حب الصدفة
الكاتبة : syrine taamallah
في وقتنا توااا كل واحد وو هموو كل واحد وو مشكلتوو أما الإختلاف الوحيد هو في نوع المشاكل..... باهي نبداووو الكرونيك متاعنا...!!
نور هي طفلة مزيان شعرها أكحل طويل عينها زرق تقول موج البحر وجها أبيض محلاه عندها فوسات زادوو في زينها لاهي طويلة و لاهي قصيرة ستيل وو الحصل مزيانة تهبل إلى يشوفها يتمنى يملكها وتكون ليه... أما دويَو هههه شكون ينجم يقربلها صحيح أمها متوفية ووو بوها معرس بمرااا شمطة أما خوها يوسف عمروو ما خلاها مستحقة يعمل في كل شي باش يفرحها هيااا السنا باك ووو عمرها مااا صوحبت موش علا حاجة أما خاطر متحبش طيح تعب خوها في الماء همها الوحيد تقراا وتنجح وتفرحوو....
يوسف: نور شبي أختي متغششة
نور : شي ياااا روحي لاباس لاباس متقلقش روحك...!!
يوسف: هههههههه كان جيت معرفكش يااا كعبورة نصدقك قلي شبيك عاداا....!!؟
نور : يوسف إنتي اعرف إلى أنا منحبش نقلقك أما مرت بابا عملا فيا بعميلها..... أنا السنا باك نحب ننجح ونفرحك ونحقق أمنيا ماما الله يرحمها ونولي محامية كبيرة ونلقى إلى قتلها وحرمنا منها بابا سلم ومهموش والمحكمة صكرت الدوسي أما أنا لا ومرت بابا تحط في الغنا على طول صوت وو متخليش نركز وو زيد بنتها تسنيم عندها نص البيت تبداا تقلق فيا وآنا لازمني تركيز
يوسف : شوف كعبورة أنا داري قريب تكمل جمعة ولا ثنين ووو نقلووو عندك بيتك وحدك أقرا فيها باش تنجح وتعمل إلى تحلم بيه الكل....
نور: لااااا يا يوسف هذيكا دارك إنتي باش تعرس فيها في الصيف منحبش نقلق أمل...
يوسف: هههههه يااااا بوهلية عندي ما أغلى منك ياخي أنا و كانك على أمل فيبلها ومهيش متقلقة باهي
نور : ههه باهي حمدلله باش نرتاح ونعيش مع ناس تحبهم ووو يحبوني
يوسف : باهي ركز في قريتك وشيهمك فها العبيثة هذيكا
نور : آي والله عبيثة ههههههه
____________________________
يوسف عندوو حنوت ميكنسيا يخدم فيه ليل نهار باش يقرى أختوو وو يشريلها إلى تحب عليه ووو يعرس بأمل صديقة طفلتوو بيناتهم حب كبير وأمل تحب نور بارشا آما مرت بوها وحدة لفعة يااا لاطيف وعندها بنتها تسنيم ألفع منها وحدة كلبة ومسخة من طفل لطفل و بهيمة في قريتها نور أكبر منها بعام بركة أما الفرق إلى نور قارية وكل عام تجي لولاة أما تسنيم كل عام دوبل أخرتها بطلة وبما أنووو خديجة مرت بوها عندها كان تسنيم بنتها مدللتها فوق الطاقة وكي تغلط عمرها ما تتحاسب........ منجي بوو نور و تسنيم ووو يوسف يحب ولادوو إلى من مرتوو لولا أكثر من تسنيم أما ما باليد حيلة مرتوو هيا إلى تحكم
____________________________
كيما كل يوم لبست نور دبشها باش تمشي تعدي دوفوار لبست سروال أكحل محزوق ومريول أبيض تنجم تقول توب وصندال وفاست في نوار سيبت شعرها وجات خارجة تعدات على خوها خدات بوستها وو مصروفها وو مشات ياخي طلبتها عايشه صحبتها بقاوو يحكيو وو يتفاهموو وين باش يتقابلوو وهيا متعدية في الكياس وتشوف كان في كتبها طايحين ويداها بالدم .....
أدم : ياخي عمية إنتي نورمال في مخك تقص في الكياس و تحكي في التليفون
نور: إنتي إل بهيم في عوض تسأل عليا لاباس ولا لالا فايح فياااا تي الناس إلى عندهم عن عن الكل هكا مضروبين في روحهم وكل واحد ما يهموو كان روحوو
أدم : هههههه عن عن هههههههه
نور هزت راسها وخزرتلوو
نور: لاباس ماوو شبيك تضحك
أدم:............
نوم : يا معلم
ههههههه أدم مبهم في الزين إلى عندك يااااا بهيمة ( البنات إبكوو في صمت)
أدم : تي كاهوووو عاد لم قشك خلي نمشي نخدم معنديش وقت نضيعوو عليك
نور: ولاهي لا تحشم زايد نكسر في راسي معاك تعرف كان مجيتش مزروبة راني كبيتلك سعدك وطلعتلوو لسانها ومشات تجري لي ليسى.....
الحلقة الثانية
أدم هو طفل مزيان بدن شعور يفتق عندو طبلية شكلاطة مضروب في روحوو خاطر لبنات الكل تجري وراه وهو عاد على شكون يرضى تي راهوو أدم بن محمود ووو ما أدراك عندووو كراهب وو شركات فلوس وفيلات ترعب أي طفلة تتمناه أما هو و إنسان مغرور وو يحب روحوو برشا عايلتوو تتكون من بوه سي محمود وأمور مدام رملة وأختوو فاتن معرسة وعندها بنية ووو وليد يهبلووو بزين...........
المهم اليوم نهار كامل وأدم يخمم في الحادث وفي الطفلة المڨربعة إلى قابلها زعما هيا لاباس ولا لاااا ويخمم في زينها إلى مشفش كيفوو وفي كلمتها عن عن هههههه.......
فاق من حلمتوو القصيرة على صوت الباب يدق.....
أدم : أدخل
السكرتيرة : سامحني سي أدم أما عندك إجتماع بعد ربع ساعة
أدم : (بكل دم بارد) باهي
السكرتيرة : ياربي ملااا هم هذا أوال مرة نشوف واحد بارد كيفوو ناس الكل دوخ كي تشوفني إلا هو الصبر قالت الكلام في قلبها وو خرجت......
____________________________
نور : كان تعرف قداش نعزل عليه عديت الدوفوار بطلوع الروح وزيد يدي توجع ملاااا مريض
عايشه : ههههه كاهووو يااا بنتي العباد الغنية كلها هكاكة
نور : أي والله.... ؟؟ زح الفلوس تعمى العنين تعرف أنا كان نوصل نهار نخمم نعرس راني باش ناخوو واحد زاولي كيفي
عايشه : ههههه لاااا يا بنتي تعرف أنا ما ناخذ كان واحد عندو برشا فلوس يخرجني من الهم إلى أنا فيه
نور: والله وراس أختي الفلوس ماعندها وين توصل الحب أحلى حاجة في الدنيا
عايشة: حب!!!! يضهرلي فيك مازلت تحلم إنتي
نور : ههههههه أسكت أسكت إنتي أيا باي توااا خلي ندخل ماك تعرف يوسف ميحبنيش نحلڨ قدام الباب
عايشة : باهي ياااا للاااا باي
____________________________
دخلت نور تلقي خوها يستنى فيها في بيتها...
يوسف : شعملت في الدوفوار نور.. ؟؟
نور: لاباس متخافش...
يوسف :(حل عينيه ومات برعب) شبيك شبها يديك مزلوعة وبدم تكلم تي تكلم
نور : متخافش يوسف عيش خويا اليوم كي جيت ماشيا لي ليسى دعثرت في حجرة وطحت
يوسف : بڨرة زايد متعرفش ترد بالك على روحك
نور : و هي تذبل في عينها سامحني نوعدك نرد بالي على روحي
يوسف: باهي توا كل يوم نوصلك أنا
نور: موش لاها درجة متخافش عليا صاحبك راجل
يوسف : باهي
الحلقة الثالثة
تعدات الأيامات وووو اليوم النتيجة متع الباك يوسف يعرف أختووو ناجحة أما ميت بالرعب وأمل تهدي فيه أما شي ماهو فايد فيه..... نور عارفة روحها ناجحة أما هيا تحب روحها لولاة دقايق وجاها مساج
مشات تجري لخوها ودموعها على خدها: ي_ي يو - سف سامحني والله منعرف كيفاش
يوسف : تشل برعب وجهووو ولااا أصفر تقول كعبة قارص لاااا مستحيل نعرفك قراية
نور: سامحني أما والله ما نعرف كيفاش صار سامحني يوسف أمانك
يوسف : طاح في القاعة آمل شدتوو مسكين جاتووو صدمة كلمة لاااااا
خديجة وتسنيم باش يموتوو بالفرحة.... وبوها هبطت من عينوو دمعة سخونة
هبطت نور : وعنقت خوها وفي وذنووو قتلووو سامحني حبيت نفجعك شوية أما أنا نجحت وجيت لولاة ههههههههههههههههه
يوسف : عينيه تحلووو من الفرحة وبدي يجري وراها باش يعقبها على عملتووو فيه
الناس الكل فرحت إلا خديجة وتسنيم بطبيعا هههههههه
يوسف شد نور: والله مانقتلك يااااا هما تفجعني شعمتلك بلاهي
نور : بطبيعتي ديما نفرح فيك علااا مرة فجعتك هههههههه
يوسف : باهي باهي أيا لم دبشك باش نهزك لدرنا الجديدة وهذي هديتك للباك وحضرتلك بيت تهبل وحفلتك غادي زاد
نور : برسمي تحكي فرحتني هذي أحلا هدية جاتني
منجي : فرحانين خاطر باش تخليووو دار بوكم نور فماش مشي هاذي دارك
نخزتوو مرتوَووو : تي خلاها تمشي بركز مدامها باش تكون فرحانة
نور : تعرف حاجة يااا بابا دار هاذي عمرها ما كانت داري وإنت عمرك ما كنت بابا عمري ما لقيتك عايلتي الوحيدة يوسف وأمل هوما دنيتي وفرحتي معاهم معنها ماعندي علاش قاعدة هوني
كلامها كي سكاكن في قلب بوها تمنى يعنقها يحطها في حظنووو أما مينجمش خسارة
لمت دبشها ونقلت لدار خوها
أمل : تي هيا نمشيوو للحجامة معادش بكري
نور : مفهمتش علاش هذا الكل والله
أمل : هيا يا بنتي اليوم باش نحتفلوو بنجاحك لزمك تطلع أحلى وحدة
نور : باهي هيا
عملت نور مكياج خفيف ضفرة شعرها لبست روبا في الروج مفخفخة تهبل سمبل ومحلاها وأمل كيفها مكياج سمبل وسيبت شعرها على كتفها ولبست روبا روز قصيرة طلعت تفتق الحاصل نور واقفة قدام الحجامة هيا ووو أمل يستناوو في يوسف وتعدات من بحذاهم كرهبة ترعب.........
آدم: هيا والله هيا مستحيل نغلط فها
رجع بالكرهبة ووو وقف بعيد يشوف فها باهت في زينها وفي روبتها سحرتوو وقص على حلمتوو يوسف كي هبط من الكرهبة شافتوو نور ترمات عليه عنقتوو وو بدات تبوس فيه
أدم : هبل وكرها من كل قلبوو في اللحظة هذيكا ماشي في بالوو صاحبها....
طلعوو في الكرهبة ومشاووو وخلاووو مخ أدم يغلي ياخي شنوة يهموو فهااا علاش غاير عليها وعلاش منجمش ينساها برشا أسأل ماعندهم حتى إيجابة
كملت الحفلة وبعد بريود عرس يوسف وأمل
و نور تكمل في قريتها في الجامعة ووو جوها باهي هيا و عايشة أما أدم قرر ينساها من نهارت إلى شافها مع يوسف
الحلقة الرابعة
تعدات الأيامات و توا بعد عام كامل أمل حبلة ونور ناجحة كيما عادتها أما هيا قررت تشوف خدمة تعاون بيها خوها توااا باش يولي بوااا لزمها تعمل على روحها هي تعرف إلى يوسف باش يهبل كي يسمعها أما معندهاش حل أخر
نور: (خذات نفس) يوسف نحب نقلك حاجة
يوسف : قول يا روحي حاجتك لحاجة
نور : لااا لاا
يوسف : شبي أختي ملا
نور: نحب نخدم
يوسف : هههههه كمل قرايتك َإخدم على روحك
نور : لا لا نحب نقرا و نخدم
يوسف : نعم للا شبيني ميت أنا ولااا خليتك ناقصة حاجة أيا سكر علينا الموضوع وووو تلها في قرايتك
نور: يوسف أمان أنا نحب نخدم ونعمل على روحي نحب نتحمل المسؤليه تي حبلي ماااا نتخرج عيشك أمان ووو زيد نوعدك قريتي مستحيل نهملها والله
يوسف: يا ربي تصبرني ملا طلعة.. باهي إخدم أما بشرط بلاصة لاهية ومحترمة وتروح منها بكري ولا موش لازم تفهمنا
نور : تهنا صحبك راجل ووو باستوو ومشات لبيتها
شافت الجريدة تلقاهم حاشتهم بسكرتيرة تحكي لغات وقارية باك صحيح مؤهلتها خير أما هيا خدمة شدان يد ووو برا....... الصباح قامت لبست سروال أزرق محزوق ووو مريول أبيض سيبت شعرها لبست صبادري أبيض حظرت كل شي لخوها وأمل باستهم ووو خرجت باش تمشي تشوف الخدمة هزت الدوسي متاعها ودخلت تستنى لقات برشا عباد جايين يعملوو مقابلة خافت لا متكتبلهاش ساعة َعيطولها المعوضة :نور الخميري تفضل دورك
نور : عيشك
نور دق في الباب وقلبها بين سقيها سمعت صوت يهبل قلها تفضل دخلت وعلى التلفيت أدم بهت هيا يا ربي شتعمل هاذي هوني نقصها توااا أنا
أدم : تفضل أقعد
نور : (حمد الله كي نطقت) قلتها في قلبها مغسي
أدم : على جياتنا مداموزال... ؟؟
نور :( باش نطهرلك هههه) قالتها في قلبها شوف صحيح أنا مازلت نقري أما حاجتي بخدمة على هذاكا جيت
أدم : شنوة موأهلتك مداموزال
نور : نقري سنة ثانية محامات نحكي 4 لغات فرنسيه أنڨلزية إيطالية و ألمانية وجيت لولاة في الباك
أدم : ممممم باهي توااا تنجم تخرج تستنى اللبرا
الحلقة الخامسة
بدا أدم يخمم كهوو خليها تمشي ديجااا منحملهاش ولااااا علاش متخدمش عندي نذلها وننتقم منها هيا أوال طفلة تلفت إنتباهي ونبقى نخمم فها أشهرا ولتوة منسيتهاش وهيا متتفكرنيش جملاااا والله ما نخليها تحبني وبعد نرميها.......
نور قاعدة نخمم زعما يقبلها ولااا لاااا وتخخمم وتقول الرجل هذا متأكدة شفتوو قبل وين منذكرش قصت على تخيلتها المعوضة وهي تقول : سامحونا يا جماعة إلى باش تخدم معنا الأنسة نور
نور فرحت علخر خصتن كي عرفت إلى هيا باش تخدم من 10h حتى لي 18h و شريتها مليون كامل خاطي كي تبدي تعدي نورمال متجيش للخدمة.... روحت وقالت لخوها و أمل فرحولها برشا.....
اليوم أوال نهار في الخدمة نور قامت غسلت وجها ضفرت شعرها وو حطتوو على جنب عملت مكياج خفيف لبست سروال أبيض محزوق واصل لكرشها وو توب أبيض وو صبادري أكحل كيف العادة باست خوها وأمل وخرجت...... أما أدم عمل دوش لبس كوستيوم محزوق بين فيه بدنوو ووو عضلاتووو خلي عاد السورية البيضاء مضهرة طبلية الشكلاطة لي عندوو عمل شعروو بجال هبط فطر مع أموو مدام رملة مرآة مزيانة لاباسة ولاهية بروحها حنينة وتحب ولادها برشا أما سي محمود راجل رياضي صحيح كبير وشعرو أبيض أما مزيان ويحب يعرس لأدم ويرتاح...... وصلت نور للبيروو تصبح على الناس الكل بضحكتها المزيانة بدات تسأل علي أدم شنوة يحب و شنوة يكره باش تعرف كيفاش تتصرف معاه ياخي تلموو بها إلى يقولها صعيب إلى يقلها راهو ميسمحش كل دقيقة عندوو بالفلوس إلى يقلها يحب النظام ملخر حسسوها إلى هيا تخدم عند سيد الرعب...
نور: لطف يا ربي شبيه هذا ياخي مهبول الكلنا ولاد تسعة معنها خاطر عندوو فلوس باش يذلنا
هيا تحكي وأدم وراها الجماعه حاولوو يوصلولها المعلومة باش تسكت مفهمتهمش......
أدم : مداموزال
نور : نعم
أدم :.......
نور : وجها صفار عاودت تلفتت (قالت في قلبها) سياا طردت يااااا نور يعطك هدة في لسانك بهيمة زايد.....
أدم : أيااااا شد بيروك
نور: حاضر سي أدم
"أدم دخل لبيروه يلقى القهوة متاعوو البيرووو منظم الدوسيات حاظرة والورد والياسمين مزينين ضحك وعيطلها
نور دخلت : حاجتك بيا سي أدم
أدم : شكون قلك أعمل الشي هذا الكل شكون شاورت
نور : بدات تأتأ ودخلت بعضها سامحني (ولات تبكي) ماشي في بالي باش يعجبوك
أدم : يعيط معادش تتصرف من راسك
نور دخلت بعضعا كي عيط علاها ووو دعثرت شدها أدم سرح في عينها سحروه تنجم تملكوو بنظرة من عينها هيا زاد حست بحاجة غريبة حاسة روحها مرتاحة بين يديه متحبش تاقف قلبها يدق بالقوي دق الباب وقفها مشات هيا وو دخل سي محمود
الحلقة السادسة
سي محمود : أهلا أدم
أدم : أهلا كي سبتك جيت هههههه موش عويدك
سي محمود : عندي موضوع نحب نحكي فيه معاك
أدم : أه تفضل هاني نسمع فيك ههه أيا تصدق رعبتني
سي محمود : أطلبلنا قهوة قبل
أدم هز التلفون: مداموزال نور جيبلي زوز قهاوي عربي (علق ومستنهاش حتى تجاوب)
نور : ياربي شبيه يعمل معيا هكا يخي مريض نهار كل وهو يبخس فيا كان مجيتش مجبورة راني خليتهالوو وو مشيت
دقت نَور الباب ودخلت
نور : سامحوني كان قصيت عليكم سي أدم حضرتلك القهاوي
أدم : باهي... أخرج وسكر الباب وراك
سي محمود : محلاها سكرتيرة متاعك
أدم وهو غاير من كلام بوه : هههه عادية موش هذا موضوعنا
سي محمود : أي ولاهي فكرتني هههههه أما الزين هذا ينسيك حتى في إ سمك
أدم :............
سي محمود : أنا جيتك ليوم باش نشوفلك حل عمرك 29 سنة مكهب على 30 سنة ومازلت معرستش وحتى خطبة مفماش عيش ولدي أنا و أمك نحبوو نتهناوو عليك إفهم
أدم : بابا أنا منحبش نعرس وإنتي توا عندك أحفدك من أختي إحمد ربي وأخطاني من حكاية العرس أنا هكا فرحان
سي محمود : شوف أدم إنتي السنا لزمك تعرس ميهمنيش فيك تصرف وكان لزم تعرس بلينا بنت عمك أوك
أدم داخل بعضووو : أما أنا بابا
سي محمود : أما إنت شنوة
في اللحظة هذيكا دخلت نور للبيروو وهي ترعش خايفة منوو
نور : سي أدم أمانك سامحني أما عندك إجتماع بعد ربع ساعة
أدم لقها فكرة باش يهرب من عرسو بلينا: أما أنا نحب نور يا بابا ونستني فيها تكمل قريتها ( يحكي وهو يخزرلها عينها في عينوو شددها من يدها وهي ماهي فهما شي)
أدم : لازمني نقلك خير ملي تبعدني على الطفلة الوحيدة إلى حبيتها
الحلقة السابعة
في اللحظة هذيكا نور جات باش تتكلم و تكذبوو أما هو مخلاهاش ورجع يتكلم
أدم :بابا أنا نحبها هيا روحي وو دنيتي أمانك بابا
سي محمود : أنا تهمني فرحتك أدم وو مدامك تحبها على الضالين أمين وإستدعها للعشاء نزيدوو نتعرفوو علاها
أدم : ههه باهي بابا
خرج سي محمود من البيروو فرحان وأخيرا باش يتهنى على ولدوو تلفتت نور لادم
نور : ياخي من وقتاش أنا نحبك سي أدم وإنتي تحبني أمان علاش تكذب علي بوك وشمدخلني أنا
أدم : شوف دارنا يحبو يعرسولي ببنت عمي و أنا قبل متدخل إنتي مالقيت ما نقول وكي شفتك خطرت في بالي الحكاية لي كنت تسمع فيها توا
نور: أي وو مبعد
أدم : شوف مدامك تخدم معيا باش تعاوني مبعد توا نقلهم أنا وياك متفهمناش أوك
نور : لا لا أخطاني منحبش نكذب على العباد
أدم : موش بكيفك هوا وكان ماشي في بالك نشاور فيك راك غالطة أنا نعلم فيك
نور : ههههههه و أنا منيش باش نعونك باهي دقيقه وإستقالتي تكون عندك
أدم بكل برودة دم : ههه باهي متنساش اكا 50 مليون عاد
نور مصدومة : 50 مليون متاع شنوة
أدم : إنت صححت على كونترا إذا خرجت تدفع الفلوس هذوما
نور : أنا معنديش حتى ربعهم
أدم : هههههه كنت متوقع أي ترا يا الحبس يا الفلوس يا تخدم وتعاوني
نور:.......
أدم : هههه أيا برا إل بيروك مداموزال
نور قلبها تعبا عليه كرهتووو تحب تفهم مناش مصنوع العبد هذا ياخي ميحسش ميفهمش دموعها غلبوها في اللحظة هذيكا شفها أدم منجمش يشوفها تبكي مشلها قربلها شدها بيديه الزوز حطها في حظنووو قلها متبكيش نور متبكيش..... منغير متشعر هزت يديها وعنقتَوو هيا زاد حست روحها مرتاحه هدات أدم حس روحوو طاير في السما موش مصدق إلى هيا تواا في حضنوو بين يده فجأة فاق على صوت عقلوو إبعد علاها هيا عندها غيرك متخليش روحك ضعيف كون قوي ياخي بعدها عليه
أدم : أياااا عاد برااا شد بيروك عندي إجتماع
نور بعدت عليه وخرجت تجري قعدت في بيروها تخمم كيفاش عنقتوو شنوة الإحساس هذاكا هوا أوال راجل تعنقوو بعد يوسف ماهي فهما شي أما حاسة قلبها يدق أوال مرة المهم توااا نور مروحة لدار كملت خدمتها دخلت تلقي أدم مزال يخدم
نور : ياخي ماكش مراوح
أدم : لااا مازلت
نور : باي تصبح على خير
إدم : باي
هزت سلكها وهيا تخمم ياخي ميجوعش هذا نهار كامل و هو يخدم هزت التلفون طلبتلرو بيتزا و روحت
نور : سلام
يوسف: آهلا بالكعبورة كيفاش تعدات الخدمة
نور : هههههههه جوها باهي متقلقش روحك ويني أمل
يوسف : مشات تحضر في العشاء
نور : وشبيها سقيك و يديك بالحنة تعب فيها و هيا حبلة.....
نور : أمل سيب من يدك توا أنا نكمل برا أرتاح
أمل : توااا إنتي مازلت كي جيت تاعبة من الخدمة إنتي لي لازمك ترتاح موش أنا
نور : حسستني لي أنا تحرث أمل وخيتي برا شد بلاصة ور يض توا أنا نكمل
تعاشوو ووو كل واحد شد بيتوو..... أدم قاعد يسمع في الباب يدق خرح يلقه إلى يوصل في البيتزا
عامل البيتزا : سلام
أدم : سلام تفضل
عامل البيتزا :فما طفلة طلبتنا وو طلبت بيتزا
أدم : لا غالطين ( وبعد ذكر نور وو ضحك) باهي هات
ليلة كاملة ونور تخمم في أدم وو الزين إلى عندوو في تعنقتوو غزرة عينيه وهوا زاد كيف كيف أما الزوز موش فاهمين علاش
الحلقة الثامنة
أدم : صباح الخير
رملة: صباح النور
سي محمود : صباح الخير
رملة : نحبك تستدعي نور تتعشى بحذانا اليوم
أدم : أمي دارهم مفبلهمش توا نجيبها للفطور
رملة : كيما تحب المهم نشوفها
____________________________
دخلت نور وو شدت بيروها هيا هكاكة ودخل أدم
أدم : صباح الخير إيجاني حاشتي بيك
نور: صباح الخير
دخلت تجري وراه
أدم : أمي تحب تشوفكنور : علاش (وبعد ذكرة)
أدم : ليوم في وقت الفتور باش نهزك معيا لدار باهي
نور : يطلعشي باش يخطفني ويقتلني وبعد يبعني أعضاء بشرية نعرفوو يعملها قالتوو في قلبها
أدم : فاش تخمم
نور : لا لا شي باهي
أدم: هيا نخرجوو نشريلك لبسة باش تمشي فها
نور:علاش شبيها لبستي خايبة
أدم : قربلها نفسهم تخلط إنتي لي تلبس يواتيك
نور : أه اه شنوة
أدم : ههههه هيا
خرجو مع بعضهم باقوو يحكيوو عرفوو كل شي على بعضهم من خرجة وحدة وأدم عرف زاد إلى الطفل هذاكا هووو يوسف خوها وعرف إلى هيا عمرها ما صوحبت وهيا زاد عرفت إلى هو صوحب برشا بنات أما عمروو ما حب حتى مرة تقربون من بعضهم وتفاهموو يوليو أصحاب و أدم قلها إلى هو إلي ضربها بكرهبتووو تصدمة ملول وبعز ولات تضحك الحاصل خذات روبة قصيرة لركبة بيضاء محروقة من فوق وكي تجي وين كرشها تتحل وطالون أبيض سيبت شعرها أدم قعد يخزرلها قاعد يملي في عينيه بزينها ويقول في قلبووو محلاها هي أزين مرا شفتها عيني وبعد هزها و مشاوووو
نور : عسلامة طا عسلامة عم محمود
ووو باست نور حماتها ههههه ومدت يدها باش تسلم على حموها
رملة : أيا تفضل مرحبا بيك بنتي
دخلت نور وسي محمود شدها من كتفها وهزها لصالة آما رملة جبدت آدم وقتلوو في وذنوو محلاها نور هههه أدم مقال شي أما فرح خاطر دارهم حبوها الحاصل قعدو فطروو وو مبعد هزها للبيرور وو كل واحد شد خدمتوو..........
الحلقة التاسعة
تعدات أشهرة توا على حكايتهم وهما ولاووو أعز صحاب في الدنيا متفاهمين علخر ووو عايلة أدم ولاووو يحبوها وحسبينها كيما بنتهم....... اليوم فما حفلة في الشركة متع أدم والناس الكل مستعدين أما أدم يستنى في نور وأخير دخلت لابسة روبة كحلة ماشية مع سايلها مسيبة شعرها عاملة مكياج خفيف زاد في زينها تهبل سحرت الناس الكل مشات وقفة مع سي محمود و مدام رملة سلمت علاهم وبقاور يحكيوو حتى مشالهم أدم
أدم : سامحوني يا جماعة باش نسرق منكم نور شوية
ضحكت رملة ونور ماتت بالحشمة
أدم هز نور و وقفو يحكيوو حتى جااا واحد ووو شد نور من يدها وهزها باش يشطحوو حط يديه على حزمها وبداوو يشطحوو ووو السيد طلع ظامر قتلها بالضحك وفي اللحظة هذيكا أدم هبل خرج من عقلووو الغيرة عماتوو شدها من يدها بالقوى وجبدها قدام العباد الكل دخلها للبيروو وو سكر الباب نور مسكينة تبكي وميتة بالخوف
أدم : علاش تخلي فيه يمسك علاش تشطح معاه ياخي وتضيحكلوو زاد نورمال إنتي
نور وهي ترعش و تبكي خايفة: وإنتي شيهمك فيا راك عرفي موش راجلي علاش غاير عليا
أدم : صارة إنتي لتوة مفهمتش خاطرني نحبك يااااا نور تحبك ومهبول بيك نحبك ليا وو ليا آنا وحدي أنا كهووو عندي لحق فيك
نور: كان تعرف قداش ستنيتك تقولها يااااا أدم أنا زاد نحبك ونموت عليك
في اللحظة هذيكا عنقها حطها في حظنووو ووو مبعد قربلها وو حط شفايفوو على شفايفها بدا يبوس فيها بقوة حب يشبع منها عمرووو ما ذاق شفايف أبن من شفايفها صحيح هيا متعرفش تبوس أما سلمتلوو روحها وو هو تصرف بعدت عليه
نور: معادش بكرى يااا أدم لزمني نروح
أدم : باهي يااا روحي هيا أما إحكي مع خوك خاطر باش نجي نخطبك
الحلقة العاشرة
نور : شبيك مزروب ياخي هههههههه
أدم: كان متحبش موش لازم
نور : هههه نحب نحب
وصلت نور لدار مشات بدلة دبشها ومشات لصالة بحذا خوها
نور : يوسف نحب نقلك حاجة ووو متتغشش
يوسف : هههه قول من وقتاش نتغشش عليك ياخي أنا
نور : فما شكون جاي باش يخطبني
يوسف : شكون... ؟؟
نور : عرفي في الخدمة ودارهم فيبالهم و موافقين وحكاتلوو كل شي
يوسف : باهي مدامك مرتاحه معاه أما وقتاش ناوي يجي
نور: وقت ماااا تحب إنتي
يوسف:باهي بعد ما تولد أمل
هو مكملش الكلمة ويشوف كان في أمل تصيح وتعيط باش تولد هههه هزوها لسبيطار جابت طفل يهبل سموه محمد......... تعداوو 5 شهور تخطبت فيهم نَور ورغم كل محاولات مرة بوها وتسنيم باش يفسدووو العرس مصار شي حب نور ووو أدم كان أقوى من كل شي اليوم نهار عرسهم لبست نور روبة عرس بربي بيضة تفتق ووو عملتها الحجامة مكياج هبال طلعة وردة أما أدم لبس كوستيوم محروقة على بدنووو غرق روحوو بالبرفان عمل جال وريڨل شعرووو وطلع في كرهبتوو باش يهز عروستوو هبط شافها قريب يدوخ من زينها والبنات الكل حسدينها علي راجلها
تعدا عرس يفتق....... هزها بين يديه دخلها للبيت شدها من يدها ووو قرب منها ......
أدم : حمدالله وليت مرتي ملكي أنا
نور: وإنتي ملك شكون سي أدم.. ؟؟
أدم : ملكك إنتي بطبيعا هههههه
هوو من عند ربي قريب منها زاد بدا يقربلها بشوية بشوية حط شفايفوو على شفايفها باسها بقوة سحرها وهبط على رقبتها يبوس فها ويديه في ظهرها تحللها في السلسلة متع روبتها... حطها فوق الفرش (هههههه نخلي الباقي ليكم تتخيلوه وحدكم)
قامت الصباح تلقي روحها بين يدين أكثر راجل تحبوو ووو ترتحلوو في حياتها الكل بقات تخزرلوو وتلعب بيدها على لحيتوو كي حل عينيه وجها حمار من الحشمة جبدها ليه وطبع بوسه حنينه على شفايفها حبيبتي، روحي، عمري، وبعد هزها بين يديه دوخها بالحشمة متعرفش شنوة تغطي وشنوة تخلي... دخلها لدوش دوشووو ومبعد لبسها روبه بيضاء قصيرة محلولة في صدرها زادت في هبالوو وو رغبتوو...
أدم : أيا حضرلنا دبشنا وو حطوو في الفليز باش نهزك و نسافروو
نور : الحقيقة منحبش نمشي لحتى بلاصة نحب ذكرياتنا متع أوال نهارت عرسنا تبقى في دارنا....
أدم وهو يضحك : باهي يا روحي كيما تحب أما الجمعة الجاية نسافروو......
نور : باهي عيش حبيبي
أدم : هيا نحضروو لفتور
نور : هيا.....
ومنحكلكمش عاد شنوة صار في الكوجينة الحاصل عملوو كل شي إلا إنهم حضروو لفتور ههههه تعادوو أشهراا على عرس أدم ونور وزيد نور تخرجت ووو ولات محامية وحلت الدوسي متع موت أمها باش تعرف شكون قتلها خاصتن إنوو نور كانت محامية ذكية والقضية إلى تخدها تحلها..... أمل وو يوسف ولدهم كبر ما شاء الله ولا عمروو عام وو بفضل نور يوسف كبر الحانوت وحسن فيه وجاب صناع جدد وتشهر..... أما تسنيم طاح فها ربي وو خذات واحد سوكارجي وو نهار كامل يلعب في القمار ما فيه ما يصلح و عمك المنجي فرحان بولادوو كيفاش ناجحين ويحبوو بعضهم أخت أدم مازلت مسافرة أما أهيكا كل مرة تجي تعمل طلة هيا ووو ولادها و رجلها وو ترجع..........
مجهول 1: أسمعني نور حلت القضية متع موت أمها
مجهول 2 : أي نعرف وشنوة تحبني نعمل
مجهول 1: متنساش إلى إنتي قتلتها
مجهول 2: إنتي أكثر إنسان يعرف إلى مكانش عندي قصد نقتلها
مجهول 1: عندك قصد معندكش المهم قتلتها وأنا عندي دليل على جريمتك المهم توواا نحبك تهدد نور كان متسكرش الدوسي نقتلولها رجلها
مجهول 2: باهي
نور خارجة من بيروها ماشية عند حماتها ووو حموها باش تفطر عندهم وأدم باش يخلط علاها
نور:أهلا ماما لاباس
رملة : لاباس وينك إنتي
نور : حمدلله يا ربي وينور بابا
محمود : هاني هوني إيجا سلم على بوك
نور مشاتلوو تجري: تمنيت كان جااا بابا كيفك
دخل أدم وقص على حكايتهم
أدم : وأنا وين في الحب هذا الكل
ضحكوا الكل وبعد مشاور فطروو وو قعدو في الصالة
أدم : نور لقيت جواب هذا في الكرهبة يضهرلي فيك طيحتوو من ساكك
نور : تراه هات
أدم : حتى كلمة يعيشك لااااا ملا رقعة هههههه
نور خذات الجواب : ههههههه
سي محمود و مدام رملة يشيخووو علاهم كي يبداوو يتعاركوو هههههه... ... أما يا فرحة ما تمت يشفوو في نور دخلت بعضها ومعادش فاهمة شي وو تبكي وخايفة آدم ترمي علاها
أدم : نور شبيك تي تكلم نور
نور :...............
الحاجة الوحيدة اللي نجمت تعملها في اللحضة هذيكا تمدلوو الجواب
بداا أدم يقرى فيه بصوت عالي
نور تي هاك كبرت وو هيا هيا وو حليت قضية موت أمك ههههه هيا زاد كانت ديما تدخل في حاجات متخصهاش وهاك تشوف ماتت وإنتي كان متسكرش القضية باش تخسر راجلك وتخسر ولد خوك يوسف باهي ياااا مزيانة أنا هاني نبهتك وإنتي حرة في قرارك........
أدم عنق نور وبدااا يهدي فها مدام رملة وسي محمود خافووو لا جرة القضية هاذي يخسروو نور ولااااا أدم .... وأخير نور هدات وبدات تتكلم
نور: يوسف يوسف نحب خويا
أدم : باهي نور دقيقة نكلموو ( جاااا خارج يحكي البرا)
نور: لالالالا أدم متخرجش
أدم : باهي نور هدى روحك
نور شدها كريز متع بكاء حتى داخت كلملها أدم الطبيب جاء شافها وفي اللحظة هذيكا دخل يوسف بسأل شبها نور
الطبيب: متخفوش يااا جماعة مدام نور حبلة
تشوف في وجوه الكل تقلبت ميتين بالفرحه إلى باش يولي خال وإلى باش يولي جد خلي عاد أدم دخل في حيط من الفرحه دخل يجري إل مرتوو صكر الباب حط راسوو على كرشها حتى فاقت
نور: شنوة صارلي ياخي؟؟؟
أدم : نور يا روح قلبي متعبش روحك راك باش تولي أم
نور : ههههه باهي يااا روحي..... شنوة أنا باش نولي أم لاااا منصدقش برسمي عندي بيبي منك في كرشي....
الفرحة نساتهم في لي صار الكل كانووو الكل فرحانين بالبيبي آما نور كانت خايفة على عيلتها وفي نفس الوقت تحب تعرف شكون إلى حرمها من أمها عيطت لخوها وو قدام ناس الكل حكاتلوو أمل ديراكت عنقت ولدها كي سمعت إلى حياتوو في خطر يوسف منجمش يخمم حتى مخوو وقف والناس الكل حايرة يستناوو في قرار يوسف و نور
نور : أنا مستحيل نسكرووو الدوسي لازمني نعرف شكون قتلي أمي
يوسف : أي يااااا نور رد بالك تسلم وأنا هاني معاك
الناس الكل وقفوور معها وقررور يعاونوها في قرارها.....
الحلقة 11
أدم مكانش خايف على روحوو خوفوو الكل كان على مرتوو ووو على البيبي إلى فى كرشها.... كل مرة تصير حاجه غريبه ووو جواب جديد آما نور موش ناوية تستسلم بالعكس ديما تقوى وو تشد صحيح في قلبها خايفة أما كي تشوفها تقول ملا هم ميهدها شي ووو ملي سمعت إلى الشرطي إلى كان شادد قضية أمها قبل هوا زاد مات وو معرفوش كيفاش زادت شدة الصحيح باش تعرف المجرم إلى عمل الجاريم هذي الكل........
مجهول 1: لازم تتصرف ووو نور هاذي لازم تموت ليوم قبل غدوة ولا باش نتفضحوو ولي عملناه السنين هاذي الكل باش يضيع......
مجهول 2: نقتل نور وهي حبلة مستحيل آنسا مستحيل نعمل حاجة كيف من هكا
مجهول 1: موش على كيفك
مجهول 2: نسلم روحي ومنقتلش مرة أخرى باهي
مجهول 1: باهي أضربها بكرتوشة في يدها ولاااا ساقها وهكاكة مايصير شي للبيبي باهي
مجهول 2: باهي
____________________________
نور: هههههههه شوف الفرش هذا محلاه
أدم : ووو شكون قال لي إنت حبلا بوليد. آنا نحب طفلة تشبه إلى مامتها ههههه
نور: ههههههه إلى يجي مبروك علينا يااا روحي لفايدة يولد لاباس
أدم : أي والله يا عمري
نور: باهي ناخذوو دبش بنات ووو ولاد وناخدوو لبسة لمحمد زادا
أدم : هههههههههه حاضر سيدي
نور: هههه يا ضامر إنتي
مازلت هيا تضحك وو أدم شاف راجل مڨمر بالكرتوش في نور ياخي دزها ووجات فيه هوا الضربة بالوقت الدنيا وقفت وو ضلامة في عنين نور كان تبكي معرفتش شنوة تعمل كيفاش تتصرف تلمت بيها العباد وو كلمووو ambulance وو هزوه لسبطار جات العيلة الكل يشفوو كان في الطبة داخلين خارجين مهومش عارفين وين باش ترسي وو موش عارفين يهديوو نور ولا يهديوو النار إلى فى قلوبهم. نور مسكينه داخت على مااا بكات وو توااا جات اللحظة إلى خايفين منها الناس الكل
الطبيب: حمدالله يا جماعة سي أدم بخير وو لازمووو راحة نفسية وو جسدية لمدة شهر على الآقل
نور : حمد الله نجم نشوفوو... ؟؟
الطبيب : أي تنجم أما مطولش
الحلقة 12
مشات نور تجري لآدم حاسة بذنب قلبها يوجع فها حست روحها خسرت حضرها باش تفهم ماضيها... الدنيا كل دور بيها حاسة روحها مخنوقة وعندها غصة في قلبها قد ما حاولت تخرجها في البكاء منجمتش هيا هكاكة وووو أدم حل عينيه حط يدوو على رأسها ووو طمنها بعينيه قربتلوو وو باستوو نساها في وجيعتها طمنها هذا كل في بوسة خرجت من عندوو وو عيناها يضحكوو طمنت أموو وو بوه والناس الكل وبعد جمعة روح أدم لدار وو نور تحضرلوو في الماكلة إلى يحبها الكل وو هما ديجا قرروو باش يسكنوو مع سي محمود وو مدام رملة في période هاذي تلموو الكل فوق الطاولة وو معاهم يوسف وو أمل
أدم : نور عندي موضوع نحب نحكي فيه معاك...
نور : أحكي
أدم : سكرت قضية أمك
نور: لا
أدم : ووو فاش تستنا
نور : شمعنها فاش تستنا
أدم : ياخي تحكي بجدك إنتي توااا يذهرلي فيك ما ترتاح إلا ما نموتوو الناس الكل متنساش إلى حياة ولدي ولات في خطر
نور : شوف أدم هاوو قدام الناس الكل القضية هاذي تتسكر وقت نلقى شكون قتل أمي
يوسف : نور أمك هيا آمي وأنا زادا نحب نعرف شكون قتلها أما كلام أدم صحيح حياتنا ولات في خطر وهاك تشوف كان منقذكش أدم راك إنتي وو البيبي ميتين توااا
نور : أنا قلت إلى عندي منيش مسكرتها القضية
أدم : ياخي متخممش في ولدنا
نور : شديتها ولدنا ولدنا.. ولدنا حاجة وو تتعوض دم أمي وعباد أبرياء ميتعوضش باهي
أدم وهو متغشش وفي نفس الوقت موجوع ومصدوم من كلام نور : كهوو ملا أختار ياااا أنا وو ولدنا يا القضية
نور : القضية
أدم :................ بباهي وفا ملااا
نور : شنوة إلى وفا
أدم : وفا كل شي بينتنا نور تواا تمشي تعمل تسكير مؤقت للقضية بصيفتك حبلا وبعد ما تجيبلي ولدي لاباس نطلقوو وو كل واحد يمشي في ثنية
نور تبكي وما لقات ما تقول
يوسف : أدم متتسرعش
سي محمود : أدم عيش ولدي وسع بالك الكلنا نعرفوو نور قداش تحبك هدى روحك وأحكيو بشوية
رملة: نور قول حاجة عيش بنتي يهديك
نور:........
أدم: سامحوني أما الموضوع هذا بيني وبين نور
نور بقوة بعد ما مسحت دموعها : باهي
أدم مكانش متصور إلى نور باش توافق تصدم حس قلبوو تفتفت حس روحوو معادش يعرفها موش فاهمها وهي زاد موش فاهمتوو... زعما معادش تحبني...؟ ياخي ولدنا ميهمهاش برسمي.... ؟ ساهل عليها الطلاق...؟ برشا أسأل داروو في راسوو معندوو ليهم حتى جواب تعادوو لأشهرا وو ولدت نور جابت بنية سمها أدم ملاك على قد ماهي تشبه للملايكة نور مازلت كي حلت عينها
نور: هذوما ورق الطلاق متاعنا وو وراق تسليمي الحضانة متع ملاك ليك إنتي خدمتي الوحيدة نجي نرضعها وو نمشي ناس الكل تصدمووو أما أدم حكاية أخرى بقاااا مبهم فها كيفاش مزروبة توجع من كلامها برشا خرج من بيتها وو مقال حتى كلمة مشاااا إلى بنتوو عنقها وبدااا يبكي..... اليوم طلقوو وفات قصة الحب متاعهم وبدات حرب نور مع لي قتل أمها
الحلقة 13
بدات نور تحقق في قضية أمها وو تحاول تعرف شكون قتلها وأوال واحد مشاتلوو بوها
نور :بابا حتى إنسان مينجم يعاوني غيرك إنتي.... إنتي عمرك ما كنت بو باهي عمرك ما حميتني ولا عملت حاجة تخليني نحس إلى إنت بابا وأنا مستعدا نسامحك إذا كان تعاوني باش نعرف شكون قتل أمي
منجي: منعرف شي ومتنساش إلى أنا حاولت قبلك و مع ذالك معرفتش شكون ننصحك أخطاك فما حاجات تخلقوو باش يقعدووو منغير إيجابات كيما سؤلك هذا إنت بيدك حطمت عايلتك و تخليت على الراجل لي يحبك على خاطر إنسانة ميتة وو حتى قبرها يمكن معادش موجود
نور: أنا أدم عمري ما حبيتوو خذيتوو على خاطر الفلوس باش يعملي البيرو إلى نحلم بيه ونكبر حانوت يوسف و حتى ملاك متهمنيش الحاجة الوحيدة اللي تهمني أمي وو المجرم يهدد فيا بأدم وملاك مفيبلوش إللي حتى كان ماتوو أنا مستحيل نستسلم باهي
منجي : إنت حرة أما أنا منعرف شي على للي قتل أمك. َ....
آدم مسكين بطل الماكلة حياتو وقفت ملي مشات عليه نور النهار يعدي منووو شطر في الخدمة ووو شطر مع بنتووو نوارت عينوو هيا إلى مزهيتلوو حياتو......
نور :أنا جيتك باش تعاوني
مجهول : عرفتك باش تجيني
نور: مكنتش نتمي نراك ولا حتى نطلب منك تعاوني أما مجبورة باش نعرف شكون قتل أمي و مننكرش إلى أنا شاكة فيك
مجهول : هههههه شاكة فيا
... ؟؟؟ أنا عمري ما نوصل نذرك لا إنتي ولا خوك ولا حتى أمك باهي
نور : ملخر إنتي تنجم تعاوني و إلا لا
مجهول : أنا تعرف شكون قتلها أما دليل معنديش الدليل الوحيد مشا مع الشرطي إلى تقتل وقتها ستسلمت
نور : باهي شكون قتلها
مدلها تصويرة
نور : باهي عيشك وأنا هيا إلى باش نكشفوو
الحلقة 14 و الأخيرة
نور كلمت عايلتها الكل وطلبت منهم يمشيولها في فيلا مهجورة وين تقتلت أمها. صحيح ستغربوو أما ماعندهم حتى حل كان يمشيولها وطلبت الشرطة وو ركبت كامير خاطر كانت متأكدة إنوو المجرم مستحيل يخليها حية بعد ما عرفتو شكون..
يوسف : نور فاش قام جبتنا هوني
نور: دقيقة توا تعرفوو أما نحب نسأل بابا شوية أسألة
منجي : إسأل
نور : بابا إنت إلى كنت شادد قضية ماما قبلي والكلنا نعرفوو الشي هاذا آما متجيكمش غريبة إنوا حتى واحد فينا لا أنا ولا يوسف ولا تسنيم ولا إنتي ولا خديجة تضرينا وو مهددك حتى حد زادا وو الوحيد إلى تقتل هو الشرطي للي عرف القاتل شكون
منجي : شنوة تقصد بكلامك
نور: نقصد إنووو إلى خايف منوو السنين هاذي الكل أنا كشفتوو وو حتى كي هدتني أنا ويوسف هداتنا بولادنا وو بأدم.....
منجي :..........
يوسف : نور عيش أختي تكلم وو قلي شنوة تقصد... صحيح بابا خايب أما مستحيل يعمل حاجة كيف من هكا تي هوا تحدا الناس الكل على خاطر حبوو لكبير لأمي
نور: هههههههههه حبوو لكبير أي أي بابا عرس بأمي خاطر فلوسها وهذيكا خطتوو هو وو خديجة صحيح أمي سلمت في كل شي وو جات مع بابا آما بابا كان متأكد إللي عزيزي باش يدور يدور وو يكتب كل شي بإسم أمي على هذاكا عرس بها وبقي يمثل إللي هو يحبها... أما عزيزي كان أذكي منوو وو كتب كل شي بإسمي أنا وو يوسف وو حط المسأولة على الفلوس هاذي أمي وبابا باش ينحيها من طريقوو للفلوس وباس ينجم يعرس بخديجة قتلها أما يا خسارة ياااا فرحة ما تمت خاطر أمي وقتها فاقت ببابا وو بعميلوو ورجعت التوكيل لعزيزي. وو فلخر قتلها ومستفاد شي و الدليل الوحيد اللي هو فيديو إختفي وقت إلى بابا قتل الشرطي
الناس الكل دخلت بعضها والكلهم مصدومين...
خديجة وهيا تصفق: ههههههههه مكنتش متخيلة إلى إنتي ذكية لدرجة هاذي أما في حكايتك هاذي فما شوية غلطات وهوما إنوو الشرطي أنا للي قتلتووو وو الدليل الوحيد إلى يثبت الجريمة هاذي أنا بإيدي حرقتوو معنها ماعندك مااا تعمل يا مزيانة بالعربي تواا تخرلنا فيه
نور : يااااا ماني نسيت مقتلكش إلى أنا طلبت الشرطة وو حطيت كاميرا وو كلامك الكل تسجل والدليل إلى إنتي حرقتوو أنا عملت ما خير من وو خاطروو يثبت كان جريمة قتل أمي أما هذا يثبت عليكم الجرايم الكل......
الشرطة دخلت وو هزت منجي وو خديجة الحبس وو الدليل بطبيعا أما نور مشات تجري تعنق في أدم ووو بنتها
نور: سامحني أدم أما كنت مجبورة نخرجك من حياتي باش لا إنتي ولا ملاك تصيرلكم حاجة سامحني آدم
أدم : أنا عمري ما تغششت عليك ياااا نور وبطبيعتوو إلى يحب يسامح وأنا مسامحك
هما هكاكة ودخل سي كامل عزيز نور وو يوسف هوما كانوو مقاتعينوو خاطر بوهم قلهم إلى هوا عارض عرسوو هوا وو أمهم وعمل فاهم وو موش بعيد هوا إلى قتللهم أمهمَ.. نور وو يوسف مشاولوو يجريوو ترماوو في حضنوو.
سي كمال: أه كان تعرفوو قاداش ستنيتوو النهار هاذيا أحفادي معيا حمدلله يا ربي... صحيت يا نور إلى منجمتش نعملوو أنا والشرطي ومعارفي الكل عملتوو إنتي وحدك
تلمت العيلة الكل في عرس نور وو أدم الناس الكل فرحانين الفرحة خارجة من عينيهم قلوبهم مرتاحة وو منجي وو خديجة مؤبد في الحبس وتسنيم ربي هدها وو صلح رأيها هيا وو راجلها ووو نور شدت شركات عزيزها أما يوسف شد في الميكانيك مسيب أما كبر مشروعوو وو حل شركة كبيرة تبيع و تشري وتصلح الكرهب وأدم مسكين ولا ينافس في نور في السوق ههههههه والله مسكين سي كامل وسي محمود ومدام رملة ولاوو يسكنوو مع بعضهم متفاهمين وو جوهم أحلااا جووو آمل حلت صالة الصبور لي تحلم بيها...... الحاصل توااا نور وأدم رجعوو لبعضهم كان تعرفوو قداش متوحشها اول ما وصلوو رقدوو ملاك ودخلوو لبيتهم عنقها وباسها من كل قلبوو بوسة نساتوو في وجيعتوو الكل في بعدوو علاها المهم تعدات ليلة تهبل ..... تعدا عام وو توا نور وو أمل وو تسنيم حبلا ياااااا لطيف المهم توااا كلهم فرحانين عايشين بعيد على حاجة إسمها مشاكل❤️❤️❤️❤️❤️❤️❤️
رايكم في كرونيك سيرين؟؟؟
كمنتار ببلوڨر
تعليقات