لهيب الحقد
الكاتبة : Jounaidi Nesrine
الحلقة الاولى
حكايتنا البطلة متاعها بنية مزيانة في عمر الزهور بلوندة و البشرة بيضاء كالثلج و العيون زروق و الفم يشعشع بالروز هي بنية قراية برشا و بسيطة و صحباتها كعبتين و كعبة الطفلة هذيا من بيئة محافظة و بطلتنا حياتها الكل عدتها من المكتب للدار و من الدار للمكتب الأغلبية ديما وحدانية اما ساعة على ساعة تمشي هي و صحبتها الانتيم منال و صديقتنا هذيا اسمها ملاك في يوم من الايامات كي باقي الأيام هوما قاعدين يقراو في ساعتين عربية دخل للكلاس طفل ياسر مزيان لباسو شيك و باين من عايلة مرموقة العيون و الشعر كحل كي الليل و البدن ميسكلي و مخدوم بالڤدا وهرة و زين وضحكة زايدة فيه الشطر الحاصل الكلاس الكل قعدو حالين افامهم من هذا يا هذا لين البروف قالهم هذا احمد صديقكم الجديد و باش يقرا معاكم من اليوم . و كيما قلنا ملاك طفلة بسيطة و عادية دوبها دوب روحها اما صحبتها الانتيم ياسر بشوشة و تحكي مع الي يجي فيسع ما رمات الصحبة على الصديق و بدأت تذبل في عويناتها هاهي كل يوم مصبحة معاه في البيفات يشربو في القهاوي و يتضيحكوو معاش معبرة صاحبتها نقولو احنا كأنها باعتها و رمات الصحبة على سي احمد الي هو صار مرة على يوصل فيها بالموتور و يدور بيها من بلاصة لبلاصة زعمة زعمة توري فيه في المنطقة
الحلقة الثانية
نهار من نهارات ملاك تلاقات مع صحبتها في الطريق بالصدفة بحكم هي معاش تشوف فيها برشا و سي احمد ماخذلها عقلها و روحها بقاو يمشيو مع بعضهم لحد ما واصلو للليسي و كي العادة منال خلتها وحدها و ديراكسيون للبيفات وين باش تبقى تحكي مع احمد للتضرب السيران باش يدخلو يقراو بعد تحية العلم بعد انقطاع قريب الجمعة بالدوران و الحواسات و الجو والسهريات و كي دخلو للكلاس البروف سال سؤال ما نجم يجاوب عليه حتى حد بعد تردد جاوبت ملاك بحكم هي حشامة و ما تحبش تشارك تدخل للكلاس سيلنسي و تخرج هكاكا شكرها البروف و قالهم خليكم كيما صديقتكم حتا ينفعكم استهتاركم و قلة قرايتكم ياخي احمد قعد يقحر شكون هذيا ملاك الي خلات البروف يمزبل فينا عالصباح قال مالا كارثة آش تستخايل روحها منال قعدت تضحك معاه على صحبتها لا احترمت صداقتهم لا معرفتهم لسنين طويلة ملاك بلعتها بغصة و قررت باش معاش تحكي معاها
تعدات الأيام و الصداقة الي بين منال و احمد كبرت الي يشوف يقول باز راهم مصوحبين بعضهم و يحبو بعضهم لكن الحقيقة العكس احمد يعتبر منال مجرد صديقة لا اكثر لا اقل في حين إنّو منال بدأت تغرق في بحر الحب و العشق و الغرام
في يوم من الايامات نظم الليسي رحلة للجزائر أغلبية الكلاسات شاركو و ملاك من محبي الوحدة ما تحبش برشا الخرجات لكن كي حكت للدارهم على الرحلة شجعوها و قالولها برى بدل الجو علاش ديما شادتلنا وجوهنا
الرحلة هذيا خمسة ايام ايحوسو بيهم كل مرة في بلاصة جاء نهار انطلاق الرحلة الجماعة الكل ركبت في الكار و بدأت تتعدى الكيلومترات اما ملاك مش متعودة برشا بالترونسبور نفسها لعبت و بدأت ترد و يتقطع عليها النفس
نلقا تفاعل باهي نكمل لامحالة جماعة مزالو غاطسين في جو العيد و المشوي و العصبان ان شاءالله فيه الشفاء
بنسبة لناس الي تضحك ان شاءالله نكونو سبب في رسم الضحكة عل وجه و ادخال البهجة للقلب و الله لا يجعلنا سبب في وجعة حد
و انت خويا ولا أختي تحب على كرونيكات متع ........ ماتلقهمش في باجي سوري ثما برشا باجات معبية بيهم انا حلت الباج هذي بش تكون مختلفة فاها مواضيع جديدة حكايات جديدة صفحتنا مع التجديد و الأبداع ولا للتقليد انا نرحب بناس الكل في باجي لكن الي يحب يغادرنا مانجمش نمنعو يلقا الخير ...
الحلقة الثالثة
واقفو الكار و الناس الكل وجعتهم حالها و من بينهم احمد تفجع عليها برشا و هاهو يجيب في دبوزة ماء و يجري بالمشوار لين فاقت بالشويا بالشويا و رجعت للوعيها و خفت الدوخة عطاها بقعتو بجنب الشباك و بقى بجنبها منال تغزر من بعيد لبعيد كيفاش يعطيها بقعتو و يأخذ هو بقعتها باش يبقى بجنبها
ملاك بدأت تحس بشويا راحة حلت الكيت في وذنيها و غمضت عينيها لين خذاها النوم و رقدت شعرها لصفر المزيان تلعب بيه النسمة و الشميسة الزارقة في وجها من الشباك زادت فيها الشطر آش خلى سي احمد ما بعدش عينيه عليها غلبها النوم ياخي رأسها كان باش يتصدّع في البلار ياخي حط ايدو و خذا رأسها و حطو على كتفو و بعدلها شعرها على وجهه و بقى يتأمل في جمالها الملائكي و سكونها الى لا يوصف وقتها اول مرة يحس بحاجة غريبة تجاهها و كي رجع يسترجع في الوقائع قال في نفسو توا أنا آش مدخلني فيها هالدغفة تدوخ و الا حتى تموت لكن فيسع ما رجع للروحو و قال شبيني واليت هكا شنيا الشعور الغريب الي مخليني نفكر فيها ، الكار تهزت و تحطت قامت ملاك مفجوعة تلقى عينيها في عينين احمد و رأسها على كتفو بقات تتأمل للحظات شنيا هالنظرة هذيا سامحني كان قلقتك مش بالعاني قالها لا عادي نو بروبلم و بعد سويعات من الرحلة شافو اول بلاكة مكتوب فيها الجزائر ترحب بكم الجماعة الكل فرحت و بدأت تغني و دربك و جوها احلى جو و قام احمد بالطبيعة بعد ما اتطمن على ملاك يغني و محفلها وصلو النزل الناس الكل هبطت الفاليزات و السيكان متاعها و كل زوز أشخاص خذاو مفاتحهم و بالطبيعة مدام ملاك ما تعرف حد غير منال تلزت باش تاخوها كبينوم
انا راني نعرف كرونيك ناجح ولا مش ناجح من كمنتارات و عدد المتفاعلين معاه اليوم مش بش نحسبو لكن غدوة لكرونيك هذا ميجيبش تفاعل مانكملوش
الحلقة الرابعة
من تعب الرحلة ملاك ديراكت تكبت رقدت باش تفيق في فورما خاطر فمه بروڤرام العشية و في الليل يستنى فيهم منال تقول راكبها جن لا ترتاح لا تخلي شكون يرتاح حاله غناية و تشطح عليها كي قتلها ملاك عيشك نقص شويا في الموزيكا قتلها خليني نبرف للسهرية ، ملاك بلعت السكينة بدمها حطت قطنة في وذنيها و حاولت ترقد و منال تضحك و عاجبها الحال متشمتة ترجع في الفازة و تتغلغل عليها قال شنوا كيفاش احمد لاهي بيها و خايف عليها .
وصل الليل بعد غداء و عشاء قمقوم قامت العباد الكل باش تحضر روحها للسهرة الي باش يحييها الفنان الجزائري الشاب خالد الي ملاك تحبو برشا و ديما تسمعلو غناياتو
منال مزروبة لبست روبة كحلة قصيرة و ڤدت شعرها الفوق و بقات ملاك مترددة شنوا باش تلبس خصوصا بعد ما حلت الفاليز و لقات اختها حطلها دبش فينو روب و جيب في حين إنّو هي جوها سراول تجين و مريول فاضطرت انها تلبس روبة زرقاء نحتلها بدنها و خرجتها بطريقة ياسر مزيانة و طالون أكحل عملت تاشات مكياج و فورمت شعرها و خذات الساك أمان متاعها و خرجت و كي دخلت لقات روحها روتار شويا أغلبية العباد ملمومة و اول ما حطت ساقها في باب أصالة تلقا العيون الكل مرشقة فيها مش من عادتهم يشوفوها بالستيل هذاكا زين و عين تفلق الحاسيلو منال بقات تغزرها على جنب و احمد ذاب فيها و في نظرة عينيها ،ملاك حست بالحشمة هبطت رأسها و مشات قعدت في زاوية على جنب بدأت الحفلة و تعددت الأغاني فمه طفل ولد كلاسها عرض عليها باش ترقص معاه و هي بطبيعتها تحب ترقص اما ما لقاتش مع شكون بما إنّو الي عامله عليها صاحبتها مش معبرتها و لاهية ترقص مع سي المعلم بدأت ملاك ترقص مع سامي لين لمحها احمد من بعيد حس بشعور غريب و مش عادي و عينيه باش تنطق من الغيرة خاصة كي بقريبها سامي اكثر فاكثر
الحلقة الخامسة
احمد بطل الرقص و بقا يعس عليها منال لمحت ملاك ترقص و جوها مزيان حبت تنكد عليها دخلت بيناتهم كي البغل بقات تشطح انسحبت ملاك و قعدت توخر و بحكم هي مش متعودة بالطالون و روبة طويلة ادعثرت جت في حضن احمد قعدو يغزرو لبعضهم مدة و النسيمة تطيرلها في شعرها صاح الشاب خالد اون فا درنسي لا لا لا لا تفجعو لثنين و رجعو للواقع سيبها وقفت شكرتو قالها لا عادي خاطرك مش متعودة بالطالون هههه ضحكت ملاك و قاتلو اي بالضبط المصيبة اختي بدلتلي الدبش قالها بالعكس الساعة الروبة طلعتك مش نورمال عرض عليها باش ترقص معاه وافقت و بالشوية بالشوية بدأت تحس معاه بالراحة و بسكينة عمرها ما حستها قبل بقاو مدة يشطحو و يحكيو كل واحد شنوا يحب و شنوا يكره و اعترفلها إنّو بالحق كان ماخذ عليها فكرة خايبة و حقودة بسبب كلام صحبتها و انها طفلة ياسر بشوشة و مسرارة بقاو يتبادلو في النظرات و البسمات و بدأت نيران الحب تشعل بينهم لين جات الحية الصفراء و نكدت عليهم جوهم الرومنسي و بدأت تتمسخر على صحبتها و تجبد في حكايات قدم باش تهنتل صاحبتها لكن احمد طفاها و وقفلها كي الشوكة في حلقها و ما كانش يضحك بالكل على تخبيصها و الي قاعدة تقول فيه
كملت السهرة و كل واحد شد بيتو و منال تغلغل على ملاك كيفاش بين ليلة و ضحاها تأخذ تفكير و روح احمد و هي معاه عندها أشهر و مش معبرها ،طلع الصباح و تعددت الحواسات و السهريات و القعدات و زادت العلاقة تعمقت بين عصافير الحب اكثر و اكثر منال حست بالغيرة و الضغينة من صحبتها و أعلنت عليها الحرب و في اخر يوم من الرحلة كانت اخر محطة ليهم هي جولة في الجبل مشات الناس الكل
الحلقة السادسة
منال تشوف في ملاك وحدها مشات و حكات معها على برشا حاجات و طلبت منها السماح على الي عملاتو معاها الكل و قتلها عيشك سامحني ملاك
حست إنّو صحبتها صادقة في الي قاعدة تقول فيه عنقتها و قتلها أكيد سامحتك قتلها منال شقولك بيبي كان نمشو للحافة الجبل و نصيحو و نتنفسو نحسو براحة عالمية ملاك عجبتها الفكرة قتلها تواتسويت و هوما اكاكة على حافة الواد منال تصيح و ملاك مغمضة عينيها و فاتحة يديها و تتنفس حست روحها بالحق تحلق حلت عينيها تلقى روحها بين هواء و فضاء و فجاة يجي رأسها على حجرة كبيرة و تفقد الوعي
رجعت منال كان شيئ لم يحدث تحكي و الضحكةقريب توصل للوذنيها .
احمد بدا يفتقد في ملاك قعد يلوج بين لعباد و يسال الي يلقاه قدامو ريتش طفلة بلوندة و طويلة و ضعيفة ..... ولا واحد جاوبو احمد حس روحو بدا يتخنق و الشكوك تهز فيه و تجيب و هو يدعي ان شاء الله ما جرالها شي سال منال قتلو ما عندي حتى فكرة ما قابلتنيش من وقت هبطنا من الكار احمد كي ما لقاش بيها وين مشا للڤيد و قالو صاحبتي مفقودة الناس الكل انتشرت و بدأت تلوج عليها بعد ربع ساعة
الحلقة السابعة
يسمعو في صيحة قوووووووووووووووية زادت قوتها بصدى الجبل جات الناس الكل تتجارى باش تعرف آش فمه يلقاو احمد يصيح و يقلها أمان ما تموتيش حلت عينيها للحظة و رجعت غابت على الوعي و هي هكاكة و غارقة في دمها و الناس تغزر قالهم كلمو لإسعاف آش تستنو الطفلة باش تموت هزوها للسبيتار و هي بين حياة و موت الناس الكل روحت بقى معاها هو و منال بحكم هوما اقرب الناس للها منال تبكي و تتمسكن آه صحبتي باش تموت و تخليني وحدي و هي في قلبها فرحانة باش تموت صاح احمد في وجهها و قالها معاش تعودها الكلمة هذيا ملاك باش تعيش خاطر تعرفني نحبها و ما انجمش نعيش بلا بيها نقتل روحي نرمي روحي كيفها
و هو يمشي و يجي و وين ما يخرج الطبيب ايقلو دكتور ملاك باش تعيش مش هكا ؟؟!! و الطبيب قالو حالتها خطيرة و انجمو نفقدوها و حتى كان عاشت صعيب باش تفيق من الغيبوبة و دامت العملية قريب ثمنية سوايع و كي خرج الطبيب قالو الحمد لله خرجت من مرحلة الخطر قالو أنجم نشوفها نحكي معها متاكد باش تفيق دخل شد أيدها و بدا يبكي و يذكر فيها بحبهم و جوهم و حواساتهم جاتو الفرملية قاتلو بدل دبشك عيش ولدي حالتك بالدم قام
الحلقة الثامنة و الأخيرة
جات اللفعة في جرتو و بدأت تهز في المريضة و تحط ماكش حابة تموتي أنا نقتلك مرة اخرى و مدة أيدها باش تزرقلها السم لين تحس في أيدها تشلت إنتي حبيت تقتلها يا ما تحشمش
بدأت تصيح و الله لا عملت شي خاطيني هي لزتني هي وصلت روحها تحب تاخذك مني لا لا ما عملت شي قالها إنتي سبب المشاكل يا انانية هذا مش حب جا الأمن كي كثر الصياح قالهم هزوها راهي مجرمة
قاتلو سامحني عيشك ما نقصدش الشيطان هو السبب و حبي لأعمى ليك خلاني نعمل هكا و انت تعرف الي ملاك كانت أعز أصحابي و هي هكاكة تبكي و تتوسل و الأمني يكركر فيها
في اللحظة هذيكا فاقت ملاك قتلهم سيبوها أنا سامحتها فرحت منال و رجعت للوعيها و بدأت تبوس في صحبتها و تطلب في السماح و هي تشهق بعد الي عملتو فيك سمحتني إنتي بالحق تعرفي معنى الصداقة مش كيفي كنت انانية و فكرت كان في روحي و في حبي لاحمد
تعدت الايامات و منال بالحق تغيرت رجعو احلى اصحاب و احمد و ملاك أقوى كوبل و الناس الكل تشهد بحبهم منال تغيرت 360 درجة و انسحبت من الحرب حرب الحب الي اعتبرت كل الأسلحة فيها متاحة لكن القلب و ما يريد فمن الحب ما قتل و لكن الصداقة كنز لا يفنى و اكتشفت منال الي عندها شكون يحبها من كل قلبو رغم طبيعتها الي مش باهية سامي الي تمنع إنّو يعبر خاطر شافها تحب على احمد بالشويا بالشويا. قلبها حنلو و بدا يخفق من جديد
"عموما لو كانت حقا تحب الاول فما خفق قلبها للثاني "
The end. 😌😌😌😌
رايكم؟؟؟؟
كمنتار ببلوڨر
تعليقات