《الجزء الثالث
في احضان الموت
الجزء الرابع
حلقة 119
فقت الصباح نحل في عينيا بالسيف...ليلة كاملة مرقدتش...منجمتش نرقد و تفكيري عندو...خايفة كان تعب اكثر...خايفة عليه برشا...صحيح انا هوني اما قلبي بقى عندو...حبيت نطمن عليه...اما تليفونو خسرو نهار الحادثة...فكرة لانا كنت باش نخسرو خلاتني نعدي وقتي الكل و تفكيري غايب...و مع اعتراف عدنان...تأكدت انو زياد في خطر...هو و ادم زادة...منعرفش شنجم نعمل...اما طول ما السر هذا مخبي الكل باش يبقى بخير...خاطر كان صار و قرب من زياد حتى شوية...ساعتها نقتلو بيدي...رغم كلشي صار و باش يصير زياد خط احمر...شي يخصني انا و كهو...ملكية خاصة...انا تعديت كلشي على خاطرو...تعديت الماضي...الحلا و الحرام زادة...و مستعدة نعمل اكثر...اذا حد فيهم فكر يقرب منو...لازم كل حد فيهم يفهم لهو متاعي انا كهو...عديت صوابعي على تاتو...مع انو مش خاص فينا زوز...اما يكفي انو هو زادة عامل واحد كيفو...كبست على يدي كيف ذكرت ليلة لي عداها مع ميرال...و ادم كيف باسني...مانيش باش نعديلو لي صار...الا ما ندمو قبل ما نرجعلو...نحبو ينساها ميرال جملة...نحبها تخرج من حياتنا...هي و ادم...زوز نعتبرهم كيف بعض...زوز يحبو يفكو زياد مني...اما مش المرة هاذي...مستحيل نخلي حد فيهم يقرب منو...فقت من سرحتي...كيف ملاك حلت الباب و دخلت...تبسمت و انا نرا فيها...محلاها الطفلة هاذي...قربت عندي قعدت في حجري...توحشتها الفرخة...عديت معاها وقيت...و هزيت روحي...عملت دوش...لبست روب فلوري عند الركبة...و كونفارس في الابيض...لميت شعري من قدام...حطيت قلوس...هزيت صاكي...و خرجت...نزلت ملاك اللوطة...خليتها مع زينب...و حكمت طاكسي...مشيت لريستو عالشط...تفاهمت نتلقى مع هارون غادي...دورت عينيا لتوا موصلش...خذيت طاولة مطرفة...طلبت فطور...مش نبقى نستنى في سيادتو لين يوصل...اول ما بديت ناكول...جبد الكرسي و قعد مقابلني يحكي
هارون:منجمتش تستنى دقيقة اخرى
انا؛هاك موخر 10 دقايق حضرتك
هارون:و انت منجمتش تصبر
انا:جعععت
غزرتلو بتبهليل...تبسم و تكا لتالي...طلب السرفور...بقيت ناكول مش معدلة عليه...اصلا اليمات هذوما...موليتش ناكول بالقدا...جراير لي صار...طلعت راسي لقيتو يغزرلي...خذيت نفس نحكي
انا:شبيك متحبش تاكول
هارون:الفايدة فيك
انا:عيشك...اما علاه طلبتني لهوني...عرفت شي انت
هارون:مممم
انا؛باهي خبرني
هارون:كمل ساعة
انا:هأة شبعت...نسمع فيك
هارون:انت قتلي من قبل انو ميرال كانت تتعالج في مصح ؟
انا:مممم هذا لي قالو زياد ليلتها
هارون:انا عرفت اسم المصح
انا:تحكي بجدك ؟
هارون:مممم اما فما مشكلة
انا:شنية
هارون:المديرة لي تخدم في المصح لي كانت فيه ميرال
انا:شبيها
هارون:متخرج حتى شي عالمرضى متاعها...و الاسوء من هكا الدوسيات اللي مهمة برشا في الخزنة متاع بيروها...و مش اي حد يدخل للبيرو بلا اذن
انا:اما تنجم تتستخدم صلاحيتك...في التالي انت من الشرطة...و تنجم تمشي عندهم كمحقق...باز باش يعطوك دوسي
هارون:منجمش...لازمني امر بتحقيق...و متنساش لميرال محمية من عند جنيرال...مستحيل يتنازل يعطيني وثيقة و لا بلاغ...باش نجم نتصرف
سكتنا زوز...بقيت نحرك في الكاسة...في لحظة هزيت راسي و تكلمت من غير ما نخمم
انا:لقييتها
هارون:شنوة
انا:باش نعملو كي العادة
هارون:شقصدك
انا:نسرقو الدوسي
هارون:تفدلك ياخي
انا:هذا مظهر متاع وحدة تفدلك
هارون:فاش تخمم
انا:باش نمشو للمصح مع بعض توا...منعرفش بصفة شنية...يعني نجمو نقولو لاحنا جينا نتبرعو و لا تابعين لجمعية...في الوقت لانت تلهي المديرة بعيد على بيروها انا ناخو دوسي و نخرج
هارون:براافو...كيف تلقى المفتاح...و الكاميرات شعملنا فيهم...خممت فيها هاذي يا شاطرة
انا:شكون لي جابلك معلومات عالمصح هذا
هارون:ممرض يخدم غادي
انا:هو شيعطل الكاميرات...و لا عالاقل يقلنا وين بيت الكاميرات و انت تتصرف يا معلم
هارون:صااار
انا:مممم هارون مفماش فرصة اخرى كيف توا...ميرال باز لاهية بزياد خاطرو مريض...يعني و لا حد فيهم باش يتلهى بينا و لا فاش قاعدين نعملو...الوقت مش لصالحنا...اذا انت بالحق تحب على دوسي ميرال...لازمك تتصرف فيسع
بقى يغزرلي...شوية و هز تليفون...كلم شكون...بقى يحكي معاه...في لحظة تنطر جا واقف يحكي
هارون:قوم باش نمشو
انا:وين
هارون:للمصح
انا:توااا
هارون:مش هذا كلامك...و لا
قصيت عليه كيف هزيت روحي وقفت...حط فلوس عالطاولة...و سبقني للكرهبة...خالطت عليه...ركبت بحذاه...خدمها يسوق و يحكي فرد وقت
هارون:عرفت منو انو المديرة تخلي ديما مفاتحها في صاكها...و بحكم فما كاميرات حتى حد ما يجرأ يدخل لبيروها
انا:و شباش نعملو توا
هارون:انا باش نلهيها...و انت تستغل الفرصة و تدخل لبيروها
انا:و الكاميرات ؟
هارون:متخافش...فما شكون راح يعطلهم...و يجي ساعتين اكاكا...باش يصلحوهم
انا:باهي
بقيت طول الثنية على اعصابي...اول مرة نعمل مهمة من غير ما نخبر زياد..اما لازمني نعاون هارون...اصلا هو كهو لي نجم ناثق فيه بعيد على لي احنا فيه...اول ما ركا الكرهبة تلفتلي يحكي
هارون؛دنييز كان حسيت روحك مقلقة...اخطانا منها الحكاية
انا:لا...كيف وصلنا لهوني مش باش نرجع لتالي
هزلي براسو ايه...نزلنا مع بعض...جاب ربي صاحبو توسطلنا غادي...و الا مستحيل ناخو موعد مع المديرة...دخلنا لبيروها...قعدنا مقابلينها...تغزرلنا من تحت ليناتها...ظاهر مش عاجبتها جيتنا...نغزر لهارون كيف عدل الفاست متاعو يحكي
هارون:باش ندخل في الموضوع جملة
هي:تفضل
هارون:عندي اختي...تعاني اضطربات نفسية...و حاولت تنتحر اكثر من مرة
عينيا وساعت و انا نغزرلو...طمني بعينيه و كمل يحكي
هارون:منجمش ناخو بالي منها...خاطرني اغلب الوقت برا البلاد...و بحكم خدمتي...نحب نطمن عليها...و سمعت لهذا احسن مركز هوني
هي:كلامك صحيح...اما منقبلوش الحالات الكل
هارون:نعرف...و هي مش خطيرة على ناس...جيست تعدات بفترة خايبة خلاتها تمرض
هي:و تعرف لهذا باش يكلفك برشا
هارون:انا باش ندفع دوبل...تنجم تقول الفلوس اللي باش ندفعهم...يجي حق عشرة مرضى هوني
هي:و السبب
هارون:نحب الموضوع يبقى سر بينا...و نحب اختي تتحسن في اقرب وقت
طلعت راسها غزرتلي...ورجعت غزرتلو...تحكي
هي:و شكونها هاذي
هارون؛مرتي
تبسمتلها...و تكيت لتالي...سكر فلس الفازت و كمل يحكي
هارون:باش نعطيك تفاصيل على حالتها الكل...و تقريرها الطبي...اما قبل هذا الكل...نحب نعمل جولة هوني...نحب نتأكد اذا المصح هذا باش يناسب اختي...و اذا باش ترتاح هوني...بعدها نبداو في الاجراءات
هزت روحها وقفت...و غزرتلنا...قلبي دق بالوقت...كان رفضت توا...مستحيل تكون عندنا فرصة اخرى...دوب سمعتها تحكي...نجمت ناخو نفس
هي:باهي تفضلو معايا
وقفنا زوز مع بعض...خالطنا عليها خرجنا من البيرو...في الوقت هذا عرفت صاكها وين حطاتو...باقي تورينا في البيوت...و كلشي موجود غادي...خرجنا للجنينة.. باش نروها زادة...كان لازمني نرجع...شديت في كرشي...نحكي
انا:مدام تنجم تقولي وين تولات
هي:لباس ماهو
انا؛مممم اما خلاقي دايرة شوية
هارون:تحب نمشو
انا:لا عزيزي...نمشو شنية...لازم تكمل خدمتك...اصلا باش نسافرو بعد يومين
تلفتلها...و كبست على كرشي...و كملت كلامي نحكي
انا:سامحني مدام...اما بحكم انا حبلة...لازمني نمشي لتولات
هارون:مطولش برشا
انا:باهي عزيزي
تبسمتلو ورجعت للداخل...اول ما بعدت عليهم...وليت نجري...ضربت في واحد...لابس لبسة متاع نفس المرضى...جبدت روحي منو...باقي يتبع فيا...و يحكي
هو:انت رجعت...رجعت باش تهزني من هوني يا اميرتي...قداش توحشتك انا
باقي يحكي و يتبع فيا...اول ما وصلت للبيرو جا باش يدخل...ضربتو بصاكي...اول ما وخر لتالي...سكرت عليه الباب...و مشيت نفركس عالمفاتح في صاكها...لقيتهم بالسيف...تي منعرفش شحاطة في صاكها..قربت نفركس على خزنة ورا البيرو شي...مفما حتى وحدة...فما كان قجر واحد عندو قفل...بقيت نفركس على مفتاحو بينهم...كل المفاتح صغار...تي تقول شادة كنوز دنيا...اول ما حليتو...جبدت دوسيات الكل حطيتهم عالبيرو...نحل فيهم بالواحد لين وصلت لدوسيها...حطيتو داخل صاكي...و رجعت كلشي كيما كان في الاول...رميت مفاتحها داخل صاكها...سكرت ساقي...عدلت الروب متاعي...و خرجت من البيرو...لقيتو باقي واقف عند الباب...من وقت كان يتبع فيا...ولى يجري ورايا...و يقولي نحبك...ملا وحلة...خرجت نجري للجنينة...نصيح
انا:هاااارروووون...هاااروون
اول ما شافني قرب مني بالزربة...تخبيت وراه نحكي
انا:هارون بعدو عليا الهم هذا
حاول هارون يبعدو اما شي...باقي يحب يحكي معايا...كبشت في ظهرو اكثر...ما ارتحت كان ما جاو هزوه و المديرة...تصيح تقلهم شكون خرجو...تلفت عندي هارون يحكي
هارون:لباس ماهو؟
انا:لا مش لباس بالكل هزني من هوني امانك
هارون:باهي سامحني المدام تاعبة لازمني نمشي توا باش نرجع من غدوة و يا ريت لي صار ميتعاودش مرة اخرى
هي:طمن مسيو...موعدنا غدوة
هارون:باهي
كبست على يدو اكثر...ما سيبتو كان ما وصلنا للكرهبة...ثنية كاملة و هو يسوق...في لحظة طرشق بالضحك...اول مرة ريتو يضحك هكا...ركا على جنب و باقي يضحك...قحرتلو نحكي
انا:شفما شبيك تضحك
هارون:تصدق حاجة هههههه حتى كان مجبتوش لدوسي...اما مستحيل ننسى نهار هذا
انا:فاش قام
هارون:مظهرك و انت بالحالة هذيكا...متوقعتوش جملة
انا:صحيتك سي هارون...هذا فوق متشكرني...قاعد تضحك عالفجعة لي كليتها في جرتك
هارون:ههههههه باهي باهي سامحني
حليت الصاك جبدت الدوسي حطيتو في يدو...وربعت يديا...متغشة من اللي قاعد يصير...غزر في الدوسي ورجع غزرلي مصدوم يحكي
هارون:دنييز انت
انا:مممم
هارون:مستحيل
انا:شنية مش مصدق...حلو و اقراه
هارون:والله عملتها يا فرخة
انا:مانيش فرخة...اقرا هالدوسي الاحرف خلينا نعرفو شفيه
حلو يقرا فيه و يعاود...ملامحو تبدلت...قربت منو نقرا في التقرير الطبي...في النوبات اللي كانت تعاني فيهم من صغرها...و الاغرب من هكا عندها فوبيا من كل راجل يقربلها...ملا شبيها تحب زياد...شبيها تعمل كلشي على خاطرو...قلبي دق بالوقت...حتى كيف تتقلق معادش تعدل على تصرفاتها...و كلشي تحب عليه لازم تملكو...دخلت صغيرة برشا للمصح...دخلت و عمرها 13 سنة كهو...غريبة...يعني هي مريضة من صغرها...عدات 3 سنين غادي و خرجت...استغربت لي قاعدة نقرا فيها...قص عليا كيف سكر الدوسي...يحكي
هارون:فما حلقة مفقودة
انا:شتقصد
هارون:بابا مات و ميرال عمرها 17 سنة...يعني بعد عام من اللي خرجت من هوني...العام هذا كانو عايشين مع بعض
انا:يعني تنجم تكون ميرال هي لي قتلاتو
هارون:حسب حالتها ايه...فما احتمال تكون هي اما
انا:اما شنية
هارون:صحيح ميرال واصلة...و بوها خلالها برشا فلوس...توصل بيهم وين تحب...اما انو وحدة كيفها...تدخل للشرطة الدولية...و دوسيها اسود...و هي مريضة...شي مستحيل
انا:يعني فما شكون وراها
هارون:بالظبط...الجنيرال وراها...علاه و شنية الهدف متاعو...هذا اللي باش نفركسو عليه توا
انا:باهي
رما الدوسي لتالي...و خدم الكرهبة...النهار الكل و احنا برا بحكم المصح بعيد شوية...تكيت لتالي...نفكر في كلامو...زعمة شكون عندو مصلحة يعاون ميرال...في لحظة غابت على بالي...وذكرت اكا المجنون...اللي جرا في جرتي...شدني الضحك...لين وليت نضحك بالصوت...ركا الكرهبة...غزرتلو نحكي
انا:علاه حبست
هارون:وصلنا
انا:ههههههه تعرف حاجة...والله حتى انا مستحيل لي صار اليوم...مش نورمال...حبني من اول لقاء
هارون:هههههههه شكون كيفك
انا:هههههه كلو جرايرك
هارون:توبة كان مزال نرجعو لغادي
انا:ههههههههه بالطبيعة
بقينا نضحكو...اما في لحظة حسيت صوتي غاب...و ضحكتي تمحات...كيف ريتو متكي على كرهبتو يغزرلنا...وقفتو و غزرتو...خلاتني نتوقع لباش يصير...اول ما نهبط من الكرهبة
فيقني من سرحتي...هارون...كيف حط يدو على يدي يحكي
هارون:لباس ياخي
نزلت راسي غزرت ليدو...ورجعت غزرتلو في وجهو...هزيتلو براسي ايه...جبدت يدي بلا ما نحس...حتى و هو بعيد...حسيت برعشة سرات في بدني...متأكدة لي ماهو باش يعديها الليلة...هزيت يدي...حليت الباب و نزلت...منجمتش حتى نحكي مع هارون...وقفت في بلاصتي نغزرلو...باقي في نفس وقفتو...متحركش حتى شوية...دورت راسي شوية...نغزر لهارون لي نزل حتى هو من الكرهبة...قلبي دق بالوقت...مش وقت انهم يتواجهو جملة...جيت باش نقرب...قص عليا هارون...كيف شدني من يدي...طلعت راسي غزرتلو مصدومة...نحكي
انا؛ه هارون
هارون:متخافش...ماهوش باش يعملك شي
انا:هارون امان
غزرلي ندرا كيف...و كبس على يدي بالوقت...يمشي ناخية زياد...و انا كل خطوة نعملها...نحس في ساقيا معادش يحملوني اكثر...اول ما وصلنا قدامو...حاولت نجبد يدي شي...نسمع في هارون يحكي
هارون:دنيز كانت معايا...و يا ريت
مكملش كلامو...ضربو ببونية على وجهو...وخر لتالي مروهج...جبدت يدي منو...هز يدو حطها على فمو مسح الدم...و جا باش يرجعلو الضربة...دخلت بينهم...حطيت يدي زوز على صدرو نحكي
انا:هااررووون لا...اماان لااا
حبس يغزرلي...يدو معلقة في الهوا...اما منحبوش يحط يدو عليه...خاطر مزالت عمليتو جديدة...مزال تاعب...و نعرفهم زوز مش ساهلين و كان تلحم بينهم مستحيل حد يفكها...حسيت بيدو تحطت على زندي...جبدني لتالي...و قرب منو...وقف قدامو...يغزرو لبعض...نسمع في زياد يحكي
زياد:اخر مرة نراك معاها
هارون:و شكونك انت لي تقرر
زياد:اعتبرني لي تحب...اما دنيز خط احمر
هارون:كلامك هذا في المركز مش هوني...الدنيا متمشيش على يدك...و دنيز
قص عليه الكلام...كيف شدو من سوريتو...كبس عليه يحكي
زياد:متجبدش ¤¤ اسمها على لسانك
هز هارون يديه...شدو...عرفتها باش تلحم بينهم...قربت من زياد...حطيت يديا زوز...على يدو نحكي
انا ز زياااد امانك يزززي...الحكاية مش كيما انت فهمتها...سيب الراجل عيشك
زياد:ابعععد
نزل عالكلمة...قد ما ينجم...خلاتني نرخف يديا من غير ما نحس...نسمع في هارون يحكي
هارون:كان نسيت نذكرك انو لي فما بينا خدمة...حدودك غادي...علاقتي معاها البرا متهمكش
كبس عليه اكثر...لين تقابلو...قبل ما يحكي...ضربو بدماغ...حطيت يديا زوز على فمي...دزو لتالي يحكي
زياد:¤¤¤ خط احمر هذيكا...مزلت تقرب منها...ماهوش باش يعجبك لي راح يصير
هز هارون يدو...ضربو ببونية على وجهو...لين وخر لتالي...يحكي
هارون:بصفتك شكون...باش تمنعني نقرب منها
عدا يدو على فمو...ورجعلو البونية...يحكي
زياد:بصفتها مرتي...ارتحت توا
عينيا وساعت مع كلمتو تالية...قص علينا ضحك هارون...يحكي
هارون:ملا قولي كيف باش تمنعها تسافر معايا في المهمة الجاية...ماهي مرتك شبيها لتوا مزلت تخدم معايا
زياد:زايد ساااقط...و ماكش باش تفهم بالكلام
هارون:على اساس انت تفهم
قربو من بعض اكثر...دزو هارون بالقاوي...حط يدو عالجرح...عرفتو توجع...قربت منو نحكي
انا:زيااااد
كبس على على كتفو اكثر...و جا باش يقرب من هارون...وقفت في وجهو...نحكي
انا:زياااد يزي...بجاه ربي يزززي...فاش تعمل هبلت ياخي
وقف في بلاصتو...تلفت لهارون...نلقاه يغزرلو...و يقحر...ترجيتو بعينيا...قرب مني...حط يدو على خدي...يحكي
هارون:انا باش نمشي...و قولو لسي سيد متاعك...مش انا اللي نتعدا حدودي...رد بالك على روحك عيش اختي...مكانش تعرف وين شديتلك بلاصة
تبسمت بالوقت...حسيتو سلكني في اخر لحظة...تبسم يطمن فيا...جبد يدو مني...و قحر لزياد...قحرة متاع موت...جا باش يتلفت وقفو زياد يحكي
زياد:حسابنا مزال موفاش
هارون:باهي حضرات
تبسم على جنب...وتلفت رجع لكرهبتو...بقيت واقفة في بلاصتي نغزرلو...لين خدم الكرهبة و تعدا علينا...في لحظة طار بيها و تخفى...تلفت لزياد...لي باقي واقف في بلاصتو...كان مش هارون جبد روحو...باز باش يشدو بلاصة في الكلينيك مع بعض...قحرتلو قحرة متاع موت...و نزلت هزيت صاكي...جيت باش ندخل لدار...وقفني يحكي
زياد:وين كنت معاه
كبست على صاكي...و تلفت عندو...قربت منو عاللخر...نحكي
انا:مادامك تشك فيا...معنديش علاه نقلك...فكر كيما تحب باهي...اخر شي يهمني...كيف تفكر فيا انت
هز يدو كبس على زندي...دورني بقوة...دزني عالكرهبة...قرب مني عاللخر...نزل عليا يحكي
زياد:اغزرلي هوني...والله يا سوار..ورحمة امي...ما نخليه قدامك جثة...والله نقتلو بلا ما نفكر مرتين...ملا حل فمك احسنلك
انا:زياااد يزززي فيق لروحك...هو قدامك اعترف لمفما حتى شي بينا...كان انت موصلتوش بالكلام...مكانش باش يحكي بالطريقة هذيكا
زياد:دافع عليه ¤¤¤ فاش تحكي...غاضك ¤¤¤¤¤ باش تحل في فمك عليه
انا:سيييبني...فاش تحكي انت...شبيك متحبش ترا الحقيقة...قداش مزال تشك فيا...ياخي من ادم لهارون...شنية حكايتك انت
زياد:سكككر ¤¤ فمك اسكت...مكانش نهدو فمك هذا
انا:فاااش تستنى...اعملها كان هذا يريحك...كان يخليك تنحي الشك لي داخلك بالطريقة هاذي...هاني قدامك...اعمل لي تحب
زياد:مزلت نراك معاه...مزلت نلمحك معاه برك...والله ما نخليك تندم عالنهار لي وقفت فيه معاه
انا:اما عندنا سفرة مع بعض
هز يدو ضربها عالكرهبة...لين تهزيت و تحطيت...يحكي
زياد:مزااال تقولي سفرة...مزااال تحل في فمها تجهلني...في هالليلة الكلبة
انا:شيعرفني...مش هو قال هكا...قلت نلقاها فرصة نتهنى من وجهك
عدا يدو على وجهو بغزول...يحاول يهدي روحو...تنهد بالقاوي...حسيت بالنفس متاعو في وجهي...يحكي
زياد:جرب حتى تفكر فيها الحكاية...و تو ترا شنعمل فيك
انا:على اساس هكا راك رايض...فيقت الحومة بصياحك...شمزال تعمل بربي...باش نخاف انا
زياد:طول في لسانك معايا...باهي خلينا نشوفو وين باش توصل
انا:شباش تعمل
زياد:باش جي معايا
انا:في احلامك...كان مزلت نعفسها دارك
زياد:توا مولاتش تعجبك
انا:و موليتش تعجبني انت زادة...تعرف حاجة نتمنى كان معادش نراك جملة...و نتهنى منك فرد مرة
زياد:والله حتى انا ندمت عالنهار الكلب اللي حبيتك فيه...اما شعندي نعمل...كي منجمتش نخلي ¤¤¤¤¤
هزيت يديا زوز...دزيتو لتالي...كلامو ركبلي العصب...قحرتلو نحكي
انا:حد ما قلك حبني...برا عندك مرتك
زياد:سكر فمك و لم روحك...منحبش نغلط معاك اكثر
انا:توا ولى لي يحكي الحق ميعجبكش
زياد:اغزرلي تسكر فمك...مكانش والله نهزك معايا...و امنعني كان تنجم
انا:مستحيل كان مزال نبقى عندك فرد دار
قربت منو...دزيتو بيديا زوز لتالي...نحكي
انا:و يا ريت معادش تحكي معايا جملة...نحب نرتاح منك
زياد:باهي برا...اطلع توا حسابك يبدا معايا من غدوة
انا:تو تلقاني نستنى فيك عند الباب
قحرتلو...و مشيت نجري دخلت لدار...سكرت الباب وتكيت عليها...قلبي نحسو باش ياقف...مش مصدقة وفات على خير...بعد العركة لي صارت...طلعت نجري لبيتي...من غير منقابل حد فيهم...اصلا منجم نحكي مع حد توا...تعديت لبيت البانو...عملت دوش تفرهدت بيه...شيحت شعري...لبست روب فوق الركبة...و ترميت عالسرير...دخلت ملاك بالوقت...عملتلي بيدها معناها نجم ندخل...هزيت يدي معاناها ايجا...بابي تسأل فيا بالاشارات و انا نجاوب فيها...هزت يدها توريلي في شعرها...تحبني نعمللها ضفيرة...تبسمت...و حطيت قدامي...نضفر في شعرها...و تفكيري مع اللي صار قبيل...مع كلامو اللي قالو...و هو باش يطرشق...حضرتو ندم خاطر حبني...اما اللي يهمني هو يحبني...ريت نظرة الغيرة في عينيه...كان لقى يقتل هارون ساعتها...حتى بعد اللي قالو هارون مشفعش فيه...مزال غاير منو...انا اكاكا و هدت علينا زينب مفجوعة تحكي
زينب:د دنييز
انا:زييننب شبيك شفمااا
زينب؛فما شكون في دار
انا:شتقصد بفما شكون
زينب:د دنيز خالتي راضية مش هوني...و سمعت صوت خطوات اللوطة
انا؛باااز تستخايل...مفما شي
زينب؛لااا متأكدة...حتى كيف نزلت...الضو قص...لازم نتصرفو فيسع
انا:تليفونك وين
زينب:اللوطة
انا:لازم نكلم اي حد يجينا توا...كان الحكاية صحيحة...يعني ضياء رجع لساحة
زينب؛لا مستحيل
هزيت روحي وقفت...قربت من زينب...نحكي
انا:وين حطيت تليفونك بالظبط
زينب:ف فوق الطاولة في الصالة
انا:ابقى هوني مع ملاك...رد بالك تخليها وحدها...تو نرجع
زينب؛باش نهبط معاك
انا:زيننب رد بالك على ملاك امانك
زينب:باهي رد بالك هزيتلها براسي ايه...و خرجت من البيت قلبي...نحسو باش يخرج من بقعتو...هزيت الفاس في يدي و نزلت الدروج بالسيف...منعرفش علاه الدنيا ظلمة الكل اللوطة...نسمع كان في صوت خطواتي...دوب نجم نرا...و فرد وقت نتحسس كان سمعت...صوت اول ما وصلت لصالة...نزلت يدي...نفركس على تليفون فوق الطاولة...اول ما حسيت بيه...هزيتو ووقفت...وقبل ما نشعلو...حسيت بشكون واقف ورايا...قلبي دق بالقاوي...و ساقيا رخفو...جيت باش نصيح...مفماش يسمعوني رجال لي برا...سكرلي فمي بيدو بالوقت...طاح تليفون من يدي...نزل عليا اكثر...يحكي
هو:شششش
هزيتلو براسي ايه...نزل يدو شوية من فمي...جيت باش نتلفت...حسيت بحاجة قوية دخلت خشمي...دوب شميتها...طحت بين يديه...و معاد حاسة بحتى شي
☆☆☆ بناااات 😈 سواااار مخطووووفة يا جماعة 😲 حد فيكم يكلم زياد و يخبرو 😲 شكون خطفها ميرال و لا ضياء...و لا المعلم الكبير
حلقة 120
ضو الشمس ضرب في وجهي...خلاني نحل عينيا بالسيف...نحس في راسي باش يطرشق...كيما حاولت نقوم منجمتش...باقي نحل في عينيا و نسكر فيهم...نحب نستوعب اللي قاعد يصير...اخر شي ذكرتو...اني نزلت لصالة باش نجيب تليفون متاع زينب...في لحظة قلبي دق بالقاوي...تذكرت لفما شكون كان معايا...هزيت روحي بالسيف تقعدت...كبست على راسي بيديا الزوز...نتنفس بالقاوي...اسئلة قاعدة دور في راسي غمتني...وين انا و شكون جابني لهوني...كيف نجم يخطفني من نص داري...اسئلة خلاتني نطلع راسي كيف الملسوعة...نغزر للبيت...و نثبت فيها...البيت هاذي مش غريبة عليا...ضيقت عينيا بالوقت...و هزيت براسي لا...باز مزلت دايخة انا...قلبي خض بالقاوي...حسيتو باش يخرج من بقعتو...غمضت عينيا بالقاوي ورجعت حليتهم...هزيت روحي بالسيف خرجت من البيت...و سؤال واحد في راسي كهو...كيف وصلت لدار الزريعة...نزلت الدروج هذاكا بالسيف...اول ما وصلت لتالي...ساقيا رخفو كيف حسيت بحركة خفيفة...خلاتني نقدم بلا ما نحس...طلعت راسي شوية نغزر للكوجينة...تروهجت و انا نرا فيه قاعد عالطاولة...من غير مريول...ناصب الفطور...ياكول و مش على بالو بشي...جمدت في بقتعتي...حسيت النفس تسكر عليا...منجمتش حتى نسألو لي قاعد يصير...فيقني من سرحتي...كيف هز راسو...هزني و حطني...يحكي
زياد:ايجا تفطر...و هوكا حرابش عالطاولة...يرتحوك
صوتو رجعني للواقع...يعني هو لي خطفني هو لي جابني لهوني...منجمتش حتى نرد عليه...بقيت نستوعب في اللي قاعد يصير و في كلامو...قربت منو بالزربة...ضربت يديا الزوز عالطاولة نحكي
انا:شنوووة لي عملتو انت...ياخي انت لخطفتني
طلع راسو شوية غزرلي ندرا كيف...يحكي
زياد؛مممم
البرود متاعو استفزني اكثر...هزيت يدي ورجعت ضربتها عالطاولة مرة اخرى...نحكي
انا:يااااخي نووورمااال انت...فاش قام حتى تعمل هكا...هبلت ياخي
باقي يغزرلي...تكا لتالي...يهز فيا و يحط...وخرت لتالي...عديت يديا زوز على شعري...نحكي
انا:لاااا عاااد...انت باز هبلت
قص عليا كيف هز روحو وقف...قرب مني من غير ما ينزل عينيه من وجهي...وقف قدامي بالظبط...نزل راسو يغزرلي...هز يدو...عداها على خصلات شعري...يحكي
زياد:اول شي تنقص الصياح هذا...و تهدا
قصيت عليه كيف هزيت يديا زوز...نضرب فيه على صدرو...و نحكي فرد وقت
انا:مااانييش باش نهدا...مستحيل نهدا...علاااه جبتني لهوني...شمزااال تحب مني انت اه
هز يدو شدني من يدي...دورها ورا ظهري...جبدني عندو...لصقني ليه...و نزل راسو يغزرلي...يحكي و يرص عالكلام
زياد:قتلك متصيحش...و اسمعني
انا:منسسمع حتى شي...فاش قام حتى تعمل هكا
كبس على يدي اكثر...نزل عليا شوية...يحكي
زياد:خاطر نعرفك فرخة...و تعمل لي في راسك
انا:شعننندي نعمل...و علاه خطفتني بالطريقة هذيكا...و علاه جبتني لهوني
نحكي و نحاول نفك روحي منو فرد وقت...كبس عليا اكثر يحكي
زياد:نجاوبك على سؤال واحد
انا:علاه جبتني لهوني بالطريقة هاذي
زياد:خاطرني تاعب...و كان جبتك لهوني و انت فايقة...كنت باش تركبهالي...و تجهلني...و انا صراحة منجمش نتحمل تخرنينك اكثر من اللازم
كلامو ركبلي العصب اكثر...هزيت يدي...ندز فيه لتالي...نحبو يسيبني...و نصيح فرد وقت
انا:سيييبببني...سييبني...يا هم...كان لازم نعرف انو هذا الكل منك...كان لازم نتوقع انو انت...سييبني نكرهك راني...نكرهك يا سخطة
حاولت نجبد يدي منو...قد ما نجم...اما شي...منعرفش كيف هزيت يدي...و ضربتو عالجرح...بكل قوتي...رخف يدو على يدي...ووخر لتالي مروهج...عينيا وساعت كيف ريتو ينزف...استند بيدو عالكرسي...قحرلي قحرة متاع موت يحكي
زياد:برا لبيتك
وخرت خطوة لتالي...اما منجمتش نمشي...منعرفش علاه هديت في لحظة...كيف ريتو يتوجع...قربت منو بالسيف...هزيت يدي متردة...حطيتها عالدم اللي نازل منو...نحكي
انا:م منقصدش لي صار
مرجعليش...باقي يغزرلي...قربت منو اكثر...خذيت نفس...نحكي
انا:ف في بالي ضياء رجع...للحظة ستخايلتو...رجع باش يقتلني...علاه عملت هكا زياد
نزلو دموعي بالوقت...فكرة لضياء باش يرجع لساحة...خلاتني نموت بالخوف...في لحظة لقيت روحي بين يديه...منعرفش كيف حضني...هزيت يديا زوز دورتهم على ظهرو...كبست عليه...نحكي
انا:خفت برشا...خ خاصة كي مفما حتى حد معانا
كبس على شعري اكثر...تنهد...يحكي
زياد:الدار محاوطة...و حتى حد ما ينجم يدخلها غيري
انا:ع علاه عملت هكا...قتلك منحبش نبقى معاك
زياد:ريت علاه...كان جبتك بالقوة...كنت باش تفضحنا بصياحك
انا:لتوا مرعوبة انا...كلو جرايرك
زياد:باههي اهدا
كبست عليه اكثر...نزل باسني من راسي...خذيت نفس و جبدت روحي منو...غزرلي يحكي
زياد:برا ارتاح توا
انا:لا نحب
زياد:شنوة
انا:نحب نفطر
نحكي و نغزر لطاولة...حتى انا من فطور البارح ما كليت شي...تبسم على جنب...و جبد روحو...خليتو واقف في بلاصتو...و قربت قعدت...ناكول من غير ما نغزرلو...و تفكيري الكل كيف نمشي من هوني...في بالو باش نعديهالو بالساهل الفجعة لي خذيتها منو...منعرفش علاه محسيتش بيه البارح...يمكن خاطر كان لابس les gant و مش حط برفان...كملت كليت و هزيت روحي وقفت...نغزر من شباك...مفما حتى كرهبة...و الجو مبدل برشا...قص عليا صوتو من تالي...يحكي
زياد:زايد لي تخمم فيه...متنجم تمشي لحتى بلاصة من هوني
خذيت نفس و تلفت عندو...تبسمت بالسيف...نحاول نهدي روحي...نحكي
انا:مخممت في شي
زياد:مش عليا يا فرخة...تعرف المنطقة معزولة هوني...اكثر من ساعة باش توصل للقرية...و اكثر من اربع ساعات باش ترجع لتونس...مفماش كرهبة...و مفماش تليفون زادة...و الغابة تعرف شنية فيها من غير ما نحكيلك...ملا نحي الافكار هذيكا من مخك...و برا اتلهى في شي اخر
انا:نورماال انت جبتني لهوني هكا...تي حتى دبش باش نبدل معنديش...رجعني احسن
زياد:دبشك هوكا في بيتك...و كلشي تحتاجو زادة
انا:كيف لحقت جيبو
زياد:يكثر خيرها زينب
انا:صااار طلعتو متفاهمين زادة...و انا كيف الدغفة بينكم
زياد:يعني شوية
رصيت على سناني...بقيت نغزرلو...لبس مريولو...منعرفش اذا مزال ينزف و لا لا...قربت منو عاللخر...وقفت قدامو نحكي
انا:انت جبتني هوني بيدك ملا اتحمل لي باش يصير
جا باش يحكي...قصيت عليه كيف خليتو واقف...وطلعت...دخلت للبيت و سكرت الباب بالقاوي...بقيت ندور غديكا...ركبني العصب من عملتو...اما سخفني فرد وقت كي ريتو يتوجع...زح متعداش اسبوع على عمليتو...و هو مش على بالو جملة...كان يبقى عالحالة هاذي...الا ما يرجع يعمل عملية... نزلت راسي نغزر للفاليز...هزيتها في يدي...حطيتها عالسرير حليتها...نجبد في الدبش و نتحلف في زينب...عملتها فيا...و تفاهمت معاه على راسي...تي امتى لحقت تحكي معاه...اصلا فاش قام حتى يحكي معاها...غمضت عينيا بالقاوي...نحكي مع روحي...<< اهدا سوار شبيك...زينب و زياد صحاب كهو...ياخي باش تغير منها انت...اصلا هي تحب ادم>> حطيت الدبش عالسرير...نغزرلو...تبسمت على جنب...قد ما قلقتني الفازة...اما من داخل عجبتني برشا...اني نبقى معاه فرد بلاصة و نراه ديما...خلاتني نرتاح...اما زادة منجمش نتنازلو...خاطرو لتوا باقي يغلط...رغم حبي ليه...مزلت متغشة منو...و الا ما نخليه يندم عالنهار اللي جابني لهوني...نزلت الفاليز عالارض...و باقي نفركس في الدبش...هزيت خلعة و شورت قصير عاللخر...و دخلت لبيت البانو...عملت دوش...تفرهدت بيه...حتى الوجيعة في راسي حسيتها نقصت...بدلت دبشي...شيحت شعري...و بوكليتو اكثر...حطيت قلوس...ضحكتني الفرخة...حتى المكياج حطاتو في الفاليز...كنت باش ننزل...اما رجعت لتالي...ترميت عالسرير...في وسط الدبش...باقي نخمم في اللي باش يصير...منعرفش علاه جابني لهوني...تي رقدت و فقت لقيت روحي في دار الزريعة...دورت عينيا عالبيت...كلشي بدا من هوني...حبي لزياد بدا هوني...هوني كنت نخبي اللي نحس بيه الكل...هوني بكيت عليه اول مرة...ليلة لي رقد فيها مع زينة...هوني بدات قصة حبي ليه...و من هوني زادة خرجت دنيز...فقت من سرحتي كي فتح الباب...و هد عليا...جا باش يحكي...اما سكت...باقي يهز فيا و يحط...تقعدت شوية نحكي
انا:شفما زادة
زياد:سكر فمك...و رد بالك تنزل توا
انا:علاه
زياد:واحد من رجالي لوطة...جرب خدم مخك و حط ساقك...و ترا شنعمل فيك...في الاخير باش نبقاو وحدنا
هزني و حطني مرة اخرى...هزيت المخدة ضربتو بيها...شدها بيدو ورجعهالي...سكر الباب و خرج...مش نورمال السخطة هذا...مكفاش لي عملو...باقي يهدد فيا...فديت من القعدة هوني...الدنيا بدات تظلام و انا مزلت محبوسة هوني...هزيت روحي وقفت...حليت الباب شوية...و خرجت...نزلت الدروج وحدة وحدة...ملقيت حتى حس لوطة...باز مشا الراجل...دخلت للكوجينة...عملت سندويتش خفيف...كليتو بالزربة...و باقي نفركس على شي اخر...كل حاجة جي على يدي نذوق منها...قص عليا كيف دخل...وخرت لتالي...قرب هز دبوزة ما و خرج...مغزرليش جملة...و ما حكا حتى شي...استغربت...اما طفيتو...حتى هو مش نورمال في راسو...سكرت الفريجيدار و خرجت من الكوجينة...جيت باش نطلع...جات عيني عليه...واقف في نص الصالة...نحا مريولو بالسيف...طيشو عالارض...طير الفاصمة هذيكا في لحظة...سكرت عينيا بالوقت...حليتهم شوية شوية...نغزرلو كيف هز قطن في يدو...يحاول ينقي الجرح...قربت منو...بلا ما تفكر مرتين...وقفت قدامو بالظبط...هزيت يدي فكيت القطن من يدو...بقى يغزرلي ندرا كيف...حطيت يدي لاخرى كرشو...دزيتو شوية لتالي...بمعني اقعد...وخر خطوة لتالي...وقعد عالفوتاي...قعدت بجنبو و هزيت بوات فرماسي قربتها ليا...حطيت معقم في القطن...و قربت منو اكثر...قعدت على ركايبي...و استندت بيدي لاخرى على كتفو...دوب عديت القطن عالجرح...سكر عينيه بالوقت...تلفت شوية غزرتلو...خذيت نفس ورجعت نمسح عالجرح...حسيت بالنفس متاعو قوا على خدي...كبست عليه بيدي اكثر...اول ما حسيت بشفافو على خدي...جيت باش نجبد روحي كبس عليا اكثر...يحكي
زياد:تعرف لانا توحشتك برشا
قلبي دق بالقاوي...نزلت يدي شوية شوية من الجرح...وصلت بيها لاخر صدرو...كبست عليه...و تلفت شوية...جا وجهي مع وجهو...تنهدت نحكي
انا:علاه عملت هكا
زياد:باقي تسأل ؟
انا:علاه اليوم بالظبط
زياد:خاطرني تأكدت من موضوع السفرة
انا:شتقصد
زياد:صحيح انت كنت باش تسافر مع هارون...و جنيرال هو لي قرر هذا الكل...و حتى كان نمنعك...باش تعمل لي في راسك و تمشي...في الاخير انت متثقش في كلامي
انا؛خاطر انت و لا مرة وفيت بوعدك ليا...قتلي باش تبقى معايا و خليتني...قتلي ميرال خرجت من حياتي...و عرست بيها...قلت لي عرسكم لعبة...اما رقدت معاها...انت ديما تعمل العكس...ديما تغلط و متحبنيش نغلط
سكتني كيف حط شفافو على شفافي...كبس على شعري بيدو يحكي
زياد:شنعمل كي ظروف قاعدة تمشي فينا بالعكس...و لا مرة كانت عندي نقطة ضعفي...اما توا الكل يعرف انو انت هي نقطة ضعفي...كيف ريتك معاه البارح هبلت...و كيف سمعت باللي صار مع ادم...لا نجم نسامحك و لا نتصرف معاهم عادي...حتى ادم...كان نلقى منقابلوش جملة...و كان جيني فرصة...الا ما ندمو عاللي عملو
انا:و اللي عملتو مع ميرال...شتسميه انت
كبس عليا بيدو اكثر...لين ولينا نفس واحد...كبست عليه بيدي...و انا نسمع فيه يحكي
زياد:غلططة...صحيح وصلتني للي نحب...اما غلطة ندمت عليها برشا...ندمت خاطر غشي منك فرغتو فيها
انا:هاك انت بررت لروحك...ملا علاه عملت مع هارون اكاكا
رخف يدو على ظهري...تكا لتالي...قحرلي قحرة متاع موت يحكي
زياد:مزااال تجبد في ¤¤¤ اسمو على لسانها...مزال تحب جهلني في هاللليلة الكلبة.. باش تفهم ياخي انت اه باش تفهم
جا باش يقوم كبس عليه بيدي...و قرب منو اكثر...نزلت عليه ببدني...حطيت شفافي على شفافو نحكي
انا:نفهم شنية...انت لي مخك مسكر و متحبش تفهم...هو بفمو قال لاحنا صحاب...هارون كيف خويا بالظبط
زياد:¤¤¤¤¤¤ عندك خوك واحد اسمو عماد...غير هكا...جنس مخلوق منحبوش يدور بيك...ارتحت توا
حسيت بيه باش يطرشق...رجعت هزيت القطن...كبست عالجرح شوية...تنطر يحكي
زياد:شبيك هبلت
انا:تستهل
زياد:مجربنيش...راك باش تخلص حق عمايلك
انا:مش على اساس مريض
غزرلي ندرا كيف...جيت باش نحكي...قص عليا كيف نزل على شفافي...كبس على ظهري اكثر...و نزلني لتالي...و نزل عليا...جا وجهي مع وجهو...هزيت يدي حطيتها على خدو...نعدي فيها على لحيتو...و نحكي فرد وقت
انا:مستحيل يصير شي من اللي قاعد يدور...في مخك...و انا مستحيل نسامحك لين
لبقية متع الحلقة هذي فل كمنتارات خاطر طويلة برشا كان انكملها اهنا تولي ماعادش تتحل
1
جبد روحو شوية مستغرب...تبسمت على جنب...و كملت كلامي نحكي
انا:لين انت طلقها...و تعرس بيا انا
عينيه وساعت بالوقت...اما نظرتو متبدلتش...باقي نتبسم و نحكي
انا:نحب نجرب كلشي معاك...من اول و جديد...اما المرة هاذي و انا مرتك و على اسمك...غير هكا انا مستحيل نسامحك...و لا نغفرلك...لي عملتو فيا...تحب عليا اعمل المستحيل على خاطري...حسسني لانا مهمة لهدرجة...و حتى حد ماهو باش يمنعك...وقتها برك...نرجع سوار لحباتك بالحق...اما توا منجمش نسامحك
بقى يغزرلي ندرا كيف...منعرفش اذا عجبو كلامي و لالا...منعرفش اذا تغشش و لا لا...اما معادش نحبو يستغلني...نحبو يثبتلي كلامو المرة هاذي...كيف شفتو سكت...جبدت روحي منو قبل ما يحكي شي...طلعت لبيتي بالزربة...نحيت الدبش الكل رميتو عالارض...و تسطحت لتالي...نحس في قلبي باش يخرج من بقعتو...خفت كان هو مينجمش يعمل هذا الكل على خاطري و يطلع كلشي كذب...قص عليا تفكيري...كيف حل الباب و دخل...حسيت بيه...كي قعد عالسرير...هز يدو حطها على شعري يحكي
زياد:المرة هاذي مانيش باش نطلب منك شي...لا الوقت و لا لين يوفا كلشي...كان هذا لي يريحك باش تكون مرتي و على اسمي زادة...يزي من اللي تعدا علينا...حتى انا معادش نجم من غيرك
نزل باسني من راسي بوصة مرصوصة...و كمل كلامو يحكي
زياد:و اخر مرة تخدم مخك معايا...انا يكيفيني انك معايا توا...و كان تحب متسامحنيش جملة
تلفت عندو...حطيت راسي على صدرو...من غير ما نحكي معاه شي...جيست سكرت عينيا...كلامو ريحني...و خلاني نمشي لبعيد برشا...خلاني نرقد من غير ما نخمم في اللي باش يصير مبعد...و شنية لي مزال مخبي
☆☆☆
شطر...حطيت الكاسة عالتابل دونوي...و قربت منها...كملت حليتها...دبشو محطوط كيما جا...كنت باش نسكرها...جات عيني على صندوق صغير...محطوط في تالي ورا الدبش...هزيتو في يدي...نغزرلو...كيف الدار هاذي ميعرفها حد غيرنا...معناها كي يبدا مقلق...و لا فادد من شي...و لا يحب يخبي شي يجي لهوني...غزرت
2
فقت في نص الليل...باقي راسي يوجع...حاولت نقوم منجمتش...خاطرو كابس عليا بيدو...هزيت راسي شوية...نغزرلو كيف غاطس في النوم...تبسمت على جنب...محلاه كي يبدا راقد...اغلب الوقت يكون هادي...كان وقت تولي الحكاية متعلقة بادم و لا هارون...حتى الغيرة متاعو معادش نفهمها...هزيت يدي حطيتها على خدو...نعدي في صوابعي عالضربة اللي تحت عينو...نزلت بيهم لشفافو...لصدرو...عديتهم تحت الجرح...لزيت ليه اكثر...مش مصدقة لانا بين يديه توا...منعرفش كيف خرج معايا الكلام هذاكا...منعرفش كيف طلبتو منو انو يعرس بيا...يمكن من خوفي اني نخسرو...قربت منو اكثر بستو من خدو...يمكن وقتها برك نجم نخبرو شكون قتل امو...خاطر كان صار و حكيت كلشي توا...كان قتلو شكون لي قتلها و قتل حنان...وقتها يعرف انو ادم لاغتصبني...و ساعتها مستحيل يرجعلي...الوقت اللي تعدا...و كلامو على ادم...خلاني نتأكد انو زياد مستحيل يفرط في خوه...حتى على جالي
انا...عالاقل اذا كنت مرتو ساعتها...ينجم يسمعني...ينجم يفهمني...حتى اذا خلاني راح يرجعلي...اول مرة نخمم في روحي...اول مرة نكون انانية لهدرجة...اما معادش نحب نخسرو...اصلا لتوا منجمتش نسامحو عاللي صار مع ميرال..منعرفش كيف نجم يعملها فيا...منعرفش كيف نجم يحط يدو عليها مدامو يحبني لهدرجة...جبدت روحي منو شوية شوية...منحبوش يفيق...نزلت من السرير...قربت منو غطيتو...خاطر الجو بارد في الليل خاصة هوني...خرجت من البيت...و جبدت الباب معايا...من غير ما نسكرها...نزلت اللوطة...هزيت كاسة ما في يدي...و مشيت لصالة...لقيت البيسي محطوط عالطاولة...ضرب في راسي هارون ساعتها...احسن شي باش نتواصل معاه اني نبعثلو ايمايل...تأكدت لزياد مزال الفوق...حليت البيسي متاعو...بعثتلو ميساج بالوقت << انا مع زياد الفترة هاذي...خطفني على خاطر السفرة اللي حكيت عليها انت...باش نحاول نرجع في اقرب وقت...و باش نحاول نعرف على ميرال اكثر...و يا ريت متتغشش من اللي صار...هو ديما على اعصابو اكاكا...على هذاكا رصاتلي معاه توا...رد بالك على روحك...دنيز>> بعثتو...و فسختو بالوقت...سكرت البيسي...و هزيت روحي طلعت...كنت باش نرجع للبيت...اما جات عيني على بيتو...منعرفش كيف لقيت روحي داخلها...دورت عينيا على كل بلاصة فيها...على مريولو لي مطيش عالسرير...و المنشفة فوق الفوتاي...بالعادة هو منظم برشا...اما الفترة هاذي تاعب...جيست يعمل لي يريحو و كهو...غزرت للقاردروب...مفتوحة
3
لصندوق...كبست عليه في يدي...و حليتو...لقيت فيه برشا صور...صور خلاتني نقعد عالارض...و نجبدهم بالوحدة...اول تصويرة كانت تصويرة مرا محلاها...زينها مش طبيعي...و طفل صغير محضنها من تالي...ياسر يشبها...تبسمت...خاطر عرفتو...زياد مش حد غيرو...قداش كان فرحان ساعتها...عديت صوابعي عالصورة...باز امو اللي في صورة...بقيت نثبت فيها...محلاه زينها...حطيتها على جنب...نغزر لتصاور لاخرين...نفس المرا معاها زياد و باز لاخر ادم...و باقي صور كان هو و ادم...مرة محضنين بعض...و مرة متعاركين...و في اغلب الصور ادم محمل زياد على ظهرو...قد ما كانو الصور بريئين...قد ما كانو مخبيين فرحة في الطفولة...خلاو قلبي يدق بالقاوي...خلاو خوف يتغلغل لنص قلبي و يتربع فيه...مستحيل حب كيف هذا بين الاخوة يوفا بمشكلة صغيرة...مشكلة كبيرة بالنسبة ليا...اما قدام حبهم لبعض ما تسوا شي...للحظة سيطر عليا نفس الخوف متاع كل مرة...انو زياد باش يخليني على خاطر خوه...و انا نثبت في الصورة...تفكيري غاب جملة...رجع لنفس الليلة الكلبة لاغتصبني فيها ادم...غمضت عينيا بالقاوي...قد ما حاولت ننساها لاكا الليلة منجمتش...مزلت كيف نذكرها...بدني يرعش...مزلت نخاف كي نذكر اللي صار...مزلت نحس بلمسة يديه على بدني...مزلت نحس بانفاسو...لحظات و ذكريات...خنقوني...حليت عينيا مروهجة...لقيتو واقف قدامي...محسيتش بيه كي العادة...مزال في عادتو...يحس بكلشي و حد ما يحس عليه...طلعت راسي شوية شوية...غزرتلو...رخفت يدي بالوقت...طاحت التصويرة عالارض...نزلت راسي بالوقت...حسيت بيه كيف قعد عالارض مقابلني...هز التصويرة لي محضن فيها امو...قعد برشا و هو يغزرلها...للحظة حسيت بخوف من عينيه لولاو حمر...خذيت نفس نحكي
انا:ي ياسر تشبها...حتى لون عينيكم كيف بعض
تبسم بمرارة...بوجيعة حسيتها...خاطرني نحبو...خاطرني نحس بيه و بوجيعتو...خرجت كلمة من فمو...كلمة قالها بصوت مبحاح و يرعش فرد وقت
زياد:ا امممي
4
طلعت راسي...غزرتلو في عينيه...باقي يثبت في الصورة...كانو اول مرة يراها...للحظة ندمت...ندمت خاطرني حليت صندوق الماضي...رجعت هزيت نفس الصورة اللي كانت في يدي...وقت ادم محملو فيها...حطيتها في يدو...شدها عليا باقي يغزرلها...نزلت راسي...نحكي
انا:لهدرجة متعلقين ببعضكم
زياد:اكثر من هكا
انا:كان مرة ظطريت تختار حد فينا...شكون باش تختار ؟
طلع راسو غزرلي مصدوم...عقد حواجبو يحكي
زياد:شقصدك
انا:قصدي واضح...كان ادم قالك لهو يحبني...باش تخليني على خاطرو
قحرلي قحرة متاع موت...رمى صورة في يدي...ووقف يحكي
زياد:رجع الصور لبلاصتهم و هز روحك فيسع
انا:مش قبل ما جاوبني
نزل راسو...عينيه حمر من الغش...باقي يقحر و يحكي
زياد:سوااار قتلك قوم
انا:ادم...ادم...ههههه كنت باش تخليني على خاطرو...على هذاكا منجمتش تقولها في وجهي...كنت باش تختارو هو
نزل عليا...قعد على ركبة و نص...العصب يهز فيه...شدني من زندي...جبدني عندو يحكي
زياد:مش قتلك ادم تنحيه من مخك...شبيك لتوا مزلت تحكي عليه...شبيك تحب تركبهالي بعد ما هديت
انا:ماكش باش تنسى...مستحيل تنسى لادم باسني...انو خوك قرب مني...كان قريب ليا برشا كيفك بالظبط
هز يدو لاخرى...شدني من وجهي...كبس عليا..لين حسيت صوابعو تغرسو في وجهي...يحكي
زياد:اغزرلي...¤¤¤¤¤ الكلام هذا نحبك تنساه...شبيك متحبش تخليني رايض...شبيك تقعد و تقلب الاحداث في راسك...مخك هذا شنية فيه حل فمك
5
جبدت روحي منو شوية...فلت وجهي من يدو...اصلا كيف حسني توجعت رخفها بالوقت...هزيت عينيا في عينيه نحكي
انا:انت لتوا معتبرني انا لي غالطة مش خوك...انا بستو و هو ردها...على هذاكا انا لي غالطة
رجع شدني من وجهي...كبس عليا...يحكي
زياد:اييه انت...انت غلطت خاطرك قربت منو...كان قدامك الف حل...اما انت اخترت ادم...حتى كيف نجي نلومو...منعرفش شباش نقلو...خاطرك انت لي بستو قدامنا الكل...في بالك جرأتك باش تنفعك توا...هاك حرقت روحك و حرقتني معاك
دزيتو بيدي...و جبدت روحي منو...عديت يدي على خدي خاطر وجعني...هزيت روحي وقفت...وقف في جرتي...قربت منو نضرب فيه بيدي على صدرو و نحكي
انا:تذكر شنية قتلي نهارتها...تذكر كلامك...انت مش غالط خاطرك ريت ميرال...انت متغلطش خاطر ديما عندك تبرير...اما انا غلطت...انا من وجيعتي و من السم اللي شربتو ليلتها...و من كلامك المرزي انا بستو...كنت نحب نوجعك كيما وجعتني بالظبط...و ادم جا في طريقي
شدني من يدي وخر بيا لتالي...كبس عليا...جا باش يحكي...قصيت عليه...وكملت كلامي...من غير ما نزل عينيا من وجهو
انا:تعرف حتى بعد كلامك ليلتها...كنت نستنى انك تفكني من يدو...انك ترجعني عندك...انك تقولو هذيكا متاعي انا...و تحط حد لكلشي قاعد يصير...اما لا...انت ما عملت شي...انت هربت عند ميرال...هربت لمرتك...و خليتني وحدي كيف عادتك
غصيت عالكلمة التالية...رخف يدو بالوقت...و قربلي اكثر...نزل عليا شوية...يحكي
6
زياد:ليلة كلبة و ندمت عليها...ندمت خاطرني جيت للحفلة متاع ¤¤¤ حذرتك من قبل و قتلك رد بالك جي...اما انت ديما تعكس كلامي...و توحل روحك في مشاكل اكبر
انا:ا ادم كان يعرف لفما بينا شي...كان حاسس بكلشي قاعد يصير...و ديما يلمحلي...اما تصرفاتي كان واضحين...انا كنت واضحة في كلشي عكسك انت
جبد روحو بالوقت...باقي يغزرلي مستغرب...يحكي
زياد:شقصدك
انا:ادم كان يعرف لانا نحبك...اما مع هذا الكل هو عاود باسني
ضرب يدو عالحيط بحذا راسي...يحكي و يصيح فرد وقت
زياد:اسسسكت معادش تعاودها للكلمة...شنية تحب مني فهالليلة الكلبة انت
انا:نحبك ترا الحقيقة...نحبك مرة كهو تفهمني...تفهم لانا بحاجتك...نحب نحس لانت تحبني بالحق...مش تبين حبك نهار تلقى شكون قرب مني...علاه كل حد نحكي معاه يفهمني...علاه انت تحل كلشي بالصياح...علاه ديما تلومني...حتى كي تغلط انت...تلومني انا...فهمني علاش
نحكي من غير ما نزل عينيا من وجهو...نحبو يفهمني...الكلام يوصل لحلقي و نرجع نبلعو...نحب نقولو على ادم...اما خوف كبير منعني...مدامو يحب لخوه لهدرجة...يحبو من الصغرة...ترباو مع بعض...لعبو مع بعض...ضحكو و بكاو مع بعض...و غلطو مع بعض...علاه مش باش يغفر لخوه المرا هاذي...قلبي يدق بالقاوي...نحسو باش يخرج من بقعتو...خوف سيطر عليا...و من شيرة اخرى نحب نترمى بين يديه و نسكر باب الماضي...حتى بلا ما نغزرلو مرة اخرى...فيقني من سرحتي...كيف حط يدو على خدي...نزل بيها لرقبتي...يحاول يهديني و يحكي فرد وقت
زياد:انا سبب...انا وصلتك لهوني...يا ريت مدخلتكش بينا...يا ريت مخليتكش تكون دنيز جملة...ندمت...ندمت خاطر بيدي وصلتك لهوني
خذيت نفس...مخيبها الحقيقة...مخيبو الندم كي يجي مأخر...خذيت نفس نحكي
انا:ك كان انت محبيتنيش...كان صار و محبيتنيش زياد...كنت باش تخليني نضيع بينكم...كنت باش نكون اكثر من اني دنيز...كنت باش تخليني نوصل لسري
7
قص عليا الكلام...كيف هد عليا...حط شفافو على شفافي...يحكي
زياد:شششش فاش تحكي...هبلت انت...و لا تحب تهبلني...حتى كان محبيتكش...مش انا لي نتاجر بمرا...مش انا لي نلعب بشرف طفلة باش نوصل لغايتي...نعرف روحي غلطت في حقك برشا...اما مستحيل كنت نعملها...انا من اول نهار قتلك لي راك في حمايتي يزي من اللي قاعد تفكر فيه اصلا بعد اليوم معادش فما خدمة معادش فما دنيز جملة
قصيت عليه كيف دزيتو بيديا زوز لتالي...غزرلي مروهج...خذيت نفس نحكي
انا؛لااا مزال برشا عالكلام هذا
زياد:شقصدك
انا؛بقات مهمة وحدة...شخصية وحدة...اخر لعبة و اخر مطاردة...انا نحب نكمل لتالي
زياد؛سوااار
انا:ماكش باش تمنعني مش المرة هاذي...منحبكش تخلط اللي قاعد يصير بالخدمة...منحبكش تعمل فيا مزية..انا طلبت منك مرة انك تخرجني من اللعبة هاذي..خاطر وقتها حبيت نحمي ولدي من اللي باش يصير..اما توا ما عندي شي نخسرو..نحب نكمل لتالي..نكمل على خاطر انا قررت..انا حبيت نكمل..باش تكون اخر مهمة ليا..نحب نرجع كلشي اسمي..و خويا..نحبك تردلي كلشي مش على خاطر تحبني..على خاطر انا نجحت..و انت زادة تكون نجحت ووصلت لغايتك
زياد:تقصد لانت تحب تسافر معاه
انا؛ريت حتى لي نحب عليه انا تفهمو بالعاطل...انا كان حبيت هارون كنت باش نتحمى عندو منك
غزرلي بغش...عينيه حمر عاللخر...هز صبعو في وجهي يحكي
زياد:اخررر مرة تعاودها الكلمة هاذي...فهمتني و لا لا
انا:هاك رجعت تهدد مرة اخرى...تهنى مانيش باش نهرب لحد...كان ليك
خذيت نفس و بعدت عليه...نزلت عالارض...لميت الصور من الارض...رجعتهم لصندوق...و هزيت روحي قمت...باقي يغزرلي..تنهدت نحكي
انا:هاروون يعرف لانا نحبك...زادة يعرف انو فما شكون اغتصبني
زياد؛شننننوة
مخلانيش نحكي...هد عليا شدني من زندي يخض فيا و يحكي
زياد:¤¤¤ هبببلللت من وين باش يعرف هو اه...حل فمك انا:انا حكيتلو
دزني...و جبد روحو...عدا يدو على شعرو...قريب يقلعو...يحكي
زياد؛انت ناوية تهبلني...فاش قام حتى تحكيلي...ياخي شنية حكايتك وين تحب توصل
انا؛علااه مش هذيكا الحقيقة...مش الحكاية بدات الكل من اكا الليلة...و لا انت خايف على سمعتك...خايف تاخو مرا و يقولو زياد بن ¤¤¤¤ خذا وحدة
قص عليا الكلام...كيف حط يدو ورا راسي...و صباعو على شفافي يحكي
زياد:ششش اسسكت...اخر همي الناس شتحكي...رد بالك تقول كلمة في حق روحك...اسسسككت
هزيتلو براسي ايه...كبست يدو قوات على شعري...في لحظة لقيت روحي...بين يديه...حضني بقوة...اغلب كلامنا يوفا بتحضينة منو...نزل باسني بوسة مرصوصة من راسي يحكي
زياد:اللي تحبو باش يصير...اما توا نحبك ترتاح باهي
هزيتلو براسي ايه...و جبدت روحي منو...حطيت الصندوق في يدي...و ترميت عالسرير...عطيتو بظهري نحكي
انا؛طفي الضو في ثنيتك
حط الصندوق عالكوافاز...و قعد بجنبي عالسرير...غطاني...و يتمتم وحدو
زياد:تاقص تفوريخ مع الفجر...ناقص انا باش كل مرة تخرجلي بخرجة...المرة الجاية الا ما تاخو طريحة باش تتربى
شدني الضحك...كبست روحي شوية...نحكي
انا:وفر تهديدك لصباح و طفي الضو...نحب نرقد راني...تاعبة برشا
هز روحو...طفا الضو...و ارجع ترما قدامي...يحكي
زياد:رد بالك تفيق قبل ما يطلع النهار...و لا نحل عينيا و منلقاكش هوني
انا:باهي
بقى درج...يتحرك وحدو...حسيت بيدو دارت على كرشي جبدني عندو...و غطس في النوم...تبسمت على جنب...منعرفش امتى يوفا هذا الكل...اما الا ما نخليه يولي لثنية...و يعرف لمش كلشي يجي بالساهل
حلقة 121
ادم يحكي: عروق بدني تكبست...نحس فيهم باش يطرشقو عرق بعد عرق...عديت يدي على وجهي بعصب...نهدي في روحي...مهما قال...اللي واقف قدامي توا بابا...نحاول عالاقل نحترم
اسمو...نحترم اللي هو بابا...نرا فيه ضبابة كحلة...شاد روحي بالسيف...باش منشدوش و نرمي بيه برا...كابس عالستيلو في يدي...منزل فيه غشي الكل...باقي نسمع فيه
توفيق:نعرف و متاكد لانت قتلت محمود...ياخي لقيت كان الطريقة هاذي...ناقص وجيعة راس انت...علاه مشتكيتش بيه...هوكا قدامك القانون...ياخي تحب تحط سمعتنا في الارض انت
عالكلمة التالية...نطرت الستيلو من يدي...و هزيت روحي وقفت...ضربت يديا الزوز عالبيرو...نحكي و نصيح
انا:اااييه اناااا قتلتو...انا قتلتو...اللي ماتت مرتي...مرتي راهي...مرة وحدة متخممش في مصلحتك
توفيق؛سنين تعدااات...ياخي لتوا مزلت شاد صحيح...مرتك ماتت و اللي تعمل فيه ماهوش باش يرجعها
انا:امااا باش يبردني...باش يخليني نرتاح...و نرتحها...انت في بالك سنين...اما بالنسبة ليا كانها صرات البارح
توفيق؛كنت تشتكي بيه...كنت تحط دليل في يدين الشرطة...ياخي انت ناقص...من عند ربي الكل يستنالك في الغلطة باش تشد الحبس
انا؛ههههههههه هذا لي خفتو انت...ادم يشد الحبس و نفوذ سي توفيق طيح في الارض
خذيت نفس...و قربت منو...هزيت يدي في وجهو نحكي
انا:اخر همي...اني نتحبس بين اربع حيوط...اما قبل هذا الكل...انا باش نكمل انتقامي لتالي...و لا انت و لا سمعتك و لا اسمك يهموني...اللي يهمني مصلحتي و كهو
توفيق:وين مصلحتك...وين انت...في التالي انت ولد بوك
انا:ههههههههههه صدقت لانا ولدك...لااا مانيش ولدك يا توفيق...فما فرق كبير بينا...انا قاعد ناخو في حقي...حقي انا...لا استغليت حد و لا طمعت في حد...ذكر كلامي هذا مليح
توفيق:ااااددددم...رد بالك تغلط معايا في الكلام
انا:انت وصلت روحك...قبل ما تحل فمك على مرتي...اذكر عمايلك المسخة...اللي ربيتنا بيها...انت سبب في موت امي...امي ماتت جرايرك...اذكر وقت نبدا انا و زياد نستناو فيك...جي وجه صباح شارب...الرجال كبرو ولادهم على انهم يد وحدة...كبروهم عالحب...و على برشا حاجات انت متعرفهاش...متعرفهاش خاطر و احنا صغار...تعلمنا نهزو سلاح باش ندافعو على روحنا...تعلمنا انو الفرد اللي في يدنا هو اللي باش يوصلنا للقمة...صحابنا وقت كملو قرايتهم فركسو على خدمة شريفة...و عاشو مرتاحين...و احنا شدينا اكبر الشركات...شركات مبنية في الحرام...الحرام اللي عشنا فيه و دمرنا
ضحكت باستهزاء...ورجعت قربت منو...نحكي
انا:اما رغم كلشي...انت منجمتش تفرقنا...رغم الطريقة لربيتنا بيها...مزلنا يد وحدة...حتى زياد...يعرف طبيعتك المسخة...على هذاكا مشى من غير ما يتلفتلك حتى
توفيق؛ااادددم
قصيت عليه الكلام...كيف تنهدت بالقاوي...بردت دمي..ورجعت لبلاصتي...قعدت عالكرسي...و حليت الدوسي نحكي
انا:تفضل اخرج
توفيق:طرد فيا
انا:الشريكة متاعي...انا من سنين جبدت يدي من املاكك...و كلشي هوني ميخصكش...على هذاكا يا ريت تخرج باحترامك...على خاطر شوية قدر لي مزال بينا منحبش نطردك بيدي
هزني وحطني...وخرج...نطر الباب وراه بقوة...تكيت لتالي...و خذيت نفس...سكرت عينيا ورجعت سنين لتالي...نهارتها اللي جيت من البار مع زياد...سمعتو يحكي في التليفون...<<حول المستندات الكل لاسمي...و العقارات الكل لي تخص زياد...نحب كلشي يكون قانوني >> باقي نعقل في كلامو نهارتها...نذكر نهار حطهم في يدو خاطر وثق فيه...اصلا كلشي كنا نعملوه بكلمة منو...لا انا و لا زياد...نتصرفو من غير شورو...حتى كي حكيت معاه شي...بعد فترة فكلنا كلشي تعبنا عليه...في بالو بالطريقة هذيكا يكون حطنا تحت رحمتو...اما فيسع ما بدينا من الاول...ذكريات غمتني...بابا اللي بالعادة يكون السند لينا...كلشي كان يهمو مصلحتو و كهو...في لحظة...هزيت مفاتحي و تليفوني و خرجت...خدمت كرهبتي و مشيت لدارها...كلشي كنت نحب نراه ساعتها ملاك...الطفلة هاذي بالظبط تريحني مش نورمال...اما فرد وقت منعرفش كيف باش نقابل دنيز...اصلا لتوا مصدوم كيف نجمت نعمل معاها اكاكا...اما حبيت نتأكد من اللي قاعد يصير...اول مرة باستني مكرة فيه...اما كيف بستها حسيت بيديها على صدري و هي تبعد فيا...حسيت بخوفها ورعشتها...الطفلة هاذي مش نورمال مزيج من القوة و الضعف...ياسر محظوظ الفرخ...خاطرها تحبو...و في الاخير طاح على راسو...تبسمت على جنب...و شديت الفران...و نزلت...اول ما دقيت الباب حلتلي راضية تحكي
راضية:اهلا مسيو ادم
انا:عيشك...دنيز هوني
راضية:لا مسافرة
انا:شنننوة وين سافرت
راضية؛منعرفش...هاني جيت الصباح خبرتني زينب لهي سافرت
انا:باهي ملاك هوني...نحب نراها قبل ما نمشي
راضية:ملاك مشات مع زينب
انا:وين ؟
راضية:قالت باش تهزها للجنينة تبدل جو
انا:باهي باهي
رجعت للكرهبة...خدمتها طول...نمشي و نغزر لكل جنينة تعرضني...شديت الفرا بالقاوي...كيف لقيت زينب دور كي المجنونة...و تعيط على ملاك.. حليت الباب و نزلت...قربت منها...شديتها من زندها نحكي
انا:شبييك...شصار
زينب؛ا ادددم
انا:يا بنتي حل فمك...شبي حالتك هكا...و ملاك وينها ؟
زينب:م منعرفش
انا:كيف متعرفش...مش هي معاك
زينب:خ خليتها هوني...مشيت نشريلها قلاص...ع على تلفيتي ملقيتهاش
دزيتها على طول يدي...طاحت لتالي...كلامها ركبلي العصب...خوف ندرا كيف تملكني...الطفلة متحكيش...و مش بعيد تكون في خطر توا...قحرتلها نصيح
انا:اططللب ربيي ما يصرا عليها شي...و الا ما ندمك عالساعة لي خلقت فيها
هزت روحها وقفت...قحرتلي قحرة متاع موت...نفضت دبشها...و عطاتني بظهرها...باقي تعيط عليها و تفركس من جيهة لجيهة...هزيت تليفوني...كلمت زوز من رجالي...ورجعت عندها...جبدتها من زندها نكركر فيها معايا...تحاول تجبد في روحها و تصيح
زينب؛سيييبني فاش تعمل...لباس ماهو...لازمني نلقى ملاك سييبني
اول ما وصلت للكرهبة...حليت الباب باش نركبها...قص عليا...صوت تليفوني...هزيت من غير ما نرا الرقم...نسمع فيه يحكي
ضياء:احلى شي فيكم توصل انت و خوك بالوقت
انا:ضياااء
ضياء؛مممم ضياء شنوة نسيتني
انا:ضياااء رد بالك تمسها...رد بالك تعمل شي لطفلة
ضياء:هههههههه شنوة ادم طلع عندك قلب في الاخير
انا:حسااابك معايا انا...رجع الطفلة فيسع
ضياء:حساابي معاكم في ثلاثة...انت و خوك و ¤¤¤¤ لاخرى
انا:احتتترم روحك...و اعرف شتخرج من فمك...و اسمعني...والله يا ضياء...ورحمة امي...كان انت مسيت شعرة منها...ما نخليك تتمنى الموت
ضياء؛بااهي...جيب دنيز تاخو ملاك
جيت باش نحكي علق عليا...ضربت يدي بغزول عالكرهبة...بحذا راسها...تهزت و تحطت...دموعها نزلو بالوقت...تحكي
زينب:و وين ملاك
انا:اططلللع...اطلعع و سكر عليا فمك...احسنلك
نزلت راسها وركبت...خدمت الكرهبة...و هزيت تليفوني كلمت واحد من رجالي...يخدم مع البوليس...نحبو يعرفلي المكالمة من وين...باقي نسوق و نغزر بكل بلاصة تعرضني...الطحان...الهامل..عرف كيف يلعب...قاعد يستغل في طفلة صغيرة...و يحب على دنيز في بلاصتها...شهقاتها وتروني اكثر...هزيت يديا الزوز...ضربتهم عالفولون يغزول...نحكي
انا:اسسسكت...ياخي متفهمش انت...علاااه تبكي...فهمني...ماهو كل جرايرك...انت خرجتها...فاش قام تاخو فيها لبرا...مفماش جنينة في دار...باش تخرجها انت...حل فمك شبيك ساكتة
سكوتها كمل على ما بيا...شديت الفران بالقاوي..و جبدتها من زندها...كبست عليها...و قربتها عندي...لين ولى وجها مع وجهي...غزرتلها بغش اللي فيا الكل...نحكي
انا:اغزرليي هوني...متكونش انت عندك يد في اللي صااار...حل فمك...شكون يضمن لانت متخدمش مع ضياء...و انت سبب في اختطاف ملااااك
عينيها وساعو بالوقت...و هزتلي براسها لا مصدومة...تحكي...دوب صوتها يتسمع
زينب:ل لا...والله لا عندي علاقة بيه...و رحمة امي ادم...فاش تحكي انت
رخفت يدي بالوقت...و دزيتها لتالي...قحرتها قحرة متاع موت نحكي
انا:العباد اللي كيفك...ما ينفعو لشي...تنساو اصلكم و فصلكم...و تحبو تعيشو بينا...اما ما يجي من تحت راسكم كان المشاكل و الهم...و ذكر كلامي بالقدا...كان يصير شي لملاك...مش باش نخليك عايشة...فهمتني
بقات تغزرلي ندرا كيف...ريت الدمعة لكانت محصورة في عينها...كيف نزلت...مسحتها بظهر يدها و تلفتت بلا حتى كلمة اخرى...خدمت الكرهبة و طرت بيها...منعرفش وين ماشي...اما لازمني نلقاها...نسوق و اسم واحد يدور في راسي...ملاك و كهو...قص عليا صوت تليفوني...هزيت عليه...من غير ما نرا حتى الرقم...نسمع فيه يحكي
هو؛مسيو ادم...اخر مكالمة كانت في طريق ¤¤¤¤¤ يعني احتمال كبير ضياء يكون في طريقو للحدود
انا:الله لا تربحو...فيسع ابعث وراه شكون...انا في طريقي لغادي
هو:متحبش نخبر البوليس
انا:نظن لحق الوقت...باش ضياء يخلص حق عمايلو...اطلب البوليس بعد ساعتين بالظبط...منحبش نوحل في مشاكل بسببو
هو:باهي مسيو
علقت عليه...و دورت الكرهبة...نحب نلحق عليه قبل ما يبعد اكثر...نسوق باش نطير...فكرة لهو باش يأذيها خلاتني نخرج من عقلي...محاولتش حتى نغزرلها...لتوا معصب منها...حرقت الكياس...تفكيري في ملاك كهو..لازم نلحق عليها...لمحت كراهبهم من بعيد...بقيت وراهم...في لحظة حاصروني زوز من تالي...ظطريت نحبس الكرهبة...و حبسو الكل معايا...جبدت الفرد...و غزرتلها نحكي
انا:رد بااالك تنزل
دورت وجها من غير ما تعطيني جواب...رصيت على سناني نحكي
انا:فهههمت
هزتلي براسها ايه...خذيت نفس و خرجت..نغزرلهم...اكثر من 8 رجال...و الكل مسلحين...نرا فيه كيف نزل من كرهبتو...تعدل في وقفتو...و سكر فلس الفاست...ضحك ندرا كيف يحكي
ضياء؛كنت نعرف لباش توصل في الوقت
انا؛وين ملاك ؟
ضياء:وين دنييز ؟
انا:متردش سؤال بسؤال
ضياء:نتوما 3 السبب في موت خويا...و انا لي حاولت نقتلكم في كل مرة...اما كنت تسلكو منها ديما و كان حبيت الحرب هاذي توفا...اعطيني دنيز
انا:زايد ساقط...كان تموت منخليكش تقرب منها...دنيز خط احمر...و اللي عملتو اليوم ماهوش باش يتعدا
ضياء:ملا خليني نقتلك توا اول واحد...مبعد خوك...و هكا نكون خذيت ثاري منكم
انا:باهي فاش تستنا
ضحك...و هز يدو لواحد من رجالو...قرب من كرهبتي...نزل زينب...محاولتش نمنعو...نرا فيها كيف تجبد في روحها منو...عصبت عليه اكثر...اما باقي شاد روحي عليه...دزها بين يديه...شدها من زندهاو حط الفرد في راسها...بقات تغزرلي ندرا كيف...حسيت بخوفها...بقيت نغزرلها...نحاول نلقى حل...و هي باقي تفرفط بين يديه...ضربها بالفرد لراسها يحكي
ضياء:اررركح...و الا نفرغو في راسك
خذيت نفس بالسيف و انا نرا في دم اللي نازل من راسها على خدها...عينيها حمر جمر...فيقني من سرحتي يحكي
ضياء؛شرايك نقتلها قدامك توا...في رايي هذا احسن عذاب ليك
لبقية متع الحلقة هذي فل كمنتارات خاطر طويلة برشا كان انكملها اهنا تولي ماعادش تتحل
1
قلبي دق بالوقت...منحبوش يضرها...منحبش نكون سبب في انو يصرالها شي...عدا الفرد على رقبتها...نزل بيه لنص صدرها...لين وصل بيه لكرشها...و هو محضنها بيدو من تالي...عرفت من حركاتو يحاول يستفزني...تبسمت على جنب نحكي
انا:اقتلها فاش تستنى
طلعت راسها غزرتلي مصدومة...دمعتها لي كانت محصورة نزلت على خدها...اول مرة تغزرلي بالطريقة هاذي...حتى كلمة ما قالتها جيست تغزرلي...حتى كي كانت تعافر فيه تحب تجبد روحها...ركحت كيف سمعت كلامي...اما نعرف كان نعمل اي خطوة اخرى...باش يقتلها الساقط...كبست عالفرد في يدي...خذيت نفس و كملت كلامي نحكي
انا:في بالك بالطريقة هاذي...توصل لدنيز...ياخي مزلت لتوا تخمم هكا انت...فيسع قولي وين ملاك ؟
نحكي و نغزرلها...عينيها ضبو بالدموع...اما نحاول نلهيه بالكلام...لين يلحقو رجالي...باقي الفرد محطوط في نص كرشها...هزت يدها حطتها على يدو فوق الفرد تحكي
زينب:ا اعطيه ملاك و هزني انا
قربلها اكثر...من غير ما ينزل الفرد...حط راسو في رقبتها...عقدت حواجبي بالوقت...قربت خطوة بلا ما نحس...وقفوني كيف هزو سلاحهم في وجهي...غزرلي و ضحك يحكي
ضياء:تعرف كان نخليها ليا احسن ما نقتلها...شقولك زعمة تعجبني...باز جربتها انت من قبل
كلامو ركبلي العصب اكثر...قدمت ليه اكثر...نحكي
انا:زاايد ساقط...كيفك كيف خوك بالظبط
قحرلي قحرة متاع موت...شدها من شعرها...قربها ليه اكثر...تكاها عليه...باقي يشم في ريحتها...تبسم يحكي
ضياء:تحب تمشي معايا يا قطوسة
باقي تحاول تتملص منو...اما شي كابس عليها بيديه...حاولت نطمنها بعينيا اما محبتش تغزرلي...دموعها منعوها من انها تنجم تغزرلي...وقفت في بلاصتي...في لحظة...غزرتو تبدلت و كبس عليها اكثر يحكي
ضياء:اختار ملاك و لا القطوسة هاذي
2
حسيت النفس تسكر عليا...تنهدت...و جيت باش نحكي...اما في لحظة ريت رجالي ركاو وراه...دورت راسي لقيت لاخرين زادة وصلو...تلفت غزرتلو...يغزر للكل مصدوم...تبسمت على جنب نحكي
انا:شبيك...وين كلامك متاع قبيل
قربت منو اكثر...وقفت قدامهم بالظبط...غزرتلو نحكي
انا:مش انا لي نتهدد سي ضياء...و اخر مرة نسألك...ملاك وين ؟
اول ما كملت كلامي...غزرتلها كيف حلت باب الكرهبة و نزلت منها تجري...قربت منها...نزلت عليها...جات في حملتي...حضنتها بيديا زوز...وجها احمر من البكا...شعرها داخل بعضو...نجمت نتوقع حجم الخوف لي عاشتو ساعتها...قص عليا...صوت الكرتوشة لي سمعتو...صوت خلاني نخاف نتلفت...دورت راسي شوية شوية...نغزرلها كيف طاحت على ركايبها...جات عيني في عينها...دموعها باقي على وجها...قربت منها لقفتها قبل ما طيح عالارض...جا راسها في حضني...حاول نحكي معاها...اما شي...في لحظة غابت جملة...نسمع فيه يحكي
ضياء؛انت لي حبيتها تموت...قلت نريحك منها
مخممتش مرتين...هزيت الفرد من عالارض...و قوصت عليه...منعرفش قداش من كرتوشة...اما منجمت نسمع منو حتى كلمة اخرى...حسيت بملاك كبشت في ظهري...هزيت يدي نتفقد في دقات قلبها...نفسها ضعيف برشا...صوت الكرتوش قوا بينهم بعد ما ضربت ضياء...نزلت عليه اكثر...هزيتها في يدي حطيتها في الكرهبة من تالي...و حطيت ملاك بجمبي...منحبهاش تغزرلها...خاصة و هي في الحالة هاذي...خدمت الكرهبة و طرت بيها...و خليتهم متقاتلين في بعضهم...غزرتلها في المرايا...قلبي خض بالقاوي...الضربة قوية برشا...و احتمال كبير انها تموت قبل ما نوصل للكلينيك...اما اخر شي حبيت نفكر فيه توا...اخر شي نحب نتوقعو...منحبش نكون السبب في موتها هي زادة...حسيت الثنية طوالت...و سكوت ملاك وترني اكثر...جيست طل عليها و كهو...و انا دوب نجمت نركز في الطريق...ريت الشرطة رايحة للبلاصة...حبيت نكلم الرجال باش يجبدو روحهم...اما حتى تليفون منجمتش نهزو...جيست نحب نوصل للكلينيك و كهو
3
زينب تحكي:
نجري و نتلفت ورايا...نحس في حلقي شاح...و ساقيا معادش يحملوني...وقفت و حطيت يدي على كرشي...نزلت شوية نحاول ناخو نفس...قلبي نحسو باش يخرج من بقعتو...العرق يصب عليا...لدرجة نحس في دبشي لصق على لحمي...طلعت راسي...في لحظة لقيت روحي وحدي...و مفما حتى حد معايا...ارض قاحلة...و شمس قوية...مزلت نلهث...مزال صوت انفاسي مسموع...عديت شطر حياتي و انا نجري...اما اول مرة نلقى روحي وحدي...لدرجة معرفتش انا ثنية ناخو...صوتو و هو يقرب وترني اكثر...مزلت نسمع فيه...نعرف لهو قريب برشا...باقي ندور في بلاصتي...صوتو ماشي و يقوا...هزيت يديا زوز سكرت وذنيا...نصيح بكل صوتي...نحبو يبعدني...علاه هو بالظبط...علاه باقي يجري ورايا لتوا...علاه رغم كلشي تعدا عليا مزال خيالو بين عينيا...حليت عينيا نثبت في وجهو...ماشي و يقرب مني...بقيت نوخر بخطوات رزينة...و بين و بين روحي نقول لهي حلمة...زينب حلمة متخافش...هو معادش موجود...هو مشا بعيد و مستحيل يرجع...عينيا ضبو و انا نغزرلو...نزلو دموعي يجرو على خدي...غمضت عينيا...نسترجع في الماضي و الايام السودة لي عشتها...انا زينب...عديت صغري و مراهقتي هاربة من ولد خالي...عديت عمري الكل و انا خايفة منو...و مزال يتبع فيا...حتى كيف ارتحت منو رجع مرة اخرى...كرهت اسمي من شفافو...كرهت بدني من غزرة عينيه...كرهت روحي من تسلطو اللي مش مبرر...كرهت عيلتي اللي ديما يغطو عليه...و نطلع انا الخايبة بينهم...بسببو هو لقيت روحي عايشة وسط ناس...منعرف عليهم شي...لقيت روحي مجبورة نهرب لبعيد...نهرب باش معادش نطيح بين يديه...سنين تعدات...و لقيت روحي ديما هاربة...هاربة منو...هاربة من روحي و هاربة من الدنيا الكلبة...لي عاطيتني بالظهر...اول مرة نسمع صوتو قوي لهدرجة...لدرجة النفس تسكر عليا...حليت عينيا بالسيف...لقيت وجهو في وجهي...صحت فرد صيحة...صيحة خلات صوتو يبعد و صوت ناس اخرين يقرب...و صوت بينهم نعرفو بالقدا...صوت ادمنتو برغم منسمعوش برشا...قلبي دقاتو قوات...برغم خوفي حسيت بالامان...نجمت نوخر خطوة لتالي...نجمت نبعد عليه...تلفت ورايا...نغزرلو...منعرفش كيف و لا علاه هو هوني...اما صوتو لي حضر في لحظة...خلاني نرا شوية امل...تبسمت بخوف...كل خطوة نقربها يوخر لتالي اكثر...
4
هزيت يدي نحبو ياخوني معاه...اما جيست باقي يبعد...من غير ما ينزل عينيه من وجهي...عيطتلو بكل صوتي...برغم الخوف اللي حسيتو...نجمت نخرج اسمو من شفافي...قص عليا كيف سكرلي فمي من تالي...كبس عليا باش منجمش نتحرك...نغزرلو نحبو يفكني من بين يديه...اما في لحظة طرشق بالضحك...كلامو قوا في وذني...<<اقتلها فاش تستنى>>...حاولت نجبد روحي منو...اما لقيت روحي مقيدة...ماهيش مجرد حلمة و كهو...اللي صار كان حقيقة...اللي قاعدة نحس فيه توا صار بالحق...اما شبيه لتوا كابس عليا...شبيه يحب يهزني معاه...حلمة غمتني...منجمتش حتى نعرف شنية لقاعد يصير...منحبش نمشي معاه...منحبش يحصلني توا...بعد ما عديت عمري هاربة منو...هو حلمة...حلمة و لازمها توفا...كل مرة يتسكر عليا النفس اكثر...كاني قاعدة نغرق...نغرق في بير مظلم...و مهما صحت و مهما عيطت...مفماش شكون يعطيني يدو...حتى ادم لي حبيتو في لحظة من حياتي...طلع اسوء كابوس...يمكن اللي حسيتو معاه هو اصدق شعور عشتو في حياتي...لحظات سرقتهم من حياتي و عشتهم وحدي...محبيتش نعرف شكون هو...و لا شكون في حياتو...باهي و لا خايب...اما داخلي...حبيتو بيني و بين روحي...حبيت نظرتو اللي تبدا باردة و غامضة...و تتبدل كيف يشد ملاك بين يديه...ضحكتو اللي مخبيها ورا غشو...كانو تفاصيل صغيرة برشا...تفاصيل لقيت روحي غارقة فيهم...كانت تكفيني نظرات من بعيد...خاطر نعرف و متأكدة...معنديش فرصة في وسطهم...ذكريات حياتي الخايبة تعدات بين عينيا...اول مرة ريتو فيها في المقبرة...كبست يديه على يديا خلات تراص فيا...كان حب من طرف واحد...كان حب بين مد و جزر...لحظات غريبة جمعتنا...اما فرد وقت...خلاتني نحس بشي جديد في حياتي...شي غير لي عشتو من قبل...اول مرة انا نرغب...في حد لهدرجة...اول مرة تكون عندي جرأة اني نغزر لراجل بنظرة جديدة...نظرة تخليني نحب روحي و نكرها فرد وقت...نظراتو خلاتني ناقف قدام المرايا...ساعات...نسأل روحي اكثر من سؤال...و خلاتني فرد وقت نرجع لتالي...و نخبي اللي قاعدة نحس فيه...خلاتني نسكت و منجمش نفصح على اللي نحس فيه...منجمت نحكي لا على همي و لا حبي لحد...حتى دنيز...مهمهاش لي حسيتو جملة...حتى بعد اللي حكيتو...كانت قريبة لادم برشا...و نعرف لهذاكا حقها...شكون انا باش ندخل لحياتهم...و نكون فاصل بينهم...خبيت كلشي داخلي...لا بكيت و لا شتكيت لحد...كان في بالي...انو الدنيا لي عطاتني بالكفوف من صغرتي...اللي خذات كلشي عزيز عليا...باش تحلي بابها مرة وحدة كهو...و لو لحظة وحدة...اما كلامو لي هبط كيف سم على قلبي...خلاني نعرف شكون انا...انا بنت القرية...معنديش حق باش نغزر لفوقي...كلمات قالهم في لحظات غضب...خلاني نرا الجانب الثاني متاعو...و هو يصرح بقتلي...تأكدت انو اللي حسيتو ساعتها...هو لحظات حب...عشق...اعجاب...منعرفش...اما تاكدت انو هي لحظات و مستحيل ترجع بعد اللي صار...مستحيل واحد قتلني يرجع يعطيني الحياة مرة اخرى...في لحظة دزني عالارض و بعد عليا...
5
اما شبينب منجمش نقوم...شبيني منجمش نحكي...صورة ادم ماشية و تبعد اكثر...انفاسي ماشية و تضعف...كل ما ادم يبعد...صورة امي تقرب مني اكثر...منجمتش نهز راسي من الارض...حسيت بيدها لي تغلغلت في شعري...احساس ندرا كيف سيطر عليا...تبسمت رغم وجيعتي...باقي نعاود في اسمها بين شفافي...نحب نقوم نحب نتحرك اما منجمتش...كانو شي كابس على بدني...نحاول نبقى صاحية...منعرفش شبيني قاعدة نغرق حلمة...و نحس فيها حقيقة...باقي نحل في عينيا...و نحكي بين شفافي
انا؛ا امي...ا امي...م متخلينيش...امانك ابقى معايا
غمضت عينيا بالقاوي...ورجعت حليتهم...نغزرلها كيف قاعدة تبعد...و تعاود في اسمها بين شفافي...هازة يدها لعندي تحبني نمشي معاها...اما شي منجمتش نتحرك...حطيت يدي عالارض...حسيتها مبلولة...طلعتها شوية
شوية...نغزر لصوابعي...و كف يدي لكلو دم...نزلو دموعي اكثر...طلعت راسي بالسيف نغزر لامي لباقي تبعد...بقيت نتخبط في بلاصتي...نعرف روحي في احضان الموت...و عندي رغبة كبيرة اني نخلي كلشي و نمشي من هوني...اما فرد وقت انا ما عشت شي من حياتي...طول عمري عشت لغيري...طول عمري عشت خايفة و مرة اخرى هوما جبروني نختار الموت...نحس في راسي رزين برشا...في لحظة لقيت روحي غارقة في دمي...كل مرة نغطس فيه اكثر...نحب شكون يخرجني منو...باقي نعيط على امي شي...اما شي باقي يجبد فيا...عرفت روحي باش نمشي جملة...شي واحد في راسي كهو...لازمني نفيق...حلمة و باش توفا...باش توفا...لازمها توفا...تقويت على روحي و حليت عينيا فرد مرة...من دمي لكنت غارقة فيه...ريت كلشي ازرق...اصوات قوية...اصوات مخلطة ما فهمت منها شي...ثواني كهو...ورجعت غفيت...حسيت النفس متاعي هدا...و دقات قلبي رجعت طبيعية...وليت لنفس البلاصة...اما كلشي عكس الاول...مفما حد كان امي...قاعدة على كرسي...قربت منها...قعدت بحذاها...و حطيت راسي على صدرها...نسمع فيها تحكي
امي:زينب...يا وردتي...يا روح امك...مزالت الثنية قدامك...مزلت تعيش...شبيك مستعجلة...نحبك تبقى قوية...كيما خليتك...رد بالك تهرب من حياتك...انت لازمك تعيش يا روحي
نعرف روحي في حلمة...نعرف روحي مزلت نحلم...نعرف لامي مش حقيقة...اما يكفي اني مرتاحة...سكرت عينيا...ورجعت للواقع...واقع خلاني نسمع صوت الماكينات بعيد برشا...حسيت بيدو لي تحطت على يدي...قلبي دق بالقاوي...مع انو لا مرة حط يدو في يدي...اما نعرفها لمستو بالقدا...مستحيل هاذي زادة تكون حلمة...انا حاسة بيه اما منجمش نفيق...منجمش نحل عينيا...و منجمش نجبد يدي منو زادة...حسيت بيدو لاخرى تحطت على وجهي يعدي فيها و يحكي فرد وقت
ادم؛زيننب...سامحني...سامحني عيش اختي...منقصدش لي صار...انا حكيت اكاكا على خاطرك...خاطر كان بينت خوفي ساعتها كان باش يقتلك...اما عملها الساقط...انت لازمك تكون قوية...لازمك تعيش...عيش على خاطري...خاطر معنديش قوة نتحمل موت وحدة اخرى في جرتي...يكفي لقاعد نحس فيه توا...يكفي الظلم لي عشتو و عيشتو لغيري...انت لازمك تعيش...لازم تفيق...منحبش نكون سبب في اللي صارلك...فيق و نوعدك حتى حد ماهو باش يقربلك...ضياء ساايي معادش موجود...وولد خالك زادة...نوعدك معاد يصرا عليك شي...فيق امانك
6
دقااات قلبي قواات اكثر و اكثر مع صوتو...و مع كلامو...حتى كلامو بين المد و الجزر...نحب نفيق...نحب نجبد يدي منو...و نقلو لمستحيل نسامحو...نحبو نحس بقيمة اللي عملو...قداش كنت هادية و هو يحكي...اما ميعرفش الحرب لي حلها داخلي...بدني مقيد...اما قلبي و عقلي فايقين...واللي حسيتو الكل...خرج في دمعة وحدة...دمعة لقات طريقها على خدي...تسرسبت غصبا عني...حسيت بصوابعو لي تعداو على خدي...اما منجمت نعمل شي...باقي نسمع فيه يحكي
ادم؛هيا زينب...نعرفك اقوى من هكا...فيق...انت لازمك تفيق...لازمك تعيش
دقات قلبي قوات...و حبست في لحظة...نحس في يديه لكبسو على كتفي...يرج فيا و يحكي
ادم:لاااا...زينننب رد بالك تموت...انت لازم تعيش...فهمت
حسيت بيديه لي ترخفو شوية شوية...حسيت بيدين الطبيب على صدري...مع صوتو لي غاب جملة...دقات قلبي رجعو...منجمتش نتحمل كلامو اكثر...انا مرجعتش على خاطرو...لمجرد هو حس بالذنب...لازمو يفهم انو مش كلشي يمشي كيما يحب هو...يزي من اللي ريتو في حياتي...يزي من اللي ريتو من الدنيا...و من اللي دايرين بيا...نحب نفيق على واقع جديد...واقع نعيش فيه حياتي...و بالطريقة لي نحبها انا...لا باش نعيش عند حد...و لا باش نخلي حد يعمل فيا مزية...حياتي باش تكون ملكي انا و كهو
الحلقة 123
حليت الباب شوية شوية...جات عيني عليها...لقيتها فايقة تغزر لسقف...خذيت نفس و دخلت عندها...قربت منها قعدت عالكرسي بجنبها...حطيت يدي على يدها...نحكي
انا:كيف تحس في روحك توا...انت مليحة مش هكا
دوب تبسمتلي...نعرفها مزالت تاعبة...اما نظرة الخوف اللي في عينيها...مخلطة بنظرة اخرى...نظرة متاع حزن...كبست على يدها نحكي
انا:زينب...ادم قالك شي...عملك شي ؟
سؤالي خلى دمعتها لي محصورة بين شوافرها...تنزل على خدها...هزيت يدي مسحتها...و قربت منها اكثر...حطيت راسي بحذا راسها...كبست على يدها اكثر نحكي
انا:متبكيش...كلشي باش يكون مليح...انا معاك...احنا لبعضنا زينب...منحبكش تضعف...مش توا...خاطر انا و ملاك بحاجتك معانا...متخلي حد يقهرك...صدقني ادم ما يستهلكش...باش يموت بقهرتو...باش يندم على كلشي...انا نوعدك...باش نخليه يخلص حق كلشي عملو...لاخر كلمة قالهالك
خذيت نفس...منعرفش علاه توا بالظبط حقدت عليه اكثر...شبيه كل ما نحب حد...يفكو مني..شبيه ما يرحم حد...شبيه ما يحس بشي...قص عليا صوت الباب لي فتح...طلعت راسي شوية...نغزرلو...عقد حواجبو...مستغرب...يحكي
زياد:لباس ماهو
انا:مممم
قرب منا...غزر لزينب...و هز يدو...عداها على شعرها...يحكي
زياد:كنت متأكد لباش تطلع منها
تبسمتلو بالوقت...باقي تغزرلو...رخفت يدي على يدها...و انا نغزر ليدو...لي يعدي فيها على شعرها...و باقي يحكي
زياد:هيا عاد...لازمك تقوم فيسع...مزلت بحاجتك راني
زينب:ع عيشك زياد...انا مليحة
زياد:هذاكا لي يهم
وقفت بالوقت...قلبي نحسو باش يخرج من بقعتو...منعرفش شنية لي حسيتو ساعتها...يمكن غيرة...منعرفش علاه منجم نتحمل قربو من حتى وحدة...حتى من زينب...نغزرلها كيف فرحت لهو دخل عندها...حسيت نفس تسكر عليا بالوقت...عطيتهم بظهري...و خرجت من البيت...من غير حتى كلمة اخرى...سكرت الباب بيدي...و تكيت عليها...منحبش نخلي لي نحس فيه يسيطر عليا...قص عليا سرحتي...كيف وقف قدامي يحكي
ادم:شصااار...متكونش تنازلت على زياد لزينب
طلعت راسي غزرتلو مصدومة...عينيا ضاعو في وجهو...نحاول نستوعب كلامو...جيت باش نحكي...تبسم على جنب...و كمل كلامو يحكي
ادم:زياد ميحبش التصرفات هذوما...متكونش كيف ميرال بالظبط
قلبي دق بالوقت كيف سمعت اسمها...هزني و حطني يحكي
ادم:الغيرة الزايدة تقتل الحب...و حد كيف زياد ماهوش باش يتحمل برشا...و اكبر دليل ميرال
خذيت نفس...تقويت على روحي اكثر...و قربت منو...وقفت قدامو بالظبط...هزيت وجهي في وجهو نحكي
انا:انا مانيش ميرال...دنيييز...ذكرو اسمي مليح ادم...خاطر ماكش باش تنساه جملة
تبسمت على جنب...كيف ريت تبسيمتو لي يحاول يستفزني بيها...و قبل ما يحكي...عطيتو بظهري...و بعدت عليه...دوب نجم نمشي...خاطر بالحق كلامو دخلني في حيط...دوب بعدت عليه...تكيت عالحيط نرد في النفس...مانيش كيف ميرال...كان بالحق صدق كلامو...وقتها حتى انا مريضة كيفها...لااا مستحيل...نكون مريضة...انا صحيح نحبو...و نموت عليه...اما مش مريضة بيه...ملا شبيني غرت من زينب...شبيني محملتش كيف قرب منها بالطريقة هذيكا...غمضت عينيا...نذكر في الراجل لي قوصت عليه نهارتها على خاطرو...ميرال لكل مرة نتواجه معاها...حتى ادم نعتبرو خطر على علاقتي مع زياد...هذا الكل مش من فراغ...انا وقت نبدا معاها...حاجة غريبة تسيطر عليا...دوب يقرب منو حد غيري...هزيت براسي لا...دقات قلبي قوات اكثر...شبيهم حد ما يحب يفهمني...زياد كلشي في حياتي...و طلع هو جزء من الماضي متاعي...الجزء الباهي من الماضي الخايب اللي عشتو...ماهيش غيرة...شي اقوى منها ببرشا...هو ماهوش باش يخليني كيف ما عمل مع ميرال...ساعتها نقتلو بيدي...افكار خايبة سيطرت عليا في لحظة...افكار خلاتني نتوقع لباش يصير...خلاتني نمشي لبعيد...اذا كان حبي لزياد قوي لهدرجة...باش يدمرنا زوز مع بعض...و اذا هو محبنيش كيما نحبو بالظبط...وقتها بالحق باش يدمرني...هزيت يدي...حيطتها على قلبي نهدي في روحي...لي نخمم فيه مستحيل يصير...تنهدت بالقاوي...حليت عينيا...على صوت الفرملية تحكي
هي؛دنييز مش هكا
هزيتلها براسي ايه...حطت في يدي ورقة صغيرة...عقدت حواجبي نحكي
انا:شنية هاذي
هي:فما شكون خلاها في رسيبسيون...و قال باش نوصلوهالك
انا:باهي مرسي
تبسمتلي و مشات...دورت عينيا عالبلاصة...نلوج بعينيا مفماش نلمح اي حد...اما شي...غزرت للورقة في يدي...خذيت نفس و حليتها نقرا فيها...<<رد على تليفون >>...استغربت الجملة...خاطر تليفوني مش عندي...تهزيت و تحطيت على صوت تليفون متاع الكلينيك...جات شترد الفرملية...سبقتها...هزيت انا...نسمع في الجنيرال يحكي...مزلت عاقلة على صوتو بالقدا
جنيرال:مانيش باش نطول عليك برشا...طيارتك غدوة...حضر روحك لسفرة...كلشي حاضر حتى اوراقك...امشي للمطار كهو...و فما شكون يهزك لطيارتك...هارون باش تلقاه في الطيارة...منحب حتى غلطة...و رد بالك زياد يعرف بالحكاية...خاطر زينب لانت معاها توا...ماهيش باش تعيش برشا
نزلت سماعة تليفون من يدي...حطيتها عالكنتوار...قلبي نحسو باش يخرج من بقعتو...الارض معادش حاسة بيها تحتي...فقت من سرحتي...كيف حسيت بيه وقف قدامي..طلعت راسي غزرتلو في عينيه...غزرتو لكلها تساؤلات...خلاتني نكبس عالورقة في يدي...نزل بعينيه ليدي...ورجع غزرلي...لحظات صمت و خوف و تردد...سكت خاطرني منعرفش شباش نحكي...و خفت...خفت على زينب يصرالها شي في جرتي...خفت نحكيلو و تكون حياة زينب في خطر...حسيت بيدو لي تحطت على يدي...جبدتها بلا ما نحس...قحرلي...و فكلي الورقة من يدي...قراها...و غزر لتليفون...جيت باش نحكي...قص عليا...كيف شدني من زندي...كبس عليا...و مشاني قبلو...كركرني لبرا...اول ما خرجنا...دزني لتالي...و كبس عليا اكثر يحكي
زياد:شكون كلمك
بقيت نغزرلو...و كلام الجنيرال يدور في مخي...الكلام وحل في حلقي...قحرلي يصيح
زياد:حللل فمممك شكون كلمك ؟
نزلت عينيا غزرت ليدو لكابس بيها عليا...في لحظة تعدات صورتو بين عينيا و هو يعدي فيها على شعر زينب...شبيه توا كابس عليا بالطريقة هاذي...نسيت اللي قاعد يصير و ركزت مع يدو...اللي كابس بيها عليا...ورجعت طلعت راسي قحرتلو قحرة متاع موت...نحكي
انا:زيااد يدي
كبس عليا اكثر...و هز يدو قرب لورقة لوجهي...يحكي
زياد:مع شكوون حكييت
انا:حتى حد
زياد:¤¤¤¤¤¤ عليا سوااار...شقتلك عالتصرفات هذوما...تحب تجهلني انت...تعديها عليا قدام عيني
جبدت يدي منو بالقاوي...و هزيت يديا زوز...دزيتو لتالي...نحكي
انا:ابعععد شيهمك فيا انت...ماك كنت لاهي بزينب...شبيك توا جاي تحاسبني لباس ماهو
عقد حواجبو مستغرب...هزني و حطني...يحكي
زياد:غايرة من زينب انتي
قربت منو...فكيت الورقة من يدو...و باقي نقحرلو...رجعت شعري لتالي...نحكي
انا:مدامك بحاجتها...برا ابقى معاها
خليتو واقف في بلاصتو مبهم...ورجعت للداخل...نمشي و نغزل...شي من كلام ادم و الجنيرال...ناقصني كان هو...اول ما طلعت راسي...لقيت ادم قاعد عالكرسي...و ملاك واقفة معاه...تحاول تفهمو بيديها...باش يلملها شعرها...اما مفهمش عليها...خذيت نفس و قربت منهم...قعدت بحذاه عالكرسي...نحكي
انا:تحبك تلملها شعرها
غزرلي...ورجع غزرلها...تبسم...و هز يديه يلملها فيه...و هي شادة الشكال في يدها...بقيت نغزرلهم...ادم مهما كان خطر عليهم...مش كيف الجنيرال...السفرة هاذي باش تاخو من وقتي برشا...منعرفش وين باش نمشي و لا شنية باش يصير...كيف كل مرة باش نمشي للمجهول...نمشي لمهمة منعرفش اذا طلعت منها و لا لا...خذيت نفس نحكي
انا:ااادم انا باش نسافر
دورا راسو...عقد حواجبو مستغرب...كانو يحب يفهمني...تنهدت نحكي
انا:باش نبعد فترة من هوني
ادم؛و السبب
انا:بابا يحبني نرجع...اسبوع...اسبوعين...شهر منعرفش قداش باش نبقى بالظبط...اما زادة منجمش نخلي ملاك و زينب وحدهم
ادم:يعني
انا:ادم نعرف لكلشي صار في لحظة...منعرفش كيف لقيت روحي نواجه فيه بلا حتى سبب
ادم:بسبب زياد
غزرتلو في عينيه...تبسم و كمل كلامو...يحكي
ادم:كمل نسمع فيك
انا:تنجم تتلهى بيهم لين نرجع...نعرف لي نطلب فيه مستحيل اما
ادم:كنت تنجم تطلب من زياد...نظن كنت باش تختصر الطريق...و تبقى مجنبتني
انا:ا انا
ادم:انت متحبش زياد يبقى مع زينب
بقيت نغزرلو...كلامو صحيح...نعرف لمستحيل يصير بينهم شي...اما منجمش نستخايل اللي هو باش يهتم بوحدة اخرى غيري...غزرلي ندرا كيف...هز يدو...يشير بصبعو لقلبي يحكي
ادم:متحاولش تخبي اكثر...نعرف اللي انت تحبو...مش انا باش تخفى عليا...كنت نعرف هذا الكل من اول لقاء بينا
انا:ملا علاه
ادم:حبيت نكمل معاك اللعبة لتالي
انا:لاعب محترف
تبسمت على جنب و تكيت لتالي...نسمع فيه يحكي
ادم:زينب باش تبقى معايا لين ترتاح...عالاقل نعتبرو تعويض على لي صار فيها في جرتي
انا:و ملاك ؟
دور راسو غزر لملاك...لباقي مكبشة فيه...هز يدو عداها على شعرها...تبسم يحكي
ادم:ملااك تحب تبقى معايا انت
طلعت راسها غزرتلو مستغربة...و تلفتت غزرتلي...كانها تستنى في موافقتي...تبسمتلها و هزيتلها براسي ايه...قربت عندو ترمات بين يديه...تنهدت بالقاوي...و كبست عالورقة اكثر...نحكي
انا:منحبش زياد يعرف لانا باش نسافر
غزرلي مستغرب...جا باش يحكي...قص علينا...كيف جا زياد...لي يقرب و يقحرلي فرد وقت...دورت وجهي عليه...قرب مني يحكي
زياد:قوم باش نمشو
انا:منمشي معاك لحتى بلاصة
عدا يدو على شعرو بغزول...و غزرلي يحكي و يرص عالكلام
زياد:بقى كان تفوريخك توا
انا:مانيش باش نجي معاك...و كان تبقى هوني لصباح
ادم:حقها حتى هي
زياد:لااا نعرف تفوريخها راني...قوم قتلك
انا:زينب بحاجتك ادخل عندها
ادم:علاه شتحب ؟
زياد:¤¤¤¤¤¤¤ ماهو تحب تركبهالي...على هذاكا تحل في فمها
انا:اوووه مش كان زينب بحاجتك...فما برشا غيرها
هز ادم روحو وقف...و شد ملاك من يدها...يحكي
ادم:ملاااك شرايك نفطرو مع بعض
هزتلو براسها تنقز من الفرحة...كبس عليها و مشى...من غير حتى كلمة...خاطر حسها باش تلحم بينا...اول ما مشا...وقفت من بلاصتي نحكي
انا:بما انو انت هوني معاها...انا نحب نرجع لدار
هز يدو شدني من يدي...كبس عليا...رجعني لتالي...نزل يحكي في وذني
زياد:شبببي سماك هبلت ياخي...و لا ناوية تهبلني...ماهو لباس انت تغير من زينب
هزيت راسي شوية...حسيت بالنفس متاعو قوا على رقبتي...هزيت يديا زوز...حطيتهم على جنابو...كبست عليه نحكي
انا:كيف تتعلم تحكي معايا كيفهم...و ما تحط يدك على حتى طفلة...ساعتها انا معادش باش نغير عليك
زياد:نحكي مع شكون...راك باش تجلطني...والله باش نهبل جرة تصرفاتك
انا:كي معادش تعجبك تصرفاتي...برا على روحك
زياد:صااار...ولينا للهدرة متاع قبل...ماكش باش تستعقل
انا:و انت ماكش باش تبطل عادتك
زياد:عادة شنوة
انا:شي...ابعد نحب نمشي
زياد:مش قبل ما تقلي شكون كلمك
انا:هذاكا لي يهمك انت
زياد:مممم نسمع فيك
انا:قتلك حتى حد...كيف هزيت عليه لقيتو علق
زياد:الكلام هذا مش عليا
انا:امورك...ابعد توا...انا تاعبة برشا و نحب نمشي نرتاح زياد:نحسب روحي صدقتك...اما والله كان عملت شي ورا ظهري...مانيش باش نسامحك المرة هاذي
انا:و انا زادة مش باش نسامحك
نزل باسني من راسي...عدا يدو على خدي...يحكي
زياد:هيا باش نوصلك توا...ارتاح في الدار احسن...و ملاك مبعد يجيبها ادم
انا:و انت باش ترجع لهوني
زياد:شكون باش يبقى معاها
انا:ادم
زياد:ادم مستحيل يتنازل ويبقى معاها هوني
انا:ملا انا باش نبقى
زياد:لا انت باش تمشي لدار ترتاح...خاطرك تعبت برشا
انا:مانيش صغيرة باش تقولي شنعمل
زياد:يعني باش نبقى ناخو و نعطي معاك كيف كل مرة
انا:هأة برا على روحك
تلفت عالشيرتين...و رجع غزرلي ندرا كيف...قرب مني خطوة...وخرت لتالي نحكي
انا:شنوة
زياد:شاهي نخطفك مرة اخرى...و نحب نعملها توا
انا:لااا عاد انت باااز هبلت
زياد:مممم كلو جرايرك
انا:صااار
هزني و حطني...ندرا كيف و ضيق عينيه...يحكي
زياد:تمشي و لا
هزيت روحي بالزربة بعدت عليه نمشي قبلو...تبسم على جنب...و خالط عليا...بقيت طول الثنية ساكتة...كل مرة يقول كلمة يغزلني بيها...اول ما وصلنا...نزلت من الكرهبة...و نطرت الباب ورايا...ضحك بالقاوي يحكي
زياد:عيش قطوستي المتمردة...كنت تاخو الباب معاك
تلفت عندو قحرتلو...قحرة متاع موت...نحكي
انا:لا خليها...فما شكون يحتاجها
خليتو باقي يضحك...حليت الباب و دخلت...سكرتها في وجهو...و تكيت عليها...خذيت نفس طويل...و طلعت لبيتي...ترميت عالسرير...عديت نعاري و انا نتقلب في الفرش...نخمم في اللي باش يصير...كان نخبرو حياة زينب باش تكون في خطر...نهار بدا يطلع و انا مزلت في بلاصتي...هزيت روحي بالسيف...عملت دوش...لبست الكاب متاعي و خرجت...حطيت الفاليز عالسرير...نحط في دبشي و مخي بعيد برشا لبست روب في الابيض مسنترة و كعب في لونها حطيت مكياج خفيف..و لميت شعري كوت دوشوفال سكرت الفاليز هزيت في يدي و نزلت طلبت طاكسي من قبل..ركبت من غير ما نخمم في حتى شي اخر..ماشية لبلاد جديدة و مهمة جديدة...ماشية للمجهول بساقيا ومتأكدة اللي باش تشعل نار ورايا و السفرة هاذي باش تبعدني على زياد و تحطم الثقة اللي بينا مرة اخرى
الحلقة 123
حليت الباب شوية شوية...جات عيني عليها...لقيتها فايقة تغزر لسقف...خذيت نفس و دخلت عندها...قربت منها قعدت عالكرسي بجنبها...حطيت يدي على يدها...نحكي
انا:كيف تحس في روحك توا...انت مليحة مش هكا
دوب تبسمتلي...نعرفها مزالت تاعبة...اما نظرة الخوف اللي في عينيها...مخلطة بنظرة اخرى...نظرة متاع حزن...كبست على يدها نحكي
انا:زينب...ادم قالك شي...عملك شي ؟
سؤالي خلى دمعتها لي محصورة بين شوافرها...تنزل على خدها...هزيت يدي مسحتها...و قربت منها اكثر...حطيت راسي بحذا راسها...كبست على يدها اكثر نحكي
انا:متبكيش...كلشي باش يكون مليح...انا معاك...احنا لبعضنا زينب...منحبكش تضعف...مش توا...خاطر انا و ملاك بحاجتك معانا...متخلي حد يقهرك...صدقني ادم ما يستهلكش...باش يموت بقهرتو...باش يندم على كلشي...انا نوعدك...باش نخليه يخلص حق كلشي عملو...لاخر كلمة قالهالك
خذيت نفس...منعرفش علاه توا بالظبط حقدت عليه اكثر...شبيه كل ما نحب حد...يفكو مني..شبيه ما يرحم حد...شبيه ما يحس بشي...قص عليا صوت الباب لي فتح...طلعت راسي شوية...نغزرلو...عقد حواجبو...مستغرب...يحكي
زياد:لباس ماهو
انا:مممم
قرب منا...غزر لزينب...و هز يدو...عداها على شعرها...يحكي
زياد:كنت متأكد لباش تطلع منها
تبسمتلو بالوقت...باقي تغزرلو...رخفت يدي على يدها...و انا نغزر ليدو...لي يعدي فيها على شعرها...و باقي يحكي
زياد:هيا عاد...لازمك تقوم فيسع...مزلت بحاجتك راني
زينب:ع عيشك زياد...انا مليحة
زياد:هذاكا لي يهم
وقفت بالوقت...قلبي نحسو باش يخرج من بقعتو...منعرفش شنية لي حسيتو ساعتها...يمكن غيرة...منعرفش علاه منجم نتحمل قربو من حتى وحدة...حتى من زينب...نغزرلها كيف فرحت لهو دخل عندها...حسيت نفس تسكر عليا بالوقت...عطيتهم بظهري...و خرجت من البيت...من غير حتى كلمة اخرى...سكرت الباب بيدي...و تكيت عليها...منحبش نخلي لي نحس فيه يسيطر عليا...قص عليا سرحتي...كيف وقف قدامي يحكي
ادم:شصااار...متكونش تنازلت على زياد لزينب
طلعت راسي غزرتلو مصدومة...عينيا ضاعو في وجهو...نحاول نستوعب كلامو...جيت باش نحكي...تبسم على جنب...و كمل كلامو يحكي
ادم:زياد ميحبش التصرفات هذوما...متكونش كيف ميرال بالظبط
قلبي دق بالوقت كيف سمعت اسمها...هزني و حطني يحكي
ادم:الغيرة الزايدة تقتل الحب...و حد كيف زياد ماهوش باش يتحمل برشا...و اكبر دليل ميرال
خذيت نفس...تقويت على روحي اكثر...و قربت منو...وقفت قدامو بالظبط...هزيت وجهي في وجهو نحكي
انا:انا مانيش ميرال...دنيييز...ذكرو اسمي مليح ادم...خاطر ماكش باش تنساه جملة
تبسمت على جنب...كيف ريت تبسيمتو لي يحاول يستفزني بيها...و قبل ما يحكي...عطيتو بظهري...و بعدت عليه...دوب نجم نمشي...خاطر بالحق كلامو دخلني في حيط...دوب بعدت عليه...تكيت عالحيط نرد في النفس...مانيش كيف ميرال...كان بالحق صدق كلامو...وقتها حتى انا مريضة كيفها...لااا مستحيل...نكون مريضة...انا صحيح نحبو...و نموت عليه...اما مش مريضة بيه...ملا شبيني غرت من زينب...شبيني محملتش كيف قرب منها بالطريقة هذيكا...غمضت عينيا...نذكر في الراجل لي قوصت عليه نهارتها على خاطرو...ميرال لكل مرة نتواجه معاها...حتى ادم نعتبرو خطر على علاقتي مع زياد...هذا الكل مش من فراغ...انا وقت نبدا معاها...حاجة غريبة تسيطر عليا...دوب يقرب منو حد غيري...هزيت براسي لا...دقات قلبي قوات اكثر...شبيهم حد ما يحب يفهمني...زياد كلشي في حياتي...و طلع هو جزء من الماضي متاعي...الجزء الباهي من الماضي الخايب اللي عشتو...ماهيش غيرة...شي اقوى منها ببرشا...هو ماهوش باش يخليني كيف ما عمل مع ميرال...ساعتها نقتلو بيدي...افكار خايبة سيطرت عليا في لحظة...افكار خلاتني نتوقع لباش يصير...خلاتني نمشي لبعيد...اذا كان حبي لزياد قوي لهدرجة...باش يدمرنا زوز مع بعض...و اذا هو محبنيش كيما نحبو بالظبط...وقتها بالحق باش يدمرني...هزيت يدي...حيطتها على قلبي نهدي في روحي...لي نخمم فيه مستحيل يصير...تنهدت بالقاوي...حليت عينيا...على صوت الفرملية تحكي
هي؛دنييز مش هكا
هزيتلها براسي ايه...حطت في يدي ورقة صغيرة...عقدت حواجبي نحكي
انا:شنية هاذي
هي:فما شكون خلاها في رسيبسيون...و قال باش نوصلوهالك
انا:باهي مرسي
تبسمتلي و مشات...دورت عينيا عالبلاصة...نلوج بعينيا مفماش نلمح اي حد...اما شي...غزرت للورقة في يدي...خذيت نفس و حليتها نقرا فيها...<<رد على تليفون >>...استغربت الجملة...خاطر تليفوني مش عندي...تهزيت و تحطيت على صوت تليفون متاع الكلينيك...جات شترد الفرملية...سبقتها...هزيت انا...نسمع في الجنيرال يحكي...مزلت عاقلة على صوتو بالقدا
جنيرال:مانيش باش نطول عليك برشا...طيارتك غدوة...حضر روحك لسفرة...كلشي حاضر حتى اوراقك...امشي للمطار كهو...و فما شكون يهزك لطيارتك...هارون باش تلقاه في الطيارة...منحب حتى غلطة...و رد بالك زياد يعرف بالحكاية...خاطر زينب لانت معاها توا...ماهيش باش تعيش برشا
نزلت سماعة تليفون من يدي...حطيتها عالكنتوار...قلبي نحسو باش يخرج من بقعتو...الارض معادش حاسة بيها تحتي...فقت من سرحتي...كيف حسيت بيه وقف قدامي..طلعت راسي غزرتلو في عينيه...غزرتو لكلها تساؤلات...خلاتني نكبس عالورقة في يدي...نزل بعينيه ليدي...ورجع غزرلي...لحظات صمت و خوف و تردد...سكت خاطرني منعرفش شباش نحكي...و خفت...خفت على زينب يصرالها شي في جرتي...خفت نحكيلو و تكون حياة زينب في خطر...حسيت بيدو لي تحطت على يدي...جبدتها بلا ما نحس...قحرلي...و فكلي الورقة من يدي...قراها...و غزر لتليفون...جيت باش نحكي...قص عليا...كيف شدني من زندي...كبس عليا...و مشاني قبلو...كركرني لبرا...اول ما خرجنا...دزني لتالي...و كبس عليا اكثر يحكي
زياد:شكون كلمك
بقيت نغزرلو...و كلام الجنيرال يدور في مخي...الكلام وحل في حلقي...قحرلي يصيح
زياد:حللل فمممك شكون كلمك ؟
نزلت عينيا غزرت ليدو لكابس بيها عليا...في لحظة تعدات صورتو بين عينيا و هو يعدي فيها على شعر زينب...شبيه توا كابس عليا بالطريقة هاذي...نسيت اللي قاعد يصير و ركزت مع يدو...اللي كابس بيها عليا...ورجعت طلعت راسي قحرتلو قحرة متاع موت...نحكي
انا:زيااد يدي
كبس عليا اكثر...و هز يدو قرب لورقة لوجهي...يحكي
زياد:مع شكوون حكييت
انا:حتى حد
زياد:¤¤¤¤¤¤ عليا سوااار...شقتلك عالتصرفات هذوما...تحب تجهلني انت...تعديها عليا قدام عيني
جبدت يدي منو بالقاوي...و هزيت يديا زوز...دزيتو لتالي...نحكي
انا:ابعععد شيهمك فيا انت...ماك كنت لاهي بزينب...شبيك توا جاي تحاسبني لباس ماهو
عقد حواجبو مستغرب...هزني و حطني...يحكي
زياد:غايرة من زينب انتي
قربت منو...فكيت الورقة من يدو...و باقي نقحرلو...رجعت شعري لتالي...نحكي
انا:مدامك بحاجتها...برا ابقى معاها
خليتو واقف في بلاصتو مبهم...ورجعت للداخل...نمشي و نغزل...شي من كلام ادم و الجنيرال...ناقصني كان هو...اول ما طلعت راسي...لقيت ادم قاعد عالكرسي...و ملاك واقفة معاه...تحاول تفهمو بيديها...باش يلملها شعرها...اما مفهمش عليها...خذيت نفس و قربت منهم...قعدت بحذاه عالكرسي...نحكي
انا:تحبك تلملها شعرها
غزرلي...ورجع غزرلها...تبسم...و هز يديه يلملها فيه...و هي شادة الشكال في يدها...بقيت نغزرلهم...ادم مهما كان خطر عليهم...مش كيف الجنيرال...السفرة هاذي باش تاخو من وقتي برشا...منعرفش وين باش نمشي و لا شنية باش يصير...كيف كل مرة باش نمشي للمجهول...نمشي لمهمة منعرفش اذا طلعت منها و لا لا...خذيت نفس نحكي
انا:ااادم انا باش نسافر
دورا راسو...عقد حواجبو مستغرب...كانو يحب يفهمني...تنهدت نحكي
انا:باش نبعد فترة من هوني
ادم؛و السبب
انا:بابا يحبني نرجع...اسبوع...اسبوعين...شهر منعرفش قداش باش نبقى بالظبط...اما زادة منجمش نخلي ملاك و زينب وحدهم
ادم:يعني
انا:ادم نعرف لكلشي صار في لحظة...منعرفش كيف لقيت روحي نواجه فيه بلا حتى سبب
ادم:بسبب زياد
غزرتلو في عينيه...تبسم و كمل كلامو...يحكي
ادم:كمل نسمع فيك
انا:تنجم تتلهى بيهم لين نرجع...نعرف لي نطلب فيه مستحيل اما
ادم:كنت تنجم تطلب من زياد...نظن كنت باش تختصر الطريق...و تبقى مجنبتني
انا:ا انا
ادم:انت متحبش زياد يبقى مع زينب
بقيت نغزرلو...كلامو صحيح...نعرف لمستحيل يصير بينهم شي...اما منجمش نستخايل اللي هو باش يهتم بوحدة اخرى غيري...غزرلي ندرا كيف...هز يدو...يشير بصبعو لقلبي يحكي
ادم:متحاولش تخبي اكثر...نعرف اللي انت تحبو...مش انا باش تخفى عليا...كنت نعرف هذا الكل من اول لقاء بينا
انا:ملا علاه
ادم:حبيت نكمل معاك اللعبة لتالي
انا:لاعب محترف
تبسمت على جنب و تكيت لتالي...نسمع فيه يحكي
ادم:زينب باش تبقى معايا لين ترتاح...عالاقل نعتبرو تعويض على لي صار فيها في جرتي
انا:و ملاك ؟
دور راسو غزر لملاك...لباقي مكبشة فيه...هز يدو عداها على شعرها...تبسم يحكي
ادم:ملااك تحب تبقى معايا انت
طلعت راسها غزرتلو مستغربة...و تلفتت غزرتلي...كانها تستنى في موافقتي...تبسمتلها و هزيتلها براسي ايه...قربت عندو ترمات بين يديه...تنهدت بالقاوي...و كبست عالورقة اكثر...نحكي
انا:منحبش زياد يعرف لانا باش نسافر
غزرلي مستغرب...جا باش يحكي...قص علينا...كيف جا زياد...لي يقرب و يقحرلي فرد وقت...دورت وجهي عليه...قرب مني يحكي
زياد:قوم باش نمشو
انا:منمشي معاك لحتى بلاصة
عدا يدو على شعرو بغزول...و غزرلي يحكي و يرص عالكلام
زياد:بقى كان تفوريخك توا
انا:مانيش باش نجي معاك...و كان تبقى هوني لصباح
ادم:حقها حتى هي
زياد:لااا نعرف تفوريخها راني...قوم قتلك
انا:زينب بحاجتك ادخل عندها
ادم:علاه شتحب ؟
زياد:¤¤¤¤¤¤¤ ماهو تحب تركبهالي...على هذاكا تحل في فمها
انا:اوووه مش كان زينب بحاجتك...فما برشا غيرها
هز ادم روحو وقف...و شد ملاك من يدها...يحكي
ادم:ملاااك شرايك نفطرو مع بعض
هزتلو براسها تنقز من الفرحة...كبس عليها و مشى...من غير حتى كلمة...خاطر حسها باش تلحم بينا...اول ما مشا...وقفت من بلاصتي نحكي
انا:بما انو انت هوني معاها...انا نحب نرجع لدار
هز يدو شدني من يدي...كبس عليا...رجعني لتالي...نزل يحكي في وذني
زياد:شبببي سماك هبلت ياخي...و لا ناوية تهبلني...ماهو لباس انت تغير من زينب
هزيت راسي شوية...حسيت بالنفس متاعو قوا على رقبتي...هزيت يديا زوز...حطيتهم على جنابو...كبست عليه نحكي
انا:كيف تتعلم تحكي معايا كيفهم...و ما تحط يدك على حتى طفلة...ساعتها انا معادش باش نغير عليك
زياد:نحكي مع شكون...راك باش تجلطني...والله باش نهبل جرة تصرفاتك
انا:كي معادش تعجبك تصرفاتي...برا على روحك
زياد:صااار...ولينا للهدرة متاع قبل...ماكش باش تستعقل
انا:و انت ماكش باش تبطل عادتك
زياد:عادة شنوة
انا:شي...ابعد نحب نمشي
زياد:مش قبل ما تقلي شكون كلمك
انا:هذاكا لي يهمك انت
زياد:مممم نسمع فيك
انا:قتلك حتى حد...كيف هزيت عليه لقيتو علق
زياد:الكلام هذا مش عليا
انا:امورك...ابعد توا...انا تاعبة برشا و نحب نمشي نرتاح زياد:نحسب روحي صدقتك...اما والله كان عملت شي ورا ظهري...مانيش باش نسامحك المرة هاذي
انا:و انا زادة مش باش نسامحك
نزل باسني من راسي...عدا يدو على خدي...يحكي
زياد:هيا باش نوصلك توا...ارتاح في الدار احسن...و ملاك مبعد يجيبها ادم
انا:و انت باش ترجع لهوني
زياد:شكون باش يبقى معاها
انا:ادم
زياد:ادم مستحيل يتنازل ويبقى معاها هوني
انا:ملا انا باش نبقى
زياد:لا انت باش تمشي لدار ترتاح...خاطرك تعبت برشا
انا:مانيش صغيرة باش تقولي شنعمل
زياد:يعني باش نبقى ناخو و نعطي معاك كيف كل مرة
انا:هأة برا على روحك
تلفت عالشيرتين...و رجع غزرلي ندرا كيف...قرب مني خطوة...وخرت لتالي نحكي
انا:شنوة
زياد:شاهي نخطفك مرة اخرى...و نحب نعملها توا
انا:لااا عاد انت باااز هبلت
زياد:مممم كلو جرايرك
انا:صااار
هزني و حطني...ندرا كيف و ضيق عينيه...يحكي
زياد:تمشي و لا
هزيت روحي بالزربة بعدت عليه نمشي قبلو...تبسم على جنب...و خالط عليا...بقيت طول الثنية ساكتة...كل مرة يقول كلمة يغزلني بيها...اول ما وصلنا...نزلت من الكرهبة...و نطرت الباب ورايا...ضحك بالقاوي يحكي
زياد:عيش قطوستي المتمردة...كنت تاخو الباب معاك
تلفت عندو قحرتلو...قحرة متاع موت...نحكي
انا:لا خليها...فما شكون يحتاجها
خليتو باقي يضحك...حليت الباب و دخلت...سكرتها في وجهو...و تكيت عليها...خذيت نفس طويل...و طلعت لبيتي...ترميت عالسرير...عديت نعاري و انا نتقلب في الفرش...نخمم في اللي باش يصير...كان نخبرو حياة زينب باش تكون في خطر...نهار بدا يطلع و انا مزلت في بلاصتي...هزيت روحي بالسيف...عملت دوش...لبست الكاب متاعي و خرجت...حطيت الفاليز عالسرير...نحط في دبشي و مخي بعيد برشا لبست روب في الابيض مسنترة و كعب في لونها حطيت مكياج خفيف..و لميت شعري كوت دوشوفال سكرت الفاليز هزيت في يدي و نزلت طلبت طاكسي من قبل..ركبت من غير ما نخمم في حتى شي اخر..ماشية لبلاد جديدة و مهمة جديدة...ماشية للمجهول بساقيا ومتأكدة اللي باش تشعل نار ورايا و السفرة هاذي باش تبعدني على زياد و تحطم الثقة اللي بينا مرة اخرى
حلقة 124
نمشي...و نكركر في الفاليز بالسيف...كيما قاعدة نكركر في ساقيا...عينيا ضايعة في وسط الناس اللي جاية و رايحة...وقفت في النص...كبست بيدي عالفاليز...منعرفش شباش نعمل و لا وين نمشي بالظبط...كل حد يتعدا عليا نثبت في وجهو...كاني قاعدة نفركس على شكون يجي يوريني الطريق...انا واقفة اكاكا...و قص عليا صوت من تالي يحكي
هو:دنيييز ¤¤¤¤¤¤
عقدت حواجبي...و تلفت عندو...هزيتو و حطيتو...من جهامتو عرفتو تابع لرجال الجنيرال...و مش بعيد يكون فرد منا...هزيتلو براسي ايه نحكي
انا:ايه انا
هو:تفضل معايا
انا:وين
هو:نكملو اجراءات السفر مع بعض
انا:وين باش نسافر ؟
هو:ايجا تو تعرف
خذيت نفس...منعرفش علاه حاسة باحساس خايب...احساس يقولي سوار ارجع و متمشيش...متخسرش ثقة زياد مرة اخرى...تنهدت نحكي
انا:ميسالش نسألك
هو:تفضل
انا:هارون وصل
هو:طيارتك بعد نص ساعة بالظبط...معناها هو يستنى فيك غاديكا
هزيتلو براسي ايه...قرب مني...فك الفاليز من يدي...و مشى...حاولت نهدي روحي قد ما نجم و انا نمشي وراه...دقايق كهو و كلشي كان حاضر...حط الباسبور و تذكرة في يدي يحكي
هو:هيا ايجا
انا:انت زادة باش تسافر
هو:لا...اما نطمن لانت وصلت
كمل كلامو و تلفت...كل مرة نقرب من طيارة اكثر...قلبي يدق بالقاوي اكثر...منعرفش كيف طلعت الدرجات هذوكا...قبل ما نوصل للباب...حبست...منجمتش نكمل...باز كنت نجم نحمي زينب بطريقة اخرى...اما مش اني نخبي على زياد...مش نمشي بلا ما نقولو...لازمني نرجع...لازمني نفهمو اللي قاعد يصير...لازم يعرف انو جنيرال هددني بزينب...تلفت باش ننزل...عارضني بجهامتو...قحرتلو نحكي
انا:منحبش نسافر...لازمني نرجع توا
هز يدو بعد الفاست متاعو شوية...جات عيني عالفرد متاعو...عينيا وساعت...قحرتلو نحكي
انا:تهدد فيا ياخي
هو:اختار السفرة و لا زينب
انا:قولي كيف باش تقتل زينب و الكل عندها...و نظن تعرف ادم و زياد بالقدا
هو:الفرملية متاعها باش تقتلها بتليفون واحد
كلامو خلاني نسكت...و الكلام يوحل في حلقي...منعرفش كيف رجعت لتالي و طلعت...اول ما دخلنا...غزر للمظيفة يحكي
هو:وريها بلاصتها...و اي مشكل تعرف شتعمل
هزتلو براسها ايه...و تلفتلي...تبسمتلي تحكي
هي:تفضل مدموزال دنيز
بقيت نغزرلها...حتى هي طلعت تعرف اسمي زادة...هزيتلها براسي ايه...خاطر ملقيتش شنحكي...حتى الطيارة اللي انا فيها منعرفش وين ماشية...عندي رغبة كبيرة اني نرجع...كل خطوة نقرب بيها دقات قلبي تقوى اكثر...منعرفش علاه...شاورتلي بيدها لبلاصتي...نزلت صاكي من على كتافي...و مشيت...اول ما طلعت راسي...عينيا وساعو...و قلبي دق بالقاوي...باش ياقف...منعرفش كيف نجمت نقول اسمو من الصدمة
انا:زيااااد
طلع راسو...غزرلي بشطر عين...هزني و حطني...يحكي
زياد:تفضل لالة دنيز
انا:شتعمل هوني انت ؟
زياد:نظن انا لي نسألك...و انت جاوب و كهو
انا:تسأل شكون...شنية لقاعد يصير هوني...منكونش لعبة عندكم الزوز
جا باش يحكي...قصت علينا المضيفة كيف قربت منا تحكي
هي:فما مشكلة
زياد:لا تنجم تمشي
انا:لااا فما...منحبش نسافر...نحب ننزل توا
هي:الطيارة باش تقلع توا...لازمك تقعد توا
انا:شيهممني فيها الطيارة...مااانيش باش نسافر نحب ننزل توا
الكل تلفتلنا مصدوم...جات باش تحكي...قص عليها كيف هز روحو وقف...قرب مني...شدني من يحكي
زياد:تنجم تمشي...تو نتصرف انا
جيت باش نحكي...قحرلي قحرة متاع موت...خلاتني نبلع الكلام اللي كنت باش نقولو...عملي جاست بعينيه باش نقعد...فلت يدي منو...و قعدت...كبست على صاكي...في حجري...نقحرلو...قعد قدامي...ريقل الفاست متاعو و تكى لتالي...كانو ما صار شي...كبست على صاكي اكثر نحكي
انا:تنجم تفهمني اللي قاعد يصير
زياد:احسن شي نسكت...خاطر كان نبدا نحاسب فيك من توا...منعرفش شنوة اللي باش يصير
انا:الجنيرال...قال اذا خبرتك باش يقتل زينب
زياد:و انا وين...سهلة باش يقتلها هو
انا:باهي انت كيف عرفت
زياد:سمعت تسجيل المكالمة
انا:و كيف قنعت هارون
زياد:شكون قالك لي انا قنعتو
انا:شتقصد
زياد:هارون يستنى فيك في طيارة لاخرى
انا:تقصد لهاذي رحلة اخرى
زياد:مممم
انا:و الراجل اللي كان برا...تعمد يجيبني لهوني
زياد:هاك بديت تفهم
انا:لا مستحيل
تبسم على جنب و تكى راسو لتالي...خذيت نفس نحكي
انا:وين مساافرين
هز يدو حط catalogue في يدي...و سكر عينيه يحكي
زياد:براغ
غزرتلو مستغربة...و نزلت عينيا لل catalogue نغزرلو و مش مصدقة...علاه اختار البلاصة هاذي بالظبط...و لا مرة فكرت فيها و لا جات لراسي...محسيتش بالطيارة...كيف طارت و انا نغزر لتصاور...منعرفش علاه ماشيين لغادي...و لا شنوة باش يصير...اما يكفي لهو باش يكون معايا...و حتى شي معاد يهمني...سكرتو حطيتو مع صاكي على جنب...نعست مش نورمال...خاصة و الليل الكل عديتو فايقة...دورت راسي غزرتلو...باقي مسكر عينيه...قربت منو شوية.. هزيت يدو شوية...و حطيت راسي على صدرو...حل عينيه شوية...هزيت يدي كبشت بيها على سوريتو نحكي
انا:نحب نرقد
هز يدو متردد حطها على ظهري...عرفتو مزال مغشش من اللي صار...على هذاكا محاولتش نحكي معاه...باش منقلقوش اكثر...جيست نحب نبقى عندو و كهو...من غير ما نخمم في اللي باش يصير جملة
زياد يحكي:
حليت عينيا...و نزلت راسي شوية نغزرلها...كيف مكبشة فيا و راقدة...هزيت يدي...بعدت خصلة شعرها لي نزلت على وجها...نحس في النفس متاعها منظم...تنهدت بالقاوي...محلاها ريحتها الفرخة...نزلت بستها من راسها...صحيح متغشش منها و كان نلقى نشدها في طريحة من تفوريخها...اما و هي لابدة عندي بالطريقة هاذي خلاتني نهدا...كنت متأكد اللي جنيرال باش يحاول يلعب من ورايا...و باش يحاول يستغلها...في المهمة التالية زادة...على هذاكا اختار يحبدها بالطريقة هاذي...اما مش عليا...المرة هاذي مش باش يعرف وينها و لا وين انا...المرة هاذي باش نكون مع بنتو...و بالطبيعة مش باش نخلي الفرخة متاعي ورايا...منجمش نخدم شي و تفكيري عندها...نحبها معايا و تحت عيني...خاطر منجم نأمن لحد خاصة ميرال...و ادم...على هذاكا نحب مرتي بحذايا...عدات الرحلة الكل و هي راقدة...عرفتها تاعبة...ظاهر عدات الليل فايقة...باش خذات قرارها...اما مش باش نعديلها الفازة لي عملتها...كان سفرها الهم بلا ما نعرف وين...كان باش يستغلها ضدي...و متأكد زادة هارون وراه شي...خاصة كيف كلمني و خبرني على موعد الرحلة...اما هو يعرف بالقدا انو كا يسافر معاها...باش يوحل في مشكلة كبيرة...و الاحتمال الثاني انو حتى هو ضد الجنيرال...و اللي قاعد يصير...تكيت راسي لتالي...نشم في ريحتها...باش نهبل منها الفرخة...ديما تركبهالي بعمايلها...مبعد تغزرلي كانو ما صار شي...نغزل وحدي ونرجع نهدا...منعرفش علاه موجوع عليها برشا...خاطر انا اكثر حد نعرف لهي لتوا متعداتش لي صار...مزالت الليلة هذيكا تبع فيها لتوا...هذا الكل واضح في تصرفاتها...في خوفها لي ساعات يكون من غير مبرر...من غيرتها الزايدة...من ميرال و لا زينب...و لا اي طفلة اخرى تبدا قريبة مني...خوف واحد مسيطر عليها...اني نخليها على خاطر اي وحدة بسبب اللي صار في حياتها...لتوا في بالها الليلة هذيكا شتكون الفاصل بينتنا...و اني حتى انا نستغل فيها خاصة بعد ما عرست بميرال..ريت غيرتها من زينب في كلامها في غزرتها...ريت النقص اللي حست بيه...ريت وجيعتها بالقدا...ساعات تعدات و هي بين يديا...حتى المضيفة استغربت كيف تعدات علينا...و حتى ناس لي مسافرين معانا...اصلا منعرفش كيف هدات بعد اللي صار...اما مش باش تتعدالها المرة هاذي الا ما نخليها تخمم مرتين قبل ما تتصرف...مافقتش كان وقت...وصلنا...غريبة انها رقدت طول الرحلة...هزيت يدي نعدي في صوابعي على خدها نفيق فيها...حلت عينيها مروهجة...تململ...جبدت روحها مني تكات لتالي...تحكي بصوت نوم
سوار:وصلنا ياخي
هزيتلها براسي ايه...خليتها في بلاصتها و قمت...من غير ما نحكي معاها كلمة...حسيت بيها مخالطة ورايا...قربت مني اكثر تحكي
سوار؛علاه جينا لهوني
مرجعتلهاش...باقي نمشي...لتوا في مخي فكرة لهي كانت شتسافر بلا ما تخبرني...شدتني من يدي...تحكي
سوار:زياااد جاوبني
نزلت راسي قحرتلها قحرة متاع موت...كبشت في يدي اكثر تحكي
سوار:جعت برشا
شوف انا وين و هي وين...لا علبالها بالبلاد الجديدة و لا وين هي...كهو تخمم في كرشها...مرجعتلهاش...باقي نمشي و هي ورايا تخرنن...كملت ريقلت امور الورق و خرجت...حبست قدامي كرهبة وصلت بالوقت...كيما طلبت بالظبط...نزل شوفور من الكرهبة حط مفاتح في يدي يحكي
هو؛مرحبا بيك مسيو زياد
انا:عيشك
هو:هذوما مفاتح الكرهبة...و مفاتح الدار في البلاصة اللي طلبتها بالظبط...كلشي حاضر...و كان احتجت شي كلمني
انا:باهي مرسي
حطيت لي فاليز في الكرهبة...و ركبت...باقي نستنى فيها...دوب خدمت الكرهبة...ركبت بحذايا...و سكرت الباب بالقاوي...نسوق من غير ما نغزرلها...نحبها تحس بغلطتها...منعرفش كيف وصلت لغادي...اخترت دار وسط المدينة...مش كبيرة برشا...اما تكفينا باش نعدو الفترة هاذي فيها...شديت الفران و نزلت...دورت عينيا عالبلاصة...و قربت باش نحل الباب...نغزرلها كيف نزلت الفاليز متاعها...تعافر فيها...خليتها على راحتها...طالع و نغزرلها كيف طالعة بالدرجة...دزيت الباب لاخرى...قابلتني الصالة...كلشي مريقل كيما قالي بالظبط...وصلت ورايا تلهث...تكات بيديها عالفاليز..هزيتها و حطيتها نحكي
انا:باش نعدو فترة هوني
سوار:قداش
انا:منعرفش...اما من هوني لاكا الوقت...و رد بالك تعمل شي من راسك
سوار؛زياد انا
انا:انت باش تختار بيت...و تقلب منظرك من قدامي توا
سوار:حتى انا مانيش ميتة عليك...جعت و نحب ناكول
ضربت ساقها عالارض بغزول...و مشات تكركر في الفاليز متاعها...رميت المفاتح عالطاولة...و نزلت طلعت الفاليز لاخرى...دخلت للكوجينة...حضرت فطور خفيف...خاصة كيف عدينا الصباح الكل في السفرة...محسيتش للوقت كيف تعدا...مشيت عندها...حليت الباب...جات عيني عليها...لابسة شورت و خلعة بروتال...غاطسة في نوم...ياخي لتوا مشبعتش من النوم...قربت طلعت ريدو متاع شباك...ضرب الضو في وجها...تملمت باش تفيق...تحكي بصوت نوم
سوار؛نزلووو نحب نرقد
انا:عشر دقايق في يدك...نلقاك قمت...مكانش تعرف شباش نعمل فيك
سوار:ممممم
خرجت و خليتها...حسيت النفس تسكر عليا...منعرفش شبيها الفرخة...ناوية تهبلني...ناقص انا باش نلقاها في الحالة هذيكا...خذيت نفس طويل...ورجعت حليت الباب...لقيتها واقفة بحذا الشباك...من نهار الاول عملت فيا هذا الكل...شنوة مزال اللي باش يصير فيك يا زياد...قربت منها...اصلا منعرفش علاه...نسيت لي كنت نخمم فيه كهو...نحب نحضنها و نشم ريحتها و الباقي نتحاسبو فيه مبعد...اول ما وصلت عندها...حضنتها من تالي...جبدتها عندي...نغزر لناس لرايحة و جاية...حسيت بيها تجبد في روحها...عرفتها متغشة...نزلت عليها شوية نحكي
انا:مرحبا بيك في براغ
سوار:علاه جينا هوني
نزلت بستها من خدها...كبست بيديا زوز على جنابها...و دورتها عندي...طلعت راسها تغزرلي...عديت صوابعي...على طول يدها...نحكي
انا:اول شي نحب نستفرد بيك هوني...و نوريك شمعنى تعمل لي في راسك
سوار:و ثاني شي شنوة
انا:شيهمك في الثاني شنوة
سوار؛جاوبني
انا:مممم ثاني شي على خاطر المهمة
سوار:يعني في الاخير فما مهمة
انا:لا المرة هاذي المهمة خاصة بيا انا
سوار؛شتقصد
كبست على جنابها اكثر...خذيت نفس...نحكي
انا؛احتا هوني زادة على خاطر بنت الجنيرال
سوار:شننووة...زياد فاش تحكي
انا:منى تسكن هوني...وين بالظبط مزال متأكدتش
سوار؛و تعرف اسمها زادة...شتحب منها ؟
انا:مممم منعرفش حتى نقيمها و نقلك
سوار؛تقييم شنوة...ياخي نورمال انت جايبني معاك لهوني باش تمشي عندها هي
ريت ملامح وجها لي تبدلت...و دقات قلبها قوات اكثر...جات باش تبعد...كبست عليها اكثر...و تكيتها لتالي...كبشت فيا بيديها زوز...خذيت نفس نحكي
انا:كان عيني فيها و لا في اي وحدة غيرها...مكنتش باش نجيبك معايا لهوني...و نخبرك على لي باش يصير
سوار:ا انا
انا:ششش تعرف علاه حكيتلك...باش متخدمش مخك برشا...منحبكش تحط الحكاية في مخك...بنتو هي لباش توصلنا ليه...باش نعرفوه شكون هو...و شيحب منا...و ميرال هي لي خلاتني نوصل ليها
سوار:و شباش تعمل معاها
انا:منعرفش...منحبش نفكر فيها توا...خاصة و انت معايا...منحب نفكر في حتى شي
سوار:معناها سامحتني مش هكا
انا:لااا اما زادة منجمش نبقى مغشش منك
سوار:قتلك مرة حتى كان نعمل شي غالط انت باش تسامحني و تبقى تحبني
انا:مممم
سوار:على هذاكا انا
مخليتهاش تكمل...و نزلت على شفافها...منجمتش نشد روحي عليها اكثر...اصلا كلامها كنت نسمع فيه بعيد...جبدت روحي منها شوية...النفس متاعها قوا في وجهي...تحكي بالسيف
سوار؛ز زياد الناس تغزرلنا
تبسمت على جنب...نعرف لاحنا واقفين في البالكون...اما شيهمني فيهم العباد...ناقص باش نفكر في ناس انا...جات باش تكمل تحكي...نزلت عليها اكثر...جبدت روحي منها كان وقت حسيتها معادش تنجم تتنفس...ترمات عليا حضنتني...خذيت نفس...بستها من راسها...نحكي
انا:وليت تحشم من ناس انت
سوار:مممم
انا:هيا ملا تاكول...باش ترتاح...و من غدوة نهز حبي تتعرف عالمدينة الذهبية
سوار:يااااا تحكي بالرسمي...انت باش تهزني بالحق
انا:مممم كان متحبش ميسالش...انت ابقى هوني لين نكمل المهمة و نمشو
ضربتني بيدها على كرشي...و رجعت حضنتني تحكي
سوار؛زايد بليد...و متحشمش
انا:شعملت انا توا
سوار:شي باش تهزني...نحب نمشي معاك انا
انا:تدلل هيا تفطر توا...مش كنت جيعانة
سوار:مممم و مازلت
انا:هيا ملا
جبدت روحها مني...سبقتني شعرها واصل لاخر ظهرها...تبسمت على جنب...نشيخ على مظهرها هكا...دوب شافت الطاولة...نسات كلشي...ترمات عالكرسي...رجعت شعرها لتالي...و غطست في الماكلة...بقيت واقف في بلاصتي نغزرلها...قص عليا صوت تليفوني...حليتو نقرا في الميساج << المعرض بعد ساعة بالظبط >> نفخت بالقاوي ورجعت تليفون...غزرتلها نحكي
انا:باش نمشي توا...كمل ماكلتك و برا ارتاح لين نرجع
نطرت من بلاصتها جات واقفة...قربت مني تحكي
سوار:علاه وين باش تمشي
انا:قضية مهمة و نرجع منطولش
سوار:باش تمشي عندها
انا:سوااار متخلينيش ندم على خاطر حكيتلك
سوار:اما
انا:ششش متخدمش مخك و متخممش فيها...ساعتين و نرجعلك باهي
سوار؛باهي
نزلت بستها من راسها...و قربت هزيت المفاتح من الطاولة و خرجت...المعرض على 8 بالظبط...هزيت الكرهبة و طرت بيها...اول خطوة باش نعرف شكون حضرتو و شيحب من عندنا...و شيحب من عند سوار بالظبط...و شنية علاقتو بميرال...هذا الكل باش يبدا من عند منى...اول خطوة باش تبدا من عند بنتو...بنت الجنيرال
الحلقة 125
نزلت من الكرهبة...نغزر لناس لي داخلين...سكرت الفلس متاع الفاست و دخلت...معرض مش كبير برشا...اما في كل صورة معلقة فيها روح سبيسيال...معرض مش كل مرة تلقى كيفو...وقفت بحذا صورة...منعرفش علاه شدتني بزيادة...طفلة صغيرة تحاول تعطي يدها لبوها باش يشدها...وقت باش طيح...صورة تعبر عالعلاقة بين اب و بنتو...قص عليا سرحتي...صوتها من تالي تحكي
منى؛مسيو زياد
خذيت نفس و تلفت عندها...نغزرلها...لابسة سالوبيت جين...فاردة شعرها على ظهرها...ملامحها كيما في الصور بالظبط...و نفس الشركة محطوطة على رقبتها...مع انو المعرض متاعها و مشاركة فيه...اما حضورها و طريقة لبسها بسيطة برشا...تخلي الانظار عليها...تبسمت على جنب...و هزيت يدي نحكي
انا:منى ؟
هزت يدها حطتها في يدي و هزتلي براسها ايه...تبسمت تحكي
منى:فرصة سعيدة...متوقعتش باش نراك في المعرض متاعي
جبدت يدي منها...خذيت نفس و تلفت لصورة لي معلقة نحكي
انا:مكنتش باش نفوت المعرض هذا
منى:واحد كيفك ميظهرش مغروم بالفن و الحاجات هذوما انا:متهمنيش الصورة...قد ما يهمني شنوة اللي تعنيه
منى:و شنية لي خلاك تدفع اكبر مبلغ في المزاد العلني على خاطر لوحة متاعي
انا:يمكن حبيت نعرف شكون صاحبة الصورة
منى:غريبة متوقعتش اني نكون مهمة لهدرجة
انا:الصورة هاذي خلاتني نتأكد اني عملت خطوة صحيحة
منى:تأثرك بالصورة عندو معنى واحد
تلفت عندها...غزرتلها بشطر عين...غزرت لعينيها نحكي
انا:لي هو ؟
منى؛انو انت زادة...تعاني من نفس المشكلة
كملت كلامها و غزرت لرسمة...عقدت حواجبي...و انا نسمع في كلامها
منى:انك تكون بعيد و قريب من بوك فرد وقت شي صعيب برشا
نظرتها و كلامها...يدلو قداش هي بعيدة على بوها...بقيت نغزرلها...تبسمت و كملت تحكي
منى:مممم الرسمة مش للبيع على هذاكا ننصحك ترا بقية المعرض
انا؛حاجتي بدليل كيفك باش نكمل نرا المعرض
منى؛انا باش نكون دليل...كان متراش مانع
هزيت يدي...و غزرتلها في عينيها...نحكي
انا:تفضل
بقيت ندور معاها...و تفكيري مع كلامها...متهمنيش علاقتها مع بوها...قد ما نحب نعرف شكون هو...و منى هي كهو لي تنجم توصلني ليه...صحيح كنت نمشي وراها...اما فرد وقت عقلي مش معاها و لا مع المعرض...نفكر في سوار لي خليتها وحدها من اول نهار...قصت عليا سرحتي..كيف تلفتت عندي تحكي
منى:شنية اكثر لوحة عجباتك
انا:حتى وحدة
منى:غريبة
انا:صعيب نلقى شي يعجبني كيف اول مرة
منى:ديما اول مرة عندها طعم خاص
انا:بالظبط كيف توا
تبسمتلي ندرا كيف...رجعت تبسمتلها شطر تبسيمة نحكي
انا:يا ريت متكونش اخر مرة زادة
منى:مممم بشرط
طلعت حاجبي...و هزيت يدي معناها نسمع فيك...نرا في واحد قرب منا...هز لوحة مغلفة في يدو...غزرتلي تحكي
منى:باش تقبل اللوحة هاذي مني
عقدت حواجبي مستغرب...فهمت لهي اول لوحة ريتها كي دخلت...خذيت نفس نحكي
انا:باهي...امتى نجم نراك مرة اخرى
منى:عيد ميلادي بعد يومين...ياريت نجم نراك مرة اخرى
شديت الكارت عليها...و تبسمت على جنب...نحكي
انا:لازمني نمشي توا
منى؛باهي...تشرفت بيك سي زياد...و يا ريت تشرفنا مرة اخرى
انا:عيشك منى
تبسمتلي...هزيتلها براسي ايه...و تلفت...خرجت ستنيتهم حطو اللوحة في الكرهبة...و شديت ثنية لدار...منعرفش كيف وصلت...حليت الباب شوية شوية...حطيت اللوحة على جنب و شعلت الضو...جات عيني عليها راقدة عالفوتاي...غاطسة في نوم...تبسمت على جنب...لتوا مشبعتش نوم...عدات النهار الكل راقدة...قربت منها...قعدت على حرف الفوتاي...هزيت يدي نبعد في شعرها...و نعدي في صوابعي على خدها...نسمع فيها تحكي...بلا ما تحل عينيها
سوار؛زياد رجعت ياخي
انا:مممم شبيك راقدة هوني
سوار:كنت نستنى فيك
انا؛مشبعتش نوم انت
سوار؛هأة تاعبة
انا:باش تخليني وحدي
سوار:ارقد معايا
شدني ضحك...نزلت عليها شوية...بستها من خدها نحكي
انا:مممم باهي...هيا ملا
هزيت روحي قمت...و هزيتها في حملتي...دخلت للبيت حطيتها عالسرير...نحيت الفاست...و ترميت قدامها...جبدتها عندي...نعدي في يدي على شعرها...و تفكيري مع كلام منى...منحبش نقرب منها باش نأذيها...اما نحبو يعرف طول ما هو ورا سوار...انا باش نبقى ورا بنتو...لازم يعرف انو سوار خط احمر...و مهما عمل ماهوش باش يوصللها...و لا راهي باش تكمل المهمة لي بعدها...مستحيل نحطها في طريق ادم باش نعرف شنية باش يصير في اخر عملية...لهوني و كهو...انا خسرت برشا جرة الخدمة هاذي...خسرت سنين و موصلتش للحقيقة...خسرت ولدي في لحظة...و كنت باش نخسرها هي زادة...و لا توا و لا مبعد نجم نستخايل حياتي من غيرها...كنت نرا ادم كيف يحب حنان...كنت نستخايل لمستانس بيها من الصغرة و كهو...اما توا عرفت...عرفت انو كيف الواحد يحب...يلزمو يضحي ببرشا حاجات...انا مستعد نضحي صحيح...اما مش بالماضي...منجمش نخلي حساب قديم و نمشي من غير رجعة...و الا شنبقى نلوم فيها حياتي الكل...اخر خطوة باش نعملها لجنيرال...شتثبتلي الحقيقة...اسم واحد يكفي باش ننهي كلشي و نبدا من جديد...نحب نعرف شكون قتل امي...شكون عمل اكاكا و شنية مصلحتو...و ما نرتاح كان وقت نراه غارق في دمو...قصت عليا سرحتي...كيف قربت مني اكثر...تبسمت و كبست عليها...سكرت عينيا و غطست معاها في النوم...اصلا عندي برشا مرقدتش مرتاح هكا
زينب تحكي:
هزيت روحي بالسيف تقعدت...لتوا نحس بالوجيعة في كرشي...وجيعة قوية دوب ننجم نتحملها...منعرفش شباش نعمل و كيف ننجم نمشي من توا لداري...اما معاد نحب حتى مزية من حد...نزلت ساقيا عالارض...استندت بيدي عالتابل دونوي...ووقفت...احسن شي باش نخرج من هوني اليوم...قداش نكره البلاصة هاذي...كلشي هوني يذكرني بامي...حليت الدرسينغ...لميت دبشي بطلوع الروح...لا دنيز و لا حتى زياد جاوني من بارح...اما حتى انا تعبتهم معايا برشا...لبست روبة خفيفة...جابتها دنيز مع الدبش...لميت شعري من قدام...انا اكاكا نسكر في الفاليز...و نرا في الباب تحل...طلعت راسي نلقى ملاك داخلة...تبسمتلها...قربت مني بالزربة...ترمات عليا حضنتني...حطيت يدي على ظهرها بالسيف...من الوجيعة لي حسيتها...جبدت روحها مني...تسأل فيا بيديها اذا ارتحت...عديت يدي على وجها و هزيتلها براسي ايه...جيت باش نحكي...قص عليا كيف دخل...قلبي دق بالوقت...حسيت باحساس ندرا كيف...احساس بين مد و جزر...احساس خلاني نجمد في بلاصتي...من غير ما نظهر...للحظة حسيت روحي نكرهو و معادش نحب نراه...اما حضورو فجأة...خلى قلبي يدق من جديد.. لحظات صمت كانت بينا...لا هو حكى و لا انا نجمت نخرج الكلام...حسيت بنظراتو لي هزوني و حطوني...دخلوني بعضي اكثر...اما كبست روحي...خذيت نفس و قربت من الفاليز...كملت سكرتها...نسمع فيه يحكي
ادم:حاضرة
طلعت راسي مصدومة غزرتلو...خذيت نفس نحكي
انا؛علاه
ادم:شتمشي معايا
انا:شنننوة
هزيت يدي حطيتها على كرشي...منعرفش شيقصد بكلامو...تنهدت بالقاوي...و كملت نحكي
انا:م ميسالش تو نمشي وحدي
ادم:زياد و دنيز مسافرين...على هذاكا باش تبقى معايا الفترة هاذي
غمضت عينيا بالقاوي ورجعت فتحتهم...طلعت راسي...نحكي
انا:مانيش بحاجة حد...و مش بالضرورة نبقى عند حد...من غير ما تعب روحك...و تخمم عليا
نزلت الفاليز...من فوق السرير حطيتها عالارض...بطلوع الروح...نرا في ملاك نزلت من السرير...هزت يديها تحكي بيهم معناها وين ماشية...تبسمتلها نحكي
انا:متخافش شتبقى معايا لين ترجع دنيز
ادم:قلت شتبقى معايا...و منحبش نعاود كلامي مرتين
كبست عالفاليز بيدي...كلامو ركبلي العصب اكثر...نحكي
انا:و شكونك انت باش تقولي شنعمل
ادم:زييينب يزززي
حطيت يدي على كرشي نهدي في روحي...قرب مني وقف قدامي...حط يدو عالفاليز...باش يفكها مني...كبست عليها...وطلعت راسي جات عيني في عينو...قحرتلو نحكي
انا:عيشك سي ادم...اما من غير ما تشقي روحك
كبس عالفاليز اكثر...ريت هذاكا في عروق يدو لي بانو...تبسم على جنب يحكي
ادم:معندكش خيار توا
انا:و كيف باش تمنعني
ادم:مانيش باش نمنعك
غزرتلو مستغربة...نزل راسو لملاك...لي واقفة تغزرلنا...دمعتها محصورة...و باش تنزل...رخفت يدي عالفاليز و قربت منها حطيت يدي على وجها نحكي
انا:ملاك عزيزتي...ما صار شي راهو...احنا جيست قاعدين نحكو و كهو
هزتلي براسها لا...و جبدت روحها مني...خذيت نفس و كملت نحكي
انا:شرايك نمشو من هوني عزيزتي
هزتلي براسها لا و جبدت روحها اكثر...غزرتلو واقف يغزرلنا...فهمت لهي تحب تبقى معاه...قربت منها نحكي
انا:تحب تبقى مع ادم انتي...لين ترجع دنيز
هزتلي براسها لا...هزيت يدي حطيتها على كرشي...من قوة الوجيعة اللي حاستها منجمتش نحكي معاها اكثر...قربت مني شدتني من يدي...تمشي فيا لعندو...وقفت بينا...و هزت يديها تعمل في اشارات...معناها تحب تبقى معانا زوز...قلبي دق بالقاوي...هزيتلها براسي لا...نزلت دمعتها فرد وقت...قربت منها شوية...شنحكي معاها...اما حسيت بدوخة قوية...شعرة لا طحت...لقفني في اخر لحظة...شدني من كتافي يحكي
ادم:زيينب
حليت عينيا بالسيف...نجبد في روحي منو و نحكي فرد وقت
انا:م مليحة
ادم:شتمشي معايا توا...ووقت ترتاح امشي وين تحب
جيت شنحكي...كبشت ملاك في ساقي تستعطف فيا...رجعت سكت...و جبدت روحي منو...من غير ما نردلو...تنهد يحكي
ادم:شرايك ترتاح مبعد نمشو
هزيتلو براسي لا...قربت من ملاك شديتها من يدها...نحكي
انا:ميسالش انا مليحة
هزلي براسو ايه...هز الفاليز في يدو...و سبقنا خالطت عليه نمشي بالسيف...و ملاك مكبشة في يدي...منعرفش كيف وصلت للكرهبة...حلي الباب...محبيتش نحكي معاه اكثر...جبدت يدي من ملاك وركبت...حل الباب التلاني ركب ملاك...ورجع خدم الكرهبة...طول الثنية و احنا ساكتين...و ملاك مكبشة في كرسيه من تالي...يمكن اكثر حد متعلقة بيه هو ادم...تفرح مش نورمال وقت تراه و لا تسمع سيرتو...عكسي انا بعد اللي صار اول مرة نحس انو اكبر غلطة عملتها اني حبيتو
فقت من سرحتي...كيف حبس الكرهبة...طلعت راسي نغزر لدار...قلبي دق بالقاوي...منعرفش علاه اختار البلاصة بعيدة لهدرجة...و لا يمكن دارو هي لبعيدة...زادة مش فاهمة حكاية السغرة متاع زياد و دنيز...كلشي جا على بعضو...و معادش نعرف شنعمل...اكثر شي يهمني اني نرتاح...مبعد نرا شنعمل...دورت راسي غزرتلو...حل الباب و نزل...نزل ملاك معاه...و قرب من جيهتي حل الباب...و عطاني يدو باش نشدو و ننزل...خذيت نفس...اعتمدت بيديا على باب الكرهبة و نزلت...رجع يدو لتالي...من غير حتى كلمة...قربت مني ملاك شدتني من يدي...دخلنا وراه لدار...بقيت واقفة في نص...تلفتلي يحكي
ادم:ايجا اقعد...تو نرجع
قربت قعدت على حرف الفوتاي...نعرف و متأكدة لهو ماهوش باش يأذيني...اما مش حاملة نبقى معاه فرد دار...مش منجمة ننسى كلامو...و اللي قالو...لتوا مزال يرن في وذنيا...رغم كلشي معندوش حق يتهمني...و حتى كان صار شك فيا...معندوش حق يحكي معايا بالطريقة هذيكا...هو لازمو يفهم للفقر عمرو ما كان عيب...و كل حد عندو ظروفو...و الدنيا متمشيش كيما يحب هو و لا عندو حق يحاسب العباد كيما يحب...نغزر لملاك...تلم في العابها من عالطاولة...عرفت لهي كانت عندو...و لحق يشريلها هذا الكل...منعرفش كيف تبسمت...اما الطفلة هاذي صعيب حد يرفضلها شي...خاصة و الدنيا عاكستها من صغرها...هزيت راسي نغزرلو من البلار...واقف يحكي مع واحد من رجالو...حط يديه في مكاتبو...و يحكي معاه...سرحت معاه...هذا ادم لنعرفو انا...وقفتو ووهرتو و حضورو.. اما مش ادم لي حكى معايا...كلامو طيح احلامي الكل في الارض...و مهما قال و مهما عمل ماهوش باش يرجعلي لي حسيتو...للحظة حسيت شي داخلي تكسر و ماهوش باش يتصلح...تكيت لتالي...لتوا نحس بوجيعة...منعرفش علاه لتوا موجوعة...غمضت عينيا بالوقت...منجمتش نبقى فايقة اكثر...نحس في بدني مزال مخدر...دوب سكرتهم غفيت و معاد نحس بحتى شي
سوار تحكي:
فقت الصباح نحل في عينيا بالسيف...تاعبة عاللخر...هزيت يدي نحك في عيني و نتبسم...حتى احنا عدينا النهار الكل برا...منعرفش اذا فرحانة على خاطرني تعرفت على بلاد جديدة...و مش اي بلاد...كلشي فيها عندو طعم سبيسيال...و لا فرحانة خاطرو معايا...المدينة عطات لونها خاطر هو معايا...منعرفش اذا كنت نرا في المدينة و لا قاعدة نعشق فيه في كل خطوة نعملها...فرحانة برشا لهو معايا...كان ينجم يجي لهوني وحدو...اما مخلانيش...هزيت روحي بالسيف...دخلت لبيت البانو...غسلت وجهي...باش نفيق بالقدا...و خرجت عندو...لقيتو في الكوجينة يحضر في الفطور...لابس كان شورت كهو...قربت منو شوية...تكيت عالباب نغزرلو...تلفت عندي...و مدلي يدو...قربت منو...جبدني قدامو حضني من تالي يحكي
زياد:ياااخي لتوا باش تفيق انت
انا:مممم مزلت نعسانة
زياد:صار
انا:و جعت برشا زادة
نزل باسني من خدي...و كبس عليا بيدو...يحكي
زياد:ملااا جاعت الفرخة
انا:مممم مانييش فرخة...كان شتبقى تقولي اتو نرجع للبيت
نزل بديه كبس على كتافي و دورني عندو...نزل عليا اكثر يحكي
زياد:وين شترجع...في بالك انا شنخليك
هزيت يديا زوز حطيتهم على وجهو...تبسمت نحكي
انا:مش مصدقة لانا معاك هوني...و بين يديك توا...معادش تخليني جملة
هز يدو دورها على ظهري...جبدني عندو اكثر..حضني يحكي
زياد:يا روحي انتي...حتى انا منجمش نعيش من غيرك
كبست عليه بيديا زوز...نزل باسني من راسي...يحكي
زياد:هيا تفطر...نعرفك فقت على كرشك مش على خاطري
كبست عليه اكثر...وطلعت راسي غزرتلو...نحكي
انا:لا فقت خاطر ملقيتكش بجنبي
زياد:مممم باهي يا لالة
جبدت روحي منو...نغزر لطاولة...تبسمت بخبث...و جبد الكرسي قعدت...غطست في الماكلة...قعد مقابلني يضحك
زياد:بالشوية يا بنتي ماهيش باش تهرب
انا:مممم من بارح في الليل ما كليت شي
زياد:صار نذكرك قداش كليت وقت خرجنا
انا:تحسبلي ياخي
زياد:لا اما عالحالة هاذي...منعرفش وين باش توصل
انا:ماهو باش يصير شي حتى كيف كنت حبلة مسمنتش برشا
في لحظة سكت...قلبي دق بالقاوي...منعرفش كيف خرج معايا الكلام...و قلتها...اصلا منحبش نفكر فيها الحكاية جملة...من نهارتها معادش جبدت سيرة صغار...و لا فكرت نخلي زياد يقرب مني...حطيت الشوكة من يدي...و هزيت كاسة الما...شربت منها...حسيت بيدو تحطت على يدي...طلعت راسي غزرتلو...عملي براسو ايجا...هزيت روحي قعدت في حملتو...حطيت راسي على كتفو...عدا يدو على شعري يحكي
زياد:شبيها صغرونتي
انا:شي
غصيت في الكلمة...منحبش نذكر الحكاية...خاطرها توجعني برشا...كبس عليا بيدو...يحكي
زياد؛ششش رد بالك تبكي...انسى لي صار جملة و معادش تفكر فيه...كلشي باش يتصلح مع الوقت باهي
انا:ل لا ماهوش باش يتصلح...خاطر انا معادش باش نحبل ماهوش باش يكون عندي صغار
زياد:مش حكينا فيه الموضوع هذا
هزيت راسي غزرتلو...وجهي مع وجهو...خذيت نفس نحكي
انا:انا خسرت ولدي...و خسرت روحي بعدو...ماكش مظطر تتحمل الخسارة هاذي معايا...منحبش نحرمك من صغار...اصلا معنديش حق نطلب منك انك تعرس بيا...منحبكش تعيش حياة ناقصة في جرتي
تكا لتالي باقي يغزرلي...دور عينيه على وجهي الكل...و تركز في عينيا...تبسم على جنب...يحكي
زياد:مممم عندك حق...على هذاكا فكرت مش باش نطلق ميرال...باز شجيبلي صغار...و هاك انت معايا
عينيا وساعو...و قلبي دق بالوقت...نحس فيه باش يخرج من بقعتو...دموعي تحصرو...الكلام وحل في حلقي...و معرفتش شنحكي...نزلت عينيا من وجهو...نحاوا ناخو نفس نهدي بيه روحي...فكرة لميرال شتبقى بينا دخلتني بعضي...شتبقى هي مرتو...و انا شنوة في حياتو...برشا اسئلة جاتني ساعتها...اسئلة روهجتني...حسيت بيدو تحطت على خدي...طلعلي راسي...جات عيني مع عينو...باقي يغزرلي ندرا كيف...يحكي
زياد:شراايك ؟
مرجعتلوش...باقي نغزر فيه...تنهد و كمل يحكي
زياد:مش هذا كلامك...مش هذا لي تحب عليه انت
هزيتلو براسي لا...و قربت منو اكثر...حضنتو بيديا زوز...نحكي
انا:لااا انت متاعي انا كهو
زياد:باهي كي هكا كيف باش نجيب صغار انا
انا:منعرفش...اما مكاش شتمشي لحتى وحدة غيري
زياد:هههههه باهي اغزرلي
كبست عليه اكثر...و هزيتلو براسي لا...حط يديه زوز على جنابي...جبدني شوية..طلع راسو غزرلي...يحكي
زياد:اخر همي الصغار...قتلك و شنعاودلك...انا محاجتيش بصغار...اذا مكانوش منك انت باهي
هزيتلو براسي ايه...هز يدو يعدي في صوابعو على خدودي و يحكي
زياد:و اخر مرة نسمع الكلام هذا منك...خاطر حياتي تكون ناقصة...وقت تبدا مش معايا...مش انت هوني و بين يديا
قصيت عليه الكلام كيف نزلت بستو...بوسة خفيفة و جبدت روحي بالوقت...تكيت عليه...لا فطرت و لا خليتو يفطر...نحس في تفكيري بعيد برشا...لي صار مستحيل يتنسى بالسرعة هاذي...يدو لي كانت تتعدا على شعري هداتني...منعرفش قداش بقينا و احنا قاعدين اكاكا...نسمع فيه يحكي
زياد:شرايك نفطرو برا...الفطور هوني معادش ينفع
هزيت راسي شوية...غزرتلو...و خذيت نفس نحكي
انا:نحب نفطر في الريستو متاع البارح
زياد:مممم تدلل هيا قوم حضر روحك
نزلت بستو من خدو...و هزيت روحي قمت...دخلت للبيت بدلت دبشي...وريقلت شعري...اول ما خرجت لقيتو بدل دبشو...خرجنا مع بعض...احسن شي مشينا من غير كرهبة...عالاقل نبدل جو...اول ما فطرنا...عدينا الوقت من بلاصة لبلاصة...منعرفش كيف تعدا النهار...عرفت لهو عمل هكا باش ينسيني في اللي صار الصباح...اول ما رجعنا لدار...نحيت الكونفارس و ترميت عالفوتاي...حط القضية عالطاولة و نزل باسني من راسي...و دخل للبيت...بقيت غادي...منعرفش قداش تعدا وقت...حسيت بخطواتو...تلفت و تكيت بيديا على حرف الفوتاي...نغزرلو كيف يعدل في الفاست متاعو...منعرفش علاه بدل دبشو...عوجت فمي نحكي
انا:وين ماشيين
زياد:باش نمشي وحدي...ابقى هوني لين نرجع
نطرت من بلاصتي قبل ما يكمل كلامو...قربت منو نحكي
انا:علاه وين ماشي..و شبيك بدلت دبشك
نزل راسو غزرلي...باقي نستنى فيه يحكي...ضيقت عينيا...و انا نسمع فيه
زياد:سوااار قتلك مانيش باش نطول...عيش حبي مش وقت اسئلتك
انا:زياد متمشيش شتقابل بنت الجنيرال...منى و لا ندرا شنية اسمها
جا باش يحكي...قصيت عليه كيف قحرتلو...نحكي
انا:هي مش هكا
زياد:سواار...تعرف بالقدا علاه انا شنقابلها
انا:شبيك لابس هكا
زياد:شنوة
انا:علاه لابس هكا...ياخي ماشي لحفلة
زياد:مممم يعني
انا:كيف يعني
زياد:عيد ميلادها الليلة
انا:شنننوة
زياد:مزال عندك اسئلة
انا:ماكش باش تمشي
زياد:سوااار فاش تحكي ياخي
انا:زياد ماكش باش تقابلها...مش باش تمشي من هوني
زياد:يهديك سوار ياخي ترا فيا نلعب انا...كلشي نعمل فيه باش نعرف الهم متاع الجنيرال شكون
انا:باهي هزني معاك
تنهد بالقاوي...و هز يدو حطها على خدي...يحكي
زياد:سواار عزيزتي...خلي الليلة تتعدا على خير...مبعد شنهزك وين تحب
انا:لااا...انا باش نمشي معاك
زياد:لااا...برا ارتاح توا لين نرجع
قربت منو اكثر...حطيت يدي على يدو كبست عليه...و هزيت راسي نغزرلو...نحكي
انا:انت مش باش تخليني هوني وحدي...تعرفني كيف نبدا على اعصابي...امانك
زياد:سوار
انا:مش باش تعرف لانا معاك...شنبقى بعيدة عليك...اما متخلينيش هوني...امان عيش حبي
هز يدو عداها على وجهو بغزول...و نزل راسو غزرلي يحكي
زياد:باهي برا حضر روحك
جبدت روحي منو...تبسمت على جنب...دخلت للبيت...لبست شورت جين...و خلعة بروتال في النوار...خليت شعري اكاكا...حطيت مكياج خفيف...منحبش نظهر لانا ماشية لحفلة...اول ما خرجت لقيتو قاعد عالفوتاي...يبربش في تليفون...طلع راسو غزرلي بشطر عين...تكا لتالي يحكي
زياد:شنوة هذا
انا:شنية
زياد:سوااار ياااخي ناوية تهبلني انت...غزرت لروحك قبل ما تخرجلي هكا
انا:مممم علاه
هز روحو وقف...قرب مني...هز يدو في وجهي يحكي
زياد:تعرف على شنوة نحكي...و هاك خسرت وقتك...برا شد بيتك لين نرجع
جا باش يخرج...وقفت قدامو...طلعت راسي نحكي
انا:شنبقى في الكرهبة...مانيش باش ننزل اما متخلينيش هوني وحدي امانك...امان زياد
هزلي براسو ايه...اصلا منعرفش كيف وصلنا للكرهبة...طول الثنية و هو يغزل...مش عاجبو...اول ما وصلنا...شد الفران بالقاوي يحكي
زياد:رد بالك تنزل...و الا ما تلوم كان روحك ساعتها
انا:باهي نحب على تليفونك...بلكشي نكلم زينب نطمن عليها
حط تليفون في يدي و نزل...بقيت نشيع فيه لين بعد...صوت الموسيقى واصل عندي...ظاهر فيها حفلة عالشط...تكيت لتالي نبربش في تليفونو...كلمت زينب محبش يعلق...حطيتو بغزول...نغزر لناس لي داخلين...فديت وحدي...نفخت بالقاوي...و نزلت من الكرهبة...بقيت واقفة غادي...منعرفش كيف بديت نقرب...كل خطوة نقرب بيها صوت الموسيقى يقوى...وقفت نرا فيهم من فوق...موسيقى و رقص عالشط...حاولت نلمحو من فوق شي...حطيت يديا زوز في مكاتب شورت من تالي...و نزلت الدروج..منعرفش علاه عملت اكاكا...اما فكرة لهو شيكون معاها خلاتني ننزل من غير ما نفكر...دخلت في وسطهم...نفركس عليه بعينيا شي...قربت وقفت بحذا الكنتوار...خاصة اني ما نعرف حتى حد هوني...و لا نعرف اللغة هوني...هزيت كاسة عصير في يدي...قبل ما نحطها في فمي...نسمع في طفلة تعيط بسامها...وسط الضجة هذيكا الكل سمعتها...تلفت بالوقت نغزرلها...جاية تجري...لابسة مريول نص...شطر كرشها تبان...و شورت...شعرها في طول شعري بالظبط...بقيت نغزرلها تعدات عليا...منعرفش علاه ركزت معاها لهدرجة...بقيت نتبع فيها بعينيا...ريتها كيف وصلت عندو...قربت منو عاللخر سلمت عليه...هز يدو حطها على جنبها...عقدت حواجبي مستغربة...ناقص كان يبوسها...نغزرلها كيف قاعدة تحكي معاه...وتعرف فيه على واحد واقف معاها و طفلة زادة...ناقص معرفة هو...قربت من الكنتوار شربت كاسة العصير فرد مرة...باقي نغزل...كلش شوية نغزرلو...واقف في بلاصتو و يحكي معاهم...رميت يدي هزيت كاسة اخرى شربتها فرد مرة...تروهجت اصل...حطيتها من يدي...ناقصة باش نشرب الهم هذا...منعرفش كيف جا في يدي...اما هداني فرد وقت...رجعت تكيت بيديا الزوز عالكنتوار...غزرتلها كيف قربت منو...حطت يدها على يدو...و تحكي و تضحك فرد وقت...و تعمل في حركات بيديها...منعرفش علاه حسيت بشي غريب داخلي اكثر من الغيرة...الطفلة هاذي ماهيش كيف ميرال و لا اي وحدة اخرى...نوعية غامضة و كيما يحب هو بالظبط...فكرة لهي باش تعجبو...خلات قلبي يدق بالقاوي...جبدت كاسة اخرى...كبست عليها...شربت منها شوية...ورجعت غزرتلو...لقيتو مركز معايا عرفت لهو لمحني...هزيت الكاسة في وجهو و تبسمت على جنب...عينيه وساعت...من نظراتو عرفتو يحذر فيا...تلفت و شربتها فرد مرة...حسيت بدوخة قوية...اما نعرف روحي مزلت صاحية و مسكرتش برشا...خذيت نفس...رجعت شعري لتالي...و مشيت عندو...يكفي الوقت اللي عداه معاها لتوا
الحلقة 126
زياد يحكي:
عقدت حواجبي...و انا نرا فيها ماشية و تقرب مني...مش خايف من انها جي...خاطر حد ما يهمني غيرها توا...اما كان تغلط و تقول شي قدام منى...ساعتها كلشي يطيح في الارض...و الفرخة نبهتها تبقى في الكرهبة...عاملة فيا بلعاني...جاية لهوني و تزيد تشرب زادة...جبدت يدي من منى...و قربت منها...وقفت قدامها بالظبط...شديتها من زندها نحكي
انا:سوااار شتعمل هوني
سوار؛انت شتعمل مش على اساس تحكي معاها كهو...شبيها لاصقة فيك
انا:هبلت ماهو...مش حكينا في الدار...ارجع للكرهبة تو نخالط عليك
سوار:لااا
كبست عليها اكثر...نغزرلها و نحاول نهدي روحي فرد وقت باش منصيحش عليها...رصيت عالكلام نحكي
انا:سوااار قتلك ارجع ¤¤¤¤¤ الكرهبة تو نجي
سوار:منحبش...و انت شبيك خايف...و علاه متحبش تعرفني عليهم انت
هزيت يدي عديتها على وجهي بغزول...جبدت روحها شوية مني طلت عليهم...و طلعت يدها شاورتلهم تحكي
سوار: hi guys
انا:سوااار يزي
غزرتلي ندرا كيف تستعطف فيا...نعرف لمش قد بعضها...و مش باش تسمع كلامي جملة...و تعمل لي في راسها...نزلت بيدي ليدها شديتها...و قربت منهم...معنديش حل اخر...مدت يدها ليهم بالواحد...على تلفيتي نلقى منى تغزرلي مستغربة...جيت باش نحكي...قصت عليا تحكي
سوار:انت منى مش هكا
منى؛مممم و انت
سوار:دنييز
منى؛دنييز ؟
كبست على يدي اكثر...و قربت مني عاللخر...لين معادش مسافة بينا...غزرتلها تحكي
سوار؛خطيبتو
غزرتلي منى بالوقت...منعرفش شبيها حكات هكا...مع اني خبرتها علاه انا هوني...اما و هي في الحالة هاذي منجم نحكي شي...و منجمش ننفي كلامها...منحب نغششها على خاطر اي وحدة...يكفي لي عملتو فيها لتوا...كبست على يدها اكثر نحكي
انا:منى...انا لازمني نمشي توا
منى؛علاه هوكا شوية و جي الكعكة
انا:مرة اخرى
سوار؛ممم زياد...انا نحب نبقى...علاه تحب تمشي من توا...نحب نكمل الحفلة لتالي
انا:دنيييز
رصيت عاللكلمة...منحبش نصيح عليها...عوجت فمها تحكي
سوار:شوية كهو امان
منى:على خاطري
جيت باش نحكي...قصيت عليا كيف تبسمتلها بتسموميم تحكي
سوار:لااا سااايي باش نمشو...مش هكا عزيزي
غزرتلي ندرا كيف...شدني ضحك...والله وحلتني الفرخة...و كلشي طاح في الما...هزيتلها براسي ايه...نحكي
انا:عيد ميلاد سعيد
منى:عيشك و مرسي عالكادو
انا:من غير مزية
جيست تبسمتلها...و كبست على سوار لي قاعدة تقحرلها...قصت عليا تحكي
منى:باش نرجع نراك مرة اخرى
انا:اكيد
تلفت بالوقت بعدت عليهم...جبدت يدها مني بالقاوي تحكي
سوار؛فاش قام خليتها...و شنية الكادو لي كانت تحكي عليه
انا:انت بالظبط متحلش فمك الليلة...امشي قدامي
سوار:لاااا توا بدات الحفلة
تبسمتلي ندرا كيف...و هربت تجري...بقيت نتبع فيها بعينيا...دخلت في وسطهم ترقص و عاملة جو...وقفت فس بلاصتي نغزرلها...نغزر لشعرها لي دخل بعضو اكثر...نزلت عينيا مع بدنها...مع اني وصيتها عالدبش و شي كاني محكيتش...قصت عليا سرحتي كيف هزت يدها تشاورلي نمشي عندها...هزيتلها براسي لااا...خليتها شوية...دوب هزت كاسة من السرفور...قربت منها...لحقت بيها شربت نصها...فكيتها من يدها نحكي
انا:هيااا بااش نمشو
سوار:منننحبش
كبست على يدها اكثر...خرجتها من غادي...نجر فيها ورايا...منعرفش كيف خرجت...جبدت يدها مني تحكي
سوار:سيييبني...نحب نرجع انا
انا:سواااار يزززييي...اركب فيسع
سوار:شبيك تصيح
حليت باب الكرهبة بغزول...جات شتمشي...جبدتها عندي ركبتها بالسيف...و نطرت الباب...خالطت عليها...ركبت و طرت بيها نحكي
انا:اغزرلي هوني...لي عملتو من بكري...ماهوش باش يتعدالك...ملا توا تركح و تشد بلاصتك احسنلك
هزت يدها...حطت صوابعها على شفافها و هزتلي براسها ايه...نزلت يدها شوية شوية تحكي
سوار؛زياااد
كبست عالفولون اكثر...نحس في روحي باش نطرشق...تلفتت عندي و كملت تحكي
سوار:زياااديي
انا:شتحب
سوار؛شنية شريتلها انت
انا:وقتو سؤال هذا
سوار؛مممم نحب نعرف
انا؛يهمك برشا
سوار:مممم برشا برشا...خاطر انت و لا مرة عطيتني شي
جيت باش نحكي...قصت عليا كيف غزرتلي ندرا كيف تحكي
سوار:نحب نتقيا انا
انا:شنننوة
سوار:امااان عيشك
شديت الفران بالقاوي...حلت الباب و نزلت...هزيت دبوزة ما و خالطت عليها...قربت منها...شديتها من جنابها وقفتها...حليتها و حطيتها في يدها نحكي
انا:ريت عمايلك وين توصلك
شربت منها...و تلفتت عندي غزرتلي ندرا كيف...تحكي
سوار:انت تحبني انا مش هكا
انا:مممم
سوار:و هذيكا منى مش احسن مني
انا:سوار شقتلك...مش ديما نبه عليك و نقلك ما تقارن روحك بحتى وحدة...مزال باش نعاود كلامي...ماكش باش تركح الليلة هاذي
حطت دبوزة الما في يدي...ووخرت لتالي..في بالي شترجع للكرهبة...غزرتلي ندرا كيف...حطت يديها على حروف الخلعة...طلعت حاجبي مستغرب...جيت شنحكي...قصت عليا كيف نحاتها...و طيشتها عالارض...عينيا وساعو...و انا نرا فيها كان بالبياس الفوقانية...مخي حبس للحظة...هزيتها و حطيتها...حطت يديها على جنابها تحكي
سوار:انا احسن منها مش هكا
فقت من سرحتي على صوتها...رجعلي شاهد العقل في لحظة...دورت عينيا عالطريق...جاب ربي فارغة و مفما حد غيرنا...قربت منها بالزربة...خطفتها من يدها...جبدتها عندي...نحكي
انا:هبللللت ¤¤¤ فاش تعمل
قربتلي اكثر...طلعت راسها غزرتلي ندرا كيف تحكي
سوار:جاوبني...نحب نعرف
سكرت عينيا بالقاوي...ورجعت فتحتهم...هزيت يدي حطيتها على ظهرها من تالي...فهمت لي عملت هكا...على خاطر منى كانت لابسة اكاكا...و اكثر من هكا مش عارفة شقاعدة تعمل...تنهدت بالقاوي نحكي
انا:تعرف لي عملتو توا شيكلفك برشا
سوار:علااه شبيني
نزلت عليها اكثر...قربت من وذنها...نحكي
انا:كان يراك توا اي حد غيري...ماكش باش تتوقع شباش يصير
هزت راسها شوية...نزلت عينيا نغزرلها...كيف تحكي
سوار:باش تراني انت كهو
هزيتلها براسي ايه...و نحي في الفاست فرد وقت...هزيت يديا...حطيتها على كتافها نحكي
انا:البسها فيسع
سوار:هأة نحب نبقى هكا انا
هزيت يدي حطيتها على خدها...لازمني نسايسها توا...خاصة و هي تغزرلي بالطريقة هاذي...تنهدت نحكي
انا:هيا نمشو لدار و ابقى كيما تحب
سوار:باش نبقى معاك
انا:مممم هيا
جبدت روحها مني...تلبس في الفاست بالسيف...قربت منها...خرجتلها شعرها...عوجت شفافها تحكي
سوار:منحبش نلبس انا
انا:سواااار
سوار:افففف باهي
جبدت روحها مني ورجعت للكرهبة...نزلت هزيت الخلعة...و خالطت عليها...اول ما بديت نسوق...غزرتلي تحكي
سوار؛زياااد
انا:مممم
سوار؛انت تحبني مش هكا
انا؛قداش سألتني من مرة
سوار؛جاوبني و لا وقف الكرهبة
انا:شنوووة
سوار؛قتلك وقفها
انا:سوااارر
سوار:وقفففهاااا
شديت الفران بالقاوي...و تلفتلها...قحرتلها نحكي
انا:حتى هي ليلة كلبة...شتحب توا
سوار:لحظة
هزت يديها زوز رجعت شعرها لتالي...و قربت مني عاللخر...قبل ما نستوعب اللي باش تعملو...دزتني بيديها زوز...و قعدت في حملتي...طلعت راسي مستغرب نحكي
انا:سوااار مش هوني
سوار:ششش زايد منحرف و متحشمش
انا:ملا شبيك هديت عليا
هزت يديها زوز...حطتهم على وجهي...كبست عليا تحكي
سوار:انت محبيتش جاوبني
انا:سوار ارجع لبلاصتك...هيا مش وقتو لي تعمل فيه
نزلت عليا اكثر...حطت شفافها على شفافي...ناقص كان هي توا...هزيت يدي حطيتها على جنبها...نسمع فيها تحكي
سوار:شبيك متحبش جاوبني
انا:سواار
سوار:مممم
انا؛يهديك ربي قوم ارجع لبلاصتك
لزت ليا اكثر...حطت راسها على كتفي...و يدها على رقبتي تحكي
سوار:علاه متحبش جاوبني...ياخي لهدرجة متنجمش تقولي لانت تحبني
هزيت يدي حطيتها على ظهرها...جبدتها عندي اكثر نحكي
انا:خاطر تعرف بالقدا لانا نحبك
سوار:مممم اما نحب نسمعها ديما
نزلت راسي شوية...نفس متاعها روهجني...خلي يدها لي تعدي فيها على رقبتي و تحكي فرد وقت
سوار:ريتها كيف كانت تغزرلك...هي زادة تحب تفكك مني كيف ما عملت ميرال...شترجع تخليني على خاطرها زادة
هزيت يدي جبدت يدها من رقبتي...و كبست عليها نحكي
انا:ششش ياخي نورمال انت...لتوا مفهمتش لانا منجمش نعيش من غيرك...لتوا مفهمتش انو حتى وحدة متنجم تدخل لحياتي غيرك
لزت روحها اكثر...هزت راسها شوية...تحكي في وذني
سوار:انت ليا انا كهو...من بكري نحبك انا
تبسمت على جنب و دورت وجهي...جيت باش نحكي...قصت عليا كيف رجعت باستني...جبدت روحي منها نحكي
انا؛ارجع لبلاصتك عيش حبي
سوار:اما انت مجاوبتنيش
انا:ياخي لتوا مخذيتش جواب انت
سوار:هأة
هزيت يدي...حطيتها على جنبها تحت الفاست...قرصتها...و نزلت على شفافها عضيتها فرد وقت...هزت يدها نطرت يدي...و جبدت روحها بالزربة...تتوجع و تحكي فرد وقت
سوار؛ش شتعمل انت
انا:خاطرك تفهم كان بالطريقة هاذي
سوار:اعععع مخيبك
انا:تقوم و لا
1
رجعت يدي شنرجع نحطها على جنبها...نطرت من عندي بالزربة رجعت لبلاصتها...تقحرلي...نزلت البلار...خذيت نفس بالقاوي...و خدمت الكرهبة...نحاول نركز مع ثنية قدم ما نجم...حسيت بيدها تحطت على خدي تحت عيني تحكي
سوار؛تعرف لانا نحب الضربة هاذي فيك برشا
انا:سوار يزيي
سوار؛ياخي انت متحبش لكان سبب فيها
تبسمت على جنب...منعرفش علاه جات بين عينيا نفس الطفلة هذيكا...هزيتلها براسي لا...ناقصني غير نقول ايه...باش تقلبها منوحة...قحرتلي تحكي
سوار؛علاه متحبهاش انت
انا:سوااار يهديك ربي خليني نسوق...راني باش نعمل حادث في جرتك
سوار:زياد باش نسألك
انا:شنوة زادة
سوار:انت حبيت من قبل ياخي
انا:لا عزيزتي طمن...هاك اول وحدة و خرجت فيا الجديد و القديم
سوار:ايه احسن
تكات لتالي تضحك و مرة تسكت و مرة تقحرلي...و مرة تحضني...منعرفش كيف وصلت لدار...شديت الفران بالقاوي...قبل ما ننزل سبقتني نزلت...لحقتها نجري...خاصة و خلات الفاست مفتوحة...شديتها من يدها نحكي
انا:استنى...سكر الفاست
سوار:علاه تحبني نسكرها
انا:هبلت ياخي...باز تتلقى بحد طالع و لا نازل
سوار:عادي شيهمني فيهم
انا؛ايه مبعد ترا حسابك على قاعدة
سوار:هأة كيف انا معاك...حد ماهو باش يقربلي و لا يغزرلي
انا:صحيتك هاك تعرف...ايجا نطلعو توا
سوار:نطلعو في الدروج
انا:هذاكا لي ناقصني...باش كل درجة تقعدلي فيها...امشي قدامي
حليت باب الاصونصير دخلتها و دخلت اول ما تلفتلها...قربت مني...دزتني بيديها زوز لتالي...تحل في زرار سوريتي...شديتها من يدها نحكي
انا:فاش تعمل ؟
سوار؛نحب عليك انا توا
انا:يهديك يا طفلة انت باز هبلت
هزتلي براسها لا...و جات باش تنزل الفاست...كبست عليها ورجعتها...نحكي
انا:يزي مش وقت هبالك توا
سوار:علاه انت متحبش
جيت باش نحكي...فتح باب الاصونصير بالوقت...نلقى راجل كبير واقف...يغزرلنا مزهبل...خذيت نفس و جبدتها من عندي...نحكي
انا:سوار هيا نخرجو عزيزتي
2
تلفتت و قربت من الراجل شداتو من خدودو...تحكي
سوار:يااااه محلاك انت زادة...اما مش كيف زياد
عينيا وساعو...ديما بفضايحها...جبدتها من يدها...اعتذرت منو...و جريتها ورايا لدار...اول ما حليت الباب قحرتلي تحكي
سوار:علاه جينا لهوني
انا:وين تحبنا نمشو
سوار:لدارنا
انا:دارنا مش هوني في تونس...هيا ادخل توا
سوار:هوني زادة متاعنا
انا؛ايه
سوار:باااهي
دخلت وراها...سكرت الباب...و تلفتلها...نلقاها مزالت واقفة تغزرلي...طلعت حاجبي...مستغرب نحكي
انا:شنوة زادة
سوار:نحب عليك توا انا
انا:شنننوة
هزت يديها نحات الفاست طاحت عالارض...و قربت مني حضنتني تحكي
سوار:نحب نحس لانت مزلت تحبني كيما الاول...و انو حتى شي ما تبدل...نحب نعرف انو زياد لحبيتو من الصغرة...شيبقى معايا ديما
مفهمتش كلامها تالي خذيت نفس وحطيت يدي على ظهرها من تالي نحكي
انا:سوااار يا روحي ريت كي متكونش بجنبي حياتي معادش باش يكون عندها معنى..مش بالضرورة نقرب منك باش تفهم هذا الكل
كبست عليا بيديها زوز و طلعت راسها شوية تحكي
سوار:تحبني انت
انا:مممم
سوار:كي هكا معاد تقرب لحتى وحدة غيري
انا:باهي لالة..هيا توا تغسل و تبدل دبشك باش ترتاح
هزتلي براسها ايه جبدتها من عندي هزيتها لبيت البانو غسلت وجها ورجعنا للبيت قعدتها عالسرير و مشيت نفركس حاجة تلبسها..قعدت بجنبها عالسرير نحكي
انا:هيا البس هاذي و برا ارقد شوية
هزتلي براسها لا..قحرتلها قحرة متاع موت نحكي
انا؛سوااار
قربت مني اكثر..قعدت في حملتي و كبست عليا بيديها زوز تحكي
سوار؛نحب نكون معاك منحبش نرقد
انا:سواار يزي عيش حبي ماكش في وعيك توا..و منحبكش تندم على كلامك كي تفيق هيا
سوار؛مانيش باش نندم..اصلا انت كهو الحاجة الباهية في حياتي متخلينيش في الليلة هاذي
انا؛سوااار يزززي
سوار:امااان..مش انت زادة تحبني...مش باش نكون مرتك..نعرف لانت ماكش باش تخليني
غمضت عينيا بالقاوي ورجعت حليتهم...حاولت نجبدها كبشت فيا اكثر...حسيت بشفافها على رقبتي...خذيت نفس بالقاوي...و طيحتها لتالي...حاوطتها بيديا نحكي
انا؛متأكدة ماكش باش تندم
هزت يديها دورتهم على رقبتي...جبدتني ليها اكثر تحكي
سوار؛لااا انا نحبك...نح
قصيت عليها الكلام كيف نزلت عليها...اصلا من بكري شاد روحي عليها...و اول مرة نحسها مجاوبة معايا لهدرجة...نحسها مش خايفة مني...يمكن خاطرها مش في وعيها...و لا انا من قبل معرفتش نتصرف معاها...اما توا بالظبط و هي بين يديا عرفت لمستحيل نجم نعيش من غيرها...حطيت كلشي على جنب و انا معاها منحبش نفكر في اللي جاي و لا في اللي تعدا..يكفي اني قاعد نعيش الحب معاها...و كلشي باش يتحل وحدو..طول ما هي معايا و قدام عيني شي معاد يهمني و لا باش نخاف من اللي جاي جملة
☆☆☆
3
ادم يحكي
غطست في الاوراق...اليمات اللي تعدات خلات الخدمة تتكدس عليا...و اكثر من هكا منجمش نبقى في شريكة برشا...خاصة و زينب لتوا مرتاحتش...اصلا من وقت جات لمحتها مرتين...لا تنزل و لا نسمع صوتها...و معنديش جرأة زادة اني نطمن عليها...نعرف لكلشي هي فيه توا انا سبب فيه...احسن شي ملاك تبقى معاها ديما..و رغم انو دار قعدت هادية...اما اول مرة نحس لي فيها روح بعد السنين هذوما الكل...اول مرة يعيش معايا حد بعد حنان...خاصة ملاك و هي تتحرك من بلاصة لبلاصة...قص عليا سرحتي...الباب كيف فتح نزلت عينيا نغزرلها كيف طل عليا...تبسمت و هزيت يدي نحكي
انا:ايجا عندي
قربت مني بالزربة...رجعت الكرسي لتالي و هزيتها في حملتي نحكي
انا:صحة نوم
باستني من خدي...و تكات عليا...هزيت يدي نعدي فيها على شعرها و نحكي
انا:مجعتش ياخي
عملتلي بيدها شوية...ضيقت عينيا...نحكي
انا:مممم ملا الصغرونة تحب تاكول
عملتلي براسها ايه...هزيتها في حملتي و قمت نحكي
انا:هيا ملا
دخلت للكوجينة...حطيتها عالرخامة...حضرتلها الصحن متاعها...و نزلتها...قعدت معاها عالطاولة...سرحت فيها لين كملت ماكلتها...اول مرة نتعامل مع حد صغير لهدرجة...ملاك خلاتني نرجع بحياتي لتالي...حياتي لي خسرتها بعد موت حنان...حسيت بغصة في حلقي...وقت ذكرت لي صار...ذكرت وقتها لي كانت حبلة ببنتي...كانت شتكون اكبر من ملاك بشوية...غزرتلي و هزتلي بيديها معناها كملت...قبل ما نحكي...خرجت تجري من الكوجينة...خالطت عليها...لقيتها طالعة...وقفتها نحكي
انا:ملااااك رد بالك طيح و ايجا تغسل قبل ما تطلع
تلفتتلي و خرجت لسانها بمعناها لا...تبسمت و طلعت وراها...هزيت في حملتي و كملت طلعت...نحكي و نضحك معاها فرد وقت...جات عيني على بيتها...لمحتها واقفة في نص...من غير خلعة...و الفاصمة مغطية نص كرشها...نزلت عينيا نغزر للخلعة متاعها عالارض...تحاول تهزها اما منجمتش تنزل...
4
خذيت نفس و هبطت ملاك من حملتي نحكي
انا؛برا اغسل و ايجا...و رد بالك طيح باهي
هزتلي براسها باهي...اول ما دخلت لبيتي...قربت من بيت زينب...دزيت الباب شوية بلا ما ندق...جات عيني في عينها...ريت صدمتها...ردة فعلها خلاتها جامدة قدامي...نزلت راسها بالوقت و حضنت روحها...دورت عينيا على وجها...نزلت بيهم شوية لبدنها...اول مرة نراها قدامي هكا...منعرفش علاه استغربت هكا...يمكن خاطر و لا مرة ريتها هكا...ديما مستانسة تلبس دبش عريض...حسيتها كيف حشمت و دخلت بعضها...نزلت شوية...هزيت الخلعة متاعها من الارض...قربتها منها...هزت يدها بالسيف شدتها عليا...طلعتها لصدرها تغطي في روحها...نزلت يدي نحكي
انا:كيف تحس في روحك توا ارتحت
هزتلي براسها ايه...و فرد وقت تهرب في عينيها مني و تحكي
زينب:م مليحة
انا:متعبش روحك برشا...جرحك مزال جديد...و اي غلطة تظطر تشد الكلينيك مرة اخرى
زينب:ب باهي
خذيت نفس...و تلفت عطيتها بظهري...اول ما وصلت للباب سمعتها تتوجع...اما منجمتش نرجع لتالي...نغزر لملاك جاية عندي...و تعملي بيديها معناها غسلتهم...دوب تبسمتلها...كانت باش تدخل لزينب وقفتها نحكي
انا:ملااك...زينب تاعبة شوية...شرايك ننزلو نحضرولها شي تاكلو...باز تكون جيعانة
هزتلي براسها باهي...و تضحك فرد وقت...شديتها من يدها ورجعت للكوجينة...نحضر و تفكيري معاها الفوق...منعرفش فاش قاعد نخمم بالظبط...فيها و لا في الحالة لي ريتها فيها...و اسوء من هكا اني قاعد نسمع فيها تتوجع و منجمت نعمل شي...فكرة انو انا السبب في لي صرالها منجمتش نتقبلها...فكرة خلاتني ناخو مسؤولية اكبر مني...مسؤولية انو مرا اخرى تكون معايا فرد دار...مرا ترقد و تفيق في داري...منعرفش كيف نجمت نحضر الماكلة هذيكا...خاطر مفماش بون هوني...منجم ناثق في حتى مخلوق...حتى كان تبدا جرد خدامة...هزيت الصينية و ملاك سابقتني...وصلت لبيتها حلت الباب و دخلت...دخلت وراها..لقيتها مسطحة..و مسكرة عينيها...حطيت صينية عالتابل دونوي...نرا في ملاك قربت منها تفيق فيها...اما شي...عقدت حواجبي مستغرب...و قربت منها...هزيت يدي متردد...حطيتها على جبينها...عينيا وساعت...شبيها سخونة لهدرجة...نزلت راسي غزرت لملاك مفجوعة...حطيت يدي على راسها نحكي
انا:ملاك عزيزتي...شرايك تبقى في بيتي لين نرجع...زينب تاعبة و تحب ترقد...و انا باش نزل الماكلة اللوطة و نجيك
بقات تغزرلي ندرا...طلعت حاجبي...قربت من زينب اكثر باستها من خدها و خرجت من البيت...نزلت عليها شوية نفيق فيها نحكي
انا:زينب...زينب
زينب:س سيبننني
5
جبدت يدي منها مستغرب...في بالي حست بيا...دورت عينيا على وجها باقي تحكي وحدها
زينب:ا ابعد...سيبني...امان...ا امي
ضيقت عينيا مستغرب...تو استوعبت لي قاعدة تهتري...نغزر للعرق لي نازل مجبينها...تحرك في راسها يمين و يسار تحب تهرب من شي...و لا قاعدة ترفض في شي...تنهدت بالقاوي...و قربت منها نزلت عليهاشوية ...هزيت الغطا من فوقها.. عينيا وساعت على بقعة الدم اللي في وسط كرشها...حاولت نفيقها شي...هزيت تليفوني كلمت طبيب محبش يعلق...طيشت تليفون و نزلت للكوجينة هزيت قلاص معايا ورجعت عندها...حطيت ضمادات على راسها...و باقي نطلب في الهم متاع الطبيب...شي مردش عليا...قعدت على طرف السرير بحذاها...هزيت يدي نعدي فيها على وجها...نحاول نفيقها...نحكي
انا:زينب...فيق...تسمع فيا ياخي
حلت عينيها مروهجة و رجعت سكرتهم...نزلت بيدي ليدها...شديتها نحكي
انا:لازمك تفيق...انت قاعدة تنزف و منجمش نهزك للكلينيك و انت في الحالة هاذي...نخاف نضرك اكثر...تسمع فيا
مرجعتليش نسمع فيها تتوجع...تحل في عينيها و تسكرهم فرد وقت...غايبة و مش حاسة بشي...عديت يدي على وجهي نحكي
انا:شربت دواك
كبست على يدها اكثر...ورجعت شعرها لتالي...نحكي
انا:زينب جاوبني شربت دواك
6
هزتلي براسها لا...عديت يدي على وجهي...جات عيني عالبوات فرماسي عالكوافوز...قمت هزيتها في يدي ورجعت عندها نحكي
انا:شنحاول نعاودلك ضماد...لين يجي طبيب و يعدي عليك باهي
زينب؛ل لا
تحكي و مسكرة عينيها...مرجعتش عليها...طلعت الخلعة شوية شوية...لين وصلت بيها لصدرها...نغزر للفاصمة لكلها دم...منعرفش كيف نتعامل معاها...منحبهاش تتوجع اكثر...خاصة و هي في الحالة هاذي...خذيت نفس نحكي
انا:زينب اسمعني...انا شنظطر نبدلك الضماد توا...لازمك تتحمل شوية باهي
مرجعتليش...خذيت نفس...و حطيت يدي على كرشها نحي فيها بالسياسة...من كبست يدها عالفرش عرفتها توجعت...طلعت راسي نغزر لدمعة نازلة من عينيها...حتى و هي مسكرتهم...ظاهر فيها موجوعة...تنهدت بالقاوي...كملت نحي فيها بالسياسة...هزيت قطن نمسح في دم اي نازل على كرشها...باقي تنزف...عديت يدي على وجهي...غزرتلها دوب حاسة باللي قاعد يصير...قص عليا صوت تليفون بالوقت...لقيتو الطبيب...هزيت عليه بالزربة نحكي
انا:وينك لتوا
هو:كنت في العملية سي ادم...صارت حاجة
انا:ايجاني توا بحاجتك
هو:باهي مسافة الطريق...اما دار زريعة و لا
انا:لا داري لي هوني فيسع
هو:باهي
علقت عليه...و باقي نحاول نحبس الدم...و فرد وقت نبدل في ضمادات بلكشي تنقص سخانتها...منعرفش قداش تعدا وقت بالظبط...هزيت روحي على صوت الباب...نزلت بالزربة حليتلو...غزرلي مفجوع يحكي
هو:لباس سي ادم شصار
انا:زينب
هو:شنوة
انا:نقصد انو
الكلام وحل في لساني و معرفتش شنحكي...و لا شباش نقلو...مش مستانس تكون معايا مرا فرد دار...و نكلم اي حد على خاطرها...عديت يدي على وجهي و كملت كلامي
انا:ايجا تو تفهم
هزلي براسو باهي...سبقتو و خليتو مخالط عليا...دخل ورايا للبيت...يغزر لزينب مستغرب...يحكي
هو:شبيها
انا:الجرح باقي ينزف...و منجمش نهزها للكلينيك توا
هو:باهي باهي
وخرت لتالي...نغزرلو و تفكيري بعيد برشا...منجمتش نداويها...خفت نوجعها اكثر...نعرف لي داخلها مش حاملتني حتى طرف...و عندها حق...قص عليا سرحتي كيف تلفتلي يحكي
هو:ياسر تاعبة...لازملها راحة اكثر من هكا...حاول متخليهش تتحرك برشا...عالاقل الفترة هاذي...و ياريت تاخو دواها في وقتو زادة...باش تنجم تعوض كمية دم لي خسرتها
انا:باهي
7
وصلتو للباب ورجعتلها...وقفت بحذا الباب نغزرلها...خذيت نفس وقربت منها...نزلت عليها شوية...نحيتلها الخلعة بالسياسة...شي خاطرها مبلولة...و زادة كلها دم...هزيت لحاف غطيتها...اصلا منحبش نقرب منها اكثر باش نبدللها...منحبهاش تتقلق اكثر...حطيت الخلعة في بيت البانو...شعلت ضو الفيوز و طفيت الضو متاع البيت...ورجعت لببيتي...جات عيني على ملاك ممدودة في وسط سرير و غاطسة في نوم...تبسمت على جنب...قربت منها ركحتها على جنب...و غطيتها...دخلت لبيت البانو...عملت دوش...تفرهدت بيه...فرد وقت نحس في تفكيري مخلط...في لحظة لقيت روحي في دوامة اخرى...حياة جديدة على لي كنت عايشها...اما كيف نرا الدم...كلشي يرجع بيا لتالي...للحظة حسيت روحي عاجز مرة اخرى...اني وصلت لكل حد فيهم كان لي كان سبب في كلشي...حتى طرف خيط يوصلني ليه مفماش...الما لي نازل عليا خلاني نرجع بسنين لتالي...سنين كنت نعرف شمعنى فرحة... غمضت عينيا بالقاوي ورجعت فتحتهم...سكرت السبالة و خرجت...بدلت دبشي و نزلت اللوطة...حليت الباب...و شعلت الضو...قابلتني صورتها...تبسمت و قربت منها...وقفت قدامها كي العادة...كيف كل مرة نبدا محتاجها و هي مش معايا...كيف كل مرة نحس بالذنب...ناقف في نفس هالبقعة...هزيت يدي عديتها عليها...نحكي << يااا ريتك معايا توا...انا بحاجتك حنان...نحبك جنبي...قداش باش نزيد نتحمل اكثر من هكا...كيف شنجم نعيش من غيرك اكثر...قولي كيف>>
8
كلام حكيتو داخلي...حكيتو و حسيتو..حسيت بوجيعتو...وجيعة عندها سنين و كل يوم قاعدة تكبر اكثر و اكثر...خرجت للجنينة كيف حسيت روحي تخنقت...منعرفش قداش بقيت غديكا...افكار تهز فيا و جيب...منعرفش شنية لي نحب عليه بالظبط...غزرت للخاتم في يدي...و تبسمت على جنب...منجمتش نحيه و معنديش جرأة نحيه...كل شي و كل لحظة مسجلة في مخي...كلشي متعلق بيها يذكرني فيها...توحشتها برشا و انتقامي كهو لي مصبرني على فراقها...خذيت نفس و زوز...منحبش افكار الماضي تسيطر عليا توا...هزيت روحي و دخلت...طلعت الدروج وحدة وحدة...كنت باش ندخل لبيتي...اما رجعت خطوة لتالي...حليت باب بيتها ودخلت..قربت منها شوية...هزيت يدي متردد حطيتها على جبينها...تنهدت بالقاوي...كيف تأكدت لسخانتها نزلت...و نفسها تنظم...جات عيني على بوسة الخال في كتفها...تبسمت على جنب...يمكن خاطر توا وين ريتها...نزلت بعينيا شوية ليدها...لتوا تراص صوابعو مزالو عليها...يمكن كان وقتها حكيت شي اخر...مكانش باش يقوص عليها...نعرف بالقدا الوجيعة لي قاعدة تعيش فيها...و شنية لحساتو بالظبط ساعتها...و اكثر شي نكرهو و نفد منو...كيف حد يهددني بشي اخر...منحبش حكاية حنان تعاود مع اي حد...يكفي اني ضيعت طفلة جرة لي صار...و خليتها ضحية في الحكاية هاذي زادة...نزلت على سناني نهدي في روحي...لتوا مزلت مغلغل عليه...و كان يفيق من غيبوبة شنرجع نقتلو مرة اخرى بيدي...خذيت نفس و خرجت من عندها...رجعت لبيتي...نلقى الغطا عالارض...تبسمت وحدي...لحقت ترميه...رجعت غطيتها...و تمديت بجنبها...نغزرلها...متوقعتش اني نتعلق بيها لهدرجة...انو طفلة صغيرة تخليني نرا الدنيا بطريقة اخرى...منعرفش نهاية الحكاية وين بالظبط...و شنية لي مزال يصير...اما لي مطمني لتوا انو زياد مرتاح مع دنيز...عمري ما ريت مهتم بطفلة لهدرجة...حتى ميرال...و تصرفات دنيز كنت قاريها بالقدا...و مش انا لي نخلي خويا يتعذب جرة طفلة...و لا نخليه يضحي على خاطري...يزي لي عاشو حتى هو لتوا...تي اصلا متاكد لي خالط عليها...نعرفو يعملها...سكر عينيا بالوقت...باقي نفس الافكار دور في مخي لين هزني نوم ورقدت
الحلقة 127
سوار تحكي:
فقت الصباح نحل في عينيا بالسيف...وجيعة مش نورمال في راسي...نحسو باش يطرشق...و بدني مدقدق كاني واخذة طريحة...غزرت لبلاصتو جنبي مفماش...هزيت روحي شوية...تقعدت...شديت الغطا بيدي...من حالتي نجمت نستوعب لي صار بينا البارح...حسيت بمرارة في حلقي...اكثر شي نفد منو و نكرهو...كيف نحل عينيا و منلقاهش بجنبي...بعد اللي صار...طلعت راسي على صوت الباب كي فتح...غزرتلو خارج من بيت البانو...لابس كان سروالو و يشيح في شعرو...نزل يدو و غزرلي...رمى المنشفة عالكرسي...و قرب مني قعد على طرف السرير قدامي...كبست بيدي عالغطا اكثر...بقيت نغزرلو...خاطر منعرفش شباش نحكي و لا شنية نقول...اصلا مش مذكرة بالقدا لي صار...هز يدو...عدا صوابعو على خدي...يبعد في شعري و يحكي
زياد:رقدت مليح
جبدت روحي شوية لتالي...باقي نغزرلو...ضيق عينيه بالوقت يحكي
زياد؛مش باش نسألك شي توا...نخليك تذكر عمايلك وحدك
عينيا وساعت بالوقت...جيت باش نحكي...حسيت بوجيعة في شفافي...هزيت يدي حطيت صوابعي عليهم...تبسم على جنب يحكي
زياد:هذيكا نتيجة صغيرة من اللي صار
فهمت شيقصد بكلامو...بلعت الكلام اللي كنت باش نقولو...اصلا منجم نحكي شي...بقى يغزرلي درا كيف...دخلت بعضي اكثر...كمل كلامو يحكي
زياد:انا باش نمشي توا
طلعت راسي غزرتلو مصدومة...خذيت نفس نحكي
انا:و وين
زياد:شنبدا نصلح لي عملتو
انا:شتقصد
زياد:تو مبعد تفهم...حضرلي روحك ليلة
انا:علاه
زياد:مش انت البارح خربت الدنيا...و طيحت كلشي في الما...ملا هاك باش تعاوني...و مهمتك باش تعملها اليوم
انا:يعني
زياد:يعني اللي فهمتو بالظبط...و هاك تعرف خدمتك بالقدا...كلشي باش يوصلك مبعد...و البلاصة مش بعيدة برشا...دوب تنزل فما شكون يدلك
هزيتلو براسي ايه...حسيت بغصة في حلقي...رغم كلشي ماهوش باش يتبدل...شيبقى ديما يستغل فيا باش يوصل لي حاجتو بيه...لتوا مزال يحب عليا نخدم معاه...لتوا مشفعش من اللي صار...قرب مني اكثر..باسني جنب شفافي...منعرفش علاه محسيت بشي...يمكن كلامو هو لي بردني لهدرجة...هز روحو..لبس سوريتو...هز تليفونو و الفاست و خرج...نزلو دموعي بالوقت...هزيت يدي نمسح فيهم...منعرفش شبيني بالظبط...هزيت روحي بالسيف دخلت لبيت البانو...رميت اللحاف عالارض...و دخلت تحت الما...باقي نبكي منعرفش على شنية بالظبط...على لي صار البارح بينا...و لا من كلامو قبيل...منعرفش شبيني معاه بين القبول و الرفض...نحبو اما معادش نجم نتنازل اكثر...محبيتش لي صار بينا البارح رغم متأكدة انو هو ما جبرني على شي...اما زادة ميرال مزالت مرتو...زادة ينجم يخليني كيما كل مرة...منحبش نحس هذا الكل...منحبش نخلي الافكار هاذي تسيطر عليا...خاطرني تعبت برشا...واللي قاعد يصير تعبني اكثر...و اني نكون معاه و نشاركو في كلشي...و فرد وقت منجمش نخبرو شنوة لي مخبي تعبني اكثر...كلمة وحدة تنجم تنهي كلشي و يوصل للماضي متاعو من غير ما يظطر يوصل لجنيرال و لا يسحب منو الكلام...كلمة مني تخليه يعمل ينهي الماضي...اما فرد وقت انا باش نخسرو...كان سر هذا خرج معناها لازم نخبرو على ادم...وقتها باز باش نخسرو...باز معادش تكون عندي بلاصة بينهم...مرة وحدة كان لازمني نخمم في روحي...و نضمن حقوقي معاهم...حتى كان خسرت بعدها...افكار غمتني...معادش نعرف على شنوة قاعدة نبكي...يمكن خاطر غاضتني روحي لهدرجة...رميت يدي هزيت المنشفة لفيتها على بدني...جات عيني عالمرايا...غزرت لي تراص على رقبتي و كتفي...غزلت عليه اكثر...ناقص كان يطلب مني نمشي معاه...قربت من الرخامة...رميت كلشي عالارض بغزول...و خرجت للبيت...قعدت عالسرير...نهدي في روحي قد ما نجم...حتى انا غلطت...مكانش لازمني نشرب...مكانش لازم نعمل هكا...قص عليا صوت الباب...هزيت روحي بالسيف...مشيت لبيتي...لبست روب فوق بدني...و مشيت حليت...ملقيت حد..نزلت راسي غزرت لبوات محطوطة عالارض...نزلت هزيتها..و سكرت الباب...حطيتها عالفوتاي...خذيت نفس و حليتها...جات عيني على روب في الاحمر...قلبي دق بالقاوي...منعرفش علاه...هزيتها في يدي نغزرلها...طويلة و من غير يدين...سامبل اما زادة محلاها...منعرفش علاه اختار اللون هذا بالظبط...حطيتها على جنب...و هزيت بوات تليفون لي كانت تحتها...عقدت حواجبي و فتحت البوات...دوب شعلتو...وصلني ميساج بالوقت << 20:00 تكون حاضرة...مفماش وقت برشا...حاول متتاخرش>> نفخت بالقاوي...و حطيت تليفون بغزول...هزيت روحي مشيت للكوجينة...شربت كاسة ما...هديت بيها روحي...منحبش نتحط في الموقف هذا...زادة منحبوش يشلق باللي قاعدة نحس فيه...موجوعة صحيح اما منحبش نخسرو...نحبو كهو يحس باللي قاعد يصير...يفهم شنية لي قاعدة نحس فيه انا...يفهمني و يحس بيا كهو...هزيت روحي ورجعت لصالة...جات عيني على لوحة مغلفة...محطوطة على جنب...قربت منها...حطيتها عالفوتاي...و حليتها...كل شوية صورة توضاح اكثر...نغزر لطفلة الصغيرة كيف تحاول تتمسك بيد بوها...فرد وقت هو عاطي بظهرو و ماشي...منعرفش قداش بالظبط بقيت نغزرلها...شي داخلي تحرك...يمكن انا نفسها الطفلة لي في صورة...بابا خلاني بنفس الطريقة...ديما و لتوا باقي يدي معلقة...نستنى فيه يجي...نستنى فيه يحط يدو في يدي...و يخرجني من هذا الكل...مستعدة نسمع اي تبرير منو...كهو يكون معايا...نحب نلقى سند نتكا عليه...سند ملقيتو لا في صغرتي لا توا...صورة خلاتني نحس بغصة...خلات الطفلة الصغيرة لي داخلي تبكي على بوها مرة اخرى...ديما شي واحد بقى في مخي...انو بابا مزال عايش لتوا...بابا شيرجعلي...شيرجع عندي باش يحميني...و مستحيل يعطيني بظهرو مرة اخرى...خذيت نفس...مسحت دموعي...هزيت الروبة في يدي و دخلت للبيت...الوقت تعدا رزين برشا...دوب نجمت نحضر روحي...حطيت مكياج خفيف...و خليت شعري مسيب اكاكا...عالاقل هكا يغطي ملامحي شوية...فركست على كعب في الاكحل لبستو...هزيت تليفون في يدي...و خرجت...نمشي بالسيف...منعرفش كيف وصلت اللوطة...بقيت واقفة غادي...منعرفش وين نمشي و لا شباش نعمل...فكرت اني نكلمو...قص عليا طفل صغير قرب مني...كيف قرب مني...نزلت راسي غزرتلو...مدلي يدو...عقدت حواجبي مستغربة...ذكرت كلامو...كيف قالي فما شكون لي يدلك...حطيت يدي في يدو...باقي نمشي معاه...و في مخي الف سؤال...مفهمتش علاه طفل صغير هو لباش يدلني...منعرفش قداش مشينا بالظبط...وصلنا لبقعة مظلمة شوية...نزلت راسي غزرتلو...عملي بيدو معناها ننزل...هزيتلي براسي لا...قحرلي...و باقي يحاول فيا...جبد يدو مني...و مشى يجري...بقيت متردة...خذيت نفس...و نزلت الدروج هذاكا وحدة وحدة كل شوية نقرب...الضو يقوا اكثر...اول ما وصلت اللوطة...وقفت في بلاصتي...نغزر كان للبحر قدامي...منعرفش علاه البقعة هاذي مختلفة برشا...حتى تنزل لهوني باش ترا البحر...اما مفما حتى صوت يدل على انو فما حفلة هوني...قربت خطوتين...و طلعت راسي نغزرلو...واقف عاطي بظهرو...تنهدت بالقاوي...وقربت منو...نمشي بالسيف...مش فاهمة لي قاعد يصير بالظبط...صوت الكعب متاعي مسموع عالمنصة لي قاعدة نمشي عليها...تلفت عندي بالوقت...غزرلي من الفوق للوطة...قلبي دق بالوقت...وصلت عندو...وقفت قدامو بالظبط...باقي يغزرلي من غير حتى كلمة...خذيت نفس...نحكي
انا:زياد...علاه احنا هوني
نحكي و ندور في راسي...مش فاهمة اللي قاعد يصير...قربلي اكثر...حط يدو في يدي...لين معادش فما بينا مسافة...نزل راسو شوية...حسيت بالنفس متاعو...في وجهي...دقات قلبي قوات اكثر...و الكلام هرب مني...نسمع في يحكي
زياد:انت هوني على خاطري
طلعت راسي شوية...جا وجهي مع وجهو...باقي قريب ليا...غزرتلو في عينيه نحكي
انا:شمعنى
زياد:معناها الليلة هاذي متاعك انت
انا:متاعنا احنا
زياد:مممم
انا:انا و انت كهو
زياد:مممم
انا:زياد ياخي
قص عليا الكلام كيف نزل على شفافي...كبس على يدي اكثر...قص عليا الكلام و تفكيري...فرد مرة...جبد روحو شوية يحكي
زياد:محلاك الليلة
انا:تحكي بالرسمي
زياد:مممم نحبك كيف تبدا هكا...تعرف علاه اخترت اللون هذا بالظبط
انا:لا
زياد:نحب نراه عليك...كيف اول مرة
انا:بالحق
هز يدو...رجعلي شعري لتالي...غزرلي ندرا كيف يحكي
زياد:بالحق ؟ تسأل فيا
هزيتلو براسي ايه...تبسم على جنب...و كمل يحكي
زياد:تعرف لانا نحبك بكل حالاتك
انا:لهدرجة
زياد:و اكثر
قربت منو اكثر...حطيت راسي على صدرو...حضنتو بيديا زوز...حط يدو على شعري...يحكي
زياد:شبي حبي
انا:منعرفش...متوقعتش لانا باش نكون هوني...فكرت بالحق باش تكون عندنا مهمة...و شنظطر نتعامل مع حد اخر زادة
زياد:مش بعد اليوم...كان لازم هذا الكل يوفا عندو برشا...معادش تخمم فيه باهي
كبست عليه اكثر...و طلعت راسي غزرتلو...نحكي
انا:ماكش باش تخليني مش هكا
تبسم ندرا كيف...و نزل باسني بوسة خفيفة...يحكي
زياد:في رايك
1
هزيتلو بكتافي منعرفش...باقي نستنى فيه يحكي...رخف يدو على يدي بالوقت...حطها داخل مكتوبو...بقيت نغزرلو مستغربة...مفهمتش فاش قاعد يعمل...جبد بوات في يدو...نزلت راسي نغزرلو...حلها..عينيا وساعت و انا نرا في الخاتم...غزرتلو بالوقت مصدومة...مفهمتش لقاعد يصير بالظبط...الكلام وحل في حلقي...و منجمتش حتى نسألو...نسمع فيه يحكي
زياد:اخر حاجة بقات من امي
غزرتلو في عينيه...قلبي نحسو باش ياقف...كلامو صدمني اكثر...معرفتش فاش نغزر بالظبط فيه و لا في الخاتم في يدو...خاتم انتيكة...ظاهر فيه مصمم مخصوص ليها...طلعت راسي...كيف كمل كلامو يحكي
زياد:ضيعت الشركة وقت كنت صغير
تبسم بوجيعة...و جبد الخاتم من البوات...رجعها لمكتوبو...يحكي
زياد:و لا مرة فكرت اني باش نخلي اي مرا اخرى غير امي تلبسو...الخاتم هذا كان هدية بابا ليها
حسيت بوجيعتو في كلامو...كلامو اللي خرجو بغصة مكبوتة...حسيت بيدو تحطت على يدي...كبس عليا...لبسهولي...طلع يدي اكثر باسني منها...يحكي...بنبرة تهديد...حسيتها في صوتو
زياد:رد بالك تنحيه...مهما صار...و لا باش يصير بينا...لاخر نهار في حياتك
هزيتلو براسي باهي...جبدت يدي منو...و حطيت يديا الزوز على وجهو...دموعي نزلو بالوقت...منعرفش شباش نقلو بالظبط...باللي عملو خلى الافكار الخايبة الكل تغيب من مخي...دموعي نزلو اكثر...حضني بالوقت...دورت يديا زوز على رقبتو...كبست عليه اكثر نحكي
انا:نحبك...نحبك برشا
زياد:و انا زادة
اول مرة نعيش فرحة كاملة معاه...اول مرة اني مهمة عندو لهدرجة...منجمتش نسألو حتى شي...كهو عنقتو بكل قوتي...نحب نتأكد لكل شي حقيقي...نحب نعرف لانا مش في حلمة...انو اللي قاعد يصير...حقيقي...نزل يحكي في وذني
زياد:ششش يزي كهو
انا:هأة
زياد:هههههه بدينها من اولها بالدموع و التخرنين...ندرا وين باش ترصيلي مبعد
جبدت روحي منو...عديت يدي على خدي...نحكي
انا:كلشي قاعد يصير حلمة...مستحيل انا نفرح لهدرجة
هز يدو...يعدي في صوابعو على خدودي...و يحكي فرد وقت
زياد:ششش شنية الكلام هذا
انا:زياااد انا
زياد:انت شنوة
انا:نحبك برشا...منجمش نعيش من غيرك والله
زياد:عادي انا نجم
هزيت يدي ضربتو على كتفو...ضحك بالصوت يحكي...قرب مني اكثر يحكي
زياد:مهبولة...و هبلتني معاك يا فرخة
انا:ماكش باش تندم مش هكا
زياد:مستحيل
انا:و...و حك
زياد:و شنوة
انا:و ح حكاية صغار...زياد انا
قص عليا الكلام...نزل بيدو لشفافي...سكتني يحكي
زياد:معادش نحب نسمعو الموضوع هذا بالكل...انا حاجتي بيك انت...انت كهو
جيت باش نحكي...قص عليا الكلام...كيف نزل باسني بوسة خفيفة...و جبد روحو بالوقت...شدني من يدي مبس عليا يحكي
زياد:ايجا
هزيتلو براسي ايه...اصلا ملقيتش كلام نحكيه...يمشي فيا معاه...قربنا من طاولة محطوطة على جنب...غزرتلو نحكي
انا:انت حضرتها
زياد:مممم يعني
انا:شقصدك
زياد:ياخي باش نحكو عالطاولة توا
انا:باهي باهي...هاني سكت
تبسمت كيف ريتو يهز و ينفض...قعدت مقابلاتو...نغزر للخاتم في يدي...قلبي نحسو باش ياقف...مش مصدقة لي قاعد يصير...اصلا منجمت نحط حتى لقمة في فمي...طلعت راسي لقيتو يغزرلي...ضيق عينيه يحكي
زياد:كي العادة ماكش تاكول
انا:نحب نبقى عندك
زياد:صار
2
هزيتلو براسي ايه...تبسم على جنب...و مد يدو يحكي
زياد:باهي ايجا
هزيت روحي...قربت منو...قعدت في حملتو...حطلي شعري على جنب يحكي
زياد:شبي روحي
انا:منعرفش...نحب نبقى عندك و كهو
زياد:انا نحب نعطيك شي اخر
انا:شنية
هز يدو في وجهي...جات عيني عالشركة متاعي...عينيا وساعو بالوقت...هزيت يدي ترعش...شديتها عليه نحكي
انا:ز زياد هاذي متاعي...و وين لقيتها انت
زياد:من اول نهار ضيعتها و هي عندي
انا:مستحيل...في بالي معادش باش نلقاها جملة
زياد:كان لازم نرجعهالك في نهار كيف هذا
انا:زياااد
زياد:مممم
كبست عالشركة في يدي و قربت منو حضنتو بكل قوتي...خاطر مستحيل نلقى كلام يعبر على لي قاعدة نحس فيه توا بالظبط
حسيت بيدو تحطت على ظهري...كبس عليا...حضنتو بيديا اكثر...نسمع فيه يحكي
زياد:سوااار
مرجعتلوش...كبست عليه اكثر...باقي نبكي...حسيت بيدو تحطت على يدي...فكلي الشركة...و نزل بيديه لجنابي..كبس عليا...يحكي
زياد:اغزرلي هوني
انا:لا
كبس عليا اكثر...جبدني شوية...جا وجهي مع وجهو...هز يدو مسحلي دموعي...يغزرلي ندرا كيف...نزلت راسي نهرب في عينيا منو...حسيت بيديه لي دارو على رقبتي...لبسني الشركة...هزيت يدي حطيتها عليها نتحسس فيها...مش مصدقة لهي رجعتلي...قربلي اكثر...نفس متاعو قوا في وجهي...حسيت بشفافو على رقبتي...باسني بوسة خفيفة...غمضت عينيا بالوقت...جبد روحو شوية...يحكي
زياد:توا ولات عندها قيمة
حليت عينيا نغزرلو...هزيت يدي...نعدي في صوابعي تحت عينو...نحكي
انا:زياد
زياد:مممم
انا:تعرف لانا نحبك برشا...اكثر من روحي حتى
زياد:نعرف
انا:تعرف زادة لي منجمش نعيش من غيرك...تعرف لحاولت برشا مرات ننساك بعدما عرست بميرال اما منجمتش...حاولت نكرهك...زادة منجمتش...كل يوم و كل لحظة نحبك اكثر...منعرفش علاه...كيف ريت منى بحذاك...خفت لحكاية ميرال تتعاود...خفت تخليني على خاطرها...تعرف علاه نخاف...خاطر معندي حتى حد غيرك...و زادة ما عندي شي نجم نعطيهولك
3
قرب مني باسني من راسي...ورجعلي شعري لتالي يحكي
زياد:ما تعطيني شي...خليك معايا و كهو
انا:باش تبقى تحبني ديما مش هكا
زياد:ممممم
انا:مهما صار بينا متخلينيش...لازمك تعرف ديما لانا معندي حتى ذنب في اللي قاعد يصير...انت كان تخليني باش تقتلني...خاطر سوار عايشة بيك انت كهو
زياد:عيش صغروتني...الافكار هذوما معادش نحبك تفكر فيهم باهي
انا:باهي...نحب نسألك شي اخر
زياد:شنوة زادة
انا:ميرال
زياد:شبيها
انا:ب باش طلقها
زياد:مممم بالطبيعة
انا:باهي
زياد:ماكش باش تطلب مني نعرس بيك
انا:يكفي لانت باش تكون ليا كهو
زياد؛صااار...تحبنا نبقاو هكا
انا:لا اما
زياد:اما شنية
انا:نعرف لانت كان تعرس بيا توا...شتكون في مشكلة
زياد:انا نحب نعرس بيك...نحبك تكون ليا
انا:تحكي بالرسمي
زياد:ممم تحب العرس هوني و لا في تونس
انا:في تونس...عرس في نهار مش كيما لي عملتو لميرال في الليل...نحب كلشي يكون بالابيض و الروز...و اهم شي عماد يكون موجود
زياد:كهو ؟
حطيت راسي على كتفو...و تلكمت على روحي اكثر نحكي
انا:حكيت و كهو...اللي يهمني انك تكون معايا...و معاد حاجتي بشي اخر
هز يدو...رجعلي شعري لتالي...لزني ليه اكثر...يحكي
زياد:وراسك ما نعملك احلى عرس
انا:بالحق
زياد:مممم شنعرسو في اقرب فرصة
هزيتوراسي شوية...بستو من خدو...بوسة مرصوصة نحكي
انا:عيش حبيبي محلاك...يخليك ليا
زياد:تستفز فيا راك
انا:ديما مخك منحرف
زياد:كان ترا شعملت البارح تو تعرف علاه انا منحرف
4
رجعت حضنتو...غطست وجهي في رقبتو...نعرف روحي كثرتلها البارح...نسمع فيه يضحك و يحكي
زياد:هههههه والله باش نتهد جراير عمايلك
انا:و انا نحبك برشا
كبس عليا بيدو...منعرفش قداش تعدا وقت بالظبط...و احنا اكاكا...نسيت كلشي قاعدة نفكر فيه...حتى الوقت محسيتش بيه و انا في حملتو...حاسة روحي في حلمة و منحبش نفيق منها...يدو لي كانت تتعدا على شعري كانت كيف البلسم لجروحي الكل...كلشي خايب قاعدة نخمم فيه نسيتو و انا في حملتو...يكفي لهو يحبني...لهو شيبقى معايا ديما...معنديش جراة اني نخسرو جملة...لا في جرة ادم و لا اي حد اخر...فيقني من سرحتي يحكي
زياد:سوار رقدت ياخي
انا:لاا
زياد:شرايك نرجعو لدار توا
انا:منحبش...مرتاحة هكا
زياد:تو في دار ترتاح احسن
جبدت روحي منو شوية...طلعت راسي نغزرلو...نحكي
انا:ما كليت شي راهو
زياد:هاك عديت سهرية في حملتي...و الماكلة باز بردت على روحها
انا:اما انا جعت برشا...والله
زياد:باهي لالة قوم تو نهزك تتعشى
هزيت روحي شوية...اول ما وقفت...وقف في جرتي...حسيت ببرودة في بدني...حضنت روحي اكثر...و غزرتلو..فهم عليا...غزرلي ندرا كيف...و نحا الفاست متاعو...حطها على كتافي...تبسمت و لبستها بالقدا...نزل يدو شدني من يدي...يمشي فيا وراه...دوب طلعنا الدروج هذاكا...غزر لواحد من رجالو...حكا معاه كان بالاشارة...عرفت لهو مش هوني وحدو...و محبيتش نسألو شي زادة...باقي نمشي معاه...وصلنا لريستو قريب...دورت عينيا عالبلاصة...نغزر للطاولات الصغار منصوبين على طرف...ريستو صغير محلاه...ريحة الاكل وصلت لخشمي...عوجت فمي نحكي
انا:جعت
زياد:اتو توصل الكرهبة و نمشو لريستو اخر
انا:لا باش ناكول هوني
زياد:شتقعدني هوني
يغزر لطاولات و يتشوحر...ضيقت عينيا و قربت منو نحكي
انا:اول شي انت في براغ مش تونس...يعني حد ماهو باش يعرف شكونك...شي اخر...شي ماهو باش يصيرلك...كان انت قعدت هوني
جبدت يدي منو قبل ما يحكي...و قربت قعدت على اول طاولة عارضتني...و هزيت يدي لسرفور...نفخ بالقاوي...و قعد مقابلني...شدني ضحك و انا نرا فيه يحاول يقعد في الكرسي الصغير...طلبت من السرفور شيجيبلنا...باقي نغزر لناس...و ضربة زوز نغزرلو...وصلو سندويتشات بالوقت...هزيتو في يدي...و غمزتو...ناكول و نغزرلو...ضحكت كيف ريتو بدا ياكول...اول مرة بعد اللي صار الكل نحس روحي فرحانة لهدرجة...تمنيت كان الوقت ياقف في الليلة هاذي...و نعدي حياتي الكل في البلاصة هاذي...اول ما كملت...حط فلوس عالطاولة...و هز روحو وقف...وقفت في جرتو...نحكي
انا:شبيك مزروب
زياد:هاك خليت عشا سهرية...و عجباتك الماكلة هوني
اما:كلو جرايرك
زياد:شعملت انا
اما:شي...حتى هوني الماكلة بنينة برشا
زياد:صحة ليك...هيا نمشو توا
انا:لحظة
5
قربت منو...استندت على يدو...نحيت الكعب...هزيتو في يدي...غزرلي مستغرب يحكي
زياد:فاش تعمل
انا:تعبت
زياد:باش تمشي هكا
هزيتلو براسي يه...باقي يغزرلي مبهم و مش فاهم شي...اصلا دار مش بعيدة برشا...و الغريب انو الوقت هوني مش مهم برشا...كلشي تحب عليه موجود...و كلشي هوني باهي...حتى الحب...احساسو الكل وصلني من كبسة يدو على يدي...من نظراتو لكل مرة تسلل لوجهي...محسيتش بالثنية...اول مرة نحس قداش الخطوات هذوما مهمة في حياتي...كلشي عطا لون و هو معايا...حتى الموسم عطا لونو...غزرت لراجل قاعد بحذا الباب...تبسمتلو...مسكين في اليمات هذوما تدهش فينا...اول ما وصلنا...حل الباب و دخل...دخلت وراه...سكر الباب...و جبدني من يدي...حصرني مع الحيط يحكي
زياد:شنعمل فيك توا
انا:شتقصد
زياد:نحب عليك توا انا
عينيا وساعو مع كلامو...منجمتش ندزو...و منجمت نحكي شي زادة...منعرفش شباش نقولو اصلا.. بقيت نغزرلو مستغربة...انا زادة نحب نكون معاه...اما مش قبل ما نكون مرتو...و كان كنت في وعيي مستحيل كنت نسلملو مرة اخرى...اما توا...تفكيري بين القبول و الرفض...خاصة بعد اللي صار الليلة...فيقني من سرحتي...صوت ضحكاتو...ضيقت عينيا مستغربة...هز يدو عداها على شعري يحكي
زياد:مجنونة...في بالك كهو لي قاعد نخمم فيه
انا:ا انا
زياد:انت باش تاخو دوش و تمشي ترقد
هزيتلو براسي ايه...نزل باسني من راسي...و جبد روحو لتالي...دخلت معاه...تبسملي و دخل لبيتو...خذيت نفس و دخلت لبيتي...ترميت عالسرير...نغزر للخاتم في يدي...قلبي نحسو باش ياقف...مش مصدقة جملة لي صار...عديت يدي على الشركة في رقبتي...و سكرت عينيا...نذكر في كل لحظة عديتها معاه...منعرفش قداش تعدا وقت اكاكا...هزيت روحي شوية...بدلت دبشي...لبست روب عند الركبة...ورجعت باش نرقد...كيما حاولت شي...نفخت بالقاوي...في لحظة تبسمت بخبث...و هزيت روحي...خرجت من البيت...حليت باب بيتو شوية شوية...نغزرلو كيف طيش المنشفة عالفوتاي...و ترما عالسرير...غزرلي بشطر عين يحكي
زياد:شبيك
6
مرجعتلوش...قربت منو...تسطحت قدامو...قربت منو شوية...نحكي
انا:نحب نرقد
هز يدو دورها على كرشي...جبدني عندو حضني من تالي...يحكي
زياد:شبيها بيت البانو مقلوبة
انا:منعرفش
زياد:سوااار
انا:تقلقت شوية كهو...في بالي حكاية الخدمة باش تتعاود
تنهد بالقاوي...حسيت بالنفس متاعو في رقبتي...كبس عليا اكثر يحكي
زياد:معادش تخمم فيها الحكاية باهي
انا:باهي...نحبك
حسيت بيه كيف باسني...غمضت عينيا بالوقت...قربت ليه اكثر و غطست في نومة محلاها...فقت منها نص النهار...ملقيتوش جنبي...غزرت ليدي اول شي...دوب ريت الخاتم عرفت روحي مانيش في حلمة...تبسمت بالوقت...و نزلت من السرير...خرجت لصالة...لقيتو حضر الفطور...هزيت كاسة القهوة و قربت من الشباك طليت منو...لقيتو يحكي مع واحد من رجالو...تكيت عالحديدة...نغزرلو...محلاه السخطة...و هو لابس كان شورت و خلعة...شعرو داخل بعضو...طلع راسو شوية غزرلي...كانو حس بيا...تبسمتلو بالوقت...تبسم شطر تبسيمة...ورجع كمل كلامو...دوب مشا الراجل...طلع...دخلت بالوقت...حطيت الكاسة عالطاولة...و مشيت حليتلو الباب...وصب بالوقت...ترميت عليه حضنتو...نحكي
انا:شبيك مشيت و خليتني
زياد:هاني معاك
هزني بيدو شوية...و سكر الباب...حطني عالارض يحكي
زياد:فطرت
انا:مزال
زياد:ايجا ملا
قعدنا مع بعض عالطاولة...حسيتو مقلق و مش قد بعضو...منجمتش نسكت اكثر...غزرتلو نحكي
انا:زياد شفما
زياد:شي شي
انا:نعرف لفما شي...ماكش باش تخبي عليا
حط يدو على يدي..كبس عليا...يحكي
زياد:سوار انا الليلة
انا:شنية
زياد:شنكون بحذا منى
انا:شنننوة علاه..و كيف تكون بحذاها
زياد:عاملة سهرية في دارها و
انا:ياخي مش البارح عيد ميلادها فاش قام تعمل سهرية اخرى
زياد:منعرفش...و منوقعش شجيني فرصة اخرى باش نعرف شكون جنيرال
انا:باش نجي معاك
زياد:سوار
انا:باش تحطني على جنب كيف عادتك
زياد:كان انت جي الحكاية باش تتعقد اكثر
انا:لا..يمكن انا كهو لباش نعاونك تعرف شكون حضرة جنيرال
زياد:خليك بعيدة عالحكاية
انا:لااا...كلشي يخصك يهمني انا زادة
7
نفخ بالقاوي...و هزلي براسو ايه...مش حابب ياخو و يعطي معايا في الكلام...منعرفش كيف تعدا نهار...و منعرفش كيف حضرت روحي...هزني معاه...و فرد وقت متردد...نعرف لميحبش يوحلني في الحكاية...اول ما وصلنا...حسيتها تصدمت كيف راتني معاه...تبسمتلها بالوقت...حط يدو على ظهري...دخلت معاه...فديت من القعدة معاها و مع صحابها...غزرت لزياد لتفكيرو مش معانا جملة...ضربت كاسة العصير بيدي...طاحت عليا...هزيت روحي وقفت نحكي
انا:منقصدش لي صار...تنجم تقولي تولات وين
غزرلي زياد مستغرب...طمنتو بعينيا...و خالطت عليها...غزرتلي تحكي
منى:اخر وحدة تقابلك وقت تطلع
انا:مرسي عيشك
هزيت روحي طلعت...دورت عينيا عالبلاصة الكل...دخلت غسلت حالتي و خرجت...جات عيني على تابل...محطوطة على جنب...معلقة...فوقها لوحة...ظاهر هي رسمتها...قربت منها شوية...نغزر لمجموعة الصور لمحطوطة عليها...هي و خوها و امها...باقي نغزرلهم بالوحدة...على اخر تصويرة...الدم جمد في عروقي...و طرافي بردت...قلبي دق فرد مرة...طاحت الصورة من يدي...تكسرت...استندت بيدي عالتابل باش منطيحش...مستحيل يكون هو...لا مستحيل...مستحيل...هاذي الكلمة اللي قاعد تتعاود في مخي...باقي نغزر لتصويرة عالارض و مش مصدقة...نزلت عليها شوية...نلم في القزاز...و فمي محلول شطر...كاني غطست في حلمة طويلة...هزيت الصورة بالسيف...حطيتها ا
عالتابل...استندت بيديا عالحيط...الدنيا قاعدة دور بيا...دوب نجم نرا قدامي...حاستها كذبة و مستحيل تتحقق...مستحيل...مستحيل يكون هو...اصلا منعرفش كيف نجم نخرج اسمو من شفافي و نقول شكون هو...عمري ما توقعت اني باش نتصدم لهدرجة...و منعرفش شنوة اللي باش يصير بعد هذا الكل
حلقة 128
زياد يحكي:
قاعد على اعصابي...نسمع فيهم يحكو...و تفكيري معاها لفوق...منعرفش شبيها طولت...نهز في ساقي بعصب...طلعت راسي...كيف حسيت بيها جات...غزرتلها مستغرب...وجها اصفر...كانو الدم هرب منها...تغزرلنا بالواحد...وقفت بلا ما نحس...قلبي نحسو باش ياقف...و انا نرا فيها هكا...قربت منها بالزربة...هزيت يدي حطيتها على خدها نحكي
انا:شبيييك لباس ماهو
بقات تغزرلي ندرا كيف...دورت وجها شوية غزرت لمنى...لي قربت منا بالوقت تحكي
منى:دنيز لباس ياخي
نزلت بيدي ليدها...باردة عاللخر...مفهمتش لي قاعد يصير...جيت باش نحكي...قصت عليا تحكي
سوار:ز زياد نحب نمشي
منى:علاه شصار
عقدت حواجبي بالوقت...محبيت نسألها حتى شي...كبست على يدها اكثر...و هزيتلها براسي ايه...تلفت لمنى نحكي
انا:باش نحكو مبعد
هزتلي براسها باهي...جبدتها عندي...و خرجت معاها...تعمل في الخطوة بالسيف...عرفتها مش قد بعضها...حليت باب الكرهبة...ستنيتها ركبت...و خالطت عليها...خدمتها من غير حتى كلمة...حتى انا منجمتش نسألها و هي في الحالة هاذي...نسوق و عيني عليها...قص حاجز الصمت...صوتها لي خرج ضعيف...و هي تحكي
سوار:يعقووب...ب ب بابا
دورت راسي غزرتلها مستغرب...مفهمتش لي قاعدة تقول فيه...خذيت نفس نحكي
انا:سوار فاش تحكي ياخي
طلعت راسها غزرتلي...عينيها حمر جمر...نجمت نراهم في ضو الكرهبة...حكات بصوت بارد...ما فيه حتى تعبير
سوار:الجنيرال...نفسو يعقوب بابا
شديت الفران بالقاوي على كلامها...غزرتلها مصدوم نحكي
انا:شننننوة...سواار لباس ماهو شنية لي تحكي فيه
تبسمت بوجيعة...دورت راسها...و كملت كلامها تحكي
سوار؛مستحيل ننسى وجهو...صورتو محفورة في راسي...كل يوم و كل ليلة كنت نطلع لصورتو...مستحيل اني ننساه...نفس الملامح...نفس الوقفة...و نفس الصورة زادة...صورة بابا
حاولت نستوعب كلامها منجمتش...باقي نغزرلها مبهم...مستحيل تكون فما بينهم علاقة...ريتها كيف سكرت عينيها بالقاوي...نزلت عينيا من وجها ليدها...عقدت حواجبي مستغرب...حطيت يديا زوز على يدها حليتها...عينيا وساعو...و انا نرا في قطعة القزازة اللي كابسة عليها...فكيتها من يدها مفجوع...نحكي
انا:سواااااار هبلت ياخي...شنية هذا
تهزت و تحطت على صياحي...نزلت راسها غزرت ليدها...حسيتها تو فاقت على روحها...سكرت يدها...و نزلو دموعها بالوقت...جبدتها عندي حضنتها...نحكي
انا:ششش يزي...وفات...انا باش نحاول نتاكد من الحكاية باهي
جبدت روحها مني...غزرتلي ندرا كيف...تحكي
سوار؛شبيك متحبش تصدقني...مستحيل نطلع غالطة فهمت
انا:باهي...باهي اهدا توا...لازمني نهزك للكلينيك توا...مبعد نحكو باهي
سكتت و بقات تغزرلي فرد وقت...هزيت يدي...جبدتها عندي...تكيتها عليا...و شديت الثنية للكلينيك...نغزر ليدها لي تنزف...و تفكيري مع كلامها...منعرفش كيف وصلت...جبدتها من عندي...نحكي
انا:هيا سوار...هيا عيش حبي
هزتلي براسها باهي...خذيت نفس و نزلت من الكرهبة...حليتلها الباب نزلتها...دخلنا مع بعض...جاو لينا بالوقت...دخلت معاها...قعدت عالكرسي...نغزر لطبيب جا قعد بحذاها...يعقملها في الجرح...باش يغرزلها...شديتها من يدها لاخرى...غزرتلي تحكي
سوار:زياد انت صدقتني مش هكا
انا:سوااار اهدا
سوار:جاااوبني
محستش بالطبيب كي كمللها...دوب جبد روحو شوية...قربت منها حضنتها...حطيت يدي على راسها نحكي
انا:و راسك صدقتك...انت كهو اهدا توا...اهدا عيش صغرونتي...كلشي باش يتحل...و انا معاك
حسيت بيها هدات...نزلت بستها من راسها...ووخرت لتالي...كمل الطبيب حطلها بونداج على يدها...هزت روحها وقفت...قربت مني...حطت راسها على صدري...حضنتها نحكي
انا:هيا نمشو توا
هزتلي براسها باهي...بقيت نسايس فيها لين وصلنا للكرهبة...حسيت بيها قداشها مصدومة...اول ما ركبنا تلفتتلي تحكي
سوار:باش نرجعو لتونس...لازمني نقابلو
انا؛باهي...باش يصير لي تحب عليه
قربت مني عاللخر...حطت راسها على كتفي...حطيت يدي على ظهرها...جبدتها عندي اكثر...نهدي فيها...ثنية كاملة ما حكات شي...نسمع كان في صوت نفس متاعها...اول ما وصلنا...بعدت شعرها على وجها...نحكي
انا:وصلنا عزيزتي
هزت راسها شوية...ورجعت تكات عليا...تحكي
سوار؛دايخة
رجعتها بيديا لتالي...و نزلت حليتلها الباب...هزيتها في حملتي...دوب حالة عينيها...مسلمة بين يديا...كبست عليها اكثر...و دخلت لقيت نفس الشيخ متاع كل مرة...فتحلي باب الاصونصير...جيست هزيتلو براسي...و دخلت...منعرفش كيف وصلت لدار..حطيتها عالسرير...و جبدت روحي شوية...شدتني من يدي تحكي
سوار:خليك معايا
انا:تو نرجع
جبدت يدي منها...مشيت لبيتها...هزيت اول روبة جات على يدي ورجعتلها...قعدت على طرف السرير...جيت باش نفيقها ليقيتها غفات...رصاتلي بدلتلها دبشها...خاطر ريحتو بالدم...غطيتها و دخلت لبيت البانو...حطيت الدبش على جنب...و عملت دوش...اول ما خرجت عندها...نسمع فيها تحكي...عرفتها قاعدة تهتري...قربت منها...حطيت يدي على جبينها...سخونة عاللخر...منعرفش رغم انو الحكاية جاتني غريبة...اما حالتها هكا...خلاتني نصدقها...فكرة انو جنيرال هو بوها لسوار...شيقلب الحكاية الكل...و السؤال اللي قاعد يدور في راسي...اذا طلع كلام سوار صحيح...زعمة هو يعرف لهي بنتو...يعرف لقاعد يصير و ساكت...مستحيل يكون خايب لهدرجة...و منى هي اخت سوار...قد ما قلبت الحكاية في مخي...منجمتش نصدقها...هزيت تليفوني...طلبت واحد من رجالي...باش يتلهى بامور الرجعة لتونس...لازمني نرجع في اقرب وقت...لازمني نفهم لي قاعد يصير بالظبط...علقت عليه...كيف سمعتها تحكي
سوار؛س سيبني...ب بابا...بابا...امان...عدنان
هزيت يدي عديتها على خدها...نحاول نفيق فيها بلا ما نفجعها...و نحكي معاها فرد وقت
انا:سواار...عزيزتي فيق...انا هوني معاك
سوار:ا ابعد...س سيبني
انا:سوااار...حل عينييك
حلت عينيها مفجوعة...تتنفس بالسيف...لزيت ليها شوية نحكي
انا:اهددااا...انا معاك هوني
سوار:ا انا ريت عدنان...ريتو مرة اخرى
انا:مستحيل يرجع...عدنان مات...و انا معاك توا
سوار:ملا شبيني نحلم بيه توا
كبست عليها.. و نزلت بستها من راسها...نحكي
انا:ششش انسى لي صار جملة...و راسك حد ماهو باش يقرب منك...و لا يأذيك...الا ما نحرقو قدام عينيك
كبشت فيا بيدها...و غرست راسها في صدري...بقيت نعدي في يدي على شعرها...لين حسيتها هدات...و نفسها تنظم...عرفتها ولات رقدت...بقيت معاها لين طلع النهار...اخر شي توقعتو..انو حكاية اخرى تبدا من دار منى...تحركت شوية...عرفتها باش تفيق...نزلت راسي غزرتلها...حلت عينيها...بقات تغزرلي...تبسمت نحكي
انا:كيف تحس في روحك توا ارتحت
سوار؛مممم
انا؛باهي...شرايك تقوم تفطر
هزتلي براسها لا...و كبشت فيا اكثر...تنهدت نحكي
انا:سواار...ياخي شتبقى عالحالة هاذي انت
طلعت راسها غزرتلي ندرا كيف...هزيت يدي نبعد في شعرها و نحكي
انا:و كان طلع بوك...شنية لراح يتبدل...لا هو باش يبعدك عليا...و لا انا راح نخليك باهي
سوار:ز زعمة هو يعرف لانا بنتو
انا:منعرفش...تو نعرفو بقية الحقيقة منو
سوار:و وكان طلع عندو يد في موت ا امك...شتخليني وقتها
سؤالها روهجني...اما هو بالظبط ميهمنيش جملة...حتى اذا كان بوها بالحق...هو اول حد مسؤول على لي صارلها الكل...تبسمت نحكي
انا:اللي يهمني انت...طول ما انت معايا و بجنبي...حد ما يهمني باهي...نحي الافكار هذوما الكل من مخك...نحبك اقوى من هكا...و المرة هاذي نحبك تاثق فيا...و تعرف لانا معاك في كل خطوة تعملها وفي كل قرار تاخو باهي
هزتلي براسها ايه...و تبسمت فرد وقت...نزلت عليها شوية...بستها من راسها نحكي
انا:مزلت متحبش تفطر
سوار:ن نحب...جعت برشا
انا:مممم باهي...هيا ملا
كبشت فيا اكثر...تبسمت على جنب...جبدت روحي منها شوية...وقفت...و نزلت عليها هزيتها في حملتي...مشيت بيها للكوجينة...حطيتها عالكرسي...نحكي
انا:شتحب تاكول
سوار؛ميهمش اي شي
هزيتلها براسي باهي...و تلفت نحضر الفطور...و في مخي اكثر من سؤال...ووسط هذا الكل خايف عليها برشا...نعرف ردة فعلها كي تتصدم من حاجة...كل شوية نرمي عيني عليها...سارحة كانها مش معايا جملة...حطيت الصحن قدامها...تهزت و تحطت...طلعت راسها غزرتلي تحكي
سوار:كملت ياخي
انا:مش قلنا معادش تخمم فيها الحكاية
سوار:منجمش...حاولت اما تفكيري عندو...نحب نحكي معاه...نحب نفهم اللي قاعد يصير...نحبو يحكيلي كلشي...تي من بارح و هالاسئلة تحرق فيا...من بارح و صورتو بين عينيا...هو بابا زياد و انا متأكدة...و اكثر شي خايفة منو...انو هو يعرف لانا بنتو...و مخليني نعيش هذا الكل
عقدت حواجبي مستغرب من كلامها...قربت منها حطيت يد عالكرسي...و يد عالطاولة...حاوطتها...و نزلت عليها شوية...لين جا وجهي مع وجها...ضيقت عينيا نحكي
انا:تقصد متحبش تكون معايا
هزت يدها حطتها على خدي...قربتلي اكثر...حسيت بالنفس متاعها على وجهي...نسمع فيها تحكي
سوار:لااا...انت احلى حاجة في حياتي...و كان ظطريت نختار بينكم...شنختار اني نكمل معاك...لا هو و لا اي حد غيرو ينجم يبعدني عليك...اصلا منجمش نعيش حياة انت مش فيها...انا عايشة على خاطرك انت و كهو...كان تخليني...تكون حطيت حد لحياتي
جيت باش نحكي...قصت عليا...كيف حطت شفافها على شفافي...كلامها و شفافها...خلاوني نهدا في لحظة...جبدت روحها شوية...تحكي بصوت مخنوق
سوار:نحبك
دوب رمات كلمتها...رجعت غطست في شفافها...لحظات نسيت فيهم لي صار الكل...جبدت روحي منها...بستها من راسها نحكي
انا:و انت حياتي الكل
سوار:نعرف
تبسمت...و جبدت روحي منها...كملت حطيت الفطور...و قعدت مقابلها...نحكي
انا:باش تفطر...و منحب نسمع حتى كلمة اخرى
نزلت راسها لصحن...تهرب في عينيها مني...رميت يدي شديتها من يدها...نحكي
انا:ايجا عندي
هزتلي براسها لا...قحرتلها...هزت روحها و قربت مني قعدت في حملتي...تحكي
سوار؛يدي توجع فيا
انا:باش المرة الجاية...تتعلم تخرج غشك في شي اخر
سوار:محسيتش كيف عملت اكاكا
انا:وفااات...و المرة الجاية...نحبك تخمم في روحك قبل ما تعمل اي شي باهي
سوار:باهي...ا اما
انا:اما شنية
سوار:امتى باش نرجعو لتونس
انا:غدوة و لا بعد غدوة...لين نكمل نريقل الامور هوني
سوار:و باش تقابل منى زادة
انا:منعرفش يمكن
سوار:متخليهاش تقرب منك اكثر من هكا...باهي
انا:باهي يا روحي
حكات كلامها بنبرة تهديد خلاني نشيخ عليها دخلاني...بعدت شعرها على جنب...باقي نحاول فيها لين كملت فطورها...نحب نستغل الاوقات هذوما معاها...خاطر متأكد لاول ما نرجعو لتونس برشا حاجات باش تتبدل...على هذاك شنحاول نطلق ميرال في اقرب وقت...و نكتب صداقي عليها...منحبش نخليها تعيش بين مد و جزر...و لا باش نخلي الجنيرال يدخل في حياتها اذا صار و ظهرت الحقيقة الكل
☆☆☆بناااات الحلقة الجاية شيكون اللقاء بين سوار و بوها 😈 زعمة يعرف لهي بنتو...و شنية مخبية الاحداث الجاية...تنجمو
تتوقعو 😈
الحلقة 129
سوار تحكي:
يومين تعداو بعد اكا الليلة...نغزر ليدي...و تفكيري بعيد برشا...منعرفش كيف باش نقابلو...شنوة اللي باش نقولو...و شنية لباش يصير...منجمش نقولو انا بنتك...و منجمش زادة ننسى لي ريتو...يومين عديتهم...و الف سؤال في راسي...شنية علاقتو بامي...و كيف هي كانت مع واحد كيفو...كيف يمكن واحد بنفوذو يكون بابا...زعمة يعرف بهذا الكل...يعرف شكون انا...و خلاني غاطسة بينهم...فيقني من سرحتي يدو لي تحطت عالجرح...نسمع فيه يحكي
زياد:كلشي باش يكون مليح...اذا انت كنت قوية
هزيتلو براسي باهي...من غير ما نغزرلو...غرست راسي في صدرو اكثر...حسيت الوقت طوال اكثر...و محبش يمشي...يدو لي كانت تتعدا على شعري...خلاتني ناخو قوتي منو...نعرف لهو مش باش يخليني...و شيبقى معايا...كبشت في مريولو اكثر...نحب نحس لهو معايا...لي مهما صار ماهوش باش يسلم فيا...نزل باسني من راسي...و كبس عليا بيدو..عديت الوقت بين يديه...فقت من سرحتي على صوتو يحكي
زياد:سواار...عزيزتي وصلنا راهو
طلعت راسي شوية...باقي مكبشة فيه...مش حاسة بشي...حتى من العباد لي معانا...محسيتش بيهم...هزيت روحي معاه...من غير ما نبعد عليه...اول ما نزلنا من طيارة...قلبي خض بالقاوي...اول مرة نحس روحي غريبة على بلادي...و يمكن خوفي من اللي جاي خلاني نحس هكا...كبست على يدو اكثر... ما سيبتو كان وقت وصلنا للكرهبة...هز المفاتح من رجالو...حلي الباب ركبت...و باقي يحكي معاهم ندرا فاش...مبعد خالط عليا...غزرلي يحكي
زياد:شتبقى عندي الفترة هاذي باهي...و كان تحب خلي ملاك و زينب يجو عندنا
دورت راسي غزرتلو...خذيت نفس بالسيف...نحكي
انا:هزني للمركز زياد
زياد:توااا
انا:نحب نقابلو
زياد:ارتاح اليوم و انا من غدوة نهزك عندو
هزيتلو براسي لا...اكثر من مرة...نحكي
انا:لااا نحب نقابلو توا...نحب نرتاح...منجمش نستنى اكثر...امانك زياد
عدا يدو على وجهو...يهدي في روحو...غزرلي يحكي
زياد:باهي سوار باهي
خدم الكرهبة بالوقت...و طار بيها...تكيت لتالي...نغزر لثنية...و تخمم في اللي باش يصير...نخمم كيف باش نواجهو و نحكي معاه...كل ما نقربو للمركز اكثر...نتخنق اكثر...نحب نرجع لتالي و فرد وقت نحب نقابلو...نحب نسألو برشا اسئلة...اما من غير ما نسمع اجوبة...نحب نراه مرة وحدة كهو...نحب نسألو كيف نجم يعيش من غير ما يفركس على بنتو...بنتو لي عدات شطر عمرها تلوج عليه...و ما تعرف شي كان اسمو...و صورتو...فرد وقت هو جنيرال...و كلشي تحت يدو...كان ينجم في ساعة وحدة كهو...انو يلقاني...كنت ديما نقول...باز فركس عليا و ملقانيش...باز عمل اللي ينجم عليه و موصلش...يمكن خاطر بدلنا الدار...يمكن امي بدلت البلاصة جملة...اسئلة و احتمالات كبيرة...حطيتها في مخي...طول هالسنين...و تو لحق الوقت باش نعرفها...غمضت عينيا كيف شد الفران بالقاوي...و حليتهم على صوتو يحكي
زياد:سواار كان متحبش تقابلو توا مش لازم
هزيت راسي غزرتلو...تبسمت بالسيف...نحكي
انا:مليحة زياد...لازمني نراه...لازمني نفهم منو اللي قاعد يصير
هزلي براسو باهي...و تبسملي بالوقت...يهدي فيا...تقويت على روحي...و حليت باب الكرهبة نزلت...خالط عليا.. وقف قدامي...مدلي يدو...غزرتلو مستغربة...عملي جاست معناها نشدو...متوقعتش لهو باش يطلب مني هكا...خاصة هوني...هزيت يدي بالسيف حطيتها في يدو...كبس عليا...و جبدني عندو يحكي
زياد:خلينا ندخلو
هزيتلو براسي ايه...كبست عليه اكثر...و دخلت معاه...كبسة يدو عطاتني قوة غريبة...خلاتني ننسا اللي هوني الكل...حتى ميرال اللي تراقب فينا من بعيد بنظرة باردة...عملت روحي مريتهاش...حتى كيف دخلنا للاصونصير منجمتش نبعد عليه...و لا هو سألني شي...دوب خرجنا منها...تنهدت بالقاوي...و جبدت يدي منو...طلعت راسي غزرتلو نحكي
انا:باش نمشي وحدي
زياد:سوااار
انا:ستنيت اللحظة هاذي برشا...نحب نحكي معاه وحدي...يكفي لانت معايا
قرب مني اكثر...وقف مقابلني...هز يديه زوز...حطهم على وجهي...غزرلي ندرا كيف يحكي
زياد:اغزرلي...مهما صار ورا الباب هذاكا...شي ماهو باش يتبدل...انا شنبقى معاك لاخر نفس...نحب تذكر كلامي هذا بالقدا باهي
هزيتلو براسي باهي...نزل عليا باسني من راسي...ووخر لتالي...جبدت روحي منو...و قربت من الباب...وقفت مقابلتها بالظبط...دقايق كهو تفصلني عليه...دقايق كافية باش دمرني و لا تعطيني حياة جديدة...غزرت لرجال لي واقفين عند الباب...نحكي
انا:خبرو لي سوار ¤¤¤¤¤ هوني
منعرفش علاه عطيتو لقب امي...اما حبيتو يخليني ندخل...عالاقل يفهم علاه انا هوني...دخل عندو...شوية و خرج...يحكي
هو؛تنجم تدخل
غمضت عينيا...خذيت نفس طويل...هديت روحي...و دخلت عندو...الباب لي تسكر ورايا...فيقني وين انا...جاني صوتو من بعيد يحكي
جنيرال:ملا سواار هوني
رعشة سرات في بدني مع صوتو...و خوف غريب سيطر عليا...تمنيت كان مزال زياد معايا...و مزلت شادة في يدو...خذيت نفس...نحكي
انا:سواار ¤¤¤¤¤ ميذكرك في شي اللقب هذا
جنيرال:يذكرني في سعاد
قلبي دق بالقاوي...تركزت بيدي على حرف البيرو...نحكي
انا:ا انت...انت
قص عليا الكلام كيف حسيت بيه وقف...و بعد كرسيه لتالي...حسيت بخطواتو ماشية و تقرب...نرا في جهامتو شوية شوية...ووجهو لي بدا يبان من الظلام...بقيت نثبت فيه لين ولى واقف قدامي بالقدا...غزرت لوجهو...نفس الملامح...بان عليهم الكبر...الشيب غزى شعرو الكل...عمري ما توقعت اني باش نراه واقف قدامي هكا...اللي حسيتو خلاني نرجع خطوة لتالي...من غير ما نزل وجهي...مش مصدقة لهو واقف مقابلني...دقات قلبي قوات اكثر مع صوتو
جنيرال:سعاد امك
بقيت نغزرلو...الكلام وحل في حلقي...منعرفش شباش نحكي و لا باش نواجهو...نغزر لوجهو...و نحاول نلقى الكلام لي حضرتو من سنين...اما هو سبقني و كمل كلامو...يحكي
جنيرال:و اخيرا عرفت الحقيقة
كلامو خلاني نجمد في بلاصتي...غزرتلو في عينيه نحكي
انا:ك كنت تعرف...تعرف لانا ب بنتك
تبسم...تبسيمة باردة.. بردتلي اعصابي الكل و خلاتني نركز مع كلامو اللي وراها
جنيرال:عرفت من فترة قريبة...وقت الحادثة لي صارت بالظبط
انا؛ش شتقصد من وقت الحادثة
جنيرال:وقت جاني زياد لهوني...و حط دوسي متاعك...عرفت لسعاد هي امك...و تاريخ عرسها هي و عدنان قبل ما تولد بشهرين كهو...لي يفسر لعدنان مش بوك...و تحليل دم لي عملتو و انتي غاديكا...اكدلي الحكاية...متوقعتش لسعاد تكون حبلة...من وقت مشات محاولتش نعرف خبارها...لين جا كلشي بالصدفة
انا:ع علاه مخبرتنيش...علاه ممنعتنيش...علاه خليتني نكمل لتالي..علاه خليت امي من الاساس
جنيرال:مانيش الاب الميثالي لي تحلم بيه...و مانيش باش نتخلى على مبادئي و منصبي في جرة طفلة عرفت لهي بنتي بعد عشرين سنة و لا فايت
عقدت حواجبي...مع غصة البكا لي حسيتها في حلقي...مرارة بلعتها...تنهدت بالقاوي نحكي
انا:و وانا شنية ذنبي في الحكاية
جنيرال:انك طلعت بنتي...حاولت برشا مرات نبعدك عالحكاية...بعدت زياد من طريقك باش تخلي كلشي و تمشي...اما انت كبشت اكثر...و جريت وراه اكثر...في بالك زياد كان يعرف لخوه هو سبب المباشر في اللي صارلك شيبقى معاك
عينيا وساعو مع كلامو...تركزت بيدي عالطاولة...باقي نغزرلو...دمعة هربت مني...نزلت على خدي...كبست على يدي نهدي في روحي و نحكي
انا:كي تعرف الحقيقة الكل...علاه موقفتش معايا...ماك جنيرال كبير و بنفوذك...شبيك خليتني وحدي...لهدرجة قلبك قاسح انت
جنيرال:طول ما انتي مع زياد منجم نعمل شي على خاطرك...و من بكري سعاد حبت تبعد و هوكا نتيجة شنية طلعت
انا:تنجم تعمل لي عملو زياد على خاطري
جنيرال:كيفك كيف اي وحدة في حياتو...زياد من صغرتو هوني...و نعرفو اكثر من روحي...تو كي يفد منك يفركس على اخرى...كيما عمل مع ميرال
انا:ميرال انت لي جبرتو عليها...باش تحرق قلب بنتك سي يعقوب...يا ريتني لا عرفتك و لا ريتك في حياتي...يا ريت بقيت في احلامي و كهو
جنيرال:ابسط حقوقك خليتك تراني...كان كنت سوار كهو كنت نجم نتقبلك في حياتي...اما دنيز متساعدنيش...انسى انك شفتني...و انك حكيت معايا...انسى انو فما علاقة بينا من الاساس...لا انت دخلت هوني و لا انا ريتك و كلمتك
تبسمت بوجيعة...بحرقة حسيتها في قلبي...نحكي
انا:اول مرة نعرف لامي كذبت عليا...كذبت كيف قالت بوك راجل باهي و كيف تلقاه حياتك شتتبدل للاحسن...خسارة سنين لي عديتها نبكي عليك...و نفركس عليك من بلاصة لبلاصة...شيجي نهار و تعرف قيمتي...ساعتها تحس بالخسارة لي حسيتها انا توا
كملت كلامي...و تلفت عطيتو بظهري...اول ما وصلت للباب...كبست عالبواني...و حبست نحكي
انا:عرسي من زياد قريب...كان حبيت احضر انت و بنتك...احنا منردوش ضيف...و لا انت و لا حتى ادم ينجم يبعدني عليه
حليت الباب قبل ما يحكي حتى كلمة...و خرجت...جات عيني في عينو...باقي واقف عند الباب يستنى فيا...دوب ريتو دموعي لي كنت حاصرتهم نزلو بالوقت...قربت منو بالزربة...ترميت عليه بالقاوي...لين وخر لتالي...هز يديه زوز حاوطني بيهم يحكي
زياد:سواار شبيك...شصار...عملك حاجة
منجمتش نرجع عليه...كهو نبكي...خفت لا كلامو يتحقق و هو ينجم يخليني زادة...توا تأكدت انو زياد كهو لي بقى في حياتي...هو عيلتي و كهو...كل كلمة تخرج منو نكبش فيه اكثر...وسع بالو معايا لاخر نفس...عدا يدو على شعري يحكي
زياد:سوااار...عزيزتي...اغزرلي هوني شعملك خليني نتصرف توا
انا:ه هزني من هوني امانك
زياد:سوار
انا:امانك
جبدت روحي منو شوية...نزل يديه يمسحلي في دموعي...مش فاهم شي...مديت يدي...فهمني لي نحب نشدو...حطي يدو على يدي كبس عليا...كل خطوة نبعد بيها عالبلاصة...نرتاح اكثر...ثنية كاملة...لا سألني لا حاول يفهم...خاطر يعرف لانا منجم نحكي شي توا...يمكن اسوء نهار عشتو في حياتي...قد ما بنيت عليه احلام تهدت في لحظة...فقت من سرحتي كيف ركا الكرهبة...و تلفتلي يحكي
زياد:ايجا نطلعو
هزيتلو براسي باهي...خالطت عليه...نمشي و منعرفش فاش قاعدة نخمم بالظبط...اول ما دخلنا لدار...خليتو...و مشيت لبيتو...نحيت كونفارسي..و ترميت على فرشو...تلكمت على روحي...و سكرت عينيا...لا نحب نرا حد و لا نقابل حد حتى زياد...نحب ننسى لي ريتو و لي عشتو...نحب ننسى وجهو...و كلامو...نحب نمحي هالنهار من ذاكرتي...كانو لا صار ة لا كان...اول مرة نحس روحي بحاجة لحد...منعرفش شكون بالظبط...يمكن امي...نحب عليها توا...عالاقل نرتاح من اللي قاعدة نحس فيه...اما الحاجة اللي بقات دور في مخي انو كان هو خبر زياد بالحقيقة باش يخليني...زعمة يعملها...مستحيل...خاطر هو يحبني...و مهما صار شيبقى معايا...و شيبقى ليا كهو
¤¤¤ ♡♡ و الاحداث الجاية غير متوقعة...احداث تمشي بيكم لنهاية الكرونيك ♥
حلقة 130
زينب تحكي:
نحل في عينيا بالسيف...الضو لي داخل من شباك قلقني...نحس في بدني مدقدق...وجيعة مش نورمال في وسط كرشي...تقويت على روحي...و تقعدت شوية...تكيت لتالي...اول ما نزلت الغطا...عينيا وساعت بالوقت...و انا نرا في روحي عريانة...حطيت يدي على فمي...مصدومة...غمضت عينيا بالقاوي...نذكر في اللي صار البارح...صحيح مريتش وجهو...اما حسيت بيه لي كان معايا...قلبي دق بالقاوي...كيف ذكرت حالتي...مستحيل يكون شافني هكا...حطيت يدي على رقبتي نهدي في روحي...حطيت ساقيا عالارض...و استندت بيديا الزوز على حرف الفرش...وقفت...نعمل في الخطوة بالسيف...جات عيني على الخلعة متاعي...محطوطة عالفوتاي كلها دم...تو فهمت علاه نحهالي...دخلت لبيت البانو...غسلت وجهي...نغزر لوجهي لاصفر...ضعفت اكثر...و منعرفش وين باش ترصالي...منعرفش كيف باش نرجع لدارنا...و منعرفش كيف نقنع مولا دار يكريهالي مرة اخرى...و لا منين نجيب فلوس باش نكريها...باز مانيش باش نبقى هوني برشا...هزيت منشفة في يدي و خرجت...حليت القارد روب...اصلا منعرفش شكون نظملي دبشي...هزيت خلعة عريضة...لبستها من فوق...رجعت شعري لتالي...خذيت نفس و خرجت من البيت...نحس في روحي دايخة...خاصة من بارح ما كليت شي...جات عيني على بيتو...منعرفش علاه خلى الباب مفتوح...و منعرفش اصلا كيف هزوني ساقيا لعندو...وقفت بحذا الباب...دورت راسي شوية...نغزر لملاك لراقدة في حملتو...و غاطسين زوز في نوم...تبسمت بلا ما نحس...نعرف ملاك قداش تحبو و متعلقة فيه...حتى هو معاها يتبدل جملة...خذيت نفس و رجعت لتالي...حطيت يدي على كرشي...و نزلت الدروج وحدة وحدة...وصلت اللوطة بطلوع الروح...بقيت نفركس بعينيا عالكوجينة...عديت يدي على وجهي و دخلت...باقي نغزر لكل بلاصة...منعرفش على شنية نلوج بالظبط...قربت من رخامة...عبيت كاسة ما...نحس في ريقي شاح...دوب شربت منها شوية...حسيت بحركة خفيفة ورايا...تلفت بالوقت...اول ما جات عيني على عينو...فلتت الكاسة من يدي طاحت عالارض...فقت من سرحتي على صوتها...غزر للارض...و رجع هزني و حطني بعينيه...كبست بيدي على طرف الخلعة...و يدي لاخرى رجعت بيها شعري لتالي...نحكي
انا:م منقصدش لي صار...تو نلمو
نحكي و نهرب في عينيا منو...نحاول منغزرلوش...تنهدت و نزلت باش نلم القزاز من الارض...حاولت قد ما نجم منبينش الوجيعة لحسيت بيها ساعتها...اما قبل ما نوصل للارض...حسيت بيديه زوز...تغرسو في زنودي...وقفني...طلعت راسي شوية...جات عيني مع عينو...نزلت عينا بالوقت...قربو مني لهدرجة روهجني...نحب نجبد روحي منو...اما فرد وقت نحس في بدني مخدر...و قلبي باش يخرج من بقعتو...رخف يديه شوية ووخر لتالي يحكي
ادم:ارتاح تو نلمو انا
هزيتلو براسي ايه...و فرد وقت نحاول منغزرلوش...خذيت نفس...و جيت باش نمشي.. اما صورتو ضبت بين عينيا...و لعبت بيا دوخة...لقفني قبل ما نطيح...جيت في حملتو...حط يدو على ظهري...نسمع في صوتو بعيد برشا
ادم:زينب لباس ماهو
كيف سمعت اسمي من فمو...قلبي خض بالقاوي...هزيت يديا بالسيف...حطيتهم على جنابو...كبست على مريولو...نحاول نستند عليه باش نجبد روحي منو...طلعت راسي شوية نحكي
انا:م مليحة
هزلي براسو باهي...كبس على كتافي و غزرلي يحكي
ادم:ايجا
منجمتش نرجعلو...بقيت نطاوع فيه...جبد الكرسي بيدو...و عاوني نقعد...و مشى عبا كاسة اخرى...قرب مني حطها في يدي منجمتش نشدها...رجع شربني شوية...يحكي
ادم:لباس توا
هزيتلو براسي باهي...بقى يدور في عينيه على وجهي...تنهدت بالقاوي نحكي
انا:ن نحب نطلع
ادم:مش قبل ما تفطر
انا:اااه
منعرفش شبيني استغربت هكا...منجمتش نرد عليه...بقيت نغزرلو...كيف يدور في الكوجينة و يحضر في الفطور...اول مرة نراه هكا...لابس كان مريول و سروال سيرفاتمون...شعرو داخل بعضو...حتى من صوتو مزال بالنوم...كابسة بيدي عالطاولة و نغزر لكل تفصيل فيه...و فرد وقت كلامو متاع اخر مرة يتعاود في راسي...مستحيل يكون هو نفسو حكا معايا اكاكا...حسيت بغصة في حلقي...قص عليا تفكيري كيف حط صينية قدامي...و جبد كرسي قعد مقابلني يحكي
ادم:لازمك تاكول باش تتقوى على روحك
عملتلو براسي باهي...و هزيت يدي بالسيف...شديت الشوكة...نغزر للماكلة...منعرفش كيف باش ناكول و هو شاد وجهي...بقيت نحرك فيها...منعرفش كيف نجمت نخرج كلام و نحكي
انا:م ملاك وحدها لفوق
ادم:مش باش تفيق توا...طمن
انا:متخليهاش وحدها
ادم:تحبني نقوم يعني
انا:ا انا منجمتش نحميها...على هذاكا قتلك متخليهاش
ادم:مش الغلطة متاعك
انا؛يمكن...اما كان مخرجتش نهارتها...م مكانش باش يصير هذا الكل...و مكنتش باش ن
سكت خاطر الكلام هرب مني...كيف نفكر في الحادثة لي صارت...قلبي نحسو باش يخرج من بقعتو...لتوا مذكرة لي صار...كلنو يتعاود قدام عينيا...كبسة يديه و سلاح لي حطو في نص كرشي...كلامو لي باقي يتعاود في وذني...و حتى كلام ادم منسيتوش...اصلا ما نجم نلوم حد...كان روحي...خاطر انا لي دخلت بينهم...و لنا لي فرضت روحي في وسطهم...ستخايلت بعد موت امي...و الحادثة لي صارت...مستحيل نجم نعيش وحدي...و انو اكا الهم شيبقى في جرتي...نسيت انو لازمني نتقبل حياتي كيف ما كانت...نسيت شكون انا...و سمحت لروحي نخمم في حاجات اكبر مني...فقت من سرحتي كيف حط يدو على يدي...قلبي دق بالقاوي...نزلت راسي غزرت ليدو...نسيت لي قاعدة نحس فيه...و سرحت في الخاتم لي لابسو...كلام دنيز ليلتها تعاود في مخي...فوق هذا الكل هو معرس...تبسمت بوجيعة...و بمرارة حسيتها في حلقي...جبدت يدي بلا ما نحس...جيت باش نحكي...قص عليا هو يحكي
ادم:انسى...انت ما عندك حتى ذنب في اللي صار
طلعت راسي...غزرتلو بوجيعة...وجيعة حسيتها في قلبي...وجيعة مش مستانسة بيها...خلاتني نخرج صوتي بغصة متاع بكا
انا:ع عندك حق العباد لي كيفي ما يجي منهم كان الهم و المشاكل...على هذاكا من غير ما تعب روحك معايا مسيو ادم...انت عملت لي عليك و اكثر
ادم:زييينب...اللي قلتو ساعتها...قلتو في لحظة غش...مانيش من نوع لي نبرر كلامي و افعالي...اما اللي صار فيك جرايري انا...و من هوني لين ترتاح...انا مسؤول عليك
كلامو خلاني نغزل عليه اكثر...كبست بيديا عالطاولة...خذيت نفس ووقفت...نحكي
انا:باهي عيشك
جيت باش نمشي...هز روحو وقف...حسيت بالنفس متاعو في وجهي...غزرلي ندرا كيف...حط يدو على كتفي رجع قعدني...يحكي
ادم:ماكش باش تقوم لين تكمل فطورك
طلعت راسي...قحرتلو قحرة متاع موت...نحكي
انا:بالغصب
ادم:بالظبط
رجع قعد مقابلني...و حط يدو عالطاولة...نظراتو وتروني اكثر...نزلت راسي لصحن...منحبش نغزرلو اكثر...دوب نجمت ناكول لقمتين...قص الصمت لبينا...ملاك لي دخلت تبكي...دورت راسي مستغربة نحكي
انا:ملاك عزيزتي شبيك
ادم:ايجا لهوني
قربت منو...هزها في حملتو...حط يديه على خدودها...يعدي في صوابعو عليهم يمسح في دموعها...و يحكي
ادم:شبي صغرونتي...علاه تبكي
هزت يديها...تفسر بيهم...بقى يغزرلها مستغرب...ضيق عينيه يحكي
ادم:حلمت حلمة خايبة انتي
هزتلو براسها ايه...لزها ليه اكثر...و نزل باسها من خدها...يحكي...يحاول يطمنها بكلامو
ادم:ششش انا هوني معاك...شي ماهو باش يصير باهي
حملاتو بيديها زوز...غريبة كيف ينجم يفهمها من اول مرة...بقى يعدي في يدو على ظهرها لين هدات...هزيت يدي كبست على حرف الطاولة...وجيعة ماشية و تقوى في وسط كرشي...حاولت برشا منظهرش...نزل ملاك من حملتو...و قرب مني يحكي
ادم:شبيك
عرفتو شلق بيا...هزيت راسي غزرتلو في عينيه...لي كانو ضايعين في وجهي...نحكي
انا:م موجوعة...باش نموت
قرب مني اكثر...هزني بين يديه...حطيت راسي على صدرو...نحس في بدني ماشي و يتخدر...حسيت بيه كي حطني عالفوتاي...و قعد على طاولة يحكي
ادم:حاول تهدي روحك...هذا الكل خاطرك مشربتش دواك...تو نرجع باهي
خلاني مع ملاك...و طلع...قربت مني شدتني من يدي...قربتها ليها اكثر...باستني منها...عدات يدها صغرونة على وجهي...تبسمتلها بالسيف...رجع عندي بالوقت...شاد دوا و كاسة الما في يدو...يحكي
ادم:لازمك تشرب دواك توا...مكانش نهزك للكلينيك
هزيتلو براسي باهي...عاوني شربت دوايا...و رجعت تكيت لتالي...شوية وقت حسيت روحي ارتحت...هز روحو مشى...شوية ورجعلي في يدو ملحفة...غطاني يحكي
ادم:ارتاح توا...مبعد نهزك لبيتك باهي
انا:باهي عيشك
هز ملاك في حملتو...للكوجينة فطرها...و جاب وراقو حطهم عالطاولة...و قعد مقابلني يخدم في خدمتو...و ملاك شادة جنبي...بقيت نغزرلو...لين صورتو بدات تغيب...و نوم هزني...منعرفش كيف رقدت...و هو هوني...اما رغم كلشي...رقدت مرتاحة...و في مخي كيف نجم نبدا من جديد...كيف باش نجم نبعد على ملاك...و حتى دنيز مش باش ننسى خيرها...اما لحق الوقت لي لازم تكون عندي حياتي الخاصة...بعيدة على العالم هذا...و نرجع لنقطة الصفر
☆☆☆
زياد يحكي:
بقيت ندادي في صالة رايح جاي...منعرفش شباش نعمل بالظبط...اول مرة منجمش نواسيها...اول مرة نحس انو اكبر غلطة عملتها خليتها تقابلو...و نعرف لهو قداشو ساقط...و انتهازي...منعرفش فاش حكاو و لا شنية قلها...اما متأكد انو جرحها...لدرجة منجمتش تهز راسها حتى...عديت يدي على وجهي بغزول...لااا هذا مش حل...لازمني نحكي معاها...مستحيل نخليها وحدها...و لباش يصير خليه يصير...هزيت روحي مشيت عندها...خذيت نفس و حليت باب البيت...صوت شهقاتها وصلوني حتى قبل ما نقدم خطوة وحدة...قلبي عصر عليا...اكثر شي نفد منو...دموعها...منحبهاش تبكي...يكفي لي تعدا على راسها لتوا...رخفت يدي عالبواني...و قربت منها...قعدت على طرف السرير...نزلت عليها شوية...هزيت يدي بعدت شعراتها من وجها...نحكي
انا:سوااار...عزيزتي...يا روحي انت...نحبك تنسى لي صار جملة...حد ما يستاهل تعمل في روحك هكا على خاطرو
هزت روحها شوية...تلفتت عندي...قربت مني اكثر...دورت يديها زوز على جنابي...و حطت راسها على صدري...باقي تبكي...هزيت يدي عديتها على شعرها نحكي
انا:شقالك...شنوة لي صار لداخل...شبي صغرونتي هكا
جبدت روحها مني تقعدت...عدات يدها على خدها مسحت دموعها تحكي
سوار؛م مستحيل يكون بابا...مستحيل حد كيفو يكون بو
عقدت حواجبي مستغرب...تعدلت في قعدتي...وليت مقابلها...ضيقت عينيا نحكي
انا:علاه...شصار
تبسمت ندرا كيف...غزرتلي...بنظرة باردة...تحكي
سوار؛قالي كان جيت سوار كهو...كنت نجم نقبلك في حياتي...اما دنيز معندهاش بلاصة معايا
قلبي خض بالقاوي...و عروق بدني تكبست من كلامها...منعرفش اذا قاعدة تحكي لي صار و لا تلوم فيا...خاطرني انا وصلتها لهوني...جيت باش نحكي...قصت عليا...و كملت كلامها
سوار:ههههههه قال لهو باش تخليني وقت تعرف شكون اغتصبني...انت باش تعملها
بقيت نغزرلها...نحس الكلام وحل في حلقي...و لا مرة فكرت بالطريقة هاذي...قربت مني اكثر..حطت يديها زوز على وجهي كبست عليا...حسيت بشفافها على شفافي...تحكي بغصة و بحة فرد وقت
سوار:حد ماهو باش يبعدني عليك...لا هو و لا اي حد غيرو...ماكش باش تسمحلو زياد...انت باش تبقى معايا...لازم يعرف لهو غالط...و انت مستحيل تخليني...باهي...مستحيل تعملها
تحكي و تكبس على وجهي اكثر...دوب كملت كلامها...باستني بقوة...كانها تحاول تحذرني ببوستها...جبدت روحها شوية تحكي
سوار:كان صار و انت عملتها...ورحمة امي يا زياد...ما نغفرلك عملتك كيما كل مرة...المرة هاذي باش تندم...و الثمن باش يكون غالي برشا...عمرك الكل ماكش تنجم تدفعو
قربت منها اكثر...غطست في شفافها...و كل كلمة قالتها وصلتني برشا حاجات...و انا مستحيل نخليه يرا نهار هذا...مستحيل نخليه يرا دموعها و لا يفرح بيهم...باش نخليه يندم على كل كلمة...و كل غلطة عملها في حقها...جبدت روحي منها...نحكي بالسيف
انا:حد ماهو باش يبعدك عليا...و لا يحرمني منك...انت متاعي...ملكي انا و كهو...مفهوم...مهما صار...انت رجوعك ليا
قربت ليا اكثر...حضنتني بالقاوي...حسيت بيدها لي تحطت على راسي من تالي...تعدي فيها بالسياسة...شطر بدنها فوقي...نحس في دقات قلبها تمشي و تهدا...حطيت يدي على ظهرها...نحكي
انا:سوار
كبست عليا اكثر...عديت يدي على طول ظهرها...كنت باش نحكي...قصت عليا تحكي
سوار:انت كهو لي بقيت في حياتي...انت كهو...كان خليتني باش نضيع وحدي...و هو باش يربح
جبدت روحها شوية...حطت يدها على خدي...و كملت كلامها تحكي
سوار:رد بالك تخليه يربح...رد بالك تصدقو...خليه يعرف انو هو الخاسر في الحكاية...هو كهو...مش انا
هزيتلها براسي باهي...تنهدت بالقاوي...نحكي
انا:حد ماهو باش يقرب منك...مرتي راك...حكاية اسبوع عالاقل...و تولي على اسمي...وقتها لا هو ولاحد غيرو يولي عندو حق عليك
سوار:باش تعرس بيا
انا:مممم...و باش نعملك احلى عرس
سوار:معناها معادش باش تخليني مش هكا
انا:مستحيل
سوار:مهما صار
انا:مهما صار
حطت راسها على صدري...دخلت فيا بكلها...حاوطتها بيديا زوز...نسمع فيها تحكي
سوار:انا تعبت برشا...برشا...معادش نجم...معادش عندي جهد...لاا باش نواجهو...و لا باش نواجهك انت زادة
انا:ششش تواجه شنية...ياخي نورمال انت لتوا متثقش فيا
سوار:لا اما معادش ناثق في الوقت...خاطر في اي لحظة...ينجم يتقلب كلشي ضدي
نزلت بستها من راسها...بوسة مرصوصة...نحاول نطمنها بيها...كبست عليها اكثر...نحكي
انا:كلشي باش يكون مليح...طول ما انت معايا صدقني حتى شي ما يهمني
سوار:انت متنجمش تخليني...هو يكذب...يعمل هكا باش يبعدني عليك...باش يحرمني منك...حتى هو يعرف لمعنديش ذنب...كل جراير راجل امي الكلب...انا معنديش ذنب...حتى حد ماهو باش يحاسبني...حتى انت...حتى حد ما عندو هذا الحق
انا:ششش يزززي...انساها الحكاية...و انسى لي صار جملة...نحبك تبقى قوية مهما صار...و متخليش كلامو يدخل لراسك باهي
سوار:باهي...طول ما انت معايا...مستحيل نخليه يربح
انا:عيش حبي...هيا ارقد توا لازمك ترتاح
هزتلي براسها باهي...و لزت ليا اكثر...بقيت نعدي في يدي على شعرها لين حسيتها هدات...و غطست في نوم...رقدت من البكا و الوجيعة لي في قلبها...نزلتها شوية شوية...حطيتها عالسرير...نزلت بستها من خدها...و غطيتها...هزيت تليفوني...سكرت الباب و خرجت...كلمت ميرال شوية و هزت عليا تحكي
ميرال:اهلا زياد...كي العادة باش كلمتني
انا:نحب نقابلك
ميرال:شصار...قطوستك لباس ؟
انا:بعد ساعتين في ¤¤¤¤¤¤
ميرال:باهي
علقت عليها...و بعثت ميساج للمحامي << نحب ورق الطلاق يحضرو بعد ساعة...اعمل جهدك تو نجي نهزهم>>...شوية ورجعلي << باهي مسيو زياد نستنى فيك >> رجعت تليفون لمكتوبي...و مشيت طليت عليها...باش يوفا العذاب هذا...وقت تكون مرتي و على اسمي...و مش باش نخلي النهار هذا يطول برشا...وليت لصالة...هزيت مفاتح الكرهبة و خرجت...منعرفش كيف وصلت للمحامي...هزيت من عندو الورق.. و مشيت للكافي لخبرتها نتلقاو فيه...لقيتها غادي...تستنى فيا...دوب شافتني...تبسمت على جنب تحكي
ميرال:شصاار سي زياد...معادش تعجبك القطوسة البرية لي عندك...شخلاك تطلبني
تبسمت باستهزاء...و رميت الورق عالطاولة قدامها نحكي
انا:اختصر كلامك...ووقع عالاوراق
غزرتلي مستغربة...و حلتهم تقرا فيهم...رجعت طلعت راسها تحكي
ميرال:و كان منوقعش
خذيت نفس طويل...نزلت عليها...حطيت يد عالكرسي من تالي...و يد عالطاولة...جا وجها مع وجهي...تبسمت نحكي
انا:باش توقع و الا
ميرال:و الا شنية
انا:شتكون المتهمة الاولى في مقتل راجل امك...فكر مليح...كان تتحل القضية هاذي مرة اخرى...شنية باش يصير فيك...نظن تعرف القانون بالقدا و كان نسيت خليني نذكرك....عالاقل شتبقى 15 سنة محبوسة
غزرتلي ندرا كيف...هزت ستيلو...وقعت عالورق...بعدت عليها شوية...هزتهم من طاولة حطتهم في يدي...و تبسمتلي تحكي
ميرال:مانيش نادمة انا دافعت على روحي...و على شرفي...لي سمحتلك فيه...باش تندم زياد...وعد مني باش تندم على كلشي خليتني نعيشو...و شتعيش نفس الوجيعة لي جبرتني اني نعيشها
تلفت عطيتها بظهري...سخفتني و مكنتش نحب نغلط معاها في الكلام...اما معادش عندي حل اخر...رميت الورق في الكرهبة...و طرت بيها...كلمت اسماعيل في ثنيتي...هز عليا يحكي
اسماعيل:اهلا يا راجل وينك لتوا
انا:اليوم رجعت لتونس
اسماعيل:وصلت لشي
انا:ايه و لاش نحكيلك بتفصيل شصار...اما توا حاجتي بيك في موضوع
اسماعيل:شنية
انا:سوار عبد المالك...تذكرها
اسماعيل؛ايه شبيها
انا:نحب الورق الكل لي يخصوها
اسماعيل:شتعمل بيهم
انا:حضرهم...مبعد تعرف كلشي
اسماعيل:باهي
انا:عيشك
علقت عليه و شديت ثنية لدار...و في بالي شي واحد كهو...اول شي شنرجعلها هويتها...كيما وعدتها من قبل...و ثاني شي اني باش نعرس بيها و هي سوار مش دينيز...و اللي باش يصير خليه يصير...اهم حاجة تخلصت من ميرال...و حكايتها...لحق الوقت...باش نعيش حباة اخرى...حياة فيها كان سوار...سوار و كهو
حلقة 131
ادم يحكي:
بقيت نفرت في الورق...نحس في راسي باش يطرشق...ترميت عالكرسي...رجعت بذاكرتي لتالي...الحكاية بدات من وقت امير العابد...خسر اكبر صفقة في حياتو و لاول مرة...معناها لقاصد يدمرو...هو نفسو لي قصد يدمر صابر و ياسر و طارق زادة...و حتى ضياء...و الحكاية باش دور عليا...مش بعيد...نكون تحطيت في صورة...ماو كلهم يخدمو معايا...في تالي ادم راس الكبيرة متاعهم...اما مش المرة هاذي...اصلا وراقي الكل قانونية...و خدمتي تبدا من برا الشريكة...و مش باسمي حتى...و باز مش باش ترصالي كيفهم...كان وقت ناخو حق مرتي لاخر نفس...تبسمت باستهزاء...متأكد اللي انو اللاعب الكبير فرد منا...و قريب ليا زادة...و مش بعيد نكشف ورقتو اللي قاعد يلعب بيها...تكيت لتالي...نغزر لصورة حنان عالبيرو...سرحت فيها...انا خرجت من العالم هذا على خاطرها...ورجعت ليه على خاطرها...و اللي دمرتو...اكثر مني اني نجم نصلحو...و مستعد نعمل اكثر...حتى الندم لي نحس بيه ساعات...يضيع وقت نغزرلها...وقت نذكر صورتها و هي بين يديا...رميت يدي هزيت تصويرة...تبسمت و انا نغزرلها...توحشتها لدرجة كبيرة...توحشت كلشي فيها...فقت من سرحتي...كيف دخلت ملاك...قربت مني...هزيتها بين يديا قعدتها في حملتي...هز يدها حطتها على صورة حنان...و غزرتلي...تسأل فيا بعينيها...تبسمت نحكي
انا:حنان...مرتي
بقات تغزرلها...ورجعت تلفتتلي...عملتلي بيدها معناها مزيانة...ضيقت عينيها...و هزت يدها لاخرى...بمعناها وينها...هزيت عينيا غزرت لتصويرتها بوجيعة...وجيعة حسيتها من سؤال ملاك حتى بلا ما تحكي...مع انو سنين تعدات...اما هذا سؤال بقى يوجع فيا بطريقة غريبة...خذيت نفس نحكي
انا:معادش موجودة...مشات لبلاصة بعيدة برشا
اول ما كملت كلامي...لمحت زينب بحذا الباب...طلعت راسي غزرتلها...هزيتها و حطيتها...لابسة روبة تحت الركبة شوية...لامة شعرها لتالي...حسيتها رتاحت برشا...عاليمات لي تعداو...غزرتلها في عينيها نحكي
انا:ادخل زينب
زينب:ميسالش...ملقيتش ملاك جيت باش نطمن عليها
انا:متخافش هي معايا...ايجا اقعد
هزتلي براسها باهي...قربت للكرسي قعدت مقابلتني...تفرك في يديها...بقيت نغزرلها...جات عيني على بوسة الخال على رقبتها...اول مرة نلمحها...يمكن كي لمت شعرها...فقت من سرحتي كي طلعت راسها غزرتلي...عديت عينيا على وجها...مش مستانس نراها هادية...من اول مرة عرفتها...جراتني في الكلينيك الكل الفرخة...منعرفش علاه نحسها صغيرة...يمكن من تصرفاتها لمش محسوبة...و لا كيف مزالت تاخو الامور على قد عقلها...و لا انا منعرفش نتصرف مع لي في عمرها...كانت هي و لا دنيز...اصلا اول مرة نثبت في وجها بلا ما نزل عينيا...اول مرة نرا لمعة عينيها...لمخبية برشا حزن...اول مرة منحسهاش خايفة مني...و متأكد من قعدتها...عندها برشا كلام تحب تحكيه...اما فرد وقت مترددة...نزلت ملاك من حملتي نحكي
انا:ملاااك برا استناني في صالة تو نجي
هزتلي براسها باهي...قربت منها...نزلت عليها شوية باستها...بقيت نشيع فيها لين خرجت...ريتها كيف حطت يدها على كرشها...ضيقت عينيا نحكي
انا:لباس ماهو
زينب:لباس لباس
انا:اييه نسمع فيك
زينب:شنوة
انا:تحب تحكيلي شي
زينب:اه انا صراحة
انا:شنوة
زينب:مسيو ادم
انا:ادم كهو
زينب:شنية
انا:تنجم تقولي ادم
زينب:ل لا نحب الرسميات هذوما يبقاو بينا
انا:و شنية سبب
زينب:برشا حاجات...اولها احنا مش من نفس طبقة
انا:شكون قال
زينب:انت قلت
انا:غلطت
زينب:مش بالضرورة...انت قلت لي حسيتو
تبسمت على جنب...و تكيت لتالي...نحكي
انا:ممم غريبة خاطرني انا منحسش بالعادة
طلعت راسها غزرتلي ندرا كيف...نظرة مفهمتهاش...معرفتش اذا تلوم فيا...و لا تحاول توصلي بيها شي اخر...هزت يدها...دورت تصويرة حنان ليها...غزرتلها تحكي
زينب:غزرتك لمرتك متقولش هكا...و انت تحكي عليها...معناها مزلت تحس ببرشا حاجات
غزرتلها ندرا كيف...منعرفش علاه حكات معايا بالطريقة هاذي...هزت راسها...غزرتلي...و كملت كلامها تحكي
زينب:سامحني مسيو زياد...كان دخلت في امورك...اما حكيت لي ريتو و حسيتو زادة
هزيت يدي دورت تصويرة ليا...تبسمت بوجيعة...نحكي
انا:حد ماهو باش يعرف شنية لحسيتو
تبسمتلي ندرا كيف...و هزت روحها وقفت...شدت في كرشها بالوقت...و استندت بيدها عالبيرو...نطرت من بلاصتي جيت واقف...قربت منها...وقفت مقابلها...هزيت يدي حطيتها على كتفها نحكي
انا:لباس ماهو
زينب:مممم...م منعرفش يمكن ظغطت على الجرح برشا
انا:لازمك ترد بالك
زينب؛نعرف
هزت راسها شوية...جا وجها في وجهي...حسيت بالنفس متاعها...بحكم كنت قريب ليها برشا...تتنفس بالجهد...دور في راسها...تحب تبعد الخصلة لي طايحة على وجها...هزيت يدي...بعدتها بصوابعي...رجعتها ورا وذنها...باقي نغزرلها...نظرتها ليا دخلتني بعضي...نزلت بعينيا لشفافها...لي محلولين شطر حلة...مش اول مرة نقرب منها لهدرجة...اما توا بالظبط...منعرفش شنية لي تبدل...حسيتها رخفت باش طيح...نزلت يدي من كتفها لنص ظهرها...كبست عليها...قربتها ليا اكثر...نحكي
انا:زينب شبيك
زينب:ش شي مليحة
حلت عينيها تغزرلي...حسيت بيدها لي تحطت على كتفي...كنت نستنى فيها دزني...و لا تحاول تجبد روحها...اما كبشت على مريولي...و تحاول تنظم نفسها فرد وقت...نفسها لاول مرة يدخلني بعضي...هزيت يدي...باقي نبعد في شعرها...نزلت بصوابعي لخدها...و كملت بيهم لبوسة الخال لي على رقبتها...كبست على كتفي اكثر...تحكي
زينب؛ا ادم
طلعت عينيا لوجها...ريت خوفها...تبسمت على جنب...نزلت عليها اكثر...غمضت عينيها بالوقت...وين خلاتني...نركز مع شفافها اكثر...قربها مني لهدرجة...كبست يدها لكل مرة تقوى اكثر على مريولي...لزتني باش ننزل عليها اكثر...حسيت بشفافها لي مسو شفافي...قلبي دق بالقاوي...منجمتش نبوسها...و منجمتش نبعد عليها زادة...باقي كابس عليها بيدي...حلت فمها باش تحكي...دوب حست بشفافي سكتت...كبست على ظهرها اكثر...حسيتها توجعت من القريماس لي عملتها...نزلت عليها اكثر...اول مرة نخلي احساسي يتغلب عليا وقت نبدا مع طفلة...من غير حنان...دوب جيت باش نبوسها...الباب تحل...جبدت روحي منها بالوقت...دورت راسي نغزر لملاك داخلة...تغزرلنا مستغربة...رخفت يدي شوية عليها...و تنهدت بالقاوي...و في راس سؤال واحد كهو << شنية كنت راح نعمل >> وخرت خطوة لتالي...نغزرلها...وجها احمر باش يطرشق...عديت يدي على شعري من تالي...معرفتش شنية نحكي...و لا شنية نقولها...نغزرلها كيف حطت يدها على كرشها تحكي
زينب؛ا انا...مسيو ادم...انا
انا:هز ملاك و اطلع لبيتك ارتاح
جات باش تحكي...قصيت عليها...كيف عطيتها بظهري نحكي
انا:امشي زينب
تلفت كان وقت حسيت الباب تسكر...نفخت بالقاوي...و عديت يدي على وجهي...منعرفش شبيني بالظبط...تلفت و استندت بيديا على حرف البيرو...جات عيني على تصويرة حنان...قلبي خض بالقاوي...رغم برشا بنات عديت بيهم وقت...بعدما خسرتها...اما اول مرة نحس روحي خنتها...اول مرة استسلمت للي حسيتو...منعرفش علاه تصرفت هكا من الاساس...يمكن خاطرها كانت مسلمة بين يديا...يمكن خاطر محاولتش تبعد عليا...ضربت يدي عالبيرو...مستحيل نسمح لروحي نستغلها...الطفلة صغيرة يا ادم...و انت كنت شتغلط معاها...انت تحب مرتك و كهو...اللي صار ملزمش يتعاود جملة...زينب هوني بسببك انت...و لازمني نكمل واجبي لتالي معاها...لازمني ننسى لي ريتو و لي عملتو زادة...خذيت نفس و تعدلت في وقفتي...خطفت تليفوني...و مفاتح الكرهبة...وخرجت...نزلت الدروج هذاكا في لحظة...لمحتها في صالة مع ملاك...محاولتش حتى نتلفتلهم...حسيت ملاك تجري في جرتي...اما منجمتش ناقف...هزيت الكرهبة و طرت بيها...منعرفش وين باش نمشي...و لا شباش نعمل...اما جيست نحب نبعد من هوني و كهو...كان مجاتش ملاك في الوقت...كنت باش نتعدى حدودي معاها...و كنت باش نعمل عملة...شنندم عليها مبعد...شديت الفران في وسط الكياس...نغزر للكراهب لي رايحين و جايين...نحس في راسي سااايي باش يطرشق...شي من صفقات اللي قعدت واحلة في راسي...و شي من الساقط الكبير لي لتوا منجمتش نوصلو...كمل عليا لي عملتو بيدي ليوم...هزيت يديا زوز كبست عالفولون...تنهدت بالقاوي...ورجعت خدمت الكرهبة...و دريكسيون لشريكة...احسن شي نخرج غشي و العصب لي فيا في الخدمة...مكانش منعرفش شباش يصير...و لا شباش نعمل اكثر
☆☆☆
سوار تحكي:
نحل في عينيا بالسيف...دورت راسي...ملقيتوش جنبي...هزيت روحي شوية تقعدت...من اسبوع تعدا بعد اكا الليلة...اول مرة نفيق وحدي...اليمات لي تعدات الكل...مخلاهاش بيا...كل يوم و كل ليلة يحاول ينسيني في اللي صار...يحاولني باش ناثق في روحي مرة اخرى...كنت نقول كلام و باش ننساه...اما منجمتش...لتوا صورتو بين عينيا...لتوا كلامو يتعاود في وذني...مكفاش اللي عملو فيا الكل...و تو يحب يبعدني على زياد...فكرة لهو ينجم يحكيلو...ينجم يفرقني عليه...منجمتش نحيها من مخي...معادش يهمني اذا هو اعترف بيا و لالا...ستانست على حياتي من غيرو...اما منجمش من غير زياد...تعبت برشا باش وصلت لهوني...حطيت كلشي على جنب...خلافاتنا و كلامو..و اللي تعدا علينا...باش نجم نعيش مرتاحة معاه...و مستعدة نعمل اكثر...المهم هو يبقى معايا و ميخلينيش...هزيت روحي نزلت من سرير...دخلت لبيت البانو...غسلت وجهي...ريحة برفانتو معبية دار الكل...كانو مزال هوني معايا...مشيت للكوجينة...تبسمت و انا نرا في الفطور عالطاولة...غزرت للورقة لي محطوطة بحذا الصحن...هزيتها نقرا فيها << عندي قضية مهمة في المركز...كان احتجت شي كلمني>> تركزت بيدي عالطاولة...و قعدت عالكرسي...في لحظة مشى لبالي لهو كلمو...و باش يخبرو على ادم...قلبي نحسو باش ياقف...نطرت من بلاصتي جيت واقفة...مشيت بالزربة للبيت...نفركس على تليفوني في كل بلاصة...رميت يدي هزيتو...نطلب فيه و نعاود شي...محبش يهز...حاولت نهدي روحي منجمتش...خايفة كان يدخل من الباب هذا و يكون عرف كلشي...خايفة كان يخليني...حطيت يدي على قلبي...نتنفس بالقاوي...قربت من القارد روب بالزربة...لبست دبشي كيما جا...هزيت تليفوني...و مفاتح الدار و خرجت نجري...منعرفش على روحي كيف وصلت اللوطة...باقي نجري...و نفركس على طاكسي بالوقت...ما صدقت لمحت وحدة...وقفت في وجهو...نزل البلار يحكي
هو:لباس اختي
انا:وصلني للمركز توا
هو:باهي اركب
حليت الباب وركبت...ثنية كاملة و انا نطلب فيه...و نطلب في ربي لهو معرفش...اول ما وصلت...حطيت الفلوس في يدو...و نزلت نجري...ندور في عينيا مفماش نلمحو...مشيت لبيروه هديت عليه...مفماش...قص عليا صوت اسماعيل ورايا يحكي
اسماعيل؛دنييز
تلفت عندو بالزربة...غزرلي مستغرب...منجمتش نحكي معاه...قرب مني شوية يحكي
اسماعيل؛دنيز..شتعمل هوني
هزيت يدي رجعت شعري لتالي...خذيت نفس نهدي في روحي و نحكي فرد وقت
انا:نلوج على زياد...نكلم فيه ميهزش متعرفش وينو ياخي
اسماعيل:قال لي باش يقابل جنيرال...مبعد يمشي لتحقيق
قلبي خض بالقاوي...ساقيا رخفو من كلامو...و معادش نجم ناقف...حسيت دم جمد في عروقي...نغزرلو و في راسي الف سيناريو...خايفة نخسر زياد...خايفة نكون ملحقتش عليه...فيقني من سرحتي يحكي
اسماعيل:لباس ماهو
هزيتلو براسي لا...قرب مني شوية...يحكي
اسماعيل:شرايك ترتاح توا
انا:لا لازمني نرا زياد توا
مخليتوش يحكي...عطيتو بظهري...و مشيت نجري...مستنيتش حتى نطلع بالاصونصير...كلشي يهمني اني نوقفو قبل ما يحكي...اول ما وصلت لبيروه...مفكرتش مرتين...هديت عالباب و حليتها...قربو مني شدوني من يديا زوز...بقيت نفرفط بين يديهم نحكي
انا:سييبوننني...سيبني نقلك
جنيرال:سيبوها...و اخرجو
رخفو يديهم بالوقت...خرجو و سكرو الباب وراهم...بقيت نتنفس بالقاوي...نسمع فيه يحكي
جنيرال:شصار شبيك هايجة
انا:وينو زياد...شحكيت معاه
جنيرال:و انت شمدخلك
انا:متكونش خبرتو على ادم
نسمع في صوت الضحك متاعو ماشي و يقوا...مع كل ضحكة قلبي يعصر عليا اكثر...حاسة روحي خسرت زياد و معادش باش يرجع...ضربت عالطاولة بيديا الزوز...نحكي و نصيح فرد وقت
انا:ااحكككي شنية قتلو...فاش حكيت معاه...تي قول حاجة...زياد عرف الحقيقة
جنيرال:تأخرت برشا...في الوقت لي قاعدة ضيع فيه هوني...برا حاول كيف باش تقنع زياد متاعك و لا انساه جملة
وخرت خطوة لتالي...دوخة لعبت بيا...شعرة لا طحت...منجمتش حتى نردلو...فكرة لزياد معادش باش يكون معايا هدتني...سمعتو كيف ضرب عالجرس...تحلت الباب بالوقت...فهمتو يحبني نخرج...كبست على تليفوني في يدي وخرجت...نعمل في الخطوة بالسيف...كان كلامو تالي لي بقا يتعاود في راسي...منعرفش كيف نزلت دروج هذاكا...نسمع في صوت صياحو جاي من بعيد...دورت راسي...خذيت نفس نتبع في صوتو...وقفت بحذا الباب...محلول على اخرو...نغزرلو كيف نازل في راجل ضرب...و هارون واقف وراه...اول مرة نراه يضرب حد بالطريقة هاذي...كانو يحاول يخرج غشو فيه...بلعت ريقي...تصرفاتو الكل تقول لهو عرف...لا نجمت نقرب و لا نرجع لتالي...بقيت نغزرلو...كاني نحب نشبع منو...قبل ما نسمع كلامو تالي...غزرلي هارون يحكي
هارون:دنيييز ؟؟
يدو علقت في الهوا على اسمي...لي سمعو من هارون...دور وجهو بالوقت غزرلي...عينيه حمر جمر...خلاني نفشل في بلاصتي...هزني و حطني...دزو بيدو لتالي...عقد حواجبو اكثر...كل خطوة يقربها مني...قلبي نحسو باش ياقف...و كلام واحد يدور في مخي << برا حاول كيف تقنع زياد متاعك و لا انساه جملة>> وصل عندي بالوقت...نزلت راسي نغزر ليديه لكلهم دم...دموعي تحصرو بين عينيا...طلعت راسي غزرتلو في عينيه...اما منجمتش نحكي...صوتي نحسو ضاع قدامو...قدام جهامتو...قدام غشو...و حالتو هكا...هز يدو في وجهي...وخرت خطوة لتالي بلا ما نحس...ضيق عينيه بالوقت يحكي
زياد:علاه مخبرتنيش
عينيا وساعت...هزيتلو براسي لا...مستحيل يكون خبرو...الكلام وحل في حلقي...خذيت نفس نحكي
انا:ا انا...ز زياد...مش صحيح...ا امانك اسمعني
قرب مني شوية...وخرت لتالي اكثر...غمضت عينيا بالقاوي ورجعت فتحتهم...حاولت نحكي...اما منجمتش...شي واحد في راسي كهو..لانا خسرتو...و مستحيل يرجعلي...نفخ بالقاوي يحكي
زياد:سوااار
نزلو دموعي بالوقت مع صوتو...منجمش نشدهم اكثر...نزل عليا شوية...لين ولى وجهو مع وجهي...طلع حاجبو مستغرب يحكي
زياد:اول شي شبيك مخبرتنيش لانت باش جي لهوني...و ثاني شي شبي حالتك هكا شصار...و شنية لي تحبني نسمعو
بقيت نغزرلو...معرفتش اذا قاعد يستجوب فيا...و لا تعمد يسألني بلعاني...زعمة يكون مخبروش بالحقيقة..و عمل فيا اكاكا مكرة...يمكن تسرعت و حكيت اكاكا...خذيت نفس بالسيف نحكي
انا:ك كلمتك اكثر من مرة...انت مهزيتش عليا
زياد:مشغول...انت علاه جيت لهوني
منجمتش نرجعلو...بقيت نغزرلو...هزيت يدي بالسيف...عديتها على خدي...نمسح في دموعي...تنهد بالقاوي...يحكي
زياد:باش نحكو مبعد...برا استناني في الكرهبة
هزيتلو براسي لا...قحرلي مستغرب...خذيت نفس نحكي
انا:خلينا نمشو توا
زياد:سوااار...قتلك امشي للكرهبة...منعاودش كلامي مرتين
حسيتو على اعصابو...و نعرف كان نكثر معاه الكلام...يجن عليا...تلفت باش يرجع...رميت يدي شديتو من يدو...كبست عليها بكل قوتي...تلفت عندي مستغرب...هزيتلو براسي لا...منحبوش يرجع...نحس في راسي باش يطرشق...كبست على يدو اكثر...و قربت منو...حطيت راسي على صدرو...معاد يهمني شي...نحب نتأكد لهو معايا...و مستحيل يخليني...تنهدت بالقاوي نحكي
انا:زياااد امانك متخلينيش...انا بحاجتك توا
حسيتو بدا يهدا...من كبسة يدو لي تترخف...نسمع فيه يحكي
زياد:شصار
انا:شي...امانك خلينا نمشو من هوني...تاعبة برشا
زياد:باهي
جبد روحو مني...مزلت نحس فيه مقلق و مش قد بعضو...رجع للداخل...يحكي مع هارون
زياد:هاااروون...كان لزم اقتلو...المهم يحل فمو...و يخبرك طارق وين مشى
هارون:تهنى
هزلو براسو باهي...قرب من لفابو غديكا غسل يديه...هز الفاست متاعو...و قرب مني يحكي
زياد:ايجا خلينا نمشو
هزيتلو براسي باهي...باقي نمشي وراه...و فرد وقت خايفة...حبسنا اسماعيل...حط دوسي في يدو يحكي
اسماعيل:الورق حاضرين
زياد:باهي
تلفت غزرلي...خذيت نفس خايفة منعرفش علاه...ضيق عينيه يحكي
اسماعيل:لباس توا
هزيتلو براسي ايه...تلفت زياد...غزرلي ندرا كيف...نزلت راسي بالوقت...نسمع فيه يحكي
زياد:اسماعيل مبعد نحكو
اسماعيل:باهي
زياد:خلينا نمشو توا
بقيت نمشي في جرتو...لين وصلنا للكرهبة...حليت الباب ركبت...خالط عليا...خدم الكرهبة بلا ما يحكي شي...خذيت نفس نحكي
انا:نفسو طارق ¤¤¤¤¤ لي تحب عليه
زياد:ميهمكش
غمضت عينيا بالقاوي...و رجعت حليتهم...خذيت نفس نحكي
انا:شحكيت معاه
زياد:شكون
انا:ج جنيرال
زياد:تستجوب فيا ياخي
انا:لا...انا...انا جيست
زياد:انت شنوة سوار...كان عندك شي احكيه و لا اسكت
تكيت لتالي...نزلت راسي نغزر ليدي بالدم كيما شديتو...بقيت نفرك فيهم نحب نحي دم منهم...و فرد وقت نحب نزل غشي فيهم...دموعي غلبوني و نزلو يحرقو...حسيت بيهم على يديا...مزال كلامو و تهديدو يدور في راسي...خلي تصرفات زياد...لي خلاتني بين المد و الجزر...شد الفران بالقاوي...حط يدو على يديا زوز كبس عليهم...و حط يدو لاخرى على خدي يحكي
زياد:ششش يزي
يحكي و يمسح في دموعي...حليت فمي نحكي بالسيف
انا:خايفة...خايفة برشا...ماهوش باش يسيبني...مانيش باش نرتاح جملة...تاعبة راني...تعبت برشا
اول ما كملت كلامي...جبدني عندو بالوقت...حضني بالقاوي...و نزل باسني من راسي يحكي
زياد:ششش يزي عيش روحي...حد ماهو باش يقرب منك...لا هو و لا حد غيرو...نحيه من مخك...انساه جملة...طول ما انا معاك...ما نحبك تفكر في حتى شي اخر باهي
هزيتلو براسي ايه...كبس عليا اكثر...يهدي فيا...و كمل كلامو يحكي
زياد:سامحني عزيزتي...اليوم على اعصابي...و تعرفني كي نبدا هكا...منجمش نتحكم في روحي و لا في كلامي مرجعتلوش...بقيت في حضنو اكاكا..لين حسيت روحي هديت...جبد روحو شوية...رمى يدو...جبد لانجات...حطها على يديا يمسح في دم...و يحكي
زياد:لباس توا
هزيتلو براسي لا...تكا لتالي...و جبدني عندو...يحكي
زياد:تو نمشو لدارنا...و ترتاح باهي
انا:ن نحب نرا زينب و ملاك
زياد:تو من غدوة نمشو عندهم
انا:نحب اليوم
زياد:انت تاعبة توا
انا:امان...نحب نمشي اليوم
زياد:باهي...كيما تحب
كبس عليا بيدو...و خدم الكرهبة...بقيت في حملتو...نحس في روحي مخنوقة عاللخر...اما فرد وقت ارتحت لهو لتوا ما عرف شي...نحب نخبرو...اما فرد وقت خايفة برشا...الوقت قاعد يمشي ضدي...و كل مرة نفيق على نهار جديد و هو بعيد عليا...نعيش نفس الخوف متاع اليوم...خاصة و هو قاعد يهدد فيا بالسر هذا باش نبعد على زياد و نخليه...تعبت و معرفتش شنوة نعمل...غمضت عينيا بالوقت...منحب نفكر في حتى شي اخر...كان انا بين يديه...و مستحيل هو يخليني مهما صار...حتى كان عرف ماهوش باش يسلم فيا...هاذي الحقيقة الوحيدة لي لازمني نعرفها...انو حتى شي ماهو باش يفرقني على زياد مهما صار...لا ادم...لا ميرال...و لا حتى جنيرال بحد ذاتو...حد ماهو باش يوصل يفرقني عليه...هو باش يبقى معايا و ليا كهو
1
زينب تحكي:
حليت عينيا مروهجة...منعرفش كيف هزني نوم...عالفوتاي...هزيت روحي شوية...نغزر للغطا...استغربت باز هو لي غطاني...اخر شي ذكرتو لي ملاك كانت معايا...نطرت من بلاصتي جيت واقفة...حطيت يدي على كرشي...نمشي و نفركس عليها...خاطرها كان مغشة من ادم...و متحبش تمشي عندو...خفت لا تكون خرجت...و لا عملت شي...طلعت دروج هذاكا بالسيف...مزلت نحس بوجيعة في كرشي...حليت باب بيتي ملقيتهاش...خذيت نفس و قربت من بيتو...دقيت عالباب مرجعليش...هزيت يدي بالسيف...كبست عالبواني...و حليتها شوية...خذيت نفس و دخلت...جات عيني عليهم...شادة في يدو وراقدة...حتى هو غاطس في نوم...لابس سروال كهو...قربت منهم شوية...هزيت الغطا حطيتو عليهم...اول مرة نراه هادي هكا...نزلت شوية...قعدت على طرف السرير...بقيت نغزرلو...منعرفش قداش...لتوا انفاسو نحس بيها في وجهي...لتوا مش مصدقة لهو كان قريب مني لاكا الدرجة...منعرفش علاه عمل اكاكا...و زعمة كان مدخلتش ملاك...شنية لكان باش يصير...هزيت يدي بالسيف...حطيتها على خدو...نعدي في صوابعي...زعمة كان تلقينا في ظروف اخرى...كان باش يغزرلي...كان باش يحس بيا...تي حتى انا منعرفش...شنية لقاعدة نحس فيه بالظبط...زعمة لحقت نحبو بالسرعة هاذي...شنية فيه خلاني نحس هكا...شبيني اول ما يقرب مني ندخل بعضي...نزلت بصوابعي لشفافو...قلبي دق بالوقت...نزلتها شوية شوية...تبسمت وحدي...زعمة شباش يصير كان نقرب منو اكثر...شنوة فيها كان نعيش اللحظات هذوما معاه وحدي...باز راقد و مش باش يحس بيا...نزلت عليه اكثر...حسيت بالنفس متاعو على وجهي...غمضت عينيا بالوقت...قلبي يخض بالقاوي...نحسو باش يخرج من بقعتو...منعرفش كيف حطيت شفافي على شفافو...بستو بوسة خفيفة...وقتها برك...فقت على روحي...جبدت روحي منو بالزربة...نطرت من بلاصتي جيت واقفة...خرجت نجري من البيت...تكيت عالحيط...نرد في نفس...حطيت يدي على كرشي...و يدي لاخرى على شفافي...مش مصدقة لعملتو...مشيت لبيتي بالزربة...سكرت الباب ورايا...قربت من الكوافوز...استندت عليها بيديا زوز...نغزر لروحي...عينيا تركزو في شفافي...متوقعتش اني نستسلم لي
2
حسيتو...متوقعتش نعمل هكا جملة...كان باش نبقى هوني...نضيع اكثر...و نعرف في تالي باش نخرج خاسرة من الحكاية...نعرف لهو مستحيل يغزرلي و لا يحبني...هو لتوا يحب مرتو و يموت فيها...عديت يدي على وجهي...رجعت بيها شعري لتالي...نحكي مع روحي...<< لااا زينب...لااا لي عملتو ميجيش...انت هكا قاعدة تغلط...لازمك تمشي من هوني...لازمك تبعد>> رجعت غزرت لروحي في المرايا...كلمتين خرجو من شفافي بلا ما نحس << لازمني نبعد لازم>> خذيت نفس و قربت من القارد روب...جبدت الفاليز حطيتها عالسرير...لميت دبشي الكل...و سكرتها...بدلت دبشي كيما جا...حطيت صوابعي على عالجرح...نغزر لدم...تعبت و الجرح محبش يتلم...و معادش نعرف قداش يبقى...هزيت صاكي...احسن شي بعد الحادثة بقى في كرهبتو...ورجعهولي...حليتو نغزر للفلوس اللي فيه...دوب تغطي نفقات يومين...ثلاثة...تنهدت بالقاوي...هزيت الفاليز في يدي...نزلتها بالساكت...طلبت طاكسي من تليفون دار...وخرجت لبرا...دنيا ظلام..نعرف روحي خذيت قرار في وقت غالط...اما منجمش نبقى هوني اكثر...لازمني نبعد قد ما نجم...نبعد باش معادش نتعلق فيه اكثر...و معادش نحبو اكثر...لفيت جيلي على بدني...نغزر لطاكسي...ماشية و تقرب...نزل هزلي الفاليز حطها في الكرهبة...ركبت من تالي...نسمع فيه يحكي
هو؛وين تحب تمشي
انا:ل ¤¤¤¤¤¤¤
غمضت عينيا بالقاوي...ورجعت فتحتهم...تنهدت نحكي
انا:هزني لشارع ¤¤¤¤¤
هو:متأكدة
انا:مممم
هزيت يدي نزلت البلار...خذيت نفس من الهوا لي داخل...لازمني نبدا من جديد...لازمني ننسى العيشة هاذي جملة...لازمني نرجع لعيشتي...و نبدا من جديد...منعرفش كيف و لا باش...اما لازمني ناخو اول خطوة...اول ما وصلنا...حطيت فلوس في يدو...و نزلت نكركر في الفاليز متاعي ورايا...طلعت الدروج هذاكا بالسيف...خذيت نفس...و دقيت لمولا الدار...خرجلي دايخ بالنوم...هزني و حطني يحكي
هو:زينننب...شتعمل هوني الوقت هذا
انا:ن نحب على دار مرة اخرى
هو:لتوا مدفعتش اخر شهر عندك...و دار جايها مالك جديد
انا:امااان...نوعدك شندبر الفلوس في اقرب وقت...متخليهاش بيا توا
هو:منجمش
كبست عالفاليز في يدي...كنت باش نرجع لتالي...منجمش نترجاه اكثر...وقفتني مرتو تحكي
هي:استنا زينب...انت شترجع لدار
هو:اما
هي:الطفلة يتيمة...و معندهاش وين تمشي...باز باش تدفع ماهيش باش تهرب
هو:باهي مانيش باش نصبر عليك برشا...وولدك خالك و لا ندرا شكونو...منحبوش يعملي مشاكل هوني...مفهوم كلامي
هزيتلو براسي باهي...رمى يدو جبد المفتاح من القجر حطو في يدي و دخل...تبسمتلي مرتو...دوب نجمت نتبسملها...و تلفت نكركر في روحي و في الفاليز...حليت الباب و دخلت...نزلو دموعي بالوقت...غصة وواحلة في حلقي منجمتش نشدها اكثر...كلمة يتيمة...وجعتني اكثر شي...عملت كلشي باش تبقى امي معايا...اما في تالي خسرتها...كل تركينة هوني ذكرني فيها...حتى دبشي لي خليتو هوني...باز ارماه وقت مشيت...حليت الشباك...تتهوا الدنيا...عديت ليل الكل نلم في الدنيا...و نمسح في الغبرة...و نبكي فرد وقت...وجيعة حاستها في قلبي ماشية و تقوا...حسيت روحي تهديت...قعدت عالكنبة...و تكيت لتالي...نتنفس بالسيف...ذكرت دوايا لي نسيتو...غمضت عينيا...نفكر شنية نعمل...اهم شي نرجع لخدمتي...منعرفش اذا باش يقبلوني و لا لا...اما معنديش حل اخر...عالاقل نجم نخلص الكرا متاع الدار...و نرتاح..منعرفش كيف هزني نوم...و رقدت بلا ما نحس...شي من الوجيعة لي قاعدة نحس فيها...و شي من التفكير لي غم عليا...و شي من تعب...رقدت و منعرفش شنية لي قاعد يستنى فيا بالظبط
3
سوار تحكي:
حليت عينيا على صوت تليفونو ينوقز...جبدت روحي منو شوية...رميت يدي هزيتو...نغزر لادم يطلب فيه عالصباح...كنت باش نفيقو...اما جا في بالي زينب و ملاك ساعتها...خفت اذا صرات معاهم حاجة...قعدت على طرف السرير...و هزيت عليه...نسمع فيه يحكي
ادم:زياااد
انا:انا دنيز
ادم:زياد وينو
انا:راقد توا...تحب نفيقو
ادم:لا ميسالش...نحب نسأل على زينب
انا:شبيها
ادم:مشات من هوني...مجاتش عندك ياخي
انا:منعرفش...تو نكلم خالتي فاطمة بلكشي تكون غديكا
ادم:باهي حاول تكلمني في اقرب وقت
انا:باهي
نزلت تليفون...و تفكيري مع كلامو...زعمة وين مشات...و شبيها خرجت بلا ما تخبرو...قص عليا تفكيري...كيف دور يدو على كرشي...جبدني عندو...تلفت ليه...نغزرلو...دوب حال عينيه...يحكي بصوت نوم
زياد:شيحب ادم
انا:زينب مشات
هز روحو شوية...غزرلي مستغرب...عقد حواجبو يحكي
زياد:وين
انا:منعرفش...اصلا من بارح مكانتش قد بعضها
كبس على ظهري...جبدني عندو...يحكي
زياد:فما شي بينها و بين ادم
انا:لاا
زياد:انشاء الله يكون هكا
عقدت حواجبي مستغربة من كلامو...هزيت يدي حطيتها على خدو...نحكي
انا:علاه
كبس عليا اكثر...و قلبني تحتو...ضيق عينيه...يحكي
زياد:شبي مريتي غرت
انا:هأة...اما شبيك حكيت اكاكا
زياد:سوااار...ادم لتوا متعلق بحنان...معناها اذا صار بينهم شي...زينب باش تطلع خاسرة من الحكاية...باز باش يعدي معاها وقيت و يبعثها
انا:لهدرجة...متفرقش عندو
زياد:مممم لهدرجة
انا:احسن شي انت مش كيفو
زياد:مممم انا نموت في صغرونتي...و نعشقها
انا:كهو
زياد:هههههه شتحب اكثر
انا:نحبك انت
زياد:تعرف كان نشدك توا...ما تلوم كان روحك
جيت باش نحكي...قص عليا الكلام...كيف نزل على شفافي...دوب جبد روحو شوية...جا باش يحكي...قصيت عليه نحكي
انا:ز زينب
هزيت يديا...دزيتو شوية لتالي...بعد عليا مروهج...جبدت روحي منو...نحكي
انا:زياد...لازم نمشي عند زينب توا
ترمى لتالي...غزرلي بشطر عين...يحكي
زياد:برا حضر روحك...نهزك لدار توا...باز تلقاها غديكا
انا:لااا منظنش
زياد:وين عندها تمشي
انا:يمكن لدارها القديمة...نجم نكلم خالتي راضية من تليفونك
هزلي براسو ايه...اول ما طلبتها...قالت لهي مجاتش جملة...علقت عليها...و غزرتلو...نحكي
انا:لازمني نمشي عندها توا
زياد:باهي برا حضر روحك
4
نزلت بستو من خدو...و هزيت روحي وقفت...هزيت دبشي...حليت القارد روب هزيت دبشي...و مشيت للبيت لاخرى...تفكيري بقى عندها...باز فما شي باش مشات بالطريقة هاذي...دوب خرجت من البيت...لقيتو بدل دبشو و يستنى فيا...هزيت صاكي...و خالطت عليه...وريتلو شارع...جاب ربي مزلت مذكرة وين بالظبط اول ما وصلنا...شد الفران و جا باش يهبط...وقفتو نحكي
انا:باش نمشي وحدي
زياد:في البلاصة هاذي وحدك
انا:زياااد انا زادة عشت في بلاصة هكا...شي ماهو باش يصير...و زادة باش ترتاح اكثر...اذا كنا وحدنا
زياد:باهي رد بالك...و كان احتجت شي كلمني
انا:باهي
جيت باش ننزل...وقفني كيف شدني من يدي...تلفت عندو...هز يدو عداها على خدي يحكي
زياد:رد بالك على روحك
هزيتلو براسي باهي...بستو من خدو بوسة مرصوصة...و نزلت...باش منوحلش معاه اكثر...تلفت شاورتلو بيدي...و تلفت نمشي...شارع ضيق...في وسطو برتمان وحدة قديمة...نرا في راجل نازل...قربت منو شوية نحكي
انا:لحظة
هو:تفضل شكونك انت
انا:نحب على وحدة اسمها زينب...متعرفش وين تسكن بالظبط
هو:هوكا رجعت من بارح...هوكا في اخر دار غديكا
انا:باهي مرسي
خذيت نفس...و طلعت عندها...اول ما وصلت..دقيت الباب اكثر من مرة...فتحتلي دايخة من النوم...ظاهر فيها تاعبة...قحرتلها و دخلت...حتى بلا ما نستناها تحكي...وقفت في نص البيت نحكي
انا:زينب شنية هذا لي عملتو...ياخي لهدرجة ميهمك حد فينا...باش ترجع لهوني بلا ما تخبرنا
زينب؛دنيز اقعد خلينا نحكو
انا:مفما شي نحكو فيه...انت توا باش ترجع معايا...لدارنا...لدارك زينب
زينب؛داري هوني
انا:شقصدك
قربت مني شدتني من يديا زوز...و غزرتلي تحكي
زينب:دنيز مش قصدي لي فهمتو...اما انا حياتي هوني...مهما عملت مانيش باش نجم نعيش كيفكم...انا هوني نحس لامي معايا...انت باش تعرس...و ملاك شتبقى معاك و لا مع ادم...و انا منجمش نبقى بينكم...منحبش نكون حمل عليكم...نحب نبدا من جديد...نعمل على روحي...و نقدم طلب اني نرجع لقرايتي...عالاقل نخلي امي تفرح بيا
5
بقيت نغزرلها...لكمية الارادة لي عندها...يمكن كان انا بديت كيفها من صفر...مكنتش عايشة في هذا الخوف الكل توا...خذيت نفس نحكي
انا:ا اما زينب...احنا
زينب:احنا باش نبقاو...كيما قبل و اكثر...شي ماهو باش يتبدل...حتى ملاك...باش نبقى نزورها و نطمن عليها...منجمش نجيبها هوني...ماك ترا الوضع كيف...اما باز باش نحاول نراها ديما
انا:باهي زينب كان هذا لي يريحك...اما متنساش لانت مزلت تاعبة
زينب:انا مليحة...و الا ما كنتش خذيت القرار هذا
انا:علاه مخبرتش ادم لانت باش تمشي
زينب:عملت لي حسيتو مناسب...و ياريت انت زادة متخبروش لانا نسكن هوني
انا:علاه
زينب:امان دنيز...منحبش نتلقى بيه جملة...اوعدني لانت ماكش باش تخبرو
انا:باهي زينب وعد
زينب:عيشك...و قررتو موعد العرس...و لا لا
انا:الاسبوع الجاي
زينب:مممم ملا قدامنا برشا تحضيرات
انا:ممم هكا حاجات
زينب:شبيك تحكي هكا...كانو غصبك عالعرس...مش هذا لي تحب عليه
انا:مممم نحبو...و نحب نكون معاه...اما توا حاسة ندرا كيف
زينب؛كيف
انا:منعرفش...احساس ندرا كيف سيطر عليا...خايفة
زينب:من شنوة
سكت منجمتش نجاوبها...كبست على يدي...شدتني معاها...قعدت عالكنبة معاها...حطت يدها على خدي تحكي
زينب:دنييز صارت حاجة ياخي
انا:لا
زينب:ملا من شنية خايفة انتي...هوكا زياد باش يكون معاك..و عرسكم بعد اسبوع...انت باش تكون مرتو...و على اسمو...كلشي باش يكون مليح
انا:خايفة اذا زياد ميحبنيش لدرجة باش يتحمل كلشي على خاطري
زينب؛باش يتحمل...حبو ليك يكفيه باش يتحمل على خاطرك...انت اثق في روحك...و اثق فيه...و كلشي باش يكون مليح باهي
هزيتلها براسي باهي...كلامها قد ما هداني...خوفني فرد وقت...غمضت عينيا نهرب في الافكار اللي هدت عليا ساعتها...لازمني ناثق لهو مستحيل يخليني مهما صار...و انو باش يبقى معايا ديما...قاعدة نحاول قد ما نجم...نحارب اللي قاعدة نحس فيه...و نحاول ناخو قوتي من الخاتم اللي في يدي...الايام الجاية باش تكون اصعب من هكا...و باز باش نتعداها و هو معايا...هذا كهو لباش يصيير
☆☆☆☆ بناااات الاحداث الجاية باش تكون قوية...و الاحداث باش تتكشف ورا بعضها...ورا الحلقة هاذي بالظبط 😈 علاقة ادم مع زينب...شتاخو منحى جديد زادة 😁 هذا الكل في الحلقات الجاية...موقف زياد من سوار باش يكون سلبي و لا ايجابي...نتوما باش تخمو فيها...سوار باش تستغل سر لي عندها و لا باش تحكي كلشي لزياد بعد العرس...و ادم كيف باش يكون موقفو من زينب ؟؟ اما يقرب منها و ياخو تجربة جديدة ؟ و لا هي باش تكرهو بعد ما تعرف الحقيقة كيما زياد ؟ الكل شيدخل في دوامة...و نهاية كل حد فيهم باش تكون مختلفة...هذا مختصر للحلقات الجاية 😈 باقي توقعات شنخليها ليكم...و باش تعرفو شنية باش يصير في الحلقة الجاية 😁😁😈😈
حلقة 133
نغزر لروحي في المرايا...فرحانة مش نورمال...مش مصدقة لانا لابسة الروب هاذي توا...تلفت لملاك و زينب...قاعدين عالفوتاي يغزرلولي...تبسمت نحكي
انا:شرايكم...نظن هاذي احسن وحدة
زينب:تفتفتق مش نورمال
انا:بالحق
نطرت ملاك تصفق بيديها...ضحكت بالوقت...شاورت للموديلست...قربت مني بالوقت...غزرتلها نحكي
انا:لازم تضييق في الاطراف...خاطرها كبيرة شوية
هي:باهي طمن
انا:اماان في اقرب وقت...عرسي بعد يومين
هي:من غدوة تكون حاضرة
انا:عيشك
هزيتها شوية...و دخلت للبيت باش نبدل دبشي...رجعت غزرت للمرايا...نغزر للروب لمرصعة من فوق...عديت يديا على جنابي...كلها حرير...قد ما توقعت...مجاش لبالي اني نعيش اللحظة هاذي...اني نلبس الروب هاذي...قد خوفي من اللي جاي...فرحانة اللي انا عايشة اللحظة هاذي...فرحانة لانا قاعدة نختار روبة متاع عرسي...و نحضرلو بيدي...تمنيت كان امي زادة كانت حاضرة...تنهدت بالقاوي...نعيط على زينب باش جي تعاوني نحلها...في لحظة تهز الريدو...وريحتو دخلت خشمي...طلعت راسي نغزرلو في المرايا...نحكي
انا:ز زياد شتعمل هوني
باقي يغزرلي من غير ما يحكي...يهز فيا و يحط اكثر من مرة...تلفت عندو...هزيت يدي حطيتها على صدرو نحكي
انا:زياااد...مش باهي تشوف الروب توا
زياد:شكون قال
انا:هكا يقولو...فال خايب
زياد:شيهمك في كلامهم
انا:باهي انت شتعمل هوني
هز يدو...رجعلي شعري لتالي...و فرد وقت يغزرلي...حسيت بيدو لاخرى لي دارت على ظهري...جبدني عندو بالقاوي...و نزل يحكي في وذني
زياد:برشا عليا هذا الكل
انا:عجباتك ؟
زياد:انت لي حليتها اكثر
جبدت روحي شوية...طلعت راسي غزرتلو...نحس بالنفس متاعو قوا في وجهي...قربت ليه اكثر نحكي
انا؛مممم باهي...قولي انت شتعمل هوني
رجع بيا لتالي...كبس عليا اكثر...قرب من شفافي يحكي
زياد:توحشتك
انا:كهو
زياد:مممم شنجاوبك بعد يومين
هزيت يديا زوز...دخلتهم تحت الفاست...دورتهم على ظهرو...جبدتو عندي...قربت لشفافو اكثر نحكي
انا:علاه مش توا
تبسم على جنب...و نزل عضني من شفافي...يحكي
زياد:مجربنيش مانيش باش نعجبك
انا:نحبك...و
قص عليا الكلام كيف نزل على شفافي...غمضت عينيا بالوقت...متوقعتش لهو باش يهد عليا لهوني...حسيت بيديه يحل في الروبة من تالي...جبد روحو شوية...غزرتلو نحكي
انا:ش شتعمل ؟
رجعلي شعري لتالي...و نزل بيديه لكتافي...هبط يدين الروبة...باسني من رقبتي يحكي
زياد:هيا بدل فيسع...مزال برشا حاجات تسنى فينا
هزيتلو براسي باهي...جا باش يخرج...كبست عليه بيديا زوز...غزرلي مستغرب...قربت بستو بوسة خفيفة...و تلفت عطيتو بظهري...سمعتو كيف تنهد...و هز روحو خرج...عديت صوابعي على شفافي...و رقبتي...كل مرة يقرب مني...نحسها اول مرة...تبسمت وحدي...خذيت نفس...و كملت بدلت دبشي...هزيت روبة في يدي و خرجت...لقيتو هاز ملاك في حملتو...يحكي معاها و مع زينب...حطيت الروبة و قربت منهم...غزرتلي زينب تحكي
زينب؛دنيز عزيزتي...كيف جا زياد انا لازمني نمشي توا
انا:علااه
زينب؛خذيت ساعتين كهو...كان باش نطول اكثر...باز نوحل في مشاكل مع عرفي
زياد:زينب متاكدة اللي تعمل فيه...انا نجم نوفرلك خدمة احسن من هاذي ببرشا...هذا كي حبيت تخدم...و زادة تنجم تبقى في دار دنيز...و كان حبيت تو ناخولك دار احسن
انا:شرايك زينب...نظن هذا احسن حل
زينب:عيشك زياد...مزيتك مننساهاش...اما هكا انا مرتاحة اكثر...و كان احتجت شي مانيش باش نتردد و نطلب منكم
زياد:باهي على راحتك...خليني نوصلك
زينب:لا مرسي تو ناخو طاكسي
زياد:باهي
قربت مني حضنتني...و باست ملاك...لي تغزرلها تحب تمشي معاها...بقيت نشيع فيها بعينيا...احسن شي ارتاحت...بعد الحادثة...و كلشي باش يكون مليح...قص عليا سرحتي يحكي
زياد:هيا عزيزتي...ايجا نوصلكم...عندي قضية...مبعد باش نمشي نكمل تحضيرات...و انت برا كمل لي ناقصك...اما تخرج من دار...كلشي تحب عليه...اطلبو يجيك
انا:باهي زياد
غزرتلو ملاك...تسأل بيديها على ادم...مغشة و باش تبكي...حتى هي من وقت رجعت لدار بقات عندي...حطها و سأل على زينب...و لتوا سأل عليها في تليفون كهو...غزرلها زياد يحكي
زياد:هو الليلة باش يجي عندك
تلفتتلي تحبني نأكدلها...هزيتلها براسي باهي...و غزرت لزياد طمني بعينيه...خرجنا مع بعض...طول الثنية و هي في حملتي...حسيتها تاعبة مش كي العادة...تعلقها بادم لهدرجة مش مطمني...كان تبقى عالحالة هاذي باز باش تمرض...اول ما وصلنا...هزيتها معايا للبيت...نطمن فيها لهو باش يجي...حتى كيف كلمتو...تليفونو مسكر...نسيت كلشي وبقيت معاها...منحبهاش تتعب اكثر...يكفي لي تعدات بيه و هي صغيرة...بقيت نعدي في يدي على شعرها لين هزها نوم ورقدت...وقتها برك...نجمت نتلهى بالامور لي بقات و فرد وقت نحاول نكلم ادم...باز باش نطمن عليها...كان وقت تراه و ترتاح
زينب تحكي:
نزلت من الطاكسي نجري...اول ما دخلت قابلني عرفي...يقحرلي بتسموميم...خذيت نفس نحكي
انا:ا انا صراحة
هو:قتلي ساعتين مش ثلاثة
انا:اما انا
هو:شتكمل ساعتين متاع ليل...و لا تفضل على روحك
هزيتلو براسي باهي...و دخلت...عشر دقايق روطار رصاتلي في سوايع في ليل...اما معنديش حل اخر...لازمني نكمل باش نخلص حق دار...منحب نتلز نطلب فلوس من حد...لبست مريولي...و هزيت صينية...و بديت في الخدمة...عديت نهار الكل واقفة...حتى كيف ظلامت دنيا...الكافي تعبا اكثر...حتى هو نهار احرف عديتو...دخلت لتولات...غسلت وجهي و تكيت لتالي...وجيعة ماشية و تقوى في كرشي...رغم الجرح برا شوية...نسمع فيه يعيط من برا...عديت يديا زوز على وجهي...خذيت نفس و خرجت عندو...وقف في وجهي يحكي
هو؛برا شوف جماعة شيحبو لبرا فيسع
انا:باهي
خذيت نفس و خرجت...نرا في جماعة قاعدين...كلهم رجال...دايرين بالطاولة...ظاهر فيهم مش جماعة خير...تنهدت بالقاوي...و قربت منهم...وقفت قدامهم...نحكي
انا:تفضلو...شتحبو تضربو
غزرلي واحد منهم من فوق للوطة...و تبسم بخبث يحكي
هو:نحبو على شي اخر
انا:تفضل
رمى يدو يحاول يشدني...وخرت خطوة لتالي...قحرتلو نحكي
انا:نجم نعرف شنية تحبو...مكانش نرجع مبعد
خذيت طلبهم من صاحبو...هزيتلهم براسي باهي و دخلت...نستنى في طلبية تكمل...هزيتها و يدي على قلبي...تتعدا ليلة على خير و نمشي لدار...اول ما وصلت عندهم...حطيت صينية عالطاولة... نحطلهم في قهاويهم...حسيت بيدو تحطت على فخضي..طلعت راسي قحرتلو قحرة متاع موت...ووخرت خطوة لتالي...عاود حطها على فخضي يعدي فيها...منجمتش نتحملو اكثر...هزيت كاستو متاع القهوة...فرغتها عليه سخونة...نطر بكرسيه لتالي...يصيح
هو؛¤¤¤¤¤ الا ما ندمك على عملتك
انا:الساقط لي كيفك مينجم يعمل شي
هز روحو وقف قرب مني اكثر...هز يدو شيضربني...غمضت عينيا بالوقت...و حليتهم على ريحة نعرفها بالقدا...نغزر ليدو لي علقت في الهوا...دورت راسي شوية نغزر لادم...لواقف بينا...غطاني بجهامتو...بقيت نغزرلو مصدومة...جا باش يحكي...كبس عليه اكثر...و دزو عالطاولة...يضرب فيه و يعاود...و نزل في صحابو زادة...حصيلو الكافي ولى خربة في جرتو...نازل فيهم ضرب و سب...لا نجمت نقرب منو...و لا نحكي شي...دورت راسي نغزر لعرفي...قرب منو يحكي و يصيح
هو:يزززي...يزززي هديتلي القهوة راك
كانو مسمعوش...باقي واحل معاهم...تلفت عندي هز صباعو في وجهي يحكي
هو:اغزرلي هوني...هذا الكل جرايرك...الا ما ندمك و نخليك تدفع حق كلشي
على كلامو تالي...قرب منو...جبدو من سوريتو...دزو عالحيط يحكي
ادم:شباش تعمل...حل فمك قلي شباش تعمللها
هو:ب باش نرفع عليكم دعوة...بسبب لي عملتوه هوني
ادم:فاش تستنى برا توا...و هاني نستنى فيك هوني
دزو على طول يدو...واقف يرد في نفس...نغزر في نفس ساقط لحاول يمسني قبيل قرب منو...و في يدو سكينة...خرج اسمو من شفافي بلا ما نحس...صحت فرد صيحة
انا:ااااادددم
اول ما تلفت...جات ضربت السكينة في يدو...حطيت يدي على فمي مصدومة...عصب عليه اكثر...خرج فيه غشو الكل...لين ولى غاطس في دمو...منجمتش نقرب منو و هو في الحالة هاذي...بعد عليه و نزل هز الفاست متاعو...جبد باكو فلوس...رماه في وجه عرفي لواقف خايف يقرب منو...قحرلو قحرة متاع موت يحكي
ادم:حق الكافي متاعك...و مزال نسمع منك كلمة...معادش شتلقى شنية تلم فيها
نزل هز الفلوس...و عملو براسو باهي...قرب مني شوية يحكي
ادم:لباس توا
هزيتلو براسي ايه...و نزلت عينيا نغزر ليدو لي تنزف...خذيت نفس نحكي
انا:يدك تنزف
غزر ليدو...و رجع غزرلي ندرا كيف...يحكي
ادم:خلينا نمشو من هوني
هزيتلو براسي باهي...دخلت هزيت صاكي...قحرت لعرفي قحرة متاع موت و خرجت...بقيت نمشي وراه عالساكت...لين وصلنا لكرهبتو...خذيت نفس نحكي
انا:لازمك تمشي لكلينيك توا...متخليش يدك هكا...مرسي برشا على لي عملتو على خاطري...ليلتك زينة
ادم:ايجا نوصلك
انا:البلاصة قريبة...و كرهبتك ماهيش باش تدخل لغادي...على هذاكا انا باش نمشي وحدي...مرسي مرة اخرى
مستنيتوش يحكي...تلفت عطيتو بظهري نمشي...حسيت بيه يمشي ورايا...تبسمت وحدي...بقينا نمشو ساكتين...دخلنا لشارع مع بعض...تلفت عندو...وقفتو كيف هزيت يدي شاورت لداري نحكي
انا:انا وصلت...على هذاكا لازمني نطلع...كنت باش نعاونك...اما دار ماهيش باش تعجبك...و انا منجمش نحطك في موقف هكا
قحرلي ندرا كيف...مفهمتش شيقصد بالظبط...قرب مني خطوة...و قربلي يدو يحكي
ادم:باش داوني...اقل حاجة تنجم تعملها توا
بقيت نغزرلو مستغربة...مفهمتش شيقصد بالظبط...طلع حاجبو يستنا فيا نحكي...نزلت راسي نغزر ليدو لي باقي تنزف...خذيت نفس نحكي
انا:باهي ايجا
سبقتو من غير حتى كلمة اخرى...باقي يمشي ورايا...لين وصلت لدار...بقيت نفركس على مفاتحي...توترت منو...حليت الباب ودخلت...دخل ورايا...شعلت الضو...و قربت من الكنبة بالزربة...نهز في دبشي كيما نحيتو الصباح...باقي واقف في بلاصتو يدور في عينيه عالدار...تلفت عندو نحكي
انا؛قتلك ماهيش باش تعجبك برشا
عوجت فمي شوية...نستنى فيه يحكي...قرب مني...غزرلي ندرا كيف...وقعد على طرف الكنبة...يحكي
ادم؛باش نبقى برشا هكا
حطيت الدبش عالكرسي...هزيت منشفة...و مشيت للكوجينة بليتها ورجعتلو...هزيت الكرسي لاخر...و قعدت مقابلاتو...هزيت يدي متردة...حطيتها على يدو...هزيتها شوية...نمسح في دم لي نازل منها...نحاول قد ما نجم منغزرش لوجهو...قلبي يخض بالقاوي...شي من قربو...و شي من الوجيعة لي قاعدة تقوى في كرشي...نسمع فيه يحكي
ادم:علاه قاعدة تخدم في بلاصة اكاكا
طلعت راسي غزرتلو...دور عينيه على وجهي...يستنا فيا نجاوبو..خذيت نفس...نحكي
انا:من بكري نخدم غديكا
ادم:و ديما نفس المشكل
انا:ستانست عادي
جبد يدو مني...غزر للجرح...ورجع غزرلي بشطر عين يحكي
ادم:انت لي حبيت ترجع لهوني
انا:رجعت وين لازم نكون
نطرت من بلاصتي جيت واقفة...عطيتو بظهري و كملت كلامي نحكي
انا:ستانست بعيشتي هوني...واللي كيفي معندهمش حق يغزرلو للفوق برشا
حسيت بيه واقف ورايا...غمضت عينيا بالقاوي...نسمع فيه يحكي
ادم:زينب انا
خذيت نفس...وتلفت عندو غزرتلو في عينيه نحكي
انا:مكانش لازم تعمل هذا الكل...و لا حتى تتأذى على خاطري...نعرف نحل مشاكلي وحدي
جا باش يحكي...قص علينا صوت الباب يندق بالقاوي باش يتهد...غزرلي مستغرب...قلبي دق بالوقت...شكون باش يجيني في الوقت هذا...فكرت للجماعة هذيكا خالطو علينا ورجعو...حطيت يدي على كرشي...نسمع فيه يحكي
ادم:انا باش نفتح
هزيتلو براسي لا...و تلفت لباب...نعمل في الخطوات بالسيف...كبست عالبواني...تنهدت بالقاوي...و حليتها...نغزر لمولا دار هد عليا...يحكي و يصيح فرد وقت
هو:منكونش حالك اوتال هوني...و مش في بالي
انا:قتلك باش ندفع في اقرب وقت...ياريت نحكو مبعد مش توا
هو؛نحب على فلوسي...مكانش تنجم تخرج من توا
كبست على كرشي اكثر...نهدي في روحي...و نهدي فيه فرد وقت باش ميسمعوش سخطة لاخر...نحكي
انا:باااهي...غدوة شنعطيك الفلوس باهي هكا...تنجم تمشي توا امانك
هو:سمعت الكلام هذا البارح...و اصلا شمخبية ورا هالباب...باش راك مكبشة فيه هكا
جيت باش نحكي...قص عليا ادم كيف جبد الباب بيدو حلها...وقف ورايا بالظبط...غمضت عينيا بالقاوي ورجعت فتحتهم...نغزرلو كيف يهز فينا و يحط...هز يدو في وجهي يحكي
هو:ناقص كان جيب رجال لهوني...ياخي مش وصيتك انا...و لا تهنينا من واحد جانا هذا
يحكي و يصيح...جيت باش نحكي...نغزر للجيران الكل يغزرولنا...جيت باش نحكي...قص عليا و كمل كلامو
هو:اخرج من داااري فيسع...برا كمل وسخك بعيد
قلبي دق بالقاوي...منجمتش حتى نبرر لروحي...خاصة و ادم هوني معايا...قبل ما يكمل كلامو...خطفو من مريولو...دزو لتالي...كبس عليه اكثر...تكاه عالحديدة...غزر للوطة يحكي
ادم:كلمة اخرى...نرمي ¤¤¤ من هوني...صدقني نعملهت من غير حتى ما نفكر...حتى هي ليلة كلبة...خلي نكملها بيك
قربت منو بالزربة...مع الغش لي فيه...نعرفو ينجم يعملها...حطيت يدي على يدو نحكي
انا:ادددم سييب راجل...فاش تعمل هبلت ياخي...سيبو
دور راسو غزرلي...رخف يديه بالوقت...بعد عليه...وخر لتالي...يغزرلنا مفجوع...يحكي
هو:ا امشي من هوني زينب...امشي احسنلك
هزيتلو براسي باهي...اصلا بعد الفضيحة هاذي منجمش نبقى بينهم اكثر...وخرت لتالي...و دخلت لدار...جبدت الفاليز متاعي حطيتها عالكنبة...نلم في دبشي من كل بلاصة...و نحط فيه...خالط عليا يحكي
ادم:فاش تعمل
انا:باش نمشي من هوني
ادم:حد ماهو باش يجبرك على شي...و كان على
قصيت عليه كيف تلفت عندو...قحرتلو نحكي
انا:انت ما تنجم تعمل شي...اصلا كلو جرايرك...كل مرة نكون معاك نوحل في مشكلة...انت سبب في كلشي...امشي من هوني...انا نعرف نحل مشاكلي وحدي
ادم:الكلااام زايد معاك...و انا الغالط خاطرني جيتك من الاول
تلفت باش يمشي...استندت بيدي عالطاولة...وجيعة مش نورمال ماشية و تقوى...باقي نرد في نفس شي...جيت باش نطيح...شدني بالوقت...جيت في حملتو...منعرفش كيف و علاه رجع...نسمع فيه يحكي
ادم:زينننب شبيك
منجمتش نحكي معاه...كبس عليا بيدو...ورجعلي شعري لتالي يحكي
ادم:زينب لباس ماهو
انا:م مليحة
ادم:ايجا اقعد
جبدت روحي منو...استندت بيدي عالطاولة...نحكي
انا:ل لازمني نمشي من هوني...منحبش نتفضح اكثر
ادم:باهي
قرب سكر الفاليز...هزها في يدو...و غزرلي يحكي
ادم:هيا باش نمشو
انا:ن نحب نمشي وحدي
ادم:اخر مرة نحكي معاك بالسياسة...متجربش غشي احسنلك
قحرتلو و سبقتو نعمل في الخطوة بالسيف...قحرت لمولا دار...لواقف بحذا الباب يستنى فينا نمشو...لتوا مشفعش من اللي صارلو...و الاغرب من هكا بقى هادي و محكى شي على الفلوس...بقينا نمشو عالساكت لين وصلنا لكرهبتو...حط الفاليز من تالي...و حلي الباب ركبت...خالط عليا...خدم الكرهبة و طار بيها...حطيت يدي على كرشي...بقى يغزرلي بشطر عين...كانو يحب يحكي شي...نفخ بالقاوي...و غزرلي يحكي
ادم:شقصدو الهامل هذاكا بكلامو
انا:شكون
ادم:الطحان اللي كنت كارية عندو
انا:شبيه
ادم:شكون كان يجي عندك من قبل
انا:ولد خالي
ادم:نفسو لي
انا:مممم و نفسو لي حاول يبيعني زادة...و مش كان يجي عندي كيما قال هو...كان كل همو يفضحني اذا مرضختش ليه...كهو الحكاية...و ياريت حد معاد يسالني عليه...خاطر اكثر حد نفد و نكره روحي وقت نحكي عليه
مرجعليش باقي يسوق...تكيت لتالي نغزر لثنية...تحملت و تحملت مبعد نطقت نحكي
انا:ا ادم امانك هزني للكلينيك
غزرلي مستغرب...محاولتش نحكي معاه اكثر...غمضت عينيا...و معاد حاسة بشي
سوار تحكي:
نمشي و نجي في البيت...ملاك سخانتها طالعة...و ادم ميردش على تليفونو...حتى زياد ميردش على تليفونو...نزلت هزيتها بين يديا و نزلت اللوطة نجري...حطيتها من تالي...خذيت مفاتح من عند شوفور...و طرت بالكرهبة للكلينيك...فرد وقت نحاول نكلم زياد...منعرفش كيف وصلت للكلينيك...اول ما دخلت هزوها من يديا...بقيت معاها...لين كمل طبيب عدا عليها...عرفت منو زادة لي نفسيتها تاعبة برشا...خاصة لطفلة في عمرها...بستها و خرجت...باقي نطلب في ادم...لازم تراه باش ترتاح شوية...انا اكاكا و نرا فيه جاي...غزرتلو مستغربة...منعرفش شيعمل هوني...قربت منو نحكي
انا:اادم شتعمل هوني
ادم:دنييز ؟؟
انا:من بكري نكلم فيك
ادم:شصاار شتعمل هوني
انا:ملاااك
مخلانيش نكمل كلامي...قرب حل الباب بالزربة و دخل عندها...قعد على طرف السرير...يعدي في يدو على وجها...قربت منو نحكي
انا:بعد ما خليتها تعبت برشا...حاولت نكلمك اكثر من مرة اما شي...قاعدة ترفض في كل حد...حتى انا
ادم:شقالك طبيب
انا:ملييحة...اما لازمها راحة اكثر
ادم:باهيي...شتبقى عندي الفترة هاذي لين ترتاح
انا:باهي...انت شتعمل هوني
ادم:زينب تعبت على هذاكا جبتها
انا:شننوة...شبيها..ووينها
ادم:لباس راقدة توا
انا:باش نراها و نرجع
هزلي براسو باهي...خرجت نفركس على بيتها...سألت الفرملية ورتهالي...حليت الباب و دخلت...دوب قربت خطوتين...حسيت بحركة ورايا...جيت باش نتلفت...حبست على سلاح لي تحط في جنبي...قلبي دق بالوقت نسمع فيها تحكي
ميرال:و اخيرا شرفت يا قطوسة
غمضت عينيا بالقاوي...اخر وحدة نحب نواجها توا...خذيت نفس نحكي
انا:اهلا ميرال...شرفت
نسمع في صوت ضحكاتها ماشية و تعلى...تنهدت بالقاوي...و تلفت عندها...نغزرلها...اول مرة نرا كمية هالشر في عينيها...نزلت عينيا نغزر لسلاح لي مزال محطوط على كرشي...رجعت غزرتلها في عينيها نحكي
انا:شتحب مني
ميرال:زياااد
انا:ممم طلب مستحيل
هزت سلاح حطاتو على رقبتي...و بقات نازلة بيه...لين عاودت وصلت لكرشي...و تحكي فرد وقت
ميرال:شيولي ممكن
انا:باش تقتلني...هذا لي تنجم تعملو انت
قربت منها اكثر...حسيت بالفرد تغرس في كرشي...نزلت على وذنها نحكي
انا:اغزرلي خطفت منك زياد قدام عينيك...و شنعرس بيه بعد غدوة...في بالي انت اقوى من هكا
جبدت روحي منها و تبسمت على جنب...نغزر لملامح وجها لي تبدلت...غرست الفرد اكثر في كرشي...تعمدت توجعني...غزرتلي تحكي
ميرال:انت كنت كيف الاعصار في حياتي...خذيت مني كلشي...كيف بعدت عليا زياد...انا تخليت على كلشي في حياتي على خاطرو...عطيتو كلشي من غير مقابل...ستخايل شنجم نعمل
كلامها خرج بوجيعة مكبوتة...اما حتى انا تنازلت على برشا حاجات...على خاطرو...انا زادة خايفة من اللي جاي...عرسي من زياد...ضمانة لهو باش يرجعلي بعد كلشي...خذيت نفس نحكي
انا:في بالك كان انت باش تقتلني هو باش يرجعلك...افهمها ميرال...حاول تستوعب لزياد يحبني انا...مهما عملت و مهما صار...هو شيبقى يحبني...انا الفاصل الاول و الاخير في حياتو...مهما صار ماهوش باش ينساني
ميرال:عالاقل منطلعش خاسرة وحدي
سمعت صوت السلاح في يدها...عرفتها باش تكبس عالزناد في اي لحظة...غمضت عينيا بالقاوي...و صورة وحدة كهو بين عينيا...زياد و كهو...منعرفش علاه نحب نراه اخر مرة...نحب نخبرو اخر كلام عندي...منعرفش علاه مخفتش منها...و لا لي باش يصير...في الاخير كان فما احتمال...لهكا نهاية
حلقة 134
لحظات صمت قعدو بينا...لا هي قوصت..و لا انا نجمت نحل عينيا...قلبي يدق بالقاوي...اما محبيتش نبين خوفي قدامها...كبست على يدي...خذيت نفس...و حليت عينيا...نحكي
انا:قوص فاش تستنى
هزت يدها...ضربتني بظهر الفرد على راسي...تصيح
ميرال:اسسسكت سكر فمك...خاطرك مستحيل تخرج من هوني عايشة
وخرت لتالي مروهجة...هزيت يدي مسحت دم لي نازل من جبهتي...تبسمت على جنب...و قربت منها اكثر...شديت يدها...ورجعت الفرد حطيتو على كرشي نحكي
انا:قوص...اعملها ميرال...اما زعمة جنيرال شيخليك عايشة بعد ما تقتلني
عقدت حواجبها مستغربة...غزرتلي ندرا كيف تحكي
ميرال:و شمدخلك انت في جنيرال
رجعت شعري لتالي....و قربت منها...وقفت قدامها بالظبط...غزرتلها نحكي
انا:شرايك نخبرك سر...سر صغير برشا...حد ما يعرفو
قربتلها اكثر...نحكي في وذنها
انا:جنيرال...جنيرال يعقوب...يكون بابا
جبدت روحي لتالي...نغزر لصدمتها...لوجها لي تبدل...هزيت يدي...و كملت كلامي
انا:معاناها منى صحبتك...اختي انا...اههه و شي اخر ميرال...كان انا مت توا...منى شتدخل لساحة و باش تخطف منك زياد زادة...خاطر حتى اختي حاطة عينها عليه...شنعمل كي الكل تحبو عليه...و باز انت ماكش باش تقتلنا الكل...خاطر اللي يحمي فيك هو نفسو بابا...و باز ماهوش باش يقتلك و يهنيك...هو شيرجعك لبلاصتك طبيعية...شتولي للمصح...و تموت غديكا...وقتها حتى حد ماهو باش يطلع فيك
باقي تغزرلي...رخفت يدها شوية شوية نزلتها...قحرتلها نحكي
انا:شنوة بدلت رايك ياخي
جات باش تحكي قصت علينا زينب من تالي...فاقت مروهجة تحكي
زينب:د دنيز شفما
تلفت عندها...لقيتها تحاول تقوم من بلاصتها...قربت منها...حطيت يدي على كتفها رجعتها لتالي نحكي
انا:مفما شي...ارتاح عزيزتي
دورت راسي...قحرت لميرال قحرة متاع موت...هزت سلاحها في وجهي...تحكي
ميرال:كنت باش نقتلك...اما كلامك عطاني فرصة اخرى باش ندمرك...شنخليك انت تتمنى الموت...و ماكش باش ترتاح مع زياد طول ما انا عايشة
كملت كلامها...و خرجت من البيت تنهدت بالقاوي...احسن شي استغليت السر هذا في صالحي...و الا مستحيل مزلت عايشة لتوا...نسمع في زينب تحكي
زينب؛دنيز شفما...شتحب عندك
انا:تحب على زياد
زينب؛الطفلة هاذي ماهيش باش تخليك في حالك
انا:متقلقش روحك...تدبارها عندي...انت كيفك توا
زينب:لباس...تعبت شوية و كهو
انا:ادم هو جابك لهوني
زينب؛مممم
انا:باهي
بقيت معاها و تفكيري مع كلام ميرال...نسمع في تليفوني ينوقز لقيتو زياد يطلب...غزرت لزينب لقيتها غفات...جبدت روحي منها...وخرجت هزيت عليه نحكي
انا:زياااد وينك لتوا
زياد:خدمة عزيزتي...انت وينك
انا:في الكلينيك
زياد:كلينيك ؟ شصاار لباس ماهو
انا:لباس ملاك تعبت برشا...حاولت نكلمك مرديتش عليا
زياد:كيفها توا
انا:ادم معاها
زياد:باهي هاني في ثنيتي لعندك
انا:باهي
رجعت عند ملاك...حليت الباب...لقيتها راقدة في حضنو...تبسمت ورجعت لتالي...لي يهمني انو هي ترتاح و كهو...قعدت عالكرسي نستنى فيه...طلعت راسي كيف حسيت بيه جا...هزيت روحي...قربت منو...حضنتو بالقاوي...نحكي
انا:احسن شي انك جيت توا
جبدني من عندو...عدا يدو على وجهي...غزر للجرح ورجع غزرلي يحكي
زياد:شبيك
انا:شي...منعرفش وين ضربت روحي
زياد:متأكدة
هزيتلو براسي ايه...نزل باسني من راسي...ورجع حضني...منحبش نخبرو على ميرال توا...منحبش نفسد اللحظات هذوما في جرتها...و يوفا كلشي قبل ما يبدا...بقيت معاه لين طمن على زينب و ملاك...حكى مع ادم شوية...ندرا فاش ورجعلي يحكي
زياد:هيا باش نمشو توا
انا:نحب نبقى هوني
زياد:لاا انت باش تمشي ترتاح...و ادم هوني شيبقى معاهم زوز...هيا عيش عيش حبي
هزيتلو براسي باهي...و مشيت معاه لكرهبتو...طول الثنية و انا ساكتة...لين وصلنا لدار...شد الفران و تلفتلي يحكي
زياد:متأكدة متحبش جي معايا
هزيتلو براسي لا...و قربت منو...بستو تحت عينو نحكي
انا:باش نجي اما بعد غدوة...وقتها معادش باش تخرجني من حياتك جملة
تبسم على جنب و قرب مني باسني من خدي..خذيت نفس و نزلت...بقيت نغزرلو...لين دور كرهبتو و مشى...دخلت لدار...تأكدت من خالتي راضية لهي كملت تحضيرات...و طلعت لبيتي...ترميت عالسرير...و استسلمت لنوم...من غير ما نفكر في اللي جاي
ادم يحكي:
بقيت نعدي في يدي على شعرها...و نغزرلها فرد وقت...نحسها قطعة مني...و مهما صار مانيش باش نسلم فيها...ملاك عطاتني يدها لحياة جديدة...و مستحيل نسلم فيها...مكنتش نتوقع كيف نغفل عليها باش يصرا عليها هذا الكل...دورت راسي على صوت الباب نغزرلها واقفة و مشبكة يديها...هزيتها و حطيتها نحكي
انا:شبيك قمت توا
زينب:نحب نطمن عليها
انا:باهي ايجا
هزيت روحي وقفت قربت منها...دوب تنجم تعمل خطوة...مديت يدي...شدتني مترددة...عاونتها قعدت عالفوتاي...و قعدت بجنبها نحكي
انا:لباس توا
زينب:ممم احسن عيشك...ملاك كيفها
انا:مليحة ارتاحت
زينب:مكنتش نعرف لهي باش تتعب لهدرجة
انا:انا سبب...مكانش لازم نخليها وحدها...اما زادة مفماش شكون يبقى معاها في دار
زينب:انا سبب...كان بقيت معاها...موصلتش لهوني...ملاك متنجمش تحكي...على هذاكا تخبي وجيعتها ديما...و توا دموعها مكفاتش باش تعبر بيهم
تحكي و تغزرلها...منعرفش كيف هزيت يدي...يعدت خصلات شعرها لتالي...تلفتت عندي بالوقت...جا وجها مع وجهي...نزلت بعينيا لشفافها...من غير ما نزل يدي...منعرفش علاه كل مرة نغزرلها...نسرح فيها لهدرجة...منعرفش شنية سر في عينيها...نظرتها نحسها سبيسيال...خاصة بعد اخر مرة...نزلت بيدي شوية على خدها...قربت منها اكثر...حسيت بيها تحاول تجبد النفس بالسيف...تبسمت على جنب نحكي
انا:لباس ماهو
هزتلي براسها لا.. جات باش تحكي...قصيت عليها الكلام كيف حطيت شفافي على شفافها...حسيت برعشتها...بصدمتها و خوفها فرد وقت...دوب بستها...وجبدت روحي منها...حتى انا منعرفش علاه عملت هكا...حلت عينيها تغزرلي مصدومة...باقي فمها محلول شطر حلة...هزت يدها متردة...عداتها على شفافها...تحكي
زينب؛ش شعملت انت
شدني ضحك متوقعتش لهي باش تسألني هكا...عديت يدي على شعري...و تكيت لتالي نحكي
انا:رجعت حقي
زينب:ش شتقصد
خذيت نفس ورجعت قربت منها...تكات لتالي...تتهرب مني...حاصرتها بيديا...و نزلت عليها شوية نحكي
انا:تحب نذكرك شكون لي بدا قبل
زينب؛ا انت
انا:ممم كنت فايق...و حسيت بيك زادة...عندك تفسير لشي لي عملتو
هزتلي براسها لا...بقيت نغزر لوجها...لي ولى احمر باش يطرشق...متوقعتش لهي باش تدخل بعضها لهدرجة...توقعتها باش تكون جريئة اكثر...كيف اخر مرة...اصلا متوقعتش لهي باش تعملها و تبوسني...بقات تهرب في عينيها مني...نفس متاعها قوا في وجهي...تبسمت على جنب نحكي
انا؛اغزرلي هوني
زينب؛ل لا ابعد نحب نقوم
انا:ماكش باش تقوم
زينب:م مسيو ادم انا
انا:اادم...اددم كهو
زينب:ا ادم امان
جيت باش نحكي...تحل الباب بالوقت...طلعت راسي غزرت للفرملية...لوقفت تغزرلنا مصدومة...جبدت روحي لتالي شوية...جات باش تقوم...كبست على يدها...رجعتها لبلاصتها...غزرت للفرملية نحكي
انا:شفما
هي:جيت باش نتفقد الطفلة...و انت مدموزال زينب...شبيك قمت من بلاصتك
زينب؛ا انا
انا:تو شوية ترجع
هزتلي براسها باهي...قربت عدات على ملاك و خرجت...تلفت لزينب لي باقي تحاول تقوم...غزرتلها بشطر عين نحكي
انا:شبيك
زينب:نحب نرجع لبيتي...تاعبة و نحب نرقد
انا:ماكش باش تقوم
زينب؛و كيف باش تمنعني
انا:مانيش باش نمنعك...اما انت زادة حاول مجربش غشي ماهوش باش يعجبك
بقات تغزرلي ندرا كيف...غمضت عينيها بالقاوي...و حلتهم مزغلين بدموع...تحكي
زينب:ششش يزي...متحكيش معايا هكا...متحكيش كيفو...امانك
جيت باش نحكي...قصت عليا ملاك...كيف حلت عينيها تبكي...مفجوعة من سيروم لي في يدها...هزيت روحي قربت منها...نطمن فيها...كبشت في يدي...حسيتها تفرهدت زادة كيف شافت زينب...بقيت معاها لين هزها نوم ورجعت رقدت طلعت راسي...نغزر لزينب لي غفات بحذاها...هزيت روحي و قربت منها...فيقتها نحكي
انا:زينب هيا باش تمشي لبيتك ترتاح
حلت عينيها مروهجة...ورجعت غمضتهم...تبسمت على جنب...نزلت عليها اكثر...كبست على كتافها وقفتها...تكات عليا تمشي بالسيف...باز مزال مفعول البنج مأثر عليها...قعدتها عالفوتاي...و قعدت بجنبها...تكات عليا...شعرها غطالها وجها لكل...بعدت خصلاتو بصوابعي...و تكيت لتالي...نزلت راسي نغزرلها...و لا مرة توقعت اني باش نقربلها لهدرجة...اصلا مكانتش في راسي جملة...حتى كيف نغزرلها كاني مريتهاش...منعرفش بتصرفها متاع اخر مرة شقصدت بيه...اصلا متوقعتش جراتها توصل باش تبوسني...بون مش باستني...جيست حسيت بشفافها...و جبدت روحها فيسع...تبسمت وحدي...ناقص الفروخ يلعبو معايا انا...الاولى تغير في خويا...و الثانية ندرا علاه عملت هكا...تي مزالت فرخة...حتى تصرفاتها متاع فروخ...دوب تتصرف بوعي...و شبيني انا لقيت روحي بينهم...لقيت روحي نهتم بحاجات اخرى في حياتي غير الانتقام...تبسمت بوجيعة هدتني...كيف ريتها بين عينيا...ريتها قاعدة بحذا ملاك...نعرف لحلمة...نعرف كان نقرب منها باش تبعد مرة اخرى...باقي نغزرلها...تمنيت كان نجم نقرب منها...كان نحضنها مرة وحدة كهو...ريتها كيف نزلت باست ملاك...غمضت عينيا بالقاوي ورجعت حليتهم...دورت عينيا عالبيت...و تنهدت بالقاوي...نحس في قلبي باش يخرج من بقعتو...عديت يدي على وجهي...خذيت نفس...منجمتش حتى نتحرك...نغزر لنفس البلاصة...عينيا تركزو غديكا...كانها مزالت موجودة...تكيت راسي لتالي..نحس بالنفس متاعها على رقبتي...غمضت عينيا...نذكر في كل لحظة عديتها...نذكر في الماضي بتفاصيلو...كان نرجع خطوة كهو كنت باش نبدل برشا حاجات...و برشا عباد مكانتش باش تمشي ضحية لي صار...منعرفش قداش تعدا وقت اكاكا...و منعرفش كيف هزني نوم و رقدت
☆☆☆
سوار تحكي:
تبسمت وحدي...و هزيت يدي حطيتها على قلبي...فرحة مخلطة بخوف...فرحانة و متوترة فرد وقت...تغزر لروحي و مش مصدقة...كانو روبة تفصلت ليا كهو...طلعت بيدي شوية...عديتها على شركة متاع امي...يا ريتها كانت معايا توا...يا ريت كلشي كان بالعكس...كنت باش نعمل الخطوة هاذي من غير خوف من اللي جاي...بالرغم لانا مش غالطة في حتى شي...و معندي ذنب في شي...اما اللي مخوفني علاقتهم ببعض...حب الاخوة لي يجمعهم...باز حبو ليا مش كافي باش يخلي خوه على خاطري...هزيت براسي لا...نهرب في الافكار لي جاتني...قص عليا سرحتي...صوت الباب لي فتح...حكيت من غير ما نتلفت
انا:زيننب ياخي زياد لتوا لا جا ؟
استغربت كيف حد ما جاوبني...تلفت بالوقت...جات عيني مع عينو...قلبي دق بالوقت...نغزرلو و مش مصدقة...جمدت في بلاصتي...لا نجمت نقرب...لانجمت نزل عينيا منو...خرج صوتي مخنوق دوب يتسمع
انا:ع عماد
نحس في الكلام وحل في حلقي...دموعي سبقوني و نزلو...دوب عملت خطوة...قرب مني بالزربة...حضني بالقاوي...كبست عليه بيديا الزوز...مش مصدقة لهو معايا توا...متوقعتش لزياد باش يعملها و يخليه يحضر عرسنا...جبدت روحي منو...حطيت يديا زوز على وجهو...نحكي
انا:عمااد هذا انت بالحق
عماد:سوااار عزيزتي...مش مصدق لانا ريتك مرة اخرى
رجعت قربت منو نحضن فيه...و نبوس فيه...نشم فيه ريحة امي...وخر لتالي...شدني من يديا زوز...هزني و حطني يحكي
عماد:محلااها اختي بالروبة...متوقعتش باش نراك عروسة
انا:و انا مصدقتش لانت باش تحضر
عماد:كان محضرتش...مكنتش باش نسامحك...و لا نسامح سي زياد زادة
ضحكت بالوقت...قعدت عالفوتاي...نحكي معاه...اصلا محسيتش بالوقت كيف قاعد يتعدا...توحشتو و منجمتش نبعد عليه...باقي نسمع فيه...و فرد وقت نغزر لساعة...ياسر تأخر...عديت يدي ورا رقبتي...نهدي في روحي و نتبسم فرد وقت منحبش عماد يتقلق...هزيت تليفوني...ووقفت...نكلم فيه و نغزر للجنينة...الناس الكل برا...نزلت تليفوني مستغربة...منعرفش شبيع ميحبش يهز...باقي نطلب فيه و نعاود...قربلي عماد يحكي
عماد:سوار...لباس ماهو شفما
انا:شي عزيزي...جيست نطلب في زياد
توترت اكثر...باقي رايحة جاية في البيت...و نطلب فيه...قص عليا صوت الباب كي فتح...طلعت راسي نغزر لزينب...ضيقت عينيها تحكي
زينب:دنيز لباس ماهو شبيك
انا:زينب...زياد لتوا لا جا...و من بكري نطلب فيه ميحبش يهز
زينب:كلمتو قبيل...يمكن مزال في ثنية
انا:علاه كلمتو ؟
زينب:نسيت دوا متاع ملاك...تاعبة و لازمها تشربو...على هذاكا خبرتو يجيبو معاه...خاطر الرجال ميسمحو لحتى حد يدخل لدار...و شوفور مشى ندرا وين ملقيتش شكون يوصلني...و الا كنت مشيت انا
بقيت نغزرلها...كان هكا باز راهو وصل...الحكاية اكبر من هكا...هزيت تليفوني عاودت كلمتو شي...كلمتو من عند زينب محبش يهز...حسيت بمغص في كرشي...و في لحظة دم جمد في عروقي...هزيت براسي لا نحكي
انا:لا مستحيل
زينب:دنيز شفماااا...شصاار
عماد:لباس ماهو
بقيت نغزرلهم...هزيت الروبة شوية...و خرجت نجري من البيت...عارضني هارون...ماشي للجنينة...غزرلي مستغرب
هارون:دنيز شبيك لباس
انا:هااروون امانك...لازمني كرهبة توا فيسع...امانك
هارون:تحب نوصلك
انا:لااا...اعطيني مفاتح توا...منطولش و نرجع
هزلي براسو باهي...و حط المفاتح في يدي...كبست عليهم...و خرجت نجري...هزيت كرهبتو و طرت بيها لدار...من غير ما نفسر لحد...قلبي نحسو باش ياقف...خايفة من اللي جا لمخي...حرقت الكياس...نسوق من غير ما نركز في ثنية...نحب نوصل كهو...شديت الفران بالقاوي و نزلت...غزرت لكرهبتو...عرفت لهو هوني...غزرت للباب لقيتها محلولة...قلبي خض بالقاوي...ساقيا رخفو...دوب نجمت نمشي...دار ساكتة غير العادة...حتى خالتي راضية في العرس...طلعت الدروج نجري...و كل درجة نطلعها...ريحتو تقوا في خشمي...استندت بيدي عالحيط و انا نغزر لباب بيتي محلول...منجمت نقرب حتى خطوة...قلبي نحسو باش ياقف...تقويت على روحي...و دزيت الباب بيدي...تمنيت برشا حاجات ساعتها...كان اني نوصل لهوني...و اني ناقف مقابلاتو...يديا ترخفو عالروبة...نغزرلو قاعد عالكرسي...كابس بيدو عالكوافوز...و مذكرتي في يدو...طلع راسو شوية...عينيه حمر جمر...متوقعتش شنراه في الحالة هاذي...كان عندي امل صغير...انو هو ماهوش باش يفتحها...ماهوش شيلقى وقت باش يقراها...منعرفش على روحي كيف نسيتها البارح عالكوافوز...حتى دوا ملاك قعد بحذاها...نفس تسكر عليا...باقي نلوج عالكلام...شنجم نفسرلو...اما ملقيتش...حتى هو مصدوم...حتى هو فاشل كيفي و اكثر...باقي يغزرلي...كانو قاعد يلوم فيا...جيت باش نقرب منو...وقفني بيدو...نزلو دموعي بالوقت...حاولت نحكي اما منجمتش...حبيتو يفهمني...ينسى لقراه...و ياخو بيدي...يقولي كلامو كي العادة...انو مهما صار...ماهوش باش يسلم فيا...شيكمل معايا لتالي...و يعرس بيا...ستنيت منو برشا حاجات...ستنيت زياد لحبيتو...و نحبو...مش لي واقف قدامي...مسنيتش انو يغزرلي بالطريقة هاذي...مع وقفتو...دقات قلبب قوات اكثر...لحظات الصمت لي كانت بينا...عرفت منها لانا قاعدة نودع في حبي بطريقة اخرى...مانيش باش نترجاه...و لا نحاولو برشا...معادش عندي جهد و لا قوة اني ندافع فيها على روحي...هو عرف الحقيقة بطريقة اخيب من اللي توقعتها...عرفها و عرف لانا خبيت عليه...لدرجة منجمتش نفسر و لا نبرر موقفي...كل خطوة يقربها مني...خوفي من اللي جاي يقوا اكثر...وقف قدامي بالظبط...حط يدو على يدي...بدني رعش بالوقت...غزرتلو نترجا فيه...طلعها شوية عندو...حط المذكرة على يدي...و غزرلي في عينيا يحكي
زياد:ي ياريتك حكيتلي...ياريتك خبرتني من الاول...مكنتش باش نخليك...مكنتش باش نسمح فيك جملة اما
غص في الكلاام...دوب يخرج فيه...باقي نغزرلو...حاولت نحكي اما منجمتش...تنهد بالقاوي و كمل كلامو
زياد:اما انت وجعتني برشا بعملتك هاذي...شهور و انا نحاول نعاونك...شهور و انا نجري ورا الحقيقة...في تالي طلع خويا مولا العملة...وانت تعرف بهذا الكل...من اول مرة قابلتو...اما فضلت تسكت...كل مرة كنت نسألك كنت تتعمد تكذب و تكذب...خليتني كيف البهيم بينكم...ندور في فراغ...عاقلة انت...اليوم كنت باش نعرس بيك...كنت باش تكمل اللعبة متاعك و انت مرتي...تعرف شمعناها مرتي...و فرد وقت تحب تنتقم من خويا...و انا خممت فيا سوااار...خممممت شنية باش يصير فيا
صوتو ماشي و يعلى...غمضت عينيا بالقاوي...ورجعت حليتهم...دموعي ضبو عليا...خذيت نفس نلم في الكلام باش نحكي
انا:ك كنت باش ن نخبرك
هزلي براسو لا...تبسم على جنب...ورجع غزرلي يحكي
زياد:لااا مكنتش باش تخبرني...تعرف علاااه...خاطرك ببساطة متنجمش تاثق فيا...انت تحاول تحمي روحك من ادم بيا انا...برااافو نهنيك انت نجحت ووصلت وين حبيت...صحيتك سواار
قربت منو اكثر...منعرفش علاه كلامو وجعني اكثر...هزيت يدي لاخرى...حطيتها على يدو...نحكي
انا:ز زياد...والله مش كيما فهمت...اغزرلي لهدرجة تشك في حبي ليك...اغزرلي انا سوار...حبيبتك انت...ماكش باش تخليني
زياد:مكنتش باش نخليك...و اصلا معنديش علاه نلومك انت...عندك حق متاثقش فيا...في تالي احنا اخوة و نفس الشي...اكثر شي ندمت عليه اني حبيتك لهدرجة...اني ربطت حياتي بيك و منعرفش كيف باش نبدا من غيرك...اما زادة مانيش باش نعذرك سوار...مانيش باش نسامحك...خاطر استغفلتني
تنهد بالقاوي...و جبد يدو مني...عداها على خدي مسح دموعي...و تبسم بوجيعة يحكي
زياد:انت من اليوم حرة...و متخافش مانيش باش نخبر ادم بشي...كمل انتقامك براحتك...خاطر وعودي الكل طاحت في الما...و انت اخترت الثنية هاذي...رد بالك على روحك
فقت من سرحتي كيف بعد عليا و خرج من البيت...قربت خطوة ووقفت...خرج اسمو بين شفافي...طاحت المذكرة من يدي...منجمتش ناقف اكثر...طحت على ركايبي زوز...قعدت عالارض...نغزر للباب...باز لي صار حلمة...هو ماهوش باش يخليني...وعدني و ماهوش باش يعملها...منعرفش قداش تعدا وقت بالظبط...عينيا تركزو في الباب نستنى فيه يرجع...دموعي نشفت على خدي...شوية و الحس بدا يقوا اللوطة...خطوات ماشية و تقرب...نغزر لعماد لي دخل يجري مفجوع...دوب شافني اكاكا ترما قدامي...حط يديه على وجهي يحكي
عماد:سواار شصااار...سوااار
بقيت نغزرلو و كهو...كانو مش موجود جملة...خالطت عليه زينب وقفت بحذا الباب تغزرلي مصدومة...منعرفش علاه مخالطش عليهم...علاه مرجعش...دموع زينب فهمت منهم لكلشي وفا...لانا خسرت بالحق...تكيت على عماد...يعدي في يدو على شعري و يرعش بالوقت...يمكن هو اكثر محتاجتو توا...نفسي هدا شوية شوية...عرفت لهو مستحيل يرجع...سكرت عينيا بالوقت...دقات قلبي هدات...بدني الكل ترخف...نسمع في صوتهم بعيد برشا...كهو كلامو هو لي قاعدة تسمع فيه...حتى عماد نحسو بعيد عليا برشا...منجمتش نحل عينيا...شوية و معاد حاسة بحتى شي...اما داخلي موجوعة...وجيعة ماهيش باش تبرا...لا كلام و لا افعال...ينجم يهدي وجيعتي...و لا ينجم يحس شنوة اللي قاعدة نعيش فيه...توا برك عرفت قداش ضلمت روحي...نسيت شكون انا و بين شكون عايشة...و جريت ورا احلام مستحيل انها تكمل...و لا انها تصير جملة...و انو اي حد يعيش في احضان الموت...مستحيل ينجم يعرف الحلمة من الواقع
☆☆☆ تعرفووو قداااش قعدت و انا نخمم في الحلقة هاذي...و من وين باش نبداها...اول مرة حسيت للحلقة باش تكون صعيبة برشا...حتى اني منجمتش نوصل اللي حساتو سوار...خاطر وحلت في الحروف و منجمتش نعبر...برشااا منكم شيلومو على زياااد...اما كان كل وحدة تحاول تفهمو...و طريقة اللي عرف بيها الحقيقة تخليه يلوم على سواار...و يحط برشا حاجات في راسو...و رد فعلو ناحية سوار كان سلبي...و حاول قد ما ينجم ميجرحهاش...اما زعمة ردة فعلو ناحية خوه...كيف باش تكون...كيف باش يتصرف...و كيف شينجم يواجه ادم...ادم لعطاه يدو من صغرو...مكانش خوه كهو...كانو صحااب زادة...و يد وحدة...شتنفك اليد هاذي و كل حد ياخو طريقو...شيعذر خوه خاطر هذا صار الكل قبل ما يعرف سوار...و شنية موقف ادم زادة...و كيف باش تتصرف سوار...هذا تعرفوه في الحلقات الجاية...حلقات مخبية سر اخر...باش يكشفهولكم زياد
حلقة 135
زياد يحكي:
نسوق و منعرفش وين ماشي...نحس في بدني مرخوف...دوب نجم نركز في الثنية...وجيعة مش نورمال ماشية و تقوا...نفس تسكر عليا...رميت يدي نزلت البلار...و حليت فلس سوريتي...غصة واحلة في حلقي...يا ريت مطاحتش مذكرتها عالارض...و لا نزلت هزيتها...تمنيت كان مقريتش لي كتباتو جملة...لدرجة عينيا تركزو في نفس الجملة...لا نجمت نقرا لي قبلها و لا لي بعدها...عمري ما توقعت و لا حطيت احتمال صغير انو هي تعرف شكون عمل فيها اكاكا...و يطلع ادم...هذا الكل قدام عينيا و محسيتش بيه جملة...غمضت عينيا بالقاوي...ذكريات ليها سنين تعدات قدامي...للحظة لقيت روحي في نفس البقعة مرة اخرى...تحت السرير...نستنى في شكون يخرجني من غديكا...يد وحدة برك خرجتني لنور مرة اخرى...لتوا صورتو بين عينيا...اول حد حس بيا لانا محصور غديكا...اول حد عطاني يدو...وخرجني من الظلمة هذيكا...هو كهو لي عطاني حياة جديدة بعد اخيب ليلة عشتها في حياتي...ادم كان كلشي بعد امي...و اخر حد وصاتني عليه امي...انو مهما صار منسلمش فيه...شديت الفران بالقاوي...على شعرة و ندخل في كرهبة اخرى...نغزر لثنية و مخي مش معايا...كلام امي يدور في مخي...و كلشي عشتو مع ادم و سوار تعدا بين عينيا...منجمتش نتقبل اللي صار جملة...كل مرة نفكر في الحكاية...نتخنق اكثر...منعرفش كيف نجمت نخليها...منعرفش كيف طاوعني قلبي و خليتها بغصتها...مكانش لازم نلومها...مكانش لازم نخليها...لثاني مرة انا خليتها...لثاني مرة جرحتها و انا نغزرلها...منعرفش كيف نجمت نتحمل دموعها...و لا غصتها...اما فكرة لهي كذبت عليا...لهي مرة اخرى موثقتش فيا...منعرفش شكون موجوع فينا بالظبط....للحظة هاجس الماضي سيطر عليا...لثاني مرة حسيت روحي خسرت...عديت يدي على خدي مسحت دمعة هربت مني...و تبسمت بوجيعة...اكثر موقف هربت منو طحت فيه...و خسرت قطعة من روحي...رغم كلشي منجمش نستخايل حياتي من غيرها...كبست عالفولون...و طرت بالكرهبة...منعرفش كيف لقيت روحي قدام دارو...توا برك فهمت شنية علاقة سوار بحنان...ادم استغلها هي باش ينتقم لمرتو...دمرها من غير ما يطلع وراه...نزلت نجري...لي يعارضني من رجالو ندزو بيدي...واقف في نص دار نعيط باسمو شي...خرجت من الباب التلاني...لقيتو واقف في اخر الجنينة...يحاول يحكي بتليفون...عطيت عليه بكل صوتي...تلفت عندي مستغرب...قربت منو بالزربة...نسمع فيه يحكي
ادم:ويينك من بكري نكلم فيك...ياخي
مخليتوش يكمل كلامو...دوب وصلت عندو...ضربتو ببونية...وخر لتالي مروهج...طلع راسو مروهج...يغزلي مصدوم...اول مرة نهز يدي عليه...اول مرة نعملها حتى بلا وعي...هز يدو مسح الدم لي نزل من خشمو...دزني بيدو يحكي و يصيح
ادم:شبييي ¤¤¤ هبلت ياخي...شصااار
منجمتش نرجعلو...كهو كلام سوار بين عينيا...عمري ما توقعت انو يوصل يدمر حياة طفلة بالطريقة هذيكا...دزيتو لتالي و رجعت ضربتو...هز يدو ضربني ببونية على وجهي...وخرت لتالي.. قحرلي يحكي
ادم:زياااااد...شفمااا قتلك
انا:طلعت اسقط من اللي توقعت
ادم:¤¤¤¤¤¤ شصااار...شبي ¤¤¤¤ اليوم...خليت عرسك...ورامي بلاك عليا
قربت منو بالزربة...شديتو من كول سوريتو...كبست عليه نحكي
انا:تعرف حاجة انت و توفيق نفس الشي...ما تفرق عليه في شي...هاذي الحقيقة لي لازمك تتقبلها
دزني بيدو لتالي...عينيه حمارو بالوقت...قحرل يحكي
ادم:زياااد اخر مرة نسألك شفماا
انا:زعمة ما ذكرت شي من عمايلك المسخة
قرب مني ضربني ببنونية على وجهي...رجعتهالو بالوقت...لين ولينا ضارب و مضروب...و كانت اول عركة بينا من الصغرة...خرجت فيه غشي الكل...وقتها مكنتش نرا فيه ادم...وقتها نضرب فيه و عقلي مع الكلام اللي قلتهولها...عالحالة لي خليتها فيها...و شنية ينجم يصيرلها جرايري و جرايرو هو...وخرت لتالي مروهج...حتى هو مقصرش معايا...مسحت دم من خشمي و انا نغزرلو...يكح بالقاوي...و ينفض في دبشو...غزرلي يحكي
ادم:اخر مرة نسألك شفما
قربت منو اكثر وقفت قدامو بالظبط...غزرتلو في عينيه نرد في النفس و نحكي فرد وقت
انا:من امتى احنا نستغلو ضعف حد باش نوصلو لي نحبو عليه..من امتى نغتصبو بنات الناس...باش ناخو بثارنا احكي ادم نسمع فيك
ادم:زياااد انت
انا:انا شنوة ادم...تذكر قبل سنين شصار...تذكر امي كيف و علاه ماتت...انت اكثر حد تعرفني نكره الحكايات هذوما...تعرف لانا نوصل نقتل و منجمش نقرب من طفلة بلا رضايتها...خاصة اذا ما كان عندها حتى ذنب...اما انت شعملت...انت اغتصبتها...طفلة صغيرة ادم...صغيرة برشا و مزالت تقرا...انت بعملتك دمرت عيلة كاملة...دمرت طفلة ما عندها حتى ذنب في اللي صار لمرتك...دمرتها و انت اكثر حد تعرف قداش احنا موجوعين منها الحكاية هاذي...تعرف شنية لي عشناه و تعدينا عليه...علاه مخممتش قبل ما تعملها...علاه مغزرتلهاش حتى مرة وحدة كانها حنان...مكنتش باش تأذيها...في بالك باللي عملتو خذيت حقك و ساايي...في بالك ربحت...خممت في مرتك و شباش يكون موقفها منك...انك تعاود نفس الحكاية على طفلة اخرى...خارجة من قرايتها نهارتها...و ما عندها حد في دنيا كان امها و خوها...مخممتش في هذا الكل...مخممتش في امها شنية لي تحسو و هي ترا في بنتها اكاكا...معناها كي عشنا محرومين من امنا...ميسالش لي يحسو غيرنا...فيق ادم فيق على روحك انت دمرت كلشي بعملتك...دمرتها و دمرتني انا...تعرف علاه خاطر متوقعتش لانت باش تعمل العملة هذيكا...و لا انك تكون كيفهم
بقا يغزرلي من غير حتى كلمة..منعرفش علاه قاعد نلوم فيه اما قلبي يوجع فيا عليها..منجمتش نتقبل انو هو عمل فيها اكاكا..عدا يدو على وجهو..يحكي
ادم:فركست عليها..عملت جهدي باش نلقاها..حاولت نصلح لي عملتو اما فات الفوت..غلطة و ندمت عليها برشا..تي حتى وجها مريتوش لا ليلتها لا توا..منجمتش نراه منجمتش نتحمل ذنب اخر..منجمتش نتحمل انو طفلة ماتت جرايري..كان كنت في وعيي حتى شوية مكنتش باش نضرها...مكنتش باش نأذيها و لا نوصل نعمل معاها اكاكا...كلشي كان في بالي ساعتها اني ناخو حق حنان و نخليه يعيشو نفس الوجيعة لي عشتها...على هذاكا زياد لا انت و لا اي حد غيرك ينجم يلومني فهمت
هزيتلو براسي لا...خاطرني انا كهو نعرف شنية لي صار فيها بعد الحادثة هذيكا...انا كهو لي ريت وجيعتها و دموعها...ريتها و هي تتوجع من اللي صار..مهما حكى و مهما ندم ماهوش شينجم يعوضها شوية من اللي عملو...العصب ركبني اكثر من كلامو...هزيت يديا زوز دزيتو لتالي..نحكي
انا:سواار عايشة و ديما قدام عينيك زادة...اما متنجمش تراها تعرف علاه...خاطرك واحد اناني..وين مصلحتك وين انت...طول عمرك كنت تقول لانت...مش كيفو...اما طلعت نسخة منو...انت و هو نفس الشي...اللي يهم مصلحتكم و كهو
خذيت نفس وقربت منو عاللخر...وقفت قدامو بالظبط...غزرتلو في عينيه و كملت كلامي نحكي
انا:اما انا مش كيفكم...تعرف علاه ادم...خويا الغالي...خاطرني معنديش نفس الجشع متاعكم و لا انانيتكم...و لا حتى دمكم...دم توفيق عبد السلام
بقى يغزرلي...عمري ما توقعت اني ناقف قدامو و لا نواجهو بالكلام هذا...و لا نحاول نفركس في الماضي ليه سنين تسكر...من اول نهار حط يدو في يدي و خرجني من البقعة هذيكا...علاقتي بيه ولات اقوى من علاقة الدم...هزيت يدي حطيتها على كتفو...جيت باش نحكي اما سكت...سكت خاطر نحس الكلام وحل في حلقي...و ملقيتش شنية نقول و لا نفسر اكثر...اللي عملو ادم كسرلي ظهري...حتى كان محبيتش سوار...و لا متلقيتهاش في حياتي جملة...مكنتش شنتقبل لي عملو...مكنتش باش نسامحو خاطر اكثر حد يعرف شنية لي تعدا علينا جراير الحكايات هذوما...رخفت يدي شوية شوية ووخرت لتالي من غير ما نزل عيني منو...يغزرلي بغش و لوم فرد وقت...خذيت نفس...و تلفت عطيتو بظهري...هزيت يدي مسحت الدم لي باقي نازل من خشمي...منعرفش كيف خرجت من دار ووصلت للكرهبة...اول مرة نحس روحي مهدود لهدرجة...اول مرة منجمش نتصرف...عمري ما توقعت شنخسر اكثر زوز نحبهم فرد مرة...خويا و مرتي...تبسمت بوجيعة و ضربت يدي عالفولون...مزلت نقول مرتي...مزلت نحسها قطعة مني...كل مرة كنت نعذر تصرفاتها...كل مرة كنت نقول صغيرة...اما متوقعتش لهي متنجمش تاثق فيا حتى شوية...انو تخبي عليا اللي صار...انا تخليت على برشا حاجات على خاطرها...حتى قوانين خدمتي حطيتها على جنب...كنت شنخلي كلشي باش تبقى معايا...اما مجاتش في بالي انها شتحطني في الموقف هذا...راسي نحسو باش يطرشق...منعرفش كيف لقيت روحي قاعد بحذا قبر امي...عديت يدي على ترابها...يمكن كان مجيناش لتونس جملة...كان رجعنا من اول فرصة...مكنتش باش نخسر امي و بابا...مكنتش نعيش الكابوس هذا...يمكن كنت شنتلقا سوار في ظروف احسن...غمضت عينيا بالقاوي ورجع فتحتهم...قلبي دق بالقاوي توا كهو استوعبت لي عملتو...مكانش لازم نخليها...مكانش لازم نعمل هكا...منعرفش علاه حسيت بالذنب...رغم الوجيعة لي حسيتها منها...انا زادة ما نفرق شي على ادم...انا زادة من الاول ستغليتها...و كان محبيتهاش...كان باش يصير فيها اكثر من هكا...احنا زوز عندنا يد في اللي صار...توا فهمت توترها كيف كل مرة نحكي على ادم...اما لي قاهرني اكثر...علاه و لا مرة وثقت فيا...علاه ديما تحط في حواجز لعلاقتي بيها...حبها وحدو ميكفيش باش تكمل معايا لتالي...نعرف روحي لانا زادة غلطت برشا...اما منجمش نرجع لتالي...منجمش نمشي عندها المرة هاذي...منجمش نعطيها يدي...اما فرد وقت منجمش نبعد عليها...وسط هذا الكل نلوج على اعذار نجم نفسر بيهم لي صار...تكيت راسي لتالي...يمكن امي برك لي نجم نرتاح معاها توا...منعرفش قداش بقيت قاعد غديكا...دنيا ظلامت و الجو برد اكثر...هزيت روحي بالسيف...رجعت للكرهبة...لقيت روحي قدام دارها...تنهدت بالقاوي...و كملت ثنيتي منحبش نضعف من اول مرة...اول ما وصلت لدار...حليت الباب و دخلت...قلبي دق بالقاوي...مكنتش باش ندخلها اليوم من غيرها...كلشي كان باش يكون احسن...عديت عينيا عالصالة...كل تركينة ذكرني فيها...ركبني العصب اكثر...كلشي جا على يدي كسرتو...هزيت دبوزة في يدي و ترميت عالفوتاي...عديت الليلة الكل كاسة ورا اختها...و شي لا نجمت ننسى و لا نتناسى لي صار...و منعرفش اليمات اللي جايين كيف باش نعديهم...و لا حتى كيف نجم نبعدها عليا...و لا نبعد عليها...و انا اكثر حد متأكد طول من الجنيرال ورانا...ماهوش باش يخليها ترتاح...و شيستغل اول فرصة جيه باش يرجع يدمرها...على هذاكا مهما صار انا مانيش باش نعطيه الفرصة هاذي..و شيلقاني في وجهو في كل ما يحاول يقرب خطوة وحدة منها
☆☆☆
سوار تحكي:
نغزر لشجرة مقابلتني...حسيت روحي كبرت كيفها...و سنين طويلة تعدات...قاعدة تفركس داخلي من شنوة موجوعة بالظبط...و لا شكون لي وجعني اكثر...شكون قهرني اكثر...الكل كانو كيف بعض...امي و بابا و عدنان و ادم و في تالي زياد...كلهم ظلموني...و خذاو حق فيا...كل حد فيهم تعمد يوجعني بطريقتو...بقصد و لا من غير قصد...كل لعبة دخلو فيها...انا كنت الضحية الوحيدة بينهم...كان عندي امل صغير...صغير برشا...انو هو ماهوش باش يخليني...باش يتغشش صحيح...اما ميحطنيش في موقف اكاكا...انو يخليني نهار عرسي...مخممش حتى شوية...شنوة ممكن يصيرلي...دوب عرف الحقيقة عطاني بظهرو من غير ما يسمعني حتى...كل كلامو طاح في الما...هو مستحيل يكون حبني لدرجة يخلي خوه على خاطري...و لا يقبل ياخو مرا اغتصبها خوه...اسبوع تعدا بعد اكا النهار...لا نجمت نحكي مع حد...و لا نغزر لحد...كانو عايشة في دار وحدي...من اكا نهار دموعي معادش نزلت...معادش بكيت لا عليه و لا على روحي...و لا حتى فكرت اني نراه و لا نحاول نفركس على حل يخليني نصلح كلشي...فما شي داخلي تكسر...منعرفش علاه حسيت روحي كرهتو برشا...منحبش حتى نذكر اسمو...حسيت بعماد قعد قدامي...منجمتش حتى نتلفتلو...حسيت بيدو تحطت على يدي...كبس عليا يحكي
عماد:سواار اغزرلي...انا عماد...شبيك حتى انا متحبش تحكي معايا
باقي نغزر لبعيد...برشا حاجات دور في مخي...يمكن احسن شي توا انو عماد معايا...منظطرش نجري وراه بعد كلشي...باش يرجعلي خويا...كبس على يدي اكثر يحكي
عماد:سوااار امانك...عيش اختي جاوبني حتى بحرف
لحظات تعدات...ذكرت فيها كلشي عشتو مع زياد...كلامو و برشا حاجات اخرى عديتها معاه...لاخر كلمة قالها...باقي تتعاود في وذني...انت بعد اليوم حرة...اما قبل ما ناخو حريتي منو...لازمني نأمن على خويا...نسمع فيه باقي يحاول يحكي معايا...خذيت نفس طويل...نحاول نخرج صوتي لي ضيعتو في اخر مرة...تنهدت نحكي...من غير ما نغزرلو
انا:انت لازمك تمشي من هوني...لازمك تبعد عالبلاصة هاذي و الناس هذوما
عماد:شننووة سوار فاش تحكي
انا:هوني برشا عباد خايبة...كلهم ذيوبا و انت لازم تسلك روحك منهم...مانيش باش نسمحلك تكون ضحية متاعهم انت زادة...لازمك تبعد من هوني
جا باش يحكي...دورت راسي شوية...غزرتلو...نحكي
انا:صدقني ماهمش باش يخلوك...حتى انت باش تكون ضحية متاعهم...عماد انت لازمك تمشي من هوني
قرب مني اكثر...كبس على يدي...و غزرلي في عينيا يحكي
عماد:نبعدو مع بعض سوار...بلاصة ما فيها حد غيرنا...بلاصة بعيدة على هوني...نخلو كلشي الفيلا هاذي و الفلوس...و حتى زياد ماهوش باش يعرف وينك...عالاقل لين ترتاح انت...كان لزم نعيشو حتى في قرية...خلينيا نمشو من هوني عيش اختي
هزيتلو براسي لا...خذيت نفس...نحكي دوب صوتي يتسمع
انا:يااا ريت نجم...اما لي يدخل للهوني...مستحيل ينجم يخرج...و كل حد في اللعبة هاذي لازم يكمل لتالي...على هذاكا انا باش نحط القواعد تالية...و نسكر اللعب
عماد:سوار فاش تحكي ياخي...تعرف الكلام لي قاعدة تقولي فيه...معناها انت شتظطر تواجه زياد مرة اخرى...معناها شنبعدو على بعض مرة اخرى...و تنجم تضرر اكثر من هكا...ياخي مش خايفة انتي
تبسمت على جنب...اللي كنت خايفة منو صار...و معاد عندي شي نخسرو...قربت منو اكثر...نحكي في وذنو
انا:انا شنخبرك سر...كان صارلي شي...سر هذا باش يحميك منهم
جبد روحو مني يغزرلي مصدوم...تكيت لتالي...نحكي
انا:انت باش تمشي من هوني...و في اقرب فرصة زادة...اما رد بالك تنسى شي من اللي صار هوني...خليه في ذاكرتك ديما...و من اليوم ادم و زياد هما اعدائك انت زادة...الاول اغتصب اختك...و الثاني حطمها
كملت كلامي و هزيت روحي وقفت...كملت كلامي نحكي
انا:انت من غدوة باش تمشي من هوني...و نحبك تبقى قوي كيما نعرفك
خليتو مروهج مصدوم من اللي سمعو...و عطيتو بظهري بعدت عليه...كان لازم يعرف الحقيقة...لي عندها برشا مخبية...لازمو يعرف شكون هوما ادم و زياد...و يحفظهم في ذاكرتو...لازمو يقوى من توا...دخلت لبيتي...هزيت تليفوني...لقيت برشا مكالمات من هارون كهو...خذيت نفس ورجعت كلمتو...هز عليا بالوقت يحكي
هارون:دنيز وينك يا طفلة...من فترة نحاول نوصلك...حتى كيف نجي لدار منجمش نراك...لباس ماهو
انا:لباس هارون عيشك
هارون:انا لازم نراك
انا:و انا بحاجتك في قضية
هارون:شفما
هزيت روحي شوية...سكرت الباب...و بعدت عليها نحكي
انا:الخدمة اللي باش تقدمهالي توا...مانيش باش ننساها و بالمقابل انت اطلب مني لي تحب
هارون:بيناتناش دنيز...شفما
انا:عماد خويا
هارون:شبيه
انا:نحبك تبعدو من هوني...لدرجة لا ادم و لا حتى زياد...ينجمو يوصلولو
هارون:تقصد تحب نسفروه من هوني
انا:لااا...هكا باش يعرفو بلاصتو...منحبوش يخرج من تونس...اما زادة تكون بلاصة ما يعرفها حد
هارون:باهي...عندي عمتي مرا كبيرة برشا...و عايشة وحدها...البلاصة بعيدة على هوني برشا...و زادة حد ماهو باش ينجم يتوقع وينو...و هي باز ماهيش باش ترفضلي طلبي
انا:باهي هارون عيشك...ياريت من غدوة ينجم يسافر
هارون:باش نستناه غدوة ورا الدار...خليه ينزل صباح
انا:باهي...شنظطر نعلق توا...نكلمك مبعد
هارون:باهي رد بالك على روحك
نزلت تليفون...طيشتو عالسرير...دخل عماد بالوقت...قرب مني عنقني بالقاوي...وقفت في بلاصتي مروهجة...كبس عليا يحكي
عماد:كلشي بابا كان سبب فيه...انت وصلت لهوني جرايرو...و جراير ادم و زياد زادة...صدقني سوار منجمش نخليك وحدك
خذيت نفس و جبدت روحي منو...حطيت يديا زوز على كتافو...كبست عليه نحكي
انا:رد بالك تحمل روحك ذنب اي شي...و انا كيما تعرفني شي ماهو باش يهدني...لحظات ضعف و مشات على روحها...خليك راجل و مهما صار متضعف قدام حد...انا باش نبقى وراك ديما باهي
هزلي براسو ايه...ورجع حضني...حطيت يدي على ظهرو نحكي
انا:رد بالك تفكر تاخو حقك بانك دمر اي طفلة...رد بالك تكون وحش كيفهم باهي
كبس عليا اكثر و هزلي براسو باهي...منعرفش قداش بقيت محضناتو...و منعرفش كيف تعدات الليلة هذيكا..لا هو رقد و لا انا...دوب طلع نهار...هز معاه كان كرطابتو و نزل...خرجتو من باب تلاني متاع الفيلا...لقيت هارون يستنى فيه...شاورلي بيدو...هزيتلو براسي باهي...حضنتو مرة اخرى...بكل قوتي...نحكي
انا:السر هذا امانة عندك...رد بالك
عماد:طمن خوك راجل
انا:عيش خويا
جبد روحو مني...باسني من خدي و مشى...بقيت نشيع فيه...لين بعد الكرهبة جملة...عديت اكثر من نص ساعة واقفة في نفس البقعة...احساس خايب حسيتو منجمتش نوصفو...يمكن تكون اخر مرة نودعو فيها...خذيت نفس ورجعت لدار...لقيت زينب قاعدة عالفطور مع ملاك...توكل فيها...غزرتلي تحكي
زينب؛بونجور دنيز لباس توا
انا:ممم مليحة...ياريت كي تكمل تحضر ملاك معاك...و دبشها زادة
زينب:علاه ماشيين لبلاصة
انا:الشوفور شيرجعها للميتم
نطرت من بلاصتها جات واقفة...غزرتلي مصدومة...تحكي
زينب:شنوووة...دنييز لباس ماهو فاش تحكي انت
انا:شمدخلك انت...انا حرة في اللي نعملو...معادش نحب نتحمل مسؤوليتها بعد اليوم...لا راني امها و لا اختها زادة...على هذاكا شترجع منين جات
قربت مني شوية...وقفت قدامي بالظبط...تحكي
زينب:دنييز ارجع لعقلك...انت اكثر وحدة تعرف الميتم هذاكا...علاه تحب ترجعها
انا:اللي عندي قلتو...كان منجمتش تسلم فيها تنجم تمشي معاها
خليتها واقفة في بلاصتها و مشيت لصالة...ترميت عالفوتاي...حطيت ساق على ساق...نغزر لشمس لي داخلة من شباك...منعرفش قداش تعدا وقت بالظبط...فقت من سرحتي على صوت الفاليز تكركر فيها...و شادة ملاك في يدها لاخرى...خذيت رشقة من القهوة...و حطيتها نسمع فيها تحكي
زينب:منعرفش شنية صار بالظبط...اما عندك حق...حتى احنا كثرنا عليك...مرسي برشا على كلشي خيرك مانيش باش ننساه...مدامني حية...و حتى شي ما هو باش ينفي حقيقة لانت اختي و نحبك زادة
تبسمت على جنب...هزيتها و حطيتها باستحقار...غزرت لملاك لي مخبية وراها...عينيها منفوخين من البكا...ظاهر خايفة مني...تنهدت بالقاوي...و هزيت روحي وقفت...عطيتهم بظهري و مشيت...اول ما طلعت الدرجات الاولى...سمع صوت الباب تسكر...غمضت عينيا بالقاوي...شعور ندرا كيف حسيتو...محبيتش نتلفت...منحبش نمنعهم...الدار هاذي ملعونة و منحبهمش يتضرووو منها حتى هوما...خذيت نفس...و كملت طلعت لبيتي...غزرت لبيتها لي فرغت في لحظة...محاولتش نركز برشا...دخلت هزيت الظرف من فوق الطاولة...ورجعت نزلت...دخلت للكوجينة...لقيت خالتي راضية...تقص في الخضرة...تلفتت عندي تحكي
راضية:لباس توا عزيزتي
خذيت نفس و حطيت الظرف عالرخامة...غزرتلي مستغربة تحكي
راضية:شنية هذا
انا:مقدم ست شهور
راضية:شتقصد
انا:وفات خدمتك هوني...تنجم تمشي من هوني...و اللي في ظرف يعونوك لي تلقى خدمة اخرى
راضية:دنيز بنتي انا
انا:انا معادش حاجتي بخدامة...على هذاكا من غير مقدمات عيشك...كان تحب امشي من توا
مستنيتهاش تحكي...خرجت من الكوجينة طلعت لصالة الفوقانية...وقفت بحذا الشباك...نغزرلها كيف هازة دبشها و ماشية...تنهدت بالقاوي...بقيت واقفة في بلاصتي نغزر للكراهب لي رايحين و جايين...لين ظلامت الدنيا...نزلت اللوطة...اول مرة تكون دار ساكتة لهدرجة...مشيت الكوجينة...لقيت ظرف كيما حطيتو...تنهدت بحصرة...و تبسمت على جنب...ورجعت خرجت...كان صوت خطواتي لي مسموعين...طلعت لفوق...دخلت لبيت زينب...نذكر في اليمات اللي عديناهم مع بعض...خذيت نفس و دخلت لبيت ملاك...احسن شي زينب هزتها معاها...و الا كانت باش تموت في الميتم هذاكا...تنهدت بالقاوي...ورجعت لبيتي...قعدت عالكرسي...نغزر لروحي...هو حبني نوصل لهوني...هو خذا مني كلشي في البيت هاذي...و الحكاية باش توقا هوني بالظبط...و باش نخليه يندم برشا...و يخلص حق كل كلمة و كل عملة...غلطها في حقي
الحلقة 136
زينب تحكي:
قعدت في اقرب كرسي عارضني...نغزرلها كيف مكبشة في وحاطة راسها على صدري..خايفة كان نرجع نخليها...منعرفش شباش نعمل ولا وين نمشي...كان نرجع وين كنت ماهمش باش يقبلوني...و باش نفركس على دار توا وفي اقرب وقت منجمش...حتى اوتيل معنديش حقو...ذكرت اخر شصار بدني رعش بالوقت...منحبش ملاك تتأذى جرايري...و يصير عليها شي...فكرت نكلم زياد...اما بعد اكا نهار لا ريتو و لا سمعت صوتو...اصلا منعرفش شصار باش العرس تلغى بالطريقة هذيكا...حتى تصرفات دنيز منجمتش نفهمها...هزيت تليفوني...كلمت ادم بعد تردد كبير..عالاقل نطمن على ملاك معاه...مبعد نحاول نتصرف...كلمتو مرة و زوز لين هز عليا...يحكي
ادم:شكون يحكي
انا:ا انا ز زينب
ادم:زينب؟ لباس ماهو
انا:ممم لباس...ادم نقصد مسيو ادم...انا بحاجتك في شي
ادم:شبيك زينب شفما
انا:ص صراحة انا...نقصد ملاك
ادم:شبيها ملاك
انا:كان تنجم خليها تبقى عندك الفترة هاذي...لين نلقى دار مبعد نهزها عندي
ادم:علاه شصار
انا:د دنيز كانت شترجع ملاك للميتم...امان سي ادم...كان لزم خليها عندك ليلة كهو لين نلقى حل
ادم:وينكم توا
انا: في ¤¤¤¤¤
ادم:باهي مسافة طريق
انا:باهي
علقت عليه ونزلت تليفون لقيتها تغزرلي تبسمتلها نحكي
انا:انت تحب ادم مش هكا
هزتلي براسها ايه...عديت يدي على شعرها نحكي
انا:انت شتبقى عندو...لين نجي نهزك باهي
عملتلي بيدها معناها انت وين ماشية...تنهت بالقاوي...نحكي
انا:شنفركس على دار لينا...وشنعملك فيها بيت كيما كانت عندك...و فيها العاب برشا زادة باهي...انت ابقى عاقلة...ومتغشش منك ادم...باهي عزيزتي
هزتلي براسها باهي وكبشت فيا اكثر...هزيت يدي مسحت دمعة هربت مني...بقيت محضنتها...منعرفش قداش تعدا وقت بالظبط...طلعت راسي نغزرلو ماشي و يقرب منا..حتى هو زادة ملامحو تاعبة عاللخر...هزيت روحي وقفت وملاك في جرتي...غزر لملاك ورجع غزر للفاليز ضيق عينيه يحكي
ادم:شفماا...شصاار
انا:شي...اما كان ميقلقكش خلي عندك ملاك...الفترة هاذي امانك
هز يدو مدها لملاك..قربت منو شداتو من يدو..غزرلي يحكي
ادم:و انت وين ماشية
انا:باش نمشي عند وحدة صحبتي
ادم:متأكدة
انا:مممم
ادم:دنيزز شبيها تصرفت هكا
انا:منعرفش...امانك رد بالك على ملاك...و متخليهاش ترقد وحدها خاطر تخاف في الليل...و مزالت تاعبة شوية
هزلي براسو باهي...نزلت عندها بستها من خدها نحكي
انا:كيما وصيتك باهي عزيزتي
هزتلي براسها باهي...هزيت روحي وقفت...هزني و حطني يحكي
ادم:رد بالك على روحك
انا:باهي عيشك
بقيت نغزرلو..ماشي و يبعد مع ملاك..نزلو دموعي بالوقت...رجعت ترميت عالكرسي...منعرفش كيف نتصرف ولا وين نمشي...اهم شي ارتحت على ملاك...بقيت في بلاصتي...نحاول نلقى حل...قبل ما يطيح ظلام...فكرت نكلم زياد...هو كهو لي نعرفو و نجم ناثق فيه توا...كبست على تليفوني و طلبتو...من حظي...وفالي الكريدي..نزلت يدي...خذيت نفس...منحبش نبكي اكثر...باز باش نلقى حل...حطيت راسي بين يديا...اصعب موقف تحطيت فيه لتوا...كان متعاركش ادم اخر مرة مع مولا دار...يمكن كان باش يقبلني مرة اخرى..اما توا مستحيل...طلعت راسي على صوت كرهبة ركات قدامي..نغزرلو كيف نزل وقرب مني..في بالي مشى متوقعتش لهو باش يرجع مرة اخرى...هز الفاليز متاعي حطها من تالي...وحلي باب الكرهبة يستنى فيا نركب..هزيت روحي وقفت...قربت منو مترددة..وقفت قدامو بالظبط...نحس في قلبي يخض بالقاوي...غزرلي ندرا كيف...نزلت عينيا منو..وركبت..معنديش حل اخر...ومنجمش نرفض زادة...خاطر منعرفش وين باش نمشي بروحي..سكر الباب بالقاوي..ورجع ركب قدامي..طار بالكرهبة..نسمع فيه يحكي
ادم:مكانش لازمك تكذب عليا
انا:س سي ادم امان
ادم:اسمي ادم..ادم كهو
انا:ا ادم منحبش نقلقك معايا..نجم ندبر اموري وحدي
شد الفران بالقاوي..وتلفت قحرلي قحرة متاع موت يحكي
ادم:كيف باش دبرها..تبقى قاعدة غديكا تستنى في شكون يجي يهزك..و لا تحب تعدي ليلة برا اه حل فمك
انا:كنت باش نكلم زياد
ادم:صار..تنجم تفهمني شنية الفرق بينا
دورت راسي معرفتش باش نجاوبو..ضرب يديه زوز عالفولون بقوة يصيح
ادم:حللل ¤¤ فمك نسمع فيك
تهزيت و تحطيت على صياحو..فكرني في اخر مرة وشنية لي صار..خذيت نفس نحكي
انا:م متصيحش عليا..ا انا منحب نقلق حتى حد..انت عاونتني من قبل..منحبش نقلقك اكثر
ادم:بالحق..تحب نذكر شصار اخر مرة و الهامل لي تعرضلك ولا انت ستانست بالحجات هذوما و معادش يقلقك
انا:يزززيي ادم..انت مش من حقك تحاسبني على شي..ولا تحكي معايا هكا..مكنتش باش نبقى اكثر و نخبر زياد عالاقل هو كان باش يعاوني من غير ما يجرحني
عدا يدو على وجهو بعصب..ظاهر فيه مش قد بعضو..تنهد يحكي
ادم:زينب منقصدش لي قلتو..على اعصابي الفترة هاذي..اما زادة مكانش لازمك تتصرف اكاكا..و كان خبرتني باز مانيش باش نخليك وحدك
انا:خفت لي صار يتعاود مع ملاك..على هذاكا كلمتك..خاطر انا منجمش نحميها وحدي..و منجمش نرجعها للميتم..هي ماهيش باش تتحمل
ادم:مانيش باش نسألك شنية لي صار..اما باش تبقى عندي الفترة هاذي..انا منجمش نتلهى بملاك وحدي
انا:ا اما
ادم:ماكش باش ترفض..ملاك بحاجتك انت اكثر شي
انا:مرسي ادم بالحق انا
قص عليا الكلام..كيف خدم الكرهبة..يحكي
ادم:من غير رسميات زينب..متحسسنيش لانا عامل مزية معاك باهي
هزيتلو براسي باهي وتبسمت معاه..تكيت راسي لتالي..كلام دنيز يتعاود في راسي..متوقتش لهي تحكي اكاكا ولا تتصرف بالطريقة..اما نعرف لنفسيتها تاعبة بعد اللي صار على هذاكا منجمش نلومها..اما مستحيل نخليها وحدها اول ما نلقى فرصة شنرجع باش ناقف معاها..كان حبت ولا رفضت
سوار تحكي:
بقيت واقفة برشا...نغزر لدارنا...دار هاذي لي بدا منها كلشي...هوني بدات حكايتي...هوني بدا العذاب...هوني حليت عينيا على عدنان...عدنان لي عديت صغري نقولو بابا...في دار هاذي انا ريت عدنان اخر...وجه اخر...من هوني بدا هاجس الخوف يكبر داخلي...حليت يدي نغزر للمفاتح...قربت بخطوات ثابتة...اول مرة منخافش و انا نحل في الباب هذا...دزيتها بيدي...و كبست بيدي لاخرى على دبوزة ليسونس...طلعت الدروج هذاكا..درجة درجة...كلامو متاع بكري الكل يتعاود في وذني بالحرف...<< تحب تبقى في دار هاذي..تعيش بقوانين متاعي>>..<< انت ماكش بنتي...اما تنجم تكون شي اخر>>..<< كل يوم تكبر تحلى اكثر..صحة ليا>> غمضت عينيا بالقاوي...نحب نخرج صوتي من راسي...وصلت لبيتو...قلبي دق بالقاوي...حتى كيف كانت امي..مكنتش نحط ساقي فيها...كلشي يخصو نفضل انو نبقى بعيدة عليه...دورت عينيا عالبيت الكل..و حطيت دبوزة من يدي...قربت من الكوافوز...فركست في قجارها على مقص...هزيتو في يدي...و قربت من سرير...رميت المخايد عالارض...نغزر لل matelas ريتها مخيطة على جنب قربت منها...قطعتها...و كلامو تالي يتعاود في مخي...<< د دليل م م موجود في دارنا...ت تلقاه ف في فرشي...ب باش يعاونك ت تثبت عليه كلشي..و ت تعرف الحقيقة كاملة...س س سامحني سوار س سامحني>> جبدتها بكل قوتي كملت قطعتها...دخلت يدي...نفركس عالدليل لي حكى عليه...للحظة ستخايلتو يكذب...خاطر لا زياد و لا حتى ادم باش يصدق كلامي...من غير دليل...ضيقت عينيا كيف حسيت اني شديت حاجة...كبست عليها...و جبدتها...صاك صغير...قعدت على طرف السرير...و حليتها...فيها برشا اوراق...و شوية صور معاهم...جبدتهم نغزرلهم...وقتها كان صغير...تبسمت على جنب...ملا طلع هو و القاتل صحاب...اما منجمتش نعرف شكون معاهم...ولا مرة ريتو...و لا حتى سمعت اسمو...جبدت اول ورقة جات في يدي...حليتها نقرا فيها...جواب قديم برشا...يحكي فيه على صداقتهم...و عمايلهم الكل...عينيا وساعت من اللي قريتو...كملت جبدت الاوراق لاخرى...صفقات و امور هكا...لهدرجة طلع واحد كلب و ميحشمش...و داخل في اكثر من قضية...رجعت كلشي لصاك ووقفت...هزيت دبوزة في يدي..رشيت البيت الكل...وخرجت...حليت بيت عماد..خذيت نفس و كملت رميت ليسنوس الكل فيها...و مشيت لبيتي...اول ما حليتها قلبي دق بالقاوي...البلاصة الوحيدة اللي كنت نرتاح فيها...قربت من الطاولة..عديت يديا على كتبي...على فرشي...لي مزال كيما خليتو...كلشي مزال كيما خليتو...خذيت نفس طويل...رشيت فرشي و الكتب...و كلشي يخصني...باقي نرمي في كل بقعة...حتى الدروج...نحب كلشش هوني يتحرق...كل ذكرى خايبة في دار هاذي تولي رمااد...اول ما وصلت اللوطة...طيشتها من يدي...وثصيت الاصوات الكل لي نسمع فيها...كيف شعلت البريكة و رميتها...بقيت واقفة في بلاصتي نغزرلها...كل شوية نارها تقوى...و الكل يجري مفجوع من اللي قاعد يصير...كبست عالصاك في يدي...اول خطوة بدات من هوني...عطيتها بظهري و مشيت...من غير ما نتلفت...حسيت روحي انتقمت من عدنان كيف حرقت كلشي يخصو...و محيت كل اثر منو...حليت باب الكرهبة...طيشت الصاك عالكرسي...وركبت...ميلت راسي شوية...نغزر لنار لقوات اكثر...تبسمت على جنب...و خدمت الكرهبة...نسوق و نتحسس في نسمة على وجهي...منعرفش علاش حسيت روحي ارتحت برشا...لدرجة مش نورمال...منعرفش كيف وصلت لدار...ركيت الكرهبة و نزلت...غزرت لرجال لي واقفين بالواحد و دخلت لدار...رميت يدي شعلت الضو...ياسر ساكتة...تعدا نهار واحد من غيرهم كانو عام...اما معاد نحب نحن لحتى حد...و لا نفكر في حد...رميت المفاتح عالفوتاي...و طلعت لبيتي...قعدت عالارض...ورجعت فرغت الصاك...ورجعت جبدت الجواب مرة اخرى...قريتو اكثر من مرة...تفرجت عالتصاور مرة اخرى...فهمت منهم برشا حاجات اخرى...و اسرار اكثر من اللي توقعت...محسيتش بالوقت كيف تعدا...هزيت روحي بالسيف...باقس ندور في البيت...نطلع و نهبط...هزيت ريدو شوية...نغزر لرجال...طول ما هوما هوني...معناها انا باش نبقى تحت عينو...لازمني نلقى حل فيسع...معاد نحب حتى شي يربطني بيه و لا يذكرني بيه...و باش توفا الحكاية هاذي غدوة...ترميت عالسرير...نغزر لسقف...عديت ليل ابيض...نستنى في نهار يطلع...غمضت عينيا...و عديت يدي عالخاتم...نذكر في كلامو ليلتها..<< رد بالك تنحيه...مهما صار...و لا باش يصير بينا...لاخر نهار في حياتك >>..بعد كل لي صار منجمتش نحيه...منعرفش شنوة مانعني...اما نحس لي فيه طاقة غريبة...باش تعاوني...نكمل لي بديتو...اما فرد وقت نحب ننسى كلشي معلق في الماضي...نحب نحي اكا نهار من راسي و معادش نفكر فيه جملة...اما كل لحظة تتعدا نفس صورة بين عينيا...كل لحظة نذكر لهو حررني...و عفس على كلشي يربطنا...عفس على وعودو لي عطاهملي...عفس عليا على خاطر خوه...و هو اكثر حد يعرف شعنيت منها الليلة هذيكا...حسيت بضو شمس يضرب في وجهي...تململت في فرشي...و هزيت روحي دخلت لبيت البانو...عملت دوش تفرهدت بيه...و خرجت...حليت القارد روب...لبست روب في الاكحل قصيرة برشا و مسنترة على بدني...و فاست من فوق بوكليت شعري اكثر...ريقلت مكياجي...لبست الكعب متاعي...حطيت برفان قوية...نزلت هزيت الورق في يدي...و تليفوني و خرجت...منجمش نخليهم هوني...لازمني بلاصة امنة على هكا...نزلت اللوطة...جيت باش نركب...وقفني شوفور يحكي
فاتح؛دنيز بنتي وين ماشية عالصباح
رجعت سكر الباب و تلفتلو...هزيتو و حطيتو نحكي
انا:و شكونك انت باش تدخل في اموري
فاتح:ا انا
انا:انت خدام هوني...و انا لي نقلك شتعمل مش انت باهي
بقى يغزرلي مصدوم...قحرتلو قحرة متاع موت...نحكي
انا:مسمعتكش
فاتح:باهي
تبسمت بالسيف...ورجعت حليت الباب...حطيت ليناتي و طرت بالكرهبة...محبيتش نتصرف هكا...اما لازمني نكون دنيز و كهو...لا باش نغفر لحد و لا نتنازل لحد...شديت ثنيتي و المرة هاذي شيبدا اللعب عالمكشوف...منعرفش كيف وصلت...شديت الفران...خذيت نفس و نزلت...قربت من الباب...وقفت بحذا الباب نحكي مع رجالو
انا:بربي تنجم تخبر معلمك لدنيز هوني
هزلي براسو باهي و دخل...بقيت واقفة بحذا الباب نغزر للفيلا...انا اكاكا و نرا في عزيزة جاية...بقيت واقفة في بلاصتي...قربت تحكي معايا ورا الباب
عزيزة؛شتعمل هوني انت
انا:مممم جيت لتوفيق انا...مش باش نحكي مع الخديمة متاعو
عزيزة؛دنييز احترم روحك...و اعرف شكون لي واقفة قدامك
انا:نرا في خدامة...اه باردون...انت مربية متاعهم زادة...و توا تنجم تخبر سي توفيق لانا هوني
عزيزة؛متنجمش تراه توا...برا من هوني
خذيت نفس و قربت من الباب اكثر...حطيت يدي عالحديدة...و هزيت يدي لاخرى شاورتلها بيها باش تقرب مني...دوب وصلت عندي خذيت نفس نحكي بصوت واطي
انا:احسنلك خبرو...و الا حتى هو ماهوش باش يسامحك...الحكاية مهمة برشا
جبدت روحها غزرتلي...تبسمت بخبث...و تلفت باش نمشي...وقفتني تحكي
عزيزة:خلوها تدخل
تلفت عندها...كبست على صاكي...و دخلت وراها...اول ما دخلنا لدار قربت مني تحكي
عزيزة؛كان انت هوني باش تحاول تصلح علاقتك مع زياد...جيت للبلاصة الغالطة
انا:مممم صراحة الحكاية اكبر من هكا
عزيزة:ايجا استناه في بيروه لين يجي
انا:باهي عزيزة
قحرتلي قحرة متاع موت و مشات...خالطت عليها للبيرو...قعدت عالكرسي...حطيت ساق على ساق طلعت الروبة اكثر...هزيتها و حطيتها نحكي
انا:نحب قهوة
قحرتلي و تلفتت باش تخرج...وقفتها و كملت نحكي
انا:مش حلوة برشا
سكرت الباب بالقاوي وراها...تكيت لتالي...نغزر لتصاور لي معلقين...تصاور زياد و ادم مع بعض...شوية و تحل الباب...و دخل هو...نفس الوهرة متاع ولادو...هزني و حطني و سكر الباب وراه...عدل الفاست متاعو...و قرب قعد ورا بيروه...يحكي
توفيق:توقعت بعد اللي صار معادش باش تظهر في حياتنا جملة
تبسمت على جنب و تلفت عندو...غزرتلو في عينيه نحكي
انا:متخافش انا اقوى من انو يهدني واحد من ولادك
توفيق:نجم نعرف شنية سر الزيارة هاذي و الخوذة عالصباح
انا:ستخايلت لانت شتتعاطف معايا شوية
توفيق:كان جيت لهوني...باش نعاونك في حكاية زياد...انت جيت للبلاصة الغالطة...خاطر اول مرة نحس لولدي عمل حاجة باهية
انا:يااخي لهدرجة ناس عندكم لعبة...توا عرفت لشكون خرجو ولادك...في الاخير عندهم نفس جينات بوهم...اما يا ترا هوما زادة ساقطين كيفك
عالكلمة تالية نطر من بلاصتو جا واقف ضرب يدو عالطاولة بقوة...و قحرلي يحكي و يصيح
توفيق:شننننية تستخايل في روحك...تعرف شكون واقف قدامك...تعرف شكون انا...تعرف لباش ندمرك في لحظة وحدة
بردت دمي عاللخر...و غزرتلو في وجهو لباش يطرشق...تبسمت نحكي
انا:و انا زادة نجم نعمل هذا الكل بكلمة وحدة مني
جا باش يحكي فتح الباب بالوقت...و دخلت عزيزة هازة القهوة...حطتلو قهوتو عالبيرو...و حطت كاستي بقوة...تبسمتلها بالوقت...غزرتلنا تحكي
عزيزة:شفمااا
انا:لي هوني ميخصكش تنجم تخرج
عزيزة:لباااس ماهو
دورت راسي غزرتلو باقي يغزرلي مصدوم...عملتلو براسي باش يخرجها...غزرلها يحكي
توفيق:عزيزة تنجم تخرج
قحرتلي قحرة متاع موت و خرجت...رجعت غزرتلو نحكي
انا:تفضل اقعد سي توفيق لتوا مزال ما حكينا
ترما عالكرسي قعد...حط يديه زوز عالبيرو...يحكي
توفيق:شنية لي جابك هوني
انا:ممم نحب نحكيلك قصة صغيرة
توفيق؛شنوة
انا:من سنين طويلة كان فما مرا مزيانة برشاا...اسمها...اسمها...ممم ذكرت...اسمها روزا
عينيه وساعت بالوقت...ووجهو تبدل...تبسمت على جنب و كملت كلامي نحكي
انا:ذكرتها مش هكا...مانيش باش نحكي على جمالها...خاطرك اكثر واحد تعرف لهي قداشها مزيانة
توفيق؛و وين تحب توصل
انا:مممم خليني نكملك الحكاية ساعة...شبيك مزروب...وين حبست...ايه في زينها...كان عندها ولد...و انت عرفتو مش هكا...زياااد...اما مسكينة فجأة ماتت و خلات ولدها يا ترا انت تعرف علاه
هز يدو حل فلس سوريتو...و تكا لتالي...غزرلي يحكي
توفيق:ز زياد حكالك الحكاية هاذي
انا:مممم حكالي صحيح...اما هو لتوا يلوج شكون عمل هكا
قربت شوية منو...حطيت يديا زوز عالبيرو...و نقصت في صوتي نحكي
انا:شكون اغتصب امو و قتلها قدام عينيه
رجعت تكيت لتالي...باقي نغزرلو خذيت نفس...و كملت كلامي نحكي
انا:تعرف شني صعيب في الحكاية...انو القاتل قدام عينيه...رباه و كبرو...اما هو قتلو بوه و امو...و مرباهش اكاكا على وجه ربي...هو عمل هكا خاطر الطفل الصغير لي عمرو سبع سنين رصيدو كبير برشا...باش يهزو فوق السحاب...اما الخسارة في الحكاية...انو هو يقول للقاتل بابا
غزرلي مصدوم...وجهو باش يطرشق...هز يدو ترعش في وجهي يحكي
توفيق؛ف فاش تحكي انت هبلت...فاش تحكي
انا:في الحقيقة...شنوة سي توفيق نسيت اللي عملتو انت بيدك...منعرفش لي ذكرتك قصيرة لهدرجة...اما زعمة انت اغتصبت روزا على خاطر الفلوس كهو...و لا فما سبب اخر...و الا ما كنتش باش تقتلها
هز روحو وقف...هز يدو في وجهي يحكي و يصيح
توفيق؛تعرف كلامك هذا وين باش يوصلك...تعرف لاتهام هذا شيكلفك برشا
انا:اففف سي توفيق...حكيت على روزا كهو...و عرفنا الاسباب لي خلاتك تعمل هكا...اما حنان علاه قتلتها...علاه قتلت مرت ولدك...شنية ذنبها هي زادة
توفيق:ش شكون خبرك بهذا الكل...شكون بعثك لهوني
انا:مممم عدنان...متكونش نسيتو...عدنان لي قتلو ولدك راجل امي...وولدك الغالي باش ينتقم لمرتو اغتصبني انا بكل بساطة
هزيت روحي وقفت...وليت مقابلاتو...حطيت يديا زوز عالبيرو...و نزلت شوية...كملت كلامي نحكي
انا:وولدك ثاني...نقصد ولد صاحبك لي قتلتو هو زادة...خلاني نهار العرس خاطرو عرف بالحقيقة...تعرف شنية لي قهرني سي توفيق...انو في اخر الحكاية عرفت لهو مش خوه...اما مع هذا الكل بعثني و مخممش فيا
تعدلت في وقفتي...ضربت يديا زوز مع بعض..نحكي
انا؛اما شعندي نعمل...باز مانيش باش نجري وراه توا...كيف وفا العرس هذا انت منعت من كارثة كانت باش جي على راسك
توفيق:في بالك انت جاية تهدد فيا بكلامك
انا:لا جاية نعقد معاك اتفاق
توفيق:ههههههههههه والله ضحكتني...برا خبرهم...زعمة شكون باش يصدقك زياد و لا ادم...ايه انا قتلت روزا...خاطرني حبيتها اول حد...اما صاحبي فكها مني...فرد وقت انت قلتها رصيد زياد كبير برشا...و فلوسو متحرقهاش نار...اه و بالنسبة لادم هاني باش نقلك على قتلت حنان...خاطر ولدي الغالي كان باش يخلي العالم هذا الكل و يجري ورا مرتو...وقتها لي تعبت عليه سنين باش يطيح في الما
انا:تعرف قداشك مسكين...انت اسقط من انك تكون بو...و زياد و ادم باش يصدقو كلامي...و باش تكون موتك على يدهم...الحاجة الغريبة انهم زوز يفركسو على نفس القاتل...ستخايل كان يعرفو زوز فرد وقت شباش يعملو
توفيق:اول شي باش يصدقوك لازمك دليل على كلامك...في تالي انا بوهم و ربيتهم على يدي...و ثاني شي كان انت مت باش يموت هذا السر معاك زادة...و كان تحب نخلي قبرك بين روزا و حنان
انا:ههههههههههههههه والله ضحكتني سي توفيق...انا زادة مانيش مجنونة باش نجي نواجهك بلا دليل...و شي اخر...كان انا مت...سر هذا شيوصل لزياد...في اسرع وقت...مانيش دغفة باش نخلي سر كيف هذا عندي كهو
توفيق:باهي وريني دليل لي عندك
انا:مممم باقي مش مصدقني باهي...خليني نحكيلك...انت من سنين طويلة عملت عملية في يدك...و سبب كان حادث...اما الحقيقة انت نحيت تاتواج من يدك...و تقرير المشفى هكا يقول...انا عندي تقرير هذا و مختوم زادة...شي اخر...عندي مستندات تقول لانت سحبت اموال كبيرة من حساب زياد...في نفس الفترة لي ماتت امو...مانيش باش نحكي تفاصيل الكل...خاطرك تعرفها بالقدا...و هذا الكل عدنان خباه عندو...خاطر يعرف لانت باش تبيعو شي نهار
توفيق؛شتحب مني بالظبط...كان حبيت كنت عطيت هذا الكل لزياد...علاه انت هوني
انا:نحب تعاوني
توفيق:وكيف نجم نعاونك
انا:نحب نعرف الصفقات الكل اللي يعمل فيها ادم...بالوقت انت باش تحولي المشروع تالي ليا انا و باسمي...اه ذكرت و فما صفقة اخيرة...صفقة سلاح نظن...زادة نحب تتنازلي بيها...و فوق هذا الكل نحبك تحميني...و فرد وقت باش تحمي سرك صغير...نحب فلوس...مش فلوسك بالطبيعة فلوس زياد...و نحب على رجال...ببساطة انا شنكون من اليوم...المالكة الرسمية ليك
توفيق:فاش قاعدة تحكي انت
انا:لي سمعتو...و رد بالك تحاول تلعب معايا خاطرني باش نحرقك...في تالي انا بنت يعقوب الادريسي...نظن حتى هذا الاسم تعرفو بالقدا...فكر مليح...و تعرف وين تلقاني
نزلت هزيت صاكي و خليتو واقف في بلاصتو مروهج...نطرت الباب ورايا و تنهدت بالقاوي...كملت نمشي وصلت لصالة...لقيت عزيزتي تحط في طاولة...قربت مني تحكي
عزيزة؛احسن شي زياد تهنى من وحدة كيفك...و تعرف كيف باش يدمرك...وقت تراه في حضن غيرك...كيف يرجع لمرتو...و انا باش نرجعلو ميرال
قلبي دق بالقاوي...انا اكثر وحدة نعرف شعديت جراير الحكاية هاذي اما بردت دمي...و تبسمت نحكي
انا:و كان تحب اعمللهم عرس زادة...و اشطحلهم فيه...مفماش قلبك يبرد
تبسمت على جنب كيف ريت وجها مشا الوان...نزلت هزيت قطعة جبن...كليت منها نحكي
انا:الله غالب مفطرتش...ريتكم في منامي و جيت نجري...اه رد بالك على توفيق حالتو تاعبة شوية...اياا بون جورني
خذيت نفس وخرجت من فيلا...هزيت كرهبتي و طرت بيها...نعرف و متأكدة باش يدور و يرجع عندي...و تو اهم شي نخلي المستندات في بلاصة امانة برشا...و اللعبة بدات من توا...شننتقم منهم ببوهم...شندمرهم بفلوسهم...و قدام عينيهم...و بعد ما عرف انهم مش خاوة من الجواب لي خلاه عدنان نقمت عليه اكثر...و مش باش نهدا لين نخليه يندم على كلشي
الحلقة 137
زياد يحكي:
دزيت الباب بيدي ودخلت...نغزر لزينب قاعدة عالطاولة...تستنا فيا...منعرفش كيف طاوعتها و جيت...اصلا من اسبوع لا نجمت نحكي مع حد و لا نقابل حد...اليمات الكل عديتها في دار زريعة...بعيد عليهم الكل..تعبت و انا نراجع في حساباتي و ملقيتش حل...تليفون زينب خلاني نرجع بلا ما نفكر مرتين...للحظة خفت انها تعمل شي في روحها...اصلا منعرفش اذا هربت منها..و لا من روحي...و لا من الحقيقة لي عرفتها...معادش نعرف اذا نعذرها و لا نلومها...يمكن الخطوة اللي عملتها كانت غالطة...يمكن كان سمعتها ساعتها...كان باش تتبدل برشا حاجات...اسبوع عديتو يعلم بيه كان ربي...فكرة لادم هو اغتصبها منجمتش نتقبلها...لهو كان بينا...ادم هو الكابوس نفسو...صحيح شكيت فيه من قبل...اما متوقعتش باش نتصدم لهدرجة...اني نستخايل سوار معاه نهبل...انو وصل ليها و عمل لي يحب...تخليني نجن اكثر...منعرفش كيف باش نطلع فيه بعد هذا الكل...منعرفش اذا باش يطاوعني قلبي و نغفرلها لي عملاتو معايا...يمكن كان مخباتش عليا...مكنتش باش نتصدم لهدرجة...منعرفش شنوة لي قاعد يدور في راسها...زعمة حبتني هي زادة...ولا قاعدة تتحمى من ادم بيا...حاولت توصلو بيا انا...نعرف لهي مستحيل تعمل هكا...اما ملقيتش تفسير اخر...معادش نجم نخمم في حتى شي اخر...اول مرة نحس روحي عاجز قدام الواقع لقاعد نعيش فيه...يمكن اكبر غلطة عملتها في حياتي...اني دخلت سوار لحياتي...اني حبيتها لهدرجة...لدرجة معاد نجم ناخو حتى قرار يخص حياتي...و هي مش موجودة معايا...فقت من سرحتي...كيف شاورتلي زينب بيدها...خذيت نفس و قربت منها...جبدت الكرسي و قعدت مقابلها...نغزر لسرفور لي حطلي القهوة بالوقت...غزرتلها نحكي
انا:شفما زينب علاه طلبتني لهوني
زينب:احنا لازم نحكو زياد
انا:في شنوة
زينب:على دنيز
انا:كان باش تحكي على صار معنديش خلق باش ناخو و نعطي معاك زينب...حتى انا مش ناقص حتى طرف
جيت باش نقوم...حبستني كيف حطت يدها على يدي...تحكي
زينب:امان زياد اسمعني مرة وحدة...احنا لازم نحكو
هديت شوية...منعرفش علاه حبيت نسمعها...خذيت نفس نحكي
انا:شفما زينب
زينب؛صراحة ا انا وملاك قاعدين عند ادم
ضيقت عينيا بالوقت...وتركزت بيدي عالطاولة...نحكي
انا:علاه
غمضت عينيها بالقاوي...تجاهد في روحها...باش تحكي
زينب:د دنيز حبت ترجع ملاك للميتم
انا:شنننوة
زينب:دنيز نفسيتها من قبل تاعبة برشا...تعدا اسبوع ما تحكي مع حتى حد فينا...كانها مش موجودة جملة
عديت يدي على وجهي...نعرف كي تتعب نفسيتها...معاد تحكي مع حتى حد...اصلا كنت متأكد لماهيش باش تتحمل...اما هي اختارت بيدها...هي لجبرتني على هذا الكل...نزلت بيدي على شعري...نغزرلها تفرك في يديها و كملت كلامها تحكي
زينب:و وقت قاتلي باش ترجع ملاك للميتم...منجمتش نخليها...انت اكثر حد تعرف الميتم شنية فيه...و ملقيت حتى حد كان ادم...عرفت البارح انو حتى خالتي راضية خرجتها من خدمتها...معاناها...دنيز بقات وحدها
انا:شتقصد
زينب:انا كلمتك خاطرني خايفة عليها...منعرفش شنية صار بالظبط باش انت خليتها بالطريقة هذيكا...اما زادة معندكش حق في اللي عملتو...كان فما برشا حلول اخرى...منعرفش...كنت تنجم تعرس بيها مبعد تحاسبها...كنت تنجم تعصب حتى تضربها...اما انت غلطت برشا زياد...اي طفلة ماهيش باش تتحمل الصدمة هذيكا...و حتى انا متوقعتش لانت باش تعملها...معندكش حق في اللي صار...يا ريتك خممت قبل ما تعمل هذا الكل...و ياريتك تنجم تصلح لي عملتو...متخليهاش ضيع اكثر...انت لازمك تتصرف...و الا الكل باش يطلع خاسر في الحكاية
منجمتش نرجعلها...تفكيري مع كلامها لي قالتو...هزت روحها...حطت صاكها ووقفت...غزرتلي تحكي
زينب:ياريتك تخمم في اللي قلتو...رد بالك على روحك
كبست على يدي...منعرفش علاه لامتني انا بالدرجة الاولى...يمكن كلامها صحيح...كان فما برشا طرق اخرى...اما وقتها صورتها هي و ادم بين عينيا...منعرفش كيف باش نتحمل هذا الكل...هزيت روحي رميت فلوس عالطاولة و قمت...رجعت للكرهبة...نحس في راسي رزين برشا...و كلام زينب كمل على ما بيا...مفهمتش علاه عملت هكا...اما باز تخمم في شي...فكرة لهي باش تعمل شي في روحها...خلات قلبي يدق بالقاوي...تنهدت بالقاوي...معادش نعرف شنية نعمل...مستحيل نطلبها...اصلا منجمش نسمع صوتها توا...و لا حتى نراها...ضربت يدي عالفولون بغزول...تكيت راسي لتالي...نذكر في كلامها...<< امانك زياد اعمل حاجة...نعرف لانت تنجم تخرجني منها...معادش نحب نكون دنيز...مش انت قتلي باش تاخو حقي من اللي وصلني هوني...انا معادش نحب نكمل لتالي...نعرف لانت باش توفي بوعدك...امان كان تحبني حتى شوية...خرجني منها الحكاية امان>> يمكن كان وقتها تصرفت...ولدي عايش توا...يمكن كانت خبرتني الحقيقة...و مصارش هذا الكل...فرد وقت مش مصدق لادم عمل اكاكا...كان جا اي حد خبرني مكنتش باش نصدقو...حتى كان كملت العرس...مانيش باش نجم ننسى لي صار...مانيش باش نجم ننفي حقيقة لادم اغتصبها...و قتلها فرد وقت...مانيش باش ننسى انو حتى انا ستغليتها...اما فرد وقت معادش لاقي روحي بينهم...للحظة حسيت روحي كرهت خويا و عشير عمري...نقمت عليها خاطرها...عفست على حبي ليها...تنهدت بالقاوي...و خدمت الكرهبة...طرت بيها للمركز...دخلت للبيرو...من غير ما نحكي مع حد...باقي نمشي و نجي...منعرفش في شنية نخمم بالظبط...حتى كلام زينب مخلانيش نتنازل كي العادة و نمشيلها...قص عليا صوت الباب...دخلت ميرال...قحرتلها نحكي
انا:ميرال كان جابة باش تحكي...في اي شي اخطاني ساعة مش ناقصك
ميرال:مانيش باش نحكي في شي...جنيرال يحب عليك توا...من فترة يحب يقابلك
عديت يدي على وجهي...و تعديت عليها خرجت...طلعت عندو...فتحولي الباب بالوقت...دخلت نحكي
انا:شفما زادة...علاه طالبني عندك
جنيرال:زياااد...نقص صوتك
انا:صدقني معنديش خلق باش ناخو و نعطي معاك توا...كان فما شي يخص القضية نسمع فيك...مكانش انا باش نمشي
جنيرال:علاه العصبية هاذي الكل...متوقعتش لدنيز...نقصد سوار باش تعمل فيك هذا الكل
انا:نظن الحكاية متخصكش برشا
جنيرال:مممم انت خليت بنتي ليلة عرسها زعمة شنية سبب...حبيت دمرني بيها و لا اكتشفت سرها صغير
كبست على يدي...نحاول نهدي روحي قد ما نجم...خذيت نفس نحكي
انا:كي غايضتك بنتك لهدرجة شبيك مطيشها
جنيرال:انا عندي طفلة وحدة اسمها منى...منى..نظن قابلتها و تعرفها بالقدا...سوار لي تحكي عليها انت...غلطة عملتها في صغري...كيما انت قاعد تغلط معاها توا...و مع ميرال و برشا غيرها...معنديش استعداد انو نخسر منصبي بسبب حكاية تافهة
غمضت عينيا بالقاوي...منعرفش علاه قلبي وجعني لهدرجة...للحظة ستخايلتها و هي تسمع في الكلام هذا منو...قربت من طاولة...حطيت يديا زوز عليها نحكي
انا:سواار بنتك انت...حبيت و لا كرهت...هي كيفها كيف منى.. هاذي الحقيقة لي متنجمش تنكرها بينك و بين روحك
جنيرال:كي قاعد تدافع عليها قدامي شبيك خليتها...مش على اساس تحبها...و مستعد تحطم القوانين الكل على خاطرها شنية لي صار
انا:مانيش باش نفسرلك...اما هاني باش نوصيك من توا...كان قربت خطوة منها...باش نحرقك...صدقني نعملها...ما تهمني لا انت...لا سر لي عندك...لهوني و يزي...انا باش نعرف شكون لي قتل امي...و باش نحاسبو بيدي...و انت زادة مزال عندك حساب معايا...باهي سي يعقوب
كملت كلامي و تلفت باش نمشي...وقفني يحكي
جنيرال:ماكش باش توصل...انت من غيري مانجم تقرب حتى خطوة...كمل المهمة و سلم ادم...وقتها انا نسلملك قاتل امك
انا:ادم خط احمر...مانيش باش نسلمو كان على جثتي...خلي هذا الشي في راسك...و كان انت يعقوب...انا زياااد
قبل ما يحكي كلمة حليت الباب و خرجت...خذيت نفس طويل نهدي بيه روحي...منحبوش يحس بالتوتر لي بينا...مانيش باش نوصلو وين يحب و نسلملو ادم...مانيش باش نضرو و لا ننتقم منو بالطريقة هاذي...اما زادة معادش نجم نغزر في وجهو...و لا نسمع اسمو...لاول مرة نحس فما حاجز كبير بينا...يمنعني اني نسامح...و لا نقرب من سوار مرة اخرى...اصلا متوقعتش جنيرال باش يفرح لهدرجة باللي صار لبنتو...و يتشمت فيها...كرهتو و نقمت عليه اكثر...رغم كلشي معندوش حق يحكي عليها اكاكا...و لا يتبرا منها بطريقة هاذي...نعرف لباش يبقى وراها و باش يحاول يأذيها...صحيح وفا كلشي...اما مستحيل نخليه يعمل لي يحب عليه...انا وعدتها من قبل و مانيش باش نخليها وحدها...لين يوفا اللعب هذا الكل...وقتها برك باش نخرج من حياتها جملة...تنهدت بالقاوي...ونزلت اللوطة...جيت باش ندخل للبيرو...وقفني اسماعيل يحكي
اسماعيل:زياااد لحظة
انا:اهلا اسماعيل
اسماعيل:وينك لتوا يا راجل
انا:هاني جيت توا
اسماعيل:لباس ماهو
انا:لباس طمن...و انت كيفك
اسماعيل:لباس...اما عرفت شي...منعرفش اذا يهمك ولا...اما حبيتك تعرف
انا:شفما
اسماعيل:تذكرها الطفلة اللي حبيتنا نلوجو عليها...قلت لهي بنت جنيرال ساعتها
انا:منى
اسماعيل:ايه هي
انا:شبيها
اسماعيل:وصلني خبر لهي هوني في تونس
انا:صار ومن امتى
اسماعيل:نظن من البارح
انا:باهي اسماعيل
حليت الباب و دخلت..ترميت عالفوتاي..تكيت راسي لتالي..نخمم في اللي جاي..وكيف باش نتصرف قدام هذا الكل
سوار تحكي
ركيت الكرهبة على جنب و نزلت...الحومة هاذي تعطيني راحة غريبة...للحظة حسيت باش نتلاقى زياد القديم...تبسمت وحدي...يمكن كان بقيت هوني كلشي كان راح يكون مليح...مكنتش دخلت في وسطهم...و لا نار هاذي شعلت اكثر...كبست على يدي منحب نذكر حتى شي يخليني نحنلو مرة اخرى...و لا يخليني نتعلق بيه اكثر...المرة هاذي زياد مشى و معادش يرجع...كلشي وفا من اكا النهار...كل حاجة تربطني بيه تقطعت...و معادش باش تتصلح...تبسمت على جنب و انا نغزرلو...كيف قاعد عالكرسي...يشرب في تاي متاعو...و شاد سبحة في يدو...و طفل صغير قاعد معاه...قربت منو شوية شوية...دوب شافني...شاورلي بيدو باش نقرب منو...و غزر لطفل يحكي
صالح:برا جيب زوز تاي عيش ولدي
مشى يجرلي...مدلي يدو شديتو...و نزلت بستو من راسو نحكي
انا:مرحبا عم صالح
صالح:مرحبا..مرحبا ببنتي الغالية...وينك لتوا
انا:هاني جيت توا
صالح:اقعد اقعد هوني...عيش بنتي والله توقعت لي نسيتني و معادش باش جي
انا:منسيتكش...و مانيش باش ننسى الحومة هاذي جملة
صالح:اغزرلي هوني سوار...صارت حاجة...شبيك مش قد بعضك
انا:مليحة عم صالح
صالح:متأكدة
انا:ممم اول مرة نحس روحي مرتاحة لهدرجة...و مش خايفة من اللي جاي
صالح:سوااار...انا هوني معاك و مانيش باش نخليك...كان تحب شي خبرني..والله ناقف مع بنتي لاخر لحظة
انا:لا عم صالح...منحب على شي اما نحب نطلب منك حاجة
صالح:اطلب لي تحب
خذيت نفس و هزيت صاك متاع عدنان حطيتو عالطاولة...و غزرتلو نحكي
انا:عم صالح...كيف يلحق الوقت...نحب تسلم لي هوني لزياد عبد السلام...امشي للمركز و اسأل عليه...باش تلقاه غديكا
صالح:شتقصد كيف يلحق الوقت
خذيت نفس طويل...ذكرت لي فات و لي جاي زادة...تبسمتلو و كملت كلامي نحكي
انا:منعرفش اذا باش نكمل لتالي و لالا...اما كان صارلي شي...نحبك توصل هذوما لزياد...قولو سر لي يحب عليه من سنين موجود هوني...اما فرد وقت قولو يبعد على عماد...قولو لهو ما عندو حتى ذنب في الحكاية...ميحاولش يدخلو في اللعبة هاذي...و لا ينتقم منو هو...و يخليه يدفع غلطات متاعي و لا متاع بوه
صالح:سواار
انا:امانك عم صالح...انت تعتبرني كيف بنتك...و انا نراك كيف بابا بالظبط...و منجم ناثق في حتى حد غيرك...عماد امانة عندك...ابقى وراه ديما...و مهما صار حاول ترجعو لثنية صحيحة...رد بالك عليه
هزيت روحي وقفت قبل ما يحكي...خذيت نفس وغزرتلو..نحكي
انا:رد بالك على روحك زادة
عطيتو بظهري من غير ما نسمع حتى كلمة اخرى منو...نعرف لحطيت ساقي في جهنم...و مستحيل نرجع لتالي...و متأكدة لتوفيق باش يعمل خطوة يحاول ياخو بيها الادلة...على هذاكا مانيش باش نعطيه الفرصة هاذي...نمشي و تفكيري بعيد برشا...منعرفش كيف وصلت لدار...دخلت للكوجينة...حضرت سندويتش خفيف و قعدت ناكول فيه...اكثر شي كرهتو الدار هاذي...كل مرة ندخلها...نحس قلبي غم عليا...خاصة بعد ما فرغت هكا...و حتى طريقة ما نجم نلهي بيها روحي...كلشي قاعد يدور بين عينيا...هزيت تليفوني...و مشيت لصالة ترميت عالفوتاي...يمكن كان حكيت لزياد من قبل...مكنتش خسرت ناس الكل...اما كل مرة...كنت نوصل باش نحكي...كان يرجعني بخطوات لتالي...ديما و كل مرة..يقول لهو مستحيل يخلي خوه...و مستعد يخلي كلشي على خاطرو...حياتي الكل تعدات كذبة جرايرهم...معادش نعرف شكون نصدق...و لا في شكون ناثق...هزيت تليفوني...حليت التسجيل و حطيتو عالطاولة...و تكيت لتالي...رميت يدي نطفي و نشعل في ضو الفيوز...فرد وقت كلام توفيق وهو يتعاود...خلاني نحس براحة غريية...و هذا باش يكون دليل اخر عليه...اعتراف رسمي لحضرة توفيق عبد السلام...حبس صوتو كيف نوقز تليفوني...هزيت روحي شوية...نغزر لرقم جديد...باقي يطلب و يعاود...هزيت عليه و تكيت لتالي...نسمع فيه يحكي
توفيق:دنيييز
انا:مممم سي توفيق القلوب عند بعضها...حتى انا كنت نفكر فيك توا
توفيق:انا موافق على شروطك...اما عندي شرط ليك
انا:ممم لا انت معندك حتى شرط...و خصوصي ليا انا...انا كهو لنحط شروط و القواعد في اللعبة هاذي باهي سي توفيق
توفيق:اسمعني مش انت لي تحطني تحت امر الواقع...و مش معناها وافقت شروطك باش تعمل لي تحب عليه
انا:حد ما جبرك توافق...و توا نجم نقلك شنحب اول حاجة...و لا عندك كلام اخر
توفيق:شتحب
انا:ممم دخلنا في صحيح...ملا اسمعني...اول حاجة نحب المشروع التالي يتحول لاسمي...تعرف مشروع شنوة...لانت شريك فيه مع ولادك زوز...نظن هذا اكبر مشروع دخلتو في حياتك
توفيق:انت باز هبلت
انا:متخافش مانيش باش نضرك...و باش تاخو حقك
توفيق:شقصدك دنيز
انا:معاناها انا باش نترأس المشروع...و نكون شريكة ليهم...و ياريت يبقى هذا سر بينا...و قبل حفلة الترويج
توفيق:انا
انا:انت باش توافق معندكش حل اخر
توفيق:ب باهي...غدوة توصلك اوراق صحح عليها
انا:بااهي...نحب شي اخر
توفيق:شنوة زادة
انا:نحبك تعرض يعقوب الادريسي للحفلة...و ياريت متخبروش لانا باش نكون موجودة
توفيق:وين تحب توصل
انا:انت تنفذ كهو...يا ريت معادش تسألني...و صدقني مانيش باش نغدرك...معنديش نية هكا
توفيق:باهي
نزلت تليفوني و علقت عليه...حكا معايا في وقتو...باش نجم ناخو خطوة اخرى...هزيت روحي طلعت لبيتي..ترميت عالسرير...منعرفش كيف هزني نوم و غفيت...فقت على حلمة خايبة...نطرت من بلاصتي جيت قاعدة...حطيت يدي على قلبي نحسو باش يخرج من بقعتو...عديت يديا زوز على رقبتي...نمسح في العرق لي يصب عليا...منعرفش علاه خفت لهدرجة...و اول حد جا لبالي بعد الحلمة هاذي زيااد...منعرفش علاه خممت فيه اول حد...هزيت روحي شوية...شربت شوية ما و قمت من بلاصتي...وقفت بحذا شباك...نهار بدا يطلع...خذيت نفس ودخلت لبيت البانو...خذيت دوش وخرجت...وقفت نغزر لروحي...منعرفش كيف باش نعمل الخطوة هاذي...منعرفش اذا باش ننجح ولالا...اما معادش فما وقت جملة...حليت القارد...لبست جيب في الاكحل قصير و خلعة بروتال في لونو...لميت شعري من قدام...و خليتو طايح على ظهري...لبست الكعب متاعي...هزيت صاكي و مفاتحي...و نزلت اللوطة...هزيت الكرهبة و طرت بيها للمركز...كل مرة نقرب...دقات قلبي تقوى اكثر...شديت الفران بالقاوي و نزلت...تنهدت بالقاوي...و دخلت...وقفني واحد من رجال...يحكي
هو:مدموزال لحظة
طلعت راسي غزرتلو مستغربة...ضيقت عينيا نحكي
انا:شفما
هو:متنجمش تدخل
انا:شنوووة...و السبب
هو:سامحني...اما مسيو زياد طلب هكا...انت متدخلش هوني كان باذنو هو
بقيت نغزرلو مصدومة...تبسمت على جنب...وصلت بيه لهوني زادة...خذيت نفس...و غزرتلو نحكي
انا:انا باش ندخل...لا انت و لا حتى زياد متاعك باش يوقفني
جيت باش ندخل...شدني من يدي رجعني لتالي...قرب صاحبو وقف في وجهي...حاولت نجبد يدي منو نحكي
انا:سيييبني فاش تعمل...صدقني باش تندم على عملتك هاذي
هو:انت تخالف في القوانين...مدموزال دنيز
انا:قتلللك نزل يدك
بقيت نجبد في روحي منو...حبست على صوت هارون يحكي
هارون:شفما هوني...دنيز شبيك
انا:قلو ينزل يدو فيسع
هز يدو معناها سيبها...رخف يدو بالوقت...جبدت روحي منهم نحكي
انا:هارون انا لازم ندخل...لازمني نقابل جنيرال توا
هارون:باهي ايجا
هو:مسيو هارون...انت قاعد تغلط...كان يعرف سي زياد باش يقلب المركز على راسنا
هارون:انا ندبر راسي...ايجا دنيز
خذيت نفس وقربت منو...غزرلي مستغرب يحكي
هارون:لباس شصاار
انا:باش نقابل جنيرال قبل...مبعد نحكو
هارون:باهي
بقيت نمشي معاه...لين وصلت الفوق...وقفتو نحكي
انا:باش نمشي وحدي...ياريت تستناني لوطة...لازمنا نحكو
هارون؛باهي...رد بالك على روحك
هزيتلو براسي باهي...وبعدت عليه...جبدت الصورة من الصاك...و قربت من بيروه نحكي
انا:حد فيكم يخبرو لانا هوني
بقيت نستنى فيه لين خرج...حلي الباب باش ندخل...اول ما خرج و سكر الباب وراه...نسمع فيه يحكي
جنيرال:متوقعتش باش نراك مرة اخرى
انا:صراحة حتى انا محبيتش نرا وجهك مرة اخرى...اما القدر عندو خطط اخرى بابا عزيزي...اه نقصد سي يعقوب
جنيرال:علاه رجعت
انا:مممم لحظة برك
قربت من الباب...رميت يدي شعلت الضو...و تلفت جا وجهو مع وجهي...تبسمت نحكي
انا:توا ولات الصورة واضحة...منعرفش شبيك تحب ظلمة لهدرجة
ضيق عينيه...و حط يديه زوز عالطاولة...يحكي
جنيرال:شتحب
انا:مممم برشا حاجات...اما منعرفش من وين نبدا...ترا قولي من وين تحبني نبدا...من وين...من وين...اه لقيتها
تبسمت بخبث...و هزي يدي...شاورتلو بالصورة...وقربت من عندو...نمشي و نحكي
انا:باش نبداو من هوني
جنيرال:شنية هاذي
انا:اففف شبيك مقلق...تو تعرف
قربت منو اكثر...وقفت ورا كرسيه بالظبط...و نزلت حطيت الصورة عالبيرو...اول ما شافها حسيتو جمد في بقعتو...تبسمت...نحكي
انا:باز تتذكرهم لي معاك في صورة...ممم كانو صورة قديمة خليني انا نذكرك
نزلت يدي عالصورة...و نزلت عليه اكثر...عديت صباعي نحكي
انا:هذا عدنان راجل امي...مسكين ديما محطوط بجنب...الكلب الوفي متاعكم...و هذا توفيق عبد السلام...نظن لانت تعرفو بالقدا...و هذا انت حضرة جنيرال...اه نسيت واحد...زعمة هذا لي بينكم شكون
هز يدو فتح فلس سوريتو...نزلت عليه اكثر و كملت نحكي
انا:انا باش نقلك شكونو...كمال...كمااال بو زياد...ذكرتو توا شكونو
بقى ساكت...جبدت روحي منو...بعدت عليه...جبدت الكرسي لي قدامو قعدت عليه...غزرلي ندرا كيف يحكي
جنيرال:من وين جبت صورة هاذي
انا:من عند عدنان
جنيرال:و شتقصد باللي قاعدة تعمل فيه توا
انا:مزال مكملتش...انا عندي دليل يثبت انو انت لي قتلت كماال
جنيرال:فاش تخرم انت
انا:يهديك بابا مش انا...عدنان صاحبك...لي عرس بعشيقتك...نقصد امي
جنيرال:سواااار...وين تحب توصل
انا:شششش شبيك تصيح...مش باهي راهو الحاجات هذوما لازم يبقاو سر بينا
جنيرال:قتلك وين تحب توصل
انا:انت و توفيق و عدنان الكل مشتركين في جريمة وحدة...نتوما لي قتلتو كمال...علاااه
جنيرال:تحقق معايا انت
انا:لااا شكون انا باش نحقق معاك...اما زياد توا يحب على قاتل امو منك...انا نجم نقولو لي توفيق هو القاتل...وقتها انت معادش باش يكون عندك شي تشدو بيه و لا تجبرو يخدم معاك...اما شباش يصير فيك اذا عرف انو بوه مماتش في حادث كيما الكل يعرف...بوه مات مقتول و انت قتلتو
ضرب يدو عالطاولة بقوة...و قحرلي قحرة متاع موت...يحكي
جنيرال:صدقني كان نحب مستحيل نخليك تخرج من هوني عايشة
هزيتلو براسي لا...و تبسمت على جنب...نحكي
انا:نسييت حاجة مهمة حضرة جنيرال...نسيت لي دمك يمشي فيا...و انو قبل ما نعمل خطوة نحسبها الف مرة...انا كيف جيتك لهوني...عندي اكثر من دليل و في اكثر من بلاصة...عند عباد مجيش لمخك...كان انا صارلي حاجة...كلشي باش يكون بين يدين زياد...وقتها صدقني لا انت و لا توفيق باش تخرجو منها الحكاية...انا جيتك بسياسة و محبيتش تفهم...اما توا شندمرك بيدي
جنيرال:كان حبيت كنت وصلت الكلام هذا لزياد من غير ما جيني لهوني و تخبرني بهذا الكل...هات من تالي شتحب
انا:صحيتك هاك فهمتني...من تالي انا نحب على اسمي الكامل...سوار الادريسي...مش سوار عبد المالك
جنيرال:في احلامك...كان باش نعطيك اسمي
انا:مممم باهي على راحتك...حتى انا ما عندي شي نخسرو...ميهمنيش برشا نعرف كمال علاه مات...اما في رايي زياد يحب يعرف...قداش ساعة توا...اه 10 باز يكون وصل...خليني نخبرو انا احسن
جيت باش نقوم...وقفني كيف غزرلي...يحكي
جنيرال:باهي شنرجعلك اسمك...اما هذا ميعنيش لانت بنتي...و لا انت وصلت للي تحب عليك
انا:مممم و شكون قالك لانا حاجتي باسمك
طلع راسو غزرلي مستغرب...تبسمت بخبث...نحكي
انا:والله انا مانيش بحاجة لاسمك...باش نفرح بيه...انت شتعترف بيا قدام ناس الكل
جنيرال:شنننوة
انا:لي سمعتو...و انا باش نحدد نهار هذا زادة...باهي سي يعقوب
بقى يغزرلي...جيت باش نقوم...وقفني يحكي
جنيرال:باهي باش يصير لي تحب عليه...و كان تحب زادة باش نخلي زياد يخلص حق لي عملو فيك الكل
ضحكت و انا نغزرلو...هزيتلو براسي لا...اكثر من مرة...نحكي
انا:توا وليت تخاف عليا
خذيت نفس...استندت بيديا زوز عالطاولة...و قربت منو اكثر نحكي في وذنو
انا:زياااد خط احمر...انا نعرف كيف ناخو حقي منو...اما كان قربتلو خطوة وحدة كهو...باش ننسى هذا الكل...و نحرقك...برحمة امي نحرقك...ذكر كلامي بالقدا
جبدت روحي منو...هزيت صاكي...و عطيتو بظهري...نمشي من غير ما نرجع نتلفتلو...حتى هو معاد حكى حتى كلمة...وقفت بحذا الباب...طفيت الضو...و نطرت الباب ورايا...وقفت شوية...خذيت نفس...نهدي بيه روحي...مستحيل نسمحلو يستغلني باش ينتقم من زياد...و لا نخليه يقرب منو...مهما صار...باش ناخو حقي منو بطريقتي...و حد ماهو باش يكون بينا
الحلقة 138
نزلت الدروج هذاكا في لحظة...و مشيت لبيرو هارون...حليت الباب بلا ما ندق...لقيتو واقف بحذا البيرو...يقرا في دوسي...تلفت عندي...غزرلي يحكي
هارون:ايجا دينيز
قربت منو...حطيت صاكي عالبيرو...خذيت نفس و غزرتلو نحكي
انا:هارون مرسي عاللي عملتو معايا...منعرفش كيف باش نشكرك...اما انا معاد ناثق في حتى حد اخر
هارون:تنجم تفهمني اللي قاعد يصير بالظبط
انا:زياد عرف بالحكاية الكل
هارون:تقصد حكاية ادم
انا:ممم
هارون:على هذاكا العرس تلغى
هزيتلو براسي ايه...تنهد بالقاوي...هز يدو حطها على خدي يحكي
هارون:خليك قوية...رد بالك تضعف جرة لي صار...و ذكر ديما لانت معندك حتى ذنب باهي
تبسمتلو بالسيف و هزيتلو براسي باهي...نزل يدو...و ضيق عينيه يحكي
هارون:في شنوة تحبنا نحكو لالة
انا:هارون صراحة انا نحب نطلب منك حاجة...و متنجمش ترفض خاطر معنديش حل اخر
هارون:باهي لالة شتحب
انا:فما حفلة
هارون:ممم يعني
انا:باش جي معايا انت...منحبش نمشي وحدي...منحب حتى حد يشفق عليا...و لا يحاول يفرح لانا وحدي
هارون:تقصد بكلامك...تحب تفهمهم لانت رجعت لساحة...و حد ماهو باش يحطمك
انا:مممم
هارون:مممم
انا:هارون ماكش باش ترفض امانك
هارون:نخمم و نقلك
انا:هاااارون
هارون:ههههه باهي لالة دنيز...حضر روحك
انا:عيشك هارون...مانيش باش ننسى مزيتك...انا لازمني نمشي توا...عندي ما نعمل...نكلمك مبعد
هارون:باهي رد بالك على روحك
هزيتلو براسي ايه...تبسمتلو...هزيت صاكي وخرجت...يمكن هارون كهو لي نجم ناثق فيه توا...اول ما وصلت للباب...وقفت قدام راجل لي مخلانيش ندخل...هزيتو و حطيتو...قحرتلو قحرة متاع موت و خرجت...هزيت كرهبتي و طرت بيها...كبست بيديا زوز عالفولون...حسيت روحي فشلت ومعادش نجم نسوق اكثر...حبست في نص الطريق...و هزيت يديا زوز مسحت دموعي...منعرفش علاه قاعدين ينزلو...و لا على شنية نبكي بالظبط...اما حسيت روحي تهديت و انا في بداية طريق...منحبش نخسر...منحبش نشفق عليه...ولا حتى نخمم فيه...ملزمش حتى اني نفكر فيه...خذيت نفس نهدي في روحي...نزلت البلار...و تكيت راسي لتالي...لين حسيت روحي ارتحت...وقتها برك نجمت ناخو نفس...و نتحسن شوية...و نجمت نكمل طريقي
زينب تحكي:
حليت الباب و دخلت...يمكن هاذي احسن خطوة حسيت روحي عملتها...معادش يهمني اذا باش تتغشش و لالا...اما بعد اليمات اللي عشت فيهم معاها...متأكدة اللي تحبو و برشا زادة...نعرف لنفسيتها تاعبة على هذاكا تصرفت معانا اكاكا...دنيز مستحيل تكون هكا...خايفة تاخو ثنية غالطة و معادش تنجم ترجع منها...مهكا صار زياد معندوش حق يتصرف معاها اكاكا...اي طفلة ماهيش باش تتحمل لي صار...تنهدت بالقاوي...اول ما تلفت...جات عيني مع عينو...ظاهر فيه خارج من الكوجينة...لابس شورت كهو...من غير مريول...نزلت راسي...نسمع فيه يحكي
ادم:وين كنت
انا:ا انا كنت
ادم:ساعة 9...معناها خرجت بكري على هكا...وين مشيت عالصباح
انا:عند زياد
ادم:شننوة
انا:نقصد تلقيت زياد
ضيق عينيه عينيه مستغرب...هزني وحطني يحكي
ادم:علاه تقابل فيه عالصباح...قدامك نهار الكل
انا:اه ه هو مشغول على هذاكا خممت نقابلو صباح
ادم:صار مشغول
هزيتلو براسي ايه...قرب مني شوية...وخرت لتالي اكثر...وصل عندي بالظبط...حط يدو عالباب بحذا راسي...و نزل راسو غزرلي يحكي
ادم:و انا علاه مافيباليش
انا:ش شتقصد
ادم:نقصد علاه مخبرتنيش لانت باش تقابلو
انا:ا انا
ادم:انت شنوة
خذيت نفس بالسيف...نحس الكلام وحل في حلقي...و هو قريب ليا لهدرجة...نفس متاعو لي طالع هابط...دغدغني في وجهي...كبست بيدي على سوريتي...طلعت راسي شوية...غزرتلو نحكي
انا:انا م محبيتش نفيقك
ادم:باهي نحسب روحي صدقتك
انا:باهي...ملاك فاقت
ادم:شمدخل ملاك توا
انا:هكا حبيت نسأل عليها...نحب كي تفيق تلقاني بجنبها
ادم:و مفكرتش هكا قبل ما تخرج
انا:ا ادم امان ابعد شوية
ادم:علاه
انا:شي مش منجمة نحكي انا
ادم:و انا شمدخلني
انا:م منعرفش هكا و برا
نزل عليا اكثر...لين ولى وجهو مع وجهي...غزرلي ندىا كيف يحكي
ادم:مرة اخرى كيف تخرج خبرني...مش نفيق منلقاكش هوني...و نبدا نخمم في سيادتك وين مشيت
انا:ع علاه تخمم فيا انت
ادم:علاه متستحقش نخمم فيك
انا:لا...نقصد...منعرفش...ادم امانك خليني نطلع...اما
سكت كيف حسيت بشفافو...تحطو على شفافي...للحظة كان باش يبوسني...غمضت عينيا بالقاوي...رمى كلمتين بين شفافي
ادم:برا لبيتك
جبد روحو شوية...حليت عينيا...وطلعت راسي شوية غزرتلو...طلع حاجبو...باقي واقف في بلاصتو يستنى فيا نمشي...رخفت يدي شوية...بلعت ريقي...جيت باش نمشي...طاح صاك من يدي...اول ما هزيتو...طاحو المفاتح عالارض...رجعت هزيتهم...ووقفت...ضربت فيه بالوقت...حط يدو على ظهري...كبس عليا...يحكي
ادم:شبيك
انا:ش شي
منجمتش نتحرك...منعرفش شبيه عالصباح...اصلا من وقت جينا...دوب يحكي معايا ويمشي...هزيت يدي بالسيف...حطيتها على صدرو...نحاول نجبد روحي منو...هز يدو لاخرى...بعدلي شعري لتالي يحكي
ادم:ششش اركح
انا:م ملاك باش تفيق ل لازم نطلع عندها
ادم:خليها تفيق
انا:ل لازم نحضر فطور انا
ادم:مممم فكرة باهية...حتى انا لتوا مفطرتش
انا:ب باهي
باقي كابس عليا بيدو...فقت من سرحتي...كيف حسيت بملاك واقفة قدامنا...تضرب فيه على ساقو...غزرتلو مفجوعة نحكي
انا:ا ادم...ملااك
رخف يدو شوية عليا...و غزرلها...تبسملها...و نزل هزها في حملتو...غزرتلو ورجعت غزرتلي...تسأل فينا بيديها شفما...تبسم يحكي
ادم:مفما شي يا كعبورة...حتى انت ما يخفى عليك شي
عنقاتو بيديها زوز...صحة ليها...متخافش منو جملة...تنهدت بالقاوي نحكي
انا:باش نحضر فطور
تبسملي ندرا كيف...و تلفت مشى لصالة و هي في حملتو...دخلت للكوجينة بالزربة...حطيت يدي على قلبي...ندمت عالساعة لي خرجت فيها...نحضر في الفطور و يديا زوز يرعشو...لتوا منجمتش نصدق لي صار...منعرفش شبيه عمل هكا...اصلا باش نتجلط شي نهار جرايرو هو...معادش نعرف فشكون نخمم انا...في روحي و لا فيه و لا في دنيز و زياد...لي هبلو في اخر لحظة...لطف من اللي جاي و برا
☆☆☆بناااات
دخول منى في الحكاية ماهوش باش يطولها على هذاكا منحبكمش تتقلقو من الفكرة باهي :*
سوار تحكي:
نرش في البرفان على رقبتي...و نغزر لروحي فرد وقت...تبسمت على جنب...و انا نغزر لروج الغامق لي حطيتو...لروب الحمرا لاخترتها سبيسيال للحفلة هاذي...لميت شعري الكل...باش يبان ظهري من تقويسة الروبة...هزيت يدي شوية...غزرت للخاتم...مديتها لتالي و باقي مركزة فيه...مانيش باش نحيه مهما صار...باش نعمل كلشي كان يحبو و يحبني نعملو...باش نخليه يرا بعينو وين وصلني...باش نخلي الحفلة هاذي تكون الفاصل في حياتهم الكل...توفيق...بابا...ادم و زياد...كل حد باش نوجعو بطريقتي...باش نخليهم يخافو من اللي جاي...و كل خطوة باش تكون بحسابها...حطيت تليفوني داخل سطوشتي...و هزيت روحي...نزلت اللوطة...خذيت نفس طويل قبل ما نحل الباب...نغزرلو واقف بكل وهرتو...يستنى فيا...طلع راسو غزرلي...هزني وحطني...تبسمتلو...هزيت روبة شوية و نزلت الدرجات هذوكا...قربت منو...وقفت قدامو...غزرلي في عينيا يحكي
هارون:حاضرة
هزيتلو براسي ايه...تبسملي ندرا كيف...وخر شوية لتالي...و حلي الباب يحكي
هارون:ملا تفضل
خذيت نفس و تبسمتلو...ركبت من غير حتى كلمة...سكر الباب...و خالط عليا ركب قدامي...خدم الكرهبة...يحكي
هارون:محلاك ليلة
انا:عيشك هارون
هارون:متأكدة اللي انت تنجم تواجهو
تنهدت بالقاوي...و تكيت لتالي...غزرت لثنية...نحكي
انا:اول مرة نحس روحي حاضرة باش نواجهم الكل
هارون:باهي دينيز اعمل لي يريحك...اما كان حسيت روحك تقلقت خبرني باش نمشو
انا:باهي هارون عيشك
كملنا ثنية ساكتين...كل دقيقة نقربو فيها...نقوي روحي اكثر...اني نجم نراهم الكل بعد اسبوعين...اني نجم ناقف في وجه كل حد فيهم...بلا قلق و توتر...بلا خوف...و من غير ما نحس بوجيعة...و لا ندم من اللي باش نعملو...فقت من سرحتي...على صوت الفران...طلعت راسي...نغزر لرجال لي واقفين برا...تبسمت على جنب...كل حد فيهم جايب رجالو معاه...كلهم عايشين في خوف داير بيهم...كل حد يحب يحمي روحو بطريقتو...اما زعمة باش ينجمو يحمو روحهم مني...تبسمت على جنب...و تلفت لهارون لي فتحلي باب الكرهبة...حطيت يدي في يدو و نزلت...كبس عليا كانو يحاول يهدي فيا...تبسمتلو نطمن فيه...قربنا من الصالة خذيت نفس و عملت اول خطوة...نمشي من غير ما نزل راسي...كل خطوة صوت الموسيقى الخفيفة يقرب...و صوتهم يقوى اكثر...نغزرلهم من فوق...كل حد شاد طاولة..وواقف بحذاها...بقيت واقفة...نتبع فيهم بعينيا...غزرت لتوفيق...لي يحرك في يديه بعصب فوق الطاولة...دورت راسي شوية نغزر لادم لي واقف مع زينب...حتى هي محلاها ليلة...خذيت نفس طويل قبل ما نتلفت و نغزرلو عاطي بالظهر...كبست عالحديدة بيدي و انا نغزر لمنى لي تلفتت بالوقت...و ضربت كاسها في كاستو...منعرفش شمجيبها هوني...اما مستحيل يكون هو لي جابها...غمضت عينيا بالقاوي نهدي في روحي...حليتهم نفركس عليه...ريتو كيف شاد تركينة بعيدة عليهم الكل...غريبة كيف قاعد في وسطهم و حد ما يعرف بيه...منعرفش علاه رجعت نركز معاهم...في يدو لي حاطها في مكتوبو...و يد لاخرى شاد بيها كاستو و كابس عليها...عاطي بالظهر..اما نجمت نميزو بينهم الكل...منعرفش كيف باش نغزرلو مرة اخرى...اما باز ماهوش شيلقى سوار لي خلاها اخر مرة...فقت من سرحتي على صوت هارون يحكي
هارون:تحب تنزل
انا:مزال شوية
سكت و تلفت يغزرلهم معايا...باقي نثبت فيهم واحد واحد...الكل جاي لهوني و حد ما فكر شنوة اللي قاعدة نعيش فيه بعد اللي صار...اصلا شكون سوار باش يذكروها...و لا شي بالنسبة ليهم...نغزر لطفلة طلعت باش تقدم الحفلة...وقفت تحكي
هي:عالسلامة الناس الكل...نحب نرحب بكل حد شرفنا لحفلة السنة...حفلة ترويجية لاكبر مشروع في تونس...مشروع ليه سنين...و يضم اكبر رجال الاعمال هوني...و توا نحب نرحب برئيس المشروع السيد توفيق عبد السلام
باقي واقف في بلاصتو من غير ما يتحرك...هزيت يدي حطيتها في يد هارون نحكي
انا:لحق الوقت...خلينا ننزلو
غزرلي مستغرب...اما محاولش يحكي معايا...كبس على يدي...خذيت نفس و نزلت معاه...و فرد وقت نغزر لراجل قرب منها حكى في وذنها و بعد...تبسمت و انا نسمع فيها تحكي
هي:سي توفيق يعلن على رئيس جديد للمشروع...باش نعرفوه توا مع بعض
وقفت في نص الدروج نغزرلهم كيف الكل يغزرلو...مشروع كبير كيف هذا...مش اي حد يتنازل عليه...كبست على يد هارون و كملت نزلت...جبدت ورقة صغيرة...نسمع فيها تحكي
هي:مش رئيس...الرئيسة الجديدة للمشروع...و باش تكون شريكة لادم و زياد عبد السلام...دنييز ¤¤¤¤¤
غزرلي هارون مستغرب...تبسمت و قربت منهم...قصيت عالكل نحكي بصوت عالي
انا:سوااااار الادريسي
دورت راسي غزرت لتوفيق...هزيتلو براسي معناها صحيتك...طلعت عينيا شوية...جات عيني على عينو...بعد اليمات لي تعدات الكل...غزرلي ندرا كيف...تبسمتلو باستهزاء...و دورت وجهي بالوقت...غزرت لادم لي عاقد حواجبو و مش فاهم شي...ورجعت غزرت لهارون تبسمتلو...حسيتو فهم عليا...كيف هزلي براسو باهي...و تبسم على جنب...وصل معايا لدروج...وخر لتالي...خذيت نفس و طلعت الدرجات هذوكا...غزرتلي تحكي
هي:تفضل
تبسمتلها...و قربت من بلاصتها...حطيت سطوشتي...و قربت من الميكروفون...نغزرلهم نحكي
انا:اول شي مرحبا بالناس الكل...متوقعتش لباش تكون عندي فرصة اني ناقف هوني...و لا باش نشد مشروع كبير كيما هكا...نعرف لكل مصدوم و خاصة المساهمين فيه على هذاكا نحب نقلكم لي المنصب هذا كان هدية من سي توفيق...لمرت ولدو...مش هكا عمي
غزرتلو و انا نحكي...هزلي براسو ايه...و فرد وقت كابس عالطاولة بيدو يهدي في روحو...تبسمتلو و كملت نحكي
انا:اما للحظة المنصب هذا ولى كتعويض ليا...خاطر ولدو خلاني نهار عرسي...و محاولش حتى يسمعني...بالطبيعة فريق توفيق ميحب يسمع...خاطر ديما هوما على حق...مش هكا زياد
عينيه تركزو في عينيا...للحظة تعدات اكا اللحظة بين عينيا...نفس النظرة متاع اخر مرة...تنهدت بالقاوي...غزرت لادم و كملت كلامي نحكي
انا:مش هكا ادم...مش انت و خوك نفس الشي...متعطو لحق لحتى حد...لهدرجة نجحت انك تخليه كيفك...لدرجة رابط الدم مفرقش بينكم...و خلاكم نفس الشي
غزرلي الكل مستغرب...كبست بيديا الزوز على حروف الطاولة...و تلفت لمنى...لي تغزرلي مصدومة...هزيتلها براسي باهي نحكي
انا:شنوة منى معجبكش لي حكيتو...و لا انت زادة كيف ميرال بالظبط...لي كلشي تحب عليه تاخو من غير ما تسأل و اول حاجة باش تعملها باش ترجع راجلها...على هذاكا طريقك مسدود اختي الغالية
دورت راسي غزرت لميرال لواقفة بحذاها...نحكي
انا:مش هكا ميرال...خبرها تراه شنية لي صار بينا...قلها لانا ديما كنت بين الخاوة...باش نوصل لهوني...قلها اني طمعت فيهم زوز باش بنيت روحي...شبيك ساكتة...و لا خليني انا نوضح احسن
دورت عينيا عليهم بالواحد...كل حد يغزرلي ندرا كيف...نغزر لصحافة لي هدت في لحظة...تبسمت وكملت نحكي
انا:انا باش نوضحلكم الحقيقة الكل...لا سي توفيق...ولا ادم و لا حتى زياد عندو فضل في اللي وصلتلو...انا هوني خاطر كل حد فيهم عطاني بظهرو و مشى...كل حد فيهم يديه مسخة بدم سوار...سوار اللي خلاها بوها حتى قبل ما تولد...اما اليوم و قدامكم باش يعترف بيها
دورت راسي نغزرلو...كيف عكا بظهرو باش يخرج من الحفلة...وقفتو نحكي
انا:مش هكااا بااابااا...مش هكا سي يعقوب الادريسي
وقف في بلاصتو...جمد اصل تبسمت...و كملت نحكي
انا:هو باش يعترف قدامكم و توا
ريتو كيف كبس على يدو...و تلفت شوية شوية...وجهو بان للكل...تلفت هارون و ميرال مصدومين...كان زياد لدور وجهو بالشوية يغزرلو مصدوم...جات عيني مع عينو...عملتلو اشارة باش يحكي...بقى يغزرلي...هز براسو ايه...دور عينيه على كل حد يغزرلو يحكي
يعقوب؛س سوااار...تكون ب بنتي...م من اليوم هي سوار الادريسي
دوب نجم يخرج كلامو...اصلا معندوش حل اخر...تلفتلي زياد غزرلي مصدوم...غمضت عينيا بالقاوي...و رجعت حليتهم...نحكي
انا:تنجمو تعملو تقرير رسمي مع حضرة جنيرال...عندو وقت كافي باش يعاودلكم الحكاية من الاول...و توا باش نخليكم تكملو الحفلة...و الرقصة الاولى باش نفتحها
هزيت سطوشتي...خذيت نفس و نزلت...غزرت لهارون...لي باقي يتبع فيا بعينيه...قربت من ادم بخطوات ثابتة...حطيت سطوشتي عالطاولة متاعو...و مديتلو يدي...بقى يغزرلي...كانو مزال يستوعب في كلامي...طلعت حاجبي نستنى في ردة فعلو...هز يدو حطها في يدي...طلعت راسي شوية غزرت لزينب...لي باقي ساكتة تغزرلنا...تبسمت على جنب...كبست على يدو...نمشي و هو ورايا...لين وصلت لنص الصالة...تلفت عندو...كبست على يدو اكثر...و لزيت ليه لين معادش فما مسافة بينا...جا وجهي مع وجهو...نحكي
انا:قبل عام احنا تلاقينا في نفس البلاصة هاذي تذكر...وقتها و بالصدفة...انا لقيت روحي بين يدين ادم عبد السلام
بقى يغزرلي من غير حتى كلمة...ضو نقص و الموسيقى قوات...تبسمت نحكي
انا:اما انا كان عندي شرف اني نتلقاك من قبل...كان عندنا موعد في بلاصة بعيدة برشا...كنت انت الجلاد و انا الضحية
خذيت نفس...و قربت منو اكثر...حضنتو...حطيت يدي ورا راسو...و خدي على خدو...غزرت لزياد...لجامد في بلاصتو...كانت اول لحظة بينا...غزرتلو فيها بلوم...غمضت عينيا نمنع في دموعي...كبست على شعرو نحكي في وذنو
انا:محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة... ممم مبنها ريحتك...مبنك...مكنتش نتوقع...اني باش نذوق كعبة كيفك
منعرفش كيف نجمت نخرج الكلمات هذيكا لي تحفرت داخلي و منجمتش ننساها...حسيت بيدو لي ترخفت على زهري...و خطواتو حبست بالوقت...تبسمت بوجيعة...باقي نغزر لزياد...و نحكي
انا:ذكرتني ادم...انا سوار لاغتصبتها...لسرقت منها حياتها باش تنتقم لمرتك...انا سوار لكنت نترجى فيك باش تسيبني ليلتها ذكرتني ادم...ذكرت قداش لحلحت بيك باش تسيبني...اما انت خذيت حاجتك مني و قضيت على سوار...انت نسيت هذا الكل و عشت حياتك عادي...ملا انت من اليوم باش تخاف مني...انا مرة عطيتك حياة جديدة و خليتك تعيش...باش نرجع ناخوها منك
كبست على شعرو اكثر...و رصيت على سناني...نحكي
انا:موتك على يدي ادم
جبدت روحي شوية من غير ما نبعد عليه...غزرلي في عينيا...عينيه حمر..منعرفش اذا مغشش و لا شفق عليا...قربت شفافي لشفافو...نحكي
انا:موتك على يدي...المرة هاذي انا باش نكون الجلاد و انت ضحية
متحركش من بلاصتو...يدو علقت في جنبي...يغزرلي مصدوم...لحظات تعدات حسيت الصالة الكل سكتت...كان صوت انفاسنا لي مسموع...الكره لي نحسو مع ادم...الكل خليتو في غزرتي ليه...صوت انفاسو في وجهي...ذكرني بنفس الليلة الخايبة...بكل وجيعة حسيتها ليلتها...قص علينا هذا الكل يدو لي تحطت على يدي...قلبي دق بالوقت...متوقعتش لباش نقرب منو اخرى...و لا باش تنحط يدو على يدي...دورت راسي بالوقت...غزرتلو...جات عيني على عينو...حتى عينيه حمر جمر...مخالطش حتى نغزرلهم...جبدني بكل قوتو وراه...و نزل ضرب ادم ببونية على وجهو...وخر لتالي مروهج...هز يدو في وجهو يحكي
زياد:اعتبرو اخر تحذير ادم...متخلينيش نغلط معاك اكثر
تعدل في وقفتو...مسح دم لي نازل من خشمو...محاولش حتى يرجعلو الضربة...يغزرلنا زوز من غير حتى كلمة...تلفتلي هزني و حطني...قرب مني وقف قدامي بالظبط يحكي
زياد:شتقصد باللي تعمل فيه انت
تبسمت على جنب...وقربت منو اكثر...غزرتلو في عينيه نحكي
انا:انا حرة في اللي نعملو...حتى حد ما عندو دخل في تصرفاتي مش هذا كلامك...سي زياااد
هز يدو في وجهي...يغزرلي باش يطرشق...يحكي
زياد:و انا بدلت كلامي...كل تصرف من اليوم باش يكون محسوب عليك...و توا امشي قدامي
ضحكت بالقاوي...هزيتلو براسي لا...رخيت شفافي نحكي
انا:لا لا لا...انت خسرت هذا الحق عزيزي
قرب مني خطوة...هزيت يدي وقفتو بيها...و قحرتلو نحكي
انا:رد بالك...لي قدامك توا مش سوار عبد المالك...و لا دنييز لي انت خلقتها...انا سوار الادريسي...و هذا الشي ولى باين قدامكم الكل...انا و انت في نفس الرتبة توا...فلوس...نفوذ...و القوة...على هذاكا فكر مرتين قبل ما تقرب مني و لا تحكي معايا...و يا ريت معادش نشوفك كان وقت تبدا بيناتنا خدمة باهي
غمض عينيه بالقاوي...يشد في روحو بالسيف...باش ميهدش عليا...نعرفو كي يبدا في الحالة هاذي...لي يجي على يدو يهدو...هزيتو و حطيتو...عطيتو بظهري و خليتو واقف في بلاصتو...هزيت سطوشتي و قربت من هارون...شديتو من يدو نحكي
انا:وفات خدمتي معاهم...ياريت نمشو من هوني
هارون:انت اعلنت الحرب على روحك
انا:لا انا علنتها عليهم...و باش توفا برابح واحد
هارون:متأكدة
انا:كان باش تبقى تدعمني...متأكدة
هزلي براسو باهي...كبست على يدو...وخرجت من الصالة...من غير ما نرجع نتلفت لحد...خلي الكل يحاسب بعضو...و يفسرو اللي صار لبعضهم...باش نكون اخر وحدة تبكي فيهم...و اخر وحدة يخلوها تبكي
الحلقة 139
زياد يحكي:
بقيت واقف في بلاصتي...نستوعب في اللي قاعد يصير بالظبط...غزرت لمنى لي خالطت على بوها وخرجت معاه...دورت راسي شوية نغزر لتوفيق خارج...من غير ما يتلفت وراه...عديت يدي على وجهي...نهدي في روحي...نحاول ننسى لي ريتو و لي سمعتو...كلشي طاح في الما وانا نغزرلها قريبة منو...كانها عاملة فيا بلعاني...قد ما توقعت انو هي باش تلم روحها فيسع و تحاول تنسى لي صار...متوقعتش لهي باش تكون بالقوة هاذي...باقي تحاول توجعني بادم...و تلوم فيا فرد وقت على لي صار...غزرتها ليا و هي في حضنو...فشلتني...منعرفش علاه حسيت لانا رديتها لغديكا بيدي...و انا جبرتها تكون هوني...و لي حارقني اكثر...توفيق شيحب منها...كيف تنازل على منصبو ليها...منجمتش نفكر اكثر...خذيت نفس و خالطت عليه...لقيتو مشى...ستنيت كرهبتي وصلت...حليت الباب وركبت...قبل ما نمشي...ركبت ميرال بالوقت...تنهدت بالقاوي نحكي
انا:انزل
ميرال:لااا
انا:ميييراااال قتلك انزل...قبل ما نبدا بيك توا
ميرال:مانيش باش ننزل...مستحيل نخليك وحدك...كان تحب اقتلني توا...اما مانيش باش ننزل زياد فهمت
منجمتش نرجع عليها...خدمت الكرهبة و طرت بيها...نسوق بسرعة...نحب نوصل و كهو...حتى ميرال كانها مش معايا جملة...منعرفش على روحي كيف وصلت...شديت الفران بالقاوي...وصل ادم بالوقت...نزلنا مع بعض...قحرتلو و سبقتو لدار...دزيت الباب بالقاوي...دخل ورايا...و ميرال و زينب وراه...لقيتو ماشي باش يقعد في صالة...وقفتو نحكي
انا:تنجم تفهمني لي عملتو انت الليلة
تلفت عندي...هزني و حطني...حط يديه زوز في مكاتبو يحكي
توفيق:على شنوة تحكي
انا:صار معادش تعرف على شنوة نحكي...انت كيف تتصرف هكا من غير ما تعلمنا...كيف تتنازل على المشروع لسوار بلا حتى ما تعلمنا...كيف تاخو قرار هكا انت...وين تحب توصل بتصرفك هذا
لحق ادم بالوقت...قرب منا...قحرلو قحرة متاع موت يحكي
ادم:شبيك سكت...شنية لي مخبيه انت
توفيق:شبيكم هديتو عليا زوز فرد...لباس ماو
كبست على يدي...و تلفت لادم...قحرتلو نحكي
انا:شمدخلك انت...شيهمك في الحكاية
ادم:زيااااااد يزي...مانيش باش نتحملك اكثر من هكا...يزييي
اول ما كمل كلامو...هزيت يدي ضربتو ببونية على وجهو...وخر لتالي مروهج...غزرتلو نحكي
انا:شعندك تعمل اه...شعندك تعمل
هز روحو شوية...مسح دم من فمو...غزر ليدو...و قرب مني ضربني ببنوية..و هز يدو في وجهي يحكي
ادم:قتلك يزي...الغلطة متاعي نتحملها وحدي...ماكش مجبور تحاسبني فهمت...كان حبيتها بالحق مكنتش باش تخليها نهار عرسكم...رغم كلشي كنت باش تاقف معاها...مش تخليها وراك و جي تحاسبني على عملتي...انا زادة حسيت كيفك و انا نرا في مرتي غارقة في دمها...انت كهو تعرف شنية لي عديتو جراير الحكاية هاذي...كان عرفت لعدنان كان ورا موت امك شكنت باش تعمل فيه اه...انت زادة كيفي زياد كنت باش تحرق عيلة كاملة...على هذاكا معادش تتصرف كاني المذنب الوحيد في الحكاية...عالاقل انا كنت منعرفهاش ولا حتى ريت وجها ليلتها...تعرف علاه باش منرجعش في قراري...باش منراش نظرة حنان فيها...باش ننساها جملة بعد الليلة هذيكا...فهمت
بقيت نغزرلو لين كمل كلامو...قرب مني دزني بيديه لتالي...و كمل كلامو يحكي
ادم:اما رغم هذا الكل ندمت...ندمت و برشا زادة...و كان شكيت للحظة انو دنيز نفسها سوار...مكنتش باش نخليها
هزيت يديا زوز دزيتو لتالي...كلامو ركبلي العصب اكثر...باقي ندز فيه و نصيح
انا:شتقصد بكلامك انت...شتقصد حل ¤¤ فمك
ادم:انا مستعد نخلص لي عملتو...و مهما كان...و لي باش تطلبو هي انا باش نفذو
هزيت يدي رجعت ضربتو على وجهو...وخر لتالي...باقي نصيح
انا:رد بالك ادم...رد بالك ترجع تقرب منها و لا تظهر في طريقها مرة اخرى...المرة هاذي باش نقتلك...صدقني نعملها...نعملها من غير ما حتى نفكر
ادم:فاش تستنى هاني قدامك...اقتلني...كان هذا يريحك اقتلني زياااد
توفيق:فاش تحكي انت و هو...هبلتو فاش تخرمو
ادم:اااانت متدخلش...هياااا زياد اعملها...اعملها...فاش تستنى
هزيتلو براسي لا...تنهدت بالقاوي...و هزيت يدي في وجهو نحكي
انا:لااا مانيش باش نقتلك...انت كل مرة تتذكر حنان...سوار راح تكون في بالك...ووجيعتك تكون دوبل...انت تستهل هذا ادم
ادم:و انت زادة زياد...انت زادة حاسبتها على حاجة معندهاش ذنب فيها...كلنا هوني...و كل حد وجعها بطريقتو...على هذاكا متحاولش تبرر افعالك بانك تلومني باهي
توفيق:وصلت بيكم لهوني...تتعاركو على طفلة...اغزرلي انت هوني...مش على اساس تحبها...شبيك خليتها و جاي تلوم فيه...كان هي طلعت من واحد لواحد...معندكمش علاه تتعاركو
انا:اسسسسسكت...انت اخررر حد تحكي عليها
توفيق:علاه مش صحيح
انا:ايه صحيح انا نحبها...هذا لي تحب تسمعو...حبيتها و مزلت نحبها...اما حط في راسك انت وولدك...الحب هذا الحب باش يدمركم...و الحكاية ماهيش باش تتعدا...اما حط في بالك...كان فكرت تقرب خطوة وحدة منها...و لا فكرت تستغلها باش توصل لي تحب عليه...ساعتها ننسى جملة انك بابا...و الكلام هذا لولدك زادة
قحرتلو وتلفت لادم هزيتو و حطيتو...و تلفت نغزر لميرال و زينب لي واقفة عند الباب مش فاهمة شي...عزيزة لي ماحكات حتى كلمة...غزرت لميرال نحكي
انا:خلينا نمشو
هزتلي براسها باهي...خذيت نفس وخرجت معاها...هزيت الكرهبة وطرت بيها...نحس في راسي باش يطرشق...شديت الفران بالقاوي في نص الطريق...و تكيت لتالي...نسمع فيها تحكي
ميرال:علاه زياد
تلفت عندها نغزرلها...متكية راسها عالكرسي...تغزرلي...تبسمت على جنب وكملت كلامها تحكي
ميرال:علاه هي...علاه قاعد تخسر في ناس الكل على جالها...شكون سوار...و شنية عطاتك باش تحبها لهدرجة
غمضت عينيا بالقاوي...تعدا وجها بين عينيا...حتى انا منعرفش علاه نحبها لهدرجة...حتى انا معنديش جواب لسؤال متاعها...كل مرة نحاول نهرب منها نلقى روحي في جرتها...كان تموت ماهيش باش تكون لغيري...كان نعرف نعدي حياتي الكل هكا...مانيش باش نخليها...منعرفش اذا لي تكسر باش يتصلح...منعرفش شنوة لي مزال باش يصير...اما مستحيل نخلي طريق ليها و لادم...مستحيل...عديت يدي على وجهي نحكي
انا:منعرفش ميرال...مانيش ناقص اسئلتك توا
تلفتت عندي اكثر...هزت يدها حطتها على خدي...تعدي في صوابعها...و تحكي فرد وقت
ميرال:انا زادة منعرفش علاه نحبك...انا زادة موجوعة منك...يمكن لي عملتو فيا...قاعد تخلص فيه توا...كان انت محطيتهاش في راسك مكنتش باش تحبها...انت لي وعيتها و توا معادش موجودة...حتى هي باش تنساها...حتى هي تجربة في حياتك و باش تنساها مع الوقت...باش نبداو من جديد
خذيت نفس وجبدت روحي منها...تعدلت في قعدتي...وخدمت الكرهبة...منجمتش نرجعلها...معنديش خلق باش نحكي في شي...تفكيري عندها...قد ما حاولت منجمتش نحيها من مخي...خايف هذا الكل يدور عليها توا...لتوا نفكر كيف خلات الجنيرال يعترف بيها قدام الناس الكل كانها تهدد فيه...باز ماهوش باش يعدي لي صار...فرد وقت نحاول نخلي ميرال بعيدة عليا...منحبش نقرب منها...منحبش نستغلها مرة اخرى...و لا نخليها تعبي الفراغ متاعها...اصلا معنديش خلق ندخل في مشاكل اخرى...يزي لي تعدا علينا لتوا...شديت الفرا بالقاوي قدام دارها...نزلت من غير حتى كلمة...بقيت نشيع فيها لي دخلت...و طرت بالكرهبة مرة اخرى...منعرفش كيف لقيت روحي بحذا دار...خذيت نفس و نزلت...من اسبوعين مجيتش ليها...حليت الباب ودخلت...مزالت داخلة بعضها كيما خليتها اخر مرة...طيشت مفاتحي و الفاست عالطاولة...ودخلت لبيتي...دورت عينيا عليها...جات عيني عالخلعة متاعها عالفوتاي...نزلت هزيتها في يدي...كبست عليها...وقربتها ليا اكثر نشم في ريحتها...لي مزالت فيها...غمضت عينيا بالقاوي...هذيت نفس ونزلت يدي...رجعت رميتها عالفوتاي...حليت سوريتي...وترميت عالسرير...حطيت يدي تحت راسي نغزر لسقف...اليمات الكل لي عديتها معاها تعدات بين عينيا...من اول نهار ريتها في الكلينيك...لتفوريخها...تخرنينها لي بسبب و من غير سبب...الروبة لي كانت لابستها...قد ما ستخايلت متوقعتش لهي باش تحليها لاكا الدرجة...هزيت يدي لاخرى عديتها على وجهي نحاول ننسى هذا الكل...نحب ننسى انانيتها معايا...و لكل مرة تتصرف كاني مش موجود معاها...تعبت من تفكير و معادش نعرف كيف باش نتصرف...والله طلعت قدها الفرخة و عرفت كيف تتصرف...اما باز الحكاية اكبر من هكا انا لي نعرف توفيق ماهوش باش يتنازل على حاجة الا اذا تحط تحت امر الواقع...ونفس الشي لبوها...سوار اختارت ثنية صعيبة و قوانين اصعب...و اكثر من هكا خايف كان نغفل عليها و يحاولو يأذوها...و زادة الساقط متاع هارون شاد جرتها منعرفش شمزال يحب عندها...تسكرت في وجهي و معادش نعرف انا ثنية نشد ولا كيف باش نتصرف بعد الليلة
ادم يحكي:
كبست على يدي...كان نزيد دقيقة هوني نطرشق...نعرفو بالقدا...المشروع لي عطاه لسوار مخبي وراه برشا حاجات...اما مانيش باش نخليه يوصل لي يحب عليه...تنهدت بالقاوي وخرجت ورا زياد...تعديت عليها من غير ما نحكي معاها...اول ما ركبت...طلعت راسي نغزرلها مخالطة عليا...مبهمة و مش فاهمة شي...شعراتها طايحين على وجها...جبتها باش نعوضها شوية على لي صار...ياخي طلعت ليلة كلبة...اول ما ركبت...طرت بالكرهبة...من غير حتى كلمة...تفكيري الكل مع دنيز...نقصد سوار...ولا مرة جا في بالي لي هوما وحدة...متوقعتش دنيز هي نفسها سوار...كبست عالفولون بيديا الزوز...اول مرة نحس روحي ساقط لهدرجة...اول مرة نحس روحي عملت اكبر غلطة في حياتي...اني ندمر طفلة باش ناخو بحقي...بقينا طول الثنية ساكتين...حتى انا مش طايق نحكي حرف...ولا نفسر لي صار جملة...اول ما وصلت شديت الفران بالقاوي ونزلت...خالطت عليا تمشي ورايا...حليت الباب...لقيت راضية نازلة من دروج...اصلا كلمتها زينب باش تتلهى بملاك لين نرجعو...غزرتلي تحكي
راضية:ملاك رقدت توا...و كي جيتو انا باش نمشي
هزيتلها براسي باهي...اصلا معادش نجم نحكي...نحس في راسي باش يطرشق...دخلت لصالة...هزيت الدبوزة و الكاسة في يدي...وترميت عالفوتاي...منعرفش قداش من كاسة شربت...اما محسيتش روحي هديت ولا نسيت كلمة...انا بعملتي مش هديت عيلة كاملة...ولا حياة طفلة منعرفهاش...انا بعملتي حرقت خويا...توا عرفت علاه خلاها نهار العرس...توا تأكدت لانا جرحتو من غير قصد...منعرفش علاه حبيت نلومو...اما منحبوش يخسرها بسبب عملتي...منحبوش يخليها جرتي انا...حتى اذا محبش يطلع في وجهي مرة اخرى...اما نعرف بالظبط شنوة لي قاعدين يعيشو فيه...حتى برغم لي صار لحنان الكل...مكانش عندي استعداد نخليها...ولا نعطيها بظهري...كان مش ساقط قتلها...كبست عالكاسة اكثر لين تكسرت في يدي...حليتها نغزر لي دم لي نازل منها...ما يجي شي قدام الوجيعة لي قاعد نحس فيها...غمضت عينيا بالقاوي...تعدات صورتها بين عينيا...كان مزالت معايا لتوا...مستحيل كان يصير هذا الكل...طلعت راسي نغزرلها واقفة بحذا الباب...قربت مني عاللخر...قعدت عالطاولة مقابلتني...حطت يدها على يدي...كبست عليها...حليتها شوية شوية...نغزرلها تنحي في القزاز من يدي من غير ما تغزرلي...نغزر لدم لي نازل على ربتها البيضة...تبسمت على جنب...مفما حتى حد قرب مني...و متمسخش بالدم...حتى هي كانت باش تموت جرايري...تنهدت نحكي
انا:ماكش خايفة مني انتي
طلعت راسها شوية غزرتلي...عينيها يلمعو بدموع...هزتلي براسها لا...تبسمت باستهزاء...وكملت نحكي
انا:اي حد يقربلي باش يعيش في الجحيم...انت مستعدة باش تعيش فيه
هزتلي براسها ايه...هزيت يدي لاخرى...بعدتلها شعراتها لي طايحين على وجها...نحكي
انا:مزلت صغيرة عالكلام هذا...و متعرفش شنية لي تعمل فيه
نزلت راسها...كبست على يدي شوية...ورجعت غزرتلي في عينيا...تحكي
زينب:ا انت تحب دنيز...نقصد س سوار
تبسمت على جنب...منعرفش علاه خمت هكا بالظبط...بقات تستنى فيا نجاوبها...هبطت راسها متحبش تغزرلي اكثر...نزلت بصوابعي على خدها...طلعتلها راسها...جات عيني مع عينها...خذيت نفس نحكي
انا:انا حبيت مرة وحدة و مرا وحدة كهو...حبيت مرتي...و قد ما حاولت منجمتش نعيش من غيرها...و لا نفكر في حد غيرها...و سوار دمرتها جرة الحب هذا...دمرت زياد زادة...و برشا حاجات اخرى ماهيش باش تتصلح
اول ما كملت كلامي...حسيت بدموعها لي نزلو على يدي يحرقو...طلعت يدي نمسح فيهم و نحكي فرد وقت
انا:ششش انت مزلت صغيرة...برا الدار هاذي تستنى فيك حياة طويلة...من غير مشاكل وخوف...من غير ما تخاف من غدوة...كلشي باش يكون مزيان...باش تحب و تتحب زادة...و انا ديما باش نكون معاك زينب...نوعدك طول ما انا عايش حد ماهو باش يقربلك و لا يضرك
دموعها نزلو اكثر...منعرفش علاه حكيت معاها هكا...اما منحبهاش تتضرر هي زادة...منحبهاش تعيش في كابوس اخر جرايري انا...منحبهاش تمشي ضحية هي زادة...معادش نحب نخمم في روحي...خاطر ثنيتي مسكرة و معنديش مخرج...على هذاكا منحب حتى حد يتأذى في جرتي...هزت يدها شوية حطتها على صدري...كبست على سوريتي تحكي
زينب:ا انا نحب نحضنك...مرة وحدة كهو
هزيتلها براسي باهي...كبست على سوريتي اكثر..من غير ما تتحرك من بلاصتها...اول مرة نراها هكا...اول مرة نحسها ضعيفة قدامي...اصلا اول مرة زادة تطلب تقرب مني...هزيت يدي شوية...حطيت على يدها...كبست عليها و جبدتها عندي بقوة...جات في حملتي...باقي مكبشة بيدها على صدري...حطت راسها في رقبتي...باقي تبكي...نزلت بيدي على ظهرها كبست عليها...اول مرة نحسها قريبة لهدرجة...نحس في دقات قلبها ماشية و تقوا...متوقعتش لهي باش تتعلق بيا لهدرجة...قلبي عصر عليا...اول مرة نحس هذا الكل معاها...خذيت نفس نحكي
انا:زينب يزززي
كبست عليا اكثر...خرج صوتها مغموم...دوب نجمت نسمعها
زينب:م متخلنيش
كلمتها...خلاتني نسخف عليها اكثر...نعرف لي معندها حتى حد...نعرف لي حتى سوار عطاتها بظهرها...و حتى انا...جرحتها برشا من قبل...و طاحت في برشا مشاكل جرايري...طلعت بيدي نعدي فيها على شعرها نحكي
انا:مانيش باش نخليك...قتلك الكلام هذا من قبل...باش نبقى ديما وراك...مستحيل تلقى روحك وحدك
جبدت روحها شوية...جا وجها مع وجهي...عينيها حمر...غزرتلي ندرا كيف تحكي
زينب:ا ادم انا نحبك
بقيت نغزرلها كلمتها باقي تتعاود في وذني...سنين مسمعتش الكلمة هاذي...حسيت بشي تحرك داخلي...ملقيتش كيف باش نجاوبها...كبست على سوريتي اكثر...باقي تغزرلي و تحكي
زينب:م متخلينيش...منحب حتى حد يحبني...و لا نمشي عند حد...منحبكش تبعدني عليك و على ملاك...انا معندي حتى حد غيركم...ا اما كان تحبني نمشي...معادش تطلع في حياتي...لا تعاوني...ولا حتى تذكرني...بلكشي وقتها انا ننساك
هزت يدها لاخرى مسحت دموعها...بقيت نغزرلها...نستوعب في كلامها...كانت باش تقوم كبست عليها بيدي...جات باش تحكي...قصيت عليها الكلام...كيف نزلت على شفافها...منعرفش علاه بستها...و لا كيف قربت منها...منعرفش كيف لقيت روحي غاطس فيها...حسيت بيديها لي كبشت بيهم فيا اكثر...جبدت روحي منها شوية...نرد في النفس...بقات قريبة ليا...نحس بالنفس متاعها رزين في وجهي...غمضت عينيا بالقاوي ورجعت فتحتهم...معتذرتش منها...و منجمتش نبعدها عليا زادة...هزيت يدي حطيتها على خدها...نحكي
انا:زينب منحبش نظلمك معايا...منحبكش تعيش في الخوف هذا الكل...انا حياتي داخلة بعضها...معادش نعرف صحيح من غالط...منحبش نجبرك تعيش نفس الشي زادة
هزت يدها مترددة...حطتها على خدي...غزرتلي ندرا كيف تحكي
زينب:انا نحب نعيش معاك نفس الشي زادة...منعرفش كيف و لا شنوة باش نعمل...اما لي يهمني انت ماكش باش تخليني
هزيتلها براسي باهي...منعرفش اصلا علاه عملت هكا...اما حسيت روحي خسرت ناس الكل...معادش نحب نخسر حد...منحبش نخمم في اللي جاي...و لا في شنوة باش يصير...معادش نحب نفكر في الحاجات الخايبة الليصرات و اللي باش تصير...تعبت و تهديت جراير الحكايات هذوما...تنهدت بالقاوي...و هزيت يدي...حطيتها على زندها نحكي
انا:هيا زينب قوم بدل دبشك توا...و ارتاح شوية
هزتلي براسها باهي...جبدت روحها مني وقفت...عطاتني يدها تحكي
زينب:انت زادة باش تقوم تعقم الجرح و ترتاح
مخممتش مرتين حطيت يدي في يدها وقمت...طلعت معاها...لقيت باب بيتي محلول...دخلت معاها...نغزر لملاك لي غاطسة في نوم...عرفت لهي شدت صحيح باش ترقد هوني...تبسمت على جنب...فقت من سرحتي كيف جبدت يدها مني...دخلت لبيت البانو...ورجعت في يدها بوات فرماسي...حطتها عالطاولة...وقعدت عالفوتاي...خذيت نفس وخالطت عليها ترميت قدامها...نغزرلها و هي تعقملي في الجرح لين كملت...طلعت راسها تحكي
زينب:لباس توا...توجع فيك
انا:ممم لباس
زينب:باهي حاول متكبسش عليها...و كان احتجت شي كلمني انا باش نمشي لبيتي توا
انا:باهي
قربت مني اكثر...باستني من خدي...بقيت نغزرلها...اول مرة تتصرف هكا وهي تغزرلي...تبسمتلي تحكي
زينب:ليلة سعيدة
تبسمت بالسيف...و هزيتلها براسي باهي...بقيت نشيع فيها لين خرجت من البيت...هزيت روحي بالسيف...بدلت دبشي...و ترميت عالسرير بحذا ملاك...نزلت راسي نغزرلها...حطيت يدي نعدي فيهم على شعراتها...منعرفش امتى و كيف تعلقت بيها...اما منجمش نبعد عليها...نحسهاوالحاجة الوحيدة الصادقة لتوا...تعلقها بيا...خلاني نتعلق بحياة جديدة...و مهما صار مش باش نخلي حد يقرب منها...ولا حتى يأذيها و لا يبعدها عليا...في لحظة كبست على يدي بيدها...حلت عينيها شوية تبسمتلي.. ورجعت رقدت...تبسمت بالوقت...تبسمت من قلبي بعد اخيب ليلة حسيت روحي عديتها...واخيب حقيقة عرفتها...حقيقة مخبية معاها برشا حاجات باش يبانو مع الوقت...و باش دمر كلشي...حقيقة كيف الطوفان...طوفان انا عملتو من غير ما نعمل حساب للي باش يصير...مبعد
☆☆☆
حلقة 140
سوار تحكي
حليت عينيا على ضو الشمس...حسبت روحي رقدت...اما عديت ليلة كاملة...نتقلب في فرشي...منعرفش في شنية كنت نخمم بالظبط...اما تفكيري علق فيه هو...في غزرتو لي كلها غش مخلط ببرشا لوم...زعمة انا توا خذيت حقي منو...لا مزال برشا...هو جرحني اكثر من مرة...الاولى كيف عرس بميرال...و الثانية كيف خلاني نهار عرسي بقهرتي...للحظة حسيت بغصة وحلت في حلقي...هزيت روحي قبل ما نضعف...دخلت لبيت البانو غسلت وجهي...لميت شعري كعكعة...هزيت تليفوني و نزلت اللوطة...حضرت قهوة...و قعدت عالكرسي...كلمت توفيق...حطيتو عالطاولة...و كبست على مكبر صوت...نسمع فيه ينوقز و فرد وقت نشرب في قهوتي...تبسمت على جنب كيف هز عليا...خذيت نفس نحكي
انا:بووونجووور
توفيق؛شتحب مني زادة
انا:مممم شبيك مغشش...مزالنا مبديناش...و اصلا نهار في اولو مش هكا سي توفيق
توفيق:دنيز قتلك شتحب
انا:اول شي اسمي سوااار...ثاني شي نحب نقلك برافو...متوقعتش لانت باش تعملها و تسلمني مشروع كيف هكا
توفيق:وصلت لي تحب عليه...معادش نراك ولا نسمع صوتك
انا:شششش رد بالك تعلق...انت لتوا ما عملت شي
توفيق؛شنوة تحب
انا:ممم نحبك تعطيني تاريخ تسليم سلاح ووين...و شكون الجماعة اللي معاكم...يعني نحبك تبعثلي المعلومات هذوما الكل و في اقرب وقت
توفيق:فاش تخمم انت
انا:في يدك يومين كهو...مانيش باش نستناك اكثر
توفيق:باهي باهي
انا:صحيتك...خليك ديما هكا تنفذ من غير ما تسأل..ورد بالك تلعب معايا...راني باش نضرك
توفيق؛باهي
علقت عليه...وبعثتلو الفوكال لي سجلتو ليلتها...باش يفكر مرتين قبل ما يخمم يتراجع...كملت قهوتي...وطلعت بدلت دبشي...وبعثت ميساج لهارون...نحبو يستناني في قهوة العادة...هزيت صاكي ومفاتحي ونزلت اللوطة...هزيت الكرهبة و مشيت بيها...وصلت قبلو...شديت طاولة مطرفة...نغزر للبحر و تفكيري بعيد برشا...لتوا نحس بكبسة يدو على يدي...تنهدت بالقاوي...كل مرة نهرب بتفكيري منو...نلقى روحي نخمم فيه اكثر..فقت من سرحتي...كيف هارون جبد الكرسي و قعد...مزال بدبش السبور...غزرلي يحكي
هارون:شفما لالة...جايبتني ساقي اعلى من راسي...لشنية تخطط انت
انا:مممم يعني ميجيش نحب نحكي معاك شوية
هارون:كان جينا في ظروف اخرى...كنت باش نصدق...نسمع فيك توا
خذيت نفس و حطيت يديا زوز عالطاولة...قربت منو اكثر...نحكي
انا:فما عملية كبيرة...عملية تسليم سلاح...و ادم داخل في الحكاية
هارون:شنننوة و كيف عرفت انت
انا:مرة سمعت زياد يحكي عليها...بعد يومين انا باش نعرف امتى ووين
هارون:في شنية تفكر
انا:انا باش نكون غديكا
هارون:انت بااز هبلت
انا:هاروون انت زادة باش تكون موجود...اما مش وحدك...خلي الفرقة تكون معاك...اول شي نحب صفقة متاع ملايين تخسر في لحظة...شي اخر نحبك تحكم دليل على ادم...يمكن هاذي اكبر فرصة تنجم تعاونك في خدمتك
هارون:دنيييز...نقصد سوااار...انا هوني لسبب واحد انت تعرفو...منحبش ننجح ولا ناخو اي فرصة...ممكن انها ضرك
انا:ماكش باش ضرني...انا باش نكون غديكا حتى كان انت رفضت
هارون:انت بالطريقة هاذي...رسمت طريق لجهنم
انا:هههههه شبيك هارون...مانيش باش نموت توا طمن...مزالت طريقي طويلة...و مزلت نمرجك...متنساش لانت من اول طلبت نكون معاك
هارون:يزززي سوار...يزي...متحرقش روحك اكثر...انت وصلت لي تحب عليه ليلة البارح...اخطاك منهم...ابعد من توا احسنلك
بقيت نغزرلو..في لحظة ضحكتي تمحات...خذيت نفس نحكي
انا:مانيش باش نبعد...اصلا اللعبة بدات من ليلة البارح...و ماهيش باش توفا...كان وقت نحس روحي ارتحت...ومعادش فما وجيعة من الماضي
هارون:بااهي...اما يا ريت قبل ما تعمل شي...تخبرني من قبل
انا:نحب ندخل للبيرو متاع الجنيرال
هارون:تقصد
انا:نقصد بابا
هارون:وكيف باش تدخل
انا:منعرفش...اما باز غديكا باش نلقى شي يخص ميرال
هارون:متخاطرش بروحك على جالها
انا:لازمني نشد على ميرال حاجة...باش تبقى بعيدة عليا...خاطر متأكدة لهي ماهيش باش تخليني في حالي...و الشي هذا زادة باش يعاونك...يمكن تلقى رابط بين ميرال و موت بوك
عدا يدو على وجهو بعصب...ورجع غزرلي يحكي
هارون:باهي باش ندخل معاك
انا:لا انت كهو...دخلني للمركز...خاطر سيادتو مانعهم يدخلوني
هارون:تقصد زياد
انا:مممم
هارون:شبيك متحبش تقول اسمو
انا:ميستحقش اني نذكرو
هارون:باهي و كيف باش تدخل لبيروه...خبرني تراه
انا:غدوة فما معرض...متاع بنتو...و باز باش يحضرو...معناها الوقت هذاكا ماهوش باش يكون في بيروه
هارون:و كيف باش تتصرف مع رجالو
انا:الكل توا يعرف لانا بنتو...خبر كيف هذا ماهوش باش يتنسى...بالعكس...على هذاكا انا باش نبعدهم بطريقتي
هارون:كيف
انا:باش نكلم سي يعقوب قدامهم...و بالطبيعة باش يسمعو كلامو
هارون:شباش تقولو...انا باش ندخل بيروك قلهم يبعدو
انا:خبررر رجالك يعاااونوني نخرج من هوني توا...خاطر كان زياااد شدني باش نحكيلو كلشي
هارون:براافو...تراه فهمني كيف باش تدخل للبيرو وهوما معاك
انا:باش ننزل معاهم اللوطة...واول ما يرجعو للاصونصير انت باش تبعث شكون يعطلها
هارون:طلعت مخططة لكلشي
انا:عديت ليلة فايقة باش نوصل لهوني
هارون:باهي...اما حط في بالك في الحالة هاذي...عشر دقايق ينجمو يصلحوها...انت باش تخرج قبل الوقت هذا
انا:باهي طمن
تكيت لتالي...و هزيت كاسة العصير نشرب فيها...منعرفش اذا باش ننجح ولالا...اما وهو بعيد باش يتلز ياخو بكلامي...لي يهمني اني ناخو لي نحب عليه...ونخرج قدامهم الكل...وقتها لا راهو باش يمنعني ولا باش يحكي شي...خاطر متأكدة كان نطلب منو معلومات على ميرال باش يتعمد يعطيهالي ناقصة على هذاكا انا باش ناخوها منو...وقدام عينيه...اصلا حتى كان عرف ماهوش باش ينجم يقرب مني ولا حتى يهددني...سرحت في البحر مرة اخرى...نسيت لكنت نخمم فيه جملة...تبسمت و انا نذكر في الليلة هذيكا...يمكن كانت احلى و اصدق ليلة عديتها معاه في حياتي...اما في لحظة فقت لهي حلمة...حلمة باهية...خلات وراها برشا حاجات خايبين...نزلت راسي شوية نغزر للخاتم في يدي...منعرفش علاه لتوا لابساتو انا...يمكن باش يجي نهار و نظطر نحيه...من غير ما نخمم مرتين...غزرت لهارون...حتى هو سارح في دنيا اخرى...تكيت لتالي...نحب ننسى كلشي وما نفكر في شي...خاصة فيه هو...نحب نمحي كل ذكرى معاه في مخي...بالسيف عليا لازمني ننسى...و الا مستحيل نجم نعيش هكا...بين نارين...بين المد والجزر
زياد يحكي:
نمشي و نجي في البيرو...راسي نحسو باش يطرشق...قد ما حاولت نلقى طرف خيط شي...معادش فاهم شنية لي قاعد يصير بالظبط...قد ما حاولت منجمتش نعرف شنية لي خلاه يعترف بيها قدامنا الكل...بااز فما شي بينهم...باز عرفت عليه شي...خلاتو يتصرف بالطريقة هاذي...خذيت نفس نعيط لاسماعيل...دخل بالوقت يحكي
اسماعيل:شفما زياد
انا:السخطة هذاكا في بيروه توا
اسماعيل:شكون
انا:يعقوب...حضرة جنيرال الكبير
اسماعيل:نظن ماهوش غديكا...خاطر رجعو نزلو دوسيات
انا:باهي ملا باش نطلع توا
اسماعيل:وكيف باش تتصرف مع رجالو
انا:المرة هاذي معاد يهمني في شي...وجهو لي خباه علينا سنين ظهر قدامنا الكل...شمزال عندو يخاف
اسماعيل:اما انت تعرف بالقدا بيروك و بيروه ممنوع يدخلهم حد
انا:هذاكا كان بكري...خليه يمنعني توا...انا لازم نعرف لشنية قاعد يخطط...خاطر كيف استسلم في لحظة وورانا وجهو ناس الكل معناها الحكاية اكبر من هكا
اسماعيل:باهي باش نطلع معاك
هزيتلو براسي باهي...حاولت نحل باب الاصونصير...عالق و صيانة جات بالوقت باش تصلحو...نفخت بالقاوي وطلعت الدروج...عقدت حواحبي مستغرب...و انا نغزر لي مفما حد بحذا الباب...غزرلي اسماعيل مصدوم يحكي
اسماعيل:شنية لي صاير وين رجالو
انا:منعرفش
قربت من الباب باش نحلها...وقفني يحكي
اسماعيل:باش تدخل انت
انا:ماهيش باش جيني فرصة اخرى...باز فما شي قاعد يصير
اسماعيل:باهي انا هوني مطولش برشا
انا:باهي
حطيت يدي عالبواني...كبست عليها...حليت الباب شوية شوية...حسيت بحركة خفيفة ورا البيرو...عقدت حواجبي مستغرب...معناها فما شكون مشى رجال...سكرت الباب ورايا...شعلت الضو في تليفون...و قربت بخطوات ثابتة...ورا البيرو...حطيت الضو في وجها...عينيا وساعت...و انا نرا فيها...طلعت حاجبي نحكي
انا:انننت
1
طلعت راسها غزرتلي مستغربة...جات باش تقوم...ضربت راسها بالقاوي على حرف البيرو...رجعت قعدت بالوقت...شدت راسها بيدها...تتوجع...طلعن عينيها غزرتلي...قحرتلي قحرة متاع موت...و هزت روحها وقفت...باقي تحك في بلاصة الضربة...تحكي بصوت واطي
سوار:شتعممل انتي اه...شتعمل
انا:انا باش نسألك شتعمل هوني
سوار:شمدخلك ياخي لباس ماهو...البيرو متاع بابا ونعمل لي نحب
انا:صار توا ولى بوك...ياخي نورمال انت...و كي بيرو بوك علاه انت هوني بالسرقة...ديجا رجال برا كيف مشيتهم
حسيتها تعصبت كيف قربت مني شوية...دوب نجم نرا وجها...بضو تليفون...هزت صبعها في وجهي تحكي
سوار:رد بالك تدخل في اموري فهمت...انت اخر حد يحقلو يحكي معايا
بردت اعصابي...و هزيت يدي...حطيتها على يدها نزلتها...جيت باش نحكي...حسيت بحركة برا...باز رجال رجعو...نزلت غزرتلها باش تنزل تهز دوسي من ارض...سبقتها و جبدتها من يدها بالزربة...مشيتها ورايا...تكيتها عالحيط...ووقفت مقابلها...جات باش تحكي...حطيت يدي على فمها...وطفيت ضو تليفون...تحل الباب بالوقت...قربت ليها اكثر...باش ميضربش في ظهري و يشلقو بينا...ضو خفيف واصل عندنا...خاطرهم يلوجو بالضو في البيرو...دورت راسي شوية...لقيتها تغزرلي...حسيت بدقات قلبها تضرب في صدري...خاطر مفما بينا حتى مسافة...باقي كابس على يدها...هزت يدها لاخرى حطتها على يدي...تحبني نزلها على فمها...جات عيني عالخاتم...قلبي دق بالوقت...مش مصدق لهو مزال في يدها...رغم كلشي صار...متوقعتش لهي باش تلبسو مرة اخرى...تروهجت اصل...عينيا تعلقو فيه...نزلت يدها بالوقت يدي ترخفت بلا ما نحس...غزرتها دخلتني بعضي اكثر...هزيت يدي حطيتها على خدها...بعدت خصلات شعرها...دوب نجم نتنفس وهي قريبة مني لهدرجة...توا برك تأكدت انو اليمات من غيرها ما تسوا شي...توا كهو تأكدت انو محاولاتي الكل طاحت في الما...نزلت عليها شوية...اصلا منعرفش على روحي كيف عملت اكاكا...حسيت بالنفس متاعها على وجهي...قربت لشفافها اكثر...نزلت بيدي لاخرى عديتها على طول يدها...كبست عليها...عديت صوابعي عالخاتم...كبست عليها بالوقت...منعرفش شنية لي حسيتو ساعتها...منعرفش علاه وجعتني الفازة...و حسستني لانا الغالط...للحظة تعدات اكا الليلة بين عينيا...نزلت عليها اكثر...اول ما حسيت بشفافها على شفافي...تسكر الباب بالوقت...فقت من سرحتي كيف دزتني بالقاوي...وخرت لتالي شوية مروهج...قحرتلي تحكي
سوار؛فاش تعمل ياخي
بقيت نغزرلها...وقتها برك استوعبت لكنت نعمل فيه...حتى رجال محسيتش بيهم كيف خرجو...عديت يدي على وجهي بالزربة...نسمع فيها نحكي
سوار:معادش تقربلي فهمت...المرة هاذي باش تندم برشا...افهمها لانا كرهتك و مستحيل كان نرجع نغزرلك مرة اخرى
تعدات من قدامي...قربت من البيرو...نزلت هزت الدوسي من الارض...لحقت عليها بالوقت...اول ما وقفت ضربت فيا...طاح تليفونها عالارض...باقي ضو متاعو شاعل...جبدتها من يدها تكيتها عالبيرو...و نزلت حاصرتها بيديا نحكي
انا:كي هكا شبيك لتوا مقصيتش اخر رابط بينا
هزت روحها شوية قربتلي اكثر..غزرتلي ندرا كيف...تبسمت على جنب تحكي
سوار:تعرف علاه...باش كل مرة نطلع فيه...نذكر عملتك فيا...باش كل مرة نطلع فيه ننقم عليك اكثر...و نكرهك اكثر
اول مرة نحس كلامها خارج من قلبها...خلاني نوخر خطوة لتالي...جبدت روحها مني...نزلت هزت تليفونها...وجات باش تخرج...حبستها كيف نحيت دوسي من يدها...تلفتتلي مصدومة...غزرتلها نحكي
انا:توا تنجم تخرج
كبست على دوسي في يدي...محاولتش تقرب مني...عطاتني بظهرها و خرجت...خالطت عليها خرجت وراها...غزرولنا الكل مصدومين...عديت يدي على وجهي نهدي في روحي...و انا نغزرلها واقفة معاه...و هو يسأل فيها...كبست على دوسي...ونزلت الدروج في لحظة...و اسماعيل ورايا...احسن شي نبعد عليها ساعة...قبل ما نفقد طرف الاعصاب لي بقالي و معادش نعرف نتصرف...عالاقل تو كي نقعد وحدي...بلكشي نرتح اعصابي...و نخمم في حل لعمري...لكل مرة نلقى روحي واحل فيها...ترميت عالكرسي...منعرفش قداش تعظا لين حسيت روحي هديت...حليت الدوسي لقيتو متاع ميرال...عقدت حواحبي بالوقت...منعرفش علاه حبت تاخو بالطريقة هذيكا...نحس في راسي باش يطرشق...معادش نعرف في شنوة تخمم الطفلة هاذي...باش تهبلني عقاب عمري...بقيت معاها تتصرف من راسها...بعدت عليها نفس الشي...هاني انا لي ديما اعصابي محروقة جرايرها...و منعرفش شنوة مزال باش تعمل زادة...تكيت لتالي...نحاول نهدي روحي...و ننسى كلامها الكل...اللي كل دقيقة باقي يتعاود في مخي بالكلمة...و كيما كل مرة نخمم فيها...لقيت روحي بين المد و الجزر
2
سوار تحكي:
وقفت في نص الطريق...منجمتش نسوق اكثر...نحس في اعصابي تلفت بالكل...يديا زوز يرعشو...متوقعتش لهو باش يرجع يقرب مني...نزلت راسي غزرت للخاتم في يدي...و كلامو يتعاود في مخي...عندو حق شبيني منجمتش نقص اخر رابط بينا...شبيني مزلت متعلقة بيه لهدرجة...حطيت يدي نحاول نحي فيه محبش...عصبت اكثر...و دموعي باش تنزل...جبدتو بكل قوتي...جيت باش نرميه...اما في لحظة كبست عليه...منجمتش نعملها...شي اقوى مني منعني...وغلب غشي منو...كبست عليه اكثر...كيف حسيت بدموعي نزلت...اول مرة بعد اكا الليلة نبكي عليه...نبكي على لي صار بالظبط...نبكي من الوجيعة لي حاسة بيها...حطيت راسي عالفولون و كبست عليه بيدي...دموعي ولات شهقات متقطعة...احساس ندرا كيف غلبني ساعتها...منعرفش علاه شعرة لا تهديت قدامو و سلمت...اليوم كهو فهمت لمهما صار انا منجمش نكرهو...مزال قربو يأثر فيا...حتى كيف نوجعو بكلامي...منجمش نحس قلبي باش يخرج من بقعتو...رغم اللي صار الكل انا مزلت نحبو...و هذاكا لي قاهرني اكثر...هزيت راسي على صوت تليفوني ينوقز...هزيتو نغزرلو...مش وقتو يطلبني جملة.. مسحت دموعي...و هزيت عليه نحكي
انا:شتحب مني توا
جنيرال:دوسي متاع ميرال وينو
انا:معناها عرفت علاه مشيت رجالك
جنيرال:اخر مرة نسألك فيها...دوسي متاع ميرال وينو
انا:اول شي رد بالك تصيح عليا مرة اخرى...و ثاني شي الدوسي تلقاه عند زياد...برا هزو من عندو كان نجمت
علقت عليه و طيشت تليفون عالكرسي...مش ناقصاتو حتى طرف...تكيت لتالي...هزيت يدي...رجعت لبست الخاتم...ديما كان ورايا...كيف نعمل خطوة نعرف لحد ماهوش باش يقربلي خاطرني تابعة ليه...و حتى توا سر متاعو...هو اللي قاعد يحمي فيا منهم...تكيت لتالي نحس في بدني مهدود...ساعات تعدات و انا في نفس البقعة...نغزر للكراهب اللي قاعدة تتعدا...خذيت نفس و خدمت الكرهبة...نسوق و تفكيري مع اللي صار قبيل...منعرفش كيف وصلت لدار...رميت صاكي عالارض...و قعدت عالفوتاي...طاح الليل و انا باقي في بلاصتي نخمم في اللي باش يصير...هزيت روحي بالسيف طلعت لبيتي...نحيت سوريتي...و لميت شعري...في لحظة قص الضو...قلبي دق بالقاوي...مش من عادتو يقص...قربت من الكوافوز بالسيف دوب نجم نرا قدامي...نفركس على تليفوني...في لحظة حسيت بيد تحطت على كرشي كبست عليا...قبل ما نصيح سكرلي فمي بيدو لاخرى...هزيت يديا زوز حطيتهم على يدو نحاول نزلها...بقيت نفرفط بين يديه...اما في لحظة هديت كيف شميت ريحتو...رخفت يديا شوية شوية...نزل عليا يحكي في وذني
زياد:اهدا
رخف يدو على فمي...جبدت روحي منو...اول ما تلفت...رجع الضو بالوقت...هزني و حطني بعنيه...وقتها استوعبت لانا من غير خلعة...قحرتلو نحكي
انا:شنية تستخايل في روحك انت اه
باقي يغزرلي...غزلت عليه اكثر...و قربت من السرير...هزيت الخلعة في يدي...و نحكي فرد وقت
انا:شتحب مني انت...شبيك لاحقني لهوني
زياد:اول شي باش تخبرني شنية مخبية انت...ثاني شي باش تقولي شتحب عند ميرال...علاش تحب على دوسي متاعها
تبسمت على جنب...نلبس في الخلعة و نحكي فرد وقت
انا:في بالك باش نفسرلك...جوابك مش عندي سي زياد
3
هزيت يديا باش نسكر زرار الخلعة...قص عليا كيف جبدني من يدي...دورني عندو...و دزني عالحيط...غزرلي ندرا كيف يحكي
زياد:باش جاوبني معندكش حل
انا:و لا شباش تعمل ؟
حط يدو لاخرى بحذا راسي...و نزل عليا شوية يحكي
زياد:كان يمشي في بالك لانت بالطريقة هاذي باش توصل لي تحب عليه...انت غالطة و برشا زادة
تبسمت على جنب...و غزرتلو في عينيه...نحكي
انا:غلطت صحيح...غلطت على خاطر حبيتك
تبسم ندرا كيف...في لحظة نظرتو ولات كلها غش...كبس على يدي اكثر...يحكي
زياد:و انا غلطت خاطر وثقت فيك...غلطت كيف صدقت لانت حبيتني بالحق...كان يمشي في بالك لانا نادم على لي عملتو...باش تطلع غالطة زادة...خاطر مستحيل نكمل مع وحدة كيفك...تعرف علاه...مش على خاطر الحكاية هذيكا...و لا على خاطر ادم لا...خاطرك انانية...و تخمم كان في مصلحتك...المرة هاذي كان تموت مانيش باش نتنازلك...و حط في بالك خطواتك الكل محسوبة...صدقني كان نعرف لانت مخبية شي اخر...وقتها حسابك باش يكون غالي برشا
هز يدو...ضربني على راسي ضربات خفاف و كمل كلامو يحكي
زياد:كلامي هذا نحبك تحطو هوني و متنساهش جملة
بعدت راسي عليه...نحس في قلبي باش يخرج من بقعتو جراير كلامو...جبدت يدي منو بالقاوي...دزيتو وبعدت عليه...عطيتو بظهري...دوب نجم نتنفس...حسيت بدوخة قوية...غمضت عينيا بالقاوي ورجعت حليتهم...نهدي في روحي...حسيت بخطواتو...عرفتو خارج من البيت...وقفتو نحكي
انا:فما برشا حاجات مخبية...اما لا راك باش تعرفها و لا باش تلحق تحاسبني عليها
رميت كلامي من غير ما نتلفت عندو...هزيت يدي حطيتها على كرشي...نسمع فيه يحكي
زياد:شتقصد بكلامك
انا:انت عمرك ما فهمتني...على هذاكا مراكش باش تفهم توا...برا فركس عالحقيقة بعيد عليا
مرجعليش...من خطواتو عرفتو مشى...تلفت بالوقت...خلى وراه كان ريحتو و كلامو المزري اللي مستانس يقولو في البيت هاذي...قربت من الكوافوز بالزربة...نزلت كلشي عالارض...نحاول نخرج غشي في اي حاجة تجي قدامي...ترميت عالارض...تكيت عالسرير...نغزر لدم لي نازل من يدي...نقمت عليهم اكثر...كبست على يدي...مستحيل اني نتراجع و اكثر حاجة راح تكسرو خوه...حطيت راسي بين يديا...بالرغم ستانست بكلامو اللي كيف سم...اما المرة هاذي حسيتو اكثر...اكثر من ليلة لي خلاني فيها...مستحيل كان مزلت نسامحو...و لا باش نعمل خطوة لعندو...هو خسر كلشي...و كل فرصة...تخليني نسامحو مرة اخرى...اما باش نخليه يرجعلي...بالغصب باش يرجع...باش نخليه يذوق نفس الوجيعة...وجيعة الفراق...لاول و اخر مرة
4
ادم يحكي:
متكي عالكرهبة...نغزر لرجال لي كل حد فيهم شد فيهم بقعة...نستنى في الجماعة توصل...اول مرة نحس روحي مرتاح للي باش يصير...هزيت يدي غزرت لمنقالتي...نص الليل و لتوا ما وصل حد من الجماعة...اصلا باش يكون اخر تسليم...خاطر معادش عندي خلق للعمليات هذوما...نساير في بابا...خاصة بعد ما سلم المشروع لسوار...بعملتو باش نفلسو فرد مرة...و كان نلقى طرف الخيط لي يوصلني للي عمل اكاكا في حنان نكون سكرت دفتر الماضي...وقتها برك معادش نخمم اذا باش نعيش ولا نموت...فقت من سرحتي...كيف ريت اكثر من كرهبة ركات قدامي...نزلو منها الرجال...كلهم مسلحين كيف رجالي بالظبط...باقي نغزر للكرهبة لي في الوسط...نستنى في عرفهم ينزل...نزلت راسي نريقل في سلاحي...حسيت بباب الكرهبة كي تحل...طلعت راسي على صوتو...عينيا وساعت و انا نرا فيها...متوقعتش جملة لي باش تكون هي...هزيتها و حطيتها...نغزر لسلاح لي في يدها...تبسمت على جنب...منعرفش اصلا علاه ضحكت...قربت مني بخطوات ثابتة...وقفت مقابلتني بالظبط...هزت سلاحها في وجهي...تحكي
سوار:وفات اللعبة متاعك ادم
هزيت يدي عديتها على شعري...هزيتها و حطيتها نحكي
انا:نظن ماهيش باش جيك فرصة احسن
سوار:عندك حق...رصاصة وحدة باش تنهي برشا شر مزروع داخلك...خاطر كمية الشر لي داخلك مزال باش دمر برشا ناس
انا:عندك حق...على هذاكا انت بيدك باش تقتل الشر هذا...و تنتقم لروحك زادة
هزتلي براسها باهي...كبست عالفرد اكثر...تبسمت ندرا كيف...و نزلت يدها اللوطة...قربت مني اكثر تحكي
سوار؛لااا انت ماكش باش تموت بالسرعة هاذي...انا باش نعطيك فرصة اخرى...تفركس على لي قتل مرتك...بالطبيعة عدنان كان وسيلة كهو...انت قتلت الاول...اما لتوا ملقيتش الثاني...و كان تموت توا هي ماهيش باش تسامحك...الفرصة هاذي على خاطرها...انت باش تلقى شكون قتل مرتك قبل ما نقتلك...خاطر المرة الجاية مانيش باش نتراجع
انا:بالطريقة هاذي انت تكون وصلتني وين نحب...و انتقامك باش يكون ناقص...خاطرك اكثر وحدة تعرف لبيني و بين الموت خطوة
سوار:لاااا ماهوش باش يكون ناقص تعرف علاش...خاطرك ماكش باش توصل للي قتل مرتك...خاطرك واحد فاشل ادم...باش تلوج على طريقة اخرى توصل بيها...و باش تستغل الناس الضعيفة و ترميها وراك...و تعفس على كل حد يجي في طريقك...اما ماكش باش توصل...خاطرك و انت في ثنيتك تاخو حق مرتك...حملت ذنوب برشا عباد...معندهمش دخل في الحكاية جملة
كلامها خلاني نحس بغصة واحلة في حلقي...منجمتش حتى نرد عليها...جيست هزيتلها براسي ايه...خاطر كل كلمة قالتها عندها حق فيها...هز يدها شاورت لرجال قربو من رجالي...عرفتهم باش يهزو سلاح...غزرتلي تحكي
سوار:نفوذك...و قوتك باش طيح وحدة وحدة...زعمة باش توصل للقاتل و لا باش تستغل فلوس خوك...نقصد عشيرك
5
تبسمت على جنب...كبست على يدي...و قحرتلها نحكي
انا:يمكن انا العنصر الشرير في الحكاية...اما مانيش باش نستغل خويا مهما صار...و مستعد نعمل كلشي و اي شي على خاطرو..ذكر كلامي بالقدا
سوار؛اما تنجمو تعفسو على ناس
انا:غلطة و زياد معندو حتى ذنب فيها
سوار:زياد و انت نفس شي...هو مذنب كيفك و اكثر
انا:حقك تاخو مني انا مش من زياد
سوار:تأثرت برشا...متخافش عليه...خمم في روحك توا
بقيت نغزرلها...كمية الحقد لي حاملتها...باينة من غزرتها تبسمتلي تحكي
سوار:برا من هوني ادم...امشي قبل ما توصل شرطة...و هز رجالك معاك...اللي خسرتو الليلة يكفيك باش تعدي برشا يمات تخمم كيف باش تهز روحك مرة اخرى
هزيتلها براسي باهي...اول ما تلفت وقفتني...تحكي
سوار:متنساش لانا وراك المرة هاذي...و باش نبقى وراك...ذكر ديما لانا الجلاد و انت الضحية
تبسمت على جنب...و مشيت للكرهبة من غير ما نرجع نتلفتلها...عندها حق...انا ملزمش نموت قبل ما ناخو حق حنان...الخسارة الكبيرة لصفقة محسيتش بيها...قد كلامها...كبست بيديا عالفولون...وطرت بالكرهبة...غزرت لللمرايا عرفت لي رجال ورايا...متأكد لهي حبت توصلي شي بكلامها...و مش بعيد تعرف شي...على هذاكا تتصرف بالطريقة هاذي...و اللي حارقني اكثر...زياد اللي مشى ضحية زادة جراير الحكاية هاذي...انا بعملتي حرقتو...قد ما حرقتها...شديت الفران بالقاوي...و نزلت...حليت باب الدار...ضو خافت جاي من صالة...خذيت نفس و دخلت...نغزر لملاك لي راقدة في حضنها...اول ما شافتني...نزلتها شوية شوية عالفوتاي و قربت مني...بالزربة...تحكي بصوت خفيف...باش متفيقش ملاك
6
زينب:ادم وينك لتوا
هزيت يدي بعدت خصلات شعرها لتالي...نحكي
انا:خدمة...انت شبيك فايقة لتوا
زينب:نستنى فيك
انا:معادش تسهر...مش ديما نرجع...يمكن يجي نهار معادش نرجع فيه
بقات تغزرلي ندرا كيف...وجها صفار بالوقت...حسيت بخوفها...تبسمت نحكي
انا:قتلك من قبل لي حياتي داخلة بعضها...و باش تبقى عايشة في خوف دايم
هزتلي براسها لا...و قربت مني حضنتني...هزيت يدي بالسيف حطيتها على ظهرها...نسمع فيها تحكي
زينب:ماكش باش تمشي...فما شكون بحاجتك...ملاك بحاجتك...زياد بحاجتك...انا بحاجتك زادة...ماكش باش تخلي المسؤولية هاذي و تهرب...انت باش تبقى معانا
كلامها ريحني...للحظة نجمت نهدا من اللي صار...طلعت راسي نغزر لملاك لي فاقت تحك في عينيها مروهجة...قامت تمشي...غاطسة في بيجامتها...شعرها طايح على وجها...تتقرمش الفرخة...بعدت على زينب و نزلت هزيتها في حملتي...باستني من خدي...و حضنتني بيديها زوز...حطت راسها على كتفي ورجعت رقدت...تبسمت نحكي
انا:الفرخة تحب ترقد عندي...على هذاكا تعمل هكا
تبسمتلي و هزتلي براسها باهي...عديت يدي على خدها...نحكي
انا:هيا حتى انت باش تطلع ترقد
زينب:باهي
طلعنا مع بعض جات باش تدخل لبيتها...وقفتها نحكي
انا:متحبش تبقى معانا
زينب؛شتقصد
بقيت نغزرلها من غير ما رجعلها..حسيتها فهمت عليا..هزتلي براسها باهي..دخلت معايا للبيت..حطيت ملاك عالسرير نحيت الفاست طيشتها عالفوتاي وترميت بحذاها مديتلها يدي قربت مني متردة تسطحت قدامي حطت راسها على صدري تحكي
زينب:انا باش نبقى معاك ديما
كبست عليها وبقيت نعدي في يدي على شعرها لين غفات..عديت ليلة الكل فايق نخمم في شنوة اللي مزال باش يصير..وكيف باش توفا الحكاية هاذي
الحلقة 141
سوار تحكي
نغزر للبحر...البقعة هاذي تريحني برشا...منعرفش قداش تعدا وقت بالظبط...يمكن قاعدة نستنى فيه يجي...كيف كل مرة...اما بعد كلامو تالي.. تأكدت لهو معادش زياد لي حبيتو...كلشي كوم...و لي قالو ليلتها كوم...عندو حق يمكن انا كنت انانية...اما زادة اكثر من مرة حاولت نحكي كلشي...كان يوقفني كي يقول انو مستحيل يخلي خوه مهما صار...و اكد كلامو بعد اللي عملو...اكثر شي فادة منو الدار هذيكا...منحبش نرجع ليها...و منحبش نبقى فيها وحدي...هزيت تليفوني كلمتو...شوية و هز عليا...بقى ساكت...خذيت نفس نحكي
انا:نحب نراك
زياد:شفما
انا:لازم نحكي معاك...فما حاجة مهمة انت لازمك تعرفها
زياد:وينك انت
انا:انت وين انا باش نجيك
زياد:في المركز
انا:باهي مسافة الطريق
زياد:باهي
نزلت تليفوني علقت عليه...منعرفش اذا لي باش نعملو صحيح و لا غالط...نعرف اني بعد ما نخبرو باش يوفا كلشي...و مش بعيد يكرهني اكثر...اما باش نرا اذا ينجم يحمي خوه مني...موت ادم راح يكون انتقام كافي ليه...و للكل زادة...هزيت روحي بالسيف رجعت للكرهبة...نسوق و نفكر كيف باش نوصلو الكلام هذا...رغم كلشي نعرف لهو باش يتوجع اكثر...اما عالاقل نكون عطيتو جواب على كلامو تالي...باش نرا اذا باش ينجم ينتقم و باش يحميني منهم فرد وقت...ولا باش يحطني على جنب كيف عادتو...اول ما وصلت...شديت الفران بالقاوي...جيت باش نحل الباب...لمحت ميرال خارجة تجري...عقدت حواجبي مستغربة...كيف ريتها هزت الكرهبة وطارت بيها...كنت باش ننزل...اما لحقتها في اخر لحظة...لين بعدنا عالمركز جملة...باقي مخالطة عليها...عينيا وساعت و انا نرا فيها داخلة لدار العجزة...ركات على جنب و نزلت...زدت شوية وخالطت عليها...نمشي وراها...ريتها حكات مع مرا مبعد دخلت...خذيت نفس و خالطت عليها..وقفتني نفس المرا تحكي
هي:وين داخلة انت
انا:نحب نكلم المدير هوني
هي:علاش
انا:فما شكون هوني و نحب نهزو معايا
هي:باهي
خليتها و كملت دخلت...نفركس عليها بعينيا...لمحتها كيف دارت...مشيت وراها...ووقفت في تركينة...نغزرلها دخلت لبيت خلات الباب مشقوق...وقفت بحذاها نغزرلها...قعدت عالارض...بحذا مرا قاعدة عالكرسي متحرك...زينها مش بعيد على ميرال...ياسر تشبهلها...طلعت راسي على صوتها تغني في تهويدة متاع نوم...صوتها خارج بغصة...في لحظة ضحكاتها علات...و غزرتلها تحكي
ميرال:سمعت لانت تاعبة امي...هاك لباس عليك...ياخي حتى في الحالة هاذي مزلت تكذب
باقي تغزرلها من غير حتى كلمة...تركزت بعينيا على ميرال...تضرب في راسها عالحيط بالشوية و تحكي معاها فرد وقت
ميرال:مهما عملت ماكش باش تخرج من هوني...هذا العقاب الوحيد اللي تحتاجو...انت باش تموت هوني امي الغالية...خاطر مستحيل ننسى شنية لي صار...تحب نذكرك...نذكرك براجل لي عرست بيه شعمل فيا...انت سبب في اللي صار الكل...انت لزيتني باش نوصل لهوني...و نكون مجرمة...اصلا منعتبرش روحي اكاكا...خاطر كان يرجع بيا زمان...كنت باش نقتلو زادة
هزيت يدي حطيتها على فمي مصدومة...مش مصدقة لي سمعتو...خذيت نفس قد ما نجم...نغزرلها كيف هدت على امها شدتها من وجها...كبست عليها تحكي
ميرال:واحد كيفو يستهل باش يموت...اما رغم هذا الكل مزلت تبكي عليه...تبكي على لي كان باش يغتصب بنتك...هو كان يحب عليا انا...تذكر شنوة كان يقلي...قطوستي المتمردة...روجيتي...هديتي الحلوة...انت احلى هدية ليا من امك...و مزااال برشااا...كل ليلة نذكرهم...جرايرك انت
كبست عليها اكثر...و عينيها حمارو بالوقت...نزلت عليها اكثر تحكي
ميرال:انت سبب...على هذاكا باش تبقى هوني وحدك لين تموت...خاطر جرايرك مزلت نعاني...بسببك معرفتش كيف نحافظ على زيااد...على هذاكا باش كل حد فيكم باش يخلص اللي عملو فيا...مانيش باش نسامح حد...مستحيل نسامحكم
اول ما طلعت راسها وليت لتالي...بعدت عالباب...ودرت...تكيت عالحيط...من صوت الكعب عرفت لهي حست بشي...سمعت تليفوني ينوقز...و صوت الكعب يقرب بالشوية...حليت اول باب عرضتني ودخلت...جات عيني على راجل كبير...هزيت يدي عملتلو جاست باش يسكت...قربت من الباب شوية...نغزرلها من الشق...تفركس بعينيها...بقات شوية و مشات...تنهدت بالقاوي...و حطيت يدي على راسي رجعت شعري لتالي...مصدومة من اللي سمعتو...بقيت في البيت يجيب نص ساعة...قربت من شباك نغزرلها كيف ركبت في كرهبتها...خرجت نجري...مشيت لبيت امها...دقيت عالباب مرجعتليش...حليتها ودخلت...جات عيني مع عينها سكرت الباب...وقربت منها نحكي
انا:ا انا سوار...نعرف لدخولي مفاجئ...اما انت لازمك تعاوني...لازمك تعاوني على خاطر ميرال
بقات تغزرلي من غير حتى كلمة...خذيت نفس و كملت نحكي
انا:ا انت امها مش هكا
كبست بصبعها على زر الاخضر...وقتها فهمت لي هي متحكيش زادة
نزلت عندها شوية...شديت بيدي في الكرسي متاعها نحكي
انا:الكلام لي قالتو ميرال قبيل صحيح...بالحق هذا لي صار
رجعت كبست عالزر لاخضر...عينيا وساعو...تنهدت بالقاوي نحكي
انا:هي لي قتلاتو مش هكا
رجعت كبست على نفس الزر...هزيت روحي وقفت وبعدت عليها مروهجة...منعرفش علاه للحظة شفقت على ميرال...و يمكن كان جيت في بلاصتها كنت باش نعمل نفس الشي...خرجت من غير حتى كلمة...نمشي بالسيف...نفركس بعينيا على البيرو متاع المدير...دقيت و دخلت...عطيتو الكارت متاعي...في بالو جاية على خاطر تحقيق...بالسيف باش رضى يعطيني دوسي متاعها...و التقرير الطبي زادة...شديتهم في يدي و خرجت...عرفت لحالتها هكا...خاطر طاحت من الدروج...حطيتهم في الكرهبة...و شديت الثنية للمركز...هزيت الدوسي في يدي و نزلت...اول شي باش نحكي مع زياد...مبعد ميرال...حتى هارون لازمو يفهم الحكاية الكل...كلشي لازم يوفا...و ما يبقى شي مخبي...و اهم شي انو ميرال متضررش من الحكاية...خاطر حتى هي ما عندها حتى ذنب في اللي صار...كلو جراير الكلب متاع راجل امها...اصلا كلشي صار احنا نخلصو فيه بالواحد...وحد ماهو باش يرتاح كان وقت ياخو بحقو
زياد يحكي:
هزيت راسي على صوت الباب...نغزر لميرال لي دخلت بالوقت...عقدت حواجبي مستغرب...في بالي هي...اصلا من وقت كلمتني و انا قاعد على اعصابي...متوقعتش لي ميرال هي لباش جي توا...تنهدت بالقاوي نحكي
انا:شفما ميرال
بقات تغزرلي...عينيها حمر عاللخر...قربتلي تحكي
ميرال:انا بحاجتك زياد...انا بحاجتك
انا:شفما...شصااار
قربت مني اكثر...مش فاهم شنية لي قاعد يصير بالظبط...جيت باش نحكي...قصت عليا...كيف حطت شفافها على شفافي...هزيت يديا زوز حطيتهم على كتافها نحاول نبعدها...تحل الباب بالوقت...طلعت راسي شوية نغزرلها...واقفة...يدها علقت في البواني...تلفتت ميرال عندها بالوقت...غزرتها خلات قلبي يدق بالقاوي منعرفش علاه...رغم كلشي محبيتهاش تراني في الوضع هذا...ولا تفكر لانا عملت هكا بلعاني...فقت من سرحتي كيف قربت مني ميرال...حطت يدها على جنبي تحكي
ميرال:زياااد احنا لازم نحكو
تنهدت بالقاوي باش نحكي...اما قصت عليا...كيف قربت منا بالزربة...جبدت ميرال من يدها...تمشي فيها للباب و تحكي فرد وقت
سوار:مشغول توا...مبعد تحكو على راحتكم
ميرال:فاش تعمل ياخي...زياااد
سوار:قتلك اخرج
دزتها و سكرت الباب بالقاوي...بقيت نغزرلها مصدوم...متوقعتش لهي باش تعمل معاها اكاكا...اصلا منجمتش نحكي...تلفتتلي وقحرتلي قحرة متاع موت...قربت مني...ضربتني بالدوسي ليدي تحكي
سوار:ياخي متحشمش على روحك انت...مش قتلك لانا باش نجي...في بالك باش تقهرني بالطريقة هاذي
انا:سوااااار
كبست عالدوسي اكثر تضرب فيا بيه.. و بيدها لاخرى دز فيا على صدري...و تحكي فرد وقت
سوار؛تييي من شهر كهو...شهر واحد كنت تقول لانت تحبني و ماكش باش تقرب من حتى وحدة...اما طلعت واحد ساقط...من اول فرصة تحب ترجعلها...و كان انا عملت كيفك...نولي انانية...يا ساقط
الحلقة 142
سوار تحكي:
نحل في عينيا بالسيف...نحس في راسي باش يطرشق...بدني مدقدق كاني واكلة طريحة...منعرفش علاه تاعبة لهدرجة...هزيت روحي شوية تقعدت...حطيت شعري على جنب...و هزيت تليفوني...عينيا وساعت من كمية المكلامات و الميساجات لي وصلاتني منو...اصلا اول مرة يطلبني بعد نهار العرس...قلبي دق بالقاوي...زعمة شبيه كلمني...باز ماهوش يخمم فيا و لا خايف عليا...اصلا مش بعيد يكون مع شكون...و ماخو راحتو معاها..منعرفش علاه جاني تفكير هذا في راسي...اما كيف بعد عليا و بالطريقة هذيكا...الاحتمالات الكل واردة...نفخت بالقاوي...استندت بيديا على حرف الفرش...ووقفت...دورت عينيا عالبيت...داخلة بعضها...دخلت لبيت البانو...نغزر لسوريتو لي مطيشة عالارض...كلشي خلاني نتأكد لهو كان هوني...اما فردوقت منحبش نصدق لهو كان بعيد عليا لهدرجة...من غير ما يخمم...شنوة يمكن يصير فيا...قربت من رخامة شوية...غسلت وجهي...و بليت رقبتي...حسيت روحي ارتحت اكثر...هزيت المنشفة في يدي وخرجت...غزرت لساعة قريب نص النهار...هزيت تليفوني ونزلت اللوطة...دخلت للكوجينة...نحب على قهوة نصحصح بيها...نعمل فيها بالسيف...من فقت و انا مش قد بعضي جملة...هزيت الكاسة في يدي...و تلفت باش نقعد عالطاولة...في لحظة دقات قلبي قوات اكثر...طلعت راسي شوية شوية...جات عيني مع عينو...طاحت الكاسة من يدي...غزرتلها كيف تكسرت...منعرفش كيف فلتت مني...خذيت نفس ورجعت غزرتلو...واقف في بلاصتو يهز فيا و يحط...منعرفش كيف جا لهوني و علاه محسيتش بيه...و لا حتى شبيه يغزرلي بطريقة هاذي...تنهدت بالقاوي نحكي
انا:شتعمل هوني انت
زياد:انا لي باش نسألك..شمجيبك لهوني لالة سوار
نفخت بالقاوي...اكثر شي نفد منو تصرفو هذا...خذيت نفس نحكي
انا:شمدخلك انت اه...شمدخلك فيا وين نمشي و لا علاه جيت لهوني...شبيك لاحقني
قرب مني بخطوة وحدة...وقف قدامي بالظبط...قحرلي قحرة متاع موت يحكي
زياد:يااخي نورمال في مخك انت...كيف جي لهوني وحدك من غير ما تحل فمك و تخبرني...شنوة يدور في مخك
بقيت نغزرلو...عندي برشا على غشو هكا...كيف يعصب مني و يبدا يحاسب فيا...كيف صغار...كان جينا في وضعنا العادي...راني حضنتو و نسيت كلشي...اما كلامو لي قالو نهارتها...خلاني نعفس على قلبي و نشد روحي عليه...خذيت نفس نحكي
انا:انت من اليوم حرة ومتخافش مانيش باش نخبر ادم بشي كمل انتقامك براحتك خاطر وعودي الكل طاحت في الما وانت اخترت الثنية هاذي رد بالك على روحك...مش هذا كلامك...ملا علاه جاي في جرتي توا...شبيك تحاسب فيا كاني من غيرك ما نجم نعمل شي...ياخي بصفتك شنوة لاحقني لهوني...متكونش خايف عليا...لااا عااد خليني نتوقع...انت جيت بالصدفة...خاطرك من اول كنت هوني...زعمة على خاطر شكون رجعت انت...باز ماكش باش تعدي الوقت الكل هوني وحدك
زياد:سوااااار يززززي
صياحو خلاني نسكت...قرب مني اكثر...وخرت لتالي...للحظة خفت من ملامحو لي تبدلت...وقفت كيف ضربت في رخامة من تالي...طلعت راسي نغزرلو...وصل معايا بالوقت...قربلي اكثر..حط يدو عالرخامة...جيت باش نمشي...حط يدو لاخرى زادة...حاصرني من شيرتين...و نزل عليا شوية...جا وجهي مع وجهو...غزرلي ندرا كيف يحكي
زياد:ماكش باش تقطعها العادة هاذي انت...بشنوة تخمم انت...ياخي نورمال في مخك نجي حتى لهوني باش نعدي الوقت مع شكون
انا:اما هوني العرض احسن
زياد:شتقصد
انا:نقصد في زينة
زياد:شكون زينة
انا:صااار معادش تعرفها شكون زينة...اه و لا تكون وحدة اخرى على ساحة...اصلا انت معندكش مانع...في نهار طرح تمعشيق مع مرتك...و في الليل ندرا مع شكون
غزل عليا اكثر...اما محاولش يظهر...نزل عليا اكثر...لين حسيت بالنفس متاعو على وجهي...يحكي و يجبد بالمرتاح فرد وقت
زياد:صحيح انا عديت الوقت هوني مع زينة و مع غيرها زادة...انت علاه هوني مش على اساس كرهتني و معادش يهمك اي شي نعملو
سكت...حسيت الكلام الكل هرب مني...منعرفش شبيني اليومين هذوما...اصلا بصفتي شكون نحاسب فيه...معادش فما عندي الحق هذا...رخفت يدي عالرخامة...و هزيت راسي غزرتلو نحكي
انا:ا انا هوني على خاطر
زياد:على خاطر شنوة
انا:معادش نجم نبقى في دار هذيكا وحدي...مانيش نجم نرقد زياد...كلشي غديكا قاعد يخنق فيا...منعرفش اصلا كيف جيت لهوني...و كان جا في بالي لانت باش ترجع لهوني...مكنتش باش نجي جملة
غزرلي ندرا كيف...هز يدو متردد حطها على خدي...بعدلي خصلات شعري لتالي يحكي
زياد:مش مبرر هذا لي عملتو...تعرف لي عديت ليل الكل نفركس عليك
تبسمت على جنب...منعرفش علاه استغربت كلامو...غزرتلو نحكي
انا:تفركس عليا انا ؟ علاه ؟
زياد:منعرفش...اما منحبكش تأذي روحك اكثر...اللي تعمل فيه باش يضرك
انا:واللي عملتو انت شنوة
سكت و غزرلي ندرا كيف...غمضت عينيا ورجعت حليتهم نحكي
انا:معندكش جواب...خاطرك كيفهم بالظبط
زياد:باهي سواار...انا كيفهم...اما هذا ميعنيش انك تتصرف بالطريقة هاذي
انا:تقصد بكلامك لانت خايف عليا...من شنوة اه من شنوة زياد...انا بروحي مانيش خايفة...نهاية هذا الكل معناها نهايتي...ابعد عليا و معادش تطلع في حياتي امانك
كبس على خدي اكثر من غير حتى كلمة...نزلت بيدي لاخرى على طرف الخلعة كبست عليها...نمنع في دموعي تنزل...في اللي قاعدة نحس فيه توا بالظبط...نزل عليا اكثر...باسني من خدي...غمضت عينيا بالوقت...جبد روحو شوية يحكي
زياد:انت باش تكون مليحة...طول ما انا عايش انت باش تكون مليحة
طلعت راسي شوية..حليت عينيا نغزرلو...تبسمت بالسيف نحكي
انا:باش نكون مليحة...في بالك بالطريقة هاذي انت عملت واجبك...كان خممت فيا شوية برك مكنتش تعمل لي عملتو...على هذاكا طمن انا باش نكون مليحة...و عمري ما باش نكون وحدي
زياد:شتقصد
جيت باش نحكي...نوقز تليفوني بالوقت...طلع راسو شوية...غزرلو...ورجع غزرلي ندرا كيف...دورت راسي شوية...نلقى في هارون يطلب...رميت يدي هزيت تليفون من عالرخامة...باقي واقف في بلاصتو...من غير ما يوخر حتى خطوة...خذيت نفس و هزيت عليه نسمع فيه يحكي
هارون:سوااار لبااس ماهو...وينك لتوا...من بارح نطلب فيك...شبيك متردش
بقيت نغزرلو...و نسمع في هارون فرد وقت...خذيت نفس نحكي...من غير ما نبعد عينيا منو
انا:انا مليحة هارون...كنت تاعبة و مسمعتش تليفون
هارون:ايجا لقهوة العادة...نستناك غديكا
انا:هااارون انا مش في دار توا...شرايك نتقابلو عالعشا
هارون:باهي سوار...متأكدة لانت مليحة
انا:مممم طمن..نراك الليلة
هارون:باهي
اول ما علقت عليه...غزرلي ندرا كيف...يحكي
زياد:ملا باش تقابلو ليلة
انا:علاه عندك مشكلة انت
طلع حاجبو مستغرب...نزل يدو حطها ظهري من تالي...جبدني بقوة...لين معادش فما بينا مسافة...حاولت ندزو لتالي شي...ماشي ويكبس اكثر...قحرتلو نحكي
انا:سيبني...فاش تعمل
زياد:ماكش باش تقابلو
قحرتلو و فرد وقت نحاول نجبد روحي منو و نحكي
انا:تحكي بجدك انت...متكونش غاير منو
تبسم على جنب...و نزل عليا اكثر...قرب من شفافي يحكي
زياد:العباد اللي كيفو نعرف كيف نحيهم من طريقي
انا:تقصد اللي كيفنا...حتى انا بعدتني بطريقة درامية عاللخر...و انا صراحة نحاول نعمل بكلامك...نحاول ناخو ثنية جديدة...انت مش فيها
رجع بيا لتالي اكثر...تكاني عالرخامة و نزل عليا اكثر يحكي
زياد:انا فسرت كلامي بالغالط...ذكر كلامي حتى كان ما يكون فما شي بينا...انت املاك موقوفة...معناها ما عندك حق لا تحب و لا تتحب زادة
انا:اما هذا مينطبقش عليك...خاطرك زياد عبد السلام
زياد:صحيتك هاك طلعتها
انا:باهي تنجم تسيبني توا
بقيت نعافر فيه...فرد وقت باقي ينزل عليا...اول ما وصل شفافي...رخف يدو بالوقت..ووخر لتالي يحكي
زياد:اغزرلي هوني...متخدمش مخك معايا...و متأكد لوراك شي...و قتلك المرة هاذي كان نعرف لانت مخبية شي اخر...حسابك باش يكون غالي برشا
تبسمت على جنب...و عطيتو بظهري...دخلت لصالة...هزيت مفاتح الكرهبة و خرجت...لقيتو واقف يستنا فيا...هزيتو و حطيتو نحكي
انا:تهديدك معادش ينفع معايا...خاطر اخر حد ممكن نفكر فيه هو انت
زياد:ايجا لهوني
انا:في احلامك
خليتو واقف و قربت من الباب...نحل فيها و نحكي
انا:انا الغالطة من الاول خاطر جيت لهوني...في بالي باش نرتاح منك...صبحت عليك اول واحد...ملا اقعد فيها وحدك
اول ما حليتها...ضربها بيدو...رجع سكرها...تلفت عندو قحرتلو نحكي
انا:ابعدني ساعة زياد نحب نمشي
زياد:اركح احسنلك
انا:مانييش باش نرككح ابعد خليني نخرج
زياد:متصيييحش...شبي سماك هبلت ياخي
انا:اييه هبلت...منحبش نبقى هوني
زياد:كنت تفكر قبل ما تجي لهوني
انا:اففففف منك...من وين طلعتلي انت سي الهم
زياد:المرة الجاية كي تحب تبعد سكر تليفونك...وقتها تصعب عليا باش نلقاك
انا:صحيتك باش ناخو بنصيحة المرة الجاية...و توا ابعد خليني نمشي...تاعبة و معنديش خلق ليك
غمضت عينيا بالقاوي ورجعت حليتهم...صورتو ماشية و تبعد كبست بيدي عالبواني...نوازن في روحي...نحي في روحي باش نطيح...لقفني بيدو...جيت في حملتو...حطيت راسي على صدرو...نتنفس بالسيف...نحس في راسي رزين برشا...دوب نجم نحل عينيا...كبس على ظهري يحكي
زياد:سواااار...شبيك لباس ياخي
نسمع في صوتو بعيد برشا...كبست على سوريتو بيدي...نزل راسو شوية...يبعدلي في شعري و يحكي فرد وقت
زياد:سوااار...سوار تسمع فيا انت
نزل عليا اكثر...هزني بين يديه...دخلني لصالة...حطني عالفوتاي...و قعد بجنبي...بعدلي شعري لتالي...يفيق فيا و يحكي
زياد:سواار فيق...حل عينيك...سوار
حليت عينيا مروهجة...وجهي مع وجهو...يغزرلي مفجوع...هزيت يدي بالسيف...حطيتها على راسي نحكي
انا:ش شصار
زياد:منعرفش...لباس ماهو...يوجع فيك شي
هزيتلو براسي لا...نحاول ناخو نفس فرد وقت...هز روحو خرج من صالة...ورجع بالوقت...في يدو كاسة ما...شربني منها شوية...هزيت روحي تعدلت في قعدتي...نسمع فيه يحكي
زياد:شبيك تو كنت لباس عليك
دورت راسي شوية...غزرتلو باقي مفجوع...منعرفش شبيه تفجع لهدرجة...هز يدو باش يحطها على خدي...وخرت شوية لتالي نحكي
انا:م من بارح مكليت شي...يمكن هذا سبب...انا مليحة
زياد:متأكدة
هزيتلو براسي ايه...تقويت على روحي...و هزيت روحي شوية باش ناقف...حبسني...كيف حط يدو على يدي يحكي
زياد:فاش تعمل
جبدت يدي منو...من غير ما نغزرلو...تنهدت نحكي
انا:لازمني نمشي توا...اصلا ضيعت برشا وقت
زياد:ماكش باش تمشي لحتى بلاصة...ريت حالتك ياخي
1
هزيت يدي كبست على زندها...جبدتها عندي...نحكي
انا:شتحب مني سواار
غزرتلي ندرا كيف...نعرفها نظرة هاذي بالقدا...خلاتني نرخف يدي بالوقت...نطرت يدها مني...باقي تغزرلي و تحكي
سوار:للحظة حسيت لانا بالحق كنت انانية معاك...اما ماكش باش تتصلح زياد...عند كل مشكلة تفركس على الحلول لي تريحك...تخليني وترجعلها...برا عندها توا...انستك بيها...حتى هي تحبك...مش كيفي انا...اصلا انت ديما ترجعلها بعد كلشي
كملت كلامها...وخرجت من البيرو بالزربة...و انا باقي في بلاصتي نستوعب في كلامها...للحظة حسيتها نفسها سوار...غيرتها من ميرال واضحة...دموعها لي قريب ينزلو...قاعد تلوم فيا بيهم...كبست على يدي و خالطت عليها...منعرفش كيف و لا علاه عملت هكا...اما منجمتش ناقف في بلاصتي...اصلا منعرفش شبيني...لمحتها باش تدخل للاصونصير...قربت منها بالزربة...شديتو بيدي قبل ما يتسكر...بقات تغزرلي...منعرفش شباش نقلها و لا شنية نفسرلها...هزيتها و حطيتها...كابسة عالدوسي بيديها زوز...باقي لابسة الخاتم...شعرها طايح على وجها...و تقحرلي...كلامها الكل يدور في مخي...منعرفش على روحي كيف هديت عليها...حاوطت وجها بيديا زوز و نزلت على شفافها...حسيت بيديها زوز على صدري تحاول دزني لتالي...نزلت بيديا عليهم...كبست عليها اكثر...و غطست فيها اكثر...توحشتها الفرخة...منحبش نخمم في اللي باش يصير مبعد...كلشي نحب عليه توا...اني نحس بيها و كهو...جبدت روحي شوية...كيف حسيتها تخنقت...اما من غير ما نبعد عليها...باقي نحس بشفافها على شفافي...نفس متاعها ماشي و يهدا...حطيت خشمي على خشمها...و يدي على خدها نحكي
انا:شتحب...مش على اساس معادش تحب تشوفني
حلت عينيها بالوقت...مزالت مروهجة...تحاول تفلت يدها مني و تحكي فرد وقت
سوار:عندك حق انا الغالطة في كلشي...انا انانية كيف مخبرتكش...و انت لي ديما على حق...انت متغلطش...حتى كيف ريتك معاها...معنديش حق نحكي...سيبني نحب نخرج
انا:شششش شبيك جنيت عليا...مش كرهتني علاه غايرة انتي
سوار:شكنت تحبني نعمل...قبل يماات انت كنت باش تعرس بيا كان نسيت...و توا قاعد تبوس في مرتك القديمة...ياخي كان انا عملت هكا...كنت باش تتصرف عادي...لاااا متنجمش...اما انا لازمني نعذرك...شكون الاناني فينا توا انا و لا انت
بقيت نغزرلها...باقي تلوم فيا بكلامها...تنهدت بالقاوي...جيت باش نحكي فتح باب الاصونصير بالوقت...رخفت يديا عليها...دزتني لتالي...و نزلت هزت الدوسي من الارض...وخرجت تجري من غير حتى كلمة...بقيت في بلاصتي مروهج...هزيت يدي عديتها على وجهي...و خرجت وراها...نرا فيها نازلة في الدروج تجري...باش تهبلني الفرخة كي تحب تنزل علاه طلعت من الاساس...نزلت وراها نعيط عليها
انا:سوااار
متلفتتليش جملة...باقي تمشي بالزربة...لحقتها بالوقت...جبدتها من يدها دورتها عندي نحكي
انا:ايجا لازم نحكو
سوار:منحبش...برا عندك ما تحكي معاها هي...على هذاكا سيبني توا احسنلك
انا:تهدد فيا ياخي
سوار:زياااد احنا لازم نحكو...برا تلقاها تبكي عليك توا
تحكي و تقلد في صوت ميرال...بقيت نغزرلها مبهم...طلعت راسي...نغزرلهم الكل لاهيين بينا...كبست عليها اكثر نحكي
انا:سوااار يزي...و امشي قدامي
سوار:كان نموت مانيش باش نجي معاك يا ساقط
عديت يدي على وجهي نهدي في روحي قد ما نجم...قص علينا صوت اسماعيل يحكي
اسماعيل:زياااد لازم نخرجو توا...الفرقة حددت موقع طارق...نظن ماهيش جينا فرصة احسن
ناقصني السخطة هذاكا هزيتلو براسي باهي...و غزرتلها نحكي
انا:مزال عندي كلام معاك مفهوم
نطرت يدها مني...قحرتلي قحرة متاع موت...و مشات...تلفت نغزرلها كيف تمشي و تغزل...تنهدت بالقاوي و خالطت على اسماعيل...مزال تفكيري انا في مهمات توا...اصلا متأكد لهي كانت باش تخبرني بشي...كان مش ميرال لي جات في غير وقتها...منعرفش اصلا كيف هدت عليا و لا شتحب مني...و زيد الفرخة خالطت عليها بالوقت...و منعرفش شبيني زادة نجري في جرتها...و نسيت لي صار الكل...باش نتجلط جرايرها...و من تفكيري فيها...معادش نعرف شنوة نعمل و لا كيف باش نتصرف معاها...و لا مع الوضع لي احنا فيه
2
سوار تحكي:
نمشي بالزربة نحب نبعد عليه وكهو...لتوا نحس بشفافو على شفافي...لتوا قلبي يدق بالقاوي نحسو باش يخرج من بقعتو...حليت باب تولات و دخلت...حطيت الدوسي عالرخامة...نغزر لروحي...وجهي احمر باش يطرشق...اخر شي وقعتو لهو باش يرجع يبوسني...هزيت يدي بالسيف عديت صوابعي على شفافي...نفس اللي نحسو كل مرة..سكرت عينيا بالقاوي...تعدات صورتو بين عينيا و هو ميرال...حليتهم بالوقت...ضربت يدي عالرخامة...توا استوعبت لي عملتو...باز يكون شايخ عليك...تي شيهمني فيه باش نغير عليه...حليت السبالة...و نزلت نغسل في وجهي بغزول...حتى كان هكا معندوش حق يبوسها و لا يقرب منها...و انا جاية خاطرني حسيت لانا بالحق كنت انانية معاه...الا ما نوريه الساقط و هي معاه زادة...خذيت نفس...نشفت وجهي...هزيت الدوسي في يدي و خرجت ديريكسيون للبيرو متاعها...حليت الباب بالقاوي...جات عيني في عينها...نطرت الباب ورايا...تسكرت وحدها...قربت مني...تبسمت ندرا كيف تحكي
ميرال:اووه القطة البرية هوني
قربت قعدت عالكرسي...و تكات لتالي تهز فيا و تحط تحكي
ميرال:صراحة متوقعتش بعد لي صار باش تغير عليه مرة اخرى
تبسمت على جنب و قربت منها عاللخر...رميت الدوسي عالطاولة...ووقفت وراها بالظبط... هزيت يديا زوز حطيتهم على كتافها كبست عليها...و نزلت عليها شوية نحكي في وذنها
انا:زيااد خط احمر...ماكش باش توصلو و لا ترجعلو كان تموت...تعرف علاه...مش على خاطر هو مزال يحبني و مينجمش يبعد عليا لا...على خاطر انا مزلت نحبو
ضربتها بيدي على كتفها و مشيت قعدت على حرف الطاولة...مقابلتها بالظبط...و كملت كلامي نحكي
انا:و انت اكثر وحدة ميرال...تعرف شنجم نعمل على خاطر حبي
تبسمت ندرا كيف و قربت مني شوية...جا وجهي مع وجها تحكي
ميرال:نعرف...انا لي نعرف...خاطر بعد اللي عملتو الكل خلاك نهار عرسك...ياخي نحب نسألك انت لهدرجة معندكش كرامة...علاه لتوا مزلت تجري وراه
بقيت نغزرلها...تبسمت على جنب...نحكي
انا:كان يمشي في بالك انا خسرت بعد اللي صار...لا عزيزتي انت غالطة و برشا زادة...انا توا بديت...و لي كان ليا باش يرجع ليا باهي
ميرال:باااهي اما زعمة...كيف باش تبعدني عليه...ماك ريت بعينيك شنية لي صار
ضحكت باستهزاء...غزرتلها ندرا كيف...نحكي
انا:تعرف شقالي زياد مرة
ميرال:شنوة
قربت منها عاللخر...دورت عينيا على وجها و تركزت في عينيها نحكي
انا:انو هو يقرف منك...يقرف من اي وحدة غيري تقربلو...و يتقزز منهم...خاطر انت و لي كيفك ميرال...تمضية وقت و مشات على روحها
قصت عليا كيف ضربتني بكف....و تحكي فرد وقت
ميرال:سااااقطة
غمضت عينيا بالقاوي ورجعت حليتهم...هزيت يدي شديتها من وجها كبست عليها نحكي
انا:اغزرلي هوني...متخلينيش نحطك في راسي ميرال...خاطرني بالحق منحبش نأذيك...زياد نحيه من مخك جملة...ذكر لانا معادش عندي شنية نخسر...كان لزم نقتلو...و ميكون لحتى حد غيري..صدقني نعملها...على هذاكا ابعد عليه احسنلك...و كان لزم ابعد من هوني جملة
3
رخفت يدي على وجها...و هزيت روحي وقفت عطيتها بظهري...كل كلمة قلتها كنت قاصدتها...هو مستحيل يكون ليها و لا غيرها...حسيت بيها كي وقفت...تحكي
ميرال:انت كنت العاصفة في حياتنا سوار...انت دمرت كلشي...و انت سبب زادة في موت ولدي...خاطر زياد خلاني جرايرك...رد بالك تحسب روحك الضحية في الحكاية...خاطر مفما حتى ضحية...كل حد يلعب بالكروت اللي عندو و بالقواعد لي تساعدو
تنهدت بالقاوي...و تلفت عندها...هزيتلها براسي باهي نحكي
انا:عندك حق ميرال...و باش متكونش انت الضحية المرة هاذي...باش نعطيك خيارين اثنين معندهمش ثالث
ميرال:شتقصد
انا:الخيار الاول تبقى هوني...و احتمال كبير تموت و لا ترجع للمصح لي كنت فيه
ميرال:فاش تحكي انت
انا:الثاني انك تمشي من هوني...تنقذ روحك قبل ما يفوت الوقت...و منظنش انك باش تلقى فرصة احسن
ميرال:هههههههه في بالك لانا باش ناخو بكلامك...مستحيل متنساش كان انت سوار...انا نكون ميرال
تبسمت على جنب...وقربت من طاولة...هزيت دوسي...حليتو و غزرتلها نحكي
انا:عندي هوني تقرير طبي يقول لي حسنة...لهي امك...مقعدة عندها اكثر من ست سنين...كان منخافش نغلط...الحادث هذا كان ورا موت راجل امك بعامين...تقرير يقول لهي طاحت من الدروج...زعمة التقرير هذا صحيح و لا مزور
ميرال:و وين تحب توصل
انا:زعمة ميكونش لي قتل راجل امك هو نفسو لي دزها من فوق...و خلاها في الحالة هاذي
بقات تغزرلي مصدومة...رجعت شعرها لتالي...متوترة عاللخر...تنهدت تحكي
ميرال:انت من وين جبت المعلومات هذوما...و بانو حق جاية تحاسبني...و شمدخلك شنية لي صار في حياتي انت
انا:حبيت نعرف الجواب من عندك...مش انت لي دزيت امك بعد ما قتلت راجلها
عينيها وساعت بالوقت...نظرتها تبدلت بالوقت...كبست على يدها اكثر...تحكي
ميرال:لا مش صحيح كلامك
انا:الدليل عندي ميرال...متنساش انا بنت شكون و مش صعيبة عليا حاجة هكا
ميرال:شتحب مني
انا:امشي من هوني ميرال...امشي خاطر ولد الراجل لي قتلتو يفركس عليك...و كان لقاك ماهوش باش يفلتك
ميرال:هههههه فاش تحكي انت باز تكذب...في بالك بالطريقة هاذي باش تبعدني على زياد
انا:ميررااااال...زياد لي تحكي عليه انت ماهوش باش يحميك...صدقني كيف ما خلاني باش يخليك زادة...كان حبيت نبعدك من طريقي نمشي نخبرو شكون لي قتل بوه...خاطر احنا صحاب...وقتها ينجم يقتلك و لا يرجعك للمصح...امااا لااا...تعرف علاه...خاطر انا زادة عشت نفس شي...و نفس الواقع...راجل امي كان الكابوس الكبير في حياتي...و كان رجع بيا زمان باش نعمل نفس اللي عملتو...انت عندك فرصة باش تعاود حياتك بعيد عليهم الكل...خاطر لا زياد و لا حتى يعقوب باش يقفو في صفك...انت تنجم تمشي اما انا لااا...انت تنجم تعاود حياتك بعيد على المستنقع هذا اما انا لااا...متضيعش روحك اكثر ميرال...و امشي من هوني...خاطر انا باش نحكي كلشي و في اقرب فرصة...اللعبة هاذي لازم توفا
بقات تغزرلي ندرا كيف...دموعها نزلو بالوقت...تبسمتلها بالسيف...نحكي
انا:و ذكر لزياد باش يبقى ليا ديما...يا ريت معادش نتلقاك جملة
4
ضحكت ندرا كيف...و هزت يدها مسحت دموعها...تحكي
ميرال:اما شنبقى جزء منو...ذكر كلامي ديما
هزيتلها براسي باهي...رميت الدوسي عالطاولة...و تلفت عطيتها بظهري...خرجت من بيروها نكركر في روحي...هزيت يدي مسحت دمعتي لي هربت مني...تمنيت كان قابلتها في ظروف احسن...اصلا و لا مرة تلقيتها و مقامتش حرب بينا...نمشي و ذكرياتي الكل معاها تتعاود في مخي...اول مرة نحس لانا منكرهاش...هي زادة تحاول تحمي حبها...هي زادة موجوعة من الماضي...هي زادة الظروف كانت ضدها...و الحب كان ضدها...و مهما صار مانيش باش نسلمها لهارون...يكفي لي تعدا عليها بسبب بوه...معندوش حق انو يحاسبها على شي...المذنب الوحيد هو بوه...و عدنان زادة...و الا مستحيل وصلنا لهوني جملة...و لا عشنا هذا الكل...حليت باب الكرهبة...وركبت...نسوق بالسيف...معادش نجم نفكر في اللي باش يصير...ثنية طوالت برشا...ساعات و انا نسوق...منعرفش كيف لقيت روحي قدام دار زريعة...ركيت الكرهبة و نزلت...نفركس بين مفاتحي على مفتاح دار...مش مصدقة لي مزال عندي...اصلا عطاني دوبل من كل المفاتح لي عندو...حليت الباب ودخلت...دار هادية مش نورمال...شعلت الضو و سكرت الباب...دورت عينيا على كل بقعة فيها...طيشت المفاتح عالطاولة...و طلعت للفوق...مش عيني في شي كان نتسطح و نرقد مرتاحة...حليت باب بيتو من غير ما نشعل ضو...القمر عاطي نورو هوني...نحيت الكعب وترميت عالسرير...ريحتو دخلت لخشمي...قلبي دق بالوقت...كبست على مخدتو بيديا الزوز...مستحيل لهو كان هوني...دموعي لي كنت حاصرتهم نزلو بالوقت...عديت يدي عالفرش شوية شوية...تمنيت كان هو معايا توا...كان نجم نحضنو من غير ما نفكر في اللي صار و لا في اللي جاي...نحبو معايا اللحظة هاذي كهو...في البلاصة لي بدا منها كلشي...ريحتو خلاتني نهدا بطريقة غريبة...واول مرة منخافش نبقى في دار هاذي وحدي..بالعكس حاسة بامان اكثر من الدار هذيكا...و اول مرة بعد اللي صار نجم نرقد مرتاحة لهدرجة...من غير ما نخمم شنوة اللي باش نعملو...حقيقة وحدة و سر واحد باش يدمرهم الكل و انا معاهم...سر واحد صغير يكفي باش يحط نهاية لكل حد فينا...توفيق...بابا...ادم...و انا زادة...زياد باش يدمر الكل بسر هذا...باش ياخو حق امو و حنان زادة...اما مستحيل ينجم ياخولي حقي من خوه...الكل باش يرتاح كان انا...على هذاكا زياد باش يعرف السر على قريب...وقت ناخو حقي من ادم...هذا سر باش يكون اخر حاجة ياخوها من عندي...خاطر بطبيعتي معادش عندي اي شي نخسرو بعد توا...تبسمت و انا نستحلى في ريحتو...منعرفش كيف هزني نوم و غطست في حلمة باهية و بعيدة فرد وقت...متأكدة لهي حلمة...اما داخلي احساس ندرا كيف...حتى في عز نومي نحس بيه...وراحة غريبة عندي برشااا محسيتهاش...نحسها كان وقت نبدا معاه و بين يديه
5
زياد يحكي:
عديت اكثر من ساعة نكلم فيها متهزش...ندور في الجنينة و في مخي الف سؤال...خاصة كيف خبرني الشوفور انو هي لتوا لا رجعت...ناقص تفوريخها توا...حتى هارون قال لهو مقابلهش نهار الكل...قد ما حاولت منجمتش نتوقع وينها...حسيت بخنقة...هزيت يدي فتحت فلس سوريتي...فكرة لبابا و لا يعقوب عملولها شي...خلات قلبي يدق بالقاوي...هزيت الكرهبة و خرجت بيها...مشيت لدارنا...حلتلي عزيزة بالوقت...دخلت من غير ما نحكي...هديت عليه للبيرو نحكي
انا:سواار وينها
توفيق:شننوة
انا:قريب نص ليل...و طفلة مفماش...متكونش تخطط لحاجة
توفيق:تلقاها هاملة مع شي حد...منعرفش علاه مزلت وراها الطفلة
كبست على يدي نهدي في روحي...نحاول نذكر مع شكون نحكي...رغم كلشي في مقام بابا...تنهدت نحكي
انا:باااهي...اما حط في بالك...كان انت فكرت تمسها بشعرة...ذكر لمعادش تفرق عندي فهمت
توفيق:مزلت لاهي لحكايتكم انت و ساقط متاع خوك...منعرفش شنية حكايتكم مع الحب...لكل مرة تطلعولي بوحدة جديدة
خليتو يحكي و خرجت مش ناقصو حتى طرف...رجعت للكرهبة...باقي نطلب فيها...و لي حارقني انو تليفونها مش مسكر...اما زادة منجمتش نحي احتمال لهي تنجم تكون في خطر...و زادة منجمش نوصل لبوها توا...ضربت في راسي منى...هزيت تليفوني كلمتها...شوية وهزت عليا تحكي
منى:زياااد ؟
انا:مممم كيفك منى
منى:لباس عليا...انت وينك لتوا
انا:هوني...نحب نراك
منى:توااا ؟
انا:مممم في بالي تنجم تخرج
منى:ايه اما
انا:اما شنوة
منى:منعرفش شنوة باش نقول لبابا
انا:باهي منى مش مشكلة...خليها مرة اخرى
منى:لا لا لحظة
انا:شنوة
منى:وينك انت
6
خذيت نفس و تبسمت على جنب...نحكي
انا:قولي وين نلقاك انا نجي نهزك
منى؛باهي تلقاني في ¤¤¤¤¤¤
انا:باهي مسافة طريق
منى:باهي
علقت عليها...وخدمت الكرهبة بالوقت...مشيت عندها...لقيتها تستنى فيا بحذا قهوة صغيرة...باش ميرهاش بوها و لا يعس عليها...شديت الفران بالقاوي...نغزرلها كيف حلت الباب وركبت...قربت مني عاللخر سلمت عليا تحكي
منى:متوقعتش لانا باش نراك توا
انا:بعد الحفلة ملقيتش وقت باش نكلمك
منى:متسألنيش على هذاكا نهار...لتوا مش مصدقة لانا وهي خوات
انا:شنية يمنع
منى؛برشااا حاجات...منعرفش منجمتش نتقبل لي صار...تي شيعرفني...اغزر حتى انت منجمتش تعرس بيها...يعني الطبقات هذوما مينجموش يعيشو بينا
كلامها عصبني اكثر...منعرفش كيف طرت بالكرهبة...لين تهزت و تحطت في بلاصتها...نفخت نحكي
ان:انا مخليتهاش على خاطر الطبقات اللي تحكي عليهم انت...و منحب حتى حد يحكي عليها بحتى كلمة باهي
منى:باهي شبيك تغششت لهدرجة
خذيت نفس و كملت نسوق...حتى انا معنديش خلق باش نحكي معاها...ركيت الكرهبة...على جنب...بلاصة عالية برشا...جبدت تليفوني...بعثتلو ميساج بالوقت...<<منعرفش اذا سوار عندك و لالا اما صدقني كان مسيتها بحرف كهو..منى معادش باش تراها في حياتك >>
رجعت تليفون لمكتوبي...و تكيت لتالي..نعرفو يجي كان بطريقة هاذي..عالاقل اذا حاول يعمل شي يرجع في قرارو...فقت من سرحتي على صوتها تحكي
منى:علاه حبيت تشوفني
انا:منعرفش...متسألنيش..حبيت نرتاح في بلاصة هكا و انت اول وحدة جيت في بالي
منى:بصفتي شنوة
عقدت حواجبي مستغرب...متوقعتش سؤالها...تلفت شوية نغزرلها...من غير ما نحكي...رجعت شعرها لتالي...وتنهدت تحكي
منى:نقصد اللي احنا نجمو نكونو صحاب
انا:تعرف لهذا مش باش يفرح سي يعقوب برشا
منى:انا كلشي نحب عليه نعملو...و كلشي نحبو ناخو
انا:غريبة مش هكا ظاهر
منى:علاه
انا:منعرفش كيف هو باهي معاك لهدرجة...شبيه خلى بنتو لاخرى
منى:منعرفش و منحبش نعرف..اخر حد نحب نسمع عليه هي سوار
تبسمت على جنب ورجعت تكيت لتالي نغزر لبعيد كلهم طلعو كيف بعض..رصاتلي نتحمل لين نعرف وينها..وقتها كهو نجم نرتاح
1
بعدت لتالي...و ضيقت عينيا...نغزرلو مستغربة و نحكي
انا:على اساس تهمك برشا حالتي
زياد:سواار ياخي ناوية تهبلني انت...انا وين و انت وين
انا:نحب نمشي
زياد:¤¤¤¤¤ ماكش باش تمشي لحتى بلاصة...تعرف روحك تاعبة...مجيش لهوني وحدك...تو نورمال كان صرالك شي و حد ما يشلق بيك...تي مرة وحدة قولي كيف تخمم انت
صياحو ماشي و يعلى...منعرفش شبيه جن عليا...هز روحو وقف...يمشي و يجي في صالة...و يعدي في يدو على وجهو...باش يطرشق...تكيت لتالي...ندور في عينيا عليه...نغزر لتاتو على يدو...نزلت راسي نغزر ليدي...عديت صوابعي عليه...نفس تاتو اما متاعو اكبر شوية...نفخت بالقاوي...منعرفش شبيني...اكثر شي كنت نكرهو تاتو لي مرسوم في يدي...منعرفش علاه توا نغزرلو...طلعت راسي...قحرتلو قحرة متاع موت...طلع حاجبو مستغرب يحكي
زياد:شفما زادة
انا:نحب نمشي من هوني
بقى يغزرلي ندرا كيف...يهز فيا و يحط...نفخ بالقاوي يحكي
زياد:باهي قوم تحرك قدامي
انا:نمشي وحدي
زياد:اغزرلي هوني...متركبهاليش اكثر احسنلك
انا:اغزرلي انت قداشني خايفة منك
غزرلي ندرا كيف يتحلف فيا...دورت راسي لشيرة لاخرى...نزل هز تليفونو من طاولة يحكي
زياد:هيا ازرب روحك
انا:و كرهبتي ؟
زياد:تو نوصي شكون يجيبهالك
مرجعتلوش...هزيت روحي وقفت...حسيت روحي ارتحت شوية...هزيت تليفوني...وخالطت عليه...نمشي وراه...سكر باب الفيلا...و حلي باب الكرهبة...يستنى فيا نركب...تبسمت على جنب و انا نذكر في اخر مرة ركبت هوني...خذيت نفس و طلعت...سكر الباب...و خالط عليا...طار بالكرهبة...من غير ما يحكي كلمة...اول ما خرجنا...وقف باش يعبي بنزين...بقيت نغزرلو من شباك...دخل يشري ندرا شنية...رجع في يدو كيس...اول ما ركب...حطو في يدي يحكي
زياد:دبر روحك لين وصلو...احسن ما دوخ مرة اخرى
انا:منحبش
زياد:على راحتك
2
قحرتلو ودورت راسي لشباك...ساعة اخرى...ورجعت حليت الكيس متتردة...بقيت نفرت فيه...معجبنيش برشا لي شراه...كان بسكويت متاع شكولاطة...عديت ثنية ناكول فيه...يسوق و يغزرلي بشطر عين...متوقعتش لانا باش نبقى معاه ساعات...مرة اخرى...اول ما قربنا نوصلو...تنهد بالقاوي يحكي
زياد:باش تشد دار توا...و تو نكلم راضية جي تقعد بحذاك مفهوم
انا:لااا منحب حتى حد يقعد معايا مرتاحة وحدي
زياد:مش هذا كلامك الصباح
انا:متحاولش تكلمها خاطرني باش نطردها...و اصلا مانيش باش نبقى وحدي طمن
زياد:باش تمشي تقابل ساقط هذاكا
انا:اسمو هاروون
زياد:جرب حط ساقك برا دار...و تو ترا شنعمل فيك
انا:نظن عندك امور اهم مني...و علاقاتي هذوما انت معندكش دخل فيهم باهي
شد الفران بالقاوي...قربلي عاللخر حسيت بالنفس متاعو على وجهي...يحكي و يغزرلي في عينيا
زياد:متلعبش معايا سواار...خاطرني لتوا موسع بالي معاك...قتلك ماكش باش تخرج منها دار...معناها ماكش باش تخرج منها...و جرب حط ساقيك برا...في هالليلة الكلبة...الا ما ندمك عليها...و شي اخر الكلام لكنت باش تقولو البارح...لتوا نحب نسمعو...اما منحبش نظغط عليك اكثر من هكا...نظن كلامي مفهوم ومانيش باش نعاودو باهي
قحرتلو قحرة متاع موت...و هزيت يديا زوز...دزيتو لتالي...نحكي
انا:مش مفهوم...و معادش تقربلي ابعد
تبسم على جنب يستفز فيا...حليت الباب و نزلت...حتى هي بقات خطوتين لدار...نمشي ونغزل منو و من كلامو...نرا فيه كيف طار بالكرهبة...ضربت ساقي بغزول...اول ما وصلت لدار مشى...بقيت نشيع فيه لين بعد جملة...جيت باش نشق الكياس...قصت عليا كرهبة كحلة ركات قدامي...و قبل ما نستوعب اللي قاعد يصير...لقيت روحي الداخل...حاولت نعافرهم...اما في لحظة معاد حاسة بحتى شي
حليت عينيا على ريحة قوية...نحس في راسي رزين برشا...نحاول نستوعب لي قاعد يصير...صورتو ماشية و توضح اكثر...هزيت روحي شوية تعدلت في قعدتي...دورت عينيا نغزر للبلاصة...نغزرلو متكي عالبيرو...يستنا فيا نفيق...ظاهر لاحنا في دارو...خذيت نفس نحكي
انا:ف فاش تعمل انت
يعقوب؛مرحبا بيك في دارك
انا:شنوة
3
عقدت حواجبي مستغربة...حاولت نقوم اما مزلت مروهجة...غمضت عينيا بالقاوي ورجعت فتحتهم...تنهدت بالقاوي...نحكي
انا:تنجم تفسرلي لي تعمل فيه
يعقوب:بالطبيعة عزيزتي...اليوم الكورة في ملعبي
هزيت راسي...نغزرلو مستغربة...تبسمت على جنب نحكي
انا:قاعدة نشوف...و زعمة باش تربح المرة هاذي
يعقوب؛تعرف حاجة...انت تشبهني برشا
غزرتلو ندرا كيف...كلامو خلاني نحس باحساس خايب...منعرفش علاه...تكيت لتالي...و تبسمت على جنب نحكي
انا:اما مش ساقطة كيفك
قحرلي قحرة متاع موت...و قرب مني قعد عالفوتاي مقابلني...تكا لتالي...يهز فيا و يحط...شبك يديه يحكي
يعقوب:تعرف علاه جبتك هوني
انا:نجم نتوقع
يعقوب:لا خاطر ماكش باش توصل
انا؛بربي ملا خبرني نسمع فيك
نزل بيدو لطاولة...قربلي ورقة...و غزرلي يحكي
يعقوب؛الورقة هاذي تثبت لانت سوار الادريسي...اما الدوسي لهوني...يضمن حقك من الورثة في كلشي نملكو
انا:اوووه عرض كبير...زعمة شنية باش تطلب في المقابل...الادلة لي عندي و لا شي اخر انا مفيباليش بيه
يعقوب:زياااد
عقدت حواجبي مستغربة...اول ما نطق اسمو...قلبي ظق بالقاوي...ضيقت عينيا نحكي
انا:شننوة
يعقوب:طلبت زياد
انا:شتقصد بكلامك
يعقوب:نحبك تبعد على زياد جملة...تقطع علاقتك بيه و معادش دور بيه مهما صار...تنسى لانت قابلت في حياتك حد اسمو زياد...و في المقابل باش تعيش حياة عمرك ما حلمت انك تعيشها...باش تعيش كيما تحب ووين تحب
4
تبسمت على جنب...نحاول نستوعب لي يحكي فيه...شبكت يديا زوز و قربت شوية نحكي
انا:هذا الكل مقابل زياد...زعمة شنية سبب...انت اكثر حد تعرف لمعادش بينا شي...ملا شبيك تحب تقطع العلاقات بينا جملة
يعقوب:منى تحب زياد
طلعت حاجبي مستغربة من كلامو...قلبي دق بالقاوي...منحبش نسمع الكلام اللي جاي مبعد...تبسمت على جنب نحكي
انا:شتقصد
يعقوب؛كلامي واضح...منى جات لهوني على خاطرو
انا:تحب تقولي لهي قابلاتو مرتين ولات تحبو
يعقوب:مرة...مرتين متفرقش برشا...المهم هي تحب عليه
انا:يعني
يعقوب؛زياد باش يعرس بمنى
عينيا وساعو من كلامو... قلبي نحسو باش يخرج من بقعتو...اما بردت دمي عاللخر...منحبش نظهرلو لي نحس فيه...خذيت نفس طويل...ضحكت باستهزاء نحكي
انا:صاااار...من ميرال لمنى...ياخي قولي انت شنية حكايتك بالظبط
يعقوب:انا لي يهمني راحة بنتي توا...و اخر همي نفسر لحد شنوة اللي باش نعملو...و كلشي بالمقابل...انت طلبت اسمك مقابل السر...و طلبي هذا مقابل انك تعيش حياة اللي تحلم بيها
بقيت نغزر للورق لمحطوطين عالطاولة...ولا مرة توقعت اني نتحط في الموقف هذا...اني نبيع حبي بالفلوس...السؤال اللي جا لراسي ساعتها...زعمة زياد باش يوافق على منى...باش يعملها...تبسمت على جنب علاه ميعملهاش...كان مخلانيش نهارتها مكنتش باش نتحط في الموقف هذا...و متأكدة للهدف متاعو الاول مش منى...هو يحب يخلي زياد قريب ليه...و منى هي الحل الوحيد عندو توا...خذيت نفس و طلعت راسي غزرتلو...تبسمت و رميت يدي لطاولة...هزيت الورقة...اللي تثبت نسبي ليه...نحكي
انا:هذا كهو اللي حاجتي بيه...مانيش رخيصة كيفك...باش نتفاوض معاك على اكثر حد حبيتو و مزلت نحبو...كان حبيت على الفلوس و الحياة اللي تحكي عليها باش نبيعك اول حد و ناخو الفلوس منهم...على هذاكا ابعدني و معادش تطلع في حياتي...ومعاد تطلب مني حتى شي اخر باهي...كانك على زياد اذا وافق على بنتك صحة ليكم الكل
هزيت روحي وقفت...كبست على الورقة في يدي...تبسمت بالسيف نحكي
انا:خسارتك...مطلعتش بابا اللي كنت نفركس عليه...تمنيت كان مقابلتكش جملة...عالاقل مكنتش باش نكرهك لهدرجة...حتى كان عديت حياتي الكل نفركس عليك...كنت باش نعذرك ديما...على هذاكا ياريت معادش نراك مرة اخرى جملة
بقى يغزرلي ندرا كيف...هزيتو وحطيتو لاخر مرة...تمنيت كان قابلتو في ظروف احسن من هكا...كان نجمت نحضنو مرة وحدة كهو...اما حتى هوني...ظروف كانت ضدي...خذيت نفس...و تلفت عطيتو بظهري...اول ما وصلت للباب...وقفني يحكي
يعقوب؛سوااار...عرضي باش يبقى مفتوح...وقت ما تحب تنجم ترجع تاخو حقك
5
تبسمت بوجيعة...كبست بيدي عالبواني حليت الباب...و خرجت...نمشي بالسيف...نغزر لكل تركينة في الدار...و فرد وقت نذكر في دار لي عشت فيها انا...جات عيني على منى...لي محملة امها من تالي...اول ما راتني...غزرتلي مصدومة...توا كهو استوعبت لانا في دارو...يمكن عمل الفازة هاذي مكرة فيا...مستنيتش حتى نسمعها...نحب نخرج من هوني و كهو...نعمل في الخطوة بالسيف...اول ما وصلت لبرا...نغزر لرجالو حلولي الباب...خرجت من غير ما نخمم اني نتلفت...منعرفش قداش مشيت بالظبط...حبست كيف حسيت خواطري دارت...استندت بيدي على اول حيط عارضني...و يدي لاخرى على كرشي...تقييت لين حسيت معدتي فرغت...تكيت لتالي...نحاول ناخو نفس...نزلت اكثر قعدت عالارض...نغزر للورقة في يدي...و كلامو يتعاود في وذني...منعرفش علاه يعمل فيا هكا...علاه يحاول يقهرني باكثر حد حبيتو...فرد وقت نحب ننسا لهو بابا...خاطر مستحيل يكون يكرهني لهدرجة...قد ما حاولت نكون قوية...اخر خطوة منو هدتني...كبست عالورقة اكثر...معاد نحب حتى شي منو...كل كلمة تتعاود في وذني...تخليني نزل بيديا عالورقة...قطعتها طروف...و باقي دموعي نازلة...تكيت راسي لتالي...نحاول ناخو نفس قد ما نجم...قص عليا صوت تليفوني لي باقي يدق...جبدتو بالسيف...هزيت من غير ما نرا شكون...نسمع فيه يحكي
هارون:سوااار وينك ياخي
انا:هارون
هارون:لباس ماهو...شبي صوتك هكا
انا:تاعبة برشا
هارون:وينك انت...تو نجي عندك
انا:منعرفش
هارون:سواار حاول تقولي عالبلاصة و انا تو نجيك
طلعت راسي بالسيف...نحاول نقرا اسم الشارع...و نحكي فرد وقت
انا:في ¤¤¤¤¤¤¤¤
هارون :باهي رد بالك تتحرك من بلاصتك...مسافة الطريق كهو
انا:باهي
علقت عليه و نزلت تليفون...نحس في بدني مهدود...معاد نجم نفكر في حتى شي اخر...منعرفش قداش تعدا وقت اكاكا...فقت من سرحتي على صوت الكرهبة...نغزرلو كيف نزل جاي عندي مفجوع...اول ما وصل...نزل على ركبة و نص قدامي...حط يدو على وجهي يحكي
هارون:سواار شبيك...شبي حالتك هكا شصار
بقيت نغزرلو معنديش قوة باش نجم نردلو...رجعلي شعري لتالي...تنهد بالقاوي يحكي
هارون:باهي باهي...تحب نمشو من هوني
هزيتلو براسي ايه...كبس على كتافي وقفني معاه...يمشي فيا بالسيف...حلي باب الكرهبة ركبني...ورجعلي الكرسي لتالي...وخالط عليا...يسوق و يحكي فرد وقت
هارون:سوااار حالتك تاعبة برشا...تحب نهزك للكلينيك عالاقل ترتاح شوية
هزيتلو براسي لا...خذيت نفس بالسيف...نحكي
انا:م منحب نمشي لحتى بلاصة
هارون:تحب نمشي لدار
انا:لا
6
تنهد بالقاوي و هزلي براسو باهي...معادش سألني و لا حكى حرف واحد...باقي يسوق...عينيا تركزو في ثنية...نحس في تفكيري بعيد برشا...كان بالحق يعمل اللي قالو...معناها لي عشتو مع زياد طلع كذبة كبيرة...و انا كهو لي باش نطلع خاسرة في الحكاية...طلعت راسي كيف شد الفران بالقاوي...نسمع فيه يحكي
هارون:انت باش تبقى عندي لين ترتاح باهي سوار
هزيتلو براسي باهي...نزل من الكرهبة...وجا من جيهتي فتحلي الباب...عطاني يدو عاوني ننزل...باقي ياسيس فيا لين وصلنا لدار...حل الباب ودخل...دخلت وراه...شعل الضو...و تلفتلي يحكي
هارون:ايجا ترتاح توا
قربت معاه قعدت عالفوتاي...نحيت الكعب...و تسطحت لتالي...غطاني و عدا يدو على شعري يحكي
هارون:ارتاح توا...و انا باش نحضرلك شي تاكلو باهي
بقيت ساكتة...اصلا معادش نعرف شنوة اللي باش نحكيه...اكثر حد نحب نراه توا زياد...نحب يقول لكلشي قالو كذب...و انو مستحيل يفكر يقرب من منى مهما صار...كبست على يدي نهدي في روحي...عينيا تسكرو وحدهم...نحس في روحي تاعبة لدرجة كبيرة...احسن شي جابني معاه لهوني...مكنتش نعرف كيف باش نعدي الليلة هاذي في الدار هذيكا وحدي...توا كهو حسيت بحاجتي لزينب و ملاك و عماد...نحب نحس لانا معادش وحدي...مستحيل نكون خسرت الناس هذوما الكل...نعرف لحتى حد فيهم ماهو باش يسامحني...ولا يغفرلي خاطرني بعدت عليهم بالطريقة هاذي...منعرفش كيف هزني نوم ورقدت...رقدت بغصتي و متأكدة اللي جاي باش يكون اصعب من هكا ببرشا
ادم يحكي:
حليت الباب ودخلت...نحس في راسي باش يطرشق...نهار الكل عديتو في الشريكة...شي من الخدمة...والشي من رجال متاع ¤¤¤ لي لتوا ما وصلو لحتى شي...عالحالة هاذي باش نعدي عمري الكل نفركس عليه...ضيقت عينيا...كيف حسيت الدار هادية...خذيت نفس و مشيت لصالة...طلعت حاجبي مستغرب كيف ريت زينب راقدة عالفوتاي...و ملاك شادة يدها وقاعدة بجنبها...تغزرلها...اول ما حست بيا غزرتلي ندرا كيف حسيت بيها خايفة...قربت شوية من زينب...حطيت يدي على جبينها...سخونة عاللخر...كابسة بيدها لاخرى على كرشها و يد شادة بيها ملاك...خذيت نفس نحكي
انا:زينب..زينب
حلت عينيها مروهجة...ورجعت سكرتهم...عقدت حواجبي نحكي
انا:لباس ماهو شبي حالتك هكا
زينب:ل لباس ادم...امان ملاك لتوا ما كلات شي...متخليهاش تستنى برشا
انا:باهي اما حالتك مطمنش...شرايك نهزك توا للكلينيك
زينب؛لا
انا:نطلب الطبيب لهوني
زينب:ا ادم انا مليحة...جيست شوية وجيعة...تو نرتاح
نزلت بعينيا نغزر ليدها لي كابسة بيها على كرشها..عديت يدي على شعري..تو بديت نسوعب علاه حالتها هكا...نحيت الفاست حطيتها على جنب...و هزيت ملاك في حملتي للكوجينة...حطيتها فوق الطاولة...و حضرتلها سندويتش خفيف...حطيتو في يدها و بستها من خدها...شداتو عليا تاكول فيه...عرفتها لي جاعت بالحق...تبسمتلها ورجعت نفركس على تيزانة..دخت باش لقيتها...حضرتلها كاسة...وقربت من ملاك لقيتها باش تكمل...شخت عليها...عديت يدي على شعرها نحكي
انا:متحبش صغرونتي واحد اخر
هزتلي براسها لا..و حطت يدها على كرشها معناها شبعت...نزلتها من طاولة نحكي
انا:صحة ليها بنوتي شاطرة
عملتلي بيدها باش ننزل ليها...باستني بوسة مرصوصة...و مشات تجري لصالة..باقي شطر سندويتش في يدها..هزيت الكاسة وخالطت عليها...حطيتها عالطاولة..وقعدت على حرف الفوتاي..هزيت يدي نعدي فيها على خصلات شعرها..حالتها تاعبة برشا..تحل في عينيها بالسيف و تسكر فيهم..بقيت نغزرلها..نغزر لكل تفصيل في وجها..للحظة سرحت فيها..من غير ما نعرف فاش قاعد
نخمم بالظبط
كمنتار ببلوڨر
تعليقات