مخالب ارغد
بقلم نورهان منصوري
الحلقة 1
تركزت على عكااز جدي و وقفت...غزرتلهم وااحد واحد...كل حد نثبت في ملامح وجهو...لازمني ناخو القرار الصح...مانيش باش نسمح حد يحطم و يدمر احلام خويا توأم...خذيت نفس عميق نحكي...
انا:اسوان مستحيل يعرس بطريقة هاذي...
وقف بابا يحكي بغش....
مصطفى:ااا مالة واشي شكون باش يلمها المرا!! تحب شرفنا يتلطخ بالوسخ..ڨول تراه يا أرغد...
انا:بابا متڨولش هكا لاعاش ولا كان الي يوسخ شرف العيلة...ولا شرف عرشنا...اما اسوان مينجمش موش موالم كيفنا هو عاش و قرا في تونس حتى تفكيرو موش كيفكم
جات باش تتكلم امي..هز يدو اشرلها باش تسكت...
مصطفى:نساوين متڨصش على رجالة لحديث...ايا تراه كل وحدة تشد حوشها...
قامو لكل تفرقو...كبست على عكاز في يدي...نحاول نهدي روحي..
انا:بابا اسوان لا علاش باش نحطموه...
مصطفى:مالة شكون الي باش يستر شرفنا و خاصة الورث...انت مثلا!! ڨول تراه يا كبدي
انا:واشي ا بابا!! انا!!
مصطفى:ا مالة هاك متحبش خوك مالة عرس بيها انت...
بلعت ريقي بالسيف...منيش عارف كيف نعمل موقف لا يحسد عليه...كيفاش نعرس بيها و انا ماالكة ڨلبي حورية اخرى...
مصطفى:واش ا كبدي اش ڨلت تاخذها انت مرت عمك و تستر شرفنا و تحمي ارثنا و تاڨف على عرشنا...و مانشمت فينا العديان
حط يدو على كتفي كبس عليا ...
مصطفى:أرغد ناا جبت راجل و سيد رجالة نعرفك متڨوليش لا كل شي في مصلحت عرشنا...خلي اسوان...خوذها انت...متلزنيش نڨولك لا نرضى عليك دنيا و لا آخرة...
عروق بدني تكبسو...نحس في عرق باش يطرشقلي من العصب...خذيت نفس نهدي في روحي على قد مانقدر...منجمش نطيح كلمة بابا كبيرنا اماا زادة منجمش نضحي بالمرا الي بغاها ڨلبي و سكنت روحي..
مصطفى:هاو باش نخليك ليلة و صباح نسمع منك جواب صواب ا كبدي...
-----------------------------
#مخالب #أرغد (المتكبر)
أرغد يحكي..
حليت عينياا راسي ثڨيل...تقعدت شوي...هزيت تاليفون...نشوف فيه طالبني برشا مرات...عديت يدي على شعري انا متأكد الي حس بيا و بوجيعتي موش مستانس يطلب هكا...احنا توأم بالروح و القلب و العقل موش بالشبيهة كهو صح مايفرقوش بينا غير بالعكاز الي في يدي من صغرة و بقوة الشخصية عكس خويا اسوان...خذيت نفس طلبتو نحكي..
انا:ڨلبي وينك اش حوالك
اسوان:انا منيش لباس خلاص كي انت ماكش لباس ارغد ڨلي شفما واش صار في القرية صحيح الي سمعتو باش تعرس بمرت عمك
انا:اي باش نعرس...
اسوان:لا مستحيل نا نعرفكش هكا...حتى انت باش تولي كيفهم و تبع تقاليدهم
ضربت بيدي على طابل...
انا:نا مانولي كيف حد ...اماا تعرفني نكسرش كلمة بونا... اسمع نڨولك غدوه تكون ڨدام عينيا...باش نذبح عاصي و نعمل عشى و مهرجان الاحصنة اا ماله راك ربحت اكبر صفقة و هاذي اول صفقة ليك
اسوان: لا منحب شي ارغد
انا:اوووه فاش تحكي انت راك ولد مصطفى سلطان هالقرية و كبيرهم...و خو ارغد كيفاه نعملكش مهرجان...ايا مغير ماتزيد معايا غدوة صباح تكون ڨدام عينيا..
علقت عليه تاليفون...و قلبي دم على روحي...انا مستحيل نكون كيفهم اكيد باش يجي نهار و نمحي هالتقاليد...نا ارغد المتكبر مايهزني ريح و لا يزعزني شي اكيد كل شي باش يتغير...
قمت عملت دوش...و هبطت لوطة نلقا مرت عمي غزرتلها بشطر عين و تعديت وڨفتني امي...تنادي عليا...
سلطانة:أرغد ا كبدي ارواح افطر كول لقمة راك من يومين ما ذڨت شي...
بستها من يدها...
انا:ربي يخليك يما معينيش تو يلزمني نمشي تو نتفقد الهنشير كي نرجع تو ناكل...
سلطانة:ڨلبي دم عليك يا ارغد...نعرف الي انت...
انا:يما عيشك متحكي شي قرار بويا وافڨت عليه و الي فيه لخير ربي يسهلو دعواتك و رضايتك برك...
خرجت لبرا...نمشي و متركز على عكاز...عكاز مارزن مرصع بالذهب منقوش عليه اسم جدي و اسمي نقشهولي قبل مايموت...نتمشى و نتفقد في الفلاحه و الخدامة...حبشت كيف شفتها متعدية هي و امها دوب ماشفااتني غطت شعرها بالمحرمة...غزرتلي درا كيف نحسها متحملنيش...وقفت امها مطبسة راسها تحكي..
هي:سيدي اش حالك ان شاء الله بخير...سامحني على توخير صبحت مريضة شوي..
انا:كي مريضة ماتجيش خلاص ارجعي لحوشك..
جبدت فلوس من جيبي حطيتهم في يدها..
انا:هذا خلاصك بالمسبق برا لطبيب متع القرية قلو بعثني ارغد تو يتلهى بيك...
رغدة:لا منحب حد يعمل مزية علينا نا تو نخدم في بلاصة يما ليوم و نخلص بعرڨ جبيني و نهز يما لطبيب...خلي فلوسك عندك سي ارغد..
نشوف في امها كي تقرص فيها مطول لسانها المڨصوفة
انا:باهي اما خدمة يماك متعبة شوي تنجمي روحك..
رغدة: ا مالة واشي نجم و نص...مناش محڨورين..سي ارغد
هزيت عكازي اشرتلها بيه باش تمشي جيهة نساوين الخدامة...
انا:بري حذا نساوين فما مرا اسمها مبروكة ڨلها بعثني ارغد تو تفهك الخدمة
هزتلي براسها باهي و مشات...كل خطوة تعملها كاينها تعزف على اوتار ڨلبي...مشات امها لحوشها و كملت نا دورة في الهنشير...رجعت لدار...دوب مادخلت عرضتني مرت عمي...تفرك في صوابع يدها عرفتها تحب تڨول شي...
انا:واش مرت عمي اش تحبي تو تكلمي تحشميش..
زهرة:عمك الله يرحمو و نا كيفي كيفك موش مرغوبة بيه هالعرس خلاص يا ارغد اما هاذي تقاليد عرشنا و قريتنا
لفت وجهي يمين و يسار جبدتها من يدها بقوة دخلتها للبيت...دزيتها....رميت العكاز عالفرش...
انا:اسمعيني مليح يا زهرة...عمي مات صح و خلى ورث كبييير اما كتب في وصيتو انتي معندك حتى حڨ تتصرفي فيه...و زيد كتب اسم خويا ليش اه فما راجل قبل مايموت يكتب الي مرتو يحبها تعرس بعدو بولد خوه ااه...شوفي مليح يا زهرة هزي عينيك شوفي ناا ارغد حد مايقدر يلعبني على اصاابعو انت وراكي سر كبير و نا تو نعرفو خلي لعرس يتم و حسابنا بعدين....و تو تلمي روحك و وجهك منشوفوش برا الحوش سمعتي!!
هزتلي براسها باهي و خرجت تجري...نفخت بعصب...صونا تاليفون هزيت نحكي...
انا:عشيري
باسل:ا وينك هكا تو قرابت 4 شهور منشوفكش وقتاش تجي لتونس...
انا:نكمل المهرجان غدوة و نهبط لتونس نتفقد الاوتيل..
باسل: ارغد وقتاش ناوي تعلم بوك بالاوتيل
انا:و علاش نعلم فيه خليني مرة نعمل حاجة نحبها....انا نحب توريزم و نحب المشاريع الضخمة وهو يحب الارض و الفلاحة حتى شريكة متع خويا فلاحية الي ربح صفقه فيها...انا نرضيه هو و نرضي روحي زادة...المهم نهارين اخرين نتقابلو...
باسل:ههههه اما تعجبني كي تحكي لهجتين ريفي و ولد العاصمة..
انا:ايه زادة لواحد ماينكرش في اصلو و لهجتو الاصلية نا ريفي و نحكي ريفي اما كي نبدا في خدمتي و خاصة في الاوتيل لازم نحكي بلهجتكم ههههه
باسل:يا متكبر
انا:هههه برا ابعد ز**
علقت تاليفون...و ترميت عالفرش...غمضت عينيا نتذكر فيها كيفاه تحكي بتسوميم و طولت لسان المڨصوفة هبلتني اصل...اما كيف باش نجم نعيش من غيرها كيف باش نعرس بغيرها..مخي باش يطرشڨ من تخمام...قمت شربت حرابش نوم و رقدت منحب نخمم في شي...نحب نرتاح غدوة مهرجان كبير على شرف خويا أسوان...نحب كان الفرح غدوة منحب شي يعكرلي مزاجي...
رغدة تحكي..
حليت عينيا صباح بكري...ڨمت نتفقد في يما نلڨى سخانة طاحت الحمد الله...حضرت الفطور لبابا و ليها و خرجت ڨصدت ربي للخدمة...تمنيت لو كان تو نكون ماشية نقرا موش نخدم في الهنشير متع اكا المتكبر اش نكرهو يا حليلي راو غلب على ڨلبي اش يسخايل روحو نهار لكل و هو عاڨد حواجيبو موش عاجبو شي...ايه حتى هو مولود في فمو معلڨة ذهب موش كي همي...استغفر الله...وصلت للهنشير نلڨى نساوين واڨفة كل وحده واش تحكي...ڨربت من وحدة ندي في العمر نسقصي فيها اش فما...
انا:واش فما هنا شبيها دنيا خايضة...
زينة:ڨلك ليلة فما مهرجان و تو يذبحو في عاصي (بڨرة) و 5 نعجات ڨلك عشاء و احصنة تتراڨص و كرتوش بالمڨرون ليلة باش يخيط و يمكن فما راڨصات..
انا:واشي هذا الكل ياخي اخت اكا المتكبر باش تعرس
زينة:لا هابنتي المهرجان في خاطر اسوان توأم سي أرغد
انا:اااا ڨولي هكا كل شي يعملو منو هدرة في هالقرية..ايا خلينا نتكماسو في الخدمه
شدتني من يدي وڨفتني..
زينة:استني ا بنتي خلي نشوف سي أرغد اااه نصبح على وجهو السمح
انا:واشي واشي صبحي هالصباح ملڨيت على شكون نصبح مفهمتش انتي و بناويت اش معجبكم فيه نا عايفتو خلاص كي يڨعد اخر واحد في الرجالة مانخذوش..
زينة:بري بري اخدمي على اساس هو ميت عليك و ڨلك نحب نوخذك...تهني ا بنتي سي أرغد مايوخذ كان من مستواه
انا:يتهنى سعيد بسعيدة ا وخيتي سيبيني نتكماسا (نبدا) على روحي نكلت علي جابوني...
مشيت و خليتهم بديت نجمع في زيتونات...شمس نقبتلي راسي...حطيت المظلة...نسمع في حس زغاريط...ها اسوان هذا كل عام ينجح ولا واشي...ها توأم مفهمتهمش خلاص...حسيت روحي تعبت تكيت على شجرة نسمح في عرڨي...هزيت راسي نشوف فيه واڨف ڨدامي...متركز على عكازو ذهباتو جهروني في عينيا...
أرغد:بري ارتاحي لعشية مفماش خدمة...في ليل جيبي امك و بيّك للعشاء و تسهرو حذانا
انا:لا كثر خيرك و ان شاء الله مبروك عليكم
ارغد:حد مايڨول للمتكبر لا موش انتي تڨولي عليا متكبر موش انتي طلعتي هالاسم فيا..
حليت عينيا على وسعهم...نبلع في ريقي بالسيف كيفاه عرف الي انا نڨول عليه هكاك...
انا:نا!! لا لا واش تحكي انت صلي على نبي سي ارغد
أرغد:عليه صلاة و سلام ...معلينا توا نحكو فيه من بعد الموضوع هذا يا رغدة ...نستناك مبعد
عطاني بظهرو و مشى ..حطيت يدي على ڨلبي الي ڨريب يخرج من بلاصتو...لميت روحي و رجعت للحوش...ڨصيت على سانية عرضني محمد...نفخت بعصب ربي يعدي هالنهار على خير...
محمد:نجمة في عز نهار يا ناس..
انا:لم روحك ا محمد منيش ناڨصتك
محمد:لاش جيتك على العين العورة ا بنت المنجي...شبيكي حاڨرتينا منشرفوكش ولا واشي
هزيتو و حطيتو عطيتو ڨحرت موت
انا:شوف روحك ا شنتي نا بكلي باش نوخذك انت هههه تحلم ا محمد كي تصحى من شراب تو نحكي معاك فوتني تو هالعشوة...
هزيت جلبابي من تحت و نزرب في خطواتي..
محمد:باهي ا رغدة زمان طويل و انا وراك وراك منيش مسيبك ا بنت المنجي..
انا:اتلف المهم هذا...
وصلت للحوش دخلت على يما...ڨعدت جنبها شربت الما نحكي..
انا: ا يما المتكبر...تي نڨصد سي ارغد مستدعينا لمهرجان اسوان خوه...تحبي تمشي!
سالمة:اي بنيتي نروحو لاش لا...نغيرو جو و هوكا تلبسي جلبابك الجديد الي شريتهولك من سوڨ...
انا: يما صراحة معنتيش...
سالمة:لا لا خلينا نمشو برك سي ارغد خيرو سابڨ عيب يلزمنا نروحو...
انا:باهي يما على كيفك خليني نڨوم نرتاح شوي ڨوميني مبعد
بستها من خدها و ڨمت دخلت لبيت سخونة تشوي اصل حتى مروحه نكسبوهاش...نحيت جلبابي و بڨيت بروبة ڨصيرة تفرهدني في هالسخانة...سكرت باب كاليتو بعصا...
تمديت على جراية...حسيت فما شكون يطل من ثقب...شدتني غصة في ڨلبي يعني هالصنعة مباش ينحيها...يا ناس راهو بابا الي جابني اي اي بابا الي جابني يتحرش بيا بنضرتو ليا...بلمساتو الي نحسهم كي نبدا راڨدة...منجمش نصيح و نحكي و نڨول الي يصير شكون باش يصدڨني في هالقرية الصغيرة الخبر يفوح و نولي انا المعيوبة و اناا العاهرة...لفيت على روحي بالملحفة و حسبت روحي مشفتوش...ندعي لربي يخلصني منو و يجيه بلاه على غير يدي...
أرغد يحكي..
واڨف نا و بابا و يما و اختي نستناو في دخول اسوان علينا...كبست امي على يدي تحكي
سلطانة: تعرف شي ا كبدي صحيح انت و خوك نسخة على بعضكم اماا وحشي ليه ڨد صبري في دنيا كي نشوفك كل يوم كايني نشوف فيه هو اماا تبقى بلاصتو فارغة و كبيرة
انا:نا زادة متوحشو برشا اسوان شطري راه رانا ڨلب واحد و عڨل واحد.. كان موش هالعكاز شكون باش يفرڨنا ا يما...
سلطانة:لا هنا تغلط ا ولد كرشي..نا نفرڨكم مليح...طبايعكم موش كيف كيف...هو طايش و داخل في حيط و انت الرزين العاڨل...
اسوان:هكا يما نا طايش...
ترمات عليه عنڨتو...تبكي بصوت و تلز فيه لصدرها...
سلطانة:ااا كبدتي ا ڨلبي...توحشتك ا حنى توحشت ريحتك ا وليدي...
اسوان:يما ربي يخليك ليا نا زادة توحشتك و توحشت كسكسي بلحم العلوش هههه
انا:هههههه زايد يا شطري ماتتغيرش كي يغطسوك في الذهب... ديما داك كرشك
قرب لعندي حضني بالقوي و همس في وذني..
اسوان:انا مغشش عليك حسابنا بعد السهرية ارغد...اما هذا مايمنعش انو متوحشك يا شطري...
جبد روحو و ڨرب لبابا طبس باسو من يدو...
اسوان:بابا ان شاء الله تكون راضي عليا
مصطفى:راضي عليك دنيا و آخرة يا تاج راسي...
حضنو و باسو من جبينو ...قرب لعند وخيتنا الصغرونة نارين حضنها بكل قوه اصلا هي اقرب ليه اكثر مني نحسها تخاف مني منعرفش علاش...
تعدات العشوية و هبط علينا ليل عشينا اهل القرية و طبال بدا يضرب كرتوش بدا يخيط و صوت الاحصنة تتراڨص...خرجنا لكل لسهرية انا معنديش مع الرڨص اماا طلعت فوق الحصان رڨصتو و في يدي المڨرون متع الصيد نطلڨ في السماء...لفت وجهي نشوف فيها كي مغمضة عينيها و حاطة يدها على وذنيها باينة خافت من الكرتوش...اشرتلهم بيدي يحبسو الضرب...أسوان ڨلبها بالشطيح و معاه صحابو من تونس...نشوف فيه و نتبسم كي يبدا هو فرحان اذيكا الفايدة..نا ضحيت بحياتي و حبي على خاطرو مستحيل نخليه يخسر كل شي على جال وحدة مسخة...ستنى نعدي هالايامات و حسابها مبعد...نشوف فيها كي ڨامت..درا وين ماشية...بقيت نتبع فيها بعينيا جيت باش نخالط وراها و سمعت حس كرتوشة و عياط يما تلفت لعندهم نلڨى خويا غارڨ في دمو و امي تخبط فوڨو....دم جمد في عروڨي...زمان وڨف...منظر مرعب و يوجع في ڨلبي من داخل...شكون تجرأ و طلڨ نار بعد ما اشرتلهم يوڨفو...عيطت بأعلى صوتي...
انا:أسوااااااااااااااان
#
#مخالب #ارغد
أرغد يحكي..
نمشي و نجي ڨدام بيت العمليات...نفرك في يدي من العصب و نحكي..
انا:شكون الي تجرأ و عملها...برا ا محسن جيبلي الخبر تو الي عملها جيبو ڨدامي
محسن:سي ارغد خلي الحاكم يخدم خدمتو مغير متوسخ يدك بيهم ..
ڨحرتلو ڨحرت موت نحكي و نضرب على صدري...
انا:راو ڨلبي يوجع فيا ...راو خويا الي داخل بين حياه و موت..نا الي كنت ضد الثار و ضد دم و ضد ر** تقااليدكم...اما تو لا... ضرب وصل لخويا اسوان ناااا نڨلبها فوڨ ريوسهم و توا الدم بالدم كيما دم خويا سال دم الي عملها يسيل سمعت ا محسن ...
هزلي براسو باهي و مشى...جبدت تاليفون...كلمت دار نطمن على يما ...مخليت حد يجي معايا ....يما تو تبدا تندب هنا و نا منيش ناڨص...هز عليا بابا...يحكي بصوت تاعب اماا صاارم
مصطفى:اش صار يا ارغد اسوان لباس
انا:مزال في عملية
مصطفى:خوذ بثار خوك...منسامحكش كان ميسيلش دم الي عملها...
انا:ا بابا خليني نعرف منهو و علاش عمل هكا...و بعد نحاسبو...
مصطفى:طمني على وخيك....
علق التاليفون...كبست عليه في يدي...منعرفش ڨداه تعدا وقت خرج طبيب وقفتو نحكي بلهفة
انا:دكتور خويا لباس طمني يعيشك...
هو:لباس رصاصة مجاتش غارقة برشا و نحمدو ربي الي كلوتو متضرتش...خاتر ضربة جنبها بضبط...24 ساعة و يفيق ان شاء الله لباس...
انا:عيشك دكتور
عديت يدي على وجهي هبطت دمعتي...مسحتها فيسع...المهم خويا مزال عايش...اماا الي عملها موش باش تتعدالو بالساهل...خرجت من السبيطار...ديماريت الكرهبه...جبدت تاليفون كلمتهم طمنتهم...دوب ماعلقت طلب محسن....هزيت عليه نسمع فيه يحكي...
محسن:سي ارغد عندي ليك خبر مايعجبش..
انا:تكلم ا محسن ياخي هو فما حاجة تعجب تو...
محسن:عرش الخفاش هو الي عملها...ڨالو اسوان غلط مع بنتهم و تو هي حبله في الشهر الرابع...
انا:واش تڨول انت ...مستحيل يكون كلام هذا صحيح...اسوان بعمرو مايعمل هالوسخ...و زيد عرش الخفاش اكبر عدو لياا نا و بابا...يعني ينجم يكون فيلم
محسن:سي أرغد نا شفت بعينيا تصاورهم مع بعضهم في الفرش..
انا:واشي!!! هاني رايحلهم تو...
علقت عليه العصب راكبني...مستحيل اسوان يعملها...كيفاه تي هو قرابت 6 شهور معفسش القريه....قويت في الفيتاس اكثر...وصلت لدشرتهم...شديت فران قوي نلڨاهم خايضين اكيد سمعو بخويا مامااتش معجبهمش الحال...هبطت من الكرهبه...نمشي و متركز عالعكاز...وڨفت ڨدام كبيرهم يكون بو طفلة...غزرلي من لوطة لفوق...يحكي
هو:ارغد بكلو عنا ياا مرحبا
انا:مابيناتناش سلام...الي عملتوه غدرة كنت تنجمو تحكو معايا طول و نلقو حل اما انتم خيرتو الدم...و هنا يولي دم بدم يا خفاش...
هو:توأم متاعك اغتصب بنتي و حملها و خلاناا فضيحة كيف تحبنا نحكو معاك انت تعرف شرفنا بالدم مفيهوش كلام ولا سلام...
انا:مالة ڨتلتو بنتكم
هو:بنتي باش تموت كي يموت خوك باش نڨتلها بيدي..
هزيت عكازي وجهتو على هنشيرو لكل(مزرعة)
انا:نحرڨك و نشرب من دم خرشك لكل كان يموت شطري...العين بالعين و السن بالسن و البادي اضلم يا خفاش...و نا تو باش نرجع ضربت خويا...اما بطريقة اخرى...تعرفها مبعد...
تبسمت على جنب لفت وجهي نشوف فيها طل بالسرقة من ورا باب...من عيونها كهو باينة ترمي في بلاها على اسوان هي حبت توصل لحكاية و نا تو نوصلها ليها انتقااامي منهم باش يكون صدمة لجميع...غير يصحى اسوان و متأكد باش يقول الي هو عمرو ماقربها ولا حط يدو عليها....
رجعت لكرهبتي ديماريت...ثنيه كاملة نخمم في الي جاي.....راكيت كرهبة ڨدام الدار وهبطت نشوف في ناس مزالت ملمومة...دورت عينيا نلوج عليها حتى في اصعب و اسوء حلاتي نخمم فيها المڨصوفة...باينتها روحت...تنهدت جيت داخل وڨفني صوتها العذب...تلفت نشوف فيها....تستوي في المحرمة على شعرها الي خصلاتو السود على وجها الضاوي...
رغدة:سي أسوان لباس ان شاء الله يكون بخير!
انا:لباس عيشك رغدة
رغدة:ايا الحمد الله يا ربي...المهم حبيت نطمان و كهو ايا نبقيك على خير...
انا:ستنى باش تروح وحدك تو!!يماك وينها...بوك نسألش عليه خاترو من دبوزة مايصحاش نهار و ليل يشرب..
طبست راسها...وجها حمار عللخر
رغدة:يما روحت تعبت شوي...و نا يڨيت مع بنت المانع...هاو باش يروح بينا خوها...
انا:لا هيا نوصلك انا تو الكلاب مسيبه ثنية الهنشير...
رغدة:اما نا منخافش موالتهم....كثر خيرك ايا سلام...
انا:ڨتلك ستني نوصلك ياخي متفهميش من كلمة وحدة..
جات باش تجاوبني و نسمع في زهرة تنادي نفخت بعصب و تلفتلها..
انا:واشي شتحبي..
زهرة:يما سلطانة تنادي ليك...
رجعت باش نحكي ملڨيتهاش...يا ويلي منها كيف مشات فيسع...المڨصوفة باينتها باش تعبني معاها...دخلت لدار...نلڨى يما تبكي...منحملش دموعها اصلا...ڨربت لعندها هبطت على ركايبي...شديتها من يدها...نحكي
انا:يما عيشك يزي من البكاء تعذبينيش معاك...اسوان لباس شوي وڨت و يصحى...
سلطانة:حليلي على وليدي راو شااووني عليه...يشوي كبيدتهم ان شاء الله...
بستها من يدها و ڨمت معادش نجم نتحمل شي ليلة صعيبة عللخر...دخلت لبيتي...جبدت تاليفون...نتفرج على تصاوري نا و اسوان...لين غفيت و هزني النوم...
ليوم كلموني من السبيطار اسوان فاق...هزيت يما و بابا و مشينالو...طمنا عليه و ڨعدنا حذاه شوي...روحت بيهم و رجعت لعندو باش نجم نحكي معاه على راحتي...
انا:اسوان ڨول لحق ملمستش بنت الخفاش..
اسوان:ارغد صح كنت معاها اما ملمستهاش محطيتش يدي عليها..
انا:كيف تكون مع بنت عدونا يا اسوان و تصاور الفرش كيف
اسوان:تصاور اذوكم كهو اما مصار شي..و زيد انا قاري حسابي طفلة ڨالت هي فيارج(عذراء) يعني افهم انت الباقي...
انا:تو فهمت الملعوب باهي اسمع الي باش نڨلك مليح و كانك توثق فيا باش تعمل الي نڨلك عليه...
هزلي براسو باهي...حكيتلو و فهمتو مليح...و مبعد مشيت لعرش الخفاش...صح قرار خذيتو من غير علم بابا اما معنديش حل خلاف....الا منرجع ضربتي اقوى...نا ارغد المتكبر كيما ڨالت الحبيبة كلمتها صواب في بلاصتها المڨصوفة...وڨفت ڨدام بوها و خواتها الرجالة...تركزت على عكازي نحكي...
انا:اسمع مليح يا خفاش و متڨصش على حديثي...العرس باش يتم بعد يومين يعني زواجي نا خويا نفس ليلة...تحب تستر عار بنتك زوجها موش تڨتلها...و الصغير من حقو يتربى في حضن بوه اش ڨلت...
غزرو لبعضهم لكل و رجع يشوف فيا...
هو:مثبت من روحك يا ابن السلطان...
تبسمت بإسنهزاء...
انا:مثبت...مالة موافڨ ..
هو:على بركة الله...
تبسمت على جنب...يومين و نحل عليكم ابواب جهنم...ياا عرش الخفاش انتم لعبتو مع الشخص الغالط...لعبتو مع ارغد...الي على قد طيبت ڨلبي على قد نا عكس تقاليد هاذي لكل اما مع خويا شطري...ننسى الطيبة و ننسى حتى مبادئيو نرجع الصاع صااعين...يومين كهو الحرب تبدا من جيهتين...زهرة و عرش الخفاش جهزو رواحكم و ربي يستركم مني
-------------------------------
#مخالب #ارغد ♨♨
أسوان يحكي..
قمت بدني يوجع مرقدتش مليح..نزلت على جرح بيدي شوي مزال يوجع...تقعدت لبست مريولي و هبطت لوطة نلقااهم خايضين...نفخت بعصب ليوم عرسي انا و ارغد منيش مصدق ملة مصيبة وحلنا فيها زوز لفااعي باش ناخذوهم..نشوف في بابا قاعد موش عاجبو الحال اما ارغد عرف كيفاه يقنعو...خذيت نفس دخلت للكوجينة شربت كاس حليب و خرجت...جبدت تاليفون طلبتها...
انا:عسولتي وينك لباس
رند:لا منيش لباس جمعه مفماش ريحتك و منتحصلش عليك ملي مشيت للقرية نسيتني جملة...وقتاش تهبط لتونس..
انا:مزلت منعرفش يا روحي اما منبطاش عليك
رند:اسوان ياخي مخبي عليا حاجة احكيلي ميسالش
تنهدت من عروش قلبي...منحبش نحكيلها و نوجعها نعرفها باش تنهار و تعمل في روحها سبة...و اناا منحملش فيها دڨة شوكة...
انا:لا روحي مفما شي ارغد خويا عندو شوي مشاكل نفضهم معاه و نهبط انا وياه لتونس على قريب متخمم في شي انتي باهي...
رند:باهي سلم عليه تو نكلمك مبعد..
انا:باهي حبي..
أرغد:تنسى لهجتك مع رند ولا واشي يا شطري...
تلفت لعندو نتبسم..
انا:لا اماا تعرفني مع صحابي و في خدمتي نحكي بلهجة العاصمة كيف ماتعمل انت بضبط
ارغد:باهي جاهز ليلة"!
انا:اممم زعما مايشك فينا حد..
ارغد:متخافش...انت اعمل الي ڨتلك عليه و شيهمك في الباقي..
هزيتلو براسي باهي..طلعت لبيتي وقتاش توفى هالحكاية و نرتاح...كل مرة مصيبه تهبط في هالعايلة...و ديما ارغد في الواجهة...تعدا الوقت بالخف...كتبناا صداق عائلي مفما حد براني...و معملنا شي كل شي بالسكات حتى زغروطة لا....كل حد فينا شد البيت...نشوف فيها كي قعدت عالفرش مطبسة راسها لوطة...نحيت الفاست متاعي و رميتها حطيت يدي على جرح يوجع عللخر...قربت من الفوتاي و قعدت ... خذيت نفس نحكي...
انا:واشي ياا فاطمة فرحانة تو خطة متاعك نجحت اه...جرتك زعما لا مت و خسرت شبابي...جرت الفرخ الي في كرشك الله اعلم منين..
فاطمة:الي في كرشي ولدك علاش ناكر يا اسوان ياخا نسيت ولا واشي...نسيت كي نجيني و تهزني لمزرعة متاعك و تعمل الي تحب فيا ....
تقعدت شوي...و باقي حاط يدي على جرح...
انا:كل شي بكيفك ا فاطمة مضربتكش على يدك نا ....و اصلا نخلص فيك موش بوبلاش...طل شي يجيك ليدك لبسة فلوس ذهب اش تحبي مني اكثر بليتيني بفرخ حرام...
وقفت قدامي...دموعها على خدها...كحل ساايل...تحكي بالشهقة...
فاطمة:كل شي بإسم الحب انت ڨلت تحبني انا سلمت روحي ليك انت و نسيت اصلي و تربيتي نسيت عرشنا و خواتي الرجال انت ڨتلي تحبني ولا نسيت
انا:اسمعي فاطمة متجهلينيش هاليلة الكلبه نا كي كنت نرقد معاك قاري حسابي مليح و زيد انتي فيارج انتي ڨلتي هكا و انا مقربتش لغادي اصل كنا نعملو في حوايج اخرى كيف باش يصير الحمل...
فاطمة:انت ليلتها كنت سكران يا اسوان ماكش فايق بشي...
انا:ياخي اول مرة نسكر...شوفي منيش ناڨصك الفرخ هذا موش ولدي ياا تڨولي مولة العمله شكون يا نڨتلك بيدي سمعتي! و تو بري ارڨدي و سيبيني...
نحس في روحي باش نفقد الوعي منعرفش علاش قوات الوجيعة هكا...نشوف في يدي كلها دم الغرز تحلو كيف صار هكا... حتى انا نتحرك برشا مسمعتش كلام طبيب جمله....نشوف فيها تغزرلي حطت يدها على فمها و قربت لعندي بزربة تحكي بلهفة...
فاطمة:اسوان دم...دم في جنبك كيف صار هكا...
منجمتش نتكلم نشوف فيها دوبل...صوتها ماشي و يبعد سقيا ترخفو و طحت محسيت على شي...
أرغد يحكي...
نشوف فيها كيف تتمعجن...شاد روحي بالسيف عليها ...كان نلڨى نڨوم نفشخها بطريحة و نرتاح...ڨربت لعندهاا شديتها من يدها نزلت عليها....
انا:شوفي زهرة حسابنا باش يبدا من ليلة...يعني مغير ماتخممي اناا نلمسك و لا حتى نعتبرك مرتي .... بيناتنا ارث و خذيتو صايا اماااا الي ڨعد هو ثار...
زهرة:ثار واشي فاش تحكي انت باين فيك جنيت...
تبسمت على جنب...نزلت على يدها اكثر ...
انا:ثار عمي...هو مكانش عمي كان خويا لكبير و كنت نعتبرك انتي اختي صغيرة اماا بعد الي سمعتو عليك تڨلب كل شي...زايد الحديث معاك اماا ليام بيناتنا.. الي يعجبك فيا كل شي نعطيه وڨتو ا زهرة...
رخفت يدي من عليها...حطيت عكازي على طابل...
انا:غدوة رايح لتونس مندريش ڨداش نڨعد...تو نخليلك مصرفك و مغير ماتحاولي تكلميني ولا تسمعيني صوتك واضح!
هزتلي براسها باهي وجها ملخلخ عارفة عملتها مليح و ركبها رعب مني....جيت باش نحي الفاست نسمع في صياح...خرجت نجري مم البيت نلڨى بنت الخفاش ...روبتها كلها دم و تبكي...
فاطمة:سي ارغد...اسوان داخ و غارڨ في دمو...
شديتها نخض فيها...
انا:شعملتيلو....كان تصير حاجة لخويا ندفنك في ارضك...
دزيتها...و دخلت للبيت حملتو عندي...خرجت بيه حطيتو في الكرهبة...تلفت نلڨاها حلت الباب...
فاطمة:بجاه النبي خنمشي معاك سي ارغد
هزيتلها براسي باهي...طلعت جنبو حطتلو راسو على حجرها...ديماريت و طرت عجاجة...وصلت لسبيطار...هبطتو دخلت بيه نجري...الفرملية باهتة مفهمتش علاش...مرة تغزر لاسوان مرة ليا...
انا:باش تبقى تبحلڨي فيا برشا ....وينو ر** طبيب خويا باش يموت....
كلمت طبيب و طلعوه لبيت عمليات فيسع...نغزرلها كي ڨعدت على الكرسي...تبكي و يدها على كرشها...تو هي كي تكذب علاش مفجوعة عليه هكا...زعما يكون صغير ولد اسوان....بففف حرت مخي باش يطرشڨ.... منعرفش ڨداه تعدا وقت...خرج طبيب طمني عليه....
نقلوه لبيت عاديه دخلت لعندو نلقاه صاحي...
انا:شفت كيفاه نڨلك ارتاح متتحركش و انت متسمعش كلامي...هوكا الغرز تحلو...
اسوان:باهي هاني لباس مغير ماتبدا تخرنن عليا...
انا:غدوة بلزمني نروح لتونس عندي اجتماع..اما باش نضطر نلغيه و نبقى معاك لين ترتاح...
فاطمة:لا لا سي ارغد روح على روحك..نا تو نتلهى بأسوان نحطو فوڨ راسي تهنى عليه...
انا:يعني تحبني نوثڨ في وحدة كيفك...
هبطت راسها....تفرك في يدها جيت باش نحكي قص عليا..
اسوان:اي برا متخاافش عليا...
غمزني و تبسم...هزيتلو براسي باهي...
انا:باهي غدوة صباح تو نبعثلك المحسن يروح بيك انا باش نمشي مع الفجر خاتر اجتماع 9 متع صباح يلزمني نلحق قبل الوقت باش نحضر وراق...و طمني عليك كي تروح كلمني باهي!
اسوان:باهي تهنى...
خرجت و خليتهم....رجعت لدار مخبرت حد فيهم...مغير منحيرهم...دخلت للبيت نلڨاها راڨدة...عبيت الفاليز و خرجت...تعديت لبابا ستنيتو صلى الفجر و حكيت معاه...
انا:بابا هاني هابط لتونس باش نتفقد المعمل تعرف اسوان مريض يلزمني نكون في بلاصتو...
مصطفى:ماشي تو و مخلي مرتك وحدها راك لبارح عرست
انا:بابا يفظلك انت تعرف الي زواج عالاوراق متلزليش اكثر...
هزلي براسو باهي...بستو من يدو و خرجت...طلعت في الكرهبه جبدت تاليفون....
انا:باسل هاني جاي وينك انتي...
باسل:ههه انا مروح من الكباريه تو...ماشي للاوتيل
انا:اي عندي اجتماع مهم...نتقابلو لعشية مالة...
باسل:باهي صاحبي...
انا:كلم هيفاء قلها ارغد يلقاك حاضرة في ليل..
باسل:شنوة صاحبي ماكلك شياح 😂
انا:هاهاهاها برا ن**
علقت تاليفون...باسل اعز عشير و اعز صاحب عندي...نزثق فيه برشا...و منتخيلش روحي من غيرو...4 سوايع تعبت من سياقة وصلت ظهري يوجع...طلعت طول لشومبر...تمديت شوي...و قمت حضرت الاجتماع...كملت اموري...و عملت دورة نتفقد في الخدامة...لين طاح ليل...قعدت في البار نستنى في باسل...شربت كاس فرد ضربة...نتذكر في المڨصوفة متاعي تمنيت لو كان تكون هيا مرتي حلالي...اماا الزهر يلعن بوه الكلب...طلعت راسي نغزرلهم داخلين هزيت يدي اشرتلهم...قربو قعد باسل مقابلني..و هيفاء جنبي...عدات يدها على فخضي من تحت الطاولة...
هيفاء:قداش توحشتك عزيزي...منيش مصدقة ليلة باش نكون بين يديك...
انا:حتى انا توحشتك...ماله محضرتلي روحك مليح و جبت معاك المتريال...
هيفاء:اكيد هوكا في شومبر متاعك ليلة اعمل فيا الي تحب...
باسل:باينة هاتولع النهاردة 😂 العب يلا...ايا نخليكم يا جماعة صراحة دبرت قطعة عسل خليتها واقفه في الثنية ههههه قلت نعمل الخير و نرجعلها تو...نجيبها هوني منلقاش خير من اوتيل متاعك ا حبي هههه
انا:هههه زايد واطي ميسلم منك حد...
هز مفتاح الكرهبة و مشى...شربت و عمرت راسي....
هيفاء:ارغد احكي معايا بلهجت الدشرة
انا:هههه علاش...
هيفاء:هكا نعشقك بلهجتك الاصلية علاش تجي لتونس تنسى لهجتك...
انا:موضوع نحكيو فيه مرة اخرى ليلة عنا موضوع اخر عزيزتي هياا نطلعو نتنااقشو فيه موش خير..
بستها جنب شفاافها...شديتها من يدها خرجنا...جيت باش نطلع في الايسونسور...لفت وجهي على غفله نشوف فيه داخل معاها...من صدمة طيحت تاليفون من يدي...ترهوجت..تركزت بيدي عالحيط...حسيت نفس تسكر...
هيفاء:ارغد شبيك لباس...
حاس روحي نحلم...كابوس يلزمني نفيق منو... سكرت لدرجة وليت نتخيل...حليت قفالي شوميز..نتنفس بالسيف...كل خطوة يقربوها نزيد نتخنق اكثر...ا باين ليلة موش باش تتعدا على خير... 😊
الحلقة 3
تفاااااعل ♨♨
ارغد يحكي..
ضحكت بتمسخير...عفست على تاليفون لين سمعت حسو طرشق...قربت لعندهم...نغزرلها و نحكي...
انا:باسل هاذي الي قتلي عليها وين لقيتها...
باسل:تو نحكيلك مبعد...خليني نطلعها ترتاح...اما شبيك انتي لباس
مغير مانشعر هزيت يدي و ضربتها بكف لين شفاافها طرشو بالدم...و صوابعي طبعو في خدها...
باسل:شعملت ارغد ياخي هبلت علاش تضرب في طفلة...
هيفاء:ارغد شبيك ياخي تعرفها!!
مجاوبتهمش عينيا متهزتش من عليها...نحيتلها المحرمة الي مغطية بيها شعرها...شديتها من شعرها نكر فيها و هي تصيح و تبكي....و باسل خالط ورايا...
باسل:سيب طفلة ....ارغد سيبها...
انا:ر** حد مايخلط ورايا باسل ابعدني تو احسنلك و تو نتحاسبو مبعد...هيفاء برا روح انتي...
دخلت لشومبر و سكرت الباب...دزيتها عالارض...عديت يدي على وجهي بعصب...نضحك و نحكي نفس الوقت...
انا:نغزرلك انظف طفلة في القرية لكل...حبيتك و بغيتك من ڨلبي...رغم طول لسانك رغم انك قبيحه و ماتقدر حد اما تعجبني شخصيتك القوية تعجبني بكلك على بعضك...عشقتك نرڨد و نفيڨ على صورتك...تمنيتك مرتي و حلالي...تمنيت بدنك هذا نكون انا اول حد نشوفو و نلمسو و نخترق انوثتك...اماا انتي طلعت...مسخة...خليتك نهارين تالي تخدم عندي في الهنشير فاش تعملي هنا ااه ڨولي...و مع صاحبي و في الاوتيل متاعي زادة...طلعت مع راجل متعرفوش في الكرهبه و جاية هنا معاه...تكلمي رغدة شتعملي هنا سمعيني صوتك...ااه جاية تبيع روحك هنا ماو ڨول هكا من لول
بقي ساكتة كان صوت شهقااتها و مغطية وجها بيدها...شعرهاا داخل بعضو كاينو مقصوص شطرو درا كيف...نغزر لساقيها مضروبة و بدات تنزف..منجمتش نقربلها...دخلت لصالدو حطيت راسي تحت سباله فماش مانصحى شوي و نستوعب الي صار...منعرفش علاش حالتها هكاك...خرجت نلقاها باقي نفس بلاصة....
انا:ڨومي...ڨتلك ڨومي
وقفت تدهشر...غزرتلي عينيها حمرة جمرة و منفوخين..قربت لعندي هزت يدها و رجعتلي الكف...كف قوي و يوجع ... دزتني من صدري تحكي...
رغدة:كف هذا على كلامك الي وجعتني بيه...لا عاش ولا كان الي يغلط في حڨي...اول شي شيهمك شمدخلك انت نا شنعمل هنا اه خويا انت ! عمي بويا يما شكونك انت !! انت ولا شي بالنسبة ليا سمعت...و تو تعتبر روحك ماشفتنيش خلاص..
سكرت جلبابها و لمت شعرها جات خارجة شديتها من يدها رجعتها لتالي لصقتها الحيط...حاوطتها بيدي...تغزرلي بتحدي و عاقدة حواجبها مقواها المڨصوفة متاعي...
انا:باش تخلص الثمن غالي حڨ الكف يا رغدة..
رغدة:انا مدامني باش نخلص مالة نزيدك كف آخر...سيبني و ابعدني مانيش ناڨصتك...
دزتني بكل قوتها...و قربت للباب...حطت يدها على راسها...و تركزت بيدها عالحيط...حسيتها باش دوخ...قربت لعندها بزربة شديتها....عينيها بداو يتغمضو...
انا:رغدة لباس حلي عينيك متفجعنيش...رغدة...
حملتها عندي...حطيتها فوق الفرش....ساقيها تنزف....حليت جلباب نحيتو...لابسة كالسون لحد ركبة و مريول نص....اول مرة نشوف ستيلها بتفصيل...يديها لكل زرقة كاينها ماكلة طريحة و ساقيها مزلوعة...شكون الي عمل فيها هكا...و زدت كملت عليها انا بالكف و الشتم...
باينة داخت موش واكلة شي....شفاايفها شايحين...وجها اصفر ليمونة....كلمت ريسبسيون...طلعولي العشاء...
حاولت نفيقها باقي شي...عبيت البانو بالماء...حملتها لعندي و حطيتها في وصت لبانو بالشوي...تحل في عينيها بالشوي...اما باقي مرهوجة...غسلتلها حالتها مليح...منعرفش كيف نجمت نحيلها دبشها...بدنها لكل ازرق بالضرب...اتراس متع سبتة...شكون الي عمل هكا واش موصلها لتونس ...هبلت من تخمام...لفيتها في المنشفة و حطيتها عالفرش غطيتها مليح...غزرت لمنڨالة في يدي...معادش وقت ان شاء الله تكون رند فايقة تو....هبطت لوطة...دخلت للبيرو متاعي جبدت تاليفون الخدمة...كلمتها...
انا:اهلا رند سامحني عالقلق...اماا حاجتي بيك اكيد..
رند:اهلا ارغد لباس خويا..مفما حتى قلق..شفما...
انا:جيبلي لبسه من عندك اما مستورة و ايجا هاني في الاوتيل...
رند:باهي مسافة الطريق...
علقت تاليفون...و بقيت نستنى في رند...حطيت راسي بين يدي..نحس فيه باش يطرشق من الوجيعة...يلزمهاا ترتاح و تحكيلي الي صارلها الكل و شنوة الي وصلها للحالة هاذي...هزيت راسي نلقى رند قدامي في يدها ساك...قمت سلمت عليها نحكي..
انا:عيشك رند...
رند:مغير مزية اماا قلي شفما بلكشي نجم نساعدك في شي...
انا:تو نحكيلك مرة اخرى برا روح تو على روحك منزيدش نعطلك...
رند:اسوان وينو معاك!
تربثت و دخلت بعضي شنوة باش نقلها يا ربي...
انا:ااا اسوان اي اي اسوان شدو بابا حذاه لاهي بالهنشير...ايامات و يهبط يشد بلاصتي و انا نرجع...
رند:اممم باهي المهم سايس روحك كان تستحق شي كلمني...
انا:عيش اختي...
تبسمتلي و خرجت...رند طفلة مزيانة برشا و حنينة برشا و متواضعة برشا...بوها اكبر جراح في تونس و عندو كلينيك...امها قاضية و خوها محامي...عايلتها لكل متواضعين و طبيعتهم محلاها....اسوان و اخيرا عرف وين يحطو ساقو...اما كان موش باش يبطل خيانتو ليها اكيد باش يخسرها على طول.....انا زادة نخون لا لا منيش نخون رغدة ماهيش معايا صح نحبها اماا هي لاهي خطيبتي ولاهي مرتي دفنت حبها في قلبي...و هيفااء ااه من هيفاء حد ماتحمل طبيعتي الزفتة قدها...ولا تحمل تعصيبي قدها...اصلا باقي مستغرب فيها ميف مبعدتش عليا لتو بالرغم لا تطلب مني فلوس ولا شي غير انها تكون معايا...طلعت للبيت...نشوف فيها بدات تتململ باش تفيق...جبدت دبش من ساك حطيتو عالفرش...خلي تفيق تلبس وحدها احسن يكفيني الي شفتو...قعدت مقابلها...نتأمل فيها...تذكرت الكف الي كليتو حطيت يدي على خدي...طلعت يدها حارة المڨصوفة...تبسمت على جنب و قمت هزيت سيرفات متاعي دخلت عملت دوش و لبست دبشي...وقفت قدام المرايه...خدي لتوا احمر...والله و رجعتلي الصاع...لدرجة قوية....شنوة الي خلاني نحبها منعرفش...خذيت نفس و خرجت لعندها...
رغدة تحكي...
بعد الي صار الكل...نهارين الي تعداو عليا و انا في شارع...الخوف راكبني..معرفتش كيف وصلت لتونس...لا وزيد في اوتيل المتكبر...تقعدت شوي نحس في بدني يسطر يوجع عللخر خاصة ساڨي...هزيت الملحفة...و ياليتني ماهزيت....نلقى روحي بشطر منشفة كل شي على برا...ضربت بيدي على صدري..وينو دبشي...يا فضيحتي...واش مزلت نعمل نا في هالبيت...نشوف في كي خار لابس سروال سيرفات و خلعة كحلة مفصلة بدنو تفصيل صدرو العريض و اكتافو العراض اول مرة نشوفو هكا...شاد منشفة صغيرة و ينشف في شعراتو الرطب...
لفيت على روحي مليح...جيت باش نڨوم منجمتش ساڨي وجعتني...قرب مني بزربة شدني من ساڨي...يحكي..
ارغد:توا ليش تتحركي ارجع تمد ارتاح و كول شي...
حطلي طبق ڨدامي...ماكلة نشوفها كان في تلفزة مسلسلات الاتراك...نطرت طبق من ڨدامي تفرت لكلو في الارض...
انا:كيف تنحيلي دبشي...ماتحشمش ياخي جنيت انت ولا واشي...و زيد جايبلي نوكل و شنعمل نا لتوا عندك اه...
رمالي دبش فوق حجري...
ارغد:هوكا البس و ارجعي ارڨدي الله لا كليتي...نا الغالط...
انا:نرجع نرڨد !!! والله لا نزيدها ثانية هنا...تو باش نخرج...
ارغد:خارجة في الفجر! البس دبشك و تشد بلاصتك ماتهبلنيش رغدة...
خممت في الي صارلي...و ليلتين الي عديتهم في الشارع...وليت شديت بلاصتي...مع المتكبر اهون من الذيوبة الي لبرا...
انا:باهي اخرج باش نلبس...
ارغد:الي خايفة لا نشوفو شفتو و صايا...غمزني و خرج...حسيت الفوارة طلعتلي...كيف يتجرأ يعمل شي هكا...زايد لكل كي بعضهم...نشوف في الدبش...واشي هذا نا باش نلبس هكا لا مستحيل...
تقعدت نمشي متركزه عالحيط...ساقي توجع عللخر... دخلت لدوش...نلقى دبشي مبلول نفخت بعصب معنديش حل خلاف غير نلبس اذوكم...لبست وڨفت ڨدام لمراية...روب يدها نص و مسنترة على بدني لونها مارون...الحق عجبتني على روحي اما عيب عمري مخرجت بلبسة هكا ديماا جلباب ساترني....تنهدت و رجعت للفرش...حسيت بجوع...نغزر للماكلة في الارض...ڨمت لميتها نعمة ربي يا ليتني متصرفت هكا...و رجعت تكيت غفيت هزني نوم...منعرفش ڨداش تعدا وقت نحل في عينيا بالسيف الشمس ساطعة في كل ركن في البيت...نغزرلو واقف في البالكون...يتكيف في سيڨارو...المرة هاذي موش متركز على عكازو كالعادة...تقعدت و دخلت طول لدوش غسلت وجهي...لميت شعري كعكة...نشوف في شفايفي منفوخين جرت الكف متاعو...عديت عليهم صوابعي يوجعو فيا...غمضت عينيا نتذكر في الي صار ليلتها...قلبي خض وسط صدري...كان يعرف بلي صار زعما مايسلمنيش ليهم...يلزمني نمشي من هنا و نهرب من هالبر هذا جمله...فجعني بدڨان الباب...ڨربت حليت...يهز فيا يحط عراني بنضراتو...جيت باش نحكي ڨص عليا...
ارغد: جبتلك محرمة جديدة اما مغير متغطي راسك لف على اكتافك و كهو..متفضحنيش هنا...و هيا باش نفطرو...
انا:دبر على روحك ياا عجبكشي تو...نا حرة نغطي شعري ولا اكتافي شيهمك انت...روح افطر انت معينيش نا...اصلا يلزمني نمشي من هنا تو...
ڨرب لعندي لين معادش بينا مسافة...يحكي و يرص على سنيه...
ارغد:باش تنزلي معايا نفطرو تعملي الي نڨلك عليه من سكات و بعد الفطور باش تحكيلي الي صار الكل..
بلعت ريقي بالسيف لا مستحيل نخبرو بلي صار...والله نروح فيها....خذيت نفس منحبش نبين خوفي...حطيت يدي على صدرو و دزيتو لتالي..
انا:معندي مانحكيلك تي اش مدخلك يا متكبر فوتني ابعد من طريقي كان تعرف ڨداش نكرهك و منطيقكش...نا تو باش نمشي و ردبالك توڨفني سمعت...
هزيت المحرمة من يدو حطيتها على راسي و خرجت...منعرفش وين باش نمشي...حتى هو مخالطش ورايا...خرجت من الاوتيل...منعرفش ساڨي وين هازتني نمشي هايمة...ضاايعه...عملة الي عملتها مايغفرلي عليها حد...اماا مكانش عندي خيار اخر...نحس في روحي باش ندوخ من الجوع...البلاصة كلها مطاعم و وتلة...و كراهب كنت نحلم نشوفهم ڨدامي و بناويت المعري اكثر من المغطي ايه يا دنيا اعطي هكاك للغفاص...شفتو ڨدامي فرحت عللخر...ڨداش رتحتلو و دخل لڨلبي اماا مفهمتش كيف يكون صاحب اكا المتكبر تي كيف متفاهمين مع بعضهم اصلا...ڨربتلو بزربة نادي عله...
انا:سي باسل...سي باسل...
تلفت لعندي...تبسملي...و اشر لراجل معاه باش يمشي...
باسل:رغدة فاش تعمل هوني...ارغد وينو...
انا:المتكبر متجبدليش عليه...
باسل:ياخي منين تعرفو بعضكم..
انا:ماو الي صار في القرية متاعو..و انا نسكن غادي نخدم عندو زادة...
باسل:اي حكيتلو!
انا:لا لا بجاه ربي لا تحكيلو سي باسل...ارغد مايحبش حكايات اذوما اكيد تو يعمل فيا و يسلمني ليهم براس الي يعز عليك لا تڨلو...
باسل:باهي متخافش اما راك غالطة فيه برشا ارغد موش هكا جملة...
انا:شيهمني فيه نا ربي معاه يبعد من طريڨي و كهو... سي باسل صراحة جعت
باسل:هههه باهي ايحا نفطرو مع بعضنا هذا ريستو متاعي..
انا:ااه واش ڨلت...
باسل:يعني المطعم متاعي...هيا ايجا ندخلو...
هزيتلو براسي باهي... و دخلت معاه...بقيت حالة فمي طاقة...الشه الشه واش هذا واش هذا..عالم اخر...الي يسربو منظمين اكثر من مستقبلي...ڨعدت معاه...هو ياكل بالفرشيطة و السكينة و نا معرفتش نستعملهم اصل...كاينو فهمني غزرلي يتبسم...
باسل:متحشمش رغدة كول بطريقة الي تساعدك...صراحة نحب نطلب منك السماح علي صار البارح...نسخايلك من بنات الي...
انا:لا لا عادي سوء تفاهم...انت كثر خيرك الي سمعتني و حبيت تساعدني...
باسل:باهي كمل افطر و انا تو نكمل مولا الدار الي باش تبقى فيها...
انا:عيشك ماننسالكش وڨفتك معايا...
كملت كليت جيت باش نڨوم نسمع في صوتو من تالي
أرغد:صحيح الي سمعتو يا رغدة صحيح الخبر الي ڨاعد يدور في القرية...
حسيت بدني ترخف...كيف عرف...شكون الي ڨلو...صايا مشيت فيها نا تو...تلفت لعندو...عينيا تملاو دموع....
شدني من مرفقي ڨومني من الكرسي....و خرج بيا حل باب الكرهبة و طلعني و نا حرف لا....نشوف في باسل...كيف جا يحكي معاه...معرفتش شحكو اصلا...طلع بجنبي...ديمارا الكرهبة...يضرب عالفولون و يحكي...
ارغد:كيفاه تعمل ر** هالعملة ااه كيفاه يا رغدة تعرف شنوة باش يصير فيك انتي ....تعرف مصيرك شنوة ولا لا...تعرف الي بلاد مڨلوبة غادي تسخايل كي جيتي لتونس..باش يوفا كل شي و باش تكملي حياتك عادي....لا راكي غاالطة طول...
وليت نبكي بالشهقة...منجمتش حتى نحكي....يعارك فيا موش فاهم شنوة الي صار حد مايعرف الحقيقة الي صارت...حسيت الثنية طويلة منعرفش وين رايحين....منجمتش حتى نسألو معادش يهمني في شي تو الي يصير خلي يصير انا اصلا خسرت كل شي من نهارين...
الحلقة 4
تفااعل ♨♨
رغدة تحكي..
هبط من الكرهبة سكر باب بالقوي و دار لعندي حلي الباب شدني من يدي يكر فيا وراه...نغزر للبلاصة خاليه..فيها كان احصنة و زوز ولاد لاهين بيهم...و دار صغرونه كلها خشب من برا...حل باب و دخلنا...رما مفتاح فوق الطابل...نحا الفاست متاعو و ترمى عالفوتاي..اشرلي بيدو باش نقعد مقاابلتو...قربت ندز في ساقي بالسيف..قعدت و راسي لوطة منحبش نغزر في عينو...اصلا نظرتو ترعب...تكلم بصوت صارم و يستنى فياا نجاوبو...الخوف سكني و دقات ڨلبي مسموعين...
أرغد:صح الي سعمتو يا رغدة آخرتك وليتي مجرمة ڨتلتي يماك!! جاوبيني كيفاه تجرأتي و عملتاها تڨتلي امك!!!
هزيتلو براسي لا برشا مرات و دموعي على خدي..
أرغد:كيفاش لا!! تراه احكي الي صار و متخبي شي و نقصي من البكاء معندو ماينفعك تو
مسحت دموعي خذيت نفس نحكي..نشوف فيه كي مصدوم كاينو موش مستوعب الي صار او موش مصدقني...كيف باش يصدق..
ارغد:بري اغسلي وجهك
هزيتلو براسي باهي و ڨمت دخلت لصالدو...صغرونة متحفنة نشوف في روب قصيرة معلقة عوجت فمي...باين صاحبتو تجي هنا...اش يهمني فيه نا خليني في المصيبة متاعي راسي نحس فيه باش يطرشڨ اصل...غسلت وجهي..نغزر لروحي منعرفش الدنيا شنوة مخبيتلي اكثر و لوڨتاش باش نبقى مع المتكبر تي حاملتو بالسيف نكرهو يا ناس...نسمع فيه ينادي عليا نفخت بعصب و خرجت لعندو...
أرغد:ردبالك تخرج من هنا و هاو دبش هذا كان تحب بدل نمشي نقضي و نرجعلك
انا:لوڤتاش باش نبقو هنا و اصلا وجودنا في دار وحدنا غالط
ڨرب لعندي...بحكم نا قصيرة راسي وصل لصدرو لعريض...طلعت راسي نغزرلو ڨارن حواجبو لا نهار ريتو يضحك كي ناس من ڨلبو..ديما شطر تبسيمة...
أرغد:تحبي نرجع بيك للقرية و يشدوك غادي و تعدي عمرك يا في الحبس يا يڨتلوك عايلتك و انتي تعرفي مليح غادي دم بالدم حتى لو تكوني بنتهم غادي ميعرفوش القانون مايعرفو شي عادي يڨتلك و يخش الحبس المهم خذا ثارو كان تحبي هيا تو نهزك
عينيا تملاو دموع كلامو زاد خوفني...
انا:يعني نا باش نبقى متخبية طول عمري
ارغد:كلام هذا موش وقتو برا اعمل دوش و ارتاح تو نجي نحضرو الفطور...كيما وصياك متخرجيش من دار خلاص..
هزيتلو براسي باهي...لبس فاست متاعو و خرج سكر باب من برا بالمفتاح..تو هو وصاني لواه يسكر فيه بفف ميعطيش الثيقة هذا ولا واشي...حليت ساك نغزر لدبش...تي شكوني الي تلبس هكا اكيد صاحبتو. رجال و زمان مفيهمش امان والله ....مستحيل نلبس دبشها...نطرت ساك و بقيت ندور في دار صغرونة متحفنه...فيها زوز بيوت نوم و صاله و كوجينة و دوش اماا فما باب صغيييير مسكر بالكوبه و بالسلسلة...منعرفش علاش...بقيت نثبت فيه و مبعد دخلت لوحده من بيوت نحيت المحرمة حليت شعري ااه من شعري تهلك و شطرو مقصوص...شدتني الغصة متع البكاء كي تذكرت ليلتها شصار لحمي صار شوك...تمديت و لكمتت على روحي..حسيت ببرودة سرات في بدني...حستو وخر لتوا مجاش منعرفش كيف غفيت...
أرغد يحكي..
بعد الي صار و الي سمعتو منها منجمتش نصدق ولا نستوعب كل كلمة تنطقها...كيف يصير هكا مع معشوقتي...عديت يدي على وجهي بعصب...جبدت تاليفون باش نكلم صاحبي ياخي طلبني بابا خذيت نفس هزيت نحكي..
انا:سلام بابا لباس
مصطفى:وڨتاش ناوي ترجع مرتك وحدها...و زيد تعبت وحدي من الوڨفة على الهنشير
انا:ا بابا راني مزلت كي هبط لتونس و مزالت عندي برشا خدمة خلي يرتاح اسوان كي ينزل هو تو نرجع نا
مصطفى: كان تحب تبڨى في تونس هز مرتك معاك تنساش وراڨ الورث و الفلوس الي باش تاخوهم
انا:بابا تو عندي خدمة نكلمك العشوة سلام
علقت تاليفون...تخنقت وفديت منهم الكل...طلبت اسوان
انا:شطري باش نطلب منك شي
اسوان:نعطيك عينيا يا حبي هههه
انا:موش وقت المساطة متاعك 😒 اسمعني مليح حاول اقعد قد ماتقدر في القرية خليني نكمل هنا اموري
اسوان:يعني باش تربطني مع هالعاهرة
انا:قتلك اصبر شوي عيش خويا نوعدك طلق في اقرب وقت واكا الخفاش نوريك فيه
اسوان:باهي باهي سمعت بلي عملتو رغدة...مكنتش نتخيلها بجرأة اذيكا لدرجة متحسش و معندهاش ڨلب
شديت فران قوي...كبست عالفولون بيدي نتمالك في اعصابي قريب تفلت...
انا:سمعت اما موش هي
اسوان:دافع عليها خاترك تحبها اماا هي مجرمة و وحدة مسخة زادة
انا:اسوااان
اسوان:ااا ستنى ستنى...مالة قتلي تحب تقعد ايامات...تكونشي مع ....
انا:اي رغدة معايا..
اسوان:ياخي هبلت نورمال انتي تحب تباصي روحك و تخسر كل شي جرت وحده عاهرة كيفها
انا:اعرف شتحكي واضح..باش تعمل الي قتلك عليه و ردبالك تحل فمك بكلمة و تجبد رغدة قدامهم
علقت عليه تاليفون اول مرة نصيح على خويا ولا نحكي معاه بلغة امر...لدرجة هي مسيطرة على مخي قلبي و حتى على تصروفاتي..نحيت البيس من تاليفون كسرتها و حرقتها بالبريكية...كملت ثنيتي...منيش عارف شنوة باش نعمل معاها منجمش نخليها وحدها يلزمني نثبت برائتها بأي طريقة كانت...منجمش نخليها تدخل حبس ولا حتى تاقف في مركز...مستحيل...وصلت لمغازة قضيت و خرجت...رجعت لدار...حليت باب دخلت كوجينه حطيت الساشيات...حسها مفماش...دخلت للبيت نلقاها راقدة..سكرت باب و رجعت لصالة نحيت مريول رميتو و ترميت عالفوتاي تكيت راسي لتالي نغزر لسقف...غمضت عينيا تذكرت 12 سنة لتالي....حليت عينيا مرعوب...كاينو عشت الماضي تو لعرق لبني...دقات قلبي قوات...عديت يدي على وجهي اش مذكرني في الماضي انا تو...علاش نوجع في روحي كل لحظة...جيت باش نقوم طلعت راسي نلقاها قدامي...عينيها محوقين و شفايفها شايحين...
رغدة:نحب نسلم روحي كهو يزي معندي علاش نقعد هاربة تو نحكي لحقيقة الي صارت و اكيد يسمعوني...
طرشقت بضحك على تبهليلها وين تسخايل روحها عايشة...
انا:مستحيل نخليك تعملها رغدة
رغدة:علاش شكونك انتي شيهمك فيا علاه باش تورط روحك معايا سيبني نواجه مصيري وحدي...
قمت وقفت قدامها طبست عليها شوي قصيرة المڨصوفة...
انا:يهمني فيك و كان عجبك و مغير ماطولي لسانك معايا احسنلك ماتشوفي وجهي لاخر...و تو تشدي بلاصتك و الي نڨلك عليه هو الي يصير...
رغدة:و مرتك...
حليت عينيا على وسعهم منين سمعت و كيف عرفت...شكون الي ڨلها عرسي مايعرف بيه حد غير عايلتي...
اسوان يحكي...
تو تعداو نهارين و اناا شاد الفرش روحي طلعت اصل...تقعدت شوي...خرجت للبالكون شعلت سيڨارو...كلام ارغد وترلي عصابي كيف يحكي معايا هكاك جرت وحدة مسخة و مجرمة...و زيد ماهوش فاهم شي كان يباصي جرتها وقتها شنعمل انا...خذيت نفس و زوز نهدي في روحي...حسيت بيها واقفة ورايا...تلفت لعندها...نغزرلها مطبسة راسها...
انا:شتحبي تو...نجمش نڨعد في البيت وحدي !!
فاطمة:سامحني عالڨلڨ اما...
انا:اما شنوة انطقي ماتبديش تعملي فيهم معايا
فاطمة:صراحة شاهية البطيخ
انا:وااشي!! ههههه هبلتي انتي...اهل شي تو احناا دخلنا في موسم البطيخ موش موجود و الشتاء عالابواب ثاني شي بري سيبي شهاويك على طحان الي حبلك بو الفرخ الي في كرشك...
تعديت و خليتها واقفة...صوت شهقتها وصلني اصلا انا نحكي و نشوف في دموعها كي شلال على خدها...منعرفش علاش غاضتني...اماا عملتها هاذي مستحيل نغفرهالها...حليت دريسينغ جبدت كبوطي...طقس بارد برشا ليوم...لبستو و خرجت نتمشى في الهنشير...جبدت تاليفون ...رند طلبتني و مهزيتش و منحبش نهز تو..شنوة باش نحكيلها كيف باش نخبرها...نقلها راني خنتك!! اي صح انا خنتها اما لحظة ضعف و الفترة اذيكا هي جبدت روحها و لقيت فاطمة ماليتلي وقتي لكل...احساسي متناقض...اصلا من كثرة مشاكلنا و عركنا نحس في حبي لرند برد برشا علاقتنا معادش كي قبل...بقيت ندور لين حسيت ليل بدا يطيح و طقس برد اكثر...رجعت لدار و هزيت كرهبة...مشيت لفلاح نعرفو اكيد مزال عندو البطيخ...وصلت لعندو حمد الله لقيت...شريت بزايد...و رجعت لدار...نلقاهم ملمومين يتعشاو و انا داخل بساشيات قريب يتقطعو من رزن البطيخ بالرغم كعبات صغار...حطيتهم عالارض...و قربت لعندهم
انا:صحة ليكم...
سلطانة:شفيهم شاشيات اذوكا ا كبدي..
انا:بطيخ يما...
غزرت لفاطمة الي عينيها قريب ينطقو من الفرحة و الشهوة قامت تجري كي طفلة الصغيرة هي فعلا صغيرة...18 سنة مزالت كي غلقتهم اماا بدنها فاخر حد مايصدق عمرها..
طبست باش تهز رزانو عليها قربت لعندها شديتهم...
انا:امشي تعشي تو نحطهملك في الكوجينة...
فاطمة:و انت ايجا تعشى طيبتلك الملوخية نعرفك تحبها
انا:معينيش كولي انتي..
دخلت كوجينة حطيتهم على رخامة و خرجت...طلعت لبيتي حد ماكلمني لكلهم يعرفو انا ضد زواج و يعرفو نفسيتي تاعبة...منعرفش شنوة هالاحساس الي حسيتو كي شفت دموعهاا...علاش نشريلها في شهوتها و انا مقتنع الي ماهوش ولدي...معادش عارف شي من جهة مشكلة ارغد و من جهة كيف باش نعلم رند و من جهة زواجي من فاطمة
علاش نعمل هكا مع طفلة صغيرة علاش ورطت روحي و هي اصلا علاش سلمتلي علاش سلمت بدنها لغيري...علاش تبلات عليا...مكذبش ارغد كي ديما يقلي وقتاش باش تكبر تعمل عقل راك في ثلاثينات وباقي طايش...جبدت تاليفون...نشوف في دات عيد ميلادنا قرب زعمة نعدوه مع بعضنا السنة ولا ارغد ماايوافقش كالعادة...منعرفش علاش يكره دات عيد ميلادنا...كل مانسألو يتهرب و يقلب الموضوع...
فاطمة:عيشك اسوان و سامحني في تعبك
هزيت راسي على صوتها...اول مرة نثبت في ملامحها مليح ولا انا كنت معمي...سرحت مع تبسيمتها و لمعة عيونها....
فاطمة:شبيك متعشيتش نجيبلك عشاك هنا!!
هزيتلها براسي لا و باقي سارح في وجها...غزرت لكرشها وقتها فقت على وضعي...عروق بدني تكبسو...هربت عينيا منها...
انا:منحبش كي نجوع منيش باش نستناك انتي توكلني...
نشوف فيها كي تغور لتاليفون في يدي...وجها حمار عللخر...تذكرت الي انا حاط تصويرتي انا و رند فونديكرون...طفيت تاليفون و رميتو...
فاطمة:باهي تصبح على خير...
دارت تمدت على حرف الفرش نحسها قريب طيح...طفيت ضو و تمديت على الحرف حتى انا نتقلب منجمتش نرقد...طليت عليها بالشوي غاطسة في سابع نومة...جبدتها لعندي بالشوي...خفت عليها لا طيح...اول مالمست كرشها المكعبرة رعشة سرات في بدني و حسيت درا كيفها...بقيت نمسح عليها و نحس حاجة في داخلي مفرحتني...شنوة الي قاعد يصير معايا معادش فاهم ولا عارف شي...
----------------------------------
فاطمة تحكي...
حليت عينيا على صوت الرعد و البرق و المطر تصب خيطين من السماء...حسيت بالدفاء...دورت راسي نلقاه حاضني من تالي...و يدو فوق كرشي...تبسمت شوي..و دورت لعندو...ياا حليلي راو هبلني بزينو و رجوليتو الطاغية...نا عشڨتو من ڨلبي و هو حسبني غدرتو...تي وڨت الي سمعت ضربوه زعمة لا مت من الخوف عليه...هو بو ولدي و مفيش غيراه...عديت يدي على وجهو السمح بالشوي..ريحتو دوختني اصل وحامي لكل عليه...شفاافو مليانين نعشڨهم...ڨربت وجهي ليه بالشوي..حاولت نطبع بوسة على شفاافو مغير مايحس بيا...انفااسو دخلت لروارية...شفاايفي لمست شفاافو...حسيت برعشة بنينة في كرشي...غمضت عينيا و بوستوحبيت نغطس اكثر شادة روحي بالسيف اما نخااف لا يفيق و يعمل فيا كيما كل مرة و يذبحني بكلامو...جبدت روحي تنهدت من عروش ڨلبي...تڨعدت غسلت حالتي لبست جلبابي و الحجاب و خرجت...هبطت لوطة نلڨا كان زهرة و حموياا مصطفى..
انا:صباح الخير عم مصطفى كيفك
مصطفى:صباح الخير نحمدو ربي
انا:نطيبلك ڨهوتك تو
جا باش يجاوبني ڨصت علا كلامنا زهرة...مفهمتش شبيها متحملنيش من نهارت الي جيت هنا و هي تڨول هازتني فوڨ اكتافها..
زهرة:و انتي من وڨتاش طيبي لعم مصطفى جا من تالي و ڨال يا مالي المثل هذا عليك ا حنانة ...نا الي نطيب هنا معادش دخلي روحك في كوجينة ولا في عم مصطفى..
بڨيت مستغربة كيف تحكي هكا و السلطان القرية بيدو ساكتلها كيف ماڨدرتش وجودو معانا و الاغرب هو ساكتلها...اكيد فما شي..
انا:مڨصدت شي نا حبيت نعاونك لبارح و كهو
ڨام عم مصطفى خرج من غير ولا كلمة ڨربت لعندي تحكي بتسوميم...
زهرة:شوفي يا بنت الخفاش..يا نا يا انتي هنا...ردي بالك تتدخلي في ڨضية هالدار ولا اي شي اخر انتي هنا باش تولدي هالفرخ و مبعد تروحي شارع يلمك تي حتى اهلك ناكرين فيك تو ملي عرستي ماسئلوش عليك...و بالنسبة لاسوان كارهك و موش طايڨك...عمري ماشفت رخيسة كيفك...
محسيت كان بكف لفلها وجها...نغزرلو و منيش مصدڨة...اسوان ضربها لين شفتها تفلڨت بالدم...حطيت يدي على فمي من الصدمة...نشوف فيه كي هز صبعو ينبه فيها..عروڨ رڨبتو باينين...وجهو احمر باش يطرشڨ...
اسوان:آخر مرة تحكي مع مرتي هكا هي كيفها كيف اي وحدة في هالدار هي كنة السلطان ولازم الكل يحترمها...سمعتي يا زهرة!! تحترمي روحك احسنلك عمري مامديت يدي عليك خاترك كنتي مرت عمي اماا تو..
زهرة:اما تو نا مرت خوك ارغد
اسوان:تحلم انتي...انتي تو ولا شي بالنسبة للناس الكل و على ڨريب ارغد بيدو الي باش يرميك برا هالقرية...شوفي مليح ا زهرة هاذي مرتي لازم تو تطلبي منها السماح
مسحت فمها من الدم...غزرتلي درا كيف...
زهرة:سامحني...
انا:سماح...و سامحني عالكف الي..
ڨص عليا اسوان كيف كبس على يدي...
أسوان:معندكش لاش تطلبي في السماح الكف تستحڨو..و تو برو حضرو الفطور...
زهرة مشات العصب راكبها و عطاتني ڨحرت موت اكيد موش باش تعديه بالساهل هالكف...نشوف فيه كي يكبس على جرح في جنبو...
انا:اڨعد ارتاح تو نجيبلك ڨهوتك تو...
هزلي براسو باهي..تبسمت و مشيت للكوجينه...عديت يدي على وجهي..ڨلبي يدڨ بالڨوي من الفرحة...هو تو ڨال مرتي...ياااماا محلاها الكلمة من فمو...طيبتلو الڨهوة حطيتها في طبق معاها بسكويت و كاس الماء نعرفو مايكلش برشا كي يڨوم..مشست لعندو حطيتلو على طاولة...
انا:صحة و بالشفاء...ڨلي شتحب نطيبلك على الغداء...
ترشف من الڨهوة شوي...و هز راسو...يشوف فيا....
اسوان:ارتاح منحب شي...تو هما يطيبو...متعبش روحك انتي برشا..انا هاني خارج...لعشية نرجع...
طبست راسي نفرك في يدي...نعرف كثرت عليه اما شكون غيرو باش يجبلي شهواتي...
انا:نعرف كثرت عليك اماا منعرفش والله موش مني نا...منو هو...
عڨد حواجيبو...شديت ضحكة بالسيف ڨداش يعجبني كي يعملها...
اسوان:شكون هو!! فاش تخرفي
انا:من ول...
سكت منجمتش نڨولها اكيد تو يعصب عليا...
انا:بارح دخلت حذا اختك لبيتها نلڨاها حالة اكا التلفزة ...شفت اكا البيتزا..شتهيتها عللخر...خاصة مليانة جبن
عديت لساني على شفاافي مغير مانشعر...حستو غزرلي درا كيف....كبست روحي...
انا:المهم كان تنجمش تهبط وسط البلاد ميسالش..هيا نهارك زين
رجعت للكوجينه مغير مانستناه يجاوبني...نضرتو ليا رهبتني...و زيد فازة لسان الي عملتها نعرفو يهبل عليها اما ناا عملتها لا شعوريا...
كملت فطرت مع جماعة الكل لميت الطاولة جخلت نغسل في الماعن...كملتهم و نشفت يدي جيت خارجة وڨفتني تحكي...
زهرة:وين ماشية...عنا الفرارش باش نغسلوهم...موش راجل كيفك كيفنا يعني عاوني ا حنانة..
بڨيت نغزرلها...عرفتها موش ناويتلي على الخير..
انا:تو في هالمطرة شوفتي طڨس كيف!! وين باش تنشريهم الفرارش...
زهرة: هيا نغسلوهم و مايهمكش في الباڨي...
هزيتلها براسي باهي و مشيت معاها...طلعنا لبيت السطح..بديت نغسل معاها..حطتلي الكبار الكل ليا...اما مايهمش خنغسل و نهبط نرتاح...ظهري وجعني...كملتهم بالسيف وليت نتنفس بالسيف...دخلت للبيت...وجيعة ظهري ڨوات...خواطري بدات دور...دخلت لصالدو...نستفرغ...منعرفش ڨداه تعدا وڨت..منجمتش نتحرك من بلاصتي وجيعة ڨوات...نستنى في دخولو عليا...يلزمني نمشي لطبيب معادش نجم نخاف لا وجيعة هاذي تأثر على ولدي..غمضت عينيا ريحة البيتزا ضربتني...حليت عينيا مدمعين...نشوف فيه كي ڨرب لعندي بلهفة...حط الباكو على الكوفوز...يعدي في يدو على وجهي و يحكي بلهفة...
اسوان:و اشبيكي يا فاطمة شصارلك..
انا:موجوعة برشا عيشك هزني لطبيب..ظهري واجعني برشا...و زيد استفرغت الي كليتو الكل...
اسوان: تو نجيبلك طبيب القرية هنا...متتحركيش من بلاصتك هاني جاي...
خرج شوي وڨت و رجع لعندي معاه طبيب..طمل عدا عليا كتبلي الدواء...و خرج...
اسوان:سمعتي شڨال الراحه لازمة و انتي فاش ڨام عليك تهزي في رزين و تڨضي موش ڨتلك ارتاحي..
دخلت امو تطمن على حالي...عدات يدها على شعري...
سلطانة:لطف عليك بنيتي...اما فاش ڨام تغسلي في الفرارش في هالبرد...و زيد رزان عليك و انتي تڨيلة بو روحين راكي
اسوان:شكون عطاها الفرارش يما...
سلطانة:زهرة..
نشوف فيه كي نطر الباب و خرج...ربي يستر هالليلة الغش متاعو خايب...ڨعدت حذايا امو شوي خرجت...نجمتش نرڨد ڨمت كليت شوي من البيتزا و رجعت تمديت مفهمتش شبيه وخر وين مشا زعمة...منعرفش ڨداش تعدا وڨت اما حسيتو طويييل...و الفجر اذن و اسوان مجاش..
أرغد يحكي...
تفقدها راقدة...مشيت لاكا البيت حليت الكوبه و نحيت السلسلة...دخلت الغبرة مااكلة كل تركينة فيها...هنا عشت ابشع حكاية صارتلي من 12 سنة...عديت يدي عالفرش...كل شي تعدا بين عينيا...غزرت للحيط الي اثار مزالت عليه...كبست بونية يدي...كان يرجع بيا زمان راو عملت اكثر من هكاك...البيت هاذي بالذات يلزمها تشعل اما علاش محرقتهاش...علاش منجمتش...مزلت حابس في الماضي كل مأثر عليا تو...جبدت تاليفون خذيت نفس نحكي..
انا:هيفاء نتقاابلو بعد ساعة في الاوتيل...
هيفاء:يا رزحي ايجاني لدار هاني وحدي..
انا:باهي...
علقت تاليفون...هزيت الفاست و خرجت...طرت عجاجة لعندها...ركيت الكرهبة قدام دارها...و هبطت...حلتلي الباب...دزيتها طول لصقتهاا الحيط و غطست في شفاايفها كليتهم ماكلة...لين قطعت عليها نفس دزتني تحكي تلهث...
هيفاء:بالشوي ارغد شبيك...
انا:جيبلي الماتريال..
هيفاء:تو!!
انا:اممم متوحشك و ليلتها مصار شي...
هيفاء:حتى انا متوحشتك برشا..لحظة و نجيك..فرغت الطاولة الكبيرة...تلفت لعندها عريانة بكلها...حفظت درسها مليح...طلعت تمدت فوق الطاولة...ربطلها يديهاا و سكرتلها فمهاا...حليتلها سااقيها بقوة...و غطست في كنزها بعنف...و يدي تضرب في صدرها لين حمار...هزيت السبتة نعدي فيها على لحمها....مغير مانشعر هزيت و ضربت على فخضها بقوة...و هي تصيح...نحيتلها رباط من فمها...ولات تبكي منجمتش حتى تحكي...
هيفاء: تذكرت الماضي موش هكا...
هزيتلها براسي اي...
انا:نعرف نعذب فيك معايا...
حليتلها يدها و جبدتها لعندي عنقتها...
هيفاء:نحبك ارغد نحبك برشا...انا راضية بكل شي معاك...اذا كان الب تعمل فيه يرحيك اعملو ميسالش وجيعة قبلك انا نتحملها...
غطست في شفااايفها...و مخليت فيها شي...لين تعبتها و رقدت عندي...غزرت للوقت قريب الفجر...يلزمني نمشي المڨصوفة وحدها...خليتلها ورقة و خرجت...وصلت لدار...و دخلت نلقاها مزالت راقدة...تمديت جنبهاا...نمسح على شعرها...يلزمني نمحي الماضي و نفض مشكلتها وقتها نعترفلها بعشقي ليها...مايلزمنيش نعيشها ماضي متاعي كيما معيش هيفاء فيه...اما كيفاه باش نمحيه كيفاه يا ربي...بستها من جبينها و غفيت جنبها اول مرة في حياتي نرقد مرتاح لدرجة...
الحلقة 5
تفاااعل ♨♨♨
رغدة تحكي..
حليت عينيا نحس في بدني يوجع...جيت باش نڨوم منجمتش حسيت بيد محاوطتني...تلفت بالشوي...نغزرلو راڨد بجنبي غارڨ في سابع نومة...بدا يتمتم بكلام مفهمتوش...ولا يرعش بكلو...حطيت يدي على جبهتو سخون يحرڨ ياا حليلي بتين المتكبر مرض يا ليعتي شنعمل نا تو...جبدت روحي منو بالشوي....مشيت للكوجينة عبيت الماء حطيت الثلج و منشفة صغيرة...و رجعت لعندو...غطيتو مليح...و عمتلو الكمدات...مفهمتش شيعمل عندي و اش مرڨدو جنبي...باڨي يتمتم مفهمت شي...حطيت يدي على يدو نادي عليه...باش يفيڨ باڨي شي...زدت تحيرت أكثر...منعرف حد هنا اصلا بلاصة خالية...تذكرت زوز اولاد الي ريتهم...حطين محرمة على راسي و خرجت نلوج عليهم فجعوني الاحصنة...شفت واحد فيهم من بعيد اشرتلو بيدي برشا مرات ڨرب لعندي يجري...طقس بارد برشا...لكمت على روحي نحكي..
انا:عيش وخي فماشي طبيب هنا ولا سبيطار ڨريب...المتكبر...تي نڨصد سي ارغد مريض و سخانة مبااتش طيح جملة...
هو:هنا كلهم بعاد و سي ارغد يكره طبة مايحملهمش اعمل كيف ماتعملي امي طيبلو شربة سخونة حارة مليح و اعمل كاس تيزانة و تو نعطيك حشيشة طيحلو سخانة..
انا:باهي عيشك هاني راجعة لدار كي تجي نادي عليا
هزلي براسو باهي و رجعت نجري...دخلت طول للكوجينه...ڨلبتها لين لڨيت الشربة و التيزانة و بديت نطيب...و كل مرة نتفڨدو...جاني طفل و عطاني لحشيشة حطيتها في كاس تيزانة و هزيت صحفة الشربة مشيت لعندو...نلڨاه حل عينيه اما متحركش من بلاصتو يعطس و كهو...خشمو احمر عللخر...
انا:ڨوم باش تاكل فم شربة و تشرب دواء
غزرلي بعين ذابلة...اول مرة نشوفو في الحالة هاذي...
ارغد:معينيش...نحب نڨوم يلزمني نمشي نشوف حل لمشكلتك..
جا باش يتڨعد حطيت يدي على كتفو رجعتو لتالي
انا:شد بلاصتك كول و اشرب دواء و ارتاح مبعد يحلها ربي..شوف حالتك كيفنها...
حطيتلو طبق ڨدامو..هز المغرفة طاحة من يدو...لدرحة فااشل موش منجم يعمل شي...تنهدت هزيت المغرفة و بديت نوكل فيه بالشوي...ياكل و يغزرلي سارح فيا باهتة فيه كيف محسش بالحرورية ...تي انا تشويت كي ذڨتها...
مكتذبتش كي ڨلت عليه المتكبر.. هالكلمه عندها الف معنى...وكلتو و شربتو كاس الكل..
انا:تو ارجع ارڨد ارتاح..
ارغد:باهي خليك جنبي...
واش بيه هذا بدا يخرف تو سخانة ضاربتو صايا..
انا:واشي لا ارتاح نا هاني في صالة...
ارغد:برحمة يماك خليك جنبي
عرضلي الغالية الي مشوية عليها...ذكرني بليعتي و حرقتي و اكا ليلة المشومة..
انا:ب..باهي المهم ارتاح
ڨعدت جنبو...بقى يغزرلي درا كيف نضراتو مافهمتهمش...نحسو يحب يڨلي شي...غفى و هزو النوم...
تعداو اسبوعين بمرهم و بحلوهم..المتكبر تحسن و انا تخنڨت من الحسرة بين اربعة حيوط و زيد عايشة في المجهول...معادش عارفة ولا فاهمة شي...و زيد عرفت شخصية ارغد اكثر مكانش كيما تصوترو يعني طلع حنين و متفهم...اما فما حاجات غامض فيهم كيما البيت اذيكا علاش مسكرها هكاك و نفيق بيه يحلها كان في ليل مخر...و كيما عرسو و برشا حاجات....بڨيت نتفرج عيوني في تلفزة اما مخي في شي اخر لين فيڨني من سرحتي صوتو
أرغد:انا راجع للقرية...
تلفت لعندو مصدومة...وڨفت من بلاصتي نحكي بربثة
انا:ك..كيف راجع و نا لشكون باش تخليني
ڨرب لعندي حط يدو على خدي...لمستو حنينة برشا حسيت بشي درا كيف
ارغد:متخافيش باش نهزك معايا
وخرت خطوة لتالي...
انا:واشي...ياخي نسيت الي صار والله كان نعفس تراب غادي الا مايڨتلوني...
أرغد:ماعندكش ثيقة فيا يا رغدة!
بلعت ريقي بالسيف بكلي نرعش..
انا:ع..عندي ثيقة فيك اما...
ارغد:لا اما لا شي لعشوة ماشين...وباش تڨعدي معايا في دار
انا:فهمني كيفاه راو هاذي جريمة و الي صار موش باش يصدڨني فيه حد افهم شي هذا...و زيد بصيفتي شنوة ماشية معاك لحوشك
تبسم على جنب عدا يدو على لحيتو
أرغد: بصيفتك مرتي 😏
ترهوجت تركزت بيدي على طاوله....بڨيت نغزرلو و كهو كابني منيش مستوعبة...فاش يخرف هذا...كيف مرتو وهو بالاساس معرس...اصلا ممنوع عليه يتزوج بمرا اخرى القانون مايسمحش عنا...
أرغد:هيا مريتي عاد حضرلي روحك ماشين البلدية تو...
انا:فاش تحكي انت وقيلة هبلت لا لا ضبعت اصل...اول شي انت معرس و ثاني شي انا مزلت معنديش الهوية..18 سنة مزالي شهر و نغلڨهم...زواج شنوة تحكي عليه و زيد مانوخذكش كي تبڨى اخر واحد في رجالة...
شدتو هستيرية متع ضحك...و نا العصب ماكلني من ساسي لراسي...
ارغد:مڨصوفة زايد
انا:انت مڨصوف و متكبر
دخل يدو في جيب الفاست شاد البطاقة في يدو
أرغد:هاذي هويتك...و الباڨي مايهمكش...
ڨربت لعندو...شديتو من الفاست نازلة عليها نغزر لعينيه الي كي صقر...
انا:شكونك انت اه شكونك كيف تعمل في هذا لكل...شنوة الي وراك ولا شكون الي وراك..ڨلي يا متكبر راك ڨتلتني بالغموض متاعك
نحالي يدي بالسياسة...يحكي و يتبسم...
ارغد:متركزيش معايا لا تتعبي..حضري الدبش ساعة اخرى و الكرهبة توصل نخرجو...
دخل للبيت و خلاني واڨفة مخي يهز و يجيب معادش فاهمة شي...حسيت روحي منعرفوش اناا مع راجل غريب راجل متناقض في كل شي و اكبر شي الغموض متاعو خوفني منو برشا...نا رغدة الي مايخوفني حتى ذكر...تو خايفة من المتكبر...
أسوان يحكي...
اسبوعين كشفولي كل شي...مكنتش نتوقع الي صار مكنتش مصدق عينيا...الي شفتو ليلتها كسرني من داخل و خلاني ننقم...الي سمعتو دخل في مخي تران...مدامني حكيت لارغد..اكيد باش يحل عليهم حرب مااتوفااش...باش يحرقهم بناارو...طفيت سيڨارو عفستو بسااقي....نغزر للوقت...لبست الكابوط و خرجت باش نروح بفاطمة...وصلت لعند دارهم محبيتش ندخل بقيت في الكرهبه و كلمتها باش تخرج متهزش عليا..تحيرت...تلزيت ننزل و ندق باب الدار...حلي خوها الصغير...و وراه بوه الخفاش..
انا:ويني فاطمة
الخفاش:غدوة ارجع روح بمرتك
جيت باش نجاوبو نسمع في صياحها...دزيت خوها و دخلت...نشوف فيها ملوحة لحمها ازرق...شعرها منتش...خشمها بالدم و حاطة يدها على كرشها...تحكي
فاطمة:والله لا نجمت كيف نسرڨ راجلي مولا بيتي...ناڨصين فلوس انتم...
كبست على بونية يدي و ناديت بأعلى صوتي..هزت راسها مفجوعة تغزرلي
فاطمة:ا..اسوان
قربت لعندها حملتهاا نحيت كبوطي لفيتها بيه تلفتلهم لكل نحكي...
انا:متعلڨش يا خفاش راجعلك...
حملتها عندي و خرجت بيها...هزيتها لسبيطار طمنت على حالتها و حالت الصغير...المهم هما لباس اذيكا الفايده...
فاطمة:اسوان اسمعني نفهمك...
انا:اسكتي تو باش نرجع بيك لدار ...ماتڨولي شي لدارنا اطلعي طول للبيت و نا تو نرجع
شدتني من يدي كبست عليا تحكي و دموع على خدها...
فاطمة:بجاه الي يعز عليك لا توسخ يدك بيهم اخطاك منهم راو روح عندهم حاجة عادية...
انا:ضربو مرتي و زعمة لا خسروني في ولدي و تڨولي مانوسخش يدي بيهم و زيد يحبوك تسرڨي...كلمة لا سكري فمك تو
سكتت مزادت حتى كلمة...نحس في دم طالع لراسي...وصلتها و كلمت محسن جابلي المڨرون و مشيت لعندهم...دخلت كي الثور الهايج..هزيت المڨرون في وجه خوها الكبير هو الي ضربها..
انا:نڨتلك و نتعدا و نڨتل اي حد يمد يدو على مرتي...نا ماخذيتش بثاري زعمة لا رزيتوني في شبابي..اما لحڨ الوڨت...شهد يا ابن الخفاش...
هبط على ركايبو يتوسل كي الخنثة...
هو:سامحني معادش نضربها ماتڨتلنيش اسوان راهو بابا السبب هو الي ڨلي نا معنديش دخل كان منعملش الي يڨول عليه يحرمني من كل شي
انا:ياخي عايشين في غابة ڨولو!!! وينكم شبيكم راڨدين مزلتو حابسين في عام 40 ! اسمعوني مليح با متخلفين....فاطمة تنسوها انسو عندكم طفلة فهمتو و قسما بالله مرة جاية نڨتل الي يتعرضلنا..سمعت يا خفاش...ردبالك تستخف بأولاد سلطان...ارغد برك ڨادر يمحيك في لحظة...
دزيتو بساقي طاح لتالي و خرجت...ديماريت الكرهبة وصلت نلڨى كرهبة أرغد...نفخت بعصب...اكيد تو فيلم درامي داخل...ربي يستر...اما يستاهلو الي باش يصير فيهم...أرغد سكت و تحمل بمافيه الكفااية لحق الوقت باش يلعب بيهم كيما يحب و اكيد انا مع توأمي...منخليهوش وحدو مهما يصير احنا مثال للاخوة
هبطت من الكرهبة و وڨفت ورايا كرهبة الشرطة حليت عينيا على وسعهم الشي هذا مقرينالوش حسابو...
----------------------
أرغد يحكي..
دوب مادخلت لدار...لكلهم وقفو من بلايصهم مصدومين....زهرة طيحت من يدها الطبق...فاطمة تتبسم لرغدة...كبست على يدها...حسيتها خايفة متوترة...خذيت نفس نحكي...
انا:عسلامة...ناا جيت و جبت معايا مرتي
مصطفى:عاود اش ڨلت ياا أرغد
انا:ڨلت رغدة مرتي
سلطانة:فاش تحكي انت كيف مرتك و زهرة!! كيف مدخل لداري مجرمة ڨتالت ارواح ڨتلت امها و خوالها ڨالبين عليها الدنيا...
نشوف في زهرة مشات جبدت روحي من رغدة و قربت لعند امي و بابا...
انا:يما...بابا...رغدة مرتي على سنة الله و رسوله...مرتي شرعا و قانونا...انا بعمري ماتزوجت زهرة...اناا خذيت منها الاملاك لكل بكل بساطة...
تبسمت على جنب و غزرت في عيون بابا...
انا:طالع ليك ا بابا مصلحتي ڨبل كل شي
هرب عيونو مني...تنهدت و رجعت غزرت ليما حطيت يدي على اكتافها...
انا:يماا يا تاج راسي نحبك تعامل رغدة كاينها بنتك موش كنتك هي تو مرتي و مهيش مجرمة رغدة مڨتلت حد و شي هذا ايامات و نكشفوهولكم اصبرو شوي..
هزتلي براسها باهي اما باقي تڨحر لرغدة...نعرف يما راسها كاسح و رغدة لسانها مايهنيهاش و باش نتعب معاهم...رجعت لعند رغدة...نغزرلها مربوثة و دمعتها علة شفرة عيونها...
انا:متخافيش هيا نطلعو للبيت
مديتلها يدي..هزت يدها بالسيف مسكتني...جينا باش نطلعو وقفنا صوت...تلفت لعندهم حليت عينيا على وسعهم...ما حسيت كان برغدة تخبات ورايا كابسة على اجنابي يديها ترعش تحكي بصوت بالسيف مسموع..
رغدة:تخليهمش يهزوني بجاه ربي يا ارغد...منحبش نمشي للحبس معملت شي نا ورحمة يما مڨتلت حد...
قرب لعندي واحد منهم يحكي درا كيف..
هو:كان متمشيش معايا بسياسة نهزوك بالقوة يا مزة...
كبست على بونية يدي...و هي زادت تعنكشت فيا...حط يدو على محرمتها نحاها و شدها من يدها و جبد المينوت..باش يلبسهالها...دزيتو بكل قوتي لين طاح...
انا:يدك نڨصها مزلت تحطها على مرتي صح مهيش متحجبة اما موش من حقك تعمل هكاك...مايهمنيش فيك تخدم في الحاكم نا ڨادر نمحيك و تو نمشيو للمركز و مانرجع لدار كان ماتكون مرتي معايا...
تبسم بإستهزاء و قام ينفض في روحو..
هو:منيش باش نعديهالك بالسهال تذكر الي نسالك الدزة هاذي..
هزني و حطني...و خرجناا طلعت معاها في كرهبة الشرطة مسيبتهاش لحظة اما الي جنمي شكون خبرهم...شكون قلهم على وجود رغدة معايا...كيف صار هكا...بعثت ميساج لاسوان دوب مارجعلي الميساج تبسمت...رجعت تاليفون للفاست...وصلنا للمركز...دخلنا و هي باقي مكبشة فيا...دخلوها يبحثو فيها و انا قاعد البرا على عصابي..دخل بوها...دوب ماشفتو تنطرت عليه شديتو من خناقو نحكي...
انا:واطي ماكش راجل تعرف نكره الي كيفك ....كيفاه تعمل في بنتك هكا...يا مسخ...اصبر عليا الا منوريك النجوم في هز النهار...
الاعوان يحزو بيناتنا و انا تسيبت عليه كي الثور الهايج...عينيا ظلامت كل منتخيل كيف يتحرش برغدة...
تعدا الوقت عليا سنين...قررو يوقفوهاا و تتعدا طول للمحكمة...خرجوهاا تبكي بالغصة و تحكي..
رغدة:مانحبش نڨعد هنا هزني عيشك والله نموت...
انا:متخافيش غدوة طول نروح بيك من المحكمة ماكش باش تبقي في الحبس
رغدة:كيف الادلة لكل ضدي..
طبست عليها همست في وذنيها...
انا:نجم نهربك و منخليكش تبقي ثانيه في الحبس اصبري ليلة كهو...
بستها من جبينها...و خرجوني لبرا...نلقا اسوان...طبطبلي على كتفي يحكي..
اسوان:تهنى كل شي مريقل..رغدة اكيد باش ترجع معانا غدوة..
انا:و كان مرجعتش و لعبولها لعبة مرة اخرى وقتها نضطر نهربها..
اسوان:شنوة!!
انا:الي سمعتو..
اسوان:بربي قلي كيفاه طلعتلها الهوية !! طفلة مزالت مغلقتش 18 سنة
تبسمت على جنب..ضيقت عينيا نغزرلو...
انا:عصام
حل فمو طاقة...عدا يدو على وجهو...
اسوان:باز تفدلك انتي اش موصلك لعصام
انا:ايجا نبعدو من قدام المركز و تو نحكيلك في الثنية...المهم تو نروح لاكا زهرة يدي تاكل فيا عليها...
اسوان:تهنى عطيتها كف لا يقرا ولا يكتب
طرشقت بضحك...خبر بردلي على قلبي..
انا:اياااه مزالت باش تاكل اكثر من عندي...
طلعنا في الكرهبة...هو يسوق و انا نحكيلو شد فران قوي...غزرلي مصدوم...
اسوان:فايق بروحك شعملت...
انا:اي عادي..معنديش حل اخر باش ننتقم
اسوان:تو عرفت علاش تكره دات عيد ميلادنا يعني الي صار لكل في يوم اذاكا من 12 سنة انتي محتفلتش بيه كالعادة...علاه مقتليش منيش شطرك انا علاه مقلتش الي صار في دات اذاكا!!
انا:منجمتش يزي معادش تسألني المهم عصام هو الي باش يوصلني ليه...عن طريق عصام انا باش ناخو ثاار عذابي...
اسوان:تنساش عصام موش ساهل انتي دخلت في عالمو مستحيل يسمحلك تخرج منو...
انا:نخرج منو كان منسيل دمو...خليني نشوفو قدامي سنين و انا نلوج عليه...اخيرا لقيتو...معرفتي بعصام عطاتني فايدة في الاخير...
وصلنا لدار...دخلت طول منلقى حد..اسوان طلع بقيت انا في صالة...كملت حكيت في تاليفون..تاليفون عطاني امل الي القضية لكل باش تتقلب...مكذبش الي قال القلوس تعمل كل شي و الرشوة في بلادنا هي المساند الرسمي...و زوالي يمشي في العفس....اما انا معفستش على زوالي انا باش ننقذ مرتي و كهو...خلي ترجعلي مرتي و مبعد نحاسبهم لكل بالواحد بالواحد مانفلت حد كا سبب في دماري...
ليلة كاملة مرقدتش...لبست كبوطي و خرجت ...دخلت للمحكمة بكل ثيقة في نفس متأكد القاضي باش يحكم بإخلاء سبيلها لوجود الادلة الكافية...
غزرت للبحاث و لبوها...غمزتهم و تبسمت على جنب الي توقعتو صار..رجعت نغزر للقاضي.تبسملي بالشوي...هزيتلو براسي باهي...
جيت خارج وقفني...
هو:كيف الدوسي يتغير...تعرف نجم نباصيك..
انا:هههه لا دوسي كيف ماهو يا مسيو...موش قتلك مرتي باش ترجع معايا...ااه حقى تسالني دزة اي هيا اخلص فاش تستنى...ولا خفت و عرفت شكونو ارغد و شنوة ينجم يعمل...
تبسمتلو بتمخير لبست ليناتي شديت يد مرتي و خرجت...
طلعنا في الكرهبه...ديماريت..
رغدة:شنوة عملت باش خرجتمي من قضية ڨتل بالسهوله هاذي...
انا:لازم تعرفي يعني...
رغدة:اي جاوبني عيشك..
انا:موش وڨتو..
رغدة:تعرف حتى عرسي موش عادي كل شي موش عاادي معنديش زهر في شي..دنيا عاكستني انت تزوجتني على خاتر الورث علاش نا بالذات..
شديت فران بالقوي...
انا:شكون ڨلك خاتر الورث رغدة انا ن...
رغدة:ماتڨول شي ارغد..هزني لڨبر يما تعمل مزية..
كنت باش نقولهالها علاش سكتتني...كبست عالفولون بيدي...كملت نسوق..وقفت قدامي شاحنة كبيرة...هبطو منها ولاد من تالي...رغدة كبست على يدي..
رغدة:خوالي و ولادهم..باش يڨتلوني..
نحيت سانتير و هبطت...حطيت لينات فوق راسي...
انا:عندكم حكاية احكوها معايا نا...
هما:سي ارغد مدخلش روحك احنا نڨدروك انت شيخ الدشرة...و ابن السلطان...احنا حاجتنا بالعاهرة اذيكا يلزمنا ناخذو بثارنا...
انا:رغدة صارت مرتي...و اي حاجة تصيرلها نحرڨ الاخضر و اليابس و انتم تعرفوني يا رجالة كلامي نعاودوش مرتين...
تكلم واحد نعرفو مليح كايني شفتو مرة يتبع في رغدة...جبد موس من ورا ظهرو و قرب لعندي يحكي..
محمد:نا باش نڨتلك و نڨتلها تعرف ليش! خاتر اول شي طيحتلي رجوليتي و ثاني شي انت تزوجتها و خطفتها مني...
جيت باش نحكي حسيت كان بالموس في جنبي دغرني برشا دغرات...طحت في الارض عينيا ضلامت...وجيعة خايبه و عقلي في رغدة شنوة باش يصير فيها تو...
الحلقة 6
تفااعل ♨
أرغد يحكي...
نسمع في اصوات بعيدة...راسي ثقيل...نحاول نحل في عينيا...حليتهم بالسيف الرؤية من لول موش واضحة...بدات توضاح بالشوي...نشوف فيه واقف قدامي...كيف وصل لعندي...دورت راسي شوي نشوف فيها تبكي...عيونها منفوخين...مسحت دموعها تحكي بالسيف..
رغدة:حمد الله على سلامتك سي أرغد سامحني نا سبب في الي جرالك ڨتلك من لول ابعد مادخلشي روحك انت مسمعتش كلامي خلاص و حڨرتني...
عصام:الي صار صار تو...المفيد أرغد لباس..و انتي زادة لباس مدام..
بلعت ريقي بالسيف منيش فاهم شنوة الي قاعد يصير...نخرج في الكلام متقطع...بديت نحس بوجيعة في كرشي...
انا:ع...عصام شتعمل هنا كيف جيت
عصام:أرتاح تو متعبش روحك عندك نهارين فاقد الوعي جملة نزفت برشا دم حمد الله خوك جا اخر لحظة و تبرعلك...و هاك تو رجعتلنا لباس..
انا:كيف نهارين شنوة صار نهارتها...
تلفت لعند رغدة نغزرلها...
انا:احكي شنوة صار شبيكي ساكتة..
عصام:أرغد...داركم طردو رغدة و عدات نهارين في دار اسوان الي في سونتر...
انا:شنوة!! علاش عملو هكا وينهم هما تو
عصام:البرا اناا حكيت معاهم خليت رغده تدخل تشوفك قبل متخافش تصرفت...
تركزت باش نقوم قوات عليا الوجيعة...اما نحس في روحي على عصابي ملي سمعتو..حطت يدها على صدري تكتني لتالي..
رغدة:فاش تعمل ارتاح موش وڨتو توا راحتك ڨبل كل شي..
بقيت نغزرلها و مرة نغزر لعصام مفهمتش شيعمل هنا ظهورو توا قدام بابا باش يعقد لحكاية برشا..و كيفاه وصل لعندي...ألف حكاية و الف سؤال يدو في راسي..
انا:كيف منعتي من الحيوانات اذوكم هاو باهي مڨتلوكش...
رغدة:صراحة الي صار هو انو...
قص عليها عصام يحكي...
عصام:انا تصرفت معاهم و فرحت بيهم مليح...
انا:و انتي شتعمل في القرية...
تبسم درا كيف...
عصام:ماو جيت نخطب
انا:و شكوني تعيست الحظ
عصام:هههههه لا عاد هكا تغلط اختك باش تكون سعيدة الحظ معايا...
كبست عالملحفة بيدي..
انا:تفدليك ماسط عصام..
عصام:ارتاح نسيبي و قوملنا لباس و تو نحكيو في الموضوع...
طبطب على يدي و خرج...خرجت وراه رغدة....بقيت مستغرب...نهارين صار هذا لكل تقلب كل شي..معادش فاهم شي...السيد يقلي نسيبي...نفخت بعصب...و رجعت غفيت...
تعداو ايامات حسيت روحي لباس...روحت لدار...دخلت و شاد يد رغدة...قبل مانحكي تكلمت زهرة...
زهرة:ڨداكش رڨعة...جاية و مكاش هنا خلاص...راجلي زعمة لا مات جرتك
جيت باش نتكلم..قصت عليا...مكنتش نتوقع باش تقول كلام كي هكا...نطرت يدي...و قربت ليها تحكي...
رغدة:رڨعة انتي يا زهرة تڨولي راجلي على راجل مرا اخرة..أرغد راجلي نا حد ماهو باش يخاف عليه ڨدي...و نا تو في دار راجلي يعني انتي الي اش مزلتي تعملي هنا..
بقيت حال فمي طاقة منيش عارف رغدة الي قدامي هاذي ولا انسانة اخرى...
زهرة:تسمعو فيها!! ههههه جات من تالي و ڨالت يا مالي اصلا كيف مجرمة كيفك مزالت دور هنا اش مخرجك من السجن فيبالي باش نرتاح منك
ضيقت عينيا...يعني زهرة الي خبرت الشرطة نهارتها...سكت محبيتش نحكي معاها حسابها مبعد راس راس وحدنا...
سلطانة:شتعمل هاذي في داري تو تخرجها من حوشي
انا:دار هاذي دار أرغد المتكبر...و نا حر شكون ندخل و شكون نخرج حد مايهمو واضح...
سلطانة:واشي من وڨتاه تحكي معايا هكا راني يماك ...ياخي المجرمة نساتك فيا!!
انا:مرتي مهياش مجرمة لكل يلتزم حدو مرت ارغد ناس لكل تڨدرها كان جات مجرمة راو ماسيبوهاش...اول مرة و اخر مرة باش نڨول هالكلام...مرتي حد ما يتجرأ يطيحلها من ڨيمتها ولا ڨدرها...هي ست الكل هنا نتصور هكا كلامي واضح عللخر يا زهرة
غزرتلي بتسوميم جات ماشية وڨفتها..
انا:مزلت نحكي مڨتلكش بري...و ثاني شي بما أنو ملمومين ناس الكل هنا...نحب نعلمكم...الي الهناشر(المزارع) و الشاحنات و مكينات و الدار هاذي لكل صارو ملكي و بما فيهم السيارات صارو ملكي وحدي..
نغزرلهم لكل باهتين بابا طيح عكاز من يدو و ترمى عالكرسي...يما ضربت على صدرها من الصدمة...زهرة حطت يدها على فمها كاينها متوقعتش شي هذا...رغدة باهتة فيهم موش فاهمة شي ....اسوان مصدوم اكثر منهم الكل...انا ورثت بابا و عينو تغزر...تبسمت على جنب...كملت كلامي...
انا:يعني تو لكلكم تحت رحمتي...و نضن منيش باش نرحم حد...
قربت لامي و بابا...نغزرلهم دايخين...مرهوجين ملي سمعوه...طبست عليهم تكلمت بالشوي حد مايسمعني غيرهم
انا:باش تخلصو حق عذابي 12 سنة كاملين...اصبرو عليا هذا حتى شي...و باش تخلصو الي عملتوه في 34 سنة نضن فهمتو قصدي...كان يعلم اسوان بعملتكم تخيلو اش يصير فيكم...اناا جنة عليه حد مايعرف اسوان على حقيقتو غيري...و قسما بالله تتمس شعرة منو نكشف السر ڨدام ناس في الدشرة كان لزم في الاعلام....
وخرت خطوات تالي...نحس في عينيا دمعت...قلبي نقم عليهم...غزرت لرغدة...هي الي عطاتني القوة بوجودها معايا..انا نحب نعيش قصة حبي بنظافة...نحب نعيشها بعد مانكشف الاسرار لكل و ناخو بثاري منهم...
تبسمتلها...قربت لعندها شديتها من يدها طلعنا للبيت...
رغدة:نجم نفهم شنوة صاير...
انا:ممدخلكش...انتي باش تعملي الي نڨلك عليه و خلاص..
رغدة:زايد متكبر..بلكشي خديمة عندك نا...اما تعرف شي...ڨداش طحت من عيني اكثر...كيف تعمل هكاك في امك و بوك و فاش كنت تڨوللهم باش حتى وجوهم تڨلبت هكاك...
تمديت عالفرش..حطيت يدي تحت راسي نغزر لسقف...
انا:حديث بيني و بينهم مايهم حد...
جات باش تحكي و الباب دق...صوت اسوان ينادي ...خرجت لعندو...جبدني من يدي دخلني للبالكون...
اسوان:شنوة عملت انتي اه تنجم تو تفسرلي...
انا:لدرجة معندكش ثيقة فيا...
اسوان:فاش كنت تحكي مع بابا و امي..
انا:كلام بيني و بينهم...
اسوان:ارغد كيفاه نقلت املاك باسمك وحدك نسيتني انا نسيت اختك..راو هذا ورثنا احنا...
انا:يعني تحاسب فيا..انا عملت هكا و كهو و بالنسبة ليا تستحقو حاجة نعطيكم منحرمكمش...كان كملت اسألتك خليني نمشي حذا مرتي...
بقى يغزرلي باهت...عفست على قلبي..رجعت للبيت...دخلت لصالدو...تركزت بيدي على رخامة نغزر لروحي في المراية...سامحني يا شطري...يلزم نعمل هكا...كل شي في مصلحتنا...
نعرف الي هو تو باش ينقم منحبش نقول باش يكرهني اما ميسالش باش يجي نهار اذاكا و يعرف انا علاش عملت هكاك..خذيت نفس و زوز..غسلت وجهي..و خرجت نلقاها مزالت قاعدة نفس البلاصة...رميت المنشفة عالفرش...
انا:تنجم تتمد راو متخافيش ماناكلش
دورت وجها عليا المڨصوفه...تبسمت بالشوي ...حليت الدرسينغ...باش نبدل دبشي...نحيت المريول بالسيف مزلت موجوع...نغزرلها من المراية كي مغمضة عينيا بيدها...ضحكت على هبالها و حشمتها...
رغدة:فاش تعمل ياخي جنيت انت...متحشمش يا متكبر...
انا:ليش...نبدل في دبشي حرام ولا واشي!!!
رغدة:ا وخي بدل دبشك اما موش ڨدامي..
انا:واللهي انتي مرتي و كان لزم ندور عريان
رمات عليا المخدة...و خرجت تجري...عديت يدي على شعري...اااه يا ربي وڨتاش نملكها...
كملت لبست تمديت نحس في روحي تاعب و ناقص نوم...اما منحبش نرقد الا و هي جنبي...حسيتها بطات..تقعدت...خرجت نلوج عليها...قربت من بيت زهرة...نسمع في حس...تكيت عالباب نتصنت...منيش مصدق الي نسمع فيه...جيت باش ندخل جبدتني رغدة من يدي..و لصقنا في كوان...
رغدة:ماتتهورش..نا...نا سمعت و شفت كل شي..بجاه النبي محمد...لا تعمللها شي...تبڨى منك اسمعها و افهمها ساعة...اكيد عندها اسبابها..
بقينا واقفين متخبين لين شفتها خرجت من البيت...جيت باش نخلط عليا...جبدتني مرة اخرى بطريقة لصقنا لبعضنا معادش بينا مسافة...سرحت مع عينيها الي ترمش فيهم بزربة كي صغر بينو مدى خوفها...شفاايفها الي يرعشو...يشهوك تغطس فيهم...نبلع في ريقي بالسيف...نحس في روحي معادش نجم..مايلزمنيش نضيع هالفرصة....دورت يدي على حزامها نزلت عليها يدي لخرا حطيتها ورا راسها و غطست في شفاايفها نذوق في شهدهم....و هي تفرفط و تئن و انااا مبعدتش لين حسيت بيها قريب دوخ...حسيت بطعم الدم...جبدت روحي بزربة...نلهث و نشوف في شفاايفها بالدم...كيف عملت هكا...هيفاء الوحيدة الي تتحمل قوتي...رغدة لا ماهيش باش تقبل الشي هذا....انا منحبش نضر معشوقتي...عديت يدي ترعش على وجهي..نغزرلها تبكي تمسح في دم..
انا:رغدة...س...سامحيني موش ڨصدي ن...
مشات تجي طلعت اكا الدروج...لعنت روحي الف لعنة..ضربت الحيط بيدي و خالطت وراها....ياليتني متسرعت...كيف باش نفهمها الي صار تو...كيف باش نخليها ترضى...جيت باش ندخل للبيت...صونا تاليفوني...جبدتو نشوف فيه...هزيت نحكي...
باسل:ارغد وينك لباس تو صاحبي..
انا:لباس نكلمك مبعد باهي..
باسل:استنى حبيت نقلك الي عنا اجتماع في ميلانو...نهارين اخرين يلزمنا نمشيو صفقة مهمة للاوتيل ااه يا صاحبي كان نربحوها تحل اوتيل اخر غادي و شريكنا يكون اكبر رجل اعمال ايطالي...
انا:شكون قرر دات علاش نهارين اخرين...
باسل:ا ز** شبيك موش فرحان
انا:اااوف منك باهي اسمع اسبقني انتي و انا نخلط بعدك بنهار...خاطر يلزمني نعمل شي و مغير ماتسإل..
باسل:مريڨل...المهم تجي و كهو..
انا:تهنى
علقت تاليفون...تو عرفت كيف باش نرضيها...عديت يدي على شعري و دخلت لعندها...نلقااها غامة على راسها بالفراشية...حاسبة روحها راقدة يعني...ايه ميسالش 3 ايام كهو و تكون ملكي يا مڨصوفة...
------------------------
ارغد يحكي..
واقف وسط الهنشير نشوف في الخدامة..متركز على عكازي...هزيت نشوف فيه مليح...هذا عكاز جدي..جدي لوحيد الي كان صادق معايا في اي شي...او بالاحرى كان مغلوب على امرو ايه لا علينا...ريحت برافنتو ضربتني تلفت لعندو...نحيت لينات نحكي...
انا:مرحبا عصام هاك مابطيتش...
عصام:راك باش تولي نسيبي كيف باش نخليك تستنا اكثر من يوم..
جبد باسبور من جيبو...مدهولي...
عصام:هذا باسبور رغدة..و ركحتلك الامور في المطار حد مايقلقكم حتى لين توصلو الميلانو..كان فما شي غادي زيد كلمني..
انا:مرسي يا نسيبي...اما فما شي نحب نحكي فيه معاك...بخصوص اختي...نحب نعرف كيف تعرفت عليها..
ضيقت عينيا نستنى فيه يحكي...ندعي في سري ان شاء الله مايخبيش عليا ان شاء الله يقول الحق...
عصام:كي ترجع من سفر تو نحكيو العرس باش يتم كي ترجع انتي
هزيتلو براسي باهي...اما لكل تو يخلص حتى هي نسخايلها عاقلة طلعت كيفهم...طلعت عايش في دوامة السنين هذي لكل...نشوف فيه طلع في كرهبتو و مشا..خذيت نفس و دخلت لداخل...نشوف فيها قاعدة ملكمتة على روحها لابسة جلباب كبير عليها..حطيت عكاز على طاولة و قعدت مقابلها...عينيا تركزو في جهة كهو...
انا:كيف تعرفتي على عصام وين عرفتيه و وڨتاش ڨابلتيه...جاوبيني..
تفرك في يدها...طبست راسها لوطة...
انا:باش نبڨى نستنا برشا ولا واشي...
تكلمت بصوت متقطع...
نارين:م..منعرفوش...هو جا كي بعد بنهارين ملي صار الحادث و كلم بابا ڨال يجب ياخوني..
كبست بونية يدي...نرعش في ساقي من العصب..يعني هي تو كذبت عليا...قمت...طبست عليها شديتها من شعرها...نكر فيها للبيت هي تصيح لمت دار الكل...و اناا معبرت حد دخلتها للبيت و سكرت الباب بالمفتاح...
نسمع في رغدة و يما يدڨو في الباب...و يعيطو...
رغدة:ارغد بجاه النبي سيبها انتي وعدتني ياا ارغد...ارغد بربي متسوطهاش (متضربهاش)
نحيت سبتة متع سروالي...انا نقدم هي توخر...نلف في سبتة على يدي...و نحكي..
انا:كيف تعرفتي على عصام تجاوبي ولا نخدم خدمتي...
لصقت للحيط تبكي...تعملي براسها لا...اصلا عمري ما مديت يدي عليها...اماا الي سمعتو خلاني نكرها و ننقم عليها اكثر...
انا:باش نسألك لآخر مرة كيف تعرفتي على عصام و اش صار بينكم
نارين:م..مصار ڨتلك نعرفوش...
طرشقت رقبتي...عديت يدي على لحيتي...قربت لعندها...عديت يدي على كرشها رعشت بكلها نطرتلي يدي...
نارين:ف...فاش تعمل
انا:فاش نعمل ههههه هاو باش تعرفي تو...اما ردبالك تخرجي صوت و لا تحكي على الي باش يصير تو...والله ورب الكعبة...نڨتلك و ندفنك و حد مايسمع عليك خبر
هزتلي براسها باهي برشا مرات...تبسمت على جنب..و صار الي صار...خرجت من البيت...سكرت باب...نغزرلهم داخلين بعضهم..
انا:شبيكم لباس...
رغدة:شعملت لنارين..
انا:حكينا و كهو...هيا طيارة لعشية..معادش وڨت..
غزرت ليما...نشوف فيها تبكي...
انا:بكلو بثمنو يا يما...
تبسمت على جنب و شديت رغدة من يدها طلعت للبيت...حضرت الفاليز نشوف فيهاا قاعدة قالبة وجها كاينو موش عاحبها اصلا نهارين تحكي كلمة و قص..نعرف روحي غلطت معاها اما منطلب سماح من حد...هكا طبيعتي...ساعات نقول عندها حق سمتني المتكبر...
انا:ماتحبيش تسافري ا رغدة...
رغدة:منحب شي...خليني في حالي و كهو...و يعطيك الصحة اثبتلي برائتي..ڨدام ناس الكل...
انا:اما حد ماصدڨك..
رغدة:معادش يهني المهم يما مرتاحة في ڨبرها تو...هو ڨتلها و وحلها فيا نا و زبد حب يغتصبني دافعت على روحي ضربتو اش يحبوني نعمل نا...
تهندت و قربت لعندها...حطيت يدي على خدها...
انا:رغدة اعطي فرصة لروحك كملي حياتك و انسى الي صار...و اهم شي خليك معايا..قضيتك تحلت و وفا كل شي...شنوة تحبي اخر تو و انااا نفذلك الي تطلبيه..
بقات تغزرلي درا كيف...جبدت روحها مني...
انا:هيا معادش وڨت على طيارة...
مجاوبتنيش...حطت محرمة على راسها خرجت سبقتني...هزيت الفاليز و خالطت....خرجنا مغير منحكو مع حد...طلعنا في الكرهبة ثنيه كاملة ساكتين..وصلنا للمطار...عداتها السفرة راقدة على كتفي...و انا نتأمل في وجها زينها العروبي الريفي...وصلنا فيقتها مرهوجة دايخة بالنوم...تغزرلي تفرك في عويناتها...
رغدة:نا وين تو
تبسمت على جنب...عديت صوابعي على خدها...
انا:مرحبا بيك في عالم أرغد...انتي باش تكتشفي ارغد جديد متعرفيهوش...أرغد الي باش ينسيك في الخايب الكل...
بقات تغزرلي باهتة فيا...ضحكت على تبهليلها...شديتها من يدها و خرجنا...نلقى باسل يستنى فيا...حضنا بعض...نحا ليناتو مصدوم يغزر لرغدة...
باسل:رغدة شتعمل هوني..
رغدة:عسلامة سي باسل لباس عليك...فرحانة الي شفتك..
باسل:انا فرحان اكثر...
كبست على يد الفاليز بيدي...كان نسخطو بيها ندوخو...تو نوريه الفرحة كيفاه...جيت باش نحكي نشوف في هيفاء هبطت من الكرهبة...حسيت دوخة لعبت عليا...شتعمل هنا شبيها مقتليش الي هي جاية...ترمات عليا عنقتني و رغدة تغزر وجها حمار عللخر لفتت وجها...
هيفاء:روحي ياا بايبي توحشتك حبيت نعمل مفاجأة قلت فرصة نرجعو ايام زمان
تبسمت بالسيف...جبدت روحي منها بالشوي نحكي
انا:تاعب يلزمني نمشي للاوتيل نرتاح...
جيت ماشي شدتني من يدي..
هيفاء:شتعمل هاذي معاك هوني شمجيبها و شكوني يا ارغد
تلفتلها نحكي و نرص على سنيا..
انا:من وقتاش تسأل انتي و اش دخلك فيها شكوني...ردبالك تحاول تحكي معاها كلمة ولا تقربها تخلينيش نتنرفز...
عدات يدها على لحيتي...
هيفاء:باهي روحي هدي روحك..ماقصدي شي اصلا محركتليش حتى شعرة باينة من لبستها و من المظهر متاعها موش نوعك المفضل جملة...حبيبي برا ارتاح نتقابلو ليلة...
جبدت يدي منها و طلعت في الكرهبة...وصلت للاوتيل صوتها ماسمعتوش...دخلنا لشومبر...نحكي..
انا:غدوة نمشو لدار هوكا تاخذي راحتك اكثر...ليلة كهو في الاوتيل خاتر في ليل عندي اجتماع...
رغدة:اعمل الي يريحك سي ارغد...
انا:واشي سي ارغد هاذي..
رغدة:نحب ندخل ندوش ميسالش..
انا:اي ادخل شديتك انا..
رغدة:كيف و انت باش تبڨى هنا!!
انا:لا هاني خارج نشوف اموري شوي و نرجع..
حكيت راسي من تالي...قربت لعندها...
انا:رغدة باش نطلب منك شي...معادش تلبس محرمة انتي ماكش متحجبة يعني حتى كي تلبساها شعر من ڨدام باين...و لبسة هذي زادة بدلاها...ليلة اجتماع مهم بالنسبة ليا..شفت كان نربح الصفقة اوتيل هذا يولي ملكي و يولي فرع اخر في تونس...و زيد رجال الاعمال معاهم نساهم يعني انتي باش تكوني معايا...ياخي نا خممت و شريتلك روب مضخمة و كلاس و باش تجيك طفلة مبعد تحضرك...نحبك تكوني احلى وحدة...
هزت حواجبها...عوجت فمها تحكي..
رغدة:لا لا وخي منحبوش هالريڨ...برا للمصفارة اكا المسبوعة هزها معاك موشي صاحبتك ولا نا غالطة!!
نطرت الفاليز و دخلت لصالدو سكرت باب...عديت يدي على لحيتي نتبسم...هي غارت عليا تو ولا انا غالط...اكيد غارت هههه....حطيت يدي عالباب نحكي..
انا:ساعتين و تجيك الطفلة و معاها الروب 7 بضبط نجيك نلڨاك حاضرة...رديبالك تكسريلي كلمتي ا مڨصوفة
رغدة:تحلم انت...
ضربت باب بيدي..
انا:تو نشوفو ا رغدة
خرجت و سكرت الباب...هبطت حذا باسل...تعدينا ندورو عالبوتيكات شريت كوستيم كلاس...ركحت اموري...كلمت طفلة تمشيلها...قعدت في القهوة جبدت سيڨارو...نحس في روحي فرحان و نفس الوقت متقلق من وجود هيفاء...خذيت نفس من السيڨارو نفخت نحكي...
انا:علاش تجيب في هيفاء معاك..
باسل:تي كبشت بربي متعرفش هيفاء كي تحرن عليك...
انا:كيف باش نتخلص منها انا تو...
باسل:وعلاش يا صاحبي عيش العشق و مارسو في ميلانو هههه
انا:نسيت رغدة معايا
باسل:و هي اش يهمها فيك اصلا علاش جايبها موش فيبالي تفضت لحكاية...حسب مقلي عصام...
انا:اي تفضت..اما...
باسل:اما شنوة!!
انا:شي شي تو تعرف مبعد
غزرت للمنڨالة في يدي وقيت نحضر روحي..
انا:هيا قوم وقيت...باش نلبس حذاك راو...
باسل: هههه باهي ياخي رغدة باش تكون حاضرة
انا:اي علاش...
باسل:تو لكلهم بالمزز متاعهم انتي بهيفاء اي و اناا!! علقل نهز رغدة معايا محلاها اكا طفلة اما دنيا ظلمتها
انا:باسل...رغدة لا باش تكون معايا...ادخل مع هيفاء انتي..
حط يدو على كتفي..
باسل:شوف صاحبي...يزي ماجرحت طفلة هي جات هوني على خاترك و انتي باش تدخل بطفلة غيرها لصالة! صدقني هيفاء تحبك يا ارغد..و كانك خايف على رغدة مني نقلك تهنى منيش باش نضرها و كل شي قدام عينيك...اصلا يمكن نستدعاك لعرسي على قريب هههه هيا نغيرو وقيت...
عروق بدني تكبسو...انا نعرف باسل مليح حط عينو على رغدة تي عمرو ما جبد سيرت العرس..نحب نصيح نقلو راهي مرتي...نجمش..منجمش تو...نحب نعترفلها بحبي قدام ناس الكل نحب نخليها تحبني...حليت باب بنطرة دخلنا...لبست الكوستيم...ركحت اموري...نسمع في الباب يدق نلقاها هيفاء...بلعت ريقي بالسيف..وقف جنبي باسل يحكي..
باسل:جاادوغ عزيزتي محلاك...
هيفاء:عيشك عشيري...
باسل:انا نمشي نجيب رغدة...اسبقو انتماا..
هيفاء:اوووف تي اش مجيبها معانا والله متخلينا فضيحة..تي شوفو حالتها..
انا:اش نبهتك بكري!!
هيفاء:اااوف باهي هيا..
انا:باش تمشي مع باسل انا الي باش نجيب رغدة...
هيفاء:تسمع فيه اش قال..
باسل:ارغد
انا:اسبقو تو نخلط..
خرجت خليتهم اذاكا الي مزال نخلي مرتي لصاحبي...معرف بالفازة هاذي وجعت هيفاء اماا زادة رغدة قبلهم الكل..مستحيل نخليها لغيري...باسل نعرفو مليح مستحيل يسلم...دقيت الباب دخلت نلقاها واقفة عاطيتني بالظهر..ضهرها الصافي حليب...عريان بكلو...روب مسنترة على دريارها الكبيرة..عضيت على شفتي ندمت الي شريتهالها...طلعت عليها موش نورمال..اما منحب حد يشوفها هكا غيري...حمحمت دارت لعندي...ااه من زينها اول مرة نشوفها بالمكياج...عيونها زادو كبارو...نوار فيوقهم بينولها عويناتها الشهل...شفااافها بالروج يشهوك تغطس فيهم تااكلهم متسيبهمش...صدرها المسنتر باين شوي من روب...الكرش صغرونة...روب سيران طلعت عليها تهبل...ستيلها دوخني هبلني...مرتي حلالي موش قادر نلمسها نعمل فيها الي نحب و نعيشها في احلى عالم العشق...قربت منها بخطوات ثابتة...حطيت يدي على دڨنونتها هزيتلها راسها...تغزرلي بعيون مدمعة...تكلمت بصوت ممحون بالرغبة...
انا:فيبالك الي انتي احلى طفلة شفتها في حياتي..محلاك رغدة...انتي كنتي دافنة روحك بالحياة...اما توا مدامك معايا باش تعيشي هالحياة بطولها و عرضها...
دورت يدي على حزامها جبدتها ليا...انفاسنا تخلطت...حسيت برعشت بدنها و ربثتها...غمضت عيونها كبست عليهم...فيبالها باش نبوسها كيما قبل...اماا لا موش تو اناا نحبها تكون متفااعلة معايا...نحبها تكون بوسة سبسيال...تبسمت على جنب و جبدت روحي...شديتها من يدها...
انا:لحق الوقت باش نهبطو..
هزتلي براسها باهي...فرحان الي سمعت كلامي و مكسرتليش كلمتي اما نجم نقول فهمتها علاش...نار الغيرة ياا رغدة شاعلة فيك..بقيت نتبسم وحدي...منيش عارف شبيني هكا..المڨصوفة هبلتني...
هبطنا للصال...نشوف فيهم قاعدين ...قربت لعندهم...جبدت كرسي قعدت مڨصوفتي...قعدت جنبها...نغزر لهيفاء و باسل يغزلو موش عاجبهم الحال...رغدة مطبسة راسها محكات مع حد اصلا موش فاهمتهم اش يحكو...كملت عقدت الصفقة كان وجها مبروك عليا...الدنيا موش سايعتني بالفرحة...هزيتلها يدها بستها...
حسيتهم ركزو معايا...اما تو اناا منحب نركز مع حد خلافها...وجودها جنبي مكفيني و زيادة...سهرية مزالت في اولها و بدات تحلى...اصلا نحبهاش توفا...عينيا متهزوش من عليها و انا نعشق فيها في زينها الريفي و ااه من بنت الدشرة الي خلتني غاطس في حبها للعنكوش...
الحلقة 7
تفاااعل ♨🚀 الي تقرا تحط جام
رغدة تحكي..
منحبش نحكي على الي فات...اما نحس في روحي مخنوڨة...موش عاجبني الحال خلاص...حتى أرغد نحسو مرة حنين مفماش راجل كيفو و ساعات نحسو شيطان على وجه الارض...نا تو تفكيري من نيران نموت و نعرف اش صار في اكا البيت...شنوة عمللها....نفخت بعصب مغير مانشعر...نسمع في صوت الغناء...كيما متاع اكا الافلام رومنسية ولا واشي...هزيت راسي نغزر لناس ترڨص لاصڨين بعضهم يعملو درا كيف..تلفت جنبي نلڨا اكا المصفارة شادتلو يدو تحاول فيه يڨوم يرڨص وهو محبش...نطرت الكاس عطاتني ڨحرت موت تحكي
هيفاء:جرت وحدة مسخة بنت ريف أرغد يرفضني انا ليلة...
ارغد:هيفاء...سكر ر** فمك...
هيفاء:لا كهو يزي فديت من اول السهرية و انتي عينيك متشالوش عليها..فيق يا ارغد راني هيفاء محترمتش وجودي حتى لو شوي...اما زايد نقلق في روحي نعرف اخرتها ليلة معاها و ترجعلي...
تبسمت درا كيف و هز ساكها و خرجت بڨيت نتبع فيها بعينيا شفتها وين دخلت...حسيت بغصة في ڨلبي وجيعة موش عادية عينيا تملاو دموع و الفوارة طلعتلي..
انا:نجم نمشي لتوالات..
ارغد:باهي هيا نوصلك..
انا:لا تو نمشي وحدي هاني عرفتها وين
هزلي براسو باهي...هزيت روبة من لوطة تكر بلها في الارض ڨلڨتني السخطة...دخلت لتوالات...وڨفت ڨدام المراية غسلت يدي برت رقبتي...غزرتلها كي خرجت...ضيقت عينيها تغزرلي...هزيت البابي نمسح و نحكي نفس الوڨت..
انا:الي يحكي عالوسخ كان مايكون غارڨ فيه للعنكوش...و الي يستخف ببنت الريف...وڨتها حل روحو باب جهنم يخرج منو وهج النار...و مبعد يتحرڨ بكلو...و اذا كان تحكي الي هو اخرتو ليلة معايا نڨلك راكي غالطة في حساباتك...
ڨربت لعندي...حطت صبعها على كتفي..تحكي معايا بإستحقار...
هيفاء:أرغد متاعي و بس و موش اول مرة يعمل هكا عادي يجيب وحدة نفحة طيرلو و مبعد يرجعلي...ننصحك ماتحلمش معاه برشا...تو نهايرين و يقلك باي باي...عندك حق تعرفش ارغد...برا عيش بنتي العب بعيد عليا احسنلك..مزلت فقصة صغيرة ماعندك في سوق ما تذوق شيري..
خذيت نفس..رميت البابي من يدي...حليت سبالة...رشيتها بالماء في وجها...تفجعت...
هيفاء:ااه نورمال انتي يا جبرية هكا تعملي !
دزيتها لصڨتها للحيط...حطيت يدي على رقبتها...نزلت عليها شوي نحكي...
انا:كل كلمة ڨلتيها باش تخلصيها...و كان نا مانطيركش نخليك تبعدي عليه نتسماش رغدة...نضن بدات لعبة...لعبة الڨلوب...
رخفت يدي من عليها منعرفش علاش حكيت هكا...زعمة نكون حبيتو...تي علاش نحب فيه راجل متناقض في حياتو و تصروفاتو...تو كهو حكيت الي حكيتو...خليها تجرب تڨرب و نا نعيفها في الي جابوها...
انا:ليلتك سعيدة شيري كيما ڨلتي..
هزيتها و حطيتها و خرجت نلڨاه ڨدام الباب...عضيت على شفتي خفت لا يكون سمعني اوووه على زهري الاتعس...
ارغد:شبيك بطيت صار شي
انا:متحكيش معايا بلهجة العاصمة نحسك مرخوف هكا
ضحك ضحكة طويلة ياااما حنة مابهاه و مشبو يهبل اصل سرحت معاه و مع زينو سنيه برك مرصفين مستويين اكثر من حياتي...ااه ڨلبي...
أرغد:وين سرحتي...هيا نرجعو سهرية تو حلات
انا:ااه لا نا تعبت معادش فيا و ربي الكريم ساڨي وجعتني من هالكعب العالي
ارغد:طالون اسمو
انا:تي الي هو هيا وخي طلعني الفوڨ نحب نرڤد
ڨرصني من خدي..
أرغد:منيش خوك نا راجلك...فهمتي!
انا:هيا نروحو عيشك...
هزلي براسو باهي...تركزت على يدو بيدي...و نمشي بالشوي..لفت راسي لتالي...نشوف فيها واڨفة سم يڨطر من وجها...غمزتها و رجعت نمشي...لين دخلنا للبيت...ترميت عالفرش نحيت الصباط رميتو و هو واڨف يغزرلي..عدا يدو على شعرو يحكي..
ارغد:باهي نا مالة نمشي نشوف سويت اخر نرڨد فيه...
جا فيبالي طول الي هو باش يروح لاكا المصفارة..مستحيل نخليها تفرح بيه ليلة...
انا:لا لواشي ماشي هاي البيت كبيرة..و زيد فما فرش اخر تو نرڨد عليه ميسالش
ارغد:متأكدة!
انا:اممم
ارغد:مليح مالة خليني ندخل صالدو نبدل دبشي كي تكملي انتي تغيري عيطيلي...
هزيتلو براسي باهي...هز دبشو دخل...بقيت نتبسم وحدي...كل شي تخيلتو في حياتي انو الا نكون مع هالمتكبر الي نكرهو نڨصد كنت نكرهو...و في بلاد غير بلادي...اهلي و دشرتي...تذكرت يما هبطت دمعة تحرق على خدي...مسحتها بالفيسع...نحس في روحي مابردتش نار مزالت شاعلة فيا هو ڨتلها ڨدام عينيا بطريقة بشعة..دخولو الحبس مايكفينيش..هو لازمو يموت بنفس الطريقة...اكيد باش يجي شي نهار و نصفرلو بروحو و نبرد يما في ڨبرها...
أسوان يحكي...
تو نهارين ملي سافر ارغد...دار لكل ساكتة...حسهم بايت...امي و بابا كلمة و قص معايا...كان اكا زهرة صوتها يلعلع نهار الكل...فاطمة تقضي اموئها و ترجع تشد البيت الصغير بدا يتعب فيها...هزيت بيسي حطيتو على كرشي...و بقيت نتفرج في الفيلم...دخلت عليا فاطمة تحكي...
فاطمة:اسوان...سي عصام يناديلك
انا:باهي ادخلي هنا ارتاحي
فاطمة:مزال الفطور ماطابش...
انا:تو نهبط نڨول لزهرة تكملو ادخلي ارتاحي...
تقعدت قربت ليها...نغزرلها في عينيها نحكي...
انا:من ليوم معادش تتعبي في دار انتي تڨعدي و هما يخدموك تنسيش روحك بروحين راكي...
تبسمت بالسيف و خرجت سكرت باب وقفت في اول درجة جبدت تاليفون نحكي...
انا:زياد اعمل الي قتلك عليه...
زياد:باهي...اما وقتاش باش تجي طولت الغيبة راك...
انا:ايامات قليلة يلزمني نفض شوي امور هنا ...
زياد:مريڨل تحياتي سي اسوان...
علقت تاليفون هبط لعندو...دوب ماشافني وقف...ستوا الفاست متاعو مد يدو سلم عليا..قعدنا مقابلين بعضنا...
انا:لباس هالخطا السعيد..
عصام:لباس اما فيبالك شريت هنشير قريب ليكم هاني واقف عليه هالليامات...
انا:ايا مبروك عليك يلزمك تعمل هكا باش تغطي على خدمتك النوار...
تبسم درا كيف يحكي..
عصام:هههه تعحبني كي تقراها و هي طايرة...المهم انا جيتك على حكاية اخرى...
انا:تفضل
عصام:معمل متاعك...
انا:معادش عندي شي ملكي لكلو تحول بإسم ارغد..
عصام:شوف اسوان انا نحكي عالمعمل الي في المغرب
تبلنتيت في بلاصتي كيف عرف بيه تي حتى خويا مايعرفوش...
انا:لا غالط معنديش معمل في مغرب
حك خشمو...ضحك بتمسخير
عصام:هكا باش تصعب عليا خدمتي
انا:قداش سومك مللخر
عصام:4 مليارات و سيبو
انا:هههه 5 مليارات و مبروك عليك...اما عندي شرط اخر..
عصام:الي هو...
انا:ارغد..ردبالك دخلو في متاهة متاعك..
عصام:مهوش صغير يعرف مايصلح بيه...زيد هو طلب مني يكون شريك و انا وافقت...
عديت يدي على وجهي...نعرف ارغد علاش عمل هكا....اما غلط كيف دخل هاللعبة مع عصام حد مايعرف عصام قدي...لفت وجهي نشوف في زهرة جاية في يدها طبق القهوة...هز الفنجان تكب على شوميز متاعو تحرق اصل تنطر من بلاصتو...
زهرة:سامحني يا وخي...
عصام:لا موش مشكل اصلا انا يدي رعشت...سامحني منين توالات..
زهرة:هوكا من غادي على يدك ليسار..
هز براسو باهي...مشا و رجع...نغزر ليما جاية...وقفت قدامنا تحكي..
سلطانة:عصام نا منيش موافڨة على هالزواج
غزرنا لبعضنا...تكلمنا نفس الوقت...
انا:علاش شصار يما...
عصام:علاش يا خالتي سلطانة شفت مني حاجة خايبة
سلطانة:مايلزموش يصير و كهو
قالتها و دموع نزلت على خدها تغزر لعصام درا كيف...
عصام:انا باش نعرس بنارين حد مايمنعني...انا نحبها..
سلطانة:عصام عيش ولدي لا مايلزمكش تعرس ببنتي...
حطيت يدي على راسي..منيش عارف علاش امي تتصرف هكا...و زيد عصام باينتو يحبها بحلق نارين...اما كيف حبها تي وقتاش عرفها سؤال محير ناس الكل مايجااوب عليه كان هو...خرج و خلانا...قربت لامي جيت باش نحكي مشات و خلتني...نفخت بعصب و طلعت حذا فاطمة...نلقاها سارحة مع الفيلم اما باينة مافهمت منو شي...قربت قعدت جنبها عالفرش نحكي..
انا:عجبك!
فاطمة:مافهمت منو شي نا...ايا نخليك
انا:ستني موش ڨتلك باش ترتاحي...
جبدتها لعندي دورت يدب على كتافها تكات راسها على صدري تحكي..
فاطمة:اقسم بربي الي في كرشي ولدك لحمك جمك يا اسوان صدڨني بربي راني تعبت
شدتها شهقة متع البكاء...
انا:اششت يزي رديبالك تبكي...موش وڨتو هالموضوع...
فاطمة:لا وڨتو نا ...نا توحشتك اسوان نحب نرجعو لايام قبل..
جيت باش نجاوبها و تاليفون يصوني..جبدتو نلقاها رند...جبدت روحها مني...تغزر لتصويرة و نومرو تحكي...
فاطمة:تحبها موش هكا اسوان! صحة ليها...
هبطو دموعها كي شلال حطت يدها على كرشها طبست راسها..
فاطمة:ماكش ملزوز تبڨى معايا...طلڨني و تو نخرج من حياتك نا و ولدي...تهنى مانڨلڨوكش..
قامت و حلت درسينغ جبدت ساك كبيرة...جبدت دبشها...علقت على رند برشا مرات سكرت تاليفون رميتو...قمت وقفت وراها جبدتها من يدها دورتها ليا نغزر لعيونها الحمر من البكاء...شفاافها الي يرعشو...صوت شهقتها...قطعلي قلبي...كلمت طلقني مقبلتهاش...غاضتني عللخر...سنانست بوجودها في دار ستانست بالنوم و هي جنبي...
انا:مستحيل نخليك تمشي انتي مرتي يا فاطمة اذيكا راو ...
فاطمة:اذيكا حبيبتك...تي حتى في زينها نا مانجي شي ڨدامها...
تبسمت بالشوي...متعرفش الي هي زينها رباني طبيعي يذوب اي راجل و زين رند كلو عمليات تجميل و زرارق
فاطمة:سيبني يرحم بوك خليني نمشي
انا:مفماش مشي لحتى بلاصة ...انتي هنا معايا نا راجلك وين انا وين انتي واضح
جات باش تجبد يدها...كبست عليها لصقتها ليا غطست معااها في بوسة طويلة 💋 بوسة نستني انا وين ولا حتى انا شكون مبنها الفرخة...كيف تحبني نسلم فيها اصلا احساسي قوي بلي صغير ولدي..بوسة وصلتنا لحد الفرش...مارسنا عشقنا و غرامنا...و ملكتها في الحلال...راحة الي حسيتها معاها تو عمري ماحسيتها من قبل...قمت من فوقها نلهث جبدتها لعندي طبعت بوسة على جبينها...
انا:نحبك يا فاطمة...
#
الحلقة 8
أرغد يحكي..
عديت ايامات مزيانين بالرغم هي باردة معايا...مخلتليش حتى فرصة باش نعترف بحبي ليها...تو في طريقي للقرية..عصام كلمني و لحق وقت الزواجو من اختي..تبسمت على جنب زواج هذا باش يكون صفقة رابحة بالنسبة ليا...لفت وجهي نغزرلها في سابع نومة...متكية راسها على شباك الكرهبة...قص عليا صوت ميساج في تاليفون...جبدت نشوف فيه..(ارغد يا روحي نستناك ليلة في دار اسوان الي في سونتر)
كبست على تاليفون بيدي...مفهمتش علاش اسوان عطاها مفتاح...كملت نسوق...شديت فران عديت يدي نمسح على شعرها نفيق فيها...حلت عينيها بالشوي تغزرلي...
رغدة:وصلنا!
انا:امم غطي شعرك و اهبطي..
هزتلي براسها باهي...هبطت الفاليزات...و دخلنا نلقاو دار مليانة خلاتي و بناتهم و اولادهم...حوسة العرس اش نكرها 😒 خاصة كي نشوف وجوه منحبش نشوفهم حتى يوم القيامة...قربت سلمت عليهم دوب باليد...حتى البنات الي حبت تبوس جبدت روحي منهم...غزرت لنارين...تبسمت على جنب...اشرتلها براسي باش تدخل للبيت و نخالط عليها...خليت رغدة معاهم طلعت الفاليزات...و مشيتلها....دوب ماحليت الباب...نلقاها واقفة مربعة يدها تهز فيا و تحط...
نارين:تعرف قداكش واطي..
انا:نعرف هات الجديد..
قربت لعندي...تحكي و تضرب على صدري..
نارين كيف تعمل فيا هكا راني اختك انتي حطمتني بعملتك هاذي...ڨتلتني بالحياة...
شديتلها يديها زوز كبست عليهم لين غمضت عيونها من الوجيعة...
انا:النار الي في قلبي باش تحرقكم لكل...انتي باش تخلص حق عملتهم...انتي باش تكون الشوية و الوجيعة لسلطانة و مصطفى..
نارين:راك تحكي على امك و بوك يا ارغد...
انا:اي نعرف...يما و بويا الغالين من كثرت حبي ليهم نحب نكافيهم بحاجة مزيانة..شوفي نارين و اسمعيني مليح...انتي غدوة باش تكوني في دار عصام راجلك و بو الي في كرشك...لعبتك المسخة كيف عديتها علينا و توصل حتى تحبل منو يا واطية هذا لكل باش تخلصو...اما قبل كل شي...باش تنفذي الي ڨتلك عليه بالحرف...غدوة يكون اول خبر عندي سمعتي..و قسما بالله كان تغلطي في شي...و لا عصام يحس عليك...تعرفي اش نقدر نعمل فيك نارين...
سيبتلها يدها بنطرة...ستويت الفاست متاعي و خرجت...عرضني اسوان في الباب...غزرلي درا كيف يحكي...
اسوان:هيفاء تستنى فيك باش تمشيلها ليلة..
انا:علاش تعطي فيها في مفتاح الدار انتي تعرف نقدرش نخلي رغدة...و فيبالك الي رند باش تجي ليلة!
اسوان:شنوة !! كيفاه!!
انا:الي سمعتو...سي باسل قلها عالعرس و باش يجيبها معاه شوف كيفاه باش تفضها ليلة عاد..
نفخ بعصب و هبط اكا دروج...هبطت وراه نلقى خلاتي دايرين برغدة...و هي تتغصور وسطهم باينتهم يسألو في اسألة محرجة...خذيت نفس و قربت لعندهم ...عديت يدي على لحيتي...نحكي...
انا:ان شاء الله تكونو كملتو اسألتكم و تنسنيسكم...كملتو صقسيتو عرفتو كل شي! نجم نهز مرتي تو...
تكلمت بنت خالتي هاذي عيونها عليا ملي صغار..تي مللخر منحملهاش...
غفران:واه شبيك تتحدث معانا هكا...واشي ڨالب علينا شنفورك..متخافش كليناهاش مرتك.
ڨحرتلها على جنب و تكلمت بصوت حاد
انا:رغدة ڨومي...
قامت مربوثة جات وقفت جنبي مطبسة راسها...شديتها من يدها و طلعنا...سكرت باب البيت...نغزرلها نحات المحرمة و قعدت عالفرش..تخرنن...تحكي بطريقة تضحك...
رغدة: فماشي حاجة في طريڨ وينها سورية تحبي ارغد كيفاه متفااهمين...اوف اوف واش هذا تعرف شادة روحي بالسيف زاش دخلهم في هالامور خاصة اكا هذيكا لابسة لينات قاع دبوزة اصل بففف اش تصقسي...
ربعت يدي و تكيت على الحيط...شاد ضحك بالسيف لين طرشقت صايا معادش نجم
رغدة:انا على عصابي و انت تضحك?! تعرف شي نا غالطه نتحدث معاك اڨعد فيها متكبر تع وذني...
جات باش تخرج جبدتها من يدها..لصقت بكلها في بدني..هزيت يدي نبعدلها في خصلات شعرها على وجها...عديت صبعي على شفاافها...غمضت عيونها...قداشها مغرية...قربت وجهي لوجها...انفااسنا تخلطت...طبعت بوسة قريب لشفافها...حيت باش نغطس فيهم قص عليا تاليفون يصوني...جبدت روحها بزربة...وجها احمر طمطومة...عديت يدي على وجهي...جبدت تاليفون من الفاست...نشوف في هيفاء تطلب...خرجت لبرا و هزيت نحكي...
انا:اهلا هيفاء
هيفاء:شنوة هاذي مستناس تهز تاليفون تقول هكا..
انا:لازم تركز يعني انتي تو
هيفاء:باهي هيا ايجا تعرفني نخاف نبات وحدي...
انا:مسافة طريق نكون عندك..
علقت تاليفون رجعت لعندها...نلقاها واقفة عاطيتني بظهرها...
انا:نا خارج تو يمكن نرجع مخر شوي...رديبالك انتي على روحك كان فما شي اطلبني هوكا تاليفون في الڨلص..
غزرتلي درا كيف ضيقت عينيها تحكي..
رغدة:ماشي لهيفاء موش هكا! برا على روحك معندي ليش نطلب نڨلڨ فيك..
بلعت ريقي بالسيف...عديت يدي على شعري..يعني يظهرلي كل شي واضح اما كيف عرفت...شي هذا موش في مصلحتي...انا اسوان واحلين نفس الوحلة..جيت باش نحكي قصت عليا كيف دخلت لصالدو و سكرت باب بالقوي...
نفخت بعصب و خرجت..يلزمني نمشي لهيفاء و نحكي معاها مللخر نصارحها بلي صاير...منحبش نخسر رغدة اكثر من هكا..شديت فران قوي قدام الدار...قبل ماندق الباب حلتلي...دخلت طول..نحيت الفاست و ترميت عالفوتاي..قعدت على حجري...تمسحلي على شعري...باستني من خدي تحكي...
هيفاء:تعرف توحشتك برشا...توحشت ريحتك و لمست يدك...بريود هاذي بعدت عليا برشا...منعرفش شنوة سبب مقصرة معاك في حاجة انا...قلي ارغد تكلم تبقاش ساكت برود متاعك قتلني..
خذيت نفس...حطيت يدي على خدها...نغزر لعينيها مدمعين...نعرف ظلمتها معايا...نعرف عذبتها و بكيتها برشا...اما هي تعرف انا نحبهاش و عمري لا قلتلها نحبك 5 سنين كاملين...منعرفش كيف باش نخبرها اما لوقتاش نبقى مخبي عليها...
انا:هيفاء تعرف الي انا عمري ماوعدتك بشي موش هكا!
هزتلي براسها اي...
انا:باهي و تعرف بحكاية الارث متع عمي و كي مات خلى وصية...وصية فيها يلزمني نعرس بمرتو اصلا هو حط اسم اسوان اما انا محبيتش خويا حياتو تتحطم..
هيفاء:متقليش عرست!!
انا:لا موش بمرت عمي اما ب...
تنطرت من فوقي...تحكي بصوت عالي..
هيفاء:عرست بالجبرية ريفية اذيكا!! و زيد بكل رقعة جايبها معاك و مقعدها معايا!!! كيف تعمل فيا هكا ارغد!!
قمت قربت لعندها...شديتها من اكتافها نحكي..
انا:انتي تعرف الي انا عمري ماقتلك نحبك و لا حتى وعدتك بالزواج..و انتي تعرف من اولها علاقتنا على شنوه مبنية.. يعني مغير متعملي دور ضحية تو
دزتني و تبكي بالشهقة...تضرب على صدرها
هيفاء:اي اي خاترني انا الق*** متاعك نهشتلي لحمي عملت فيا الي تحب و انا مسلمتلك خاترني نحبك... غيرتلي حياتي ...علاه شعمتلك فاش ضريتك انا باش توجعني و تحرقلي قلبي هكا... اما لا مستحيل نسمحلك توجعني اكثر و تحطمني اكثر...
مسحت دموعها بكف يدها....غزرتلي درا كيف..شدت راسها ...جات باش تحكي...طاحت داخت....الخوف سكني...طبست عليها حملتها حطيتها عالفوتاي...جبت الماء رشيتها...باقي مفااقتش...شممتها برفان..شوي وقت بدات تتململ....حلت عينيها بالسيف...
انا:متحكي شي شفت عصيبتك وين توصلك...
لفتت وجها...
هيفاء:اخرج عليا..
انا:هيفاء تبداش عاد
هيفاء:ارغد قتلك اخرج عليا...خليني تو وحدي..
انا:مستحيل نخليك في حالة هاذي..
غمضت عينيها و دارت على جنب...عطتني بظهرها...نفخت بالشوي حطيت يدي على شعرها نحاتهالي...نعرف حالتها هاذي مليح..احسن شي نخليها...اما مانيش خارج...هزيت تاليفوني و دخلت لبيت ..ترميت عالفرش...نغزر لسقف..معادش عارف كيف باش نتصرف معاها...انا حاس بيها و فاهمها اما هي زادة لازم تعذرني و تفهم الي علاقتنا كيف....يعني مناش دايمين لبعضنا...
تنهدت من عروش قلبي...منعرفش كيف غفيت تاعب من سفر...قمت على صياح هيفاء...خرجت من البيت مرهوج نشوف فيها طايحة في دروج و دم تحتها...قلبي خض وسط صدري...قربت لعندها بزربة...بعدتلها شعرها على وجها...دوب تحل في عينيها...تحكي بصوت مسموع بالسيف..
هيفاء:و..ولدي انقذلي ولدي..
حليت عينيا على وسعهم...منيش مصدق الي سمعتو...حسيت احساس درا كيف...حملتها لعندي و خرجت للكرهبة حطيتها و طرت بيها عجاجة لسبيطار...كلمة "ولدي" بقات تزن في وذني تصويرتها و هي بالدم محبتش تتمحى من عقلي...شديت فران قوي قدام السبيطار...خذيت نفس...حملتها و دخلت بيها نجري....بقيت واقف قدام غرفة العملياات..منعرفش قداه تعدا وقت...خرج الطبيب قربت لعندو بلهفة نحكي
انا:دكتور شصار لباس!!
دكتور:انتي راجلها !
انا:اي
دكتور:وقفنالها النزيف..ااصغير شاد في شعرة..يعني يلزمها الراحة و ماتتحركش جملة لهوة خاصة...و مذابيك تبعدها على التعصيب و الاستراس...ان شاء الله لباس
هزيتلو براسي باهي...وخرت خطوة لتالي نشوف فيها من البلار...انا الي وصلتها للحالة هاذي..انا سبب...كيف باش نعمل تو هي من جهة و رغدة من جهة و الصغير الي في كرشها يكون ولدي...يعني حرام عليا كان نسلم فيه... كيف باش نخبر رغدة...كل شي جاني مع بعضو مشاكل لكل تصبت فوق راسي...خذيت نفس و خرجت لبرا شعلت سيڨارو..نفخت بعصب...هزيت راسي نغزر لنجوم...غمضت خينيا نستنشق في الهواء...نحس في كل شي مسكر كل شي ظلام قدامي..دنيا ماشية و تصعب عليا...ملي حليت عينيا و اناا في كابوس كنت عارف بكل شي...اما ساكت بقيت نستنى لين يلحق الوقت و هاو لحق الوقت...اماا مجاش لبالي باش تكثر مشاكلي و همومي يكفيني نفض مشاكل الماضي...تعبت و مليت نحب نغمض عيني و نحلها نلقى كل شي وفاا نلقى رغدة في حضني...منحب شي اخر من هالدنيا..
الحلقة 9
تفاااعل ♨♨
اسوان يحكي..
ايامات عسل مع فطومتي...عشنا تفاصيل لحب لكل و مارسناه..قداش نعشقها الفرخة...لبست سيرفات متاعي و خرجت نلقى ارغد خارج من البيت...بعد ما قلي الي رند جاية...الخوف و العصب لكل ركبني اصلا موش من عوايدها تجي هنا تي حتى عايلتي مايعرفوهاش و ماتعرفهمش...اكيد شكت في شي جايتها هكاك موش بالساهل..هبطت لوطة خذيت نفس...نغزر لفاطمة تفرق في القهوة على خلاتي و بناتهم الغزول ركبني يعني هي بوروحين و ثقيلة زيد تخدم فيهم....قربت لعندهم فكيت الصينية من يدها...نحكي..
انا:تو متحشموش انتم !!! يعني طفلة ثڨيلة ڨدامكم تخدم فيكم و انتم تشربو و ڨاعدين تتضيحكو عادي...مكمش ضياف راه انتم في دار خالتكم يعني تنوضو تقضو كيفكم كيف غيرهم هذا عرس حوستو كبيرة...ان شاء الله كلامي واضح...
نطرت صينية على طاولة...شديت فاطمة من يدها و دخلت بيها للكوجينة...جبدت روحها تحكي..
فاطمة:واش عملت يا اسوان عيب راه
انا:اخطانا منهم..
جبدتها لعندي و سكرت باب كوجينة بساقي...دورتها لصقتها للحيط...
انا:توحشتك راو شبيك تتهرب هانهارين...
مطبسة راسها محبتش حتى تعزرلي...تحكي بتلعثيم..
فاطمة:م..منيش نتهرب نا..غير ضياف و تعب كهو..ابعد لا حد يدخل موش وڨتو
انا:بلعكس تو وڨتو عللخر...و خلي يشوفونا انتي مرتي حلالي..
قربت شفافي لشفاافها..حسيت برعشتهم و سخانتهم..حطيت يدي على كرشها...كاينو ضربني كرون...احساس محلاه...خذيت نفس نحكي
انا:باش يكون اسمو أمير ولد اسوان و فاطمة باش تكوني احلى ام في الكون...
حطت يدها على يدي ...تمشي فيها على كرشها...
فاطمة:اوعدنا تو ماكش باش تخلينا..عمرك ماتسلم فينا مهما صار..اوعدنا اسوان
تبسمتلها...هبطت على ركبتي..بستها من كرشها بوسة مرصوصة....طلعت راسي نغزرلهاا عيونها مدمعين و تتبسم يدها على شعري...جيت باش نحكي و نوعدها بلي تحب عليه..جيت باش نقلها قداش نحبها و كنت غالط في حقها و بلي نعمل تو عمري ماانسيها في وجيعة الي سببتهالها...اماا سمعت صوتها...صوتها و هي تنادي عليا مصدومة...حافظ نبرت صوتها...بلعت ريقي بالسيف...وقفت و باقي نغزر لفاطمة الي مصدومة اكثر مني...عيونها تملاو دموع اكثر...نطرتلي يدي و خرجت...تلفت لعندها نغزرلها...رمات ساكها عالارض..قربت لعندي تحكي..
رند:تنجم تفسرلي فاش كنت تعمل تو شكوني اذيكا
باسل:شفما شبيكم
عديت يدي على وجهي...
انا:كيف عرفت انا في الكوجينة..و وقتاش جيتو
رند:يهمك يعني!
باسل:زهرة قالت الي انتي هوني..تي شبيه وجوهكم مقلوبة
انا:زهرة" باهي مريڨل
رند:جاوبني متلفنيش اسوان..
انا:تي كنت...
فاطمة:انا طفلة ثڨيلة كيما تشوفي هو كان يشوفلي في ساڨي..تضربت...
رند:راجلك وينو بربي باش حتى هو يشوفلك
غزرتلي درا كيف...تنهدت...طبست راسها...
فاطمة:مطلقة
رند:واضح...
شدتني من يدي و خرجتني...لكل تغزر...و هي مقدرت حد...خرجنا للهنشير...نطرتلها يدها بالقوي...نحكي بصوت عالي..
انا:ياخي نورمال انتي بلكشي تسخايل روحك في تونس ولا دار بوك تتصرف كيما تحب...عجبك الي عملتو اش يقولو علينا تو...تي اش مجيبك اصلا...
رند:تصيح عليا زادة"! جيت خاتر سياتك اسبوع تهزش عليا تاليفون...شفما اه قلي شبيك تغيرت هكا..
بقيت نهز فيها و نحط...لابسة روب ميكرو...طالون عالي...صدرها باين شوي...شديتها من زندها كبست عليها..
انا:شبيك جات لابسة هكا...تو بعقلك انتي ولا بلاش افهم راك في قلب الريف الشي هذا اكبر عيب و حرام
نطرتلي يدي...
رند:مالة تحبني نلبس كيف الي كنت معاها اكا المطلقة خيييت عليها..
انا:لبسة المستورة ولات خييت!!
لفتت وجها عليا...زدت تأكدت الي رند برسمي مهيش متاعي..كيف بقيت معاها سنين هاذي لكل و انا نسكت نعديلها في تصروفاتها الصبيانية...
انا:تمشي تبدل هالصفا و تو نخليك ترقد مع اختي في البيت..
هزتني و حطتني و دخلت...نفخت بعصب...و دخلت طلعت طول لبيت نوم..دوب ماحليت الباب...نلقاها واقفة قدام المراية و تبكي بالشهقة..عضيت على شفتي...غااضني حالها...منيش عارف كيف باش نحكي..قربت بخطوات ثابتة..عنقتها من تالي...هزت راسها بالشوي...غزرتلي من المراية..بعدتلها شعرها على جنب و بستها من رقبتها و يدي على كرشها...
انا:سامحني...صدڨيني نعرفش الي هيا جاية...هي جات خاتر انا معادش نهز عليها و حاڨرها..نوعدك ليلة نفض الحكاية و نخرجها من حياتي جملة...المهم متبكيش تشويلي ڨلبي يا فاطمة...نعشقك
دارت لعندي...حطت يدها على خدي...تحكي بصوت غالبتو البكية...
فاطمة:هي زادة باش تكون موجوعة اكثر مني حبيبها باش يسلم فيها على جال طفلة اخرى...عدي زواج نارين...و مبعد يحلها العالي...و زيد نحبهاش تعملي مشكلة هنا ڨدام العايلة..ان شاء الله تكون فهمتني...
انا:نا الليلة باش نخبرها و الي يصير خلي يصير...معادش نحب نشوفك هكا..راكي روحي...وجعك هو وجعي..و كانك على رند راو احساسها ميت...عندها الف وجه...نعرف كيف نتصرف معاها...
هزيت يدها بستها...بستها من جبينها...
انا:متخرجيش ارتاحي هنا...شوي و نرجعلك باهي!
هزتلي براسها باهي...تبسمتلها و خرجت..عديت يدي على وجهي...معادش نحب شي يوجعها..منحبش نشوف دمعتها...هبطت اكا دروج...نشوف فيها قاعدة مع النساء لابسة سيرفات كالسون...خذيت نفس و ناديتلها لكل تلفتولي...عطيتهم ڨحرت موت...قامت قربت لعندي...
رند:شبيك تتشوحر على ناس
انا:نحب نحكي معاك في موضوع...ايجا معايا
هزتلي براسها باهي و خرجنا دورنا من ورا دار...وقفنا...عنقتني بكل قوتها...دزيتها بالشوي..
انا:رند يزي اسمعني مليح...و متقاطعش كلامي..
رند احكي حيرتني
خذيت نفس...كهو يلزمني نحكي...احكي يا اسوان رتح روحك و رتح اكا المغبونة...كنت تشجع في روحي باش نتكلم..
انا:يلزم كل حد فينا يشوف حياتو..احنا معادش كي قبل علاقتنا بردت..و انا معادش نتحمل تصروفاتك هاذي...مايهمك في حد و متقدرنيش حتى في غيابي...و لا في وجودي...رند..انا حبيتك صح اما الي تعمل فيه انتي خلى لحب يموت...خلى كل شي يتبدل..و دخلت وحدة وحدة اخرى لحياتي انتي سمحتلها تدخل ...رند مللخر انت عرست و مرتي هنا في دار هاذي..
عقدت حواجبها مستغربة...ضحكت بإستهزاء...
رند:باز تفدلك انتي
انا:لا
رند:اسوان يزي من هبالك قول الي انتي تفدلك
انا:تراه ثبت فيا مليح هذا منظر حد يفدلك
رند:مستحيل نصدق معندك حتى سبب مقنع باش تعمل فيا هكا..
انا:لا عندي انتي بكلك سبب يكفي انو نبعد عليك..انتي وحدة مغرورة مثلا ارغد خويا يشوف فيك طيبة برشا مكيفك حد...اما لعكس انا تعرف حقيقتك...انتي عندك الف وجه....نحمد ربي سنين هاذي لكل مالمستكش..خاتر كنت نحبك حلالي...اماا تو معادش نحبك تكونلي شي في حياتي...انا كنت معاك اكثر من راجل...يكفي تو لهنا و يزي..و تو تلم دبشك و ترجع منين جيت حضر روحك انا الي باش نهبط لتونس ليلة و نرجع
مشيت و خليتها واقفة مصدومة...مهياش غايضتني جملة معادش عندي طرف احساس توجاها...طلعت لعند فاطمة...نشوف فيها متكية..جات باش تقوم اشرتلها بيدي باش تقعد...
انا:ارقد ارتاح انا هابط لتونس..باش نروح بيها صايا حكيت معاها...
هزتلي براسها باهي و عطاتني بظهرها...قربت بستها من كتفها...هزيت مفتاح الكرهبه لبست الفاست خرجت...نلقاها تستنى شادة الفاليز...خرجت خرجت ورايا...ديماريت و طرت...الكياس حرقتو شطر الثنية سااكتين...مفقت كان بيها هزت فرمان الكرهبة...حسيت روحي معادش نتحكم فيها نسمع فيها تحكي..
رند:مستحيل نخليك ليها يا نعيشو مع بعضنا يا نموتو مع بعضنا...
كرهبة ديبارات بيناا..نشوف في كل شي بالمقلوب...نحل في عينيا بالسيف...يدي كلها دم...بلاصة خالية...منجمتش نخرج من شباك الكرهبة...وحلت داخل تلفت نشوف فيها فاقدة الوعي وجها بالدم...وجيعت راسي بدات تقوى...حاس روحي باش نفقد الوعي انا زادة...اما لا يلزمني نتماسك و نخرج من هنا و نخرجها...معادش عندي قوة...وحلت و نشوف في الموت قدام عيني..ريخت الايسونس تقوا تنجم تتفجر كرهبة في اي وقت...جات بين عينيا فااطمة و ولدي..يلزمني نعيش على خاترهم...
نسمع في حس خطوات...حليت عينيا بالسيف نشوف في رجال واقفني و خيال جاي من بعيد معرفتوش شكون..وجهو موش باين...دوب ماتكلم و سمعت صوتو حليت عينيا على وسعهم نحاول نقوم نحب نثبت في وجهو دنيا ظلام منجمتش نشوف ملامحو كان ساقيه..بلكشي نتخيل مستحيل يكون هو...
هو:تحركو خرجو اسوان طفلة الي معاه...كرهبة باش تتفجر....اسوان يلزمو يعيش...
#
الحلقة 10
تفاااعل 😍 جااام
ارغد يحكي...
طمنت على هيفاء...مزاللها وقت تفيق...وخرت لتالي قعدت عالكرسي...دورت راسي..نشوف فيه واقف مقاابلني...اسوان فاقد الوعي و معاه رند..كيف صار معاهم هكا...قربت لعندهم بزربة...دخلوهم لبيت...جبدني من يدي يحكي..
هو:كان مجيتش انا راو مات خوك...حمد الله خالطت عليه اخر لحظة
عقدت حواجبي مستغرب..
انا:اصلا شتعمل انت هنا ماتقوليش اسوان شافك!!
تبسملي...هزلي براسو لا...
خذيت نفس عميق...حمد الله ماشافوش...اصلا موش وقت ظهورو...
هو:تعرفني نحب نارين برشا حبيت نشوفها حتى من بعيد و نمشي...
حط يدو على كتفي..كاينو ينبه فيا...نزل عليا يحكي..
هو:ردبالك تضر اختك ردبالك ارغد
انا:حبلة من عصام تعرف شي هذا
هو:و انتي استغليت لحكاية باش توصل لانتقامك..
انا:موش وقتو لحديث يلزمك تمشي من هنا..مايلزمش حد يراك
هزلي براسو باهي..حط شابو على راسو و مشا بقيت نتبع فيه بعينيا لين غاب جملة...كل الي نفكر فيه يكون اسوان لباس...اصلا مايلزمنيش نخبر فاطمة..طفلة حبلة تو تتفجع....منعرفش قداه تعدا وقت خرج طبيب قربتلو بزربة
انا:خويا لباس..صارلو شي طمني عيشك
دكتور:اهدا مسيو لباس جروح خفيفة كهو اما طفلة الي معاه تضربت على وجها...يمكن اتراس يقعدلها يعني الا ماتعمل عملية تجميل باش يرجع وجها عادي...
انا:باهي مرسي نجم ندخل نشوفو..
دكتور:باهي اما مطولش..
هزيتلو براسي باهي..دخلت لعندو...نشوف فيه يحل في عينيه بالسيف...حطيت يدي على شعرو نحكي..
انا:لباس..كيف صار هكا
اسوان:منعرفش...راسي يوجع برشا..نحس في بدني يسطر...رند لباس!
انا:لباس تخافش عليها..
هزلي براسو باهي..
انا:ارتاح اني صباح نجي نروح بيك ديجا هيفاء هنا زادة
اسوان:علاش!!
انا:طلعت حبلة
اسوان:شنوة!!! تحكي بجدك انتي
انا:اممم
اسوان: اي و الحل !
انا:حسب رايك باش نسلم في ولدي!
اسوان:و رغدة!
انا:يلزمني نعلمها و نعلم الدار معنديش حل هيفاء يلزمها تكون قدام عينيا..
اسوان:متأكد حبلة منك انتي!
انا:شتقصد
اسوان:يعني هيفاء...
انا:اسكت متكملش...هيفاء سلمت روحها كان ليا حد بخلافي لمسها انا متأكد من شي هذا..
اسوان:يمكن نقلك كان زيد تأكد...
انا:باهي ارتاح انتي صباح نرجعلك...
هزلي براسو باهي و خرجت....مشيت لبيت هيفاء...دوب حليت الباب بالشوي نشوف فيها حاطه يدها على كرشها و تبكي...قربت لعندها..جبدت كرسي قعدت...شديتها من يدها...غزرتلي درا كيف...تنهدت تحكي..
هيفاء:باش تخليني موش هكا...انا منيش باش نربطك بيه الصغير...
انا:اول شي يزي من البكاء...شكون قلك باش نخليك...مزش وقتو هالكلام ارتاح انتي و صباح تو نجيك نروح بيك
لفتت وجها عليا....خذيت نفس و خرجت حسيت بخنقة..انا تو بين نارين...مرتي و ام ولدي...كيف باش نتصرف معاهم زوز..حرت و حار دليلي...كل مانقول صايا باش نعيش قصة حبي مع رغدة تطلعلي حكاية جديدة تخلي رغدة تبعد عليا اكثر...خرجت من السبيطار...ديريكسيون لدار...دوب ماوصلت نلقى الدنيا خايضة...شفت الوقت تي قريب الفجر و هما صاحين لتوا...دخلت دورت عينيا عليهم لكل...جات عيني على رغدة طايحة في القاعة....اتراس صوابع الكف في وجها و شفتها بالدم...كبست بونية يدي..باقي نغزرلها و نتكلم..
انا:شكون الي تجرأ و هز يدو على مرت المتكبر...
حسهم بات مجاوبني حد...صحت بالقوي رعبتهم...
انا:نسأل في ر** شكون عمل هكا شنوه الي صار..
حسيت بفاطمة وقفت ورايا...كبشت في الفاست متاعي تحكي بخوف..
فاطمة:عيش خويا هزني انا و رغدة من هنا
عقدت حوابي مستغرب...
انا:تكلمي فاطمة متخافي من حد ڨولي شصار
فاطمة:ز...زهرة...
انا:شبيها
فاطمة:منعرفش اش صار اما انا راڨدة تاعبه تعرفني ثڨيلة جات تڨوم فيا...نا محبيتش ڨلت راني تاعبة...سمعتني مانكره و تصيح...جات رغدة تشوف شفما ياخي تعاركو و زهرة ضربتها و حتى..
انا:كمل احكي فاطمة ڨتلك ماتخافي من حد
فاطمة:خالتي سلطاني ضربتها و ڨالتلها باش طردها و تخليك طلڨها
كبست بونية يدي اكثر...نغزر لامي...بكل غش و عصب الدنيا...
انا:فاطمة..هز رغدة و برا اطلع للبيت..
هزتلي براسها باهي...مشات و هزتها معاها...بقيت نتبع فيها بعينيا لين طلعت...رجعت غزرت لامي و عيطت بأعلى صوتي
انا:زهههههههههههههرة
لحظة و وقفت قدامي...هزيت يدي و ضربتها بكف صوت صدى متاعو في دار الكل...خرج بابا متركز على عكازو...جا باش يحكي اشرتلو بيدي يسكت لكلهم بهتو فيا...يعرفو الي مستحيل نعمل شي هكا قدام السلطان القرية..اما تو لا كل شي تغير...و بلزم يستانسو بوضع الجديد...
انا:اخر مرة باش نڨول هالكلام و بما انو العايلة الكريمة لكل موجودة...اسمعوني مليح...دار هاذي ملكي و الي تضربت ڨدامكم هي مولات الدار خاترها مرتي غصبا عنكم...و رب العزة...اي حد يسمعها كلمة ولا يتجرأ يهز يدو عليها ناا نعرف شنعملو مليح...و بالنسبة لفاطمة كيفها كيف رغدة هي مرت اسوان يعني تكنولها نفس الاحترام واضح!! فهمتي يا زهرة
طبست عليها شوي همست في وذنها..
انا:يدك نكسرها و نكسرلك شوكتك الواقفة ...كان مزلت تعاودها...نحكي كل شي على ماضيك...
حلت عينيها على وسعهم...تبسمتلها على جنب و غمزتها...رجعت غزرتلهم لكل...عطيتهم بظهري نحكي...
انا:اخر تنبيه ليكم زوز
طلعت اكا دروج...دخلت للبيت نلقاهاش...اكيد في بيت فاطمة...مشيت لعندها دقيت باب و دخلت...نلقاها حاطة يدها على وجها و تبكي بالشهقة...فاطمة تواسي فيها...حالتها هكا و نزيد انا نخبرها بالصغير...موش وقتو جملة...احسن شي موش لازم نحضرلو هالعرس...خليهم امورهم...راحت مرتي قبل كل شي و زبد مزالت صغير ماهيش باش تتحملهم اكثر...خذيت نفس نحكي...
انا:حضرو رواحكم باش نمشو من هنا...
فاطمة:لوين ماشين! و عرس اختك!
انا:في يدكم 5 دقايق هاني لوطة نستنا فيكم..
هزتلي براسها باهي...خرجت...يلزمني نبعدها من هنا...نخليها ترتاح ايامات و مبعد نحكيلها...حالتها تو ماتسمحش حتى خبر كيف هكا...جبدت تاليفون...كومبوزيت نومرو نحكي..
انا:وينك مزلت هنا
هو:اي ماو قتلك باش نشوف نارين و نبعث الهدية
انا:ميلزمكش تبان ردبالك
هو:علاش كلمتني
انا:حاجتي بالدار الي في **** ايامات و مذابيا تبعثلي حراسة...انا شوي و نخرج نحب نلقى كل شي حاضر
هو:باهي طمن...
انا:عيشك...
علقت تاليفون..هبطت لوطة لعند باسل دخلت عليه للبيت دنيا تقلبت وهو يفشخ في نوم زايد مايتغيرش هالراجل...
انا:باسل تڨعد...تي قوم زح مرزن نومك
باسل:ابعد ز** خنرقد موش وقتك تو
انا:باهي هاك باش تبقى وحدك انا باش نهز لبنات و ماشي
نطر المخدة من فوق راسو...حل عينيه مرهوج..
باسل:شكون بنات و وين ماشين...عاملين قعدة من غيري فيسع بعتوني
انا:انا وين و انتي وين دوحي ياا مباركة...ا ولدي سماء طربقت عالارض وانتي في سبات عميق...هيا قوم باش نمشو تو في ثنية نحكيلك .. تبطاش
خرجت و خليتو مزال مرهوج...طلعت راسي نشوف فيهم هابطين في يدهم الفاليز...قربت لعندهم سمعت صوت امي من تالي تحكي
سلطانة:وين ماشين ا كبدي...بله لا تتغشش موش ڨصدي سامحني
خذيت الفاليز من يد رغدة و مجاوبتهاش
سلطانة:ارغد اغزرلي راني يماك...نهون عليك تخليني تخلي اختك في فرحها
تكلمت و باقي عاطيها بظهري...
انا:تهونو عليا كيما هنت عليكم 34 سنة كاملين....هيا رغدة امشو ڨدامي
خرجو لبنات...تلفت لعندها...قربتلها...دورت عينيا على وجها المكمش...الوجه الي كنت نقول عليه قمرة على حالو...خذيت نفس...زدت قربتلها اكثر...طبست عليها شوي...حسيت بدموعي باش يفضحو ضعفي...تمااسكت نحكي
انا:معادش تقلي كبدي..تعرف وليت نكره حتى نحكي بلهجتكم...و انتي تعرف علاش...كل حاجة في حياتي عندها دور كبير في الماضي...مالة قتلي نهونو عليك! علاش هنت عليكم انا اه علاش مخممتوش فيا تذكر شصار 12 سنة لتالي تذكر اكا ليلة في اكا دار في اكا البيت تذكر !
طلعت راسي شوي نغزر لبابا واقف في الباب...جبدت روحي...تبسمت على جنب...هزيت يدي نغزر للمنڨالة
انا:معادش برشا وقت و نخلصو ناس الكل
عطيتهم بظهري طيشتلهم اخر كلمة و خرجت ...
انا:العين بالعين و السن بالسن و البادي اظلم
طلعت في الكرهبة...ديماريت كلمة لا...شيعتهم لدار...دخلت معاهم نلقى كل شي تمام ...
انا:خوذو راحتكم و متخافو من شي...احنا باش نعديو ايامات هنا و منحبش حد يسأل علاش..اما كل شي في مصلحتكم و الراحة ليكم
فاطمة:اسوان وينو كلمتو تحصلتش ...قلي هابط لتونس حبيت نطمان
انا:في صباح يكون حذاك تخافش...
هزتلي براسها باهي..تبسمتلها..غزرت لرغدة الي مطبسة راسها صوتها مسمعتوش جملة..
انا:امشو ارقدو...اناا عندي مانعمل تو
خرجت و سكرت باب من البرا...دورت من ورا دار...حكيت مع الرجال و ديماريت كرهبة رجعت لسبيطار...شمس بدات تشرق...دخلت لعند هيفاء ملقيتهاش...هبلت و انا نلوج في سبيطار حد ماشافها خرجت...جبدت تاليفون نطلب هزت عليا تحكي بصوت تاعب
هيفاء:مغير ماتعب روحك و تلوج عليا انا رجعت لداري...كان حاجتك بولدك طلق و تعرس بيا...هذا اخر كلام عندي...
انا:هيفاء تلويليش ذراعي انا راو....
علقت عليا تاليفون...جن جنوني من كلامها...كبست على تاليفون بيدي...دخلت لعند رند قربتلها بدات تحل في عينيها...
انا:رند لباس.
بقات تغزرلي كهو عيونها دمعو...
انا:متبكيش نحبك قوية..اسمعني تو نكلم شكون يهزك كلينيك في تونس..و كل شي على حسابي تخممش...
تخرج في كلامها بالسيف
رند:اسوان وينو
انا:اسوان بخير باش نروح بيه معايا...
هزتلي براسها باهي..تبسمتلها و خرجت...لتوا منيش فاهم كيف صار الحادث..كل شي ماشي و يتعكر...و للا هيفاء زادت لواتلي يدي...شدتني من اليد الي توجع...منجمش نتخلى على رغدة و نفس الوقت كان طلع صغير ولدي برسمي...شنوة باش نعمل وقتها و رغدة كيف باش تتقبل هالحكاية منحبش نوجعها...و من جهة ماضي متاعي يلاحق فيا...انتقاامي بين عينيا...نعرف كان نحل فمي و نفرش كل شي..دنيا تتقلب و بمكن ياسر طيح فيها روح و تولي دم بالدم...اما انا لا نحبش هكا...انا نحب نلعب معاهم بنظافة...مخالبي الي باش تشوهم...مخالب ارغد هي الي باش تتغرس في قلوبهم...كل شي بثمنو...لكلو باش يخلص الفاتورة غالية...طليت من البلار على اسوان...كان جا هو يعرف لحقيقة اكيد راو شعلهم من نهار لول...حمد الله انا الي فقت بكل شي...حمد الله انا الي تضريت في الماضي موش هو..منحبش فيه حتى وجيعة...
يلزمني نبعدو من هنا في اقرب وقت نحب نهارت الي باش يتكشف كل سي هو يكون موش موجود...يلزمني نبعدو من هنا...يلزمني شي طريقة منخليه يحس بشي...
يا ربي ساعدني...
#
الحلقة 11
جاام ✋
رغدة تحكي..
نحس في راسي رزين عديت ليلة لكل نبكي...نبكي على زهري الاسود...مشفت شي يفرح في حياتي كان الهم و النكد و انواع التعذيب الكل...مزالو ايامات قليلة و نغلق 18 سنة...يلزمني نمشي من هنا معادش نتحمل الڨعاد هنا...حتى الي يسمي في روحو راجلي مشا يجري لعشيقتو..دخلت لصالدو نغزر لروحي في المراية..عينيا محوقة...خدي زراق شوي...عديت عليه صوابعي يوجع فيا...تنهدت من ڨلبي الي واجعني...حليت سبالة بماء سخون شوي...نحيت دبشي رميتو على الارض و دخلت تحتها....فماش مانهدا شوي...مخي و بدني تااعبين برشا...
كملت دوشت...لفيت روحي بالمنشفة...دوب ماخرجت نلڨاه ڨدامي...حسيت ساقيا معادش حامليني...عينيه كلاتني ماكلة...حتى نا نتسمى عريانة....دخلت نجري للبيت صدمت في فاطمة...
فاطمة:واشبيكي ا بنتي لباس!
نرد في نفس بالسيف ڨلبي نحس فيه باش يخرج من بلاصتو..
انا:المتك..تي ارغد في صالة شافني و نا هكا
فاطمة:اي عادي ماهو راجلك ياخي باش تحشمي منو هههه
انا:فاطمة يزي امان تي باش نموت بالخوف و الحشمة نا تو...كان تشوفيه كيف يغزرلي..
فاطمة:خوف!! ا بنتي تخافي من راجلك ولا واشي!! شنوه فيها كيف شافك هكا...تي نا اسوان يدخل معايا لدوش
انا:يا ليعتك يا فاطمة! معادش حشمة!
فاطمة:هههه بوهالية لا باينتك ظلمة جملة انتي
انا:بفف اسكتي خنلبس...
فاطمة:ههه باهي باهي اما ماكش هاربة مني
كملت لبست كالسون و خلعة و كبيت جلباب فوقهم...لميت شعري الفوق...و خرجت تعديت طول للكوجينة مغزرتلوش جملة تي منجمش نهز عينيا فيه...بقيت نشوف في القضية قلبت شفاايفي...منيش عارفة اش نطيب...نسمع فيه يحكي من ورايا
أرغد:نحب كسكسي
أسوان:و معاهم فلفل مقلي اممم
تلفت لعندهم...نغزرلهم زوز ياااشومي شكونو راجلي 😒
تكلمت بتلعثيم ...
انا:ش..شكون فيكم ارغد
غزرو لبعضهم و طرشقو بالضحك.. جات فاطمة وڨفت جنبي تحكي...
فاطمة:نا مستحيل نغلط فيهم...شوفي مليح ارغد عندو ضرية في حاجبو ليسار و اسوان في ليمين هذيكا امارة نعرفها كان نا...اسوان ڨلي عليها ههه
انا:ااا صار...المهم باهي تو نطيبو الي تحبو عليه...
فاطمة:اما نا شاهية بيتزا مرة اخرى...
اسوان:باهي روحي نمشي نشريلك و نرجع...
فاطمة:ربي يخليك ليا..
جا خارج شدو ارغد من يدو ..
ارغد:مفماش خروج تو..خلي تو نمشي انا
اسوان:و علاش
ارغد:هكا..
تلفت لعندي...غزرلي درا كيف يحكي
ارغد:ماتسحقي شي يا رغدة
انا:لا لا سلامتك
تبسملي...اما منعرفش علاش حسيتو متڨلڨ...كاينو بيه حكاية...ڨلبي ماڨيلي خير ربي يستر...بدينا نطيبو...اسوان يتفرج في تلفزة و احنا حايسين في الكوجينة...طيبنا كسكسي عملنا فلفل حب عليه اسوان و فاطمة عملت طاجين و كملت قصيت سلاطة...و هذا لكل ارغد مرجعش... حطينا طاولة...جيت باش نسأل اسوان وهو دخل في يدو البيتزا و ساك قضية..قربت شديتهم عليه دخلتهم كوجينة...و اكا فاطمة غطست تاكل و نا شايخة عليها...تلمينا على طاولة نفطرو...و الباب دڨ...ڨام ارغد حل دخل باسل من ليلة بارح مفماش ريحتو تبسملي يحكي...
باسل:رغدة لباس
اما:حمد الله سي باسل و انت كيفك
باسل:مليح كي شفتك
انا:هيا اڨعد افطر معانا
باسل:انتي طيبت
انا:اي و فاطمة معايا
باسل:اممم باهي مالة انا بيدي موت بالشر
غزرت لارغد وجهو احمر..نطر الكرسي و رجع ڨعد هزيت حاجبي باهتة فيه شبيه تڨلب سمله
ارغد:كول سي باسل من وقتاه تحب الكسكسي انتي
باسل:من تو هههه اما برجولية بنين عللخر ملة يديات عليك يا رغدة..هيا شرايك نعرسو هههه
عضيت على شفتي طبست راسي لوطة...هو باين يفدلك اما باينتو زادة مزال ميعرفش الي نا مرت ارغد صاحبو..
ارغد:باااسل
باسل:شبيك تصيح ههههه كول كول تركزش...اي رغدة جاوبني تعرس بيا هههه تندم راو كان تقول على واحد بوڨوص كيفي لا
دوب طلعت راسي...نشوف كان في صحن طااير...كسكسي لكل تفرت عالارض و صحن تكسر...نغزرلو عروڨ رقبتو و يديه مكبوسين...
ارغد:نورمال انتي تحكي مع مرتي راك
غزرلي و رجع غزرلو ...
باسل:فاش تحكي انتي..
ارغد:قتلك مرتي و تو نقص من فدلكة ماسطة و الزم حدودك
قام باسل..و نطر الكاس...ضرب بيدو على طاولة
باسل:هنا وفات صحبتنا...انتي تعرف باسل شنوة و رغدة كي اختي صغيرة حبيت نفدلك معاها كهو و كان جا فيبالي مرتك مستحيل نهز فيها عيني...اما ردت فعلك هاذي تبين قلة ثيقة الي بيناتنا...سلام صاحبي..
اسوان:باسل...باسل استنى تي باش تاخو على ارغد بربي..
خرج و طربق الباب...عطيتو ڨحرت موت و دخلت للبيت سكرت على روحي...غاضني باسل عللخر..مهما يكون مايجيش يتصرف هكاك..متكبر هذا طبيعتو باش تخلي ناس لكل تبعد عليه...
ڨلبي تهز و تحط على حلت الباب و تسكيرو...ڨرب لعندي هز صبعو في وجهي..يحكي و يرص على سنيه..
ارغد:انتي ليا انا كهو حد ما يتجرأ يقلك كلام هكاك...و زيد من فوق انتي تتبسملو اكيد عاحبك موش هكا..اصلا انتي كل ماتشوفو تفرح...
انا:فاش تحكي انت...ضبعت ياخي..
شدني من زندي كبس عليا وجعني....
ارغد:اخر تنبيه لسانك معادش يخاطب لسان باسل باهي!! و معادش تتبسملو اصلا هو ولا حتى غيرو مكانش والله و الي خلقك مانبعثك ليه..مغير ماتستفزي رجولتي...
من كثرت مايدي وجعتني...هبطت دموعي...رخف يدو شوي...
ارغد:شبيك تبكي تو...
انا:ش..شي
جبدني لعندو عنقني بكل قوتو...ريحتو رهوجتني...نسيت حتى وجيعة...حسيت بحضنو دافي عللخر.....قلبو يدق بسرعة...باسني من راسي...بقى ساكت شوي...لين جبدت انا روحي نغزرلو...مغير مانشعر هزيت يدي عديت صوابعي على ضربة الي في حاجبو...اول مرة نركز في ملامحو..تبان قاسية..اما عينيه تحكي شي اخر...كاينو مخبي وجيعة اقوى منو...
انا:احكي
ارغد:شنوة تحبني نحكي
انا:الي مخبيه
ارغد:موش وقتو
انا:ڨول متحبش تحكي
ارغد:نحب اما...
انا:اما موش وڨتو..
هزلي براسو اي...منعرفش علاش حكيت هكا تي كنت باش نسمعو ما يكره اماا حسيت بحاجة درا كيف مفهمتهاش...اول مرة نحس بإنسان هكا...
ارغد:يظهرلي جا نهار الي باش نعرفو فيه كل شي على بعضنا
عقدت حواجبي مستغربة..
انا:مفهمتكش
ارغد:تعرف الي انا نطلع بألف طلعة في ثانية و مزاجي عللخر...نفرح فيسع و نتقلب فيسع...كيماا باش يصير تو بضبط...
قرب للفاليز نحالي دبشي...عباه في ساك...شدني من يدي و خرج من البيت... غزر لاسوان و فاطمة يحكي
ارغد:نتلقاو غدوة ليوم نحب نعيش لروحي كهو...
غزرو لكل لبعضهم...غمزتني فاطمة..فهمت عليها اش تڨصد..اما مستحيل يصير شي هكا لا لا مستحيل...افكار انحراف لكل جات لبالي ساعتها...مافقت بروحي كان في وسط الكرهبة...
انا:وين ماشين
ارغد:منعرفش منحبش نبرمج لشي المهم هانا ماشين و كهو معادش نحب نخمم في شي...ليوم يلزمنا نفضو كل شي
انا:شتڨصد بجاه العالي يزي من الالغاز يا متكبر..
ارغد:تنجمي تسكتي شوي علاش مزروبة..
انا:الله يبارك هاني سكت والله لا فهمتك معندكش درج ملي كنت كي البركان الفايض تو كي النسمة مشاء الله
تبسملي..ياحليلي وقيلا بديت نعشق فيه ولا واشي..لا لا اش فيه مايتحب...مالة شبيني وليت نسرح معاه برشا وليت حتى نحس بيه مغير مايتكلم...وقيلا تصلبتي على راسك ا رغدة...
الحلقة 12
تفااعل ♨♨
أرغد يحكي...
كي شفتها خارجة من دوش شعرها المبلول...وجها الاحمر...شفاافها الي هبلوني كان نلقى غاطس فيهم كل وقت...صدرها الي باين من المنشفة...عينيا ترشقو فيه..فقت من سرختي كان كي هربت تجري ضحكت على هبالها...و زادت هبلتني كي مفرقتش بيني و بين اسوان...اما الي طلعلي الدم لراسي كلام باسل و هي كيف تتبسملو..محملتهاش الفازة...هي ليا انا كهو...بعد الي صار لكل حسيت انو لحق الوقت انو نعترفلها بكل شي...و مستحيل نخليها تبعد عليا...نسوق و منيش عارف وين ماشي لقيت روحي شاد ثنية تونس..احسن شي نمشي للبرطمان متاعي مايعرفو حد....ثنيه كاملة و هي سااكتة...و انا نخمم كيف باش نحكي منين باش نبدا...
شديت فران قدام العمارة...
انا:هيا اهبطي..
رغدة:احنا وين تو
انا:دارنا
رغدة:واشي!!
انا:دارنا يعني داري انا و انتي...يعني بعد بريود قصيرة باش نولو نعيشو هنا...هاذي باش تكون دارك...اهبطي
رغدة:منعرفش علاه كي تحكي بلهجة تونس العاصمة صوتك يتغير..بربي احكي بلهجتناا ليش ناكر فيها
انا:معادش نحب نحكي بيها..و مذابيا كان انتي زادة تحاول تغيرها اهبط عاد باش نباتو هنا
هزتلي براسها باهي و هبطت...دخلنا لدار...باينة مرا مزالت كي روحت...كل مرة في جمعة موصي مرا تجي تنضفها مليح...
انا:ادخل خوذ راحتك..
رغدة:باهي اما ڨلي شفما علاش جينا هنا توا حتى عرس اختك خليناه على سبب تافه
رميت ساك من يدي و المفااتح
انا:انتي ترا غيه سبب تافه ههههه بلحق متعرفش حقيقتهم...
عطيتها بظهري قربت للميني بار..جبدت دبوزه صبيت كاس شربتو فرد نفس...نسمع فيها تحكي من تالي
رغدة:ياخي باش تسكر من العشوة...تي انطڨ شفما..
بقيت ساكت زدت كاس ورا كاس لين حسيت راسي بدا يدو...تلفت لعندها...تبسمت على جنب...شربت كاس و رميتو تكسر..تفجعت وخرت لتالي...الخوف بان في عينيها...قربت لعندها جبدتها من يدها قعدتها عالفوتاي..حطيت راسي على حجرها...هزيت يدها حطيتها على شعري...
رغدة:ف..فاش تعمل شبيك ارغد خوفتني راه
انا:اششت اسمعني كهو ليلة نحبك تسمعني كهو نحب نحرج الي في قلبي لكل نحب نخرج سر 34 سنة كاتمو و اقوى سر هو عندو 12 سنة اما خايف...خايف لا تخليني بعد مانحكيلك سري...اما حط حاجة فيبالك مستحيل نخليك تبعد...انتي اسمعني كهو تو
رغدة:ب..باهي
حكيت..و حكيت لين بكيت بالشهقة....حسيت بيها كيف جبدتني ليها اكثر عنقتني بكل قوتها راسي على صدرها...
رغدة:هذا لكل انت كاتمو داخلك..كيف نجمت تعيش كيف تحملت وجيعة هاذي...لدرجة ڨلبك كساح...
انا:تعبت نحب نبعد من هنا كان نلقى نمحي 12 سنة من حياتي..
هزيت راسي نشوف فيها تبكي معايا...مسحتلها دموعها..خذيت نفس نحكي..
انا:اما فما شي اخر لازم نخبرك تو
رغدة:ڨول
انا:اول حاجة نحبك تصدقني ملي عرست بيك و وليت مرتي لا خنتك حتى بكلمة..يعني الي صار لكل قبل ماتكون مرتي..
رغدة:ڨول ارغد
انا:ه..هيفاء حبلة في شهرها الثاني
تبسمت درا كيف..تنهدت تحكي
رغدة:و تحب طلڨني باش تعرس بيها و تربي صغيرك في وسطكم موش هكا
انا:لا لا مستحيل نسلم فيك
بقات ساكتة تغزرلي...كنت نتوقع ردت فعل اقوى موش بالبرود هذا...حطيت يدي على خدها...
انا:رغدة انا...ن....
قصت عليا كيف نحاتلي يدي...
رغدة:ماتڨولهاش..ماتڨولش كلمة انت موش ڨدها...كلمة صعيبة و موش ساهلة..نا منيش باش نحكي لحد على سرك لين يهز ربي امانتو...اما عيشك خلينا نطلڨو...نا دخلت بيناتكم و يلزمك تعرس بيها شنوة ذنب صغير..
انا:فاش تحكي انتي مستحيل..مستحيل نطلقك و نسلم فيك..و وصغير باش يتربى عندي اكيد
رغدة:باش تحرمو من امو!!
انا:لا اماا هيفاء مستحيل تربيه كيف مانحب انا...و اكيد تو نخليها تشوفو كل وقت اما..
رغدة:اما واشي ڨول برك
انا:باش نجيبها معاناا لين تولد نحبها تكون قدام عينيا...نوعدك مانقربهاش جملة..
رغدة:اعمل الي يريحك سي ارغد..اصلا معنديش الحڨ نڨلك شي..زواحنا من لول كان واضح ليش..ورثك و خذيتو علاش مخليني معاك...
جات باش تقوم شديتها من يدها جبدتها لعندي...عديت عينيا على وجها لكل...نغزر لشفاايفها..قربت ليها اكثر حطيت خشمي على خشمها...
انا:يلزمك تكون معايا بالقوة ولا بالسياسة بلاصتك جنبي اناا انسى كان نخليك
مخليتهاش تجاوب غطست في شفايفها مرة هاذي بالسياسة حاولت نشد روحي قد مانقدر...استغربت كي حسيتها تفاعلت معايا شوي...دورت يدي ورا ظهرها لزيتها ليا اكثر...و غطست فيها اكثر...حليتلها شعرها هبط على اكتااافها غرست صوابعي في راسها من تالي...حسيت بيها كيف كبشت في صدري...نفسها رزن...قص عليا لحظة تاليفون...جبدت روحها بزربة..عدات يدها على وجها...عيونها ذابلانين...نفخت بعصب شكون هالقصاص حلاوة تو..جبدت تاليفون...و شكون غيرها...بعدت من حذاها شوي و هزيت نحكي...
انا:شتحب تو
هيفاء:وينك انتي
انا:تكلم شتحب
هيفاء:شنوه قررت
انا:تو غدوة نجيك و نحكو
علقت عليها تاليفون...رجعت حذاها...حمحمت نحكي..
انا:اسمعني رغدة مليح..هيفاء باش تكون معانا لين تولد و ناخذ الصغير...
رغدة:اعمل الي يساعدك نا الي عندي ڨلتو
انا:يعني تحب تقنعني بعد البوسة هاذي انتي ماتحبنيش تحبني نطلقك
تهرب في عينيها مني و دخلت بعضها تبسمت على جنب...باين الي طاحت في شباكي اما راسها الكاسح مخليها هكا او يمكن خايفة مني..
انا:انتي باش تبقى مرتي و بالسيف عليك..اممم و تو برا اغسل وجهك..و البس خارجين
رغدة:وين ماشين
انا:تو تعرف هيا عاد
هزتلي براسها باهي...هزت ساك و دخلت للبيت..جبدت تاليفون...نحكي..
انا:معز حظرلي طاولة مزيانة في الكوان و حط عليها الشموع..و ابن ماكلة من يدين شاف امين هاني جاي
علقت تاليفون...بقيت واقف نستنى فيها...حطيت يدي على سلسلة الي في رقبتي...12 سنة منحيتهاش جملة اماا لحق الوقت باش نعطيها للمرا الي نحبها...
طلعت راسي نشوف فيها خارجة لابسة صندال و روب بلو طويلة مسنترة...شعرها لامتو ذيل حصان...مهيش عاملة شي في وجها و هكا تعحبني احلى زينها رباني..
رغدة:ملقيت كان هالروبة
انا:محلاك
رغدة:ااه!
انا:اش باش نعاني يا ربي
رغدة:فاش تخرف انت
انا:شي هيا هيا
شديتها من يدها نكر فيها ورايا...طلعنا في الكرهبة و هي مرجتني بالاسئلة..وصلت للاوتيل...عطيت مفتاح لطفل يراكيها...دخلناا لريستو..
رغدة:هذا الاوتيل متاعك
انا:اي و متع باسل زادة احنا زوز شريناه و طورناه...رجال اعمال الكل يجو كان هنا...خاصة الي يحب يرتح راسو من مرتو هههه
عطاتني ڨحرت موت...باينة مغيارة ياسر المڨصوفة...نشوف في طاولة حاضرة كيما حبيتها..نغزرلها باهتة..جبدتلها كرسي و قعدتها..قعدت مقابلها...شديتها من يدها بستها..
انا:رغدة اناا منيش باش نقلك شي انتي قتلي متقولهاش الكلمة...اما باش نثبتلك شعوري تجاهك بالحاجة هاذي..
حطيت يدي على سلسلة وريتهالها...نحيتها من رقبتي نحكي..
انا:انا حكيتلك سري و سلسلة هاذي جزء من ماضي...و بالنسبة ليا جزء مزيان...نحبك تلبسها و توعدني تحافظ عليها و ردبالك تعطيها لحد...خاصة كان رجعنا للقرية...و انتي تعرف علاش...سلسلة هاذي هي دمار بالنسبة ليهم..
تنهدت و حليت القلب متاعها...نشوف فيها كي حطت يدها على فمها مصدومة..
انا:شفت الي في وسطها اناا ندمر و نخسر كل شي كان يضيع...و نتصور حد ماهو باش يشك الي سر هذا معاك..انا نوثق فيك برشا...اوعدني تحافظ عليها و كهو..و كان صارلي شي سلسلة هاذي باش تعاونك تلقاني او تنقدني او دمرهم انتي في بلاصتي و تبردلي قلبي المشوي...
عيونها دمعو هزتلي براسها لا برشا مرات
رغدة:لطف عليك شي ماهو باش يصيرلك...
تبسمتلها...هزيت يدها بستها...وقفت و دورت وراها لبستها سلسلة نحكي..
انا:مذابيك ديما تلبس حاجة تغطي رقبتك لكل...باش ماتبانش باهي!
هزتلي براسها باهي...رجعت قعدت و نغزرلها...منعرفش علاش عملت هكا...اماا كان صار و عصام وصلني ليه..و لقيتو و وجاهتو اكيد موش باش يخليني في حالي و يحاول يلعب بطرقو المسخة...هكا رغدة في اي وقت تنجم تساعدني...نعرف مزالت صغيرة و دخلتها في ماضيا...معنديش حل خلاف...و نفس الوقت منيش باش نسمح حد يضرها بلعكس هي تو عندها القوة...ماضي متاعي صعيب و قاسي و نفس الوقت وااقعي موش خيالي...
بدينا نتعشاو حسيتها تاكل بالسيف محبيتش نغصب عليها...كملنا العشاء...و خرجنا نتمشاو عالبحر...نحات صندالها و بدات تجري...حسيت بفرحة في قلبي كي شفتها هكاك...طبست نخيت صباطي و خالطت وراها اول مرة نعمل هكا و نعيش الهبال مع طفلة صغيرة...
رغدة:ارغد تعرف شتعمل تو حل يديك هكا استنشڨ الهوا مليح و صيييح بالقوي اكيد تو تتفرهد هيا نجربوها مع بعضنا ناا جربتها في جبل و رتحت عللخر
عملت الي قتلي عليه...حسيت براحة موش نورمال...بركت على ركايبي نلهث...قعدت جنبي...الماء بلناا...الموجة بدات تقوى و طقس باين باش يتقلب...
انا:هيا نروحو باينتها باش تمطر..
هزتلي بأكتافها
رغدة:لا خلينا امان والله رتحت هنا تي اصلا عمري ماشفت البحر ڨدامي هكا خلينا امان
انا:رغدة باش تمطر قتلك
قلبت شفايفها كي صغار نزلت على يدي
رغدة:امان يفرحك خلينا شوي برك
انا:باهي خليفتي على ربي هانا قاعدين...
تبسمتلي و تكات على رمل...تكيت جنبها نغزرلو لسماء...لين بدات مطر تنكت علينا شوي شوي ولات تجبد...قمنا من بلايصناا فيبالي باش تجري معايا سيبتلي يدي و قعدت دور و تضحك
انا:رغدة هيا راك باش تمرض
رغدة:لا شوف مااسمحها تهبل..
قربت لعندها حملتها على كتفي و هي تصيح...وصلنا للكرهبة هبطتها...
رغدة:ااوف ليش رجعتني هنا ڨتلك خلينا
انا:يا مڨصوفة شوف حالتك كي الفلوس المريش هههه هيا اطلع فيسع..
ضربت بساقيها على الارض و طلعت..وصلنا لدار...بدلت دبشها و تمدت عالفرش...غيرت دبشي و رجعت لعندها نلقاها رقدت...باينتها تاعبة من البارح مرقدتش..قربت لعندها تمديت جنبها...حضنتها من تالي...بقيت نمسحلها على شعرها...نملى في عيوني منها...فيقني من سرحتي صوت تاليفون حليت نلقاه ميساج من عند عصام
<<عملية بعند نهارين حضر روحك>>
كبست على تاليفون في يدي...و اخيرا باش نقابلو عيني باش تجي في عينيه...استناني ياا واطي الا مندمرك كيما دمرتلي حياتي...نهارين كهو و نبدا لعبتي...بستها من جبينها...و قمت وقفت قدام باب البيت...حليتها بالمفتاح..شعلت ضوء...بقيت واقف نغزر لتصاورهم في الحيط و اساميهم قربت لطاولة هزيت مخطط في يدي...هزيت ستيلو و رشمت بيه اول خطة و كتبت تاريخ...عديت يدي على لحيتي قربت لتصويرتو عديت عليها يدي نحكي...<الا مانبكيك دم الا مانخليك تصرخ و حد مايسمعك ولا ينقذك من بين يدي الا مانعيشك نفس ليلة الي عايشتهالي استناني استنى جحيم متااعي على ابواب مملكتك نااار الي شاعلة في قلبي باش تحرق قوتك و جبروتك استنى ارغد جاايي
الحلقة 13
تفااعل ♨♨
دخلت لعندها وقفت في نص الصالة...حاط يدي في جيوبي نغزرلها على جنب نحكي
انا:هيا حضر روحك باش تمشي معايا
هيفاء:ياخي بجدك تحكي تحبني نعيش مع هذيكا نفس دار و زيد متحبش طلقها علاش فاش خير مني هي!!
انا:حكينا في كل شي لبارح مغير مانبقاو نعاودو هيا معادش وقت عندي خدمة
نفخت بعصب و خرجت فاليز متاعها...حطيتها في الكرهبة من تالي ...ديماريت...وصلت لدار...محبيتش نهزها برطمان متاعنا...مستحيل نخلي رغدة تعيش الحزن في دار الجديدة...رصاتلي ماشي لدار الي عشت فيها ماضي...دوب مادخلت عرضتني رغدة في الباب تتبسم بقيت مستغرب...تي خليتها وجها مقلوب...غزرت وراها نلقى فاطمة و اسوان...سلمت عليهم دخلت هيفاء...تغزر درا كيف..قربت لعندها نحكي بالشوي
انا:سم متاعك تسيبوش هنا واضح
دورت عينيا عليهم الكل...
انا:تو يلزمني نمشي يمكن نروح روتار المهم تقلقوش عليا
قربتلي رغدة...وقفت على طراتش ساقيها باستني من خدي...فازة مكنتش نستنى فيها حاليا...اما عجبتني...و شنوة الي تغير منعرفش..بستها من جبينها و خرجت مستنيتش حتى هيفاء تحكي...طلعت في كرهبة جبجت تاليفون نحكي
انا:اختي وين خليتها
عصام:مرتي في دار و معاها امي علاش
انا:لا شي
عصام:باهي هاني في طريق **** تلقاني غادي
انا:باهي...
دوب ما علقت من عندو طلبت نارين
انا:نعرف الي دار فاضية و باش تبدا الي قتلك عليه فما دوسي لونو احمر تلقاه خبيه عندك قبل مايروح عصام نتعدالك انا نهزو واضح
نارين:ب..باهي
علقت تاليفون...ديماريت الكرهبة...كل الي نخمم قيه اني نقاابلو و كهو...نهار هذا استنيتو على احر من الجمر...
قصت عليا كرهبة كبيرة شديت فران قوي زعمة لا دخلت فيها...نشوف فيه هابط...لابس شابو نحاها ڨارن حواجبو...هبطت نحكي..
انا:شتعمل هنا ياخي تراقب فيا
هو:عندك شك في هذا...اسمع ماكش باش تلاقيه ليوم...خاتر وصلوني معلومات الي هو تو في استراليا و باش ينزل بعد اسبوع لتونس لافتتاح معرض كتاب متاعو
انا:كتاب!
هو:اممم كاتب قصة حياتو اماا باسماء اخرين يعني عبارة مايحكيش على روحو و لا حتى عليك...كان تقرا كتاب تلقى حكايات في ماضيك انتي حتى متعرفهمش..
تبسمت على جنب...
انا:زعمة باش يصير اكثر من هكا مستحيل
هو:برا تو لعصام يلزمك تتسلم معاه سلعة عندكش حل اخر
انا:اما انا فيبالي باش نلقاه مع عصام
هو:ياخي تسخايل الي يجي باش يقابلو..انتي ازرع مخالبك في عصام و زيد ادخل معاه في جو اكثر وقتها عصام بيدو يولي يهزك لسهريات السيد اذاكا و وقتها تنتقم على مزاجك...عيش ولدي نقلك كان ماتسرعش كهو باهي!
هزيتلو براسي باهي...حطلي فرد في يدي...عمتلو براسي لا و رجعتهولو
انا:خلاف المڨرون متع صيد مشديتش شي اخر ولا حتى نخمم نقتل بيه حد
هو:هذا باش يحميك شكون قلك اقتل اماا كان لقيت روحك في خطر اكيد باش تستحقو...و متخافش مرخص امورو واضحة...
انا:اما جريمة تبقى جريمة ياخي عايشين في غابة
هو:اي غابة كبيرة مليانة وحوش...انتي الي وين عايش مدامك دخلت في حرب هاذي باش تلقى كل شي فيها مسموح و بلادنا رشوة جعااالة كل شي متاح نسيت روحك شكون اه يعني حد مايتجرأ يدخلك سجن..
تبسمت على جنب..
انا:اما موش كان بلادنا هكا يعني اغلبيتهم هكا
هو:اكيد شي هذا في عالم لكل...برا امشي تو و ردبالك على روحك..
هزيتلو براسي باهي و حضنتو...هو الوحيد الصادق معايا و مساندني في كل خطوة...عمرو لا جرحني بكلمة...قد مانقول نحبو و نعزو مايكفيش و مايوفيش...كان تصيرلو حاجة جرتي نهبل...جبدت روحي و طلعت في الكرهبة...نغزر لسلاح في يدي رميتو عالكرسي جنبي و ديماريت...وصلت لعند عصام...ركيت كرهبة وراه..حطيت سلاح ورا ظهري ستويت الفاست و قربت لعندو مديت يدي سلمت عليه و دورت عينيا عالبلاصة الكل...لمحت زوز رجال هازين فاليز كبيرة...
انا:عصام مقتليش شنوة سلعة
عصام:آثار
انا:شنوة!! لا باز تفدلك
عصام:لعبتنا مهيش متع تفدليك اقرب هز من عندهم و شد فاليز هاذي اعطيهم الفلوس
هزيتلو براسي لا برشا مرات حكاية خوفتني عللخر...ماشي فيبالي مخدرات ولا سلاح اما اثار جملة هاذي تتسمى سرقت البلاد...شبعة حبس..
انا:لا مستحيل ندخل في هالحكاية ياخي بجدك تحكي عصام...متخافش على روحك...
عصام:مدخلتش بكيفي اناا زادة مغصوب عليا..برا سلم و استلم و ايجا
عقدت حواجبي مستغرب...شيقصد غصبوه...اكيد فما شي..و انا زادة معنديش حل غير هكا...يلزمني نكمل معاه باش نوصل للي حاجتي بيه..خذيت نفس هزيت ساك متع الفلوس و قربت لعندهم كل خطوة نعملها قلبي باش يخرج من بلاصتو...عطيتهم ساك و عطاوني فاليز كبيرة...محكاو معايا حتى كلمة هزولي براسهم و مشاو كبست عالفاليز هزيتها ياسر رزينة...وصلت لعندو هزها و حطها في الكرهبة...اشر لرجالو باش يمشيو تكا على باب الكرهبة و شعل سيڨارو نفخ غزرلي درا كيف يحكي...
عصام:احكي يا نسيبي علاش دخلت في هالمتاهة
تبسمت على جنب حكيت راسي من تالي
انا:نحب نجرب الريسك ميسالش!
هزلي براسو لا و نحا ليناتو قرب لعندي يغزرلي في عينيا يحكي و واثق من روحو
عصام:انتي تحب توصل لشي عن طريقي موش هكا!احكيلي بلكشي احنا زوز عنا نفس الماضي
حليت عينيا على وسعهم...وخرت خطوة تالي...
انا:ماضي شنوة يا راجل احنا صحاب من قبل تعرفني نحب نجرب جديد و كهو
عصام:اما انتي قبل كنت تنصح فيا نبعد عالمافيا و نبعد على كبارات البلاد و تو سبحان الله هاك معايا و متسلم الاثار بيدك زادة..
فكيت سيڨارو من يدو عملت نفس...ضيقت عينيا نحكي
انا:وانتي عندك ماضي
عصام:ماضي اسود مشاء الله ههههه زعمة نحب نخدم هكا ندخل في متاهة ضيقة...اكيد لا اماا تلزيت ندخل في هالعالم خاتر راس الكبير متع هالعالم يملك سري و اناا نحب نعرف بكل بساطة
بقيت نغزرلو زعمة هو نفسو زادة الي يحكي عليه عصام...تبسمت على جنب...منستغربش اكيد هو حطم عصام كيف ماحطمني اماا زعمة شنوة سرو زعمة يكون مربوط بماضي متاعي...يلزمني نمشي لبيتي و نعاود مخطط متاعي من لول و جديد..نحس في روحي دخلت بعضي..
انا:يلزمني نمشي
عصام:باهي نتلقاو على قريب
هزيتلو براسي باهي و طلعت في كرهبتي ثنية كاملة نخمم في كلامو...زاد دخلي تران في راسي... كل شي كان مريڨل اماا قبل مانعمل اي خطوة يلزم نعرف عصام على شكون يحكي بالضبط...
دخلت للبيت رميت تصاور لكل على طاولة...عديت عليهم يدي كل حد و مشكلتي معاه كل حد باش ننتقم منو بأسلوبي...اما راجل هذا شكونو مصور جنبو...ديما موجود معاه منعرفش علاش كل مرة نبقى نغزرلو برشا نحس فما حاجة جاذبتني ليه...نفخت بعصب تكيت راسي تالي...مخي تحرق من تخمام..كل شي ماشي و يصعب عليا...
عصام يحكي..
دخلت للفيلا بست امي نقولو كيف امي هي الي رباتني و كبرتني و ردتني راجل في عمر 35 عام...و هي الي حكاتلي حكايتي اماا فما احداث ناقصة لا انا ولا هي تعرفهم...الي يعرفهم حاطني تحت صباتو و ذلني مايحبش يقلي عالماضي متاعي بتفااصيلو و على عايلتي لحقيقية وينهم شكونهم عندي اخوة ولا لا بابا و امي عايشين زعمة الف سؤال يدور في راسي....طلعت اكا دروج دوب ماحليت باب تنطرت عليا حملتني...ترهوجت تركزت بيدي عالحيط...سكرت باب البيت بساقي...كابسة عليا تحكي نفس الوقت
نارين:توحشتك معادش تخليني عرسنا بارح راه و انتي خليتني من اول نهار
جبدت روحها هزت راسها تغزرلي عدات يدها على وجهي...
نارين:نحبك برشا عصام ردبالك تخمم تسلم فيا
انا:مستحيل نسلم فيك انتي روحي و قطعة مني تذكر اول نهار شفتك فيه
هزتلي براسها اي و تبسمت...
جبدتها من يدها و قعدنا عالفرش...
انا:حبيتك من اول نظرة...مكنتش نتصور نحب بنت القرية المتواضعة...ههه تتذكر كي تنڨز من شباك في ليل باش تقابلني و تقعد معايا اكا نص ساعة في الكرهبة و تبدا خايفة لا خواتك يفيقو
نارين:ايه والله عشت الرعب معاك اما...
طبست راسها تفرك في يدها
نارين:اما هما موش مسامحيني حتى زواجي محضروشو...خاتر عرفو الي انا حامل منك
انا:نارين سوى حبلت ولا لا انا اصلا من جيهتين باش نتزوجك... انسى لحكاية و متخممش فيها خمم كان في بنتنا كهو باهي روحي!
هزتلي براسها باهي ...جبدتها لعندي بستها من راسها...عينيا تملاو دموع مجرد نتخيل روحي نخسرها نهبل نحبها بالدرجة مايتوقعها حد...حاسها متقلقة من حكاية اخرى اما نخليها على راحتها مانحبش نضغط عليها...كل الي نحب عليه تو نعرف عايلتي وهكا تكمل فرحتي و نعيش مرتاح
الحلقة 14
رغدة تحكي...
تو تعدا اسبوع...ارغد مايبقاش برشا في دار حتى كي يروح يشد البيت مايخرجش و يحكي كلمة و ڨص منيش فاهماتو شبيه...نشوف فيه راڨد غاطس في نوم قربت لعندو...عديت يدي على لحيتو...قعدت على طرف الفرش بقيت نتأمل فيه...راڨد كي الملايكة...عكس و هو صاحي تڨول حصان مسيب....عينيا ترشقو في شفافو تذكرت اخر بوسة غمضت عينيا بالقوي...حسيت برعشة سرات في بدني...احساس محلاه عللخر...لدرجة منجمش نمنعو ولا نصدو من قربو ليا و لقيت روحي متفاعلة معاه...حليت عينيا...عديت صبعي على شفاافو بالشوي...حسيت بيه باش يصحا...جيت باش نجبد روحي...بحركة خفيفة...جبدني لعندو...صدري فوق صدرو...خشمي في خشمو...استنشقت نفس متاعو....بلعت ريقي بالسيف...ضيق عينيه يحكي..
ارغد:شتعمل يا مڨصوفة
بقيت نغزرلو كهو نجمتش نحكي...
ارغد:امم باهي فهمت...كنت تحب تبوسني موش هكا
حليت عينيا على وسعهم هزيتلو براسي لا برشا مرات...حاولت نجبدت روحي...كبس على ظهري زاد لزني ليه اكثر قريب يدخلي وسط ضلوعو...
ارغد:مالة انا نحب عندك مانع انتي
انا:ش..شنوة تحب
رشق عيونو في شفاافي...
ارغد:نحب الي تحبو انتي..
عدا يدو على خدي...
ارغد:حضرلي روحك ليلة باهي
انا:علاش
ارغد:8 نلقاك حاضرة البس روب الي شريناها من ميلانو
عقدت حواجبي مستغربة...منعرفش على شنوة ناوي ليلة...
انا:ب..باهي
باسني من خدي تبسملي...
ارغد:هيا خليني نقوم يلزمني نخرج
هزيتلو براسي باهي جيت باش نقوم رجعني لعندو..وز حواجبو يحكي
ارغد:وينها متاعي
انا:شنوة متاعك
تبسمت على جنب و حط صبعو على خدو..خذيت نفس و قربت بستو بوسة خفيفة...و خرجت نجري من البيت تصدمت فيها طلعت راسي شوي بحكم هي اطول مني شوي...
هيفاء:حل عينيك عمياء
انا:اممم بلحق عمياء خاتر منحبش نشوف منضرك...
جيت ماشية...وقفتني تحكي...بقيت عاطيتها بظهري نسمع فيها
هيفاء:تنساش الي انا ام ولد ارغد. (نورهان منصوري) ..ثمرت حبنا جاية على قريب...و انتي شوي وقت و تمشي على روحك و انا الي باش نطيرك من هنا موش فرخة كيفك باش تحطملي احلامي
تلفت لعندها..هزيتها و حطيتها...
انا:الفرخة الي قدامك باش تلعب معاك لعبة شيطرانج و في قانون لعبتي منخسرش...و راك تحكي على راجلي و صدڨيني كان نلڨاك جنبو ولا تبدي تعملي فيهم وڨتها تو تعرف شنوة يصير فيك
تبسمت على جنب و دخلت للكوجينة نطيب في قهوة لارغد...نلڨا فاطمة...طيب في اوملات و تحكي
فاطمة:واش فما يا رغدة فاش كانت تحكي اكا المصفارة
انا:كانت تتهدد بالفارغ...اصبريلي عليها برك الا مندمها على كل كلمة...ڨالت ثمرة حب كلب على راسها..
فاطمة: اممم اسمع ا سيدي غايرة على رويجلها
دخلت بعضي و كبيت حكت السكر....فكرة انو نغير عليه دخلتني بعضي...
فاطمة:واشبيكي ا بنتي...انتي باينتك في حالة بري اڨعدي ارتاحي...تو نطيبلو نا القهوة
هزيتلها براسي لا...كملت طيبت و هزيتهالو للبيت...حطيتها على طابل..نغزرلو يلبس في صباطو...هز راسو تبسملي
ارغد:تستحق حاجة رغدة
انا:لا لا غير ردبابك على روحك و كهو نا مانستحڨ شي...
ارغد:عيشك احكي معايا بلهجتي...يمكن ياسر معادش نرجعو لغادي و لهجة هاذي معادش نحب نسمعها
انا:منحبش ننطر في اصلي هاذي لهجتي و نفتخر بيها...
ارغد:نعرف اما احكي معاهم هكاك معايا لا عيشك رغدة
هزيتلو براسي باهي..باسني من خدي هز ترشف من القهوة شوي و خرج...ترميت عالفرش...كل مانتذكر سرو ڨلبي يولي دم عليه...كيف نجم يقاوم و يعيش...بالنسبة ليا حتى كان ڨتلهم و شوي فيهم..
ارغد يحكي...
اسبوع تعدا لكل و انا غيرت خطتي بالكامل ليلة افتتاح معرض الكتاب متاعو يلزمني نكون حاضر...محبيتش نمشي وحدي خفت لا نتهور احسن شي نهز معايا رغدة هي الوحيدة الي بقربها نحس بالامان و نهدا....دخلت للمعمل...تفقدت الخدامة لكل...(نورهان منصوري) عملت كنترول على كل شي...
طلعت للبيرو...دخلت تمريت عالكرسي تكيت راسي تالي نحكي
انا:باش نبيع الارض و الكماين و دار..
اسوان:شنوة! و امي و بابا و زهرة وين يعيشو...
انا:تو نشريلهم دار هنا...
اسوان:مستحيل يوافقو...ياخي شفما شبيك وليت هكا معادش نعرفك كاينك موش شطري
هزيت راسي نغزرلو...تبسمت على جنب...هزيتلو بأكتافي
انا:انا زادة معادش نعرف روحي..
غزرلي درا كيف قام و قعد مقاابلني...قربت كرسيه مني...شدني من يدي كاينو يترجا فيا نحكيلو
اسوان:احنا مناش خوات كهو احنا صحاب و كل شي في دنيا...انا متأكد فما حكاية احكيلي ياخي مستانس تخبي عليا
بقيت نغزرلو مستحيل نخليه يعرف تو موش وقتو جمله كان يعرف الا مايخربلي مخطط متاعي و يدخلها في حيط معاهم لكل..
انا:مفما شي اماا لعيشة في تونس خير...و هكا يكونو قدام عيونا خير ملي نهار نهارين و احنا ماشين لعندهم...
و خاصة احنا صايا باش نستقرو هنا...
اسوان:اعمل الي يريحك...
هزيتلو براسي باهي...
انا:ليلة خارج انا و رغدة و معانا عصام و نارين ماشين افتتاح متع كتاب...خسارة ماكش في قائمة الحضور
اسوان:هههه اصلا موش جوي و انتي من وقتاش تحب الكتب
انا:لا موش هكاك اما محبيتش نحشم عصام و كهو
اسوان:باهي مالة نهز مرفطومتي تتعشا لبرا
انا: وهيفاء باش تقعد وحدها
اسوان:تحب نرضعها زادة هههه .
انا:مبلدك باهي براو...هيا انستو تو
هزلي براسو باهي..تبسمتلو و خرجت...ديركسيون للبرطمان...شديت فران قوي و طلعت...دوب حليت باب نلقاه قاعد حاط ساق على ساق...عقدت حواجبي مستغرب...
انا:شتعمل هنا كيف دخلت
هو:باش نحير ياخي نسيت الي برطمان هذا كادو مني ليك...ايجا اقعد عندي مانقلك و نمشي..
قعدت مقابلو...بقبت نفرك في يدي نحس في روحي منرفز...
هو:عيش ولدي ليلة بالذات متتسرع في شي اكيد هو باش يعرفك و باش يتصدم من شوفتك اما انتي تصرف عادي واضح ردبالك ارغد راه موش ساهل هو تو باش يخاف لا انتي تكشف كل شي عليه يعني اكيد باش ياخذ احتيااط منك و كان لازم يحط شكون يراقبك..سلسلة في رقبت مرتك نحيها متخليهاش تمشي بيها...خاتر كان شافها موش باش يخليها في حالها...
انا:وين باش نحطها
هو:تصرف المهم نحيها و كهو هيا تو نخليك و رجالي تو يكونو ديما معاك مغير مايشك حد الي هما تابعينك...
وقف و قرب للباب وقفت وراه
انا:حسستني نخدم في المافيا رجال و رقابة و درا شنوة...انا صراحة
هو:خايف موش هكا..حط بين عينيك انتقامك و يلزم تفرض روحك في المجتمع...و يلزم سر يتحول قضيه رأي عام مهما تكلف الامر...
انا:يعني باش نولي منعوت بالصبع
هو:منعوت بالصبع اما بقدرك و غيرك باش ياخذك قدوة ليه...متخمم في شي انا معاك...
انا:كان مجيتش انتي تخدم في..
قص عليا كيف هز يدو اشرلي باش نسكت
هو:الحيوط تسمع زادة اعرف شي هذا...مع 8 تلقا كرهبة كحلة عاليه فيها 4 رجال اذوكم تابعيني...باش يراقبوك و كهو حمااية يعني متخاف من شي باهي! نحبك قوي و مايهدك شي
هزيتلو براسي باهي و حضنتو....
انا:نستنى وقتاه نصيح و نقول انتي شكون نحب نشكرك قدام ناس لكل على وقفتك معايا و اعتبرتني ولدك...
جبدت روحي حسيت بعيونو دمعو...بدلها بالتبسيمة...
هو:انتي كي ولدي و اكثر...
انا:الله يرحمو..
هو:هيا نخليك ردبالك على روحك...
دوب ماخرج دخلت للبيت...بقيت نتفرج في تصاور معلقين في طابلو...عديت عليهم يدي حبست بصبعي على تصويرتو...نتمنى يكون معاه ليلة نحب نعرف شكونو راجل هذا و علاش انا ركزت معاه هكا...عندي احساس توجاهو درا كيف...غمضت عينيا و فتحتهم نحب نطير افكار من راسي...غزرت لساعة في يدي...خرجت من البيت ترميت عالفوتاي...حليت تلفزة نتفرج لين لحق الوقت محبيتش نروح وجود هيفاء في دار مقلقني اما معنديش حل خلاف...
خرجت و ديماريت كرهبة...دخلت للبيت نلقاها واحلة تحب تسكر سلسلة من تالي موش خالطة تنادي على فاطمة...وقفت وراها...سكرتلها سلسلة...ماشي فيبالها فاطمة..
رغدة:بفف متكبر متع وذني تو هاذي روبة يا ربي تي هاي عذاب...شفت فاطمة اش نعاني...كل مرة طالعلي بطلعة ربي يصبرني و كهو...فاطمة شبيك ساكتة ا طفلة...
تلفتت صاحت فرد صيحة...
رغدة:ااااع شتعمل هنا انت وڨتاش جيت ويني فاطمة...
انا:مالة متكبر متع وذني ااه
هزتلي براسها لا برشا مرات...
انا:امم باهي تو نتحاسبو عليها خليني نلبس تو معادش وقت...
تبسمت على جنب و تعديت حليت درسينغ قعدت عاطيتني بظهرها لين لبست...طفلة يبست هههه
انا:هيا نمشو..
هزتلي براسها باهي...زينها رهوجني اما محبيتش نبين شي تو مخي في مقاابلة و كهو...و مبعد تو نتلهى بيها المڨصوفة...طلعنا في كرهبة ربطلها الحزام..عينيا ترشقو في سلسلة...
انا:نحيها
رغدة:شنوة
انا:سلسلة نحيها
رغدة: و علاش صار شي
انا:رغدة احنا ماشين لعندو
حلت عينيها على وسعهم
رغدة:لا لا مغير على شنوة ناوي
حطيت يدي على خدها
انا:متخافش رغدة...خليك معايا و كهو وتو هات سلسلة خليها عندي مايلزموش يشوفها
هزتلي براسها باهي نحاتها و مدتهالي...لبستها انا خبيتها تحت شوميز...ديمارت كرهبة نغزرلهم ورايا...عرفتهم رجالو...وصلت قدام معرض برشا ناس و صحافة نلقا عصام و نارين قدامي مزالو كي هبطو من كرهبة...
رغدة:ياا تي هاي نارين هنا
انا:اممم تو مبعد نحكيلك هيا ننزلو..
نزلنا...قربنا لعندهم سلمت عليها بالسيف اما هي و رغدة بوس و احضان...دوب مادخلنا...ركشنا في اول طاولة على جنب..صحافة و ناس يستناو في طلوعو عالمنصة باش يحكي على كتابو..
لهيت روحي بالحديث معاهم...قص عليا صوتو...طلعت راسي نغزرلو...حسيت دنيا وقفت...ليلة اذيكا تعدات بين عينيا..كل شي تعدا بين عينيا...كبست بونية يدي...نسمع فيه يحكي على قصت الكتاب...نحس غصة واحلة في حلقي...عروق بدني تكبسو هو تو حكا كل شي ناقص كان يقول الي هذا سري و سر العايلة الكريمة الكل...حسيت بيد على كتفي...
عصام:لباس ارغد شبيك
انا:ل..لباس شي..
عصام:باهي ايجا نعرفك عليه فرصة باش تدخل في عالم هذا اكثر و ترمي شباكك...
انا:ياخي شكونو
عصام:هذا البوص
انا:ا صار يعني هو يهرب في اثار البلاد يعني يسرق في بلادو الي هي بلادنا لكل...يعني هو سبب خراب كل شي هو و المسؤولين الي فيها...
عصام:اشششت تحب تباصينا تي فما البوليس هنا راه..
هيا ايجا...
خليت رغدة واقفة طمنتها بعينيا و مشيت معاه...قربت لعندو و جات العين في عين و تذكرنا سنين الي فاتو لكل...وجهو حمار و رخف الكرافات متاعو...لفت وجهي نلقى نفس راجل الي معاه في تصاور...لحمي قشغر و انا نشوف فيه ماشي و يقرب...وقف جنبو...عينيا متهزتش عليهم زوز....صمت عم علينا...حتى اصوات ناس و الي دايرين بيا معادش نسمع فيهم...قص علينا سرحتنا صوت عصام يحكي
عصام:سي مراد هذا ارغد صاحب اكبر اوتيل في تونس عاصمة و صاحب معمل متع الفلاحة
مديت يدي...هز يدو صافحني
تبسمت على جنب...يدو ترعش عللخر نزلت عليه شوي نحكي
انا:نتشرفو سي مراد...نضن باش نتلقاو برشا مرات
عدا يدو على وجهو...هزلي براسو اي...جبدت يدي...وخرت خطوة تالي...
انا:المهم مبروك...عصام انا مروح نتلقاو غدوة...
هزلي براسو باهي...غزرت لمراد تبسمتلو على جنب...و عمتلو اشارة بيدي يفهمها كان هو....خاترها صنعتو هو...
من هنا باش يبدا انتقامي...من هنا نار قلبي باش تحرقهم...انا تو زرعت مخالبي فيه...وجعوه برشا نعرف مزال مشاف شي....
#
الحلقة 15
أسوان يحكي...
قمت نتكسل...نحس في بدني تاعب بعد ليلة لبارح...هبلتني الفرخة...نشوف فيها كيف راقدة نومها ياسر كالم و ماتتحركش برشا...متعنكشة فيا تقول باش نهرب عليها...شعرها مفرود على ظهرها العريان..صدرها لكل باين...عضيت شفتي..اول مرة ترقد عندي عريانة...مستانسة ديما تلبس شي خفيف...بستها من جبينها...جبدت روحي شوي...قمت لبست شورط و الخلعة...خرجت من البيت مشيت صالدو غسلت حالتي...دخلت كوجينة...نلقا هيفاء تشرب في قهوة و تلعب بتاليفون...مكلمتهاش اصلا كن طبعي نحملهاش برشا كيف ارغد باش يجبب منها صغير...ربي يصبرو كهو موش باش يرتاح منها حياتو لكل...
بديتةنحضر في فطور لفطومتي...نسمع فيها تحكي...
هيفاء:ياخي مايصبحوش ناس...
انا:صباح الخير
هيفاء:اممم صباح النور..ياخي لبارح لكل خرجتو خليتوني لواش
تلفت نغزرلها هزيت حاجبي نحكي
انا:بلكشي مقيدك في صداق مع مرتي...والله كل حد هز مرتو و خرج مناش ملزومين بيك..
هيفاء:ياخي شبيك تحكي معايا هكا اسوان
انا:انتي وصلت روحك...اسمعني مليح هيفاء على قد ماني عاقل و مانضر حد على قد ماا شيطان يعملي الف حساب...يعني التزم حدك احسنلك اصلا وجودك وسطنا غلط في غلط...و انا نعرف كيف نبعد من طريق خويا ماكش باش تلعب بيه جرت لقيط الي في كرشك هذا اذا كان هو موجود اصلا *نورهان منصوري*
تبسمت على جنب...هزيت صينية و خرجت...فورتلي دمي على صباح...دزيت باب بساقي...دخلت حطيت صينية على طابل..قربت قعدت على حافة الفرش...بعدتلها خصلات شعرها على وجها....بستها من خدها...همست في وذنيها..
انا:ياا زوجة اسوان قوم يزي من نوم..يا ام امير يا ست الكل هيا قوم....باش تخلي راجلك يفطر وحدو...و زيد تخليه يمشي للخدمة روتار عيب راه...
بدات تسيب في دلالها..تتبسم بالشوي...
انا:باهي كمل ارقد هاني ماشي انا بطبيعتي نلقى سكرتيرة محضرتلي فطور
جيت باش نقوم جبدتني من يدي...دورت يدها على رقبتي...تحكي بصوت نوم
فاطمة:تحب نڨتلها انت متاكل من يد حد غيري...
انا:اممم ماله هيا قوم نفطرو مع بعض
غزرت لصينية...تبسمتلي و باستني من شفاافي بوسة خفيفة...عجبتني الفازة مستانس انا نبادر هههه
انا:اممم ناوية على طرح في صباح معنديش مشكل راو
فاطمة:هههه يزي احشم..
انا:مزالت فيها حشمة هي نسيت روحك لبارح سيبت شهاويك في الفرش
عضت شفتها و غمضت عيونها بالقوي
فاطمة:اسكت تذكرنيش منيش عارفة كيفاه عملت هكاك
انا:عادي روحي اصلا لبارح احلى ليلة
بستها من خشمها...قص علينا صوت تاليفون قمت هزيت نشوف في نومرو منعرفوش هزيت نحكي..
انا:وي شكون
دوب ماسمعت صوتها دم جمد في عروقي خاصة فاطمة مركزة معايا
رند:توحشتك نجمو نتقابلو
انا:لا
رند:احكي شنوة لا
انا:باهي باهي حضرلي وراق و هاني جاي
رند:فاش تحكي ياخي
علقت تاليفون تبسمت بالسيف
انا:خدمة...شفت كيف روتار...هيا روحي نفطرو...
هزتلي براسها باهي كملت فطرت...لبست دبشي و خرجت...طلعت في كرهبة جبدت تاليفون نحكي...
انا:توفيق نجمو نتقابلو مبعد الغدا
توفيق:لباس صار شي
انا:نحب نحكي معاك بخصوص رند
توفيق:باهي
علقت تاليفون معنديش حل خلاف...يلزمني نعمل هكا باش تبعدني...مكامش باش يصيرلي برشا مشاكل مع فاطمة جرتها..قويت في الفيتاس اكثر....وصلت للمعمل كملت خدمة لكل فيسع...مشيت للقهوه نلقاه قاعد يستنى فيا وقف كي شافني سلمت عليه و قعدت...
انا:توفيق انا مستعد نبيعلك الفيرمة الي حبيت عليها اماا عرسلها بولدك صايا وافقت
توفيق:موش قلت تحبها تنجمش تسلم فيها اما ولدي بان يحبها اكثر
انا:ربي يهني المهم عرسلهم و رتحني...انا صرتحة عرست مرتي حبلة و هي عاملتلي برشا مشاكل مايقدر يهدها كان ولدك
توفيق:مريڨل نواري و نريڨل اوراقي نتممو البيعة
انا:قبل ماتم بالبيعة لعرس يتم و مبعد البيعة...ولا ماتوثقش فيا
توفيق:لا هكا تو
تبسمت على جنب حتى زواج و الحب عند الكبارات بالرشوة و الجعالة عادي في بلادي...الي يهمني تبعدني و كهو منحب شي يعكرلي فرحتي مع فاطمة...
ارغد يحكي..
قاعد في جنينة...مرقدتش جملة لين شرقت الشمس...كل الي شاغلي بالي راجل اذاكا وجهو موش غريب عليا...و خاصة كي نتذكر وجه مراد كيفاه حمار من شوفتي مكانش يتوقع نبان في حياتو مرة اخرى...حتى نارين كبشت تسأل فيا كاينها بدات تتذكر شكونو مراد وقتها هي صغيرة متعقلش عليه مليح...و احسن كي متعقلش عليه دمرلي حياتي انا يكفي...اكثر حاجة نحمد عليها ربي انو مقدرش يوصل لاسوان...ملي احنا صغار ناس تفرقنا بضربة الحاجب منعرفش شكون عملهالنا قعدت اتراس...
فيقني من سرحتي صوتها
هيفاء:ارغد نجمو نحكيو
تلفتلها هزيتلها براسي باهي...
هيفاء:ارغد انا نحب نمشي من هنا منيش مرتاحة و ايجا انتي معايا
انا:نخلي مرتي و نجي معاك
هيفاء:مهيش مرتك انتي تزوجتها على الورق كهو و متأكدة انك ملمستهاش خاترها موش باش تتحمل وجيعة و عذاب الي تحملتهم انا...*نورهان منصوري*
انا:اسمع هيفاء مللخر سور قعدت ولا مشيت كي تولد صغير باش نعملو تحليل نتأكد و كهو و كان طلع من صلبي حط فيبالك باش ناخذو خاتر انتي مستحيل تربي اجيال..
بدات تعلي في صوتها...
هيفاء:شتقصد يعني انا نخون فيك و نرقد مع غيرك ااه !! 5 سنين معاك شفت عليا حاجة نهار !! تراه تكلم سي المتكبر...حط في علمك مستحيل نعطيك ولدي مهما يصير و ..
قصت عالكلام كيف حطت يدها على كرشها تتوجع...جات باش دوخ لقفتها حملتها عندي...
انا:هيفاء لباس..تسمع فيا...
كبست عليها بين يدي و دخلت نعيط لرغدة خرجت من كوجينة
رغدة:شبيها شصار
انا:منعرفش جيبلي مفتاح كرهبة و هيا معايا نهزوها للكلينيك
هزتلي براسها باهي و مشات جابت مفتاح و خرجنا..وصلت للكلينيك...دخلوها لبيت...بقيت واقف انا ورغدة محكينا حتى كلمة لين خرج طبيب
انا:لباس دكتور
هو:يلزم نعمللها تحاليل تو
انا:علاه فما شي
هو:منجمش نقلك شي كان ماتطلع نتيجة تحليل ...اما من وقتاش هي دوخ هكاك
انا:منعرفش اما هاذي مرة ثانيه و مرة لوله كي داخت عرفت الي حبلة
هو:باهي مالة يلزم تفيق المدام و نسألها
هزيتلو براسي باهي..تبسملي و مشا تلفت لرغدة
رغدة:اكيد تو تقوم لباس هي و الصغير متخافش عليهم
هزيتلها براسي اي منيش قادر حتى نحكي...منعرفش قداه تعدا وقت رجع طبيب لعندها نشوف فيهم من البلار منعرفش فاش قاعدة تحكي معاه...و مبعد ولات تبكي...عقدت حواجبي مستغرب...دوب ماخرج طبيب قربت لعندو بزربة
انا:شفما
هو:باش نعمللها سكانار على راسها يلزمني نطير الشك
انا:شتقصد دكتور!
هو:منجمش نقلك شي تو...
انا:باهي قداش تاخو وقت نتيجة تحاليل
هو:ساعتين هكاك
انا:باهي مرسي
دوب ما مشى قربتلي رغدة تحكي
رغدة:كلينيك ساعتين صبيطارات عنا اضرب بالاسبوع على تحاليل ايه فلوس تعمل كل شي
ضحكتني في عز غشي المڨصوفة
هزو هيفاء عملت سكانار و كل شي لازم ....تعداو ساعتين و نستنى على نار نعرف شفما شنوة الي عندها...
دخلت لعند طبيب في بيروه...اشرلي بيدو باش نقعد..قعدت نغزر لورقة تحاليل في يدو يقرا فيها و تصويرة سكانار...بلعت ريقي بالسيف...نحس في قلبي مقبوض..حط الورقة و نحا ليناتو يحكي
هو:مسيو نحب نخبرك بشي اماا قبل كل شي نقلك الي علاج طور عنا و معادش شي يخوف...صراحة المدام عندها ورم في راسها...و شي هذا مع الوقت باش يأثر عليها اكثر و خاصة انها حبلة يعني يلزم تنحي الصغير باش تنجم داوي خاتر الصغير موش باش يتحمل قوة الدواء و كان صار و حبت تخليه نقلك الي 80% تنجم تموت وقت الولادة..و هنا انا نقلك يا صغير يا مرتك
كلامو لتالي رهوجني...يعني صبهملي لكل المصايب...
نفرك في يدي من العصب و الخوف نفس الوقت كيف باش نخبر هيفاء...اكيد باش نختارها هي موش صغير تو ربي يعوضها بصغير اخر...*نورهان منصوري*
هو:انا تو نحكي مع المدام و معايا اخصائي نفسي..
هزيتلو براسي باهي...
خرجت من عندو تركزت بيدي عالحيط حسيت دنيا دارت بيا...مهما يكون انا معاشرها سنين و عشت معاها الباهي و الخايب و عمري مكرهتها...فيقني من سرحتي صوت تاليفون...جبدتو من الفاست نشوف في نومرو منعرفوش
انا:الو
هي:مسيو ارغد معايا
انا:ايه شكون معايا
هي:مسيو مراد يحب يقابلك ليلة في ريستو ****
كبست على تاليفون في يدي..
انا:وقتاش
هي:ليلة مع تسعة
انا:واضح
علقت تاليفون ... شنوة يا مراد مزروب على قضاك....نشوف اخرتها معاك....اكيد باش يقلي شي ولا باش يحاول يشريني باش انا نسكت نتوقع منو كل شي تو اما لحق الوقت نخرج اسوان من البلاد قبل ماتتقلب على ريوسهم و يولي لعب كبارات و اعلام كل يوم يحكي في تلفزة...يلزمني نبعدو من هنا و نحرم عليه الهبوط مهما كلفني الامر.
الحلقة 16
واقف قدام المراية نقفل في شوميز.....هزيت راسي نشوف فيها ورايا هازة ا في يدها الفاست باش تلبسهالي..تنهدت تلفت خذيتها من يدها لبستها...ستواتلي كول شوميز...نحاتلي سلسلة من رقبتي...شدتها في يدها كبست عليها تغزرلها و تحكي
رغدة:هاذي متاعي ولات موش هكا
هزيتلها براسي اي...
رغدة:اوعدني تسمعو كهو و ماتتسرعش في تصروفاتك
حطيت يدي على خدها...
انا:يعني تخاف عليا
هزتلي براسها اي...حضنتني بكل قوتها..عقدت حواجبي مستغرب...حطيت يدي ورا ظهرهاا و يد على شعرها..
انا: شفما يا رغدة صار شي
تحكي بصوت متقطع نبرة متع خوف..
رغدة:منعرفش نهار صعيب ليوم بعد ماسمعت الي هيفاء مريضة زيد مراد طلبك و اناا منيش مطمنة...اقعد ماتمشيش عيشك انا معنديش غيرك كان صارلك شي انا شكون بيا
كبست عليها في حضني اكثر...وصلني احساس الي هي تحبني اول مرة تتصرف هكا معايا...غزرت للمنڨالة في يدي...وقيت نمشي...
انا:رغدة اغزرلي
هزت راسها...عيونها مليانين دموع...لدرجة المڨصوفة حساسة...مسحتلها دموعها...بستها من جبينها...
انا:متخافش عليا باهي ! انتي تو ارقد ماتخمم في شي و انا اكيد باش نرجع لعندك..و تهنى مراد معندو مايعمل تو
هزتلي براسها باهي...
رغدة:باهي ردبالك على روحك امان
انا:باهي...
تبسمتلها و خرجت..دوب ماوصلت راكيت الكرهبة...دخلت لريستو مظخم و كلاس..دورت عينيا على الموجودين لكلهم من الاحزاب و من الروس الكبيرة متع البلاد...تبسمت على جنب...لفت راسي على اليمين نلقاه قاعد في اخر طاولة...كل خطوة نمشيها نحس روحي على حافة الموت نعرف مانوصل نفضح كل شي كان ما دم يسيل...يكذب كان يقولو مفماش قتل في الخفاء لا فماا كل شي في بلادي و بالنظافة زادة...جبدت كرسي و قعدت...مامديتش يدي ختى نسلم عليه...نلقاه طالب زوز كيسان وسكي...دزيت كاس بيدي شوي...حطيت يديا زوز على طاولة...بقيت نغزرلو نثبت في ملامحو....نشوف في كعبات الشيب...لحية البيضة..تجاعيد في جبينو...عيونو الي كي صقر...كنت نعتبرو مثالي الاعلى اما يااا خيبة المسعى..خذيت نفس نبرد في دمي....تنهدت نحكي
انا:نسمع فيك
ترشف من كاس...شعل سيڨار شوكولا...ضيق عينيه يحكي
مراد:نسمع فيك ارغد شتحب مللخر
تبسمت باستهزاء...ضربت بيدي على طاولة بالشوي
انا:و تسأل زادة...اوك ناخذك على قد عقلك صغير و نجاوبك..نحب نحضر في نهار اعدامك و بلاد كااملة تصفق و تزفر و الفلامات تشعل و الغناء و الرقص...هذا اش نحب...اماا مايكفيش قبل نهار اذاكاا باش نخليك تتمنى لموت كل ثانية باش نخليك تحضن لموت بكل جوارحك...باش نخليك تلعن 12 سنة كاملين و تتمناهم يتمسحو من تاريخ عمرك...لكلكم ذيابة لكلكم خايبين معندكمش لا احساس لا ضمير...
مراد:متنجمش تعمل شي يا ارغد...تنساش دولة اقوى من كل شي..
انا:ربي فوق الكل هو الاقوى منكم الكل...و بالنسبة لدولة حسابها مع الشعب و انا الي باش نهيجو الشعب
مراد:اما انتي مشكلتك معايا و لحكاية الي صارت بينا شمدخل السياسة
تبسمت على جنب...وخرت لتالي تكيت .ظهري عالكرسي..
انا:اممم مثلا الاثار الي تهربو فيه انتي و زوز وزراء و الزطلة الي قاعدة دور في الحومة *** شكون يروج فيها اه و فيلا الي في **** متع الفسق و الخمج تابعة شكون اه و تعطي في رشوة للحاكم نزيدك ولا يزي...
وجهو صفاار طفى السيڨار...عدا يدو على وجهو...شرب كاس ماء
مراد:و علاش تعمل في هذا لكل حكاية و مشات على روحها من 12 سنة
هزيتلو براسي لا برشا مرات..
انا:لا لا ماوفا شي...تو بدا كل شي...علاش جبتني الهنا
غزرلي درا كيف...جبد تصويرة من جيب فاست متاعو...رماها قدامي على طاولة...هزيت نشوف فيها...حليت عينيا على وسعهم...هاذي تصويرة رغدة..
ڨحرتلو ڨحرت موت نحكي و نرص على سنية
انا:مراااد تلعبش معايا
مراد:ساعة تصلح وجه جديد مزيانة ستيل و مطلوبة برشا
انا:مراااد اسكت
مراد:اغزرلي مليح ارغد...انتي الي متلعبش معايا...انا مدمرتلكش حياتك و يظهرلي جيتك و قتلك سامحني و عوضتك موش هكا! مافهمتش شتحب جاي تحكي على سياسة اش دخلك فيها ردبالك صدقني يرموك ورا الشمس
كبست على تصويرة في يدي...
انا:عوضتني! و قتلي سامحني! لا لا مايكفوش...انا قتلك الي عندي..باش نبدا بيك انتي لول و مبعد مصطفى و سلطانة و مبعد زهرة الا مانحطمكم واحد واحد يا مراد...و ارغد القديم انتي قتلتو...انا مايقدر حد يهددني..و كان انتي و الاحزاب متاعك عاملين عصابة و باش تحاربوني في نوار...انا نحاربكم بالقانون....القاانون موش رشوة اناا مندفعش رشاوي كيفك...
نطرت الكرسي و خرجت...نحس في خنقة...نفس ضياق في صدري...نتنفس بالسيف....حليت قفالي الشوميز..نعدي في يدي على صدري...نحاول ناخو نفس...راسي ثقل...الي هبلني يحكي بكل برود على الي عملو معايا و يزي يقلي عوضتك...طلعت في الكرهبة...منعرفش وين نمشي...نسوق و كهو لقيت روحي على شط...هبط الشباك تكيت كرسي لتالي شوي..نسمت البحر فرهدتني...حسيت نفس متاعي تنظم...كيف يقدر يهددني برغدة...مستحيل نخليه يضرها...فيقني من سرحتي صوت تاليفون...جبدتو نشوف في نومرو تبسمت هزيت نحكي
انا:مرقدتش
رغدة:امم وينك شبيك لتوا
انا:هاني جاي ماتتحيرش...
رغدة:و انا هاني نستنى فيك
علقت تاليفون...اول مرة نحس شكون بخلاف اسوان يحس بيا و يفهمني مغير مانحكي...رغدة الي دفنت حبها من 4 سنين ملي كانت 15 سنة و انا نعشق فيها صح فما شوي فارق العمر امااا مانبانوش بحكم هي فاخرة شوي...و العشق مافيهوش سن...ديماريت الكرهبة...وصلت لدار...دوب مادخلت عرضتني في صاله...قربت لعندها..طبست عليها همست في وذنيها..
انا:شرايك كان نخرجو تو
رغدة:تو!
انا:اممم صراحة مخنوق نحب نبات ليلة في الشط
هزتلي براسها باهي..
انا:باهي البس مليح خاتر باردة
رغدة:باهي نمشي نلبس و نجيك
دوب مامشات...جبدت تاليفون بعثت ميساج...و رجعت سكرتو...هزيت راسي نلقاها واقفة تقفل في قفالي الكبوط...شديتها من يدها و خرجنا...ثنية كاملة ساكتين...وصلت لشط...سكتت الكرهبة...تكيت راسي تالي..خذيت نفس نحكي
انا:كل شي جاني مع بعضو يا رغدة معادش عارف كيفاش نعمل...كيفاش نتصرف...هيفاء من جيهة و هما من جيهة...
رغدة:هيفاء متخممش فيها انا باش نكون معاها تهنى
انا:اماا هي خيرت صغير يعني تنجم تموت او حتى صغير ينجم يموت قبل مايتولد
رغدة:ماهوش باش يصير شي..هي في المرحلة الاولى من المرض...و زيد طبيب طمنا موش هكا! نقصد الاخصائي قال عكس كلام طبيب لاخر...
انا:ايه صح ربي يستر و كهو
رغدة:ارغد نجم نسألك و تجاوبني بصراحة
لفت وجهي عقدت حواجبي مستغرب هزيتلها براسي باهي...
رغدة:شنوة باش تستفاد كي تنتقم من امك و بوك و تفضح مراد يعني ماتربح كان فضيحة ليك و لخوك...علاش تحب تقلب البلاد بالخبر...يعني ينجم كل شي يجي ضدك تنساش شي هذا تنساش الي بلدنا تمشي كان بفلوس تحت الطاولة يعني تنجم انتي في اي لحظة تخسر كل شي
انا:نعرف الي انا توا على حافة الموت نعرف الي انا في ريسك و بين ذيوبة..و نعرف الي في اي وقت لعبة تتقلب ضدي...اماا مهما يصير منيش باش نسلم في حقي و حق برشا كيفي باهي رغدة !
هزتلي براسها باهي...تبسمتلها...جبدتهاا لعندي حطت راسها على صدري..بستها من جبينها...
انا:متبعدش عليا و كهو
زدت لزيتها ليا اكثر...وجودها جنبي يرتحني بصفة غريبة..بقيت محاضنا لين رقدناا....محسينا على شي..
كل الي يهمني هي معايا و كهو...نحبهاا لا لا نعشقها...نحب نقلهاا كلام هذا اماا هي معطااتنيش حتى فرصة يمكن هي خايفة لا نخليها خايفة من اي شي اخر منعرفش...اما الفايدة هي عندي و في حضني مانحب شي اخر انا هكا مالك الدنيا
---------‐------------
عصام يحكي...
تعداو ايامات كي بعضهم مقابلت حد من ليلة العرض...غير جاني ميساج البارح فيه معلومات لتسليم و كهو...
ترشفت شوي من كاس جو...جيت باش نقوم وقفتني امي تحكي
دليلة: عصام شعملت لقيتهم
هزيتلها براسي لا
دليلة:زيد ارجع لميتم اكيد تو تلقى شي يوصلك ليهم
انا:باهي امي خليني نمشي تو
نارين: كمل فطورك
انا:روحي كل مليح انتي الي يلزمك تتغذى
دليلة:اي صحيح بنتي راك موش قاعدة تاكل مليح..
نارين: نا لباس متڨلڨوش عليا هاني ناكل
انا:باهي تستحقو شي كلموني ردوبالكم على رواحكم
قربت بستهم زوز و خرجت هما احلى شي في حياتي لكل نتمنى منخسرهمش..و نتمنى نلقى عايلتي في اقرب وقت و علاش لوحوني بطريقة هاذي...حسب ماقلي مراد هما لباس عليهم و عندهم نفوذ...كيف باش نعرفهم حتى لقب معطانيش...حاطتني تحت صباطو ساقط...طلعت في الكرهبة جبدت تاليفون...ركبت شريحة اخرى...كومبوزيت نومرو...نحكي
انا:زياد شعملت
زياد:كل شي منظم يعني تهنى مايشكوش فيك
انا:منحبش نتكشف تو خليني نعرف عايلتي ساعة
زياد:تهنى عصام كل شي مريڨل انتي اعطينا الاشارة كهو
انا:باهي
علقت تاليفون...ديماريت الكرهبة...وصلت للاوتيل نلقاه قاعد في البيرو يستنى فيا...جبدت كرسي قعدت...
انا:ليوم المهمة باش تم في سهرية
غزرلي مستغرب...
ارغد:تسليم اثار في سهرية هههه شنوة مزال اخر في هالبلاد
انا:مايهمناش احنا عبارة على عبد مأمور
ارغد: و انا شنوة مربوحي
انا:120 مليون جاوك شوي!
ارغد:هههه راني حاط مليارات في وتلا و معمل شنوة 120 مليون نسهر بيهم في ليلة ...لا شوي
انا:مالة قداه تحب
ارغد:مليار
تبسمت على جنب
انا:مستحيل سالم يمدلك مليار
ارغد:شكون سالم
انا:راجل الي ليلتها مع مراد
ارغد:اممم اسمو سالم
انا:اي المهم ليلة نتلقاو في سهرية
هزلي براسو باهي...ستويت الفاست خرجت...ديماريت الكرهبة...شديت فران قوي قدام الميتم...كبست عالفولون بيدي...علاش لوحوني هوني...مخمموش فيا جملة...نحيت سانتير و هبطت...كل خطوة نعملها قلبي يدق بالقوي...خذيت نفس و قربت للمرا نحكي
انا:عسلامة..نجم نقابل مديرة ميتم تو
هي:عندك موعد مسيو
انا:لا اما يلزمني نقابلها تو حكاية اكيدة عيشك..
هي:باهي لحظة مسيو
هزيتلها براسي باهي...مشات و عاودت رجعتلي
هي:تفضل معايا
تبعتها دخلت لعند مديرة سلمت عليها...قعدت عالكرسي نحكي
انا:اناا جيتك عندي برشا حبيت نعرف من 36 سنة شكون جابني لهنا يعني اكيد فما حد صحح ورقة هوني اكيد فما شي قانوني
هي: وي تذكرتك و قتلك مفما شي هوني..يعني حسب ما سإلت مدير الي كانت قبلي قتلي الي لقاوك قدام مكتب في كرذونة...و ولاد الحلال جابوك لهوني كهو
انا:يعني مفماش امل نعرف اي شي
هزتلي براسها لا..
بقيت نغزرلها...منعرفش علاه حاسها مربوثة...اناا نحب نلوج وحدي ما غير مانستناه يقلي خاتر موش باش يعلمني قبل ماانتمملو اكبر عملية باش تضر لبلاد...بقيت مركز معاها...تاليفونها صونا علقت وجها حمار...موش بعيد يكون هو يراقب فيا و موش بعيد زادة يكون مهدد المديرة باش متقوليش شكون جابني هنا...
انا:باهي مرسي...اما...
وقفت و دورت لعندها طبست عليها نغزر لعينيها
انا:اماا باش نرجع لعندك..ستناني
غزرت لتاليفونها و رجعت غزرتلها..
انا:هز عليه طمنو
تبسمت على جنب ستويت فاست متاعي حكيت خشمي عملتلها بيدي باي باي و خرجت...
دورت عينيا عالبلاصة..لمحة موتور كبير..واقف جنبو راجل يبربش في تاليفون باينتو هو الي يتبع فيا...طلعت في الكرهبة...،طرت عجاجة.....نغزرلو يمشي ورايا...حاولت نضيعو دورت بيه الف دورة...لين ضيعتو جملة...بقيت ندور هكاك لين قرب المغرب رجعت لدار...طلعت طول لدوش...دوشت و لبست دبشي...جبدت سلاح حطيتو ورا ظهري و واحد ربطو في سااقي تحت سروال...طلعت راسي نلقاها تغزرلي...حمحمت نحكي
انا:نارين وقتاش دخلت
نارين:تو...ياخا وين ماشي
انا:صاحبي عامل سهرية ماشي لعندو
نارين:اممم فما نساوين موش هكا ...ڨول تراه
تبسمت و قربت لعندها حضنتها
انا:مهبولة حتى لو كان فما باش نغزر لغيرك انا
نارين:اي علاش لا شوف نا وليت كي الدبة سمنت برشا اكيد معادش نعجبك
انا:دبوبة و محلاك اصلا من قبل دبوبة و نحبك شنوة الي تبدل تو
بوزت شفاايفها كي صغار حطت يدها على كرشها
نارين:بنتك سمنتني
انا:بوزين امها..نعشقك كيف ما انتي هيا خليني نمشي تهنى نوخرش عليك باهي!
هزتلي براسها باهي...بستها جنب شفافها و خرجت...تعديت طمنت على امي...بستها من يدها و خرجت...جبدت تاليفون بعثت ميساج لارغد...ديماريت كرهبة...وصلت قدام الفيلا...غزرت للمنڨالة في يدي نزلت عالفلسة...الوقت التنازلي بدا...جبدت تاليفون نحكي
انا:زياد صايا
زياد:باهي ستنى مني اشارة الخروج...و خليهم ياكلو بعضهم..
انا:باهي
هبطت من كرهبة...نلقى ارغد يستنى فيا لبرا...دخلنا...دورت عينيا عالبلاصة...ملغمة بالكاميرا...
ارغد:ياخي مراد موش موجود
انا:مراد مايحضرش في حتى عملية يعرف يستلم و كهو
ارغد:علاش
انا:الريسك صاحبي
ارغد:باهي كيفاه باش يصير تو ياخي متخافوش لا الحاكم يهد علينا
انا:حاكم بيدو معاهم يا ارغد مالة شنوة تسخايل الي يضرو في البلاد هماا نفسهم الي يخرجو في تلافز و يقولو احناا نحمو فيكم
ارغد:برسمي عايشين كالعبيد معاهم بلاد الظالم هاذي
انا:خلينا منهم احنا نخدمو خدمتنا و نڨطعو
ارغد:باهي بديت نتخنق راه
انا:هاو قربب العشرة متع ليل معادش برشا
كل شوي نغزر للمنڨالة...كل مرة عيني عالباب...لمحتهم جايين من بعيد و المنڨالة فبرات في يدي...دورت يدي جبدت سلاح من ورا ظهري...شديت ارغد كبست عليها...
غزرلي مستغرب...عاقد حواجبو...
ارغد:شفما
انا:اسمعني مليح يلزمنا نمشيو من هنا
ارغد:اما مزلنا ما...
قص علينا صوت الكرتوش....نغزر لواحد باش يضرب ارغد من تالي...هزيت الفرد و ضربتو....طاح دمو سايل....جبدتو من يدو و هربناا...حتى كراهب خليناهم....خرجنا من باب تيلاني نلقى زياد...حليت باب تيلاني دزيت ارغد طلعتو طلعت انا من قدام نلهث..
انا:امشي زياد فيسع...
نسمع فيه من تالي يحكي بصوت يرعش
ارغد:قتلتو انتي قتلتو علاش تقنل فيه كيفاه نجمت تقتلو..
بعدنا عالفيلا حبس زياد الكرهبة تلفت يحكي معاه
زياد:مسيو ارغد هدي روحك
ضرب الكرسي بيدو يحكي بصياح
ارغد:شكونك انتي اصلا....كيفاش نقلي هدي روحك...عصام قتل روح راو تو تعرف شمعناها قتل انسان خلاه غارق في دمو..وين باش تلقى حسابك عند ربي...اسمع من ليلة لا تعرفني لا نعرفك معادش نحب شي باهي...
زياد:سي ارغد تنجم تهدي روحك و تسمعني...
انا:ارغد راجل كان باش يقتلك كنت باش تموت انتي و انا نقذتك و في عالم هذا الموت بالموت
يرعش في ساقيه من العصب...
ارغد:خليني نموت اشيهمك المهم ماتقتلش انسان
انا:اسمعني مليح انسى كان باش تخرج من لعبة هاذي مراد مستحيل يسمحلك و موش انتي ضد تهريب اثار لبلاد...نحب نقلك اثار رجع لدوله و لشعب اولى بيه..لا مراد لا غيرو خذاه
امشي زياد وصل ارغد لدارو و مبعد شوف شكون يجيب الكراهب
بقى يغزرلي مستغرب موش فاهم شي...وصلنا و هبط يمشي بالسيف دخل لدار...
انا:زياد...راجل مصدوم
زياد:اش مدخلو في هالعالم من اساسو...
انا:منعرفش اكيد فما شي ارغد موش من نوع الي يحب حكايات هكا
زياد:المهم تو يلزم تتصرف كيفاه باش تحكي لمراد علي صار و خلي الميكرو ديما تحتك باش كان يصير اي شي نكونو احنا موجودين في الوقت
انا:باهي واضح
وصلني لدار....دخلت...نلقاهم راقدين...بدلت دبشي...و تمديت جنبها...حضنتها من تالي...نشم في ريحت شعرها...بستها من كتفها...غمضت عينيا نحب نرقد نرقد و نفيق نلقى كل شي وفا نلقى عايلتي دايرة بيا...و بنتي في حضني...و نرجع لخدمتي و نكمل حياتي عادي...كيف غيري كيما اي مواطن في هالبلاد...
الحلقة 17
ارغد يحكي
ليالي مرقدتش ...كل مانرقد نحلم بلي صار...مشهد راجل وهو مرمي غارق في دمو محبش يتمحا من مخي...كيف يقدر عصام يقتل كيفاه عطاه قلبو و جاتو جرأة يقتل انسان..لا مستحيل نكون كيفهم...تقعدت شوي نغزر للمطر و شجرة الي قريب تتقلع من قوة الريح الي يهب...غمضت عينيا تذكرت رغدة و هي دور تحت المطر...حليت الباب و خرجت لجنينة ح فردت جناحاتي طلعت راسي غمضت عينيا...خليتةقطرات الماء يتغلغلو داخلي...حسيت بغصة و وجيعة في صدري...تذكرت اسوء ليلة ليلة في حياتي و اناا تحت المطر نرعش بكلي و حد ماتلفتلي...كبست بونية يدي..صحت بالقوي...لين حسيت عروق راسي باش يطرشقو...هبطت على ركايبي نبكي بالشهقة عندي برشا مبكيتش هكا...عيطت بأعلى صوتي "باااااااباااااا"
دموعي يحرقو على خدي في عز البرد...حسيت بيد على كتفي...مسحت دموعي خذيت نفس...لفت وجهي نغزرلو...وقفت مقابلو...باقي نشوف فيه ضباب من كثرت المطر....نحا شابو متاعو رماها...نحا كبوطو رماه يحكي
هو:مايجيش تمرض وحدك
انا:برا امشي
هو:علاش متحبش تعرفني على مرتك و مرت اسوان
انا:شنوة! و علاش
هو:هكا..
انا:عيشك موش وقتو
هو:انتي جبان
انا:اي جبان خواف و منيش باش نجم ننتقم اذا كان انتقامهم بالقتل بطلت
هو:انتي بالقانون باش تحاربهم
انا:قانون مايمشيش مع ناس لكل في لبلاد هاذي احسن شي نهز مرتي نهج من هنا
هو: يعني استسلمت قبل ما تبدا
قربت لعندو...غزرت لعينيه...
انا:تاعب تعرف شمعناها تاعب! نفسيتي عالحيط
هو:باش ترتاح على قريب يلزمك تكمل...خاترك شفت راجل مقتول صار فيك هكا...ارغد كل يوم قتل راو ارهاب شكون دخلو اه
انا:الي كي مراد و غيرو
هو:وفى مالة انتي باش تاخو حقك و حق المظلوم الي في بلادك...حكايتك انتي باش تخلي الملايين يحكيو و ينفجرو بنفس سرك...
انا:و تتقلب على ريوسهم و موش بعيد رئيس يڨطع...اصلا هو في غيبوبة بلاد ضاعت
هو:تحب تراه!
حليت عينيا على وسعهم هزيتلو براسي اي برشا مرات
هو:كمل انتقامك تو يجيك هو بساقيه
عينيا دمعو حضنتو بكل قوتي
انا:كان تعرف وينو هزني ليه معادش نجم عذاب اكثر من هكا...موش قتلي تعتبرني كي ولدك الله يرحمو عيشك هزني ليه
طبطبلي على ظهري
هو:باهي منحبكش هكا وينو ارغد المتكبر القوي وينو الي غزرتو تذوب رجال بشلاغمها..هيا عيش ولدي
جبدت روحي شوي...هزيتلو براسي باهي...
انا:باهي نوعدك نكمل الي بديتو
هو:نخليك توا ادخل داخل ارقد و متخمم في شي..و تهنى حد ما شافني و انا جاي لعندك...اصلا ساعة متأخرة و لكل راقدين...
انا:باهي تو نكلمك
تبسملي هزلي براسو باهي و هز شابو و كبوط منفخين و خرج...خذيت نفس و دخلت طلعت للبيت تشفت حالتي بدلت دبشي و تمديت عالفرش...حضنتها من تالي..و غفيت...نحس في يد تمسح على وجهي..دوب ماحليت عينيا تنطرت من الفرش...
انا:هيفاء شتعمل هنا
هيفاء:توحشتك
دورت عينيا عالبيت...
انا:رغدة ويني...تي قداش الوقت تو
هيفاء:ارغد عيشك ارجع معايا كي قبل على الاقل هالستة شهور راو باش نخليلك صغيرنا انا باش نموت ارغد..عيشك تزيدش تعذبني اكثر
غاضتني عللخر...سخفت على حاالها..جبدتها لعندي عنقتها...هي خيرت حيات صغيرناا على حساب حياتها...مكانتش انانية...بستها من خدها...
انا:متأكدة في قرارك
هزتلي براسها اي و مسحت دموعها...
هيفاء:نطلب منك طلب صغير
انا:اكيد
هيفاء:تخرج معايا ليوم نعديو نهار مع بعضنا
نشوف عينيهاا مليانين دموع ولات حساسة برشا...منجمش نرفض طالبها في حالتها هاذي...و رغدة يلزم تفهم شي هذا...
انا:باهي حضر روحك
باستني من خدي...
هيفاء:مرسي ارغد
تبسمتلها و خرجت...رجعت تكيت لتالي...عديت يدي على وجهي....كيف باش نقول لرغدة تو برا عاد اش يفضها...
بقيت هكاك لين دخلت رغدة هزيتها و حطيتها كيف لابسة...تقعدت بنطرة...شديتها من مرفقها
انا:كيفاش خرجت هكا قدام اسوان
رغدة:اسوان مهوش في دار و كنت عند فاطمة و شبيني ياخي عريانة
انا:كالسون ياسر مسنتر و مريول زادة مفصلك صدرك اسمع ارجع البس جلباب
جبدت يدها...حلت درسينغ
رغدة:شوف هذا لكل شريتو انتي ولا انا غالطة!?
انا:اي تو نشريلك غيرو و طيشو
دوحت راسها هزتني و حطتني
رغدة:عندك حق ا وخي فلوسك برشا لدرجة متعرفش وين تحطها..
جيت باش نتكلم حلت هيفاء باب...
هيفاء:هيا انا حاضرة
غزرت لرغدة الي عاقدة حواجبها...مرة تغزر لهيفاء مرة تغزرلي...
رغدة:وين على خير
حكيت راسي من تالي...خرجت الكلام بالسيف
انا:خ..خارجين..اممم شرايك تمشي معانا
تلفت لهيفاء وجها صفار عللخر...الله غالب نجمتش نعمل هكا و نوجع رغدة اكثر...
رغدة:لا برو على رواحكم انا بطبيعتي تاعبة
سكرت درسينغ طبست راسها و تعدات...قربتلي هيفاء بزربة جات باش تحكي قصيت عليها
انا:برا استناني في الكرهبة نلبس و نخلط
هزتلي براسها باهي هزت مفتاح و خرجت...نفخت بعصب لبست الي جا قدامي و خالطت عليها...
رغدة تحكي...
دوب ماخرجت من البيت...حطيت يدب على فمي...دموعي نزلو...نار الغيرة شعلت فيا...اي نا غرت عليه...علاش باش ننكر علقل نصارح روحي بشي هذا...وجوجها مزال مقلقني و حكاية مرضها موش قانعتني...هبطت للكوجينة...تركزت بيدي عالرخامة نرد في نفس...بقيت عاطية بظهري لين سمعت باب تسكر عرفتو خرج...رجعت شعري لتالي حليت سبالة و غسلت وجهي...
باقي نحس في روحي مخنوقة...حتى فاطمة رقدت...حبالة تعبتها...طلعت للبيت لبست كابوطي و لبست البوني...هزيت تاليفون تحتي و خرجت...منعرفش وين ماشية امااا نحب نمحي هالاحساس و الوجيعة الي سااكنة فيا...نمشي في طريق هايمة...نكر في ساقي بالسيف...اصلا بلاصة منيش حافضتها....جيت باش نقص الكياس و حسيت بيد جبدتني لتالي...راسي تضرب في صدرو...طلعت راسي نغزرلو..هزيت حاجبي مستغربة...شبيه تبدل...لحيتو هااايجة و شعرو طوال...
باسل:تو نورمال انتي الكرهبة كانت باش تضربك
بلعت ريقي بالسيف...حسيت بيدي وجعتني...
انا:ي..يدي باسل..
رخف يدو...عدا يدو على وجهو
باسل:سامحني...اما تخيل كان مشفتكش انا بالصدفة شنوه كان باش يصير فيك...
انا:شتعمل هنا هاك قريب لدار شبيك مطليتش
حسيتو دخل بعضو ولا درا كيف
باسل:لا لا تعديت بصدفة و كهو...صار انتي توحشتني
استغربت من سؤالو اما مابينتش...
انا:حتى ارغد توحشك
عوج فمو...عملي براسو هيا
باسل:هيا نمشيو نعملو قهوة خير ملي قاعدة دور من بكري في البرد
انا:كيف عرفت من بكري ندور!
باسل:اه لا نقصد اكيد انتي دور من بكري باينة يعني..
انا:باهي اما مقلتش لارغد خليني نرجع لدار
جبدني من يدي
باسل:منبطاوش شوي كهو نحب نحكيلك شي كيما انتي رتحتلي حتى انا نرتاحلك برشا
بقيت نغزرلو و ندور لحكاية في راسي...هزيتلو براسي باهي..تبسملي و طلعت معاه في الكرهبة...و نفس الوقت مخي في ارغد و هيفاء..زعمة فاش يعملو تو...
باسل:فاش سارحة
انا:لا شي
باسل:باهي هيا انزل
هبطت من الكرهبة...دخلنا للقهوة...نزلت كاس جو نفرك في يدي منيش مرتاحة جملة...
باسل:نحبك تساعدني...
انا:على مانقدر سي باسل
باسل:نحب طفلة اماا هي موش عارفة باحساسي...و زيد اناا مفقت بروحي نحبها كان بعد مدة..
انا:اييه و انا فاش تحبني نسااعدك..
باسل:منعرفش اما...
قبل مايكمل كلامو...صوتو زعزع القهوة الكل..ناس لكل تلفتت جيهة طاولتنا...لفت راسي...نغزرلو واقف كابس بونية يدو و هيفاء وراه..
ارغد:باااااسل
وقفت من بلاصتي نرعش بكلي...جيت باش نتكلم حط صبعو على شفااافي...سكتني
ارغد:ستناني مبعد في الاوتيل عنا مانحكيو...
شدني من يدي كركرني وراه دزني وسط الكرهبه نسمع فيها تحكي..
هيفاء:شفت كيف تتمعشق مع صاحبك من ورا ظهرك اكيد راو يتقاابلو عندهم برشا...
ارغد:منيش ناقصك اطلع خنروحو...
طلع يسوق بسرعة...وصلنا لدار...منعرفش علاش خفت هبطت طول حليت باب طلعت نجري سكرت باب البيت بالمفتاح...تذكرت اكا ليلة الي عطاني فيها طريحة...لحمي زوغب....تنطرت من ورا الباب على صوت دقاااتو و صياحو
ارغد:حل ر*** الباب...رغدة حل باب قلي فاش كنت تعمل كيفاه تخرج من غير ماتعملني...طحان متاعك انا اه تي حل ر*** الباب لا نكسرو عليك تو
وخرت خطوات تااالي...حطيت يدي على فمي دموعي نزلو...قلبي يدق بالقوي...بعد لحظات و الباب تخلع و قلبي تخلع معاه...و دخل بكل قوتو و العروقو الباينة من العصب..وجهو اعمر باش يطرشق صدرو يتهز و يتحط...نفس متاعو الي يحرق وصل لعندي...
ماشي و يقرب لعندي و اناا نوخر...لين طحت فوق الفرش...
#
الحلقة 18
ارغد يحكي...
بعد ما شفتها معاه...نحس في دم طلع لراسي..و خاصة كي يذبللها في عويناتو باسل و قاريو قراية....كيفاه يتجرأ يخمم هكا لوين يحب يوصل...و هي كيفاه توافق تخرج معاه و نسات الي انا راجلها...نشوف فيهاا ترعش بكلها فوق للفرش عينيها حمر من كثرت البكاء تهزلي براسها لا....مفهمتش لا على شنوة....نحيت الكبوط رميتو...قربت لعندها جيت فوقها..حصرتها بيدي منا و منا...حطت يدها على وجها..تبكي بالشهقة...قلبي عصر عليا...يعني هي خايفة لا نضربها..و انا مستحيل نعمل شي كي هكا انا وعدتها اخر مرة...اماا الي شفتو و سمعتو خرجني من عقلي...خذيت نفس نهدي في روحي...نحيتلها يدها من على وجها...بلحق طفلة صغرونة تو هاذي وحدة معرسة يا ناس
انا:يزي من البكاء...ياخي تعمل عملتك تخرجني من ام عقلي و مبعد تولي تبكي
تحكي بصوت متقطع غالبتو شهقة
رغدة:انت كي خرجت مع هيفاء انا قلقت و فديت ياخا خرجت و بعد عرضني هو والله هذا الي صار
انا:و تمشي تتقهوج معاه علاش !!! و زيد من فوق يقلك نحب و درا شنوة
رغدة:خا..خاتر هو...
قص على حديثنا اسوان...جبدني من فوقهاا...دزني عالحيط...
اسوان:ياخي هبلت شبيك على طفلة و هكا كسرت باب ملة جادور ياخي حصان مسيب انت شوف طفلة ركبتلها رعب...قوم رغدة برا حذا فاطمة ..
هزتلو براسها باهي و خرجت تجري...عضيت على شفتي..يعني الي قلها اعمل تعملو و انا كي نحكي لصباح لا تفهمني...مڨصوقة زايد...عديت يدي على وجهي
انا:شتحب انت تو
اسوان:جيت باش نخبرك الي كلمني جورج باش نسافر لميلانو اوتيل فيه مشكلة.قلي كلمك اماا متحصلش عليك
انا:ااه اي اي صح وصلني ابال منو اما مافضيتش نكلمو...باهي مالة هيا برا سافر...باش تهز فاطمة موش هكا!
اسوان:اي بلكشي نبطا غاديكا..باش نمشي نحضرلها وراقها نهارين اذوما و نهار الخميس نقصد ربي
انا:باهي برشا
اسوان:ارغد لباس ياخي صاير شي
تبسمت بالسيف...قربت لعندو حطيت يدي على اكتاافو..دورتو للمراية
انا:شوف مفما حتى فرق بيناتنا في البدن او الوجه...اما فماا فرق في تفكير و العقلية...
اسوان:علاش تحكي هكا
انا:نحب نقلك حاجة كهو مهما يجرا معانا منسلموش في بعضنا احناا مالنا غير بعضنا...يعني باش نواجهو كل المصاعب
هزلي براسو باهي...دار حضني...عارفو حاسس بيا و عارف قلبو و عقلو مشغوبين عليا...
اسوان:ماتحكيش هكا كاينك باش تموت عمر الكلب طويل ههههه
دزيتو طاح فوق الفرش...
انا:واطي زايد
اسوان:هههه مانفدلكوش هانا سكتنا...خليني نمشي و نقص من تجودير متاعك و اخطاها طفلة صغيرة و انت باب مايدخلكش كان تعطاها كف تو تموت يا هم و بالنسبة لباسل...مستحيل يغدرك هو عشيرناا نعرفوه ملي قرينا هنا...يعني زايد لحديث و زايد انك تشك فيه...
تبسملي و خرج...بقيت واقف نفس البلاصة..دخلت لصالدو تركزت بيدي على رخامة...حسيت بيها كي عنقتني من تالي...يديها نازلة على صدري..
هيفاء:متعصبش روحك حد مايستااهل...شرايك نمشيو ليلة لدارنا..توحشتك عللخر
باستنى من كتفي و تحرك في يدها بإغراء...اول مرة مانحس شي معاها محركتليش غريزتي كيما كل مرة...
نزلت على يدها نزلتهم لوطة..جبدت روحي تلفت لعندها..جات باش تبوسني من شفاافي..وخرت راسي لتالي
انا:هيفاء..اسمعني مليح انا راو ..
هيفاء:متقول شي ارغد...خليني نعيش معاك اخر لحظات حياتي و كهو
انا:هيفاء استنى اسمعني ...
شدتني من وجهي غطست في شفاافي...دزيتها بكل قوتي نسيت جملة الي هي حبلة...حمد الله مطاحتش...نفخت بعصب عديت يدي على شعري
انا:اول مرة و اخر مرة تعمل معايا هكا واضح! التزم حدك هيفاء...تنساش مرتي في دار
ضربت باب بيدي و خرجت...وصلت قدام بيت فاطمة جيت باش ندق الباب ندخل...حبست كي سمعتها تحكي...نزلت بوذني باش نسمع اكثر..
رغدة:منجمش نبقى معاه يلزمني نمشي من هنا مكانش يجي نهار و يڨتلني
فاطمة:وين باش تمشي ا وخيتي صدڨيني باش تلڨي ذيابة تستنى في لحمك تنهشو
رغدة:شوفي فاطمة لاهي بهيفاء و محواس مراعاش شعوري نا...و يلوم فيا كي لقاني مع باسل..تي عرضني بصدفة والله...شبيني نا ساكتة و متحملة و عشيقتو دور ڨدامي..
فاطمة:تحبيه ا طفلة
حطيت يدي عالباب نستنى فيها تجاوب...حسيت بروحي عرقت...عضيت على شفتي...سكوتها خلى قلبي يدق في المية...
رغدة:انحبو يا فاطمة..اما هو مايحبنيش..
نزلت على بونية يدي...كيف تقول مانحبهاش تي نعشقها...وخرت خطوة تالي...و خرجت من دار..طلعت في الكرهبة..خدمتها..جبدت تاليفون...
انا:بيرم وينك
بيرم:في الحومة صاحبي
انا:هاني جاي
بيرم:مريڨل صاحبي
علقت تاليفون و ديماريت...كل مانحس روحي مخنوق و مانيش طايق شي...نمشي لغادي...حومة شعبية ناس زواولة...اناا منهم و فيهم...بيرم تعرفت عليه من 12 سنة...تعرفت عليه بعد مصارت معايا الكارثة....وصلت للحومة راكيت كرهبة عالكياس...نهج ضيق نجمش ندخل بكرهبة غادي...سكرتها و مشيت لعندو...دقيت الباب خرجلي..لابس خلعة و شورط..
بيرم:اهلا ارغد لباس صاحبي هالخطا سعيد
انا:عيشك نجمو نمشيو
بيرم:عرفتك جاي عالحكاية هاذي..
هزيتلو براسي اي...
سكر الباب خرجنا...بقينا نمشيو لين وصلنا لدار...
بيرم:فيبالك قاعد تعذب في روحك
انا:بلعكس انا هنا نرتاح
بيرم:تي دار رماد...مبقااش منها شي...شعلت هي و الي في وسطها...اما لتوا مقتليش شنوة يقربولك الي ماتو في دار هاذي
دورت عينيا على دار لكل...
انا:هما حياتي لكل
بيرم:12 سنة نعرفو بعضنا...و لا نهار غصبتك تحكييلي الي مخبيه...و تو كيف كيف منيش باش نلزلك اكثر...خاتر باينتها حكاية توجع صاحبي...
جيت باش نجاوبو...سمعت حس خطوات...طليت بالشوي من البيت...نشوف في 3 اولاد...واحد يبيع في زطلة ولاخر يشري ولاخر يدور في سيڨارو..خرج بيرم لعندهم يحكي
بيرم:شوقي برا صاحبي بيع بعيد
شوقي:ااا ولد منية شتعمل هنا شنوة معاك شخطورة في الخربة
بيرم:تي طير عاد علاش تكسرلي في كرايمي
شوقي:باهي ماكش باش تشري تكلمي راسك
بيرم:لا عندي ما اقوى زطله موضة قديمة
ضحكو و خرجو...حطيت يدي في جيوب الفاست خرجت..
انا:ياخي نورمال اذوما
بيرم:وين عايش راك في بلاد الشيخة ههههه باش تنجم تعيش هنا لباس بيك بيع زطلة و تكيفها لين يهز ربي امانتو
انا:لدرجة مدمرين
تنهد و جبد سيڨارو شعلو تكا عالحيط
بيرم:انت مولود في القطن...شوف لبستك و ريحت بارفانتك ضربتني قبل مانحلك الباب...كرهبتك نهج مايدخلهاش تملك الوتلة و العالم درتو...و هذا كل عمرك 34 سنة..و ربي عطاك الزين زادة و بدنك راو يلمع من كرامات الخارج...اما نحنا يا صاحبي...هاك تشوف...سوى الي عمرو 18 سنة ولا الي عمرو 40 سنة تلقاه يسكر تحت الحيط و يزطل و يشم في الكوكا و تلقاه يبيع لمفرخ ليسيات...و تلقى بدنو مشلط و يوشم بزريقة السكر...و يلبس بالسرقة و نطرة...و الي يحبها مايخلطش يخطبها خاتر للا تحب صيغة صفرا و بيضة و حمراء...احنا هنا بطاله كيما حلاتي كملت قرايتي تخرجت و شهايدي كلاتها الغبرة... ساقيا حفات و انا نلوج على خدمة و مايدخلو كان بالمعارف...امي تلم في دبابز بلاستيك و تبيع باش توكل خواتي انا كل مرة نخدم المرمة...و نتحصر على شهايدي...و تعبي..مللخر صاحبي هاني نستنى في حرقة يا نحيا يا نموت ارحملي من هالعيشة في البلاد...ننصحك بحاجة كهو...منعرفش شنوة الي واجعك و شنوه سرك مع هالخربة...اماا انسى و كمل حياتك و متلوجش عالماضي...ماتخسر كان انتي
كمل تكيف سيڨارو و رماه...
بيرم:هيا نمشو
انا:ستنى نحبك تحكيلي على الي كانو يسكنو هنا
بيرم:انا صغير مانعقلش عليهم تي امي قتلي وقتلي دار شعلت انا عمري عامين
انا:باهي نجم نحكي مع خالتي منية تو
بيرم:باهي هيا اكيد تكون روحت تو
خرجنا و مشينا لدارو...دوب ماحل لباب...عرضتنا امو...باستني و فرحت بيا...قعدنا في صاله...جابتلي كاس تاي...قعدت جنبي
منية:لباس عليك وليدي اشنحوالك
انا:لباس عيشك لحقيقة نحب نسألك..
بيرم:امي احكيلو على العايلة الي ماتت في اكا دار الي في اخر نهج
تنهدت من عروش قلبها...
منية:اااه الله يرحمهم اكا نهار كان مصيبة و الحومة تقلبت و معرفناش كيفاه تحرقت دار واش الي صار بضبط..
انا:ميسالش تحكيلي الي صار
منية: انت علاش تقربلهم!
انا:اي
باهي مالة اسمع قصة حبهم لين نوصلو لنهار موتهم الي شوااني على صديقة عمري..
تعدات ساعة و هي تحكيلي و انا شدتني غصة متع بكاء...قمت مغير مانقلهم حتى كلمة....خالط ورايا بيرم ينادي...طلعت في كرهبة منعرفش كيف نجمت نسوق...نبكي بالشهقة...نضرب عالفولون بيدي....شديت فران قوي وسط الكياس...نحس في عرق باش يطرشقلي...معادش فيا...نفس تسكر عليا...حليت باب الكرهبه..هبطت حليت المان....جبدت منو ساك صغير...حليتو هزيت الفشفااشة...و شربت حربوشة...
ضيق تنفس عمل فيا...اي حاجة تخنقني...و دوخة تلعب عليا...كملت و ديماريت شديت ثنية...وصلت للبرطمان...دخلت طول لاكا لبيت نعدي في يدي على تصاورهم المعلقة....جبدت تاليفون نحكي
انا:اسمعني مليح اسوان يلزمو يبقى اطول مدة في ميلانو لين نكمل انااا و نجي غادي
هو:علاش تهرب في خوك خليه يحارب معاك
انا:لا عندك حق متعرفش اسوان عادي يقتلهم يدخل لحبس مايهموش...و انا منحبش دم يسيل نحب قانون ياخولي حقي انا و خويا
هو:انتي الادرى تو نحاول نخليه اطول مدة
انا:عيشك
علقت تاليفون...حطيت صبعي على صورة بابا ...هزيت ستيلو احمر...و شطبت عليها تبسمت على جنب اياماتك معدودة يا مصطفى قررت نبدا بيك انت قبلهم لكل...
جات على بالي رغدة و كلمتها كي قالت نحبو...اما الي نرفزني كي قالت انا منحبهاش يا هي بهيمة يا اناا معرفتش نوصللها احساسي...اماا تو كل شي داخل بعضو باش نضطر نخلي الحب اخر حاجة في حياتي..نحب نعيش قصة حبي و انااا مرتاح...
رميت ستيلو...هزيت دوسي...غزرت لمنڨالة في يدي...عوجت فمي على جنب...ايه موش مشكل المركز محلول في كل وقت و شرطة في خدمة الشعب...خرجت من دار...طلعت في كرهبة دريكسيون المركز...خطوة صعيبة عليا امااا تو لعب باش يكون بالمكشوف قدام ناس لكل..
عصام يحكي..
قاعد على عصابي...نرعش في سااقي....ستيلو في يدي قريب نقسمو...
انا:كيفاش يصير هكا كيفاش و الاثار احنا الي رجعناه لدولة كيفاه يخرج من بلاد من غير مانعرف..اكيد موش مراد عمل هكا اكيد فما خاين في وسطنا
زياد:يخون بلادو و يخسر خدمتو نفس الوقت
انا:البلاد مبااعة و سرقة من عهد الباي...يعني تو ماتستغرب من شي...انا ليوم ماشي للقريه باش نهز مرتي طل على دارهم غدوة نرجع يلزمنا نعرفو شكون عمل هكا...
زياد:باهي تهنى عصام
هزيتلو براسي باهي و خرجت..طلعت في كرهبة و جبدت تاليفون...
انا:نارين حضر روحك ربع ساعة تلقاني قدام باب اخرج
نارين:باهي روحي
ديماريت كرهبة...نشوف ارغد داخل مركز عقدت حواجبي مستغرب فاش يعمل غادي...كملت نسوق و عقلي معاه...
وصلت لعندها..دوب شديت فران هي خرجت هازة سااك...و قفة...هبطت حطيتهم في المان..طلعت جنبي ربطلها سانتير...شديت الثنية...
نارين:متوحشة يما برشا اماا باش نبقو ليلة كهو
انا:يا روحي نوعدك مرة جاية نخليك عندهم برشا هاك تشوف ظروف خدمتي كيفاه
نارين:اي نعرف والله ربي يخليك ليا
هزيت يدها بستها من منها...تعداو اربع سوايع في ثنية...وصلنا في ليل...راكيت كرهبة و هبطنا...دوب مدخلناا حضنت بنتها اماا تغزرلي دار كيف...من قبل العرس وهي تتصرف معايا تصروفات غريبة...دخلنا تعشينا ...هزيت كاس ما نشرب...نغزر لزهرة الي مركزة معايا...باينتها ناوية عليا ولا شنوة لحكاية هالعايلة تصروفااتهم غريبة مفهمتش شنية حكايتهم....حمحمت و عطيتها ڨحرت موت فماش ما تحشم و تلم روحها....مستويات منحطة....
زهرة:نا خليني نڨوم صحة ليكم
مصطفى: واشي الخدمة مليحة
انا:اي حمد الله
مصطفى:ايا باهي..ڨلي بله تڨابل في الاولاد
انا:تقصد ارغد و اسوان
هزلي براسو اي
انا:اي نقابل فيهم اما موش ديما...سامحوني نمشي نغسل يدي..
قمت مشيت نغسل في يدي...غسلت وجهي...حسيت روحي بديت ننعس طريق طويل تعبت....هزيت راسي نلقاها واقفة ورايا و سكرت باب تكات عليه...هزيت حاجبي مستغرب
انا:خالتي سلطانة لباس
سلطانة:انت تعرف من لول مانيش راضية عليه هالزواج نا ڨتلك منحبكش تعرس ببنتي انتم متجوش لبعضكم مهما يصير مايلزمكمش تكونو مع بعضكم اماا بنتي تو حبلة منك هاذي اكبر غلطة
انا:علاش تحكي هكا انا نحبها بنتك حاطتها فوق راسي..علاش تكرهني ياخي سمعت عليا و لا شفت مني حاجة خايبة و متليقش نكون نسيبكم!
قربت مني عينيها مليانين دموع...شدتني من اكتاافي نزلت عليا...
سلطانة:نا منكرهكش..ڨلي شكون سماك عصام
انا:موش موضوعنا قلي شنوة مشكلتك معايا...شنوة الي طالبتو مني
جبدت روحها..حطت يدها عالبواني متع باب...
سلطانة:طلڨ نارين و يطيح الكف على ظلو و نستر عاركم
ضحكت بتمسخير...عديت يدي على وجهي
انا:ياا شيخة عار شنوة رانا معرسين بنتك عرسها شاهدة عليه قرية لكل..شبيك تحكي بلغة هاذي اسمعني خالتي سلطانة نقدرك و نحترمك و انتي في مقام الوالدة اماا مانسمحلكش تتدخل في حياتي مع مرتي..لهنا نقلك ستوب خط احمر..مانسمحلكش تفوت هالخط خاتر عواقبو وخيمة ياا خالتي سلطانة..تراه سامحني خليني نخرج
بعدتلها يدها من باب حليتو و خرجت...ماننكرش الي كلامها لتالي رهوجني..خلى مخي يهز و يجيب...نلقاهم لمو طاولة...نارين دخلت للبيت خالطت وراها انا بيدي تاعب يلزمني نرقد...نلقاها بدات تنحي في دبشها...اا هنا نسيت تعب...نحيت مريولي طيشتو...قربت لعندها حضنتها من تالي..لحمي لسق لحمهاا حسيت بسخااانتها...نمسح بيدي على كرشها المكعبرة...طبعت بوسة على كتفها..حليتلهاا سوتيان رميتو عالارض دورتها لعندي مطبسة راسها مزالت لتو تحشم مني
نارين:ط..طفي ضو امان
انا:لا نحب ليلة نشوف بتفصيل
وجها حمار علخر...
نارين:ع..عصام بربي يزي موش هنا عاد
انا:بوزينها مريتي الحشامة
جات باش تتكلم غطست في شفااافهاا...كل يوم نزيد نعشق فيها اكثر.....وصلتني لقمة نشوة...اما فما شي تو شفتو...بحكم ديما ضو خافت مايبانش بدنها مليح...اماا ليله كل شي وااضح...عديت صبعي على الوشمة جنب كرشها...طلعت راسي نغزرلها و رجعت غزرت للوشمة الي جنب كرشي نفسها..تبسمت تبسيمة كايني منيش مصدق
نارين:حبيبي شبيك قصيت
انا:ع..عنا نفس الوشمة في نفس البلاصة
نارين:اي عادي برشا ناس في عالم لكل لازم تلڨى عندهم نفس الاتراس..
انا:اما...
نارين:اشششت كمل ياا روحي
بقيت نغزرلها حسيت روحي فشلت و بردت...و بكل جرأة من عندها قامت و جات هي فوقي كملت الي بديتو اناا و هبلتني معاها الفرخة و نسات روحها الي هي حبلة...صوت اهاتها كان عالي لدرجة انا وليت نحط في يدي على فمها...
نفس وقت عينيا مركزين على الوشمة...و مخي بدا يهز و ينفض عديت ليلة مرقدتش بالرغم تعب الي نحس فيه...نحس في خنقة موش نورمال..ماا نجمت نرقد كان مااسطعت شمس عينيا تسكرو وحدهم
الحلقة 19
ارغد يحكي..
قاعد عالارجوحة في جنينة متكي راسي لتالي نغزر لسماء الي بدات تسحب باااينتها مطرية قوية....حتى البرد منيش حاس بيه...مستحلي نسمة الباردة....فيقتني من سرحتي كيف حطت يدها على كتفي تحكي..
رغدة:هياا ادخل مطر باش تصب و زيد برد عليك
بقيت نغزرلها...خدودهاا حمر بالرغم سموريتهاااا الي تعشق...هزيتلها براسي باهي و قمت تبسمتلي...مشات قدامي و تبعتها...دخلت لصالة..نلقى اسوان ماشي صايا...قربت لعندو حضنتو بكل قوتي...حاصر دمعتي بالسيف...جبد روحو يغزرلي درا كيف..
اسوان:حسستني اول مرة نسافر..
انا:نبطل منحضنش شطري! ردبالك دخلها بعضها عاد غادي و تتلهى كان بالحب
حضن فااطمة...غمزني يحكي
اسوان:مدام معايا الحب بكلو مانضمنلكش الخدمة تتصلح ههه
انا:كان مرتك ترضالك الخسارة ميساالش
فاطمة:لا لا ياا شومي ناااا نحبلو كان الربح و خدمتو قبلي ناا
اسوان:شفت المرا الي عندي مشاء الله...خليني نمشي لا طيارة تفوتنا...اكيد نكلمك كي نوصل
انا:باهي ردبالك على روحك
شيعتهم لحد الكرهبة...تلفت لرغدة الي صبت وراهم سطل ماء..عقد حواجبي...هزتلي بأكتاافها...تحكي
رغدة:العادة هاذي نعملوها للمسافر باش يرجع سالم ان شاء الله
انا:هاو باهي و شكون علمهالك
رغدة:يما الله يرحمها
انا:رغدة كنت تعرف الي الواطي اذاكا موش بوك
هزتلي براسها لا
رغدة:عرفت نهارت الي قتلها و حب يغتصبني
شدتها الغصه في كلامها دخلت تجري لدار...خالطة وراها...وقفتها...
انا:احكي متخليش في قلبك موش مليح و زيد ماكش باش تحكي لبراني انا راجلك
هزت راسها دموعها سايلين ترمات عليا عنقتني تبكي بالغصة و تحكي نفس الوقت
رغدة:ق..قلي مني بوك..انتي لقيطة لميت امك من شارع و عرست بيها خاتر خذيت فلوس مقاابل شي هذا...و تو باش ناخو شي اخر الي هو انتي يا رغدة...جسمك بكلو يلزم يكون ملكي...وشدني من شعري و بدا يبوس فيا من رقبتي...و انا نصيح ندز فيه لين هزيت الفازة ضربتو و هربت...نجري ماحبستش...قتلي امي حطملي حياتي...
بقيت نمسحلها على ظهرها...كل الي بقى فيبالي هو شكون الي عطاه فلوس باش يعرس بأمها...حتى من رغدة وراها ماضيها...باين منيش باش نرتاح في حياتي...
انا:باهي يزي من البكاء اهدا...
مسحتلها دموعها شديتلها وجها بين يديا خذيت نفس نحكي
انا:تحب نلوجو على بوك رغدة..قول اي و اناا نجيبهولك من كرش حوتة
هزتلي براسها اي..
رغدة:نحب نعرف وينو سنين هاذي لكل علاش عمل هكا..
انا:باهي شوي صبر و اناا تو نلوج عليه...برا اطلع بيت ارتاح و ماتحل لحد الباب...هيفاء عندها مفتاح بطبيعة..انا نمشي نتفقد المعمل و نجي..
رغدة:باهي ردبالك على روحك
بستها من جبينها هزيت مفتاح الكرهبة و تاليفون و خرجت...دوب ماطلعت في الكرهبة و تاليفون صونااا...نغزر لنومرو تبسمت على جنب و هزيت
انا:وي زهرة شفما
زهرة:مصطفى بوك جو هزوه من هنا
انا:شمون الي هزوه تي احكي مليح
زهرة:الحاكم..يا حليلي واش عمل ياخا حتى يماك ضربها دم هانا هزيناها نا و محسن لسبيطار..
انا:باهي تو نجي
علقت عليها تاليفون...ضحكت بصوت يلعلع...كبست عالفولون بيدي...شدتني غصة متع بكاء..شفطت دمعتي يزي مابكيت لحق الوقت باش نخليهم يدفعو ثمن على كل دمعة نزلت من عيني...هبطت من كرهبة و رجعت لدار...
دخلت طلعت للبيت حليت باب...نلقاها متكية...دوب ماشافتني قاامت...
رغدة:شبيك رجعت لباس
انا:قوم باش نمشيو للقرية تو
رغدة:علاش شنوة الي صار
انا:مصطفى توقف هزوه ليوم الشرطة
حطت يدها على فما مصدومه..ضيقت عينيها تغزرلي درا كيف
رغدة:انت ورا هذا موش هكا
مجاوبتهاش حليت درسينغ جبدتها دبش الي باش تستحقو...حطيتو في ساك...غزرتلهاا باقي واقفة مصدومة فيا
انا:هيا رغدة
رغدة:ع..علاش عملت هكا هو مهما كان بوك الي رباك و صرف عليك
رميت ساك عالارض...قربت لعندها...طبست عليها شوي نحكي
انا:مصرفش من جيبو هذا لكل فلوسي انا و اسوان كهو موش من حق حد حتى دشرة و الهنشير و الفيلا متع القرية معمل زادة متااعي انااا و اسوان و الاوتيل عملتو بذراعي و هاني حليت فرع اخر في ميلانو...لكلو ملكي يعني انا الي صرفت عليه موش هو و لحق الوقت باش يرد الدين الي عليه....نجمو نمشيو تو!
هزتلي براسها باهي مغير حتى كلمة
سبقتهاا و خرجت طلعت في الكرهبة بقيت نستنى فيها..لين طلعت جنبي و ديماريت جبدت تاليفون بعثت ميساج لهيفاء(اناا ماشي لدشرة يمكن غدوة ولا بعدو نرجع ردبالك على روحك )
تلفت نغزرلها سارحة مع طريق...نفخت بالشوي و قويت في الفيتاس....ثنية كاملة و اناا نخمم في الي جاي نخمم في المواجهة الي باش تصير ليلة...دوب ماوصلت و شدبت فران تشوف في عصام خارج من دار عقدت حواجبي مستغرب منيش عارف شيعمل هنا...و وقتاش جا اصلا هبطت و قربت لعندو سلمت عليه نحكي
انا:وقتاش جيت ياخي
عصام:عندي نهارين تو فيبالي مروح غدوة ياخي نارين كبشت و هاو ليوم صباح جا الحاكم هز عم مصطفى
انا:اممم فيبالي...باهي هيا نمشيو للمركز اكيد راو مزالو غادي
عصام:تو موش باش يخلوك تقابلو صعيب راو
انا:لا عندي شكون نعرف غادي اكيد تو يخليني نشوفو حتى درج و نفهم الحكاية
هزلي براسو باهي...تلفت لرغدة...هبطت من كرهبة و دخلت لداخل...مشيت انا و عصام طلعت في كرهبتو و مشينا للمركز...
عصام:تعرف منيش مستوعب الي صار ياخي بوك يتروج في زطلة ! و زيد كي مشيت انا حكيت مع البحاث هراني دوسي فيه تصاور و تقرير كامل على بوك و على المروجين الي معاه والله شي يوقف المخ و شكون عمل هكا وسع بالو و صورو و ركب هذا لكل
انا:منعرفش
عصام:اصلا في دنيا هاذي معادش تستغرب شي..
بقيت نشوف فيه حسيت ملامحو تاعبه و متقلق من حاجة...جيت باش نحكي و هو حبس قدام المركز خذيت نفس و هبطت...دخلت طول لعند سامح...حكيت معاه و خلاني نقابلو مغير مانطول...بقى عصام يستنى...دوب مادخلوني لعندو...وقف ملهوف قرب باش يحضني صديتو بيدي...تملاو عينيه دموع...و ترمى عالكرسي...تبسمت على جنب...جبدت كرسي و قعدت مقاابلو..حطيت يدي على يدو كبست عليها نحكي..
انا:بابا
هز راسو يغزرلي بعيون مدمعين...سيبتلو يدو و تكيت ظهري لتالي تنهدت من عروش قلبي كملت نحكي
انا:علاش كل دقيقة نسأل روحي نفس سؤال الي هو علاش عملتو فينا هكا و علاش عملتو فياا انا بالذات هكا 12 سنة كاملين عايش بنفس العذاب نرقد و نقوم بيها الحكاية وقتها عمري 22 سنة اناا كشفت كل شي و زيد صاار معايا الحادث و لوحتوني و عذبتوني في عوض انكم تاقفو معايا و تساندوني خليتوني نزيد ننقم يمكن كان معملتوش هكا كنت نجم نسامحكم على كل شي اماا ياا خيبة المسعى ربي كتبلكم باش تعيشو في عذابي و مبعد في عذاب جهنم عند العالي
مصطفى:انت الي خبرت الحاكم نا مبعتش الزطلة و منيش نروج فيها خلاص تصاور انت ركبتهم نا منيش متع شي هذا منضرش الصغار تي نا كنت نعاقب فيكم كي نفيڨ بيك انت خوك تتكيفو في سيڨارو عاد كيف تحبني نبيع زطلة
تبسمت على جنب...وقفت دورت وراه حطيت يدي على كتافو نزلت عليه نحكي بغل
انا:حتى هو كان باش يخاف علينا اكثر منك حتى هو معمل شي باش انت تسرقلو حياتو..اناا تو حطمتلك حياتك و هذا مايتسمى شي خدمتي نظيفة حد ماهو باش يشك الي تصاور مركبة بفلوسي نقدر نحطمك يا مصطفى اناا موسختش يدي بالدم كيفكم اناا لعبتي معاكم قاانونية...جبدت روحي...قربت لعند باب نزلت عالبواني باش نحلو رجعت غزرتلو
انا:تنساش تخلي بلاصة لمراد خاتر باش نبعثهولك على قريب
حل عينيه على وسعهم...هزيتو و حطيتو و خرجت طول مغير مانحكي مع حد..وقفني عصام يغزرلي درا كيف يحكي..
عصام:شصار
انا:شي...مفماش حل و ترويج حكم متاعو اقل شي 12 سنة حبس..
عصام:اي يعني استعرفلك ! مستحيل نصدقش عم مصطفى يعمل هكا
انا:عصام نحس في راسي باش يطرشق عيشك هيا رجعني لدار
طلعنا في كرهبة...تكيت راسي تالي...بالنسبة ليا 12 سنة حبس قرصة وذن ناري مزالت شاعلة....وصلنا لدار دخلت كي ثور الهايج...غزرتلهم واحد واحد نحكي
انا:و تو حد مايخلط عليا و منحب نسمع صوت حد..
رجعت تلفت لعصام
انا: عصام دخل مرتك للبيت...رغدة برا اطلع لبيتي
قعدو يغزرولي باهتين....
انا:مسمعتونيش نعاود?!!
في لحظة لكلهم مشاو...زهرة دخلت تحري لبيتها...جات باش تسكر الباب عرضتلو ساقي دزيتو بيدي...تغزرلي مرعوبه...دخلت و سكرت باب بالمفتاح...قربت شديتها من يدها لصقتها للحيط نحكي
انا:ماننكرش الي انتي مغرية برشا بالرغم عمرك 39 سنة اماا محافضة على رشاقتك و زينك و خاصة ستيلك المليان الي يعشقو اي راجل...و منهم عمي و خوه
جات باش تتكلم حطيت صبعي على شفاافها
انا:اششششت كلمة لا....شرايك نمشي لسلطانة نحكيلها نخليها تعمل فيك الي مايتعملش في العدو و انتي تعرف سلطانة و جبروتها و خاصة اذا حكاية تخصها ااه شرايك يا زهرة و لا شرايك نبعثك لسجن نساء انتي بطبيعتك ماكش مفلتة لا نساء و لا رجال
زهرة:ف..فاش تخرف انت وقيلا ضبعت يا متكبر نا م..معملت شي
تحكي بصوت متقطع و تبلع في ريقها بالسيف...
زهرة:ياخا شتڨصد بالحبس
تبسمت على بهامتها ..
انا:قضية زناء و محارم ا شرايك 6 سنين بالوافي هههه
وخرت خطوة لتالي..
انا:اماا تنساش قضية قتل عمدا بفف زعما 6 سنين و زيدهم 20 سنة ولا اكثر هههههه تعرف زهرة ماريتش ابهم منك
عدات يدها على وجها...العرق لبها من ساسها لراسها
زهرة:شنوة المطلوب
انا:شي...نحب نعمل جو الڨلڨ عامل فيا قلت خليني نلعب معاكم شوي...
في لحظة كبست روحي و خنقتها من رقبتها
انا:ياخي تتق** زهرة موش انتي فيبالك بكل شي و ساكتة و خليتهم يعملو في عذابي صنعة و زيد قتلت عمي كي قلي الحقيقة قتلتوه كي كشف خمجك قتلتو ...وحدة مسخة كيفك حتى الخدامة طفلة صغيره ماسلمتش منك تتحرش بيها...انتي مريضة زهرة...والله الا ماندمرك كان ماشي فيبالكم بفلوسي الي تفندقو فيها يمين و يسار و رشيتو الطبيب و عملتو الي مايتعملش باش ماتتكشفوش...اناا كشفتكم و بفلوسي باش نحطمكم زادة...استنى دورك يا زهرة متعلقيش برك خليك على اتصال مع عقلي
رخفت يدي...و طاحت في الارض نفس تسكر عليها...بزقت عليها و خرجت...خرحت للهنشير ندور دنيا بدات تظلام...نحس في خنقة نفس تسكر عليا...حطيت يدي على صدري و صحت بأعلى صوتي...هبطت على ركايبي...نبكي بالشهقة...تاعب برشا لدرجة كان نلقى ننسحب من هذا لكل نهز مرتي الي منجمتش نعيش معاها حتى لحظة حلوة منجمتش ختى نعترفلها بحبي...نهزها و نهرب من هنا نخلي البلا في البلا...اماا كي نتذكر الي صار ننقم اكثر اصلا كان ماننتقمش من مراد منيش باش نجم نعيش مع رغدة مرتاح من جهات الكل.. حسيت تاليفون يفبري جبدتو من جيبي نلقا هيفاء تطلب...علقت عليها بعثتلي ميساج <انا في الكلينيك صغير طاح عملت اكسيدون بكرهبه ضربت راجل كبير حبيت نعلمك الي غدوة مسافرة و باش ننساك يا ارغد خاتر زايد مهما نعمل معاك ماكش باش تحبني و انا فهمت قدري و لميت شوي الكرامة الي قعدتلي ربي معاك و نوعدك سرك مانبوح بيه الحد اعتبرو تتدفن معايا و بالنسبة لباسل ردبالك منو راو حاط عيونو على رغدة ربي معاك يا متكبر نحبك >
كبست على تاليفون في يدي نطلب فيهاا سكرت تاليفون...نااقص انا تو ياا ربي...حتى كان مشيت تو منيش باش نخلط عليها...بالنسبة لباسل حسابي معاه مبعد زايد واطي خااين...كلهم كلاب مايثمرش فيهم
الحلقة 20
عصام يحكي
قاعد في البالكون...نشوف في ارغد كي قاعد على ركايبو..
بقيت نشوف فيه...منيش فاهم شبيه...باينتو حكايتو غريبة...حسيت بيدها فوق اكتافي...خذيت نفس طيشت سيڨارو تلفت لعندها..ندور في عينيا على وجها...حطت يدها على خدي تحكي
نارين:شبيك يا روحي عندك نهارين متغير..متزيدش تحيرني عليك
انا:شي مشاكل في خدمة كهو...
نارين:تحب نرجعو لتونس ميسالش..اصلا كي وجودي كي بلاش هنا عمري ماكنت نتوقع بابا يعمل هكا...
جبدتها لعندي عنقتها...
انا:هو مهما يكون بوك..خايب ولا مليح متنجمش تنكر في بوك و يلزمك تستغل كل لحظة معاه خاتر فما غيرك مستحق يكون عندو بو في الوقت هذا...و اناا متأكد عم مصطفى معملش هكا..
نارين:خلينا نرجعو اصلا نا مخنوڨة هنا
انا:باهي روحي اهدا انتي غدوه صباح نمشيو...
نارين:لا نحب تو عيشك
انا:باهي هيا لم دبشك
هزتلي براسها باهي و مشات لمت دبش و هبطت لوطة خالطت عليها و خرجنا مغير مانقولو لحد...حتى امها محبتش تمشي طل عليها في سبيطار...نغزرلها كي غفاات اصلا ثنية طويلة...تاليفون يصوني...جبدت نلقاه مراد يطلب نفخت بعصب...و هزيت عليه نسمع فيه يحكي
مراد:موش معقول تبقى ايام متهزش عليا هكا باش ترا وجهي لاخر
انا:شتحب
مراد:اذا كان تحب تعرف عايلتك شكون...هاذي اخر مهمة ليك معايا..
انا:الي هي
مراد:عملية اغتيال محامي الي نهار لكل يحارب في الفساد في تلفزة...برجولية كسرلي راسي نحبك ترتحني منو...
شجيت فران بقوي لين نارين فاقت مفجوعة...عمري ماكنت نتوقع يطلب مني نقتل حد و جريمة هاذي باش تقلب البلاد هاذي عملية اغتيال واضحة
مراد:تعدالي في صباح نعطيك معلومات عليه...تنفذ مهمتك مقابل نعرفك بعااايلتك...امااا نضن ماكش باش تفرح كي تعرفهم شكون امنيتي منعرفكش بيهم اما انتي مكبش...هيا باي
علق عليا تاليفون...نحس في روحي مخنوق...شدتني من يدي تحكي
نارين:شفما عصام لباس
انا:ش..شي
نارين:كيفاه شي شكون كان يكلم فيك
انا:خدمة صايرة مشكلة يلزمني نوصلك لدار و نمشيلهم..
نارين:اما تو مخر و احنا نوصلو قرابة الفجر
انا:اي عادي...ارجع ارقد متخمم في شي انتي
هزتلي براسها و تبسمتلي كملت نسوق حرقتو الكياس...غشي لكل حطيتو في سياقة....دوب ماوصلت فيقتها...و دخلنا...نلقى امي في صالة تصلي في الفجر...طلعت نارين لبيت مزالها مرهوجة بالنوم...بقيت واقف نستنى فيها تكمل...قربت لعندها...هبطت على ركايبي حطيت راسي فوق حجرها نبكي و نحكي نفس الوقت
انا:طلب مني نقتل ياا امي مقابل نعرف عايلتي...
حطت يدها على راسي..
دليلة:نعرفك متعملش هكا زيد خمم مليح عيش ولدي يمكن تخسر خدمتك
انا:نعرف والله تعبت يا امي و زيد الي صار كمل دخلني بعضي اكثر
دليلة:شنوة الي صار زادة
هزيت راسي نغزرلها...مسحتلي دموعي...
دليلة:دموع هاذي معادش نحب نشوفها راك تحرقلي في قلبي عليك...و تو احكيلي شصاار
انا:نارين
دليلة:شبيها كنتي لعسولة
انا:عندها نفس الوشمة الي عندي و زيد في نفس البلاصة
بقات تغزرلي مصدومة...دورت عينيها على وجهي تبسمت بالسيف ...تمسحلي على شعري و تحكي كاينها تهدي فيا تحاول طيرلي الي في مخي .
دليلة: عيش ولدي اسمعني مليح تنجم تكون بصدفة و عادي تنجم تلقى حد اخر عندو نفس وشمتك شنية مشكل يعني...مغير ماتخمم هكا خااتر حكاية موش ساهلة هي تو مرتك و ام بنتك الي مزالها تو 3 شهور و تشرف عايلتنا يا بابا و باش تكون احلى بو في دنيا
حضنتها بكل قوتي...و قمت...مسحت دموعي خذيت نفس...هزيت شربت كاس الماء
انا:دعواتك يا امي
دليلة:ربي يحفظك و يسترك يعليك على من يعااديك يا كبدي..و يفتحها في وجهك برا راضية عليك دنيا و آخرة
طبست بستها من جبينها و خرجت...ديماريت الكرهبة وصلت لعندو...دخلت للبيرو...نلقاه قاعد غاطس في الاوراق...هز راسو يحكي
مراد:كنت متوقع باش تجي لعندي قبل مايطلع النهار
انا:علاش تعمل معايا هكا شنية مربوحك مني
مراد:انت دخلت تخدم عندي كسبت ثيقتي و عرفت الي انت تلوج على عايلتك و وقت الي عرفت استغليت شي هذا لوجت انا عليهم و لقيتهم و ياليتني ما لقيتهم
انا:استغليت باش تخليني تحت رحمتك و نخدملك خدمتك الفاسدة و خفت كي نبطل من عندك نمشي نصب بيك لداخلية موش هكا
تبسم على جنب نحا ليناتو و قام دار لعندي..حط يدو على كتفي
مراد:صح ياخي انا ربطك بمعرفتك لعايلتك الي هما نقطة ضعفك...اما انا نتمنى منقلكش عليهم
انا:علاش
مراد:تمملي العمليه هاذي و نوعدك نسيبك في حالك و تو تعرف علاش محبيتكش تعرفهم
انا:منجمش نقتل حد
مراد:في لعبتنا مفماش كلمة منجمش...
انا:علاش خترتني انا
مراد:هكا
قرب للبيرو هز دوسي حلو و حطو قدامي
مراد:هذا المحامي و هاذم اوقاتو لكل و هاذم بلايصو الي يقعد فيهم...ليلة نحب نسمع خبرو...تو رجال حطو سلاح كلاشينكوف في مان كرهبة الكحلة تلقاها لوطة
انا:ب..باهي
هزيت دوسي و خرجت...طلعت في كرهبة مشيت راكيت قدام دار المحامي..سطعت شمس و هو خرج بقيت نتبع فيه عديت نهار لكل نراقب في تحركاتو لين طاح ليل و لحق الوقت...تو معادش يهمي المهم نعرف عايلتي...و نعرف علاش محبنيش نعرفهم من اصلو...راكيت كرهبه بعيد هزيت فاليز فيها سلاح ...طلعت فوق سطح البناية...مقابل البار الي قاعد فيه مسكين باش يموت و هو سكران...عمرت سلاح و بقيت نستنى في طلوعو...دوب ماطلع ركحتو...وجهت الهدف ليه...خذيت نفس طلقت طلقتين في قلبو...العباد تلمت بالوقت...فركت السلارجعتو للفاليز و هبطت خرجت من باب تيلاني متع البناية و طرت بالكرهبة...يدي ترعش قلبي نحسو باش يتقلع من بلاصتو....شدتني هستيريه متع ضحك و بكاء نفس الوقت...صونا تالبفوني...هزيت نحكي مغير مانسمعو
انا:انتي حطمتني منيش باش نسامحك لاخر نهار في حياتي و تو باش تقلي عايلتي شكون هاني جاي لعندك
علقت عليه و قويت في الفيتاس....زاد صونا تاليفوني...نلقاها امي هزيت نحكي
دليلة:عملتها يا عصام
انا:لا..لا
دليلة:البلاد تقلبت الخبر فيسع تنشر نارين مرتك دور عالفايسبوك و لقات تصويرة محامي غارق في دمو تدعي على القاتل مرتك تجعي عليك ياا عصام علاش عملت هكا و يتمتلو صغارو
عضيت على شفتي و دموعي على خدي معادش نجم نتحمل نسمع شي...علقت تاليفون و شديت فران قوي...دخلت لعندو لطخت باب البيرو تركزت بيدي على طاولة...
انا:تو ...تو قلي شكونهم انطق مراد
رمالي تصويرة قدامي...هزيتها في يدي نرعش...حليت فمي دوب شوي من صدمة...دموعي هبطت شلال يحرقو على خدي...ترميت عالكرسي سقياا معادش هاازيني...نشوف في تصويرة فلو من كثرت عيوني تملات دموع...ضحكت بقهرة شدتني الغصة في كلامي
انا:مراد قاعد تلعب في لعبة مسخة معايا هاذي تصويرة مرتي و انا قتلك نحب عايلتي
مراد:اي هذيكا عايلتك سي عصام بن *** العميل في مخابرات الجيش التونسي...شنوة شبيك مصدوم امم كنت نعرف خدمتك مالة كيفاه باش نوصل لعايلتك كان منعرفش اصلك و فصلك...
انا:مراد قتلك هاذي مرتي ويني عايلتي اش دخل مرتي في عايلتي متهبلنيش
مراد:متعليش صوتك عليا...قتلك من لول فك عليك متعرفش خير خاتر باش تزيد تتحطم اكثر...تهنى ماكش باش تخسر خدمتك منيش واطي لاكا درجة يزي هاك خسرت اهم حاجة في حياتك
انا:اخر مرة باش نسألك ويني عايلتي و شكونهم
مراد:اوووف فيباليش فهمك رزين لدرجة باهي تو نزيد صورة اخرى
رمالي تصويرة ثاانية...نشوف فيهاا نفس تصويرة مرتي مع مصطفى و سلطانة
انا:مراد بديت تخرج فيا من ر** عقلي
مراد:ماكش مصدق هز مرتك و اعملو تحليل...نقصد هز اختك
انا:ا..اختي
تنطرت من بلاصتي....دورت لعندو شديتو من خنااقو نحكي بغش
انا:فاش تخرف ر** هاذيكا مرتي فهمت ولا مرتي و جايتنا بنية في ثنية...كيفاه تقلي اختك...باهي علاه كي جيت باش نعرس محبستنيش علاش خليتني نعرس بأختي
دخلو رجالو جبدوني من فوقو...نغزرلو يحل في قفاالي شوميز يتنفس بالسيف..
مراد:عندك حق اماا اناا عرفتك عرست بيها من بعد مكنتش نعرف
انا:وااطي والله مانقتلك يا مراد موتك على يدي تو برسمي عصام معادش عندو علاش يخاف...والله ماندمرك يا مراد...تي سيبوني انتما...قول لكلابك يبعدوني
اشرلهم بيدو باش يسيبوني...
انا:باش يجي لاقوى مني و يدمرك يا مراد كون متأكد
نطرت عليه تصاور و خرجت...طلعت في كرهبتي منيش منجم نسوق...هبطت خذيت تاكسي...دمزني ماحبستش...وصلت لدار...يدي ترعش منجمتش حتى نحل الباب..نوقزت عليهم...حلتلي تغزر لحالتي..ترمات عليا عنقتني تحكي..
نارين:يا عمري واشبيك هكا شصار
بقيت نغزرلها دموعي نازلة كهو
نارين:عصام شبيك تبكي شبيها حالتك هكا...ايجا ادخل...
شدتني من يدي دخلتني...قعدتني عالفوتاي..نغزر لامي واقفة في دروج..
نارين:حبيبي امان تكلم...
قعدت مقاابلتني...حطت يدها على خدي...قربت وجها لوجهي...انفاسنا تخلطت...قلبي وقف...مغير مامشعر دزيتها شوي لتالي..منيش مستوعب هي اختي كيفاه اختي و انا مارست معاها علاقة جنسية كاملة وصلت حتى حبلت مني كيفاه اختي و انا نعشقها نتنفسها و نعشق بدنها...يعني انا عشقت اختي هي عشقت خوها...كيفاه صار هكا علاش دنيا لعبت بينا هكا علاش القدر باش يحرمني من احلى حب
نارين:شبيك ياخي بجاه ربي تكلم عصام راني اول مرة نشوفك في هالحالة
عديت يدي على وجهي..بلكشي مراد يكذب و يحب يلعب بيل خاتر كشف خدمتي...اي ينجم يكون يكذب عليا...الحل الوحيد تحليل يلزمني نعمل تحاليل نقطع الشك..
انا:ش..شي عملت اكسيدون..ضربت مرا كبيرة بالكرهبة..امان حضرلي دوش نحب نعمل دوش و نرقد...
نارين:باهي يا روحي لطف عليك
طلعت اكا دروج جاتني امي...محبيتش نحكي شي منيش طايق روحي اصلا...منيش مصدق الي عشقي محرم الي حرام عند ربي و عيب كبير في مجتمعنا ...ندعي لربي نكون في كابوس و نفيق منو نلقى كل شي مريڨل...تو الي في مخي كيف باش نعمل تحاليل مغير ماتعلم نارين بشي هذا اكيد تنهار و يصير فيها اكثر مني..
#
الحلقة 21
ارغد يحكي...
تعداو نهارين متغير شي...حتى باسل منجمتش نقابلو ريحتو مفماش...كلمت حكيت شوي مع اسوان حمد الله مسمعش بمصطفى...احسن شي يبقى بعيد.. حطيت كاس قهوة و نشوف فيها دور قدامي تخمل في دار...جبدت تاليفون نبربش دخلت لتصاور...نشوف في تصاوري مع نارين...الفرخة نحبها برشا...اما غششتني برشا بعملتها هي لزتني نتصرف معاها هكا...كومبوزيت نمروها و طلبتها هزت عليا تحكي
نارين:عسلامة
انا:لباس
نارين:نحمدوه
انا:نحب نشوفك ليوم تصرف و اخرج تلقاني ورا دار بالكرهبة
نارين:ب..باهي
انا:متخافش مني نارين عمري مانضرك راني ارغد مربيك علي يدي
نارين:ن..نعرف اما انت
انا:نص ساعة في يدك فيسع
علقت عليها هزيت مفتاح الكرهبة...قربت لعند رغدة...
انا:ماشي باش نقابل نارين
رغدة: باش تحكيلها
انا:اي
رغدة:باهي
عديت يدي على شعرها و خرجت...بقيت نستنى فيها ورا دار كل مرة نغزر للمنڨالة..جبدت تاليفون باش نطلبها...و هي طلعت جنبي...نغزرلها كي تفرك في يدها مربوثة...
نارين:شفما شنوة المطلوب اخر
انا:نارين انا...
نارين:انت معندكش ڨلب عديم الاحساس و الضمير استغليتني لمصالحك لتوا منيش فاهمة اش تحب من راجلي
انا:نارين انا منحب شي من عصام و معادش نحب شي كنت حاحتي بدوسي و كهو و هاك بعثتهولي دوسي مايخصش عصام من اساسو..المهم اناا الي غايضني عملتك هاذي كيفاه مخممتش فينا لدرجة الحب عماك معادش تعرف بين الصح و الغلط...
هزت راسها غزرتلي بعيون مدمعين
نارين; انت تغيرت برشا ارغد ماكش خويا الي نعرفو منيش عارفة علاش عملت هكا
انا:ليوم باش نحكيلك حقيقة بوك و امك
نارين:بويا و يما !! اشبيهم
انا: نارين اسمعني مليح باهي
هزتلي براسها باهي ملهوفة باش نحكيبها خذيت نفس و بديت نحكي...مع كل كلمة نقولها دمعتي تسبقني...لين وليت نبكي بالشهقة...و هي تحضن فيا...انهارت عللخر..حسيتها باش دوخ...
انا:نارين يا روحي يزي راك حبلة هيا يزي امان متخلينيش نندم الي حكيتلك...
مسحتلها دموعها ستويتلها حجابها...تبسمتلي بالسيف حطت يدها على خدي
نارين:نحبك برشا انت و اسوان انتما روحي و سندي في هاالدنيا..متخلونيش و كهو معنديش غيركم
جبدتها لعندي عنقتها...بستها من راسها
انا:عمرنا مانخلوك مهما يصير كان لزم نهزك معايا كي باش نسافر نمشو لكل من هنا...المهم تو برا ارجع لدار و تلهى في روحك و في راجلك انا متأكد عصام يحبك و كان صار و غششك والله نقتلو
نارين:تي انت ماتڨتلش ذبانة هههه
انا:ههه محلاها ا ضحكة يا ربي متحرمنيش منها
نارين:ربي يخليك ا خويا
بستها من جبينها و هبطت شيعتها بعينيا..تنهدت من عروش قلبي هذا حمل و انزاح...ديماريت و رجعت لدار مانحبش نخلي رغدة وحدها تو دار فرغت بقينا وحدنا...مرة نقول نعترفلها بحبي ليها و مرة نقول لا موش وقتو..معادش عارف روحي شنعمل...الحل الوحيد نكلم اسوان هو الي يوجهني لطريق الصحيح كي نكون داخل بعضي...راكيت كرهبه على جنب جبدت تاليفون و كلمتو عالواتس...حليت الكام هز عليا نشوف فيه توحشتو عللخر تي كايني نشوف في روحي في المرايه
انا:مفيباليش بروحي مزيان هكا هههه
اسوان:تق** ارغد صحة ليك
انا:هههه احشم ياا هم
اسوان:تي روح بلهي شتحب انت تو
انا:شبي حبي مغشش
اسوان:شي ابعد ز**
انا:ههههه منحبش تعرفني بموت في سفاالة هههه
اسوان:يا ولد الكلب هههه
انا:ههه نتشرفو...ايا فيقلي شبيك
اسوان:تي ملي جينا و هي على عصابها...ماو مونيكا لهنا خلات على راسي
انا:ااااه مونيكا هههه تي قطعة متع متريال و زين
اسوان:فاطمة شافتني واقف معاها ...منحكيلكش شعملت عاد عاطتها طريحة و فضحتني في الاوتيل
انا:لا تربحكم في زوز باش تهربو عليا السياح
اسوان:طلبتني باش تكمل على ربي انت تو
انا:لا كلمتك نحبك تساعدني في امور عاطفيه
دوح راسو و عمل بيدو اشارة خايبة 😂
انا:اوووه يا ز** تي ختى نساعد روحي اي احكي احكي
انا:باهي نحب نعترف بحبي لرغدة اما متردد
اسوان:نندب ص** ياخي بريود هاذي لكل في البيت عايشين خوات!!
انا:اممم
اسوان:طحت من عيني خويا...كنت فااكرك راجل و سيد رجالة اخس عليك
انا:مدامك تحكي هكا انت شارب بالعو زادة نعلق خير شلطني كان مزلت نطلبك
اسوان:تي استنى ههههه نفدلك والله ڨالڨ...باهي عندي فكرة ركز معايا مليح...
انا:باهي انطق برك
بقيت مركز معاه...و انا حال فمي طاقة باهت فيه كيفاه يحكي عالحب و الفازات رومنسية...فاطمة غيرتو جملة والله العشق يجنن...
انا:كملت سي روميو منيش فاطمة راه 😒
اسوان:تو انت متع حب والله مسكينة رغدة تي جادور انت
انا:اش مدخلك فيا و يعطيك الصحة عالمعلومة برا روح تو
علقت عليه و اناا نضحك...تفرهدت عللخر كي كلمتو...اصلا كان يقولولي تعطي عمرك لشكون مغير مانخمم نقول اسوان...كملت نسوق وصلت لدار...دخلت نشم في ريحة بنينة...مشيت طول للكوجينة نلقاها طيب و دندن مع الغناية...ربعت يدي و بقيت نتفرج فيها...تلفتت لعندي صاحت فرد صيحة رعبتني
رغدة:بسم الله وقتاه جيت انت
انا:شبيك شفت عبيثة
رغدة:اي..اااه تي لا اما محسيتش عليك كي دخلت
انا:امم باهي نعاونك في حاجة
دورت عينيها عالكوجينة حكت راسها و غزرتلي
رغدة:اي قص سلاطة
انا:هههه انا !!
رغدة:اي فما غيرك هنا هيا ايجا
انا:منعرفش
رغدة:مفيها شي ساهلة هيا
انا:ههه باهي يا للا علمني كان راد ربي
بقيت مركز معاها و ساارح في كل تفااصيلها...لين تضمرت كلام اسوان ..حطيت سكينة...مسحت يدي بالمنديلة و قمت حمحمت نحكي ...
انا:رغدة
رغدة:امم كملت قصيت
غزرت لطاولة ...عوجت فمها و غزرتلي
رغدة:على حساب هكا باش تقتلنا بالشر انت
انا:رغدة اسمعني..انا يلزمني نمشي تذكرت حاجه مهمة تو نكلمك باهي!
هزتلي براسها باهي و تلفتت مزادتش حتى كلمة حاسها تغشت اما موش مشكل خاتر ليلة باش تكون بداية قصتنا
هزيت مفتاح و خرجت...ديماريت الكرهبة وصلت للاوتيل عرضني باسل...العصب ركبني مغير مانشعر دزيتو...ترهوج نحا ليناتو عاقد حواجبو يحكي
باسل:شبيك ا ز*** لباس
انا:واطي ماكش راجل
باسل:ارغد شبي ر** هالصباح
انا:مرتي خط احمر سمعت والله نقتلك يا باسل
باسل:تي فاش تحكي...ااا انتي فاهم بالغالط راو
انا:لا فااهم و مليح زادة...مرتي راو تفهم ولا يعني عرضي و شرفي مانسمح لحد يتعدا عليه
باسل:ارغد انتي بريود هاذي نفسيتك تاعبه واضح شي هذا...من المستحسن نحكيو مرة اخرى سلام
لبس ليناتو و طلع في الكرهبة خلاني نرحي دخلاني...طيرلي كيفي...يا خسارة عشرتنا و كهو...دخلت للاوتيل...جيت باش نحكي مع طفل و تاليفون صونا...نومرو منعرفوش هزيت نحكي
انا:وي شكون
مراد:قضاك
انا:لا عاد انا قضاك و كان لزم قباض روحك
مراد:سي ارغد عندي ليك خبر باش يخليك طاير في سماء
انا:مراد منيش ناقصك فوتني تو
مراد:استنى عاد مايجيش هكا
بعدت تالبفون على وذني نحكي مع طفل بقى واقف يستنى
انا:ابعث بلال لداري مع الظهر قلو يجيب مرتي لبلاصة هاذي و مغير مايقلها شي
عطيتو ادريسة في ورقة...هزلي براسو باهي و مشى رجعت نحكي بتاليفون
انا:شتحب فيسع قول الي عندك
ضحك درا كيف
مراد: لا شي تو نقلك مبعد
علق عليا تاليفون...ناقصو كان هو تو اكيد جايبلي حكاية من راسو..مشيت لصايغي...شريت الخاتم و البراسلي ...هزيت بوكي الورد..و مشيت للبحر...ريستو في قلب البحر ناس ملمومة صغار و كبار منظر يجنن انا باش نعترف بحبي ليها هنا قدام ناس لكل...نحب العالم يكون شاهد على حبي..غزرت للمنڨالة في يدي مزالها نص ساعة و توصل...هبطت قعدت في طاولة ...كل مرة نغزر للمنڨالة نحسها وخرت...كلمت بلال تاليفون مسكر...كلمتها هي كيف كيف زادة...هلواس ركبني و الحيرة قتلتني..هزيت البوكي و كل شي و ديماريت الكرهبة دريكسيون الدار
دوب ماوصلت نلقى كرهبة الاوتيل و بلال في وسطها دايخ...حليت باب هزبتلو راسو جبهتو بالدم...دخلت نجري لدار...صاله مقلوبة...تاليفون رغدة طايح و سلسلة متاعي مطيشة...هزيت نتفقد فيها...كبست عليها في يدي...ناديت بأعلى صوتي على رغدة...تاليفوني يصوني هزيت عليه
مراد:قتلك متلعبش معايا انت لزيتني...اا حقى باش نقلك عالخبر...نارين ااه من نارين مسكينة غاضتني
انا:مراااد
مراد:اششششت وين كنا احنا تو ااه اي نارين موش نارين طلعت معرسة بخوها
انا:شنوة!! شبي ر** امك تحكي هكا تو نورمال انتي
مراد:ههههه اممممم نورمال و عللخر انا قلت الي عندي و بالنسبة لمرتك و نرجعهالك وقتلي انت تسلملي دوسيات الي عندك و تدفن سري معاك في قبرك...واضح يا متكبر
انا:و حق ربي الي خلقني يا مراد الا مانقلب البلاد عليك...و اذا كان رئيس في غيبوبة اناا باش نهيج شعب عليك و عليه ياا فاسد..ماشي فيبالك لويتلي يدي...لا راك غالط انت لويت يدك في رقبتك و كان تضر رغدة و لا تمس شعره منها راك باش تندم برشا يا مراد المتكبر يفعل مايحكيش...الحرب بدات جهزلي روحك و حل اخبار الثمنية في تلفزة
علقت عليه....نرعش بكلي...اناا خايف برشا عليها...قلبي نحس فيه باش يخرج من بلاصتو...طفلة صغيرة ضيعتها معايا و طاحت بين يدين وغد مايرحمش...و زاد كمل عليا بخكاية نارين...اكيد يكذب تي نارين كانت معايا قبيلة لباس عليها...اي متأكد يكذب...جبدت تاليفون جيت باش نكلمو حسيت بيه واقف ورايا تلفت لعندو قبل مانحكي هز يدو اشرلي باش نسكت
هو:انا نعرف ويني رغدة متخافش..و سمعتك شنوة قتلو مزال بكري على انقلاب البلاد يا ارغد...خلينا نرجعو مرتك و مبعد نتلهاو فيه على قاعدة صحيحة
انا:ن..نارين هو قال نارين تكون اخت عصام
طبس راسو هرب عينيه مني...
انا:انت تعرف شي !
هو:ارغد اسمعني
انا:شنوة نسمع اش نسمع تي فايقين برواحكم!!! تحكيو على زوز معرسين تقولو خوات !! نارين حبلة قريب تولد راو
هو:ارغد متعليش صوتك عليا و اسمعني تو نحكيلك حكاية عصام بتفصيل
انا:ههه صار انا طلعت الاطرش في زفة كيفاه تسمحلي نعرس لنارين بخوها!!! علاش مخليتنيش نحبسو هالعرس
هو:انا عرفت بعد مصار صداق
انا:و كيفاه
هو:موش مهم هاذي حكايات امنية
انا:امنية!! تي ر** هالبلاد ملقيتها فالحة كان في هالامنيه تي اختي معاشرة خوها!! اناا منيش مصدق مستحيل لكلكم تكذبو رجعلي مرتي و هاني باش نخرج من ر** البلاد ارتاحو
كسرت كرسي بساقي ضربتو عالباب و خرجت...نلهث نحس في نفس باش يتقطع عليا...جبدت دواء من الكرهبه شربتو و عملت الفشفاشة...و طرت حرقتو الكياس...ديركسيون لدار عصام..دوب ماوصلت نشوف فيها ركبت في كرهبة مع زياد تبعتها....مخي باش يتحرق من تخمام من جهة مرتي مخطوفة و من جهة حكاية نارين....ربي مقدرلي تعب و العذاب
عصام يحكي...
قاعد على حرف جبل نشوف في ورقة تحاليل منيش مصدق...يدي ترعش...غصة واحلة في حلقي..هبطت على ركايبي..بقاي نغزر للورقة نقرا في الكلمة و نعاود...لا عقلي و لا قلبي قابل شي هذا...شنوة ذنبنا شنوة ذنبي اناا و ذنب الصغير الي جاي...علاش حبي حياتي يكون محرم عليا....شي هذا مكنتش متوقعو و لا نستنا فيه..طول عمري نسمع بحكايات هكا عمري ماكنت نتخيل نكون انا منهم...قلبي موجوع عللخر دقااتو قوات ودنيا ضاقت بيا..راسي رزن و عينيا خبالو تملاو دموع...كل لحظة عديتها معاها تعدات بين عينيا...كلامنا عشقنا ضحكنا فرشنا كل شي كل شي ....كيفاه باش نخبرها شنوة باش نحكي شنوه باش نقول كيفاه باش نواجها..جبدت تاليفون يدي ترعش...كتبتلها ميساج و صورت الورقة و بعثتلها معنديش حل اخر الموت ارحملي معادش نجم نتحمل اكثر ماعندي علاش نعيش <<<<عشقتك... وعشقك علي محرم
ها انا اقع جاثيا على ركبتي... طالبا السماح وانا العبد الضعيف... لا هو خطئي ولا خطؤك وانما خطيئة ارتكبها كبارنا ويدفع ثمنها المغلوب على امرهم مثلنا... انت التي احب... ومعك تمنيت ان احقق احلامي... وانجب اطفالي... احببتك لدرجة اني لم اعد اتخيل حياتي بدونك... لدرجة اني رسمت مستقبلي معك حيث الموت لي بعدك... ولكن هل من مفر!!... حبيبتي... اختي... زوجتي او شقيقتي... لم اعد اعرف بأي اسم اناديك... وكيف سيناديني اولادنا... اوالدهم اكون ام خالهم!!.... لا تبكي يا صغيرتي... من دموعك اعتقيني.... ومن حياتك اخرجيني... ايعقل ان تلوميني!!... لا اعرف انك لن تفعلي... فأنت تعرفيني...اعذريني وسامحيني ولكن لا تكرهيني فأنا مثلك مظلوم رمته امواج الحياة التي اتت من بحر الظالمين... امثال والدينا.........>>>> تعدات ساعة بدات
تطلب فيا و تعاود حتى زياد يطلب هزيت عليه
انا:وي زياد
زياد:وينك انتي تو
انا:زياد انا مخنوق نحب نقعد وحدي
جيت باش نعلق نسمع في صوتو من تالي..
زياد:عصام
تلفت نشوف في نارين يدها على كرشها واقفة..قربت لعندي بزربة...شدتني تخض فيا تحكي
نارين:قول الي شي هذا كذب حرام عليك عصام الي حكيتو قول الي انتي تكذب حاب تفدلك معايا كهو تكلم عصام متسكتش
دموعي هبطو يحرقو على خدي...
انا:اح..احنا خو...
نارين;لااااااا موش صحيح موش صحيح انت راجلي انا خواتي ارغد و اسوان انت راجلي انااا انت عشقي حب حياتي...انت بو بنتي قول الي انت تكذب الي شفتو نا كذب
عضيت على شفتي و انا نشوف في حالتها منهارة عيونها منفوخين من البكاء...جبدت روحي منها
انا:يزززززي كهو هاذي الحقيقة احنا خوات من نفس البو و الام انااا طيشوني في كرذونة في عز البرد ا..انااا ولد سلطانة و مصطفى...
غزرت لكرشها حطيت يدي عليها
انا:نقلها بنت اختي و لا بنتي و لا اش نقلها بضبط....اناا لقيط الي عدا حياتو يلوج على اصلو و مبعد حب و تحب و في الاخير تكون اختو...هاذي لحقييقة نارين احنا خوات
تضرب في وجها لين ندبتو
نارين:لا لا لا اسكت اسكت مناش خوات موش صحيح يا ناري على روحي يا ربي لاااا علاش هكا مستحيل
بقيت نغزرلها و هي تضرب في وجها...نبكي بالشهقة...جبدت فرد من ورا ظهري...حطيتو في راسي
زياد;عصام فاش تعمل
ارغد:عصاااام لا
هزيت راسي نغزر لارغد جاي يجري من بعيد...تبسمت بقهرة
انا:طيشو ولدهم و ربو ولد ناس..
ارغد:هات الفرد عصام ماتتهورش
انا:حياتي تحطمت...انا طلعت عاشق اختي
نارين:لا لا موش صحيح اسكت
انا:نضن معادش علاه باش نبقى عايش الخقيقة و عرفتها
بقيت نوخر ب خطوة بخطوة لين وصلت عالحافة متع جبل...تلفت ورايا...خطوة برك و نطيح لتالي و نودع الدنيا..
نارين;بله عليك لا تخليني قول الي انتي تكذب
انا:س..سامحني نارين مكنتش نعرف والله لا كنت نعرف حسيبهم ربي حطمونا قتلونا بالحياه
زياد:عصام عيش خويا ماتتهورش...اصلا كيف سمحولك تهز الفرد ممنوع انت حاليا معندكش مهمة
انا:هاذي هي مهمتي زياد
زياد:هات الفرد
هزيتلو براسي لا...نشوف فيها قربت لعندي...
انا:متزيدش تقرب وخر لتالي نارين
باقي تمشي و تقرب مجاوبتني...بخفة يد جبدتلي يدي و حطت الفرد في كرشها
نارين:اقتلني انا قبل يا عصام
انا:نارين سيب
نارين:مايهمنيش في الحقيقة ...انا تو موجوعة برشا مقهورة غصة في قلبي تهد الجبال في لحظه كرهت الدنيا..انا عايشة بيك و بلاش بيك نموت...انا سلمتلك روحي قبل العرس...و انت وفيت بوعدك خذيتني و عشنا احلى قصه حب...تحدينا كل شي مبعد تجي تقلي خوات!! بكل سهولة يعني انت تو تحب تموت و تخليني في العذاب وحدي
انا:نارين عيشك سيبني
نارين:يعني هذا قرارك باهي مالة اخر شي نحب نعملو تو
باستني من خدي...
نارين;نحبك و مسامحتك اصلا معندكش ذنب احنا ضحية اما..انا كان نبقى عايشة باش نتعذب اكثر و الي في كرشي نقلها بنتي ولا اختي و شكون بوها! هيا عصام حتى انا خليني نموت...
انا:لا لا نارين سيبني
طلقت رصااصة...
انا:لاااااااا ناااااريييييين
ارغد;ناااااارين
غزرنا لبعضناا ...بركنا ثلاثة في القاعة بقيت شادها بيدي نفضت اخر انفااسها....كرشها مغطية بدمهاا...
انا:نارين..نارين فيق حل عينيك باهي نفدلك موش صحيح قوم عيش صغرونتي قوم انت و كهو نوعدك معادش نقلك اختي هيا عاد حل عينيك
وليت نضحك بهستيرية....نخض فيها بيدي....
انا:نارين هيا امان حل عينيك متوجعليش قلبي هيا نفدلك راني هيا قوم انتي و تو نصلحو كل شي
بقيت هكاك معادش عارف اش نحكي غير اني نحبهاا تفيق...حملتها لعندي صحت بأعلى صوتي....خسارتي كانت كبيرة سببها سلطانة...
#
الحلقه 22
رغدة تحكي..
نسمع في صوت بعيد...منجمتش نحل عينيا...نحس في بدني لكل يسطر...حطيت يدي على راسي يوجع برشا..تركزت بيدي لخرا و تقعدت نحل في عينيا بالسيف...نشوف في خيال تصويرة فلو...غمضت عينيا و عاودت حليتهم مليح...نغزرلو عاقد حواجبو حاط يدو في جيوبو..وشلم مغطي يديه زوز و رقبتو و صدرو...هز بأكتافو يحكي ...
هو:شتعمل هنا شكونك !! كيف دخلت اصلا
حليت فمي دوب شوي من ااصدمة....عيط بأعلى صوتو لين اناا تنطرت من بلاصتي لصقت الحيط نرعش بكلي
هو:ااااحمد...ايجا تو تحرك
باقي يغزرلي درا كيف..دخل راجل قد الحيط كحلوش يفجع...
احمد:نعم سي جاد
جاد:شكوني هاذي شتعمل في محلي
احمد:بوك هو الي جابها هنا و قال جاد يرجع من سفر شهر اخر
جاد:بابا!
هزلو براسو اي...اشرلو بيدو باش يخرج...جبد كرسي و قعد...
جاد:كالعادة رهينة جديده اما موش من عوايدو يجيب المخطوفين لداري صغرونة المتواضعة...شنية حكايتك مع مراد تي هاك فرخة صغيرة اش يحب منك...ولا ستنى خليني نتوقع وحدي
قام يمشي يجي في البيت...قرب لعندي...طبس عليا دوب شوي
جاد:اكيد تكون بنت رجل اعمال او بنت سياسي في البرلمان!
بلعت ريقي بالسيف...تكلمت و نحس في نفس تسكر عليا من الخوف
انا:م..مراد هو الي جابني هنا..عيشك خليني نروح نحب نروح تو
دموعي هبطو يحرقو على خدي..تو نهارين منعرف شي على ارغد نهارين و انا في هالبيت لا نجمت ناكل لا شي...كرشي وجعتني نزلت عليها بيدي...طلعت راسي نغزرلو
انا:ن..نحب نمشي من هنا
جاد:منجمش نساعدك يا صغرونة...اما تو نحكي مع بابا نقلو يخليك في حالك كان سمعني بالطبيعة..
صونا تاليفونو
جبدو من جيبو و خرج...نحس في راسي رزين علخر...تركزت بيدي عالحيط نمشي وصلت لحد لباب نسمع فيه يحكي...
جاد:لقيتوها ولا لا ....تصرفو يلزمكم تلقاوها مهما تكلف الامر
علق تاليفون...و تلفت لعندي...بقى يغزرلي...منعرفش على شكون يلوج...نحس في راسي بدا يثقل و عينيا بداو يتسكرو دخت و محسيت على شي
حليت عينيا على لمسات حنان على شعري...تبسمت بالشوي...بين عينيا ارغد...دورت راسي نلقاه جاد التبسيمة تمحات...دورت عينيا عالبيت عرفت الي انا في كلينيك...نحيت سيروم بالسرعة و قمت...وهو مربع يدو يتفرج...
جاد:مهما تعمل ماكش باش تنجم تهرب من مراد...و تو ارجع شد بلاصتك و خلي سيروم يكمل...و مبعد نروحو و تتغذا مليح...
انا:قتلك نحب نروح و انتي تقلي تغذا مابرد دمك الحاصل
جاد:ههه نعرف كان جا دمي موش بارد راني قتلت برشا نااس
اجيت باش نحكي قص عليا صوت الباب الي تكسر من قوة اللطخة..نغزرلو واقف وراه رجالو...واقف بكل هيبة و وهرة...كوستيم البلو و صباط النوار اليلمع...منڨالة الذهب..و الخاتم مرصع بدياموند في صبع يدو الصغير...الشعر ارطب و ابيض...و لحية فيها كان كعبات شيب...قرب لجاد يحكي بصوت صارم
مراد:اناا جايبها باش نعذبها موش باش نداويها قتلك معادش تتدخل في خدمتي الف مرة و اصلا شمرجعك هنا!! موش قلت جاي بعد شهر يا دانيال
انا:اسمي جاااد
مراد:موش مهم
تلفت لعندي..اشر لواحد من رجالو يهزني...منعرفش علاه غزرت لجاد نترجى فيه بعينيا...عدا يدو على وجهو نفخ بعصب
جاد:باهي خليها تاكل شي علقل طفلة هكا باش تموت
مراد:مايهمكش تلهى في شهرة متاعك
انا:صحيت هاو علاش جيت عندي مقابلة في برنامج
مراد:هزوها فاش تتفرجو انتما
هزيت صبعي في وجهو نبه فيه و نحكي بغل
انا:مراد كان تمس شعرة مني متكبر يشرب من دمك و في اي لحظة يدمرك في البلاد الكل...ردبالك هاني تأكدت من طينتك مليح و انا منيش خايفة منك مدام ارغد موجود تأكد هو باش يكونلك كابوس في حياتك
شدني واحد من يدي و يخرج فيا و انا مشيت معاهم من سكات...متأكدة الي ارغد يلوج عليا و باش يلقاني...طلعوني في كرهبة و غمضولي عينيا...عشت رعب عللخر...من برا نبان قويه اما من داخل باش نموت بخوفي...ندعي لربي يوفى هالكابوس و منيش عارفة شنوه هالعذاب الي يحكي عليه...
مراد:رغدة انتي تو ماكش باش تشوف شي لين نوصلو...ننصحك مغير ماتعبني معاك نتلز للعنف صدقني
انا:اعمل الي يضهرلك صدقني مايصرفلك بروحك
مراد:مقل تربيتك فرخه صغيرة قد بوك راني..
انا:تفوه عليك و على بابا زادة اناا معنديش بو باهي
هز يدو و ضربني بكف...يدي مكتفة ورايا...خدي نحس فيه ينمل من وجيعة الضربة...حبست دموعي مانحبش نبين ضعفي
مراد:اخر مرة تعمل شي هذا..و تو تسكر فمك صوتك منحبش نسمعو...
عصام يحكي..
واقف قدام الدار...قدمت خطوة...نمشي بالسيف...نهارين تو على موتها...قلبي و روحي و احساسي دفنو معاها...دقيت الباب...حلتلي دوب ماشافتني وجها تقلب..دور في عينيها و تحكي
سلطانة:نارين ويني
تبسمت على جنب...دخلت و وقفت نص صالة...سكرت باب تغزرلي مستغربة...
سلطانة:ڨتلك نارين ويني و اشبيها حالتك هكا اوليدي
ضحكت بتمسخير
انا:وليدك! انا وليدك!
تحكي يتلعثيم و نحات محرمتها....باينة سخانة ضربتها...
سلطانة:م..مڨتليش شبيك جيت وحدك...
انا:ايجا اقعد ايجا
قربت قعدت على حرف الفوتاي...قعدت على طاولة مقابلها نفرك في يدي و نرعش في ساقي...نغزرلهاا شيطان على حالو
انا:ب..باش نحكيلك حكايتي و نحبك تعاوني
سلطانه:على مانقدر وليدي
انا:صراحة امي دليلة هي متبنيتني من دار الايتام..الحاصل انا منعرفش ماضيا شنوة منعرفش شكون عايلتي..اماا كي سألت و لوجت قالو هما في المنطقة هاذي...و ..
مزلت ماكملتش كلامي و هي قصت عليا تحكي بربثة بخوف بقلق بأحساس وجعني انا...
سلطانة:لا لا معناش الي يسلمو في صغارهم هنا اكيد يحكو على قرية الخفاش اما قرية سلطان مستحيل
انا:نحب نلقى امي و نحضنها و نقلها علاش سلمت فيا و طيشتني لحمة شنوة ذنبي نعيش بإسم اليتيم ولد حرام لقيط كل شي سمعتو في صغري...
سلطانة:اش عندي نڨلك وليدي...ربي يصبرك هذيكا الدنيا...
تبسمت على جنب...و قمت عطيتها بظهري نحكي
انا:صحيح هذيكا الدنيا...قلي شكون فما في دار ياخي
سلطانة:ا..اي زهرة خرجت تڨضي لتو مارجعت و مصطفى مزال موڨوف..
انا:مالة تبات كان انتي زهرة في هالقصر
هزتلي براسها اي
انا:اممم باهي
نجم ليلة نبات حذاكم
سلطانة:و بنتي باش تخليها وحدها!
انا:لا متخافش عليها بنتك تو في امان تستنى فياا باش نرتحلهااا روحها و كهو
غزرتلي مستغربة...حكيت راسي من تالي
انا:نقصد تستنى فيا باش نرتحها...
سلطانة:اما احنا متفاهمين طلڨها
انا:و علاش اعطيني سبب مقنع
ضيقت عينيا نستنى فيها تحكي..
سلطانة:هكا نا منحبكمش مع بعضكم نحب لبنتي تاخذ راجل من دشرتنا...و انتم عرستو بالسيف عليا و حتى مصطفى جا ضدي
بقيت نغزرلها شاد دمعتي بالسيف...يعني مصطفى مايعرفش الي انا ولدو..اما هي تعرف و باقي تخبي تحكي هكا ...زادت وجعتني اكثر...خلتني نتكوى في قلبي...اماا الكوية الي مااانذوقهالها...
انا:اناا قتلك كلامي اخر مرة مغير مانزيد نعاود..اناا داخل لبيت نارين
طلعت اكا دروج...دخلت للبيت...استنشقت ريحتها...اخر مرة لمستها فوق فرشها...كنت حاسبها مرتي حلالي...كنت متهني و فرحان..عديت يدي على تصويرتها المعلقة...ڨمرة ضاوية تخطفت من بين يدي..دنيا لعبت لعبتها بإحتراف و القدر ختم نهايتنا...اما نهاية سلطانة اناا الي نقررها...
جبدت تاليفون...كومبوزيت نومرو...هز عليا يحكي
زياد:وي عصام
انا:جاهز
زياد:اي انا معاك في كل شي...كان تحب نشعلهم بنار جهنم
انا:لا يا زياد انا نحب نتفنن في عذابها كيما هي تفننت في عذابي ملي انا لحمة صغيرة..ليلة نبدا اول خطوة..العشرة متع ليل بضبط اعمل الي قتلك عليه
زياد:باهي تهنى
علقت تاليفون...نتبسم و نفس وقت دمووعي على خدي نعدي في يدي على تصويرة
انا:نعرف ماكش مرتاحة ...نعرفك متعذبة تو اماا على قريب باش نخليك ترقد مرتاحة و فرحانة...اناا زادة باش نجيك معادش نبطا عليك والله نوعدك ايامات قليلة و نخلط عليك...مهما يكون انتي لحمي و دمي
بست تصويرة و مسحت دموعي تمديت على فرشها عنقت مخدتها و غفيت...
--------------------
ارغد يحكي
نحس في راسي رزين عللخر...تركزت بيدي و قمت نغزر للبيت داخلة بعضهاا.. لبارح شربت و كسرت كل شي... فقدت حبي و اختي نفس نهار...نهارين تو مانعرف عليها شي...حتي هو محبش يخبرني... دخلت لصالدو عملت دوش.. لبست دبشي هزيت تاليفون نلقاه مقلوب بالابال...كبست علي تاليفون في يدي طلبتو هز عليا يحكي
مراد:صحة نوم متكبر لباس
انا:مراد تكلم شنوة تحب من للخر
مراد:نتقابلو تو في نادي متاعي نلعبو تنيس و نحكيو شوي
انا:هههه تفدلك انت
مراد:كان متحبش اوك مالة انسي مرتك
انا:باهي نتقابلو
مراد:صحييت يا رجال
علقت تالبفون رميتو عالفرش عديت يدي علي وجهي بعصب.. نسمع في باب مشيت حليت نلقاه قدامي نحا شابو من علي راسو عدا عينيه علي وجهي يحكي
هو:نهارين كهو ولات حالتك هكا
عطيتو بظهري.. حاس روحي متغشش منو.. محبش يخبرني مكان مرتي..مفهمتش علاش.. حط يدو علي كتفي.. نزل عليا يحكي
هو:تعرف الي انا نحبك و معتبرك ولدي.. اماا مانحبش نريسك بيك ارغد..رغدة تو يلزمها تبقي عندو شي هذا في مصلحتك..
تلفت لعندو.. غزرتلو درا كيف..
انا:يعني تحب مرتي تبقي عند المريض هذاكا..
هو:ايامات اذوما كهو...انا متأكد الي رغدة باش تشد حاجة علي مراد و الحاجة هاذي باش تساعدنا نجمروه تدريجيا.. رغدة قوية و تحبك اكيد باش تتذكا و تعنل شي هذا في مصلحتك.. و مراد مايضرهاش تو خاطر ولدو هبط لتونس
انا:جاد في تونس
هو:اي و مراد مستحيل يعمل شي و جاد هوني خاتر يعرف مليح ولو مهبول و عادي جدا يعملو فضيحة
تبسمت باستحقار‘‘
انا:اول مرة نشوف الولد خير من البو..
هو:مانحبكش تتسرع.. وافقو علي كل شي تو وحدو يرجعلك مرتك.. و مبعد تو نقلك شنعملو فيهم لكل..
رجل لبس شابو غطا شطر وجهو.. جا خارج وقفتو نحكي
انا:علاش تخبي في وجهك و ماتحبش تقلي علي اسمك تو عامين مع بعضنا..
بقا واقف عاطيني بظهرو...
هو:بالرغم هذا لكل و انت باقي واثق فيا
انا:خاتر رتحتلك برشا و انت خليتني نوثق فيك
و انت الي نقذتلي حياتي ليلتها
هو:خلي يوفا كل شي و تو رعرف انا شكون يا ارغد
خرج و متلفتش لعندي جملة..رجعت للبيت هزيت تاليفون و خرجت...وصلت لنادي.. بقيت ندور في عينيا عالبلاصة..نشوف فيه يلعب مع شخطورة..شافني شاورلي بيدو.. و جا لعندي يمسح في وجهو بالمنشفة و يحكي..
مراد:برا بدل و ايجا نلعبو طرح..
انا:مانحبش موش غرامي
مراد:مالة شنوة غرامك
قربت لعندو اكثر... طبست عليه شوي بحكم انا اطول... همستلو في وذنيه..
انا:انتقام
جبدت روحي شوي تبسمت علي جنب..
انا:نجمو نقعدو تو و تحكي الي عندك
هزلي براسو باهي.. مشيناا للقهوة قعدناا...شعلت سيقارو نستني فيه يحكي.. قعد يغزرلي...شبك يديه في بعضهم يحكي
مراد:حكاية عندها سنين و مشات علاش مكبش فيها لتوا
ضربت بيدي علي طاولة....
انا:مامشاتش 5 جانفي مع نص ليل رعد و برق صوت صياح و البكاء ليلة اذيكا من 12 سنة و اناا عايشها كل لحظة و في الاخير ختمتها كي قتلي راك موش ولدهم..صدمتين نفس ليلة و بعدها اختفيت و معادش نعرف عليك شي يا خالي... اا نقصد كنت خالي انت خو سلطانة اكيد باش تكون كيفها يعني حاجة مانستغربهاش..
مراد:هذا كفويا حبيت نفيقك
انا:مراد شتحب من للخر
وخر لتاالي غزر لمنقالتو..رجع يشوف فيا درا كيف
مراد:نحبك تدخل معايا في الحزب و مبعد في الانتخابات يلزمني نربح..فلوسي و تزيدهم فلوسك نحكمو البلاد الكل و كان صار هكاا اسبوع كهو و مرتك تكون عندك و تطوي الماضي الكل..
طرشقت بضحك لين حسينا ناس لكل تغزرلي..
انا:مسكينة البلاد و مسكين شعب باش تحكم فيه انت تحب تزيد تغرق زواولة اكثر
مراد:انا قلت الي عندي و انت حر يا متكبر
جاا باش يقوم حبستو نحكي
انا:باهي موافق اما علي شرط
عقد حواجبو مستغرب
انا:تخليني نقابل رغدة تو و نوعدك الي تحبو يصير
بقي يغزرلي كاينو يخمم..حط منشفة علي كتفو
مراد:باهي 10 دقايق كهو اماا موش وحدكم واحد من رجالي معاكم و باش تمشي من هناا عينيك مغمضين واضح!
هزيتلو براسي باهي.. خليتو مشا طلبت ورقة من سيرفور و ستيلو كتبت فيها كلام لرغدة.. خبيتها نشوف فيه جاي لعندي قمت و عرضتو خرجنا مع بعض طلعت معاه في الكرهبة.. بقيت ندرو في عينيا عليهاا..
مراد:اياا سي ارغد كان تسمح باش نسكرولك عويناتك
بقيت ساكت لين سكرولي عينيا صمت عم عليناا لين وصلت.. هبطناا من كرهبة حسيت بيد شكون يمشي فيا...سمعت كان تسكريت باب حلبت رباط نغزر للبيت قربت لباب جيت باش نحلو و رغدة دخلت معاها راجل تنطرت علبا حضنتني.. بقيت محاضنهاا نشم في ريحتهااا لبنينة دورتهاا معايا و عطيت بظهري لراجل.. حطيتلها ورقة في سروالها من تالي.. كبست بيدي علي ظهرها.. همستلها في وذنيها..
انا:مبعد تكون وحدك اقراها..
جبدت روحي شوي..شدبتها من وجها و هي تبكي.. حسيتها ضعفت غي نهارين كهو.. خذيت نفس نحكي..
انا:متخافش كل شي باش يكون مليح
رغدة:علاش متهزنيش من هوني
انا:اششت
اشرتلها بعينياا علر راجل ورايا ..فهمت علبا و هزتلي براسها باهي..جبدتها لحضني.. نبوس فيها من راسها..
انا:كون قوية و تذكر اناا معاك باش نكون معاك كل لحظة.. طلع راسك اغزرلي
غزرتلي عويناتها مدمعين..
انا:عالمي خاايب و صعيب و زيد حكايتي دخلت في سياسة باش تكون اصعب.. مقصوفتي نعرف كلو جرتي الي صاير معاك س..
حطت صبعها علي شفاافي..هزتلي براسها لا..
رغدة:متقولهاش اناا معاك في كل شي و منيش خايفة من شي خاتر نوثق فيك برشا..
تبسمتلهاا و حابس دمعتي.. حالتها معجبتنيش وجها اصفر.. حضنتها بكل قوتي..
انا:نحبك
جبدت روحي فيسع و خرجت... منعرفش علاه مستنيتش نشوف ردت فعلها.. خرجت طول نادي بأعلي صوتي علي مراد.. شدني راجل من يدي جبدني لتالي
هو:وطي صوتك و ريض باش نسكرلك عينيك
انا:سيب ز** نحي كسرتك وينو عرفك...
مراد:شفت مرتك كلبت شبيك ياخي
انا:باش تتلهي بيها و يلزمهاا تاكل و توفرلها كل شي اسبوع هذا مكانش انسي اتفااقناا واضح مراد
مراد:ههه متخافش عليها...
انا:باهي يا مراد بصحتك والله شديتني من اليد الي توجعني.. و تو روح بيا
مراد:اكيد..وصلو سي ارغد لنادي كرهبتو غادي
ستويت فاست سكرولي عينيا و خرجت...بعد ماشفتها زدت تخنقت اكثر و نقمت اكثر...حكاية ماشية و تتعقد.. يلزمني نلقا حل في اقرب وقط لعبة الفار و القط مانحبهاش...
رغدة تحكي..
بعد مامشاو بقين واقفة نفس بلاصة...منيش مصدقة الي سمعتو هو قلي نحبك اي قالهالي... بقيت نتبسم و قلبي يدق بالقوي...ريحتو بقاات في خشمي.. تذكرت ورقة الي حطهاا مشيت للبيت لدوش و سكرت باب جبدت نقرا فيها...**رغدة ياا مقصوفة راك روحي و حياتي و الكل فيبالك نهارت الي تخطفت كنت عاملك مفاجأة...اماا تو نعوضهالك تهني...ساامحني ياا روحي انا سبب في كل شي.. نوعدك تو نخرجك من غادي غير كون قوية و اعمل الي باش نقلك عليه...رغدة انت لازمك تبان في سااحة و في حياة مراد بشكل عاام انت لازمك تكون رغدة اخري و الي باش يعاونك هو جاد نعرفك تو تقرا مستغربة و ماكش فاهمة شي اماا جاد انا نعرفو مليح و نعرف باش يساعدك.. ستني مني خبر علي طريق جاد مفماش حل اخر خلافك رغدة انت الي باش تقدر تحطم مراد معايا هو عندو نقطة ضعف لازمنا نعرفوهاا يلزمك تتصرف و تعرفلي هالنقطة...و تو قطع ورقة متخلي شي باين فيهااا و طيشها ***
كملت قريتها.. عملت كيما قلي...تركزت بيدي علي رخامة.. نغزر لروحي في المراية.. شيقصد لازمني نتغير..نحس في روحي ضايعة منيش فاهمة كلامو...خذيت نفس حليت باب و خرجت رجعت للبيت.. وين مانتلفت نلقا رجال واقفين يعني هاذي خدمة يخدمو فيها والله غريبة...ترميت عالفرش...عنقت المخدة بقيت محاضنتها و نتخيل في حضنو الدافي.. لين نسمع في حس عياط متع مرا تنطرت من بلاصتي...وقفت ورا الباب نسمع فيها تحكي تونسي مكسر باينها اجنبية...حليت باب دوب شوي نطل بالسرقة..نغزرلهاا....محلاها و مضخمهاا..باينتها بنت العز... شكوني زعمة....جيت باش نخرج وقف في وجهي جاد....دزني تالي و دخل معايا سكر باب..
جاد:مغير ماتخرج شيهمك فيهم
انا:شكوني علاش تعيط هكاك
جاد:امي
انا:بلحق!!
جاد:نحلف
انا:محلاها ربي يفظلهالك..
رجعت قعدت عالفرش نفرك في صوابعي..
انا:ياخي علاش بوك جايبني لهناا يعني باينة دار العايلة هاذي
جاد:انا زادة منعرفش و اول مرة يعملها..
انا:يعني مراد مستانس يخطف
جاد:امم قليل كي يبدا حد مارجو كيماا راجلك
انا:و انت تعرف شكون راجلي
جاد:ارغد ولد مصطفي‘‘و شكون مايعرفوش..راك تتسمي مرت ولد خالتي
حليت عينيا علي وسعهم... قمت من بلاصتي
انا:مراد خالو!! لا مستحيل
جاد:هههه تهني ارغد موش من عايلتنا اصلا يعني اناا زادة غاضني كي بان هو و اسوان موش ولاد خالتي من وقتها قررت نهج من بلاد و خاصة بعد مافقدت اختي في حادث
حسيت بعينيه دمعو كي جبد سيرت اختو
حطيت يدي علي كتفو...
انا:الله يرحمها
غزرلي و تبسم علي جنب
جاد:كان ماتت راني كل يوم ساكن في المقبرة اما هي موش موجودة اصلا فقدتهااا جملة شفتهم قدام عينيا كي هازينها و هي وقتهاا صغيرة ماتعرف شي تي تنطق بالسيف كانت تناديلي زااد كنت نشيخ عليهاا كي نروح من الليسي نتعدالها طول كانت تفرح كي تراني.. و مبعد هزوها منعرفش عاد تو حية ولا ميتة
حسيت بغصة في قلبي.. مخيبو الشعور هذا.. علاش الي يعرفو مراد لكل عايشين في عذاب...موش بعيد يكون هو سبب في وجيعة ولدو...مراد بالنسبة ليهم دمار شامل...
جاد:المهم مغير ماتخرج من البيت في ليل تو نجيك يلزمنا نحكيو
انا:باهي جاد
تبسملي و خرج...رجعت تمديت عالفرش.. نخمم في جاد و رعشت صوتو كي يحكي علي اختو.. قداش غاضني..باين حنين و حساس موش كي بوه..شيطان علي حالو... غمضت عينيا و بقيت نقرا في القرأن في سري... لين غفيت و هزني نوم..
الحلقة 23
عصام يحكي
قاعد نترشف في القهوة.. نغزرلهاا وجها مقلوب.. اصلا ملي صاار دخلت بعضهاا... خليتهااا تشوف خيالات.. خلبتهاا تجن و تهبل...ستوات حجابهاا...تحكي
سلطانة:نطلب في بنتي ماتجاوبش ليش! و زيد انت عندك ايامات هنا و مخلي مرتك وحدها واشي عجتك القعدة هنا..
حطيت كاس... تبسمتلها و جاوبتها بكل برود
انا:بنتك متخافش عليها في امان هي تو و اناا قاعد هنا عندي حساب نحب نصفيه شرايك انت يا سلطانة
سلطانة:حساب واشي زادة فاش تحكي انت
انا:بما انو وحدناا في دار خليناا نفصلو رمانة خاتر الكاس فاض ...اما قبل كل شي احسب معايا لعشرة كهو..
قربت لعندهاا..ندور حواليهاا..بديت نحسب لين وصلت للعشرة و الباب تحل.. و كانتللها صدمة
سلطانة:مصطفي!!!
انا:مرحبااا يا مرحباا تلمت العايلة و اخيرا.. اي شبيكم تغزرولي هكاا.. احناا عايلة و هانا تلميناا و مفماا حد براني.. ولا حد ناقص
سلطانة:ارغد و اسوان الي يكملو عايلة هاذي
طرشقت بضحك.. بديت نصفق و ندور عليهم
انا:ههه برافو مقصرتش زيد اوجع زيد خليه قلبي ينزف اكثر
وقفت قدامهاا بضبط.. نحكي و نرص علي سنياا حتي عينيا تملاو دموع
انا:ارغد و اسوان شكونهم ااه ولادك!! متأكدة!! ياخي كذبت كذبة و صدقتها علي روحك..هما ولاد كماال و هندة عرفتهم ولا نعرفك بيهم
رجعت غزرت لمصطفي الي مطبس راسو و متركز علي عكازو
انا:كمال عشير عممرك صديق الطفولة..سرقتلو حياتو و دمرتو..
مصطفي:شكونك انت منين ليك هذا الكل
وخرت خطوة لتالي...حليت يدي.. نحكي بصوت يرعش غالبتو غصت البكاء
انا:انا الي رميتوه وللكلاب خليتوه اناا الي طيشتوه و الغرابة ربوه انا الي نكرتوه اناا ولدكم انااا محمد موش هكا موش سميتوني محمد عصام اناا ولدكم و للاسف انتما والديا
مصطفي :محمد عصام!!
رجع غزر لسلطانة كاينو مصدوم
مصطفي:موش قلتيلي ماات وقتلي تولدي فيه و هزيتو ناا دفنتو بدياا!! ولد شكون الي دفنتو ناا ا سلطانة تكلمي راكي باش تجيبي اخرتي
انا:هههه والله يطلع منك يا سلطانة وصلت عرست بأختي و انت ساكتة لدرجة متحسش ؟؟ حجرة عندك ؟؟ باهي مانحب نسمع شي منكم انتما زوز لحق الوقت باش تخلصو حق عذابي
بقيت نغزرلهم مرعوبين مصطفي سلطان بكلو يرعش قريب يطيح...
انا:مصطفي تهني حساابك باش نخليه لارغد خاترك سرقتلو حياتو و حطمتو اماا انتي يا سلطانة حسابك معاياا و ماايقدر يفكك مني حد
قربت لعندهاا..طبست عليها شوي
انا:نارين ماتت انت قتلتهااا انت سبب
هزتلي براسها لا برشا مرات و دموعهاا نزلو
انا:ياا هاو عندك عين تبكي كيفنااا صار طلعت تحس ...تو شي ماينفع يا سلطانة جرتك انت خسرت كل شي خدمتي سلطتي و حتي حب حياتي الي طلعت اختي انت سبب في هذا الكل قلي شنوة نعمل فيك ااه..الحل الوحيد انك تموت اي يلزمك تموت فماش مااتطفي ناري شوي
غزرت لسلاح متع الصيد معلق حذا الباب تبسمت علي جنب و مشيت جبتو نلقاه معمر..قلبتو بين يدياا مكتوب عليه اسم ارغد.. كبست عليه في يدي.. و قربت لعندهم
انا:تعرفو مليح مااعندي مانخسر نقتلكم و ندفنكم و نمشي نسلم روحي عاادي جدا اماا لا مايلزمنيش نخلي ارغد و اسوان ناارهم شاعلة و بالاخص اسوان اممم شرايكم نكلمو تو نحكيلو ااه
هبطت علي ركايبها تبكي بالشهقة...
سلطانة:بجاه النبي لا تڨلو شي اسوان موش كي ارغد اسوان شيطان علي حالو حد مايعرفو ڨدي نا الي ربيتاه يمكن يشعلناا الكل و مايرفلوش جفن
انا:و هذا اش نحب يشعلكم الكل ارغد ساكت خاتر مايحبش يوسخ يدو يحب ياخو حقو قاانونيا اما اسوان هههه اسوان في نهارين كهو قدرت نعرف عليه كل شي عمل المليح ارغد كي مخبروش بمصاايبكم بلحق جن ازرق اسوان و ماايقدرش عليه.. اذاكا علاش قلت نكلمو نحكيلو ااه شرايكم
جبدت تاليفون.. حليت انترنات و طلبتو عالواتس... حطيت مكبر الصوت... دوب ماسمعو صوتو حلو عينيهم علي وسعهم يهزولي برااسهم لا...
اسوان:اهلا نسيبي لباس كالسبة طلبت
انا:وحدك انت تو
اسوان:اي علاش
انا:فما شي نحبك نخبرك بيه قبل ماايفوت الفوت
اسوان:احكي حيرتني
بقيت ساكت و مستمتع بمنظرهم هكاا..
انا:شي كي تهبط تونس تو نحكيو
علقت تاليفون و سكرت انترناات رميتو عالطابل... و طرشقت بضحك
انا:ههههه تعرفو الي انا تو عامل جو والله
سلطانة:عيش ولدي اسمعني خنڨلك الي صار ماتتسرعش
انا:اش نسمع ااه انت لاخر لحظة ناكرة فياا انت ام!! علاش طيشتني علاش شنوة ذنبي علاش رميتني و ربيت صغاار غيرك علاش
مصطفي:جاوبيه ا سلطانة نا زادة بودي نعرف ليش عملتي هكا..
سلطانة:مطيشتكش
انا:اا مالة عطيتني هدية لشارع..
عديت يدي علي وجهي بعصب حسيت روحي صايا معادش نجم نستحمل برودهاا
انا:باهي وفاا هناا شهد يا سلطانة
وجهتلها المڨرون... و الباب تخلع تلفت نشوف في زياد و امي دليلة تبكي...
دليلة:لا عيش ولدي متضيعش روحك نحي من يدك خليهم حسيبهم ربي ياا كبدي انت ولدي اناا موش هي انا امك ايجاا عيش ولدي
انا:تسمع يا سلطانة هاذي الي ردتني رااجل شفتو زيااد اذاكاا ولدهااا انا وياه اخوة من رضاعة رضعتني من صدرها نفس صدر الي رضع منو زياد شفتهاا شوف للاتك شوف ياا سلطانة بالرغم عندهاا ولدهاا من صلبهاا اما تبنتني اناا كبرتني و ربتني و تلهات بيا اكثر من زياد ميزتني عليه باش متخلينيش حاسس بالنقص جنة تحت اقدامهاا هي موش انت ياا شيطاانة انت شيطان في هيئة انسان...
دليلة:هيا عيش وليدي نمشيو يزي عيشك شي مااهو باش ينفع تو و انتما حسيبكم ربي ان شاء الله تتلقاااوه في صحتكم...زياد جيب خوك....
قرب زياد لعندي.. وقفتو بيدي نحكي
انا:استني زياد.. سلطانة بنتك دفنت و تأكد باش نرجع ندفنك بيدي موتك مايكون كان علي يدي يا سلطانة اماا تو باش نخليكم تتوجعو من نار التوأم اسوان و ارغد
قربت لأمي بزربة حضنتها و نبكي طلعت راسي نغزر لزهرة وااقفة باهتة... عطيتها ڨحرت موت شديت امي من يدها و خرجت حسيت روحي تفرهدت شوي يمكن خاتر خرجت الي في قلبي اماا باقي شي موت ناارين شااويني و كاويني و اناا مانبرد كان بموتهم معملتش الي في راسي زياد خلف بوعدو ليا و جابلي امي يعرفها نقطة ضعفي... جبدتها لعندي نبوس فيها من راسها و هي تبكي... خدم زياد كرهبة و شدينا طريقنا لتونس و منعرفش شنوة مزال يستني فياا منعرفش دنيا شنوة مخبيتلي اكثر... تكيت راسي تالي و غمضت عينياا كل الي نحب عليه تو ترجع نارين لحيااتي و كهو ..وصلناا لدار.. طلعت طول لبيتي نقصد بيتنا انا و نارين دوب مادخلت كانتلي صدمة... نلقاها تبكي فوق الفرش و شادة تصويرة نارين..يعني امي خبرتهاا..تنهدت و قربت قعدت جنبهاا... باقي تبكي بالشهقة...خذيت نفس نهدي في روحي
انا:اسكت يزي سارة
سارة:منيش مصدقة ولا حتي مستوعبة الي صار كيفاه ناربن تموت
انا:الله يرحمهاا
سارة:حاسة بوجيعتك ياا عصام كلمتني خالتي صباح قبل ماتمشيلك حكاتلي كل شي خذيت اول طيارة من تركيا و جيت لعندك كنت ناوية نجي كي تولد نارين اماا...
انا:هذا الي كاتبو ربي
سارة:خسرنا احلي وردة في العايلة تي حتي عرسكم محضرتوش..المهم عصام شرايك تمشي معايا لتركيا تغير جو هكا احسنلك نتصور..عصام اناا سمعت بكل شي راك مهما يصير تبقي ولد خالتي و خو زياد شي مايتبدل ماكش براني علينا
انا:نعرف يا سارة اما
سارة:لا اما لا شي غدوة صباح نمشيو برحمة الغالية
هزيتلها براسي باهي...اصلا مستحق نبعد شوي... خذيت من عندها تصويرة نارين حضنتهااا..
انا:سارة غدوة صباح بكري هزلي تصويرة كبرهاالي موش عندك صديق هناا
سارة:باهي تهني غدوة نهزهاا و نكبرها المفيد تكون انت مرتاح
تبسمتلها بالسيف..قداشها حنينة و فاهمتني عللخر... لاقي البراينية خير ملي جابوني راو شي يشوي القلب... زدت لزيت صورتها لصدري و تنهدت من عروش قلبي...توحشتهااا و توحشت ريحتهاا...
😞😞
--------------------------
اسوان يحكي
تو قريب شهر محسور في الخدمة و ولادت فاطمة قريبة يلزمني نرجع لتونس..كل مانقول صايا كملت نلقا خدمة جديدة تستنى...كملت دوش لبست كاب و خرجت نغزر لفاطمة مبهمة في البيسي حاطة يدها على فمها... قربت لعندها هزيت البيسي نشوف شنوة الي خلاها مصدومة هكاا... عقدت حواجبي مستغرب...نسأل فيها كايني موش مصدق...
انا:ياخي موش هذا مراد خالي و رغدة و ارغد
فاطمة:ايه اماا نا تصدمت في رغدة كيف تغيرت شوف اش لابسة و شعرها كيف مصبوغ واش صارلهم
انا:لحظة خليني نقرا الارتيكل
قعدت و حطيت بيسي قدامي نقرا في العنوان
""وجه سياسي جديد و زوجته و شريك مراد بن عثمان في جميع شاريكاته و دخوله لحزبه و مشاركته في الانتخابات الرئاسية""
ضحكت بتمسخير..منيش مصدق الي نشوف فيه من وقتاش ارغد يحب سياسة و خالي شيعمل في تونس بعد 12 سنة كاملين مانعرفو عليه حتى خبر.. اكيد فما شي صاير حطيت البيسي و قمت من بلاصتي
انا:فاطمة قوم حضر روحك باش نهبطو لتونس
فاطمة:تو في ليل
انا:اي
هزتلي براسها باهي.. دخلت للبيت بدلت دبشي..عبيت معاها فاليزات.. كلمت شكون في مطار ركحلي اموري.. و خذيت اول طياارة... دوب ماوصلت نطلب في ارغد مايهزش...نحس في العصب ركبني نحسو يسبله فياا و مخبي عليا برشا حكايات...
انا:فاطمة انزل انت اناا تو نرجع
فاطمة:رانا في الفجر وين ماشي تو
انا:برا ارقد ارتاح تو نرجع و باينهم موش في دار نمشي نشوفهم وين مشاو و نجي
فاطمة:باهي روحي سايس روحك
بستها من خدهاا و ديماريت....باقي نطلب لين هز عليا...
انا:وينك
ارغد:ياخي في تونس انت
انا:قتلك وينك
ارغد:في الاوتيل
علقت تاليفون ماجاوبتوش.. حرقت الطريق وصلت لعندو... طلعت لشومبر نلقااه متكي حتي رغدة موش موجودة.. دوت عينيا عالبيت نحكي
انا:وحدك
ارغد:امم
انا:شنوة الي شفتو صحيح!
ارغد:اي
حسيتو يحكي بكل برود..
انا:تنجم تفهمني شصار و لا نمشي نفهم بطريقتي
تبسملي درا كيف وقف و قرب لعندي شدني من يدي وقفني قدام المراية..
ارغد:تتذكر قتلك نشبهو لبعضنا لدرجة حد مايفرقنا اماا في طبيعة مناش كيف...تعرف شي اسوان برا اعرف بطريقتك المسخة
نطرت يدي منو..تلفت نغزرلو... عينيا في عينيه.. عينيه الحمر يقدحو نار خويا و نعرفو مليح نحسو موجوع و معصب نفس وقت..
انا:فاش تحكي انت ااه
ارغد:شي قتلك برا اعرف بطريقتك منيش مضطر نفسرلك كل شي
انا:صار هكا!! شنوة دوروك على خوك يا متكبر
عطاني بظهرو... هز سيڨارو شعلو و نفخ يحكي
ارغد:حد مايدورني عليك يا شطري اماا نحبك انت الي تفسرلي شصار
تلفت لعندي غمزني هزني و حطني
ارغد:او بالأحرى شكونك!
بقيت نغزرلو و كهو يبست في بلاصتي تبلانتيت معادش نجم نتحرك نحس في زمان وقف.. مجرد سؤال رهوجني اي انا شكوني انا اصلا مااوجهتش روحي مانحبش نعرف روحي شكوني
خذيت نفس عميق نحكي
انا:خوك شكوني زعما
ارغد:اي اما كل حد فيا عندو شخصية اخرى موش هكاا! انا نحبك تعرفني على شخصيتك الي مخبيها على شطرك
عديت يدي على شعري نرعش بكلي..
انا:باينتك شارب نمشي خير
ارغد:هه باهي امشي اسوان امشي احسن
خرجت بزربة منحبش نزيد حتى لحظة.. ندور في راسي نحب نطير افكار ...غزرت للمنڨالة في يدي..ديماريت كرهبة... و مشيت طول لمكاني سري...
دوب مادخلت وقفو..
انا:انور اخلط ورايا
دخلت للبيرو... حليت بيسي وريتو تصويرة..
انا:خويا نضن تعرفو...هاذي مرتو رغدة و هذا مراد اكيد تعرفو بما انو صار في انتخابات رئاسية ...نحبك تجيبلي اخبارهم ثلاثة و بالاخص مراد و رغدة في يدك اسبوع كهو تجمعلي فيه كل شي يخصهم
انور:حاضر سي اسوان اماا فما حاجة لازمك تعرفها
انا:اش صار
انور:سلعة شطرها كلاها الحوت.. و الكبير قالب دنيا على وسام
انا:وسام!
انور:اي اما تهنى في الحفظ و الامان هو حب يرجعلك الكف
انا:منين عرفو وسام ؟؟؟
انور:الكبير مايتخبى عليه شي
ضربت بيدي عالبيرو
انا:تتمس شعرة من وسام نشعل فيكم نار يا انور و تو نضن تعرف خدمتك مع الكبير
انور:نقراو عليه الفاتحة
انا:صحيت
هزلي براسو باهي..و خرج.. جبدت تاليفون..
انا:عديلي وسام
هي:راقد سي اسوان كي يفيق نكلمك
انا:شرب دواه
هي:محبش هابل عليك
انا:قلو لعشية نجيه
علقت تاليفون.. تكيت راسي تالي... جات بين عينيا فاطمة...حاس روحي مقصر معاها برشاا او بالاحرى مخبي عليهاا حاجات يمكن يغششوهااا او يصدموهااا اماا الي متأكد منو عمرها مااتبعد علياا....
بقيت ندور بالكرسي و مغمض عينيا...نحب نهدي روحي منحبش نتسرع في حتى شي...حليت عينيا..نغزر للوقت حاسو يمشي بالشوي....راسي بدا يرزن مرقدتش ليلة كاملة هزيت مفتاح كرهبة و خرجت...دريكسيون لعند وسام...حاس روحي متوحشو منجمش نصبر للعشية..دخلت للمغازة شريتلو حاجات..وصلت لعندو راكيت كرهبة...هبطت هزيت راسي نغز للكاميرا.. تبسمت على جنب عرفتو انور حطها حفظ خدمتو مليح.. حليت باب و دخلت حس بايت..عرضتني المرا.. تنشف في يدها..
هي:سي اسوان مرحبا..وسام مزال راقد
انا:باهي تنجم تروح على روحك باش نهز وسام معايا ليوم
هي:باهي حاضر
جبدت فلوس من جيبي عطيتهملهاا..
حطيت قضية على طاولة و دخلت لبيتو راقد و معنق الدبدوب.. مسحت على شعرو... بقيت نمسح على شعرو و نهسلو في وذنيه... حل عينيه بالشوي يفرك فيهم... دوب ماشافني تنطر عليا...
وسام:بابا
نزلت عليه بيدي حضنتو اكثر
انا:اما بابا مغشش عليك
جبد روحو شوي يغزرلي
وسام:انا مغشش بقيت برشا مجيتنيش
انا:خدمة ياا رجال اياا قوم باش نفطرو و تشرب دواك العصفورة قتلي الي انت ماكش تشرب في دواك باش تبرا
حط يدو الصغرونة على قلبو
وسام:اما انا قلبي معادش يوجع فيا
انا:اما دواء منقصوش عليه تفاهمنا
وسام:باش تهزني ستاد كيما وعدتني
انا:هه اما ليوم مفماش ماتش
وسام:المهم خرجني مايهمش..مكانش منشربش دواء
انا:باهي سي الفصعون وليت تهدد
ربع يدو.. و هز حاجبو..ضحكني الفرخ
وسام:اي كيفك
انا:ههه باهي هيااا
حملتو عندي..جبدت تاليفون..سكرتو....ليوم نحب نعديه معاه...مبقالوش برشا عالعملية...يلزم نفسيتو تكون مرتااحة... طلع فوق اكتافي... حاط يدو على راسي
وسام:بابا هزني نشريو لعب تفرجت على كوميك باطمان نحب نشري باطمان كبير
انا:ههه باهي اهبط ساعة باش نجم نحضر الفطور
وسام:لا خليني موش انت قوي منيش رزين انا
ضحكت عليه بقيت نطيب و هو فوق اكتافي كل مرة يحكيلي شي...فطرناا و غيرتلو دبشو...
وسام:لا نحب نلبسو كيف كيف كيما مرة لخرا
انا:ههه اما هذيكا كوستيم...
وسام:اففف باهي..هيا هيا نخرجو
خرج يجري من البيت.. هزيت راسي نغزر لتصويرة معلقة في البيت تنهدت من عروش قلبي.. خالطت وراه
طلعتو في كرهبة من تالي.. و ديماريت...راكيت كرهبة في باركينغ.. هبطنا شديتو من يدو و دخلنا للمول..كلهاا دبش متع صغار و العااب...بقيت ندور بيه كل مرة يشري شي..دخلت بوتيك دبش...بقيت نختارلو في لبسة.. تلفت يمين و يسار ملقيتوش. حطيت سيكان عالارض.. نلوج عليه.. تلفت على يمين نلقااه خارج من بيت القياس.. نفخت بعصب..زعمة لا مت من الخوف.. ناديت بأعلى صوت عليه..
انا:وسااام ايجا هوني
جاييني يجري
وسام:باباتي شوف محلاه مريول
جيت باش نجاوبو سمعت صوتهاا ورايا... بقيت واقف بلاصتي منجمتش نتلفت.. عضيت علي شفتي...موش وقتو جملة
فاطمة:اسوان
وسام:باباتي شبيك سكت
كبست علي بونية يدي و دورت لعندها... نغزرلها هي و رغدة و سيكان دبش في يدهم...عينيها مليانين بالدموع.. رغدة تغزر لوسام باهتة....بلعت ريقي بالسيف..ملقيتش مانحكي.. صمت عم علينا ناس لكل... في لحظة مشاو من قدامي.. فيقني من سرحتي كي يجبد فيا من يدي....هزيت سيكان و حملتو لعندي و خرجت بزربة..منحبهاش تتعصب و هي حبلة....يلزمني نفهمااا الي صاير لكل... مكانش تزيد تتعقد اكثر... اصلا شتعمل مع رغدة في المول و كيف ماتخبرنيش...نحس في راسي باش يطرشق...كل شي طاح في الماء الي مخططلو لكل راح...نفس الوقت تو منجمش نخلي وسام وحدو معنديش حل خلاف غير نهزو معايا لدار...
الحلقة 24
أرغد يحكي..
نحل في عينيا بالسيف نسمع في صوت ينااديلي...تقلبت على ضهري نفرك في عينيا... نشوف في رغدة... تي المڨصوفة ملي صبغت شعرها تبدلت عليا.. ماننكرش زيانت اكثر...
رغدة:ڨوم فيسع تي نقصد قوم
تبسمت بالشوي منبه عليها لهجت دشرة معادش تحكي بيها
رغدة:قوم باش نحكيلك شصار
تركزت بيدي و تقعدت شوي تكيت ظهري تالي..
انا:ايجا لعندي ساعة
تربثت..حطت شعرها ورا وذنها
رغدة:ف..فاش تحكي موش وقتو
انا:شنوة الي موش وقتو...ياخي نسيت مرتي راك
رغدة:اي عالوراق كهو معملناش عرس و مدام مفماش زازة و زغاريط ردبالك تخمم تمس مني شعرة
طرشقت بضحك...مخها طول مشا لغاادي...
انا:ههه ا بنتي هدي روحك تهنى يا للا باش نعملك عرس تونس تي العالم لكل تهتري بيه باهيشي هكا!! ايجا لعندي تو ولا نقوملك نجيبك عندي بالسيف
رغدة:امان يزي اسمعني سااعة اسوان رجع
انا:اي نعرف
قربت قعدت جنبي تغزرلي درا كيف
رغدة:و تعرف الي عندو طفل عمرو 4 سنين
عقدت حواجبي مستغرب.. ‘
انا:مستحيل منين جبتو هالحديث
رغدة:يعني متعرفش
انا:والله لا نعرف يااخي تشكك فياا ولا شنوة تو
رغدة:باهي وطي صوتك.. المهم خليتو هو و فاطمة يحكيو و زيد من فوق مايحشمش جايب معاه طفل لدار
انا:ياخي تحكي بجدك انتي تو
هزتلي براسها اي
رغدة:للاسف
عديت يدي على شعري بعصب...نحيت الملحفة من فوقي...داخل لصالدو... وقف دوب ماسمعت سؤالها..
رغدة:شنوة اتراس الي في ظهرك
كبست بونية يدي...نتمالك في روحي
انا:تضربت في عركة
رغدة:اما...
انا:ندخل نعمل دوش و نمشيو و بالنسبة لاسوان و فاطمة امورهم مندخلوش رواحنا..واضح
تلفت نغزرلها...هزتلي براسها باهي....دخلت لدوش.. حليت مااء.. بقيت تحتو.. مخي لكل في طفل الي مع اسوان. خويا و نعرفو مليح مستحيل يكون ولدو.. يكفيني الي عرفتو عليه لحد الان صدمني.. منيش مستعد لصدمة اخرى.. قلبي واجعني برشا لدرجة معادش نجم نبين روحي قوي قدامهم.. اي صح اناا راجل و عليا الكلام.. اماا زادة نحس عندي مشاعر و عمدي نقط ضعفو الي عشتو موش شوي الي تعدا على راسي كان جا واحد اخر في بلاصتي راو انتحر...
غمضت عينيا نعدي في يدي على شعري نخلي في النا يتغلغل فيه... تذكرت اكا ليلة المشومة.. ليلة الي قلبت ارغد و رجعتو متكبر..الي خلات ارغد ناس لكل يشوفوه قلب قاسي مايرحمش..مايضحكش مايفدلكش... ديماا عابس.. انا توحشت روحي اي توحشت ارغد الي صوت ضحكو يملى دنيا....اماا كيما حرموني منهااا باش نحرمهم زادة هما و نخلي صوت بكاهم يملى الدنياا و صوت ضحكي اناا الي باش يرجع فرحتي وقت موتهم
كملت دوش و خرجت...نلقاها واقفة قدام المراية تعمل في روج..
انا:افسخ
غزرتلي من مراية هازة حاجبها
رغدة:واش الي نفسخ
انا:مرقة الي في شفاافك
رغدة:لا انا عاجبني هيا البس فيسع باش تبقى هكا برشا..
وجهاا حمار.. وهي تغزرلي بكلي شعري مبلول و صدري يقطر بالماء... لاف كان نصي لوطاني و منشفة صغيرة علي رقبتي... تلفتت باش تخرج جبدها من يدهاا بقوة طيحتها فوق فرش و اكا روب الي لابستها زادت طلعت و افخاضها بانو... طبست عليها حسرتها بيدي وجها ولا كلو ماء شعري يقطر عليها.... نغزر لشفاافها و نحكي
انا:مالة قتلي لا ماكش فاسختو..اممم باهي تو نفسخو اناا مالة
تهزلي براسها لا... صدرها طالع نازل بزربة كاينو نفس باش يتقطع عليها... شخت عليهاا عللخر المڨصوفة...
هبطت يدي قرصتها من فخضها... حلت عينيها على وسعهم...
انا:معادش تلبس حتى روب قصيرة كي نبداو خارجين الافخاض هاذي ماايبانو لحد غيري...و حتى هذا...
طلعت يدي عديتهاا على كرشها وصلت لحد شق صدرها لباين.. شخقت فرد شهقة...
انا:و هذا زادة يتغطى تنساش باش ترجع تلبس سلسلة...و تو هاني وصيتك على املاكي الخاصة..خاترهم متاااعي كهو تحب ولا تكره...لحق لوقت باش نمسحلك شفاافك..
ضمت فمها بطريقة تضحك...عاودت هبطت يدي قرصتها من فخضها دوب ماحلت فمهااا غطست في شفاافها رويت عطشي منهم.. مسحتلهاا روج لكل... و هي تتلوى تحتي بطريقة زادت لهبتني...كبست بيدها على حزامي تحرك في سااقيهاا...حسيت ناري شعلت حاولت نشد روحي... منحبش نعمل حاجة تغضبهاا هي قالت تحب عرس كيف نااس و هذا من حقهاا وانا منلمسها و نعاشرهاا كان مايصير عرس بتقااليدو الكل كيف اندادها... جبدت روحي نرجع في نفس... حتى من كحلها سال و عينيها ذبالو... عديت يدي على شعرها.. نحكي بصوت محجرش من قوة الرغبة الي سيطرت عليا..
انا:يا نبضت قلبي ياا روحي ياا عمري.. مڨصوفتي ام لسان طويل.. نعشقك بكلك على بعضك..عمري مانتخيل نهار نعيش من غيرك....ماتحرمنيش و سمعهالي الكلمة قلي الي انت زادة تحبني بلكشي نموت اناا و ترصيلك تبكي و تندب فيهم خاترك مقتليش نحبك
ضربتني على ظهري
رغدة:لطف عليك واش هالكلام بالله بعد عمر طويل
بستها من خشمها...
انا:باهي مالة قولهاا متحرمنيش اكثر من هكاا ولا انت ماتحب....
قصت عليا كيف حطت يدها على فمي...
رغدة:نحبك يا متكبر
منعرفش علاه حسيت عيوني دمعو...بقيت محااضنهاا عندي منحبش لحظة هاذي توفى اما موش كل حاجة نتمنوهااا تتحقق....
في لحظة الباب يدق بالقوي قمت من فوقهاا لبست كان سروال.. و حليت نلقا 3 رجال قد الحيط...
هو:سي ارغد اخرج معانا بالسياسة انت و المدام مغير مانعملو فوضى هكا يكون احسنلك لسمعة الاوتيل متاعك
انا:شكونكم ساعة..نورمال تحكي معايا هكا..
هو:من فضلك متلزناش للعنف
تلفت نغزر لرغدة مرعوبة.. نضن نمشي معاهم و نفهم شنوة يحبو بالسياسة احسن...
انا:باهي اماا مرتي ماتحطش عليها كسرتك
رجعت للفرش لبست مريول هزيت مفتاح الكررهبة و الدار رميتهم في ساكها... شديتها من يدها كابس عليها نهدي فيهاا... و خرجناا قدامهم...
طلعنا في كرهبة كبيرة بلارها كلو اسود... ندور في عينيا عليهم
انا:ماكمش ناوين تقولو شكونكم و وين على خير
هو:هدي روحك سي ارغد طاولة مزالت منصبتش..و لعبة مزالت مابداتش...
بقيت ندور كلامو في مخي طاولة و لعبة... ايه ايه تذكرتو مايكون كان هو نفس الفيلم الي صار معايا من 12 سنة...دوب ماوصلناا هبطناا... ندور في عينيا عالبلاصة دار صغيرة في وسط مزرعة
دخلت داخل... قعدونا في صالة
هو:سي ارغد يلزم تكون وحدك هناا مدام باش تدخل للبيت
انا:مستحيل مرتي جنبي
هو:متخافش موش من مصلحتنا نضروهاا حكاية لكل انك باش تقابل شخص مهم وحدك و كهو
كبست بيدها على يدي..
رغدة:متخافش عليا
بقيت نغزرلها مستغرب تي كانت مرعوبة تو حسيتهاا ڨرام خوف موش باين عليها قامت و خلتني...دخلوها للبيت و سكرو باب...بقيت على عصابي...
انا:باش نبات هنااا وينو هالسيد المهم
لفت راسي على صوتو... نشوف فيه ماشي و يقرب... وقفت مصدوم.. حتى ساقيا ولاو يرعشو... جات بين عينيا اكا ليلة...حطيت يدي علي راسي حسيت بصداع قوي... حسيت روحي رجعت لاكا ليلة...
قرب لعندي لين معادش بينا مسافة حط يدو على كتفي
سالم:ارغد لباس
بقيت نغزرلو عينيا في عينيه... شفتو نهارت افتتاح كتاب و كذبت عينيا... اي ساالم الي عرفني بيه عصام هو بيدو سبب وجيعتي..نطرتلو يدو.. وخرت خطوة تالي...
انا:متحطش يدك لمسخة عليا
سالم:جبتك هوني باش نسااعدك تقضي على مراد
انا:مراد موش صديقك ‘ عشيرك كل شي مع بعضكم كل شي دافنينو سوى شنوة لغدرة في دمكم طلعت
سالم:نعرفك مزلت متذكر اكا ليلة انا راو....
انا:اسكت منحبش نسمع حتى حرف كنت نلوج عليك اما هاك جيتني بسااقيك جيت لقضاك تسخايل باش نعديهالك بالساهل انت حيوان في شكل انسان انت خطير على مجتمعناا...شنوة لعز هذا لكل مراد غرقك في خيرو و تو تحب تبيعو لياا اناا اكبر عدو ليكم زوز...
جبد كرسي و قعد حط ساق على ساق
سالم:كملت حديثك تو اقعد و اسمعني قبل مايفوت لفوت و تندم
انا:مانسمعش واحد واطي كييفك مسخ قداش نتقزز منك
سالم:باش تسمعني يا ارغد تنساش مرتك داخل
وخرت تالي و قعدت نزلي على وتر الحساس... نرعش في ساقي من العصب
سالم:مراد مهددني بالقتل في اي لحظة ملي ظهرت انت ليلة افتتاح و هو رجعلي حيااتي كابوس خايف لا نفضح ليلة اذيكا..اناا جبتك باش نعطيك فلاشة هاذي كل مايخص مراد و ماضيه و ماضيه قدام عينيك يا ارغد و يمكن باش تكونلك اكبر صدمة....فلاشة هاذي تفتحها تكون وحدك فيها ميساجات مكالمات مسجلة تقدر دخل مراد للحبس و كان لزم يعدموه...
خذيت فلاشة من يدو..نغزرلو يتبسملي درا كيف دوب ماوقف جا باش يحكي و بلار متع صالة لكل طرشق طااح و رصاصة في قلبو طول طااح مسبول على طولو... حطيت فلاشة في جيبي قربت للبيت ندق على رغدة...دار تملات برجال و صوت رصاص... حاس روحي في فيلم اكشين... اما للاسف هذا واقع الكبارات...دوب ماحليت باب... حسيت بضربة في كتفي من تالي... وجيعة قوية عللخر... ساقيا ترخفت..طحت علي رغدة...
رغدة:ارغد لاااا حل عينيك لااااا امانك متفجعنيش هكا...
نحل في عينيا و نسكر كايني باش نفقد الوعي نسمع في صوتو يحكي
هو:ضربة هاذي قرصت وذن من عند مراد الي يحاول يغدرو يصير فيه هكا... متخافش رصاصة في كتف متقتلش
رغدة:حيوان...كيفاه تعملو هكا
غبت على وعي و منعرفش شنوة صار بعدهااا....
اسوان يحكي...
حطيت يدي على خدها نطرتهالي... من بكري نحكي و نكسر في راسي... كيف باش نخليها تصدقني...
انا:فاطمة والله الي حكيتهولك صحيح ماكذبتش عليك هيا عيش حبي عااد ..باهي سامحني خاتر خبيت عليك
فاطمة:متڨوليش سامحني.. اخرج عليا اسوان تو
انا:فاطمة متجهلنيش ماعندي علاش باش نكذب و هاو باش نقلك من تو صحيح نحبك و روحي فيك امااا وسااام مستحيل نسلم فيه مهما يصير و مهما نخسر واضح...
بقات تغزرلي بعيون مدمعة عللخرر
فاطمة:واضح سي اسوان كل شي واضح
دزتني بيدها و طلعت للبيت... ضربت طاولة بسااقي...جبدت تاليفون حليتو نلقا رغدة تطلب... هزيت عليهاا.. صوتها بالبكاء
رغدة:اسوان اجريلي خوك باش يموت بين يدياا...
انا:وين انتما تو
رغدة:في تاكسي هازتو لاقرب كلينيك..
انا:ب..باهي ابعثلي اسم كلينيك تو نخلط عليك
رغدة:اسوان امشي لمراد...هو الي عملهاا...خوك جرتو باش يضيع منا... خوك حطمو كان مراد اقف مت خوك يا اسوان متخليهوش
علقت تاليفون ولا ريزو قص منيش عارف كلامها دخلي تران في راسي... علاش رغدة حكات هكا.. في 24 ساعة كل شي تقلب...شتقصد حطمو...عديت يدي علي وجهي... طلبت انور...
انا:انور...انا خارج من داري تو و وسام مع مرتي....ابعث رجال يحاوطو دار و ابعثلي مراا ثيقة ابار هذيكا تجي تو باهي
انور:باهي سي اسوان كون متهني
علقت تاليفون... طلعت للبيت طمنت عليه رقد تعب من دوران... خرجت طول دريكسيون لشريكة متع مراد... حتى دارو نعرفش وين... شديت فران قوي و دخلت كي ثور هايج ماقدر حد يوقفني....وصلت بيرو سكرتيرة...
ضربت بيدي على بيروها..
انا:عرفك داخل..
هي:اي اما...
مخليتهاش تكمل كلامهاا دخلت طول هديت عليه لباب نلقاه يلبس في الفاست خارج... غزرت منڨالة في يدي نحكي
انا:وقيت مرواح الخدامة اما موش وقيت مرواحك ياا خالي
تبسم درا كيف يحكي
مراد:مرحبا بولد اختي شرفت و نورت شريكة
انا:مزلت تتذكر عمدك ولاد اخت. ااه دنياا و كهو... يظهرلي واضح علاش جيتك
ضيق عينيه...هزني و حطني
مراد:اكيد متوحشني
انا:ههههه لا باش نقبض روحك
قربت لعندو بزربة... لصقتو للحيط...
انا:صحيح خالي و كنت نقدرك ‘ نغزرلك مثلي لاعلى امااا كي غبت 12 سنة من غير سبب و كل يوم نغزر لامي تبكي لين عينيها نشفو نقمت عليك خاترك خليتنا و مشيت مغير سبب مقنع ولا حتى حكيت معانا... و تو رجعت رجعة مكانتش عالبال و الي صدمني وجودك مع ارغد و دخولكم في سياسة و الي زادة....
شديتو من شوميزو نزلت عليه قريب نخنقو
انا:انتي سبب في حالة خويا تو و اناا يا مراد تربيتك كان نسيت و هاني طلعت شيطان كيفك...شرايك نقتلك و ندفنك ‘ حد مايسمع عليك خبر...انت تعرف ارغد شطري تعرف الي بيه هو نتنفس قلي شعملت لخويا شتقصد مرتو كي قتلي مراد حطمو... اااه تكلم شعملت لخويا...اغزرلي مليح يا مراد صح انا نسخة من ارغد و ضربت حاجب الي تفرف بيناا امااا راو في طبيعة لا و انت تعرف زادة الي ارغد حساس برشا و خويا مريض بصدرو و يتنفس بالسيف تعرف مليح ارغد مريض من صغرو كان يصرالو شي تو والله نقتلك انا منيش ارغد اناا اسوااان انااا اسوان يا مراد اسمي الي يزعزع الي اكبر منك في عالم لاخر...ننسى الي انت خالي ولا نسيت صايا...عد دقايق في حياتك خاتر كان خويا يموت راك اكيد باش تموت مراد
رخفت يدي... سيبتو كان وجهو احمر... ستويت فاست متااعي و خرجت من غير ماستنيتو يحكي. نزرب نحب نمشي لعند خويا... طلعت في كرهبة نعض في يدي دموعي نزلو غصب عني....عمري مانبكي غير على ارغد هو يتنفس بالسيف...و كان صارلو شي وكان يضهر ماستعملش دواه....وصلني ميساج اسم كلينيك...قويت في فيتاس اكثر.....نحب نوصل لعندو و كهو... نحضنو ‘ كهو مانحب شي اخر....خويا توأمي يا نااس...نحس بوجيعتو منحبش فيه شي.. نحارب دنيا على خاترو... المهم يرجع لباس و يحكيلي شنوة الي مخبيه علاش خبى عليا من اساسو... نضن لحق وقت اسرار باش تتكشف كل شي يبان.
الحلقة 25
اسوان يحكي...
واقف قدام البيت متركز بيدي عالحيط...منحبش نشوف حالتو هكاا... حمد الله ضربة سطحية... اما هذا مايمنعش نفس تسكر عليه و زعما لا راح فيها... خذيت نفس و تلفت نشوف في رغدة.. قاعدة و حاطة يدها على راسها....منضرها ياسر تغير...تبدلت برشا غبت شهر كهو نلقا الكل تغير....قربت لعندهاا... قعدت جنبها نحكي بصوت هاادي
انا:نسمع فيك..
هزت راسها غزرتلي بعيون منفوخين من كثرت البكاء.. رغدة:مفهمتكش
انا:لا فاهمتني و مليح زادة... و تو باش تحكيلي شنوة الي صار بتفصيل
تبسمت درا كيف و وقفت
رغدة:علاش تحب تعرف بالساهل تعذب كيماا تعذب خوك و اعرف الي مخبي..ولا انت موش لاهي بيه خوك لاهي بحكاياتك و ولدك الله اعلم من شكون... لاهي بأفارياتك كهو اسوان
قمت و شديتها من زندهااا نزلت عليها
انا:كيفاه تتجرأ تحكي معايا هكا.. التزم حدك تنساش روحك شكون
نطرت يدها مني و وخرت خطوة تالي...
رغدة:ردبالك تعاودها و تحط يدك عليا..وقتك الي تضيع فيه تو معايا كان تمشي تشوف حل لحياتك خير
هزتني و حطتني و دخلت لعند ارغد... كبست بونية يدي... وحدة فرخة تحكي معايا انا هكاا... اصلا شبيها تقلبت 360 درجة وليت معادش نعرف حد...
تاليفون يصوني...هزيت طول مغير مانثبت شكون يطلب نسمع فيه يحكي..
انور:سي اسوان نجم نشوفك تو عندي ليك خبر موش متع تاليفون
انا:برافو فيسع لحقت تجمعلي معلومات
انور:اي تعرفني منفدلكش في الخدمة
انا:و اناا هذا الي نحب عليه...انا تو في الكلينيك طمنت على خويا ايجا تلقاني في الكرهبة
علقت تاليفون...و خرجت لبرا استنشقت الهواء...
طلعت في كرهبة.. تكيت كرسي لتالي... تمديت نستنى فيه...طلع جنبي...بقيت نغزر قدامي و نحكي
انا:نسمع فيك
انور:نحبك تشوف موش تسمع سي اسوان
لفت وجهي نغزرلو نزلت عينيا على مذكرة صغيرة في يدو عقدت حواجبي مستغرب...
انا:شنوة هذا متع شكون
انور:كي بعثتني لدارك لعند وسام اناا صراحة دخلت للبيت نتفقد فيه نلقاه شاد مذكرة هاذي و يورق فيهاا زهمة لا قطعها..خذيتها من عندو و بصدفة نلقاا اسم خوك عرفت هاذي يكتب فيهاا اي شي صارلو قلت بلكشي تفيدك
خذيتها من عندو... نقلب فيها في يدي...
انا:باهي انور برا على روحك..تنساش حطلي عينيك على رغدة تغير متاعها موش عادي...
انور:حاضر سي اسوان
هبط من الكرهبة.. ديمااريت وومشيت لبلاصة كالم راكيت فيهاا و بديت نقراا في مذكرات خويا.....
كل حرف كل كلمة تنزل دمعة من عينيا تحرق....
حتى نارين ماتت و مخبرونيش... غمضت عينيا نزلو دموعي كي شلال... تذكرت كي قلي انتي شكونك... تو عرفت علاش...حاس بغصة واحلة نحب نصيح منيش منجم.. سكرت مذكرات نزلت عليها بيدي...
قلبي عصر علياا... حاس روحي في متاهة... دوامة غااارقة بالكذب و نفاق اناا كنت المتفرج و هما الممثلين المبدعين خلصو على دورهم ملاين جرتي انا و خويا...حطيت مذكرات جنبي و خدمت كرهبة... طريقي تو واضح مع ناس الكل...انا تو باش نكون الممثل و هما المتفرجين...و ارغد غلط غلطة كبيرة كي خبا عليا... طلع مايعرفش يتصرف... ماشي فيبالو قانون هالبلاد باش يحميه و قضيتو باش تكون رأي عام... ناسي الي الفلوس تشري اي حاجة في دنيا و خاصة كي كون عبد رخيس.. سوى قاضي ولا وزير ولا محامي كلهم مباعين... اماا القانون لا يحمي المغفلين و اناا منيش مغفل باش نتبع بالقانون اناا باش نكون سيد وسط ذيوبة اناا باش نحرك خيوط لعبة بمزااجي...مراد هو سبب رئيسي في تدميرنا لكل اناا ارغد عصام نارين و حتى سلطانة...مرااد يعشق السلطة و اناا باش نخليه يركب عليهااا و مبعد يطيح و يتكسر و يسيل دمو ايييه مالة ساهل ركوب على سلطة...ديمااريت كرهبة وصلت لبلاصة العادة... دخلت للبيرو.. ناديت على مروان...
انا:مروان خوذلي موعد مع دكتور تجميل عيسى يكون في اقرب وقت
مروان:حاضر
ندور بالكرسي و نلعب بالمذكرات في يدي...لعبتي حد مايتوقعهاا... الي صار مع خويا باش يدفعو ثمنو غالي برشا... و حق امي و بابا باش نااخذو مهما تكلف الامر... ووواو يا مصطفى وصلت بيك دنائة تسرق حياة صاحبك ههههه بقيت نضحك حاس روحي هبلت حاس روحي منيش طبيعي كايني مزلت تحت تأثير الصدمة...غزرت للوقت...جبدت تالبفون كلمت انور
انا:انور وينك تو
انور:قدام دارك سي اسوان وسام شانع بالبكاء عليك
انا:و فاطمة ويني
انور:معاه تسكت فيه و عملت كل شي و هو باقي محبش يسكت
انا:باهي اسمعني مليح...باش تمشي للكلينيك هز معاك زوز من الاولاد...ادخل لعند طبيب عمرلو شاك... و اولاد يلهيو رغدة بأي حكاية...تدخل انتي تخرج ارغد من غادي و تهزو لداري الي في جبل و سوق بسياسة تنساش الي هو مجروح في كتفو.....و قول لطبيب يخدرو لاطول مدة انور منحبش حتى غلطة واضح نستنى منك تاليفون
انور:تهنى سي اسوان صحيح ريسك اماا مريڨل
انا:منعرفش حاجة اسمها ريسك انا نعرف الي نحب عليه يصير...
علقت تاليفون...باهت في روحي كيفاه متماسك و معملتش حتى ردت فعل...علاش منعرفش منيش حاس بشي تو... نحس في قلبي وقف و مات لحظة الي عرفت كل شي...و مخي هو الي مسيطر علياا تو..
منعرلش قداه تعدا وقت... رجعت لدار بعد ماركحت اموري و خذيت موعد من عند طبيب و طمنت على ارغد وصل بأمان ....دوب مادخلت شافني هبط من حملتهااا جاني يجري حاال يديااتو صغار... حملتو و حضنتو بكل قوتي.. بستو من خدو...نغزر لعينيه منفوخين باين بكاء لين شبع...قربت قعدت عالفوتاي... قعدتو فوق حجري...عديت يدي علي شعرو نحكي
انا:وسومتي صغروني عصفورة قتلي الي انت مبقيتش رايض
وسام:لا موش صحيح بقيت رايض اما انت بطيت وليت نبكي و زيد دار هاذي موش دارنا و اذيكا موش بيتي مفيهاش لعب متاعي و تصويرتنا الكبيرة قد هكاا
عملي بيدو اشاارة... تبسمت و قرصتو من خدو...
انا:اما هاذي زادة دارناا انت باش تولي مع طاطا هوني
هزيت راسي نغزرلها حاطة يدها على كرشهاا حتى هي عيونها منفوخين و حمر... نعرف روحي وجعتها اما هي مجبتش تصدقني...
انا:العصفورة قتلي الي انت هبلت طاطا و محبيتش تسمع كلامها
وسام:نسمع كلامك انت كهو بابا منعرفهاش هي شكوني ياخي
انا:هي ماماا شرايك انت
غزرلها و رجع غزرلي
وسام:اما ماما عند ربي موش انت قتلي هكا بابا
منجمتش نجاوبو...حضنتو و بستو من راسو..باقي نغزرلها واقفة... جبد روحو من عندي هبط مشى لعندها... يجبد فيها من جلبابها يحكي
وسام:سامحني طاطا خاتر مسمعتش كلامك بابا قال انت زادة ماما مالة نولي نسمع كلامك
طفل في عمر اربعة سنين يقول في كلام يحبس العقل اييه تربيتي نحبو يطلع راااجل جاارج مايقدر عليه حد و مفس وقت نحبو يحب ناس الي يحبوه و يقدر الي ساندوه...
حطت يدها على راسو تمسحلو على شعرو...
فاطمة:جعت انت
هزلها براسو اي
فاطمة:مالة نمشو ناكلو شي مع بعضنا
وسام:و بابا معانا زادة
غزرتلي درا كيف...
فاطمة:هيا معانا
بقيت نغزرلها و كهو باهت فيها
فاطمة:باينتو باباتك مايحبش ..احسن هيا نمشو وحدنا
انا:بلهي
فاطمة:واللهي
قربت لعندها... حطيت يدي على راسو نحكي
انا:وسام برا جيب لعب الي شريناهم و ايجا
مشى يجري... دوت يدي على ضهرهاا لصقتهاا ليا...انفااسنا تخلطت..
انا:تعرفني نحبك فاطمة متعملش هكا عيشك الي حكيتهولك لكل صحيح
فاطمة:احلف براس بنتك الي في كرشي
انا:والله وراسك وراس بنتي نوارت عيني الي صار حكيتهولك..هيا فاطمة كون معايا مدامك عرفت نحبك متخلينيش كان تعرف الي مخبي و...
سكت و بلعت ريقي بالسيف... مايلزمش نحكي شي تو..حتى فاطمة و وسام يلزمهم يكونو بعاد كيما ارغد... نحب كان رغدة في ساحة معايا تغيرهاا بطريقة هاذيكا وراها حكاية كبيرة باينة الفرخة موش ناقصة و فايقة مليح. ..
فاطمة:شنوة الي مخبي شبيك سكت
وسام:بابا هيا نلعبو..
جبدت روحي بخفة... عديت يدي على رقبتي..
انا:تعشاو انتماا..فاطمة ياا روحي انا يلزمني نمشي عصام حاجتو بيااا يمكن نروح في ليل مخر ماتتحيرش
فاطمة:بربي شبيكم واش صاير انت زادة نحسك متغير تو و حتى رغدة زادة و زيد نطلب في نارين تاليفونها مسكر...خليني نمشي معاك نشوفها هاك ماشي لعصام
انا:لا لا حبي متتحيرش مفما شي... زيد عصام موش في دار حبي عامل قعدة متع رجال نمشي نطل و نجي
بستها من خدها و خرجت نزرب منحبش نزيد نوحل بالكلام..طلعت في الكرهبة و ديماريت
انا:الو انور قلي ارغذ فاق
انور:بدا يصحا
انا:هاني جاي في ثنية
علقت تاليفون... نسوق بأقصى سرعة....اول مواجهة بيني و بين خوياا و حكايات الماضي
ارغد يحكي...
راسي ثقيل... نحل في عينيا بالسيف اصلا نحس في رموشي رزان... بدني ينمل موجوع عللخر...حليت عينياا...نغزر للبيت..خرجت اسمها مابين شفاافي... نسخايلها جنبي...حاولت نقوم منجمتش..منيش عارف انا وين بضبط نسمع في حركة خفيفة لبرا... نغزر جيهة الباب. لين تحل و دخل لعندي....سكر باب يغزرلي درا كيف... منجمتش حتى نحكي... نحس في روحي مزلت مخدر...
اسوان:حمد الله على سلامتك خويا...تمد و ارتاح....انت باش تكون ضيف هوني بريود طويلة شوي...
انا:اس..اسوان شبيك فاش تحكي وين انا تو ويني مرتي
قرب لعندي طبس عليا...عينيه حمر عللخر
اسوان:يلزمك تكون واثق فيا و ماتسألني على شي ارغد...انا عرفت كل شي
كبست عالملحفة بيدي بلعت ريقي بالسيف
انا:ش..شنوة عرفت
تبسم على جنب ‘ مجاوبنيش... نادا بأعلى صوتو على راجل... دخلو زوز رجال...
اسوان:اقلبوه على كرشو بالشوي سايسو
انا:ف..فاش تعمل اسوان هبلت
اسوان:تحركو فاش تستناو
انا:اسوااان
قلبوني و منجمتش نتحرك بدني مزال تحت تأثير البنج...
اسوان:انور صورلي بناليفون ضربة الي في ظهرو نحب تكون صورة واضحة
انا:اسوان فاش تعمل ياخي شارب ولا شنوة حكايتك
باقي حاقرني مهوش يجاوب فيا..اشر لرجال خرجو....رجع قرب لعندي.. عدا يدو على شعري... نزل على يدي
اسوان:كون متأكد من حبي ليك يا خويا و كون واثق الي باش ناخولك حقك منو و باش ناخذ بثار امنا و بونا الي حرمونا منهم....اما سامحني ارغد انا ديما قبل نسمع كلامك و تو باش يكون لعكس...باش نضطر نحبسك عندي...خاتر حرب متاعي موش سلمية كيماا حرب متاعك... حربي اناا بالدم حرب كبارات...
جيت باش نحكي حط يدو على فمي
اسوان:اشششت كلمة لا انا تو مناقشتك في شي ولا حتى لمت عليك خاترك تو مريض...اما باش نحاسبك اكيد...احناا توأم روح وحدة اناا قوتي تو زادت بيك انت تو تشوف يا خويا الا مانبكيه دم علي عملو فيك اكا الواطي...الي عملو فيك بتفصيل باش يتعمل في اقرب ناس ليه و باش يكونلك بث مباشر و انت راكش هوني
حضني بالشوي و همس في وذني
اسوان:الموت يا ارغد و متفرقنيش عليك
خرج و خلاني ساارح كل كلمة قالهاا وراها لغز كبير...
خلاني شااعل بناارو...حاير كيفاه عرف زعمة رغدة حكاتلو ولا شكون غيرها....راسي زاد وجعني اكثر.. خايف عللخر اسوان موش ساهل و مفهمتش علاش خباني هوني و علاش صور الضربة الي في ظهري... معادش عاارف شي...يلزمني نخرج من هوني مايلزموش يتسرع ‘ و يمسخ يدو بيهم... مستحيل نخليه يحطم حياتو جرتهم...يكفي حطموني انااا منحبش نفس شي يجرا لشطري مستحيل....
#
الحلقة 26
اسوان يحكي
تو شهر تعدا ركحت فيه الامور الكل....خليت جو يهداا عللخر كاينو مفما شي...دخلت لصالدو تركزت بيدي على رخامة نغزر لروحي في المراية تبسمت بقهرة عديت يدي على حاجبي و حجامة شعري...لفت روحي روحي نغزر لظهري...كبست بونية يدي..ضربة هااذي باش تصير نفسهاا فيهم لكل...عملت دوش..لبست دبشي..لبست ساعة في يدي و عمرتهاا....هزيت تاليفون من فوق الطابل...خذيت نفس عميق...تو معادش نجم نتراجع لتالي...ليوم الحرب بدات...حمحمت نحكي
انا:حاضرين
هو:سي اسوان هو تو خارج من دار 5 دقايق و يكون بين يديناا..
انا:باهي هاني جاي متعملو معاه شي
علقت تاليفون... نعرف معندو حتى ذنب اماا معنديش حل خلاف... هزيت مفتاح كرهبة خرجت من البيت...حبست في صالة كي شفت تصويرة فاطمة... قربت عديت يدي علاها...
انا:سامحني يا روحي دخلتك في لعبتي...الله غالب ملزوز بلاد هاذي يا مرتي متمشيش بالقانون تمشي بالاجرام و تكون جنة كان للي عندهم فلوس و انا بالنسبة لياا تو في جنة خاتر عندي فلوس و باش ناخو حقي من تحت طاولة سامحني يا روحي
ستويت فاست و خرجت طلعت في كرهبة و طرت عجاجة لبلاصة العادة... دوب مادخلت نسمع في صياحو... كملت دخلت للبيرو نحيت فاست و لبست كابيش بالشابو باش وجهي مايبانش حطيت ثلج في فمي باش صوتي ماايتعرفش.... و دخلت لعندو طفيت ضوء خليتو خافت...جبذت كرسي و قعدت مقابلو و هو مكتف...حطيت ساق على ساق اشرت لرجال باش يخرجو... سكرو باب... غزرت لساعة معادش وقت جملة..خذيت نفس نحكي
انا:مرحبا بيك جاد شرفتني بوجودك يااا معلم صراحة نحب نعمل وشام اما مرة اخرى جبتك حاجتي بيك في حكاية اخرى
جاد:شكونك وريني وجهك
انا:تو تعرفني في وقت المناسب.. خلينا في المهم
جاد:اما...
انا:اشششت متقصش على كلامي...موضوع حساس برشا اماا معندكش حل غير انك توافق او تموت و منخليكش تشول اختك لو في احلامك
جاد:شنوة!!! ا.. اختي عايشة!!
بقيت ساكت اصلا منعرفش شكوني ولا حتى عايشة ولا ميتة نهدد بالفارغ و كهو باش يوافق... اماا مايمنعش يلزمني نلوج عليهاا و نعرف علاش هزوها.... انا:اي عايشة..المهم كان تحب تشوفها قلي موافق ولا لا
جاد:شنوة الموضوع ساعة
تبسمت على جنب و بقيت نحكي....طرشق بضحك
جاد:ههه تحكي برسمي يا ز** هبلت انت ااه اسمع متعرفنيش اناا شكون مليح ننصحك سيبني مكانش نحطك في مخي ندمرك
انا:هدي روحك يا جاد علاش تعصبت احمد ربي مااخليتهمش يعملوها معاك
جبدت الفرد من ورا ظهري نلعب بيه في يدي و نحكي
انا:اي اش قلت موافق ولا نقرا عليك الفاتحة و نقول كان ناس طيبة
جاد:موافق اما كان متجيبليش اختي والله الا....
انا:اشششت اناا مانتهددش انا نهدد كهو سي جاد..
وقفت و قربت لباب... عطيتو بظهري نحكي
انا:طيارتك لعشية و الخبر باش يهبط تو برا سافر و ننصحك ماتخرجش من دارك اصلا و مذابيك تعمل الي قتلك عليه مع بوك نحبك تحسسو الي الحكاية صارتك
جاد:نجم نعرف علاش تعمل هكا
انا:تو تعرف يا جاد
حليت باب و خرجت دخلت للبيرو... نتنفس بالسيف... عمري ماكنت نتخيل نضر طفل كنت نلعب معاه في صغري و تربينا مع بعضنا... مراد الكلب حطمنا ناس لكل قضا علينا... نوقزت ساعة في يدي... لحق وقت باش يهبط الخبر...
انا:مروااان
مروان:الخبر نزلتو سي اسوان و بعثت زادة لصحافين انا:لدرجة فيسع تو نوقزت ساعة
مروان:انا حضرتو دوب ماسمعت ساعتك نزلت طول
انا:باهي تعدا للي بعدها
مروان:كراهب حاضرين و لولاد زادة نستناو في اشارة منك كهو
انا:باهي سيبوه يروح و غمضولو عينيه باش ميعرفش طريق...انا خارج كان صار شي كلموني
نحيت الكابيش رجعت لبست فاست و نحيت ثلج...وقفت قدام مراية ستويت حالتي جيت خارج وقفني مروان يحكي
مروان: بصراحة تقول ارغد قدامي لكلنا نفرقوكم بالحاجب و المشية زادة مختلفين اماا تو معادش عارف روحي مع شكون نحكي
انا:ههههه مروان اناا من ليوم ارغد انساه اسوان باهي
طبس راسو تكلم بالشوي
مروان:اما سي ارغد كالم برشا
انا:اي علاش تقول فيها بالشوي نعرف ارغد اعقل و ارزن مني و كالم ياسر و انا شيطان حصان هايج و نحب جوجمة و منرحمش..اما تو باش نكون كالم و عاقل هيا نروان تلها في خدمتك
خرجت شاد ضحكة تذكرت صغرناا...كيفاه ناس يركزو في تفاصيلناا يحبو يلقاو شي يفرقونا بيه...ديماريت كرهبة... و صلت لجبل... راكيت كرهبة بعيدة شوي طريق محفر... و منجمش نطلعها اكثر...كملت مشيت لدار على ساقي....دقيت باب حلي واحد من رجالي...
انا:وينهم
هو:داخل..
بقا باهت فيا... اش يسلكها تو ناقص كان الي يخدمو عندي يسخايلوني ارغد و باش يدخلو بعضهم....دخلت لعندهم عرضني وسام يجري... حملتو نبوس فيه
وسام:ارغد
حتى وسام ستانس بأرغد نهار لكل في وجهو
وسام:توحشت بابا انا
انا:وينها فاطمة
وسام:طاطا في كوجينة اماا هي من بكري تبكي قتلي عندها حية
هبطو من حملتي دخلت لعندها بزربة...دوب ماشافتني غطات شعرها...
فاطمة:ارغد وڨتاش جيت موش ڨلت هابط لرغدة
عقدت حواجبي مستغرب فيباليش بيه خرج كيف يخرج مايعلمني حد
انا:اممم هاني جيت طريق مهجور شوي فماش تكسيات
فاطمة:اا باهي نحطلك تتغدا
انا:لا عيشك نمشي للبيت
دخلت للبيت.. عديت يدي على وجهي حتى مرتي معرفتنيش يعني خطتي باش تكون ناجحة عللخر... جبدت تاليفون كلمت انور
انا:وينك ياخي كيفاه ارغد يخرج و متعلمونيش...تحرك تو تخلط عليه قبل مايمشي لرغدة و يحكيلها كل شي تهز معاك رجال و تجيبو بالقوة سايس على كتفو و كهو
انور:باهي سي اسوان
قعدت عالفرش نغزر للوقت...نستنا وقتاش يوصل لعندي تعدات قرابت ساعة باب البيت تهد...بقيت قاعد بكل برود... صدرو طالع نازل من العصب... نغر فاطمة واقفة وراه حالة فمها دوب شوي من صدمة... مرة تغزرلي مرة تغزر لارغد... حتى خويا بقا يهز فيا و يحط
ارغد:كايني واقف قدام مرايتي
فاطمة:شكون فيكم اسوان...اسوان عندو ضربة في حاجبو ليسار اما انتما زووز تو وليتو حاجب ليمين فهموني الي صاير متقوليش يا اسوان عملت الي في مخك تي فهومني شكون فيكم راجلي ساعة
وقفت قربت لعندهاا شديتها من يدها... حطيتها على قلبي
انا:في شنوة تحس...
بقيت نغزرلها لعويناتها الي قهروني برموشهم...
فاطمة:اسوان علاش عملت هكا
ارغد:اسوان عيش خويا ريض صدقني باش دمر روحك ياخي تحب تدخل للحبس فيبالك مراد ساهل...اسوان عيش خويا خمم في مرتك باش تولد...خمم في وسام ..متوسخش يدك بيهم
انا:مالة تحبني نحاربهم بالقانون...القانون للمغفلين الي كيفك يا ارغد...بالنسبة لمرتي باش تولد في اعز كلينيك و باش تكون لباس... لكل باش تكونو لباس اماا متدخلوش فيا و ساقيك معادش تحطها برا لدار مغير علمي حتى رغدة ممنوع تقابلها
دزني من صدري يحكي بصوت عالي
ارغد:مرتك تعلمها بكل شي اما مرتي انا لا مرتي الي باش تمشي في العفس مستحيل اسوان فمهت
انا:لا مفماش مستحيل رغدة باش تكون معايا و هي الورقة رابحة في لعبتي و تهنا منضرش مرت خويا
متلزنيش نحط غشي فيك ارغد الي صازلك قتلني حطمني... و زيد طلعناا مجهولين نسب تراه تعرف شكون بوك تعرف لقبك الاصلي بطبيعة لا...
ارغد:اما احنا جينا لدنيا بزواج
انا:اي اما شكونهم متفرقش احنا مجهولين نسب.. و تو انا ماشي مغير منزيد نوصي..فاطمة سامحني عيشك
بستها من يدها و خرجت...وقفت في باب شارع
انا:انور قلهم يتم الحادث ليلة
انور:اما...
انا:ناري شاعلة يا انور قلبي فااض صايا لتوب راني
انور:باهي سي اسوان كيما تحب
بقيت نمشي وصلت للكرهبة بقيت في وسطهاا... منجمتش لا نسوق لا نعمل شي تكيت كرسي تالي... غمضت عينياا و غفيت...تعب راجع عليا شهر نوم مذاقش عيني...كل ليلة نسهر نخطط و نراقب...فيقني صوت تاليفون....
هو:صايا وصل الخبر لناس الكل
غزرت لساعة في يدي
انا:الله يرحمهم من تو انا ارغد حد مايقلي اسوان
هو:حاضر
فركت عينيا....عديت يدي على شعري...بقيت نغزر لتاليفون عارف ناس لكل باش تطلب تو... سكرتو نحيت بيس و حطيت بيس ارغد...
شوي وقت و تحربت بتاليفونات... اما مكنتش نتخيل روحي ممثل موهوب
هزيت نسمع فيه يحكي
مصطفى:ارغد وينك يا وليدي صحيح الي سمعناه خوك عمل حادث هو و زوجتو ڨلي طمن ڨلبي ڨلي موش صحيح
انا:علاش انت موجوع؟ هاك كليت راس واحد منا و رتحت كليت راس والدينا و تو جا دورنا احنا
مصطفى:فاش تڨول اسوان ماماتش مستحيل
انا:لا مااات هو و مرتو حبلة تعرف شي منستغربش تكون عندك يد في الحادث كيما عملت قبل
مصطفى:انت جنيت ياا ارغد هاني جاي لتونس
انا:مغير ماتعب روحك غدوة دفينة في القرية
علقت تاليفون... تبسمت على جنب....الحبس يستنا فيك يا مصطفى... جريمة قتل ابنه و زوجته الحامل و سبب ههه اا تو نخممو في سبب...شدتني هسترية متع ضحك منيش مصدق غدوة باش نحضر دفينتي هههه... خدمت الكرهبة...طلبتني رغدة هزيت عليها صوتها بالبكاء و كلامها متقطع
انا:شبيك روحي لباس
رغدة:ا..اسوان و فاطمة عملو حادث تو نتفرج في الاخبار قاعدين يصورو عالمباشر في الكرهبة مغفصة بكلها...
انا:شنوة!!! لا مستحيل يكون خويااا لا مستحيل
رغدة:ايجا هزني تو
انا:ب..باهي
علقت تاليفون و تنهدت... يلزمني نمثل دور ارغد و تأثرو بخوه مات اما ضحك غالبني على البهايم اااه والله باش نشيخ و نعمل جو عللخو في هاللعبة...
يسخايلو بالساهل هو يحطمولنا حياتنا و يكملو يعيشو حياتهم عادي.. مساكن مايعرفوش اسوان...تي شيطان اناا نقري فيه...تعدا الوقت فيسع... خطة متاعي ماشية مريڨلة....زوز جثث...مخليت حد يشوف وجوهم... مديت فلوس لمولا كلينيك اي اي هزيت جثث من كلينيك الفلوس تعمل كل شي...تفاصيل الحادث الكل باش نكشفو وقتلي تتفرش الكوارط و يبان ارغد قدامهم....تعداو ساعات في طريق رغدة جنبي تبكي...انا محكيت حتى كلمة غاضني حالها..
واقف قدام باب الدار...نغزر لمصطفى كي يقبل في العزا من ناس... سلطانة تبكي و تخبط...لفت وجهي نغزر لراجل شطر وجهو مغطي موش باين لابس شابو و كابوط نوار طويل موهر عللخر ريحت برفانتو سابقتو وراه زوز رجال قد الحيط...قرب لعندي مد يدو سلم و حضني لعندو استغزبت منعرفوش شكون اصلا..
هو:تعرف الي موجوع اكثر منك الله يرحمو ربي يصبرني و يصبرك..
صوتو كان يرعش..معرفتش شنوة نجاوبو جبد روحو و بقااا يغزر لمصطفى بقيت سارح معاه نحاول نشوف شطر وجهو منجمتش فيقني من سرحتي عصام
عصام:اناا تو يلزمني نمشي في ليل تو نرجع
انا:باهي
طبطبلي على كتفي و مشا قرب لعندي مراد يحكي
مراد:شفت دنيا فيها موت شي مايدوم
انا:صحيح و متعرفش الموت وين متخبي ينجم يكون واقف جنبك
تبسمتلو على جنب...غزرلي درا كيف
مراد:نورمالمون تتهد كي صار الحادث
انا:اي صح كهو رجوع لربي اماا نحب نهد و مبعد كان تهديت اناا موش مشكل يا مراد..ااه حقا وينو جاد لباس
وجهو لخلخ رخف كرفات متاعو خرج كلام بالسيف
مراد:جاد مسافر عندو مدة
انا:بلحق !مالة الي سمعتو عليه اشااعة؟؟مسكين شفت شهرة ساعات تحطمك..ربي يصبرك يا خالو الي يعمل يلقا راو
كبست على عكاز في يدي مشيت و خليتو كلامي كان كي رصااص بالنسبة ليه مزال مشاف شي هاذي البداية....حسيت بيد على كتفي تلفت لعندو نغزرلو
هو:ليلة باش نتلقاو نستناك نفس مكان
مشا و خلاني واقف طلع في كرهبتو... معرفتش فاش يحكي و مكان شنوة بربي تي منين يعرفو ارغد... دخلت بعضي موش ‘وقتو جملة...و زيد هالعكاز نحسو قلقني... من بكري شادو عرقلي يدي... رميتو عالارض جيت داخل....وقفني صوت الخفاش
خفاش:ڨتلتو بنتي و حرمتونا منها حسيبكم ربي
انا:اهدا يا حاج حتى خويا مات و ڨتل واشي تحكي عليه..اخرج من مخي يا خفاش احسنلك
طبتبتلو على كتفو و دخلت نساء مالية دار طلعت للبيت دخلت نلقا رغدة واقفة في البالكون... جيت باش نحكي قصت عليا
رغدة:شفتك كي رميت عكاز جدك علاش! تي كي تبدا هنا متسيبوش من يدك و تو رميتو في الارض للغبرة و زيد قاد باب دار
تربثت عللخر نسيت هالحكاية جملة... هديت روحي و تكلمت
انا:تي انا ربي يعلم بيا موجوع على خويا و زيد اكا خفاش وترلي عصابي معرفتش كيف سيبتو من يدي.. و انتي اصلا لواش تحاسب فيا متخنقنيش رغدة ربي عالم بحالي تو
غزرتلي بعيون مدمعة...
رغدة:انا نخنق فيك يا ارغد انت اصل ملي جينا مغزرتليش بشطر عين حتى معطيتنيش فرصة نواسيك باهي انا حاسة بيك و بوجعك اماا عيشك متتصرفش معايا هكا حتى انا موجوعة على صاحبتي و موجوعة على اسوان و قلبي يبكي دم عليهم...
انا:رغدة..عيشك افهمني... و خليني وحدي تو
مسحت دموعها...
رغدة:باهي براحتك ارغد تو نخليك وحدك بالرغم كنت تقلي متخلينيش
خرجت و طربقت الباب نفخت بعصب تي كيفاش باش نتصرف معاها هاذي مقريتلهاش حساب... شعلت سيڨارو و نخمم في اكا راجل المجهول... زعمة نكلم ارغد و نصقسي عليه ولا فك عليا....كنت نحكي بيني و بين روحي نحس في راسي باش يطرشق... سيڨارو ورا سيڨارو... لين دخل عليا عصام...
سكر باب بالمفتاح عقدت حواجبي مستغرب ..قرب لعندي يصفق... و يضحك
عصام:برافو برافو باهي اول شي مكنتش في تركيا....
ثاني شي باش نعطيك فلاش هذا تفرج في فيلم محلاه.. ثالث شي....تنساش الي نخدم في مخابرات الجيش... نتمنى وصلت معلومة
انا:رابع شي انت استقلت...
عصام:هههههه اسوان شبيك تكبست ارخف روحك صاحبي اذاكا كان انت شيطان انا جن بيدو
#
الحلقة 27
رغدة تحكي
واقفة قدام الباب...مترددة باش ندخل...اما معنديش حل خلاف هكا...دقيت باب حللتلي البون... تهز فيا و تحط....كبست على ساكي و خذيت نفس نحكي
انا:سي مراد هنا
هي:اي شكون نقلو
انا:مغير ماتعب روحك...
دزيت باب بيدي... و دخلت نمشي بخطوات ثابتة... صوت طالون متاعي مسموع في الڤيلا الكل....وقفت في نص صالة...نحكي
انا:برا ناديلو قلو مدام رغدة تستنا فيك
قعدت عالفوتاي حطيت ساق على ساق... و هي باقي تغزرلي...
انا:مسمعتنيش شقتلك
هزتلي براسها و طلعت في دروج المقابلني...شوي وقت و نزل لعندي... هز حاجبو مستغرب... وقفت مد يدو سلم عليا....
مراد:مرحبا دار نورت بوجودك
انا:عيشك سي مراد
مراد:لا عاد بلاش سي احنا تو نتسماو عايلة وحدة عاد و بيناتنا افاريات
انا:اي عندك حق
مراد:مالة نضيفوك...لطيفة حظر الفطور في الجنينة
انا:لا عيشك متعبش روحك بطبيعتي منيش باش نبطا جيت باش نحكي معاك في موضوع اكيد
مراد:مالة يلزم قهوة باش مخي تحل
ضحكت و قعدت...قعد مقابلني شبك يدو يستنا فيا نحكي... حليت ساك جبدت وراق... حطيتهم قدامو على طاولة...عقد حواجبو...
مراد:شنوة هاذم
انا:وراق طلاق
مراد:حب قوي هذا
انا: قبل 3 شهور طلبت مني و انا وسط بيت اذيكا...طلبت مني نطلق ارغد...مقابل ترجعلو حياتو كرامتو و دويلو جرحو الي عاش بيه 12 سنة كاملين
جا باش يهز الاوراق...هزيتهم قبلو كبست عليهم في يدي...عمتلو براسي لا
انا:طفلة صغيرة ماشي فيبالك موش هكا!! صغيرة في العمر اماا في المخ نلعب بعشرة كيفك يا مراد
الاوراق عندي...مزال ارغد ماصححش...اماا جيتك قلي علاش تحبني نطلقو شنوة مربوحك زعمة!
بقى يغزرلي كهو...وجهو حمار شوي... عدا يدو على رقبتو... اول مرة نشوفو في حالة هاذي
انا:قلي يا مراد شنوة مربوحك من طلاقي
وقف... سنتر روحو...عطاني بظهرو يحكي
مراد:باش طلقو و مبعد نجاوبك على اسألتك لكل يا رغدة...تنجم تروح تو نقول لشوفور يوصلك...
انا:لا عيشك تاكسي يستنا فيا قدام باب
دار لعندي ضيق عينيه
مراد:تاكسي باش يمشي و شوفور متاعي باش يوصلك كلامي مانعاودوش مرتين
طلع اكا دروج...كبست عالاوراق في يدي قريب نقطعهم من الغزول يتصرف بكل برود... جيت لعندو و رجعت بحتى شي....هزيت ساكي...قربت للباب حليتو نلقا قدامي جاد... تبسمت و حليت فمي دوب شوي من صدمة متوقعتش نشوفو مرة اخرى بعد الفضيحة الي صارت......مغير مانشعر ترميت عليه عنقتو....
انا:جاد توحشتك والله
جاد:حتى انا يا فصغونة...
جبدت روحي شوي نغزرلو تبدل برشاا...
انا:لباس اكيد تكون تجاوزتها الحكاية اناا متأكدة موش صحيحة
تبسم دوب شوي...
جاد:اي موش صحيحة.... ستنا ساعة شتعمل هوني
انا:حكاية طويلة بعد مامشيت انت كل شي تقلب...حياتي تغيرت يا جاد حتى ارغد تغير معادش كي قبل
جاد:باهي ايجا معايا
شدني من يدي و اشر لتاكسي باش يمشي...
جاد:هيا تطلع
انا:لا مستحيل عمري ماطلعت على موتر كبير كي هكاا مستحيل نخاف
جاد:ههههه متخافش يا بنتي هيا اطلع و كون واثقة فيا
بقيت نغزرلو منعرفش علاش نحس روحي مرتاحة عللخر معاه...كي نشوفو نفرح برشاا...حذيت نفس هزيتلو براسي باهي طلعت وراه كبشت في فاست متاعو عطاني كاسك لبستو و انطلق يجري و اناا نازلة على حزامو و مغمضة عينيا حاسة روحي طايرة في سماء... ماحليت عينيا كان كي شد فران نشوف في البحر قدامي...هبطت نحيت طالون نمشي حافية على رمل سبقتو و هو ورايا يحكي
جاد:اختي عايشة
تلفت لعندو... عقدت حواجبي مستغربة
جاد:الي خطفني قلي هكا
انا:خطفك؟؟
جاد:اي منعرفش شكون نهارت الي خرج الخبر و نفس نهار موت اسوان...هو سبب في كل شي
قلبي دق بالقوي... قربت لعندو بزربة
انا:احكيلي الي صار بتفصيل
عدا يدو على وجهو يحكي
جاد:قلي يلزمني نخلي بابا يصدق الاغتصاب الي صارلي قلي كان نعمل هكاا هو يرجعلي اختي
انا:شفت وجهو
جاد:لا
انا:معرفتوش من صوتو
جاد:لا
انا:عيشك روح بيا تو
جاد:شفما
انا:شي تعبت شوي كهو عيشك روح بيا تو
جاد:باهي فصغونة
وصلني قريب لدار دوب مانزلت... مشيت بزربة نستنا وقتاش ندخل و نقابلو... عمري ماتصورت يوصل لدنائة هاذي...دخلت لدار سكرت باب بنطرة... رميت ساك و طلعت للبيت نجري دخلت عليه نلقاه متكي
انا:انت الي خطفت جاد نهارتها موش هكا
غزرلي بكل برود باش يهبلني مستحيل يكون ارغد هكا...
اسوان:اسمع فوتني تو منيش ناقص تخريفك..و زيد كانك ناسية غدوة سهرية و يلزمك تكون معايا سوى موافقة ولا لا مايهمنيش المهم باش تكون معايا
انا:شبيك وليت هكا شصارلك اغزرلي راني رغدة مڨصوفتك
نفخ و نطر المخدة
اسوان:اقعد فيها هاني خارج
خرج و طربق الباب...ترميت عالقاعة دموعي لحقوني... قلبي موجوع برشا كل شي تقلب معادش فاهمة شي عايشة في متاهة صعيييبة ‘ غريبة...معادش عارفة كيفاه نتصرف وينو ارغد الي حبيتو تي ملحقتش نفرح كي ندادي و نعيش الحب معاه ايه هذا هو الواقع الحب في الافلام الهندية كهو هذاا واقعي
اسوان يحكي...
نحس في العصب يهز فيا و ينفض... كل مانتذكر ليلة اذيكاا عصام كشف مخططي لكل نهبل... اصلا كل شي دخل بعضو بعد ماعرف هو معادش نجم نكون على راحتي....سهرية غدوة هي باش تفض كل شي...كل شي باش يكون بالفرشة...تكيت راسي تالي... صونا تاليفون.. نلقاه يطلب... بالحرام لتوا منجمتش نعرفو شكونو....هزيت نحكي
انا:وي
هو:مشيت لغادي
ستويت روحي منيش فاهمو فاش يحكي
انا:وين
هو:قبيلة شفتك غادي في الحومة و محبيتش نجيك
بقيت ساكت حومة شنوة يحكي عليها...كان مايطلع شاف ارغد اناا مامشيت حتى بلاصة نهار ليوم...
انا:مبعد شوي نكلمك
علقت تاليفون و طلبت ارغد...يصوني مايهزش... حليت جاابياس....نقدر هكا نعرف بلاصتو وين بضبط... خدمت الكرهبة و طرت لعندو...وصلت لبلاصة شعبية اول مرة في حياتي ندخل لحي شعبي اي والله اول مرة راكيت كرهبة على جنب... كياس محفر. ولاد صغار يلعبو بالكورة... ولاد متكين عالحيط يبزنسو في البنات....دورت عينيا عليهم لكل.. مفهمتش خويا شيعمل هنا... شعلت تاليفون... بديت نمشي و نتبع في الاشارة... دخلت زنقة ضيقة شوي...بقيت نمشي لين وصلت قدام دار مهجورة او بالاحرى محروقة...عقدت حواجبي مستغرب... فحجت المادة باش نجم ندخل لكلهاا حجر مكسر... خذيت نفس ناديت عليه... نسمع في صوت شهقات جاي من بيت قربت بزربة نشوف فيه قاعدة عالارض متلكمت على روحو يبكي... اول مرة نشوفو في حالة هاذي ارغد الراجل قاعد كي طفل صغير الذليل يبكي بالشهقة و الوجيعة ساكنة فيه... عينيا تملاو دموع... هبطت على ركايبي قدامو... هزيتلو راسو بيدي... عينيه حمر منفوخين...خذيت نفس عميق....نحس في غصة حتى انا نحب نبكي بلكشي تبرد شوي اماا منجمش...
انا:شتعمل هنا علاش حالتك هكا
بعدلي يدي... مسح دموعو و وقف.... ضرب بيدو عالحيط يحكي بصوت يرعش و نفس وقت صوت متع واحد ناااقم مغلغل يغزل...
ارغد:هناا قتلوهم و شوهم... هاذي بيت امي و بابا.... هاذي بيت كمال و هندة....
شدني من يدي يكر فيا وراه دخلني بيت اخرى
ارغد:و هاذي بيتناا هاذي الي لعبنا فيها و مشينا اول خطوة فيها
زاد جبدني وراه خرجني لبرا للحي...
ارغد:و هااذي حومتنا احناا ولاد حي شعبي احنااا منهم و فيهم هذا اصلناا يا اسوان
انا:فاش تحكي انت ااه املاك هاذيكاا لكل متع ز** مالة
ارغد:لا متااعنا اما بابا كان متواضع عللخر كبر و عاش هنااا و حتى كي ولا لباس عليه مشراش فيلا مشراش كراهب...عندو معمل عندو الهناشر و مزاوع و شاحنات تحت يدو اماا مكانش عرف عليهم كان صاحب الخدامة و في مقام خوهم...شرا كرهبة عادية يمشي بيها و يجي.. عرس عاادي مجابش فنانين... و امي بنت المدينة المرا الفينو البلدية... بنت فلان....اسمو يزعزع رجال بشلاغمها... حبت بابا زوالي و مبعد عاونتو وقفتو على ساقيه و سكنت معاه في دار هاذي و حي الي تشوف فيه مليان كلوشارات و سراق اما هما اطيب ناس في الحقيقة... حومة بطالة فقر و دمار مراد ناوي يحكم بلاد باش يزيد يقضي على شباب كيما قضا عليا... اش عليناا تو مستحيل مراد ينتخبو شعب مهما تكلف الامر....
قرب لعندي اكثر دموعو نزلو...
ارغد:تعرف اسوان وقتلي صاحبتها تحكيلي مصدقتش قصة حب امي و بابا... و مبعد ثلاثة سنين كهو حرموهم من فرحتهم... قتلوهم بنار حرقوهم...
كلامو زاد خلاني ننقم اكثر و خلاني نخمم في سهرية اكثر و المخطط باش يتغير...
انا:باش نحرقهم يا ارغد ثلاثة باش نحرقهم و خاصة مراد...
تبسم درا كيفاه...
ارغد:معادش نحب شي باش نهز مرتي و نمشي من البلاد و انت باش تمشي معايا يزي وقف كل شي لا قانون ولا مافيا متاعك باش تبردلي دمي ولا حتى ياخذولي حقي
قدمت لعندو لين معادش بيناتنا مسافة
انا:اما القتل عرق بعد عرق لين ينزف دم هو الي باش يبردنا زوز
شديتو من يدو كبست عليه... لفت راسي غزرت لدار دموعي محصورين في عينيا....جبدتو من يدو و مشينا....ناس يغزرولنا باهتين كاينهم عمرهم ماشافو توأم....حليتلو باب كرهبة طلعتو...طلعت جنبو و طرت لدار...وصلتو و هبطت نشوف في فاطمة نلقاها راقدة هي و وسام...مزاللها شهر و تولد..يلزمني نفض كل شي قبل ماتجي بنتي لدنيا... و يلزم وسام يرجع يقرا و يدواي... سكرت باب بالشوي و خرجت غزرت لرجال نحكي...
انا:مذابيكم غدوة ارغد مايخطيش خطوة لبرا مفهوم.. هزولي بريوسهم...ديماريت كرهبة طول للمعمل...حبست خدمة لكل عطيت كونجي للخدامة....
يلزمني بريود هاذي نتفرغ مليح لمراد نهايتو قربت...
تكيت راسي تالي... نستنا في ليلة غدوة بفارغ صبر... سر باش يقلب دنيا...هاذي اول كرتوشة سطحية لمراد... لكرتوشة الي تقتل نخليهاا اخر شي....
الحلقة 28
واقف قدام مراية اخر لمساات...عملت رشتين برفان...تبسمت على جنب ليلة باش نحتفل بلعبتي... لعبة الي بدات و نهايتها وقتلي نقرر اناا... القلب تعبا نقم... يلزمو يفرغ و يرتاح...نغزرلها واقفة ورايا...دورت لعندها هزيتها و حطيتها..‘لابسة روب نوار طويييلة صدرها باين شوي و سلسلة ياسر فينو اماا كاينها موش غريبة عليا...عاملة مكياج ياسر سكسي...كان جا ارغد مستحيل يخليها تخرج هكا.....
رغدة:قلي عجبتك
انا:هيا نمشيو معادش وقت
فيسع عينيها دمعو... الله غالب منجمتش نتصرف معاها كي ارغد خاصة بعد ماعرفت هي شكوني زدت نقمت...
رغدة:ب..باهي
خرجت من البيت و خليتها تمشي ورايا... طلعنا في كرهبة و ورايا رجال بكراهب.. نسوق و ساكت كان نفس طالع هابط... و اخيراا باش نعطي كف و نخلي بصمتي...دوب ماوصلنا.. صحافة مالية دنيا....دخلنا بالسيف... ندور في عينيا... سياسين لكل و نساهم موجودين....جا سرفور حط كاس مشروب قدامي.. تبسمت على جنب شراب في سهرية انتخابية ههه حلوة هاذي... و شعب راقد باش يحكمو اكبر فساااد...
دورت راسي لصحافي ورايا غمزتو.. يعرف خدمتو مليح...غرقتو بالفلوس يلزم يغرقني بالفرحة...
هزلي براسو باهي....غزرت لمراد قرب لعندي شاد سيڨار شكولا في يدو سلم على رغدة يحكي
مراد:محلاك بربي على حالها..
رغدة:عيشك سي مراد
انا:عندي ليكم مفاجأة اما بعد ماينزل سياسي الي يحكي
رغدة:مفاجأة شنوة؟؟
انا:لا عاد يا روحي كان نقلك عليها تمساط
مراد:يعني نخاف من مفاجأتك
انا:تنجم تقول...
ستوبت فاست متاعي...تبسمتلو على جنب و طلعت عالمنصة نغزر لناس لكل... كل حد و عالمو كل حد و علاش جاي هناا كل حد و مصلحتو... و الي باش يتضر في لخر بلادي....انا اولهم ضريت شبابها اماا لحق وقت يمكن نصلح شوي...
انا:مرحبا بيكم ناس لكل... نحبكم تسمعوني و تركزو معايا شوي... احنا هنا لشي واحد فقط هو لتغيير لبلاد لأحسن حال... اماا لاحظت شي مهم...شراب و وسكي في سهرية انتخابية و صحافة تصور ااا اي كسان مزينين مليح موش باين الي في وسطهم مقواكم الحاصل... باش نحكيلكم حاجة على بلادناا و الي يحكمو فيها والي باش يحكموها جدد و انا منكم
بلاد فقر و ذل شباب بطال...اول حاجة يتشد على سيڨارو زطلة... باهي مسألتوش رواحكم منين جاتو ااه ولا زعام كان تحشو في الحبس... موش انتما الي دخلو فيها زطلة... موش وزراء و رجال لعمال الي يدخلو في كوكايين...و شنوة ذنب شباب يستهلك و يدمن انتما سبب...و مبعد تبكو امو عليه لا عملت يديه ولا سقيه...نحب نقلكم كان تصلحو من رواحكم و مبعد تصلحو لبلاد خير و انا ماوصلت دخلت لسياسة كان باش نمنع فساد و الفساد انتما... موش هكا سي مراد...
رخف كرفات متاعو.... وجهو زراق.... تبسمتلو و دورت عينيا عليهم لكل....غزرت لصحافي يصور في فيديو كيما وصيتو...خذيت نفس كملت نحكي و كلام الي باش نقولو باش يفجرهم
انا:سي مراد ماكش باش تعرفناا على بنتك...
نغزرلهم لكل ولاو يتمتمو... موش فاهمين شي
انا:لا عاد ياخي مفيبالكمش الي مراد عندو طفلة و حسب علمي فيبالي باش يسلملها في املاكو لكل كي يربح في انتخابات....اممم ايا طلعو شكون بنتو
حاس روحي شخت و تخمرت وليت نحكي كيف ما جاا... عامل جو بمنظرو هكاك
انا:رغدة بنت مراد اي رغدة مرتي هههه طلعنا انساب شفتو كيفاه...اما اناا منتشرفش تكون مرتي بنت واحد فاسد و مسخ... خاتر بنتو اكيد تشبهلو....هذا شي مايشرفنيش شبيكم باهتين انا قلت الي عندي ايا كملو سهريتكم كاينو مصار شي
هبطت من المنصة... قربت لعندو... حاسو باش يتجلط يحل في قفالي شوميز....
انا:ما ياكل ضبع كان كي كي يشبع الصيد ان شاء الله تفهمها..هذا اول كف مني ليك
رغدة تحكي
حسيت بغصة واحلة في حلقي... حسيت بسخانة طلعت لراسي...حسيت بنخزة في قلبي... وجيعة تقتل... دنياا وقفة و ظلامت في عينيا... نحب شكون يجي يفيقني اكيد انا نحلم اناا في كابوس موش صحيح الي قالو ارغد تو...لا لا موش ارغد هذا موش ارغد الي حبيتو...هذا شيطان متجسد...دموعي تحصرو...و اناا باقية واقفة نشوف فيه مصدومة...لين حسيت بيد جبدتني من تالي...ترهوجت من قوة جبدة... منيش نشوف في شي صالة ظلام الضوء لكل مسلط على ارغد...نسمع كان في صوت نااس نسمع في كلامهم كل واحد اش يحكي... كل مرة نسطع في حد و باقي منيش نشوف شكون الي يكر فياا هكاا...منجمتش نتكلم و لا حتى نجبد يدي الي وجعتني...وصلت قدام باب اوتيل... عقدت حواجبي مستغربة..نهز فيه و نحط جيت باش نتكلم حط صبعو على فمي... يحكي
بيرم:اناا بيرم باش تمشي معايا يلزمك تمشي معايا تو
انا:سر جديد موش هكا...
بقا يغزرلي هز بأكتافو... حل باب كرهبة... اشرلي بيدو باش نطلع... وخرت خطوة تالي... عمتلو براسي لا
انا:تعبت معادش نجم نتحمل شي اخر انا منعرفكش اما كانك ماضيا نقلك ابعدني اعتقني و اعفيني منك و منهم
دموعي نزلو سخان يحرقو على خدي...حسيتو يغزر لرقبتي... تذكرت سلسلة ارغد حطيت يدي عليها...
بيرم:متنحيهاش كان مجاتش هي راني معرفتش بلاصتك... هيا اطلع مانلزنيش نتصرف شي مايعجبكش..
جيت باش نحكي قص عليا صوتو من تالي منعرفش نتلفت ولا لا... عضيت على شفتي من قوة وجيعة قلبي...
جاد:ماتمشيش
شدني من يدي بخفة و دزني وسط كرهبة و طلع جنبي تلفت نشوف في جاد يجري ورانا و يصيح....
انا:وقف الكرهبة و هبطني ياخي مهبول شكونك انت شتحب عندي
بيرم:اسمي بيرم
انا:نعرف اسمك هم
بيرم:للسانك طويل عندو لحق
انا:شكون عمدو الحق اسمع تبداش تحكي معايا بالالغاز راني فديت من امثالك...اقف و هبطني مكانش نرمي روحي تو
بيرم:خفت منك لحق بلهي ارمي روحك انت باش تموت موش انا
انا:لوين ماشين يا هم
بيرم:تنجم تسكت هاو قريب نوصلو
دخل لنهج محفر شوي....وقف بالكرهبة..
بيرم:انزل
انا:لا قلي لوين باش تهزني
بيرم:يا ربي صبرني..تي انزل تو تعرف
نفخت بعصب و نزلت... شدني من يدي دخلنا زنقة ضيقة... وقف قدام باب دار دور مفتاح وحل باب دوب ماهزيت راسي نغزرلو قداامي... حليت عينيا على وسعهم.... تي خليتو في سهرية شيعمل هنا...
بيرم:نضن هكا كملت مهمتي ويني امي
ارغد:في كوجينة حطت لعشا
بيرم:حتى انا جعت
ارغد:باش تبقا واقفة برشا من بكري نستنا فيك باش نموت بالجوع
حليت فمي دوب شوي من صدمة... منيش مصدقة الي نسمع فيه.. هزيتو و حطيتو لابس حتى هو سبور وقتاه لحق يغير دبشو... حسيت دوخة لعبة عليا...حطيت يدي على راسي...
انا:نحب نفيق من هالحلمة الخايبة...
ارغد:مقصوفتي ادخل ادخل ايجا نتعشاو و مبعد نحاسبك على لبسة هاذي
بيرم:ههههه و حاسبها على القباحة بربي
باقية مصدومة منيش فاهمة شي...شنوة الي صاير بضبط راسي رزن عللخر و عينيا بداو يتسكرو....حسيت بروحي تلطخت عالارض و فقدت وعي جملة...
#
الحلقة 29
حليت عينيا بالشوي...نغزر لسقف... نشم في ريحة ماكلة بنينة كيف ريحة ماكلة امي الله يرحمها... دموعي نزلو توحشتها برشا....قمت بالسيف... قرب لباب حليتو ندور في عينيا على دار عربي وسطية كبيرة محلاها شرهة مهوية... خذيت نفس عميق منعرفش علاش بعد ليلة لبارح تو حاسة براحة... احساس غريب برشا...غزرت لروحي شهقت فرد شهقة منيش لابسة روبتي... لابسة جبة خلعة...عديت يدي على شعري شكون الي غيرلي دبشي...جيت داخلة للبيت وقفني صوت مرا تحكي..
هي:الفطور حضر
انا:شكونك انتي و دار هاذي متع شكون
هي:ههه ناري على بنيتي راجلك لبارح جابك فاقدة وعي هنا و انا خالة بيرم اسمي نجاة
انا:نتشرفو وينو ارغد
نجاة:في دار بيرم جنبنا... مبقيتيش غادي خاتر بوه صعيب
انا:باهي عيطلو عيشك
نجاة:باهي ايجا افطر و انا هاني ماشية نعيطلو..خوذي راحتك
خرجت و ردت باب شارع دوب شوي... خرجت وراها نطل حي شعبي و حس نااس و لعب صغار محلاهم... و عطار مقابلني معبي... على يميني اخر نهج ولاد واقفين يحكو... دورت راسي على ليسار نلقاه جاي لابس شورط و مويول نص و شلاكة اول مرة نشوفو هكا والله ولا يشبة نفس لولاد الي شفتهم....يتبسملي عكس غزرتو لبارح في سهرية كلها شر... قرب لعندي اكثر دخلني داخل و سكر باب...
ارغد:اممم مبنها ريحة ماكلة
انا:ياخي مهبول لا لا انت مريض... تو تفهني اش صااير
ارغد:شعندو باش يصير غير انك تو معايا و قدام عينيا
دزيتو بيدي لتالي عليت في صوتي نحكي
انا:نكرهك عللخر...انت قتلتني لبارح و قتلت حبي ليك انت طلعت واحد كذاب و مريض و انتقام عمالك عينيك وصلت دخلتني في لعبتك و....
قص عليا كيف حط يدو على فمي و عاقد حواجبو الخشان...
ارغد:شعمتلك انا غير اني حبيتك بجنون ملي انت عمرك 15 سنة تو جاية تقلي كذاب و مريض
لباب يدق بالقوي و صوت بيرم و هو مفجوع
بيرم:حل فيسع ارغد خوك باعث رجالو قالبين عليك دنيا
حليت عينيا على وسعهم...شيقصد بيرم بكلمة خوك....قلبي دق بالقوي... نحا يدو و حل باب و انا باقية نغزرلو مصدومة
ارغد:شنوة لحل تو
بيرم:لحل لوحيد تطلع فوق سطح و تنڨز انت و مرتك لسطوحات لكل لين توصلو اخر منطقة و غادي تلقاني نستنا فيك بتاكسي متع صاحبي
ارغد:ب باهي
دار لعندي شدني من يدي كبس عليا هزني و حطني يحكي
ارغد:صح لبستك جبة اما يلزمك تجري و هوكا نفس وقت تنقص من وزنك حسيتك سمنت 3 شهور اذوما
مخلانيش نحكي و كرني وراه نجريو لين نفس متاعي قريب يتقطع...
انا:يزي امان اقف معادش نجم
ارغد:هيا عيش حبي معادش برشا صور واطي نڨز قبلك و مبعد انتي ورايا متخافش تو نشدك
انا:ب.باهي
كملنا شوي و مبعد نڨز بخفة...نڨزت وراه و بيرم يزمر بالتاكسي...جرينا لعندو طلعنا فيسع و ديمارا و اناا نرد في نفس حتى ريقي معادش لاقيتو...
بيرم:ملة وحلة يا صاحبي وين باش تمشي تو
ارغد:اوف اوف فديت والله تو اكيد كل مكان تابعني باش يمشيلو
بيرم:اي والحل
ارغد:منعرفش يا بيرم برسمي نحس في كل شي تسكر
بيرم:نعرف واحد يكري في ديار بليلة كان تحب نكلمو عدي راسك بيه لين نلقاو حل
ارغد:لا لا هبطني قدام بنك نجبد فلوس و هزني لاي اوتيل بعيد من هنا
بيرم:باهي
انا:اقف هبطني هنا
بيرم:شنوة؟؟
انت:قتلك اقف
ارغد:ياخي لباس في مخك شبيك شفماا
انا:مكفاكش الي عملتو لبارح و تو عامل تمثيلية اخرى
بيرم:برسمي جننتوها طفلة مسكينة برا فضها تو صاحبي
ارغد:شصار في سهرية لبارح يا بيرم
بيرم:منعرفش انا دوب ماوصلت دخلت هزيتها ‘ خرجت
رجع غزرلي على جنب كبس بونية يدو... و خرج اسمو بعصب
ارغد:اسواان
منعوفش قداه تعدا وقت وصلنا قدام اوتيل هبطت نمشي بالسيف ساقي وجعتني...
بيرم:استنا ارغد جبتلك دبشك
ارغد:عيشو صديقي و سامحني في تعبك
بيرم:مغير مزية وخيان كان صار شي كلمني
ارغد:باهي بيرم ربي معاك
هز ساك على كتفو و شدني من يدي نزل علياا منعرفش علاش... دخلنا حكا مع طفل و خذا مفتاح البيت طلعنا اكا دروج... حل لباب و سكرو بنطرة.. رما ساك على طول يدو.... غزرلي درا كيف يحكي
ارغد:شصار لبارح
انا:ياخي تتبهلل عليا
ارغد:شصار لبارح... اخر مرة نسألك
انا:علاه ياخي كان لبارح الي صاار ااه ؟؟ 3 شهور معذبني شاويلي قلبي و زيد الي عملتو معايا بالغصب و كلام الي حكيتو لبارح قدام ناس شوهتلي صمعتي باش توصل لانتقاامك وينو الحب الي تحكي عليه ااه؟؟ نقلك شي انا منحبكش انا نكرهك عللخر منيش طايقتك و باش نطلقك معادش حاجتي بيك
هز يدو و ضربني بكف...كف رهوجني وذني وجعتني عللخر... كف خلاني نطيح عالفرش.. محسيت بيه كان فوقي...شدلي وجهي بين يديه...يحكي بعصب و عيونو حمر
ارغد:انت ملكي متااعي وحدي كلمة الي قلتها معادش تعاودها و تو تجاوبني شنوة الي صارلك بالغصب و كان يطلع الي في مخي والله الا منقتلك انت وياه
انا:س..سيبني
ارغد:اغزرلي مليح اناا المتكبر الي عاش معاك 3 شهور هو اسوان و تو منيش مستعد نفسرلك اش صار اما انت مستعدة باش تحكيلي الي صار لكل لين توصل ليلة لبارح مفهوم؟؟؟
وليت نرعش تحتو و البمية غالبتني...طرشقت بالبكاء كل الي نحب عليه تو يقوم من الفوقي حاسة بخنقة...تكلمت بصوت يرعش
انا:قوم امان خنقتني
ارغد:لا منقومش قبل ماتجاوبني
بقيت نغزرلو و دموعي نازلة كهو... منعرفش نصدق الي قالو ولا لا كيفاه يكون اذاكا اسوان كيفاه يكون اسوان عايش مستحيل و اصلا اسوان معندوش ضربة في حاجبو ليمين و معندوش ضربة في ظهرو...مخي تخربط معادش عارفة شي ولا حتى كيفاه نتصرف...
ارغد يحكي..
كلامها و لبستها معجبونيش جملة...منلومهاش انهاا معرفتنيش عندها لحق... اما كلام الي قالتو دخلي تران في مخي... شتقصد بالغصب...و خاصة كي قالت طلاق...لعصب ركبني و تخمرت بكلي منعرفش كيف عطيتها كف...و حصرتها باش تحكيلي اما هي سكتت محبتش تنطق بحتى كلمة... شفاافها يرعشو و جسمها تحتي يرعش بكلو....جبتهاا تشمرت لفوق حسيت بفخااضها السخان... جبدت روحي شوي عديت عينيا على جسمها لكل منعرفش علاش نحس في روحي واصل لتوب صبرت برشا عليها و هي مرتي حلالي يا ناس... مشاكل هدتنا و فرقتنا و مخلتناش نعيشو حبنا و اسوان عمل من عذابنا صنعة ... ركزت يديا على يمينها و يسارها باش بدني ما يرزنش عليها...نخزر بعيني و ميت بقلبي... ملامحهااا البريئة قهروني.. .. نتأمل في زينها و نتنهد بحرقة على سنين الي ضيعتهم بعيد عليها
قربت منها اكثر و طبعت بوسة فوق خدودها ..... فوق عيونها المدمعين... و مش عارف اش نعمل ... قربت من وذنها و همستلها .
انا: انتي ملكي ملك المتكبر
شرايك نخطفك ... شرايك نهربو انا و انتي .. ايجا نبعدو على كل شي يوجعنا و يحرمنا من بعضنا... ايجا نكويك و نشويك بعشقي بهوسي بناار قلبي
قلبك فضحك نسمع في دقاتو ....علاه محسيتش الي هو موش اناا حبيبك... باش يوريك الي متحبنيش قد مانحبك انا و نفرقك مابين اي وحدة
نعمل هكا و نغدرها ... نقلبها فوقي.... شعرها لكل على وجهي...نشم في ريحتو و مغمض عينيا.....و هي باقي ساكتة كان دموعها الي نازلة...مسحتلها دمعتها...غمضت عيناها و عاودت حلتهم تحكي
رغدة:تعبت والله فهمني الي صاير
انا:اشششت مانحب شي تو غير انك في حضني كهو س. سامحني عالكف انتي خرجتني من صينتي....
رغدة تحبني موش هكا؟؟
دموعها نزلو اكثر هزتلي براسها اي
انا:انسا و ماتخمم في شي انسا بريود الي تعدات خليك في لحظة هاذي كهو...
قربت وجهي جيت باش نبوسها جبدت روحها بخفة و وقفة... تبسمت على جنب عارف مخها وين مشا و نعرف ماتحبش الا مايصير عرس بزازة... اما شي اقوى مني و منها... نعرف هي زادة تحب عليا... معادش نجم نسيطر على روحي اكثر
جيت من وراها ... جبدتها من حزامها و لزيتها ليا .. ..أول ما بدنها قرب ليا حسيت بدني تكهرب وشهوتي زادت ...تنهد من عروش قلبي و لسقتها ليا اكثر و حطيتلها شعرها على جنب و غرست وجهي في رقبتها . .. بقيت نعدي في خشمي على رقبتها و نتنفس بعمق ريحتها دخلت لروارية
قربن شويا لوذنها و همستلها
انا:معادش نجم عذبتني و هبلتني حرام عليك راك مرتي حلالي
شهوتي غلبتني... مش قادر نسيطر على روحي أكثر .....دورتها ليا بحنية... .
بديت نبوس في رقبتها بلهفة ... و نعدي في لساني على رقبتها بشويا...قاعد نتفنن فيها كيماا نحب باش نعذبها كي عذبتني
رغدة: لا يزي امان
تبسمت بالشوي و انا حاشي راسي في رقبتها...صوتهاا محجرش بالرغبة و هي تكذب عليا و على روحها... و انا ركبتلي الي ليوم باش نملكها مهما يصير
هبطت بلساني شوي لصدرها لي مغطيتو جبة كبسة عليه من فوق ‘ هي تأوهت نحب نذوقو و نغطس فيه و نحس بطراوتو .. حاس روحي مشتاق نحب يتروا اكثر... عديت يديت بخفة على جبتها من لوطة و هزيتها فرق نحيتهالها و هي مكانتش من العاكسين ....عينيا حوالو و اناا نشوف في صدرهااا البومبي و مكعبر شطرو خارج من سوتيان روز....عديت لساني على شفتي... و هي حطت يدها تغطي فيه...جبتها حملتها عندي بطريقة دورت ساقيها على حزامي... لصقتها للحيط غزرت في عيناها نحكي
انا:حاضرة لعذابي...حاضرة لدخولك لعالمي الي يحرق بسخانة...حاضرة باش تعيش معايا احلى احساس غير قول اي و شوف الي باش يجرالك
متكلمت حتى كلمة و كيما قالو ناس بكري سكوت علامة رضا..غطست في شفاافها بدون مقدمات.... نمص في لسانها و في شفتها لوطانية كليتها مسيبتهم كان ماحسيت بطعم دم...
رغدة:امان بلاش عنف
انا:خايفة لا نعمل معاك كيف مع هيفاء ياخي تقارن في روحك بيها تهنى انا نخاف عليك اكثر من روحي اما باش نعنفك بطريقة تعجبك
تبسمت بالشوي ...ااااه من المڨصوفة و تبسيمتها و عويناتها و بدنهاا...هزيتها للفرش حطيتها بسياسها و نحيت مريولي و شورط بخفة رميتهم.... هبطترعليها كي صقر الي ينهش سوتيان نحيتو بفمي اااه
صدرها مغريييييي ... واقف و مليان... خلا نفس يتسكر و العرق يلبني .. ...لدرجة حسيت بحاجة قوية تكبست في بدني و باش تطرشق....و بديت نحس في بنة و لذة سرت فيا . قرصت بقوة بيديا الإثنين على صدرها ... و هي صااحت بإغراء..... و نعدي في يديا بقوة على فخاضها .. ..
أما حيرتني حاجة... ماتعرفش تبوس... مسلمتلي صحيح أما مش عارفة تتفاعل موش عارفة تعمل شي غير انها حاضنتني... و شي هذا فرحني
هزيت راسي شويا نلقاها تغزرلي درا كيف ضيقت عينايا
انا:شبيك روحي
... تكلمت بصوت مقطع و ضعيف
رغدة:نحبك انا اوعدني متخلينيش اوعدني تهزني و تبعدني من هنا جملة مانحب شي غيرك لا فلوس لا فيلا لا كراهب نحب نكون معاك مرتاحين و كهو امان ارغد
رجعت راسي لعندها قربت وجهي منها لين نفسنا تخلط شفافي قراب من شفافها نطبع عليهم في بوسات صغار ونحكي فرد وقت
انا: مستحيل نخليك انتي روحي بش نهربو ونعيشو حياتنا فرحانين ومرتاحين بعاد على ناس ومشاكلهم نعيشو في عالم ما فيه كان انا وانتي
مع كل كلمة نقولها نطبع بوسة قاعد نحس بسخانة بدنها لي لاصقني بعدت وجهي رجعت حطت يديها على شعري من ورا رجعتني لشفافها... هبطت لصدرها وهي تان تحتي وتتحرك بطريقة مغرية ناري شعلت اكتر عديت يديا على كرشها شهقت طبست نبوس فيها منها وحطيت يدي على كنزها من فوق سليب وهي تتلوى تحتي حسيت روحي معادش نجم نحيتلها سليب عديت يدي على فخاضها نتحسس في كل بلاصة في بدنها... بدنها لي هبلني وشواني فتحتلها ساقيها بركبتي وهبطت عليها... حاجة مكبوسة تلمس فيها من لوطة غزرتلي درا كيفاش قربت همستلها
انا: متخافش روحي سلملي روحك وسايرني
تبسمتلي رجعت نبوس فيها لين حسيتها ترخفت ومعادش خايفة ركحت روحي فوقها ودخلتو بشوي كبست بيديها على ظهري وانا نسايس فيها خايف عليها اما معادش نجم نصبر اكتر زدت دخلتو بكلو صاحت كتمت صوتها كي حشات وجها في رقبتي وخدشتني بظفارها على ظهري قعدت نمسحلها على شعرها ندخل ونخرج بشوي لين حسيت بحاجة سخونة خرجتو بشوي...و باقي متحركتش من فوقها....رعشنا نفس لوقت... حاس بحاجة تحرق...جبدت روحي دوب شوي نغزر لدم... ضحكت بهستيرية...و حضنتها بقوة قريب ندخلها وسط ضلوعي
انا:ملكتك ملكتك يا روحي نحبك يا مڨصوفة تي نبوس تراب الي تمشي عليه
نبوس فيها من جبينها و خدها و شفاافها وجها لكل بلهفة كبييييييرة... هبطت حطيت راسي على كرشها و نغزر لدم... نتبسم كالمهبول....قمت جبدت بابي و مسحتلها..تمديت جنبها و جبدتها لعندي... تغطينا بملحفة... حطت ساقيها بين ساقيا... و حشات راسها في رقبتي عرفتها حاشمة... نمسحلها على شعرها و نحكي
انا:شبي صغرونتي
رغدة:ش..شي
انا:امممم باين معجبكش
رغدة:يزييييي
انا:هههه باهي يا حشامة اما لمرة جاية انت باش تبدا موش انا
قرصتني من صدري شواتني...نحيتلها يدها هزيت بستهاا...
انا:الله لا يحرمني منك
رغدة:مانحبش نفيق من حلمة هاذي نحاف نرجع للواقع
انا:هذا واقع يا روحي متخمم في شي مدام رجعتك ليا كان لموت الي تفرقنا يدي في يدك بطول لعمر
رغدة:نحب نبقا في حضنك
انا:عمرك لكل باش تعديه في حضني و انا نعديه ناكل فيك شرايك
ضحكت و زادت لسقتني...عنقتها اكثر و اكثر نشم في ريحتها نستنشق فيها... نتمنى لحظة هاذي متوفااش ماتتعداش...منعرفش قداه تعدا وقت... و غطست في نوم راقدة كالملايكة نفسها منظم و مرتاحة....
حاولت نرقد مانجمتش... نخمم في الي جاي... نخمم كيف باش نخرج من البلاد مغير مايفيق اسوان خاتر فديت صايا وصلت معايا لتوب معادش نحب لا انتقام لا غيرو يزي كهو شي ماهو باش ينفعني خلي ربي يحاسبهم ربي يعاقبهم.... انا ندعي يخليلي مرتي كهو
حسيت روحي بديت ننعس... غفيت و رقدت مرتاح لاول مرة.... احساس محلاه عللخر.... احساس نتمنى نبقا عايشو...يزي ماحرموني ملي نحبهم لكل ....نعرف اسوان موش باش يسكت و باش يبقا يدور عليا في كل مكان كان لزم يقلب لبلاد.... باش نضطر نقعد انا و مرتي في هالبيت لين يهدا هو شوي بالرغم نعرف موش باش يهدا...
#
الحلقة 30
اسوان يحكي...
بعد ليلة اذيكا زوز اختفااو كاينهم ملحة و ذابت في الماء...وصلت لدار... هبطت من الكرهبة العصب مكني من ساسي لراسي.... عيطت بأعلى صوتي عليهم..
انا:مخدم بهايم انا موش قلت ارغد مايخطيش خطوة لبرا..ياخي علاش نخلص فيكم انا اه؟؟؟ باش تتحاسبو عليها الغلطة هتذي و تو ترجعو تقلبو دنيا تجيبوهولي من كرش حوتة مايهمنيش خويا ليوم يكون حذايا
طبسو ريوسهم....نسمع في صوتها من تالي تالي تحكي
فاطمة:سيبهم في حالهم مكافكش ياخي الي تعمل فيه
تلفتلها نغزرلها مستغرب...شديتها من يدها و دخلتها لدار... سكرت باب نحكي
انا:شتقصد
فاطمة:نقصد الي انت وليت مهووس بالاتتقام نسيتني انا و الي في كرشي نسيت وسام طفل يتيم باش تكمل تضيعو معاك... انت وصلت بكيت دارناا و شويت ڨلب امي عليا يسخايلوني مت معاك...انت دخلت ناس في لعبتك حطمتهم...يزي كهو شي ماهو باش ينفع تو ماكش باش ترجع امك و بوك
انا:حكاية اكبر من امي و بابا حكاية تخص خويا... مستحيل نخلي مراد في حالو مدامهم عايشين و يتنفسو انا منيش باش نرتاح...
قربت لعندي حطت يدها على خدي عيونها مدمعين
فاطمة:كانك تحبني ابعد عيشك و خلي خوك في حالو ا. انا عاونتو باش يهرب و يمشي لمرتو...
انا:شنوة؟؟؟
فاطمة:اي خوك كل يوم يموت قدام عينيا و انتي حابسو تقول طفل صغير
انا:خاترني خايف عليه
فاطمة:و اناا
انا:انت حد مايقدر يمس منك شعرة مدامني موجود
وخرت خطوة لتالي
فاطمة:موش انت الي حاميني رجالك هما الي يحمو فبا انت موش موجود اصلا ناسيني جملة... بالرغم عرفت حقيقتك و مزلت معاك علقل قدر شي هذا اسوان
دخلت للبيت و سكرت باب في وجهي... عديت يدي على وجهي...نعرف كلامها صحيح اماا نغلي بكلي منيش منجم نسيطر على روحي و زيد رغدة بنت مراد مستحيل نخلي خويا يكمل معاها...
خرجت و طربقت لباب طلعت في الكرهبة جبدت تالبفون نكلم فيه
انا:انور شعملت
انور:مفماش ريحتو جملة
انا:مايهمنيش تصرف
انور:باهي
علقت تاليفون...و ديماريت...حطيت غشي في سياقة نجري بأقصى سرعتي...لين فماا كرهبة قصت علياا شديت فراان قوي شعرة ولا دخلت فيها....هبطت باش نعارك ماحسيت كان بشكون ضربني على راسي من تالي... شديت راسي من قوة الوجيعة... و طحت على ركايبي نحاول نحل عينيا نشوف شكون ضربني منجمتش فقدت الوعي جملة...
نحل في عينيا بالسيف...طلعت راسي نغزر للبلاصة... كاينو معمل مهجوور...مقعديني على كرسي و يدي مكتفة ورا ظهري.... نسمع في حس خطوات.. ماشين و يقربو و بدات توضاح الرؤية...نزلت على سنية
انا:الوزير بيدو ههههه
هو:هذا كف صغير على كلامك ليلة لبارح
انا:هههههه زايد مسخ و فاسد اصبر عليا ليوم ثورة تبدا و الشعب باش يطيركم من الكراسي الي شادينها
مزلت مكملتش كلامي... و نغزر للعكاز حليت عينيا على وسعهم...قهقهت بضحكة....ضحكة حسيتها خارجة من جوارحي
انا:ههههه مصطفى ويني سلطانة ههههه و زهرة ويني الي ترقد معاها ههههه زبلة لمتكم لكل...
مصطفى:سكر فمك... ربيتك و حبيتك كاينك ولدي هذا باش تكافينا يا ارغد شبيك تغيرت هكا...اي نعرفك مقهور على خوك مات و مقهور على بوك و امك ماتو اما هاك عايش في العز غيرك يتمنا يكون في بلاصتك لو ثانية... انا نڨلك ريض و تهد ماتلعبش لعبة ماكش ڨدها يا كبدي... شوف تراه وين وصلتنا... سيادة وزير بيدو جا يشكيلي منك كان موش هو راو اكا معمل متحلش و متشهرش بخدمتو... و انت لبارح طعنت فيهم..شيهمك فيه شباب انت تلها في روحك احسنلك
انا:كملت حديثك...مالة مني ليكم صبع الوسط انت و الوزير متاعكم
منعرفش منين جاني الكف لين خشمي نزف... ضحكت و كملت نحكي
انا:اضرب لصباح منيش مسلم كان موش انا باش ندمركم هو تو يدمركم
غزرو لبعضهم زوز....و كمل خلط مراد...
انا:ههه مرحبا و تلمت الشلة...شلة واطية
مراد:ويني بنتي
انا:منعرفش
عطاني كف...نزقت دم من فمي
مراد:ويني بنتي يا متكبر
مصطفى:سبحان الله انت سرقت مني كبدي ياخي جا شكون و حرمك من كبدتك
مراد:موش وقتو يا مصطفى
مصطفى:لا وڨتو... اصلا سلطانة طلڨتها انتما زوز معندكمش ڨلب كذبتو عليا و ڨلتو عصام مات كي تولد
مراد:على اساس انت عندك قلب ههه تي قتلت صاحبك و مرتو على خاتر الفرنك راك اماان يزي مصطفى تنساش عدونا واحد
انا:اشششت راني هنا ههه
مراد:مبرد دمك ماكش خايف لا نقتلك تو
انا:ههههه لا لا تعرف علاش... اقرب نقلك علاش
هو قرب مني طبس راسو و انا عطيتو بدماغ رهوجتو انا:اقتلني يا مراد هيا عاد
هو:لا احنا منوسخوش يدينا بالدم اما نحشو في حبس كهو كيما قلت انت
انا:ههه يا وزير ولا شسمك... انا مانتهددش اعملو الي تحبو و انت يا مراد الي عملتو في خويا باش يتكلفك غالي برشا... تسجلياتك فيديواتك لكل عندي يعني كان نموت انا هما باش يتنشرو...
مصطفى:هذا موش ارغد مستحيل ارغد يكون هكا بجرأة هاذي
بقيت نغزرلو و عينيا يضحكو... صدري يتهز و يتحط من العصب اما مانحبش نبين شي قدامهم و خاصة خايف على وسام و مرتي بلكشي يضروهم جرتي....و ارغد الي منعرفش وينو ارض و كانتلو بلاعة....
أرغد يحكي...
حليت عينيا دنيا ظلام حتى احنا من صباح راقدين...
نغزرلها تتململ جنبي... صدرها لكل عرياان...سخنت و شعلت بالوقت...الفرخة باينتها موش ناويتلي عالخير..
بقيت نغزرلها نتأمل فيها... بستها من خدها بوسة مرصوصة.. غزرت لسلسة في رقبتها... تذكرت كارت ميموار الي فيها....تشمل خنار مراد لكل اما مانحبش نستعملها ...مانفضحو كان في وقت المناسب... اما تو منيش بحاجتها... باب يدق بالقوي... قلبي خض وسط صدري... طول جا علبالي اسوان...تنطرت رغدة من جنبي تلبس... تغزرلي مرعوبة
رغدة:ش..شكون زعمة
انا:اششت متخافش.. برا ادخل لدوش و سكر باب
دخلت تجري لبست مريول و شورط و حليت باب نلقاه قدامي ماستغربتش خاتر نعرفو ديما ورايا...
هو:خوك في مأزق كبير انت الوحيد تقدر تنقذو
انا:معادش يهمني هو حط. روحو ‘ لعب بنار مقتلوش خوذلي حقي اش مدخلو في مراد هو... و شوف كنت نستنا باش نقابلك باش نقلك اخر كلام يا تقلي شكونك يا معادش دور بيا جملة اخرج من حياتي
عصام:ارغد يلزمنا نمشيو نخرجو اسوان
عقدت حواجبي مستغرب
انا:شتعمل عصام هنا
عصام:موش وقتو هيا تو فيسع
انا:رغدة...
هو:متخافش عليها في حمايتي
هزيتلو براسي باهي. بالرغم كل شي نوثق فيه برشا...
دخلت لعند رغدة و فسرتلها خليتها معاه و مشيت مع عصام..
انا"عصام اعطيني تاليفونك لحظة
عصام:تفضل
كومبوزيت نومرو نرعش في ساقي من الاستراس
انا:اهلا ياسين سلمحني طلبتك في وقت مخر اماا حاجتي بيك اكيد
ياسين:لا صديقي شفما احكيلي
انا:ياسين فيبالك بكل شي...المهم اسوان تو في ورطة و يمكن ياسر يقتلوه
ياسين:مراااد
انا:اي مراد
ياسين:ارغد انت تعرف بعدت على دومان و تو عندي زوز صغار و نخاف عليهم اماا على خاتر صحبتنا و انت في مقام خويا كريم الله يرحمو... كل شي يهون يا صاحبي متخافش خوك يكون لباس
انا:عيشك ياسين ربي يخليك
علقت تاليفون...وصلنا للمعمل مهجور يخوف عللخر... راكينا كرهبة بعيد شوي... نشوفو في برشا كراهب و رجال... حليت عينيا على وسعهم كي نشوف في وسام و فاطمة... عضيت على شفتي و دمعتي نزلت...قلبي يرعش من الخوف عليهم و انا قاعد مربط منيش منجم نعمل شي...
عصام:شبيك ترعش اهدا متخافش...هاني كلمت زياد باش يبعث القوة كل شي مريڨل
انا:خليني نكلمو يلزمني نقلو حاجة مهمة
طلبتو هز عليا يحكي
هو:رغدة لباس تهنا
انا:سلسلة الي في رقبتها حلها و الي في وسطها هبطو لكل عالمواقع في اسرع وقت
هو:متأكد
انا:خويا باش يموت و انت تقلي متأكد
علقت تاليفون.. اول مرة نصيح عليه... غاضني عللخر منعرفش علاش... منعرفش قداه تعدا وقت الحس بايت... و دقات قلبي مسموعة... و خايف لا يسيل دم
الحلقة 31
رغدة تحكي
قااعدة على عصاابي.... بكلي نرعش... من جهة ارغد و من جهة اسوان الي طلع عايش كيفاش و علاش منعرفش و منيش فاهمة شي... و من جهة مراد الي طلع بابا... كيفاه يكون بابا.. كيفاه يخليني عايشة في الهم و مطيشني انا و امي للموت.... مستحيل نسامحو مستحيل نعتبرو او حتى ناديلو بابا...عديت يدي على وجهي بعصب نحب حد يفهمني الي صاير خذيت نفس نحكي
انا:عيشك احكيلي شي كان تعرف راني باش نهبل
هو:متخافش
انا:وريني وجهك علقل باش نعرف روحي مع شكون نحكي حتى اسمك منعرفوش
هو:و شنوة الفايدة كي تعرفني شكون
انا:علقل نشوف وجهك
تنهد درا كيفاه تحسو مهموم
هو:كي تخاف
بلعت ريقي بالسيف و عرقت...خرجت كلام متقطع
انا:ع..علاش ب. باش نخاف
هو:هات سلسلة و مبعد تو نوريك وجهي...خاتروجهي هو الي باش يعرفك بيا انا شكون
كبست على سلسلة بيدي... منحبش نحيهاا انا وعدت ارغد..
هو:ارغد قلي خوذ الي في وسطها
انا:ب باهي
نحيتها و مديتهالو...نعرف ارغد يوثق فيه برشا...هزها من عندي و حلها جبد كارت صغيرة حطها في فلاشة... و الفلاشة حطها في آيباد
و منعرفش شقعد يعمل شعل سيڨارو و يغزر للايكرون تحسو مركز عللخر... نشوف كان في شفاافو كهو... سبحان الله تقول شفاف ارغد قدامي...
انا:ش شتعمل ياخي
هو:نفيق في شعب من سباتو
انا:شنوة"؟؟
هو:شفتها ساعة قداش... احسب من تو لل100 و شوف شنوة باش يصير في البلاد
انا:ج..جاد
هو:شنوة؟
انا:موش هذيكا تصويرة جاد ولد مراد
هو:تقصد خوك
انا:ا. اي شيعمل مع هذوكم
هو:تصويرة هاذي في امريكا يمد في فاليز بالاثار اما ميعرفش الي هو اثار بوه قلو هز و كهو
انا:شنوة باش تعملو ياخي
هو:باش نبعثو لدنيا الاخرى ميسالش ماو
وقفت من بلاصتي...هزيت صبعي نبه فيه
انا:ردبالك هو معندو حتى ذنب هاك وحدك قلتها هو مايدري على شي
هو:ارجع شد بلاصتك
بقيت واقفة نغزرلو..
هو:مسمعتنيش ! اقعد تحرك
انا:ب..باهي
نشوف فيه كي فسخ تصويرة ...فرحت عللخر...
هو:كملت مهمتي... و تو جاهزة تشوفني
هزيتلو براسي اي ....بقا ينحي في شابو بالشوي لين بان وجهو لكل شهقت و حليت عينيا على وسعهم و نفس وقت غطيت وجي بيدي... متحملتش المنظر...
هو:شفت كي قتلك تخاف... عرفتني شكون ولا لا
بقيت ساكتة معاودتش غزرتلو... دموعي نزلو... اي عرفتو...كيفاه منعرفوش و دليل قدام عينيا....
ارغد يحكي...
نحس في روحي معادش نجم نصبر اكثر....كل دقيقة تزيد نحسها نقصت من عمر خويا و مرتو....
انا:باش نهبط نمشي لعندهم نشوف شفما
عصام:اصبر يا ولدي
انا:باش نطرشق راو معادش فيا
احنا هكاك و ياسين يدق علينا بلار كرهبة كي شفتو طمنت... ياسين مهما عمايلو وومهمااا كل شي يخصو معزتو عندي ماتغيرتش كانلي خو الكبير.....هبطت من الكرهبة قرب بعندي يمشي بخطوات ثابتة ياسين كيما نعرفو مايخوفو شي و مايهدو شي
ياسين:كان تعاركت انا و نوران انت سبب و انتي الي باش تقنعها بعملتي هاذي
عنقتو بكل قوتي...طبطبلي على ظهري
ياسين:متخافش كل شي باش يكون لباس
انا:ب..باهي هيا
جبدت روحي منو جيت ماشي جيهة المعمل
ياسين:وين ماشي
انا:لخويا
ياسين:اا بلحق فيبالك الي وزير داخل و معاه مراد و مصطفى...خوك طاح بين يدين الي مايرحموش...اما اناا...
تنهد تنهيدة من عروش قلبو كايني ذكرتو بماضيه
ياسين:اما انا شيطان الي نقتل و نتعدا و نعمل حفلة على جثث متاعهم
هبط عصام من الكرهبة يهز و يحط في ياسين.... غزرو لبعضهم تكلمو نفس وقت
ياسين:انت
عصام:انت
انا:ياخي تعرفو بعضكم
ياسين:هذا الي قبض عليا في المطار و نورانرنسمع في صياحها في تالبفون باش تولد...ايه سيد كولونيل باش تزيد تقبض عليا كي باش نقتلهم قدامك
عصام:تنجم تقول
ياسين:هههه واضح و مشكور...
اشر لرجال باش يحاوطو المعمل.... وصلت الفرقة و وحدات تدخل مشالهم عصام.... بقيت واقف انا وياسين نغزر للمعمل معمل بابا الله يرحمو لا لا علاش الله يرحمو ام بيرم نهارتها قتلي لقاو كان جثت امك و بوك مختفي لنهار هذا....اما ينجم يكون مات و قتلوه في معمل هذا... معمل الي قالو عليه مسكون بالروح... كذب و تبلعيط و حكايات و روايات...
ياسين:هيا نمشيو انت يلزمك تواجه مراد تو
هزيتلو براسي باهي....منعرفش علاش قلبي مقبوض و خايف.....خذيت نفس عميق و مشيت معاه.... نڨزنا من شباك عالي.... نغزر لرجالو هزو سلاح... خاذوما رجال وزير... طلع ياسين يدو الفوق يحكي
ياسين:لا لا اهدو هبطو الفرودة و خلينا نحكيو بسياسة هذا احسن ليكم خاتر مكان محاوط بشرطة يعني...
تبسمتلهم انا على جنب... نغزر لاسوان وجهو مدمدم بضرب دم سايل من فمو...و وسام في حضن فاطمة و قاعدين عالارض.قلبي عصر عليا كيفاه مرا حبلة عاملين فيها هكا...قربت لمراد و مصطفى ندور حواليهم موقفتش و نحكي نفس الوقت
انا: زوز صحاب عايشين في الهم و الفقر... لين واحد فيهم حبتو بنت الاكابر...بحكم هو بخشمو محبش يقربلها و لا حتى يتعلق بيها... خاف لا ناس تقول طامع فيها...‘ علاش يحب فيها تي هو موش قادر يوكل روحو تي حتى خدمة مالقاهاش... كمل قرايتو و شد حيوط البطالة... اما صاحبو كان طماع و عينيه محلولة يعمل اي حاجة على خاتر الفلوس...
وقفت قدام مصطفى... هزيتلو راسو بيدي... نحكي بغل دنيا تملكني
انا:وصل حتى يخطط باش يقتل صاحبو بعد مايقنعو يعرس بيها و يولي لباس عليه....و فعلا نجح في مخطط متاعو... نجح باش يدمر عايلة مزيانة كان حلمهم يربو زوز توامة يقروهم و يوصلوهم لأعلى المراتب... اماا ياا خيبة المسعى موش كل شي نحلمو بيه يتحقق...
حطيت يدي على كتفو وقفت وراه لصقتو نحكي و نرص على سنية
انا:دخلت على امي ضربتها حليتها غارقة في دمها حاتر هي مراضتش بيك محبتكش و بوك غصب عليك سلطانة بنت ريف.... و مبعد كلمت صاحبك جااا و عملت عليه تمثيلية و شعلت دار بلي فيهاا و هذا مايمنعش سلطانة شريكة معاك كي هزتني انا و خويا و قلتو للحاكم نتبنوهم....اي علاش تتبنوهم...باش طلعوهم معقدين و تاخذو املاك بوهم و امهم.... اي اماا كمال وينو ااه بابا وينو جثة لتوا مختفية ارض و كانتلو بلاعة... جواب عندك يظهرلي...
كبستلو على كتفو لين وجعتو... و مشيت لعند مراد وقفت وراه....نغزرلهم لكل ساكتين كان نفس طالع خابط دورت عينيا عالمعمل المهجور و الي قالو عليه مسكون و في ارواح.....و قداش من وحدة اغتصبوها هنا و قداش من واحد قتلوه....و الاعلام يخوض نهارين و يرجع يسكت... خذيت نفس... تذكرت ليلتها في اكا لبيت....ضحكت بصوت عالي لكل غزرو لبعضهم هزيتلهم براسي لا برشا مرات نحكي
انا:لا لا متخافوش مهبلتش هههه اماا نذكرت حاجة صارت مع مراد بو مرتي....
اسوان حل عينيه على وسعهم يسخيلني مفيبليش الي رغدة بنت مراد.... انا من نهارت رغدة حكتلي وعدتها نلقالها بوها و لقيتو اما محبيتش نتكلم مايستحقش رغدة تكون بنتو....
انا:اي اي مراد نسيبي الواطي هههه....ااه يا مراد وقتها عمري 25 سنة كملت قرايتي قبل بعام و شديت ارض و الفلاحة.... و مبعد دخلتلي انت في مخي حكاية اوتيل قتلي رجل فلس و يحب يبيع اوتيل بالخسارة متفلتش الفرصة يا ارغد اصدم يا راجل و العب بفلوس لعب...انا وقتها مزلت كي حطيت برشاا فلوس من الفلاحة في اول حساب بنكي... مشيت جبدتهم و شد ياا مراد...مفيباليش عطيتك رقبتي نهارتها.... و بعد بعام...
شدتني غصة متع بكياء نشوف في كرسي قدامي شفرتو تلطخ عالحيط تكسر و عيطت بأعلى صوتي كلمة و خرجتها و رتحت كلمة قاتلني من 12 سنة دفنتي بالحياء خرجتها و قلتها قدام ناس لكل
انا:اغتصبتني انت اغتصبتني انت و سالم الي قتلتو كي عطاني فلاشة تذكرت كي بعثت رجال ضربوني برصاصة في كتفي.... حتى حاكم مجاش بحث معايا في كلينيك علاش ااه :؟؟ خاتر سيادتك دافع فلوس لمولا كلينيك..... انت اغتصبتني انت مريض في اكا لبيت....
دموعي نزلو و شدتني شهقة كملت نحكي
انا:في اكا لبيت انت عذبتني ‘ برغم طولي و عرضي منجمتكمش..شربتوني حطيتولي حربوشة اي اكيد عملتوها خاتر منجمتش نقاومكم.... انتما اغتصبتوني اي اي شبيكم باهتين انا من اكا جماعة الي اغتصبوهم شواذ جنسيا.... اما... حبيت بنتك و عرست بيها و ولات مرتي حلال و شرع.... و العيب الي رديتو فيا انو انا عنيف....
عديت يدي على وجهي غزرت للوزير نحكي
انا:غاضتك كلمت فساد مالة انت اكبر فاسد و انت ارهابي كبير و تعملي عملة سافا هكا... ايا وروني شعندكم تعملو هانا تلمينا مع بعضنا ايا عاد الي عندو حاجة يقولها.... ااه نسيت عسام وينو عصام... ياسين نادي لعصام عيشك...
هزلي براسو باهي و طل عليه عيطلو... دخل عصام هاز سلاح في يدو.... غزرلو وزير يحكي
هو:واحد كيفك قاتل مرتو بلاصتو حبس موش هنا
انا:اختي انتحرت مقتلهاش
عصام:بضبط سيادتك حاليا باش تدخل لڨلبو
ياسين:مرااد هههه طلعت تغتصب جملة يا معلم....
يهز يدو و يضربو بكف
ياسين:هذا كف لول في حق صاحبي
زادو كف ثاني
ياسين:هذا في...
قصيت عليه نحكي
انا:في خطف عصام من حضن امو و رميتو في الميتم عصام:اصلا عمل الخير خاتر منتشرفش بأم و اب هكاا احنا دايرين بمراد نحكيو و نسمع صوتو من تالي يحكي
هو:مصطفى يا عشيري
تلفتنا لكل نغزرو هو و معاه رغدة و واحد من وحدات تدخل وراه يحكي
هو:سي كمال عيشك اخرج
عصام:خليه و اقبضو على رجال متع وزير و متع مراد هزلو براسو و عملو تحية...
دوب ماسمعت اسم كمال حسيت دنيا دارت بيا و خاصة نشوف في رغدة تعملي براسها اي.. نحا شابو من على راسو لكلنا شهقنا فرد شهقة وجهو مشوه يخوف يرعب
كمال:اااه يا عشيري قلي شنوة ربحت من الفلوس...كنت نحي لقمة من فمي و نعطيك كنت حاسبك اكثر من خويا تي نصي ثاني... خليتك انا كي ربي رزقني؟؟ شكون عاونك في عرسك يا مصطفى...قتلت هندة تعرفني قداش نحبها حرقت دار الي بنيتها و تعبت عليها بالحجرة بالرغم ملكت فلوس اما محبيتش نخرج من حومتنا يا مصطفى...انت حطمتني حرمتني من اعز حاجة في حياتي... اناا مامتش اناا نهارتها بعد مامشيت انتي و دبوزة الڨاز تفجرت انا وقتها خرجت لبرا و جيت لهنااا جيت باش نحكي معاك نلقا معمل شاعل من وجيعتي دخلت وسط نار نحب نمنع اي حاجة من تعبي... اما فشلت و من وقتها قررت نختفي....تخبيت و الي ساعدني نسيبي بو هندة اختفيت و بقيت نتفرج من البعيد.... نسخايل ولادي ماتو اماا طلعو عايشين عندك.... ارغد طلع لامو حنين و خواف و مايحبش يعمل لحرام و منظم في حياتو اما اسوان طلع ليا كي كنت صغير طايش و منعرفش وين نحط ساقي....ياخي حطيت ساقي في لغم الي هو انت يا عشيري.... تكلم شبيك ساكت احكي خرج الي عندك... خاتر شوي اخر باش تدخل للحبس...
احنا هكاك و منعرفش صوت رصاص منين خرج تلفتنا نلقاو مصطفى طايح عالارض... و الحاكم دخل يجري.... رجعت نغزر لفاطمة تصيح شدتها وجايع...وسام يبكي مكبش في ساق اسوان الي شاد سلاح يديه كانت مربطة منعرفش كيفاه تفك...و من ساعتها عرفت مستقبل خويا ضاع
انا:شعملت يا اسوان
ياسين:انا باش نهز طفلة باينتها باش تولد....
حملها و خرج بيها يجري عصام خبا وسام وراه....
اسوان باقي نفس المكان متحركش
اسوان:هذا الي يستاهلو هو حطم امي و بابا و قضا علينا هو يستاهل الموت موش الحبس
كان يحكي بكل برود دم كاينو موش حاس بلي عملو... في بحظة معمل تعبا بالفرق من كل نوع.... قبضو على اسوان ربطولو يدو بالمينوت... مشبت نحضن فيه نبكي و نصيح
انا:لا لا سيبوه معمل شي خويا علاش عملت هكا علاش حطمتنا علاش مخمتتش فيا و في فاطمة ‘ بنتك
هما:ابعد ارغد
انا:لا لا سيبوني متهزوش خويا خوياااا راو لا لا هزوهم هما...هما سبب في هذا لكل...
مراد:ارغد سامحني
خرجو اسوان من معمل و تلفت لمراد عينيا ظلام بالدموع
انا:انت تسكت تسكر ر*** فمك نتلقاو في محكمة
كملو هزوه هو الوزير خارجين كالكلاب....
حسيت بيدو على كتفي ريحتو دخلت لخشمي....
كمال:و ولدي
تلفت حضنتو بكل قوتي كنت حاسس والله كنت حاسس راني نرتاحلو بصفة غريبة بالرغم مضاوليش جملة منعرف عليه شي اما كنت نوثق فيه... جبد روحو شدلي وجهي مابين يديه يحكي
كمال:ليلتها لقيتك تبكي و قاعد وسط كياس جيتك و خليتك تحكيلي وقتها كنت شارب برشا.... و من ساعتها ولينا صحاب و انا شرطت عليك ماتسألنيش على اسمي و متقوليش وريني وجهك... كنت حابب تاخو حقك و حق خوك وحدك... كنت نحب نشوف مدا حبك ليا و لامك.... اغزرلي ماتبكيش ارغد انا جبت راجل و بالنسبة لحادث الي صارلك تجاوزو انت تو معرس و بديت حياة جديدة
انا:اس اسوان مشا
كمال:غلط و يلزم يعدي عقوبتو دمو فاار دمو حامي كيفي معرفش يتحكم في روحو متخافش على خوك ينجم روحو وسط ذيوبة
عصام:سي كمال مرحبا بعودتك للحياة
كمال:مرسي عصام على وقفتك معانا
عصام:مغير مزية ارغد خويا و من ريحة الغالية...
كمال:فاطمة مشات تولد يلزمنا نكونو معاها
غزرت يمين و يسار
انا:ويني رغدة
عصام:مشات مع ياسين محبتش تخلي فاطمة وحدها و وسام هاو في كرهبة خليتو مع زياد
انا:وسام يلزمو لهوة خاصة هو زادة يتيم و اسوان خويا وعد صاحبو مايسلمش فيه اما...
عصام:اماا احنا لكل نتلهاو بوسام هيا نمشيو.. امم سي كمال سامحني في تعبك اما دوسي متع حرقة معمل باش يعاود يتفتح و يلزمك ترجع تبحث هذا القانون
كمال:اي مفماش مشكل انا على ذمتكم كل وقت
عصام:ربي يخليك
خرجنا و طلعت في كرهبة مع بابا و عصام.... مخي سارح كان في خويا.. منيش مستوعب فكرة ولا مجرم. قتل روح و زيد باش يعدي عمرو في الخبس و باش يتحرم من شوفت بنتو.... قلبي متقطع عليه...و هذا لكل و مزالو برشا حاجات...نعرف بعمري لا نرتاح
#
الحلقة الاخيرة
ارغد يحكي...
كنت كيما المهبول الي بلاش عقل...كنت منيش عارف شنعمل هبلت و جنيت خرجت و دخلت في الحلة...عديت اشهر قلة نوم و الماكلة منيش متخيل خويا في حبس لو ثانية... لكل خذاو جزاتهم و كالعادة الاعلام لم الحكاية و مكشفش دوسيات الكل خاتر تعليمات جات من الفوق و الفلوس تمدت من تحت الطاولة.....قاعد في صالة الطقس بارد عللخر تسمع كان صوت مطر تجبد خيطين من السماء... في هذا لكل سمعت صوت بكااها تبكي لين حسيت نفس قريب يتقطع عليها... قمت نجري دخلت للبيت حليت باب بزربة... قربت للفرش و حملت خديجة...نغزر لفاطمة قاعدة عالارض...نضرتها سارحة..هايمة في عالمها... تلفت لرغدة مزالت كي فاقت من نوم... حاطة يدها على كرشها كاينها متقلقة شوي تحكي
رغدة:شبيها دوجة لباس
انا:منعرفش فحمت بالبكاء منعرفش شصار
رغدة:هاتها عندي يمكن جاعت خليني نسخنلها الحليب
انا":باهي سايس روحك انت
هزتلي براسها باهي و همزتني باش نمشي لفاطمة... خرجت من البيت و قربت انا لعند فاطمة... طبست عليها هزيتها قعدتها فوق الفرش نحكي
انا:حرام عليك الي تعمل فيه... قاعدة تعذب في روحك...تكلم سمعنا صوتك احكي فاطمة اشهر وانت ساكتة قريب لعام تو و انتي نفس الحالة تعبتني معاك و تعبت بنتك
نغزرلها باقي ساكتة خذيت نفس نهدي في روحي...
انا:ارضى بالراقع بلي كاتبو ربي كهو معنا مانعملو تو يلزمك تاقف لخديجة و انا معاك مانخليكش راك من ريحت الغالي...
تاليفوني يصوني جبدتو من جيبي هزيت و خرجت من البيت نحكي
انا:اهلا عمار
عمار:دار فيني سي ارغد مزال كان دهينة اما هاك تشوف في طقس
انا:يعطيكم الصحة غدوة نجيك نكملك باقي حسابك
عمار:لا صايا خالص في كل شي يخلص وحلك ان شاء الله
انا:بابا عطاك
عمار:اي ربي يفظلهولك المهم سي ارغد غدوة نجي نخز ماتريالي كان مايقلقكش
انا:لا عادي ايا سلام
علقت تاليفون... وقفت رغدة جنبي و في يدها خديجة تحكي
رغدة:شصار في دار
انا:كمل صايا
رغدة:الحمد الله اي و كيفاه باش تعمل تو
انا:خلي يجي بابا و نتفاهمو في كل شي نتصورو يوافق مايقولش لا
رغدة:ان شاء الله
انا:مزلت تحس بوجايع
رغدة:لا يا روحي لباس
انا:متأكدة
رغدة:اي
انا:باهي هات دوجة تو نرقدها انا برا تمد ارتاح انت
رغدة:باهي
حملتها لعندي و بقيت ندور بيها و نبنن عليها و نغنيلهاا و هي في عوض ترقد ولات تغزرلي و تضحك...نساتني في همي... بقيت ندور بيها في يدي و نلعب معاها لين دخل بابا... شافتو ولات تفرفط تحب تمشيلو.... خذا مزال عمرها تسعة شهور و عاملة فينا هكا...
كمال:ايا سلام عليكم
انا:سلام بابا لباس
كمال:بخير عيش ولدي... شبيها الفلوسة هي توحشت جدها
بقيت نغزرلو و نتبسم ملامحو كيفي بضبط... و فرحت كي وافق على عملية حمد الله وجهو تحسن و تنحالو اتراس الحرقة....
كمال:ايجا عندي دوجة هيا
مدلها يدو و هي مكانتش من العاكسين رمات روحها عليه... تشد فيه من وجهو و هو يضحك شايخ عليها
حمحمت نحكي
انا:بابا ياخي خلصت راجل
كمال:ايه عندك مانع
انا:لا لا بابا اصلا كلو من خيرك...بابا كان تسمح حاجتي بيك في موضوع
قعد و قعد خديجة على حجرو هزت من يدو مفاتح دار تلعب بيهم... قعدت مقابلو نفرك في يدي خايف لا يقول لا... خذيت نفس عميق و بديت نحكي
انا:بابا تو الحمد الله صلحنا دار و رجعناها خير من قبل هذيكا دارك الي تعبت عليها و عشت فيها احلى سنينك مع امي الله يرحمها... و تعرف زادة الي بعنا كل شي اوتيل و الشريكة و معمل الفلاحة.... كل مشاو في خلاص محامين و ديونك و تو كملنا بنينا دار بقات شوي فلوس باش نحل بيهم مقهى و الريستو
كمال:هذا كل نعرفو هات من للخر يا متكبر علاش دورة هاذي لكل
انا:بابا اسوان تحكم عليه 35 سنة حبس و هذا يتسما عملنا استناف للحكم...و فلوسو و كراهبو و حتى ديارو زوز حجزو عليهم و عطونا سبب من الحيط جماعة من فوق خدمو خدمتهم صحيحة حتى عصام منجمش يساعدنا... بابا مرتو و بنتو بقاو في ضمانتنا... و انا مرتي حبلة و مسؤوليتي كبرت و زيد قراية وسام مصاريفها برشا...طفل ستانس بريتم مهين مايجين بين ليلة و نهار نهزو يقرا في حومة شعبية... علقل خلي يكمل في روضة هاذيكا و مبعد مكتب نحطو حذانا
كمال:وين تحب توصل
قمت و قعدت جنبو...
انا:بابا انت ربي يطولك في عمرك و يخليك لينا... يعني دار هي على طاقين كان تسمح طاق لول نكتبوه لفاطمة هذاكا حق اسوان خويا تاخذو مرتو و ريستو الي باش نحلو كل شهر نمدلها منو يعني نعمللها شهرية..و...
حط يدو على كتفي نزل عليا يحكي
كمال:زينة العقل ربي يعطيك ماتتمنى يا ولدي... خذا شي كنت باش نعملو ماغير متقلي انت دار هذيكا متاعكم بالاساس و انا ضيف معاكم باش يجي نهار و ربي يهز امانتو
انا:لطف عليك ربي يخليك لينا و يخليك تاج فوق روسنا
حضنتو و انا فرحان برشا.... هكا رتحت اكثر مانحبش نخلي خويا بالو مشغوب على مرتو و بنتو...نسمع في صوتها من تالي تحكي..
رغدة:عسلامة بابا كمال نحطلك تفطر
كمال:لا حمد الله عيش بنتي..
رغدة:باهي خليني نمشي حذا فاطمة مالة
مشات لعندها... رجعت نغزرلو...
انا:بابا فما شكون يحب يشري كرهبة خليني نبيعها و ناخو وحدة اقل منها يلزمني نكمل ماتريال ريستو
كمال:حكينا فيه موضوع كرهبتك مستحيل تبيعها راك تندم...قتلك عندي فلوس امك الله يرحمها بوها عطاهملي قبل مايموت... و انا وعدت روحي مايكونو كان ليك و لخوك... و تو وفيت بوعدي... باش نقسم بيناتكم بشطر... نعطيك كمل قضياتك و لباقي باش نعطيه لفاطمة...
احنا هكاك نحكيو.....و نسمعو في صياح فاطمة... قمت نجري دخلت للبيت نلقاها تصيح و تكسر في تحف...
فاطمة:ابعدوني اخرجو من حياتي انتما سبب في كل شي اسوان جرتكم تحطم...
انا:فاطمة اخدا عيشك شنوة هالكلام
رغدة:فاطمة عيش اختي يزي و اسمعني
فاطمة:مانحب نسمع حد ابعدووني ماتفهوش ياخي
دز فينا باش تخرجنا من البيت دزت رغدة من كرشها تحكي
فاطمة:انت معاك راجلك باش تولد و تعيش متهنية اما جرت راجلك... راجلي انا نهار ولادتي مدغور في الحبس... الله لا يهنيكم ان شاء الله... اخرجو عليا
نحس في العصب طلع لراسي....و دنيا ضلامت في عينيا...شديتها من يدها الي مست كرش رغدة بغل...نزلت عليها ماغير مانشعر وجعتها
انا:اعرف شتخرج من فمك ماكش باش تكون احن مني على توأمي.... و اسحب كلامك الي قلتو تو عديتلك برشا و نقول ميسالش اما تو لا يكفي هكا... انت كثرت برشا و فوت حدودك متخلينيش نسحب وعدي ليك و لخويا اهم شي واضح يا مرت خويا
نطرتلها يدها...و خرجت رغدة معايا....عديت يدي على وجهي بعصب....
رغدة:مفهمتش اش قلتلها انا باش عملت هذا لكل والله ماقلت شي يغششها
كمال:باهي وفا تو طفلة نفسيتها تاعبة برشا...مهيش عارفة اش تخرج من فمها
انا:لا عاد ياسر كثرتلها راو وصلت تدعي بينا
كمال:ربي يهديها
الباب يدق بالقوي...قربت حليت نلقا بيرم يرعش بالبرد دخل طول لا احم ولا دستور زايد مايتغيرش
بيرم:اااه ڨتلتوني بالبرد عام باش تحلو...ايا سي ارغد هاو صايا ولاد الحومة نظفو القهوة رجعوها تشعل شعلان
انا:يكثر خيرهم اي و خلصتهم
هزيت حاجبي نستنا فيه يجواب حك شعرو من تالي يحكي
بيرم:تي لواش تخلص فيهم بلاهي عاملين مزية ياخي خيري عليهم سابق
انا:باهي اطلع بالفلوس
بيرم:لازم يعني
كمال:ههههه بيرم ننصحك موش وقتو تفدليلكك خاتر صاحبك دجاج الاكحل تو داير بيه
بيرم:باهي شد صبر يا ربي
خذيتهم من عندو و عطيتو الشطر
انا: ان شاء الله لربي
بيرم:زيد ذلني
انا:هههه كان عجبك
تعدا نهار بخفة....تعشينا و كل حد شد بيتو...تمديت نغزر لسقف... خذا اخر اسبوع لينا في دار صايا بعتها و مولاها يلزمو يتسلمها... كل حاجة مربوطة بالماضي بعتها... حطت راسها على صدري... تعدي في يديها على كرشي تحكي
رغدة:يعني باش نولو نسكنو في اكا الحي
انا:اممم ان شاء الله
رغدة:قلي يا روحي ماكش متقلق
انا:لا عادي بلعكس انا هكا مرتاح الي مقلقني بعد خويا عليا و كهو
رغدة:نعرف يا روحي اما انا معاك منيش باش نخليك جملة
انا:ربي يخليك ليا يا مڨصوفتي
حضنتها لعندي اكثر بستها بوسة خفيفة من شفافها نحكي
انا:يعني لازم نطبقو كلام طبيب
رغدة:ههه اي لازم ارقد يا عمري احسنلك
انا:صبرني يا ربي
تكعبرت عندي الفرخة و رقدت...بقيت نتأمل فيها الي غاضني ماعملتلهاش عرس كيما تحبو مصايب ورا بعضها....بقيت نخمم لينرغفيت و هزني نوم فقت علي صوت رغدة تناادي بصوت مفجوع...تنطرت من الفرش مشيت لعندها نجري حافي نفرك في عينيا بالنوم...
انا:شفما هالصباح
رغدة:فاطمة خلات ورقة هاذي تحت راس خديجة ‘ هربت
انا:شنوة؟؟؟؟
خذيت ورقة من يدها.... نقرا فيها و دم طلع لراسي حسيت روحي ترهوجت... لا برسمي هبلت طفلة... كيف تعمل هكا....كيف باش نخبر اسوان تو.... و زيد مستحيل ترجع لدارهم خاتر اصلا كارهتهم مستحيل ترجع للهم بساقيها.... وين مشات زعمة يا ربي.... غفصت ورقة بيدي... و طيشتها عالارض...
انا:ردبالك على دوجة تو نجي
رغدة:وين ماشي
انا:باش نمشي نلقى حل للمصيبة هاذي
دخلت للبيت لبست الي جا قدامي هزيت مفتاح كرهبة و خرجت كلمت عصام نحكي
انا:عصام وينك
عصام:في المركز عندي خدمة
انا:باهي عصام عيش خويا اسمعني فاطمة خلات جواب و خرجت منعرفوش وين مشات وقالت محجتهاش بخديجة بنتها هي تحب على اسوان كهو....قلت بلكشي مشات للحبس اطلب اكا العون اسألو كانها موجودة غادي
عصام:يا ملة مصيبة باهي تو نطلبو و نرجعلك...
علق تاليفون و بقيت نستنا.... لين عاود طلبتي هزيت عليه
عصام:مشات لاسوان صباح زارتو و خرجت عندها ساعة من غادي
انا:باهي
علقت و دورت كرهبة غيرت اتجاه ماشي للحبس... يلزمني نعرف شنوة الي صار و شنوة حكات معاه....
دوب ماوصلت دخلت بقيترنستنا فيه يجيبوه.... كان مجاش عصام كلمهم مستحيل يخلوني في وقت هذا ندخل دوب ماشفتو قمت من الكرسي..لحيتو هايجة و ضعف عللخر... قعد مقابلني و هز اكا تاليفون يحكي حطيت يدي عالبلار نتمنا نلمسو لو مرة
اسوان:جاي باش تقلي فاطمة خلتك
انا:اسوان انا...
اسوان:فاطمة مرضت جرتي حسيتها خرجت من عقلها و كرهت بنتها منعرفش علاش... المهم متخافش عليها هي قتلي تحب تقعد وحدها ترتاح شوي اما اكيد ماكش باش تخليها هي تو مشات لاوتيل...هزت. فلوس من دارك مغير ماتعلمك بربي امسحها فيا ماتتغشش عليها
انا:متقولش هكا هي هزت فلوسها موش فلوسي... انا بنيت دار و كيما وعدتك طاق لول لبنتك و مرتك و شهرية كل شهر متخافش مانخليهم ناقصين شي متخممش عليهم
دموعو نزلو لين ولا يبكي بالشهقة
اسوان:نحب نشوف ينتي نشم ريحتها نبوسها نحضنها عيش خويا زيد شوف حل بلكشي يسمحولي نشوفها و نحضنها راني باش نهبل...
انا:باهي ماتبكيش يا شطري نوعدك نجيبلك بنتك في اقرب وقت...
هو:زيارة وفات
اسوان:مزلت كي قعدت راو
انا:اسوان يزي مغير ماتعمل مشكلة يلزم تكون سيرتك نظيفة هنا..المهم هاني باش نخلص البونوات اشري الي تحب من داخل ماتخممش في فلوس شي ماينقصك و دخانك تو نبعثهولك
اسوان:عيش خويا ربي يخليك ليا
انا:برا سايس روحك شطري
قام و دخلوه و انا دموعي نزلت كنت حابسهم قدامو مانحبش نزيد عليه... قداش غايضني حالو قلبي مشوي عليه....الله لا يرحملك عظم يا مصطفى حطمتنا....
خرجت و خلصتلو كل شي يستحقو.....
من اكا نهار تعدا عام في لمعة البرق.... سكنا في الحومة الشعبية حومة الي تولدنا فيها و تهزينا فيها من بين نيران العشق....و تحطينا بين ذيوبة و كبرت و حاربتهم بمخالبي.....راقد غاطس في نومتي نحلم بخويا بيناتنا....فيقني حسهم و لعبهم....و نحس في يدين صغرونين على خدي...تبسمت و انا مغمض عينيا
انا:فادي يا صغرون شتعمل
رغدة:هيا باباتي قوم يزي من نوم موش قلت باش تخرجنا ليوم
ادورت على ظهري حليت عينيا و جبدتو لعندي نبوس فيه من اكا الخدود.... و نحكي
انا:مبن ولدي و مبن ريحتو.... رغدة فيبالك ليوم حنة صاحبي يلزمني نقوم نعاونو
رغدة:نعرف اما
انا:نوعدك يتعدا العرس و نمشيو
رغدة:باهي خنهبط حذا فاطمة نعاونها و انت شد شوي فادي...
غزلتني بحواجبها الفرخة و خرجت يعني النفيد تربطني بفادي حلوفة...
ركحتو في فرشو باش ميطيحش... و زيد مزال مايمشيش مليح سنين عملو فيه تو عمرو عام مزال مينجمش يمشي مليح مرة ياقف شوي مرة يقعد يحبي كهو.... مشيت غسلت وجهي و لبست سيرفات حملتو و هبطت للحومة.... نلقا بابا قاعد مع رجال خليتو عندو و دخلت لدار صابر نشوف اش ناقصو...
صابر هذا صاحب بيرم و تعرفت عليه عندي عام راجل مليح و عاقل و شفت منو كان الخير....و هنا لقيت ياسين و نوران سلمت عليهم و تلمت الاحباب... نسيت ماقلتلكمش الي صابر طلع يخدم في شريكة ياسين و يتسنا ذراعو اليمين....جاو على بكري بعثت نوران هي و صغارها لداري يقعدو مع رغدة و فاطمة و بقيت انا مع رجال..... و ظلامت دنيا و حلات السهرية و عشينا ناس و شطحنا و فرحنا و رمينالو الفلوس... و هنا عرفت نورهان.. اي نورهان الكاتبة المتمردة...نورهان تكون تقرب للعريس بيدو... عرفني بيها ياسين و هنا بدات حكايتي معاها و قنعتني باش نحكيلكم و تعيشو معايا تفاصيلها المهمة..... محبيتش نطول عليكم في حلقة هاذي خاتر ماتتسماش حلقة اخيرة انا مزلت عايش كل يوم في الاحداث... اما حبيت نوصللكم ميساج مهم ان شاء الله تكونو فهمتوه... الي الغدرة تجيك من قريبك موش من البراني الي المحبة تجيك من البراني موش من قريبك الي ناس متخليكش في حالك.... انا اغتصبوني و دمروني اما داويت روحي من العقد نفسية و هاني معرس و بولدي... منسيتش خويا كل يوم عايش معايا كل يوم نهار بنهار نزورو كان مجاش عصام مانشوفوش ديما... و عندي دوجة من ريحة خويا كاينها بنتي و اكثر.... و رغدة مرتي ربي يخليهالي... و فاطمة الي رتاحت و تقبلت الراقع.. صح محكيتلكمش بتفصيل خاتر موش مهم انا #ارغد المتكبر اناا انسان كيفي كيفكم انا ولد تونس انا حاليا ولد حومة شعبية
نشكركم و نشكر كل حد وقف بكلمة وحدة معايا نقلكم #وداعا ادعولي ربي يفظلي الي نحبهم و كهو
#مخالب ارغد قصتي واقعية وليست خيالية
النهاية
مخالب ارغد
بقلم نورهان منصوري
كمنتار ببلوڨر
تعليقات