي تمد للحاج في صحنو...باش تبطى ياخي ؟؟ 
- علاه تسال انت ؟؟؟ رشقت فيها مبروكة عينيها .. ماتخافيش تو يروحلك و انت تذبليلو في عويناتك 
- ايمان تصدمت منها شدت روحها بالسيف قدام حموها و كيفاش مبروكة حشمتها... وليد شاد ضحكة بالسيف خايف يطرشق يشرق بالماكلة... 
- لطيفة حطت يدها على فمها و وشوشت لمبروكة.. ووووه شبيك عالطفلة مسكينة حشمتيها ماتحملش راهي قدام الحاج 
- اممممم و عينيها لي كالبورجيكتار اش نعملو فيهم ههههههههه 
- الله يهديك و الله,,,, بنيتي كول شبيك وخرتي ؟؟ 
- هاني ناكل طاطا...عينيها ماهزتهمش فيهم مسكينة لين كمل لفطور...مع السعتين شدو الثنية للبلاد بعد ماوصاها انها تبقى في دار الحومة لين يروح..

#انتى_سبابي #كرونيكات #كرونيك 

الحلقة 85


في الطريق وقت يسوق كلمو الطبيب المشرف على حالة علي...
- شوف يا وليد..توا احنا و بعد التحاليل لي تاكدلنا انا حالة صاحبك ادمان جزئي... باش ناخذو تدابير روتينية مانيش بنفس الدرجة تاع مدمن لدرجة أولى
- يعني العلاج هو يبدو اما بجرعات و جلسات أقل تقصد 
- وي بالضبط مانعرش قداه يأخذ معانا وقت هذا الكل اما صاحبك و تقبلو للعلاج و حبو لصحتو و رغبتو انو يتعافى هي لي باش تعاونا انو نقدمو. .
- انا من ناحيتي كان تنجم تعمل حاجة قلب وقتي و فلوسي على ذمتكم... كل شي يهون على خاطرو هالساقط مايهونش و الله 
- اكيد عندك دور و دور كبير زادة... انت الأساس يا صاحبي..قربك منو و اعماركم لقريبة عامل قوي باش نقدمو و نوصلو معاه لحل.. 
- باهي فسرلي اش نعمل انا بالضبط توا ..نبداو توا و الا كيفاش! !! 
- ههههه برافو عالحماس متاعك و الله..اما باش نبداو بحاجة ديفيرون عللخر.. الي هي العلاج الدوائي الساعة..لازمنا نستاصلو هالسم من الدم قبل و بعد نعملولو إعادة تأهيل...العلاجات هذي انجمو نستخدموها على نطاق واسع....يعني العلاج ينجم يكون متعدد اما ديما الهدف واحد..تسمع بيها فلسفة ''الحد من الضرر'' 
-وليد عوج فمو موش فاهمو.. لا ماعندي عليها حتى فكرة 
-هذي ميتود يستعملوها الطبة في العلاجات لي كيما هذي..يعني باش نعالجوه بنفس السم لي ياخذ فيه... ماتخزرليش باستغراب يا وليد هاني باش نفهمك..علاج المخدرات اللامشروعة متاع الشارع باش يكون بمخدرات اخرى مشروعة اما تحت مراقبة طبية..هذي الاخيرة عبارة على ادوية افيونية عنا مثال ''الميثادون و البوبرينورفين'' هذي ادوية مسكنة باش ناخذوها على اساس بديل للاخرى الضارة لي كان يتعاطى فيها في الشارع... 
-طبعا الجرعة باش تكون اقل ؟؟ 
- وي بيان سور اقل و عمالها و تنقص بالوقت...هي لاش مجعولة ماهي باش تساهم فاستقرار المريض و الحد من التعاطي العشوائي.. 
- لي فهمتو من كلامك انها علاجات وقائية وقتية 
- وقائية صحيح اما لفترة غير محدودة الحق .. احنا و الحالة و مدى تقبل المريض للعلاج... 
- فففففففف علاه دخل روحو للمعامع هذي الكل 
- الله غالب توا لازمنا نتحركو و ان شاء الله خير هاك قتلي الي المدة لي لقيتو فيها يتعاطي ماتفوتش شهر طبعا اذا حسبنا معدل انو يتعاطي يوميا ... 
- و الله مانعلم يا دكتور و الله نخاف يكون ياخذ فيه من قبل و انا مافيباليش 
- باهي اتفقنا .. ان شاء الومور باش تاخو مجرى علاجي وقائي يكون فيه هو الرابح الكبر حاجة بركة لازمنا نحطوها تحت المجهر انو اول ثلاثة شهور مالعلاج و هي حاجة طبيعية و متداولة بنسبة كبيرة انو المريض تصيرلو انتكاسة
- باهي دكتور...يصير خير..انا توا نسوق تو نتلهى بيك و نكلمك..
مع المغرب كلم امو في التلفون و طمنها..
-وليدي وصلتو لباس ؟؟ وينها مماتك تعبتش في الطريق .. الدار الكل لباس ؟؟ 
-اوو اوو بالشوي راني كنت نسوق و بجنبي كاسات من عام اربعين يعني راسي كالعضمة..ايييي لباس الكل لباس و مبروكة كالحصان و هانا في دار عم محسن باش نتعشو لهنا و نباتو 
- باهي سلم عليهم.. و رد بالك على روحك وقتاه تروح ؟؟ 
- نعرش هاهم يحكيو على قسمة ارض ما ارض تو نكلم بابا بعد نفهم منو شنيا حكايتها.. ايمان ويني ..وقتها هي كانت بجنب لطيفة تسمع فيه و كي سمعاتو سال عليها عملتلها بيدها هات التلفون هزاتو و دخلت للبيت 
-وليد 
- اهلا بيك تي وينك يا طفلة ؟؟ 
- هاني ..لباس انت و ميمة ؟؟ 
-اخطاك من ميمتك و تلهى بيا توحشت دين ولديك راني 
- ههههههههههه 
- علاه تضحك نبزنس فيك ياخي .؟؟ اش عملت مشيت للدار جبت قضياتك 
- اي مشيت و هاني هوني لين تروح 
- باهي هنيني انا نهايرين كان طارت و نروح.. وائل يبدو معاش يعطل عالاقل يونسكم بحكاياتو لي ماتوفاش 
-هههههه باهي ماتبطاش بربي 
- باهي ان شاء ايا رد بالك على روحك و خلي تلفونك ديما بجنبك رد بالك تغفل عليه و ماتخرجش مالدار كان ماتشاورني و كان خرجت كان معاك امي و الا وائل باهي ؟؟ 
- باهي 
- ماسمعتكش 
- باهي وليييد واااضح 
- صحيتك ايا نخليك توا نتعشى و نكلم مرتي بعدين باهي 
- باهي صحة و بشفاء ..
كانو الكل في الفيراندا لكبيرة ملمومين ياكلو و يضحكو اييييه قداش ليع عالقعدة هذي وسط ناسو و اهلو وماليه عندو سنييين ماجاش .. سنين ماشمش تراب لبلاد الغالي اربعة سنين تعداو تبدلت فيهم باااارشا حاجات.. الديار و الكياسات و الناس بيدها تبدلت.. كل شي تبدل الا خزرة سماح بنت عمو.. كانت تراقب فيه في كل حركة يعملها هي معاه قريب توكلو بيديها مسكينة فرحانة بيه رغم كل شي رغم انو معرس و بمرتو اما هي ماهامتهاش في شي هي توا فرحانة لي شافاتو فرحانة لي هو في وسطهم ياكل و يسهر معاهم... تفد كل مرة يجبدو فيها ايمان و كيفاش جوها في العيلة.. هو شايخ عليهم كيفاه يسالو فيه الكل و يلومو كيفاش ماجابهاش معاه هالايامات لي باش يقعدهم .. شايخ على مبروكة كي تحكي عليها و كيفاش عاجبتها حشمتها و حذاقتها و زينها..حاس بيها من بعيد كيفاش تترصد فيه كيفاش مركزة معاه.. زاد شويا و قام يعمل في تلفون الريزو خايب خطفلو بعد مشوار باش كلمها و اطمن عليها ياخي بالزهر التلفون طاح شارج..على تلفيتو يلقاها في وجهو هازة الطبق 
-سماح بربي نلقاش عندك شارجار ؟؟ 
- اي اكيد.. لحظة نجيبهولك 
- لا لا هاك هزو حطو في وحدة مالبيوت تو نجيه بعدين... 

ايمان تطلب و تعاود يطلعلها مسكر فدت عللخر .. هبطت وين لطيفة و الحاج 
-اه اش قالك ؟؟ 
- تي اسكتو برك خلونا نسمعو لخبار ماتفدوش مالدواوي و الحكايات ؟؟ 
- اشششش.. عملت بيدها تسكت في لطيفة و تتبسم.. توشوشلها بالشوي.. تعرف حس الجماعة يتسمع اكثر من حسو باين عاملين جو 
- اييييييي صحة ليهم و الله..محلاها هاكي ليام و الله كنا كل عيد نطلو اما وقت ماكبرو لولاد ولينا و تلهينا في قرايتهم ولينا مرة في الفال نمشيو 
- اي 
- هههه تعرف قبل عمك الحاج و خوه الحاج محسن كانو متفاهمين بللي سماح لوليد؟؟ 
- سماح شكون ؟؟ 
- ههههه تي حكاية قديمة شو كيف وجها تقلب ؟؟ 
- بربي طاطا احكيلي شنيا سماح لوليد يعني عرس ؟؟ 
- اي يعني كانو متسميين على بعضهم هي مسكينة ماتت بالفرحة اما وليد قال ربي واحد كان ناخوها هذيكا كي اختي و عمللهم عرعور وقتها.
- و هي عرست !!
- لامازال الله غالب كانت حابة عليه و لتوا مكتوبها لا سرب بنيتي برغم اولاد لبلاد الكل خطبوها و هي ماحبت..بيناتنا ياااسر طاحت عليه وليد اش خلاه فد و كره المرواح للبلاد... لطيفة تحكي و تعوج في فمها ... 
- اي و دارهم ماقالو شي ماخذوش على خاطرهم منكم ؟؟ 
- لا خذو و بقاو مقاطعين مدة اما عمرها العين ماتعلا عالحاجب.. في لخر الدم عمرو مايولي ماء.. الدنيا مكتوب بنيتي 
- يعني وليد في دارهم ؟؟ في دار بو سماح توا ؟؟ 
- و شبيك يا طفلة ماتقوليش نغرتي لا لا انت مخك صغير يا شومي راجلك راهو تو ؟؟؟ ... بدات تبكي..اسسس شبيك تتدمعي ؟؟ توشوشلها.. الحاج تو يتلفت يراك يزي بلاش هبال يزي ... مانجمتش تشد روحها عالبكاء هزت روحها و دخلت لبيتو و اطرشقت بالبكاء فرغت دم قلبها في المخدة لي كلها بريحتو..الغيرة تنهش فيا و ماخلاتها تشوف شي كان سماح و حب سماح و فرحة سماح توا بوليد براجلها...جات في مخها باااارشا حكايات صورهملها مخها الصغير...هزت تلفونها و طلبت نومروه... 
توا لحداش و نص تاع الليل فاقت بروحها راقدة و محملة التلفون تتفرج في تصاورو تعشق في تفاصيلو و تتنهد كل ما تجي تصويرة تذوبها.. هبطت دمعتها اول ما جات عينيها على تصويرة عرسهم.. قداه محلاه قداه موهر قداه تحبو و قلبها موجوع من حبو مازال مابراش... ماتشوف في شي كان تصاورو متجاهلة الناس لي في التصاور و مركز معاه و ضيعت تركيزها عالباب لي يدق.. فاقت مربوثة و مخلوعة سكرت التلفون و حلت الباب 
-وليد؟ 
- سامحني كان فيقتك اما جيت نهز تلفوني 
- اه اي اي تفضل...تشوفلو كيفاش يبربش فيه قلبها نخصها و قالت في سرها اكيد يتفقد فيها طلباتوش 
- ماطلبني حد قبيلة ؟؟ 
- لا لا.. نقصد وين نعلم يشرجي عل روحو من بكري مسكر 
- باهي .. على خير.. سكرت الباب و تسكرت في وجها البيبان كالعادة ..مازالت تتفكر هاك الكف لي كلاتو منو هاك النهار.. كف فيقها بيه على وضعها فهمها انو مستحيل كان خمم فيها نهار كمرا للعرس.. ما اكثرش من اخت..الاخت لي ماجابتهاش لطيفة و الحاج للدنيا اكثر من هكا قلها مانجم نعطيك شي..حطت يدها على خدها و اطرشقت بالبكاء كاينها مازالت موجوعة مالكف كاينو مازال يحرق فيها..اما نار قلبها ميقودة نارها مازال ماطفاتش.. تعرف الي لي تعمل فيه ماعندو وين يوصلها و كان اتعب في روحها اما هكا ستانست الله غالب.. 

اليوم يروح وليد بعد ماتهنى على مماتو و تفضت مشكلة الارض لي مشى على خاطرها.. يرحي في الطريق رحيان متونس بموزاييك.. حاط تلفونو قدامو يستنى تطلبو اما شي .. هو الريزو في البلاد كعبة لا اما لطيفة تتحصل عليه طول... يزيد يهبل هو كي يطلبها و يلقاها خارج التغطية مافهم شي .. امو كل مرة يطلبها تقلو لباس عليها هاي لاهية.. ماحبش يحكي معاها اما تو يوصل و وقتها عندو حساب اخر...
وي...ظاهر فادد..وين توا؟؟
- الناس تقول عسلامة... وين باش نكون ماني في دار الحومة..
- انا نص ساعة و نوصل..ما عينيش نجي تاعب..ايا قوم خو تاكسي روح
- في هالسخانة وين باش ننلقاها تاكسي !! انت تسوق تسوق كمل هزني و كاهاو...
-اخرج خوذ تاكسي مانيش جايك...علق و خلاها باهتة
وصلت تلقاه متكي عالكانابي حط يدو على عينيه...حس بيها كي حلت الباب...هو فادد خاطر متوحشها و هي ما كلمتوش كان اخر نهارو هي ماكانتش خير منو منرفزة منو خاطرو قعد غادي ما سألش عليها... 
- امبوسيبل وليد انت هوني شاد الظل و انا تمرمدت باش لقيت تاكسي !! مافيها باس كان خطمت هزيتني.. و طيشت المفتاح عالطاولة... اصلا ماكلفتش روحك تلفون تسأل عليا باش تجيني تهزني ياسر يولي..
-ما تحركش مالبوزيسبون متاعو اصلا ما جاوبهاش الشي الي زاد وترها
- نحكي معاااك.. صاحت و نسات الي الفازة هذي اطيرلو منها ..
-نحا يديه و صاح لين لخلخ وجها ...يزززززي مالصياح ما طيرليش البرج الي مزال لاباس في مخي..فهمت ولااااااا...قام باش يتعدى من جنبها طالع لفوق و هي وقفتو بكلامها
- علاه تصيح انت توا !! توا وصلت راك و الا تتفرهد غادي و تجيني قالب خليقتك !!
-اي مشيت تفرهدت و شخت سافا؟؟ عدا يديه على وجهو و خزرلها...سافا رتحت توا هاني جاوبتك
-ششبيك وليد !! علاه النطرة هذي الكل !! انا لي لازمني نفد و نتغشش خاطرني نطلب فيك و انت متلفني...
-هههه ضحك بغزول غمض عينيه و عاود حلهم...هز يديه يسئل فيها..طلبتني ليوم...عندي اربعة ايام مطيش غادي ما تفكرتنيش...ليومة كلمتني باش نتعدا نروح بيك...تنفس بالقوي...اسمعني ابعدني توا راهو الدجاج الاكحل داير بيا...فوتني ايا
-نطلب فيك.. لحقاتو المروج و وقفت قدامو. .. كل يوم كل دقيقة تتعدى تجي على بالي و نطلبك اما ..اما تلفونك هو لي مسكر ديما مسكر كل يوم مسكر... علاه مسكرو ياخي ماكش مخلي مرتك وراك تنشغل عليك و تسأل ؟؟
-يكبس على راسو الي يوجع مالحس و الفدة ..ابعد ابعد من قدامي ...طلع للبيت يجبد في دبشو.

#انتى_سبابي #كرونيكات #كرونيك 

الحلقة 86


ينحي في مريولو بنطرة...قلو نخمم فيك و طلبتك هههه يكثر خيرك.. تقلقت طلبت راجلك الي 300 كلم يسوق !! لا تقول يعمل اكسيدون يتفتفت لا سما...دارلها يحكي معاها...اخر مرة طلبتني كي وصلت لغادي باش تسال على ميمة و بعد ههه ..ضحك بوجيعة..انقطع البث...اش يهمك فيه انت وليد يجي ولا يقعد ولا حتى ياكل راسو...علاه انت معبرتني من اصلو...بربي يزيك من لغة طلبتك و كل لحظة...غمزها...تخلينيش نجبد التيليفون و نخلي التكنولوجيا تكذبك... ينحي في منقالتو و يحكي و هي باهتة...نزيدك ولا سافا؟؟؟
- و رحمة امي طلبتك. .طلبتك و يطلعلي مسكر و بعد ريجيتي طلبت لين هلكت... وصلت عملت ريفاي على راس كل ساعة باش نفيق و نتفقد التلفون اما شي نفس لحكاية..والله ياخي مكذبني بالرسمي !!! هات مد تلفونك مدو !!
-تفكر انو كي طلبها باش تاخو تاكسي الا ما كلمها على نومرو لطيفة....جا باش يمدلها التليفون و هو صونا في يديه...يلقاها سماح
-وي اهلا سماح ...يتكلم فادد ..اصلا في هالاربعة ايام طلعتلو الدم...اي هاني وصلت...اي سافا...مزال باش يكمل يحكي و ما يحس بيها كان خطفت التليفون من يدو كيف المصروعة...و علقت
-تلفتتلو و وجها مقلوب.. هذي هي سماح!! سماح بنت العم لي مشركة روحها عليك !! علاه تطلب فيك اش مدخلها اصلا وصلت ولا اش يعنيها الشي.. انت مروح لمرتك هي مالها و مالك !! و هاي طلباتك من غادي لهوني علاه كان انا مايتعداليش !!! شوف.. شوف باش تصدق.. كومبوزت نومروه و طلبت .. شوفتو اش مكتوب زيد ثبت ... ريجيتي ولا موش ريجيتي اااه!!!! التكنولوجيا لي باش تكذبني بيها انا زادة نفهمها و قاريتها ..اما لي موش فاهماتو الساقطة بنت عمك اش جابها ليك والا دفنتو نومرويا و حلالكم الجو !!!
-بقا حالل فمو موش فاهم شي...الي يرا فيه و كلامها ...تخاطت عليه...هز يديه للسما و جا باش يقلبها وجها و بعد ضرب الحيط بجنبها..و صاح صيحة وحدة...سكككر فمك لا نهد هولك..رددد بالك كلو الا تقلي كلام الشارع هذا شنيا حلالي الجو !! من وقتاش انا هكا نعمل معاك !! و التليفون مانيش عارف...منيييش فاهم اش بي الدين امو...اما هذا ما يعطيكش الحق تغلط فيا فهمت ؟؟
- باش تضربني يا وليد !! باش تعاود تهز عليا يدك ماكافاكش الكف لول !! و على خاطر شكون..سماح!! 
ماشي في بالك ما في علميش بيها كيف كانت قاتلة روحها عليك و ترمي في روحها؟؟.توا تقلي اش مجيبها ليك.. اش قاتلك ..انت اش قلتلها ..قلي خرجتو غادي.. اكيد لصقت فيك.. هبلت معاش فيها تضرب فيه على صدرو بيديها بضربات موش متوازنة تعبر على نفسيتها توا لي مخلطة حب غيرة و خوف و وحش.. ياخي ماتفهمش انك معرس انت توا عندك مررتك الي هي انا.. ماو تفهم روحها...و نحلف كان ماتطلعش هي لي عاملتلي ريجيتي ..و انت زادة ماكلفتش خاطرك تكلم علاه !! بالك انا بيا حاجة علاه ماطلبتنيش !!
-صبر صبر و شدها من يديها كبس عليها...ما نتكلمش و نسألش باهي...بينو و بين روحو فد خاطر بالرسمي نومروها ريجيتي موش فاهم شي اما الغل مخلط بالوحش لي متوحشهولها و نقمتو عليها خاطر غلطت بالكلام معاه..يا للا اموري حكيت معاها سماح و حكيت مع غيرها...علاه شنية مشكلتك انت..معندكش الحق تحاسبني فهمت ولا...بدا يمشي و يجي في البيت عروق رقبتو بانو...
- شنيا نحاسبك !! نحاسبك مالا لاااا معرس راك يا سيد م .ع.ر.س... يعني ليا وحدي و من حقي وحدي راجلي لي نحبو و نغار عليه راجلي انا..و شكونها هي و شكون غيرها لي حكيت معاهم... تحكيلي فيها عادي و تقلي حكيت معاها !! ضحكت بحسرة و غلبت الدمعة لي جات باش تشق طريقها كالعادة... علاش انا متبدل معايا !! ياخي فادد مني !! معاش نعجبك !! 
-الله مصلي عالنبي ... يهدييك شنيا هالكلام هذا !! انا هاني ساكت و انت كي تفيق على وضعك و توزن كلامك و تنحي عليك هالتخمام العاطل توا نحكيو و نتفاهمو... قعد على حافة الفرش عاطيها بظهرو...شاد راسو بين يديه و ساكت...يسمع فيها تتغصص تبكي بالساكتة دموعها حرقوه...يعرف إلى هي من قهرتها و غيرتها تتصرف مالفروخ اما ميسالش خليه يكبس عليها شويا..هذي هي طبيعتو وليد يدللك يحن عليك..يحبك يطيرك لفوووق اما وقت الكبس كلمة.. يحبها يموت عليها يتقهر يتعذب كي تصيرلها حاجة اما موش عارف شبيها غبلت عليه ..باهي صحيح فازة التلفون عاشتها اما والا تبلبز بالكلام...يوصل يهز عليها اما يندم بعد...تتململ في الفرش وراه كان حاب يدورلها و يرضيها اما اي سبقاتو و عنقاتو من تالي و غرست راسها في كتفو...
- نحبك.. 
- تنهد و غمض عينيه..نقطة ضعفو قربها و لمستها طفولتها في تغلبو بيها ..كالصغار يعملو عملتهم و يرميو رواحهم عليك..دارلها.. توحشتك تقهرت كي حسيتك باعثتني.. قلت وقتاه نروح و نشوفها و انت تخرف و الغيرة ماكلاتك..هو يحكي و هي وجها تقلب...عينيها ضياقو كبست حواجبها... 
- ولييد شبيها ريحتك هكا !! اععع أبعد باش نرد.. دخلت تجري للتوالات و هو ماهو فاهم شي..خلط عليها ياخي عرضاتو في الباب.. هزت فيه عينيها..كرهت امها الدار و كرهت روحي معاه
-هز حاجبو مستغرب من كلامها... شنيا هذي كرهت روحك ؟؟ لاا انت ماكش نورمال حتى طرف... هز يدو لحنينة و عداها على طرف شفايفها وين فما طرف ماء مسحهولها... شبي صغرونتي علا هذا الكل 
-ذبلتلو عويناتها كيما كل مرة..نعرش و الله.. عندي نهارين مانيش قد بعضي خلوقي لهنا..
- هذاكا خاطرك متوحشتني و هبلت كي ماريتنيش و غرت عليا في الوقت لي انا مانشوف حتى مرا غيرك يا مغيارة 
- خليني .. شداتو من كول المريول.. لازمك تعرف حاجة انو لي تقربك نقتلها بيديا..ضحك عليها.. لا ماتضحكش خاطرني نقتلك انت زادة
- ههههههههه قوية منك بصراحة..امممم اش قولك نقتلك انا تو و بعد نعملو راي في الغيرة متاعك 
- ضحكتلو و قدمت شفايفها ... هزت روحها و وقفت على طراطش صوابعها باساتو من دقنونتو و عضاتو ... 
-يزي يا فرخة راك كثرتلها و انا مانضمنش فيك..شدها من اجنابها و يوخر بيها للفرش و هي معنكشة في كتافو عينيها مسحورة بيه.. 

علي بداو معاه في العلاج كيما قال الطبيب .. مللول ملتقبلش الفكرة و تعبهم النهارين لولانيين اما توا سافا قاعد يتاقلم... وليد مايبخلش عليه و كل نهارين يمشي يشوفو.. اليوم جمعة هز ايمان لدار بوها و بعد روح بيها لدار الحاج و خرج هو وائل يعملو في دورة الكونكيريات عندهم سلعة يركحو فيها... 
-ايمان بنيتي اليوم خالك الحاج شاهي العصبان 
- باهي نعملولو العصبان.. كانت متكية عالكانابي و لطيفة تتفرج عالتلفزة... ياخي عاملين فيتوكس قوي و الا شنيا لحكاية ؟؟ تحكي و تشم بخشمها
- لا بنيتي هذاك المعطر و الا شنوا جابو وائل الصباح مع القضية.. 
- ريحتو ماقواها .و تحكي و تنحي في الفرش من على ساقيها... مالا سخانة ياخي غاطة البيت ؟؟ 
- ووه تي الدنيا بحري و نسمة باردة تعشق و انت فادة مالسخانة؟؟ قوم برد لحمك بطرف ماء بارد توت تفرهد 
-نفخت... تعرف كايدني الحال حتى عالدوش و الله ... هي قامت و مازال ماوقفتش بالطول و تجيها الدوخة رهوجتها كان ما كبشتش في الكرسي راي كلتها في راسها الطيحة.. خالتي..خالتي لطيفة.. امان.. كانت تحكي و صوتها عمالو و يرزن ..
- باسم الله عليك شبيك يا بنيتي؟؟ اقعد ارتاح..و جابتها كاس ماء شربتها و بلتلها وجها.. وجهك اصفر موش عاجبني من لي جيتي الصباح.. تمدي على ظهرك ترا 
- كاهاو ممكن تعب و قضية و زيد ماناكلش...تحكي و لطيفة تحوس بيدها على وجها و بعد هبطت لكرشها و ايمان اطرشقت بالضحك
- ياااااااي مانحملش و الله و الله هههههههه
- خليني نشوفك .اركحي عاد و سيبيلي يدي يا طفلة تي سيبي..بدات تكبسلها على كرشها من لوطة و تتحسس عاملة روحها..
- ههههههه كملنا حضرة الدكتورة ..ايمان تتمقصص عليها.. اش فيا ترا قولي شنوا مرضي 
- يقلك لي فاتك بليلة فاتك بحيلة..ضيقت عينيها انا لطيفة و كان مازال نعقل و نفهم في الدنيا هذي انت راك حبلة و عندك شهير و الا ازيد شويا 
- ايمان بقات مصدومة... و حطت يدها على كرشها عينيها تعباو بالدموع و الكلام ضاع عليها.. هههههه و الله و خطفت و الله 
- لطيفة مافهمتهاش ... شنيا لي خطفت يا بنيتي
- هههه كميونة ولد ناجية هههههههه ... زعما طاطا بالحق انا حبلة ؟
- و راس بنيتي انا هكا حسيت.. انت قداه ليك نظيفة 
- نعرش و الله لاحطيتها في مخي اما مامرضتش من قبل العرس
- ههههههه تي واضحة يا ديني ..تعرفش كيفاش خليك تو نوصل نجيبلك هاك الورقة لي يعملو بيها النسون و نجي.. اش نقلو بنيتي ؟؟
- هههه قلو تاست..والا لحظة تو نكتبهالك ...

نعيمة تلم في دبشها و هدى معاها كل مرة تعاونها في قضية ...تلفونها يفيري و لا حب يسكت... موش منجمة تهز عليه بحذا اللكزة لي لابستها بعثتلو ميساج '' مانيش بروحي'' رجعلها '' شاهي نهار تكون بروحك و تهزي عليا التلفون '' تخزر لاختها و في غفلة منها كتبتلو '' هههه الله غالب شبي كانت لباس ؟؟'' عوج فمو و رجعلها '' توحشتك ياخي فيها حاجة و الا مانكلمك كان فما حكاية ؟؟ '' تبسمت و كتبتلو'' تو بعدين نجي غادي نشوف ايمان هههه'' تبسم و بعثلها '' المعنى ؟؟ يعني موش جاية على خاطري ؟؟ كتبتلو '' افهمها كيما تحب و توا بااي ''
وقت لعشاء روح وائل و خلط وراه وليد بعد ماكلمهم الحاج باش يروحو يتعشاو ... لطيفة تحرك و تمد في الطاولة وقت دخل عليها وليد..
-امي ؟؟ شبيك تمد في الميدة وحدك ويني ايمان ؟؟ 
- هايكا في البيت اتكت شويا راسها يوجع .. من قبيلة و هي من حاجة لحاجة
- مسكينة اختي ايمان قداش تاعبة تي ظاهر من وجها 
- انت حسيت بيها عااد اه ؟؟ مالا سلعة ..قوم حظر مع امك خليني نشوفها... دز الباب و دخل يلقاها متكية حلى جنب هازها النوم عاطية وجها للحيط.. قرب للفرش و قعد و بدى يقوم فيها.. امونة ؟؟ شبي مريتي ؟؟ يحط في يدو على جبينها.. ايا قوم راك عملت العار بالنوم..
- اممم .. بدات تحل في عينيها و تتململ في بلاصتها شافاتو تبسمت بكل حب دارت جات على ظهرها.. من وقتاش جيت ؟؟ 
- توا يا نوامة.. ايا قوم لعشاء حظر و لطيفة واحدها 
- تخافش حظرت معاها كل شي قبل مانتكى..
- هبط باسها من شفايفها.. محلاك كي تكون عاملة فيها حاذقة و صنافة و بنينة و نوامة 
- ههههههه هاذم الكل انا ؟؟ 
- ا ياي اي انت .. زاد باسها من رقبتها و هي تكبست بكلها كيما كل مرة .. هو تبسم خاطرو حفظها.. امممم تعرف الي احنا توا واحدنا ؟؟ يشوف للباب
- ههههههه لا ماناش واحدنا
- لا عزيزتي انت التعب عوق فيك شو فانا و انت كاهاو
- هههه و راسك مانا واحدنا.. و انت ماتعرفش تعد مليح.. هزت يدها ليها .. انا و انت .. شاورتلو بيدها و بعد هزتلو يدو حطتها على كرشها.. و بيبي صغير مني و منك قاعد يكبر هوني ..
- شنيا كلمة صدمة و فرحة و بهتة تنجم تجي قدام الملامح لي ترسمت على وجهو في لحظتها...يخزرلها في عينيها لي تملات بالدموع.. دموع الفرحة لي ماتكمل كان بيها هي و هاهي بيدها اليوم تهديلو لحلى حاجة ينجم يهديها حبيب لحبيبو.. اش ..اش تقصد ايمان ؟؟ يدو كانت ترعش فوق كرشها لي كانت تتهز و تتحط بالربثة متاعها... انت حبلة ؟؟
- عملتلو براسها ..''اي'' .. و تسيبت بالبكاء.. ا ياي انا حبلة .. وليد باش يجينا و
عملتلو براسها ..''اي'' .. و تسيبت بالبكاء.. ا ياي انا حبلة .. وليد باش يجينا وليد و الا بنية ههههه 
- عينيه يلمعو و لسانو رزن مسكين ماهوش منجم يعبر في لحظتها.. هزها لزها ليه و حضنها... يعني الحلمة كانت صحيحة هههه يعني وقت حلمتها ربي حب يبعثلي اشارة انك باش تحبل و تجيبلي احلى حاجة منك 
- هههه وقتاه حلمت ؟؟ خزرتلو بعد مابعدها من حضنو و باسلها بديها
- ليلة و اما راقد حلمت انت بجنبي و حاطتلي يدي على كرشك و تقلي وليد باش نجيبو تواما
- ههه تواما ضربة وحدة
- و الله كيما نحكيلك.. قتلك نحبهم زوز اولاد و محظرلهم حتى اساميهم هههه 
- يقوى عليك ربي ههه و انا ماعنديش راي 
- هههههههه و الله هذا هو نفسو كلامك في الحلمة. ياخي انا قتلك شكون لي حط الدينار 
- هزت حاجبها مستغربة ... دينار ؟؟ اما دينار
- ههههههه قربلها و وشوشلها..''نقصد شكون حطهولك فم ''...ضحكت و ضرباتو على كتفو و عاود عنقاتو ... فرحاااااانة وليد 
- يا روح وليد.. هه توا فهمت اش تقصد بكارهة روحي و كارهة الدار و الردان هذاك ... اولادي برفسو من تو 
-ههههه كاهاو انت كبشت ... ااااه يا ربي الحمد لله..
- الحمد لله .. باسها من جبينها.. ايا قوم خلينا نتعشاو.. وبعد...
- و بعد شنيا ؟؟
- بعد نهز مرتي وين تحب 
- هههههههه.. صفقت بيديها كالصغار..حبيتها لحبالة من توا ههههه 
- و انا زدت عشقت ولديك من اول و جديد.. طبس رهوجها ببوسة ... هذي تابعة المقبلات..غمزها و خرجو ايد في اليد..

بعد لعشاء روحو لدارهم..حظرو و خرجو طوول... في الكرهبة كانت بجنبو محلى زينها... لابسة روب بيضة طويلة فيها فونت مالشيرتين و باسكات روز ببيبي وشعرها شداتو بشكال ياااسر فينو هو كان ياااسر موهر بالمريول لاكوست في الروز بيبي زادة سروال دجين و باسكات ابيض نفس الماركة... كان يسوق و عامل جو عليها فرحان بيها و ليها... يغني و زايت و هي تضحك عليك كيفاش شادلها يدها يبوس فيها و يغني مع حسين الديك و يخزرلها في عينيها..
مليون بحبك مليون..بحبك عم اتحدى الكون..مطرح ماعيونك بتكون الارض بتالب جنة..
-ههههههه تي اخزر للكياس 
- هههههه لا انت ثنيتي لي عينيا مغمضة كي نكون معاها.. انت دليلي 
- نحبك وليد...عينيها تلمع متاثرة بيه...ربي يخليك ليا و لا يحرمني منك..شي ماي فرقنا و الله شي ماعاد ينجم يبعدنا كان الموت
-اشششش اسكت حتى الموت لا حتى الموت ماتفرقناش ريت تصيرلك حاجة اللطف عليك انا نخلط عليك طول مانجمش بلاش بيك مانقدمش ماعاد يحلالي شي راني 
-تبوسلو في يدو.. ياروحي ان شاء الله بعيد الشر اخطانا من سيرة الموت و الفراق و خلينا عاملين جو انا اليوم فرحاااانة هههههه 
- هههه كي تكون فرحانة تتحل شاهيتك انت عاد اه ؟؟
- ههههههه اكيد..شدت بيدها على كرشها.. باباتي احنا ذعنا ههههه 
هههه كاهاو اقتنعتي انهم زوز اولاد ... يا عمبو زينك محلاها

#انتى_سبابي #كرونيكات #كرونيك 

الحلقة 87


وصلو قدام ريستو محلاااه عالبحر موزيكا رومونتيك و هدوء و جو يعشق صوت الموج و النسمة الباردة تزيد تنسيك في الدنيا و مافيها.. قعدو في طاولة قريبة للشط الماء دوبة يوصلهم.. هي عينيها باش تخرج مالمنظر لي راتو عمرها لا عفست بلاصة كيما
-عزيزي...كبسلها على يدها .. عجباتك لبلاصة ؟؟ 
- يااااسر محلاها..تشبه للبلاصة لي جيناها في عيد ميلادك ... و محلاك انت زادة
- ههه نعرف...نعرف زادة الي مرتي المزيانة الخندودة راهي احلى وحدة و احلى مرا في حياتي و في البلاصة هذي الكل..
- امممم انت ثبتت فيهم؟؟
- لا اما واضحة خاطرك تبقص و تجهر كالبلارة الضواية ..نحس العينين الكل عليك و دامي بدا يغلي ...يحكي و كابس على سنيه... قتلك لمو شعرك علاه هكا
-هههههه مغياار راك و حزارتك ساعات تكون موش في بلاصتها يزي اماان خليني نتفرهدو .. هاني معاك شنيا لي فيها ..تبسمتلو جاباتو على راسو طوول 
- جاء باش يرجع عليها..ياخي صوت مرا قاطعو...
-مرحبا بيكم ههه لوزامورري هههه .. عرايس جدد ؟
تبسمتلها ايمان و وليد جاوبها...هههه جدد مالباكو ..غمز لايمان و تلفتلها ..جديد الريستو ؟؟ اول مرة نشوفو في السيتي هذي
- اي جديد موسييي.. مرحبا بيكم.. امس الافتتاح اما اكيد نفرحو بيكم..خزرت لايمان محلاه شعرك عزيزتي و اكيد هديتنا ليك باش تزيد تزينو .. حطتلها تاج بالنوار لبيض محلاه على شعرها.. زاد فيه الشطر..يااا تبارك الله عليك
- عيشك مرسي هههه..وليد ؟؟ شفتو محلاه
- شفتو محلاه و محلاك انت و محلاني انا لي مصبر روحي عالناس لي تخزرلنا و صبر روحي عليك 
-ههههههههههههه ..جبدت تلفونها تغزل فيه تشوف في روحها و تستوي في شعرها
- امممم مازعمها هي عاااد... ايا نحي الوز من يدك يزيي ؟؟
- تبسمتلو... وليد انت تعرف باارشا بلايص .. 
- امم نعرف
- منى قاتلي الي مافماش ريستو و الا بلاصة فتحت جديدة كان مامشيتولها ايام الفاك و بعدها.. صحة ليكم 
- ههههههه عادي مالا حاجة كبيرة... انت زادة تو تمشي و تشوف و تفد منهم
- بالحق؟؟ باش نخرجو ديما
- هههههه لاعاد موش ديما مالا ماخذ مرا باش ناكل في الشارع و المطاعم ماو يدياتك تقضيلي يا روحي ... اما وين تحب نخرجك انا ليك في كل وقت
-ههه تقليش هذا الكل في خاطر اولادك..
-في خاطر اولادي و ام اولادي ..رمالها بوسة في الهواء 
- هههه ربي يخليك 
- ديما تذكر الي راك معايا باش تعيش اميرة تعيش لي عمرك ماعشتو.. نفرحك نعزك نحبك نحترمك و نعطيك عينيا و شويا فيك يا روحي .. تستهل اكثر و راس حبك يا حبي..اما نحبك تكون مرا في غيابي .. تصون وليد و تحترمو و تكون ليه قبل الناس الكل مانحبكش تتذل لحد و لانحب يتعدى عليك حد و تتعدى انت على حد نحب كي يشوفوك يقولو اهيا مرت وليد اهيا المرا لي ختارها المرا الباهية الطيبة لحنينة ...نحبك تعيش معايا الحب و الفرحة لي تحرمت منو الكل انا نعوضهولك اولهم امك انا نكون امك كان تحب ههههههه 
- هههههههه ضحكتها مليانة بالدموع ماعاش عارفة ماتقولو اصلا اش ياش تقولو و هو كمل لكلام الكل...تعرف وليد عمري مانسامح روحي خاطر كنت مفرطة فيك و في حبك.. ساعات نقول علاه ربي ماعاقبنيش علاش خلاني نكون ليك و مفرحني في الوقت لي لازمني نكون بعيدة نعاني وحدي و نتحمل اخطائي و بهامتي
- وين بعيدة ؟؟ بعيدة عليا ؟؟ يعني ماشي في بالك كان تبعد انا انجم بلاش بيك ؟؟؟ انا لي لازمني نحمد ربي ليل و نهار و شويا لي طعمني بالنعمة هذي الكل راك درة.. نوارتي و صغرونتي محلاك محلى دين وليدك يا فرخة...
كملو تعشاو و سهرو كيما حبو...روحو لدارهم عشهم لي شهد على ايام تعداو ببكاهم و ضحكهم و عركهم و نبزهم و حبهم ... حبهم لي عينيهم تحكي عليه حبهم لي منسيهم في الناس و الدنيا.. 
تعدات ليام فيسع حبهم غارق في العسل حبهم لي شهدتو لياليهم و هبالهم لي حتى من دارهم شالقين بيه...غيرتو ماتبدلتش ياخي عمالها و تزيد هي موسعة بالها معاه لاقصى حد اما ساعات تتطرشق عليه و تتطرشق بالبكاء بعدها خاطرو يغلب عليها مع لوحم لي مكرها في روحها و فيه ساعات.. ضربة ضربتين توليلو على دبشو تقطعو بالمقص مالغزول و ساعات تخليه للشر و تولي هي لي تتشهى.. تعديلو ليالي تبكي و ليالي ماتغمضش فيهم عين و كان يرقد و يخليها تحكي وادها نهارو من غدوة يشوام .. يعاني منها و متحمل هبالها عليه و متحمل وحمها لي خرجو عقلو ساعات كان مش لطيفة تهدي فيه و تقلو النساء الكل هكاكة ,, وائل يفرك فيهم في الطالعة و النازلة قال شنوا هذي هي عواقب الدراش عند النساء كانك نازل عليها بالكف و الضرب راهي مستقيمة هههه اما انت وين نحطك يا طبق الورد ,, كاهاو صاحبي خلص الضريبة ... 
توا ثلاثة شهور تعداو... هه تعداو على وليد كيما جاو مسكين اش قاسى في جرتها.
الكل لاهي في حياتو و مشاغلو.. ننعيمة تقرا و تمحرث مازالت في اول المشوار سنة اولى طب .. هدى كالعادة خدمة و دار و عرك مع امها لي ماصاب كان تلصقها في راجل و ترتاح منها .. بوها الحاج عمار مسكين على نفس الحالة ماحبش يعرس قالهم فارعوني بللي تقدرو عليه انا بعد خديجة ماتدخليش مرا داري ياخي كملو في سيستامهم لول كل نهارين تجيه وحدة ... تهاني مازالت تعاني كرشها قدامها توا في الخامس... وائل غاطس في الخدمة مازال مارجعش لفرانسا عندو ستاج هوني يعمل فيه .. لطيفة مسكينة تحربط بيه باش مايرجعش اما مصبرة روحها و مصبرها الحاج علي ... اصلا وليد موش مقصر معاهم لي يعديه عندهم اكثر من لي يعديه في الخدمة.. زيد ايمان مرتو و روحو تحبهم و تموت عليهم.. فرحتو بيها و كيفاش لاهيتلو بدارو و بامو و بوه عندو بالدنيا... في وقتنا هذا مرا بالخصال هذي صعيب كان نلقاوها اما هي بنت اصل و كلام بوها عمرها مانسات منو كلمة و لتوا يتعاود في وذنيها كي قلها كون مرا و ماتغركش المظاهر و الفلوس و ديما رافعتلي راسي بين ناسك و ماليك... 
... كانت في الدوش وقت تلفونها نوقز...وليد ؟؟ يا وليد شوف شكون يطلب عزيزي
- امممم 
- وليييييد؟؟ 
- بفففف الصبر... هز التلفون لقاها منى... هذي من
- هز عليها انا لاهية 
- فك عليا انا ميت بالنوم
- شبيك هكا انت ؟؟؟ امان جيبهولي انا مانجمش نخرج لاهية 
- ياعمبو الوقت..دز الباب و دخل يلقاها تعمل في طرف سكر ههههه...هذا لي لاهية بيه و ماتنجمش تخرج ؟؟
- هات جاي و اخرج.. اهلا منى.. سافا عزيزتي ؟؟ هو واقف يثاوب..
- امونة يا روحي توحشتك
- و الله كان ترا انا .. وينك عندك مديدة ماكلمتيش ؟؟ لباس ؟؟
- ههههههههههه غبت مديدة و جيت و جبتلكم الاخبار ... هههههه فرحاااانة... ايمان خزرت لوليد لي متكي عالباب و بعدت التلفون من فمها... ياخي شبيك تبلحق برا ارقد موش تو فضحتني على تلفون 
- دبر فيا انت توا في داري في دوشي و مرتي رزقي قدامي ... 
- قربت قرصاتو من فخذو...اه منى شنيا قتلي وين كنت ؟؟؟
- هههه قتلت كنت لبرا خرجنا انا و سليم لفرانسا ههه مشينا زوز رجعنا ثلاثة
- هههه شنيا ثلاثة هذي شكون معاكم ؟؟ انت و ..... لحظة لحظة ماتقليش لي في بالي صار ؟؟ اععععععععععع منى انت حبلة ... و هزت راسها لوليد لي مصدوم يخزرلها و عاض على شفايفو
- هههههه اي اي اي حبلة و الله حبلة هههههه 
- واااااااك مبروك عزيزتي مبروك الف مبروك ريت ربي سبحانو ريت الحمد لله يا ربي 
- امونة انا فرحتي ماعاطيتها لحد راني ههه تي سليم داخ كي سمع هه
- ياااا على وخي مسكين ربي فرحكم والله ... هههه هاو وليد معاك من قبيلة معربش فيا...
- اهلا منى شحوالك ؟؟ 
- لباس عيشك
-ههههه شنيا هالحكاية مبرووك لاختي 
- ههههه الله يبارك فيك و ان شاء الله ربي يوصل ايمان بالسالم يا ربي 
- ان شاء الله على قريب هاني نستناو تقول باش نجيبو الباك...غمز لايمان...وينو راجلك اكيد راهو دايخ 
- ههههههه و الله كاينك حاظر ااااااه يا وليد يا وخي و الله ربي ماكرمو و الله ستة سنين ستة
- الحمد لله الله يمهل و لا يهمل ... ههههه سلم عليه و قلو لازمنا قعيدة و المرة هذي موش شطر شهريتك برك باش تحط ههه شهرية كاملة يا فقري
- ههههههه ان شاء الله احنا روحنا بكري الصباح غدوة انتوما تجونا للدار و لا نقاش 
- علاه الزربة يا بنتي لاحقين قال المصري 
- انت سيب روحك و عديلي مرتك هي لي تفهم عليا 
- هههههههه مرتي ماعندهاش كلمة معايا راهو معناها مضمض... طبس يبوس فيها و هي داخت من بوستو
- هههههههه عديهالي برك انت و تو ترا ... كملت تلفونها مع منى و كملت حوستها لي فتحتها في روحها بعد ماراصاتلها تعاود في السكر خاطر لول ساحلها و وليد يفرك فيهم عليها...
بعد ماركحت امورها هبطت طيبت عشاها... و هو عمل طلة على علي عندو مديدة ماططلش عليه كان بالتلفون.

#انتى_سبابي #كرونيكات #كرونيك 

الحلقة 88

.
-دخل للشومبر يلقاه يلعب بالتلفون... طحان الحومة
- عابدني ديما طحان الحومة عابدني ديما... ههههه سافا خويا 
- وينك...سلم عليه بالبوس.. اش عامل هاك راكش يا بابا..
سافا كالعادة انت اش عامل اختي ايمان لباس ؟؟
-لباس عليها تسلم عليك ... قاتلك قريبش اطل حذانا 
- ههههههه قلها كي يرضى سي لم...... راجلك و يخرجني من هوني 
- هههههههه لعنة الله عليك... يزي مالكلام لقبيح
- تلميذك يا باشا 
- بالرسمي عندي بروقرام ليك نحبك تتفرهد ... اتكى عالفرش بجنبو ..جاء باش يشعل سيقارو ياخي علي عملو لا بيدو ..
- لا صحيبي ممنوع 
- عوج فمو و تبسم... و الله وليت تبرا يا طفل 
- هههههههه راهم اكثر من شهرين حتى هوما لين روحي طلعت.. هات اش عندك باش تقلي شنيا برقرامك؟؟
- الجمعة الجاية ماشين انا و ايمان للحمامات عرس واحد حبيبي ياخي قلت نعمل مزية في هاك المغبون و نهزو معايا 
- ههههههه عرس جملة ؟؟ من هوني للحمامات فردا مرة هههههه 
- اي و سكر فمك علاه شنوا المشكل و الله نعملو جو يا اخي فديت مالروايح للهنا انا و نحبك تمشي معايا ماك تعرفهم ناسهم غادي و جماعة الوتلا و كذا فيس و تشقني صانا مانحملش يا اخي نحب واحد عروبي كيفي نفركهم معاه و نشيخ زيد سليم ماشي حتى هو 
- سليم ؟؟؟ 
- تي صاحبي لي جاني في عرسي تي شطحت انت و ياه مالامارة 
-اااااه تفكرتو مالا سلعة حتى هو ههههه اقسم بالله تقول ولد ناجية لا جاء لا مشى..
- ههههههه هذاك كعيبة و الله ... هيا اش قلت 
- يخلوني العزاوات لي هوني؟ 
- هههه طبعا موش انا الوصي عليك نصحح عليك نخرجك و نجيبك 
- هههههه و الله و جي النهار لي ذليتني فيه يا ولد لطيفة
- اللطف على خويا الا الذل عمري لا نحملو فيك ... ايا مالا غدوة نجيك بكري نعملو دورة عند حمادي عبيد 
- صاحبي هذاك تعرف؟؟
- اي اي نعرف زادة حمادي امبولة تاع لسواق يا كذا
- ههههه تي لكلهم حماميد شنوا الفرق بربي ..
- ههههه لا انا ظهرلي باش نلبسك من عند صاحبك هههه نحبك تهبلهم بنات الحمامات 
- علولو جاااء و الرحمة لاااا ولييد جاااء و ايمان معاه 
- هههههههه ااه الرخ لا صاحبي 
- عزوبي و الحمد لله ههههه 
- ايا مالا خليني نروح و هذا عشاك من عند بنت عمار.. هايكة السلاطة من غير نعناع كيما تحبها 
- الزح مانسيتهاش؟؟
- ههههه الله غالب نحبك دين سماك .. ايا ليلتك زينة..

الجماعة قصدو ربي للمستير ..اليوم عرس صاحبهم ...كراو دار و ريقلو جوهم ...علي موش حاب يبقى يقلقهم كيما قال اما وليد شد فيه الصحيح...-تي سكر فمك ياخي رانية على بعضنا ؟؟
-يا اخي بمرتك و كاريين دار باش تتفرهدو انا اش عندي نعمل بيناتكم... انا تو نشوف اوتيل و نتقابلو في العرس...
- انت تسكر ضربة وحدة و هيا لفطور حظر... في العشوية خلطو عليهم سليم و منى عملو جو مع بعضهم...بعد لعشاء الرجال خرجو للحنة تاع صاحبهم و لبنات بقاو فم و زادت جاتهم نعيمة تعداتلهم مالفاك طول...
- عزيزتي سافا لقرايا عجباتك
- سافا اما الكبس مللول و الله 
- هههه منى راك تحكي توا مع طبيبة في المستقبل 
- يااا تقرى طب نعيمة 
- اي السنة اولي عام هههه مازلت في اول المشوار
- اي يعطيك الصحة..و اش باش تاخو سبيسياليتي..
- نخمم ناخو بيدياتري و الله نموت عالصغار 
- هههههه حلوة البيدياتري و حاجة نظيفة...ايا مالا من توا صغيري نهار اخر باش تكون انت طبيبتو 
- هههههه ان شاء الله و ربي يوصل بالسالم قاتلي ايمان راك حبلة 
- عيشك ربي يفضلك ...ربي ينجحك و يعطيك على قد قلبك...تلفتت شيرة الكوجينة..يا ايماان ياخي شتعديلنا سهرية كاملة في الكوجينة ؟؟ ايجي و سيبي لي في يدك
- لحظة... جات و جابت طبق حلو و جو و تاي اخضر لنعيمة عرفاتو تحبو.. ايا يا سيدي هاني جيت ...لولاد راهم مشركين رواحهم في الحنة توا 
- سليم مسكين لتوا ماثر فيه خبر لحبالة متاعي و الله
-مسكين خويا و الله ربي فرحكم يا منى نعمة من عند ربي 
- الحمد لله..اااه يا ايمان اش نحكيلك و اش نخبرك تي ناس قد شعر الراس تلوج حتى امل بسيط انها تحبل .. و الله كي شفت الحالات لي كيفي نحمد ربي و قلت مانيش لولة في الناس 
- ريت ريت ربي كريم و ان شاء الله ربي يطعمهم الكل 
- تعرف و الله زايد العبد ماعندو مايعمل قدام قدرة ربي ..تخيل وحدة سورية لقيتها غادي في فرنسا عند الطبيب حكينا منا و منا قاتلي هي معرسة عندها اكثر من عشرة سنين..قالولها راك ماتجيبش و كذا مسكينة كاي زوز معرسين التجؤو للحلول الكل و عملو ''الفيفات'' 
-طفل الانبوب هذا
- اي هكاك..تخيل عشرة سنين و هي تعمل و تعاود لين ايست و بطلت ..وفي لخر حبلت طبيعي 
- الله اكبر ..سبحان الله
- رييييت ربي يا بنتي يمهل و لا يهمل.
- كاهاو حكمتو..انت ترد بالك على روحك منى وخيتي موش ساهلة حتى هي 
- هاني و الله حتى الخدمة بطلتها المهم نوصلو سالم و يشوف ضو ربي ..هالبيبي مقويني يا ايمان و الله وخيتك ستنيتو ستة سنين راني ..بدات تبكي ..جاتها ايمان ...
- يزي امان توا يزينا مالدموع توا نفرحو و نضحكو و ان شاء الله ايامنا لكل فرحة يا ربي 
- ههههه دموع الفرحة و الله ..
- ههههه تعرف منى ايمان ديما تحكيلي عليك...تقلي طبيبة صاحبة وليد يعرفو بعضهم من ايام الفاك محلاها ههه و الله تحبك ياسر
- ههههههه حتى انا نحبها و عمري مارتحت لمرا كيفها هي 
- ربي يخليك عيش اختي...
في حنة عز الدين كانو الجماعة صانعين جوهم ..هو بطبيعتو الجو حافل.. علي عينيه تسكاني كالعادة...لولاد سليم و وليد ماكانوش ناويينها حنة مخلطة تي لبنات اكثر ملول  .....

#انتى_سبابي #كرونيكات #كرونيك 

الحلقة 89

هههههه يا معلم مالا ورطة تي شبيهم هاذم ياخي موش حنة الطفل الليلة 
- هههههه و الله كيفك داخل في حيط ,,,مالا تستخايبها حنتي 
- هههههه لا حنتك وقتها فيراج موش حنة..يا خويا كل بلاصة و جوها الحوم العربي واحادها و السوري واحدها 
- و طريحتي ان و ياك واحدها زادة 
- منى ياما تشنع كان تسمع بالسهرية هكا و الجو هذا الكل 
- هههههههه انا ايمان و الله لا تعفسها نخليها انا مالا تجي هوني و شوف الشراب ههههه 
- انت عاد عروبي مسكر 
- مسكر و ضو ربي لا..غدوة نهزها للصالة دنيا رايضة و جو احلى من هذا تي تقول ديسكوتاك... 
- ههههههههه شوف صاحبك شوف 
- ههههه خليه تي ليه ثلاثة شهور محروم مربط ههه 
- اما برجولية يعرف يلحم والديه 
- ههههههه ربايتي يا ولدي..كملو السهرية..لين جاه تلفون من وائل.. 
- ويييي 
- اهلا وليد 
- منسمعش فييييك 
- ابعععد مالحس يا خرا...بعد وليد شويا 
-اه وي سافا؟؟ 
- تي وينك ساعة نطلب ؟؟ 
- ماسمعتش..شبيك انت ؟؟ 
- انا مروح ياخي كلمني صاحبي مستيري مدلي قضية قلت نبات و الله معاد فيا حيل 
- باهي برا للدار 
- انت وين ساهر 
- في بواطة 
- هههههه تكذب 
- تي في عرس عز الدين صاحبي.. اسمع كريت نفس الدار لي في السوتوننس متاعك مزال متفكرها ؟؟ 
- و هذي حاجة تتنسى ايا طير و ماتبطاش 
- علي معايا ههههه 
- اووووو جو و الله بربي لا تبطو ... نص الليل غير ربع و لبنات مزالو محلقين...نعيمة تلفونها يصوني و كل مرة تعلق موش حابة تهز و كان تخرج تشلق على روحها..هي هكاكة و الباب دق 
- وائل ؟؟ مرحبا ...ايمان قالت هالكلمتين و نعيمة قلبها طااح 
- قدم باسها من جبينها..امونة سافا ؟؟ مازلتو ساهرين ؟؟ 
-ايمان استغربت من كلامو... و شكون قالك معايا شكون ؟؟ 
-اه..اي..تي كرهبة لبرا قلت اكيد عندها ضياف..حط لمفاتح عالطاولة و دار للصالة يلقاها قاعدة متقرفصة كان عينيها ادور ...السلام عليكم.. 
- اهلا بيك خويا سافا ؟؟ ايمان خوك هذا ؟؟ 
- ههههههه لا سلفي 
- خو وليييد ؟؟؟ امبوسيبل هههه 
- ضحكلها وائل ...و الله بوسيبل و عللخر.. علاه يعني وليد العفش ماينجش يكون عندو خوه بوقوس كيفي...ايمان ضرباتو بالمخدة 
- هههههه و الله لا جبتها فيك..نتشرفو و الله قامت سلمت عليه... بيناتنا انت ازين من وليد 
- هههه اشش لا تسمعك البوهالية هذي ... 
- وائل شبيك ماسلمتش على نعيمة...نعيمة تبسمة تحاول تخبي توترها 
- مانيش مسلم خاطر انا اكبر منها نورمالمون هي تجيني صحيح اختي منى 
- هههههه صحيح .. 
- لبااس..وائل ..قالت كليمتين و لغصت طوول 
- لباس..قحرلها تاع تو تشو
- اي عاد وائل البوقوس خو وليد الباندي اش تعمل في الدنيا 
- اممم و الله نخدم و نقرا ..هندسة طيران.. 
- تبارك الله و الله يعطيك الصحة .. 
- عيش اختي.. يرقل في ساقيه و يخزرلها...نعيمة تجيبلي ساكي مالكرهبة 
- اه..بباهي ...خرجت تتسرسب و بقى يستنى لين تناديلو خاطر الساك بالعاني محطوط في المان...لحظات و عيتطلو.. الحاصيلو مابطاتش لبرا دوبة خرج هو هي دخلت تحسها موش مخليتلو الفرصة يحكي معاها ... حطتلو ايمان تعشى لين روحو لولاد..سليم هز مرتو و روح و علي تعدا طول للبيت رقد و نعيمة زادة خبات و جها هاربة من وائل... في الكوجينة كانت ايمان تلم في اخر الماعون وائل و وليد عالطاولة يشربو في التاي 
- اي سافا السيمينار ؟؟ 
- كالعادة اش يقلقو يا معلم..كان يحكي و يجد في كعبة لوز من قعر الكاس 
- هههه السناسة لتوا لا بطلتها.. كبير راك 
- الله غالب ماتهونش عليا نخليها ...اي عاد سهريات و دنيا ؟؟ 
- دقق فيه عينيه يعني سكر ايمان هوني ...عادي ههه 
- ههههه شنيا عادي متاعك ..ايمان علاش مامشيتيش انت زادة للحنة 
- اش هازني وخي سهرية تاع رجال 
- تاع رجال هذي مشكوك فيها شويا.. بقى يدربك بصوابعو عالطاولة .. 
- ايمان جاتو و المنديلة في يدها ... وليد اش يقصد وائل ؟؟ 
- اش يقصد حسب رايك ماهو يفشلم كيما كي مرة...هو يسلك في روحو و وائل جبد تلفونو حل الفيس بوك...''حنة عز الدين العجرودي
- ووه...حطت يدها على خدها ... تي هاي النساء اكثر مالرجال يا شومي ...وليييييد ؟؟؟ 
- يعطيه سخطة وليد.. ياخي اش يهمني انا استدعاني مشيتلو باركت كالناس و روحت 
- و شبيك نكرت مالا ؟؟
- يا بنتي اخطيني اش هالليلة الكلبة يا ربي ماقلتكش باش ماتاخوش في خاطرك اش فيها هذي زادة
- اي كلامو صحيح 
- انت سكر و حسابك معايا ..ايا عزيزتي يزي شنوا هالغش هذا توا ؟؟ 
- اخطاني وليد ..هو طبعا ماستناهاش تكمل غشها خطفها في حملتو و طار بيها للبيت... 

-امي ؟؟ ياخي بنتك علاه تمشي عند الجماعة ياخي موش عندها قرايا ؟؟
- ماندريش هاي قالت كلمتها بنت خالتها شنيا فيها خليها تتفرهد
- اممم بنت خالتها حتى بالكذب ماقالتليش هيا معانا 
- يا بنتي اخطاني منك و انت من قبيلة لا رقدتي لا خليتيني نرقد ... و علاه تكلم فيك و تهز فيك معاها اه ؟؟ علاه عرس واحد مالعيلة ؟؟
-اي عاد مافيها باس كان مشيت فديت حتى انا هوني بروحي ياامي 
- تو نروحو للبلاد هانها الدنيا باش تاكلنا مالعروسات
- لا مانحبش جو لبلاد ياااسر كوببي و مشلكين غادي 
- بربي ؟؟ علاش باش تتسلخي من قشرتك ؟؟ 
- لا موش هكاك اما هوني اعراسهم مضخمة و دبشهم محلاه و صالات و كذا و ناس محلاهم و مهمين 
- الصبر يا ربي ياخي ارزن يا طفلة ارزن ...

مع الثلاثة كانت في الكوجينة تشرب في الماء ..حست بحثلة عمالها و تقرب سكر الفريجيدار وهو دخل..بقى يخزرلها..
-ككنت نشرب.. جات ماشية 
- اقف ..
- امان وائل ماعنا مانحكو الجماعة راقدين راو
- علاه تشوف فيا نصيح ؟؟ كليمتين اسمعهم مني و برا على روحك
- خلي الصباح بربي .. و الله نخاف كان يجي شكون بربي.. جات ماشية ياخي هوية شبدها خلعها من يدها و دزها عالحيط... 
- ايجي لهنا شبيك ياخي تعمل هكا !! 
- يزي امان خليني نمشي تو ايمان تستبطاني 
- ترص هوني اما ايمان و اما سخطة على مخك... نورمال البارح بوجه و ليوم بوجه !! علاه تعمل هكا نعيمة شعمتلك ؟؟ 
- يزي يزي اسكت 
- نعيمة حبي اخزرلي... شدلها وجها بين يديه... اش صار احكيلي ماتخلينيش هكا عيش مرتي. . شكون قلبك عليا شبيك تصد فيا و حتى على تلفوناتي ماتهزش... نحبك راني نعيمة افهم علاه تعذب فيا
- علاه تحب فيا !! شنوا فيا يعجب !! سمينة و زيد...
- اشش انت احلى مرا شافتها عيني انت حبي و عمري.. انت دنيتي و شمعتي لي ضوتلي غربتي و ليالي الوحش بلاش بيك... 
- امي. . امي تحب على هدى ليك ... و اطرشقت بالبكاء.. قالت ماصاب يخوها..هدى زادة ضربتني بزوز كفوف و قاتلي مازلت نشوفك معاه حتى بالكذب واقفين.. اصلا شكون يتلفتلك
- امك و اختك مايعنونيش انا لي يهمني صغرونتي لي باش نعرس بيها و اختك تمشي تقود و راني سامع بافلامهم الكل...
- امان و الله ناعما وين نوصلو ياخي في بالك كان ما يعنومش باش يخونني نكون معاك !!! 
- أي و كان عجبهم. ..
- لا لا مانحبش لمشاكل انا تمام خلينا نقصوها هوني مادام واستمع حد والعائلة.. 
- انت خوافة ..ياخي قارية فيا النقض !! تيجي اعمل كي نحكي معاك هو باسم و شوف لي في غينيا
- بربي يزي مالصياح...بدات تبكي.. يزي امان 
- و الله تحلم كان تبعد نهار و الله. .ريت نجيبك نجيبك و ماتبات كان عندي و ما فيها امك و اختك ال........ اي باش تركبهالي..
- داز كان عالبكاء
- يزي يزي كسرتلي راسي رااااك..قربلها باش يسكنها و وليد دخل شغل الضو و قلت مصدوم

#انتى_سبابي #كرونيكات #كرونيك 

الحلقة 90


-وائل ؟؟؟ قدم يسال فيه بعينيه .. شفما ؟؟ 
- مافما شي 
- جاوبني كي نسالك..و شبيك شاد الطفلة لباس في مخك ؟؟؟ 
-ماعندي ماعملتلها .. حكينا كليمتين و هاي باش تمشي 
- و سامحنس شنيا هالكليمتين لي تحكيو فيهم في الظلام ؟؟...نعيمة دزت عالبكاء و خبات وجها بيديا
- اش يبكي فيك انت ؟؟ سكر فمك 
-هيييييه شبيك عالطفلة يا خرا ؟؟ سيب ابعد دزو و شدها من يدها..نعيمة عيش اختي يزي شبي كانت شبيه هذا معاك يقلق فيك ياخي ؟؟ عمللك حاجة خايبة ؟؟
- ولييييد ؟؟ وائل صاح
- انت تسكر فمك مازال حسابك معايا ... احكي نعيمة علاه انت هوني ؟؟
- سيبها و احكي معايا انا وليد ... نعيمة انا نحبها و موش ماليوم من قبل و نحنا كوبل 
- شنيا ؟؟؟ كوبل ؟؟ نعيمة بدات تقول لا براسها و تبكي... نعيمة ياخي شنيا لي نسمع فيه صحيح كلام وائل ؟؟ 
-وائل يخزرلها و يقلها قلو ... 
- بقات تخزرلو بعينين مدمعة و قالتلو.. ''لا''.... وائل تصدم و بقا كان لعينين قريت تخرج..
- لا ؟؟ تلفتلو ... اش كنت تعمل مع الطفلة حل ام فمك ياخي بالسيف ؟؟ 
- وليد عيش خويا انا ...قص عليها ..
- برا عيش اختي شد بيتك ماصار شي باهي ؟؟ برا...هي مشات و هو دارلو يهز يدو و يلفو بكف 
- كوبل مالا قتلي اه ؟؟ شبيك ياخي تحب ادخلنا في حيط احنا و عيلتها ؟؟ من وقتاش احنا هكا ؟؟ ولينا بالسرقة في الظلام ولينا بالسيف و في التراكن ؟؟؟ 
- واقف ساكت متحمل كف خوه خاطر وجيعتو كانت في قلبو وجيعتو اكبر من مجرد كف كلاه من خوه ... مصدوم فيها هي كيفاش فرطت فيه بالسهولة هذي.. 
- حل ام فمك وائل ماتنطقنيش 
- نحبها...نحبها..نحبها سافا ؟؟؟؟؟؟ و هي زادة تحبني اما مانيش عارف دين والديها شبيها معايا..
- ياخي ماتسمعش فيها قاتلك لا مابيناتنا شي ؟؟؟ كاهاو وفى فوتو الموضوع راهي الدنيا موش ساهلة 
- باهي..
- شنيا باهي ؟؟؟
- باهي و فك على امي وليد ... دزو بكتفو و خرج خطف مفتاح الكرهبة و طار بيها .
مع الفجر كان متكي بجنبها... من برا هادي اما من داخل يرحي رحيان عليه.. مغطاض منو خاطر محكالوش و هو زادة ماحقوش عمل معاه هكاك تي اول مرة يهز يدو عليه و تكون لحكاية سبتها طفلة.. تلفتلها يلقاها غارقة في نومتها ..محلاه بالنويزات الروج متاعها.. الوحم مفددها و مطلعلها السخانة هو يعمل عليها جو كي تبتدى تخفف في الدبش و تقعدلو في نويزات و الا خلعة و سليب...يعدي في يدو على كرشها و يحكي مع البيبي تقول قدامو...'' وقتاه تجي برك راني توحشتك.. انت فرحتي لي نستنى فيها و حلمتي لي حلمتها مع امك.. تعرف تعبتني راهي و شرديتني في جرتها و جرت هالحب لي قاتلني .. ميسالش تشفالي فيها و ارفسها كل مرة باش تعرف انك ولد بوك ''.. تململت و بعد عدات يدها عالفرش و حلت عينيها ..
-تبسمت..هاك فايق ؟؟ 
- اي فايق و نتفرج في عجب ربي .. يمسحلها على شعرها.. احلى مرا و الله
-فيقتني مالا علاش قاعد وحدك
- لا مانيش وحدي كنا نحكيو انا و المعلم راس راس..حط يدو عل كرشها
-هههههه سمعوني و الا بالتخبية عليا كالعادة..
-اااه مانجموش حكايات رجال انت اخرج منها
- كاهاو انت شاد الصحيح انو ولد ؟؟ 
- قتلك حاس بيه و ان شاء الله يصدف
- ههههه يعني ماتحبش بنية ؟؟ علاش ماتحبوش لبنات انتوما الرجال ؟؟ 
- لا موش حكاية مانحبوش اما تعجبني فكرة يكون البكر ولد يعني عمدة الدار و السند
- هههه لي يجي من ربي يا محلاه المهم الخليقة التامة.. 
- هزتلها يدها باسها... ربي يخليك ليا 
- و يخليكم ليا زادة... هزت روحها باساتو من شفايفو..هههه شتهيتها عالخوى
- هههه اي عودي اشهي حاجات كيما هكا بربي ديما ..رجع الملحفة عليهم و غطس معاها ضحكهم واصل للكوجينة وين كان علي و نعيمة يفطرو ...اليوم الناس الكل ناشطة فليقة مالفجاري .. طبعل نعيمة ماغمضتش فيها عين مشغولة على وائل لي خرج و حتى تلفون ماهزش عليها و رجع على ميساجاتها .. علي بايت شايخ و فاق شايخ زادة..
- تسمع فيهم ماو ؟؟ يا لطيف لا حشمة لا جعرة... نعيمة دازة كان عالضحك ماتنجمش تشد روحها قدام علي ... صحة ليهم و الله انا حتى كود البروموسيون نسيتو جملة ههههه
-ههههههه صدقت و الله ... مهمهت...ياخي وائل وينو موش لبارح هوني ؟؟
-نعرش عليه لبارح نسمع في وليد يصيح الحق ماحبيتش ندخل و مافهمت شي اصلا
- امم.. خذات قهوتها تترشف فيها.
في الوقت هذاك وصل هو قدام الدار كان وجهو مقلوب و خلوقو في خشمو.. لطيفة كانت في العطار شافاتو جات تزرب ياخي سبقها للبيت غم على راسو و رقد قبل ماتمرجو بالاسئلة ... الحاج علي مشى يطل عالحاج عمار في دارو.. طيب قهوة كالفالح و ركش معاه في الفيراندا في زريقة الشمس..
-هيييييه قداه لنا على هالقعدة يا عمار يا خويا 
- اي و الله.. الدنيا يا عمار يا خويا و المشاغل..ههه احنا بابورنا زفر خليناها للولاد يعيشو فيها
-ههههه اشبينا مازالت الخير و البركة... سكت يترشف في قهوتو.. تعرف يا عمار يا خويا ماتتصورش قداش فرحان بايمان.. و الله نعمة من ربي و فرحة للدار الله يباركلك على هالتربية 
- ربي يستر يا خويا يا عمار و راهي بنتك و تربيتك قبل ماتكون بنتي .. و انا فرحان بيها لي هنات عليكم و هنات عللى هاك الطفل.. و الله ليالي نحلم بخديجة الله يرحمها.. تقلي راني خليتهالكم خضراء يا عمار و ان شاء الله مستورين انت و بناتك.. الحمد لله 
- ربي يحبنا كي جابها مكتوبها لينا.. و راهي في عينينا كون هاني و مطمان..
- و الله متهني عليها تقول ماخرجتش من داري .. ربي يبقي الستر و يوالف لقلوب ديما... 

هوما بيدهم كانو قالبينها الدنيا بالضحك في الكوجينة لين جاهم وليد يتكسل.. لقاهم محلقيت عالتلفون يتفرجو في درا شنوة و يضحكو..
-هههههههه تعرف هذي عام الباك تاع وليد.. انا وقتها بطلت اما كل يوم ماد وجهي في الليسي حتى القايمية حفظولي نسنوستي غادي .. تي وصلت نحيي في العلم معاهم بالعمل 
- هههههههههههههههههههههه... اقسم يالله لاك عادي..لتوا عندك التصاور ؟؟
- مستحيل كان ضاعت منهم تصويرة... قص عليهم..
- ماو لباس الضحك هذا الكل ؟؟ 
- صباح الخير وليد.. قالت هالكلمتين و هبطت راسها حاشمة منو 
- علاه بابا وقت تكشخ انت و مرتك قلقكشي حد ؟؟ سكتكشي حد؟؟ كاهاو خويا خلينا في جونا
- اللهم لا حسد.. و شبيك ادز.. دار يصب في القهوة.. ترا وريني اش كنت تفلم عالطفلة..هههههه مزالو عندك ياخي ؟؟ 
- والله مافسخت تصويرة... شوف شوف هذي .. ورالو وحدة وهوما في البحر امبلحطين ولد ناجية بالطين تاع لبحر...هههههه تقول غول
-هههههه ولد ناجية ديما ماكل على راسو ... قعد و بدى ينادي عليها.ز ايمان ؟؟ يا ايمان .. هيا ياخي شنبقى نستنى و الا شنيا لحكاية.. تلفت لنعيمة .. برا حطر روحك نعيمة هاي قالت سوق و حجامة و درا شنوا.. ازربو هيا راني مانستناش
مع المغرب فاق وائل راسو قد السطل باش يطرشق بالوجيعة...خرج يلقى لطيفة في الكوجينة طل عليها مالباب..
-امي
حبا ..صحة النوم اتوا ياخي ؟ ماكش متعود
-كاهاو تاعب..بابا وينو 
- في الجامع كالعادة.. جيعان ؟؟
- اي و الله .. اش طيبت انت ..بدى يعري في الماعون
- كسكسي بالقرنيط
-باهي نعمل دوش فيما حطيتلي طريف
- جاء خارج.. ياخي موش على اساس باش تخلط عالجماعة ؟؟ شبيك ماقعدتش
- هوما في عرس صاحبهم انا اش عندي نعمل غادي ؟؟
-دبر راسك .. عطيني نكلمهم انا وفالي الصولد وليدي..مدلها التلفون اما طلب ايمان موش وليد و دخل للدوش ...

-باهي لطوف ان شاء الله ..ززز ا ياي هذاك حدي هاني ربي يستر.... ههههه لباس عليه ياكل خير مني و منك ....باهي باهي يوصل...علقت و بقات تستوي في شعرها عالمرايا... و هو دخل
-ماتقليش باش تلبس هذي ؟؟ قعد يشاورلها بصبعو
-اي .. تشوف لروحها.. شبيها زادة ؟؟ 
- ياخي ماتشوفش في كرشك؟؟.. دار في قفاها .. داريارك لمفصل ؟؟ مافماش وحدت ما اوسع ياخي في السوق؟؟
- اما انت يقوي عليك ربي.. وقفة قدام لمريا تتمايل و تحكي معاه تحب تقنعو.. ياخي منين تشوف فيها لاصقة.. سين ورمال كرشي باش ادز ياخي في الرابع راني

<><>

انتي سبابي 

#انتى_سبابي #كرونيكات #كرونيك 

الحلقة 91

-امي..امييييييي ؟؟
- شبيك شبي عزاك صوتك يلعلع..تنشف في يديها و تحكي معاها... وراتلها التلفون ..يااا محلاها جاتها الروبة زعما هذي لي شرتهالها ايمان ؟؟
- خلي عاد هذيك بنت اختك حتى بالكذب نهار لي كانو ماشين ماقتليش هيا معانا .. و من غادي لغادي متفاهمة هي و الفرخة بنتك و زيد تشريلها في الدبش
- اش مدخلك انت ؟؟ و علاش تهز فيك للعرس معاها ؟؟ ياخي هاي لعروسات معبية الدنيا و زيد في البلاد عنا عرس في العايلة..
- امممم مافيها باس كان قاتلي .. و بربي لا عاد تحكيلي على عروسات لبلاد تو يتقارنو بالشي هذا .. تمدلها في التلفون.. زيد ثبت في الضخامة و في الصالة و الديكور تي دبشهم يقعر اصل و انت تقلي عروسات لبلاد 
- انت مصتطرعة يابنيتي شوف حل لعمرك...و كان سيبتو الخردة لي في يدك و جيت عاونتني في الكوجينة موش خير .. و الا كان تحب نمشو نطلو على لطيفة
- هاو ولدها روح حتى هو 
-اعز حاجة ههههههه

فبرا في يدها و هي رعشت ...'' لي بجنبك قلو يبوسك و يريحنا فرد مرة ... عندو الحق يلصق حتى انت حالة فيك.. ماتتحلش بااارشا و ترص شد بلاصتك كانك مازلت تشطح''... كانت مركزة عالميساج مصدومة لين عرضتها في الاكاي التصويرة.. عمضت عينيها ماحباتوش يفهمها بالغالط... '' و الله لا هذاك صاحب وليد و معرس زادة و التصويرة جات على غفلة يعني موش لي في بالك راهو '' .. يتفرج عالتلفوة و يشوف في التلفون يشعل.. قراه و رجعلها '' مانيش طالب تبرير.. اما مازااال المفاهمة بيناتنا '' ... قراتو و رجعتلو '' باهي هاني بنطلبك هز عليا نحب نحكي معاك '' رجعلها طول ''لا '' ... هي قرات الميساح و دزت تطلب فيه لين ايست و بعد شدت ببوشتها و سكتت ... وليد مركز معاها و عرفها متوترة مالتلفون لي شداتو في يدها..عندو موال في راسو هو زادة لازمو يفهمو ... يعرف خوه و يعرف تربيتو ماتخليهش يعمل الغالط مع بنت الناس اما مازال فما حلقة مفقودة.. نعيمة صغيرة و الحاجات هذي ممكن ماتكونش متشجعة عليها و ماخذتها صحبة عادية و زيد كي قالها شنيا بيناتكم نكرت مالخوف و خوه اكيد جدي في الحكاية اما ماكاروش يضغط عليها.. تركيزو تشتت من عليها اول ماحطت ايمان يدها على ساقو.
-عزيزي..تذبللو في عويناتها... تعبت 
- يدو لي معديها ورا كتفها جبدها يلعبلها بيها في شعرها و عينيه في عينيها...الحب يحب يروح؟؟ تثاوب و عينيها ناعسين 
-و الله عللخر 
- قربلها .. حتى انا عللخر...نروحو للدار طول و الا نباتو و غدوة نقصدو ربي ؟
- خلي غدوة باش نوصلو نعيمة للفوايي ...
- باهي يا للا... هز يدو يشاور لعلي ...كان يقولوش عرس و شطيح معاش يبطل الهم 
- ههههههه خليه يتفرهد موش شويا لي صار عليه راهو..

.. تلفتت لنعيمة لي غاطسة في تلفونها و زيد حس الفرقة ماتسمع في شي.. عزيزتي نعيمة .. نعييييمة.. هيا هيا باش نروحو.. تعمللها بيدها... سليم شد فيهم باش يزيدو يبقاو ياخي ماحبوش هو بطبيغتو باش يقعد خاطر باش بمشيو لدارهم ماهم من هوني..
كان في الصالة هو و علي و لبنات طلعو يبدلو في دبشهم ... لي هاك يبربش في تلفونو موش معدل على صاحبو .. جاتهم ايمان 
-نحطلكم حويجة تاكلوها انا وحدة مالاس مانجمت نحط شي في فمي 
- اي بالرسمي ماعجبنيش لعشاء حط حط ايمان وخيتي ان شاء الله حتى عضمتين مقليات 
- تخيلو كان لعشاء هذا صار في الحومة راهي تو لطوفتي و منيرة و خالتك صفية و حميدة و وردة عاملين بيهم حلالم
- هههههههههه يا اخي العروبي عروبي .. احنا ماندلو شي مع الشقالة و اللحمة لكبيرة,.موش صحن فيه مورسو طاجين و سلاطة الله اعلم شنيا اسمها اول مرة نشوفها.. و مغرفتين كسكسي تي باللازمة الحمص اكثر من اي حاجة في الصحن
- الحمص اكثر مالزغارييط هههههههه
- ههههههه يزيو و انتم لي زعام في التقطيع و الترييش خاطيهم لطيفة و النساء لخرين .. مشات للكوجينة و هوما بقاو كان يخرننو... نعيمة جات قعدت بحذاهم ... علي زاد شويا و قام للحماص باش يجيب قازوزة..
- بقى مركز معاها و هي مر كزة في التلفزة لين تكلم ... نعيمة ؟ تلفتت مربوثة.. ماتحب تقلي شي ؟؟ ماعندك شي تحكيهولي ؟؟ 
- طبست راسها ...
- من وقتاش نخبو على بعضنا احنا ؟؟ عمريش خبيت عليك حاجة انا ؟؟ صغرونة اما حاسبك كبيرة و تفهم و اسراري الكل عندك و انت ماتحكيليش و مخبية عليا ؟؟
- لا و الله لا موش مخبية حتى شي ... بدات تلعب بالتلفون بستراس... لحكاية... لحكاية انا بيدي مانعرفش .زيعني مانيش فاهمتها .. 
- حط تلفونو على جنب و كتف ايديه... شوف عيش اختي .. انت اختي و يعلم ربي بمعزتك عندي و راني نعرفك من لي كنتي قد الطرف و مربيك على عيني و وائل خويا ولد امي نعرفو كيما كف يدي و ازيد اما لي ريتو دخلني في حيط و ماذابيا كان تفهموني .. خو يقول في نص انت نكرات واصلا .. موش معقول هكل لازم يكون واحد فيكم صحيح و لخر غالط ... كلامي صحيح و الا غالط ؟؟ 
- صحيح ... 
- انا انجم كي نروح نحكي معا هاما شنوا باش نقلو اصلا لي عندو قالو و صرح بيه .. بقينا فيك انت يا لندرا تحبيه كيما يحبك و الا هو يتبع فيك و يقلقك فيك ؟؟ لازمني نفهم عيش اختي ماتخلونيش بيناتكم و احنا محسوب كبرنا على يد وحدة و كليما من نفس القصعة
-انا..انا هي لي مانيش فاهمة روحي.. يعني ..تشبك في صوابعها..هو احنا مع بعضنا و موش مع بعضنا.. يعني انا عطيتو كلمة اما ساعات نخاف و نتراجع و نبعد عليه و بعد نرجعلو.. هو يفد مني ساعات و انا مانيش فاهمة روحي.. قص عليها 
-الدنيا هذي موش ساهلة يا نعيمة... خليني نقلك حاجة  وائل راهو رزين عمرو ماشاء الله سبع و عشرين يعني موش متاع ريق صحبة و كذا.. و انت يا بنت الناس مازلتي صغيرة ثمانطاش عمرك يعني طبيعي ماتتقبلش لحكاية تاع الالتزام و كذا اما نحب نقلك كانك ماكش قد المسؤولية و تعرف روحك ماتنجمش تواصل معاه قصها و نهائيا باش ماتكبرش و توصل للعايلات.. 
- طبست راسها و دمعتها نزلت... باهي 
- مانيش نضغط عليك راني اما المشاكل لا يزينا ماقاسينا انا و ايمان معاش نحب حد يتعدى بلي تعدينا بيه... انتوما اقعدو و احكيو و حلوها بيناتكم و احنا موجودين و لي بتعملوه احنا معاكم فيه...
- ان شاء الله .. عندك الحق لازمنا نحكو 
- باهي ياسر.. نعيمة ماعاد عندك ماتقلي ؟؟ مافماش حاجة مخبيتها عليا اه ؟؟ 
- عملتلو براسها ''لا''... اما هو ماتتعداش عليه حس فما حاجة ادور و مخليتها على اعصابها و موش منجمة تقدم ...
من غدوة شدو طريق المرواح...كان الطقس سخون .. وليد يسوق و علي بجنبو و هي متبرصة من تالي غامة على راسها خاطر مكيف الكرهبة يمشي.كانو.. اصواتهم و ضحكهم سابقتهم في الطريق..كل مرة توقفهم ايمان باش ترد تبقى ساعتين و هي ترد في النفس مسكينة مع المشكل لي عندها تاع ضيق التنفس... دهمو علي عالحومة و روحو طول للدار باش يرتاحو...
في القايلة كان وائل راقد في بيتو وقت سمع حسها في بيتو 
-امي ماتحلوش الباب سخانة و هبط الريدو
-.........................
-شبيك ماكش راقدة كالعادة ؟؟
- امك مشات عند امي يعملو في طرف غريبة... هي قالت هالكلمتين و هو تنطر جاء واقف. وكان في شورط للركبة كاهاو
- شتعمل هوني ؟؟ كيفاش جيت و وقتاش جيت ؟؟ 
- جيت كيف ما جيت ...تحكي و تقدم و هم باقي مافاهم شي... قلت نطل عليك عندك مدة مابنتش 
- نورمال ياخي انت جايتني لبيتي ؟؟ لباس ؟؟ 
- لباس و عللخر زادة.. قعدت عالفرش و عملتلو قريماس بشفايفها 
- هدى انت اكيد هبلتي... شدها من يدها يكركر فيها للباب... اخرج عليا اخرج
- سيبني ياخي اش ريتي نعمل انا ؟؟ حبيت نقعد شويا نحكي واش فيها ؟؟
- نحكيو ؟؟ اش باش نحكو يا بنتي ؟؟ من وقتاش عنا هدرة بيناتنا سامحني ؟؟؟
- تنجم تكون بيناتنا و توا زادة.. تلفتت لباب و ضحكت بخباثة...انجم بصوت واحد توا نلم عليك دارك و الجيران كان لزم و وقتها تولي عنا هدرة بطاولتها و كراسيها..
- تعرف انك وحدة ق..... ولا ؟؟ ههههه ماقالك حد لكلام هذا ؟؟ 
- ريت قول لي تحب عليه ..جومانفو.. المهم ناخذك انت 
- ههههههه و الله مسكينة تعرف حاجة كان تبقى اخر وحدة مستحيل نحل عليك سرت سروالي يا عاطلة مالا رقعة و سبقطة طيحني بيها ربي ... ايا تلم و اقلب نسنوستك من هنا
- خسارتك و الله الساعة نعملو جو..غمزات
- ههههه الجو كان نحب نعملو نعرف مع شكون نعملو يا فيلقارة يا جاهلة.. شكونك جاية تهدد فيا و تحب تركبهالي .. برا سلم بنتي عمرك عديتو من طيارة لطيارة 
- اسمع نقلك كثرت راك تل.........قص عليها 
- انت لي تلم... شدها من شعرها.. و توا تمشي تخرج منين جيت و ريتو وجهك برك يعرضني تتحمل مسؤوليتك.. 
- و الله ياما تندم يا طحان عامل فيها راجل... و كان يعقل يهد عليها يلفها بالكف لول يميلها بيه و يزيدها الثاني باش يرجعها لبلاصتها...

- موش لازم تعرف الطحان اش ينجم يعمل فيك.. شدلها شعرها و جابها مالباب لبرة... و يكون باهيلك كان لحكاية مايسمع بيها حد..تعرف الناس ماترحمكش و اونبليس راك انت لي جيتني لداري و في وسط بيتي يعني قرعة طير يا عمبو ربايتك...سكر الباب في وجها و العصب ماكنو عمرو ماتوقعها منها قد ماكانت وقحة اما انها توصل تعمل هالعملة ؟؟؟ جات في بالو طول نعيمة.. ضرب يدو عالحيط...

-بنت عمار .. فيق يا طفلة 
- ماني قتلك مانيش طفلة.. تحكي و تتكسل.. شبيني راقدة لهوني ؟؟
- و لاه انت حبيتي تحلحزي شديت صحيح تتفرج عالتلفزة و طول تعديت في الطويل..
-اووووه مالا سخانة ليوم شي كبير.. تحكي و تلم في شعرها.. انت عاد زعيم كان تسلب في دبشك
- حاسدتني ؟؟ اي عاد اسلب شكون شادك هههه 
- هههههه مانيش حاشمة منك راني اما مانحبش كرشي تكون عريانة 
- محلاك يا عمري و محلى هاك لكريشة كيف دازة هههه تعرف تقول موش في الارابع تي اكبر تبان
- قول ما شاء الله لا تهلكني ههههه ..اي حتى انا لاحظتها كبيرة شويا .. غدوة نمشيو و نشوفوه شنوة الساكس متاعو هللي مهبلك
- هههههه الله يبارك 
- تعرف اش شاهية ؟؟ غزرتلو في عينيه 
- شنوا زادة راك نقبتلي راسي بالشهاوي 
- شاهية نمشو للبحر .. نبحرو و نبردو
- هههههههه سايي كملت شتهيت ؟؟ حلمت بالباهي ؟؟ كاهاو ارجع للواقع خاطر مافماش مشي
- علاااااش ؟؟

#انتى_سبابي #كرونيكات #كرونيك 

الحلقة 92


- هكاكة.. نبحرو ؟؟ علاه اش صار عليا داخل بيك كالفالح و الناس تتفرج ؟؟ 
- ريت و ريت و في تسكيرتك ماريتش .. عوجت فهما خاطر تعرفو كلامو مايعاودوش...
- تعرف شاهي ملوخية ..نمشيو عند لطيفة ؟؟ 
- باهي اما خل تبرد الدنيا..
- باهي ايجا عندي
- تة انا نجي و الا انت لي اخف مني 
- هههههههه هي ماعينهاش جملة... مشالها يدحنس و يتلمس كي عادتو 

بعد المغرب كانو محلقين عالميدة... وائل ياكل مطبس راسو مشلق على روحوا ماحب حد يكلمو.. زاد خلط عليهم علي و كملت اللمة... بعد ماتعشاو وصلها لدار الحاج عمار هزتلو طرف ملوخية و باش تبقى بحذاه خاطر تهانيجات هي زادة... رجع للدار يلقى لولاد في السطح راكشين... عداوها السهرية يحكيو عالعرس لي تعدى و وائل يسمع و سارح موش معاهم جملة 
-لونفون دو الحاج علي وين سارح ؟؟ يعملو بيدو.. كانو ساهرين على ضو التلفون 
- شي يا علي يا خويا
- اممممم مالا و اعطي معانا 
- اش تحبني نحكي ماكنت حاضر معاكم غادي 
-تكلم وليد... خليه على راحتو يا علي.. ايجا نهبطو نشربو كويس تاي ...

ايمان كانت مع بوها و اختها و راجل اختها...صانعين جوهم ..قعدة تذكرو فيها بااارشا حكايات و فازات .. الحاج عمار يضحك من قلبو كل وين يشوف بناتو فرحانات و متهنيات ... انسابو الزوز في المستوى... صحيح وليد و توفيق مابيناهمش صحبة قديمة...اما يعرفو من قبل انو راجل تهاني بنت الحاج عمار.. كان كل وين يتلفت يشوف في خيالها و يتبسم كان يستخايل فيها بيناتهم تضحك معاهم و عاملو جو .. يحمد في ربي اليوم انو قدر عليهم و كبرهم و عطاهم لرجال يهنيو عليهم.. خديجة لي تصويرتها معبية الحيط لي مقابلو تتبسم و النور باين من وجها... ما شلقش على روحو قدامهم وقت تعبات عينيه بالدموع... 
مع العشرة جاهم وليد بعد ماحط علي في القهوة..دخل و في يدو ساشي الدواء تاع الحاج لي وصاتو عليها ايمان ... كملو سهريتهم وروحو بعد ماتهناو الي تهاني باش تبات خاطر ايمان قالتلها غدوة باش نعمل ايكو ابقي لهنا باش نشوفك كي نروح..
القهوة عكس الشارع البرة مازالت عامرة بالشعب ماتشوف كان الدخاخين تاع الشيشة و الدخان و الصياح على طرح الرامي... علي يترشف في قهوتو هو وائل لي خلط عليه و تلمو بيه الجماعة الصعاليك تاع الحومة عاملين فيها يسالو عليه 
-يا علي يا خويا ان شاء الله ما عليك باس.. سافا توا ؟؟
- اي و الله سمعنا بيك الحق و لكل ستنيناك ترجع باش نفرحو بيك 
- يسال عليكم الخير
-مالا عاد لا سهريات لا خرجات لا كعبا تاه ؟؟ هههههههه التوبة باهية صاحبي ربي يعطينا من خيرو
- هههههههه قول ربي يعطينا واحد كيما وليد في ظهرنا و الباقي تو يجي
- قاملهم وائل باش يسكتهم ياخي علي شدو من يدو و غمزو ... اي وليد في ظهري و انا بلاش بيه مانحطش خيط في ابرة... حياتي لي عشتها عرض و طول و لا واحد غير وليد نصحني وقالي فك علي مالشي هذا راهو مامنوش فايدة اما انا عاندتو.. وقت لي زدت غرقت و دارو بيا اولاد لحرام الصحاح هو هزني من بيناتهم و دواني .. وينهم هوما توا ؟؟ وينكم انتم لي عاملين فيها جايين تسقسو في اخباري ؟؟؟ سالشي عليا طحان فيكم ؟؟ هزش فيكم كلب التلفون و قالي شحوالك يا علي و الا زارني حتى بالكذب؟؟؟ الوحيد ولد علي .. وليد كاهاو عمل هذا المل رغم بابا عيلة و مشاغل و كذا .ز رخ عليا لفلوس لين حشمت على روحي و متزال شادلي ظهري لتوا تي يبجل فيا على خوه و انتوما تحلو في جلغاكم و تنبرو.. وائ مطبس راسو يسمع فيه و عارف خوه راجل و يستاهل اكثر من هكا... 
- اي اي اي شبيك شعلت علي ؟؟ اش عنا قلنا
- اش عندكم تقولو اصلا تي اوزنو كلامك قبل ماتحل فمك ...
- يا خويا تربح فيه ولد الصيد... رجعو لي هذاك في كرسيه كلمة ماوزادهاش معاه.. وائل يضحك عليه كيفاه عروقو مشحطة هبطلو شيشة فماش ما يرتح 
- هههههههههه وسع بالك حوماني
- تي اقسم بالله ينطقوك من....... 
- اعمل ضربات شيشة و تفكرني ههههه تي تنساه وليد جملة
- اقسم بالله خوك يا وائل عمري و شويا فيه .. يا يعمل لواحد صاحب هكا يا موش لازم ...تلفونو نوقز... وي وليد...'' شبي القهوة تغلي ياخي معركة '' .. لا لا اما معركة متاعك(غمز وائل).. '' متعدي سمع في لصوات تلعلع قلت اتخذت هههههه ''... و برا اتخذت نحن لها ههههه برا روح على روحك برا..
من غدوة الصباح بكري قام ناشط و انشط منها زادة .. يدور في وسط الدار كالمجنون مرة في الدوش مرة في الكوجينة مرة في القلص يفرت فيه و هي دايخة بالنوم ما فيقها شي كان كيف يتمرغ عالسرير بالعاني باش يطير عليها النوم... فيسع لبسو و خرجو.. اول ماوصلو و قارو الكرهبة يشوفو في منى تبيبيلهم من بعيد قدام باب الكابيني
-ياخي هذي اش مجيبها ؟؟
- ههههه كلمتني من بكري و قاتلي باش نسبقكم ... هبط و هبطت هي وراه
- ياخي ماتخلوش الواحد يعيش اللحظة يا بنتي ؟؟ اش مجيبك اش عندك قدانا؟؟ 
- ابعد انت .. مشات لايمان تبوس فيها.. جاية مع اختي باش نشوف بنت اختي 
- تشوف شنوا ؟؟؟؟ يا بنتي ولد ذكر ذكرررررر 
- ههههههههه برا علق روحك بحبل من تو نقلك
- ياخي تتناقرو و انا و الام نتفرج خلوني نقول كلمة ؟؟
- ههههه حبيبي انت ماتقول شي انت جيبيلي الصغار و كاهاو...
ستناو دورهم لين جاء و دخلو في جرت بعضهم ... 

-وي ؟
- وائل سافا ؟؟ بلعت ريقها
- الحمد لله... 
- فاضي ؟؟ نحكيو ؟؟
-هاني نسمع فيك
- نحب نطلب منك السماح ..نعرف الي انت متغشش مني ..قص عليها
- لا عاااد انا نتغشش عالناس لي نحبهم .. انت ماتحط شي في بالك
- عينيها تعبات بالدموع و صوتها جاها ضعيف.. معناها معاش تحبني؟؟
-نبرة صوتها ذوبتلو قلبو...شنيا مشكلتك انت معايا ؟؟ مانيش لعبة راني باهي ؟؟ مالا ناس و مالا عيلة 
- بهتت في كلامو...اش تقصد بالعيلة ؟؟ باش وصلناك ؟؟ كي عرف روحو باش يزلق كح باش يرجع يثبت في كلامو...
- مانقصد شي .. ايا ماطيرهاليش نعيمة..
- باهي... سكتت و عاودت حكات.. نا غدوة مروحة اكيد نتقابلو و نحكو ..
- يسهل ربي ... قال هالكلمتين و علق عليها ...

كانو الثلاثة باهتين ماهم فاهمين شي... تكلم وليد و عينيه باش تخرج مرشوقة في الاكرون... اش معناها ؟؟ مافهمتش
-تلفتتلو الطبيبة... هههه كيما قتلك سي وليد شوف لهوني اربع ساقين صغيرونات و اربعة يديات هذايا راس البيبي لول و هذا الثاني.. و هانهم زوز اولاد يا سيدي..
- تلفت لايمان لي لقاها مغصورة موش عارفة تبكي و الا تفرح ... قتلكش راهم توما.. قتلكش راو باش يجيني طفل ياخي هاهم طلعو زوز ..و باسها من جبينها و لزها ليه.. 
- حبيبي... كانت تهمسلو بالشوي.. و الله احلى احساس عشتو...مرسي و الله
-ربي يخليك و ربي يقومك سالمة يا روحي... تلفت لمنى لي عينيها تدمع ماكفتش... هههههه نشريلك حبل علق فيه لروحك و الا كيفاه تو ؟؟
- هههههههه ابعد انت مامسطك... حملت منى و بدات تبكي... الحمد لله ياربي صحة لاختي.. باهي مالا تو انا نجيب البنية اما ردو بالكم اولادكم يتعاركو عليها..ههههههه 

وصلو للحومة بوصول منيرة لي كانت في دار صفية... جرات للطيفة لي كانت في الحوش.. اهم وصلو اهم روحو يا لطيفة...
-لطيفة حتى فولارتها لبستها بالمقلوب ... هاني جيت هاني خرجت...عرضوها في الباب يمشيو دبة دبة و عينيهم تضحك... 
- تكلم وليد... امي كل حاجة شريتيها من بيبروات و فروشات و قمايط عود اشري منهم دوبل خاطر اولادي في الثنية ههههه
-اش معناها ؟؟ زوز ؟؟ تواما معناها ؟؟ مالفرحة و الربتة بدات التزغرط لين داخت و منيرة وراها قلبتها الدنيا بالزغاريط لين سمعت العمة و الخالة و الجارة... الحاج علي فرحتو ماعاطيها لحد يهز تلفونو للحاج عمار يبشر فيه .. بدخول علي و وائل لي جاو على صوت الزغاريط... جاء باش يتذبح العلوش ياخي لطيفة قالتلهم خليها تولد و تقوم لباس هي و الصغيرات و وقتها نذبحو حتى زريبة... 
تعدات ليام و الاشهر و ايمان تتفارع هي و كرشها لي عمالها و تتنفخ لقدام لين معاش حاملة الرزن..هزت صحتها.. السيقان منفخين الوجه مدور.. لكل يقولو الي الذكر يشين امو اما هي تبارك الله وتاتها لحبالة و زادت فيها الشطر.. وليد عامل عليها جو كيف تتكعبر و ماتقوم كان مايدزها و الا يجبدها يعاونها ..لطيفة الحاج كل خرجة و الا قضية كان مايكركروه السوف في يديهم هاو لبسة هاو لعبة هاو فرش جديد هاو اصحنة و مغارف تاع صغار تي هبلو اصل.. هي توا في السابع.. معاش ملحقة تحرك في دارها ووليد مايحبش فازة مرا تجي تعاون و تحرك في دارو .. اختار انو يجيبها عند لطيفة تتلهالو بيها عالاقل على عينيها و تهنيه زيد المدة لخرى تربط بالخدمة و كل مرة يسافر يبقى بالنهارين... اليوم هو بيدو كان في العاصمة و مروح.

#انتى_سبابي #كرونيكات #كرونيك 

الحلقة 93


- اه عزيزتي وينك اش عاملة
- هاني وين خليتني..انت وقتاه مروح 
- المغرب نكون بحذاك. .. فكك مني قلي اش عاملين فيك أولادي.. ماكش متقلقة ماو !!
- لا لباس الحق لطيفة مامخليتني نهز شي معاها... 
- ايا باهي حماتك ماكيفها حد راهي..هههه كي انتوما لباس انا نكون لباس. .ايا يا روحي خليني نخدم على روحي..و مانوصيكش اقل حاجة تصير معاك اعملي تلفون اوكي
- باهي..ربي معاك يا عمري...طلبتها خالتها بعدو
- الوو ..الوو ايمان !! كانت نبرة صوتها تفجع و هي تقول تصيح في التليفون
-اهلى خالتي...مستغربة...لاباس
- منغير ما تبقى تستهبل فيا يا سكبانة... علاه وخيتك كسرتي بخاطرها هكاك !! زعما خسارة فيها كان وصلتيلها قضيتها..اي اي اي كاهاو عاد تلنصيتي وليتي بقرونك و تحل في فمك و تقول لا لبناتي لي وقفوه معاك اكثر من شعر راسك !!
-غصت مسكينة...تكت عاللافابو و بدات تمهمه...خالتي فاش قام الكلام هذا...هدى طلبت مني حاجة موش في مقدوري نعملها...راجلي منبه عليا و زيد مداخل هذي خاطيتني...خالتي افهمني را.....قصت عليها
- يا رسول الله تو محسوب هالحكاية لعظيمة هي. .. بعدين انت كانك فالحة و بكلمتك فم راك ليك بارشا زرقتي وحدة من بناتي و عملتيها سلفتك... و شنوا تقلها ماعينوش بيك !!علاه عورة والا بيها سبة...علقت عليها و خلاتها تتغصص..
-ايمان بنيتي ايا نحطو الكسكسي يطيب...كهو الشمس طاحت ..تسمع في الصياح...ووووه شنوة هالعياط موش صوت خالتك هذا...
- ايييه. .و اش بيك يا صفية لباس تصيح و داخلة تتحلف لباس !!!
-ابعد عليا انت جاية نحكي مع الي حاسبتها بنتي و خذيت حملها ملي توفات اختي...زربت دخلت لوسط الدار...ويني ويني مخبية وجها..ااه مالة شنية بعد الي عاملة عملتها...
-يااا صفية فهميني شنية هالي تعمل فيه...فاش تحكي اما سخط...ايا عيش اختي رانا نساب و ما يجيش الشي هذا...ايا اعرف اش تحكي ...موش داري الي يتحكى فيها حديث هكا
- يالا لطيفة نقلك اخر مرة خليك خارج الموضوع... انا جاية نحكي مع ايمان كلمتين و خارجة على روحي.... هاي جات.. كاهاو عرستي و ولتي مرت راجل جاية تقطع في رزق غيرك!! ماو تهنيتي ولا ! خلي غيرك يتهنى...
-رغم كلشي قربت باش تسلم عليها...ع...عسلامة خالتي...
-ابعد عليا...الشفايف تبوس و القلب فيه السوس...اه للا في دار راجلك حطيتي خشمك في السما و وليتي تحكي بالعشرة وافي اااه...تجيك هدى تقلك كون واسطة خير و قربي القلوب تقلها ما حاجتوش بيك و ما نجمش نعمل هكا...علاه ها حنانة شقيتي على قلبو و عرفتي اش يحب....دورت راسها و علات في صوتها...علاه و شبينا نحنا كي فضيحتك ولت على كل لسان حطيناك في عينينا و دارينا عليك...كي رماك خطيبك كيف الي اش باش يقول فمي...
-اااااه صفية ضم فمك خيرلك اسسسمع كلشي نعدي هولك الا كلام الشوارع فهمتي...حطت لطيفة يديها في نصها...ايمان كنتي و بنتي و تقريكم العفة و الشرف قراية...و المكتوب حب هكاكة و كتبت لولدي خاطرها تستاهلو و يستاهلها
-عوجت فمها...علاه وخيتي وشبيه المكتوب الي كتب لايمان ما يكتبش لبنتي هدى المرتوبة...خزرتلها ...تكلمي عاد حلي فمك...بالك على قفة الشهايد الي جبتيها معاك ليه ولد لطيفة...ولا على كميون الجهاز..ماك خرجتي كيلي بعملتها حتى بوك وطيتيلو راسو توا وين حكى معاك
-حطت يديها على وجها و بدات تبكي....الله يسامحك يا خالتي الله يسامحك...علاش علااااش ديما همي يجي كان من دمي علاااش..اش عملتلكم...هدى ما نجمش نعاونها ما نحبش ندخل روحي...علاش...بدات كرشها توجع...كي قتلكم لا هكا تجي تعايريني في دار راجلي...في عوض ما نكبر بيكم و نتحامى بيكم ...علاش هكا يا خالتي راني في مقام بنتك
-لا بنتي لا والو ..كان جيتي كي بنتي تقولي على هدى لوائل سلفك
-اااه هاتي الصحيح عااا.د...صار انت هذا موالك..علاه وائل ولدي قالولك عليه يلوج...دارت لايمان حملتها...اسكتي يا كبدي...نحنا معاك و بوك شعرة منك عندو بالف...اسكتي يا بنيتي و الله لا نحمل دموعك دارتلها...تو انت حاسبة روحك مرا جاية تتهددي عليها و جايبة حكاية هكا تحبي تدخليها فيها و زايدة تنقصي و تزيدي في الكلام...و الله كان ما جيتش متربية و مراعية هالطفلة الباهية الي من قبل حاسبتها بنتي و تو زادت خذات بلاصة في قلوبنا الكل...يا ما نسمعك ما تكرهي و بنتك لو كان تنقزي انت وياها لحيوط لا دارتلي في حوش...علاه حنانة سمعتي بيا حاطة مكتوب ولدي في تسمسيرة !!!!
-ضحكت...لاه ولدك الاول كيفاش خذا...ماهي بعد ما مرمداتو و خلاتو يهاتي بيها وين رماها لاخر شدت ليه باب الدار وين تلقا فرصة تترما عليه...تحسبيني ما فيباليش ها ضنا بنت امي...
- و الله زايد. .من يوم يومك قليلة ثمرة و كلامك مرزي و عندي الحق و نحمد ربي كي ماوصلتش خذيت من بناتك زايد كيما يقولو اقلب الجرة على فمها تطلع الطفلة لامها ... تو انت خالة جاية تتنيفخي و تتهجمي على بنية يتيمة و كان حتى بعيدة عليك تي راهي بنت اختك يعني لي تحبيه لبنتك

- تحبيه ليها ولي تبغضيه لبنتك تبغضيه ليها ... 
- أمي لطيفة.. كانت شادة كرشها... نعرف خالتي موش من قلبها لكلام لي قالتو خاطر هدى مافهمتش مني بالقدى اكيد..وتلفتت لخالتها. .. ياخالتي تو انا متاع الشي هذا !! تعرفني اش نحب للبنات تعرفني مانتحرك كان بيهم من امس لليوم لغدوة..اما ..اما انا الحاجات هذي نخاف منها المكتوب و هاي ندخل بين زوز والله مانجمها..زيد ولييد مايحبش... الصبر قد ما حاولت نهرب مالمشاكل نشوف فيها كان لاحقتني..
- اااه معناها انا نجيبلك في المشاكل !! و الله زايد.. قاتلي هدى راهي تتنيفخ و تفلم علينا... ياخي هذاك الكل ماتحبيش يزاحمك حد على الخير الي تغرفي فيه بيديك و الا شنوا اااه !!!
- انت ضبعتي يا مرا احشم على روحك راك في دار الحاج و اعرف اش معناها كي نقلك دار الحاج. .. خلينا وين كنا و ماتزيدش تكركرني باش نقلك كلام يزيد يطيح بيه شوية لقدر لي مازال.. اخرج ..اخرج عليا جايتني تحب تسمملي بدن بنتي و تعصبها انت و بنتك المسمامة و حكايتكم... يا سيدي خرجيها منها ايمان لحكاية و أحسبها حكات مع وائل انا و الله و رحمة المراحيم لا تعفسلي دار حية كنت و الا ميتة
يا ميمتي يا ميمتي و الله الدنيا تدور كالغربال .. كل يوم تصدمك بحد. ..على حكاية فارغة جاية تعاير في بنتي في داري يالعاطلة... واش فيها كان قلتيلها خرجيني منها لحكاية ..تو مستاهلة تسمعنا لكلام المرزي هذا الكل !! عيب عيييييب والله
- تبكي و شادة في الحيط...ما حبيتش نكبر النفوس ...دموعها هابطة...علاه مكتوب عليا نتقطع منهم و انا ما نحبلهم كان الخير و ما عندي كان هوما...فديت يا طاطا مالمباغضة و العرك...تلفتتلها...يا خالتي استهدى بالله راهو وائل موش قاعد ليا ولا لغيري الراجل يقرا و يكون و نهار الي يختار يختار وحدو زيد هالمعامع هذي تحبيني بنية اختك ندخل فيها روحي...يا خالتي راك غالطة فيا....
-ايواااااش ...هزت صبعها...قلولي الي انتوما عاجنينها و خابزينها مع بعضكم...علاه ها للا ما تعفسلكش دارك...الا هاو عفسها الي يسوى و الي ما يسواش...خزرت لايمان...هاك قبلتي بيها مرت ولدك و هو قاري اكثر منها...تي نهارة الي جت تجهز نكارة الخير الي قدامك جات ليا تتسلف...اااه يا رهدانة يا سكبانة...انت تقولي لهدى بنتي ما ياخذكش...علاه نسيتي روحك ..و الله يا خسارة الي صرفتو عليك و يا خسارة ما دخلتك في وسط بناتي...نهارت الي وليتي في العز بلجتي على بناتي الباب و استخسرتي فيهم الخير يا قليلة الخير يا....
-و الله لوكان ما تخرجيش ما تشوفي شي ما يعجبكش...تلفتت لايمان ...سامحني بنتي قدرتها مبكري على خاطرك اما فاض الكاس...ايا اخرجي عليا من داري و الله لا تحشميها و الله
خرجت تجري و تتكرم بالكلام...ايمان كان الدموع و بعد ولات بالشهقة
-شدتها دخلتها قعدتها...مدتلها كاس ما...اسكت بنتي و الله لا تستاهل...سامحني حتى كاني خالتك...ما تحياش...هذي ..هذي ايمان تقولي عليها في مقام امك هذي...و الله كان ما جيتش نعرف العيب الا ما نفرج عليها امة لا اله الا الله...اااه ما قالتش بنت اختي ما قالتش عيب ما يجيش..ما قالتش بين روحين
-طاطا سامحني...تبكي بالشهقة..وصلتلكم السب و العرك
-حملتها...ايمان و الله نتغشش عليك...بنتي راك و الي يمسك يمسني...يزي عيش بنتي اش عليك فيها و الله ما ندمها علي قالتو
-لا طاطا بربي بربي امسحها فيا...بربي ما نحبهمش يباغضوني...ما عندي حد راني...بالله يا طاطا 
-هزتها تكتها لداخل...ارتاح عيش بنتي و ما تخمم في شي...انا خاطرك الكبير عندي هو الي خلاني سكتت على الكلام الي حكاتو...
- كبر قدرك خالتي ربي يفضلك... امااان...شدتلها يدها... امان وليد مانحبوش يسمع بلي صار اليوم والله يهبل عليهم نعرفو... زيد الخدمة معصباتو عالمدة موش حاملة فيه معامع أخرى...و انا خالتي تو نحكي معاها و نفهمها.
- لاااا رد بالك تعفسلها دار هاني انبه عليك.. تفهم بالغالط و لا أراها لا باش فهمت ناس قلوبها خايبة تموت عالعرك و السبان و جبدان أعراض الناس بالعاطل ياخي ماسمعتهاش و هي تتمزى عليك تقول... استغفر الله مالا هموم جامدة تي ينقضو لوضوء الهم هاذم... استغفر الله العظيم.. اليوم عرفت معدنك يا بنتي و عرفت الي خديجة ماتجيب كان النساء.. نقولها و مانيش نغطي اما سعدو بيك ولدي والله الرزانة و الحشمة لي فيك هذوكم مكسبو في الدنيا... و هذيك لقعرة خالتك حسابها مزال معايا و الله ندامها على يدي و الله... ااااااااه قلبي غلايل راهو
- يزي خالتي و الله راسي باش يطرشق... اخطانا منو الموضوع... ربي حسيب الناس الكل ما يهمل حد و ان شاء الله دعوة الشر في صاحب الشر. .و انا و رأس هالملايكة لي مازالو ماشافوش ضوء ربي لا نيتي فيها شي و عمري خدمت مخي معاها و الا مع بناتها... الصبر يا ربي الصبر ...
تلفونها يصوني عند راسها و هي تخزرلو ماحبتش تهز عليه كان ماكفت دموعها و ارتاحت شويا... وي وليد. .
- روحو....وينك شبيك ما تهزش...اش تعمل انت و ولادي

- شبيك على ولادك ياخي باش يهربو وانت كل تلفون تسبق بالحديث عليهم هههههه ايا حدد مكانك !!
-مكاني بالضبط بالضبط...ربع ساعة و نكون بحذا مريتي قلي ما توصي شي؟؟ ستنا ستنا ساعة...شبيه صوتك هكا...تقليش خذيت هوا؟؟؟
- أم..اي.. اي الطقس يعيف مع لعشية زيد خرجت بكري شوي للجردة. .. علاه مشلق على روحي
-وي عللخر
- انت ماك حافظني عاااد... ايا ماتبطاش رانا متوحشينك

#انتى_سبابي #كرونيكات #كرونيك 

الحلقة 94


-حتى انا عزيزتي...ايا حضرلي هاك البوسة ديراكت راني طايح مونك و الباقي ميسالش تو في الليل موخر...هههه ايا باي
- بقات تضحك واحدها على هبالو فيها و تتخيل في مصيرها بعدين و اش باش يعمل فيها... زايد مايزهيها كان هو... عوضها على كل شي معيشها في قلبو يخاف عليها من النسمة الباردة ياخي حسدوها فيه...غفات بعد تلفونو و كاينها كلات حربوشة رقدتها مع صوتو... وصل بلوج بعينيه ماعرضتلوش
- أمي !! لطوووف تي وينكم يا جماعة 
-عسلامة وليدي هاك مابطبيتش في المرواح...
- أي الكياس فارغ. .. ويني ايمان! ! 
- راقدة الفوق توا ممكن غفات..
-طبس راسو...لطوف شبيك..انا نعرفك راهو كي تكبس جبهتك بالعصابة ايا شفما مللخر ...الحاج غششك في حاجة؟؟؟
- لا خاطيه الحاج... اي اي برا شوف مرتك طمن بالها عليك و على سياقتك المجنونة...برولاتو بكلمتين حبتش تكحيلو هاني مرتو كان قالت و الا سكتت .
مشا يزرب..حل الباب بالشوية...يلقاها واقفة قدام المراية تريقل في روحها...اول ما شافتو في المراية و تلفتت تكلم و هو يتبسم...يا الرب العالي قداه توحشت كعبورتي ايجا عندي ايجا
- ترمات عليه عنقاتو بوحش الدنيا الكل.. كينها تتخبى عندو... حبيبي تنوح..و كالعادة يسكتها بطرح البوس لي يسيبها بعدو خيط مسكينة..
- شبي مريتي علاش تبكي توا!!! و بالشهقة زادة !! اش فما ياخي 
- شي جوست توحشتك.. مخبية وجها عندو و كابسة عليه كاينو بيهرب..
- ههههه يا حليلي ماقوى سعدي.. صغروني يتوحش فيا. .. امممم انا هاني باش نعمل روحي مانيش شالق بشي اما انت و امي ماكمش نورمال راو. ..تو نعرف سيوري و يجيني لحديث..باسها من راسها و قام يفرت في الدبش كي عادتو يحب يعمل دوش
- هي خلوقها في شعرة...تي بربي علاش كل ماتحط يدك على حاجة تقلبها والله مالصباح و انا في هالخزانة المحنونة...سيب جاي.. هزت منو السروال بنطرة. .. قلي تو انا نعطيك 
- هو هز حواجبو مستغرب و عوج شفايفو... اما انت ماكش نورمال بالرسمي تخوف يا طفلة..
هز مرتو و روح بيها..حتى لعشاء ماتعشوش..حسها متقلقة شويا ماحبش يخليها حسها تحب تروح لدارها وين تلقى راحتها...
- حبيبي ناخذو حاجة من برة للعشاء! 
- لا علاش تو نطيب يزيك نهارين و انت تاكل مالشارع..
- باهي على راحتك... يشوف فيها سارحة موش معاه جملة...سرحانها وقت كانت العايلة الكل تحكي و تضحك..حيراتو معاها اما موش حاب يضغط عليها...
كان قاعد في الصالة يتفرج وقت كانت تحضرلو في طرف مقرونة. ..تجي كل شي الا مقرونة..مخها موش فوقها ماتسمع في شي كان في كلام خالتها لي قهرها..كل وين تجي تنزل دمعتها تشدها و متخليهاش تفضحها قدامو.. يتعشى و يلغص وحدو ماحبش يقلها شنوا هذا تو هذي مقرونة !! زيد يحب الحار اما عملتهالو بااااردة هيا حاشى النعمة... يعرفها معلمة تطييب اما اليوم أمورها مشكشكة... 
- ماعجباتكش ياخي !!
- هاو السؤال لي يكرهو. .هاو السؤال لي ديما يحب يبعد عليه اش باش يقلها توا !!... هاني ناكل... اما كيلي ناقصة حار !! 
- امم ناقصة كل شي.. انا بيدي مانجمتش ناكلها خلي انت عاد. ..سكت شويا و اطرشقو الزوز بالضحك ..
- اااااه قتلك خليني نتصرف ياخي عملت لي فيها الشاف اسامة. ..ههههههه... لحظة نشوف شكون يطلب..هز
- منيرة انتاربول..ههههههه يا بنتي وين حيك وين طايح صرفك...هي مسكينة استلبست عرفتها بتلفونها هذا باش تجبد لمخبى الكل..قامت تتسرسب للكوجينة..
- شنيا !!!!!!...و هز عينيه خزرلها... ايجا لهوني انت...ملامحو تبدلت و هو يسمع فيها تحكي ماخلات ماقاتلو...باهي. باهي...طيش التلفون و قاملها...شنوا لهداري لي سمعتها توا !!! 
- شنوا ...علاش تحكي !! تحكي و تفرك في صوابعها..
- كبس على سنيه... ماتزكمنيش ايمان ..اش صار اليوم !!..و شبيها خالتك معاك 
- حكاية بيدونة والله..تعرفها خالتي تحكي و.. 
- اما بيدونة يا بنتي و الله كان يكون لكلام لي قالاتو خالتك صحيح والله تتكلفلها غالية... اخزرلي ايمان...ايمااااان..نكلم فيك راني..هيا امشي قدامي
- وين يهديك بربي وليد شبيك راهي العشرة واش تاع الليل وين ماشين الناس راقدة
- مخبية عليا !! و تزيد للا لطيفة تزيد اتلفني كيفك راني نشمها و نرشمها و هي طايرة انا قلت خلي بالك فادة و لحبالة مقلقتها..اما تجي اش يسميها ربي خالتك و تحل جلغتها في وسط داري و تسمع مرتي لكلام و تعايرني بيك هذي تتحاسب عليها ... كان يسوق و يحكي بعصب... انت تسكت يزيني راك غلبت عليا بالبكاء كان جيتي فالحة راك وقفتيها عند حدها و خرجتي الكازي بيدك
- مانجمش خالتي راهي... اش تحبني نعمل
- خالتك !! خالتك قتلي لي تطعن في شرفك و تقلك كلام حتى لعدوك ما يتقالش !! علاه ماهيش تشوف فيك مرت راجل! ماهيش تشوف في رجال وراك ! لا عملت قيمة لا لامي لا لبابا لا العشرة و جاية تحل في جلغتها على حكاية كي......... تي تشد تلم بنتها الساعة ياخي ماتراش فيها كيف مصعصعة و الدنيا اتاخذت بخمجها..
وصل قدام دار خالتها حل باب الكرهبة و هبط...و هي قلبها تخلع..
-وليد عيشك امان انت توا منرفز توا تغلطو مع بعضكم في الكلام عيشك يا وليد
-دارلها باش يهبطها و يحكي و يتحلف...قسما بالله يا ننشرلهم غسيلهم ليوم سينون ما نتسماش وليد...بالك تحسابك قطعة حبل جايبها واد جاية تتهدد و تسب و تعاير...تو نوريها ايمان شكون و شكون ماخذة...شبيك ترعش انت شبيك؟؟ مزلت ترعش عليهم و تسمي فيها خالتك...شبيك بالك ماخذة طرطور انت باش نسمع بيهم عايرو مرتي و سبوها و نتعدى نغم على راسي و نرقد...انا و الله كان موش خايف عليك يا الدار ما نقلبها على روسهم توا..اما هاني باش نتفاهم معاهم بطريقة اخرى..هي ماهي جات تسب...ايا تحضر روحها مالة
- الباب شعرة لا هدو و هو يدق. .. خرجتلو نعيمة...
- اهلا وليد...طبست راسها حاشمة... ايمان عيش اختي سامح....قص عليها. ..
- امك ويني ؟؟ 
- ههوني اا.
- ناديهالي... نعيمة كلمة وحدة ناديلي امك..
-و.وليد عيش خويا تفضلو..ياخي باش تقعدو واقفين البرا..تشد ايمان من كتفها...ايمان عزي....
-ينطرلها يديها....سيبها معندها وين داخلة...مرتي يديكم معادش تجي على يديها و عينيكم ما تخاطبهاش حتى من بعيد...خلا نعيمة عينيها مبحرة بالدموع و بدا يصيح...اخرج يا كبيرة اخرج...اخرج و عاودلي الكلام الي قلتو في حق مرتي....
-خارجة تتبختر...شنوة فيسع عمرتيه ولد لطيفة و حطيتيه تحت جنابك و جيتي...و الله زايد مرذلة و ما تسويش جايبة العيرود متاعك يتهجم علينا
-هد عليها...اسمع انا اول مرة ندخل في هداري النسا خاطر الشي وصل لمرتي...و انا كان ما جاش على خاطر مرتي راني طيحتو السقف هذا الليلة لذا تحترم روحك و تعرف اش تخرج من فمك راك مرا كبيرة و نحبش نغلط معاك
- لا محسوب تو تعملي عملة و بعدين جايني توا تهدد باش تتقبح عليا ماو لباس بابا ماناش مطيشين رانا اصلا انا علتي من بنت اختي لي غدرتني... اش ماشي في بالها كان خذات و عرست باش تطلع درجة و الا تجبد لقشة مالسماء !! خويتها قصدتها في قضية تردها خايبة تتدمعلي بنيتي بالشهقة قاتلي ياما شوف اش عملت فيا ايمان توا ولات ماتحبش تدخل في المداخيل هذي !! أي عاد شبيه كي تدخل بالخير علاش تقلها لا ماعينوش في العرس راو.. انا هذا اش حبيت نوصللها. .. حبت تبلفطو بكلمتين خاطرو هايج. .. خافت ياخي رخات في اللغة.
-و تكذبو زادة...اي عاد ماك تقول بروحك و هادة على مرت الرجال في ديارهم و تسمع فيهم في الكلام...عاودو الكلام...و الله و الله و الله يا كان موش في خاطر الدمعة في عينيها يا ما نفرج فيكم العرب الكل الليلة...و ايمان ما تجيوش في ظفرها و اشرف منكم و خير منكم و بنتك كي تبوس السما بعينيها وائل لا يحسبها في الخريطة جملة...و كان جيتو فيكم الخير ما تمنش على يتيمة الي عملتو معاها....جبد فلوس من جيبو لوحهم عليها...شد هاي الفلوس الي عطيتها لايمان هانو قدهم الف مرة....هذي الفلوس و فضيناها مزال الحديث مزلت تجبد مرتي بكلمة نفتفتكم فهمت...صاح فرد صيحة...
- اييييييييييييه اش تستخايب روحك يا شسمك.... جات هادة من غادي. .. اش حاسب روحك انت و مرتك مااقل حياكم ترشق علينا في الفلوس بالك خصاص ليك و الا ليها. .. و انت يا للا تتسكبن و تتبكالو نهار و ليل لين جيتو للخط و زيد عبيتي كرشك بالتوامة كاهاو مديني عروقك فيها دور الصيد كيف عروق النجم...
- امااان هدى ياخي حاسدتني !!لاه عرست و تهنيت و الحمد لله مرت راجل و من خيرة الرجال و حبلة هذا مقلقك في حاجة !!! شبيك راك ماكنتش هكا و الا كنت هكاك و انا معمية عليك اما خسارتك يا هدى و الله محسوب خوات و عشيرة تي أسراري الكل عندك يجي نهار و تعايرني فيهم قدام دار حمويا !! 
- وصلتي روحك... انت من لي خذيتيه وليد متاعك و انت اش اش يا ذبانة مافما في الدنيا كان انا... هزيتيه من دار بوه و كركرتيه باش خذالك دار لي تطلبو يجيبهولك دارهم و عدلتي فاها و انا جرد تلفون استخسرتيه فيا..
-ايا اسمع يا فرخة انت بالذات ابعدني من بلاك هالليلة لا نفتقك من بعضك...نرمال انت تحس في روحك طفلة و انت تنقز من بلاصة لبلاصة كيف المكلوبة على وائل...شوف عاد على طبيعتك المليحة باش تستخسر فيك تليفون...نفض يديه و علا في صوتو...اسمع انا منيش باش نبقا نمضغ في حكاية مع زوز نسا لا يفهمو في الواجب و لا يحكرو...حسابي مع راجل الدار اما و رحمة عزيزي في قبرو و الله يا صفية يا مزلت نسمع كلمة في ايمان يا نجوم السما ما نوريهالكم في عز النهار ...و تعرفني كان نرجعلكم وليد متاع زمان...
-تخبات ورا امها...تضحك بخبث...علاه الكلام على مرتك احنا حكيناه هههه

تي ماهي سيرتها تشربت بيها القهاوي و تنصبت بيها الطواول...و كان احنا سكتنا غيرنا حكا..هههه ولا نسيت نهار الي قدامي قتلك ابعدني و لو كان تقعد اخر راجل في الدنيا هههه...تلفتت لنعيمة...تتفكري نعيمة وقت الي تجي تغطس في طنجرتنا و تبات عنا و تبدا تدعي بيه و تحكي عليه كيفاه يجري في جرتها...المرا هاي ليوم ولات ما تحبنيش سلفة و زيد جايبة راجلها الي ما فماش واحد ما سمعش الي هي تبخر بريحتو هههه
-كل عضلة فيه تكبست ...مسح بيديه على وجهو تجاهل بكا نعيمة الي تكذب في اختها و خزرلها...ريتها ايمان موش كيفك تلقا الفلوس تترما...ايمان ما جابتهاش الفلوس ليا...جابها قلبها و محبتها ليا...ايمان عمرها ما عماها الشي الي عندنا و رفضتني خاطرها مهيش مصلحجية موش كيفك تلاجي علينا عينيك باش تطلع...ايمان ما عملتش الي عملتو انت...ولا فيبالك ما نعلمش بيك كي مشيت لولد فضيلة ترمي في روحك عليه و جايبتلو منطق راهو وليد راجل بنت خالتي عطاني نومروك...ولا تحسابني نسيت نهارة الي جايتني و تحكيلي في كلام على نعيمة اختك و ايمان...تحب تكرهني فيهم خاطر ريتني جبت كادوو لنعيمة...انت حتى اختك ما سلمتش منك...مرضة انتوما مرضة...و هاو نبه عليكم مرتي مزالت وحدة فيكم تحكي عليها ولا تجبدها من قريب ولا من بعيد و الله ما نخليكم تمشيو و تحكيو وحدكم و الله ...و الله و راس صغاري الي معز منهم كان ربي و النبي و المخلوقة هذي يا مزلتو تجيبو ساحتها ما نشعل فيكم النار...
- وليد... قربتلو... انا زادة تظن فيا الخايبة !! ايمان اختي و اقربلي من اختي ..موش منك يا وليد هالكلام والله وجعتني منك... مشات بخيباتها و دمعتها على خدها جاية بين نارين مسكينة تعرف امها و اختها غالطين انا ما في حالهاش اصلا ماكلة طريحة خاطرها وقفتهم أمس.. و زيد سمعو بيها مع وائل ......

#انتى_سبابي #كرونيكات #كرونيك 

الحلقة 95


- عزيزتي نعيمة ستن... 
- ترص فم انت. .كلامي نتصورو واضح. .. و غزرلها خزرة تخوف..هيا خلينا نروحو... وانتم فيما يروح راجل الدار وقتها وروني لساناتكم اش باش تخرج...شدها من يدها و خرجها دموعها سابقتها كالعادة تمشي و تتلفت لنعيمة هي تبكي و هذيكا تبكي...
- مالا ناس و مالا صحة رقعة. .. اش يترهدنو و اش يقدوه... ريت كي نقلك فكنا اخطانا منها هدى راهي موش ولا بد. .راي مرا وصلت تعاير في الراجل بفلوسو و تقيسو بشنوة عندو في جيبو راهي ماتصلحش عندي انا... تي وحدة جاهلة قد ماقرات وحدة ق........ محسوب بعد مابدعت في الفاك جاية تلوج على وائل ههههه و الله مسكينة تي وائل يتقزز منها السخطة مخيب منظرها
-الله يهدي وليد الله يهدي...تو الايام تبين كل حد على حقيقتو و يعرفو انهم غلطو فيا...خزرتلو بحنية مخلطة بوجيعة...مادام انت في ظهري و سندي في هالدنيا...ما حاجتي بشي اخر...ربي كارمني بخيرو
-جبدلها يديها باسها و دقق عينيه فيها...انت نوارتي و بنت رجال و مرت راجل و انا نعرف اش عندي...عيش حبيبي ما تعملش منهم راس مال...
-شاهية نبوسك
-اكهو في الخلا هكا و تقلي شاهية نبوسك...اااه اش تحبني نعمل فيك يا كعبورة توا...جات باش ادورلو...لاااا اقعد هكا هاني جيتك...يعاود ينحي السبتة و يدورلها بكلو و يغرقو في بوسة ملحمية خلاتها تفبري تحتو...ما سيبها كان ما خلاها شفايفها حمر و منفوخين...جبدها عندو عنقها...بربي ديما اشتهى هكا و اخطانا مالجبن و الزقوقو و لحم الارنب...هههههه
من هذيك الليلة و كل واحد على روحو ... لا دار علي تجيب باب دارالحاج مفتاح لا هوما زادة دارو بيهم ...نعيمة من لي حظرت للعركة و هي تنعي موش عارفة اش تعمل كل وين تقول تحلت تزيد تتازم لحكاية...وائل هو بيدو موش عارف اش يحكي لحكاية الكل عليه و بقصد و الا بلاش كان جزء منها ... كل وين يكلمها يلقاها تبكي و مايفهم منها شي .. موش منجم يشوفها و لا هي تشوفو تقول تحكم عليهم بالعذاب و هوما الدار في الدار... سب روحو الف مرة خاطر مافضحهاش هاكي الكلبة هدى و حكالهم على جيتها ليه و الكلام لي قالتهولو..وليد مقت بيهم و زاد على مابيه الحاج مفتاح كيف وقف في صفهم اكيد بعد مابرولو... خوه معاش شايفو حتى عالمذاق و مل وين يقول تو نحكيو وكذا مايلقاهش.. معاش عاجبو في كل شي ..حاسس عليه اما المشكل اكبر من حكايتو .. تي الزح جاء بيناتهم كرامة مرتة و حب خوه.. لازمو يعدل لازمو مايظلم حد...
كان يلوج عليه من بلاصة لبلاصة اخرتها روح للدار ...يلقا ايمان راقدة خرج بقا يكلم فيه يكلم فيه شي تليفونو مسكر...قعد في الصالة و قلبو متحير ...خزر للوقت يلقاها قريب نص الليل خمم يخرج يدور بالكرهبة يعاود يشوف يلقاهش في الحومة...هز المفاتح و على دورتو يسمع في حس فوق السطح...طلع بالشوية ملي حل الباب يرا فيه متكي ساق ممدودة و ساق ضامها ليه و الدبوزة في يديه ..تصدم بقا باهت و مبعد كبس يديه في جيوبو و قدملو بالشوية وقف قدامو و هو هز راسو و ملامح وجهو جامدة...وائل الي ما يتكيفش قدام خوه ولا يشرب و يدقق عينيه فيه و عادي
-تبارك الله عليك اه...واتاتك القراية في بلاد الاوروب...صوتو كان هادي عكس الي يحس فيه
-.........
كي سكت ما جاوبوش...زاد علا في صوتو
-اووه نحكي معاك راني...شنية هالحالة الي انت فيها...شراب و اللحية هايجة و التليفون مسكرو علينا...سلمت في داري و جبت مرتي بايتة لنا و بايت نخيط في الشوارع و انت سيادتك شاد السطح لا حشمة لا شي و راكز الدبوزة في دار الحاج؟؟؟ اااه من وقتاه انت تشرب و من وقتاه ندخلو المنكر لدارنا..صاح فرد صيحة...هزززز راسك نكلم فيك
-هز عينيه كانت ملامحو ما تعبر على شي...برا اخطاني توا ...ما نحبش نحكي و المنكر كي نجيبو لدارك وقتها قلي لا...فادد متيقر جيت لهوني ميسالش ماهو ولا ما نجمش نكسر مخي وحدي رايض
-انا الي باش نكسرلك راسك ...شنية قلة هالمسؤولية و الحالة الي فيك...شنية تحساب في روحك عامل فيا و في امك هكا..قاطع الماكلة و الحديث...جبد تابوري و قعد قدامو...شبيك شصارلك شبيك وليت هكا؟؟ جبد الدبوزة من يدو رماها...نكلم فيك
- وليد ابعدني فوتني ...ماعاش تدخل فيا.. جبد باكو دخان من جيبو... هز سيقارو بفمو و طيش الباكو الفارغ وين ساقيه.. ساعات نقول اش مرجعني كان بقيت واكلتني الغربة خيير... شنوة الفرحة لي جاتني كي روحت تي أبسطها الطفلة لي حبيت..ضحك على جنب... اي أبسطها الطفلة لي حبيتها اصغر مني  بيني و بين عيونها مشكل قد السخط و يفيد كل شي ... و انت !! انت جاي تحاسب فيا يا وليد ؟؟ ماك قتلي ابعد عليها كاهاو هاني باعدها. .. فوتوني اعتقوني خلوني صانع جوي ...
- ياخي شبيك انت !! يعني تصير الكل ومع هذي الكل و باقي تحكيلي فيها لحكاية !!! تي هاي مافيهمش الخير أفهم ابداها من امها و انت هابط لاختها... ناس كلات و شربت من خيرنا انا بميت يحبو في اخر حلقة و يخرجو فيها لكلام تي مانعت منهم بنت اختها باش يوفروك انت و الا أنا !!!!
-شنوا ذنبها هي نعيمة !! شنوا ذنبنا الزوز اه !! امها و اختها هاك الق....... لكلو منهم و الله تو تشوف اش نعمللها الع ....... لعبولها في راسها والا تتماشى فيا انا زادة اي قلبها سلسلة كنت نحكيو و تفاهمنا معاش باش تخبي اما... 
- وائل ..وائل..حط يدو على ركبتو. اكيد باش تكون ردة فعلها هكاك باش الهم مالا ماتبعدش !! و بعدين مانيش مقطوعة من شجرة هي يعني دورهم هذيك امها و هذيك اختها..تجيش تنحي خشمها من وجها زادة !! باش أنفعهم و باش يمشيو عليها رايهم. ..
- لا لا لا الكلو من اختها تي تحكيلي قالتي ضربتها قالتلها علاش توقف معاه ولد الصيد و هي ترمي في روحها الق ...... متاع وذني
-اسمعني من غير مادخل روحك و أدخلنا في معامع معاش نخرجو منها... باش تقلي امها و أختها و جداتها نقلك فك عليك راو خنار النساء مامنوش راس مال. . تي مشلقة الطفلة نفحة و طارت و كي حمرت فيها امها عينيها لبدت و هزت روحها. .. نعيمة طيبة جو عليها و تربية و كذا عيب تكركبها معاك و أدخلنا في حيط و هي مازالت يا باب الله تقرا ..ماتفرعسش الطفلة عيش خويا.. اخطاك ...
- هز فيه عينيه يصيح. ... علاه انت بعدتها ايمان !!! خليتها على راحتها وقت قلتلك فوتني و معاش ادور بيا !!! ايست انت و عتقتها و خليتها تمشي. . !!! علاه كان انا لازمني نملص علاه كان انا لازمني نضحي و نعفس على قلبي نحرقو. . باش خير مني انت اه !! باش تزيد عليا قلي !!
-غاضو حالو....منيش باش نحاسبك على كلامك توا و انت في حالتك هذي...نفكرك انك كنت رافض اني نشد الصحيح و نعمل الي عملتو مع ايمان...موش موضوعنا هذا...حط يديه على كتفو...اسمعني وائل اختها و امها خايبين و مشاكلهم ما توفاش و اختها عينها فيك...عنا معاهم مشاكل قد السما...صدقني و راس خويا باش تتعب و تعبها...نهار اخر كيفاش باش يكونو هضوكم دار حموك و هي اختها هابلة عليك؟؟ كيفاش يا تقعد في وسطهم؟؟ الطفلة تحبها نفهمك لكن هي سمعت كلام امها و عرفت انو علاقتكم معندها وين توصل...الزوز مزلتو في بداية حياتكم هي هازتها للفاك و انت راجع تقرا على روحك..باش تخالطو ناس اخرين و تدخلو تجربة جديدة و تو تنساو..اخطاك وائل العلاقات موش تحبني و نحبك كهو ...فما عايلات في الحكاية...نعرف كلامي صعيب اما صدقني وائل كهو وصلتو لاخر الطريق..من جهة مشاكل عايلتها و من جهة امك قالت لا...اصلا هي صغيرة و ما تطلبش منها تدخل في مشاكل و تضحيات...ما تستناش منها تضحي بدارهم و تبعك خاطر ما تنجمش
- ساكت يسمع فيه. .. وجهو مكبوس يتنفس بخشمو تقول ينفخ في النار.. كابس يدو لين تحصر فيها الدم.. وليد كان متوقع كل شي حتى الخزرة القاسية لي في عينيه الا دمعتو لي جرات تقول كانت شادة في طرف شوافرو...وليد..براس امك شوفلي حل. . بربي لا تكسرلي ظهري انت زادة.. خليك معايا يا ولد امي .. يحكي بحرقة..ماتظلمناش ماتعملهاش براس خويا الغالي براس أولادك يا وليد لا تحرقلي قلبي..ماتبعدنيش عليها متخليهاش تبعدني نحبها و عمري ماحبيت قبل كان هي.. تي سلمت في كل شي قرايتي خدمتي ستاجي و شديت الدار كرهت عمري ياعمبو عمري و بو الوقت لم...... لي خلانا هكا... كبشلو في مريولو... رجعهالي برحمة لي يعز عليك بربي وليد.. 
-يزي يزي.. الرجال ماتبكيش راهي الرجال تبكي كاهاو... كان يعني فيه بالكلام و هو قلبو ممعوس..اش باش يعمل و اش باش يدير.. كلام يوم جاء قدام عينيه كي قالو انت عمدة الدار بعدي انت لي مسند عليه ظهري. .. وليد قلبو عصر عليه و هو بين اختيارين لازم و يختار حل وسط خاطر موش حاملها في خوه. ..
تعدات جمعة كاملة على حالها... جوست وائل حالتو بالويل. .لطيفة مانجمتش تخبي على الحاج .. قالها انا الناس لي عايرولي بنتي ايمان ماندخلش دارهم. . خاطر الحاج مفتاح هو بيدو ماخذاش موقف ضد مرتو و بنتو ياخي بالعمل لام وليد و قلو اش مجيبك لداري و انا موش فيها و تتهدد على مرتي و بناتي.. وليد عيا و هو يفسرلو اما فد منو خلاه و مشى. .

#انتى_سبابي #كرونيكات #كرونيك 

الحلقة 96


-شبيك تخزرلي هكا انت ؟؟ 
-انت لي شبيك .. تلفونات و تتهومزو انت و خوك..
- ماعنا مانتهمزو فيه..حاجتو بفلوس ماشي الجمعة الجاية..
- كاهاو ؟؟ شبيه ماقالش ؟؟ علاه ماشي ؟؟
- تي عندو خدمة.. لافت وجهو و يضحك... اصلا بربي علاش قاعد و هي بنت خالتك خلات فيه عقل ؟؟
-اسكت برك انا لتوا مصدومة منها .. و الله قداه غاضتني كيفاش ماتحكيليش 
- ماهي حكات لوائل و قاتلو..كاهاو اعذرها انت زادة
- انا عاذرتها اما كان حكاتلي رانا وصلنا لحل ما خلاتنا لتوا لين اختها توصل تتقبح و تحب تفكو منها..
- كاهاو الله غالب.. مكتوب 
-تعرف نعيمة موش كيفهم و الله .. تقول موش بنتهم تي حتى التربية غير..الله غالب زهرها و بختها راقدين.. 
-اممممم هوما راقدين و احنا زادة باش نرجعو نرقدو و نعملو حاجات...
- ههههههه ياخي ريحني راني و الله لا فيا باش نتحرك هاك تشوف في حالتي
- انا نعرف مصلحتك يا بنتي ههههه ايجا ايجا عااااد...
كان تحت الخربة لي ورا دارها راكش بالكرهبة تاع وليد... الدنيا ظلام الحس بايت و الحركة قلت..بعثلها ميساج قالها فيه كي تولي بروحك اعملي ابال.. زادت شويا و طلباتو..دوبة هزت جاها صوتو ثابت قاللها كلمتين و علق '' اخرج هاني تحت الخربة''
تربثت ماللول زيد عينين امها و اختها عليها حتى خرجاتها يحسبولها فيهم...عملت روحها مشات للتوالات.. و خرجت من باب الكوجينة..طلعت الصور و نقزاتو تقول موش بالعلو هذاك اما حرارة الحب هازتها ليه...بشوف في خيالها يقرب غيرلها الضو و هي زربت و ركبت و اول ما لفتت وجها تصدم في حالتها...
-شبيه وجهك ؟؟ بدى يلمسلها فيه...شكون عمل فيك هكا ؟؟ 
-اطرشقت بالبكاء... شي ماهو يوجع فيا قد وجيعة قلبي يا وائل
-ششش ايجي..هزها بين ايديه خباها.. وراسك و راس عويناتك تو يندمو خاطر مدو يدهم عليك..معاش تبكي هاني هوني و معاك و على خاطرك باش نعمل لي مستحيل كان يخطر في بالك و بالي
-تمسح في دموعها.. تخيل مانجمتش نرجع نقرا وجهي الكلو مدمدم بالكفوف..فديت ياخي اش عملت انا اش دخلي؟؟
-يا روحي يزي عااد امسحك دموعك.. كاهاو وفات لوجيعة مالليلة معاش باش يقلقوك و لا عاد يجيو صوبك...هي مازلت تستوعب في كلامو و رمالها الكلام رميان... انت لاومك تمشي معايا نكتبو الصداق و نحطوهم قدام الامر الواقع الناس الكل..
-بقات مركزة معاه عينيها محلولين ماترمشش فيهم... شششنوة؟؟ اما هروب يا وائل ؟؟ تفدلك انت معايا اكيد.. عدت يديها في شعرها.. اكيد تفدلك
-لا و توا تقلي اش قررت ... يعمللها بصوابعو هوما حاجتين يا اما معايا و نعيشو كيما حبينا يا اما تمشي و يسمعنا على بعضنا الخير خاطر بكل بساطة العايلات مستحيل يبردو على بعضهم و اختك نجمت تعمل هذا الكل و انا معاد نستغرب منها شي ...
-............................ساكتة تبكي و دمعتها سيالة
-حبيبي..حط يدو على يدها... الثيقة اهم حاجة.. انت واثقة فيا ؟؟ عملتلو براسها ''اي''... باسهالها و ديمارا الكرهبة هي قلبها يضرب و دموعها زادت جرات الكرهبة تمشي و تبعد و هي تتلفت لدارهم... 

كانت في الدوش تتغسل وقت حست بحاجة تجري مع ساقيها هزت جبتها تشوف في ساقيها و صاحت
-وليييييييد... هو كان في البيت يتفرج في التلفزة سمع الحثلة نقص طول...ولييييد اجريلي... تنطر من بلاصتو جاء في الباب و هابط يجري في الدروج الدرجة بثلاثة درجات.. خاطر في الدوش اللوطاني..
- شبيك اش صار علاه تصيح.. شنوا هذا ؟؟ مناش الدم هذا... تغصر ماعرف مايعمل..خليني نكلم امي تو تو
- لا لا اااااااا ه.. هزني هزني امان لوجيعة باش تقتلني ... اااااااه..
- يا ربي اش نعملك اش نجيبلك ..
- ولييييييييد.. ياخي شبيك مربوث يا سخطة.. نحكي و تلهث.. ماتوترنيش انت زادة...اااااااااه يا مييييييمتي 
- باهي تنفس تنفس..شهيق زفير شهيق زفير..اجبد هواء اجبد
- اتبع فيه و هي مسندة عليه تحب توصل للطاولة باش تاقف معاها... هاني نتفس..اااااه عمبوها لوجيعة ماحبتش تكف.
-تحمل تحمل امان هاني باش نهزك. يعمللها 

#انتى_سبابي #كرونيكات #كرونيك 

الحلقة الاخيرة 

قص عليه ناقوز الباب..شكون جايني توا ؟؟؟ مشى يجري للباب و شهق
- وااائل ؟؟؟ خرجت هي من وراه.. و نعيييمة ؟؟؟ 
-اااااااااااااااااااااه وليييييد... صاحو الكل مع بعضهم..
- ايمممممممان ... تمهمشو العيلة الكل في جرتها.. نعيمة عيش اختي اطلع للبيت جيب الفاليز الكحلة لي بجنب السرير
- باهي باهي.... مشات تجري و وائل خرج للكرهبة يخطف فيها و يقرب فيها للباب تاع الدار..و هي تصيح ماقالتش نسكت.. ثنية كاملة للكلينيك و هي تتلوى و تتوجع و نعيمة معاها تصبر فيها و كل وين تصيح و الا تبكي تبدى معاها... وائل يسوق ماخلاش وليد لي حالتو تكرب هو بيدو..متلفتلها و تقول هو لي باش يولد..
- ولد امي وسع بالك ههههه شبيك ياخي ؟؟
- سكر انت..عزيزتي تحمل امان و تنفس تنفس
- اسكت وليييد اسكتتتتت...معاش تحكي معايا لكلو منك لكلو جرايرك تحب عالصغار انت و انا نموت هوني.. ااااااه يا ربي يا ميمتي 
- بربي انا ياخي جبتهم وحدي ؟؟ الناس الكل تجيب الصغار اش بتعملي للا تحملي ايا
- اعععععع سكتوه امان راهو وترني 
- هههههههههههههههههههههه ياخي باش تتعاركولي و الا شنيا حكايتكم ؟؟ 
- سوق انت و معاش تتلفت لا ترزينا في اعمارنا يا خرا... بعد مافاق من سبهتو تلفتلو ؟؟ ياخي عملت لي في راسك انت ؟؟ عاود تلفت لنعيمة و هي حمارت و طبست راسها...
- ههههه يا معلم القلب داعيلك تعرف اليد بارتك انقذتلي حياتي 
- هههه انت عليها تلوج يا طحان.. ايا ان شاء الله مبروك بالمسبق
- وليد.. بانت عليه علامات القلق..وليد فهمو
- ماتحط شي في بالك كل شي تحت السيطرة.. امي و بابا عندي تي نهارين و انا نقنع فيهم بنعيمة اما راني ماجبتلهمش عالهروب هههههههه
- و الله ساقط كملت مزيتك يا زحي 
- ههههههه ذوق مالكاس و اعطيني رايك..تلفت لنعيمة و ايمان لي تتغصور... تعرف الي كل عام باش نحتفلو بحاجتين لولة بعيد ميلاد اسامة و يحي و لخرة بذكرى العرس تاعكم يا صعاليك
- ايمان تتبسم بالسيف و تحكي..ممبروك...مبروك عزيزتي..امان اجري يا وائل بربي نحس في روحي باش ندوخ..
-ماتخافش عرق الصيد يجري في دمك توا كون قويا راك باش تجيب زوز صناديد ههههه
- ضربو وليد على متفو.. العاقبة ليك فراروهههههههه
النهاية 
الي كتبت لكرونيك هذا وقفت لحكاية اهنا 

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°


هذا الجزء بقلمي #ريتا
وصلو للكلينيك يستانو فاها تولد وليد متوتر أكثر منهم ماشي جاي فل كروار خبللهم عينيهم و نعيمة قالقة مطبسة راسها مش عارفة اش بش تقول لدارهم
هوما يستانو لين سمعو صوت بيبي و الباب تحل و خرجت الطبيبة خاطر وليد ماحب حتا رجل يمسها حتا كان طبيب ههه دوب ماراها غزرلها فرحان : سايا ولدت ... لابأس عليهم ... نجم ندخل نشوفها 
من كثر ماهو متحمس 
الطبيبة : ايي تنجم تدخل تشوفهم 
دوب ماراهم و هو تملكو شعور مايتصفش بعد الممرضة هازتهم بش تنضفهم و هو قعد بجنب مرتو يحكيو لين رجعت الممرضة و جابتهم 
وائل كلم امو قالها الي ايمان ولدت ماغير مانطولو برشا المهم ايمان جابت زوز البابيات في صحة جيدة و محلاهم يدقرمشو كانو الناس كل لاهين بالنفاس وائل و نعيمة القاو الفرصة بش يستغلو الوقت و يصلحو بين زوز عايلات و ترجع المياه المجاريها 
اكهو روحت ايمان مل الكلينيك تلقا لطوف محاضرتلها البيت منظمة مخملة بش تلقا راحتها و الناس كل مالمومة دارلها وليد قلها : غمضي عينيك 
غمضت عيناها شدها و بدا يمشي باها 
- الوين هزازني 
- لحضة تو تعرف
- بش نقعد مغمضة عينايا برشا
- لا هو عدنا وصلنا طرف صبر ... 
بقا يمشي فاها لين وقف و وقفها 
- حل عينيك تو 
حلت عليناها ترا في بيت محلاها فل بلو سيال فاها زوز فروشات مزينة 
- اشقولك في بيت اولادنا 
- ياااااا تهبل وقتاه حضرتو هذا الكل 
- وقت انت فل لكلينيك انا نحرك 
- هذا كل صار و انا فل لكلينيك 
- انا مانحيرش الناس الي تحبك كل تعاونو علاها بش تحضر فيسع 
- يعيشكم 
- حتا خالتك الي سمعتك لكلام ماعطاهاش قلبها بش تشوفنا نحركو ماتعاونش جات و قالت مهما يصير تقعد بنت اختي 
رجعو بحذا جماعة الي كانو شايخين على الصغار لعبو معاهم لين جا الوقت بش ترضعهم هزتهم 
قامت لطيفة قالت ال وليد : برا اقضلي بش نعمل الزرير 
نعيمة : تو انا الي نطيبو 
- فاش قام اطيبلها انت الزرير 
- ايمان كي اختي 
- قتلي اختي لحضة بركا نروحو لدار مزال لكلام بالك تستخايلني نسيت غير يحرز أنفاس و انت حطيتنا في موقف محرج
لطيفة تقحرلها: تعرف نعيمة مانعرش لشكون طالعة ماتشابهلكمش تقول مش بنتكم 
مشا وليد شرا قضيات منهم الجلجلان و الفاكية لزرير 
بعد ماوفا كل شي و كل حد شد دارو قامت تصفية لحسابات في شيرة اخري
- تو وفا كل شي و تو تفرغتلك للا نعيمة هذي عملة تعملها تهرب معه و تكتب زداق 
- سامحني امي ماكنش عنا حل أخر
- هك يعطيك قلبك تعمل فيا تعرفني الي انا حابة عليه و انت درتلى بيه و فكتهولي 
- انا مافكتلك شي هو عمرو ما حبك 
- سكت حسك اعرف اش تحكي مع اختك
- انت تعرف الي انا حابة عليه و ديما نتقربلو و امي قالت وائل ال هدى و انت اش عملت
- يزي تو اللوم بعد لقضاء بدعة كنت نتمناه ليك لكن حتا نعيمة بنتي و انا نحب نتهني عليك الزوز 
- اش معناها امي فرحانة معناها انتي بطبيعة تفرح ال بنتك القراية الي رافعتلك راسك و مش انا الي الهاملة و الي تجري وراء وائل 
- انت قلت الي كنت تجري اوراه يعني هو ماحبكش و انا تمنيت كان ياخذ وحدة من بناتي و التو الي صار صار 
- جرتك انت انا اضطريت بش نهرب في عوض نخرج عروسة من دار بابا 
- ايي هك عرفت كيفاه تاخذو مني 
- سكت حسك مزلت تعاود فاها فرحانة بروحك الي انت تجري وراه و هو متلفك للات نساء الي تبدا بقدرها الي يجريو اوراها هي على شكون ترضي مش العكس 
- ايي  هذيكة انا المهم حاجتي ناخذها 
- ايا بلع فمك جرت انت غلط مع بنت اختي سمعتها لكلام و هي ختاها مش كيفك ترمي في روحها و تو الي صار صار 
بوهم ادخل : الصداق و تكتب و حد مافي بالو لانجمو نعملو ارواحنا مافي بالناش و لا نرضى بنت مطلقة و يعيروها الناس 
- ايي حطونا قدام الأمر الواقع
- كهو يجيو يخطبو و يعملو بالاوصول و تخرج عروسة من دار بوها قبل ماتولي لوبنة في فم الناس الي ماترحمش 
- لازم في اقرب وقت قبل مايسمعو بحكاية هروبها و نتفضحو نسترو ماستر ربي 
- باهي باهي عرفتكم بش تجيو في صف بنتكم القراية و كان انا نفضح لحكاية 
تلفتلها بوها : انت ضم فمك و نسمع كلمة بركا خرجت للناس يكون حسابي معاك 
نعيمة تفاهمت مع أمها بش تمشي تطلب سماح من ايمان و تصلح الاومور وصلو دقو الباب حلت لطيفة : كان بدي ماندخلكش لكن يحرز على خاطر كنايني 
دخلت ال ايمان تلقاها ترقد في اولادها 
- امونة نعرف روحي غلط ياسر معاك و جرحتك بلكلام انا جاية بش نطلب منك سماح الكلام اذاكا ماكانش من قلبي 
- صحيح انت وجعتني ياسر لكن سماح خالتي انا عارفة كلو من هدى هي عمرتك عليا ربي يهديها 
تفاهمو عل خطبة بش يجي وائل يخطب و يعملو العرس على حسب الاوصول و العادات 
وليد حكا كل شي الدارهم و فاهمهم 
- نعيمة ماعندي مانقول فاها طفلة باهية و دافية حتا كان قلت كلمة مش في بلاصتها في لحضة غش 
- عيشلي لطوف اما المشكلة في اختها قالتلها بش نبلبزلك فرحك و نفضح لحكاية 
- وائل لحكاية هذي خلاها عليا انا 
- عمري ماننسا وقفتك معايا ياالخو 

نهار الخطبة وائل حاط الحطة هاز دارهم و معاه بوكي نوار احمر و باكو شكلاطة مشاو يخطبو في نعيمة و اكا هدى شافتهم كيفاه الناس كل فرحانين ولا حد معابرها خرجت البرا للجنينة في بلاصة مايراها حد تبكي و تتحلف بش تفسد كل شي هي اكك و علي الي جايي معهم كان يتبع فاها مشالها حب يحكي معاها قعد حذاها
- هدى نجم نحكي معاك نعرف الي انت كنت تتمنى انك تكون انت في بلاصة اختك تو لكن كل شي بالمكتوب 
- شوفتهم كيفاه ببعضهم انا الي كنت هكا هكا بيه و ماخليت ماعملت على جالو و هي كانت مطفيتو فل لخر عجبتو هي 
- فل الدنيا هذي الناس تحب و تقدر الي يعطي قيمة الروحو انت ماغلطتش كي حبيتو لكن غلط كي جريت اوراه ماتتغشش مني لكن حبيت نقلك خمم في روحك كون روحك و بعد الي يستاهلك و يعرف قيمتك هو الي يشد جرتك 
- ديما انا الخايبة الهاملة و هي القراية الباهية
- لا لا ماتقولش هك الكلنا نغلطو و مش عيب عبد يغلط العيب أنو يعرف روحو غالط و يقعد يمشي في الغلط هاني انا ماخليت ماعملت تبعت خلطة مش باهية و ضيعوني لكن ربي هداني و فقت على روحي
- و الفضل يرجع ال وليد
- صحيح وليد ربي سخرو بش يعاونيو يخرجني من محنتي حتا وليد انت تعرف كيفاه كان كيفاه ولي انا حبيت نفهمك الي ايي انسان ينجم يتبدل يتغير كي هو يحب يتغير انت صحيح عملت اغلاط لكن تنجم تصلح من روحك 
- ايي كلامك صحيح انا ضيعت روحي شكون بش يخزر الوحدة رامية روحها و ترخص في روحها
- لا متقولش هكا خاطر انت بيديك تنجم تكون خير من هكا و احسن خمم في روحك في حياتك و وين تحط نفسك تصيبها 
- صحيح 
- و هذيكا اختك افرحلها و ماتكونش سبب في تعاستها 
- تعرف انا كنت نخمم ياسر في المظاهر كنت نتبع في وائل خاطرو قاري و بفلوسو في بالي مانعيش فرحانة كان مع رجل فيه الحاجات هذي لكن كي حكيت معايا انت عرفت الي نستحق الي يفهمني و الي يسمعني و الي كون بجنبي اهم من كل شي 
تعداو ايامات هوما خايضين في حوسة العرس نعيمة هي مل لعشاء للحنة للحمام و غدوة الفرحة لكبيرة لكن حاجة بركا مقلقتها اني اختها مافرحتلهاش هي في بيتها تقيص فل روبة الي بش تلبسها غدوة فرحانة و في نفس الوقت حاصرة الدمعة في عينها على جال اختها و ايمان كانت حذاها تهدي فاها 
- ماتبكيش عيش اختي ما تحط شي في بالك مالها كان اختك اكيد تو قلبها يحن و تجي تهنيك 
من غدوة هي تحضر في روحها بش تمشي للحجامة و تعرضها هدى قربت منها و هي متلبكة من ردة فعلها 
- سامحني اختي نعرف الي انا اوجعتك ياسر و كنت كي الشوكة قدام فرحتك و جرتي انا تلزيت بش تكتب صداق بسرقة و قدام الناس تتظاهر انك تكتب فيه انا كنت خايبة ياسر معاك 
كانت تحكي و دموعها هابطين من عيناها و بعد جبدتها عنقتها  و تبكي : سامحني نوعدك نحفظ سرك و ماعادش نكون سبب اوجعتك ربي يهنيك و يسعدك 
تصالحو و مشات معاها للحجامة و وقفت معاها حتى أمها بقات باهتة فاها تقول هدى اخري و الناس الكل عرفو هدى الباهية الي كانت مخبتها عليهم الناس الكلهم حطين الحطة و لابسين سواري و خلي نعيمة طلعت تفتق روبة برنساس مع مشتة سابل خلات شعرها كيما هو طبيعي اكحل حرير ماغير صبيغة و عاملة مكياج خفيف و سابل اما زاد فاها شطر طلعت تهبل حتا وائل مش ناقص لابس كوستوم بلو غامق و سورية بيضة و ماشط شعرو التالي طلعو منورين 
في السهرية لعرايس هبطو يشطحو وليد جبد ايمان قومها تشطح و هي اللبسة الي لبستها الي يراها يقول أخت لعروسة هوما اكك شايخين و يشوفو في هدى و علي يشطحو ببعضهم 
- شوف اكك هدى و علي حربينها بشطيح ياخي اش ثما و نحنا مافي بالناش تخبي عليا
- مانيش عارف قالي بش يحكي معاها بش يقنعها ماتفسد على اختها قالي مزيتك سابقة بش ناقف معاك كيما اوقفت معايا و وفات لحكاية غادي ياخي هو السيد عام بحرو
صحابو ولاد الحومة زادة جاو الكلهم فرحانين ال وائل و نعيمة حربينها بالشطيح و الغنا لين جات اللحضة الي لعروسة بش ترمي فاها البوكي عطاتهم بظهرها و بنات الحومة واقفين اوراها ارمات البوكي و دارت تلقاها في يد اختها هدى الناس كل يصفقو امها قالت : ان شاءالله نتهنى عليك كيما تهنيت على اختك 
اكهو وفات حوسة العرس الناس كلهم روحو عرايسنا مشاو للوتيل عداو احلى ليلة كلها رومنسية و تهنات لعروسة ماغير ماطويلها أكثر ماهي طويلة شهر العسل قررو يمشيو  يعدو جمعتين في هولندا و بعد ماوفا الجو الكل رجعت لقراية وائل يكمل في ستاجو و نعيمة تكمل في قرايتها وكهو ماعندي مانزيد كان و عاشو جميعا سعداء 
رايكم في النهاية ؟؟

《انتي سبابي من1 الى 60

تعديل المشاركة Reactions:
تعليقات
 
كمنتار بالفيسبوك
كمنتار ببلوڨر 
تعليق واحد
إرسال تعليق

إرسال تعليق

الاسمبريد إلكترونيرسالة