U3F1ZWV6ZTM4ODA3MDM2NzM0Nzg5X0ZyZWUyNDQ4MjgzNDQ1MDIwMQ==

عفراء عشقي انا الجزء الأول

الصفحة الرئيسية
عفراء عشقي انا الجزء الأول


💞الحلقة الأولى💞 

-ماما بربي خليني نمشي ... أصحابي الكل ماشين ... كان أنا ديما حارمتني من كل شي ....

-قتلك لا معناها لا ...

-اوه يا ربي تي علاه هكا يا ماما ... 

-يا كوثر بربي سيبها خلاها تمشي لها الرحلة المحنونة ...

-يا علي راك انت اللي حاللها عينيها ... تي عمرها ما باتت البرة ... باش نبعثها جمعتين لبلاصة بعيدة .... و زيد بنتك لا عندها أصحاب لا شي ... لا ... لا مفماش مشي ...

-تي علاه بربي يا ماما ... ديما عاملتلي هكا مكش مخليتني نعيش كيما أندادي ... تي عمري 21 توا راني و نقرى فاك معناها منيش صغيرة ... و انت خانقتني و مسكرة عليا ... 

-شوف مصح رقعتها تجاوب فيا ... ملا هاني قتلك مفماش مشي يا كبيرة و برا إقلب عليا منضرك ....

مشات لبيتها تتنفض و تنفخ ...

علي يقرى في الجريدة .... كوثر طيب في الفطور و مهيش حاسة بالوجيعة اللي حاسة بيها بنتها ... في بالها كيف تسكر عليها باش تحميها ... ما فيبالهاش اللي هي خانقتها و ممكن تضرها ... 

دخلت لبيتها و وقفت قدام مرايتها ......

بدنها مخبي في البيجاما الواسعة اللي لابستها ... شعرها الطويل اللي داخل بعضو شادتو بالستيلو اللي 24/24 و هي تريفز و تكتب بيه ... عينيها الكبار المحوقين اللي مخبين تحت ليناتها اللي مخبيتلها شطر وجها الصغير ... 

عدات يدها على وجها اللي عمرها لا حطت فيه بوماد كيما البنات ... و على شفايفها الصغار اللي متستعرف كان باللابالو عليهم .... موش قلت فلوس .... أما أمها كانت ترا في هذا الكل حكايات فارغة .... 

"عفراء" .... شخصيتها ضعيفة ... صحيح قرايا و ديما تجي اللولة .... اما تسكيرة أمها عليها خلاتها تخمم كان في قرايتها ... عمرها ما عملت أصحاب ... عمرها لا خرجت وحدها .... كانت تخرج كان مع دارهم .... عندها صاحبة بركا عملتها في الفاك ... هي اللي كانت تواسي فيها ... كانت تحاول تبينلها اللي الدنيا كلها ذيوبة ... 

كان باش تقعد نية متنجمش تعيش .... سندس هي اللي علمتها تناقش .... حتى لو كان موش برشا ... أما ولات تناقش شوية .... 

عفراء كملت القرايا السنا ... خذات ديبلومها ... 

بوها باش يدبرلها خدمة ... ... أكثر حاجة كانت تتمناها إنها تتفرهد مرة في حياتها .... تشوف عباد .... تحكي مع عباد ..... تحب .... تتحب .... تتمرد .... و لو لمرة في حياتها ....

ترمات على فرشها .... حملت المخدة ..... عباتها بالدموع .... مهيش حاجة جديدة ..... مخدتها تعودت على دموعها .... تعودت على حزنها .....

تسمع في أمها تعارك ... حشات راسها في فرشها ..... قوات مالبكى ... لين هزها النوم و رقدت ....

كيما كل يوم تقعد تخمك و تبكي لين يهزها النوم و ترقد....-حضرتلي الفاليز ؟.

-اي سي كريم ... حطيتلك اللي قتلي عليهم الكل .... 

قربلها عاللخر ... عدى يدو على شعرها ...

قرب شفايفو لرقبتها ...

-صحيت .... يا حلوة ....

طبعلها بوسة خفيفة على خدها و بعد ....

خلاها ترعش بكلها ... حطت يدها على قلبها .... تنهدت.... 

-محلاه السخطة ... يفتق اكا الزين و العين و البدن احيت... احيت ماكا البدن ....

هبط يجري و يعدي في صوابعو على شعرو ... 

يلقى بوه و أمو في بيت الفطور يفطرو ....

-أيا حطوبة حك جنابك .....

-هههه يااا و الله حوال تي موصلك 500 دينار اليوم بركة ......

-أيا عاد حطوبة خليني نمشي لولاد يستناو فيا باش ناخذو قش للرحلة .....

-قش؟ تي الغارد روب متاع دبشك اكبر من بيتي انا و بوك .... 

-ههه سيبو عيشة ياخي انا لشكون نلم في الفلوس تي الكسيبة هو ....

-حتى هو عينيه تحلت .... تي هذي 10 رحلة سنا ... و القراية ربي يجيب..

-شنية امي نفس المعبوكة؟ .... ماني قلتلكم منحبش نقرا .... 

-و خدمة بوك شكون باش يشدها ....

-موش أنا أكيد .... يا امي إفهم راني الخنقة متاع البيروات و الاجتمعات موش جوي .... أنا نحب نسافر .... نحب نخدم حر .... 

-أكهو أقعد معلق أكا الكاميرا و دور من بلاد لبلاد .... و من بلاصة لبلاصة .... مش فاهمة شنية باش تربح منها هل الكاميرا ....

قربلها ...

-البنات يا مي ....

غمزها و ضحك .... ضربتو على كتفو .... 

-أقعد من طفلة لطفلة .... 25 سنة و معملت شي في حياتك .... لا قريت لا كونت ندا....

مخلهاش تكمل ... حط يديه في جيب السروال ....

-ندادك معرسين و بصغارهم .... وحيد ولد عمك جاب بنية عسل و شاد شريكة بوه و بلا بلا بلا ....

يامي معاش تحكيلي على حد .... احكي عليا انا ... اكهو ... 

هو يحكي و امو دوح في راسها و بوه يضحك ....

جاه تليفون بعد عليهم شوية ... 

-يا حطاب راك باش تضيع الطفل بدلالك ....

-عيشة تعرف كريم راسو صحيح و ما يعمل كان اللي في مخو ... مهوش جديد عليك .... تعرفو طالعلي ....

غمزها و كمل ما كلتو ....

-لا موش كيفك .... انت عالاقل بنيت روحك بروحك ... هو 25 مزال طايش راهو ....

-خليه على راحتو .... انا ملقيتش شكون خمم فيا ... هو كل شي ليه هو ... توا يجيه نهار و يتصلح ...

-وقتاه يا حمادي و قتاه ... 

دخل يجري ...

-اي با بربي معاش بكري ... 

قام بوه جبدلو الفلوس و مدهملو .... هو خارج و امو تتشوحرلو ....قام بوه جبدلو الفلوس و مدهملو .... هو خارج و امو تتشوحرلو ....

-تشوحري ها عيشة تشوحري ...

-و الله باش نقوملك راهو يا بليد ...

-ههه نفدلكو عيشوشة ... ايا السلام يا جماعة ....

-السلام رد بالك كي تسوق ... 

بيبالهم بيديه و مشى ...

-ربي يسترك وليدي و ربي يهديك....

خرج يجري طلع في الكرهبة حط الغنا و بدى يسوق ... طايى كيما عادتو ... تقول امو مواصاتوش و مش كل يوم توصي فيه ....


💗الحلقة الثانية💗 عفراء عشقي انا 🔞

قامت الصباح وجها منفخ بالنوم.... و عينيها محوقين ... مشات للطوالات تكركر في ساقيها ... خزرت لروحها في المرايا... تفجعت من شعرها المشعشط و من وجها المش مفهوم .... نحات اللينات و قعدت تشوف في عينيها .... المنفخة ... لونهم الغري المخبي ورى اللينات و ورى النفاخ متاع دموع كل يوم .... 

حست روحها اللي هي مهيش عايشة عمرها .... "العمر مرة و الروح وحدة .... و الايامات هاذم كان ما تعيشهمش معاش تنجم تعوضهم ... كل عمر و عندو وقتو و عيشتو .... و كان فات وقتو نندمو عليه و معاش نجمو نعوضوه ...."

هذا اللي كانت ديما سندس تقلها فيه و تحاول تفهمها اللي كيف تعيش حياتها موش معناها قلت تربية ولا تسيب ....

أما تنجم تعيش حياتها و هي محترمة روحها و متتعداش حدودها .... 

وقفت بكل ثيقة في النفس ... خذات نفس ... ... 

"يزيني ما هملت روحي .... ماليوم باش نكون عفراء جديدة .... ماليوم باش نتلهى بروحي .... ماليوم باش نعيش حياتي .... "

غسلت وجها .... تغسل فيه و تعاود .... 

مشات للكوجينة عملت قهوتها و فطرت و مشات لبيتها ...

أمها و بوها يخدمو .... دخلت لبيتها نحات البيجاما اللي كانت تعوم فيها .... تشوف في بدنها على المرايا و تعاود ....

حاسة روحها اول مرة تراه على كثر ماهي مخبيتو ورا دبشها .... لبست روب طويلة و جيلي و قعدت على الفرش ... جبدت التاليفون و كلمت سندس :

-سندس تنجم تجيني ....

-شبيك لاباس ....

-لاباس اما قاعدة وحدي نحبك تجي بحذايا ... حاشتي بيك ...

-باهي هاني جاية ...

نص ساعةو الباب دق ... مشات تجري حلت الباب ....

-ادخل ادخل ...

-شبيك جبتني ساقيا أعلى من راسي شفما ؟؟ -باش نمشي للرحلة ....

-موش قلت امك مخلاتكش ....

-اي اما انا ماشية....

-كيفاه جات هذي ..... 

كركرتها لبيتها و سكرت الباب ... قعدتها على الفرش ... و قعدت مقابلتها ..... 

-باش نهرب .... 

-وين باش تهرب ياخي بعقلك .... 

-اي باش نهرب و نمشي معاكم ... 

-و شنية باش يعملو كي يسمعو ....

-معندهم ما يعملو ... نحب نمشي و خذيت قراري ...

-باهي تصرف أما أنا خرجني منها الحكاية ....

-باهي أنا نحب نطلب منك حاجة بركا ...

-شنية ....

-تجيني 5 متاع الصباح تستناي بكرهبتك تهزني .... 

-باهي يا ليلا دلل ... بيناتنا تليفون .. خليني نمشي أنا توا نقضي قضياتي ...اليوم اخر نهار قبل الرحلة عفراء فرحانة أما خايفة في نفس الوقت ... خايفة متنجمش تهرب و تضيع فرصتها انها تعيش حياتها حتى جمعتين ....

دخلت للدوش عملت دوش و خرجت .. مشات لبيتها حلت الغارد روب و بدات تجبد في الدبش و تكدس على الفرش ملقات حتى قطعة تصلح ...

كلمت سندس تبكي ...

-تي شبيك تبكي انت توا ... 

-ملقيت منلبس ..

-يا رسول الله توا هذي حكاية تبكيك يا عفراء ...

ربي يهديك ديما فاجعتني ...

-اي تبكيني .... مالا كيفاه باش نمشي للرحلةو دبشي الكل تقول متاع وحدة عمرها 50 ... 

-باهي اتوا انا نعطيك من عندي باهيشي هكا ...

-لا انت دبشك عريان ....

-عفراء برى مرقد و سيبني خيرلك مكانش باش نسبك راني ... و برى بدبش مماتك مالا لها الرحلة ... 

سكتت شوية قعدت تخمم في كلامها ..

-باهي جيبلي من دبشك أما اكا لمقطع لا امان ...

-باهي يا ليلا فماش حاجة اخرى ...

-اكهو متنساش الخمسة ....

-باهي ايا باي ...

علقت و ترمات على الفرش باش طير مالفرحة ...

-في شكون كنت تكلم ...

-في عفراء ....

-أكا القعرة ...ههههه موش عارف كيفاه مهضمتها ....

-يزي كريم و الله حرام عليك .... متحكمش بالمضاهر عفراء من احسن ما عرفت و الله ...

-هههه تي بالله العضيم ما فيها يصلح كان إسمها و الباقي عالحيط .... تي كيف نراها في الفاك نعيف روحي هههه نحس روحي في دار متاع متشردين موش فاك ....

-يزي يا سخطة و الله حرام عليك .... اسمعني هاي ماشية معانا للرحلة رد بالك دور بيها .....

وقف و نطر الكرسي ....

-نعم .... ماشية معانا؟ برا عادة اش باش يعديهم ها الجمعتين مع وجها الاحرف .... بففف انا منيش ماشي ....

-هههه تي يزي قلو مكش ماشي .... توا هذا ما عطاك مخك....

-مكش تسمع فيها بلال فاش تحكي .... ناقصني كان عفراء انا .... يعجبكشي ماشي باش نتفرهد موش باش نتغدد .... عفراء .... اعععععع نخمم اني نراها بركا لحمي يزوغب ...

-يا ولدي اش يهمك فيها احسبها موش موجودة ياخي انت باش تقعد 24/24 معاها مانا باش نهملو ....

ضربتو سندس على كتفو ....

-وين عندك باش تهمل .... نسيت اللي انا معاك ...

حملها و باسها ... 

-نفدلك حبي و الله ... معايا انت بكلك و نتلفت لغيرك ....هز عينيه خزر لكريم بعينيه معناها مزمرة علينا ... خنقة ....

كريم شاخ بالضحك و مشى حملهم الزوز ....

-محلاكم .... محلاكم.... قداه نحبكم .... وين نراكم هكا نزيد نحلف على الخطبة و العرس ...

طرشقو التلاثة بالضحك .... قهوة كاملة تلفتتلهم و قعدت مبهمة فيهم .... و هوما محبوش يكفو ....

💗الحلقة الثالثة💗 عفراء عشقي انا 🔞

الدقايق تعداو سوايع ... كل شي عملتو و لتوا لا جات الخمسة باش تمشي ... مالفرحة منجمتش ترقد .... عينيها محلولين ليلة كاملة ... توا الاربعة و نص ... حطت الحوايج الدخالة متاعها ... مشطت شعرها و لمتو كعكة... شعرها طويل و ارطب برشا ميستحقش يتجبد ... سرقت لامها الروج عملت شوية بينلها شفايفها ... مشات جبدت ورقة و ستيلو كتبت جواب لامها و بوها ...

حطتو على الطاولة .... شافت التليفون تلقاها الخمسة ... كلمت سندس توشوش ....

-وي وينك ...

-أيا اهبط هاني لوطة نستنى فيك ....

-اوكي هاني هابطة .... 

هزت الصاك متاعها ... نحات سباطها شدتو في يدها .... حلت الباب بالشوية و خرجت على أطراف صوابعها ....

تمشي كيف السارق و قلبها يدق بالقوي باش ياقف مالخوف .... مع كل خطوة تزيدها تحس اللي هي كانت في النار و خارجة منها ... ماشية للجنة ... وصلت للباب دخلت في كرسي .. مالفرحة معادش مركزة ... جات باش تعيط مالوجيعة اللي في ساقها ... حطت يدها على فمها و زرقت عينيها و قعدت تتوحوح بالسرقة ....

حلت الباب بالشوية و خرجت و سكرتو بالشوية ... 

تنفست بالقوي و عطات على ساقيها هابطة مالcaterieme تجري و مش مصدقة اللي هي عملتها .... 

وصلت لباب البالاص ... جات خارجة تشوف في عم السنوسي خارج للجامع .... تفجعت و تحس في الدم جمد في عروقها .... 

كيفاش نساتو جملا .... ضاهر فيها مكتوب عليها الهم و مهيش باش تتفرهد حياتها كاملة ....

تشوف فيه كان جايها ... يتحرك بالسيف .... راجل قريب يغلق الثمانين ....

وصل قدامها ... قلبها وقف ... باش تبكي ....

-عيش ولدي قداه الوقت توا ....

ههه ولدي .... حتى السنوسي يشوف فيها ذكر ... برا مش مشكل ذكر ذكر المهم تفصع ....

بدلت صوتها و خشنتو ....

-الخمسة ....

-عيش وليدي ربي يسترك ....

هو مشى و هي عطات على ساقيها ... تلقى سندس واقفة البرا ...

حلتلها الباب و طلعت....

-امشي فيسع فيسع اجري ....

طارت سندس بالكرهبة .... تكات على الكرسي و تنفست بالقوي ....

-و أخيرا ... تحررت ....

ولات تعيط بالفرحة...

-هههههه ملا لفعة ...ظ و الله لا مزمرة ... قديت روحك ....

انا قلت توحل ...

-هههه يا بنتي منعت في آخر لحظة .... شافني عم السنوسي ...

-يا فضيحتك .... آش عملت ....

-هههه يا بنتي تقطع عليا النفس قلت سي بون معاش نعملها العملة هاذي .... و هو ماشي و يقربلي ....معاش نعملها العملة هاذي .... و هو ماشي و يقربلي ....

-يا هشومك شافك؟

-هههههه اي 

-شو كيف تضحك .....

-ها بنتي قلي عيش ولدي قداه الوقت في بالو ذكر ....

-ههههت يهلكك يا عفراء تيحطلي قلبي حرام عليك ... 

-هههههه و الله باش نموت بالضحك ....

-ههههههه حتى انت يا عفراءدببشك تقول ذكر 

.... اسمعني متقليش ماشية هكا للرحلة....

-اي علاه ....

-ههه لا شي باش كيف تدخل للشمبر يقولو راجل و تعملنا فضيحة .... 

-شنية الحل ... 

-الحل تبدل دبشك ....

-وين باش نبدل معاش بكري الكار متاع الرحلة قريب تخرج ....

-هههه هذا اللي بيك ... بدل في

💗الحلقة الرابعة💗 عفراء عشقي انا 🔞

هبطت مالكرهبة و هزت الفاليز معاها و سندس هزت الفاليز متاعها ....

قعدت تخزر للجماعة اللي ماشين معاهم متعرف فيهم حد .... الاولاد يفتقو بالزين و البنات لبستهم و مكياجهم يطيرو العقل ....

-ايا نمشيو هاوكا بلال ... 

مشات سندس تجري عنقت بلال و عفراء وراها تكركر في الفاليز و تهز في اللينات ....

-بلال هاذي عفراء اللي حكيتلك عليها ....

مدلها يدو و تبسملها ...

-اهلا بيك .... سندس ديما تحكي عليك ... انا بلال خطيبها ... 

مدتلو يدها و تبسمتلو ...

-اهلا بيك بلال ... نتشرفو و ربي يفضلكم لبعضكم ...

-وينو كريم ياخي ....

-هههه هاوينو يركح في طفلة كيما العادة ...

تلفتت تلقاه معنق طفلة و يتضيحك معاها ...

زفرلو بلال و عيطلو بيديه ... 

جى كريم يجري ....

عنق سندس و سلم عليها ... وشوشلها في وذنها...

-هي هي و جبتها هااللكزة ...

-يزي بلا بلادة اش تفاهمنا ...

خزر لعفراء بتقزز ...

-السلام ...

مدتلو يدها باش تسلم عليه ...

خزر ليدها و تبسم ببلادة ...

-سامحني مزلت كيف غسلت يدي... منسلمش ....

عفراء حست بالدنيا باش تاقف بيها ... راسها دار ... معناها هي مسخة و هو مينجمش يسلم عليها ... عينيها زغللت اما منجمتش تجاوبو .... وجها حمار و تغسرت ... تشد في دمعتها بالسيف ... 

سندس ضربتو على كتفو و قهرتلو ....

-اش يهمك فيه عفراء راهو يتبولد ....

عفراء هزت روحها و مشات ... 

-تي شنية توا كريم من توا بديناها ...

-يا بنتي منهضمهاش قلها تبعدني و متحكيش معايا ....

-توا هيا كلمتك ولا دارت بيك؟

خلاتو و مشات خلطت على عفراء ...

-كريم يزي بلا بلادة الطفلة ضاهرة عاقلة و حدها حد روحها متبداش تتبولد عليها .... اخطاها بربي ....

-باهي باهي بركة معاش نحكي معاه كلمة و الله ...

طلعت للكار تلقاها قاعدة في الكرسي بحذا الشباك و سارحة ...

-بربي لا تتغشش منو يا عفراء ... هو راهو ديما يتبولد ... اما و الله ماهوش خايب و نعرفو ما يقصدش ....

تنهدت و قعدت تحكي معاها مغير متخزرلها ...

-عادي يا بنتي .... ستانست بيهم الفازات هاذم .... موش اول واحد و موش اول واحد يعملي اكاكا ...

هو مايعنيلي شي ... قلو تهنى راني منيش مسخة باش نمسخلك يدك .... و قلو اللي انا ما ننساش اللي يجرحني ....

حملتها سندس و كبست عليها ....

ولات تبكي ...-أمان عفراء أنا نحبك برشا و منحبش نراك هكا و الله .... ماني اختك .... بربي انساها الحكاية ....

-تعرف و الله ندمت كيف جيت ....

بعدتها شوية و شدتها من كتافها ....

-لا عفراء متندمش .... انت خرجت باش تثبت للروحك اللي انت تنجم تعيش كيما العباد الكل ... متخلي شي ياقف في طريقك .... 

قالتلها باهي براسها ... 

هوما أكاكا و طلع كريم و بلال ... 

كريم مخزرلهاش جملا ... مشى قعد لتالي مع البنات و بلال قعد مع سندس و عفراء ... 

-سامحنا عفراء عيش اختي راهو ديما اكاكا ...

-عادي بلال .... ربي يهديه و اكهو ...

دورت وجها تلقاه يبوس في طفلة قحرتلو و دترت كملت حديثها مع سندس و بلال ...-مسكينة ... ريت كريم اش يعمل الزح ... 

-و الله مبلدو ... مش عارف شنية مشكلتو معاها ...

خذات نغس و بدات تغني ...

"right from the start you are fitht you stol my hart ... and i was a vecteam .... " 

العباد الكل قعدو مبهمين فيها .... صوتها طيارة ... فيه بحة ... برشا هدوء .... برشا رومنسية ....

كريم حس روحو تسلطن ... سيب يد الطفلة و قعد يسمع فيها .... عينيها مغمضين ... تغني بكل احساس ... بكات برشا عباد ... الغنايا تعشق و صوتها زاد حلاها ....

بلال يسمع في الغنايا ... و يخزر لسندس ... منجمش يشد روحو ... طبس عليها باسها ... و ذابو في بوسة كلها حب ... و صوت عفراء زاد دوخهم ....

كملت الغنايا ... حلت عينيها ... تلقاهم الكل مدمعين من قوة احساسها و يخزرولها ....

اما معملو حتى ردت فعل ... تقول مخدرين ....

تسمع في تصفيق و تزفير ... تلفتت تلقاه كريم واقف و يصفقلها ..

العباد الكل تصفق ... جات راجعة ...

مخلاوهاش ... قعدت تغني طريق كامل ... و هوما في عالم اخر ...

💗الحلقة الخامسة 💗

الليل طاح و الدنيا ضلامت ... عفراء بيلت و قصت الغنا و مشات قعدت في بلاصتها ... 

تكات راسها على الشباك تخمم في ردت فعل امها و بوها لين هزها النوم ....

سندس راقدة في حضن بلال .... كانت خرجة كلها كوبلوات .... و اللي يحب و يتحب و يكون في حضن اللي يحبو ... ميحسش بالبرد ....

ميحسش بضلام الليل و برد الليل ....

عفراء تكمشت على روحها و رقدة رغم انها كانت وحدها الا انها كانت فرحانة انها نجمت تعمل خطوة في حياتها .... الدنيا بردت برشا ... جمدت بالبرد ... 

كريم قاعد مقابلها .... متكية عليه صاحبتو تعرف عليها معندوش ساعة .... معنقتو باش تخنقو ...

مللي سمع صوتها و هو حاير في امرها ....

الاحساس اللي حسو في صوتها كان قوي برشا....

مهوش ضاهر عليها جملة ... اللي يراها يقول الطفلة هاذي قعرة .... متفهم شي ... متحس شي ...

قعد يخزرلها كيفاه قاعدة كان هي وحدها ... ترعش مالبرد لامة ساقيها لصدرها ... شادتهم بيدها و متكية على الشباك ....

حاول يتجاهلها ... دور وجهو للشيرة الاخرى .... 

منجمش ... تنهد ... قام نحى الفاست متاعو و مشى حطها على صدرها و لفها بيها ...

رجع لبلاصتو ... تكى على الكرسي و رقد ....

قامو الصباح ... قيمهم المشرف على الرحلة ....

-ايا يا جماعة ... وصلنا ... ايا فيقو ....

قامو الكل فرحنين و عاملين جو ......

مشاو جبدو لي فاليز متاعهم ... 

قعدو يمشيو شوية لين وصلو لبلاصة تفتق .... كلها خضار و بجنبها نهر ... جبال مغطية القمم متاعها بالثلج ... رغم انو الدنيا موش باردة برشا ...

وقفو الكلهم باهتين في المنضر اللي يراو فيه ...

جمال الطبيعة سحرتهم ... 

-ايا يا جماعة باش نخيمو هوني ... ريقلو الخيم متاعكم و حضرو رواحكم بعد نص ساعة تلمو الكل فما برشا مفاجآت ...

-هيا عفراء نمشيو نعملو الخيمة متاعنا ....

-بلال وين باش يحط خيمتو ....

-بجنبنا هو و كريم ...

-ايا باهي ... 

مشاو ريغلو الخيمة و فرشوها ...

دخلت سندس بدلت دبشها و عفراء قدام الخيمة تستنى فيها ...

خرجت سندس و دخلت عفراء لبست سروال دجين و مريول يديه طوال و بومبارس روز ... عملت بوني بلون ... عملت شعرها كيما العادة و خرجت ...

تلقى سندس و بلال و كريم يستناو فيها ...مشاو الكل تلمو في البلاصة اللي قلهم عليها المشرف ... 

-ايا يا جماعة ... توا باش نعملو دورة في الجبل ... باش نخليكم على راحتكم .... أما منحبش المشاكل ... ....

سايسو رواحكم و اعملو جو ... متبطاوش .... ترجعو قبل الضلام ....

-باهي ...

قالولو الكل مع بعضهم ....

قسمو رواحهم غروبات ... فما les couples 

و فما الاصحاب ...

سندس و بلال و كريم و شيماء صاحبتو و عفراء ... باش يطلعو مع بعضم ....

-عفراء عيش اختي نسيت الساك الداخل تجيبها ...

-باهي اوكي ...

مشات تجري ... جابت الساك ... لبستها على كتافها و خرجتلهم ...

تلقاهم يستناو فيها ...

-هيا نطلعو ...

سندس و بلال شادين يدين بعضهم و يمشيو ...

و كريم شاد يدين شيماء و يتمعشق معاها ... و هي تمشي وراهم ...

آخر حاجة تخمم فيها انها تحب و تتحب ....

كل همها انها تعيش ... تتفرهد .... 

عينيها تلمع بالفرحة .... تخزر للجبل و فرحانة ... كل خطوة تزيدها ... تفرح تقول ماشية للجنة ...

كريم يخزرلها باهت فيها ... يحب يعرف شنية السر ورا تبسيمتها اللي متتنحاش من فمها ...

-عفراء تكلم شبيك ساكتة....

-شي بلال ... معندي ما نحكي ...

-هههه ادخل في الجو يا بنتي شبيك كان الكبي ....

سندس كحرتلو ....

-خليه سندس ... 

تلفتتلو ... هزتو و حطتو ....

-جوي و جوك موش كيف كيف سي كريم ... انا جوي يطير بجوك...

خزرت لشيماء و ضحكت ..

-هههه و يوزع ... ههه معلمة عفراء ..... ههه و انت كريم تستاهل باش تعتقها ...

كريم قعد يخزرلها ... مكانش متوقع انو تجاوبو ...

-عفراء غنيلنا شوية ...

-حااااضر ...

بدات تغنيلهم ... لين وصلو لاعلى الجبل .....

وقفت على الحافة و تخزر للدنيا من فوق ....

حست روحها ملكت الدنيا ....

حلت يداها الزوز ... هزت راسها الفوق ... تنفست بالقوي ... عبات صدرها بالهوا النضيف ... 

اول مرة تحس بالحرية هاذي ... تحس في روحها خفيفة .... فرحانة .... مالكة الدنيا بين يديها ...

تسمع في عياط وراها ...

مشات تجري ....

تلقى سندس و شيما يعيطو و بلال يجري ....

مشات تجري ...

-شفما شصار ....

-كككريم ... طاح ... زلقت ساقو ... 

هبطت تجري ورا بلال ... و سندس تعيطلها باش ترجع و شي ...

مشات تجري تلقاه طايح و ساقيه الكلها دم ....

-كريم يا خويا ...لباس؟

-لباس بلال لباس جرح صغير ....

خلطت شيما و سندس يجريو ...

-اخيييت دم ... اوه منحملش ... 

-بربي موش وقت تزعبينك شيماء ..ﺑﺮﺑﻲ ﻣﻮﺵ ﻭﻗﺖ ﺗﺰﻋﺒﻴﻨﻚ ﺷﻴﻤﺎء ...

-ﻛﺮﻳﻢ ﻭﺭﻳﻨﻲ ﺍﻟﺠﺮﺡ ...

ﻫﺰﺕ ﺍﻟﺴﺮﻭﺍﻝ ﺷﺎﻓﺖ ﺳﺎﻗﻴﻪ ... 

-ﺟﺮﺡ ﺑﺴﻴﻂ ﻟﺒﺎﺱ ... ﺳﻨﺪﺱ ﺟﻴﺒﻠﻲ ﺍﻟﺴﺎﻙ ﺍﻣﺎﻥ...

-ﻳﺎﺧﻲ ﺍﻧﺖ ﺗﻔﻬﻢ ﻓﻲ ﺍﻟﺤﻜﺎﻳﺎﺕ ﻫﺎﺫﻡ ...

-ﻳﺎ ﻛﺮﻳﻢ ﺭﺍﻫﻮ ﺑﻮﻫﺎ ﻃﺒﻴﺐ ... ﻧﺴﻴﺖ ﻳﺎﺧﻲ ...

ﺑﻌﺪﺗﻞ ﺍﻟﺴﺮﻭﺍﻝ ... ﻧﻀﻔﺘﻠﺔ ﺍﻟﺠﺮﺡ ... ﺍﻣﺎ ﺍﻟﺪﻡ ﺑﺎﻗﻲ ﻳﺠﺒﺪ ..

ﺟﺒﺪﺕ ﺍﺑﺮﺓ ﻭ ﺧﻴﻂ ...

-ﻛﺮﻳﻢ ... ﺗﺤﻤﻞ ﺷﻮﻳﺔ ...

ﺷﺒﻴﻤﺎ ﻛﻲ ﺭﺍﺕ ﺍﻛﺎﻛﺎ ﻣﺸﺎﺕ ﻭ ﺧﻼﺗﻬﻢ ...

ﻛﺮﻳﻢ ﻗﻌﺪ ﺑﺎﻫﺖ ﻓﻲ ﻗﻮﺗﻬﺎ ... ﺗﺨﻴﻄﻠﻮ ﻓﺐ ﺍﻟﺠﺮﺡ ﺗﻘﻮﻝ ﺗﻄﺮﺯ ﻋﻠﻰ ﺍﻟﻘﻤﺎﺵ ...

ﻛﻤﻠﺘﻠﻮ ... ﻗﺼﺖ ﻣﻦ ﻣﺮﻳﻮﻟﻬﺎ ﺷﻮﻳﺔ ﻭ ﻟﻔﺘﻠﻮ ﺍﻟﺠﺮﺡ ... 


💗الحلقة السادسة💗

مدتلو يدها باش تقيمو ... 

-متخافش مهيش مسخة ...

بلال و سندس قعدو يخزرو لبعضهم حسوها مزالت غايضتها ... كريم حس روحو ضلمها ... و حس بالذنب ...

-سامحني ... مقصتش...

-عادي...

غمزتو و مدتلو يدهت ....

مدلها يدو ...

قيمتو ... حط يدو على كتاف بلال و اليد اللخرى على كتف عفراء و سندس وراهم هازة الساك ...

-متعفسش عليها رد بالك ...

-توجع فيك كريم ...

-اي شوية ... ملا زهر ... باش نعديها رحلة كاملة هكا انا ...

-متخافش بقدرت ربي غدوة تصبح لاباس ...

-كيفاه عفراء باش يصبح لاباس و الطفل مغرز 8 غرز ...

-بلال شفتو الشلال هذاكا ..

-اي ...

-باهي هيا نهزوه غادي ...

-لا عفراء منجمش نتحرك و الله ...

-تحمل شوية مهوش بعيد ... لازمك ترتاح و دواك غادي ...

-مفهمتش ...

-امشي توا تعرف ...

قعدو يخزرو لبعضهم ماهم فاهمين شي .... سندس تتبسم ... هي أكثر وحدة تعرف عفراء ...

بلال و خاصة كريم كل مرة يتفاجئ و يكتشفو فيها حاجة جديدة ... 

كريم لوج بعينيه على شيماء ملقاهاش ...

-ياخي ويني شيماء ...

-قتلك تعيف الدم متحملش ... 

عفراء شادة الضحك بالسيف و بلال يتمنيك عليه و سندس كيف كيف ...

-سي بون حطو هوني ...

قعدو بلال في الضل ...

-شنية باش تعمل توا ...

هاني باش نجي لحظة ...

قعدو يخزرولها الكلهم ....

مشات قدمت للما ... على الحافة متاعو فما حشيش ... قعدت تلوج بعينيها ... شافت الحشيشة اللي حاشتها بيها ...

هبطت باش تنحاها منجمتش ... تتزلبت ...

شنية الحل توا ... 

تفكرت اللي هي شادة شعرها بعود ... و على الحافة متاعو ماضيي شوية ...

نحات البوني ... طاحتلها في الماء ... هزها الماء و قعدت أكاكا ....

قاعدين يستناو فيها شنية باش تعمل ...

في بالها باش تنحي العود و ترجع تغطي شعرها ......

اما توا البوني مشات ...

نحات العود .... هبط شعرها حرير ... يلمع من بعيد لين وصل لفخاضها ... 

كريم حل فمو هو و بلال ... سندس تضحك و تخزرلهم .... 

كريم اخر حاجة كان يتوقعها ... يكون شعرها بالزين هذاكا ....

قصت الحشيشة و رجعتلهم ... شعرها ماللوطة مبلول ... يقطر ... ملقاتش باش تشدو ... العود تكسر ...

وصلتلهم ... كريم مزال باهت ... يحك في عينيه ... يغمض فيهم و يحل ... 

-شنية هاذي عفراء ...

-هاذي نبتة تطلع كان بجنب الماء و البلايص الرطبة ... تلحم الجرح في 12 ساعة ... اما تحرق شوية ...هبطت سندس و بلال يعومو ....

سندس نحات دبشها و قعدت بمايو و بلال بشورت ... 

-احححح الماء بارد ...

-ههه سملة على حبي تحبش نسخنو على خاطرك ... 

-هههه يا بليد .... 

-أنا بليد .. باهي ايجا خليني نوريك البليد شنية يعمل ...

حملها و رماها في الماء ... و هي تعيط و تضرب فيه ...

طلعها و شدها من حزاها و جبدها ليه عاللخر ....

عنقها و حط شفايفو على شفايفها و قعد يبوس فيها بقوة .... يعضلها في شفايفها و ذاب فيهم ...

بعد شوية و حط راسو على راسها و يديه ورا رقبتها .. 

-نحبك ... وقتاه تولي حلالي و نجيب منك صغاري ..... 

-انا زادة نحبك ... اش قعد ... شهرين و نعرسو ...

حملها و عاود باسها ...

عفراء تخزرلهم و عينيها يضحكو ...

-محلاهم ...

-ههه تحب تولي كيفهم ...

تربثت و هبطت راسها ....

-لا لا ... منحبش...

-ههه شبيك تربثت ... تعرف كان جات ساقي لباس راني نحيتلك شهوتك و عمتلك كيفهم ...

-هوما يحبو بعضهم ... 

مخلهاش تكمل و قربلها ....

-معناها تحبني نحبك؟...

-لا .... مقصتش ... اما ... 

-ههه نفدلك يا بنتي شبي وجهك حمار تهنى ... انا منحبش ...

-و انا ما قتلكش حبني .... و اللي باش يحبني نحبو يكون ليا وحدي و يحبني انا كيما انا مش من طفلة لطفلة ...

-هههه انا هكاكا نعيش .... من وحدة لوحدة ... و كيما يقولو فيها ....

تبديل السروج فيه راحة ....

-هاكي حياتك و انا مسألتكش ...

-هههه ملا لفعة تي البارح متنجمش تجاوب توا لسانك طوال ...

هبطت راسها و قعدت تبربش في الرمل ....

قعد يخزر لوجها اللي كلو براءة .... و شعرها اللي هابط على وجها يلمع ....

-حبيت قبل عفراء ....

-هههه اي ... اما انا منحسبوش حب ...

-كيفاه ...

-كنت نحب ولد كلاسي في الباك ...

-ياخي...

-طلع مهوش حب ....

-كيفاش عرفت اللي هو ماهوش حب ...

تنهدت و حطت يدها الزوز وراها و رجعت راسها لتالي .... رجعت شعرها قدامها باش ميمسش في التراب ...

و كريم مركز مع كل حركة تعملها ...

-عامتها انا اول عام في الليسي هذاكا ...

منعرف حد ظ كمندور بحد ... ديما نقرى و نروح للدار تول ... لا نخرج مع عباد و لا نعرف عباد ... نروح نشد الكتب و الانترنات ... نعمل دي روشارش... نقرى ... نكتب .... اما عمري لا خممت لا في تصوحيب لا اصحاب ...

التريماستر اللولة ميدور بيا حد ... و الكلهم يتبولدو عليا .... حتى في الطاولة نقعد وحدي ... صحيح حسيت برشا مرات اما بعد وليت ماعلاباليشصحيح حسيت برشا مرات اما بعد وليت ماعلاباليش بيهم ....

بعد مطلعت النتيجة و جيت لولة في الليسي و جايبة 18 الكلها ولات تحبني و هكا هكا بيا ... و منهم أيمن ....

-شكون أيمن ....

-أيمن الطفل البوقوس اللي البنات عليه بالصف و هو من وحدة لوحدة ... اللي ضاربو في روحو .... وقتها عامو الثالث في الباك ... بوه لباس عليه اما ولا صعيب معاه كيف همل قرايتو ....

ولا ديما لاهي بيا و ميخلينيش وحدي جملة ... ديما نحكيلو اللي انا العباد الكل حاقرتني خاطر منعرفش نلبس و منقدش شعري بالقدا ... و منخرجش ....

ديما يواسيني و يقلي اللي انا خير منهم و هوما يغيرو مني ... و انا صدقتو كيما البهلولة ....

حبيتو ... ولا مشى في بالي اللي انا نحبو ...

ولا كيف ضلي و العباد الكل لاحضوها ... اصحابو لولاد كيف كيف ... معادش يهنتلوني و يحطولي الشكلي في شعري .... معاش يدزوني في الما متاع المطر ..... معاش يضربوني بالطباشير ...

صدقتو و حبيتو ... حكالي اللي بوه مريض و كان مينجحش ممكن يمشي فيها ....

هملت قرايتي و قعدت لاهيتلو بقرايتو ... نريفزلو و نفهمو و نخدملو اي حاجة يعطيوهالنا ... 

في الدفوارات يقعد قدامي و انا نكتب في ورقتو قبل ورقتي ... سعات يفوتني الوقت ... منكملش ... 

المهم عدينا الباك الكبيرة و نجح أيمن و أنا مواياني طاح ... 

بعدها معاش لاهي بيا .. نكلمو ميهزش ... و معاش نراه ...

تنهدت ... و كملت ...

-كلمني نهار قلي سامحني حبي راني تلهيت حضر روحك باش تجي للسهرية متاع الباك ...

غرحت كيف كلمني ... بعد ما حولت مع امي باش تخليني نمشي ...

بعذلي وحدة إسمها أريج ... قرات معانا ... قتلي اللي هي جايتلي روب باش نلبسها ...

ايمن يحبني نلبسها و باش تعملي هي المكياج ...

انا مالفرحة قلت اي ... لبست الروب ... روب حمرة و طويلة و فيها ورد اكحل كبير و فيها الاصفر و الازرق ...

انا منفهمش في اللبسة ... لبستها و سكت ....

عملتلي مكياج و قتلي متخزرج للمرايا باش مناخوش روحي بالعين ...

شعري مخليتهاش تمسو ...

سبقتي للحفلة و انا خلط عليها ... اللي يراني في الطريق يحل فيا فمو ... و انا في بالي هلى خاطر محلاني ... 

وصلت غادي انا دخلت ... و العباد الكل ترشقو عليا بالضحك ... و ايمن و اريج محملين بعضهم قدامي و شايخين بالضحك ...

قتلهم شبيكم تضحكو عطاوني المرايا شفت روحي ... وجهي تقول قوس قزح و فمي مجلوط و خدودي تقول زهرة الامبوبة ...

💗الحلقة السابعة 💗

وليت نبكي و قتلو علاه تعمل هكا موش قتلي نحبك ... قلي اللي كيفك ميتحبوش ... اللي كيفك للاستغلال ... وحدة عفشة كيفك ... قعرة ... متتحبش ... 


مسحت دمعتها ... كريم سخفتو ... هو ميختلفش على ايمن ... الكلهم نفس التفكير ... اما كيف سمع اكاكا قرر معادش يقلقها ... شنية ذنبها هي تكون لعبة فسدي يدين عباد فاضية شغل ... مسكينة الطفلة عاقلة ... و حساسة برشا ...


-علاش تبكي انت توا ... الله لا تردو ...

-منيش نبكي عليه ... نبكي على روحي خاطر عطيت الفرصة لواحد كيفو ... يستغلني و يضحك عليا ...

يخزرلها و يشوف فيها و في عينيها اللي بالدموع اللي متخبيا ورا مراياتها .... جمال عمرو ما راه غي البنات اللي حاطين كيلو بوماد على وجوهم ... كان يرا في سترتها زين و اغراء اكثر مالبنات اللي المعري فيهم اكثر مالمغطي ...

جبد الكاميرا و حضرها و ندالها .....

-عفراء ...

قتلو نعم و دارتلو و شعرها تحرك معاها ... خطفلها تصويرة ...

-نحب نخلاها سوفونير ... ميسالش ...

قتلو اي براسها و تبسمت ...

-تعرف حاجة انا زادة منيش خير منو ايمن ... انا زادة تعبت برشا بنات معايا و عذبتهم ...

-ممكن ... اما انا منجمش نحكم عليك و انت مضريتنيش ... ممكن تكون ضريت بنات كيما ممكن تكون عاونتهم ...

-كيفاه عاونتهم و انا بكيتهم ...

خزرتلو بكل ثيقة في النفس ...

-خاتر الضربة اللي متقتلكش ... تقويك ... تنجم تبكي ... اما في نفس الوقت تتعلم معاش تبكي على نفس الحاجة ....

كل كلمة قالتها ... كانت ترن في وذنو كيما الغناية ... كل كلمة عندها فيها الحق .. 

-شبيك مسألتنيش حبيت ولا لا ....

-خاطرك محبيتش ...

-ههه و كيفاه عرفت ...

-خاطرك كان حبيت ... راك مكش من وحدة لوحدة ... راك مريقل ... و راك مع اللي تحبها توا كيما بلال و سندس ... موش معايا انا ... و انت متحملنيش ... 

تبسمتلو و قامت ... وقفت على حافت الما ... تلعب بساقيها ....

و هو يخزرلها باهت في امرها ....

زعما شنية مازلت مخبية يا عفراء...

حس حاجة فيها تجبد اي واحد يحكي معاها ... شعرها طاير و هي مهبطة راسها تلعب بساقيها على الما ... رقبتها عريانة .... بيضة و فيها بوسة خال ...

منجمش يشد روحو ... جبد الكاميرا و قعد يصور فيها بالسرقة ....

-اي ساقي ...

مشاتلو تجري ...

-شبيك لباس ... فاش تحس ...

-ساقي ساقي في حالة ....

-اللطف عليك ... توجع برشا .

-اي ... معاش تبعد امان ... انت تبعد و انا نتوجع اكثر ... 

-اففف مبلدك الزح ... والله تفجعت ...

-ههه تي شبيك قلبك على اليمين ياخي؟؟ 

قعدت باهتة فيه ...

-كيفاه عرفت ...

-هههه تعلمت البلادة زادة ...

-لا و الله بالرسمي كيفاه عرفت ...

-شنية عرفت ...

-اللي قلبي على اليمين ...

-باارسمي تحكي ...

-وي والله و هاذي الحاجة اللي خلات ماما تسكر عليا و تخاف عليا ... الحاجة اللي مررتلي حياتي ... انا الحالة الثالثة في العالم اللي قلوبهم على اليمين ...

-لا عادة هاذي قالتلهم اسكتو ... اخر حاجة نتوقعها ...

-بربي لا تقولها لحد ... منحبش نحس اللي العباد ساخفة عليا ...

-يا عفراء يزي بلا بلادة امان ...

-والله كيما نحكيلك ... امان اوعدني ...

قعد باهت فيها ... منجم يعمل حتى رياكسيون ... كان انو يقلها باهي براسو ...مدلها يديه و عينيه باقين عليها ...

-نجمو نوليو أصحاب ... و تسامحني ....

مدتلو يدها ...

-اكيد ... نسامحك و نوليو صحاب ...

خرجت سندس و بلال محملين بعضهم و يضحكو ...

لبسو دبشهم و مشاو لعفراء و كريم ...

-شنية سي بلال ... معاش نحشمو ... عيني عينك ...

-هههه يعجبكش ... مرتي راهي ... خير منك انت من وحدة لوحدة تقول فيلم بورنو حالو 

-ههه يشيح ريقكم الطفلة متعرفش بلادتكم ...

عفراء قيمت كريم ... عاونتو باش يتركز عليها ...

قربتلو ... و وشوشت ...

-شمعناها.. فيلم بورنو ...

-ههه معناها الحاجات اللي يعملوهم زوز معرسين ...

وجها حمار و هبطت راسها ...ملا حشمة ...

-تحب نوريك كيفاه ...

ضربتو على كتفو ...

-يزي كريم ...

-ههه نفدلك نفدلك ...

سندس محملها بلال و يمشيو و كريم متركز على عفراء و يمشيو بالشوي ...

-عفراء ... محلاه اسمك ... شكون سماك ...

-بابا ... قلي انت مختلفة ... و اسمك لازمو يكون مختلف ...

-ربي يفضلهولك ..

-عيشك بلال ...

قعدو يتمشاو لين وصلو للمخيم ... الدنيا بدات تضلام ... مشى كريم و بلال دخلو للخيمة ... عاونو باش بدلو دبشو ...

عفراء و سندس دخلو للخيمة ...

سندس عينيها قلوب ... تلمع مالحب ...تكات على ضهرها ... و تبسمت ...

جات عفراء مقابلتها و تربعت ...

حطت يدها على وجها ...

-توا الحب باهي ...

-اااه يا عفراء ... موش باهي بركة يهبل ...

-علاش تحب بلال ...

-كل شي فيه باهي ... و يحبني برشا ...

-ربي يخليكم لبعضكم ...

-عيشك ...

-شنية باش تعمل مبعد منروحو ... تكات بجنبهاا ...

-باش نبدل حياتي ... 

-كيفاه ...

تلفتتلها ...

-توا تكتشف ...

-ايا تكى شوية باش مبعد نسهرو ... فما حفلة ...

نحبك تتفرهد ... راهي فرصة معاش تتعاود ...

-ههه مغير متوصي ... تي نستنى بالدقيقة و الدرج ...

-زعما بوك و امك شعاملين توا ...

-ربي يهديك سندس علاش تفكر فيا ...

-هههه سامحني ... 

-هههه السماح ... ارقد خليني نرتاح شوية ...


توا الحداش ... توا باش تبدى السهرية ... البلاصة حضرت و العباد الكل لابسة و محضرة روحها ... 

-لا سندس منلبسش هكا ... تي شوف كيفاه قصيرة ...

-يا بنتي اسكت مكثر حسك ... تي راهي كالا و شطيح و رديح ... باش تمشي كيما العزايز ...

-ربي يهديك و الله ...

-و الله محلاك ... تي انا جايبتهالك بالذمة ...

-معناها انت حصلتني ...

-ههه اي ...

-باهي منيش ماشية اياه ...

-والله باش نضرب جد والديك ببونية نزرقلك عينيك ... و نحي عليا هاللينات كيما قاع الدبوزة ... تقول ساحرة شريرة..

-تي منجمش نشوف بلا بيها.. نولي ندعمش ... 

-ههه تهنى قريتلك حسابك في لونتي ترونسبارونت ...

نحاتلها اللينات و لبستها اللينات ... حملتلها كريون و مسكارا طوللها رموشها ... شوية بريون ... لبست سندال مضخم ... منجمتش تلبس طالون خاطرها طويلة ... الروب اللي لبستها بينتلها بدنها ... لي الاكسسوار زادو زينوها ... شعرها سيبتو ... قريب يوصل للروبة ... 

لمتهولها من قدام بومبي و عملتلها شوية بارفان ...

-مصلي عنيبي على حبي ...

-عيشك عزيزتي ... اما والله حاشمة ...

-يا بنتي و الله حد ماهو لاهي بحد ... بربي يا عفراء ... عيش حتى نهار كيما اندادك ...

تنفست بالقوي و تبسمت ...

-باهي ... مشات معاك ...

-اسمع خليني نخرج قبلك ... لولاد باش يراوك باش يهبلو ... ههههه...

-هههه باهي ...

خرجت سندس ... تلقى بلال و كريم قدام الخيمة ...

باسها بلال ...

-محلاك حبي ... نشا الله كيما نراك في روبت العرس ...

-عيش حبي 

و انت سي كريم لاباس ساقك ...

-اي لاباس ...

-كسبا ما معاك حتى وحدة ههههه...

-تي في السهرية ندبر مزة ...

-ويني عفراء ... معاش بكري ...

-هاي باش تخرج ...

عفراااء ...خرجت مهبطة راسها ... شادة البوشات قدامها ... و تكبس عليه مالحشمة ... 

بلال حل عينيه بهت ... كريم يحك غي عينيه بيديه ... موش مصدق اللي قاعد يرا فيها هي عفراء .. ماشية و تقدم ... و هو باقي باهت فيها ... بدنها يعشق ...

اول مرة يراه .... ولا بالاحرى ... يبان ...

-ها بنتي ويني عفراء .. تتمنيك ..

-ههه تي هاي قدامك ...

قربلها عللخر يثبت فيها ..

-هاذم عينيك .. مثبتة 

قتلو اي براسها و بلال و سندس شايخين عليه بالضحك ..

-واو....

-هههه يا كريم بالاهي خلاها رايضة ها الليلة ...

-باهي ...

مدلها يدو باش تشد فيه و هي مسكينة باش تموت بالحشمة ... هو طريق كامل و هو باهت فيها ...و هي محبتش تهز راسها باش ميحشمهاش ... وصلو للبلاصة ... معبية بالعباد .. غناء و شطيح و عالم اخر اول مرة تراه ...

سندس و بلال مشاو يشطحو ... و كريم مشى يبزنس كيما عاتو ... جبدت روحها على جنب ...

قعدت تتفرج فيهم كيفاه يشتحو و عاملين جو ...و هي مسكينة قاعدة وحدها ... تحس كان في يد جبدتها من تالي ... تلفتت تلقاه كريم ...

-مدوازال ... تنجم تشتح معايا ...

-هههه منعرفش ...

-انا نعلمك ...

شدلها يدها و هزها ...بداو يشتحو و هي تتحرك بالسيف ... متعرف شي ... مرة تضربو في ساقو تعفس عليه و مرة تعثر و هو عامل عليها جو ... هي تشتح و فرحانة و هو يخزرلها ... تقول يشوف في طفلة صغيرة قدامو ... مع كل تنقيزة شعرها يتهز و يطحت ...ضحكتها تقول بنية صغيرة ... فرحانة بلعبة ... قربتلو لوذنيه ...

-شبيك مقعتش مع صاحبتك ...

-معايا احلى وحدة هوني ... مزلت نلوج على البنات انا ...

-هههه ايا باهي مقوى سعدك ...

-اكيد ....

كملو شطحو و ضحكو ... العباد بدات تبيل و شطرهم مروحين ... قعدت سندس و عفراء و بلال و كريم ... 

-شنية رايكم ... نلعبو ..

-ههه اي فكرة و الله .. 

اما شنية ...

-نلعبو اكسيون ... فيريتي ...

-اوك مشاو معاكم 

ايا اعملو دورة ...

عملو دورة و دورو الدبوزة ... جات بين بلال و عفراء

-بلال ... 

-اكسيون ولا فيريتي ...

-ههه فيريتي ...

-عمرك خنت سندس ...

-ههه جملا ... راهي الروح ...

-عيشو صحوبة ... فيدال ...

عاودو دورو ...

المرة هاذي جات بين عفراء و كريم ...

-عفراء ...

-ههه نعم ...

-اكسيون ولا فيريتي 

-اممم اكسيون ...

-هههه جبتها لروحك ....

قوم بوسني ...

-نعممم ... لاااا 

-ههه اومورك ....

-هههه مزمرة عليك يا عفراء ...

-ههه حشامة مسكينة ...

-ولا خايفة متقدش روحك ....

-باهي من خدك ...

-ههه لا يبطى من شفايفي 

-ههههه يا كريم سيبها

-هههه مسكينة هيا متقدش روحها

-يا حشامة ....ولا خاطرك ما تعرفش... 

كلامو ستفزها ....

قربتلو و باستو بالقوي من شفايفو لين قطعت عليه النفس ... صحيح مغير تكنيك ... اما شفايفها الطريين و المليانين قامو بالواجب و سكروه هبلوه ... حس نار شعلت في شفايفو ... عينيه تحلو و قعد باهت فيها ... بعدت عليه ... سندس ولات تزفر...

-و الله ماك مزمر صاحبي 

-ههههه هاي دوختك هي سي كريم ...

عدى صوابعو على شفايفو ... اول مرة يحس هكا

💗الحلقة الثامنة 💗

-كريم فاش سارح ... امشي احكم على الطفلة ...

فاق على روحو اللي هو كان يتخيل فيها تبوس فيه ... على كثر ما ركز مع شفايفها ... معادش معدل ...عدى صوابعو على شعرو و تبسم ...

-غنيلي الغناية اللي غنيتها المرة اللي فاتت ...

-هههه تغنيلك؟ ... ايا باهي انا قلت باش تبلبزها ههه ...

-يزي بلا بلادة بلال ... عفراء توا صاحبتنا ... معاش نتبولد عليها ...

-هههه ربي يهديك ....

-ايا عفراء غني ...

بدات عفراء تغني و هو ضايع في تفاصيل وجها اللي كلو انوثة و كلو براءة ....

قعد باهت كيفاه كانت و كيفاه ولات .... و علاش متقعدش هكا .... علاش تهنتل في روحها .. و تخبي في زينها ... كل شي فيها يسحر .... كل شي فيها متميز ... تقول تخلق كان فيها هي ...

صحيح العالم الكل يحكم بالمضاهر ... اما اللي يقرب من عفراء و يعرفها على حقيقتها ....

يعرف عفراء المزيانة ... الحشامة ... الرجلة ... الذكية ... اللي ما يغلبها شي و عندها الحلول الكل ....

يعرف اللي المضاهر خداعة ... يعرف اللي كيف تحكم على عبد قبل ماتعرفو راك ضلمتو ...

صوتها خذاه لعالم اخر ... صوتها كلو فرحة ... كلو احساس ... احساس قوي نجمت عفراء توصلهولو بصوتها ... اللي منجمت حتى وحدة توصلو ... ماللي عرفهم الكل ... منجمت حتى وحدة توصلو احساس قوي كيما هكا ...

غرق مع عينيها الكبار اللي مشحونين بالفرحة و الحب ... الحاجة اللي خلاتو باهت فيها ... اللي عفراء تفرح كيف تعاون العباد .... اللي حب العباد هو سر لمعة عينيها ...

انسانة عندها كل شي تتمناه اي طفلة .... اما مخبيتو .... كان جى اللي عند عفراء عند وحدة اخرى ... راهي من واحد لواحد ... راهي متكبرة ....

اما هي كان اخر همها .... المضاهر ... المضاهر اللي دخلت الدنيا في حيط ...

واقف على جنب وحدو .... مكتف يدو و يسمع في صوتها اللي خذالو عقلو هو زادة ....

يسمع فيها و يخزرلها ... صحيح اول مرة يراها .... اما حس روحو يعرفها من قبل ... 

محبش يقرب ... قعد يخزرلها من بعيد ... مستمتع باللي يحس فيه ... 

استغرب خاطرو يقري في الفاك و اول مرة يرى الوجه هذا ... اللي خذالو عقلو ... الوجه اللي كلو براءة .... الوجه اللي قليل وين تراه في وقتنا ... الضحكة اللي تحسها مالقلب ...

حب يمشي ... يسلم عليها ... يعرف اسمها ... يتعرف عليها من قريب و يزيد يغرق فيها ...

اما شاف ولد بجنبها ... بنية و ولد اخرين ... 

فهم اللي هوما كوبلوات ... محبش يقلقهم ... اكتفى انو يسمع و يخزر من بعيد ... و يخلاها للصدفة ....

سندس و بلال مشاو يعملو في دورة على الشط ... قعد كريم و عفراء ... قاعدة بجنبو و مخها سارح ... هايمة و تخمم ...

-شبيك عفراء فاش تخمم ....

-شي ... توحشت با ... اول مرة نبعد عليه هكا ...

-هههه عنى نهار بركا هوني راهو ...

-وي نعرف ... اما توحشتو ... زعما اش عامل توا ... شكون اللي يعاون فيه في دوسيات المرضة ...

-انت كنت تعاون فيه؟

-وي ... كيف تكثر عليه الخدمة نعاونو

-يعطيك الصحة ... انا و الله منعرف شنية خدمتو بالضبط ...

-هههه علاش مكش عايش معاهم ...

-نسكنو فرد دار... اما منيش عايش معاهم ...

-كيفاه جات هاذي ...

-اللي نعديه البرة اكثر مللي نعديه في الدار ... هاو يطلب ... مطول عمرو ...

هز روحو و بعد يلوج على الريزو باش يكلم بوه ..

أيهم كيف شافها وحدها قرر يمشيلها و يتعرف عليها ....

-السلام ...

سمعت صوت غريب .. فيه بحة ... تلفتت تلقى واحد طويل ... بدنو مخدوم ... لابس دجين و مريول و شعرو التالي بالجال ... تبسمتلو ... رغم اللي متعرفوش ...

-السلام ...

-انت معانا في الرحلة

-اي

مدلها يدو ...

-انا حمزة ... بروف مات ... في الفاك متاعك ... اما منعرفكش ...

كيف سمعت الاسم تكونسات ... هذا حمزة اللي البنات الكل هابلة عليه؟ ..... تلاثة سنين في الفاك و منجمتش تراه ... اش مجيبو ليها توا زعما ...

مدتلو يدها ...

-عفراء ...

-نتشرفو ... محلاه اسمك

-سمعت صوتك ... خذالي عقلي ... حبيت نشوف شكون صاحبت الصوت الملائكي ...

أول مرة تسمع كلام حلو ... و من شكون.... من أكثر واحد مز في الفاك ... بهمت مسكينة ... ملقات متجاوب ... تبسم ... زاد دوخها .... يح على اكا التبسيمة ... كلها رجولية ...

-عععي..يشك...

قعد بجنبها و خزرلها ...

-شفت واحد معاك... خطيبك ....

قتلو لا براسها ....

-صاحبك ....

-لا....

تنفس بالقوي ...

-ايا باهي رتحتني ....معناها صحابك ...

-اي ... صحابي ...

سكت شوية و قعد يخزرلها .... هي حشمت و هبطت راسها ....

كريم كمل تاليفونو و رجع ... يشوف في واحد قاعد بجنبها ... زرب خطوتو ...

وصل يلقاه بروف المات اللي يفد منو ... واحد في التلاثينات ... ميهضموش بعضهم الزوز ....

-السلام ....

-ههه صار هو انت ... اهلا بكريم ...سافا ...

-الحمد لله ....

قالها بكشة ....

-ايا عفراء ... حاجتي بيك ....

قامت عفراء مشاتلو .... شدها من يدها و كبسلهاقامت عفراء مشاتلو .... شدها من يدها و كبسلها عليها ... حمزة قعد يخزرلو كيفاش عمل و فد عليه ..عفراء باهتة موش فاهمة علاش عمل أكاكا .... و كريم يتبسم .... حس روحو قهرو ....

أما موش عارف علاش عمل اكاكا ... ممكن خاطرو ميهضموش .... شدها من يدها و مشاو ... عفراء تبع فيه ... حبت تزيد تقعد مع حمزة شوية ... اما منجمتش تجبد روحها من كريم 

-ياخي تعرفو قاعدة بجنبو ...

-لا منعرفوش ...هو جى وحدو ... قال اللي هو بروف في فاكنا ...

وقف و نطرلها يدها ....

-اكبر عفراء ... مكش صغيرة راك ... ياخي اللي يجي تحكي معاه ... ناقص كان باش يطمعك بطبلية شكلاطة ....قداكش متخلفة ...قعدت باهتة فيه ...

علاش يحكي معاها اكاكا ... شنية عملت باش يعيط عليها ...

-اش عندي عملت انا ... علاش تعيط عليا ...

-هههه نسيت اللي انت مسكرة و متفهمش .... موش اللي يجي نحكيو معاه .... ولا مصدق لربي عاد انت لقيت شكون عبرك ...

هبطت دمعتها قبل ما تخلط تشدها ...

عينيها الكبار تعباو بالدموع ... و فاضو ....

عضت على شفايفها من كثرة وجيعتها ..... كل واحد تفرغلو قلبها يجرحها ....

كريم حس قلبو وجعو كيف شاف دموعها ....

مشات تجري و خلاتو واقف مهبط راسو و كابس على يدو .... تلفتلها لقاها تجري و تبكي و شعرها طاير وراها ... حس روحو اناني برشا ... هي امنتو على سرها و هو في اقرب فرصة وجعها بيه ....

علاش عمل أكاكا ... و علاش تصرف معاها اكاكا ... ملقى حتى سبب مقنع يخليه يتصرف معاها اكاكا ....

عفراء مسكينة عداتها ليلة كاملة تبكي .... قد ما حولتها سندس باش تحكيلها شي ...

الصباح العباد الكل صبحت راقدة ..

و هي قامت في الفجر .... قبل ما تطلع الشمس ...

لبست بومبارس روز فوق السيرفاتمون لمت شعرها كو دو شوفال و سبادري.... و هزت الساك على كتفها و خرجت ...

قعدت تمشي و موش عارفة وين هازتها ساقيها ... المهم تقعد وحدها و تشوف الشمس كيف تطلع ...طلعت للجبل ... قعدت على الحافة و حطت الساك بجنبها .... جبدت التارموس متاع قهوتها و قعدت تترشف فيها ....تخزر للدنيا من فوق .... حست روحها مالكة الدنيا بين يديها ....نسمت الصباح اللي تعدات على وجها ..... بعثت فيها برشا امل .... برشا قوة .... خذات نفس قوي و قعدت تخزر للسما و الشمس كي بدات تطلع .... لون السما ولا سومون و فيولي مخلط .... يعشق ....

هي هايمة في أحلى منضر ممكن تراه في حياتها ..... حست بيد على كتفها ....

دارت تلقاه كريم واقف وراها .... خزرتلو ملات منو عينيها و تلفتت قدامها محبتش تكلمو...

-سامحني ....

-عادي ... بطبيعتك موش اول مرة توجعني بكلامك .... و بطبيعتك متعنيلي شي باش نتغشش منك .....

تبسم و قعد بجنبها ....

-باهي كي انا منعنيلك شي علاش بكيت ...

-خاطر منحبش الكلام الماسط ...


هبطو مالجبل ... عملو دورة ... قعد يحكيلها على امو و بوه وهي كيف كيف ...

هوما يتمشاو و يضحكو و تاليفونو صونا ...

يلقاه بلال يطلب فيه ...

-وي بلبل ...

-اجريلي يا كريم ...

-شفما شبيك ... لباس ...

عفراء تفجعت ...

-سندس ... سندس شافتني في ...

-شافتك شنية ...

-شافتني انا و مرام...

في بالي راقدة ... مهيش باش تقوم بكري ...

-ويني هي توا ...

-منعرش راتني و مشات تجري ... من بكري و انا نلوج عليها ...

-الله يهديك يا بلال هاذي عملة تعملها ...

-امان ... بربي رجعلي سندس ... راني نموت كان تصيرلها حاجة ...

-باهي باهي هاني جاي و متقول لحد ... توا نتصرف ...

علق التاليفون و شد عفراء من يدها ...

-شفما ... شبيها سندس ...

-موش وقتو عفراء ... لازمنى توا نلقاوها ...

مشى يجري و يكركر فيها وراه ... جرات برشا لين تقطع عليها النفس ... جبدت يدها و وقفت ترتاح ...تلحث و تحكي ...

-معادش ... نجم ... قلبي ...

-بربي سامحني و الله نسيت ...

رجعلها يجري و هي تاخو في النفس بالسيف ...

-عفراء لباس ...

-لباس كريم ... برى لسندس ... انا توا نخلت عليك ...

-لا ... مستحيل نخليك .....

-برا امان و الله باش نعطلك ...

قربلها اكثر و طبس عليها حملها بين يديه ...

مالبهتة منجمتش تتكلم ...

-تي هاك كيما الريشة يا سخطة ...

مجاوباتوش تخزرلو اكهو ...

هزها و مشى بيها يزرب ... و هي شادتو من رقبتو و تتنفس في وجهو ... حاطة راسها على صدرو ... تسمع في دقات قلبو اللي يزيد كل ميزيد خطوة ...

"فيق يا عفراء ... راكم اصحاب مطتمعش في اكثر من هكا ... مهوش باش يتلفتلك ... غير ساخف عليك ... "

وصلو قريب المخيم هبطها ... مشى يجري لبلال ...

يلقاه وجهو اصفر و عينيه حمر ... جبدو على جنب و عفراء بجنبهم ...

-شعملت ...

-شي يا كريم ... شي ...

قلبت عليها الدنيا و ملقيتهاش ... خايف تعمل حاجة في روحها ... كريم شد بلال من خناقو ... عينيه حمارت و كشاكشو طلعت ...

-تصيرلها حاجة نقتلك يا بلال ... فهمتني ... و الله نقتلك ...

بلال هبط راسو معاودش هزو ...

-كان جيت تحبها راك بعت على البنات الكل ...

موش اول مرة تعملها و ديما نخبي عليك ... المرة هاذي موش باش تتعدالك بالساهلدزو و مشى يتنفض ... عفراء شافت فيه جانب الرجلة ... الراجل الشرقي اللي يحمي فاللي يحبهم ... كريم كان مستعد يكسر الدنيا على خاطر سندس ... باش يحمي بنية متقربلو شي ...

... جمعتهم الايام ... جمعتهم الصحبة ... و العشرة الطيبة ...

خزرت لبلال كيفاه وجهو متبدل و عينيه مدمعة سخفها ...

-وسع بالك بلال... سندس بمخها متعمل شي في روحها ...

-و الله نحبها عفراء.... منجمش نعيش بلا بيها ... امان رجعلي سندس .....

-باهي تهنى بلال ... و سع بالك توا نلقاوها معندها وين تمشي ...

خلاتو و مشات ورا كريم ... قلبو عليها الدنيا ... البلايص الكل فركسو فيها ...ملقوهاش ...

كريم باش يموت بالخوف و فقد الامل ... البلاصة كبيرة و هي تنجم تعمل اي حاجة في روحها ...قعد لوطة و حط يدو على راسو ... قعدت قدامو عفراء و شدتلو يديه ...

-امان كريم متفقدش الامل و الله حاستها قريبة ...

-تعبت يا عفراء و مالفجعة معاش نجم ناقف ...

-باهي اقعد ارتاح ... توا انا نلوج عليها ..

هي وقفة و جات ماشية و هو جبدها من يدها ...

-لا عفراء منخليكش وحدك ... نخاف عليك ..

تبسمتلو و جبدتو من يدو قيمتو ...مشاو شوية ... سمعو صوت بكا .... قعد يتبعو لين وصلولها ...قاعدة على حافت الما ... ثانية ساقيها لصدرها و شادتهم بيدها و تبكي ... مشالها كريم يجري حملها...

-علاش هكا يا سندس .. اش عمتلك امان طيحتلي قلبي ...

مجابتوش دازة كان عالبكا ... مسحلها دموعها و قيمها ...

-منحبش نمشي ... منحبش نرا منضرو ...

-امشي و بعد توا نحكيو ...

هزوها الزوز و وصلوها للخيمة ..

💗الحلقة التاسعة 💗

بلال شافهم داخلين للخيمة ... حب يمشي ... يعنقها ... يطلب منها السماح ... اما عارف اللي هي معاش تسامحو ...

تلفت كريم يلقاه يخزر من بعيد ... طبس على عفراء في وذنها ...

-دخلها امان خليني نشوف بلال ...

-باهي ...

دخلتها عفراء ... بدلتلها دبشها و فطرتها بالسيف ...

-سندس ... و الله بلال يحبك .... صار فيه كي ملقاكش ...

-معاش تجبدلي عليه ... نكرهو ...

-سندس مغير متكذك على روحك ... نعرفك تحبو ...

هبطت راسها و قوات في البكا ...

-اي نحبو و غدرني ... معاش نجم نعيش معاه ...

-و متنجمش تعيش بلا بيه زادة ...

ترمات عليها حملتها و قوات في البكا ... قعدت تلعبلها على شعرها لين هدات شوية ...

-توا شنية الحل ...

-نعفس على قلبي و ننساه...

-باهي برا ارقد توا ارتاح توا نلقاو حل ...

رقدتها و غطاتها ... و خرجت ... تلقى بلال و كريم يحكيو مشاتلهم ...

-عفراء شقتلك سندس ...

-بلال سندس تحبك برشا ... اما انت جرحتها خليلها شوية وقت توا ترجع سافا ...

-باهي ... امان رد بالك عليها ... خليني نمشي لخيمتي ... نحب نرتاح ...

-باهي ... سايس روحك ...

-مسكين و الله سخفني ...

-و الله هو اللي جابها لروحو ... مهوش باش يلقى خير منها ..

-اي نعرف اما ضاهر يحبها برشا ...

-توا كان جيت انت صارتلك نفس الفازة ... تسامح ...

-منعرش ... مجربتش الحب ... ممكن اي و ممكن لا ...

-باهي اقلب علينا الصحن توا ... قلي شنية حكى معاك حمزة البارح ...

-شي ...

-تكلم عفراء ميطلعش عليك الكذب راهو ...

-شي سالني عليك ...

-كيفاه ...

-قلي خطيبك و لا صاحبك ...

-و هو شيهمو .... اي و انت شقتلو ...

-قتلو صحاب نرمال ...

-اممم باهي ... اوكي ... نحب نعرف علاش يحكي معاك ... ...

-منعرش حتى انا ...

-ايا باهي ...

-اسمعني ... انا جعت راني ...

-ههههه حتى انا والله جعت ...

-تعرف تطيب ...

-اي ... اما شنية باش نطيبو ... معنى شي ...

-توا انا نشعل النار و نشوف شعنى في الخيمة ...

-باهي توا انا نمشي نشوف ....

قعد كريم يشعل في النار و مشات هي للخيمة ... قعدت تفركس ... لقات مرقاز و جبن و شوية خبز ... هزتهم زو مشاتلو ...

-هذا اللي لقيتو ...

-ايا باهي سافا ... خير من بلاش ... ايا برا ابدى اشوي-ايا باهي سافا ... خير من بلاش ... ايا برا ابدى اشوي ..

كملت شوات و حطت باش ياكلو ...

-توا شنية الحل باش يرجعو لبعضهم ...

-و الله منعرف ... سندس عنايدية و راسها كاسح ...

-أنا عندي حل ...

-شنية .....

-تفرجت مرة في التلفزة في فازا كيما هكا ...

أحنا نحضرولهم قعدة رومنسية ... طاولة و شمع و ورد .... في بلاصة مزيانة ... و انت تمشي انت و بلال و انا نجيب سندس و نمشيو و نخليوهم وحدهم يحكيو ...

-اي فكرة حلوة ... اما احنا في الخلا منين باش نجيبو طاولة و شمع ...

-ههههه خلاها عليا .... شبيك حاقر الطبيعة سي كريم ...

-ههههه بصراحة انا الجو هذا مهوش متاعي ... عمرها لا الهمتني الطبيعة ...

-مالا سيبلي روحك ..... انا باش نعرفك على الطبيعة .... باش نخليك تعشقها ... و مترتاح كان فيها .....

-اممم اوكي مشات معاك .... مالا نرقدو ليوم و غدوة نبداو نتعرفو على الطبيعة و في نفس الوقت نحضرو المفاجئة ...

-اي و وصي بلال ميدورش بيها كي نبداو موش هوني ... خلينا احنا نتصرفو ...

-هههه اوكي .... يطلع منك يا قزمة ....

-هههه يا حسرة عليك .... انا طويلة ...

-بربي منين طويلة و راسك يوصل لصدري ...

-موش مني انت طويل برشا و زيد موش صحيح ... منوصلش لصدرك ...

وقف قدامها ....

-اقف خنشوفو شكون اللي يكذب انا ولا انت ...

وقفت قدامو ... وصلت لصدرو ...

-هههه يا قزمة ...

-اععع منيش قزمة ...

-هههه قزمة و عندك خدود زادة ...

شدها من خدودها قرصها و يحرك فيها و شعرها يتحرك معاها ....

-محلاها هي عفروتة ...

-اعععع اسمي عفراء موش عفروتة ....

-ههههه عفروتة .... قزومة .... ام الخدود ...

-باهي يزي وجعتني .... احححح خدودي .... اغلى ما عندي ...

-هههه ملا عفروتة ... محلى خدودها هي ...

جبدها ليه و حملها و كبس عليها ...

-ربي يدوم عشرتنا ... عفروتي ...

ضاهر فيك باش تفك بلاصة سندس ... يا احى عفروتة في الدنيا ...

-نعرف .. نعرف مفماش كيفي انا ...

-هههه يا سخطة اللي يراك ميقولش يطلع منك هذا الكل ...

-ههههه اي ... ميعرفوش اللي انا محلاني .....

ايا سيبني خليني نمشي نرقد .... سكرت عليا النفس ...

-لاااا اقعد شوية امان ....

-هههه نحب نرقد ...

جبدت روحها منو بالسيف .... حس حاجة كانت في ضلوعو و خرجت منو .... وجيعة في قلبو غير عادية .... حط يدو على قلبو ... يحس فيه باش يطلع من بلاصتو ....

شنية الاحساس هذا .... هذا عمرو ما كان احساس عادي ....هذا عمرو ما كان احساس عادي ....

جبدت روحها منو بالسيف .... حس حاجة كانت في ضلوعو و خرجت منو .... وجيعة في قلبو غير عادية .... حط يدو على قلبو ... يحس فيه باش يطلع من بلاصتو ....

شنية الاحساس هذا .... هذا عمرو ما كان احساس عادي .... 

يخزرلها ماشية ... كل متزيد خطوة يحس روحو ماشية معاها ... 

منجمش يبعد عينيه عليها لين وصلت للخيمة ...

تلفتتلو ... بيبات عليه و دخلت ....

وقتها نجم يمشي يرقد ...


دخل يلقى بلال مزال فايق ... حكالو البروغرام اللي عملو هو و عفروتو ... و وصاه باش ميدورش بيها لين يحضرو المفاجئة اللي متعرفها كان عفراء ....

عفراء تلقى سندس راقدة .... رقدة بجنبها ... 

تفكرت حضن كريم .... تبسمت في سرها ... غطات روحها و رقدت ...

💗الحلقة العاشرة💗

قامت الصباح ... بكري كالعادة ... لبست دبشها و حضرت ساكها ... حطت فيه اللي تستحقو الكل ....

خرجت تجري باش تمشي تفيق كريم ...

-صباح الخير عفراء ...

سمعت صوت حمزة وراها ... تلفتتلو تتبسم ...

-صباح الخير ...

-شبيك فايقة بكري ... لباس 

-اي اي لباس ... عندي منعمل ...

قربلها ...

-وين ماشية وحدك ... ياخي متخافش على روحك ... بلاصة خالية و جبال ....

جات باش تتكلم ... تحس في يد شدتها من حزامها .... 

حملها من تالي و طبس حط راسو على رقبتها ....

باسها من خدها ... ريحت البارفان متاعو دوخ ... النفس متاعو في رقبتها قشعرلها بدنها ...

فشلها و دوخها ... سكتها و مخلاهاش تتكلم ...

-مهيش وحدها .... انا معاها و انا لاهي بيها ....

حمزة عينيه تشعل مالغش و العصب ...

وين يحاول يقربلها يلقاه هو يحوم عليها ...

نزل على سنيه و سكر يديه بعصب ....

-باهي ... هانيتني عليها ... باش منقعدش متحير عليها ...

كريم فد و وجهو تقلب ....

حس الدم تلع لراسو ... زاد جبدها ليه و كبس على حزامها بالقوي ... حست يدو باش تتدخل في وصت بدنها ... زادت رخفت روحها و هو عنقها اكثر ....

-متخافش عليها سي حمزة ... مدامها معايا ميضرها شي ... تبسملو بخبث ....

خلاه ياكل في روحو ... شدها من يدها و مشاو ...

-كريم ياخي شنية حكايتك انت و حمزة ...

علاش متحبوش يكلمني ...

-خاطرو خبيث و يحب يلعب بالبنات ... و انا منحبوش يضرك ... و منحبكش تقربلو ...

-اممم باهي ...

-عفروتي ...

-نعم......

-محلاها البارفان اللي عاملتها....

-ههههه عيشك .... اما منيش عاملة بارفان ...

-لا تفدلك ....

-و الله ماني عاملة ...

بربشت في الساك خرجتلو وردة ... منضرها مهوش مزيان برشا ... اما ريحتها بنينة برشا ....

قربها لخشمو و شمها ....

-امممم مبن ريحتها ...

-هذيكة احلى وردة عندي ... من برة خايبة ... اما من داخل احلى من احلى وردة ....

-وي صحيح ... 

شنية باش نعملو توا ...

-توا باش تبعني و تعمل اللي باش نقلك عليه ...

-حاضر عرفي ...

قعد يتبع فيها ... وصلو لبلاصة فيها حفرة كبيرة في الوسط .... داير بيها جر مضللها .. مزيان و فيه ورد صغير روز ...

القاعة متاحطع الحفرة كلها ورد طايح مالجر اللي داير بيها ... مفروش تقول زربية ملونة .. روز و ابيض و روز بيبي ..

-واووو...

المنضراللي راه كريم خذالو عقلو .... منضر سحرو ..

قعد يدور و يخزرلو ...

-يا لفعة ... كيفاه دبرتها البلاصة هاذي ...

-ههه جيتها مع با كيف كنت صغيرة .....

-واو ... برسمي واااو ...

-هههه مزال .... 

-هههه شنية اللي مزال ...

-انت موش قتلي معناش شمع ....

انا باش نجبلك احلة مالشمع ...

جبدت 12 دبوزة متاع مل صغيرة ... كل وحدة مغلفتها بلون للشطر و منقبتها نقب صغار ....

-شنية باش تعمل بيهم هاذم ...

تبسمتلو .... جبدتو من يدو تكركر فيه ...

وصلت لغار ....

دخلت و دخل وراها كريم ...

الغار ضلا م ... قعدت تقدم ... 

-شنية هذا عفروتي ....

-ثبت شوية ....

-و الله ماني فاهم شي ... شبيه الضو يتحرك ...

-هههه هذاكا نوع متاع حشرات يشعل في الضلام ...

مدتلو دبوزة ...

و هي شدت زوز دبابز ... حلتهم و قربت و هو يتبع فيها و يعمل كيما تعمل ...

عباو الدبابز و سكروهم ...

كل دبوزة فيهم 3 ولا 4 

و كل دبوزة تشعل باللون اللي مغلفة بيه ...

روز ... روج ... بلو ... فار ... موف ... الالوان الكل كانت حاضرة ...

خرجو مالغار و رجعو للبلاصة ..

-باهي حكايت الشمع و حليناها ...

مزالت الطاولة و الزوز كراسي ...

-عفراء هوني و انت تخمم ...

حطت الدبابز لوطة ...

-تنجم تهز حاجة رزينة ...

قربلها عاللخر ...

-علاه تحبني نهزك ...

-هههه يا بليد ...

لا حاجة ما ارزن ...

-اكيد نجم ...

-لاهي اخلط عليا ....

-وين هازتني يا مهبولة ....

و هي تضحك و تجري كيما الصغار ... مجاباتوش-أيا هز ...

-هههه شنية هاذي ...

خزر يلقى شجرة مقصوصة في ثنين ...

متوسطة لاهي طويلة و لاهي قصيرة ....

و بحذاها وحدات أخرين قصار ......

-هاذي الطاولة ....

و هاذم الكراسي ...

-هههه توا هاذي طاولة بربي يا عفراء ....

-اي اي طاولة مالا شبيها ....

-هههه باهي طاولة طاولة ... مشات معاك ...

-ايا هز ... ولا متنجمش ...

-هههه مهبولة انت ... تي نهزها و انتي قاعدة عليها ...

مشات تجري قعدت على الشجرة ...

تضحك و تلعب بساقيها ...

-أيا هزني ...

-هههههه ... (جبد الكاميرا.. و قعد يصور فيها و هي تضحك و تبوسي و تتصرف على راحتها .... مشى شدلها شعرها الفوق ... و هي زعما مصدومة و هاطة يدها على فمها و مزرقة عينيها و هو مطلع لسانو ... و يصور ... بعد شدها من خدودها و نزل عليها لين شفايفها ولاو تقول تبوس ... و هو يصور ... بعد حط الكاميرا في رقبتو ... حك يديه على بعضهم ...)

-ايا توا كيف نجم نهزك انت و الشجرة ... شنيا تعطيني ...

-هههه اللي تحب ...

-تبوسني من خدي بوسة قوية ...

-هههه باهي و كان متنجمش ...

-شنية تحب ...

-تعطيني نصور بالكاميرا ...

-هههه باهي ...

طبس على الشجرة و هي تضحك ...

-بسم الله ....

طبس على الشجرة هزها ... و هي تخزرلو و شايخة بالضحك ...

يخزرلها تضحك ... يزيد يقوى ... يتبسملها ... و يغزل فيها بعينيه ....

وصلها للحفرة ...

-لا لا موش هوني في الوسط...

-هكا سافا ....

-اممم لا لا لليمين شوية ....

-باهي هكا ....

-تي لاااااا لليسار ....

-يشيح ريقك يا عفراء .... تعبتني يا فرخة يا عفريتة ...

-ههههههه باهي يزي هوني هبط...

هبطها و تركز على ركايبو يتنفس بالقوي ....

عفراء تضحك عليه ....

-تضحك ....

مسح جبينو و حط صبعو على خدو ...

-امشي امشي ... ربحتك ... بوس ...

مشاتلو ...قربتلو و حطت شفايفها على خدودو ... حرقوه .... باستو بالشوية ... جات باش تبعد جبدها ليه من راسها من تالي .... هو يضحك و هي تقطع عليها النفس هي تبعد و هو يجبدها و شايخ عليها بالضحك ....

سيبها ترهوجت و قعدت على الشجرة ....

وجها حمار ...

-يا بليد ... سكرت عليا النفس 

-هههه ماك تعاند فيا عاد ...

أيا أقعد أرتاح خليني نمشي نجيب الكراسي هههه ...

نحا مريولو ... العرق هابط على صدرو تقول ما ... بدنو مخدوم و كتافو عراض ...

عفراء بهتت فيه ... الاشكال هاذي تراهم كان في التصاور و لا في الافلام ...

كمل جاب الكراسي و حطهم .....

كمل جاب الكراسي و حطهم ...اكيد بعد ما هبلتو عفراء ... دوختو بين اليمين و اليسار ...

-شنية قعد توا عفروتي ...

-توا باش نعلق الدبابز هاذم في الجر... باش نخلي كان زوز على الطاولة ...

جبدت خيط ساتان ربطتهم في الدبابز و خلات زوز روج على الطاولة ...

-أيا اطلع علقهم ...

- ههه لا انا رزين كان نطلع توا الشجرة تتكسر ... انت توزن رطل برا اطلع ...

-يااا منوزنش رطل انا ... يا حسرة عليك ...

و زيد .. نخاف من اي حاجة عالية ...

-ههه متخافش اطلع هاني انا هوني ...

-باهي ...

شدت زوز دبابز و طلعت ... ساقيها ترعش ...

مالخوف .....

كريم شايخ عليها بالضحك ...

-مزالت وحدة مدها ...

-هاك ... و شد روحك ...

مدلها الدبوزة و قاعد يعس عليها ...

تليفونو صونا حط يدو باش يجبدو ....

سقاها زلقت طاحت من فوق ....

-ااااااا كرييييييم ...

حس قلبو طاح طي سمع صياحها ....

هز راسو و عرض يديه الزوز ... جات بين يديه ...

الورد اللي في الشجرة هبط عليهم ... و هي مالفجعة ... عنقتو و حطت راسها في رقبتو ....

-اففف منك يا عفروته ... نتلها شوية تبلبصها ... يحس في حاجة سخونة على رقبتو ...

بعدها شوية عليه يلقاها تبكي ...

-شبيك ... شصارلك ... 

زادت حشات راسها ...

-تفج.....جعت ...

-هههه يدايا عفروتة لاباس ما صار شي ...

هبطها و حطها قدامو و مسحلها دموعها ... باسها من جبينها ... جبد دبوزة الما و مدلها شربت ...عفراء جعت راني ... توا 15h و احنا من حاجة لحاجة ...

-باهي هيا ايجا نقعدو تحت الشجرة ... هاني جبت سوندويشات و غازوزة...

-ايا باهي ... صحيت يا مقدية ...

مشى قعد تحت الشجرة و هي قعدت قدامو كملو فطرو و رتاحو شوية و قامو باش يكملو اللي قعدلهم ...

مشات فرشت ناب على الطاولة ... 

بلال حط دبوزة شامبانيا و زوز كيسان ...

-لحضة هاني جاية ....

-وين ماشية ...

-متخافش عليا ... هاني جاية ....

مشات تجري و هو يضحك عليها ...

تعدات ربع ساعة و جات ...

-شبيك لتوا ...

-شو محلاها ...

-واو ... تي منين ليك يا لفعة ...

-هههه لأنتارنات ...

عفراء صنعت لسندس سارتات بالورد صغير كيما التاج ...

جابت برشا ورد عملتو كيما البوكي ... حطتهم الزوز على الطاولة ...

جبد ديفي دي مالصاك حطو على جنب ...

-أيا توا كملنا كل شي ...

-ايييه و أخيرا ....

-وقيت توا و الدنيا بدات تضلام ..... انت برا جيب بلال و انا توا نجيب سندوسة ...

جات ماشية جبدها من يدها ....

تلفتتلو ....

طبس على يدها باسها ....

-ربي يخليك عفروته ... تعبناك معانا ...

-هكا توا ... موش صحاب احنى ...

خلاتو و مشات لسندس ...

وصلت ... تلقاها في الخيمة ... عينيها منفخة و حالتها حليلة ...

-سندس موش تحبني انت ...

-اي نحبك عفراء شفما ...

و وين كنت نهار كامل خليتني متحيرة عليك ...

-كنت ندور ... ياخي شفت طفل محلاه ... قلي اللي انا نعجبو ... يحبني نقابلو الليلة ... و انا خايفة نحبك تمشي معايا ...

-عفراء و الله معندي خلوق ...

-امان سندس نهون عليك ... تي مصدق لربي نلقى شكون عجبتو ...

-باهي عفراء ... و انا نجم نقلك لا ...

-يا عيش حبي ...

ايا مالا حضر روحك ...

-علاش نحضر في روحي ...

انت باش تقابل موش انا ...

-تي لا عاد باش تنورلي وجهي ...

-اففف منك يا عفراء باهي ...

و انت شنية باش تلبس ...

-منعرش ... توا نشوف ...

-أسمعني اليوم نهارك .. و كان تحبني نمشي معاك ... تلبس اللي نقلك عليه ...

-باهي و انت تلبس اللي نقلك عليه انا ...

ههه باش تنورلي وجهي اكهو ....

-ههه باهي ...

نقزت باستها ....

مشاو تجري مدتلها روب طويلة سون سومانش روج ...

لبستها ... عملت مكياج خفيف ... و خلات شعرها مسيب ...

-أيا هامي خذيت بخاطرك ...

إنت إلبس هاذي ...

-اه لاااااا مستحيل ... روبة ياسر عريانة ...

-اكهو مالا منيش ماشية معاك ...

-اففف منك باهي ....

-و شعرك نحبو كيما المرة اللي فاتت

-و شعرك نحبو كيما المرة اللي فاتت قصة بومبي لتالي و البس طالون .....

-باهي .....

كملو لبست و عملت مكياج .. هزت صندوق مربع معاها كلو نقب صغار..

-شتعمل بيه هذا...

-شي شي توا بعد تعرف ...

خرجو ...

قعدو يمشيو برشا ... كيف قريب توصل عملت أبال لكريم ...

-بلال هام وصلو ... منوصيكش ... بربي لا تبلبزها ...

-تهنى كريم ... عيشك صاحبي و الله لا ننسالك وقفتك معايا ...

حملو كريم و ضربو على كتفو ...

-عشيري راك ... اكبس روحك ...

بعد كريم و قعد بلال وحدو ...

-افففف ...

-شبيك عفراء ... 

-يطلب فيا مفماش ريزو ...

بربي قدم توا تلقى طاولة اقعد لين نجي ...

-باهي متبطاش ...

بدات تقدم بالشوية لين وصلت ... 

تشوف في الجر يشعل ... كلو ألوان ... الورد في القاعة ...

و تشوف في بلال واقف ...

هي قدمت و هو نزل بساقيه على الدي في دي ...

جات الغنايا متاعهم ... اللي سمعوها اول مرة وقت اللي تقابلو ... قعدو في كل مناسبة يحطوها .. كيما الخطبة و الملاك ...

عينيها دمعت ... تذكرت قصة حبهم ... اللي متنجمش تخسرهم في لحظة ...

قدملها ... كان متوقع انها تسبو .. دزو ... 

اما تفاجئ كيف عنقتو ...

عفراء واقفة على جنب ... كريم قربلها ...

مهوش مصدق عينيه ...

لابسة روب باج قصيرة و فوق منها فوال طويل ماللوطة و من فوق كيما لهب نوار ... يون بروتال ...

بدنها ابيض ... يقتل ... شعرها لتالي ...

-عفروتة ...

-كريم شوف محلاهم ...

-انت اللي محلاك ( يحكي معاها و مبعدش عينيه علاها .... حشمت هبطت راسها ما طلعت ...)

-شنية اللي في يدك ..

-ااا نسيت ...

قربتلهم شوية و هوما محملين بعضهم ... سندس تبكي و بلال كابس عليها محملها بقوة ...

حلت الباكو .... خرجو منو فراشات ملونين ... اشكال و الوان .... سندس فرحت كيف شافتهم ..

هي تموت على الفراشات ... على هذاكا عفراء جابتلها فرشات ...

غمزتها عفراء ...و بعدت ...

شدت كريم من يدو و بعدتو ...

-خليهم على راحتهم ....

-هههه كان نخليوهم على راحتهم توا و الله يجيبو صغير ...

-هههه يزي بلا دة ...

-و الله كيما نحكيلك ...

تحبش نتعاندو ...

-ههه لا لا نحشم ...

-نوعدك كان بدات تخلا توا نبعدو ... 

-هههه باهي ...

💗الحلقة الحادية عشر💗

مشاو باش يقعدو على جنب و يخزرولهم ...

قعدو مقابلينهم ..

-سامحني سندس بربي سامحني و الله لا نجم نعيش بلا بيك ... الله غالب غلط ... راك مرتي ... -أنا زادة نحبك ... انت غدرتني ... 

-احسبني طفل صغير غلط و سامحني....

و الله غلطة معاش تتعاود ... شربت برشا و مشلقت بشي ...

حملها و باسها من شفايفها ..... سكر عليها النفس ...

-محلاه الحب .... 

-أنا الحق ما جربتوش ... أما هام قالو باهي ...

-هههه حتى انا زادة مجربتش ... اما محلاهم مع بعضهم ...

-اي ربي يخلاهم لبعضهم ....

محلاك عفروتة ... ياسر واتتك الروبة ....

-عيشك انت زادة محلاك ...

كريم ... هيا نمشيو خليهم على رحتهم امان ...

-هههه باهي هيا ...

مشاو بعدو عليهم و قعدو يتمشاو على الشط ...

سندس و بلال فرغو قلوبهم لبعضهم ...

بلال حس روحو فاد الباريود اللخرة خاصة العرس ماشي و يقرب ... 

حس روحو باش يتربط ... صحيح هو يحبها و عندهم 6 سنين مع بعضهم عدتو الباهي و الخايب مع بعضهم ... اما الاحساس هذا ينجم يحسو اي عبد .... حاجة جديدة و التزام ...

هبطو مالكراسي و قعدو على القاعة اللي كلها ورد ...

قعد هو و هي تكات على ساقيه ..

قعد يلعبلها على شعرها ...

-حبيبي ... سامحتني ...

اي بلال ... اما كان تعاودها مرة اخرى معاش نسامحك ..

-و الله نوعدك اخر مرة ...

-بلال ... نحب نسالك حاجة ...

-شنية ...

-ياخي ... انت باش توجعني كيف نعرسو ...

-هههه و علاه السؤال هذا توا ...

-هكا ... جاوبني امان ...

-متخافش منوجعش حبي ...

-اممم باهي ...

و كيفاه تعملي باش منتوجعش ...

قربلها عاللخر ...

-تحب نوريك كيفاه ....

-هههه يزي بلا بلادة ...

-ههه بلادة شنية ...

مرتي راك و كاتب عليك الصداق ... و لا نسيت ...

-لا منسيتش اما... هوني ....

-و شكون كيفك ... تكون اول ليلة مع حب حياتهاو راجلها في بلاصة رومنسية كيما هكا ... حاجة جديدة و رومنسية ...

-ههه لا لا نخاف ...

طبس عليها ... 

-أنا توا ركبتلي ... نحب ناكل مريتي هوني في وسط الورد .... 

يحكي و يقربلها ... قلبها ولا يدق بقوة ...

هبط يبوس فيها من رقبتها ... البوسة بجنب البوسة ... هبط لصدرها .... عدى يدو ورا ضهرها ...

جبدها ليه عاللخر ... قوى النفس متاعو ... زادت ترخفت بكلها ... قعد يبوس فيها و يحرك في يديه ...

ولات تتنفس بالسيف ... صدرها يتهز و يتحط ... يمس في صدرو ... يزيد يشعل فيه نار .....

حل السلسلة ...

ولات تتنفس بالسيف ... صدرها يتهز و يتحط ... يمس في صدرو ... يزيد يشعل فيه نار .....

حل السلسلة ... هبطلها الروبة ..... هبط لصدرها ...

قعد يبوس في بدنها الكل .... ولات كيف العجينة تحتو ... كلاها بكلها ... مخلالها حتى بلاصة ما باسهاش و ما عداش يدو عليها ....

نحى دبشو و عاود طلع فوقها ... كانت تفرفط تحتو .... تخلطت عليها وجيعة و حلاوة و خوف و رغبة ...... 

حست بوجيعة ... خبشتو بضوافرها في ضهرو و عضتو .... حس نفس الاحساس اللي حستو هيا ...

برشا حب و برشا رغبة ... احساس الخوف و الحب تخلط مع بعضهم .... 

-نحبك ... يا احلى و اغلى مرى في الدنيا ... تكى بجنبها ... عنقها و حطها على صدرو ..... 

وجها احمر مالاحساس القوي اللي حستو ... 

كانت فاشلة متنجمش تحكي ...

باستو من رقبتو و كبشت فيه لين هزها النوم ...-تعرف أنا تعبت برشا ليوم ....

-حتى أنا عفروته و الله تقطعت ...

-محلاه الطقس ليوم ... شوف السماء قداه صافية ...

-اي و الله ... المنضر هذا منشوفوشو في المدينة ...... نشوفوه كان هوني ......

تكا على ضهرو فوق الشط ......

-هههه مهبول ......

-ايجا عفروتة نتمتعو بالمنضر هذا ......

تكات بجنبو على ضهرها ...... قعدت تهز في الروب على صدرها ...... 

خزرلها و تبسم ..... قام نحى الفازت و حطها على صدرها .....

تبسمت ... بعدت شعرها باش تنجم تتكى ..... حطتو على جنب ..... على كتافها .....

منجمتش ترقد على راحتها مالشكال اللي في شعرها ...

-ايجا .. ايجا عفروتي تكى عندي ... توا شعرك يتمسخ بالرمل ...

قربتلو و حطت راسها على يدو الممدودة ....

قعدو يخزرو للنجوم و السما الصافية ... قعدو ساكتين ... 

-تعرف كريم ... أنا أول مرة نعمل صحاب ... كنت نحكي كان مع سندس ... ميهضمني حد ... دارنا ميخليوني نحكي مع حد ..... أصلا مخلاونيش نجي للرحلة هاذي ...

-مالا كيفاه نجمت تجي ....

-هههه هربت و خليتلهم جواب ...

-هههه ملا مهبولة ... عفراء إنت بنوتة عاقلة برشا و متربية ... من نهارت اللي ريتك و انت كل مرة تفاجئني بحكاية ... عندك هبلة ... اما هبلة محترمة موش كيما البنات الكل ... عندك ضحكة ترد روح و تحب تفرح العباد الكل ... و اكثر حاجة تفرحك كيف ترا صحابك متفرهدين ... الحمد لله عرفت صاحبة كيفك ... يا اعز عفروتة ...

-كروم ... شنية باش تعمل كيف توفا الرحلة ...

-منعرش عفروتي ... معنديش حاجة واضحة ... بابا يحبني نخدم معاه أما انا منحبش ...

-علاش متحبش ...

-نحب نخدم حر ... نحب ندور من بلاصة لبلاصة ... منحملش الخنقة ... نحب نصور و نشوف كل شي مزيان في الدنيا ...

-و داركم ...

-شبيهم دارنا ...

-انت قتلي اللي انتي متعيشش معاهم برشا و ديما البرة ... هكا تتسمى حارمهم منك ...

الدنيا موش كلها سفر و تفرهيد ... العايلة ميعوضها شي ....

قعد يسمع في كلامها و باهت فيها ... كلامها الكل صحيح و عندها فيه الحق ...

حطت يدها على فمها و ولات تتثاوب ...

-تحب ترقد؟

-أي ... مدقدقة ...

-شقولك نرقد هوني ..

-باهي .. المهم نرقد .... 

-تعرف عفراء ... انا حياتي كاملة اللي نطلبو يجيني بين يديا ... حتى مالبنات ... اما عمري ما حسيت روحي فرحان ... اول مرة نحس روحي مرتاح و فرحان معاك انت ... نحس في روحي مالك الدنيا و الله ...

دور وجهو يلقاها مغمضة عينيها و محملتو و راقدة ...

قعد سارح فيها ... حتى راقدة مزيانة ... وجها كيما الملايكة ... 

باسها من جبينها و غمض عينيه ... قعد يتفكر في الكلام اللي قالتهولو عفروتو ...

و هي راقدة عندو حس بقلبها كيف يدق فوق قلبو .. حس بالراحة ... غمض عينيه و رقد ...قامت الصباح تتكسل و تحك في عينيها ... تلقى روحها محملة كريم بساقيها و راقدة و هو راقد ...

قامت مربوثة مالحشمة ... وقفت ... نفضت روبتها و شدت شعرها بالشكال ... 

-كريم ... فيق ... كرييييم ...

لا حياة لمن تنادي ... طبست عليه شوية باش يسمعها ....

قعدت تخزرلو لوجهو .... كيفاه راقد و كيفاه يتبسم ...

قداش وجهو مزيان ... قداشو عسل ... أكا الشفايف روز و الخشم الصغير ... 

هي مطبسة و هو حل عينيه ...

تربثت و وقفت ...

-صبا... با...ح الخير .....

حك عينيه و قام ...

هو يتكسل و هي تثبت في بدنو ...

-صباح الخير عفروتي ...

دور يديه على كرشو ...

-جعت ....

-انا زادة ...

-هيا نمشيو نفطرو ....

حملها و حط يدو على كتفها ....

وصلت للخيمة تلقى سندس مزالت راقدة....

بدلت دبشها و فيقتها ...

سألتها شنية عملت مع بلال ... أما محكاتلهاش علي صار بيناتهم .....


تعداو الجمعتين بين ضحكة و لعبة ... مشاكل و جو ...

بلال و سندس و كريم و عفراء زادو تعلقو ببعضهم أكثر ...

اليوم آخر نهار في الرحلة ...

باش يعملو آخر دورة و العشية يخرجو بالكار و يروحو ...


-أيا وين باش نمشيو اليوم ...

-أنا من راي نعملو دورة خفيفة .... نعملو تصاور و نرجعو ... تعبنى برشا و لازمنى نرتاحو ...

-باهي مشات معاك.... ياخي عفراء ويني ...

-عفراء مزالت في الخيمة ... صبحت مفرعسة اليوم و مكشبرة ....

-باهي اسبقونا توا نمشي انا نشوف عفراء شبيها ...

-باهي متبطاوش أمان ...

هز ساكو على ضهرو و رجع العفراء ...

-عفراااء ... عفراااء 

-نعم ...

يسمع في صوتها متبدل و تاعب ... تفجع عليها ...

دخل يجري يلقاها قاعدة عالقاعة و وجها متبدل و عينيها تبدلين ...

قعد قدامها و شدها من يدها ...

-شبيك عفروتي ..شصار ...

ولات تبكي و ترمات عليه ...

-شبيك عفراء ... شصار ... شبيك تبكي ...

-منحبش نروح ... 

-اففف الله يهديك يا عفراء .. و الله فجعتني في بالي درا شنية صارلك ...

بعدها عليه شوية و شدها من وجها بيديه الزوز ...

-عفراء متخليش حياتك تاقف على الرحلة هاذي ... عيش حياتك كيما عشتها هوني ... تمرد عفراء ... تبع قلبك ... كيما نجمت تهرب من داركم باش تجي لهوني ... اهرب مالواقع اللي انت عايشة فيه ... أصنع لروحك دنيا ليك وحدك ... متخلي حد يمشيك على كيفو ....

قتلو باهي براسها ... مسحلها دموعها و باسها من خدها ...

-أيا يزي عفروتي ... خلينا نتفرهدو اليوم ...

-أيا يزي عفروتي ... خلينا نتفرهدو اليوم ... عيش اللحظة .. خلي غدوة توا يجي بطبيعتو ...

وقف و شدها من يدها باش يخرجو ... حتت الساك على ضهرها ... خرجو مالخيمة باش يخلطو على بلال و سندس ...

-كريم ... 

-نعم ...

-باش تقعد ديما تكلمني كيف نرجعو ...

-أكيد عفروتي ... 

نوعدك ديما نكلمك ... انت توا من اعز صحابي .. و نقعدو ديما نتقابلو زادة . .....

💗الحلقة الثانية عشر💗

طلعو للكار ... قعد بلال مع سندس و عفراء قاعدة بجنب الشباك و بحذاها كريم ...

وجها متبدل و متحبش تروح اما كيف تتذكر كلام كريم تهدى ...

طريق كامل و هي حاطة الكاسك في وذنها و تسمع في الغنا ...

كريم حس روحو تاعب رقد باش يرتاح شوية ...

هي زادة جاها النوم ...

بعد ساعتين وصلو للبلاصة اللي مشاو منها ...

أما المرة هاذي عفراء رجعت بروح جديدة .... روح فرحانة و متفرهدة ... لابسة سروال دجين و مريول و سبادري ... شعرها مسيب و عاملتلو سارتات و اكيد ليناتها اللي كيما الملح اللي ميغيب على طعام ...

هبطت مالكار ... هزت في يدها ساكها و هبطت .... كل واحد قصد ربي و قعدو كان هوما الاربعة ...

بلال سلم عليهم و مشى ..

سندس مشات مع بلال تشيع فيه لكرهبتو ...

كريم سلم على عفراء و حملها و كبس عليها ...

-يا عفروتة باش نتوحشك و الله ..... رد بالك على روحك ... توا نكلمك ... و توا نتقابلو على قريب ...

قتلو باهي براسها ...

جا باش يجبد روحو و يبعد عليها ... زادت كبست عليه و محبتش تبعد ....

-أنا باش نتوحشك برشا ... متنسانيش ...

-نوعدك ديما نطل عليك و الله ...

باسها من خدها ... جبدت روحها منو ... مشات لسندس ... 

كريم حس نفس الاحساس متاع المرة اللي فاتت اما المرة هاذي اقوى ... احساس موش مفهوم ... تقول معاش باش يراها مرة اخرى ...

قلبو وجعو و عصر عليه ... 

-كريييييم ...

دارلها يلقاها تبيبي عليه ...

عينيه تعباو بالدموع ... قلبو وجعو أكثر و أكثر ...

وتنهد ... ركب في الكرهبة و مشى ...

ركبت مع سندس في الكرهبة ...

وصلت للدار هبطت بعد ما جبدت نفس ... كانت مستعدة لاي ردة فعل من امها و بوها ...

حلت الباب و دخلت راسها بالسياسة ....

تلقى الطاولة منصوبة و فيها الخيرات الكل ... 

-ماااا .... باااا ...

خرجت أمها مالكوجينة ... في بدها صحفت المقرونة اللي تعشقها عفراء ...

حطتها على الطاولة مغير متكلمها و لا تقلها حتى حرف ....

مشاتلها ... كل متقدم خطوة عفراء تكس قلبها باش ياقف ..


قربتلها ... جبدتها ليها و عنقتها ...

-علاه يا بنيتي عملت فيا هكا .... جمعتين تعداو عليا تقول عام ... النوم منرقدوش كيما العباد ...

-سامحني ماما انتي لزيتني ...

تحل الباب و دخل بوها في يدو باكو حلو و غازوز ...

سكر الباب و قعد يخزرلهم و يتبسم ....

-باااا توحشتك ...

-ترمات عليه حملتو قريب طيحو ...

-ترمات عليه حملتو قريب طيحو ...

-هههه تفرهت يا لفعة ... عملت اللي في مخك ... 

هزلها راسها و غمزها ...

تبسمت و كبست عليه حملتو ...

-توحشتكم ...

-ايا نتعشاو العشا باش يبرد ....

مشاو للطاولة و عفراء ماللي قعدت و هي تحكيلهم على مغامراتها و الجو اللي عملتو ...

عداو ليلة كاملة مع بعضهم ساهرين و يفدلكو ... 

جا وقت النوم ... حطت راسها على المخدة ... غمضت عينيها ... جات تصويرة كريم بين عينيها ... تبسمت و حملت مخدتها كبست عليها و رقدت ... اول مرة ترقد مرتاحة و فرحانة ...وصل للدار ... العباد الكلها راقدة ... طلع لبيتو نحى دبشو ... قعد في شورط ... تكا على الفرش ...

الوجيعة اللي في قلبو محبتش تتنحى .. زادة قوات اكثر ... حط يدو على قلبو و تنهد ... يحب يفهم الاحساش اللي قاعد يحس فيه اما منجمش ... حاجة قوية عمرو محسها .... حاجة مينجمش يفسرها ....

غمض عينيه ... حاول يرقد أما منجمش ... دار على اليمين و اليسار ... ةدو النوم هرب من عينيه ...

كل ميغمض عينيه يشوفها ... تضحك ... تبكي ... تلعب ... ملامحها تحفرت في مخهو ....

تنهد بقوة ... و رقد ...

اليوم صباح جديد ... نهار جديد ...

قام كريم يتكسل ... دخل للدوش ... عمل دوشو و خرج ... لبس السروال ... جبد المريول باش يلبسو ... يسمع في الباب يدق ...

-سي كريم ... ندخل ...

-تفضل ...

دخلت مروى البون متاعهم اللي ديما يتمنيك عليها و هي مسيبتلو روحها ... 

دخلت تلقاه عريان من فوق ... عينيها حوالت ...

كانت تتمنى تعطي عمرها و تعيش معاه ليلة بركا ... تحس بدنو في بدنها ... تحس النفس متاعو في بدنها ...

-صبا...اح... الخير سي كريم ...

-صباح الخير ... (جاوبها مغير ميتلفتلها ...)

مهوش مستانس يجاوبها ببرود ...

هي طفلة صغيرة في العمر ... عمرها 19 سنة ... بدنها مزيان برشا و هي بيدها مزيانة برشا ...

وجها ابيض و فيه النمش ... شعرها احمر و مبوكل ...

-نحضرلك فطورك ...

-لا معينيش ... باش نفطر البرة ...

-ضاهر فيك تاعب ...

تحب نعملك ماساج ...

نفخ ... نطر المريول ...

-اخرج مروى و سكر الباب ... منيش حامل روحي راني ...

تفجعت من صوتو القوي ... هزها بكلها ... خرجت تجري ... جبدت الباب وراها و مشات .....

كمل لبس و هبط ... 

-أمي صباح الخير ...

-صباح الخير يا روحي ... 

حملتو و باستو ...

-توحشناك ... خليت علينا بلاصة ...

-هاني باش نقعد بحذاكم ... نحب نشبع منكم ... توحشتكم ...

-أيا باهي ربي يهديك وليدي ....

كريم شبي وجهك اصفر ... شبيك متقلق شفما ...

-منعرش يا أمي ... قالق و فاد ... حاس روحي باش تطلع ...

-اللطف عليك وليدي ... شصار ... هاك كنت تحوس ...

-ماللي روحت و أنا موش قد بعضي ...

وينو بابا ...

-بوك في الشريكة ... عندو اجتماع ...

-باهي انا باش نمشي عندي قضيات و توا نجي ...

ستناني عالفطور ... 

-باهي ولدي سايس روحك ...

باسها من جبينها و خرج ...

ركب في كرهبتو ... اما المرة هاذي مهوش عارف وين باش يمشي ... يحب ينحي الخنقة اللي في قلبو ...

يدور من بلاصة لبلاصة بالكرهبة كيما المهبول ...

دارها الدنبا الكل و منجمش يتفرهد حتى شويه ...

باش يهبل مالاحساس اللي يحس فيه ...وقف الكرهبة قدام البحر ...

جبد تاليفونو و كلم عفراء ...

المرة اللولة مهزتش ... عاود المرة الثانية ...

هزت عليه و صوتها الكلو نوم.....

-وييي شكون ...

كيف سمع صوتها حس روحو تنعوش ... روحو رجعتلو ...

-عفروتي .... صباح النور ...

تبسمت و حملت المخدة و كبست عليها ...

-صباح النور كرومتي ... وينك ...

-هاني ندور من بلاصة لبلاصة ندور ....

فادد و مخنوق ...

-علاه شبيك ...

-منعرش ... قالق ....

عفراء ... تنجم تحضر روحك نتعدالك نفطرو مع بعضنا ... انا لتوا ما فطرت ...

-اممم باهي اما على شرط ...

-اشرط يا ليلا ...

-تمشي معايا باش نشري دبش و حجات ....

-هههه شنية الحاجات ....

-تي ... تي ... حجات .....

-هههه باهي ايا ابعثلي لدراس في ميساج ...

نص ساعة حضر روحك توا تلقاني لوطة ...

قامت فرحانة تنغز على الفرش لين طاحت ...

مشات تجري عملت دوش و بدلت دبشها ...

مشات لامها تلقاها محضرة الفطور ...

-صباح الخير ماما ...

-صباح النور .. ايا افطر ...

-لا لا صحة ... باش نفطر انا و كريم اللي حكيتلك عليه ...

-اممم كريم ... ايا رد بالك على روحك ...

-باباتي وينو ...

-هوكا يبدل في دبشو ...

مشاتلو تجري و حملتو من تالي...

-باباتي....

-هههههه يا روح باباتك...

-نحب فلوس ...

-قداه ...

-500 نحب نشري برشا دبش ... دبشي مخيبو ...

-ههه تتدلل ... 

مشى للغارد روب جبد منو الفلوس و مدهملها ...

باستو بوسة مرسوسة و خرجت تجري ...

تلقى كريم واقف قدام العمارة ...

حلت الباب و دخلت ...

-صباح النور ...

كيف راها ... الوجيعة اللي في قلبو تنحات ...

عينيه ولات تضحك ...

-صباح الفل ...

-ايا نمشيو راني جعت ...

طريق كامل و هوما يضحكو و يفدلكو ...

عفراء مسيبة هبلتها و تتصرف على راحتها مع كريم ...

و هو باش يطير بالفرحة ...

مشاو لرستو فطرو و عملو قهوة و مشاو للبوتيك ...

قعدو يدورو و يشوفو في الدبش ...

-عفراء قيس هذا ...

-لا .. ضاهرة مكبوس برشا ...

-ههه تي برا قيس ... و شد الشوميز هاذي ...

دخلت تقيس ... ضربت ربع ساعة ...

-يا عفراء اخرج ...

-لا ... نحشم ...

-يا بنتي اخرج باش تبات غادي ..

-باهي غمض عينيك ...

-هههه ملا مهبولة ....

توا كي نغمض عينيا كيفاه باش نشوفك ...

نحات الريدو و خرجت بالشوية ....

تهبط في الشوميز ... السروال الكلو ديشيري ...

تخبي فيه بيدها ...

ساقيها ضاهرين فيه ... البيوضية متاع بدنها ضاهرة ...

كريم داخ ماللي شافو ...

قعد باهت فيها و في زينها و شعرها اللي واصل لفخاضها ...

-مهمش باهين ... قتلك خايبين منخرجج ... 

دارت باش ترجع تبدل دبشها ...

جبدها من يدها بقوة ... لين شعرها تحرك معاها ...

حملها بالقوي و كبس عليها بقوة ...

-محلاك يا عفروتي .... محلاك ...

اما مغير متشريه السروال ... منحب حد يشوف زينك ... منحب حد يشوف بدنك ... تعرش كيفاه اقعد كيما انت ....

-هههه هانا قاعدين .... موش لازم ...

-نفدلك عفروتي ... اما هذا لا ... ههه ياسر مغري ....

ضربتو على صدرو ... 

-يا بليد ...

💗الحلقة الثالثة عشر💗

البوتيكات الكل داروهم و عفراء شرات الدبش اللي ختارهولها كريم ... حتى مالبارفان ختارها هو ...

-أيا هانا وصلنا...

-إي و أخيرا ... تقطعت في جرتك ...

-هههه انت جبتها لروحك ... 

-اي باهي بركا ... هانا تفرهدنا و انت شريت اللي ناقصك الكل ...

-هههه قول اللي فرضتو عليا انت الكل ....

-هههه خاطرهم واتاوك ...

-باهي ... ايا باي توا باش نرقد ...

حلت الباب و جات خارجة ...

-إيجا هوني تاعب معاك نهار كامل و بعد تهبط مغير متخلصني ....

-هههه مقعدليش فلوس باش نخلصك ...

-مالا تخلص بطريقة أخرى ....

جبدها و حط صبعو على خدو ...

ضحكت و باستو بوسة خفيفة و هبطت ...

قعد يخزرلها لين دخلت للبلاص عاودت دارتلو بيبات عليه و دخلت ... 

طريق كامل و هو يخمم في هكا الضحكة و هكا الزين و الدلال متاع عفروتو ... مزال ما في بالوش اللي هو طايح على راسو وو يحبها ....

وصل للدار يلقاها فارغة ... تلع لبيتو ... يسمع في صوت امو تبكي ... مشى يجري باش يشوف اش فاما ... وصل للبيت .. جا باش يحل الباب يسمع فيهم يحكيو ... حب الاطلاع خلاه يسمع اش فما ...

حط وذنو على الباب ...

-منحبوش يسمع .... بربي لا تحكيلو يا حطاب ... مش لازم يعرف ...

-كيفاه موش لازم يعرف يا عيشة ... هو توا كبر معاش صغير لوقتاه باش يقعد ميعرفش ... مصيرو يعرف ...

-امان يا حطاب أرحمني .. مللي قتلي باش تحكيلو و أنا نوم منرقدوش ...

-عيشة ... أحنا عملنا اللي علينا و أكثر .. ربيناه أحسن تربيا .. ربيتو و حبيتو أكثر من ولدي سمير الله يرحمو ... و هوكا ربي يعلم ... لازمو يعرف اللي هو موش ولدنا و اللي هو ولد صاحبي اللي مات ... 

كريم كيف سمع ... طاح على القاعة ... عينيه تعبات بالدموع ... حاول يستوعب أما منجمش ...

في لحظة حياتو تقلبت 180 درجة ... العايلة اللي عايش معاها ... اللي عايشة في خيرها مهيش عايلتو ... الام اللي ربتو موش امو ... البو اللي دللو موش بوه ... 

25 سنة مشكش نهار و مخممش نهار في الحكاية هاذي ... 

بوه و أمو كيف سمعو الطيحة خرجو يتجاراو يلقاوه عالقاعة و شاد يديه براسو ... فهمو اللي هو سمع كل شي ...

أمو دازة كان عالبكا ... بوه يحاول يتمالك روحو ... باش يفهمو شنية صار ...

-كريم عيش ولدي هيا معايا للبيرو ...

جبدو من يدو قيمو بالسيف ... هزو للبيرو متاعو و معاهم عيشة ...

-أقعد ...

كريم قعد و عينيها بركا يخزرو ... معادش حاسس بشي داير بيه ...

حل القجر و جبد دوسي و ألبوم ...

حل الالبوم و جبد منو تصويرة فيها راجل و مرا في التلاثينات و معاهم بيبي طفل عمرو قريب عامين ... التصويرة قديمة ...

مدهالو في يدو ..

-هذا جمال صاحبي .... و هاذي شذى ... مرتو ...

و هذا ولدهم ... انت ....

كريم دموعو هبطت ... هز راسو لبوه يترجا فيه باش يقلو راني نفدلك ... راك ولدي ...

قعد حطاب مقابلو ...

-شذى اصلها فرنساوية ... كنتو تعيشو في فرنسا ... بوك و امك نهار خرجو يتعشاو و خلاوك عند مرا ...

عملو أكسيدون ... ماتو ... انا بعد مجبت سمير و ماتلي ... عيشة معادش تجيب صغار و ربيناك ..

المشكلة اللي وقت اللي انت في الرحلة .. كلمني صاحبي في فرنسا و قللي اللي هو رى شذى عايشة ... و معاها بنية صغيرة تشبهلها ... 

انا حبيت نحطك في الموضوع ... احنا زادة امك و بوك ... كان تحب تمشي تلوج على امك ... برا ... و احنا نقعدو ديما والديك زادة ... كان تحب مترجعش ...

ترما عليه و مخلاشو يكمل كلمتو ... حملو و ترشق بالبكا 

-انت بابا ... و عيشة امي ... و انا منيش مسلم فيكم ... اما نحب نعرف علاش خلتني و نبرد النار اللي في قلبي ...

امو ولات تبكي بالصوت ... مشى حملها و باسها من جبينها ...

-الام اللي تربي و تكبر و تسهر الليالي ... موش اللي تجيب و تهمل... انت امي و روحي ... انت يا عيشوشة ... الله لا يحرمني منك ...

كبس عليها و زاد باسها و عنقها ...كلام سندس زاد دخلها بعضها ... هي تحب كريم ... تعشق كريم ... في بالها اللي كيف عاملها اكاكا اللي هو يحبها ... اما كلام سندس صحيح ... 

كان جا يحبها راو كلمها و قلها اللي هو مسافر ... و ادلا راهو كيف خرجو قلها ... حتى تاليفونو مسكر ... 

اخر امل كان انو يكلمها ....

توا شهر و تاليفونو مسكر.... لا كلمها و لا دار بيها ....كل يوم ترقد تفغص في دموعها .. معاش تاكل الماكلة ... كرهت روحها اكثر ما كانت تكرها قبل ... 

أما كريم موش غالط ... هو مقلهاش اللي هو يحبها ... كان يعامل فيها عادي ... كيما اي زوز صحاب ...

أما كان ينجم عالاقل يقعدو صحاب و ميحرمهاش منو ... ميتبدلش مرة وحدة ...

شهر لتالي :

كريم هبط مالطيارة خرج مالمطار جبد تاليفونو باش يكلم عفراء ...

طاحلو التاليفون و عفست عليه كرهبة فغستو ...

حب يخلط على البيس يخرج منها النوامر ... يلقاها تكسرت ...

كريم مهوش مالنوع اللي يحفض نوامر ... توا معادش عندو حتى نومرو كان نومرو دارهم ...

وقف تاكسي و مشى للوتال ... 

جبد دبشو مالفاليز باش ينضمو ...

جبد الكاميرا متاعو اللي ديما معاه ...

قعد على الفرش و حل التصاور و بدى يتفرج في تصاور عفراء ....

حس فما حاجة ناقصتو و هي بعيدة عليه ... الاحساس هذا ميكون كان حب ... عمرو محسو صحيح ... اما مفماش احساس اقوى مالحب يعمل هكا في العبد .... 

توحشها برشا ... توحش عينيها ... توحش ريحتها ... توحش هبلتها ... توحش كلامها ...

أما الدنيا حبت تبعدهم ... لازمو يلقى امو ... و بعد يرجع لعفروتو .... 

عمل دوش و رقد شوية ....

شهر كامل من بلاصة لبلاصة يلوج على امو ملقى شي ...-عفراء وين ماشية ..

-خارجة أنا و سندس باش تكمل قضيات للعرس ..

-باهي عيش بنتي ما طبتاش ...

-باهي ماما ...

كملت لبست صباتها و هبطت لسدندس ...

-صباح الخير عفروتة ...

-أمان قتلك ألف مرة مغير متقلي عفروتة .. منحبهاش الكلمة ...

-باهي باهي سامحني ... مقصدش نفددك ...

ركبت و سكرت الباب بالقوي ...

-عفراء بربي لا تتنرفز و راس أختي لا قصتها ...

-نعرف عزيزتي سامحني ... أنا داخلة بعضي وحدي ...

شنية باش تعمل اليوم ...

-باش نشري الدبش ... ديجا مقعدلي كان الدبش ...

-باهي عزيزتي ...

-محلاهم اللونتي ... خير كيف عملتهم و نحيت عليك اللينات ... هكا ضهرو عينيك ...

-عيشك ... انا زادة تقلقت منها اللينات ...

سندس ... باش نسألك ...

-تفضل حبي ...

-مكلمكش كريم ...

-لا مكلمنيش ... حتى تاليفونو مسكر ... طلبتو قداه من مرة ...

هبطت راسها و تنهدت ... دموعها خانوها كيما كل مرة تتفكر فيها كريم ... 

-عفراء لها الدرجة تحبو ...

خزرتلها في عينيها و قلبها تحس فيه باش ياقف مالدقان ...

مجرد ذكر إسمو يرهوجها ...

-أنا تعلمت كيفاه نعيش مع كريم ... ضحكت مع كريم ... عرفت قيمت روحي مع كريم ... عشت اعز أيامات مع كريم ... كيف مشى هز معاه روحي و قلبي ... نحب نقابلو مرة و بعد نموت ميسالش ...

سندس بدنها قشعر من كلامها ...

-أمان يزي عفراء ... منحبكش تعمل في روحك هكا ... كريم كان جا يحبك ميخليكش ... عيش حياتك .... أنسى و كمل حياتك ... تتعذب شوية و تنسى خير مللي تقعد حياتك كاملة تستنى و مكش عارفة حتى يحبك ولا لا ...

-منجمش ... أنا عمري محبيت ... أنا عشقت كريم ... قلبي يدق ليه ... مستعدة نستناه حياتي كاملة ... حتى كان ميحبنيش ... يكفيني نكونو صحاب ...

دورت وجها للشباك ... تعمل في ضبابة على البلار و تكتب في إسم كريم و تبكي ...

سندس غاضها حال صاحبتها ... أما موش بيدها تعمل حتى شي ... 

دارو البوتيكات الكل و شراو اللي ناقص سندس ...

مشاو لقهوة باش يرتاحو و يعملو قهوة و بعد يروحو ...

-يا عفراء معاش فيا ... بيلت ...

-كان ترا أنا و انت من حاجة الحاجة و معاجبك شي ...

-هههه نشا الله في فرحتك و الله ما نخدملك حمال ....

تنهدت ....

-عيش أختي .... نشا الله ...

هبطو قهاوي و قعدو يعملو في بروغرام غدوة ...

تسمع في صوت موش غريب عليها وراها .....

-عفراء لباس ...

تلفتت تلقاه حمزة ... لباس دجين و مريول و سبادري ... عامل لينات و شعرو لتالي بالجال ...

مد يدو سلم عليها ...

-أهلا حمزة لباس ....

خزرتلها سندس معناها قلو يقعد ..

-تفضل أقعد حمزة ...

جبد الكرسي و قعد ...

دار لسندس ...

-عسلامة مدموازال ... لباس ...

-الحمد لله لباس انت...

-الحمد لله ... (دار لعفراء ...) سفا عفراء ... من نهارت الرحلة معاوتش ريتك ... 

-هاني غاطسة مع صاحبتي تحضر لعرسها ...

-العاقبة ليك و نشا الله نفرحو بيك ...

نشا الله مبروك مدموازال ....

-سندس ...

-نتشرفو ...

أنا توا لازمني نمشي عندي كور ...

عفراء تنجم تعطيني نومرك حاشتي بيك ...

-م .... منيش حافضتو ...

-سي بون هاو عندي أنا ... قيد قيد ...

تبسم و جبد التاليفون ... عفراء تغسل على سندس و هو قيد النومرو ...

-أيا بالسلامة ... توا بعد نكلمك ...تبسمتلو و هز روحو و مشى ...

-تي علاش يا سندس شعمتلك باللاهي ...

-أسكت يا سخطة ... ما ريتوش محلاه ... تي البنات الكل مضروبين فيه في الفاك ... تي شعد ايامك انت يا بوهالية ...

-بففف ربي يهديك ... و انا اش يهمني فيهم البنات لازم اللي يعجبهم يعجبني ....

-يا بهيمة ... أعطيه فرصة ... و أعطي لروحك فرصة ...

💗الحلقة الرابعة عشر💗

-je peut vs aidez mrs ....

-je cherche mrs Ahmed svp

-d'accord je vs lui dire ...

vs pouvez restez dans la salle de pause ... juste deux minute ..

مشى للصالون قعد يستنى في أحمد صاحب بوه ..

هذا اللي رى شذى أمو ...

نداتلو السيكريتار باش يدخل للبيرو ...

دخل يلقى راجل في الخمسينات ... شعرو أبيض شوية ... خشين و طويل .... لابس كوستيم و واقف يستنى فيه ..

قدملو شوية و مدلو يديه باش يسلم عليه ...

أحمد قعد يخزرلو ... مغير ما يحكي يمدلو يدو .. جبدو ليه و حملو بقوة ... عسرو بين يديه ..

-ليك وحشة يا غالي .. يا ولدي الغالي ...

-أنا زادة توحشتك عم أحمد ... سامحني منيش نطل عليك ...

-السماح ولدي تفضل أرتاح .... 

قعد على الكرسي و قعد مقابلو أحمد ...

كلم السيكريتار باش تجيبلو زوز قهاوي ...

-عم أحمد ... وين ريت أمي ... قلبت عليها الدنيا و ملقيتهاش ....

-ريتها في باريس ... نهارتها خرجت أنا و نورة ...

شافتها و كذبت عينيها ... كيف قتلي ما صدقتش أما كيف ثبت و قربتلها شفتها هي و بنية متاع 18 سنة ...

-نحب نواجها و نعرف علاش عملت معايا هكا ...

علاش كيف هي حية ما جاتش و مهزتنيش ... ولا ورتني وجها...

-ولدي ما تحكمش عليها.... أسمع منها و بعد أحكم ...

-يا عم أحمد راهي خسرتني في حياتي ... كيفاه تحب نعذرها ....

-برا عيش ولدي أرتاح و أنا توا نلوج عليها و نبعثلك الادراس 

-باهي عيشك يا عم أحمد ...

سلم عليه و خرج ... وصل للاوتال ... جبد التصاور كيما كل يوم يتفرج فيهم ... لين يهزو النوم ...

يتذكر كل شي فيها ... متوحشها و مفما حتى وسيلة توصلو ليها توا الا ما يلقى أمو ... يتمنى يلقاها فيسع باش يرجع لعفراء ....

نهارين على نفس الحال ... كريم شرى البارفان اللي شراها لعفراء ... رشها على المخدة و الجراية ... حتى علا دبشو ... حب يحس اللي هي معاه ....

التاليفون صونا ... يلقى ميساج من عند أحمد فيه الادراس متاع شذى ... فرح و تربث في نفس الوقت ....

فرح خاطرو باش يرجع لتونس ... و مربوث من مقابلتو الاولى لامو ... 

ستجمع قوتو و بدل دبشو و مشى ...

مزال صباح و الطقس بارد .... باريس مغيمة و المطر تصب .... الطقس موحش و كريم كل ما يقرب للادراس تثقل خطوتو و يزيدو دقات قلبو ....

وصل لعمارة .... طلع للطابق الخامس ...

يحط صبعو على الصونات و يبعد ... تشجع و صونا بربثة ... قعد يستنى باش يتحل الباب ....خرجت طفلة مزيانة برشا ... شعرها أصفر قصير و عينيها خضر ... قصيرة شوية و بيضة برشا ...

نسخة من أمو عرف اللي هي أختو ...

-bjr ... vs disirez qui?

-mme shatha svp ...

-maman ... maman ...

il ya qq qui cherche de vs joindre...

هيا تحكي و هو مركز معاها ... كل شي فيها يشبه لأمو ... أمو اللي مراها كان في التصويرة قعد يشوف فيها كيفاه تحرك في يدها كيف تحكي ... كان يرى في روحو يحكي .... زاد قلبو وجعو و عينيه تعبات بالدموع ... دخلت للدار باش تنادي لامها .... كيف راتو مبهم فيها تفجعت منو ...

دقيقتين و خرجت مرا في الخمسينات ... شعرها قصير روي و فيه كعبات شيب ... كيف تراها تقول بنوتة موش مرى كبيرة ... أما شاف في رقبتها شركة فيها نفس تصويرتو ... نفس التصويرة اللي مدهالو حمادي قبل ما يطلع لفرنسا .... وقت اللي هزو يلقاها في رقبتو مكتوب فيها من تالي ...

"je t'aime mon ange que dieu vs protege ... votre maman " 

كبس على يديه و عينيه وساعو ....

شذى كيف خرجت ... سألتو إنت شكون ... قعدت تخزر لوجهو ... نفس الملامح متاع بوه الله يرحمو ... نفس البدن و الطول ... قلبها دق مالفرحة ... كيما يقولو فيها قلب الام خبيرها ... تكلمت بصوت كلو وجيعة ... مخلطة بفرحة ... بخوف ... بصدمة ... إحساس ميحسو كان اللي فقد حاجة و في بالو معاش باش يراها ... 

-ك....ك....ريم .... ولدي ....

في اللحظة هاذيكة .... كريم نسى اللي هو متغشش منها ... كيف سمع صوتها لاول مرة .... صوتها اللي كلو حب و حنية ... صوتها اللي فيه غصة ميعلم بيها كان ربي ... كلمت ولدي من فمها خلاتو يفقد كل إحساس بالكره ولا النقمة تجاهها ...

هز راسو ... دموعو هبطو مطر .... قلها أي براسو ...

ترمات عليه ... حملتو بكل قوتها ... كانت قوية كيما اللبة اللي تحضن ولادها مالخوف عليهم ...

عصرتو بين يداها و هو ذاب في حضنها و قوى مالبكا ... حضن الام اللي تحرم منو سنين ... اللي اول مرة يحسو و يعيشو ...

حضنها بنفس القوة و ممكن أكثر ... دموعهم تخلطت ... و جوسيفين أختو واقفة في الباب ... تحاول تستوعب اللي ترا فيه ..... أما حد مينجم يحسها اللحظة ... الا ما يعيشها ....شدتو من يدو و دخلتو للدار و سكرت الباب ... نادت لجوسيفين ...

-جوسي ... هذا خوك ... هذا كريم اللي ديما نحكيلك عليه ... شوف ولدي و لا راجل ...

-معناها .... خويا حي ... ما ماتش ...

مشات تجري ترمات عليه قريب طيحو ... حملتو و غرست راسها عندو و ترشقت بالبكا ...

حملها و بكا ... يشم في ريحتها و يبوس فيها من راسها و من وجها بزربة ... و هي تقول بيبي في حضن أمو ...

مشات أمهم عنقتهم و ولات تزغرت ...

بعد برشا وقت ... و لا يمكن شوية ... محسوش قداه تعدى ...

قعد هو و امو على الصالون ....

-ولدي ... يا روحي ... و الله فرحتي بيك لا تتوصف ... بعد ما مات بوك وانا دخلت في غيبوبة قمت منها بالسيف ... فقت الذاكرة و رجعت بالشوية بعد عام... كيف سألت عليك ... قلبت عليك الدنيا قالولي اللي المرا اللي خليتك عندها تحرقت بيها الدار و ماتت و انت معاها ... تشويت و تقهرت و هبلت ... دخلت لسبيطار المهبلة ... تعرفت على بو جوسيفين ... داواني و عرسنا .... اما عمري منسيتك ... نفيق بيك و نرقد بيك ... و الله تعذبت و انت بعيد عليا ... حوايجك و انت صغير لتوا عندي ... الشركة هاذي ديما في رقبتي ... كل يوم نحكي عليك لاختك ... 

-سامحني يا امي ضلمتك ... في بالي نسيتني و عاوت حياتك ... 

حملها و باسها من جبينها ..

مشات جوسيفين جابتلو كراب شوكولا و قهوة ... حطتهم قدامو ...

قعدت على الكانابي و حملت كريم بقوة ...

-انا املت الكغاب ... و الكافي ... كول سيلتوبلي ...

حملها بقوة ...

-ربي يخليك ليا يا احلى اخت ... حياتي كاملة نتمنى يكون عندي اخت الحمد لله 


عداوه نهار كامل مع بعضهم ... حكاو كل شي فاتهم .... روح جاب دبشو و نقل بحذاهم ...

باش يقعد بحذى امو جمعة و بعد يهبط لعرس سندس و بلال ...

💗الحلقة الخامسة عشر💗

-جوسيفين... هيا أمان معاش بكري علينا .... الطيارة قريب تخرج ..

-j'arriiive ...

-ياخي ديما بنتك هكا مرخوفة ...

-هههه اي ديما هي اخر وحدة تحضر .... عيش ولدي منوصيكش على أختك راهي بوهالية كل شي يتعدى عليها ... أنا توا نفض أوموري هوني و نخلت عليكم ... ديجا بعد ما مات مارك قعدنا وحدنا ...

-تهنى يا ما توا باش توصيني على أختي ... أما وساها القصير لا ... ماك تعرف عاد طفلة مزيانة و جديدة و فرنساوية و زيد القصير ... أكهو نستجرم أنا في جرتها ...

-هههه تهنى تهنى وصيتها حتى دبشها أنا خترتهولها ....

خرجت جوسيفين تجري سقاها أعلى من راسها تكركر في الفاليز و هازة ساك في يدها و التاليفون و حالتها حليلا ...

وقفت قدام كريم و حطت الفاليز لوطة 

-chui prete ....

و طلعت لسانها ...

-الحمد عليك ليلا عندك ساعة تلبس ...

حملتو و باستو و جبدت تاليفونها صورت هيا و ياه تصويرة و هي تبوس فيه ....

-هههه سيب خوك و براو معاش بكري ....

-باهي ماما ... 

سلمت عليهم و وصلتهم للباب ...

-ربي يحميكم ... سايسو رواحكم ...

وصلو للماطار و هي جوجمتلو مخو بسؤالاتها على عفراء ... كريم حكالها كل شي صار و قتلو اللي هو حب من أول مرة أما هو مهوش شالق ... هو كان حاسس أما كلام أختو زاد أكدلو .....

كل مرة تسألو سؤال على تونس و وعدها باش يدورها تونس الكل بعد العرس ...

طلعو في الطيارة و قعدت جوسي بحثا الشباك و هو بجنبها ... يحسب في الدقايق اللي باش يوصل فيهم لتونس ... توا 5 متاع الصباح و هوما يوصلو قريب 8 حب يخليهالهم مفاجئة ... حب يعدي النهار مع أمو و بوه و يعرفهم بجوسي و يرتاح شوية و في الليل يمشي للصالة مغير ما يعرف حد ... ديجا شهرين غياب موش شوية و هو توحشهم برشا ... خاصة عفراء ... اللي خذاتلو مخو و تفكيرو .... اللي يحلم بيها ليل و نهار و هو راقد و هو فايق ... عفراء اللي عفرتتلو مخو و خلاتو يحكي وحدو ... هذا هو الحب ... إنك تحب عبد على روحو الخفيفة و قلبو الباهي و طبيعتو ... على حنيتو و طيبتو ... موش على كيلو المكياج اللي في وجهو و لا الشبر اللي لابسو ...

"جمال المضهر يأسر العيون .... أما جمال الروح فيأسر القلوب ..."

هذا اللي عملتو عفراء لكريم ... أسرتلو روحو و قلبو و مخو ....

كالعادة وين يتوحشها يحل الكاميرا و يشوف تصاورها ... يملي عينو من ضحكتها ... من عينيها اللي تلمع ... من شفايفها ... من كل شي فيها ...يبوسها ... يحضنها ... يهزو النوم و قلبو ما يرقدش .... قلبو أسير عند عفراء ... قلبو في تونس و بدنو في الطيارة ... عفراااء ... اسم يتردد صداه في وذن كريم ... كل ليلة ... كل لحظة ... كل دقيقة و كل ثانية ... يحسو في قلبو و مسو بروحو ...

إسم أحلى من أحلى صوت .... 

أي واحد عاشق يحط أم كلثوم ... إليسا .... أدال ...

كريم يهط صوت عفىدراء الىي سجلو و هي تغني ... يتبسم ... يفرح ... يطير ... يجنح .... يحس روحو خفيفة ... صافية ... نضيفة ....

توفا الغناية يعاودها ... كل مرة يعمل معاها جو اكثر مالمرة اللي قبلها ... يذوب مع إحساسها و رقت صوتها ... 

توا الثمنية ... الطيارة هبطت في المطار ... ريحت تونس ترد روح ... أما بالنسبة لكريم متردو روحو كان ريحت عفراء .... شي ميعوض ريحتها ...

خرج هو و جوسي و يدز قدامو في الفاليز ...

جوسي دور في عينيها على البلايص الكل ... تكتشف في البلاصة و في العباد ...

خرج يلقى امو و بوه يستناو فيه ...

امو عرضتلو بالورد و الحلو والدموع ... توحشتو ... كان مالي عليها الدار ... و هو توحشها و توحش ريحتها و دلالها ... و خاصة ماكلتها ...

كيف راتو حست روحها رجعتلها ... موش الطفل اللي ربتو و ما جاباتوش من كرشها ... علاقتها بيه كانت اقوى من علاقت ام و ولدها اللي ولدتو ... كان هي الامان و الطمانينة ... و كان تطلب منو عينيه ما يبخلش يعطيهملها ....

جمعتهم الدنيا و الاقدار و مينجم حد يفرقهم ...

بوه ... اللي كان هو الحب و الحنان و الدلال ... او بالاحرى البانكة متاعو .... حمادي دلالو لكريم فات لحدود .... ثروتو اللي تعب عليها سنين الكلها كتبها باسمو ...

مشى يجري ترما على امو ... يبوس و يحمل من راسها و كتافها و خدودها و فمها ...

يستنشق في ريحتها ... و هي مسكينة تبكي و تعاود ... في بالها اللي شذى باش تفكو منها ...

مفيبالهاش اللي هي قررت تسكن معاهم باش يكونو عايلة و ميبعدش عليها ...

سلم على بوه بوحشة متقلش على وحشتو لامو ...

كان يرى فيه قدوتو في الدنيا ... اما دلالو فيه فزدو و خلاه معمل عليه ...

بوه كان يبكي من داخل على فراقو ... اما كان يقوي في روحو على خاطر مرتو ...

-جوسيفين ... ايجا ...

بعد ما بهتت في اللحظة اللي تشبه للحظة اللي في فرنسا ... عرفت اللي حبهم ليه ما يقلش على حب امها ليه ...

-ماما بابا هاذي جوسي اختي ...

مصلي عالنبي على بنيتي مشبها ... نسخة من شذى و لا أحلى ....اي و الله نسخة من شذى ...

-اي اما عينيها احلى ...


كانو يقلبو فيها و هي مسكينة تخزر لكريم كلمة تفهمها و عشرة لا ... تخزرلو تحب تعرف اش فما فاش يحكيو ... و هو شايخ بالضحك ....

-أيا يا عيشوشة راني متوحش الملوخية من يدياتك الملاح ... تي كيف تفكرتها بركا جعت ...

-مالا كان ترا شنية محضرتلك ... مخك ياقف ... عرتلي راسي ...

-سملا على ولدي ... مسكين راهو مات بالشر من ماكلت الفرانسيس الصفرة ... راهي ماسطة لاصطة ... تقول ماكلت سبيطارات ... حضرت لولدي كل شي ... خليه يرم عضمو ...

-ههه في هاذي عندك حق و الله ... ماكلتك و تصنيفك ما كيفهمش ...

-اممم ماكلتي و تصنيفي اكهو ؟...

شدها من راسها و باسها ...

-كل شي فيك يا عويشة ما كيفوش والله ... راك العز يا امي الغالية ...

-ايا نقعدوش قايلة كاملة نبوسو و نحملو ... تي معاش بكري باش تحضرو رواحكم للعرس و ترتاحو شوية ...

طلعو في الكرهبة ... هو بجنب بوه و جوسي بجنب امو ...

-تاتا شنية ... مخلية...

-وه اللطف يا بنيتي ... قلو مخلية ... ملوخية ملوخية ماكلة بنينة برشا...

-برشا؟؟؟؟ (سالتها مستغربة )

حطاب و كريم يضحكو على عيشة كيفاه تفسرلها و هي تحاول تفهم و شي ...

دارلها كريم ...

-barcha c-à-dire trop 

-aaaa trop delicieuse ...

-ui c sa ...

-d'accord ...

تبسملها و دار ...

-karim (دارلها و باقي يتبسملها) je t'aime beaucoup 

-moi aussi ma petite ... 

فرحت بكلمت ما بتيت خاطر بوها كان يقلها فيها .... و هي لقات في كريم حنيت بوها و خوفو عليها ... كريم فرحان بيها برشا و يحبها برشا ...

ما صدق لربي لقاها ... طول عمرو يحس روحو ناقص حاجة ... 

وصلو للدار .. طلع عمل دوش و هبط ... يلقاهم قاعدين على الطاولة يستناو فيه عالفطور ... 

الطاولة معبية بالخيرات ... تشوف حاجة تنسى حاجة ... جوسي غطست فالملوخية تمرمدت بكلها ... شاخو عليها بالضحك ...

كملو الفطور و طلع كل واحد لبيتو باش يرتاح ...

العشية قام كريم فرحان ... يستنى في اللحظة هاذي باش يشوف عفراء و صحابو ...

لبس الكوستيم و عمل شعرو بالجال ... حصر لحيتو .... و خرج ... مشا يدق على جوسي باش تخرج ...

خرجت مالبيت لابسة روب طويلة روز و بروتال و هي بيضة برشا زادت فيها الشطر ... 

لبست طالون و خلات شعرها مسيب هابط على كتافها ....

باسها من جبينها و مدلها يدو باش تشد في من يدو ... 

طلعو في الكرهبة و كل تفكيرو كان عفراء ...

💗الحلقة السادسة عشر💗

الطريق على قد ماهو قصير على قد ما حسو كريم طويل .... وصلو قدام الصالة ... هبط منو كريم و قلبو باش يخرج من بلاصتو ... هبط و حل الباب لجوسيفين ...

شدتو من يدو و دخلو للصالة ... بداو يقدمو و مع كل خطوة يزيدها قلبو يقوي في دقاتو ... يلعب في عينيه على الصالة باش يشوف عفراء ما لقاهاش ...

-مصلي عالنبي ... محلاك عزيزتي انت احلى عروسة شافتها عيني و الله ... 

-عيشك عفراء ... مربوثة برشا و داخلة بعضي ... حاشمة و منيش سافا جملا ... 

-هههه مناش حاشمة ...

-منعرش ... ممكن خاطر برشا عباد ... 

-هههه يزي حبي بربي قلو حاشمة ... الليلة فرحتك ... الليلة اي وحدة تحلم بيها مع الانسان اللي تحبو ... و انت حاشمة ...

-باهي قدلي الفوال من تالي ....

-ههه تتدلل ...

سندس ... ياخي كريم موش جاي .... 

-و الله كان مايجيش الا ما نقتلو و الله ...

عفراء ... باش تغنيلي ماهو اليوم ...

-أكيد يا روحي ...

نغنيلك اللي تحب زادة ...

-عيشك عزيزتي ...

-نسمع في صوت تزمير ... يضهرلي بلال جا ...

-يا ...لا لا منيش خارجة .... نحب نمشي للتوالات ... كرشي ...

-ههههه ملا مهبولة ... بروبت العرس...

امشي بركا لباس عليك ...

خرجتها عفراء للصالة ... تلعب في عينيها تلوج عليه .. الصالة معبيا كانت تنجم تفرقو من بين الف اما هو مفماش ...

تنهدت و دخلت باش تبدل دبشها ...

لبست روب روج و طالون و سيبت شعرها ... عملت مكياج خفيف و خرجت ...

خذات الميكرو و مشات للمنصة باش تغني لسندس الغناية اللي تحبها ليها هي و بلال ...

جوسيفين قاعدة في الطاولة و كريم مشى باش يجيبلها دبوزة ما ... 

دخل للصالة يسمع في الصوت اللي خذالو عقلو ... الصوت اللي سحرو و خلاه هايم فيه و عشقو ....

قعد يقدم بالشوي و قلبو في الميا .... لا في الالف و اكثر ... يدو ولات ترعش ...

واقفة عالمنصة ... تضوي بكلها كيما القمرة في تمامها .... الاحمر زينها و حلاها ... شعرها زاد طوال و حلا ... زادت حلات .... حسها زادت كبرت ... كانت مغمضة عينيها و تغني باحساس ....

اما احساسها اليوم فيه برشا وجيعة .... برشا حب .... برشا وحشة ... 

تمنى يمشيلها و يحملها ... يشم ريحتها ... يبوسها و يشبع منها ... يقلها اللي هو يحبها ... يقلها اللي هي كل شي بالنسبة ليه ... هي حياتو و عمرو و الهوا اللي يتنفسو ...محبش يقص على الغناية اللي خذاتلو احساسو الكل ... عينيه باش تطلع منها .... كل حركة تعملها تاخولو عقلو ... روحو اطير معاها ....

مشى قعد بحذى اختو و قعد شارد فيها .... 

قرب لجوسيفين ....

-هاذيكا عفراء ...

حلت عينيها ... خزرت قدامها شافتو قاعد على الطاولة ... فرحت ... طارت بالفرحة ... قلبها ضرب و يدها رعشت و الدم تحرك في عروقها ...

أما فرحتها مكملتش ... شافتو يوشوش و يضحك مع طفلة مزيانة برشا بجنبو .... قلبها وجعها 

و حست بالدوخة لعبت عليها ...

تشوف و موش مصدقة عينيها ... 

منجمتش تتحرك ... جمدت في بلاصتها ... 

حمزة كان واقف قدام المنصة يسمع فيها و عامل جو ...

كيف شافها وجها صفار و ملخلخ تفجع عليها ...

ترهوجت ... طلع للمنصة يجري شدها من يدها و هبطها ....

كريم كيف قص الصوت هز راسو يلقا حمزة معنقها .... الدم طلع لراسو ... عينيه حمارت و خزرتو لكلها شر ....

-عملها الطحان .... عملها ولد الحرام ....

شعل بكلو و كان ينجم يعمل مصيبة ... اما جا بين عينيه بلال و سندس و فرحتهم .... محبش يفسد عليهم ...مشى كريم للفرقة رغم انو كان فاد من حمزة اما محبش يضهر ... لازم يقوم بالواجب في فرحت صحابو ...

كلم الفرقة باش يحطولهم غناية الشلة .... اللي هي تجي كل شي كان انها تتسمع في فرح ....

حطوهالو الفرقة و علاو في الصوت ...

سندس كيف سمعت الغناية عرفت اللي كريم غادي ... وقفت مالفرحة تلوج عليه بعينيها ....

ملقاتوش .... تسمع في تصفيق و تصفير ... تشوف فيه جتي على موتور كبيرة ....

حطت يدها على فمها مالفرحة ولات تبكي و بلال يمسحلها في دموعها باش ما تتمرمدش ...

هي كانت ديما تتمنى انها تركب على موتور و هي بروبت العرس .. في بالها كريم نساها و مهوش باش يجي ...

نسات اللي هي ماللي حلت عينيها كريم كان اليد اليمين متاعها ... بوه و بوها صحاب و هي ماللي صغيرة معاه ....

جوسيفين تنغز و تصفق و تصفر .... الصالة الكل عينيها عليها ... خاصة عفراء . .... اللي قلبها باش يطلع من بلاصتو .... تشوف في عشق حياتها قدامها .... الوهرة اللي فيه خذاتلها عقلها .... الكوستيم زاد فيه الشطر .... شعرو.... عينيه... شفايفو.... حتى ريحتو كانت منجمة تشمها من بين الف ريحة .... 

كيف تخزر لجوسي تتفكر اللي هو موش متاعها ...

اش جابها هي لجوسي ... ضاهرة مهيش تونسية ... على هذاكا هو مشى لفرنسا ... على خاطرها .... اما هو مهوش غالط معاها ... هو موعدها بشي .... اصلا مقلهاش اللي هو يحبها .... علاش باش تلومو ... اصلا هي مهيش متاع حب .... و ريق زايد ....

اما دمدام هو مهوش غالط و شاف حياتو مالازمهاش تبينلو حتى شي ....

وقفت هي زادة تصفق و تتبسم فوق من قلبها ....

شوية و جاو برشا ولاد بموتورات كبار ....

هبط كريم و مشى لسندس و بلال ... سلم عليهم ... حملهم و باركلهم ...

مد باكو مغلف لسندس ....

حلتو تلقاه كونفارس كري بكلو لقة و زينة ....

ضحكت و تفكرت اللي هي ديما تقول لكريم تحب عرسها يكون مهبول ... موش كيما اي عرس ...

قعدت على المنصة و بدات تنحي في الطالون ....

-يا بنتي فاش تعمل العباد تتفرج......

-اومورهم بلبولتي .... هذا عرسي و انا حرة فيه ....

-هههه ملا مرا مهبولة عندي ...

كملت لبستو و قفلتو ....

قرب كريم لبلال ...

-موش ديما نقلك اللي انا باش نجي نهز سندس معايا ليلة عرسها و نتعبك باش تاخوها ... غي بالك ساهلة صاحبي ....

غمزو ... تلفت لعفراء ندالها بيديه ....

باقي نارو شاعلة من حمزة اما موش وقتو ....

💗الحلقة السابعة عشر💗

كيف رات خزرتو ليها ذابت .... و هي تنجم تتكلم و لا تتنفس قدام نضرة من عينيه ... 

مشاتلو مغير متتكلم ... معبرتش حتة حمزة اللي قاعد بجنبها .... وصلت بجنبو ... قلبها باش ياقف .... ريحتو زادت قوات في خشمها و ريحتها خذاتلو عقلو .... كيف راها تمنى الصالة تكون فارغة مفيها حد كان هوما الزوز .... يحب يحملها و يعصرها في حضنو ... يحب يخملها في قلبو ... يحب يقلهم اللي هي متاعو وحدو ... اما هي زعما تحس نفس الاحساس..... الحاجة الوحيدة اللي خلاتو متردد .... قربلها و طبس على وضنها .... بعدلها شعرها على وذنيها ... حط شفايفو على رقبتها ... بدنها رعش ... عينيها وساعت ... حست بدنها ضربو الضو ... شم رقبتها بقوة ..... غمضت عينيها تحاول تتحمل اللي قاعدة تحس بيه .... وشوشلها في وذنها ...

-محلاك ... توحشتك عفروتي

صوت كلو بحة .... كلو اغراء .... صوت عندها برشا مسمعتوش .... توحشتو ... الاسم اللي كيف مشى كرهتو .... توا رجع هو احلى اسم تسمعو من احلى عبد باحلى صوت ....

بلعت ريقها بالسيف ... 

-باش نهز سندس عالموتور و انت ايجا مع بلال ....توا بعد نفهمك ....

قتلو باهي براسها ... حط شفايفو شطر على رقبتها و شطر على خدها .... 

عيشها عفروتي ...

كان يتكلم و شفايفو يتحركو في خدها و رقبتها .... كبست على يدها بقوة .... باسها بالشوية و بعد عليها ...

سندس ماتت بالضحك على عفراء ..... تفكرت اول بوسة خذاتها من بلال ... قلبها ضرب و خزرت لبلال و ذبلت عينيها .... صوتها كلو اغراء ...

-نحبك ....

قلبو ضرب و بدنو تكهرب و تفكر ليلتهم اللولة اللي من وقتها وهو شاهي مرتو حبيبتو ... كبس على يدها بالقوي ....

قرب منها ...

-يزي يا سخطة .... راك شعلتني و هبلتني .... 

تبسمتلو بخبث ....

هي اكاكا و تحس كان في يد كريم جبدتها و مشى يجري ....

-اخلط كان تحبها ايجا هزها ... هزت روبتها و عطات على ساقيها معاه طلع على الموتور و هي وراه 

بلال طار تقول عجاجة ... شد عفراء من يدها ... هزت روبتها ... تجري و تنحي في الطالون ... بلال و عفراء ولاو اعز اصحاب ... كيما سندس و كريم ....

طلعو عالموتور و خلطو عليهم ....

اكيد العباد الكل ماهي فاهمة شي ... و كل واحد شنية حكا .... كيما اي عرس تونسي تصير فيه خوضة ... اما الحاجة الباهية اللي والديهم مستوعبين ..

قبل مايمشي ... كريم وصى ام سندس على اختو .. و قلها اللي هي ما تعرف حد هونيالكياس كبير و معبي يمين و يسار بالموتورات ... الكلهم مزينين .... كريم من قدام شادة فيه سندس و بلال يحاول يخلط عليه و يفك مرتو ...

كريم يجري بالموتور و سندس شايخة بالضحك ... معنقة كريم من تالي و تبيبي على بلال ...

بلال خالط وراهم و عفراء تصوير بالبورتابل ... ...

كريم قعد يمشي ... وصل لبلاصة بلال يشبه عليها ...

دخل فيها كريم و الاولاد اللي بالموتور ... 

الدنية ضلام بلال ما كبتهاش البلاصة المرة اللولة اما كيف دخل مالباب طلعت المدرسة القديمة متاعهم اللي تقابلو فيها التلاثة اول مرة و اللي حب فيها مرتو روحو ...

وقف الموتور ... هبطت عفراء .. شدها بلال من يدها و دخلو مع بعضهم ... يلقى صحابهم الكل غادي محضرين ليهم منصة و كراسي و طاولة معبية بال jus و الشامبانية للي مستانس يشرب ... يلقى سندس في يد كريم ... من تبسيمتو ضاهر محضر مصيبة .... 

صحابو يصفق و يغنيولو ....

-ايا هاني خلط عليك .. اعطيني مرتي خليني نروح ....

-هههه لا يبطى ... ريتها الصحفة هاذيكا ...

تلفت يلقى صحفة معبيا باوراق مطويين ...

-اي شفتها شبيها ....

-شفتهم شلت الانس متاعك .... احسبهم قداه من واحد ...

-تي هام قريب الخمسين ...

-ههه كل واحد فيهم كتبلك حاجة لازمك تعملها مكانش مكش مروح بيها الليلة ....

-هههه على خاطر مريتي ناكل الحجر ...

-ههه متخافش هاك باش تاكلو ...

هز حاجب و هبط حاجب ... عفراء مفاهمة شي و سندس تضحك ...

-اضحك ليلا اضحك ...

خسرلها خسرة معناها كل شي باش نفديه فيك بعد ....

ايا نحى الفاست و بدى ....

سندس مشات قعدت على المنصة ... كريم مشى بجنب بلال و بحذاه عفراء ...

جبد الورقة الاولى ... يلقاها بومبا 50 مرة و ينحي الشوميز و الخلعة ... شاخ عليه الحكم باش يوري روحو لمرتو ... 

نحى الشوميز و الخلعة ...

بدنو مسكل يفتق ... اصلا بروف سبور كان حب ...

مشى باش يبدى ... شدو كريم من يدو ...

-ههه فارح سيدي .... في بالك ساهلة هي ...

اقلب الورقة ...

قلب الورقة يلقى "فوق ضهرك سندس "

كريم و عفراء شاخو بالضحك ...

-أقرى أقرى بالقوي...

-لازم سندس فوق ضهرك ...

سندس وين تلقاها ... هبطت تجري ... هو بدى و هي فوق ضهرو ... تقول ريشة محس شي .. 

كمل الاوراق اللي في الصحفة الكل .... و مكادو شي ...

-ايا توا تنجم تهز مرتك ...

-اكهو باش تروخو و تخليونا ...

-اكهو عزيزتي لازمني نروح ... بلال شوية اخر يقتلني ...كريم جاه تليفون من عند ام سندس قتلو اللي جوسي معدتها توجع برشا وجهو صفار و تفجع و دخل بعضو... طيحتلو بروغرامو في الما ... في بالو باش يصارح عفراء بحبو ليها ...

-ايا يا جماعة لازمني نروح ... جوسيفين متقلقة برشا بمعدتها ...

عفراء فدت و عينيها دمعت ...

-ياخي شكون هذي جوسي ...

-توا بعد نحكيلك سندس مش وقتو ...

هيا عفراء نروح بيك ...

-لا توا نكلم حمزة يجيني ...

حبت ترجعلو الفازة ... هي معندها حتى علاقة بحمزة .. حب يخطبها اما هي مقبلتش خاطرها تحب كريم و حكاتلو اللي هي تحبو .... 

سندس ترشقت بالضحك ... فهمت اللي هي تغزل فيه ....

-ايا نخليكم توا.... 

سندس مشات و كريم عينيه شاعلة .....

قربلها وجهو في وجها و النفس متاعو حرقها على كثر ماهو سخون ....

-ياخي شنية حكايتك انت مع حمزة ... و بآنا مناسبة باش يروح بيك ...

-حاجة تخصني ....و منحبش نروح معاك ...

شدها من يدها بقوة لين وجعها جبدها ليه بقوة ....

-شبيك انت وليت قبيحة .... و موش على كيفك باش تروح معايا .... قلو حمزة .... انا باش نخلي اكا المريض يقربلك .... مهبولة انت ...

جبدها من يدها يكركر فيها ...

طلع عالموتور و طلعت وراه ....

محبتش تشدو من ضهرو ......

مشا شوية و وقف على غفلة ترهوجت و شدت فيه بقوة ... تبسم و طار .... هي عاجبتها الحكاية حست الدنيا بين يديها ....

حطت راسها على ضهرو ... رغم الهوا البارد الداير بيها ... حست بالدفا اللي في بدنو...

💗الحلقة الثامنة عشر💗

تاكدت اللي هي مهيش تحلم ...

بعدت يدها ... 

-ايا قوم و اخرج حاشتي بيك ... هاني في الصالة ...

قعدت مبهمة فيه ... خرج و سكر الباب وراها ...

قامت تجري ... السروال الكاروات ... المريول كلو دبادب ... الشعر مشعشط ... و الشلاكة فيها دبدوب ...

خرجت مالباب ..... تلقاه واقف بجنبو جوسي ... لابسة سروال دجين و مريول خلعة .... مزيانة برشا ....

تصدمت كيف راتها .... استجمعت قوتها ...

قعدت بجنبو ....

-مرحبا بيك ....

-ايشك ... مالاك .... كريم ديما احكي عليك ...

-عيش اختي ري يفضلكم لبعضكم ...

-شنية عفروتي ... مكش باش تسالني شكون هاذي ...

-شكون ...

قلبها يضرب ... 

-هاذي جوسيفين .... اختي .....

سمعت كلمت اختي طارت بالفرحة .....

وقفت مالفرحة .... مشات تبوس فيها و تعنق ... -مرحبا بيك .... مرحبا بيك اختي ....

نمشي نجيبلك جي ....

مشات لكريم ....

-تحب قهوة .... 

-هههه اي يا مغربعة ....

مشات تجري للكوجينة .... تنغز مالفرحة .... و تغني ....أول حاجة عملتها بعثت ميساج لحمزة "حمزة جوسيفين طلعت اختو .... ضلمتو .... باش نقلو اللي انا نحبو ..."

حضرت القهاوي و هزتهالهم ...

-ايا تفضلو ...

-يزيد فضلك عفروتي ... 

ايا تمشي تبدل دبشك باش نخرجك انت و جوسيفين تحب تمشي لسيدي بو سعيد ...

-اي باهي ... توا نبدل دبشي و نجي ...

مشات لبيتها باش تبدل دبشها ... لبست سروال دجين و شوميز و كونفارس في البلون سيبت شعرها و هزت ساكها و خرجت ...

-واو ... محلاه شعرك افراء ...

-عيشك عزيزتي .... انت احلى ....

كريم قد ما يخزرلها ما يشبعش منها ... خاصة شعرها ......

مشالها شدها من يدها و دورها يشوف فيها في كل بلاصة و كل حاجة فيها ....

-محلاك عفروتي ....

-عيشك كيمو انت احلى ... هيا نمشيو ؟

-اي هيا ...

هبطو طلعو في الكرهبة ... و حلو الغنا .... 

-صباح النور يا احلى عروسة في الدنيا يا روحي ... يا حياتي .... يا عمري و اغلى ما عندي ....

عنقها و باسها من شفايفها بوسة قوية .... كلها حب و حنية ....

حكت عينيها و تكسلت و هو هابط فوقها و محملها ....

-حبيبي ... صباح النور ...

-يعمبو زين حبي يا ربي و اكا الصوت المبحاح هو اللي هبلني .... مممممممموه ....

-هههه عيش بيبي يا ربي .... 

حملتو و باستو بوسة قووية .... 

تكى عندها و قعدت تلعبلو بشعرو ... 

-فرحانة يا روحي .... و اخيرا عرسنا ..... بعد 15 سنة حب و اخيرا وليت في حضنك و معاش باش نبعد عليك ....

-انت احلى و اغلى و اعز حب في حياتي ....

راني نعشقك ....

بصاراحة عمري ما باش ننسى وقفت عفراء و كريم معايا .... عفراء بنية حنينة و قلبها كبير ... 

-في بالك اللي هي تحب كريم ؟؟

-لااا تفدلك ...

-والله تي الطفلة تعشقو ....

-اي مالا فاش يستناو ....

-تي هو فسدها بربي ... مشا لفرانسا و جاب معاه بنية ...

-هههه يا بوهالية .... جوسي اختو راهي مالام ...

-لاااا تفدلك ....

-هههه و الله كيما نحكيلك ... انتوما البنات ماكم زعام عادة في الافلام ...

-ياااا حمد لله خليني نمشي نفرحها ...

-ايجا هوني وين ماشية للا ... 

جبدها و طلع فوقها .... هبلها معاه لين نسات عفراء ....

حمزة كان يدوش و باش يحضر روحو و ماشي لعفراء ... 

خرج مالدوش ينشف في شعرو .... مشلقش بالميساج اللي بعثتهولو عفراء ...

-عفراء شنية باش تهبط ...

-كراب شوكولا ...

-و انت جوسي...

-امممم كراب زادة ....

-باهي شقولكم نكملو و نمشيو نعملو دورة عالشط ...-اي فكرة ...

-انا ماشية للتوالات ....

-عفروتي ... توحشتك برشا في بالك ...

-و الله حتى انا ... اما علاش مشيت ما غير ما قتلي .... موش صحاب احنا .... و زيد مكلمتنيش....

-نعرف اللي انا غالط ... اما انا مقصتش...

حكالها مشنية صار.... تعاطفت معاه و عذرتو ....

-اما تهنى عفروتي ... انت كنت معايا في كل لحظة ... و كل دقيقة ....

-حتى انت و الله ...

كريم نحب نستعرفلك بحاجة ....

-شنية عفروتي ...

حست اللي هاذي هيا اللحظة المناسبة باش تستعرف بحبها ليه ....


شدت التاليفون في يدها و قعدت دور فيه مالستراس و الحشمة .... خزرتو ليها زادة وترتها ....

-أنا....

التاليفون صونا و قص عليها ...

تلقاه ميساج من حمزة 

"لا رد بالك تقلو ... هو قلي اللي هي اختو ... اما مقلكش اللي هو يحبك ... لازمك تخليه يستعرف وحدو ...كي يطلع ميحبكش بعد ما تستعرفلو ... اعمل مخك ... قلو اللي احنا مخطوبين و شوف ردت فعلو ..."

قعدت تخمم في كلامو .... زعما شنية تعمل توا .....

تستعرف بحبها ليه .... و لا تشوف ردت فعلو .... و تخليه هو يستعرف كانو يحبها .....

هزت راسها و قعدت باهتة فيه ....

-تكلم عفراء باش تحب تستعرفلي ....

-أ....ناو حمزة.... تخطبنا....

تصدم ماللي سمعو ... 

وقف و ضرب على الطاولة بكل قوتو لين القهاوي تبزعت 

-شنية ليلا .... تخطبت؟؟؟؟ ... و لشكون عادة ؟؟...لحمززة...

-شبي....يك كريم .... بالشوية العباد تتفرج ....

-شيهمني فاهم العباد.... ياخي هبلت انت؟؟؟؟

-ياخي شعملت انا؟؟؟...

-لا شي ليلا ... معملت شي... مخطوبة لحمزة و معملت شي ....

-ياخي انت مشكلتك مع حمزة ولا خاطر انا تخطبت ....

وقفت و خزرتلو بتحدي في عينيه ....

جوسيفين واقفة مفهمت شي من كلامهم...

-مش....ك....كلت...ي...

أسمعني مناش باش نحكيو هوني هيا نخرجو لبرا ...

شدها من يدها كركرها خرجها البرة .... 

جوسي خلصت و هزت الساك و خرجت وراهم ....

-عفراء متهبلنيش .... قلي كيفاه و وقتاه تخطبت ....

-اااي كريم ... ايدي ... وجعتني راك...

رخف يدو شوية و جبدها ليه .... صدرها في صدرو....

حط جبينو على جبينها.... خشمو على خشمها .... 

النفس متاعو في وجها .... عينيه حمارت تقول جمر .... 

-احكي نسمع فيك .... تحبو؟؟؟؟.... شنية عمل معاك ؟....

عدى صوابعو على شفايفها ....

-ذاق شفايفك؟ ....... حملك؟.... 

شد شعرها بيديه و شمو بالقوي ....

💗الحلقة التاسعة عشر💗

حمزة بعد و معاودش ضربو على خاطر عفراء... مسح دمو و جبد عفراء من يدها و هزها معاه ...

تخزر لكريم و تبكي و مهيش عارفة شنية تعمل ... قلبها قعد عندو و بدنها مشا ....

كريم حس اللي حمزة هزلو قطعة منو ... كيف شافها تحامي عليه عرف اللي هي تحبو ... و قرر يرجع لفرانسا و يبعد ...

قام مسح دمو ... يلقى جوسيفين تبكي ...

-اسكت ما تبكيش .... هيا لم دبشك راجعين لفرانسا ...

-لا كريم متستسلمش ...

-مهوش تحدي باش نستسلم ... هي تحبو و ضاهر من طريقتها اللي هي تحبو ...

-و كيف تسالك على البيزو؟

-منعرش ... نقلها غلط ....

-باش تنجم تنساها؟

-نحاول .... اما باش نعيش عمري كلو ليها ....

هز اختو و طلعو في الكرهبة .... طريق كامل يخمم كيفاه باش يعيش حياتو مغير عفراء .... 

-امان حمزة سيبني خليني نمشي ...

اااي يدي ... شتحب مني .... معاش نحب نمثل ...

دزها لين طاحت ...

توجعت و قعدت باهتة علاش عمل اكاكا معاها ....

-منحب شي ... توا اللي حبيتو وصلتلو ... انت و كريم مكمش باش تكونو مع بعضكم ... هذا اللي نحبو انا ..

-علاه .... شعملك ...

-هكا ... معملي شي ... اما مخلانيش نوصل لحتى طفلة .... ديما يحرم ... مللي كشفني و انا نعاني فيه ... 

-كيفاه كشفك ....

-لا علينة ... حاجة متخصكش ... انا حبيتك .... اما نلقاه هو زادة يتبع ... كيف مرضيتش بيا .... لازمني نبعدك عليه ...

خلاها باهتة ... هز كرهبتو و مشى ....

قامت نفضت دبشها ... جبدت التاليفون كلمت كريم ميهزش .... خذات تاكسي و روحت ... 

طلعت لبيتها .... بكات لين تعبت و رقدت ....

-بعد شهر عالحكاية:

واقف قدام الشباك ..... حاطط يدو في جيب سروال .... يشوف في وجه عفراء في المراية ....

يتخيل في ضحكتها .... شفايفها .... شعرها ....

تنهد ....

الباب دق ...

-تفضل ....

-كريم لباس ...

-اهلا بلال ... لباس ....-كريم مزلت مكبش في المشي لفرانسا ...

-اي بلال معادش نجم نعيش في تونس ....

-مكش باش تقلي علاه ...

-منجمش .... لازمني نمشي .... 

-باهي .... هيا نعملو قهوة ....

عملو قهوة و روح للدار ...

طلع طول لبيتو محكى مع حد .... عندو شهر تاليفونو مسكر و هو على اعصابو لا يحكي مع حد لا يدور بحد ... تبدل برشا ... امو و بوه لاحضو حالتو بالاخص امو ...

مشات لجوسيفين ... دقت عليها الباب ...

-تفضل ...

اهلا ماما ...

-اهلا ببنتي ... بنيتي قلي شبيه خوك عندو شهر هكا .... و زيد يحب يطلع لفرانسا و معاش يرجع و يحرمني منو ...

-ماما ... كريم يحب وحدة برشا و هي ضاهرة تحبو اما يضهرلي كيف مشى لفرانسا تخطبت ...

-شكون الطفلة ...

-عفراء ...

-عفراء بنت كوثر؟؟؟

امها صاحبتي الروح بالروح ...

اسمعني ... حل وذنيك .... نحبك تخبي الاوراق متاع كريم ... و الباسبور ... انا هاني خارجة توا نجي ....

هزت روحها و مشات لدار عفراء ....

ضربت الناقوز ... طلعت كوثر ...

-عيشة... مرحبا مرحبا ... تفضل ...

-اهلا عزيزتي ... اسمعني وحدك و لا معاك شكون ....

-لا وحدي ادخل ....

دخلت قعدت في الصالون ...

-لحظة نجيبلك قهوة ...

-لا لا اقعد ... اسمعني نحب نسالك ... ياخي بالرسمي عفراء تخطبت ....

-ههه لا يا بنتي شكون قلك هالكلام ... فما شكون حب عليها و هي محبتش ...

-ايا باهي .... اسمعني مليح مالا .....

قعدو يحكيو قريب ساعتين .... بعد خرجت و روحت ....

عفراء كانت بحذى سندس ... وصلت تاعبة ... وجها اصفر و متقلقة ...

دخلت تلقى امها في الصالة ...

-السلام ماما ...

تعدات لبيتها .... 

-ايجا هوني حاشتي بيك ... 

صوت امها كان فيه قوة موش مستانسة تراها قبل ....

-شفما ما لباس ...

-اقعد ...

قعدت بجنبها ...

-ياخي باش تقعد هكا انت ... اللي يجي تقلو لا ... 

اكيد فما حاجة ....

-صلي عنيبي قلو فما حاشة ...

شبيك ما لباس ياخي ...

-اسمعني ... انا اللي عندي هاني باش نقولهولك ....

حضر روحك باش تعرس .... فما شكون خطبني فيك و كلمت بوك و موافق .... حددنا العرس بعد جمعتين ...

-ما ....ياخي تفدلك ... انا مناخوش واحد منحبوش ...... و زيد منعرفوش .... 

-و انا منيش نشاور فيك .... و توا برا من قدامي و توا في ليلة العرس تراه ... 

-ما ....

-قتلك برا لبيتك ....

دخلت لبيتها و ضربت الباب سكرتو ...

ولات تبكي ... كلمت سندس تشكيلها ...-يا سندس امان شوفلي حد .... راني منجمش نعيش بلا كريم ... منجمش ناخو واحد اخر ...

-باهي وسع بالك ... انا توا نكلمها و نحكي معاها ....

علقت ...

قعدت تضبضب تمشي و تجي في بيتها .....

كلمت كريم تلقى تاليفونها مسكر .... 

ضربتو عالحيط طاح طروف ...

عيشة روحت للدار حكات لجوسي و فهمتها الحكاية و فهمتها شنية باش تعمل ... 

طلعت لبيت كريم ... 

تلقاه متكي و يخزر للسقف سارح ....

-كريم ... قوم عيش ولدي حاشتي بيك ... 

-شبيك امي نشا الله خير ...

-اااه يا وليدي ... قلبي عمل فيا ... راني تعبت و حاسة ساعتي قريبة ...

-اللطف عليك يا ميمتي ... علاش الكلام هذا ...

-اسمعني كريم ... انا ربيتك و قريتك و عطيتك روحي ... نحب نطلب منك حاجة ... و نشا الله متخيبنيش ...

-تهنى امي و الله لا نخيبك ...

-عجبتني بنية عاقلة و متربية ... خطبتهالك من امها ... نحبك تاخوها بربي لا تقلي لا ... كان تحبني نرضى عليك ....

-اااه هذاكا اش ناقصني ... باهي يا امي انا بطبيعتي خسرت اللي نحبها .... نرمال توا ناخو اللي تحب انت ....

امو فرحت .... من نهارها بدات تحضر للعرس ... 

حكات مع بوه .... حددو دات العرس .... سندس و بلال و العباد الكل في بالهم بالخطة متاع عيشة و كوثر كان كريم و عفراء....

💞الحلقة الأخيرة💞

-عفراء قوم عيش بنتي ...

-شنية امي ... هاني فايقة ...

-قوم باش نمشيو نشريو الروب ...

-برا اشري وحدك منحب نشري شي ... 

-موش على كيفك قوم تحرك ....

قامت تتافف لبست اللي جا قدامها ... حاسة روحها ماشية تشري في كفنها موش روبت عرسها ... كيفاه باش تنجم تعيش مع عبد متحبوش ...

متعرفوش اصلا ...

طلعت في الكرهبة ... 

-صباح الخير عروستنا ....

-صبح يا سندس و اخطاني مالفدلكة .... قول ميتتنة ....

-اللطف عليك حبي ... اسمعني خوذهم على قد عقلهم .... و نوعدك توا نحلوها ...

-اش باش يحلها .... توا دبكت و اللي صار صار ....

أنا تدفنت بالحياة .... منجمش نتصور اللي انا باش نعيش مع عبد منعرفوش اصلا ...

-صلي عنيبي يا بنتي هذاكا اش كتب ربي ...

هذا مكتوب متنجمش تعارضو ...

تكات راسها الكرسي متاع الكرهبة ....

-ياريتني ما مشيت لها الرحلة ... يا ريتني قعت كيما انا... يا ريتني ما عرفتو ولا حبيتو ...

ياريتني متعلمت نعيش ... عطاني حياتي و بعد خذالي روحي و مشا ... 

سندس تتمنى تقلها اللي كربم حب حياتك هو اللي باش يكون راجلك و حب حياتك هو اللي باش يكون شريك حياتك ...

أما ملازمهاش تحرق المفاجئة ...

وصلو للبوتيك متاع روب العرس ... هبطت فوق من قلبها ... دخلو للبوتيك ... 

-صباح الخير سندوستي ...

-صباح الخير فتون ... ايا هاذي عروستنا اللي حكيتلك عليها ... نحب اعز حاجة عندك ... 

-مرحبا بعروستنا ... محضرتلك روب يعشقو ليك انت بركا ... ايا تفضلو يا جماعة ...

عفراء تنهدت و دخلت معاهم ... توري فيها في الروب و هي تقول اي براسها اكهو ... قاست زوز روب مزيانين اما تقول عليها حجرة لا تتكلم لا تعمل حتى ردة فعل .. سندس كانت تستنى فيها باش تشوف الفرحة على وجها ... كيف ترا روحها في الروب اللي تتمنى تلبسها لكريم ...

-أيا هاذي الروب اللي حكيتلك عليها ... 

-عفراء قيس هاذي عيش اختي ...

دخلت باش تقيس و معاها فتون تعاون فيها ... الروب جاتها تقول مخيطة ليها هي .... عفراء مزالت مشافتهاش .... اصلا معلابالها بشي ...

لبستها الفوال و خرجتها باش ترا روحها و يشفوها امها و سندس ....

-وااااو ....

بالرسمي منجمش نتكلم ...

دورتلها فتون المرايا ...

كانت كيف الحورية .... روب صدرها على شكل قلب ... القصة متاعو هابطة شوية مضهرلها الفورمة متاع صدرها البعيد على بعضو .... بعد تهبط مكبوسة لحزامها مشبكة شوية ...بعد ترجع تتحل اما موش برشا كيما الحورية ... فيها ذيل طوييل و كيف يتحل يولي كيما الوردة ... صدرها مرصع و الحزام مشبك و الباقي سامبل و الذيل مرصع ... لماتلها شعرها و عملاتلها تاج تقول اميرة .... عملتلها فوال هابط مع كتافها تقول عليه تابع الذيل ....

خزرت لروحها ... عينيها تعباو بالدموع ... هاذي الروب اللي حست فيها روحها عروسة ... عروسةكريم .... تخزر للمرايا و مهيش مصدقة اللي هي عفراء ... عفراء اللي كانت متخبية ورا ليناتها و حوايجها الواسعة ... عفراء اللي اكتشفها كريم ... عفراء اللي كانت بكة و قعرة ....

الروب زادتها طول و وهرة ... وهرة متاع مدام .... 

-شقولك عفراء .... موش محلاها ...

-محلاها ... اما كان جيت باش نلبسها لكريم ...

تنهدت و تلفتت ل فتون ...

-نحب اللولة ... 

امها و سندس خزرو لبعضهم و تبسمو ... سندس غمست فتون ... فتون فهمتها اللي هي باش تاخو الروب هاذيكا ...

نحات الروب و قلبها يوجع فيها ... 

مذابيها تقعد لابستها و يشوفها بيها كريم ....

-فتون ... حضرلي الروب و معاها التاج و الفوال ... و الاكسيسوار الكل ... باهي ...

-حاضر سندوستي ... الروب هاذي كدو من عندي ... لاحلى قصت حب ... بالرسمي تاثرت برشا كيف حكيتلي حكاية عفراء و كريم و حبهم النضيف و القوي ...

-كان ترا انا ... في بالي اقوى قصة حب هي قصتي اما طلعت غالطة ...

عفراء مشات للكرهبة ... قاعدة هايمة ... تتذكر في شفايفو اللي باش يترشقو مالسخانة فوق شفايفها .... تذكرت قداشها بوهالية و عداها علاها حمزة و خزرت حب حياتها ... كيفاه مسمعتش كلام كريم ... زعما اول بوسة في حياتها ... كانت خاطرو يحبها ... و لا لحظة ضعف ... و كان جا يحبها علاش مكلمهاش ... علاش بعد ... 

كملو قضيات العرس و روحو ... عفراء كانت معاهم جهامة بركا ... قلبها و روحها مع كريم ... تتمنى تعرف اخبارو ... حتى سندس كيف تسالها تقلها منعرش ...

-كريم أيا عيش خويا وقيت راهي مرتك تستنى ...

-بلال بربي لا عاد تعاودها مرتك ... تي حتى اسمها منعرفوش ... توا بربي ترا فيها نرمال الحكاية ... تي منيش عارف حتى البلاصة متاع العرس وين ...

-صاحبي اش باش نقلك هكاكة امك و بوك حبو ...

ايا عيش خويا البس الكوستيم ...

-بلال ... مشفتش عفراء ...

-اه ... عفراء ... لا مشفتهاش... انسى يا كريم ... الطفلة راهي مخطوبة ..

تنهد و هبط مالفرش ... هز الكوستيم متاعو ... دخل للغارد روب لبسو ...وقف قدام المرايا ... يقفل في البوتون متاع الشوميز ... مكبوسة على بدنو تقول مخيطة عليه ...

تذكر ضحكتها ... هبالها ... برائتها ... شفايفها

حنيتها ... كل شي فيها يحركو و يدخلو في حيط ... مرا و لا كل النسا اللي في الدنيا ... مرا هو اللي علمها تعيش.... و توا باش تعيش مع غيرو ...

حاس روحو ماشي لجنازتو ... ضلم روحو و ضلم بنت الناس اللي ميعرفهاش معاه ...

رجع شعرو التالي بالجال ... عمل برفان ... لبس صباطو ... منقالتو ... رضا بالامر الواقع و خرج ....

-وررررررررررررررررررااااااااااااررررررررررري خمسة و خميس على ولدي .... 

تبخر عليه و تعاود ...

طبس عليها باسها من جبينها ...

-ربي يخليم ليا يا غالية ...

-و يخليك يا غالي ....

شوف شكون جبتلك ...

دخلت جوسيفين و معاها شذى امو ... لابسة روب طويلة نوار و مزينة في صدرها...

-خمسة و خميس على ولدي الغالي يا ربي ...

ربي يهنيك و يرزقك بالذرية الصالحة ...

-عيشك يامي ... شكون كيفي عندي زوز ياقوتات كيفكم ...

-و انا ...

-ههه انت عاد الروح ... ايجا يا روح خوك ...

مشاتلو تجري و باستو ...

-متنسانيش كيف تعرس ...

مسحلها على شعرها ...

-انت حياتي ... شكون ينسى حياتو ...

-أيا عاد نمشيو عروستنا راهي تستنى ...

جبد نفس قوي .... توا باش يبدى حيات جديدة ... باش يودع عفراء ... جبد الكاميرا متاعو ... باسلها تصويرتها ....

"عمري ماني باش ننساك يا احلى صدفة في حياتي ... هكا الدنيا حبتنا نتفارقو ... راك في دمي ... عمري مننسا لحظة عشتها معاك ..."

حط الكاميرا و خرج معاهم ... ركب في الكرهبة و يتبسم في تبسيمة صفرة .... لين وصلو ....

-عفراء ... حل عينيك ...

تخزر في المرايا معرفتش روحها ... 

شعرها ملموم لتالي بكلو .... مع طولو عاطي فوليم يقتل ... لونو النوار مع كعبات ماش زاد وهرها و كبرها في العمر ... عينيها الغري اللي زادو ركبولهم رموش طوال ... و الكريون اللي زاد كبرلها عينيها ... فمها الصغير اللي ملون بالروج بوردو ... الكونتور اللي في وجها اللي بينلها تقاسيم وجها الكل ....

فوق شعرها تاج فينو .... في رقبتها شركة هاطة لصدرها ....

كل من شافها صلى على النيبي .....

-سندس ... علاش الروب هاذي ... هاذي لكريم ...

-سامحني عفراء امك كبشت في هاذي ... توا اللي صار صار ...

تنهدت و قبلت بالامر الواقع ...

اصلا توا معاد نافع شي....سمعو تزمير الكرهب متاع العريس ... قلبها قبض عليها .... حست حياتها وفات ... مكتوبلك يا عفراء تعيش على كيف الناس ... موش على كيفك ....

-خنمشي نشوف العريس و نجي ...

قالتلها باهي براسها و قعدت على الفرش متاع بيتها ... 

كريم هبط ... ساق القدام و عشرة لتالي ... دخل لجنينة كبيرة كلها ورد ...

فيها طواول على اليمين و اليسار ... في الوسط ممشى فيه تابي روج ... يمينو و يسارو معلق الورد ..... مقابلهم المنصة و بجنبها طاولة فيها العدل و معببا بالورد .... 

شاف عباد ميعرفهمش قاعدين في الطواول ....

هزو بلال وقفو قدام المنصة ... قلبو ضرب .... دمو جمد ... خذا نفس و سلم امرو لربي ...

-ايا عفراء باش تخرج ... الجماعة جاو ...

هبطتلها الفوال على عينيها ... تشوف في الدنا فلو مالزينة متاع الفوال ..... 

قلبها ضرب بقوة و يدها و ساقيها يرعشو ... مدتلها البوكي متاع الورد ....

هبطت ... وصلت لباب الجنينة ... طفى الضو ...

شعل الشمع اللي محطوط في الجنينة على كبرها .....

- بلال ياخي علاش الضو طفى ...

-علمي علمك صاحبي....

عفراء نازلة على يدها مالخوف ....

-متخافش عفراء ... سيب روحك ... هكا ربي حب ....

كلامها صحيح ... توا معاد نافع شي ...... توا لازمها ترضى و تودع كريم .....

تنفست بالقوي .... شدت البوكي كبست عليه ... بدات تمشي على التابي ... 3 بنات صغار شادين الورد في سلة صغيرة ... هي تمشي بشوية ساق القدام و عشرة التالي ... التابي طويلة .... الدنيا كالم ... البنات يرميو في الورد عليها ...

مهبطة راسها و تتمشى .... 

"ليلة البسلك الابيض .... و صير ملكك و الدني تشهد.... و شيل منك انت ...طفلك انت ... متلك انت ... عاباااليييييي حبيييييبي ... عيش حدك عمر او اكتر .... و حبي يكبر كل ما نكبر .... عاباااالييييي حبيبي"

هاذي الغنايا اللي كانت تمشي عليها عفراء ... كانت ماشية لحب حياتها مغير ماتعرف ....

مهزتش راسها ....

يشوف فيها قاعدة تقدم ... تمناها تكون عفرتء حب حياتو ... الدنيا ضلام و هي مهبطة راسها ... منجمش يشوف شي منها ... 

ولتلو ... قلبها ضرب ... منجمتش تهز راسها ... حط يدو على الفوال ... طلعو على وجها .... 

الضو شعل ... شمت ريحتو ... هزت راسها...-عف..... ر....اء.... 

-ك....ر....يم .... لا نحلم ... 

تسمع في صياح بلال و سندس و صحابهم و جوسي ... العباد الكل تصفق و تصفر ...

عينيها دمعو ... هاذي احلى مفاجاة ممكن تصير في الدنيا ....كريم حس الدنيا ملكو هو بركا ... يشوف في حلمو تحقق ... مرتو و حب حياتو قدامو ... الروبة زادتها زين و وهرة ... كلها اغراء ... 

عفراء معادش تنجم تخبس اكثر من هكا ... في لحظة روحها ضاعت منها خاطرها بهلولة ... اما المرة هاذي مهيش باش تخلي حب حياتها يعاود يضيع منها .

-كريم ... نحبك ... نعشقك ... 

كلامها كان كيف الصاعقة .... لا اقوى ببرشا .... حاول يستوعب لحكاية .... ملقى حتى تفسير للي صار ... كان انهم زوز لمتهم الدنيا .... عشقو بعضهم و حبهم تغلب على كل شي و وصلهم لبعضهم ...

عفراء كيف راتو باهت فيها .... ندمت كيف صارحتو ... في بالها ميحبهاش ...

-سامحني .... نع....

مزالت مكملتش الكلمة ... جبدها من تالي ... حط شفايفو على شفايفها .... غرق في بنتهم .... نسا الناس و الدنيا .... يحب يعيش اللحظة اللي عمرها ما تتكرر ... المرا هاذي هي زادة ذابت معاه .... و ذابت فيه .... البوسة كانت مشحونة ببرشا حب و برشا عشق و وحش و رغبة .... كانت قادرة تعبر اكثر من الف كلمة .... 

بعد عليها ... حط راسو على راسها .... 

-نحبك .... يا احلى حب في الدنيا ... نعشقك ....

حملها و دار بيها ... العباد الكل فرحانة و تصفق ...

اما مفماش زوز فرحانين قد عفراء و كريم ....

طلعو للمنصة بعد ما كتبو الصداق ... 

صحابهم الكل يشتحو ....

كريم شادها من يدها ...

-حبي...

-يا روح حبك ....

-معاش نجم نصبر عليك راني ... هيا نروحو ...

وجها حمار ... خدودها باش يشعلو مالسخانة ...

-لا ... ميجيش ... العباد ...

-يا بنتي راني معاش نصبر عليك ... كان نلقى توا نغز عليك ... يا روحي راني هابل عليك ...

كلامو ليها و النفس اللي تحس فيه في رقبتها ... هبلها و دخلها في حيط ..


-حتى انا (قالتها بصوت مغري ... مبحاح ... احساس قوي ... كلو حب )

وقف ... حملها و هزها ...

بلال شافو شاخ ضحك عليه

-يا ولدي ايجا هوني وين هاز الطفلة ....

-هههه مرتي ... و باش نخطفها مالدنيا الكل و نخباها عندي ... و مينجم حد يقلي لا ...

حطها في الكرهبة و طار بيها للدار ...

طريق كامل ... يسوق شوية و يبوسها شوية ...

وصلو للدار ...هبطت مالكرهبة ... حملها ... طلع بيها للبيت ... سكر الباب وراه بساقيه ...

حملها و بدى يبوس فيها ...

-كريم ... ام....ا....ن ... نحشم ...

-يا... روحي معاش نجم ... ااه نحبك راني ... كل حركة منك تشعلني ...-باهي ... لحظة .. نبدل دبشي ...

بعد عليها شوية ...

-باهي هاني خارج ... ما تبطاش ... كيف تكمل عيطلي ...

-باهي ... 

خرج و سكر الباب وراه ... تكات تالباب و عضت شفتها ... مهيش عارفة شنية تعمل .... كان انها تسيب روحها و هو يتصرف ....

خرج نحى الكوستيم ... قعد في شورط ... حسها بطات ...

مشى دق الباب ...

-ادخل ....

دخل يلقاها قاعدة على الفرش ... شعرها مسيب ..... لابسة نويزات بلون مشبكة بكلها ... صدرها ضاهر ... و السترينغ اللي لابستو ضاهر ...

مكمشة ساقيها و مهبطة راسها ... وجها باش يترشق بالحشمة ...

قعد فمو محلول في بدنها اللي ابيض مالشمعة ... 

بوست الخال اللي في صدرها ...

فهكها اللي هي حاشمة ...

طفى الضو و حل الفايوز ....

قربلها عاللخر .... حملها ... بدا يبوس فيها من شفايفها ... رقبتها ... هبط لصدرها ...

ترخفت بكلها ... تكات عاللفرش .... طلع فوقها نحالها دبشها الكل و هو كيف كيف ... 

ذابت تحتو ... كانت تان مالاحساس اللي اول مرة تحسو ... و مع حب حياتها ... بدنو دافي و حنين ... تمنات اللحظة هاذيكة متوفاش ... 

بدنها كلاه بشفايفو و لسانو ... 

احساس قوي عليهم الزوز .... 

صوتها و ضعفها تحتو ... زاد قوى الرغبة اللي عندو ... 

بدنها كان كيما العسل في فمو ... مخلاش بلصة ما ذاقهاش ...

هبط بشفايفو لحزامها ... بدا يبوس فيها و هابط ... حللها ساقيها و كلاها ....

تان تحتو و تتوجع من كثرت ما هبلها ... طلع فوقها ....

حط شفايفو على وذنها ...

-متخافش.... منوجعكش ... نحبك ...

حملتو و كبست عليه .. تحس بشوية وجيعا تقوى كل ما زاد نزل عليها و حملها ... خلاها ذابت معاه ... بعد نزل عليها اكثر و اقوى ...

عيطت و عضتو من كتفو ... حملها و زاد كبس عليها و كمل اللي بداه .... تقول كانت تقلو زيد ...

هي بعد الوجيعة اللي حستها ... حست بسخانة اكثر في بدنها ... على قد ما هو ينزل عليها هي تنزل عليه و تذوب معاه ....

ترمى بجنبها .... خزر لوجها الحمر ... شفايفها المليانين ... صدرها اللي طالع هابط ...

قربلها ... باسها من شفايفها ....

-كريم ... يا احلى حاجة في حياتي .... دنيتي بلا بيك متكملش ... نحبك....

-وانا والله عشقتك مللي في الرحلة .... في بالي حمزة فكك مني ... هبلت ...

-حمزة كذبة ... عمرو مكان خطيبي ... حبيت نشوفك تحبني و لا لا 

عنقها و رقدها عندو ... 

-نحبك يا عشقي ... يا احلى عشق في الدنيا ... عفراء يا عشقي انا


الجزء الثاني 》

تعليقات
 
كمنتار بالفيسبوك
كمنتار ببلوڨر 
ليست هناك تعليقات
إرسال تعليق

إرسال تعليق

الاسمبريد إلكترونيرسالة