عين الداموس
بقلم : إشراق بن حسن
1
.. نجري و نتلفت ورايا.. نطيح و نقوم.. تزلعت من كثر ما طحت و لحمي ادمدم.. الثنية كلها حجر.. الدنيا ظلام مش منجمه نركز في الثنية...مش عارفه مناش خايفة..اخر طيحة حسيت روحي سيا منيش قادرة نتحرك... نتنفس بقوة.. لامه ساقيا و نرعش مالخوف.. دقات قلبي المسموعين.. رعشة في يدي.. طربيقة سنيا.. رجفة صوتي و انا ندعي في ربي.. صوت مخنوق.... "يا ربي.. يا ربي.. 😢😢... يا ربي" حسيت بحاجه مستني من كتفي صحت.... بأعلى ما نجم.. 😢.. هكاك و حسيت بروحي في حضن دافي.. ضو البيت شعل.. قاعده عند اختي تقرا عليا في القرآن بصوت هااادي.. مرتاااح... باقي باين عليا الرعب...
_ما تخافش.. حلمة مشومة و مشات على روحها..... اهدا عيش اختي... (كابسة عليا عندها.. بعدت شوية نخزرلها مرعوبة هي بيدها.. ظاهر فيا فجعتها..) ما عادش تتفرج في حاجات تخوف قبل ما ترقد.. 😕 عيش اختي نحيها ها الصنعة
_ سامحني فجعتك.😰. (نشرب في الماء و هي مركزه معايا.. الدنيا صيف لابسة مريول خلعة ينكت بالعرق.. قربت مني.. تثبت في كتفي..)
_شنوا هذا؟ (ما فهمتش؟ قربت مالمراية تراس ضربة؟ ما نذكرش تضربت فما قبل؟؟ تشوفلي فيها بعدت.. توترني يخوفها الزايد.. و اسئلتها الي ما تملش منهم 😕😕😕.. صحيح مش اول مرة نحلم لحاجات تخاف و لا اول مرة تقوم نلقا لحمي مرضرض.. قلتها نخرج نشم نسمة تنعوش و نرجع.. كارين دار عالبحر.. دوب حليت الباب نسمة بارده ترد الروح.. استحليت الطقس و رغم ظلام و ما عادش بكري.. قربت مالبحر.. شمرت سروالي و باش نبل ساقيا شوية لقيت ركايبي زرق؟؟ تقول طايحه عليهم.. في ثواني تذكرت الحلمة.. لحمي قشعر و استوحشت خاصه مع الجو الي كنت فيه... صوت الموج.. زفيف الريح الخفيف على les bangalos الي عالشط.. شارده و سارحه.. سمعت اسمي..
" كنوز" كالهمس بصوت غريب؟ ترعبت... تلفت مفجوعة...😨.... بقيت نوخر بالتوالي و نخزر لوين الصوت... عاودت سمعتو.. طلعت اختي المرة هذي واقفه في الباب و تعارك اش مطلعني في ها الوقت مشتلها نجري.... ما حسيتوش صوتها. المرة الأولى.. متأكده 😨😨... بقيت متقلقة.. شارده.. و لحمي مشوك.. . أما أنا هكاك ملي صغيرة امي نقلها امي راني نسمع برشا اسمي و نتلفت ما نلقا حل تقلي استوعذ مالشيطان و عادي و ككبرت قتلي هاك المنادي و باقي عادي تسمعو 😕.. ما كنت فاهمة شي.. حلماتي مش نرمال ؟ مرات يتحققو 😕 بتفاصيل غريبة.. للي ساعات نخاف.. أما مش قد خوف بابا و امي الي ملي تولدت قلولي عرقوبك جياب؟ و وجه خير و على هاك سموني *كنوز.. 😅... يوم امي عرفت انو عندها بنية بابا رزقو ربي و تحلت في وجهو بيبان الخير الكل فا تقرر اسمي 😊 اما كبرت خايفين عليا تقول عندهم كنز بلحق.. أمي توصلني للروضة.. للمكتب.. لليسا.. حتى نجحت لل فاك كرو دار قريبه منها و ديما تحت عنيهم.. ما عنديش اصحاب كان الي تعرفهم امي.. ما حبيتش.. ما عطاتنيش امي فرصة نتقرب من حد و الا حد يقربني ما تاثق في حد و مخوفتني مالعالم الكل.. حتى نصيفو باش نتفرهدو تهزنا لبلاصة مطرفة و خالية مالناس.. وصلت شفت طبيب من كثر الضغط الي عيشتني فيه.. كان يقلي جرب مرة اهرب منها و من حصرتها و عيش مغامرة بعيده عليها.. نحب.. أما مش مخليتني 😬... كنفد و نولي نعارك تجبدلي فازة صارت في الصغر وقت مش عارفه شكون حب يخطفني.. و ماما بقاتلها عقدة مالفازة هاك 💔.. يقولو لأمي عندها في عنيها سحر غير عادي.. حاجه في عرقوب بنتك بلش يخليها طميعة لأي حد و برشا دجالة نصحو امي تتلها بيا و تستحفظ عليا.. للي خنقتني بلهوتها الزايده.. خرافة ماس جهلة خلتها قريب تهبل كل ما نوخر في المرواح و الا نقلها عرفت انسان جديد في حياتي... تعمل المستحيل باش تتحكم فيا و تسيطر 💔.....
2
... شتاء 2019....
في التلفون نتكلم مع يسر اختي انو فاتتني كار 5 و نستنى في كار 6.. بحكم شتاء فيسع ظلامت.. فا امي عامله طرح نكد في الدار... علقت التلفون و واقفه نستنى.. المحطة فارغة.. استوحشت هكاك و جا واحد وقف مش بعيد عليا برشا.. يحكي في التلفون و حسيتو يخزرلي من تحت ل تحت.. للي قلبي تقبض..نسمع في كلامو.. 😰
" فرصة عالمية...جات في وقتها .. (يضحك) . كان سلكت اموري تو نفرح بيك معايا... استنى مني تلفون.."
مركزه معاه و انا قلبي تقبض من حديثو تقول عليا.. خاصه بخزراتو الي ساعه ساعه يرميهم... 😨😨😨.. علق و بقا يتلفت كل مرة ل جيهة.. كبست عالساك.. قلت كان جتني في نطرتو ميسالش.. جبدت حق ركوبي حطيتو من غير ما نشلق في جيبي... الثنية ظلمة و فارغة.. قليل وين تتعدا كرهبة.. مش حابه نبان اني خايفه اما.. 💔.. خايفه 😨😨😨.. عاود جبد التلفون.. تقول قرا ميساج تبسم... و خزرلي...
" راي باش تبطا الكار " ( تسل قلبي مالفجعه... حابه نطفيه اما هو كيفاش يتلفت..) " تسمع فيا ؟ يبتسم " حسيت نبرة صوتو تبدلت.. " سمعتني مادام وزال؟" هو قرب خطوة
_احبس فما 😨😨😨... 🤚 خو هاك.. (رميتلو الساك و بديت نوخر.. عقد حواجبو) فيه تلفون خرده.. و شوية أوراق متع قرايتي ما فيه شي 😨😨 ما فوقيش فلوس 😰( حسيتو دغشش.. هزو و عاود رماه بجنبي)
_شكون قلك حاشتي بالساك 😕( تجمدت في أرضي 😨😨.. يعني حابب عليا 😟😟😟... لميت على صدري و نتلف ورايا.. مش عارفه كيفاش نهرب من موقف هكا.. خاصه خزرتو و تكشبيرة وجهو خوفتني... هكاك و تعدت كرهبة تنطرت قدامها نصيح نوقف فيها بهبال للي زعما دهمت فيا... 😢😢..
_عاونوني عيشكم.. هاك ناوي الشر معايا 😓😓😓 أمانكم 😢😢( نخزرلو واقف حركة لا.. هبطو مالكرهبة زوز أولاد... نحكي معاهم بصوت مربوث.. انو يتصرفو يمنعوني... نستنى منهم في موقف رجولي ياخي طلعو سكارى ولو يضحكو.. كريز ضحك.. زدت تكبست انا... نخزرلو جايني.. وخرت بجنبهم.. قلولي اطلع نوصلوك للحظة قلت معاهم أهون من اني نبقا معاه 😓😓😓.. باش نحل الباب و هو حط يدو بقوة... عاقد حواجبو
_ياخي مهبولة و الا بعقلك؟؟؟ 😡 نرمال تركب معاهم؟
_اش يهمك فيا 😢 ابعد.. امانكم قربوني بحذا أقرب مركز 😓
_ ايه اطلع.. تو نوصلوك.. ابعد صاحبي (دزو و هو مش حاب يتحرك... للي قلو اني معاه صاحبتو و نتعزز عليه..)
_يكذب و الله يكذب هذا سارق يحب ينطرلي ساكي 😭😭 أمانكم بعدوني منا (حط يدو على زندي انو نتبعو و نطلع و هو كبش بعدلو يدو بقوة و نطرة.. باش تلحم بينهم.. بعدت.. بقا يتفارع معاهم و يتضاربو 😰😨... خزرت وين كنت واقفه ساكي ملوح مشيت نجري باش نهزو و هكاك و الكرهبة خدمت بقوة و مشات.. و هو يسب و يعارك... وليت نصيح انو يستنوني.. للي شدني من يدي بقوة
_ياخي قداش عمرك؟ صغيرة ما تعرش تفرق بين زوز حابين يفرحو بيك 😡👌.. حابين يكملو بيك سهرتهم 😡😡😡(ترعبت من كلامو)
_اما.. ممما (نمهمه)
_ممم شنوا؟ عاد ابقا مع سارق أهون 👌😡 (ما لقيت ما نقول..سيبلي يدي و رجع يستنى... تكلم في التلفون و رجع وقف بجنبي..) ما فماش كار توا كان 6 و نص 😕👌..( باش يمشي و انا مصدومة.. وقف و تلفتلي) من غير ما تستنى لنا للظلام هيا نعرضوها عالطريق الاخر على الأقل فما ضو 😕😕😕(بقلق يتكلم و انا كبرت راسي.. ما حبيتش.. تعدت كرهبة زمرتلي.. انا خفت و هو رجع شدني من يدي و جبدني قدامو.. قلي تحرك.. حسيت روحي تقول مخطوفة للحظة تذكرت كلام امي الكل و اني ديما في خطر لو نبعد عليها😓😓😓..💔... وصلنا لبلاصة ضاوية واقف بجنبي و انا كابسة عالساك و نحب نثبت في الوقت و مرعوبة.. دخل يدو في جيبو للش شهقت قلت خرج موس هذا 😰😰😰... للي تبسم.. جبد ستوشو و عطاني بطاقة تعريفو قلي خليها معاك.. كان سرقتك و الا ضريتك اشكي بيا 😉 غمزني. و انا ماني فاهمة شي.. وصلت الكار ومالها حبستنا طلعت فما زوز كراسي قعد و مطفيني... مت في أرضي حشمت مش نرمال 😣😣😣...و خاصة كالشوفار تكا على جنب و هو خذا عليه سوقان الكار... يخزرلي و يضحك.. يعني انا ظنيت فيه الخايب 😖.. نخزر للبطاقة متاعو بقات في يدي.. كابسة عليها للي عرقت.. سيا هبطو برشا عباد قدمت بحذاه..
_سامحني.. 😳😳(تلفتلي و تبسم) يعني.. الدنيا ولات تخوف 😣
_عندك الحق.. بنية كيفك تخاف 😉(حشمت.. مديتلو يدي رجعتلو البطاقة للي نرعش.. خذاها مني و باقي على وجهو تبسيمة مش عادية 😳😳😳..) بزهري اول مرة ناخو garde بالليل وخرت الكار و وليت قطعي و سارق 😅😅(هو خذاها بضحكة أما أنا حشمت 😓)
_سامحني.. 😳( خزرتو ليا زادت ربثتني)
_ما صار شي.. يصير سوء الفهم... بكري كلمت صاحبي نحكيلو على فرصة دبرت خدمة week-end باش نهز رحلة اهوكا خدمة و الواحد يوسع بالو بعيد على جو الستراس... تحبش نقيدك فيها ؟
3
تربثت... وجهي حمار 😳مزال يحكي و وصلت للبلاصة الي ديما ناقف فيها و بابا يستناني فيها دجا ريتو واقف مغشش خاطرني وخرت برشا.. هو حلي الباب. و انا مرة أخرى طلبت منو السماح..)
_ربي يعينك و سامحني فسدتلك كيفك (حسيتو حابب يزيد يحكي... هبطت ل بابا الي كبلي سعدي و كملت عليا امي 😅😅😅😅...
.. عاودت شفتو برشا مرات.. الثلاث.. الأربعاء.. الخميس
. نطلع يعطيني تبسيمة خفيفه و انا وجهي يحمار تقول شنوا الي صار 😳😳😳😳.. الجمعة مشيت لل محطة و شفت ورقة معلقين فيها الرحلة.. و رخيصة مش غالية.. غابة .. عين الداموس (اسم وهمي)
تحمست و خاصة كمزالو بلايص.. لأول مرة نصرف من غير شورة حد. قصيت و قلت فرصتي نصنع جوي بعيد على مرج ماما 😅.. نباتو ليلتين
السبت و الأحد.. نروحو الاثنين العشية.. يعني قبل رأس العام... فرصة روعة اما مش عارفه كيفاش نلقا تسبيبة... دوب لمحتلها قتلي لا.. و لا متع ماما يعني المستحيل 😓... أما شي.. في ساعات قصار قررت التمرد.. حضرت ساكي و خلتلها ورقة انو انا حابه نلقا كنوز الي ضايعه مني.. مليت الحصرة.. مليت الخوف.. مليت التعميل على امي.. مليت الطبة و الدوايات.. وقيت مغامرة جديده.. تجربة بلي يصير فيها انا الرابحه.👌...
4
وصلت وين تجمعو الكل.. معظمهم أصحاب.. كبلوات.. خوات.. أقارب.. كان انا وحدي.. بقيت نلوج عليه.. رميت عنيا في كل بلاصة... سكرت تلفوني خاطر بدات امي تمرج... هكاك و شفتو.. جاي مع صاحبو بتبسيمة العاده.. و حاط الحطة على غير العاده... برشا بنات ركزو معاه.. ☺️.. شافني حسيتو فرح.. لمونا يحكولنا على البلاصة و كان حضرتو ملازم التخييم.. حسيت روحي الوحيده الي ضايعه فيها.. في يدي ساعه قبل ما نقصدو ربي حتاش يتجمعو الماشين الكل .. هو المفروض تكون عندي خيمة هذي ابسط الحاجات و انا ما عنديش.. تربثت.. 😳.. ورانا بوتيك مش بعيد للي يستحق حاجه ناقصاتو.. حطيت ساكي في الكار و مشيت.. هو كل شي موجود اما غالين 😯😯..واقفه قدام خيمة صغيرة.. نثبت فيها..
_عجباتك ؟(تلفت لقيتو هو 😳😳.. دخلت بعضي 😅)
_ ايه محلاها 😳😳
_ ما جبتش انت معاك؟
_لا 😳 اول مرة نخيم ما جاتش لبالي 😳
_هههه توا رحلة لغابة و الدنيا باردة اكيد تستحق خيمة؟(حسيت روحي تهنتلت)
_ قررت البارح نمشي 🙂 على هاك كل شي مزروب (عيطت للي تبيع باش تجبدلي وحده..)
_ كان تحب عندي خيمة انا (تلفتلو باهتة.. عقدت حواجبي للي تربث) يعني كان تحب 😒
_شنوا الي كان نحب😟؟؟ ؟؟ اش تقصد؟ شنوا تخسايبني؟؟ ؟؟؟😡
_لا لا فهمتني بالغالط 😅(بعدت من قدامو نخلص فيها و هو واقف كالعاده يضحك وحدو انا خرجت و هو في جرتي) يا مادام وازال صدقتي فهمتني بالغالط (وقف قدامي) انا قصدت لواه تخسر فلوسك على حاجه مرة باش تستعملها؟ نقصد انت اول مرة تخيم 😅😅😅 (يحكي برشا و انا نغزل عليه 😡 وين نحب نتعدا ياقف قدامي) افهمني انا انجم نتصرف عندي أصحاب لنا عادي نبات معاهم 😒 و انت نعطيك الخيمة متاعي فهمت توا؟؟؟ ياسر تفهمني بالغالط 😕😕😕 ( حشمت 😣 كالعاده فهمتو بالغالط....) اما كخذيت سيا.. احسبني ما قلت شي 😉👌( سبق قدامي... للكار و هو يتلفتلي و مكشبر... الله غالب طبعي هكاك مانيش إجتماعية جمله 😖... وقفت بحذا الجماعة للي جا وقت الخروج.. خذا ورقة من عند المرافق معاه.. بدا يعيط بالاسامي الحاضرين..)
" كنوز"؟؟ حسيتو قال الاسم باهت.. أما بنبرة محلاها 😳. هزيت يدي و طلعت حاشمة خاصه الكل باهتين و الا كيفاش 😅😅.. تعديت بجنبو عطيتو التيكاه..
"اسم مزيان برشا 😉"
كقلي هكاك فرحت 😅 يعني ما عادش مغشش مني 😇.. ما لقيت مع شكون نقعد.. الكل متفاهمين بين بعضهم.. لقيت بلاصة ركحت اموري... البلاصة بجنبي فارغة 😅😅😅.. مله حشمة....
إلي باش يسوق بينا عرف بروحو.. انو اسمو *ياسين.. 😳😳.... مش عارفه علاش خزرلي.. تقول يعلم فيا بركا 😅😅 و الا انا مركبتها لروحي 😳😳😳..
توكلنا على ربي في ها الرحلة الي الله اعلم اخرتها شنوا.. ندعي في ربي نتفرهد و نعيش مغامرة ما تتنحاش من مخي... 😍... بعدنا على وسط البلاد.. البلاصات العالية... زحمة الكياسات.. صوت الكرهب... العرك. الحس.. بدينا نخرجو للهدوء.. بدا يعرضنا الخضار.... حاسه روحي سرحت مع الثنية.... مخي صفيتو من كل ضغط عشتو الفترة الي تعدت بين مرج امي و القراية.... 😇😇😇... هكاك و تشد فران قوي للي تضربت على الكرسي الي قدامي... الكل عملو ردة فعل.. تفجعنا.. قلنا مرافق ياسين انو ما نخافوش العجلة تفلقت 😟... هبط يشوف شنوا باش يتصرف.. و الكل قررو يهبطو منها يرتاحو شوية... هوما لاهين يتمعشقو و يضحكو و تصاور سيلفيات و انا شارده فيه.. نحا الفاست متاعو و بدنو محلاه في المريول 😳.. قاعد يبدل في العجلة و باين يفهم في كل شي... هكاك و شفت الي معاه قلنا سيا انجمو نكملو توا... لاحظت متقلق ؟ سئلنا شكون فوقو فاصمة 😕😕.. قربت منو طلع جرح يدو 😳😳.. قتلو انا.. تلقتلي و كالعاده يتبسم.. مشيت جبت ساكي عندي معايا حاجات متع اسعافات أولية.. مدلي يدو.. جرح صغير بديت انظفلو فيه و هو عنيه عليا ربثوني...
_ ديما فوقك هاذم؟ (خزرتلو باش نجاوبو.. القرب منو دخلني بعضي باين صوتي مربوث..)
_نقرا ..😅.. قصدي نقرا عليهم.. تي بيهم 😳😳.. نعدي في ستاج في السبيطار و والفت يكونو فوقي 😳
_ فرملية؟
_لا 😳.. عامله médecine
_ واو مشروع طبيبة إماله؟
_ كان سهل ربي 😅😅 (كملتلو و طلعت.. حاشمة تقول شنوا الي صار.. كمل صاحبو خذا عليه يسوق بحكم يدو مجروحة و باش يقد ما فما كان بجنبي فارغة... تخنقت من حمورية وجهي 😳😳😳... بقيت نتبسم وحدي و نمروح رغم الدنيا بارده.. خاصه وين احنا ماشين صاب الثلج 😅.. انا نسيب في العقد متاعي بإني نلعب بشعري 😅.. حسيتو يثبت في يدي.. فيها جرح قديم مخلي سيكاتريز خزرتلها و رجعت خزرتلو..
5
_ accident قديم ☺️
_ و انا accident جديد 😂😉(جابلي ضحكه.. نحالي بيها التوتر الي كنت فيه.. خاصه انو الكل عاملين جو يغنو و يترمنسو كان انا ساكته.. على اساس نص ساعه و نوصلو.. شارده مع الثنية للي غلبني النوم.. عنيا رزانت.. ما فقت كان بالكار حابسة بجنبي و انا متكية عندو كابس على يدي و هو يسئل فيا لاباس توا ؟؟؟ وجهي مبلول و برشا باهتين فيا 😕😕😕..
_شششفما ؟؟؟ 😟😟( باقي عندو... 😔... قلي على اساس رقدت ياخي وليت تبكي و عبارة تحب تفيق و مش منجمه.. وليت هبطتك شميت نسمة نظيفة و الحمد لله انك فقت.. 😳😳😳😳 مت في أرضي مالحشمة... فقت على وضعي بعدت من بحذاه... بقيت نطلب في السماح و حااااشمة.. مش مذكرة شنوا الي صارلي... 😕😕..)
_ من غير ما تقلق روحك يصير 😉
_شي يحشم 😳
_لواه ؟ عادي اكبد مالتعب نومة مش مرتاحه دجا
_ايه ممكن ☺️
حبيت طريقتو في انو ينسيني في الوضع 😊.. يدي بقات فيها كالرعشة و سخونة كل ما نذكر شدتو... 😍... وصلنا اخيرا.. هبطت هزيت دبشي و هو يشيف علينا انو نتبعو المرافق الي معاه خاطرو يعرف مليح البلاصة و يعطي في التوصيات اللازمين.. سكر الكار و انتقلنا.. هابطين الجبل للي دخلنا غابة.. ثنية محلاها كلها خضار اما تزلق بحكم صاب الثلج و باااااردة.. مرة نهبطتو و مرة نطلعو.. برشا دورات و دخلات.. بلحق تضيع البلاصة كل ما نحس روحي باش يفوتوني نولي نزرب اخرتها زلقت و طيحت الساك ما تلفتلي حد كان هو.. خذاه عليا حطو على جنبو و مدلي يدو... فرحت انو عبرني 😍.. يدي باااردة بقا ينبر 😅.. شادني تقول بنية صغيرة للي وصلنا اخيرا للبلاصة الي باش نكنبو فيها.. بلحق تهبل قريب منها فما عين تصب بالماء كالشلال صغير و باينه جوها عباد قبل بلايص تشغيل نار... كل واحد وين بدا يحضر في خيمتو و انا كالعاده نتبهلل للي جا هو عاوني و حطني بجنبو قلي فما مناظر ما تتمنش كتلفت لقيت شكون مركزين معايا.. لاحظتهم قبل و دجا واحد فيهم يلمحلي ملي جاية و عنديش شكون و اكا اللوغة 😳😳😳... حاسه معاه براحه و انو كيما حماني قبل قدار يعاودها مرة أخرى و يتلها بيا ♥️... ركحت اموري و اهمهم التلفون كحليتو ما لقيتش فيه ريزو و إلي نسئلو كيفي البلاصة خالية دجا 😖...
_ جايه باش تتفرهد اش تعمل بيه الريزو ؟
_ ماني حابه نتكلم اكيد 😖
_ اممم خطيب و الا صاحب ئد(خزرتلو باهته)
_ لا هذي و لا هذي 😅 علاش كان هاكم الواحد يكلمهم؟
_ ماك قلت مكالمة اكيدة قلت اكيد تحب تكلم الحب 😉
_امي.. ☺️.. هاك الحب متاعي 😔 الي اكيد راي متحيرة عليا 😔 (حسيتو حابب يزيد يسمعني اما حكاية فارغة قتلو كان طلع الريزو و الا لقيت كيفاش انجم نتكلم ما تنسانيش.. زدت متنت حوايجي بلحق برد فوق القيمة و كل ما تجي العشية أكثر تزيد تبرد للي طاح الليل. شعلو نار كبيرة و يحضرو في العشاء.. غناء و شطيح دخلت معاهم في الجو نضحك و متفرهده... قعد بجنبي ياسين جايب معاه قهوة سخونة.. جات في وقتها.. نترشف فيها بحذاه و هو خزرتو محلاها 😳😳.. ضو النار.. صوت الموسيقى الهادي خلى الحديث يحلى معاه.. يسئل فيا على حياتي قرايتي من شكون هاربة اليوم .. بلحق الي يجو يكنبو يكونو هاربين من كل شي ضغط مشاكل ستراس خدمة قراية مسؤليات....ما لقيت منين نبدى نسميلو.. 😅
_مالاخر هاربة من كنوز القديمة.. حابه نصنع من روحي انسانة جديده 😅
_ كنوز.. اسم ياسر محلاه. اكيد انت اسم على مسمى 😉
_ هههه عيشك 😳.. بابا سماني ها الاسم الغريب 😅 ( انا نمد يدي نهز حاجه و هو يركز معاها..) كيما قتلك قبل سيكاتريز قديمة (عطيتو يشوف فاها.. في كف يدي بهت..) ضربة سكينة نورمالون (تصدم.. محلاها شدتو.. يدو كبيرة مقارنة بيا.. 😅)
_سكينة؟؟ كيفاش جرحت روحك؟؟؟ 😕
_ ما نذكرش.. أمي قتلي صغيرة تخطفت و إلي هزني جرحني هكا (مصدوم فلي نحكي فيه 😅..) حكاية خرمة هههه لا علينا فيها دجا وقتها صغيرة برشا ☺️( ما حبيتش نزيد نكسرلو راسو بالخرم متاعي... هو مش حداث برشا يا دوب لخصلي انو في خدمة وقتية مش طايقها و انو حابب يأسس حاجه خاصة بيه بعيده على السياقة.. برشا حكايات تجبدت بينا.. مرات نسكتو و نسرحو مع الغناء و جو المخيمين و الا نضحكو مع حكايتهم و النكت و الفازات الي تصير.. و مرات نتلفت نلقاه شارد فيا للي يحشمني.. 😳 و الا العكس.. نبقا باهتة فيه.. ضحكتو الي تسحر 😍.. كل شي فيه محلاه...
6
تحصرت و كلاتني الحشمة سئلت البنات وين تصرفو وروني شجرة 😨.. و انا خوافة نمشي وحدي.. بقيت مربوثة و داخلة بعضي للي جاني يسئل.. ما لقيت كيفاش نعمل.. اخيرا قريت 😅😅 شاخ عليا.. بلحق بقا يعاني فيا.. قلي ما تخافش و هاني نعس من بعيد.. بلحق مش عارفه شنوا الي مخليني ناثق فيه هكا؟؟ نخزرلو واقف عاطيني بالظهر.. بكل احترام و من غير خباثة و لا تخديم مخ رغم احنا في الخلاء... قليل تلقا عبد هكا 😍.. رجعنا قعدنا بحذا الشلة الي بلحق كتقربت منهم شخت ضحك للي ما عادش فيا... فسدها الثلج بدا يقوى.. هبط علينا السرد للي طفات النار و قالو وقيت نوم.. دخلت للخيمة و انا نفسيتي متفرهده... و اخيرا اكتشفت فيا حاجات جدد.. أما باقي امي على بالي راي قالبة عليا الدنيا😔البرتابل مش مكبتي حتى شلطة 😣.. الليل مطولو و موحشو.. تسمع كان توشويش الصاحباات و ضحكهم و الا الخطوات بالسرقة متع الكبلوات حابين يصنعو جو اخر خاص بيهم.. انا في الدار و في فرشي و بالسيف ما يجيني النوم خلي في بلاصة هكا 😅.. متنت على روحي و حليت الخيمة.. السماء يا دوب نجمات ضايعين فيها.. نثبت فيهم و شفتو باين كان يعمل زي الناس 😅.. فرح كراني..
_هاك ما رقدتش ؟
_ ما جانيش ☺️
_تحبش نزيدو قهوتين ؟(فكرة باهية تحمستلها للي شلقت.. نقلت قعدت بحذاه في خيمتو كبيرة و حاط قدامها كراسي.. الثلج ما عادش يصب اما فيسع ما بياضت بيه 😍😍.. دور بينا شمعات 😍.. محلاهم كيفاش دوب مضوين 😍.. عطاني قهوة سخونة و زاد فوقي كبوطو.. تبسيمتو بلحق اطير العبد فوق السحاب ☺️... مستحلين اكا الهدوء... هكاك و شفت حاجه هفت.. 😰 ترعبت.. في بالي نستخايل.. عاودت شفتو..
_ياسين 😨😨... شو.. فما حاجه تتحرك 😰😰( قام من بحذايا باش يشوف اش فما لصقتو.. واقفه بجنبو للي ما عادش بينا على فضوة.. اخرتها شديتو من زندو.. طلع حلوف 😨😨.. باش نصيح سكرلي فمي.. و خلاني قريبة منو باش نهدا.. و شد عصا كبيرة و رماها عليه خاف هرب... 😳😳😳.. تلفتلي لقا روحو ملصقني ليه.. 😳😳.. يدو على فمي.. النفس متاعي حسيتو حرقو.. بعد يدو مربوث. انا الحشمة ذوبتني اصل 😅😅😅.. قتلو وقيت نوم... بلحق لو زدت شوية ندوخ 😂😂.. أما شي.. باقي خايفه و زدت خفت بعد ما ريت اكا الهم مشيش يعاود يرجع.. كل ما يجيني النوم نفيق روحي للي وليت نستخايل.. اسمي سمعتو مرتين نخرج نطل ما فما حد.. آخرهم بصوت امي 😨😨.. قلت اكيد متحيرة عليا على هاك نتخيل فيها.. نرتح في اعصابي بالهدوء الي كان موجود للي سمعت صوت تقول قرآن؟ تحسو نفس الكلمات اما مش قرآن؟؟؟ بلحق استوحشت رسمي 😰😰😰... لحمي شوك.. بلي حبيت نسكر وذنيا و شي.. و متأكده اني حسيت صوت عفس و دبك.. عبارة حد يدور بين الخيم... شفت خيالات دجا 😨😨😨 و نفس الصوت يقرب.. عبارة حد يقول في كلام غريب.. استعوذت مالشيطان.. قريت قرآن حصنت روحي بلي نجمت و شي.. نرعش بصيفة غريبة..... بقيت على هاك الحال للي طلع النهار.. مع أول واحد فاق و يفدلك مع اصحابو حليت الخيمة و خرجت.. تنفس بالقوي... 😰..
_كنوز؟ صباح الخير (تلفت لقيتو ياسين.. مش عارفه شنوا جا لبالي تنطرت عندو قلبي يضرب بالقوي... بهت.. بعدتي بالشوية) شبيك لاباس ؟؟ وجهك شبيه اصفر؟ مريضة؟ (مش منجمه نتكلم.. مرعوبة.. فت الخوف خاصه انو برشا لاحظو تراس ساقين شكلهم غريب 😰 داير بالخيم.. يعني ما كنتش نتخيل 😨😨😨.. البنات ترعبو ملي صاير.. المنسق متع الرحلة يهدي في الوضع. انو اكيده تفدليكة ماصتة من جماعة منا.. و يحب يبرد الحكاية... برشا صدقو.. الا لا.. سمعت و شفت 😰😓...
7
غسلت وجهي و باقي حاسة بتعب الليل راجع عليا... نوم و قلة تركيز.. ياسين يسئل فيا علاش ما رقدتش و شبيني و انا خايفه نقلو ما يصدقنيش 😰.... اابلاصة في النهار تعشق.. متع تصاور بركا.. سبحان الله... ندورو مش بعاد برشا على وين مخيمين مجموعات نكتشفو في اابلاصة.. وصلنا ل كهف كبير قال هذا هو الداموس.. الي متسمية عليه المنطقة الكل.. مالاول كهف و اخرو داموس يفسرلنا انو يخوف كلو ظلام و موحش و حد ما تجرأ و دخلو.. قال مستحوذين عليه جماعة اهل بسم الله.. و إلي يدخلو ما يخرجش منو.. برشا ماخذين الحكاية بضحكة و يفجعو في اابنات.. أما أنا سرحت مع الخرافة انو اهل المنطقة يزورو البلاصة هذي مرة في العام يعملو كيف الزردة و يذبحو الذبايح و يسيلو الدم باش يرضو عليهم الاسياد هكا مسمين عالم الجن... و يتحل في وجوهم أبواب الرزق و المال... الي عندو اي عقده في حياتو تتحلو لنا... دجا ااداموس كلو دم شايح و خمس بالحنة و معلقين عليه برشا تمائم .... الكل مركزين مالحيط متاعو لبرا و انا نخزر لداخل بالكل.. حسيتو عبارة حاجه تجبد فيا لداخل مش عارفه هذا الكل حب اطلاع؟ دجا خوافة مستحيل نعملها...
_خفت؟ (تلفت لقيتو ياسين.. ما لقيت ما نجاوب ضحكت و كهوا. نكذب كان نقول لا) كلو جهل و بعد على ربي سبحانو 😉 خرافات 👌. ( هو قال لصاحبو نبدلو اابلاصة و باش نمشي سمعت اسمي.. تلفت في بالي حد ملي معانا انا الكل سبقو قدامي... حد ماو ورايا.. 😰😰.. الصوت دجا كاينو جا مالداموس 😰😰😰... للي شوك لحمي خلطت عليهم نجري وجهي تخطف لونو زربت للي وليت نمشي بجنب ياسين... 😰😰. .. يا ريتو راو ما جابناش لنا.. بقات سيرة الي صار نهار كامل...
8
عملت برشا تجارب حلوة و ذكريات مزيانة خاصه مع ياسين الي وقفتو معايا عمري لا ننساها 😍😍😍. و للي طاح الليل.. ليلة أخرى في ها الخلاء.. بدني لنا و عقلي مع امي الله اعلم شنوا صاير بعدي... التلفون باقي عاكسني... باقية بحذاه في الخيمة نتعشو و سيرة حكايات الرعب اطير الشاهية.. فددوني 😔😔.. كملنا درنا في حلقة كبيرة و كل مرة واحد يحكي في حكاية أتعس ملي قبلها.. وصلو ليا انا باش نحكي قلتهم على الي صار ليلة البارح.. ركزو برشا و كنق بعد اطرشقو بالضحك.. يعني مستحيل يكونو فما عباد بخلافنا لنا.. حتى. أصحاب المنطقة بعاد و حد ماو مخيم لنا كان احنا.. كقلتهم شكون قال عباد.. كيفنا كيفهم.. ؟؟؟ تكبسو.. البنات لاموني على ها السيرة.. أنا ما قصدتش نفجعهم انا غلطنا في انو خيمنا قريب من بلاصة ترعب هكاك 😨..... كل ما نبعد عالعنين نحس بحد يناديلي... نرى هفوات... آخرها ريت حاجه خرجت من خيمتي متأكده... مشيت نجري قربت.. حاجه تجري 😨😨😨 صحت للي رعبتهم الكل.. و بلي حلفت قلولي تستخايل و الا اكيد حلوف و الا اي حاجه الا انو عبد؟؟؟ ياسين الواحد يصدق فيا.. هازني بالشوية نتفقد اش نقصني و لقيت ساكي مفرت... قلي ما فيشو ماكلة ؟ قتلو فيه.. ولى يقنع فيا انو حيوان دخلي اكيد... ما نجمتش نصدق.. ركبني الرعب.. حكمت عليه يقعد بحذايا.. هو يلوج عليها 😳.. كل واحد لم اصحابو و للنوم.. و انا دخلت بعضي.. ما انجمش نبقا ثانية توا بعد الي صار 😓😓.. جاب قهوة و قعد بحذايا... الخيمة ضيقة.. يضحك كيفاش مش لاقي راحتو 😂😂😂.. انا عنيا لبرا...
_ما تخافش الخيم تسمع 😉
_ ما فهمتكش ؟
_ هههه وين ندري عليك بالك تخاف مني.. هكا و الا هكا 😉
_هههه لا المرة هذي مانيش باش نظن فيك الخايب 😊😊😊 انا خايفه ملي شفتو بكري 😳😳
_ تخاف و انا معاك؟؟؟ ( قرصني من خدي.. الجملة ربثتني و خاصه مع غمزتو 😅😅😅 مقواه ما على بالو.. كنقلو ما تخافش يقلي الخوف من ربي سبحانو 😣 _ شنوا الي يخوفك؟ مستحيل يكون فما بشر ما عندوش حاجه ما تخوفوش ؟
_ حابب نقلك و خايف انت ما تحبش 😉
_هههه هاو طلع عندك حاجه تخوفك.. ☺️(قرب بجنبي شدني من يدي.. تربثت و دخلت بعضي)
_ نخاف.. نخاف نقلك عجبتني تفهمني بالغالط كالعاده 😉(تصدمت و شدني الضحك 😳) نخاف نقلك حابب نحكي معاك و نتعرفو أكثر بعد ما نروحو منا تفهمني بالغالط 😂.. و الاهم نخاف نقلك راك طيرتلي عقلي من اول ما شفتك و بقيت مطوع لخدمة العشية باش نراك خاطر حفظت وقت مرواحك على خاطرك... ما تصدقنيش 🙂(كابس على يدي عندو.. وجهي نحس في نار شعلت فيه... حشمت مت سيا 😳😳😳😳 اما فرحانة للي قلبي ينقز لداخل 😅..) نخاف تقلي لا 😂
_لا.. (تصدم) قصدي لواه لا.. (مربوثة و متلعثمة في الكلام..... الجو الكل خلى قلبي يضرب بقوة 😳😳😳😳 خزرتو دخلتني بعضي 😳بعدت يدي و خرجت لبرا. نسمع فيه فرحان.. تقول équipe متاعو مركا بنوتو 😅😅😅.. جابلي ضحكة.. كملت وحده جايه فرحانة قالت لقات ريزو.. سئلتها وين ورتني البلاصة حجرة عالية شوية قتلي اطلع فيها تلقاه 😅 حكاية خرمة لما قلت نجرب ما عندي ماني خسارة.. هزيت تلفوني و مشيت.. واقفه نجرب و سمعتو خطف.. وصلوني برشا ميساجات vocale... كلهم من دارنا 😣.. دوب وحده دخلت فيها سمعتها " باهي عيش بنتي سمعني صوتك طمني. باش نموت مالخوف عليك... كنوز.. راو قلبي مقبوض عليك.. عيش بنتي.. رد بالك على روحك.." 💔..
9
حسيت دموعي هبطتو ورى بعضهم 😭.. صوت امي الحزين الي مخلط تنهيدات و كلام موجوع..💔.. جربت طلبت.. الريزو يطيح فيسع نهز في يدي باش يطلع.. البلاصة الي واقفه عليها تزلق.. سمعت ياسين يعيطلي و قلي سايس روحك.. هاك اخر ما سمعت منو و جوه زوز لاهي يحكي معاهم.. رجعت نبربش في التلفون.. هازه يدي عالاخر للي واقفه على أطراف صوابعي.. و سيا باش يخطف لappel و حسيت كان روحي زلقت و تنطرت عبارة حد دزني 😰😰😰 جرف عالي هابطة نتزحلق في اكا الثلج.. برشا ضربات.. ترضرضت للي آخرها تضربت في شجرة.. 💔.. و ما عاد شايفه شي.. .مش عارفه قداش تعدا.. حليت عنيا بالشوية.. ظلام في كل بلاصة.. ماني نرى في شي.. بدني يوجع فيا 😭... نسمع كان في دقات قلبي.. نحس فيه باش يخرج من صدري.. حتى باش نتحرك انجمش نرجع ما انجمش 💔💔💔💔... لامه ساقيا و قاعده على بلاصتي ندعي يلقاني حد.. ندعي ما يضرني شي.. ندعي النهار فيسع يطلع 😭😭😭... حاسه بحاجه سخونه من جبيني مش منجمه نثبت.. اكيد دم 💔.. ندمت اني جيت 😭.. سامحني يا أمي انو ما سمعتش كلامك 😭.. 💔..
وينك يا ياسين😣😣😣.. ؟ نسمع في تختريش.. و نفس الأصوات متع الليله الي تعدت 😭😭... سيا ما عادش انجم نستحمل... عمال صوت دبك الساقين يقرب مني.. باش نعملها على روحي مالرعب 😣😣😣😣.. مسكرة فمي باش ما نصيحش.. باش ما نعمل حتى ردة فعل.. ريت هفوة متع جهامة صغيرة.. 😰😰😰.. حاجه قصيرة و خطواتها رزان 😰😰😰.. نسمع في همس اسمي.. ضحك.. تمتيمات... سيا ما عادش وليت نصيح بأعلى كل نجمت... حسيت بخطوات ورايا.. نزرب بلي نجمت ساقي توووجع.. مسبقة يديا ندهمشي في شجرة و نعيط.. فماش ما سمعني حد 😭😭😭.. نحس في روحي وصلت لحاجه مسكرة كالحجرة.. درت باقي ما نرى في شي.. أما نسمع في دبك حاجه جايه 😭😭😭😭😭 سيا فت مراحل الرعب... 😨😖😖.. جهرني ضو في وجهي..
10
_كنوز؟؟ اففف و اخيرا ( تصدمت.. للي قعدت لوطه.. مانيش مصدقة.. ياسين لقاني.. قرب مني و انا ترميت عندو 😭😭😭😭 نبكي و نكبس عليه..) اهدا كهوا.. قلبك باش يخرج.. اهدا عيشك.. كهوا هاني لقيتك.. قلي شنوا يوجع فيك.. وريني
_خفت.. ترعبت 😭😭😭
_ هيا نحاولو نرجعو.. البلاصة بلحق تخوف.. 😰.. هيا نمشو منا ( نمسح في دموعي... يعني هو بيدو عارف انو احنا في بلاصة ترعب 😨😨.. قرب مني يثبت في الضربات على وجهي.. قلي عندك جرح. مالفجعه ما عادش حاسه بشي.. يمسحلي و انا نتفقد في ساقي ظاهر فيها تشعرت 😓😓😓.. عاوني باش ربطتها كبستها على الأقل تنقص تسطير.. 💔.. عاوني وقفت و شي موجوعة 😣😣.. البلاصة وين قاعدين محمية شوية عالمطر الي بدات تبخنس.. قلي كان نبقو حتى يطلع النهار لنا خير.. كنت راضية بأي حاجه المهم هو بجنبي.. قعد بحذايا زاد غطاني بكبوطو بحكم تبليت كطحت فا بلحق جمدت... 💔... عنقني عندو.. بدنو سخون.. نحاول نغمض عنيا باش نهدا.. ننسى الرعب الي عشتو و الوجيعة و شي 😣😖.. وليت نبكي.. هكاك انا كتكثر عليا الحاجات نلقا كان الدموع الحل.. يمسح على شعري و خدي..
_ كان البكاء يفرهدك ميسالش.. و هاني معاك (كبس على يدي.. للي تنفست بالقوي.. باش نهدا)
_ندمت اني جيت.. 😖.. أمي مستحيل كانت تخليني نجي لو عرفت 😭
_جيت بالسرقة يعني انت 😅(حسيتو حابب يلهيني بالحديث)
_ هي لزتني.. تخاف عليا برشا تقلي ما تعرش تصرف.. 😖 و ظاهر فيها عندها الحق 😭💔
_ اشششت اهدا( عاود كبس عليا عندو) الأم ديما كلامها صحيح.. خاطرها الوحيده تعرف مصلحتك.. (جبد تصويرة مالفاست متاعو..) هذي امي.. (خذيتها باش نثبت.. حطيت الضو فيها.. تصويرتها مغمضة عنيها؟ مريضة و الا كيفاش ؟؟؟ خزرتلو باهتة) تصويرة bizarre مش هكا ؟ هاك وين نرخ و الا نطيح الوضع هاك يقومني و يقويني اني نقدم و نتعب أكثر.. أمي مريضة عندها فترة و معجزني الضعف متاعها بعد ما كانت كيف امك تتحكم فيا و صعيبة و تراني اني حتى شي بعدها هي.. أما تعرف ؟؟ كلامها صحيح.. انا حتى شي بعد امي 👌👌👌 (دورت الضو فيه دموعو هبطتو حشم مسحهم فيسع...)
_سامحني.. 💔.. و توا شنوا حوالها ؟😔
_ على هاك الحال.. 💔.. حركة لا.. كلمة لا.. كان النفس طالع هابط. 💔..
_ مريضة هي ؟ شنوا دواها؟ 😨
_ حكاية طويلة 🙂.. لا علينا.. كترجع منا اسمع كلام امك باهي.... اعدني.. . (عاودت اتكيت عليه.. الهمس متاعو و كلماتو انو كل شي باش يتعدا.. خلاوني هديت.. قريب ننسى انا وين.. دفيت.. اطمنت. مش عارفه كيفاش يخليني نطمن لها الدرجة ك أنا معاه 😍😍.... مرات نسمع دبك و الا تختريش نزيد نرزن روحي عليه 😳😳..نغمض في عنيا... دورتها نسكر في وذنيا.. باش نهبل من ها البلاصة 😰😰. غدوة ليلة راس العام...
11
طوالت الليله.. أما مشوار ما بدا النهار يطلع.. بدات تضوى. كنت غافية عندو.. حليت عنيا أكثر محلاه كابس عليا عندو و راقد.. بقيت نتبسم وحدي.. نثبت في اابلاصة حسيتها غريبة.. ؟ ما تعديناش منها قبل.. تلفت على الجنب الاخر شفت جرف... 😨.. طلعنا راقدين على حافة جرف اخرتو موت.. فيقتو بالشوية كيفي تصدم.. بعدنا بالسياسة.... مربوث.. يدور على بلاصتو مش عارف منين ثنية الرجوع.... عاوني وقفت و بخطواتي الرزان خايف نزيدو نضيعو وقت و احنا بعاد ع équipe.. ولى حملني فوق ظهرو... نلوج معاه على إمارة و شي... درنا درنا و رجعنا لنفس البلاصة.. تعبنا.. شفنا caf قعدنا فيه.. تقلب الطقس و باين يلمد في السحاب 😖.. كان الحل الوحيد يمشي يلوج على حد يعاونا نلقو الثنية و يرجعلي.. الفكرة رعبتني.. يطمني انو نهار و حتى الحيوانات ما ادورش عطاني عصا كبيرة و قلي تتحط في اي موقف حاول تهدا le max ما تعبرش بالصياح كونشي في أقسى الحالات.. يمشي خطوة و يتلفتلي... نولي نلعب فيها قوية و مش خايفه و انا ربي يعلم باش حاسه 😳😳... بعد على العنين... نهدي في روحي نقرا في القرآن.. دورتها نزن بالشوية في غناية تعجبني.. كل مرة حاجه.. بعدها سمعت برشا حس.. صوت معزة 🐐 ؟؟ فرحت.. تقويت على بدني.. برشا معيز ؟؟ باين فما حد سارح بيهم.. نكركر في ساقي بالشوية للي شفت حد هفى بديت نعيطتلو... نصيح باش تلفت. وليد صغير ؟؟؟ فرحت مش نرمال... و خاصه ك جاني.. باين يسرح بيهم.. هو قرب و انا تفجعت.. استغفر الله اما طلع راجل في جهامة قصيرة... قزم.. ..
_ سسسماحني خويا.. انا ضايعه لنا. كيفاش ثنية الرجوع 😳😳😳
_ انت من دوارنا؟ ؟
_ لا لا. جيت في رحلة...عيشك عاوني.. اممم راجلي مشا يلوج يلقاشي حد.. و انا ساقي توجع ما نجمتش نمشي معاه.. (يهز فيا و يحط... عنيه ما عجبتنيش... يتلفت على اجنابو الكل... حسيتو يتخوبث.. زفر بالقوي ترعبت..)
_ما تتوغوشيش .. عالهوش باش تيرجع
_باهي.. Okk.. قلي منين عين الداموس؟ (خزرلي باهت) احنا مخيمين قريب منو
_جايا تتزوري؟
_ نزور؟ 😨
_الداموس ؟ الليله ليلة العيطاه فما زيارة (ما فهمت شي من كلامو.. لهجتو صعيبة شوية و مع خزراتو تربثت بكلي.. هكاك و جو زوز آخرين.. نفس جهامتو.. و كيفو ضحكتهم و خزرتهم ترعب 😨😨.. قلي نوصلوك.. قلبي ما عطانيش خير.. قلت نستنى ياسين خير.. كبست على اكا العصا.. الي يقرب نضربو طول.. 😨😨.. يومولي بإديهم باش نمشي معاهم.. و انا مش حابه..)
_نستنى راجلي خير.. عيشكم 😨 بطلت. هاني لنا. ( يوشوشو لبعضهم.. و واحد فيهم يعمل في حركات بإديه متع خمج.. 😖... و لا يتهامزو و دارو بيا) راجلي راو جاي.... امشو منا... كهوا ما حاشتيش بحد يعاوني 😨😨😨😨... ابعدو... عيشكم 😢😢😢😢(شي مش سامعيني.. و الا مش فاهميني.. أما برشا خباثة و خمج.. فكولي العصا تقوو عليا للي طيحوني.. و مع ساقي توجع نزلي عليها شواني وليت نصيح بأعلى ما نجمت.. البلاصة تجاوب... باش يشدولي اديا و ناوين عليا أولاد الحرام... بلي قاومت شي.. يحلي في السروال.. و انا نتفارع معاه و نبعد و هوما الجهامة قصيرة اما قويين.. دورتها نعيط "ياااااسين..."😰😭😭
12
بلي نجمت للي ريت كان واحد فيهم تنطر من فوقي.. تضرب بعصا كبيرة 😨😨😨.. ياسين داخل فيهم ضرب. دمدمهم اصل... انا نسكر في سروالي و نرعش.. كهربو قرب مني جبدني عندو باش نهدا... و من بعد هزلي راسي.. وجهي في وجهو..
_ما عاد تأمن حد... فهمت و الا لا 😡😡 (بغش يحكي.. يتفقد فيا انو ما صارلي شي.. عاوني وقفت) ظاهر فينا بعدنا ياسر.. 😡.. حتى طريق ماو باين (متوتر و يحكي ب عصب..)
_سامحني 😭.
انا السبب في كل شي.. 💔 (ما حملش اني زدت بكيت.. مسحلي دموعي و ولى هو يطلب في السماح انو عيط عليا و انو خلاني وحدي.. يجي في يدو بعدنا بالشوية.. بقيت نحكيلو انو لو نوصلو للداموس تسلك.. خاطر فما زيارة و الا شنوا.. فا اكيد فما ناس باش تجي و يمنعونا... خزراتو عبارة مش حاب يكسر بخاطري و قاعد يسمع فيا و برا.)
_شنوا ليلة العيطاه زعما ؟ (تلفتلي باهت)
_ما تدغشش مني اما هاك الساقط قلي هكاك.. 💔
_ الليله ليلة رأس عام و اكيد فما خرافة و الا حاجه باش تصير الليله 😒
_ يعني هوما الي ريتهم اول ليلة جو للخيام؟
_ ممكن.. ظاهرين سراقين و خماج 😡.اما ينجمو يكونو هوما و الا غيرهم
_غيرهم؟؟ 😨😨
بهت انا انا هو قلي شفت حاجه بكري كان تحب نورهالك.. ماني فاهمة شي.. متخبين ورى الحجر شفت بلاصة ساكنين فيها 😨😨😨..
_دوار الداموس.. (تلفتلو مصدومة.. برشا عباد رجال و نساء فرد جهامة.. و فما صغار زاده.. ؟ ديار على طولهم و عندهم برشا معيز بصيفة غريبة... لاحظت برشا دبش متع ناس مخيمة.. ظاهرين يهزو فلي ينسوه العباد و الا يسرقوهم 😨 تذكرت كريت الي دخلي ل خيمتي 😧😧.. مش عارفه علاش ياسين مخلينا متخبين...علاش ما يكونوش ينجمو يعاونونا نوصلو للطريق ؟؟؟.. ومالي ب عنيه أنو نبعدو... طلعني فوق ظهرو و انا نتلفت ورايا و نعاود...
_فسرلي امان احنا وين؟ شنوا ها البلاصة؟ معقول موجوده في بلادنا و حد ما سامع بيها؟؟؟ ؟
_ اهدا و نقص حسك.... لازم نمشو منا... لازم نبعدو باهي و الا لا (كابس على كتافي) هاك ترى دوب شافوك ما لوجو كان في (سكت عالكلمة اما انا فهمتو 😔😔😔..) يخوفو انا هكا لاحظت.. مادام داخلين على 2020 و ناس عايشه في جبل في مغاغر و بانين بالقش في ها البرد و ماخذين من بعضهم للي عملو سلالة جديده؟؟ و يزورو في داموس اكيد ماهمش نرمال 😡...ما انجمش نأمنهم و انت معايا... يا ربي مله عمله.... 😰(مربوث و ماكلو الندم أكثر مني؟)
_اما 😨هاي البلاصة الناس تخيم فيها و حد ما شكى منهم و لا حكى عليهم؟ اكيد ما ضرو حد؟
_ اكيد ما راهم حد... و اكيد ما يحبو حد يراهم 👌.. (زاد رعبني.. انا خلقي عالاخر.. مش حابه نقلو ايه شنوا اخرتها و شنوا الحل 😔😔😔
13
نطمن في روحي الي اكيد يلوجو علينا و خاصه انو ياسين الي يسوق في الكار و اكيد صاحبو راو فقدو و قالب عليه الدنيا.. اكيد رام طلبو الحماية الحرس.. أي حد المهم يلقونا.. 😖... لازم نهدا... كل ما نبرد يقعد بحذايا يحاول يهديني... يدفيلي في أديا و اليد هاك المجروحة عبارة تستفز فيه.. عبارة توا تجرحت يقربها منو لصدرو..
_اللطف عليك.. (يلعب على وجهي)
_الحكاية عندها سنين 😅..عادي...
_ قلي علاش جيت؟ علاش؟ (بهت مالسؤال 😂...)
_ قتلك قبل هاربة.. 😳
_كهوا ؟؟؟ (حابه نقلو اني حبيت نزيد نقابلك زاده.. حبيت نصنع معاك فرصة و حشمت.. هو حابب على علاقة معايا بعد ما نروحو منا.. قلت تو وقتها نحكيلو.. الوضع توا ما يشجع على شي... النهار تعدا و احنا نلوجو و شي 😔 للي أيست.. ظلامت الدنيا.. كلانا التعب الجوع.. البرد.... مش عارفين وين نمشو 😢😢.. آخرها درنا و رجعنا لنفس البلاصة..... ولتلي سخانة من ساقي باينه فيها تكسرت 😖😖😖... وليت نرد و متقلقة... باش يهبل ياسين من كثر ما حار معايا.... في الهدوء هاك.. ترعبت كسمعت من بعيد صوت غناهم و حسهم.. جبدني بجنبو خاطر حسني خايفه.. ☹️☹️.... هكاك نعسو من بعيد و سمعنا حس ورانا تلفتنا مفجوعين 😰😰.. طلع واحد منهم اما ظاهر صغير في العمر.. يعني هو قصير كيفهم اما صغير و بالعكس قلنا ما تخافوش و يسئل في ياسين شكونا و وين ماشين... يخزرلي مرعوبة من انو نأمنوه..😨 اما انا في حالة.. و هو لاحظتي... هازني ياسين في حملتو... . ما لقا حتى حل الا يتبعو خاصه انو قلنا تو نبعثها لشكون تعاونها ... قلنا تبعوني.. دخلنا للدوار متاعهم هوما حسيتهم خافو... يبعدو في صغارهم علينا.. قلهم انو احنا ضيفانو خاصه انو انا بالسيف ما نجمت ناقف كهبطني.. . قلي القزم هاك نهزك ل شيختنا تفهم في الدواء الرعواني .. ماني فاهمة شي مكبشة في ياسين إلي مطمنه معاه 😰😰... قابلناها سئلتنا اذا جاين للزيارة... قلنا لا .. جينا رحلة و ضعنا.. ياسين يسئل على الطريق منين و كان ينجمو يوصلونا... و العزوزة تخوف ب عين وحده و هيئتها و صوتها يخوف فلي قعدت و هي ترمي في البخور.... مركزه معايا.. انا نمسح في وجهي بحكم مشعلين نار سخنت.. و زيد ريحة الدخان قوية... شافت يدي.. قتلي ورهالي... خفت.. لميتها عندي.... سمتني بإسمي و اسم امي.. للي وقفت مالرعبة.. ياسين بيدو تفجع.... قتلي ساقك مكسورة اجا نحبرهالك
..خفت.. ما نجمتش ناثق فيها 😰... كحستني هكاك.. قتلي انت بنية باهية صافية القلب و ما تهونش قربان..؟؟؟؟؟؟ برا اهرب روح.. امشي لبعيد منا... دخلتني بعضي قتلي يلوجو عليك و الاسياد باش يوصلوك ليهم
.. هي تحكي هكاك و النار قوات...للي صحت.. ياسين بغش يبعد فيا... تقلي اهرب فيسع... تسمع فيا....
14
_يا ليتنا لا جينا لنا.. 😰😰😰. سمعتها اش قتلي ؟؟؟؟ فاش تقصد رعبتني؟؟؟ شنوا القربان 😭(وليت نبكي... حسيت بخنقة.. فاتني بخطوة.. رجعلي جبدني عندو )
_لواه تبكي توا ؟؟؟ 😡😡 خلينا نهربو خير..
_مالخوف نبكي.. 💔💔💔.. مرعوبة عالاخر 😰
_ما يفيد بشي.. لازم نهربك منا.. ما لازمش يفيقو بيك.. ما لازمش يلقوك (يجبد فيا للي شواني.. حبستو.. ماني فاهمه شي.. في شكون يقصد؟؟؟؟.... يمشي و يتلفت.. الضو متاعو خافت.. بالسيف ما نرى للي وليت نطايح.. يحبس يعمل طلة و يشد راسو.. يقلي بلش نهبل رجعنا لنفس اابلاصة... 😡😡.. اتا بيدي هكاك حاسة.
تقول حاجه تتحكم فينا 😬😬😬 هكاك و شفنا من بعيد نار فرحت انا قلت يا مزالو يلوجو علينا يا جماعة آخرين مخيمين.. نزرب فيه و هو برد اكيد كلاه اليأس.... مش عارفه وصلت تصدمت.. تخلطت عندي المشاعر... وصلنا اخيرا للداموس.. نفس اابلاصة الي جيناها اول نهار.. 😳.. ضاوية من كثر ما فما نار يشعل... لاحظت فما برشا من هاك الدوار يشعلو و ينظمو في الدنيا.. و ريت عباد آخرين.. كيفنا كيفهم 😍😍... للي شهقت مالفرحه.. واقفين عبارة يستنو في حد.. يلوجو ب عنيهم.. تلفت ل ياسين فرحانة..
_الحمد لله فرجت 😄😄(عنقتو كاابهلولة..) فما شكون غادي برا كلمهم كان تحب تو نستناك لنا اسئلهم على الطريق و الا هيا نشدو الثنية نرجعو للمخيم.. مزلت نثبت عليه منا..😳 (انا نحكي و هو واقف حركة لا.. للي خوفني؟؟؟.. زعما فكرتي عالحيط؟.) شبيك ياسين ؟؟؟(تلفت وراه لقيت زوز من اكا الأقزام واقفين ب عصي...؟ ؟؟ 😱😱.. يعني فاقو بينا؟ و الا سلكناها ؟مش فاهمة... زفرو... تفجعت قربت منو.. كابسة على زندو..) شنوا نعملو توا 😔😔 خايفه (خزرلي و كالعاده تبسيمة خفيفه.. هكاك و طلعو الزوز رجال الي كانو وين الداموس... قلبي يضرب في 1000) خويا تعاونا.. ضايعين رانا..
_هههه بالطبيعة.. عاونا انت و من بعد تو نعاونكم انا 😉(ما فهمتش كلامو... كبست على ياسين الي سكت فرد سكتة 😨) أيا تتفضل معانا.. كنوز؟( تصدمت... 😰 منين يعرف اسمي؟؟؟.. قرب مني واحد فيهم باش يشدني من يدي نطرتها)
_تكلم ياسين.. شبيه هذا ؟منين يعرفني 😱😱😱
_ تكلم ياسين شبيك ساكت؟ ههههه
15
أيا برافو عليك.. الأمانة وصلت 😉 ما عادش بكري (شدوني الزوز بعدوني عليه و انا كبشت فيه.... نبكي و نصيح)
_أمانة شنوا؟؟؟ ؟ شبيهم هاذم ؟ياسين؟؟؟؟ أمانك 😭😭.. راني وثقت فيك 😭(وقتها خزرلي في عنيا طول... خزرات كسروني من داخل.. 💔.. يدخلو فيا لكا الداموس و انا مرعووووبة بلي قاومت و شي... ساقي توجع نسيتها.. نطيح في القاع نرزن في روحي و شي.. يكركرو فيا.. نتلفت داخل وراهم ساكت... اابلاصة توحش... ترعب اصل... كثر الهمس... لحمي مقشعر... لداخل عاملين حجرة كبيرة.. حطوني فوقها و ربطوني و انا نصيح باش يسيبوني.. حاولت و شي.. قلولو كمل عس عليها نحررو الوقت و نجو.... 😭😭😭😭😭.. ما نجمتش نحبس بكاء.. ريتو قاعد عالوطا راسو في القاع...
_غدااار 😭😭😭😭.. حرام عليك 😢😢😢😢😢
_ما تخافش.. الحكاية فيسع بلش توفا و تروح 😑
_ سكر فمك.. مش حابه نسمع منك شي..
_ حاولت نهربك.. ندمت و جربت و شي.. هو يلقوك مهما تخبيت
_هوما شكون 😭😭😭 وين جبتني و علاش انا 😟😟 اش عمتلك انا 😓😓😓
_ قتلك حبيت نهربك و شي.. (وقف باش يخرج وليت نصيح عليه باش يسيبني.. نحاول فيه و نترجى.. للي جبدت على امو... بعزها و دلالها و محبتها يسيبني.. قرب مني..) اهدا.. قتلك فيسع و نروح بيك..
_يلقوك.. و الله لا يرحموك.. 😭
_ ما بقا حد لنا.. الكل روحو.. (هو يحكي و انا مصدومة 😱😱😱 يعني هو خطط لكل شي؟ معرفتي؟ جيتي؟ اني ضعت؟ كل شي؟ ؟؟؟؟؟ علاش ؟؟ كنصيح عليه يقلي علاش؟ شدلي يدي.. قلي كلو منها... قلي جرح صغير منك تتحل برشا مشاكل... قلي هاكم ناوين عالفلوس انا لا حابب صحة امي ترجع و كهوا.. يبوس فيا من جبيني و انا نبعد في راسي.. للي دمع.. أنو هو نادم و كره روحو انو وصل و عمل حاجه هكا اما مضطر.. قلي لحظة طلبو مني ها الحكاية و رفضت هددوني بلي نجمو اخرتها امي طاحت حركة لا بين ليلة و نهار.. قلولي ترتاح كان ما تسمع كلامنا.. يمسح في دموعو انو مسير مش مخير... 😓.. قلي شفت سرقتلي قلبي و عقلي هابل من قربك و هابل من فكرة خسارتك و بعدك.. يصيح انو أتعس انسان وقت هو بين نارين... صحة امو.. و بين انسانة حبها من اول ما شافها... يحلف أنو حاول يحميني حاول يرفض حاول يقوي قلبو و شي.. يهدي فيا أنو قطرات دم و بعدها كل شي يوفا... خرج يجري.. بقيت وحدي.. البلاصة ترعب.. حاسه بوحش غير عادي... خاصه كدخل راجل منهم.. يدور بيا... قلي مرفوع عليك الحجاب.. و برجك يوري و يسمع... و عنيك جذابة؟؟ قلي قادرة تجذب اي ذخيرة.. تحل اي كنوز.. الكلمة رعبتني.. ذكرتني في خرافات الصغر و نصائح الكبار و العزامة لأمي و فازة اني تخطفت قبل 😓😓😓😓... حلي يدي يثبت و يعاود... قلي ميزانك مليان نفرغوه و ترجع تكمل حياتك عادي.. ما تخافش... حب يحط يدو على خدي تنطر ياسين شدها بعدها.. نgحرلو الغدار قلولو اخرج و خلينا وحدنا.. بقيت نخزرلو 💔💔💔💔 فيا حاجه في داخلي مش حابه يبعد عليا 😪😪😪يهبلوني كيقولو ما تخافش 😭😭😭😭😭..الكل يقولولي فيها 😭. مش عارفه شنوا نعمل... يدورو بيا يعزمو و كلام موحش... برشا جهل و كفر بربي... و انا في داخلي نقرا في القرآن.. ما حبستش للي ولو يصيحو عليا نسكت... يعني سمعو الهمس متاعي 😨😨😨...رغم ظلام نرى في برشا عنين دايرين بيا.... مستحيل نكونو اربعه بركا.... فما حاجات أخرى حاضرة معانا 😰😰😰... قدامي... ورايا.. فوقي.. بجنبي... نحس بهمسهم..
16
أما شي.. واحد منهم عطاني كف باش سكت.. عاود دخل ياسين يجري ترمى في خناقو انو اخر مرة يعاودها.... 😖.... عنيه يطلبو في السماح... و انا نبعد في وجهي عليه 💔 .. عاودو خرجوه بالسيف... نسمع كان في صوتو انو نادم و يطلب في السماح.. مخليني على اكا الحال ل قريب يدخل العام الجديد.. هكاك قالت خرافتهم.. واحد شدلي راسي و الاخر يدي... قلبي باش يطلع من بلاصتو... همس اسمي باش يهبلني 😭😭😭😭... قلت خلي يوفا ها الكابوس و كهوا... نرعش بكلي.... حسيت كان بحاجه ماضية في يدي... وجييييييعة.. و سخانة دمي يشرشر.... يضحكو و فرحانين.... دورو لليد الأخرى.... 💔💔💔💔... غطو وجهي ما ريت شي اما نسمع فيهم يكلمو في حد.. يطلبو منو في حاجات غريبة.... برشا كلام و طلاسم.... ما عاد حاسة ب شي.. حسيت روحي رزنت... قلت قتلوني سيا ✋💔..... شوية اخر بعد الدوخة فقت على صوتو بالسرقة دخل يتفقد فيا لاباس و الا لا... عنيا رزان نخزر لإديا ملفوفين في شوالق... مش حابه نجاوبو و لا نحكي معاه.. نلفت في وجهي عليه... اديا نحس بنار فيهم .. تعب و فشلة...... مشعل..شمع بجنبي يعرفني نخاف الظلمة و مشا قعد مقابلني.. حابه نتحرك ما نجمتش رزينة بكلي و خاصه ساقي... حسني متقلقة عاود جا بحذايا..
_ قلي شنوا تستحق ؟متقلقة برشا ؟؟
للي ضحكت.. مله سؤال.. حسسني انو انا مش مكتفة في داموس معبي بالجنون و مدمدمة بكلي و دمي يبقبق من كل بلاصة 😞😞.. 💔.. خسارتو و كهوا.. توقعت منو راجل خير من هكا... لاعب فيها متحير و يوعد فيا انو يحميني.. نادم و كاره اللحظة الي وافق فيها انو يكون سبب في اني نتضر و لو شوية... برشا كلام.. ما عادش يجد عليا... 👌...
17
الوقت مرزنو.. كل ثانية تتعدا دهر.. كل ما يدخل حد نترعب خاصة الي لاعبين فيها هوما لاهين بالداموس يخوفو كيفاش يتهامزو.. 😞😞... خزراتهم و كلامهم... نطمن في روحي بوجود ياسين رغم طلع خايب و غدار كيفهم اما باقي عاقده فيه النوارة انو مش ساقط.... مش مخلي حد يتفرد بيا خاصه اني كنت مربوطة في position نموت ألف موته معاها 💔...
_ سيبني.. خليني نسامحك لإنك تسيبني😢 (جاني يجري.. ما صدق لربي كلمتو)
_صدقني امنيتي انجم.. 😞.. و الله نادم و الله تاعب في راسي انا توا.. (مقابلني يحلف و مش عارفه علاش مصدقاتو باين عليه صدق كلامو)
_باهي نحب نعمل توالات.. 😞 كلاوية ما عادش يتحملو 😞 (سكت شوية.. خرج فيسع و عاود رجعلي..يحل فيا.. فرحت.. و اخيرا.. دوب قعدت حسيت بدوخه خفيفه..)
_ ما تخافش هاك خاطرك نزفت (gحرتلو... هو توا لاعب فيها طبيب عليا 😏.. كيف كيف كهبط نحس في الدنيا ادور بيا.. بالسيف ما واقفه.. حابسة في بلاصتي و هو كابس على يدي.. بلي حبيت نبعدها مش مخليني..) ما تعاندش عيشك.. كان نسيبك تو اطيح😏
_ سيبتني قبل و طحت 😡 عادي والفت بغدرت يدك 👌
_ علاش أمنتني.. علاش صدقتني؟؟ (سؤال ما جاش في وقتو... انا بيدي مش عارفه اجابتو.. 💔.. قلبي حاسس بحاجه.. و عقلي بحاجه أخرى..)
_ بهلولة 👌😡(بوزت للي هو بيدو دغشش عاوني بعدت في كوان و قلي تصرف لهنا لبرا ما انجمش نخرجك) بربي كيفاش باش نهرب و انا بها الحال؟؟؟؟ دايخه و نازفة و ساقي ناقصها كان جبيرة 😡😡😡😡 مناش خايف؟
(انا عيطت عليه ولى وقف مقابلني منرفز)
_ انا خايف عليك 👌😡 مستحيل يخلوك حتى تخمم تهرب يقتلوك عادي 😏 و زيد كيفاش باش تريقل امورك و اكا..... 🔞 في كل بلاصة يروك (نسى روحو فلط.. في بالو باش نتقلق تلفتلي يطلب في السماح.. كقتلو عادي ما نستغرب منك شي زاد هبل عليا 😔.. اني باقي فاهماتو بالغالط... و لا يهبلني في راسي كيلعب فيها حزار و شعراوي 😡.. نحى كبوطو و غطا عليا حتاش تصرفت.. بلحق ما عادش هامني شي.. نرى فيه واقف و حال اديه مالجيهة الي دخل للبلاصة هاك.. من غير و لا تلفيتاه.. ما انجمش ننكر انو متربي و يقدر 😔.. كملت و دوب هزيت السليب و السروال لا نجمت.. حسيت بدوخه و خواطري للي دارو..
_ما نجمتش 😓.. متقلقه.. 💔
_نتلفت ميسالش ؟؟" نجيك ؟ ( بديت نقرب بالشوية تلفتلي و انا على هاك الحال قرب مني وجهو في وجهي.. و يديه لوطه سكرلي... حابه نزيد نثبت فيه و انا بالقرب هذا.. و سمعت كالزفيف... للي زدت خفت.. اول مرة نحس هكا... هو اكيد من قلة النوم و زيد طايحلي الدم و جيعانة... ما عادش منجمه ناقف تكيت راسي على صدرو... دقات قلبو مش عادين.. انا كمشروع طبيبة أصدق لوغة نتعلموها و نصدقوها هي لوغة ها القلب.. عمرها ما تكذب..💔
18
كمل حسيت بحنانة اديه... مطاوعاتو.. تعنيقة قواتني.. رجعني لبلاصة العاده بلي حاولتو مكسور الخاطر يقلي غصب عليا.. عاود ربطني اما بأقل وجيعة.. يصبر فيا انو اش مزال و يوفا كل شي 💔 الكلام هذا عندي برشاا ملي سمعتو... البلاصة ظلمة لا تفيق بالليل طاح و لا بالنهار طلع... مش عارفه قداش تعدا وقت.. الي عارافتو انها اخمج بلاصة شفتها في حياتي.... نحل عنيا مليح رغم ظلام اما نرى في هفوات... للي نغمضهم خايفه... في شكون نشوف مش عارفه 😖... كيكثر الحس لبرا و باين ناس قاعده تجي يدخلو يسكرولي فمي.. 💔.. بلي نحاول نصيح شي... كل ما نتعب و تجيني دوخه نحس كان بيه بجنبي يبلي في وجهي يفيق فيا.. رافضة ناكل.. مستحيل نحط في فمي الخمج متاعهم 😞....كان الماء.. وين فمي يشيح للي ريقي يييبس يقرب مني ياسين يشربني... 😪
_وقتاش اول مرة ريتني 💔😖 (حابه انسي روحي بالحديث معاه.. قرب بجنبي
يثبت في وجهي..)
_ لواه تحب تعرف؟
_مش من حقي؟ وقتاش كنت بوهالية نرى في خزراتك على أنهم إعجاب 💔
_ما شفتنيش وقتها انت.. (عنيا في عنيه كهو يحكي) انت وقتها ستاجار مشروع طبيبة و انا شوفار كار مش طايق خدمتي.. 💔.. كلك كتب تطلع تبقا تقرا فيهم... للي تهبط و انت غاطسة فيهم.. مرة أخرى في السبيطار هزيت امي للطبيب بعد ما طاحتلي فرد طيحاه.. رقدت و فاقت حركه لا 💔.. الطبيب قلي جلطة عصبية.. فقدتها اعصابها الكل.. تسمع و تفهم و ترى اما ما تنجم تعبر بشي.. 💔😔... خارج مدمر من عندو.. انا في الدنيا هذي نكساب كان ام بركا 💔.. و عاودت ريتك... تبسمتك و خزرتك فيها سحر.. حسيت خزرت لكل شي كان انا 😅.. عادي.. و من بعد شفتك كوكلوني بالمهمه الي يومها مت ألف موتاه كطلعت انت 💔💔💔💔(مصدومة في كلامو.. عنيه تملات دموع... ما لقيت ما نحكي) ايه و انت؟ وقتاش اول مرة ريتني؟
19
سؤال غريب.. الجو بينا تقلب جد.. تقلب لحظات دقات قلب مسموعين..؟ لا هذا ناوي يحرك شوية المشاعر الي بينا.. طريقة مستفزة مع خزرة عنيه..)
_ يوم سرقتني (بهت..)
_اما انا ما سرقتكش؟ 😏انت ظنيت فيا هكاك
_ ههه تحكي بجدك توا ؟ شو أنا وين توا؟ بلحق ماشي في بالك انك ما سرقتش؟ (تصدم.. حسيت روحي لزيتلو) انت سرقتلي عقلي ليلتها.. سرقتني بفكرة اني ممكن نراك مرة أخرى 😖 على هاك تبعتك.. 💔.. خطتك نجحت 😥.. خاصه انك سرقتلي قلبي و خليتني ناثق فيك و.. (رزنت الكلمة) نحبك 💔💔💔😖.. (فمو تحل على كبرو.. حسيتو فرح.. هو في بالو بينا مجرد إعجاب.. أما بلي قلتو توا ممكن خلاه يراجع برشا حسابات.. شدلي يدي..)
_صدقني كنوز انا حطتني ما نجحتش.. لخطة عجبتني.. و حبيتك زاده.. فشل كل شي.. كل نموت مع كل ثانية تقربني للحظة هذي.. تمنيتك راك ما جيتش...💔..
_اما انا جيت.. 😢.. باهي قلي شنوا ناوين يعملو؟ يقتلوني؟
_مستحيل😡😡😡.. ما دامني معاك ما يضرك شي..
_اما ضروني 😭(لمحت لحالتي.. يخزر و يبعد عنيه.. اديه على راسو... يدور في بلاصتو.... مش عارفه فاش يخمم... أما ندعي لربي يكون لمصلحتي...💔.. .هو خرج و انا نستنى.. ندعي لربي يرجع بحل.... أما رجع وجهو مدمدم في يدو ضو مش حاملاتو.. نقلو بعد طفي.. مش حابه نرى حالتي و لا انا وين.. الظلام ساعات رحمة 💔💔💔.. أما مشوار و تقلب الوضع قلق فوق درجة التحمل متاعي... نحس ببدني عمال يضعف و يخوني أكثر حاولتو يسيبني شوية.. تررد و من بعد حلالي الحبل و هلطني بجنبو يكبس على جرح يدي في نيتو يكف الدم اما شواني أنيت 💔
_سامحني.. سامحني كنوز على كل وجيعة سببتهالك.. ابداهم بالغدرة هذي.. و الجروح.. للي توصل لجرح القلب 💔..
_زعما نمنع؟؟ (السؤال كبسو.. قربني منو..)
_كان منعنا نمنعو الزوز.. و كان (ما خلتوش يكمل.. قصيت عليه 😰😰..)
_لازم نمنعو.. ما نحبش نموت توا 😓 و لنا 💔💔.. (يحب ينسيني بأي طريقة انو مش كل شي نتمناه يصير 💔💔💔... مش حابه.. كثر الحس لبرا عبارة صوت بندير...)
_فما زيارة..
_ عارفه اما اخرتها شنوا ؟؟؟امانك قلي انت 💔 نحب نسمعها منك.. انا قربان لشنوا؟؟ ل شكون ؟
_اشششت ما تذكرش الكلام هذا (بعدتلو يدو و بديت نسب و نقول جهل و تخلف.. هكاك و حسيت بكبس في لحمي.... ما نجمتش نتحرك.. للي تفجع.. يقلي شبيك ؟و انا صمامة... حاسه بمس في بدني.. همس.. غمضت عنيا خاطر كثرت الخيالات... 💔 هكاك و دخلو يجرو رجال الداموس رجعو ربطوني و 💔💔💔 و دارو بيا و كالعاده يعزمو.... بعدوه بالسيف.... في وسط سكوتي كان عنيا نعبر بيهم... عاودو جرحوني للي صحت بقوة.. 😓😓😓. خرج صوتي مجرح قلولي باش يتنحا عليك الحجاب و ااي باش تراه تقلنا عليه.... الاسياد يوروك بلاصة الكنز...
بلي حاولو يحلو عنيا ما حبيتش للي كثرت مالعياط 😭. دخل يجري يعارك و هوا يسكتو فيه دزهم و قرب ملي بعدو الكلب الي طلع هو الي وكلو يجيبني 😡... و يمس فيا بالموس في بدني الكل كنت نموت مع ها الاحساس... يبعد فيه ياسين بنطرة.. أنو كذب عليه و مش هكا مفاهمتهم.. و على اساس نقطة صغيرة منها.. لواه العذاب 💔. و ترمالو في خناقو.. و ولات عركة بينهم..
_غضاتك برشا يعني انت توا 😡 شكون جابها لنا شكون 😡😡(يصيح عليه)
_ كلب 🔞🔞🔞 غدار كذبت عليا.. لو علمي هكا ما نغرش بيها 😡😡😡
_اما انت جبتها.. غريت بيها.. سيا توا لازك تتحمل (كلامو يزيد يشعل ناري... كمل قدام عنيه يجرح في صوابعي.. و انا نتوجع بالقوي... رعبني كقلو ما استحملتش جرح صغير هكا؟ إماله كيفاش كيجي الوقت متع حلان الكنز و الأسياد يطلبو منا نذبحوها.... خزرتلو طول..... وليت نبكي و نصيح بأعلى كل نجمت هو بيدو دخل بعضو... عبارة ما كانش في بالو.. يدز فلي شادينو للي قرب مالراس المدبرة. للي دافع على روحو ضربو بالسكينة.... 😓😓😓😓😱... نرى فيه طاح عالقاع.. حركة لا... حسيت روحي تقول كابوس.. نستنى في روحي نفيق.. و لا ردة فعل.. اصلا مخي ما عادش يطيق اتعس من هكا...
هوما خرجوه.. بحجة يرموه في اي بلاصة 😖😖😖و انا نعيط عليه يفيق.. بكيت... حاولت.. مش حابه يخليها بيا توا... محضرة يدي ... نستنى في شدتو الي تقويني... باقي هو الأمل متاعي 💔💔💔..
20
ما عادش ندعي في ربي نسلكها قد ما دعيت ربي يفيق 😢.. في وسط اكا اليأس الي جاني حسيت بلي استنيتو... بالشوية داخل.. في وسط ها الظلام وليت نعقلو من ريحتو... قرب مني .. يتلفت وراه يطلعش حد فايق بيه.. باسني من جبيني.. للي نبكي و هو يسكت فيا و يقلي اهدا.. الوقت مش لصالحنا... قرب موعد القربان💔💔💔.... حلي رباطي و وقفني مقابلتو... هو مدمدم باين طايح.. و عندو جرح في كرشو.. حابه نتفقدو اما انا بيدي حالتي تصعب عالكافر... قربت راسي من صدرو.. حاسه بدوخه... مستحيل انجم نمشي.. و الا نهرب.. حاستها اخر الحكاية لنا... عاجزة... نوشولو اني ما نجمش.. يقلي لا تنجم... مستحلية القرب منو.. و لو باش تكون اخر لحظة ليا.. ميسالش المهم انا معاه... حسيت برزن كبير..للي ما عادش انجم ناقف على ساقيا.. يحاول فيا باش نقوي روحي و شي ✋✋✋😖
فقت بعد الدوخه.. كان بروحي في حملة حد... النسمة تضرب فيا من كل بلاصة.... عنيا رزان... يطيح بيا و يعاود يقوم... اخرتها في بلاصة لام عليا عندو... ريحتو رغم غدرتو مزلت اطمني.... تحرك فيا كل احساس... بقيت ساكتة... نزفت برشا للي وليت دايخه... مش عارفه قداش بقا بيا يمشي و يحبس اما اخرتها حسيت روحي عالطريق؟؟ باردة.. و ضو النهار بدا يطلع....مش حامله نحل عنيا بعد بقيت برشا في الظلام.... اصلا ضببت عنيا 💔💔💔💔💔 ريتو جاي يجري... نازل على جرحو.... تصويرتو مضببة... . قرب مني. هزلي راسي..
_سامحني... سامحني على كل شي.. و الله حبيتك.. و الدليل اني بجلتك على صحة امي.. ما عنديش زهر...يوم حبيت حبيتك انت.. استحفظ على روحك.. (باسني من بحذا فمي بقوة و تنطر يجري رجع وين الغابة...بلي مديت يدي باش نشدو.. بلي حبيت نقلو لا اقعد.. بلي حبيت نزيد نراه.. نسمعو... شي.... 💔ماني فاهمة شي.. تعدت كرهبة.. الظاهر شافها جاية... راني الي يسوق حبسلي... تصدم لحالتي طلعني.. ثنية كاملة يسئل فيا شبيني و شنوا صارلي و انا ساكتة.... ماني مستوعبة شي.. هزني للسبيطار.. طبة و شرطة... برشا عباد دايرين بيا.. و انا باقي ساكتة.. دارنا كلموهم.. أمي تعنق فيا و تدعي في ربي اني بخير. خاصة انو كشافت اديا فهمت كل شي.... انا ما فهمتش و مانيش باش نفهم... ما عطيت حتى معلومة.. الطبيب نصح امي تهزني لطبيب أعصاب..نرقد بالدواء.. الليل يطيح و انا نهبل بالصياح و الرعب... كرهت الليل و النوم.. و كل شي.. الذكريات خانقيني.. قلبي متعبني... فما احساس في داخلي قاتلني... أمي زادت استعمرتني أكثر.. لا دخول و لا خروج .. حتى قرايتي سلمت فيها... بلحق أتعس فترة عشتها.. حابين يخرجوني مهبولة و حبيت ننتحر 💔💔💔😓..؟ علاش قادر انسان يعذب روحو هكاك؟ بإرادتو 😔
نظرة الناس خنقتني و افلامهم و حديثهم الي ألفوه وحدهم قتلني عرق ورى عرق... انا عارفه كيفاش نبرى.. عارفه و فاهمه انو هو قادر يسكت ها الحس الي في راسي... احساس الندم.. 💔
...
21
عاودت خرجت بالسرقة من امي و رجعت لأول نقطة ريتو فيها.. استنيت.. 💔.. كنت متأكده اني باش نعاود نراه...نتبع في احساسي.. الي ندمر كل ما تجيني فكرة انو صارتلو حاجه 💔... استنيت مرة و ثنين و ثلاث.. ما جاش.. مع كل كار تتعدا كنت نتمنى نزيد نراه....
الحادثة الي صارتلي من هول الصدمة و الدوايات نسيت تفاصيلها حتى للشرطة ما عرفتش نوصل فكرتي.. قريب يقدو اني مهبولة... شكون يصدق اني ضعت و شدوني ناس حبو يحلو بيا كنز في داموس غارق يرعب عديت فيه ليالي مربوطة 💔💔💔... هاك اقوالي.. ما ذكرتوش جمله في البحث... و لحتى حد.. 😞كان هو سري انا.. سري الي راضية بكل الي جمعني بيه... ألف حكاية وحدي و بقيت ديما نذكر في روحي بيها للي اقتنعت.. ياسين حبينا بعضنا و هو حاول ينقذني بلي نجم... 👌..
تعدت عالحادثة شهر بالضبط... تعبت برشا باش نجمت نقبل فكرة اني مزلت عايشة.. اديا تعبوني في قرايتي.. حابسة على كل شي.. 💔.. كان على فكرة اني نلقاه... اخر مرة طلعت في الكار تعمدت ننسى كتابي... على أمل نراه.. حاسة بروحو باقي تحمي فيا.. مشيت للإدارة و قلولي لقيناه فرحت.. ركحت روحي بإحساس انو هو لقاه.. و شي.. 💔.. نتقهر كما عنديش القدرة و الجرأة اني نسئل عليه... نسمع في واحد فيهم يحكي على ميتاه... لحمي شوك.. قال شكون ماشي.. قربت نتبهنس باش نسمع.. سمعت الأدراس... و وين باش يتدفن الي مات.. برشا متأسفين... و يحكو على سيرة سبيطار..و غادي صار الوفاة ؟... عندي مخلفات الحادثة الي تعديت بيها خلات زفيف يجيني يصعب عليا نسمع مليح... المهم عارفه وين لازمني نمشي... بلا عقل... دوب هبطت مالتاكسي.. الدار عالكياس.. أجواء ميتاه... قرآن.. دار عزاء.. قلبي قريب يخرج من بلاصتو... واقفه مترددة.. فكرة انها جنازتو خايفه تقتل فيا شوية الأمل الي بقالي انو الي جاي خير... هكاك و كثر الصياح في وسط الدار... 💔.. اكيد وقت خروج الجنازة... شفت التابوت محملينو 😢😢😢... رعشة ساقيا.. خاصة اني بالجبيرة.. ما عادش انجم..
22
و في لحظة شفتو..... 😍😍😍... تخلطت عليا المشاعر.... فرحانة... حزينة.. مصدومة... هازز نعش و متأثر.. على دورة راسو شافني... كيف كيف جمد في بلاصتو... الجنازة باقي ماشية... العباد باهته فيه... حشمت.. تربثت حاولت نزرب نبعد عالعنين.. وقفت كان كسمعت اسمي.. "كنوز.. استنى" تجمدت اصلا.. ريتو قرب مني يدو مجبرة و باين يتحرك موجوع.. طول عنقني... كابس عليا عندو و يبكي... طلعت امو إلي ماتت.. ضاع الكلام... 💔... بعدها رجع يثبت فيا.. يدور فيا و يشوف
. مش مصدق اني منعت.. اني بخير.. 😳.. قلي خفت نكون خسرتك و خسرت امي.. شكون يبقالي وقتها... الحضن متاعو غريب.. فيه سحر يخليني نفرح و ننسى كل حزن.. كل تعب.. كل غش... ياسين خاطر ما شكيتش بيه ظن اني ما منعتش.. ما عرفش كيفاش يوصلي.. يطمن عليا.. كيفي لوج و استناني.. و ثنيتنا ما حبتش توصلنا لبعضنا كيما عملت قبل.. مانيش مهبولة باش نقبل نكون في علاقة مع انسان كانت بدايتنا مرة و كلها غدرة هكاك... 😳... أما فضلنا نبقو على معرفة ببعضنا.. صداقة رغم كل شي هو السبب في اني عايشة... في اني نبات بين أحضان امي الي ملاحظة قداش تبدلت.. قويت.. ممكن خاطر عشت أتعس الحالات الي مستحيل نعيش ما أتعس منها...✋... . عندي مخلفات مالحادثة اديا عبارة مشوهين اي حد يراهم ينفر مني عبارة مريضة نفسية 💔... مستحيل نرقد وحدي 😔 ما نحبش الظلام
.. 💔.. نكره الدم رغم باش نراه برشا في خدمتي... خايفه ملي جاي
و ممكن على هاك مستحقة حد عاش معايا غصرة هكاك و يفهم طبعي الجديد... هاك اهم سبب اني نزلت معاه.... هو سري الي عمري لا حكيت عليه لحد🤗.. . بقا ياسين مقابلاتنا بأوقات مضبوطة.. نطلع الصباح نراه... و العشية ما يطمن الا ما يوصلني....♥️ يعرف جديد يومي الكل.. باش نحس.. شنوا شفت.. مناش تقلقت.. حاجات خلاتو أقرب انسان ليا ولى 😊 ديما نحسو حابب يصلح الي تكسر بينا.. انا كيفو حابه.. أما نخلو كل شي للوقت خير... مش بالساهل تبني الثيقة الي تكسرت بينا.... 👌.. أما تبقا تجربة تستحق ما تتنساش..🤗
.... نستنى فيه يجي على اساس نتقابلو اليوم.. ريتو جاي مع صاحبو.. ركحت شعري و حوايجي.. تبسيمتو مزلت اطيرني للسماء.. هو كيفي يقلي خزرة عنيك حبستني بيهم 😳😳.. نحكو و نفدلكو شفنا صاحبو يعلق في ورقة... قلنا أيا تمشو؟؟ كقلو ياسين وين؟ قلو اابلاصة الي مرة انت اقترحتها حابين الشلة يرجعولها...... خزرنا لبعضنا... مش وقتو جمله تحيير المواجع هذا...😇😅 نقطة البداية... هو السبب في الرحلة.. 😅.. تربث و دخل بعضو.. قربت مالورقة نشوف في الموعد وقتاش... تلفتلو براسو يقلي لا.... مستحيل 👌.. ياسين ما يعرش انو لو يرجع بيا الوقت لكا النهار... انا نعاود نمشي.. و لو عشت التفاصيل هاك الكل..
خاطر صحيح خسرت حاجات.. أما ربحت.. ربحت روحي الي كانت ضايعه مني.. عرفت قيمة حياتي و فرصة اني عايشة هاك تخليني نقاوم و نطيح و نقوم عادي. و ما نخاف من شي.. خاصه وحدي.. أما انا توا ما عادش وحدي.. انا معاه.. قربت منو..
_أيا نعاودو نمشو 😉.. أما نصنعو بداية جديدة.. على الأقل تكون بينا بداية مزيانة نلقو اش نحكو للي يسئلنا كيفاش حبيتو بعضكم 😉(تصدم... يعني عطيتو إجابة لسؤال ليه برشا مارجني بيه.. مزلت تحبني.. وقتاش تعطيني فرصة جديده.. فماش امل لينا... بكلامي هذا باش يطير مالفرحه.. بلحق هي فرصة جديده.. برشا حاجات تفسخو من بالي.. حابه انشط ذاكرتي... 👌...و أنشط دقاتو لقلبي 😳....)
رحلة ل " عين الداموس..".. مزلت نثبت في الورقة و عاودت سمعت الهمس... تلفت ما نرى في شي.. تبسمت ليا برشا عليه... حسيت كان بشدة يدو.. شدة حنينة... الزوز مقابلين الورقة🤗..
قصتنا تستحق فرصة أخرى 😊. و تستحق تتحكى 😉..... انتهت...
(تسارع الأحداث باش نبسط الحكاية... تبقا كرونيك خفيفة.... 💕...)...
"" "" 'رغم الظروف القاسية التي زارني فيها الحب... و رغم الذكريات المؤلمة التي خلفها لي الحب.. يستحق قلبي ان يشكره.. إنه قد مر من هنا ♥️"" ""
جملتي المفضلة..... نلتقي في اعمال قادمة..... 😘
في انتظار رأيكم... ♥️...
كمنتار ببلوڨر
تعليقات