السرطان لسهى ختروش
الحلقة1:
كانت قاعدة ملمومين باها أحفادها
يسر:ميمة ياخي معندكش خوااات
هبطت دمعة سخونة من عين وتكلمت
مريم:عندي أخت بركا إسمها نيهان أما ماتت .. ماتت و مازلت موصلتش 20 سنة
يسر :أحكيلنا ميمة كيفااه
تفكرت 30سنة لتالي
نيهان:يا أمي كلم مريم تشد بنتها و هيا كل متجي ترميهم منقراش شوية نحب نتعدا سيونس موش ساهل راو 😒😒
مريم:متشوفش فيا كرشي على حلقي اللطف تي قدرني شوية أكبر منك ب 10 سنين راهو 😂😂
_كرشك على حلقك ونتي فالرابع😒😒😂
نيهان طفلة بيضة و حرجها فالأكحل و طويييل كل شئ فاها صغير كورها كينو مرسوم أختها مريم زينها على عكس زين أختها عينيها شهل و شعرها شاتان يلمع فالشمس كي الذهب كانو قبل يعيطولها boucle d'or عرست مريم بعد متخرجت technicien supérieur عندها بنية إسمها جوري و حبلة بجاد لحد الآن حياتهم سافا
مريم:يا أمي حالة بنتك مش عاجبتني درج درجين و هيا دايخة و نهار لكل خشما و فمها بالدم ووجيعة راسها 💔
_نعرش يا بنيتي توا نقول لبوك يمشي معاها و تعمل تحاليل
مريم:نمرو منعرفوش يطلب
الحلقة2:
_ألو ...
_ألو سلام إنت مدام مريم
_وي تفضل
_أحنا مالليسي متاع نيهان مبكري نيهان داخت وفمها و خشمها إطرشقو بالدم مش أول مرة تصيرلها هانا هزيناها للإستعجالي****
_باهي ربع ساعة و نكون بحذاكم💔
_شكون
_نيهان يا أمي هزوها للسبيطار عاودت داخت خلي بحذاك جوري تو منبطاش و نجيبها
_باهي كلم بوك يمشي معااك
_باهي باي توا
وصلت للسبيطار ... مشات للريسيبسيون
_سلام
_سلام كيفاه نجم نعاونك
_أنا بكري شوية أختي جابوها الليسي دايخة في أناهي شمبر بربي
_اا شمبر ****
وصلت تلقى أختها معبية بالخيوط مفهمت شئ خرجلها الطبيب
_سلام دكتوور أختي لاباس
_تنجم تتفضل معايا للبيرو
_أي أي
وصلو لللبيرو قعدو
الطبيب:_باهي تنجم تقلي أختك من وقتاه بدات تتبدل حالتها و تحكيلي بالتفصيل الحاجات إلي صارولها يعني بخلاف الدوخة ..
مريم : كانت تحس روحها ديما تاعبة و فاشلة .. نقصت الpériode لخرة في الميزان دوب متاكل شوية تشبع دوب متتضرب في حاجة تزراق طول .. ديما تطلعلها السخانة و تعرق و عندها نزيف فاللثة عندها حاجات منفوخة في رقبتها بالأخص
الطبيب :باهي الحاجات المنفوخة هذيكا هي العقد اللمفاوية و بما نسموهم أحنا في مجال الطب "inflammation ganglions lymphatiques"... أنا منحبش نفجعك أما نحبك تكون صبورة و هيا مرحلة و تتعدا ..
مريم:أي دكتور تكلم متفجعنيش
الطبيب:نيهان عندها سرطان .. سرطان الدم
الحلقة 3:
مريم قعدت مصدومة شدت كرشها و تكلمت :
باهي دكتور نجم نعرف مرض أختي نفهمو يعني فسرلي
الطبيب: باهي سرطان الدم ولا اللوكيميا و اختك تتصنف مع الكبار بما أنها فاتت 15 سنة هو واحد من أنوااع السرطانات إلي تجي و تمرض خلايا الدم
(سهى ختروش💎 )و الأنسجة المنتجة متاعها كيف نخاع العظم في جسم الإنسان و تتكون خلايا الدم وكيف منسموها (moelle osseuse) في النخاع العظمي كيف الخلايا الجذعية و تبدا تنضج و بعد تشكل برشا مكونات من الدم.. كيف خلايا الدم الحمرا و خلايا الدم البيضا و صفائح الدموية وبعد تتنقل لمجرى الدم لاكن في الشخص المريض بسرطان الدم يبدا نخاع العظم و ينتج أكبر أعداد نسبية من خلايا الدم البيضة إلي موش طبيعية و تدخل مجرى الدم و تدخل مجرى الدم و تبدا تاخذ في بلايص خلايا الدم إلي لاباس علاها و هكاكة تكون أثرت علاها و منعتها باش بالوضائف متاعها بالشكل المطلوب
(كانت مريم تسمع و تبكي )
نكمل و كانك معتش متحملة نرمال نقص ..
جاوبت مريم طول و مسحت دموعها: لا كمل عيشك 💔
الطبيب: و يتقسم سرطان الدم لزوز أنواع
💎سرطان دم حاد إلي تنمو فيه الخلايا السرطانية فيسع و بسرعة قوية و المرض هذا يهدد حياة المريض
الحلقة 4:
يهدد حياة المريض بدرجة كبيرة (سهى ختروش💎
)خاطر في وسطو النخاع العضمي قاعد ينتج في أعداد كبيرة من خلايا الدم البيضا إلي مش ناضجة وكميتها موش برشا زادة... بمعنى آخر الشاذة و اللي تدخل لمجرى الدم و عنا نوعين إلي مشهورين برشا في 💎سرطان الدم الحاد:
✔سرطان الدم الليمفاوي الحاد (ALL)
✔سرطان الدم النقياتي الحاد (AML)
💎سرطان الدم المزمن و هو عكس السرطان الدموي الحاد يطور النوع هذا بالشوية و يتكاثر بالتدريج و متضهرش الأعراض فيه إلا بعد ما يتعدى فترة طويلة و سعات يتشخص صدفة وقتلي يكون الفحص يعمل في إجراءات فحص روتينية يعني تحاليل و مغير متعضر أعراض هالمرض و هذا خاطر الخلايا السرطانية تكون نضجت بالشكل الكافي و متكونش فما حتى إختلاف في الوضائف بينها و بين الخلايا الطبيعية و تتقسم بحد ذاتها
✔سرطان الدم الليمفاوي المزمن
✔سرطان الدم اللقياني المزمن
هكا أنا نكون فسرتهولك سرطان الدم شنوة تبقينا أختك عندها سرطان دم حاد
مريم:أي دكتور وقتاه إنجمو نبداو في العلاج
الطبيب :نيهان مزللها جمعة بركة ع الدوفوارات خلاها تعديهم و نبدااو
الحلقة 5:
روحت مريم للدار بنيهان عطاها الطبيب شوية دوايات ووصاها بالراحة و الدوفوارات باش يجيو الأساتذة يعديوهملها في الدار
مريم حكات لنيهان بطريقة خلاتها تعطي الثيقة الكاملة في روحها و متحسش بخطورة المرض إلي هيا فيه ..
في الدار ستنات مريومة نيهان ترقد لمت أمها و بوها و راجلها في الصالة
بوها :بنيتي مقتلناش شبيها أختك ونتي ملي جبتها وجهك مقلوب
مريم: شوفو إلي باش نحكيهولكم مش باش يخرج مالدار و لازمكم تقوييو رواحكم قدام نيهان
راجلها:تكلم يا مريم فجعتنا
مريم: باهي نيهان .. نيهان
أمها :تي أنطق يا بنيتي شبيها أختك
مريم: شو ليوم الطبيب قلي راو نيهان عندها سرطان أمي هدي روحك ونتي بابا توا نيهان محتاجتنا لكل
أمها حطت يدها على قلبها و بدات تحكي
بنتي .. بنتي مازالت صغيرة ع الموت
راجل مريم:يا أمي حط ربي فيبالك مش كل عبد يمرض بالسرطان يموت
نيهان كانت تسمع من ورا الباب مشات لبيتها جبدت ورقة و ستيلو و بدات تكتب طوات الورقة و حتطها فالڨلص و الدموع كالشتا و رقدت .. 💔💔
الحلقة 6:
تعداو الدوفوارات حالت نيهان تمشي و تخياب مشات ليوم عملت أول سيونس شيميو روحت طول رقدت قعدو على هاك الحال توا قريب شهر نيهان معاتش عندها لا حواجب لا شعر لا شوافر
نيهان شادا في دواها طلعت الريزولتا جات لولة متاع الليسي تعدات دوزيام سيونس العام ورا خوه وهيا مازلت تعاني فها المرض الخبيث السنا باك ووصلو لبيريود الريفيزيون نيهان ولت ديما إدوخ و ترعف حالتها تمشي و تخياب الأيامات لخرة ولات بكروسة ضعفت بااارشاا و وجها صغاار 💔
ليوم أول نهار فالباك برنسيبال البروف إلي يعس يدور و يلقى ورقة نيهان لكلها دم خشمها و فمها علخر طارو بيها للسبيطار ثلاثة سنين و هيا تقاوم تعبت تعبت علخر
مريم:متخافش لاباس لاباس تو تقوم لاباس
نيهان: لا لمرا هاذي يا ذنوبي ههه أسمعني بوسلي جوري.. وجااد ... سلملي على راجلك.. المهبوول و الله خويا لكبير 💔و رد بالك على أمي و بابا
كانت تحكي و تتبسم دمعة مهبتطش على عكس مريم تبكي و ترعش و تحكي
_أسكت .. أسكت لطف على أختي عندي نونو وحدة كهو
_أسمع ف.. فماا (كانت تحكي بسيف ) في خزانتي فما ورقة كيف تسمع خبري أقراها
_أمااان عيشك أسكت كهو أسكت 💔💔
كانت آخر كلماتها وسكتت غمضة عيناها و معااادش حلتهم
_لاااااا نيهان حل عينيك حل حل عيش أختي شكون عندي أنا شنبوسها شنرمي علاها ولادي و نخرج نحوس 💔 تي هيا قووم عندك باك يستنا فيك شنتغشش راهو دخلت في حالة هستيرية متاع بكاء كلمو عايلتها جاو تسلمو الجثة .... أمها و بوها مكانتش حالتهم خير من مريم
مريم :هزوني لداارنا هزوني
غير موصلت لدار مشات لبيت أختها
ﺍﻟﺤﻠﻘﺔ 7:
ﺧﺬﺍﺕ ﻟﻮﺭﻗﺔ ﺗﻘﺮﺍ ﻭ ﺗﺒﻜﻲ ﻋﻼﻫﺎ
ﻗﻄﺮﺍﺕ ﺩﻡ ﻣﺘﺎﻉ ﻧﻴﻬﺎﻥ ﻣﺮﻳﻮﻣﺘﻲ ﺃﻧﺎ ﻛﺘﺒﺖ ﻫﺬﺍ ﻟﻴﻚ ﺇﻧﺖ_ ﻣﺮﻳﻢ ﺃﺧﺘﻲ ﺍﻟﺮﺍﻳﻀﺔ ﻭ ﺍﻟﻬﺎﺩﻳﺔ ﻭ ﺍﻟﻔﻴﻨﻮ ﺗﻮﻟﻲ ﺑﺎﻟﻘﻮﺓ ﻫﺬﻱ ﺃﻧﺎ ﻣﺮﺓ ﻛﻞ ﺷﻬﺮ ﻧﺒﺪﺍ ﻧﻜﺘﺒﻠﻚ ﻓﻲ ﻫﺎﻟﻮﺭﻗﺔ ﻣﺪﺓ
ﺳﻨﻴﻦ ﻫﺎﺫﻡ ﻭ ﺃﻭﻝ ﻧﻬﺎﺭ ﻫﻮﺍ ﺇﻟﻲ3 ... ﺣﻜﻴﺖ ﻓﻴﻪ ﻷﻣﻲ ﻭ ﺩﺍﺭﻧﺎ ﻓﻴﺒﺎﻟﻚ ﺃﻧﺎ ﻧﺤﺒﻚ ﺃﻛﺜﺮ ﻣﺎﻟﻨﺎﺱ ﻟﻜﻞ ﺃﻱ ﺇﻧﺖ ﺃﺧﺘﻲ ﺇﻧﺘﻲ ﺃﻣﻲ ﺇﻧﺖ ﻛﻞ ﺷﺊ ﻧﺘﻔﻜﺮ ﻗﺪﺍﻩ ﻋﻤﻠﺖ ﻓﻴﻚ ﻛﻜﻨﺖ ﺻﻐﻴﺮﺓ ﻭﺯﻳﺪ ﺗﻮﺍ ﻋﻤﻠﺖ ﻓﻴﻚ ﺃﻛﺜﺮ ﺳﺎﻣﺤﻨﻲ ﺗﻌﺒﺘﻚ ﻣﻌﺎﻳﺎ ﺇﻧﺖ ﻣﺜﺎﻝ ﻟﻸﺧﺖ ﻧﺤﺐ ﺗﺤﻜﻲ ﻟﺠﻮﺭﻱ
ﻭ ﺟﺎﺩ ﻋﻠﻴﺎ ﻭ ﺃﻭﻻﺩﻫﻢ ﺯﺍﺩﺍ .. ﻧﺤﺒﻚ
ﻳﺎ ﺃﺣﺴﻦ ﺃﺧﺖ
ﻣﺮﻳﻢ ﻋﺎﻭﺩﺕ ﺩﺧﻠﺖ ﻓﻬﺴﺘﻴﺮﻳﺔ ﻣﺘﺎﻉ ﺑﻜﺎ ﻭ ﺻﺎﺭﻟﻬﺎ ﺇﻧﻬﻴﺎﺭ ﻋﺼﺒﻲ و من أبرز الحاجات إلي خلاها توصل في الرازي ولت معاتش تاكل ساعات تخلي ولادها في الدار و تمشي و تخمم تعبت نفسانيا بعد موت أختها طبيبها النفسي هزها لسبيطار منوبة باش تتحسن في الشهرين إلي هيا فيهم أمها و بوها زادا ماتو
حالت مريم قاعدة تتعكر قاعدة في بيت في الرازي وحدها راجلها مخلاها حتى لحظة الطبيب كلم راجلها باش يفهمو حالتها
الطبيب :سلام مسيو تفضل
راجل مريم: يا دكتور فهمني حالت مرتي تعبت والله وقتاش ترجع وتولي لاباس شنيا مرضها بالتحديد
الطبيب:شوف مسيو.. مريم تعبت برشا الثلاثة سنين لخرة مريم جاتها صدمة قوية وقت إلي ماتت أختها كان عندها أمل كبير إنها تشفى تقوات على روحها و حاولت تعطي الشحنات الإيجابية لختها و العايلة par contre ماكنتش تتوقع أختها تموت من كثر البكا المرحلة الأولى هيا الإكتآب و باعد صارلها إنهيار عصبي نهارت الدفينة و زيد كيف ماتو أمها و بوها زادت تعبت برشاا أنا و زملائي لقينا حل .. و هو حل جذري فيه نسبة كبيرة إنو ترجع لاباس
راجلها : أي تكلم دكتور شنواا ❤
الطبيب:تجيبلها صغارها و تحكي معاها 💛
مشا جاب الصغار و جا
الحلقة 8 و الأخيرة :
حل الباب ودخل معاه صغارو وبدا يحكي :
مريومة شوف جوري و جاد ولادك لازمك ترجع لاباس على خاطرهم ... أحنا توحشناك توا كل شئ وفا قوي روحك ولادك مستحقينلك أنا مستحقك أرجع كيف قبل أضحك ألعب ... عندك صغيراتك يحبو على أمهم إنت أمهم إنت كهو
إطرشقت بالبكا إستوعبت كل شئ قات حملتهم تفكرت كل شئ
بعد بأربعة أيام خرجت الطبيب قال ولات لاباس و متستحقش تبقا في الصبيطار ...
بعد 40سنة إلي هوا توا 💎
مريم :هيا يا أحفادي الصغرونين خليتو مامي تبكي رااو
_سامحناا 💛
كانت تتفكر بينها و بين روحها شقلها الطبيب لبارح مدام مريم سامحني أما راو عندك كنسار دم حاد
تفكرت هبطت دمعة على خدها 😭
لهنا تكون وفات كرونيكنا "السرطان" شكون منا مهزلوش السرطان عبد عزيز عليه .. السرطان من أخيب الأمراض إلي ممكن تصيب أي إنسان ربي يشفي كل مريض سرطان فما برشا حجات تخلي السرطان ميجيناش عام 2030 قدر مرض السرطان في الدول العربية ب 81% و أكثر حاجا تخلي الإنسان يجيه أي نوع من أنواع السرطان هو الدخان و الFast Food حبيت نحكي على السرطان خاطر بلحق قاعد ينتشر بصيفة غريبة .. نحب نقول لكل إنسان مريض ربي يشفيك و العلم إطور و نشاله ترجع خير من قبل .. ❤
نشاله تكون عجبتكم الكرونيك من تأليفي
"السرطان" لسهى ختروش 💎
كمنتار ببلوڨر
تعليقات