❤الحلقة الأولى❤
أحلى صباح إنك تكون في حضن حبيبك في الحلال .... راسك على صدرو ... تسمع في دقات قلبو .... سخانت بدنو دفيك ... تحس روحك مالك الدنيا ... مفماش شكون أسعد منك ...
هكا كان إحساس عفروتتنا ... نهار صباح متاع عرسها .... و هي في حضن حبيبها و روحها و عشقها ...
حلت عينيها ... تلقى كريم يخزرلها و يثبت في كل حاجة فيها .... تبسمت ...
-صباح الخير ... حبيبي....
صوتها لكلو بحة ... كلو إغراء ... قاعد يخزرلها و مهوش مصدق اللي صار معاهم ... اللي حب حياتو بين يديه ... في لحظة تقلب كل شي ... كان متصور اللي هو خسرها و معاش باش يراها و لا يشم ريحتها ... تنهد ...
هبط على شفايفها باسها بوسة قوية ... جاوبها بيها و خرج بيها احساسو الكل ...
-صباح النور يا عمري ...
يا أحلى حب في حياتي .... يا أغلى ما عندي ....
نحبك حبيبتي .... ربي يخليك ليا مريتي ....
-نحبك يا روحي ...
-مبنك .... منيش مصدق اللي انت ملكي ...
الفجعة اللي كليتها عمرها لا صارتلي ...
-كان ترا انا ... و الله تعذبت ... في بالي خسرتك ... أصلا انا تعلمت نعيش منك و بيك ...
قربها ليه و باسها ...
-و راس حبي لا نخليك تعيش لحظة بلا بيا ... و الهبلة متاعنا مهيش باش توفى ... نوعدك نعيشك أحلى أيامات ... نوعدك نفرحك يا روحي ...
-نحبك يا روحي .... و الله نحبك ...
-أيا نمشيو ندوشو ... و بعد نفطرو ...
-لا نحشم ... برا انت توا انا ندوش بعد ...
-هههه تحشم من راجلك .... تحشم مني ....
قتلو اي براسها ...
-هههه مالا لهبلة متاع البارح شكون اللي عملها ...
وجها حمار ... دخلت بعضها كيف تذكرت الليلة اللي عداتها مع حب حياتها ... قلبها باش يخرج من بلاصتو ...
-لا .. البارح الضو طافي ...
-ههه تقول انت نطفيو الضو باش ديما تعمل كيما البارح ...
-لا ... يزي امان كريم ... نحشم ...
-ههههه و أنا علاه موجود ... ماني باش نحيلك الحشمة .....
نحالها الغطا ... خلاها عريانة ... ولات تعيط مالحشمة ...
-لا أمان كريم ... بربي يزي و الله نحشم ...
-هههههه منيش قاعد نسمع في حد يحكي راني .... أنا توا نشوف كان في مريتي البنينة اللي تاخو العقل و كايني هكا باش ننقض عليها و ناكلها ... كان ماتمشيش توا تعمل معايا دوش و الدنيا ضاوية زادة ...هبط فوقها يبوس فيها بزربة من بدنها الكل .... يدغدغ فيها من كرشها و هي تضحك ... نسات روحها .... كل لحظة تعديها معاه و تعيشها معاه ... تزيد تحبو فيها .... تتعلق بيه .... تنسا الدنياو اللي فيها ...
-باهي.... هههه يزي أمان ... باش نموت مالضحك ....
-و أنا باش نموت من حبك يا عفروتة ....
-ههههه باهي سيبني و هيا ندوشو ...
بعد عليها و نحى الغطا .... غمضت عينيها بيدها الزوز .... أول مرة تراه أكاكا...
-ههههه حل حل عينيك ..... سنس روحك من توا خير ...
طلعلها لسانو ... مشى لف ملحفة على حزامو ....
قربلها .... نحالها يدها على عينها و باسهملها ..
-عيشو الحشام هو ...
طبس عليها حملها ....
-أقرا حسابك اللي انا قدام الزين هذا الكل منجمش نشد روحي حتى ثانية ...
-يزي بلا بلادة كريم ....
-و باش نكونو واضحين .... لين نموتو .... منحب نسمع من هكا الشفايف العسل كان حبي ... و راجلي ... و مشتقاته باهي ... مكانش نعاقبك ...
باسها من شفايفها بالشوية ... قلبها تحس فيه باش يخرج من بلاصتو ...
حطها لوطة .... عبى البانو بالما .... عباه بالجال الدوش ...
طبس عليها حملها حطها في البانو و بعد طلع هو ... قعد وراها و هي قدامو ... حملها من حزامها .... حطت راسها على صدرو ...
-في بالك اللي إنت كيف تبدى في حضني نحس اللي أنا ملكت الدنيا بيدايا .... كيف تبعد عليا حتى شبر .... نحس قلبي خرج من صدري ... روحي إنت يا عفراء .... نفديك بروحي و عمري .... موش عارف حياتي قبلك كيفاه عشتها ... عمري لا كنت نمن بالحب ... معاك انت عشت العشق ... طرت لسابع سما ....
شدلها يدها و بدا يبوس فيها بالصبع بالصبع ....
هي كانت في عالم آخر .... في لحظة حياتها تبدلت ... خذات راجل تحلم بيه النسا الكل .... عاشت قصة حب بريئة تكللت بالعرس .... الرومنسية اللي ترا فيها في الأفلام باش تعيشها مع حبها في الحلال ...
-أنا عمري لا كنت نتصور اللي باش يجي نهار نحب و نتحب .... عمري لا كنت نتصور روحي باش نعيش قصة حب كيما اي بنية في عمري ...
انت علمتني نعيش ... علمتني نحلم ... علمتني نحقق حلمي ....
-و انت علمتني اللي المضاهر خداعة ... علمتني نقرا ما بين السطور ... علمتني نحب ... علمتني نضحي بروحي على خاطر حبي ....
❤الحلقة الثانية❤
عفراء ... يا أحلى عفروتة خلبستلي حياتي بحبها ... طيحتلي برستيجي بنضرة من عينيها ... قضاتلي على أنانيتي بضحكة منها .... كل حاجة فيك قادرة دخلني في حيط ... قادرة تقلبلي كل شي في حياتي ....
يا أحلى مرا في الدنيا ... أنا في جمعتين تعلمت منك اللي متعلمتوش 25 سنة ... نوعدك نكمل هالعام المحنون و نشد شريكة بابا ... نعيشك بعرق جبيني ... منخليك مستحقة لشي...
-أنا منحب شي ... أنا نحبك انت ... نعشقك انت ... ريحتك تكفيني ... حضنك يدفيني ... انت اللي تكملني ... اوعدني تكون ليا انا ... تكون معايا و ليا ...
يخزر لشفايفها المليانين ... اللي احلى مالشهد ... قلبو باش ياقف ... هبط عليها ... باسها بوسة جاوب بيها على أسألتها الكل ... فهمها اللي هي الكل ...
خي الروح و بلا بيها الدنيا تاقف و تفنى ....
-حبي ليك موش نهار ولا نهارين ... حبي ليك نموت انا و هو ميموتش .... انا حطيتك في بلاصة روحي ... انت النفس اللي نتنفسو ...
كلامو خذاها معاه لدنيتو .... لحبو .... لاحساسو القوي ... لرغبتو اللي توفا الدنيا و متوفاش هيا من عفراء ... في اي بلاصة و اي وقت ... كيف يقرب بدنو لبدنها يصير بركان .... احاسيسهم تتفجر بين القوة و السياسة .... كل ما يتفكر اللي هي مرتو تزيد رغبتو تقوى ... حلالو بين يديه ...
بين الانين متاعها و دلالها ... بين رغبتها اللي متنجمش تخبيها و بين حشمتها اللي مصيطرة عليها .... عالم مينجمش يفهم كان اللي يحب و يعشق و يدخلو في الحلال ... عالم اقوى من الف كلمة .... الف كلمة متوصفش احساسهم في اللحظة هاذيكا ...
يختمها ببوسة من شفايفو النار يطبعها على شفايفها اللي شاهيتو بكلو....
يختمها بكلمت نحبك ..... اللي بالنسبة ليها متتشراش بمال الدنيا ......
-حبي قوم يا روحي ... توا 10 باش نمشيو للفاك ...
-لا حبي تاعبة برشا ... برا انت انا منحبش ...
-لا مالا حتى انا منيش ماشي ... خلي هاو مزال شهر على الدفوارات و انا منيش ماشي نقرا ... تتحمل المسؤلية راك ...
حطت المخدة على راسها باش ترجع ترقد ... شعرها مشبشب ... محملة مخدتها بساقيها و راقدة ...
بالنسبة لكريم كانت احلى عفروتة في الدنيا ... كان يلقى ياكلها ... اما تعبها ليلة البارح ... ليهم شهرين معرسين و هو موش مسيبها كل ليلة هبلة جديدة و كل ليلة مصبحين ...عض على شفايفو كيف تفكر ليلة البارح .... طبس علها حملها ... حتها على كتفو و خي بدو بياس ....
-اااع سيبني امان نحب نرقد ...
-ههه و الله كان تزيد لحظة على اكا الفرش الا ماناكلك و نقتلك ...
دخلها لبيت البانو .... هبطها اللوطة ... شعرها هابط على عينيها .. سيبها باش يحللها الما قريب لا طاحت ...
-هههه لاااا انت مفيكش دوا ... لازمك دوش توا ...
حطها تحت الدوش ... نحالها دبشها و حل عليها السبالة ... الما بارد في الصيف ينعوش ...
ولات تنغز و هو يضحك عليها ...
-ااااي عااه هكا الما بارد .... ااااح ...
تنغز في الدوش كيما الصغار ...
-هههه باش تتربى و تعود تسمع الكلام ...
جبدتو من يدو بدبشو ... هبطتو معاها تحت الدوش .... تبل بكلو ... خلاتو و مشات تجري للبيت ...
-هههه باهي يا عفراء و الله الا منفديهالك يا عفريته ...
-هههه متنجمش ...
-هههه يا بنتي خيرلك ... باهي حل الباب منعملك شي ...
-هههه دويو ....
-هههه و الله نكسرو الباب ...
-هههه باهي أوعدني متعملي شي ...
-هههه منعملك شي حل ... تي حل معاش بكري علينا راهو ....
حلتلو الباب بالشوية ... حملها من حزامها من تالي و رماها عالفرش و طلع فوقها ...
-هههه تتعفرت عليا ليلا ... هاني باش ناكلك توا ... لرا شوف شكون يفضهالك ...
-هههه بربي لا سامحني حبي ... معاش نعاودها...
-هههه لا توا فاات الفوت ...
هبط يبوس فيها و يدغدغ فيها و هي تضحك و تبعد فيه ...
-باهي يزي ... هههه معاش نجم ... باش نموت ...
شدها من وجها بيديه الزوز ...
-اللطف عليك يا روحي مالموت ...
حملها بقوة و كبس عليها ...
-هيا بدل دبشك و هيا نفطرو و نمشيو ..
-شبيك حبي تغششت ...
-قتلك الف مرة معاش تجبد الموت على فمك ...
عينيه حمر كيف الجمر .... حط راسو بين يديه ...
-اااه فكرة انك تموت و تخليني باش تخرجني من مخي ... معاش تعاودها عفراء باهي ...
مشتتلو تجري حملتو كيما الطفل الصغير ...
-سامحني حبي ... و الله معاد نعاودها ... تهنى قاعدة على قلبك
❤الحلقة الثالثة❤
-حبي سافا هكا ...
مشاتلو تستويلو في الشوميز ...
-إنت العسل بكلو يا روحي ... محلاك و مبنك يا عمري ...
طلعت على صوابعها ... باستو من شفايفو ...
شدها من حزامها و كبس عليها ...
-نحبك يا روحي ... الله لا يحرمني منك ...
أيا وريني انت شنية باش تلبس ...
-اممم منعرش ... قلت نلبس روب قصيرة و سندال ...
-ههه تحلم انت ... اكا الساقين ميراهم حد كان انا ... مهبولة قتلو قصيرة ... تلبس سروال و مريول و كونفارس ... و اكا الشعر تلمو ... نخاف على مرتي مالعين ..
-ههه عيشلي رويجلي الحزار ...
مشات للغارد روب لبست اللي قلها عليهم ... لبست الكونفارس ...
-باهي انا توا كيفاه باش نعملو شعري ...
-ايجا توا انا نلمهولك ...
مشات قعدت في حجرو كيما البنات الصغار ..
ضفرلها شعرها تراز ...
-ههه منين تعلمت ...
-ههه الانترانات يا روحي ... نلقاو فيها حتى حليب الغولة ...
هزلها الضفرة و باسها من قفاها و شم ريحتها ...
-اييياااه مبنها بنوتي ...
-ههه هيا يا مهبول معاش بكري راهو ...
خرجو و ركبو في الكرهبة ... وصلو للفاك .. هبط هو و هبطت معاه .. شدتو من يدو ..توصلو لصدرو .. دخلو للفاك ... كالعادة العينين الكل عليهم ... عفراء و كريم معروفين في الفاك ... حتى البروفات يعرفوهم ... ميتجرأ حد يتكلم مع عفراء حتى السلام الا ما يبدى معاها مكانش ميكلمها حد ...
البانت نفس الحكاية ... مدور حتى وحدة بكريم ... كان المضروبة في راسها و تحب تاكل تريحة من عند عفراء ...
باسها من خدها و مشى للكلاس متاعو و هي كيف كيف ...
ساعة كاملة البروف يفسر و هو يلعب بالستيلو ...
يتفكر فيها و في ريحتها و كل تفصيل في بدنها ... تبسم ... عدى يدو على شعرو ... تنهد و رجع لتالي عالكرسي ...
عفراء كانت في دنيا اخرى ... كلمة تسمعها و عشرة لا ... كل دقيقة تشوف منقالتها ... تستنى وقتاه توفى الساعة و تخرج تشوف حبيبها ...
و أخيرا جات 16 و باش يروحو .. نهار تعدى طويل و ماسط و كريم بعيد عليها ... اليوم اخر نهار في القراية و باش ياخذو جمعتين متاع ريفيزيون ... عفراء عاملة مستار و كريم سنة اخر عام و يتخرج و يخدم مع بوه ...
خرجت مالفاك تلقاه متكي على الكرهبة لابس اللينات ... يخزرلها جاية كل خطوة تحركلو قلبو معاها ...
وصلتلو تتبسم حملها بالقوي و باسها من شفايفها بالسرقة بوسة خفيفة ...
-يزي حبي العباد تتفرج ...وصلتلو تتبسم حملها بالقوي و باسها من شفايفها بالسرقة بوسة خفيفة ...
-يزي حبي العباد تتفرج ...
-ههه و انا اش يهمني فاهم العباد ... انت مرتي و ميهمني في حد ...
-ههه اي يا مهبول ... تحسك تلف فيا باش منعذبكش في الريفيزيون ...
قربتلو عاللخر و شدتو مالكول متاع الشوميز ...
-رد بالك متسمعش الكلام في الريفيزيون ... راني نعاقبك ... و انت تعرف كيفاه ...
عضت على شفايفها و بعدت عليه ...
-تقول انت ليوم فرصتي قبل ما تبدى الريفيزيون ...
-ههه يا بليد ... تهنى ماليوم الريفيزيون ...
-اااع لا هكا منتفاهموش ... اليوم نعديه مع مريتي و غدوة يا حي
-ههه على شرط ...
-اشرط يا روحي ...
-نحب برشا برشا شكلاطة ...
-هههههه هذاكة اللي بيك اطلع اطلع ... نشريلك برشاااااا شكلاطة و مالانواع الكل ...
-يااااس جو جو ...
طلعت تجري للكرهبة ... هبطو قدام الماغزان ...
هزو الشاريو و دخلو ...
مشاو للشكلاطة شرالها مالانواع الكل ... عباو الشريو و روحو ...
❤الحلقة الرابعة❤
-كريم قوم يزي مالنوم باش نبداو نريفزو ...
-اممم مزال بكري ... ايجا حبي ايجا نحملك ...
حملها و رجعها للفرش ...
-قوم عيش حبي موش وعدني باش تقرا و تنجح على خاطري ...
-باهي بوسني..
-ممممممممه هيا قوم ...
-اييياه عسل يا ربي راهي عسل ... ايا حضرلنا فطورنا خليني نمشي نعمل دوش و بعد نبداو نريفزو ...
-باهي حبي ...
وقفت باش تمشي تحضر الفطور ...
حست بدوخة و وجيعة قوية في قلبها ....
ترهوجت و عينيها ضلامت ...
-ك...ر..
مكملتش الكلمة طاحت عالقاعة ...
-عفراااء ....
رجعلها يجري ...
حملها و حطها عالفرش ...
قعد يضرب على وجها بالشوية ...
مشى يجري كلم بوها باش يجي يشوفها خاطر بوها طبيب ...
-شباها عفراء ... علاش داخت اش صار ...
-كريم عيش ولدي ايجا نخرجو البرا ...
خرجو للصالة ... قعد بو عفراء و كريم على عصابو و قلبو باش يخرج من بلاصتو ...
-عفراء قلبها ضعيف .. متتحملش التعب برشا ... لازمها الراحة خاطر عروق قلبها زادو تعبو ...
-مفماش حل باش ترتاح ....
-كان جا فما راني داويت بنتي و راني مخليتهاش توصل هكا ...
الحل الراحة
-انا منيش باش نخلاها تتعب و الله نحطها في عينيا ...
-نعرف ... اما فما حاجة لازمك تقنع عفراء باش ما تعملهاش ...
-شنية ...
-الصغار ... عفراء كان تجيب صغار ... تموت ...
وقف كيف سمع كلمت موت ...
-لا عفىاء متموتش ... عفراء باش تعيش ... كي طامع نعطيها قلبي ... متموتش ...
-اللطف عليكم يا كريم ... انا عفراء هذيكا روحي منجمت نعمل شي و الله .... هكا ربي حب ... انت راجلها ... سايسها شوية و رد بالك عليها .... و نشا الله ربي ميقدر كان الخير ...
خرج بوها و سكر الباب ... قعد على الكرسي و شد يدو بيديه ... دموعو تقطر في القاعة ...
-علاه هكا يا ربي ... راهي روحي بلا بيها منجمش نعيش ... ااااه يا ربي احميلي حبي و مرتي ...
مسح دموعو و قام ... لازمو يرضا بالامر الواقع و ياقف معاها ... قرر ميقولش لعفراء اللي هي ما لازمهاش تجيب صغار ...
توا لازمو يتلها بيها و اكهو ...مشا للبيت ... يرا فيها راقدة كينا الملايكة ... قلبو وجعو عليها ... علاش ميعيشوش حبهم للخر ... علاش ميجيبوش صغار و يفرحو بيهم و يعيشو حياتهم كيما اي زوز يحبو بعضهم ...
مشالها قعد بجنبها حط يدو على شعرها ...
قعد يلعبلها على شعرها ... حلت عينيها بالشووية ...
-حبي.... شبي عينيك منفخة ... شبيك ..
-شي يا روحي ... ماخذ هوا على عيني ... اش تحس في روحك ...
-لاباس حبي ... حسيت دوخة ... اما توا لباس ...
زعما نطلع حبلا ... و نجيب بنبينو كيفك؟
قعد يخزرلها ... مسخفتو حب حياتو ... تتمنى ابسط حاجة و مينجمش يحققهالها ... عينيه دمعت .... قلبو وجعو ...
-نشا الله حبي ... اما توا مكش حبلة ...
-باهي ميسالش حبي ... توا ربي يرزقنا ...
❤الحلقة الخامسة ❤
-حبيبي بربي شبيك متقلق .... و الله حاسة فما حاجة ...
-يا روح حبيبك مفما شي ... خايف عليك شوية ...
خاطرك دخت و انا منحبش نراك اكاكا ...
-لباس حبيبي ... ممكن خاطر مفطرتش ....
-باهي ... هاني ماشي نحضرلك الفطور ... متتحركش يا روحي توا نجيب الفطور و نجيك ...
شدتو من يدو باستها ..
-ربي يخليك ليا يا احلى راجل في الدنيا....
تبسملها و مشى للكوجينة ....
حط يدو عالافابو ... دموعو هابطين شلال ....
كان باش يبقى يتصرف هكا باش تشلق بيه .... و كان باش تعرف باش تهمل قرايتها و مستقبلها و تهمل روحها ...
مسح دموعو ...
"يزي كريم راك راجل ... لازمك تكون قوي على خاطر حبك ..."
مسح دموعو و رسم على وجهو ضحكة حزينة مصطنعة .... حضر الفطور و هزهولها مع الدواء اللي كتبهولها بوها ..
-أيا يا روحي قوم كول معاش بكري باش نريفزو ... نخاف تعاقبني و نقعد اكاكا اليوم ...
-هههه تهنى حبيبي هاني قايمتلك باش نمرجد بالريفيزيون ...
قامت تربعت على الفرش و قعدت تاكل ...
كريم عينيه متهزتش من عليها ... كل حركة تعملها تبعث فيها فرحة و خوف ... فرحة خاطرها معاه توا ... و خوف مالمستقبل ...
تنهد و كمل كلا معاها ...
كملت كلات و قربتلو باستو من شفايفو ...
-عيشاي رويجلي الغالي يا ربي يخليهولي ...
-و يخليك ليا يا عمري ...
هز الطبق للكوجينة ... رجع يلقاها جابدة الاوراف و فارشتهم عالبيرو ...
-أيا حبي نبداو ...
-باهي يا روح حبك اما على شرط ...
-شنية ...
-كسف نفهم ناكلك و بعد نخرجو شوية قالق ...
-هههه باهي هذا كان فهمت ...
-هههه تتمنيك عليا ليلا ... ايجا هوني ...
قعد يجري وراها و هي دور بالفرش و تضحك ... بعد كيف حسرها طلعت عالفرش و ولات تنغز ...
-هههه يزي بلا تنغيز عيش حبي توا تتعب .....
-هههه متخافش عليا ... أنا قوية ... تنغز كيف الصغار و شعرها طاير معاها ...
-هههه باهي اهبط لا نطلعلك توا وقتها بالرسمي تولي تنغز بالحق ...
-هههه لا لا... هاني هبط ...
هبطت و مشات للبيرو ...
-ايا سي كريم نريفزلك ...
-هههه عيشلي حبي يا ربي ...
قعد عالكرسي و هي مقابلتو ...
-لا هكا ما نتفاهموش .. ايجا في حجري مكانش منجمش نفهم ...
-ههه الله يبارك ...
مشات قعدت في حجرو ... حلت الاوراق و بدات تفهم فيه ... و هو حاط خشمو في رقبتها يشم فيها .....-ههه ... يزي بلا بلادة راني نقص ...
-هههه تي شعمتلك انا توا ... نشم في حبي ... مرتي يعجبكشي توا ...
-هههه باهي لبلادة لا ... و نحي يدك على حزامي ... تعرفها نقطة ضعفي كي تبدى تحرك في يدك على حزامي ...
-هههه هكا ...
-يزي ...
قالتها و صوتها يرعش مالاحساس اللي حستو ...
-ااه معاش تحكي بالصوت هذا ... تعرفني نفشل منو ...
حط شفايفو على رقبتها و بدى يبوس فيها بلهفة ...
-حبي ... كمل افهم امان ...
-اممم باهي ... فيسع معاش نجم اكثر ...
على طول ماهي تفهم فيه هو سارح معاها و موش مسيبها ... رهوجها لين نسات كل شي و سيبتلو روحو عمل فيها اللي حب عليه هو ...
كملو و عملو دوش ... عفراء خارجة مالدوش تسمع في تاليفون كريم يصوني ... تلقاه بلال ...
-الو ... وي بلبل
-وينو راجلك ساعة نكلم فيه ..
-هههه هاو في الدوش لحظة توا ناديلو ...
كريم ... كرييييم ...
-يا روحي ... شبيك ...
-ايجا بلال يكلم فيك ...
-اا سي بلال تفضل ...
-ااا سي الطحان ليا ساعة نطلب فاش غاطس ...
-ههه نريفز نريفز ...
طلع لسانو لعفراء اللي محملتو من تالي ... و تشم في ريحتو و ريحت الجال دوش متاعو اللي دوختها ...
-باهي يا قراي ...
كيفاه ليوم عندك ولا عندي ...
-لا الليلة عندي ... باش طيبلنا عفراء العشا ...
-اوكي صاحبي مريغل ... ايا باي ... و ريفز بالقدا عادا الدفوارات قربت ...هههه
-هههه باهي باهي طير ....
-ايا حبي قلي شنية ناقسك خليني نمشي نجيبلك فيسع و نجي نتفرج في الماتش ...
-هوكا قيتلك ...
ياخي باش تتفرج في الدار؟ كيسبا ...
-هههه تهنى عفروتي قاعد على قلبي معاش مسيبك ... و متعبش روحك عيش حبي ...
-باهي ازرب روحك حبي ...
-كان فما حاجة كلمني امان ... اوك مريتي ...
طبس باسها من شفايفها و خرج ...
قعدت تبع فيه بعينيها لين خرج ... حسة حاجة سافا با فيه ... علاه الخوف هذا الكل ... شبيه ولا خايف عليها برشا و اكثر مالعادة ...
مشات للدوا اللي عطاهولها شربتو الصباح ...
تلقى الدوزة اكثر المرة هاذي ...
"معناها قلبي زاد تعب ... ااااه يا ربي راني تعبت ... "
تنهدت و خملت الدوا ... هي تعرف حالتها ... اما متعرفش اللي هي ملازمهاش تجيب الصغار ...
مشات عملت رشارش على الانترنات ... لقات اسم دوا في الصين يرتح ... كتبت اسمو ... و حطت الورقة عالبيرو و مشات للكوجينة ...
حضرت اللي تستحقو الكل و كلمت كريم خاطرها نسات مواصاتش اللازانيا ...
❤الحلقة السادسة ❤
كريم في الماغازان يدور و التاليفون نوقز ... لقاها عفراء تفجع و قلبو طاح بين ساقيه ...
-وي حبي ... شبيك .. شفما ...
-ههه مفما شي حبي نسيت اللازانيا ...
حط يدو على قلبو ... يضرب كالطبال ...
-ربي يهديك فجعتني ...
-حبي انا اللي قلبي عاليمين راهو موش انت ...
-هههه باهي بركا يزي بلا بلاتك ... ايا منبطاش ربيع ساعة و نجي ...
-اوكي سوق بالسياسة حبي ...
-اوك يا روح حبك ...
علق .. باس التاليفون حطو هلى قلبو و رجعو في السروال ...
تعدى خذا اللازانيا و روح ...
-حبي ... حبي وينك ...
-هاني في الكوجينة ...
دخل يلقاها غاطسة مبلحطة بكلها ....
-هههه محلا زينو و هو غاطس و الشي واصل لخشمو ...
-يزي حبي تي والله تقطعت مالتعب ...
-ههه اللطف عليك ... و شبيه الحوت اكاكا حالتو حليلة مصارنو على برا ...
-تي منجمتش نضفو ...
-ههههه علاه ... شبيه
-تي يتزلبط فددني ...
-ههههه هذاكا يدياتك طريين ... خليه غادي .. نبدل دبشي و نجي ...
قتلو باهي براسها ... باسها و مشى ...
لبس شورط و نحى المريول و هبط ... يلقاها حطت اللازانيا طيب ...
مشى عالافابو و حط ينضف في الحوت ...
-حبي ...
-نعم ...
-شبيك مقتليش اللي قلبي زاد تعب ...
السكينة طاحت من يدو و عينيه ملاتها الدموع ...
-حبي ... (مشات عنقتو من تالي و تكات عليه ..)
مدامك انت معايا ميجرالي شي ... انت روحي ... منحبش نعديو حياتنا خوف ... خلاها على ربي ...
دارلها حملها و باسها من جبينها ...
-متعبليش روحك امان ... و الله متتصورس شنية يصيرلي فيا كان تصيرلك حاجة ...
-اللطف عليك ... تهنى و الله نوعدك نتلها بروحي ... معاش نتعب ... كان معاك بركا ...
-ههه حتى انا معاش باش نخليك تتعب تهنى ...
-ههه يا ذنوبي ...
-ربي يحميك يا عمري ...
ايا عاد معاش بكري خلينا نحضرو ...
كملو طيبو و حضرو الطاولة ... مشات عفراء لبست دبشها و كريم كيف كيف ..
جات السبعة ... الباب دق ...
-اهلا حبي ... توحشتك ...
ترمات عليها تبوس و تعنق ...
-هههه كان ترى انا با لفعة ... لقيت كريم نسيتنا ...
-لا والله اما قراية ماك تعرف ...
-اممممم ريفيزيون ...
-هههه يزي بلال ...
حملتو سلمت عليه ...
-والله توحشتكم ادخلو عاد ...
-ااا سي الشباب متسلمش ...
-هههه على شكون باش نسلم ... كونش على عشيرتي ... انت لا ...
سلم على سندس ...
-سافا سوسو ... اش عامل فيك اكا الواطي راجلك ...-هههه عامل فيا ...
-هههه يعطيه وهف لكا المنضر كان نراه منقتلو ...
-ههه اللطف على رويجلي ...
-هههه تهنى سي كريم مرتي مطعتينيش راهو ...
-هههه ايا اقعدو نتعشاو العشا برد ...
قعدو على الطاولة ...
سندس و بلال خزرو لبعضهم و تبسمو ...
-يا جماعة نحبو نقولولكم حاجة ...
-اي تفضلو نشا الله خير ...
-سندس حبلة ...
توا في الثاني ...
عفراء نغزت تبوس فيها مالفرحة ...
كريم وجهو صفار و ولا كيما الكاغط ... ميتفسرش ...
فرح لعشيرتو اما حسها ...
تنهد و بدل تفاصيل وجهو ... بلال حسو سافا با ...
-الف مبروك حبي ... الف مبروك ربي يوصل بالسالمة ...
-مبروك عليكم ... ربي يوصل بالسالم نشا الله ...
-عيشكم العاقبة ليكم ...
بلال خزر لكريم و سالو بعينيه شبيه ...
قلو براسو هيا نخرجو ...
-ايا يا مدامات اقعدو حضرو العشا ... عنا ما نحكيو ...
خرجو للتراس ...
-شبيك كريم شفما صاحبي ...
-اااه منين باش نبدى ...
-اللطف عليك ... شفاما ...
حط يدو في السروال ... تنهد و دارلو عينيه الطلها حزن و خوف ...
-عفراء ... مريضة ...
-اللطف على اختي باش ...
-قلبها .... حالتها ماشية و تتدهور .... ملازمهاش تجيب الصغار ... مكانش تموت ...
بلال كيف سمع ... جا قاعد عالكرسي ... حط راسو بين يديه ..
-سامحني صاحبي ... محقناش قلنا ...
-بلال عيش خوية متفهمنيش بالخايب .... و الله فرحتلكم من قلبي اما كيف تفكرت تفرعست ...
-عندك حق صاحبي ... اما شنية الحل ...
-منيش عارف و الله ... خليها على ربي ...
-نشا الله ربي يفرجها عليها و اكهو ... خسارة ... عفراء باهية و منستحقش ...
-بربي لا تحكي لسندس ... ماك تعرف النسا قلوبهم رهيفة توا تعاودلها ...
-تهنى و الله سرك في بير ...
بلال يحكي و كريم يخزر لعفراء مالبورت فناتر كي تضحك و تفدلك و فرحانة بصاحبتها ... اكيد راهي تتمنى تكون في بلاصتها ...
-سندس انا زادة نحب نحبل شنعمل ...
-فما باريود بعد متكمل تمرض تحبل فيها ... هكا قلي طبيبي ...
-اي انا توا عندي نهارين مللي كملت ...
-اي نورمالمون توا وقتك ...
-يااا مصاب يا ربي ...
-نشا الله عزيزتي ... انت تجيب بنية و انا وليد و ناخذوهم لبعضهم ...
-هههه اي اي و نبداو في عرسهم كبار و مجلدين ...
-هههه ربي يدوم عشرتنا عزيزتي و نقعدو نتفكرو هالايامات ...
-اي و الله حبيبتي ...
❤الحلقة السابعة❤
-يعطيك الصحة عزيزتي الماكلة بنينة برشا ...
-اااا مالا نلعبو ... مرتي صنافة راهي ...
-ههه صحة و بشفا ... لينا برشا هلى ها اللمة ...
-اي من هاكا الرحلة ... معاودناش تلمينة ...
-توا تولد سندس نشا الله و بعد نرجعو خاطر توا متنجمش ...
-اي نشا الله ربي يوصل بالسالم و نعاودوها ..
كملو تعشاو و لمت الطاولة هي و سندس ..
بلال و كريم قعدو يتفرجو في الماطش ...
-عفراء شنية الدوا هاذا ...
-هذاكا دوا القلب متاعي
-شبيك عفراء ... بدلتو ياخي .. شفما
-منعرش .. دخت اليوم ياخي جاني با .. نلقى الدوا على الطاولة .. يضهرلي قلبي تعب اكثر .. غدوة باش نمشي نعدي تما موش باش نقول لكريم .. حاستو مخبي عليا حاجة ..
-لا منتصورش يخبي عليك كريم يحبك و كان فما حاجة راهو قلك ...
و زيد مهوش باش يخليك تخرج وحدك مالدار .. مدامو هوني باش يشدلك وجهك ..
انا من راي كمل الدفوارات و بعد امشي ... هكاكة خير ..
-زعما ..
-اي عزيزتي .. اشرب دواك و شد الريغلا .. و بعد توا نمشي معاك ..
-باهي اوكي ..
ايا جيب الجي توا انا نهز الحلو ..
تعدات سهرية حلوة ضحك و لعب .. بلال و سندس روحو و عفراء مالتعب حطت راسها على صدر كريم و رقدت ...
قعد يلعبلها على شعرها ... يشم في ريحتها ... يشوف فيها راقدة تقول ملايكة ...
"ربي يخليك ليا يا روحي .. الله لا يخليني نعيش نهار بلا بيك .. نشا الله ربي يشفيك و نعيشو فرحانين و نجيبو صغيرات .. نربيوهم و نعيشوهم في عالمنا ... "
حملها و باسها و رقد...
تعدات جمعت الدفوارات ... عفراء عداتها جمعة كاملة لباس و قلبها موجعهاش ... كريم لاهي بيها و حاطها في عينيه ...
اليوم النتيجة ...
-حبي خايف و الله ...
-لباس و الله حاسة باش تسلكها كيما سلكتها انا ...
شادتلو يدو و تصبر فيه ... تعلق الافيشاج ... كريم قلبو غطس ...
-برا شوفلي انت .. انا منجمش ...
-باهي حبي هاني ماشية ...
مشات للافيشاج ... قعدت تبع في الاسامي لين وصلت لاسمو ...
مشاتلو تجري حملتو و تبوس فيه ...
-لباس حبي .. نجحت ...
-يااااس الحمد الله يا ربي ... اول مرة نفرح بنجاح ... محلاها الفرحة بعد التعب...
من غدوة نشا الله نبدى نخدم على حبيبي .....
-هههه يا روحي ارتاح شوية ياخي مالطبق لبيت النار؟
-اي انا وعتك و باش نوفي بوعدي...
-باهي يا روحي ... اعمل اللي تحب ...
باهي هيا نروحو باش نفرح بيك ....-هههه هيا ... انا زادة توحشت حبيبي ...طلعو
وصلو للدار كريم مخلاهاش حتى تمشي على ساقيها ... طلعها طول للبيت ... هبلها و هبل معاها و موش كيف كل مرة ...
المرة هاذي كانت غير كل مرة ...
تعداو جمعتين و كريم يخدم و يروح و عفراء وحدها في الدار نهار كامل ...
ولات على عصابها ... مالقلق و الفدة و الوحدة ... ولات تتلكش على اقل حاجة .. كريم كان عاذرها ...
شرالها كرهبة و مخليلها فلوس .... قلها دور و تفرهد و برى بحذا داركم و هي شي ....
حل الباب يسمع في صوتها تبكي ...
تفجع و دخل يجري ..
-عفراء عفراء وينك شبيك تبكي ...
يلقاها في البيت ... تبكي و شعرها مشبشب و عينيها محوقة ... مشالها يجري و قعد عالقاعة بجنبها ... حملها ...
-شبيك يا روحي ... علاش تبكي ... شصار ...
-تعبت ... فديت ... حاسة روحي في حبس ... نحب نخدم ... نحب نتلهى في حاجة ... نحب نولي ام كيما سندس ... علاش انا معنديش بيبي ... علاش منيش ام ... قريب عام معرسين و معناش بيبي ... علاش ....
-يزي يا روحي ربي حب هكا ... توا وقت يسهل ربي توا يجي البيبي ...
دزتو و وقفت ...
-تكذب ... معاش تمسني ... انت تكذب عليا ... متحبناش نجيبو صغار ... كل متجي الباريود اللي انا نجم نحبل فيها انت تبعد و تتجبد عليا ...
كان ندمت خاطرك مخذيتني مفاتك شي ... و لا انت ستانست بحريتك متحبش تجيب صغير يربطك معاه ...
كريم حاط راسو بين يديه ... مكانش متصور اللي هي باش يجي نهار و تخمم هكا ... اما علاش باش يلومها و هي محرومة من ابسط حاجة في الدنيا ... عندها الحق فاللي عملتو الكل ... مهما تقول لازمو يتحمل ...
-تكلم ... شبيك ساكت ... علاش متحبش تجيب مني صغير ... علاش حارمني من ابسط حاجة ... موش تقلي اللي انت تحبني نكون فرحانة ... علاش هكا علاش يا كريم ...
❤الحلقة الثامنة❤
-عفراء عيش حبي راني فاهم اللي انت متقلقة و فادة خاطرك وحدك ... انا راني نحب نجيب منك الف صغير و الله ... اما خلينا نريقلو اومورنا الساعة و بعد اتوا نجيبو صغير ...
-علاه شبيها اومورنا ... هانا خير من غيرنا ... عنا كل شي ... انا نحب نجيب صغير ....
-عفراء ...
-كريم .... ماللخر كانك حاشتك بيا نجيبو صغير ... كان معينيكش بيا قلي من توا ... هاني باش نخليك تخمم باش نبات بحذى سندس ليوم ... و خمم و بعد كلمني ...
-لا حبي بربي لا تخرج ... الدار بلا بيك ضلام ...
منجمش تبعد عليا حتى لحضة ... افهم ....
-حتى انا يا روحي و الله ... بربي خلينا نجيبو صغير ...
-منجمش ..
سامحني ...
خزرتلو تترجى فيه ... بعد عينيه عليها باش يهرب من نضراتها و من ترجيها ليه ... سخفتو و هي تحاول فيه باش تكون ام ... منجمش يقلها اللي كان تجيب صغير تموت ...
دموعها هابطة شلال و هي ترى فيه واقف قدامها ساكت ... حتى حاولتو ما وافقش يحققلها حلمها البسيط ...
حاولة تفسر رفضو ... ملقات حتى سبب ... كان انو ميحبش يربط روحو بالصغار ...
-انا توا فهمت كل شي ... منيش باش نحاولك اكثر .....
الحب مهوش كلمة يا كريم ... كان جيت تحبني راك حققتلي ابسط حاجة ...
انا ماشية بحذا سندس ... كان بدلت رايك كلمني ...
حطت الفاليز تعبي في ظبشها و تبكي ...
كريم بين نارين ... مينجمش يبعد عليها ... و مينجمش يصارحها ...
قعد واقغ منجمش يمنعها ... اصلا معندوش حاجة باش يتسبا بيها ..
جات خارجة شدها من يدها ...
-ستنى نشيعك ...
دارتلو و تبسمت باستهزاء ...
-ملي مزيتك عندك ... نعرف نسوق ...
نطرتلو يدو و خرجت تبكي ...
سمع الباب تسكر ...
ولا يعيط و يكسر في كل حاجة جات قدامو ... يديه تحلت و دمو يقطر و هو مهوش حاس بيها ... الوجيعة اللي حسها في عنين عفراء اقوى ببرشا ... العجز اللي حاس بيه حطمو ... غايضو حال مرتو ...
لازمو توا يشوف حل .... مكانش في بالو اللي هي باش تركز مع الحكاية و تحس بيها برشا ...قام يكركر في ساقو اللي دخلت فيها قزازة ... نحاها و مشى للتاليفون كلم عفراء يلقا التاليفون مسكر ...
كلم بلال . .
-وي بلال ... وينك ...
-هاني في الدار شفما ...
-تعاركت انا و عفراء و هيكا جاية باش تبات بحذاكم ...
-علاش تعاركتو شفما ...
-ايجا بحذايا و جيب معاك شراب نحب نشرب ...
-لها الدرجة .... عندك عام مشربتش ...
-و اكثر يا بلال ... ايجا فيسع ...
قعد يضبضب في الدار يستنى في بلال ...
حاس روحو مخنوق ... الهوا اللي يتنفس فيه حاسو مسموم خاطر مفيشو ريحت عفراء .....
الدار ضلمة خاطر عفراء موش تضوي فيها ...
شوية و الباب دق ....
مشى حل الباب ...
-كريم شبيها ساقك ...
-شي .... جبتلي اللي قتلك ...
-اي اهوا ...
خذا من يدو الصاشي و جبد الدبوسة و بدا يشرب بغل ...
-بالشوية كريم ... شبيك ياخي ...
-عفراء وصلت ...
-اي وصلت خليتها في الدار ...
مشى قعد على الكرسي و رجع يشرب ...
-عفراء تحب تجيب صغير ... قتلي اللي انا حارمها و منحبش نجيب خاطر منحبش نربط روحي بيها ...
قتلي خمم و بعد كلمني ....
-بففف الحكاية زادت تعقدت ... شنية باش تعمل ...
-منعرش ... منجمش نحرمها ...
-اما انت خايفة عليها ...
-معنديش استعداد اني نخسرها ...
-حيرتني معاك صاحبي ...
-باش نحققلها امنيتها ...
-كيفاه ...
وقف و كمل شرب ...
-نعطيها قلبي ...
❤الحلقة التاسعة❤
صلي عنيبي يا كريم ياخي شنية الكلام اللي تحكي فيه ... فما حل اخر تنجم تقلها اللي انت متجيبش صغار و ستبناو صغير ... عفراء تحبك مهيش باش تب عليك و باش تقبل ...
-في بالك ما خممتش فيه الحل هذا ... اما تصور تخطف نهار و تحبل ... وقتها باش نطيحو في نفس الموقف اما وقتها اتعس خاطر باش نكذب عليها ...
انا باش نخلاها تحبل و تجيب مني صغير كيما تحب هيا ... باش نعطيها قلبي تعيش بيه و تربي صغيرنا اللي باش تهبل و تجيبو ... باش نخليلها قطعة مني منيش باش نخلاها وحدها ...
-في بالك عفراء باش تقبل .... في بالك باش تنجم تعيش بلا بيك ... فيق كريم راك غالط ... صارحها ...
-لا بلال ... ملازمهاش تعرف ... عفراء لازمها تعيش فرحانة و متحس بشي و منيش باش نقلها اللي انا باش نعطيها قلبي ... منحب حد يسمع ...
تكى على الكانابي و قعد يشرب و يعاود ... بلال غاضو حال صاحبو ... ملقى حتى حل ... خلاه وحدو باش يخمم بالباهي و ياخو قرارو ...
متكي عالكانابي و يبكي ... دبوسة الشراب في يدو ...
-عفراء يا روحي ... يا مرتي ... يا قطعة مني ... شنية قيمتو الصغير و انت مكش معايا ... في بالك باش نحبو البيبي كيف تموت في جرتو ... علاش تخليني هكا وحدي ... راني مخنوق بلا بيك ... عفرااااء ... عفراااء ...
حط يدو على عينيه و قعد يهتري باسمها ... يسمع في الباب تحل ...
حاول يهز روحو بالشوية ... عينيه مضببة ...
عفراء دخلت و في يدها الفاليز متاعها ... منجمتش تبعد عليه حتى ساعة ... دخلت تتلبد في بالها كريم راقد ... شافت الدم تفجعت و ولات تعيط ...
-كريييم ... يا روحي وينك ... شصارلك ...
كريم يسمع فيها و موش منجم يجاوبها ... دموعو هابطة و عينيه حمر ...
تشوف فيه مرمي عالكتنابي و الدنيا مكسرة بجنبو ... سقيه مدمدمة و يديه كيف كيف ...
تيحت الفاليز و مشاتلو تجري ...
شدتلو ساقو تشوف فيها و تشوف في يدو و تبكي ...
-شعملت في روحك يا سخطة ... في بالك نجم نعيش بعيدة عليك ... في بالك نجم نبعد ... راك روحي و الهوا اللي نتنفسو ...
حملتو و تبوس فيه من وجهو و رقبتو و يدو ...
هو يخزرلها و حاس اللي روحو رجعتلو ... نسى كل شي ... في اللحظة هاذيكا يحب يحملها و يعيش معاها اللحظة هاذيكا ... كيف تبدى تتحرك قدامو قلبو يرعش عليها ... يحب يخبيها عندو ...
حملها و حطها تحتو ... بدى يبوس فيها بلهفة تقول عندو عام مراهاش ...عفراء كانت خايفة عليه يدو دم و ساقيه كيل كيف و هو مكان بحاس شي نحالها دبشها و غرق فيها و معاها ...
-ماك تحب نجيبو بيبي ... هاني باش نخليك تجيبو ...
رجع يبوس فيها و بين عينيه يرا كان في عفراء و هي فرحانة ...
وقتها كانت الباريود اللي تنجم تحبل فيها و اللي كان كريم كل ما يعمل معاها الرولاسيون ميكملهاش باش ما تحبلش ... اليوم كملها للخر باش يفرح مرتو و حبو ... قرر يضحي بروحو باش يفرحها ...
عفراء فرحة كيف كملت الرولاسيون و تدعي باش تخطف و تحبل ...
مكانتش عارفة اللي ممكن تخسر كريم باش هيا تحبل ... و كان جات تعرف عمرها لا تقبل انهة تخسر كريم ...
قام الصباح راسو رزين و بدنو مدقدق .... هز روحو بالسيف يلقى دبشو و دبش عفراء مطيش عالقاعة ...
ميتفكر شي كان النفس متاعها في بدنو و اللي هو تقوى عليها برشا ... شاف ساقو يلقاها منضفة بالدوا و الفاصمة و يدو كيف كيف ...
قام بالشوية ... مينجمش يعفس على ساقو ...
قعد يتركز على الحيط ... يسمع في صوت عفراء و هي تغني ... عاملة جو و فرحانة ... كالعادة صوتها يسحر و ينسيه في همو و في كل شي مقلقو ...
شادة شعرها الفوق ... لابسة شورط و توب .. تغني و طيب في القهوة ... محضرة الطاولة متاع الفطور ...
فرح كيف شافها عاملة جو و ناشطة ... مشالها و حملها من تالي ... حط شفايفو على رقبتها و محملها من حزامها ...
-صباح النور حبيبي ...
-صباح الفل يا احلى حب في حياتي ...
دارتلو و حملتو ... حطت راسها على صدرو ...
-سامحني حبي خليتك وحدك البارح ...
-سامحني انت حبي مقصتش نخليك تخرج مالدار و انت متغششة عليا ... مقصتش نوجعك و نغششك ... نحبك ...
-و انا نعشقك يا روحي ... ايا اعمل دوش لين نحضر القهوة ...
-باهي يا روحي ...
طلع للدوش ... حل السبالة ... الما هابط عليه ... و هو مهوش فاهم روحو يفرح ولا يحزن ... كهوش خايف مالموت قد ما هو خايف على عفراء ...
مستعد يعمل كل شي على خاطرها .... حياتو موش خسارة فيها ...
كمل دوش و هبط ... يلقاها حاطة البيسي قدامها و متربعة عالكرسي تستنى فيه عالفطور ...
-فاش تعمل مريتي عالصباح بالبيسي ...
-ايجا حبي شوف ... فما حشيشة تنبت في الصين تقوي عروق القلب و داوي ...
-بالرسمي ... تراه خنشوفها ...
-اهيا ... اقرى عليها ... اما غالية برشا ...
-ميغلا عليك شي يا روحي توا نشوف كيفاه و ناخوها ...
-عيش حبي هيا نفطرو ..
❤الحلقة العاشرة❤
تعدى شهر و عفراء معاش على عصابها ... ولات تخدم مع كريم في الشريكة ... كل يوم مع بعضهم ... تفرهدت و ولات لاهية بروحها اكثر ...
كل يوم لوك جديد و جو جديد ... ولات فرحانة و متفرهدة اكثر ...
كريم فرح و رتاح خاطر قلبها معاش يوجعها ... و ديما في فورمة ... تشرب في دواها منضم ...
وصى صاحبو باش يجيبلو الحشيشة اللي قتلو عليها وقت يروح مالصين ... مهما تدون تكلفتها ...
-حبي شنية تحب نحضرلك عشاء ...
-علاش منتعشاوش البرا عزيزتي مغير متعب روحك ...
-لا حبي تاعبة منحبش نخرج معنديش خلوق ...
-سملا عليك حبي شبيك ...
-شي حبي تاعبة مالخدمة ...
-باهي توا نعطيك كونجي اقعد ...
-باهي ع عزيزي قلي شنية نطيب ...
-اعمل حاجة خفيفة ..
و لا تعرش كيفاه ... برا ارتاح توا انا نعمل حاجة ...
-عيش حبي يا ربي ....ربي يخليك ليا ...
قعدت عالكانابي تتفرج في التلفزة ... حست روحها متقلقة برشا ... خواطرها دايرة و مفرعسة ... مشات تجري للتوالات ترد و تجي على راسها...
سمعها كريم خرج يجري مفجوع ... يلقاها ترد ...
-حبي شبيك .. شفما ...
-راسي ... خواطري دايرة ...
حملها .. غسللها وجها و هزها للكانابي ..
-سملا عليك عزيزتي ... بالك كليت حاجة فاسدة ...
-لا حبي ماني كليت معاك في الفطور ...
-مالا شبيك ...
-منعرش ... دايخة و متبلقة برشا ...
-باهي ستنى نكلم بوك يجي يشوف شبيك ...
-لا حبي كلم سندس نحب نسالها على حاجة ...
-باهي خنجيب التاليفون ونجي ...
طلع جاب التاليفون و كلم سندس ...
-كروم وينك هالغيبة و ويني عفروتتنا ...
-هاني سندس ... عفراء متقلقة شوية و تحب تكلمك ...
-سملا على اختي عديهالي ...
-وي سندس ... حاسة روحي متقلقة برشا و نرد ...
-عندك روطار ...
-اي جمعة ...
-مبروك حبي اكيد حبلة ...
-يااا زعما ...
-اي حبي برا اعمل تاست و شوف ..
علقت التاليفون و عينيها مليانة فرحة ...
-ااا شقتلك ...
-حبي جيبلي تاست ... يضهرلي حبلة ...
موش عارف يفرح و لا يخاف عليها ... باش يتبدل كل شي كان تطلع حبلة ... ملازموش يسبق الاحداث و لازمو يخليها على ربي ... ملازموش يحسسها اللي هو مهوش فرحان ...
خرج بالكرهبة جابلها تاست و جادخلت للتوالات ... كريم قاعد يمشي و يجي قدام باب التوالات ...
-عفراء طلعت الشلطة ...
-مزالت ...
-عفراء فيسع امان ... تي فاش تعمل لتوا .....
شوية و خرجت حاطة يدها على كرشها و عينيها بالدموع ...
مشالها يجري ... شدها من كتافها و يستنا فيها باش تتكلم ...
-حبلة...
قتلو اي براسها ... دموعها هبطت ... حطتلو يدو على كرشها ...
-باش نجيبلك ولدنا ...
كيف حط يدو على كرشها حس حاجة تحركت فيه ... حس قطعة من روحو في اغلى انسانة حبها و عشقها ... قلبو دق بقوة و حس حاجة اول مرة يحسها ... عينيه دمعت ... تمرو ما كان يتصور انو الاحساس هذا ممكن يكون قوي هكا ...
حملها و دار بيها ...
باسها من وجها و شفايفها ...
-باش نولي بو ...
-اي يا روحي باش نجيبو صغير و نربيوه مع بعضنا ...
في لحظة تفكر اللي هوما موش كيما اي زوز باش يجيبو صغير و يربيوه و يكبروه ... مكتوب عليه يعيش يا مع امو ا مع بوه ... و هو باش يخليلو امو تعيشو و تفرحو و تفرح بيه ...
في لحظة وجهو تبدل ... اما مهوش حابب يحسسها ...
-توا لازمك تتلهى بروحك اكثر و تتلهى بصغيرنا ... لازمك تمشي تعدي و تشرب دواك و تتلهى بروحك ...
و انا منيش باش نخليك وحدك ... باش نقعد معاك و نتلهى بيك ... و ماليوم معاش فما خدمة ... اقعد ارتاح ...
-ربي يخليك ليا يا روحي ... الله لا يحرمني منك ...
-ايا سيبني توا خليني نمشي نطيبلك حاجة تاكلها ... برى تكا حبي ...
مشى للكوجينة ... يحاول يفسر الاحساس اللي حسو ... منجمش .... احساس قوي برشا ... احساس عنرو محسو ... خاسف عليها اما من داخلو فرحان برشا
❤الحلقة 11❤
عشاها و طلعها لبيتها غطاها و رقدها عندو ...
حملها و قعد يلعبلها على شعرها ... منجم يرقد الا ما رقدت هي و تهنى عليها ... يسمع في دقات قلبها و يفرح كيف يسمعهم و يتهنى ...
قام الصباح ... خلاها راقدة و مشى عمل دوش و حضرلها فطورها ... كلم امو شافتلو مرا تعاونها في الدار ...
مشى باش يفيقها يلقاها مزالت راقدة ...
-عزيزتي قوم ...
-اممم نحب نرقد
-عيش حبي قوم كول حاجة و بعد ارقد ...
-برا حبي اخدم توا نقوم ...
-لا لا منخرج كان منفطرك و نتهنى عليك اللي انت كليت و شربت دواك
-باهي ... الله لا يعطينا ما يغلبنا ....
قامت تحك في عينيها ... شاخ عليها و هي تقول طفلة صغيرة ...
حط الطبق قدامها و بدى يوكل فيها ...
-حل فمك و كول عيش حبي معاش عليا بكري ...
-اممم منحبش المعجون مخيب ريحتو ...
-باهي هاي تارت بالشوكولا ...
-اممم شكلاطة ... اي نحب شكلاطة ...
-ههه هاك هاي برشا شكلاطة ...
تشم في ريحتها و تقرب فيها لخشمها ...
-امممم محلا ريحتها ...
-ههههه باهي كول باش تقعد تشم ...
-امممممممم بنينة اممممم ...
تاكل في التارت بلهفة و هو شايخ عليها ...
مبلحطة الكلها بالشكلاطة ... خشمها و شفايفها ...
-ههههه ايجا نمسحلك ايجا ...
مدتلو وجها ... قرب منها شمت ريحتو غمضت عينيها و حطت خشمها في رقبتو ...
-امممم ريحتك .... بني....يييييينة ...
-يزي يا روحي و الله باش ناكلك راهو ... ريض ...
-محلاها ...
-تي يزي يا روحي ... عاملة عليا بالعاني ...
بعدت و كشبرت ...
-والله ماني بالعاني ... ريحتك محلاها ....
-باهي توا نحطلك البارفان بجنبك لين نجي ...
هوكا كلمتك مرا باش تجي تعاونك
اي حاجة كلمني ... باهي ...
-باهي حبي ...
-ايجا بوسني ...
-مممممممه ...
-محلاها عفروتي انا ...باسها و خرج للخدمة ...
يسوق في الكرهبة .... و يخمم في عفروتو ....
قلبو موش متهني خاطرو خلاها وحدها ...
نوقز تليفونو ...
-الو ... اهلا صابر لباس ...
-الحمد لله كريم لباس ... اسمعني هوكا شريتلك اللي قتلي عليه ... نروح الشهر الجاي انشا الله توا نجيبهالك معايا ...
-عيش خويا يا صابر و الله فرحتني ... ربي يخليك ...
-بيناتناش مزياك سابقة ...
علق التاليفون ... حاس روحو باش يطير بالفرحة ...
مشى للخدمة فرحان و عامل جو ... اول مرة يحس روحو متفرهد ... عالاقل فما امل باش ترجعلو مرتو لباس ...
كل دقيقة يكلم عفراء يطمان عليها و يسال على احوالها ...
يشوفها كلات و لا لا ... فاش تعمل ...
تعدا الشهر الاول متاع الوحم صعيب عليهم الزوز ...
عفراء تعذبت ... وحمها صعيب برشا ... مرة تحب تقرب من كريم و مرة تعيفو و تبعد عليه ...
هو كان عاذرها و واقف معاها في كل شي ... المهم تكون هي سافا و قلبها لباس ...
يستنى بالدقيقة و الدرج باش يروح صابر و يجيب الدوا لعفراء ...
-حبي باش تمشي معايا ليوم للطبيبة ...
-اكيد يا روحي باش نمشي معاك و نشوف ولدي ...
-حبي ياخي شبيه صابر لتوا ما جى ...
-قال عندو خدمة و منجمش يجي ... ممكن اخر الشهر ...
-توا 3 شهر مجاش ...
-شبيك عفراء حاسة بحاجة؟
-لا لا غير قتلك ...
-باهي هاني باش نبدل دبشي و هيا نمشيو للطبيبة ...
تبسمتلو ...
مشى يبدل في دبشو و هي قعدت تستنى فيه ...
حطت يدها على قلبها و تنفست بالسيف ....
حاسة قلبها باش يطلع مالوجايع ...
الباريود هاذي ولات ديمة متقلقة من قلبها ... محباش تقول لكريم باش ميزيدش يتحير عليها
❤الحلقة 12❤
طلعو في الكرهبة و مشاو للطبيبة ...
-حبي شبيك وجهك اصفر ....
-شي حبي دايخة شوية ... ممكن وحم ...
-قلبك يوجع فيك ...
-لا لا لباس ...
هبطت راسها تلعب بصوابعها على كرشها ... تتبسم شوية ... تحكي معاه شوية و كريم يخزرلها و يتبسملها ... حاسها متقلقة ... اما هو ميفهمش في الوحم و الخرم هذا الكل ...
حاسها متقلقة اما موش عارف مناش ..
-حبيبي زعما ينية ولا وليد ...
-اللي يجيبو ربي مبروك عزيزتي ... المهم انت و هو لباس ...
-انا نحب بنوتة ... و نحب نهزها وين تلاقينا اول مرة ... نوريها كل بلاصة عدينا فيها وقتنا ...
-نشا الله يا روحي ... نوعدك بعد ما تولد و يكبر البيبي شوية ... نهزك انت و ياه و نمشيو لنفس البلاصة اللي حبينا فيها بعضنا ...
وصلو قدام الكابيني ... هبطت عفراء شادة كريم من يدو ... كل خطوة تزيدها قلبها يقبض عليها ...
دخلو للطبيبة ...
-صباح الخير مدام ... صباح الخير مسيو ...
تفضل مدام ....
تكات على الفرش و كريم قعد على الكرسي بجنبها ...
-شنية تحس في روحك مدام ...
تحكي معاها و تحطلها في الجال على كرشها..
-لباس .. شوية دوخة اكهو ..
-تشرب في الدوا اللي عطيتهولك...
-اي نشرب و ناكل فيىاللي قتلي عليه ....
-باهي برشا ...
حطت الايكو و بدات دور فيه على كرشها ....
دورتلها التلفزة هي و كريم باش يشوفو البيبي ...
-هاذي بنتكم ... هذي يدها و هذا راسها ... هذا قلبها ... حط في وذنك مسيو اسمع دقات قلبها ...
كريم حس بفرحة و باحساس الابوة كيف شاف بنتو قطعة من روحو .. قلبها يدق بالشوية ... دقاتو منضمين ... عينيه دمعت ... يسمع في دقات قلبها و يخزر لعفراء اللي كانت تخزر للايكو و حاطة يدها على راس بنتها و تتبسم ...
-الحمد لله مدام البنوتة لباس عليها ... اعطيني نقيسلك دقات قلبك ...
كريم تفجع و وجهو لخلخ ...
حطت الاباري على قلب عفراء ... وجها تقلب و صفار ...
-مدام تستعمل في دوا القلب ؟
-اي ... شفما ...
-مدام مقلكش طبيبك اللي انت ملازمكش تجيب صغار ...
كريم عينيه زغللت و هبط راسو مطلعو ... عفراء مصدومة و موش عارفة شنية تقول ...
قالتلها لا براسها ...
مدام قلبك ضعيف برشا ميتحملش حبالة و ولادة ... و دوا القلب ينجم يشوه الصغير ... سامحني مدام اما حياتك في خطر كان باش تنحي الدوا و كان باش تخليه بنتك في خطر ...
تنطر كريم مالكرسي ...
-شنية الحل ...
-فما زوز حلول ...طيح الصغير و معاش تحبل مدام مزالت في البداية ... و لا تكمل تحبل و تجيب الصغير ... اما في الولادة منضمنلكش المدام تعيش ...
-لا منطيحش بنتي ... نموت انا و هي لا ... علاه بعد محسيت بيها فيا و سمعت دقات قلبها تحبو تحرموني منها ... بنتي منسلمش فيها ... نراها حتى مرة و نموت ...
نغز كريم ... قعد على ركايبو و يبوسلها في يدها و دموعو تقطر عالقاعة ...
-بربي لا يا عفراء .... متكسحش راسك ... انا لشكون باش تخليني ... منجمش نعيش بلا بيك ... منجمش نكمل حياتي وحدي و انت مكش معايا ... عيش حبي متحرمنيش منك ... راك تموت انت نموت انا ... متخلينيش وحدي عفراء ...
-مكش وحدك ... باش نخليلك قطعة مني ... باش نخليلك بنتنا ... تشبهلي ... سميها على اسمي و احكيلها عليا ... هزها للبلاصة اللي حبينا فيها بعضنا ... وريها تصاورنا ... احكيلها قصة حبنا ... قلها اللي انا حبيتها قبل منراها و ما نحضنها ... قلها امك موش مقدرلها تفرح كيما الناس ... قلها اللي انا حبيتك برشا ... و عشقتك ... قلها تتلها بيك كيما انا تلهيت بيك ...
الطبيبة معاش منجمة تشد روحها ... تعرف احساس الام كي يبدى صغيرها فيها ... تعرف احساس اللي يحب و هو عارف اللي باش يخسر اللي يحبو في اي لحظة ...
خرجت و خلاتهم وحدهم ... متحبش تعيش لحظة كيما هكا ...
-لا عفراء ... اش نعمل بيه الصغير بلا بيك ... في بالك باش نحبو و هو السبب في موتك ...
وقف و ضرب راسو عالحيط ...
-اصلا كلمت موتك تقتلني .... علاه يا عفراء ... موش كريم انا اللي يحبك و يموت عليك ... علاش تحرمني منك ... راني نموت بلا بيك ...
-انا زادة نحبك ... اما مكش باش تحس الاحساس اللي نحس فيه انا توا ... حاجة قويا موش مخليتني نستغنى على بنتي ... قطعة مني ...
ضرب يدو على الطاولة ...
-انت انانية ... تخمم في روحك و في اللي يريحك ... مكش وحدك جيتو الصغير ... انا بوه و معينيش بيه ... كان جيت تحبني متحرمنيش منك ... انت قررت وحدك و قررت تقتلني معاك ... اما انا منيش باش نخليك ... موش على كيفك ...
خرج و ضرب الباب وراه ...
خلاها تبكي و تخزر للايكو ... قلبها بين نارين ... هي مخطرتش تكون مريضة و تتحرم من احلى احساس في الدنيا ... مخطارتش تتحط في الموقف هذا ...
قامت مسحت كرشها و هبطت الشوميز ...
دخلت طبيبتها ... عينيها بالدموع ...
-شنيا قررت ...
❤الحلقة 13❤
-منيش مطيحة بنتي و اللي يصير خلي يصير ...
-شوف عفراء منيش باش نفرض رايي عليك ... اما راجلك يحبك و اكا حدو عليك ... متحرموش منك و عيشو حياتكم ... الصغار موش كل شي في الدنيا ...
-ممكن كان عرفت قبل منحبل نقبل الحكاية ... اما توا منجمش ... حاسة بيها في بدني ... احساس قوي منجمش نقتل قطعة من روحي ... شنية ذنبها تموت قبل متجي للدنيا ... علاه نضحي بيها ياش نعيش انا ... لازمني نقبل اللي باش يصيرلي ... هكا ربي حب ... منجمش نضحي ببنتي ..
تنهدت و قعدت على الكرسي ...
-مالا ماليوم معاش تشرب دوا القلب ... باش البيبي ميتشوهش ... اعمل تصاور و تخطيط على قلبك و امشي لطبيبك ممكن يعطيك دوا اخف ...
و نشا الله ربي يقدر كان الخير ...
هزت اوراقها و خرجت ... العينين منفخة مالبكا و المخ سارح ... ملقاتش كريم البرا ... كانت باش تاخو تاكسي بعد حبت تمشي وحدها شوية ...
حاطة يدها على كرشها و تحكي معاها ...
-سامحني منيش باش نحضنك ... سامحني منيش باش نرضعك مني ... سامحني منبش باش نربيك على يديا ... سامحني باش نحرمك من حنيت الام .. اما منجمش نحرمك مالدنيا ... شنية ذنبك انت تموت ... باش انا نعيش ...
قعدت تتمشى ... سعات تبكي و سعات تتبسم كيف تتفكر دقات قلب بنتها اللي سمعتهم ...
تسمع في كرهبة تزمر عليها ...
تلفتت تلقاه كريم ... اكيد مهوش باش يخليها بيها ...
حلت الباب و طلعت ... محبش يخزرلها و محبش يكلمها ... طريق كامل و هو يسوق و ساكت و هي متلفتة للشباك و ساكتة ... وصلها للدار ... هبطت مالكرهبة و دخلت للدار و هو هز روحو و مشى ...
اخر حاجة تعملها انها تتغشش عليه ... هو عندو الحق يتغشش و يفد ... يشوف في روحو تموت عرق بعد عرق ... عندو حق يجهل و يفد ...حلت الباب و طلعت ... محبش يخزرلها و محبش يكلمها ... طريق كامل و هو يسوق و ساكت و هي متلفتة للشباك و ساكتة ... وصلها للدار ... هبطت مالكرهبة و دخلت للدار و هو هز روحو و مشى ...
اخر حاجة تعملها انها تتغشش عليه ... هو عندو الحق يتغشش و يفد ... يشوف في روحو تموت عرق بعد عرق ... عندو حق يجهل و يفد ...
دخلت لبيتها ... ترمات على فرشها ... حاسة روحها فاشلة و تاعبة و دايخة برشا ... مشان للكوجينة .... لوجت على حاجة باش تاكلها ملقات شي ... قلبها عصر عليها ... مستانس كريم يطيبلها خاطر معاش تحب تاكل ماكلتها و تعيفها ...
شربت حليب و طلعت لبيتها ... تمشي و شادة في الحيط .. معاش تنجم تشد روحها اكثر ... طاحلها الحديد ... عينيها ضببت ... دارت بيها الدنيا ... طاحت في القاعة ... داخت ...
كريم مشى لبوها يشكيلو ... قلو لازنها طيحو الصغير خاطر صحتها ابجل و لازمو يكلمها ....
-مفما حتى حل ... بنتك متحبش تنحي الصغير و مكبشة ... انا باش نعطيها قلبي منجمش تقبل فكرة موتها ...
-ياخي ساهلة تعطيها قلبك ... لازم برشا تحاليل و لازم قلبم يكون قد قلبها و جينيرالمون قلب راجل اكبر من قلب المرا ... و ثاني حاجة هي توا متنجمش تعمل عملية خطيرة كيف هكا خاطرها حبلة ... معناها الحكاية هاذي مستحيلة كريم ...
طاح عالكانابي و حط راسو بين يديه ...
-معناها انا بسجاذتي باش نخلي مرتي نموت ... في بالي كان خلات نعطيها قلبي ... شنية باش نعمل توا ... مرتي باش تضيع من يدي و انا نتفرج فيها ...
اااه يا ربي علاه هكا ... شعملت في حياتي ...
شعملت في روحي .....
-عيش ولدي برا امشي لمرتك متخليهاش وحدها توا .. توا نلقاو حل .....
خرج مالدار ...
حس قلب قابض عليه... ركب في كرهبتو ... بدى يسوق و كل ما يقرب قلبو يقبض عليه اكثر ...
يكلم في عفراء متهزش عليه ... زاد دخل في حيط ...
وصل للدار طلع يجري للبيت بعد ما عيطلها برشا و مجاوبتوش .....
يلقاها مطيشا في القاعة ......
-عفراء .... يا روحي شبيك شصارلك .....
حملها بين يديه و طار بيها للسبيطار ....
❤الحلقة 14❤
-دكتور لباس ..
-لباس المدام طاحلها الحديد و لازمها لهوة ... ضاهر فيها مكلات شي مالصباح .... لازكك تتلهى بيها الباريود هاذي حساسة برشا ...
-باهي دكتور عيشك ...
نجم نروح بيها توا..
-اي اكيد ... نشا الله لباس ...
خرج الطبيب و عفراء معلقة السيروم و متكية عالفرش ...
طبس عليها باسها من شفايفها ...
-سامحني عزيزتي خليتك توصل للحالة هاذي ... سامحني ...
-سامحني انت حبي ...
باسها من يدها و خرجها مالسبيطار ...
روحت للدار طلعها لبيتها ... هبط للكوجينة يحضرلها في فطورها ...
يتفكر في اول مرة راها فيها ... كيف طاحت و جات بين يديه ... كيف قعدت على الشجرة و هو هزها ... كيف رقدت عندو ليلة كاملة عالشط ... تفكر اول بوسة باسهالها و الاحساس اللي متبدلش و في كل لحظة يحسو معاها ... ليلة عرسهم اللي كانت اقوى ليلة ممكن تتعدى على زوز يحبو بعضهم ... توا يرى في حب حياتو و مرتو تذبل قدامو ... كره كل شي ... كره حتى البيبي اللي في كرشها اللي باش يخسرو فيها ....
دموعو مهيش كافيا باش تفرغلو قلبو ... حاجة قوية عليه يحس بيها في قلبو باش تقتلو ....
مسح دموعو و كمل حضرلها فطورها و طلعلها ...
-عزيزتي قوم كول حاجة ...
قامت شوية و حطلها المخدة ورا ضهرها ..
بدا يوكل فيها كيما الاولاد الصغار ...
-عفراء ...
-نعم يا روحي ...
-متخلينيش نعيش بلا بيك ... راك قاعدة تعذب فيا ... كل يوم يزيد عذابي ... منجمش نعيش حتى لحظة بلا بيك ... راك تموت انت نموت انا ..... و الله حياتي بلا بيك متسوى شي ...
ترضى تخليني وحدي ...
دورت راسها و دموعها هابطة شلال ..
يبوسلها في يدها و يحاول فيها ...
-سامحني كريم ... منجمش ... منجمش نقتل بنتي ... حتى كان مت انا و ياها ..
-و انا لشكون تخليني ... منجمش نعيش بلا بيك حس بيا ....
-بالك النبتة ترتحني و ترجعني لباس ... علاش نسبقو في الخايب ... اللي عند ربي موش بعيد ...
-صابر لتوا ما جى ... و انا معاش نجم اكثر ... انا باش نمشي للصين نجيبهالك ... باش نخليك في داركم .. لازمني نمشي ... هذا اخر امل ...
قتلو باهي براسها ... باسها و كمل وكلها و شربها دواها ... غطاها و رقدها ...
حل البيسي و قعد يعمل في روشارش عالقلب و على الاعشاب .... على كل حاجة خاصة بالقلب ...
يلقى اللي الاعشاب هاذي مجربة و ناجحة 90 بالميا اما لازم تكون فالاول موش في الحالات الاخر ...هذا اخر امل ... دعا لربي باش يحميلو مرتو و يجعل فيها الشفا ...
دخل للدوش ... مشى صلى و دعا لربي ...
حلت عينيها تلقاه على السجادة يدعي لربي و عينيه دمع ... قلبها وجعها عليه ... هزت روحها شوية ... قامت و مشات بجنبو ...
كمل صلى يلقاها قاعدة قدامو تخزرلو ...
-قبل الله حبي ...
-اجمعين يا روحي ...
اش تحس في روحك توا ...
-الحمد لله خير شوية و الله ...
حبي نحب نمشي لدارنا قلقة ...
-باهي نهزك اما المبات لا ... منجمش نبات بعيد عليك ...
-باهي عزيزي ... و بعد نمشيو نشريو دبش ...
-باهي حبي ... تحب تاخو دبش جديد ؟؟
-موش ليا ...
حطتلو يدو على كرشها ...
لبنتنا ...
تنهد و وقف ...
-كريم ... راهي قطعة منك ... بربي لا تكرها ... شنية ذنبها هي ...
-ذنبها باش تحرمني منك ..
نطر يدو و مشى بدل دبشو ...
-وي ماما ... هانا جايين بحذاكم ... حضرلي مقرونة شاهيتها ...
-باهي بنيتي دلل ... انا بيدي توحشتك برشا ... و شنية تحب اخر ...
-اممم نحب طاجين و نحب المقرونة حارة ...
-باهي متبطاوش ...
-حبي حضرت ...
-اي عزيزي هيا نمشيو ...
لبست صالوبات متاع حبالة روج بوردو ... كرشها مدورة و طالعة لبرة شوية ...
وقفت قدام المرايا و تلعب على كرشها ...
تمنات كريم يجي من تالي و يحملها ... تمناتو يفرح كيما اي بو ... تمنات تعيش فرحتها كاملة ...
وصلو لدار امها سهرو و تعشاو و هبطو باش يشريو دبش ...
كريم متقلق و ماشي فوق من قلبو ...
❤الحلقة 15❤
دخلو للماغازان ... حوايج الصغار يطيرو العقل ... كريم شاد عفراء من يدها و يدور معاه غير باش متتغشش ...
عفراء تشوف في الحوايج و فرحانة .... حتى الكلاسط خذاتهم ... تعدات من بحذى زوز عندهم وليد يدورو و شادين يدين بعضهم ...
فرحانين و يشريو في الدبش ... راجلها يشري و فرحان بولدو ... حست بغصة و وجيعة و فرحة موش كاملة ...
وقفت و قعدت تخزرلهم و عينيها بالدموع ...
كريم حس بالذنب خاطر مقصر معاها في الباريود اللي لازمو ياقف معاها فيها ... عينيها فضحتها و خرجت حزنها الكل البرة ...
شدها من حزامها و باسها على خدها ...
-سامحني حبي ...
عدى يدو على كرشها ...
-هيا نشريو لبنتنا الدبش ...
تبسمتلو و قتلو باهي براسها ...
تعدى قدام الروب متاع الصغار ...
شاف روب صغرونة روز و بلون ... شدها بين يديه قد الطرف ... حس باحساس غريب ... كان هو موش هازها في كرشو و حس هكا مالا عفراء كيفاه قاعدة تحس ...
لازمو ميزيدش عليها و يضهرلها ... لازمو يعمل اللي عليه و الباقي على ربي ...
-عزيزتي شوف محلاها ...
-واو ... محلاها ... ناخذوها؟
-اي عزيزتي كيد ناخذوها ...
-حبي ... منحبكش تمثل عليا ... نعرفك محاشتكش بيه الصغير ...
-انا محاشتيش بيك انت تمشي و تخليني ... هي بنتي و نحبها تتربى معايا و معاك ...
منحبش تعيش يتيمة ... منحبش نعيش مهبول بلا بيك ...تعداو شهرين ... عفراء حالتها ماشية و تتدهور ... وجها اصفر و ضعافة ...
كريم ليل و نهار النوم ما يشوفوش .... كان متوقع انها تمشي في اي لحظة و تخليه وحدو ... كرشها كبرت و قلبها ضعاف ... ممنوع عليها الدوا ...
منجمش يسافر و يخليها وحدها ... قلبو ما يتهناش عليها ...
قام الصباح كيما كل يوم ... صلى و دعا لربي ... لحيتو هايجة و معاش لاهي بروحو ...
عندو شهرين ممسهاش ... يخاف عليها تزيد تتعب ...
تحرم من كل شي في الدنيا ... حتى الخرجة معادش خارج مع صحابو ...
مشى يحضرلها في فطورها و دواها ...
تاليفونو صونا ...
يشوف في نومرو صابر و موش مصظق عينيه ...
-وي صابر .. تي وينك صاحبي ...
-بربي سامحني يا كريم و الله موش بيدي ... هاني قريب نوصل لدارك ... هاني جبتلك القضية ...
-يرحم والديك يا صابر ...
طفى على القهوة و طلع يجري لعفراء ...
-روحي ... روحي فيق ...
-ويي شنية حبي ...
-صابر جا و جاب الدوا ...
-الحمد لله يا روحي حمد لله ....
باسها من شفايفها و حبط يجري حل الباب ...
يلقى صابر ...
-تفضل صابر ادخل ...
-لا عيشك كريم ... والله مزروب ... ايا تفضل و نشا الله فيه الشفا ...
❤الحلقة 16❤
دخل للكوجينة حضرلها الفطور و غلالها الدوا ...
طلع يجري باش يموت بالفرحة ...
فطرها و عطاها باش تشرب ... الدوا مر شوية اما لازمها تتحملو ...
-بالشفا يا روحي ...
-يشفيك حبي ...
-ايا عزيزتي شدلي روحك ... لازمك تقوم لباس و نربيو بنتنا مع بعضنا ... نعيشوها حبنا و هبلتنا ... و الله راك بالدنيا يا عمري .. والله راني نعشقك ...
-انا حاسة اللي انا باش نعيش و باش نرتاح ... و الله يا روحي مانيش خايفة ... فما حاجة في قلبي تقولي اللي انا لباس ...
-نشا الله يا روحي ... نشا الله ...
ايا نخرجك شوية للجنينة ليوم منيش باش نخليك وحدك جملا .. يزينا مالكبي و الخوف و المرض ... اليوم باش نتفرهدو و خلاها على ربي ...
-على شرط ...
-تدلل يا روحي ...
-حجم لحيتك حبي... مي نراك هكا انا نتعب و نتقلق ...
-الله يبارك ... ايا قوم بدل دبشك خليني نحجم و نجي ... و ابرا فيسع راني توحشتك و معاش نجم نصبر عليك ...
-ههه و الله كان ترا انا ...
-موش مشكل حبي صحتك ابجل من كل شي ...
بايها من شفايفها و قام باش يحجم لحيتو ...
قامت بالشوي لبست روب و حطت شارب على كتافها ... الدنيا باردة شوية ... لمت شعرها ...
خرجو للجنينة شادها من يدها يسايس فيها ... وصلها للدرجيحة قعدت فيها و هو يدز بيها ...
-حبي غنيلي شوية عندك برشا مغنيتش ...
بدات تغني و حاطة يدها على كرشها ...
كيما كل مرة تغني فاها تاخولو عقلو معاها ... هزو لدنيا اخرى ...
كملت الغناية ....
حست بضربة في كرشها قوية ...
-ااااي ...
-شبيك يا روحي ... شفما ...
مشالها يجري قعد قدامها ...
-كريم ... كريم بنتك ضربتني ...
اااي ...
حط يدو على كرشها ... حس بيها كيف قاعدة تضرب ...
-هههه حبي .. ضاهر فيها تغششت عليك كيف سكت ...
-هههه زعما حبي ...
-ههه اي و الله ضاهرة هكا ... عاود غني خلينا نشوفوها تركح و لا لا ...
بدات تغني و الضرب قص...
-ههه موش قتلك...
❤الحلقة 17❤
-هههه غني انت خليني نشوفها تتفاعل معاك و لا لا
-هههه انا صوتي خايب ... علاه ملايكة مسكينة نصدع فيها ...
-هههه امشي حبي غني ...
حط يدو على كرشها ...
-ما تنسيني تحبي الله ... ما فيا بلاكي و الله ... عن هواكي ما بتخلى ... ما بتخلى عن هواكي ... ضفرك بي ها الدنيا كلها روحي حطيتك محلا عا حلاكي يا مشا الله يا مشا الله عن حلاكي ...
و محلاكي يا محلاكي عمري و روحي فيداكي .. عكري و روحي فيداك لولاكي اما لولاكي و الله كنت بجن بموت ...
-هههه و الله خنست ...
شدها من يدها قيمها ...
غني معايا يا روحي .. نحب حياتنا لكلها فرحة و هنى ...
منحب شي ينكرلنا فرحتنا و لا يقتلنا فرحتنا ...
-نحبك يا روحي ...
هههه اي ... كريم بنتك باش تطلع دلولة الضاهر ... نعديوش نهار كامل نغنيو ....
-ههه اي شبيه توا انا نغني لبنتي ... لا مزية ليك انت ... ربي عطاك صوت حلو وليت شادتو علينا ....
-هههه كنتش نحاول فيك ... برا عاد توا باش تكسرلي راسي بصوتك ....
-هههه بونتو فيك .... ايا ساجدة نغني لبنتي ...
-ههه ساجدة؟؟؟
-اي اي ساجدة بنتي ...
-محلاه الاسم حبي ...
باستو من شفايفو ...
ربي يخليك ليا ...
قرب لوذنها ...
-يزي بلا تبربيش راني نشدك توا بالسيف ...
-ههههه و علاه بالسيف ... انت قول بركة ...
-هههه كان ما جيتش خايف عليك راني كليتك ...
-هههه ايا غني سمعني اكا الصويت سمعني ....
-ايدي عا راسك حبيني .... ليل نهار تزكريني ... من جواكي لا تشيليني.... لا تشيليني من جواك.... حبك ماشي بشراييني.... و هي بعيوني حلفتيني .....شو مغلاكي شايفتيني.... شايفتيني شو مغلاكي ...
و محلاكي انا محلاكي .....عمري و روحي فيداكي ... لولاكي انا لولاكي.... و الله كنت بجن بموت ...
حملها و يدور بيها و هي تعيط ...
-هههه باش تطيحني راك ...
-هههه تي بربي قداه توزن باش نطيحك ... تي انت و سجودتي متعملوش 10 كيلو ...
ضربتو على صدرو ...
-يزي بلا لادة متاعك قلو 10 كيلو ...
شدها بيديه الزوز ...
-يا روحي يا اغلى من روحي ... و الله كي تبدى رطل ... راك عمري ...
ربي يخليك ليا يا عمري ... ربي يشفيك و يحميك ... نشا الله دعاية يكون مستجاب ...
-حبيبي ... خلينا نعيشو اللحظة ... خلي الباقي لربي هو يعرف شنية يعمل و اللي كاتبو لينا معنى وين نهربو منو ...
-عندك حق يا روحي ...
أطلب شنية تحب اليوم ... مدامني هوني باش ندللك ...-نحب نتمشى عالبحر ... نشم نسمت البحر و ناكل غلاص ...
-حبيبي غلاص في الشتا ...
-موش انا اللي شاهيتو ... سجودتك ...
-هههه باهي برا البس حاجة تلمك ... الدنيا باردة عليك ...
-باهي ...
طلعت تتحرك بالسيف ... كرشها كبرت ... عندها وجيعة قوية في قلبها ... محبتش تقلو ... حبت تعيش معاه كل لحظة و تأرخها ... كانت حاسة روحها باش تموت و تخليه ... كيف راتو كيفاه قرحان بيها و ببنتو و ولا يحبها و قبلها .... رتاحت و تهنات عليها معاه ... طلعت للبيت ... قلبها قابض عليها ... مخنوقة تحب تبكي و تقول اللي هي حاسة روحها باش تموت و ساعتها قربت ...
حست حاجة في حلقها خانقتها .... شادة في الحيط و طالعة بالشوية ... دموعها خانوها و معاش تنجم تشدهم ....
تبكي و حاطة يدها على فمها باش ميسمعهاش ... سكرت الباب بالمفتاح باش ما يراهاش في الحالة هاذيكة ....
عفراء قبل بنهارين مشات للطبيب بالسرقة على كريم ...
قعدت مقابلة المراية حاطة يدها على كرشها ...
تتفكر في كلام طبيبها ...
-مدام عفراء ... سامحني اما التحاليل اللي قدامي متبشرش بخير ... قلبك تاعب برشا ... بدنك ضعيف و البيبي زاد هدك ... البيبي قوي و قاعد يتغذى منك و غالبك ... راك قاعدة تفلط في حق روحك و راجلك و الناس اللي يحبوك ... راك قاعدة تقتل في روحك عرق بعد عرق ... علاش هكا مستغنية على روحك ...
-مفما حتى حل ...
-سامحني اما في حالتك هاذي لازمك معجزة و دعوة خير ... اما طبيا ....
-طبيا شنية .... احكي دكتور صارحني ....
-طبيا معاش فما امل .... تنجم توصل للدات للولادة .... اما بقلبك هذا متنجمش تولد و تعيش ... التخطيط متاعك يبين اللي قلبك تاعب برشا و ينبض بالشوية ... سامحني .... معنى حتى حل ....
-باهي دكتور .... منحب حد يعرف بالحكاية هاذي ... خاصة كريم ...
خرجت مالبيرو ... بدن بلا روح ....
تمشي بالسيف ... احساس عبد عارف روحو اللي هو باش يموت ... مينجم حد يحسو في بلاصتها ...
سارحة تتذكر في الكلام و الباب دق ...
مسحت دموعها و لبست الكومبينيزون متاعها و خرجت ....
-حبي شبيها عينيك ... كنت تبكي ... شفما ... شصار ... متقلقة ...
-هههه خليني نجاوبك ... الكحل حبي حرقني في عيني ...
-اففف فجعتني ... سملا على اكا العينين العسل ...
ايا حبي نمشيو ..
هزت الكاب متاعها و وصلت للباب ...
-حبي ...
-يا روحي ...
-هز الكاميرا متاعك ... نحب نعملو تصاور ...
-باهي حبي دلل ...
❤الحلقة 18❤
طلعت في الكرهبة تستنى فيه لين يجي ...
هزت دبوست البارفان متاعو عملت منها ... شمتها بقوة ... مسحت دموعها .... الريحة اللي عشقتها ... اللي خذاتلها عقلها في نهار من النهارات معاش باش تشمها ... معاش باش تتمتع بيها ...
تكات راسها على الكرسي ... تتذكر في اول بوسة خذاتها منو ... سخانت شفايفو اللي مزالت حارقتها ... تتفكر خزرتو ليها في كل لحظة تعديها معاه ... احساسها اللي هي ملكة على عرشو ... اول ليلة معاه ... تتفكر اول مرة تقابلو فيها ... تتفكر كيف بكات و هو واساها ...
كريم اللي علمها تعيش .. اللي عاشت بيه ... اللي عاشت ليه ... جا الوقت اللي باش تخليه فيه ... هو اللي عطاها حياتها و علمها تعيش و هو اللي باش ياخوها منها ... اما موش باش تخليه وحدو ... باش تخلي قطعة منها معاه ...
غمضت عينيها ... خذات نفس كلو وجيعة ... كلو قهرة ... كلو حقد على الدنيا اللي في لحظة عطاتها كل شي ... و في لحظة باش تاخو منو كل شي ... وقت اللي فرحت ... الدنيا حسدتها في فرحتها ...
-حبي نمشيو ...
تلفتتلو و عينيها مغروسة في عينيه ... تحفض في تفاصيلو ... عينيه ... حواجبو ... خشمو ... شعرو ... شفايفو ...
قعد باهت فيها ... حركة لا .. تتبسم و تعدي في يدها على شعرو ...
قامت بالشوية و قربتلو ... حطت شفايفها على شفايفو ... غمضت عينيها ...
حس سخانة شفايفها تحرق ... حس احساس المرة اللولة اللي باسها فيها ...
سيب روحو ليها ... باستو بوسة مشحونة حب و وحشة .... معمل حتى ردة فعل ... خلاها تاخو راحتها ... قوات في بوستها ليه لين تقطع عليه النفس و عينيه حمارت ... بعدت شوية و رجعت عضتو من شفتو ...
بعدت عليه و حطت راسها عالبلار و قعدت تخزر للطريق ...
قعد فمو محلول ... موش عارف علاش عملت اكاكا و علاش محكات حتى كلمة ... ممكن شهوة ... تبسم و بدى يسوق ...
طريق كامل سارحة مع الطريق ... تثبت في كل حاجة فيه .... كل حجرة ... كل شجرة ... كل دار يتعداو عليها ...
كريم حسها مهيش عادية ... اما ديما في بالو الحبالة هي السبب ...
وصلو للبحر ... هبط مالكرهبة و حللها الباب ...
حطت يدها في يدو و قعدو يتمشاو ...
-تعرف حبيبي شنية نحب ...
-شنية حبي ... قول بركا ...
-نحب نرجع للبلاصة اللي تعرفنا فيها على بعضنا ... نحب نعاودو اللي صار الكل وقت اللي عرفتك ... محلاهم الايامات ... معاش يتعاودو ...-و راس حبي باش يتعاودو ... وعد مني نمشيو التلاثة ... نعاودو اللي صار قبل الكل ... نوعدك يا روحي و نحققلك حلمك ...
-نشا الله حبي ... نشا الله ...
تكات راسها عليه و حطت صوابعها في صوابعو ...
-شنية تحب آخر ...
-نحب ... خزرتلو في عينيه ...
نحب نرقد معاك ... توحشتك ... نحب نعيش ليلتنا الاولى مرة اخرى ...
قلبو باش ياقف من رغبتو فيها ...
وقف ... حملها ... كبس عليها ...
-انا موش متوحشك بركا ... باش نهبل عليك ... كيف نراك دور و تدحدح في الدار كل حاجة فيا تتحرك ... كيف ندوشلك و بدنك الحنين ... يبدى تحت يديا ... احاسيسي الكل تتحرك ... كيف نبدلك دبشك نهبل ... كان نلقى منرحمكش حتى ليلة ...
اما نخاف عليك ... منحبش نتعبك ... صحتك ابجل من رغبتي ... اهم من احساسي و هبلتي عليك ...
كي نقوم في الليل نتفقدك ... كي نلقاك راقدة كيف الملايكة ... كيف نحط يدي على قلبك و نلقاه يدق ... اذيكا اهم حاجة ...
كيف كل يوم و كل ليلة نحلم بنفس الكابوس اللي انت مكش بجنبي و نقوم نلقاك راقدة و كرشك قدامك ... نتفرهد ... وقتها تكمل شيختي ...
-اوعدني تحققلي رغبتي ...
-باهي ارتاح شوية و بعد كي متبداش تحاول فيا باش نعتقك متسمينيش كريم ...
-امان الليلة ...
-سامحني عفروتي ... صحتك ابجل ... ابرا انت بركا و قوم لباس ... و الله منسيبك كان تتشفع ....
قتلو باهي براسها و حشات راسها في صدرو تشم في ريحتو و تسمع في دقات قلبو ...
❤الحلقة 19❤
-عزيزتي هيا نروحو معاش بكري و الدنيا بردت ...
-باهي حبي هيا ...
عاونها باش قامت على الرمل .. طلعو للكرهبة و روح بيها للدار ..
-حبي بدل دبشك باش نحضرلك العشا ...
-اوكي يا روحي ...
-شبيك عفراء مكش عاجبتني ...
-شي حبي ليوم نعبت و اكهو ..
-سملا على مريتي ... باهي برا بدل دبشك توا نحضر العشا و ايجا نحطو فيلم و ناكلو الغلاص ...
-باهي روحي ...
طلعت للبيت ... شادة في الحيط مخبيا وجيعتها ... تعض على سنيها بالقوي ... كابسة على يدها ...
وجيعة قوية محبتش تقص ...
طلعت للبيت ... ترمات عالفرش ... حاسة بدوخة و قلبها يدق بالشوية ... حست حاجة خانقتها ... حاجة في حلقها مسكرة عليها النفس ...
تحب تعيط ... تحب تخرج وجيعتها اما منجمتش ...
قامت بالشوية ... حلت الغارد روب ... خذات روب واسعة و قصيرة و خلعة ...
نحات السوتيان و لبستها ... الدنيا باردة اما هي حاسة بنار داخلها متحبش تطفى ....
هبطت في الدروج تدحدح و كرشها قدامها ...
كريم شاخ عليها كيف شافها ...
-هههه محلاها عفروتة هي تتدحح ...
-يزي بلا بلادة ههه
-ههه نجي نحملك ... علاه تعب في روحك ...
-ههه مذابيا والله ...
نحى من يدو الصحن و مشالها ...
طبس عليها حملها و خزها للكانابي ... حطها و باسها من شفايفها ...
حللها التلفزة ...
-تفرج لين نكمل ...
قتلو باهي براسها ...
هو مشى و هي قعدت تثبت فيه ... مشيتو .. طولو ... بدنو ...
تنهدت و كملت تفرجت ...
حست روحها بدات تشلق على روحها ... لازم تتغلب على روحها و مرضها و كريم ميحس شي ....
قامت ... مشاتلو للكوجينة تلقاه يغسل في الماعون ...
حملتو من تالي و لسقتلو ...
حس بسخانة في ضهرو غير عادية ...
عندو شهرين مقربهاش و هي قاعدة تغري فيه ...
-توحشتك ...
صوتها الكلو بحة ... كلو وحشة ... كلو اغراء ...
دارلها و حملها بقوة ...
-يزي عفراء راك قاعدة تغري فيا ... شنية تحب ...
-توحشتك ... برشا ...
تخزرلو في عينيه و تقربو ليها و كابسة عليه....
في لحظة ضعف حملها و طلعها لبيتهم ...
نحالها دبشها و طلع فوقها ... كلالها بدنها و هي تحتو تان ... حس دقات قلبها غير عادية ...
عفراء بدات تفشل و بدى النفس يتقطع عليها..
حسها ترعش تحتو ..
بعد عليها بزربة ...
وجها مغسور و دقات قلبها ضعيفة ...بدات تشوف في الدنيا فلو ... تشوف فيه يكلم فيها و يضرب عبى خدها اما ماهيش قاعدة تسمع في شي تشوف كان في شفايفو يتحركو ....
بدات عينيها تتغمض ... لين معلداش حاسة بشي ...
-عفراء ... عفراء فيق يا روحي شصارلك فيق امان ...
يضرب فيها على خدودها و هي شي...
وقف بزربة لبس دبشو و لبسها اللي جا قدامو و طار بيها للكلينيك ...
طريق كامل و هو يحاول يفيقها اما مفاقتش ...
هبط قدام الكلينيك حملها و دخل يجري بيها يعيط للطبيب ...
-مرتي باش تموت ... اجريو امان مرتي باش تضيع ما بين يدايا ...
خطفوها الفرامل من يدو و دخلو بيها يجريو للايرجونس ...
قعد قدام الايرجونس يمشي و يجي ... دموعو شلال ... نادم خاطرو ضعف و ستسلم لرغبتو و باش يضيعها من ايديه ...
ساعة كاملة و هو يمشي و يجي و مخرج حتى طبيب مللي دخلو ...
قاعد عالكرسي و حاط راسو بين يديه ...
خرج الطبيب وجهو اصفر ...
-طمني دكتور امان شفما ...
-ايجا معايا سي كريم ..
دخل للبيرو ... قعد الطبيب عالكرسي و كريم قعد واقف ...
-سي كريم مدام عفراء حالتها مدهورة برشا .... عملنالها تخطيط و قلبها تاعب عاللخر ...
-شنية الحل دكتور راني باش نهبل ...
-الحل الوحيد ظزراعة قلب اما لازم بعد الولادة بالضبط يعني فوق الطاولة ...
-انا مستعد نعطيها قلبي ... اما في بالي لازم ررشا تحاليل ...
-اي اكيد ... كانك مستعد و ماخو قرارك تنجم تبدى من توا التحاليل ... خاطر على فكرة ... في حالت المدام لازم نولدوها بالعمالية و في السابع زادة .....
-اكيد مستعد و مقرر ...
اما منحبش عفراء تسمع ... خاطر باش تقول لا ...
-مالا نتوكلو على ربي من غدوة تبدى التحاليل ...
-عفراء وقتاه نجم نروح بيها...
-تنجم تروح بيها توا اما لازم السيرو يقعد معلق ...
قلو باهي براسو و مشى لبيت عفراء ...
❤الحلقة الأخيرة ❤
💙بارتي 1💙
كريم يحضرلها في عشاها و مخو موش عليه ... كمل طيب و حضرلها الطبق و غلالها الدوا و طلعهملها للبيت ...
-حبي قوم كول و اشرب دواك ..
-توا معينيش و الله
-لا لازمك تاكل و تشرب دواك عيش حبي . اسمع الكلام ..
حطلها المخدة وراها .. قعد يوكل فيها .. الماكلة ماسطة غي فمها اماةمعندهاش حتى خيار اخر لازمها تاكل على خاطر الملايكة اللي في كرشها ...
كمل وكلها و مسحلها فمها ... شربها الدوا و الاعشاب ...
-في بالك اللي الطبيب قال فما امل ترتاح ...
-بالرسمي حبي ..
-اي و الله حبي ... قال تنجم تولد بالعملية و انت على الطاولة يعملولك زراعة قلب...
-اما وين باش نلقاو متبرع ...
-يحلها ربي يا روحي المهم فما امل ... انت توا اشرب دواك و الاعشاب لين يحلها ربي ... اما راك مزالولك شهرين و تولد ...
-علاش شهرين ... و البيبي موش خطر عليه ...
-لا لا لباس ... فما برشا يولدو في السابع ...
و لباس ميصير شي ...
-الشدة في ربي ... ربي يعدي هالشهرين على خير ...
-لباس و راس حبي لباس ... باش تعيش و تربي بنتنا ...
-و انت معايا يا روحي ...
هبط راسو و تنهد ...
-اكيد يا روحي ... اكيد ...
هز الطبق و مشى ...
تعداو الشهرين و كريم يعمل في التحاليل هو و عفراء ....
طلع قلبو و قلبها كيف كيف .... ينجم يعطيها قلبو .... فرح برشا كيف عرف ... مقال شي لعفراء ديما كيف تسالو وين مشى ولا علاش بطى ... يقلها مشى بحذى بلال ...
سندس كل يوم تمشي بحذى عفراء تتلعى بيها ... طيبلخا الفطور تشربها دواها و تشربها الاعشاب 4 مرات في النهار ...
مزالو 3 أيام و تمشي عفراء للكلينيك و تولد ...
روح مالكلينيك يلقاها راقدة .. طلع لبيت ساجدة و زينها بالحجات اللي شراهملها ... كل شي بالروز ...
كمل نضمها ... و زينها و مشى فيق عفراء ..
-عفروتي قوم ... فيق عيش حبي ...
-اممم حبي شفما ...
-لباس حبي ... نحب نوريك حاجة ...
-شنية الحاجة ... قوم معايا توا نوريك ...
قامت بالشوية وقفت على ساقيها و شدت فيه ... بدات تمشي بالشوي لين وصلت قدام البيت ...
غمضلها عينيها بيديه حل الباب ...
حللها عينيها بالشوي ...
البيت كلها روز ... و هالو كيتي ... الفرش صغير و فيه فوال ... كلها دبايب و عرايس ... حتى لي طابي في الروز ...
-ياا محلاها يا روحي .... تفتق البيت .... ربي يخليك ليا ....
عنقتو بالقوي ... و باستو ...
-الله لا يحرمني منك ... راك روحي و الهوا اللي نتنفسو ....
مشى يجري يوري فيها في الغارد روب و كل بلاصة يقلها هاذي لسجودة ...
-حبي .... رد بالك عليها ... ستحفظ عليها و حطها في عينيك ...
-يزي حبي ... اسكت معاش تقول هكا ... باش تعيش و باش تربي بنتنا ... باش نعيشو فرحانين تهنا و الله يا روحي باش تعيش ... و الله باش تعيش ...
-نشا الله يا روحي ...
اليوم النهار اللي باش يتبدل فيه كل شي ... اليوم باش تولد عفراء و تمشي للكلينيك ... و باش يعطيها كريم باش يعطيها قلبو ...
حضر الفاليز متاع سجودة ... حضر الفاليز متاع عفراء ... بدللها دبشها و خرجها ...
ركبو في الكرهبة و مشاو للكلينيك ...
❤الحلقة الاخيرة❤
💙بارتي 2💙
هبطت مالكرهبة و قلبها باش ياقف ... شدها من يدها و كبس عليها ... يطمن فيها ...
-تهنا حبي لباس و الله ... ميصير كان اللي كتبو ربي ...
-نشا الله حبي ... نشا الله ...
دخلو ساق القدام و عشرة لتالي ... مكبشة في يديه و تنزل عليه ...
وصلت للشامبر نحات الدبش و لبست لبست العملية ...
دخلت للعملية ... قلبها باش ياقف ... عملولها البنج ...
تكات على الطاولة ... بدات تشهد ... تشوف في الطبة دايرين بيها و قلبها باش ياقف على الدقان ... بدات دوخ بالشوية و غمضت عينيها ...
كريم في الشومبر الاخرى ... نحى دبشو و لبس لبست العملية ...
متكي و يخمم في عفراء شنية عاملة و شنية باش يصير فيها ...
دخل بو عفراء ...
-كريم شنية تحس في روحك ولدي ...
-لباس عمي ... شنية عملت عفراء ...
-قاعدين يولدو فيها و الحمظ الله التخطيط لباس ..
كريم متاكد من قرارك ولدي ... راك قاعد تقتل في روحك ...
-متاكد و منيش متراجع ... المهم عفراء لباس ...
-مالا حضر روحك ... انا باش نعملك العملية ... فما اوراق لازم تصححهم ... توا بعد يجيبوهملك ...
باش يجيك المبنج ... و باش يحضروك للعملية ...
قلو باهي براسو ...
دخل المبنجو الفراملة ... هزوه لبيت العماليات ...
عملولو البنج ... بدى يشهد ... يتفكر في عفراء و كل لحظة عاشها معاها ...
بدا يغمض في عينيه ...
خرج باش يشوف بنتو ...
يشوف مالبلار القلب قاعد يدق بطريقة عادية ...
ولدت عفراء و الطفلة حكوها في الكوافوز ...
دخل باش يسوف عفراء ...
-دكتور بنتي قلبها لباس ...
-مشاء الله ... قلبها يدق نرمال و مفما فيه حتى مشكلة ...
-متاكد ...
-كيما نرا فيك توا ... هانا باش نعملولها تخطيط و نشوفو الحكاية ...
يشوف في روحو في بلاصة الكلها ضو ... في حملتو بنتو و بجنبو عفراء ..
حل عينيه بالشويا ... وجعو الضو في عينيه ... تصدم كي شاف حموه فوق راسو ... يمس في روحو في بالو مات ...
كي تاكد اللي هو حي تفجع ... في بالو عفراء ماتت ... قام بزربة ...
-شفما ... شصار ... ويني عفراء ... عفراء ماتت ... عفراء ...
تبسم بوها و تلفت عاليمين ...
دار على يمينو ... يشوف في عفراء متكية بجنبو و تتنفس ...
قام و مشالها يجري ...
يشوف في النفس داخل خارج ... موش مصدق اللي يرا فيها ...
-حبي يا روحي ... الحمد لله على سلامتك ... نحبك يا روحي نحبك ...
عمي شصار ... شفما ...-عفراء قلبها رتاح و ولا خير من قبل .... يضهري النبتة عطات مفعولها الحمد لله ...
-و بنتي ويني ...
-بنتك في الكوافوز باش تقعد ايامات ... اما لباس صحتها بخير ...
-الحمد الله يا ربي ... نحب نراها ...
باس عفراء من جبينها و مشى للبيت اللي فيها بنتو ...
يشوف فيها مالبلار كيفاه راقدة قلبو باش يطير بالفرحة ....
المعجزة و دعواتو لربي تحققو ... عفراء عايشة و بنتهم زادة عايشة ...
باش يعيشو التلاثة و معاد يفرقهم حد ...
مشى قعد بجنب عفراء ... شدلها يدها .... و يبوس فيها ... يستنى فيها تحل عينيها ...
بدات تحل في عينيها ... تشوف فيه قدامها ... تبسمت ...
حاسة روحها في حلم متحبش تفيق منو ...
-كريم ... بنتي ... ويني ...
باسها من يدها ...
-بننا راقدة يا روحي و انت قلبك لباس عليه ... رتاح مالاعشاب اللي جابهم صابر ... مستحقيتش عملية ... و نهيرن و نروحو و معانا بنتنا...
-الحمد الله يا ربي حمد الله ... نحب نراها ...
-لا حبي توا متنجمش عالعمالية ... ارتاح ساعة و الله لباس تهنى ...
قتلو باهي براسها و رجعت رقدت ...
تعداو 3 سنين ... عفراء قلبها رتاح و ما عاودش وجعها و الا قلقها ...
اليوم باش يحقفو اللي حلمو بيه ... لمو الفاليز ... لبسو و طلعو في الكرهبة ...
-سجودة ... ايا يا روحي ايجا عندي خلي بابا يسوق ...
-حب با ...
حملتو و خبات راسها عندو ...
-ههههه بربي سيبها عفراء و سوق انت ...
-باهي اهبط ...
حمل سجودة و قعد يلعب عليها و عفراء تسوق و تغني و سجودة تصفق و تشطح و هومة شايخين عليها ...
وصلو للبلاصة اللي بدى فيها حبهم و حقق وعدو ليها ... داروها الكل و صورو في كل بلاصة شهدت على حبهم ...
كريم اسعد انسان في الدنيا ... حلمو تحقق و يرا في مرتو لباس و بنتهم معاهم و بين يديهم ...
عشق كريم لعفراء ارقى و انضف عشق ... نقذو دعواتو لربي و معجزة من عند ربي ...
اليوم عايشين عشقهم بكل فرحة و راحة ...
كمنتار ببلوڨر
تعليقات