من الحب ماقتل
ان شاء الله تعجبكم 😍😍
حكايتنا لليوم البطلة متاعها بنوتة مزيانة في العشرينات تقرا جامعة ماهيش طويلة و مش قصيرة شعرها أكحل ستيل و محلاها البشرة قمحية العينين كي كعبات البن و الشوافر محلاهم الخشم تقول مرسوم و الفم روز يلوع البطلة متاعنا تسكن مع عائلتها المتكونة من بو و ام و اخت تقرا باك و ولد عمرو ٢٧ عام العائلة متاعها متوسطة الحال بوها موظف و أمها تخدم مذيعة خوها قاري محاسب كي ما لقاش خدمة عمل كي المغازة الصغيرة يعدي بيها في وقتو و ينطر منها في مصروفو لين ينوب ربي
العائلة عايشة احلى عيشة متماسكة و ملتحمة و الكلهم يحبو بعضهم و ديما ياقفو لبعضهم في الصغيرة و الكبيرة
اليوم العام قريب يوفا اسيل تقرا على روحها في الفاك و تحب تولي محامية و تموت على الخير و تكره الضالمين و ديما اتدافع على المظلومين اختها اسمهان السنا باك و يلزمها تكبس روحها باش تسلكها و عائلتها ديما في جرتها بحكم هي صغيرة العائلة و يحبوها تجيب نوت طيارة و ترفعلهم ريوسهم و كي الدنيا شدت بعضها والت ديما تريفز هي و صحباتها في الكلاس في المكتبة و حتى في الدار عندها صحبتها المفضلة مريم ديما معاها و مرة على مرة تبات عندهم كي يوخر بيهم الوقت و هوما يريفزو نهار من النهارات مريم تريفز هي و اسمهان كي شافتهم اسيل غاطسين و تاعبين قتلهم تحبوش نعاونكم في حاجة و هوما يعرفو الي اسيل حاسها برشا و الي باش تشدهم بدوياتها و بمغامراتها و بأحلامها الي ما توفاش شنو خلاهم ايقولولها شاهيين بشكوتو يا أسولة يا غالية نعرفو عليك صويبعات كي الحرير هي تضربت في روحها و قتلهم نعرف نعرف ههههه هي خرجت و هوما اطرشقو بالضحك هيا باهي تلفنها على الأقل تخلينه على راحتنا شويا و نڤزو بالكور قفزة باهية
اسيل غاطسة في الفرينة تصنف و تبرقش و تشكل في الأسماء و الحروف و غيرها و هي حالة حليلة الشعر مشبشب و لكلو بالفرينة و وجها زادة و دبشها حالة فيها دق الباب قتلها أمها عيش بنتي شوف شكون هبطت و حلت الباب تلقاها وليد بوڤوس و حليلتو قاتلو تفضل حاجتك بحاجة
هو شافها و طرشق بالضحك قاتلو ماهو لابأس آش فيه ما يضحك السؤال هذيا قالها و هو قريب يشرق بالضحك برا شوف حالتك في المراية شافت دبشها و بقات تضحك على حالتها و بعد قاتلو شكونك انت و شنوا تحب و آش تعمل هنا في هذا الوقت و تحب نعاونك في حاجة
قالها تي بالشويا تنفس خل نقول معاك كلمة (في قلبو يقول للدرجة هذيا تغيرت عليها و ما عرفتنيش ) وقتها تعدت مدام سهام ايهم تفضل عيش ولدي قالها اهلًا تاتا وينك لابأس لابأس عيشك شنوا جو الخدمة قالها أبرك سافاجئت باش نروح بمريم معاش بكري اسيل مستغربة سا كي ؟؟!! ايهم خو مريم اسيل شبيك دايخة برا ناديلها مشات و جت قاتلو ربع ساعة و يجيو و هي هكاكا و تضربها صيفة عيطة فجعتهم الكل و شويا لا طيحتلهم قلوبهم شفما ؟؟!! البشكوطو نسيتو في الفور و مشات تجري للكوجينة هبطت مريم تلقا خوها يستنا فيها هي جات خارجة و تعرضها اسيل بصحن البشكوت و العصير شنوا طيبتو على خاطرك و مروحه بلا ما تذقيه قالها ايهم هاهو ما تحرقش فجعتنه بلا فايدة قاتلو لا هذوما كعبات نجو و الباقي تشوشط لا لا لا خلطت عليه و زيد ما جرالو حتى شي راني صنااااااافة
ايهم خرج و بقا يتبسم و العائلة الكل تضحك قتلها مريم زايد رآك ديما فاضحة روحك هيا باي باي
خرج ايهم و ثنية كاملة و هو ايخمم في اسيل و من غير ما يشعر قال راهي مڤربعة اختو بقات تغزرلو ايهم ماهو لابأس شكون المڤربعة قالها لا شي شي هكا خطرلي قلتها و برا
تعدات ايامات و اليوم اول نهار للبنات في الدفوارات اسيل مشات مع اختها باش تشجعها و تكون جنبها في اهم اياماتها وصلت اسيل و اختها لليسي و مريم و خوها ايهم تلقاو الكل اسيل سلمت على مريم مبعد ايهم قالها يا اهلى و سهلا بالصنافة هههه بقاو يحكو شويا دخلو البنات للدفوار قالها شقولك نبقو نستنوهم في البيفات مشاو يميعدو و تعرفو على بعضهم بالشويا بالشويا و قالها الي هو و خوها قراو مع بعضهم ايامات الفاك قاتلو صار بقاو يحكو هكاكا و ما حسوش بالوقت لين خرجو البنات و جاوهم شنوا دفواراتكم سافا أبرك مش خايبين قالهم ايهم تروحو معانا نوصلكم للدار في عِوَض التاكسي ركبت اسيل و ايهم من قدام و البنات من تالي و هوما مالي خرجو يتسائلو و يحكيو على الدفوار وإنتي شكتبت و انا شعملت و ايهم و اسيل الكوروان بدا بيضرب بيناتهم كل مرة تجي العين في العين تتبسم و ايطفو الضو وصلو للدار شكروهم سلمو عليهم و كل واحد شد بيتو غدويكا البنات مشاو يعدو و اسيل مشات للمكتبة تحب تشوف على كتاب مواصفات المحامي الحق و كتاب على التنمية البشرية بعد جهد جهيد لقت الكتاب و هي كي حطت يدها عليه تلقا يد اخرى تحطت معها و بلا وعد منها قاتلو سيب الخرا يا خرا انا شديتو قبلك و تغزرلو و كشاكشها طايرة تلقاه ايهم بقا يضحك عليها و قالها شبيك شعلت عادي كان تحب خوذو انا قريت شطرو لكن ضيعتو و حببت تكملو قالو اه صار تنجم تكملو مبعد تجيبلي نقرأها قالها باهي و شاف ليدها لخرى مواصفات المحامي هههه واقف قدامك محامي و تلوج في الكتب قاتلو يزي عاد صار انت محامي قالها اي قاتلو امالا باش نستفادو منك برشا قالها في كل وقت هههه شنوا مشروع محامية بقاو يحكيو شويا مبعد كل واحد مشا على روحو و هي خارجة تتصدع في ولد يجري وحالة فيه قاتلو ماو شوف قدامك و تشيع رأسها تلقاه سليم وجها مشا ألوان ألوان وبقات تغزرلو هكاكا ما هي فاهمة شي سليم لا سليم لا قالها اسيل وقتها اتاكدت الي هو بالحق سليم و ماهيش قاعدة تحلم
#فلاش باك أربعة سنوات لتالي
اسيل بنوتة مزيانة تقرا تروازيام ماهيش قراية برشا نقول احنا متوسطة تمشي روحها و كان تعشق حاجة اسمها الحواسات و الخرجات و كانت أغلبية وقتها و من عشوية لعشوية تخرج تعمل دورة بالموتاور متاعها للجبل كانت مغرومة برشا بالجو هذاكا و نهار من النهارات الحومة متاعها نظمت مسابقة للدرجات النارية و اسيل بالطبيعة اول خلق ربي شاركت و قيدت اسمها في الليستة جاء النهار المشهود نهار الحدث نهار الي اسيل تستنى فيه بالدقيقة و الدرج اصطفت الموت
من الحب ماقتل
الحلقة 2
و الدرج اصطفت الموتورات الكل على خط الانطلاق و أطلقت النار بدأت المسابقة و بدأت الموتورات وراء بعضها و اسيل بالطبيعة تحب السرعة ديراكت نزلت على الموتور متاعها و سبقت الناس الكل و هي حاسه روحها طايرة طيار و تضحك من قلبها و في لية من الليات تجري باقصى سرعة و تشوف في موتور جايه من الاتجاه المعاكس ما نجمتش برشا تتحكم في الموتور مالت على جيها و بقات تزڤزڤ تعدت من غير ما تصدع في مولا الموتور لخرى لكن كي حبت تتاكد انها ما عملتلو شي شافت ورآها و هي مركزة معه طاح و الا لا و تخرج على الطريق و بقات تدرجح على جلهة الجبل و هي هكاكا حالة فيها و تجي يد و تتمدلها كبشت فيها بالشويا بالشويا لين طلعها و كي شافت للوجهو تلقاه وليد محلاه الشعر أكحل بالكيراتين العيون زرق سحروها عينيه قالها سامحني كنت السبب ما نقصدش وقتها اسيل فاقت على وضعها و قاتلو عادي عادي و هوما اكاكا و تخلط وحده من الموتورات اسيل ديراكت تنفظت من بلاصتها و صاحت اوه عليا بداو يخلطو عليا هي حبت تمشي و ساقها ترخفت بيها و جات باش اطيح شدها الغريب من حزامها و بقا يغزرلها و ضايع مع تفاصيلها و زينها و عينيها البريئة و تخلط موتور اخرى عيشك و خليني توا يلزمني نكمل المسابقة و نربح كان ما نربحش لما تهبل مشات للموتور متاعها حبت تخدمها ما حبتلهاش و زادت عاودت ما نجمتش غزرتلو و قاتلو انت السبب اه على روحي مشيت فيها اليوم باش نبقى فضيحة و أغلبية الموتورات سبقوهم و هي تخبط في الارض بساقيها و تعيط و الموتور ما حبتش تمشي ضربتها بساقها زادت وجعتها جاها يجري لابأس قاتلو فك عليا انت السبب هو يجي باش يحكي و هي ترجع تقص عليها حط يدو على فمها هي بقات مبهمة و تغزر لعينيه و فمو كيفاش يحكي و حواجبو تتحرك و قالها ميسال نقول معاك كلمة اوه ڤداش تحكي يا هم كان تحبي تنجمي تكملي السباق في الموتور متاعي و هي من فرحتها حملتو و قاتلو عيشششششششششششششششك و هو مستغرب و عاجبو الحال حس بدفئ و حنان اول مرة في حياتو يحس بيه
كي فاقت علو وضعها قاتلو سامحني و هيا هيا يلزم نخلطو عليهم ركبو الزوز هي حبت تسوق لكن رجلها ما خلتهاش ركبت ورآه قالها شد فيا قاتلو لا عادي أنجم نشد روحي هكا قالها دبر رأسك كي يتحل رأسك المرة هذيا انا مش مسؤول هو خدمها و اكسيلارا و هي شعرة لا طاحت شدت فيه تبسم و كمل يجري و كل ما يقربو من موتور تقلو زيد زيد و من الحماس تزيد تكبس عليه اكثر و اكثر و رأسها يتسما في رقبتو و تشجع فيه بقات قدامهم موتور وحدة و معاش اقل من ميات ميترو و يخلطو للخط النهاية هيا هيا أسبقوا هو زاد في السرعة للدرجة إنّو الي يشوف الموتور ايقول راهي شاعلة بالنار و قبل بعض اقدام من خط النهاية الموتور والات على عجلة وحدة طار بيها و عمل صفة دورة خلاتهم اول من يقطع خيط النهاية اعلنو على الفائزة اسيل صاحبة المرتبة الاولى فرحت برشا و مشات تسلمت الجائزة متاعها و بدأت تحمل في خوها أحمد و هو من الفرحة هزها في غمرو و طيرها و تلقاها و هي تضحك من قلبها الوليد الغريب بقا شويا يغزر من بعيد مبعد هز الموتور متاعو و مشا هي بعد إيجي درج تذكرتو شافت ايمين ايصار ما لقاتوش قالت غريبة وين مشا توا خليتو لهنا قالت نورمال الفايدة أني ربحت حبيت نشكرو اما على كل لا مشكلة المهم ربحت
روحت للدار حملت بوها و أمها و اختها الي ديما يشجعوها على غرامها بالموتورات دخلت لابيتها بعد ما عملت دوش و تعشات و بقات تتذكر في الي صار الكل و في الوليد الغريب و كيفاش عاونها و مشا قبل ما تشكرو و قالت عندو في الموتورات فرمون ما تصورتوش ينجم يخلط عليهم تفرجت في تصاور تتويجها شدت دبدوبها حضنتو و رقدت
فاقت الصباح فطرت ريڤلت روحها فطرت و خرجت مشات تقرا كي العادة و حاضرة كأنها غايبة مخها كان في وقتاش يكمل هالعام المحنون و وقتاش تصلع و تخربها بالخرجات تعدات قريب الجمعة و هي مرة على مرة تشوف في كرهبة كحلة في جرتها لكن ما عطاتهاش قيمة كبيرة نهار الأحد فاقت مع العشرة بعد ما شيبت أمها باش فاقت يابنتي فيق معاش بكري رآك مش صغيرة ايجا عاوني و كي قرقت بيها فاقت و شافت الوقت اه قاعدة العشرة تفيق فيا على الفجاري متاع ربي و رجعت غاطت وجها جاتها أمها بدأت اتدغدغ فيها لين فاقت حملتها و صبحت عليها فطرت و عاونتهم في قضيات الدار تعدات هي و العائلة مبعد مع العصر و مبعد ما عملت دوش و لبست سالوبات تجين و عملت ريتوشات مكياج و ربطت شعرها كوت شيفال لبست الكاسكات و الكونتر سولاي و خرجت قابلتها اختها في السال كي العادة قالتلها لا يقطعلنا عادة ههههه
خرجت ركبت في الموتور الجديدة الي ربحتها من المسابقة هي و الميداي و شدت طريقها متاع العادة مشات للبلاصتها المفضلة و الي متعودة ديما تبقى فيها تتأمل في الطبيعة و تكتب في مذكراتها و هي قاعدة هكاكا تسمع في حس تخربيش بحذا الشجرة طبست على عصا ڤد الهم تلقاها بجنبها و بدأت تقرب بالشويا بالشويا و كي قربت حبت تعطيه على راسو اما كانت المفاجاة كي لقاتو نفس لولد متاع يومتها
تبسملها و قالها كوكو تي وينك شبيك مبهمة
هههه قاتلو لا لا عادي اما فجعتني ستغربت قلت شتعمل هنا مشا فيبالي دب و الا حاجة
قالها هههه دب آش يعمل هنا يا شجاعة كأني دب باش تنجمو انتي بڤدك هذيا
قاتلو وين نعرف انا و الهزوة ماشي باهية زيد ما تعرفنيش اه نضرب نعور راني
قالها بالشويا علينا يا قوية انتي هههه
بقات تضحك و قاتلو شتعمل هنا ؟؟!! قالها و انتي شتعمل هنا ؟؟!!
قاتلو انا سالت لولا زيد هذيا بلاصتي المفضلة و تنجم تقول السرية ما يعرفها حد و انت اول متطفل تجيها
هههه متطفل قالها شي حبيت نخرج نعمل دورة واكهو
قاتلو وينك يوم المسابقة حبيت نشكرك ما لقيتكش قالها كي ريتك فرحانة و تحمل في صاحبك قلت شعندي نعمل هزيت روحي و مشيت ضربتو ضربة على كتفو و قاتلو صاحبي شبيك دغفة تقصد احمد خويا هذاكا يا مزبك تبسم و قال في قلبو صار و انا مخي وين مشا هيا باهي مازال فمه أمل حطت يدها قدام عينيه هاي وين سرحت قالها لا هاني هوني اه صار خوك باهي برشا بقاو يحكيو و هي بحكم دواية برشا الأغلبية بقا يتأمل فيهمن الحب ماقتل
الحلقة 3
صار خوك باهي برشا بقاو يحكيو و هي بحكم دواية برشا الأغلبية بقا يتأمل فيها و في طريقة كلامها و في ضحكتها و في حركاتها قداش عجبتو طبيعتها و بعد قريب الساعة و هي تحكي قاتلو حقا ما قتليش على اسمك صرعتك بحسي مش هكا هههه
قالها لا بالعكس محلاك و محلى كلامك
اسيل حشمت و هبطت رأسها
كي شلق بروحو حب ايتلف الجرة قالها اسمي سليم قاتلو اسيل نتشرفو قالها وبيك اكثر
و هوما اكاكا قاعدين و اميعدين تغير الطقس الشتا بدأت تصب قالها ايجا نتخباو و مشا تحت شجرة كبيرة قاتلو لا لا خليني و بدأت تستمتع بالمطر و تنڤز و اتدور و عامل جو و هو يغزرلها من بعيد و يقول سبحان من خلق محلاها و مطيبها و ڤداش سمباتيك و هو هكاكا و تنڤز عليه كي الوحش تي ايجا اخرج جو مش نورمال و شدتو من يدو و بلا ما يشعر تبعها في الاول بقا يغزرلها اكهو و مبعد واله كيفها و شدها من حزامها و دورها و هي تعيط و تضحك من قلبها دبشهم وآله حالة فيه آش خلاهم يرجعو يتخبو في الشجرة لين تاقف المطر و هي اكاكا و شعرها هابط على وجها و حالة فيها بعدلها قصتها و عده يدو على وجها هي حست برعشة غريبة اول مرة تحسها و هو كي لقاها هكاكا قالها فرحانة توا هانه والينا حالة فينا هههه قاتلو اي أي اما شوف حالتك تقول سردوك مريش هههه قالها لا ريتي روحك
بعد ساعة قصت المطر خرجو الدنيا بدأت تضلام قاتلو إنخليك توا معاش بكري كان نزيد شويا اخر أمي تهبط البوليس يلوجو عليا قالها هههه باهي باي سلمت عليه و ركبت الموتور متاعها و هو بقا يتبع فيها بعينيه و قال كان باش ترجع تغزرلي راهي بدأت باش تتضرب فيا و يقول في قلبو هيا شوفي شوفي بعد لحضات غزرتلو على جنب و بايبتلو بأيديها الزوز فرح و قال في قلبو رآك كارثة كان اطيح يا هم و ما زادش برشا بعدها و روح وصلت للدار مرنخة حالة فيها قتلها أمها كي العادة يا سخطة اجري بدل دبشك رآك باش تمرض مشات فيسع و رجعت فطرت مع دارهم و طلعت للدارها و هي تخمم في العشوية المزيانة الي عدتها مع صديقها الجديد و مبعد انكبت رقدت و سليم زادة هو بإيدو بقا يخمم في اسيل و كيفاش بعثهالو ربو في محنتو هذيكا و في الهم الي قاعد يعيش فيه أكيد مستغربين شكون سليم و شبيه و شنيا حكايتو سليم هذيا وحيد عايلتو بوه روسي الجنسية و آمو تونسية بوه راجل صعيب برشا و الناس تحسبلو الف حساب بحكم هو زعيم للمافيا الروسية في عطلة صيفية جا سياحة للتونس و في نفس الوقت عندو خدمة يحب يكملها هبط في نزل في الحمامات و بقا مدة معقولة تعرف فيها على بنية تخدم في الاستقبال و الي هي سليمة كي نقولو بوه حبها بالحق حبها و هي اول مرى دخلت للقلبو و خلاتو يدق سليمة حملت منو خارج إطار الزواج و لكن كبشت فيه الصحيح باش يخوها خذاها و كانت صدمتها الكبيرة كي عرفت حقيقتو والي هي حصلت في واحد مجرم و مافيا و عالم كانت تسمع عليه سمع في السيريات و الأفلام ليلة من الليالي فاقت سليمة موجوعة حالة فيها مع نصف الليل ديراكت جرا بيها للسبيطار اما الطبيب قالها الي راهو باش يموت واحد منهم يا هي يا لولد بوتين قال الي مرتو تهمو اكثر من ولدو بألف مرة و يلزم هي تعيش لكن الام و حنان الام و كبدة الام و قلبها ما خلاهاش تضحي بولدها الي ما شاف من الدنيا شي ماتت سليمة و خلت وصية الي هي تحب ولدها يكون اسمو سليم و الي بوه يلزم يرجعو للتونس بحذا جدتو و باش تكون عندو الديانة الاسلامية لكن بايترو بوه طبق جزء البسيط من الوصية و سمى ولدو سليم لكن الديانة الاسلامية أكيد لا كبر سليم في جو المافيا و المخدرات و البنات و هذاكا الجو و كان مرة في القداش يشوف بوه الي يكرهو و ما يحملوش خاطر يرى فيه سبب في موت المرا الي حبها سليم أغلبية صغرو عداه في روسيا مرة جا في عطلة للتونس جدتو ساعات الفرصة و طهرتلو و بدأت تحاول اتدخلو الاسلام في مخو كي رجع بوه حسو تغير شويا مشا جاب الوشام و وشملو الصليب في رقبتو بالسيف عليه و كي وصل للاثناش انعام بدا ايدرب فيه على السلاح و الرماية و الموتورات و الكراهب و خفة اليد و هذاكا اللاوي و كي وصل للعمر العشرين حب يخرج من روسيا معاش حامل هذاكا الجو و حكمت بوه فيه و هرب للتونس و عندو مدة مستقر لكن جماعة بوه يلاحقو فيه و مش مخلينو على راحتو و يوم المسابقة كأنو يجريو ورآه آش خلاه يخرج في وجه اسيل و باش ايتلفهم ركبها معاه لكن الجماعة شافوه و ڤمرو اسيل و والاو يلاحقو فيها هي زادة فماش ما اينجمو يوصلولو و أكيد راكم عرفتو سر الكرهبة الكحلا الي اسيل لاحظت المدة الاخيرة انها تلاحق فيها
جا الصباح فاقت اسيل كي العادة دوشت و تهندمت لبست طبليتها و خذات ساكها في يدها فطرت و مشات باش تقرا دخلت للكلاس حاضرة كأنها غايبة و تستنى وقتاش تجي العشوية باش تخرج تعمل دورة العادة فماش ما تتلقى مع صاحبها الجديد عدت الصبحية روحت تغذت و دخلت للبيتها قتلها أمها شنوا مهناش قراية لعشية قتلها سويعة ماط و انا تاعبة زيد مش جوي مش ماشية بنمشي نتكب نرقد رقدت و قالت لامها تفيقها مع الأربعة متاع العشية فيقتها بعد ما شيبتها بدلت و لبست تني كحلا و خرجت عملت دورة قصيرة اما لسوء الحظ ما تلاقتش معاه و في طريق رجعتها توقف قدامها كرهبة كحلا هبطو منها زوز حاصروها و واحد حطلها مشوارة على خشمها قاومت قاومت مبعد داخت خذوها و حطوها في الكرهبة بالصدفة سليم متعدي و شافهم شنوا عملو لحق وراهم ديراكت بدا يضرب على الكرهبة في الكرطوش نطرلها وحدة من عجاليها و قفت الكرهبة مشا يجري ديراكت ضربهم و بقا يتعارك معاهم و بعد جهد جهيد طيحهم و مشا يجري ديراكت حل الكرهبة و خرج اسيل بقا يتفارع معاها و يفيق فيها بالشويا بالشويا لين فاقت و كي فاقت بقات شويا تسترجع في شنوا صار و هي الكلاها ترعش و خايفة و حالة فيها و كي شافت يدو بالدم ديراكت شدتهالو و قاتلو شبيك ماهو لابأس قطعت كم تريكوها و ربطتلو يدو و هو خايف عليها و في نفس الوقت فرحان كي شافها خايفة عليه قومها و مشاو على جنب الطريق و بعدو على المجرمة شويا خايفين لا إيجي وراهم شكون و من الطاف الله انهم بعدو خاطر جت كرهبة اخرى و بقات تلوج عليهم و تمشط في المنطقة فماش مامن الحب ماقتل
الحلقة 4
المنطقة فماش ما تلقى آثارهم و تحكمهم لكن بحكم خبرة سليم ما خلى ورآه حتى اثر و تخباو في كيما الكهف الصغير و الا الغار في وسط الجبل الشمس بدأت اتطيح و هوما هكاكا متخبيين قاتلو اسيل للوقتاش باش نبقو منخبيين معاش بكري و انا دارنا باش يتقلقو عليا زيد حتى الريزو مهناش لهنا هي كي حطت ساقها البرا و ف في عصابة جاية من بعيد ديراكت رجعت و هي ترعش و وجها مخطوف جايين راهم قريب يوصلولنا و قتها سليم خطفها من يدها و قالها تعرف تتسلق قاتلو لا قالها اطلع على ظهري هي طلعت قالها شد بالڤدا و بدا يتسلق تقول من الجماعة الي عندهم خبرة و المتدربين في لحظة تلقا روحها في اعلى شجرة و على بعد ڤداش من ميترو على الارض هبطت و بقاو على غصن متين و بقاو يراقبو في العصابة و هي تقولو شنيا حكايتهم حط يدو على فمها و قالها مبعد أنقلك و هوما هكاكا و تشوفهم لوطا بدأت ترعش و لعبت عليها الدوخة آش خلاها تكبش فيه بيديها الزوز و قلبها يدق يدق و قريب يخرج من بلاصتو هو حسها خايفة جبدها ليه اكثر و اكثر و خبأها في ضلوعو و بدأت بالشويا بالشويا تحس في الراحة و رجعت للطبيعتها بعدت عليه و قاتلو ساي مشاو قالها اي ساي اما أكيد راهم باش يستنونا الليلة يلزم نبقاو لهنا هي صاحت و ضربت بساقيها و شعرة لا طاحت اما هو ديراكت شدها من خصرها و جبدها ليه مش قتلك اسمع الكلام و رد بالك رآك ماكش في الارض هههه قاتلو و كيفاش باش أنجم نبقى لهنا و أمي مش بحذايا يا ربي شعملت في حياتي و هي هكاكا تشوف في دمعة لمعت في عينيه قاتلو ماهو لابأس قالها لا شي شي جبدت تليفونها بحكم هي عالية شويا تلقا إشارة كلمت أمها و قتلها الي هي باش تبقا بحذا صحبتها سوسن أمها اطمنت عليها و ودعتها قلها علاش كذبت عليها قاتلو ما حبيتش نفجعها هبط هو وياها و الدنيا بدأت تضلام مشا باش يشوف يلقاش حطب شعلو النار و بقاو في الغار بعد ما تتاكدوا إنّو الجماعة معاش ترجع فميكا بقاو يحكيو و هي تتحرك و تمشي و تجي قالها شنوا شبيك حاجتك بحاجة موجوعة قاتلو اي باش نموت من الأوجاع ديراكت وقف و قالها شنوا يوجع فيك عملولك حاجة توا نمحيهم من الدنيا و حتى كان صارتلي حاجة مش مشكلة و هو يحكي هكاكا و هي اطرشقت بالضحك ياولدي مخك وين مشا ههههه كرشي توجع فيا من الجوع و كي سمعها ضربها ضربة صغيرة على رأسها اوه على المساطة هذي هيا الحكاية قاتلو حكاية امالا لا انا كل شي و لا بطني هههه هيا قوم بالك نمشيو نجيبو حاجة ما انجمش إنخليك وحدك قامت معاه و شاده في يدو شاف حمامات على الشجرة بكرطوشة وحده جاب ثلاثة على الارض خذاومن الحب ماقتل
الحلقة 5
بكرطوشة وحده جاب ثلاثة على الارض خذاوهم و شووهم على النار و تاكل كي المجنونة الي حياتها ما رأت الماكلة و لا على بالها بيه و زعما زعما تحكي وحدها سامحني يا حمامة اما مع بطني نأكل حتى هالي قدامي قالها شنوااا قاتلو شبيك شكون حكا معاك قالها امالا باش تاكليني قاتلو لا لا هههههه نفدلكو كيف سمعتني بقا يضحك عليها كملت الحمامة لولا و باش تبدأ في الثانية تحب نقسموها و الا وحدة تكفيك هههه كول كول صحة و بشفاء قاتلو لا لا حلفنه لما تاكل و شدت قطعة و حبت تواكلهالو بالسيف في لول ما حبش و كي شافها مكسحة رأسها حل فمو و بدا يأكل
و حس انها احلى لقمة ياكلها في حياتو من أيديها المزيانين و الحنينة كملو كلاو الطقس بارد شويا آش خلاهم يقربو للنار باش يدفو لكن زايد اسيل سنيها تحك في بعضهم و ترعش مت البرد زيد لبستها صيافي آش خلاه ينحي الجاكت متاعو و يحطها على كتافها فرحت برشا بالفازة الي عملها لكن في نفس الوقت تقول في بالها أكيد حتى هو بردان والت قاتلو اقرب لهنا و هتا نتدفو بيها الزوز قربلها و حطت رأسها على كتفو و هو طاوقها بيديه باش تدفأ و يدفيو بعضهم غزرتلو في عينيه مدة من الزمان حسها كأنها تحب تسالو على حاجة قالها شنوا ؟؟!!
قاتلو بصراحة احكيلي شنيا حكاية الكرهبة الكحلا و علاش يلاحقو فيك و منين ليك السلاح و القدرة على الرماية قالها حكاية طويلة عريضة أخطأك منها قاتلو لا نحب نعرف وقتها حكالها قصتو و الي صار فيه الكل و شاد الدموع في عينيه حضنتو و قاتلو ابكي برد على قلبك هاني بجنبك و مستحيل باش إنخليك وقتها اطرشق بالبكا و فرغ الي في قلبو الكل و من سنين طويلة بحكم اول مرة يلقا الحضن الحنين بكا بكا لين هزو النوم و رقد في حضنها بقات تلعبلو بشعرو و تقول في قلبها مسكين ما عاشش حياتو كيما يحب أما بحول الله من اليوم باش انعوضو الي صارلو الكل لين هزها النوم الصباح الشمس بدأت تزرق و النور متاعها ضرب في وجه سليم فاق يلقا اسيل محملتو و شعرها على وجها و هي راقدة كي الملائكة و كي شافها بدأت تتحرك و باش تفيق عمل روحو راقد فاقت اسيل تلقا وجهو في وجها بقات تغزرلو و قالت اه الڤمال داه!!😍😍 معقلو و محليلتو و حطت يدها على وجهو تتلمس فيه و كي وصلت للرقبتو ما طاقش تمالك تمالك روحو و حل عينيه هي ديراكت خذات يدها و كان شيئا لم يحصل تبسم و صبح عليها قاتلو شنوا توا الدنيا ضوات أكيد انجمو نروحو قالها مزروبة برشا قاتلو لا بالعكس قالها شنوا قاتلو أي اي نحب نروح أغزر لحالتي تقول متشردة ههههه قالها هيا خرجو بالشويا بالشويا و يشوفو في شكون وراهم و الا قدامهم و ينجم يتعقبهم كي ما لقاو حتى حد مشاو لبلاصة العادة البلاصة اي صارت فيها المشكلة لحسن الحظ الموتور ما جرالها حتى شي ركبو فيها و ديراكت للبلاد وصل اسيل للدار قاتلو تنجم تأخذها الموتور أكيد تحتاجها اكثر مني لا قالها مارسي عندي كرهبتي جات ماشيا قالهاЯ люблю тебя так сильно, моя любовь قاتلو شنوا ما فهمتش قلها شي شي روحت للدار دخلت على طرف صوابعها باش ما تشوفهاش أمها و هي بهذيكا الحالة عملت دوش و كملت نومتها فاقت على سونوري أمها تكلم فيها و هي النوم يكبي فيها آلو شكوووون و تشرڤع من بيتها أمها سمعت الصوت جتها للدارها هاك جئت بكري من صاحبتك و الا طردتك هههه خاطر تعرف نومك الرزين و حركاتك اللولبية كي تكوني في الفرش هههه قالت للامها لا ما حبيتش انقلقها خليتلها رسالة و جئت حبيت نكمل نومي في فرشي الحبيب و في حضن دبدوبي العزيز زيد ما انجمش ما تنشوفكش نهار كامل حملتها أمها و قاتلها يسلملي روحي و صغرونتي الغالية وقتها مريم متعدية قدام البيت يام نورمالمون انا صغيرة العائلة مش هكا قالتلها ايجا حبوبتي المغايارة حملتهم الزوز و هبطو يڤدو معاها في الفطور و الدار
العام قريب يوفا اسيل كبست روحها شويا باش تسلك العام خاطر اكثر حاجة تكرها في حياتها هي الإعادة عدت دفواراتها بالڤدا و بقات تستنى في النتيجة و بالطبيعة مدام عطلت صارت عندها فرصة اكبر باش تتلقا مع سليم علاقتهم اتطورت برشا و والاو الروح في الروح مرة هي قاعدة معاه في حديقة عمومية و بالصدفة يتعدى خوها احمد في الليل بعد ما تعشت و شدت دارها خلط عليها احمد اهلًا و سهلا وينها صغرونتي الغالية هاني كي العادة امالا جوك باهي اي و علاش تسال مش من عوايدك هههه قالها اي تنجم تقول شنيا كبرت و واليت عندك اسرار و تخبي على خوك هي تفجعت و عينيها تحلت شنوا نخبي علاش نخبي آش خبيت عليك
ايوه ماك مخبي شي شكون الطرنكوش الي شفتك معاه في الجاغدان
اه سليم هذاكا حبيب القلب
واط واط واط ؟؟!!
لا لا نقصد سليم صديقي الجديد
بقا يضحك عليها و قالها جيست حبيت نتأكد و انتي طول عمرك فاضحة روحك يا حمقاء
هههه اي اي تعرفني الي في قلبي ديما على لساني
قالها امالا ماكش باش تعرفني عليه نحب نشوف صهري المستقبلي و رد بالك كان ما عجبنيش ....
بالسيف باش يعجبك هههه
شنوا عندك ثيقة زادة
امالا نفدلكو هههه
عنقها خوها و خرج و هي ديراكت كلمت سليم و حكاتلو باش غدوة تعرفو على خوها و الي يلزم يعجبو و يأخذ عليه نظرة باهية
قالها تهني حبي
فاقت الصباح بعد ما فطرت مشات حكات مع خوها باش يتلاقو و كلمت سليم
وصلو سلمو على بعضهم احمد في لحظة سلامو على سليم بقا حال فمو و ديراكت خذا يد اختو و بدا يكركر فيها و هي توقف فيه شبيك شنيا الفضايح سيبني خليني و قف و قالها نورمال انتي في مخك تحب تأخذ واحد مسيحي قاتلو بالشويا خل نفهمك قداش من مرة أنقلك معاش تتسرع و تحكم على العباد من غير ما تعرفهم ارجع معايا نفسرولك الحكاية
قالها آش عندك ما تفسرلي شدتلو يدو و بدأت تتوسل فيه و تبكي عيش خويا اسمعنا كي رآها في الحالة هذيكا قبل و رجع معاها يلقاو سليم واقف في بلاصتو و مصدوم
حكاو معاه و عرف السبب الي خله خوها يتصرف بالطريقة هذيكا عذرو و فسرلو الحكاية من لول للخر وقتها احمد قالو سامحني حكمت عليك من غير ما نعرفك عنقو و قالو تنجم تعتبرني من اليوم خوك و عائلتي هي عائلتك و اسيل
أكيد باش انحطها في عينيا راهي روحي راهي قلبي راهي الهوا الي نتنفسمن الحب ماقتل
الحلقة 6
احم احم احم
ههههه تماديت شويا
نفدلك عليك هههه بالعكس كي سمعت كلامك زدت تاكدت من حبك لأختي
مشاو عملو قهوة و بعتالي ودعو بعضهم و روحت اسيل و خوها و بقا سليم يتمشى و سارح و يخمم في حياتو الجديدة و آش باش يعمل و كيفاش باش يتخلص من بوه و رجاله الي نهار كامل في جرتو و مش مخلينه يتحرك و يمشي و يجي على راحتو و ما فاق من سرحتو كان كي طاوقوه زوز أيدين ورآه تمنى انها تكون اسيل لكن مستحيل توا كان معاها و زيد محسش بحنيتها و دفاها يتلفت بقا حال عينيه شنوا م م م م موركا
اي موركا شنوا شبيك مستغرب ما فرحتش كي ريتني قالها لا بالعكس هههه يا مرحبا بيك اما شتعمل هنا توحشتك خلطت عليك عندي برشا نلوج عليك و توا كي لقيتك شنوا شبيك بارد هكا ما توحشتنيش
قالها لا لا ايجا نعملو دورة قاتلو لا لا نمشيو نعملو غذاء قمقوم بعتالي ساهل
مشاو و بداو ياكلو و شايخين و يتضيكو و يتذكرو في اياماتهم و حكاياتهم و مغامراتهم
أكيد راكم مستغربين شكوني موركا هذيا و شنيا حكايتها موركا هذيا بنت عّم سليم و يعتبرها كي اختو ترباو مع بعضهم و كأنو كي التؤم ديما مع بعضهم و يتقاسمو أفراحهم و اتراحهم لكن موركا عكس سليم كانت تحبو و تموت عليه من وقت كأنو صغار و تعتبرو ملكها و تمحي شكون يغزرلو حتى شطر غزرة
نرجعو لحكايتنا بعد ما كملو تغداو بقاو يتمشو و سالتو علاش مشا و خله بوه راهو برشا مشغول عليك و يلوج عليك
يلوج عليا هههه علاش خليت بلاصة في جرايمو و مشاكلو الي ورطني فيهم من وقت كنت صغير و ما غلقتش حتى العشرة سنين و كان يعاقبني على أتفه غلطة
اي بالي يكون هو بوك و يبقى هكا
اخطينا بالاهي معاش نحب نتذكر الأخطاء الي عملتها زيد انا توا باش نشوف حياتي و نحب نبدأ صفحة جديدة و نظيفة مع حب حياتي
موركا تبسمت و قالت في قلبها هيا باهي و اخير باش يعترفلي بحبو ليا
قاتلو امالا شقلتلي
قالها في الأشهر الي قضيتها لهنا حسّيت بحاجة مش طبيعية و ما حسيتهاش قبل و تاكدت من شعوري
قاتلو اي أي اي و بعتالي (في قلبها تقول أكيد كي بعد عليا عرف قيمتي و اليوم هو يوم سعدي )
قالها مش عارف كيفاش باش أنقلك اما راهي ضواتلي حياتي خلتني نشوف الدنيا بعين اخرى بروح جديدة
قاتلو هيا انطق عاد
قالها موركا نح نح نحب
شنوا توا عيفتني حاشم مني انا
نحب اسيل
موركا وجها تخطف و والى ألوان ألوان و تصدمت و حست قلبها قبض عليها و تخنقت و معاش فيها لكن هي بلعت ريقها و عملت روحها نورمال كان شيئا لم يكن قاتلو هيا مبروك و عنقتو و هي الكلها ترحي دخلاني و سنيها يضربو في بعضهم و قالت في قلبها يا مرحبا و يا هلا و الله باش نعمل جو في هالفاكونس
بعدت عليه و قاتلو أكيد عاد باش تعرفني على سعيدة الحظ قالها أكيد هههه و متاكد باش تحبيها
نحبها اي اي أكيد (و في قلبها قالت يحبها ربي ان شاء الله 😈😈)
شنوا امالا شعامل في السكنة كيما تعرف ديما يلاحقو فيا هذا آش ايخليني من نزل للنزل باش نتلف الجرة و ما يشلقوش بيا
وإنتي ؟؟!!
انا بالطبيعة في داري
شنوا عندك دار لهنا
اي اي شريت دار قلت احسنلي من الإقامات
هيا باهي
شرايك تجي معايا داري جديدة و ما يعرفها حد
قالها باهي برشا نتعدى على الأوتيل نجيب دبشي و نجيك
أوكي هتا نبعثلك العنوان في مساج
جا سليم مع وقت العشا يلقا موركا مجهزة طاولة تقتل شموع و هذاكا الجو قالها شنوا هذا الضو مقطوع هههه
قاتلو زايد ديما بمساطك انت ماكش حب تتغير
قالها ههه نفدلكو
قاتلو هات صحنك صبتلو كلا قالها واو مازتقليش هذيا من ايديك قاتلو شنوا عندك شك هههه بما انك الاكلة هذيا تحبها و تموت عليها تعلمت طريقة طبخها و عمتهالك قلت اكيد رآك شاهيها فحبيت انودك بيها
قالها يودك بالخير يا احلى اخت في الدنيا
تبسمت و قالت في قلبها اخت (هههه روسي شطر بشطر عندو عرق تونسي "نحبك كي خويا" )
بقاو ياكلو مبعد لمو الطاولة و غسلو لماعن مع بعضهم جا باش يطّلع يرقد قاتلو شبيك هكا واليت مڤين من توا باش ترقد ايجا محضرة فيلم مش نورمال بقاو يتفرجو في الفيلم و ياكلو في الفوشار لين خذاتها عينيها او بالأحرى عملت روحها رقدت خذاها في حضنو و طلعها للبيتها جا باش يخرج شدتو من يدو آش خلاه يبقا بجنبها لين خذاتو عينيه كي فاقت الصباح تلقاه بجنبها لعبتلو بشعرو و بقات تتأمل فيه و تقول علاش هيا علاش مش انا شبيني انا توا ڤداش عندي معاك علاش ما حبيتنيش كيما انا حبيتك علاش
هبطت دمعة من عينيها جات على وجهو مسحتها و ديراكت مشات للمرايا مسحت دموعها و قالت لما ندمها على النهار الي خممت فيه انها تقرب منو
هبطت للكوجينا طيبت القهاوي و حطت معاهم شويا بشكوتو و جات ماشيا باش تفيقو تلقاه هابط من الدروج هيا ايجا توا جئت باش نفيقك
حد ما قعد على الطاولة كيف باش يرشف الرشفة لولا من القهوة كلمتو اسيل صباح الخير حبي صباح النور يا روحي
(موركا تغلي ) سليم شقولك تجي تفطر معايا هاني في الكافيتيريا الي بجنب الكورنيش توا توا
ديراكت قام و من غير ما يقول حتى كلمة قاتلو وين قالها خارج
و القهوة
اوه سمحني مرة اخرى فمه حاجة ابجل من حاجة
خرج يجري و خله موركا وحدها من العصب قلبت الطاولة و طلعت للبيتها جات باش تبكي اما قاومت و بقات تتفرج على روحها في المرايا انا بزيني و عيني و بفلوسي و املاكي يفضل عليا شقفة فرخة تونسية
سليم مشا للاسيل و تقابل هو وإياها فطرو و بقاو يتمشاو على الكورنيش و يلعبو بالماء مبعد عملو دورة بالموتور لبلاصة العادة مبعد سلم عليها و روح
كي روح لقا الدنيا مريڤلا خاطر موركا ريڤلت الجو باش ما يشلقش بيها و كي جا قاتلو نحطلك الغذاء قالها لا عيشك كليت حاجة خفيفة مع أسولة
قاتلو أوكي و في قلبها تقول تا نوريك فيها أسولة متاعك بعد ما عرفتها بالطبيعة
( 🔙🔙 كي خرج سليم موركا زادت شويا و خلطت عليه شافتو وين مشا و وين قعد و شافتو و هو يعنق فيها و فرحانين ببعضهم زادت شعلت فيها النار و قالت افرحو توا خاطر الجاي عظيم )
مشا عمل دوش و شد بيتو هي كلات الي كلات و ما ريت ما كلات حلت التلفزة و بدأت تتفرج
تعدات ايامات العلاقة بين سليم و اسيل زادت أتدعمت خاصة كيمن الحب ماقتل
الحلقة 7
دخل لبيتهم و تعرف على عيلتهم و حددو موعد الخطبة بعد ما أقنعوا بؤ و ام اسيل بصعوبة خاطر البنية مازالت صغيرة و بالطبيعة موركا فيبالها بكل شي و قاعدة كي الهدوء الي يسبق العاصفة
اليوم الخطبة الناس الكل بدأت تجي باش تفرح للاسيل عموماتها و خوالها و أصحابها و بالطبيعة عايلة العم علي (بو مريم ) و هي و خوها (المحامي اما فبل ما يولي محامي ) و امهم و الناس الكل جا العروس و معاه سليم بحكم ما عنداش شكون يساندو و يكون معاه في اهم يوم في حياتو بكوستيم ڤري و سوريا بيضة و بابيون روز بيبي و صباط بواناي أكحل و الشعر و الزين الحاصيلو طلع مش نورمال و أسولة زادة لبست لبسة رواز بيبي علا محلها خرجتلها مفاتنها و مع مشطا تقتل فوقها تاج و شويا مكياج بحكم زينها رباني و ماهيش في حاجة المكياج و طلعت تقول أميرات ديزني مع أمها و هي تزغرط و فرحانة بصغرونتها بقات بجنب خطيبها و تحل الغنا شطحو و عملو جو و جات اللحظة الي باش يلبسو فيها الخاتم و قتها أمها قالت للمسوؤل على الغنا ركبلنا الفيديو هذيا جاني قبيلا و مكتوب عليه كادو الخطوبة
قالها أوكي مادام هو ركبو و يا ريتو ما ركبو تصاور سليم مع بنات في الحفلات و السهريات هذيا معنقها لخرى يبوس فيها هذيا معاه في الفرش و لا ايوريك و مازال الشي القدام ام اسيل من العصب متاعها رمات كرسي دڤدڤت بيه الكرون الناس حاله افامها و مستغربة اسيل تبكي بالشهقة كيفاش نجم يعمل فيها هكا و يخدعها و يكذب عليها و هي الي حبتو من كل قلبها و هو يقلها غار اسمعني خرجت اسيل تجري و عينيها الكل بالدموع ركبت موتورها و نزلت عليها و تجري باقصى سرعة احمد لصق سليم بكف و قالو اخرج عليا معاش نحب نرا منظرك كي نشوفك نقتلك نطلعلك روحك تعرف آش معناها نقتلك سليم خرج و مش عارف شنوا يعمل يمشي في الثنية و يخمم في أحلامو الي دمرت اكيد راكم عرفتو شكون السبب بالطبيعة شكون غيرها بقات تتفرج من شباك كرهبتها و كي لقات الدنيا مشات كيما تحب قالت توا يلزمني نمشي للحبيب قلبي المسكين نرضيه راهو موجوع 😆😆😈😈😈 و تضحك من كل قلبها في ضحكة الشواطن
ركبتو في الكرهبة و روحت بيه للدار
نرجعو للدار اسيل تتفجعو عليها و كل واحد خرج يلوج عليها في بلاصة لكن ايهم بالطبيعة يعرف على اسيل كل شي زيد يحبها من كان عمرها اثناش انعام اما ما حبش يعترفلها و ما نجمش خاطر يرا فيها مازالت صغيرة و زيد يخاف من الرفض متاعها و بعد ما صارت حكايتها مع سليم اتدمر برشا اما ما حبش يضهر هذا الكل باش ما يفسداهمش فرحتهم و اهم شي بالنسبة ليه إنّو تكون فرحانة
خلط على اسيل و كي لمحها من بعيد بدا باش يقرب منها بالشويا بالشويا اما هي حارڤة فيتاس و تجري جات كميونة كبيرة قدامها شعلت فيها الضو مع هي تبكي و مع قوة الضو معاش نجمت توا حتى شي خرجت على حافة الطريق و طاحت و عثرتها حجرة كبيرة طاحت من الموتور و تشقلبت و عملت برشا دوراة مبعد أزمات و جا رأسها على حجرة كبيرة
ايهم كي را المنظر هذاكا قلبو تقطع ديراكت مشالها يجري و يحاول يفيقها و كي قعدها و كان فيبالو باش يفيقها حس بحاجة مش طبيعية في يديه شاف لايدو يلقها حالة بالدم رأسها الكل يقطر و هي لا حياة لمن تنادي كلم الامبيلونس جات في لحظات ركبها و ركب معاها و هو شادلها يدها و يرعش و حالة فيه ركبواها السيروم و عملولها التنفس الصناعي و يتفارعو معاها و هي شي ما هياش تتجاوب معاهم كلمو السبيطار حضرولها بلاصة و كي خلطو بيها ديراكت يجريو بيها شنيا الحالة بنية عمرها 17 عام حادث مرور إصابة خطيرة على مستوى الرأس و فقدت برشا دم
و يجريو بيها و دخلوها ديراكت للغرفة العمليات و يكرر الباب في وجه ايهم هو طاح على ركايبو و مش عارف آش يعمل اتصل بدارها ديراكت جاو و حالة فيهم الفرملية خرجت مشاولها شبيها ان شاء الله تعيش قاتلهم فقدت برشا دم يلزم اكيد تشوفوها و زمرة دمها مش موجودة برشا ان شاء الله تلقو منها
احمد كلم سليم و كشاكشو طالعة كان تموت اختي تلوم كان روحك نقتلك نقضي عليك نشرب من دمك
و حتى زمرة دمها لتوا ما لقيناهاش قالو شنيا قالو Rhnull"زمرة الدم الذهبيةو هي زمرة نادرة و صاحبها ينجم يتبرع للناس الكل في حين هو ما يقبل كان نفس الزمرة " بدا يبكي و حالة فيه حكا للموركا قاتلو نفس زمرة دمي قاتلو مستحيل ننقذها قالها علاش عيشك نعمل الي تحب عليه قالها شنوا تحب قاتلو مبعد أنقلك اما باش يبقى دين لليجي اليوم الي نطلبك منك
مشاو يتجاراو للسبيطار تبرعتلها بالدم مبعد روح ديراكت خاطر متاكد إنّو كان يبقى لحظة اَهلها يقتلوه زيد موركا اقنعتو باش يروح روحو و في الكرهبة سليم حلس روحو مخنوق و حالة فيه و هي فرحانة بانتصارها الي حققتو
اسيل في غرفة العمليات بين حياة و موت و الناس الكل مفجوعة عليها و تدعيلها باش تقوم لابأس بعد قريب الستة سوايع و الي تعداو على ايهم عشرات السنوات خرج الطبيب مشاولو ديراكت يتجارو وينها لابأس قالهم سافا خرجت من مرحلة الخطر هي توا تحت البونج و كي تفيق تنجمو تشوفوها تعدات قريب الساعة فاقت اسيل مشاولها يجرو و ايهم فرح فرحة كبييييييييرة كي شافها حلت عينيها بدت تحاول تحكي اما ما نجمتش قالولها خليك ساكتة مش لازم تحكي باش ما تزيدش تتعب لكن هي ما نجمتش تبقى ساكتة و قاتلهم شبيني هنا و آش نعمل ياخي شنوا صار الجماعة الكل سكتت بابا ماما احمد احكيلي شنوا صار
خوها قالها هذا الكل في جرة هذاكا الي ما يتسماش سليم هي ستغربت و قاتلو شكون سليم ؟؟!! انا ما نعرف حد اسمو سليم شنوا عمل !!
العائلة الكل قعدت مصدومة و قالولها لا شي شي ما فمه شي انتي كي عادتك خرجت بالموتور تعمل في دورة طحت و عملت حادث و اكهو
واش دخل سليم ؟؟!!
شكون سليم انا قلت سليم ما قلتش ممكن انتي تتخيل من الدوخة
اه باهي خليوني توا تاعبة و نحس في روحي نحب نرقد
خرجو و بقا ايهم يطل عليها من الشباك و مش حامل يشوفها بالحالة هذيكا الكلها خيوط و ماكينات مدوره بيها وجعو قلبو على حالتها اما يصطنع في القوة قدامهم و يحاول يخفف عليهم احمد مشا للطبيب و حكالو الحكاية الكل و كيفاش متذكرة الناس الكد الا هو لا و الي كانمن الحب ماقتل
الحلقة 8
و الي كان السبب في حالتها فسرلو الطبيب و قالو الضربة الي جاتها على رأسها خطيرة و الي المخ باش يحمي روحو و باش ينجم يقاوم محا الذكريات الكل الي فيها وجايع ليها
قالو باهي برشا أحسن حاجة ممكن استفادتها من الحادث
بالشويا بالشويا حالة اسيل بدأت تتحسن و رجعت تقرا اما كل مرة يعرض طريقها ولد يحب يحكي معها هي ما تعرفوش حكات لخوها قال اكيد هذاكا الي ما يحشمش مشالو ضربو شويا لا قتلو كان مش موركا اتدخلت و منعتو مبعد حكت معاه و قاتلو اليوم باش أنقلك على الدين متاعك قالها شنوا
قاتلو تاخوني قالها ياخي نورمال انتي قاتلو اي وزامن يلزمك توفي بوعدك كيما انا أنقذتها و و فيت بوعدي
بالطبيعة ما عندو حتى حل الا إنّو يوافق خاطر يعرفها كي تحط حاجة في مخها طلعت معاه للروسيا و رجع للحياتو متاع العادة مافيا و هذاكا الجو باش يحاول ينسى الطفلة الي حبها و الي كان سبب في مشاكلها فقرر أنو يخليها تعيش حياتها كيما تحب و ما ايزيدش على الي فيها و زيد وآله يعرف الي موركا كانت السبب و كان يرجع يكونتاكتيها ما يستغربش إنّو تقتلها
⬅️⬅️⬅️⬅️⬅️⬅️⬅️⬅️⬅️⬅️⬅️⬅️⬅️
رجععععععععععععععععععنا
قاتلو سليم شتعمل لهنا انا نسيت ما خبرتكمش الي اسيل وجعتلها ذاكرتها تدريجيا والات كل مرة تحلم بيه و تجيها كوابيس خطبتها و مبعد خوها ما حملش حالتها و خاف عليها خاطرها ديما تفيق مفجوعة و تعيط وآله قالها الحقيقة
سليم حب يسلم عليها اما هي طفيتو و مشات و خلاتو
روحت للدار كلمها ايهم بالصدفة قاتلو فاضي العشية قالها اي اكيد و حتى كأني مش فاضي انولي فاضي قاتلو عيش الزين امالا نتلاقاو مع العشية مشات باش تشوفو و حكتلو الي هي كي خرجت من المكتبة تلاقات مع سليم بالصدفة هو وقف و قربلها شدلها وجها بين إيديه شنوا قالك شعمللك قلي و انا نوريك فيه قاتلو لا لا ما عملي شي حب يسلم عليا اما انا مشيت و خليتو رجع للوعي شويا شد كرسيه و قالها أحسن ما عملت و كان قلقك قلي قاتلو أوكي و أصلا انا مستحيل كان مازلت نحكي معاه و الا نرجعلو و هوما قاعدين هكاكا يحكيو و عاملين جو تجيهم موركا قعدت بجنبهم قالها ايهم هاي يا مدام شكون سمحلك باش تقعدي قاتلو انا جايه باش نقلكم كليمتين و ماشيه شوفتوه سليم كان تعملولو حاجة انا نمحيكم فهمتوني و انتي اذا حكيتي معاه نبعثك للجهنم فهمتيني و قامت
اسيل شبيها هذيا نورمال في مخها قالها انسي انسي تعرف كان تهدد هذيكا هي صنعتها اقلب علينا الصحن جات ماسطتها و مشات كملو يحكيو مبعد روح بيها للدار و قالها اكيد باش تجي للليسي غدوة قاتلو علاش قالها امبوسيل كيف تنسى غدوة الريزلتا متاع البنات اوه عليا كان شلقت بيا مريم نسيتها بستو من خدو و هبطت
عرضتها أمها شنوا معاش شيفينك في الدار قتلها كنت مع ايهم
يا عيني يا عيني ايهم هذا معاش مسيبك هههه
هههه لا لا مش على حاجة
شنوا راني أمك و ما تنجمي تخبي عليا شي يا حلوفة ضحكت و قتلها بالحق يام حاسه روحي بديت نحبو وليد محلاه و متربي زيد تعرفوه و جارنا من قبل و كانا عايلة وحدة
عايلة وحدة هههه ربي يسهل يا اسولتي المزيانة و نفرحو ليك مش كيما المرة لخرى
قاتلها يام أنسى الموضوع مش قتلكم معاش نحب نسمع عليه حتى شي هذاكا الخاين
اوك اوك اطلع بدل دبشك و ايجا حضر معايا العشا قالتلها تكرمي يا احلى ام في الدنيا
هبطت طيبت مع أمها و حطو العشا جا احمد و مريم و بوه باش يتعشاو مريم ما نجمتش تاكل برشا قالها احمد شنوا خايفة من النتيجة هههه تصورو كان مريم اتدوبل
مريم بدأت تنغنغ و جات باش تضرب خوها سيبلي بنوتي معاش تفايل ههههه
تعشاو و لمو الطاولة و تفرجو شويا في التلفزة مبعد كل واحد شد بيتو
جاء الصباح البنات الزوز فاقو بكري حضرو رواحهم فطرو فيسع فيسع وجاو خارجين يتجاراو عرضهم احمد كان تحبو نهزكم في طريقي
لا لا ماشيين مع ايهم و مريم يستناو فينا في باب الدار
شنوا بد .....
مشاو يتجاراو
ما نورمال بناتك معاش معبرينه خلاص هههه اسأل صاحبك وليدي الغالي
ههههه فيبالي لكلو من ايهم
وصلو لليسي ايهم و اسيل سلمو على اصحاب مريم و اسمهان و تمنولهم النجاح الادارة قعدت قريب الساعة و الناس على أعصابها مبعد علقتهم الناس الكل مشات تجري و الثنائي متاعنا بقا على جنب لين جاوهم البنات ينڤزو و يعيطو و ميتين بالفرحة حضنو بعضهم و باركولهم النجاح و عملو قعدة باهية مبعد روحو و تفاهمو باش يعملو عشاء لبرا
امهم بدأت تزغرط و جايبه ما عندها و فرحانة علاش لا و بنتها ناجحة في الباك و بمعدل طيارة عطاوها مبروك الباك شافتلهم اسيل و انا هههه
قالولها عاد انتي ساي قبضت اما العقبة للتخرج
هههه نفدلك بالطبيعة
ما قلنلكمش الليلة بروڤرامنا العشاء البرا
تدلل مدام ناجحة توا هههه اما مع شكون
بالطبيعة مع مريم و ايهم و احمد كان تحب تجي معانا
هههه كان ما انقلقكمش
هههه حضر روحك و بلا فدلكة ماسطة
مع الثمنية متاع الليل احمد ركب و معاه اسيل من قدام و مريم من تالي وصلو البلاصة الي تفقو عليها يقو الجماعة يستنو فيهم و محضرين زينة🎉🎀🎈🎁🎊🎊
و جو عالمي و لوحة كبيرة مكتوب فيها الف مبروك البنات فرحو برشا و شكرو ايهم على المفاجاة الي عملهالهم و قعدو يتعشو 🍽و يفدلكو و كل مرة يدوروها على واحد
بالصدفة سليم متعدي من فميكا يشوف فيهم كيفاش فرحانين و كيفاش اسيل قاعدة تشطح 💃مع ايهم وجعو قلبو برشا و عيونو دمعت مش حامل حياتو من غيرها ادمن عليها على حضنها الدافئ على ريحت شعرها على عينيها الي يسحروه و يهزوه للعالم اخر
كي معاش فيه مشا يتمشى على البحر و يغني في غناية جئتك يا بحر (
لا عمري بكيت لا شفت دموعي
حتي غاب ma vie شفتهم يسيلو
عمري ظنيت الحب يهبل ملي رحتي راح لي العقل
راني خايف يديرها زهري
نشوفك معا واحد غيري
قلبي يحبس ما يستحمل لساني يعواج مايتكلم
جيتك يابحر قلبي عامر
حكايتي حكاية راني مدمر
سيدي ربي راني صابر
مالك يازهري كافر
مني la faut وانا الظالم
خسرت معاك راني فاهم
عندي عزيزة ربي الي عالم
نطلب السماح راني نادم)
و المطر تصب 🌧⛈هو معاش فيه معاش منجم يتحمل و يبكي مشا للبار مش بعيد برشا و طاح يشرب 🍾🍷من الحب ماقتل
الحلقة 9
يشرب 🍾🍷لين معاش منجم ياقف على ساقيه و عينيه حمر و يحل فيهم بالسيف جات بجنبو بنية بدا يحل في عينيه و يسكر و ضهرتلو كأنها اسيل مشا يتكركر و عنقها اسولتي و تجيه بونية على وجهو تجيبو في القاعة من عند صاحب الطفلة وقف و جا باش يقربلها مرة اخرى و ينزل عليه بالضرب عطاه طريحة نباش القبور معاش ينجم ياقف و هو يغني و عيونو بالدموع (باي باي روحي تلڤي الخير آ للااا باي باي مدام عشڤتي الغير آ للااا حسبتيني طفل صغير اللااا و انا أقلّك باي باي ) السرفار خاف عليه قيمو و خذا منو التليفون و طلب اخر عبد حكا معاه و الي هي بالطبيعة موركا جات تجري ساقيها اعلى من رأسها
خذاتو و حطتلو يدو على كتفها و ركبتو في الكرهبة و روحت بيه و كي خلط للدار شفلها اسيل حبي علاش تعمل فيا هكا شعمتلك
ترميه من يدها تجيبو في القاع اناهي اسيل تهتري بيها مش قتلك أنساها معاش نحب نسمع اسمها
مشات عملت دورة جات تلقاه حالة فيه يرعش و السخانة طالعتلو بحكم هو عمل دورة في المطر دبشو حالة حليلة و حالتو تبكي صخفت عليه و ما حملتش تشوفو هكا خذاتو و طلعتو للبيتو بدلتلو دبشو و سهرت عليه ليلة كاملة لين بدأت السخانة تخف و هو يهتري كان باسم اسيل و هي موجوعة اما في نفس الوقت ما تنجمش تشوفو موجوع
الجماعة كي وصل الوقت قريب ماضي ساعة روحو كل واحد للدارو بعد ما عداو احلى سهرية
جا الصباح سليم فاق كان بالروح و الدنيا دايرة بيه و راسو يوجع شاف بجنبو ما يلقى كاس ماء و بجنبها حربوشة كلاها و هبط يلقاها محضرتلو الفطور قعد يفطر معاها و قالها ما تقوليليش شنوا صار حاس روحي معاش فيا بالتعب و حاس عظامي مدڤدڤة حكاتلو كل شي و قاتلو الي ما تحشمش هي السبب مش قتلك أنساها نحيها من مخك شبيك هكا اعمل للروحك كرامة ويني رجوليتك
سليم طلعتو الدم قام و لصقها بكف و قلها سكر فمك و اسيل نحبها و باش نبقى نحبها لين نموت فهمتني وانت مستحيل نحبك ولا حتى تغزرلك بنص عين نكرهك راني نكرهك مشاكلي الكل منك انتي يا ريتك مكنتي في حياتي ولا حتى نعرفك قامت تجري للدار مبعد خرجت
سليم ندم على الي عملو قام للبيت ما يلقاش الفرد🔫 متاعو قال اكيد باش تعمل مشكلة مشا يجري🏃🏃🏃 شد جرتها ما لقاهاش🚶🏻🚶🏻
هي كلمت اسيل باسم مستعار على أساس ايهم عامللها مفاجاة و عملت نفس الشي للايهم خرجت اسيل بعد ما ڤدت روحها و في خروجها تلاقات مع اختها قالتلها وين على خير قتلها مع ايهم باش نمشيو البلاصة الفولانيا قاتلها أوكي سلم عليه و صلت اسيل مبعد ايهم قاتلو شنوا فيسع ما توحشتني قالها انتي عاد مدام مستدعيتني قاتلو شنوا ؟؟!!
انت ستدعيتني قعدو يشوفو للبعضهم و مستغربين
و هوما هكاكا و تجيهم موركا Добро и легко
(اهلًا و سهلا ) بعصافير النكد قالولها شبيك آش تحب منا اعتقنا
نعتقكم ههههه قول الكلام هذا للصحبتك أوكي
احترم روحك اه
مستغربين شكون استدعاكم مش هكا
بقاو ساكتين
Я уверен (قالت بالروسية انا اكيد هههه)
شنوا تحب منا نحب نقبضلكم رواحكممن الحب ماقتل
الحلقة 10 و الأخيرة
نحب نقبضلكم رواحكم و نرتاح فرد راحة و هكا سليم ينساك و يبقى ليا وحدي ليا وحدي و تجبد الفرد🔫🔫 متاعها و كل مرة تخطو في وجه واحد منهم بشكون باش نبدأ هههه شقولك أسولة كيما يقول واحد نعرفو نبدأ بيك
و هوما يصيحو عليها شبيك 🤔هبلت 😱😧
هي كأنها مش في عقلها🙃😵 و معاش تخمم كان في انها تقتلهم🔫☠ باش ترتاح
ساي قررت بشكون باش نبدأ و تعفس على الفرد تخرج الكرطوشة 🔫⬅️🙎في اتجاه اسيل و تضرب في القلب 💘💔
ايهم بقا حال فمو 😦و مصدوم في بلاصتو و معاش منجم يتحرك موركا صاحت بأعلى صوتها لالالالالالاااالالالالالا😲😲 و طاحت على سقيها
و يجي سليم طايح في حجر اسيل و هي تعيط كلم الامبيلونس يا ايهم كلم من الربثة ايهم معاش عارف آش يعمل و شد تليفونو باش يكلم قالو لا لا مهناش علاش و عينيه مليانين بالدموع اس آس آس اسي اسيل
يعيشك معاش تحكي باش تجي الامبيلونس و تفيق لابأس خليك قوي نعرفك قوي
قالها كنت قوي (هذا المشهد مع موسيقى حزززززززززززززززينة🎼 )
خليني نحكي معاش باش نشوفك نحبك تسامحني سامحني سامحني عيشك سامحني راني ما نقصدش و الي صار في خطبتنا 💐💍انا زادة ستغربت منو تعرف الي هذوكا تصاوري و علاقاتي كي كنت في في في روسيا قبل ما نعرفك و نحبك و نعرف معاك الحب الحقيقي الحب الي غيرني خلاني عبد اخر عبد بالحق عبد كنت عايش كي المجرم الي ما عندوش احساس و لا روح و لا يعرف شنوا تعني كلمة الحب💞💝💓💟💕
عيشك انت سامحني سامحني خاطر ما سمعتكش خاطر شكيت في حبك خاطر انا السبب انت الي سامحني (كل واحد يحكي و عينيه بالدموع )
اسيل تعرف الي حبيتك بطريقة جنونية انتي الي خليتي قلبي يدق و نفظتي الغبرة الي كانت مغطيتو
نعرف نعرف و علاش تضحي بروحك على خاطري مع أني ما نستحقش ما نستاهلش تضحيتك هذيا حط يدو على فمها و يحكي و يشهق ما تقولش هكا انا أصلا موتت من وقت خليتني في الخطبة و توا اكيد باش نرتاح تعبت تعبت معاش فيا (اسيل تبكي و معاش فيها)
اصبر باش تعيش عادك بالامبيلونس وصلت
شاف للايهمو مدلو يدو انت يا سي الشباب و اسيل أمانة في رقبتك حطها في عينيك أوكي متاكد أنكم باش تكونو احلى عيلة و رآك محظوظ بيها صاحبي ههههه
سليم 😢😢 تهنى صاحبي(ضربلو على كتفو)
ايهم تسمحلي انها تحضني قبل ما نموت مرة وحدة عيييييييييييييييييشك
اكيد ما عندي حتى مشكل هي حضنتو و هو قالها اسيل نح نح نح نحب ببب و سكت 🤐
اسيل معاش حست بحركتو و نفسو قبلتو للوجها تلقاه كي لملاك و الدمعة وقفت في عينيه و هو و لا حركةعيطت عيطة قوووووووووووووية
سللللللللللللللللللللللللللللللللللللللللللللللليم💫⭐️✨
(اه حتى انا وجعني و بالروح قتلتو تعلقت بيه 😭😭😭)
موركا كي راتو مات قامت على ساقيها بالروح و قاتلها نقتلك انتي السبب شدت عليها السلاح قريب الدقيقتين مبعد حطتو في فمها و أطلقت
وصلت الامبيلونس🚨🚨🚑 خذات الضحايا الزوز
مشات معاهم اسيل و ايهم و ليلة كاملة و هوما فايقين و اسيل تبكي و تبكي و تبكي انا السبب انا السبب
و ايهم يحاول يخفف عليها مع التسعة متاع الصباح خرجوهم و قالولهم تنجمو تأخذوهم بعد ما عملنا المطلوب
ايهم كلم احمد و خبر العائلة جاب أمام و خذاوهم باش يدفنوهم
بعد مرور سنة على الحادث جات اسيل و ايهم زيارة للقبر موركا و سليم و في أيديهم لوحة مكتوب فيها" من الحب ما قتل "
بعد أشهر على الزيارة ايهم حضر للاسيل مفاجاة خذاها في الموتور البلاصة في الجبل مبعد غمضلها عينيها و ركبها في هليكوبتر و بدأت تتعدى بالشويا بالشويا قاتلو امبوسيل ما تقولش هالي نحلها القماش الي على عينيها و قلها و هو كذلك هههه
فرحت علخر عمل بيها دورة و هي تتفرج من الشباك و مش مصدقة و فرحانة علخر مبعد دورة كبيرة في الجو هبطت الهالي كوبتر بالشويا بالشويا و بجنب بلاصة تقتل اتدوخ منصة مدورة بالستائر البيضاء و تابي طويلة مرشوشة بالورد الأحمر و مزهريات و باقات في كل بلاصة بدأت تمشي و مش مصدقة لين وصلت للمنصة بدأت اتدور لحق عليها حضنتو مارسييييييييي على هالمفاجاة
عجبتك
تقتل تفتق مش نورمال
هبط على ركبتو و قالها تقبل تكون مرتي قاتلو اكيد اكيد
وقف و دورها و الورد الأحمر بدا يهبط عليهم ملفوق (من الهليكوبتر ههه السائق و الي معاه )
بقاو يشطحو و عداو احلى جو في احلى بلاصة مقابل البحر و قالها نححححححححححبك قاتلوا و انا زادة نحبك و نموت عليك و ما نجمش نعيش بلا بيك يا روحيييييي
بعد مرور ايام جا اليوم الموعود يوم عرسهم لبست اسيل احلى روبة بيضا متاع برانساس معاها تاج و احلى طاقم بلالط و سلسلة مش نورمال مع بوكي الورد الي في يدها و طلعت مش نورمال
ايهم زادة لَبْس كوستيم أكحل و سوريا بيضا و كرافات حمرا مع قطعة قماش حمرا في جيب الكوستيم و صباط أكحل و ريڤل شعرو و طلع مش نورمال هبطو العرايس👰 الزوز و دخلو للصالة و اهلهم وراهم و الزغاريط طالعة و ريحت البخور في كل مكان و الموسيقى🎻🎺🎷🎹 و الغنا 🎤و تعدات احلى ايام العمر ايهم و اسيل قررو باش يمشو للروسيا في شهر العسل متاعهم على خاطر سليم قبل ما تصير مشكلة الخطبة كان مقرر باش يمشي للروسيا✈️🛬 هو وإياها 👨❤️👨
تعد العام لول من العرس اسيل و احمد جاهم احلى وليد 👶🏻سماوه سليم
في ذكرى وفاة سليم بالطبيعة مشاو و خذاو معاهم وليدهم 👩👩👦و بقاو بجنبو و يحكيولو على سليم و قراو عليه الفاتحة و حطو بجنبو بوكي نوار 💐هذيا هي حكايتي مع جدكم ايهم و حبيبي القديم سليم
The end 💘💘
#Jounaidi_Nesrine 😊😌
كمنتار ببلوڨر
تعليقات