انتى سبابي من 1 الى 60

قاهرة الزمان

بقلم : آية

حكايتنا على بنية ب1000 راجل حكاية سلمى 22

سنة طفلة ذكية صحيح من حومة شعبية أما اللي يحكي معاها يقعد باهت في ثقافتها و وعيها.

توا نحكيوا على عائلتها هي الأخت الكبيرة ل 2 خوات

اماني 17 سنة و اكرم 12 سنة امها و بوها ناس عياشة والحمدالله رباو صغارهم على القناعة والكرامة و اهم حاجة العلم والقراية.

نرجعوا للبطلة متاعنا سلمى كانت الأخت و البنت الكبيرة بأتم معنى الكلمة. والأهم ماتحب تعمل كان على روحها وتكره تمد يدها لأي حد حتى امها و بوها بالعكس هي الفلوس اللي تدخلها تقرالهم حسابهم قبل كل شيء.

بطلتنا تخدم في شركة كبيرة بارشا و معروفة اول مرة دخلتلها كانت في stage لكن بذكاها و بخدمتها و بنشاطتها نجمت تجذب انتباه سي عارف **** و شكون مايعرفوش راجل بكلمة منو يهد البلاد معروف بصعبوا أما زادة معروف بوقفتوا مع الناس

سلمى تقرا comptabilité هي كملت و مازالت تحب على الماستر

سي عارف بالنسبة ليها بو و خو و هي زادة دخلت لقلبوا و ولات بنتوا و بير اسرارو سلمى بالنسبة ليه الونس و السند خاطر وقفت معاه في بارشا حاجات و حكايات كبيرة و وصلت منعتلو مرتوا من الموت.

Ep1

اليوم فما صفقة كبيرة للشريكة متع سي عارف و اكيد سلمى هي اللي واقفة عليها و هي إذا حطت حاجة في مخها لازم تصير خاصة في الخدمة .

و قبل ما يوصلوا الجماعة اللي يستناو فيهم مشات توضات و صلات لربي ااه نسيت ماقلتلكمش سلمى متحجبة و صلاتها قبل كل شيء

خليني نوصفهالكم شوية هي مشالله عليها مسراره قمحية و أك العنين الكبار لونها بني و شوافرها طوال و اك الشفايف مليانين زينها زين عربي و زادتها الوهرة و الريشة اللي عندها .

كملت صلاتها و دخلت للsalle de réunion بدات تحضر في أوراق الصفقة حتى لين وصلوا الجماعة سي عارف و الجماعة اللي يستناو فيهم و معاهم سي احمد خو سي عارف وولدو مراد يخدموا مع سي عارف.

بدأو الاجتماع و كالعادة سلمى خرجت بأكثر ربح للشريكة تي الطفلة صدمتهم و عطات chiffre آخر من عندها و باسلوبها أقنعت الجماعة الألمان و خرجتهم يضحكوا 😂😂.

و سي عارف و خوه بقاو باهتين خاصة سي احمد

عارف : سلمى تنجم تفهمني شنوة اللي صار توا كيفاش تتصرف هكا

احمد : و الله حتى انا كيفك ماني فاهم شيء

مراد و سلمى شايخين ضحك

سلمى : الحقيقة سي عارف انا كنت محضرة ال chiffre هذا من قبل و ماقلناش لحتى حد خاطر فما شكون قاعد يسرب في المعلومات متاعنا لبرا

مراد : صحيح عمي احنا شلقنا بالحكاية هاذي توا مدة و ماقلنا لحد خاطر تعرف الحكاية هاذي ماتتخباش

احمد : يا بنيتي عالاقل قلتلنا مش نبداو كالاطرش في الزفة هكا تي بالعمل لعبت عليا الدوخة

سلمى : هههههههه اللطف عليك

عارف : ههههه باهي توا انا نشوفها الحكاية هاذي براو شدوا بيرواتكم

خرجوا سلمى و مراد

عارف: والله خايف عليها و ضميري يانب فيا توا هالطفلة مسكينة متحملة مسؤولية أكبر منها و زيد تعرف هي مازالت صغيرة بارشاا و هاك تشوف قداش من مرة تمنعنا

احمد : صحيح أما هاذيكا بالذات ماتخافش عليها سلمى على قد ما هي طيبة ذكاها أكثر و انت تعرف الشيء هذا مليح خدمتها خير من بارشا عندهم خبرة في عمرها

عارف : نعرف الشيء هذا أما ماتنساش اللي بعد الحكاية الآخرة وليت خايف عليها بارشا

احمد : ماتحط شيء في بالك و هانا حطينا شكون يعس عليها من بعيد لبعيد

عارف : ربي يحفظ بنيتي عالاقل لقيتها هي اللي واقفة معايا ولدي اللي من صلبي ماعملش معايا ربع اللي عملتوا هي

احمد : حقا وينوا هذاكا مش ناوي يرجع تي والله توحشتوا

عارف : قال هابط الشهر الجاي

نمشيوا احنا توا للنص الآخر من العالم و تحديدا البرازيل وين موجود آسر **** و كالعادة مازال كي قام من النوم بعد ماشنعها البارح في السهرية

نحكيلكم على آسر طفل بقلاوة بزايد شحور الشعر الأزعر و عينيه خضر حشيش

و مانحكيوش على البدن المسكل و طبلية الشكلاطة و اك التاتواج اللي عاملوا على طول كتفوا اليمين

قايم يتكسل و بحذاه شخطورة راقدة خلاها و مشا عمل دوش و هبط للكوجينة عمل قهوة و يخمم لسهرية اليوم 😂😂







نرجعوا لسلمى اللي كالعادة مع الستة تبدأ في الدار عائلتها بالنسبة ليها الجنة و الأمان عندها رضاية والديها و ضحكت خواتها بالدنيا اليوم روحت و معاها مراد كالعادة مستدعي روحوا الله غالب مايقاومش ماكلة للة ليلى (ام سلمى )

دخل طول للطنجرة يأكل وحدوا هههه

سلمى : وااا فرار هكاكة طول اللطف رحلت بيها الدنيا ملا عباد

وكيف العادة تجيها قلاية من حيث لا تدري

مراد : تفووووه عالمناظر بالك ناكلك في عشاك انا

سلمى : techniquement oui

مراد : اي و مبعد شنوا بش تعمل

و شنعت ما بياناتهم عرك و سبان و ضرب حتى دخلت العيلة كلها تحز مابيناتهم و شايخين عليهم ضحك

سلمى : أخرج من الدار ماكانش نحسب ربي ماخلقكش

مراد : والله لاني خارجها و هاني قاعد على قلبك

لا علينا بعد ربع ساعة قعدوا ياكلوا مع بعضهم

مراد كمل تعشى بحذا اكرم و عم ناصر يتفرجوا عالماتش .




الحلقة 2

اليوم يروح آسر وراجع فوق من قلبوا توا 5 سنين ماجاش.

عارف قاعد في البيرو مع خوه و مراد يحكيوا على آسر و شنوا ينجم يصير برجوعوا بالطبيعة ماهوش بش يقعد عاقل و بش يشيحلهم ريقهم

مراد :عمي اكيد اسر ماهوش بش يقعد ديما هكا ماتخافش و زيد هاني معاه

احمد : صحيح يا عارف اتهنى ماتنساش ماهوش صغير ماشالله عمروا 28

مراد : هههه والله و كبرنا

مراد و آسر مولودين فرد نهار مدام ايلينا ام آسر رباتهم الزوز مع بعضهم بعد ما مدام مريم ام مراد توفات و هي تولد فيه

ايلينا روسية حبها سي عارف وقتلي كان يقرا غاديكا و عرسوا و جات معاه لتونس

مدام ايلينا توا مشلولة بعد الحادثة الكبيرة اللي صارت في عيلتهم من 6 سنين لتالي

عارف : ههههه قولش عليكم ماتعرفوهوش مش انا اللي بش نقلكم على عمايل آسر و مصايبوا

و تدخل عليهم سلمى

سلمى : بسم الله اللطف عليكم من المصايب انشالله خير شفما لاباس ماهو

مراد : بشوية بشوية تران داخل مافما شيء نحكيوا على آسر انشالله اليوم العشية يوصل للمطار ماتنساش حضر روحك بش تمشي معايا نجيبوه

عارف : اي بنتي بالله امشي معاهم خاطر هوما الزوز كان يتسيبوا في الشارع عادي كل واحد يروحلي بحارة بنات

احمد : هههههههههه تتفكر أك النهار

مراد : بابا، عمي بالشوية طول بديتوا بالفضايح

سلمى : علاه بالك مانعرفكش كيفاش كنت يا حسرة ههه

عارف : ههههه والله نشهدلك يا سلمى كيفاش جيتوا للثنية تي الطفل ولا يرقد العشرة

سلمى : هذاك خويا و انا ماعنديش ذكورة تقعد لبرا بعد ال9

احمد : ههههه والله لازم نبعثولك آسر فماش مايتربى على يدك

سلمى : ههههه ياخي مافماش في عيلتكم حد ما عندوش سوابق . أيا نخليكم انا توا وانت يالخو كيف تجي خارج قلي

مراد : ياعمي متأكد من اللي تعمل فيه انا سلمى الحق مانحملش فيها و سامحني أما اسر مش متاعها و هي تستحق كل خير يزيها ماقاسات منا توا تحب تعرسلها باسر

عارف : نعرف ياوليدي نعرف أما هذا لمصلحتهم الزوز اللي صارلها جرتنا لازم يتصلح و هو ماهو بش يجيبوا للثنية كان هي

احمد : انشالله ربي يولف القلوب على بعضها

مراد : انا الحقيقة مش معاكم هوما الزوز عينيا و زيد اللي صارلها مش ذنبها

فلاش باك :

سي عارف داخل للبيرو ووراه سلمى تجري و تجري على الصفقة الجديدة كان ربحوها بش يسيطروا عالسوق

هوما داخلين و يتفاجأوا بسي حسن **** أكبر عدو لعارف

عارف : زارتنا البركة سي حسن

حسن : ههه لا يعيشك جيت بش نقلك كلمتين و ماشي على روحي الصفقة الجاية تتنازل علاها خير

عارف : اللي فيه الخير ربي يسهل فيه احنا الزوز هانا موجودين و الجماعة ماعليهم كان يختاروا اللي يريحهم

حسن: ظهرلي مافهمتنيش انا قتلك تنساها جملة

عارف : ماكانش؟ ؟؟

حسن : ههه انت تعرفني ودار لسلمى

يا صغرونة قداش عمرك

سلمى : 20

حسن : هههههه ماشالله

قال كلمتوا و مشا

سلمى : اكيد مش بش نخليك تسلملوا في الصفقة احنا اللي تعبنا عليها

عارف : ظهرلي فيك مافهمتش شيقصد

سلمى : لا فهمت أما ماتخافش خاطر انا مش خايفة انا نجم نحمي روحي و ربي الحمدالله ديما واقف معايا

حسن : كيفاش وصل و خذاها الصفقة ياخي مش خليتوا بش يتنازل عليها

مالك : بابا والله لا نعرف احنا توا خلينا في مصيبتنا

حسن : والله الا ماتتكلفلو غالية و اك الغشيرة اللي هاززها في جرتوا لكل بلاصة لازموا يترزا فيها

مالك فهم بوه شيقصد

عارف : إيجا يا مقصوفة ياخي شعملت بالضبط

سلمى : شيء juste وصلت لسي حسن المعلومات اللي يحب عليها هههه

عارف : ياخي كيفاش عرفت اللي فما شكون قاعد يوصللوا في أخبارنا

سلمى : انا كنت شاكة قبل اما نهارت اللي جا تأكدت

لانو جاء و خايف بارشا و زيد كان قاصد يجي قبلك و احنا نهارتها جينا كان مع ال14 يعني كان يعرف اللي احنا عندنا اجتماع لبرا

عارف : ههههه نشهدلك ايا يالا شد المبروك متاعك

مدلها صندوق صغير

سلمى : هههههههه شنوة هاذوم مفاتح كرهبة؟ ،

عارف : اي هاذيكا متاعك توا انشالله مبروك عليك

سلمى : شوف سي عارف انت خيرك مغرقني و معزتك عندي كبيرة أما سامحني مانجمش نقبلها

عارف : شوف هاذيكا حقك انت و زيد ماتنساش اللي غدوة عيد ميلادك يعني 2×1

سلمى : أما؟ ؟

عارف : ايا اقلب وجهك توا خير ما نتغشش وزيد مش انا اللي خذيتها ايلينا هداتهالك و جرب توا قلها لا ماك تعرفها؟ ؟

سلمى : هههههههه لا هكاكة نقبل و نبلع فمي

العشية سلمى مروحة بكرهبتها و فرحانة بيها عالاخر

و مسكينة ماشلقتش باللي فما زوز كراهب يتبعوا فيها حتى لين حصروها و هزوها

مالك : شبيك خايفة مش انت اللي من نهارين باركا كنت تهدد و تعارك

سلمى : فكلي يدي باركا يا خامج و الله مانوريك النسا شتعمل

مالك : لا انا اللي بش نعمل

هزها يكرر فيها مربوطة و دخلها لبيت نوم سكرلها فمها وربطها في الفرش

مالك : انا توا اللي بش نوريك الرجال شتعمل

من غير سابق انذار قطعلها سوريتها و نحالها فولارتها وتطيشهم على القاعة و بدا يعدي في يديه على بدنها و هي المسكينة تفر




الحلقة 3

مالك : انا توا اللي بش نوريك الرجال شتعمل

من غير سابق انذار قطعلها سوريتها و نحالها فولارتها وتطيشهم على القاعة و بدا يعدي في يديه على بدنها و هي المسكينة تفركح و تحاول تمنع روحها أما الله غالب قاومت قاومت للي ماعادش عندها جهد وهو كان كالحيوان فوقها مارحمهاش ولا رحم دموعها حتى لين سرقلها أغلى حاجة تملكها بكل وحشية و مابقى يقول كان في جملة واحدة " عندي بارشا ماشختش كيف اليوم "

بعد ما كمل جريمتوا خرج وخلاها هكاكة مربوطة و مكسورة تدعي لربي انو يهزها عندوا خاطر ماعندهاش الجرأة انها تغزر في عينين بوها

سلمى بقات عند مالك أكثر من جمعتين بدع بحالتها مسكينة وصلت لدرجة حتى الوجايع ماعادش تحس بيها ما بقات تعمل كان أنها تدعي لربي انها تموت تحتوا

في أك الجمعتين سي عارف و سي احمد و مراد مافماش حاجة ماعملوهاش بش يلقاوها أما مانجموا يوصلوا لحتى شيء مراد كذب على عيلتها و قلهم اللي مدام ايلينا جاتها نوبة و هزوها لألمانيا هي و سي عارف

لين نهار جاهم فيديوات فيها كل شيء

عارف من الصدمة طاح بالوقت خاطر هو السبب في اللي صارلها الكل و حتى مراد و احمد مايبعدوش عليه بارشا

مبعد شوية جاهم تليفون من الشرطة اللي هوما لقاوها مطيشة في الشارع مشاوولها بالوقت يجريو للسبيطار

سألوا عليها و قالولهم اللي هي في بيت العمليات

بقاو يستناو أكثر من ال 4 سوايع

حتى للي خرج الطبيب

مراد : دكتور بالله قلي اختي لاباس

الدكتور : حالتها صعيبة عندها نزيف داخلي حاد

الحقيقة المريضة تعرضت لابشع أنواع الاغتصاب مانكذبش عليكم حتى الحيوانات مايعملوش هكا

عارف : دكتور بجاه ربي اعمل اللي تقدر عليه الكل المهم منعلي بنتي

الدكتور : من غير ما توصي

بعد 3 ايام فاقت سلمى ماكانتش في غيبوبة أما بعد العملية دخلت في هيستيريا فاضطروا انهم يعطيوها مهدأ قوي دوب ماحلت عينيها تلقى مراد على رأسها

مراد : سامحني عيش اختي سامحني

سلمى : تشد ولا لا

مراد : ماتخممش فيه توا انت قوملنا توا

جات بش تقوم تقعد مانجمتش الوجايع من اللوطة خليتها توصل ماتحسش بساقيها و هذاكا اللي صار بقات قريب الشهر ماتنجمش تمشي

اول ما قامت كلمت امها و قالتلها اللي هي في ألمانيا و بش تزيد تقعد غاديكا خاطر مدام ايلينا تاعبة بارشا

مسكينة حالتها ماكان يعلم بيها كان ربي بعد ما خرجت من السبيطار سي عارف هزها لدارو و جابلها فراملة يتلهاو بيها

سلمى بقات عند سي عارف شهرين. شهرين تعداو عليها جحيم كانت في الليل تقوم تصيح و تعيط و لا تدخل في هيستيريا متع بكا

مراد كل يوم يمشي يقرالها القرآن حتى لين ترقد

أما سي حسن وولدو هربوا من البلاد

و سلمى برأت و رجعت أقوى من قبل اكيد مانساتش و عمرها ماهي بش تنسى اللي صارلها و لا بش تسلم في حقها.

نرجعوا للحاضر

دخلو سلمى و مراد للمطار يستناو في آسر بقاو غاديكا أكثر من 4 سوايع خاطر الطيارة عملت روتار

المهم سهل عليهم ربي و وصلت الطيارة مراد يشوف فيه خارج بكل وهرة مالا راهو آسر ***** و شكون مايعرفوش شطر البنات اللي غاديكا طيحهم بتبسيمتوا العسل جرالوا طول قداش توحشوا و توحش ضحكتهم مع بعضهم

سلمى اول مرة بش تشوفوا ها سي آسر عندها عامين تسمع عليه

مراد : اهلا بولد العم والله توحشناك مخيبها بلاصتك فارغة والله بصحتك خليتني وحدي

و تجيه مشطة تزغرت من عند سلمى

سلمى : تفووووه عليك عامين و انا وجهي في وجهك صيف ولا شتاء و في الاخر تقول وحدك والله زايد واطي و مايثمرش فيك

مراد : الله غالب شفت ماهو هاك طلعت عسكري كرذونة

سلمى : برا نعن انا الغالطة اللي نحكي معاك اللي كيفك

آسر : يا ولادي بشوية فضحتونا اختي شكونك انت؟

مراد : هاذيكا جن ازرق اللطف و أعوذ بالله

سلمى : جن يركبك ياللي ماتحشمش

و كالعادة شنعت عركة بيناتهم أما المرة هاذي فضها الحاكم هههه

في الكرهبة مروحين

آسر : والله لاني مصدق مازلت ماعملتش درج و رصاتلي نحز في عركة لا و زيد يخلط الحاكم

سلمى : تي بالله ياخي اول مرة هي؟ ؟؟

مراد : هههههههههههههههه تتفكر يا مصيبة كيفاش فضها الحاكم وقتها في الستاد

سلمى : ههههه و انا نجم ننساها تي رصاتلنا بايتين في المركز

آسر : هههه مش نرمال بالله قلي يعيشك انت شكون؟ ؟

سلمى : هههههههه شوف ياسيدي باهي نعرفك على روحي انا سلمى*** عمري 22 سنة نخدم في ال société متاعكم و متبنية المتخلف اللي بجنبي هذا كاخ كبير

آسر : باهي بارشا و تعرفني انا شكون ؟؟

مراد : هههههههههه شنوة ولد العم تحب تحير اسمك مرة اخرى

سلمى : آسر **** عمرك 28 سنة عندك 5 سنين عايش في البرازيل متخرج من غاديكا و تعشق حاجة اسمها photographie عندك حساسية من الفراز و ماتحبش القطاطس ذوقك في البنات ماتحب كان الشقراوات و تكور مليح و تكره حسرة البيرو و تحب السفر

مراد : نسيتش حاجة ؟؟

سلمى : نومرو صباطوا 43

آسر : ههههه ماشاءالله عليك هاك متابعة الاخبار الكل

سلمى : ههههه ماتخافش مدام ايلينا ماتحكي كان عليك




الحلقة 4

وصلوا الجماعة للدار وهبطوا آسر دوب مادخل مشا طول يجري لامو قداش توحشها وتوحش ريحتها و هي زادة ماهيش مصدقة اللي هو رجعلها. حتى سي عارف فرح برجوع ولدوا عالاخر. قعدوا الجماعة الكل في الصالة .

أحمد : الحمدلله على رجعتك يا غالي

آسر : يعيشك بو حميد والله حتى انا توحشتك

احمد : ههه اي قولولي شبيكم لتوا تحيرنا عليكم

آسر : هههه مانحكيلكمش خير

سلمى : اااه اي اي مسكين طيارتو جات روتار

مراد : اي بابا هههه جانا شكشوكة

ايلينا : اكهو؟ ؟

مراد : شتقصد امي؟ ؟

ايلينا : قصدي انتوما الزوز قاعدين مع بعضكم و ما صار شي؟ ؟

آسر : هههه صارا نتوما ديما بفضايحكم هكا . وي امي عندك الحق تي ماهي شنعت بيناتهم عركة ما فضها كان الحاكم

سلمى : تي اي ماهو المتخلف هذا باعني بعد ما ولد عموا جاء و ولا وحدوا و انا عامين نعلف فيه كان جيت نعلف في بقرة راني ستغنيت منها

مراد : البقرة انت يا متخلفة تلم لا نجي نطيحلك فمك

سلمى : محسوب توا تعمل حاجة تي نهار كامل ما فيك كان الكلام.

مراد : ههه باهي مالة هاني جايك مالا

قامت سلمى تجري و مراد وراها طلعت فالدروج تصيح و تعيط واكا مراد يتحلف فيها ايلينا تضحك عليهم و عارف دار لولدو اللي باهت في عجب ربي

عارف : هههه فكك منهم هاذاكم زوز مهبلة تو شوية اخر يجيوا

آسر : والله عمري لا ريت حد كيفها هالطفلة تي شكوني بالله

ايلينا : قوم ارتاح بابا تو غدوة نحكيوا

هو جا قايم و يسمع في صوت تكسير

سلمى : والله متخلف هكا الفاز تي حسنة إلا ماتبدع بينا توا

مراد : كلوا جرتك يا بهيمة

هوما هكاكة و تجي حسنة تعيط و تصيح مسكينة كل مرة مكسرين حاجة نعرفكم حسنة هاذي تجي المرا اللي تتلها بالدار طيبة بارشا توا عندها محسوب 30 سنة تخدم عندهم أما ماتعطيهاش فيها تي تشوفها تقول عمرها 30 سنة شخلا من المناظر يعيطولها باسمها

سلمى : سامحني حسون والله لاني انا اكثر المتخلف مراد

هي جات بش تدورلوا و هو يزرف يهبط اللوطة

الجماعة يسألوا فيه شصار حتى لين تجيه سلمى تسب من غاديكا. آسر مسكين ماعادش فيه طلع لبيتوا يرقد و سلمى روحت بعد ما شربت ايلينا دواها و حكات على الخدمة شوية

من غدوة الصباح عيلة سي عارف ملمومة عالفطور

مراد : اا ولد العم شتحس في روحك هههه

آسر : هاني. توا بش تقولولي شكون سلمى هاذي و الله بايت ليلة كاملة نخمم فيها

ايلينا : شنوة حب من اول نظره

آسر : هههه لا مش جوي جملة

مراد : ههههه صحيح صحيح

عارف : انا نقلك هاذيكا تنجم تقول بنتي اول ما جات جاتنا stage وقتها عمرها 19 عام أما بذكاها ولات خير من شطر الخدامة و بشوي بشوي ولات بنتنا و اخت هالمتخلف

مراد : ههه اي كان ماجاتش هي رانا مشينا من اك العام

آسر مستغرب من اللي يسمع فيه يعرف عايلتو مش بالساهل يدخلوا عبد في وسطهم و ياثقوا فيه معناها اكيد الطفلة هاذي عملتلهم حاجة كبيرة

آسر : شتقصد؟ ؟

مراد : سلمى وصلت منعت بوك من الحبس و امك من الموت حتى انا زادة هي اللي وقفتلي بش بطلت الهم اللي كنت نشم فيه تي يا فرار وليت نصلي

آسر : هههههههه لا لا مانصدقش انت و تصلي؟ ؟

احمد : هههههههههه حتى إنا كيفك لتوا لاني مصدق

ايلينا : سيبولي ولدي توا شبيكم رديتوه كافر

آسر : هاني سكتت انا وشادد ضحكتوا بالسيف

عارف : ايا سيدي ولدي وقتاش ناوي تجي تخدم على روحك

بالوقت شرق

مراد : ههههه شفت ربي مايضيع حق المظلوم

آسر : جيت لبارح بابا راهو

عارف : اي مالا هاني بش نخليك ليوم و تجيني غدوة

توا نمشيوا لدار سلمى قاعدين يفطروا و تكلم اكرم

اكرم : ماتنساوش ياجماعة اليوم المسابقة متاعي لازم تجيوا

سلمى : نجيوا ياروحي مالا لا المهم انت ركز و انشالله ربي يوفقك

اماني : ههههه و انا مافماش دعيوة هكا و خيتك باك راني

اماني و سلمى صحاب عالاخر يرقدوا مع بعضهم و يلبسوا مع بعضهم و الزوز اسرارهم عند بعضهم اماني هي الوحيدة اللي تعرف شصار لاختها

ليلى : ههههه تبارك الله عليكم نتوما نوارات عيني

ناصر : ايا ماعادش بكري عليكم سلمى يعيش بنتي وصل خواتك

سلمى : هيا قوموا هيا

كملت سلمى وصلت خواتها و تعدات للشريكة دخلت تلقى مراد في البيرو

مراد : صباح الفل والياسمين

سلمى : صباح النور حضر روحك اليوم اكرم عندو compétition العشية

مراد : فيبالي من البارح

تعدا نهار فيسع فيسع العشية مراد و سلمى تعداو طول. دخلوا قعدوا بحذا الجماعة يتفرجوا فيه. أكرم يترانا سباحة الحاصيلو كالعادة اكرم جا الأول

روح لدارهم يتبخر بآك الميدالية

ليلى : فرحتي اليوم مانعطيها لحد

مراد : انشالله بفرحة اماني و غمزها

سلمى : هههههههه انشالله انشالله

مراد قاعد يتعشى معاهم و اماني تغزرلوا من اللوطة للوطة . اماني تحب مراد تي مش تحبوا تعشقوا و بالطبيعة اختها في بالها و قالتلها اللي هو باهي أما عندها الباك السنة تركز فيه و مبعد تتلها في سي حبيب القلب

مراد : شعاملة امونة في الباك

اماني : الحمدلله هاني نحرث و انشالله ربي يسهلي

مراد : ههههه تخافش تخافش انا عندي فيك الثقة .




الحلقة 5

انشالله توليلنا طبيبة.

ليلى : انشالله ياوليدي والله من فمك لربي و وقتها ماناقصني كان فرحة سلمى

سلمى بالوقت شرقت. تحيرولها مواجعها القدم اللي اصلا لا نهار نساتهم . اماني و مراد هوما الزوز اللي حسوا بيها و بوجيعتها

ناصر : اي انشالله ياربي أما هاي للا سلمى مسكرة رأسها و قتلك مازال بكري

سلمى : يا بابا الغالي مازلت صغيرة أما عرس و أما ماخذه عمري 22 سنة

ليلى : لا 23 تنساش الجمعة الجاية عيد ميلادك

سلمى من اللي صارتلها الحادثة أكثر نهار تكرهوا هو نهار هذاك

مراد : جوو شقاولكم نمشيوا للفيرمة نعملوه غاديكا

مراد قال هكاكة خاطر هاذيكا أكثر بلاصة تحبها سلمى

اماني : يااا اي اي والله تفتق اك الفيرمة تهبل

مراد : كيفك أما قالها بشوية ههه

اماني مشالله عليها ماجاتش كيف اختها جات تشبه لعيلة امها القشرة البيضة و الشعر الطويل مارون حرير يفوت نصها أما في الملامح يشبهو لبعضهم

ليلى : هههه والله فكرة

مراد : مالا خلي نقول لأمي اللي انتوما موافقين

سلمى : وانا ماعنديش رأي مانجموش نمشيوا خاطر تنساش اللي الخدمة مكدسة فوق ريوسنا

اماني : يعيش اختي خلي نمشيوا تي حتى انا زادة نحب ننسى stress الباك

سلمى ماتنجمش تقول لا لاختها و توا نجحت الخطة متع مراد بش يقرب بين آسر و سلمى اكيد بعد ماتفاهم هو و اماني عليها اماني زادة تحب اختها تجرب الحب و تعرس خاطر تعرف اللي الحب هو الحاجة الوحيدة اللي بش تداويلها جروحها

مراد روح وقال لايلينا اللي سايي سلمى وافقت

عارف : باهي بارشا توا شوف خوك وينوا نحبكم غدوة عالصباح في الشريكة

مراد:انشالله

أما كأنكم على آسر في عالم آخر السيد ساهر في أقوى بواتا و اكيد معاه قداش من شخطورة .

عارف : مراد ياخي مش وصيتك تجيبوا معاك توا ال11 و السيد ريحتوا مافماش

مراد : والله تعديت لبيتوا الصباح مالقيتوش قلت مشا معاك

مراد خرج من البيرو الدجاج الاكحل داير بيه

سلمى : وااا فرار شبيك؟

مراد : هانا رجعنا للمرج متع آسر توا

هز تليفونو يكلم فيه بعد 30 appelles بش هز عليه

مراد : اا سي ال*** فقتشي توا بوك خربقها على راسي جرايرك

آسر : ههه نسيتوا هذاكا

مراد : باهي مالا قوم فيسع ماكانش والله نبعثلك الحاكم للبرتمان

آسر : هههه باهي باهي

سلمى : خييت و زيد عاملين برتمان للخمج متاعكم

مراد : يا حسرة عندي قريب لعامين معفستوش

سلمى : خير بش هكاكة اختي تلقاك حاضر

مراد زادة يحب اماني أما مايحبش يقلها و زيد سلمى وصاتوا بش مايكلمهاش توا

بعد ساعة آسر داخل بشورت و خلعة و شلاكة اما

هذا مايمنعش انو gمبلة خاصة بآك التاتواج

مراد : ر** تحكي بالرسمي انت جاي هكا

آسر : الله غالب جيت مزروب بالله ابعثلي قهوة

دخل للبيرو يلقا سلمى تتشعبط بش تجيب دوسي

آسر دوب ماشافها بقى واقف مايعرفش علاه ماراها كان مرة أما بقى يخمم فيها خاصة بعد ماحكاولو عليها عيلتها

آسر : نعاونك؟

سلمى : سملحمرحيم شكون؟

آسر : هههههههه انا

سلمى : يااا انت

آسر مافهمش تتمنيك ولا بالجد

سلمى : تفضل ادخل علاش واقف على الباب

دخل و بقاو يحكيوا و هي شادة ضحكة بالسيف على حالتوا باللي سمعت اللي هو مهبول أما مش للدرجة هاذي

بعد دخل مراد

مراد : ايا بابا اهيا قهوتك فيقلي خاطر فما طرح تمزبيل يستنى فيك و توا بهيأتك هاذي ولات الدوبل

خرج آسر و سلمى طرشقت بالضحك

سلمى : ههههه يااا ملا كعبة هذا عندو تgربيعة ماسطة

مراد : ماعندك ما شفت هاو بش يولي في وجهك تو تشوف الهبال على قاعدة

آسر خرج من عند بوه بعد ماكلا تمزبيلة اللي هي

مراد : شنوة ولد العم وجهك مشالله بش يتطرشق

آسر : تت**** تي مزبلني لين نحس في وذنيا كباروا

سلمى : هههههههه حتى انت معلم ملا عملة. أي روح بدل دبشك و ألبس costume و إيجا

آسر : ماعنديش

مراد : البس من عندي حتى لين يحلها ربي

آسر روح و بالطبيعة مارجعش مشا كمل نومتو العشية يجيه سطل ماء من عند مراد

مراد : وينك يا **** ياخي ناوي تهبلني انت

آسر : ياخي شبي ***** هكا تقوموا العباد

مراد : شوف هاني نقلك اتكبس توا 5 سنين عايش فيهم حياتك توا لازم تاقف على رزقك.

هوما هكاكة و تدخل عليهم حسنة و وراها chariot دبش كلهم des costumes et des chemises

اسر : شنوة هذا؟ ؟

حسنة : وليدي وانا منين نعرف جاو توا جابوهم و قالوا هاذوما لأسر ****

مراد عرف اللي هاذي عملت سلمى

مراد : ههههه اك المهبولة اكيد عمايلها نخليك توا

دخلت ايلينا على الكرسي متاعها

ايلينا: هههه والله عندها ذوق و زيد تايك انت بالضبط

آسر بقى مبهم خذا نومروها من عند مراد

سلمى : الوا شكون معايا

آسر : آسر **** حبيت نقلك مرسي على الكادو

سلمى : هههههههه بيناتناش اهوكا تربح وقت و الأهم غدوة ال8 تكون موجود

آسر : انشالله نخليك توا

كمل حكى معاها و قام يشوف في الدبش عجبتوا الفازة عالاخر ماتوقعهاش جملة

من غدوة الصباح دخلو مراد و سلمى يلقاو آسر وصل قبلهم قام من الكرسي و هي طول عينيها ترشقت فيه كيفاش السورية مكبوسة عليه و القفلتين .




الحلقة 6

دوب مادخلوا قالولو عندهم اجتماع ولازموا يدخل معاهم بش يبدا يأخذ الخدمة بالشوية بالشوية هوما دخلوا و عرضتهم قمبلة ألمانية جات المرة اللي فاتت معاهم آسر بالوقت ريقتوا سالت تي حتى من احمد بيزنس فيها أما مراد و عارف العشق مالي قلوبهم و ماينجموا يشوفوا كان المرا اللي في قلبهم مافما كان سلمى مسكينة ماخذه الاجتماع بالجد و مهبطة جهدها في الخدمة مراد زادة يحاول يساعدها شوية أما آسر مش هوني جملة قاعد يكمبص كيفاش يركحها كملوا الجماعة و قاموا وبالطبيعة آسر ركحها قبل ما يخرجوا

سلمى : الحمدلله يا ربي هم و انزاح

عارف : ههههه مشالله على بنتي و رما قحرة لولدو

احمد : آسر وليدي نشهدلك بكلمتين ركحتها الطفلة

آسر : لازم عمي نعرفوها على الإنتاج التونسي مالا

مراد : صحة لخويا نخليكم

آسر : ماكش جاي مبعد

مراد : لا لازم نرقد بكري

آسر : كثرتلها ولد العم بالتربية و زيد غدوة الweek end

مراد : ههههه اي أما غدوة هابطين للفيرمة بش نعملوا عيد ميلاد سلمى غاديكا

أحمد : ياخي وافقت؟ كيفاش؟

مراد : هههه ماهو اماني عاونتني وانت تعرف كان اماني قالت حاجة بالوقت سلمى تعملها

احمد : هههههههههه مالا حضر روحك انت توا

آسر : فهموني

مراد : اماني اخت سلمى حالياً و مرت خوك مستقبلاً خليها تاخو هالباك المحنون و والله نخطبها بالوقت

آسر : هههه والله و جا النهار اللي ريتك فيه طايح على راسك

احمد : ووصل وشم اسمها على قلبوا

آسر : شيء كبير يا عمري

مراد : دورتوهالي بالوقت

مشا مراد بحذا سلمى اللي خلاتهم من ساعة أما اسر كمل الخدمة و خرج يحضر في روحوا للسهرية

عارف و احمد و ايلينا و حسنة قاعدين يحكيوا على الاولاد. أما سلمى فالدجاج الاكحل داير بيها و مراد و اماني باللي عملوا شيء مراد بش يبات في دار سلمى مع اكرم بش غدوة يقوموا كلهم يمشوا مع بعضهم و زيد سلمى تحبوا يقرب شوية من اماني و تعطيهم الفرصة بش يحكيوا وحدهم. في الليل لا اماني ولا مراد ينجموا يرقدوا هي مش مصدقة روحها اللي حبها بايت في دارهم و هو مسكين مقهور قريبة و بعيدة فرد وقت. قامت ماشية للكوجينة بش تجيب ما و بالطبيعة مراد بالوقت قام يشوف على أمل تكون هي.

في الكوجينة دايرة بش تخرج و تتصدم فيه وجها يتضرب في صدرو

تحكي و شفايفها يرعشوا : مممراد لاباس تحب حاجة

مراد : اللي نحب عليه صعيب توا أما يجي نهار و يولي متاعي يحكي و يوشوش في وذناها

اماني مسكينة دخلت في حيط شيء من قربوا و شيء من كلاموا

و هو زادة مايبعدش علاها بارشا مش منجم يقاوم شفايفها اللي يرعشوا و بخفة طبع بوسة على خدها و خرج و خلاها دايخة .

دخلت طول تجري تحكي لاختها سلمى فرحانة لوخيتها و تعرف حتى لو تدور العالم الكل ماهيش بش تلقى واحد كيف مراد

من غدوة الصباح قصدوا ربي الجماعة للة ليلى و راجلها ركبوا مع بنتهم أما اماني و اكرم مع مراد اللي زرسة العقل ظهرت من الفرحة اكرم ركب من القدام و اماني من تالي حاشمة منوا بش تموت اكرم حط الكيت و درجين و رقد أما مراد عين عالكياس و عين على صغرونتو

ساعتين ووصلوا يلقاو الجماعة تستنى فيهم مراد سإل على آسر و قالولو بش يخلط سلمى هبطت سلمت عليهم هي و خواتها ايلينا شدت اماني بحذاها بقات تحكي هي وياها و مبعد مشاو للكوجينة بحذا حسنة و ليلى

و الرجال مشاو يقصوا في الحطب بحكم الدنيا مازالت شتاء أما سلمى مشات لبلاصة العادة بلاصة بجنب شلال صغير دايرة بيها الأشجار. بقات غاديكا تبكي و تدعي لربي قامت بش تروح و تشوف في خيال بين الأشجار بقات تقدم لين راتو شادد الكاميرا متاعو و مركز ماحسش بيها

سلمى : نعاونك

آسر : شكون؟

سلمى : هههههههه انا

آسر : هههه انت يااا

سلمى : ترجع في فازتك باهي

آسر : هههه مالا شفيبالك نلعبوا احنا؟ ؟

كملوا طريقهم لكرهبتوا وصلوا للفيرمة هوما و الرجال قد قد

دخلوا يلقاو الفطور حضر فطروا و قامت سلمى غسلت الماعون خاطر ماعونتهمش في الفطور و كملت حضرت التاي و حطت طرف حلو و غلة تي الحاصيلو شيختهم داخلة وهازا الطبق في يدها آسر شافها و لأول مرة بروب صحيح هي سامبل بارشا و فيها نقشة بسيطة أما على بدنها جات واو خاصة الفولار كيفاش عاملتها لتالي مع انو شاف العرا و جرب أما اول مرة يسرح في طفلة و توا اكتشف تبسيمتها داخلة و في يدها طبق تتبسم للجماعة

سلمى : ايا هاني جيت و جبتلكم مالازم القعدة

ايلينا : يعيشلي بنتي بالحق صحة ليك ليلى عندك البنات والله هوما زينة الدار انا الله غالب جاوني زوز ذكورة كل واحد اتعس من الاخر شيبوني على صغر سني

ليلى : هههه انشالله تفرح بيهم و يجيبولك بنيات

ايلينا : انا الحق الحق نحب على اماني لمراد ولدي مانلقاوش خير منكم

ناصر : حتى احنا زادة انا مانقولش لا أما اول حاجة قرايتها و ثاني حاجة هي اللي عندها الحق تجاوب

مراد مسكين تصدم أما فرحتوا كبيييييييرة مش مصدق

اماني مسكينة وجها بش يتطرشق بالحمورية و الحشمة

سلمى : هههههههه بالشوية على اختي انا نقلكم اللي هي موافقة.




الحلقة 7

اماني تحشات عند اختها و طلعوا للبيت

اماني : مش مصدقة أما نخاف لا يكون هكاكة ماخذة خاطر في مدام ايلينا

سلمى : هههههههه لا يا بنتي تي الطفل هابل عليك و حالف ماتكون كان انت مرتوا . تي كل ساعة يجيني يقلي اطلبها و أسأل عليها

نمشيوا لأسر و مراد اللي خرجوا مراد من الفرحة ينgز و كان يلقى يمشي يأكلها بالبوس

مراد : بصراحة ايلينا معلمة والله غدرتنا الكل

آسر : شفيبالك انت تي راهي روسية تصدم طول

ليلى : هههههههه كبرت و ولاو يخطبوا فيا في بنتي

احمد : هههههههههه شنقول انا اللي ماشي نخطب لولدي المهم كان ماتراوش مانع بعد الباك نجيوا نعملوا حاجة رسمية

ناصر : مرحبا بيكم في كل وقت

اكرم خرج يتدهشر بالنوم : شصار؟ ؟

عارف : هاو خطبنا اماني لمراد

اكرم : هههه و أخيراً تي حتى هوما الزوز كثرولها نبدأ نشوف فيهم كيفاش يغزروا لبعضهم تحت حس مس زعمة زعمة حاشمين . مسكين مش شالق اللي الأربعة واقفين وراه سلمى ، آسر، اماني، مراد

دار و تصدم من المشهد

اكرم : أما والله هوما الزوز عز الناس يعني مواتين بعضهم انا نتهنى على اختي معاه أما راهو يا اماني وخيتي راهو كي يحلم يبدأ يهتري

و يجيه كف من عند نسيبوا هههه

اماني حشمت و سلمى شايخة فرحانة لاختها

آسر قاعد يغزر اول مرة يتلموا هكا و تكون فرحانة للدرجة هاذي حاجة يعيشها لأول مرة أما محلاها

قاعد يشوف في بوه و عمو و معاهم الناصر يلعبوا والنساء يقطعوا و يريشوا اكرم شايخ عالبورتابل مراد و سلمى يتعاركوا كالعادة و اماني شايخة

توا فهم شيقصدو بيها اللي هي منعتهم علمتهم كيفاش يكونوا عيلة يضحكتها المسرارة و لمعة عينيها

اول مرة آسر يقول الحمدلله و ينجم يكون أول مرة يدعي لربي من قلبوا بش يحفظ الفرحة هاذي

مشا بحذا اماني

آسر : ايا يا عروسة في انا باك انت

اماني : باك science

آسر : طبيبة؟ ؟

اماني : ههههه اي انشالله ياربي

آسر : بالحق محلاكم و مراد يحبك بالحق اول مرة نشوفوا هكا

اماني فرحت عالاخر

آسر : سلمى مراد هيا نخرجوا نعملوا دورة والله فديت. ويتبلنجا اكرم من غاديكا بش يمشي معاهم

خرجوا الخمسة و خلاو الكبار وحدهم

و صلوا للغابة

آسر : هههه تتفكر مراد آخر مرة جينا لنا

مراد مسكين يتغصور و زيد اماني مركزة معاه

مراد : لا لا اقلب علينا الصحن

آسر : تي كيفاش ماتتفكرش وقتها جينا مع البنات اللي لحمناهم في الحمامات و جبناهم هوني تي بقينا 3 ايام فرد جنب

اماني gحرت لمراد و سلمى شادة الضحكة بالسيف و دارت لاكرم اللي عجبتوا الحكاية

سلمى : تكشخ انت عاجبتك الهدرة جرب سعدك نهار

مراد : يهلكك جرتك بش نطلق قبل حتى منخطب و هز اماني بعيد علاهم فماش مايلطف الأجواء آسر شلق اللي هو هردها و عض لسانو

آسر : ياخي خربقتها عليه بارشا

اكرم : هههه juste ساعة لتالي خطبها و توا شنعت بيناتهم جرتك

مراد : اماني استنى يعيشك و جبدها من يدها . والله كان طيش صغر القلب هذا ماتحل كان ليك و راسك يا صغرونتي

اماني : حياتك و انت حر فيها انا ماعنديش عليك حتى حق

مراد : اششش مافما حتى حد عندو الحق في حياتي غيرك انت الهواء اللي نتنفسوا عامين توا نشوف فيك قدامي و كل لحظة حبك يزيد يكبر و حطلها يدها على قلبوا

عامين توا ماشفت حتى حد بخلافك

اماني عينيها دمعوا تحكي بالغصة : حتى انا يا مراد والله عمري ماغزرت لحتى طفل أما أنت حاجة أخرى من اول مرة ريتك فيها حبيتك و كل يوم نزيد نعشقك تي وصلت نغير عليك من اختي كيفاش تحكيوا مع بعضكم

مراد : هههههههههههههههه لا عاد شوف يا عمري و راسك مالا يا نحبك و عطاها بوسة من خدها و نعشقك وزادها بوسة من خدها لآخر و نموت على جد والديك و باسها من شفايفها بوسة تعبر على حبوا ليها و وحشو حتى تقطع عليهم النفس

اماني ترهوجت مسكينة و هو كان كالسكران يلهث

مراد : يعمبو حبك هبلتني يا فرخة هيا نرجعوا خير

اماني حشمت أما زادة فرحانة و مش مصدقة اللي صاير

رجعوا بحذا الجماعة اليد في اليد

سلمى : هههههههه قلتلكم تو يتصالحو

آسر : يهلكك يا أكرم فجعتني الزح

اكرم : هههه اكهو باهيلك لازم تتكبس شوية . اهوكا نسيبي خذيتلك حقك ساعة توا و هو يدادي خايف لا يكون سبب في مشكلة بيناتكم

مراد gحر لأسر : اي تو نتفاهم معاه مبعد هيا نروحوا

اماني : اي هيا والله بردت عالاخر

مراد : اللطف على صغرونتي إيجا عندي و عنقها

اكرم : ياخي نتسمى راجل انا كي نخلي اختي هكاية

اماني : علاه من وقتاش يابابا

سلمى : اماني يزي تنساش راهو مطهر من السيزيام ههههههه

آسر ماعادش فيه من الضحك و اكرم هز خشموا و مشا أما عصافير الحب فكملوا معنقين بعضهم

آسر : هههه والله و جا النهار اللي ريت فيه مراد يحب يعرس و يعمل صغار

سلمى : هههههههه اي والله حتى انا اختي الصغيره كبرت سايي و ولات عاشقة

روحوا للدار و دوشوا و هبطوا البنات يحضروا في العشاء آسر بقى يلعب مع اكرم و مراد يشعل في ال cheminée

خرجت اماني تحضر في الطاولة و هو يشوف فيها كيفاش شعرها مازال مبلول ساقيها البيض اللي ظاهرين




الحلقة 8

من الروب اللي واصلة للركبة بهت فاهمة و بقا يغزرلها من غير ما يحرك عينيه هي مسكينة ماعادش فيها من الحشمة و هو زادة شادد روحو بالسيف هبطوا الجماعة و تلموا كلهم عالطاولة

ايلينا : ممم الريحة بنينة بارشا ظاهرة ماكلة طيارة كالعادة

حسنة : والله يعطيكم الصحة لبنات

سلمى و اماني بدأو يعبيوا في العشاء اماني قعدت بجنب مراد أما آسر قعد مقابل سلمى و يغزرلها من غير ما يشعر فيها سحر مش عادي ضحكتها و الغمازة اللي في خدها اليسار.

كملوا تعشاو و من بعد كملوا لموا الكوجينة طلعوا البنات صلاو صلاتهم و كل وحدة شدت فرش سلمى هاذيكا بالوقت رقدت أما اماني بقات تهر ليلة كاملة مع مراد

من غدوة الصباح قاموا يلقاو طقس يهبل قرروا يعملوا حفلة بارباكيو الولاد يحضروا للمشوى الكبار في الكوجينة يحضروا في الماكلة و اماني مسكينة وحلت في ال gâteau أما سلمى دافنة روحها في الخدمة الناس الكل فرحانة إلا هي تحب تمشي تقلهم اقفوا مانحبش لا حفلة لا شيء أما ماتنجمش.

سي عارف من بعيد يشوف فيها ندالها بش تخلط عليه للبيرو

عارف : سامحني يعيش بنتي انا السبب في اللي صارلك الكل تعرفش قداش قلبي يوجع فيا خاصة كي نشوفك مخبية اك الدمعة ورا تبسيمتك اللي باللي تكون موجوعة ماتنجمش تبدلها انت يا سلمى أقوى عبد شفتوا في حياتي و زادة أطيب عبد

سلمى مانجمتش تشد روحها أكثر و طاحت في القاعة تبكي

سلمى : كنت نبكيلوا و نترجى فيه بش يسيبني مارحمنيش عذبني مافماش حاجة ماعملهاش فيا تحكي و تبكي فرد وقت شطر كلامها مش مفهوم أما اعطيها تحكي و تفرغ قلبها

بكات بكات لين تهدت

سلمى : و اللي قهرني اني ما خذيتش حقي منوا أما نعرف اللي ربي بش ينتقملي منوا انا كل ليلة نحلم بيه اللي صار الكل نعاود نشوفوا

بقاو يحكيوا و ماشلقوش اللي آسر يسمع فيهم آسر كي شافها هكاكة وقتلي عيطلها بوه خلط حب يعرف شبيها مش قد بعضها مع انو اليوم عيد ميلادها أما كي خلط سمع كل شيء يسمع و قلبوا يوجع فيه عليها.

هبط اللوطة بقا مع الجماعة و مخوا معاها حتى لين خلط سي عارف و سلمى اللي دوب ماجات للجردة رسمت البسمة على شفايفها اللي يشوفها يقول اللي هي اسعد وحدة عمروا ما يجي لبالوا اللي درج لتالي كانت منهارة بقا باهت فيها و في قوتها حتى لين بدأو يغنيو في اغاني أعياد الميلاد و اماني خارجة بالgâteau مسكينة مبلحطة بالشكلاطة غناو و شطحوا و هي في هذا كلوا الفم يضحك و القلب يبكي دم حتى لين وصلوا للكادوات اولهم سي احمد اللي جابلها شركة و مبعد مراد هدالها مريول الترجي فيه اسمها و رقمها المفضل 5 مبعد مدام ايلينا هي زادة جابتلها شركة فيها ملاك خاطر هي الملاك اللي دخل لحياتهم مبعد جا كادوا اماني و اكرم tableau كبير مرسوم باليد فيه هوما ال3 امها و بوها هداوولها قطعة صياغة ورثوها على جدودهم قطعة تحفة علة حالها أما سي عارف فهو اللي طيح عليهم الكل و هدالها كنتراتو مكتوب فيه اللي فيرمة هاذي متاعها تصدمت أما مانجمتش ترفض خاطر تعرفوا أما اللي صدمها أكثر هو آسر جابلها كرسي صغير تحطوا في بيروها بش ما عادش تتشعبط 😂😂

كمل العيد ميلاد و سلمى طلعت للبيت بش تخبي كادواتها اماني زادة خالطة وراها بش تبدل دبشها أما ماتحس كان بيد خطفتها و دخلتها للبيت مراد كان واقف قدامها يعشق في تفاصيل وجها

مراد : ياخي شناوية تعمل فيا انت؟ تحب تهبلني يحكي و النفس طالع بالسيف

اماني : شعندي عملت انا؟

هي تحكي و هو قص علاها كي مشا يمسح في الشكلاطة اللي مبلحطة بيها في وجهها بلسانوا

مراد : أمم ابن شكلاطة كليتها في حياتي يحكي و يطبع في بوسات على خدها حتى لين وصل لشفايفها و غرق فيهم أما المرة هاذي هي اتفاعلت معاه و هذا الشيء اللي زاد هبلوا و ماهربت منوا كان بالسيف خرجت من البيت تجري و تضحك كيفاش عضتوا

سلمى : هههههههه انشالله ديما فرحانة يا عمري والله خذيت زينة الرجال

اماني : ااه يا سلمى ماحلاه الحب والله حاسة روحي طايرة

مراد قاعد في البيت يخمم في صغرونتو و يدخل عليه آسر و يسكر الباب بالمفتاح وراه

آسر : مراد توا بش تحكيلي كل شيء على سلمى و شنوة اللي صارلها قبل و بابا كيفاش السبب؟

مراد تصدم أما حكالوا على كل شيء كيفاش جاوهم الفيديوات و الحالة اللي لقاوها فيها حتى من البريود اللي بعد السبيطار . آسر يسمع و مصدوم مش مصدق

آسر : شكون ال*** اللي عمل فيها هكا بابا اعدءوا بارشا

مراد : مالك ****

آسر : مالك متاعنا ياخي مش مات العام اللي فات

مراد : اي هذاكا هو أما ماتقولش اللي هو مات خاطر الانتقام هو الحاجة الوحيدة اللي مخلية سلمى عايشة هي حاولت تنتحر أكثر من مرة.

فات على عيد الميلاد توا 3 شهر نفس الروتين خدمة و الدار أما الحاجة الغريبة هي آسر خرجاتو نقصوا بارشا تبدل بارشا حتى من عايلتو لاحظوها عليه

ايلينا: مراد شبيه آسر؟ ؟

مراد : ظهرلي وصلتوا للي تحبوا عليه آسر بدأ يحب سلمى

ايلينا : انشالله ياوليدي

مراد : اي أما خايف لا تكون شفقة مش حب خاصة بعد ماعرف اللي صار الكل .




الحلقة 9

آسر بعد ماروحوا من الفيرمة قرر انو يحاول ينسيها في اللي صار عالاقل يرجعلها مزيتها و يدخللها الفرحة في حياتها كيف ماعملت هي مع عايلتو وولاو صحاب أما مبعد بدأ يتعلق بيها يشوف في حاجة جديدة طفلة عفوية تحب الناس الضحكة ماتفارقهاش فيها إغراء من نوع آخر سحر يجذبك على قد ماهي مسؤولة و ذكية إلا انو مازالت طفلة صغيرة حب التفاصيل اللي فيها الكل غشها ، ضحكتها، بكاها.

في بيرو سي عارف ملمومين الكل

عارف : مراد، سلمى حضروا رواحكم ماشين لبرلين بش تكملوا مع الجماعة الألمان

مراد فد خاطر ماينجمش يسيب اماني وحدها بريود ريفيزيون توا و زيد بش تبدى تعدي و هو غاديكا

سلمى : لا الحق مانجموش نمشيوا الزوز لازم واحد فينا يقعد

آسر : عادي تو نمشي انا و كان على الصفقة حافظها عندي شهرين وانا ندرس فيها

مراد يبعثلهم في البوس من بعيد انقذوه في آخر لحظة

عارف : باهي بارشا مالا الجمعة الجاية تبداو غاديكا

خرجوا التلاثة و مراد في وسطهم

مراد : ههههه والله اهوما الأصحاب ولا لوح

آسر : ماتبكيش بركا .

اليوم خلطوا الزوز لبرلين مش جديدة عليهم أما المرة هاذي فيها حاجة spécial . ركبوا في الكرهبة للاوتيل غاديكا كل واحد خذا بيت الزوز بجنب بعضهم دخلوا بالوقت رقدوا خاطر وصلوا في الليل و زيد غدوة الصباح يبداو في الخدمة.

الصباح هبطوا فطروا مع بعضهم و مشاو الخدمة نهار كامل واحلين ما كملوا كان قريب نص اليل

كيف كيف من غدوة على نفس الحال جمعة كاملة.

آسر : اووف والله فديت شنوة هذا الكل بالحق تعبت

سلمى : هههههههه اللطف عليك كهو اليوم اخر نهار هكا نشالله من الجمعة الجاية الخدمة تنقص

آسر : شوف الجماعة عاملين حفلة خاطر المشروع نجح وانت تعرف لازم نمشيوا

سلمى : لا عاد باهي وقتاش هالحفلة؟

آسر : غدوة

سلمى : حاضر

روحوا الزوز كل واحد شد بيتوا .

في الليل تسمع في حس في بيت آسر عمال ماشي و يقوى من الفجعة قامت تجريلوا طول تدق على بيتوا

شيء ماحبش يحل بقات تدق حتى لين حل الباب ترمات طول عليه عنقتوا مازال كي فاق مش مستوعب اللي صار.

سلمى : لاباس ماهو ماصارلك شيء

آسر : لاباس لاباس انت اللي شبيك؟ ؟

سلمى : سمعت حس عرك في بيتك ولا شنوة خفت عليك

آسر : هههههههه هذا الفيلم رقدت و خليتوا يخدم

سلمى : ايا الحمد لله كيف لاباس

هي جات ماشية و هو جبدها جات في حملتوا

آسر : وين ماشية ؟ هكا تفيقني و تهرب

مسكينة دخلت بعضها و زيد مش لابس مريول حوالت الطفلة و سرحت فيه

سلمى : سسسامحني أما أنا خفت عليك هذاك علاش

هبط لوذناها : اممم و انا مانيش لاباس تاعب بارشا.

سلمى : اللطف عليك و زرفت لبيتها قلبها بش يخرج

نرجعوا لتونس اليوم اول نهار في الباك اماني مسكينة ترعش بالخوف و مراد أكثر منها أما مش مشلق قاعد يشجع فيها باللي يقدر

مراد : ايا ادخل توا و ماتخافش نحبك تكون قوية باهي عندي فيك الثقة

باستو من خدوا و دخلت تعدي

أما في ألمانيا فمسكين آسر يدور من بوتيك لبوتيك مع سلمى بش تلقى حاجة تمشي بيها للحفلة.

آسر : والله حرام عليك يا بنتي خوذ اي حاجة و هيا

سلمى : تي ماهو لازمني نلقى حاجة تواتيتيني

آسر : انت بدنك طيارة و زيد محلاك و مسرارة و حتى كان تلبس جبة انا تعجبني.

حشمها المسكينة على روحها و بعد رحلة لقات روب طويلة في الgري سامبل أما جاتها تهبل قول معمولة ليها

روحو للاوتيل بدأت هي تحضر في روحها مع ال 21:00

تعدالها حلت الباب و بقا باهت فيها و في زينها عملت ماكياج غارق شوي زاد كبرلها عينيها و روج في فمها و شبعت روحها بارفان بقى يغزرلها و يصلي عالنبي حتى هو زادة مش ناقص لبس costume في ال noir و كالعادة القفلتين الاولانين محلونين لحيتو محصورة و اك العينين يلمعوا

سلمى : هيا نمشيوا ماعادش بكري

آسر : اه اي اي هيا بالطبيعة

خرجوا يلقاو الكرهبة تستنى فيهم ركبوا و مشاو للحفلة .

في الحفلة الناس الكل تسلم عليهم خاصة بعد المشروع هذا شطر رجال الأعمال اللي غاديكا يحبو يخدموا معاهم

آسر : vraiment نشهدلك كيفاش نجمت تخدم هالمشروع

سلمى : هههههههه اكيد مش وحدي مراد و حتى انت ماقصرتوش

هما يحكيوا و تجي بحذاهم وحدة من الاول ماعقلهاش أما مبعد تذكرها هي نفسها اك الشخطوره اللي جاتهم مدة لتالي بقات تحكي معاهم و هي كل مرة ترمي يدها عليه. مانحكيوش على سلمى اللي تقحرلها و كان تلقى تفريكها من بعضها

سلمى : انا ماشية للتوالات

آسر : اوكي رد بالك على روحك

سلمى : اتلها في اللي عندك

قامت و مشات للتوالات تgد في فولارتها و تغزل فرد وقت

سلمى : ياوخياني ملا لصقة كبشت فيه و تتمعجن

تي و انا شبيني نغزل خلي يعمل اللي يحب. لا لا نطلعشي حبيتوا. سلمى رد بالك لا تعملها هالعملة.

كملت و رجعت قعدت مع الجماعة أما قلبها تقبض بالوقت ماتعرفش علاه بقات هكاكة مدة. حتى لين جا ال serveur و أعطاها ورقة

*****: توحشتك لتوا مازلت بين عينيا بنتك وحدها مانجمتش ننساك حتى مرة

يدها ولات ترعش بالوقت قلبها زادة يدق

سلمى : آسر يعيشك نحب نروح .




الحلقة 10

آسر : لاباس ماهو شبيك سلمى صارتلك حاجة؟ ؟؟

سلمى ترعش بكلها و شادة في يدها الورقة : يعيشك نحب نروح ماعادش نجم نزيد نقعد.

حالتها كانت تاعبة بارشا وجها ولا اصفر و عينيها مزغللة بالدموع. هزها و خرج.

آسر : شبيك يا سلمى احكيلي شصارلك ما تفجعنيش عليك.

و هي كابسة على الورقة و ترعش جا بش يأخذ الورقة من يدها يلقاها باردة ثلج عنقها بالوقت وصلت الكرهبة ركبها و طلع بجنبها هز الورقة يقرأ فيها بالوقت طلعلوا العصب و لا يسب و يصيح

آسر : سلمى اغزرلي ماتخافش انا معاك و راسك و معزتك حد ماهو بش ينجم يوصلك ولا يمس شعرة منك

ترمات في حضنوا تبكي بالشهقة و تحكي

سلمى : هو هوني انا نعرف ماهوش بش يخليني مرتاحة بش يهزني مرة أخرى يعيشك ماتخليهوش و دخلت في هيستيريا متع بكا.

آسر سخفوا حالها و زيد دخل في حيط خاطر يعرف اللي مالك و بوه ماتوا عمناول في accident و مامنعوش شكون بش يوصل يعمل هكا . طلعوا للبيت حاول يهديها على ما يقدر بكات حتى لين رقدت عندوا تكاها عالفرش نحالها صباطها غطاها وخرج كلم مراد بالوقت

مراد : اهلا بولد العم لاباس ياخي مش كلمتني بكري شوية ههه شنوة توحشتني

آسر : مش وقتوا توا

مراد : شفما ياخي؟

حكالوا آسر على كل شيء

مراد : فاش تحكي ياخي والله لاني مصدق اسمعني يعيش خويا رد بالك عليها ماتخليهاش وحدها خاطر تنجم تقوم في الليل

آسر : ياخي بش توصيني عليها. أما أنت شوفلي شكون يعرف بيها الحكاية غيرنا تذكر يعيش خويا

مراد : مافما حتى حد أنا وأنت وبابا وعمي و اماني امي و حسنة و حتى من الحاكم عطيناهم رشوة و الدوسي تمحى

هوما هكاكة و يسمعوا فيها في البيت تصيح تحلم و تبكي

سلمى : سيبني يعيشك سيبني امونك ارحمني

دخل آسر حملها بالوقت

آسر : أسس حلمة خايبة والله حلمة خايبة مافما شيء هاني معاك

مراد مازال معاه في التليفون

آسر : وي مراد

مراد : اسمعني بش نبعثلك اسم الدواء اللي كانت تأخذ فيه بش يطلعلها السخانة شوية و ماتخليهاش وحدها

آسر : باهي بارشا

علق عليه و طلب ال RÉCEPTION يبعثولوا شكون تعاونوا و تبدللها دبشها جات ال femme de chambre دخلت عطاها دبش تعاونها تبدلوا و خرج هو يشري في الدواء. وصل لبيتها دق الباب حللتلوا الباب يلقاها تبكي و شادة الفرش لابسة بيجاما روز و فولارا بيضاء ظاهرة داخلة بعضها مشا قعد بحذاها في الفرش عطاها الدواء و زيد شرا دواء السخانة و مشا قعد على البنك. هي بالوقت رقدت و هو بقى يغزرلها كيفاش راقدة ملايكة على حالها خشمها احمر و شوافرها مازالوا مبلولين بالدموع

نرجعوا لتونس و عيلة سي عارف ملمومة في الصالة

عارف : شمعناها اللي تقول فيه يا مراد احنا هكا بش نرجعوا للصفر

احمد : لازمها ترجع لتونس اليوم قبل غدوة انا والله خايف عليها

مراد : اي نعرف أما الحمدالله معاها آسر و ديجا قاللي اللي هوما غدوة مروحين قتلوا بش يعديها طول لهوني.

في المطار يشوفوا فيهم خارجين ظاهرة تاعبة و عينيها حمراء من البكاء و مازالت تبكي

عارف عنقها بالوقت : اسم الله على بنتي

مراد : اللطف على اختي هيا نروحوا للدار

آسر : اي هيا نمشيوا

وصلوا للدار يلقاو ايلينا و حسنة يستناو فيهم بالوقت ترمات عندها

ايلينا : اللطف على بنتي إيجا عندي

آسر ماعادش فيه مش مستحمل يشوفها هكاكة خرج بالوقت خلط عليه مراد

آسر : باللي كنت نتصور أما ماتخيلتش انو حالتها كانت هكا. والله نتمنى كان جاء عايش بش نقتلوا بيدي

مراد: اكهو توا لازمنا نركزوا و نعرفوا شكون وراها العملة هاذي . هكاكة و ينوقز تليفونو يلقاها اماني

اماني : صباح الخير يا روحي سامحني أما كلمت اختي ماتحصلتش عليها والله من البارح متحيرة و قلبي ما قايلي خير كلمتها انت؟

مراد : الحقيقة هي توا في الدار و حكالها كل شيء

اماني : ووه اللطف على اختي هاني جاية توا

خرجت تجري قالت لأمها اللي هي بش تبات بحذا صاحبتها يريفزو لنهار الاثنين نص ساعة ووصلت

دخلت تجري طول تلقاها في حملة ايلينا و حسنة تحاول فيها بش تأكل هبطت عند ساقيها بالوقت تبكي

اماني : اللطف عليك يا روحي سامحني خاطر خليتك وحدك بقات تحكي حتى لين فرهدتها شوية وكلتها و هزتها للبيت بش ترقد شربتها دواها و خرجت بحذا الاولاد

مراد : سافا هي توا؟ ؟

اماني : اي الحمدلله خير شوية

مراد : باهي هيا نروح بيك توا تنساش اللي انت تعدي أصلاً ندمت اللي حكيتلك

اماني : لا بش نبات بحذاها اليوم قلت لأمي لي انا بش نبات بحذا صاحبتي نريفزو شوية

مراد : باهي

آسر : انشالله ربي يقومها لاباس . ويرجعهالي

مراد و اماني دارولو باهتين

آسر : شبيكم تغزرولي هكا اي حبيتها و عشقتها زادة توا بالله هاذيكا ماتتحبش والله لاني منجم نشوفها هكا قلبي يوجع فيا نحب ندخللها و نعنقها نحب نخبيها عندي

اماني : ماتخافش سلمى قوية تو غدوة تقوم تلقاها عبد آخر أما راهو مهمتك صعيبة كان تحب تخليها تحبك لازمك توسع بالك أما ماتخافش انا معاك

مراد : الحوت على صغرونتي بوزينها هي اللي تفهملها في الحب مشا آسر و خلاهم .




الحلقة 11

**: مهبول ياخي نرمال انت تعمل هكا تحب طيح كل شيء في الماء عامين و احنا نكمبصوا بش في الاخر تجي انت و تهردها .

والله زايد مريض

مالك : اي مريض مريض بيها هي الهواء اللي نتنفسوا تمنيت لو ماسمعتش كلام بابا و حبينا بعضنا في ظروف اخري انا توا عايش juste نستنى في النهار اللي نرجعها ليا و قام دخل لبيتوا شعل الضوء بيت كبيرة كلها تصاور سلمى مكلف شكون بش كل يوم يبعثلوا تصويرتها كل لحظة عداتها في ال 3 سنين اللي فاتوا قدم قدام تصويره

مالك : ااه قداش توحشت ريحتك. ااه كان تعرف قداش نادم على اللي عملتوا فيك يا روحي سامحني نوعدك إلا مانعوضلك كل شيء استنى نرجعك ليا و مبعد نهربوا يا روحي و نبعد بيك و نعيشوا كان لبعضنا مالك زور موتوا بعد ال accident هو اللي منع منوا و دفع بارشا فلوس بش يعلنو موتوا سافر بحذا صاحبو في ألمانيا أسامة

نرجعوا لتونس قام مع الفجر حب يتطمن عليها حل باب البيت بشوية يلقاها تصلي و تبكي خرج و خلاها خاطر يعرف اللي ربي هو الوحيد اللي ينجم يصبرها و يخفف وجيعتها و طلع لبيتوا في الصباح قاموا العيلة كلها هابطين لوطة و باهتين في سلمى يلقاوها تحضر في الفطور هي و اختها .

تلموا كلهم عالطاولة يفطروا و يضحكوا و كالعادة رجعوا يتعاركوا سلمى و مراد .أما آسر مش هوني جملة قاعد سارح فيها و في قوتها و كالعادة اك التبسيمة الي خذاتلوا عقلوا.

مراد : اماني هيا قوم لازمك تروح تنساش غدوة الصباح عندك دفوار

سلمى : اي يا روحي سامحني خاطر لهيتك على قرايتك انت روح توا وانا غدوة انشالله نخلط عليك

اماني : ماتقولش هكا روحي ليك و شوية راك ممو العين

مراد : وانا شنوة باهي اتو نتفاهموا فيها الحكاية هاذي

احمد : سيبلي بنتي جرب سعدك توصلها نهار بكلمة و الله نخليك تنسى اسمك مالا راهي بنتي الغالية هاذيكا

مراد : صحة ليك يالا اماني

خرجوا الزوز طالعين في الكرهبة في الثنية تكلمت اماني : حبي امان نجموا نتعداو للبحر والله فادة عالاخر

مراد : تتدلل يا روحي انت اطلب برك أما مانطولوش وصلوا للبحر و قعدوا عالرمل اماني قامت و باستوا من خدوا

اماني : والله يا روحي باللي نوصفلك عمري ماني بش نجم نوصلك اللي نحس بيه معاك انت بالحق حياتي كلها مراد مسكين ماعادش فيه كل مرة هالفرخة مبدعة بيه و مدخلتوا في حيط

مراد : حرام عليك يزي والله شادد روحي بالسيف انت اللي روحي و قلبي قاموا الزوز روحوا ودخل راجعلها شوية و كالعادة طلعلها المورال

دخل للدار يلقى سلمى تتفرج في فيلم و مش هوني جملة و بالطبيعة ماينجمش يشد روحوا من غير ما يعمللها عملة شنعت بيناتهم و آسر هابط في الدروج يلقى فيهم يتعاركوا فوق البنك على الكوموند العصب طلعلوا مايعرفش علاش غار عليها حتى من مراد اللي يعرف اللي هو خوها بالحق

من غير ما يشعر سكر التلفزة و بقى يgحرلهم الزوز. مراد فهموا و حب يزيد يشيخ عليه

مراد : سلومتي المزيانة هي طلع شكون يسلم عليك سلمى : شكون؟

مراد : أشرف **** أك البنكاجي هذاك اللي حب يخطبك قبل

سلمى : ااه اي شعامل هذاك عندي مدة ماريتوش؟

مراد : يسلم عليك و قلي اللي هو توحشك بارشا

سلمى: انشالله نمشي نعمل عليه طلة و نسلم على مرتوا ماهي مازالت تخدم غاديكا؟

آسر وجهوا من اللي كان بش يتطرشق بالغش رجع تفرهد كي عرف اللي هو معرس و فهم اللي مراد يتمنيك عليه

آسر: مراد أخرج لحظة حاجتي بيك.

خرجوا الزوز الجنينة

آسر : تت*** عليا سي *** بصحتك عملتهم معايا

مراد : ههههه اي مالا ياخي نرمال انت غاير عليها مني

آسر : مش هكاكة انا غاير منك خاطرك قريبلها أكثر مني

مراد : انت اللي خايف منها و من انك تزيد تقربلها شوف انتوما الزوز أغلى حاجة في حياتي و انا نحبلكم الخير إذا كانك متأكد من مشاعرك اصدم وانا معاك

آسر : هههه يعيشوا ولد العم بالطبيعة بش نحتاجك

نهارين و رجعت سلمى لدارهم يعني اخر نهار في الباك

اماني : الحمدلله يا ربي كملت الدفوارات و ارتحت

اكرم : اي أما لازمك تقعد تراجع بش تحضر روحك للكنترول ههههه

سلمى : اكرم يزي تي مانتسماش سلمى كان ماتنgزهاش ب 17.

اماني : انشالله يا ربي

رجعوا الاولاد للخدمة اماني بدات في ال stress متع ال résultat و مسكين مراد كل يوم يتعدالها يخرجها بش تنسى شوية . سلمى حاطة جهدها الكل في الخدمة خاصة بعد ما سي عارف خرج كونجي هز مرتوا و سافر

آسر استانس بالخدمة تي بالعمل طيح عليهم الزوز.

متلمين ال3 في البيرو و ينوقز تليفون سلمى جاتها ال résultat متع اختها قامت تصيح بالفرحة اماني نجحت بمعدل 17.89 يعني حلمها انها تولي طبيبة تحقق أما فجعت الاولاد

مراد : شبيك سلمى

سلمى : هههههههه وررري اماني نجحت

من الفرحة عنقها فرحان لصغرونتو اللي حققت اول هدف في حياتها و اللي فرحوا أكثر معدلها خرجوا ال3 يتجاراو وصلوا للدار يلقاوها تملى و تفرغ بالجيران الكل جاية تبارك بوها فخور بنتوا اللي رفعتلوا راسو كيف اختها مشالله تربية و زين و تفوق في القراية

امها زادة فرحتها كبيرة اللي وصلت بناتها .




الحلقة 12

الليلة حفلت الباك سي الناصر شرا علوش و الطبال حضر عالذبيحة و دار الفرح كالعادة البخور يعجعج و النساء في الدار حايسين البنات مساكن حتى هوما حايسين كمل جاو أقاربهم . بالطبيعة الناس الكل فرحانة. زادة خلطت حسنة و الاولاد

آسر : هههه مبروك يا فرخة والله كبرت و بش توليلنا طبيبة

اماني : ههههه يعيشك الحمد لله يا ربي

مراد : اي نعرف حبي انا قدها مش الباك بش يغلبها

سلمى واحلة في الكوجينة ماشلقتش باللي الاولاد وصلوا لابسة جبة و تدور حفيانة فولارتها ربطتها فوق رأسها يعني كارثة بأتم معنى الكلمة.

سلمى : امااااني وينك ياخي هكا تخليني واحلة زح

يا اماني وينك شبيك ماتجاوبش

و تكون الصدمة تلقى الاولاد قاعدين في الصالة و باهتين في حالتها مراد ما خلى ماقاللها فرصة و جاتوا ليديه، أماني تضحك و في نفس الوقت مسخفتها اختها

سلمى : عسلامة تي هاكم هوني داخلة في حيط مسكينة

اكرم : هههههههه اي هوني صدمة كبيرة

سلمى gحرتلوا و مشات

آسر بقا مبهم أما كالعادة مسحور بيها حتى في حالتها هاذيكا تي بالعكس عجبتوا

دخلت سلمى للبيت تسب و تلعن بدلت دبشها لبست سروال دجين فاتح و سورية بيضاء صندال خفيف و فولار روز و رجعت قعدت بحذا الجماعة شوية و طلعوا ال5 للسطح. سلمى اللي غاظها آسر ماتعرفش علاش أما هو بالذات تحب تكون قدامو مزيانة و ديما تعجبوا خاطر خواتها يعرفوها و شافوها في حالات ما اتعس

مراد : ههههه خسارة بدلتها الجبة ساعة كانت خارجة عليك قول جداتي بية الله يرحمها

اماني : مراد يزي كثرتلها

مراد : ههههه ياخي علاه اول مرة هي تي نسيت و قتلي حضرنا لعرس بنت خالتك شنوة كانت لابسة تي بالعمل فيبالي بيها صابر خو العروسة عالاقل الجبة نجموا نعرفوا اللي هي انثى قصدي شبه أنثى

اماني تطرشقت بالضحك . سلمى تغششت و جات بش تقوم حست بيد شدتها

آسر : اقعد سلومة شيهمك فيهم و جبدها و قعدها قرب لوذناها

آسر: مش قتلك اللي حتى بجبة تعجبني و مدام عاجبتني احقرهم غمزها و رجع ستوا روحوا

سلمى حشمت أما عجبتها الفازة عالاخر و بقات تغزرلوا و تتبسم وحدها سارحة فيه و في كل تفاصيلوا

السهرية بدات و الناس الكل عاملة الجو ساعتين و هوما يشطحوا فرد جنب اماني و سلمى عملوا بعمايلهم و اللي يغزرلهم يصلي عالنبي هوما الاثنين زينة الحومة

آسر قاعد بعيد هو و مراد و اكرم

اكرم : ياجماعة امسحوا فمكم ريقتم سايلة راهو ههههههه

مراد : اااه ظهرلي بش نعرس طول أنا والله ماعادش نجم هالفرخة بدعت بيا و كان بش نكمل هكا والله نخطفها و لا يهمني في حتى حد

اماني كانت لابسة روب بيضاء فوق الركبة شوية و زادت طلعت أكثر بالشطيح مسيبة شعرها و عاملة مكياج خفيف و روز في فمها تشطح و تغزرلوا و تتبسم

آسر : هههه والله انت الراجل كان تعمل هكاكة .

أكرم : بالله احترموا مشاعري راني خوها اللي تحكيوا علاها

مراد : توا نحكيوا قدامك ولا في قفاك

اكرم : هههههههه الزوز ما يساعدونيش

آسر : والله طلع عندو لسان الفرخ

آسر مركز مع سلمى اللي هدتها الدنيا بالشطيح لا و زيد تميل و ترعش و هي قول تشطح على قلبوا اللي يرعش عليها . أما وجهوا تقلب فيسع كي شاف واحد جا و عنقها من تالي لا و زيد باسها من خدها و هي زادة عنقتوا قام بالوقت مشالها و جبدها منوا مراد خلط عليه خاطر يعرف اللي هي بش تشنع بيناتهم

مراد : اهلا وجدي لاباس وينك عندي مدة ماريتكش وين غبرت

أماني مشات بحذا مراد بش تهدي شوية الوضع آسر كابس على يد سلمى بش يكسرهالها . أكرم مشا سلم عليه

اكرم : وقتاش روحت من الحدود . والله توحشتك

وجدي : ههههه هاني مازلت نمشي كي قتلي سلمى اللي الصغرونة نجحت جيت نجري. يحكي و يغزر لسلمى

اللي مسكينة تتغصور شيء من الوجيعة و شيء من الصدمة. آسر زاد هبل حتى مراد طلعلوا لعصب كي شافوا عنق اماني يباركلها

مراد : لا عاد ماعادش صغرونة توا ولات على ذمة راجل و انشالله شهير آخر تحضر في خطبتنا و زاد لزها ليه

وجدي : ههههه انشالله مبروك انتوما الزوز طالعين على بعضكم عالاقل هاني توا بش نرتاح من حسها و هي عامين تبكي عليك

اماني : وجدييي نقصتشي من حسك توا بالله علاش الفضايح

وجدي : ههههه العاقبة ليا انا زادة و دار لسلمى

وانت زادة سلومتي.

آسر ماعادش فيه شوي آخر يفشخوا هزها و هبط بيها اللوطة دخل للبيت و سكر الباب

آسر : عاجبتك الحكاية تمد في خدك انت ااه

سلمى باهتة فيه : شبيك ياخي نرمال انت في مخك و زيد شمدخلك فيا ولد عمي و سلمت عليه

قربلها حصرها مع الحيط يحكي و يتنفس بالقوي

آسر : كي يكون بوك حتى حد ماعندو الحق بش يمسك

قرب من شفايفها و يحكي

آسر : انت متاعي انا و اكهو انا الوحيد اللي عندي الحق بش نبوسك و نغزرلك و انت ماعندك الحق هذا كان معايا

يحكي و يعدي في شفايفو على خدها سكران بقربها و بريحتها

سلمى في عالم آخر مستمتعة بكل لحظة

سلمى : اي أما هو ولد عمي و خويا الكبير

آسر : خوات من حليب الباكوات هاني نقلك ذكر آخر يقربلك موتو على يدي. سلمى عاجبتها الفازة .




الحلقة 13

سلمى : و مراد زادة نبعدوا؟

آسر : اممم تبعدوا و التفركيح متاعكم تنحيه

سلمى : لا هبلت انت سايي

زاد قربلها و يغزرلها في عينيها : اي هبلت هبلت بيك و بضحكتك اللي كان نبقى عمري الكل نغزرلها مانشبعش. هبلت بحبك اللي توا ليالي مسهرني و معذبني و عطاها بوسة حنينة من شفايفها تعبر على حبوا اللي فيسع ما قوات. بعدوا على بعضهم الزوز يلهثوا و يغزرلوا لبعضهم

آسر : هاني وصيتك توا و رد بالك المرة الجاية

سلمى مازالت في عالمها مافاقتش بيه كي جبدها و طالع بيها الدروج مافاقت كان على صوت مراد

مراد : وااا فرار وين مشيتوا انا قلت سايي بش يقتلها

سلمى : ااه اي تي لا لا شقتلي؟ ؟

مراد : لا انت حالتك متعبة اصل ياخي شعملك الطفل؟ ؟

ولات تتبسم وحدها و مشات قعدت بحذا اماني آسر زادة يغزرلها و الضحكة من الخد للخد . دار يلقى اكرم يgحرلوا

اكرم : شعملتلها ياخي

آسر : هههه قداش عمرك؟ ؟

اكرم : 13 علاش تسإل؟ ؟

آسر : هههههههه لا مازلت صغير توا عامين آخرين نقلك

سلمى حشمت و دورت وجهها

اكرم : كنت نعاني في واحد ولاو زوز

طرشقوا كلهم بالضحك. وفات السهرية الناس الكل روحت بقاو كان هوما ال5 معاهم سي الناصر و للا ليلى و سي احمد و حسنة تلموا كلهم و قعدوا يحكيوا

احمد : انشالله مبروك يا بنتي و العاقبة للفرحة الكبيرة

مراد : اي على قريب انشالله

احمد : نقصد التخرج

مراد : اي حتى انا زادة نقصد في العرس الحقيقة يا جماعة نحب نعرسوا طول . اماني شرقت بالوقت و الناس الكل تصدمت

حسنة : يا وليدي العرس مش لعبة و زيد امونة مازالت صغيرة

ليلى : اي يا بابا توا خليونا نعملوا خطبة العرس مازال بكري

مراد : انا قصدي نعرسوا و نمشيوا للندن انا توا بش نولي نخدم في الفرع اللي غاديكا و هي تكمل قرايتها زادة في جامعة طيارة. بالطبيعة مش بش نخليها تبطل قرايتها شقلت بابا الناصر

الناصر : شوف وليدي كلامك معقول و زيد هي تحب تقرأ البرا و بالطبيعة مش بش نخليها تمشي وحدها كأنك عليا انا قتلك من اول نهار راهي مرتك مش بش نلقى خير منك مع انو ربي اللي يعلم باللي في قلبي و كيفاش حاسس اللي هي ولات متسمية على راجل أما هاذيكا سنة الحياة إما شوف الكلمة الأولى و لخرا ليها هي انا عمري مالزمت بناتي على حاجة

اماني مشات طول عنقت بوها و باستلوا راسو

احمد: مالا اكهو آخرة الصيف هذا العرس انشالله. وانت بنيتي زيد اتأكد راهو مهبول يعني عارفة روحك على شنوة قادمة ههههه

حسنة و ليلى قاموا يزغرطوا مراد فرحان اللي شهرين و صغرونتوا تولي مرتوا أما آسر بقى مركز مع سلمى اللي وجهها تقلب و قامت. خلط عليها يلقاها تبكي في الكوجينة

آسر : شبيك يا روحي؟ ؟

سلمى : سايي اختي بش تمشي عليا و تخليني وحدي. أك المتخلف بش يفكها مني و يهرب بيها

آسر : هههه هاذيكا سنة الحياة الله غالب مكتوبها جاها على بكري.

سلمى : نعرف و زيد كان يهزها معاه توا نفرح و نطمن خاطروا راجل و سيد الرجال

مراد : واش خص

دارو الزوز يلقاو مراد و اماني في باب الكوجينة. اماني تبكي زادة هي و مراد معنقها سيبها و مشا حمل سلمى

مراد : ههههه ياروحي انت توا هذا كلام بش نخطفها تي هانا هوني احنا و كأنك على لندن ماهيش غريبة عليك طيارة و تجي عندنا

آسر : حقا ياخي وقتاش بش نحتفلوا بالباك

سلمى : هههههههه و اللي كنت تشطح فيها الفوق

آسر : لا هاذيكا متع داركم انا قصدي متاعنا احنا les jeunes

مراد : وي ولد العم في هذي جبتها

آسر : اي شقاولكم نهبطوا لسوسة.

اماني : ههههه يااا جو انا مامشيتلها حتى مرة

مراد : ههههه و راسك ياروحي اللا ماندور بيك العالم أجمع

باستوا من خدوا و عنقتوا

مراد : يعمبوا عمري انا. يا بنتي اركح خيرلك

ضحكوا كلهم و روحوا الاولاد. دخلوا البنات لبيتهم بعد مالموا الدنيا الكل .بدلوا دبشهم صلاو و بعد شدوا فرشهم

اماني : ههههه احكيلي شصار بالضبط و ماتنسى حتى détails

سلمى : هههههههه بالله و انا مازلت نعقل تي والله مخي مازال واحل في الدقيقة الاولة. مش مصدقة اللي هو طلع يحبني زادة ووصل قالهالي انت متاعي.

اماني : ههههه حتى هو متاعك زادة و هاني بش نرتاح من تخرنينك و غزولك اللي نهار الكل و انت ترحي كيفاش لبنات في الشريكة يرميوا في رواحهم عليه

سلمى : هههههههه بالله علاش تذكر فيا توا. من بعد ماروحنا من ألمانيا و انا كل يوم ندعي لربي بش يكتبهولي

اماني : ههههه مبروك لاختي حتى هو توا مدة بش يموت عليك

سلمى : شنوة كيفاش؟ ؟

حكاتلها اختها كل شيء و كيفاش اعترف اللي هو يحبها خاطر مراد حكالها عليه و على حالتوا حتى من قبل مايسافروا

سلمى : ياااا يا كلبة و ماتقولش باهي توا تشوف

بقاو ليلة كاملة يهروا حتى لين هزهم النوم

الجماعة رجعوا يخدموا و اماني الناس مازالوا يباركولها . توا تعدات جمعة من حفلة الباك نهارين آخرين و يرجع عارف . آسر و سلمى غاطسين في حبك درباني هو فرحان اللي هو وصل و كسب قلبها و كل يوم حبها في قلبوا يزيد كل مرة يشوف فيها حاجة جديدة كيما طيبة قلبها .




الحلقة 14

عايش معاها حاجات جدد عليه اول مرة يكون مع طفلة يشوف كان في قلبها و مايتمنى كان ضحكتها. و تعلم منها بارشا حاجات اولهم حب الناس و طاعة الله و انو السعادة في فرحة غيرك قرب من عايلتها أكثر و شافهم ناس عايشين لبعضهم رأس مالهم حبهم لبعضهم فيهم دفء مش عادي بوها و الانفتاح متاعوا و صحبتوا مع ولادو امها و طيبتها اللي فاتت الحدود هاذوما الكل حاجات خلاوه يحبها و يتعلق بيها أكثر . كل ما يزيد معاها وقت يشوف براءتها و ثقافتها الواسعة و أخلاقها




اللي تربات عليهم . هي زادة عمرها ما عاشت الدلال هذاكا كان معاه و حنيتوا عليها فاقت الحدود ساعات تحس اللي هي بنتوا و مسؤولة منوا و ساعات العكس تحسوا هو طفل صغير مازالت تعلم فيه في قواعد الحياة.

اليوم سي عارف يروح مشاو ال3 للمطار يستناو فيه و خلط عليهم احمد بالكرسي متع ايلينا.

مراد : ووه الحمد لله بابا اللي جبتوا والله نسيتوا

سلمى : اي أما سي احمد تعبت روحك بالفارغ.

أحمد و الولاد دارولها يلقاوها تغزر وين باب الخروج و تضحك شافوا الباب يلقاو ايلينا خارجة تمشي على ساقيها و شادة يد عارف احمد و مراد مش مصدقين اللي يشوفوا فيه امهم و نوارة عينهم وقفت على ساقيها مرة اخرى من الصدمة الزوز بكاو أما سلمى مشات تجري و تبوس و تحمل فيهم.

روحوا للدار و الاولاد ماسيبوهاش لحظة معنقينها الزوز و كل واحد يبوس في يد. دخلوا و لقاو عايلة سلمى غاديكا سلموا عليهم

سلمى : هههههههه ايا يا جماعة العشاء حضر .

تلموا الكل عالطاولة و قامت ايلينا تحكي

ايلينا: السلام يا جماعة حبيت نقلكم يعيشكم لمتنا هاذي بفلوس الدنيا حلمي تحقق و عشت و شفت النهار اللي عيلتي ملمومة و هذا الكل بسبب الملاك اللي دخل لحياتي سلمى دخلت لحياتنا بضحكتها و عفويتها . اليوم انا واقفة على ساقيا و الفضل بعد ربي يرجعلها

عارف : ههههه اي تخيلوا خطفت ايلينا و عملتلها العملية بالسيف أما هاو طلع عندك معارف في كل بلاصة منين ليك انت صحاب في أمريكيا؟ ؟

سلمى : هههههههه اي عندي شكون . الطبيب اللي عمللك العملية يجي ولد عمي

اماني : يااا قداش توحشتوا والله خلا بلاصتوا

ناصر : ياخي سليم مازلت تحكي معاه انا قلت هاذي نساتوا

سلمى : لا بابا باللي يكون يقعد ولد عمي . وفا المكتوب صحيح أما باللي يصير نقعدوا عيلة و هاني لقيتوا وقتلي حتاجتلوا

آسر : ياخي كان عندك شكون في حياتك قبل

عارف : اي هذا ولد عمها كان خاطبها اما بطل منها خاطر دبر وحدة أمريكية و سافر معاها

آسر : ماسقطوا عبد

مراد : اي والله انا لانحملوا و لا نحمل خوه مجدي اذاكا تتفكروا

آسر : ااه اي

سلمى : ايا فكوا علينا منها اللي فات توا و كان عليا انا سليم عمل عليا أكبر مزية صحيح شلقت مخر أما الحمدالله ارتحت منوا .

ايلينا : هههههههه اي والله خير. أما فما حاجة جديدة صارت و ماتقولوليش شنوة طلع عندنا عرس على قريب

اي وقتاش ال date بالضبط

مراد : اي سايي آخر أوت انشالله

آسر : اي حقا يا جماعة رانا بعد غدوة هابطين لسوسة تنساوش نكملوا الجمعة غاديكا و مبعد نبداو في حوسة العرس

ايلينا : العاقبة ليك يا روحي نفرح بيك انت زادة

آسر : على قريب امي غير حضر روحك برك

ليلى: مبروك يا بابا انشالله ربي يهنيكم كلكم

سلمى : اي أما والله لاني مصدقة الواطي خطفها مني

اكرم : هههههههه عالاقل رتحت من وحدة فيكم حقا آسر تنساش معاكم انا في مشية سوسة

سلمى : بلع انت قالوا سوسة علاه ناسي عندك نوفيام

ناصر : اي سيدي ولدي

اكرم : أما يابابا نحبوا نتفرهد شوي

ليلى : كمل يابابا امتحاناتك و انا اتو نبعثك لفرنسا بحذا خالتك و تجي آخر الصيف معاها

اكرم : ااه هكاكة حكاية أخرى مالا ربي يوفقكم يا جماعة

اليوم الاولاد هابطين لسوسة سلمى طلعت مع آسر و اماني مع مراد الولاد الثنية حرقوها بالجري و البنات يشهدوا و صلوا للاوتيل كل زوز خذاو بيت وبالطبيعة البنات وحدهم و الولاد وحدهم. تفهموا بعد ساعة يهبطوا للبحر . دخلوا البنات حضروا رواحهم و الولاد لبسوا الشورتوات متاعهم و les lunettes و خرجوا هبطوا للبيسين يستناوا في البنات . هوما هبطوا و العينين الكل ترشقت فيهم البنات الكل حالا فمها حتى هوما عندهم الحق واحد زينو زين روسي و لآخر مشالله الشعر الاكحل و سموريتوا تهبل. و زيد هابطين هكاكة بلاش مراول. وصلوا لبنات للبيسين و ياريتهم ما وصلوا يلقاو زوز بنات ب deux pièces ظاهرين يرميوا في رواحهم سلمى شعلت فيها النار جات بش تدور لاماني تلقاها سايي وصلتلهم و مشات طول عنقت مراد و باستوا

تكلمت وحدة من البنات : ههه يا هاذي اختك الصغيرة

اماني : ههههه لا لا انا مرتوا و حتى هذاكا خاطب و اهيكا خطيبتوا جاية و توا تنطرو من قدامي خير من اللي نخليلكم اك الوجه خريطة قساوات. مشاو البنات يجريوا مساكن

مراد : هههههههههههههههه والله يطلع منك يا فرخة تي مساكن البنات هربوا ساقيهم أعلى من ريوسهم

اماني : سكاكن انشالله علاه سخفوك سيدي خويا ماهو لاباس محلقين معاهم لاو زيد تفرقوا فيالضحك




الحلقة 15

خلطت سلمى زادة هي الشر يتناطر من عينيها أما ماتكلمتش هزت اختها و مشات قعدوا عالبحر

مراد : أش بش يفضها توا والله نعرفهم الزوز إلا مايشيحولنا ريقنا.

آسر : كلوا جرتك سي **** علاش خليتهم يقعدوا معانا اك البنات ؟

مراد : انا وليت الغالط توا ي ماهو انت حاشاك ياخي مش ضربوا ساعة و هوما يحكيوا عالتاتواج متاعك

آسر : باهي هيا نمشيوا توا نشوفوا اش بش نعملوا.

مشاو بحذا البنات سلمى حاطة الكيت في وذناها و لابسة lunettes و مولا الدار مش هوني متكية على ال chaise longue و مغمضة عينيها. اماني قاعدة تحط في ال crème de soleil و مطفيتهم جملة

مراد : حبي انت راهو ماتتغشش مني.

قامت وخلاتو وصلت للشط و هو جبدها جات عينيها على التاتواج اللي فوق قلبوا بالضبط اسمها مكتوب بقات مبهمة فيه خاطر اول مرة تشوف بلاش مريول و زيد حتى من قبيلة مركزتش معاه

اماني : شنوة هذا. ياخي اسمي بالحق

هزلها رأسها و باسها من خدها

مراد : أمم اسمك هوني في قلبي محفور و زيد كتبتوا باسمك خاطر هو من اول مرة ريتك فيها انت ملكتوا. الحاصيلو رضاها و رجعوا بحذا الجماعة يلقاو آسر قاعد و حاطط يدو على خدوا

مراد : ههههه شنوة ولد العم مازالت مسكرة

آسر : تي بالله شوف راقدة جملة الطفلة ماهيش هوني . هاك انت سلكتها صحة ليك.

مراد : قل أعوذ برب الفلق ماتخافش سلمى حنينة و توا درج آخر تلقاها نسات وحدها . سلمى تسمع فيهم و شادة الضحكة سامحتوا بالوقت أما حبت تكبسوا

اماني بدات تنحي في الروب متاعها بش تدخل تعوم

مراد : وااا فاش تعمل انت؟ ؟

اماني : بش ندخل نعوم. مراد اكيد ماكش بش تقلي اقعد بالروب والله نحب نعوم مرتاحة

مراد : حكاية تعوم بمايو هاذي تنساها جملة فهمتني

سلمى : هاك انت لابس شورت اكهو كلمتك هي ؟؟

مراد : بلع انت و تلها في روحك خير

آسر : ياخي مش راقدة انت معناها تسمع فيا من بكري و مطفيتني.gحرتلوا و دورت وجهها

آسر : انا عندي فكرة مراد امشيوا للبلاصة القديمة اكيد فارغة وأماني تعوم براحتها و هكاكة مايشوفها حد

مراد : ههههه والله ولد العم وحدك بلا بيك نضيع شبيني ماخممتش فيها

سلمى : وااا فرار أما بلاصة تحكيوا علاها سيب الطفلة خيرلك

مراد : ماكش ناوية تتهد انت مرتي و انا حر فيها. ماتتدخلش خير . هز اماني و مشا دارت تلقى آسر يضحك

آسر : هههه والله هو الراجل

سلمى : تضحك انت عاجبك اللي عملتوا

آسر : اي عاجبني خاصة كي يبدأ غاير و متغشش

سلمى بالوقت تبسمت برولها بكلمتين سايي

آسر : الله لا يحرمني منها اك الضحكة. أيا قوم

سلمى : لوين؟ ؟

آسر : نعوموا

قاموا دخلوا يعوموا أما سلمى طلعت عوامة عليه دخلت للي ماعادش يشوف فيها خلط عليها بطلوع الروح

آسر : هههه ياخي شيقربلك الملولي

سلمى : هههههههه ولد خالتي من جهة بابا

بقاو يعوموا بعيد عالناس الكل و كل مرة يخطف منها بوسة ساعات تطفي الضو و ساعات تتفاعل معاه بقاو يعوموا و زيد عملوا مشية عالشط لللي وصلت العشية

سلمى : انا والله تعبت و اك المناظر الزوز لتوا لا جاو ياخي بعيدة البلاصة اللي تحكيوا علاها

آسر : هههه لا مش بعيدة هاذوكم تلقاهم في عالم آخر . خاطر بالحق البلاصة رومانسية بارشا

سلمى : هههههههه صحة ليهم و انت منين ليك؟

آسر يتكلم من غير ما يشعر : اييه عديت فيها ايامات ولا اروع البلاصة هاذيكا تشهد على حروب والله كيف ما نحكيلك

سلمى : اي راعي مشاعري يا اخ والله لا تحشمها

آسر : هههه سامحني يا روحي انت تعرف اللي انت حاجة أخرى و راسك يا معاك عرفت الدنيا بالحق و تعلمت منك كيفاش نعيشها انت بالحق ملاك كيف ماتقول امي. معاك انت جربت الحب الحقيقي نعطي عمري juste بش تكون فرحانة. قربلها عالاخر و رجع يحكي

آسر : والله عمري بلاش بيك مايسوى شيء الموت عندي أهون

سلمى : اششش اللطف عليك من الموت رد بالك تعاودها مازال قدامنا بارشا بش نعيشوه مع بعضنا آسر بالحق انا نحبك و نموت عليك. انت الوحيد اللي رجعتلي الأمل بش نوصل نهار و نعيش الحب. معاك عرفت حاجة اسمها دلال. وراسك مالا انا اللي بلاش بيك مانسوى شيء.

آسر من قوة الاحساس هزها في حملتوا و يدور بيها العباد اللي غاديكا تضحك . خلط مراد و اماني

مراد : ههههه ياولدي سايس الطفلة و زيد ماتحشموش هكا قدام العباد

آسر : تلم انت سيبلي حبي رايضة

اماني : ههههه محلاكم أما هيا نطلعوا يا جماعة انا تعبت

مراد : اللطف على حبي قرب لوذناها سامحني كان تعبتك و غمزها

طلعوا الجماعة دوشوا و اتكاو شوية مبعد هبطوا مشاو بش يسهروا.

أسامة : نقص من الهبال متاعك شنوة تونس اللي ترجعلها ياخي واعي فاش تقول و زيد مش هذا اللي متفاهمين عليه

مالك يحكي و شادد تصويرة فيها آسر و سلمى في البحر و معنقين بعضهم

مالك : مانيش بش نخليه يفكها مني هي متاعي انا لازمني نمشي لتونس اليوم قبل غدوة.

أسامة : كيفاش بش تمشيلها تونس و زيد شنوة بش تعمل كي تمشي غاديكا.

مالك : بش نخطفها كان لزم نقتلها و مانخليهاش لغيري بالذات آسر مانيش بش نعمل كيفك و نسلملوا.




الحلقة 16

في الطفلة اللي نحبها.

هو يحكي و تجيه بونية من عند أسامة

أسامة : انا ماسلمتش و لتوا مش مسلم فيها سوار أما هي ماحبتنيش حبتوا هو خلاتني انا على خاطروا.

مالك : سامحني أسامة ماقصديش أما والله مقهور مانيش فاهم لوقتاش بش نقعدوا نعانيوا منهم العيلة هاذيكا وصل و دمر اختي و ما حكيتش أما بش يوصل و يفكلي سلمى والله الموت ارحملوا ال*** يحب يفكلي مرتي

أسامة : ما صار شي و شنية حكاية مرتك هاذي شوف عيش خويا ما نظنش كان بش يجي نهار و تسامحك علي عملتوا فيها انا وقتلي حكيتلي اللي صار سخفت عليها و انا مانعرفهاش. خليها على راحتها

مالك : رد بالك تعاودها هاذي. سلمى متاعي انا ملكي انا وصلت نهار و ملكت بدنها أما بش يوصل النهار و نملك قلبها آسر مش بش يوصل يحبها كيفي لا هو لا غيروا فهمتني؟ ؟

نرجعوا لتونس و لسوسة

اماني : امان مراد خليني نشطح على راحتي لايزي الروبة بدلتها و توا حتى الشطيح نشطح بالقاعدة هكاية

مراد : لا معناها لا هذا اللي مازال نخليك تخرج بربع ميتروا هاذيكا و توا تحب تقوم تميل اي لا

سلمى تضحك عليهم و من غير ماتشلق : هههههههه مسكينة وخيتي خسارة اك الروب اللي ضاربة توا شهور وانت تخيط فيهم الزبلة طول.

مراد : علاه الزبلة تلبسهوملي

اماني حشمت عالاخر و بقاو الأربعة يفدلكوا حتى لين سمعوا الولاد صوت يعرفوه بالgدا دارو شافوها آسر و مراد قول شافوا عفريت خاصة مراد . وحدة معرفة قديمة و كانت صاحبتهم في الجامعة

منال : يااااا والله لاني مصدقة اللي انتوما هوني مرحبا بيكم

آسر : اهلا منال شحالك

منال : هههههههه يا عمري انت توحشتك هكا لا طلة لا باكوا غلة و انت مراد ماتسلمش نسيت اياماتنا

مراد : اهلا و كأنك عليا نسيت الماضي باللي فيه

منال : هههههههه ظهرلي الدوزا المرة هاذي قوية و لا بدلت السلعة

مراد : تبنا إلى الله الحمدالله هم ووفا و كأنك عليا وليت نصلي و انشالله شهير الجاي عرسي وشد يد اماني

آسر : هههه اي و انا انشالله خطبتي في نفس البريود

منال : هههههههه لا لا ظهرلي انتوما الزوز شايخين نرجعلكم وقتلي تفيقوا

اماني : ماعندك ما مرجعك يا روحي و كأنك على الولاد صحيح اللي قالوه الحمدالله الطيش متع قبل خلاوه وراهم و العاقبة ليك وخيتي

سلمى ماتكلمتش خاطر تعرف اللي هي حكاية فارغة و زيد تعرف بحكاية منال واللي صار قبل

سلمى : اي سافا يا جماعة انت اختي يعيشك أما من المستحسن تمشي و كان عندك كلمة باهية قولها ولا مش لازم. منال مشات و مراد ولا يفبري وحدوا

سلمى : مراد يا بابا مايهمكش فيها حكاية قديمة ووفات ماتخليهاش تنرفزك و بدأت تضحك فيه حتى لين تفرهد اماني زادة عنقتوا وقتلوا اللي هي عندها فيه الثقة .

كملوا الجماعة السهرية و عداو ايامات عسل . توا الناس الكل حايسة في العرس البنات مشنوقين من بلاصة لبلاصة زهاز و دبش و اك الفازات مسكين مراد بش يهبل . النساء يحضروا في ملازم العرس آسر واقف مع خوه في التحضيرات و الأوراق متع السفر أما أكثر عبد تاعب هي سلمى مسكينة تسمى اخت العروس و العروسة فرد وقت و زيد الخدمة من فوق خاطر مراد سايي بش يمشي للندن.

بدأت جمعة العرس اليوم الحمام و كان كادوا من عند سلمى حمام عروسة بالحق فرقة تيجانية و لابسة عربي البخور يعجعج و النساء تزغرت. وفي العشية الحنة هوما قرروا يعملوا العرس 3 ايام نهار حمام و حنة و نهار وطية و نهار عرس و كتبان صداق .

من غدوة الوطية وصلوا عيلة العروس للصالة مراد و آسر لابسين دنgري مدام ايلينا لابسة قفطان مضخم بارشا عارف و احمد ماجاوش مراد دوب مادخل بقا حالل فموا و مبهور بيها و بينها الروبة متاعها اللي زادت فيها الشطر و بينتلها كرشها ماشاءالله عليها و مكياجها زادة اللي ضواها و زادها زين. آسر زادة بقى مركز مع سلومتوا و كيفاش واقفة على سهرية اختها تجري و تجري على ال les détails الكل بدأت السهرية و هبطوا الناس الكل يشطحوا و عملوا جو.

اليوم العرس اختاروا يعملوه على البحر في اوتيل في قمرت عالصباح قاموا البنات مشاو الحجامة و الاولاد زادة مراد و آسر و اكرم مشاو للحمام و مبعد تعداو هوما زادة للحجام ال 21،00 تعداو الاولاد للحجامة كل واحد و كرهبتوا . بقاو يستناو فيهم قريب الساعة حتى لين خرجوا الولاد بالوقت هزوا ريوسهم و بقاو يغزروا. كل واحد كان يعشق في المرا اللي يحبها مراد مش مصدق اللي صغرونتو لابستلو الروبة البيضا و ساعة أخرى و تولي على ذمتوا قداش واتاتها و مكياجها زادة سامبل و فاتح زايد فيها الشطر . و الشعر اللي خلاتو على طبيعتوا

آسر زادة عجبتوا مكياج غامق روب روج شفايفها المليانين مع انها متحجبة أما فيها إغراء مش عادي.

ركبوا كل وحدة مع حبيبها دخلوا للصالة و الناس الكل تصلي على النبي. مدام ليلى عينيها مزغللة بالدموع حتى سي الناصر مايبعدش علاها دوب مادخلوا قعدوا بش يكتبوا الصداق اماني مانجمتش تشد دموعها حتى بوها زادة دلولتو سايي بش تولي مرت راجل.

كملوا الصداق و بدأت السهرية كبار و صغار يشطحوا الحاجة الباهية.




الحلقة 17

الفرحة مالية الأجواء .

آسر هز سلمى و مشاو قعدوا في طاولة بعيدة شوي

آسر : هههه والله فرحان ليهم مش نرمال شوفت قداش فرحانين

سلمى : اي والله ماتتصورش فرحتي انا هوما الزوز نوارات عيني والحمدلله تهنيت عليهم

آسر : اي و احنا وقتاش؟ ؟

سلمى : هههههههه استنى حتى نتخطبوا قبل

آسر : أما خطبة يابنتي احنا في سبرنا نعرسوا طول

سلمى : هههههههه بالله؟ ؟

هوما يحكيوا هكاكة و تجي واحدة تبارك لمراد و اماني مراد اول ماشافها بالحق استلبس و مش مصدق اللي هي بالوقاحة هاذيكا و تجي قدامهم

****: هههههههه شبيك ماكش بش ترجع السلام

مراد : أش مرجع والديك انت اقلب منظرك خاطر كان آسر شافك تعرف اللي هو بش يقتلك بالوقت

عارف و ايلينا وقفوا بالوقت دوب ماشافوها و مشاو يجريوا

عارف : أش جاية تعمل انت هوني ماكفاكش بوك و خوك

آسر كيف شافهم هكاكة ملمومين مشالهم هو و سلمى و اول ماشافها عروقوا الكل تكبست

آسر : سوار اش تعمل هوني ؟ يحكي و الصدمة باينة على وجهوا

سوار : جيت نبارك للعرايس . باللي يصير تنساش اللي احنا عشرة من الصغرة. رمات كلمتها و خرجت عارف و ايلينا و مراد و آسر و جوهم تقلبت خاطر يعرفوا رجوع سوار معناها الجرح القديم بش يتحل مرة أخرى. سلمى حاولت تلطف الجو و بعد ساعتين و فا العرس طلعت اماني بش تبدل دبشها خاطر بش يتعداو طول للمطار لشهر العسل متاعهم. وصلوهم للمطار و للا ليلى ماوقفتش البكا حتى سلمى زادة ركبوا العرايس في الطيارة ماشيين لليونان و مبعد بش يعملوا دورة على الاوروب الكل.

عايلاتهم روحوا. سلمى روحت بعايلتها اللي بقاو يحكيوا عالعرس. أما عايلة سي عارف تلموا بش يفهموا شنوة اللي قاعد يصير

آسر : والله الا مانقتلها بيديا و لا يهمني فحد أصلاً غلطت قبل كيف خليتها حية

عارف : اي فكرة طيارة براءتها امشي توا. وقتاش ناوي تنحية التسرع متاعكم و تنقص من الهبال

آسر : أما هبال انت تعرف شكون اللي رجع سوار يابابا سوار. تحب تقلي رجوعها توا بعد 6 سنين هكاكة بالك صدقت اللي هي جاية تبارك راهي الشيطان بيدو مش انا بش نحكيلكم عليها

ايلينا : اي يا آسر اما الأمور ماتتحلش هكاية المرة اللي فاتت جات باللطف المرة هاذي لازم نحاولو أن نسيطروا على الأمور

آسر : أما لطف تحكي عليه انت جرة المهبولة هاذيكا عديت 6 سنين في كرسي تعرف علاش مشيت للبرازيل خاطر مانجمتش نشوفك هكاكة ماكنتش نجم نشوف مراد وقتها وهو قاعد يقتل في روحوا شوف انتوما ربي حبكم و بعثلكم سلمى بش منعتكم و بعثهالي انا زادة بش نعرف الفرحة و علمتني كيفاش نعيش بالحق. و توا خايف عليها منحبش يصيرلها كيف قبل.

قاعد يحكي و يجيه مساج غدوة تلموا عندي ليكم surprise.

النوم ماجاش لعينيهم بقاو بنفس الدبش يستناو بالدقيقة وقتاش تجي سوار و يحاولوا يفهموا. ال8 متع الصباح وصلت دخلت أما مش وحدها معاها طفل صغير العيلة كاملة تصدموا

سوار : صباح الخير يا جماعة عندي قداش ماريتش هاللمة.

آسر يغزر للولد و يدعي لربي اللي في مخوا غالط

سوار : هههههههه شنوة آسر تغزر لولدك شفتوا نسخة منك.

وهو بالحق نسخة منوا نفس العينين و نفس الشعر خايف و متخبي ورا سوار

آسر : فاش تحكي انت؟ أما ولد

سوار : ولدك يا روحي

عارف و ايلينا باهتين حاجة جديدة دخلت لحياتهم

آسر جا بش يهبل عليها اما شدوا بوه

عارف : آسر بالشوية مش قدام الولد. و يهز عينوا يلقى سلمى في الباب تسمع فيهم. والدمعة محصورة في عينيها و شادة الحيط بش ماتطيحش حتى هي زادة ليلة كاملة مارقدتش خاطر تعرف اللي سوار وراها حكاية

عارف: سلمى بنتي اتفضل ادخل

آسر : سسلمى؟ ؟؟؟؟

ايلينا : إيجا بنتي إيجا

سلمى تقدم و تمشي بالسيف و مبعد هبطت عينيها غزرت للولد نسخة من آسر خاصة العينين .

قعدت بحذا ايلينا تحاول تبني قوة أما ماتنجمش باللي تحاول ماتنجمش . هي توا خسرت حبها

سوار : اهلا انت مالا سلمى ؟؟ ههههه سمعت عليك بارشا مالا انت صاحبتوا الجديدة . اممم ذوقك طاح بارشا آسر

اسر: لم فمك و قلي شتحب و اقلب منظرك من قدامي و حكاية ولدي هاذي انساها

سوار : كان تحبوا نعملوا تحليل انا توا رجعت نحب نربيوه ببعضنا يوسف كبر و من حقوا يعرف بوه

آسر : فاش تحكي ياخي؟

ايلينا : آسر بالشوية خلينا نفهموا

سلمى : آسر اسمعها للخر مايجيش اللي قاعد تعمل فيه

آسر: شنوة سلمى انت زادة هبلت ماتعرفهاش انت هاذيكا واللي عملة من عمايلها و جابتلي فرخ مانعرفش ولد شكون

سلمى : نعرفها و نعرفها بالgدا أما فما ولد صغير في الحكايه

تحكي و عينيها مليانة دموع مش عارفة أصلاً فاش تقول قاعدة تعمل فاللي مخها يقلها اللي هو صحيح

سوار : اي صحيت هاك طلعت ذكية

عارف : سوار شتحب؟ قصدي قداش تحب

آسر : ياخي شبي انت غايبة 6 سنين و توا جاية تحب تدمرني مرة اخرى

سوار : انا جيت على خاطر ولدنا و اللي هو ولدكم زادة عائلتي الكل ماتوا و بقيت وحدي أما اكهو ماعادش نجم

آسر : اي و المطلوب؟ ؟

سوار : نعرسوا

سلمى طاحت على القاعة باللي بش تكون قوية أما توا .




الحلقة 18

ماتنجمش تقاوم ايلينا جراتلها بالوقت تحب تقومها

ايلينا : اسم الله على بنتي قوم ماما اللطف عليك

آسر زادة مشالها يجري

سلمى : آسر هاني نستنى فيك لبرا

خرجوا الزوز الجنينة

آسر : يعيش حبي سامحني امان خاطرني دخلتك في الحكاية هاذي ووصلت و حكيت مع المريضة لخرى

سلمى: قبل كل شيء السماح و ماعندكش علاه تطلب فيهم. و ماعادش تحكي هكاكة تنساش هي أم ولدك لازم تحاول تربيه و تقوم بمسؤوليتك قدامو

آسر : لا لا مانجمش نسيبك افهم راك عمري والله الموت أهون

سلمى : حتى انا زادة أما هذا ولدك هو أهم مني لازمك ترعاه و تربيه يعيشك اوعدني. انا عمري لا نجم ننساك و تحرم الرجال بعدك عشنا مع بعضنا شهور أما هاذوما اسعد شعور حياتي.

خرجت تجري و ما خلاتوش حتى يجاوبها

ايلينا : سلمى سلمى استنى

آسر : خليها امي و انت هات الطفل

سوار : شيقصد؟

آسر : بش نعملوا التحليل و كان طلع ولدي بش نعرسوا و نقيدوا باسمي . حضر روحك نبدل دبشي و نهبطلك

طلع لبيتوا يجري

ايلينا تغزر للولد الصغير اللي ظاهر خايف بارشا أما سبحان الله قداش يشبه لأسر

ايلينا : السلام يا تحفون إيجا عندي ما تخافش

غزر لسوار اللي عطاتوا الok بعينيها . مشالها عنقتوا حست احساس اول مرة يجيها مش مصدقة اللي طلع عندها حفيد . عارف زادة يغزرلوا و يعاود أما لازموا يعرف ولدوا فاش يخمم طلع لأسر حل باب بيتوا لقى الدنيا الكل مكسرة وولدو قاعد على حرف الفرش يبكي

عارف: آسر ولدي

آسر : اااااه يابابا ااه سايي كل شيء وفا . سلمى سايي ماعادش موجودة مانيش عارف علاه هكا اول مرة في حياتي نكون بالحق فرحان و توا فرحتي مشات

عارف : الله غالب ولدي ربي يعلم اني انا اكثر واحد حبيتكم تكونوا لبعضكم أما توا جانا ظرف جديد لازم نبدلوا قراراتنا الكل كان تحب مش لازم تعرس بيها سوار نقيدوا الولد باسمنا و نخليوه يعيش في الظروف اللي يستحقها

اسر: بش يقولوا عليه ولد حرام باهي احنا غلطنا هو شذنبوا و كان ماجاش هذا القرار الصحيح سلمى عمرها ما تخليني نعملوا وانت تعرف أكثر واحد اللي كل كلمة تقولها ديما في بلاصتها.

هبطوا الزوز يلقاو يوسف في حضن ايلينا قلبوا بالوقت دق مايعرفش احساسوا هذا شنوة أما اللي يعرفوا اللي يوسف حاجة دخلت لحياتو و ماعادش بش تخرج حاجة جابتلوا فرحة أما جابت معاها جرح سنين .

سلمى روحت لدارهم دخلت طول تبكي هم قلبها الكل حطتوا في البكا و بعد مشات توضات و صلات تدعي ربي يصبرها . مبعد طلعت لفرشها توحشت اختها قداش خلات بلاصتها كان جات بحذاها توا راهي صبرتها وواساتها و عطاتها القوة كيف العادة .




الحلقة 19

أما اماني و مراد مازالوا في الطيارة اماني راقدة على كتفوا و هو قاعد يخمم في سوار واللي بش يجي من وراها و رجع بذاكرتو 6 سنين لتالي

فلاش باك :

سوار، مالك، أسامة، آسر، مراد، منال شلة مع بعضهم في الجامعة أما معروفين بارشا هوما ولاد أقوى رجال الأعمال في البلاد و أقوي شلة في الجامعة جموع هملة و سهريات و شرب. عايلة سي عارف و عايلة سي حسن كانت تجمعهم علاقة قوية عارف كان يحسبوا كيف خوه أما حسن لا كان يحب من عارف قوتوا في السوق و في البلاد

سوار و آسر كانوا مع بعضهم و منال و مراد زادة منال ماهيش من عايلة غنية كيفهم أما هي أهم واحد في الشلة خاطر هي اللي تجيبلهم في السلعة و خاصة مراد اللي بدأ على خاطرها حتى لين مبعد ولالو إدمان خاطر الاولاد الآخرين كانوا ساعات يعملوا ضربات عالجو اكهو

اليوم عيد ميلاد ايلينا عارف عامل حفلة كبيرة بارشا على خاطرها و بالطبيعة الناس الكل حاضرة.

اولهم عايلة سي حسن مرتوا متوفية و عندوا اولادو سوار و مالك سوار دلولة بارشا يعني اللي تحبوا تاخذو و اللي عندها ما عند حد هي على ذلك مع آسر خاطروا هو احسن واحد فيهم و هو زادة معاها مش حب أما على خاطرها من مستواه و زيد مزيانة و مش حارمتوا من حتى شيء و مالك مايبعدش على اختوا أما هو يختلف عليها في حاجة واحدة الطمع هو مش طماع كيفها .

ألناس الكل تلمت مازالوا كان آسر و مراد ماجاوش.

آسر : ياخي ماكش ناوي تفيق انت شنوة اللي مازال ماعملتوش معاك بش توقف هالهم

مراد يحكي و دايخ : هههههههه علاه حشاك انت

آسر : اي أما مش كيفك ياخي شوف روحك والله امي كان تشوفك إلا مايصير فيها . درجين و تخلط عليا

هبط بحذا الجماعة بوهرتوا كلها

آسر : السلام يا جماعة

سوار : السلام وينك شبيك وخرت ؟؟

آسر : شيء كنت لاهي

ايلينا : آسر وينوا خوك ؟؟

آسر : هاو جاي

ايلينا : باهي بارشا

الحفلة بدأت الناس الكل تشطح مراد على جنب واعي و مش واعي

آسر و سوار رجعوا بحذا الجماعة

حسن : ههه الحقيقة يا عارف خويا نظن اللي الوقت جا بش نعملوا حاجة رسمية بين الاولاد

سوار عينيها لمعت . أما عارف و ايلينا و آسر غزرولوا باهتين

عارف : علاه ياخي فما حاجة بيناتكم الاولاد

آسر : لا بابا مافما شيء

سوار : شنوة اللي مافما شيء آسر ياخي تحكي بجدك

هزها و مشا بيها بعيد

آسر : ياخي انت اللي تحكي بجدك من وقتاش بينا حاجة احنا

سوار : علاه نسيت كل شيء ياخي واللي عملتوا على خاطرك

آسر : ماتبداش تمثل انت عمرك ما حبيتني علاه فيبالك مانعرفش بخمجك كان تحب نعاودهولك . الاولاد اللي كنت تخرج معاهم و منال مش انت اللي بعثتها لمراد

سوار بقات مبهمة ماهيش فاهمة وقتاش عرف هذا الكل و كيفاش. خلاها و رجع قعد بحذا الجماعة عادي هي روحت طول

سوار : الو منال ايجاني للدار توا

نص ساعة ووصلت بحذاها

منال : شبيك ياخي شصار

سوار : قلي ساعة جبت معاك حاجة ولا لا

منال : هههههههه تتدلل

بعد ماخذات السم من عندها

سوار : اييه توا رتحت

منال : اي احكيلي شصار؟ ؟

سوار : شيء أما مراد لازمك تزيدلوا الدوزا نحبوا يولي ذليل

منال : اي أما مازال بكري

سوار : لا ابدا و نحبك تشوفلي فرد

منال : ياخي شناوية تعمل انت

سوار :شكونك انت بش تحكي معايا اعمل اللي نقلك عليه و اكهو.

منال خرجت كالعادة مذلولة أما تتوعد فيها

بعد ايامات تقابلوا الجماعة الكل في الفاك سوار تغزر لأسر اللي مطفيها. أما أسامة قلبوا موجوع بارشا يعرف اللي آسر مايحبهاش و هو زادة متأكد اللي هي ماتحبوش عايش على أمل انو يجي نهار و تولي تحبوا

منال : ياجماعة فما سهرية فتوق اليوم جايين ماهو؟

مالك : بالطبيعة

آسر : اي اكيد

سوار: كان آسر جاي انا جاية

أسامة : انا الحقيقة مانجمش

مالك : علاه شفما

أسامة : شيء أما ماعينيش الحق فديت من الجو هذا و انت مالك أكثر واحد تعرف مش جوي جملة

سوار : مالا شنوة جوك عبد الحليم؟ ؟؟

أسامة سكت و ماجاوبهاش أما وجعتوا بارشا أسامة وقف معاها في بارشا مواقف وصلت و رقدت معاه أما وقتها كانت تحب على شكون معاها هذاكا علاش بعد عليها وولا يتجنبها.

ماتبدل شيء الايامات الكل تشبه لبعضها

سوار : آسر شبيك بعدت عليا هكا ياخي نسيتني

آسر : شوف سوار انا توا مخليك على راحتك على خاطر خوك اكهو ياتصلح اللي عملتوا الكل وأولهم مراد يا وقتها ننسى كل شيء و نحاسبك بطريقتي و نخليك فضيحة في البلاد كلها . مشا و خلاها سوار حبت تدمر مراد خاطر هو اللي يعرفها أكثر واحد خلاتو لاهي في السم و بعثتلوا منال بالعاني . سوار كانت ماخذة قرار اللي آسر متاعها ولازموا يحبها و يعرس بيها والا تندموا عالنهار اللي قاللها فيه لا.

تلموا مرة الناس الكل على العشاء

عارف : مراد وينك ولدي عندي مدة ماريتكش مش مستانس .آسر فهم اللي بوه حاطط مراد في مخوا خاطر يعرفوا مليح إذا عارف تكلم معناها عرف حاجة ولا شاكك في حاجة .

مراد : اه عمي اي لاباس

عارف : لا مش لاباس. شوف مراد و انت آسر زادة مانحبش مشاكل هاني نقلكم الطيش متاعكم توقفوه.




الحلقة 20

قامت تحل في عينيها بالشوية

اماني : مراد ياخي مازلنا

مراد : ههههه صغرونتي مازلنا شوية شنوة خليتها بالنوم راك

اماني: ههههه والله ميتة بالتعب ماعادش فيا نستنى وقتاه نوصلوا بش نشبع بالنوم أقل حاجة نهارين ورا بعضهم

مراد : شنووووة هههه اي هاو فيبالي؟ ؟

اماني : علاه شبيك مراد؟ ؟

مراد : تحكي بجدك تي انا شاد روحي بالسيف و انت تقلي نهارين نوم

أماني : هههههههه مهبول زايد.

وصلوا للاوتيل منظر يفتق و بلاد تهبل اماني حاسة روحها في الجنة. في بلاصة كيف هاذي مع الإنسان اللي تتمناه و تموت عليه. هي واقفة على الشباك و هو جا عنقها من تالي و طبع بوسات على رقبتها و.....

نرجعوا لأسر اللي يغزر لولدوا و يحاول يستوعب في اللي قاعد يصير.

آسر : عسلامة يا صغرون انا اسمي آسر و انت؟

يوسف :انا اسمي يوسف و بعد عليه

آسر : ياخي شبيك خايف مني

يوسف : أمم خاطر انت كنت تصيح و انا نخاف لا تضربني

آسر بالوقت حملوا و هزوا يعنق فيه و يشم في ريحتوا.

مايعرفش شنوة اللي صار أما احساسوا بيه حاجة مش عادية. فما حاجة قوية بيناتهم.

بعد جمعة آسر كتب الصداق على سوار

آسر : شوف احنا توا عرسنا صحيح أما أنت في شيرة و انا في شيرة العرس هذا عالاوراق و اكهو .

سوار : اي أما أنت راجلي

آسر : قتلك عالاوراق و اكهو.

يوسف ولا ديما عند آسر يحب يعوضوا على اللي صار الكل.

أما سلمى انهارت و قررت تسافر لبرا مراد اقترح عليها تجي بحذاه هو وأماني و exactement هذاكا اللي صار. مشات بحذاهم بعد ماحاول معاها سي عارف بالطرق الكل حتى ايلينا زادة. أما كانوا يعرفوا اللي هذا احسن حل ليها و لأسر.

توا سلمى تكمل في الماستر و اماني زادة بدات تقرأ médecine و مراد زادة شادد الخدمة غاديكا و سلمى تعاون فيه . سلمى دوب مامشات للندن قعدت بحذا اماني و مراد أما مبعد خرجت تسكن وحدها . مسكينة عايشة جهامة بلا روح دافنة روحها مابين القراية و الخدمة. و ساعات تمشي بحذا اختها و مراد. سلمى تبدلت بارشا ولات ديما سارحة حتى التفدليك قليل بعد آسر هدها حتى وقتلي خطفها مالك صحيح طاحت أما رجعت أقوى.

اماني : مراد ؟؟

مراد : oui يا روحي

اماني : الحقيقة خايفة على سلمى بارشا حالتها ماشية و تتعكر و الله لاني عارفة شبيها استسلمت هكا مش مستانسة مش هاذي سلمى اللي نعرفها مش اختي انا اللي تسلم فيسع . وولات تبكي على حال اختها اللي بالحق يسخف حتى مراد زادة مايبعدش عليها بارشا مش منجم يشوفها هكاكة سلمى بالنسبة ليه خط أحمر يعني اللي يمسها يمسوا و هو مسكين حاول معاها بارشا أما كالعادة مايلقى حتى شيء.

مراد : ااه اش بش نعملوا أكثر انا تعبت من الموضوع هذا و بالحق مقهور عليها انت تعرف سلمى شنوة بالنسبة ليا و اللي غايضني مانجمش نعاونها ماتخيلتش بعد آسر بش يعمل فيها هكا.

الايامات كالعادة و سلمى ماتبدلتش أما رجعت تحكي كيف قبل يعني ماعادش سارحة و ساكتة أما كي تشوف عينيها تقرا فيهم الحزن. كالعادة دخلت لدارها و تسمع في حس غريب.

سلمى : شكون؟ ؟ Who is here

تدور في الصالة حتى شافتوا في المراية واقف وراها وظاهر كان خارج من بيتها . شافتوا و مش مصدقة اللي هو واقف قدامها ماتبدلش جملة أما شعروا و لحيتوا طوالوا

سلمى : شششتحب مني امان؟ ترعش بكلها مش منجمة حتى تدورلوا خايفة و تدعي لربي انها تكون تحلم .

قربلها و دورها قدامو و يشوف في الدموع اللي هابطة من عينيها

مالك : اششش ياروحي ماتبكيش ما تخافش

اتطرشقت بالبكاء

سلمى : امان سيبني امان حرام عليك شتحب مني ماكفاكش اللي عملتوا فيا. ابعدني امان

مالك : تخافش سلمى ماني بش نعملك شيء و اصلا مانجم نعملك شيء أنت الهواء اللي نتنفسوا. يحكي و يشم في ريحتها.

سلمى : يعيشك أخرج ابعدني

مالك : رد بالك تعاودها هاذي انساها حكاية نبعدك ماتعرفش قداش حلمت بيه النهار هذا اني نشوفك هكا قدامي من نهارة اللي صار و انا نادم نادم بارشا. سلمى امانك اعطيني فرصة نعوضلك اللي صار.

سلمى : ياخي مهبول فاش تحكي أما فرصة تحكي عليها انت دمرتني قتلتني من نهار اللي خطفتني فيه نسيت ولا نذكرك. تتذكر الجمعتين اللي خطفتني فيهم ااه؟ ؟ تتذكر اللي عملتوا فيا نسيت دمي نسيت دموعي؟ ؟ نسيت وقتلي كنت نترجى فيك بش تسيبني تي جرتك تشليت وحاولت نقتل روحي أكثر من مرة خاطر مانجمش نغزر في عين بابا اللي كل مانغزرلها نموت 1000 موتة

و تقلي اعطيني فرصة.

طاحت في القاعة تبكي و ضامة ساقيها لصدرها

مالك : سامحني يعيشك سامحني مستعد نعمل اللي تحب المهم تسامحني و ترجعلي انت نحبك

سلمى: عمري ماني بش نجم نسامحك انت تحبني و انا نكرهك نكرهك

مالك : اششش لا لا انا بش نخليك تحبني نعرف اللي انت بش يجي النهار و تحبني

سلمى : زايد مريض والله. أخرج عليا اخررررررررج

مالك : اي انا ماشي أما أنت معايا.

هوما هكاكة و يسمعوا في الباب يدق . صوت مراد ينادي عليها و صوت آخر غريب عليها

مراد : حل يا **** والله مانشرب من دمك مازال ما جاوبوش و الباب يتكسر .مالك يحكي و في يدو فرد




الحلقة 21

مالك : مراد ارجع لتالي خيرلك مانحبش نضرك سمعت بيك عروس جديد

مراد : ابعدها مالك خيرلك ماكانش و رحمة امي لا مانخليك تتمنى الموت

دخل أسامة ورا مراد

مراد : شنوة أسامة بعتني؟ ؟

أسامة : مالك يعيش خويا هيا نمشيوا من هوني والله اللي تعمل فيه حرام ليك و ليها سيبها وانا تفاهمت مع مراد اللي الحكاية بش توفى هوني. هيا يعيش خويا

مالك : لاااااا باش تفهم اللي بعدها موت انا توا قريب ال4 سنين متعذب

مراد : باهي سيب الفرد واتو نتفاهموا

سلمى كانت في عالم آخر في القاعة تبكي و ضامة ساقيها لصدرها و ترعش بكلها حتى كلامهم مش تسمع فيه ما فاقت كان على صوت الكرتوشة وقتها هزت رأسها

تلقاه كرتوشة في مخوا و غارق في الدم مش مصدقة اللي الحكاية وفات هكا.

سلمى : فيق قوم ماتموتش مالازمكش تموت لازمك تتعذب كيف ما انا تعذبت قوم .

مالك كي وصلت الشرطة انتحر . سلم في حياتو بسهولة.

مراد و أسامة زادة مصدومين خاصة أسامة حس بالذنب لكن اللي متأكد منوا انو اللي عملوا صحيح .

الناس الكل مشات للمركز و اعطاو اقوالهم و روحوا لدار مراد.

اماني: ااه يا ناري على اختي مسكينة تحسنت شوية هاو جانا الهم لآخر مش فاهمة علاه زهرها هكا

أسامة : الله يرحموا هو توا أما الحقيقة مالك مش في وعيوا

اماني : شمعناها مش في وعيوا؟ ؟ فهمني

مراد : مالك عندو إعاقة ذهنية من الصغرة على هذاكا حتى كان شدوه مش بش يدخل للحبس على هذاكا فسخنا الدوسي متع سلمى من الحاكم .

أسامة : شوف اختي احنا قبل كنا عشرة اما الله غالب المهم رد بالك على اختك

مراد : يعيشوا أسامة مزيتك عمري ما ننساها والله

أسامة : تقولش هكا ماتنساش مزيتك سابقة مراد وتوا رد بالك عليهم انا بش نقعد هوني حتى لين يوفا التحقيق.

اماني : أش بش نعملوا توا؟ و زيد اكيد الجماعة في تونس بش يسمعوا تنساش مالك خو سوار

مراد: اي هاني بش نمشي نكلم عمي

بعد ماكلم مراد عارف كالعادة تلمت العيلة كلها

عارف: آسر، سوار عندي ليكم خبر

آسر : شفما بابا

عارف : مالك مات انتحر من شوية

اسر: شنوة ياخي مالك مش مات عندو قريب ال3 سنين

عارف : حتى انا هذاكا شفيبالي أما توا مراد كلمني و قلي اللي هو طلع عايش عند أسامة في برلين

سوار : اي و كيفاش انتحر ؟؟

عارف غزر لأسر اللي متأكد إذا كان بش يعرف الحكاية بش يهبل في مخوا

عارف : الحقيقة انتحر في دار سلمى

ايلينا : شنووووة؟ ؟ فاش تحكي عارف

آسر : بابا فسرلي . اللي مستغربينو الجماعة اللي هو مازال هادي

عارف : مالك بعد ما سافر بمدة ولا يحب سلمى مش يحبها أما انتوما تعرفوا حالة مالك ولا مهووس بيها و حط في مخوا اللي هي متاعوا . و كيف عرف اللي هي في لندن مشالها أسامة كان معاه وهو اللي قال لمراد اللي مال مشا لسلمى و مبعد خلطوا عليها هوما و الشرطة. كي وصلوا انتحر ضرب روحوا بالكرتوش .

ايلينا : ووه على بنتي اش بش يصير فيها أكثر

سوار : خير كي مات طول عمروا ضعيف و حتى كي مات مات على خاطر وحدة مانعرفش عليها منين جاية .

عارف : شوف يعيش بنتي اعرف اش تخرج من فمك

آسر : اي و هي لاباس توا؟

عارف : قلي مراد اللي هي تاعبة

ايلينا : توا فرحنا اللي هي خرجت من ال dépression الي كانت فيها بش تعاود تصيرلها حكاية كيف هكا.

آسر : تو تقوم كالعادة سلمى قوية . خرج و خلاهم قبل ما يخرج من الدار طلع لبيت يوسف يتطمن عليه. هز كرهبتوا و مشا خلا كان الغبرة وراه.

ايلينا : البركة فيك سوار بنتي

سوار : مايهمنيش فيه. حياتو الكل هكاكة. مهبول

ايلينا : الله يرحموا توا.

عارف : الله يرحموا.

عارف و ايلينا طلعوا لبيتهم

ايلينا : عارف امان نحب نمشيلها مانتهنى إلا مانشوفها بعيني .

عارف : باهي باهي يا روحي ماتخافش عليها.

نمشيوا لأسر اللي خرج من الدار مشا قدام البحر. يبكي بالدموع و هاذيكا اول مرة يبكي فيها مقهور على اللي صاير فيهم. موجوع اللي الطفلة الوحيدة اللي حبها في حياتو تحرم منها وزيد في أكثر وقت هي محتاجتلوا فيه. مش مصدق اللي بالحق سلمى مشات عليه في المدة اللي فاتت آسر كان كيف سلمى بعيد عالدنيا الكل ماعندو في حياتو كان يوسف و الخدمة. يوسف بالحق حاجة دخلت لحياتو بدلتها معاه تعلم المسؤولية و الخوف على حاجة عزيزة عليه مايتعداش النهار إلا و يوسف فيه يخاف عليه أكثر من روحوا. تمناه يكون ولدوا من سلمى أما هذاكا ربي شحب. سوار آخر كلمة تنجم تتقال عليها انها ام ماهيش لاهية بيه جملة و عايشة حياتها من غير اي مسؤولية و هذا الشيء اللي لاحظتو ايلينا خاصة هي مرا و تعرف.




الحلقة 22

توا 5 سنين تعداو صارلها فيهم الباهي و صار الخايب أما تبدلت فيهم بارشا حاجات . اولهم اماني و مراد اللي جاتهم بنوتة عسل سماتها اماني مريم على اسم ام مراد . مريم توا أهم حاجة في حياة سلمى ماتنجم ترقد إلا ما تمشي ترقدها و تحكيلها حكاية حتى مريم زادة حياتها الكل سلمى تعيطلها هي أمي.

سلمى بعد اللي صارلها كالعادة ماوقفتش خذات الماستر و ولات تخدم وحدها حلت شركة محاسبة تشاركت فيها هي و أسامة. أسامة كان السبب بش سلمى تحسنت وقف معاها بارشا . مايعرفش علاش أما احتمال حس بالذنب على خاطر خبى مالك عندوا

نمشيوا لعيلة سي عارف .

آسر خدمتوا كبرت و نفوذو زادة كبر سي عارف خذا التقاعد و قرر يتلها بايلينا و حفيدو اللي كلهم يحبوه. يوسف دخللهم الفرحة . وهو يتحب زادة مشالله عليه تربية و أخلاق اللي يشوفوا مايقولش ولد آسر. سوار مازالت بمشاكلها و لسانها اللي كالسكاكن.

آسر ماهوش حاسبها موجودة . و قلبوا بعد سلمى ماتحل لحتى وحدة و مانجم يقرب لحتى وحده بعدها برغم محاولات سوار الكل أما شيء.

حتى سلمى زادة بالنسبة ليها بعد آسر تحرم الرجال. مركزة كان في خدمتها و مريم من نهارة اللي سافرت ماشافتوش و ماقابلتوش جملة حتى تونس هبطتلها مرة برك. امها و بوها حاروا معاها حتى ايلينا زادة حاولتها قداه من مرة انو تحاول تبدا حياتها مرة اخرى أما شيء مانجمتش تقنعها.

أسامة و سلمى توا يعتبروا من اقوي المستثمرين في لندن و الشركة متاعهم من أحسن الشركات اللي موجودة

عايلة سلمى و عايلة سي عارف ولاو قراب بارشا حتى من اكرم ولا يدرب في يوسف و حاسبوا خوه الصغير

ليلى : والله يا ايلينا اختي حرت معاها و مش عارفة شنوة اللي صارلها ؟ راهي بنتي و نعرفها واكيد نحس بيها أما مانيش عارفة شنوة السبب اللي خليها تهرب هكا .

ايلينا : شوف حتى سلمى بالنسبة ليا بنتي و ربي يعلم معزتها عندي حتى انا زادة نحبها تشوف حياتها أما هذاكا اش هي حبت واحنا ماعلينا كان نحترموا قرارها . شوفها هي مشالله عليها اش ولات

ناصر : باللي بش تولي متنجمش تقعد وحدها لازم شكون يكون معاها ياخي راهي الجمعة الجاية تعمل 28 سنة اختها عرست أقل من عمرها ب 10 سنين. الحق انا مانعرفش وقتاش صاحب الأمانة يهز امانتوا و انا نحب نتهنى عليها

عارف : شنوة هالكلام ياراجل ماتخافش انشالله تفرح بيها و بصغيراتها زادة

آسر قاعد في وسطهم كابس على يدو وجهوا بش يتطرشق يحب يقوم يصيح و يكسر الدنيا و يقلها سلمى متاعي انا ملكي انا حتى حد ما عندو الحق حتى بش يغزرلها أما كالعادة مايلقى حتى حل كان يمشي يصلي و يدعي لربي يصبروا على فراقها

عارف : ايا يا جماعة كيف ما تعرفوا مراد و اماني جايين آخر الجمعة هاذي انا قلت نمشيوا للفيرمة نعديو جمعة غاديكا.

ناصر : اي علاش لا عالاقل نرتاحوا من الجوجمة اللي هوني أما الحقيقة احمد مخلي بلاصتوا

احمد مات من عامين جاه الكونسار. أكثر عباد حسوا عليه آسر و مراد خاطر خسروا صاحبهم و خوهم الكبير أحمد عمروا ما تعامل مع مراد على أساس اللي هو بوه كان صاحبوا و عشير عمروا. اماني و أسامة و سلمى عاونوه باللي يقدروا بش يعدي الأزمة متاعو كل يوم يحمد الله على وجود اماني في حياتوا ماينجمش يتخيل نهار يتعدى بلاش بيها رغم صغر سنها إلا أنها مرا و عليها الكلام هو توا فخور بيها و باللي وصلتلو بجهدها مازالولها عامين و تكمل وهو معاونها في كل شيء حتى هي زادة حاسة اللي هي ربي عطاها أعز و احن راجل في الدنيا و بالطبيعة حياتهم حلات أكثر بوجود مريم اللي عاملة فيهم بعمايلها اللسان الطويل و العمايل اللي تخليك باهت كيفاش طفلة عمرها 4 سنين يجي لبالها هذاكا الكل.

أسامة استقر في لندن و هو و سلمى توا أكثر من الشركاء هوما أصحاب بارشا و توا عشرة بيناتهم. اش خلى مراد يغير منوا و قداش من مرة ينبزو.

اليوم مراد و اماني و مريم وصلوا لتونس بش يتعداو للفيرمة طول و مريم ماحبتش تركح ثنية كاملة. وصلوا للفيرمة يلقاو الناس الكل تستنى فيهم امها عرضتلهم بالبوس و آسر مشا يجري لمراد قداش توحشوا.

مريم مشات تجري لاكرم تبوس فيه و تحمل. مريم بقات تغزر لأسر

مريم : عثلامة ثكونك انت

آسر : هههه انا آسر خو بوك

مريم : اا ثارا انت اثر . ثلومة ديما تحكي عليك هي و ماما

آسر فرح عالاخر أما يافرحة ماتمت

مريم : ثفتها ماحبتث تذي قتلي بث تقعد مع راذلي

ليلى : هههه راجلك بالله يا فرخة

مراد : ههههه اش فيبالك ماهي قالت اللي هي بش تعرس باسامة و اللي هو سايي راجلها

دخلو الجماعة الكل و قعدوا في الصالة

اكرم : ياخي علاش سلمى ماجاتش و الله خلات بلاصتها توحشتها عالاخر توا قريب العام ماريتهاش .

آسر في قلبوا يقول انا 5 سنين.

مراد : الله غالب يا خويا اختك توا امرأة أعمال ههههه و زيد هي و أسامة واحلين بارشا

عارف :والله انا فخور بيها بارشا المرة اللي فاتت قريت عليها article الشريكة متاعها هي و أسامة ناجحة بارشا.




الحلقة 23

هوما يحكيوا هكاكة و تجيهم مريم تبكي

مريم : حب أمي توا انا

اماني : ياماما سلمى ماهيش هوني

مريم : مايهمنيث نحب ثلومة توا. و اتطرشقت بالبكاء

مراد : باهي اتو نكلمها

مراد كلم سلمى بالمسنجر أما مافيبالهاش مسكينة اللي تليفونو connecté بالتلفزة معناها عيلة كاملة تشوف فيها

سلمى تشوف في مراد يطلبها حلت ال pc و جاوبتوا أما تصدمت من المشهد قداش توحشت لمتهم و جوهم عينيها دمعت بالوقت

سلمى : يااا قداش توحشتكم يا جماعة والله قلبي وجعني

عارف : ههههه والله حتى انت خليت بلاصتك

ايلينا : يا روحي انت وقتاش تهبط توحشناك في وسطنا

هوما يحكيوا و تشوف في آسر داخل و ولدوا في يدوا قلبها دق قداش توحشتوا و توحشت انها تشوفوا كان تلقى تنقز بالوقت و تمشي تتخبى في حضنوا و تشكيلوا بالحق تمنات الموت لحظتها ولا تشوف هالمنظر أما هذاكا ربي شحب. مكتوب ولازمها ترضى بيه . آسر زادة ماكانش يبعد عليها سرح في وجها ضعفت أما ماتبدلتش حتى بعد المدة هاذي الكل الزوز فمهم ساكت أما عينيهم تحكي كل شيء دمعة محسورة و قلب موجوع

سلمى : هههههههه عسلامة آسر اش حالك؟

آسر : الحمدالله انت اش عاملة وقتاش ناوية تطل

سلمى تغزر ليوسف قداشو محلاه و بالحق يتحب عينيه بريءين لأقصى درجة

سلمى : هههههههه عسلامة بوgوس انا سلمى وانت اكيد يوسف اكرم حكالي عليك بارشا و قالي اللي انت طيارة في التدريب و زيد محلاك عاقل بارشا.

يوسف : ههههه يعيشك تاتا

سلمى : شنوة تاتا بالله عيطلي سلومة كيف اك اللفعة مريومة اللي عاملة روحها متغششة

مريم : حبكث انا نحب راذلي

هي تحكي و أسامة دخل

أسامة : سلومتي هيا فيسع الطيارة بش تفوتنا

سلمى : هههههههه إيجا إيجا مرتك تلوج عليك ههه و كان تعرف الحقيقة تذبحك

أسامة مشا ورا البيرو بحذا سلمى و طبس لل écran يسلم عالجماعة

أسامة : السلام يا جماعة انشالله ديما ملمومين في الخير قداش توحشت لمتكم

عارف : عسلامة ولدي مبروك عليكم سمعت باللي عملتوه الفترة الآخرة والله شيء يرفع الراس

أسامة : ههه انا ماعندي ما عملت كلوا من تحت يدين سلمى. الحقيقة الطفلة هاذي غول

آسر قاعد يغزرلهم و يغزل كيفاش حاطط يديه على اكتافها و يضحك و كيفاش يحكي عليها باللي يبعدوا على بعضهم شيء سلمى تقعد حاجة تابعة لأسر و ملك آسر .

أسامة : اهلا آسر اش عامل والله توحشتك

آسر : الحمد لله لاباس نوصيكش على سلمى

أسامة : هههه لا وه تخافش هاذيكا في العين أما كيفاش كنتو تتصرفوا معاها . رأسها كاسح بارشا

مراد : علاه شفما تقليش على نفس الموضوع هههههه

آسامة :اي قتلك الخاتم معجبهاش و زيد ال band خايبة و البلاصة اخيب .

آسر سمع كلمة خاتم قلبوا ولا يضرب في ال 1000

آسر : هههه انشالله خير شفما؟

أسامة : خويا اكهو يزينا من العزوبية الواحد لازم يلم ساقيه

مراد فهم آسر و خوفو وحب يطمنوا

مراد : اي آسر انشالله شهرين آخرين عرس أسامة و سلمى تعاون فيه في التحضيرات

سلمى: يا حسرة كي كنت نعاون توا كل شيء وحل في راسي

أسامة : هههه شكون عندي انا

اماني : علاه انا نسيتني

أسامة : لا ووه أما هاك فصعت لتونس.




الحلقة 24

اماني : ههههه الله غالب انشالله كي نرجع ناقف لخويا. أي العروسة اش عاملة فيك

سلمى : هههههههههههههههه ماتسالش خير. قتلك تحب 3 شهور عسل

اماني : ههههه اي علاش لا مش خسارة فيها

أسامة : ههه اي أما لازم الكبس امونة شقال مراد ههههه

سلمى : هههه جزار يعضم على مراgزي هذاكا آخر واحد تسألو عالكبس . أمي بالحق بنتك مشيتوا على السكة

ليلى : هههه مالا طالعة لأمها

ناصر : يعجبكشي توا مش كاينو النساء تحاماو فينا؟ ؟

عارف : ههههه اي شفت ماهو لازم نوريوهم العين الحمراء .

ايلينا : سامحني شنوة قلت ماسمعتش شقلت؟ ؟

عارف : اه لا ياروحي قلت النساء هوما الكل

طرشقوا الكل بالضحك

سلمى : ايا نخليكم توا عندي طيارة و توا مبعد نكلمكم و انت مريومتي ماتعبهمش باهي ؟؟

مريم : باهي امي أما مبعد بث تحكيلي قثة .

كملت سلمت عليهم الكل آسر خرج فادد قداش توحشها و اللي وجعوا أكثر انو سلمت عليه قول ماكان بيناتهم شيء.

سلمى دوب ماسكرت ال pc تفلقت بالبكاء كانت شادة روحها بالسيف لتوا وجود آسر مع غيرها قاهرها ديما تقول اللي هي رضات أما لا تكذب على روحها هي موجوعة و مش متقبلة فكرة اللي هو بنا عايلة مع وحدة أخرى يعني حقق اللي حلموا بيه أما مش معاها

أسامة : يزي يعيش اختي امان ماتعملش في روحك هكا

سلمى : وجيعة كبيرة يا أسامة صعيب انك تكون بعيد على الناس اللي نحبهم و الأصعب اللي انت اخترت البعد هذا. ماشي فيبالي بش نجم ننسى و نبدأ من جديد أما لا العكس كل دقيقة نبعد فيها عليه نغرق في حبوا أكثر تعبت يا ربي تعبت.

خرجوا الزوز ماشين لليفربول عندهم اجتماع غاديكا يكملوه في نهارهم و يروحوا أما سلمى مافيبالهاش اللي أسامة عمللها برنامج آخر

المهم كملوا اجتماعهم في الليل امخر و قرروا يباتوا في اوتيل و من غدوة يرجعوا للندن و هذاكا اللي صار.

في الصباح فطروا و مشاو للمطار حتى لين سمعت




الحلقة 25

يناديوا على الطيارة اللي ماشية لتونس

أسامة : هيا قوم طيارتنا وصلت

سلمى : فاش تحكي أسامة لا منحبش نرجع

أسامة : لا راجعين و توا زادة ماكش تشوف اللي انت الخاسرة هوني باللي عملتوا الكل أما في الاخر كان بش تواصل هكا بش تقعد وحدك. سلمى تتذكر ثاني مرة قابلتك فيها بالرغم من حالتك وقتها و اللي صارلك الكل مانسيتنيش و زيد حكيت معايا و منعتني من الحبس و عاونتني بش نبدأ من جديد حياة جديدة و خدمة جديدة و زادة حب جديد يدخل لحياتي يبدلني انا قبلها.

سلمى : مش مزية يا أسامة أما

أسامة : لا أما لاشيء انا حبيت نفسرلك اللي انت قوية و تنجم تواجه اي موقف عمري ما ريتك خايفة و منحبش نراك ضعيفة. هيا نمشيوا

سلمى استسلمت لكلام أسامة خاطروا بكلوا صحيح ركبوا الطيارة و هي كالطفل الصغير اللي هازينوا للمناج

وصلوا يلقاو كرهبة تستنى فيهم ثنية كاملة و هي ترعش و تفرك في يدها مش مستوعبة اللي هي بش تشوفوا بش تسمعوا قداش توحشتوا و توحشت حنيتوا خوفو عليها و حتى غيرتوا توحشت تفدليكهم على مراد و اماني حتى اكرم اللي مسكين كان الضحية في وسطهم

وصلوا للفيرمة وقتها العيلتين ملمومين أما المرة هاذي مش على راحتهم معاهم سوار اللي حد ماهو حاملها من كلامها المرزي

سوار : أمم الحق الدار هاذي قديمة و الديكور متاعها لازموا يتبدل الحق نظن نبيعوها خير بالله شنوة المهم في دار فين الجبولات و الطباعي

اماني : عندك الحق الدار قديمة حتى الديكور زادة أما الدار راهو مش بالمظهر متاعها الدار بالذكريات اللي فيها باللحظات اللي عشتهم فيها و دارت لمراد اللي تذكرت كيفاش خطبوها هوني .

اماني : انا وحدة من الناس كان يعطيوني فيها مال قارون مانسلمش فيها.

مراد حاطط يدوا على خدوا و سارح في كلام صغرونتو و زيد تبسم كيف تذكر اللي صار هوني الكل لين تكلم اكرم اللي قاعد بحذا يوسف عال pc

اكرم : صحيح اختي صحيح اولهم آسر و مراد و ذكرياتهم هوني اكيد حكايات و لحظات قوية بارشا ماتنساش مش هكا الاولاد

هز راسو يلقاهم الزوز يgحرولوا و ظاهرين متحلفين فيه .

سوار : ههه محلاه الشعر اللي قلتوا أما الحق كان تتباع هالفيرمة و نزيدوا بيها برتمان مضخم في بلاصة راقية خير بارشا و دارت لعارف. شقلت عم عارف

عارف : و انا اش مدخلني فيها الفيرمة كلم مولاتها كان عجبتها فكرتك .

سوار : شنوة مافهمتش

آسر : الحق يامدام سوار احنا هوني ضياف الفيرمة متع سلمى مش متاعنا. بابا عطاهالها كادوا عيد ميلادها من 5 سنين لتالي.

و بداو يحكيوا على العيد ميلاد وقتها و الجو اللي عملوه حتى سمعوا مريم تعيط

مريم : ثلومة ذات و راذلي

تلفتو العايلة كاملة يشوفوا فيها واقفة في الباب و تتبسملهم اول عبد مشالها امها تبوس و تحمل و مبعد هي وصلت فين قاعدين و سلمت عليهم حتى لين وصلت لأسر اللي مش مصدق اللي يشوف فيه سلمى قدامو و زيد تسلم عليه و تضحكلوا قداش توحش اك التبسيمة و اللي هزتلوا عقلوا و قلبوا من اول نهار شافها فيه. من غير ما يشعر عنقها و هي زادة لحظات حسوا بالوقت وقف حتى لين سمعت صوت مريم بش وقتها فاقت على روحها

سلمى : هههههههه توحشتك آسر والله اي قلي وينوا التحفون.

آسر مازال سكران بقربها و مش يسمع في شي شادد روحو بالسيف بش مايهزهاش و يهرب

سلمى مشات ليوسف اللي قاعد بحذا اكرم .سلمت على خوها و مبعد مشات ليوسف طبست بحذاه تغزرلوا و تضحكلوا

سلمى : عسلامة يا صغرون محلاك و محلا زينك انا سلمى اخت اكرم

يوسف زادة رتاحلها و ضحكلها

يوسف : ههههه و انا يوسف خو اكرم زادة ههههههه

سلمى : هههههههه شنوة سايي فكوك سي اكرم

بقاو يحكيوا و مراد زادة دخل و سلم على الجماعة كان سوار سلم عليها فوق من قلبوا على قد ما كان يحبها على قد ماكرهها.

قعدوا الجماعة الكل في الصالة

ايلينا : vraiment هاذي احلى surprise و الله من شوية بركا كنا نحكيوا على ال anniversaire متاعك تمنيت كان جيت انت هوني بش نحتفلوا بيه مرة أخرى و الحمدلله ربي حققلي الدعاء متاعي

ليلي : اي والله ياسلمى قداش فرحت برجوعك

سلمى : هههههههه الحقيقة تنجموا تقولوا أسامة خطفني لهوني .

عارف : يعطيه الصحة

أسامة : من غير مزية و زيد انا كنت هابط لتونس بطبيعتي. قلت نسلم عليكم و مبعد نمشي و سلمى زادة تبدل جو

مراد : نشهدلك بكلمتين هبطتها و احنا توا عامين نحاولو فيها. أي حقا أسامة ياخي شعندك تعمل هوني

أسامة : والله هابط لسوسة بش نهز معايا عمتي تعرف هي اللي قعدتلي و زيد عندي شوية أصحاب نحب نقابلهم

اماني : اي خير ياخي ماكش بش تستدعي حتى حد من هوني للعرس

سوار : عرس؟ ياخي بش تعرس أسامة

أسامة : اي انشالله على قريب اكهو وقيت و زيد انا نحبها بارشا

سوار : أمم ظاهرة واحدة انجليزية هزت عقلك

أسامة : لا بالعكس تونسية

سوار : كيفاش تعرفتوا

أسامة : والله الفضل يرجع لسلمى. كانت تقرأ معاها و هي اللي عرفتنا على بعضنا

ايلينا : ههههه زيد احكيلنا عليها انا سمعت عليها من عند اماني شوية

أسامة : ههه باهي اسمها ملاك و بالحق .




الحلقة 26

أسامة : و بالحق هي ملاك يعني انا معاها فهمت و عرفت الحب فهمتني؟

ايلينا : يا سيدي الطفل غارق جملة و مدام قتلي صاحبة سلمى يعني طفلة طيارة.

عارف : اي و هي مولودة في تونس

سلمى : اي و زيد تعرف تطيب الفريكاسي ههه أما من اللي هي صغيرة عايشة في لندن. قابلتها في الجامعة خذينا الماستر مع بعضنا و هي توا تخدم معانا

سوار : ربي يهنيك أسامة أما خسارة هكاكة ماتستدعانيش

أسامة : الحقيقة صحاب الجامعة نسيت شطرهم. سامحني أما بالطبيعة انت من العايلة مرحبا بيك في كل وقت. انا لازمني نمشي توا

ليلى : وه ياوليدي توا جيت راهو

أسامة : اي اكهو تعرف عندي بارشا قضيات. سلم عليهم و خرج هو و سلمى .

عارف : ماشاء الله عليهم و على اللي وصلولو حتى انتوما الاولاد بالحق رافع راسي بيكم بارشا

آسر: ههه اي بابا متعلمين على يدك

سلمى : امان سي آسر عييت و انا نفهم فيك في الخدمة بش مبعد تنكر فيا

آسر : لا يا روحي انت وانا نجم. تكلم من غير ما يشعر

قامو البنات حضروا العشاء. و كل العادة حضروا التاي و ال gâteau و زادو سلاطة غلة و هزوهم للصالة

مريم : يااااا gâteau

مراد : يعيشلي مرتي ياربي

ايلينا : ههه البنات وحدكم والله ااه قداش عندي على هاللمة

يوسف : ههههه يعيشك تاتا سلمى نحب ال gâteau هذا بارشا

سلمى: هههههههه يعيشلي ولدي ياربي أما شوف ماعادش تقلي تاتا ههه

يوسف : ههههه باهي

بدأو الجماعة ياكلوا و يشربوا في التاي سلمى مشات تجيب في الماء. و آسر هبط بحذا الجماعة بعد ما كان عندوا شوية خدمة

سلمى خارجة من الكوجينة تشوف في آسر يأكل في سلاطة الغلة طيحت الماء من يديها و مشاتلو تجري

سلمى : آسر طيش اللي في فمك فيسع فيسع

عيلة كاملة استغربوا حتى آسر أما عمل كيف ما قالت

آسر : شبيك سلمى شفما ياخي ؟؟

سلمى : انت اللي شبيك ياخي ناسي عندك حساسية قوية من الفراز و انت هابط تأكل فيه نرمال في مخك

آسر : يااا ماشلقتش

سلمى : رد بالك مالا المره الجايه فهمتني

تحكي و تعارك فيه و هو في عالم آخر احساس قوي جاه اهتمامها بيه الكبير خلاه يزيد يغرق فيها يعشق في عينيها المليانين خوف و الدمعة محصورة فيهم نفسها اللي داخل بعضو هاذوما الكل حاجات توحشهم في سلمى اللي بالحق يحسها أمو و بنتوا و قطعة من بدنو.

سوار شلقت بيهم أما لازمها تبلبزها مشات تزرب لأسر دزت سلمى و عنقتوا

سوار : اووه اللطف عليك يا روحي سامحني مارديتش بالي

سلمى الدموع لقات طريق لخدها و طلعت للبيت فيسع سكرت الباب.

سلمى : شفيبالك يا سلمى تي راهو معرس لازمك تنساه و هاك شفتوا توا مع مرتوا و ولدوا.

نمشيوا توا لأسامة اللي مش مصدق اللي يسمع فيه

أسامة : اسمعني يعيش اختي ياخي اللي تحكي فيه بالحق راهو الحكاية تنجم توصل للدم. آسر المرة هاذي عادي يقتلها.

منال : والله يا أسامة كيف ما نحكيلك. أصلاً كي قتلي انت توا بهتت.

أسامة : لازمني نمشي توا و نقولوا.

ركب في الكرهبة و مشا طول يجري يحب يقلهم الحقيقة اللي عرفها و اللي بش تبدل بارشا حاجات.

وصل يلقا الجماعة ساهرين من غير ما يسلم

أسامة : اكرم يعيش خويا هز مريم و يوسف لفوق .

العايلة استغربوا منوا و قلبهم ما يقول في الخير.

أسامة : سمعتني فيسع يعيش خويا. ويني سلمى؟

اكرم : في البيت.

أسامة : عيطلها يعيشك . وقتها تخلط علينا للجنينة

مراد اماني آسر تنجموا تجيوا و سوار زادة

الجماعة قاموا خرجوا للجنينة و في مخهم الف سؤال هوما بعدوا للجنينة و أسامة يدور يلف وجه سوار بكف

أسامة : زايد ق**** و عمرك ماتتبدل الشر يجري في دمك

آسر : شصار أسامة فسرلي ؟ مدام وصلت و عملت هكا معناها الحكاية كبيرة

أسامة : اااه يا آسر والله كنت حاسس شوف بش نقلك الحقيقة أما الحاجة اللي نحبك تعملها انك ماتاخوش حقك بيدك راهي ما تستاهلش والله

آسر : *** تي احكي

أسامة : يوسف مش ولدك هاذيكا لعبة مسخة من تحت يدها.

آسر من الصدمة طاح على ساقيه مش مصدق اللي هي توصل تلعب بيه بالطريقة هاذي

مراد : فاش تحكي ياخي آسر عمل تحليل و طلع ولدوا

أسامة : ياخي بش تحير هي؟ تي هاذيكا الشيطان يقلها يا سيدي

آسر مشا طول خنقها و هي تفرفط تحت يدوا مانجمو يفكوها من تحت يدوا كان بطلوع الروح

سلمى خلطت تشوف فيهم خايضين مشات و ماهي فاهمة شيء. تلقى سوار شادة رقبتها و تتنفس بالسيف و الاولاد شادين آسر

سلمى مشات لسوار بش تعاونها

سلمى : اسم الله عليك قوم يعيش اختي اماني جيبلها ماء

أسامة : خليها تموت هاذيكا

سلمى : اللطف عليها ياخي شفما؟

اماني حكات لسلمى على اللي صار الكل و هي المسكينة من الصدمة دموعها هبطت تجري طول قلبها وجعها على السنين اللي ضاعوا و الدموع اللي بكاتهم

آسر : سوار توا بش تحكي كل شيء

سوار : باهي سامحني يعيشك انا عملت هكا خاطر نحبك

آسر : رد بالك تعاودها هاذي. فهمتني و توا حل ** فمك

سوار : صحيح يوسف مش ولدك و مش ولدي زادة. وقتلي قابلتوا منال في سوسة قلتلي على اللي صار الكل و وقتها ماحبيت كان نرجعك ليا خاطر انت متاعي




الحلقة 27

آسر : بلع فمك خيرلك. يوسف منين جبتوا

سوار : يوسف ولد شفتوا مرة بالصدفة في مركز الأيتام و كان يشبهلك بارشا و كي سإلت عليه قالولي اللي ماعندو حد قلت اللي هو فرصة و جاتني خاطر نعرف اللي بيه بش ترجع متاعي

سلمى : حرام عليك كيفاش توصل تخلي طفل صغير لعبة عندك هكا ياخي ماعندكش قلب تعرف اللي احنا توا 5 سنين متعذبين

آسر: ورأس ولدي إلا ماندمك و نخليك تتمنى الموت

تعداو شهرين اليوم عرس أسامة. واقف يستنى في عروستوا بجنبوا آسر و يوسف

أسامة : آسر وخي لحكاية طلعت تخوف بالحق واقف على ساقيا بالسيف

آسر : هههه ميسالش باهيلك أما تمشيش تحشمنا اليوم يا طفل

أسامة : ههههه يزيتش اليوم

العروسة دخلت يدها في يد بوها روبتها السامبل بارشا .

العرس بدأ و الناس الكل فرحانين الشطيح مالي الدنيا

حتى لين قص الغنا و الناس الكل تلفتت و أولهم سلمى دارت تلقى آسر واقف قدامها و في يدوا ميكرو

آسر : اليوم نحب نقول حاجة مهمة انا توا في الدنيا هاذي عشت حياتي كلها و انا ماشي فيبالي اللي الحب خنقة و مسؤولية و اللي هو كذب أما من اللي قابلت سلمى عرفت اللي احسن حاجة هي الحب انك تلقى عبد قلبك مايدق كان ليه و ما تحب في الدنيا هاذي كان فرحتوا و انت العبد هذا سلمى انت بدلتني و خليتني نعرف الدنيا كيفاش تتعاش و أكثر حاجة حبيتها فيك هي قوتك و صبرك و حنيتك في كل وقت اللي يستحقك يلقاك. هبط على ركبة و نص

آسر : سلمى تقبل تعرس بيا

سلمى الفرحة مش سايعتها عايشة لحظات كانت فقدت الامل انهم يكونو حقيقة اللي عايشتوا تو حلمة تمناتها من سنين.

سلمى : هههههههه اي ياروحي انا موافقة تي بالطبيعة موافقة ههههه

النساء غاديكا بدأت تزغرت و الرجال تصفق و تزفر.

-----------------------------------------------------------------

العبرة من الحكاية هاذي انو عمروا ما المرا كانت ضعيفة بالعكس هي تخلقت قوية بالرغم من وضعيتها معرسة ولا لا في الدار ولا تخدم قارية ولا لا

المرا كائن قوي مش من طبعوا الاستسلام و الأهم من ذلك اللي هي عندها كمية حب كبيرة و الشخص اللي ينجم يحب و يصبر بكل التأكيد هو اقوي شخص على وجه الأرض باللي بش نعيشوا في حياتنا بش نطيحوا و نتوجعوا أما لازم يكون عندنا ايمان كبير بربي و أمل في الحياة