《الحلقات السابقة
في احضان الموت
الجزء الرابع
الحلقة 143
فقت من سرحتي كيف قربت مني ملاك...تحب تطمن على زينب...خذيت نفس...بعدت خصلات شعرها لتالي نحكي
انا:زينب تسمع فيا ياخي
حلت عينيها شوية...غزرتلي شوية...وطلعت لملاك تحكي
زينب:عشيتها انت
انا:مممم هيا دورك توا...قوم تشرب تيزانتك...باش تاكول شوية
غزرت للكاسة...ورجعت غزرتلي...مصدومة...في لحظة وجها ولى احمر باش يطرشق...هزيت يدي حطيتها على جبينها نحكي
انا:لباس ماهو
زينب:ممم علاه حتى نشربها
انا:منعرفش بالعادة يشربو تيزانة كي تقوى الوجيعة
نزلت راسها بالوقت...شخت عليها متوقعتش لباش تحشمها الفازة...تبسمت على جنب نحكي
انا:اعتبرني مقلت شي...اشربها انت توا...و انا باش نطلع ملاك ترقد...مش باهي تسهر اكثر
هزتلي براسها باهي...من غير ما ترجع تغزرلي...قربت منها ملاك باستها من خدها...و عملتلها باي بيدها...نزلت هزيتها في حملتي...تلفت نشوف معاها...هزت الكاسة تشرب منها...تبسمت و تلفت لملاك نحكي
انا:انت باش تطلع ترقد توا...و تخلي زينب تشرب تيزانة على راحتها مش هكا...عالاقل تنقص الوجيعة شوية...مترصالناش في كلينيك نص ليل
سمعتها كيف كحت بالقاوي...تبسمت و ملاك في يدي شايخة بالضحك...كبست عليها...وطلعت لبيتي...حطيتها عالسرير...و تسطحت بجنبها...نحاول نرقدها...نعدي في يدي على شعرها و نحكي فرد وقت
انا:ملاك انا باش نسألك...و انت جاوبني بايه ولالا باهي
هزتلي براسها باهي...خذيت نفس نحكي
انا:ياخي زينب من الصباح عالحالة هاذي
عوجت فمها و هزتلي براسها ايه...نفخت بالقاوي نحكي
انا:باهي خبرني...فما شكون يكلمها على تليفون...و لا ريتها مع شي حد
دورت عينيها على وجها...وعملتلي براسها لا...و هزت يديها زوز عملتلي بيهم حتى حد...هزيتلها براسي باهي...تبسمت نطمن فيها نحكي
انا:كلشي نحكوه باش يبقى سر بينا باهي
هزتلي براسها باهي...وقربت باستني من خدي...تبسمت ورجعت نعدي في يدي على شعرها و نحكي معاها فرد وقت...لين هزها النوم...و رقدت...جبدت روحي منها بالسياسة...غطيتها...ونزلت اللوطة...وقفت بخذا الباب نغزرلها...متكية راسها لتالي...تغزر لسقف...كانها تخمم في شي...قصيت عليها نحكي
انا:لباس توا
دورت راسها شوية...غزرتلي...ندرا كيف تحكي
زينب:ممم مليحة عيشك
خذيت نفس...قربت منها قعدت قدامها...و تكيت لتالي نحكي
انا:علاه مكلمتنيش انت
زينب:انا مليحة ادم...و انت زادة وراك خدمة...يكفي لانت عملتو على خاطرنا لتوا
هزيت يدي حطيتها على شعرها...تنهدت بالقاوي نحكي
انا:معادش نحب نسمعو الكلام هذا باهي
زينب:معناها انت مش مقلق من فكرة لاحنا معاك
نزلت بيدي من شعرها...لكتفها كبست عليها و جبدتها عندي...حطت راسها على صدري...تكيت راسي لتالي...نحكي
انا:لا بالعكس زينب...الدار هاذي كانت باردة برشا قبل ما جو ليها نتوما...اول مرة بعد سنين نحس انو دار هاذي فيها روح...و نحب نرجع ليها كل عشية
هزت يدها حطتها على صدري...كبست بيدها على سوريتي...تحكي
زينب:تعرف حاجة ادم...ولا مرة توقعت اني باش نقرب منك لهدرجة
انا:علاه
زينب:منعرفش...تي حتى كنت نخاف نقرب منك خطوة...ياسر عاقدها انت
انا:صااار...و انت يا فرخة كنت مستعدة ديما للهجوم...على هذاكا كنت نراك متوحشة
زينب؛هذيكا ردة فعلي ديما...يمكن هذيكا الطريقة الوحيدة اللي نجم ندافع على روحي بيها من الصغرة...كل مرة كنت نعمل اكاكا كيف يقرب مني ولد خالي ولا اي حد غيرو...كنت مستعدة نعمل اي شي المهم هو ميقربليش و ميحطش يدو عليا
كلامها رجعني بالزمان لتالي...رجعني للكلام اللي قالتو سوار...انا بيدي حطمت عيلة كاملة...و حطمت خويا زادة...تنهدت نحكي
انا:انا زادة مجرم كبير زينب...اكثر ما تتوقع زادة
زينب:لااا انت ماكش مجرم...مستحيل تكون هكا
كبست عليها بيدي...ونزلت بستها من راسها...نحكي
انا:شرايك تطلع لبيتك ترتاح شوية
زينب؛منحبش
انا:تحب تاكول شي
زينب:لا خليك هوني معايا
تبسمت على جنب...كيف كبست عليا اكثر...مصغرها الفرخة...ولا مرة توقعت اني...باش نوصل نقعد معاها هكا ولا نحضنها...اللي نحسو مع زينب غريب برشا...منجمش نقرب منها اكثر...و زادة منجمش نبعد عليها...ياسر نحسها صغيرة...و حتى هي ظلمتها دنيا من صغرها...اصلا ستانست بيهم في دار هوني...حتى السهرات و خدمات الليل قصيت عليهم...باش منخليهمش وحدهم اكثر..نعرف لاخر الثنية هاذي باش تكون مسكرة...اما يكفي اني نعيش اللحظات هذوما من غير ما نخمم شنوة اللي باش يصير غدوة
زياد يحكي:
نزلت من الكرهبة...البلاصة ياسر عاليا...قربت شوية نغزرلو واقف يغزر اللوطة وعاطي بالظهر...منعرفش علاه طلبني...ولا شنية يحب من اللقاء هذا...اما منجمتش نرفض طلبو...قربت منو بخطوات ثابتة ورزينة...وقفت قدامو بالقدا...غزرت للبحر اللوطة...امواجو ياسر عالية...الجو مغيم و ظاهر حتى الاخبار اللي باش نسمعها راح تغمني برشا...محاولتش نسألو ولا حتى نغزرلو...جيست واقف بحذاه...نستنى فيه يحكي و يفسر اللي يحاول يعملو...حطيت يديا زوز في مكاتبي...نسمع فيه يحكي
يعقوب:ستنيت نهار هذا برشا...و انت زادة...اما سوار سبقت بخطوة و كشفتني...على هذاكا باش يكون لقاءنا عادي برشا
انا:صدقني اخر حد تمنيت نراه هو انت...عمري ما حبيتك لا ورا الظلام اللي كنت عايش فيه ولا توا
يعقوب:عندك حق...حتى انا مخليتش فرصة لصلح بينا...اما في كل خطوة كنت نحاول نعاونك باللي نجم
انا:تعاوني ؟ انت معملتش الخير في بنتك و لوحتها حتى قبل ما جي لدنيا فاش قام حتى تعاوني انا
يعقوب:انا حبيت امها اكثر من اي حد في دنيا...و الحظ كان ضدي...حبيتها و انا معرس...حاولتها برشا تبقى معايا...خبرتها تعطيني فرصة اخرى و مانيش باش نخليها...اما عرست بعدنان...اختارت اقصر ثنية باش تبعد على كلام ناس...تعرف شمعناها ترى اللي تحبها حبلة و مع حد من صحابك...نظن جربت الاحساس هذا بالقدا...كرهتها وكرهت كلشي يخصها...سوار مش بنتي و منعتبرهاش اكاكا...هي باش تخلص الغلطة متاع امها...ياريتها سلمتلي بنتي من اول مرة...مكانتش باش تعيش اكاكا و لا توصل ليدكم...و لا كنت كرهتها لهدرجة
انا:اما تبقى بنتك...محقكش تسلم فيها مهما صار
يعقوب:انا مجيتش هوني على خاطرها
انا:ملا شتحب مني
يعقوب؛نظن اللعبة وصلنا لتالي...الجماعة الكل باش يتصدر قرار رسمي بالاعتقال في اقرب وقت...اما حرية ادم و سر امك...باش يبقى القرار عندي
انا:شقصدك
يعقوب؛باش نكون واضح...انت بين سر امك و انو ادم يخرج من اللعبة هاذي خط واحد...و خطوة وحدة تعملها بامر مني
حسيت بدني تكبس للحظة...صوت الامواج قوى اكثر...منعرفش علاه خفت من قرارو حتى قبل ما يقولو...خذيت نفس نحكي
انا:نسمع فيك
يعقوب:انت باش تعرس بمنى بنتي
دورت راسي مصدوم...غزرتلو...منعرفش كيف جا وجهي مع وجهو...مصدوم من كلامو لدرجة معادش نعرف اذا يحكي الحق و لا يفدلك...ضحكت باستهزاء نحكي
انا:صااار من ميرال لمنى...شنية حضرة جنيرال...انت تحبني لهدرجة باش متنجمش تستغنى عليا
يعقوب:المرة هاذي نحكي بالرسمي...والعرس هذا ماهوش باش يكون لعبة
انا:علاه منى بالظبط ؟ لشنوة تخطط انت ؟
يعقوب:منى هكا طلبت...و انت باش تربح حاجة لازم ضحي بحاجة اخرى...منى تحبك...حتى اذا مكانش حب قوي...باش يقوى حبكم مع الوقت
انا:صااار و بنتك لاخرى شعملنا فيها...ماك تعرفني نعشقها...و كان انت سلمت فيها...انا مزال حاجتي بيها...مفهوم كلامي و لا تحب نفهمك اكثر
يعقوب؛كان حبيتها لهدرجة...مكنتش باش تسلم فيها نهار عرسكم...صدقني سواار ماهيش باش تغزرلك مرة اخرى...هي كيف امها بالظبط...تفركس عالحل لي يريحها وكهو...و الدليل انها قبلت تتنازل عليك مقابل انها ترجع اسمها...ومكانتها بينا...يعني انت مقابل حياة الرفاهية اللي تحلم بيها...من غير سلاح...من غير خوف من اللي جاي...المرة هاذي خمت في روحها...و مفكرتش حتى انها جيب سيرتك...ولا تخمم في الحكاية
بقيت نغزرلو...قلبي نحسو باش يخرج من بقعتو...مستحيل سوار تعملها...مستحيل...تنهدت بالقاوي نحكي
انا:براافو حضرة جنيرال...طلعت محضر كلشي...ناقص كان تخبرني موعد العرس ملا
يعقوب:في الوقت اللي قاعد تجري وراها...هي تركح في امورها بعيد عليك وعلى ادم...هدفها تالي هارون...هي تحب تضمن حياة هادية بعيدة عليكم الكل...و انت زادة مع منى باش تعيش مرتاح...تعرف علاه خاطر وقتها تكون خذيت بحق امك
انا:معناها انت بطريقة تحاول تبيع بنتك
يعقوب:لا اما اللي تحبو بنتي باش يكون ليها
تبسمت على جنب...هزيتو وحطيتو...نحيت يديا من مكاتبي...عدلت الفاست نحكي
انا:لا انت و لا حد غيرك يحطني تحت امر الواقع...انا عملت الخطوة هاذي مرة باش نحمي سوار...اما توا معنديش شنية نخسر...اعمل لي تحب عليه...و لي قتل امو باش نوصلو بيك و لا من غيرك
كملت كلامي وعطيتو بظهري...اول ما مشيت شوية...وقفني يحكي
يعقوب؛كان رجعت في قرارك تعرف وين بلاصتي
مرجعتلوش ولا حتى تلفتلو...كملت مشيتي للكرهبة...اول ما ركبت طرت بيها...هزيت تليفوني نطلب فيها فرد وقت...اكثر من ثلاث مرات...لين هزت عليا...حكيت من غير ما نستنى حرف منها
انا:سواااار وينك توا
هارون:عندي
شديت الفران بالقاوي على صوتو...قلبي دق بالوقت...كبست عالفولون نحكي
انا:شيعمل تليفونها عندك...سوار وينها
هارون:سوار راقدة توا...ماهيش باش تنجم تكلمك
علق قبل ما نحكي حرف واحد...نزلت يدي مصدوم...نحاول نستوعب كلامو الساقط...و لهي بالحق عندو...معناها عملت لي في راسها ومشات ليه لدار...و ترقد عندو الفرخة...تحب تركبهالي بالسيف...ضربت يديا الزوز عالفولون بغزول نصيح...كان جات قدامي الا ما نخرج فيها غشي الكل...ونوريها شنية لقاعدة تعمل فيه...خدمت الكرهبة بغزول نحكي
انا:باهي يا سوار باهي...الا ما نوريك المرة هاذي
كبست عالفولون اكثر...نحس في وحي باش نطرشق...الا ما نوريها في هالليلة الكلبة...ونوريها شمعناها تبقى عندو في دارو
☆☆☆
بناااات باش نوضح حاجة...قتلكم من قبل و باش نعاود...منى معندهاش دور كبير...الكرونيك ساااييي قربت لنهاية...يعني في الحلقات الجاية زياد يعرف السر...و بالطبيعة مانيش باش نعاود حكاية ميرال و زياد...و خطوات في الكرو محسوبة...يعني الاحداث خممت فيها من قبل...جيست لازمني مراحل صغيرة باش ننتقل لنهاية...على هذاكا الحكاية متاع منى ماهيش مطولة...متستعجلوش الاحداث...تو تعرفو علاه هذا لي صار...على هذاكا متحطوش توقعات بعيدة برشا...خلوكم هنا برك 😙
شديت الفران بالقاوي...و نزلت نجري...منعرفش على روحي كيف وصلت قدام دارو...ندق في الباب و نعاود...حلي مصدوم يحكي
اسماعيل:زياااد لباس شبيك شصاار
انا:نحب على عنوان اكا الساقط توا
اسماعيل:شكوون
انا:هاارون
اسماعيل:علاه شصاار
انا:اسماعيل دبرلي عنوانو توا...مبعد سألني...باش نطرشق راني
اسماعيل:باهي ادخل ساعة
انا:منحبش...ياخي متعرفش وين يسكن
اسماعيل:صراحة لا...ولا مرة فكرت نسألو
عديت يدي على شعري بغزول ودخلت...سكر الباب وقرب مني يحكي
اسماعيل:اهدا و فهمني شصار
انا:يستفز فيا الساقط...¤¤¤¤¤ الا ما نوريه...انا يعلق في وجهي
اسماعيل:شفما بينكم يا راجل
انا:كلو جرايرها...قتلها رد بالك نلقاك معاه
اسماعيل:تحكي على دنيزز...نقصد سواار
انا:باش نجن يا اسماعيل...شتعمل عندو في الوقت هذا و في دارو زادة
اسماعيل:سبق الخير بلكشي الطفلة صرا معاها شي...و زادة مش انت كنت معاها...علاه خليتها وحدها
انا:هي حبت ترجع...وزادة الهم متاع الجنيرال طلبني
اسماعيل:شيحب
انا:نعرس بمنى
اسماعيل:شنننوة
انا:لي سمعتو
اسماعيل:تحكب بالرسمي انت...و شنية سبب
انا:منعرفش...والله ما عاد فاهم شي و لا من وين خرجتلي حكاية منى توا...اهم شي اني نلقى سوار مبعد نخمم في الباقي
اسماعيل:يمكن تلقى عنوان متاعو في المركز
انا:كنت غديكا ملقيتش معلومات عليه...كلها عند يعقوب الكلب
اسماعيل:بااهي اهدا...تو نلقاو حل
انا:حل شنية...كان تعدي ليلة في دارو...الا ما نهبل الليلة
اسماعيل؛نجمو نعرفو بلاصتو من تليفون سوار
انا:سكرو ¤¤¤¤¤¤
اسماعيل:من تليفونو
انا:معنديش نومروه
اسماعيل:نظن انا عندي...اهدا تو تتحل
انا:باهي
بقيت واقف في بلاصتي...نحس في راسي باش يطرشق...مستحيل نعديلها الفازة هاذي...عديت يدي على وجهي نهدي في روحي...منعرفش على حالتها كيفاه توا...خاصة بعد مخليتها تاعبة اكاكا...و من كلام الساقط متاع يعقوب عرفتو لهو كلمها...وندرا شقلها زادة...توا كهو استوعبت حجم الغلطة لي عملتها...رغم كلشي مكانش لازم نخليها وحدها...ولا حتى نغفل عليها...مكانش لازم نخليها في اخر لحظة و بالطريقة هذيكا...مهما صار كان لازم نتحمل نتيجة الخطوة لي عملتها...عالاقل مكانش يوصل يعمل فيها هكا...نعرف لهو بالخطوة هاذي يقصد باش يدمرها...اصلا اخر حاجة توقعتها يطلب مني نعرس بمنى...و يعرف لانا نحب سوار...منعرفش علاه يعمل هكا...و من شيرة اخرى تفكيري عندها...اصلا معادش نجم نلومها على شي...و معنديش حق نقولها شي بعد اللي عملتو فيها...هي تفركس عالحاجة اللي تريحها و كهو...ضربت يدي عالحيط...نستنى في اسماعيل يتصرف...و نطير عندها و اللي باش يصير خليه يصير
سوار تحكي:
نحل في عينيا بالسيف...نحس في راسي رزين برشا...نحاول نستوعب وين راني...وقت شفتو حط صينية عالطاولة استوعبت لانا في دارو...قرب مني قعد عالفوتاي بجنبي...هز يدو بعدلي خصلات شعري لتالي يحكي
هارون:لباس توا
هزيتلو براسي ايه...و هزيت روحي شوية تقعدت...تكا لتالي يحكي
هارون:سواار لازمك تاكول شوية
انا:م معنديش نفس
هارون:عالاقل شوية باش ترتاح
انا:مليحة هارون طمن
هارون:تحب شي اخر
هزيتلو براسي لا...برشا حاجات قاعدة دور في مخي...طلعت راسي شوية...غزرتلو...جات عيني مع عينو...خذيت نفس نحكي
انا:هارون...انت لتوا تلوج على لي قتل بوك مش هكا
هارون:مش وقتها الحكاية سوار
انا:انا نعرف القاتل
في لحظة ملامحو تبدلت...والدم هرب من وجهو...غزرلي ندرا كيف يحكي
هارون:ف فاش تحكي سوار
انا:انت طول عمرك تفركس على لي قتل بوك...اما محاولتش تعرف سبب
هارون:شقصدك
انا:تعرف حاجة هارون...احسن شي مش هو لي رباك...والا كنت باش تطلع ساقط كيفو بالظبط
عينيه وساعت...و عروق رقبتو باتو بالوقت...كبس على البونية متاعو يهدي في روحو..خذيت نفس و كملت كلامي نحكي
انا:طول عمري كنت نحاول نهرب من راجل امي...نهرب من نظراتو...و كلامو اللي ميتحملش...كنت نفركس على بابا باش نهرب منو...هكا عديت حياتي...اما كان هو قرب مني و لا حاول يغتصبني...كنت باش نعمل كيف ميرال ونقتلو
طلع راسو مصدوم...عينيه حمارو بالوقت...الكلام هرب منو...هزيتلو براسي ايه نحكي
انا:بوك حاول يغتصبها...طفلة صغيرة و حلات في عينو...هو سبب لي خلاها تدخل للمصح و تعيش هذا الكل...هي لقات الحل الوحيد باش دافع على روحها انها تضربو...يمكن مكانتش ناوية تقتلو...اما هو لقى المصير لي يستحقو...هو من الاول عرس بامها على خاطر الفلوس...اما ضيع طفلة معندها حتى ذنب...متكونش كيف زياد...متحاولش تغطي الغلطة متاع بوك...بانك تنتقم من ميرال...انا زادة نكرها و كنت نجم نخبرك من قبل...اما هي متستحقش هذا الكل...يكفي اللي عملو فيها بوك و زياد...متغلطش و تحاسبها انت زادة
هز يدو ترعش عداها على وجهو...باقي في بلاصتو من غير حتى كلمة...منعرفش شنوة باش يجي منبعد...منعرفش كيفاه راح يتصرف...اما كان لازمو يعرف الحقيقة...طلعت راسي شوية نغزر للفرد لي حاطو جنب مفاتحو و تليفونو...تنهدت نحكي
انا:يا ريت زياد وقف معايا...يا ريت حبني لدرجة انو ميخلينيش كيف يعرف الحقيقة...حقيقة انو ادم اغتصبني...اني خسرت كلشي جرايرو هو...حتى حد ما حب يصدقني و لا ياقف معايا...لا بابا و لا حتى زياد...انت كهو لعطيتني يدك...متحاولش تكون كيفهم...اذا مقتلتش ميرال هذا ميعنيش انك مخذيتش حقك بالعكس...انت بالطريقة هاذي تكون خذيت الثنية الصحيحة صدقني...عمرك ما تحاول تنتقم من حد ما عندو حتى ذنب في الحكاية...متكونش كيفهم باهي...انت باش تبقى كيما انت...خاطر انت كهو لي نجم ناثق فيه
هارون:شقصدك
انا:هارون نعرف لانت مغشش مني توا خاطر مخبرتكش من قبل...اما ميرال زادة مظلومة كيفي بالظبط...سامحني امانك...نعرف معنديش حق نخبي عليك...اما هذا لي ريتو صحيح...على هذاكا متحملش عماد اي شي انا غلطت فيه
هارون:شمدخل عماد
انا:عماد امانة عندك...اذا صارلي شي رد بالك تخلي اي حد يأذيه...و متقولش وين بلاصتو لحد...حتى زياد...كلشي نملكو...بالاصح لي ملكتو من اللعبة هاذي الكل...حطيتو باسمو...ماهوش باش يحتاج حد جملة
هارون:فاش تحكي سوار...انت تنجم تهز خوك وتبعد من هوني...عندك فرصة انك تبعد جملة
انا:لا فات الحال عالكلام هذا
هزيت يدي حطيتها على كرشي...تنهدت بالقاوي...نحكي
انا:ميسالش جيبلي كاسة ما
هزلي براسو باهي...هز روحو وقف بالسيف...حسيت قداش كلامي هدو...نعرف لهو باش يخمم في الحكاية و ماهوش باش يقرب من ميرال...كان لازم يعرف معدن بوه من الاول...لازمو يعرف الحقيقة باش مترصالوش يتعذب سنين اخرى على جالها...اول ما بعد...لبست الكعب...هزيت تليفوني والفرد...و مفاتح كرهبتو...و هزيت روحي بالزربة...خرجت من الدار...قبل ما يرجع...حليت باب الاصونصير...كبست عالفرد في يدي...و كلام كل حد فيهم يتعاود في مخي...بابا و ادم و حتى زياد...اول ما ركبت في الكرهبة...سمعت هارون...يعيط عليا...مشيت من غير ما نرجع في قراري...نسوق و كلامو في اكا الليلة الخايبة يتعاود في مخي...كلشي بدا من اكا الليلة...انا خسرت كلشي ليلتها شرفي و عيلتي...و لتوا باقي تبع فيا...بسبب اللي صار مزلت باش نخسر برشا حاجات اخرى...و حتى حد ماهو باش يتقبلني في حياتو...على هذاكا هو اول حد لازمو يخلص اللي عملو...شديت الفران بالقاوي...اول مرة منخافش و منخممش مرتين...من اللي باش نعملو...كبست عالفرد في يدي و نزلت...مش حاط حتى راجل بحذا الفيلا...عندو حق حتى حد ماهو باش يقرب منو...يكفي هو اللي يعمل كلشي...خذيت نفس وقربت من الباب...هزيت يدي ندق بالقاوي...المهم انو يفتح وكهو...حبست كيف الباب تحل...جات عيني مع عينو...شعرو داخل بعضو...دايخ بالنوم...حسيت بغصة واحلة في حلقي...كل مرة نكرهو اكثر و اكثر...غزرلي مستغرب يحكي
ادم:سوااار
باقي يغزرلي مستغرب...وخر لتالي...من غير ما ينزل راسو...عقد حواجبو يحكي
ادم:شبيك...شصاارلك باش جيت نص الليل
قربت خطوتين...هزيتو و حطيتو...كبست عالفرد في يدي...و هزيتو في وجهو...من غير حتى كلمة...غزرلي مصدوم...منعرفش قداش تعدا وقت نغزرو لبعضنا...قص علينا صوت زينب لي خرجت من الصالة...حتى هي صوتها بالنوم
زينب:اادددم شفما شكون لي جا
شهقت و حطت يدها على فمها مصدومة...تلفت شوية هزيتها و حطيتها...ورجعت غزرتلو نحكي
انا:براافو ادم...ظاهر فما حب جديد في الساحة مش هكا زينب
زينب:س سوار فاش تعمل
انا:شنوة ادم محكيتلهاش لي صار...و لا باش يبقى سرنا الصغير...السر اللي على خاطرو انا خسرت كلشي...حتى زياد خلاني على خاطرك...انت سبب في كلشي...انا بسببك ما عاد عندي حتى شي...شنوة ذنبي انا اه...علاااه عملت فيا هكا...علاه ادم احكي...شبيك ساااكت...علاااه ما عملت حتى شي لتوا...علااه مقتلوش لانا معندي حتى ذنب في الحكاية...علااه كل حد فيكم يحب يعاود حياتو على حسابي...انت و بابا و حتى زياد...حتى هو باش يبدا حياة جديدة كيفكم...اما لا...مانيش باش نسمحلكم...مستحيل...كل حد فيكم يخلص اللي عملو...و انت اول حد...انت اول حد لازمك تموت
بقى واقف في بلاصتو يغزرلي من غير حتى كلمة...جيست يغزر لوجهي...اول مرة نرا النظرة هاذي في عينيه...دور راسو شوية غزر لزينب...كانو يعتذر منها...ملا شبيه منجمش يطلب مني اني نسامحو...علاه انا بالظبط...حد ما ينجم يتنازل على خاطري...هزيت يدي لاخرى...ركحت الفرد...تلفتلي بالوقت...ضحكت باستهزاء نحكي
انا:وقتك وفا...و انتقامك الكل طاح في الما...رغم اللي عملتو الكل...انت موصلت لشي...الرصاصة اللي هوني...باش تخلص فيك حق صياحي في اكا الليلة...كلامي لي كنت نترجا بيه فيك...دمي اللي خليتني غارقة فيه...انك تموت من غير ما توفي بوعدك لمرتك...كافي باش يخليك تحس اللي عيشتني فيه
كبس عالبونية متاعو...و هو يغزرلي...تنهد بالقاوي يحكي
ادم:عندك حق انا غلطت برشا في حقك...صدقني ندمت على كلشي عملتو...مانيش باش نمنعك تعمل اللي جيت على جالو...اما امانك سوار...حاول تسامحني...خاطر منحبش نهز ذنبك معايا
انا:هههههههههههه تطلب مني نسامحك ياخي...باهي تنجم ترجعلي شرفي...تنجم ترجعلي امي...تنجم ترجعلي حياتي...تنجم ترجعلي زياد انت
نزل راسو...ورجع طلعو فيسع...خذا نفس طويل...من غير ما يحكي...تبسمت باستهزاء نحكي
انا:ريت ماكش باش تنجم ترجعلي شي...حتى شي من اللي خسرتو...حتى زياد ماهوش باش يرجع...تعرف علاه...خاطرو اختارك انت...عندو حق بعد كلشي...شكون باش يقبل يعرس بطفلة اغتصبها خوه
عالكلمة شهقت زينب وصلتني...غمضت عينيا بالقاوي ورجعت فتحتهم نحكي
انا:ريت زينب هذا لي تحبو انت...اغزرلو مليح...هو لي دمرني هو لي وصلني لهوني...و مستعد يعمل اي شي باش يوصل للي يحب عليه...خبرها ادم...اقلها كيف خطفتني...احكيلها كيف اغتصبتني و قداش ترجيتك باش تسيبني...تعرف حاجة زياد كان يقولي لهو باش يخلي اللي عمل فيا هكا...يركع قدام ساقيك...اما كيف عرف لانت عملت هكا خلاني انا لي نطيح على ساقيا زوز...على هذاكا كرهتك اكثر...خاطرك في تالي انت طلعت الضحية...و انا المذنبة
هزيت يدي مسحت دمعتي...نسمع في زينب تحكي
زينب:س سوار امانك...رد بالك تغلط...امان
مسمعتهاش جملة...بقيت نغزرلو...هزلي براسو باهي...و هذاكا لي قهرني اكثر...حتى الموت مخافش منها...يحب يتهنى من العذاب هذا و يلحق مرتو...خذيت نفس...باش نكبس عالزناد...قص عليا صوت اول مرة نسمعو...طلعت راسي نغزرلها...واقفة في نص دروج تصيح
ملاك:ب با با...بابااااا
تلفتلها مصدوم...قلبي دق بالوقت...و انا نغزرلها...شعرها داخل بعضو...ظاهر فاقت مفجوعة من صياحي...باقي واقف في بلاصتو مروهج...متلفتليش جملة...قربت منو تجري...حملاتو من ساقو...كبشت فيه بيديها زوز...و نفس الكلمة في فمها...طلعت راسها غزرتلي ندرا كيف...كلمتها اللي ظاهر قالتها اول مرة...نظرتها ليا كره مخلط بخوف...خلاتني نزل يدي شوية شوية...و انا نغزرلهم...نزل عندها شوية...قعد على ركبة و نص...هز يدو ترعش...عداها على وجها...يحكي
ادم:ملااك يا روحي...كيف نطقت انت
ملاك:ب با با
باقي يغزرلها مصدوم...قربت منو حضناتو بالقاوي...من غير ما تحكي حتى كلمة اخرى...حط يدو على ظهرها...و باسها من راسها...خذا نفس من ريحتها يحكي
ادم:ملاك صغرونتي...هاذي احلى كلمة سمعتها في حياتي كانت منك...مانيش باش ننساها جملة
كبس عليها اكثر باسها من خذها...و جبد روحو منها...وقف يحكي
ادم:زينب هزها لفوق...و متخليهاش تنزل مهما صار
هزتلو براسها لا و كبشت في ساقو اكثر تبكي...و دز في زينب بيدها...اللي حتى هي داخلة بعضها...غزرتلي ندرا كيف و لفتت وجها...في لحظة وليت زادة انا الخايبة و هو اللي عندو حق تبسمت على جنب...نحكي
انا:صحة ليك...لقيت شكون منعك ليلة زادة
بقى يغزرلي من غير ما يحكي حرف...قربت منهم بخطوات ثابتة...وقفت قدامو بالظبط...طلعت عندو شوية...قربت من وذنو نحكي
انا:انت منعت من الموت...اما باش تبقى تعاني منها...انت باش تموت كل يوم و كل ليلة...خاطرك مستحيل توصل لشكون قتل مرتك...السر هذا باش يموت معايا ادم
جبد روحو مني...عينيه وساعت غزرلي مصدوم...تبسمت على جنب وكملت نحكي
انا:هذا باش يكون احسن انتقام ليك...انك تعيش في الجحيم هذا حياتك الكل
وخرت خطوة لتالي بعدت عليه...نزلت راسي نغزر لملاك...هزيت يدي حطيتها على شعرها...فرحت برشا لسمعت صوتها...هي متعلقة برشا بادم...مانيش باش نخليها تتعذب جرة اللي صار...و تكون هي زادة ضحية...جبدت روحها...تخبات وراه...غمضت عينيا بالقاوي ورجعت فتحتهم...خذيت نفس وطلعت راسي غزرت لزينب...تبسمتلها بالسيف...غزرتلها نحبها تسامحني على كل غلطة عملتها في حقها...وخرت لتالي اكثر...غزرتلهم لاخر مرة...وتلفت عطيتهم بظهري...رخفت يدي طاح الفرد عالارض...رغم الغصة اللي حاستها في حلقي...اما بكيتش...يمكن هذا باش يكون احسن انتقام لادم...انو يعيش حياتو الكل و هو يفركس على القاتل لهو قدام عينيه...اول ما حطيت ساقي لبرا...تنهدت بالقاوي...منجمتش حتى نرجع للكرهبة...باقي نمشي و كهو...من غير ما نعرف وين انا ماشية بالظبط...حتى الهوا اللي يضرب في ووجهي نحسو يخنق فيا...تفكيري نحسو ضاع...بعد نهار اليوم...تأكدت لانا خسرت كلشي...و تأكدت زادة انو كل حد فيهم ينجم يبدا حياة جديدة بعيد على لي صار...كل حد فيهم ينجم ياخو فرصة اخرى مت الحياة كان انا...رجعت راسي لتالي...نحاول نلم قوتي باش نكمل ثنيتي...حسيت بمغص في كرشي خلاتني نكبس عليها بيديا الزوز...نمشي من غير ما نعرف الوجهة متاعي المرة هاذي...و من غير ما نخمم في اللي مزال باش يصير
الحلقة 144
ساعات تعدات و انا نمشي...محسيتش بالثنية و لا بالتعب...الجو بارد مش نورمال...الدنيا فارغة...نغزر لكل دار جي على عيني...منعرفش علاه انا منجمش نمشي لدار هذيكا...شبيني انا زادة منجمش نرجع...علاه حاسة انو بين ناس هذوما الكل...معنديش وين نمشي...وقفت كيف لقيت روحي قدام المقبرة...خذيت نفس طويل ودخلت...كلشي نخمم فيه توا...اني نوصل عند امي وكهو...تبسمت كيف جات عيني على قبرها...قربت منو بالزربة...قعدت على جنب...نهار بدا يطلع...نسمة باردة عاللخر...هزيت يدي عديتها على ترابها...اول مرة نقعد هوني مرتاحة...تبسمت نحكي
انا:اخيرا لقيتو...تعرف على شكون نحكي مش هكا...علاه كذبت عليا انت زادة امي...علاه قتلي وقت تلقى بوك...باش تتهنى من المعيشة هاذي...هوكا طلع اسقط واحد فيهم...هو زادة يحب يبعدني على زياد...يحب على منى تعرس بيه...منى اختي امي...هو معطانيش فرصة حتى اني نعرفهم...حتى ولدو زادة ريتو كان في صور...هو حرمني منهم...و باز زياد باش يوافق على منى...حتى هي محلاها و تتحب زادة...صحيح منحبهاش اما تنجم تاخو بلاصتي عند زياد...عالاقل معندهاش ماضي كيفي...و هو مع الوقت باش ينسى لي صار...اول ما ياخو بحق امو...هو باش يكون مليح متاكدة
غمضت عينيا بالقاوي...نحاول حتى انا نتقبل لي نحكي فيه...هزيت يدي عديتها على خدي مسحت دمعة هربت مني...تنهدت بالقاوي...وكملت نحكي
انا:م ملاك حكات لاول مرة زادة...صوتها ياسر محلاه...تمنيت كان نجم نبقى معاها اكثر...اما حتى هي معادش تحبني...هي باش تكون مرتاحة مع زينب و ادم...باش تكون عندو فرصة يصلح لي عملو فيا...منجمتش نقتلو امي...على خاطر ملاك و زينب انا منجمتش نعمل هكا...هوما زادة تعذبو برشا في حياتهم...ادم هو فرصتهم في الحياة هاذي...هو كهو اللي ينجم يحميهم توا...و ميرال...ميرال زادة تكون سافرت لبعيد...حتى هي عندها حق تبدا من جديد بعد االي صار فيها...و متأكدة لي هارون ماهوش باش يأذيها...صدقني هو باهي برشا...هو اكثر حد وقف معايا من غير مقابل
خذيت نفس طويل...كبست بيدي على ترابها...و تبسمت نحكي
انا:تستنى فيا نخبرك على عماد مش هكا امي...هو باش يكون مليح...عماد قوي برشا صدقني...انا خليتلو كلشي...ماهوش باش يحتاج حد جملة...و هارون ماهوش باش يخليه جملة...متأكدة اللي باش يبقى معاه و يعاونو ديما...حتى زياد ماهوش باش يأذيه...عالاقل على خاطر لي كان بينا...باش يحاول يحميه...الكل باش يكون مليح امي...كلشي باش يتصلح...ويرجع لوضعو...اذا انا بعدت عليهم...الكل باش يرتاح امي
نزلت على قبرها اكثر...حطيت راسي على ترابو...دموعي نزلو و تغلغلو على ترابها...صوتي تخنق و انا نحكي
انا:انا باش نجي عندك...انت كهو لتنجم تفهمني...انت كهو لماكش باش تلومني على حتى شي امي...انا باش نرتاح معاك انت كهو
غمضت عينيا من التعب لي حسيتو...و باقي نحكي فرد وقت
انا:معاك باش نكون مليحة...متخافش حتى حد ماهو باش يسأل عليا...الكل باش ينساني مع الوقت...و حتى انا معاد باش نذكر حد...كلشي باش يوفا امي...احنا وصلنا لخط نهاية...و اخيرا باش نتلقاو...باش نكون معاك مرة اخرى
تبسمت بين شفافي...نحس في راسي رزين برشا...و غلب عليا النوم...منعرفش كيف هزني نوم و غفيت
ادم يحكي:
بقيت نشيع في سوار...لين خرجت من دار...فقت من سرحتي...بيدين ملاك لي تحاول فيا باش نغزرلها...دورت راسي شوية جات عيني في زينب...وجها اصفر مش نورمال...منجمت نحكي معاها شي...نحس الكلام الكل هرب مني...و معندي حتى حق نفسر اللي عملتو...غزرتلي ندرا كيف...اول مرة نرا نظرة اللوم في عينيها...جيت باش نحكي...قصت عليا...كيف عطاتني بظهرها وطلعت تجري...تنهدت بالقاوي...و نزلت راسي نغزر لملاك...لي شهقاتها ماشية و تعلى...مكبشة في ساقي بكل قوتها...جبدت روحي منها شوية...و نزلت عندها...هزيتها في حملتي...عنقتني بالقاوي...عديت يدي على شعرها نحكي
انا:شششش يزييي انا معاك توا
هزتلي براسها لا...نحس في دموعها ماشية و تقوى على رقبتي...خذيت نفس و طلعت لبيتي...قعدت و جبدتها شوية...نمسح في دموعها و نحكي فرد وقت
انا:ملاك...يا روحي ما صار شي...سوار حبت تلعب معانا كهو...انسى لي ريتو جملة...هي باز مكانتش باش تبكيك
بقات تغزرلي ندرا كيف...باقي تشهق...خذيت نفس نحكي
انا:معادش تحبها سوار انتي
ملاك:ممم
انا:نسيت شعملت على خاطرك...ياخي توا معادش تحبها...صدقني سوار تحبك برشا و ماكنش قصدها تعمل هكا...منحبكش تتغشش منها باهي
هزتلي براسها ايه...و نزلت تكات على صدري...بقيت نعدي في يدي عليها نهدي فيها...و نحكي
انا:عيش بنوتي لي تسمع الكلام
ملاك:ب با با
تبسمت بالوقت...محلاه صوتها...هو لي عطاني حياة جديدة...قد ما ستنيتها تحكي...متوقعتش لهاذي باش تكون اول كلمة تقولها...كبست عليها بيدي...و نزلت بستها من راسها نحكي
انا:يا روحي...انتي اغلى حاجة عندي...عمري ماني باش نسلم فيك...و منحبكش ترجع تسكت جملة باهي
كبست على سوريتي بيدها...حضنتني اكثر...و سكرت عينيها بالوقت...حتى هي تاعبة و مفجوعة من اللي صار...شوية و غفات...نزلتها من حملتي حطيتها عالسرير...و بستها من خدها...حطيت الغطا عليها...خذيت نفس و خرجت من البيت...قربت من بيتها بخطوات مترددة...منعرفش اصلا علاه مشيت عندها...وقفت بحذا الباب...صوت شهقاتها واصلين عندي...و هي محضنة روحها في وسط السرير...خذيت نفس و قربت منها شوية...قعدت على طرف السرير...هزيت يدي بالسيف...حطيتها على شعرها...جبدت روحها شوية...تنهدت نحكي
انا:قتلك لانا زادة مجرم...انا زادة غلطت برشا...و خلصت حق لي عملتو...في بالي بالطريقة هذيكا نجم ناخو حق مرتي...مرتي لي ماتت و هي حبلة...ا اغتصبوها...و قتلوها زادة...في لحظة حياتي تقلبت...معادش نعرف صحيح من غالط...و اي قرار كانت باش تاخو سوار مكنتش باش نمنعها...انا خسرت كلشي و توا خسرت اخر شي يوصلني لي كان سبب في كلشي
هزت روحها شوية...تقعدت وتلفتت عندي...مسحت دموعها بكف يدها...و غزرتلي ندرا كيف تحكي
زينب:س سوار ما عندها حتى ذنب...معندكش حق تعمل فيها هذا الكل...انت ماكش باش تعرف شنية لي قاعدة تحس فيه توا...احساس خايب برشا...متوقعتش جملة انو هي موجوعة من الشي لي عديت حياتي هاربة منو...كل حد فينا وجعها بطريقتو...انا زادة منجمتش ندافع عليها قدامك...خفت برشا...خفت انها تقتلك...اصلا حد ما ينجم يلومها...توا استوعبت علاه زياد خلاها نهار عرسها...هو زادة معندوش حق يتصرف هكا...كان لازم يلومك انت...كان لازم يبعد عليك انت مش عليها...علاه عمل هكا...علاه حتى حد فيكم ما خمم فيها
صوتها ماشي ويعلى..دموعها نزلو اكثر...هزين يدي...جبدتها عندي بقوة...جات في حملتي...كبست عليها نحكي
انا:نعرف هذا الكل...وراسك نعرف...صدقني ندمت على كلشي عملتو...لوجت عليها من قبل...اما مجاش لبالي تكون دنيز نفسها سوار...هي كهو طلعت الضحية بينا...صدقني باش نحاول نعمل لي نجم عليه باش تسامحني
جبدت روحها شوية مني...طلعت راسها غزرتلي...تحكي
زينب:احكي مع زياد...خليه يرجعلها...هي تحبو برشا...صدقني سوار متنجمش تعيش من غيرو...هو لازمو يتصرف...لازم يعمل شي و الا سوار باش تضيع جملة
هزيت يدي حطيتها على خدها...نمسح في دموعها و نحكي فرد وقت
انا:زياد من بكري هكا...كيف يتغشش معادش يتحكم في تصرفاتو...صدقني هو يحبها...كيف يهدا باش يرجعلها...باش يعرف الغلطة متاعو...لهي غلطتي بالاساس...هو ماهوش باش يسلم فيها بالساهل...اصلا فكرة لسوار باش تكون لحد غيرو تخليه يجن...صدقني زينب كلشي باش يكون مليح...مش توا مبعد...اما كلشي باش يتصلح مع الوقت
بقات تغزرلي ندرا كيف...كبست بيدي على وجها...و نزلت بيها لرقبتها...جبدتها عندي...رجعت حضنتها...منعرفش علاه قاعد نفسرلها في هذا الكل...اما معاد نجم نخسر حتى حد بعد توا...كبست عليا بيديها زوز...هزيت يدي غرستها في شعرها...نسمع فيها تحكي
زينب:مانيش باش نلومك على شي...اما لازمك تتصرف ادم...امانك اعمل حاجة...سوار اختي و منجمش نراها تتعذب لهدرجة...صدقني منجمش نخليها وحدها
انا:باهي زينب...صدقني باش نعمل لي نجم عليه...و كلشي باش يكون مليح
زينب:باهي
انا:ارقد توا و انسى لي صار الكل
حسيت بالنفس متاعها ماشي و يهدا...حتى هي تاعبة برشا...و اللي صار فجعها...بقيت نعدي في يدي على شعرها لين رقدت...نزلتها من حملتي شوية شوية...حطيتها عالسرير...نزلت بستها من راسها...ورجعت لبيتي...غزرت لملاك غاطسة في نوم...تبسمت ودخلت للبيت البانو...حليت الما على راسي...الاحداث الكل تتعاود في مخي...كبست بيدي عالحيط...كل يوم نندم اكثر...كل يوم نكره روحي اكثر...كل يوم و كل ليلة نستوعب حجم الغلطة اللي عملتها...انهيار سوار اليوم...خلاني عاجز قدامها...حتى الكلام باش نبرر لي عملتو ملقيتش...نبقى انا المذنب الوحيد فيهم...نبقى انا سبب في كلشي صار...انا ضيعت طفلة صغيرة...ضيعت عيلة كاملة و خويا معاهم...لتوا منجمش نستوعب اني خسرت زياد جملة...مستحيل...غمضت عينيا بالقاوي...صورة حنان تعدات قدامي...ذكرياتي معاها من الصغرة...ما نسيت حتى تفصيل منها...ذكريات خلات دموعي ينزلو...و يتخلطو مع الما...اللي نازل عليا...كبست على يدي اكثر...خذيت نفس نهدي في روحي...سكرت السبالة...وخرجت...بدلت دبشي...و مشيت ترميت بحذا ملاك...نغزر لسقف...نخمم في اللي جاي...و شنوة اللي مزال باش يصير...و لا كيفاه باش نتصرف...نحس كلشي تسكر في وجهي...ملاك و زينب لي عطاوني رغبة في حياة جديدة...و لا اني ناخو خطوة جديدة بعيد على الانتقام...تنهدت بالقاوي...وسكرت عينيا...و تفكيري الكل عند سوار...و كيفاه باش نصلح اللي صار
زياد يحكي:
نزلت من الكرهبة بالزربة...منعرفش على روحي كيف لقيت روحي...بحذا باب دارو...مصدقتش كيف لقيت عنوانو...هزيت يدي نضرب عالباب باش نهدو...اول ما حلها...هديت عليه...شديتو من سوريتو و دزيتو لتالي نحكي و نصيح
انا:وويينها...وين سوااار يا ساااقط
هز يديه زوز كبس على يديا...جبد روحو مني بالقاوي...هز يدو ضربني بونية على وجهي...رجعتهالو قبل ما يحكي...قحرلي يصيح
هارون:توااا ذكرتها سواار...توا عرفت الثنية الصحيحة
دورت عينيا عالدار...نغزر للغطا طايح عالارض...الماكلة مزالت كيما حطها...ضيقت عينيا نحكي
انا:سوار وين ؟
هارون:منعررفش
انا:¤¤¤ شتقصد متعرفش مش هي كانت عندك
هارون:و انت شتحب منها سوار
انا:صااار...متحبش نكتبلك تقرير رسمي...نسأل فيك جاوبني سوار وين ؟
هارون:مشااات عندها برشا
انا:اغزرلي هوني كان تطلع تكذب...ما تلوم كان روحك
1
هارون:وفر تهديدك هذا...في انك تبدا تفركس عليها...سوار هزت الفرد و مفاتح الكرهبة و خرجت...حاولت نوصللها اما منجمتش
حسيت دم جمد في عروقي من كلامو...هزيت يدي في وجهو نحكي
انا:نورمال انت تخليها تهز الفرد معاها
هارون:علاه جديدة عليها...بربي زياد معادش تلعب دور الخايف على حبيبتو...كان عينك في سوار مكنتش باش تخليها...مكنتش باش تمشي نهار عرسك...و توجعها بالطريقة هذيكا...ابعد عليها احسنلك...صدقني هي رايضة بلا بيك...و انا معاها في كلشي تعملو...و صدقني يا زياد...كان فكرت تمس شعرة منها...وقتها انا لي باش نقتلك
كبست عالبونية متاعي...نهدي في روحي باش مننطرش عليه...تنهدت نحكي
انا:سواار لي تحكي عليها تابعة ليا...مهما صار و مهما باش يصير باش تبقى ملكي...و مش انت لتحميها مني مفهوم
هارون:فات الفوت زياد...الحق عليها كان نجمت...اما صدقني هي مستحيل تسامحك مرة اخرى
هزيتو و حطيتو...و خرجت من عندو بالزربة...هزيت تليفوني نكلم فيها...باقي مسكر...حليت باب الكرهبة و طرت بيها...باقي نكلم فيها...مشيت لدارها عرفت لهي مرجعتش لتوا...ضربت يدي عالفولون بغزول...ورجعت طلبتها...عينيا وساعت كيف عرفتها حليت تليفون...باقي نستنى فيها ترد...اما علقت في وجهي...ورجعت سكراتو...فهمت اللي هي متحبش تحكي معايا...عديت يدي على وجهي بغزول...تكيت راسي لتالي...معادش نجم نخمم...و لا نعرف شباش نعمل...اهم شي عندي توا...اني نطمن لهي مليحة...بعدها كلشي باش يتحل مع الوقت
عديت الوقت داخل الكرهبة...نغزر للكراهب لي رايحيين و جايين...معادش نعرف في شنوة نخمم بالظبط...منعرفش اذا هي بالطريقة هاذي تعاقب فيا ولا بالحق تحب تبعد...كلام هارون باقي يدور في مخي...لتوا نفكر في الفرد لي هزاتو معاها...تكيت راسي لتالي...نغزر لنهار لي بدا يطلع...نحس في روحي تهديت...معادش نجم نفكر...نحس في راسي باش يطرشق...تنهدت بالقاوي...و خدمت الكرهبة...منعرفش كيف لقيت روحي بحذا المقبرة...البلاصة الوحيدة اللي تنجم تهديني توا...امي كهو لي نجم ناخو منها قوتي...حليت الباب و نزلت...نمشي بالسيف...الجو بارد مش نورمال خاصة ليوم...وقفت بحذا قبرها بالظبط...منعرفش قداش تعدا وقت و انا نغزرلو...كلشي تعدا بين عينيا كيف الحلمة...تمنيت للحظة اني نرا امي مرة اخرى...انها تخليني ناخو قوتي من كلامها...حتى سوار فقدتها في لحظة ضعف...في لحظة استسلام للماضي...و كلشي صار هي معندهاش ذنب فيه...غمضت عينيا بالقاوي...كيف حسيت بخطواتها ورايا...ريحتها لي مهما صار منجمش ننساها...قلبي دق بالقاوي...مستحيل تكون هوني...مستحيل نكون نستخايل فيها...نغزر لقبر امي...و فرد وقت نحاول نستوعب اللي بالحق ورايا...فيقني من سرحتي صوتها...تحكي باستهزاء
سوار:اوووه انت هوني ملا
خذيت نفس طويل...و تلفت عندها شوية شوية...جات عيني في عينها...تتبسم ندرا كيف...هزيتها و حطيتها...حالتها داخلة بعضها...شعرها مغطي شطر وجها...حالتها خلاتني باهت فيها...لدرجة منجمت نحكي حتى حرف...قربت مني خطوة...غزرت لقبر امي و طلعت راسها...غزرتلي ندرا كيف...تبسمت على جنب تحكي
سوار:غريبة...زعمة انت عندك تاقف هوني
ضيقت عينيا...نحاول نفهم اللي تحكي فيه...هزتني و حطتني بنفس الابتسامة متاعها تحكي
سوار؛تصدق انت احقر واحد عرفتو في حياتي...كيف مزال عندك وجه انك تاقف هوني...اغزر مليح زياد...اطلع هوني موجودة امك
نزلت راسي شوية نغزر ليدها لي تشير بيها لقبر امي...و كملت كلامها تحكي
سوار:امك لي انت قتلتها
2
للحظة حسيت كل قطرة متاع دم جمدت في عروقي...متوقعتش باش نسمع الجملة هاذي منها...طلعت راسي مصدوم نغزرلها...متحركتش من بلاصتها...في لحظة ضحكتها تمحات...و نظرة حقد بانت فيها...قربت مني اكثر من غير ما تنزل راسها تحكي
سوار:شبيك تصدمت...ماك انت ديما سبب في موت الناس اللي تحبها...امك...ولدك انت زادة قتلتو بانانيتك...و سوار زادة...كل حد يقرب منك تتعمد انك تقتلو...ملا علاه تندم مبعد...حتى حد فيهم ماهو باش يرجع...علاه انت واقف هوني توا
كبست عالبونية متاعي...نحاول نهدي روحي قد ما نجم...كلامها صحيح انا سبب في موت كل حد فيهم...خذيت نفس نحكي
انا:سواااار
قصت عليا كيف هزتلي براسها لا...جبدت تليفونها...تحكي
سوار:انت باش تسمعني كهو...خاطر بالحق معادش نحب نراك جملة
غمضت عينيا بالقاوي...ورجعت فتحتهم جيت باش نحكي...اما حبست كيف ريتها تطلب في شكون...شوية و هز عليها...حطت مكبر صوت و قرباتو مني...نسمع في يحكي
يعقوب:سوااار
سوار:انا موافقة على لي طلبتو مني الكل
يعقوب:يعني
طلعت راسها غزرتلي ندرا كيف...و تبسمت على جنب تحكي
سوار:زياد باش يعرس بمنى مش هكا...و انا نحب ناخو منك لي حاجتي بيه الكل
يعقوب:متأكدة
سكتت شوية...بقيت نغزرلها نستوعب في اللي تعمل فيه...قدا ما حاولت نمنعها منجمتش...تبسمت تحكي
سوار:متأكدة
علقت عليه قبل حتى كلمة اخرى...و نزلت يدها تحكي
سوار:ريت حتى هذا منجمتش تمنعو...لتوا مزلت تحب على مصلحتك...و عرسك من منى باش يكون مصلحة...و اقصر طريق يوصلك لشكون قتل امك...ملا علاه انا زادة متطلعليش حصة معاك و نرجع حقي...تعرف حاجة زياد...انت بعملتك هاذي رجعتلي كلشي نحلم بيه...عيلتي و مكانتي و برشا حاجات خسرتها من قبل...اما زعمة كان تعرس بمنى شتوصل للي تحب عليه...باش تلقى شكون قتل امك...لاااا
هزتلي براسها لا...ورجعت شعرها لتالي...هدات للحظة و كملت كلامها تحكي
سوار:لااااا حتى حد ماهو باش يقلك...خاطر كل لي دايرين بيك يلعبو في لعبة مسخة...و انت هدفهم الوحيد...كلهم يحبو يطيحوك انت...عرسك من منى لعبة مسخة يلعب فيها يعقوب...باش يخليك تحت عينو...فيق خاطر الما يمشي تحت ساقيك...الاقرب ليك قاعد يخون فيك...ذكر كلامي بالقدا..هذا كهو لي نجم نفيدك بيه توا...نعرف لانت ماكش باش تفهم...اما تو يجي وقت تفهم اللي قاعدة نقول فيه بالقدا...باش تفهم كلامي الكل و تفهم برشا حاجات...اما رد بالك تندم على شي باهي...انا باش نعطيك فرصة توصل لي تحب عليه...و تسكر الماضي بالكل...نظن وصلنا لتالي زياد...المرة هاذي انا لي باش نقلك رد بالك على روحك...و متأذيهاش منى باهي معندها حتى ذنب هي زادة ضحية بوها كيفي بالظبط
3
بقيت نغزرلها...انفاسي نحس فيها خنقتني...قربت منها خطوة وخرت لتالي...لفت روحها اكثر بالجيلي متاعها...و تعدات عليا...عطاتني بظهرها...تلفت بالوقت...نغزرلها ماشية و تبعد...وقتها كهو استوعبت لي صار...خالطت عليها نجري...لقيتها ركبت في الطاكسي و مشات...وقفت في بلاصتي...معادش نعرف اذا نفكر في كلامها لي قالتو و لا فيها...كلامها لي كان كيف الكف بالنسبة ليا...لثاني مرة موثقتش فيا...كيف فكرت لانا باش نعرس بمنى...كيف جا لبالها اني باش نعرس باختها...اني نخضع لجنيرال مرة اخرى...الاولى كانت على خاطرها...و مانيش مستعد نعاود عملتي راش نعرف شكون لي قتل امي...متأكد لهو خلاها تصدق الكلام هذا...رجعت للكرهبة بالزربة...و طرت للمركز...منعرفش على روحي كيف وصلت...دخلت بالزربة...عارضني اسماعيل يحكي
اسماعيل:زيااااد لقيتها ياخي
مرجعتلوش...كلشي في بالي اني نوصل عندو و كهو...طلعت الدروج في لحظة...دزيتو رجالو و دخلت...لقيتو باش يقعد عالبيرو...هز يدو خرجهم...قبل ما يحكي...نطرت عليه...شديتو من كول سوريتو...دزيتو لتالي...حطيت عينيا في عينيه نحكي
انا:كان يمشي في بالك بالطريقة هاذي تكون وصلت للي حبيت عليه...تكون غالط...سوار مانيش باش نسلم فيها...مانيش باش نخليك تقهرها...طول ما انا عايش انت ماكش باش تأذيها...صدقني كان تحاول تقربلها خطوة وحدة كهو...مانيش باش نرحمك
رخفت يديا عليه...ووخرت لتالي...اكثر حد نقمت عليه...و فديت منو...هزيتو و حطيتو مستحيل يكون بو...مستحيل...اهم شي عندي انو ميحاولش يقرب منها مرة اخرى...خذيت نفس و هزيت يدي في وجهو نحكي
انا:سوار ماهيش بحاجتك و لا بحاجة فلوسك...ابعد عليها احسنلك...لا عاد تكلمها و لا دور بيها...خاطر المرة هاذي مانيش باش نكتفي بالكلام...صدقني وقتها نحرقك
كملت كلامي...و هزيت روحي خرجت...نزلت بالزربة للبيرو اللوطة...نمشي و نجي...نحاول نوصل لحل يخرجني من هذا الكل...هزيت تليفوني بعثت ميساج لمنى...نحب نقابلها في اقرب وقت...هزيت روحي خرجت...شديت الثنية للشط...نزلت تكيت عالكرهبة...نستنى فيها توصل...شوية و نرا في كرهبتها...شدت الفران و هبطت...قربت مني...تحكي
منى؛زيااااد لباس ماهو
انا:لازم نحكو
عقدت حواجبها مستغربة و قربت مني...وقفت قدامي بالظبط تحكي
منى:شصاار ياخي
انا:حكى معاك بوك على حكاية العرس
منى:تقصد عرسنا
انا:صااار تعرف بالحكاية
منى:بابا قال لزياد يحب يكون معاك...و مش بعيد يطلبك...على هذاكا عندي فكرة على الموضوع
انا:باهي و تعرف لانا نحب سوار...سوار اختك
منى:في بالي الحكاية وفات
انا:ما وفا شي...انا مستحيل نسلم فيها...في الاخير باش نرجعلها...حياتي الكل محصورة بين سوار و الموت
منى:شقصدك
انا:الحكاية هاذي نحبك تنساها...انا و انت مستحيل نكونو مع بعض...انا منجمش نخمم في حد غير سوار...مستعد نهد لي فوقي و لي تحتي على خاطرها...ذكر كلامي بالقدا...و خلي بوك يبقى بعيد عليها...و ينحي الحكاية هاذي جملة من مخو...احسن ما الطرح يتقلب...و يخسر اكثر من اللي كان باش يربحو
منى؛لهدرجة تحبها انت
انا:مانيش باش نفسرلك اكثر من هكا...حط في بالك لي سوار بالنسبة ليا خط احمر...مستحيل نتساهل مع حد يخمم جرد تخمام انو يأذيها
منى:باهي...كان هذا لي يريحك باهي...انا مستحيل نفرض روحي على حد...صحيح انفعلت شوية...اما مستحيل نكون سبب في اني ندمر علاقتكم...و بابا انا باش نحكي معاه يسكر عالحكاية
انا:باهي عيشك
منى:باش نراك مرة اخرى مش هكا
انا:بالطبيعة
تبسمتلي ندرا كيف...قربت مني اكثر...سلمت عليا...وجبدت روحها لتالي...بقيت نشيع فيها لين هزت كرهبتها...تلفت نغزر للبحر...نخمم في اللي باش نعملو...كيف باش نحكي معاها...ولا كيف باش نخليها تسمعني...و فرد وقت نحاول ننسى الكلام اللي قالتو...منحبش نكون السبب في موت حد...الكلام هذا بالظبط يوجعني بطريقة غريبة...تنهدت بالقاوي...ورجعت هزيت الكرهبة...دريكسيون للمركز
4
سوار تحكي:
نزلت من الكرهبة...و تلفت نغزرلها ماشية و تبعد...تمنيت كان نجمت نحبسو مرة اخرى و يبعدني من هوني...قربت بخطوات رزينة برشا...طلعت راسي نغزر لدار...اكثر من ساعة تعدات و انا واقفة في نفس البقعة...منعرفش كيف باش ناخو الخطوة هاذي...و ندخلها مرة اخرى...خذيت نفس طويل...قربت من الباب بالسيف...لميت القوة اللي عندي الكل و حليت الباب...نفس الهدوء...نفس البرد...غمضت عينيا بالقاوي ورجعت حليتهم...دخلت وسكرت الباب بالقاوي...تكيت عليه نغزر لكل بقعة فيها...نحس قوتي الكل طاحت في الما...هزيت روحي بالسيف نكركر في ساقيا لصالة...رميت تليفون...و مفاتح الدار عالطاولة...و قعدت عالفوتاي...تسطحت...نغزر لشباك...هزيت يدي حطيتها على كرشي...صورتو بين عينيا...تمنيت كان تصرف ساعتها و قال لبابا مانيش باش نسلم فيها...و مستحيل نعرس بمنى...كان عندي امل لهو باش يتصرف اخر مرة على خاطري...اما لا زياد عمرو ما يتبدل...ديما اهم شي عندو مصلحتو و كهو...مستحيل يتنازل على خاطري...هو خلاني في اهم نهار في حياتي...يكفي باش نفهم لهو ينجم يخليني في اي لحظة و في اي وقت...ملا شبيني مزلت نلوج في عينيه على نفس النظرة اللي تخليني نرتاح...حاولت برشا اني نلقاها اما ضيعتها في نفس النهار...غمضت عينيا شوية شوية...و داخلي نعرف لكلشي باش يكون مليح...كلشي باش يرجع كيف الاول...تنهدت بالقاوي و غفيت...غفيت من التعب واللي تعدا على راسي...عديت يمات على نفس الحالة...من غير ما نخرج من دار...و لا نقابل حد و لا نحكي على حد...معاد عيني في حتى شي...دار هاذي كيف السجن بالنسية ليا...على هذاكا مانيش باش نسمح لحد يدخلها غيري...فقت الصباح على نفس الحالة متاع كل يوم...هزيت روحي بالسيف....قمت من الفرش...غسلت وجهي...تكيت بيديا عالرخامة...نغزر لروحي...هاذي مستحيل نكون انا...هملت روحي لدرجة معادش نعرف شكون انا...تبسمت باستهزاء...هزيت المنشفة...مسحت وجهي و نزلت اللوطة...دخلت للكوجينة...عبيت كاسة القهوة...و قعدت عالكرسي...نشرب فيها بالسيف...قص عليا صوت الميساج لي وصلني...رميت يدي هزيت تليفون قربتو ليا...اول ما شفت نومروه...عرفت لمخبيلي مفاجأة ورا الميساج هذا...خذيت نفس و حليتو...تبسمت على جنب و انا نرا في صورو مع منى...مرة عالشط و مرة في ريستو...كي العادة خمم في مصلحتو و كهو...على هذاكا من نهارتها معادش كلمني...و لا حتى سأل عليا...قص عليا سرحتي...صوت ميساج اخر من عند بابا يحكي...<< برااافو طلعت قد كلمتك و بعدت على زياد...على هذاكا باش يوصلك كلشي تحتاجو...و سفرتك باش تكون غدوة...باز ماكش تقعد باش تحضر عرسهم بعد غدوة...حضر روحك و اختار وين تحب تعيش...نستنى في ردك >> تبسمت و بعد تليفون لتالي.. هزيت كاستي و كملت شربت قهوتي...منعرفش علاه متصدمتش بالميساج جملة...كنت متوقعة لهو باش يعمل هكا...هزيت روحي شوية وقفت...غسلت الكاسة ورجعتها لبلاصتها...رجعت الكرسي كيما كان...ومشيت لصالة...ترميت عالفوتاي...وشعلت التلفزة...نقلب في القنوات...اصلا منعرفش شنوة لي قاعدة نعمل فيه بالظبط...حتى جرد تفكيري في لي صار مفكرتش...ولا حتى بكيت...و لا توجعت...نزلت راسي شوية نغزر للخاتم...حطيت الكموندة على جنب...و هزيت يدي عديتها عليه...تبسمت من غير ما نحس...كان لازم نعرف لكل لحظة عشتها معاه كانت حلمة باهية وسط الظلام هذا الكل...حلمة كان لازم توفا في اي وقت...خذيت نفس...ورجعت تكيت لتالي...نغزر لتلفزة...عرفت لانا بعدت على روحي برشا...تأكدت انو قبل ما نخسر اي حد فيهم انا خسرت روحي...و مستحيل نجم نرجعها...و انو اكبر غلطة عملتها...اني حبيت زياد...انو اخترت الثنية هاذي رغم لي من الاول نعرف لباش نكون انا كهو اللي باش نخسر في الحكاية...اما اخر حاجة توقعتها انو انا لي نحط نهاية بيدي
حلقة 145
هزيت يدي عديتها عالروبة...لي حطيتها عالسرير...ليلة كاملة و انا نغزرلها...تبسمت على جنب و انا نعدي في يدي على حجارها...اكثر روبة حبيتها من اول مرة ريتها...في بالي شنفرح بنهار هذاكا...اما هو خلا الروب هاذي تولي كحلة في عيني...هو شيعاود نهار هذا مرة اخرى و يفرح بيه...شيعاود حياتو و ينسى لي عملو فيا جملة...اما مستحيل...مش المرة هاذي...مستحيل نسمحلو يفرح بنهار هذا...و شيعيش وجيعتو دوبل على لي عشتها...هزيت روحي شوية...قمت من الفرش...غزرت لروبة اخر مرة...و دخلت لبيت البانو...نحيت دبشي بالقطعة...ودخلت للبانو...غطست في الما...و تكيت راسي لتالي...الما ياسر سخون...نحس فيه اللي قاعد يطهر فيا من كل يد تحطت فيا...تعدات ساعة و زوز و ثلاثة...لين حسيت روحي تفرهدت بالقدا...استندت بيديا زوز على حرف البانو ووقفت...حطيت منشفة على بدني...حرقني مش نورمال...اما استحليتها الوجيعة في روحي...عالاقل هكا حسيت روحي مرتاحة اكثر...حليت القارد روب...عديت يدي على دبشي بالقطعة...هزيت روبة بيضة سامبل عاللخر لبستها من فوق...شيحت شعري...و هزيت تليفوني كلمتو...مرة و زوز لين هز عليا...يحكي
زياد:سواار
تبسمت كيف سمعت اسمي من فمو...تنهدت بالقاوي نحكي
انا:باش تعرس بيها اليوم انت مش هكا
زياد:شنووة فاش تحكي انت
انا:متخافش مانيش باش نعمل شي يوقفك...اما نحب نراك...لاخر مرة
زياد:سوااار هبلت ياخي...شنية لي تحكي فيه
انا:انت نسيت عندي حاجة مهمة برشا...لازم تاخوها...مطولش خاطر مانيش باش نستناك برشا
جا باش يحكي قصيت عليه...كيف نزلت يدي و علقت...رخفت صوابعي شوية شوية...طاح تليفون عالسرير...حسيت بدوخة قوية روهجتني...غمضت عينيا بالقاوي...ورجعت حليتهم نوازن في روحي..
قربت من الكوافوز...جبدت الكرسي وقعدت نغزر لروحي...هزيت يدي...عديتها على وجهي...و نزلت بيها لشركة متاع امي...كبست عليها...ناخو طرف القوة لي بقاتلي منها...خذيت نفس...و حليت القجر شوية شوية...جبدت المذكرة متاعي...و الشركة متاع زياد...كبست عليها في يدي...و حليت المذكرة...كتبت كلشي مريت فيه في اخر فترة...و كلشي نحس فيه...فرد وقت تليفوني باقي ينوقز...محبش يحبس...سكرت المذكرة...حطيتها على جنب...و حطيت فوقها الشركة...نزلت يدي شوية شوية...حطيتها عالفرد...لي محطوط في اخر تركينة متاع القجر...شديتو في يدي...و سكرتو...دورتو في يدي نغزرلو...اول فرد هزيتو في حياتي...كلشي بدا في لحظة و لازم يوفافي لحظة...فرغتو من الكرطوشات الكل...خليت فيه وحدة كهو...حطيتو على جنب...تنهدت بالقاوي...و هزيت روحي قربت من سرير...تسطحت على جنب...نغزر لروبة...حطيت يدي عليها...عديت عينيا عالخاتم...انا خسرت كلشي اليوم...و هو شيرجع كلشي يخصو...بقيت ندندن في لحن قديم...نرقد عليه في صغري...تمنيت كان نجمت نرجع لليمات هذوكا...من غير ما يكون فيها عدنان...و لا خوف من شي...فقت من سرحتي...على صوت الباب لي تحل بالقاوي...هزيت راسي نغزرلو...كابس عالبواني...يتنفس بالقاوي...و يحكي فرد وقت
زياد:سواااار
تبسمتلو بالوقت...و هزيت روحي وقفت...بقى يغزرلي مصدوم...قربت خطوة نحكي
انا:جييت ياخي
عدا يدو على وجهو...و قرب مني بالزربة...هزني و حطني يحكي
زياد:سواار شنية لي كنت تحكي فيه انت هبلت ياخي...شتقصد بكلامك
انا:شبيك تتصرف هكا...انا نعرف اللي انت باش تعرس بيها اليوم...مشى في بالي لانت ماكش باش تعملها...ستنيتك اليمات هذوما الكل باش ترجع عندي...اما مجيتش
زياد:سواار اسمعني
انا:علاه انا زياد...علاه عملت هكا...علاه متنجمش تخسر شي على خاطري...علاه ديما ضحي بيا اول وحدة
بقى واقف في بلاصتو يغزرلي...من غير حتى كلمة...حسيت دموعي باش ينزلو...قربت منو اكثر...هزيت يديا زوز...حطيتهم على وجهو...نزل راسو يغزرلي...يغزرلي ندرا كيف...كبست عليه اكثر نحكي
انا:علاه انا جاوبني...انت وعدتني من قبل ماكش باش تخليني...وعدتني لي باش تبقى معايا...شصااار...شكون منى باش انت قررت تكمل معاها حياتك...شنية ذنبي انا باش تعمل هكا...ياخي تحاول تنتقم مني بالطريقة هاذي زياد...جاوبني
باقي نلوج عالاجابة في عينيه...لي يغزرلي بيهم ضايع...كبست عليه اكثر...هز يدو متردد حطها على شعري...جا باش يحكي...هزيتلو براسي لا...و قربتلو اكثر...قصيت عليه الكلام...كيف حطيت شفافي على شفافو...نحكي بصوت دوب يتسمع...نحسو ضاع وسط لي نحس فيه
انا:انا كنت باش نولي مرتك...كنت باش تعرس بيا انا...ستنيت نهار هذا برشا...اما انت خليتني فيه...انت وعدتني برشا...علاه باش تعرس باختي توا...انت متاعي انا كهو...ماكش باش تخليني...مش هكا...انت باش تعمل كلشي على خاطري
لزيت ليه اكثر...نحس في نفس متاعو يضرب في وجهي...غمضت عينيا بالقاوي...نزلو دموعي بالوقت...خذيت نفس من عندو..و نزلت يديا من وجهو...بلا ما نبعد عليه...نحيت الخاتم بالسيف...و شديتو من يدو كبست عليها...و حطيت الخاتم عندو...نزل راسو شوية يغزرلي...سكرتلو يدو بالوقت...كبست عليه اكثر نحكي
انا:معادش عندي حق فيه الخاتم هذا...انت باش تكون فرحان بلا بيا...تعرف كيف باش تاخو ثنية جديدة من غيري...اما زادة ماكش باش تكون ليها
كملت كلامي...و دزيتو بيديا زوز لتالي...هزيت يدي مسحت دموعي...جا باش يقرب مني...وقفتو نحكي
انا:اليوم باش يوفا كلشي...انت باش تسكر الماضي الكل زياد...اليوم باش تعرف السر لي بقيت تلوج عليه حياتك الكل
زياد:ش شتقصد بكلامك سوار
انا:تحب تعرف شكون قتل امك مش هكا...القاتل لي فركست عليه حياتك الكل...كان قدامك ديما...انت تربيت قدامو و تحت عينو...لي اغتصب امك و قتلها هو نفسو تووووفييق
طلع راسو مصدوم...بقيت نغزرلو...نغزر ليدو لي ترخفت و طاح منها الخاتم بحذا ساقي بالظبط...نزلت راسي غزرتلو...ورجعت غزرتلو في عينيه...واقف من غير حتى كلمة...يغزر للارض...وجهو اصفر مش نورمال...تنهدت بالقاوي...و كملت نحكي
انا:علاه مشكيتش فيه ولا مرة...علاه احساسك خيبك المرة هاذي...علاه مشكيتش حتى لحظة انو توفيق نفسو لي قتل امك...علاه مسألتش ولا مرة انو توفيق علاه رباك...شبيه تحمل المسؤولية هاذي...هاني باش نقلك...انت كنت الخزنة الوحيدة ليهم...كنت المفتاح لكلشي...تعرف لهو علاه مقتلكش...خاطر وقتها حسابات بوك و امك الكل يتسكرو...توفيق كيما عمل في امك عاود نفس في حنان
طلع راسو مصدوم...دمعة محصورة في عينيه...عروق رقبتو باش يطرشقو...غمضت عينيا...ورجعت حليتهم نحكي
انا:ولا مرة فكرت للقاتل ينجم يكون واحد...علاااه رغم كلشي انت منجمتش توصل لعمايل توفيق...علاه في عملياتك الكل ملقيتش اسمو بينهم...و كلهم مرتبطين بشخص وهمي...خلاك الجنيرال تصدق لهو موجود...زعمة توفيق ميعرفش لانت في المخابرات...بالعكس يعرف...و يعرف بالقدا زادة...يعرف خاطر هو و يعقوب صحاب
هز يدو ترعش...عداها على وجها...يحاول يستوعب كلامي...غزرلي ندرا كيف...متوقعتش لهو باش يبقى ساكت هكا...قربت منو شوية نحكي
انا:توفيق و بوك و بابا و عدنان زادة كانو صحاب...و هوما 3 لي قتلو بوك...يعقوووب هو كان سبب في الحادث لي عملو بوك...يحبك تعرس بمنى باش تبقى تحت عينو...يحب يبعدني عليك باش نبقى ساكتة...اما تعرف علاه خبيت عليك هذا الكل...على خاطرني انانية كيفهم...خاطر انا زادة نحبك تكون ليا...اما في الحالتين ماكش باش ترضى...وحدة كانت لخوك قبلك...انت عرفت كلشي توا...برا زياد النهار اللي تستنى فيه لحق...برا خوذ حقك منهم
زياد:اسكت سوار...اسكت...معادش نجم نسمعك اكثر
هز يدو سكتني بيها...و هز براسو لااا...يحكي
زياد:ل لاااا مستحيل بابا يعملها...مستحيل توفيق...انا سمعت صوتو...فهمتني مستحيل يكون هو...و و حنان تربات معانا من الصغرة...هو يعرفها من وقت عمرها سبع سنين مستحيل يأذيها...لا ميعملهاش...توفيق كيف بابا...تكذب...انت تكذب عليا مش هكا
قرب مني اكثر...حط يديه زوز على وجهي...كبس عليا يحكي
زياد:سواار...متحاولش تنتقم مني بالطريقة هاذي...يمكن يكون بوك عمل هكا...اما توفيق لا...اغزرلي قولي لانت قاعدة تكذب حل فمك
هزيت يديا زوز...ديزتو لتالي...وجبدت روحي منو نحكي
انا:ماكش باش تنجم تحاسبهم مش هكا...اما تنجم تعاقبني انا...انا ضحية متاعكم الكل...يعقوب و توفيق و ادم...و انت...كل حد فيكم يرتاح من وجيعتو كيف يوجعني...اما مش بعد اليوم...مانيش باش نعطيك الفرصة هاذي جملة
بقى يغزرلي ندرا كيف...هزلي براسو لا...عدا يدو على وجهو...مش قد بعضو...عديت عينيا زوز عليه...على ضربة لي تحت عينو...كل لحظة عشتها معاه...تعدات بين عينيا...تلفت عطاني بظهرو...تبسمت على جنب...اصلا مكنتش نستنى في شي اخر منو...كبست على يدي...باش معادش نكلمو و لا نلحقو...هو بعد اليوم باش تكون عندو طريق جديدة...و بالطريقة هاذي باش يحرقهم الكل...و كل حد فيهم ياخو الحساب اللي يستحقو...زياد باش يكون البركان اللي معادش باش يهدى...لحق الوقت باش يسكر عالعذاب اللي عاشو في حياتو...و يبدا من جديد...و انا باش ناخو ثنيتي بعيد على كل حد فيهم
زياد يحكي:
وقفت على صوت الفرد...نحس في نفس تسكر عليا من الكلام اللي سمعتو...منجمتش نصدق...منحبش نصدق...صغري تعدا للحظة بين عينيا...نحب نمشي عندو و كهو...نحبو يقول لكلشي كذبة...هو معملش هكا...هو مهما عمل...اما يحبني كيف ادم...انا رغم كلشي ولدو زادة...من عمري سبع سنين...سنين تعدات و انا نقولو بابا...الكلمة اللي مقلتهاش لبابا...اللي دوب صورتو نذكرها...مستحيل يكون سرق مني هذا الكل...للحظة حسيت انو حياتي كلها كذبة كبيرة...وكلام سوار كيف الصفعة لي فيقتني على روحي...قلبي خض بالقاوي...منحبش نتلفت..منحبش اللي جا لبالي يكون حقيقة...خذيت نفس و تلفت عندها شوية شوية...نغزر للكرطوشات لي طاحو من يدها عند ساقي...طلعت راسي نغزرلها...نغزر للفرد...لمحطوط في وسط صدرها...دم جمد في عروقي...نحاول نستوعب اللي نرا فيه...للحظة نسيت كلامها الكل...نسيت لي سمعتو...نغزرلها و كهو...كان صار و عملتها...مستحيل نخرج من البيت هاذي انا زادة...قربت منها شوية...هزيت يدي بالسيف...نحكي
انا:س سوار...فاش تعمل انت
سوار:اليوم باش يكون اخر نهار في حياتي انا زادة...انا زادة باش نموت...انا زادة باش تخسرني
هزيتلها براسي لا...قربت منها اكثر...نحس في ساقيا معادش يهزوني اكثر...متأكد في حالتها هاذي باش تعملها...خذيت نفس نحكي
انا:سوار امانك اعطيني الفرد...رد بالك
سوار:لااا...هوني فما رصاصة وحدة...ليا انا كهو...زعمة انو طلقة باش تقتلني
قربت منها اكثر...نحاول نهديها و نحي الفرد من يدها فرد وقت...نحكي
انا:امانك سوار...يزي عيشك
اول ما قربت اكثر...كبست عالزناد...تهزيت و تحطيت على صوت الطلقة...جاب ربي فارغة...غزرتلي تحكي
سوار:ابعععد...بقاو ستة منهم كهو...اي وحدة منهم تنجم تقتلني...معادش باش تراني مرة اخرى...كلشي باش يوفا...معادش باش نمرجك...ولا نطلع في حياتك مرة اخرى
انا:سواار...فاش تحكي انت...رد بالك...رد بالك تعملها
كبست عالزناد مرة اخرى...قلبي خض بالقاوي...و تبسمت ندرا كيف تحكي
سوار:انا زادة معندي حتى ذنب...هو خطفني...هو لي اغتصبني...اغزرلي زياد...تعرف لانا معندي حتى ذنب...والله ترجيتو اكثر من مرة...حاولتو برشا اما محبش يسيبني...حكيتلك اكثر من مرة...وعدتني باش تبقى معايا...اما انت اخترتو هو...باهي انا علاه...علاه حرمتني من اكا نهار...مش انت تحبني علاه عملت هكا
غمضت عينيا بالقاوي...ورجعت حليتهم...دموعها فشلوني اكثر...قربت منها شوية نحكي
انا:ن نعرف...وراسك نعرف روحي غلطت...متعملهاش سوار...متنتقمش مني بالطريقة هاذي...متخلينش امانك
سوار:اما انت خليتني...قتلك لانا معندي حتى ذنب...قتلك لانا نحبك...اما انت خرجت من الباب هذا و خليتني...ستنيتك برشا...قلت لانت باش ترجعلي...باش تفهمني...اما لا...انت مستحيل ترضى تاخو وحدة كيفي
هزيتلها براسي لا...كبست عالزناد مرة...غمضت عينيا بالقاوي...حليتهم على صوتها...تحكي
انا:اربعة كهو زياد...ريت معادش وقت برشا...قتلك من قبل اذا انت خليتني تكون قتلتني...تكون قتلت سوار حبيبتك انت...سوار مرتك
دموعي لي كنت حاصرهم..لقاو طريقهم على خدي...خذيت نفس نحكي
انا:اقتلني سوار...اقتلني انا...انا سبب في اللي وصلتلو الكل...اما متأذيش روحك امانك
كبست عالزناد مرة اخرى...نزلو دموعها بالوقت...تحكي
سوار:والله نحبك...حبيتك من صغرة...من وقت عمري عشر سنين
عينيا وساعو...نحاول نستوعب كلامها...تبسمت و كملت تحكي
سوار:ذكرتني...انا نفسها لكنت سبب في ضربة لي تحت عينك...انت حميتني ساعتها...اما منجمتش تحميني من خوك زياد
دمعة سخونة نزلت من عيني...حسيت نفس تسكر عليا...مستحيل تكون نفسها سوار...للحظة تعدات صورتها بين عينيا...نزلت يدي كيف كبست عالزناد...تحكي
سوار:حاولت برشا...حاولت ننساك اما منجمتش...منجمتش نعيش من غيرك...كلشي تحتاجو باش تثبت جرائم متاعم...تلقاه عند عم صالح...خبر ادم لانا باش نسامحو في حالة وحدة...اذا هو مخلاش زينب و ملاك وحدهم...يعقوب و توفيق لازمهم يتعاقبو...و انت باش تنتقم منهم
انا:سوااار لااا...عيش حبي يزي...انت كهو لي بقيت في حياتي...متخلينيش
غزرتلي ندرا كيف وكبست عالزناد...غمضت عينيها بالوقت ورجعت حلتهم...غزرت لروبة...ورجعت غزرتلي تحكي
سوار:اخر وحدة...بعد توا معادش باش تلقاني زياد...معادش باش تسمع صوتي...تمنيت كان سمعتني مرة وحدة كهو...كلشي كان باش يتبدل...اما انت قريت نهار لاغتصبني فيه هو...مقريتش شنية لي حسيتو...و لا شنية لي نحسو كي تبدا معايا...و لا وجيعتي على ولدي...انت مقريت شي...اما باش يكون عندك وقت كافي...انك تقراها
منجمتش ناقف اكثر...طحت على ساقيا زوز قدامها...غزرتلها نحكي
انا:يزززي...متكونش انانية المرة هاذي...كان انت عملتها...حتى حد فينا ماهو باش يخرج من البيت هاذي حي
قربت مني شوية...هزت يدها...عداتها على خدي...تحكي
سوار:باش تخرج من هوني...و تاخو حق امك و بوك و حنان زادة...انت بعد ما تسكر الباب هذا...تنساني جملة...انا منجمش نعيش من غيرك...و انت متنجمش تعيش معايا...هذا باش يكون احسن حل لينا زوز
هزيت يدي...جبدتها من يدها بالقاوي...طاحت عالارض قدامي...كبست عالفرد اكثر...دورت يدي على راسها نحكي
انا:مستحيل نخليك...غلطت مرة و زوز...و ندمت...حاولت نعيش من غيرك...اما منجمتش...عاقبني كيما تحب...اما متقتلنيش في الحيا
سوار:يكفي لانت باش تتذكرني ديما...حاولت برشا.. نتقبل لي عايشة فيه اما منجمتش...انا خسرت كلشي...و انت عطيتني بظهرك مرة...و باش تعاودها على خاطر خوك زادة...ذكر ديما لانا حبيتك برشا...و كلشي غالط عملتو من خوفي اني نخسرك...و خسرتك...شتعرف شنية لكنت نحس فيه وقت خليتني...سامحني زياد
بقيت نغزرلها...نظرتها وصلتني برشا حاجات...اولها اني بالحق خسرتها...و انو مهما صار ماهيش باش تغفرلي...و لا تسمعني...و مهما حكيت مستحيل نقنعها...نزلت عينيا نغزرل للفرد...اللي باش تكبس عليه في اي لحظة...حاولت نترجاها بعينيا...اما نظرتها سبقتني...و فهمت منها برشا حاجات...اولها انها تحاول تودعني بالطريقة هاذي...و في اي لحظة سوار معادش باش تكون موجودة
حلقة 146
بقيت نغزرلها...نظرتها وصلتني برشا حاجات...اولها اني بالحق خسرتها...و انو مهما صار ماهيش باش تغفرلي...و لا تسمعني...و مهما حكيت مستحيل نقنعها...نزلت عينيا نغزرل للفرد...اللي باش تكبس عليه في اي لحظة...حاولت نترجاها بعينيا...اما نظرتها سبقتني...و فهمت منها برشا حاجات...اولها انها تحاول تودعني بالطريقة هاذي...و في اي لحظة سوار معادش باش تكون موجودة
بقيت نغزرلها...نغزر لعينيها لي يلمعو بدموع...نترجا فيها من غير ما نحكي...ندور في عينيا...على كل تفصيل من وجها...كلشي عشتو معاها لتوا...تعدا بين عينيا...منحبش نخسرها...منجمش نخسرها...مهما عملت...مهما هربت و خليت كلشي ورايا...تبقى سوار قطعة مني...منعرفش لحبها باش يوصلني لهوني...انو حياتي الكل مرهونة بكلمة منها...كان هي عملتها و خلاتني...معادش باش نجم نعمل خطوة من غيرها...رغم كلشي صار..اما طول ما كانت هي مليحة...كنت نجم نعيش...طلعت بيدي من ظهرها حطيتها على رقبتها...و يدي لاخرى على يديها زوز نحكي
انا:س سوار امانك نزلو من يدك...نزلو من يدك عيش حبي...نزلو يا روحي...بعملتك باش تقتلني انا زادة
بقات تغزرلي ندرا كيف...دمعتها نزلت بالوقت...هزيت يدي مسحتها...كبست على يديها زوز اكثر نحكي
انا:كلشي باش يكون مليح...وعد مني مانيش باش نخليك مرة اخرى مهما صار...طريقنا من اليوم باش تكون وحدة...هيا امانك
هزتلي براسها لا...تركزت بيديها على نص صدرها اكثر...تحكي و تبكي فرد وقت
سوار:صدقتك قبل هكا زادة...وعدتني متخلينيش...اما كنت ديما في اول مشكلة تعطيني بظهرك...انت ديما تقول نفس الكلام و انا نصدق...اما في الاخير تكذب عليا و تخليني وحدي...علاه مش انا لي باش نخليك المرة هاذي
انا:لااا متنجمش...معندكش حق تعمل في روحك شي...انت متاعي انا...انا و كهو...متنجمش تخليني
سوار:وين كنت وقت حاجتي بيك...وين كنت كيف كنت نترجا فيك انا زادة...في بالك باش نتحمل هذا الكل وحدي...انت حملتني اكثر من طاقتي...و توا تحبني نعيش باش نحضر عرسك زادة...لا مستحيل...مانيش باش نخليك توجعني بالطريقة هاذي
دورت يدي على رقبتها من تالي...جبدتها عندي اكثر...حطيت خشمي على خشمها...نحكي
انا:وراسك مفما حتى عرس...ورحمة امي اللي سمعتو كلو كذب...كان نموت مانيش باش نعملها...مانيش باش نوجعك بالطريقة هاذي...مستحيل نخلي يعقوب يقهرك بيا...و لا نخليه يوصل للي يحب عليه...اثق فيا مرة وحدة...مرة وحدة كهو و لا
بقات تغزرلي ندرا كيف...قصيت عليها...كيف كبست على يديها اكثر...اول ما كملت كلامي...دورت الفرد عندي...حطيتو على صدري...و كملت نحكي
انا:و لا اقتلني...هيا فاش تستنى...مش تحب تتهنى من العذاب هذا...ملا اقتلني اول واحد...هيا كيف تنجم تقتل روحك...تنجم تقتلني انا زادة
بقات تغزرلي...من غير حتى كلمة...نزلت راسها شوية...غزرت ليديها...للفرد لي في صدري...ورجعت غزرتلي...نحس في نفس متاعها ماشي و يقوى في وجهي...قربت من شفافها اكثر نحكي
انا:تنجم تعملها...كان باش تاخو الخطوة هاذي ابدا بيا سوار...هياااا...اعملها فاش تستنى...قوص سوااار...هياااا قوص...اعملللها...هيااا
صوتي ماشي ويعلى...دموعها نزلو اكثر...حسيت بيديها لي ترخفو عالفرد مع صياحي...نزلتهم شوية شوية...نزلت عينيا...و حطيت يدي عالفرد...نحاول نفكو منها...قربت مني اكثر...حسيت بدقات قلبها...اللي دق بالقاوي...دموعها نزلو على رقبتي اكثر...باقي كابسة عالفرد في يدها...كبست عليه نحكي
انا:هيا عزيزتي...هيااا امانك
طلعت راسها شوية غزرتلي بوجيعة...باقي نحاول نحي الفرد من يدها و نحكي
انا:هياا عيش حبي...كلشي باش يكون مليح...ورحمة امي..هيا سوار...هيا يا روحي امانك
نزلت يدها اكثر...فرد وقت نحاول نجبد الفرد من يدها...تهزيت وتحطيت على صوت الكرطوشة...غمضت عينيا بالقاوي...ورجعت حليتهم...نغزرلها...للحظة نفس تسكر علينا زوز...نزلت راسي شوية...نغزرلها فلتت الفرد من يدها...حطتها على جنبي مصدومة...طلعتها تغزر للدم...ورجعت غزرتلي...وقتها كهو استوعبت انو انا لي تصاوبت...هزت يدها ترعش...حطتها على رقبتي...تحكي
سوار:ز زياد...ا انا
كبست على شعرها اكثر...خذيت نفس بالسيف نحكي
انا:ششش ما صار شي
بقات تغزرلي ندرا كيف...حاولت قد ما نجم نبقى هادي قدامها...خاطر الضربة سطحية...جاب ربي رصاصة تعدات عليا و كهو...هزتلي براسها لا...تحكي
سوار:ز زياد...زياد م منقصدش
مكملتش كلامها...و طاحت بين يديا...كبست عليها بيدي...رجعت شعرعا لتالي نحكي
انا:سوااار...سواار
حاولت نفيقها شي...طلعت راسي شوية نغزرلها...عينيا وساعو...و مخي وقف من اللي نرا فيه...بدني رعش بالكل...و دقات قلبي قوات اكثر...هزيت يدي بالسيف...حطيتها على ساقيها...وطلعتها نغزر لدم لي نازل منها...هزيت براسي لا...معادش نعرف شنية سبب الدم لي نازل بين ساقيها...منحبش نخمم...حطيت يدي على وجها..نحكي
انا:سوااار فيق...فيق عيش حبي
حاولت معاها اما شي...النفس متاعها ولى رزين عاللخر...تقويت على روحي اكثر...كبست عليها و هزيتها في حملتي...و خرجت من البيت...نزلت الدروج هذاكا في لحظة...اول ما خرجت لبرا...حلي شوفور باب الكرهبة حطيتها من تالي...وطرت بيها...محسيتش بوجيعة الضربة اللي في جنبي...حتى الكلام اللي حكاتو الكل على توفيق و يعقوب منجمتش نخمم فيه...نسوق و تفكيري فيها هي كهو...مستحيل نخسرها المرة هاذي...مهما صار هي باش تكون مليحة...نسوق و نغزرلها من مرايا...روبتها البيضة ولات كلها دم...كبست عالفولون اكثر...منحبش نفشل توا...منحبش نخسرها...منعرفش على روحي...كيف وصلت للكلينيك...نزلت من الكرهبة نجري...هزيتها في حملتي ودخلت...شدوها عليا...جات طبيبة بالوقت...تحكي
طبيبة:شصاار شبيها
انا:منعرفش...امانك اعمل حاجة فيسع
طبيبة:باهي باهي...استنى هوني
هزيتلها براسي باهي...وقفت في بلاصتي...نغزرلها...لين تسكر الباب في وجهي...وقتها برك فقت من سرحتي...طلعت يديا زوز...نغزر لدم...نحاول نستوعب اللي قاعد يصير...لتوا مزلت مصدوم من اللي صار...قربت من اول كرسي عارضني قعدت عليه تكيت راسي لتالي...و غمضت عينيا...كلشي عشتو تعدا بين عينيا...من اول نهار خسرت فيه امي...لليوم...كنت باش نخسر سوار زادة...كنت باش نكون السبب في موتها...حسيت بطفل صغير قعد قدامي...يغزرلي مصدوم...نزلت راسي شوية نغزر لدم لي نازل من جنبي عالكرسي...هزيت يدي سكتو بيها...هزلي براسو باهي...منجمش نتحرك من بلاصتي...و لا نعمل اي خطوة من غير ما نطمن بيها...ساعتين لي تعداو...حسيتهم شهور...فقت من سرحتي على صوت الباب...هزيت روحي بالوقت...في لحظة كنت قدام الطبيبة...مستنيتهاش تحكي...اول ما وصلت عندها غزرتلها نحكي
انا:ش شبيها...شصاار معاها
طبيبة:انت راجلها
هزيتلها براسي ايه...من غير ما نخمم مرتين...غزرتلي ندرا كيف تحكي
طبيبة:تنجم جي معايا للبيرو
انا:علاه
طبيبة:غديكا نحكو احسن
كملت كلامها و سبقتني...خذيت نفس و خالطت عليها...دخلت وراها نحكي
انا:تنجم تفهمني شبيها...علاه محكيتش غديكا
هي:تفضل ميسو اقعد
جبدت الكرسي بنطرة...قعدت عليه...نهز في ساقي بعصب و نحكي فرد وقت
انا:نسمع فيك
هي:تعرف بالقدا لمرتك...تعرضت لعمليتين من قبل
هزيتلها براسي ايه...كبست عالبونية متاعي...و انا نسمع فيها...حطت يديها زوز عالبيرو و كملت تحكي
هي:و تعرف لهي حبلة زادة
بقيت نغزرلها معادش نجم نستوعب شي...كلامها صدمني اكثر ما راني مصدوم...نفس تسكر عليا...منعرفش شنية لي حسيتو من كلام الطبيبة...فرحة...خوف...صدمة...منعرفش...هزيت روحي خرجت و كلامها يتعادو في وذني
هي:حبلة عندها ست اسابيع...و الحمل في المرحلة هاذي خطير برشا...خاطرها مخضعتش للعلاج اللازم
انا:يعني
هي:مرتك تعاني من التهاب في الرحم...بعد العمليتين هذوكا...و هذا لي خلى عنق رحم متاعها مفتوح و الجنين في الحالة هاذي...مينجمش يحافظ على وضعو الطبيعي...و يمكن يصير اجهاض في اي لحظة...اليوم منعت في اخر لحظة...اما المرة الجاية معادش باش تلحق عليها
انا:ف فما خطر على حياتها
هي:منعرفش في بداية الحمل منجمش نحدد حالتها...صحيح انو حبالتها في الحالة هاذي...نادرة برشا...اما زادة ميمنعش لهو خطير...و الفترة هاذي...تهدد حياة الجنين اكثر من انو تهدد حياتها...خاصة انو الجنين صغير برشا بالنسبة لعمرو...و زادة كان حاولت تعمل عملية اخرى متاع اجهاض...وقتها يستأصل الرحم جملة...و معادش باش يكون عندها اي فرصة و لو كانت صغيرة انها تحبل مرة اخرى...على هذاكا حاول تتلهى بيها اكثر...و بماكلتها و كلشي يخليها بعيد عالستراس...خاصة دواها...لين الجنين يركح في كرشها
وصلت لبيتها بالوقت...هزيت يدي بالسيف...كبست عالبواني...ودخلت...طلعت راسي نغزرلها...قربت منها بالسيف...قعدت عالكرسي...نحس في بدني مهدود...هزيت يدي حطيتها على يدها...ياسر باردة...كبست عليها...و نزلت بستها منها...هزيت يدي لاخرى حطيتها على كرشها...قلبي دق بالوقت...متوقعتش شنرجع نعيش الاحساس هذا مرة اخرى...و مع سوار...احساس خلاني ننسى الفجعة لي كليتها منها...و اللي سمعتو الكل...اللي هوني متاعي انا...ملكي انا زادة...دموعي نزلو بالوقت...نعرف لهو شيتحمل المرة هاذي...و هي زادة باش تعيش على خاطري...كبست على يدها اكثر...و قربت منها نزلت عليها شوية...بستها من راسها...و خذيت نفس من ريحتها...ريحة شعرها لي مزال مبلول...نعرف لي جاي باش يكون اصعب...اما مستحيل نخليها المرة هاذي و لا نخلي ولدي...سوار لثاني مرة تعطيني حياة جديدة...منعرفش علاه كل مرة نبعد فيها...نلقى روحي نقرب منها اكثر...نلقى حياتي الكل مقيدة بيها...طلعت راسي مروهج...على صوت الباب...نغزر لطبيبة...قربت مني تحكي
هي:باش تكون مليحة...اذا انت تلهيت بيها اكثر
هزيتلها براسي ايه...اصلا معاد نجم نحكي حتى كلمة...خذيت نفس بالسيف...الوجيعة في جنبي ماشية وتقوى...كبست على يدي نهدي في روحي...نزلت راسي شوية...نغزر لدم لي يطيح بالقطرة عالارض...كبس على سناني على صوت الطبيبة تحكي
هي:مسيو لباس ماهو ؟
انا:مممم مليح
هي:حالتك متقولش هكا...تنجم تقولي شفما
انا:قتلللك مليح...نحب نبقى مع مرتي
هي:ماهيش باش تفيق توا...تفضل معايا...خليني نعدي عليك
نطرت الكرسي لتالي...ووقفت...تنهدت بالقاوي نحكي
انا:منجمش نخليها وحدها...مستحيل
هي:تو نخلي فرملية تبقى معاها
انا:لااا
هي:كان تبقى عالحالة هاذي...حتى انت ماكش باش تشد اكثر
نفخت بالقاوي...و هزيت روحي خرجت...خالطت عليا تحكي
هي:مسيو نحكي معاك راني
تلفت عندها...هزيتها و حطيتها...خذيت نفس نحكي
انا:تصاوبت بالفرد...قداش تحتاج وقت العملية هاذي
هي:شنننوووة
انا:اصابة سطحية
هي:لازم نكلم طبيب فيسع
انا:علاه زادة
هي:ظاهر فيك مش نورمال انت بالكل
غزرتلي ندرا كيف...و مشات تجري...شوية و جاني طبيب...قرب مني يحكي
هو:مسيو تنجم تتفضل معاايا
انا:وين
غمضت عينيا بالقاوي ورجعت حليتهم...صورتو ضبت بين عينيا...بقيت نتنفس بالقاوي و انا نسمع فيه
هو:شنعدي عليك قبل
هزيتلو براسي باهي...تلفت غزرت لبيتها...ورجعت غزرت لطبيبة نحكي
انا:متخليهاش وحدها
هزتلي براسها ايه...خالطت عليه...نمشي وراه...اول ما دخلت للبيت...نحيت الفاست و سوريتي...عينيه وساعت عالجرح...غزرلي يحكي
هو:لازم تدخل للعمليات توا
انا:طول برشا العملية هاذي
هو:لا...و زادة معندكش حل ثاني
انا:باهي
في لحظة لقيت روحي في بيت العمليات...و البنج سرى في بدني...و اصواتهم ماشية و تبعد...و اصوات من الماضي ماشية و تقرب...صوتي انا و ادم...صوت ضحكاتنا و لعبنا مع بعض...صياح امي لي ماشي و يعلى...اول عركة عملتها على جال سوار..و كلشي عشتو معاها لتوا تعدا بين عينيا...وسط ذكريات هذوما الكل...لقيت روحي في حلمة خايبة...و انو سوار قتلت روحها بالحق...حليت عينيا مروهج...ضو البيت ضرب في وجهي...دوب نجمت نخرج اسمها بين شفافي...مزلت دايخ من البنج...نسمع في طبيب يحكي
هو:لباس مسيو
دورت راسي شوية...نحسو رزين باش يطرشق...دوب نجم نحكي
انا:س سوار...وين
هو:طمن حالتها مستقرة و لتوا مفاقتش
دورت وجهي عليه...نغزر لسقف...وجيعة مش نورمال في راسي و جنبي...صورتها لتوا بين عينيا...للحظة كنت باش نخسرها...ونخسر ولدي زادة...كنت باش نضيع حياتي بيدي...منحب نخمم في حتى شي...كان فيها...كلشي باش يكون عندو طريق...و باش يكون عندو حل...المهم اني نطمن عليها...و بعدها باش نسكر دوسي الماضي ضربة وحدة
☆☆☆ الحلقة كانت تقريبا في نفس التوقعات...بعد برشااا تفكير...نقلكم الاحداث ماهيش باش تاقف هوني...و الدوووزة باش تكون قوية في الحلقات الجاية...يعني متنجموش تتوقعو شنية لي باش يصير...تبقى الاحتمالات الكل واردة...شنية لي باش يصير ؟
الحلقة 147
سوار تحكي: دورت راسي شوية مروهجة...نحاول نحل عينيا اما منجمتش...كل قطعة في بدني توجع فيا...نحس في نفس متاعي رزين برشا...حليت عينيا شوية شوية...نغزر لبيت...نحاول نستوعب لي صار...كبست بيدي على حرف السرير...غمضت عينيا بالوقت...قلبي دق بالقاوي...كيف ذكرت لي صار...نزلت دمعة مني...تغلغلت في وسط شعري...خرج اسمو بين شفافي...خوف ندرا كيف سيطر عليا...خفت كان نكون عملتها و صاوبت عليه...انا لي كان لازم نموت مش هو...تحل الباب بالوقت.. حليت عينيا نغزر لطبيبة...ماشية و تقرب مني...عدات عليا...تحكي
هي:كيف تحس في روحك توا
انا:ش شصار...و زياد...ز زياد وينو
هي:ششش اهدا
هزيت روحي بالسيف...تقعدت شوية...وجيعة مش نورمال في كرشي...حطيت يدي عليها نحكي
انا:ز زياد...ا امان...وينو
هي:اهدا الاول...هو مليح
انا:كي هكا...و وينو
هي:شوية و يكون عندك...اهم حاجة انت تكون مرتاحة
انا:ش شبيني ؟ علاه انا هوني
قربت مني شوية...شدتني من يدي...ووتبسمتلي تحكي
هي:نحبك تسمعني...و تفهم اللي باش نقولو بالقدا
انا:شفمااا
قعدت عالكرسي قدامي...و باقي كابسة على يدي...خوف ندرا كيف حسيتو...خفت كان بعملتي نكون خسرتو...و معادش باش نراه مرة اخرى...نغزرلها...نترجا فيها بعينيا...تحكي اي شي كان تقول لزياد صراتلو حاجة...دموعي تحصرو...ووجيعتي قوات...تنهدت تحكي
هي:تنجم تفهمني...علاه هملت روحك لهدرجة انت
انا:ش شتقصد
هي:فهمت لي نفسيتك تاعبة...و يمكن قاعدة تتعدا في ظروف خايبة...اما زادة معندكش حق تهمل الصغير لي في كرشك
طلعت راسي غزرتلها مصدومة...مخي حبس...و قلبي دق بالقاوي...نزلت راسي شوية نغزر لكرشي...كبست عليها بيدي نحكي
انا:ص صغير شنية
هي:انت حبلة عندك ست جمعات
طلعت راسي نغزرلها...قلبي نحسو باش يخرج من بقعتو...هزيتلها براسي لا نحكي
انا:ل لا مستحيل...ا انا معادش باش نجيب صغار مرة اخرى
هي:هاك حبلت...صحيح الحبالة باش تعبك برشا خاصة في حالتك...اما كيف تشد ولدك في يدك تو تنسى هذا الكل
دموعي نزلو بالوقت...نزلو يحرقو على خدي...مش مصدقة لي نسمع فيه حتى طرف...متوقعتش لانا باش نحبل مرة اخرى...كبست على كرشي اكثر...غمضت عينيا بالقاوي...احساس ندرا كيف تملكني...حسيت نفس النهار هذاكا قاعد يتعاود...خفت كان يصرا نفس الشي مرة اخرى...كان هو باش يعرس باخرى...وولدو في كرشي...انا هكا خسرت صغيري لاول...و خسرت معاه كل حاجة باهية...دموعي نزلو اكثر...معادش نجم نتحكم في روحي...حتى الحياة اللي حبيت نهرب منها...لقيت روحي مجبورة نرجعلها...منعرفش علاه منعني...علاه جبرني نعيش مرة اخرى...عالاقل وقتها كنت باش نرتاح جملة...خذيت نفس و انا نسمع فيها تحكي
هي:ششش يزي من البكا
طلعت راسي شوية...حسيت بيه واقف بحذا الباب...كيف غزرتلو طبيبة...ورجعت غزرتلي...في لحظة تعداو تصاورو مع منى بين عينيا...كان اللي قالو صحيح واللي هو ماهوش باش يعرس بيها...شنوة اللي خلاه يقابلها اكثر من مرة...جات باش تحكي قصيت عليها نحكي
انا:منحبش الصغير هذا
عينيها وساعو...غزرتلي ندرا كيف...قلبي دق بالقاوي...حسيت بمغص في كرشي...منعرفش كيف خرج الكلام هذا من فمي...اما بالحق محسيتش روحي نحب عالصغير هذا...منحبوش يتلز يتربط بيا على خاطر لي في كرشي...و لا يحاول يستفزني بيه كيف عادتو...اصلا معادش نعرف شنية لي قاعدة نحس فيه بالظبط...تبسمتلي تهدي فيا و تحكي فرد وقت
هي:تعرف انو كان تعمل اجهاض المرة هاذي...باش نظطر نستأصل الرحم متاعك جملة
بقيت نغزرلها...كبست على كرشي اكثر...رغم الخوف لي حسيتو...اما تقويت على روحي نحكي
انا:ميسالش...انا نحب نحي الصغير
هي:مانيش باش نجاوبك توا...اما فكر بالقدا...نعرف لانت باش ترجع في قرارك
بقى واقف في الباب من غير حتى كلمة...هزت روحها...خرجت من البيت...سكر الباب وراها...وقرب مني...قعد عالكرسي...حالتو داخلة بعضها...لحق بدل دبشو...هز يدو من غير حتى كلمة...نزل بصوابعو على خدودي...مسحلي دموعي...يحكي بالوقت
زياد:شششش معادش تبكي
قويت في البكا اكثر...معادش نعرف اذا نركز في وجهو...ولا في اللي نحس فيه...حط يدو فوق يدي على كرشي...بدني رعش بالوقت...طلعت راسي غزرتلو..نزل بعينيه لكرشي يحكي
زياد:اللي هوني متاعي سوار...حقك متحبش عليه..خاطرني مكنتش راجل معاك و ظلمتك برشا...اما ولدي لااا...ماكش باش تقتلو و مانيش باش نسمحلك تأذي روحك مرة اخرى جرايري انا...خاطر حتى كان نحيت صغير انا مانيش باش نخليك...اللي يربطني بيك اقوى من الصغير لي في كرشك...نحبك تنسى كلشي خايب تفكر فيه توا...خاطر مستحيل نخليك وحدك...و لا باش نخلي ولدنا باهي
بقى يغزرلي ندرا كيف...هزيتلو براسي باهي...تبسملي كبست على خدي...مسح دموعي الكل...و هز روحو شوية وقف...نزل بديه على كتافي يحكي
زياد:هيا باش ترتاح توا
بقيت نغزرلي...هزلي براسو ايه...كبست على كرشي اكثر...و تسطحت...حسيت بوجيعة...خلاتني نغمض عينيا بالوقت...حط يدو على كرشي يحكي
زياد:لباس ماهو
هزيتلو براسي ايه...حطيت راسي عالمخدة...هز الغطا عليا...ورجع قعد قدامي عالكرسي...حط يدو على شعري يعدي فيها...و يغزرلي فرد وقت...من وجهو عرفتو قداش تاعب...متوقعتش باش نراه مرة اخرى...و انو يكون قريب ليا لهدرجة...حسيت بيدو لاخرى تحطت على يدي...كبس عليها...و نزل عليا شوية...باسني من خدي...بوسة مرصوصة...يحكي في وذني
زياد:نحبك...انت اغلى حاجة عندي في دنيا...معادش تعمل فيا هكا باهي
حليت عينيا شوية...نحس بالنفس متاعو في وجهي...قلبي دق بالقاوي...عندي رغبة اني نحملو...و نشم ريحتو...اما فرد وقت منجمتش...برشا افكار خايبة قاعدة دور في مخي...خايفة كان نعيش اللحظة هاذي معاه و نفرح بالصغير...يتقلب كلشي للاسوء...نحب نصدق لهو معايا توا و مش مع منى...اني لي نعيش فيه توا...انو انا حبلة...و هو معايا...هز روحو شوية باسني من راسي...وتعدل في قعدتو...كابس على يدي...و يدو لاخرى مغلغلة في شعري...يعدي فيها...نفس متاعي ماشي و يهدا...رغم كلشي اما قربو مني خلاني نهدا...يمكن هذا لي كنت بحاجتو اليمات اللي تعداو الكل...نحس لي هو معايا و مستحيل يخليني...مكنتش باش نوصل لهوني...غزرتلو في عينيه نحكي
انا:غريبة في نهار عرسك قاعد هوني معايا...ولات عندك عادة تهرب نهار عرسك
تبسم على جنب...جا باش يحكي قص عليه صوت الباب كي فتح...و دخلت طبيبة...قربت مني تحكي
هي:لباس توا
هزيتلها براسي ايه...تلفتت عندو غزرتلو...تحكي
هي:مسيو زياد...انت زادة لازمك ترتاح
دورت راسي بالوقت غزرتلو...مفهمتش علاه قاتلو هكا...غزرلي يحكي
زياد:مرتاح هوني
هي:اما
زياد:انا مليح...زادة منجمش نخلي مرتي وحدها
منعرفش كيف حركت يدي تحت يدو و كبست عليها...منحبوش يمشي...منحب حتى شي يبعدني عليه...غزرلي يطمن فيا بنظرتو...هزت براسها باهي...و غزرتلي تحكي
هي:متعبش روحك برشا...و كان احتجت شي اطلبني
انا:ب باهي عيشك
تبسمتلي...وخرجت من البيت...بقيت نغزرلو...لتوا كلمتو ترن في وذني...كي عرف بالصغير وليت مرتو...قحرتلو قحرة متاع موت...عقد حواجبو يحكي
زياد:شنننوة
نطرت يدي منو...و تلفت لشيرة لاخرى...قلبي عصر عليا...لتوا نحس بكبست يدو...باقي يدو لاخرى مغروسة في شعري...غمضت عينيا بالقاوي منحبش نبكي...و منحبش نتلفت عندو...رغم اني شنموت و نحضنو مرة وحدة كهو...حسيت بيه قعد عالسرير بجنبي...قلبي دق بالوقت...تلفت عندو باش نبعدو عليا...اما سبقني كيف حط يدو تحت ظهري...كبس عليا و جبدني عندو...جيت في حملتو...هزيت روحي شوية...نحب نبعد عليه...كبس عليا يحكي
زياد:ششش اهدا
انا:زياد ابعدني
زياد:لا مش قبل ما نرقد ولدي
انا:شنووة
رجعلي شعري لتالي من غير حتى كلمة...بقيت نغزرلو مستغربة...حسيت بمغص في كرشي...غمضت عينيا بالقاوي ورجعت حليتهم...نرد في النفس...نزل بيدو لاخرى حطها على كرشي...ناوي يجلطني الليلة...تبسم يحكي
زياد:ماهوش باش يركح...يحب على بوه هو
نحس في الكلام هرب مني...منعرفش شنية لي قاعدة نحس فيه بالظبط...قلبي يدق بالقاوي...متوقعتش اني نسمع الكلام هذا منو مرة اخرى...قص عليا تفكيري...كيف نزل عليا شوية...قرب من شفافي اكثر...جا شيبوسني...دورت راسي بالوقت...و تكيت عليه...حسيت بيه توجع...اما محاولتش نغزرلو...حطيت راسي على صدرو...نسمع في دقات قلبو...هزيت يدي لاخرى مترددة حطيتها على صدرو...لزيت روحي ليه اكثر...شي اقوى مني...خلاني نعمل هكا...غمضت عينيا...يدو لي تتعدا على شعري...خلاتني نهدا...توا فهمت شبيني اليمات اللي تعداو الكل...الوحم خلاني نحب عليه اكثر...كان عرس بمنى اليوم...مكنتش باش نجم ناخو نفس جديد في الدنيا...منعرفش علاه توا بالظبط...منحب على شي...نحب نصدقو و كهو...لتوا محسيتش بالصغير لي في كرشي...لتوا نحس انو زياد هوني على خاطرو...على خاطر ولدو...كان خسرتو بسبب لي صار...مكانش باش يبقى معايا...هذا لي قاعد يدور في مخي...نحب ناثق فيه مرة اخرى...اما اللي نحس فيه اقوى مني...رغم متأكدة انو موجوع من اللي عرفو اليوم...اما حاول ميظهرش...رغم وجيعتو و اللي عرفو اما هو باقي معايا...نعرف بعد اللي قلتو...مستحيل حد فيهم يرحمني...طلعت راسي شوية...غزرتلو نحكي
انا:ا انت صدقتني مش هكا
تنهد بالقاوي...غزرلي ندرا كيف...و هزلي براسو ايه يحكي
زياد:كنت صغير برشا...وقت ريتو اول مرة واقف مع بابا...دوب نذكر صورتهم مع بعض...اصلا حكيت في وقت متأخر...و كيف قلت كلمة بابا اول مرة...كان مات في حادث...من وقتها معادش ريتو...حتى مرات كيف يجي يهز ادم...ميخرجش من كرهبتو...نبقى وحدي ساعات نستنى امي جي تهزني...و مرات تبعث شوفور...و مرات عم احمد هو لي يجيني...اصلا منعرفش علاه بعد ما مات بابا...سكنا في الحومة هذيكا...اما ستانست بالجو...خاصة كيف ولى ادم يجي معايا...و مرات يبات بحذايا...لقيت روحي بالوقت نغير من حنان...كنت نستخايل لادم خويا انا و كهو...و مينجم يهتم بحتى حد غيري انا...امي زادة كانت تحبو برشا...خاطر امو ماتت وقت ولد هو...كان كلشي باهي...لين جا اكا نهار...منحبش نحكي عليه...و منحبش نذكر اي شي منو...اما ديما نلقى روحي مجبور اني نعيشو...صوتو لتوا مزال في وذني...و تاتواج اللي في يدو بين عينيا لتوا...بعد اكا ليلة...عديت 3 اشهر عند عم صالح...كان ادم يجي مع شوفور يحاولني باش نحكي و نرجع نقرا...كانت اصعب فترة نعديها في حياتي...بعد 3 اشهر من الحادثة...و بعد الحاح كبير من ادم...لقيت روحي وسط دارهم...اما توفيق بقى بعيد علينا...دوب يحكي معايا و لا حتى يغزرلي...كنت نخاف منو بطريقة غريبة...صوتو كان محفور في ذاكرتي...اما ديما نحاول نهرب من اللي نخمم فيه...و نقول لهو مجرد تشابه و كهو...تعدات شهور عالحادثة...و بعدها تعدات سنين...سنين طويلة لقيت روحي فيها نمشي و نجي للحومة...نوصل لدارنا اما منجمش ندخل...كلشي بدا من الحومة هذيكا...و حبي ليك بدا من غديكا...من اكا غزرة سم لي كل مرة ترميهالي...و لا اكا تقحيرة...نذكرهم راني
تبسمت على جنب...منعرفش وسط الوجيعة الكل اللي قاعد يحكي عليها...هو ذكرني...تنهد بالقاوي...و كمل كلامو يحكي
زياد:حتى بعد العركة اللي عملتها على خاطرك...سمعتني الكلام ليا
عوجت فمي و نزلت راسي...كبس على شعري...يحكي
زياد:في نفس النهار...استلمت المفتاح و الورقة لي عطيتهم لعم صالح...نهار خسرت امي...الورقة كانت وصيتها عليا لعم صالح...و المفتاح...كان مفتاح خزنة...في اهم بنك هوني...حد ما ينجم يفتحها كان انا...الخزنة كانت لبابا...فيها اوراق و دوسيات...و كان اول نهار نعرف لبابا من اهم ظباط ايطاليا...و اكبر عميل في المنظمة السرية...و اوراق اخرى تثبت هويتي الاصلية
طلعت راسي نغزرلو مصدومة...تبسم على جنب...و كمل كلامو يحكي
زياد:اسمي الحقيقي دنيال...و هويتي الاصلية ايطالية...جينا لهوني في مهمة مع بابا..اما بعد ما مات لقينا صعوبة باش نرجعو لغديكا..خاطر فما شكون ورط امي بقضية مخدرات..و خلاوها تحت تحقيق...امي من خوفها عليا بدلت هويتي..لقيت روحي زياد..و استنست باسمي مع الوقت..الخزنة كان فيها اوراق تثبت لانا المالك الوحيد لاملاك بابا و امي..رجعت لايطاليا..الغريب اني لقيت شكون عاوني من اول مرة..وكلهم معارف بابا و امي..و اهم شي لقيت عيلة امي..في لحظة لقيت روحي في نفس منصب بابا..تعبت سنين باش وصلت لهوني..على هذاكا يعقوب مينجم يعمل شي..خاطر انا عميل ايطالي..و كان يصرا عليا شي..باش يوحل في مشاكل و يخسر كلشي في لحظة..رجعت لهوني في المهمة اللي كلفتك بيها انت زادة..اما قبل ما نبدا..هو طلب مني اوراق تثبت ادانة توفيق مقابل يقولي شكون قتل امي..خاطر كل مهمة مرتبطة بتوفيق من قريب و لا من بعيد..هو راس الكبيرة هوني...يعقوب كان يجري باش يعرف شكون دنيال..و انا كنت متأكد لوراه سر كبير..و الا مكنتش باش نخدم معاه سنين..كنت نعرف لهو و بابا صحاب من قبل..كنت نعرف لهو يحب يوقع توفيق باش يحمي روحو..و انا كملت في لعبو لتالي..مش باش تتعدا عليا تراص لي في يد توفيق متاع العملية..و لا صوتو لكل مرة يحضر و يغيب في ذاكرتي
هزيت روحي شوية مصدومة...معادش فاهمة لي قاعدة يصير..استندت بيدي على صدرو...نغزر لعينيه لي حمارو بالوقت...كمل كلامو يحكي
زياد:كنت بحاجة لدليل قوي...باش نثبت كلامي..كنت نقول لهو رباني..كنت نقول لهو بو ادم..و مستحيل يأذيني...عشت سنين هذوما بين مد و جزر...بين شك و يقين...عشت و انا مخبي تناقض هذا داخلي...حتى مع روحي منفكرش فيه...اما نسى انو حتى فرعون هو لي ربا موسى...المرة هاذي غرق...و حد ماهو باش يسلكو..النار لي شعلت توا...مستحيل تطفى مرة اخرى يا سوار...باش ناخو حق امي منو...لاخر قطرة دم فيه...و حنان لي قتلها...باش يموت محروق..تعرف علاه...خاطر هاذي كان وصيتها تالية
غزرتلو ضايعة...للحظات كان يبان لهو مصدوم...اما طلع مخطط لكلشي..قص عليا تفكيري كيف نزل بيدو لكرشي يحكي
زياد:و حقك زادة ماهوش باش يضيع...صدقني انا باش نرجع على خاطرك...و خاطر ولدي
منعرفش علاه خفت من كلامو...كبست على مريولو...و حطيت راسي على صدرو نحكي
انا:ل لازمك ترجع...خاطر انا محاجتيش بصغير اذا انت خليتو
كبس على كرشي...و نزل باسني من راسي...يطمن فيا...كلامو لي هداني في لحظة خوفني اكثر...لقيت روحي مكبشة فيه اكثر...النار اللي باش تشعل مستحيل تطفى..و الحقد اللي فيه مستحيل يوفا...كان اذا خذا بحق امو و بوه...لا حكيت كلمة اخرى و لا نجمت نبعد عليه...بقى يعدي في يدو على شعري...لين هديت و هزني نوم...و غفيت بين يديه
الحلقة 148
زياد يحكي: عديت صوابعي...على خصلات شعرها...من غير ما نزل عينيا عليها...قربها مني خلاني نهدا بطريقة غريبة...كلام واحل داخلي سنين...نجمت نحكيه توا...غمضت عينيا القاوي...نذكر في كل لحظة من صغري...اول مرة ريت توفيق بعد الشهورة
هذيكا...نفس الخطوات...نفس الصوت...اما مفما حتى تاتواج على يدو...كان تراص عملية و كهو...عديت صغري الكل بين انو هو و مش هو...لهوتو و حبو ليا...تقول مستحيل توفيق هو مولا العملة هذيكا...اما تصرفاتو الغامضة كانت تخليني نشك في كل خطوة يعملها...من اول نهار خلاني نشد سلاح في يدي...عرفت لهو مستحيل يعمل خير من غير حتى سبب...اما ملقيت حتى شي يثبت شكوكي الكل...كنت نقول تشابه و كهو...من الصدمة اللي عشتها...على هذاكا شكيت فيه...اما في الاخير طلع شكي في محلو...و اخر شي توقعتو انو تكون عندو يد في موت حنان...كيف نجم يعملها...عقلي محبش يستوعبها الحكاية جملة...لتوا مش مستوعب انو توفيق هو سبب كلشي...و سبب العذاب هذا الكل...هو لي ربانا بيدو كيفاه نجم يعيشنا هذا الكل...كان للحظة صدقت شكي...كان كلشي وفا عندو سنين...و مكانتش حنان باش تكون ضحيتو هو زادة...حسيت راسي باش يطرشق...خذيت نفس و حليت عينيا...نزلت بيدي شوية حطيتها على يدها لي مكبشة فيها مريولي...كبست عليها...طلعتها عندي بستها منها...اهم شي عندي انو هي و الصغير ملاح...الباقي الكل يتحل وحدو...اصلا مش مصدق لي طلعت نفسها الفرخة...على هذاكا كنت نحس لي هي قريبة ليا من بكري...تبسمت على جنب...متوقعتش لي باش تطلع في حياتي مرة اخرى...و تكون نفسها سوار...لتوا كلامها في وذني...لهي حبتني من الصغرة...متوقعتش للعركة هذيكا شتبقى فاصل في حياتنا...الجرح لي تحت عيني...كان يذكرني بيها ديما...بقات في مخي نفس الطفلة الصغيرة لي ريتها من سنين...كل مرة نطلع للمرايا...نسال روحي...كيف ولات...و شنية عاملة زعمة...بعد عشر سنين تعدات...رجعت...اما رجعت و هي تلوم فيا...رجعت و حملتني ذنب كبير برشا...يمكن كان عملت خطوة وحدة للماضي...كنت باش نمنع هذا الكل يصير...مكانتش باش تعيش تحت رحمة عدنان...و لا تكون ضحية انتقام لادم...انا بيدي ضيعت فرصة اني نحمي صغرونتي...كان من سنين تبعت قلبي...كان صدقت انو انا حبيت طفلة صغيرة عمرها عشر سنين...مكانش باش يصير هذا الكل...و توا نفسها الطفلة هذيكا بين يديا...وحبلة مني...قطعة مني عندها هي...عديت يدي على كرشها...لتوا مش مصدق الخبر...حتى كيف حبت تنزلو...فهمت شنية اللي قاعد يدور في مخها...نعرف لباش تفكر انو لي صار معاها اول مرة باش يتعاود...اما لا...المرة هاذي مانيش باش نسمح لحد يبعدني عليها و لا على ولدي...اللي باش يصير...ماهوش باش يخليني نخسر السبب اللي باش يخليني عايش...خذيت نفس...وجبدت روحي منها شوية...نزلتها من حملتي...حطيتها عالسرير...باقي مكبشة فيا بيدها...نحيت يدها بالسياسة...منحبهاش تفيق توا...خاطرها ياسر تاعبة...رجعتلها شعرها لتالي...و نزلت عليها اكثر...بستها من خدها بوسة مرصوصة...غطيتها...هزيت تليفوني...وخرجت من البيت...طلبت هارون يجي لهوني...علقت عليه...ورجعت لبيتي...جبدت دبشي...احسن شي اسماعيل موجود توا...بدلت بالسيف...منعرفش علاه موجوع من جنبي لهدرجة...هزيت يديا نسكر في سوريتي...قص عليا اسماعيل كيف حل الباب و دخل...غزرلي مستغرب يحكي
اسماعيل؛فاش تعمل
انا:عندي خدمة لازم نكملها
اسماعيل:توا...في نص الليل
انا:منجمش نستنى اكثر
بقى يغزرلي مصدوم...دخل طبيب بالوقت...قحرلي يحكي
هو:فاش تعمل
انا:لازم نمشي توا
هو:متعداش ساعات على عمليتك...صحيح الضربة سطحية و الرصاصة مدخلتش بدنك...اما الجرح خطير برشا...منجمش تسمحلك تخرج
انا:معنديش وقت برشا
اسماعيل:زياااد اسمع كلام الطبيب...عالاقل صباح تنجم تخرج
هزيت الفاست متاعي لبستها...و هزيت الفرد...وغزرت لطبيب نحكي
انا:انا مليح...انت ماكش باش تكون مسؤول على شي طمن...المهم سوار وولدي يكونو بخير
خذيت نفس و خرجت من البيت...و اسماعيل في جرتي...لقيت هارون وصل بالوقت...قرب مني بالزربة يحكي
هارون:سوااار وين لباس
هزيت يدي حطيتها على كتفو..غزرلي مستغرب...كبست عليه نحكي
انا:سوار باش تكون فب حمايتك لين نرجع...رد بالك تخليها وحدها و لا تغفل عليها حتى شوية...سوار هدفهم الوحيد توا...انا منجم ناثق في حتى حد غيرك خاطر سوار تاثق فيك انت...على هذاكا سوار وولدي في حمايتك انت
رصيت على كلامي التالي...نحبو يفهمو بالقدا...و ينحي كل تفكير من جيهتها...تبسم على جنب يحكي
هارون:مبروك...اما يا ريت ترجع في اقرب وقت...منجمش نضمنلك اني نشدها كيف تفيق...ماك تعرفها راسها كاسح
انا:باهي عيشك هارون
هارون:في الخدمة
تبسمتلو...و ضربتو على كتفو...ضربة خفيفة...و تلفت لاسماعيل نحكي
انا:هيا اسماعيل
خرجت معاه لبرا...شديت عليه مفاتح كرهبتي...طلع حاجبو يحكي
اسماعيل:خليني انا نسوق
انا:لا باش نمشي وحدي
اسماعيل:اما
انا:انت عندك خدمة اخرى توا
اسماعيل:شنوة
انا:باش تمشي للمركز توا...و اصدر قرار بالقبض على المجموعة الكل...من امير العابد...حتى لطارق
اسماعيل:متأكد...لتوا مزلنا في تحقيق معاهم
انا:باش يتحولو لتحقيق و يتحاكمو و هوما في الحبس
اسماعيل:باهي
انا:لحظة
اسماعيل:شنية
انا:و ادم عبد السلام معاهم زادة
اسماعيل:زيااااد فاش تحكي...متأكد من كلامك
انا:متاكد...كيف نجي للمركز نلقاه غاديكا
اسماعيل:باهي
حليت باب الكرهبة...وركبت...طرت بيها لدارها...منعرفش على روحي كيف وصلت...خذيت نفس و نزلت...تقويت على روحي ودخلت لهوني مرة اخرى...طلعت الدروج هذاكا بالسيف...هزيت يدي متردد دزيت باب بيتها...منحبش ندخلها مرة اخرى...اكثر بلاصة وجعتها فيها هي البيت هاذي...تنهدت بالقاوي و دخلت...مزال كلشي في بلاصتو...غزرت للخاتم لي مزال ملوح عالارض...نزلت هزيتو في يدي و كبست عليه...اخيب احساس عشتو كيف نحاتو من يدها...للحظة حسيت اني باش نخسرها جملة...دورت راسي شوية...نغزر للروبة متاعها...قربت منها بخطوات رزينة...نزلت شوية...عديت يدي على حجارها...كلشي هوني يعبر عالوجيعة لي كانت تحس فيها...كلشي هوني يحسسني قداش غلطت في حقها...قداش ظلمتها بعملتي...للحظة كان باش يوفا كلشي هوني...كنت باش نخسر السبب لي باش يخليني عايش...غمضت عينيا بالقاوي...ورجعت حليتهم...قربت من الكوافوز...نغزر للمذكرة متاعها...قلبي دق بالقاوي...كيف لمحت الشركة لي فوقها...ضيقت عينيا وهزيتها في يدي نغزرلها و مش مصدق...نفسها الشركة...شركة متاع امي...قربتها ليا اكثر حليتها...غمضت عينيا نمنع في دموعي...توا فهمت كيف سوار عرفت هذا الكل...كبست عليها اكثر...قعدت عالكرسي...و هزيت مذكرتها في يدي...نقلب في صحفاتها...حبست على سطور اللي كانت كاتبتهم...<< من اليوم بقيت انا وولدي كهو...نعرف اللي جاي باش يكون صعيب برشا...نعرف لزياد كان يعرف بصغير باش يجبرني نزلو...هو مستحيل يرضى شكون يدخل في حياتو بعد توا...اما..انا زادة مانيش باش نسمحلو ياخو مني ولدي...و لا حتى يحرمني منو >> تنهدت بالقاوي...نحس في النفس تسكر عليا...كيف قريت لي بعدو << قوتي خسرتها مع ولدي...مستحيل نجم نسامح اي حد فيهم...عالوجيعة لي حسيتها توا...احسن شي معادش باش نحبل مرة اخرى...عالاقل معادش باش نخاف من الخسارة...و يكون عندي سبب كافي باش نجم نكرهو >> غمضت عينيا بالقاوي...مش مصدق لي قاعد نقرا فيه...خذيت نفس بالسيف...تبسمت على سطور اخرى...<< مش مصدقة انو زياد طلع نفسو المنقذ متاعي...والله طلع هو...زعمة شنية ردة فعلو كان يعرف...زعمة مزال مذكرني لتوا...لاا سوار باز يكون نساك...اففف شيهمني فيه المهم طلع هو...يكفي لانا فرحانة برشا باللي عرفتو...اصلا من غير شي نحبو السخطة>> مجنونة بالحق...تحكي مع روحها حتى في المذكرة...للحظة تخنقت و انا نقرا في اللي كتباتو على نهار العرس << اليوم كهو تأكدت انو لي كيفي معندهمش حق انهم يحلمو جملة...للحظة حلمت اني باش نعيش نهار هذا...اما لقيت روحي كرهت كلمة عرس...و كرهت كلشي يتعلق بيه...المرة هاذي مانيش باش نسامحو جملة...مانيش باش نغفرلو...يمكن هاذي اول خطوة باش نكرهو و ننساه...اما كيف باش نبرا منها الوجيعة هاذي >> رجعت راسي لتالي...نحسو باش يطرشق...قلبي يدق بالقاوي باش يخرج من بقعتو...كلشي مكتوب هوني و كل وجيعة عاشتها كنت انا سبب فيها...جيت باش نسكرها...اما حبست كيف ريت ورقة خارجة...جبدتها نغزرلها...الايكو متاع ولدنا الاول...كبست عليها في يدي...كان مش انا...راهو جا لدنيا توا...انا بيدي قتلتو...غزرت لدات متاع اليوم...نقرا في اخر حاجة كتبتها...<< حاولت...حاولت برشا نعيش من غيرو اما منجمتش...كل يوم و كل ليلة قاعدة نكذب على روحي...انا منجمش نكرهو...و منجمش نبعد عليه...اما زادة منجمش نقرب منو...الحب هذا مستحيل...نعرف اللي باش نعملو غالط...نعرف بعملتي باش يكرهني اكثر...خاطرني باش نكون سبب انو يبطل عرسو...هذا كان بطل من الاساس...انا مانيش قوية لدرجة اني نراه هو و اختي مع بعض...نعرف لمنى طفلة باهية...و فيها كلشي يحب عليه هو...اما زادة مانيش باش نخليه يفرح...هو حبني انا...و بالسيف عليه باش يبقى يحبني...حتى اذا نساني مع الوقت...ماهوش باش ينسى نهار هذا...اصلا بعد اليوم الكل باش يكون مرتاح...كلشي باش يوفا كيف نمشي انا من هوني...تمنيت كان نجم نقتلو حتى هو...اما لا هو مزال طريق طويلة قدامو...هو لازمو يحقق العدالة...و ياخو حق امو و حنان...يمكن نلقى العدالة في وسط هذا الكل...و يمكن يجي نهار و يحس بيا حتى هو...اما ماهوش باش يلقاني...و مهما حبيتو مانيش باش نسامحو جملة >> على اخر كلمة...نزلت مني دمعة...محات اخر كلماتها...سكرتو بالوقت...الوجيعة لي حسيت بيها قوية برشا...قوية لدرجة منجمتش نتحرك من بلاصتي...فوق اللي عاشتو الكل...انا قهرتها اكثر...رغم حبي ليها معرفتش نحميها...معرفتش نحافظ عليها...ندمت ؟؟؟ الكلمة هاذي معادش تنفع توا...انا بيدي وصلتها للموت...اختارت انها تموت و تخليني...على انها تقرب مني...خافت مني...خافت كان نرجع نجرحها مرة اخرى...خافت نوجعها و نعرس باختها...ثقة ؟؟ انو ثقة تحكي عليها يا زياد...و هي كل مرة تحاول تتحمى بيك تعطيها بظهرك...انو ثقة مزلت باش نحكي عليها...وسط لي عاشتو الكل...انا زادة طلعت ساقط كيفهم...كيف كل حد منهم جرحها...كل حد منهم خذا مصلحتو و طيشها...باهي و انا...انا لي حبتني...لي صدقت باش نحميها...خليتها تواجه يعقوب وحدها...طرجمت خوفها على انو قلة ثقة...و نسيت لانا خذلتها اكثر من مرة...حتى الصغير معادش تحب عليه...خاطر خايفة مني...اول مرة نكره روحي لهدرجة...اول مرة نحس اني ظلمتها برشا...اول مرة نحس انو معادش عندي حق باش نقلها اسمحلي...و لا حتى نجبرها ترجع تحبني كيف الاول...عديت يدي على وجهي بغزول...و هزيت روحي...خرجت من البيت...منعرفش كيف وصلت للكرهبة...حطيت المذكرة و الشركة...داخل الفاست...منحبش نضيعهم مرة اخرى...كبست عالفولون...وطرت بالكرهبة للمركز...لقيت دنيا داخلة بعضها...جاني اسماعيل يحكي
اسماعيل:الكل هوني...اما الوضع ميطمنش...اذا شافوك هوني باش يعرفو لانت عميل سري
انا:ميهمش...ادم هوني
اسماعيل:في تحقيق...و بما انو هارون مش هوني...انا باش نحقق معاه
انا:لا تو انا نحقق معاه
اسماعيل:اما زياد انت
انا:طمن...نظن لحق نهار هذا
اسماعيل:فما شي اخر
انا:شنوة
اسماعيل:جنيرال قال باش يصدر قرار و يخرجهم...لين تلحق المحاكمة
انا:متخافش قرار وقعت عليه انا هو مينجمش يبدلو...كان اذا تنازلت انا...على هذاكا اعتبرو ما قال شي
اسماعيل:باهي
1
خذيت نفس و تلفت...منعرفش كيف باش نقابل ادم بعد هذا الوقت الكل...اما نظن لحق الوقت...باش يعرف شكون زياد...باش يعرف كيفاه و علاه هو هوني
دم يحكي: ترميت عالكرسي...ندور في عينيا عالبيت...منعرفش انو قضية زدت تورطت فيها...ناقص انا توا...باش ندخل في دوامة جديدة...و تحقيق مش باش يوفا قبل الصباح...تكيت راسي لتالي...و غمضت عينيا...نذكر كيف جاوني لدار...حليت الباب نغزرلهم...نطق واحد فيهم يحكي
هو:مسيو ادم
انا:ايه تفضل
هو:انت موقوف
انا:والسبب
هو:تعرف في المركز
جيت باش نحكي...قصت عليا ملاك...كيف كبشت في ساقي...و طلت عليهم شوية...باقي تجبد فيا و تحكي
ملاك:ب بابا...بابا
نزلت راسي نغزرلها مرعوبة...خذيت نفس و نزلت عندها...نحكي
انا:شبي صغرونتي
ملاك:م م متمشيش
انا:مانيش باش نطول...نمشي مع عمو للخدمة و نرجع فيسع باهي
ملاك:و وعد
انا:وعد
قربت مني حضنتني بالقاوي...و باستني من خدي...جبدت روحي منها...وقفت و كبست على يدها...تلفت لزينب لي واقفة تغزرلنا من غير حتى كلمة...قربت منها نحكي
انا:ملاك امانة عندك زينب...رد بالك عليها باهي
هزتلي براسها باهي...تبسمتلها...و تلفت باش نمشي...وقفتني تحكي
زينب:باش ترجع مش هكا
وقفت في بلاصتي...كلامها خلى قلبي يدق بالقاوي...تلفت عندها نغزرلها...نغزر لدموعها لي نزلو بالوقت...هزيتلها براسي ايه...نحكي
انا:باش نرجع
غزرتلي ندرا كيف...و قربت مني تجري...ترمات في حملتي...حضنتني بالقاوي...اول مرة تحضني بالطريقة هاذي...هزيت يدي كبست عليها بكل قوتي...تنهدت بالقاوي من اللي حسيتو ساعتها...طلعت راسها شوية تحكي
زينب:ا اوعدني انا زادة
تبسمت و انا نغزر لوجها...هزيت يدي مسحت دموعها...و نزلت بستها من راسها بوسة مرصوصة نحكي
انا:وعد عزيزتي
حاولت نجبد روحي منها...كبشت فيا اكثر...حاوطت وجها بيديا زوز...نحكي
انا:زينب انت لازمك تكون قوية...على خاطر ملاك...باهي...لازمني نمشي باش نرجع فيسع
هزتلي براسها ايه...تبسمت نطمن فيها...خذيت نفس نحكي
انا:متمشي لحتى بلاصة...و متخرجش من دار لين نرجع...رجال برا...متخاف من حتى شي
رجعت حضنتني بالقاوي...كبست عليا بيديها الزوز تحكي
زينب:باش نستناك...باش ترجع خاطرني نحبك برشا
غمضت عينيا بالقاوي ورجعت حليتهم...بستها من راسها...وجبدت روحي منها...عطيتها بظهري...من غير ما نرجع نغزرلها و لا نغزر لملاك...وصلت عندهم نحكي
انا:باش نجي بكرهبتي...و خلي واحد من رجالك يجي معايا
هو:باهي تفضل
2
سكرت الباب ورايا...وصيت الرجال عليهم...و مشيت لكرهبتي...ستنيت واحد من رجالو ركب معايا...و طرت بالكرهبة...نسوق وراهم...و تفكيري الكل عندهم...اول مرة نحس روحي مجبور باش نرجع...اول مرة نحس روحي مسؤول بعد السنين هذوما الكل...فقت من سرحتي على صوت الباب لي فتح...تنهدت بالقاوي...وطلعت راسي...عينيا وساعو بالوقت...تعدلت في قعدتي نغزرلو مصدوم...ضيقت عينيا نحكي
انا:زياااد
هزني و حطني...سكر الباب و قرب مني...من غير حتى كلمة...هزيت روحي وقفت نغزرلو...هز يدو في وجهي يحكي
زياد:اقعد
عقدت حواجبي مستغرب...هزيتو و حطيتو...نحكي
انا:مش قبل ما تفهمني لي قاعد يصير
زياد:انت رهن الاعتقال...مانيش باش نقولك علاه...انت تعرف عمايلك الكل
انا:ليا الكلام هذا
زياد:علاه فما حد غيرك هوني
انا:و شكونك انت باش تحقق معايا...و شتعمل هوني من الاساس
تبسم على جنب...و جبد كارت من مكتوبو حطها في وجهي...ضحكت بالوقت...و ترميت عالكرسي قعدت...غزرتلو نحكي
انا:تفضل سي زياد...ابدا تحقيق متاعك...شنية تحب تعرف
بقيت نغزرلو...صدمة لي حسيتها الكل خرجتها في ضحكة وحدة...نزل عندي شوية...استند بيديه زوز عالطاولة...غزرلي في عينيا يحكي
زياد:تذكر مرة قتلك...باش يجي نهار و نحكمك...اما بعدها باش نغفرلك خاطرك خويا
انا:سنين كافية باش تبدل الواحد...كلامك خرج...اما ماكش باش تغفرلي...اذا كان هذا لي يريحك...انا باش نعترف بكلشي...منحبكش تعمل فيا مزية...و لا باش نسمحلك تخليني نموت بعذاب ضمير...مش انا لي نخاف من الحبس...مهما تحبست يا زياد باش نولي لساحة على خاطر مرتي...و انت اكثر حد تعرف لانا قد كلامي
هزلي براسو ايه...ضرب يديه زوز عالطاولة...يحكي
زياد:عندك حق...باش تاخو حق مرتك...باهي و حق مرتي...حق سوار كيف باش ناخو منك...كيف باش نطلع في وجها...كيف تحبني نواجها
كبست عالبونية متاعي...خذيت نفس...و غزرتلو نحكي
انا:مفما حتى شي و حتى حد...يغفرلي لي عملتو...لي قاعد تحس فيه توا انا حسيتو كيف خسرت مرتي...كيف خسرت اغلى حاجة عندي في دنيا...كنت نجم نقتل سوار بعد اللي صار الكل...اما تراجعت في اخر لحظة تعرف علاه...خاطر وقتها صحيت من سكرتي...رغم كلشي ورا الباب الصغير هذاكا كانت باش تبدا حياة اخرى...اما مرتي حرموها حتى انها تعيش...و انت اكثر حد تعرف شنية لي صار و شنية لي عشتو...مانيش نبرر لروحي...اما معاد نحب حتى حد يحاسبني...انا باش نعترف بعملتي توا...و باش نبرأ سوار من عملتها قدام ناس الكل...عالاقل نكون رجعتلها شوية من حقها
3
وخر لتالي شوية...غزرلي ندرا كيف...عدا يدو على وجهو يحكي
زياد:عديت الوقت الكل...نقول لادم مستحيل يعملها...ادم مستحيل يوصل يعمل في طفلة صغيرة اكاكا...حاولت نبرر افعالك اما منجمتش...علاه باش نبررلك و انا بعد اللي عملتو فيها انت...حاولت نستغلها...ستغليت وضعها و الحالة لي فيها...بعدتها على امها و خوها...و خليتها تكون دنيز...تعرف علاه وافقت...خاطر وعدتها باش نعاونها تلقى شكون عمل فيها اكاكا...كانت ديما تحاول توصلي كلامها...تحاول جربني اذا باش نبقى معاها ولالا...اما انا بيدي خليتها...خليتها نهار عرفت انو انت الراجل المجهول في حياتها...انو انت لي كنت بينا ديما...انو مهما حاولت نسيها فيك منجمتش...كل مرة نقرب منها...كل مرة تمرض...كانت تترجاك في احلامها...تنجم تفهمني انا شنوة توا...تنجم تقولي كيف انا باش ننسى و لا هي و لا انت...انك اول واحد في حياتها...تنجم تقولي كيف...تعرف لهي بعد اللي صار...تغزرلي على اساس اني انت...تنجم تقولي توا...كيفاه باش نرجع ثيقتها...كيفاه نجم نعيش...و نمحي من حياتي حد اسمو ادم
كلامو خلاني نحس بغصة واحلة في حلقي...هزيت روحي وقفت...قربت منو شوية نحكي
انا:انت و حنان كنتو عيلتي الوحيدة...هذا كان كافي باش نعيش...بنتي لكانت جاية في ثنية...عطاتني قوة جديدة باش نبدا من جديد...في لحظة خذاو مني مرتي و بنتي...في لحظة لقيت روحي وسط الدم و النار...تعرف قداش قعدت باش بريت من اللي صار...تعرف قداش بقيت هارب من هوني...ماك تعرف بلا ما نخبرك...رجعت لتونس و في راسي شي واحد كهو...حق مرتي باش يرجع بنفس الطريقة...خسرت روحي نهار ماتت حنان...و الحيوان اللي فيا خرج لساحة...مانيش نادم على لي عملتو...ندمت خاطر سوار معندها حتى دخل في الحكاية...عدنان و محمود هوما لاغتصبو حنان...اما فما شكون كان وراهم...تحبني نعترف باهي ملا...انا لاغتصبت سوار...و انا لي رميت محمود من البناية...و انا لي قتلت عدنان...حتى حادثة منهم ما كانت انتحار...باستثناء حكاية سوار منحبكش تحاسبني و لا تحكي معايا على حتى قضية
بقى يغزرلي من غير حتى كلمة...خذيت نفس و تلفت باش نرجع لبلاصتي...وقفني...يحكي
زياد:احسن عقاب ليك انك متعرفش شكون هو...يمكن هذا لي فكرت فيه سوار...اما انا باش نقلك...مش على خاطرك لااا...اما على خاطر حنان...حنان اختي كيف ما هي مرتك
وقفت في بلاصتي...حسيت دم جمد في عروقي...دقات قلبي قوات اكثر...كبست عالبونية متاعي...اخر شي توقعتو اني باش نعرف شكون اللي عمل هكا في حنان...سكت شوية...و تنهد يحكي
زياد:بوك يا ادم...بوك طلع اسقط واحد فينا
تلفت عندو مصدوم...غزرتلو نحاول نستوعب كلامو...نزلت راسي شوية...نعاود في كلامو في راسي...حسيت نفس تسكر عليا...قد ما حاولت ندخلها في راسي منجمتش...هزيت يدي حليت فلس سوريتي نحكي
انا:شمدخل توفيق في الحكاية
زياد:ماك عديت سنين تجري ورا القاتل في تالي طلع بوك انت
قربت منو بالزربة...هزيت يدي زوز...شديتو من الفاست...نحكي
انا:زياااااد هبلت ياخي...نعرف لهو ساقط...اما مش باش توصل بيه انو يعمل اكاكا...اغزرلي تعرف لانا نادم على لي عملتو...اما متحاولش تنتقم مني بالطريقة هاذي
4
هز يديه زوز...دزني لتالي شوية...قحرلي...يحكي
زياد:ياااريت كنت نكذب...اما هو طلع اسقط من هكا ببرشا...هو لاغتصب امي...و هو لي قتلها زادة...طول السنين لي تعدات كنت نقول لانا قاعد نتوهم و كهو...انو توفيق كيف بابا مينجمش يعمل هكا...اما عملها...القاتل لكنت نلوج عليه حياتي الكل تربيت في دارو و تحت يدو...هو زادة اللي عمل في حنان اكاكا...حاولت نعرف علاه و قد ما فكرت منجمتش...التحليل الوحيد لي وصلت ليه...انك ما تفرق عليه في حتى شي...انت و هو واحد
قصيت عليه الكلام كيف هزيت يدي ضربتو ببنوية على وجهو...وخر لتالي مروهج...هز راسو شوية...مسح الدم لي نزل من خشمو...و تبسم يحكي
زياد:مانيش باش نردها تعرف علاه...اللي باش تعيشو باش يكون اقوى من هكا...باش تموت بعذاب ضمير خاطرك منجمتش تنتقم لمرتك...و تنفذ اخر وصية ليها...انا كنت قد كلمتي ووفيت بوعدي...كل قضية في حقك سقطت...و الدوسي متاعك نظيف في المنظمة الدولية...بعد اليوم انت حر...تنجم تكمل خدمتك و حياتك عادي...اما ماكش باش تخرج من هوني كان وقت نقتل توفيق بيدي...وقتها لا تنجم تعرف علاه عمل هكا...و لا تنجم تاخو حقك منو
بقيت واقف في بلاصتي...نغزرلو مروهج...نحس الكلام هرب مني...معادش فاهم شنية لي قاعد يصير بالظبط...قص عليا سرحتي كيف هز روحو و خرج...وقتها فقت على روحي...قربت من الباب باش نحلو لقيتو مسكر...مستحيل يعملها فيا...ضربت الباب بكل قوتي نصيح
انا:زياااااد....زيااااااد حل الباب هذا...حل ¤¤¤ توا...زياااااد
حبست كيف سمعت صوتها...غمضت عينيا نسمه فيها تحكي
حنان:ادم...كلشي باش يكون مليح...المهم انت عرفت الحقيقة...من اليوم معادش باش تحمل الوجيعة هاذي في قلبك...و معادش تلوج عالسر...من اليوم انت باش تتذكر الحاجات الحلوة لي عشناها مع بعض كهو
حليت عينيا شوية شوية...و تلفت عندها...نغزرلها ماشية و تبعد...هزيتلها براسي لا...نحكي
انا:لاااا ماهوش باش يوفا...شي ماهو باش يوفا...علله مقتليش يا حنان...علاه مقتليش لي هو عمل فيك هكا...علاه خبيت عليا
غزرتلي ندرا كيف...هزيت يديا زوز كبست على راسي...معادش نتحمل لي قاعد يصير...في لحظة بعدت و معادش نجم نراها مرة اخرى...ضربت يديا الزوز عالطاولة بغزول...و دزيتها لتالي...كلشي جا على يدي رميتو لتالي...دموعي نزلو بالوقت...نزلو على قد الوجيعة لي حسيتها...عمري ما توقعت انو بابا يطلع نفسو..طول عمري كرهتو على انانيتو...على حبو للفلوس اكثر منا...اما توا...ولى عندي سبب اقوى باش نكرهو...سبب كافي باش نحرقو حي...طلعت راسي شوية...غزرت للباب...مانيش باش نبقى هوني برشا...مستحيل نخلي زياد ينتقم وحدو...مستحيل نسمحلو...يوفي بوعد انا وعدتو لمرتي وروحي...المرة هاذي معادش يهمني صلة الدم...و كيما عذب حنان...شنخليه يذوق دوبل...في تالي انا ولدو...و المرة هاذي ننسى لهو بابا...و مستحيل كان مزلت نتعاطف معاه...اصلا الوجيعة لي في قلبي باش نبرا منها كان نهار نحرقو حي...وقتها كهو حنان ترتاح و انا نرتاح...هو كتب نهار هذا بيدو...الا ما نخليه يعيشو بتفاصيلو الكل
حلقة 149
سوار تحكي حليت عينيا شوية...نحس في راسي باش يطرشق...و بدني رزين برشا...تلفت شوية...جات عيني على هارون...قاعد عالفوتاي...حاط راسو على يدو...ظاهر فيه راقد...هزيت روحي شوية تقعدت...دورت عينيا في البيت...نفركس عليه...نحس في روحي مروهجة و خواطري دايرة...نزلت يدي شوية حطيتها على كرشي...اللي صار مش حلمة...مش حلمة جملة...انا حبلة و هو كان معايا هوني...ملا وينو توا...و شبي هارون هوني...قلبي دق بالقاوي...منحبش نخمم في اللي باش يصير...خاطر نعرف لهو ميحملش هارون جملة...و مان يتلقاو هوني الا ما تصير عركة بينهم...فقت من سرحتي على صوتو يحكي
هارون:سوار فقت ياخي
هزيتلو براسي ايه...من غير حتى كلمة...هز روحو قرب مني...عبا كاسة ما و حطها في يدي يحكي
هارون:اشرب شوية
كبست عليها في يدي...شربت منها شوية...ورجعت نزلتها...تبسملي يحكي
هارون:لباس توا
هزيتلو براسي ايه...كبست عالكاسة اكثر...و تنهدت نحكي
انا:ه هارون شتعمل هوني انت...ز زياد هوني و
هارون:شنوة...خايفة منو انت ؟
سكت و نزلت راسي...ملقيتش باش نجاوبو...عندو حق يمكن خايفة من اللي باش يصير...كان يتلقاو هوني...معادش عندي خلق باش نتحمل عركة اخرى...و لا باش نسمع كلامو...و لا انو يحاسبني على شي توا...كبست عالكاسة اكثر...و انا نسمع فيه يحكي
هارون:متخافش...قبل ما يمشي...قالي رد بالك على مرتي وولدي...وركزلي عالكلمتين
طلعت راسي نغزرلو مصدومة...شي من كلامو...و شس كي عرفت انو زياد خرج من هوني...للحظة جا في بالي توفيق و يعقوب...نطرت من بلاصتي...جست واقفة نحكي
انا:و وين زياااد...هارون وين مشى ؟
قرب مني شوية...حط يديه زوز على كتافي...كبس عليا...ورجع قعدني يحكي
هارون:ششش اهدااا...باااز مشى للمركز
هزيتلو براسي لااا...بدني الكل يرعش...غزرتلو نحكي
انا:لاااا هاارووون...لاااا...انت ما تعرف شي
هارون:سوااار اهدا يا طفلة...و فهمني شنية اللي قاعد يصير
هزيت يدي...رجعت شعري لتالي...دموعي نزلو بالوقت...خذيت نفس نحكي
انا:لااازمني نحكي معاه...هاروون امان لازم نحكي مع زياد...امانك عيشك
هارون:باااهي سواار...اهدا تو نطلبو
انا:ب باهي
بقيت نغزرلو...جبد تليفونو...طلبو بالوقت...وحطو في يدي...نحس في قلبي باش يخرج من بقعتو...و انا نستنى فيه يرد...تهزيت و تحطيت على صوتو يحكي
زياد:هااروون شفمااا...سوار لباس ؟
انا:ز زياااد
زياد:سوااار...لباس ماهو ؟
انا:وينك انت ؟ علاه مشيت ؟ ووين مشيت ؟
زياد:ششش اهدا عزيزتي...و فهمني شصاار
انا:ز زياد وين مشيت انت ؟
زياد:للخدمة...هوكا هارون معاك...اول ما نكمل باش نرجع باهي
انا:زيااد انا
زياد:انت شنوة...شبي حبي...تحب حاجة انت ؟
انا:لااا انااا
زياد:سواار شتحب ؟
انا:باش ترجع مش هكا
زياد:انت تحبني نرجع
سكت...قلبي دق بالقاوي...صحيح نحبو يرجع...ونحب نراه توا...اما منجمت نحكي حتى كلمة...تنهد يحكي
زياد:ارتاح توا...اول ما نكمل باز باش نرجعلكم
انا:انت مليح مش هكا
زياد:طول ما انتي مليحة انا مليح...منحبكش تعب روحك باهي
انا:زياااد
زياد:مممم
انا:اوعدنيي لانت ماكش باش تعمل حتى شي توا...و ماكش باش تمشي عند حتى حد منهم...امانك زياد
بقى ساكت...نسمع في صوت النفس متاعو...طالع هابط...كبست على تليفون اكثر نحكي
انا:اذا مش على خاطري...على خاطر ولدك
زياد:سوااار...نحبك...و نحبك تعرف لانت احلى شي صرا في حياتي...نعرف لي جرحتك برشا...و ظلمتك برشااا...و حتى كيف ندمت مانيش باش نجم نعوضك على شي...سامحني عيش حبي
دموعي نزلو اكثر...لين وليت نبكي بالشهقة...حطيت يدي كبست بيها على كرشي...تنهد يحكي
زياد:ششش متبكيش...مش باهيلك البكا توا
انا:ا اذا مرجعتش باش نزل الصغير باهي
زياد:تعلمت تهدد بالقدا يا فرخة...رد بالك على ولدي...نعرف لانت باش تحبو كيفي و اكثر...و رد بالك على روحك زادة
انا:زياد ارجع فيسع...باش نستناك انا
زياد:باهي يا روحي
نزلت يدي شوية...كبست على حرف السرير...نبكي بحرقة...منعرفش علاه مش مطمنة للي باش يصير...خايفة عليه برشا...نعرف اللي كلشي باش يمشي ضدنا المرة هاذي...حسيت بيد هارون لي تحطت على خدي...مسحلي دموعي يحكي
هارون:باش يرجع...مستحيل يخليك المرة هاذي...و كان يراك في الحالة هاذي...باش ترصالي في عركة معاه...و صدقني اخر حد نحب نعاركو هو زياد...خاطر صراحة مخو مسكر
تبسمت بالسيف...و هزيت يدي عطيتو تليفونو...و نزلت من السرير...وقفت...نمشي بالسيف...حليت باب بيت البانو...قربت من لافابو...حليت السبالة...غسلت وجهي...وغزرت للمرايا...كلشي عشتو معاه لتوا تعدا بين عينيا...نزلت بيدي حطيتها على كرشي...اللي هوني ولدي...وولدو زادة...عندو حق انا منجمش نسلم فيه...مستحيل نسلم في قطعة منا احنا زوز...غمضت عينيا ورجعت حليتهم...كلشي باش يكون مليح...هو باش يرجع على خاطري انا...خذيت نفس و حليت عينيا على حركة لبرا...كبست على كرشي اكثر...وخرجت...حسيت دم جمد في عروقي...و انا نغزر لهارون...طايح عالارض...حاط يدو على كرشو...ساقيا فشلو و انا نغزر لدم...طلعت راسي شوية...نغزر للفرملي لي قوص عليه...وليت لتالي بالزربة...جيت باش نسكر الباب...دزها بالقاوي...وليت لتالي مروهجة...نحكي
انا:ش شكونك انت ؟
قرب مني اكثر...وخرت لتالي...نصيح بكل صوتي
انا:هااااروووون...امااان فما حد هوني
قرب مني بالزربة...دور يدو على ظهري...جبدني عندو...هزيت يديا زوز ندز فيه لتالي...و نصيح فرد وقت انا:سسسيييبني...سيييبنييي...سييب
سكت كيف حسيت بحقنة قوية اخترقت رقبتي...بقيت نغزرلو شوية...ورخفت بين يديه...معاد حاسة على حتى شي...حليت عينيا...في بيت اخرى...بيت مظلمة...وريحتها ندرا كيف...نطرت من بلاصتي جيت قاعدة...ندور في عينيا عالبيت...ظاهر اللي تعدا عليها الزمان...مفما كان سرير لي لقيت روحي مطيشة فيه...و قش قديم برشا...هزيت روحي شوية وقفت...مزلت بروبة متاع الكلينيك...معناهت جابني لهوني من غديكا...تلفت نغزر لسرير...قلبي غم عليا...كلشي هوني قاعد يخنق فيا...قربت من الباب بالزربة...نضرب عليها بالقاوي و نصيح
انا:حللل البااااب...تييي حل...شكونك انت
عديت شي نص ساعة...نضرب في الباب و نصيح...اما شي حتى حد ما رد عليا...قربت من شباك بالزربة...نحاول نحلو شي مسكر...الريحة غمتني اكثر...حاولت نشد اما منجمتش...خواطري دارت...كبست على كرشي...ورجعت كلشي عالارض...تقييت لين حسيت روحي تهديت...قعدت عالارض...تكيت راسي لتالي نرد في النفس...تلكمت على روحي اكثر...كيف سمعت الباب يتحل...نغزر لساقيه...لسباطو...طلعت راسي شوية شوية...نغزر لوجهو...نفس الملامح...نفس نظرة الكره...قحرتلو قحرة متاع موت...تبسم ندرا كيف يحكي
توفيق:مرحبا بيك هوني...في الجحيم
انا:ش شنوة لي تعمل فيه انت
قرب مني اكثر...نزل قدامي...قعد على ركبة و نص...حسيت بالنفس متاعو على وجهي...رجعت راسي لتالي...هز يدو يبعدلي في شعري و يحكي
توفيق:كان عندنا اتفاق...اما انت كسرت قواعد اللعبة...و خبرت زياد...المرة الاولى خسر امو كهو...منجمش نكذب و نقول لانا نسيتها...صدقني روزا مش اي مرا ينجم الواحد انو يقابلها...اما مكنتش نجم نخليها عايشة...كان رضات من الاول كلشي كان باش يتصلح...اما الاهم انا وصلت للي حبيت عليه...و توا
سكت شوية...عدا صوابعو على خدي...ورجع بيهم لشعري يحكي
توفيق:توااا زياااد عطاني فرصة اخرى...باش نجربك انتي زادة...مانيش باش نقلك انت كيف روزا...اما زادة ماكش خايبة...على هذاكا ولادي زوز يحبو عليك...الاول ادم و الثاني زياد...زعمة لي في كرشك ولد شكون
بزقت عليه بالوقت...و نزلت يدو من وجهي...نحكي
انا:سااااقط
هز يدو عداها على وجهو و تبسم ندرا كيف...يحكي
توفيق:صدقني هذا نهار ماكش باش تنساه جملة...باش نخليك تتمنى الموت و متلقاهاش...وقتها برك...تعرف شمعنى اللعب مع توفيق
هز روحو وقف...هزني و حطني...و تلفت عطاني بظهرو...قبل ما يخرج وقفتو نحكي
انا:الموت في طريقو ليك...المرة هاذي حتى حد منهم ماهو باش يرحمك...باش تموت على يد ولادك زوز...ذكر كلامي بالقدا
تلفت عندي تبسم بخبث...وخرج سكر الباب بالقاوي...كبست على كرشي بيديا زوز...و تكيت راسي لتالي...نزلو دموعي بالوقت...تقززت من كلامو...خايفة من اللي باش يصير...خايفة زياد ميلحقش باش يلقاني...و نوحل بين يديه...خايفة لهارون يكون ماات...خايفة من برشااا حاجات...خايفة لا نخسر ولدي جراير اللي باش يصير...غمضت عينيا بالقاوي...نحكي
انا:كلشي باش يكون مليح...زياد باش يجي...بوك باش يسلكك المرة هاذي...باش يجي انا متأكدة
هزيت يدي مسحت دموعي...وخرت لاخر تركينة...و تكيت راسي عالحيط...خواطري دايرة...و بدني مهدود...نحب نخرج من هوني و كهو...نحب نفيق من الكابوس هذا...و نلقى روحي بين يديه كيف البارح...نحب يوفا هذا الكل...كبست على كرشي اكثر...نحاول ناخو قوتي من الصغير لي في كرشي...كان نموت مانيش باش نسمحلو يمسني و لا يقرب مني...نعرف لزياد باش يلحق بالوقت...و ينهي هذا الكل...برغم الخوف الكبير لي عايشة فيه...اما متأكدة لكلشي باش يكون مليح
الحلقة 150
زياد يحكي: سكرت الباب بالقاوي...غمضت عينيا بالوقت...خذيت نفس طويل ورجعت حليتهم...نسمع فيه يصيح...للحظة قلبي عصر عليا...قص عليا سرحتي اسماعيل يحكي اسماعيل:شفما زياد ؟
انا:اول ما يطلع النهار خرجو من هوني
اسماعيل:مش قلت باش يبقى هوني حتى يوفا تحقيق
انا:ادم عندو حساب قديم لازم يسكرو
اسماعيل:باهي
تبسمت على جنب...و خرجت لبرا...ادم لازمو يخرج من هوني...حق مرتو باش ياخو بيدو...مانيش باش نحرمو من هذا الكل...مانيش باش نخليه يعيش العذاب لي عشتو انا لسنين طويلة...المرة هاذي نار اللي باش تشعل...باش تحرق الماضي الكل...و كل وجيعة تعدات فيه...اول ما خدمت الكرهبة...كلمتني...لتوا نحس في قلبي يدق بالقاوي من كلامها...تكيت راسي لتالي...و تبسمت على جنب...منعرفش كيف باش يوفا هذا الكل...منعرفش اذا باش تكون عندي فرصة نرا ولدي ولالا...اما كلشي يهمني توا انها تسامحني وكهو...نغزر لنهار لي بدا يطلع...تنهدت بالقاوي...وخدمت الكرهبة...دريكسيون لدارو...الدار لي كبرت فيها...متوقعتش اني باش ندخلها لاخر مرة...قربت منها بخطوات رزينة...منحبش نراه منحبش نقابلو بالكل...نحب هذا الكل يطلع كابوس...كبست على شركة متاع امي...ناخو منها في قوتي...دزيت الباب بيدي ودخلت...غريبة كيف مريتش عزيزة...اصلا مستانسة تفيق بكري...وقفت كيف ريت بقعات الدم عالارض...طلعت راسي شوية...نغزرلها مرمية في وسط صالة غارقة في دمها...عينيا وساعو...مخممتش مرتين قربت منها نجري...نزلت عندها...و هزيت راسها شوية نحكي
انا:ع عزيزة...شبيك شصااار
حلت عينيها شوية...تتنفس بالسيف...نزلت يدي حطيتها على كرشها بلاصة الضربة...بدني رعش بالوقت...نغزرلها و مش مصدق...نحكي
انا:تسمممع فيا مش هكا...شكون عمل فيك هكا...عزيزة جاوبني امانك
عزيزة:ز زياد
انا:هوني معاك
عزيزة:س سوار...ا الحقها
انا:فاش تحكي
عزيزة:ت توفيق ب باش ي يحاول يقتلها
قلبي دق بالوقت...هزيتلها براسي لااا...نحكي
انا:هو عمل فيك هكااا ؟
عزيزة:مممم...ح حاولت ن نمنعو اما م منجمتش...م متخليهش يقتل حد اخر...فيسع...ا الحقها
بقيت نغزرلها مصدوم...منجمتش نسوعب لي قاعد يصير...في لحظة تعدا بين عينيا صغري الكل...عزيزة كانت كيف امنا بالظبط...رغم كانت تسمع لبابا برشا...اما عمرها مخلاتنا نحسو بالنقص...نزلو دموعي بالوقت...كبست عليها نحكي
انا:باش تكون مليحة...متخافش انا معاك
هزت يدها بالسيف...حطتها على يدي فوق كرشها...دوب تنجم تخرج الكلام...تحكي بالسيف
عزيزة:س سامحني...ا انا س سكت س سنين هذوما الكل...ا ادم..ادم...خ خليه يسامحني زادة
كبست على يدي اكثر...بقيت نغزرلها...تبسمتلي ندرا كيف...حسيت بدمعة سخونة نزلت على خدي...اخر شي توقعتو انو عزيزة تعرف كلشي و ساكتة سنين هذوما الكل...نزلت راسي شوية نغزرلها...رخفت بين يديا...عرفت لهي ماتت...اصلا كانت في ساعتها الاخيرة...جبدت يدي منها نغزر لدم...للحظة تروهجت...مش مصدق لنرا فيه...غمضت عينيا بالقاوي ورجعت حليتهم...خرج اسم سوار بين شفافي...غزرت لعزيزة...قلبي دق بالقاوي...حتى عزيزة مرحمهاش و قتلها...كيف باش يرحم سوار...مخممتش مرتين...جبدت روحي منها بالزربة...خرجت من الدار نجري....يديا بالدم...منعرفش على روحي كيف وصلت للكرهبة...نطلب في هارون و نسوق فرد وقت...يديا زوز يرعشو...نطلب فيه و نعاود...شديت الفران بالقاوي...و دخلت للكلينيك كلشي يهمني اني نوصل لبيتها و كهو...نحس في نفس تسكر عليا...منعرفش كيف حطيت يدي عالبواني...كبست عليه و حليت الباب...نغزر لسريرها فارغ...غمضت عينيا بالقاوي...ورجعت حليتهم...نزلت راسي شوية شوية...نغزر لهارون مطيش عالارض...حتى هو غارق في دمو...دخلت نصيح
انا:هاااارووون...هااروون
نزلت عندو بالزربة...حطيت يدي على رقبتو...عرفتو مزال عايش...حاولت نفيقو نحكي
انا:هاااروون فيق...سوااار وين...هاااروون
رخفت يديا عليه...ووقفت مشيت لبيت البانو بالزربة نعيط عليها...منجمتش نستوعب لهي مخطوفة...دخل طبيب و فرملية بالوقت...قربت منو بالزربة...شديتو من سوريتو دزيتو لتالي نحكي
انا:سواااار وييني...مرتتتي وييين
هو:م منعرفش...ش شصار هوني اصلا
انا:كان يصير عليها شي ما تلوم كان روحك فهمت...و هاروون نحبك تنقذوو تواااا
هزلي براسو ايه...دزيتو لتالي...وخرجت من الكلينيك نجري...كلمت اسماعيل بالوقت...هز عليا مفجوع يحكي
اسماعيل:شفماا زياد
انا:سوااار مخطوفة
اسماعيل:شننووة كيف
انا:منعرفش...منعرفش لازمني نتصرف...لازمني نلقى توفيق فيسع
اسماعيل:تقصد توفيق بوك
انا:ماااهوش بابا...و عمرو ما كان بابا...فيسع اسماعيل تصرف...حضر رجال الكل...تو نبعثلك...البلايص اللي ينجم يكون فيهم الكل
اسماعيل:باااهي نستنى فيك
رجعت للكرهبة بالزربة...هزيت تليفوني...خليت ميساج لاسماعيل...وطرت بيها...نسوق و نحكي مع اسماعيل...حرقت الكياس...كلشي يهمني اني نلقى قبل ما يعمل فيها شي...كان نموت مستحيل نخليه يحط يدو عليها...ضرب في راسي ال garage لي مستانس ياخو منو سلعة...كلمة اسماعيل...و مشيت لغديكا...لقيتهم وصلو قبلي...نزلت نجري...قربت من اسماعيل نحكي
انا:لقيت شي اسماعيل
هزلي براسو لا...حسيت برجة قوية...هزيت يديا زوز حطيتهم على راسي...كبست عليه نحكي
انا:وين يكون هزها...وويين..راني باش نهبل يا اسماعيل
اسماعيل:اهدااا زياااد...معندهاش برشا مخطوفة...باز ماهوش باش يأذيها
انا:متأكد باش يأذيها...المرة هاذي ماهوش باش يتراجع
اسماعيل:باهيي هوني مفماش...و باش نخلو رجال اذا فكر يجي لهوني...اما توا لازم نمشو لاي بلاصة ينجم يكون موجود هوني...و لا اي حد ينجم يوصلنا ليه
انا:يعقوووب
اسماعيل:شنننوة
انا:جنيرااال هو كهو لي ينجم يعرف وينو
اسماعيل:هو زادة من يومين مجاش للمركز
انا:شنننوة...متأكد
اسماعيل:متاكد...ياخي متعرفش وين دارو و لا اي حد يوصلنا ليه
انا:منى...باش نكلم منى
اسماعيل:باهي فيسع
خذيت نفس...كلمتها بالوقت...نستنى فيها ترد...هزت عليا تحكي بصوت نوم...مفجوعة
منى:زياااد شفماا
انا:مننى حاجتي بيك في قضية لازمك تعاوني
منى:شفمااا
انا:سوااار مخطوفة...اختك مخطوفة...هي حبلة و ممكن يقتلوها فاي لحظة
منى؛شنننووة...شكووون خطفها ؟
انا:توفيق خطفها
منى:تقصد بووك
انا:بالظبط...هو و يعقوب صحاب...و مش بعيد يكون عمل هكا زادة باش يبعد سوار عليه جملة...اسمعني منى...سوار ما عندها حتى ذنب...يزي لي عاشتو لتوا...منحبهاش تتصدم بحقيقة انو بوها يحب يقتلها
منى:كيف نجم نعاونك
انا:قولي بوك وينو تواا
منى:باش يسافر
انا؛شنوووة وييين ؟
منى:منعرفش هذا لي سمعتو لبارح...اما
انا:اما شنوة
منى:هو باش يمشي اليوم للمركز...باش ياخو اوراق مهمة...هذا لي قالو لامي...اذا مشيت توا باز تخالط عليه
انا:باااهي منى مرسي
منى:طمني كان وصلت لشي
انا:باهي
علقت عليها و تلفت لاسماعيل...لباقي واقف يغزرلي...نحكي
انا:اسماعيل انا باش نرجع للمركز توا...و انت امشي لكل بلاصة عطيتك عنوانها...و كان وصلت لشي خبرني اول واحد
اسماعيل:باااهي
كبست على تليفون في يدي ورجعت للكرهبة...طرت بيها حتى المركز بعيد من هوني برشا...نسوق و تفكيري في اللي صار...نغزر ليديا لي مزالو بدم عزيزة...كبست عالفولون اكثر...منحبش نخمم لسوار ممكن يصرالها شي...غزرت لساعة...فيسع تعدا نهااار...قلبي قبض عليا..نحس في روحي قاعد نضيع في الوقت و سوار قاعدة ضيع مني...اول ما قربت للمركز...قص عليا صوت الميساج...هزيت تليفوني فتحتو...شديت الفران بالقاوي...و انا نقرا فيه...<< تحب على سوار عايشة...ايجا لاول بلاصة بدات منها حكايتك...و كان فكرت تخبر اي حد...حكاية امك باش تتعاود قدام عينيك مع مرتك...في يدك ساعة كهو...وقتك بدا من توا>>
قريت الميساج اكثر من مرة...نستوعب اللي قاعد نقرا فيه...معناها هو و سوار في دارنا القديمة...في حومة العربي...لا مستحيل...نجم نمشي من هوني لغديكا في ساعة...و لي قصدو بكلامو انو هو باش يعمل في سوار نفس اللي عملو في امي...قلبي دق بالقاوي...كان يفكر يمس شعرة منها...الا ما نحرقو حي...المرة هاذي...خدمت الكرهبة و درت بالوقت...نسوق من غير ما نخمم في حتى شي...كان اني نوصل...ضربة زوز نغزر لساعة...نحس في قلبي باش ياقف...خذيت نفس نحكي
انا:اتحمل سوااار...اتحمل عزيزتي...امانك اتحمل
نسوق و نحكي مع روحي...نحس في روحي باش نهبل...شديت الفران في راس النهج...ونزلت نجري...نغزر للقهوة مسكرة و حتى العم صالح مسكر...الشي لي خلاني نترعب اكثر...وصلت لدار بطلوع الروح...وقفت بحذا الباب...نغزرلو...سنين طويلة تعدااات...متوقعتش باش نرجع ندخل دار هاذي مرة اخرى...متوقعتش لباش نظطر نعيش نفس الكابوس مرة اخرى...هوني في دار هاذي...حطيت يدي عالباب...غمضت عينيا بالقاوي...دزيتها وحطيت ساقي...صوت امي قوا في وذني...صوت صراخها ماشي و يعلى...تنهدت بالقاوي...جبدت الفرد كبست عليه في يدي...ودخلت...قربت من دروج بالسيف...كل درجة ترجعني سنين للماضي...دار هادية بطريقة غريبة...كل شي فيها تعدا عليه الزمان...لتوا مذكر كيف خرجت منها و يدي في يد ادم...وقفت في نص الدار...نتحسس في صوت الخطوات...كبست عالفرد اكثر...قبل ما نتلفت تروهجت كيف حسيت بدقة قوية في رقبتي...غمضت عينيا بالقاوي...هزيت يدي حطيتها على رقبتي...و تلفت شوية نغزرلو...مزالت الحقنة في يدو...نحس في بدني ينمل الكل...هزيت الفرد في وجهو...نطرو من يدي...كبست روحي اكثر...وضربتو ببنونية على وجهو...وخر لتالي مروهج...صورتو تروح وجي بين عينيا...نغزرلو يمسح في دم لي خارج من خشمو و يضحك بالصوت...صوتو بعيد برشا...حاولت نشد قد ما نجم...استندت بيدي عالحيط...دوخة قوية روهجتني...طحت على ساقيا...نغمض في عينيا و نحل فيهم...نرا فيه نزل عندي...شدني من وجهي...يحكي
توفيق:ظاااهر فيك نسيت لانا ربيتك...الدنيا الكل تعرف لانت ولدي انا...كلشي انت فيه توا...انا وصلتك ليه...الفرد لي هزيتو في وجهي...انا علمتك كيف تحملو...و الحكاية لي بدات ليها سنين...باش توفا اليوم و بنفس الطريقة لي بدات بيها
حليت عينيا مروهج نسمع فيه بالسيف...خذيت نفس...نحاول نحكي
انا؛ر رد ب بالك تمسها...ر رد بالك تحط يدك على سوار
كبست بيدي عالحيط...نحاول نشد روحي اكثر...كبس على وجهي اكثر يحكي
توفيق:وريني كيفاه باش تمنعني...اللي سمعتو و انت عمرك سبع سنين تحت السرير...باش تراه بعينيك ليلة
قلبي دق بالوقت...هزيتلو براسي لااا...منجمتش نشد اكثر...نحس في راسي رزين برشااا...حاولت ناخو نفس منجمتش...صورتو ماشية و تبعد...تكيت عالحيط...عينيا تسكرو بالوقت...و معاد نحس بحتى شي...كان وجيعة قوية في قلبي...كان احلام بعيدة من ماضي بعيد تتعاود في راسي...نرا في نفس الطفلة الصغيرة تجري قدامي...نفس العركة عليها تعاودت بين عينيا...تقحيرتها...شعرها لي واصل لخصرها من صغرتها...فرحتها بكعبات الحلوة لي تشدهم من عند عم صالح...لتوا تفاصيل هذوما في مخي...لتوا مزلت مذكر كلشي...طلعت نفسها سوار...لي حبيتها من غير حتى سبب...حبيتها و كهو...رغم الوجيعة و الحقد اللي كان في قلبي...سوار نجمت تاخو بلاصتها...منجمش نخذلها في اخر الطريق...مستحيل نسمحلو يقتل لحظات الماضي الباهية في حياتي مهما صار...صحيح باش توفا الحكاية هاذي الليلة...اما انا اللي باش نحط النهاية
حلقة 151
سوار تحكي: حليت عينيا...على حلمة خايبة برشااا...لقيت روحي...في نفس السرير...حاولت نتحرك منجمتش...نحس في بدني مدقدق...غمضت عينيا ورجعت حليتهم...ضو البيت خافت برشاا...نغزرلو و مش مصدقة...مستحيل يكون زياااد متكي عالحيط...و منزل راسو اللوطة...ظاهر فيه مخدر...جيت باش نقوم...منجمتش نحرك يدي...تلفت شوية...نغزر ليدي لي مربوطة في سرير...قلبي دق بالقاوي...حاولت نفكها شي...غزرت لزياد...نزلت شوية من سرير...قعدت عالارض...يدي لتالي...خذيت نفس نعيطلو بشوية...باش ميسمعنيش توفيق
انا:ز زياااد...زيااااد...زيااد فيق امانك
بقيت نغزرلو مرجعليش...هزيت يدي بالسيف...دوب نجمت نوصل لساقو...نهز فيه...نحاول نحكي معاه
انا:زياااد...امااان فيق...زيااااد
تكيت راسي لتالي...نزلو دموعي بالوقت...حطيت يدي على فمي...نكتم في شهقاتي...منحبوش يجي قبل ما نحكي معاه...خذيت نفس...ورجعت حطيت يدي على ساقو نفيق فيه...و نحكي
انا:زيااااد...زياااد امااان
حرك راسو شوية...تبسمت بالوقت...باقي ندز فيه و نحكي
انا:ز زيااد...زياااد تسمع فيا ماهو
طلع راسو...حل عينيه شوية مروهج...ورجع سكرهم...تنهدت بالقاوي نحكي
انا:زياااد امانك فيق...احكي معايا امان...انا خايفة برشاا
غمض عينيه بالقاوي...ورجع حلهم...يغزرلي...خرج صوتو مبحاح...دوب ينجم يحكي
زياد:س سوار
انا:زياااد فقت يااخي
بقى يغزرلي ندرا كيف...هز يدو حطها على راسو...ورجع نزلها...يحكي
زياد:س سواار...لباس ماهو
هزيتلو براسي لا...رخفت يدي على ساقو..نغزرلو...نستنى فيه يحكي...هز روحو شوية باقي مروهج...حاول يقرب مني...اما حتى هو يدو مربوطة في الحيط...بقى يجبد فيها شي...نفخ بالقاوي يحكي
زياد:الله لا تربحك يا توفيق...يااا سااقط
رجعت لتالي...دموعي نزلو اكثر...لين وليت نبكي بالشهقة...قرب مني بالزربة...وصل عندي...و يدو لتالي...هز يدو...قربها مني يحكي
زياد:ششش متبكيش...ايجااا...ايجا عندي...قرب مني هيا
هزيت يدي بالسيف...حطيتها في يدو...جبدني عندو شوية...طلع بيدو لخدي يمسح في دموعي...نحس في نفس متاعو في وجهي يحكي
زياد:انااا معاااك...انا هونيي...يزيي متبكيش
هزيتلو براسي لا...حطيت يدي على خدو...نحكي
انا:خ خايفة برشاااا
زياد:عملك شي...حط يدو عليك
انا:لاااا...انااا خايفة برشاا...زياااد امان متخلينيش هوني...متخلينيش عيشك
قرب مني اكثر باسني من راسي بوسة مرصوصة...و نزل عندي شوية...يحكي قريب من شفافي يحكي
زياد:ششش اهدااا...اهداا يااا روحي انا معاك...مستحيل نخليه يمسك و لا يحط يدو عليك
هزيتلو براسي ايه...كبست بيدي على خدو...نحكي
انا:في بالي معادش باش نراك مرة اخرى...زياااد علاه مشيت انت...مش قتلي معادش باش تمشي...مش قتلي باش تبقى معايا
زياد:وراااسك مشيت باش نسكر عالحكاية...مشيت باش نرجعلك و نرجع لولدي
بقيت نغزرلو...نزل بيدو من خدي...حطها على كرشي...كبس عليها...طلع راسو شوية غزرلي...يحكي
زياد:هو مليح مش هكااا
هزيتلو براسي ايه...نزلت بيدي حطيتها على جنبو...سكر عينيه بالقاوي...ورجع حلهم...نزل على شفافي شوية...يحكي
زياد:ياااا روحي...صدقني منقصدش نوصلك لهوني...محبيتكش تعيش هذا الكل...نوعدك باش يوفا فيسع...طول ما انا معاك ما تخاف من حتى شي
هزيتلو براسي باهي...جا باش يحكي...قصيت عليه كيف حطيت شفافي على شفافو...غمضت عينيا بالوقت...نحب ناخو قوتي منو...جبدت روحي شوية...كيف حسيت يدي مبلولة...نزلت راسي شوية نغزرلها...قلبي دق بالقاوي...و انا نغزر لدم...طلعت راسي مروهجة...نحكي
انا:ز زياااد...شنوة هذاا...انت تنزف
هز يدو...حط صوابعو على شفافي...تنهد يحكي
زياد:ششش متخافش باهي...انا مليح
انا:لااا...انت قاعد تكذب عليا
زياد:يزززي عزيزتي...اهدااا
جيت باش نحكي...بدني رعش...كيف حسيت بالباب باش تتحل...قربت منو اكثر...حضنتو بالقاوي...دورت يدي على رقبتو...نحكي
انا:ر رجع...ه هو رجع زيااد...اماان متخلنيش
حط يدو على ظهري...كبس عليا بالقاوي...يحكي
زياد:متخافش...عيش حبي اهدا
كبست عليه اكثر...باسني من راسي يهدي فيا...حسيت بخوف ندرا كيف تملكني...كيف تحل الباب...غرست وجهي في رقبتو...منحبش نراه...منحبش نغزرلو مرة اخرى...كبست بيدي على زياد اكثر...كيف سمعت صوتو
يحكي
توفيق:مممم باش تخلوني نشفق عليكم...شنوة هذا الكل
حسيت بيد زياد...لي تغلغلت في شعري...يحاول يهديني...طلع راسو شوية يحكي
زياد:باش تندم...صدقني باش ندمك
نزل عندنا شوية...دورت راسي شوية نغزرلو...فرد وقت كبست على زياد اكثر تبسم يحكي
توفيق:تبعد وحدك...و لا نبعدك بطريقتي
جيت باش نبعد...كبس عليا اكثر...دورت راسي شوية...غزرتلو...من نظرتو عرفتو وصل لاخرو...تلفت قحرت لتوفيق قحرة متاع موت...باقي يضحك ندرا كيف...قرب مني شدني من زندي يحاول يجبد فيا لتالي...كبست على زياد اكثر...نصيح
انا:سييبنني...سييبننني يااا سااقط
زياد:توووفيييق
على صياح زياد...جبدني بكل قوتو رجعني لتالي...ضربت راسي عالسرير...هزيت روحي شوية حطيت يدي على كرشي...غزرت لزياد...لي جمد في بلاصتو يغزرلي...قرب منو باش يحكي...هد عليه كيف ضربو ببونية وخر لتالي مروهج...قحرلو يحكي
زياد:رد بالك تحط يدك عليها يا سااقط
هز روحو شوية مروهج...اول ما قرب منو زاد ضربو...و تبسم يحكي
زياد:و هااذي حق كلامك
توفيق:صحيتك ولدي الغالي...حتى في الحالة هاذي تقد روحك
زياد:معااادش تقولي ولدديي
وخر لتالي...وقف...يحاول يفك يدو...شي...بقيت نغزرلو مروهجة...قرب منو توفيق باش يضربو...صحت بكل صوتيي
انا:زياااااد
اول ما تلفت ضربو توفيق ببونية...طاح لتالي...استند بيدو عالارض...مسح دم من خشمو...جا باش يقوم...قص عليه كيف ضربو بساقو لكرشو...حاولت نفك يدي نصيح
انا:زيااااد...ابعععد عليه...زياااد
كل مرة نصيح فيها يضربو بساقو على جنبو اكثر...طاح عالارض مروهج...سكت كيف ريت الدم خارج من فمو و خشمو...بدني ترخف...خرج صوتي مبحوح
انا:ز زياااد...زياااد امان فيق...سيبو امانك...زياااد
وخر لتالي...جات عيني على بقعة الدم عالارض...عرفتو قاعد ينزف...نزل عندو شوية...شدو من شعرو...كبس عليه يحكي
توفيق:ربيتك بيديا زوز هذوما...في بالي باش تطلع كيفي...اما طلعت كيف ساقط متاع بوك...حتى وهو ميت انت نجمت تاخو صفات متاعو
كبس على شعرو اكثر...عامل بلعاني...و باقي يحكي
توفيق:حل عينيك...حلهم باش ترا العرض لتالي
تلفت عندي يضحك...و يحكي فرد وقت
توفيق:توا بدا لعب يا قطوسة
وخرت لتالي اكثر...لصقت في سرير...نهبط في روبة بيدي لاخرى...قرب مني اكثر...نزل عليا...شدني من زندي وقفني...حاولت نجبد يدي منو...نصيح
انا:سيييبني...نحي يدك
دزني بكل قوتو عالسرير...منجمتش نتحرك من غزرتو...وقف مقابلني و غزر لزياد...دوب حال عينيه...يحكي
توفيق:اغزر...هوني في نفس هالسرير انا اغتصبت امك...تذكرو سرير هذا زياااد...انت تحميت بيه...و الليلة باش ترا بعينيك لي عملتو في امك
بقيت نغزرلو مصدومة...منحبش نفكر في اللي باش يصير...جيت باش نتعدل في قعدتي...نزل عليا...جبدن من ساقي لعندو...حاولت نجبد روحي لتالي نصيح
انا:زياااااااد...سيييبنننني...زيااااد فيق
توفيق:امك زادة كانت كيفها بالظبط...صحيح روزا كعبة متتكررش مرتين...اما صحة ليكم انت و خوك...عرفتو تختارو...نوع جديد...و كعبة جديدة...باش نجربها و نقلكم رايي زادة
هزيتلو براسي لااا...دموعي غلبوني...و شهقاتي علات...نغزرلو و نحكي بالسيف
انا:ا امااانك سييبني...يزززي حرام اللي تعمل فيه...انا حبلة
تبسم ندرا كيف...نحا الفاست متاعو عالارض...يحل في سوريتو و يحكي فرد وقت
توفيق:شششش يزززي...متحاولش تحط روحك بريئة...حتى انت عرفت كيف تركح الخاوة مع بعض
انا:لاااا...يزززي امااان
نزل عليا اكثر...طلع بيدو شوية حطها فخذي يطلع في روبة و يحكي فرد وقت
توفيق:روزا كانت كيف الوردة الجورية يا زياد...اما بعد السنين هذوما الكل...نحب نجرب القطوسة البرية لي دخلتها بينا
دزيتو بساقي لاخرى...و جبدت روحي لتالي...نهبط في روبة بيدي...و نجبد في يدي لاخرى نحاول نفكها اما شي...دورت راسي نغزر لزياد...نعيط عليه
انا:زيااااد...فيق امااانك...زياااااد
رجع جبدني عندو...يعدي في يديه على ساقيا...حاولت نجبد روحي منو اما كبس عليا اكثر...صوت شهقاتي ماشية و تعلى...غمضت عينيا بالقاوي...كيف حسيت بالنفس متاعو على وجهي...ذكرني في اول ليلة تعدات عليا...حاولت ندزو بيدي...كبس عليها...يحكي في وذني
توفيق:ششش اركح...اذا تحب صغيرك يعيش...لازمك تركح...وتلعب عالساكت
دورت راسي لتالي...نبعد في وجهي من نفس متاعو لي تحرق فيا...من شفافو لي يحاول يوصل بيهم لشفافي...نحكي
انا:س سيبننني امااان...م متعملش هكا
حسيت النفس تسكر عليا...كيف حط شفافو على رقبتي...خرجت مني شهقة قوية...نصيح
انا:زيااااد...زيااااد...سيييبني ياااا ساقط
توفيق:ماهووش باش يسمعك...هو دوب ينجم يراك
بقيت نتخبط تحتو...نحاول نفلت روحي...هز روحو شوية...هزني و حطني بعينيه...قداش عيفني في روحي...حط يدو على وجهي...يعدي في صوابعو على خدي نزل بيهم لرقبتي...لين وصل لكول الروبة...يحكي
توفيق:زعمة شنية مخبية ورا القماش هذا...شنية لي خلا ولاد توفيق يجرو في جرتك
هزيت يدي بالسيف نبعد في يدو...و نحكي فرد وقت...نحس في صوتي ضاع دوب نجم نخرجو
انا:ا ابعد...ابعدني يااا ساقط
توفيق:ششش مزال بكري عالكلام هذا...تو بدا اللعب
انا:م ماكش راجل...ساقط وواطي
قص عليا الكلام...كيف ضربني بكف...حسيت دم طرشق من فمي...قبل ما نحكي كلمة...كبس على كول الروبة...بيديه الزوز و قطعها في نص...قلبي دق بالقاوي...حاولت نجبد روحي منو منجمتش...اول ما حط يدو على كرشي...و يدو لاخرى على فخذي...صحت فرد صيحة
انا:زيااااااااد
نزل عليا اكثر...حسيت ببدنو حبسني اكثر...صوت انفاسو قوا في وذني يحكي
توفيق:روزا...زادة صاحت كيفك...في نفس السرير هذا...سنين و ريحة دمها مزالت هوني...متحاولش تصيح و لا تستنى منو ينقذك...اذا امو منجم يعمل على خاطرها شي...انا باش نشيخ بيك الليلة...حتى كان يبدا اخر نهار في عمري
حسيت الدم جمد في عروقي من كلامو...دموعي لي كانو نازلين حبسو في لحظة...عرفت انو وصلت لنهاية...للحظة كرهت روحي...وكرهت بدني لي يعدي في يديه عليه...دورت راسي شوية...نغزر لزياد...غارق في دمو حتى هو...عينيه دوب محلولين...كبست بيدي على طرف السرير...كيف حسيت بشفافو على خدي...و نازل بيهم لرقبتي...يحكي في كلام دوب سمعتو...يدني تخدر و معاد نحس بحتى شي...كان بوجيعة قوية...و خايبة برشااا...غمضت عينيا...نحاول نذكر الحاجات الباهية...اللي صارت في حياتي...عماد و امي...و الحب اللي عشتو مع زياااد...ولدي لي مزال مفرحتش بيه...حياتي لي مريتش منها نهار باهي...نحاول ننسى الكابوس اللي قاعد نعيش فيه...هو زادة باش يوفا...باش يوفا كيما وفا الكابوس اللي قبلو...للحظة ستخايلت لانا عايشة حياة هادية مع زياد وولدي لي في ثنية و عماد زادة...تبسمت وسط وجيعتي الكل...نعرف لهو كابوس و باش يوفا
زياد يحكي:
نسمع في صياحها بعيد برشااا...حاولت نفيق اما منجمتش...شي من الزريقة...و شي من الضرب...نحل في عينيا بالسيف...نغزرلو و هو فوقها...تعدات بين عينيا صورة امي...و صياحها...نفس الليلة الخايبة قاعدة تتعاود و انا منجمت نعمل شي...نرا في مرتي و ام ولدي...و زادة منجمت نعمل شي...دمعة هربت مني...طاحت عالارض...كل مرة نسمع صياحها...قلبي يبكي دم عليها...حاولت جهدي باش نقوم اما منجمتش...نرا في امي بين عينيا...نسمع في كلامو...نفس الكلام يعاود فيه...صوت الروبة كيف تقطعت قاعد يرن في وذنيا...صيحتها خلاتني نحل عينيا بالقاوي...هزيت روحي بالسيف...قلبي نحسو باش يخرج من بقعتو و انا نرا فيه فوقها...كابس عليها ببدنو...تقعدت بالسيف...ندور في عينيا عالبيت...غمضت عينيا بالقاوي ورجعت حليتهم...نغزر للكوافوز...فاز قديم برشا...مزال في بلاصتو...هزيت روحي بالسيف...وجيعة قوية في جنبي غلبتني...استندت بيدي عالحيط...جبدتها...محسش الساقط...خاطر مخو فيها...تقويت على روحي اكثر...قربت منو شوية...مديت يدي...و ضربتو بكل قوتي على راسو...ترخف فوقها...حاولت نفك يدي منجمتش...جاب ربي سنسلة شوية طويلة...حطيت يدي على سوريتو...و جبدتو بكل قوتي...طاح عالارض...عينيا وساعو و انا نغزر لروبة لمقطعة من فوق للوطة...لشطر بدنها لي باين...قلبي عصر عليا من حالتها...بقيت جامد في بلاصتي نغزرلها...لا نجم نقرب اكثر خاطرني مربوط...و لا نجم نبعد...بقيت نغزرلها و كهو
☆☆☆ شنننية توقعاااتكم لي باش يصير 😲😲 توفيق مش باش يموت بسهولة...و زعمة شنوة اللي باش يصير توا 😈
دمعة نزلت من عيني...و انا نغزرلها...عينيها لي محاولتش تحلهم حتى كيف بعدتو عليها...غمضت عينيا بالقاوي ورجعت حليتهم...كان عاود عملتو باش تموت المرة هاذي...نحاول نجبد يدي بكل قوتي منجمتش...نزلت راسي نغزرلو...اول مرة نعصب لدرجة اني نحب نخرج فيه غشي و كهو...هزيت يدي...حطيتها على سبتة متاع سروالو...جبدتو عندي بكل قوتي...بعدتو عالسرير...قربتو لعندي...نفركس في مكاتبو على المفتاح...حل عينيه شوية مروهج...هز راسو يغزرلي...تبسمت على جنب...نحكي
انا:يا ريتك ما فقت
جا باش يحكي...ضربتو ببنوية على وجهو...دم خرج من خشمو...غمض عينيه مروهج...نزلت عليه اكثر...حطيت ركبتي على كرشو...نضرب فيه على وجهو...لين وجهو الكل زراق...و طرشق بالدم...نضرب و نصيح
انا:كااانت امي يااا ساقط...مرت صاحبك...يااا كلب...يا ¤¤¤¤¤ في بالك نخليك تمس مرتي
حسيتو داخ و معادش يتحرك...وليت نضرب فيه على وجهو نفيق فيه و نحكي
انا:فييق...فييق يا ساقط...مستحيل تموت توا...حل عينيك...تي حل
حل عينيه شوية مروهج...دوب ينجم يغزرلي...رجعت ضربتو ببونية...رجع راسو لتالي...جبدتو عندي بالسيف...تكيتو عالحيط...خذيت نفس...تقويت على روحي...كبست عليه اكثر...وقفتو ووقفت في جرتو...دوب نجم يشد روحو...كبست على سلسلة بيدي اكثر...دورتها على رقبتو...و دورتو للحيط...نحكي
انا:باش تتمناها الموت يااا ساااقط...الشيطان اللي ربيتو بيدك باش يقتلك
كبست بيدي على شعرو...دزييتو عالحيط...كبست عالسلسلة لي على رقبتو اكثر...حط يديه عليها...يحاول يفك روحو...نزلت بيدي لاخرى...نفركس على المفتاح في مكاتبو...كبست عليه في يدي و جبدتو...حاول يدزني...رجعت ضربت راسو عالحيط...و هزيت يدي حليت القفل...حررت يدي...كبست عالسلسلة...بيديا زوز على رقبتو خنقتو بيها...لين طاح عالارض...نزلت عليه شوية...دورتو عندي...شديت وجهو بين يديا نحكي
انا:باش تخلص حق عمايلك بالوحدة...ماكش باش تموت توا...مستحيل نخليك تموت توا
رخفت يدي عليه...طاح لتالي...من غير ما يتحرك...بقيت واقف في بلاصتي نغزرلو...حطيت يدي على صدري...نرد في نفس...نزلت هزيت المفتاح و تلفت عندها...باقي جامدة في بلاصتها...خذيت نفس بالسيف و قربت منها...نغزر لدم لي خارج من خشمها...لرقبتها لي حمرا...ضربات لي على يديها...و كرشها...قلبي عصر عليا...نحيت الفاست متاعي بالسيف...حطيتها عليها...و قعدت على حرف السرير...هزيت يديا زوز حليتلها القفل...يدها الكل بالدم...شديتها من يدها...و حطيت يدي لاخرى على فمها نمسح في دم لي نازل منها و نحكي فرد وقت
انا:س سامحني...سااامحني ياا روحي...سوااار...انا هوني معاك حل عينيك
غمضت عينيها اكثر...تبكي بالشهقة...قلبي عصر عليا اكثر...معرفتش شنعمل...اول مرة ناقف عاجز قدامها هكا...اول مرة نحس روحي خذلتها بالحق...و باش نكون سبب باش تعيش وجيعة اخرى...حطيت يدي على خدها نحكي
انا:حل عينيك عيش حبي...والله وفاات...ماهوش باش يحط يدو عليك كان على جثتي...هاني معاك...سواار اغزرلي امانك
بدنها الكل يرعش...حلت عينيها شوية...كبست على خدها نمسح في دموعها و نحكي
انا:هيااا عزيزتي...هيا سواار
تلكمت على روحها اكثر...عرفتها مزالت خايفة...خذيت نفس نحكي
انا:لازمك تمشي من هوني...على خاطر ولدنا انت لازمك تقوم...هيااا سوااار
هزت روحها شوية...كبست بيديها عالفاست...تغطي في روحها...حسيت بوجيعة قوية..في صدري و جنبي...غمضت عينيا بالقاوي ورجعت حليتهم...هزت يدها بالسيف حطتها على خدي...تمسح في دم لي نازل من فمي و تحكي فرد وقت
سوار:ا انت م مليح
هزيتلها براسي ايه...جيت باش نحكي حسيت بضربة قوية...على راسي...طحت عليها شوية...نغزر لدم متاعي نازل على رقبتها...غزرتلي مصدومة تحكي
سوار:ز زيااد
خذيت نفس بالسيف...غمضت عينيا بالقاوي ورجعت حليتهم...منحبش ندوخ...قبل ما يرجع يضربني...اول ما وصل عندي...ضربتو ببنونية وخر لتالي مروهج...غزرت لسوار نحكي
انا:ا اهرب
سوار:ز زياد
انا:قتلك اهرب...اهررب سواار
جبدت روحي منها...وقفت وتلفت عندو وقفتو قبل ما يرجع يضربني...شديتو من يدو نحكي
انا:سوااار اخرج من هووني
بقيت نغزرلها...هزت روحها بالسيف...لبست الفاست...لفتها على روحها...تمشي بالسيف...دوب تنجم تعمل خطوة...مستندة بيدها عالحيط...بقيت نتبع فيها بعينيا...قص عليا كيف ضربني لجنبي...بعدت عليه مروهج...دزني لتالي...ماشي لعندها كبست بيدي على حرف السرير...شديتو من ساقو...ضربني بساقو لاخرى لجنبي...طرشق دم من فمي...كبست عليه اكثر...نغزرلها خارجة تجري...ضربت في ادم بكل قوتها...بقيت نغزرلو مستغرب...منعرفش كيف جا لهوني...و لا كيف وصل...للحظة خفت على سوار لي تغزرلو مرعوبة...وخرت خطوة لتالي...تغزرلي مفجوعة منو...رخفت يدي على ساقو...و هزيت روحي وقفت...بزقت دم لي في فمي...طلعت راسي جات عيني في عينو...يغزرلي مصدوم...قص علينا صوت توفيق يحكي
توفيق:هوكا لحق ولدي الغالي...وريني شباش تعمل توا
غزرتلو بشطر عين...ورجعت غزرت لادم...لي مزال واقف في بلاصتو...تلفت لسوار لي ولات لتالي...و تلفت...قربت من عندي تجري...ترمات في حملتي...كبست في سوريتي بيديها زوز...حطيت يدي على ظهرها كبست عليها...نحس بالنفس متاعها رزين...باقي نغزر لادم...معاد نجم نخمم في حتى شي...توفيق لواثق منو...مستغربتش منو...في نهاية هو بوه...و ينجمو يمحو الغلطات بغلطة اخرى...خذيت نفس طويل نحكي
انا:خليها تمشي من هوني...حسابكم معايا انا
تبسم على جنب...و قرب منا يمشي بخطوات ثابتة...حضنتني اكثر...تحاول تخبي روحها منو...كبست عليها بيدي نحكي
انا:متخافش...حتى حد ماهو باش يقرب منك
حسيت بيديها تغرسو في صدري...كلشي قاعد نخمم فيه توا...انو هي تخرج من هوني...و ما يصرالها شي لا هي و لا الصغير اللي في كرشها...نسمع في توفيق يضحك و يحكي فرد وقت
توفيق:ههههههههههه ايجا ايجا...ايجا ترا اللي خرجتو من هوني شعمل فينا...ايجا ترا اللي قتل مرتك...شعمل في بوك...هوكا لي قاعد تفركس عليه سنين
طلعت راسي مصدوم نغزرلو...متوقعتش باش يوصل يكذب وسط اللي هو فيه الكل...ضحكت من اللي قاعد نرا فيه...كبست بيدي على سوار...خايف عليها...اكثر من روحي...معاد نجم نأمن لحتى حد عليها...نحس في قلبها باش يخرج من بقعتو...وصل قدامو بالظبط...حل يديه زوز...باش يظمو...تبسم على جنب...قرب منو اكثر...هز يدو ضربو بكف يدو بكل قوتو...ضرب راسو في المرايا متاع الكوافوز...طاح عالارض مروهج...غزرت لادم...ضحكنا لبعضنا بالوقت...سكر يدو ورجع حلها يحكي
ادم:امششي من هوني زيااد...هز سوار و اخرج
تبسمت على جنب...نزلت بستها من راسها بوسة مرصوصة نحكي
انا:سوااار عزيزتي...هيااا اخرج من هوني
هزتلي براسها لا...كبشت فيا اكثر...نزلت يدي...حطيتها على كرشها
الحلقة 152
:سوااار عزيزتي...هيااا اخرج من هوني
هزتلي براسها لا...كبشت فيا اكثر...نزلت يدي...حطيتها على كرشها نحكي
انا:هيااا يا روحي...خاطر ولدنا لازمك تخرج من هوني
حسيت بيها ترعش بين يديا...رخفت يدي عليها...جبدت روحها شوية تحكي
سوار:م متخلينش امانك
ادم:زياااد خرجها من هوني
هزيت يديا زوز...حاوطت وجها...خذيت نفس نحكي
انا:مفاتح الكرهبة في الفاست...استناني غديكا
سوار:ب باش ترجع
هزيتلها براسي ايه...بقيت نغزرلها لين وصلت للباب...تلفتت عندي غزرتلي ندرا كيف و خرجت...حسيت بوجيعة قوية في صدري...استندت بيدي على حرف السرير...قرب مني شوية يحكي
ادم:زياااد لباس ماهو
هزيتلو براسي ايه...باقي دم يخرج من فمي...تروهجت اصل...احسن شي سوار خرجت من هوني...طلعت راسي على ضربة قوية...نغزرلو ضرب ادم بنفس الفازة...طاح لتالي...جا باش يضربني بيها..وخرت لتالي...دزيتو بيدي طاح عالسرير...نغزر لادم هز روحو بالوقت...شدو من سوريتو...طلعو عندو يحكي
ادم:الضرب هذا ولا شي بالنسبة لي عملتو فينا...اليوم باش تحسو لي عيشتهولنا سنين كاملة...البنزين لي راك حاطو باش تحرقهم بيه...باش تتحرق بيه انت
طلعت راسي غزرتلو مصدوم...يعني فوق هذا الكل...كان باش يقتلنا هوني...دورت راسي...نغزر للبنزين...لي محطوط...لبرا...فقت من سرحتي كيف نزل يضرب فيه...هز السلسلة ربطو بيها كيف ما ربط سوار بالظبط...تلفت هز السلسلة لاخرى ربطو من ساقيه...و نزل يفيق فيه يحكي
ادم:فيق...حل عينيك...تي فيق
انا:م ماهوش باش يفيق توا
جا باش يضربو...هزيت يدي...حبستو بيها نحكي
انا:يزززي...متقتلوش حتى نعرف شنية سبب لي خلاه عمل هكا
كبس على يدو و ضرب التابل دونوي بساقو طيحها عالارض يحكي و يصيح
ادم:علاااه هكاااا...علاااه هو يااا زيااد...علاااه عمل هكااا...كانت حبلة...علااه مرحمهاش
قعدت عالارض...تكيت عالسرير...رجعت بسنين لتالي...غمضت عينيا ورجعت حليتهم نحكي
انا:كنت صغير برشااا...هوني في نفس البيت هاذي...وقت قالت امي...رد بالك على روحك و على خوك...قاتلي لانا نحبك برشااا...و انت احلى شي صرا في حيااتي...مكنتش فاهم شنية لي قاعد يصير...في بالي تنصح فيا كيف العادة...اما كيف خباتني تحت السرير هذا...عرفت لانا معادش باش نراها مرة اخرى
ادم:كان لازمني نعرف...كيف عداها عليا سنين هذوما الكل
انا:ش شقصدك
ادم:تذكرهم فلوسك لي تسحبو من البنك لي في تونس و انت صغير
هزيتلو براسي ايه...عدا يدو على وجهو...تنهد بالقاوي يحكي
ادم:هو لي سحبهم...تعرف علاه سكت ساعتها...سكت باش منخسركش...ممشاش في بالي لي طمع متاعو باش يخليني نخسر حياتي الكل
غمضت عينيا بالقاوي...جرة الفلوس خسرني في امي و في حياتي...و شعرة لا خسرت سوار زادة...خذيت نفس نحكي
انا:ك كيف عرفت لاحنا هوني
ادم:وصلني ميساج منعرفش من شكون...مفكرتش مرتين...خاطر نعرفو ساقط و ينجم يعمل كلشي
تنهدت بالقاوي...نسمع فيه يأن ورايا...قرب منو ادم...يضرب فيه على وجهو يحكي
ادم:فيييق...فييق ماكش باش تموت حتى تحكيلي لي صار
منجمتش نتلفت منحبش نغزر لوجهو...نسمع في صوت ضحكو...ذكرني في نفس الليلة...كبست على يدي...نهدي في روحي...منحبش نذكر لي صار...باقي يضحك و يضحك...حسيت بادم فقد اعصابو اكثر...جا باش يضربو...هزيت يدي شديتو من يدو...من غير ما نتلفت...تنهدت نحكي
انا:علااه امي ؟ و علاه حنان ؟
ادم:جاااوب...حل فمك
توفيق:ر روزا ا الوردة الجورية...وردتي انا...ر ريتها اول واحد ف في ايطاليا...ن نادلة في بار...و و انا عرفتها على كمال...رجعت ع على خاطرها...ل لقيتها ديجا حبلت منو...س سنين و انا بغصتي...ط طلعت م مش نادلة كهو...ه هي زادة عميلة...و ع عاونتو يوصل...خ خمس سنين...ن نجم ي يوصل وين ما وصل حتى حد فينا...ر روزا كانت المفتاح متاعو...و وردتي انا...ت تعرف علاه ع عملت فيها اكاكا...م مش عالفلوس و كهو...ا اما حبيت ننتقم منها...ك كان لازمها تموت...خ خاطر بعد ما مات بوك...ح حاولت معاها برشااا...اما رفضتني لثاني مرة...ف فلوسك كان تعويض ليا...و لي عملوه فيا
كبست على يدي و انا نسمع فيه...دموعي نزلو بالوقت...ذكرت امي...ذكرت بابا لي صورتو خيال في ذاكرتي...خسرت حياتي جرايرو...جراير طمع متاعو...طلعت راسي...نغزر لخيال امي...بحذا الباب...تمنيت كان يرجع نهار هذاكا...كنا باش نمشو من هوني جملة...كنت باش نعيش مع امي...و منعيش الوجيعة هاذي الكل...دورت راسي شوية نسمع في ادم يحكي
ادم:و و ح حنان شنية ذنبها
توفيق:ا ادم ا انت ولدي...ا انا عملت هذا الكل على خاطرك...ك كان تبعتها...ك كنت باش تخسر حياتك الكل..و تخسر كلشي وصلت ليه
ادم:ع عملت فيها هذا الكل على خاطى مصلحتي...ت تقتل مرتي و بنتي...باش تقولي عملت هكا على مصلحتك...ع علاه...علاااه...راني نموت كل يوم على خاطرها...ك كيف باش نقابلها...و ب بابا هو لي قتلها...ك كيفاه باش تسامحني...حل فمك...قول شي
يحكي معاه كيف المهبول...فقد اعصابو الكل...دموعو نازلين اكثر مني...يدور في عينيه عالبيت...خرج بالزربة...ورجع محمل البنزين لي جابو توفيق يحكي
ادم:ه هذا لي كنت باش تحرقهم بيه...ه هاذي البيت لي بدا منها كلشي باش تموت فيها
يحكي ويرش في البنزين في كل البيت...بقيت نغزرلو من غير حتى كلمة...قرب منو...رش البنيزين الكل فوقو يحكي
ادم:ت تعرف شنية اخر كلمة قالتها...ا احرقو...هوكا لحق الوقت باش نخليها ترتاح...باش كل حد ظلمتو يرتاح...و باش نكون اول حد يقتل بوه...باش يريح ناس من شرو
رمى دبوزة لتالي...الارض كلها معبية بنزين...نسمع في توفيق يحكي
توفيق:ل لا ادم ر رد بالك...رد بالك عيش ولدي
هز وحطو...قرب مني مدلي يدي...طلعت راسي غزرتلو...نفس الصورة لي تعدا عليها سنين طويلة تعاودت في مخي...ادم عطاني يدو للمرة ثانية...و في نفس البيت...تاريخ عاود نفسو بعد سبعة و عشرين سنة...مديت يدي..حطيتها في يدو...كبس عليا...عاوني وقفت...تلفت في جرتو خرجنا مع بعض من البيت...تلفتنالو...مع بعض...هز الفرد حطو في يدي...نسمع فيه يصيح...مديت يدي معاه فرد وقت...غزرتلو...هزلي براسو ايه...غزرنا مع بعض لدبوزة البنيزين لي مزالت عالارض...للحظة صراخ امي و سوار قوا في وذني...الخوف اللي عشتو في البيت هاذي باش يوفا توا و مستحيل يرجع...غمضت عينيا بالقاوي...و كبست عالزناد فرد وقت...رصاصتين خرجو فرد وقت...الاول من عندي و ثانية من الفرد متاع ادم...رصاصتين...كانو كافيين باش يخلو البيت تلهب...و البلاصة...لي صاحت منها امي و سوار...قاعد يصيح فيها...النار اللي شعلت باش تحرقو و هو حي...نار تكفي باش تخليه يحس اللي حسيناه احنا سنين هذوما الكل
☆☆☆☆
بقيت نغزر لنار...نحس في الوجيعة متاع سنين قاعدة تتحرق...قلبي يدق بالقاوي...تلفت غزرت لادم...دموعو نازلين بالوقت...نعرف بالقدا شنية لي قاعد يحس فيه...فقت من سرحتي على صوت لطخة قوية...تلفت بالوقت...نغزر لسوار...لي طايحة عالارض...مخي وقف...في بالي مشات للكرهبة...طاح الفرد من يدي قربت منها نجري...نزلت عندها هزيت راسها بيدي نحكي
انا:سوااار...سوااار فييق...شبييك شصااار
حاولت نفيقها شي...صياااح توفيق ماشي ويعلى...و نار قاعدة تقرب منا...نسمع في ادم يحكي
ادم:خليني نهزها...لازم نخرجو من هوني فيسع
صوتو مبحاح...دوب ينجم يحكي...هزيتلو براسي لا نحكي
انا:لااا...منحب حتى حد يقرب منها...انا باش نهزها
ادم:باهي...هيااا فيسع زيااد
هزيتلو براسي باهي...خذيت نفس طويل...تقويت على روحي...و هزيتها بين يديا...وقفت بالسيف...نحس في جنبي باش يطرشق...حطت راسها على صدري...مش حاية بشي...كبست عليها اكثر...و تلفت لادم...لقيتو يغزر للبيت...غمضت عينيا بالقاوي ورجعت حليتهم...وفااات...هاذي الكلمة لي قلتها بيني و بين روحي...روح امي تحررت من دار هاذي...توا بعد السنين هذوما هي باش ترقد مرتاحة في قبرها...خذيت نفس نحكي
انا:ااادم
تلفت عندي...غزرلي ندرا كيف...تبسم شطر تبسيمة يحكي
ادم:كلشي باش يكون مليح...طول ما احنا مع بعض...باش نتغلبو على كلشي
هزيتلو براسي ايه...هذا الكلام لي قالو...وقت خرجني من هوني...تبسمت بالسيف...هز يدو حطها على وجهي...مسح الدم لي باقي نازل...يحكي
ادم:ساامحني...ملحقتش عليك
انا:متخاافش عليا...باش نبرا فيسع
هز يدو ضربني على كتفي...غمضت عينيا ورجعت حليتهم...نحكي
انا:بالشوية يا راجل...راني باش نطيح
تبسم و هو يغزرلي...هزلي براسو معناها باش نمشو...غزرت للبيت اخر مرة...ورجعت غزرت لسوار...كبست عليها اكثر...اول ما نزلنا الدروج...دار لهبت الفوق...بقيت نمشي وراه...حل الباب...ضو النهار ضرب في وجهي...خذيت نفس من النسمة الباردة لي داخلة...نزلت نغزرلها...مش مصدق لهي بين يديا توا...الليلة لي عدينها هوني كانت كيف الكابوس بالظبط...غمضت عينيا ورجعت حليتهم...وخرجت...خالطت عليه...و تلفت لدار...نار قاعدة تقوا...نغزر لدار ماشية و طيح...اسوء كابوس قاعد يتهد قدام عيني...فقت من سرحتي على صوت فران قوي...تلفت انا و ادم بالوقت...نغزر لكرهبة كحلة...وقفت في راس النهج...حسيت نفس تسكر عليا...نزلت عالارض...قعدت على ركبة و نص و خليتها في حملتي...ادم باقي واقف في بقعتو...الحومة فارغة مش نورمال...اول مرة تكون فارغة هكا...بقيت نغزر للكرهبة و كهو...معادش نجم نستوعب اللي باش يصير...المهم عندي انو سوار وولدي بخير...و اللي باش يصير خليه يصير
سوار تحكي:
حليت عينيا على صوت انفجار كبير...نغزر لدار لي تفجرت بالوقت...كبست بيدي على سوريتو بلا ما نحس...اصلا منجمتش نخرج من غيرو...نزل راسو شوية يغزرلي من غير حتى كلمة...قلبي دق بالقاوي كيف ذكرت لي صار...متوقعتش لانا باش نفيق من الكابوس هذاكا...دورت راسي شوية نغزر للكرهبة...لي قاعدين يغزرولها زوز...قلبي قبض عليا...منعرفش علاه حسيت ندرا كيف...شعور خايب برشا...تقويت على روحي و نزلت من حملتو...قعدت عالارض قدامو...باقي دم نازل من خشمو و فمو...كبست عالفاست اكثر...و تلفت نغزر للكرهبة...تحلت الباب بالوقت...عينيا وساعو و انا نرا في عماد خارج منها...وقف بحذا الباب...هزيت روحي بالسيف وقفت...نحكي
انا:ع عمااااد
قربت خطوة و حبست كيف ريت بابا واقف وراه...حاط الفرد في راسو...هزيت يدي حطيتها على فمي...مصدومة من اللي نرا فيه...لا مستحيل...عماد قطعة مني...قطعة من امي...تلفت غزرت لزياد...لي باقي قاعد عالارض...و ادم لي يغزر مش فاهم شي...مشيت خطوتين نحكي
انا:ل لا رد بالك...رد بالك...ا انت تحب عليا انا مش هو...امانك خليه
حسيت بيد زياد لي تحطت عل كتفي...كبس عليا يحكي
زياد:ا اهدا...ماهوش باش يأذيه
ادم:شكوونو هذااا ؟
زياد:عماااد
تلفت شوية لزياد...غزرتلو ندرا كيف...نحكي
انا:ع عماد...خ خويا باش يموت ز زياد
زياد:اهدااا تو نشوفو شيحب منا
هزيتلو براسي ايه...كبس على كتافي اكثر يحكي
زياد:شتحب منا يعقوب...هوكا كانت طريق قدامك باش تهرب...علااه رجعت
يعقوب:علاااه رجعت ؟ عجبني سؤالك سي زياااد...صحيح طريق كان قدامي...اما انت اكثر حد تعرف...انو اي ورقة من اللي عند بنتي الغالية...كان طيح في يدهم...كلشي وصلتلو باش يطيح في الما
زياد:يعني
انا:يحب عالادلة
يعقوب:براافو عزيزتي...الادلة مقابل خوك...و الا الكل باش يطلع خاسر في الحكاية مش كان انا
زياد:لقيت كان طفل صغير تتقوى بيه
يعقوب:الفرد لي في يدي كافي باش نقتلكم الكل...هيا سوار...نعرفك متنجمش تسلم فيهم
جبدت روحي من زياد شوية...قربت خطوتين...هزيت يدي نحكي معاه
انا:يزززي اماانك...اقتلني انا...اما عمادد لا...شذنبو هو
يعقوب:علااه مفكرتش فيه قبل ما تعمل هذا الكل
جيت باش نقرب اكثر...خطفني زياد من يدي رجعني لتالي...كبس عليا باش منقربش منو...خذيت نفس نحكي
انا:الادلة لي تحب عليها مش عندي...الادلة ع عند
يعقوب:حللل فمك
زياد:سوااار اهدااا قتلك
انا:الادلة عند عم صالح...نوعدك باش نعطيهملك الكل...كان تحب هزني انا في بلاصة عماد
زياد:سوااار ماهوش باش يعمل شي...انا اكثر حد نعرفو
يعقوب:ياسر واثق من روحك...كيف بوك بالظبط
تلفت شوية غزرت لزياد...لي كبس على يدي اكثر من غير ما يحس...تبسم على جنب يحكي
زياد:تقصد صاحبك لي قتلتو بيدك
يعقوب:انت اكثر حد تعرف انو في باش تشد منصبك...لازم تعفس على لي فوقك و تحتك
زياد:ملا علاه مقتلتنيش لتوا
يعقوب:صدقني حاولت...حاولت نوصلكم زوز للقاتل...و بعثتلكم اكثر من دليل...و نفس الدليل بعثتوهولو...في بالي باش توفيق يتصرف و يقتلك كيف ما قتل روزا و كمال...اما تأخر برشااا...اما براافو زيااد في تالي انت خذيت بحق امك
بقى ساكت من غير حتى كلمة...حتى من ادم جامد في بلاصتو...غزرت لعماد...لي يغزرلي ندرا كيف...نزلو دموعي بالوقت...كلشي وصل ليه انا سبب فيه...حاولت نجبد يدي من زياد منجمتش...خذيت نفس نحكي
انا:ي يزززي...امانك يزي...شمزاال تحب مني...شنوة باقي معملتوش
يعقوب:انت تسكت...انت بالظبط معادش تحل فمك...و انت و امك نفس الشي...اكثر شي ندمت عليه اني خليتك جي لدنيا هاذي
كلامو خلاني نرجع خطوة لتالي...جبدت يدي من زياد...واقفة في بلاصتي نغزرلو...منعرفش علاه كلامو قدامهم الكل وجعني بطريقة غريبة...زوز بقاو ساكتين...نزلت راسي...نستوعب في كلامو...خذيت نفس...و غزرتلو نحكي
انا:يااا ريتك عملتها...خاطر حتى انا تمينتك تكون ميت بالحق
يعقوب:قدامك فرصة وحدة كهو...الادلة و لا
انا:و الااا شنية...شباش تعمل باش تقتلو...ذكر لانت زادة عندك ولد قدو
يعقوب:تعرف قداش نشيخ عليه تهديدك هذا...يذكرني في روحي
انا:كان يصرالو شي...مستحيل نعطيك شي
زياد:باااهي...انا باش نسمحلك...كان تحب باش نبرأك قدامهم الكل...و مش باش تكون بحاجة للاوراق هذوكا...انت كهو سيب طفل
يعقوب:علاااه مش انت لي منعتني نساافر.. مش انت لي كلفتهم يحطوني تحت المراقبة
زياد:شنننوة فاش تحكي انت...انا محطيت حد
يعقوب:مش عليا يا زياااد
حط الفرد على راس عماد...جبدت روحي من زياد...قربت منو شوية نحكي
انا:لااااا رد باالك
بقيت نغزرلو...تبسملي ندرا كيف...حسيت بدوخة...ووجيعة قوية في كرشي...نغزرلو هز الفرد من عند عماد...حطو في وجهي...صورتو ماشية و تبعد...حطيت يدي على كرشي...حسيت بيدو تحطت على كرشي...لقفني بالوقت...ودورني...عطاه بظهرو...قلبي دق بالوقت...حاولت نجبد روحي منو منجمتش...خذيت نفس نصيح
انا:عمااااااد
سكت على صوت الكرطوشة...حسيت دم جمد في عروقي يدو ترخفت على كرشي شوية شوية...منحبش نتلفت...منحبش نفكر لانا خسرت واحد فيهم...وقفت في بلاصتي جامدة...للحظة لكل سكت...كان صوت انفاسنا لي مسموع...نسمع في زياد يحكي
زياد:ا ادم
تلفت شوية شوية...نغزر لادم لواقف مروهج...في لحظة طاح على ركايبو زوز...نزل معاه زياد فرد وقت...شدو من كتافو يحكي
زياد:ادددم...ادددم...لباس ماهو
هزلو براسو ايه...بقيت نغزرلو مروهجة...طلع راسو غزرلي ندرا كيف...تبسم شوية يحكي
ادم:س سوار...ساامحني...كلشي عملتو مكانش قصدي نعملو
بقيت نغزرلو للحظة تعدات بين عينيا نفس الليلة الخايبة..و كلشي خايب جا وراها...اما رغم كلشي هو عمل برشا حاجات باهية...للحظة تعدات بين عينيا صورة ملاك...و زينب...فيقني من سرحتي صوت زياد يحكي
زياد:ااددم...لاااا...انت باش تكون مليح
هزيتلو براسي لا...و نزلت عندو شوية...قعدت بحذا زياد....هزيت يدي بالسيف...حطيتها على يدو نحكي
انا:ك كان فكرت تخلي ملاك و زينب...مستحيل نسامحك فهمت
تبسم ندرا كيف...و حط يدو عالارض يرد في نفس...طلعت راسي على صوتو...نغزرلو...باقي مصاوب الفرد لينا...يحكي
يعقوب:متوقعتش لهو باش يحميكم...ريت عزيزتي هوكا عمل حاجة باهية على خاطرك باش تسامحو
نزلت راسي شوية نغزر لادم...لدم لي خارج من فمو...تلفت شوية لزياد...حتى هو في حالة...يغزر ليعقوب..مش عارف مع شكون يركز...غمضت عينيا و انا نسمع فيه يحكي
يعقوب:وصلنا لنهاية...هيا اختار...زياد و لا خوك
حليت عينيا مروهجة...تلفت لزياد بالوقت...جات عيني مع عينو...ادم دوب يغزرلنا...نزلت دمعة مني بالوقت...هز يدو حطها على خدي...و تبسملي...فهمت شنية لي قاعد يدور في مخو...منجمتش نزل عيني منو...رخف يدو على خدي...غزر لادم يحكي
زياد:شد روحك...عيش خويا... كلشي باش يكون مليح...طول ما احنا مع بعض...باش نتغلبو على كلشي
هزلو براسو ايه...وطلع راسو باش يحكي مع يعقوب...قصيت عليه...كيف هزيت روحي وقفت...مشيت خطوتين لعندو نحكي
انا:كلشي بدا من هوني...انت خليتني في الحومة هاذي...اقتلني هوني...اقتلني باش العذاب لي داخلك يوفا...مانيش باش نظطر نخير...انت قتلتني من قبل بابا...يزززي...اقتلني و ارتاح...اقتلني باش تنسى الوجيعة لي خلاتك امي تعيشها...خلي الحكاية توفا من وين بدات...كان بالطريقة هاذي تنسى وجيعتك اقتلني...نعرف لانت مش بحاجتك للادلة هاذي...نعرف لانت كنت تنجم تسلك روحك...انت كهو تحب دمرني
بقى يغزرلي ندرا كيف...هزيت يدي حطيتها على رقبتي جبدت الشركة...نحكي
انا:ريتها الشركة هاذي...انت عطيتها لامي...سنين و انا لابستها...ورغم كلشي عملتو معايا انا منحيتهاش...مشى في بالي باش يجي نهار...و تكون كيما قالت امي من قبل...اما لااا...انت مستحيل تتبدل...و انا معادش نستناك اكثر...خاطر عمرك ما راح تكون بابا
نزلت يدي شوية شوية...رميت الشركة عالارض...يمكن لحق الوقت باش نخرجو من حياتي...قبل ما يقتلني...حسيت بزياد واقف ورايا...بعد الفرد من وجهي ناحيتو هو...هزيتلو براسي لا...تلفت لزياد...غمضت عينيا على صوت الكرطوشة...حليت عينيا مروهجة...نغزر لزياد...باقي واقف في بلاصتو...تلفت نغزرلو...رخف يدو بالوقت...طاح الفرد عالارض...تهزيت و تحطيت على صوت كرطوشة اخرى...هزيت يديا زوز بلا ما نحس...طاح على ركايبو و هو يغزرلي...طلعت راسي شوية...نغزر لميرال وراه...كابسة عالفرد بيديها زوز...مفهمتش شنوة اللي قاعد يصير بالظبط...نزلت الفرد شوية...ورجعت قوصت عليه...بقيت نغزرلو غارق في دمو...عمااد هرب بالوقت...جا يجري عندي...ترمى في حملتي...كبست عليه بيدي...بقات واقفة في بلاصتها تغزرلنا...كبست على عماد اكثر...وجيعة في كرشي مش نورمال...نزلت يدها و قربت منا...تخطاتو و قربت منا...تمشي...وصلت قدامي بالظبط...هزت الفرد حطاتو على راسي...بقيت نغزرلها...نزلت راسها شوية تحكي
ميرال:عمري ما حبيتك و لا باش نحبك في حياتي...انت كنت الكابوس الوحيد في حياتي...اما زادة معندك حتى ذنب...تعرف علاه قتلتو...خاطر هو استغلني انا زادة...كنت بحاجة لشجاعة كافية تخليني نعمل هكا...و متأكدة بعملتي عطيتك فرصة جديدة...توا معادش عندك مزية عليا
بقيت نغزرلها من غير حتى كلمة...قربت من زياد...وقت قدامو بالقدا...هزت يدها حطتها على خدو...عدات صوابعها تحت عينو...قلبي دق بالوقت...كيف ريتو يغزرلها اكاكا...تبسمت تحكي
ميرال:مانيش باش ننساك جملة...باش تبقى الحاجة الباهية و الوحيدة لي حبيتها في حياتي...و نعرف لماكش باش تنساني...في تالي انا ميرال
هزلها براسو ايه...قربت منو اكثر...حطت شفافها على شفافو...باستو بوسة خفيفة..كبست على عماد بالوقت...تمنيت نمنعها اما منجمتش...بعدت شوية...حطت ورقة في يدو...و هزت يدها مسحت الدم بجنب فمو...تغزرلو ندرا كيف...عوجت راسها غزرت لادم...تبسمتلو...حتى هو شاد روحو بالسيف...جبدت روحها لتالي...غزرتلنا بالواحد...و تلفتت عطاتنا بظهرها...بقيت نغزرلها...لين وصلت لاخر نهج...ركبت في كرهبة من تالي من غير ما ترجع تغزرلنا...فقت من سرحتي على صوت الكرهبة لي طارت...نزلت راسي نغزرلو غارق في دمو...منعرفش علاه مشفقتش عليه...و لا حاولت نقرب منو...سؤال كهو حبيت نعرف الاجابة متاعو...علاه محبنيش جملة...علاه معتبرنيش بنتو...زعمة الماضي باش يبقى يلاحق فيا عمري الكل...علاه رغم لي وفا كلشي...مزلت نحس بنفس الخوف متاع كل مرة...نزلت يدي شوية حطيتها على كرشي...كبست عليها...كلشي باش يكون مليح...باش ننسى هذا الكل...معادش باش نخسر شي المرة هاذي
☆☆☆ 😈 زعمة شنوة باش يصير توا...و شنوة سر الورقة لي عطاتها ميرال لزياد 😕 و شكون ورا ميرال...و كيف ظهرت و اختفت فجأة...هااارون زعمة لباس ؟ شنية موقف منى من موت بوها ؟؟ باهي و ادم زعمة باش يسلك المرة هاذي ؟؟ و شنية سر ملاك ؟؟ بعد ما تنحى الغموض...و مات توفيق و يعقوب...شنوة باش يصير مبعد ؟
الحلقة 153
زياد يحكي: بقيت نغزرلها لين بعدت جملة...مش مصدق لي صار جملة...متوقعتش لي ميرال باش تعمل هكا...و لا كيف جات لهوني...تلفت شوية نغزر لسوار لي مكبشة في عمااد...قربت منها شوية...حضنت عماد اكثر...فهمت خوفها...و فهمت شنية لي قاعد يدور في مخها...قربت شوية من ادم...حطيت يدي على صدري و نزلت عندو...باقي في بلاصتو...نزف برشا...خذيت نفس نحكي
انا:ا اتحمل اددم باش تكون مليح
هزلي براسو ايه يتغوصر...نسمع في صوت الاسعااف ماشي و يقرب...في لحظة شرطة غطات دنيا...قعدت عالارض بحذا ادم...ظغطت عالجرح لي في ظهرو بيدي...نغزر لسوار حتى هي قعدت عالارض و عماد في جرتها...محضنها بكل قوتو...حليت الورقة نقرا فيها...<< زياااد...سوااار...اددم...صغاري ثلاثة...تمنيت كان لقيت فرصة احسن باش نودعكم فيها...تمنيت كان نجمت نعمل اكثر على خاطركم...وقت تقراو الورقة هاذي...كل حد فيكم يكون خذا بحقو...الوجيعة لي داخلكم تكون لقات طريقها و خرجت منكم...اللي عشتوه في سنين هذوما كافي باش يعلمكم كيف باش تمشو في الحياة هاذي...باش تعرفو صحيح من غالط...اللي جريتو وراه سنين كان لازم يجي نهار باش يوفا...اما بعد ما كل حد فيكم يوصل وين نتوما توا...زياد ولدي...راك ولد الغالي...نحبك تبدا من جديد مع سوار...رغم كلشي يصير بينكم متخليهاش...حاول تخليها تاقف من جديد...خليها ترا الدنيا بنظرة جديدة...علمها تحب روحها من جديد...الصغير اللي جاي...باش يخليك تفهم برشا حاجات و تعيش برشا حاجات خسرتها في صغرك
سواار_بنتي المزيانة...الحياة قد ما تاخو تنجم تعطيك...باش تفهم هذا مع الوقت...كيف تشد ولدك في يدك...نعرف لماكش باش تخليه...و لا تخلي حتى شي يبعدك عليه...لازم تعرف انو الموت مش حل...اليمات اللي جاية باش تثبتلك كلامي...اددم_انت اكبر حد فيهم...و هوما زوز مهما تعدات سنين...باش يبقاو امانة عندك...لازمك تعرف انو الدنيا متاقفش عالماضي...اللي خسرتو من سنين...عوضتهولك الدنيا بطريقة اخرى...حنان كانت كيف بنتي...و غالية عليا...تمنيت كان نجمت نمنعها...اما ملحقتش عليها...حبك لحنان مكتوب في حيوط الحومة هاذي...و يشهدو عليه الكل...اما زادة عندك فرصة اخرى...زينب طفلة باهية...باش تعطيك يدها وقت تحب تخرج من الظلمة هاذي...ملااك بوها و امها مخلوهاش...هوما ماتو في حادث...و هي كهو سلكت منو...سلكت خاطر الدنيا خباتلها حياة جديدة...عطاتها فرصة اخرى...ملاك من اليوم بنتك انت...رد بالك عليها...و احميها من كلشي...اليوم كل حد فيكم عندو فرصة جديدة باش يعمل ذكريات احلى من اللي فاتت...الحقيقة ساعات توجع...اما احسن ببرشا من انكم تعيشو في كذبة باهية...اليوم الحقيقة خذات مجراها...و انت يا زياد كملت مهمتك لتالي...ميرال مش عميلة كهو...هي تابعة ليا انا زادة...من اليوم حتى هي باش تاخو طريق جديدة...و باش تبدا من غير زياد..نظن عملت حاجة مليحة...و الا كنت باش تظطر طول حياتك تبرر لسوار...ظهورها المفاجئ...كنت نتمنى نرا ولدكم...و نحضر عرسكم...اما للاسف مانيش باش نقابلكم مرة اخرى...شنبقى نتابعكم من بعيد...برا عيشو حياتكم...و ذكرو لانا نحبكم و باش نحبكم ديما___صاااالح >>
نزلت الورقة مروهج...نغزر للاسعاف لي وصل بالوقت...نزلت راسي نغزر لادم لفقد الوعي جملة...قربو تفقدوه...نطق واحد فيهم يحكي
هو:مزااال عااايش باش نهزوه فيسع
هزوه من حملتي...منجمت نحكي حتى كلمة...تلفت شوية نغزر لسوار حتى هي داخت...حسيت روحي في حلمة خااايبة...مش فاهم اللي قريتو ولا لي قاعد يصير...نغزرلهم هزو سواار بالوقت...هزيت روحي بالسيف...قربت منها...حطيت يدي على خدها...نحاول فيها تفيق...و نحكي فرد وقت
انا:س سوار...عزيزتي...وفااا كلشي...فيق اماانك
هزيت راسي نغزر للي هازينها...خذيت نفس نحكي
انا:شبيها...شصاارلها
هو:منعرفش...باش نعملو الاسعافات الاولية
عماد:باش نمشي معاها انا
باقي شاد يدها و يجري في جرتهم...حبست في بلاصتي...احساس ندرا كيف سيطر عليا...للحظة خفت اني نخسرها و نخسر ولدي..غمضت عينيا بالقاوي ورجعت حليتهم...نغزر لاسماعيل لي قرب مني يجري يحكي
اسماعيل:زياااد لباس ماهو
هزيت يدي بالسيف...حطيتها على صدري...نحكي
انا:م مليح
اسماعيل:جانا امر بتفتيش المنطقة
انا:توفيق ماات...على شكون تلوجو
اسماعيل:ال boss لي عدينا سنين نفركسو عليه
انا:شننوووة
اسماعيل:صاالح ¤¤¤¤¤
بقيت نغزرلو مستغرب...توا برك فهمت الرسالة لي خلاها...تقويت على روحي...ومشيت نجري للمحل متاعو...هزيت يدي لرجال نحكي
انا:حلووو الباب هذااا حلوووه
قربو منو...يكسرو فيه...قلبي نحسو باش يخرج من بقعتو...اول ما حلو الباب...هزيت يدي باش يرجعو لتالي...دزيتو بيدي ودخلت...للحظة صغري لي عديتو هوني تعدا بين عينيا...قربت بخطوات رزينة...نغزر لطاولة...نزلت شوية...هزيت الصور لي مفروتة فوقها...نغزرلهم مصدوم...كل لحظة عدينها مصورة هوني...كانو فما شكون يراقب فينا...صوري مع ادم و حنان...و مع سوار زادة...في وسط الحومة هاذي...نغزرلهم بالوحدة...معادش فاهم شنية لي قاعد يصير...قص عليا سرحتي اسماعيل يحكي
اسماعيل:شفماا زياااد
ضحكت ضحكة عالية...اخر شي توقعتو يكون العم صالح لقاعد نلوج عليه...حطيت يدي على صدري...كيف حسيت روحي توجعت نحكي
انا:لحقتو روتار برشا
اسماعيل:شقصدك
انا:ماكش باش تفهم قصدي يا اسماعيل
حطيت صور عالطاولة...و استندت بيدي عالحيط...نكح بالقاوي...باقي دم ينزل من خشمي...قرب مني شدني من كتافي يحكي
اسماعيل:زيااااد لباس ماهو
هزيتلو براسي ايه...خذيت نفس و تلفت خرجت...تكيت عالحيط برا...نحس في نفس تقطع عليا...حطيت يدي على جنبي...ولات كلها دم...قرب مني اسماعيل يحكي
اسماعيل:زياد لازم تمشي للكلينيك فيسع
انا:ن نعرف
اسماعيل:هيااا ملا
قرب مني اكثر...استندت عليه نمشي بالسيف...ركبت معاه...خالط عليا...وطار بالكرهبة...دورت راسي نحكي
انا:س سوار
اسماعيل:لباس...باش تكون مليحة...مش هوما هزوها
هزيتلو براسي ايه...تكيت راسي لتالي...تعدات بين عينيا صورة توفيق و هو فوقها...صياحها قوا في وذني...عينيا تسكرو بالوقت...و معاد حاسس بحتى شي...حليتهم على صوت طبيب يحكي
هو:زياااد...زيااد تسمع فيا ياخي
حليت عينيا شوية مروهج...ورجعت سكرتهم...نحس في بدني مدقدق...وجيعة مش نورمال في جنبي وصدري...نسمع فيه يحكي
هو:زياااد
انا:س سوار و وين
هو:سوار لباس...انت كيف تحس في روحك
انا:و وادم
هو:حتى هو لباس
انا:باهي
هو:شنية يوجع فيك
انا:م منعرفش...نحس في بدني الكل يوجع
هو:بالطبيعة...عمليتك خطيرة برشااا...كان ملحقتش بالوقت...كنا باش نظطرو نستأصلو الكلية متاعك...الحمد الله تعدات لباس...حاول ترتاح...باش منظطروش لعملية اخرى
انا:باهي دكتور...تنجم تقولي قداش عندي هوني
هو:اكثر من 12 ساعة
انا:ش شننوة
هو:معجزة كيف مدخلتش في غيبوبة
انا:سواار لباس...وولدي
هو:مرتك لباس...و الصغير سلك على شعرة...فاقت شوية ورجعت غفات...حالتها تاعبة شوية
انا:نحب نشوفها توا
هو:شقتلك...انت ماكش باش تقوم من سرير حتى نسمحلك انا
انا:نحب نراها
هو:هي في البيت قدامك...كي يطلع نهار انا باش نهزك عندها
رجعت سكت...اهم شي عندي لي هي مليحة...باقي يعدي عليا...و انا مش حامل روحي اصلا....بقيت نغزر لسقف...مش مصدق لي صار و اللي تعدا على راسنا بين ليلة و نهار...تهزيت و تحطيت على صوت صياحها...هزيت روحي شوية مفجوع نحكي
انا:صوووت سوار
هو:اهدا تو نرا شفما و نخبرك
انا:نهدا شنوة ياخي
هزيت روحي تقعدت بالسيف...باقي نسمع فيها تصيح...نحيت السيروم من يدي...حاول يمنعني دزيتو بيدي...تقويت على روحي و قمت من السرير نجري...حليت الباب...و تبعت صوت صياح...حليت الباب بالوقت...غزرت لسرير مفماش...قلبي حسيت سقط بين ظلوعي...دورت عينيا عالبيت...نلقاها واقفة في اخر تركينة...تبكي و تصيح فرد وقت...و طبيب واقف يغزرلها مبهم...غزرتلها نحكي
انا:شفممماااا...سوااار شبيك
سوار:حتتتى حد ما يقرب مني...قول يبعد عليا اماانك
جيت باش نحكي دخل ادم مروهج...ظاهر حتى هو جا على صياحها...دخل يحكي
ادم:شفماااا
على صوتو هزت يديها زوز...حطتهم على وذنيها...تحكي
سوار:لااااا...امااان بعدووو عليا
بقيت واقف مبهم...تلفت لطبيب...لي خطفو ادم من سوريتو...كلس عليه يحكي
ادم:شعملتلهااااا
طبيب:ش شي...كنت باش نعدي عليها...اما منعرفش شبيها وحدها قامت تصيح
خذيت نفس...و قربت منها شوية...مديت يدي...نحكي
انا:سوااار عزيزتي...مفما حتى شي...هااني انا معاك...ايجا عندي
هزتلي براسها لا...تبكي بالشهقة...تنهدت نحكي
انا:باهي قولي شبيك
سوار؛ب باش يرجع...ر ريتو انا...قولو يبعد عليا
تلفت لطبيب...لي بعد من ادم...عرفتها لي رات نفس الكابوس...قربت منها شوية نحكي
انا:كااابوس...وراس حبي لي ريتو كابوس وكهو...ساااييي هو معادش موجود
سوار:متقربش مني...حتى حد فيكم ما يقرب مني...ابععد
انا:باهي هاني باش نبعد...و الكل باش يخرج انت اهدا باهي
هزتلي براسها باهي...تلفت لادم...باش يخرج طبيب...فهمني من غير ما نحكي...اول ما خرجو غزرتلها نحكي
انا:سوااار عزيزتي...اغزرلي هوني مفما حتى حد غيرنا...هيااا يزي امانك
سوار:لاااا امانك ابعد انت زادة...كان باش نقرب منك...هو ي يرجع يخطفني
انا:سوااار...توفيق ساااييي معادش موجوود...يززي عيش حبي
سوار:شششش متقولش اسمو...اسككت
عديت يدي على وجهي...جيت باش نحكي...قص عليا عماد كيف دخل يجري...قرب منها...حضناتو بالوقت...تحاول تتحمى بيه...قلبي دق بالوقت...متوقعتش باش نرا حالتها هكا...كبست عليه تحكي
سوار؛ع عماد متخلنيش هوني وحدي
عماد:باهي هاني معاك...اهدا عيش اختي
هزتلو براسها ايه...تلفت عطيتهم بظهري خرجت من البيت...عالاقل لين تهدا...وقفت بحذا الباب تنهدت بالقاوي...قرب مني ادم يحكي
ادم:لباس ماهو...طبيب قال لهو كان باش يفحصها كهو
انا:منعرفش...حالتها ياسر تاعبة...في بالها توفيق مزال عايش...و باش يرجعلها
ادم:حتى لي تعدا عليها مش ساهل
انا:نعرف...نعرف
ادم:في رايي خلي طبيبة تعدي عليها توا احسن
انا:باهي...انت برا ارتاح شوية...عالاقل كيف جي زينب و ملاك...تكون مليح
ادم:باش نبقى معاك
انا:انا مليح ادم...و باز هي متحب تشوف حتى حد فينا توا...و زادة منجمش نمشي حتى نطمن عليها
ادم:باهي...كان احتجت شي كلمني
انا:باهي
بقيت نغزرلو لين دخل لبيتو...احسن شي الاصابة مكانتش خطيرة برشااا...و الا باش نعيش نادم طول حياتي...قربت شوية...نغزرلها من شق متاع الباب...قاعد معاها عالسرير...يمسح في دموعها و هي تحكي فرد وقت
سوار:ن نحب نمشي من هوني...هو باز باش يرجع...انا ريتو والله ريتو عماد...حلمت بيه مرة اخرى
عماد:يزززي عيش اختي..حتى حد ماهو باش يقرب منك
سوار:ا اذا مشينا من هوني كلشي باش يكون مليح
عماد:باهي وزياد
سوار:لازم نبعد عليه..و الا باش يرجع يعمل فيا نفس شي..باش يرجع و يغتصبني
عماد:سوااار يزيي..فيق على روحك..هو مات و زادة انت متنجمش تبعد..نسيت لانت حبلة
سوار:ا انا حبلة..ب باهي خليه ياخو ولدو..و احنا نمشو من هوني امانك
عماد:وفات وراس اختي
1
غمضت عينيا بالقاوي ورجعت حليتهم..قلبي عصر عليا و انا نرا فيها تبكي في حملتو...صوت شهقاتها واصل عندي..الخوف متاعها وصلني بالقدا..وصل لي حب عليه..بعملتو..حتى كيف مات حسيتو لانتصر عليا بالسي اللي عملو..خذيت نفس..بقيت نغزرلها..نغزرلها وكهو..نستنى في الحلمة الخايبة توفا..ويرجع كلشي احسن من الاول
فقت من سرحتي...كيف ريت الطبيبة قربت مني تجري...حلت الباب ودخلت...جات عيني في عينها...غزرتلي ندرا كيف...قلبي دق بالوقت...كبست على يدي...نهدي في روحي...متوقعتش نرا حالتها هكا...معادش نعرف شنوة نعمل...ولا كيف باش نتصرف...وخرت خطوة لتالي...هزيت يدي عديتها على
وجهي...نفخت بالقاوي...منعرفش كيفاه باش نتعامل معاها...لتوا مش مصدق لهي خايفة مني حتى انا...نحس روحي ضايع وسط اللي قاعد يصير...نحب نقابل الطبيبة و نحكي معاها...عالاقل نطمن عليها شوية...قص عليا اسماعيل كيف قرب مني يحكي
اسماعيل:زياااد شتعمل هوني انت
انا:نستنى في طبيبة
اسماعيل:سوااار لباس ؟
انا:منعرفش
اسماعيل:زيااد ميجيش تبقى هوني برشاا...برا لبيتك و انا باش نستنى الطبيبة
انا:انا مليح اسماعيل
اسماعيل:باهي على راحتك
انا:وين وصلتو ؟
اسماعيل:مش وقتو
انا:نسمع فيك
اسماعيل:وصلتنا ادلة
انا:أدلة شنوة
اسماعيل:الادلة لي وصلت تثبت براءة ر روزا امك...و حنان...ب بالادلة هذوما القضية متاعهم باش تتحل مرة اخرى...و العدالة باش تتحقق
غمضت عينيا بالقاوي ورجعت حليتهم...هزيتلو براسي باهي...و تبسمت وحدي...قضايا تسكرت ليها سنين...باش تاخو مجراها...طول السنين هذوما و انا نجري باش نوصل لهوني...باش نبرأ امي من الحكاية...و باش حنان تاخو حقها زادة...الادلة هذوما كانو عند عم صالح كهو...خذيت نفس نحكي
انا:شكون عطاكم الادلة هذوما
اسماعيل:ميرال خلاتهم في بيروها...قبل ما تمشي
انا:متعرفش وينها توا
اسماعيل:مخلات حتى شي وراها...كان الادلة هذوما
انا:و في دارها ؟
اسماعيل:دارها فارغة...كانو مكانتش عايشة فيها من قبل...تنجم تقول انو ميرال اختفت جملة
انا:معاناها صالح وراها
اسماعيل:الغريب انو هو لي بلغ على روحو
انا:كيف
اسماعيل:كلشي مخطط من الاول...الادلة لي خلاتها ميرال...خلات معاها برشا اوراق تثبت تهمة متاع كل حد فيهم...اوراق عدينا سنين نجرو عليهم...و تحقيقات اللي كانت معاهم الكل قالو...ولا حد منهم...قابل الراس الكبير...و الغريبة انو الكل يخاف من اسمو...عملياتهم الكل...من كبيرهم لصغيرهم كانت تحت يدو...و اللي عرفتو زادة انو كان ديما يأكد قبل وورا كل عملية ما لازم يموت حد...و لا يتضرر حد معندوش دخل في الحكاية...و كل حد كان يموت في جرتهم...يخليهم يخلصو حق عمايلهم بطريقة غير مباشرة...فرد وقت فما اوراق تثبت انو نفس الشخص هو المسؤول على الميتم و برشا جمعيات اخرى...الادلة لي خلاها تثبت كلشي كان هو شكون...لتوا مفهمتش اذا راجل هذا اذا مليح ولالا...معادش نعرف اذا هو بالحق الراس الكبيرة متاعهم الكل...و انو بطريقة هاذي خلى المافيا و الشرطة تكون تحت يدو...خاطر بعملتو هو عاونا برشا...و القضية لي تعبنا عليها سنين تسكرت و كل حد خذا حقو
انا:صالح صالح...الغريبة انو شخص هذا تربينا عندو...تعرف شنية كان يقول...كلشي يتحل بالصبر...و الحقيقة تظهر كيف نور الشمس...اما نهار تظهر باش تاخو معاها برشا حاجات باهية...معناها يا اسماعيل...هو كشف كلشي...كيف كل حد فينا ظمن روحو ووصل وين لازم يكون...كان وقتها عرفت سر امي و انا صغير...مكنتش باش نوصل لهوني...و ادم مكانش باش يولي رجل اعمال...رغم كلشي هو وصل لهوني وحدي...من غير ما ياخو دعم من توفيق...و مكنتش باش نحب سوار لهدرجة...كلشي عملو كان مخطط...هو لي عاوني باش وصلت للمنظمة الدولية...و الدعم المجهول كان منو...امي اختارت الحومة هاذي و اختارت صالح باش يحميني...و باش نوصل وين كانت تحب تراني
اسماعيل:شكونو صالح
انا:لغز
اسماعيل:شنوة
2
انا:لغز حتى حد فينا ماهو باش يحلو...معناها كيف عداها علينا سنين هذوما الكل...عرف كيف يختفي...و متأكد انو خذا ميرال معاها...باش يخليها تبدا من جديد...في نهاية انا ظلمتها برشا...معناها من غير ما تفركسو عليهم...مبروك ترقية الجديدة اسماعيل...لحق الوقت باش تفكر في مهمة جديدة
تبسم على جنب...هزيت يدي ضربتو لكتفو...و تلفت غزرت لبيت ادم...رجعت بالذاكرة سنين لتالي...ذكرت كلام عم صالح...اللي كان يقولو ديما...خاصة نهار سالتو على حياتو...كيف عاش و كيف عايش...كان ديما يعاود نفس الكلام...<< الحيااااة طويلة برشاااا فيها ذكريات خايبة و ذكريات حلوة...متنجمش تذكرها و تنساها في يوم واحد...كل حد فيكم مخبي سر داخلو...كل حد يدور على حد يكون شريكو في الدنيا...يخفف هذا الحمل عليه...أنت لقيت آدم وآدم لقاك يا زياد...اما أنا مالقيت حد على هذاكا باش تبقى حياتي لغز ديما...و ذكر ديما انو لي يقول سرو لحد غريب عليه يحفر قبرو بيديه...أما نتوما الزوز حالة إستثنائية كل حد فيكم يبوح بسرو لثاني كأنو واقف قدام مرايا فالطرف الثانية خوه للي هو إنعكاسو...و مفماش شكون يكسر صورتو في المرايا...و ذكر زادة انو احنا نتعلمو من غلطات صارت في الماضي...غلطات توجع برشااا...من اقرب الناس اما فرد وقت الوجيعة هاذي باش تقويك و تبين شكون سندك في الحياة...و مهما صار بينكم حتى حد منكم ماهو باش يستغنى على خوه...مهما غلط ادم انت باش تغفرلو...و مهما غلطت هو باش يغفرلك...في نهاية انتو معندكمش غير بعض في الدنيا...ورغم المسافات اللي باش تبعدكم...باش تبقاو يد وحدة...و كل كلمة قلتها توا باش يجيك نهار و تفهمها >> تنهدت بالقاوي...صالح كان قدوتي بعد بابا...كلشي كنت نعرفو عليه...انو هو شيخ الحومة...و بابا تربى على يدو...بعد ما خسر بوه و امو...صالح كان ند ليه في دنيا...تمنيت كان نجمت نقابلو اخر مرة...شي واحد متأكد منو...كان انا عرفت الحقيقة بكري...عمري ما كنت باش نولي زياد...و انو كل حد يقرب مني يعملي الف حساب...عمري ما كنت باش نولي عميل ايطالي...و لا اسمي باش يوصل لهوني...و متاكد انو توفيق رغم كلشي عملو...كان ديما عايش بخوف و هو يغزرلي...كان ديما يغزر لموتو من غير ما يتحرك...برغم انو صالح باش يبقى لغز في حياتي...اما نحس في روحي مرتاح...خاطر متأكد لهو ماهوش باش يأذينا...و لا باش يقرب منا...يكفي لباش يبقى مراقبنا من بعيد...فقت من سرحتي على صوت الباب كي تحل...نطرت من بلاصتي...قربت من الطبيبة نحكي
انا:كيفها توا لباس ؟
هي:لباس مسيو لباس...ظطريت نزرقلها...ماهيش باش تفيق لصباح
انا:تنجم تفهمني حالتها
هي:مانيش باش نخبي عليك...حالتها مطمنش برشا...خايفة من حد كانو معاها في البيت...تحاول تبعد و تخبي روحها فرد وقت...حكيت معاها...قالت لهو يحب يغتصبها و ندرا شنية
هزيت يدي عديتها على وجهي...حسيت ندرا كيف...خذيت نفس نحكي
انا:ت تعرضت...هي...نقصد فما شكون حاول يقرب منها
هي:عرفت هذا من حالتها...و من لي تراص لي في بدنها
انا:باهي اما علاه خايفة مني حتى انا
هي:انت راجلها
انا:مممم
هي:تعرف لمرتك حبلة
انا:نعرف
هي:باهي يعني اللي صار مش ساهل...نفسيتها تاعبة برشا...و كل حد يقرب منها في بالها باش يعمل فيها نفس الشي...فوق هذا الكل ينجم الوحم تكون عندو اثار سلبية عليها
انا:و شنية الحل في رايك
هي:طبيبة نفسانية
انا:شننوة
هي:هذا احسن حل في حالتها هاذي...عالاقل تنجم تتقبل لي قاعد يصير...و تنجم ترجع لحياتها عادي
انا:تنجم تسافر في الفترة هاذي
هي:اذا اقتنعت بالفكرة هاذي...باش يكون مليح ليها
انا:نحب نراها
هي:باهي...اما مطولش برشا...حتى انت لازمك ترتاح...متنساش لي عمليتك مزالت جديدة
انا:باهي دكتورة عيشك
3
تبسمتلي و تلفتت مشات...غزرت لاسماعيل نحكي
انا:اسماعيل يا ريت تخلي عماد يبقى عندك ليلة...هو تعب برشا و لازمو يرتاح...لين نرا حل...خاطر منجمش نخليه وحدو خاصة توا
اسماعيل:باهي طمن
انا:عيشك
خذيت نفس و قربت من الباب...منعرفش كيف حليتها...قربت خطوة نغزرلها غاطسة في نوم...و عماد قاعد عالكرسي...شاد يدها...قربت منو شوية...حطيت يدي على كتفو نحكي
انا:عمااد هيا انت باش تروح توا
عماد:وين
انا:مع اسماعيل...لازمك ترتاح
عماد:منحبش...نحب نبقى مع اختي
انا:باش ترجع صباح...و هاني انا معاها
عماد:هي ما تحب حتى حد فيكم...يمكن كان عرست بيها اكا نهار...مكانتش وصلت لهوني...انت سبب في كلشي باهي...بسببك انت انا كنت باش نخسر اختي...هي مرة قاتلي كرهتو...و كرهت خوه طلع عندها حق...يمكن كان مطلعتوش في حياتنا...كانت امي عايشة توا...و سوار كملت قرايتها...اما نتوما زوز حطمتوها...علاه باش تبقى معاها توا...باش ترا وين وصلتها...باش ترا اذا قهرتها بالكل...و لا باش تخمم في خطة جديدة تقهرنا بيها مسيو زياد
غمضت عينيا بالقاوي...ورجعت حليتهم...منعرفش علاه حسيت لي ظلمتو حتى هو...خذيت نفس نحكي
انا:عندك حق...انا ظلمت اختك برشا...ظلمتها كيف خليتها وحدها...كيف منجمتش ناقف معاها...ظلمتها خاطر معرفتش كيف نحبها...خاطر كنت اناني معاها...اما زادة منجمش نعيش من غيرها...مهما صار و مهما رفضتني انا مانيش باش نخليها...و لا باش نخلي ولدي...و لا باش نخليك انت...من اليوم باش تكون عندنا ثنية جديدة...حبيت و لا رفضت...هيا توا باش تمشي ترتاح...خاطر قدامنا برشا خدمة
عماد:اخر فرصة زياد...كان باش تخليها المرة هاذي...معادش باش تلقاها
انا:المهم هي تسامحني
عماد:والله المرة هاذي انت و شطارتك سي زياد...كيما عرفت تغششها منك اليمات اللي فاتو...لازمك تعمل على روحك باش ترضيها...قدامك ايام صعبة
انا:نعرف شباش يعديهم
عماد:متخافش انا باش نعاونك
انا:متأكد
عماد:كان انت وعدتني ماكش باش تخليها مرة اخرى...انا باش نعاونك
انا:باهي عماد وعد
عماد:باهي خليك معاها الليلة...و متعبش روحك انت زادة...انا باش نحاول نطمن على هارون و نمشي باهي
انا:باهي كان احتجت شي خبر اسماعيل باش يعاونك
عماد:باهي عيشك
قرب منها باسها من خدها...وهز روحو خرج...بقيت نتبع فيه لين خرج من البيت...تنهدت بالقاوي...وقربت منها شوية...نحكي
انا:تي طلع مش ساهل الفرخ...كنت في وحدة وليت في زوز
4
مديت يدي حطيتها على كرشها...قلبي دق بالقاوي...تبسمت نحكي
انا:زعمة انت زادة ناوي تعذبني...ممم نعرف لباش تاقف في صف امك زادة
جبدت الكرسي بيدي قعدت عليه...و حطيت يدي لاخرى على شعرها نعدي فيها...نغزر لوجها...احسن شي ماهيش باش تفيق توا...نحب نبقى معاها...نحب نشبع منها شوية...نعرف بعد ما تفيق باش يرجع كلشي كيف الاول...نزل بصوابعي شوية...عديتهم عالجرح لي جنب فمها...نزلت عليها اكثر...بستها منو نحكي
انا:مكنتش باش نخليه يوصل لهوني...ولا يحط يدو عليك...سامحني يا روحي
حسيت بالنفس متاعها على خدي...غمضت عينيا بالوقت...في بالي وفا كلشي...لقيت روحي رجعت لنقطة الصفر...الحكاية بدات من الكلينيك هاذي...و باش نحاول نرجع حبي من نفس البلاصة...هزيت روحي شوية...نغزر لرقبتها...تراص يديه مزالو عليها...نعرف مع الوقت باش تبرا منهم...اما ماهيش باش تبرا من اللي صار...هي لازم تبعد من هوني...لازم تبعد حتى على ادم...خاطر برغم اني سامحتو...برغم انو حتى من كلامها ظاهر فيها سامحاتو...اما داخلي منجمتش ننسى انو هو ظلمها برشا...وبعد اللي صار...كل ما تشوفو باش تذكر توفيق...حطيت يدي على كرشها...ناخو في القوة من ولدي...عندو حق عم صالح...الحقيقة عندها نهارها...كان انا انتقمت ساعتها...مكنتش باش نولي زياد...و لا كنت باش نتلقاها...و لا باش نحبها...كنت شنعيش حياة ناقصة من غيرها...كنت باش نعيش طول عمري...نلوج كيف نغطي نقص هذا...نعرف اللي جاي صعيب..اما طول ما هي معايا...باش نتعداو لي بقى خطوة بخطوة
☆☆☆ بنااات.نحب نقلكم...انو حاولت قد ما نجم نوضح نقاط معينة على العم صالح...لهو لغز في حياة الابطال و في الكرونيك زادة...نتمنى تكونو فهمتو توضيح لي عملتو...و فهمتو لهو عاونهم يوصلو وين يحبو و يشدو ثنية صحيحة...و خذا ميرال معاه...خاطرها حتى هي تظلمت برشا...على هذاكا تستحق حياة بعيدة عليهم...
الحلقة 154
ادم يحكي: هزيت يدي بالسيف...عديتها على الخاتم...غمضت عينيا بالقاوي ورجعت حليتهم...نغزرلها قاعدة بحذايا...هزت يدها حطتها على خدي تحكي
تبسمتلو وخرجت من عندو...قربت شوية من بيتها...نغزر للفرملية خارجة...طلعت راسي نغزرلها راقدة...تمنيت كان نجمت نحكي معاها...جيت لهوني ببرشا امل انو كلشي باش يتحسن...اما في تالي...عرفت لي مستحيل تكون عندي بلاصة معاهم...فقت من سرحتي كي تسكر الباب في وجهي...تنهدت بالقاوي...و هزيت روحي خرجت...حبست طاكسي...ورجعت لدارو...طلعت لبيتي بالزربة...لبست دبشي متاع العادة...لميت شعري بالفولار من قدام...يمكن احسن نرجع من وين جيت...العالم هذا مستحيل يكون متاعي...لميت دبشي كهو...و نزلت...نمشي هايمة...منعرفش على روحي كيف وصلت للمحطة...قصيت تذكرة...و قعدت عالكرسي...مزالت ساعات قليلة و نمشي من هوني جملة...يمكن احسن حل نرجع من وين جيت...لدارنا...نرجع نواجهم بالواحد...و اولهم ولد خالي...هزيت يدي بالسيف...نغزر لنومرو خالي...خذيت نفس و طلبتو...شوية و هز عليا يحكي
هو:شكون معايا
انا:ز زينب
هو:شكون زينب
غمضت عينيا بالقاوي...ورجعت حليتهم...تنهدت بالقاوي نحكي
انا:خ خالي انا زينب
هو:فاش قام حتى تطلب فيا توا
انا:ا انا باش نرجع
هو:وين ؟
انا:ل لدارنا...لحق امي
هو:هذاكا بكري عزيزتي...اذا باش ترجع المرة هاذي...باش ترجع بشروطي
انا:باهي
هو:على قداش توصل ؟
انا:منعرفش...يمكن مأخر شوية
هو:باش تلقى وسيم يستنى فيك
انا:باهي
نزلت تليفوني علقت عليه...اسمو برك خلاني نكره روحي جملة...نعرف اللي جاي مش سااهل...نعرف لي رجعت للجحيم بساقيا...اما معنديش حل اخر...معنديش وين نمشي...و منجمش نطلب منهم يعاونوني اكثر...منجمش نحط روحي في مواقف اخرى...يزي لي ريتو و لي سمعتو اليوم...متأكدة انو ادم مستحيل يرجع في قرارو...و انا زادة مستحيل نتنازل المرة هاذي...مستحيل نحط روحي في موقف اخيب من هكا...غزرت للفوق برشا...و حلمت بحاجات مستحيل انها تصير...الحب هذا من اول نعرف لهو مستحيل...لحظات تعداو...حسيت لهو بالحق حاجتو بيا...و لي انا بالحق تنجم تكون عندي عيلة...اما نسيت انو منجمش نقارن روحي مع مرتو...و هو مستحيل ينساها و لا باش يغزرلي ليا...ساعات تعدات و انا في بلاصتي...نخمم في ملاك...كيفاه باش نبعد عليها و ننساها...هي كانت جزء من حياتي...ستانست بيها...و منجمش نستخايل روحي من غيرها...ملاك عوضتني على برشا حاجات خسرتها...منعرفش كيفاه باش ينجمو يهتمو بيها...و لا كيف باش يفهمو عليها...هي لتوا تقطع في الكلام..و متحكيش مليح...حسيت بدمعة نزلت مني...هزيت يدي مسحتها بقهرة...فقت من سرحتي على نداء متاع رحلة...خذيت نفس...و هزيت روحي بالسيف...كبست عالفاليز في يدي...منعرفش على روحي كيف وصلت للكار...طلعت الدرجات هذوكا مترددة...شديت بلاصتي...بحذا البلار...نغزر لطريق...و نخمم شنوة اللي باش يصير...و كيفاه باش نقابلهم بعد المدة هاذي الكل...نعرف و متأكدة لمش باش يعدو حكاية الحبس متاع وسيم...و باش يلوموني على لي صار...و باش يخلوني نندم كلشي...حتى كيف يعرفو لانا ما عندي حتى ذنب في الحكاية...اما هذا احسن حل من اني نبقى وحدي...و لا اني نبقى نتوسل لحد...مهما باش يكون...باش تكون غديكا البلاصة ارحم من الشارع...هذا لي كنت نقنع بيه روحي...غمضت عينيا بالقاوي...نحب ننسى كلشي صار...و منحبش نخمم في اللي باش يصير...نحب ننساه حتى هو...نحب نتقبل اللي قاعد يصير...نحب الوجيعة لي داخلي توفا...و نتهنى
☆☆☆
سوار تحكي: حليت عينيا ندور فيهم عالبيت...نحس في بدني مدقدق...دورت راسي نغزر لسيروم لي معلق في يدي...الهدوء اللي في البيت وترني اكثر...هزيت يدي حطيتها على. كرشي...اللي نعرفو انو الصغير مزال في كرشي...هزيت روحي بالسيف...نحيت السيروم...و دخلت لبيت البانو...قربت من المرايا...نغزر لروحي...هزيت يدي حطيتها على شفافي...بلاصة الجرح...نزلت بصوابعي لتراص لي على رقبتي...غزرت لزنودي نفس تراص...قلبي دق بالوقت...غمضت عينيا بالقاوي ورجعت حليتهم...منحبش نذكر لي صار جملة...حليت السبالة...نغسل في وجهي ورقبتي...و زنودي فرد وقت...مش حاملة بدني بالكل...و منحبش نرا روحي جملة...تهزيت و تحطيت على صوت الباب لي تحل...وخرت لتالي اكثر...لاخر تركينة...ذكرت لي صار اخر مرة...مشى في بالي باش يتعاود...باز باش يخطفني مرة اخرى...دم جمد في عروقي...حطيت يدي على كرشي نهدي في روحي...نسمع في صوت دقان عالباب...تلكمت على روحي اكثر...نسمع في عماد يحكي
عماد:سوااار انت هوني ياخي...سوااار عيش اختي اذا انت هوني رد عليا امانك
اول ما سمعت صوتو...تنهدت بالقاوي...قربت من الباب بالسيف...حطيت يدي عالبواني حليتها شوية...نغزرلو...تنهد يحكي
عماد:سواار لباس ماهو
هزيتلو براسي ايه...غمض عينيه ورجع حلهم...يحكي
عماد:والله فجعتني...شرايك تخرج من غديكا
انا:شكون معاك
عماد:حتى حد
انا:بالحق
عماد:والله ايجا شوف
قربت شوية شوية...طليت عالبيت...مفما حتى حد غيرو...مدلي يدو...شديت فيه وخرجت...قعدت عالفوتاي...هز منشفة يمسح في وجهي...و يديا...جبدت يدي منو كيف توجعت...غزرلي يحكي
عماد:سامحني منقصدش
غزرتلو ورجعت تلفت...نغزر للجنينة...لناس لي رايحة جاية...باقي نغزر لطفل شاد لحية جدي...غمضت عينيا بالقاوي...ورجعت حليتهم...شي اقوى مني خلاني نتبعو بعينيا...غزرت لعماد نحكي
انا:نحب ننزل اللوطة
عماد:توا
انا:مممم
عماد:اتو نسأل طبيبة قبل
انا:امانك منطولش شوية كهو
عماد:تحب تبدل دبشك
انا:لاااا
عماد:باهي ايجا
عطاني يدو...شديت فيه و هزيت روحي قمت...اول ما خرجنا من البيت كبست عليه اكثر...نمشي وراه...منحب نغزر لحتى حد...وقف يحكي مع اسماعيل...جبدت روحي لتالي...منحشبش نسمع صوتو حتى هو...تلفت شوية...نغزرلو نحا مريولو...قربت شوية...حطيت يدي عالحيط...نغزر لطبيبة و هي تتفقد فيه...نازلة بيديها للجرح...طلعت بيدها لصدرو تتفقد فيه...تحكي
هي:مزلت تحس بنفس الوجيعة
زياد:شوية...تنجم تقولي سبب
هي: contusion pulmonaire...اذا اهتميت بروحك...باش ترتاح مع الوقت
زياد:باهي مرسي
هي:حاول تاخو دواك في الوقت...متنساش لانا عملت عملية في نفس البلاصة مرتين
زياد:باهي دكتورة عيشك
هي:باش نخليك ترتاح...اذا احتجت شي...تنجم تطلبني
فقت من سرحتي على صوت عماد...كيف قرب مني يحكي
عماد:تحب تدخل عندو
تلفت عندو غزرتلو...هزيتلو براسي لا...نحكي
انا:نحب نخرج للجنينة توا
عماد:باهي هيا
رجعت شديتو من يدو...نمشي وراه...خرجنا للجنينة...باقي يمشي و مش فاهم شنية اللي نحب عليه...اول ما خرجنا...بقيت نلوج بعينيا على الطفل...جبدت يدي منو...و قربت منو...ما لقيت عندو شي...عقدت حواجبي مستغربة...شديتو من يدو نحكي
انا:وينها...تي حل فمك وينها
قحرلي يجبد في يدو مني...قربت مني امو مفجوعة...جبداتو لتالي تحكي
هي:شفما هوني...شصاار
انا:اغزرلي هوني...قولي وينها
فحم بالبكا مش فاهم شي...قرب مني عماد...شدني من يدي...جبدني شوية يحكي
عماد:سوااار شفمااا ياخي شتحب
انا:تي السخطة هذا...كلاها الكل
عماد:شننوة
قربت مني امو...هزتني و حطتني...تحكي
هي:ظاهر فيك مجنونة
بقيت نغزرلها...نزلو دموعي بالوقت...تلفت لعماد نحكي و نبكي
انا:ر ريت كيف قاعدة تحكي معايا...فوق ما ولدها كلاها الكل
عماد:سواار فهمني شنية لي تحكي فيه...تعرفها المرا انت
هزيتلو براسي لا...باقي نبكي...هزيت يدي عديتها على خدي نحكي
انا:ن نزلت على جالها انا...ا اما كملها فيسع
عماد:باهي اهدا تو نحكي معاه انا
هزيتلو براسي ايه...جبد روحو مني...قرب لطفل يحكي
عماد:فهمني شكنت تاكول امانك...شنية لي راتو عندك باش جنت هكا
طلع راسو غزرلي...قحرتلو قحرة متاع موت...ترعب و تخبى ورا امو يحكي
هو:ل لحية جدي
تلفتلي عماد مستغرب...عقد حواجبو...يحكي
عماد:هاذي لي تحب عليها انت
هزيتلو براسي ايه...باقي يغزرلي مستغرب مش فاهم لي قاعد يصير...تلفت لامو يحكي
عماد:سامحنا مدام...منقصدش لي صار...اما يا ريت تقولي وين شريتها
هي:اول ما تخرج من الكلينيك...تلقاه في اخر طريق
عماد:باهي عيشك
شدت ولدها لي كبش فيها خايف مني...غزرت لعماد نحكي
انا:علاه خليتهم مشاو
عماد:سواار عزيزتي...شكنت تحبني نعمل...طفل مفجوع من اللي صار...هاني باش نوصلك لبيتك...و نمشي نشريلك
انا:منحبش...اصلا انت كيفهم بالظبط...انت زادة تحب تقهرني...حتى انت متنجم تعمل حتى شي على خاطري
عماد:سوار انا
قحرتلو...و تلفت...مشيت نجري...منحبش نحكي اكثر...حبست كيف ضربت فيه بالقاوي...شعرة لا طحت...شدني من ظهري...قلبي دق بالوقت...طلعت راسي شوية شوية...نغزرلو...جات عيني في عينو...منعرفش كيف وصل لهوني...هز يدو بعدلي شعري لتالي يحكي
زياد:ششش اهدا
بدني رعش بالوقت...هزيت يديا زوز...حطيتهم على صدرو نبعد فيه عليا...رخف يدو شوية...جبدت روحي بالزربة...رجعت عند عماد...وقفت وراه...نغزرلو...قرب منا شوية...كبشت في عماد اكثر...غزرلو...ورجع غزرلي يحكي
زياد:عماد طلعها فيسع...قبل ما تاخو برد...الجو بارد
عماد:باهي
انا:منحبش...عماد خلينا نمشو توا
زياد:هيا سواار فيسع لبيتك
قحرتلو...و كبشت في عماد اكثر...مش حاملاتو حتى طرف...خاصة بعد ما ريتو مع طبيبة...تلفتلي عماد...شدني من يدي يحكي
عماد:هيااا سوار...باش نطلعك و نمشي نشريلك باهي
هزيتلو براسي ايه...كبست على يدو اكثر...نمشي وراه بالظبط...تلفت ورايا شوية...جات عيني في عينو...باقي يغزرلي...عوجت فمي...و عطيتو بظهري...تفكيري الكل في الطفل هذاكا...باقي مكبشة فيه لين وصلنا الفوق...لمحت ملاك...واقفة مع اسماعيل...اول ما راتني تخبات وراه...تنهدت بحصرة...اول ما دخلت للبيت فحمت بالبكا...قرب مني يحكي
عماد:سوار اهدا عيش اختي...والله هاني باش ننزل نشريلك
انا:ريت حتى حد ما عاد يحبني...الكل كرهني...علاه هذاكا هو خطفني...يعرف لحتى حد ماهو باش يفركس عليا...هو باش يرجع لهذا سبب
عماد:سوااار فيق على روحك...حتى حد ماهو باش يرجع...توفيق مات و يعقوب مات زادة
انا:لااااا...اغزر...شوف شعملي
نحكي و نوري فيه في تراص لي على يديا...ورقبتي...رجعت شعري لتاليو كملت كلامي نحكي
انا:لهذا سبب باش يرجع هو...باش يتعمد يعمل فيا هكا...ريت هذوما الجروح هوما سبب...انا بسببهم كرهت ناس الكل و هوما كرهوني...ريتها حتى ملاك...معادش تحب تغزرلي...و هذاكا الطفل كلا كلشي بلعاني
عماد:باهي عندك حق في كلشي...اما طفل شمدخلو سوار...منجمتش نستوعبها الحكاية
انا:ماكش تفهم...حتى انن في بالك لانا جنيت
عماد:والله ما قصدتها اما
انا:يززززي اسكت
جا باش يحكي...قصت علينا نفس الطبيبة لي كانت تعدي عليه...قحرتلي تحكي
هي:شتعمل ياخي
انا:شنوووة
هي:برا شد فرشك فيسع
انا:منحبش
هي:اسمعني لي تعمل فيه مش باهي ليك...متنساش لانت حبلة
انا:شيهههمك فيا انت...شمدخلك
عماد:سوااار يزززي شبيك
هي:باهي ايجا اقعد برك
انا:نحب نخرج من هووووني توااا
هي:مش قبل ما ترتاح
قحرتلها...و مشيت لسرير...قعدت عليه...هزيت الغطا و عطيتها بظهري...قربت مني باش تفحصني...وقفتها نحكي
انا:منحب حتى حد يمسني
هي:باهي على راحتك
كبست عالغطا بيديا الزوز...منحبش نغزرلها...بقات شوية و خرجت...قرب مني عماد قعد عالكرسي مقابلني...هز يدو يمسح في دموعي...و يحكي
عماد:سوااار يمشي في بالك لحتى حد ما عاد يحبك
مرجعتلوش...باقي ساكتة...رجعلي شعري لتالي يحكي
عماد:ياخي بالرسمي معادش تحب زياد انتي
طلعت راسي غزرتلو ندرا كيف...حسيت قلبي باش يخرج من بقعتو كيف سألني...هزيتلو براسي ايه...عقد حواجبو يحكي
عماد:تحبو يبعد عليك
انا:مممم
عماد:مممم باهي كي هكا...تو نقولو يبعد عليك و معادش يقرب منك جملة...خليه ياخو فرصة متاعو مع طبيبة هذيكا
عقدت حواجبي مستغربة...هزيت روحي تقعدت...مسحت دموعي...نحكي
انا؛ش شكون هاذي
عماد:طبيبة لي كانت هوني...انا ريتها حاطة عينها عليه...ظاهر عجبها
كبست بيديا الزوز عالغطا...قلبي يدق بالقاوي...غزرتلو نحكي
انا:باش يمشي عندها
عماد:حقو مش انت قلت كرهتو وتحبو يبعد...ملا باش نستانو صغير يجي...مبعد نمشو من هوني جملة
انا:علااه
عماد:انت قتلي خليه ياخو ولدو...و احنا نبعدو من هوني
هزيت يديا زوز حطيتهم على كرشي...وقحرتلو نحكي
انا:لااا ولدي انا...مش باش يااخو
عماد:مشكلة...باز زياد ماهوش باش يخلي ولدو
انا:و انا باش يخليني
عماد:مش انت لي تحب تخليه
انا:اييه مخيبو...نحبو يبقى بعيد عليا وكهو...اما زادة ما يقرب من حتى وحدة
عماد:شكون باش يهتم بيه...حتى هو مريض زادة...عمل عمليتين...و صدرو يوجع فيه زادة
انا:هو مليح ريتو قبيل كيفاه خلى طبيبة تمسو
عماد:بالطبيعة...باش تعدي عليه
انا:لااا...حتى هو عجباتو...على هذاكا خلاها تمسو
عماد:تو فهمني سوار...نقولو يبعد عليك...و لا تحبو معاك
سكت...نفرك في يديا بغزول...منعرفش شنية نجاوبو...منحبوش يقرب مني...اما زادة منحب حتى وحدة تقرب منو...منعرفش شبيني...حسيت بدموعي نزلو...خذيت نفس و غزرتلو نحكي
انا:ع عماد امانك متخليهاش تاخو مني...ريت مخيبها
عماد:لااا عاد سوار شبيك...والله طفلة مزيانة
انا:ياااخي انت مع شكون
عماد:باهي باهي...تو نخبرو يبقى بعيد عليها...اما انت زادة...معادش تتصرف معاه هكا
انا:هأة منحبش نراه انا...اما انت باش تعسو
عماد:شنننوة
انا:ا امااانك
عماد:باهي باهي
تنهدت بالقاوي...منحبش نفكر في اللي باش يصير...المهم هو قريب مني وكهو...حتى كان مش حاملاتو ساعة هاذي...اما زادة نعرف لمستحيل يخلي حد يقرب مني...خاصة توفيق...طلعت راسي على صوت الباب كي تحل...نغزر لزوز فراملة داخلين...و هازين في يدهم اكثر من وحدة...عينيا وساعو..هزيت روحي شوية نحكي
انا:ليا هذوما
قربت مني وحدة فيهم..حطت زوز في يدي و الباقي على طاولة...في لحظة طاولة تعبات بالكل...غزرت لعماد نضحك...قربت مني...عدلت المخدة ورا ظهري تحكي
هي:تحب شي اخر
انا:لا
هزيت يدي نحل فيها...فرحت مش نورمال...طلعت راسي...جات عيني في عينو...واقف يغزرلي...عديت عينيا على وجهو...على كل ضربة فيه..تنهدت بالقاوي...ونزلت راسي...باقي نحل فيها...و فرد وقت نحب نغزرلو...كبست عليها بيدي على صوت الباب كي تسكر...كملت حليتها بغزول...نسمع في عماد يحكي
عماد:باش تاكول هذوما الكل
انا:مممم بنينة مش نورمال والله
عماد:باهي تحب شي اخر
انا:لا خليك معايا هوني...منحبش نبقى وحدي...باش حتى حد ما يفكر يقرب مني
عماد:باهي ارتاح
هزيتلو براسي ايه...نسيت كلشي و انا قاعدة نتبنن فيها...توا كهو وين حسيت روحي ارتحت عالصباح...اهم شي عماد باش يبقى هوني معايا...لتوا خايفة من كل راجل يقربلي...كل حد فيهم يفكر يحط يدو عليا...نرا ي وجهو توفيق...على هذاكا احسن حل اني نبقى بعيدة عليهم الكل...و هو زادة
الحلقة 155
ادم يحكي: طلعت راسي على صوت الباب كيف فتح...نغزرلها طل عليا...تبسمت و مديت يدي نحكي انا:ايجا لهوني ايجا ملاك:ب باباتي
ضحكت عالكلمة...قربت مني تجري...ترمات في حملتي...هزيتها بين يديا...حطيتها على حجري...حضنتني بالقاوي...حطيت يدي على شعرها نحكي
انا:كيفها بنوتي ؟
ملاك:ت توحثتك برثا انا...(توحشتك برشا انا)
انا:عيشو لي توحشني هو...لباس عزيزتي
هزتلي براسها ايه...باقي كابسة عليا بيديها زوز...جبدتها من عندي شوية...جيت باش نحكي...قص عليا زياد كي دخل يحكي
زياد:ملاك هوني
ملاك:عمو ز زياد
عقد حواجبو مستغرب يغزرلها...ورجع غزرلي...يحكي
زياد:هي حكات معايا
انا:ههههههه ايه...ريت صغرونتي ولات تحكي
زياد:ايجا عندي تراه
تلفتت غزرتلي...هزيتلها براسي ايه...نزلت من حملتي وقربت منو...نزل عندها...قربت منو عنقاتو...تبسم يحكي
زياد:هاك كبرت يا صغرونة
جبدت روحها شوية...تلفتتلي...ورجعت غزرتلو تحكي
ملاك:تعرف...لهذا ب بابا
طلع راسو غزرلي مستغرب...هزيتلو براسي ايه...تبسم يحكي
زياد:ايه نعرف عزيزتي
جبدت روحها منو...و قربت مني تجري...واقفة قدامي...هز روحو وقف...قرب مني...يحكي
زياد:لباس توا
انا:مليح و انت
زياد:مليح
انا:سوار كيفها
زياد:قاعدة تتحسن
مد يدو حط ورقة في يدي...غزرتلو مستغرب...نحكي
انا:شنية هاذي
زياد:نظن لازم تقراها
شديتها عليه و هزيتلو براسي باهي...تبسملي...و هز روحو خرج...باقي ملاك واقفة قدامي...حليتها نقرا فيها...كل حرف يخلي قلبي يدق بالقاوي...كل حرف يخليني نمشي و نجي بذاكرتي...متوقعتش للعم صالح يكون ورا كلشي...نزلت راسي غزرت لملاك...منعرفش اذا نشفق عليها و لا نفرح...خاطر حتى حد ماهو باش يفكها مني...من اليوم هي بنتي...بنتي انا و كهو...كلامو على زينب خلى قلبي يدق بالقاوي...منعرفش علاه حسيت روحي تسرعت باللي عملتو...يمكن كلامو صحيح...كان لازم نعطي لروحي فرصة معاها...كان مش على خاطري...على خاطر ملاك...نزلت الورقة حطيتها عالتابل دونوي...و هزيت ملاك قعدتها على حجري...حسيتها مش قد بعضها...تنهدت نحكي
انا:شبي بنوتي
ملاك:ثي (شي)
انا:باش تخبي عليا انت...قولي شكون غششللي بنتي و انا نوريك فيه
ملاك:ح حتى حد باباتي
انا:باهي يا روحي...انشاء الله يكون هكا
سكتت شوية...ورجعت طلعت راسها غزرتلي ندرا كيف...تحكي
ملاك:ب بابا
انا:مممم
ملاك:احنا من اليوم باث (باش) نعيثو (نعيشو) وحدنا
انا:من وين جبت الكلام هذا
ملاك:هكا حبيت نعرف
انا:باش نعيشو كيف قبل باهي
هزتلي براسها لا...و تكات على صدري...تحكي
ملاك:باث (باش) نخبرك ثي (شي) اما باث يبقى ثر (سر) بينا باهي
هزيتلها براسي ايه...هزت روحها شوية...غزرتللي تحكي
ملاك:ز زينب مثات (مشات)
عقدت حواجبي مستغرب...قلبي دق بالقاوي...خذيت نفس نحكي
انا:وين مشات
ملاك:منعرفث (منعرفش) باث تمثي (باش تمشي) لبلاثة (لبلاصة) بعيدة...و قاتلي متهبلث (متهبلش) باباتك هو يحبك برثا (برشا)
انا:شنننوة
ملاك:متخافث بابا...هي باث ترجع على خاطري...وعدتني
انا:امتى قاتلك الكلام هذا
ملاك:قبيل...اما اكا طبيبة عفثة (عفشة) مخلاتنيث خبرك
غمضت عينيا بالقاوي ورجعت حليتهم...معناها فايت ساعتين كن اللي روحت...مستحيل تكون بعدت...باز تكون مشات لدار...جيت باش نحكي...قصت عليا ملاك تحكي
ملاك:بابا...اكا راجل
انا:شكون
ملاك:اثمو اثماعيل (اسمو اسماعيل)
انا:شبيه
ملاك:قالها اعطيني نومروك نطمن عليك
انا:شنننوة
ملاك:والله انا ريتو...و باقي يغزرلها لي خرجت
انا:و عطاتهولو ؟
ملاك:ممممم
انا:صحيتك يا زينب...هاك فيسع ركحت الراجل
ملاك:امانك رجع زينب...متخليهاث تبكي برثا
انا:باهي ملاك باهي
هزيت روحي وقفت...نزلتها من حملتي...عديت يدي على وجهي...نسمع فيها تحكي
ملاك:باث ترجعها
نزلت راسي نغزرلها...تترجا فيا بعينيها...هزيتلها براسي ايه...الف فكرة جات في راسي...مخممتش مرتين...نفخت بالقاوي...و قربت حليت الدرسينغ...جبدت دبشي...و دخلت لبيت البانو...لبستو بالسيف...من الوجيعة لي نحس فيها...هزيت الفرد حطيتو ورا ظهري...منحبش ملاك تراه...خرجت عندها لقيتها قاعدة عالفوتاي...تستنى فيا...تغزرلي ندرا كيف...عرفتها داخلة بعضها و تخمم في زينب...اصلا نعرف لهي متعلقة بيها برشا...متوقعتش لهي باش تمشي بالسرعة هاذي...منعرفش اصلا علاه نحب نخالط عليها...مجاش في بالي باش نندم عالكلام اللي قلتو...حليت القجر جبدت مفاتح الكرهبة...هزيت تليفوني...قربت مني شدتني من ساقي تحكي
ملاك:بابا...نحب نجي معاك انا
بقيت نغزرلها...اصلا منجم نخليها مع حتى حد توا...حتى زياد تاعب و لازمو يرتاح...هزيتلها براسي ايه...و عطيتها يدي...دخلت طبيبة بالوقت...قحرتلي تحكي
هي:خير مسيو زيااد وين ماشي
انا:لازمني نخرج توا
هي:مستحيل...ممنوع تخرج قبل اسبوع عالاقل
انا:معنديش وقت...باش نرجع في اقرب وقت
هي:اما
ملاك:تي ابعد...باث نمثو عند زينب احنا
غزرت لملاك لي تقحرلها...كبست على يدي...نفخت بالقاوي نحكي
انا:متنجمش تمنعني
هي:حاول متعبش روحك برشا
هزيتلها براسي ايه...كبست على ملاك و خرجت...لقيت اسماعيل في وجهي...قرب مني يحكي
اسماعيل:ادم لباس ماهو...وين ماشي انت
انا:تحب نعطيك تقرير
اسماعيل:نظن مش انا لي بحاجة تقرير هذا
انا:ملا من غير ما تسألني
ملاك:باث نمثو عند زينب احنا...هي محبكث...تحب بابا
نزلت راسي نغزرلها...كيف قاعدة تحكي معاه...شدني ضحك...باقي يغزرلها مستغرب...مشيت من غير ما نزيد معاه كلمة...اول ما وصلت للكرهبة...حليت الباب من تالي...ستنيتها طلعت...سكرتو...ورجعت ركبت...طرت بالكرهبة لدار...شديت الفران بالقاوي...و نزلت نجري...ملاك في جرتي...طلعت لبيتها...غزرت للقارد روب لقيتها مفتوحة حسيت دم جمد في عروقي...قربت شوية...نلقى شطر دبشها مفماش...دبشها لي جابتو معاها كهو...حتى شي اخر ما خذاتو معاها...ضربت يدي عالقارد روب...تهزت و تحطت ورايا تحكي
ملاك:مثات مث هكا
تلفت نغزرلها...باقي واقفة في بلاصتها...تغزرلي ندرا كيف تنهدت نحكي
انا:باش ترجع
ملاك:كيف
غمضت عينيا ورجعت حليتهم...نعرف لي مستحيل ترجع للمجمع هذاكا...بعد اخر مرة...زادة معندها حتى حد هوني...هزيت براسي لااا..مستحيل تكون رجعت لدارهم...اما زادة مفماش تفسير اخر...قربت من ملاك...شديتهاومن يدها نحكي
انا:هيا ملاك باش نمشو
ملاك:وين
انا:عند زينب
ملاك:تعرف وين مثات ؟
انا:مممم هيا
باقي نمشي فيها معايا...سبقتني للكرهبة ركبت من تالي...خالطت عليها...دريكسيون للمحطة...عرفت منهم لهي بالحق سافرت...اكثر من ساعة من وقت مشات الكار...منعرفش اذا باش نخالط عليها ولالا...اما المهم عندي اني نلحق وكهو...قبل ما ترجع عندهم...خاصة الساقط متاع ولد خالها...منعرفش كيف نجم ينفذ وخرج من الحبس في اخر فترة...رجعت للكرهبة...غزرت لملاك في المرايا...عاقدة حواجبها متغشة...تبسمت نحكي
انا:حاضرة باش نمشو نرجعوها
ملاك:لقيتها
انا:مممم
قربت مني دورت يديها عالكرسي...من تالي...تحكي
ملاك:بالرسمي باباتي...ياخي نجم نقولها ماما انا
انا:بالطبيعة تنجم
ملاك:جو جو...عيثك يا روحي
قربت مني اكثر...باستني من خدي بوسة مرصوصة...ورجعت قعدت لتالي...تبسمت و انا نرا فيها...فرحت مش نورمال لهي ولات تحكي...و مظطرتيش لحتى طبيب...خذيت نفس و خدمت الكرهبة...رغم الوجيعة الكل لي حاسس بيها...اما تقويت على روحي...اهم شي اني نلحق بيها...قبل ما تعمل حتى شي...حاولت نكلمها اما تليفونها مسكر...ملاك من تالي شايخة...مش حاسة بالثنية...خايف لا ترفض المرة هاذي...اصلا حقها ترفض ترجع معايا بعد اللي قلتو...ضربت يدي عالفولون بغزول...منعرفش علاه حكيت اكاكا...و لا في شنية كنت نفكر...في بالي بالطريقة هاذي...باش نرتحها مني...و من تناقض لي قاعد نعيش فيه...عديت ساعتين نسوق...نحاول نخالط عالكار...اول ما دخلنا للقرية...لمحتها من بعيد...باقي نسوق وراها...منعرفش علاه احساسي يقول لهي غديكا...شديت الفران بالقاوي...نغزرلهم ينزلو بالواحد...كبست عالفولون خايف اذا متكونش بينهم...قربت من البلار اكثر...كيف لمحتها نزلت...دور في راسها عالبلاصة...لبستها ذكرتني في اول مرة ريتها...تبسمت على جنب...جيت باش ننزل...اما جمدت في بلاصتي...كيف ريتها تحكي معاه...نفسو ولدو خالها...بقيت نغزرلها...قص عليا سرحتي ملاك تحكي
ملاك:ياااا هوكا زينب...بابا امان خلينا نمثو عندها
منجمتش نرجعلها...نغزرلو فك الفاليز من يدها...و تلفت بقات واقفة شوية...مبعد خالطت عليه...نسمع في ملاك تصيح من تالي
ملاك:باث تمثي مرة اخرى...علاه هكا
بكاها زاد وترني اكثر...منعرفش اذا لي نعمل فيه صحيح ولا غالط...منعرفش اذا نخالط عليها...و لا نخليها ترجع لدارهم و عيلتها...كبست عالفولون اكثر...هزيت براسي لا...مستحيل نخليها ترجع لساقط هذاكا مستحيل...قربت شوية بالكرهبة باقي نمشي وراهم...ركيتها على جنب...و غزرت لملاك نحكي
انا:رد بالك تنزل باهي
ملاك:باهي
خذيت نفس و حليت الباب نزلت...قربت منها شوية...عيطت عليها نحكي
انا:زيييينننب
وقفت في بلاصتها من غير ما تتلفتلي...تلفتلي ولد خالها يغزر فيا مستغرب...خذيت نفس نحكي
انا:زينننب متمشيش امانك
هو:شتتحب منها
انا:زينب نعرف روحي غلطت...الكلام اللي قلتو منعرفش كيفاه خرج مني...صدقني انا بحاجتك...متمشيش امانك
ريتها كيف كبست على يدها...متحبش تتلفتلي...قرب منها هو...شدها من زندها...كبس عليها بكل قوتو يحكي
هو:خلينا نمشو
كبست على يدي نهدي في روحي احسن ما نقرب منو و نكمل عليه حتى هو...اصلا من بكري مغزل عليه...بقيت نشوف فيه يمشي و يجر فيها...خذيت نفس نحكي
انا:متخليناش زينب...ملاك بحاجتك...انا بحاجتك...اعطيني فرصة اخرى امانك
حبست على كلامي...اما من غير ما تتلفت عندي...حسيت بوجيعة قوية في كتفي...تنهدت بالقاوي...صوت شهقاتها واصلين عندي...كبس على يدها اكثر يحكي
هو:زيننننب قتلك امشي
بقيت واقف في بلاصتي...معنديش حق نجبرها على شي...انا لي غلطت من الاول...تلفت كيف حسيت بالباب متاع الكرهبة فتح...نغزر لملاك نازلة...قربت مني تجري وتصيح
ملاك:زينننب...امااانك متمثيث (متمشيش) مث انتي باث تولي ماماتي...ارجع امانك
عالكلمة تلفتت بالوقت...وجها احمر من البكا...غزرت لملاك...لي واقفة قدامي...وطلعت راسها غزرتلي ندرا كيف...بوجيعة و لوم حسيتهم في عينيها...قربت شوية نحكي
انا:هيا زينب امانك...سامحني و ارجع معانا
بقات تبكي بالشهقة...و هو باقي كابس عليها...نفخت بالقاوي...هي هوني جرايري انا...انا سبب...انا لي خليتها ترجع...نزلت راسي نغزر لملاك لي تبكي حتى هي بالشهقة...هزيت يدي حطيتها على راسها نهدي فيها...خذيت نفس نحكي
انا:كان مش على خاطري...على خاطرها هي...تعرف لملاك متعلقة بيك برشا...امانك زينب
هو:مش باش جي معاك لحتى بلاصة
انا:سكررر ¤¤ فمك انت احسنلك
هو:و الا شباش تعمل
نفخت بالقاوي...ناقصني كان هو...كبس على يدها اكثر يحكي
هو:زينب اغزرلي هوني...تحب ترجع مع ¤¤¤¤¤ هذا
انا:تحب ترا ¤¤¤¤¤ شيعمل فيك
قحرلي ورجع يهز فيها بالقاوي...يحكي و يصيح
هو:زينننب حل ¤¤ فمك
انا:متصيحش عليها ¤¤¤ خاطر موتك على يدي ليلة هاذي
فدتني اكثر كيف قوات في البكا...قربت منها شوية...مديت يدي نحكي
انا:هيا زينب متخافش...انا معاك...عيشك مترجعش معاه خاطرني حكيت معاك اكاكا...كلشي قلتو خاطرني حتى انا مش فاهم روحي وانت وعدتني من قبل انو مهما صار ماكش باش تسلم فيا...علاه اخترت الثنية هاذي ملا...علاه تحب تخليني...علاه مقعدتش كيف كل مرة و بالسيف عليا...كان كلامك صحيح و انت تحبني بالحق...ارجع معايا توا
هزتلي براسها ايه...تحاول تقرب مني...اما كبس عليها اكثر...نفخت بالقاوي نحكي
انا:نزل يدك
هو:و الا شباش تعملي
هزيت يدي على وجهي...نهدي في روحي...عصبني اكثر...كي باقي يغزرلي...هزيت يدي ضربتو ببونية على وجهو...طاح لتالي مروهج...حطت يدها على فمها مصدومة...غزرتلها نحكي
انا:هيا...ايجا معايا
قربت مني شوية...وقفها هو كي هز روحو شوية يحكي
هو:زينب متمشيش...الناس هذوما يحبوك اليوم و يلوحوك غدوة...وقتها معادش باش ترجع لهوني جملة...باش تموت بحصرتك صدقني
قربت منو ضربتو بساقي...طاح لتالي...مروهج...قربت منها اكثر...حطيت يدي على خدها نحكي
انا:متسمعلوش زينب...اعطيني فرصة وحدة...وحدة كهو...على خاطر ملاك امانك
جات باش تحكي قص علينا صوت من تالي...طلعت راسي...نغزر لراجل كبير...شاد في عكازتو...يحكي
هو:زييينب
تلفتت بالوقت...وخرت خطوة لتالي...باش نثبت فيه...نسمع فيها تحكي
زينب:خ خاالي
هو:زينننب اذا فكرت تمشي المرة هاذي...باش تكون ميتة بالنسبة لينا...و ساقك تتحط هوني الا ما نقصها
تلفتت غزرتلي ندرا كيف...ورجعت تلفتت..ضحك على جنب يحكي
هو:اختار وسيم و عيلتك و لا هذا
عينيا وساعو...متوقعتش باش يطلب منها تقبل بالساقط هذا..فوق لي عملو فيها الكل..ركبني العصب اكثر...نزلت عليه...هزيتو من سوريتو بيدي...وقفتو نحكي
انا:ترا فيه راجل ولدك هذا باش تقبل بيه هي
قحرلي و هو يغزر لولدو...كبست عليه اكثر..و دزيتو على بوه جا في حملتو...قحرتلو نحكي
انا:اسم زينب تنساه انت وهو...مفهوم كلامي
وسيم:شكونك انت باش تحل فمك...بنت عمتي...و انا كهو عندي الحق فيها...مش هكا زينب
غزرتو ليها..خلاتها توخر لتالي اكثر...ضربت فيا..تبسم يحكي
وسيم:شنية زينب محكيتلوش عاليمات اللي عديتها معايا...تحب نحكيلو انا..هاك في الاخير خليتو و رجعتلي
☆☆☆
هزت راسها غزرتلي ندرا كيف...فهمت خوفها...و فهمت شنية لي قاعد يدور في راسها...هزيت يدي بعدتها لتالي...وخرت مروهجة...قربت منو شوية...وقفت قدامو بالظبط...نحكي
انا:خبرني انت...هاني نسمع فيك
بقى يغزرلي...يحاول يخرج الكلام...هزيت يدي ضربتو بكف...طاح لتالي مروهج...غزرت لخالها...هزيت يدي في وجهو نحكي
انا:تمشي وين تحب ووقت ما تحب...لا انت و لا غيرك ولا ¤¤¤¤¤ متاع ولدك باش يمنعها...خاطر كان ظهرتو في حياتها مرة اخرى...انا باش نكون الكابوس في حياتكم هو:شعندك تعمل
تبسمت على جنب...مديت يدي جبدت الفرد...ضحك يحكي
هو؛باش تهددني ياخي
نزلت راسي غزرت لولدو لي هز روحو وقف بالسيف...كبست عالزناد...قوصتو على ساقو ضربة سطحية...و غزرت لبوه نحكي
انا:لا انا نفذ كهو
نزل يغزر لولدو لي قاعد شاد ساقو يصيح...قحرلي يصيح
هو؛شعممملت ياخي
خذيت نفس و نزلت عندهم...حطيت الفرد في راسو نحكي
انا:الضربة هاذي باش تخليك تشد الفرش نهارات كهو...المرة الجاية...باش تطلع للفوق جملة...و تكون اخر حد نقتلو في حياتي
باقي يغزرلي مفجوع...طلعت حاجبي...نحكي
انا:مفهوم كلامي
هزلي براسو ايه...باقي يتوجع...طلعت راسي غزرت لبوه...قحرلي من غير حتى كلمة...هزيتو و حطيتو نتبسم...مسقطهم زح...هزيت روحي شوية...قربت هزيت الفاليز متاعها و قربت منها نحكي
انا:باش جي معانا معندكش حل اخر...و الا باش نستجرم فيهم توا
زينب:ب باهي
قربت مني شوية...باش تشد الفاليز...بعدت يدي لتالي..وخرت شوية لتالي...هزيت يدي لاخرى...دورتها على ظهرها...لصقتها ليا...نحكي
انا:باهي كهو
زينب:ا ادم امان
فهمتها حشمت منهم...جيت باش نبعد...حسيت بملاك دخلت بينا تحكي
ملاك:ماماااتي رجعت
طلعت راسها غزرتلي ندرا كيف...هزيتلها براسي ايه...ضحكت...وجبدت روحها مني...نزلت عندها هزتها في يدها...تحكي
زينب:ياااا روحي...سااامحني
ملاك:ثامحتك...انت معادث تمثي جملة باهي
زينب:باااهي يااا روحي...يخليك ليااا
غزرتلهم ندرا كيف...و تلفتت باقي ملاك في حملتها محضنتها...تنهدت بالقاوي...شعرة كنت باش نضيعها الطفلة...محاولتش نتلفتلهم...مش ناقص نرا وجوهم...قربت معاهم للكرهبة...حطيت الفاليز من تالي...نستنى في ملاك تركب...شدت صحيح تقعد عند زينب...رصاتلها مركبتها معاها...ثنية كاملة و هي تحكي و عاملة جو...مش مرعوبة جملة لي يهمها انو زينب معاها...عكسها هي لي بقات ثنية كاملة ساكتة...الوجيعة في كتفي ماشية و تقوا...طاح الليل فرد مرة...ملاك رقدت في حضنها من التعب...غزرتلها نحكي
انا:تحب تمشي لبلاصة قبل ما نمشو لدار
زينب:للكلينيك
انا:شنوة
زينب:نعرف لانت موجوع...و ميلزمش تخرج توا...على هذاكا باش نمشو للكلينيك
تحكي من غير ما تغزرلي...عرفتها مزالت مغشة مني...تنهدت نحكي
انا:باهي زينب
شديت الثنية للكلينيك...وصلت بالسيف...حليت الباب نزلت...و هي ورايا...جاب ربي ما تلاقينا بحد...دخلت للبيت لي كنت فيها...حطت ملاك عالفوتاي...جاتني طبيبة بالوقت...تحكي
هي:مسيو ادم قتلك باش تضر روحك
انا:انا مليح
هي:لازم نرا الجرح توا
انا:باهي
تلفتت لزينب هزتها و حطتها...مش عاجبتها...قحرتلها تحكي
هي:تنجم تخرج...لين نكمل نعدي عليه...و زادة زيارة ممنوعة توا
زينب:باهي
انا:خليك
زينب:لا ميسالش عادي
خرجت من غير حتى كلمة اخرى...كبست على يدي و غزرت لطبيبة نحكي
انا:انا لي نقرر اذا ممنوع و لالا حضرة الدكتورة...اللي ريتها توا مش اي طفلة باهي...على هذاكا خليك في حدود خدمتك كهو
هي:باهي مسيو ادم باهي
نحيت الفاست و سوريتي بغزول...اول ما كملت فحصتني و زرقتلي...قحرتلها نحكي
انا:تنجم تقولها تدخل
هي:باهي
طلعت راسي كيف حسيت بيها دخلت...غزرتلي تحكي
زينب:لباس توا
انا:مممم مليح...زينب اللي صار مع الطبيبة
زينب:عادي ما صار شي
قربت مني اكثر...نزلت عالفرش هزت سوريتي و الفاست...شديتها من يدها نحكي
انا:زينب...نجم نحكي معاك
جبدت يدها مني...ووقفت غزرتلي ندرا كيف تحكي
زينب:منغير ما تفسرلي...فهمت لي لازم نفهمو بالقدا...انا رجعت على خاطر ملاك و كهو...مانيش باش نقلقك...و لا باش نتعبك معايا...و في اقرب وقت نحاول نرتب اموري
هزيتلها براسي ايه...محبيتش نتعبها اكثر...يزي لي تعدا عليها اليوم...حطت الدبش على جنب...و قعدت بحذا ملاك تعدي في يدها على شعراتها...تنهدت بالقاوي...و تكيت لتالي...نغزرلهم...لين هزها النوم ورقدت...هزيت روحي بالسيف...قربت منها...هزيت الفاست حطيتها عليها...بعدت خصلات شعرها بصوابعي...مزال وجها مبلبز من البكا...تبسمت على جنب...ورجعت لبلاصتي...تكيت لتالي...نخمم في اللي باش يصير...مهما صار...باش نتحمل القرار لي خذيتو...و باش نكمل معاها لتالي
زياد يحكي:
عديت الليل الكل فايق...تفكيري معاها...اول ما لمحتها قبيل خالطت عليها...نرا فيها جانة على عماد و هو مش فاهم شبيها...نعرفهم تصرفات هذوما...شلتني بيهم في وحمها لول...تبسمت على جنب...مش نورمال طفلة هاذي...باز كان موصيتش على لحية جدي باش تبقى بغصتها...منعرفش اذا نفرح خاطرها خرجت من بيتها...و نجمت تتصرف عادي...و لا نتاسف من اللي قاعد يصير...مش فاهم جملة اذا هي كرهتني على خاطر لي صار...و لا من الوحم...معادش نجم نفكر في شي...و لا في اللي باش يصير...كلشي نعرفو انو سوار لازم تبعد من هوني...لازم تفهم انو كلشي وفا...لازمها تحب روحها و حياتها...نعرف الصغير باش يتعبها برشا...اما مانيش باش نخليها...مستحيل مهما صار باش نحاول نخليها ترجع كيما الاول...مديت يدي هزيت تليفوني...كلمت شكون في ايطاليا...ريقلت الوضع معاه...و تسطحت لتالي...نخمم كيفاه باش نفتح معاها الحكاية...نعرف لهي باش ترفض...و مش بعيد طردني جملة...و من شيرة تفكيري في ادم و زينب...متاكد لفما شي بينهم...على هذاكا تعمدت نعطيه رسالو لي خلاها عم صالح...لازمو يفهم انو زينب هي الوحيدة لي تنجم تعطيه يدها...نحب نطمن عليها حتى هي قبل ما نسافر...خاطر مش باش نرجع لهوني لين نتأكد لهي ارتاحت...و تقبلت لي صار...منجمتش نشد روحي اكثر...نحب نراها و نطمن عليها...اصلا من صباح معادش ريتها...منعرفش كيف لقيت روحي قدام باب بيتها...كبست بيدي عالبواني حليتها...ودخلت...سكرتها ورايا...قربت منها...نغزرلها غاطسة في النوم...حاطة يدها على كرشها...قربت منها اكثر...هزيت يدي بعدت خصلات شعرها بصوابعي...نزلت بيهم للجرح لي على فمها...تنهدت بالقاوي...و تلفت نغزر لطاولة مزالت معبية كيما خليتها...المنوحة متاع صباح الكل باش تاكول وحدة و لا زوز كهو...ظاهر صغير هذا جا ضدي من توا...خلي كي يجي لدنيا...تنهدت بالقاوي...احسن شي مرتاحة توا...تلفت باش نخرج...منحبش تفيق و تلقاني هوني...اما وقفت على صوتها...عقدت حواجبي مستغرب...تلفت عندها...نغزرلها تحرك في راسها...في لحظة ولات تصب بالعرق...قربت منها اكثر...نسمع فيها تحكي
سوار:س سييبني...سييبني امانك...لاااا...ا امان...ابعد
تحكي في كلمات متقطعة...تحاول تتهرب من شي...عرفتها قاعدة تحلم...قربت منها اكثر...نزلت قعدت عالسرير بجنبها...هزيت يدي حطيتها على خدها
الحلقة 156
هزيت يدي حطيتها على خدها نحكي
انا:سوااار...سوار
حاولت نفيقها شي...حلت عينيها و صاحت فرد صيحة...نطرت من بلاصتها جات في حملتي...هزيت حطيتها على ظهرها جبدتها عندي...كبست عليها نحكي
انا:وفاات...سااايي اهدا...اهدا
هزت يديها زوز دورتهم على رقبتي...كبست عليا بكل قوتها...تحكي
سوار:ق قلو يبعد امان...ه هو هوني يحب عليا...امانك
غمضت عينيا بالقاوي...عرفتها تحكي على توفيق...كبست على ظهرها...لين معادش بينا مسافة...نعدي في يدي على شعرها...نهدي فيها و نحكي فرد وقت
انا:ششش يزززي...كابوس...وراس حبي كابوس...مفما حتى حد غيري هوني
سوار:ب باش يرجع عندي...باز هو هوني
نزلت بيديا زوز على جنابها...كبست عليها...نحاول نجبدها من عندي باش نحكي معاها...كبشت فيا اكثر...متحبش تبعد...رجعت بيديا لظهرها نحكي
انا:باهي باهي...اهداا...اهدا يا روحي
نحس في دموعها ماشية و تقوى على رقبتي...باقي نعدي في يدي على شعرها نهدي فيها و نحكي فرد وقت
انا:سوااار...يا روحي...حلمة خايبة و تعدات على روحها...يززي مش باهي راهو
سوار:ك كان هوني...ب باش يحاول يغتصبني هو
كبست على سناني...الكلمة هاذي توترني برشا...و تعصبني فرد وقت...حاولت نهدي روحي...كبست عليها اكثر...جبدتها من عندي...وجها احمر من البكا...شعرها داخل بعضو...هزيت يديا زوز حطيتهم على وجها...كبست عليها نحكي
انا:سااايي توفيق مااات انت لازم تفهم الكلام هذا سوار
سوار:لاااا...انا ريتو والله...صدقني امانك
انا:كاابوس...هو كابوس و كهو
سوار:ل لا...انا مزلت نحس بيديه تكبس عليا...مزلت نحس ببدنو شوف شعملي
هزت يديها توريلي في تراص لي عليهم...و لي على رقبتها...جبدتها عندي بالوقت...منجمتش نغزر لعينيها اكثر...كبست عليها في حملتي...نسمع فيها تحكي
سوار:باش يرجع ليا...والله باش يرجع
كبست عليها اكثر...و نزلت عليها شوية...بستها من راسها نحكي
انا:وراسك...وراس حبي طول ما انا عايش...حتى حد ما يحط يدو عليك...اهدا عزيزتي سااايي وفات
كبست على جنابي بيديها زوز...بقيت نعدي في يدي على شعرها...لين حسيتها هدات بين يديا...جبدت روحها شوية...طلعت راسها...غزرتلي مروهجة تحكي
سوار:ن نحب نتقيا انا
هزيتلها براسي ايه...هزيت روحي وقفت...بعدت عليها الغطا عاونتها تاقف...مشيت معاها لبيت البانو...اول ما دخلت...استندت بيديها زوز على لفابو...باقي تتقيا...قربت منها شوية...رجعت شعرها لتالي...حسيتها باش طيح...قربت منها اكثر...حاوطتها من تالي...حليت السبالة...بليت رقبتها ووجها...حطت راسها على صدري...تتنفس بالسيف...كبست عليها بيدي نحكي
انا:لباس توا
هزتلي براسها لا...عرفتها مش قد بعضها...نزلت عليها شوية...هزيتها في حملتي...وخرجت...حطيتها عالسرير...و عبيت كاسة ما...شربتها منها...ورجعت حطيتها...باقي تتنفس بالجهد...قربت منها اكثر...رجعتلها شعرها لتالي...نحكي
انا:تحب حاجة
سوار:ل لا
انا:لازمك ترتاح توا
هزتلي براسها لا...عرفتها مزالت خايفة...نزلت بيديا كبست على كتافها رجعتها لتالي...و غطيتها نحكي
انا:انا هوني معاك...ارقد شوية
خذيت نفس...و هزيت روحي وقفت...جيت باش نمشي نجيب الكرسي...حبستني...كيف شدتني من يدي...تلفت عندها...غزرتلي ندرا كيف تحكي
سوار:م متمشيش
هزيتلها براسي باهي...قربت منها اكثر...وخرت شوية لتالي...فهمت قصدها...نزلت قعدت بجنبها...قربت مني...حطت راسها على صدري...و دورت يدها عليا...نزلت بيدي على شعرها نعدي فيها...حسيتها هدات على قبل...تنهدت نحكي
انا:سوااار...لباس توا عزيزتي
سوار:مممم
انا:يوجع فيك شي...تحب على شي
سوار:ل لا...نحب نبقى معاك
تبسمت على جنب...متوقعتش نسمع الكلمة هاذي منها...نزلت بيدي حطيتها على طرف كرشها نحكي
انا:ولدي متعبك ياخي
سوار:هأة...هو متاعي انا زادة
انا:شكون قال غير هكا
سوار:ا انت تحب تاخو مني
انا:لااا نحبك انتي
طلعت راسها شوية...غزرتلي ندرا كيف...طلعت بيدي بعدتلها شعرها لتالي...عوجت فمها تحكي
سوار:باهي و هذيكا عجباتك ياخي
انا:شكون
سوار:طبيبة هذيكا...عماد قالي هي تحب عليك
انا:شنننوة
سوار:باش تخليني على جالها انت
انا:سوار يهديك ربي...من وين جيب فيه الكلام هذا عزيزتي
سوار:جاوبني
انا:في رايك ؟
سوار:منعرفش...اصلا انت كل مرة مع شكون...اما ولدك عندي انا كهو
انا:عيش صغرونتي لي عندها بنبينو هوني...و متاعي زادة
سوار:لاااا هو متاعي كهو
انا:باهي يا لالة باهي...انت كهو ارضى و الباقي ميهمش
سكتت شوية...و هزت يدها...حطت صوابعها على شفافي...تحكي
سوار:ميرال باستك هوني
عقدت حواجبي مستغرب قلبي دق بالوقت...متوقعتش لهي باش تحكي على لي صار مع ميرال...جيت باش نحكي...هزت روحها شوية...استندت بيدها على صدري...غمضت عينيا من الوجيعة لي حسيتها...و شي من قربها كيف حسيت بالنفس متاعها على وجهي...حليت عينيا نغزر لوجها...عوجت فمها تحكي
سوار:قالت لانت ماكش باش تنساها جملة...و انت وافقتها...علاه خليتها تمشي كي هكا...على خاطرني انا حبلة...انت بقيت معاايا على جال ولدك
هزيت يدي حطيتها على خدها...رجعتلها شعرها لتالي نحكي
انا:انا حاجتي بيك انت...نحبك انتي...و غير هكا مفما حتى كلام اخر...و كلشي تخمم فيه نحيه من مخك باهي
سوار:كي هكا علاه مبستنيش انا زادة...صدقني مخليتوش يحط شفافو على شفافي...مهما حاول مخليتوش...مش باش تلومني مش هكا
بقيت نغزرلها...ريت الخوف في عينيها و هي تسأل فيا...هزيت يدي عديت صوابعي على خدها و نزلت بيهم لشفافها نحكي
انا:سوااار اغزرلي هوني...انت معندك حتى ذنب في اللي صار...كان طلع هو ساقط...كان انا منجمتش نمنعو بالوقت...انت شذنبك يا روحي
سوار:ه هو زادة شيبقى بينا...كيف ادم بالظبط...باش تخليني جرة لي صار
طلعت بيدي...كبست على راسها من تالي...قربتها عندي اكثر...حسيت بشفافها على شفافي...تنهدت نحكي
انا:المرة هاذي حد ماهو باش يفرقني عليك...اللي صار حلمة خايبة...باش توفا مع الوقت
كبست عليها اكثر...و نزلت على شفافها...احساس ندرا كيف تملكني...كاني اول مرة نبوسها...كبست على جنابي اكثر...جبدت روحي شوية نحكي
انا:باش توفا وقت نبداو من جديد في بلاصة بعيدة انا و انتي كهو
سوار:و البيبي ؟
انا:بالطبيعة...اما مزال باش يجي...و من هوني لاكا الوقت...نحبك تنسى كلشي صار و تخمم في الصغير كهو
هزتلي براسها ايه...قربتها ليا اكثر...كنت باش نبوسها...اما سبقتني...نزلت بيدي على كتفها...غمضت عينيا بالوقت...خليتها على راحتها...نحبها تنحي الافكار لي في مخها...حليت عينيا...كيف نزلت بيدها شوية...طلعت مريولي...جبدت روحها تغزرلي...عقدت حواجبي مستغرب...قربتلي اكثر...حطت خدها على خدي...عدات صوابعها فوق البونداج تحكي في وذني
سوار:معادش تخليها تمسك لا هي...ولا غيرها
نزلت بيدي شوية لجنبها...كبست عليها...نحكي
انا:شكونها
سوار:طبيبة هذيكا...انا ريتها و هي تعدي في يدها على جنبك...و على صدرك زادة
انا:س سوار انا
سوار:انت متاعي انا كهو
خذيت نفس بالسيف...مش ناقص لي تعمل فيه حتى طرف...تنهدت نحكي
انا:سوار يزي عيش حبي
سوار:صحيح ساعات تبدا خايب...وريحتك خايبة..اما نحبك
كبست على جنبها اكثر نحس في نفس تسكر عليا...طلعت راسها شوية غزرتلي ندرا كيف..جيت باش نحكي قصت عليا كيف نزلت باستني...منعرفش شبيها...تي من قبيل كهو...كانت دازة عالبكا من الحلمة لي راتها...جبدت روحها شوية...عدات صوابعها تحت عيني تحكي
سوار:انا سبب في الضربة هاذي...و انا كهو يحقلي نبوسك هوني
هزيتلها براسي باهي...طلعت عندي اكثر...باستني منها...خذيت نفس...نحكي
انا:سواار
سوار:مممم
جبدت روحها مني...حطت راسها على كتفي...نحس بالنفس متاعها سخون على رقبتي...نزلت بيدها...شبكت صوابعها في يدي...كبست عليا تحكي
سوار:احسن حاجة انك هوني...مزية جيت زياد
هزيت يدي غرستها في شعرها...تبسمت نحكي
انا:و احسن حاجة مزلت مذكرني يا طفلة...هديتني اليومين هذوما بتصرفاتك
سوار:شنعمل ساعات نحسك خايب برشا...و منحبش نراك جملة...علاه انت تولي هكا متتحملش
انا:يهديك ربي يا بنتي...شعملتلك انا
سوار:شي انت اعمل لي قتلك عليه و كهو
انا:باهي عزيزتي
سوار:زيااد
انا:مممم
سوار:انا منحبش نرجع لدار هذيكا جملة...منحبش حتى نراها
انا:ماكش باش ترجع لغديكا جملة...و لا باش تذكر لي صار...ارتاح
سوار:توعدني لانت ماكش باش ترجعني لغديكا مهما صار
كبست عليها اكثر...نزل بستها من راسها...نحكي
انا:من اليوم مفما حتى خوف من حتى شي...الوجيعة هاذي الكل باش توفا...نوعدك كلشي باش يكون مليح
قربت مني اكثر...معاد فما بينا حتى مسافة...نفس متاعها قوا في رقبتي...تحكي
سوار:باهي احضني اكثر...نحب نرقد انا
كبست عليها بيدي...منعرفش قداش تعدا وقت...نزلت راسي شوية...لقيتها غاطسة في نوم...وقتها برك نجمت ناخو نفس...توحشتها الفرخة...اصلا منعرفش اذا باش تبقى هكا و لا باش دور عليا من غدوة...على هذاكا نحب نشبع منها و من قربها...لين نخرجو من الكلينيك هاذي
سوار تحكي: حاولت نتحرك منجمتش...حليت عينيا مروهجة...ضو لي داخل من شباك قلقني...طلعت راسي شوية نغزرلو...غاطس في نوم...كابس عليا بيديه زوز...جبدت يدي من يدو شوية شوية...منحبوش يفيق...عضيت شفافي...و انا
نغزرلو...منعرفش شبيه ولى مزيان هكا...غمضت عينيا بالقاوي ورجعت حليتهم...حطيت صوابعي على شفافو...نعدي فيهم...نحس في قلبي باش يخرج من بقعتو...طلعت عندو اكثر...حطيت شفافي على شفافو...نحب نبوسو...اما في لحظة شتهيت حاجة اخرى...نزلت عليه اكثر...عضيتو بكل قوتي...حل عينيه مروهج...نطر من بلاصتو تقعد..جبدت روحي منو نغزرلو...هز يدو حطها على شفافو...قحرلي يحكي
زياد:شبيييك سوااار هبلت ياخي...شنية تصرفات هذوما
1
غمض عينيه ورجع حلهم باقي مروهج و يتوجع من العضة...هزيت روحي بالزربة...خليتو في بلاصتو ودخلت لبيت البانو...نطرت الباب ورايا...خلاقي دارت بالوقت...استندت بيديا على لفابو نتقيا...دموعي نزلو بالوقت...اول ما حليت السبالة...حل الباب و دخل...قرب مني شوية...وخرت لتالي...قحرتلو نحكي
انا:ابعد متمسنيش
عدا يدو على وجهو...قرب خطوة مني...وخرت لتالي اكثر...تكيت عالحيط...نحكي
انا:قتلك ابعد
زياد:سوار يزززي
دموعي نزلو اكثر...هزيت يدي عديتها على خدي...نحكي
انا:معادش تقرب مني...مش مني عملت اكاكا...كلو جراير ولدك
هز يدو جبدني من يدي...جيت في حملتو...كبس على ظهري يحكي
زياد:باهي اهدا...منقصدش لي قلتو...سامحني
انا:لا انت صحت عليا...جرة عضة كهو
زياد:عضة كهو...راك شويتني يا طفلة
انا:والله مش انا
زياد:باهي عزيزتي المرة الجاية خبرني من قبل عيشك
انا:مش باش تصيح عليا
زياد:مصحتش
انا:اما معجبكش لي عملتو
زياد:سوااار يزي من الاسئلة هذوما...قتلك منقصدش
انا:باهي
جبدت روحي منو شوية...غزرتلو في عينيه...نحكي
انا:شبيها ريحتك ولات خايبة هكا
زياد:شننوووة
هزيت يدي حطيتها على فمي...و تلفت نتقيا...قرب مني شوية...حبستو بيدي نحكي
انا:م متقربليش
طلعت راسي نغزرلو في المرايا...باقي واقف في بلاصتو...منعرفش شبيني...تي من قبيل برك كنت باش نموت عليه...تلفت عندو شوية...نحكي
انا:ا انا مليحة...تو نمشي وحدي
زياد:باهي امشي قدامي
انا:ش شبيها ريحتك مخيبها
زياد:سوااار هيااا...خاطر باش نفقد صبري الكل
انا:شبيك معصب عليا ياخي...الحق عليا قاعدة نخبر فيك
قربت منو...دزيتو بيدي وخرت...خرج ورايا...طلعت راسي...جات عيني في عينها...تفكرت كلام عماد عليها...ياخي تخدم كل يوم هاذي...دورت راسها غزرتلو...تلفت عندو قحرتلو...عقد حواجبو كانو قاعد يسأل فيا شفما...نسمع فيها تحكي
هي:مسيو زياد شتعمل هوني انت
دورت راسي غزرتلها...منجمتش نسكت...قحرتلها نحكي
انا:شمدخلك انت اه...شمدخلك فيه ياخي
هي:مدموزال اهدا
انا:مدااام و لا نسيت لانا حبلة...ماك عديت عليا اكثر من مرة
حسيت بيديه لي تحطو على كتافي...كبس عليا يحكي
زياد:سواار يزززي
جبدت روحي منو...تلفت عندو...قحرتلو...نحكي
انا:شنننوة نكذب انا...مش انا حبلة بولدك...خليها تعرف
هز يدو عداها على وجهو بغزول و عصب فرد وقت...يحكي
زياد:تعرف...يا روحي تعرف
طلعت حاجبي...منعرفش شبيه يتصرف هكا...كبست على يدي و بعدت عليه...قربت من تابل دونوي...عبيت كاسة الما...جيت باش نشرب وقفتني تحكي
هي:يا ريت تشد سريرك توا...لين نعدي عليك...و يا ريت زادة متقومش من الفرش حتى نسمحلك انا
تلفت عندها نغزرلها...دورت راسي غزرتلو...جا باش يحكي..قصيت عليه...كيف قربت منهم نحكي
انا:و اذا قمت شباش تعملي
هي:وقتها باش نظطر
قصيت عليها كيف رميت الما اللي فب الكاسة على وجها نحكي
انا:ماكش باش تظطر لشي...خاطرك متعرفش شنية لي نجم نعملو انا
زياد:سواااار
انا:شنننوة قلت حاجة غالطة ياخي
زياد:سواااااار يززززي
2
رخيت شفافي و انا نغزلو...نزلو دموعي مع صياحو...نفخ بالقاوي...و قرب مني...حط يدو ورا ظهري كبس عليا...برغم مش حاملة ريحتو جملة...اما تقويت على روحي...و حطيت يديا على جنابو...عدا يدو على شعري يحكي
زياد:ششش سااايي متقلقش روحك
هزيتلو براسي ايه...نزل باسني من راسي وجبد روحو لتالي...تلفت عندها...هزيت يدي مسحت دموعي..تبسمتلها بخبث...عدات يدها على وجها تمسح في الما...و تحكي
هي:مسيو زياد كان تسمح تفضل معايا...لازمني نعدي عليك توا...باش نكمل خدمتي
زياد:باهي تفضل
انا:باش تمشي معاها ياخي
زياد:سوااار يزي عيش حبي...برا ارتاح توا
قحرتلو...و مشيت قعدت عالسرير...تنهد بالقاوي و خالط عليها...دورت عينيا عالبيت...كلام عماد يتعاود في مخي...هزيت روحي خرجت من البيت لقيت باب بيتو مسكرة...حبيت ندخل اما منجمتش...خايفة يعصب عليا...اصلا يكفي لي عملتو من صباح لتوا...قعدت عالكرسي...نهز في ساقي بعصب...نمسح في دموعي لي نازلة...معادش نعرف كيفاه نتصرف...طلعت راسي...نغزر لملاك لي طل عليا و تتخبى...مديت يدي نحكي
انا:ا ايجا...متخافش
قربت مني شوية...طلعت قعدت عالكرسي بحذايا...تحكي
ملاك؛نجم نعرف ثبيك
انا:شي عزيزتي
ملاك:تو يجي الكلام هذا...هاك ديما تبكي انت
انا:يا صغرونة هاك وليت تحكي
عوجت فمها...و هزت يدها عداتها على خدي...تحكي
ملاك:ثحيح (صحيح) مزلت متغثة (متغشة) منك...اما نجم نعاونك انا
بقيت نغزرلها مصدومة...طلعت راسي غزرت لبيتو...نزلت من الكرسي تحكي
ملاك:مممم تحب تعرف عمو زياد ثيعمل توا
هزيتلها براسي ايه...عوجت فمها...و حطت يدها في حزامها تحكي
ملاك:ابقى تو نرجع
انا:باهي
بقيت نغزرلها...طلعت على طراطش صوابعها...حلت الباب...طلعت راسي...لمحتها كيف قاعدة تعدي عليه...كبست عالكرسي...تهزيت و تحطيت كي سكرت الباب وراها...باقية نرقل في بلاصتي بين نخالط عليها و لالا...منعرفش قداش تعدا وقت...نرا في طبيبة خرجتها...و سكرت الباب...عقدت حواجبها تحكي
ملاك:ثبيها هاذي ياخي...ثنية( شنية) تثتخايل في روحها
انا:شصااار
ملاك:قاتلي عمو باش يحط دوا و خرجتني
هزيت روحي وقفت...قربت من الباب باش نحلها...وقفتني تحكي
ملاك:خالتي ثوار( سوار) فاث تعمل انتي...اخطاك منها عفثة هذيكا و ايجا معايا
حطت يدها على يدي كبست عليا...تمشي فيا معاها...رجعت لبيتي...سكرت الباب وراها...قعدت عالسرير...طلعت قدامي تحكي
ملاك:متخافث...مكانث يغزرلها كيما اثماعيل غزر لزينب
انا:شننوة
ملاك:نقثد(نقصد) لعمو زياد مكانث يغزرلها...اثلا (اصلا) مث معبرها جملة
انا:تحكي بالرسمي
ملاك:بالطبيعة...هذيكا عفثة متخافث منها لا بابا و لا عمو زياد باث يغزرولها...و البارح ثعرة (شعرة) لا مثات زينب في جرتها خاطر مخلاتنيث ندخل عند باباتي
انا:وين مشات
ملاك:بلاثة بعيدة...اما حمد الله متخافث بابا رجعها
هزيتلها براسي ايه...نفرك في يديا بعصب...تفكيري عندو...حطت يدها على يديا...تحكي
ملاك:اهدا خلخولتي...هو يحبك انتي...و زادة انا قتلو لخالتي ثوار تثتنى(تستنى) فيك
انا:شقالك
ملاك:تبثم(تبسم) كهو و اكا طبيبة قحرتلي هكا
تبسمت كيف ريتها تعاند في طبيبة وتعمل كيفها...طلعت راسي على صوت الباب...نغزرلو...دورت راسي...منحبش نحكي معاه...نسمع في ملاك تحكي
ملاك:عمو زياد قتلها لانت مغزرتش لطبيبة عفثة هذيكا و هي متحبث تثدقني
تلفت غزرتلها باش تسكت...نزلت راسها تفرك في يديها...قرب مني شوية يحكي مع ملاك
زياد:ملاك ميجيش الكلام هذا...طبيبة لباس عليها
ملاك:ششش...ثبيك تحكي هكا انت
طلعت حاجبي مستغربة...جيت باش نحكي...قص عليا كيف نزل باسني من راسي يحكي
زياد:اما مريتي احلى
جبدت روحي منو...منحبش نغزرلو...نسمع في ملاك تحكي
ملاك:ياخي نتوما عرثتو (عرستو)
طلعت راسي غزرتلو في عينيه...منعرفش علاه كيف نسمع كلمة عرس...نذكر اكا النهار الخايب لي خلاني فيه...يمكن كان عرسنا نهارتها...مكانش باش يصير هذا الكل...تبسم بالسيف يحكي
زياد:باش نعرسو عزيزتي
ملاك:باث نجي انا و باباتي و ماما زينب
كبست بيدي عالفرش...منعرفش علاه اسئلتها وترتني اكثر...تبسملها و عدا يدو على شعرها...من غير ما يحكي...حاولت نكبس روحي اكثر...منحبش نبكي...تنهد يحكي
زياد:سوااار عزيزتي...انا مظطر باش نمشي توا...لل
مخليتوش يكمل كلامو...نطرت من بلاصتي جيت واقفة...نحكي
انا:وييين
3
هز يدو حطها على خدي...تبسملي يهدي فيا...يحكي
زياد:للمركز
عينيا وساعو...و قلبي دق بالوقت...دورت عينيا على وجهو نحكي
انا:ع علاه
زياد:فما اوراق نوقعها قبل ما نمشو من هوني
انا:باش طول برشا...نخاف نبقى هوني وحدي
ملاك:متخافث خلخولتي انا هوني معاك
تبسم و هو يغزرلها...طلع راسو غزرلي...يحكي
زياد:متخافش...انت باش تكون مليحة...متخرجش من البيت لين نرجع...و كان شتهيت حاجة...هوكا اسماعيل و عماد في ثنية...قلهم ليهم
انا:منحبش...انت كهو باش جيبلي...هو ولدك انت
ضحك بالوقت...قرب مني شوية...باسني من راسي يحكي
زياد:ههههه باهي يا لالة باهي...هيا ارتاح شوية توا...متعبش روحك برشا
انا:باهي
قحرتلو و رجعت لبلاصتي قعدت...نزل باس ملاك من خدها...عوجت فمي...ودورت وجهي...فقت كان على الباب كي تسكر...نسمع في ملاك تحكي
ملاك:ثبيك مغثة ياخي...ثعملك عمو زياد
انا:اخطانا منو...مخيبو
ملاك:لااا ثبيك ياخي...محلاه الثخطة يقتل بالزين...مث نورمال...خاثة (خاصة) عينيه...و ثعرو(شعرو)
طلعت حاجبي مستغربة و انا نسمع فيها تحكي عليه هكا...طلعت الفرخة تحبو حتى هي...نفخت بالقاوي نحكي
انا:مش صحيح...سيبنا منو
ملاك:امورك...ابقى تحكي هكا لين يفكوه منك
كبست على طرف سرير اكثر...باش نطرشق...الفكرة هاذي منحبش نخمم فيها جملة...قص علينا صوت الباب لي تحل بالقاوي...طلعت راسي مفجوعة...نغزر لزينب وجها اصفر...دوب رات ملاك...تنهدت بالقاوي تحكي
زينب؛ملاك وينك ياخي...من قبيل نفركس عليك
ملاك:هوني...نحكي مع خلخولتي
حطت يدها على قلبها تتنفس بالقاوي...وجها اصفر مش نورمال...بقات واقفة بحذا الباب...طلعت راسها شوية غزرتلي تحكي
زينب؛س سوار...لباس توا...سامحني مقصدتش نقلقك اما
انا:مليحة زينب عيشك...انت شعاملة
زينب:لباس...انت كيف تحس في روحك
انا:احسن
ملاك:ياخي انت خليت باباتي وحدو
زينب:مممم
ضربت بيدها على راسها و نزلت من السرير...تحكي
ملاك:ياخي نورمال انتي...تحب اكا طبيبة تمثي عندو...مكفاث(مكفاش) تحب عمو زياد
عينيا وساعو...يعني حتى هي شلقت بيها...بقينا نغزرولها الزوز...نفخت بالقاوي تحكي
ملاك:قداث(قداش) باش نبقى نعلم فيكم انا
قحرتلنا...و قربت من زينب...حلت الباب و خرجت...تلفتت تغزرلها...ورجعت غزرتلي...ضحكنا بالوقت...متوقعتش لهي باش تقول هكا...مديت يدي حطيتها عالسرير...معناها ايجا اقعد قدامي...تبسمت و قربت مني...قعدت بحذايا...غزرتلها في عينيها نحكي
انا:كيفك زينب شعاملة
زينب:سامحني سوار...امانك سامحني...خاطر منجمتش نسامح روحي
دموعها هبطو بالوقت...قربت منها اكثر حضنتها...كبست عليا بيديها زوز...حطيت يدي على ظهرها نحكي
انا:انت معندك حتى ذنب في اللي صار زينب...معادش تلوم روحك جملة باهي
جبدت روحها من عندي...غزرتلي ندرا كيف...تحكي
زينب:احنا مزلنا خوات مش هكا
هزيتلها براسي ايه...خذيت نفس...نقوي في روحي و نحكي
انا:زينب انسى لي صار جملة...ما تلوم ادم على حتى شي...انا سامحتو و انت زادة لازمك تسامحو
زينب:كيف نجمت تسامحو
انا:منعرفش...يمكن كان ريت وجهو ليلتها مكنتش باش نسامحو...و لا نرجع نغزرلو...كلشي تعدا كان حلمة خايبة لازم توفا...ادم غلط معايا برشا...اما زادة صلح غلطتو...لازمني نسامحو باش نجم نعيش مع زياد...منحبش نعيش الوجيعة دوبل...يمكن كان مش ادم مكنتش باش نتلقى زياد جملة...و مهما كانت وجيعة اكا ليلة...مش كيف لي ريتو من توفيق...نظرتو ليا كافية باش تخليني نحس بيه في كل تركينة هوني
4
قربت مني اكثر...رجعت حضنتني بالقاوي...تحكي
زينب:يا روحي انت...توفيق سااايي معادش موجود...انت لازم تفهم الشي هذا...لازم تنسى لي صار...في خاطر زياد لازمك تنسى
غمضت عينيا بالقاوي ورجعت حليتهم...جبدت روحي منها...تنهدت نحكي
انا:زينب انا...انا حبلة
ضيقت عينيها مستغربة...كانها تحاول تستوعب كلامي...تبسمت تحكي
زينب:معناها باش يجي صغرون جديد
هزيتلها براسي ايه...و هزيت يدي مسحت دموعي...باقس تتبسم و تحكي
زينب:زياد يعرف
انا:مممم
زينب:باز فرح بيه برشا...نعرفو يحبك
انا:مممم برشا...اما
زينب:اما شنية
انا:خايفة زينب...خايفة من اللي جاي
زينب:سواار عزيزتي شبيك...علاش الكلام هذا توا
انا:خ خايفة من زياد و عليه
زينب:قلك حاجة ضايقك بيها
انا:لا
زينب:ملا شبيك خايفة منو
انا:ز زياد لتوا ما عمل حتى ردة فعل من اللي صار...بالعكس فرحان برشا بالصغير...و وعدني لهو باش يبقى معايا...و ديما يخاول ينسيني لي صار
زينب:ملا علاش هذا الكل سوار
انا:خ خايفة مع الوقت...يكرهني جراير لي صار...خايفة منجمش ننسى لي صار...خايفة نوجعو بلا ما نحس...ز زينب انا مانيش كيفك...مهما حاولت ننسى منجمتش...كل مرة كنت نسلم لزياد...نقول لهو باش يخليني المرة هاذي...كل يوم كان خوفي يقوا وقت هو يكون مع ادم...وقت عرف كان عندي امل صغير...لهو باش يفهمني و يتنازل على خاطري...اما هو مختارنيش...نفس الشي توا...صحيح يحبني...اما هو شفق على حالتي اكثر...شفق على ولدو لي جا في الوقت الغالط...يمكن بعد شهور و لا سنين هو باش يفد مني...خاطر هو مستحيل ينسى لي فما شكون حط يدو عليا...و مش اي حد يا زينب...راهو خوه و الشخص لي رباه
غصيت في الكلام...منحبش نفكر في هذا الكل...اما حبيت نحكي لي قاعدة نحس فيه الكل...قربت مني اكثر حضنتني...حطيت راسي على صدرها...بقات تعدي في يدها على شعري...تنهدت و كملت نحكي
انا:ح حتى كان هو نسى...انا منجمش ننسى...شتبقى نحس بالنقص معاه...و قدام كل مرا يعرفها...على هذاكا منحب حتى وحدة تقرب منو...منحبوش يتعلق بحتى وحدة...منحبوش يخليني لحتى سبب...منحبش الحب متاعو يوفا مع الوقت...و لا في اي موقف نتحطو فيه...خايفة يخليني كيما عمل نهار عرسنا...المرة هاذي باش نموت اكيد...خاطر مستحيل نجم نعيش من غيرو...صدقني نحبو...و نموت عليه...نحبو اكثر من روحي و من صغير لي في كرشي...ماهوش باش يسلم فيا مش هكا...باش يبقى يحبني اكيد
كبست على شعري اكثر...نزلو دموعي بالوقت...نسمع فيها تحكي
زينب:زياااد يحبك صدقني...ماكش باش تلقى حد يحبك كيفو...هو يبين هذا الكل في تصرفاتو معاك...حاول تنسى كلشي و عيش كلشي معاه...كلشي راح باش يتعوض...معادش تخمم في الماضي...و اللي صار فيه...خمم في زياد وولدك كهو...باهي
هزيتلها براسي باهي...نغزر لضو الشمس لي داخل من شباك...تبسمت بالسيف...و هزيت يدي حطيتها على كرشي...كلشي باش يكون مليح...هو باش يبقى يحبني انا كهو...حتى الصغير ماهوش باش يفك بلاصتي عندو..هو متاعي انا و كهو
حلقة 157
زينب تحكي: بقيت نعدي في يدي على شعرها...لين حسيتها هدات...نزلت راسي شوية لقيتها ديجا غفات...اصلا كن وجها ظاهر الوحم تعبها برشا...فرحت مش نورمال...يمكن الصغير هذا...باش يقوي علاقتهم اكثر...هزيت روحي شوية...رجعتها
لتالي...عدلتها في بلاصتها...غطيتها و نزلت بستها من خدها...رديت الشباك شوية على ضو...وخرجت من البيت...كل خطوة نعملها...قلبي يدق بالقاوي...منحبش نقابلو بعد اللي صار...ولا نحكي معاه...منحبش نتحط في نفس الموقف مرة اخرى...و لا نذكر لي قالو...للحظة رسمت احلام باهية في مخي...ستنيت منو يحبني حتى شوية ميسالش...المهم يعوضني على كلشي عشتو...اما كلمة منو...كلمة وحدة كانت كافية باش توفي كلشي...و تخليني نعرف قيمتي و بلاصتي...عندو حق انا غزرت لفوق برشا...نسيت شكون انا و شكون هو...ادم عبد السلام...لاسمو كهو كافي باش يقص حلمتي جملة...غمضت عينيا بالقاوي ورجعت حليتهم...كبست عالبواني وحليت الباب...جات عيني عليهم...راقد و مدخل ملاك في حضنو...مكبشة فيه و حاطة راسها على صدرو...طلعت راسها شوية...وهزت يدها حطتها على فمها معناها منعملش حس خاطرو راقد...هزيتلها براسي ايه...وقربت منها شوية...نحكي بصوت دوب يتسمع
انا:ملاك عزيزتي...شرايك تنزل معايا توا...لازمك تاكول شي...هاك من بارح
ملاك:باث نخلوه وحدو هوني
انا:هو مليح...هيا عزيزتي
ملاك:لا برا جيبلي انت...انا باث نعث (نعس) على باباتي
هزيتلها براسي ايه...خاطر نعرف كي تبدا في حضنو ما تمشي لحتى بلاصة...رجعت حطت راسها على صدرو...صحة ليها تنجم تقرب منو كيما تحب ووقت ما تحب...تنهدت بالقاوي...وهزيت روحي خرجت...نزلت للكفيتيريا و تفكيري بعيد برشا...شريت لي نجم عليها...خاطر الفلوس لي عندي وفاو...ورجعت لفوق...لقيت اسماعيل في وجهي...تبسملي يحكي
اسماعيل:زينب لباس ياخي
انا:لباس اسماعيل عيشك
اسماعيل:ارتحت ياخي
انا:مممم حمد الله
اسماعيل:كان ميقلقكش تحب ننزلو للكافي شوية
جيت باش نحكي...قصت عليا ملاك كيف قربت منا تحكي
ملاك:لااا...بابا بحاجتها
عقدت حواجبي مستغربة...تبسملها...و هز يدو حطها على شعرها يحكي
اسماعيل:باهي عزيزتي
جبدت روحها لتالي...تجبد فيا من جيب...و تحكي فرد وقت
ملاك:هيااا فيثع (فيسع) بابا يطلب فيك...و انا جعت برثا
هزيتلها براسي باهي...و غزرت لاسماعيل نحكي
انا:سامحني اسماعيل...مرة اخرى
اسماعيل:انشاء الله
تبسمتلو و تلفت مع ملاك لي باقي تجبد فيا...لين دخلنا للبيت...لقيتو فاق ومتكي لتالي...حطيت القضية عالطاولة نحكي
انا:هيا ملاك ايجا تاكول
ملاك:منحبث (منحبش)
انا:علاه...ماك قتلي انزل شريلي
ملاك:قتتتلك منحححبث
تنهدت بالقاوي...منعرفش شبيها حتى هي...نحس في روحي تاعبة...لا نجم نغزرلو...و لا نجم نرضيها توا...يمكن لي جبتو معجبهاش...هزيتلها براسي ايه نحكي
انا؛باهي ملاك كيما تحب
تلفت باش نخرج...وقفني هو...كيف هز روحو شوية يحكي
ادم:ملاااك...شنية هذا لي تعمل فيه انت
ملاك:اثألها (اسألها) هي
ادم:ملاااك
تلفت عندي غزرتلها مش فاهمة كلامها...نفخت بالقاوي...و هزت روحها قربت مني...حضنتني تحكي
ملاك:ثامحني ماماتي مث قثدي(قصدي)
هزيت يدي حطيتها على شعرها...تبسمت نحكي
انا:باهي يا روحي ما صار شي
ملاك:باث تاكول معايا باهي
هزيتلها براسي ايه...وقربت قعدت معاها عالفوتاي..نوكل فيها...نحس فيه يغزرلي...غزرتلي تحكي
ملاك:ثبيك متحبث تاكول...هاك كل يوم هكا انت...كل يوم نحاول فيك متحبث...هوكا بابا مليح...انت علاه متحبث تاكول
طلعت راسي شوية...جات عيني في عينو غزرلي ندرا كيف...نزلت عينيا بالوقت...غزرت لملاك نحكي
انا:كليت قبل ما نجي عزيزتي
هزتلي براسها ايه...و كملت تاكول...قص علينا صوت الباب...دخلت نفس الطبيبة...قحرتلها ملاك تحكي
ملاك:ثتعمل هوني انتي
انا:ملااك ششش يزي ميجيش هكا
سكتت تغزرلها و تغزل...طلعت راسي شوية...هزيتها و حطيتها...قربت منو تحكي
هي:لباس اليوم مسيو ادم
ادم:احسن
هي:تعرف لي لازمك ترتاح توا و متعبش روحك اكثر
تلفتت غزرتلنا ندرا كيف...فهمت قصدها...خذيت نفس نحكي
انا:عندك حق...حتى احنا كنا باش نمشو
ادم:سألتني انت باش تقول تمشو
غزرتلو مستغربة...لقيتو يقحرلي...تنهدت نحكي
انا:عندها حق انت لازم ترتاح...و زادة احنا قاعدين هوني من غير فايدة
ادم:صااااار
هي:مسيو اهدا
ادم:نحب نخرج
هي:شننوة
ادم:باش نكون مرتاح في داري اكثر
هي:لازمك عناية و لا عالاقل تكون معاك فرملية
ادم:باش نكون مليح...فما شكون معايا
يحكي و يغزرلي...فهمتو شيقصد...دورت وجهي عليه...عرفاتو طبيبة شد صحيح...تنهدت تحكي
هي:باهي باش نوقعلك على اوراق الخروج...حاول جي بين فترة و اخرى...باش تعمل كنترول
ادم:باهي
ملاك:يعني باث نرجعو لدارنا باباتي
ادم:ايه عزيزتي
ملاك:جو جو...احثن (احسن)
تبسمتلها بالسيف...منعرفش كيفاه باش نبقى معاه فرد دار بعد لي سمعتو منو...منحبش نحس لهو عامل فيا مزية...كي رجعني...و لا كي مخليني عندو خاطر معنديش وين نمشي...اول ما خرجت هزيت روحي نحكي
انا:انا باش نمشي توا...ملاك كان تحب ايجا معايا و لا ارجع مع سي ادم مبعد
ادم:زينننب شد بلاصتك باش نمشو الكل مع بعض
جيت باش نحكي...هز روحو وقف...قرب مني شوية...وخرت خطوة لتالي نسمع فيه يحكي
ادم:ماكش باش تخرج من هوني...كان معايا انا
انا:علاه شكونك انت
عدا يدو على وجهو بعصب و نفخ بالقاوي...يحكي
ادم:لي عندي قلتو
جيت باش نحكي...حبستني ملاك...كيف قربت منا تحكي
ملاك:ثبيكم ياخي...باباتي ميجيش هكا راو
نزل راسو غزرلها...ورجع غزرلي...جا باش يحكي تحل الباب بالوقت...تلفت نغزر لزياد لي دخل...يغزرلنا...و يحكي فرد وقت
زياد:شفما شبيكم
ادم:شي زياد..وين كنت انت
زياد:في المركز
ادم:صارت حاجة اخرى
زياد:لا وقعت شوية اوراق...باش نرجع لايطاليا...الفترة هاذي
ادم:شننننوة...شنية ترجع لايطاليا
زياد:لازمني نبعد سوار شوية على هوني...و الا مستحيل تتعدا لي صار معاها جملة
ادم:باش تعيشو غديكا
زياد:منعرفش...لتوا ما قررت شي...اما بلكشي نبقى غديكا لين تولد سوار
ادم:سواار حببللة ؟
هزلو براسو ايه...تلفت نغزر لادم لبقى واقف من غير حتى كلمة...للحظة قلبي حسيتو باش يخرج من بقعتو...خفت لحتى ادم تعلق بيها...منعرفش علاه تصدم بالخبر هكا...قص علينا صوت ملاك تحكي
ملاك:معناها خلخولتي باث جيب ثغرون جديد
زياد:ممم كيفك يا قطوسة
باقي نغزر لادم...لي في لحظة تبدلت تعابير وجهو بضحكة...قرب منو ضربو على كتفو يحكي
ادم:هيا مبروك يا سيدي...ملا الفرخ باش يولي بو
زياد:يزززي بلا مساطتك توا انت زادة
ملاك:بابا ميجيث راو...ثبيكم وحدة تقول عليه خايب و انت فرخ
زياد:صاااار شكون قال هكا
دورت راسي غزرتلها باش تسكت...هزتلي بكتافها تحكي
ملاك:ثوار(سوار)
انا:ملاااك
ملاك:ثنية قلت غالط انا
ادم:يزي عزيزتي
ملاك:اففف وليت انا الغالطة توا...والله ما عاد نحكي مع حد منكم
هزت روحها رجعت للفوتاي تاكول من غير حتى كلمة...و هوما شايخين عليها...هز زياد دوسي حطو في يد ادم...غزرلو مستغرب يحكي
ادم:شنية هذوما
زياد:دليل برائتك...و اوراق تنازل على حضانة ملاك...خاطرني انا لي تبنيتها من قبل...بعد ما توقع على الورقة لي هوني...ملاك تولي بنتك رسميا
تلفت غزر لملاك...اول مرة نرا نظرتو هاذي...ورجع غزر لزياد...هزلو براسي ايه...نعرفو يحبها و متعلق بيها برشا...كان ديما يقول لملاك عوضاتو على بنتو لي خسرها...باقي كابس عالدوسي في يدو...تنهد يحكي
ادم:باش ترجع زياد
زياد:كان مرجعتش باش نشدلك بلاصة غديكا
غمزو و ضحك...قلبي دق بالقاوي...فكرة لهو باش ياخو ملاك و يمشي خلاتني نترعب اكثر...و ضحكتو لزياد اكدلتلي لهو ينجم يعملها...قرب منو حضنو...برغم لي نعرف انو وجيعتو قوية من انو يسامح خوه على لي صار...اما حبو ليه كان اقوى...بعد عليه يحكي
زياد:باش نسافر غدوة...نشوفك بخير
ادم:عيش خويا...رد بالك على روحك
ملاك:وين ماثي انت
زياد:ايطاليا
ملاك:ياااا بالرثمي...باث تركب في طيارة
زياد:مممم
ملاك:بابا ياخي علاه منمثوث(منمشوش) معاه احنا
ادم:مش توا عزيزتي
ملاك:يعني مانيث باث نثوف(نشوف) البيبي انا
زياد:ههههههه مزال باش يجي عزيزتي
ملاك:امتى جيبو
زياد:مممم مزال شوية...باز هذاكا الوقت انت تكون مع سوار باهي هكا
ملاك:باهي
زياد:زينب رد بالك على روحك باهي
انا:زياد نجم نحكي معاك قبل ما تمشي امانك
زياد:بالطبيعة
انا:مش هوني...وحدنا ؟
ضيق عينيه..غزر لادم...ورجع غزرلي...هزلي براسو ايه...يحكي
زياد:تفضل
تلفت لادم لي يغزرلي كانو قاعد يسأل فيا...خذيت نفس وخالطت على زياد لبرا...خرجنا مع بعض للجنينة...بقينا ساكتين شوية...تنهدت بالقاوي نحكي
انا:غريبة دنيا مش هكا...اول مرة تلقينا هوني...و باش نفترقو هوني زادة...انت و سوار كنت ند ليا ديما...رغم كلشي لا انت و لا هي سلمتو فيا...منعرفش كيفاه و امتى نرجع لي عملتوه معايا الكل...انت اكثر من خويا...و اكثر حد نجم ناثق فيه...و نجم نتحمى بيه زادة...و سوار نفس الشي...زياد سوار تحبك برشا
تلفت غزرلي ندرا كيف...تبسمت بالسيف نحكي
انا:نعرف لانت باش تقول هذا الكلام مش جديد...و انت تعرف لهي تحبك...اما هاني باش نعاودلك...سوار تحبك...كل مرة تفد من تصرفاتها تذكر لهي تحبك...كل مرة تنهار فيها متلومهاش...خاطر مش منها...يمكن انت تنجم تنسى لي صار اما هي لا...خاطر متنجمش تعرف كمية الوجيعة...وقت يحطو عليك يدين متحملهش...و لا نظرات تحسهم باش يلاحقوك طول عمرك...سامحها وقت تجن عليك...راهو مش منها...هي ديما شتبقى تحس في الفرق و النقص في حياتها...صدقني زياد...كان ادم شاف سوار فاكا الليلة المشومة...لا انت و لا هي باش تتعداو لي صار...سوار ما شاف بدنها حتى حد غيرك...لي صار شيبقى حلمة خايبة...تنساها بالوقت...تنساها كيف كل مرة تلقاك قدامها...وقت تتأكد انك ماكش باش تسلم فيها...هي قد حبها ليك مزالت خايفة منك...خايفة تخليها كيف اخر مرة...هي خايفة تلومها على لي صار...على هذاكا...في الوقت هذا متتغشش منها...حاول ترضيها بطريقة اخرى...خليها تاثق في روحها...باش تنجم تاثق فيك...سوار معندهاش غيرك...هي حتى تغير من الصغير اللي في كرشها عليك...و متنجم تتحمل حتى حد اخر يقرب منك...كل مرة انت توصل لاخرك...ذكر كلامي...ذكر لهي تحبك...خلي حبك يغلب عصبيتك...نعرفك تحبها و مهما عملت رجوعك كان ليها...على هذاكا اسمع كلامي توا عيش خويا
بقى ساكت من غير حتى كلمة...تبسم شوية وهزلي براسو ايه...هز يدو عداها على شعري يحكي
زياد:عيشو لي يعرف ينصح
تبسمت معاه...دموعي لي كنت شادتهم نزلو بالوقت...عقد حواجبو يحكي
زياد:شبيك
انا:شي زياد...باش نتوحشكم برشا...خلي سوار تكلمني باهي
زياد:زيينب...انت هوني مع ادم و ملاك زادة...و متأكد لادم تبدل برشا...و مهما صار ماهوش باش يخليك
هزيتلو براسي ايه...هزيت يدي مسحت دمعتي لي نزلت نحكي
انا:و وماهوش باش يحبني زادة
قرب مني شوية...حضني...حط يدو على شعري يحكي
زياد:ششش يا بنتي نعرفك اقوى من هكا...و كيف انت خليتو يتقبلك في حياتو...باش يحبك زادة
انا:معادش يهمني المهم ملاك معايا توا...و الباقي باش يتحل مع الوقت
زياد:كان احتجت اي شي زينب...كلمني...كان ادم وجعك بشي انا معاك...ساعتين في طيارة نجيك...و كان مجيتش رجالي الكل هوني...اسماعيل هوني...حد ماهو باش يخليك...انت شتبقى في حمايتي كيما البارح كيما اليوم
جبدت روحي منو هزيتلو براسي ايه...تبسم يحكي
زياد:يززي عاد...نحبك تبقى قوية ديما
انا:انت لي تعرفني...مش ادم لي يهدني
زياد:صحيتك
ضحكت بالوقت...تفرهدت كي حكيت معاه...رجعنا مع بعض...خليتو دخل عندها..ورجعت للبيت...لقيتو واقف بحذا شباك...هزني وحطني يحكي
ادم:اهلا لالة...متحبش نقصلك تذكرة تمشي معاهم
نزلت راسي منحبش نحكي معاه...قربت من الطاولة...نهز في باكوات لي كلات منهم ملاك...باقي نسمع فيه يحكي
ادم:مممم دوماج متنجمش تمشي معاهم غدوة...خاطر معندكش بسبور
طلعت راسي شوية قحرتلو...و كملت نلم فيهم...قرب مني بالزربة...جبدني من يدي...وقفني...جيت معاه بالظبط...غزرتلو في عينيه نحكي
انا:سيبني وجعتني
ادم:جااوبني قبل
انا:نجاوب شنية
ادم:لهدرجة منجمتش تبعد على زياد انت
نطرت يدي منو بالقاوي...غزرتلو ندرا كيف نحكي
انا:و انت شيهمك...مش البارح كهو كنت طرد فيا من هوني شصااارلك توا
ادم:زينب جاوبني احسنلك...جاوب ¤¤¤ خاطر بديت نفقد صبري
انا:يزززي عاد...اموري متهمكش باهي
ادم:صااار...هاك تعلمت تحكي
جيت باش نحكي...قصت عليا ملاك كي خرجت من بيت البانو تحكي
ملاك:بابا ثبيك تصيح
تنهدت بالقاوي...غمضت عينيا بالقاوي...ورجعت حليتهم نحكي
انا:نحب نمشي
جا باش يحكي..دخلت طبيبة بالوقت...كيف راتو في الحالة هذيكا...قحرتلي تحكي
هي:مسيو ادم قتلك معادش تقلق روحك...عالحالة هاذي مانيش باش نطمن عليك معاها
تحكي و تقحرلي...منعرفش شبيها معايا من البارح...اصلا لا طايقاتو هو و لا هي...هزيتلها براسي ايه...وخرجت من البيت...نسمع فيه يصيح باسمي...كل مرة صوتو يقرب نزرب في خطواتي...لين وليت نجري...ضربت في اسماعيل بالوقت...هز يدو حطها على ظهري...كبس عليا يحكي
اسماعيل:زينب لباس ماهو
هزيتلو براسي لا...نحس في اعصابي تلفت...ومعادش نعرف شنوة لي لازم نعملو...حسيت بيدو تحطت على يدي...كبس عليا بالقاوي...وجبدني لتالي يحكي
ادم:امشي قدامي توا
اسماعيل:اددم شنية تصرفات هذوما
ادم:انت بالظبط مدخلش ¤¤ روحك جملة
جيت باش نحكي...اما قص عليا كي جرني وراه...نغزر لملاك لي خرجت لسانها لاسماعيل...تستفز فيه...و خالطت علينا تجري...وصلنا لريسيبسيون...حط الفلوس...و هز الاوراق في يدو...باقي يمشي فيا للكرهبة...حتى دبشو ملحقش يبدلو...حل الباب...يركب فيا و يحكي فرد وقت بغزول...باش يطرشق
ادم:اركب ¤¤¤ اركب...لقيت كان هذاكا ¤¤¤¤¤ تمشي عندو
جبدت يدي منو وركبت...منحبش ناخو على كلامو...من زياد ولينا في اسماعيل...حل الباب لملاك...لي ركبت من تالي...خانسة من غير حتى كلمة حتى هي مرعوبة منو...يسوق و يغزل...يسكت يسكت...مبعد يطيش كلمة...لين وصلنا لدار...شد الفران بالقاوي...و نزل...حكا مع شوفور...ودخل لدار...خذيت نفس...نزلت و نزلت ملاك...سكرت الكرهبة...ودخلت لدار...خليتها طلعت عندو و مشيت للكوجينة...منحبش نقابلو توا...و لا نحكي معاه...نعرف باش يجن اكثر...احسن شي نبقى بعيدة عليه جملة
سوار تحكي: حليت عينيا على لمسة يدو...لي قاعدة تتعدا على شعري...بقيت نثبت في وجهو...في ضربة لي تحت عينو...باقي يعدي في صوابعو...على خدي ويحكي فرد وقت زياد:هيا فيق يا قطوسة...هاك من بارح...دازة عالنوم انا:مممم خليني زياد...نحب نرقد
جيت باش نصيح...وقفتني كيف طلعت بالسكينة حطتها على رقبتي تحكي
منى:شبيك سكت...هيا صيح...مزلت تحب تعيش بعد اللس صارلك...اصلا مستغربة كيفاه مزال معاك وحبلة منو...زعمة ميكونش معاك على جال صغير كهو...في بالك هو بالحق يحبك...كيفاه باش يبقى يحبك و خوه شبع بيك من قبل...و سمعت لي حتى بوه خذا بايو منك
نزلت دمعتي بالوقت...نسيت السكينة لي على رقبتي وركزت مع كلامها...تبسمت ندرا كيف...و هزت يدها عداتها على خدي...تحكي
منى:شششش...انت تعرف هذا بالقدا اختي الغالية...مش حتى نقلك انا...اما
سكتت ونزلت يدها...سكرت السكينة...تحكي
منى:اما مانيش باش نقتلك تعرف علاه...بابا يستحق لي صار فيه...خاطرو عدا شطر عمرو بعيد علينا...حتى احنا محبناش..و امي...جراير امك هو ولى مرة حبها...كان يقولها كان انت وافقت على طلاق ساعتها مكنتش باش نخسر اللي حبيتها...طول عمرو كان يلومنا بالبعد علينا...كان يختار يبقى بعيد...حتى انت عاقبك على الماضي...اما صراحة شفقت عليك اكثر...محقوش يعاقبك بعد اللي صار فيك الكل...تمينت كان قابلتك من قبل...كان نجمت نحبك كيف اختي...اما انتي و امك...بعدتو علينا بابا...عشنا طول عمرنا نستناوه يحبنا...عديت شطر عمري وانا نغزر لدموع امي...امي عدات شطر عمرها و هي تسهر نص ليل تستنى فيه لين يجي...حتى تفد و تطلع لبيتها...طول عمرو كان يغلط في اسمها...و يعيطلها باسم امك انتي...و تتلز تسكت...هو معاقبكش انتي وامك كهو...عاقب حتى روحو...كرهك انتي خاطر امك خلاتو...كرهنا خاطرنا كنا في حياتو...طول عمرو تمنى يعيش معاكم نتوما...قداش من مرة ريتو يبكي بالسرقة...تعرف علاه هو اكاكا...هو يوجعنا احنا باش يخبي ضعفو...كرهت امك من صغرتي...وكرهتك توا...شتبقى تخلص حق امك...شتعيش كيما امي بالظبط...باش تربي ولدك...و انت تستنى فيه يدخل...اما ماهوش باش يجي...شيتلز يبقى معاك...على خاطر صغير يا سوار...باش يبقى طول عمرو حاشم بيك...كيما خلاك نهار عرسك...باش يخليك برشا مرات...وكل مرة يحب ينسى لي صار تلقاه في حضن غيرك...لي عيشتوه لامي...شتعيشو انت توا يا سوار...باش ترا العذاب هذا في حياتك...باش تندم عالنهار اللي فكرت انك تبقى معاه...وكل مرة تحب تبعد...باش تتلز تبقى على خاطر لي في كرشك...باش تشوف بعينيك وتموت بقلبك يا سوار...و كل مرة تقعد وحدك باش تذكرو كلامي هذا بالقدا...و يا ريت معادش نقابلك في حياتي جملة
هزتني وحطتني وخرجت من البيت...بقيت نغزر لباب...نحس في قلبي باش يخرج من بقعتو...دموعي محصورين اما منزلوش...كل كلمة قالتها تعاودت في مخي بالحرف بالحرف...غمضت عينيا...ورجعت حليتهم على دخلتو...دورت عينيا على وجهو...قرب مني قعد قدامي...حط يدو على وجهي يحكي
زياد:لباس ماهو...يوجع فيك شي
هزيتلو براسي لا...منجمت نحكي حتى حرف...نزل بيدو كبس على يدي...وقفني معاه يحكي
زياد؛لحق الوقت باش نمشو من هوني
تبسمت بالسيف...منجمت نعمل حتى شي...لا نحكيلو لي صار...و لا نجبد يدي منو...هز ياقي القضيات في يدو...و يمشي فيا وراه...تعدينا لهارون...دوب نجمت نحكي معاه...خرجنا من عندو للكرهبة...طول الثنية و هو شاد يدي...من غير حتى كلمة...نغزر لطريق و افكار تهز فيا وجيب...حتى عماد محسيتش بيه كي ركب...خايفة اذا كلامها طلع صحيح...تلفت شوية غزرتلو...للحظة خفت اذا يتبدل عليا...و يفد مني...جبدت يدي من يدو...و تكيت عالبلار...غمضت عينيا منحب نحكي مع حد ولا نسمع حد...نحب ننسى لي صار جملة...ننسى وكهو
حلقة 158
ادم يحكي: نطرت الباب ورايا بغزول...نحيت الفاست و سوريتي طيشتهم عالفوتاي...بدلت بالسيف...اما منجمتش نلبس مريولي...كتفي عامل فيا بالوجيعة...ترميت عالسرير...حطيت يدي تحت
راسي نغزر لسقف...و نفكر في اللي صار...نستهل شملزني نحكي معاها اكاكا...اصلا بعد الخطوة لي عملتها...عرفت روحي قداش وجعتها..كل مرة نسكر عينيا نراها في حضن زياد و لا ¤¤¤¤¤ متاع اسماعيل...معادش نعرف شبيني...زعمة غرت ؟ كي هكا شبيني سلمت فيها في اول فرصة...شبيني كي تقرب مني نحب نبعدها...و كي تبعد نولي نجري في جرتها...حتى تناقض هذا وليت عايشو مع زينب...و نحب نجبرها تعيشو هي زادة...قص عليا سرحتي صوت الباب كي تحل...دورت راسي نغزرلها طل عليا...تستنى فيا نسمحلها باش تدخل...تبسمت على جنب...و عملتلها بيدي باش جي...سكرت الباب...و قربت تجري...طلعت عالسرير بحذايا تحكي
ملاك:بابا ثبيك مث لابث مريولك...تو تاخو برد و انت مزلت مريض
انا:متخافش عزيزتي...الفرخة لاخرى وين
ملاك:تقثد ماما زينب
انا:مممم
هي:في الكوجينة
هزيتلها براسي باهي...ربعت يديها تغزرلي بغش...طلعت حاجبي مستغرب نحكي
انا:شنننوة
ملاك:وه عليك يا ثي (سي) ادم...الما يمثي تحت ساقيك و انت مث داري
انا:صااار...شفما هات من تالي
ملاك:اثمع(اسمع) يا ثيدي(سيدي) اكا اثماعيل الماثط...قال لزينب نمثو للكافي نعملو قهوة
انا:امتى هاذي
ملاك:وقت كنت مغثة منها في كلينيك...و محبيتث ناكول
انا:صااار يا فرخة علاه مخبرتنيش غديكا
ملاك:اعمل عقلك يا بابا...ميجيث (ميجيش) كلثي بالعرك...زينب متغثة منك لازم تعرف كيفاه ترضيها...و الا ثراحة(صراحة) هي باث تمثي لاثماعيل و تخليك
انا:و كيفاه نرضيها في رايك
هزت يدها ضربتها على راسها...و غزرتلي...تحكي
ملاك:اففف قداث نبقى نعلم فيك انا
انا:صار يا فرخة
ملاك:اثمعني...معادث(معادش) تثيح عليها و تعيط...اعمل كيف عمو زياد مع ثوار...هو مث احثن منك راو...حتى انت مزيان برثا و عثل...زينب ماهيث(ماهيش) باث تثلم (تسلم) فيك...اما انت زادة اعمل عقلك باباتي
بقيت نغزرلها مصدوم...معرفتش نضحك و لا نسكت...حتى زياد مسلمش منها...و عرفت كيفاه قاعد يتعامل مع سوار...تبسمت نحكي
انا:باهي لالة تو نحاول
ملاك:مزال يقولي لي هو باث يحاول...وهي قالت لاثماعيل مرة اخرى نعملو قهوة
نزلت من السرير...حطت يديها زوز في نصها...و غزرتلي...كملت كلامها
ملاك:المهم انا حذرتك ورد بالك باهي...كان احتجت ثي...و معرفتث(معرفتش) كيفاه تتثرف...تلقاني في بيتي
قربت مني اكثر...باستني من خدي وخرجت تجري بقيت نشيع فيها...لين خرجت...ضحكت على روحي...لي قاعد نسمع في كلامها...تكيت راسي لتالي...الباب عاود تحل بالوقت...ضحكت نحكي
انا:هههههه شنية مزال مقلتوش لالة
زينب:سامحني منقصدش ندخل اكاكا...اما في بالي ملاك هوني
هزيت روحي تقعدت شوية...جات باش تخرج وقفتها نحكي
انا:ايجا زينب
زينب:علاه
انا:نحب نحكي معاك
زينب:مشغولة سي ادم...قاعدة نحضر في العشا
انا:قتلك ايجا
تنهدت بالقاوي...و دخلت للبيت...هزيتها وحطيتها...شعرها لماتو كعكة...خصلاتو طايحين على وجها...جيب والخلعة لي لابستهم مش مبينين شي من بدنها...بقيت نغزرلها...لين فيقتني من سرحتي تحكي
زينب:تفضل...تحب حاجة
انا:مممم
زينب:شنية
انا:نحب على مريولي
زينب:و انا شمدخلني
انا:انت باش تعطيهولي...كتفي يوجع فيا...و كيما سمعت الطبيبة قالت...نورمالمون على اسبوع باش نخرج
زينب:كنت تسمع الكلام و تقعد
انا:لا في داري احسن
زينب:باهي وين مريولك
انا:هوكا في القارد روب
قربت منها...حلتها...جبدت اول حد جا على يدها...ضيقت عينيا نحكي
انا:لا مش هذا
رجعتو...وجبدت اخر...هزيتلها براسي لا...كبست عليه ورجعاتو...هزت اخر و تلفتلي تحكي
زينب:شرايك في هذا
انا:زادة مش هذا
زينب:ملا ايجا جبدو وحدك
اول ما تلفتت باش ترجعو...نطرت من بلاصتي وقفت وراها بالظبط...رميت يدي هزيت لي جا...تلفتت بالوقت...ضربت في صدري...غزرتلها نحكي
انا:عجبني هذا
زينب:مش هذا اول واحد وريتهولك
انا:مممم منعرفش...تو ظهرلي نلبسو
زينب:باهي تنجم تخليني نمشي توا
بقيت نغزرلها...هزيت يدي لاخرى...نعدي في صوابعي على خدها و خصلات شعرها...نحب نتأكد من اللي قاعد نحس فيه...نحب نعرف انو لي عملتو كان غالط...و مكانش لازم نسلم فيها...زعمة لقالو العم صالح صحيح...زعمة نجم ناخو بيدها و نبدا من جديد...باهي وحنان...راهي روحي هذيكا...راني كيف نغمض عينيا نرا صورتها..كي نتغشش نرا خيالها...زعمة بالساهل باش نبدا من جديد...زعمة نجم نحبها كيما حبيت حنان...نجم نتعدا لي صار...نغزرلها و نسأل في روحي...منحبش نظلمها معايا مهما صار...مزالت صغيرة...و مش ناقصة تتوجع جرايري...جبدت روحها شوية تبسمت كيف ريتها تقحرلي...نزلت عليها شوية...حسيت بالنفس متاعها على وجهي...تبسمت نحكي
انا:باهي اما شبيك مغشة هكا
زينب:شي سي ادم...لباس عليا
انا:مممم و علاه سي ادم
زينب:نظن هذيكا حدودي معاك
انا:و كان نحب نكسر للحدود هذوما
زينب:كنت تنجم...اما توا لا...لي تكسر عمرو ما يتصلح
انا:نعرف...و هذاكا لي نحب نتعلمو منك
زينب:لااا انا منجمش نفيدك توا...كلامك صحيح انا و انت ثنية مسكرة...كان لازمني نفهم هذا من الاول سي ادم...كان لازم منغزرش لفوق برشا...خاطر الطيحة باش تكون قوية...يمكن انت جبدت روحك في الوقت المناسب...هكا عاونتني اكثر...و مخليتنيش نغرق في وسط عيلتي زادة...انت كنت ديما تقولي لي باش نعاونك...حتى كان لقيت لي يناسبك...قعدتي هوني على خاطر ملاك...عالاقل لين تستوعب الوضع...منحبش نفسيتها تتعب بعد ما ارتاحت...و من هوني لاكا الوقت تنجم تعتبر لانا نخدم هوني...خاطر منحبكش تعمل فيا مزية اكثر من هكا...و نوعدك في اقرب وقت نلقى حل
بقيت نغزرلها...نعرف لمزالت متغشة...من اللي صار...حاولت تمشي...جبدت روحي شوية لتالي...حسيت بيها كي تنهدت...اول ما تعدات من قدامي...شديتها من يدها...رجعتها عندي...غزرتلي ندرا كيف...تبسم ز هزيت يدي شوية نحكي
انا:شكون باش يلبسلي المريول
زينب:شننوة
انا:تعرف لي منجمش نهز يدي على هذاكا انت مجبورة تعاوني...مش تحب تخدم...هاك باش تولي فرملية متاعي لي نبرا
زينب:انت باز هبلت
انا:من بكري...و اللي بقى تحب تكمل عليه انت...تو تلبسني و لا نبقى نستنى فيك برشا
قحرتلي...و حطت يدها على مريول...جبداتو من يدي تحكي و تغزل
زينب:باهي تفضل اقعد سي ادم
هزيتلها براسي ايه...باقي نتبسم منعرفش علاه شايخ على تصرفاتها...قعدت على طرف السرير...ضرب في راسي كلام ملاك...شدني ضحك...قحرتلي تحكي
زينب؛فما حاجة ضحك ياخي
انا:مممم لا...شايخ و نحب نعمل جو...عندك مشكلة معايا زينب:باهي طلع يدك
انا:منجمش كتفي يوجع
زينب:كيفاه تحبني نعاونك ملا
انا:دبر راسك امورك
غمضت عينيها ورجعت حلتهم...حطت يدها على يدي...تبسمت على جنب...كبست عليا تحاول تلبسلي المريول منجمتش...قربت مني اكثر...حسيت بصوابعها على خدي كيف دخلتو...و باقي تغزر ليدي...نفخت تحكي
زينب:يهديك ربي طلع يدك كيفاه باش نلبسهولك انا توا
انا:كتفي يوجع
زينب:صار كيف ضربت وسيم اكا نهار...و كيف جريتني قدام الناس الكل...مكانش يوجع فيه...توا ولى يوجع ياخي
تبسمت و انا نغزرلها تحكي...وفرد وقت تحاولني نهز يدي...لين فدت و كملت تحكي
زينب:ادددم يهديك طلع يدك
انا:اه بطلنا من سي ادم توا
زينب:تي هيا برك...خليني ننزل نكمل العشا
انا:تو نطلب من برا
زينب:امورك...انا باش نعشي ملاك و نمشي نرقد على روحي
انا:نهون عليك ياخي
زينب:شتحب انت توا
انا:يا بنتي لبسني مريولي بردت
زينب:طلع يدك ساعة
انا:منجمش
نزلت عليا شوية...تبسمتلي ندرا كيف...و هي تغزرلي...في لحظة كبست عالجرح...غمضت عينيا بالوقت نحكي
انا:صحيتك يا فرخة...ناقصك انا
زينب:البسو وحدك ملا
جيت باش نحكي...دخلت ملاك بالوقت...غزرتلنا تحكي
ملام:ثما(شفما)
انا:ايجا ملاك...ايجا بنوتي عاون باباتك يلبس مريولو...فما شكون يحب يقتلو جملة
ملاك:لطف عليك هاني جيت
قربت مني تجري...نزلت عندها اكثر...هزيت يدي لبست مريولي حسستها لهي عاونتني...طلعت راسي لقيتها تغزرلي مصدومة...غمزتها نحكي
انا:جعت راو باش تبيتني هكا زادة
ملاك:حتى انا جعت
انا:مممم تو زينب تحضرلنا عشاتنا
ملاك:باهي انا باث ننزل نتفرج ثوية...لين يحضر العشا
انا:هاني باش ننزل معاك ايجا
هزيت روحي شديتها من يدها و تعديت عليها...تغزرلي وتغزل...تبسمت على جنب و نزلت اللوطة...ترميت عالفوتاي...شعلت لملاك تلفزة...ركزت معاها و معادش حكات...هزيت روحي شوية...مشيت للكوجينة...نغزرلها باقي طيب...قربت منها شوية...هزيت تفاحة من جنبها...تلفتت عندي...في يدها سكينة...هزيت يدي شوية نحكي
انا:اهدا شبيك
زينب:فجعتني...كيف دخلت ياخي
انا:من الباب
زينب:نعرف من الباب...اما شبيني محسيتش بيك
انا:مشكتلك
زينب؛باهي برا اقعد مع ملاك لين نكمل
انا:طرد فيا ياخي
زينب:لا اما معندكش شتعمل هوني
انا:شكون قالك
زينب:هذاكا الظاهر
قربت منها شوية...وخرت لتالي اكثر...لين ضربت في الرخامة...استندت بيدي و قربتلها اكثر...نزلت عليها شوية...دورت عينيا على وجها...غزرت لبوسة الخال لي على رقبتها...تبسمت نحكي
انا:فما برشا حاجات تخليني نبقى
زينب:و انا نحب نكمل نحط العشا...ميسالش تخليني نتعدا
وخرت شوية لتالي...تكيت عالرخامة...تلفتلي...عضيت من تفاحة نحكي
انا:كمل على راحتك
زينب:باش تبقى واقف هوني
انا:اتلهى بامورك انتي...مانيش باش نقلقك
غزرتلي ندرا كيف...مش عاجبها...تخدم وتغزل...باقي نتبع فيها بعينيا...كل مرة تقحرلي...نتبسملها...نرا في ملاك دخلت تحكي
ملاك:وينك زينوبتي جعت راني
زينب:ايجا اقعد عزيزتي
ملاك:انت تعثيت بابا
انا:لا هاني باش ناكول معاك
قربت من طاولة...طلعت عالكرسي قعدت...قعدت مقابلها...نغزرلها...اول ما كملت حطت الماكلة...غزرت لملاك تحكي
زينب:اول ما تكمل الحقني للبيت باش نبدلك دبشك
ملاك:ماكث باث تاكول
زينب:لا كليت قبيل
حطيت الشوكة من يدي...وطلعت راسي قحرتلها نحكي
انا:اقعد
زينب:انا
انا:زيييينب قتلك اقعد
منعرفش على روحي كيف صحت...حتى ملاك تهزت و تحطت من صياحي...جات باش تمشي...شديتها من يدها كبست عليها نحكي
انا:اقعد ¤¤¤ متهبلنيش في هالليلة الكلبة
جبدت يدها مني...و قربت قعدت بحذا ملاك...طلعت راسها غزرتلي...ورجعت نزلاتو...قربتلها اكثر...توكل فيها...نفخت بالقاوي نحكي
انا:حتى صحنك باش تكملو
زينب:نظن
انا:و لا شي...اللي قلتو باش يصير
ريتها كيف كبست على يدها تهدي في روحها...تكيت لتالي...و كملت ناكول...غزرت لملاك...عملتلي قريماس متاع مش هكا لازم نتصرف...رجعتلها نفس القريماس متاع الله غالب...منجمش نظبط تصرفاتي...فيسع ما نفقد صبري...خاصة وحالتها هكا...ماشية و تضعف...اول ما كملو...هزيت روحي طلعت لبيتي...ترميت عالسرير...شوية ودخلت ملاك بالبيجامة...تحكي
ملاك:مزلت فايق
انا:ايجا لهوني
قربت مني...طلعت عالسرير...قربت مني اكثر حضنتني...تحكي
ملاك:ثحيتك زعمة وثيتك انا
انا:الله غالب
ملاك:باهي باهي...مبعد نلقالك حل احثن...ارقد توا لازمك ترتاح
تبسمت على جنب...و نزلت بستها من راسها...نحكي
انا:باهي ليلتك زينة
ملاك:عيثك
بقيت نعدي في يدي على شعرها لين هزها النوم و غفات...بقيت نفكر في غزرتها لي قاعدة تلوم فيا من غير حتى كلمة...لين هزني نوم ورقدت
الحلقة 159
زياد يحكي: نغزر للجماعة و تفكيري عندها...منعرفش علاه اليوم بالظبط حاسس روحي مش بعضي...شهرين تعدات من اخر مرة جينا لهوني...شهرين منجمتش نخالط بين الخدمة و الدار...الخدمة لي وحلت في راسي..جرة برشا تحقيقات قعدت واحلة...و برشا حاجات اخرى قبل ما تتسكر القضية جملة...صحيح في تونس تسكرت...اما في المقر الرئيسي لازم كلشي بحساباتو...طاح
الليل و انا واحل مع دوسيات...اصلا دوسيات الشريكة...نخدمهم في دار...اما لي خاصين بالقضية منجمش نخدمهم وحدي...لازمني نستفسر على كلشي...منعرفش كيف كملت...نسمع في الجماعة حابين يسهرو...ستأذنت منهم ورجعت للكرهبة...نسوق بسرعة...حتى تليفوني مفكرتش نجبدو...اصلا من وقت جينا هوني ولات ياسر هادية...دوب تحكي معايا ولا تغزرلي...ماشي في بالي من الوحم منحبش نظغط عليها...حتى كي تتشهى حاجة متطلبش مني...اذا فهمت وحدي نمشي نشريها و كان مفهمتش...ترصالي نلحلح بيها باش تنطق...اما من وقت رجعت للخدمة...وليت دوب نلمحها في دار...تتعمد تبقى في بيتها...و برشا مرات نلقاها راقدة...نحاول نوفر كلشي تحتاجو و لا تتشهاه...باش كي نخرج متبقاش مقلقة...خاطر نعرف لمستحيل تطلبني...اصلا معادش نعرف كيفاه نتصرف معاها...كل مرة نقربلها تبعد اكثر...شديت الفرا بالقاوي ونزلت...دنيا باردة مش نورمال...حليت الباب ودخلت...عقدت حواجبي من الحركة لي حسيتها الفوق...تبعت الصوت لبيتها...قربت بالزربة...للحظة خفت عليها...دزيت الباب بيدي...عينيا وساعو من اللي قاعد نرا فيه...البيت مقلوبة بالكل...كلشي مكسر...حالتها داخلة بعضها...وجها احمر من البكا...متوقعتش نرا حالتها هكا...اصلا اليمات لي تعداو...نلقاها راقدة في بيتها و لا في صالة...مش مستانسة تبقى فايقة للوقت هذا...قصت عليا سرحتي كي قربت مني...دزتني بكل قوتها...تحكي و تصيح
سوار:وييينك لتوا انت وييينك...عجبك الجو برا...على هذاكا رجعت توا
شديتها من يديها زوز...كبست عليها...نحكي و نصيح
انا:سواااار قبل ما نخرج...قتلك باش نتلز نطول على خاطر الخدمة...علاه التصرفات هذوما...علاه عملت هكا
نطرت يديها مني...ووخرت لتالي...هزت صباعها في وجهي تحكي و تصيح اكثر من الاول
سوار؛تكذذذب...قاعد تكذذب عليا...مفما حتى خدمة لنص ليل...انت فديت من الوضع هذا...و فديت مني...كان تلقى مترجعش جملة
انا:منين جيب في ¤¤ الكلام هذا سوااار...وين تحب تحب توصل ¤¤¤ شتقصد بفديت منك...راني كلشي نعمل فيه على خاطرك من وقت جينا لهوني...قتلي نحب نبقى في بيت وحدي...خليتك على راحتك...قلت منحبش نمشي لطبيب...و لا نرا جنس صغير...و قلت ميسالش...كل مرة نحاول نحكي معاك...دوب ترجعلي...اما رغم هذا الكل محبيتش نظغط عليك...نقول فترة و باش تفوتها...اما كثرتلها راااك
سوار:علاااه قاعد تعمل هكااا...علاه جبتني معاك لهوني...احكي...باش تتصرف على راحتك...باش كل ليلة تخرج...وتضمن تلقاني هوني...على هذاكا بعدتني على تونس انت
انا:فاش تخرم انت ياخي...شنية ¤¤¤¤ الكلام هذا
سوار:تععبت و انا نستناك كل ليلة...تعبت منك راو...حتى كان محكيتش معاك جملة...نحبك تبدا موجود هوني معايا...من وقت جينا لهوني...كل مرة تخرج اما ولا مرة فكرت تهزني معاك...و لا مرة قتلي ايجا تخرج معايا...كل يوم و كل ليلة تخرج وحدك
انا:سوااار يزززي امانك...انت اصلا متحبش تغزرلي...وليت نخاف نقربلك...نخاف نقلقك...تي اول ما ندخل لدار تهز روحك و تقوم...كيفاه تحبني نخرجك...كيفاه نقلك ايجا معايا
تبسمت ندرا كيف...هزتني وحطتني بحقرة...تحكي
سوار:انت حاشم بيا يا زياد
انا:شنننوة
سوار:انت حاشم بيا...على هذاكا متحبش تخرجني قدام صحابك...ومتحب حتى حد يتعرف عليا...شنيية تقلهم لا راني مرتك...و لا نجم نكون...اصلا انت كل مرة تغزرلي تذكر اللي صار...عندك حق متنجمش تقلهم انا مع الطفلة لاغتصبها خويا...و حتى لي كنت نقولو بابا...شاف بدنها و شاخ بيه...انت معايا على خاطر ولدك...انت قاعد تجبر في روحك عليا يا زياد...انت مستحيل تنجم تتقبلني في حياتك...مستحيل تنجم تنسى لي صار
قربت منها شوية...جبدت من زندها كبست عليها نحكي
انا:بهلولة ياخي و لا تتبهلل عليا...كان جا حاجتي بولدي...نستناك لين تولد و ناخو منك...تعرفني نجم نعملها...امتى تفهم لانا حاجتي بيك انت...علاه متحبش تنسى...علاه تفكر كان في الحاجات الخايبة
جبدت روحها لتالي...باقي تبكي لي فدتني...و تحكي فرد وقت
سوار:علاااه انت نجمت تنسسسى...تنجم تقرب مني مرة اخرى بعد اللي صار...متنجمش كل مرة تكون معايا تذكر لي صاااار...باش تكرهني ديما كيما كرهت روحي بالظبط
انا:سواااار يزززي...يززززي لي تقول فيه مش صحيح...انت لي متحبش تفهم انو كلشي وفا...و لمهما صار انا مانيش باش نخليك...قاعدة تعبي في روحك و تعب فيا معاك...كان باش تبقى عالحالة هاذي...باش نظطرو لطبيب
بقات تغزرلي مصدومة...ضحكت باستهزاء...تحكي
سوار:تقصد لانا مجنونة
انا:سوار انا
سوار:ششش اسكت...فهمت شنية تحب توصلي
عديت يدي على وجهي...محبيتش نحكي معاها هكا...اصلا منعرفش كيفاه خرج مني الكلام...اما حالتها ماشية و تسوء اكثر...حتى الماكلة دوب تحطها في فمها و تقوم...ضعفت برشا...و كرشها بانت اكثر...تنهدت بالقاوي وقربت منها شوية نحكي
انا:سوار منقصدش لقلتو انا
سوار؛اببببعدني...ابعد
وقفت في بلاصتي متحبش نوترها اكثر...جيت باش نحكي اما حبست كيف ريت دم بين ساقيها...قلبي دق بالقاوي...قربت منها شوية...نحكي
انا:سوار شبيك
حطت يدها على كرشها...و نزلت راسها شوية...تحكي
سوار:و ولدي...زياد امانك اعمل حاجة...ولدي باش يموت
كبست على كرشها اكثر...تصيح من الوجيعة...جات باش نطيح...لقفتها بيدي...هزيتها في حملتي وخرجت من البيت نجري...حطيتها في الكرهبة وطرت بيها...حطيت يدي على كرشها نحكي
انا:اهدا سواار...اهدا عزيزتي
سوار:و ولدي باش يموت
انا:لاااا باش يكون مليح...اتحمل يا روحي
نزلت بيدي كبست على يدها...نحاول نهديها...طول الثنية و هي تتوجع...و في فمها كان كلمة ولدي...منعرفش على روحي كيفاه وصلت للكلينيك...هزيتها ودخلت بيها...ساعتين تعداو...و انا واقف بحذا الباب...نلعن في الساعة لي حكيت معاها بالطريقة هذيكا...ذكرت كلام زينب...عرفت روحي تسرعت...محقنيش نتعبها اكثر...منعرفش كيفاه تصرفت اكاكا معاها...اصلا الوحم عامل فيها...ضربت يدي عالحيط قدامي...باقي نلوم في روحي...ما ارتحتش كان وقت خرجت طبيبة و طمنتني لي زوز بخير...بقيت نحكي معاها...شديت عليها الايكو...اول ايكو لصغير...اه نقصد لبنتي...طلعت حبلة بطفلة الفرخة...باقي نضحك وحدي...منعرفش على شنوة...كبست عليه في يدي ودخلت عندها...غاطسة في نوم...يدها بالسيروم...تنهدت بالقاوي...و قربت منها نزلت بستها من راسها و كرشها...نعرف روحي غششتها برشا...و محقنيش نتصرف معاها هكا...بقيت قاعد معاها...جبدت تليفوني...عينيا وساعو كيف ريتها كلمتني اكثر من مرة...حليت لي ميساج متاعها نقرا فيهم...<<زياد وينك >>..<< باش طول برشا انت >>
<<امانك جيبلي فراز في ثنيتك...راني باش نهبل عليه...لازمني ناكلو توا توا >>..<< زياد امانك ايجا عيشك والله شاهياتو انا >> غمضت عينيا بالقاوي ورجعت حليتهم...تو فهمت حالتها...في بالها طفيتها على هذاكا جنت...اصلا مش مستانسة تطلبني...على هذاكا مفكرتش نضرب طلة على تليفون...هزيت روحي بالزربة...خرجت من البيت...مع انو دنيا برد...و مش وقتو الفراز جملة...اما نعرفها كان متاكلش منو ماهيش باش ترتاح...عديت اكثر من ساعة...لين لقيت منو...رجعت للكلينيك بالوقت...لقيتها فاقت...و طبيبة سمحتلها تخرج...خاطر حالتها مش خطيرة...قربت منها..نحكي
انا:لباس توا...شنية تحس في روحك
سوار:ا احسن...صغير كيفو
انا:لباس عليه...شرايك نرجعو لدارنا توا
هزتلي براسها ايه...قربت منها اكثر...نزلت عليها شوية وقفتها...نحيت الفاست متاعي لبستهالها نحكي
انا:دنيا برد برا
سوار:باهي
نزلت بيدي شديتها من يدها...احسن شي بقات مطاوعتني...منحبش نظغط عليها اكثر...بقيت نمشي فيها معايا لين وصلت للكرهبة...حليت الباب ركبتها...و خالطت عليها...بقات طول ثنية ساكتة...و انا زادة معنديش جرأة نقلها كلمة...منعرفش كيفاه وصلت لدار...نزلت حليتلها الباب...دخلت من غير حتى كلمة...هزيت الفراز و خالطت عليها...حطيتو عالطاولة...و قربت منها بالزربة...شديتها من كتافها اصلا تمشي بالسيف...اول ما طلعنا كبست عليها اكثر نحكي
انا:ايجا معاايا
دورت راسها غزرتلي...ورجعت تلفتت...حليت باب بيتي ودخلت قربت معاها لسرير...قعدتها...بقات تغزرلي...حليت القارد روب...خطفت اول مريول جا على يدي...و قربت قعدت بحذاها...هزيت يديا زوز نحيتلها الفاست من غير حتى كلمة...بقات تغزرلي...نزلت عينيا نغزر لربتها لي مزالت بالدم...خذيت نفس طويل...و طلعت بديا زوز حليت فلس الروبة...بقات تغزرلي...ستنيتها تبعد اما ما عملت حتى شي...قربتلها اكثر...نزلت الروبة شوية شوية...لي طاحت لتالي...اكثر من اربع شهور مريتهاش هكا...من اخر ليلة عديتها معاها في براغ...نزلت راسي شوية نغزر لكرشها...اول مرة نراها بعد ما حبلت...منعرفش كيفاه حطيت يدي عليها عديتها بالسياسة...و غزرتلها...جات عيني في عينها...باقي حمر من البكا...قرب منها اكثر...بستها من راسها نحكي
انا:سامحني منقصدش لي قلتو قبيل
هزتلي براسها ايه...جبدتها عندي اكثر حضنتها...شعرها واصل لاخر ظهرها...عديت يدي على طولو...محقنيش نغششها و هي في الحالة هاذي...جبدت روحي منها...رميت يدي هزيت مريولي...نلبسلها فيه ونغزرلها فرد وقت...توحشتها الفرخة...وقفتها ووقفت في جرتها...طاحت الروبة عالارض...نزلت المريول بيديها...هزيت الغطا شوية...نحكي
انا؛هيا لازمك ترتاح
بقات تغزرلي ندرا كيف...هزتلي براسها ايه...ودخلت للفرش...غزرتلها نحكي
انا:سوار تحب تاكول حاجة عزيزتي
سوار:لا
تلفتت لشيرة لاخرى...حاطة يدها على كرشها...بقيت نغزرلها...مستحيل نخليها وحدها خاصة توا...نزلت هزيت الروبة والفاست حطيتهم عالفوتاي...نحيت سوريتي طيشتها معاهم...بدلت دبشي...و قربت منها...هزيت الغطا...ودخلت معاه...حضنتها من تالي...حسيت بيها كيف رعشت بين يديا...هزيت يدي حطيتها على يدها لي فوق كرشها...نشم في ريحة شعرها...خدرتني اصل...تنهدت نحكي
انا:سامحني يا روحي...سامحني منقصدش نغشش مرتي وبنتي...منعرفش كيفاه حكيت معاك اكاكا
حسيت بقلبها لي يدق بالقاوي...تلفتت عندي شوية...حطت راسها على يدي...تغزرلي في عينيا و تحكي
سوار:ش شتقصد ببنتي
تبسم و انا نغزرلها...احسن شي لي تراص لي كانو عليها براو...باقي تغزرلي مستغربة...عديت يدي على كرشها نحكي
انا:هوني عندنا بنوتة
سوار:تقصد بكلامك لانا حبلة بطفلة
انا:مممم كيفك
سوار:وين عرفت انت
انا:في كلينيك قبيل
هزت يديها زوز...حطتهم على كرشها...و غزرتلي تحكي
سوار:بالحق
انا:مممم...شبيك مفرحتش
سوار:هأة فرحت
انا:يا روحي انتي
نزلت عليها بستها من خدها...باقي تعدي في يديها على كرشها و تتبسم...هزيت يدي رجعتلها شعرها لتالي...باقي نثبت فيها...ضعفت برشا...رغم لي عملتو الكل...اما حسيت روحي بالحق هملتها...محقنيش نخليها على راحتها هكا...في بالي وحمها جا عليا...على هذاكا محبيتش نتعبها...اما كلامها متاع قبيل خلاني نحس انو الحكاية اكبر ببرشا من الوحم...تنهدت نحكي
انا:سواار
طلعت راسها غزرتلي ندرا كيف...نعرف لي مخها توا في صغير مش فيا...تبسمت نحكي
انا:شي...نحبك ديما فرحانة هكا باهي
نزلت راسها...باقي ساكتة...هزت روحها شوية تقعدت...قعدت في جرتها...تفرك في يديها و تحكي
سوار:ب باش تهزني عند طبيب كيما قلت قبيل
تنهدت بالقاوي...فهمت وين مشى تفكيرها...هزيت يديا زوز حطيتهم على كتافها جبدتها...تكيتها عندي...حطيت يديا زوز على كرشها...نحكي
انا:قتلك منقصدش لي قلتو...انا كهو خفت عليك...خفت كان نخسرك بالحق...مستحيل نخلي حد يقربلك...انا باش نداويك
سوار:انت جرحتني برشااا يا زياد
كبست عليها اكثر...عرفتها تبكي...نزلت بستها من راسها نحكي
انا:و انا باش نداوي حبي
سوار:ع علاه ديما طول...علاه تبقى لنص ليل...علاه معادش تحبني كيما قبل...بديت تفد مني انت
غمضت عينيا بالقاوي...ورجعت حليتهم...طلعت بيديا لزنودها...دورتها عندي شوية...نغزر لوجها...لدموعها لي باقي نازلة...هزيت يدي نمسح فيهم بصوابعي و نحكي فرد وقت
انا:ششش شنية الكلام هذا...فما حد يفد من روحو
سوار:علاه ملا ؟
انا:خدمة وراس حبي خدمة...قاعد نعمل في جهدي باش نكملها...تحقيقات لتوا متواصلة...ملازم تبقى حتى ثغرة صغيرة...حتى كيف طلبو مني نكمل نسهر معاهم منجمتش...نستنى في الوقت يوفا باش نجيك...صحيح كملت مهمتي...اما عندي التزامات اخرى...لازم كل قضية تتسكر وحدها...وراسك نحاول نكمل في اقرب وقت...باش نتلهى بيك اكثر...عالاقل كيف توفا فترة الوحم و ترجع تتحملني شوية
سوار:ا انا مانيش مريضة...اما خبيت عليك شي
انا:شنوة
سوار:ماكش باش تتغشش مني كان نخبرك...و ماكش باش تقوم و تخليني زادة
عقدت حواجبي مستغرب هزيتلها براسي ايه...تنهدت تحكي
سوار:ا اخر نهار في الكلينيك جات عندي منى
انا:شننننوة و انا وين كنت
سوار:م مشيت تكمل الاجراءات متاع الخروج...ن نهارتها حاولت تقتلني
جبدتها من عندي بالوقت نغزرلها مبهم...قلبي نحس فيه باش يخرج من بقعتو...خذيت نفس نحكي
انا:سواااررر توا باش تقولي ¤¤¤¤ الكلام هذا...تحب تهبل ¤¤¤ شبيك ياخي
نزلت راسها بالوقت...عديت يدي على وجهي...نهدي في روحي...منحبش نرعبها اكثر...تنهدت نحكي
انا:كمل كمل
سوار:ق قاتلي كيفاه تنجم تعيش بعد اللي صارلك...كيفاه حبلة منو...و خوه ا اغتصبك...و اللي رباه خذا بايو مني
شهقت عالكلمة تالية...بقيت نغزرلها...هزت يديها مسحت دموعها و كملت تحكي
سوار:قاتلي باش تعيش كيما امي...باش تعدي حياتك تستنى فيه لين يجي...اما ماهوش باش يجي...و باش تتلز تبقى معاه على خاطر صغير كهو...خاطر ماكش باش تقبل بيا...و باش تخليني كيما خليتني نهارت العرس
تحكي وتبكي...مزلت مصدوم من اللي نسمع فيه...متوقعتش منى باش توصل ليها...خاصة في حالتها توا...تنجم تتقبل هذا الكل...توا برك...فهمت تصرفاتها في شهرين لي فاتو...فهمت البرود متاعها و علاه كانت تجنبني...طلع مش من الوحم...و انا كملت عليها...كيف خليتها على راحتها...باقي نغزرلها و هي ترعش...للحظة خفت كان يصرالها نزيف مرة اخرى...قربت منها اكثر...حطيت يدي على ظهرها جبدتها عندي...حضنتها نحكي
انا:ششش يزززي...اسكت يا روحي...اسكت يا بهلولة...لي يجي تاخو بكلامو انتي...ياخي نورمال انا نسمح فيك...نورمال نخليك...كان نموت مانيش باش نسلم فيك...راك صغرونتي...اللي يهمني انا انت...كيفاه نسلم فيك جراير لي صار...ياخي نجم نحملها فيك...نجم نتحمل دموعك و خوفك...انا جبتك لهوني باش تتفرهد و تعيش مرتاحة...علاه عملت في روحك هكا و خبيت عليا
جبدت روحها مني شوية...غزرتلي ندرا كيف تحكي
سوار:ب باش تبقى تحبني كيما الاول
انا:مممم كيفاه كنت نحبك انا
سوار:منعرفش
انا:مممم وليت نحبك اكثر بشوية
سوار:كيفاه هكا
انا:شوية هذيكا لبنوتي لي قي ثنية
سوار:صااار معناها تحبني اكثر من منها
انا:بالطبيعة
سوار:انت اكثر من مرة كنت تقول ندمت لي حبيتني
رجعت حضنتها...كبست عليها بالقاوي...نحكي
انا:مممم و مزلت نادم...خاطرني منجمش نتنفس من غيرك...منجمش نعيش و انت بعيدة عليا...مش نحبك و كهو...راني نعشق والديك...هبلتني ومعادش نعرف كيفاه نعمل
سوار:حتى انا مزلت نحبك شوية
انا:ههههههه صار و الباقي وين راح
سوار:منعرفش
انا:مزية كي جات هكا...يا بنتي وليت نخاف نتعدا من قدامك في بالي الوحم كرهك فيا
سوار:هأة كنت نبوسك بالسرقة كي تكون راقد
ضيقت حواجبي مستغرب...و لا مرة حسيت بيها...تعلمت الفرخة...باقي نضحك و نحكي
انا:هههههههه صار يطلع منك
سوار:شنعمل شتهيتهم
انا:كنت تطلبهم مني...نرضيك و نرضي بنتي على قاعدة
سوار:يزززي احشم...انا جعت
انا:مش قبيل قلت ما تحب شي
سوار:ممم من صباح ما كليت شي انا
عقدت حواجبي...وجبدتها من عندي نغزرلها...قحرتلها نحكي
انا:مش وصيتك قبل ما نمشي
سوار:باش تبدا تحاسب فيا ياخي
انا:لااا...هاني باش ننزل نحضرلك حاجة
سوار:نجي معاك
انا:لازمك ترتاح عزيزتي...هوكا طبيبة من بكري توصي فيا
سوار:ماهوش باش يصير شي...جيست نقعد معاه لوطة...فديت هاني كل يوم وحدي
هزيتلها براسي ايه...منحبش نغششها...جبدت روحي منها وقفت...وقفت في جرتي...بقيت نهز فيها و نحط...شايخ عليها...فرحان مش نورمال...غزرتلي تحكي
سوار:البس مريولك...تو تاخو برد
قربت منها اكثر...باقي تغزرلي مصدومة...نزلت هزيتها في حملتي نحكي
انا:الدار دافية..و انت هاك معايا زادة
سوار:زايد متحشمش على روحك
انا:لا انت مخك منحرف برشا...مقصدت حتى شي
سوار:نزلني...نمشي وحدي..نز
قصيت عليها كيف بستها...بوسة خفيفة...سكتت بالوقت...كبست عليها اكثر و نزلت اللوطة...اول ما دخلت للكوجينة...حطيتها عالارض...وجبدت الكرسي نحكي
انا:اقعد ارتاح
قربت قعدت عليه...مدت ساقيها للقدام...اكا كرشها ظاهرة من المريول...ضيقت عينيا نحكي
انا:شتحب تاكول
سوار:عجة حارة...حارة برشا
انا:مستحيل...متنساش لي مزلت مريضة و الحار باش يضرك
سوار:افففف باهي معادش نحب
انا:سوااار يزي و قولي شنية تحب
سوار:نحب معكرونة و سلاطة
انا:باهي
خليتها في بلاصتها...و جبدت المعكرونة نحضر فيها و في صوص...اول ما جبدت السلاطة و الطماطم...حسيت بيها كي قربت مني تحكي
سوار:مممم مزال
انا:اصبر شوية
سوار:ياسر جيعانة انا...معادش نجم نصبر
قصيت طماطم...هزيت شوية منها...قربتهالها...حطيتها في فمها...سكرت عينيها...تاكول و تحكي
سوار:مممم مبنها...شخص نحطلها شوية سكر
انا:شننننننوة
سوار:شبيك...اشتهيتها هكا انا
انا:لا انت سااايي معادش فيك
عوجت فمها وهي تغزرلي...هزيت يدي جبدتها قدامي...حطت يديها عالرخامة...نزلت شوية نشم في ريحة شعرها...نزلت بيدي حطيتها على كرشها...توحشت قربها مني لهدرجة...طلعت راسي...نغزرلها تاكول في طماطم لي قصيتها...و مش على بالها شي...شدني ضحك...انا وين وهي وين...دورتها عندي شوية باقي فمها معبي...قرصتها من خشمها نحكي
انا:برا اقعد يا فرخة...لين نكمل
هزتلي براسها لا...و تلفت عطاتني بظهرها...باقي تاكول في طماطم اكاكا...قربتلها اكثر...لين معادش فما بينا مسافة...كملت نقص السلاطة...نسمع فيها تحكي
سوار:وين المعكرونة
تبسمت على جنب...و جبدت روحي منها...نحكي
انا:برا شد بلاصتك تو نحطلك تاكول
هزتلي براسها ايه...و مشات لطاولة...قعدت تغزرلي...تستنى فيا نحطلها...حطيت الصحون الكل قدامها...غزرتلي ندرا كيف...ضيقت عينيا نحكي
انا:تحب حاجة اخرى
سوار:امان حطلي شوية سكر في طماطم
انا:سوااار نورمال ياخي تحب تاكول سلاطة بسكر
سوار:امانك...عيشك...امااان والله بنين برشا
رصاتلي حطيتلها شوية منو...تاكول و تتبنن فيه...منعرفش شبيها...مركزتش مع المعكرونة قد السلاطة...تذكرت الفراز لي خليتو عالطاولة...خرجت جبتو بالزربة ورجعت...غسلتو و حطيتو قدامها...عينيها وساعو تحكي
سوار:يااااا امتى جبتو هذا
انا:من قبيل
سوار:باهي هات حبكة الشكولاطة
مشيت جبتها على سعدي...و حطيتها قدامها...عوجت فمها تحكي
سوار:هأة نحب ناكلهم في البيت انا
انا:باهي يا لالة هيا برك
هزت صحن الفراز...هزيت الحبكة في يدي و خالطت عليها...قعدت عالسرير...و عملتلي بيدها باش نعطيها الحبكة...حطيتها في يدها...تقريبا كملت الصحن الكل...و كل حبة تغطسها في شكولاطة...تبسمت و انا نغزرلها...حطتهم عالتابل دونوي...و مسحت يديها بلانجات...غزرتلي تحكي
سوار:شبيك واقف انت
انا:حمد الله ذكرت لراني معاك
سوار:نجم نرقد عندك ليلة انا
انا:مثبتة تحب عليا
سوار:مممم ايجا
هزت يديها زوز...تبسمت عالفازة...قربت منها ترميت عالسرير...قربتلي اكثر حضنتني تحكي
سوار:محلاها ريحتك
بقيت نعدي في يدي على شعرها...نتحسس في قربها...نزلت راسي شوية لقيتها غفات...نزلت بيدي لكرشها...تبسمت كيف ريتها مكبشة بيدها على جنبي...و غاطسة في نوم...نزلت بستها من راسها...و تكيت راسي لتالي...منعرفش كيف هزني نوم...و كانت اول ليلة من وقت جيت لهوني...نرقد مرتاح لهدرجة...مرتاح خاطرها معايا و بين يديا
حلقة 160
ادم يحكي: طيشت المفاتح عالطاولة...نغزر لملاك حطت كبوطها عالفوتاي...وطلعت تجري لبيتها...شهرين تعدات فيسع...اليوم اخر كنترول عملتو على كتفي...حتى امور الشريكة تحلت الكل...نحيت الفاست حطيتها عالفوتاي...و مشيت
للكوجينة...اما حبست كيف سمعتها تحكي في تليفون...عقدت حواجبي مستغرب...من كلامها فهمت لي هي تحكي على مقابلة عمل...ركبني العصب اكثر...معناها من شهرين...مزالت عند رايها...برغم لي حاولت نفهمها اكثر من مرة علاه حكيت معاها اكاكا...اصلا شغل الدار الكل تخدمو هي...محبيتش نحكي معاها في الموضوع خاطر باش تعاود نفس الكلام متاع كل مرة...خذيت نفس ودخلت...لقيتها قاعدة عالطاولة...فاتحة الجريدة...و تحكي في تليفون...عرفت لي خذات رقم من غديكا...قربت منها بلا ما تحس...نسمع فيها تحكي
زينب:اه باهي عيشك...و امتى نجم نجي
خطفت تليفون من يدها...تلفتت عندي مفجوعة...قحرتلها...و سكرت تليفون...نطرت من بلاصتها تحكي
زينب:علاااه عملت هكا
انا:خاطر ماكش باش تخدم
زينب:شننننوة...و شمدخلك انت في الحكاية
انا:زيننننننب سكر ¤¤ فمك...مكانش باش نهدهولك
زينب؛بربي شنية تستخايل في روحك انت...اموري و انا حرة فيها...و مش بعد ما جاتني الفرصة...انت باش تمنعني
قربت منها شوية خطفتها من زندها قربتها عندي اكثر...قحرتلها نحكي
انا:مش قتلك تنسى ¤¤¤¤ الخدمة هاذي جملة...مش قتلك سكر عالموضوع...و لا انت ناوية تهبلي ¤¤¤
زينب:سيييبني...تي سيييبني ادم...انت لي لازمك تفهم انو انا مستحيل نتراجع على قراري
انا:قرااار شنوة ¤¤¤ قرار شنوة لي تحكي عليه...اغزرلي هوني زينب...هاك تعرفني بالقدا...و تعرف كي نحط حاجة في مخي مانيش مسيبها...و انت نفس الشي...متخلينيش نتصرف معاك هكا امانك...خاطر منحبش نضرك
جبدت يدها مني...تعدي في صوابعها على زندها...عرفت روحي وجعتها...عديت يدي على وجهي بعصب...نسمع فيها تحكي
زينب:اعمل لي تحب عليه معادش يهمني...اصلا يمات و نمشي من هوني
عقدت حواجبي مستغرب...جيت باش نحكي...قص عليا صوت ميساج في تليفونها...هزيت يدي حليتو...عينيا وساعو كيف ريتو من عند اسماعيل...و اكثر من هكا...اللي مكتوب فيه...<< زينب...فما دار كيما تحب عليها بالظبط...و الكرا بالتقسيط...كان تحب تراها كلمني مبعد >> قريتو اكثر من مرة...نعرف لمفماش دار هكا...و نعرف لهو باش يعاونها في الحكاية...نسمع فيها تحكي
زينب:شفما
مرجعتلهاش...باقي نقرا في لي ميساج لاخرين...مرات يسأل عليها و على ملاك...ساعات يفدلكو مع بعض...نقرا و مش مستوعب في شهرين لحقو باش يولو صحاب...صحيح مفما حتى كلام زايد بينهم...اما منجمتش نظبط اعصابي اكثر...قربت منها...هزيت تليفون في وجها نحكي
انا:شنننوة هذا ؟
زينب:شنوة ؟
انا:من امتى تحكي مع ¤¤¤¤¤¤ هذا
زينب:شكون ؟
انا:تتبهلل عليا ¤¤¤ تعرف على شكون نحكي
زينب:ا اموري...نحكي مع شكون نحب
انا:صاااار...وصلنا لهوني يا زينب
زينب:رجعلي تليفوني س سي ادم
كبست عالتليفون في يدي...طيشتو على طول يدي...لين ولى كل قطعة في بلاصة...تبسمت على جنب نحكي
انا:هوكا وريني كيفاه باش تكلمو توا
غزرتلي ندرا كيف...دموعها نزلو بالوقت...هزت يدها تمسح فيهم...و نزلت تلم في تليفون...منعرفش علاه عصبتني اكثر...من عند ربي خلاقي طالعة من الميساج متاعو...قربت منها اكثر...نزلت عليها...حطيت يدي على شعرها كبست عليها...ووقفتها...دورتها عندي غزرتلي مروهجة...حطت يديها زوز...على يدي تحبني نحي يدي...دوب تنجم تحكي
زينب؛ا ادم امانك توجع فيا راك سيبني
كبست عليها اكثر...قربتها عندي...نزلت عليها شوية...حسيت بالنفس متاعها على وجهي...نغزر لدموعها ماشية و تقوى...قربتها ليا اكثر نحكي
انا:والله يا زينب...والله كان سمعتك و لا ريتك حكيت معاه...و لا حتى قابلتو...ما تلوم كان روحك...مجربنيش خاطرني باش نضرك...والله نقتلك...اعتبرو اول و اخر انذار من عندي...متلعبش معايا...و ساقك تتحط برا دار الا ما نقصها...و ماكش خارجة من هوني كان على جثتي...مفهوم كلامي
هزتلي براسها ايه...باقي كابسة على يدي بيديها زوز...رخفتها شوية شوية على شعرها...توا برك استوعبت...لي قاعد نعمل فيها...تنهدت بالقاوي نحكي
انا:برا لبيتك
بقات جامدة في بلاصتها...تغزرلي...دموعها وتروني اكثر...لين وليت نصيح
انا:زيننننب قتلك اطلع لبيتك
زينب:نكرههههك ادم...نكرهههك فهمت
رمات كلامها...وخرجت من الكوجينة تجري...كبست على يدي اكثر...و ضربتها عالحيط قدامي منعرفش علاه تصرفت معاها اكثر...اما معادش نجم نظبط روحي اكثر...شهرين و هي مكبشة في نفس الكلام...و اللي كمل عليا...انها تحكي مع الساقط طول المدة هاذي...و تطلب فيه يعاونها تلوج على دار زادة...معناها حطت كلشي على جنب...و تجري ورا ¤¤¤¤¤ هذاكا...خذيت نفس ورجعت لصالة...هزيت مفاتحي و الفاست و خرجت...مشيت لاول بار جا في طريقي...منعرفش كيفاه لقيت روحي غديكا...اما اكثر بلاصة نجم نرتاح فيها توا...شديت طاولة مطرفة...نشرب و نغزر للعباد...شريط حياتي تعدا بين عينيا...كان باش نخسر زينب المرة هاذي...وقتها بالحق...نعرف انو الدنيا وكلتني كف للمرة الثانية...نعرف كان نخسر زينب باش نخسر معاها ملاك زادة...و نخسر برشا حاجات...اولها قلبي لي بدا يدق من جديد...اول مرة بعد سنين نجمت نتقبل اني نحب من جديد...و اول مرة زادة...نحس لانا باش نخسر زينب...فقت من سرحتي كيف قعدت قدامي وحدة...حطت ساق على ساق...تغزرلي ندرا كيف...تبسمت على جنب...باقية تقرب مني...رميت فلوس عالطاولة...هزيت مفاتحي...و عطيتها بظهري...اكا لي ناقصني توا...رجعت للكرهبة نضحك...منعرفش اصلا كيفاه مغزرتش فيها...و لا فوق هذا الكل ناقصني مشكلة مع طفلة اخرى...هزيت الكرهبة ورجعت لدار...لقيتها الكل ظلمة...عرفتهم زوز الفوق...خذيت نفس وطلعت...مشيت لبيت ملاك اول شي...تبسمت كيف ريتها راقدة على كرشها...غطاها عالارض...قربت منها شوية...عدلتها في فرشها...و غطيتها...قعدت على طرف السرير...نغزر للورقة...لي محضنتها...جبدتها من عندها شوية...حليتها نغزر للرسمة...بقيت نثبت فيها...كيف راسمتني انا و زينب و هي بيناتنا...تبسمت بلا ما نحس...هزيت يدي...نعدي فيها على شعرها...هي بنتي انا وكهو...مانيش باش نسلم فيها طول ما انا عايش...نزلت بستها من راسها...و هزيت روحي خرجت...منعرفش كيفاه وصلت لبيتها...كبست عالبواني و حليت الباب...البيت مظلمة...كان ضو الفيوز شاعل بحذاها...سكرت الباب ودخلت...نحيت الفاست حطيتها عالفوتاي...و قربت منها...قعدت على طرف السرير...نغزر لشعرها لي مفروت عالمخدة...لابسة كان خلعة بروتال...اول مرة نراها هكا...هزيت يدي بالسيف...حطيتها على شعرها...بعدت شوية...عرفتها مزالت فايقة...غمضت عينيا بالقاوي ورجعت حليتهم...قربت منها اكثر...دورت يدي على كرشها...جبدتها عندي...نزلت بستها من راسها...نحكي
انا:قتلك من الاول باش تظطر تتعذب معايا ووافقتني...قتلك لحياتي متناقضة و حبيت تبقى معايا...قتلك راك باش تتعب معايا خاطرني حتى انا مش فاهم روحي...قتلك هذا الكل من قبل يا زينب...اما حبيت تبقى معايا...في بالي حتى بعد لي قلتو...باش تحاول تسامحني...خاطرني منعرفش علاه تصرفت اكاكا...صدقني خفت نظلمك معايا...خفت نوجعك اكثر من هكا...خفت نوصلو لهوني ووصلنا...كان تحب تمشي زينب مانيش باش نمنعك...اما زادة مانيش باش نسلم فيك...خاطرني لي نحس فيه معاك اقوى من اني نخليك تمشي
بقات ساكتة من غير حتى كلمة...كبست عليها اكثر...كيف حسيت بدموعها نازلة...دورتها عندي...حطت راسها على صدري...رجعت شعرها لتالي...باقي مغمضة عينيها...متحبش تغزرلي...دموعها نزلو اكثر...نزلت بصوابعي لخدودها...نمسح فيهم...منعرفش كيفاه نجمت نعمل فيها هكا...اصلا ساعات نحسها كيما ملاك بالظبط...ياسر صغيرة على لي قاعد يصير فيها...نزلت بعينيا لزندها...لتوا تراص صوابعي عليه...تنهدت نحكي
انا:سااامحني زينب...سامحني منقصدش لي عملتو...اما ساعات منجمش نتحكم في روحي...و انت ما لقيت كان اكا ¤¤¤¤¤ تحكي معاه...و زيد يعاون في ¤¤¤ باش تلقى دار
هزت روحها شوية...غزرتلي...مسحت دموعها تحكي
زينب:ا انت قتلي باش ن نساندك في كل حاجة تعملها...قتلي باش تحب من جديد و انا باش ناقف معاك...انت لي قتلي ثنية متاعنا مسكرة...ملا علاه قاعد تعمل فيا هكا...علاه تقرب و تبعد وقت ما تحب...في بالك ساهلة اللي قاعد تعمل فيه...في بالك لانا باش نتحمل هذا الكل...فوق كلشي عشتو باش نتحمل وجيعة اخرى...انت وجعتني برشا ادم...علاه هذاكا خليني نمشي من هوني امانك
انا:و ملاك ؟
زينب؛نلقى حل اكيد...كان لزم نجي كل يوم نراها و نمشي
تبسمت على جنب و انا نغزرلها...خشمها احمر...بروتال الخلعة طايح...مستندة بيديها عالفرش...تغزرلي و تحكي...نعرف لماهيش باش تفهم كلامي جملة...باقي تستنى فيا نحكي...قربتلها شوية...حطيت يديا زوز على جنابها كبست عليها...وجبدتها عندي بالقاوي...طاح شطرها في حملتي...حطت يديها زوز على صدري تبعد فيا و تحكي
زينب؛سييبني فاش تعمل
بستها بوسة خفيفة من شفافها...بقات تغزرلي مصدومة تبسمت نحكي
انا؛ششش اركح
زينب:ا ادم
انا:مممم
زينب:سيبني امانك
انا:لا مانيش باش نسيبك...انت من اليوم وليت متاعي
زينب:ش شتقصد
انا:نعرف روحي غلطت برشا...اما زادة ندمت برشا...انت ماكش باش تخليني ومجبورة تبقى معايا...بالسياسة بالغصب باش تبقى...و باش تحبني و تخليني نحبك زادة...و الساقط هذاكا تنساه جملة...مكانش ترا شنعمل فيك...و مجربنيش و لا تلعب ورايا...كل خطوة تعملها اعرف لانا وراك...و كلامي متاع صباح مانيش باش ننسحب عليه...الخدمة و الدار تنساهم جملة...تحب تخدم هوكا الشريكة طويلة عريضة قدامك...و كان تحب تخدم معايا فرد بيرو شرايك
ضيقت عينيها مصدومة من كلامي...هزت يدها ضربتني على كتفي...تحكي
زينب:زايد متحشمش...و ديجا نورمال انت قاعد تهدد فيا...و انت اكثر حد تعرف قداشني نخاف منهم تصرفات هذوما
جبدتها عندي من يدها لي دز فيا بيها...نغزر لشفافها و نحكي فرد وقت
انا:متخافش مانيش باش نضرك...باش نعاقبك بحاجات احلى
زينب:ش شتقصد...شنو
قصيت عليها كيف نزلت على شفافها...حتى هوما شهرين...و بعد اللي صار اليوم...منجمش نشد روحي اكثر...باقي دز فيا...كبست على يديها زوز...و جبدت روحي منها...نحكي
انا:هذا الللي نقصدو...انت باش تبقى متاعي انا كهو...و انت تعرف شنجم نعمل
زينب:ب باقي تهدد ياخي
انا:المهم انت فهمت...و لازمك تفهم زادة لي ماكنش قصدي نحكي اكاكا اخر مرة...خاطرني لتوا مش مصدق لي بابا ينجم يعمل فيا اكاكا...رغم كلشي فيه متوقعتش يخليهم ي يغتصبو مرتي و هي حبلة...و فوق هذا الكل قتلها...لتوا نلوم في روحي...كان بعدتها في الوقت مكانش باش يصير فيها هذا الكل...ماكش باش تنجم تتوقع الوجيعة لي عشتها ساعتها...و انا نرا فيها تموت قدامي...نسمع فيها ومنجمش نتصرف...عشت وجيعة تهد جبال...متوقعتش اني نجم نعيش بعدها...ملاك رجعتلي حاجة خسرتها من سنين...ملاك باش تكون بنتي لاخر نهار في عمري...و انت زينب ماكش باش تخليني...مجبورة تعطيني يدك وتخرجني من هذا الكل...معندكش حل اخر...نحب نرجع ادم لي كنت عليه...نحب نعيش على خاطر لي نحبهم وكهو
بقات تغزرلي ندرا كيف غمضت عينيا بالقاوي ورجعت حليتهم...منحبش نحكي وجيعتي لحد...اما في لحظة لقيت روحي نحكي بلا ما نحس...بعدتها عليا و جيت باش نقوم...منحبش نظغط عليها اكثر من هكا...حبستني كيف كبست على يدي...قربت مني بلا ما تحكي كلمة...حطت راسها على صدري...ودورت يدها عليا تحكي
زينب؛متمشيش ادم...متخلينيش الليلة هاذي زادة وحدي...مانيش باش نسامحك...اما زادة مانيش باش نخليك...حتى انت نحبك تفهمني...مش ساهل عليا نبقى بعد اللي قلتو...و مش ساهل اني ننسى...تحب تبقى معايا اثبتلي...مش بالتهديد...و لا باللي عملتو صباح...متوجعنيش اكثر ادم...مانيش قوية لهدرجة...انا زادة عانيت برشا وتعذبت برشا...متحقرنيش كيفهم عيشك...خاطرني بالحق وقتها معادش باش نخليك ترا وجهي جملة
كبست عليها بيدي...من كلامها عرفت قداشني ظلمتها...ووجعتها...منعرفش اصلا كيفاه عملت معاها اكاكا...نزلت بستها من خدها...باقي نعدي في يدي على شعرها و نحكي فرد وقت
انا:متخافش مني زينب...مانيش باش نوجعك...ولا نضرك...انت في مقام ملاك...صغرونتي و روحي...لي يمسك يمسني...اما هاني باش نبهك...الساقط هذاكا اخر مرة تحكي معاه
زينب:اسمو اسماعيل
انا:زييينب...متبدانيش من توا عيشك
زينب:باهي اصلا انا الغالطة لي قاعدة نحكي معاك
انا:صااار
زينب:ششش يزي...نحب نرقد انا...باش نفيق مع ملاك صباح...تعرفها تفيق بكري
انا:مممم باهي حتى انا راسي رزين
زينب:من اكا الهم لي شربتو
انا:هاك ما تفوت شي
زينب:انشاء الله يكون هكا
تبسمت على جنب...فهمتها شتقصد...والله كان عملت خطوة مع طفلة متاع قبيل...ترصالي برا دار جملة...لزيتها ليا اكثر...نعدي في يدي على شعرها...لين رقدت...و غفيت انا وراها
الحلقة 161
سوار تحكي: حليت عينيا شوية...لقيت روحي في بيتو كي العادة..نذكر لي غفيت في الصالة...منعرفش كيفاه وصلت هوني...اصلا ديما بعد ما ناكول...نحب نرقد...بقيت شوية في الفرش...نذكر في اليمات لي تعداو بعد اخر مرة حكينا فيها...تقريب شهر...حسيتو قربلي اكثر من الاول...حتى معادش يسهر جملة...نهار الكل
يجري ورا شهاويا...اول مرة بعد اللي صار نجم نتعامل معاه بلا خوف...حتى ساعات كي يبدلي دبشي منجبدش روحي منو بالعكس...ساعات نحس روحي كيف بنتو بالظبط...حتى كيف يتغشش يرضيني بالوقت...كأني قاعدة نحب فيه من جديد...تبسمت وحدي...و انا نذكر كيفاه يبدا حاير في شهاويا خاصة متاع نص الليل...ملا كان يعرف شنية شاهية توا...ضحكت و انا نستخايل في روحي نخبر فيه...اصلا مستغربة علاه مجاش رقد لتوا...هزيت روحي شوية نزلت من الفرش...جات عيني عالمرايا...في شهر هذا حسيت روحي تحسنت برشا...ورجعت سمنت شوية...حطيت يدي على كرشي لي خرجت...تبسمت وحدي...مش مصدقة لي عندي بنوتة هوني...زعمة باش جي كيفي...و لا باش تشبه زياد...نغزر لروحي ومش مصدقة...متوقعتش باش نحبل مرة اخرى...و لا باش نعيش هذا الكل مع زياد...كلشي صار كان حلمة خايبة...انا قاعدة نعيش من جديد...و نحب من جديد زادة...زياد متاعي انا...و حتى حد ما ينجم يبعدني عليه...هو معايا خاطر يحبني انا...يحبني اكثر من بنتو لي جاية في ثنية...هوكا بديت نغير من توا...خاطر نعرف باش تاخو بايها معايا...ميسالش حتى هي متاعي انا زادة...خذيت نفس...ريقلت شعري بالقدا...و نزلت المريول شوية...حتى دبشو متاعي...ضحكت وحدي...نحب نحضنو كهو و نقولو شنية لي نحب ناكلو توا...تنهدت بالقاوي...وخرجت من البيت كنت باش ننزل...اما حبست كي ريت الضو متاع بيروه شاعل...عرفتو لي غاطس في الخدمة...حتى بيروه خلاه قريب للبيت على خاطري...اصلا الدار هاذي ياسر حلوة...خاصة اللوطة...متوقعتش لهو باش يختار دار هكا...كيف قال باش نعيشو في ايطاليا...قلت باش نمشو لدار لي جيناها اول مرة...دار على قدنا...اما هو اختارها اكبر ببرشا...و بالظبط ارتحت برشا هوني...و ارتحت اكثر كي رجعت معاه كيما الاول واكثر...قربت بالشوية من بيروه...حطيت يدي عالبواني كبست عليه... حليت الباب بالشوية...طلعت راسي نغزرلو...غاطس في الورق...محلاه السخطة...اول مرة يوحل في الخدمة هكا..بقيت نغزرلو...شعرو داخل بعضو شوية...لابس مريول نص...طلع راسو شوية يغزرلي...جات عيني على الضربة هذيكا...قلبي دق بالوقت...منعرفش شبيه ولى مزيان هكا...خاصة شفافو...تكا لتالي...هزني وحطني بعينيه...يحكي
زياد:شبيك واقفة غديكا
نزلت يدي من البواني...منعرفش كيفاه باش نطلب منو توا...باقي نغزرلو من غير حتى كلمة...مدلي يدو يحكي
زياد:ايجا عندي
بقيت واقفة مترددة...منحبش نقرب منو...منحبش الافكار اللي في مخي تسيطر عليا توا...نعرف لمش وقتو جملة...حطيت يدي على كرشي...نحكي مع بنتي << يزززي عيش بنتي يزي بلا فضايح توا>> نحكي من غير ما نخرج صوت...طلعت عينيا غزرتلو...هزلي براسو باش نقرب منو...خذيت نفس و مشيت عندو ورا بيروه...حطيت يدي في يدو...كبس عليا يحكي
زياد:شبيك توجع فيك حاجة
انا:هأة
زياد:شاهية حاجة
هزيتلو براسي ايه...تبسم على جنب...عرفتو شايخ عليا...جبدت يدي منو نحكي
انا:مش لازم
جيت باش نمشي...رجع جبدني عندو...وخر بالكرسي شوية لتالي...و قعدني في حملتو...حط يدو على كرشي يعدي فيها...و يحكي في وذني
زياد:شنية شاهية بنوتي نجيبلها
تلفت عندو شوية...باقي يضحك...عوجت فمي نحكي
انا:انا مش هي
زياد:ههههههه باهي شنية تحب مريتي
تكيت عليه شوية...نفرك في يديا...منعرفش كيفاه باش نقولو...خاصة توا...دنيا برد و المطر يصب...عدا يدو على جنابي...يحكي
زياد:نسمع فيك
طلعت راسي غزرتلو في عينيه...تنهدت بالقاوي نحكي
انا:د دلاع
زياد؛شننننوة...توا وقتو هذا
نزلت راسي بالوقت...نعرف مش وقتو جملة...اما شتهيتو وكهو...بقيت ساكتة...هز يدو...يعدي في صوابعو على خدودي و يحكي
زياد:متحبش شي اخر
هزيتلو براسي لا...قرب مني اكثر...باسني من خدي يحكي
زياد:هيا قوم ملا...خليني نمشي نفركس عليه من توا
انا:نحب نجي معاك
زياد:توااا مستحيل نخليك تخرج...مش ناقصة تمرض...اتو صباح نخرجك تمشي كي العادة
انا:خليك معايا ملا
زياد:و دلاع ؟
يسأل فيا مبهم...خاطر يعرف كان ميجيبوش نجن عليه...قربت منو اكثر...هزيت يدي...نعدي في صوابعي تحت عينو...نحكي
انا:شاهية حاجة اخرى انا
زياد:شنووة زادة
انا:انت
زياد:شننوة...سوار لباس ماهو
قربت منو اكثر...حطيت خشمي على خشمي...كبست بيدي على رقبتو نحكي
انا:مممم توا...و ديما...شبيك متحبش تحس بيا
هز يدو بالسيف...حطها على جنابي...يحاول يبعدني و يحكي فرد وقت
زياد:سوار يزي عيش حبي
طلعت راسي شوية...غزرتلو في عينيه...كبست على رقبتو اكثر نحكي
انا:متحبش تكون معايا انت...مش قتلي كي يجي الوقت باش نعيشو كلشي من الاول...مش ديما تقولي مرتي...شبيك ملا متحبش عليا...كيفي بالظبط...علاه كل مرة نقربلك تحب تبعد...شنية سبب زياد...زعمة معادش نعجبك...و لا على خاطر لي صار
هز يدو حط صوابعو على شفافي...سكتني يحكي
زياد:ششش...منين جيب فيه الكلام هذا انت...كانك عليا...شاد روحي عليك بالسيف...اما منجمش نقربلك...الا بعد ما ترا طبيبة و نطمن عليك باهي
بقيت نغزرلو...هزيتلو براسي لاا...جا باش يحكي...جبدت روحي منو...وقفت بالسيف...حطيت يدي على كرشي نسايس في روحي...و نحكي فرد وقت
انا:لا مش باهي...و من غير ما تظطر تفسرلي و تحكي عالطبيبة...كنت تنجم تقول لا من غير هذا الكل...اصلا الحق عليا جاية ليك
هز روحو وقف...قحرتلو...و عطيتو بظهري خرجت من البيرو...مشيت لبيتو...من اخر مرة...معادش خلاني مشيت للبيت لاخرى...على هذاكا مكرة فيه باش نبقى هوني...هزيت الغطا و غطست في الفرش...نزلو دموعي بالوقت...حسيت بالباب فتح...غمضت عينيا بالوقت...قرب مني قعد على طرف السرير...مد يدو غرسها في شعري...يحكي
زياد:سوار...حبي...يا روحي
تلفت عندو شوية...نغزرلو...عقد حواجبو كيف لقاني نبكي...قحرلي يحكي
زياد:دموع هذوما علاش
هزيت يديا زوز...حطيتهم على وجهي...باقي نبكي...نفخ بالقاوي يحكي
زياد:سواااار قتلك يزي
مرجعتلوش باقي نبكي...جبد يدو من عندي...يحكي
زياد:باهي يا سوار باهي
نزلت يديا شوية...نغزرلو نحا مريولو طيشو عالارض...و ينحي في منقالتو بغزول...خذيت نفس نحكي
انا:ف فاش تعمل
زياد:اسكت احسنلك...و كان صارلك شي...و سألتك طبيبة...قلها انا حبيت باهي
بقيت نغزرلو مصدومة...هزيت روحي شوية...تقعدت نحكي
انا:زياد شبيك تغششت مني...شعملتلك انا
زياد:شنية لي معملتوش...والله كان مجتيش خايف عليك تشوف شنعمل فيك
عقدت حواجبي مستغربة...قربت منو شوية...حطيت يدي على صدرو نحكي
انا:نعرف لمتحبش فيا...مش انت تحبني ماكش باش ضرني
زياد:الصببر و برا
قربت منو اكثر...استندت بيديا على كتافو...جا باش يحكي قصيت عليه كيف عضيتو بكل قوتي من رقبتو...كبس على ظهري من تالي...من غير حتى كلمة...جبدت روحي شوية...غزرتلو في عينيه...حطيت يدي على رقبتو نعدي في صوابعي على تراص العضة و نحكي
انا:ش شتهيتها عندي برشا
حط يديه زوز على جنابي...جبدني عندو اكثر...حسيت بالنفس متاعو لي ماشي و يقوا...قرب لشفافي اكثر يحكي
زياد:و انا شاهي برشا حاجات عندي برشا
كبست على رقبتو اكثر...تنهدت بالقاوي...نحكي
انا:فاش تستنى ملا
قرب باسني بوسة خفيفة...و جبدني من عندو...نزلني بالسياسة...و نزل عليا يحكي
زياد:ماكش باش تندم
انا:مستحيل
زياد:متأكدة
انا:نحبك برشا زياد
هز يدو يعدي فيها على خدودي...يمسح في دموعي...و يحكي فرد وقت
زياد:معاادش تبكي...مهما صار معادش نحبك تبكي...انسى كلشي...طول ما انت معايا ما تخمم في حتى شي...مش نحبك وكهو...تعديت المرحلة هاذي عندي برشا...انت و لي هوني حياتي الكل
يحكي و يعدي في يدو على كرشي...هزيت يديا زوز...دورتهم على رقبتو...جبدتو عندي اكثر...حسيت بالنفس متاعو ماشي و يقوى...تبسمت نحكي
انا:انت باش تبقى معايا ديما...باش تحبني اكثر منها زادة...حتى حد ماهو باش يدخل بينا
زياد:تغير من بنتك ياخي
انا:مممم...خاطرك باش تحبها كيفي
زياد:مممم بالظبط...اما تبقى بنوتي الاولى انت
انا:معادش تصيح عليا...ومعادش تتغشش مني...ابقى هكا ديما...معادش تبعد عليا جملة
بعدلي شعري لتالي...و نزل باسني من راسي يحكي
زياد:شرايك تعرس بيا
بقيت نغزرلو للحظة تعدا نفس النهار بين عينيا...خفت كان يتعاود نفس النهار...اصلا متوقعتش لباش نكون معاه مرة اخرى...الكلام وحل في لساني ومعرفتش شنقول...قص عليا كيف نزل باسني من شفافي...يحكي
زياد:متخممش برشا...انت راش تكون ليا وكهو...و اليمات باش تثبتلك
هزيتلو براسي ايه...نغزر لكل تفصيل في وجهو...تنهدت بالقاوي..نحكي
انا:ز زياد
زياد:مممم
انا:باش نبقاو برشا و احنا نحكو
بقى يغزرلي مصدوم...نزلت عينيا من وجهو حشمت من تطليعتو ليا اكاكا...في لحظة طرشق بالضحك...يحكي
زياد:ههههههههه لا حبي كملنا...باش نبداو في حاجات اخرى
جيت باش نحكي قص عليا كيف نزل على شفافي...غمضت عينيا بالوقت...و سلمتلو روحي قبل بدني...لحظات كانت كافية يحسسني لهو بالحق مزال يحبني و انو كلشي تعدا علينا كان حلمة خايبة...يمكن مكنتش باش ننسى لي صار و لا باش نتعدا الحاجات الخايبة لي تعدات عليا...الوحم عطاني قوة جديدة اني نتقبل حياتي مرة اخرى...يمكن كان مرجعليش زياد...مكنتش باش نجم نعيش مرة اخرى...كبست عليه بيديا زوز...نحب نحس بيه اكثر...منحبوش يبعد عليا و لا يخليني...اصلا مش مصدقة لانا بين يديه توا...و معاد يهمني حتى شي من غيرو هو...حتى انا تعديت معاه مرحلة الحب...و كل يوم نعشقو اكثر...كانت اول ليلة نعديها معاه من غير خوف...من غير اسرار بينا...و لا حتى حد اخر في حياتنا...اول مرة منكونش خايفة لهو باش يخليني...خاطر متأكدة انو بعد الليلة هاذي...شنعيش حياتي الكل معاه و بين يديه...كل لمسة منو تعمد ينسيني بيها لي صار...يحاول يوصلي لهو كهو عندو الحق فيا...اول مرة نحس بحبو لهدرجة...كبس عليا بيديه زوز يحكي
زياد:نحبك سوار...انت احلى حاجة في حياتي
قربت منو اكثر...نحبو يبقى محضني هكا...خذيت نفس نحكي
انا:ز زياد
زياد:مممم
انا:باش تبقى معايا ديما...مهما صار...حتى كان تغششت مني...خليك ديما معايا هكا
زياد:باهي يا روحي...اما كي جي الفرخة لاخرى...تنجم تفك بلاصتك
عينيا وساعو بالوقت...هزيت روحي شوية...استندت بيدي على صدرو...نحكي
انا:مستحيل...انت زادة متنجمش تبقى بلا بيا...مش هذا كلامك
حط يدو على كرشي...يعدي فيها و يضحك...تنهد بالقاوي يحكي
زياد:زادة مانيش باش نرفض حاجة لبنتي...نستنى فيها بالدقيقة و الدرج
انا:صاااار ماعدش نعجبك انا ياخي
زياد:شكون قال خاصة بعد الليلة...هاك حليت اكثر يا سخطة
انا:زيااااد يزي احشم
زياد:على اساس انا لي حبيت
انا:و مش انا زادة
زياد:ملا شكون
انا:بنتك
بقى يغزرلي شوية...و طرشق بالضحك...يضحك و مغمض عينيه...قد ما كرزني...مازلت شاهياتو السخطة...قصيت عليه الضحك كيف نزلت عضيتو من شفافو...جبدني شوية يحكي
زياد:باش جيبها في روحك هاني قتلك
انا:شتقصد
غزرلي ندرا كيف...و هز يدو كبس عليا...تكاني عندو و غطاني يحكي
زياد:خذيت الجواب قبيل...منحبش نعاودو توا
انا:شخص كان تعاودو
زياد:هههههههه والله مجنونة...ارقد يا فرخة...يزيك الليلة...مزلت تاعبة
انا:مش تاعبة
زياد:ارقد...تو نصبح نجري على دلاع
انا:ههههههه محلاك يا سخطة
ضحك ونزل باسني من راسي...كبس عليا اكثر...يعدي في يدو على شعري..لين هزني نوم ورقدت
حلقة 162
سوار تحكي
فقت الصباح نحل في عينيا بالسيف...طلعت راسي غزرتلو غاطس في نوم...يدو على كرشي...تبسمت وحدي...نشيخ عليه كي يبدا شعرو داخل بعضو...مديت يدي غرست صوابعي فيه...و نزلت بيهم لضربة لي تحت عينو...مش مصدقة لانا معاه...حل عينيه...يحكي بالسيف
زياد:اركح يا طفلة
انا:مممم نحبك انا
زياد:نعرف
انا:و انت ؟
زياد:تحب نجاوبك بطريقتي
انا:ههههههه لا تاعبة...و مش على اساس فما حفلة ليلة
زياد:مممم الحفلة على 20:00 عندنا وقت
انا:هأة انا جعت و انت باش تقوم تحضرلي فطوري توا
زياد:جعت ملا
انا:ممممم برشا
زياد:هيا قوم باش تنزل معايا
انا:لا انزل انت...باش نلبس و نخالط عليك
هز روحو تقعد يلبس في دبشو...ضحكت و انا نغزرلو...اصلا بعد اخر ليلة عديتها معاه...ما ارتاح كان وقت هزني للكلينيك...زايد مجنون...غمضت عينيا بالوقت مزلت نحب نرقد...حسيت بشفافو على خدي يحكي
زياد:فيقتني و باش ترقد يا فرخة
انا:سيبني زياد تاعبة...و جعت برشا
زياد:هههههههه صااار تاعبة...على اساس انا مرتاح
حليت عين وحدة نغزرلو...شاخ ضحك...باسني بوسة مرصوصة...و هز روحو خرج من البيت...خذيت نفس...و هزيت روحي بدلت دبشي و خالطت عليه...فطرت معاه...اول ما جا واحد من رجالو باش يحكي معاه عالحفلة...طلعت للبيت...عملت دوش و خرجت...شوية و لقيتو دخلت...ضيق عينيه يحكي
زياد:شبيك مستنيتنيش
انا:اكاكا باش نشيح شعري...لين تكمل انت
زياد:مممم باهي
قرب مني باسني من خدي و دخل لبيت البانو...حطيت الدبش الكل على سرير...شيحت شعري...و فرد وقت نخمم في الحفلة...حفلة تكريم...باش يعملوها على خاطر المهمة لي وفات...منعرفش علاه منحبش نمشي لغديكا...خايفة من لي باش يصير...خايفة من حالتي زادة...و من نظرة كل حد فيهم ليا...نعرف لي هوني في ايطاليا حد ما يهتم بحد...اما زادة مش مرتاحة...بقيت واقفة في نص البيت نغزر لروبات اللي فرشتهم فوق السرير...نحس في دموعي باش تنزل...تلفت نغزرلو خارج من بيت البانو...حاط كان منشفة كهو...شعرو مبلول...ناقصتو هو توا...قرب مني يغزر لسرير...عقد حواجبو يحكي
زياد:علاه حطيتهم هكا
انا:رين حتى وحدة منهم ماهي باش تناسبني
زياد:سوااار انت لي اخترتهم بيدك...تقريبا البوتيكات الكل دخلتني ليهم
انا:منعرفش اغزلي كيفاه راني...مستحيل وحدة فيهم جيني
زياد:علاااه
انا:شوف مخيبني...سمنت برشا
بقى يهز فيا ويحط...رجع شعرو لتالي وطرشق بالضحك...قحرتلو...نحكي
انا:صاااار حتى انت معادش نعجبك
قرب مني اكثر...حط يديه زوز على وجهي...و نزل عليا باسني من شفافي يحكي
زياد:يهديك يا بنتي...هاك انت لي قاعدة تشتكي...كانك عليا عاجبني و برشا زادة...مكفاكش الجواب متاع كل ليلة...جاب ربي طبيبة عطاتنا عفو عام...مكانش مزلنا نتشحتو لتوا
انا:زيااااااد
زياد:شنننوة قلت شي غالط انا
انا:قاعد تفرك فيهم عليا
زياد:لاا نخبرك في الحقيقة...و زيد مسمنتش برشاا هاك عملت شوية خدود كهو...و بنوتي تقريب 3 اشهر و جي و معادش باش تعبك
قربت منو شوية...دورت يديا زوز على ظهرو...و حطيت راسي على صدرو نحكي
انا:ز زياد منحبش نجي...منحبش نحطك في موقف خايب...و تظطر تفسر للكل شكون انا...خاصة في وضعي هذا
جبد روحو مني...غزرلي مستغرب...هز يدو بعدلي شعري لتالي...و كبس بيدو على خدي يحكي
زياد:نورمال تحكي هكا انت
بقيت نغزرلو...نزل بيدو لاخرى حطها على كرشي...و غزرلي في عينيا يحكي
زياد:انتي و لي هوني متاعي انا...و الناس الكل لازم يعرفو الشي هذا...و انت بالطبيعة ماكش باش تخلي رويجلك في نهار كيما هذا باهي
هزيتلو براسي ايه...تبسم ندرا كيف و نزل باسني من راسي يحكي
زياد:صحيتك...هيا برا ريقل روحك...لين نبدل و تختار لروحي شتلبس
انا:اهبط عندي شوية ساعة
نزل عندي...حطيت يدي على خدو...و بستو تحت عينو...هز روحو يضحك و يحكي
زياد:هههههه كهو
انا:مممم كهو...و برا بدل معادش وقت
زياد:مممم باهي تو مبعد نعرف كيفاه ناخوهم
ضربتو بيدي لكرشو...باقي يضحك السخطة...قربت من الكوافوز...جبدت الكرسي قعدت عليه...لميت شعري و حطيتو على جنب...حطيت مكياج خفيف...و روج غامق...اصلا نقلت دبشي الكل معاه هوني...بقيت نغزرلو من المرايا...بدل دبشو الكل...يحط في منقالتو...ريحة برفانتو دخلت خشمي...باقي نغزرلو وكهو...قص عليا سرحتي كي قرب مني...حط يديه زوز على كتافي و نزل باسني من راسي يحكي
زياد:مش كأنو كثرت روج هذاكا شوية
انا:عجبني هكا...امانك متقليش نحيه عيش حبي
زياد:باهي...اول و اخر مرة زادة
هزيتلو براسي ايه...تبسملي مش عاجبو...مدلي يدو قومني...قربت معاه لسرير...جبدني عندو شوية يحكي
زياد:شنية لي معجبكش هوني
انا:منعرفش...شرايك في الروبة الروج
زياد:لاااا هذيكا ليا انا كهو انسى
انا:ملا علاه خليتني شريتها
زياد:هاني قتلك باش تلبسها ليا
انا:باهي و الكحلة
زياد:لااا قصيرة برشا
انا:زيااااد امان...شباش نلبس توا...تحبني نمشي بالكاب ياخي
زياد:ههههههههه في احلامك حبي...اتو لحظة
قرب من السرير...هز روبة في الباج...طويلة...صدرها الكل حجر مرصع...ياسر سامبل اما محلاها...تبسم يحكي
زياد:هاذي احلى وحدة فيهم
هزيتلو براسي باهي...خاطر نعرف لمستحيل يخليني نلبس لاخرين...مديت يدي باش نشدها عليه...هزلي براسو لا...جبدني من يدي...يحكي
زياد:ايجا لهوني...انا باش نلبسلك المرة هاذي
مخلاليش فرصة نحكي...يحكي و يحل في الكاب...ما تهنى كان وقت كمل لبسني...تلفت نغزر للمرايا بالحق طلعت الروبة محلاها...باقي كرشي مبينة...حطيت يدي عليها...تبسمت وحدي...حط يدو فوق يدي...غزرتلو نحكي
انا:ريت كبرت...مش مصدقة لعندها ست شهور توا
زياد:و انا مش مصدق لبنتي هوني...و لي انتي معايا يا روحي
قربت منو شوية...حضنتو بالقاوي...نزل بيديه لظهري يحكي
زياد:هاك كبرت يا فرخة و باش تولي ام
جبدت روحي شوية...غزرتلو في عينيه...ضحك يحكي
زياد:متغزرليش اكاكا احسنلك
انا:هههههههه باهي
قرب مني باسني من راسي...جبدت روحي منو...قعدت على طرف السرير...نحاول نلبس الكعب بالسيف...قرب مني...قعد على ركبة و نص...عاوني لبستو...بقيت نعدي في صوابعي على شعرو...طلع راسو قرب مني باسني من خدي يحكي
زياد:ماهوش باش يتعبك
انا:لا مش عالي برشا
تبسملي...و هز يديه زوز حطهم على يديا...كبس عليا يحكي
زياد:سوااار يا روحي...نحب نخبرك شي...اما كان حسيت روحك مش مرتاحة...منحبكش تظغط على روحك باهي
بقيت نغزرلو...قلبي دق بالقاوي...هزيتلو براسي ايه...تنهد بالقاوي يحكي
زياد:سواااار الحقيقة...ا ادم باش يكون موجود في الحفلة
بقيت نغزرلو...تقريب اربع شهور مريتوش...دوب نحكي مع زينب و ملاك و نعلق...منعرفش كيفاه باش يكون موقفنا من هذا الكل...كلشي نحب عليه...اني ننسى كلشي من الماضي...و ادم من الماضي هذا...برغم اللي عملو الكل...هو عطاني حياة جديدة...نهار حاول ينقذنا انا و زياد...يمكن نهارتها كان موقفش في وجه بابا...انا نكون خسرت زياد توا...و مستحيل هو معايا.. كبس على يديا زوز و كمل يحكي
زياد:اسمعني عزيزتي...كان متحبش نخليه يبطل ميجيش...منحبكش تتقلق من حتى شي باهي
انا:م ميسالش زياد...خليه يجي...انا نسيت لي صار الكل...و منحبش نفكر فيه...ادم من اليوم شيكون خوك وكهو...منحبش نحرمك منو...و منحبش نعيش ظغط اخر...ا انا سامحتو خاطرو عرف الغلطة متاعو...و خسر برشا حاجات اخرى باش وصل لهوني...انا معاد يهمني حتى حد في دنيا غيركم...انت و بنتي...طول ما انت معايا...مانيش باش نخمم في الماضي جملة...انا نحبك برشاااا...اكثر من روحي
تبسملي ندرا كيف...باسني من يديا زوز...و نزل باسني من كرشي يحكي
زياد:و انا ما عندي حتى حد غيركم يا روحي
قربت منو اكثر حضنتو بكل قوتي...كبست على شعرو...نعرف و متأكدة لمعندو حتى حد اخر في دنيا من غير ادم...منحبش نحرمو من صغرو...و لا من ذكرياتو مع ادم...من اليوم لي يهمني هو و كهو...اكثر من الماضي بحد ذاتو...جبدت روحي شوية منو نحكي
انا:زينب و ملاك باش يجو زادة
زياد:ممممم
انا:جو...خلينا نمشو ملا
قرب باسني من راسي و هز روحو وقف...وقفني معاه...باقي يسايس فيا لين وصلنا اللوطة.. طول الثنية و انا مكبشة فيه...منحبش يفلتني حتى لحظة...محسيتش بالوقت كيفاه وصلنا...شد الفران يحكي
زياد:حاضرة
انا:خايفة
زياد:انا معاك
تحل الباب بالوقت...هز روحو نزل...حط مفاتح في يد راجل وقرب مني...فتحلي الباب...كبست على يدو ونزلت...قربت منو اكثر...نغزر لناس لي داخلين...كل حد فيهم ظاهر فيه شخصية كبيرة...كبست على يدو اكثر...كيف ريتهم يغزرلو...نزل راسو غزرلي يحكي
زياد:سوار عزيزتي اهدا...شبيك مش اول حفلة تدخللها
انا:هأة اما طلع كيفاه يغزرولنا
زياد:ههههههه يغزرو لمرتي و بنتي هذوكا
انا:صاااار حتى حد ما يعرف لانت عندك شكون في حياتك
تبسم ندرا كيف من غير حتى كلمة...غزلت عليه اكثر...جيت باش نجبد يدي...كبس عليا...فقت من سرحتي...على صوت ملاك...لي قربت مني تجري...متوقعتش باش يخلوها تدخل لبلاصة هكا
ملاك:ثوااااااار خلخولتي
طلعت راسي نغزرلها...محلاها تهبل...تمنيت كان نجمت نخليها معايا...اما نعرف لهي متعلقة بادم و زينب اكثر...لابسة روبة برنساس في الروز...نزل عندها زياد حملها...يحكي
زياد:مرحبا يا صغرونة
ملاك:توحثتكم برثاااا...مث مثدقة لبابا جابني معاه
قربت منها حضنتها و هي في حملت زياد...تبسمت تحكي
ملاك:تعرف لاحنا جينا في طيارة
انا:ههههههههه ايه عزيزتي...زينب وينها
ملاك:ايه و فضحتنا في طيارة...و مغثة من بابا خاطر بقى يضحك عليها...من بارح متحبث تحكي عليه
طرشق زياد بالضحك...ضحكت معاه بالوقت مش نورمال زينب...نعرفها قد روحها...طلعت راسي نغزرلها جاية...لابسة روبة في الاكحل...لامة شعرها الكل...كان خصلات منو طايحين على وجها...ياسر ولات محلاها كي العادة...قربت منها حضنتها من غير حتى كلمة...جبدت روحي شوية غزرت لكرشي و تبسمت تحكي
زينب:كيفك سوار...و كيفها الصغرونة اللي في ثنية
انا:لباس توحشتك برشا
زينب:مش مصدقة لي ريتك مرة اخرى
انا:شعاملة
زينب:مزلت نتعود عالوضع الجديد
انا:شتقصد
زينب:مزلت خايفة منو انو يخليني على هذاكا مزلت نكبس فيه
انا:ههههههه صحيتك هاك طلعت قدها
دورت راسي على صوتو...لقيتو يحكي مع زياد...تلفت عندي شوية...دورت عينيا على وجهو...غريبة اول مرة منحسش روحي حاقدة عليه لهدرجة...تبسم يحكي
ادم:ك كيفك سوار
انا:م مليحة عيشك و انت
ادم:لباس
ملاك:يا بابا ثوف عندهم بيبي هوني...علاث زينب معندهاش
بقينا نغزرلوها الكل...طلعت راسي غزرت لزينب...لوجها احمر باش يطرشق...تلفت لزياد...لي يغزر لادم...شوية و بداو يضحكو...نزل عندها ادم...هزها في حملتو يحكي
ادم:يزززي عيش بنتي
ملاك:ثنوة فيها
ادم:لازمنا نعرسو قبل مش هكا
ملاك:لااا عمو زياد و ثوار مث معرثين
طلعت راسي غزرت لزياد...باقي يضحك قرب منهم يحكي
زياد:باش نعرسو عزيزتي
ملاك:امتى
زياد:على قريب
زينب:قبل ما نرجعو لتونس
زياد:ممممم
بقيت نغزرلو مش فاهمة لي يحكي فيه...طلعت راسي شوية نغزر لوحدة ماشية و تقرب منها...تقريبا ذكرتها...نفسها لاول ما جينا لهوني...كانت معانا...قربت منو بالزربة...شديتو من يدو نحكي
انا:زيااااد
زياد:مممم شنوة
انا:اغزرلي هوني...هذيكا جاية عندك...رندة و لا ندرا شاسمها...والله يا زياد كان تحضنها...و لا تمشي معاها...مستحيل نسااامحك...والله ما ندمك
بقى يغزرلي مبهم...كبست عليه اكثر...طلع راسو غزرلها...قربت منو اكثر تحكي
هي:زيااااد وينك يا راجل
زياد:اهلاااا بيك رندة لباس
جات باش تقرب منو...وقفتها كي مديت يدي...نحكي
انا:لباس عيشك
غزرتلي مستغربة...هزت يدها حطتها في يدي تحكي
هي:دنييز مش هكا
انا:لااا سوااار
نزلت راسها غزرت لكرشي...عينيها وساعو...غزرت لزياد مستغربة تحكي
هي:زيااااد انت
انا:بالظبط لي تخمم فيه
زياد:ايه رندة سوار مرتي
طلعت راسي غزرتلو...تبسملي ندرا كيف يطمن فيا...تبسمت تحكي
رندة:الحفلة باش تبدا تفضلو
كبس على يدي يمشي فيا معاه...ادم و زينب قبلنا...قعدنا الكل مع بعض...باقي نسمع فيهم يحكو اما لا انا و لا زينب فاهمين لي قاعدين يحكو هكا...ساعات زياد يعاود...ساعات ادم...نطقت ملاك تحكي
ملاك:افففف ثبيهم ميحكوش بالعربية...و علاث مفماث ثغار كان انا هوني
زينب:حتى احنا مش فاهمين لي يحكو فيه عزيزتي
ملاك:اما بابا و عمو يعرفو
ادم:مبعد نعلمك يا روحي
بقيت نغزرلهم و نضحك...محلاهم مع بعض...حطيت يدي على كرشي...طلعت راسي كيف حط يدو على يدي...و هز روحو وقف...بقيت نتبع فيه بعينيا...عرفت لهوما عيكو عليه...نسمع في ملاك تحكي
ملاك:ياااااا عمو باث يحكي
ادم:ششش عيش بنتي متصيحش
ملاك:باهي باباتي
بقيت نغزرلو...واقف بكل وهرتو...نغزر في الرجال لي قاعدة تعس عليه من تالي...اصلا الصالة معبية رجال مسلحين...باقي يحكي بالايطالي و ادم يعاود وراه...باقي نتبسم...متوقعتش نهاية اللعبة باش تكون هوني...حفل التكريم معناها وفا كلشي...يحكي و يغزرلي فرد وقت...نسمع في ادم من تالي يحكي
ادم:انا وصلت لهوني...و كملت المهمة هاذي على خاطر طفلة وحدة كهو...التكريم هذا باش يكون ليها كهو...سواااار
سمعت اسمي منهم زوز...غزرتلو...وتلفت لادم...تبسم يحكي
ادم:برا سوار...برا عندو...زياد يستنى فيك
تلفت عندو نغزرلو...مدلي يدو من بعيد...و هزلي براسو باش نقرب منو...قلبي دق بالوقت...هزيت روحي بالسيف...كلشي يهمني اني نوصل عندو و كهو
الحلقة 163
طلعت الدرجات هذوكا بالسيف...قرب مني مدلي يدو...كبست عليه و طلعت عندو...كبس على يدي اكثر...وطلعها عندو باسني منها...يحكي زياد:نحبك
انا:ز زياد فاش تعمل ياخي...انت وصلت لهوني...على خاطرك تعبت على روحك
زياد:لا خاطرك معايا...نحب توا ناس الكل تعرف لانت مرتي و متاعي انا كهو
كبس على يدي اكثر...و قرب بيا لنص...كمل كلامو يحكي ما فهمت منو شي...في لحظة حط يدو على كرشي و كمل كلامو...تبسمت نحكي
انا:زياااد فاش قاعد تحكي ياخي
زياد:قتلهم لانتي مرتي...و عن قريب باش جيني بنوتة منك...و ليلة حبي باش تعديلي ليلة عالمية
انا:زايد متحشمش
زياد:ههههههه وراسك نفدلك
قرب مني اكثر باسني من راسي...و حضني...نسمع فيهم يصفقو...وقتها برك فهمت لهو حاب يرجعلي الفازة نهار قتلو حاشم بيا...توا عرفت لهو مستحيل يكون اكاكا...هو مستحيل يسلم فيا...هزيت يديا زوز حطيتهم على ظهرو...كبست عليه نحكي
انا:نحبك برشااا زياااد
زياد:و انا زادة يا روحي
جبد روحو مني...قربت منو رندة...سلمت عليه...تحكي
رندة:كنت متوقعة باش توصل لهوني...في الاول كنت شريكنا و توا عرفنا...باش تنسانا حضرة العميل
زياد:طمن مانيش باش نقبل المنصب هذا...وصلت لي نحب عليه رندة...نحب نرتاح توا...و نشد خدمتي
رندة:زعمة تنجم من عميل لرجل اعمال
زياد:هههههه نحاااول...و كان منجمتش بلاصتي باش تبقى مضمونة
رندة:بالطبيعة
بقيت نسمع فيهم...كبست على يدو...تبسم و شد عليها الورقة...تبسمتلي تحكي
رندة:مبروك الصغرون الجديد
انا:عيشك
تبسمت ووخرت لتالي...باقي يبركولو لي غادي...كبس على يدي و نزل...قرب منو ادم...حضنو يحكي
ادم:مبروك هاك كبرت يا زياد
زياد:هههههههه تذكر
ادم:بالطبيعة
زياد:سامحني...مكنتش نحبك تعرف بطريقة هاذي
ادم:لاااا بالعكس فرحان بيك برشا
زياد:عيشك
تلفت عندي...باسني من راسي...و كبس عليا يحكي
زياد:انا باش نعرس بسوار...نحب نستغل الفرصة هاذي خاطركم هوني
بقيت نغزر مش فاهمة كلامو...نسمع في ادم يحكي
ادم:بالطبيعة زياد
عدينا الحفلة الكل نحكو...اما ملقيتش فرصة اني نسألو...اصلا حسيت روحي تعبت...نحب نمشي وكهو...حس بيا كيف قعدت على اول كرسي...نتنفس بالسيف...قرب مني بالزربة يحكي
زياد:سوااار شبيك
انا:تعبت برشااا...نحب نرتاح
زياد:هيا ملا باش نمشو
انا:هأة منحبش نفسدلك فرحتك
زياد:فرحة شنوة هيا يا روحي
هزيت روحي بالسيف...استأذن منهم و خرجني معاه...بقيت مستندة عليه لين وصلت الكرهبة...ركبني و خالط عليا يحكي
زياد:سوااار تحب نمشو للكلينيك
قربت منو اكثر...حطيت راسي على كتفو...نحكي
انا:لااا نحب نرقد وكهو
كبس عليا بيدو...باقي يسوق منعرفش كيفاه هزني نوم ورقدت...فقت كان وقت حسيت بيه...حطني عالفرش...و يحلي في الروبة من تالي...لين نحاها الكل...حطها على جنب...ورجعلي يحكي
زياد:سوار عزيزتي...عاوني خليني نلبسلك
انا:م منحبش...ايجا انت ارقد معايا
تلفت و خليتو...غطاني...شوية و خالط عليا...يقيسلي في سخانتي...تبسمت نحكي
انا:ا انا مليحة
زياد:فجعتني عليك...توجع فيك حاجة
انا:هأة...انت بالحق باش تعرس بيا
زياد:مش هذا لي لازم يصير
انا:مممم اما منجمش نلبس الروبة البيضة مش هكا
زياد:علاش
انا:خ خاطرني حبلة
زياد:باش تلبس يا روحي...و باش تكون احلى عروسة
قربت منو اكثر...حطيت راسي على صدرو...حط يدو على شعري فكلي الشكال...و غرس يدو يعدي فيها عليه...لين غطست في نوم مرة اخرى
ادم يحكي:
نسوق و نغزرلها...ملفتة وجها لشيرة لاخرى...نسمع في ملاك تحكي من تالي
ملاك:باباتي...ياخي ثكون رندة
انا:تخدم مع زياد
ملاك:ريت محلاها...كيما باربي بالظبط
هزت راسها شوية...كبست عالفولون...باقي نتبع فيها بعينيا تلفتت عندها تحكي
زينب:عادية الطفلة عزيزتي
ملاك:وه زينوبة...والله مث نورمال...و زيد كي كنا انا و باباتي...باثتني و قاتلي محلاك
زينب:صااار
فضحتني الفرخة...شدني الضحك...منعرفش علاه...كبست بيديا عالفولون...غزرتلي تحكي
زينب:ملا تعارفتو
ملاك:ايه...حتى بابا عجباتو عاللخر...ياثر حلوة...اما متخافث قتلها هوكا ماماتي زينب
زينب:عجباتو زادة
ملاك:ايه على خاطر
انا:ملااااك يزي عيش بنتي
زينب:كمل عزيزتي كمل
ملاك:ثي...والله يا زينوبة محلاها اكا رندة...علاه متحبوهاث انتي و ثوار..ريتها بكري...كيفاه تحذر في عمو باث ميحكيث معاها
انا:ملاك عزيزتي ميجيش هكا...فضحتنا راك
ملاك:مث قثدي باباتي...اما حبيتها برثا...و قاتلي باث نولو ثحاب
زينب:ملااااك ياخي فرطت فيا و معادش تحبني
ملاك:لااااا مث هكا...انت ماماتي انا...و نحبك برثا كيما باباتي
زينب:باهي يا روحي باهي...الحق مش عليك اصلا
قحرتلي و تلفتت لشيرة لاخرى...باقي ملاك كل مرة تحكي حاجة...لين رقدت في الثنية...ضربة زوز نغزرلها...باقي معصبة...اصلا من وقت جينا و هي مش قد بعضها...خاصة من فازة طيارة لي خافت منها...منعرفش كيفاه وصلت لدار...اول ما نزلت في المطار لقيت واحد من رجالو يستنى فيا...عطاني مفاتح الكرهبة و الدار...منجمتش نردو...برغم انو دبرت اموري الكل قبل ما نجي حتى من الدار...اما جاست من عند زياد...خلاني نعرف انو مزال خويا لنعرفو...تنهدت بالقاوي....بقيت نغزرلها كيف سابقتني تمشي بغزول...حلت الباب...ودخلت...دخلت وراها...سكرتها بساقي...حطيت ملاك عالفوتاي...غاطسة في النوم و مستحيل تفيق قبل الصباح...قبل ما نعدلها نغزرلها راجعة في يدها بيجامتها...قعدت قدامها نحاتلها الروبة...تلبس فيها...تبسمت على جنب عرفتها مزالت مغشة...جات باش تهزها...وقفتها نحكي
انا:خليها هوني...اصلا ماهيش باش تفيق لصباح
هزت روحها شوية غطاتها...باستها من خدها...هزتني و حطتني و دخلت للبيت...نزلت بست بنوتي...اصلا فضحتني الفرخة...شباش يعديها...نحيت الفاست حطيتها على جنب...و خالطت عليها...كملت حليت الباب بالشوية...عاطية بظهرها...بقيت نهز فيها و نحط...ياسر محليتها الروبة...اصلا مش ديما تظهر هكا...برغم لي كانت ياسر سامبل...اما محلاها...قربت منها اكثر...حطيت يدي على كرشها...جبدتها عندي...طاحت الشركة من يدها...هزت يدها بالسيف حطتها على يدي تحكي
زينب؛ا ادم
كبست عليها اكثر...نزلت عليها شوية...نشم في ريحتها و نحكي فرد وقت
انا:شششش
زينب:ا ادم فاش تعمل
انا:غرت ؟
زينب:ف فاش قام
انا:ملا شبيك مغشة مني
زينب:شي مانيش مغشة
نزلت عليها اكثر...حسيت بيها تتنفس بالسيف...كبست على جنابها...ودورتها عندي...طلعت راسها غزرتلي مربوثة...يديها زوز يرعشو...تبسمت نحكي
انا:شبيك...خايفة مني انتي ؟
زينب:لا علاه حتى نخاف
انا:باهي اهدا...و فهمني شبيك
زينب:ح حتى شي...انت شيهمك فيا اصلا...برا على روحك...كمل الحفلة على راحتك
انا:تحبني نمشي
زينب:ميهمنيش فيك...دبر راسك
قربت منها شوية...وخرت لتالي...ضربت في الحيط...هزيت يدي حطيتها بحذا راسها...و نزلت عليها نحكي
انا:متأكدة
زينب:ممممم
انا:ملاك في امانتك
زينب:من غير ما توصيني على بنتي
انا:متنجمش تكون بنتك
زينب:ع علاه
انا:خاطرك مزلت فرخة...مخرجكش تكون ام توا
زينب:ك كي هكا علاه متجيبلهاش ام من توا...هوكا برشا لي يحبو عليك
انا:شكون هوما
زينب:م منعرفش
انا:متكونش تقصد في رندة
زينب:ممممم
انا:لااا رندة متنجمش تتلهى بملاك
زينب:علااه...مش هي حبتها برشا
انا:منعرفش...في رايك ناخو فرصة معاها...حتى هي كعبة مش نورمال
زينب:ا ادم تحكي بجدك انت...ياخي نورمال تقولي في الكلام هذا ليا
دورت عينيا على وجها...ووخرت خطوة لتالي...نحكي
انا:حاولت معاك برشا...هاني في اربع شهور نحاول معاك...اما كبشت في قرارك...ومتحبش ترجعلي...حتى في اخر مرة قلت لانت باش تسامحني...اما باقي لا تحب تحكي معايا و لا تغزرلي...عندك حق انا وجعتك برشا و منستهلكش...يمكن تو تلقى لاحسن مني
بقات تغزرلي...عديت يدي على وجهي...منحبش نشلق بروحي...اصلا شاد الضحكة بالسيف و نرا في ملامحها لي تبدلت...غزرتلي في عينيا ندرا كيف...و قربت مني دز فيا لتالي و تحكي
زينب:توا الكلام هذا...توا باش تقولي تلقى احسن مني...بعد ما ريت السخطة هذيكا في الحفلة...كنت نعرف لعجباتك...علاه قاعد تفسرلي...تنجم تمشي على روحك...اعمل لي تحب عليه...انا الغالطة من الاول خاطر مزالني معاك...اما هاني نبه عليك اعمل لي تحب...و امشي وين تحب...اما ملاك بنتي انا
بقيت نغزرلها...على اخر كلمة نزلو دموعها...هزتني وحطتني...جات باش تمشي...رجعتها بيدي...تكيتها عالحيط...حصرتها من الشيرتين و نزلت عندها شوية نحكي
انا:مش على اساس ماكش غايرة
زينب؛س سيبني...هذا لي تحب توصل ليه انت...عندك حق...انت غلطت برشا كي خليتني معاك...اصلا انا وييين و رندة متاعك وين...كان لازم نستوعب هذا الكل من قبل...انا و انت حكاية فارغة...معادش تعلقني بيك اكثر...سيبني خليني نمشي
قربتلها اكثر...حطيت خشمي على خشمها...كبست عليها بيديا زوز نحكي
انا:وين تحب تمشي
زينب:م ميهمكش فيا ابعد
انا:منحبش
زينب:ا ادم يزي امانك
انا:تحب تخليني مرة اخرى
زينب؛ا انت اخترت طريق صحيح...مش انا لي ناسبك
تحكي و تحاول تجبد روحها...كبست عليها اكثر...طلعت راسها غزرتلي ندرا كيف...جات باش تحكي...نزلت على شفافها...مبنها الفرخة...باقي تحاول دز فيا...جبدت روحي منها شوية...نحكي
انا:مممم و انت طريقي
حلت عينيها شوية...غزرتلي.. باقي دموعها نزلني...خذات نفس تحكي
زينب:ت تكذب...انت تحب تمشي عندها
انا؛صحيح هي كعبة مش نورمال...و متتعوضش اما
نزلت بيدي ليدها كبست عليها...طلعتها عندي...حطيتها على قلبي نحكي
انا:اما عقلي و قلبي عندك انت
بقات تغزرلي ندرا كيف...قربت منها اكثر...نزلت لشفافها باش نرجع نبوسها...وقفتني تحكي
زينب:تحبني ؟
طلعت راسي شوية غزرتلها...وجها احمر باش يطرشق...منعرفش كيفاه سألتني...اول مرة تقولها الكلمة هاذي...كبست على يدها اكثر...و هزيتلها براسي ايه...اول مرة نسمع صوت قلبي...اول مرة نتقوى على الماضي...باش نبدا حياة جديدة...غمضت عينيا و غطست في شفافها...منحب نخمم في حتى شي اخر...كان هي باش تكون معايا و ليا...جبدت روحي منها شوية...رخفت يدي على يدها...ووخرت خطوة لتالي...نغزرلها واقفة في بلاصتها...باقي مكبشة بيدها على روبتها...هزيتها و حطيتها...نغزر لبوسة الخال لي على رقبتها...طلعت راسها شوية غزرتلي مروهجة...دموعها نزلو اكثر...لين ولات تبكي بالشهقة...تبسمت على جنب...ورجعت قربت منها اكثر...حطيت يدي ورا ظهرها...حضنتها بالقاوي...حطت يديها زوز على سوريتي...كبست عليها بصوابعها...باقي تبكي...كبست على ظهرها نحكي
انا:ششش يزززي
طلعت راسها شوية غزرتلي في وجهي...تتكلم بالسيف
زينب:ب باش تبقى معايا مش هكا...م ماكش باش تمشي عندها...و لي قالتو ملاك مش صحيح
هزيتلها براسي ايه...كبست على سوريتي اكثر...تحكي
زينب:ا ادم
انا:مممم
زينب؛م ملاك بنتي انا زادة
تبسمت على جنب...هزيت يدي شديتها من خشمها نحكي
انا:لااا
زينب:ع علاش
انا:خاطر في الاول لازمك تعرس بيا
بقات تغزرلي مصدومة...دموعها لي كانو ينزلو حبسو بالوقت...غزرتلي في عينيا تحكي
زينب:ك كيفاه...نقصد...يعني...ش شقصدك انت
انا:شنية في كلامي مفهمتوش
زينب؛ا انا و انت ؟ كيفاه ؟
انا:معناها ترفض فيا
زينب:ايه..ن نقصد لا...اما كيفاه نعرسو مفهمتش
انا:هههههههه زينب شبيك
زينب؛تفرك فيهم عليا انت
شدني ضحك مش نورمال الفرخة...جبدتها من عندي شوية..هزيت يدي حطيتها على كرشها نحكي
انا:عندها الحق ملاك...لحق الوقت باش نجيبو صغير اخر
طلعت راسها غزرتلي...فمها محلول شطر...تحكي بالسيف
زينب:م معناها باش نعرسو
انا:كان تحب نجيبوه من توا...انا ديما حاضر
زينب:زايد متحشمش
انا:نعرف
قربت منها شوية...هديت عليه...وخرت لتالي...حطيت يدي بحذا راسها نحكي
انا:باش نستناك برشا
زينب:ش شنوة
انا:نحب على صغير
زينب:ا ادم شبيك...م ميجيش راو
انا:شنوة لي ميجيش
زينب:ن نقصد مش توا
انا:ههههههه شنوة لي مش توا
زينب:ادددم يزي امانك
انا:باش تعرس بيا معندكش حل اخر...و الا
زينب:باش تهددني حتى توا
انا:مممم و ديما
هزت يدها...حطتها على يدي...كبست عليا...تحكي
زينب:ي يعني انا باش نكون مرتك مش هكا
انا:مممم
زينب:و ومعادش تغزر لحتى وحدة غيري
انا:منعرفش
زينب:اددددم
انا:باهي شنية اخر
زينب:نرجعو لتونس...معادش نحبك تقابلها
ضحكت بالوقت...هزيت يدي...نبعد في خصلات شعرها...نحكي
انا:هههههههه مجنونة والله
بقات تغزرلي ندرا كيف...نزلت بصوابعي لرقبتها...نزلت عليها شوية...خذيت نفس من عندها...غمضت عينيا بالوقت...و نزلت على رقبتها اول ما بستها...كبست على يدي اكثر...طلعت نحكي في وذنها
انا:ايجا معايا
زينب:و وين
كبست على يدها اكثر...و هزيتها معايا لبيتي...حسيتها تربثت...كبست على يدي تحكي
زينب:ا ادم علاش جينا هوني
انا:ايجا يا فرخة متخافش...تو كي نعرسو نتلهى بيك
زينب:ا ادم متعرفش الحشمة انت
انا:نسمع بيها...و ايجا برك يا فرخة
زينب:مانيش فرخة
تبسمت وحدي...دخلتها معايا...حليت البالكون...تنجم ترا منو روما الكل...قربت شوية تحكي
زينب:يااااااا محلاه المنظر من هوني
عنقتها من تالي...خذيت نفس من ريحتها...نحكي
انا:منحبكش تنسى ليلة هاذي جملة
زينب:مانيش باش ننساها
انا:ايجا شوية
جبدت روحي منها...وخرت لتالي...ترميت عالكرسي...و مديتلها يدي...قربت مني...قعدت بحذايا...حطت راسها على صدري...كبست عليها بيدي...و كانت اول مرة زينب تحكي على صغرها و الماضي متاعها...سمعتها لتالي...من غير حتى كلمة...كلشي نعرفو اني باش نعمل جهدي الكل...باش معادش نوجعها و لا نبكيها مرة اخرى...كبست عليا بيدها تحكي بصوت غالبو نوم
زينب:نحبك ادم
تبسمت...و نزلت بستها من راسها..كبست عليها اكثر...نحكي
انا:و انا زادة يا روحي
غمضت عينيا بالوقت...منسيتش حنان و مستحيل ننساها...باش تبقى الماضي متاعي...حبي ووجيعتي زادة...باش تبقى ذكرى الحلوة لي عشتها من الصغرة...باش تكون اول مرة في كلشي حلو عشتو...و زينب...باش تكون اللي جاي...باش تكون مستقبلي... و عيلتي لي باش نعيش معاها...حياتي الكل
الحلقة 164
زياد يحكي: بقيت واقف في نص البيت...ادم و عماد قاعدين مع بعض...منعرفش شبيني متوتر هكا...و منعرفش شبيها متحبش تقابلني توا...احسن شي هي مع زينب...نسمع في ادم يحكي ادم:شبيك متوتر...شوية و يوفا كلشي انا:منعرفش...زعمة لباس هي توا عماد:لباس تو كنت عندها
انا:شربت دواها
عماد:ايه...اما قالت لكرشها توجع
انا:شنننننوة
عماد:ههههههههه نفدلك
ادم؛هههههههههه طلع عليك دور العاشق
انا:برا ¤¤¤¤¤¤ مش ناقصك
ادم:هههههه باهي هاني سكت
اول ما تلفت فتح الباب بالوقت...نغزر لاسماعيل دخل...قربت منو حضنتو...حتى هو 5 اشهر مريتوش...ضحك يحكي
اسماعيل؛اهلا بالعريس
انا:هههههه عيشك
قرب سلم على عماد و ادم...حسيت للجو متوتر بينهم...نعرف نظرات ادم كي يبدا فادد من حد...جيت باش نحكي...دخل هارون زادة...احسن شي عالاقل يبرد الجو بينهم...هزيت يدي غزرت لساعة...خذيت نفس نحكي
انا:لحق الوقت...انا باش نمشي نجيب سوار...نتلقاو برا
ادم:استنى شبيك مزروب...لتوا موصلش كاتب العدل
انا:شيهمني فيه انا...هيا مبعد جماعة
خليتهم يحكو و يفدلكو...حليت الباب وخرجت...فرحان مش نورمال...متوقعتش باش نعيش نهار هذا مرة اخرى...اكثر حاجة نحبها اني نراها بروبة العرس...اخترتها بيدي...كيما روبة الاولى بالظبط...و كيما تحب هي...جيست شوية كبيرة...على خاطر بنوتي خذات منها شطر...اخترت اكبر اوتيل هوني...نحب كلشي احسن من قبل...نحبها تفرح اكثر...قربت شوية من باب متاعها...دقيت الباب...فتحتلي زينب تحكي
زينب:زياااد
انا:نحب نراها
زينب:تعرف لمزال شوية
انا:مشيها عيش اختي...منجمش نستنى اكثر
زينب:هههههههه باهي اتو لحظة
تلفتت تعيط لملاك باش يخرجو...جات تجري...لابسة روبة بيضة...شعراتها طايحين على وجها...كيما سوار تتقرمش اصل...قربتلي تحكي
ملاك؛جيت باث ترا ثوار
انا:ممممم
ملاك:اعطيني فلوث(فلوس) قبل
انا:شنننوة
ملاك:هذيكا العادة...اعطيني فلوث نخليك تدخل
تعرفلها الفرخة...عطيتها لي جا في يدي...شدتهم عليا تحكي
ملاك:مطولوث برثا...نثتناوكم لوطة
انا:هههههه باهي
اول ما خرجو...سكرت الباب ورايا...و قربت بخطوات رزينة...اول ما راتني...استندت بيدها على طرف السرير و يد على تابل دونوي ووقفت...تحكي
سوار:زياااد احسن شي انك جيت
بقيت واقف نغزرلها...هزيتها و حطيتها...روبة خذات منها شطر...كرشها كبرت برشا...حلاتها اكثر...سمنت شوية...الروج لي حطاتو خذا منها شطر...شعرها لي نعشقو لماتو بالكل...كتافها مغطيين بالفوال...فيقني من سرحتي صوتها تحكي
سوار:ز زياد لباس ماهو شبيك تغزرلي هكا
تبسمت بالوقت...اصلا يمات تعدات و انا نقنع فيها بفكرة العرس...تحب تكتب صداق و كهو...نعرفها خايفة من اللي صار اخر مرة...نعرف لكلشي يذكرها في اكا نهار...ندمت خاطر معرستش بيها وقتها...و ندمت على كلشي عملتو معاها...على شعرة كنت باش نخسر كلشي...حتى بنتي لي في ثنية...قربت منها اكثر...حطيت يدي على كرشها نحكي
انا:توحشتك
سوار:حتى انا
انا:كيفاه تحس في روحك
سوار:خايفة
انا:شقلنا عالخوف
سوار:ز زياد تو نورمال نظهر قدامهم بكرشي هكا
انا:ميهمك في حتى حد...انت عندي احلى وحدة...و احلى عروسة ريتها...و زيد بنتي و باش تحضر معانا...شيهمنا فيهم احنا
سوار:معناها اليوم احنا باش نعرسو
انا:مممم
سوار:و باش نولي مرتك بالحق
انا:ممممم
سوار:و عمرك ماك باش تسلم فيا
انا:مستحيل
سوار:و باش تحبني ديما
انا:لاخر نهار في حياتي
سوار:و انا زادة زياد باش نحبك لاخر نهار في عمري
قربت منها اكثر...حضنتها بالقاوي...باقي يدي على كرشها...حسيت برفسة قوية...تنطرت لتالي موجوعة...طلعت راسي مصدوم نحكي
انا:سوااار شبيك
سوار:ض ضربتني
قربت منها شوية...رجعت حطيت يدي على كرشها نحكي
انا:لباس توا
سوار:مممم مليحة
نزلت عينيا لكرشها...باقي نحس بيها تتحرك...تبسمت نحكي
انا:ريض عيش بنتي...ميجيش راهو لي تعمل فيه توا
سوار:زعمة باش تسمعك
انا:مممم باش تسمعني بنوتي
سوار:هههههه ظاهر بدات تفك بلاصتي من توا
انا:مستحيل...انت حياتي بكلها
حطيت يدي على ظهرها جبدتها عندي...اول ما وصلت لشفافها...فتح الباب بالوقت...طلعت راسي شوية نغزر لملاك داخلة تحكي
ملاك:وينكم الكل وثل
انا:هههههه جايين عزيزتي
ملاك:هيا ملا
قربت بستها من راسها و غمزتها...نزلت عليها الفوال نحكي
انا؛هيا عزيزتي
دورت يدها على يدي كبست عليا...قربت مني ملاك شدتني من يدي...خذيت نفس وخرجت من البيت...اول ما وصلنا اللوطة...صوت صفيقهم علا...نسمع في سوار تحكي
سوار:زياااد شبيهم الكل هوني
انا:شنوة حبي تحبنا نعرسو وحدنا
كبست على يدي اكثر...عرفتها متوترة...قربت معاها لطاولة...عاونتها تقعد...و قعدت بحذاها نحكي
انا:اسمع يا فرخة ميجيش ترفضني توا
سوار:مممم نخمم و نشوف
انا:ههههههه جرب
سوار:ممممم مش ناوية نعتقك متخافش
انا:ههههههه كان ترا انا
سوار:بليد و متحشمش
انا:ههههههه ما ريت شي
هزيت يدي كبست على يدها...مسيبتهاش كان وقت جات باش توقع...اول مرة نلقاها فرحانة هكا...غزرتلي تحكي
سوار:عرسنا زياد
هزيتلها براسي لا...قربت منها عاونتها تاقف...قربت منها اكثر...بستها من راسها...مديت يدي جبدت بوات...فيها الخاتم متاع امي...غزرتلو ورجعت غزرتلي...لبستهولها نحكي
انا:اخر مرة تنحيه سوار...كان تموت ماكش باش تنحيه من يدك...اعتبرو تهديد مني...الخاتم هذا ماهوش باش يتنحى من يدك مهما صار
سوار:ب باهي
حسيت برعشتها قربت منها اكثر...بستها من يدها...و حضنتها بكل قوتي...نحكي
انا:شبيك خفت يا فرخة...نعرف لانت ماكش باش تنحيه
سوار؛باش نولد توا جراريرك
انا:ههههههه لطف عليك يا روحي...ايجا
قربت معاها شوية...بدات الموسيقى بالوقت...غزرتلي تحكي
سوار:ههههه زعمة نجم و انا هكا
انا:متخافش ايجا
كبست على يدها اكثر...حطيت يدي ظهرها...منحبش نتعبها اكثر...غزرتلي تحكي
سوار:والله مش مصدقة يا زياد
انا:سااامحني سوااار...محقنيش نحرمك من نهار هذا...مش قصدي نخليك تعيش الوجيعة هذيكا جملة...سوار انا
سكتتني كيف حطت صوابعها على شفافي...تحكي
سوار؛ششش انا نسيت زياد...و انت زادة لازمك تنسى...لي صار حلمة خايبة و تعدات...انت من اليوم راجلي انا...و بنتنا في ثنية...من اليوم باش نكون عيلة وحدة...انا نحبك برشا و مانيش باش نسلم فيك يا زياد انت متاعي انا و كهو
قربت منها اكثر...بستها من راسها...بوسة مرصوصة نحكي
انا:مكنتش نعرف كيفاه باش نعيش كان مدخلتش لحياتي...و لا كيفاه كنت باش نكمل حياتي من غير ما ترجعلي...نوعدك اني باش نحبك اكثر من روحي...و اكثر من حتى حد في دنيا
سوار:اييي
انا:شبيك
سوار:باقي ترفس فيا
انا:هههههه متكونش غايرة منك
سوار:هههههه من توا
انا:قربلي اكثر...خاطر عقلي في روج...و منحبش نغلط قدام الناس
سوار:ههههههه باهي
قربتلي اكثر...حطت راسها على صدري...كبست عليها بيديا زوز...نغزر لادم لمحضن زينب...لا همو في الموسيقى و لا في الناس...اول مرة بعد سنين نرا ادم قريب لوحدة من غير حنان...اول مرة ادم ياخو الثنية الصحيحة...دورت راسي لهارون لمع رندة...ركحها الساقط...احسن شي و الا مكنتش باش نسلك من لسانها...حتى زينب تحاول تبعد في ادم عليها...تلفت لملاك...لقاعدة مع اسماعيل تحاول ترضي فيه...تبسمت...حضنتها ليا اكثر...عديت نهار الكل و هي معايا...حسيتها تعبت اكثر...استأذنت من الجماعة...و هزيتها معايا للكرهبة...غزرتلي تحكي
سوار:زياد مش على اساس نبقاو هوني
انا:لااا باش نمشو لدارنا
سوار:علااش
انا:نحب نستفرد بيك يا بنتي عندك مشكلة
سوار:هأة...خلينا نمشو
حليت الباب...عاونتها تركب...و خالطت عليها...طول الثنية و هي متكية عليا...تغزر للخاتم...تحل و تسكر في الدفتر...تبسمت نحكي
انا:هاك قريتو اكثر من مرة
سوار:ههههههه شنعمل مش مصدقة
انا:تو نخليك تصدق
جات باش تحكي...شديت الفران...جبدت روحها مني...مشيت عندها حليت الباب...اول ما نزلت...نزلت عليها حملتها بين يديا...ضحكت تحكي
سوار:شتعمل انت
انا:ندلل في مريتي
كبست عليا اكثر...بقيت محملها لين وصلنا لبيتنا...عينيها وساعو تحكي
سوار:شكووون عمل في البيت هكا
انا:زينب
سوار:هههههه يطلع منها...مرسي برشا يا روحي
حطيتها عالسرير...نحيت الفاست حطيتها على جنب...و قربت منها...هزيت يدي نمسح في روج من شفافها...عوجت فمها تحكي
سوار:زياد...حبي
انا:مممم
سوار:ا انا جعت
انا:شنننوة...مش كليت غديكا
سوار:منعرفش...والله جعت...هيا امانك حضرلي حاجة
قربت منها بستها من خدها...و هزيت روحي...نحكي
انا:شعندي نعمل...كلو جراير الفرخة لي جاية في ثنية
سوار:مش على اساس بنتك و ميت عليها باش جي
زياد:باهي باهي هاني نازل
نزلت اللوطة...حضرت لي جا على يدي و طلعت...لقيتها تعافر في روبة باش تنحيها...غزرتلي تحكي
سوار:جيت في وقتك...عاوني امانك...ياسر تقلقت
قربت منها...حليتها من تالي...تنهدت بالقاوي تحكي
سوار:تو تفرهدت...اعطيني شنية جبتلي
هزيت صحن حطيتو في يدها...بدلت دبشي...لقيتها كملت...هزت روحها قربتلي تحكي
سوار:صحيتك رويجلي الغالي
قربتلها اكثر...بستها من خدها...و حطيت يديا زوز على حرف الروبة نحكي
انا:صحة ليك...و توا انا باش ندلل عليك
شدتني من مريولي...كبست عليا...قربتلي اكثر تحكي
سوار:نحب نعيش ليلة هاذي معاك...نحب نعرف شمعناها نكون مرتك
نزلت عليها حملتها...حطيتها عالسرير...و نزلت عليها نحكي
انا:محلاك يا فرخة...خاصة اليوم...باش تقتلني بالعرق يا مرتي الغالية
سوار:لطف عليك يا رويجلي الغالي
هزي يدي لبستها الشركة لي كانت عندها من سنين نحكي
انا:سوااار الشركة هاذي باش تبقى في رقبتك ديما...باهي
سوار:باهي يا روحي
تبسمت و نزلت عليها غطست في شفافها...فرحتها وصلتني في كل حركة منها...كل يوم نعشقها اكثر...اما ليلة ياسر سبيسيال...من اليوم سوار مرتي انا...ملكي...و مهما صار حد ماهو باش يفرقنا...انا اليوم كملت حكايتي معاها...حكاية سوار و زياد
الحلقة 165
سوار تحكي: بعد مرور ثلاث سنوات:
حطيت يدي على جنبي...نغزر كان مزالت ناقصة حاجة...نحب نخدم تارت بيدي...لبنوتي الغالية...باش تعمل 3 سنين...فيسع كبرت الفرخة...هزيت روحي..طلعت لبيتها...اصلا فاقت من بكري...فطرتها ورجعت طلعتها...حليت الباب...نغزرلها واقفة في نص البيت...غاطسة في بيجامتها...تلفتت غزرتلي...نسخة على زياد في كلشي...حتى عينيه...كان شعرها كيفي انا...والله الوحم جاب مفعولو...ضيقت عينيا ونزلت راسي نغزر لكاسة الحليب...لي كبتها عالزربية...هزت يدها حطتها على فمها تحكي
روزا:مث بلعاني ماماتي
انا:عليا التصرفات هذوما ياخي...متكونش كبيتها خاطر متحبش تشربها...قربت مني شوية...تبعد في شعرها من على وجها...باقي نغزرلها...جيت باش نحكي...هربت من تحت يدي...يقوى عليها ربي...كيف بوها بالظبط...كملت تجري لبيتي...خالطت عليها...وقفت بحذا الباب...نغزرلها...طلعت عالسرير بالسيف...قربت منو...راقد على كرشو و غاطس في نوم...حطت يدها على وجهو تفيق فيه و تحكي
روزا:باباتي كوم(قوم) كوم عيثك...يا بابا كوم امان
زياد:ممممم شتحب روزا...مكفانيش امك في الليل زيدني انت توا
حطيت يدي على فمي...نضحك وحدي...مش نورمال يحكي لي جا و كهو...كملت دز فيه و تحكي
روزا:بابا علاث هكا...كوم...ثوار متاعك...باث تقتلني اليوم...حبيني (خبيني) عندك...عيث بابا
حل عينيه مروهج...طلع راسو مروهج...يغزرلها و يحكي
زياد:علاه شعملت
روزا:كبيت حليبي عالذربية(عالزربية)
زياد:مش قتلك كبو في تولات...علاش هكا يا روحي
عينيا وساعو...معناها حتى هو يعاون فيها...خذيت نفس ودخلت نحكي
انا:صار طلعتو متفهمين
روزا:ذات(جات) ذات...حبيني يا بابا عيثك
هز يدو جبدها تحتو...لين مولاتش تبان جملة...قربت من سرير نحكي
انا:شنوة سي زياد هذا الكل يطلع منك...و انا فكرت طيحاتو بلعاني
زياد:متحبش تشربو مش بالسيف راهو عزيزتي
انا:صااار...و انت تشجع فيها ياخي
زياد:اخطاها بنتي مرعوبة منك...ياخي علاه تعمل فيها هكا
انا:صحيتك يا زياد...روزا ايجا هوني
روزا:هأة...نحب نبقى عند ذياد (زياد)
انا:هيا عزيزتي باش تبدل معادش وقت
طلت شوية تغزرلي...تستعطف فيا...و تحكي
روزا:عيث ماماتي مث قثدي...متتغثث مني راو...منحبث نغثك انا...مث هكا بابا
زياد:سوااار يزي عزيزتي...صغرونتي ما عملت شي...و زادة اليوم عيد ميلادها بنوتي
روزا؛ايه ثحيح بابا...باث تثريلي كيك
انا:لا انا باش نحضرلك احلى كيكة
روزا:يا بالرثمي
انا:مممم
قربت قعدت بحذاهم عالسرير...قربت منو اكثر...ترجعلو في شعرو لتالي و تحكي
روزا:مرثي برثا يا روحي
زياد:عيش دلولتي هي...ايجا
قربها ليه بيدو...حشاها تحتو...يدغدغ فيها و هي تضحك...قرب باسها من كرشها...و خدها...نسمع فيها تحكي
روزا:يزيي (يزي) باباتي...معادث نذم (نجم)
زياد:هيا بنوتي باش تبدل دبشها...باش ننزلو نشرو لي بقى ناقص
روزا:باهي عيث بابا يا ربي
قربت منو باستو تحت عينو...شاخ ضحك...تعلمتها مني الفازة الفرخة...قربت منها شوية جبدتها عندي...هزيتها في حملتي نحكي
انا:اغزرلي...متكونش تحبو اكثر مني
روزا؛لااا...نحبك برثا انا...اما انت ياثر تعثب (تعصب) اما باباتي لا
انا:هذاكا يعصب عليا انا كهو
زياد:تعرف سبب...من غير ما تلعب فيها ضحية
انا:صاااار تو نورمال...البارح تحكي مع راجل اكاكا...خاطر غزرلي...تي راهو جارنا
زياد:ميغزرش...مش من حقو...و سكر عليا الموضوع منحبش نتقلق عالصباح
نفخت بالقاوي...قربت من روزا بستها...و نزلتها عالارض نحكي
انا:برا عزيزتي لبيتك تو نخالط عليك...و رد بالك تنزل لوطة
روزا:باهي ماما
هزت سروالها شوية...و خرجت من البيت تلفت عندو قحرتلو نحكي
انا:اكاكا صحيتك زيد صيح عليا عالصباح احسن
جيت باش نقوم جبدني من يدي...حصرني تحتو...هز راسو شوية يغزرلي..عدا عينيه على وجهي يحكي
زياد:شبي حبي عالصباح...مش سكرنا الموضوع في الليل...تحب نعاودلك طرح اخر عالصباح توا
انا:في احلامك...اصلا روزا تو ترجعلك...تعرفها لهي ما تتهنى كان ما تخرجك معاها
زياد:تتمنع ملا...باهي ليل طويل تو نوريك
انا:هههههه شبيك تهدد فيا رويجلي الغالي...وزيد تو نورمال انا نتمنع عليك...انت كهو معادش تعصب من كلشي...راني حتى انا دلولتك
زياد:ههههههه صااار يا مغيااارة...ساعة قاعد نربي في زوز انا
انا:تعرف هذا من الاول...و زيد مش انا جبتها شبيها تشبهلك انت
زياد:هههههههه مزلنا في نفس الموضوع...يا بنتي انا هكا عاجبني...منحب حتى وحدة تشبهلك
هزيت يدي...حطيتها على خدو...نعدي في صوابعي و نحكي
انا:تعدااات 3 سنين فيسع...مش مصدقة لانت عيشتني هذا الكل
زياد:رد بالك تبكي...مانيش ناقص دموعك...تعرفني منحملهمش
انا:ههههههه باهي...اما شبيك حليت برشا اليمات هذوما
زياد:تحب عليا معناها
انا:هأة مش توا عزيزي...عندنا برشا خدمة..و الجماعة باز باش يوصلو
زياد:مممم باهي...معندنا شي توا عالصباح
تبسمت على جنب...و قربت منو اكثر...حطيت شفافي على شفافو...بستو بوسة خفيفة...اما منجمتش نجبد روحي منو...غطس فيا اكثر...حطيت يدي على رقبتو...دزيتو كان وقت سمعت روزا...جاية و تعيط عليا...قربت بستو تحت عينو نحكي
انا:هيا قوم فيسع عزيزي
ترمى عالمخدة...غطس راسو فيها...شخت عليه...هزيت روحي خرجت لقيتها نحات سروالها وجاية عندي...تبسمت نحكي
انا:فاش تعمل يا روحي
روزا:يا ماماتي حضرني فيثع...تو يهرب عليا ذياد كسما كل ثباح
انا:ههههههه باهي ايجا
نزلت عليها حملتها...شبعت بوس فيها...مبنها الفرخة...اول ما بدلتلها...مشات تجري عندو...هزها في حملتو و نزلنا مع بعض...وصلو رجال بالوقت...بعثهم للجنينة...و خرجها معاه...كملت حضرت الكيكة...وخرجت لبرا...تفقدت الحالة...مشاو بالوقت بعد ما حضرو كلشي كيما طلب منهم...جا بالوقت...نغزرلو محمل دبدوب قدي...شخت ضحك...حطهولها في الصالة...و قربلي يحكي
زياد:هوكا جبت كلشي
انا:هههههه ايه نرا فيك...هيا عاوني...جماعة كارهم واصلين
زياد:باهي
كمل خرج معايا الماكلة برا...خليتو معاها...وطلعت عملت دوش...اول ما خرجت لقيتو في وجهي...جبدني من حزام الكاب...يحكي
زياد:شباش يصبرني
انا:احشم يا سخطة
زياد:ههههههههه شنعمل...قلبي عندك
انا:خليني نبدل...باش نمشي نحضر روزا
زياد:باهي...انا باش نعمل دوش
بستو من خدو...و مشيت لبست روبة في الابيض...عند الركبة...مرصعة من فوق...لميت شعري من قدام...حطيت مكياج خفيف...لبست الكعب و مشيت لبيتها...لبستلها روبة برنساس في الابيض...خليتلها شعرها مسيب كيما تحبو هي و حطيتلها تاج صغرون...هزت العصا السحرية كيما تقولها بالعادة...نسمع في صوت ضحك اللوطة...عرفت الجماعة وصلو...هزيت روزا في يدي و نزلت...اول وحدة عارضتني زينب...قربت منها حضنتها بالقاوي...نحكي
انا:زيييينب قداش توحشتك يا روحي
زينب:و انا زادة عزيزتي
جبدت روحي شوية...مديت يدي لادم...تبسملي و حط يدو في يدي...غزرت لزياد...ما عمل حتى ردة فعل...اما نظن بعد السنين لي تعدات...لازمنا نبداو صفحة جديدة خالية من الذكريات السيئة لي عشناهم...تلفت نغزر لهارون...داخل مع رندة...صحة ليه ركحها من نهار الحفلة...سلمت عليهم...و على اسماعيل زادة...غزرت لملاك لي كبرت و حلات اكثر...قربت مني حضنتني تحكي
ملاك:توحشتك خلخولتي
انا:و انا زادة يااا روحي
بقيت نفركس بعينيا عليه لين دخل...خويا الغالي...روحي وقطعة مني...حضنتو بكل قوتي...نشم في ريحتو...ما سيبتو كان وقت شبعت منو...اول مرة نعمل حفلة بينا كهو...دخلهم زياد للجنينة...قعدنا عالطاولة...بقيت نغزرلهم بالواحد...و شريط حياتي تعدا قدام عينيا...مرة نتبسم و مرة نحس بغصة...قص عليا سرحتي...مازن لي جاي يبكي من بعيد...صااار معرفتكمش عالبطل الجديد...مازن ولد ادم و زينب...اصغر واحد في العيلة بعد روزا بنتي...ادم عرس بزينب...جيست ورا عرسنا...متوقعتش لكلشي بينهم باش يمشي بالسرعة هاذي...ادم لقى طريقو مع زينب...لقى حاجة ضايعة...قاعد يفركس عليها من سنين...لقى حنانة مرتو لي فقدها في لحظة...و ملاك كانت بالحق الملاك الصغير في حياتنا...هي لعطاتنا قوة في كل خطوة قمنا بيها...رجعت لادم ثقتو في الدنيا...و عطاتني امل باش نكون ام مرة اخرى...الكل تلفتنالو...يجري و يبكي...نسخة طبق اصل على ادم...حتى لون عينيه...يجري و يصيح
مازن:بابا باباااااا...ياااا بابا
هزو في حملتو...يبكي و يشهق...هز يدو مسحلو دموعو يحكي
ادم:شبيك...شبي ولدي
مازن:ضبتني(ضربتني) محبهاث انا
ادم:شكووون
جا باش يحكي قصت علينا روزا لي جاية تجري و تصيح
روزا:وينك...ايذا(ايجا) لهوني...تو نوريك ثنعمل فيك...ايذا برك الا ما نعطيك طريحة
حليت فمي مصدومة فيها...غزرت لزياد بالوقت...لي حتى هو مبهم فيها...هز روحو شوية قرب منها يحكي
زياد:روزا عزيزتي...شنية لي تعمل فيه
روزا:تو نورمال باباتي...ذا(جا) عندنا دقيقة...وريتلو قطوثتي...ياخي ضربها...رذعتلو (رجعتلو) الضربة...و كان مهربث...كنت باث نعطيه طريحة
شدو ضحك و هو يغزرلها...تلفت لزينب لمش مصدقة...غزرت لادم...لشاد ولدو...لتبكم اول ما شافها...متوقعتش هذا الكل يطلع منها فضحتنا...الكل يغزرولها...حطت يدها في نصها تحكي
روزا:تو انا غالطة يا ذماعة(جماعة)
طرشقو بالضحك فرد مرة...حتى زياد محملها و يضحك...غزرلنا يحكي
زياد:بربي سامحونا يا جماعة...كلشي الا قطوستها...متحبش فيها
ادم:وولدي شكون باش يسكتو توا
زياد:ههههههه امسحها فيا...و خليه عندك توا
زينب:والله يطلع منك يا روزا...هاك فجعتلي ولدي
قرب زياد قعد...و مخليها في حضنو...حطيت يدي على يدها نحكي
انا:عيب لي عملتو عزيزتي...ميجيش
روزا:باهي ماماتي اما قلو ميقربث منها
انا:باهي يا روحي
عماد:والله طلعت قوية...صحيتك يا روزا
انا:هههههه زيد شجعها انت
طرشق بالضحك...بقيت نغزرلو...عماد و رغم لي خسرو على خاطري...اما بقى معايا...رغم الخايب لي عديناه عمرو ما لام عليا...عماد خويا كبر وولا راجل...اصر باش يكمل قرايتو في فرنسا بحكم صحابو لي غديكا...متأكدة باش يكون ناجح في حياتو...و باش يفرحني معاه...غزرت لاسماعيل...ظاهر لتوا ملقاش طريق للحب...هو اكثر حد وقف معانا و ساندنا...متأكدة لباش يلقى الثنية الصحيحة...هارون لاهي مع رندة...عندهم توا قرابة عام مخطوبين...يستنى فيها تكمل عقد الخدمة متاعها و يعرسو في اخر العام...تلفت لزينب...تغزر وباقي تعشق في راجلها...برغم سنين لي تعدات...حتى هو نظرتو ليها متبدلتش...غريبة الدنيا...عمري ما توقعت اني باش نسامح ادم و نقعد معاه فرد طاولة...اما الفرحة لي ريتها في عينين زينب...و في ملاك و هي تقول بابا...عرفت انو انا مغلطتش...يمكن السماح هذا عطاهم حتى ليهم حياة جديدة...ادم لي كل مرة يغزرلي...نرا نظرة ندم في عينيه...كانو يطلب مني نسامحو حتى بلا ما يحكي...يااا ريتو ما عمل اكاكا...اما تقدرت...و طحت بين يديه...كان ريت وجهو ليلتها...و لا عينيه و هو يتفحصو بدني مكنتش باش نسامحو جملة...تلفت شوية غزرتلو يوكل فيها و شايخ معاها...تبسمت و انا مرتاحة...من سنين لي تعدات...كل يوم و كل ليلة يثبتلي لي هو يعشقني اكثر...و لا مرة حاول يجرحني...و لا مرة غلط في الكلام...حتى كي يتغشش مني...يصيح مبعد يهدا...شي ما تبدلت من طبيعتو...كان وقت يبدا مع روزا...هو سماها و انا وافقتو...نحبو ينسى الماضي و هو يغزر لبنتو...نحبو يذكر امو كان بالباهي...و انا...انا كل يوم حمد ربي لهو رجعلي زياد...انو نجمت نخرج من الموت في كل مرة...الموت لي كانت محضنتني بكل قوتها...يد زياد كانت تخرجني منها...حلمي اني نولي طبيبة تخليت عليه...منحبش نرجع للكلينيك...و لا نتحمل اوجاع اخرى...و لا نسمع حكايات اخرى...كيف حكايتي...الروضة لي فيها روزا...هي روضة متاعي...حلها زياد على خاطري...عملت جهدي في 3 سنين اني نعلم الايطالية بالقدا...الصغار كهو لي ينجمو يعطوني ثقة في روحي اكثر...و نجم نخلي بنتي قدام عيني نهار الكل...تنهدت بالقاوي كي ريتو نزلها من حملتو...اصلا نعرف متحلفة في مازن و ما تتهنى كان وقت ترجع تضربو...هزيت يدي حطيتها على يدو تحت الطاولة كبست عليها نحكي
انا:فضحتنا بنتك
زياد:خرجت لامها
انا:ههههههه صااار
زياد:مش هذوما خدايمك كي تتقلق
انا:صحيتك سي زياد...و انا جاية نبشرك
زياد:بشنوة
كبست على يدو اكثر...حطيتها على كرشي...غزرلي مصدوم...عقد حواجبو يحكي
زياد:س سوار انتي
انا:مممم حبلة...هوني عندنا بيبي اخر...عيلتنا باش تكبر اكثر
زياد:س سوااار تحكي بالرسمي
انا:ممممم
زياد:معناها انت تتوحم
انا:ايه زياد..شبيك
زياد:و انا نقول شبيها البارح سامحتني فيسع...و سلمت من غير مرج...طلع ولدي ورا الحكاية
انا:بديينا من توا ياااخي
زياد:بوووو زينك راني نعشقك...و نموت عليك
انا:مممم نعرف...و انا نحبك يا روحي
كبس على كرشي اكثر...ريت فرحتو في عينيه...غزرلهم يحكي
زياد:ياااا جماعة عندي ليكم خبر
غزرلو الكل...عرفتو باش يحكي...اصلا مينجمش يسكت عينيه فاضحينو...تبسم يحكي
زياد:الثالث في الطريق
الكل يغزرو لبعضهم مش فاهمين الحكاية...ضيقت عينيا نحكي
انا:الثاني...مش الثالث
زياد:لا الثالث...متغزرولهاش هكا...هي زادة كيما روزا بالظبط
هزيت يدي ضربتو لصدرو شاخ بالضحك...الكل يباركولنا...كبست على يدو اكثر باسني منها يحكي
زياد:نحبك سوار
انا:و انا نحبك يا زياد
كبست عليه اكثر...و سرحت في الضربة لي تحت عينو...سرحت في السنين لي راحت...سرحت في قصة حبنا...الحب لي رجعني للحياة...قصة حياتي غريبة...و قصة حبي غريبة...انا سوار عبد المالك...و لا سوار الادريسي...لااااا...انا سوار...سوار وكهو...سوار لي تابعة زياد...هويتي لقيتها معاه هو كهو...الدنيا وكلتني كف خايب برشا...ذوقتني المر في كل خطوة...اما عوضتني كلشي في زياد...حياتي من غيرو معدومة...و حبي ليه قاعد يكبر نهار بعد نهار...مش حب لااا..عشق كبير...عشق تكتب و تسطر في احضان الموت...عشق يقول انو سوار لزياد...و زياد لسوار...هذوما اخر سطور كتبتهم في مذكرتي قبل ما نسكرها...توا باش نكمل حياتي...من غير خوف...من غير وجيعة...من غير قلق...باش نكملها و انا نغزر لبنتي وولدي يكبرو قدامي...لخويا لباش يولي في نهار من نهارات طبيب ناجح...و حلمتي تتحقق معاه...باش نكملها و انا نغزر لناس لي نحبهم...و هوما عليشين مرتاحين...هاذي انا سواااار....و هذيكا كان حكايتي...#في_احضان_الموت بقلم الكاتبة المبدعة سمر القايد
_النننننننننههههههههاااااااااااااااية ♥♡♥♡♥♡
زياااااااااااد& سوااااااار& اددددم💕💕💕💕💕
😍و هاكا نكونو ازدلنا الستار على كرونيك في أحضان الموت
و نتمنى من كل قلبي تكون عجبتكم و تعطيوني آرائكم فيها بكل صراحة 😍
و ملتقانا في كرونيك أخرى إن شاء الله 😍😍
كمنتار ببلوڨر
تعليقات