😨 كرونيك رعب موش نورمال لاصحاب القلوب القوية فقط😏🙃 اسمها الغرفة المسكونة😱😱😰 من غير ما تطول عليكم هاذي
الحلقة الاولى:
دينا هي بطلة حكايتنا اليوم، عمرها 27 سنة، شعرها مارون فاتح و عيناها زرق موج بحر،... ملي حلت عيناها على الدنيا، لقات روحها بين عايلتها و اقاربها،... كانت تعيش معاهم في فيلا كبيييرة و مضخمة😎😎 عدات صغرها الكل و هي تجري و اتنقز من بيت لبيت، أما موش البيوت الكل كانت اتنجم تدخللهم، كانت فمة بيت بجنب بيت بوها ما فمة حتى واحد عندوا الحق باش يدخللها كان بوها و عمها ..
دينا كانت يتيمة، أمها توفات وقت الي كانت عمرها 9 سنين، وقتها بوها جاتو صدمة كبيرة برشة و ما نجمش يتحمل فقدانها دخل لبيتو و قعد مسكر على روحو و ما خرجش جملة، أما بعد ما تحسنت نفسيتو و رجع لاباس، جدها خرج من الدار و ما قالش لحتى حد على محل إقامتو الجديد..
دينا قعدت تعيش مع بوها و عمها و ولد عمها آدم إلي أمو كانت متوفية هي زادا، آدم أكبر منها بعامين، يعني توة عمرو 29 سنة، طفل بوقووس، اسمر، شعرو اكحل و بدنو امّسكل. و توة بعد ما عرفتكم على أبطال حكايتنا اليوم خلينا ندخلوا في صلب الموضوع. آدم و دينا عداو صغرهم الكل مدللين و إلي يطلبوه يلقاوه، بوها و عمها كانوا مشيخينهم و امفرهدينهم أما في حكاية البيت و الدخلان ليها كل شيئ يتبدل وقتها و الشفقة و الرحمة تتعدم من عند سي حسن(بو دينا) و من عند سي محمود (بو آدم)الحلقة الأولى و ان شاء الله تعجبكم 😘
نلقا تفاعل نكمل،،، تفاعل باهي برشا ==== 5 حلقات فرد وقت
الحلقة الثانية:
تعداو الايامات و توفى سي محمود بو آدم، أما الréaction متاعة سي حسن بو دينا صدمة الناس الكل، على خاطروا تصرف ببرود كبيير كينّو محمود مشى يدور و شوية آخر باش يروح، ناس قالت هذا من قوة الصدمة على خاطرو كان ياسر قريب من المرحوم و ناس تقول البرود هذا يتسمى هدوء ما قبل العاصفة على خاطرهم متوقعينوا يعمل اية حاجة باش يبقى مع خوه محمود. دينا تحيرت برشة على بوها و خصوصا إنو ولا يعدى في وقت أكثر من العادة في البيت هاذيكا و وين يخرج منها وجهو يبدى مقلوب و أصفر. هاذاكا علاش قررت باش تدخل و تعرف شنوة فيها البيت هاذيكا، أما ما تنجمش تدخل وحدها ولات اقترحت الحكاية على آدم..
آدم: ياا معلم!! تعرف حتى آنا عندي برشة نحب نقترحها الفازة هذه عليك، أما حسيتك باش تخاف و ماكش باش توافق هاذاكا علاش قعدت نستنا فيك انت باش تقترحها عليا الفكرة هذه😁😁
دينا: باهي مالة مادامنا تفاهمنا، وقتاش ندخلولها؟؟
آدم: تحب ندخلولها شوي آخر على خاطر عم حسن باش يخرج و ظاهرلي باش يبطى.
دينا:- باهي مالة تفاهمنا، مالة وين يخرج بابا نتقابلوا، آنا توة هاني في بيتي😉
آدم:- باهي😏😎
الحلقة الثالثة:
عم حسن:- دينا هاني خرجت آنا، باش نبطى شوية راني من غير ما تستناوني على العشا😐
دينا:- باهي بابا الغالي، باي بااي😚😘
عم حسن:- باي😐
دوب ما خرج عم حسن من الدار نقزت دينا لشباك بيتها و قعدت تعس عليه لين بعد برشة على الدار، و وين جات ماشية لآدم لقاتو قدام بيتها كان جاي باش يناديلها. مشاو مع بعضهم للبيت،...
دينا:- ما نعرفش علاش كل وين ناقف قدام البيت هذه نحس إحساس غرييب برشة، إحساس خوف، رعب، كل حاجة عندها علاقة بالموت😓😓
آدم: آنا بطبيعتي كل وين ناقف قدام البيت هذه نشم فيها ريحة الموت، ريحة العذاب😌
دينا:- ربي اتقدر الخير منها هالحكاية😣
آدم:- هيا فيسع من غير ما نضيعوا الوقت خلينا ندخلولها البيت قبل ما يرجع عم حسن.
دينا:- باهي، هيا ندخلوا...
حلت دينا الباب و دخلوا، و من غادي تسطرتلهم مغامرة جديدة أما ماظهرلي كان باش يخرجوا منها من غير حتى خسارة😐😪😥..
الحلقة الرابعة:
حلت دينا الباب و دخلوا للبيت، و دوب ما عفسوها ضربتهم ريحة تقزز، ريحة الموت البشعة، ريحة دم متعفن..😶😲😱 أما الريحة ما كانتش الحاجة الوحيدة إلي تبث في العبد الرعب، الموجود في البيت زادة يوقف المخ، فمة بقايع كبيييرة متاع دم على القاعة و بقايا بشرية مرمية كيما المخ، القلب، الساقين، الصوابع، العينين، شوية مصارين في التركينة من غادي...
دينا:- إعععععععع😷😷 شنوة الحالة هذه ياا ربي، ياخي بابا طلع يتاجر بالأعضاء متاع العباد في الحلقة الأخيرة😵😲😲
آدم كان يتفقد في الحاجات إلي كانت ملكمتة في ملاحف بيضا،..
آدم:- إيجا دينا! إيجا شوف شنوة لقيت!!!
دينا:- حاسة روحي ريتهم قبل اللفافات هاذوما.
آدم:- تتفكر وقت إلي كان بابا و عمي حسن يبداو كل مرة واحد فيهم داخل بوحدة كيما هكة و نسألوهم شنوة هوما يقولولنا راهو قمح.
دينا:- إيه نتفكر، و شنوة طلع في الحلقة الأخيرة؟؟😓
آدم:- جثث، اللفايف إلي قالولنا إنو فيها قمح طلعت جثث متاع عباد ميتة، و موش أية عباد، هاذوما جثث أمك و أمي و.. بابا😶😶
دينا:- شنوّة!!؟؟؟ تحكي بجدك ياخي؟!
آدم:- إيه نحكي بجدي، إيجا شوف كان تحب..
قربت دينا من الجثة لولا، عرالها آدم وجهها لقاتها جثة عمها محمود بو آدم، و جثة أخرى محطوط عليها ورقة مكتوب عليها مرتي و إلي بجنبها مكتوب عليها مرة خويا حسن(يعني أم دينا)...
الحلقة الخامسة:
دينا أعصابها انهارت بعد إلي شافاتوا الكل، أما إلي ما تعرفوش هو إنو إلي باش يصيرلها أبشع... كيف جات خارجة هي و آدم بداو يسمعوا في صوت عبد يصيح، عبد قاعد يتعذب، عبد ما عادش منجم من كثرة الوجايع، الصياح كان يقطع القلب أما ما كانش صياح عبد واحد بركة، كانوا برشة عباد... الصياح كان خارج من الجثث، آدم شد دينا من يدها بالقوي و جاو خارجين أما كيما نعرفوا الناس الكل موش كي دخول الحمام كي خروجو،... لقاو شطر جثة متاع واحد من الموتى إلي حسن مخبيهم في البيت، منظرو كان يرعب؛ عينيه بيض و يقطروا بالدم، فموا كان مقطع من الوذن للوذن و مخو خارح يدلوح من راسو،... من كثرة ما كان شطر الجثة يرعب، دينا فقدت وعيها..
آدم: أففففففف هالزهر المزبل ما لقات وقتاش ادّوخ هاذي😒😒😞
هزها في حملتو و عفس فوق شطر الجثة باش يخرج، أما الجثة شداتو من رجلو. طاح آدم و دينا تنطرت من إيدو و طاحت قدام البيت، آدم قعد يجاهد باش نجم فك رجلو من يدين شطر أكالجثة و خرج و سكر باب البيت و هز بنت عمو و دخلها لبيتها...
هام 5 حلقات في جرت بعضهم برغم تفاعل اشوية و كان نلقا تفاعل باهي نزيد نهبط 5 آخرين فرد وقت زيدو قلو باج ماسطة برغم انتقاداتكم تعاوني بش نطور الباج نعرف لغلاط و نصلحها لذا نشكركم على نقدكم حسن واصلو و طرف وقت ونرجع راني مانيش ناسيتكم
الحلقة السادسة:
آدم هز دينا و دخلها لبيتها، تكاها على فرشها و قعد حذاها يبردلها في وجهها و أطرافها لين فاقت. وجهها كان أصفر في حالة، ما كانتش مستوعبة إلي صارلهم في أكالبلاصة المشومة😷
دينا:- ii...m...mmmp..po..ssible!!!! الحكاية هذي ماهياش حابة تدخل لمخي جملة. كيفاش بابا و عمي نجمو يعملو حكاية هكاكة..
قالت هكة و دخلت في حالة هستيرية متاع بكا.. ضمها آدم بين إيديه لين هدات و من بعد خرجوا و مشاو للكوجيتنا عملو كسكروتات و قعدوا ياكلو فيهم و ما نطق حتى واحد فيهم حتى كلمة، و هوما هكاكة تحل الباب و دخل سي حسن و هاز في حملتوا لفافة بيضا أخرى هزها للبيت المسكرة، قعد غادي شوية و من بعد هبط و قعد معاهم على طاولة الفطور.. وقفت دينا جابتلو صحن شربة و قعدت تكمل في كسكروتها و تهز فيه و تحط...
آدم:- هيه عاد عمي، هاي زاهيتلك المدة لخرا بالقمح😈
حسن:- الحمد الله يا ربي، مع إنو طول المدة إلي فاتت كانت مقينة، أما توة هاي تحلت في وجهي😏😊😊
دينا:- قلي يا بابا، ياخي فاش تعمل بيه القمح هاذاكا الكل؟؟؟
حسن:- آااااااااا.... ال..قم..ح؟ آااه القمح آذاكا.. ننن..نبيع.. نبيع فيه، نبيع فيه😅😅
دينا:- أما يا بابا آنا بعمري لا ريتك ماشي للسوق و تبيع فيه القمح إلي تجيب فيه، ملي يدخل للبيت ما عادش يخرج😐
الحلقة السابعة:
بعد الكلام إلي قالتو دينا، حسن تغشش برشة و قام يعيط..
حسن:- شنوة تقصد بكلامك هذا للا دينا، معناتها آنا كذاب!! معناتها كذبت عليك كيف قلتلك إنو الي نجيب فيه قمح موش حتى حاجة أخرى!!
آدم:- يعني فمة حوايج أخرى تنجم تكون محتملة بلاصة القمح؟؟
حسن: أاااه، لا، لا.. اوووه، ياخي لاباس في مخاخكم انتوما لزوز، حاطيني بيناتكم و تستجوبو فيا!! و الله لا تحشموها كي إنت كي هو، اتوة نتولها بيكم😠😠
قال هكة و وقف و مشى للبيت المسكرة. عدا السهرية لكل غادي و من بعد خرج و دخل لبيتو و رقد، و الحاجة الplus importante هي إنو سكّر باب البيت و هز معاه المفتاح على خاطرو شاكك إنو دينا وآدم دخلوا للبيت و شافوا إلي في وسطها😐
الشخير متاع حسن واصل للشارع، فاقت دينا و مشت حذا آدم..
دينا:- آدم، آدم، آااادم!!
آدم:- ممممممم، شبيك ياخي ما ترقدشي إنت!!!
دينا:- ياا آدم كان نقلك آش ريت، مخك ياقف😰😵
كيف سمع آدم إلي قالتو دينا، وقف و قعد فوق السرير و ولا مهتمة أكثر بلي تحكي فيه..
آدم:- هيه، كمل أحكي، آش ريت؟؟
دينا:-....
الحلقة التاسعة:
آدم:- شوف دينا هاني جبتو المفتاح، أقرأ أية دعاء تعرفو قبل ما ندخلو.
دينا:- باهي..
حل آدم باب البيت، أما ما تبدل فيها شيئ، كانت كيما خلاوها، حل الضو و قدموا مع بعضهم و دينا مكبشة فيه من كثرة الرعب. وصلوا حذا اللفافة إلي جابها حسن وقت العشا.
آدم مد يدو للجثة باش يعريلها وجهها، و فجأة... إيد خرجت من اللفافة و شدتلو يدو😲😶
آدم:- أعععععععععععع😷😷 تي سيب نعننن
دينا:- آاااااااااا!!!آدااااااام😵😶😷
هما هكاكة و قص عليهم الضو في البيت... بقى حكاية دقيقة و من بعد رجع، المفاجأة إنو الجثة إلي في وسط اللفافة إختفات،ريحتها ما ادورش فميكا.
آدم:- أعععععععععع!!! هاااااااااااااه
دينا:- آااااااااداااام!!! تي سااااايب!! باااااااااباااااااااا
الباب تحل و دخل حسن، يلقى وحدة من الجثث خانقة آدم، مشالهم يجري و بعدوا من حذاه، خرج آدم و دينا و درا شنية قال و بعد طفى ضو البيت و خرج.. يلقى آدم مادد لربعة على القاعة و يكححح و يكححح في حالة و دينا تشرب فيه في الماء بالشوية و تبكي بالشهقة من الخوف...
حسن:-....
الحلقة العاشرة:
حسن:- نعنطلاو عليكم لزوز، آش مدخل والديكم لغادي ياخي؟؟😠😠
دينا:- بابا أمانك...س..سامح...
آدم:- شنوة تقصد بآش مدخل والدينا اغادي؟! تحبنا نشوفوك تخرج في جثث العايلة و تجيب فيهم لبيت و تسكر عليهم غادي و تحبنا نسكتولك!! بآنا حق ياخي تعمل هكة؟! ياخي ما عندكش احترام لحرمة الموتى، لا يزي تخرج فيهم من قبوراتهم و زيد تعذب فيهم و تنحيلهم في أعضائهم!!
حسن:- يعني دخلتو قبل للبيت؟
دينا:- إيه بابا، دخلنا و عرفنا العمايل المصخة إلي كنت تعمل فيها إنت و عم محمود!!
آدم:- آنا مشيت حذا جدي و حكالي كل شيئ..
حسن و دينا:- شنوة؟!
آدم:- إيه، حكيت مع جدي و هو قالي على كل شيئ..
دينا:- شنوة معناها حكالك على كل شيئ، علاش ما حكيتليش كيف عرفت؟؟
آدم:- سامحني دينا و الله آنا بطبيعتي للتوة موش مصدق إلي حكاهولي أما توة وين تأكدت..
دينا:- باهي، قلي آش حكالك
آدم:- تصور، جدنا كان سحار يستعمل في السحر الاسود، و وين ماتت جدايتنا جاتو صدمة كبيرة، ياخي شد عمل سحر أسود باش يحاول يرجعها من الموت، أما لازموا يوفيلهم بلي اشترطوه عليه..
دينا:-...
الحلقة الحادية عشر:
دينا:- شكونهم إلي اشطرطوا عليه؟؟
حسن:- سكان العالم السفلي، اشترطوا على بابا باش كل جمعة يذبحلهم شخص ميت و الا حي و يصلي عكس القبلة يوميا و يقطع كتاب القرآن و يحط أوراقو في الدم و من بعد يلفهم على رجل عبد ميت و بالطريقة هاذيكا هما ينجموا ينفذولوا طلباتو.
آدم:- أما جدي فاق على روحو و تاب لربي، ياخي لعنوه و لعنوا كل واحد من دمو، اللعنة وصلت لبابا و كانت باش تتعدالي آنا أما كيف أمي سمعت بالحكاية حاولت تقتل بابا باش تنقذني منها اللعنة هاذي، ياخي بابا قتل أمي و نفس الحكاية بالنسبة ليك..
دينا:- شنوة؟! يعني لا يزي تمارس في السحر الاسود و تنتهك في حرمة الموتى و زيد تقتلي أمي!! لا برشة عاد، برشة هكة، كيفاش تسمحلك نفسك إنك تحرمني من أمي، كيفاش تسمح لروحك باش تقتلي أمي!! و الله إلما اندمك، توة تشوف، قوم آدم هيا نمشيو.
جبدت دينا آدم من إيدو و خرجوا مع بعضهم و مشاو لدار جدهم، بالكشي هو باش ينجم يعاونهم، و في نفس الوقت كمل آدم يقوللها على هالحكاية الbizarre إلي صارت.
آدم:- كيما قتلك اللعنة وصلت لبابا و كانت باش تتعدالي بعد موتو ياخي حاولت أمي باش تقتلو و تهربني باش تنقذني ياخي هو قتلها و نفس الحكاية صارت مع أمك، و باش ينقذوا رواحهم من اللعنة لازمهم ما ياقفوش
الحلقة الثانية عشر:
آدم:- .... و باش ينقذوا رواحهم من اللعنة لازمهم ما ياقفوش، يعني كل واحد يوصلو دورو لازموا يعمل نفس الحكايات إلي عم حسن قاعد يعمل فيهم😣😢
دينا:- و الحل توة؟ شنوة لازمنا نعملوا باش نرتاحوا منها هالحكاية؟؟
آدم:- ما نعرفش، خلينا نوصلوا حذا جدي متأكد إنو هو ينجم يعاوننا.
عداو ثنية كاملة ساكتين لين وصلوا لدار جدهم محمد.
دينا:- جدي! جدي! أمانك عاوننا، راني ما عدتش عارفة شكون الظالم و شكون مولا هالحكاية المنحسة!!
محمد:- هدي روحك دينا بنتي، فمة زوز كتب واحد عند بوك و الآخر مدفون مع عمك محمود..
دينا و آدم:- شنوة؟!
آدم:- كيفاش مدفون مع بابا و آنا ريت جثتو بعينيا فكالبيت المنحسة😠😠
محمد:- صحيح الجثة كانت موجودة في البيت المرة الاولى أما حسن رجعها لبلاصتها يعني في قبرها و غادي الكتاب مدفون، أما روحو تزور الدار و ادور على خاطر روحو و روح أفراد عايلتنا إلي صابتهم اللعنة ماهياشي مرتاحة في قبوراتهم، هاذاكا علاش هما قاعدين يحاولوا باش يجبروكم باش تنقذوهم و توقفوا اللعنة على خاطر أرواحهم قاعدة تتحرق في جهنم و ماهمش باش يرتاحوا كان بعد ما تفكوا اللعنة😈👹👺
دينا:-😵😶😨😷😲
آدم:- أفففففففف😫💨💨💨، هيه كمل، و كيفاش باش نعملوا مع هالكتب لزوز؟؟؟
الحلقة الثالثة عشر:
محمد:- قبل الكتب، لازمكم تتخلصوا من حسن و من بعد تو تلقاو تعويذة في الكتاب إلي مدفون مع محمود في مقبرة العايلة تقراوها و من بعد تحرقوه...
آدم:! باهي و كيفاش باش نقتلوا عمي؟؟
دينا:- شنوة معناها كيفاش باش تقتل عمك؟ ياخي ناوي تقتلي بابا، لاباس في مخك ياخي؟
آدم:- ياخي تحب تنتقلك اللعنة و تولي كيما بوك؟؟ هذي هي الطريقة الوحيدة باش ننقذوا رواحنا..
دينا:! لا مستحيل، هاذي موش الطريقة الوحيدة باز فمة طريقة أخرى باش ننقذوا رواحنا من غير ما نقتلوا بابا، أمانك جدي قلوا راهو فمة طريقة أخرى😭😭😲
محمد:- الحق هذي هي الطريقة الوحيدة باش نتخلصوا منها اللعنة و انرتحوا روح أمك و ام آدم و عمك محمود و حتى روح بوك يا بنتي.
دينا:- لا، مستحيل نولي قتالة أرواح🔪🔪 مستحيل نمسخ إيديا بالدم، لا! لا! مستحييل!!😭😢
آدم ضم دينا ليه باش تهدا شوية علئ خاطر هاذا ما يتسما شيئ قدام إلي مازالوا باش يتعرضولوا..
آدم:- و كيفاش باش نقتلوا عمي حسن؟؟
محمد:- ساهل برشة، خليو الحكاية هاذي على سكان العالم السفلي👹👺
دينا:- يعني باش نلتجؤو للسحر الاسود أحنا زادة؟؟؟
محمد:- بالضبط، آنا تبت و رجعت لربي و مستحيل نرجع للقلم متاع السحر، أما توة نعاونكم بخبرتي، موافقين إنكم تستعملوا السحر الاسود؟؟
آدم:- أصلا ما عندناش حتى خيار باش نرفضوا،..
دينا:! أما زعمة ما يدوروش علينا من بعد؟؟؟
الحلقة الرابعة عشر:
محمد:- إذا إنتوما ما نفذتوش إلي هوما طالبينوا منكم بالطبيعة باش يدوروا عليكم.
آدم:- باهي جدي، أحنا موافقين،. قوللنا توة آش يلزمنا نعملوا باش نتواصلوا معاهم و يعاونونا؟؟؟
محمد:- أول حاجة لازمكم تقراو التعويذة هاذي و هوما باش يشطرطوا عليكم الشروط إلي قتلك عليهم آدم ولدي، و موش كان نهار بركة كل نهار جمعة تذبحولهم شخص و الصلاة عكس القبلة يوميا مع كل آذان و هكاكة ينجموا ينفذلوكم طلباتكم الكل و ردوا بالكم تنساو نهار ما تنفذوس الشروط وقتها ما انجمش نضمنلكم آش ينجم يصير فيكم وقتها donc حاولوا باش تنفذوا إلي يقولولكم عليه.
دينا و آدم:- باهي موافقين.
محمد:- مادامكم موافقين هيا تبعوني💀
مشاو آدم و دينا مع محمد إلي هزهم لقبو تحت الدار إلي كانت فيه بيت امسكرة مليييح🔐🔑، و دوب ما حل الباب ظربتهم ريحة متاع حاجة متعفنة، ريحة الموت البشعة، أما ما كانش فمة حتى جثة باش نقولوا إنو الريحة خارجة منها. البيت كانت امعبية بالكتب📚📚 كتب كباااار و امسكرين بالسلاسل و الشروليات🔒🔒🔑🔐
دينا:- أفففففففف!! منتنها هالريحة!! ياخي منين جاية؟؟
محمد:- الريحة جاية من الكتب إلي قدامكم، الكتب هاذوما كتب سحر أسود فيها طرق تحضير أقوى أنواع السحر و طرق تحضير أخطر و أقوى أنواع الجن، و الريحة ناتجة على دناسة و نجاسة الكتب هاذم و الاغراض الي أُستعملوا ليهم..
الحلقة الخامسة عشر:
آدم:- باهي، آناهو الكتاب الي باش نستعملوه، جيبهولنا يعيشك و خلي نخرجوا منها هالبلاصة، الريحة قتلتني 😷😷
محمد:- بالشوية يا ولدي ما تستعجلش الحكاية، انت توة كاينك تستعجل في موتك، لازمكم تعرفوا إلي راكم قاعدين تحلوا على رواحكم في باب بلاء تسكيرو باش يكون أصعب ملّي تتصوروا.
كان يحكي و يفتش بين الكتب لين حل عينيه من الدهشة..
دينا:- شفما ياخي يا جدي؟؟
محمد جبد كتاب و نفخ عليه، كان معبي بالغبرة أما بعد ما مسحوه ولاّ كالجديد، يعني لا أوراق صفر و مقطعين و لا هم يحزنون.
محمد:- وين نرا الكتاب هاذا نتفكر جدي الله يرحموا و بابا و نتفكر بداياتي مع السحر الأسود.
دينا:- يعني الكتاب هاذا من عهد جدك؟
محمد:- بنتي الكتاب هاذا عمروا أكثر من 300 عام. كان السبب باش برشة ناس دخلت للحكايات هاذي منهم لي قعد يستعمل فيه و منهم إلي خافوا و عملوا المستحيل باش ما يختلطوش بسكان العالم السفلي و خوفهم قتلهم قبل ما هوما يقتلوهم..
دينا:- يعني أحنا توة بين حياة و موت؟
آدم:- ما لازمناش نوقفوا مهما تكون العواقب، آنا مستحيل ناقف الحكاية هاذي لازمها توفا بأي طريقة، إذا خفت تنجم تقعد هوني مع جدي أما آنا مانيش باش ناقف..
دينا:-😐😒😐😒😐😒..
الحلقة السادسة عشر:
محمد حل الشرولية و نحا السلاسل الي كانت مسكرة على الكتاب. دوب ما حل الكتاب خرجت منو ريحة دم و دخان أسود..
محمد:- الكتاب هاذا بمثابة جهنم على الأرض، و التوبة بعد استعمالو ياسر صعيبة و ممكن تكون مستحيلة..
آدم و دينا:-😔😡😢😣😩😲😵😶
قعد محمد يقلب في الاوراق لين لقاها، لقى التعويذة إلي باش تخلي حفادو يطلبوا مساعدة الشواطين و العفاريت في الحكاية هاذي، أما تحسهم يصلحوا في غلطة بغلطة ما أكبر.
محمد:- هاذي هي التعويذة إلي باش تستحقوها.
هزوا الاولاد الكتاب و رجعوا للدار، استغلوا غياب حسن و دخلوا لبيت آدم و عملوا الي قاللهم عليه جدهم. حلوا الكتاب و بداو يقراو مع بعضهم في التعويذة، و فجأة، ريحة حريقة فاحت في البيت، الشبابك ولات تتحل و تتسكر وحدها، bon موش وحدها وحدها، على خاطر الشيطان إلي حضر قاعد يعطي في des inمdices على إنو حضر، كانت الخيالات في كل تركينة.
وقفوا آدم و دينا على قراية التعويذة. دينا وجهها تقلب و عيناها بياضو و فمها خرج منوا الدم.
آدم:- دينا!! دينا شبيك آش صارلك؟
دينا غزرتلو بطرف عينيها البِيُضْ و اطرشقت بالضحك.
دينا:- ههههههههه😂😂 هاني جيتكم عاد توة، شنوة طالبين؟؟
آدم:- أخرج من بدن دينا يا امسخ!!!
دينا:- أوووووه، سي آدم، نسخة من محمود، على فكرة يسلم عليك.
آدم:- آش امدخل بابا في الحكاية؟
دينا:- جرة جد جدك و جدك بوك و أمك و أم دينا ضياف عنا في جهنم، و ما تخافش عليهم هانا قايمين معاهم بالواجب، ههههههههههه😂😂😈😈
عشاق الرعب اكيد تو يجوو فل ليل يلقاو كل شي حاضر يسهرو هههههههههه
الحلقة السابعة عشر:
آدم:- على قريب انشاء الله انت إلي باش تتحرق في جهنم..
دينا:- ههههههه😂😂 باهي يا سيدي، هيه مالة انت اليوم استدعيتني باش انعاونك باش تقتل حسن، هكة و الا لا؟
آدم:- إيه، آنا استدعيتك باش تقتل عمي حسن. و انحبك اتعاونني،..
دينا:- نعاونك مالة لا، أما عندي شروطي قبل.
آدم:- آنا عارفهم شروطك الكل، نوعذك إني باش انفذهملك الكل، أما عاونني.
دينا:- مادامك عارف شروطي، باهي مالة ...
من غير ما انطول عليكم الحكاية، آدم بدا ينفذ في الشروط المطلوبة هو و دينا. و نهار آدم خرج من الدار و حسن زادا ماكانش في الدار، دينا استغلت الفرصة و عاودت دخلت للبيت المسكرة مرة أخرى...
حسن:- ياخي ماكش باش اتسلم في الحكاية يا بنتي؟
دينا:- بابا!! ا..ا..ايه مانيش امسلمة في الحكاية، بابا، علاش ما حكيتليش من المرة الاولى رانا لقينا حل لهالحكاية من قبل و رانا عايشين لاباس كيما الناس النورمال...
حسن:- سامحني بنتي، هاذاكا كان حلي الوحيد..
و وقت الي كانوا يحكوا، فاقت وحدة من الجثث الي كانوا موجودين في البيت و شدت في المريول متاع حسن و نفذت عليه الدم، و في الوقت هاذاكا شعلت النار في الcheminée و فيسع ما انتشرت النار في البيت الكل و حرقت الجثث إلي بدات تعيط و تزحف باش تخرج من البيت و حسن زادا شعلت فيه النار. كان ينادي على دينا باش تعاونوا و اتخرجوا من البيت و الجثث بدات تزحف خارجة من البيت.. دينا خافت برشة و من كثرة خوفها دزت بوها وسط النار اللاهبة و سكرت عليه الباب هو و الجثث الي صياحها ملأ الدار...
الحلقة الثامنة عشر:
سكرت دينا الباب على بوها و الجثث الي معاه و هربت و الدار بدات تشعل فيها النار..
دينا:- اجريييوليي!!!عاونوونييي!!! دارنا قاعدا تتحرق و بابا لداخل..
الجيران مشاو يجريو باش يحاولوا يطفيو الدار الي لهبت و باش يحاولوا ينقذوا حسن، واحد من الجيران كلم آدم إلي جا يجري ساقيه أعلى من راسو... كيف وصل آدم يلقى الدار طفات و الجيران قاعدين يهديو في دينا و يضمدولها في ايداها إلي تحرقوا كيف كانت في البيت.
آدم:- دينا؟؟ دينا!! وينوا عم حسن؟! آشًصار باخي؟؟!!!
دينا:- ب..ب..با..با ما..ات يا آ..د..دم
آدم:- impossible !!! كيفاش صار هاذا الكل؟؟ أُه 😲 دينا ايجا حاجتي بيك.
أدم هز دينا و دخلوا للدار بطبيعتهم الناس الكل روحت، البيت الوحيدة الي منعت هي بيت آدم، donc دخلوا لبيت آدم...
آدم:- دينا كنت اتنجم اتموت راهو.
دينا:- بالطبيعة كنت انجم انموت، مادام الدار اتحرقت
و آنا موجودة وسط البيت الي الحريقة بدات فيها.
آدم:- لا موش هكاكة، النار ما شعلتش وحدها من العدم، هوما الي شعلوها و هدفهم كان موت عمي حسن و موتك و آنا كانوا باش يقتلوني بعدك.
دينا:- علاش عندهم باش يقتلونا ياخي، موش احنا قاعدين انفذولهم في شروطهم؟؟؟؟
آدم:- ياخي نسيت انو احنا الجمعة الي فاتت ما قدامنالهمش القربان؟ نسيت الي قالهولنا جدي؟ "...و ردوا بالكم تنساو نهار ما تنفذوس الشروط وقتها ما انجمش نضمنلكم آش ينجم يصير فيكم وقتها donc حاولوا باش تنفذوا إلي يقولولكم عليه..." أحنا توة في خطر كبير يا دينا و ما لازمناش نتراجعوا جملة.
دينا:- أسترنا يا ربي !!! باهي، آش قولك انقلوا منها الدار؟
امانكم كان ثما شكون يقرأ يتفاعل بش نعرف الي ثما عباد قاعدة اتبع فل لكرونيك هذا بش نزيد نهبط منو
الحلقة التاسعة عشر:
آدم:- ما انجموش انقلوا منها، على خاطر وين باش نمشيو باش نلقاوهم موجودين، donc زايد التنقيل من الدار، و زيدك زيادة لازمنا نقعدوا هنا باش انزيدوا نعرفوا أكثر حاجات باش انجموا انكملوا هالحكاية..
دينا:- باهي مالة، خلي نقعدوا، أما انشاء الله ما نوصلوش يكمل واحد بركة.
أدم:- نشاء الله.
ليلتها، آدم فرش جراية في القاعة و دينا رقدت فوق السرير...
دينا:- آدم!! آدم!! يا آدم فيق.
آدم:- تي شبيك يا بنتي.
مد يدو لتاليفونو يلقاها ال3:00 متاع الصباح😲
آدم:- شبيك ياخي توة راهي ال3:00 متاع الصباح، آش صارلك؟؟؟؟
دينا:- بابا يا آدم!! تصويرتو ماهياش حابة اتفارق مخي، صياحو، و كيفاش كان يتشحت فيا باش انعاونوا، و كيفاش قالي راهو مصيرو جهنم و العذاب أما آنا ما عاونتوش، آنا دزيت بابا لجهنم و قعدت نتفرج فيه يموت.
...:- ديييناااااا !!!! دييييييينااا!!!!
دينا:- أوووووووه يا ربي صوت صياحو للتوة ما حبش يتنحا من مخي !!!!!
آدم:- أسسسسسسس!! تسمع فلي نسمع فيه؟؟؟
دينا:- آنا ماني قاعدة نسمع كان في صياح بابا..
أدم:- آنا زادا نسمع في صياح حسن، موش قاعد يناديلك؟؟؟؟
دينا:- إيه، ق..قا..اعد يناديلي، و الصوت جاي من البيت المسكرة😓😌😣😨😰
كيفاش؟؟ ياخي موش مات حسن و تحرقت روحو في جهنم، حتى جثتو ما كانتش موجودة على فكرة، مالة شنوة الصوت الي قاعدين يسمعوا فيه؟؟؟؟؟؟؟؟؟؟
الي يقرأ يثبت وجودو هههه
الحلقة العشرون:
آدم و دينا خرجوا من بيتهم و مشاو للبيت المسكرة، حل آدم الباب و خرجت منها ريييحة تعييييف، ريحة اللحم المتعفن الي تشوا في النار، أما كانت كيما قبل ما تبدل فيها الشيئ ما كان فمة كان شوية رماد على الحيوط لا أكثر و لا أقل. و فجأة... باب البيت اتسكر عليهم، و الضو بقا يشعل و يطفا حكاية درج و بعد ما اتحل للمرة الإخرا لقاو الجثث الكل خرجت تزحف من الcheminée، مناظرهم كانت ترعب. كنت اتنجم ترا الخوف و الحقد و الرعب الكلهم يجتمعوا في عينيهم...
دينا مشات تجري تحاول باش اتحل الباب و آدم كان يحمي فيها، و يضرب في الجثث و ما صدق لربي تحل الباب، خرحوا يجريوا و سكروا الباب على الجثث و رجعوا لبيت آدم و غادي لقاو مفاجأة ما كانتش في الحسبان... لقاو بقايع دم كبيييرة في القاعة، هزت دينا راسها الفوق، لقات بقعة ما أكبر في السقف و الدم يقطر عليهم من فوق، زعمة آش فمة؟؟ و شنوة حكايتها البقعة هاذي؟؟ و زعمة عندها علاقة بالكتاب الي ما لقاوش ريحتو في الدار؟؟؟؟؟؟؟؟؟؟؟؟
آدم:- دينا، تفكرت حاجة!!!
دينا:- ؟؟؟؟؟؟؟؟
آدم:- تفكرت البيت الي فوق السطح، ما عمرنا طلعنالها، نتصور إنو فمة برشة حاجات تنجم اتخلينا نوصلوا لحل المشكلة متاعنا، هيا تبعني!!
طلعوا مع بعضهم في دروج السطح و دوب ما حلوا الباب كانت المفاجأة القاتلة...
الحلقة الحادية و العشرون:
دوب ما حلوا باب السطح، لقاو كارثة ما أكبر، لقاو كداااس متاع جثث هجموا عليهم، أما هاذم هجومهم كان أقوى من الاخرين.. دوب ما اتحل الباب ضربوا آدم ضربة خاايبة على راسو جا مادد لربعة... و ما قعدت كان دينا معاهم،...
جبدوا آدم ليهم باش يدخلوه معاهم لبيت السطح، هنا دينا وقفت تجري و جبدت ولد عمها ليها و طاح هو في وسط الدار لوطة، أما هي-دينا- المسكينة ما كانش معاها حد باش يعاونها و ينقذها من الموت، يا تكبس روحها و تحاول تهرب يا مصيرها قعدة و تبنيكة حذا عايلتها في جهنم. أما الفصعة المرة هاذي كانت أصعب ببرشة، خاطرهم كانوا فوق العشرة و هي وحدها. جبدوها ليهم، واحد من ساقيها و واحد من يديها و واحد من شعرها، كانوا يكركروا فيها حذاهم، أما هي كانت اتقاوم بكل جهدها باش ما توفاش حكايتها غادي، كانت تضرب فيهم و اتصيح بأعلى صوتها أما ما كان فمة حتى واحد يسمع في صياحها، أما و بقدرة قادر دينا نجمت اتفك روحها من بين يديهم،... هي جات هابطة من الدروج و شدها واحد منهم من كرومتها و خنقها، خنقها لين نطقت الشهادة، كانت تدعي لربي باش يعاونها و تبكي و تصيح، أما صوتها كان ضعييف و مستحيل حد يسمعها كان ربي،.. دينا بدات تضعف بالشوي بالشوي و الهوا ما عادش داخل لرواريها، الدنبا بدات تظلام في عينيها و ما عادتش تنجم ترا حتى شيئ، قلبها بدا يضعف بالشوي بالشوي،...😌😓😣😢
الحلقة الثانية و العشرون:
آدم رجعلوا وعيو و فاق بعد الضربة الي كلاها على راسو، كان في بالو إنو كل شيئ وفا و دينا ماتت ما دام ما لقاهاش حذاه كيف فاق. صحيح دينا كانت مازالت اتقاوم أما ما بقالها شيئ من حياتها كان دقايق بركة، آدم في بالو دينا لحقت على بوها و عمها و امها و مَرْةْ عمها، و لازمو يكمل وحدو،..
و من غير ما يلوج عليها، قام وعينيه امرغرغة بالدموع و دخل لبيتو باش يرتاح شوية، ما كانش في باله إنو بنت عمو بين حياة و موت،..
و فجأة... تحل باب الدار و دخل محمد - جدهم - و تعدا يجري لبيت آدم، هزوا يجري معاه و طلعوا للدروج و غادي كانت المفاجأة بالنسبة لآدم؛ لقى بنت عمو تصارع في الموت، الجثث كانت تجبد في دينا، و ابواب جهنم كانت محلولة باش اتمص الناس الكل ليها.
محمد:- ما تبقاش حال فمك، هيا عاونني!!
آدم فاق من دهشتو و شد عصا و مشى يجري لدينا و بدا يضرب في الجثث الي كانت دايرة بيها و تجبد فيها لموتها،... أما محمد جبد الكتاب من بين الجثث و مد لآدم تعويذة و قالوا باش يقراها و مشى هو و جبد دينا من بين ايديهم، و بعد ما كمل آدم قرا التعويذة تسكروا بيبان جهنم و كل شيئ رجع لاباس...
كان ثمة شكون يقرأ يتفاعل بش نعرف نزيد نهبط حلقة أخرى خاطر كي مانلقاش تفاعل معناها حد ماهو قاعد يقرأ هكا نفهمها انا
الحلقة الثالثة و العشرون:
مشاو آدم و دينا لدار جدهم، لقاو الدار امعبية بالجيران إلي جاو يشوفوا آش صار،... هما دخلوا و جاهم الراجل إلي كلمهم و مدلهم ورقة،..
آدم:- شنوة فيها الورقة هاذي؟؟؟
الراجل:- و الله ما نعرف خويا، وقت إلي لقيتها قلت بالكشي راهي وصية لاولادو و احفادو و ما عنديش الحق باش باش انحلها، قلت كان انمد هالكم خير، تفضل خويا...
آدم:- عيشك، بارك الله فيك، هات عليك😏😐
هز آدم الورقة من عند الراجل،...
الناس الي حاو روحوا الكل بعد دفينة محمد، الدار ما قعد فيها كان آدم و دينا،..
دينا:- آدم رانا خسرنا برشة، خلينا انوقفوا لهنا و خلي الي باش يصير يصير...
آدم:- غالطة راك يا دينا، مازال عنا بعضنا. و مازلنا ما خسرنا شيئ، العباد إلي ماتو كان لازمهم يموتو باش يتحاسبوا على عمايلهم لمصخة، و نتصور انو ما فمة كان احنا انجموا ننقذوهم و نحرروهم من اللعنة الي صايبتهم...
دينا:- أما آنا تعبت راني، و ما نيش باش نقبل إنو نخسرك انت زادا، أمانك يا آدم، خلي نحبسوا هنا، و كان باش انموتوا خلي انموتوا مع بعضنا،..
آدم وقف من حذاها و تمشا شوي في البيت، و من بعد اتلفتلها و قاللها:" انت تتوقع كيف باش ناقفوا و انحبسوا كل شيئ باش يسيبونا لاباس و باش انموتوا كيما العباد النورمال؟؟؟ إنت غالطة يا دينا، باش يقتلوا واحد منا و باش يعذبوا الي باش يبقى، تفهم شمعناها يعذبوه؟ يعني يشربوه من كاس الموت ما عمروا باش يوصلّوا، نتصورك توة خذيت فكرة عامة علي ينجم يصير كان انوقفوا !!!!!
الحلقة الرابعة و العشرون:
آدم:- هيا نمشيو دينا للمقبرة، الحكاية هاذي الليلة توفى...
دينا:- باهي هيا نمشيوا،...
ركبوا الزوز في كرهبة آدم، و مشاو للمقبرة، ثنية كاملة و هوما ساكتين،... دينا كانت شادة بين يديها الكتاب و آدم كان سارح مع الطريق يخمم فلي باش يصير كيف يوصلوا للمقبرة، زعمة تسلك المرة هاذي؟؟ زعمة ما يصيرلهم شيئ؟؟ كداس متاع أسئلة قاعدة ادور في امخاخهم أما الاجوبة كانت مبهمة،...
وصلوا للمقبرة، كل شيئ كان يمهدلهم في كل شيئ باش يصيرلهم - كل شيئ خايب باش يصيرلهم - من بعد،...
خليني انقوللكم إنو المقبرة هاذي مقبرة العايلة، يعني ما فيها كان جثث عايلة دينا و آدم و أقاربهم، أما ما تتصدموش عاد كان ما يلقاوش حتى جثة من جثث العايلة غادي، خاطر اللعنة إلي امسلطة على إلي يحملوا دم محمد - جد آدم و دينا - تسمح لاشباح جثث العايلة إنهم يتنقلوا في البلايص الكل،...
الحاصل نرجعوا توة لأبطالنا،...
حلت دينا كتاب بوها على الصفحة إلي فيها التعويذة الي قاللهم عليها جدهم، و آدم حل قبر بوه و لقى الكتاب إلي حاجتهم بيه، هو مد يدو باش يجبدو و بوه وقف و شدوا من يدو، و جبدوا حذاه للقبر،... وقتها الدنيا اتهزت و اتحطت، السما ولات حمرا، و الرعد و لا يضرب، و الاموات الكل فاقوا تقول القيامة قامت،...
الحلقة الخامسة و العشرون:
آدم:- هيا نمشيو دينا للمقبرة، الحكاية هاذي الليلة لازمها توفى...
دينا:- باهي هيا نمشيوا،...
ركبوا الزوز في كرهبة آدم، و مشاو للمقبرة، ثنية كاملة و هوما ساكتين،... دينا كانت شادة بين يديها الكتاب و آدم كان سارح مع الطريق يخمم فلي باش يصير كيف يوصلوا للمقبرة، زعمة تسلك المرة هاذي؟؟ زعمة ما يصيرلهم شيئ؟؟ كداس متاع أسئلة قاعدة ادور في امخاخهم أما الاجوبة كانت مبهمة،...
وصلوا للمقبرة، كل شيئ كان يمهدلهم في كل شيئ باش يصيرلهم - كل شيئ خايب باش يصيرلهم - من بعد،...
خليني انقوللكم إنو المقبرة هاذي مقبرة العايلة، يعني ما فيها كان جثث عايلة دينا و آدم و أقاربهم، أما ما تتصدموش عاد كان ما يلقاوش حتى جثة من جثث العايلة غادي، خاطر اللعنة إلي امسلطة على إلي يحملوا دم محمد - جد آدم و دينا - تسمح لاشباح جثث العايلة إنهم يتنقلوا في البلايص الكل،...
الحاصل نرجعوا توة لأبطالنا،...
حلت دينا كتاب بوها على الصفحة إلي فيها التعويذة الي قاللهم عليها جدهم، و آدم حل قبر بوه و لقى الكتاب إلي حاجتهم بيه، هو مد يدو باش يجبدو و بوه وقف و شدوا من يدو، و جبدوا حذاه للقبر،... وقتها الدنيا اتهزت و اتحطت، السما ولات حمرا، و الرعد و لا يضرب، و الاموات الكل فاقوا تقول القيامة قامت،...
الحلقة السادسة و العشرون:
الدنيا تقلبت سفاها على علاها، و الاموات إلي كانوا في المقبرة الكل فاقوا، و زيد أدم قاعد يتصارع مع بوه الميت إلي قاعد يجبد فيه حذاه، ما قعدت كان دينا واقفة وحدها في وسط المقبرة شادة الكتاب الي كان مع بوها و تتفرج فلي قاعد يصير و ماهياش امنجمة تتحرك من كثرة الخوف و الرعب،...
آدم:- دييييييينا!!!! تي شبيك واقفة كالبهلولة غادي، تحرك أبدا أقرا في التعويذة إلي بين ايديك !!!!!! 😠😠
دينا رجعت لمخها و حلت الكتاب و بدات تقرا في التعويذة، كانت تقرا في كلام هي بيدها موش عارفة عليه شمعناتو، أما لقات ورقة امقطعة في وسط التعويذة ، فاتتها و اتعدات عليها و كملت قرات الصفحات إلي من بعد، أما شيئ ما اتبدل، بالعكس، كل شيئ كان ماشي و يزيد يتعقد، أما هي ما تلهات بشيئ و دوب ما كملت قرات التعويذة حرقت الكتاب إلي مشى رماد في الريح،...
هزت دينا عيناها تلقى الدنيا ظلاااام، و الرعد يضرب، و الموتى قاعدين يفيقوا بالواحد بالواحد، و آدم رجل في القبر - يجبد فيه بوه - و رجل البرة،...
آدم:- ديينا!! انت امثبتة من روحك انك قريت التعويذة الصحيحة؟؟؟؟؟
دينا:- موش إلي من الصفحة 370 حتاش للصفحة 400 ؟؟؟؟؟؟؟
آدم:- أووووووووووه !!!!! لاااا يا طفلة، تي شبيك، تي التعويذة راهي من 200 حتاش ل215 😐😢
دينا:- أُه يا آدم، علاه ما قتليش من المرة الاولى، تي آنا حرقتو الكتاب😲😢😭....
الحلقة الاخيرة:
آدم:- شنوة معناتو إلي تحكي فيه هاذا؟؟؟ يعني قريت التعويذة الغالطة و حرقت الكتاب من غير ما اتثبت؟؟؟؟
دينا:- 😐😶😶😵...
آدم:- أفففف، افففففف😫💨💨 تي شبيك زحححح !!!!! شد خوذ كتاب بابا اقرا منو آخر صفحتين، و رد بالك تغلط، و من بعد أحرقوا فييسع ياديينا !!!!!
رمالها آدم كتاب بوه و قعد يحاول يجبد روحو من بين ايدين بوه الميت،...
حلت دينا الكتاب على آخر صفحتين و بدات تقرا في التعويذة، كلامها كان صعيب و موش مفهوم، أما مع هاذاكا الكل ما اتبدل شيئ،... دينا ما حبستش و قعدت تقرا في التعويذة لين كملتها و بعد حرقت الكتاب، وقتها الرعد ولا أقوى و صوت الصياح - صياح الموتى - ملا الدنيا و القبورات بدات تجبد فيهم و بدات تتسكر
و تسكر القبر على آدم،...
دينا:- آااااااااااااداااااااااام!!! لاااااا يا ربي علاش هكة يصير فيا، يا ربي راهو ما بقاليش حد في الدنيا هاذي، لا آنا مستحيل نفقد حد آخر من الناس إلي انحبهم،...
قالت هكة و من بعد وقفت وبدات تخفر في قبر عمها محمود باش اتخرج آدم من القبر،...
كل وين كانت تحفر كانت اتحس انو فمة شكون يتحرك وسط التراب، زادت شوي و شافت يدين خرجوا من التراب، شدتهم و بدات تجبد لين خرج آدم من القبر، خرجاتو و روحوا مع بعضهم للدار، غادي لقاو دارهم رجعت كيما كانت قبل و البيت هاذيكا اتحرقت و ما عاد فيها شيئ و الموتى الكل رجعوا لقبوراتهم بعد ما اتفكت اللعنة الي اتسلطت عليهم، آدم و دينا حَلُّوا الوصية متاع جدهم لقاوه كتبلهم الاملاك الكل باساميهم و الفلوس الكل ليهم،...
و في الآخر آدم و دينا عرسوا و عاشوا متهنيين، أما ما عمرهم نساوها الحكاية هاذيكا😍😚
النهاية 💛
الحمدلله هههههه رايكم ؟؟؟
دينا هي بطلة حكايتنا اليوم، عمرها 27 سنة، شعرها مارون فاتح و عيناها زرق موج بحر،... ملي حلت عيناها على الدنيا، لقات روحها بين عايلتها و اقاربها،... كانت تعيش معاهم في فيلا كبيييرة و مضخمة😎😎 عدات صغرها الكل و هي تجري و اتنقز من بيت لبيت، أما موش البيوت الكل كانت اتنجم تدخللهم، كانت فمة بيت بجنب بيت بوها ما فمة حتى واحد عندوا الحق باش يدخللها كان بوها و عمها ..
دينا كانت يتيمة، أمها توفات وقت الي كانت عمرها 9 سنين، وقتها بوها جاتو صدمة كبيرة برشة و ما نجمش يتحمل فقدانها دخل لبيتو و قعد مسكر على روحو و ما خرجش جملة، أما بعد ما تحسنت نفسيتو و رجع لاباس، جدها خرج من الدار و ما قالش لحتى حد على محل إقامتو الجديد..
دينا قعدت تعيش مع بوها و عمها و ولد عمها آدم إلي أمو كانت متوفية هي زادا، آدم أكبر منها بعامين، يعني توة عمرو 29 سنة، طفل بوقووس، اسمر، شعرو اكحل و بدنو امّسكل. و توة بعد ما عرفتكم على أبطال حكايتنا اليوم خلينا ندخلوا في صلب الموضوع. آدم و دينا عداو صغرهم الكل مدللين و إلي يطلبوه يلقاوه، بوها و عمها كانوا مشيخينهم و امفرهدينهم أما في حكاية البيت و الدخلان ليها كل شيئ يتبدل وقتها و الشفقة و الرحمة تتعدم من عند سي حسن(بو دينا) و من عند سي محمود (بو آدم)الحلقة الأولى و ان شاء الله تعجبكم 😘
نلقا تفاعل نكمل،،، تفاعل باهي برشا ==== 5 حلقات فرد وقت
الحلقة الثانية:
تعداو الايامات و توفى سي محمود بو آدم، أما الréaction متاعة سي حسن بو دينا صدمة الناس الكل، على خاطروا تصرف ببرود كبيير كينّو محمود مشى يدور و شوية آخر باش يروح، ناس قالت هذا من قوة الصدمة على خاطرو كان ياسر قريب من المرحوم و ناس تقول البرود هذا يتسمى هدوء ما قبل العاصفة على خاطرهم متوقعينوا يعمل اية حاجة باش يبقى مع خوه محمود. دينا تحيرت برشة على بوها و خصوصا إنو ولا يعدى في وقت أكثر من العادة في البيت هاذيكا و وين يخرج منها وجهو يبدى مقلوب و أصفر. هاذاكا علاش قررت باش تدخل و تعرف شنوة فيها البيت هاذيكا، أما ما تنجمش تدخل وحدها ولات اقترحت الحكاية على آدم..
آدم: ياا معلم!! تعرف حتى آنا عندي برشة نحب نقترحها الفازة هذه عليك، أما حسيتك باش تخاف و ماكش باش توافق هاذاكا علاش قعدت نستنا فيك انت باش تقترحها عليا الفكرة هذه😁😁
دينا: باهي مالة مادامنا تفاهمنا، وقتاش ندخلولها؟؟
آدم: تحب ندخلولها شوي آخر على خاطر عم حسن باش يخرج و ظاهرلي باش يبطى.
دينا:- باهي مالة تفاهمنا، مالة وين يخرج بابا نتقابلوا، آنا توة هاني في بيتي😉
آدم:- باهي😏😎
الحلقة الثالثة:
عم حسن:- دينا هاني خرجت آنا، باش نبطى شوية راني من غير ما تستناوني على العشا😐
دينا:- باهي بابا الغالي، باي بااي😚😘
عم حسن:- باي😐
دوب ما خرج عم حسن من الدار نقزت دينا لشباك بيتها و قعدت تعس عليه لين بعد برشة على الدار، و وين جات ماشية لآدم لقاتو قدام بيتها كان جاي باش يناديلها. مشاو مع بعضهم للبيت،...
دينا:- ما نعرفش علاش كل وين ناقف قدام البيت هذه نحس إحساس غرييب برشة، إحساس خوف، رعب، كل حاجة عندها علاقة بالموت😓😓
آدم: آنا بطبيعتي كل وين ناقف قدام البيت هذه نشم فيها ريحة الموت، ريحة العذاب😌
دينا:- ربي اتقدر الخير منها هالحكاية😣
آدم:- هيا فيسع من غير ما نضيعوا الوقت خلينا ندخلولها البيت قبل ما يرجع عم حسن.
دينا:- باهي، هيا ندخلوا...
حلت دينا الباب و دخلوا، و من غادي تسطرتلهم مغامرة جديدة أما ماظهرلي كان باش يخرجوا منها من غير حتى خسارة😐😪😥..
الحلقة الرابعة:
حلت دينا الباب و دخلوا للبيت، و دوب ما عفسوها ضربتهم ريحة تقزز، ريحة الموت البشعة، ريحة دم متعفن..😶😲😱 أما الريحة ما كانتش الحاجة الوحيدة إلي تبث في العبد الرعب، الموجود في البيت زادة يوقف المخ، فمة بقايع كبيييرة متاع دم على القاعة و بقايا بشرية مرمية كيما المخ، القلب، الساقين، الصوابع، العينين، شوية مصارين في التركينة من غادي...
دينا:- إعععععععع😷😷 شنوة الحالة هذه ياا ربي، ياخي بابا طلع يتاجر بالأعضاء متاع العباد في الحلقة الأخيرة😵😲😲
آدم كان يتفقد في الحاجات إلي كانت ملكمتة في ملاحف بيضا،..
آدم:- إيجا دينا! إيجا شوف شنوة لقيت!!!
دينا:- حاسة روحي ريتهم قبل اللفافات هاذوما.
آدم:- تتفكر وقت إلي كان بابا و عمي حسن يبداو كل مرة واحد فيهم داخل بوحدة كيما هكة و نسألوهم شنوة هوما يقولولنا راهو قمح.
دينا:- إيه نتفكر، و شنوة طلع في الحلقة الأخيرة؟؟😓
آدم:- جثث، اللفايف إلي قالولنا إنو فيها قمح طلعت جثث متاع عباد ميتة، و موش أية عباد، هاذوما جثث أمك و أمي و.. بابا😶😶
دينا:- شنوّة!!؟؟؟ تحكي بجدك ياخي؟!
آدم:- إيه نحكي بجدي، إيجا شوف كان تحب..
قربت دينا من الجثة لولا، عرالها آدم وجهها لقاتها جثة عمها محمود بو آدم، و جثة أخرى محطوط عليها ورقة مكتوب عليها مرتي و إلي بجنبها مكتوب عليها مرة خويا حسن(يعني أم دينا)...
الحلقة الخامسة:
دينا أعصابها انهارت بعد إلي شافاتوا الكل، أما إلي ما تعرفوش هو إنو إلي باش يصيرلها أبشع... كيف جات خارجة هي و آدم بداو يسمعوا في صوت عبد يصيح، عبد قاعد يتعذب، عبد ما عادش منجم من كثرة الوجايع، الصياح كان يقطع القلب أما ما كانش صياح عبد واحد بركة، كانوا برشة عباد... الصياح كان خارج من الجثث، آدم شد دينا من يدها بالقوي و جاو خارجين أما كيما نعرفوا الناس الكل موش كي دخول الحمام كي خروجو،... لقاو شطر جثة متاع واحد من الموتى إلي حسن مخبيهم في البيت، منظرو كان يرعب؛ عينيه بيض و يقطروا بالدم، فموا كان مقطع من الوذن للوذن و مخو خارح يدلوح من راسو،... من كثرة ما كان شطر الجثة يرعب، دينا فقدت وعيها..
آدم: أففففففف هالزهر المزبل ما لقات وقتاش ادّوخ هاذي😒😒😞
هزها في حملتو و عفس فوق شطر الجثة باش يخرج، أما الجثة شداتو من رجلو. طاح آدم و دينا تنطرت من إيدو و طاحت قدام البيت، آدم قعد يجاهد باش نجم فك رجلو من يدين شطر أكالجثة و خرج و سكر باب البيت و هز بنت عمو و دخلها لبيتها...
هام 5 حلقات في جرت بعضهم برغم تفاعل اشوية و كان نلقا تفاعل باهي نزيد نهبط 5 آخرين فرد وقت زيدو قلو باج ماسطة برغم انتقاداتكم تعاوني بش نطور الباج نعرف لغلاط و نصلحها لذا نشكركم على نقدكم حسن واصلو و طرف وقت ونرجع راني مانيش ناسيتكم
الحلقة السادسة:
آدم هز دينا و دخلها لبيتها، تكاها على فرشها و قعد حذاها يبردلها في وجهها و أطرافها لين فاقت. وجهها كان أصفر في حالة، ما كانتش مستوعبة إلي صارلهم في أكالبلاصة المشومة😷
دينا:- ii...m...mmmp..po..ssible!!!! الحكاية هذي ماهياش حابة تدخل لمخي جملة. كيفاش بابا و عمي نجمو يعملو حكاية هكاكة..
قالت هكة و دخلت في حالة هستيرية متاع بكا.. ضمها آدم بين إيديه لين هدات و من بعد خرجوا و مشاو للكوجيتنا عملو كسكروتات و قعدوا ياكلو فيهم و ما نطق حتى واحد فيهم حتى كلمة، و هوما هكاكة تحل الباب و دخل سي حسن و هاز في حملتوا لفافة بيضا أخرى هزها للبيت المسكرة، قعد غادي شوية و من بعد هبط و قعد معاهم على طاولة الفطور.. وقفت دينا جابتلو صحن شربة و قعدت تكمل في كسكروتها و تهز فيه و تحط...
آدم:- هيه عاد عمي، هاي زاهيتلك المدة لخرا بالقمح😈
حسن:- الحمد الله يا ربي، مع إنو طول المدة إلي فاتت كانت مقينة، أما توة هاي تحلت في وجهي😏😊😊
دينا:- قلي يا بابا، ياخي فاش تعمل بيه القمح هاذاكا الكل؟؟؟
حسن:- آااااااااا.... ال..قم..ح؟ آااه القمح آذاكا.. ننن..نبيع.. نبيع فيه، نبيع فيه😅😅
دينا:- أما يا بابا آنا بعمري لا ريتك ماشي للسوق و تبيع فيه القمح إلي تجيب فيه، ملي يدخل للبيت ما عادش يخرج😐
الحلقة السابعة:
بعد الكلام إلي قالتو دينا، حسن تغشش برشة و قام يعيط..
حسن:- شنوة تقصد بكلامك هذا للا دينا، معناتها آنا كذاب!! معناتها كذبت عليك كيف قلتلك إنو الي نجيب فيه قمح موش حتى حاجة أخرى!!
آدم:- يعني فمة حوايج أخرى تنجم تكون محتملة بلاصة القمح؟؟
حسن: أاااه، لا، لا.. اوووه، ياخي لاباس في مخاخكم انتوما لزوز، حاطيني بيناتكم و تستجوبو فيا!! و الله لا تحشموها كي إنت كي هو، اتوة نتولها بيكم😠😠
قال هكة و وقف و مشى للبيت المسكرة. عدا السهرية لكل غادي و من بعد خرج و دخل لبيتو و رقد، و الحاجة الplus importante هي إنو سكّر باب البيت و هز معاه المفتاح على خاطرو شاكك إنو دينا وآدم دخلوا للبيت و شافوا إلي في وسطها😐
الشخير متاع حسن واصل للشارع، فاقت دينا و مشت حذا آدم..
دينا:- آدم، آدم، آااادم!!
آدم:- ممممممم، شبيك ياخي ما ترقدشي إنت!!!
دينا:- ياا آدم كان نقلك آش ريت، مخك ياقف😰😵
كيف سمع آدم إلي قالتو دينا، وقف و قعد فوق السرير و ولا مهتمة أكثر بلي تحكي فيه..
آدم:- هيه، كمل أحكي، آش ريت؟؟
دينا:-....
الحلقة التاسعة:
آدم:- شوف دينا هاني جبتو المفتاح، أقرأ أية دعاء تعرفو قبل ما ندخلو.
دينا:- باهي..
حل آدم باب البيت، أما ما تبدل فيها شيئ، كانت كيما خلاوها، حل الضو و قدموا مع بعضهم و دينا مكبشة فيه من كثرة الرعب. وصلوا حذا اللفافة إلي جابها حسن وقت العشا.
آدم مد يدو للجثة باش يعريلها وجهها، و فجأة... إيد خرجت من اللفافة و شدتلو يدو😲😶
آدم:- أعععععععععععع😷😷 تي سيب نعننن
دينا:- آاااااااااا!!!آدااااااام😵😶😷
هما هكاكة و قص عليهم الضو في البيت... بقى حكاية دقيقة و من بعد رجع، المفاجأة إنو الجثة إلي في وسط اللفافة إختفات،ريحتها ما ادورش فميكا.
آدم:- أعععععععععع!!! هاااااااااااااه
دينا:- آااااااااداااام!!! تي سااااايب!! باااااااااباااااااااا
الباب تحل و دخل حسن، يلقى وحدة من الجثث خانقة آدم، مشالهم يجري و بعدوا من حذاه، خرج آدم و دينا و درا شنية قال و بعد طفى ضو البيت و خرج.. يلقى آدم مادد لربعة على القاعة و يكححح و يكححح في حالة و دينا تشرب فيه في الماء بالشوية و تبكي بالشهقة من الخوف...
حسن:-....
الحلقة العاشرة:
حسن:- نعنطلاو عليكم لزوز، آش مدخل والديكم لغادي ياخي؟؟😠😠
دينا:- بابا أمانك...س..سامح...
آدم:- شنوة تقصد بآش مدخل والدينا اغادي؟! تحبنا نشوفوك تخرج في جثث العايلة و تجيب فيهم لبيت و تسكر عليهم غادي و تحبنا نسكتولك!! بآنا حق ياخي تعمل هكة؟! ياخي ما عندكش احترام لحرمة الموتى، لا يزي تخرج فيهم من قبوراتهم و زيد تعذب فيهم و تنحيلهم في أعضائهم!!
حسن:- يعني دخلتو قبل للبيت؟
دينا:- إيه بابا، دخلنا و عرفنا العمايل المصخة إلي كنت تعمل فيها إنت و عم محمود!!
آدم:- آنا مشيت حذا جدي و حكالي كل شيئ..
حسن و دينا:- شنوة؟!
آدم:- إيه، حكيت مع جدي و هو قالي على كل شيئ..
دينا:- شنوة معناها حكالك على كل شيئ، علاش ما حكيتليش كيف عرفت؟؟
آدم:- سامحني دينا و الله آنا بطبيعتي للتوة موش مصدق إلي حكاهولي أما توة وين تأكدت..
دينا:- باهي، قلي آش حكالك
آدم:- تصور، جدنا كان سحار يستعمل في السحر الاسود، و وين ماتت جدايتنا جاتو صدمة كبيرة، ياخي شد عمل سحر أسود باش يحاول يرجعها من الموت، أما لازموا يوفيلهم بلي اشترطوه عليه..
دينا:-...
الحلقة الحادية عشر:
دينا:- شكونهم إلي اشطرطوا عليه؟؟
حسن:- سكان العالم السفلي، اشترطوا على بابا باش كل جمعة يذبحلهم شخص ميت و الا حي و يصلي عكس القبلة يوميا و يقطع كتاب القرآن و يحط أوراقو في الدم و من بعد يلفهم على رجل عبد ميت و بالطريقة هاذيكا هما ينجموا ينفذولوا طلباتو.
آدم:- أما جدي فاق على روحو و تاب لربي، ياخي لعنوه و لعنوا كل واحد من دمو، اللعنة وصلت لبابا و كانت باش تتعدالي آنا أما كيف أمي سمعت بالحكاية حاولت تقتل بابا باش تنقذني منها اللعنة هاذي، ياخي بابا قتل أمي و نفس الحكاية بالنسبة ليك..
دينا:- شنوة؟! يعني لا يزي تمارس في السحر الاسود و تنتهك في حرمة الموتى و زيد تقتلي أمي!! لا برشة عاد، برشة هكة، كيفاش تسمحلك نفسك إنك تحرمني من أمي، كيفاش تسمح لروحك باش تقتلي أمي!! و الله إلما اندمك، توة تشوف، قوم آدم هيا نمشيو.
جبدت دينا آدم من إيدو و خرجوا مع بعضهم و مشاو لدار جدهم، بالكشي هو باش ينجم يعاونهم، و في نفس الوقت كمل آدم يقوللها على هالحكاية الbizarre إلي صارت.
آدم:- كيما قتلك اللعنة وصلت لبابا و كانت باش تتعدالي بعد موتو ياخي حاولت أمي باش تقتلو و تهربني باش تنقذني ياخي هو قتلها و نفس الحكاية صارت مع أمك، و باش ينقذوا رواحهم من اللعنة لازمهم ما ياقفوش
الحلقة الثانية عشر:
آدم:- .... و باش ينقذوا رواحهم من اللعنة لازمهم ما ياقفوش، يعني كل واحد يوصلو دورو لازموا يعمل نفس الحكايات إلي عم حسن قاعد يعمل فيهم😣😢
دينا:- و الحل توة؟ شنوة لازمنا نعملوا باش نرتاحوا منها هالحكاية؟؟
آدم:- ما نعرفش، خلينا نوصلوا حذا جدي متأكد إنو هو ينجم يعاوننا.
عداو ثنية كاملة ساكتين لين وصلوا لدار جدهم محمد.
دينا:- جدي! جدي! أمانك عاوننا، راني ما عدتش عارفة شكون الظالم و شكون مولا هالحكاية المنحسة!!
محمد:- هدي روحك دينا بنتي، فمة زوز كتب واحد عند بوك و الآخر مدفون مع عمك محمود..
دينا و آدم:- شنوة؟!
آدم:- كيفاش مدفون مع بابا و آنا ريت جثتو بعينيا فكالبيت المنحسة😠😠
محمد:- صحيح الجثة كانت موجودة في البيت المرة الاولى أما حسن رجعها لبلاصتها يعني في قبرها و غادي الكتاب مدفون، أما روحو تزور الدار و ادور على خاطر روحو و روح أفراد عايلتنا إلي صابتهم اللعنة ماهياشي مرتاحة في قبوراتهم، هاذاكا علاش هما قاعدين يحاولوا باش يجبروكم باش تنقذوهم و توقفوا اللعنة على خاطر أرواحهم قاعدة تتحرق في جهنم و ماهمش باش يرتاحوا كان بعد ما تفكوا اللعنة😈👹👺
دينا:-😵😶😨😷😲
آدم:- أفففففففف😫💨💨💨، هيه كمل، و كيفاش باش نعملوا مع هالكتب لزوز؟؟؟
الحلقة الثالثة عشر:
محمد:- قبل الكتب، لازمكم تتخلصوا من حسن و من بعد تو تلقاو تعويذة في الكتاب إلي مدفون مع محمود في مقبرة العايلة تقراوها و من بعد تحرقوه...
آدم:! باهي و كيفاش باش نقتلوا عمي؟؟
دينا:- شنوة معناها كيفاش باش تقتل عمك؟ ياخي ناوي تقتلي بابا، لاباس في مخك ياخي؟
آدم:- ياخي تحب تنتقلك اللعنة و تولي كيما بوك؟؟ هذي هي الطريقة الوحيدة باش ننقذوا رواحنا..
دينا:! لا مستحيل، هاذي موش الطريقة الوحيدة باز فمة طريقة أخرى باش ننقذوا رواحنا من غير ما نقتلوا بابا، أمانك جدي قلوا راهو فمة طريقة أخرى😭😭😲
محمد:- الحق هذي هي الطريقة الوحيدة باش نتخلصوا منها اللعنة و انرتحوا روح أمك و ام آدم و عمك محمود و حتى روح بوك يا بنتي.
دينا:- لا، مستحيل نولي قتالة أرواح🔪🔪 مستحيل نمسخ إيديا بالدم، لا! لا! مستحييل!!😭😢
آدم ضم دينا ليه باش تهدا شوية علئ خاطر هاذا ما يتسما شيئ قدام إلي مازالوا باش يتعرضولوا..
آدم:- و كيفاش باش نقتلوا عمي حسن؟؟
محمد:- ساهل برشة، خليو الحكاية هاذي على سكان العالم السفلي👹👺
دينا:- يعني باش نلتجؤو للسحر الاسود أحنا زادة؟؟؟
محمد:- بالضبط، آنا تبت و رجعت لربي و مستحيل نرجع للقلم متاع السحر، أما توة نعاونكم بخبرتي، موافقين إنكم تستعملوا السحر الاسود؟؟
آدم:- أصلا ما عندناش حتى خيار باش نرفضوا،..
دينا:! أما زعمة ما يدوروش علينا من بعد؟؟؟
الحلقة الرابعة عشر:
محمد:- إذا إنتوما ما نفذتوش إلي هوما طالبينوا منكم بالطبيعة باش يدوروا عليكم.
آدم:- باهي جدي، أحنا موافقين،. قوللنا توة آش يلزمنا نعملوا باش نتواصلوا معاهم و يعاونونا؟؟؟
محمد:- أول حاجة لازمكم تقراو التعويذة هاذي و هوما باش يشطرطوا عليكم الشروط إلي قتلك عليهم آدم ولدي، و موش كان نهار بركة كل نهار جمعة تذبحولهم شخص و الصلاة عكس القبلة يوميا مع كل آذان و هكاكة ينجموا ينفذلوكم طلباتكم الكل و ردوا بالكم تنساو نهار ما تنفذوس الشروط وقتها ما انجمش نضمنلكم آش ينجم يصير فيكم وقتها donc حاولوا باش تنفذوا إلي يقولولكم عليه.
دينا و آدم:- باهي موافقين.
محمد:- مادامكم موافقين هيا تبعوني💀
مشاو آدم و دينا مع محمد إلي هزهم لقبو تحت الدار إلي كانت فيه بيت امسكرة مليييح🔐🔑، و دوب ما حل الباب ظربتهم ريحة متاع حاجة متعفنة، ريحة الموت البشعة، أما ما كانش فمة حتى جثة باش نقولوا إنو الريحة خارجة منها. البيت كانت امعبية بالكتب📚📚 كتب كباااار و امسكرين بالسلاسل و الشروليات🔒🔒🔑🔐
دينا:- أفففففففف!! منتنها هالريحة!! ياخي منين جاية؟؟
محمد:- الريحة جاية من الكتب إلي قدامكم، الكتب هاذوما كتب سحر أسود فيها طرق تحضير أقوى أنواع السحر و طرق تحضير أخطر و أقوى أنواع الجن، و الريحة ناتجة على دناسة و نجاسة الكتب هاذم و الاغراض الي أُستعملوا ليهم..
الحلقة الخامسة عشر:
آدم:- باهي، آناهو الكتاب الي باش نستعملوه، جيبهولنا يعيشك و خلي نخرجوا منها هالبلاصة، الريحة قتلتني 😷😷
محمد:- بالشوية يا ولدي ما تستعجلش الحكاية، انت توة كاينك تستعجل في موتك، لازمكم تعرفوا إلي راكم قاعدين تحلوا على رواحكم في باب بلاء تسكيرو باش يكون أصعب ملّي تتصوروا.
كان يحكي و يفتش بين الكتب لين حل عينيه من الدهشة..
دينا:- شفما ياخي يا جدي؟؟
محمد جبد كتاب و نفخ عليه، كان معبي بالغبرة أما بعد ما مسحوه ولاّ كالجديد، يعني لا أوراق صفر و مقطعين و لا هم يحزنون.
محمد:- وين نرا الكتاب هاذا نتفكر جدي الله يرحموا و بابا و نتفكر بداياتي مع السحر الأسود.
دينا:- يعني الكتاب هاذا من عهد جدك؟
محمد:- بنتي الكتاب هاذا عمروا أكثر من 300 عام. كان السبب باش برشة ناس دخلت للحكايات هاذي منهم لي قعد يستعمل فيه و منهم إلي خافوا و عملوا المستحيل باش ما يختلطوش بسكان العالم السفلي و خوفهم قتلهم قبل ما هوما يقتلوهم..
دينا:- يعني أحنا توة بين حياة و موت؟
آدم:- ما لازمناش نوقفوا مهما تكون العواقب، آنا مستحيل ناقف الحكاية هاذي لازمها توفا بأي طريقة، إذا خفت تنجم تقعد هوني مع جدي أما آنا مانيش باش ناقف..
دينا:-😐😒😐😒😐😒..
الحلقة السادسة عشر:
محمد حل الشرولية و نحا السلاسل الي كانت مسكرة على الكتاب. دوب ما حل الكتاب خرجت منو ريحة دم و دخان أسود..
محمد:- الكتاب هاذا بمثابة جهنم على الأرض، و التوبة بعد استعمالو ياسر صعيبة و ممكن تكون مستحيلة..
آدم و دينا:-😔😡😢😣😩😲😵😶
قعد محمد يقلب في الاوراق لين لقاها، لقى التعويذة إلي باش تخلي حفادو يطلبوا مساعدة الشواطين و العفاريت في الحكاية هاذي، أما تحسهم يصلحوا في غلطة بغلطة ما أكبر.
محمد:- هاذي هي التعويذة إلي باش تستحقوها.
هزوا الاولاد الكتاب و رجعوا للدار، استغلوا غياب حسن و دخلوا لبيت آدم و عملوا الي قاللهم عليه جدهم. حلوا الكتاب و بداو يقراو مع بعضهم في التعويذة، و فجأة، ريحة حريقة فاحت في البيت، الشبابك ولات تتحل و تتسكر وحدها، bon موش وحدها وحدها، على خاطر الشيطان إلي حضر قاعد يعطي في des inمdices على إنو حضر، كانت الخيالات في كل تركينة.
وقفوا آدم و دينا على قراية التعويذة. دينا وجهها تقلب و عيناها بياضو و فمها خرج منوا الدم.
آدم:- دينا!! دينا شبيك آش صارلك؟
دينا غزرتلو بطرف عينيها البِيُضْ و اطرشقت بالضحك.
دينا:- ههههههههه😂😂 هاني جيتكم عاد توة، شنوة طالبين؟؟
آدم:- أخرج من بدن دينا يا امسخ!!!
دينا:- أوووووه، سي آدم، نسخة من محمود، على فكرة يسلم عليك.
آدم:- آش امدخل بابا في الحكاية؟
دينا:- جرة جد جدك و جدك بوك و أمك و أم دينا ضياف عنا في جهنم، و ما تخافش عليهم هانا قايمين معاهم بالواجب، ههههههههههه😂😂😈😈
عشاق الرعب اكيد تو يجوو فل ليل يلقاو كل شي حاضر يسهرو هههههههههه
الحلقة السابعة عشر:
آدم:- على قريب انشاء الله انت إلي باش تتحرق في جهنم..
دينا:- ههههههه😂😂 باهي يا سيدي، هيه مالة انت اليوم استدعيتني باش انعاونك باش تقتل حسن، هكة و الا لا؟
آدم:- إيه، آنا استدعيتك باش تقتل عمي حسن. و انحبك اتعاونني،..
دينا:- نعاونك مالة لا، أما عندي شروطي قبل.
آدم:- آنا عارفهم شروطك الكل، نوعذك إني باش انفذهملك الكل، أما عاونني.
دينا:- مادامك عارف شروطي، باهي مالة ...
من غير ما انطول عليكم الحكاية، آدم بدا ينفذ في الشروط المطلوبة هو و دينا. و نهار آدم خرج من الدار و حسن زادا ماكانش في الدار، دينا استغلت الفرصة و عاودت دخلت للبيت المسكرة مرة أخرى...
حسن:- ياخي ماكش باش اتسلم في الحكاية يا بنتي؟
دينا:- بابا!! ا..ا..ايه مانيش امسلمة في الحكاية، بابا، علاش ما حكيتليش من المرة الاولى رانا لقينا حل لهالحكاية من قبل و رانا عايشين لاباس كيما الناس النورمال...
حسن:- سامحني بنتي، هاذاكا كان حلي الوحيد..
و وقت الي كانوا يحكوا، فاقت وحدة من الجثث الي كانوا موجودين في البيت و شدت في المريول متاع حسن و نفذت عليه الدم، و في الوقت هاذاكا شعلت النار في الcheminée و فيسع ما انتشرت النار في البيت الكل و حرقت الجثث إلي بدات تعيط و تزحف باش تخرج من البيت و حسن زادا شعلت فيه النار. كان ينادي على دينا باش تعاونوا و اتخرجوا من البيت و الجثث بدات تزحف خارجة من البيت.. دينا خافت برشة و من كثرة خوفها دزت بوها وسط النار اللاهبة و سكرت عليه الباب هو و الجثث الي صياحها ملأ الدار...
الحلقة الثامنة عشر:
سكرت دينا الباب على بوها و الجثث الي معاه و هربت و الدار بدات تشعل فيها النار..
دينا:- اجريييوليي!!!عاونوونييي!!! دارنا قاعدا تتحرق و بابا لداخل..
الجيران مشاو يجريو باش يحاولوا يطفيو الدار الي لهبت و باش يحاولوا ينقذوا حسن، واحد من الجيران كلم آدم إلي جا يجري ساقيه أعلى من راسو... كيف وصل آدم يلقى الدار طفات و الجيران قاعدين يهديو في دينا و يضمدولها في ايداها إلي تحرقوا كيف كانت في البيت.
آدم:- دينا؟؟ دينا!! وينوا عم حسن؟! آشًصار باخي؟؟!!!
دينا:- ب..ب..با..با ما..ات يا آ..د..دم
آدم:- impossible !!! كيفاش صار هاذا الكل؟؟ أُه 😲 دينا ايجا حاجتي بيك.
أدم هز دينا و دخلوا للدار بطبيعتهم الناس الكل روحت، البيت الوحيدة الي منعت هي بيت آدم، donc دخلوا لبيت آدم...
آدم:- دينا كنت اتنجم اتموت راهو.
دينا:- بالطبيعة كنت انجم انموت، مادام الدار اتحرقت
و آنا موجودة وسط البيت الي الحريقة بدات فيها.
آدم:- لا موش هكاكة، النار ما شعلتش وحدها من العدم، هوما الي شعلوها و هدفهم كان موت عمي حسن و موتك و آنا كانوا باش يقتلوني بعدك.
دينا:- علاش عندهم باش يقتلونا ياخي، موش احنا قاعدين انفذولهم في شروطهم؟؟؟؟
آدم:- ياخي نسيت انو احنا الجمعة الي فاتت ما قدامنالهمش القربان؟ نسيت الي قالهولنا جدي؟ "...و ردوا بالكم تنساو نهار ما تنفذوس الشروط وقتها ما انجمش نضمنلكم آش ينجم يصير فيكم وقتها donc حاولوا باش تنفذوا إلي يقولولكم عليه..." أحنا توة في خطر كبير يا دينا و ما لازمناش نتراجعوا جملة.
دينا:- أسترنا يا ربي !!! باهي، آش قولك انقلوا منها الدار؟
امانكم كان ثما شكون يقرأ يتفاعل بش نعرف الي ثما عباد قاعدة اتبع فل لكرونيك هذا بش نزيد نهبط منو
الحلقة التاسعة عشر:
آدم:- ما انجموش انقلوا منها، على خاطر وين باش نمشيو باش نلقاوهم موجودين، donc زايد التنقيل من الدار، و زيدك زيادة لازمنا نقعدوا هنا باش انزيدوا نعرفوا أكثر حاجات باش انجموا انكملوا هالحكاية..
دينا:- باهي مالة، خلي نقعدوا، أما انشاء الله ما نوصلوش يكمل واحد بركة.
أدم:- نشاء الله.
ليلتها، آدم فرش جراية في القاعة و دينا رقدت فوق السرير...
دينا:- آدم!! آدم!! يا آدم فيق.
آدم:- تي شبيك يا بنتي.
مد يدو لتاليفونو يلقاها ال3:00 متاع الصباح😲
آدم:- شبيك ياخي توة راهي ال3:00 متاع الصباح، آش صارلك؟؟؟؟
دينا:- بابا يا آدم!! تصويرتو ماهياش حابة اتفارق مخي، صياحو، و كيفاش كان يتشحت فيا باش انعاونوا، و كيفاش قالي راهو مصيرو جهنم و العذاب أما آنا ما عاونتوش، آنا دزيت بابا لجهنم و قعدت نتفرج فيه يموت.
...:- ديييناااااا !!!! دييييييينااا!!!!
دينا:- أوووووووه يا ربي صوت صياحو للتوة ما حبش يتنحا من مخي !!!!!
آدم:- أسسسسسسس!! تسمع فلي نسمع فيه؟؟؟
دينا:- آنا ماني قاعدة نسمع كان في صياح بابا..
أدم:- آنا زادا نسمع في صياح حسن، موش قاعد يناديلك؟؟؟؟
دينا:- إيه، ق..قا..اعد يناديلي، و الصوت جاي من البيت المسكرة😓😌😣😨😰
كيفاش؟؟ ياخي موش مات حسن و تحرقت روحو في جهنم، حتى جثتو ما كانتش موجودة على فكرة، مالة شنوة الصوت الي قاعدين يسمعوا فيه؟؟؟؟؟؟؟؟؟؟
الي يقرأ يثبت وجودو هههه
الحلقة العشرون:
آدم و دينا خرجوا من بيتهم و مشاو للبيت المسكرة، حل آدم الباب و خرجت منها ريييحة تعييييف، ريحة اللحم المتعفن الي تشوا في النار، أما كانت كيما قبل ما تبدل فيها الشيئ ما كان فمة كان شوية رماد على الحيوط لا أكثر و لا أقل. و فجأة... باب البيت اتسكر عليهم، و الضو بقا يشعل و يطفا حكاية درج و بعد ما اتحل للمرة الإخرا لقاو الجثث الكل خرجت تزحف من الcheminée، مناظرهم كانت ترعب. كنت اتنجم ترا الخوف و الحقد و الرعب الكلهم يجتمعوا في عينيهم...
دينا مشات تجري تحاول باش اتحل الباب و آدم كان يحمي فيها، و يضرب في الجثث و ما صدق لربي تحل الباب، خرحوا يجريوا و سكروا الباب على الجثث و رجعوا لبيت آدم و غادي لقاو مفاجأة ما كانتش في الحسبان... لقاو بقايع دم كبيييرة في القاعة، هزت دينا راسها الفوق، لقات بقعة ما أكبر في السقف و الدم يقطر عليهم من فوق، زعمة آش فمة؟؟ و شنوة حكايتها البقعة هاذي؟؟ و زعمة عندها علاقة بالكتاب الي ما لقاوش ريحتو في الدار؟؟؟؟؟؟؟؟؟؟؟؟
آدم:- دينا، تفكرت حاجة!!!
دينا:- ؟؟؟؟؟؟؟؟
آدم:- تفكرت البيت الي فوق السطح، ما عمرنا طلعنالها، نتصور إنو فمة برشة حاجات تنجم اتخلينا نوصلوا لحل المشكلة متاعنا، هيا تبعني!!
طلعوا مع بعضهم في دروج السطح و دوب ما حلوا الباب كانت المفاجأة القاتلة...
الحلقة الحادية و العشرون:
دوب ما حلوا باب السطح، لقاو كارثة ما أكبر، لقاو كداااس متاع جثث هجموا عليهم، أما هاذم هجومهم كان أقوى من الاخرين.. دوب ما اتحل الباب ضربوا آدم ضربة خاايبة على راسو جا مادد لربعة... و ما قعدت كان دينا معاهم،...
جبدوا آدم ليهم باش يدخلوه معاهم لبيت السطح، هنا دينا وقفت تجري و جبدت ولد عمها ليها و طاح هو في وسط الدار لوطة، أما هي-دينا- المسكينة ما كانش معاها حد باش يعاونها و ينقذها من الموت، يا تكبس روحها و تحاول تهرب يا مصيرها قعدة و تبنيكة حذا عايلتها في جهنم. أما الفصعة المرة هاذي كانت أصعب ببرشة، خاطرهم كانوا فوق العشرة و هي وحدها. جبدوها ليهم، واحد من ساقيها و واحد من يديها و واحد من شعرها، كانوا يكركروا فيها حذاهم، أما هي كانت اتقاوم بكل جهدها باش ما توفاش حكايتها غادي، كانت تضرب فيهم و اتصيح بأعلى صوتها أما ما كان فمة حتى واحد يسمع في صياحها، أما و بقدرة قادر دينا نجمت اتفك روحها من بين يديهم،... هي جات هابطة من الدروج و شدها واحد منهم من كرومتها و خنقها، خنقها لين نطقت الشهادة، كانت تدعي لربي باش يعاونها و تبكي و تصيح، أما صوتها كان ضعييف و مستحيل حد يسمعها كان ربي،.. دينا بدات تضعف بالشوي بالشوي و الهوا ما عادش داخل لرواريها، الدنبا بدات تظلام في عينيها و ما عادتش تنجم ترا حتى شيئ، قلبها بدا يضعف بالشوي بالشوي،...😌😓😣😢
الحلقة الثانية و العشرون:
آدم رجعلوا وعيو و فاق بعد الضربة الي كلاها على راسو، كان في بالو إنو كل شيئ وفا و دينا ماتت ما دام ما لقاهاش حذاه كيف فاق. صحيح دينا كانت مازالت اتقاوم أما ما بقالها شيئ من حياتها كان دقايق بركة، آدم في بالو دينا لحقت على بوها و عمها و امها و مَرْةْ عمها، و لازمو يكمل وحدو،..
و من غير ما يلوج عليها، قام وعينيه امرغرغة بالدموع و دخل لبيتو باش يرتاح شوية، ما كانش في باله إنو بنت عمو بين حياة و موت،..
و فجأة... تحل باب الدار و دخل محمد - جدهم - و تعدا يجري لبيت آدم، هزوا يجري معاه و طلعوا للدروج و غادي كانت المفاجأة بالنسبة لآدم؛ لقى بنت عمو تصارع في الموت، الجثث كانت تجبد في دينا، و ابواب جهنم كانت محلولة باش اتمص الناس الكل ليها.
محمد:- ما تبقاش حال فمك، هيا عاونني!!
آدم فاق من دهشتو و شد عصا و مشى يجري لدينا و بدا يضرب في الجثث الي كانت دايرة بيها و تجبد فيها لموتها،... أما محمد جبد الكتاب من بين الجثث و مد لآدم تعويذة و قالوا باش يقراها و مشى هو و جبد دينا من بين ايديهم، و بعد ما كمل آدم قرا التعويذة تسكروا بيبان جهنم و كل شيئ رجع لاباس...
كان ثمة شكون يقرأ يتفاعل بش نعرف نزيد نهبط حلقة أخرى خاطر كي مانلقاش تفاعل معناها حد ماهو قاعد يقرأ هكا نفهمها انا
الحلقة الثالثة و العشرون:
مشاو آدم و دينا لدار جدهم، لقاو الدار امعبية بالجيران إلي جاو يشوفوا آش صار،... هما دخلوا و جاهم الراجل إلي كلمهم و مدلهم ورقة،..
آدم:- شنوة فيها الورقة هاذي؟؟؟
الراجل:- و الله ما نعرف خويا، وقت إلي لقيتها قلت بالكشي راهي وصية لاولادو و احفادو و ما عنديش الحق باش باش انحلها، قلت كان انمد هالكم خير، تفضل خويا...
آدم:- عيشك، بارك الله فيك، هات عليك😏😐
هز آدم الورقة من عند الراجل،...
الناس الي حاو روحوا الكل بعد دفينة محمد، الدار ما قعد فيها كان آدم و دينا،..
دينا:- آدم رانا خسرنا برشة، خلينا انوقفوا لهنا و خلي الي باش يصير يصير...
آدم:- غالطة راك يا دينا، مازال عنا بعضنا. و مازلنا ما خسرنا شيئ، العباد إلي ماتو كان لازمهم يموتو باش يتحاسبوا على عمايلهم لمصخة، و نتصور انو ما فمة كان احنا انجموا ننقذوهم و نحرروهم من اللعنة الي صايبتهم...
دينا:- أما آنا تعبت راني، و ما نيش باش نقبل إنو نخسرك انت زادا، أمانك يا آدم، خلي نحبسوا هنا، و كان باش انموتوا خلي انموتوا مع بعضنا،..
آدم وقف من حذاها و تمشا شوي في البيت، و من بعد اتلفتلها و قاللها:" انت تتوقع كيف باش ناقفوا و انحبسوا كل شيئ باش يسيبونا لاباس و باش انموتوا كيما العباد النورمال؟؟؟ إنت غالطة يا دينا، باش يقتلوا واحد منا و باش يعذبوا الي باش يبقى، تفهم شمعناها يعذبوه؟ يعني يشربوه من كاس الموت ما عمروا باش يوصلّوا، نتصورك توة خذيت فكرة عامة علي ينجم يصير كان انوقفوا !!!!!
الحلقة الرابعة و العشرون:
آدم:- هيا نمشيو دينا للمقبرة، الحكاية هاذي الليلة توفى...
دينا:- باهي هيا نمشيوا،...
ركبوا الزوز في كرهبة آدم، و مشاو للمقبرة، ثنية كاملة و هوما ساكتين،... دينا كانت شادة بين يديها الكتاب و آدم كان سارح مع الطريق يخمم فلي باش يصير كيف يوصلوا للمقبرة، زعمة تسلك المرة هاذي؟؟ زعمة ما يصيرلهم شيئ؟؟ كداس متاع أسئلة قاعدة ادور في امخاخهم أما الاجوبة كانت مبهمة،...
وصلوا للمقبرة، كل شيئ كان يمهدلهم في كل شيئ باش يصيرلهم - كل شيئ خايب باش يصيرلهم - من بعد،...
خليني انقوللكم إنو المقبرة هاذي مقبرة العايلة، يعني ما فيها كان جثث عايلة دينا و آدم و أقاربهم، أما ما تتصدموش عاد كان ما يلقاوش حتى جثة من جثث العايلة غادي، خاطر اللعنة إلي امسلطة على إلي يحملوا دم محمد - جد آدم و دينا - تسمح لاشباح جثث العايلة إنهم يتنقلوا في البلايص الكل،...
الحاصل نرجعوا توة لأبطالنا،...
حلت دينا كتاب بوها على الصفحة إلي فيها التعويذة الي قاللهم عليها جدهم، و آدم حل قبر بوه و لقى الكتاب إلي حاجتهم بيه، هو مد يدو باش يجبدو و بوه وقف و شدوا من يدو، و جبدوا حذاه للقبر،... وقتها الدنيا اتهزت و اتحطت، السما ولات حمرا، و الرعد و لا يضرب، و الاموات الكل فاقوا تقول القيامة قامت،...
الحلقة الخامسة و العشرون:
آدم:- هيا نمشيو دينا للمقبرة، الحكاية هاذي الليلة لازمها توفى...
دينا:- باهي هيا نمشيوا،...
ركبوا الزوز في كرهبة آدم، و مشاو للمقبرة، ثنية كاملة و هوما ساكتين،... دينا كانت شادة بين يديها الكتاب و آدم كان سارح مع الطريق يخمم فلي باش يصير كيف يوصلوا للمقبرة، زعمة تسلك المرة هاذي؟؟ زعمة ما يصيرلهم شيئ؟؟ كداس متاع أسئلة قاعدة ادور في امخاخهم أما الاجوبة كانت مبهمة،...
وصلوا للمقبرة، كل شيئ كان يمهدلهم في كل شيئ باش يصيرلهم - كل شيئ خايب باش يصيرلهم - من بعد،...
خليني انقوللكم إنو المقبرة هاذي مقبرة العايلة، يعني ما فيها كان جثث عايلة دينا و آدم و أقاربهم، أما ما تتصدموش عاد كان ما يلقاوش حتى جثة من جثث العايلة غادي، خاطر اللعنة إلي امسلطة على إلي يحملوا دم محمد - جد آدم و دينا - تسمح لاشباح جثث العايلة إنهم يتنقلوا في البلايص الكل،...
الحاصل نرجعوا توة لأبطالنا،...
حلت دينا كتاب بوها على الصفحة إلي فيها التعويذة الي قاللهم عليها جدهم، و آدم حل قبر بوه و لقى الكتاب إلي حاجتهم بيه، هو مد يدو باش يجبدو و بوه وقف و شدوا من يدو، و جبدوا حذاه للقبر،... وقتها الدنيا اتهزت و اتحطت، السما ولات حمرا، و الرعد و لا يضرب، و الاموات الكل فاقوا تقول القيامة قامت،...
الحلقة السادسة و العشرون:
الدنيا تقلبت سفاها على علاها، و الاموات إلي كانوا في المقبرة الكل فاقوا، و زيد أدم قاعد يتصارع مع بوه الميت إلي قاعد يجبد فيه حذاه، ما قعدت كان دينا واقفة وحدها في وسط المقبرة شادة الكتاب الي كان مع بوها و تتفرج فلي قاعد يصير و ماهياش امنجمة تتحرك من كثرة الخوف و الرعب،...
آدم:- دييييييينا!!!! تي شبيك واقفة كالبهلولة غادي، تحرك أبدا أقرا في التعويذة إلي بين ايديك !!!!!! 😠😠
دينا رجعت لمخها و حلت الكتاب و بدات تقرا في التعويذة، كانت تقرا في كلام هي بيدها موش عارفة عليه شمعناتو، أما لقات ورقة امقطعة في وسط التعويذة ، فاتتها و اتعدات عليها و كملت قرات الصفحات إلي من بعد، أما شيئ ما اتبدل، بالعكس، كل شيئ كان ماشي و يزيد يتعقد، أما هي ما تلهات بشيئ و دوب ما كملت قرات التعويذة حرقت الكتاب إلي مشى رماد في الريح،...
هزت دينا عيناها تلقى الدنيا ظلاااام، و الرعد يضرب، و الموتى قاعدين يفيقوا بالواحد بالواحد، و آدم رجل في القبر - يجبد فيه بوه - و رجل البرة،...
آدم:- ديينا!! انت امثبتة من روحك انك قريت التعويذة الصحيحة؟؟؟؟؟
دينا:- موش إلي من الصفحة 370 حتاش للصفحة 400 ؟؟؟؟؟؟؟
آدم:- أووووووووووه !!!!! لاااا يا طفلة، تي شبيك، تي التعويذة راهي من 200 حتاش ل215 😐😢
دينا:- أُه يا آدم، علاه ما قتليش من المرة الاولى، تي آنا حرقتو الكتاب😲😢😭....
الحلقة الاخيرة:
آدم:- شنوة معناتو إلي تحكي فيه هاذا؟؟؟ يعني قريت التعويذة الغالطة و حرقت الكتاب من غير ما اتثبت؟؟؟؟
دينا:- 😐😶😶😵...
آدم:- أفففف، افففففف😫💨💨 تي شبيك زحححح !!!!! شد خوذ كتاب بابا اقرا منو آخر صفحتين، و رد بالك تغلط، و من بعد أحرقوا فييسع ياديينا !!!!!
رمالها آدم كتاب بوه و قعد يحاول يجبد روحو من بين ايدين بوه الميت،...
حلت دينا الكتاب على آخر صفحتين و بدات تقرا في التعويذة، كلامها كان صعيب و موش مفهوم، أما مع هاذاكا الكل ما اتبدل شيئ،... دينا ما حبستش و قعدت تقرا في التعويذة لين كملتها و بعد حرقت الكتاب، وقتها الرعد ولا أقوى و صوت الصياح - صياح الموتى - ملا الدنيا و القبورات بدات تجبد فيهم و بدات تتسكر
و تسكر القبر على آدم،...
دينا:- آااااااااااااداااااااااام!!! لاااااا يا ربي علاش هكة يصير فيا، يا ربي راهو ما بقاليش حد في الدنيا هاذي، لا آنا مستحيل نفقد حد آخر من الناس إلي انحبهم،...
قالت هكة و من بعد وقفت وبدات تخفر في قبر عمها محمود باش اتخرج آدم من القبر،...
كل وين كانت تحفر كانت اتحس انو فمة شكون يتحرك وسط التراب، زادت شوي و شافت يدين خرجوا من التراب، شدتهم و بدات تجبد لين خرج آدم من القبر، خرجاتو و روحوا مع بعضهم للدار، غادي لقاو دارهم رجعت كيما كانت قبل و البيت هاذيكا اتحرقت و ما عاد فيها شيئ و الموتى الكل رجعوا لقبوراتهم بعد ما اتفكت اللعنة الي اتسلطت عليهم، آدم و دينا حَلُّوا الوصية متاع جدهم لقاوه كتبلهم الاملاك الكل باساميهم و الفلوس الكل ليهم،...
و في الآخر آدم و دينا عرسوا و عاشوا متهنيين، أما ما عمرهم نساوها الحكاية هاذيكا😍😚
النهاية 💛
الحمدلله هههههه رايكم ؟؟؟
كمنتار ببلوڨر
تعليقات