ستوووووب✋🚫 جبتلكم كرونيك طياااار❤ اسمو احببت فرخة 😙 لعباد الكل تحبوو و تبرتاجي فييييه 😍 فيه برشا تشويق🔥🔥 هيا منغير ما نطول عليكم تفاعلو بش نهبط الحلقات فيسع
#منقول
الحلقة 1:
منار عمرها 17سنة تقرا 2eme ماهيش قراية برشا
ﻫﻬﻪ. ﺗﺴﻜﻦ ﻓﻲ ﺍﻟﺠﻨﻮﺏ ،ﻣﻊ ﺍﻣﻬﺎ ﻭ ﺧﻮﺍﺗﻬﺎ ﺯﻭﺯ ﺑﻮﻫﺎ ﻣﺘﻮﻓﻲ ﻣﻠﻲ ﻫﻲ ﺻﻐﻴﺮﺍ. ﻣﻨﺎﺭ ﻛﻴﻤﺎ ﻛﻞ ﺑﻨﻴﺔ ﻓﻲ ﻋﻤﺮﻫﺎ ﺗﺤﺐ ﻭ ﺗﺘﺤﺐ ﺻﻮﺣﺒﺖ ﺑﺮﺷﺎ ﻣﺮﺍﺕ ﺃﻣﺎ ﻋﻤﺮﻫﺎ ﻣﻌﻤﻠﺖ ﺣﺎﺟﺔ ﻏﺎﻟﻄﺔ ﻣﺮﺓ ﻗﺎﻋﺪﺓ ﻓﻲ ﻣﻊ ﺻﺤﺒﺎﺗﻬﺎ ﻗﺪﺍﻡ ﻟﻴﺴﻲ ﻭ ﺗﺘﻌﺪﺍ ﻛﺮﻫﺒﺔ ﻫﺒﺎﻝ ﺻﺤﺒﺎﺗﻬﺎ ﺑﻘﺎﻭ ﻣﺮﻛﺰﻳﻦ ﺃﻣﺎ ﻫﻲ ﻋﺎﺩﻱ ﺧﺎﺗﺮ ﻣﻬﻴﺶ ﻣﻦ ﻧﻮﻉ ﻟﻴﺼﺪﻕ ﺇﻟﻲ ﻣﻤﻜﻦ ﻭﺍﺣﺪ ﻏﻨﻲ ﻳﺎﺧﻮ ﻭﺣﺪﺓ ﺑﻴﻨﺎﺗﻬﻢ ﻓﺎﺭﻕ ﻣﻌﻴﺸﻲ ﻛﺒﻴﺮ .
5ﺗﺎﻉ ﻟﻌﺸﻴﺔ ﻛﻤﻠﺖ ﻗﺮﺍﻳﺘﻬﺎ ﺭﻭﺣﺖ ﺑﺪﻟﺖ ﺩﺑﺸﻬﺎ ﻭ ﺧﺮﺟﺖ ﻟﺒﺮﺍ ﺑﺤﻜﻢ ﻋﻨﺪﻫﻢ ﻧﻌﺠﺎﺕ ﻳﺮﺑﻮ ﻓﻴﻬﻢ ﻣﺸﺎﺕ ﺗﺸﻮﻑ ﻓﻲ ﺍﻣﻬﺎ ﺍﻛﻴﺪ ﺭﺍﻱ ﻗﺪﺍﻫﻢ ﻟﻤﻮﻫﻢ ﻫﻲ ﺗﻤﺸﻲ ﻟﻴﻦ ﺗﺸﻮﻑ ﻓﻲ ﻛﺮﻫﺒﺔ ﻗﺪﺍﻡ ﺩﺍﺭ ﺧﺎﻟﻬﺎ ﻣﻌﺘﻄﻬﺎﺵ ﺍﻫﺘﻤﺎﻡ ﻣﺸﺎﺕ ﺧﻄﻮﺗﻴﻦ ﻭ ﺗﺬﻛﺮﺕ ﺍﻟﻜﺮﻫﺒﺔ ﻟﻘﺪﺍﻡ ﻟﻴﺴﻲ ﺑﻘﺎﺕ ﻣﺼﺪﻭﻣﺔ ﻭ ﺣﺎﻳﺮﺍ ﺷﻨﻮﺍ ﺗﻌﻤﻞ ﻫﺎﺫﻱ ﻫﻮﻧﻲ
ﻣﺸﺎﺕ ﻗﺪﺍ ﺍﻣﻬﺎ ﻭ ﺳﺄﻟﺘﻬﺎ ﻋﻠﻲ ﺍﻟﻜﺮﻫﺒﺔ
-ﺍﻣﻲ ﻳﺎﺧﻲ ﻛﺮﻫﺒﺖ ﺷﻜﻮﻥ ﻟﻘﺪﺍﻡ ﺧﺎﻟﻲ
-ﻗﺎﻟﻮ ﻭﺍﺣﺪ ﻳﺨﺪﻡ ﻗﺪﺍﻩ سامي (ولد خالها) ياخي ضيفوه
-ﺍﻩ ﺑﺎﻫﻲ
ﺗﻌﺪﺍﺕ ﻟﻴﺎﻡ ﻭ ﻣﻦ ﻭﻗﺘﻬﺎ ﻧﺴﺎﺕ ﻟﺤﻜﺎﻳﺎ ﻛﻤﻠﺖ ﻟﻘﺮﺍﻳﺎ ﻭ ﺟﺎء ﺍﻟﺼﻴﻒ . ﻋﺮﺱ ﻭﻟﺪ ﺧﺎﻟﻬﺎ ﻓﻲ ﺃﺧﺮ ﺟﻮﺍﻥ ﺑﺪﺍﺕ ﺗﺤﻀﺮ ﻓﻲ ﺭﻭﺣﻬﺎ ﻣﻦ ﻗﺒﻞ ﻟﻌﺮﺱ ﻫﺎﻭ ﺷﺮﺍﺕ ﻟﺒﺴﺔ ﻫﺎﻭ ﺗﺨﻤﻢ ﺷﻨﻮﺍ باش تلبس...
ﺍﻟﺤﻠﻘﺔ 2:
ﻗﺒﻞ ﺍﻟﻌﺮﺱ ﺑﻨﻬﺎﺭﻳﻦ ﺟﺎﻭ ﺻﺤﺎﺏ ﻭﻟﺪ ﺧﺎﻟﻬﺎ ﻭﻟﻲ ﻳﺨﺪﻣﻮ ﻣﻌﺎﻩ ﺑﺎﺵ ﻳﺤﻀﺮﻭ ﺍﻟﻌﺮﺱ ﻣﻨﺎﺭ ﻣﺸﺎﺕ ﻗﺪﺍ ﺧﺎﻟﻬﺎ ﺑﺎﺵ ﺗﻌﺎﻭﻧﻬﻢ ﻓﻲ ﺍﻟﺘﺤﻀﻴﺮﺍﺕ ﻭ ﺍﻟﺘﺰﻳﻴﻦ ﻫﻲ ﺩﺧﻠﺖ ﺍﻟﺪﺍﺭ ﻭ
ﺷﺎﻓﺖ ﻭﺍﺣﺪ ﺑﺎﻳﻦ ﻋﻠﻴﻪ ﺑﻮڨﻮﺱ ﻻﺑﺲ ﻣﺮﻳﻮﻝ ﺃﺑﻴﺾ ﻭ ﺳﺮﻓﺎﺗﻤﻦ ﻧﻮﺍﺭ ﻭ ﺷﻌﺮﻭ ﺩﺍﺧﻞ ﺑﻌﻀﻮ ﺷﻮﻱ ﺑﺎﻳﻦ ﻋﻠﻴﻪ ﻛﻲ ﻓﺎﻕ ﻣﻦ ﺍﻟﻨﻮﻡ ﻣﻨﺠﻤﺘﺶ ﺗﺸﻮﻑ ﻭﺟﻬﻮ ﺧﺎﺗﺮ
ﻋﺎﻃﻴﻬﺎ ﺑﺎﻟﻈﻬﺮ ﺩﺧﻠﺖ ﻣﻨﺎﺭ ﺳﻠﻤﺖ ﻋﺎﻟﻤﻮﺟﻮﺩﻳﻦ ﻭ ﻣﺸﺎﺕ ﻗﺪﺍ ﻟﺒﻨﺎﺕ ﻓﻲ ﻟﻜﻮﺟﻴﻨﺎ ﻟﻘﺎﺗﻬﻢ ﻣﺎﺯﺍﻝ ﻛﻲ ﺑﺤﻀﺮﻭ ﻟﻔﻄﻮﺭ
ﺗﺎﻉ ﺻﺒﺎﺡ ﻭ ﺗﻠﻘﺎ ﻣﻌﺎﻫﻢ ﻣﺮﺍ ﻛﺒﻴﺮﺓ ﻓﻲ ﻟﻌﻤﺮ ﺍﻣﺎ ﺑﺎﻳﻦ ﻋﻠﻴﻬﺎ ﻣﻀﺨﻤﺔ ﻣﻮﺵ ﻣﻦ ﺑﻼﺩﻫﻢ ﺳﻠﻤﺖ ﻋﻠﻴﻬﺎ ﺑﺎﻟﺘﺒﺴﻴﻤﺔ ﻋﻠﻲ ﻭﺟﻬﺎ ﺑﻘﺎﺕ ﻟﻤﺮﺍ ﻣﺮﻛﺰﺓ ﻋﻠﻴﻬﺎ ﺑﺮﺷﺎ ﻓﻲ ﺗﺼﺮﻓﺎﺗﻬﺎ ﻭ ﻛﻼﻣﻬﺎ ﻭ ﻛﻞ ﺷﻲ . ﻣﻨﺎﺭ ﺷﻠﻘﺖ ﺑﻴﻬﺎ ﺃﻣﺎ
ﻣﻬﺘﻤﺘﺶ ﺑﺮﺷﺎ ﻛﻤﻠﻮ ﻓﻄﺮﻭ ﻧﺎﺱ ﻭ ﻟﺒﻨﺎﺕ ﻗﺎﻟﻮ هيا ﺑﺎﺵ ﻧﻐﺴﻠﻮ ﻟﻤﺎﻋﻮﻥ ﻳﺎﺧﻲ ﻟﻤﺮﺍ ﻗﺎﻟﺖ ﺧﻠﻲ ﻋﻠﻴﻜﻢ ﺗﻮ ﻧﻐﺴﻠﻬﻢ ﺃﻧﺎ ﻭ ﺍﻟﺒﻨﻴﺔ ﻫﺎﺫﻱ ﻋﻠﻲ ﻣﻨﺎﺭ . ﻣﺮﺕ ﺧﺎﻟﻬﺎ
ﻗﺎﻟﺘﻠﻬﺎ -ﻻ ﻣﻴﺠﻴﺶ ﺍﻧﺘﻲ ﺿﻴﻔﺘﻨﺎ ﻣﻴﺠﻴﺶ ﻧﺘﻌﺒﻮﻙ ﻣﻌﺎﻧﺎ ﻫﺎﻭ ﻟﺒﻨﺎﺕ ﻫﻮﻧﻲ ﺗﻮ ﻫﻮﻣﺎ ﻳﻐﺴﻠﻮ ﻭ ﺑﺪﺍﺕ ﺗﻨﺎﺩﻱ ﻓﻲ ﺑﻨﺎﺗﻬﺎ ﻭ ﺗﺸﻜﺮ ﻓﻴﻬﻢ ﻭ ﺗﻤﺠﺪ ﺃﻣﺎ ﺷﻲ ﻟﻤﺮﺍ ﺷﺪﺕ ﺻﺤﻴﺢ ﺑﺎﺵ ﺗﻐﺴﻠﻬﻢ ﻫﻲ ﻭ ﻣﻨﺎﺭ ﻭ ﻣﺸﺎﻭ ﺑﺎﺵ ﻳﻐﺴﻠﻮﻫﻢ
-ﺳﺎﻣﺤﻨﻲ ﺑﻨﺘﻲ ﺗﻌﺒﺘﻚ ﻣﻌﺎﻳﺎ ﻭ ﺍﻧﺖ ﺃﻛﻴﺪ ﻣﺘﺤﺒﺶ ﺗﻐﺴﻞ
-ﻫﻬﻬﻪ ﻻ ﻋﺎﺩﻱ ﻣﺼﺎﺭ ﺷﻲء
-ﻣﻘﺘﻠﻴﺶ ﺷﻨﻮﺍ ﺇﺳﻤﻚ
-ﻣﻨﺎﺭ
-ﻣﺤﻼﻙ ﻭ ﻣﺤﻼ ﺍﺳﻤﻚ ﺍﻧﺎ ﺃﺳﻤﻲ ﺳﻤﻴﺤﺔ ﻭ ﺗﻨﺠﻢ ﺗﻘﻠﻲ ﺃﻣﻲ ﺳﻤﻴﺤﺔ
-ﻋﻴﺸﻚ ﺃﻣﻲ ﺳﻤﻴﺤﺔ ﻫﻬﻪ
-ﻫﻬﻪ ﻋﻴﺸﻠﻲ ﺑﻨﺘﻲ ﻣﻘﺘﻠﻴﺶ ﻗﺪﺍﻩ ﻋﻤﺮﻙ
-17سنة
-ﺭﺑﻲ ﻳﻄﻮﻝ ﻓﻲ ﻋﻤﺮﻙ ﻣﺎﻻ ﺃﻛﻴﺪ ﻋﻨﺪﻙ ﺷﻜﻮﻥ
-ﻫﻬﻬﻪ ﻻ ﻣﺎﺯﺍﻝ ﻣﻨﺨﻤﻤﺶ ﻓﻴﻬﺎ ﻟﺤﻜﺎﻳﺔ ﻫﺎﺫﻱ
-ﺭﺑﻲ ﻳﺠﻴﺒﻠﻚ ﻭﻟﺪ ﻟﺤﻼﻝ ﺑﻨﻴﺘﻲ
-ﺍﻧﺸﺎء ﺍﻟﻠﻪ ﻳﻌﻴﺸﻚ
ﻛﻤﻠﻮ ﻏﺴﻠﻮ ﻣﺎﻋﻮﻥ ﻭ ﻗﺎﻣﺖ ﻣﻨﺎﺭ ﺭﻭﺣﺖ ﺑﺎﺵ ﺗﺮﺗﺎﺡ ﺷﻮﻱ
الحلقة 3:
مشات مدام سميحة لهارون باش تحكيلو علي منار .
هارون عبد الحق من أكبار رجال الاعمال في تونس يخدم، في شركة متاعو. هارون طفل أقل ما يقال عليه بقلاوة لبنات عليه بالصف علي شكون يرضي بركا أما هوا أخر حاجة يخمم فيها هي لبنات و العرس بالرغم من ان عمرو 28 سنة معمرو ما صوحب ولا حب طفلة أما كان يعرف إلي مدام سموحة معاه باش يعرس مهما يصير خاتر ديما شادة فيه أما هوا ديما رافض لحكاية
-يا هارون وليدي ليوم لقيتلك بنية تهبل والله شتهيتهاك تكون مرتك
-شنوا سموحة مازال تخمم في لحكاية ماني قتلك منحبش و زيد إنت وين عرفتها هالطفلة
-شفتها هوني و حكيت معاها اسمها منار عمرها 17سنة و محلاها و محلا كلامها و باين فيها طفلة قد المسؤولية و رزينة
-أولا أنا مناخوش طفلة من هوني فقيرة و أكيد تحب علي الفلوس و ثاني حاجة أنا بناخو مرا مش فرخة
-والله يا هارون كان متاخوهاش لنرضي عليك ولا نسامحك للنموت
هارون حس إلي لمرا هاذي مماتو تحكي بالحق و عارف روحو معندو وين هارب منها لازمو يوافق و أصلا باش يعرس بيها كان علي الاوراق و باش يصنع من عذابها صنعة خاتر هي سبب ألي خلا سميحة تحكي معاه هكا
-باهي سموحة تو نشوفها و نحكي معاها كان تفاهمنا تو نعرسو
-مفماش حاجة اسمها كان تفاهمنا لازم تتفاهمو و العرس بعد شهرين
-شنوا شهرين مفما شي زاربنا
-كلام لفما قلت و انا باش نحكي مع أمها و نتفاهمو
الحلقة 4
ليوم نهار لول في العرس مشات منار للحجامة جبدت شعرها و لبست روبا روج قصيرة و مكياج خفيف خاتر في عاداتهم طفلة تعمل مكياج علي راحتها كان كي تعرس لموهم جاء الليل و بدات السهرية نساء و حدهم و رجال وحدهم هاكا علاه منار لبست قصير
مشات سميحة لأم منار و حكات معاها في موضوع العرس في لول قالت منجمش نعرسلها سنا و زيد خواتها مازال معرسوش و هي صغيرة فيهم مازال مش متاع عرس و مسؤولية
-منار بنتي و اصلا معندها حتي مسؤولية عندها شكون يخدمها موش باش تستحق فلوس
أم منار كي سمعت إلي راجل لباس بيه وافقت خاتر كيما كل أم تحب مصلحت بنتها
سميحة عجبتها برشا منار و قالت لازم ليلا يشوفها هكا فماش متعجبو
مشات سميحة لهارون و حكات معاه باش يقابل الطفلة هو محبش أما سميحة أكدت عليه باش يشوفها
مشا هارون للكوجينة كيما قتلو سميحة و يخمم كيفاه باش يسلكها أما هذا ميمنعش إلي هوا يحب يشوف شكون هالطفلة إلي سحرت مماتو للدرجة هاذي .
سميحة مشات لمنار و قتلها باش تمشي للكوجينة تجيبلها دبوزة ماء.
مشات منار للكوجينة و الصدمة تلقا نفس البڨوس لشافتها المرة لفاتت و كي العادة عاطيها بالظهر مسكينة ملقات متعمل قالت سلام و مشات باش تجيب دبوزة ماء هي خارجة و تسمع في صوت راجل تحس مزيج بين الحنية و القوة دارت ديراكت و تشوف كان في بقلاوة تغزرلها بقات حالة فمها قد متوقعاتو مزيان عمرها متوقعاتو بالزين هاذا أما هو مخالاهاش تركز برشا و حكا معاها
-منار موش هكا
-ايه أنا هي
مشا قربلها و قلها شهرين و تكون مرتي حضر روحك خرج و خلاها مصدومة و كلامو مازال يتعاود في راسها بقات مدة مصدومة بعدين فاقت علي روحها و خرجت سارحة في عالم أخر.
سميحة عرفت إلي هارون حكا معاها بقات فرحانة و سهرية كاملة و هي تغزرلها و تتبسم حميدة أم منار تشوف في كل شي كي شافت سميحة تشوف لبنتها و تتبسم فرحت و حست إلي هيا تهنت علي بنتها
ﺍﻟﺤﻠﻘﺔ5 :
ﻣﺸﺎ ﻫﺎﺭﻭﻥ ﻗﻌﺪ ﻓﻲ ﻛﺮﻫﺒﺘﻮ ﺑﻘﺎ ﻳﺨﻤﻢ ﻓﻲ ﻟﻤﺼﻴﺒﺔ ﺇﻟﻲ ﻫﺒﻄﺖ ﻋﻠﻲ ﺭﺍﺳﻮ ﻓﺪ ﻭ ﻗﺮﺭ ﺃﻧﻮ ﻳﺘﺄﻗﻠﻢ ﻣﻊ ﻟﺤﻜﺎﻳﺔ
ﻭ ﻳﺘﻠﻬﺎ ﺑﺎﻟﻄﻔﻠﺔ ﺑﻌﺪ ﺍﻟﻌﺮﺱ ﻭ ﻳﻨﺪﻣﻬﺎ ﻋﻠﻲ ﺍﻟﻨﻬﺎﺭ ﻟﻴﺠﺎﺕ ﻓﻴﻪ ﺗﻌﺪﺍﺕ ﻟﻴﺎﻡ ﻭ ﻫﺎﺭﻭﻥ ﻭ ﻣﻨﺎﺭ ﺗﻘﺮﺑﻮ ﻟﺒﻌﻀﻬﻢ ﺑﺎﻟﻨﺴﺒﺔ ﻟﻤﻨﺎﺭ ﻛﻞ ﻳﻮﻡ ﺗﺤﺒﻮ ﻭ ﺗﻌﺸﻖ ﻓﻴﻪ ﺃﻣﺎ ﻫﺎﺭﻭﻥ ﻛﻞ ﻳﻮﻡ
ﻳﻜﺮﻩ ﺭﻭﺣﻮ ﺃﻛﺜﺮ ﺣﺘﻲ ﻛﻲ ﻳﺨﺮﺝ ﻣﻌﺎﻫﺎ ﻳﺤﺸﻢ ﻣﻨﻬﺎ
ﺗﻌﺪﺍﺕ ﻟﻴﺎﻡ ﻫﺎﺭﻭﻥ ﺧﻄﺐ ﻣﻨﺎﺭ ﻭ ﻋﻼﻗﺘﻬﻢ ﺑﺎﺭﺩﺓ ﺣﺘﻲ ﻗﺒﻞ ﺍﻟﻌﺮﺱ ﺑﺠﻤﻌﺔ ﻣﻨﺎﺭ ﺣﻜﺎﺕ ﻣﻊ ﻫﺎﺭﻭﻥ ﺑﺎﻟﺘﻠﻔﻮﻥ ﻭ ﻗﺘﻠﻮ ﻫﺎﺭﻭﻥ ﺗﻮ ﻻﺯﻡ ﻣﻌﺎﺵ ﺗﻄﻠﺒﻨﻲ ﺑﺎﺵ
ﺗﺘﻮﺣﺸﻨﻲ ﺃﻛﺜﺮ
-ﻻ ﻣﺘﻌﻤﻠﺶ ﻓﻴﺎ ﻫﻜﺎ ﺗﻌﺮﻓﻨﻲ ﻧﺠﻤﺶ ﻧﺒﻘﻲ ﻧﺤﻜﻴﺶ ﻣﻌﺎﻙ ﺃﻣﺎ ﻓﻲ ﻗﻠﺒﻮ
ﻳﻘﻮﻝ ﺃﺣﺴﻦ ﺧﻠﻴﻨﻲ ﻧﺮﺗﺎﺡ ﻣﻨﻬﺎ.... ﺗﻌﺪﺍﺕ ﺟﻤﻌﺔ ﻭ ﻟﻴﻮﻡ ﺍﻟﻌﺮﺱ ﻭ ﻫﺎﺭﻭﻥ ﻣﻄﻠﺒﻬﺎ ﺣﺘﻲ ﻣﺮﺓ ﻣﻨﺎﺭ ﺣﺴﺖ ﻓﻤﺎ ﺣﺎﺟﺔ ﺃﻣﺎ ﻣﺤﺒﺘﺶ ﺗﻔﺴﺪ ﻓﺮﺣﺘﻬﺎ ﺑﺤﻜﺎﻳﺔ ﻛﻴﻤﺎ ﻫﻜﺎ
ﺑﺪﺍ ﺍﻟﻌﺮﺱ ﻭ ﻧﺎﺱ ﻓﺮﺣﺎﻧﺔ ﻭ ﻋﺎﻣﻠﻴﻦ ﺟﻮ ﻛﺎﻥ ﻫﺎﺭﻭﻥ ﺩﻳﻤﺎ ﻳﺨﻤﻢ ﻓﻲ ﻟﻜﻼﻡ ﻟﺒﺎﺵ ﻳﻘﻮﻟﻬﻮﻟﻬﺎ ﻧﻬﺎﺭ ﺍﻟﻌﺮﺱ ﻭ ﺩﻳﻤﺎ ﻳﻠﻮﺝ ﻋﻠﻲ ﺍﻟﻜﻠﻤﺔ ﺇﻟﻲ ﺗﻮﺟﻌﻬﺎ ﺃﻛﺜﺮ ﻳﺤﺐ ﻳﻌﺬﻫﺎ ﻭ ﻣﻴﺮﺣﻤﻬﺎﺵ ﻣﻨﺎﺭ ﻓﻲ ﺍﻟﺤﺠﺎﻣﺔ ﺗﺤﻀﺮ ﻓﻲ ﺭﻭﺣﻬﺎ
ﻋﻤﻠﻮﻟﻬﺎ ﺣﻨﺔ ﻭ ﺣﺮﻗﻮﺱ ﺯﺍﺩﻭ ﻓﻴﻬﺎ ﺍﻟﺸﻄﺮ ﺧﺮﺟﺖ ﺃﻣﻴﺮﺓ ﺑﻤﻌﻨﻲ ﺍﻟﻜﻠﻤﺔ ﺟﺎﻫﺎ ﻫﺎﺭﻭﻥ ﻭ ﻫﺰﻫﺎ ﻟﻠﺼﺎﻟﺔ ﻣﻐﻴﺮ
ﻣﻴﻐﺰﺭﻟﻬﺎ ﻭ ﻻ ﺣﺘﻲ ﻳﺤﻜﻲ ﻣﻌﺎﻫﺎ ﻭﺻﻠﻮ ﻟﻠﺼﺎﻟﺔ ﻧﺎﺱ ﻟﻜﻞ ﺗﺼﻠﻲ ﻋﺎﻟﻨﺒﻲ ﻭ ﺗﻌﺎﻭﺩ ﻭ ﺳﻤﻴﺤﺔ ﻓﺮﺣﺘﻬﺎ ﻣﺘﺘﻮﺻﻔﺶ ﻣﻨﺎﺭ ﺣﺒﺖ ﺗﻜﺴﺮ ﺣﺎﺟﺰ ﺍﻟﺼﻤﺖ ﺇﻟﻲ ﺑﻴﻨﻬﺎ ﻭ ﺑﻴﻦ ﻫﺎﺭﻭﻥ ﻭ ﻗﺘﻠﻮ ﺣﺒﻲ ﺷﻨﻮﺍ ﺭﺍﻳﻚ ﻓﻴﺎ
ﺟﺎﻭﺑﻬﺎ ﺑﺘﺒﺴﻴﻤﺔ ﺻﻔﺮﺍء ﺣﻠﻮﺍ ﻛﻴﻤﺎ ﺍﻟﻌﺎﺩﺓ
-ﻫﻬﻬﻪ ﻭﺍﻧﺖ ﺯﺍﺩﺍ ﻣﺤﻼﻙ ﺭﻭﻳﺠﻠﻲ ﺍﻟﻐﺎﻟﻲ
ﻫﻲ ﻗﺎﻟﺖ ﻫﻜﺎﻛﺎ ﻭ ﻫﺎﺭﻭﻥ ﺣﺲ ﺑﻘﻠﺒﻮ ﺩﻕ ﺩﻗﺔ ﻣﻮﺵ ﻋﺎﺩﻳﺔ ﺗﻠﻔﺘﻠﻬﺎ ﻭ ﻗﻠﻬﺎ ﺣﻀﺮ ﺭﻭﺣﻚ ﻳﺎ ﻣﺮﺗﻲ
ﻣﻨﺎﺭ ﻓﺮﺣﺖ ﺑﺮﺷﺎ ﺃﻣﺎ ﻣﻜﺎﻧﺘﺶ ﺗﻌﺮﻑ ﺷﻨﻮﺍ ﺑﺎﺵ ﻳﺼﻴﺮ ﻣﻌﺎﻫﺎ ﻭﻓﺎﺕ ﺍﻟﺴﻬﺮﻳﺔ ﻭ ﺑﻘﺎﻭ ﻛﺎﻥ ﻋﺎﻳﻼﺗﻬﻢ ﺑﺪﺍﺕ ﺗﺴﻠﻢ ﻋﻠﻴﻬﻢ ﻭﺗﺒﻜﻲ ﻗﻠﺒﻬﺎ ﻣﻘﺒﻮﺽ ﻋﻠﻲ ﻓﺮﺍﻗﻬﻢ ﻋﻤﺮﻫﺎ
ﻣﺘﻮﻗﻌﺖ ﺭﻭﺣﻬﺎ ﺑﺎﺵ ﺗﻌﺮﺱ ﺑﺎﻟﺰﺭﺑﺔ ﻫﺎﺫﻱ ﻟﻜﻞ
ﺍﻟﺤﻠﻘﺔ 6 :
ﻭﺻﻠﺖ ﻣﻨﺎﺭ ﻭﻫﺎﺭﻭﻥ ﻟﺪﺍﺭﻫﻢ. ﻣﻨﺎﺭ ﺑﺎﻫﺔ ﻓﻲ ﺍﻟﺪﺍﺭ ﻣﺤﻼﻫﺎ ﻳﺎﺳﺮ ﻣﻀﺨﻤﺔ ﺩﺧﻠﺖ ﻟﺒﻴﺖ ﺍﻟﻨﻮﻡ ﻭ ﻫﺎﺭﻭﻥ ﺑﻘﻲ ﻓﻲ ﺍﻟﺼﺎﻟﺔ ﻓﺎﺩ ﻭ ﻳﺨﻤﻢ ﻓﻲ ﻟﻜﻼﻡ ﻟﺒﺎﺵ ﻳﻘﻮﻟﻬﻮﻟﻬﺎ
ﺑﻘﺎﺕ ﻣﻨﺎﺭ ﺗﺴﺘﻨﻲ ﻓﻴﻪ ﺑﺎﺵ ﻳﺠﻴﻬﺎ ﻭﻫﻲ ﺑﺮﻭﺑﺖ ﺍﻟﻌﺮﺱ ﺳﺘﻨﺎﺕ ﺣﻜﺎﻳﺔ ﺳﺎﻋﺘﻴﻦ ﺑﻌﺪﻳﻦ ﻓﺪﺕ ﻭ ﺯﻳﺪ ﺭﻭﺑﺎ
ﺳﺨﻨﺘﻬﺎ ﻋﻤﻠﺖ ﺩﻭﺵ ﻭ ﻟﺒﺴﺖ ﺭﻭﺏ ﺭﻭﺝ ﻗﺼﻴﺮﺓ ﺧﺮﺟﺖ ﻋﻠﻴﻬﺎ ﺗﻬﺒﻞ ﻛﻤﻠﺖ ﺭﻳﻘﻠﺖ ﺃﻣﻮﺭﻫﺎ ﻭ ﻫﺒﻄﺖ ﺗﻠﻘﺎﻩ ﻗﺎﻋﺪ ﻓﻲ ﺍﻟﺼﺎﻟﺔ ﻳﻜﻠﻢ ﺗﺴﻤﻊ ﻓﻴﻪ ﻳﻘﻮﻝ
-ﻭﻱ ﺣﺒﻲ ﻭﺍﻟﻠﻪ ﺗﻮﺣﺸﺘﻚ ﻣﻮﺵ ﻣﻨﺠﻢ ﻧﺒﻘﻲ ﻣﻊ ﻫﺎﻟﻖ... ﻓﻲ ﻧﻔﺲ ﺍﻟﺪﺍﺭ ﻓﺪﻳﺖ ﻭ ﺍﻟﻠﻪ
ﻣﻨﺎﺭ ﻛﻲ ﺳﻤﻌﺖ ﻟﻜﻼﻡ ﺣﺴﺖ ﺭﻭﺣﻬﺎ ﺫﻟﻴﻠﺔ ﻭ ﺭﺧﻴﺼﺔ ﺷﺪﺗﻬﺎ ﺧﺼﺔ ﺗﺎﻉ ﺑﻜﺎ ﻭ ﻣﺸﺎﺕ ﺗﺠﺮﻱ ﻟﺒﻴﺖ ﻧﻮﻡ
ﻫﺎﺭﻭﻥ ﻳﺤﻜﻲ
ﺃﻧﺎ ﻗﺎﻋﺪ ﻓﻲ ﺍﻟﺼﺎﻟﺔ ﻧﺨﻤﻢ ﻭ ﻧﺸﻮﻑ ﻓﻴﻬﺎ ﻫﺎﺑﻄﺔ ﺷﺪﻳﺖ ﺍﻟﺘﺎﻟﻔﻮﻥ ﻭ ﻋﻤﻠﺖ ﺭﻭﺣﻲ ﻧﻜﻠﻢ ﻓﻲ ﻃﻔﻠﺔ ﻭﺑﺪﻳﺖ ﻧﺤﻜﻲ ﻋﻠﻲ ﻣﻨﺎﺭ ﺑﺎﻟﺨﺎﻳﺐ ﺑﺎﺵ ﻧﺒﺪﻱ ﻓﻲ ﻟﻜﻼﻡ ﻣﻌﺎﻫﺎ ﺯﺍﺩ ﺷﻮﻱ ﻭ ﻣﺸﺎﻟﻬﺎ ﻳﻠﻘﺎﻫﺎ ﻓﻲ ﻓﺮﺷﻬﺎ ﻭ ﺩﻣﻮﻉ ﻫﺎﺑﻄﺔ ﻋﻠﻲ ﺧﺪﻫﺎ
- ﻣﻨﺎﺭ
ﺟﺎﻭﺑﺘﻮ ﺑﺼﻮﺕ ﻣﺒﺤﻮﺡ ﻣﺘﻘﻄﻊ ﻧﻌﻢ
-ﻳﺰﻳﻚ ﻣﻦ ﺗﻤﺜﻴﻞ ﻋﺎﻣﻠﺘﻠﻲ ﻓﻴﻬﺎ ﺗﺒﻜﻲ ﻭ ﻋﺎﺷﻘﺔ ﻓﻴﺎ
-ﻫﺎﺭﻭﻥ ﻭﺍﻟﻠﻪ ﻧﺢ..
ﻣﺨﻠﻬﺎﺵ ﺗﻜﻤﻞ ﻛﻼﻣﻬﺎ ﻭ ﻗﺺ ﻋﻠﻴﻬﺎ
-ﻫﻬﻬﻪ ﻋﻼﻩ ﺗﺴﺘﺨﺎﻳﻠﻨﻲ ﻣﻬﺒﻮﻝ ﺑﺎﺵ ﻧﺮﺿﻲ ﺑﻮﺣﺪﺓ ﻛﻴﻔﻚ ﺗﺠﺮﻱ ﻋﺎﻟﻔﻠﻮﺱ ﺟﺒﺘﻚ ﻣﻦ ﺍﻟﻔﻘﺮ ﻟﻠﻌﺰ ﻭﺩﺍﻳﺮﺗﻠﻲ ﺑﻤﻤﺎﺗﻲ ﺑﺎﺵ ﻧﺎﺧﻮﻙ ﻋﺎﻣﻠﺘﻠﻲ ﻓﻴﻬﺎ ﺷﺮﻳﻔﺔ ﺑﻨﺖ ﺍﻟﻔﺎﺿﻞ ﻭﺍﻧﺖ ﻳﺮﺣﻢ ﻋﻤﻲ ﺷﻮﻑ ﻫﻤﺎ ﻛﻠﻤﺘﻴﻦ ﻛﺎﻥ ﺑﺎﺵ ﺗﺒﻘﻲ ﺗﺮﻣﻲ ﻓﻲ ﺭﻭﺣﻚ ﻋﻠﻴﺎ ﺭﺍﻭ ﺑﺎﺵ ﺗﺰﻳﺪ ﺗﺘﻌﺐ ﻭ ﺭﺩ ﺑﺎﻟﻚ ﺣﺪ ﻳﻌﺮﻑ ﺑﻠﻲ ﺻﺎﻳﺮ ﺑﻨﺎﺗﻨﺎ ﻭ ﻫﻮﻛﺎ ﻣﻦ ﻟﻴﻼ ﻟﻔﺮﺵ ﻫﺬﺍ ﺗﻨﺴﺎﻩ ﻭ ﺗﻨﺴﻲ ﻻﻧﺖ ﻣﺮﺗﻲ ﻭ ﺭﺩ ﺑﺎﻟﻚ ﻃﺎﻟﺒﻨﻲ ﺑﺤﻘﻮﻗﻚ ﺍﻭﻛﻲ
ﻫﻮ ﺟﺎء ﺧﺎﺭﺝ ﻭ ﻫﻲ ﻗﺘﻠﻮ
-ﻋﻼﻩ ﻋﺮﺳﺖ ﺑﻴﺎ ﻛﻲ ﺍﻧﺖ ﻣﺘﺤﺒﻨﻴﺶ
-ﻛﻨﺖ ﻣﺠﺒﻮﺭ ﺑﺎﺵ ﻧﺎﺧﻮﻙ ﻋﻠﻲ ﺟﺎﻝ ﻣﻤﺎﺗﻲ ﻭ ﻣﻐﻴﺮ ﻣﺘﺴﺄﻝ ﺑﺮﺷﺎ
ﺧﺮﺝ ﻭ ﺧﻼﻫﺎ ﻣﺼﺪﻭﻣﺔ ﻭ ﺗﺒﻜﻲ ﺗﻌﺪﺍﺕ ﻟﻴﻠﺔ ﺻﻌﻴﺒﺔ ﺑﺮﺷﺎ ﻋﻠﻴﻬﻢﺯﻭﺯ
ﻓﻲ ﺍﻟﺼﺒﺎﺡ ﻓﺎﻕ ﻫﺎﺭﻭﻥ ﻋﻠﻲ ﺻﻮﺕ ﺍﻟﺘﻠﻔﻮﻥ ﻳﻠﻘﺎﻫﺎ ﺳﻤﻴﺤﺔ
- ﺻﺒﺎﺡ ﺍﻟﺨﻴﺮ ﻳﺎ ﻋﺮﺍﻳﺲ
-ﺻﺒﺎﺡ ﻧﻮﺭ ﺳﻤﻮﺣﺔ
-ﺣﻀﺮﻭﻟﻨﺎ ﺭﻭﺍﺣﻜﻢ ﺑﺎﺵ ﻧﺠﻮ ﻧﺒﺎﺭﻛﻮﻟﻜﻢ ﻭ ﻣﺎﻙ ﺗﻌﺮﻑ ﻣﺪﺍﻡ ﺣﻤﻴﺪﺓ ﺗﺤﺐ ﺗﺘﻬﻨﻲ ﻋﻠﻲ ﺑﻨﺘﻬﺎ
-ﺑﺎﻫﻲ ﺳﻤﻮﺣﺔ
-ﺣﻘﺎ ﺳﻮﺭﻳﺔ ﻣﺎﻭ ﺣﺎﺿﺮﺓ ﺑﺎﺵ ﻧﺸﻮﻓﻮﻫﺎ
ﻫﺎﺭﻭﻥ ﺑﻘﺎ ﻳﺨﻤﻢ ﻛﻴﻔﺎﻩ ﺑﺎﺵ ﻳﺴﻠﻜﻬﺎ ﻗﻠﻬﺎ ﺑﺎﻫﻲ ﻭ ﻣﺸﺎ ﺩﻳﺮﺍﻛﺖ
ﻟﻤﻨﺎﺭ ﻫﻮ ﺩﺧﻞ ﻭ ﻳﻠﻘﺎﻫﺎ ﺭﺍﻗﺪﺓ ﻛﻴﻤﺎ ﻟﻮﻻﺩ ﺍﻟﺼﻐﺎﺭ ﺷﻌﺮﻫﺎ ﻃﺎﻳﺢ ﻋﻠﻲ ﻭﺟﻬﺎ ﻓﻤﻬﺎ ﺍﻟﺼﻐﺮﻭﻥ ﺍﻟﻤﻠﻴﺎﻥ ﺃﺣﻤﺮ ﻓﻴﻪ ﺍﻟﺤﻤﻴﺮ ﻣﻮﺵ ﻣﺴﺘﻮﻱ ﻫﻮ ﻫﻜﺎﻛﺎ ﻣﺮﻛﺰ ﻣﻌﺎﻫﺎ ﻟﻴﻦ ﻳﺸﻮﻑ ﻓﻴﻬﺎ ﺗﺘﻤﻠﻤﻞ ﺑﺘﻔﻴﻖ ﻭﻗﺘﻬﺎ ﻓﺎﻕ ﻋﻠﻲ ﻭﺿﻌﻮ -ﺻﺒﺎﺡ ﺍﻟﺨﻴﺮ ﻟﻼ ﻟﺘﻮ ﺭﺍﻗﺪﺓ
-ﺻﺒﺎﺡ ﻧﻮﺭ ﺳﺎﻣﺤﻨﻲ ﻣﻔﻘﺘﺶ ﺑﺎﻟﻮﻗﺖ
-ﺃﻭﻛﻲ ﺣﻀﺮ ﺭﻭﺣﻚ ﺃﻫﻠﻚ ﺑﺎﺵ ﻳﺠﻮ ﻳﺘﻬﻨﺎﻭ ﻋﻠﻴﻚ
-ﺑﺎﻫﻲ
ﻫﻲ ﻫﻜﺎﻛﺎ ﺳﺎﺭﺣﺔ ﺗﺨﻤﻢ ﻭ ﺗﺸﻮﻑ ﻛﺎﻥ ﻓﻲ ﻫﺎﺭﻭﻥ ﺧﺎﺭﺝ ﻣﻦ ﺍﻟﺪﻭﺵ ﺷﺎﺩ ﻻﻡ ﻓﻲ ﻳﺪﻭ ﻓﺴﺦ ﺳﻮﺭﻳﺘﻮ ﻭ
ﻳﺠﺒﺪ ﻻﻡ ﻋﻠﻲ ﻳﺪﻭ ﻳﺠﺮﺣﻬﺎ
ﺍﻟﺤﻠﻘﺔ 7 :
ﺟﺎﺕ ﻣﺪﺍﻡ ﺳﻤﻴﺤﺔ ﻭ ﻣﺪﺍﻡ ﺣﻤﻴﺪﺓ ﻭ ﺑﻨﺎﺗﻬﺎ ﻧﻬﻲ ﻭ ﺗﺴﻨﻴﻢ ﻣﻨﺎﺭ ﻓﺮﺣﺖ ﺑﺮﺷﺎ ﻣﻠﻲ ﺷﺎﻓﺘﻬﻢ ﻭ ﻫﻲ ﺑﺪﺍﺕ ﺗﺒﻜﻲ ﻣﺘﻌﺮﺵ ﻋﻠﻲ ﺷﻨﻮﺍ ﺗﺒﻜﻲ ﺑﺎﻟﻈﺒﻂ ﻋﻠﻲ ﻓﺮﺍﻕ ﻋﺎﻳﻠﺘﻬﺎ ﻭﻻ ﻋﻠﻲ ﻣﺎﺯﺍﻝ ﻳﺴﺘﻨﻲ ﻓﻴﻬﺎ ﻫﺎﺭﻭﻥ ﻋﻤﻞ ﺭﻭﺣﻮ ﻳﻌﻤﻞ ﻓﻲ ﺩﻭﺭ ﺍﻟﺰﻭﺝ ﺍﻟﺤﻨﻮﻥ ﺷﺎﺩﻫﺎ ﻣﻦ ﻛﺘﺎﻓﻬﺎ ﻭ
ﻳﺴﻜﺖ ﻓﻴﻬﺎ ﻟﻜﻞ ﻓﺮﺣﺎﻧﻴﻦ ﻳﺴﺘﺨﺎﻳﻠﻮﻫﻢ ﻣﺘﻔﺎﻫﻤﻴﻦ ﺑﺎﻟﺮﺳﻤﻲ ﺳﻤﻴﺤﺔ ﺟﺒﺪﺕ ﻫﺎﺭﻭﻥ ﻋﻠﻲ ﺟﻨﺐ ﻭ ﺟﺒﺪﺗﻠﻮ ﻋﻠﻲ ﺍﻟﺴﻮﺭﻳﺔ ﻋﻄﻬﺎﻟﻬﺎ ﺷﺎﻓﺘﻬﺎ ﻭﻻﺕ ﺗﺰﻏﺮﻁ ﺣﻤﻴﺪﺓ ﺗﻬﻨﺖ ﻋﻠﻲ ﺑﻨﺘﻬﺎ ﺑﻌﺪ ﺍﻟﻌﺮﺱ ﺑﺠﻤﻌﺔ ﺣﻜﺎﺕ ﻣﻨﺎﺭ ﻣﻊ
ﻫﺎﺭﻭﻥ ﻓﻲ ﻣﻮﺿﻮﻉ ﻟﻘﺮﺍﻳﺎ ﻭ ﻫﻮ ﻣﻜﺎﻧﺶ ﻣﻦ ﺍﻟﻌﺎﻛﺴﻴﻦ ﺑﻄﺒﻴﻌﺘﻮ ﻳﺤﺐ ﻳﺒﻌﺪ ﻋﻠﻴﻬﺎ ﺃﻛﺜﺮ ﻣﺎ ﻳﻤﻜﻦ ﻣﻨﺎﺭ ﻛﻞ ﻳﻮﻡ ﺗﺴﻤﻊ ﻓﻴﻪ ﻳﻨﺒﺰ ﻓﻴﻬﺎ ﻭ ﻫﻴﺎ ﺳﺎﻛﺔ ﺃﺻﻼ ﻛﻲ ﺭﺟﻌﺖ ﻋﻠﻴﻪ ﻟﻜﻼﻡ ﺿﺮﺑﻬﺎ ﻣﺮﺣﻤﻬﺎﺵ
ﺗﻌﺪﺍﺕ ﻟﻴﺎﻡ ﻭ ﻣﻨﺎﺭ ﻛﻞ ﻳﻮﻡ ﺗﻌﺸﻖ ﻓﻲ ﻫﺎﺭﻭﻥ ﺑﺎﻟﺮﻏﻢ ﻣﻦ ﻣﻌﺎﻣﻠﺘﻮ ﺍﻟﻘﺎﺳﻴﺔ ﻟﻴﻬﺎ ﺃﻣﺎ ﻫﺬﺍ ﻣﻴﻤﻨﻌﺶ ﺇﻟﻲ ﻫﻲ
ﺗﺤﺒﻮ ﻭ ﺗﻤﻮﺕ ﻋﻠﻴﻪ ﺭﺟﻌﺖ ﻟﻘﺮﺍﻳﺎ ﻭﻻﻭ ﻣﻌﺎﺵ ﻳﺘﻘﺎﺑﻠﻮ
ﺑﺮﺷﺎ ﺑﺪﺍﺕ ﻫﻲ ﺗﺘﺄﻗﻠﻢ ﺑﺎﻟﻠﻴﺴﻲ ﺟﺪﻳﺪ ﺳﻤﻴﺤﺔ ﺩﻳﻤﺎ ﺗﻘﻠﻮ ﻭﺻﻞ ﻣﺮﺗﻚ ﺃﻣﺎ ﻫﻮ ﺩﻳﻤﺎ ﻳﺮﻓﺾ ﺃﺻﻼ ﻛﺮﺍﻣﺘﻮ
ﻣﺘﺴﻤﺤﻠﻮﺵ ﺑﺎﺵ ﻳﻮﺻﻞ ﻓﺮﺧﺔ ﺗﻘﺮﻱ 3eme
ﺑﺎﻟﻨﺴﺒﺔ ﻟﻤﻨﺎﺭ ﺑﺤﻜﻢ ﺟﻮﻫﺎ ﻭ ﻫﺒﺎﻟﻬﺎ ﻓﻴﺴﻊ ﺗﺄﻗﻠﻤﺖ ﻓﻲ ﺟﻮ ﻭ ﻋﻤﻠﺖ ﺻﺤﺎﺏ ﺟﺪﺩ ﺃﻣﺎ ﻫﺎﺭﻭﻥ ﺳﺎﻓﺮ ﻳﺤﺐ ﻳﺒﻌﺪ ﺃﻛﺜﺮ ﻣﺎ ﻳﻤﻜﻦ ﻭ ﺍﻟﺨﺪﻣﺔ ﻛﺎﻧﺖ ﺍﻟﺤﺠﺔ ﻣﺘﺎﻋﻮ ﺑﻘﺎﺕ ﻣﻨﺎﺭ ﻭﺣﺪﻫﺎ ﻛﻞ ﻟﻴﻠﺔ ﺗﺒﻜﻲ ﺗﻮﺣﺸﺘﻮ ﻣﻌﺎﺩﺵ ﻓﻴﻬﺎ ﺣﺘﻲ
ﻛﻲ ﺗﻜﻠﻤﻮ ﻳﻨﺒﺰﻫﺎ ﻟﻴﻦ ﺣﺴﺖ ﺑﺮﻭﺣﻬﺎ ﺗﻌﺒﺖ ﻭ ﻗﺮﺭﺕ ﺃﻧﻬﺎ ﻣﻌﺎﺵ ﺑﺎﺵ ﺗﺒﻘﻲ ﻫﻜﺎ ﻻﺯﻣﻬﺎ ﺗﻌﻤﻞ ﻛﺮﺍﻣﺎ ﻟﺮﻭﺣﻬﺎ
ﺗﻌﺪﺍﺕ ﻟﻴﺎﻡ ﻭ ﺳﻤﻴﺤﺔ ﻫﺰﺕ ﻣﻨﺎﺭ ﻣﻌﺎﻫﺎ ﻣﺤﺒﺘﺶ ﺗﺨﻠﻴﻬﺎ ﻭﺣﺪﻫﺎ ﻭ ﺯﻳﺪ ﻫﻴﺎ ﺗﻘﺮﺍ ﻣﻨﺎﺭ ﻭﻟﺖ ﻛﺎﺑﺴﺔ ﻋﻠﻲ ﺭﻭﺣﻬﺎ
ﻓﻲ ﻟﻘﺮﺍﻳﺎ ﺣﻴﺎﺗﻬﺎ ﻋﺎﺩﻳﺔ ﻗﺮﺍﻳﺔ ﺩﺍﺭ ﻭﻳﻦ ﺗﺠﻲ ﻟﻌﻄﻞ ﺗﻘﻠﺐ ﺍﻟﺪﺍﺭ ﺑﺤﺴﻬﺎ ﻭ ﻫﺒﺎﻟﻬﺎ ﺃﺻﻼ ﻫﻲ ﺣﺎﻳﺮﺓ ﻓﻲ ﺭﻭﺣﻬﺎ
ﻛﻴﻔﺎﻩ ﺗﺤﻤﻠﺖ ﺗﺒﻘﻲ ﻋﺎﻗﻠﺔ ﻛﻲ ﻛﺎﻥ ﻫﺎﺭﻭﻥ ﻣﻌﺎﻫﺎ
-ﺳﺎﻟﻤﺔ ﻳﺎ ﺳﺎﻟﻤﺔ
-ﻧﻌﻢ ﻣﺪﺍﻡ ﻣﻨﺎﺭ ﺣﺎﺟﺘﻚ ﺑﺤﺎﺟﺔ
-ﺍﻭﻭﻩ ﺳﺎﻟﻤﺔ ﻣﻌﺎﺵ ﺗﻘﻠﻲ ﻣﺪﺍﻡ ﻣﻨﺎﺭ ﻗﻠﻲ ﻣﻨﺎﺭ ﺑﺮﻛﺎ
-ﺳﺎﻣﺤﻨﻲ ﺩﻳﻤﺎ ﻧﻨﺴﻲ
-ﺑﺎﻫﻲ ﺳﻠﻮﻣﺔ ﻣﻌﺎﺵ ﺗﻨﺴﻲ ﻭ ﻗﻠﻲ ﻭﻳﻨﻮ ﻭﺩﻳﻊ
-ﻣﺎﺯﺍﻝ ﺭﺍﻗﺪ
-ﺑﺎﻫﻲ ﺗﺎ ﻧﻔﻴﻘﻮ
ﻭﺩﻳﻊ ﻫﺬﺍ ﻭﻟﺪ ﺳﺎﻟﻤﺔ ﻟﻤﺮﺍ ﻟﺘﺨﺪﻡ ﻣﻠﻲ ﺟﺎﺕ ﻣﻨﺎﺭﻋﻨﺪﻫﻢ ﻋﻤﺮﻭ 5 سنين
ﻟﺪﺍﺭ ﻫﻲ ﻭﻳﺎﻩ ﻗﺎﻟﺒﻴﻦ ﺍﻟﺪﻧﻴﺎ ﺩﻳﻤﺎ ﻣﻊ ﺑﻌﻀﻬﻢ
ﺍﻟﺤﻠﻘﺔ 8 :
8 ﺷﻬﻮﺭ ﻭ ﻫﺎﺭﻭﻥ ﻣﺎﺯﺍﻝ ﺗﻌﺪﺍﺕ ﻣﺮﻭﺣﺶ ﻟﻴﻦ ﻧﻬﺎﺭ ﻛﻠﻢ ﻣﻤﺎﺗﻮ ﻭ ﻗﻠﻬﺎ ﻧﻬﺎﺭﻳﻦ ﻭ ﻧﺮﻭﺡ ﻓﻲ ﺍﻟﻮﻗﺖ ﻫﺬﺍﻛﺎ ﻫﺎﺭﻭﻥ ﺑﺎﺵ ﻳﺮﻛﺐ ﻓﻲ ﺍﻟﻄﻴﺎﺭﺓ ﻳﺤﺐ ﻳﻌﻤﻠﻠﻬﻢ ﺳﻴﺮﺑﺮﻳﺰ ﻭ ﺯﻳﺪ
ﻓﺮﺣﺎﻥ ﺧﺎﺗﺮﻭ ﻣﺮﻭﺡ ﻣﻴﻌﺮﺵ ﺍﻟﻔﺮﺣﺔ ﻫﺎﺫﻱ ﻟﻜﻞ ﻋﻼﻩ ﺧﺎﺗﺮ ﻓﺪ ﻣﻦ ﺍﻟﻐﺮﺑﺔ ﻭﻻ ﻳﺤﺐ ﻳﺸﻮﻑ ﻟﻔﺮﺧﺔ ﻣﺘﺎﻋﻮ ﻟﻲ
ﺗﺒﺪﻟﺖ ﻋﻠﻴﻪ ﻭ ﻭﻻﺕ ﻣﻌﺎﺵ ﺗﺤﺐ ﺗﻜﻠﻤﻮ ﻣﻨﺎﺭ ﻣﺮﻭﺣﺔ ﻣﻦ ﻟﻴﺴﻲ ﻟﻴﻮﻡ ﺃﺧﺮ ﻧﻬﺎﺭ ﻟﻴﻬﺎ ﻓﻲ ﻟﻘﺮﺍﻳﺎ ﻭ ﺯﻳﺪ ﻋﺎﻣﻠﺔ ﺑﺮﻧﺎﻣﺞ ﺑﺎﺵ ﺗﻤﺸﻲ ﺗﺮﻭﺡ ﻟﻠﺒﻼﺩ ﺗﺸﻮﻑ ﺗﺤﻀﻴﺮﺍﺕ ﻋﺮﺱ ﺃﺧﺘﻬﺎ ﻭ ﻫﻲ ﺗﺨﻤﻢ ﻓﻲ ﺃﻟﻒ ﺣﺎﺟﺔ ﻭ ﺣﺎﺟﺔ
ﺗﻌﺪﺍﺕ ﻟﻮﺩﻳﻊ ﺭﻭﺣﺖ ﺑﻴﻪ ﻭ ﺑﻘﺎﻭ ﻋﺸﻴﺔ ﻛﺎﻣﻠﺔ ﻳﻠﻌﺒﻮ ﻓﻲ ﺍﻟﺠﻨﻴﻨﺔ ﻭ ﻫﻲ ﺗﺼﺐ ﻓﻲ ﺍﻟﻤﺎء ﻋﻠﻲ ﻭﺩﻳﻊ ﻭ ﺗﻠﺤﻖ
ﻓﻴﻪ ﻫﻲ ﻫﻜﺎﻛﺎ ﻭ ﺗﺸﻮﻑ ﻛﺎﻥ ﻓﻲ ﻫﺎﺭﻭﻥ ﻣﺒﻠﻮﻝ ﻟﻜﻞ ﺷﻬﻘﺖ ﻭ ﺣﻄﺖ ﻳﺪﻳﻬﺎ ﻋﻠﻲ ﻭﺟﻬﺎ
ﻫﺎﺭﻭﻥ ﻳﺤﻜﻲ
ﺃﻧﺎ ﻭﺻﻠﺖ ﻟﺪﺍﺭ ﻣﻤﺎﺗﻲ ﺩﺧﻠﺖ ﻧﺸﻮﻑ ﻛﺎﻥ ﻓﻲ ﻃﻔﻠﺔ ﻣﻊ ﻭﺩﻳﻊ ﺷﻌﺮﻫﺎ ﻃﻮﻳﻞ ﻛﻴﻒ ﺍﻟﻠﻴﻞ ﻻﺑﺴﺔ ﺷﻮﺭﻁ ﻭ ﺧﻠﻌﺔ ﺑﻴﻮﺿﻴﺘﻬﺎ ﺯﺍﻳﺪﺍ ﻓﻴﻬﺎ ﺷﻄﺮ ﺍﻧﺎ ﻫﻜﺎﻛﺎ ﺳﺎﺭﺡ ﻣﻨﻔﻴﻖ ﻛﺎﻥ
ﺑﺎﻟﻤﺎء ﻫﺎﺑﻂ ﻭ ﻓﺮﺧﺘﻲ ﺷﻬﻘﺖ ﻭ ﺣﻄﺖ ﻳﺪﻫﺎ ﻋﻠﻲ ﻭﺟﻬﺎ ﺃﻧﺎ ﺟﻴﺖ ﺑﺎﺵ ﻧﺤﻜﻲ ﻣﻌﺎﻫﺎ ﻭ ﻣﻨﻌﺎﺭﻛﻬﺎ ﻋﻠﻲ ﻋﻤﻠﺘﻬﺎ
ﻟﻴﻦ ﻧﺸﻮﻑ ﻓﻴﻬﺎ ﺩﺧﻠﺖ ﺗﺠﺮﻱ ﺧﺎﻳﻔﺔ ﻣﻨﻲ ﺩﺧﻠﺖ ﻣﻨﺎﺭ ﻟﻠﺒﻴﺖ ﺗﻠﻘﻲ ﺳﻤﻴﺤﺔ ﻓﻲ ﺍﻟﺼﺎﻟﺔ ﻣﺸﺎﺕ ﺗﺨﺒﺎﺕ ﻋﻨﺪﻫﺎ ﻭ ﻫﻲ ﺧﺎﻳﻔﺔ ﺣﺘﻲ ﻛﻲ ﺳﺄﻟﺘﻬﺎ ﻣﺠﺎﻭﺑﺘﻬﺎﺵ ﻫﻲ ﻫﻜﺎﻛﺎ ﻭ ﻳﺪﺧﻞ ﻫﺎﺭﻭﻥ ﻭ ﺩﺑﺸﻮ ﻟﻜﻞ ﺑﺎﻟﻤﺎء . ﺳﻤﻴﺤﺔ ﻓﻬﻤﺖ ﺇﻟﻲ ﺻﺎﺭ ﻭ ﺣﺒﺖ ﺗﺮﻛﺢ ﺍﻟﺠﻮ ﻣﺸﺎﺕ ﺗﺴﻠﻢ ﻭ ﺗﺒﻮﺱ ﻓﻴﻪ ﺍﺻﻼ ﺃﻭﻝ ﻣﺮﺓ ﻳﻐﻴﺐ ﻋﻠﻴﻬﺎ ﻟﻤﺪﺓ ﻫﺎﺫﻱ ﻟﻜﻞ ﻭ ﺑﻌﺪﻳﻦ ﺩﺍﺭﺕ ﻣﻨﺎﺭ ﺑﺎﺵ ﺗﺴﻠﻢ ﻋﻠﻲ ﺭﺍﺟﻠﻬﺎ ﻫﺎﺭﻭﻥ ﻛﻼﻫﺎ ﺑﻌﻴﻨﻴﻪ ﻧﻈﺮﺓ ﻣﺘﺎﻉ ﺣﻘﺪ ﻭ ﺍﻋﺠﺎﺏ ﺃﺻﻼ ﻫﻴﺎ ﺯﻳﺎﻧﺖ ﺑﺮﺷﺎ ﻣﺸﺎﺕ ﻣﺪﺕ ﻳﺪﻫﺎ ﺑﺎﺵ ﺗﺴﻠﻢ ﻋﻠﻴﻪ ﻭ ﻫﻴﺎ ﺧﺎﻳﻔﺔ ﺗﻌﺮﻑ ﻣﻮﺵ ﺑﺎﺵ ﻳﻌﺪﻫﺎﻟﻬﺎ ﺑﺎﻟﺴﺎﻫﻞ ﻫﻲ ﺟﺎﺕ ﺑﺎﺵ ﺗﺠﺒﺪ ﻳﺪﻫﺎ ﺃﻣﺎ ﻫﻮ ﻣﺨﻠﻬﺎﺵ ﺯﺍﺩ ﻛﺒﺴﻠﻬﺎ ﻋﻠﻴﻬﺎ ﻭ ﻗﺮﺑﻬﺎ ﻟﻴﻪ ﻭ ﻗﻠﻬﺎ ﺷﻨﻮﺍ ﻣﺘﻮﺣﺸﺘﻨﻴﺶ ﻭ ﻫﺰﻫﺎ ﻟﻔﻮﻕ ﺷﻮﻱ ﻭ ﺣﻤﻠﻬﺎ ﺃﺻﻼ ﻫﻲ ﻗﺼﻴﺮﺓ ﻋﻠﻴﻪ ﻣﺘﻮﺻﻠﻮﺵ ﻣﻨﺎﺭ ﻭﺟﻬﺎ ﺣﻤﺎﺭ ﻭ ﺣﺸﻤﺖ ﺑﺮﺷﺎ
-ﺷﻔﺖ ﻟﻤﺎ ﻫﺬﺍ ﺇﻟﻲ ﻋﻠﻲ ﺩﺑﺸﻲ ﺑﺎﺵ ﻳﺘﻜﻠﻔﻠﻚ ﻏﺎﻟﻲ ﻭ ﻟﻴﺎﻡ ﺑﻴﻨﺎﺗﻨﺎ
ﻣﻨﺎﺭ ﺧﺎﻓﺖ ﻭ ﺑﻘﺎﺕ ﺗﻐﺰﺭﻟﻮ ﺑﻌﻴﻨﻴﻬﺎ ﺍﻟﺴﻮﺩ ﻟﻜﺒﺎﺭ ﺗﻘﻮﻟﺶ ﻋﻠﻴﻬﻢ ﻣﺮﺳﻮﻣﻴﻦ ﻫﺎﺭﻭﻥ ﺑﻘﺎ ﺳﺎﺭﺡ ﻓﻴﻬﺎ ﻓﻴﻘﺘﻮ ﻋﻠﻲ
ﻭﺿﻌﻮ ﺳﻤﻴﺤﺔ ﻛﻲ ﻗﺘﻠﻮ ﻋﻴﺶ ﻭﻟﺪﻱ ﺃﻣﺸﻲ ﺑﺪﻝ ﺩﺑﺸﻚ ﺑﺎﺵ ﻣﺘﻤﺮﺿﺶ ﻭ ﺭﺗﺎﺡ ﺷﻮﻱ
ﻫﺎﺭﻭﻥ ﺷﺪ ﻓﻲ ﻳﺪ ﻣﻨﺎﺭ ﻭ ﻃﻠﻌﻬﺎ ﻣﻌﺎﻩ ﻭﻫﻲ ﺗﺒﻊ ﻓﻴﻪ ﻣﺒﻬﻤﺔ ﻫﻜﺎ
-ﺗﺮﺣﺐ ﺑﺮﺍﺟﻠﻚ ﺗﺼﺐ ﻋﻠﻴﻪﺍﻟﻤﺎء
- ﺳﺲ ﺳﺎﻡ ﻣﺤﻨﻲ
-ﻫﻬﻬﻪ ﺍﻳﻪ ﺍﻳﻪ ﻧﺴﺎﻣﺤﻚ ﻣﺎﻻ ﻻ
ﻳﺤﺮﺯﻟﻚ ﺟﻴﺖ ﺗﺎﻋﺐ ﻭﻻ ﺭﺍﻧﻲ ﻭﺭﻳﺘﻚ ﺭﺟﺎﻝ، ﺷﺘﻌﻤﻞ
-ﻣﺤﺴﻮﺏ ﺧﻔﺖ ﻣﻨﻚ ﻗﺎﻟﺘﻬﺎ ﺑﺎﻟﺸﻮﻱ
- ﺷﻨﻮﺍ ﻗﺘﻠﻲ
- ﺍﻩ ﻻ ﻻ ﺷﻲ ﻗﺘﻠﻚ ﺭﺗﺎﺡ ﺷﻮﻱ
ﻣﻨﺎﺭ ﻫﺒﻄﺖ ﻭ ﻣﺒﺪﻟﺘﺶ ﺩﺑﺸﻬﺎ ﻫﻲ ﻫﺎﺑﻄﺔ ﻭ ﺳﻤﻴﺤﺔ ﺃﻛﺪﺕ ﻋﻠﻴﻬﺎ ﺑﺎﺵ ﺗﺒﺪﻝ ﺩﺑﺸﻬﺎ ﻭ ﻫﺎﺭﻭﻥ ﻳﺴﻤﻊ ﻓﻴﻬﺎ
ﺭﺟﻌﺖ ﻣﻨﺎﺭ ﻭ ﺗﻠﻘﻲ ﻫﺎﺭﻭﻥ ﻻﺑﺲ ﺷﻮﺭﻁ ﻭ ﻣﺘﻜﻲ ﻋﺎﻟﻒ
الحلقة 9:
في الليل بقاو لكل عالطاولة يتعشاو لين سميحة جبدت لمنار علي عرس أختها نهي
-منار قداه مازال علي عرس أختك
-مازال جمعتين
-وقتاه باش تمشي
-بنمشي قبل العرس بجمعة باش نحضر معاهم في كل شيء
بدا هارون يكح و يشوف قدا منار و يتبسم جات في مخو فكرة باش يفدد منار شوي
منار عرفت الي هارون يخمم في حاجة باش يصنع من عذابها صنعة
بقاو ساهرين شوي و هارون قال لسميحة باش يروح هو و منار أما هي مخلاتوش يروح خاتر دار عندها برشا منفتحتش و قالت لسالمة باش غدوي تنضفلهم الدار هز هارون منار و مشاو رقدو مصارتش حاجة موهمة أصلا كل واحد راقد في أخر الفرش
فالصباح فاق هارون يلقي روحو معنق منار و هي حالتها مبلبزا أما بالحق محلاها أصلا هارون منجم يعمل شي بقا مركز فيها كلاها بعينيه هوا هكاكا و يسمع في صوت وديع يدق عالباب و يفيق فيهم منار بدات تحل في عينيها تلقي روحها في حضن راجلها الراجل لتحبو أما هو رافضها تفجعت و هوا باش ينقذ لموقف رد لوم لكل فيها أما هي معبراتوش و مشات فتحت لوديع و خرجت معاه
هارون بقي يحك في لحيتو و يتبسم وحدو يتذكر فيها كي كانت راقدة عندو أما كي تذكر وديع فد و قال لروحو ياخي شبيني أنا نخمم فيها منوقتاش أنا نشوف قدا لبنات
فطرت منار و بقات في الكوجينة وطبعا هي حياتها شكلاطة حطت شكلاطة قدامها و بدات تاكل تسمع في صوت دخل مشا فيبالها سالمة قالتلها صباح النور سلومة أما مرجع عليها حد بقات شوي و بدات تقول شبيك ساكة سلومة هي دارت باش تشوفها و تلقي هارون واقف في الباب مكتف يديه
هارون يحكي
ملي خرجت مرجعتش ياخي وينها وين مشات ملقيت منعمل هبطت للكوجينا أنا داخل نشوف فيها غاطسة تاكل في الشكلاطة مشا فيبالها سالمة صبحت عليا و أنا مرجعتش عليها زادت شوي و غزرتلي و ياليتها مغزرتلي شعرها داخل بعضو شوي و فمها مبلحط بالشكلاطة تمنيت كان بقيت حاضنها و منسيبهاش منعرش شبيني وليت مركز معاها برشا من وقت لسافرت منجمتش ننساها أما لازمني منطيحش من روحي موش أنا هارون عبد الحق باش تجي فرخة و طيحني علي راسي
بالنسبة لمنار معبراتوش رجعت تاكل زي مرات شي هارون فد و خرج كيفاه معبراتوش
الحلقة 10 :
مازال نهارين باش تمشي منارللبلاد و تحضر عرس أختها و بالطبيعة لازمها تشري قضيات و كادو و تركح أمورها باش تمشي هي و سميحة يقضو حكات منار مع هارون باش يعطيها الفلوس أما هارون بقا برشا يخمم في لحكاية هاذي و يستني فيها باش يعذبها
-هارون باش نمشي أنا و أمي سميحة نقضو للعرس و مستحقة فلوس
-و الموقابل
-موقابل شنوا
-باش نعطيك فلوس لازمك تعمل لنقلك عليه بالضبط
-باهي شنوا تحب
-ههههه خو وقعلي الورقة هاذي باش متجبدش بيا
-باهي باهي غير سلكني تو لازمني نمشي
وقعت منار الورقة و خرجت عملت شوبنڨ كيما حبت في الوقت هذاكا هارون في الخدمة يركح في أمور الخدمة إلي دخلت بعضها بعد مسافر و أكيد لازمتو سكريتيرا تعاونو قبلو بنية أسمها بيسان الشعر أصفر و المكياج بالكيلو علي وجها لابسة روبا لمعري أكثر من لمغطي من أول مدخلت تخدم و هي تاكل في هارون بعينيها بقات تخمم كيفاه باش تجيبو لسطر أصلا شكون متحبش هارون عبد الحق البدن مخدوم و اللحية المحصورة عندو حضور الرجوليا طاغية عليه
من أول مبدات تخدم ديراكت مشاتلو
-صباح الخير سي هارون
-صباح نور
-انا سكريتيرا الجديدة و ليوم أول نهار في الخدمة
-باهي
هو يحكي بكل برود و هي ترمي في روحها عليه لين فدداتا وقلها تنجم ترجع تشد خدمتك
بيسان غاضتها روحها برشا كيفاه ينبزها هكا لازمها تعمل المستحيل باش تنجم تخليه يحبها
الحلقة 11 :
روح هارون للدار يلقي منار تتفرج في التلفزا و تاكل و بدا باش ينفذ المهمة متاعو باش يعذبها شوي
-منار
-نعم
-إيجا يا فرخة
-مانيش فرخة أعرف شتحكي
-ههههه نقول لنحب و نعمل لنحب متنساش العقد إلي بيناتنا
-صح ليك و الله أما تهني باش ترجعلك
-حضرلي لعشاء باش نتعشي و انت حط في بالك مفماش عشاء
-علاه شفما
-أعمل لنقلك عليه و سكر فمك لايزي حاملك في الدار لا يزي تحل في فمك عليا
منار تقهرت أصلا هي متعرش شبيه يتصرف هكا مرة تقول هاو علاقتنا بدات تتصلح و مرة تقول مستحيل نكونو لبعضنا
-شتحكي وحدك
-أه لا شي هاو باش نحضرك لعشاء
بقات ليلا كاملة فايقة كل مرة يطلب منها حاجة و هي متنجمش ترفض خاتر هددها كان متنفذش كلامو ميخلهاش تحضر العرس أصلا مازال نهار خليه يتعدي كيما يتعدي
ليوم أحد و هارون ميخدمش باش يتلهي مليح بمنار و يعمل فيها بعمايلو فاق صباح في فورما و مشالها لبيتها (هارون و منار كل واحد يرقد في بيت و هذا كان طلب من منار بعد مرجع من سفر تاعو خاتر تخاف كان تضعف قدامو و تزيد طيح من روحها و تعترفلو بحبها)
-قوم للا
-أمان خليني نزيد نرقد شوي
-بيناتنا عقد والله قان متكملش نهار ليوم عرس أختك تنساه
منار فدت و فاقت و هو مقصرش جملا هاو برا حضر لفطور أغسلي دبشي خلاها تسيق و تنضف دار كاملة . منار تعبت عالاخر أما لازمها تتحمل أصلا سايا نهار قريب يوفي أما هو رحمة لا متشمت و فرحان بعذابها و هي مسكينة كي تبقي وحدها تبكي تفرغ قلبها باش ترتاح شوي
عدات منار النهار كان بالسيف تعب و قهر و سمعان لكلام أما بالنسبة لهارون كان فرحان بعذابها أصلا هو يحب يعذبها نفسبا و بدنيا
الحلقة 12:
ليوم منار باش تمشي للبلاد أصلا فدت من الغربة و توحشت أهلها. في الصباح جات سميحة باش تحضر معاها دبشها و تودعها قبل متمشي بطبيعتها تعودت عليها برشا حتي كي رجعت لدارها مع راجلها فقدتها و حست إلي دار مافيهاش روح
هارون منجمش يمشي يخدم لازمو يمثل قدام مماتو إلي هو باش يتوحشها بقا معاها و هو هكا هكا بيها و كمل عطاها فلوس و قلها في وذنها أهوكا لعرست بيا علي خاترهم أمشي نبر بيهم قدام عايلتك و ناسك
تعرفوه إحساس لمظلوم كي تجيه غصت بكاء أما مينجمش يبكي منار حست هكاكا بالضبط أما لازمها تتحمل هاو باش تعدي أيامات قدا أهلها تو ترتاح
في الوقت هذاكا بيسان كانت تلوج علي معلومات أكثر ما يمكن باش تنجم تتصرف معاه و من بين لمعلومات هاذي عرفت لهو معرس أما كي شافت لهو سافر مدة طويلة بعد العرس منغير مرتو فهمت لعلاقتو بمرتو سطحية و قررت باش تركحو مهما يصير
مشات منار للبلاد و رجع هارون للخدمة بيسان محبتش تضيع حتي دقيقة لازمها توصلو و زيد الراجل معرس ممكن يحب مرتو وقتها متنجمش توصلو
-صباح الخير سي هارون
-صباح النور جاوبها و التبسيمة علي و جهو تسحر
-لباس ليوم
-لباس الحمد لله ماشيا معاك لخدمة
-مدام عندي عرف كيفك أكيد سافا
-هههه مجاملة هاذي
-المجاملة موش جوي أنا لفما نقولو
-قوية هاذي
-هههه تنجم تقول
-تنجم تجيبلي قهوة
-حاضر
-مسألتنيش كيفاه نحبها
-ههه لا واخذة إحتياطاتي و وليت نعرف شنوا تحب و شنوا تكره
هارون عجبتو قوة شخصيتها و زيد مزيانا و عندها حضور من جمعة لولة نجمت تفهم الخدمة و تتأقلم مع الخدامة
منار وصلت لدارهم و عايلتها هكا هكا بيها توحشوها و زيد أمها لزتها شوي باش تعرس و طلبت منها سماح أما منار محسستهاش لهي موش مرتاحة معاه
أكيد كلكم تقولو كيفاه لزتها و هي تحبو؟؟؟ هارون من النوع إلي عندو لقبول و يتحب فيسع كي منار قالت لمها في لول لا أمها عبتلها راسها في طفل مزيان و بخدمتو و موش إنت أول وحدة تعرس في عمر صغير الحاصل منار ماهيش مقتنعة برشا وقتها أما وقت إلي حكا معاها حبتو و تعلقت بيه
الحلقة 13:
وفات جمعة لقبل العرس و اليوم العرس باش يبدي. هارون و سميحة مشاو للبلاد فرحو بيهم برشا أما فرحت منار متتوصفش خاصة كي شافت راجلها قدامها و زيد هو إلي فيقها الصباح بالعمل تستخايل روحها تحلم
مشات منار هي و أختها و خالتها و بنت خالتها للحجامة بالطبيعة هزهم هارون . كملو ركحو أمورهم و روحو هارون محبش يغزرلها برشا خاتر يعرف روحو مينجمش يقاوم زينها خاصة عينيها الكحل لكبار إلي كل وين يشوفها يغرق فيهم قد مشاف من بنات في حياتو كيفها مشافش
لبست منار جلباب فينو خرج عليها هبال و لا نقولو هي خرجت عليه عداوها سهرية شطيح و جو وفات السهرية ليوم أخر نهار في العرس هزو لعروسة لدار راجلها منار وقتها لابسة روبا نوار و دوري سامبل أما مضخمة بحكم هي موش لابسا خاتم العرس لعيون لكل عليها هارون كان يشوف فيهم كيفاه منجمش يتحمل و ديراكت مشالها وقتها هي تضحك مع عايلتها هزها علي جنب
-شنوا يا فرخة فرحانة بغزرت لولاد ليك وانت عاملة روحك معلبلك بحد
-شبيك تحكي معايا هكا شدخلك فيا
-و تعلي في صوتك زادا انت ليوم لازم نربيك يعمل هكا و يلفها بكف هي جات باش ترجعو و هو شدلها يدها بقوة
-لبتهز يدها علي هارون عبد الحق أمها مازال مجابتهاش
في الوقت هذاكا كان كابسلها علي يدها بقوة لين يشوف في دموعها هبطو
-عاملتلي فيها تبكي باش نسخف عليك نحب نقلك دموع التماسيح متمشيش معايا
جاوبتو بصوت ضعيف و متقطع -يدي
وقتها فاق علي روحو كيفاه كبسلها علي يدها لين خلا بلاصة عليها بقا مصدوم أما لازمو ينقض الموقف باش ميكونش هو الغلط
-هذا لازم يكونلك درس و خلي في بالك راك مرت راجل كي نولي طرطور وقتها أعمل لتحب عليه مشا و خلاها تبكي وحدها زايدت شوي ركحت مكياجها و رسمت تبسيمة موزيفة و رجعت كأن مصار شي
هارون يحكي
محلاها منار ليلا و قداه خرجت عليها الروبا بالرغم إلي روبتها طويلا و مستورا أما هذا ميمنعش إلي ممكن تغري أي واحد. أنا هكاكا مركز معاها و نشوف كان ولاد يبعثولها في نوامرهم فيهم بالرغم من أن هي ترفض فيهم أما أنا منجمتش نتحمل حسيت النار شعلت فيا منغير منفكر مشيت هزيتها علي جنب بطبيعتي غشي خايب و هذا إلي خلاني نكبسلها علي يدها لين دموعها هبطو وقتها فقت علي روحي زح ملا موقف
الحلقة 14:
وفا العرس منار محبتش تروح حبت تبقي مع أهلها أما هارون مخلهاش وروح بيها معاه. سميحة حست فما حاجة صايرة بيناتهم خاتر من وقتها محكوش
-منار بنتي شفما شنوا صاير بيناتكم
منار باش تنقض الموقف شدت في يد هارون و أكدتلها إلي مفما شي . هارون وقتها حس بفارق كبير كيفاه هي شدتلو يدو بحنية و كيفاه هو كي شدلها يدها بكاها
تعدات ليام و هما زوز ميحكوش مع بعضهم جملا أصلا ميتقابلوش منار تلهات تحضر في روحها للقراية باش تكمل الباك تاعها أما هذا ميمنعش إلي هي توحشتو توحشت عركهم حتي نبزاتو خلاو عليها بلاصة
هارون معندوش وقت أصلا باش يخمم فيها في النهار يخدم و في الليل يروح تاعب يرقد. علاقتو مع بيسان طورت برشا ولاو يخرجو يفطرو و يسهرو منار حساتو تبدل أما عمرها مخممت أنو يكون عندو علاقة مع مرا أخري خاتر سميحة كي حكاتلها عليه قتلها راو معمرو محكا مع طفلة ولا جرب الحب
تعدات ليام متبدل شي كان هارون و بيسان علاقتهم تطورت بالنسبة لهارون أول مرة يحس فما أنثي مهتمة بيه و ملهوفة عليه و أصلا دبشها مغري باش يخلي أي راجل يهيط لمستوي الغريزة متاعو لين ولا سعات يبات عندها في الدار أما عمرو معمل علاقة معاها بالرغم إلي هي ترمي في روحها عليه أما هو ديما يرفض و يبعدها عليه خاتر إحساسو بالذنب علي منار ماهوش مخليه ينجم يعمل شي
نهار سبت عشية منار متقراش روحت و بقات في الدار فدت و تقلقت ملقات متعمل كان تمشي لهارون في الشركة و ياليتها ممشات أول موصلت قدام لبيرو لقات مكتب السكريتارة فارغ استغربت أما معدلتش برشا دقت الباب و دخلت ديراكت مغير ميقلها أدخل و الصدمة لقاتو قاعد في بيروه و بيسان قاعدة في حضنو و تدحنس عليه بقات مصدومة هذا الراجل إلي حبتو هذا راجلها إلي متنجمش تحضنو بالرغم من ان هي اولي من غيرها لا مستحيل هارون يعمل هكا
منار قلبها دم و هي تشوف في راجلها يخون فيها أما ميلزمهاش تضعف قدامهم سكتت و بعدين قالتلهم
-سامحوني ظاهرلي جيت في وقت موش مناسب و هي دارت باش تخرج و تسمع في بيسان تقول لهارون
-حبي متقوليش هاذي هي مرتك لحكيتلي علاها (هو عمرو محكالها عليها أما هي عملت هكاكا باش تزيد تشعل النار )ملا ڨعرة موقحها الساقطة بوها معرفش يربيها هكا تدخل مغير متستني تاخذ الأذن
منار ملي سمعت كلمة "بوها معرفش يربيها " النار شعلت فيها تذكرت وقت إلي هي صغيرة كيفاه بوها يموت قدام عينيها بسبب مرض السرطان
الحلقة15:
منار ليوم أول مرة تحس روحها محطمة لدرجة هاذي خرجت ضايعة هايمة من غير روح ملقات وين تمشي حست الدنيا موحشة معندها حد تعدات للبحر بكات بكات لين فشلت روحت رقدت
هارون يحكي
أنا قاعد في البيرو و تدخل بيسان كي عادتها ترمي في روحها عليا أنا نعرف نوع تاعها من البنات إلي يحبو الراجل كان علي الفلوس أما بصيفتي معنديش تجربة حبيت نجرب نخرج مع طفلة و نبني علاقة حب خاصة هي ديما لاهيا بيا حتي كي نكون فاد تخرجني تبدلي الجو هي دخلت و بقات تدحنس و بقات في حضني لين نسمع في الباب دق و دخلت منار أول ماشافتني تصدمت أصلا عندها الحق حتي كان علاقتنا سطحية ميلزمنيش نخونها شفت في عيناها القهر و الظلم شفت كل شي كان حاجة تدل علي الفرحة لا أما كي عادتها بقات هادية و تصرفت برزانة بالحق مماتي مغلطتش كي قاتلي طفلة رزينة و قد المسؤولية تمنيت كان عرست بيها عن حب أما الظروف حكمت. منعرش علاه حسيت روحي مكبل منجمت نعمل شي بقيت مركز كان مع منار فقت علي وضعي كان كي خرجت و بيسان قربت باش تبوسني نحس في روحي كان عطيتها كف و دزيتها .كملت طردتها من الخدمة و خرجت نجري أما ملقيتهاش روحت لدار قلت يمكن راهي روحت أما شي ماهيش موجودة مشيت لدار مماتي محبيتش نحكيلها علي صار كي ملقيتهاش رجعت نحوم شوارع لكل درتهم أما شي ريحتها مفماش الدنيا ظلامت و أنا مازال نلوج لين كلمني عساس الدار و قالي راو المدام روحت وقتها تهنيت و روحت دخلت لدار نجري باش نشوفها نلقاها راقدة عالفرش دبشها مبلول فيقتها باش تبدل أما هي مخسرت عليا كان كلمة تنجم تسكر الباب وراك تمنيتها كان تعيط و تسبني تضربي أما السكوت لا خرجت و خليتها جبتلها عشاها محبتش بقيت ليلا كاملة نخمم قاعد قدام بيتها لين نسمع في صوتها متوجعة دخلت نلقاها تغلي بالسخانا بدلتلها دبشا و عطيتها دواء و حطيتلها كمادات علي راسها محلاها و مبن ريحتها حتي و هي مريضة مازال زينها طاغي مازالت تنجم تجذب أي واحد بزينها
الحلقة 16:
فاق هارون الصباح ركح البيت كأن مصار شي طمن علي سخانتها طاحت و خرج و خلا قلبو و عقلو معاها
عدات نهار كامل ساكة مش عوايدها قبل ديما قالبة الدنيا بحسها . رجعت تقرا حاولت تكبس علي روحها أكثر ما يمكن باش تنسي إلي صار. هارون كل يوم يوصلها لليسي بعينيه و هو يتبع فاها لين قرر أن يحكي معاها و يطلب منها السماح و يعمل المستحيل باش ترجع كيما كانت
بدللها حياتها و فرض روحو عليها بقوة مخلالهاش مجال باش عليها هو إلي يوصلها و هو إلي يروح بيها كي تكون متقراش يهزها معاه للشركة تحضر معاه و كل يوم يطلب في السماح منار حست روحها معندها وين توصل معاه لازمها تسامحو ولا باش يزيد يخنقها أكثر
نهار هارون في إجتماع بعث الشوفار باش يجيبهالو هههه تصورو تجيه للشركة بالطبلية أما هو فرحان بيها و الحاجة هاذي معاش تقلقو أصلا هو يفرح كي يشوف فرختو قدامو بطبليتها يشيخ علاها
هي وصلت قدام بيروه فادة من حالتها لين تسمع في صوت بيسان تحكي مع هارون
-شنوا سي هارون نسيت الحب إلي بيناتنا
-علاه من وقتاه أنا حبيتك باش ننسي حبي ليك
-مش كنت تخرج معايا و فرحان و تو راجع للفرخة مرتك الق..
هي مكملتش كلامها و يلفها بكف
-مرتي أشرف منك يا ساقطة و تو تنجم تخرج منحبش مدام عبد الحق تشوف وحدة ق.... كيفك
-باهي يا هارون ليوم نمشيلها و نفسدها عليكم
دخلت منار و قلتلها
-شنوا لبتفسدو
-للا راجلك خانك معايا و راو يلعب بيك
كملت منار عطاتها كف و سمعتها متكره بالعمل هارون بقا حال فمو منين جاتها القوة هاذي لكل كملت منار كلامها و زادتها كف أخر و خرجتها رماتها البرة من شعرها
هارون جاء باش يحكي معاها في الموضوع أما هي قتلو موضوع سايا سكرناه و بفازتها هاذي زادت كبرت في عينو برشا كيفاه مخلتش حاجة كيما هكا تفسد علاليهم
الحلقة 17:
بالنسبة لمنار مكانتش تخمم أنها ترجع كيما كانت معاه أول موصلت الدار جبدتلو علي موضوع الطلاق. هارون هبل كيفاه تخمم في حاجة كيما هاذي
-هارون نحب نطلق
-تفدلك أكيد
-موش باين عليا نفدلك خلينا نفضوها في أقرب وقت
-مانيش مطلق
-خلينا نطلقو بالتراضي خير
بدا يصيح مانيش مطلق الطلاق أنساه
-أوكي تو نطلب طلاق للضرر
هارون تلز و لازمو يخرج الورقة الرابحة لعندو دخل لبيتو و جابلها ورقة موقعة فيها منار إلي هي متنجمش تطلب الطلاق منار هبلت في مخها وقتاه وقعتها هاذي
-شنوا هذا أنا معمري موقعت علي عقد كيما هكا
-والله هاك تشوف و كان تخدم مخك شوي تو تعرف
منار بقات تخمم مخها باش يتحرق أما هو قص عليها متبقاش تخمم برشا تذكر الورقة إلي وقعتها قبل متمشي لعرس أختك هاذي هي
مشا هارون و خلاها مصدومة
تعدات ليام و علاقة هارون مع فرختو زادت تعقدت ولات مطفيتو حتي يحكي معاها متجاوبوش تخرج وين متحب و وقت متحب و متقلوش . هارون كل يوم يحاول فيها باش تسامحو و ترجع كيما كانت أما شي كلامو يهز فيه الريح و ميحبش يضغط عليها خاترها باك و زيد لازمها تكون مرتاحة
ليوم باك سبور منار فاقت بكري حضرت روحها و لبست تيني تاعها هي خارجا و يعرضها هارون في الباب
-صباح النور
-صباح لخير
-لباس ليوم
-كان تبعدني أنت نولي في خير عليا
هي جات خارجة و هو شدلها يدها
-مازال مكملتش كلامي معاك
-تفضل شتحب
-شنوا هذا لي لبستو
-هاك تشوف تيني تاع سبور
-نعرف أما شبيها هكا محزوقة
-مبيها شي و سيبني معاش عليا وقت
-مفماش خروج كان متبدلها
-بربي
-أمشي بدلها خير و ضرب الحيط بيدو و بدا يتنرفز و يصيح منار عرفتها باش تشعل أكثر من هكا أما زادا هي متحبش تبدل خاتر ملي شافتها عجبتها برشا
-أمان هارون خليني نمشي بيها
-قتلك بدلها
-والله نحب نبقي بيها أمان أخر مرة
-منار قتلك نحي د... أمها
منار خافت منو و زيد تعرف غشو خايب ملقات متعمل كان تحملو
هارون جمد في بلاصتو قلبو دق موش نرمال و زيد أول مرة تحضنو حس روحو طاير و نسا الغش لكل محسش بروحو كيفاه قلها باهي أمشي بيها . فرحتها كانت متتوصفش خرجت تجري قبل ميبدل رايو .
كملت التاست و خرجت معا صوحبها و كات معاها البروف تاع السبور إلي يقري فيها بقا قاعد معاها و يحكي معاها أصلا شكون ميحبهاش فدلاكة و صحبت جو طبيعتها لحنينة و زينها ليسحر. هما هكاكا قاعدين و البروف كل مرة يرمي يدو عليها
الحلقة 18:
هارون رجع يغزرلها
-شكون الطحان لكان معاك
-ببرو وف السبور
-معناها عام كامل و هو يرمي في روحو عليك
-لا عامين هي قالت هكاكا و حطت يدها علي فمها ملا وحلها بتكحلها عمتها
-تقول فيها و فرحانة أهوكا تهني ريڨلتلو أمورو
-كيفاه
قربلها وجهو في وجها -ليقرب منك نمحيه باهي
-هارون بالله لا علي حكاية كيما هكا باش تعمل مشكلة كبيرة
-معناها هاذي حكاية تافهة بالنسبة ليك
-ايه
هارون طلعلو دم لراسو و سايا معاش فيه هو يقربلها و يسمع في الباب يدق منار جات باش تقوم مخلهاش و قام هو يلقاها سميحة
-أهلا سموحة كي سب طليت علينا
-ههه سلملي كنتي طلبتني
-منار طلبتك وقتاه
-مبكري شوي
-ااااا باهي
-شنوا بتخليني في الباب
-سامحني تفضل
منار فرحت مشا في بالها باش تسلكها و حتي كي هارون يتحلف فيها تضحك و ماهيش خايفة. سميحة جات باش تروح أما منار مخلتهاش و شدت الصحيح باش تبقي تبات معاهم. عداوها سهرية هبال بين منار و سميحة كان هارون ياكل في روحو ماكلة قام باش يرقد و بيهز منار معاه أما هي حبت ترقد مع سميحة عاملة روحها توحشتها برشا هذا لكل باش تسلكها و برسمي قدت روحها
هارون ولا يغزل معناها خدمت مخها عليه و غلبتو أما ليام بيناتهم
في الليل قامت منار باش تشرب و هارون شلق بيها لحقها للكوجينة. كملت شربت هي جات باش تخرج و تشوف كان في هارون متكي عالباب شاد لحيتو يلعب بيها و الأكثر من هكا لابس كان سروال تفجعت هو يقرب و هي تبعد لين لسقها للحيط و هي مركزة علي عضلاتو باين فيهم مخدومين أول حاجة جات لباها باش يضربها و بدا مخها يهز و يجيب .هارون ملي شافها لابسة روبا قصيرة مخو نحرف ديراكت كلاها بعينيه أصلا هو يعشق لغزران قداها
فاقت منار علي روحها هي تجبد في روحها باش تمشي أما هو مخلهاش زاد قلبها ليه و حطها علي الرخامة باش تقابلو خاترها أقصر منو
-هارون بربي خليني نمشي
-لا
-أمان هارون
-لا
-هارون
-عيونو
-خليني نمشي
حملها و دخلها لبيتو سكر الباب بدات دور في مخو أفكار إنحراف أما هو محبش يجبرها علي حاجة هي موش بيرادتها لازم يحتل قلبها بعدين بدنها .
رقدها في حضنو و هي معنقتو كيما الصغار أول ليلا يرقدو الزوز مرتاحين هارون نسا غشو و هي نسات خوفها
الحلقة 19:
فاقت منار الصباح تلقي روحها معنقا راجلها بقات تغزرلو تعشق فيه دور في وجهو تكتشف في تفاصيلو لهبلتها و توقف عينيها علي لحيتو لزايدة فيه الشطر مدت يدها تتلمش فيها وهو فات بدا يتبسم و هي مسكينة ملقات كيفاه تخبي وجها . عنقتو و هو يتبولد عليها و يتبسم
-شنوا كنت تعمل يا فرخة
-اه لا شي
-أمم يمكن أنا منشوفش ولا نحلم
-ايه أكيد
هزلها هارون وجها و باسها من جبينها بوسة تعبر علي إحترامو ليها. منار وجها حمار و هو زاد شاخ عليها هما هكاكا و دق سميحة الباب
-صباح نور أمي سميحة
-صباح النور يا عروسة وينك مبارح
-أه مبارح قص عليها هارون مبارح خلت عليا بلاصة ياخي جبتها و هو يضحك
-ههه ربي يدوم عليكم هالنعمة و لعاقبة نشوفو ولادكم
-إنشاء الله يا سموحة أنا مذابيا أما الفرخة متحبش
-وه علاه بنيتي تو عامين معرسين و مازال متخممش في الصغار
-نحب نكمل قرايتي قبل
-هههه خليها يا سموحة تو تكمل الباك و نشوفو .
حشمت منار و وجها حمار خايفة كان يطلع هارون يحكي بالحق.
هارون لازمو يمشي يخدم أما موش منجم يخلي فرختو وحدها
-منار حضر روحك باش تمشي معايا للشركة
-منحبش
-أنا مقتلك أعطيني رايك هيا أمشي بدل و رد بالك تلبس حاجة محزوقة
-اووووف باهي
-عاود شقلت
-قتلك حاضر
مشات تجري تبدل في دبشا و مشات معاه هو يخدم و هي البرو كامل قلباتو تشوف في كل شي موجود في البيرو هي هكاكا و تلفونها ينوقز طلعت أمها تحضر فيها لخطبة أختها تسنيم.
-هارون تسنيم أختي باش تتخطب و أمي ستدعاتنا
-وقتاه
-بعد نهارين الخطبة و أنا وياك لازم نمشو غدوا
-و المقابل،
-فاش قام المقابل
-هههه خاتر إنت تفهم كان بالمقابل
-باهي شنوا هالمقابل لمرجتني بيه
-ترقد ليلا معايا
منار مخها إنحرف و شعلت فيه و ولات دز فيه و هو شايخ عليها
-أركح يا فرخة قتلتك أرقد معايا موش نعملو علاقة
وقتها منار حشمت الزح ملا موقف . بقات نهار كامل ساكة و هارون شايخ عليها كيفاه حاشمة. جاء الليل و هارون و منار ساهرين يتفرجو في التلفزة بالرغم أنو مازال بكري أما هارون عمل روحو سايا بيرقد هذا لكل باش تبقي معاه أكثر ما يمكن
-يا فرخة
-معاش تقلي فرخة
-ههه باهي يا فرختي قوم خلينا نرقدو
-مازال بكري
-لا يزي غدوي قدامنا نهار طويل
-باهي باهي
الحلقة 20:
دخلت منار لبيت النوم مع هارون و هو عطاها روبا بيضا تهبل حكم عليها تلبسها أصلا ملي شافها حب فرختو تلبسهالو بقاو يحكو ليلا كاملا هو حكالها علي عايلتو لتوفاو في حادث و هي حكاتلو علي بوها لتوفي بالمرض عداوها ليلا بكا و فرحة و هبال .
فاقو زوز فطرو و بعدين هزها للحجامة تعمل في حرقوس منجمتش تعمل حنة خاترها مازال بتعدي دفواراتها و ماسطة تكون الحنة في يدها
مشاو للبلاد عداو نهار كلو جو وفرحو بيهم كملو حضرو الخطبة و روحو.
منار بدات تحضر للباك و هارون مقصرش ديما يعاون فيها و يحضر معاها علاقتهم بدات تتحسن زوز غارقين في الحب أما موش مستعرفين.
وفات الدفوارات و منار تستني في النتيجة بالدقيقة و الدرج و الحمد لله نجحت بمعدل باهي هارون ولا خايف عليها خاصة أنها زيانت برشا و ولات أنثي كاملة و مغرية . هارون الحاجة هاذي تخليه يحبسها في الدار تخرج كان معاه حتي مع سميحة ميتهناش بيها .
ليوم نتيجة الباك الناس لكل تستني في النتيجة هارون شادلها وجها مركز معاها و هي خايفة و جاء الميساج المحنون فتحو هارون سكت و وجهو تبدل
-منار متحط شي في بالك لقراية راو موش كل شي منار سايا لعبت عليها دوخا و يجبدها هارون يعنقها و يدور بيها نجحت حبي نجحت . سميحة تزغرط و هارون محمل منار و هي تبكي من الفرحة كملت كلمت أهلها و بشرتهم و أخيرا سلكتها حلمها تحقق و خذات الباك. سميحة عطاتها شركة ذهب و هارون كرهبة كيما تحب هي عداو أيامات في الحممات و زادت تحسنت علاقتهم هارون أعترفلها بحبو أما هي محبتش تعترفلو تحب تزيد تتأكد من حبو
عداو أيامات جو و هبال هارون زادت بيه لحزارة و كي سمع بعرس أختها قرب شعلت فيه النار ميحبش يصير كيما المرة لفاتت.
مزااالت حلقة هاني بش نهبطها تو طرف صبر نغيب عليكم درج درجين تقلبوها دنيا الي مش عاجبتو الباج ماشديتوش بصيف دونك ماغير كمنتارات ماسطة و اف و بف
النهاية
كملت منار من الحجامة و جاها الشوفار روح بيها دخلت الدار تلقاها الدنيا لكل ورد و شموع و تبلو كبيرة فيها "أحببت فرخة" ضحكت و تبعت الورد لين وصلت لبيت النوم تلقي الباب مفتوح و هارون قاعد علي طاولة لعشاء و لابس مريول كاتب عليه "إذا كنت تريدين أن تصبحي مدام عبد الحق قبليني " شاخت عليه بالضحك و هي تشوف فيه كيفاه خايف، خايف من رفضها قربت .
قربت منو و باساتو من رقبتو شعلت فيه النار دارها و هو باش يطير من الفرحة و أخيرا وافقت عليه .
تعدات ليلا هبال هو سايسها قد مينجم و هي تفاعلت معاه محبتش تحرمو من أحلي ليلا في حياتو .
بعد 5 شهر:
فاقت منار ترد و وجها أصفر الدنيا دايرا بيها هارون خاف عليها هزها لطبيب
-مبروك المدام حبلة
هارون مصدوم ولا يحمل و يبوس في الطبيب فرحتو متتوصفش فرختو باش تجيبلو صغير ثمرة حبهم منار زادا مكانتش أقل منو فرحانة سايا ولت عندها الحق علي هارون و ملكاتو .
وحمها لكل جاها علي هارون الخدمة قليل وين يمشيلها لين جاء النهار الموعود منار فاقت في الليل موجوعة تفجع عليها هارون و ديراكت هزها للكلينيك .
جابو بنوتا سموها هنادي علي إسم أم هارون و الشي هذا زاد خلاه يحبها أكثر
اعطيوني رايكم و قلولي كان تحب نزيد نهبطلكم كرونيكات جديدة❤❤❤
كمنتار ببلوڨر
Thbbbel🥺🤩🤩🤩🧸
ردحذف