حكايتي تجربة من الواقع :
ضحية الزمان
1
" أشعلت نيران الغيرة قلوبهم حقدا فحاكو لي المكائد و سرت حديث المقاعد لاني جميلة... قالو ان الجمال نعمة... لكن لو سمعو حكايتي لعلمو انه يتحول الي نقمة في مجتمع يملؤه الذكور فما المرأة في مفهومهم الا جسد و آلة للجنس كتلة من الشحم و اللحم مقطت جمالي و سرت اتمنى ان اكون ابشع مخلوق على وجه الأرض "
فاتن اسم على مسمي طفلة مزيانة مسرارة عيناها عسليين شعرها لا هو قصير و لا هو طويل ساعات تعملو بوكلي بدنها مليان و ايي طفلة تتمني ستيلها
كانت واقفة قدام لمرايا تمشط في شعرها و تغزر الروحها بغزرة فاها الم و وجيعة غمضت عيناها و تنهدت دموعها غافلوها و هبطو جاو قدام عيناها تصاور ماتحبش تتذكرهم تحب تنساهم لكن مانجمتش " طفل حب يتحرش باها تتذكر كيفاش راما يديه علاها ... كيفاش اتجرء يمسها من صدرها من تالي ... تتذكر كيفاش تفارع فيه ... كيفاش تحب تسلك روحها منو ... كيفاش لصقها في الحيط
مش طفل ... مش ثنين ... مش تلاثة..... كل مرة تتعرض النفس لحكاية ... مش نفس الطفل ... فدت.. تتذكر كي تروح تبكي لدارهم تحكيلهم... ردة فعلهم... كلمة بوها الي ولات تزن في وذنها نفس الكلمة حفظتها تحفرت في مخها " كان تتعاود لحكاية هذي تنسى لقراية " اااااا شدت راسها تحس فيه صدع مل هل لحكاية هذي حلت عيناها تغزر الروحها مسحت دموعها و قالت : انا ماعاد بش نحكي شي بش منخسرش قرايتي و غدوة بش نمشي نقرا منيش بش نغيب
من غدوة قامت حضرت روحها مشات تقري كينو ماصر شي لكن لعباد مارحمتهاش يغزرولها غزرة خايبة تحس الي السانات ولات تحكي علاها مجموعة مل تلامذ مركزين معاها و يحكيو ظاهرين يقطعو و يريشو فاها حسبت روحها مافهمتش تعدي و تحمل في ذنب مش ذنبها في غلطة مش غلطتها
كثرت علاها لكلامات حتا صحابها الي يغارو منها يسمعوها لكلام ولات منعوتة بأكا الق.... و السبب هو الطفل الي حاول يغتصبها و منعت منو بروح ايي ... لعباد تلوم علي الضحية و تحاسبها هي و تخلي المذنب رجل مايعبو شي .... و هي كان يسمعو دارها بوها يبطلها من لقراية هذا علاش هي حملت و سكت و بقات تحمل تحمل تحمل لين تعبت نفسنيا
2
كانت تبكي في بيتها بشهقة من كلام الناس الي اوجعها سمعها صديق خوها وهو متعدي قدام باب بيتها حل الباب و دخللها قعد بجنبها عل فرش و ضمها ليه و مسحلها دموعها و قالها : يزي مل بكي عيش اختي احكيلي شكون قلقك
فاتن : نفس لحكاية يا صديق ماتبدل شي و انا منحبش نخسر قرايتي في جرت لولاد هاذم .... بصراحة تعبت ماعادش انجم ( كانت تحكي بحرقة ) خويا راهم والو يراو فيا مانصلحش ماخالو ما قالو فيا و ايي طفلة تغير مني تقلي اكا الق... فديت نحب انقل مل الكولاج.....
ايي كيما سمعتو فاتن كانت تتعرض الهذا الكل رغم أنها مزالت قاصر مارحموهاش مزالت في سن المراهقة و صار فاها هكا بسبب انها مزيانة
نقلت فاتن الكولاج جديد ماتعرف فيه حد اول ماوصلت هزها القيم العام للكلاس متعها دخلت تلقا بقعة بحذا طفل بوقوس قعدت حذاه تعرفت عليه و تعرف علاها
_ مرحبا شنوة اسمك انتى
_فاتن
_محلا اسمك نتشرفو للا فاتن
_ وبيك عيشك
_ اه نسيت ماعرفتكش بروحي انا خليل
_عاشت الاسامي
_ مرسي
هي تحكي معه و تفذلك و ثمة طفلة فل الصفة لخرى تتلفتلها و تعواد مركزة معاها زعما تعرفها سمعت علاها حاجة
تعدت الساعة هذيكا فل لكري خليل عرف فاتن على اصحابو الي يقراو معاه بقات تفذلك معاهم تجاها اك الطفلة تهزها و تحطها
_ منين جيت ؟
_ (...)
_ علاش نقلت ؟
_ ظروف
_ ظروف؟؟؟ تخليك تنقل مل كولاج أممم علا كل ان شاءالله معرفة طيبة يا....
_فاتن
_ الي سماك ماغلطش فتانة والله
_ أممم وانت شنوة اسمك
_ اسمي ملاك
_ اممممم خسارة غلطو فيك كي سماوك
_ ترجع فل فازة لا لا اختاك مني راني قوية عليك
هزت خشمها و مشات
_ اشباها هاذي تتشوحر عليا من اول نهار
قربلها خليل و همسلها: اختاك منها الغيرة قتلتها
_ علاش بش تغير زادة
_ خاطر انا معك
_ كيفاه؟
_ تي مضروبة فيا
_ تي يزي مبلدك
_ والله ماكش مصدقة
_ اممممم شكار روحو
ولات ديما تحكي هي و خليل و تفذلك معاه و تسيب هبالها معاه و ملاك هذي كل مرة تنبزها بفازة
_ بديت نشك الي كلام خليل صحيح
_ علاش شنوة تحكي
_ علا ملاك بلحق مضروبة فيه و هابلة عليه
_ تي اشنية مضروبة فيه من اول نهار راتو فيه و هي ترمي في روحها عليه
_ ملا حالة
هي تمشي مع صاحبتها و تحكي فل الساحة كل العادة يجاها خليل
_ وينك باعتينا
_ لا هذا كلام
_ ملا اشبيك متبدلة هل ليامات
_ جرت الشيطانة في صورة ملاك
_ تي شهيمك فاها
_ كل مرة تنبزني بحكاية آخر طلعة قتلي اش بيناتكم انت و خليل درت بيه و فكيتو قدام التلامذة تحكي فاها
_ أممم دواها عندي....
_ يعنى؟
_ نعرف كيفاه نخلاها تغزل
_ كيفاه؟
_ لازم انت توافق عل خطة قبل
_ ايي نوافق
_ استنا اسمع قبل ماتوافق
_ باهي احكي
_ مش اهنا
_ تي احكي قدام سمر انتيمتي مانخبي علاها شي
_ الخطة كيما حبت هي ... يعني انا وياك مصوحبين بعضنا بلحق... اما انا الي حبيت عليك مش انت الي فكيتني كيما قالت هي و هذا الي يلزم يوصللها وقتها تقتلها و تخلص لقديم و جديد منها
_ اممممم كيفاه بش نوصلولها تراه
_ خلاها عليا انا
3
تتبخطر و ضحكة على فمها ماتفارقهاش تلعب و قصتها قدام صاحباتها الي صدقو هبالها و حكاياتها ملاك " ماني قلتلكم برناية جات تلهفت عليه كي قلتلكم قلتولي لا هكم شفتو كيفاش نغرت كي جبتلها عليه "
_ ملاك شو شو شكون
تلفتت
_ ايا قلنا السلام عليكم ماثماش كعبات مبروك
بقاو يغزرو مبهمين وهو شدها من يدها يغزلهم بكل ثيقة " اااا الظاهر مافهمتوش؟؟ ماني اعترفتلها بحبي لبنات تتذكرو ماهو وقت جيتكم وقلتلكم من اول ماريتها حبيتها "
سمر : ايي انا نتفكر بلقدا و بلمرة ديما في جرتها يجعلها ترضى
خليل : سمر علاه تو لفضايح لزم تحرجني
فاتن : لا حبي مع الحب لا حرج
ملاك : يزي لانصدق فيسع ماسلبطو على راسو
خليل: عزيزتي ملاك صدق ولا اقعد وانت تعرف مليح الي انا مانطيحش للبنات الي ترمي روحها مادام حبيتها مدام هي مختلفة
ملاك : أممم ترمي فل معني سي خليل باهي تو نشوفو شكون يجري ورا شكون
وهزت روحها و مشات تتهز و تتحط مل نبزة الي خذاتها و هوما اطرشقو بضحك
فاتن : الي يغلبك يجي يحسبني
خليل: مزالت ماريت شي اللعب الصحيح مزال من رجعلها نبزاتها ثاني و مثلث
خليل و فاتن ولاو ديما ببعضهم مايتفرقوش ديما بفازاتهم و هبلاتهم ملاك صدقت التمثيلية
فاتن : خليل يزي كثرنالها ماعادش نحب نكمل اخطانا منها
خليل : اااه... يعني ماعادش تحب تكمل معايا
فاتن : اش نكمل معاك ياخي صدقت روحك
خليل : فاتن لحقيقة انا... انا... ملي قربت منك و عرفتك و عشت معاك احلى ايامات.. استنست بيك ... انا... جيت نمثل ألقيت روحي حبيت بلحق
فاتن : ههههههه يزي مل مساطة متاعك
خليل : والله لاني نفذلك نحكي معاك برسمي و عندي ايامات و متردد بش نقلك تقبل تصوحبني؟
فاتن : الحق انت طفل باهي اما عمري ماخممت نكونو أكثر من صحاب
خليل : فكر في اياماتنا هبالنا فازاتنا هي تمثلية و محلاها فما بالك كان جات حقيقة كونشي انت ماعجبتكش
فاتن : لا عجبوني اما ...
خليل : انت قلقت مل تمثيل و انا قلقت زادة من حكاية ملاك يزي ماكسرنا اريوسنا باها خلينا نخممو في ارواحنا
قربلها و شدلها يدها يغزرلها في عيناها يستني في موفقتها و هي حمرات بكلها حشمت مش عارفة اش تقولو تسمع كلام مخها ولا كلام قلبها دخلت بعضها ماعرفتش اش تقول " نقول لا مانقبلش خلينا صحاب خير مزل بكري عل اومور هذي قرايتي اهم اختاني من لحكايات هذي " كانت تحكي مع روحها جبدت يداها و وخرت
خليل: اش قلت؟
فاتن ( هزت راسها ) : ل.....ايي!! ...
دخلت بعضها جات تقول لا قالت ايي ضعفت قلبها غلب عقلها
فاتن : موافقة
ولاو ديما ببعضهم ديما بهبلاتهم و طلعاتهم ملاك ديما تغزل منهم لكن هوما معادش مركزين معاها يتصرفو عادي كيما الكوبل لكن ملاك مزالت تنبز فاها و تعمللها فل المشاكل
4
في الساحة
خليل : هيا نخرجو مل الكولاج حاسس الي ملاك بش تعمللنا عملة و تبلبزنا فرحتنا
فاتن : ايي خير نلقاو راحتنا
خرجو يتمشاو بعدو شوية عل الكولاج
خليل : حبي لحقيقة العينين كثرت علينا و واليت نتقلق ماعادش نحب فل الكولاج
فاتن : نعرف التلامذة مالهين كان بينا اش عملنا اش ماعملناش
خليل : هكا علاش قلت خلينا نتقابلو في بلاصة اخري على راحتنا نسيبو هبالنا و نعملوهم الكل
فاتن : باهي تفاهمنا
خليل : تو فا لقراية نتقابلو خارج الكولاج و نبعدو باهي
فاتن : اوك
-------------
وفات لقراية تقابلو البرة
خليل : هيا خف قبل مايراونا و يركزو معانا
فاتن : وين ماشين
خليل : تو نمشيو بحذا طفل صاحبي
وصلو للدار دقو حللهم دخلو ماثما حد غيرو
فاتن : وحدك فل الدار
الطفل : ايي خوذو راحتكم
خليل : اشبيك ياروحي اكيد اخترت الوقت الي يكون فيه وحدو بش نلقاو راحتنا
الطفل هزهم البيت قالهم تفضلو و تمشي نجيب حاجات نكلوهم و انجي ما نبطاش
قعدو وحدهم يفذلكو و يضحكو مد خليل يدو على ظهر فاتن يمسح على اكتافها
فاتن : وينو صاحبك اشبيه ابطا
خليل : تو يجي عزيزتي ماعادش يبطا خلينا على راحتنا ولا متحبش
فاتن : اسألت و بر خاطر قال مش بش يبطى
بدا خليل يهبط في يده و يمشي و يلصقلها
فاتن : خليل فاش تعمل
خليل : شي حبي محلاك و محلا القعدة معاك
فاتن ( دزتو ) : نحي يدك من غادي ماتمسنيش
خليل : فاتن اشبيك ياخي اهبلت
فاتن : انت الي هبلت ترمي في يدك
خليل : اشفاها عاد انا حبك عاد
فاتن : كل حاجة عندها حدود
خليل : اشفاها كان عملنا حاجة خفافي
فاتن : بربي
خليل ( قربلها): حبي محلاك ماعادش انجم نصبر وقتاش توفا لقرايا و نعرسو
فاتن : فيق علي روحك رانا 9ème
خليل : انتي 9ème اما انا عمري عديتو دوبيل عام ننجح عام اندوبل
فاتن : اااا
خليل: اما حتا انت كبرت عام الجاي ليسي اوقت بش تجرب
فاتن : ابعدني ماتقربليش
مشات تجري للباب تحب تحلو و تخرج تنزل عل كوبا شي الباب مسكر بالمفتاح
فاتن : تي حل الباب ( تعيت)
و هو قرب منها جاها من تلالي و هي ادز فيه " تي حل الباب لنكسرو " و تضرب و تفارع بيداها و ساقها عيطت بكات صاحت حتا لين تعبت و عيات شدها من تالي يعنق فاها استغل ضعفها صار الي صار لكن استرها ربي من تالي شرفها متمسش لكن هي تحسو تمس و تحطم و الانسان الي حبتو كانو متفاهمين علاها هو و صاحبو بعد ماعمل الي حاجتو خلاها تروح ساقيها ثقال مش منجمة تهزهم تبكي بالغصة مقهورة كيفاش عطاتو ثيقة عمية روحت امخر تاعبة قالت الدارهم كانت في عيد ميلاد صاحبتها شطحو شطحو الي تعبو و بعد رستلها تعاونهم في لمان الدنيا شدة روحها و مطبسة راسها بش مايشلقوش باها الي هي تبكي عملت فاها تاعبة في حالة و هي بلحق تاعبة نفسنيا ماشت ديراكت البيتها تبكي بغصتها مارقدت مقهورة حضرت دبشها و دخلت ادوش حاسة روحها امسخ و مخنوقة تحب تنضف روحها من سمو و خبثو و تحب تفسخ ريحتو من على بدنها بوستو تعنيقتو انفس متاعو ماعادش حاملة روحها
5
من غدوة مامشات تقرا تتضاهر بالمرض بش ماتمشيش تقرا سمر تطلب فاها و تعود ماهزت علاها ماعيناهش بش تحكي مع حد جمعة و هي اكك لين انتيمتها تحيرت علاها مشاتلها للدار تحكي معاها
سمر: يافاتن الوقتاش بش تقعد هكا
فاتن : ماعادش راجعة
تعدات جمعة اخري و هي غايبة عايلتها بداو يشوكو و انتيمتها تعرف كل اسرارها مخلاتهاش ديما تجاها تحكي معاها
سمر: لازم ترجع الي متي مش تقعد هكا يا تتضاهر بالمرض يا تقلهم كرهت لقراية انت بفمك قلتهالي الي هوما بداو يشكو الي انت تعرضت النفس لحكاية مرة اخري
فاتن : تي حياتي كاملة وانا نتعرضلها مش تو من انا صغيرة مارحمونيش دمرولي حياتي كرهوني في روحي كرهت لولاد والت نبخر بريحتهم مانحبش انشوفو قدامي راني واليت نتقزز منو و من روحي
سمر : يزي عيش اختي ماتقلش هك كل شي اوفوت لازم غدوة ترجع تقري بش داركم مايشوكوش و بعد تو نحلوها
اقتنعت بكلام انتيمتها و من غدوة رجعت تقرى
فل كلاس بقا يغزرلها و هي متفيتو حصة كاملة لين جا وقت الراحة خرجو الناس الكل بقات كان هي حتا انتيمتها قلتلها اخرج انتي انا منيش خارجة نحب نقعد وحدي ما نحب نحكي معا حد
سمر : مش باهي تقعد بشرك تو نشري حاجة و نرجعلك
في بالها قعدت وحدها اما خليل ماخرجش جا وقف قدامها و قاللها: مش خاطر اكا الموضوع بش تولي تهز في خشمك
تفاتو و هزت روحها بش تخرج جبدها من ايدها و باسها و بزهرها ملاك كان واقفة قدام الباب صورتهم و هزت التصويرة توري فاها لكولاج كامل و كثر علاها لكلام كل عاد ولات ماعادش تتحملهم و لا تتحمل كلامهم ولات مهملة قرايتها ولات تغيب ولات تفصع مل لقراية بش تقعد قدام لبحر تبكي و تشكيلو هموهما من الطفل الي حبتو كيفاش حطمها بما انها معادش تدخل تقرى ولات تقابل في ناس همال و هي قلبها معبي ماعندهاش لشكون تحكي القات كان ناس برانية تسمعها خاطر دارهم صعاب خاطر صحابها خلاوها تبعتهم الناس هاذم و احكتلهم اهمومها و دخلوها في جوهم علموها الدخان و بعد علموها الشراب و بعد الزطلة ضاعت الطفلة و ضيعت مستقبلها و صحابها اندادها يقراو و الطفل الي حبتو و غدرها اخيرا ارضا يصوحب ملاك الي كان متقلق منها تشوف فيهم كيفاش يضحكو شايخين وهي بالعة سكينتها بدمها تحمل تحمل وكي ماعادش تنجم تمشي تبكي فل البحر و كي ماتنساش همها تمشي مع صحابها تشرب و تزطل ولات ماعادش في وعيها ولات تعمل حاجات ماغير ماتفيق تحكي ماعباد مايصلحوش وصلت بعثت تصاورها عام الكل عادتو اكك لين خسرت عامها
رجعت عاودتو في الكولاج لقديم كارهة حاجة اسمها اولاد حاطة في مخها انها تنجح و ماتضيعش عام آخر من حياتها عاودت و نجحت ولات تقرى في الليسى و عملت صاحبات جدد باقي بعيدة على لولاد بعد سما عل لوطا لين نهار مشات مع صاحبتها
بش تخلص لوتيد اتلقو مع واحد قرب منهم و سلم عليهم رجعو عليه السلام و خلصو ورجعين هما يمشيو و يحكيو و هو اوراهم يتبع فيهم
فاتن : يسرى اشبيه اطفل من قبيلا اورانا ضاهر يتبع فينا
يسرى : زعما لا مانتصورش
فاتن : هيا نعملو ارواحنا نشرو من حماص و نشوفوه وين يمشي
مشاو للحماص يشرو حاجات يقصرو بيهم ثنية و الطفل ماشي جاي مل الشيرة لخرا هما خرج مل حماص و هو ارجع يتبع فيهم
يسرى : ايجا معايا تو نقلك فيه
جبدتها بقاو في دورة يستناو فيه يوصل هو وصل و هما خرجو قدامو
يسرى : اشبيك اتبع فينا ماهو لاباس
الطفل : الحق عجبتني صاحبتك نحب نحكي معاها
فاتن : اش عندك تحكي معايا
الطفل : نحب نتعرف عليك
فاتن : وانا مانحبش
الطفل : علاش ماتحبش اعطيني نومروك خن نحكيو و بعد احكم
فاتن : مانحبش مش عاطية
و امشو و خلاوه اوراهم و هو باقي يتبع لين وصلت الحومتها و هو مزال يتبع فيهم
فاتن : مزال يتبع فينا نخاف يشوفو خويا يولي ماعادش يخليني نخرج
يسرى : اش بش تعمل تو
فاتن : خن نعطيه النومرو خلي يبعد و بعد تو نتصرف
مشاتلو
فاتن : هاني بش نعطيك النومرو اما تبعد من هوني منيش ناقصة مشاكل مع دارنا هذي حومتي ماعادش تعفسها ( كانت تعيط عليه )
الطفل : باهي باهي وسع بالك عيشك
خذا النومرو و مشا
فاتن : افففففف كرهتكم كرهتكم ولات نبخر بريحتهم
يسرى : وسع بالك
فاتن : اش نواسع بالي و هوما يغزرولي كجسد بركا ياليتني جيت خايبة راني عايشة مرتاحة
يسرى : لا عيش اختي ماتقولش هكا
6
روحت للدار و طلعت البيتها هي قاعدة تغزل منو و هو طلبها هزت عليه
فاتن : الووو
الطفل : اشبيك عل اعصابك ياخي
فاتن : ماهو من عباد ربي شي ينرفز
الطفل : احكي معايا قبل بالك اتبدل رايك
فاتن : هاني نسمع فيك احكي
الطفل : اشنوة اسمك انتي
فاتن : فاتن
الطفل : نتشرفو و انا اسمي أمير
فاتن : نتشرفو يا أمير
أمير: باهي اعطيني فيس بوكك خن نحكيو
فاتن : باهي تو نبعثلك في ميساج
ولات ديما تحكي معاه تعادات مدة جوهم باهي يحكيو و يضحكو الي جا انهار الي تقلب فيه كل شي اطلبها قالها : فاتن الصراحة عجبتني برشا و تعلقت بيك تقبل تصوحبني
وهو قال الكلمة و هي تقول سبلها امي قامت تصيح : زايد كلكم كيفكيف كلكم تخدمو في مخاخكم كلكم تغزرولي كجسد هذا علاش انا ماحبيتش نعطيك النومرو نهارتها عرفتك زايد ماعادش تطلبني
و علقت عليه و بعد هو يطلب و هي تهز تفوح فيه مرة مرتين تلاثة لين فددت ولات ماعادش تهز عليه ولات ياتحقرو ياتعلق عليه و بدلت فيس بوك متاعها تعدات ايامات و هي اكك هو يطلب و هي تعلق عليه لين جا نهار خرجت القاتو قدامها
فاتن : جايني قدام الدار ماهو لاباس امشي لايراك حد
أمير: ماهو انت وليت تعلق عل تلفون مالقيت حتا حل لزيتني بش انجيك لهنا
فاتن : ماني قتلك ماعادش نحب نحكي معاك
أمير: ياخي انا اشقتلك مش تتغشش
فاتن : ماقتلي شي و ماعمتلي شي
أمير: ملا علاه
فاتن ( تصيح عليه ) : قتلك امشي منا تحرك خويا فل الدار
ولا مشا لكن ماسيبهاش ولات تلقاه ديما قدامها نبهت عليه قداش من مرة ماعادش يجاها قدام الدار و لا يجاها قدام الليسي ولا يعرضها في الثنية و لا يقلق في صاحبتها
أمير: امانك يسرى كلمها انتي صاحبتها و تسمع منك
يسرى : اففف راك مرجتني كل يوم نفس الغناية الطفلة ماتحبش نقلها تصوحبك بصيف
أمير: ويني هي امانك عيطلها
يسرى : هي خارجة اورايا
أمير: خارجة ولا ندخللها راني ندخللها حتا للكلاس مايهمنيش
طلبت يسرى فاتن " تي وين آدم قالك ياتخرج ياندخلك "
يسرى : هي جاية
استناها لين خرجت ديراكت كشت في وجهو : اشبيك اشتحب
أمير: أولا سلام عليكم ثانيا نحبك انت
فاتن : و انا مانحبكش
أمير( جبدها من يدها): لحظة خن نحكيو ( تلفت ال يسرى) سامحنا يسرى انا و فاتن عنا مانحكيو
وبعد باها و قالها : خلينا نحكيو وحدنا
فاتن : تفضل احكي
أمير: جربني راني منيش كي لولاد الكل
فاتن : ياخي ماكش بش تسيبني
أمير: مانيش مسيبك كان ماتوافق و ترجع تهز عل تليفون ماكانش نرجع نجيك قدام الدار و أكثر و انت تعرفني ما يهمني في حد الي في مخي نعملو
فاتن : باهي انا هاني بش نوافق بشرط تفي بوعدك ليا و ماتتجاوزش احدودك
أمير: انت اعطيني فرصة قبل ماتحكم عليا
صوحبتو و ولات ديما معه بلمدة وثقت فيه
مرة كلمها قلها هيا نخرجو نتمشاو عل بحر قبلت هي و مشاتلو هي تضحك و عملة جو و هو قالها : محلاك كي تضحك عود ديما اضحك و انتي ديما تكش
فاتن : ظروف الي ماريت باها هي الي خلاتني نكون صعيبة معاك
أمير( جبدها و قعدها عل رمل و هو مقبلها يغزرلها) : هكا علاش انا نحبك تحكيلي كل شي نحب نعرف سبب حزنك
فاتن ( تنهدت تنهيدة فاها برشا اوجيعة):انا ملي صغيرة مقهورة ملي انا صغيرة نتعرض للتحرش ملي عمري خمسة سنين و انا كنت مانتكلمش ماكنتش نعرف اش يعملولي و كي كبرت و عرفت وين نروح نبكي دارنا يقولولي بطل لقراية انا عندي زوز اخوة اولاد اااه.... و كانت عندي اختي لكن الموت حرمتني منها ماتت و هي صغيرة ألقيت روحي وحدي مايسمعني حد من دارنا كي نتكلم ملي نكون مظلومة نولي انا الغالطة من صعبهم ألقيت روحي نحكي همومي للبراني الي يسمعني لين اوصلت للكولاج اتعرضت للاغتصاب كثر عليا لكلام و مش مرة و مش ثنين اربعة مرات نتعرض للاغتصاب و مش نفس العبد ديما نروح نبكي بحرقة في بيتي هكا علاش انا ماعادش ناثق في حد نخاف لا ماضيي يتعود من اول جديد
فاتن حكاتلو علي ماضاها فرغت قلبها لكن رغملي حكاتلو مزالت خايفة لايغدرها كيما غدرها خليل قبل ولات تتهرب منو اتلفو بأي حاجة بش معادش تقابلو حتا لين كبش انها تقابلو
7
رجعت تقابل فيه و كان مريقل معاها ماغرهاش لين جا نهار و تعاركو ولات ماعادش تحب تقابلو عندها صاحبتها تبات و تصبح تحكي معاها عرفتها على واحد مضروب فاها ملي راها معاها و هو يحب يصوحبها قبلت تصوحبو بونتو في لاخر قبلتو اول نهار تعرفت عليه مشا مريقل معاها المرة الثانية بدا يرمي في يديه و شدها بصيف علاها و صاحبتها تصور فيهم يعني نفس السيناريو تعاودلها و ركحو تصاور بش تظهر الي هي بإرادتها تلقا روحها رجعت تبكي ال أمير حكاتلو كل شي ضمها ليه يسكت فاها قالها : ماتبكيش انا معاك مانخليكش
فاتن : حكيتلك كل شي حكيتلك على ماضيا الخايب حكيتلك على ولاد لحرام اشعملولي حكيتلك كيفاش صحبتو بالبونتو فيك خاطر تعركنا و حبيت نغزلك و انت ماخمجتش معايا مخك ما غزرتلش طفلة ماتصلحش برغم تعرف الي انا انحرفت مابزقتش عليا ومشيت خاطر انا مشيت الغيرك ماتشمتش فيا و قتلي تستاهل لا برغم الي صار الكل انت عنقتني و ضميتني الصدرك و ماخاليتنيش
أمير: انت ماعندك حتا ذنب فلي صارك انت ضحية و سبب ضياعك و انحرافك هوما الناس الي تحاسب فيك و الي تكمل على مابيك الي ترفض بش تسمعك ترفض بش تعاونك ترفض بش تمنعك مل الدوامة الي انت فاها كان انا انخليك بش تكمل تضيع كان انا مانعونكش مانقفش معاك راك بش تكمل حياتك فل الغالط و هك شوفت كي تعركنا و خليتك اش صارلك
فاتن : كان دارنا كانو يسمعوني يفهموني راني ماوصلتش للحالة هذي كان جاو خواتي قراب مني يعرفو اش بيا اش مابياش كان جات اختي حية يمكن راهي كانت سند ليا و راني ماضعتش
أمير: كلامك صحيح كان جا كل بو كل ام تصاحب بنتها ولا ولدها تقرب منو تفهمو خاصة كي يتعرض المشكلة يقفو معاه خاطر كان مارحموكش اهلك الناس ماترحمكش اما ما تحط شي في بالك انا جنبك
فاتن : وقت تو صعيب بش تلقا انسان يقبلك بأغلاطك يقعد معاك رغم اعرف عيوبك انسان يكون صادق معاك و سند ليك انك تلقى انسان باهي وقت تو كينك ألقيت كنز
كانت تبكي في حضنو بحرقة لكن معاه كل دمعة هبطت ولات ضحكة ولات ديما معاه خاطر هو سبب فرحتها و هو كان سند لها ديما ولاو ببعضهم مايتفرقوش حتا لين اوصل لخبر لخوها لكبير
8
هي روحت للدار فرحانة مل النهار الي عادتو مع آدم دخلت البيتها خلط اوراها خوها نحات ادبشها تسمع فل الباب اربق بالقوي اوراها غزرت ترا فيه كشاكشو طالعة
فاتن : ايهم اشبك ؟؟
ايهم : اشبني للا ؟ تحب تعرف اشبيني ماهو ؟ لا شي شي جوست اختي تتحلق مع لولاد وبر و انا طرطور راقد على وذنيا (جات قاوا في صوتو ) ياخي تحب تمسخنا اشرفنا للا تحب تهبطلي راسي قدام الرجال يعيروني بيك رجل مخلي اختو تخرج مع ذكورة
فاتن : يا ايهم راهو عمرو ماخمج مخو معايا
ايهم : اشنوة للا في عوض تنكر لا ادفع عليه قدامي
فاتن : كان تحب قابلو و احكم عليه
ايهم : السانك طوال واليت تناقش فيا تحب نقول البوك
فاتن : لا لا امان
ايهم : لا ألمان و لا طاليان كلمتين نفهمهم الطفل اذاك تبعد عليه مانحبش لا نراك ولا نسمع بيك معاها ولا مع اي طفل آخر
فاتن : باهي باهي
ايهم : يا فاتن والله كان ترجع تقابلو و لا تحكي معاه حتا كلمة سلام بركا ما نمشي نقتلو قدام عينك و ندخل القلبو و انت تعرفني نعملها خاصة كي نحلف كلمتي تتنفذ قدام الشرف مانفهم شي راني
فاتن : باهي باهي
خرج وخلاها و هي ارمات روحها عل الفرش غارسة راسها في المخدة تبكي تحكي مع روحها " اش نعمل و انا نعرف ايهم عندو نرمال يعملها و كان يقتلو انا نموت زادة خاطر هو روحي هو الرجل الي نحبو هو سندي فل الدنيا و لا خويا يولي قتال ارواح و يدخل للحبس لا لا مانرضاهاش برغم صعبو معايا رغم كل شي يبقي خويا الي مانحملش فيه دقة الشوكة "
قامت هزت تلفونها طلبت أمير قتلو نحب نراك تو
و مشاتلو قابلتو
أمير: اش ثمة اشبيك تبكي
فاتن : آدم سامحني اما...... انا ماعادش نحب نكمل معاك خلي كل حد على روحو
أمير: علاش ؟
فاتن : امانك ماتسئلنيش علاش امان
و مشات وخلاتو
روحت للدار تبكي للي طاح الليل و هي تبكي و من الليل الليل اتبات تبكي متوحشتو متوحشة اياماتهم تعداو ايامات و هي قلبها يوجع من فراقو و بعدو هو سكرت باب الحب و لولاد و تصوحيب
ولات ديما وحدها تضحك و تفذلك و الي يراها يقلها صحة ليك مخك مرتاح ديما فرحانة صانعة جوك و حد مايعرف اش عانات اش تعبت سنين حد مايعرف الي ضحكة انهار تولي دموع في الليل كان مخدتها شاهدة علاها
وهي اكك تنسي في روحها يجاها ميساج من الطفل
-اهلا بالعسل
-اهلا
-لاباس
-لابأس و انت
-لابأس اما برجوليا تفتق
-عيشك
-انت متع .......
-ايا أحترم روحك عاد
-ههههه نحترم روحي قالو عاملة فاها شريفة بنت الفاضل ماتنساش الي تصاورك عندي و انت عريانة و انت بعثتهولي ياللا تحبني نحترمك
-وقتها ماكنتش في مخي ( البريود الي انحرفت فاها بعثتلو تصاور)
-ههههههههه ملا اش قولك انهبطهم عل فيس بوك نفضحك
-لا امانك بجاه الي عز عليك والله خواتي يقتلوني
-تو تفكرتهم خواتك
-غلط ارحمني راني ولية استر عليا يستر ربي عليك
-باهي مانيش بش نهبطهم ..... اما بشرط
-اشنوة؟
-تعمل معايا علاقة ج.....
اطفل ولا يهدد فاها بتصاورها الي بعثتهملو و هي سكرانة ماعندها لشكون تحكي مشكلتها خوفها من دارهم و من شرف دارهم خالوها تمشيلو بساقها و تعطيه الي يحب عليه بارادتها......
و خواتها الجزارين علاها مافي بالهمش و بوها صعيب مافي بالوش ولا امها حد مايعرف الي هي حياتها ادمرت ....
فاتن تحكي : مقهورة على حياتي الي ضاعت و تحطمت و انا مزلت صغيرة عمري 17سنة حبيت نحكي حكايتي للبنات الي تجي تبكي على جال طفل خلاها و مشا مع طفلة اخري تعرف الي ثما شكون تعاني أكثر منها مقهورة مل لعباد الي مارحمتهاش بسبب زينها تتمني تكون ابشع وحدة فل الدنيا حتا مل طفل الي تحبو و تمناتو فرقوها عليه
كمنتار ببلوڨر
تعليقات