ليس ذنبي
الكاتبة : souha khatrouch
أبطالو يحيى طفل طويل أبيض حرجو فالأكحل و مايا طولها متوسط عيناها شهل و شعرها شاتان و قمحية و أيهم قمحي شعرو مارون عينيه مارو و عندو غمازات 😍
الحلقة1:
أيهم:منجموش نعرسو يا مايا إفهم أمي قتلي منعرسلكش ببنت حراام .. 😠 💍
مايا في بيتها تبكي 😭 و تتفكر في أيهم حب حياتها إلي عطات فيه الثيقة و عطاتو قلبها بعد ما خلاها تعشقو و توا شنوا رجعلها ...
نرجعو لصغر مايا و حكايتها و كيفاه مشات للSOS
مايا كانت تعيش مع أمها و بوها ..هوا علا فكرة يجي كل شئ إلا بو كل ليلة يروح يطايح .. 🍻🍻🚬🚬 دوب معرست بيه أمها كان عندو شركات و عقارات يعني أقل ما يقال مليونير .. أما هوا من كثر السهريات و القعدات شراب (حشاكم) بنات 💑 قمار 💸💸 فلس وولا كل يوم يروحلهم يطايح ...
في هاك الليلة تحولت حياة مايا و تبدلت 180° ... في الليلة هذيكا بوها قتل أمها أي قتلها
...:حل الباب
...:لا منيش حالا
..:قتلك حل خير منكسرو
جرات مريم و كلمت مايا بالشوي قومتها حططها فيسع فالدريسينغ ...كسر بوها الباب وبدا يضرب في مريم و مايا تخزر من مالنقبة متاع الدريسينغ
قوا بوها فالضرب و جاب عصا كسرهالها على راصها ماتت جاب حبل ربطها بيه فالسقف و بعد شنقها و شنق روحو و ماتو بوها و أمها قدامها هذا لكل و هيا عمرها مفاتش 5 سنين
جا الحاكم و هزوها لمندوب حماية الطفولة تعدى صغرها في الSOS لقات أحسن معاملة ماللول هيا مازالت متأثرة بالمشهد إلي شافاتو عاونوها الطبة و الSOS و تحسنت حالتها ملي دخلت للمكتب تسمع في كلمة من عند العباد 'بنت حرام' رغم إلي هيا تولدت بالصداق
الحلقة 2
كبرت وصلت للليسي بدات تخبي في الحكاية .. خلاتو سر .. سرها الصغير... عايشة في الميتم عيشة باهية إلي مربيتها تحبها هيا و خواتها (إلي ترباو معاها).. كانت دوب معملت 14سنة تخدم في الصيف مصروف لبستها باقي الماكلة متوفرة.. تعدت و نجحت الباك تكنيك دخلت لفاك الهندسة 📏📐 ...
أول نهار في الفاك قامت بكري لبست سروال دجين بوي فراند مقطع عليه مريول جون و فاست كوير وباسكات جون ..مسيبة شعرها و عاملة شوية بنسو و شوية روج ...
دخلت للكلاس وصلت بكري تلقى طفل بركا في القاعة قاعد في الصف الفوقاني قعدت قدامو .. قام و وقف و جاء قدامها
أيهم :سلام نجم نقعد بجنبك
مايا: أي تفضل
كمل الكور و هيا مروحة عرضها نزار بالكرهبة
أيهم :هيا أطلع نوصلك
_لا عيشك ميسالش خلي مرة أخرى
_باهي على راحتك
علاقة مايا بأيهم قوات كل يوم مع بعضهم كل يوم يخرجو نسيت مقتلكمش أيهم ولد أكبر رجل أعمال فالبلاد بليونير و شوية عليه الكلمة ... ولاو يحبو بعضهم لاكن حتى واحد فيهم مستعرف لللاخر..
ليوم قرر أيهم يستعرف لمايا بمشاعرو و رغم إلي هوا يعرف إلي هيا مهياش لاباس عليها و عادية ضروفها
(سهى ختروش💎)
كملو الكور خرجو مع بعضهم تكلم أيهم
_ديناصورة عندي وين شنهزك ليوم نحب نحكيلك حاجا
_باهي أما نبطاوش حتى أنا عندي منحكيلك
وصلو للبحر وقتها شتاء و نهار بااارد كانت لابسة سروال دجين فاتح (taille haut) و بكلو مقطق تحتو كولون نوار مشبك و عليه فاست نوار و بورتكان نوار و مسيبة شعرها هوما هكاكة يحكيو
أيهم:أي عاد شنوا كنت شتقلي
(سهى ختروش💎)
مايا :تكلم إنت قبل 😂
أيهم:باهي .. لينا أنا حبيتك علخر و من أول نهار قريت فيه معايا سينون تقبل تكون معايا ولا لا 😍💍
مايا :نقبل .. لاكن فما حاجات تعرفهمش عليا
أيهم:إلمهم تقبل أحكي أحكي ❤
مايا:شوف أيهم راني من صغار برڨيبة و حكاتلو كل شئ
أيهم ماللول تصدم و بعد قلها
_أي ونتي شنيا ذنبك أيجا عندي ديناصورة
فرحت مايا نهارتها متتوصفش ..
توا هوما في ثالث عام في الفاك كل يوم حبهم يزيد
فاك كاملة تحكي بحبهم
الحلقة 3
وصلت الحكاية لعايلة أيهم
وصل أيهم للدار عرضتو أمو
مجيدة :مرحبا ولدي شعملت فالفاك لاباس
أيهم: أي حمدلله يا ميمتي
مجيدة :إجا أقعد عندي منحكيلك أيهم : أي أحكي
مجيدة : أي ولدي عندكش وحدة هكا تحب نخطبوهالك 😊
_هوا فما أما فما حاجة
_شنوا
_هيا طفلة عاقلة و متربية و قراية و محلاها في وجها أما.. _أي مشاله هاي تباركله أما شنوا..
_هيا من صغار برڨيبة .. و
_يا فضيحتي ولدي أيهم بن*** ولد عبد القادر بن**** يعرس ببنت حرام ...
_يا أمي مهيش بنت حراام
_شنيا الفرق منين بش نمشو نخطبوها .. شكون أهلها نسيت روحك شكون تنسى إلي إنت ولدي و الاملاك لكل تتحرم منها و مانرضاش عليك لا دنيا لا آخرة..
أيهم بقاا مصدووم في أمو .. أمو إلي رباتو أمو المتثقفة كيفاه تخمم ...
مايا قاعدة إطيب (ساكنة في الفوايي و في الصيف تكري مع بنات ) ... قاعدة تتفكر و فرحانة طلبها أيهم
أيهم :ألو..
مايا: سلاام
أيهم :شوف مايا منجموش نعرسو إفهم أمي قتلي متعرسش ببنت حرام ..
كلام أيهم هبط على مايا كالصاعقة مشات طول تجري لبيتها تتفكر في أيهم حب حياتها إلي عطات فيه الثيقة و عطاتو قلبها بعد ما خلاها تعشقو و توا شنوا رجعلها رجعلها الوجيعة ..
مايا تبكي في بيتها و ناسية العشا إلي يطيب العشا تحرق و هيا مش فايقة البيوت تحرقو و هيا موش فايقة بشئ و النفس بدا يتسد علاها و ما فاقت بكان الدنيا تتحرق طلبت أيهم
_ألو ..
_أمان أيهم إجريلي بيتي قاعدة تتحرق إجريلي و بعد داخت
_ألو ألو ألو ..
الحلقة 4
خرج يجري هز مفاتح الكرهبة ديراكسيون الفوايي
أيهم : ألو الحماية المدنية بربي فما حريقة في فوايي *** و طفلة دايخة 😭😭
دوب موصل يلقا مايا يطلعو فيها فالامبيلونص
_نجم نطلع معاها أنا خطيبها
طريق كامل و هوا شادلها يدها .... وصلو للسبيطار الطبة بداو يعملولها فالأكسجين لين بدات تحل في عيناها بالشويا
مايا: أي..أيهم أنا وين
الطبيب:تحرقت الشامبر متاعك فالفوايي و أيهم طلب الحماية المدنية و هوما طلبونا و توا هاك لاباس حمد لله
_باهي أيهم وين
_مداموازال أيهم لبرا توا نعيطهولك
_لا مغير مطعيطلو و كان جا داخل متخليهش
أيهم كان ورا الباب سمعها عذرها ...
مايا قعدت 4 أيام فالسبيطار وقتلي جات خارجة شافت أيهم مشات فالطريق لاخر
أيهم: بربي وين ماشيا
_شمدخلك بربي
_لا دخلني
صاحت عليه فرد صيحة
شكونك إنت شكووون أنا ماني بنت حرااام ماك قلت بنت حرااام
هزها بالسيف حطها فالكرهبة
نلقا تفاعل باهي عل حلقات الي هبطهم فرد وقت(4،5،6،7) نزيد نهبط حلقات اخرين جرت بعضهم
طول هزها للفوايي
_بربي وين مجايبني تي ماي محروقة .. 😑😕😕
_أهبط و اسكت 😂
طلعو للبيت في الفوايي تلقى الباب البراني مدهون دهنة جديدة وقتلي نرمالمون يكون محروق سكتت و إستغربت دقت لباب سناء بينومتها ليوم باز روحت خاطر بوها مات و قعدت جمعتين و ترجع ليوم ... حلت سناء لباب
سناء : سلام اا زين سافا ، أهلا أيهم لاباس
أيهم:حمد لله عيشك
مايا كانت داخلة و باهتة البيت لكلها نضيفة و مدهونة أثاثها خير من قبل
الحلقة 5
مايا :مقلك حد أعمل مزية سي أيهم و توا تنجم تتفضل
أيهم : عيشك معناها أنا ندهن و نتعب ونتي أعمل هكا
روح أيهم العصب يهز فيه
كمل العام و توا مايا لازمها تلوج مع شكون تكري خاطر سناء عندها دارهم تروحلها و مايا عندها كان وجه ربي .. هيا سي ديجا تقرا و تخدم تغسل الأصحنة في مطعم صغير فالعاصمة مولاتو مرا
زينب(مولات المطعم):
ميوتة أيا روح معايا عيش بنتي تي مكسبي وليد و يروح مالخدمة مخر طول يشد بيتو إيجا أقعد بحذايا لين إدبر بنات تكري معاهم هيا عيش بنيتي 💛
من نهارت إلي قلها أيهم هكاكة دفنة حكايتها معاه خاطر كان جا حبها بلحق راو موجعهاش موصلتش تتجرح بالصيفة هاذي إلي يحب يراعي مشاعر غيرو يحس بيه ياقف معاه على عكس إلي عملو أيهم مع مايا.. 💔
نرجعلكم لمايا و زينوبة
زينب:أيا بنيتي شقلت أنا منيش باش نخليك راو تقعد فالشارع
مايا:عيشك يا زينوبة والله حشمتي على روحي 😊❤
زينب:هيا ملا نمشيو 💛
وصلو للدار دار متوسطة موش كبيرة برشا 3 بيوت و صالة .. زينوبة عمرها 43 محلاها أما عرسولها عمرها 16 بعد بعام جابت يحيى راجلها كان مدللها أما مات و خلاها عمرها 21 سنة ربت يحيى وحدها كبرت معاه ... يحيى قرا technicien supérieur تخرج عمناول و توا شاد يخدم في شركة عمرو 24 سنة أكبر من مايا بعام زينوبة كانت تعرف حكاية مايا لكل و حاسبتها كيف بنتها ...
ههه دوب مدخلو يلقاو يحيى في الصالة راقد بشورت سمع حلان لباب حل عينيه يسخايل أمو بركا يحيى: أهلا أمي شبيك لتوا
زينب: قوم إلبس قوم منيش وحدي معايا مايا 😂😂
يحيى: م..م..مايا 😮
زينب :أيا تي قوم الطفلة باش تدخل 😂😂
دخلت مايا وجا يحيى قعدو ليلة كاملة يحكيو و يضحكو
الحلقة 6 :
يحيى يعرف مايا بمإنها تخدم عند أمو ليها 3 سنين لاكن كان يعرف كان إسمها من غدوة ...
يحيى:هيا زينوبة نوصلكم
زينب: ووه يا وليدي طالعتلك السخانة ملي عرفتك لعمرك قتلي هيا نوصلك 😂😂😂
_أمي يزيتش مش لازم
مايا كان تخزرلهم و تضحك حاسدتهم على ضحكتهم إلي مالقلب وصلهم و مشا يخدم ..
ولا كل يوم يوصلهم و يتعدى يخدم ...
نهار روح في الليل كيف وصل يلقى مايا ساهرة فالصالة
يحيى: أهلا
مايا: أهلاان
يحيى: ويني زينوبة راقدة
مايا : أي من بكري دخلت باااز
يحيى: شقولك نخرجو 😂❤
مايا : توااا 😮
_ههه تي هيا بركا
كانت زينوبة فايقة سمعتهم و قالت في قلبها : يا ربي يجمعكم فالحلال ❤
مشااو للبحر
يحيى: نجم نسألك
_أي تفضل
_حبيت قبل
_لا علاه (نكرت جملا😮 ) ونتي
_أنا قاعد نحب ❤
_اا أي أحكيلي شكون سعيدة الحظ 😑😍
_إنت
_اااه
_أي إنت طبيبة محلاك تحفونة شناقصك
_إنت فما حجات متعرفهمش
_كانك على حكايت فيبالي زينوبة حكاتلي غير وافق نعيشك أميرة في زمانك ..
سكتت شوية تفكرت أيهم تفكرت حبها لاكن جا كلامو في وذنيها "منجموش نعرسو يا مايا إفهم أمي قتلي منعرسلكش إب بنت حرااام" 😭😭
قالت طول : أي نقبل أي أما على شرط نعرسو الصيف هذا ❤
_باهي تدلل على خاطر أك العنين نعمل كل شئ 😍
من غدوا حكاااو إل زينوبة فرحت فرحة متتطوسفش
الحلقة 7 :
تعدااو الأيامات هاذوكم أحسن أيامات على مايا ..
أيهم سمع تصدم بقا يخمم كيفاه شينتقم
توا مازال ع العرس جمعة
_ألو
_ألو يحيى معايا
_أي ونتي شكون
_ أنا أيهم حاجتي بيك إنت متعرفنيش لاكن أنا نعرفك .. إيجاني للأدراس **** بعد ساعة
بعد ساعة وصل يحيى عرضو أيهم
_سلام
_سلاام
_باهي تنجم تحكي منين تعرفني
_ههه أنا منعرفكش إنتي نعرف مايا
يحيى عروقو لكل بانت طلعلو العصب
_تكلم قول شعندك
_شو أنا خاطيبتك كانت صاحبتي و ... وشوف أهوما تصاور (تصاورها لابسا لبسة محزوقة و هوما بعثتهوملو سناء ماخذتهم من تلفونها)
هبل يحيى و قلب عليه الطاولة طلب يحيى مايا
_ألو يا روحي
_إيجا توا للبلاصة متع لعادة
_شبيك منرفز ووه شبيه علق
خرجت فيسع فالطريق تلقى ميساج من عند عبد تعرفوش
"هههه هاك بعدت و بعد حبيت تعرس ههه ماكش شتنجم ... حبك لقديم أيهم "
تشلت في بلاصتها
وصلت ليحيى
_شكوون ر*** أيهم هذا قلت ل*** مالنهار لول أحكيلي لا وزيد تطلع تمشي تبات حذااه
_أنا صحيح مقتلكش إلي
_سكر **** فمك
نحا الخاتم و رماهولها على قلبها و مشا و خلاها
شنيا ذنبها هيا ..هيا إلي حبت تبعد على أيهم ماو هوا السبب مشات ديراكسيون دار أيهم
الحلقة 8 و الأخيرة:
لقات شجرة كبيييرة في دارو شدت حبل ربطت بيه رقبتها و شنقت روحها كانت نهايتها كيف أمها و بوها قد ما حاولت تتأقلم كل مرة المجتمع يعطيها كف أي كف و قوي في حاجة مش ذنبها و نضرتهم على أطفال الميتم و بما نسموهم أحنا "أولاد برڨيبة" و تسمو هكا خاطر قبل كانو يقولو برڨيبة أب الشعب ...
علاش نضرتنا لكل صغير في ميتم على إنو 'ولد حرام' و أنا منحبذهاش الكلمة هاذي لاكن بلحق الكبار يغلطو و الصغار تخلص موش كل صغير راهو لقيط ينجم يكون عندو أم و بو بالصداق لاكن معندهمش باش يصرفو عليه .. أحنا ناخذو ع الشخص ديما الفكرة الخايبة مجتمعنا ميرحمش و بالأخص الطفلة حكاية مايا هي وحدة من آلاف البنات و بالله ميساج للبنات إستحفظ على روحك خاطر الصغير راو باش يخلص و يخلص بالخايب زادا بش يتوجع في كل لحضة يشوف فاها صغير مع أمو كل لحضة يشوف صغير وسط عايلتو أنا نتمنى ميساجي يكون وصل
#ليس_ذنبي لسهى ختروش 💎
#من_هنا_فصعيدا كي نعمللكم جادورات على كمنتاراتكم يعني الحلقة الي بعدها هبطت ولا راني بش نهبطها تو تو و جادوارت على كمنتارات اخر حلقة يعني ثمة كرونيك جديد اهبط اوك
تو اعطيوني رايكم في كرونيك سهى
كمنتار ببلوڨر
تعليقات