انتى سبابي من 1 الى 60

 أحببت صديقي 

الكاتبة : souha khatrouch 

 

الحلقة 1: 

كانت قاعدة في البيت تتفكر تلوج على روحها الضايعة رجعت باها ذاكرتها لأربعة سنين لتالي العام إلي تبدلت فيه حياتها .. 

ردينة :يا أمي .. ماما .. يا.. 

خدوجة : نعم يا بنيتي نعم 

ردينة: يا أمي ويني الباسكات البلو 

خدوجة: ستنا تو نمدهالك 

ردينة :😔(باستها من جبينها) عيشلي دوجة يا ربي أيا باي توا خنيمشي لليسي معادش بكري 

خدوجة: برا بنيتي ربي ينجحك و يفضلك .. يا رودي بوك مبعد تو يروح بيك ستناه قدام الليسي 

(الكاتبة سهى 💎 )

في الليسي أول نهار في القراية

يقين :(😔صاحبت ردينة محسوب أختها) أهلا بجماعة الباك مات نعرفك تڨدها السنا عاد مش كيف همي تلهيت بالفصعة و الهملة رصيتلي نعاود فها التروازيام 

ردينة : تي سكر بركا نشاله نسلكها بركا .. أيا توا باي خندخل للكور بديناها بساعة فرونسي ع الخوا 😑

دخلت رودي للكلاس و مغير متتعرف خاطرهم نفسهم إلي قرات معاهم عمناول كان طفل بركا معاود الباك إسمو رسلان

في وسط النهار بما إنو دارها بعيدة مروحتش في الفطور هيا قاعدا وتشوف في رسلان قاعد مقابلها و يحكي مع الأولاد و يخزرلها بعد قام و جاها 

رسلان:مبعد عندي منحكي معاك متروحش ستاناني لبرا 

مسكينة رودي من كثر الصدمة قتلو أي براسها أول مرا يجي يحكي معاها هكاكة طول خاطر هيا معندهاش الكلام برشا مع الأولاد برغم مشاله عليها في الزين العنين زرقا كيف البحر و الشعر لونو في سواد الليل و طويييل وبيضة كيف الڨمرة ليلة النص أما هيا مركزا في قرايتها .. أما حتى رسلان زادا موش ناقص شعرو فاتح طوييل و عينيه عسلية قمحي و ميسكلي .. الحاصل قتلو باهي براسها ومشى كملو ساعتين الفطور رجعو للكلاس و هو حصة كاملة يخزرلها و كيف متعرفو عامت الباك فماش حصص تعارف طول يدخلو يقراو و تجيه تبشيرة تزغرط من عند بروف الماط .. 😂😂

البروف :شنيا ناوي تعدي قداه من عام ونتي تعاود في الباك 

رسلان:قد شعر راسك يا مسيو.. اا نسيت إنت أصلع 😂😂

و يطرشق كلاس كامل بالضحك

البروف : أخرج عليا و جيب تقرير 😠😠 

كهو قعد يستنا رسلان في رودي قعدت هيا تتلبد لين خرجو ليسي كامل و دارت من تالي شتحكي معاه 

رودي : سلام .. 

رسلان : أسمعني .. منحبش نطولها وهيا قصيرة راك من عمناول عاجبتني .. و هيا جات شتحكي و يخطف منها بوسة .. على جيان بوها من غادي من كثر مدخل بعضو و قعد يخزر مهبطش مالكرهبة و مش قاعد يشوف في الكميون إلي جاي من بعيد و يغفص الكميون بوها هوا و كرهبتو على هزان راسها تعطي كف لرسلان و تمشي تجري لبوها تلقاه غارق في دمو

أحببت صديقي 

الكاتبة: Souha khatrouch 

الحلقة 2:

تلمو الناس و رودي طاحت على ساقيها خرجة صيحة صيحة خرجت من قلبها : بابااااااا 😭 دارت تلقا رسلان وراها تدور و تعطيه كف آخر يتلفت يلقى صحابو يخزرو و يضحكو قربلها لوذنها موش بوك مات تخرا فيه ستنا عليا مندمك.. 

رودي : جيبو الإسعااف لتوا موصلت .. 

في السبيطار كلمت أمها 

بعد15 ساعة خرج الطبيب .. 

الطبيب : مدام دوجة أحنا عملنا إلي علينا و لباقي على ربي إدعيولو إنتوما بالشفاء و العملية إلي وصلت قريب 14 ساعة نشاله سويعتين و يحل عينيه و نشوفو حالتو وين وصلت وشنوا إلي أثر فيه الحادث أما دقات قلبو مستقرة توا .. 

دوجة : يفرحك دكتور و بنتي لاباس توا .. 

الدكتور: أي أوكا زرقنالها مهدئات و راقدة توا 

فتكم بالحديث ردينة دخلت في حالة هستيرية متاع صياح إلي لز الطبة يزرقولها مهدئات

في الصبح مع الستة 

قامت ردينة تلقى أمها بجنبها راقدة على كرسي قامت حسا راسها يووجع بعد تفكرت مشات تجري للبيت إلي فاها بوها تشوف فيه مالشباك و تبكي 

رودي: سمحني يا بابا .. كان تعرف أنا مدخلني شئ و بنت العاقلة مزالت نفسها .. هيا أكاة و جاها الطبيب 

الطبيب : مدموازال ردينة بش نحكي معاك أما راك لازم تتماسك أعصابك خاطر أمك محتاجتلك .. 

رودي:تكلم دكتور ..

الطبيب: شو بوك تعدى مرحلة الخطر حمد لله .. لاكن بوك تشل و مينجمش يتكلم خاطر قبل الأكسيدون تلعلو الدم و السكر مع بعضهم مما أدا للشلل متاعو هو حي و ينجم يخزرلكم و يفهمكم بعينيه لاكن ميتحركش .. 

رودي: أي و مفماش أمل إنو يولي لاباس ..

الطبيب : لا ينجم يرجع لاباس عليه أما مع المداومة عل علاج .. 

مشات رودي فيقت أمها وحكاتلها بالشوية و هدتها صحيح ملول بدات تبكي و بعد هدات ❤

روحو بيه في كروسة و هوا موش حاب يخزر في عنين بنتو جملا .. 

بعد نهارين رجعت رودي تقرا 

يقين: ااا يا حبي بوك لاباس 

رودي : حمدلله خير برشا 

يقين: يا روحي تستحق أي حاجا أني بحذا أختي 

تبسمتلها رودي و مشات تقرى

لاكن رسلان مرجعش. .. بعد حكاية جمعة جا يقرا .. مع متلاثة و الناس لكل مروحة مشا رسلان هز ردينة من يدها و قلها حاجتي بيك و مغير فضح كلمتين و روح .. مشات ركبت معاه في الكرهبة طريق كامل ساكتين لين وصلو فيلا كبيرااا (رسلان بوه و أمو يعيشو لبرا و حتى رودي لاباس عليهم بوها مدير شركة و أمها أستاذة مات و متخدمش ) 

رسلان:أهبط 

رودي :لوين ..

رسلان 😔:(يصيح ) أهبط و متفددنيش

الحلقة 3:

هبطت ردينة فيسع هوا يمشي و هيا وراه مطبسة راسها حال باب الفيلا 

رسلان:أدخل..

رودي:... 

قعدت فوق الفوتا في الصالة قعد مقابلها و هيا ترعش بكلها .. 

رسلان : شوف أنا نهارت إلي بستك في حالة ضعف نحبك ، نعشقك ... 

رودي: تحبني مالا بش يكون في علمك يا سي رسلان الحب مش بالسيف الحب يجي بالسياسة الحب كلمة كبيرة إلي كيفك ميفهموهاش في جرتك إنت بابا تشل أي تشل شمازلت تحب مني شنوا ..

و دخلت في حالة هستيرية متاع بكاء و صياح 

هوا قرب و هيا دزاتو تغشش و كسر الفاز إلي بجنبو ياخي سكتت فرد مرا و بدا يصيح : شوف أنا ما جبتكش لهنا شتحكي جبتك شتسمع و تسكر فمك أولا نكملو لباك و نعرسو و بعد نخرجو نكملو قرايتنا لبرا ثانيا إنت تعرف كان متوافقش شنجم نعمل وتولي ملزومة تعرس بيا .. و عدا يديه على شعرها .. 

رودي بصوت خااافت و مجروح و مغمضة على عيناها: روح بيا ! أمان روح بيا 

رسلان : شنوا من توا مريتي تحب تروح 

رودي :باهي ..باهي روح بيا و متمسنيش نوعدك نعرس بيك أما أوعدني مدورش بيا من هنا لنتيجة الباك 

رسلان : نوعدك يا روحي .. نوعدك 

... ردينة دخلت للدار 

دوجة : بنيتي سلام 

ردينة : أهلا أمي لاباس بابا خير شوية 

أوكا كالعادة .. نحطلك تفطر 

رودي: أي يا ميمتي دريج نطلع نبدل حوايجي ونجي

دوب ماطلعت في الدروج شافت بوها في الصالة مشات حملاتو و هو موش حاب يخزرلها هبطت باستلو ساقيه وبدات تبكي و تقلو سامحني و شنوا إلي صار ماللول (حكاية مشيانها للفيلا محكاتش عليها) ياخي هبطت دمعة سخونة على خدو و قلها بعينيه راني مسامحك باستو من جبينو و طلعت بدلت حويجها..

بعد بأيامات طلبت يقين ردينة ..

يقين: اا رودي 

رودي : اا حبي 

يقين: أسمعني أني باش نجي نطل على بوك مبعد و باش نجيب شوية من ولاد وبنات كلاسك 

رودي: مغير متقلقو رواحكم عادي 

يقين : ووه توا هذا كلام عم براهيم كينو بوناا 😍

رودي :عيش وخيتي مالا أنا نستناو فيكم ❤

بعد ساعة هكاكة و تسمع ردينة تنوقيز في الباب

الحلقة 4:

تلقاها صاحبتها يقين سلمت على صحابها بالواحد بالواحد والصدمة آخر واحد سلمت عليه هوا رسلان وجها تبدل وقتلو شمجيبك بعينيها .. دخلو صحابها بالواحد بالواحد يسلمو على بوها و الرياكسيون متاع بوها مكانتش أقل منها عينيه حمارو و قعد يرعش لين قريب يطيح مالكروسة.. حد ماو فاهم شبيه بخلاف رسلان و رودي ..

قالت يقين: هيا أصلان أحنا جينا نطلو بركا و عم براهيم تاعب ..طلعت رودي لبيتها و حطت راسها على مخدتها و قعدت تبكي لين هزها النوم...

تتا دوجة شكوكها بدات تشد بلاصتها ..طلعت دوجة لردينة ..

خدوجة:سلام بنيتي 

رودي:نعم أمي 

دوجة :فما حاجا مخبيتها عليا أحكيلي عيش بنتي 

ترشقت ردينة بالبكاء وبدات تحكي :شباش نقلك يا ميمتي إلي أنا السبب في أكسيدون بابا وزادت قوات في البكية 

أمها باهتة حملتها و قتلها :أحكيلي بنيتي .. أحكيلي كل شئ 

بدات ردينة تحكي ماللول .. ماللول تغششت و بعد فهمتها أما كيف العادة حكاية العرس محكتهاش .. 

العام قريب يوفا و رودي غاطسة في الريفسيون .. باك و لازمها تنجح بمعدل باهي ...هيا قاعدة في بيتها تحضر مع نص ليل أكاكة تلفونها نوقز .. نومرو متعرفوش 

رودي:ألو

رسلان:ألو..... شو متعلقش فيسع نحكي معاك كهو 

رودي:أحنا متفاهمناش هكا راو وقت نكملو الباك تجي تخطبني و نعرسو 

رسلان :أهبط هاني اللوطة و مغير متقول لا خاطر متعرفنيش شنجم نعمل

... 

طلعت في الكرهبة ديمارا و مشا .. وصل للبحر هبطو قعدو وقف مقبلها و قالها

الحلقة 5: 

رسلان:شوف رودي 

رودي :متقليش رودي.. ردينة إسمي ردينة

رسلان :أسكت بركا.. شوف أنا حبيتك تي عشقتك أصل أما إنتي معطيتنيش فرصة و كاتيبلو بوك شيصير فيه هكاكة .. علاه تحسس فيا إلي أنا شنعرس بيك بسيف تنجم تحبني راو .. 

رودي :كان جيت راجل راني حبيتك 

هيا قالت هكاكة و هو عينيه شعلو وجهو حمار 

رسلان: توا تشوف الرجال شتعمل 😠 

كركرها من شعرها للماء و هيا تصيح الدنيا في آخر أفريل مش متاع عومان كومام .. 

رودي :سيبني سيبني 

دخل رماها في الماء و هيا مفجوعة وتصيح

رسلان: قول سامحني قول .. 

رودي :لاااا 

هوا قرب منها شويا و هيا صااحت :سامحني باهي سامحني 

خرجها رسلان في حملتو جبدلها حوايجو من المان و قلها :شد إلبس 

رودي:دور وجهك 

رسلان :شنولي راجلك راني 

رودي :تي بربي دور 

بدلت حوايجها و روح باها و هيا هابطة مالكرهبة قلها :إستحفضلي على روحك عااد 😍

دخلت للدار و العصب يهز و ينفض فاها و تعاند فيه بفاصون تضحك 😂 طلعت رقدت و من غدوا هزها مشات تقرا .. 

بوها قاعد يتحسن و ينجم يتكلم أما مزال ميتحركش .. وصلت للدار 

رودي :دوووجة خدووجتي .. 

إبراهيم :إيجا ردينة أمك موش لهنا مشات تقضي 

ردينة :أهلا بابا لاباس 

إبراهيم: أقعد بنتي عندي منحكيلك 

رودي: تفضل بابا 

إبراهيم: شوف بنتي رسلان جا ليوم الصباح ونتي تقرى طلب مني السماح و قال راو ناوي الخير بنيتي علاش متعطيهش فرصة ..

رودي:لاكن بابا إنت هكا في جرتو 

إبراهيم: يا بنتي هذا إبتلاء من عند ربي .. شوف هوا يحب يعرس بيك بعد متاخذو الباك أنا من رايي أعطيه فرصة 

رودي:باهي بابا كل شئ يجي في وقتو 

علاقة رسلان برودي إطورت زاد حبها و هيا تحبو أما مازالت مإستعرفتلوش أما ديما يخرجو مع بعضهم

الحلقة 6 :

قرب الباك ولاو ديما مع بعضهم مرا في دارو يحضرو مرا في دارها .. قبل الباك بأربعة أيام طلبوه و هيا بحذاه علق التلفون و هو مفجوع 

رودي :شبيك رسولتي.. لاباس أحكي تكلم 

رسلان: أمي ،أمي،... 

طلب طول طيارتو الخاصة فيسع ڨد الأوراق قتلو حضرلي أوراقي ماشيا معاك 

رسلان: حضرتلك سي ديجا هيا 💛

طلبت بوها و أمها وافقو بالأخص هوما عارفين إلي هوا يحبها و يخاف علاها من روحو .. روحت لبست سروال دجين غامق فيه تقطيعات معاه شوميز بيضا و بسكات بيضا ههه كيفو هوا حبت تلبس غير هوا سروالو مش مقطع برشا أما دجين غامق شوميز بيضا كيف كيف و بسكات بيضا(سهى ختروش)..

طلعو في الطيارة قاعدة تهدي فيه و تعمل هكا و طيح طيارة بان

رسلان :شفما !! بيلوت شفما 

البيلوت: مسيو رسلان لازمنا نهبطو بالairship أما فما كان زوز أهبط إنت و مداموازال ردينة في وحدة و أنا و البيلوت المساعدة في واحد 

رودي تفجعت برشا هداها لبسو و هبطو خزرت لفوق تلقا الطيارة مبيها شئ خزرت بإستغراب لرسلان 

(سهى ختروش) قلها :جدت عليك توا أمي باها حاجا 😂 ولا الطيارة شتصيرلها حاجا أيا أخزر اللوطة أخزر .. راات قلب كبييييير مصنوع بالورد فيه R+R 😍فرحت دارتلو جبدلها خاتم لبسهولها قلها :نحبك تقبل تعرس بيا 😍

الحلقة 7 :

عيناها تعباو بالدموع حملاتو و قتلو براسها أي باسها من جبينها😍 وهبطت بيهم الair ship و هبطلها على ركبة و نص و لبسلها لخاتم رودي:نحححححححبك .. ❤

روحت حكاات لأمها .. 

جا الباك بداو يعديو كل صباح تجيهم دجدج تبقى تدعي عليهم بالخير و تتمنالهم النجاح .. وفا الباك بعثو الميساجات و هوما ساهرين مع عم برهوم و تتا دجدج ..وصلو الميساجات مع بعضهم حلو تلفوناتهم فيسع الزوز وجوهم تقلبو و باعد صاحو فرد وقت :

زعرت يا دوجة زعرت 

دوجة: وراااااااري وراااري ورريي حمد لله يا ربي 

برهوم :مبروك لولادي .. قداه جبتو عاد 

رسلان: 18،88 😍

رودي :بهييم زايد 

(سهى ختروش)

برهوم :نقصي يا بنتي خطيبك راهو ..

رسلان: أيا نورنا قداه جبت أبو العريف 👊 😂

ردينة : 18،89 😂😂

عملو سهرية هبااالللبااك و حددو دات العرس 20 جويلية .. قرب العرس و جاو بو و أم رسلان فرحولو برشا زيد ردينة عجبتهم نهار حنتها و بما أنها متحبش الحنة حنت ساقيها بركا و يديها تكونكتي بيهم 

رسلان: حبي

رودي:اا روحي 

رسلان :هز راسك

عيطت ليقين :هز راسك شوف ..

يقين: هه إنت شتهبلو نسيبي 

ههه مشات يقين شكات لدوجة و هوا مغير ميفيق يحس كان بمصلحة ضربتو على ضهرو دار يلقاها دوجة هو يجري و هيا تجري وراه 😂😂ههه و النسا اللوطة يضحكو

الحلقة 8 :

تعدات ليلة هبال 

جا نهار العرس إلي هو ليوم 

..:سلام سي توفيق

توفيق(بو رسلان):سلام.. شكون معايا 

.. :ههه موش لازم تعرف أنا شكون لازم تعرف شنجم نعمل بكنتك الصغرونة و لا لولدك 

توفيق:ألوو .. ألوو .. ألوو 

هز توفيق كرهبتو و عجاج لدار ردينة.. نسيت مقتلكمش رسلان كان يسكن مع بوه و أمو في إيطاليا أما ملي عمل 15 جا يعيش في تونس وحدو خاطر بوه هددوه بيه و بيع من أكبر تجار السلاح ... و كيما تعرفو في دمان هاكا برشا أعداء ... 

وصل توفيق لدار رودي و وصى مرتو تمشي معاها للحجامة ...مشا توفيق مع رسلان للحجام ووصى رجالو يبقاو قدام الحجام .. مع الثمنية مشا رسلان جاب ردينة مالحجامة 

ردينة لبست روب سيران بيضا و شعرها سامبل خلاتو مسيب و مكياج فينو و لبست بسكات في سقيها

يقين:أو حس الكراهب هام جاو

رودي:تعرف يقونتي تتصورش قداش فرحانة أما حاسا شتصير حاجا 

يقين: صلي ع النبي يا بنتي اللطف 

طلع رسلان جاب ردينة تسحر بيها و بعيناها إلي كيف لبحر إلي كل ميخزرلهم ينسى الدنيا و مافيها ... هيا هزت راسها شافاتو شافت أكلعينين العسلية و الشوميز مكبوسة على بدنو زاد دوخها شدنها من يدها و خدوجة و صفية(أم رسلان) يزغرطو وراهم طلعو رودي و رسلان من تالي و صفية من قدام و يسوق مالك صاحبو ووراهم يقين تسوق بدوجة و عم براهيم الحاصل و صلو للصالة معبية قعدو يشطحو و بعد مشاو قعدو كتبو الصداق رودي تصحح و يدها ترعش و رسلان كيف شد الدفتر العايلي كينو ملك الدنيا

الحلقة 9 :

هبطو مالك و يقين اللوطة تحسهم الكورون بدا يلعب بيناتهم هه مالك أبيض و حرجو في الأكحل زين عربي و يقين شعرها أكحل و عيناها مارون غامقة و قمحية مصرارة 😍💍 (سهى ختروش) عاد هما هكاكة و يشوفو في رجال لابسين لكل بالأكحل و هيئتهم مدلش علخير تخباو مالك و يقين ورا عرصة و مشاو يجريو للباب متاع الكوجينة متاع الصالة دخل مالك يجري جاب رودي و رسلان الناس قعدو باهتين هبطهم ركبهم في الكرهبة و معاهم هو و يقين و بدااو يسمعو في حس الكرتوش لفوق رودي بدات تصيح 

ردينة: نحب أمي نحب بابا.. 

ديمارا مالك يجري تعدااو لدار رسلان هز سطوشو و أوراقو متع كل شئ

و بسبوراتهم مشا مالك جاب بسبورو و يقين باسبوها ديراكسيون المطار ريڨلو الأوراق طلعو في طيارة رسلان مشاو طول لإسبانيا .. رسلان عندهم دار غادي حصيلو تعدات عليهم ليلة خايبة روحو رقدو طول حتى حرف مالك رقد في الصالة يقين في بيت الضياف و رسلان و رودي في بيت النوم و عينيهم ماشافتش نوم ليلة كاملة يخممو فلي صار في عايلاتهم ... (سهى ختروش💎)

يقين قرات عامت الباك بالفلوس في إسبانيا تخدم و تقرى فاك ... كتب مالك الصداق على يقين

الحلقة 10 و الأخيرة 

رودي ضحكت ضحكة فيها وجيعة ع الأربعة سنين إلي تعاداو فييسع هي و رسلان ثالثة فاك طب.. قررو ميجيبوش الصغار كان بعد ميتخرجو مالك رابعة فاك هندسة و يخدم للمصروف كيفو يقين تخدم و تقرى ثانية فاك إقتصاد رسلان و رودي ميخدموش خاطر ورثة بوها و أمها زادا مليونارات و بو و أم رسلان ملياردارات .. 

💍💎بعد 10سنين 

Éva :بابا ذبلتي ثوكولا

رسلان :جبتها أما أمك كلاتها 

Éva:ميثالث خواتي أذاكم حب علاها رودي تحب فلفول موث ثوكولا😂

رسلان :أوكا موكا جا شوفو هوا 😂❤

مالك :نجيب لصغرونتي أنا وينو اكالكلب هارون 

Éva :عيثك موكا أما راو هالون 😂😂ولدك ذربني 

هارون:مضربتهاش .. شو كيفاه تحكي مصغرك 😝😝

يقين: تي يزي سيب وخيتك ❤

Éva 

بنت رودي و رسلان عمرها 4 سنين و رودي حبلة بتواما ولاد و يقين و مالك عندهم هارون عمرو 5 سنين