ﻛﺮﻭﻧﻴﻚ " ﺇﺑﻨﺔ ﻋﻤﻲ "
ﺩﺭﺍﻣﺎ ﺟﺪﻳﺪﺓ ﻭ ﻗﺼﺔ ﺣﺐ ﺑﻌﺪ ﻛﺮﻩ ﻛﺒﻴﺮ
الحلقة 1 :
- ﺻﺒﺎﺡ ﺍﻟﺨﻴﺮ ﻋﻴﺸﻮﺷﺔ
- ﺻﺒﺎﺡ ﺍﻟﻮﺭﺩ ﺭﻳﻤﺎ
- ﻫﻬﻬﻪ ﻳﺎﺧﻲ ﻣﻼﺣﻈﺖ ﺷﻲ
ﺑﻘﺎﺕ ﻋﻴﺸﺔ ﺗﻬﺰ ﻓﻴﻬﺎ ﻭ ﺗﺤﻂ
- ﻣﺘﺒﺪﻝ ﻓﻴﻚ ﺷﻲ
- ﻫﻬﻪ ﺭﺍﻧﻲ ﻓﻘﺖ ﻭﺣﺪﻱ ﻣﻦ ﺍﻟﻨﻮﻡ ﻣﻐﻴﺮ ﻣﺮﺝ
- ﻫﻬﻪ ﻛﻲ ﺍﻟﺴﺒﺔ
- ﻣﻨﻌﺮﺵ ﺣﺎﺳﺔ ﺇﻟﻲ ﻟﻴﻮﻡ ﻧﻬﺎﺭ ﻣﻤﻴﺰ ﺑﺎﺵ ﻧﻠﻘﻲ ﺣﺎﺟﺔ ﺗﻮﺻﻠﻨﻲ ﻟﻌﺎﻳﻠﺘﻲ
- ﺇﻧﺸﺎﺀ ﺍﻟﻠﻪ ﻳﺎ ﺑﻨﻴﺘﻲ ﺑﺎﺵ ﻧﺘﻬﻨﻲ ﻋﻠﻴﻚ ﻗﺒﻞ ﻣﻨﺎﻡ ﻋﻴﻨﻲ
- ﺍﻟﻠﻄﻒ ﻋﻠﻴﻚ ﺇﻧﺸﺎﺀ ﺍﻟﻠﻪ ﺑﻌﺪ ﻋﻤﺮ ﻃﻮﻳﻞ
ﺭﻳﻤﺎ ﺑﻨﻴﺔ ﻣﺸﺎﺀ ﺍﻟﻠﻪ ﻋﻠﻴﻬﺎ ﺯﻳﻦ ﻭ ﺗﺮﺑﻴﺔ ﺃﻣﺎ ﻋﻨﺪﻫﺎ ﻃﻮﻝ ﻟﺴﺎﻥ ﻃﻔﻠﺔ ﻗﻮﻳﺔ ﺗﻘﺮﺍ 1 ere ﻓﺎﻙ ﻋﻨﺪﻫﺎ ﺃﻣﻞ ﺇﻧﻬﺎ ﺑﺎﺵ ﺗﻮﺻﻞ ﺑﻘﺮﺍﻳﺘﻬﺎ ﻭ ﺗﺤﻘﻖ ﻟﺘﺤﻠﻢ ﺑﻴﻪ . ﻋﻤﺮﻫﺎ 19 ﺳﻨﺔ ﺃﻣﺎ ﻋﻤﺮﻫﺎ ﻣﺸﺎﻓﺖ ﻋﺎﻳﻠﺘﻬﺎ ﺍﻟﺤﺎﺟﺔ ﺍﻟﻮﺣﻴﺪﺓ ﺇﻟﻲ ﺗﻌﺮﻓﻬﺎ ﺃﻧﻮ ﻛﻲ ﺗﻮﻟﺪﺕ ﺣﺮﻣﻮﻫﺎ ﻣﻦ ﻋﺎﻳﻠﺘﻬﺎ ﺑﺴﺒﺐ ﻏﻠﻄﺔ ﻃﺒﻴﺔ ﻗﺎﻟﻮ ﻟﻌﺎﻳﻠﺘﻬﺎ ﺭﺍﻫﻲ ﺿﺎﻋﺖ ﺑﻘﺎﻭ ﻳﻠﻮﺟﻮ ﻋﻠﻴﻬﺎ ﺑﺮﺷﺎ ﻟﻴﻦ ﺗﻌﺒﻮ ﻓﻲ ﺍﻟﻮﻗﺖ ﺃﺫﺍﻛﺎ ﺗﺒﻨﺎﺗﻬﺎ ﻣﺮﺍ ﻛﺒﻴﺮﺓ ﻓﻲ ﻋﻤﺮﻫﺎ ﺗﺨﺪﻡ ﻣﻨﻈﻔﺔ ﻛﻲ ﻟﻘﺎﺗﻬﺎ ﻭﺣﺪﻫﺎ ﺭﺑﺎﺗﻬﺎ ﻣﻘﺼﺮﺕ ﻣﻌﺎﻫﺎ ﻓﻲ ﺷﻲ ﻭ ﻣﺨﺒﺘﺶ ﻋﻠﻴﻬﺎ ﺣﻘﻴﻘﺘﻬﺎ ﺃﻗﻞ ﺣﺎﺟﺔ ﺟﺪﻳﺪﺓ ﺗﻌﺮﻓﻬﺎ ﺗﻘﻠﻬﺎ ﻋﻠﻴﻬﺎ ﻭ ﻭﻋﺪﺗﻬﺎ ﻛﺎﻥ ﺗﻌﺮﻑ ﺃﻱ ﺣﺎﺟﺔ ﻭﻻ ﺗﺸﻮﻓﻬﻢ ﺗﻘﻠﻬﺎ ﺧﺎﺗﺮﻫﺎ ﺗﻌﺮﻑ ﻭﺟﻮﻫﻢ ﺃﻣﺎ ﻣﻮﺵ ﻛﻞ ﺷﻲ ﻧﺘﻤﻨﻮﻩ ﻳﺼﻴﺮ ﻋﺎﻳﻠﺖ ﺭﻳﻤﺎ ﺳﺎﻓﺮﻭ ﻭ ﻣﺎﺭﺟﻌﻮﺵ ﺍﻟﺤﺎﺟﺔ ﺍﻟﻮﺣﻴﺔ ﻟﺒﻘﺎﺗﻠﻬﺎ ﺳﻠﺴﻠﺔ ﻓﻲ ﺭﻗﺒﺘﻬﺎ ﻛﻲ ﻫﺰﺗﻬﺎ ﻟﺼﺎﻳﻐﻲ ﻗﻠﻬﺎ ﺭﺍﻭ ﺳﻮﻣﻬﺎ ﻏﺎﻟﻲ ﻣﻮﺵ ﺃﻱ ﻭﺍﺣﺪ ﺗﻜﻮﻥ ﻋﻨﺪﻭ ﻛﻌﺒﺔ ﻫﻜﺎ ﻧﻮﻋﻴﺔ ﻫﺎﺫﻱ ﻓﻲ ﺍﻟﻌﺎﺩﺓ ﻣﺎ ﻳﻌﻤﻠﻮﻫﺎ ﻛﺎﻥ ﺍﻟﻌﺎﻳﻼﺕ ﻟﻜﺒﺎﺭ ﺑﺎﺵ ﻳﺤﺎﻓﻀﻮ ﻋﻠﻲ ﺇﺳﻢ ﻋﺎﻳﻠﺘﻬﻢ
ﺍﻟﺤﻠﻘﺔ 2:
ﻟﻴﻮﻡ ﺃﻭﻝ ﻧﻬﺎﺭ ﻓﻲ ﺍﻟﻔﺎﻙ ﺧﺮﺟﺖ ﺭﻳﻤﺎ ﻭ ﺃﻣﻠﻬﺎ ﻛﺒﻴﺮ ﺃﻧﻬﺎ ﺑﺎﺵ ﺗﻠﻘﻲ ﺣﺎﺟﺔ ﺗﻮﺻﻠﻬﺎ ﻟﻌﺎﻳﻠﺘﻬﺎ
ﺩﺧﻠﺖ ﻟﻠﻔﺎﻙ ﺍﻷﻧﻈﺎﺭ ﻟﻜﻞ ﻋﻠﻴﻬﺎ ﺧﺎﺗﺮﻫﺎ ﺟﺪﻳﺪﺓ ﻭ ﺯﻳﺪ ﻓﺘﻘﺔ ﻣﺘﺎﻉ ﺯﻳﻦ ﻫﻲ ﺗﻤﺸﻲ ﻭ ﺷﺎﺩﺓ ﺗﺎﻟﻴﻔﻮﻧﻬﺎ ﻟﻴﻦ ﺗﺪﺧﻞ ﻓﻴﻬﺎ ﻃﻔﻠﺔ
- ﺃﻭﻩ
- ﺃﻭﻭﻩ
- ﺃﻭﻭﻭﻩ
- ﺃﻭﻭﻭﻭﻩ
ﺍﻟﺰﻭﺯ ﺑﻘﺎﻭ ﻳﻌﻴﻄﻮ ﻛﻞ ﻣﺮﺓ ﻭﺣﺪﺓ ﺗﻌﻠﻲ ﺻﻮﺗﻬﺎ ﺃﻛﺜﺮ ﻟﻴﻦ ﻃﺮشقو ﺍﻟﺰﻭﺯ ﺑﺎﻟﻀﺤﻚ
- ﻫﻬﻪ ﻋﺴﻼﻣﺔ ﺃﻧﺎ ﺃﻣﻴﺮﺓ ﻭ ﻧﻘﺮﺍ 1 ere ﻟﻴﻮﻡ ﺃﻭﻝ ﻧﻬﺎﺭ ﻓﻲ ﺍﻟﻔﺎﻙ
- ﻫﻬﻬﻪ ﻋﺴﻼﻣﺔ ﺃﻧﺎ ﺭﻳﻤﺎ ﻭ ﺃﻧﺎ ﺯﺍﺩﺍ ﻛﻴﻔﻚ . ﺷﻨﻮﺍ ﺗﻮﺟﻴﻚ
- ﺗﺼﺮﻑ
- ﻫﻬﻪ ﺃﻧﺎ ﺯﺍﺩﺍ ﻣﻼ ﺻﺪﻓﺔ
ﻛﻤﻠﻮ ﺗﻌﺮﻓﻮ ﻋﻠﻲ ﺑﻌﻀﻬﻢ ﻭ ﻃﻠﻌﻮ ﻳﻘﺮﺍﻭ ﻓﻲ ﻧﻔﺲ ﻟﻜﻼﺱ ﻭ ﻃﺒﻌﺎ ﺯﻭﺯ ﻛﻮﺍﺭﺙ ﻟﻜﻼﺱ ﺑﺎﺵ ﻳﻘﻠﺒﻮﻩ ﺑﺤﺴﻬﻢ ﺃﻣﺎ ﺯﺍﺩﺍ ﻋﻨﺪﻫﻢ ﻟﻘﺒﻮﻝ ﺧﺎﺗﺮ ﻣﺼﺮﺍﺭﻳﻦ ﻭ ﻣﺰﻳﺎﻧﻴﻦ ﺯﺍﺩﺍ
ﺗﻌﺪﺍﺕ ﻟﻴﺎﻡ ﻭ ﺻﺤﺒﺘﻬﻢ ﻛﺒﺮﺕ ﻭﻻﻭ ﺩﻳﻤﺎ ﻣﻊ ﺑﻌﻀﻬﻢ
ﺃﻣﻴﺮﺓ ﺩﻳﻤﺎ ﺗﺤﻜﻲ ﻟﻌﺎﻳﻠﺘﻬﺎ ﻋﻠﻲ ﺭﻳﻤﺎ ﻟﻴﻦ ﻧﻬﺎﺭ ﺣﺒﻮ ﻳﺴﺘﺪﻋﻮﻫﺎ ﺷﺎﻭﺭﺕ ﻋﻴﺸﻮﺷﺔ ﻭ ﻭﺍﻓﻘﺘﻠﻬﺎ
ﺍﻟﺤﻠﻘﺔ 3:
ﺣﻀﺮﺕ ﺭﻳﻤﺎ ﺭﻭﺣﻬﺎ ﻭ ﻣﺸﺎﺕ ﻟﻠﻔﺎﻙ ﺑﺎﺵ ﺗﻤﺸﻲ ﻟﺪﺍﺭ ﺃﻣﻴﺮﺓ . ﻫﻲ ﻭﺻﻠﺖ ﻗﺪﺍﻡ ﺍﻟﻔﺎﻙ ﻭ ﺗﻀﺮﺑﻬﺎ ﻛﺮﻫﺒﺔ ﺿﺮﺑﺔ ﺧﻔﻴﻔﺔ ﺃﻣﺎ ﻫﻲ ﻛﺒﺮﺕ ﻟﺤﻜﺎﻳﺔ ﻭ ﺷﻌﻠﺖ ﻓﻴﻪ ﻣﺨﻼﺗﻮﺵ ﻳﺘﻜﻠﻢ ﻭ ﻣﺸﺎﺕ ﺗﻠﻮﺝ ﻋﻠﻲ ﺃﻣﻴﺮﺓ
- ﺃﻫﻼ ﺃﻣﻴﺮﺓ
- ﺃﻫﻼ ﺭﻳﻤﺎ ﺷﺒﻴﻚ ﻓﺎﺩﺓ ﻭ ﻣﻨﺮﻓﺰﺓ
- ﺗﻲ ﺗﻮ ﺃﻧﺎ ﺩﺍﺧﻼ ﺍﻟﻔﺎﻙ ﻭ ﺗﻀﺮﺑﻨﻲ ﻛﺮﻫﺒﺔ
- ﻭﻩ ﺳﻤﻼ ﻋﻠﻲ ﺃﺧﺘﻲ ﻫﻴﺎ ﻧﻤﺸﻮ ﻫﻮﻛﺎ ﺟﺎ ﺧﻮﻳﺎ ﺑﺎﺵ ﻳﻮﺻﻠﻨﺎ ﻭ ﺃﻣﻲ ﻣﺤﻀﺮﺗﻠﻨﺎ ﻣﺎﻛﻠﺔ ﺗﻬﺒﻞ
ﻣﺸﺎﻭ ﺑﺎﺵ ﻳﺮﻛﺒﻮ ﻣﻊ ﻣﺮﺍﺩ ﺧﻮ ﺃﻣﻴﺮﺓ
- ﺃﻣﻴﺮﺓ ﻫﺬﺍ ﻫﻮ ﻟﻀﺮﺑﻨﻲ
- ﻫﻬﻬﻪ ﻫﺬﺍ ﺧﻮﻳﺎ ﻣﺮﺍﺩ
- ﻻ ﺃﻣﺒﻮﺳﻴﺒﻞ
- ﻫﻬﻪ ﻭﺍﻟﻠﻪ ﻫﻴﺎ ﻫﻴﺎ ﻧﻤﺸﻮ
ﻣﺸﺎﺕ ﺭﻳﻤﺎ ﺣﺎﺷﻤﺔ ﺑﻔﻒ ﻣﻼ ﻣﻮﻗﻒ ﺗﺤﻄﺖ ﻓﻴﻪ
- ﺃﻫﻼ ﻣﺮﺍﺩ
- ﺃﻫﻼ ﺃﻣﻴﺮﺓ ﻭﻳﻨﻲ ﺻﺎﺣﺒﺘﻚ ﺑﺎﺵ ﻧﻮﺻﻠﻜﻢ ﺧﺎﺗﺮ ﻋﻨﺪﻱ ﺑﺮﺷﺎ ﺧﺪﻣﺔ
- ﺃﻫﻴﺎ ﺭﻳﻤﺎ ﻫﺬﺍ ﻣﺮﺍﺩ ﺧﻮﻳﺎ
- ﻋﺴﻼﻣﺔ
- ﻣﺮﺍﺩ ﻫﺬﻱ ﺭﻳﻤﺎ ﺻﺎﺣﺒﺘﻲ
- ﺃﻩ ﺻﺎﺭ ﻫﺬﻱ ﻫﻲ ﺩﻳﺠﺎ ﻋﺮﻓﺘﻬﺎ ﻣﻦ ﻗﺒﻴﻼ ﻣﺸﺎﺀ ﺍﻟﻠﻪ ﺃﺧﻼﻗﻬﺎ ﻋﺎﻟﻴﺔ
- ﻫﻬﻬﻪ ﻳﺰﻱ ﻣﺮﺍﺩ ﻭ ﻫﻴﺎ ﻭﺻﻠﻨﺎ
ﺛﻨﻴﺔ ﻛﺎﻣﻠﺔ ﻭ ﻫﻮ ﻳڨﺤﺮﻟﻬﺎ ﻭ ﻫﻲ ﺣﺎﺷﻤﺔ ﻣﻦ ﺍﻟﻔﺎﺯﺓ
ﺧﻠﻴﻨﻲ ﻧﻌﺮﻓﻜﻢ ﻋﻠﻲ ﻣﺮﺍﺩ ﻃﻔﻞ ﺑﻮڨﻮﺱ ﺟﻮ ﺳﻬﺮﻳﺎﺕ ﻭ ﺧﺮﺟﺎﺕ ﻃﻔﻠﺔ ﻣﺘﺒﻘﺎﺵ ﻣﻌﺎﻩ ﻧﻬﺎﺭﻳﻦ ﻳﻔﺪ ﻳﺒﺪﻟﻬﺎ ﻃﻮﻝ ﻋﻤﺮﻭ 26 ﺳﻨﺔ ﻳﺨﺪﻡ ﻣﻊ ﺑﻮﻩ ﻓﻲ ﺷﺮﻛﺔ ﻋﻨﺪﻭ ﻟﻘﺒﻮﻝ ﻭ ﻳﻨﺠﻢ ﻳﻘﻨﻊ ﻏﻴﺮﻭ ﻳﺒﺎﻥ ﻓﺎﺷﻞ ﻓﻲ ﺣﻴﺎﺗﻮ ﻭ ﻣﻮﺵ ﻣﺘﺎﻉ ﺧﺪﻣﺔ ﺃﻣﺎ ﺑﺎﻟﻌﻜﺲ ﻧﺎﺟﺢ ﺑﺮﺷﺎ ﻭ ﺍﻟﻠﻌﺐ ﻣﻊ ﺍﻟﺨﺪﻣﺔ ﻻ.
ﻭﺻﻠﻮ ﻟﺪﺍﺭ ﻭ ﻣﺮﺍﺩ ﺭﺟﻊ ﻟﺨﺪﻣﺘﻮ ﺭﻳﻤﺎ ﺗﻬﻨﺖ ﻭ ﺗﻮ ﺗﻨﺠﻢ ﺗﺘﺼﺮﻑ ﻋﻠﻲ ﺭﺍﺣﺘﻬﺎ . ﺩﺧﻠﺖ ﺭﻳﻤﺎ ﺳﻠﻤﺖ ﻋﻠﻲ ﺃﻡ ﺃﻣﻴﺮﺓ ﺟﻤﻴﻠﺔ ﻓﺮﺣﺖ ﺑﻴﻬﺎ ﺑﺮﺷﺎ ﻭ ﻣﺨﻼﺕ ﻣﺴﺄﻟﺘﻬﺎ ﻋﻠﻲ ﻋﺎﻳﻠﺘﻬﺎ ﻭ ﻗﺮﺍﻳﺘﻬﺎ ﻭ ﻛﻞ ﺷﻲ
- ﺃﻣﻲ ﺳﻴﺒﻬﺎ ﻭ ﺇﻧﺖ ﻣﻦ ﻗﺒﻴﻼ ﻣﺮﺟﺘﻬﺎ ﺑﺎﻟﻜﻼﻡ
- ﺇﺣﺸﻢ ﺇﻧﺖ ﺧﻠﻴﻨﻲ ﻧﺤﻜﻲ ﻣﻊ ﺍﻟﻄﻔﻠﺔ ﺣﺘﻲ ﺇﻧﺖ ﺍﻟﺤﻤﺪ ﻟﻠﻪ ﻋﻠﻴﻚ ﺃﻭﻝ ﻣﺮﺓ ﺗﻌﻤﻞ ﺻﺤﺒﺔ ﻧﺎﺟﺤﺔ
- ﻫﻴﺎ ﺭﻳﻤﺎ ﻧﻤﺸﻮ ﻟﺒﻴﺘﻲ
ﻣﺸﺎﻭ ﻟﻠﺒﻴﺖ ﻭ ﺑﻘﺎﻭ ﻳﻠﻌﺒﻮ ﻭ ﻳﺤﻜﻮ ﻭ ﺑﺎﻟﻄﺒﻴﻌﺔ ﺍﻟﺪﺍﺭ ﻗﻠﺒﻮﻫﺎ ﺑﺤﺴﻬﻢ ﻫﻬﻪ ﻓﺮﺩﺓ ﻭ ﻟﻘﺎﺕ ﺃﺧﺘﻬﺎ
ﺭﻭﺡ ﻣﺮﺍﺩ ﻟﻌﺸﻴﺔ ﻃﻠﻊ ﻟﺒﻴﺘﻮ ﺑﺎﺵ ﻳﺒﺪﻝ ﺩﺑﺸﻮ ﻭ ﻳﺮﺗﺎﺡ ﺷﻮﻱ ﻫﻮ ﺣﻞ ﺍﻟﺒﺎﺏ ﻭ ﺗﺠﻲ ﺭﻳﻤﺎ ﺗﺪﻋﺜﺮ ﻓﻴﻪ ﺷﺪﻫﺎ ﻭ ﺑﻘﺎ ﻳﺸﻮﻓﻠﻬﺎ ﻣﺸﺎ ﻓﻴﺒﺎﻟﻬﺎ ﺑﺎﺵ ﻳﺼﻴﺮ ﻛﻴﻤﺎ ﺍﻷﻓﻼﻡ ﺑﺎﺵ ﻳﻮﻗﻔﻬﺎ ﻭ ﻫﻴﻜﺎ ﺍﻟﻔﺎﺯﺍﺕ ﺃﻣﺎ ﻫﻮ ﺳﻴﺒﻬﺎ ﻭ ﻃﻴﺤﻬﺎ ﻓﻲ ﺍﻟﻘﺎﻋﺔ ﻫﻬﻬﺨﺨﻬﺨﻬﺦ ﻣﻴﻜﺮﺩﻳﺶ ﻭﻟﺪ ﻟﺤﺮﺍﻡ . ﺑﻘﺎﺕ ﻣﺼﺪﻭﻣﺔ ﻣﻼ ﺯﻟﻌﺔ ﺯﺡ ﺟﺎﺏ ﺭﺑﻲ ﻣﺸﺎﻓﻬﺎ ﺣﺪ . ﺗﻌﺸﺎﺕ ﺭﻳﻤﺎ ﻭ ﺟﺎﺀ ﺍﻟﻮﻗﺖ ﻭ ﻻﺯﻣﻬﺎ ﺗﺮﻭﺡ
- ﻣﺮﺍﺩ ﻣﺮﺍﺩ
- ﻭﻱ ﺃﻣﻴﺮﺓ ﺷﺘﺤﺐ ﺯﺍﺩﺍ
- ﺃﻣﺎﻥ ﻭﺻﻞ ﺭﻳﻤﺎ ﻟﺪﺍﺭﻫﺎ ﺍﻟﺪﻧﻴﺎ ﻟﻴﻞ ﻭ ﻣﻴﺠﻴﺶ ﺗﺮﻭﺡ ﻭﺣﺪﻫﺎ
- ﺑﺮﺍ ﺯﻣﺮ ﻫﺬﺍﻛﺎ ﻟﻴﻤﺎﺯﺍﻝ ﻛﺎﻥ ﻧﺨﺪﻡ ﺷﻮﻓﺎﺭ ﻋﻨﺪ ﻟﻼ ﺭﻳﻤﺎ
- ﺃﻣﺎﻥ ﻋﻠﻲ ﺧﺎﺗﺮ ﺃﺧﺘﻚ ﺍﻟﺼﻐﻴﺮﺓ
- ﺑﻔﻒ ﺃﻣﻴﺮﺓ ﺑﺎﻫﻲ ﻗﻠﻬﺎ ﺗﺤﻀﺮ ﺭﻭﺣﻬﺎ ﻓﻴﺴﻊ
- ﺃﻣﻤﻮﺍﺍﺍﻩ ﻋﻴﺶ ﺯﻳﻦ
.......
الحلقة 4:
ﺭﻳﻤﺎ ﻫﺎﻭ ﻣﺮﺍﺩ ﺑﺎﺵ ﻳﻮﺻﻠﻚ
- ﺷﻨﻮﺍ ﻣﺮﺍﺩ ﻻ ﻣﻮﺵ ﻻﺯﻡ ﺗﻮ ﻧﺮﻭﺡ ﻭﺣﺪﻱ
- ﻻ ﻣﻨﺨﻠﻴﻜﺶ ﺗﺮﻭﺡ ﻭﺣﺪﻙ
- ﺃﻣﻴﺮﺓ
- ﻫﺎﻭ ﺟﺎﺀ ﻫﻴﺎ ﺑﻴﺰﻭ ﺣﺒﻲ
- ﻫﻬﻬﻪ ﻣﻨﺤﺮﻓﺔ ﺯﺍﻳﺪ
- ﺃﻃﻠﻊ
- ﺑﺎﻫﻲ
ﻃﻠﻌﺖ ﺭﻳﻤﺎ ﻭ ﺑﻘﺎﺕ ﺳﺎﻛتة ﻋﺎﻣﻠﺔ ﺭﻭﺣﻬﺎ ﻋﺎﻗﻠﺔ
- ﺃﻃﻠﺐ ﺍﻟﺴﻤﺎﺡ ﻋﻠﻲ ﺍﻟﺼﺒﺎﺡ
- ﺷﻨﻮﺍ ﺃﻧﺎ ﻧﻄﻠﺐ ﺍﻟﺴﻤﺎﺡ
- ﺇﻳﻪ ﺇﻧﺖ
- ﺗﺤﻠﻢ ﻫﺬﺍﻛﺎ ﻟﻴﻤﺎﺯﺍﻝ
- ﺧﻴﺮﻟﻚ ﺭﺍﻭ
- ﺍﻟﺤﺎﺟﺔ ﻫﺬﻱ ﺗﻨﺴﺎﻫﺎ ﺃﺣﺴﻨﻠﻚ
- ﺃﻧﺎ ﻫﺎﻧﻲ ﻧﺼﺤﺘﻚ ﻭ ﺇﻧﺖ ﺣﺮﺓ ﺃﻣﺎ ﺭﺍﻙ ﺑﺎﺵ ﺗﻨﺪﻡ
- ﺗﻀﺮﺑﻠﻲ ﻋﻠﻲ ﺍﻟﻄﻴﺎﺭﺓ
ﻫﻲ ﻗﺎﻟﺖ ﻫﻜﺎﻛﺎ ﻭ ﻃﻠﻌﻠﻮ ﺍﻟﺪﻡ ﻟﺮﺍﺳﻮ ﺧﺎﺗﺮ ﻣﺮﺍﺩ ﻣﻦ ﺍﻟﻨﻮﻉ ﻟﺮﺍﺳﻮ ﻣﺴﻜﺮ ﻣﻴﻔﻬﻢ ﺷﻲ ﻭ ﻏﺸﻮ ﺧﺎﻳﺐ ﺧﺎﺻﺔ ﻛﻲ ﻳﺤﻂ ﻭﺍﺣﺪ ﻓﻲ ﺭﺍﺳﻮ ﻭ ﺭﻳﻤﺎ ﻫﻲ ﺍﻟﻬﺪﻑ ﻣﺘﺎﻋﻮ ﺗﻮ ﺑﺎﺵ ﺗﺸﻮﻑ ﻟﻌﺠﺐ
ﻭﺻﻠﻬﺎ ﻟﺪﺍﺭ ﻭ ﻗﻠﻬﺎ ' ﺃﻋﻠﻨﺖ ﺍﻟﺤﺮﺏ ﻭ ﺍﻟﺒﺎﺩﻱ ﺃﻇﻠﻢ '
ﺑﻔﻒ ﺷﻨﻲ ﻫﺎﻟﻮﺣﻠﺔ ﻣﻼ ﺭﻗﻌﺔ ﺗﺎ ﻳﻌﻤﻠﻲ ﻓﻴﻬﺎ ﺣﺎﺟﺔ
ﺭﻗﺪﺕ ﺭﻳﻤﺎ ﻭ ﻧﺴﺎﺕ ﻟﺤﻜﺎﻳﺔ ﺃﻣﺎ ﻣﺮﺍﺩ ﻻ ﻧﺎﺭﻭ ﻣﺎﺯﺍﻝ ﻣﺒﺮﺩﺗﺶ ﻛﻴﻔﺎﻩ ﻓﺮﺧﺔ ﺗﺘﺤﺪﺍﻩ ﺳﺎﻳﺎ ﺣﻄﻬﺎ ﻓﻲ ﺭﺍﺳﻮ ﺑﺎﺵ ﻳﻨﺘﻘﻢ ﻣﻨﻬﺎ
ﻓﺎﻗﺖ ريما ﺻﺒﺎﺡ ﻣﻮﺧﺮ ﻛﻲ ﺍﻟﻌﺎﺩﺓ ﺑﺪﻟﺖ ﺩﺑﺸﻬﺎ ﻭ ﺧﺮﺟﺖ ﺗﺠﺮﻱ ﺑﺎﺵ ﺗﻠﺤﻖ ﻋﻠﻲ ﺍﻟﺪﺭﺱ
ﺩﺧﻠﺖ ﻟﻠﻜﻼﺱ ﺭﻳﺘﺎﺭ ﻭ ﺗﻠﻘﻲ ﺑﺮﻭﻑ ﺟﺪﻳﺪ ﻳﻘﺮﻱ ﻓﻴﻬﺎ ﺑﻮڨﻮﺱ ﻭ ﻋﺴﻠﺔ
- ﺻﺒﺎﺡ ﻟﺨﻴﺮ ﻣﻴﺴﻴﻮ ﺳﺎﻣﺤﻨﻲ ﺟﻴﺖ ﺭﻳﺘﺎﺭ
ﺍﻟﺒﺮﻭﻑ ﻗﻌﺪ ﺑﺎﻫﺖ ﻓﻲ ﺯﻳﻨﻬﺎ ﻛﻴﻔﺎﻩ ﻭﺟﻬﺎ ﺃﺣﻤﺮ ﻭ ﺗﺘﻨﻔﺲ ﺑﺎﻟﻘﻮﻱ ﻋﺠﺒﺎﺗﻮ ﺑﺮﺷﺎ
- ﺗﻔﻀﻞ ﻣﺪﻳﻤﻮﺍﺯﺍﻝ
- ﻋﻴﺸﻚ ﻣﻴﺴﻴﻮ
ﺩﺧﻠﺖ ﺷﺪﺕ ﺑﻼﺻﺘﻬﺎ ﻣﻊ ﺃﻣﻴﺮﺓ ﻛﻲ ﺍﻟﻌﺎﺩﺓ
- ﺻﺒﺎﺡ ﻟﺨﻴﺮ ﻭﻳﻨﻚ ﻟﺘﻮﺍ
- ﺗﻲ ﻣﺎﻙ ﺗﻌﺮﻓﻨﻲ ﺩﻳﻤﺎ ﻧﻔﻴﻖ ﻣﻮﺧﺮ ﻭ ﻟﻴﻮﻡ ﻛﺜﺮﺗﻠﻬﺎ ﻭ ﺷﻜﻮﻥ ﺑﺮﻭﻑ ﺟﺪﻳﺪ ﻫﺬﺍ
- ﺃﺳﻤﻮ ﺃﻳﻤﻦ ﺣﺴﺐ ﻣﻘﺎﻝ ﻭ ﺑﺎﺵ ﻳﻜﻤﻞ ﻣﻌﺎﻧﺎ ﺍﻟﻌﺎﻡ
- ﻣﺪﻳﻤﻮﺍﺯﺍﻝ ﺗﻨﺠﻢ ﺗﻌﺮﻓﻨﺎ ﻋﻠﻴﻚ
- ﺃﻧﺎ
- ﺇﻳﻪ ﻛﺎﻥ ﻣﺘﺮﺍﺵ ﻣﺎﻧﻊ ﻣﻴﺴﺎﻟﺶ ﻣﺎﻭ
- ﺃﻩ ﻻ ﻋﺎﺩﻱ ﺇﺳﻤﻲ ﺭﻳﻤﺎ
- ﻧﺘﺸﺮﻓﻮ ﺭﻳﻤﺎ ﺃﻧﺎ ﺃﻳﻤﻦ
ﺍﻟﻜﻞ ﺑﻘﺎﻭ ﺣﺎﻳﺮﻳﻦ ﺧﺎﺗﺮ ﺃﻭﻝ ﻣﺪﺧﻞ ﺑﺎﻳﻦ ﻋﻠﻴﻪ ﺻﻌﻴﺐ
الحلقة 5:
ﺗﻌﺪﺍﺕ ﺟﻤﻌﺔ ﻭ ﻣﺮﺍﺩ ﻭ ﺭﻳﻤﺎ ﻣﺘﻘﺎﺑﻠﻮﺵ ﻟﻴﻦ ﻧﻬﺎﺭ ﺟﺎﺀ ﻣﺮﺍﺩ ﺑﺎﺵ ﻳﺮﻭﺡ ﺑﺄﺧﺘﻮ ﻳﺴﻤﻊ ﻓﻴﻬﺎ ﺗﺤﻜﻲ ﻣﻊ ﺭﻳﻤﺎ
- ﺭﻳﻤﺎ ﻳﺎﺧﻲ ﻣﻼﺣﻈﺖ ﺷﻲ
- ﻛﻴﻤﺎ ﺷﻨﻮﺍ
- ﺗﻲ ﺍﻟﺒﺮﻭﻑ ﺩﻳﻤﺎ ﻻﻫﻲ ﺑﻴﻚ ﻭ ﻳﻐﺰﺭﻟﻚ
- ﻻ ﻋﺎﺩﻱ
- ﻣﻨﻴﻦ ﻋﺎﺩﻱ ﺑﺮﺑﻲ ﻭ ﻫﻮ ﻛﻲ ﻳﺸﻮﻓﻚ ﻳﻀﺤﻚ ﻭﺣﺪﻭ
ﻣﺮﺍﺩ ﻳﺴﻤﻊ ﻓﻴﻬﺎ ﻛﻴﻔﺎﻩ ﺗﺤﻜﻲ ﺗﻨﺮﻓﺰ ﻛﻴﻔﺎﻩ ﺭﻗﻌﺔ ﻛﻴﻤﺎ ﻫﻴﻜﺎ ﻭ ﺯﻳﺪ ﻟﺴﺎﻧﻬﺎ ﺩﺍﻳﺮ ﺑﺮﻗﺒﺘﻬﺎ ﺗﺨﻠﻲ ﺑﺮﻭﻑ ﻳﺤﺒﻬﺎ . ﺍﻟﻨﺎﺱ ﻣﻌﺎﺩﺵ ﺗﻌﺮﻑ ﺗﺨﺘﺎﺭ ﺷﻜﻮﻥ ﺗﺤﺐ ﻣﺮﺍﺩ ﺯﺍﺩ ﻧﻘﻢ ﻋﻠﻴﻬﺎ ﻣﻴﻌﺮﺵ ﻋﻼﻩ
- ﺃﻣﻴﺮﺓ ﻫﻴﺎ ﻧﺮﻭﺣﻮ
- ﻣﺮﺍﺩ ﻭﻗﺘﺎﻩ ﺟﻴﺖ
- ﺗﻮ ﺑﺎﺵ ﻧﻤﺸﻮ ﻧﺘﻌﺮﺿﻮ ﻟﻌﻤﻲ ﻓﻲ ﺍﻟﻤﻄﺎﺭ ﻭ ﺯﻳﺪ ﺑﺎﺵ ﻧﺸﻮﻓﻮ ﺑﻨﺘﻮ ﺍﻟﻀﺎﻳﻌﺔ ﻗﺎﻟﻮ ﻟﻘﻮﻫﺎ
- ﻳﺎ ﺑﺎﻟﺤﻖ ﺃﻣﺎﻥ ﺭﻳﻤﺎ ﻫﻲ ﺇﻣﺸﻲ ﻣﻌﺎﻧﺎ
- ﻻ ﻣﻨﺠﻤﺶ ﻫﺬﻱ ﺃﻣﻮﺭ ﻋﺎﺋﻠﻴﺔ ﻭ ﺯﻳﺪ ﻻﺯﻣﻨﻲ ﻧﺮﻭﺡ
ﻫﻲ ﻗﺎﻟﺖ ﻫﻜﺎﻛﺎ ﻭ ﺗﺴﻤﻊ ﻓﻲ ﻣﺮﺍﺩ ﻳﻘﻮﻝ ﺍﻟﺤﻤﺪ ﻟﻠﻪ ﻛﻲ ﻓﻬﻤﺖ ﺭﻭﺣﻬﺎ
- ﺃﻣﺎﻥ ﻭ ﺍﻟﻠﻪ ﻋﺎﺩﻱ ﺗﻲ ﻣﺮﺕ ﻋﻤﻲ ﻛﺎﻥ ﺗﺸﻮﻓﻬﺎ ﻋﻠﻲ ﻣﺤﻼﻫﺎ ﻭ ﻣﺤﻨﻬﺎ ﺗﻲ ﻫﻴﺎ ﺑﺮﻙ ﻭ ﻛﺎﻧﻚ ﻋﻠﻲ ﻋﻴﺸﻮﺷﺔ ﺗﻮ ﺃﻧﺎ ﻧﻜﻠﻤﻬﺎ
ﺭﻳﻤﺎ ﺟﺎﺕ ﺑﺎﺵ ﺗﺤﻜﻲ ﻭ ﺗﺸﻮﻑ ﻛﺎﻥ ﻓﻲ ﺃﻣﻴﺮﺓ ﻛﻠﻤﺖ ﻋﻴﺸﻮﺷﺔ ﻭ ﺷﺪﺕ ﻓﻴﻬﺎ ﺑﺎﺵ ﺗﻮﺍﻓﻖ ﻭ ﺃﻛﻴﺪ ﻣﺪﺍﻡ ﺃﻣﻴﺮﺓ ﻛﻠﻤﺘﻬﺎ ﺑﺎﺵ ﺗﻮﺍﻓﻖ
ﺭﻛﺒﺖ ﺭﻳﻤﺎ ﻭ ﺃﻣﻴﺮﺓ ﻣﻊ ﻣﺮﺍﺩ ﻭ ﻣﺸﺎﻭ ﻟﻠﻤﻄﺎﺭ ﻭ ﻛﻲ ﺍﻟﻌﺎﺩﺓ ﻣﺮﺍﺩ ﻳڨﺤﺮﻟﻬﺎ
ﻭﺻﻠﻮ ﻟﻠﻤﻄﺎﺭ ﻭ ﻫﺒﻄﺖ ﻣﺮﺍ ﻭ ﺭﺍﺟﻠﻬﺎ ﻭ ﻭﻟﺪﻫﻢ ﻭ ﻣﻌﺎﻫﻢ ﻃﻔﻠﺔ ﺃﺧﺮﻱ
- ﻋﺴﻼﻣﺔ ﻋﻤﺘﻲ ﺭﺍﻧﻴﺎ ﺍﻟﺤﻤﺪ ﻟﻠﻪ ﻋﻠﻲ ﺳﻼﻣﺘﻚ ﺗﻮﺣﺸﺘﻚ ﺑﺮﺷﺎ ﺭﺍﻧﻲ
- ﻫﻬﻪ ﺃﻧﺎ ﺯﺍﺩﺍ ﺃﻣﻮﺭﺓ
ﺑﻘﺎﻭ ﻟﻜﻞ ﻳﺴﻠﻤﻮ ﻭ ﺭﻳﻤﺎ ﺯﻱ ﺷﻜﻮﻥ ﻋﻄﺎﻫﺎ ﻛﻒ ﻛﺎﻥ ﻫﻲ ﻋﻨﺼﺮ ﺩﺧﻴﻞ ﻫﻲ ﺩﺍﺭﺕ ﺑﺎﺵ ﺗﺮﻭﺡ ﻭ ﺗﻜﻠﻤﺖ ﺭﺍﻧﻴﺎ
- ﺃﻣﻴﺮﺓ ﺷﻜﻮﻥ ﺻﺎﺣﺒﺘﻚ
- ﺃﻫﻪ ﻫﺬﻱ ﺭﻳﻤﺎ ﺻﺎﺣﺒتي
ﻗﺮﺑﺖ ﺭﺍﻧﻴﺎ ﻟﺮﻳﻤﺎ ﻭ ﺑﻘﺎﺕ ﺗﻐﺰﺭﻟﻬﺎ ﻓﻲ ﻋﻴﻨﻴﻬﺎ ﻭ ﻣﺮﻛﺰﺓ ﻣﻌﺎﻫﺎ ﻋﻠﻲ ﻟﺨﺮ
- ﻋﺴﻼﻣﺔ ﺑﻨﺘﻲ
- ﻋﺴﻼﻣﺔ ﺗﺎﺗﺎ
- ﺗﻘﺎﺑﻠﻨﺎ ﻗﺒﻞ ﺍﻟﻤﺮﺓ ﻫﺬﻱ؟؟؟
- ﻻ
- ﺳﺎﻣﺤﻨﻲ ﺃﻣﺎ ﺣﺴﻴﺖ ﻛﺄﻧﻚ ﻣﻮﺵ ﻏﺮﻳﺒﺔ ﻋﻠﻴﺎ
ﺗﺒﺴﻤﺖ ﺭﻳﻤﺎ ﻭ ﻫﺒﻄﺖ ﺭﺍﺳﻬﺎ ﻛﻤﻠﺖ ﺳﻠﻤﺖ ﻋﻠﻲ ﺳﻤﻴﺮ ﺭﺍﺟﻠﻬﺎ ﻣﺘﻌﺮﺵ ﻋﻼﻩ ﺭﺗﺎﺣﺘﻠﻬﻢ ﻛﻤﻠﺖ ﺳﻠﻤﺖ ﻋﻠﻲ ﺇﺳﻤﻬﺎﻥ ﻣﺘﺸﺒﻬﻠﻬﻤﺶ ﻭ ﺍﻟﺸﺮ ﺧﺎﺭﺝ ﻣﻦ ﻋﻴﻨﻴﻬﺎ
- ﺃﺣﻤﺪ ﻭﻳﻨﻚ ﻳﺎ ﺭﺍﺟﻞ ﻫﺎﻟﻐﻴﺒﺔ ﻫﻜﺎ ﻣﻄﻠﺶ ﻋﻠﻲ ﻭﻟﺪ ﻋﻤﻚ
- ﺑﺮﻱ ﺯﻣﺮ ﻣﺎﻙ ﺗﻌﺮﻓﻨﻲ ﻧﺨﺪﻡ ﻭ ﺇﻧﺖ ﻣﺸﻴﺖ ﻟﻜﻨﺪﺍ ﻭ ﻣﺴﺄﻟﺘﺶ ﺣﺘﻲ ﻋﻠﻴﺎ
- ﺗﻠﻬﻴﺖ ﻳﺎ ﻭﻟﺪ ﺍﻟﻌﻢ ﻭﺍﻟﻠﻪ
ﻛﻤﻞ ﺃﺣﻤﺪ ﺳﻠﻢ ﻋﻠﻲ ﺃﻣﻴﺮﺓ ﻭ ﻣﻨﺒﻌﺪ ﺟﺎﺀ ﺑﺎﺵ ﻳﺴﻠﻢ ﻋﻠﻲ ﺭﻳﻤﺎ
- ﻋﺴﻼﻣﺔ
- ﺳﻼﻡ
- ﺇﻧﺖ ﺻﺤﺒﺖ ﺃﻣﻴﺮﺓ ﺭﻳﻤﺎ
- ﻫﻬﻪ ﺇﻳﻪ ﻛﻴﻔﺎﻩ ﻋﺮﻓﺖ
- ﻫﻬﻪ ﺃﻣﻴﺮﺓ ﺩﻳﻤﺎ ﺗﺤﻜﻴﻠﻲ ﻋﻠﻴﻚ ﻗﺘﻠﻲ ﺗﺸﺒﻬﻠﻚ ﺑﺮﺷﺎ ﻓﻲ ﻋﻤﺎﻳﻠﻬﺎ
- ﻫﻬﻬﻪ
- ﻳﺎﺧﻲ ﺗﻘﺎﺑﻠﻨﺎ ﻗﺒﻞ ﺍﻟﻤﺮﺓ ﻫﺬﻱ ؟؟؟
- ﻻ ﺃﻭﻝ ﻣﺮﺓ
ﺗﻜﻠﻤﺖ ﺃﻣﻴﺮﺓ
- ﻭﻩ ﺷﺒﻴﻜﻢ ﻋﻠﻴﻬﺎ ﻟﻴﺸﻮﻓﻬﺎ ﻳﺴﺄﻟﻬﺎ ﺗﻘﺎﺑﻠﻨﺎ ﻗﺒﻞ ﻭﻻ
ﺗﻜﻠﻢ ﺳﻤﻴﺮ
- ﻭﺍﻟﻠﻪ ﺣﺘﻲ ﺃﻧﺎ ﺣﺎﺳﻬﺎ ﻣﻮﺵ ﻏﺮﻳﺒﺔ ﻋﻠﻴﺎ
- ﻻ ﻻ ﺭﻳﻤﺎ ﻋﻤﺮﻫﺎ ﻣﺴﺎﻓﺮﺕ ﻭ ﺃﻧﺘﻢ ﻋﻨﺪﻛﻢ ﺑﺮﺷﺎ ﻣﺮﻭﺣﺘﻮﺵ ﻣﻨﻴﻦ ﺑﺎﺵ ﺗﺘﻘﺎﺑﻠﻮ ﺑﺮﺑﻲ
الحلقة 6:
ﺃﻣﻴﺮﺓ ﺷﺪﺕ ﻓﻲ ﺭﻳﻤﺎ ﺑﺎﺵ ﺗﺒﻘﻲ ﻣﻌﺎﻫﺎ ﺃﻣﺎ ﻫﻲ ﻣﺤﺒﺘﺶ ﻳﺰﻱ ﻣﺨﻠﺖ ﻋﻴﺸﻮﺷﺔ ﻭﺣﺪﻫﺎ ﺃﺻﻼ ﻫﻲ ﻟﻴﺎﻡ ﻫﺬﻱ ﻛﻞ ﻣﺮﺓ ﺗﺘﻌﺐ .
- ﺭﻳﻤﺎ ﻗﻮﻡ
- ﺃﻣﻢ
- ﻳﺎﺭﻳﻤﺎ ﻗﻮﻡ ﻳﺰﻱ ﻣﻦ ﺍﻟﻨﻮﻡ
- ﺃﻣﻢ ﺧﻠﻴﻨﻲ ﻧﺰﻳﺪ ﻧﺮﻗﺪ ﺷﻮﻱ
- ﺗﻲ ﻳﺰﻱ ﻣﻦ ﺍﻟﻨﻮﻡ ﺭﺍﻙ ﺗﻘﺮﺍ ﻣﺘﻨﺴﺎﺵ ﺭﻭﺣﻚ ﺃﻣﺲ ﻭﺻﻠﺖ ﻣﺨﺮ
ﻭﻗﺘﻬﺎ ﻓﺎﻗﺖ ﻋﻠﻲ ﺭﻭﺣﻬﺎ ﺗﻠﻘﻲ ﺍﻟﻮﻗﺖ ﻣﻌﺎﺩﺵ ﺑﺪﻟﺖ ﺩﺑﺸﻬﺎ ﻭ ﺧﺮﺟﺖ ﻣﻨﻐﻴﺮ ﻓﻄﻮﺭ ﺑﺎﺵ ﻧﺠﻤﺖ ﺗﺨﻠﻂ ﻋﻠﻲ ﺍﻟﺪﺭﺱ
- ﺭﻳﻤﺎ ﻳﺎ ﺭﻳﻤﺎ
ﺩﺍﺭﺕ ﺭﻳﻤﺎ ﺗﻠﻘﺎﻫﺎ ﺃﻣﻴﺮﺓ ﻭ ﻣﻌﺎﻫﺎ ﺃﺣﻤﺪ
- ﺃﻫﻼ ﺃﻣﻴﺮﺓ ﻋﺴﻼﻣﺔ ﺃﺣﻤﺪ
- ﺷﺒﻲ ﺑﻼﻙ ﺳﺎﻋﺔ ﻧﺎﺩﻱ ﻭﻻ ﻣﺎﺯﺍﻝ ﺿﺎﺭﺑﻚ ﺍﻟﻨﻮﻡ ﺧﺎﺗﺮ ﻣﻮﺵ ﻋﻮﺍﻳﺪﻙ ﺗﺠﻲ ﺗﻮ
- ﻫﻬﻬﻬﻪ ﺑﺮﺑﻲ ﺧﻠﻲ ﻋﺰﺍﻫﺎ ﺳﻜﺎﺕ ﺗﻲ ﻋﻴﺸﻮﺷﺔ ﻣﺮﺟﺘﻨﻲ ﺑﺎﺵ ﻗﻤﺖ
- ﻫﻬﻪ ﺑﺎﻫﻲ ﺃﺳﻤﻊ ﻋﻤﺘﻲ ﺭﺍﻧﻴﺎ ﺗﺤﺒﻚ ﺗﺠﻲ ﺗﻔﻄﺮ ﺣﺬﺍﻫﺎ
- ﻻ ﻣﻨﺠﻤﺶ ﺗﻌﺮﻑ ﻋﻴﺸﻮﺷﺔ ﻭﺣﺪﻫﺎ
- ﺑﺎﻫﻲ ﺃﻧﺎ ﺗﻮ ﻧﻘﻠﻬﺎ ﺃﻣﺎ ﻛﺎﻥ ﺗﺠﻲ ﺗﻬﺰﻙ ﻣﻦ ﻫﻮﻧﻲ ﻣﺘﻠﻮﻣﺶ ﻋﻠﻴﺎ ﺗﻌﺮﻑ ﺭﺍﺳﻬﺎ ﻛﺎﺳﺢ ﻛﻴﻔﻚ ﻫﺎﻭ ﻳﻘﻠﻚ ﻋﻠﻴﻬﺎ ﺃﺣﻤﺪ
- ﻫﻬﻬﻪ ﺇﺳﻤﻊ ﻧﻨﺼﺤﻚ ﻭﺍﻓﻖ ﺧﺎﺗﺮ ﻣﺘﻌﺮﺵ ﻛﺎﻥ ﺃﻣﻲ ﺗﺠﻴﻚ ﻫﻮﻧﻲ ﺗﻬﺰﻙ ﺑﺎﻟﺴﻴﻒ ﻣﻦ ﻣﺒﺎﺭﺡ ﻭ ﻫﻲ ﺗﺤﻜﻲ ﻋﻠﻴﻚ
- ﻫﻬﻪ ﺗﻮ ﻧﺸﻮﻑ ﻣﻊ ﻋﻴﺸﻮﺷﺔ
- ﺗﻲ ﺳﺎﻳﺎ ﻛﻠﻤﺘﻬﺎ ﻭ ﻋﻴﺸﻮﺷﺔ ﻣﻮﺍﻓﻘﺔ
- ﻟﻴﻐﻠﺒﻚ ﻳﺠﻲ ﻳﺤﺎﺳﺒﻨﻲ ﻳﺎ ﺃﻣﻴﺮﺓ
ﻛﻤﻠﺖ ﺭﻳﻤﺎ ﻗﺮﺍﺕ ﻭ ﺟﺎﻫﺎ ﺃﺣﻤﺪ ﻭﺻﻠﻬﺎ ﻟﺪﺍﺭﻫﻢ . ﺭﺍﻧﻴﺎ ﻓﺮﺣﺎﻧﺔ ﺑﻴﻬﺎ ﺑﺮﺷﺎ ﻣﺘﻌﺮﺵ ﻋﻼﻩ ﺣﺒﺘﻬﺎ ﻣﻦ ﺃﻭﻝ ﻣﺎ ﺷﺎﻓﺘﻬﺎ .
- ﺃﻣﻲ ﻫﺎﻧﻲ ﺧﺎﺭﺟﺔ نتمشى ﻗﺪﺍ ﻣﺮﺍﺩ
- ﺇﻳﺠﺎ ﺇﺳﻤﻬﺎﻥ ﺷﻮﻑ ﺷﻜﻮﻥ ﺟﺎﺗﻨﺎ ﺿﻴﻔﺔ
- ﻋﺴﻼﻣﺔ ﻣﻮﺵ ﺇﻧﺖ ﻫﻲ ﻟﻴﺠﻴﺘﻨﺎ ﻓﻲ ﺍﻟﻤﻄﺎﺭ
- ﺇﻳﻪ ﺃﻧﺎ ﻫﻲ
- ﺇﻣﻢ ﻣﻘﺘﻠﻴﺶ ﺑﻮﻙ ﻭ ﺃﻣﻚ ﻓﻲ ﺷﻨﻮﺍ ﻳﺨﺪﻣﻮ
ﺭﻳﻤﺎ ﻫﺒﻄﺖ ﺭﺍﺳﻬﺎ ﻭ ﺗﻨﻬﺪﺕ
- ﺃﻣﻲ ﻭ ﺑﺎﺑﺎ ﻣﻨﻌﺮﻓﺶ ﻋﻠﻴﻬﻢ ﻭﻳﻦ ﺭﺑﺎﺗﻨﻲ ﺃﻣﻲ ﻋﻴﺸﺔ ﻣﻠﻲ ﺃﻧﺎ ﺻﻐﻴﺮﺓ
- ﻣﻌﻨﺎﻫﺎ ﺑﻨﺖ ﺣﺮﺍﻡ
- ﺑﻨﺖ ﺣﺮﺍﻡ ﻛﺎﻥ ﻟﺘﻘﻮﻝ ﻛﻼﻡ ﻛﻴﻤﺎ ﻫﻜﺎ
ﺭﺍﻧﻴﺎ ﻋﺮﻓﺘﻬﺎ ﺑﺎﺵ ﺗﺼﻴﺮ ﻋﺮﻛﺔ ﻫﺬﺍﻛﺎ ﻋﻼﻩ ﺑﻘﺎﺕ ﺗﺨﺮﺝ ﻓﻲ ﺇﺳﻤﻬﺎﻥ ﻣﻦ ﺍﻟﺪﺍﺭ ﻭ ﺑﻌﺜﺘﻬﺎ ﻟﻤﺮﺍﺩ
- ﺑﻨﺘﻲ ﺃﺣﻜﻴﻠﻲ ﻛﻴﻔﺎﻩ ﺻﺎﺭﺕ ﺣﻜﺎﻳﺔ ﻋﺎﻳﻠﺘﻚ
- ﻋﻴﺸﻮﺷﺔ ﻗﺘﻠﻲ ﻛﻲ ﻛﻨﺖ ﺻﻐﻴﺮﺓ ﻋﺎﻳﻠﺘﻚ ﺿﻴﻌﻮﻙ ﻭ ﻟﻘﻴﺘﻚ ﻭﺣﺪﻙ ﻳﺎﺧﻲ ﺭﺑﻴﺘﻚ ﻭ ﻋﺎﻳﻠﺘﻚ ﻟﻮﺟﻮ ﻋﻠﻴﻚ ﺑﺮﺷﺎ ﺃﻣﺎ ﻣﻠﻘﻮﻛﺶ ﻭ ﺑﻌﺪﻫﺎ ﺳﺎﻓﺮﻭ
- ﺣﺘﻲ ﺃﻧﺎ ﺻﺎﺭﻟﻲ ﻫﻜﺎ ﻣﻊ ﺑﻨﺘﻲ ﺃﻣﺎ ﺍﻟﺤﻤﺪ ﻟﻠﻪ ﻟﻘﻴﺘﻬﺎ
ﺗﺒﺴﻤﺖ ﺭﻳﻤﺎ ﺗﻤﻨﺎﺕ ﻭﻗﺘﻬﺎ ﺣﺘﻲ ﻫﻲ ﺗﻠﻘﻲ ﻋﺎﻳﻠﺘﻬﺎ ﺃﻣﺎ ﺍﻟﻠﻪ ﻏﺎﻟﺐ ﺗﻮ ﺭﺑﻲ ﻳﻔﺮﺝ
ﺭﻭﺡ ﺳﻤﻴﺮ ﻣﻦ ﺍﻟﺨﺪﻣﺔ ﻭ ﻓﺮﺡ ﺑﻴﻬﺎ ﺑﺮﺷﺎ ﻛﻲ ﻟﻘﻬﺎ ﻓﻲ ﺍﻟﺪﺍﺭ ﺃﺻﻼ ﻫﻮﻣﺎ ﺣﺒﻮﻫﺎ ﻣﻦ ﺃﻭﻝ ﻣﺸﺎﻓﻮﻫﺎ ﺣﺎﺳﻴﻦ ﺯﻱ ﻳﻌﺮﻓﻮﻫﺎ ﻋﻨﺪﻫﻢ ﺑﺮﺷﺎ
- ﻣﺮﺣﺒﺎ ﺑﺒﻨﺘﻲ ﺭﻳﻤﺎ
- ﻋﺴﻼﻣﺔ ﺳﻲ ﺳﻤﻴﺮ
- ﻻ ﻋﺎﺩ ﺑﻨﺘﻲ ﻫﻜﺎ ﻣﻨﺘﻔﺎﻫﻤﻮﺵ ﻣﻦ ﺍﻟﻴﻮﻡ ﻧﺤﺒﻚ ﺗﻘﻠﻲ ﺑﺎﺑﺎ ﺳﻤﻴﺮ
- ﻫﻬﻪ ﻭ ﺃﻧﺎ ﺗﻘﻠﻲ ﺃﻣﻲ ﺭﺍﻧﻴﺎ
ﻫﻤﺎ ﻫﻜﺎﻛﺎ ﻭ ﻳﺪﺧﻞ ﺃﺣﻤﺪ
- ﻫﻬﻪ ﺭﺩ ﺑﺎﻟﻚ ﺗﻨﺴﻲ ﺧﻮﻙ
ريما ﻓﺮﺣﺘﻬﺎ ﻣﺘﺘﻮﺻﻔﺶ ﺗﻤﻨﺎﺕ ﻛﺎﻥ ﺟﺎﻭ ﻋﺎﻳﻠﺘﻬﺎ ﺑﺎﻟﺤﻖ
الحلقة 7:
ﺩﺧﻠﺖ ﺇﺳﻤﻬﺎﻥ ﻋﻠﻲ ﻣﺮﺍﺩ ﻭ ﻫﻲ ﺣﺎﻃﺔ ﻓﻲ ﻣﺨﻬﺎ ﺑﺎﺵ ﻃﻴﺤﻮ ﻭ ﺗﺨﻠﻴﻪ ﻳﺤﺒﻬﺎ ﺃﻣﺎ ﻣﻔﻴﺒﺎﻟﻬﺎﺵ ﺑﺮﻭﺣﻬﺎ ﻣﻊ ﺃﻛﺜﺮ ﺭﺍﺟﻞ ﻣﻴﺤﺒﺶ ﻟﺒﻨﺎﺕ ﺑﺎﻟﻨﺴﺒﺔ ﻟﻴﻪ ﻋﺪﺍﻳﺔ ﻭﻗﺖ ﻭ ﺑﺮﺍ
- ﺃﻫﻼ ﻣﺮﺍﺩ ﻭﻳﻨﻚ ﻣﺘﺴﺄﻟﺶ ﻋﻠﻴﻨﺎ
- ﻋﺴﻼﻣﺔ ﺇﺳﻤﻬﺎﻥ
- ﻣﺤﻼﻩ ﺇﺳﻤﻲ ﻣﻦ ﻓﻤﻚ
ﺗﺒﺴﻤﻠﻬﺎ ﺗﺒﺴﻴﻤﺔ ﺻﻔﺮﺍﺀ
- ﻣﺮﺍﺩ ﻫﻲ ﻧﺨﺮﺟﻮ ﻧﻔﻄﺮﻭ
- ﻻ ﻋﻨﺪﻱ ﺧﺪﻣﺔ
- ﺃﻣﺎﻥ ﺣﺘﻲ ﻋﻠﻲ ﺧﺎﻃﺮﻱ ﻻ
- ﺇﺳﻤﻬﺎﻥ ﺇﻣﺸﻲ ﺭﻭﺡ
ﺧﺮﺟﺖ ﺇﺳﻤﻬﺎﻥ ﻭ ﻟﻌﺼﺐ ﻳﻬﺰ ﻓﻴﻬﺎ ﻭ ﻳﺤﻂ ﺃﻭﻝ ﻣﺮﺓ ﺗﺘﺒﻬﺬﻝ ﻛﻴﻤﺎ ﻫﻜﺎ
ﻗﻌﺪ ﻣﺮﺍﺩ ﻳﺨﺪﻡ ﻭ ﻳﺨﻤﻢ ﻓﻲ ﺭﻳﻤﺎ ﻛﻴﻔﺎﻩ ﺑﺎﺵ ﻳﺘﻌﺒﻠﻬﺎ ﺣﻴﺎﺗﻬﺎ ﻻﺯﻣﻬﺎ ﺗﻄﻠﺐ ﺍﻟﺴﻤﺎﺡ ﻣﻬﻤﺎ ﻳﺼﻴﺮ
ﺗﻌﺪﺍﺕ ﻟﻴﺎﻡ ﻭ ﺭﻳﻤﺎ ﻭ ﻣﺮﺍﺩ ﻣﻴﺘﻘﺎﺑﻠﻮﺵ ﺭﻳﻤﺎ ﺗﻌﻮﺩﺕ ﺑﺮﺷﺎ ﻋﻠﻲ ﻋﺎﻳﻠﺖ ﺃﻣﻴﺮﺓ ﻭ ﻋﻤﻬﺎ ﻭﻻﺕ ﺩﻳﻤﺎ ﻣﻌﺎﻫﻢ ﻭ ﻫﻮﻣﺎ ﺯﺍﺩﺍ ﻳﺤﺒﻮﻫﺎ ﺑﺮﺷﺎ ﺧﺎﺻﺔ ﺃﺣﻤﺪ ﻳﺎﺳﺮ ﻣﺘﻔﺎﻫﻢ ﻣﻌﺎﻫﺎ
ﺧﻠﻴﻨﻲ ﻧﺬﻛﺮﻛﻢ ﺑﺎﻟﺸﺨﺼﻴات ﺑﺎﺵ ﻣﺘﻀﻴﻌﻮﺵ ﻭ ﻣﺘﺒﻘﻮﺵ ﺗﺮﺟﻌﻮ
+ ﺭﻳﻤﺎ : ﺍﻟﺒﻄﻠﺔ
+ ﻣﺮﺍﺩ : ﺍﻟﺒﻄﻞ
+ ﺃﻣﻴﺮﺓ : ﺃﺧﺖ ﻣﺮﺍﺩ ﻭ ﺻﺤﺒﺖ ﺭﻳﻤﺎ
+ ﺃﺣﻤﺪ : ﻭﻟﺪ ﻋﻢ ﺃﻣﻴﺮﺓ
+ ﺭﺍﻧﻴﺎ : ﻣﺮﺕ ﻋﻢ ﺃﻣﻴﺮﺓ
+ ﺳﻤﻴﺮ : ﻋﻢ ﺃﻣﻴﺮﺓ
+ ﻣﺤﻤﺪ : ﺑو ﺃﻣﻴﺮﺓ
+ ﺟﻤﻴﻠﺔ : ﺃﻡ ﺃﻣﻴﺮﺓ
+ ﻋﻴﺸﺔ : ﺍﻟﻤﺮﺍ ﻟﺮﺑﺎﺕ ﺭﻳﻤﺎ
+ ﺇﺳﻤﻬﺎﻥ : ﺍﻟﻄﻔﻠﺔ ﻟﻴﺠﺎﺕ لرﺍﻧﻴﺎ ﻭ ﻗﺘﻠﻬﺎ ﺃﻧﺎ ﺑﻨﺘﻚ
الحلقة 8:
ﺭﻳﻤﺎ ﺍﻟﻌﺎﻡ ﺑﺎﺵ ﻳﻜﻤﻞ ﻭ ﺇﺣﻨﺎ ﻣﺨﺮﺟﻨﺎ ﺣﺘﻲ ﻣﺮﺓ
- ﺇﻳﻪ ﻧﻌﺮﻑ ﺑﻔﻔﻒ ﻣﻼ ﻓﺪﺓ
- ﺇﺳﻤﻊ ﺳﻤﻌﺖ ﺑﺎﺵ ﻳﻌﻤﻠﻮ ﺭﺣﻠﺔ ﻟﺠﺒﻞ ﺷﻨﻮﺍ ﺭﺍﻳﻚ ﻛﺎﻥ ﻧﻤﺸﻮ ﻧﺒﺪﻟﻮ ﺟﻮ
- ﻭﺍﻟﻠﻪ ﻓﻜﺮﺓ ﺃﻣﺎ ﻋﻴﺸﻮﺷﺔ ﻛﻞ ﻣﺮﺓ ﺗﻤﺮﺽ ﺧﺎﻳﻔﺔ ﻋﻠﻴﻬﺎ ﺍﻟﺤﻖ ﻭ ﺯﻳﺪ ﻭﺣﺪﻧﺎ ﻣﺘﺨﻠﻴﻨﺎﺵ
- ﻭﺷﻜﻮﻥ ﻗﺎﻝ ﻭﺣﺪﻧﺎ ﻣﺎﻭ ﻧﻬﺰﻭ ﻣﻌﺎﻧﺎ ﻣﺮﺍﺩ ﻭ ﺃﺣﻤﺪ
- ﺯﻋﻤﺎ ﺗﺼﺪﻑ
- ﺇن شاء الله ﺗﻮ ﻧﺸﺎﻭﺭﻭ ﻭ ﻣﻨﺒﻌﺪ ﻧﺘﻔﺎﻫﻤﻮ
ﺭﻭﺣﺖ ﺭﻳﻤﺎ ﻭ ﺃﻣﻴﺮﺓ ﻭ ﺣﻜﺎﻭ ﻋﻠﻲ ﺍﻟﺮﺣﻠﺔ ﻓﻲ ﻟﻮﻝ ﻣﺤﺒﻠﻬﻤﺶ ﺃﻣﺎ ﻛﻲ ﻋﺮﻓﻮ ﻟﻤﺮﺍﺩ ﻭ ﺃﺣﻤﺪ ﻣﻌﺎﻫﻢ ﻭﺍﻓﻘﻮ
ﻏﺪﻭﻱ ﺍﻟﺮﺣﻠﺔ ﺑﺎﺵ ﻳﺒﻘﺎﻭ ﺟﻤﻌﺔ ﻓﻲ ﺍﻟﺠﺒﻞ ﻟﻜﻞ ﻳﺤﻀﺮﻭ ﻓﻲ ﺩﺑﺸﻬﻢ ﺃﺻﻼ ﺍﻟﻌﺎﻡ ﻛﻤﻞ ﻭ ﻻﺯﻡ ﻳﺘﻔﺮﻫﺪﻭ
ﺑﺪﺍﺕ ﺍﻟﻴﻮﻡ ﺍﻟﺮﺣﻠﺔ ﻭ ﺑﺪﺍﺕ ﺍﻟﻤﺸﺎﻛﻞ ﺑﻴﻦ ﺭﻳﻤﺎ ﻭ ﻣﺮﺍﺩ .
- ﺭﻳﻤﺎ ﺃﻣﺎﻥ ﺗﺒﻘﻲ ﺇﻧﺖ ﺟﻨﺐ ﻣﺮﺍﺩ ﻧﺤﺐ ﻧﺒﻘﻲ ﺟﻨﺐ ﺃﺣﻤﺪ
- ﺃﻣﺎﻥ ﺃﻣﻴﺮﺓ ﻣﺘﺤﺒﺶ ﺗﺒﻘﻲ ﻣﻌﺎﻳﺎ
- ﺃﺳﻜﺖ ﻋﻠﻴﺎ ﺗﻲ ﻓﻤﺎ ﺑﻘﻼﻭﺓ ﺻﺎﺣﺐ ﺃﺣﻤﺪ ﻻﺯﻡ ﻧﺮﻛﺤﻮ ﺧﻴﺮ ﻣﻨﺒﻘﻲ ﺑﺎﻳﺮﺓ
- ﺑﺮﻱ ﺯﻣﺮﻱ ﺩﺍﻙ ﻛﺎﻥ ﻓﻲ ﻟﻮﻻﺩ
- ﻫﻬﻬﻪ ﻣﺎﻻ ﺗﺤﺒﻴﻨﻲ ﻧﺒﻘﻲ ﺑﺎﻳﺮﺓ
ﻣﺸﺎﺕ ﺭﻳﻤﺎ ﻗﻌﺪﺕ ﺑﺠﻨﺐ ﺷﺒﺎﻙ ﻭ ﺳﻲ ﻣﺮﺍﺩ ﻻﻫﻲ ﻳﺒﺰﻧﺲ ﻓﻲ ﻟﺒﻨﺎﺕ ﺭﻛﺐ ﺃﺧﺮ ﻭﺍﺣﺪ ﻣﻠﻘﺎﺵ ﺑﻼﻳﺺ ﻛﺎﻥ ﺟﻨﺐ ﺭﻳﻤﺎ ﻓﺪ ﻭ ﺗﻨﺮﻓﺰ ﻣﻦ ﺑﻨﺎﺕ ﺭﺑﻲ ﻟﻜﻞ ﻟﺰﻭ ﺭﺑﻲ ﻛﺎﻥ ﻋﻠﻴﻬﺎ ﻫﻮﺍ ﻫﻜﺎﻛﺎ ﻭ ﻳﺸﻮﻑ ﻓﻲ ﺑﻘﻌﺔ ﺃﺧﺮﻱ ﺟﻨﺐ ﻃﻔﻞ ﻣﺎﺳﻂ ﻻﺳﻂ ﻗﺎﻝ ﻧﻤﺸﻲ ﻧﻘﻌﺪ ﺟﻨﺒﻮ ﺧﻴﺮ ﻣﻦ ﺭﻳﻤﺎ
ﻣﺸﺎ ﻗﻌﺪ ﺟﻨﺒﻮ ﻭ ﺍﻟﻄﻔﻞ ﺷﺎﺩ ﻓﻴﻪ ﻭ ﻳﺤﻜﻲ ﻣﻌﺎﻩ ﺍﻟﻨﻔﺲ ﻻ ﺟﺎﺏ ﺭﺑﻲ ﺍﻟﺮﺣﻠﺔ ﻣﺎﺯﺍﻝ ﻣﺒﺪﺍﺗﺶ ﻭﻻ ﺭﺍﻭ ﻣﺎﺕ ﻫﻮ ﺟﺎﺀ ﺑﺎﺵ ﻳﺤﻮﻝ ﺟﻨﺐ ﺭﻳﻤﺎ ﻭ ﻳﺸﻮﻑ ﻛﺎﻥ ﻓﻲ ﻭﺍﺣﺪ ﻣﺤﻼﻩ ﻗﻌﺪ ﻣﻌﺎﻫﺎ ﺷﺎﻓﻬﺎ ﻛﻴﻒ ﺗﺤﻜﻲ ﻣﻌﺎﻩ ﺑﺈﺣﺘﺮﺍﻡ ﻗﺎﻝ ﺃﻛﻴﺪ ﻫﺬﺍ ﻫﻮ ﺍﻟﺒﺮﻭﻑ ﻟﺤﻜﺎﺕ ﻋﻠﻴﻪ ﺃﻣﻴﺮﺓ ﻳﺤﺐ ﺭﻳﻤﺎ ﺧﺎﺗﺮ ﻛﺎﻥ ﺟﺎﺀ ﻃﻔﻞ ﺃﺧﺮ ﺭﺍﻫﻲ ﻃﻮﻟﺖ ﻟﺴﺎﻧﻬﺎ ﻣﻌﺎﻩ .
ﻣﺮﺍﺩ ﺳﻜﺮ ﻟﻄﻔﻞ ﻓﻤﻮ ﺑﺎﻟﺴﻴﻒ ﻭ ﺛﻨﻴﺔ ﻛﺎﻣﻠﺔ ﻳﻐﺰﺭ ﻟﺮﻳﻤﺎ ﻛﻴﻔﺎﻩ ﺗﻀﺤﻚ ﻭ ﺍﻟﺒﺮﻭﻑ ﻣﺮﻛﺰ ﻣﻌﺎﻫﺎ ﻣﻴﻌﺮﺵ ﻋﻼﻩ ﻓﺪ ﺃﻣﺎ ﻻﺯﻡ ﻳﻜﻠﻔﻬﺎﻟﻬﺎ ﻏﺎﻟﻴﺔ ﺃﺻﻼ ﻫﻲ ﻟﺘﻮ ﻣﻄﻠﺒﺘﺶ ﻣﻨﻮ ﺍﻟﺴﻤﺎﺡ . ﻣﻬﻮﺵ ﻣﺮﺍﺩ ﻛﺎﻥ ﻣﻴﻜﻠﻔﻬﺎﻟﻬﺎﺵ ﻏﺎﻟﻴﺔ ﻭ ﻳﺨﻠﻴﻬﺎ ﺗﻄﻠﺐ ﺍﻟﺴﻤﺎﺡ ﻗﺪﺍﻡ ﻓﺎﻙ ﻛﺎﻣﻠﺔ ﻻﺯﻡ ﻳﻌﺬﺑﻬﺎ ﻭ ﻳﻤﺮﻣﺪﻫﺎ ﻫﻮ ﻟﻄﻮﻝ ﻋﻤﺮﻭ ﻟﺒﻨﺎﺕ ﺗﻌﻤﻠﻮ ﺣﺴﺎﺏ ﺗﺠﻴﻪ ﻓﺮﺧﺔ ﺗﻐﻠﻂ ﻣﻌﺎﻩ ﻭ ﻣﺘﻄﻠﺒﺶ ﺍﻟﺴﻤﺎﺡ . ﺭﻳﻤﺎ ﺗﻠﻌﺐ ﻣﻊ ﺃﻳﻤﻦ ﻟﻤﻴﻌﺮﺵ ﻳﺮﺣﻢ ﻟﺒﻨﺎﺕ ﺧﺎﺗﺮﻫﻢ ﺑﺎﻟﻨﺴﺒﺔ ﻟﻴﻪ ﻋﺪﺍﻳﺔ ﻭﻗﺖ ﻭ ﻟﻮﺡ
الحلقة 9:
ﻭﺻﻠﻮ ﻟﺒﻼﺻﺔ ﺧﻀﺮﺍﺀ ﺍﻟﺸﺠﺮ ﻋﺎﻟﻲ ﻭ ﺍﻟﺴﻤﺎﺀ ﺻﺎﻓﻴﺔ ﺑﻼﺻﺔ ﺗﻬﺒﻞ ﻧﺼﺒﻮ ﺍﻟﺨﻴﻤﺎﺕ ﻣﺘﺎﻋﻬﻢ ﻭ ﺑﺪﺍﻭ ﻓﻲ ﺗﺤﻀﻴﺮ ﻟﻌﺸﺎﺀ . ﺭﻳﻤﺎ ﺗﻌﺒﺖ ﺷﻮﻱ ﻣﺨﺮﺟﺘﺶ ﺑﻘﺎﺕ ﻓﻲ ﺍﻟﺨﻴﻤﺔ ﺗﺮﺗﺎﺡ ﻫﺰﻟﻬﺎ ﻣﺮﺍﺩ ﻟﻌﺸﺎﺀ
- ﻗﻮﻡ
- ﻧﻌﻢ ﻣﺮﺍﺩ
- ﺧﻮﺫ ﻫﺎﻭ ﺟﺒﺘﻠﻚ ﻋﺸﺎﻙ
ﻫﻲ ﻣﺪﺕ ﻳﺪﻫﺎ ﻭ ﻫﻮ ﻗﻠﺒﻮ
- ﻫﻬﻪ ﻣﻼ ﻣﻬﺒﻮﻟﺔ ﻳﺎﺧﻲ ﺗﺴﺘﺨﺎﻳﻠﻨﻲ ﺑﺎﺵ ﻧﺠﻴﺒﻠﻚ ﺗﺎﻛﻞ ﺑﺎﻟﺤﻖ ﻫﻬﻪ ﻻ ﺇﻧﺖ ﺑﺎﻟﺮﺳﻤﻲ ﺑﻮﻫﺎﻟﻴﺔ ﺍﻟﺤﺮﺏ ﻣﻌﺎﻙ ﻣﺎﺯﺍﻟﺖ ﻣﺘﻮﺍﺻﻠﺔ ﻭ ﻟﻴﺎﻡ ﺑﻴﻨﺎﺗﻨﺎ
ﺧﺮﺝ ﻭ ﺧﻼﻫﺎ ﻣﺼﺪﻭﻣﺔ ﻣﻮﻗﺤﻮ ﺍﻟﺤﺎﺻﻴﻠﻮ ﻻﺯﻡ ﺗﺮﺟﻌﻬﺎﻟﻮ
ﺟﺎﺀ ﺍﻟﺼﺒﺎﺡ ﻭ ﻟﻴﻮﻡ ﺩﻭﺭ ﺭﻳﻤﺎ ﺑﺎﺵ ﺗﺮﺟﻊ ﻓﺎﺯﺗﻬﺎ ﺃﻭﻝ ﺣﺎﺟﺔ ﻋﻤﻠﺘﻬﺎ ﻣﺴﺨﺘﻠﻮ ﺩﺑﺸﻮ ﺇﻟﻲ ﻓﻲ ﺍﻟﻔﺎﻟﻴﺰ ﻟﻜﻞ ﺭﻣﺎﺕ ﻋﻠﻴﻪ ﺍﻟﺘﺮﺍﺏ ﺍﻟﻤﺒﻠﻮﻝ
- ﺃﻣﻴﺮﺓ ﺃﻣﻴﺮﺓ
- ﻭﻱ ﻣﺮﺍﺩ
- ﺷﺒﻴﻪ ﺩﺑﺸﻲ ﻫﻜﺎ ﺷﻜﻮﻥ ﻟﻤﺴﻮ
- ﻭﻩ ﻣﺮﺍﺩ ﺷﻜﻮﻥ ﺑﺎﺵ ﻳﻠﻤﺴﻮ ﻏﻴﺮﻙ
ﻫﻮ ﻫﻜﺎﻛﺔ ﻭ ﻳﺸﻮﻑ ﻓﻲ ﺭﻳﻤﺎ ﺗﺘﺒﺴﻢ ﻭﺣﺪﻫﺎ ﻋﺮﻓﻬﺎ ﻫﻲ
' ﺑﺎﻫﻲ ﻳﺎ ﺭﻳﻤﺎ ﺗﻮ ﺗﺸﻮﻑ ﻟﻤﺎ ﻧﺨﻠﻴﻚ ﺗﻐﺴﻠﻬﻢ ﻗﻄﻌﺔ ﻗﻄﻌﺔ ﻛﻴﻤﺎ ﻣﺴﺨﺘﻬﻢ '
ﻛﻤﻠﻮ ﻓﻄﺮﻭ ﻟﻜﻞ ﻭ ﺗﻮ ﻻﺯﻡ ﻳﻌﻤﻠﻮ ﺃﻭﻝ ﺭﺣﻠﺔ ﺇﺳﺘﻜﺸﺎﻑ ﺧﺮﺟﻮ ﻟﻜﻞ ﻭ ﺑﺪﺍﻭ ﻓﻲ ﺍﻻﺳﺘﻜﺸﺎﻑ ﺃﻣﻴﺮﺓ ﻭ ﺃﺣﻤﺪ ﻭ ﺭﻳﻤﺎ ﻭ ﻣﺮﺍﺩ ﻳﻤﺸﻮ ﺃﺧﺮ ﻭﺣﻴﺪﻳﻦ ﻫﻤﺎ ﻫﻜﺎﻛﺎ ﻭ ﺗﻤﺸﻲ ﺃﻣﻴﺮﺓ ﺗﺠﺮﻱ ﺷﺎﻓﺖ ﻭﺭﺩﺓ ﺣﻠﻮﺓ ﻣﺸﺎﻟﻬﺎ ﺃﺣﻤﺪ ﺑﻘﻲ ﻳﻀﺤﻚ ﻋﻠﻴﻬﺎ ﻭ ﻋﻠﻲ ﺻﻐﺮ ﻣﺨﻬﺎ ﻓﻲ ﺍﻟﻮﻗﺖ ﻫﺬﺍﻛﺎ ﺇﺳﺘﻐﻞ ﻣﺮﺍﺩ ﺍﻟﻔﺮﺻﺔ ﻭ ﺳﻜﺮ ﻓﻢ ﺭﻳﻤﺎ ﻭ ﺣﻤﻠﻬﺎ ﻭ ﺭﻭﺡ ﺑﻴﻬﺎ ﻭ ﻫﻲ ﺗﻔﺎﺭﻉ ﻓﻴﻪ ﻭ ﺃﻓﻜﺎﺭ ﺍﻻﻧﺤﺮﺍﻑ ﻟﻜﻞ ﻓﻲ ﺭﺍﺳﻬﺎ ﻭﺻﻠﻬﺎ ﻟﻠﺨﻴﻤﺔ ﻭ ﺑﺪﺍﺕ ﺗﺒﻜﻲ ﻭ ﺗﻤﺜﻞ ﺩﻭﺭ ﺍﻟﻀﺤﻴﺔ ﻭ ﻫﻮ ﺑﺎﺵ ﻳﻐﺘﺼﺒﻬﺎ
' ﻧﺎﺭﻙ ﻋﻠﻲ ﺭﻭﺣﻚ ﻳﺎ ﺭﻳﻤﺎ ﻋﻘﺎﺏ ﻋﻤﺮﻙ ﺑﺎﺵ ﻳﻐﻄﺼﺒﻚ ﻭﺍﺣﺪ ﻓﻲ ﺧﻴﻤﺔ ﺣﺘﻲ ﻛﺎﻥ ﺟﺎﺕ ﺑﻼﺻﺔ ﺑﺎﻫﻴﺔ ﺃﻩ ﻭ ﺑﺎﺵ ﻳﻘﺘﻠﻨﻲ ﻭ ﻳﺤﻄﻨﻲ ﻃﺮﻭﻑ ﻃﺮﻭﻑ ﻓﻲ ﺳﺎﺷﻴﺎﺕ ﻭ ﻳﻌﻠﻘﻨﻲ ﻓﻲ ﺍﻟﺸﺠﺮ ﻭ ﻧﻮﻟﻲ ﺭﻭﺡ ﺷﺮﻳﺮﺓ ﻭ ﻧﻨﺘﻘﻢ ﻣﻦ ﺇﻟﻲ ﻳﺠﺎﻭ ﻫﻮﻧﻲ ﻟﻜﻞ ... ' ﻫﻲ ﻣﺎﺯﺍﻝ ﺗﺤﻜﻲ ﻭ ﻣﺮﺍﺩ ﺳﻜﺮﻟﻬﺎ ﻓﻤﻬﺎ ﻣﺼﺪﻭﻡ ﻓﻴﻬﺎ ﻣﻼ ﻛﺎﺭﺛﺔ ﺗﺎﻉ ﻛﻼﻡ ﺗﻲ ﻫﺎﻭ ﺗﺠﻲ ﻣﺨﺮﺟﺔ ﺗﺎﻉ ﺃﻓﻼﻡ
ﺑﻔﻒ ﺗﻲ ﺳﻜﺮ ﺩ ... ﻓﻤﻚ ﻳﺎﺧﻲ ﺷﺒﻲ ﺑﻼﻙ ﺗﺤﻜﻲ ﻳﺎﺳﺮ
- ﻧﻘﻮﻝ ﻓﻲ ﺍﻟﺤﻖ
- ﺑﺮﺑﻲ ﺗﻮ ﺃﻧﺎ ﻣﻠﻘﻴﺖ ﺷﻜﻮﻥ ﻧﻐﺘﺼﺐ ﻛﺎﻥ ﻭﺣﺪﺓ ﻛﻴﻔﻚ ﺍﻣﺎ ﻭﺍﻟﻠﻪ ﻓﻜﺮﺓ ﻋﻼﺵ ﻻ
ﻫﻮ ﻳﻘﺮﺏ ﻭ ﻫﻲ ﺗﺒﻌﺪ ﻟﻴﻦ ﻟﺼﻘﻬﺎ ﻟﺸﺠﺮﺓ
- ﺇﺑﻌﺪ ﻋﻠﻴﺎ
- ﺇﻧﺖ ﻣﺴﺨﺘﻠﻲ ﺩﺑﺸﻲ
- ﺃﻧﺎ ﻻ ﻻ
- ﺑﺮﺍ ﺍﻏﺴﻠﻬﻢ
- ﺗﺤﻠﻢ ﻫﺬﺍﻛﺎ ﻟﻴﻤﺎﺯﺍﻝ ﺑﺎﻟﻚ ﺭﺍﻧﻲ ﺟﺒﺘﻚ ﻭ ﻫﻤﻠﺘﻚ
- ﻭﺍﻟﻠﻪ ﻛﺎﻥ ﻣﺘﻐﺴﻠﻬﻤﺶ ﻟﻤﺎ ﻧﻐﻄﺼﺒﻚ ﻫﻮﻧﻲ ﺗﻮ ﻭ ﻧﻘﺘﻠﻚ
- ﺑﻔﻔﻒ ﻓﻚ ﻋﻠﻴﺎ ﺧﺮﺍﺀ ﻫﺬﺍ
ﺑﺪﺍﺕ ﺭﻳﻤﺎ ﺗﻐﺴﻞ ﻭ ﻫﻮ ﻳﻀﺤﻚ ﻛﻴﻔﺎﻩ ﻣﻨﺮﻓﺰﺓ ﻭ ﻃﺎﻳﺮﺗﻠﻬﺎ ﻭ ﺗﻌﻴﻂ ﻣﻦ ﺍﻟﻐﺰﻭﻝ
ﻛﻤﻠﺖ ﺭﻳﻤﺎ ﻏﺴﻠﺖ ﻛﻞ ﺷﻲ ﻭ ﻗﻌﺪﺕ ﺑﺎﺵ ﺗﺮﺗﺎﺡ ﺃﺻﻼ ﺍﻟﺪﻧﻴﺎ ﻣﻐﺮﺏ ﻭ ﺍﻟﺠﻤﺎﻋﺔ ﻗﺮﻳﺐ ﻳﺮﻭﺣﻮ ﻫﻲ ﻫﻜﺎﻛة ﻭ ﺗﺴﻤﻊ ﻓﻲ ﺻﻮﺕ ﺫﻳﺐ ﺧﺮﺟﺖ ﺗﺸﻮﻑ ﻓﻲ ﻣﺮﺍﺩ ﻗﺎﻋﺪ ﻳﺘﻜﻴﻒ ﻣﺸﺎﺕ ﺗﺠﺮﻱ ﺣﻤﻼﺗﻮ ﻭ ﺑﺪﺍﺕ ﺗﺒﻜﻲ
- ﻧﺴﻤﻊ ﻓﻲ ﺻﻮﺕ ﺫﻳﺐ ﺃﻛﻴﺪ ﺑﺎﺵ ﻳﺠﻲ ﻳﻘﺘﻠﻨﺎ ﻭ ﻳﻨﺎﺩﻱ لصحاﺑﻮ ﻳﺎﻛﻠﻮﻧﺎ ﻣﻌﺎﻩ
- ﻛﺎﻥ ﻓﻤﺎ ﺫﻳﺐ ﺭﺍﻭ ﺇﻧﺖ ﺍﺑﻌﺪ ﻋﻠﻴﺎ
ﺩﺯﻫﺎ ﻭ ﻣﺸﺎ ﻳﺸﻌﻞ ﻓﻲ ﺍﻟﻨﺎﺭ ﺑﺎﺵ ﻣﻴﻘﺮﺑﻬﻤﺶ ﻭ ﻫﻲ ﺗﺒﻊ ﻓﻴﻪ ﻟﻴﻦ ﻓﺪﺩﺍﺗﻮ ﻭﻳﻦ ﻳﺪﻭﺭ ﻳﻠﻘﺎﻫﺎ ﻓﻲ ﻭﺟﻬﻮ
- ﺑﺮﺍﺱ ﺃﻣﻚ ﺃﺑﻌﺪﻧﻲ
ﺭﻳﻤﺎ ﺗﺬﻛﺮﺕ ﺃﻣﻬﺎ ﺇﻟﻲ ﺿﺎﻳﻌﺔ ﺗﻤﻨﺎﺕ ﻛﺎﻥ ﺟﺎﺕ ﺗﻨﺠﻢ ﻫﻲ ﺯﺍﺩﺍ ﺗﺤﻠﻒ ﺑﻴﻬﺎ ﺗﻨﻬﺪﺕ ﻭ ﻗﺎﻟﺖ ﺑﺎﻫﻲ
ﺑﻘﺎﺕ ﺭﻳﻤﺎ ﺷﺎﺩﺓ ﺳﻠﺴﻠﺘﻬﺎ ﺍﻟﺤﺎﺟﺔ ﺍﻟﻮﺣﻴﺪﺓ ﻟﺒﻘﺎﺗﻠﻬﺎ ﻣﻦ ﻋﺎﻳﻠﺘﻬﺎ ﻭ ﻣﻬﻤﻮﻣﺔ ﻫﻲ ﻫﻜﺎﻛﺎ ﻭ ﺗﺴﻤﻊ ﻓﻲ ﺻﻮﺕ ﺍﻟﺠﻤﺎﻋﺔ ﻣﺮﻭﺣﻴﻦ ﺧﺒﺎﺕ ﺳﻠﺴﻠﺘﻬﺎ ﻭ ﻣﺸﺎﺗﻠﻬﻢ ﺗﺠﺮﻱ
الحلقة 10:
- ﺭﻳﻤﺎ ﻭﻳﻨﻚ ﻳﺎﺧﻲ ﺷﺒﻴﻚ ﺇﻧﺖ ﻭ ﻣﺮﺍﺩ ﺭﻭﺣﺘﻮ
- ﺃﻩ ﻻ ﻣﺸﻴﻨﺎ ﺗﻲ ﻻ ﻗﺼﺪﻱ ﺿﻴﻌﻨﺎ ﺍﻟﻄﺮﻳﻖ
- ﻛﻴﻔﺎﻩ ﺿﻴﻌﺘﻮﻩ ﻭ ﺃﻧﺘﻢ ﺗﻤﺸﻮ ﻣﻌﺎﻧﺎ
- ﺗﻲ ﺿﻴﻌﻨﺎﻫﺎ ﻭ ﻛﻬﻮ ﻟﻤﻮﻫﻢ ﻋﻤﻠﺘﻮ ﺟﻮ
- ﺇﻳﻪ ﻭﺍﻟﻠﻪ ﻣﻮﺵ ﻛﺎﻥ ﻭ ﺯﻳﺪ ﺍﻟﺒﺮﻭﻑ ﺳﺄﻝ ﻋﻠﻴﻚ ﺑﺮﺷﺎ
ﻣﺮﺍﺩ ﻳﺴﻤﻊ ﻓﻲ ﺍﻟﺤﺪﻳﺚ ﻭ ﻓﺎﺩ
- ﻫﻬﻪ ﺑﺎﻫﻲ
ﻣﺸﺎﻭ ﺗﻌﺸﺎﻭ ﻭ ﻋﺎﻣﻠﻴﻦ ﺟﻮ ﻛﺎﻥ ﻣﺮﺍﺩ ﻳﺎﻛﻞ ﻓﻲ ﺭﻭﺣﻮ ﻣﺎﻛﻠﺔ ﻣﻴﻌﺮﺵ ﻋﻼﻩ ﻳﻤﻜﻦ ﺧﺎﺗﺮ ﻟﺘﻮ ﻣﻄﻠﺒﺘﺶ ﺍﻟﺴﻤﺎﺡ ﻭﻳﻤﻜﻦ ﺧﺎﺗﺮ ﻛﻲ ﻛﺎﻧﺖ ﻭﺣﺪﻫﺎ ﺧﺎﻳﻔﺔ ﺑﻘﺎﺕ بجنبو ﻋﻠﻲ ﻣﺼﻠﺤﺘﻬﺎ ﺑﺎﺵ ﻣﻴﺼﻴﺮﻟﻬﺎ ﺷﻲ ﻭ ﺗﻮ ﻃﻔﺎﺗﻮ ﻭ ﺗﻀﺤﻚ ﻣﻊ ﺍﻟﺒﺮﻭﻑ
ﺍﻟﺪﻧﻴﺎ ﻣﺎﺯﺍﻟﺖ ﺻﺒﺎﺡ ﻭ ﻳﺴﻤﻌﻮ ﻓﻲ ﺣﺲ ﻛﺮﻫﺒﺔ ﺑﻘﺎﻭ ﻟﻜﻞ ﺣﺎﻳﺮﻳﻦ ﺷﻜﻮﻥ ﻣﻤﻜﻦ ﺗﻜﻮﻥ ﻫﺎﻟﻜﺮﻫﺒﺔ ﻟﺠﺎﺕ . ﺷﻜﻮﻥ ﻏﻴﺮﻫﺎ ﺑﺎﺵ ﺗﺠﻲ ﻭ ﻫﻲ ﻃﺎﻳﺮﺗﻠﻬﺎ ﻛﻴﻒ ﻣﺸﺎﻭ ﻭ ﺧﻠﻮﻫﺎ ﻭ ﻫﻲ ﻗﺎﺗﻠﻬﻢ ﻧﺤﺐ ﻧﻤﺸﻲ ﻣﻌﺎﻛﻢ ﻛﺎﻥ ﺇﺳﻤﻬﺎﻥ . ﻣﻠﻲ ﺟﺎﺕ ﻭ ﻫﻲ ﺗﺤﻤﻞ ﻭ ﺗﺒﻮﺱ ﻓﻲ ﻣﺮﺍﺩ ﻫﺎﻭ ﺗﻮﺣﺸﺘﻚ ﻭ ﻫﺎﻭ ﻣﺨﻴﺐ ﻓﺮﺍﻗﻚ ﺷﺒﻴﻚ ﻣﻘﺘﻠﻴﺶ ﺑﺎﺵ ﻧﺠﻲ ﻣﻌﺎﻙ ﺃﻣﺎ ﺍﻟﺤﻤﺪ ﻟﻠﻪ ﻣﻔﺎﺗﻨﻲ ﺷﻲ
ﺇﺳﻤﻬﺎﻥ ﺗﻜﺮﻩ ﺭﻳﻤﺎ ﺑﺮﺷﺎ ﺧﺎﺗﺮﻫﺎ ﺃﺯﻳﻦ ﻣﻨﻬﺎ ﻭ ﺯﻳﺪ ﺳﻤﻌﺖ ﺑﻴﻬﺎ ﺑﻘﺎﺕ ﻧﻬﺎﺭ ﻛﺎﻣﻞ ﻣﻊ ﺃﻳﻤﻦ ﻭﻻﺕ ﺗﺨﻤﻢ ﻛﻴﻔﺎﻩ ﺗﻘﻀﻲ ﻋﻠﻴﻬﺎ
- ﺷﻨﻮﺍ ﺗﻜﺮﻫﺎ
- ﻋﻠﻲ ﺷﻜﻮﻥ ﺗﺤﻜﻲ
- ﺭﻳﻤﺎ
- ﺃﻩ ﻻ ﻣﻔﻤﺎﺵ ﻋﻼﻩ
- ﺣﺘﻲ ﺃﻧﺎ ﻧﻜﺮﻫﺎ
- ﻣﻼ ﻓﺮﺧﺔ ﺑﻔﻒ ﻣﻤﺴﻄﻬﺎ
- ﻫﻬﻬﻪ ﺗﻮ ﻭﻟﻴﺖ ﺗﻜﺮﻫﺎ
- ﻫﻬﻬﻪ ﻭﻱ
- ﺷﻨﻮﺍ ﺭﺍﻳﻚ ﻛﺎﻥ ﻧﻌﻤﻠﻮ ﻓﻴﻬﺎ ﻟﻤﻴﺘﻌﻤﻠﺶ
- ﻫﻬﻪ ﺗﻬﻨﻲ ﺃﻧﺎ ﻣﺨﻄﻂ ﻫﻜﺎ ﻣﻦ ﻗﺒﻞ ﻣﺘﻘﻠﻲ
ﺑﺪﺍ ﻣﺮﺍﺩ ﻭ ﺇﺳﻤﻬﺎﻥ ﻳﺨﻄﻄﻮ ﺷﻴﻌﻤﻠﻮﻟﻬﺎ
ﻓﺎﻗﺖ ﺭﻳﻤﺎ ﺍﻟﺼﺒﺎﺡ ﺗﺤﺐ ﺗﻌﺪﻱ ﻧﻬﺎﺭ ﻛﺎﻣﻞ ﺭﺍﻳﻀﺔ ﻫﻲ ﺧﺮﺟﺖ ﻣﻦ ﺍﻟﺨﻴﻤﺔ ﻭ ﺗﻠﻘﻲ ﺍﻟﺠﻤﺎﻋﺔ ﻟﻜﻞ ﻳﻀﺤﻜﻮ ﻋﻠﻴﻬﺎ ﺇﺳﺘﻐﺮﺑﺖ ﻣﻦ ﻟﺤﻜﺎﻳﺔ ﺃﻣﺎ ﻣﻌﺪﻟﺘﺶ ﻟﻴﻦ ﺟﺎﺗﻬﺎ ﺃﻣﻴﺮﺓ ﺗﻀﺤﻚ
- ﻫﻬﻪ ﺭﻳﻤﺎ ﻳﺎﺧﻲ ﺷﺒﻴﻚ ﻣﺒﺎﺭﺡ ﻫﻬﻪ
- ﺷﺒﻴﻨﻲ
- ﻋﺎﻣﻠﺔ 2 piece ﻋﻠﻲ ﻋﻴﻨﻴﻚ ﻭ ﻫﻬﻬﻪ
- ﻭ ﺷﻨﻮﺍ ﺗﻜﻠﻢ
- ﻭ ﺗﻐﻨﻲ ﻓﻲ ﺃﻧﺎ ﺍﻟﺒﻨﺪﻭﺭﺓ ﺍﻟﺤﻤﺮﺍﺀ ﻫﻬﻬﻪ
- ﺃﻧﺎ ﻭﻗﺘﺎﻩ
- ﻣﺒﺎﺭﺡ ﺧﻮﺫ ﺷﻮﻑ ﺍﻟﻔﻴﺪﻳﻮ
ﺑﻘﺎﺕ ﺭﻳﻤﺎ ﺗﺸﻮﻑ ﻓﻲ ﺍﻟﻔﻴﺪﻳﻮ ﻭ ﻣﺼﺪﻭﻣﺔ
- ﺭﻳﻤﺎ ﺷﻨﻮﺍ ﺍﻟﻔﻴﺪﻳﻮ ﻳﺎﺧﻲ ﺷﻨﻮﺍ ﺣﻜﺎﻳﺘﻮ
- ﻭﺍﻟﻠﻪ ﻳﺎ ﺃﺣﻤﺪ ﻟﻨﻌﺮﻑ ﺃﺻﻼ ﺃﻧﺎ ﻛﻲ ﻧﺮﻗﺪ ﻣﻨﺤﻜﻴﺶ ﻭﺣﺪﻱ
- ﺑﺎﻫﻲ ﺭﻳﻤﺎ ﺗﻮ ﻧﺘﺼﺮﻑ
ﺃﺣﻤﺪ ﺧﺬﺍ ﺍﻟﺘﻠﻔﻮﻧﺎﺕ ﻟﻜﻞ ﻭ ﻓﺴﺦ ﺍﻟﻔﻴﺪﻳﻮ ﺣﺘﻲ ﻣﻦ ﻋﻨﺪ ﻣﺮﺍﺩ ﻭ ﺇﺳﻤﻬﺎﻥ
- ﺭﻳﻤﺎ ﻫﻮﻛﺎ ﺳﺎﻳﺎ ﻓﺴﺨﺘﻮ ﻋﻴﺸﻚ ﻣﺘﺒﻜﻴﺶ ﺃﻧﺴﻲ ﻟﺤﻜﺎﻳﺔ
ﺑﻘﺎﺕ ﺭﻳﻤﺎ ﺗﺒﻜﻲ ﻓﻲ ﺣﻀﻦ ﺃﺣﻤﺪ ﺧﺎﺗﺮ ﺍﻟﻮﺣﻴﺪ ﻟﺤﺲ ﺑﻴﻬﺎ ﻭ ﻓﻬﻤﻬﺎ ﺣﺘﻲ ﺃﻣﻴﺮﺓ ﺿﺤﻜﺖ ﻋﻠﻴﻬﺎ
- ﻋﻴﺶ ﺃﺧﺘﻲ ﻣﺘﺒﻜﻴﺶ ﻭ ﺗﻬﻨﻲ ﻣﺪﺍﻣﻨﻲ ﻣﻌﺎﻙ ﻣﻴﺼﻴﺮﻟﻚ ﺷﻲ
- ﺃﺣﻤﺪ ﻭ ﺍﻟﻠﻪ ﻣﺰﻳﺘﻚ ﻻ ﻧﻨﺴﺎﻫﺎ ﺇﻧﺖ ﺧﻮﻳﺎ ﻟﻴﻮﻡ ﻭ ﻏﺪﻭﻱ
ﺟﺎﺀ ﺃﻳﻤﻦ ﺍﻟﺒﺮﻭﻑ ﻭ ﺣﻜﺎ ﻣﻌﺎﻫﺎ
- ﺭﻳﻤﺎ ﻣﺘﺤﻂ ﺷﻲ ﻓﻲ ﺑﺎﻟﻚ ﻭ ﺃﻧﺴﻲ ﻟﺤﻜﺎﻳﺔ
- ﺇن ﺸﺎﺀ ﺍﻟﻠﻪ ﻣﻴﺴﻴﻮ
ﺃﻣﻴﺮﺓ ﺣﺴﺖ ﺭﻭﺣﻬﺎ ﻛﺜﺮﺗﻠﻬﺎ ﻛﻲ ﺿﺤﻜﺖ ﻋﻠﻴﻬﺎ ﻃﻠﺒﺖ ﻣﻨﻬﺎ ﺍﻟﺴﻤﺎﺡ ﻭ ﺭﺟﻌﻮ ﺯﻱ ﻣﺼﺎﺭ ﺷﻲ .
ﺭﻳﻤﺎ ﻛﺎﻧﺖ ﺗﻌﺮﻑ ﻣﺮﺍﺩ ﻋﻨﺪﻭ ﺩﺧﻞ ﻓﻲ ﻟﺤﻜﺎﻳﺔ ﺃﻣﺎ ﻣﺤﺒﺘﺶ ﺗﺮﺟﻌﻬﺎﻟﻮ ﺧﺎﺗﺮ ﻭﻻﺕ ﺗﻌﺮﻑ ﻣﻠﻴﺢ ﺇﻟﻲ ﻫﻮ ﻣﻮﺵ ﺳﺎﻫﻞ ﻻﺯﻡ ﺗﺘﺠﻨﺒﻮ ﺃﻛﺜﺮ ﻣﺎ ﻳﻤﻜﻦ
ﻣﺮﺍﺩ ﻭ ﺇﺳﻤﻬﺎﻥ ﺿﺤﻜﻮ ﻋﻠﻴﻬﺎ ﻟﻴﻦ ﺷﺒﻌﻮ ﻭ ﻓﺮﺣﻮ ﺑﺮﺷﺎ ﺇﻟﻲ ﺧﻄﺘﻬﻢ ﻧﺠﺤﺖ
الحلقة 11:
ﻛﻞ ﻳﻮﻡ ﻣﺮﺍﺩ ﻭ ﺇﺳﻤﻬﺎﻥ ﻳﻌﻤﻠﻮ ﺣﺎﺟﺔ ﻟﺮﻳﻤﺎ ﺃﻣﺎ ﻫﻲ ﻃﻔﺘﻬﻢ ﻭ ﻣﻌﺒﺮﺗﻬﻤﺶ ﻟﻴﻮﻡ ﺃﺧﺮ ﻧﻬﺎﺭ ﻭ ﻛﻞ ﻭﺍﺣﺪ ﻳﺤﻀﺮ ﻓﻲ ﺩﺑﺸﻮ ﻗﻌﺪ ﻣﺮﺍﺩ ﻳﺨﻤﻢ ﺷﻨﻮﺍ ﺑﺎﺵ ﻳﻌﻤﻠﻠﻬﺎ ﻗﺒﻞ ﻣﺘﺮﻭﺡ ﻻﺯﻡ ﺣﺎﺟﺔ ﺗﻮﺟﻊ ﻣﺸﺎ ﺣﻀﺮ ﻛﻞ ﺷﻲ ﻭ ﺑﺪﺍ ﻳﺤﻜﻲ ﻭ ﻳﺴﻤﻊ ﻓﻴﻬﺎ ' ﺭﻳﻤﺎ ﺩﻳﻤﺎ ﺗﻤﺸﻲ ﺑﺎﻟﻤﻌﻮﺝ ﻛﻴﻤﺎ ﺭﺑﺎﻳﺘﻬﺎ ﻣﺘﻌﺮﻓﺶ ﺗﻤﺸﻲ ﻛﻴﻤﺎ ﺍﻟﻨﺎﺱ ﻣﺮﻳﻘﻠﺔ '
ﺭﻳﻤﺎ ﺗﺴﻤﻊ ﻓﻴﻪ ﻭ ﻛﻞ ﻛﻠﻤﺔ ﻳﻘﻮﻟﻬﺎ ﺗﻮﺟﻌﻬﺎ . ﺑﻘﺎﺕ ﺭﻳﻤﺎ ﺗﻠﻮﺝ ﻋﻠﻲ ﺻﺒﺎﻃﻬﺎ ﻣﻠﻘﺎﺗﻮﺵ ﻟﻴﻦ ﺗﺸﻮﻑ ﻓﻲ ﺇﺳﻤﻬﺎﻥ ﺷﺎﺩﺗﻮ ﻭ ﺗﻘﻮﻟﻬﺎ ﻫﺬﺍ ﻫﻮ ﺇﻟﻲ ﺗﻠﻮﺝ ﻋﻠﻴﻪ ﺷﻮ ﻋﺎﺩ ﻫﺎﻛﺎ ﺍﻟﺼﺒﺎﻁ ﻓﻘﺮﺍﺀ ﻣﺸﺎﺕ ﺭﻳﻤﺎ ﺑﺎﺵ ﺗﻤﺸﻲ ﺗﻠﺒﺴﻮ ﻭ ﺗﺮﻭﺡ ﻟﻘﺎﺕ ﻗﺪﺍﻣﻬﺎ ﺑﺮﺷﺎ ﺑﻼﺭ ﻣﻜﺴﺮ ﻫﺰﺕ ﺭﺍﺳﻬﺎ ﺗﺸﻮﻑ ﻓﻲ ﻣﺮﺍﺩ ﻳﻀﺤﻚ ﻓﻬﻤﺖ ﻋﻼﻩ ﻗﻠﻬﺎ ﻣﺘﻤﺸﻴﺶ ﻛﻴﻤﺎ ﺍﻟﻨﺎﺱ ﻣﺴﺘﻘﻴﻤﺔ . ﻛﺒﺴﺖ ﻋﻠﻲ ﺭﻭﺣﻬﺎ ﻭ ﻣﺸﺎﺕ ﻋﻠﻲ ﺍﻟﺒﻼﺭ ﻭ ﻫﺎﺯﺓ ﺭﺍﺳﻬﺎ ﻟﻔﻮﻕ ﺗﻐﺰﺭ ﻟﻤﺮﺍﺩ ﺑﻜﻞ ﺛﻴﻘﺔ ﻓﻲ ﺍﻟﻨﻔﺲ ﺑﻘﺎ ﻣﺼﺪﻭﻡ ﻣﻦ ﺟﺮﺃﺗﻬﺎ ﺗﻤﺸﻲ ﻭ ﻣﻌﻼﺑﺎﻟﻬﺎ ﺑﺤﺪ ﻭ ﺳﺎﻗﻴﻬﺎ ﺍﻟﺪﻡ ﺳﺎﻳﻞ ﻣﻨﻬﻢ ﻟﻴﻦ ﻭﺻﻠﺖ ﻫﺰﺕ ﺻﺒﺎﻃﻬﺎ ﻏﺴﻠﺖ ﺳﺎﻗﻴﻬﺎ ﻭ ﻟﺒﺴﺘﻮ ﺣﺘﻲ ﻫﻮ ﻫﺬﺍﻛﺎ ﻣﻜﺴﻮﺏ ﻟﺨﺮﻭﺝ ﻣﺤﺒﺘﺶ ﺗﺸﺮﻱ ﺧﺎﺗﺮ ﻋﻴﺸﻮﺷﺔ ﻣﺮﻳﻀﺔ ﻭ ﻻﺯﻣﻬﺎ ﺃﻗﻞ ﻣﺼﺮﻭﻑ .
ﺭﻭﺣﺖ ﺭﻳﻤﺎ ﻟﺪﺍﺭ ﻭ ﻗﻠﺒﻬﺎ ﻣﻘﺒﻮﺽ ﻣﺘﻌﺮﺵ ﻋﻼﻩ .
ﺍﻟﺪﺍﺭ ﻓﺎﺭﻏﺔ ﻭ ﻣﻔﻤﺎﺵ ﺣﺲ ﺑﻘﺎﺕ ﺗﺤﻮﻡ ﻋﻠﻲ ﻋﻴﺸﻮﺷﺔ ﻗﻠﺒﺖ ﻋﻠﻴﻬﺎ ﺍﻟﺪﻧﻴﺎ ﻣﻠﻘﺘﻬﺎﺵ ﻣﺸﺎﺕ ﺳﺄﻟﺖ ﺟﺎﺭﺗﻬﺎ ﻗﻠﺘﻠﻬﺎ ﺭﺍﻫﻲ ﺗﻌﺒﺖ ﺑﺮﺷﺎ ﻭ ﻫﺰﻭﻫﺎ ﻟﻠﺴﺒﻴﻄﺎﺭ
ﺧﺮﺟﺖ ﺭﻳﻤﺎ ﺗﺠﺮﻱ ﺑﺎﺵ ﺗﻠﺤﻘﻬﺎ ﻟﻘﺎﺗﻬﺎ ﺭﺍﻗﺪﺓ ﻓﻲ ﺍﻟﻌﻨﺎﻳﺔ ﺣﺎﻟﺘﻬﺎ ﺧﻄﻴﺮﺓ ﻭ ﻓﺎﻗﺪﺓ ﺍﻟﻮﻋﻲ ﺍﻟﻄﺒﻴﺐ ﻗﻠﻬﺎ ﻻﺯﻣﻬﺎ ﻋﻤﻠﻴﺔ ﺃﻣﺎ ﻣﻜﻠﻔﺔ ﺑﺮﺷﺎ ﺏ 20 ﻣﻠﻴﻮﻥ ﻓﻴﺪﻫﺎ ﻧﻬﺎﺭﻳﻦ ﻭﻻ ﺑﺎﺵ ﺗﺨﺴﺮﻫﺎ ﻟﻸﺑﺪ
الحلقة 12:
ﺧﺮﺟﺖ ريما ﻣﻦ ﺍﻟﺴﺒﻴﻄﺎﺭ ﺗﺒﻜﻲ ﻭ ﺗﺨﻤﻢ ﻣﻨﻴﻦ ﺑﺎﺵ ﺩﺑﺮﻫﻢ . ﻣﺘﻨﺠﻤﺶ ﺗﺴﺘﻐﻨﻲ ﻋﻠﻲ ﻋﻴﺸﻮﺷﺔ ﻛﻴﻔﺎﻩ ﺑﺎﺵ ﺗﻌﻴﺶ ﺑﻌﺪﻫﺎ ﻣﻌﻨﺪﻫﺎ ﺣﺪ ﻛﺎﻥ ﻫﻲ ﻭ ﻭﺟﻪ ﺭﺑﻲ ﻻﺯﻣﻬﺎ ﺩﺑﺮ ﻟﻔﻠﻮﺱ ﺃﻣﺎ ﻣﻨﻴﻦ ﺃﻭﻝ ﻭﺍﺣﺪ ﺟﺎﺀ ﻋﻠﻲ ﺑﺎﻟﻬﺎ ﻣﺮﺍﺩ ﻫﻲ ﺗﻌﺮﻑ ﺍﻟﺸﺮﻛﺔ ﻣﺘﺎﻋﻮ ﺣﻜﺎﺗﻠﻬﺎ ﻋﻠﻴﻬﺎ ﺃﻣﻴﺮﺓ ﻣﺴﺤﺖ ﺩﻣﻮﻋﻬﺎ ﻭ ﻣﺸﺎﺗﻠﻮ
- ﺳﻼﻡ
- ﻋﺴﻼﻣﺔ ﻟﻼ ﺭﻳﻤﺎ ﻫﺎﻙ ﺷﺮﻓﺘﻨﺎ ﺑﺤﻀﻮﺭﻙ ﻓﻴﺴﻊ ﺗﻮﺣﺸﺘﻨﻲ ﺍﻟﺒﺎﻳﻦ ﺗﻔﻀﻞ ﺃﻗﻌﺪ
- ﻻ ﻋﻴﺸﻚ ﺟﻴﺘﻚ ﻣﺤﺘﺎﺟﺘﻚ ﻓﻲ ﻗﻀﻴﺔ ﻭ ﺑﺎﺵ ﻧﻤﺸﻲ
- ﺷﻨﻴﺔ ﺍﻟﻘﻀﻴﺔ ﻫﺬﻱ
- ﻣﺴﺘﺤﻘﺔ 20 ﻣﻠﻴﻮﻥ ﻧﺤﺐ ﻧﺘﺴﻠﻔﻬﻢ ﻣﻦ ﻋﻨﺪﻙ
- ﻫﻬﻬﻬﻪ ﺑﺎﻟﻚ ﺭﺍﻭ ﻗﻠﻮﻟﻚ ﻋﻠﻴﺎ ﺟﻤﻌﻴﺔ ﺧﻴﺮﻳﺔ
- ﻭﺍﻟﻠﻪ ﻧﻮﻋﺪﻙ ﺃﻭﻝ ﻣﻨﺨﺪﻡ ﻧﺮﺟﻌﻬﻤﻠﻚ ﺑﺠﺎﻩ ﺭﺑﻲ ﺃﻋﻄﻴﻬﻤﻠﻲ ﻭﺍﻟﻠﻪ ﻣﺴﺘﺤﻘﺘﻬﻢ ﻋﻠﻲ ﺍﻷﺧﺮ
- ﺑﺎﻫﻲ ﺃﻣﺎ ﺑﺸﺮﻁ
- ﻣﻮﺍﻓﻘﺔ ﻋﻠﻲ ﺷﺮﻭﻃﻚ ﻟﻜﻞ ﻏﻴﺮ ﺃﻋﻄﻴﻬﻤﻠﻲ ﺑﺮﻛﺎ
- ﺑﺎﻫﻲ ﻭﻗﻌﻠﻲ ﺍﻟﻮﺭﻗﺔ ﻫﺬﻱ
ﻭﻗﻌﺖ ﺭﻳﻤﺎ ﻣﻨﻐﻴﺮ ﻣﺘﻘﺮﺍ ﺣﺘﻲ ﺷﻨﻮﺍ ﻓﻴﻬﺎ ﺗﻮ ﻋﻄﻴﻬﺎ ﺗﻬﺰ ﻟﻔﻠﻮﺱ ﺑﺮﻛﺎ
ﺧﺬﺍﺕ ﺭﻳﻤﺎ ﻟﻔﻠﻮﺱ ﻭ ﺧﺮﺟﺖ ﻟﻠﺴﺒﻴﻄﺎﺭ ﺩﻳﺮﺍﻛﺖ ﺑﺎﺵ ﺗﻌﻤﻞ ﺍﻟﻌﻤﻠﻴﺔ ﻟﻌﻴﺸﻮﺷﺔ
ﺳﺘﻨﺎﺕ ﺑﺮﺷﺎ ﻗﺪﺍﻡ ﻏﺮﻓﺔ ﺍﻟﻌﻤﻠﻴﺎﺕ ﺳﺘﻨﺎﺕ ﺳﺘﻨﺎﺕ ﻟﻴﻦ ﻋﻴﺎﺕ ﻭ ﺃﺧﻴﺮﺍ ﺧﺮﺝ ﺍﻟﻄﺒﻴﺐ
- ﺩﻛﺘﻮﺭ ﺷﻌﻤﻠﺖ
- ﺇﺣﻨﺎ ﻋﻤﻠﻨﺎ ﻟﻌﻠﻴﻨﺎ ﻭ ﺍﻟﺒﺎﻗﻲ ﻋﻠﻴﻬﺎ ﻫﻲ ﻻﺯﻣﻬﺎ ﺗﻘﺎﻭﻡ ﻣﻨﺤﺒﺶ ﻧﻜﺬﺏ ﻋﻠﻴﻚ ﺃﻣﺎ ﺣﺎﻟﺘﻬﺎ ﺧﻄﻴﺮﺓ ﺑﺮﺷﺎ ﺇن ﺸﺎﺀ ﺍﻟﻠﻪ ﻟﺒﺎﺱ
ﺧﺮﺝ ﺍﻟﻄﺒﻴﺐ ﻭ ﺧﻼﻫﺎ ﻃﺎﻳﺤﺔ ﻓﻲ ﺍﻟﻘﺎﻋﺔ ﻣﺼﺪﻭﻣﺔ ﺗﺒﻜﻲ ﺑﺄﻋﻠﻲ ﺻﻮﺗﻬﺎ ﻭ ﺗﻌﻴﻄﺖ " ﻣﺘﺨﻠﻴﻨﻴﺶ ﺭﺍﻧﻲ ﺑﻌﺪﻙ ﻧﻀﻴﻊ
ﺗﻌﺪﺍﻭ ﻧﻬﺎﺭﻳﻦ ﻭ ﺭﻳﻤﺎ ﻣﺘﺨﺮﺟﺶ ﻣﻦ ﺍﻟﺴﺒﻴﻄﺎﺭ ﺗﺴﺘﻨﻲ ﻓﻲ ﻋﻴﺸﻮﺷﺔ ﻭﻗﺘﺎﻩ ﺗﻔﻴﻖ .
ﻟﻴﻮﻡ ﺍﻟﻨﺘﻴﺠﺔ ﻭ ﺭﻳﻤﺎ ﻻﺯﻣﻬﺎ ﺗﻤﺸﻲ ﺗﺸﻮﻑ ﻣﻌﺪﻟﻬﺎ ﺧﺎﺗﺮ ﺗﻌﺮﻑ ﺭﻭﺣﻬﺎ ﺑﺎﺵ ﺗﺴﻠﻜﻬﺎ
ﺩﺧﻠﺖ ﻟﻠﻔﺎﻙ ﻭ ﺟﺎﻫﺎ ﻣﺮﺍﺩ
- ﻟﻴﻮﻡ ﺑﻌﺪ ﻣﻴﻌﻠﻘﻮ ﺍﻟﻨﺘﻴﺠﺔ ﻧﺤﺒﻚ ﺗﺠﻲ ﻗﺪﺍﻣﻲ ﻭ ﺗﺸﺪ ﻭﺫﻧﻴﻚ ﻭ ﺗﻬﺒﻂ ﻋﻠﻲ ﺭﻛﺒﺘﻚ ﻭ ﺗﻄﻠﺐ ﺍﻟﺴﻤﺎﺡ ﻗﺪﺍﻡ ﺍﻟﻨﺎﺱ ﻟﻜﻞ
- ﻳﺎﺧﻲ ﺷﺒﻴﻚ ﻫﺒﻠﺖ
ﻭﺭﺍﻟﻬﺎ ﻣﺮﺍﺩ ﺍﻟﻮﺭﻗﺔ ﻟﻮﻗﻌﺘﻬﺎ ﻻﺯﻣﻬﺎ ﺗﻄﻠﺐ ﻣﻨﻪ ﺍﻟﺴﻤﺎﺡ ﻛﻴﻤﺎ ﻗﻠﻬﺎ ﻭﻻ ﺗﺮﺟﻊ ﻟﻔﻠﻮﺱ ﺍﻟﺪﻭﺑﻞ ﻓﻲ ﺿﺮﻑ ﺟﻤﻌﺔ
ﺭﻳﻤﺎ ﺣﺒﺴﺖ ﻓﻲ ﺑﻼﺻﺘﻬﺎ ﻗﺘﻠﻮ ﺑﺎﻫﻲ
ﻋﻠﻘﻮ ﺍﻟﻨﺘﻴﺠﺔ ﻭ ﺭﻳﻤﺎ ﻧﺠﺤﺖ ﺑﻤﻌﺪﻝ 16:57 ﻓﺮﺣﺖ ﺑﺮﺷﺎ ﻛﻲ ﺗﻔﻴﻖ ﻋﻴﺸﻮﺷﺔ ﺑﺎﺵ ﺗﻬﺰﻟﻬﺎ ﺭﺍﺳﻬﺎ ﻭ ﺗﺨﻠﻴﻬﺎ ﺗﺮﺗﺎﺡ ﻃﻮﻝ ﻋﻤﺮﻫﺎ ﻫﺬﺍ ﺣﻠﻢ ﺭﻳﻤﺎ ﺃﻣﺎ ﻣﻮﺵ ﻛﻞ ﺷﻲ ﻧﺤﺒﻮﻩ ﻳﺼﻴﺮ ﺧﺎﺗﺮ ﻛﻠﻤﻬﺎ ﺍﻟﻄﺒﻴﺐ ﻭ ﻗﻠﻬﺎ ﻋﻴﺸﺔ ﻣﺎﺗﺖ
ﺍﻟﺼﺪﻣﺔ ﻛﺎﻧﺖ ﻛﺒﻴﺮﺓ ﺭﻳﻤﺎ ﻣﺎﺯﺍلت ﻣﻮﺵ ﻣﺴﺘﻮﻋﺒﺔ ﻫﻲ ﻫﻜﺎﻛﺎ ﻭ ﺗﺴﻤﻊ ﻓﻲ ﻣﺮﺍﺩ ﻳﺤﻜﻲ ﺑﺎﻟﻤﺎﻳﻜﺮﻓﻮﻥ
+ ﻟﻴﻮﻡ ﺣﺪﺙ ﻛﺒﻴﺮ ﺑﺎﺵ ﻳﺼﻴﺮ ﻟﻴﻮﻡ ﺭﻳﻤﺎ ﺑﺎﺵ ﺗﺮﻛﻌﻠﻲ ﻭ ﺗﻄﻠﺐ ﻣﻨﻲ ﺍﻟﺴﻤﺎﺡ ... +
ﻗﺮﺏ ﻣﺮﺍﺩ ﻟﺮﻳﻤﺎ ﻭ ﺑﺪﺍ ﻳﻘﻠﻬﺎ ﻫﻴﺎ . ﺭﻳﻤﺎ ﺍﻟﺪﻧﻴﺎ ﻭﻻﺕ ﻓﻠﻮ ﻣﻌﺎﺩ ﻣﺴﺘﻮﻋﺒﺔ ﺷﻲ ﻛﺎﻥ ﺣﺲ ﻗﻮﻱ ﺩﺍﻳﺮ ﺑﻴﻬﺎ ﻭ ﻣﺮﺍﺩ ﻗﺪﺍﻣﻬﺎ ﻳﻘﻠﻬﺎ ﻫﻴﺎ .
ﺷﺪﺕ ﺭﻳﻤﺎ ﻭﺫﻧﻴﻬﺎ ﻭ ﻫﺒﻄﺖ ﻓﻲ ﺍﻟﻘﺎﻋﺔ ﺻﻮﺗﻬﺎ ﺿﺎﻳﻊ ﺗﺤﺮﻙ ﻛﺎﻥ ﻓﻲ ﻓﻤﻬﺎ
ﻣﺮﺍﺩ ﺣﺎﺭ ﻓﻴﻬﺎ ﺷﺒﻴﻬﺎ ﺃﻣﺎ ﻏﺮﻭﺭﻭ ﺧﻼﻩ ﻳﻌﻄﻴﻬﺎ ﻛﻒ ﻭ ﻳﻘولها ﺗﻜﻠﻢ ﻭﻗﺘﻬﺎ ﺭﻳﻤﺎ ﻓﺎﻗﺖ ﻣﻦ ﺻﺪﻣﺘﻬﺎ ﺷﻮﻱ ﻭ ﻗﺘﻠﻮ ﺳﺎﻣﺤﻨﻲ ﺑﺄﻋﻠﻲ ﺻﻮﺗﻬﺎ ﺑﺮﺷﺎ ﻣﺮﺍﺕ ﻟﻴﻦ ﻓﺸﻠﺖ ﻭ ﺧﺮﺟﺖ ﺗﺠﺮﻱ ﺗﺤﺐ ﺗﻜﺬﺑﻬﻢ ﻭ ﺗﻘﻠﻬﻢ ﺭﺍﻭ ﻋﻴﺸﻮﺷﺔ ﻣﺎﺯﺍﻟﺖ ﺣﻴﺔ ﺷﺪﺗﻬﺎ ﻫﺴﺘﻴﺮﻳﺎ ﻣﺘﺎﻉ ﺑﻜﺎ ﻟﻴﻦ ﺩﺍﺧﺖ
الحلقة 13:
ﻟﻴﻮﻡ ﺟﻨﺎﺯﺕ ﻋﻴﺸﻮﺷﺔ ﻭﻻ ﺧﻠﻴﻨﺎ ﻧﻘﻮﻟﻮ ﺟﻨﺎﺯﺓ ﺭﻳﻤﺎ ﻣﻌﺎﻫﺎ ﺟﺎﺕ ﺍﻟﻨﺎﺱ ﺗﻌﺰﻱ ﻓﻴﻬﻢ ﻭ ﻣﻦ ﺑﻴﻨﻬﻢ ﺧﻮ ﻋﻴﺸﻮﺷﺔ
- ﺇﺳﻤﻊ ﻳﺎ ﺑﻨﺖ ﺍﻟﻨﺎﺱ ﺷﺴﻤﺎﻙ ﺭﺑﻲ ﺍﻟﻤﺮﺣﻮﻣﺔ ﻣﺸﺎﺕ ﻋﻠﻲ ﺭﻭﺣﻬﺎ ﻭ ﺗﻮ ﻻﺯﻣﻚ ﺗﺴﻴﺐ ﺍﻟﺪﺍﺭ ﻭ ﺗﻤﺸﻲ
ﺭﻳﻤﺎ ﺗﺸﻮﻑ ﻓﻴﻪ ﻭ ﻣﺼﺪﻭﻣﺔ ﻟﺪﺭﺟﺔ ﻫﺬﻱ ﺍﻟﺮﺣﻤﺔ ﻣﻔﻴﻬﻤﺶ ﺍﻟﻤﺮﺣﻮﻣﺔ ﺟﻨﺎﺯﺗﻬﺎ ﻣﺎﺯﺍﻟﺖ ﻣﺨﺮﺟﺘﺶ ﻭ ﻫﻮ ﺟﺎﻱ ﻳﺤﻮﻡ ﻋﻠﻲ ﺍﻟﻮﺭﺙ ﻣﺨﻴﺒﻬﺎ ﺍﻟﺪﻧﻴﺎ ﻭ ﻣﺨﻴﺒﻬﺎ ﺍﻟﻨﺎﺱ ﺭﻳﻤﺎ ﻟﻜﺎﻧﺖ ﺗﺸﻮﻑ ﻓﻲ ﺍﻟﺪﻧﻴﺎ ﺭﻭﺯ ﻭﻻﺕ ﺗﺸﻮﻑ ﻓﻴﻬﺎ ﻇﻼﻡ ﻭﺣﺪﺓ ﻭ ﺿﻴﺎﻉ ﺧﻮﻑ ﻣﻦ ﺍﻟﻤﺴﺘﻘﺒﻞ ﺑﺎﺵ ﻳﻘﺘﻠﻬﺎ ﻣﻌﻨﺪﻫﺎ ﺣﺪ ﻛﺎﻥ ﻭﺟﻪ ﺭﺑﻲ
ﺧﺮﺟﻮ ﻋﻴﺸﻮﺷﺔ ﺑﺎﺵ ﻳﺪﻓﻨﻮﻫﺎ ﺭﻳﻤﺎ ﻫﺒﻠﺖ ﻭ ﻗﻠﺒﺖ ﺍﻟﺪﻧﻴﺎ ﺑﺎﻟﺼﻴﺎﺡ ﺍﻟﻮﺣﻴﺪﺓ ﺍﻟﻤﺘﺄﺛﺮﺓ ﺑﺼﻴﻔﺔ ﻛﺒﻴﺮﺓ ﺣﺘﻲ ﺟﻴﺮﺍﻧﻬﺎ ﻳﺒﻜﻮ ﻋﻠﻲ ﺣﺎﻝ ﺭﻳﻤﺎ ﺃﻛﺜﺮ ﻣﻦ ﺍﻟﻤﺮﺣﻮﻣﺔ
ﺗﻮ ﺟﻤﻌﺔ ﻭ ﺭﻳﻤﺎ ﻣﺨﺮﺟﺘﺶ ﻣﻦ ﺍﻟﺪﺍﺭ ﺩﻳﻤﺎ ﺳﺎﺭﺣﺔ ﺗﺨﻤﻢ ﺣﺘﻲ ﺍﻟﻤﺎﻛﻠﺔ ﻛﺎﻥ ﻣﺘﺠﻴﺒﻠﻬﺎ ﺟﺎﺭﺗﻬﺎ ﻭ ﺗﻮﻛﻠﻬﺎ ﺑﺎﻟﺴﻴﻒ
ﻋﻴﻨﻴﻬﺎ ﻣﺤﻮﻗﻴﻦ ﻭ ﻭﺟﻬﺎ ﺃﺻﻔﺮ ، ﺻﻮﺗﻬﺎ ﻣﺒﺤﺎﺡ ﻭ ﻋﻼﻣﺎﺕ ﺍﻟﺤﺰﻥ ﻋﻠﻲ ﻭﺟﻬﺎ
ﺃﻣﻴﺮﺓ ﻓﻘﺪﺕ ﺭﻳﻤﺎ ﺑﺮﺷﺎ ﺗﻄﻠﺐ ﻓﻴﻬﺎ ﻣﺘﺠﺎﻭﺑﺶ ﻭ ﺑﻌﺪﻳﻦ ﺗﺴﻜﺮ ﺗﻠﻔﻮﻧﻬﺎ ﺣﺘﻲ ﺟﺎﺗﻬﺎ ﻟﺪﺍﺭ ﻣﻠﻘﺘﻬﺎﺵ ﻟﻘﺎﺕ ﺩﺍﺭ ﻣﺴﻜﺮﺓ ﻭ ﺣﺘﻲ ﻛﻲ ﻧﺎﺩﺕ ﻋﻠﻴﻬﺎ ﻣﺠﺎﻭﺑﺘﻬﺎﺵ .
ﻣﺮﺍﺩ ﺯﺍﺩﺍ ﺇﺳﺘﻐﺮﺏ ﻓﻴﻬﺎ ﻛﻴﻔﺎﻩ ﻣﺤﻜﺎﺗﺶ ﻣﻊ ﺃﻣﻴﺮﺓ ﺍﻟﻤﺪﺓ ﻫﺬﻱ ﻟﻜﻞ ﺃﻣﺎ ﻣﻬﺘﻤﺶ ﺑﺮﺷﺎ ﻗﺎﻝ ﺃﻛﻴﺪ ﻣﻨﺮﻓﺰﺓ ﻣﻦ ﺍﻟﻤﺮﺓ ﻟﻔﺎﺗﺖ
ﻃﻮﺍﻟﺖ ﺍﻟﻤﺪﺓ ﻭ ﻣﻔﻤﺎ ﺣﺘﻲ ﺧﺒﺮ ﻋﻠﻲ ﺭﻳﻤﺎ . ﺭﺍﻧﻴﺎ ﺯﺍﺩﺍ ﺗﻮﺣﺸﺘﻬﺎ ﻫﺬﺍﻛﺎ ﻋﻼﻩ ﻗﺮﺭﺕ ﺗﻤﺸﻲ ﻣﻊ ﺃﻣﻴﺮﺓ ﻭ ﺗﺸﻮﻓﻬﺎ ﻭﺻﻠﻮ ﻗﺪﺍﻡ ﺍﻟﺪﺍﺭ ﻳﻠﻘﻮ ﺟﺎﺭﺗﻬﺎ ﺧﺎﺭﺟﺔ ﻣﻦ ﻋﻨﺪﻫﺎ ﺳﺄﻟﻮﻫﺎ ﻋﻠﻴﻬﺎ ﻭ ﺣﻜﺎﺗﻠﻬﻢ ﻟﺤﻜﺎﻳﺔ ﺃﻣﻴﺮﺓ ﻭ ﺭﺍﻧﻴﺎ ﺗﺼﺪﻣﻮ ﺑﺮﺷﺎ ﻭ ﺑﻜﺎﻭ ﻋﻠﻲ ﺣﺎﻟﻬﺎ ﺩﺧﻠﻮﻟﻬﺎ ﻳﻮﺍﺳﻮ ﻓﻴﻬﺎ ﻳﺤﺒﻮ ﻳﺨﺮﺟﻮﻫﺎ ﻣﻦ ﺣﺎﻟﺘﻬﺎ ﻫﻤﺎ ﻫﻜﺎﻛﺎ ﻭ ﻳﺪﺧﻞ ﺧﻮ ﺍﻟﻤﺮﺣﻮﻣﺔ
- ﺷﻨﻮﺍ ﻳﺎﺑﻨﺖ ﺍﻟﻨﺎﺱ ﻟﺘﻮ ﻣﺎﺯﺍﻝ ﻣﺨﺮﺟﺘﺶ ﻣﻦ ﺍﻟﺪﺍﺭ ﻣﻮﺵ ﻧﺒﻬﺖ ﻋﻠﻴﻚ ﺑﺎﺵ ﺗﺨﺮﺝ ﻣﻨﻬﺎ
ﺭﺩﺕ ﻋﻠﻴﻪ ﺭﺍﻧﻴﺎ
- ﺷﺒﻴﻚ ﺇﻧﺖ ﻣﺎﻭ ﻟﺒﺎﺱ
- ﻣﺪﺍﻡ ﺑﻨﺖ ﻟﺤﺮﺍﻡ ﻫﺬﻱ ﻫﻮﻧﻲ ﻣﺎﻧﻴﺶ ﻟﺒﺎﺱ ﻻﺯﻣﻬﺎ ﺗﺨﺮﺝ ﻣﻦ ﺍﻟﺪﺍﺭ ﻳﺰﻳﻬﺎ ﻣﻜﻼﺕ ﻭ ﺷﺮﺑﺖ ﻣﻦ ﺧﻴﺮﻧﺎ ﺍﻟﻤﺮﺣﻮﻣﺔ ﺿﻴﻌﺖ ﻋﻤﺮﻫﺎ ﻓﻲ ﺗﺮﺑﻴﺘﻬﺎ ﻧﺰﻳﺪﻭ ﺃﺣﻨﺎ ﻧﻀﻴﻌﻮ ﻓﻠﻮﺳﻨﺎ ﻋﻠﻴﻬﺎ
- ﺭﻳﻤﺎ ﺑﻨﺘﻲ ﻭ ﺃﻧﺎ ﻟﻴﻮﻡ ﻧﻬﺰﻫﺎ ﻣﻌﺎﻳﺎ ﻭ ﺃﻋﺮﻑ ﺷﺘﺤﻜﻲ ﻋﻠﻲ ﺑﻨﺘﻲ ﻭ ﺭﺩ ﺑﺎﻟﻚ ﺭﺍﻭ ﻧﺪﻣﻚ ﻃﻮﻝ ﻋﻤﺮﻙ
ﺍﻟﺮﺍﺟﻞ ﺧﺎﻑ ﻭ ﺳﻜﺖ
- ﺑﻨﺘﻲ ﺭﻳﻤﺎ ﺑﺎﺵ ﻧﻬﺰﻙ ﻣﻌﺎﻳﺎ ﺗﺴﻜﻦ ﻋﻨﺪﻱ
ﺭﻳﻤﺎ ﺗﻐﺰﺭﻟﻬﺎ ﻭ ﺳﺎﻛتة .
ﺣﻀﺮﺕ ﺭﺍﻧﻴﺎ ﻭ ﺃﻣﻴﺮﺓ ﺩﺑﺶ ﺭﻳﻤﺎ ﻟﻜﻞ ﻭ ﺣﻄﻮﻩ ﻓﻲ ﺍﻟﻜﺮﻫﺒﺔ ﻭ ﻫﺰﻭ ﺭﻳﻤﺎ . ﺭﺟﻌﺖ ﺭﺍﻧﻴﺎ ﺗﺤﺐ ﺗﺘﺄﻛﺪ ﺇﻟﻲ ﻫﻲ ﻣﻨﺴﺎﺕ ﻫﻲ ﺗﺪﻭﺭ ﻓﻲ ﺍﻟﺪﺍﺭ ﺗﻠﻘﻲ ﺻﻨﺪﻭﻕ ﺻﻐﻴﺮ ﻫﻲ ﺟﺎﺕ ﺑﺎﺵ ﺗﻔﺘﺤﻮ ﻟﻴﻦ ﺗﺴﻤﻊ ﻓﻲ ﺃﻣﻴﺮﺓ ﺗﻨﺎﺩﻱ ﻋﻠﻴﻬﺎ ﺧﺬﺍﺕ ﺍﻟﺼﻨﺪﻭﻕ ﻭ ﺧﺮﺟﺖ
ﻣﺸﺎﺕ ﺭﻳﻤﺎ ﻟﺪﺍﺭ ﺭﺍﻧﻴﺎ ﻭ ﺗﻮ ﺑﺎﺵ ﺗﺒﺪﻱ ﻣﺴﻴﺮﺓ ﺟﺪﻳﺪﺓ ﻓﻲ ﺣﻴﺎﺗﻬﺎ
ﺗﻮ ﺟﻤﻌﺔ ﻭ ﺭﻳﻤﺎ ﻣﺘﺒﺪﻝ ﻓﻲ ﺣﺎﻟﺘﻬﺎ ﺷﻲ ﻧﻔﺲ ﺍﻟﺮﻭﺗﻴﻦ ﺃﻏﻠﺐ ﺍﻟﻮﻗﺖ ﺭﺍﻗﺪﺓ ﻣﺮﺍﺩ ﺷﺎﻓﻬﺎ ﻣﺮﺓ ﺑﺮﻛﺎ ﺑﻌﺪ ﻣﺠﺎﺕ ﻟﻘﺎﻫﺎ ﻗﺎﻋﺪﺓ ﻓﻲ ﺍﻟﺠﻨﻴﻨﺔ ﺳﺎﺭﺣﺔ ﺗﻌﺪﻱ ﻗﺪﺍﻣﻬﺎ ﺃﻣﺎ ﻫﻲ ﻣﺸﺎﻓﺎﺗﻮﺵ ﺳﺨﻔﻮ ﺣﺎﻟﻬﺎ ﻫﺬﻱ ﻫﻲ ﺍﻟﻄﻔﻠﺔ ﻟﻜﺎﻧﺖ ﻗﺎﻟﺒﺔ ﺍﻟﺪﻧﻴﺎ ﺑﺤﺴﻬﺎ ﻭ ﻃﻮﻝ ﻟﺴﺎﻧﻬﺎ ﻟﻴﻮﻡ ﺻﺎﻳﺮ ﻓﻴﻬﺎ ﻫﻜﺎ ﺳﺒﺤﺎﻥ ﺍﻟﻠﻪ
ﻓﺎﻗﺖ ﺭﻳﻤﺎ ﺍﻟﺼﺒﺎﺡ ﺗﻠﻘﻲ ﻟﻤﻄﺮ ﺗﺼﺐ ﺑﻘﻮﺓ ﺑﺎﻟﺮﻏﻢ ﺇﻟﻲ ﺍﻟﺪﻧﻴﺎ ﺻﻴﻒ ﺣﺴﺖ ﺍﻟﺪﻧﻴﺎ ﺗﺒﻜﻲ ﻋﻠﻲ ﺣﺎﻟﻬﺎ ﻗﺮﺭﺕ ﺗﺒﺪﻱ ﺣﻴﺎﺗﻬﺎ ﻭ ﺗﺤﺎﻭﻝ ﺗﻨﺴﻲ ﻟﺼﺎﺭ
ﺑﺪﻟﺖ ﺩﺑﺸﻬﺎ ﻭ ﻫﺒﻄﺖ ﺗﻠﻘﻲ ﺍﻟﻌﺎﻳﻠﺔ ﻟﻜﻞ ﻣﻠﻤﻮﻣﺔ ﺭﺳﻤﺖ ﺗﺒﺴﻴﻤﺔ ﻋﻠﻲ ﻭﺟﻬﺎ
- ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﺨﻴﺮ ﺑﻨﺘﻲ
- ﺷﺒﻴﻚ ﺗﺎﺗﺎ ﺭﺍﻧﻴﺎ ﻣﺼﺪﻭﻣﺔ
- ﻻ ﺑﻨﺘﻲ ﺃﻣﺎ ﻣﺶ ﻋﻮﺍﻳﺪﻙ ﻣﻦ ﺑﻌﺪ ﻣﻮﺕ ...
- ﻋﻴﺸﻚ ﺳﻜﺮ ﻋﻠﻲ ﺍﻟﻤﻮﺿﻮﻉ ﺗﻮ ﺑﺎﺵ ﻧتلهي ﺑﻤﺴﺘﻘﺒﻠﻲ ﻳﺰﻱ ﻣﺒﻜﻴﺖ
- ﻫﺬﻱ ﻫﻲ ﺃﺧﺘﻲ ﺑﺮﺍﻓﻮ ﻋﻠﻴﻚ ﺟﺎﺑﺪﺍ ﻓﻴﺎ ﻗﻮﻳﺔ
الحلقة 14:
ﺇﺳﻤﻬﺎﻥ ﺗﻘﺤﺮﻟﻬﻢ ﻭﻻﺕ ﺧﺎﻳﻔﺔ ﺑﺮﺷﺎ ﻛﺎﻥ ﺗﻄﻠﻊ ﺭﻳﻤﺎ ﻫﻲ ﺑﻨﺘﻬﻢ ﺧﺎﺗﺮ ﻣﻮﺵ ﻣﻌﻘﻮﻝ ﺍﻟﺸﺒﻪ ﻫﺬﺍ ﺍﻟﻜﻞ ﻓﻲ ﺍﻟﻮﺟﻪ ﻭ ﺍﻟﻄﺒﻴﻌﺔ ﺗﻄﻠﻊ ﺻﺪﻓﺔ
ﺇﻳﻪ ﻧﻌﻢ ﺇﺳﻤﻬﺎﻥ ﻣﻮﺵ ﺑﻨﺖ ﺭﺍﻧﻴﺎ ﻫﻲ ﺗﺒﻌﺖ ﺣﻜﺎﻳﺘﻬﻢ ﻭ ﺑﻌﺪ ﻣﻌﺮﻓﺖ ﻛﻞ ﺷﻲ ﻣﺜﻠﺖ ﻋﻠﻴﻬﻢ ﺩﻭﺭ ﺍﻟﻀﺤﻴﺔ ﻭ ﺇﻟﻲ ﻫﻲ ﺑﻨﺘﻬﻢ ﺭﺍﻧﻴﺎ ﻓﺮﺣﺖ ﺑﻴﻬﺎ ﺑﺮﺷﺎ ﻃﻮﻝ ﻋﻤﺮﻫﺎ ﺗﺘﻤﻨﻲ ﺗﺠﻴﺐ ﺑﻨﻴﺔ ﻭ ﻛﻲ ﺟﺎﺗﻬﺎ ﺿﺎﻋﺖ ﻣﻨﻬﺎ ﻭ ﺑﺴﺒﺐ ﺍﻟﻮﻻﺩﺓ ﺑﺎﻟﻌﻤﻠﻴﺔ ﻟﻜﺎﻧﺖ ﺧﻄﻴﺮﺓ ﺗﺤﺮﻣﺖ ﻣﻦ ﺇﻧﻬﺎ ﺗﻜﻮﻥ ﺃﻡ ﻣﺮﺓ ﺃﺧﺮﻱ ﻭ ﺍﻟﺸﻲ ﻫﺎﺫﺍ ﺗﻌﺒﻬﺎ ﺑﺮﺷﺎ ﻭ ﻗﺮﺭﺕ ﺇﻧﻬﺎ ﺗﺴﺎﻓﺮ ﻳﻤﻜﻦ ﺗﻨﺴﻲ ﺷﻮﻱ .
ﺩﺧﻠﺖ ﺇﺳﻤﻬﺎﻥ ﻋﻠﻲ ﺍﻟﻌﺎﻳﻠﺔ ﺻﺤﻴﺢ ﻛﺎﻧﻮ ﻓﺮﺣﺎﻧﻴﻦ ﺧﺎﺗﺮ ﻟﻘﻮﻫﺎ ﺃﻣﺎ ﻣﻮﺵ ﻓﺮﺣﺔ ﻛﺒﻴﺮﺓ ﻓﺎﺭﻕ ﻛﺒﻴﺮ ﺑﻴﻨﺎﺗﻬﻢ ﻓﻲ ﻛﻞ ﺷﻲ ﻳﺎﺳﺮ ﺻﻌﻴﺒﺔ ﻭ ﺗﺤﺐ ﻛﺎﻥ ﺭﻭﺣﻬﺎ ﺟﻮﻫﺎ ﺧﺮﺟﺎﺕ ﻭ ﺗﻨﺒﻴﺮ ﺃﺣﻤﺪ ﻋﻼﻗﺘﻮ ﺑﻴﻬﺎ ﺳﻄﺤﻴﺔ ﺷﻮﻱ ﻣﻨﺠﻤﺶ ﻳﺘﺄﻗﻠﻢ ﻣﻌﺎﻫﺎ ﻣﻠﻲ ﺟﺎﺕ ﺭﻳﻤﺎ ﻭﻗﺘﻬﺎ ﺣﺲ ﺭﻭﺣﻮ ﻓﺮﺣﺎﻥ ﺧﺎﺗﺮ ﺗﺸﺒﻬﻠﻮ ﻓﻲ ﻛﻞ ﺷﻲ ﻭ ﺣﺴﺒﻬﺎ ﺃﺧﺘﻮ ﺑﺎﻟﺤﻖ
- ﺻﺒﺎﺡ ﺍﻟﺨﻴﺮ ﻳﺎ ﺟﻤﺎﻋﺔ ﺻﺤﺔ ﻓﻄﻮﺭﻛﻢ
- ﺻﺒﺎﺡ ﺍﻟﺨﻴﺮ
- ﺗﻲ ﻫﺎﻱ ﺭﻳﻤﺎ ﻣﻌﺎﻛﻢ
- ﺷﻔﺖ ﺑﻨﺘﻲ ﺍﻟﺤﻤﺪ ﻟﻠﻪ ﻧﻮﺭﺕ ﻭ ﺭﺟﻌﺖ ﻓﻴﻬﺎ ﺍﻟﺮﻭﺡ
- ﺭﻳﻤﺎ ﺗﻮﺣﺸﺘﻚ ﺑﺮﺷﺎ ﺃﻣﻮﺍﻩ
- ﻛﺎﻥ ﺗﺸﻮﻑ ﺃﻧﺎ ﻫﻬﻬﻪ ﺃﻗﻌﺪ
- ﻫﻬﻪ ﻻ ﻣﺪﺍﻣﻚ ﺭﺟﻌﺖ ﺑﺎﺵ ﻧﻬﺰﻙ ﻋﻨﺪ ﺃﻣﻲ ﻣﺴﻜﻴﻨﺔ ﻛﻞ ﻳﻮﻡ ﺗﺴﺄﻝ ﻋﻠﻴﻚ
- ﺧﻠﻲ ﻣﺒﻌﺪ
- ﻻ ﺃﻣﺎﻥ ﺭﻳﻤﺎ ﻧﺤﺒﻚ ﺗﻤﺸﻲ ﻣﻌﺎﻳﺎ ﺗﻮ
ﻏﺰﺭﺕ ﺭﻳﻤﺎ ﻗﺪﺍ ﺭﺍﻧﻴﺎ ﻭ ﺷﺎﻭﺭﺗﻠﻬﺎ ﺑﺮﺍﺳﻬﺎ ﺑﺎﺵ ﺗﻤﺸﻲ ﻣﻌﺎﻫﺎ
ﻣﺸﺎﺕ ﺭﻳﻤﺎ ﻣﻊ ﺃﻣﻴﺮﺓ ﻟﺪﺍﺭﻫﻢ ﺳﻠﻤﺖ ﻋﻠﻲ ﺟﻤﻴﻠﺔ ﻭ ﺭﺍﺟﻠﻬﺎ ﻣﺤﻤﺪ ﻓﺮﺣﻮ ﺑﻴﻬﺎ ﺑﺮﺷﺎ ﻛﻲ ﺭﺟﻌﺖ ﺗﺨﺮﺝ ﻭ ﻫﻲ ﻫﻤﺎ ﻗﺎﻋﺪﻳﻦ ﻭ ﻳﻔﺪﻟﻜﻮ ﻭ ﻳﺨﺮﺝ ﻣﺮﺍﺩ ﺩﺍﻳﺦ ﺑﺎﻟﻨﻮﻡ
- ﺃﻣﻲ ﺃﻣﻲ
- ﻣﺮﺍﺩ ﻫﺎﻧﻲ ﻫﻮﻧﻲ
- ﺇﺳﻤﻌﻨﻲ ﺃﻣﻲ ﺃﻣﺎﻥ ﺣﻀﺮﻭﻟﻲ ﻓﻄﻮﺭﻱ ﻟﺒﻴﺘﻲ
- ﺑﺎﻫﻲ ﻭﻟﻴﺪﻱ
ﻫﻮ ﺟﺎﺀ ﺑﺎﺵ ﻳﻤﺸﻲ ﻭ ﻳﺸﻮﻑ ﻓﻲ ﺭﻳﻤﺎ ﻗﺎﻋﺪﺓ ﻳﺴﺘﺨﺎﻳﻞ ﺍﻟﻨﻮﻡ ﺃﺛﺮ ﻓﻴﻪ ﻣﺸﺎ ﺧﻄﻮﺗﻴﻦ ﻭ ﺭﺟﻊ
- ﺭﻳﻤﺎ ﺇﻧﺖ ﻫﻮﻧﻲ
- ﺣﺎﺳﺐ ﺭﺍﻳﻚ
- ﺑﺮﺑﻲ ﻧﻘﺺ ﻣﻦ ﻃﻮﻝ ﺍﻟﻠﺴﺎﻥ ﻋﻠﻲ ﺍﻟﺼﺒﺎﺡ
ﻣﺸﺎ ﺭﺟﻊ ﻟﺒﻴﺘﻮ ﻭ ﻫﻮ ﻳﻐﻠﻲ ﻣﻼ ﻧﺒﺰﺓ ﻋﻠﻲ ﺍﻟﺼﺒﺎﺡ ﻫﻲ ﺯﺍﺩﺍ ﺗﻨﺒﺰﺕ ﻭ ﺯﻳﺪ ﻗﺪﺍﻡ ﻋﺎﻳﻠﺘﻮ ﺣﺸﻤﺖ ﺑﺮﺷﺎ
- ﺃﻣﻴﺮﺓ ﻻﺯﻣﻨﻲ ﻧﺮﻭﺡ
- ﻭﻩ ﻭﻗﺘﺎﻩ ﺟﻴﺖ ﺇﻧﺖ ﺑﺎﺵ ﺗﺮﻭﺡ
- ﻳﺰﻱ ﻓﻴﻪ ﺍﻟﺒﺮﻛﺎ
ﺗﻜﻠﻤﺖ ﺟﻤﻴﻠﺔ
- ﻣﻔﻤﺎﺵ ﻣﺮﻭﺍﺡ ﻭ ﺗﻮ ﻧﻜﻠﻢ ﺭﺍﻧﻴﺎ ﺑﺎﺵ ﻧﻌﻠﻤﻬﺎ ﻭ ﻧﻌﻤﻠﻮ ﻟﻤﺔ ﻫﻮﻧﻲ
ﺭﻳﻤﺎ ﺣﺸﻤﺖ ﻭ ﻗﺎﻟﺖ ﺑﺎﻫﻲ ﺑﻘﺎﺕ ﻗﺎﻟﺒﺔ ﺍﻟﺪﻧﻴﺎ ﻫﻲ ﻭ ﺃﻣﻴﺮﺓ ﺿﺤﻚ ﻭ ﻟﻌﺐ ﻭ ﺟﻮ
الحلقة 15:
- ﺃﻣﻴﺮﺓ
- ﻭﻱ ﻣﺮﺍﺩ
- ﺑﺮﺍﺱ ﺃﻣﻚ ﻧﻘﺺ ﺣﺲ ﺇﻧﺖ ﻭ ﺍﻟﻔﺮﺧﺔ ﻟﻤﻌﺎﻙ
ﺟﺎﻭﺑﺘﻮ ﺭﻳﻤﺎ ﺑﻜﻞ ﺗﺤﺪﻱ
- ﺃﻋﺮﻑ ﺷﺘﺤﻜﻲ
- ﺃﺳﻜﺖ ﺇﻧﺖ ﻣﺘﻨﺴﺎﺵ ﺷﻌﻤﻠﺖ ﻓﻴﻚ ﺃﺧﺮ ﻣﺮﺓ
ﺭﻳﻤﺎ ﺗﺬﻛﺮﺕ ﺷﻨﻮﺍ ﺻﺎﺭ ﻓﻲ ﺍﻟﺠﺎﻣﻌﺔ ﻫﺒﻄﺖ ﺭﺍﺳﻬﺎ ﻭ ﺳﻜﺘﺖ ﻭﺟﻌﺘﻬﺎ ﺃﺻﻼ ﻫﻲ ﻛﺎﻧﺖ ﻧﺎﺳﻴﺔ ﻟﺤﻜﺎﻳﺔ ﻭ ﺗﻮ ﺗﺬﻛﺮﺗﻬﺎ ﻗﺮﺭﺕ ﺇﻧﻬﺎ ﻣﻌﺎﺩﺵ ﺗﺤﻜﻲ ﻣﻌﺎﻩ ﻭ ﻻ ﺗﻌﺒﺮﻭ
ﺟﺎﺀ ﺍﻟﻠﻴﻞ ﻭ ﺍﻟﻌﺎﻳﻠﺘﻴﻦ ﻟﻜﻞ ﻣﻠﻤﻮﻣﻴﻦ ﻗﻌﺪﺕ ﺭﻳﻤﺎ ﻭ ﻗﻌﺪ ﺟﻨﺒﻬﺎ ﻣﺮﺍﺩ ﺑﺎﻟﺼﺪﻓﺔ ﻫﻮ ﻋﺎﻣﻞ ﺭﻭﺣﻮ ﻓﺎﺩ ﻭ ﻣﺘﻘﻠﻖ ﺃﻣﺎ ﻫﻲ ﻣﻌﺒﺮﺍﺗﻮﺵ ﺟﻤﻼ ﻋﺒﺎﺭﺓ ﻣﻬﻮﺵ ﻣﻮﺟﻮﺩ
ﺑﺎﺗﺖ ﺭﻳﻤﺎ ﻋﻨﺪ ﺃﻣﻴﺮﺓ ﺧﺎﺗﺮ ﻣﺨﻠﺘﻬﺎﺵ ﺗﺮﻭﺡ ﻭ ﺷﺪﺕ ﻓﻴﻬﺎ ﺑﺎﺵ ﺗﺮﻗﺪ ﻣﻌﺎﻫﺎ ﺑﺎﻟﺴﻴﻒ ﻋﻄﺎﺗﻬﺎ ﺗﻠﺒﺲ ﺑﻴﺠﺎﻧﺎ ﺑﺎﺵ ﺗﺮﺗﺎﺡ ﺑﻌﺪ ﻣﻘﻠﺒﻮ ﺍﻟﺪﻧﻴﺎ ﺭﻗﺪﻭ ﻣﻦ ﺍﻟﺘﻌﺐ
ﺭﻭﺡ ﻣﺮﺍﺩ ﻓﻲ ﺍﻟﻠﻴﻞ ﻣﻮﺧﺮ ﻛﻲ ﺍﻟﻌﺎﺩﺓ ﺗﻌﺪﻱ ﻟﺒﻴﺖ ﺃﺧﺘﻮ ﺑﺎﺵ ﻳﻄﻤﻦ ﻋﻠﻴﻬﺎ ﻳﻠﻘﻲ ﻣﻌﺎﻫﺎ ﺭﻳﻤﺎ ﺭﺍﻗﺪﺓ ﻗﻌﺪ ﻣﺮﻛﺰ ﻣﻌﺎﻫﺎ ﺃﻭﻝ ﻣﺮﺓ ﻳﺜﺒﺖ ﻓﻴﻬﺎ ﺷﺮﺩ ﻓﻲ ﺯﻳﻨﻬﺎ ﻭ ﺷﻌﺮﻫﺎ ﺍﻟﻄﺎﻳﺢ ﻋﻠﻲ ﻭﺟﻬﺎ ﻓﻤﻬﺎ ﺍﻟﺮﻭﺯ ﺍﻟﻤﻠﻴﺎﻥ ﻭ ﺑﺪﻧﻬﺎ ﻟﻴﻀﻮﻱ ﻣﻦ ﺑﻴﻮﺿﻴﺘﻮ ﻋﻠﻲ ﺿﻮ ﺍﻟﻘﻤﺮﺓ ﺗﻨﻬﺪ ﻭ ﻣﺸﺎ ﺭﻗﺪ
- ﺭﻳﻤﺎ ﺭﻳﻤﺎ
- ﺃﻣﻢ
- ﺭﻳﻤﺎ ﻗﻮﻡ
- ﺃﻣﻤﻢ ﺧﻠﻴﻨﻲ ﻧﺮﻗﺪ
- ﻣﻼ ﺑﻬﻴﻤﺔ ﻧﻮﻡ
ﺧﺮﺟﺖ ﺃﻣﻴﺮﺓ ﻭ ﺧﻼﺕ ﺭﻳﻤﺎ ﺭﺍﻗﺪﺓ
- ﺻﺒﺎﺡ ﺍﻟﺨﻴﺮ ﺃﻣﻴﺮﺓ
- ﺻﺒﺎﺡ ﺍﻟﺨﻴﺮ ﻣﺮﺍﺩ
- ﺷﺒﻴﻚ ﻣﺰﺭﻭﺑﺔ ﻳﺎﺧﻲ ﻋﻠﻲ ﺍﻟﺼﺒﺎﺡ
- ﺑش ﻨﻘﻮﻝ ﻷﻣﻲ ﺗﺠﻲ ﺗﻔﻴﻖ ﺭﻳﻤﺎ ﻣﺤﺒﺘﺶ ﺗﻔﻴﻘﻠﻲ
- ﺧﻠﻲ ﻋﻠﻴﻚ ﺗﻮ ﻧﻔﻴﻘﻬﺎ ﺃﻧﺎ ﺇﻧﺖ ﺑﺮﺍ ﺃﻓﻄﺮ
- ﺇن ﺸﺎﺀ ﺍﻟﻠﻪ ﺗﻨﺠﻤﻬﺎ
ﺃﻣﻴﺮﺓ ﻣﺸﺎﺕ ﻭ ﻫﻮ ﻣﺸﺎ ﻟﺒﻴﺘﻬﺎ ﻳﺠﺮﻱ ﻳﺤﺐ ﻳﺰﻳﺪ ﻳﺸﻮﻓﻬﺎ
- ﺭﻳﻤﺎ ﻗﻮﻡ
- ﺃﻣﻴﺮﺓ ﻗﺘﻠﻚ ﻣﻨﺤﺒﺶ ﻧﻘﻮﻡ
- ﺭﻳﻤﺎ ﻗﻮﻡ ﺧﻴﺮﻟﻚ
- ﺃﻣﻤﻢ ﻻ
ﻣﺮﺍﺩ ﺣﻤﻠﻬﺎ ﺑﺎﺵ ﻳﻬﺒﻂ ﺑﻴﻬﺎ ﻭ ﻫﻲ ﻓﺎﻗﺖ ﺗﻠﻘﻲ ﺭﻭﺣﻬﺎ ﻓﻲ ﺣﻀﻨﻮ ﻓﻲ ﻟﻮﻝ ﻣﺴﺘﻮﻋﺒﺘﺶ ﻟﺤﻜﺎﻳﺔ ﺑﻌﺪﻳﻦ ﻭﻻﺕ ﺗﺪﺯ ﻓﻴﻪ ﻫﺒﻄﻨﻲ ﺷﺎﺥ ﺑﺎﻟﻀﺤﻚ ﻋﻠﻴﻬﺎ ﻛﻴﻔﺎﻩ ﺗﺘﺼﺮﻑ ﻫﻬﻪ ﻣﻼ ﻓﺮﺧﺔ ﻣﺴﻴﺒﻬﺎ ﻛﺎﻥ ﻣﺤﻄﻬﺎ ﻋﻠﻲ ﻃﺎﻭﻟﺔ ﻟﻔﻄﻮﺭ ﻗﺎﻣﺖ ﻏﺴﻠﺖ ﻭﺟﻬﺎ ﻭ ﺳﻨﻴﻬﺎ ﻭ ﺭﺟﻌﺖ ﺑﺎﺵ ﺗﻔﻄﺮ ﻭ ﻓﻄﻮﺭ ﻛﺎﻣﻞ ﻫﻲ ﺗڨﺤﺮ ﻟﻤﺮﺍﺩ ﻭ ﻫﻮ ﻳﻀﺤﻚ ﻋﻠﻴﻬﺎ
الحلقة 16:
ﺟﺎﺀ ﺃﺣﻤﺪ ﺭﻭﺡ ﺑﺮﻳﻤﺎ ﺧﺎﺗﺮ ﺣﺘﻲ ﻫﻮ ﺗﻮﺣﺸﻬﺎ ﻣﺮﺍﺩ ﻓﺪ ﻭ ﺗﻤﻨﻲ ﻛﺎﻥ ﺗﺰﻳﺪ ﺗﺒﻘﻲ
ﺗﻌﺪﺍﺕ ﻟﻴﺎﻡ ﻭ ﺭﺟﻌﺖ ﻟﻘﺮﺍﻳﺔ ﻭ ﻛﻞ ﻳﻮﻡ ﺭﻳﻤﺎ ﺗﺘﻘﺮﺏ ﺃﻛﺜﺮ ﻣﻦ ﺭﺍﻧﻴﺎ .
- ﺻﺒﺎﺡ ﺍﻟﺨﻴﺮ ﺗﺎﺗﺎ ﺭﺍﻧﻴﺎ ﻳﺎﺧﻲ ﺭﻳﻤﺎ ﻭﻳﻨﻲ
- ﺻﺒﺎﺡ ﺍﻟﻨﻮﺭ ﺑﻨﺘﻲ ﺃﻗﻌﺪ ﺗﻔﻀﻞ ﺭﻳﻤﺎ ﺗﻠﺒﺲ ﻓﻲ ﺩﺑﺸﻬﺎ ﻋﺎﻣﻠﺔ ﻓﻲ ﺭﻭﺣﻬﺎ ﻓﺮﺣﺎﻧﺔ ﺑﺮﺟﻌﺖ ﻟﻘﺮﺍﻳﺔ
- ﻫﻬﻪ
ﻫﺒﻂ ﺭﻳﻤﺎ ﻻﺑﺴﺔ ﺳﺮﻭﺍﻝ ﻧﻮﺍﻝ ﻣﺤﺰﻭﻕ ﻋﻠﻴﻬﺎ ﻭ ﺷﻴﻤﻴﺰ ﺭﻭﺝ ﺑﻮﺭﺩﻭ ﻭ ﺑﺴﻜﺎﺕ ﺭﻭﺝ ﺑﻮﺭﺩﻭ ﺧﻼﺕ ﺷﻌﺮﻫﺎ ﻣﻔﺘﻮﺡ ﻭ ﻋﻤﻠﺖ ﻣﻜﻴﺎﺝ ﺧﻔﻴﻒ ﻭ ﺣﻄﺖ ﻟﻴﻨﺎﺗﻬﺎ ﻭ ﻟﺒﺴﺖ ﺳﺎﻛﻬﺎ ﻭ ﺧﺮﺟﺖ
- ﺃﺑﻚ ﺃﺑﻚ ﺷﻨﻮﺍ ﻫﺎﻟﺰﻳﻦ ﻭ ﺍﻟﻌﻴﻦ ﺷﻌﺎﻣﻠﺔ ﻓﻲ ﺭﻭﺣﻚ
- ﻫﻬﻬﻪ ﺃﺣﻢ ﻟﻤﻮﻧﻲ ﻟﻐﺎﺭﻭ ﻣﻨﻲ
- ﻫﻬﻬﻪ ﺃﺳﻜﺖ ﺑﺮﻙ ﻣﺤﻼﻙ ﻭﺍﻟﻠﻪ ﺇﻧﺖ ﻣﻦ ﻗﺒﻞ ﻗﺎﻟﺒﺔ ﺍﻟﺪﻧﻴﺎ ﺑﺰﻳﻨﻚ ﻭ ﺯﻳﺪ ﺍﻟﻴﻮﻡ ﻫﻜﺎ ﺗﻮ ﺗﺠﻴﻚ ﺍﻟﺨﻄﺎﺑﺔ ﺟﻤﻼ
- ﻫﻬﻬﻪ
ﺭﻳﻤﺎ ﺟﺎﺕ ﺧﺎﺭﺟﺔ ﻭ ﺭﺟﻌﺖ ﺑﺎﺳﺖ ﺭﺍﻧﻴﺎ ﻣﻦ ﺟﺒﻴﻨﻬﺎ
- ﻋﻴﺸﻚ ﺗﺎﺗﺎ ﻭﺍﻟﻠﻪ ﻣﺰﻳﺘﻚ ﻣﻨﻨﺴﺎﻫﺎ
- ﻧﺤﻲ ﻋﻠﻴﺎ ﻛﻠﻤﺖ ﺗﺎﺗﺎ ﻭ ﻗﻠﻲ ﺃﻣﻲ
- ﻫﻬﻬﻪ ﺑﻮ ﺯﻳﻨﻚ ﻳﺎ ﺃﺣﻠﻲ ﺃﻡ ﻓﻲ ﺍﻟﺪﻧﻴﺎ
ﺧﺮﺟﺖ ﺭﻳﻤﺎ ﻭ ﺧﻼﺕ ﺭﺍﻧﻴﺎ ﺷﺎﺩﺓ ﻗﻠﺒﻬﺎ ﺣﺴﺘﻮ ﺩﻕ ﻣﻮﺵ ﻧﺮﻣﺎﻝ ﺇﺣﺴﺎﺱ ﺍﻷﻣﻮﻣﺔ ﺳﻴﻄﺮ ﻋﻠﻴﻬﺎ ﺳﺎﻗﻴﻬﺎ ﺑﺮﺩﺕ ﻣﻌﺎﺵ ﺗﻨﺠﻢ ﺗﺎﻗﻒ ...
- ﺃﻟﻮ ﻣﺮﺍﺩ ... ﺇﻳﻪ ﻫﺎﻧﺎ ﺧﺎﺭﺟﻴﻦ .. ﻻ ﻣﻨﻐﻴﺮ ﻣﺘﺠﻲ ﺍﻟﻔﺎﻙ ﻗﺮﻳﺒﺔ ...
ﻫﻲ ﺗﺤﻜﻲ ﻣﻊ ﻣﺮﺍﺩ ﻭ ﻃﻔﻞ ﺑﺰﻧﺲ ﺭﻳﻤﺎ ﻭ ﻃﺒﻌﺎ ﻣﺮﺍﺩ ﻛﺎﻥ ﻳﺴﻤﻊ ﻓﻴﻪ ﺩﻳﺮﺍﻛﺖ ﺳﻠﻤﺖ ﻓﻲ ﻛﻞ ﺷﻲ ﻭ ﺟﺎﻫﻢ ﻃﺎﻳﺮ
- ﻣﺮﺍﺩ ﺷﺒﻴﻚ ﺗﻌﺐ ﻓﻲ ﺭﻭﺣﻚ
- ﺃﻃﻠﻊ
ﻃﻠﻌﺖ ﺃﻣﻴﺮﺓ ﻭ ﺭﻳﻤﺎ ﻛﻤﻠﺖ ﻃﺮﻳﻘﻬﺎ ﻣﺤﺒﺘﺶ ﺗﻄﻠﻊ
- ﺭﻳﻤﺎ ﺃﻃﻠﻊ
- ﻻ
- ﻣﺘﺸﻴﺤﻠﻴﺶ ﺭﻗﻲ ﻗﺘﻠﻚ ﺃﻃﻠﻊ
- ﻭ ﺃﻧﺎ ﻗﺘﻠﻚ ﻻ ﻣﻨﻐﻴﺮ ﻣﺘﺤﺎﻭﻝ
ﻣﺮﺍﺩ ﻓﺪ ﻣﻦ ﺭﻓﻀﻬﺎ ﻭﻣﻦ ﻟﻮﻻﺩ ﺇﻟﻲ ﻳﺒﺰﻧﺴﻮ ﻓﻴﻬﺎ ﻃﺎﺭﺗﻠﻮ ﻗﺪ ﻗﺪ ﻭ ﺯﻳﺪ ﻟﺒﺴﺘﻬﺎ ﻣﻮﺵ ﻋﺎﺟﺒﺘﻮ
- ﺭﻳﻤﺎ ﺃﺧﺮ ﻛﻠﻤﺔ ﻗﺘﻠﻚ ﺃﻃﻠﻊ
- ﻻ
ﻫﺒﻂ مراد ﻃﻠﻌﻬﺎ ﺑﺎﻟﺴﻴﻒ ﻭ ﻫﻲ ﺩﺯ ﻓﻴﻪ .
ﻭﺻﻠﻬﻢ ﻟﻠﻔﺎﻙ ﻫﺒﻄﻮ ﺍﻟﺒﻨﺎﺕ ﻭ ﻫﻮ ﺟﺎ ﺑﺎﺵ ﻳﺨﺮﺝ ﺭﺟﻌﺘﻠﻮ ﺭﻳﻤﺎ
- ﺣﻞ ﺍﻟﻜﺮﻫﺒﺔ
- ﺷﺒﻴﻚ ﺷﺘﺤﺐ ﻭﻻ ﻋﺠﺒﻚ ﺍﻟﺮﻛﻮﺏ ﻣﻌﺎﻳﺎ
- ﻫﻴﻬﻴﻬﻲ ﻣﻀﻤﺮﻙ ﺃﻋﻄﻴﻨﻲ ﺳﺎﻛﻲ ﻧﺴﻴﺘﻬﺎ
- ﻫﻬﻬﻪ
ﻫﺰﺕ ﺭﻳﻤﺎ ﺳﺎﻛﻬﺎ ﻭ ﺩﺧﻠﺖ ﺗﻘﺮﺍ
الحلقة 17:
ﻋﺪﺍﺕ ﺭﻳﻤﺎ ﻧﻬﺎﺭ ﻣﺰﻳﺎﻥ ﺟﻮ ﻭ ﺿﺤﻚ ﻭ ﻃﺒﻌﺎ ﺍﻟﺒﺮﻭﻑ ﺃﻳﻤﻦ ﻋﺠﺒﺘﻮ ﺑﺮﺷﺎ ﺑﻘﺎ ﺷﺎﺩﻟﻬﺎ ﻭﺟﻬﺎ ﻧﻬﺎﺭ ﻛﺎﻣﻞ .
ﻟﻌﺸﻴﺔ ﻗﺎﻋﺪﺓ ﺭﻳﻤﺎ ﻭ ﺃﻣﻴﺮﺓ ﻭ ﺃﻳﻤﻦ ﻭ ﺑﺮﺷﺎ ﻭﻻﺩ ﻭ ﺑﻨﺎﺕ ﺃﺧﺮﻳﻦ ﻳﻔﺪﻟﻜﻮ ﻭ ﻳﻤﺜﻠﻮ ﻓﻲ ﺍﻟﺒﺮﻭﻑ ﻳﺨﻄﺐ ﻓﻲ ﺭﻳﻤﺎ ﻣﻦ ﺍﻣﻴﺮﺓ ﻓﻲ ﺍﻟﻮﻗﺖ ﻫﺬﺍﻛﺎ ﺟﺎﺀ ﻣﺮﺍﺩ ﻭ ﻗﻌﺪ ﻳﺴﻤﻊ ﻓﻴﻬﻢ
- ﻣﺮﺍﺩ ﻭﻗﺘﺎﻩ ﺟﻴﺖ
- ﻣﻠﻲ ﻋﻄﻴﺖ ﺍﻟﻜﻠﻤﺔ ﻓﻲ ﺭﻳﻤﺎ
- ﻫﻬﻬﻪ
- ﻗﻮﻡ ﻧﺮﻭﺣﻮ
- ﺭﻳﻤﺎ ﻫﻴﺎ ﺑﺎﺵ ﻧﺮﻭﺣﻮ
ﺟﺎﻭﺑﻬﺎ ﻣﺮﺍﺩ ﻻ ﺧﻠﻴﻬﺎ ﺗﻜﻤﻞ ﺭﻭﻣﻨﺴﻴﺘﻬﺎ
- ﻳﺎ ﺭﻳﻤﺎ ﺗﻲ ﻗﻮﻡ
- ﻻ ﻫﻮﻛﺎ ﻗﺎﻟﻚ ﺃﻧﺎ ﻣﺎﺯﺍلت ﻣﻮﺵ ﻣﺮﻭﺣﺔ ﻭ ﺍﻟﻄﺮﻳﻖ ﻧﻌﺮﻓﻮ ﺗﻮ ﻧﺮﻭﺡ ﻭﺣﺪﻱ
ﺭﻛﺒﺖ ﺃﻣﻴﺮﺓ ﻓﻲ ﺍﻟﻜﺮﻫﺒﺔ ﻭ ﺭﺟﻊ ﻣﺮﺍﺩ ﻟﺮﻳﻤﺎ ﻳﻠﻘﻲ ﺍﻟﺒﺮﻭﻑ ﻳﺒﻮﺳﻠﻬﺎ ﻓﻲ ﻳﺪﻫﺎ ﻭ ﻳﺘﻐﺰﻝ ﻓﻴﻬﺎ ﻭ ﻫﻲ ﺗﻀﺤﻚ
- ﻛﺎﻥ ﻛﻤﻠﺖ ﺍﻟﻤﺴﺮﺣﻴﺔ ﺗﻨﺠﻢ ﺗﺮﻭﺡ ﻋﻠﻲ ﺭﻭﺣﻚ
ﺃﻳﻤﻦ ﺗﻨﺒﺰ ﻣﻼ ﺯﻟﻌﺔ ﺇﻋﺘﺬﺭ ﻣﻦ ﺭﻳﻤﺎ ﻭ ﻣﺸﺎ
- ﻭﻳﻦ ﻣﺎﺷﻴﺎ ﺇﻧﺖ
ﻫﺰﺗﻮ ﻭ ﺣﻄﺘﻮ ﻭ ﻛﻤﻠﺖ ﻃﺮﻳﻘﻬﺎ ﻟﺤﻘﻬﺎ ﻭﺷﺪﻫﺎ ﻣﻦ ﻣﺮﻓﻘﻬﺎ
- ﻛﻲ ﻧﺤﻜﻲ ﻣﻌﺎﻙ ﻣﻄﻔﻴﻨﻴﺶ
- ﻣﺘﺤﻜﻴﺶ ﻣﻌﺎﻳﺎ ﻭ ﺳﻴﺒﻨﻲ ﺧﻠﻴﻨﻲ ﻧﺮﻭﺡ
- ﺭﻳﻤﺎ ﻣﻄﻴﺮﻫﺎﻟﻴﺶ ﺃﻛﺜﺮ ﻣﻦ ﻫﻜﺎ ﺍﻣﺸﻲ ﺧﻠﻴﻨﻲ ﻧﺮﻭﺡ ﺑﻴﻚ
- ﻣﻨﻴﺶ ﻣﺮﻭﺣﺔ ﻣﻌﺎﻙ
- ﻭﺍﻟﻠﻪ ﺃﻧﺎ ﺍﻟﻐﺎﻟﻂ ﻣﺎﺯﺍﻝ ﻧﺘﺒﻊ ﻓﻴﻚ ﻭ ﻧﺴﻤﻊ ﻓﻲ ﻛﻼﻣﻚ
ﺟﺒﺪﻫﺎ ﻣﻦ ﻳﺪﻫﺎ ﻭ ﺭﻛﺒﻬﺎ ﺑﺎﻟﺴﻴﻒ ﺛﻨﻴﺔ ﻛﺎﻣﻠﺔ ﻭ ﻫﻲ ﺗﻐﻠﻲ ﻭ ﻫﻮ ﻳﻐﺰﺭﻟﻬﺎ ﻣﻦ ﻟﻤﺮﺍﻳﺔ
الحلقة 18:
ﺗﻌﺪﺍﺕ ﻟﻴﺎﻡ ﻭ ﻣﺮﺍﺩ ﻭ ﺭﻳﻤﺎ ﻛﻲ ﺍﻟﻔﺎﺭ ﻭ ﺍﻟﻘﻄﻮﺱ ﻛﻞ ﻳﻮﻡ ﻳﻮﺻﻠﻬﺎ ﻭ ﻳﺮﻭﺡ ﺑﻴﻬﺎ ﺑﺎﻟﺴﻴﻒ
ﻓﺎﻗﺖ ﺭﻳﻤﺎ ﺍﻟﺼﺒﺎﺡ ﻋﻤﻠﺖ ﺩﻭﺵ ﻭ ﺧﺮﺟﺖ ﻟﻴﻦ ﺩﺧﻠﺖ ﻋﻠﻴﻬﺎ ﺭﺍﻧﻴﺎ
- ﺻﺒﺎﺡ ﺍﻟﺨﻴﺮ ﺃﻣﻲ ﺭﺍﻧﻴﺎ
- ﺻﺒﺎﺡ ﺍﻟﺨﻴﺮ ﻣﻴﻤﺎ ﺭﻗﺪﺕ ﻣﻠﻴﺢ
- ﺇﻳﻪ ﺳﺎﻓﺎ
- ﺟﻴﺘﻚ ﺑﺎﺵ ﻧﻘﻠﻚ ﺭﺍﻭ ﻟﻔﻄﻮﺭ ﺣﻀﺮ
- ﺑﺎﻫﻲ
ﺭﺍﻧﻴﺎ ﺟﺎﺕ ﺧﺎﺭﺟﺔ ﻟﻴﻦ ﺭﻳﻤﺎ ﻗﻠﺘﻠﻬﺎ ﺃﻣﺸﻄﻠﻲ ﺷﻌﺮﻱ
ﺑﺪﺍﺕ ﺭﺍﻧﻴﺎ ﺗﻤﺸﻄﻠﻬﺎ ﻓﻲ ﺷﻌﺮﻫﺎ ﻫﻲ ﻫﻜﺎﻛﺎ ﻟﻴﻦ ﺗﺸﻮﻑ ﻓﻲ ﺑﺴﺘﺨﺎﻟﻪ ﻓﻲ ﻛﺘﻔﻬﺎ ﺗﺼﺪﻣﺖ ﻭ ﺭﺟﻌﺖ ﺑﻴﻬﺎ ﺍﻟﺬﺍﻛﺮﺓ ﻟﻨﻬﺎﺭ ﻟﻮﻻﺩﺓ ﻭﻗﺘﻬﺎ ﺗﺬﻛﺮ ﻓﻤﺎ ﺑﺴﺘﺨﺎﻟﺔ ﻓﻲ ﻧﻔﺲ ﻟﺒﻼﺻﺔ ﻓﻲ ﺑﻨﺘﻬﺎ ﺇﺳﺘﻐﺮﺑﺖ ﺑﺮﺷﺎ ﻣﻮﺵ ﻣﻌﻘﻮﻝ ﻳﻜﻮﻥ ﺷﺒﻪ ﻟﺪﺭﺟﺔ ﻫﺬﻱ ﻣﺠﺮﺩ ﺻﺪﻓﺔ ﺑﺪﺍﺕ ﻓﻜﺮﺓ ﺭﻳﻤﺎ ﺑﻨﺘﻬﺎ ﺗﺪﺧﻞ ﻟﻤﺨﻬﺎ ﺃﻭﻝ ﺣﺎﺟﺔ ﺧﻤﻤﺖ ﻓﻴﻬﺎ ﻫﻲ ﺗﺸﻮﻑ ﻛﺘﻒ ﺇﺳﻤﻬﺎﻥ ﺑﺄﻱ ﻃﺮﻳﻘﺔ ﻭ ﻫﺬﻱ ﺣﺎﺟﺔ ﺳﺎﻫﻠﺔ ﻋﻠﻴﻬﺎ ﺑﺮﺷﺎ ﺧﺎﺗﺮ ﺇﺳﻤﻬﺎﻥ ﺗﻠﺒﺲ ﻛﺎﻥ ﻓﻲ ﻟﻘﺼﻴﺮ
ﺭﻭﺣﺖ ﺇﺳﻤﻬﺎﻥ ﻓﻲ ﺍﻟﻠﻴﻞ ﻣﺨﺮ ﻛﻲ ﺍﻟﻌﺎﺩﺓ ﻭ ﺷﺪﺕ ﺑﻴﺘﻬﺎ ﺭﺍﻧﻴﺎ ﻣﺸﺎﺗﻠﻬﺎ ﻋﻠﻲ ﺃﺳﺎﺱ ﺑﺎﺵ ﺗﺘﻔﻘﺪﻫﺎ ﺃﻣﺎ ﻫﻲ ﺷﺎﻓﺘﻠﻬﺎ ﻛﺘﻔﻬﺎ ﻭ ﺍﻟﺼﺪﻣﺔ ﻣﻠﻘﺎﺕ ﺷﻲ
ﺭﺟﻌﺖ ﺭﺍﻧﻴﺎ ﻟﺒﻴﺘﻬﺎ ﻭﺟﻬﺎ ﻣﻠﺨﻠﺦ ﺃﺻﻔﺮ ﺣﻜﺎﺕ ﻟﺴﻤﻴﺮ ﺭﺍﺟﻠﻬﺎ ﻫﻮ ﺯﺍﺩﺍ ﻳﺘﺬﻛﺮ ﻓﻤﺎ ﺑﺴﺘﺨﺎﻟﺔ ﻓﻲ ﻛﺘﻔﻬﺎ
- ﺭﺍﻧﻴﺎ ﻣﻌﻘﻮﻝ ﺗﻜﻮﻥ ﺭﻳﻤﺎ ﺑﻨﺘﻨﺎ
- ﻭﺍﻟﻠﻪ ﻣﻨﻌﺮﻑ ﺃﻣﺎ ﺇﺳﻤﻬﺎﻥ ﻣﻌﻨﺪﻫﺎﺵ ﺍﻟﺒﺴﺘﺨﺎﻟﺔ
- ﻭﺍﻟﻠﻪ ﺣﺎﺱ ﺭﻭﺣﻲ ﺣﺎﺑﺲ ﺃﺻﻼ ﻣﻠﻲ ﺩﺧﻠﺖ ﺭﻳﻤﺎ ﻟﺪﺍﺭ ﻋﻤﺮﻱ ﻣﺤﺴﻴﺘﻬﺎ ﻏﺮﻳﺒﺔ ﻋﻠﻴﺎ ﺍﻣﺎ ﺇﺳﻤﻬﺎﻥ ﺳﺎﻋﺎﺕ ﻧﻔﺪ ﻣﻦ ﺗﺼﺮﻓﺎﺗﻬﺎ
- ﻻﺯﻡ ﻧﺮﺍﻗﺒﻮﻫﺎ
- ﻋﻨﺪﻙ ﺍﻟﺤﻖ ﻭﻻﺯﻡ ﺭﻳﻤﺎ ﻣﺘﺴﻤﻊ ﺑﺸﻲ ﺧﻠﻴﻬﺎ ﺗﻌﺪﻱ ﻋﺎﻣﻬﺎ ﻭ ﺗﻨﺠﺢ ﺑﻌﺪﻳﻦ ﻧﺤﻜﻮ ﻣﻌﺎﻫﺎ
ﺗﻌﺪﺍﺕ ﻟﻴﺎﻡ ﻭ ﺭﺍﻧﻴﺎ ﻭ ﺳﻤﻴﺮ ﺩﻳﻤﺎ ﻳﺮﺍﻗﺒﻮ ﻓﻴﻬﺎ ﻟﻴﻦ ﺳﻤﻌﻮﻫﺎ ﻣﺮﺓ ﺗﺤﻜﻲ ﺑﺎﻟﺘﻠﻔﻮﻥ + ﺃﻟﻮ ﻭﻱ .. ﻣﻌﻤﻠﺖ ﺷﻲ .. ﻣﻨﺠﻤﺘﺶ ﻧﻌﺮﻑ ﺍﻷﻭﺭﺍﻕ ﺍﻟﻮﻳﻦ .. ﻻ ﻣﻨﺠﻤﺶ ﺧﺎﺗﺮ ﺷﺎﺩﻳﻦ ﻋﻠﻴﺎ ﺍﻟﻌﺴﺔ ﻳﻤﻜﻦ ﺷﺎﻛﻴﻦ ﺇﻟﻲ ﺃﻧﺎ ﻣﻮﺵ ﺑﻨﺘﻬﻢ .. ﺑﺎﻫﻲ ﻛﺎﻥ ﺻﺎﺭﺕ ﺣﺎﺟﺔ ﺗﻮ ﻧﻘﻠﻚ .. +
ﺭﻳﻤﺎ ﻭ ﺳﻤﻴﺮ ﺗﻮ ﺗﺄﻛﺪﻭ ﺇﻟﻲ ﺇﺳﻤﻬﺎﻥ ﻣﻮﺵ ﺑﻨﺘﻬﻢ ﺃﻣﺎ ﻣﻴﻨﺠﻤﻮﺵ ﺯﺍﺩﺍ ﻳﺼﺪﻗﻮ ﺇﻟﻲ ﺭﻳﻤﺎ ﺑﻨﺘﻬﻢ ﺧﺎﺗﺮ ﺍﻹﺣﺴﺎﺱ ﻭﺣﺪﻭ ﻣﻮﺵ ﻛﺎﻓﻲ ﺑﺎﺵ ﻳﻌﺮﻓﻮ ﻟﺤﻘﻴﻘﺔ ﻭ ﺍﻟﺒﺴﺘﺨﺎﻟﺔ ﻳﻤﻜﻦ ﺗﻜﻮﻥ ﺻﺪﻓﺔ
ﺗﻌﺪﺍﺕ ﺟﻤﻌﺔ ﻋﻠﻲ ﻟﺤﻜﺎﻳﺔ ﻭ ﻟﻴﻮﻡ ﻋﻴﺪ ﻣﻴﻼﺩ ﺭﻳﻤﺎ ﻳﻌﻨﻲ ﻋﻴﺪ ﻣﻴﻼﺩ ﺇﺳﻤﻬﺎﻥ ﺯﺍﺩﺍ ﺑﺪﺍﻭ ﻳﺤﻀﺮﻭ ﻓﻲ ﻛﻞ ﺷﻲ ﻭ ﺭﻳﻤﺎ ﻣﻘﺎﻟﺖ ﻟﺤﺪ ﻋﻠﻲ ﻋﻴﺪ ﻣﻴﻼﺩها ﻣﺘﺤﺒﺶ ﺗﺤﺸﻤﻬﻢ ﻭ ﺗﻠﺰﻫﻢ ﻳﺠﻴﺒﻮﻟﻬﺎ ﻛﺎﺩﻭ
ﺭﻭﺣﺖ ﺭﻳﻤﺎ ﺗﻠﻘﺎﻫﺎ ﺍﻟﺪﻧﻴﺎ ﺣﺎﻓﻠﺔ ﺃﻭﻝ ﻣﺠﺎﺀ ﻋﻠﻲ ﺑﺎﻟﻬﺎ ﻫﻮ ﺃﻧﻮ ﻋﺮﻓﻮ ﻋﻴﺪ ﻣﻴﻼﺩﻫﺎ ﻣﺸﺎﺕ ﺑﺎﺳﺖ ﺍﻟﻌﺎﻳﻠﺔ ﺍﻟﻜﻞ
- ﻣﺮﺳﻲ ﺧﺎﺗﺮ ﻋﺮﻓﺘﻮ ﻋﻴﺪ ﻣﻴﻼﺩﻱ ﻧﺤﺒﻜﻢ ﺑﺮﺷﺎ
ﺑﻘﺎﻭ ﻟﻜﻞ ﻣﺼﺪﻭﻣﻴﻦ ﻓﻲ ﺍﻟﻮﻗﺖ ﻫﺬﺍﻛﺎ ﺩﺧﻠﺖ ﺇﺳﻤﻬﺎﻥ ﻟﻠﺪﺍﺭ ﺗﻠﻘﺎﻫﻢ ﻣﻠﻤﻮﻣﻴﻦ
- ﻳﺎﺧﻲ ﻋﻴﺪ ﻣﻴﻼﺩ ﺷﻜﻮﻥ ﻟﻴﻮﻡ ﻫﺎﻛﻢ ﺍﻟﻜﻞ ﻣﻠﻤﻮﻣﻴﻦ
ﺃﺣﻤﺪ ﺟﺎﺀ ﺑﺎﺵ ﻳﺤﻜﻲ ﺳﺒﻘﺘﻮ ﺭﺍﻧﻴﺎ
- ﻟﻴﻮﻡ ﻋﻴﺪ ﻣﻴﻼﺩ ﺭﻳﻤﺎ ﻭ ﺑﺎﻟﺮﺳﻤﻲ ﻛﻤﻠﻮ ﺍﻟﺤﻔﻠﺔ ﻋﻠﻲ ﺃﺳﺎﺱ ﻛﺎﻧﻮ ﻣﺤﻀﺮﻳﻨﻬﺎ ﻟﺮﻳما
ﺩﺧﻠﺖ ﺭﻳﻤﺎ ﻟﺒﻴﺘﻬﺎ ﺑﺪﺍﺕ ﺗﺤﻮﻡ ﻓﻲ ﺩﺑﺸﻬﺎ ﺍﻟﻘﺪﻳﻢ ﻋﻠﻲ ﺻﻨﺪﻭﻗﻬﺎ ﺇﻟﻲ ﻋﺎﻣﻠﺔ ﻓﻴﻪ ﺳﻠﺴﻠﺘﻬﺎ ﻗﻠﺒﺖ ﻋﻠﻴﻪ ﺍﻟﺪﻧﻴﺎ ﻣﻠﻘﺎﺗﻮﺵ ﻟﻴﻦ ﺟﺎﺗﻬﺎ ﺭﺍﻧﻴﺎ
- ﺭﻳﻤﺎ ﺷﺒﻴﻚ ﻗﺎﻟﺒﺔ ﺍﻟﺪﻧﻴﺎ
- ﻋﻨﺪﻱ ﺻﻨﺪﻭﻕ ﺻﻐﻴﺮ ﻣﻠﻘﺘﻮﺵ ﺧﺎﻳﻔﺔ ﻛﺎﻥ ﻳﻄﻠﻊ ﻧﺴﻴﻨﺎﻩ ﻓﻲ ﺩﺍﺭ ﺍﻟﻤﺮﺣﻮﻣﺔ
- ﻻ ﻫﻮﻛﺎ ﻓﻲ ﺑﻴﺘﻚ جبتهوﻟﻚ
ﻣﺸﺎﺕ ﺭﻳﻤﺎ ﻫﺰﺗﻮ ﻓﺘﺤﺘﻮ ﺛﺒﺘﺖ ﺇﻟﻲ ﺍﻟﺴﻠﺴﻠﺔ ﻣﻮﺟﻮﺩﺓ ﺟﺎﺕ ﺑﺎﺵ ﺗﻠﺒﺴﻬﺎ ﻟﻴﻦ ﺗﺴﻤﻊ ﻓﻲ ﺃﻣﻴﺮﺓ ﺗﻌﻴﻄﻠﻬﺎ ﺑﺎﺵ ﺗﻬﺒﻂ ﺳﻜﺮﺕ ﺍﻟﺼﻨﺪﻭﻕ ﻭ ﻫﺒﻄﺖ ﻫﻲ ﻭ ﺭﺍﻧﻴﺎ
ﻟﻜﻞ ﻭﺍﻗﻔﻴﻦ ﻳﺴﺘﻨﺎﻭ ﻓﻴﻬﺎ ﺑﺎﺵ ﺗﻘﺺ ﺍﻟڨﺎﺗﻮ ﻣﺸﺎﺕ ﻗﻌﺪﺕ ﺑﻴﻨﺎﺗﻬﻤﻮ ﺗﻜﻠﻤﺖ ﺃﻣﻴﺮﺓ
- ﺭﻳﻤﺎ ﺗﻲ ﻗﺺ ﺍﻟڨﺎﺗﻮ
- ﻟﺤﻈﺔ ﺧﻠﻴﻨﻲ ﻧﻠﺒﺲ ﺳﻠﺴﻠﺘﻲ ﻧﺤﺐ ﻧﺤﺲ ﺇﻟﻲ ﻋﺎﻳﻠﺘﻲ ﻗﺮﺍﺏ ﻟﻴﺎ
الحلقة 19:
ﺣﻠﺖ ﺭﻳﻤﺎ ﺍﻟﺼﻨﺪﻭﻕ ﻭ ﺟﺒﺪﺕ ﺳﻠﺴﻠﺘﻬﺎ ﻭ ﻟﺒﺴﺘﻬﺎ ﺑﻘﺎﻭ ﻟﻜﻞ ﻣﺼﺪﻭﻣﻴﻦ ﻭ ﺍﻟﻌﻴﻮﻥ ﻣﻌﺒﻴﺔ ﺑﺎﻟﺪﻣﻮﻉ ﻗﺮﺏ ﺃﺣﻤﺪ ﻭ ﺭﺍﻧﻴﺎ ﻭ ﺳﻤﻴﺮ ﻟﺮﻳﻤﺎ ﻭ ﻛﻞ ﻭﺍﺣﺪ ﺧﺮﺝ ﺳﻠﺴﻠﺘﻮ ﻧﻔﺲ ﺍﻟﺴﻠﺴﻠﺔ ﻣﻮﺟﻮﺩﺓ ﻋﻨﺪﻫﻢ ﺍﻟﻌﻴﻮﻥ ﺗﻌﺒﺎﺕ ﺑﺎﻟﺪﻣﻮﻉ ﻭ ﺭﻳﻤﺎ ﻣﻔﺎﻫﻤﺔ ﺷﻲ
- ﻳﺎ ﻫﺎﻭ ﻃﻠﻊ ﻋﻨﺪﻛﻢ ﻧﻔﺲ ﺍﻟﺴﻠﺴﻠﺔ
ﺗﻜﻠﻢ ﺃﺣﻤﺪ
- ﺭﻳﻤﺎ ﺇﻧﺖ ﻫﻲ ﺃﺧﺘﻲ ﺍﻟﺤﻘﻴﻘﻴﺔ
- ﻫﻬﻪ ﺷﺒﻴﻚ ﺃﺣﻤﺪ ﺗﺒﻜﻲ ﺭﺍﻧﻲ ﻣﻦ ﻗﺒﻞ ﺃﺧﺘﻚ
ﺗﻜﻠﻤﺖ ﺭﺍﻧﻴﺎ ﻭ ﺳﻤﻴﺮ
- ﺇﻧﺖ ﻫﻲ ﺑﻨﺘﻨﺎ ﺍﻟﻀﺎﻳﻌﺔ ﺇﻧﺖ ﺑﻨﺘﻨﺎ ﺍﻟﺤﻤﺪ ﻟﻠﻪ ﻟﻘﻴﻨﺎﻙ
ﺭﻳﻤﺎ ﺗﺬﻛﺮﺕ ﻛﻼﻡ ﻋﻴﺸﻮﺷﺔ ﻛﻲ ﻗﻠﺘﻠﻬﺎ ﺭﺍﻭ ﺍﻟﺴﻠﺴﻠﺔ ﻟﻘﻴﺘﻬﺎ ﻣﻌﺎﻙ ﻛﻲ ﺗﻮﻟﺪﺕ ﺑﺪﺍﺕ ﺗﺒﻜﻲ ﻭ ﻫﻮﻣﺎ ﻳﺤﻤﻠﻮ ﻓﻴﻬﺎ ﻭ ﻳﺒﻮﺳﻮ
ﺇﺳﻤﻬﺎﻥ ﺟﺎﺕ ﺑﺎﺵ ﺗﻬﺮﺏ ﻳﺎﺧﻲ ﺷﺪﻫﺎ ﻣﺮﺍﺩ ﻭ ﻗﻠﻬﺎ ﻣﺎﺯﺍﻝ ﺣﺎﺟﺘﻨﺎ ﺑﻴﻚ
ﺟﺎﺕ ﺍﻟﺸﺮﻃﺔ ﻭ ﻫﺰﻭ ﺇﺳﻤﻬﺎن ﺑﺘﻬﻤﺔ ﺗﺤﺮﻳﻒ ﺷﺨﺼﻴﺔ ﻛﻤﻞ ﺳﻤﻴﺮ ﻗﺎﻟﻬﻢ ﻋﻠﻲ ﺍﻷﻭﺭﺍﻕ ﻟﺘﺤﺐ ﺗﺎﺧﻮﻫﻢ ﻭ ﻣﻨﺠﻤﺘﺶ ﻓﻲ ﻟﻮﻝ ﻣﺤﺒﺘﺶ ﺃﻣﺎ ﺑﻌﺪﻳﻦ ﻗﺎﺗﻠﻬﻢ ﺃﻭﺭﺍﻕ ﺍﻟﺜﺮﻭﺓ ﻫﻮﻣﺎ ﻟﻨﺤﻜﻲ ﻋﻠﻴﻬﻢ
ﺭﺟﻌﺖ ﺭﻳﻤﺎ ﺗﻘﺮﻱ ﻭ ﻓﺮﺣﺎﻧﺔ ﺑﺮﺷﺎ ﺧﺎﺗﺮ ﻟﻘﺎﺕ ﻋﺎﻳﻠﺘﻬﺎ ﻭ ﺯﻳﺪ ﻋﻼﻗﺘﻬﺎ ﺑﻴﻬﻢ ﻃﻴﺒﺔ
ﺩﺧﻠﺖ ﺭﻳﻤﺎ ﻟﻠﻜﻼﺱ ﻟﻘﺎﺕ ﺃﻣﻴﺮﺓ ﻗﺎﻋﺪﺓ ﻓﻲ ﺑﻘﻌﺘﻬﻢ ﻣﺘﺎﻉ ﺍﻟﻌﺎﺩﺓ
- ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﺨﻴﺮ
- ﺃﻣﻴﺮﺓ ﺷﺒﻴﻚ ﻣﻨﺮﻓﺰﺓ
- ﺷﻨﻮﺍ ﺑﻌﺪ ﻣﻠﻘﻴﺖ ﻋﺎﻳﻠﺘﻚ ﻣﻌﺎﺵ ﺗﺤﺐ ﻧﻮﺻﻠﻮﻙ ﺑﺪﻟﺘﻨﻲ ﺑﺄﺣﻤﺪ
- ﻫﻬﻪ ﺗﻲ ﺷﺒﻴﻚ ﻳﺎ ﻣﻬﺒﻮﻟﺔ ﺗﺨﻤﻢ ﻫﻜﺎ ﺗﻲ ﻣﺎﻭ ﻣﺒﺎﺭﺡ ﺭﻗﺪﻧﺎ ﻟﻜﻞ ﻣﻊ ﺑﻌﻀﻨﺎ ﻭ ﺳﻬﺮﻧﺎ ﺑﺮﺷﺎ ﻣﻨﺠﻤﺘﺶ ﻧﻘﻮﻡ ﺻﺒﺎﺡ
- ﺗﺤﺐ ﺗﻔﻬﻤﻨﻲ ﺇﻟﻲ ﺇﻧﺖ ﻗﺒﻞ ﺗﻔﻴﻖ ﺑﻜﺮﻱ ﻫﻬﻪ
- ﻫﻬﻪ ﻣﺨﻴﺒﻚ
ﻫﻤﺎ ﻳﺤﻜﻮ ﻭ ﻳﺪﺧﻞ ﺑﺮﻭﻑ ﺟﺪﻳﺪ ﻓﻲ ﻋﻮﺽ ﺃﻳﻤﻦ ﺭﺍﺟﻞ ﻛﺒﻴﺮ ﻓﻲ ﻋﻤﺮﻭ ﺭﻳﻤﺎ ﺇﺳﺘﻐﺮﺑﺖ ﺧﺎﺗﺮ ﺃﻳﻤﻦ ﻣﻘﺎﻟﻬﻤﺶ ﺇﻟﻲ ﻫﻮ ﺑﺎﺵ ﻳﺤﻮﻝ ﺃﻣﺎ ﺟﺎﺏ ﺭﺑﻲ ﻃﻠﻊ ﻋﻨﺪﻫﺎ ﻧﻴﻤﺮﻭﻩ ﺃﻭﻝ ﻣﻜﻤﻠﺖ ﻟﻘﺮﺍﻳﺔ ﻃﻠﺒﺎﺗﻮ
- ﻋﺴﻼﻣﺔ ﻣﻴﺴﻴﻮ ﺃﻳﻤﻦ
- ﺃﻫﻼ ﺭﻳﻤﺎ ﻭﻳﻨﻚ ﻟﺒﺎﺱ
- ﺍﻟﺤﻤﺪ ﻟﻠﻪ ﺟﻴﺴﺖ ﺣﺒﻴﺖ ﻧﺴﺄﻟﻚ ﻳﺎﺧﻲ ﻭﻗﺘﺎﻩ ﻃﻠﺒﺖ ﻧﻘﻠﺔ ﻣﻘﺘﻠﻨﺎﺵ
- ﻭﺍﻟﻠﻪ ﻣﻨﻌﺮﻑ ﺃﻧﺎ ﻣﻄﻠﺒﺘﺶ ﻳﻨﻘﻠﻮﻧﻲ ﻫﻮﻣﺎ ﻧﻘﻠﻮﻧﻲ ﻟﻠﺠﻨﻮﺏ
- ﺃﻩ ﺑﺎﻫﻲ
- ﺇن ﺸﺎﺀ ﺍﻟﻠﻪ ﺗﻮ ﻧﺠﻲ ﻧﺸﻮﻓﻚ
- ﺇن ﺸﺎﺀ ﺍﻟﻠﻪ
ﺟﺎﺀ ﻣﺮﺍﺩ ﺑﺎﺵ ﻳﺮﻭﺡ ﺑﺄﻣﻴﺮﺓ ﻭ ﺭﻳﻤﺎ ﻭ ﻛﻲ ﺍﻟﻌﺎﺩﺓ ﺭﻳﻤﺎ ﻣﺤﺒﺘﺶ ﺗﻄﻠﻊ ﻣﺤﺒﺶ ﻳﻜﺴﺮ ﺭﺍﺳﻮ ﺑﺮﺷﺎ ﺧﻼﻫﺎ ﻭ ﺭﻭﺡ .
ﺭﻭﺣﺖ ﺭﻳﻤﺎ ﻋﻠﻲ ﺳﺎﻗﻴﻬﺎ ﻫﻲ ﻭ ﻃﻔﻞ ﻳﻘﺮﻱ ﻣﻌﺎﻫﺎ ﻭ ﺑﻘﺎﻭ ﻳﻔﺪﻟﻜﻮ ﻭ ﻳﻀﺤﻜﻮ ﻟﻴﻦ ﺗﺸﻮﻑ ﻓﻲ ﻣﺮﺍﺩ ﺟﺎﻳﻬﺎ ﻃﺎﻳﺮ ﺑﺎﻟﻜﺮﻫﺒﺔ ﺿﺮﺏ ﺍﻟﻄﻔﻞ ﻭ ﺭﻛﺒﻬﺎ ﻓﻲ ﺍﻟﻜﺮﻫﺒﺔ ﻭ ﺭﻭﺡ ﺑﻴﻬﺎ ﻣﻨﻐﻴﺮ ﺣﺘﻲ ﻣﻴﺤﻜﻲ ﻣﻌﺎﻫﺎ ﻭﻻ ﻳﺎﺳﺮ ﻧﺮﻓﻮﺯﻱ ﻭ ﺩﻳﻤﺎ ﻋﻠﻲ ﺃﻋﺼﺎﺑﻮ ﺍﻟﻐﻴﺮﺓ ﺑﺎﺵ ﺗﻘﺘﻠﻮ ﺣﺘﻲ ﺃﻳﻤﻦ ﻫﻮ ﺇﻟﻲ ﺣﻮﻟﻮ ﻣﻦ ﺧﺪﻣﺘﻮ ﻳﺎﺳﺮ ﻳﺮﻣﻲ ﻓﻲ ﺍﻟﻤﻌﻨﻲ ﻋﻠﻲ ﺩﺑﺶ ﺭﻳﻤﺎ ﻣﻴﺤﺒﻬﺎﺵ ﺗﻠﺒﺲ ﺣﺎﺟﺔ ﻣﺤﺰﻭﻗﺔ ﺃﻣﺎ ﻫﻲ ﻣﻮﺵ ﻣﻌﺒﺮﺗﻮ ﺣﺘﻲ ﻃﺮﻑ ﺗﻌﻤﻞ ﻛﺎﻥ ﺇﻟﻲ ﻓﻲ ﺭﺍﺳﻬﺎ
الحلقة 20:
ﺑﺪﺍﺕ ﻓﺘﺮﺕ ﺩﻓﻮﺍﺭﺍﺕ ﻭ ﺃﻳﻤﻦ ﻣﻴﺤﺒﺶ ﻳﻌﺎﺭﻙ ﺭﻳﻤﺎ ﻣﺨﻠﻴﻬﺎ ﻋﻠﻲ ﺭﺍﺣﺘﻬﺎ ﺭﺍﻧﻴﺎ ﻭ ﺟﻤﻴﻠﺔ ﺑﺪﺍﻭ ﻳﻼﺣﻈﻮ ﻓﻲ ﺇﻫﺘﻤﺎﻡ ﻣﺮﺍﺩ ﺑﺮﻳﻤﺎ ﻫﻬﻪ ﻭﺻﻠﻮ ﻳﺨﻄﻄﻮ ﻋﻠﻲ ﺍﻟﻌﺮﺱ ﻛﻴﻔﺎﻩ ﺑﺎﺵ ﻳﻌﻤﻠﻮﻩ .
ﻟﻴﻮﻡ ﺃﺧﺮ ﻧﻬﺎﺭ ﻓﻲ ﺍﻟﺪﻳﻔﻮﺍﺭﺍﺕ ﻛﻤﻠﻮ ﻋﺪﺍﻭ ﻭ ﺧﺮﺟﻮ ڨﺮﻭﺏ ﻛﺎﻣﻞ ﻭﻻﺩ ﻭ ﺑﻨﺎﺕ ﻛﻴﻤﺎ ﺍﻟﻌﺎﺩﺓ ﻟﻴﻦ ﺟﺎﺀ ﻣﺮﺍﺩ ﺍﻟﺸﺮ ﺧﺎﺭﺝ ﻣﻦ ﻋﻴﻨﻴﻪ ﺭﻛﺐ ﺭﻳﻤﺎ ﻭ ﺧﻼ ﺃﺧﺘﻮ ﺣﺎﺭﺕ ﻓﻴﻪ
- ﻳﺎﺧﻲ ﺷﺒﻲ ﺑﻼﻙ ﺇﻧﺖ
- ﺳﻜﺮ ﻓﻤﻚ ﻃﺮﻃﻮﺭ ﺃﻧﺎ ﻗﺎﻋﺪﺓ ﺗﻜﺸﺦ ﻣﻊ ﻟﻮﻻﺩ ﻫﻜﺎﻛﺎ
- ﻣﻴﻬﻤﻜﺶ ﻓﻴﺎ ﺗﻠﻬﻲ ﻓﻲ ﺭﻭﺣﻚ ﻭ ﺗﻮ ﻫﺒﻄﻨﻲ
ﺭﻳﻤﺎ ﺟﺎﺕ ﺑﺎﺵ ﺗﻔﺘﺢ ﺍﻟﺒﺎﺏ ﻭ ﻫﻮ ﻛﻼ ﺍﻟﺜﻨﻴﺔ ﻣﺎﻛﻠﺔ ﻫﺰﻫﺎ ﻟﻠﺒﺤﺮ
ﻫﺒﻄﺖ ﺭﻳﻤﺎ ﻭ ﻫﺒﻂ ﻫﻮ ﻭﺭﺍﻫﺎ ﺑﻘﺎﻭ ﻣﺘﻜﻴﻴﻦ ﻋﻠﻲ ﺍﻟﻜﺮﻫﺒﺔ ﻳﻐﺰﺭﻭ ﻟﻠﺒﺤﺮ
- ﺭﻳﻤﺎ
- ﻧﻌﻢ
- ﻧﺤﺒﻚ
.....-
- ﺭﻳﻤﺎ ﻧﺤﺒﻚ ﺟﺎﻭﺑﻨﻲ
- ﻛﻤﻠﺖ ﻛﻼﻣﻚ
- ﻳﺎﺧﻲ ﻣﻮﺵ ﻣﺼﺪﻗﺎ ﻛﻼﻣﻲ
- ﺇﻳﻪ ﻣﺎﻧﺶ ﻣﺼﺪﻗﺎ ﻭ ﻣﻨﺤﺒﺶ ﻧﺼﺪﻕ ﻭ ﺳﺎﻣﺤﻨﻲ ﺗﻮ ﻧﺤﺐ ﻧﺮﻭﺡ ﻭﺻﻠﻨﻲ
- ﻳﺎ ﺭﻳﻤﺎ ﻭ ﺍﻟﻠﻪ ﻧﺤﺒﻚ ﺃﻓﻬﻢ ﻣﻌﺎﺵ ﻧﺤﺒﻚ ﺗﺒﻘﻲ ﺑﻌﻴﺪﺓ ﻋﻠﻴﺎ
- ﺇﻧﺖ ﺑﺎﻟﺬﺍﺕ ﻣﺴﺘﺤﻴﻞ ﻧﻜﻮﻥ ﻣﻌﺎﻙ ﺑﻌﺪ ﻟﻌﻤﻠﺘﻬﻮﻟﻲ
- ﻭﺍﻟﻠﻪ ﻧﺎﺩﻡ ﻭﻗﺘﻬﺎ ﺍﻟﻐﺮﻭﺭ ﻋﺎﻣﻴﻨﻲ ﺃﻧﺎ ﻣﺮﺍﺩ ﻟﻌﻤﺮﻱ ﻣﺤﺴﺒﺖ ﻃﻔﻠﺔ ﻭ ﻗﺪﺭﺗﻬﺎ ﺟﻴﺖ ﺇﻧﺖ ﺑﺪﻟﺘﻨﻲ ﺧﻠﻴﺘﻨﻲ ﻧﻌﺸﻘﻚ ﻣﻨﻐﻴﺮ ﻣﻨﺤﺲ ﺑﺮﻭﺣﻲ ﻋﻴﺸﻚ ﺳﺎﻣﺤﻨﻲ ﻭ ﻧﻮﻋﺪﻙ ﻧﺒﺪﺍﻭ ﺻﻔﺤﺔ ﺟﺪﻳﺪﺓ ﻭ ﻧﻨﺴﺎﻭ ﺇﻟﻲ ﺻﺎﺭ
- ﻣﻨﻐﻴﺮ ﻣﺘﺤﺎﻭﻝ
- ﺭﻳﻤﺎ ﻣﺘﻬﺒﻠﻨﻴﺶ
- ﺇﺑﻌﺪ ﻋﻠﻴﺎ
ﻗﺮﺏ ﻣﻨﻬﺎ ﻣﺮﺍﺩ ﻭ ﺑﺎﺳﻬﺎ ﺑﻮﺳﺔ ﺧﻔﻴﻔﺔ
- ﺳﺎﻣﺤﻨﻲ ﺑﻨﺖ ﻋﻤﻲ ﺃﻣﺎ ﺣﺘﻲ ﻛﺎﻥ ﻣﻮﻓﻘﺘﺶ ﻋﻠﻴﺎ ﺭﺍﻧﻲ ﻣﻮﺵ ﺑﺎﺵ ﻧﺨﻠﻲ ﺣﺪ ﻳﻘﺮﺑﻚ
ﺭﻳﻤﺎ ﺑﻘﺎﺕ ﺩﺍﻳﺨﺔ ﻣﻦ ﺍﻟﺒﻮﺳﺔ ﺗﺮﻫﻮﺟﺖ ﻫﻲ ﺯﺍﺩﺍ ﺗﺤﺒﻮ ﻭ ﺗﻌﺸﻘﻮ ﺗﻤﻮﺕ ﻋﻠﻲ ﻏﻴﺮﺗﻮ ﻋﻠﻴﻬﺎ ﻭ ﺭﺟﻮﻟﻴﺘﻮ ﺍﻟﻄﺎﻏﻴﺔ ﻋﻠﻴﻪ، ﺭﻳﺤﺘﻮ ﻟﺘﻌﺮﻓﻬﺎ ﻣﻦ ﺑﻴﻦ ﺍﻟﻨﺎﺱ ﺍﻟﻜﻞ ﺃﻣﺎ ﻣﺘﻨﺠﻤﺶ ﺗﻨﺴﻲ ﻟﻴﺼﺎﺭ ﺧﺎﺗﺮ ﻫﺎﻧﻬﺎ ﻓﻲ ﻛﺮﺍﻣﺘﻬﺎ ﻭ ﺫﻟﻬﺎ ﻣﻮﺵ ﺷﻮﻱ
ﺻﺒﺎﺡ ﺍﻟﺨﻴﺮ ﻋﻤﺘﻲ ﺭﺍﻧﻴﺎ
- ﺻﺒﺎﺡ ﺍﻟﺨﻴﺮ ﻣﺮﺍﺩ ﻛﻲ ﺍﻟﺴﺒﺔ ﺟﻴﺖ ﻣﻦ ﺍﻟﺼﺒﺎﺡ
- ﺟﻴﺖ ﺑﺎﺵ ﻧﺨﺮﺝ ﻣﻊ ﺭﻳﻤﺎ ﻧﻔﻄﺮﻭ
- ﺇﻧﺘﺸﻮﻓﻬﺎ ﺃﻣﺎ ﺻﻌﻴﺐ ﻛﺎﻥ ﺗﻔﻴﻘﻠﻚ
- ﻫﻬﻬﻪ ﻋﻴﺸﻚ ﺗﻮ ﻧﻔﻴﻘﻬﺎ
ﻃﻠﻊ ﻣﺮﺍﺩ ﻟﺒﻴﺖ ﺭﻳﻤﺎ ﺑﺎﺵ ﻳﻔﻴﻘﻬﺎ ﺃﻋﻌﻊ ﻣﺤﻼﻫﺎ ﺸﻌﺮها ﻃﺎﻳﺢ ﻋﻠﻲ ﻋﻴﻨﻴﻬﺎ ﻭ ﺯﻳﺪ ﻻﺑﺴﺔ ﺭﻭﺑﺔ ﻗﺼﻴﺮﺓ ﻭ ﺍﻟﻐﻄﺎﺀ ﻃﺎﻳﺢ
- ﺭﻳﻤﺎ ﻗﻮﻡ
- ﺃﻣﻢ
- ﺭﻳﻤﺎ ﻓﻴﻖ
- ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﺨﻴﺮ ﺭﻳﻤﺎ ﻫﻴﺎ ﻗﻮﻡ ﺑﺎﺵ ﻧﺨﺮﺟﻮ ﻧﻔﻄﺮﻭ
- ﺑﺎﻫﻲ
ﻫﻮ ﺧﺮﺝ ﻭ ﻫﻲ ﺭﺟﻌﺖ ﺭﻗﺪﺕ
- ﺷﻨﻮﺍ ﻧﺠﻤﺖ ﺗﻔﻴﻘﻬﺎ
- ﺇﻳﻪ ﻓﻴﻘﺘﻬﺎ ﻭ ﻗﺘﻠﻬﺎ ﺑﺎﺵ ﻧﺨﺮﺟﻮ ﻗﺘﻠﻲ ﺑﺎﻫﻲ
- ﻫﻬﻬﻪ ﺃﺭﺟﻊ ﺷﻮﻓﻬﺎ
ﺭﺟﻊ ﻣﺮﺍﺩ ﻳﺸﻮﻑ ﻓﻴﻬﺎ ﻳﻠﻘﺎﻫﺎ ﺭﺍﻗﺪﺍ
- ﻳﺎ ﺭﻳﻤﺎ ﻗﻮﻡ
- ﺑﻔﻒ ﻓﻚ ﻋﻠﻲ ﻗﺘﻠﻲ ﻫﺎﻟﺼﺒﺎﺡ ﻣﺎﻧﻴﺶ ﻓﺎﻳﻘﺔ
- ﻓﻴﻖ ﺧﻴﺮﻟﻚ
- ﺑﺮﺍ ﺯﻣﺮ
ﺟﺒﺪﻫﺎ ﻣﺮﺍﺩ ﻣﻦ ﻣﺴﻼﻧﻬﺎ ﻭ ﺣﻄﻬﺎ ﻗﺪﺍﻣﻮ
- ﺗﻲ ﺳﻴﺒﻨﻲ
- ﻳﺰﻳﻚ ﻣﻦ ﺍﻟﻨﻮﻡ ﻗﻮﻡ ﺑﺎﺵ ﻧﻔﻄﺮﻭ
- ﻣﻌﺎﻙ ﺍﻧﺖ ﻻ
- ﺑﺎﺵ ﻧﺨﺮﺟﻮ ﺑﺎﻟﺴﻴﻒ
- ﺑﻔﻔﻒ ﺑﺎﻫﻲ
ﻗﺎﻣﺖ ﺭﻳﻤﺎ ﺑﺎﺵ ﺗﺒﺪﻝ ﺩﺑﺸﻬﺎ ﻭ ﺗﺸﻮﻑ ﺭﻭﺣﻬﺎ ﺑﺮﻭﺑﺎ ﻗﺼﻴﺮﺓ
- ﺃﻋﻌﻊ ﺃﺧﺮﺝ ﻭ ﺑﺪﺍﺕ ﺗﺨﺒﻲ ﻓﻲ ﺭﻭﺣﻬﺎ
- ﻫﻬﻬﻪ ﺗﻬﻨﻲ ﺷﻔﺖ ﻛﻞ ﺷﻲ
- ﺃﺧﺮﺝ
- ﻫﻬﻬﻪ ﻻ ﻧﺤﺐ ﻧﺰﻳﺪ ﻧﺸﻮﻑ
- ﻣﻨﺤﺮﻑ ﺯﺍﻳﺪ
ﺑﺪﺍﺕ ﺗﺪﺯ ﻓﻴﻪ ﺑﺎﺵ ﻳﺨﺮﺝ ﻭ ﻫﻮ ﻳﻀﺤﻚ ﺷﺎﻳﺦ ﻋﻼﻫﺎ . ﺳﻜﺮﺕ ﺍﻟﺒﺎﺏ ﺗﻜﺎﺕ ﻋﻠﻴﻪ ﻭ ﺣﻄﺖ ﻳﺪﻫﺎ ﻋﻠﻲ ﻗﻠﺒﻬﺎ ﻳﺪﻕ ﻣﻮﺵ ﻧﺮﻣﺎﻝ ﺗﺒﺴﻤﺖ ﻭ ﻣﺸﺎﺕ ﺑﺪﻟﺖ ﺩﺑﺸﻬﺎ ﻟﺒﺴﺖ ﺭﻭﺑﺎ ﻗﺼﻴﺮﺓ ﺷﻮﻱ ﺳﻴﺒﺖ ﺷﻌﺮﻫﺎ ﻭ ﻣﻜﻴﺎﺝ ﺧﻔﻴﻒ ﻭ ﺧﺮﺟﺖ ﻣﺮﺍﺩ ﺑﻘﺎ ﻣﺼﺪﻭﻡ ﻓﻲ ﺯﻳﻨﻬﺎ ﻣﺤﻼﻫﺎ ﻭ ﻣﺤﻼ ﺯﻳﻨﻬﺎ ﺑﻌﺪﻳﻦ
- ﻫﻲ ﻧﻤﺸﻮ
- ﻭﻳﻦ
- ﻣﻮﺵ ﻗﺘﻠﻲ ﺑﺎﺵ ﻧﺨﺮﺟﻮ ﻧﻔﻄﺮﻭ
- ﺇﻳﻪ ﺃﻣﺎ ﻛﻲ ﺗﺒﺪﻝ ﺩﺑﺸﻚ
- ﻣﺎﻧﻴﺶ ﻣﺒﺪﻻ ﺗﺤﺐ ﺗﻤﺸﻲ ﻫﻴﺎ ﻣﺘﺤﺒﺶ ﻫﺎﻧﺎ ﻗﺎﻋﺪﻳﻦ
ﺷﺪﻫﺎ ﻣﻦ ﺧﺸﻤﻬﺎ ﻭﻗﻠﻬﺎ ﻭﺭﺍﺳﻚ ﻛﺎﻥ ﺘﻤﺸﻲ ﺗﺒﺪﻝ ﺗﻮ
- ﺑﻔﻔﻒ ﺻﺒﺮ ﻭ ﺑﺮﺍ
ﻣﺸﺎﺕ ﺑﺪﻟﺖ ﻭ ﺧﺮﺟﻮ
الحلقة 21:
ﻣﺮﺍﺩ ﻫﺰ ﺭﻳﻤﺎ ﻟﻠﺤﺠﺎﻣﺔ ﻭ ﻫﺰﻟﻬﺎ ﺭﻭﺑﺎ ﺭﻭﺝ ﺗﻬﺒﻞ ﺳﺘﻨﺎﻫﺎ ﺭﻛﺤﺖ ﺭﻭﺣﻬﺎ ﻭ ﺭﻭﺡ ﺑﻴﻬﺎ ﻭ ﺍﻟﺼﺪﻣﺔ ﻟﻴﻮﻡ ﺧﻄﺒﺔ ﺭﻳﻤﺎ ﻭ ﻣﺮﺍﺩ ﻣﺎﺯﺍﻟﺖ ﻣﻮﺵ ﻣﺴﺘﻮﻋﺒﺔ ﺷﻲ ﻭ ﻣﺮﺍﺩ ﻳﻀﺤﻚ ﻋﻠﻴﻬﺎ ﻛﻴﻔﺎﻩ ﻣﺒﻬﻤﺔ
ﺗﻤﺖ ﺍﻟﺨﻄﺒﺔ ﻭ ﻣﺮﺍﺩ ﺯﺍﺩﺕ ﻧﻔﻮﺫﻭ ﻋﻠﻲ ﺭﻳﻤﺎ ﻣﺤﺮﻡ ﻋﻠﻴﻬﺎ ﺍﻟﺨﺮﺟﺔ ﻭﺣﺪﻫﺎ .
ﺟﺎﺀ ﻧﻬﺎﺭ ﺧﺮﺟﺖ ﺭﻳﻤﺎ ﻭ ﺃﻣﻴﺮﺓ ﻳﺪﻭﺭﻭ ﻣﻊ ﺑﻌﻀﻬﻢ ﻳﺠﻬﺰﻭ ﻓﻲ ﺭﻳﻤﺎ ﺧﺎﺗﺮ ﺑﺎﺵ ﺗﻌﺮﺱ ﺑﻌﺪ ﺷﻬﺮ ﻣﺮﺍﺩ ﻣﻌﺎﺵ ﻳﻨﺠﻢ ﻳﺄﺟﻠﻮ
- ﺭﻳﻤﺎ
- ﺃﻫﻼ ﻋﺴﻼﻣﺔ ﻣﻴﺴﻴﻮ
- ﺗﻮ ﻗﻠﻲ ﺃﻳﻤﻦ ﻛﻬﻮ
- ﻫﻬﻪ ﺑﺎﻫﻲ ﺃﻳﻤﻦ
- ﻫﻬﻪ ﺻﺤﻴﺖ ﻭﻳﻨﻚ ﻣﺎﻻ ﺷﻌﺎﻣﻠﺔ
- ﻫﺎﻙ ﺗﺸﻮﻑ ﻗﺎﻋﺪﺓ ﻧﺤﻀﺮ ﻓﻲ ﻋﺮﺳﻲ
- ﺗﺤﻜﻲ ﺑﺎﻟﺮﺳﻤﻲ ﺑﺎﺵ ﺗﻌﺮﺱ
- ﺇﻳﻪ
- ﺷﻜﻮﻥ ﻟﻴﺒﺎﺵ ﺗﺎﺧﻮﻩ
- ﻣﺮﺍﺩ ﻭﻟﺪ ﻋﻤﻲ ﺧﻮ ﺃﻣﻴﺮﺓ
- ﻣﺮﺍﺩ ﻝ ...
ﻟﻴﻦ ﺗﻜﻠﻢ ﻣﺮﺍﺩ
- ﺷﺒﻴه ﻣﺮﺍﺩ
- ﻻ ﻣﺎﺑﻴﻪ ﺷﻲ ﻏﻴﺮ ﺣﺮﺕ ﻭ ﻛﻬﻮ
- ﺍﻟﻠﻪ ﻻ ﻳﺤﻴﺮﻙ
ﺿﺮﺏ ﻣﺮﺍﺩ ﺃﻳﻤﻦ ﻛﻼﻩ ﺑﻄﺮﻳﺤﺔ ﻭ ﻫﺪﺩﻭ ﻛﺎﻥ ﻣﺎﺯﺍﻝ ﻳﻘﺮﺑﻬﺎ ﻣﻮﺵ ﻛﺎﻥ ﻳﺤﻮﻟﻮ ﻣﻦ ﺧﺪﻣﺘﻮ ﺑﺮﻛﺎ ﻟﻤﺮﺓ ﻫﺬﻱ ﻳﻤﺤﻴﻪ ﻣﻦ ﺍﻟﺪﻧﻴﺎ
ﺑﻘﺎﺕ ﺭﻳﻤﺎ ﻣﺼﺪﻭﻣﺔ ﻣﻌﻨﺎﻫﺎ ﻣﺮﺍﺩ ﻫﻮ ﺇﻟﻲ ﺣﻮﻝ ﺃﻳﻤﻦ ﺑﻘﺎﺕ ﻣﺼﺪﻭﻣﺔ
- ﺭﻳﻤﺎ ﺃﻣﺸﻲ ﺧﻠﻴﻨﻲ ﻧﺮﻭﺡ ﺑﻴﻚ
- ﻣﺮﺍﺩ ﻭﺳﻊ ﺑﺎﻟﻚ
- ﺳﻜﺮ ﺭ .. ﻓﻤﻚ ﻃﺮﻃﻮﺭ ﺃﻧﺎ ﻗﺪﺍﻣﻚ ﻋﺮﺳﻨﺎ ﺑﻌﺪ ﺷﻬﺮ ﻭ ﺇﻧﺖ ﺗﻜﺸﺨﻠﻲ ﻣﻊ ﺇﻟﻲ ﻳﺴﻮﻱ ﻭ ﺇﻟﻲ ﻣﻴﺴﻮﺍﺵ
- ﺗﻲ ﻭﺍﻟﻠﻪ ﺷﻔﺘﻮ ﺑﺎﻟﺼﺪﻓﺔ
- ﻣﻌﻨﺎﻫﺎ ﺃﻧﺎ ﺇﻟﻲ ﻛﻨﺖ ﻭﺍﻗﻒ ﻧﺤﻜﻲ ﻣﻌﺎﻩ
- ﻣﺮﺍﺩ ﻋﻴﺸﻚ ﻣﻔﻤﺎﺵ ﻋﻼﻩ ﺗﻌﻤﻞ ﻣﺸﻜﻞ
- ﺑﺮﺑﻲ
- ﻣﺮﺍﺩ ﻳﺰﻱ
- ﺃﻣﺸﻲ ﺃﻃﻠﻊ ﻓﻲ ﺍﻟﻜﺮﻫﺒﺔ ﻭ ﻣﻨﻐﻴﺮ ﻣﺘﻘﻮﻝ ﺣﺘﻲ ﻛﻠﻤﺔ
- ﻟﺤﻈﺔ ﺗﺠﻲ ﺃﻣﻴﺮﺓ
- ﺷﻴﻬﻤﻚ ﻓﻲ ﺃﻣﻬﺎ ﺇﻧﺖ ﺃﻣﻴﺮﺓ ﺃﻃﻠﻊ ﻭ ﺳﻜﺮ
ﻃﻠﻌﺖ ريما ﻭ ﺭﻭﺡ ﺑﻴﻬﺎ ﻣﻨﻐﻴﺮ ﺣﺘﻲ ﻣﻴﺤﻜﻲ ﻣﻌﺎﻫﺎ ﻭ ﺻﻠﻬﺎ ﻭ ﺭﺟﻊ ﺷﺪ ﺧﺪﻣﺘﻮ ﻭ ﺃﻣﻴﺮﺓ ﺭﻭﺡ ﺑﻴﻬﺎ ﺃﺣﻤﺪ
ﻣﺎﺯﺍﻝ ﺟﻤﻌﺔ ﻋﻠﻲ ﺍﻟﻌﺮﺱ ﻭ ﻣﺮﺍﺩ ﻣﺤﻜﺎﺵ ﻣﻊ ﺭﻳﻤﺎ ﻫﻮ ﻣﺼﺒﺮ ﺭﻭﺣﻮ ﻛﺎﻥ ﺑﺎﻟﺴﻴﻒ ﻭ ﻫﻲ ﺑﺘﻬﺒﻞ ﺗﻄﻠﺐ ﻓﻴﻪ ﻭ ﻫﻮ ﻳﻌﻠﻖ ﻋﻠﻴﻬﺎ
ﻟﻴﻮﻡ ﺍﻟﻌﺮﺱ ﻭ ﺭﻳﻤﺎ ﺧﺎﻳﻔﺔ ﻣﻦ ﻣﺮﺍﺩ ﻛﺎﻥ ﻣﻴﻌﺮﺳﺶ ﺑﻴﻬﺎ . ﻫﺰﻫﺎ ﺃﺣﻤﺪ ﻟﻠﺤﺠﺎﻣﺔ ﻟﺒﺴﺖ ﺭﻭﺑﺎ ﻛﻴﻤﺎ ﺍﻷﻣﻴﺮﺍﺕ ﻏﻤﻘﺖ ﺍﻟﺮﻭﺝ ﻓﻲ ﺷﻔﺎﻳﻔﻬﺎ ﻭ ﺷﻌﺮﻫﺎ ﺯﺍﻳﺪ ﻓﻴﻬﺎ ﺍﻟﺸﻄﺮ ﺧﺮﺟﺖ ﺃﻣﻴﺮﺓ ﺑﻤﻌﻨﻲ ﺍﻟﻜﻠﻤﺔ
ﺟﺎﻫﺎ ﻣﺮﺍﺩ ﺭﻛﺒﻬﺎ ﻓﻲ ﺍﻟﻜﺮﻫﺒﺔ ﻭ ﻫﺰﻫﺎ . ﻳﻐﺰﺭﻟﻬﺎ ﻣﻦ ﺗﺤﺖ ﻟﺘﺤﺖ ﻭ ﻳﺘﺒﺴﻢ ﻭﺣﺪﻭ ﺧﺎﺗﺮ ﺍﻟﻠﻴﻠﺔ ﺑﺎﺵ ﻳﺮﺟﻊ ﻟﻘﺪﻳﻢ ﻭ ﺟﺪﻳﺪ ﻓﻴﻬﺎ .
ﺳﻬﺮﻳﺔ ﻛﺎﻣﻠﺔ ﻭ ﺭﻳﻤﺎ ﺗﻀﺤﻚ ﻭ ﻋﺎﻣﻠﺔ ﺟﻮ ﻣﺎﺷﻲ ﻓﻴﺒﺎﻟﻬﺎ ﻣﺼﺎﻳﺮ ﺷﻲ ﺑﻴﻨﺎﺗﻬﻢ ﺍﻟﺨﻮﻑ ﻣﻌﺮﻓﺘﻮﺵ ﻟﻴﻦ ﺃﻣﻴﺮﺓ ﺣﺎﺭﺕ ﻓﻴﻬﺎ
الحلقة 22:
ﻭﻓﺎﺕ ﺍﻟﺴﻬﺮﻳﺔ ﻭ ﺭﻭﺣﺖ ﺭﻳﻤﺎ ﻭ ﻣﺮﺍﺩ ﻟﺪﺍﺭﻫﻢ ( ﻣﺮﺍﺩ ﺑﻌﺪ ﺍﻟﻌﺮﺱ ﻗﺮﺭ ﻳﺴﻜﻦ ﻓﻲ ﺩﺍﺭﻭ ﻭﺣﺪﻭ ﻭ ﻳﺴﺘﻘﺮ ﻓﻴﻬﺎ ﺑﻌﻴﺪﺓ ﺷﻮﻱ ﻋﻠﻲ ﻋﺎﻳﻠﺘﻮ ) ﻭ ﻛﻲ ﺍﻟﻌﺎﺩﺓ ﻫﻮ ﻣﻐﺰﺭﻟﻬﺎﺵ .
ﺩﺧﻠﺖ ﺭﻳﻤﺎ ﻟﺒﻴﺖ ﺍﻟﻨﻮﻡ ﻭ ﺩﺧﻞ ﻋﻠﻴﻬﺎ ﻣﺮﺍﺩ
- ﺗﻨﺠﻢ ﺗﺨﺮﺝ ﺑﺎﺵ ﻧﺒﺪﻝ ﺩﺑﺸﻲ
- ﺷﻮ ﺃﻛﺎ ﺍﻟﻤﻨﻄﻖ ﻋﺎﺩ ﻟﺘﺤﻜﻲ ﺑﻴﻪ ﻣﻊ ﺭﺍﺟﻠﻚ
- ﺗﻲ ﺃﺧﺮﺝ
- ﺑﺎﻫﻲ
ﺧﺮﺝ ﻣﺮﺍﺩ ﻭ ﺑﺪﺍﺕ ﺭﻳﻤﺎ ﺗﺤﻞ ﻓﻲ ﺳﻠﺴﻠﺔ ﻣﺤﺒﺘﺶ ﺗﺘﺤﻞ
- ﻣﺮﺍﺩ ﻣﺮﺍﺩ
- ﻧﻌﻢ ﻟﻼ ﻣﺎﻙ ﻗﺘﻠﻲ ﺃﺧﺮﺝ
- ﻳﺰﻱ ﻣﻤﺴﻄﻚ ﺇﺟﻲ ﺃﻓﺘﺤﻠﻲ ﺍﻟﺴﻠﺴﻠﺔ ﻣﺤﺒﺘﺶ ﺗﺘﻔﺘﺢ
ﻗﺮﺏ ﻣﻨﻬﺎ ﻭ ﺣﻂ ﻳﺪﻳﻪ ﻋﻠﻲ ﻣﺴﻼﻧﻬﺎ ﻭ ﺑﻌﺪﻟﻬﺎ ﺷﻌﺮﻫﺎ ﻭ ﻫﻲ ﻣﺴﻜﻴﻨﺔ ﺑﺪﺍﺕ ﺗﺘﻨﻔﺲ ﺑﺎﻟﻘﻮﻱ ﻭ ﺑﺤﻜﻢ ﻫﻮ ﻛﺎﻥ ﺃﻃﻮﻝ ﻣﻨﻬﺎ ﻛﺎﻥ ﻳﺸﻮﻑ ﻓﻲ ﺻﺪﺭﻫﺎ ﻛﻴﻔﺎﻩ ﻳﺘﻬﺰ ﻭ ﻳﺘﺤﻂ ﻫﺒﻞ ﻓﻲ ﻣﺨﻮ ﻭ ﺯﻳﺪ ﻋﺎﻣﻠﺔ ﺣﺮڨﻮﺱ ﻓﻲ ﺻﺪﺭﻫﺎ ﻓﻴﻪ " ﻧﺤﺒﻚ ﻣﺮﺍﺩ " ﺯﺍﺩ ﻫﺒﻠﻮ ﻓﺘﺤﻠﻬﺎ ﺍﻟﺴﻠﺴﻠﺔ ﻭ ﺑﺎﺳﻬﺎ ﻣﻦ ﺭﻗﺒﺘﻬﺎ ﺑﻮﺳﺔ ﺫﻭﺑﺘﻬﺎ ﻭ ﻗﺘﻠﻮ ﺑﺼﻮﺕ ﻣﺒﺤﻮﺡ
- ﻣﺮﺍﺩ ﻋﻴﺸﻚ ﺇﺑﻌﺪ
ﺟﺎﻭﺑﻬﺎ ﻭ ﻫﻮ ﻳﺤﻜﻲ ﻓﻲ ﺭﻗﺒﺘﻬﺎ ﻭ ﻳﺪﻳﻪ ﺩﺍﻳﺮﺓ ﺑﻤﺴﻼﻧﻬﺎ ﻣﻦ ﺗﺤﺖ ﺍﻟﺮﻭﺑﺔ
- ﻣﻨﺠﻤﺶ ﻧﺒﻌﺪ ﻋﻠﻴﻚ ﺇﻧﺖ ﻣﺮﺗﻲ
- ﻣﺮﺍﺩ ﺃﻣﺎﻥ ﻭﺍﻟﻠﻪ ﺧﺎﻳﻔﺔ ﻋﻴﺸﻚ ﺧﻠﻴﻨﻲ ﺍﻟﻠﻴﻠﺔ ﻧﺮﺗﺎﺡ ﻭﺍﻟﻠﻪ ﺣﺎﺳﺔ ﺭﻭﺣﻲ ﻣﻮﺵ ﺣﺎﺿﺮﺓ
ﺣﻂ ﺇﻳﺪﺍ ﻋﻠﻲ ﺻﺪﺭﻫﺎ ﻓﻲ ﺑﻼﺻﺔ ﺇﺳﻤﻮ ﻭ ﻳﺤﺮﻙ ﻓﻴﻬﺎ ﺑﺤﻨﻴﺔ
- ﻭ ﻫﺬﺍ ﺷﻨﻮﺍ ﻭﻻ ﺣﺎﺑﺔ ﺗﻬﺒﻠﻨﻲ ﻛﻬﻮ
بدا يقربلها شوي شوي لين لسقها نحالها دبشها الكل و غطس يبوس فاها هيا أول مرا يحس معاها بالنشوة الكافية
و صار اللي صار و ولات مرتو بالفم و الملا
ﺗﻌﺪﺍﻭ 4 ﺷﻬﺮ ﻭ ﺭﺟﻌﺖ ﺭﻳﻤﺎ ﺗﻘﺮﺍ ﻣﺮﺍﺩ ﻟﺤﺰﺍﺭﺓ ﻋﻤﺎﺗﻠﻮ ﻋﻴﻨﻴﻪ ﻫﻮ ﻳﺤﻜﻢ ﻓﻲ ﺩﺑﺸﻬﺎ ﻭ ﻫﻮ ﺇﻟﻲ ﻳﻬﺰﻫﺎ ﻭ ﻳﺮﻭﺡ ﺑﻴﻬﺎ ﻣﻴﺘﻬﻨﺎﺵ ﺑﻴﻬﺎ ﻭﺣﺪﻫﺎ ﺣﺘﻲ ﻗﺪﺍ ﺃﻫﻠﻬﺎ ﻫﻮ ﻳﻮﺻﻠﻬﺎ ﻛﻞ ﻳﻮﻡ ﻳﺠﻴﺒﻠﻬﺎ ﺍﻟﺸﻜﻼﻃﺔ
ﻓﺎﻗﺖ ﺭﻳﻤﺎ ﺍﻟﺼﺒﺎﺡ ﺗﺮﺩ ﻭ ﺣﺎﻟﺔ ﻓﻴﻬﺎ ﻣﺮﺍﺩ ﺗﻔﺠﻊ ﻋﻠﻴﻬﺎ ﻫﺰﻫﺎ ﺑﺮﻭﺑﺖ ﺍﻟﻨﻮﻡ ﺟﺎﺏ ﺭﺑﻲ ﺟﺎﺕ ﻣﺴﺘﻮﺭﺓ ﺷﻮﻱ ﻫﻬﻪ ﻟﻤﻮﻫﻢ ﻓﺎﻕ ﻋﻠﻲ ﺭﻭﺣﻮ ﻛﺎﻥ ﻛﻲ ﻭﺻﻠﻮ ﻏﺎﺩﻱ ﻣﺨﻼ ﺣﺘﻲ ﻃﺒﻴﺐ ﻳﻘﺮﺑﻬﺎ ﺳﺘﻨﻲ ﻟﻴﻦ ﺟﺎﺕ ﺍﻟﻄﺒﻴﺒﺔ ﻭ ﻋﺪﺍﺕ ﻋﻠﻴﻬﺎ ﻭ ﺃﺧﻴﺮﺍ ﺭﻳﻤﺎ ﺣﺒﻠﺔ ﻣﺮﺍﺩ ﺑﺎﺵ ﻳﻄﻴﺮ ﺑﺎﻟﻔﺮﺣﺔ ﺧﺮﺝ ﺑﺮﻳﻤﺎ ﻓﻲ ﺣﻀﻨﻮ ﻭ ﻣﻠﺒﺴﻬﺎ ﻣﺮﻳﻮﻟﻮ ﻭ ﺍﻟﻨﺎﺱ ﻟﻜﻞ ﺗﺘﻔﺮﺝ ﻓﻴﻬﻢ ﺗﻀﺤﻚ
ﺣﻜﺎﻭ ﻟﻌﺎﻳﻼﺗﻬﻢ ﻭ ﻫﻮﻣﺎ ﺯﺍﺩﺍ ﺑﺎﺵ ﻳﻄﻴﺮﻭ ﺑﺎﻟﻔﺮﺣﺔ ﺧﺎﺗﺮ ﺃﻭﻝ ﺣﻔﻴﺪ ﻟﻴﻬﻢ ﻧﺎﺱ ﻟﻜﻞ ﻣﺘﺸﻮﻗﺔ ﺑﺎﺵ ﺗﺸﻮﻓﻮ
ﺃﺣﻤﺪ ﺷﺎﻑ ﺃﻣﻴﺮﺓ ﺗﺤﻜﻲ ﻣﻊ ﻭﻟﺪ ﻣﺼﻮﺣﺒﺘﻮ ﻏﺎﺭ ﻋﻠﻴﻬﺎ ﻣﻮﺵ ﻧﺮﻣﺎﻝ ﻭ ﻓﺮﻗﻬﻢ ﻭ ﺇﺳﺘﻌﺮﻓﻠﻬﺎ ﺑﺤﺒﻮ ﻟﻴﻬﺎ ﻭ ﻫﻲ ﺯﺍﺩﺍ ﻛﺎﻧﺖ ﺗﺴﺘﻨﻲ ﻓﻴﻪ ﻭﻗﺘﺎﻩ ﺑﺎﺵ ﻳﺤﻜﻲ ﺧﺎﺗﺮ ﺃﺣﻤﺪ ﺑﺎﻟﻨﺴﺒﺔ ﻟﻴﻬﺎ ﺣﺐ ﺍﻟﻄﻔﻮﻟﺔ ﻭ ﻗﺮﺭﻭ ﻳﻌﺮﺳﻮ ﻓﻲ ﺍﻟﺼﻴﻒ
ﺑﻌﺪ 9 ﺷﻬﺮ
- ﻣﺮﺍﺩ ﻗﻮﻡ ﻟﻮﺟﻴﻌﺔ ﺑﺎﺵ ﺗﻘﺘﻠﻨﻲ
- ﺃﻣﻤﻢ
- ﻣﺮﺍﺍﺍﺍﺍﺩ
ﻗﺎﻡ ﻣﺮﺍﺩ ﻣﻔﺠﻮﻉ ﺧﺮﺝ ﺑﻴﻬﺎ ﻟﻠﻜﻠﻴﻨﻴﻚ ﺃﻣﺎ ﻗﺎﻟﻮﻟﻮ ﻣﻮﻋﺪ ﺍﻟﻮﻻﺩﺓ ﻣﺎﺯﺍﻝ ﺭﻭﺡ ﺑﻴﻪ ﻭ ﺭﻗﺪ ﺳﻌﺘﻴﻦ
ﺭﺟﻌﺖ ﺭﻳﻤﺎ ﺗﻌﻴﻂ ﻫﺰﻫﺎ ﻣﺮﺍﺩ ﻟﻠﻜﻠﻴﻨﻴﻚ ﻭ ﺯﺍﺩﻭ ﻗﺎﻟﻮﻟﻮ ﺭﺍﻭ ﻣﻮﻋﺪ ﻟﻮﻻﺩﺓ ﻣﺎﺯﺍﻝ ﺭﻭﺡ ﺑﻴﻬﺎ ﺭﺗﺎﺡ ﺷﻮﻱ
- ﻣﺮﺍﺍﺩ ﺳﺎﻳﺎ ﺑﺎﺵ ﻧﻮﻟﺪ
- ﺭﻳﻤﺎ ﻣﺎﻙ ﺳﻤﻌﺖ ﻃﺒﻴﺐ ﻗﺎﻟﻚ ﻣﺎﺯﺍﻝ
- ﻣﺮﺍﺍﺍﺍﺍﺍﺩ ﺑﺎﺵ ﻧﻤﻮﺕ ﺑﺎﻟﻮﺟﻴﻌﺔ
ﻣﺮﺍﺩ ﺗﻔﺠﻊ ﻭ ﻫﺰﻫﺎ ﻭ ﺃﺧﻴﺮﺍ ﺩﺧﻠﻮﻫﺎ ﻟﻐﺮﻓﺖ ﺍﻟﻌﻤﻠﻴﺎﺕ ﺑﺎﺵ ﺗﻮﻟﺪ ﻛﻠﻢ ﻋﺎﻳﻠﺘﻮ ﻭ ﻋﺎﻳﻠﺘﻬﺎ ﺑﺎﺵ ﻳﺒﺸﺮﻫﻢ
ﺑﻌﺪ ﺳﻌﺘﻴﻦ ﺗﻌﺪﺍﻭ ﻋﻠﻲ ﻣﺮﺍﺩ ﻋﺎﻣﻴﻦ ﻭﻓﺎﺕ ﺍﻟﻌﻤﻠﻴﺔ ﻭ ﺃﺧﻴﺮﺍ ﺳﻤﻌﻮ ﺻﻮﺕ ﺍﻟﺒﻴﺒﻲ ﻭ ﺩﺧﻞ ﻣﺮﺍﺩ ﻳﺸﻮﻑ ﻓﻴﻪ ﻫﻮ ﻳﺒﻜﻲ ﻭ ﺭﻳﻤﺎ ﺗﺒﻜﻲ ﻣﺤﻤﻠﻴﻦ ﺛﻤﺮﺕ ﺣﺒﻬﻢ
- ﻣﻴﺴﻴﻮ ﺷﻨﻮﺍ ﺑﺎﺵ ﺗﺴﻤﻲ ﺍﻟﻤﻮﻟﻮﺩﺓ
ﻏﺰﺭ ﻣﺮﺍﺩ ﻟﺮﻳﻤﺎ ﻭ ﺗﺒﺴﻢ
- ﻋﻴﺸﻮﺷﺔ ﺑﺎﺵ ﻧﺴﻤﻴﻬﺎ ﻋﻴﺸﺔ
ﺯﺍﺩ ﻛﺒﺮ ﻣﺮﺍﺩ ﻓﻲ ﻋﻴﻦ ﺭﻳﻤﺎ ﻭ ﺯﺍﺩ ﻛﺒﺮ ﺣﺒﻬﻢ
ﻭﻓﺎﺍﺍﺍﺍﺍﺕ ﺷﻨﻮﺍ ﺭﺍﻳﻜﻢ
كمنتار ببلوڨر
تعليقات