عفراء عشقي انا الجزء الثالث

《الجزء الثاني

💗الحلقة الاولى💗

-باباتي .... كوووم...

-اممم .. سجودتي خلي با ينني برا بحذى عفروتة

-ماما كالت امسي فيت بوت ...

-باهي يا روح باباتك هاني قمت ... ايجا بوسنيي ...

-اممممه ...

-ايييه مبنها سجودة ...

مشات تجري للكوجينة في كوش ... سجود هي نسخة مصغرة من عفراء شعرها اكحل حرير و عينيها العسلي و البيوضية متاعها....

حب عفراء و كريم زاد كبر بوجود بنتهم بيناتهم ...

قام مشى للدوش و بعد خرج لاف منشفة على نصو و بدنو عريان لبس شورط و مشى للكوجينة

عفراء لابسة روب قصيرة بلون و طيب و تغني ...

تبسم و مشالها عنقها من تالي و حط راسو في رقبتها ....

-صباح الخير عفروتي ..... يا احلى عفروتة في الدنيا...

-صباح الفل يا عمري ....

طبعلها بوسة خفيفة على رقبتها و زاد جبدها ليه ...

-محلاك يا عمري ... هبلتني ....

كان يوشوشلها في وذنها و يتنفس بلهفة في رقبتها .....

هزت راسها شوية و دارتلو حملتو ...

حطت شفايفها على شفايفو ...

-كان ترا انت يا روحي محلاك .... يعنبو حبك ....

نزل على شفايفها ببوسة كلها حب و رغبة ...

-ماما .... حب نممي ....

بعدت على كريم مربوثة ...

-ايا ماما هاني نحضرلك في فطورك ...

حملها كريم و حطها على الكرسي متاعها على الطاولة ...

-حبيبت باباتها هي ... شكون تحب اكثر انا و لا ماما ...

-حب افروتة ...

-هههه و كروم لا ...

-لا ..

-علاه ...

-هو حب افروتة اكتر من سجودة ...

-هههه ايوه مغيارة الفرخة ... شباش يسلكهالك توا ...

-هههه لا انا نحب سجودة اكثر ...

تلفت ل عفراء و غمزها ...

-مالا معاش بوس افروتة .... بوس سجودة ...

-لا هاذي قالتلهم اسكتو ههههه الله يبارك يا روحي ...

-هههه شنية سجودة باش تفكلي راجلي ياخي ...

-نننن كروم راجلي انا ابي انا ...

ولات تبكي و تحمل فيه ...

-باهي باهي اسكت عيش بنتي انا حبك انت ...

مسحلها دموعها و باسها ...

-ايا بركا يزي بلا دلال و كول فطورك باش تمشي للروضة ...

-ايا اسمع كلام ممتاك و كول ...

قعد يوكل فيها و حطها في حجرو

عفراء قعدت بجنبو و توكل فيه و تاكل هي ...

-حبيبي توا شنية باش تعمل في الخرجة لفرانسا

-و الله ماني عارف يا روحي ... داخل بعضي ماللي توفى بابا و انا كل شي في راسي حتى بلال ماخو كونجي خاطر سندس ولدت و انا منجمش نشد زوز

شركات في زوز بلايص ... تونس و فرانسا ...

و انت و سجودة منجمش نخليكم وحدكم

حطت يدها على يدو ...

-يا روحي احنا تفاهمنا باش ناقفو مع بعضنا في الباهي و الخايب ... و انا منيش باش نخلاها بيك ... كانك عليا انا و سجودة متخافش علينا نتحملو بعدك شوية المهم انت ترجعلنا لباس ...

باسها من يدها و قربلها ...

-اما انا منجمش نبعد عليكم ... انت روحي و عمري ... و منجمش نعدي ليلة و انا منيش بين يديك و منيش نذوق في حلاوتك .... منجمش نرقد مغير منحط راسي على صدرك و نسمع دقات قلبك اللي يحسسوني بالامان ... منجمش نعدي نهار منهبلكش فيه معايا و نعيشو كل لحظة مع بعضنا ....

سجودة زادة معادش نجم نبعد عليها ... كيف تبدى تتكعبر قدامي تفكرني فيك .... كل حاجة فيها انت ... و انا نعشقك انت .... كان نلقى ما نرا شي في الدنيا كان انت ....

-نحبك ....

باستو من شفايفو بغل .... اصلا مفماش كلام تنجم تجاوب بيه على اللي قالو ... احساسهم كان قوي برشا ... مينجم يحطمو حتى شي ...

-توا نلقاو حل يا روحي ...

-الله يبارك يا عمري ...

هز عينيه مع المنقالة ....

-عفروتي ... معادش عليا بكري لازمني نمشي تتعدى انت توصلها امان قبل ما تمشي لسندس ...

-علاش منهزهاش معايا لسندس نشوفو البيبي و بعد نهزها للروضة و نروح نحضر العشا ...

-اي عزيزتي خير ... باش متهرجكش و انت تحضر ... اسمع كلم جوزي تجي تعاونك ...

-ياخي شكون جاي مع عمك ....

-منعرش و الله ... انا اصلا منعرفوش ... و هو ما يعرفش اللي انا منيش ولد خوه البيولوجي ...

-اي نعرف نعرف تهنى حبي ...

خسارة حبيت سندس تجي معانا اليوم ...

-الله غالب هاي نافس متنجمش تجي اما توا نعوضوها...

-اوكي حبي ايا برا معاش عليك بكري ...

-ايا نطلع لبيتي و اخلط عليا حاشتي بيك هههه

-ههههه ياخي متشبعش يا سخطة ...

-هههعع منك؟ مهبولة انت برا حط سجودة في بيتها و ايجاني .... تهنى منيش باش نشدك برشا ههه فيسع ...

عضها من شفايفها و حطلها سجود في حجرها ...

-ايي

-ههه وفر طاقتك للبيت ...

-ههههه

حطت سجود في فرشها تلعب و طلعت للبيت ... حلت الباب تلقى ورد على شكل سهم ... قعدت تبع فيه ...

-كرييييييم .... وينك يا مهبول

مجاوبهاش ...

قعدت تبع لين وصلت لبيت البانو حلت الباب بالشوية ...

تلقى كتيبة على المرايا ... نحي دبشك و ادخل في البانو ...

تبسمت و نحت الروب اللي لابستها

مشات شوية ... هزت الريدو .....تلقاه في البانو و الما كلو ورد ... غمزها و هز حاجب و حط حاجب ...

ضحكت و دخلت للبانو ... هي ما زالت ما ركحتش روحها و هو خطفها و حطها تحتو ..

💗الحلقة الثانية💗

-ممممم انت بليد برشا و متشبعش ...

-و انا نجم نشبع منك ... راك عسل يا سخطة ....

هبط على يدنها الكلو كلاه بين سنيه و يديه اللي مرة تنزل و مرة ترخف ....

بدنها ولا نار بين يديه.... اول مرة تحسو قوي معاها ... اما الحاجة هاذي كانت عاجبتها ... قوتو و رجولتو هبلوها ... خلاوها دوخ و تمشي معاه للعالم متاعو ...

كانت لحظة مهبولة يعيشوها كل يوم اكثر من مرة اما هاذي اول مرة تحس باللي قاعدة تحس بيه ...

قلبها يضرب في صدرو و هو كيف كيف ... هبلها كيما مستانس و اكثر ممكن ....

قلبها حطها قدامو دوشلها معاه و بعد خرجو

مشى للبيت بدل دبشو حملتو من تالي تشم في ريحتو

-اممم مبن ريحت حبي

-كان ترا انت يا روحي ... مبنك .... و محنك و محلاك ..

-ايا خليني نمشي بيبي معاش بكري عليا ... باي ...

باسها و تعدى لبيت سجودة باسها و خرج ...

ركب في الكرهبة و مشى ...

هبطت لمت الطاولة و بدلت دبشها و دبش سجود....

لبست روب بيضة طويلة و طالون و لبست سجود روب بلون و صندال ... نفس المودال ...

شدتلها شعرها لفوق لبست ليناتها و لبست لسجود سير تات و خرجو ... حطتها في الكرهبة و ركبت .... خدمت الكرهبة و مشات ...

-حبيبة ماماتها هي شبيها متغششة ....

-حب سكلاطة ....

-باهي يا عمري توا نشريلك سكلاطة ...

شنية تحب اخر ...

-اممم حب العب مع هارون

-هانا ماشين لهارون العبو كيما تحبو ...

مدتلها عروستها باش تلعب بيها و حطت الفن و بدات تغنيلها في الغناية اللي تحبها ....

و هي شايخة بالضحك و تلعب معاها ...

وصلت لدار سندس دقت الباب حللها بلال

-بلبل عشيري سافا

-يا بنتي منين سافا اكا هارون شيحلي ريقي و هبلني

-هههه ويني سندس ...

-ادخل ادخل هاي لداخل متكية و ميرا عاملة بالبكا معرفتش شبيها حتى حماتي خرجت للدار و خلاتني واحل وحدي

-ههه برا برا اخرج اعمل قهوة توا انا نتلهى بيها اما ما تبطاش راني باش نروح

-باهي هاتلي هالبنوتة خنبوسه

سجودة ... يا روح عمو ... هات بوسة

-اااامممممه ... وينو هارون

-اهوكا الداخل برا العب معاه ...

دخلت تتكعبر و عفراء وراها ... بلال ما صدق لربي باش يخرج و يبدل الجو ...

دخلت لبيت سندس بعد ما حطت الاولاد في الجنينة و تهنات عليهم ...

-حبييييي .... مبرووووك يا عمري ما نزادلك ...

-امممم توا بعد جمعة

هههه يا روحي تي مانا كنا في الرحلة ماو فيبالك سامحني عزيزتي ... ايا هاذا كادو متاع ميرا الجميلة

يا ماما محلا زينها هي ...

-عيش حبي يا ربي ... اما عذبتني متحبش ترقد و متحبش ترضع من صدري ... و الله هبلتني ...

-اللطف على بنتي ... بالك عندها غاز

-زعما؟

-اي انت شربتها دواء و الا حاجة تنحي الغاز ...

-لا و بلال لا يبل لا يعل ...

-باهي توا انا نشربها و نعملك شربة و حاجة هز بيها قلبك

-عيشلي حبي الغالي

ويني اكا الفزغولة .....

-ههه ماللي جات و هي تنحب على هارون هاوكم في الجنينة ....

-شعملت انت و كريم

-هوكا في النوار الحمد لله ...

اما هاو طلعانا عمو مالحيط

-عمو عمو ...

-لا لا خو عم كمال

-و شنية يحب

-بااااز عالورث جاي مفيبالوش اللي كل شي مكتوب باسم كريم ...

-شنية مجيبو هذا ...

-و الله منعرف اول مرة باش نراوه و نحكيو معاه ... كان يعيش في المانيا و كي سمع بخوه مات هاو توا تفكر باش يجي ...

-يشيح ريقو اكيد جاي على فلوسو ...

-و الله منعرف المهم انا باش نروح بكري شوية باش نتعدى نهز جوزي بحذايا ... منحبش نهز سجودة للروضة ..

-توا تهرجك ..

-لا خلاها بحذايا مدامني ماخذة كونجي ..

-اوكي حبي ..

-ايا برا ارتاح خليني انا نريغلك اومورك و نروح ...

تفقدت هارون و سجود و عملت بسباس لميرا و دخلت للكوجينة طيبت لسندس و فطرتها و هزت سجودة و تعدات لجوسي هزتها معاها ...

-عمتي ... ايجا عندي توحشتها انا ...

-ههه و احنا زادة توحشناك ..

-شنية باش تتعدى للمرشي

-اي اي ... ناقصني قضيات ...

-باهي اوكي ...

سجودة يا روحي شعاملة فيك هالعفريتة ...

-تشريلي سكلاطة هي مماتي انا ...

-اممم باهي حتى انا توا نشريلك برشااااا سطلاطة...

-ناقصة هي دلال جوسي ... نهار كامل تضرب في الشكلاطة ....

-ياخي شكون عنا احنا غير سجودتنا رويحتنا ...

-اممم ناقصة هيا ...

-عفراء في بالك اللي عم كريم عندو بنية باش يجيبها

-ايا باهي تلقى مع شكون تلعب سجودة

-هههه يا بوهالية الطفلة عمرها 24

-ايوه ... و اش مجيبها السخط

اكاكا علمي علمك عزيزتي ... اما بربي لا تعمل فاها عادة مالغيرة متاعك

-لا علاش باش نغار منها ... متجيش في صبعي

-هههه ايا باهي توا نكتشفو اليوم

💕الحلقة الثالثة 💕

-توا شنية قررت تطيب ...

-مازلت منعرش ... شنية رايك انت

-انا رايي تعمل مقرونة و طاجين و سلايط و اعمل لحم مشوي و فازات متاعك ماك مبدعة ...

-اوكي مشات معاك ...

تجبد فيها من سروالها ...

-ماما ... ماما حب نني ...

-باهي يا روحي توا عمتك ترقدك معادش عليا بكري انا ...

-نحب نني عندك ....

-بربي يا جوزي حضرلي الخضرة لين نجي ...

ايا حبيبتي ...

طبست حملتها و دخلتها لبيتها نحاتلها دبشها خلاتها في كوش و رقدتها ...

مشات للكوجينة حضرت كل شي هي و جوزي ...

بعد جوزي روحت باش تبدل دبشها و هي طلعت عملت دوش و خرجت ... وقفت قدام المريا تخزر لبدنها ... تشوف في التراس دا امور اللي خلاهملها كريم في بدنها ... وقت اللي يشدها ميخليش بلاصة ما ياكلهاش في بدنها ... حبهم ماشي و يزيد يقوى اكثر و بوجود سجودتهم زاد قوا اكثر ... برشا ناس يحسدوهم على حبهم و تفاهمهم ... عفراء و كريم ما يتعاركوش جملا كان على الغيرة ...

و فيسع يرجعو و احسن من قبل ...

عدات يدها على صدرها و بدنها تبسمت و مشات للغارد روب اختارت احلى روب عندها ... روب نوار طويلة و فيها فونت لقريب فخاضها ... هي بيضة و الروب زادة فيها الشطر .... صدرها محلول شوية من قدام ... صدرها واقف و بدنها متناسق مع الروبة ...

خلات شعرها مسيب واصل لفخاضها لونو كيما هو ... كريم محرم عليا الصبغة ... يحب شعرها ناتيرال .... كيما عرفها ... و يحب ريحتو كيما هي ...

لبست الشركة الديامون اللي جابهالها كريم في عيد ميلاد عرسهم ... هابطة على صدرها و لمعتها زادة حلات رقبتها ... لبست البلالت و الخاتم و الطالون الفضي ...

هبطت تتبختر ... تشوف ناقصاش حاجة توا قريب يجيو و لازمها تكون حاضرة ....

الطاولة حطتها بجنب البيسين اللي رشتو الكلو اوراق ورد ... احمر و ابيض ....

الطاولة طوييبلة مغلفة هي و الكراسي بالابيض .... كلها شمع و الاصحنة و الفراشت و السكاكن دوري ...

محضرة كل شي عليها و بجنبها ميني شان و ميني بار اما فيه كان جي و غازوز ... كريم محرم دخول الشراب للبيت ... قال هو تاب و ربي هداه ... و مينجمش يدخل الحرام و بنتو ملايكة ....

دخلت للبيت اللي في سجودة ...

قيمتها و لبستها روب باربي روز و سيبتلها شعرها و عملتها تاج صغرون ...

لبستها سندالها و حطتها في الكرسي متاعها باش متهرجهاش ...

هزت التاليفون و كلمت كريم ...

-حبي وينك شبيك التوا..

ايا هاني داخل توا حبي ..

علقت و مشات تجري حلت الباب كيما كل يوم يروح للدار ...

دار كريم و عفراء مفيهاش خدام ... هي تحب تخدم كريم بعينيها ... سعات كيف تتعب تكلم مرا تعاونها مرة في الجمعة ...

كل يوم تعرضو للباب تعطيه بوستو ... هي و سجودتها ... و هو لازم يعطيها بوساتها و يعطي لسجودة شكلاطة ...

حلت الباب و هي محملة سجودة ...

هبط ماالكرهبة محمل القضية و الورد ...

-حبيبي شنية هاذا الكل

تحكي و تبوس فيه و سجودة ترمات عليه ..

-شوية حلو للسهرية ...

شد سجودة خليني نعمل دوش و نبدل دبشي فيسع

-باهي يا روحي

ايا ماما نمشيو ...

كمل بدل و عمل البارفان اللي تحبها عفراء و خرج يلقاها تستنى هي و سجودة في الصالة

-شبيهم لتوا ضيافك

-منعرش توا نكلمهم ...

-هاو الباب يدق ...

خليني نمشي نشوفهم

خرج حل الباب و معاه عفراء محملة سجودة ....

-مرحبا عمي ... زارتنا البركة

حل الباب شوية ... تشوف في راجل كبير شوية و معاه طفلة مزيانة طويلة و بدنها محلاه

-باز هاذي هي اللي تحكي عليها جوزي ...

-مرحبا بيكم عم عمر تفضل ادخل

-مرحبا بنتي ... هاذي بنتي نور

-نتشرفو ايا ادخلو

دخل عمو و نور ... عفراء مللي شافتها مرتاحتلهاش و قلبها ما قايللها خير منها ...

جبدت كريم من يدو ...

-في بالي عمك جاي وحدو مفيباليش معاه بنتو

-انا زادة و الله ما في بالي ... في بالي وحدو

-مالا كيفاه جوزي في بالها

-عفروتي قتلك و الله ما فيبالي و اول مرة نراها الطفلة .... اما حليلتها موش ...

ضربتو على صدرو و سجود ولات تضحك ...

-اي محلاها .... حتى انت محلاك زادة و نشا الله نلقاك تخزرلها ... و الله نقتلك ....

-هههه نفدلك حبي تعرفني منجمش نخزر لغيرك حتى بالفدلكة ...

الباب دق ...

-باهي شد هاك سجود و متتحركش الا منجي

-يا بنتي كيفاه باش نخليو الجماعة وحدهم عيب ...

-افف باهي ... سجودة كان خزر با للطفلة قلي .... اوكي

-اوتي ...

-ههههه لفعة

-و كان عجبك زادة ...

مشات تحل في الباب و كريم مشى لعمو و نور

-اهلا جوزي

-حبيبي ... محلاك تفتق

-و انت زادة حبيبتي ...

ما لباس

-الحمد الله بنيتي انت و راجلك لباس

-لباس ... ايا تفضلو ادخلو ...

دخلت امها و هي شدت جوزي

-هي هي و جات السخطة اللي قتلي عليها ...

-ههه احلف و الله

-و الله ... قلي ساعة منين ليك انت اللي هي باش تجي

-يا بنتي و الله بفدلكة قتلك مفيباليش اللي هو عندو بنية اصلا

-باهي باهي هيا

💓الحلقة الرابعة💓

-اي انت ملكي انا و فرحتي انا ... منيش باش نخلي حتى وحدة تقربك ...

-ااه يا روحي ... راك ما تنجمني و ترهوجني كان انت ... يعنبو حبك ... هات ناكلك شفايفك يا سخطة ...

هبط عليها كلالها شفايفها مرة ينزل و وقت يحس نفسها تقطع يرخف

-مبنك يا سخطة .... قلي انت يا عفروتة شبيني منشبعش منك تراه ...

-خاطر انا حبيبتك و روحك

-باهي هز الحلو و هيا امسح شفايفك الكلهم روج توا تفضحنا هههه

-هههه و الله ما باش تفضحنا كان انت ايا ركح مكياجك و هيا

-اوكي روحي ...

ستوات روبتها و ركحت مكياجها و خرجت جات عينها على نور .... تلقاها تخزرلها في خزرة متع غل و كره ... لين بدنها قشعر ... الهم قداش خزرتها مسمامة ...

مشات بجنب كريم و حطت سجود في حجرها توكل فيها و تلعب معاها ...

تقعد شوية و تهز راسها تلقاها تخزرلها بشر و كره ...

مست يدين كريم من تحت الطاولة قربتلو لوذنيه .....

-امان حبي شوف اكا السخطة كيفاه تخزرلي نرمال هاذي

-اش يهمك فيها حبي نهار و يتعدى مهما كان ضيفة عنا ...

كبس على يدها باش يهنيها اللي هو معاها و بقدرة ربي ميضرها شي ... تبسمت و رتاحت ... كيفاش مترتاحش و هي مرت احن راجل في الدنيا ...

سهرية كاملة و هوما يحكيو في حكايات تافهة ... متاع واحد غير يحبها تكمل و اكهو ... وجه عمر مايتفسرش و وجه نور اكثر ...

كريم جاه ميساج وجهو تقلب ... قراه و بعد قام... قراه و بعد قام

-عزيزتي عندي تليفون متاع خدمة اكيد ...

-باهي روحي ...

قام و مشى ...

دخل للبيرو و قعد يمشي و يجي و يتكيف و على عصابو ... القاعة هدها من كثر المشي ...

الباب تحل و دخلت نور تتبسم بخبث ...

مشالها يزرب كبسلها على يدها و يخض فيها لين شعرها يتهز و يتحط وحدو ...

-ياخي هبلت انت يا هم ... متحشمش ؟؟؟ و زيد جايتني لداري و تهدد فيا زادة ...

-هههه شنية تحب تعمل بربي ... الله غالب توحشت ولد عمي ... توحشت شفايفو و بدنو كيف يبدى لاصق في بدني و هو .....

-سكر فمك هدا فيه ... في بالي رتحت منك و قلبت منظرك و انت خالطة عليا حتى و انا معرس و ببنتي ... ياخي ما فيبالكش اللي انا نحب عفراء و نعشقها ...

-ههههه لا ما فيباليش .... اما في بالي اللي هي كان تسمع بحكايتنا اللي خبيتها عليها باش تنساها ...

-فمك نهدهولك يا **** تخوف فيا ر**** في بالك طحان عند ** امك يا ****

وجهك مازلت نراه في داري نمحيك باهي ...

و التصاور اللي عندي .... اااه نسيت اللي السيدي صوت و صورة اكاكا احسن نون ..

دزها طيحها على القاعة ...

-اااي ...

-والله يا نور نقتلك كان عفراء تسمع بحاجة ... حكايتنا وفات ليها 4 سنين ... شنية تحب مني يا هم ..

-اللي كنت تحبو مني انت قبل ...

وقفت نظمت دبشها و ستوات شعرها ...

تبسمت بكل برودة دم ...

قربتلو

و باش نوصلو ... باللي تحب انت ... و انا باش نكون في بلاصة عفراء

شدها من وجها بقوة و قعد يدز فيها لين وصلت للحيط ...

-المرة هاذي باش نخليك تخرج حية ... عاودو الكلام هذا مرة اخرى ... عفراء ليلاتك يا خامجة ...

اخرج ... اخرج ...

خرجت مشات للطولات غسلت دبشها و ركحت مكياجها و رجعت لبلاصتها

المرة هاذي رجعت تتبسم لعفراء .. عفراء مهيش فاهمتها لوين تحب توصل هاذي مرة تتبسملها و مرة تخزرلها بشر ؟؟؟

-حبيبي سامحني بطيط عليك ..

-موش مشكل حبي ... لباس الخدمة ....

-ااا الخدمة .. لا لباس فما شوية دوسيات لازمني نصححهم توا غدوة نشا الله ...

-نشا الله ...

-ايا مالا ولدي كريم خلينا نروحو و نشا الله نرجعولكم في ساعة سعيدة كيما يقولو فيها ...

-عيشك عمي نشا الله ...

-ايا بالسلامة ..

وصلهم للباب ... نور خزرتلو خزرة متاع تحذير تقول عليها تقلو متنساش اللي تفاهمنا عليه ...

سكر الباب ... عدى يدو على شعرو تنهد و دخل يلقى سجود راقدة في يد عفراء و امها و جوزي يحكيو و يضحكو ...

هو وجهو متبدل و عفراء حاسة اللي فما حاجة .... هي حافضة كريم ... غشو .. غيرتو ... تخمامو ... كل شي فيه تعرفهم ... تحسو مقلوب و خايف من حاجة اما مهيش عارفة شنية ...

حط كرسي و قعد بحذاهم ... حط راسو على كتف عفراء و شد يد سوجود الصغريونة اللي تجي في ربع ربع يدو .. باسها و قعد يخزرلها ...

عفراء حست اللي حمل الدنيا الكل على كتافو .... حطت يدها على شعرو ... تعدي فيها عليه و هو تقول وليد صغير و مرتاح في حضن امو ...

شبيك كريم ...

-تاعب عفروتي ...

-برا اطلع ارتاح شوية ...

-سامحوني يا جماعة باش نطلع نعمل دوش و نتكى غدوة نخدم ... كملو سهريتكم ...

باس عفراء من راسها و دخل ...

-بنيتي انا خليني نروح راجلك تاعب برا شوفو شبيه ...

-انا زادة حاستو سافا با ..

-اي تا هيا نروح بيك انا ...

لا امان مكمش باش تباتو

-تعرفني انا منحبش نبات و بوك مايرقدش وحدو ايا عيش بنتي غدوة كي تلقى فضا جيب سجودة و ايجا برا توا ارتاح تعبت راك

-و خليها الدنيا هكا توا انا نجي غدوة نعاونك عزيزتي .. ايا بون نوي

-على خير و سايسو رواحكم في الطريق

دخلت حطت سجودة في بيتها ...

طلعت لبيتها تنحي في الروب ... جاها كريم من تالي عنقها ...

تبسمت و شدتلو يدو ...

-صحة الدوش رويجلي

-يعطيك الصحة يا روحي ... كان تعرف قداش نحبك ...

-و انا يا روحي نعشقك ...

💗الحلقة الخامسة💗

-محلاك اليوم حبي ... و الماكلة ياسر طيارة ...

باسلها يدها ...

-ربي يخليك ليا يا عمري ...

-و يخليك ليا يا عمري ...

-حبيبي شبيك داخل بعضك ...

-شي حبي تاعب

-باهي هيا توا نرقدك و ترتاح

حبيبي شفت خزرت عمك قداشها مسمامة كيف عرف اللي انت اللي ورثت بوك

-اي كي هو كي بنتو اش خلاهم مكلاوش حتى الحلو و خرجو تقول تران يحكي و يحللها في الروب من تالي...

-لا عاد اكا نور قالتلهم اسكتو ... مرة تقحرلي و مرة تضحكلي .. مهيش عادية و الله ...

طيحلها الروب قعدت باسها من رقبتها و عدا يدو على ظهرها و مشى للغارد روب خرجلها نويزات نوار قصيرة ..... و يحكي معاها ....

-اش عليك منها ... هو نهار و هاو تعدى معاش تراها ...

دارتلو تحكي معاه و تنحي في الشركة ... لمت شعرها لفوق نحات البلالط ...

-ياخي انت تعرفها قبل ...

دخل بعضو ... ميحبش يكذب عليها اما معندوش حل اخر ...

يحللها في السوتيان و يحكي معاها ...

-شفتها مرة و لا مرتين اما ما فيباليش بنتو ...

لبسها دبشها ..

هذي هي عوايدو ... ماللي عرسو هو يبدللها دبشها و يمشطلها شعرها ... سنسها بالدلال ...

حملها و حطها في الفرش و دخل بجنبها في الغطا ..

حملتو و حطتلو راسو على صدرها و قعدت تلعبلو على شعرو و سعات تبوسو منو و من شفايفو ...

الراحة اللي لقاها عندها نستو انو يخمم فاللي صار ....

رقد كيما البيبي عندها و هو يسمع في دقات قلبها و هي تغنيلو في اول غناية غناتها اول ما عرفتو ....

بعد ما رقد حملتو و حطت راسها عندو و رقدت

قام الصباح يشوف فيها منعكشة فيه و محملتو بيدها و ساقيها ...

باسها من شفايفها و كبس عليها تقول عليه باش يخبيها من الدنيا الكل ..

"محلاك يا عفروتي و محلى حبك قداش نعشقك ... الله لا يحرمني منك ..."

شاف الوقت يلقاها السبعة .... جات في بالو فكرة ... عندهم برشا ماخرجوش و متفرهدوش ...

قام عمل دوش و مشى للكوجينة لابس شورط نوار و بدنو من فوق عريان طيب القهوة و حضر البيبرون متاع سجودة ... مشى لبيت سجود قيمها ...

-بابا ...

-يا روح بابا ايا نمشيو نعملو بح بح ...

-بح بح ... بابا بح بح ...

-ههه هيا يا حوتة ... قداش تموت عالما .. نحالها كوشها و هزها لبيت البانو دوشلها و لبسها الكاب دو بان ... هزها لبيتها لبسها روب قصيرة و شدلها شعرها و حطها على كرسيها ...

عطاها البيبرون ... وحضر الطاولة

قامت تتكسل ملقاتوش بحذاها ... في بالها مشى يخدم ... عملت دوش و لبست شورط بلون و خلعة روز بيبي و شدت شعرها كو دو شوفال لمت البيت كل قطعة تهزها متاع كريم تشمها و تبوسها ....

خرجت تحك في عينيها دخلت للكوجينة باش تحضر الفطور...

-حبي شتعمل هوني ممشيتش تخدم ياخي ...

-لا حبيبي انا ليوم قررت نكون ليك انت و سجودتي اكهو .

💗الحلقة السادسة 💗

-عيشو حبيبي باش يفرهدنا .... و وين باش نمشيو

-ايجا افطر و بعد توا تشوف وين باش نمشيو

-اييه حبيبي ولا يبرمج وحدو ... و انا وين سي علاء

-ههههه في قلبي دين امك وين باش تكون ...

ايا متلفش اقعد افطر تحرك

دارت باش تقعد ضربها من تالي...

-اااي يا بليد ... هههه

-هههه تحسها كبرت ....

-لاا يا حسرة عليك ...

تلفتت تلقى سجود ميتة بالضحك و تضرب في يدها على الكرسي ...

-هههه بابا تاتة ماما ...

-هههه يعنبو خشمك ... فرحانة خاطر بوك ضربني

-ههههههه ريت بنتك تضحك عليك ... ايا كعبورتي و عفروتي و روح قلبي كول فيسع باش تبدل دبشك

-و انت هاك ما كليتش ...

-لا الحمد لله فطرت ايا هيكا حتى سجودة لابسة مازلت كان انت

-مالا خليني نمشي نحضر روحي

-يضهرلك ... تحب تتهرب باش ما تفطرش؟ نرمال انت ...

-باهي اسكت بركا هاني باش نفطر

باسها من شفايفها و عضها و سجودة شايخة عليهم بالضحك ...

طلع لبيت النوم باش يحضر روحو ... و اخيرا ارتاح مالخنقة متاع الكوستيم ... لبس شورط بلو و مريول لا كوست بلون و سبادري بلون و لينات راي بان ... عمل البارفان و هز المفاتح و تعدى باش يهز التاليفون ...

بعد سكرو و رجعو على الطابل دو نوي ...

هو هابط و عرضتو عفراء طالعة ...

-صحة صحة روحي محلاك ...

-عيش حبي ... اسمع اقرى حسابك باش نخليو التاليفونات هوني ... نهار اليوم متاعنا احنا التلاثة اكهو ...

-اكيد يا روحي تدلل

بعد ما قاصت الغارد روب الكل كيما اي طفلة ... و اكيد قد ما عندها دبش ما لقات ما تلبس ... و اخيرا عفراء لقات حاجة تملى العين ...

سو مونش لا كوست بلون ... سروال دجين فاتح فيه تقطيعات محترمة ههه و كونفارس بلون ... و اكيد لينات راي بان ... هذا الكل باش تكون كيما كريم ...

سيبت شعرها و عملت بارفان و خرجت ...

هبطت تلقاه محمل سجود و يلعب عليها ... كيف راها ترشق بالضحك

-هههه و الله عرفتك باش تلبس كيفي ...

-هههه عندك شك ... شقولك نلبسو سجودة كيفنا ...

-اممم فكرة ايا مالا خليني نخدم الكرهبة و انت لبسها و جيبها ...

لبستها سالوبات دجين روب و تحتها مرويل بلون و كونفارز ... سجودة كيما امها شعرها ارطب برشا و حتى بوند ما تركح فيه ... كيف يطيح على عينيها تبدى تبعد فيه بيدها السغرونة ... عطاتها السيسات متاعها و خرجتها

حلت الكرهبة و حطتها من تالي في كرسيها و طلعت بجنب كريم

-ايا وين باش تهزنا ..

منقولش .. هاذي سيربريز و توا تعرفها في وقتها

-باهي ... اعمل بعمايلك يا كريم ... ايا نمشيو

-نتوكلو على ربي

حطو غنا و سجودة عاملة جو ...

اكيد عملو تصاور لين شبعو .... خاصة اللي كريم غرامو تصاور ...

وصلو لبلاصة على يمينها و يسارها جر و في اخرها بحر ...

وقف الكرهبة على حاشية البحر ...

-وااااو شنية هاذي منين ليك بها لبلاصة

-هههه شنية عزيزتي كان انت تعرف بلايص كيما هكا ...

-امممم ايا باهي ... حبيبي تطلع يعرف كل شي ...

سجودة ماما هيا نهبطو ...

حملت سجود و هو هبط ساك معبية

-ياخي وقتاه حضرتها هاذي

-هههه وقت انت تحضر في روحك و ضربت ساعة و لا اكثر راك و الا نسيت

-ههههه مهبووووول ...

شاد في يدو و محملة سجودة و يضحكو معاها الزوز ...

وصلو للشط قعدت بوش بي ...

الرمل روزي ... الريفليكسيون متاع الشمس فيه عاطيتو لمعة ... الببوش على الشط الكل اشكال و انواع .... حتى نجم البحر موجود ... منضر اكثر من روعة ...

-وااااو كريم ... منضر روعة و بلاصة تفتق ...

-مازلت ما ريت شي ...

شدها من يدها و هزها معاه لبلاصة بجنب البحر ....

فيه كيما الممشى صغير و كلو حجر و في الوسط طاولة و زوز كراسي كبار و كرسي صغرون لسجودة .... مغطي من فوق القاعة قعدة عربي و مخادد

-يااا وااااو محلاها البلاصة يا روحي ...

باسها من شفايفها

-هذيكا الكلها ريزارفي ليك انت و سجودة باش نعديو ليلة متاعنا احنا بركا ... باش نعيشو فيها كان احنا و ننساو الدنيا الكل ...

-محلاك يا روحي و محلى حبك و الله نعشقك راني ...

-ايا شنية قولك نعملو غطسة قبل العشا

-اي فكرة عزيزي ... اما باش باش نعوم

-هوكا لي مايو في الساك

-هههه كسبة ماك محرمهم عليا

-اي هاذاكا قدام العباد اما احنا توا وحدنا يا روحي معناها تعوم حتى عريانة ميقلقنيش

-ههههه ايا نشا الله تطلع جبتلي المايو اللي نحبو ...

مشات للساك تفركس جبدت مايو بلون بياس وحدة يتربط في الرقبة كرشها عريانة و بعد البياس اللوطانية لاصقين فسي بعضهم و من تالي ضهرو عريان ...

-هههه عيش حبي هو اللي انا نموت عليه

-هههه صحة لحبي ايا البس انت توا انا نلبس عفروتة

-اوكي يا روحي

نحات دبشها و لبستو ... جاها مسنتر على بدنها تقول مرسوم فوقها ... شدت شعرها كعكة و عملت اللينات ..

سجودة لبسها دو بياس روز فلوري و خلالها شعرها مغير بوند ... يعشقو و هو مسيب و مبلول بالما ... يشيخ عليها

-يااااح محلا زين بنتي

-ياااح محلا زين مرتي هي ... تتقرمش اصلا ...

-هههه بليد ... تي اش نجي انا قدام هالعسل بربي ... مشا الله على بنتي

💗الحلقة السابعة💗

-ايا شدها خليني نلبس انا

-اوكي يا روحي

هيا سجودة ايجا لماما

نمشيو نعومو احنا

-اي بح بح انا و ماما و بابا

-يا روحي انا ...

كريم كملتش ... هيا نعومو ...

لبس شورت قصييير بلو ... بدنو من فوق مخدوم ... كتافو العراض و صدرو المدزوز القدام و فيه شوية شعر ... كرشو اللي تقول طبلية شكلاطة ...

موش اول مرة تراهم عفراء ... اما كل ما تراهم يزيدو يغريوها اكثر و اكثر .... و اكثر

-هيا هاني جيت

-ايا سجودة هاو جا بابا البنين

-هههه بنين؟

-ههههه تنكر؟

قربلها عاللخر لين شفايفو جات على شفايفها ... يتنفس بقوة ... نفس متاع حب ... برشا رغبة ...

-عاد انت اللي ذقت ... انت ادرى ...

قربتلو بنفس القرب اللي قربهولها ... اما هي حطت شفايفها و كلاتلو شفايفو... سيبلها روحو لين سكرت عليه النفس ... شفايفها كانو سخااان برشااا و مع كل بوسة تعطيهالو يزيدوو يسخنو ... غمضت عينيها و كملت ... وجهو حمار و هي اكثر منو ... بعدت عليه بالشوية خذات نفس ... حطت يدها على صدرو حركتهم بالشوية ...

-انت موش بنين بركا (تحكي و تتنفس بالسيف تقول كانت تجري) انت احلى من شهد العسل ... ياااااح مبنك ...

-و انت ... احلى ... و ابن ... و اكثر ... وحدة مغرية شفتها في الدنيا (يحكي و يلعبلها على شعرها كيما البنية الصغيرة ...

نحبك يا قطعة من روحي ... نعشقك و العشق شوية عليك ... اوعدني تكون ديما ليا مهما يصير .... اوعدني ميفرقنا شي ... اوعدني متخلي شي ياقف في طريق حبنا ...

-نوعدك نكون ليك ... نوعدك مهما يصير ميفرقنا شي ... نوعدك منخلي شي يبعدنا ... نوعدك نحارب على خاطرك و على خاطر بنتي ... نوعدك تكون انت اول و اكثر حاجة تخليني نعيش في ها الدنيا ... نوعدك منعيش كان ليك و بيك ...

نوعدك كيما حبيتني و حميتني و تحملت شهور حبالة و مرض و مخليتنيش و كان انت كنت باش تعطيني قلبك انا نعطيك روحي .... و شوية عليك ...

-ماما .... بح بح

-ههههه تحسنا نسسيناها عفروتتنا الصغرونة ...

-هههه اي ... هيا حبي نهبطوها تعوم ...

هبط هو و في يدو سجودة ... اول ما جا الما على بدنها ولات تضحك و تضرب على الما بيدها ... كريم شادها و كابس عليها يبللها في بدنخا بالشوية و هي قد الطرف في يدو تحط في شفايفها على بعضهم تطعم في الما المالح اللي في شفايفها ...

هبطها شوية في الما لين راسها تبل

هي خايفة و ترعش ... بالشوية بالشوية لين ستانست و حطها في الشونبرار متاعها ...

عفراء لمت الدبش و عاودت ريغلت شعرها ...

وقفت على الحافة.... البلاصة غارقة شوية متاع عباد عوامة....

عفراء جن في الما كيفها كيف كريم .... جاتها باريود اللي قلبها تعب معادش تعوم و بعد رجعت

وقفت عالحافة و نغزت ... عامت تحت الما و بعد طلعت مشات تعوم بجنب كريم ... شدت بسجودة باش هو يعوم ... هبط في الما ... يعوم و قلبو مع مرتو و بنتو و مخو ... مخو مع اللفعة نور ... متوقع منها كل شي ... كيفاه نساها و مجاتش على بالو ..... نور مالنوع اللي كيف تحب حاجة و تحطها في مخها توصللها توصللها ....

علاش محكاش عليها لعفراء .... راهو توا مرتاح راهو نجم يتصرف ... علاش خبى عليها ...

تفكر اول مرة شاف فيها نور.... تفكر غلطة حياتو اللي عمرو ما كان يتصور انو يجي نهار و تتقلب عليه اللعبة

نهارتها عرس واحد في العايلة مزال كريم ما عرفش عفراء ... يعرفها اما من بعيد في الفاك و مكانش يهضمها ... كريم كيما عاتو الطفل المدلل اللباس البوغوس اللي كيف يطلب حاجة يجيوه مية .... لبس دبشو و عمل شعرو و عمل بارفان و خرج ... هز الكرهبة و مشى للاولاد ... شربو لين ولاو خيط ... يطايحو لا واحد خير من لاخر ... هو و بلال و زوز اولاد اخرين ...

مشاو للعرس و بداو مالباب بالتبزنيس ... كريم عينيه حوالت في البنات يشوف وحدة ينسى اللخرة .... يشوف في بنية في 22 سنة ... مزيانة برشا ... شعرها اصفر و عينيها خضر و بدنها تقول شمعة ... لابسة روب روج قصيرة و بسيتيي ...

قاعدة تشتح مع البنات ... كيف شافها ضربتلو في مخو باش يرقد معاها خاصة اللي بدنها يفتق ...

اللي ما يعرفوش اللي هي بنت عمو خاطر عمرو لا راها قبل ... و اللي ما يعرفوش زادة اللي هي تبع في اخبارو حتى و هي ما تعرفوش و مقابلاتوش ... ديما تدخل للفايسبوك و تلوج على اسمو و ماللي رات تصويرتو ولات تبع في كل خطوة يعملها ... ولات تعشقو من تصويرتو بركا ... و اللي شجعها انو ولد عمها ... يعني تنجم تتقرب منو ...

حسب روحو يشطح و بدا يقربلها كل مرة يمسها من بلاصة على اساس ما راهاش ... و هي كل ما تجي يدو على يدها بدنها يشعل و قلبها باش ياقف ... في قلبها تتمنى يزيد يقربلها اكثر و اكثر .... سيبت روحها و خلاتلو الفرصة باش يزيد يقرب اكثر و يتمادى في اللي يعمل فيه

مشالها من تالي و لصقلها ... الدنيا ضلام و مفما حد يخزرلهم ... كل واحد لاهي في روحو ...حست بدنو الكل لاصق في بدنها ... رخفت روحها و مبعدتش ... زاد قرب اكثر و ولا يتحكك عليها ....

على اساس يتبع في الغناية و يشطح ... هو يقرب و هي تزيد تقرب ... شعل ولا يحس فيها لاصقتلو و بدنها طري في بدنو

قربلها و بعدلها شعرها على رقبتها بالشوية ... رعشت بكلها.... حط شفايفو على وذنها

-Tu me kif ..... نستناك في الكرهبة BMW noir ايجا يسع

تنهد و شملها رقبتها ...

معادش نجم نشد روحي .... نحب ...***** معاك ...

بعد عليها و خرج و خلاها تترهوج ... ما صدقت لربي ... دخلت للتوالات ركحت مكياجها و خرجت ...

هزت الساك و خرجت ...

تلقاه قاعد في الكرهبة و حاط الغنا ...

حلت الباب و طلعت مهبطة راسها ...

تبسم على جنب .... اكيد كريم **** متقلو حتى وحدة لا ... هو في قمة الشيخة و معلابالو بشي .... و هي في قمة العشق و معلابالها بشي نسات الدنيا الكل ...

تعطي عمرها و تعيش معاه ليلة .... و الفرصة اللي جاتها معاش تفلتها ...

تتنفس بقوة و خوف ... و هو طاير بالكرهبة و الكياس فارغ قريب 3 متاع الصباح ... وصل قدام الدار هبط و حل الباب ... هبطت و دخلت و مقتلو حتى كلمة ...

-اطلع اعمل دوش و ستناني ... هاني جاي ...

هو يعامل فيها و يخزرلها على اساس Pute و هي ترا فيه حب حياتها و اول ليلة باش تعيشها معاه و باش تعطيه اغلى حاجة

💗حلقة الثامنة💗

طلع للبيت يلقاها لابسة الكاب دو بان متاعو ... كبير عليها برشا و هي موش باينة فيه ... شعرها مبلول و هابط على وجها و يدها في بعضهم تنزل على صوابعها مالخوف ... المشكل اللي هي تعرف روحها غالطة اما معادش تنجم تفلت فرصة تقربها من حب حياتها ... تتنفس بالسيف ... متوقعة منو يقلها راك تعجبني .... محلاك ... نحب نكمل حياتي معاك ... نحبك ... اما هي كانت تحلم ... تتمنى.... تتخيل ... اصلا هو اول مرة يراها .... سكران و تبع شهوتو ... عمرو لا راها ... ولا ممكن راها و ميتفكر شي توا ... هو في بالو وحدة مسخة تخدم على روحها ... مفيبالوش اللي هي مزالت فيارج و اول واحد باش يمسها هو ... هو قد ما كان فاسد اما عمرو لا قرب من طفلة متمستش ... كان ديما يتبع في البنات اللي عندهم الحكاية عادية ...

دخل مالباب يحل في عينيه بالسيف ... يشوف في ملامحها بالسيف ... يرا في الخوف اللي في عينيها ... مهوش فاهم مناش .... و لا علاه ...

يقرب بالشوية ريحتو الكل شراب ... عند نور ريحة كانت مسك و عنبر ... اي نعم هو الحب اللي يعمي العيون و الحواس الكل ...

قعد بجنبها على السرير ... عدى يدو على شعرها المبلول و هبطو على رقبتها لين وصل لصدرها ... يتهز و يتحط مالخوف و الربثة ... تاليفونها يصوني و هي موش هوني ... هبطلها الكاب دو بان لين صدرها بان .... .

كيف شاف بدنها اكاكا زاد هبل و شعل ... نحالها الكاب رماها تحتو ..... نحى الشورط و بدا يبوس فيها من بدنها الكل ..

سيبتلو روحها ... كلمة لا ... كان النفس طالع هابط ... كان صوت التوجيع متاعها و الانين اللي طالع من شفايفها و زاد هبلو و هيجلو رجوليتو ... احساس القوة اللي عند اي راجل وقت يحس بضعف المرا تحتو ... بدنها يطرى بين يديه ... كان عنيف معاها ... بدنها الكل تراس سنيه و كبست يديه و شفايفو ... هبط لحزامها ولات ترعش ... هو يحللها ساقيها و هي مغير متشعر تسكرهم خاطر حاجة جديدة عليها ... اما هو ما سيبها الا محللها ساقيها و كبس عليها

طلع فوقها .... منجمش المرة اللولة .. زاد تقوى عليها و هي ولات تعيط و هذا الكل ممنعوش يكمل اللي بداه معاها المرة الثانية ... الثالثة ... الرابعة ... صوت عياطها ممنعوش انو يكمل معاها كيما بدا ... نور تعيط ... تببكي ... تتوجع ... اما الحاجة هذي اللي اول مرة تحسها ... خلاتها تنسى الوجايع فيسع و تخليه يكمل معاها للخر ...

كمل ترما بجنبها يتنفس بالسيف .. مكلمهاش اصلا ...

-برى ... دوش ..

قامت بدنها الكل مخدر ... تتوجع و تتحرك بالسف و حزامها يوجع فيها ...

وقفت خزرت لبلاصة الدم تفجعت ... وقتها حست بقيمت اللي خسرتو ... وقتها عرفت اللي موش كل شي تسلم فيه على خاطر الحب ...

تمشي بالشوية و شادة في الحيط ... دخلت للدوش الما هابط عليها و معاها دموعها اللي تقول شلال ... خرجت تلقاه راقد ... كيف الملايكة تقول موش هو اللي كان كيما الوحش معاها فوق الفرش ...

مشات تكات بجنبو و بدات تلعبلو على شعرو ...

-انا موش نادمة اللي انا حبيتك ... من اول مرة ريتك فيها و انا صغيرة حبيتك و تبعتك ... نعرف اللي حبي ليك مرض و انا فرحانة اللي انا مرضت بيه ... انا عطيتك اغلى حاجة ... عطيتك روحي و بدني مغير ما تعرف لا انا شكون و لا حتى نعرف انا شنية بالنسبة ليك ... اما نعرف حاجة بركا اللي انت متاعي انا ... موش كي نقتل العباد الكل على خاطرك ...

تكات بجنبو و هي مغير دبش و هو كيف كيف حملتو و بدات تصور معاه ... تحب تخلي اللحظة هاذيكا مارخة عندها ...

لبست دبشها و هزت ساكها و جات خارجة حلت الباب تسمع في صوت كلو بحة و نوم وراها ...

فرحت في بالها سمعها كيف كانت تحكي دارتلو تضحكو ...

-يعطيك .... الصحة شيختني ... هوكا البورت فوي هز قد ما تحب ... خليلي نومروك كان ستحقيتك انا ولا لولاد توا نكلمك .....

-ك.....ك.....كريم ....

حطت يدها على فمها ... تبكي بالساكتة و هو في دنيا اخرى ... موش يسمع في شي اول مرة يشرب هكا ...

مشات للطابل دو نوي و كتبتلو ورقة

"أنا نور ... بنت عمك عمر ... نحبك ماللي انا صغيرة ... اليوم كيف طلبت بدني ... مستغليتوش عليك ... قلبي زادة مهوش غالي عليك ... منيش باش نلومك خاطر ما كنتش تعرف ... اما توا هاك في بالك ... هذا النومرو متاعي كان تحب تصلح اللي عملتو ... موش كان باش تعاود معايا و تخلي صحابك يداولو عليا انا جمعة و نعاود نطلع لفرانسا ... و متاكدة انك كان باش تاود تراني مكش باش تعرفني "

قام الصباح تكسل ... راسو ثقيييل و عينيه يحل فيها بالسيف

-اييي راسي ...

هز راسو يخزر للبيت ... اخر حاجة يتفكرها اللي هو كان في دارهم و خارج يشرب مع صحابو ... اكيد كثر في الدوزة و بلبزها

تلفت للفرش ... يشوف في بلاصة دم تفجع و قام مربوث جا واقف على ساقيه ...

قعد يتفكر شنية اللي صار ليلة البارح ... شنوة عمل ...قعد يتفكر شنية اللي صار ليلة البارح ... شنوة عمل ... بدى بالشوية يتفكر في وجها و هي تحتو ... تتوجع و وجها احمر ... ضرب راسو بيديه

-علاه يا كريم شنية عملت في الطفلة

و شكوني هي و كيفاه جات هوني

قعد يمشي و يجي في البيت و يتغبن و يحاول يتفكر وجها و كيفاه وصلت معاه لدارو ..

مرة يقول مدامها جات معناها راهي تخدم على روحها كيما اي وحدة مشات معاه قبل

و بعد كيف يشوف الدم يعرف اللي هي فيارج ... يا ربي شنية هالمشكلة اللي حطيت روحي فيها

دخل للدوش عمل دوش فيقو شوية و كل مرة يزيد يتفكر حاجة خرج لبس دبشو و منقالتو ... مشى للطابل دو نوي باش يهز تاليفونو ... هز الورقة باش يقراها ... يديه ولاو يرعشو ... قلبو قبض عليه و الدنيا دارت بيه ... هاذي اخرت الشرب ... يضر بنت عمو و يعمل معاها علاقة و هو اصلا ما يعرفهاش ... اما شكون قال اللي هي مهيش تكذب عليه ... و هو مهوش متفكر اصلا ...

قطع الورقة و اللي فيها و رماها في البوبالا و نساها الحكاية لين جات لدارهم و ولات تهدد فيه بالتصاور القدم ...

-ماما تقعد عاقلة خليني نشوف وينو با شبيه لتوا لا رجع ...

-اي اي

حطتها في الكرسي و ربطتلها الحزام و خلاتلها البيبرون و معاه الاباري اللي تولي تصوني كيف يقربها شكون و هي عندها الشطر الثاني حطتها في يدها و هبطت في الما ... تعوم و تلوج عليه ..

تشوف فيه يعوم بعيد عليها و ماشي و يبعد اكثر

-كريييييييييييببببم ...

صوتها رجعو للعالم متاعو و متاع عفروتو ...

يخزرلها و هي جايتو خاف عليها صحيح هي عوامة اما قلبها بالضغط متاع البحر ينجم يتحير عليها ...

رجعلها بزربة ...

هي مالفجعة عليه وجها صفار و عينيها دمعت عندو قريب نص ساعة و هو بعيد ...

و قربلها و هي ولات تضرب فيه على صدرو و تبكي

-معادش تعملهم الفازات هاذم ... فجعتتني عليك حرام عليك

-ياي على صغرونتي ... بربي يزي مالبكا عيش حبي هاني معاك ...

حملها و شدلها وجها بيديه

-نعشقك انا يا عفراء ... نعشقك ...

-انا موش نعشقك بركا ... و الله روحي فيك ...

باسها من شفايفها بغل و بوجيعة ...حست بيه و بوجيعتو

-كريم شبيك احكيلي امان ... اش فما علاش حاستك موجوع ...

-لا حبي شي ... خدمة ...

-كريم امان راك الايامات وليت ديما سارح و مكش قد بعضك احكيلي امان و الله حاسة بيك و قلبي يوجع فيا عليك

حبيبتي عفروتي و دنيتي مفما حتى شي انا غير تاعب و في ليلة و نهار كل شي ولا في راسي نحس في الحمل ثقيل عليا

-و انا وين مشيت .. انا هاني معاك و الله نعطيك روحي و شوية عليك راك عمري و روحي و قطعة مني

-يكفيني وجودك معايا و حضنك الحنين اللي نتكى عليه وقت اللي نتعب مالدنيا نهربلك ... غير اوعدني تكون معايا ديما و مهما صار متخلينيش ... منحبش نبعد عليك

-بعيد الشر علينا ... احنا باش نكملو لاخر لحظة مع بعضنا ... راني نعشقك و الله .. هيا نرجعو لسجود راهي وحدها

-باهي..

-هيا يا روحي

شادة التاليفون في يدها و تمشي و تجي في البيت الشر خارج من عينيها و وجها احمر ...

رمات التاليفون على الحيط و قعدت تنزل على صوابعها بغل

-يا انا يا انت يا كريم ... يا تكون ليا يا انا متسمينيش نور ... كل شي في وقتو حلو ...

مشات قدام المرايا تخزر لروحها ...

"توا انا شنية ناقصني ... شنية تزيد عليا هي ... انا عطيتو كل شي ماللي ريتو و هي شنية عطاتو ... علاش خذاها هي و انا لا ... انا كتبت اسمو بحذى قلبي ... هي شنية عملت .... "

هبطت المريول على صدرها تشوف في التاتو اللي عاملتو و فيه اسمو ...

"اما هي متنجمش تاخولي حب حياتي ... منيش باش نخليها تتهنى معاه ... و الله الا منخليه يشوفها ابشع وحدة في الدنيا و نخليه يحبني انا ... الا ما نقتلها هي و بنتها و نرتاح منهم و نرجع راجلي ... انا و ياه عرسنا بالدم ... قبل ما تعرس بيه هي بالصداق كريم متاعي ... متاعييي.... "

هزت دبوزت البارفان و رماتها على المراية هبطتها طروف ...

-كريم تحب نسوق انا ...

-لا حبي ميسالش انت ارتاح تعبت توا انا نسوق

-لا روحي منيش تاعبة و الله ايجا انت ارتاح اوا انا نسوق

-باهي يا عمري ...

حطو الفاليز و ركحو سجودة في بلاصتها و طلعو للكرهبة

بدات عفراء تسوق و كريم بجنبها ... من كثرة التعب رقد ...

عفراء تخزرلو و قلبها واجعها عليه حاسة بيه موجوع برشا اما هو موش مستانس يخبي عليها شي ... علاش المرة هاذي بالذات محكاش معاها و مقلها شي

💗الحلقة التاسعة💗

-حبي شنية تحب نطيب عشا

-اللي تحبو يا روحي المهم حاجة خفيفة

سجودة لتوا راقدة

-اي تقول مخدرة الطفلة ماللي حطت راسها ما قامت

-مالا الليلة انا و انت وحدنا ... (قربلها و لصقلها .... يخزرلها في عينيها و يعض على شفايفو و يحكي ...)

-اي انا و انت و بس

-معناها على راحتي مفماش سجود تعيط و سجود جيعانة

-هههه لا مفماش ... ايا خليني نمشي نطيب ...

-ايجا هوني (جبدها من حزامها بقوة )

وين عندك هاربة ... يا بنتي انا عشايا انت

-هههه و انا جيعانة و كي نبدى جيعانة منجمش نبدع ههههه

-امممم ولات فيها اغراء الحكاية صار

-امممم و شنية عندك ريت مالاغراء عزيزي ..(عضت على شفايفها و تحكي بدلال زادت هبلتو ... )

وكان متخلينيش نعبي كرشي ما نغريكش

(دزت كرشها القدام )

-ههه لا لحق كرش ... ايا مالا فيسع خاطر شوية اخر و نغز عليك نمشمشك

-هههه باهي ...

مشات و هو يخزرلها و نارو شاعلة

-ربع ساعة متفوتش ...

-هههه متغليش كاس حليب يا ضارب ...

-مهبول بيك شنعمل لعمري ...

ضحكت و غمزتو و دخلت للكوجينة

-ااااااااه يا عفراء ... يا جنيتي اللي هبلتني و دخلتني في حيط ...

طلع للبيت باش يبدل دبشو عمل دوش و لبس شورط و مشى للطابل دو نوي يخزر للبورطابل و موش حاب يحلو خايف لا المنظر لخرى تكلمو ... اما لازمو يشوف الخدمة

حل البورطابل يلقى 100 ابال منها و ميساج

"في بالك سكرت عليا التاليفون باش تتخلص مني ... في بالك المصفارة مرتك باش تنجم تبعدك عليا .... راك ليا.... و هاني باش نعمل باصلي و منيش باش نوري التصاور لمرتك اما مالمستحسن تقابلني غدوة في الوتيل ***** و متفوتش الثمنية .... مكانش تعرف شنية نجم نعمل "

قرا الميساج و فسخو بالوقت و فسخ مكالماتها الكل ... لازمو يراها و يفضها معاها و يفهمها قدرها ....

حط التاليفون ... عدى يدو على شعرو تنفس بالقوي و هبط ....

"ما بعرف ليش بنضرة بتعمل هيك... بتاخدني ليك و بموت عليك ما بعرف شو اللي بيسحرني هيك لمست ايديك ضحكت عينيك ..."

تغني و طيب في العشا الصوت الملائكي اللي ديما ياخولو عقلو و ينسيه في همومو

حملها و حط شفايفو على رقبتها ... محلى ريحتها و مرطب بشرتها ... يلعب في يديه على حزامها ...

"حسيت بقربك بالامااان صرت بزامان غير اللي كاااان ... حسيت بقربك بالامان صرت بزمان غير اللي كااان...

عم باعشق انا عم اخلق من اول و جديد عا اسمك انا عم المس خاتم عمري بالاييد "

دورها ليه و هو يغنيلها ...

شادها من حزامها عدى يدو على شعرها نحالها الشكال و خلاه مسيب حطت يدها على رقبتو و يديه في حزامها يشطح فيها سلو و يدور بيها في الكوجينة تقول يشطحو على الهوا موش عالقاعة ... مغير موسيقى دقات قلبهم هي موسيقتهم و صوتو و صوتها هي غنايتهم ...

"عم حس بلون الدنيا احلى صاااار عم عيش نهار بالف نهاااار ... عم ينبض قلبي متل اولاد صغااار سرت المشوار و عليك بغااار ..."

يخزر لعينيها و يثبت في لمعتهم قلبو باش يخرج من دقاتو القوية اللي تحس بيها عفراء في صدرها ... حملها بقوة لين رهوجها ... حط شفايفو و غمض عينيه يبوس فيها بالشويييية من رقبتها لين ترخفت بكلها ... طلعلها يدها الفوق و هي دايخة مسيبة روحها طلعلها الروب و نحاهالها و هو مغطس راسو في رقبتها ... عدى يدو على بدنها الكل ... ذابت بين يديه ... عدى يديه ورا ضهرها و حللها السوتيان و طيحو لوطة ... صدرها يتهز و يتحط بين يديه ... موش اول مرة ... اما كل مرة اقوى ماللي قبلها ...

-ك.... ر.....ي....م الع...ش...اء

مد يدو طفى الغاز و اليد اللخرى تلعبلها على بدنها ...

-نحبك ... عفروتي ... مرتي و روحي ...

-ا.... نح... اممم

بعد عليها شوية يخزر لوجها الاحمر و شفايفها اللي باش يترشقو بالسخانة ... عينيها ذابلة و صدرنا واقف طالع هابط ....

قرب منها باسها من شفايفها و عض عليهم بشفايفو ... هبط يدو على بدنها من صدرها لحزامها ... و هبط يبوس فيها و هي ساقيها معاش منجمة تهزها ... ترعش بكلها و فشلت ... حملتو و كبست عليه ...

حملها و طلعها على الرخامة و طلع فوقها ... من قوة الاحساس اللي حستها عضتو من كتفو و هو ماشي و يتقوى و يلعب ببدنها ...

-نحب نجيب بيبي منك ... نحب نجيب خو لسجودة ...

قتلو اي براسها و وجها احمر منجمتش حتى تتكلم ....

حبهم و هبلتهم خلاوهم يعاودو مرة اخرى و اقوى ماللي قبلها ...

ضو خااافت و صوت العصافر داخل مالشباك ... ريحة القهوة الفيلتر اللي تحبها قوية برشا و دغدغ في خشمها ....

وجهو اللي احلى منو مراتش ... قدام عينيها يتبسملها ... شفايفو قاعدة تقرب لشفايفها ... بوستو الحنينة و شفايفو السخونة شاعلة و طرية على شفايفها ..

لسانو و هو ذايب في لسانها ...

احلى حاجة ممكن تصبح عليها في حياتها

-صباح النور حبي

-صباحو عسل هو اللي راقد لل 11

هههه امبو توا ال 11

-ههه اي يا روحي

-تاعبة برشا حبي ...

قربلهاتاعبة برشا حبي ...

قربلها عاللخر

-اكيد باش تتعب يا روحي حتى هي ليلة عالمية البارح ...

-امممم حبيبي تعبني هو برشا

-مزااال يا روحي مدامك معايا مكش باش ترتاح

-هههه بليد

ضربتو على صدرو بالشوية و بدلال

-ويني سجود

-هزيتها للروضة

و انت متنساش روحك غدوة ترجع تخدم وفا الكونجي متاعك

-اممم متفكرنيش امان

-هههه يزي بلا بخل راك خليتني وحدني في الشريكة نبوم

-باهي يا روحي باهي

-ايا قوم نفطرو يزي بلا دلال

-لتوا لا فطرت انت

-لا يا روحي منجمش نفطر و انت مكش معايا ...

-باهي ماالا نعمل دوش خفيف و نجي فيسع

💗الحلقة العاشرة 💗

-باهي قوم يزي بلا بخل خلينا نعديو النهار هذا عسل قبل ما ترجع تخدم

غطات راسها بالغطا ...

صوتها موش مسموع و هي تحكي و تتثاوب

-نحب نرقد انا امان

عض على شفتو ... صوتها حتى و هي باش تموت بالنوم مغري ... نحالها الغطا و خلاها عريازة ماهي لابسة شي ..هههه مهبلة اي ما يرقدو مع بعضهم كان مغير دبش ... حكم كريم على عفراء ...

حملها و هي متبانش ما بين يديه ... تضرب بساقيها و هو يضحك عليها و شايخ يعض فيها من صدرها و هي تضحك ...

-اععع يزي امان عيش حبي و الله دغدغ ...

-هههه شنية اللي دغدغ هاذي ...

رجع يعض فيها بشفايفو و هي وين تلقاها باش تطير

-ههه ... ا...ي ... ي... ز.. ...ز ي امان ...كر......يييييييييم ...

-هههه نيزي على شرط

-اممم اشرط

-تعمل دوش و تفيقلي اليوم باش نهبلك ...

-اوووه لا عاد يزي ما هبلتني البارح ... تاعبة انا انا تاعبة

-ههههه يا مهبولة منيش نحكي على الهبلة هذيكا... اصلا منيش باش نشاورك علاها هذيكة تهنى

هبطها اللوطة و قعد يحكي معاها

-اليوم باش نعملو حاجات متاع هبلة متاع زوز صغار باش نتفرهدو و اللي شاهينو نعملوه مع بعضنا

نسات روحها اللي هي واقفة قدامو عريانة ولات تنغز قدانو كيما الصغار و شعرها طالع هابط ..

تصفق و تعمل في غريماص بوجهة يضحكو

-زو زو زو باش نعملو برشا جو ... تمشي و تجي قدامو و تحسب بصوابعها شنية باش تعمل ...

و هو عاد وين تلقاه ... عفروتو كيف تتنفس بركا تغريه خلي تبدى تتحرك و تنغز قدامو عريانة ... مغير منطول عليكم عرق بالوقت و عض على شفايفو و خزرلها ...

-اوووبسسسس....

شمتها قارصة ... ولات توخر و هو يقدم

-امان كرومتي موش عفروتك انا و الله البارح تعبتني معاش نجم ...

-كان ترا انا قداه تعبتني و معاش نجم ... يخزر لبدنها و يتخيل فيه بين يديه سي بون معاش ينجم ... بدنو الكل يرعش باقي يقدم و هي توخر ...

-شفت انا مسيكنة قلبي يوجع اااه قلبي

-ههههه قديمة عفروتة جيب الجديد عيش حبي

وقفت تتنفض تكبس في روحها مدام السياسة ممشاتش معاه اكيد القوة تجيب ...

هزت صبعها و حطتو في وجهو و بدات تعلي في صوتها

-اسمعني ... راني تاعبة و منيش باش نعمل شي ...

تبسم بخبث و زاد قربلها هي تحكي و كابسة روحها و هو هبط عليها ببوسة من شفايفها رهوجها مسيبها الا ما غمضت عينيها و بدات تفشل

شدها من حزامها و قربها ليه لين كل شي مس في بعضو ....

-شنية قتلي مالا ...

-ا..ااا... ت...ا.....عبة...انا ...

زاد قرب اكثر .. غمضت عينيها و حملتو

-نحب...ك ... كريم ...

توا تاكد اللي هي ذابت كيما العادة في يديه و معاش باش تقلو لا ... اما مهوش باش يتعبها كيما البارح ... حاجة خفيفة باش ينحي شبعة منها ....

هي تتنفس تحتو بالسيف و بدنها ولا كيما العجينة بين يديه و هو في عالم اخر ماللي عرفها و ذاق الغو متاع بدنها و هو كان يلقى يزيد عمرو لا شبع منها و دلالها و تشوكيعها و فيانتها و هي تحتو زادو هبلوه و دخلوه في حيط سعات تسخفو كيف يقوم و يشوف تراس يديه و شفايفو في بدنها و زيد هي اش ما جى يبان على بدنها اما موش منجم يسيبها و يخلاها رايضة ديما هابل عليها معاها نسى البنات الكل ... اصلا معادش يشوف وحدة اخرى غيرها هي ...

بعد عليها و حملها و باسها من شفايفها

-هوكا متعبتكش ...

وجها احمر و بدنها احمر و هي سارحة فيه و تعض في شفايفها و تقلو اي براسها ...

تكى على ضهرو بجنبها

-حبي ...

-امممم

-في بالك اللي انا نحبك برشا و منجمش نعيش بلا بيك

-نعرف و انا زادة نحبك برشا ....

-عندك ثيقة فيا

-اي اكيد ... اما علاش السؤال هذا

-هكا حبي ...

-لا فما حاجة حبي امان احكيلي

-و الله شي حبي شي

قوم ندوشو و هيا خليني نستغلوه نهار اليوم الثمنية عندي موعد مهم لازم نمشيلو باش نصفي برشا حجات ...

-وين ماشي حبي .. شعندك

-خدمة عزيزتي متخافش

-ااممم باهي

ايا توا دوشلي خاطر منجمش نهز يدي لراسي

-ههههه سملةةةة على عفروتي يا روحي ...

ايا ايجا نحملك ...

حملها و هزها للبانو يدوشلها و يغسللها في شعرها و هي تضحك و فرحانة و عاملة جو تقول بنية صغيرة

كملو دوشهم و لبسو دبشهم و خرجو للجنينة ... عملو كل شي و خرجو هبلتهم تقول اولاد صغار ...

توا الستة ...

-حبي توا لازمني نجيب سجودة

-اي و انا نحضر روحي للموعد

-اوكي حبي ايا برا و سايسلي روحك امان

-اوكي حبي تهنا و انت زادة امان سايس روحك

هزت الكرهبة و هو طلع للبيت لبس سروال غري و مريول بلون و صباط و مشط شعرو لتالي و هو ارطب عمل بارفان و نضم لحيتو و لبس منقالتو و خرج

خزر للمرايا ... السبعة و نص ... يسوق في الكرهبة و مخو سارح في عفروتة اللي خذاتلو عقلو ...

يسوق و يخمم في عايلتو ... خايف على مرتو و بنتو و حياتو اللي ممكن كان ميعرفش يتصرف اليوم باش تتقلب 360 درجة

وصل قدام الاوتال ... خذا نفس قوي و دخل

سئل على الشومبر اللي فيه نور و طلع ... قبل ما يدق قعد يخمم في اللي يعمل فيه صحيح ولا غالط ... توا معادش فيها لازمو يكمل اللي بداه

دق الباب ....

هبط راسو و حط يديه في جيوب سروالو ..

يحس كان في حاجة جبدتو من كول المريول و دخلتو بقوة و الباب تسكر ..

نطرلها يدها و هز راسو يشوف فيها في نويزات روج قصيرة و صدرها على برة و المكياج و شعرها مسيب ...

-شبيك ياخي هبلت؟؟ في بالي باش نحكيو موش باش دخلني لبيتك و انت ... و انت شبه عريانة ...

-انا هذا شرطي باش نبعدك ... نحب نكون ليك نهار بركا و بعد برا على روحك منيش باش نقلقك ...

-هههه تحلم انت ... انا بعد السيف نعلق منجل بعد مرتي الشرف و التربية نعطي نهار من عمري لوحدة خامجة كيفك

-انا منيش خامجة ... انا عطيتك بدني و روحي ... خاطرني نحبك ...

-كان ما جيتش خامجة مطعتينيش شرفك ... انت وحدة مسخة مريضة تحب تعيفني في حياتي؟ انا مفرضت عليك شي كلو كان برضاك و مكش صغيرة باش نتحاسب في بلاصتك ... 21 راك وقتها فيق ... شنية باقي تحب مني

-انا مرتك قبل ما تكون هي مرتك ... متنجمش تنكر هذا ... انا اولا بيك ... افهم يا كريم راني نحبك راني نعشقك انت ... انت ليا انا بركا منيش باش نتخلى عليك انت متاعي و اللي يقربك نقتلو

-ياخي هبلت؟؟؟؟ راني معرس و ببنتي و نعشق مرتي ... و كيف تطربق السما عالارض مينجم حد يفرقنا

هز صبعو قدام وجها

-انا جيت اليوم باش نوضحلك حاجة بركا ... راك تفشة .... راك خامجة و متستحقش تاخو اسمي ... عفراء راهي ليلاتك و التصاور بلهم و اشرب ماهم ما عندك ما تعمل ... باش نحكي كل شي لعفراء و نقلها اللي انا غلط قبلها و هي باش تسامحني و انت باش تقعد كيما الكلبة و مكش باش توصل لشي ... و ننصحك برا عدي على روحك يا مسخة ....

دار للباب باش يخرج

-نقتلها .... نشرب من دمها و عينيك تخزر و متنجم تعمل شي ...نخليك تراها كيما القردة و نكرهك فيها ...

الكلام اللي سمعو جمدلو الدم في عروقو ... عينيه حمارت و يديه ولات ترعش

-وحدة ق*** كيفك انت تهددني في مرتي يا خامجة ... و الله الا ما نشرب من دمك ر** في بالك باش تلعب معايا لعبة خامجة انا ن**** وعدك يا فرخة ...

يهز يدو و يترشقها بكف لين طاحت عالقاعة و خشمها ترشق بالدم

-والله الا ما نقتلها يا كريم و الله لاني باش نخليك تفرح بيها ...

-*** الكلام هذا مازلت تعاودو راني نقتلك و الله نقتلك

و الله نقتلها يا كريم كان مطلقهاش و تاخوني هي و بنتها...

شد روحو عليها و بعد معادش فيها ستفزو كلامها لين معادش ينجم يشد روحو ..

يضرب فيها بالمشطة و موش عارف وين قاعد يضرب يضرب فيها على قوتو تقول دخل في هيستيريا ...

-تكلم تراه عاودها ... تكلم حل فمك علاش ساكتة

بعد عليها يتنفس بالسيف يشوف كان في الدم و هي مطيشة ... وجها معادش مفهوم ... تربث ....

هبط على ركايبو و يحرك فيها في بالو تمثل

-ن..ور فيق يزي بلا تمثيل

محبتش تتحرك تربث و خرج يجري معاش يرا قدامو

💗الحلقة الحادية عشر💗

خرج يزرب في خطواتو خايف لا يشوفو واحد مالموجودين و مريولو الكلو دم ..

تعدى من قدام لي سارفور يخبي في وجهو لين وصل للباب زاد زرب اكثر و طلع في الكرهبة ..

خدم الكرهبة و طار بيها لين بعد برشا على الاوتال وقف الكرهبة و هبط ... يتفكر في وجها المدمدم و خايف لا تكون ماتت و يوحل فيها و قتها معادش يرا عفراء و سجود و ينساهم ... قعد يمشي و يجي كيما المهبول يلعن في النهار اللي راها فيه الشيطان اللي دخل حياتو و باش يفسدها ...

حاسس بخوف اول مرة يحس بيه .. خوف انها تموت و يدخل للحبس ... يا مؤبد يا اعدام و في الحالتين باش يتحرم من احسن حاجة صارتلو في حياتو ....تصور كريم يعيش بلاش عفراء .... الموت تولي احسن وقتها ... و عفراء شنية باش تقول عليه كيف تسمع اكيد باش يطيح من عينها و تكرهو ... و سجود كيفاه باش يربيها؟؟

ألف سؤال جاو في راسو ... علاش هو ... شنية عمل باش كل ما يخرج من حكاية يدخل في ما اتعس منها ... يشوف في مريولو بالدم ... دم وحدة خامجة تحب تحطمو و تحطملو حياتو

نحاه بزربة و قطعو و رماه ...

-اااااااه علاه يا ربي ... علااااه انا ... علاه مكتوبلي نعيش في المشاكل نفرح نهار نعوضو عشرة ....

يضرب في الكرهبة في يديه معادش متحمل ... لازمو يركح اومورو و يهز عفراء و سجود و يبعد لازم يبعد عالعباد الكل ..

ركب في الكرهبة و طار للدار يخمم كان في حضن عفراء اللي باش يرتحو و يواسيه ...

-مدام نور ... روم سيرفيز ... مدام

مفما حتى صوت و حتى حركة دل اللي فمة شكون الداخل ... الباب محلول شوية و الضو يشعل ... الفضول خلاه يحل الباب بالشوية باش يشوفها و هي مرمية عالقاعة و تعوم في دمها ...

السارفور تصدم ماالمشهد و هبط يجري ... نص ساعة و الاسعاف كانت في الاوتيل و الشمبر تقلبت بالعباد

بوها جاه تاليفون جا طاير يلقى الاسعاف هزتها خلط عليها ... يجري في الكولوار و يلوج من بيت لبيت عليها

وصل للشومبر يشوف في طبيبها خارج

-دكتور ويني بنتي ... امان طمني عليها

-هدي روحك موسيو بنتك لباس تعرضت لضرب على راسها و وجها فمة برشا دم خرج منها اما توا لباس حطينالها الدم و تلهينا بيها قعدولها تراس في وجها مالضرب و الحمد الله كانت ضربة اخرى عينيها تخرج

-و شكون اللي عمل في بنتي هكا

احنا مناش من هوني جينا بريود و مروحين معناش مشاكل مع حد

-هذيكا خدمة الحاكم هي اللي باش تقرر وقت اللي تحقق معاها ...أما حسب خبرتي الضرب كان قوي متاع راجل موش مرا ...

-نجم ندخل نراها

-توا مزالت دايخة بتاثير الدوا متنجمش تقابلها اما تنجم تشوفها مالبلار ..

-عيشك دكتور

مشى للبلار باش يشوفها

يخزرلها و هي راقدة و وجها الكلو منفخ و فيه التراس متاع الضرب

عينيها منفخين و هي تقول ميتة قلبو وجعو عليها هي وحيدتو لا عندو لا قبلها لا بعدها ماللي ماتت امها و هو مربيها ميحملش فيها دقت الشوكة و جا النهار اللي راها فيه موجوعة

حاسس روحو مقصر معاها كان جا لاهي بيها راهي مصارش فيها هذا الكل اما هي تبدلت ليها 4 سنين متبدلة و معادش نور متاع قبل ما تقبل راي حد و تعمل كان اللي في مخها تحب تعيش وحدها و تعمل كل شي وحدها مهوش فاهم السبب اللي خلاها تتبدل للدرجة هاذي اما مقرر انو معادش باش يخليها وحدها يزيها ما مشات بمخها توا لازمو يتلهى ببنتو و يقربلها اكثر و اكثر ...

وقف الكرهبة بعيد شوية على الدار توا 3:00 متاع الصباح اكيد عفراء مهيش باش ترقد الا ما تتهنى عليه شنية باش يقلها على المريول ... مينجمش يكذب عليها من وجهو باش تعرف اللي هو يكذب ...

هبط مالكرهبة يدعي لربي يلقاها لاهية ولا راقدة

حل الباب بالشوي دخل يتلبد الضو طافي طلع طول لبيت النوم ينحي في صباطو باش مايعملش الصوت

حل الباب بالشوية يسمع في صوت الما عرف اللي هي دوش

دخل بزربة نحى السروال و قعد في شورط ...

خرجت دندن مالدوش و تنشف في شعرعها

حملها من تالي و لصقلها تفجعت

-كرييييم فجعتني

-اللطف على حبي سامحني

-ههه السماح يا روحي ... قلي ساعة شبيم لتوا

شاد في حزامها و كابس عليها و حاط شفايفو على رقبتها يشم في ريحة الجال دوش و يبوس فيها

-تشديت في الخدمة يا روحي و تااااااعب تاااااعب و مستحق لحضنك برشا

دارتلو و حطت يدها على صدرو طلعت و وقفت على ساقيه باش توصلو و باقي تتشعبط عطاتو بوسة من شفايفو

-انا معاك و انت تتعب يا روحي

-على هذاكا قتلك راني مستحق لحضنك برششاااا

حملها و حطها في صدرو

-محلى ريحتك عفروتي .... نحبك .... برشا نعشقك

حست بدقات قلبو مهيش منضمة حستو تاعب ... حملتو بنفس القوة اللي حملها بيها

-اللطف عليك حبي ... هيا نرقدك

مشى للفرش و قعد يستنى فيها

نحات الكاب دو بان لبست روب و مشاتلو

حملها كيما الطفل الصغير و تعنكش

حملتو و قعدو تلعبلو على شعرو لين جاه النوم ...

الدنيا ضلام و مهوش يشوف في شي ... يلوج عليها من بلاصة لبلاصة ... يعيط و ينادي و هي مفماش ... البيت فارغة .... ظلام ... موحشة ...

الكلها غبرة ... حيوط مكسرة ... فيران تتجارا ...

تقزز مالريحة اللي قاعد يشم فيها ... ينادي لعفراء ... يشوف في خيال ... عفراء لابسة بالابيض و دور في البيوت ... يجري وراها يحب يخلط عليها ...

-عفراء ... ستنى ...

دخلت لبيت سجود مشى وراها ...

البيت اللي كانت روز و مزينة ولات كحلة و ظلمة و موحشة

سجود مرمية عالفرش و متتحركش ... عفراء تبكي و دز فيه

-انت سبب قتلتلي بنتي ... نكرهك ...

توخر و تبكي لين رمات روحها مالشباك ...

-عفراااااااااااااااء "

قام مفجوع و العرق يجبد معاه

-سملا سملا عليك يا روحي هاني بحذاك شبيك شصار

حملها و نزل عليها يلهث و يتنفس بالسيف

-كابوس ... كابوس ... عفراء متبعدش امان .... امان متخلينيش ... انا .. انا نحبك عفراء

-كريم امان فاش تحكي ... فاش تهتري ... راك روحي منخليكش ...

مدت يدها للطابل دو نوي ... عبات الكاس بالما و عطاتهولو

-قلي شبيك شنية حكايتك ها النهارين ...

-شي ... تاعب تاعب نحب نرتاح ...

حملتو و باستو ..

-نغنيلك

-اي

قعدو تغنيلو و دندن لين تهنات عليه رقد

"شبيك يا روحي وليت هكا ... شفما مخبيه عليا ... علاش تعذب فيا راني نعشقك ... "

💗الحلقة 12💗

-حبيبي قوم امان معاش بكري اليوم راجعين نخدمو عادة

-اممم عفروتي بربي خليني نحب نرتاح تاعب

-قوم يزي بلا بخل اعمل دوش لين نحضر الفطور

-لا منحبش ... متمشيش اقعد عندي نحملك و نرقدو

-لاااااا معاش بكري قوم

-باهي برا حضر الفطور لين نجي

باستو بالقوي و قامت ...

دخلت لبيت سجودة تلقاها راقدة

-اكهو كي بوك انت تعشقو حاجة اسمها نوم

ايا قوم عيش بنتي ... سجودةةة

تبوس فيها و تمروش فيها لين فيقتها ...

-محلى زينو هو العسول كي قايم من نومو ...

تبوس فيها و دغدغ و هي شايخة بالضحك

-ايا نمشيو نعملو بح بح مع با؟

-بح بح

-اي بح بح مع بابا

حملتها و طلعتها للبيت حطتها بجنب كريم و هو مزال راقد

-اوففغف منك يا كريم لتوا راقد؟

سجودة برا قيم بابا و بوسو

حطتها عالفرش و قعدت تتفرج فيها

-بابا كوووم ... كييييم كوووممم

حل عينيه يلقاها فوق راسو و يدها الطرية على وجهو تمس فيه ... محنها و محن يدها ...

-يا روح كرووم انت يعنبو حبك

-بابا كومم بح بح

-نعملو بح بح

قتلو اي براسها

-ههه هيا يا روحي ...

-اممم توا تكبست و قمت سي كريم بكري شيحتلي ريقي .؟؟؟

-شنية باش تغير من بنتك يا مهبولة

-مبولة

-ههههه لا سجودة حرام كعاش تقول اكاكا على ماما

-ايا قوم يزي بلا بخل دوش انت و سجود خليني نحضر الفطور معاش بكري راهو

-باهي باهي يزي بلا تخرنين عالصباح

مشات للكوجينة طيبت القهوة و حضرت التارتين و هي تجري من حاجة لحاجة للغوتي متاع سجود ... حطت كل شي على الطاولة

شوية و جا كريم محمل سجود

-ايا كريم افطرو خليني نلبس دبشي

-و انت مكش فاطرة

-لا لا معاش بكري

جات ماشية تزرب جبدها من يدها لين جات في حجرو

-ضاهر فيك ناسية اللي انا المدير و انت مرتي و تمشي وقت اللي تحب؟ اقعد افطر مكانش نشدك توا نفطر بيك و ترسيلك نهار كامل في الدار

هز حاجب و هبط حاجب ....

ولات تضحك

-هههه لا كلو الا هذاكة هانب باش نقعد نفطر

-صحبت عيشلي مريتي

قعدو يفطرو

-حبي ... ياخي باش حلمت البارح

هبط كاس القهوة بربثة كيف تفكر الحلمة

-نسيت ... حب..ي علاه

-خاطرك البارح كنت مكش نرمال و قمت في الليل مفجوع و تعيطلي و تهتري بكلام موش مفهوم و تقل متبعدش

-منعرش عفراء نسيت تلقاه كابوس عادي

-مالا شبيني حاستك مكش كيما العادة الايامات

قلي كريم كان فما حاجة احكيلي و انا نعاونك

مفما شي ... تعب خدمة نحب نبدلو جو و نخرجو مالروتين شنية رايك

-اي فكرة

اما وين باش نمشيو

-خممت نخلي الشريكة هاذي لبلال و جوسي لين ترجع سندس معاهم و احنا نطلعو لكندا نشدو الشريكة اللي غادي

-فكرة حلوة اما انا منجمش نخلي امي وحدها و دارنا

-عفراء عزيزتي انت توا وليت مرت راجل و لازمك تنساها حكاية داركم ميصيرلهم شي وحدهم مهمش صغار

-اممم باهي مشات معاك

-مالا خليني نحضر الاوراق و نفهم الخدمة لجوسي و بلال و بعد نطلعو

-اي حقة انت ليك برشا ممشيتش لدار بلال راك شنية رايك اليوم نمشيو بحذاهم

-حتى انا توحشتهم و توحشت لمتهم مالا نكملو و نمشيو ...

-باهي مشات معاك ايا نمشي نلبس و نجي

-و انا توا نضم الكوجينة اسمع تعدى جيب ساك سجود

-باهي...

طلعت للبيت لبست سروال دجين و شوميز روز بيبي و تالون نوار لمت شعرها و هزت التاليفون و خرجت

طلعو في الكرهبة عداو سجود للروضة و كملو طريقهم

حلت الفايسبوك تلقى ميساج من عند جوزي

"نور بنت عم كريم في الكلينيك فما شكون ضاربها و الدنيا داخلة بعضها كلمت كريم تاليفونو مسكر "

-كرييم نور بنت عمك

كريم وجهو صفار و مشى الوان و جا الوان في بالو حكات معاها و لا لقات تصاور و باش تخلى على راسو عينيه وساعت و قلبو ولا يضرب

-ش..ششبيها نور

-قتلك جوسي مضروبة و في الكلينيك **** الحاكم يستنى فيها تفيق باش تحكي اللي صار لقاوها البارح في الشومبر متاعها مضروبة

يح مسيكنة زعما شنية صارلها

-ربي يشفيها

-لازمنا نمشيو و نطلو عليها

-توا غدوة

-كريم شبيك بارد؟ ياخي مكش متحير على بنت عمك

-انت تعرف اللي هي مهيش بنت عمي و منحملهاش منيش متحير ربي يشفيها منيش باش نوقف حياتي عليها اليوم نمشيو لسس و بلال و غدوة نمشيولها

-باهي وسع بالك شببك حبي تغششت

-شي حبي شي ... سامحني ناقص نوم دخلت في حيط

-اي ضاهر عاللخر اللي انت داخل في حيط

-شنية تقصد

-لا منقصد شي

-شبيك عفراء تحكي معايا هكا

-خاطر ليك باريود و انت متبدل و على عصابك و منتصورش كان هاذي الكل خدمة

كل مرة تعطيني عذر كل مرة تحكيلي حكاية

في بالك بوهلية منفهمكش ... كريم راك كيف تبدى تكذب عليا كل شي يبان في عينيك متحاولش معناها

-امان عفراء انا نكذب عليك من وقتاه

-مكنتش اما توا وليت تكذب عليا و نحب نعرف شنية مبدلك

-قتلك مة مفما شي متكبرش الحكاية و تبدى تخرنن عاد

-امااان انا نخرنن كريم؟

-استغفر الله .لا مكش تخرنن انا نخرنن قص علينا الهدرة

-ياهي بالك مهبولة انا تحكي معايا هكا

-برا عاااد شنية تحب انت توا بالسيف تحب تعمل مشكلة

-معمتلك حتى مشكلة هاني سكت

و راني متاكدة فما حاجة معناها كان باش تقلي شنية توا نرجع نحكي معاك مكانش متحكيش معايا

-بفففف ستغفر الله يا ربي راني منيش ناقس هم انا فكني

-اوكي انا هم يا كريم

-برا عاااد

-اسمع ما تبداش تتنفض وقف الكرهبة نحب نهبط

-اقعد يزي بلا تفوريخ قلو نهبط

-باهي مالا معاش تحكي معايا اوكي

قعدو ساكتين لين وصلو للخدمة حلت الباب و دخات تزرب للشريكة تقول بركان هايج و هو اكثر منه

💗الحلقة 13💗

-صباح الخير مدام عفراء

-صباح الخير

-مسيو كريم وينو جاي معاك

-اي هاو جاي جيبلي قهوتي عيشك

-حاضر مدام

دخلت للبيرو تتنفض

-انا مهبولة ... انا خرنانة ... باهي يا كريم و الله الا منوريك...

حطت يدها في حزامها و تضرب في ساقيها عالقاعة و في نفس الوفت خايفة منو لا يشلق بيها باش نشرب القهوة الفيلتر اللي توجعلها قلبها ...

داخل للشريكة يتبسم غي وجمنه وه العباد ... الكلهم يستناو فيه و فرحانين بيه الكلها تسلم و تضحك و هو مخو كان في عفراء

نعدى بجنب البيرو متاعها ... وقف قدام الباب يحب يدخل و يرضيها حس روحو كثرلها

-صباح الخير سي كريم

-صباح الخير ... شنية هذا

-هذي قهوة تم عفراء

شافها فيلتر جن و العصب مكنو

معناها تتعراك معاه تولي تكسح في راسها و تضر روحها

خذاها من عندو

-هات توا انا ندخلهالها

حل الباب بقوة

كانت تخزر مالشباك دارتلو مغجوعة

-ك...ك...كريم

-شنية هاذي

-م.منعرش

قربلها و عينيه تشعل تقول وحش

-قتلك شنية هذي تكلم مغير متجهلني

-ق...قهوة

-فيلتر؟ شقلك الطبيب

هبطت راسها و عينيها تعباو بالدموع

-ياخي نسيت قداش تعذبت و انت مريضة ... نسيت شنية صار فيا مالخوف عليك

ياخي تحب تقتلني ولا شنية حكايتك

ياخي نتعاركو تمشي تضر روحك؟

-....

-نكلم فيك راهو حل فمك

-س...س...امحني

ترمات عليه حملتو و ولات تبكي

تقول بنوتة صغرونة حاسة بالذنب ..

-باهي شبيك تبكي انت توا

يلعبلها على شعرها ميحبهاش تبكي تنهد و زاد حملها اكثر

-خاطر ... كنت باش نشرب قهوة و انت متحبنيش نشربها و انت تخاف عليا و انا غششتك

-باهي يزي عيش صغرونتي ايا وفات الحكاية

مازلت متغششة مني

-لا يا روحي انا نحبك برشا

-و انا نموت عليك ايا برا شوف الخدمة و بعد توا نفطرو مع بعضنا

-اوكي يا روحي ايا باي

قاعد بجنبها و شادلها يدها ... عندها نهارين و مازالت محلتش عينيها

الحاكم يستنى و بوها مشوي عليها يحب يعرف شكون اللي عمل في صغرونتو هكا

تشوف في الضو خاااااااافت .... وجعها في عينيها المنفوخة ... متتفكرش اللي صار معاها بالقدا اما تتفكر كريم كيف بدا يضرب فيها ... تتفكر وجه الملاك اللي كانت ترا فيه كيفاه تحول و ولا وحش .... يضرب فيها مغير رحمة كيف سمع تهديدها لعفراء..

كبست على يدين بوها ... تحس في بدنها الكل مكسر و راسها رزين و ترا في الدنيا فلو

-نور ... يا نور عينيا ...

بنتي فاقت دكتور

الشومبر معبيا بالحاكم و بوها بجنبها

-مدموازيل نور تنجم تحكيلنا شنية صار

-اي

-شكون اللي ضربك و علاه

خزرت لبوها

تتفكرفيه كيف قتلها بطريحة

بوها كابسلها على يدها و يشجع فيها باش تحكي اما هاذي حربها و لازمها تخوضها وحدها

-مدموزال تكلم كان تعرفو من توا نجيبوه و نحاكموه

-منعرفوش ... انا ساهرة و بدلت دبشي باش نرقد و الباب دق

في بالي روم سيرفز

حليت نشوف في واحد ملثم ضربني على راسي و بعد مفقت بشي

-اكيد الكاميرا متاع الشومبر راهي مسجلة كل شي اما منجموش نجبدو التسجيل كان بموافقتك انت

-لا .. منحبش التسجيل يتجبد .... عندي حياتي الخاصة منحب حد يعرفها

-معناها مكش باش تكمل في القضية و تاخو حقك

-لا ... منحبش نكمل ... انا تاعبة و نحب نرتاح

خرجو العباد الحل قعدت كان هي و بوها

-علاش عملت هكا يا بنيتي

علاش تسلم في حقك

-خاطر منحبش ندخل في المداخل هاذي ضاهرة سارق و حب يفك الفلوس

نخاف يرجع مرة اخرى كيف انا نخبر عليه

-نور مخبية عليا حاجة؟ قلي انا بوك نحميك

-لا با ماني مخبية شي عليك اللي حكيتو هو اللي صار الكل

-باهي و لو اني منيش مصدق اما ميسالش

اسمعني ماليوم انسى انك تقعد هوني وحدك

تشد روحك شوية و باش ترجع لفرانسا اوكي

-يا حي يا با

-باهي اقعد ارتاح خليني نجيبلك حاجة تاكلها

-منحبش با ...

ياخي ... كريم ولد عمي ما جاش يطل عليا

-لا ما جاش تلقاه مسمعش

-اي يمكن

-ايا نخليك ترتاح شوية توا بعد نرجعلك

باسها من جبينها و خرج ... خلاها هايمة في السقف

علاش ما قالتش اللي هو اللي ضربها ؟؟ هو كان واضح معاها و مهوش باش يرضى بيها حتى و لو كان تتربق السما عالارض ..

حتى كان تقتل عفراء مهيش باش توصلو

توا لازمها حل يخليها كيما الخاتم في صبعها ...

اما كيفاه باش تعمل

تبسمت تبسيمة شريرة ... لقات الحل اللي تخليه ليها وحدها و مينجمش يعيش بلا بيها

-حبي هيا نمشيو ... وقيت

-كلمت سندس

-اي كلمتها و فرحت كيف قلتلها رانا جايين

-باهي ايا نضم الاوراق و نجي

-نتعداو طول و لا نروحو للدار

-اي نروحو نبدلو دبشنا و نمشيو و زيد مهياش بعيدة برشا الدار

-باهي اوكي نتعداو نجيبو سجود و بعد نتعداو للدار

-اوكي حبي

-ايا هاني نستى فيك في الكرهب

خرجت مالبيرو ... تعدات هزت ساكها و مشات للكرهبة

التاليفون يصوني

-الو ... وي جوزي سافا

-سافا انت شنية عاملة

-لاباس .. وقتاه تجي بحذانا توحشناك

توا نجي

اسمعني كلمتك باش نسألك

-شفما نشا الله خير

-ياخي موش انا ديما نمرض بعدك ... ياخي انت مرضت ولا مازلت

-لا مازلت ...

تصدق نسيتها الحكاية

-خاطر انا عندي وجيعة و مفما شي و نسيت دات قبت اكيد انت متفكرة

-و هو خوك خلا فيا عقل

-هههه انا بعدك و عندي 3 ايام روطار مالا انت قداه

-انا اليوم ماشية بحذى سندس و بلال توا غدوة نشوف شنية الحكاية

-يا حلوفة تطلعش عملتها

-منعرش و الله ... توا غدوة نشوفو الحكاية اما تقعد بيناتنا ساعة ... و انت شنية غريبتك

-و الله منعرف توا نمشي نعدي نشوف شفما

تطلعش عاملة عملة

-لا يا بنتي صلي عنيبي ... ممكن ستراس

-باهي ايا علق علق كريم جى توا غدوة نحكيو

-اوكي ايا بيزو بوسلي سجودتي

-حبيبي في شكون كنت تكلم

-في جوزي حبي تسال على سجودة تحب تهزها

-لا يا بنتي وين باش تهزها بنتي متمشي لحتى بلاصة

-هههه عيشو الحزار ايا امشي امشي معاش بكري علينا

-ايوه هاو بلال يطلب

وي صاحبي

-تي وينكم سي كريم

-ايا هانا باش نتعداو للدار و نجيو سويعة نكونو غادي

-اوكي اي متبطاوش بربي

-هيا توا نجيبو سجودة

حبي ... ياخي انت تحب سجودة يولي عندها خوها

-اي مصاب و الله يملاو علينا الدار

علاه حبي انت متحبش

-لا نحب ... نشا الله يا ربي

-شنية باش تلبس حبي

-منعرش ... اما الاغلبية روب ... نحس روحي متفرهدة فيها

-اي خير ...

اسمعني شنية نهزو في يدينا

-ناخذو حلو و ورد

باسها من يدها

-ربي يخليك ليا مريتي ... موش عارفة بلا بيك شنية كان يصير فيا

-هههه و انت تنجم تعيش بلاش بيا

-الله لا يحرمني منك يا عسلتي ... يا مريتي و ام بنوتي العسلة

قعد يسوق و هي تخزر مالشباك ... تتذكر في اول مرة شافتو فيها ... كيفاه تعداو ايامات الرحلة ... كيفاه كان و كيفاه ولا ... كيفاه كانت ليلة عرسسهم المفاجئة اللي اخر حاجة كانت تتوقعها ... حبالتها بسجود و عذابو معاها

انسان كيما هاذة يستهال الف حب و الف تضحية و متنجمش توفيه حقو

حبو ليها و خوفو عليها ... لهفتو و صبرو عليها في مرضها ...

-نحبك

تتبسم و عينيها يشعلو حب

-حتى نحبك يا روحي ... ههه شبيك

-محلاك يا روحي ... قد ما نوصفلك

انا عشقي ليك تعدى الحدود الكل ... ربي يخليك ليا ...

ايا اهبط جيب سجود ...

-اوكي روحي ...

دخلت للغارد جابت سجودة محملتها و طلعو في الكرهبة

-باااا

يا روحووو

ايجا بوسني ايجا

-باا حب حب

-شنية تحب بنتي

-حب سكلاطة

-اييه تدلل يا روحي نوصلو للدار ناخو لبنتي شكلاطة

عداوه طريق كامل يلعبو مع سجود و هي تتعلم تحكي ... عمرها عامين و لتوا لسانها ثقيل ... الطبة قالولهم حاجة عادية ...

اما هوما شايخين عليها و على طريقت كلامها و كيف تبدى تمهمه ... محلاهم مع بعضهم ... عايشين فرحانين .... متهنين و ما ناقصهم شي ....

وصلو للدار عملو دوش التلاثة مع بعضهم ... سجود هابط عليها الما و هي تضحك .... كان تلقى تزيد تقعد اكثر ...

كريم باش ياكل عفراء بعينيه قربلها لوذنها

-يحرزلك معاش بكري و سجود معانا

-ههههه جاب ربي ....

-ايا انا خليني نخرج انا نلبس ... معاش بكري

-باهي هاني خارجة انا زادة

سجودة لبست روب نوار و فيها ورد روج و سيرتات ميني ماوس ... عفراء روب طويلة نوار ضهرها عريان شوية اما شعرها مغطيه و طالون

كريم اختارتلو عفراء شوميز غري باااارد و سروال غري غاااامق و صبات ...

هبطو للكرهبة

عفراء تفركس في الساك متاع سجود

-اوووه حبي نسيت البيبرون

-باهي توا نمشي نجيبو فيسع

مشى لبيت سجود و جا خارج .... تاليفونو صونا ...

تومرو ميعرفوش

-الو ...

نفس قوي و متقطع ...

-شكون معايا

-مرتك

-عفروتي... هاني جاي يا روحي شبيك تطلب

-عفراء.... رحم عليها .... انا مرتك ... نور ...

ترهوج و وجهو حمار

-نوور ... ياخي مشعفتش ر** تكلم فيا ....

-موش يقولو ضرب الحبيب

-شنية تحب انت ... مكش باعدتني ...

-ههه نحبك انتي ... على هذاكا مشكيتش بيك ... تعرف كان شكيت شنية يصير فيك ماهو

-نور ... هاذي اخر مرة باش نقولهالك

انا راني منيش ليك ...

ابعدمي عيش اختي و خليني رايض

-باش نخليك رايض ... لين نرتاح اما متفرحش برشا .... انت ليا انا وحدي

💗الحلقة 14💗

علق التاليفون ... حس النفس تقطع عليه ... ياخي شنية باش يصير كان باش يحكي لعفراء ... اصلا هي صارت قبل ما يعرفها و يحبها ... يعني مفماش علاش باش تحاسبو ... اما ممكن تحاسبو خاطر خبى عليها وقت اللي هي رجعت

اما كان يحكيلها ... الفيديو اللي هددتو بيه .... كان توريه للحاكم لحظة ميزيدهاش ... بالوقت يدخل للحبس

عدى يدو على شعرو ... عض على شفايفو و جبد النفس بالقوي ...

معندو حتى حل ... نور باش تخربها على راسو ... باش تعبو ... يلزمو ميخليهاش تقرب لدارو و مرتو و بنتو ...

سكر الباب و خرج ... ملازموش يحسس عفراء بحتى شي هي اصلا حاسة اللي فما حاجة بيزار قاعدة صايرة

-حبيبي سامحني بطيت عليكم قعدت نلوج على البيبرون

-موش مشكل حبي اما هيا لا بلال يقطع شعرو

-هههه اكا المهبول ... كان خلاو فيه الصغار عقل ... كان مبلي ب سندس ولاولو تلاثة

-هههه ربي يصبرو مسيكن و الله

تعداو للباتيسري خذاو الحلو و مشاو

وصلو للدار يسمعو في صوت هارون البرا

دقو الباب خرجلهم بلال لابس سروال دجين و مريول و شلاكة بالصبع

-صاحبي .... ليك وحشة معلم

-تي وينك يا سي بلال لتوا لا هداك ربي و رجعت للخدمة

-ماو في بالك كنت قاعد مع سندس هاو توا ولات لباس نجم نرجع

-ايا ابركلك

-ايا ادخلو باش تقعدو البررا

دخلو يلقاو الطاولة معبية بالخيرات ... سجود مشات لهارون يلعبو و كريم و عفراء و سندس و بلال

قعدو ساعة يسلمو على بعضهم

الاصحاب الصحاح اللي قد ما يقعدو بعاد على بعضهم و تقل مكالماتهم وقت اللي يتقابلو حتى بعد عشرين سنة ... تقول عليهم كانو بايتين مع بعضهم ... و هذا كان حال سندس و كريم و عفراء و بلال ..

ميرا الصغرونة نسخة من سندس ... حاطتها في بوساتها و البيبرون في يدها ...

تعشاو و ضحكو و لعبو و فدلكو ... كيما العادة بعد ما كملو خرجو بلال و كريم البرة للجنينة ... سجود و هارون يلعبو و هوما ناصبين الرامي بجنب البيسين و ميرا بجنبهم ... عاقلة برشا و متبكيش ...

عفراء و سندس في الكوجينة كملو لمو و قعدو يطيبو في القهاوي و يحكيو ...

-اي شنية عاملة مع بلال بعد الولادة

-يا بنتي شبعة ضحك ... يستنى في الاربعين يوم وقتاه يوفاو بالدقيقة و الدرج هههه انا كملت ربعنة و هو يا اختي تقولش ثور هايج

-هههه يا بليدة ... المهم اوموركم مريغلة و جوكم باهي

-اي لباس ... و انت و كريم

-انا ... يضهرلي حبلة

-امبوووو ... بالرسمي تحكي

عندي روطار قريب جمعة

-اي فاش تستنى برا شوف

-اي غدوة نشا الله

-اي و شبيك مكش فرحانة

-منعرش حاسة قلبي مقبوض اللطف ... حاسة فما حاجة خايبة باش تصير

-اللطف عفراء شبيك تحكي هكا

-امان سندس ... نعرف اللي انت اكثر وحدة تحس بيا و تحبني ... انا حاسة حاجة باش تصير منيش فاهمتها ... اما باش نوصيك حاجة بركا ... كان صارتلي حاجة سجود احسبها بنتك

-يزي يا بنتي صلي عالنيبي

حملتها بقوة

-و الله هذاكا تلقاه وحم جاك بالستراس يا سخطة ... انا زادة صار فيا و وليت نشوف في روحي دبة و عفشة و نشك في بلال قلت باز باش يكرهني

-زعما

-اي والله ... عيش حبي نحي من مخك الافكار السلبية

شوف ربي شنية عطاك

احسن راجل ممكن تتمناه اي طفلة في الدنيا

يحبك و يخاف عليك مالنسمة

يعشقك و ميرفضلك حتى طلب

محافض عليك

عندك بنوتة كيما العسلة مالية عليك حياتك و هاو نشا الله الثاني في الطريق

نحبك تخمم كان في الحاجات الباهية عزيزتي امان

-عندك حق ... ممكن الستراس و الوحم هو اللي خلاني نهلوس

-ايا مالا اكبسلي روحك و هيا نمشيو بحذا الاولاد

-اوكي هيا عزيزتي

تعدات السهرية بين ضحك و لعب ... ذكريات حلوة برشا ... ايامات تعداو معادش يرجعو ...

صحيح كل وقت و جوو اما ايامات العزوبية معاش تتعاود

في الطريق عفراء حست روحها تاعبة شوية مالسهرية ... هزها النوم و رقدت ...

سجودة قاعدة لتالي تلعب و تنغنغ ...

وصلو للدار هبط كريم حل الباب

-عزيزتي ... ايا قوم

-وصلنا

-اي يا روحي

ايا قوم

-باهي

حمل سجودة و دخلها حطها في فرشها و غطاها على اساس عفراء طلعت للبيت

خرج يشوف في الباب باقي محلول خرج يزرب يلقاها مزالت راقدة في الكرهبة

حل الباب و حملها

سكر باب الكرهبة و دخلها

سكر الباب بساقيه و طلعها للبيت و هي تقول في غيبوبة

نحالها الروب و لبسها النويزات شدلها شعرها و حطها في الفرش و غطاها

نحى دبشو ... لبس شورط نوار

حل البلكون و وقف فيها ...

يخزر للسما صافية ... تعشق

كيما حياتو هو و عفراء قبل ما تدخللها الشيطانة نور

جا بين عينيه نهار عرسهم ... كيفاه كان في بالو اللي هذاكا النهار هو اتعس نهار في حياتو .... و بعد اكتشف اللي هو احلى نهار و عمرو ما ينساه تفكر عفراء و ليناتها اللي كانت مخبية زينها وراها

تبسم كيف تفكر ايامات الرحلة اللي عداوها مع بعضهم

جاتو فكرة في مخ

لازم رحلة كيما اللي تعدات تصلح الوضع اللي هو فيه ...

تلفت لعفراء يلقاها راقدة في سابع نومة ... سكر البالكون و مشالها

دخل تحت الغطا حملها

و هي حملتو بيدها و ساقيها

حطت راسها في صدرو و رقدت ...

يسمع في الريفاي قام يلقاها السبعة

معاش بكري باش يمشيو اما شبيها عفراء ما قامتش

راقدة تقول ليها عام ما رقدتش شعرها مغطيلها وجها و راقدة

-حبي ... عفروتي قوم امان

-اممم تاعبة ... نحب نرقد

-مكش ماشية للخدمة

-لاااا تاعبة ...

حط يدو على جبينها يلقاها تقلي بالسخانة تفجع

-عفراء شبيك سخونة ... قوم نهزك للطبيب

-لا حبي ... لباس خاطر دافية

-باهي خليني نجيبلك فطورك و قوم باش تمشي للطبيب

-لا كريم و الله سافا خليني نرقد اكهوهز سجود للروضة و خليني نرقد

-مكسح راسك ... ايا قوم اعمل دوش لين نجيبلك فطورك

-باهي ...

هو خرج و هي شدها الردان ...

مشات تجري للصال دو بان ترد و تعاود .. غسلت وجها و عملت دوش جديد و خرجت لبست بيجاما و دخلت للفرش تغطات و عاودت رقدت

كريم فطر سجود و حضرلها ساكها و الغوتي متاعها و طلع الفطرو لعفراء

يلقاها راقدة و السخانة طاحت شوية محبش يحيرها حطلها فطورها و غطاه

كتبلها ورقة

"عزيزتي كي تقوم افطر ... انا نمشي نوصل سجود و نرع باش نطمان عليك "

باسها من جبينها و خرج ...

قامت دايخة شوية و معينهاش في الماكلة

تلفتت تلقى الورقة متاعو ... قراتها و قعدت عالفرش ... فاشلة حتى باش تقوم تمشي للصال دو بان ..

الباب تحل و طلع يلقاها قاعدة في الفرش و الماكلة بجنبها

-حبي لتوا لا كليت ياخي

-منحبش ... دايخة ...

-سملا على مريتي ... نهزك للطبيب

-لا ... جيبلي تاست

-اههه تاست؟ متقليش...؟؟؟

-اي يضهرلي

-باهي لحظة و نجي

💗الحلقة 15💗

هبط يجري ركب في الكرهبة و مشى لاول فارماسي خذا التاست و رجع

طلع للبيت يلقاها كيما خلاها ... في الفرش فاشلة و الماكلة بجنبها متمستش

-حبي هاني جبتلك

-عيش حبي ..

خذات من عندو و دخلت للتوالات

يمشي و يجي قدام الصال دو بان

يقرب للباب و يحط راسو على الباب

-حبي شعملت ... طلعت و الا مزالت

-مزالت ... كريم اصبر شوية لين نخرج

-باهي باهي

نفس الحكاية يضبضب قدام الباب و يرجع يسالها

-تي لتوا يا عفراء ... كان متعرش تعملو توا نجي نعملو في بلاصتك

-اي مستانس سيادتك بالتاستوات

-تي لا .... اما ... تي هيا بركا عفروتي امان ازرب روحك شوية

-بااااهي ...

مشى قعد عالفرش و حط يدو على خدو ... يستنى فيها وقتاه تخرج ...

الباب تحل و هو تنطر جا قدامها واقف

-حبي ... شنية ... باش تجيبلنا بنبينو اخر

قعدت ساكتة و تخزر في القاعدة

فشل بكلو ...

حملها

-موش مشكل حبي خيرها في غيرها ... متخافش مزلت ننتج راني توا نشبعك صغار غير انت ما تفدش

جبدها من يدها

-هيا حبي افطر ...

-كريم ...

-يا روحو

عنقتو و كبست عليه

-باش ينزادلنا فرد للعايلة

قعد يخزرلها موش مستوعب الحكاية

-عفراء بالرسمي تحكي

شدتلو يدو حطتها على كرشها

-و راس ولدنا نحكي بالرسمي

حملها و قعد يبوس فيها من شفايفها خدها .. خشمها كل شي فيها

-اسمعني ماليوم ابار يدك لراسك متمدهاش و اكا الريق الكل و الخدمة انساها و نحاها من راسك كول و ارقد و اتفرهد اكهو ... متفاهمين

-ههه متفاهمين

قربلها عاللخر و شدلها وجها بين يديه

-خلينا نعيشو اللي ما عشناشو بسجود ... الحمد الله ربي عطانا فرصة اخرى باش ندللك في حبالتك و نتلهى بيك اكثر

-ربي يخليك ليا يا روحي انت و سجودتي و ولدنا الجديد

-باهي هيا افطر على خاطري

-نحب نرقد و الله معيني في شي

-باهي افطر و ارقد لين نروح

-باهي برا انت اخدم توا انا نفطر و نرقد

-لا ما نمشي كان ما تفطر

ايجا نفطرك

حطها في حجرو فطرها

-صحة حبي

-تيك الصحة بيبي

خليني نررقد توا

-باهي ارقد

باسها من جبينها و غطاها و خرج ...

تعدى شهر نفس الحكاية ... كريم لاهي بيها و بسجود و ميخلاها تستحق شي اللي تشتهاه يجيبهولها موش كي يبدى في اخر الدنيا

نور شهر كامل لا كلمتو لا دارت بيه ... زعما هذا هو هدوء ما قبل العاصفة

صحيح كريم تفرهد و نساها اما كان عارف اللي هي موش باش تخليه في حالو و موش باش تعتقو ...

اليوم عفراء عندها موعد مع الطبيبة باش تشوف صحة البيبي و صحتها هي ...

قامت الصباح ناشطة ... فرحانة تحب تعرف صحة صغيرها في كرشها خاطر بسجود متمتعش باللحظات هاذم ... كان كل موعد يزيد يطيحلها قلبها اكثر

دخلت للكوجينة حضرت الفطور و حضرت سجود و ريغلت كل شي ...

كريم الخدمة و الدار هدوه ... ميخليهاش تمد يدها لراسها ... حتى بون محبش يجيبها ... ميحب حتى مرا تدخل للدار بخلافها ..

كملت و طلعتلو للبيت مزال راقد

-حبيبي قوم

-اممم بيبي ... هاك بكري

-اي حبي ماو باش نمشيو للطبيبة

-باهي خليني نمشي نطيبلك الفطور و حضر روحك

-هههه برا انت حضر روحك انا طيبت الفطور

-و انا شنية نبهت عليك؟ موش قتلك متعبش روحك

-يا روحي راهو فطور مفيه شي

-و الفطور فيه وقفة و سخانة و تعب

-باهي اخر مرة هيا امان نمشيو ...

كملو فطرو و لبسو و خرجو كيما العادة ... سجود في الروضة و هوما تعداو للطبيبة

هبطو شدها من يدها و دخلو للكابيني

-حبي زعما سافا

-لباس حبي متخافش

-نشا الله يا ربي

قعدو في الصال دا تونت ويستناو في دورهم

-مدام عفراء

-ايا عفروتي ... ندخلو

ساق القدام و عشرة لتالي خايفة ... ممكن خاطر تفكرت اللي تعذبتو بسجود ... نفس الكابيني ... نفس الطبيبة و نفس الفرش ....

-الحمد الله البيبي لباس و انت لباس توا داخلة في الثالث باش نعطيك فيتامين تشربهم و التعب لا

-باهي عيشك دكتورة

-الحمد الله كيف عاودت شفتك في الكابيني و الله فرحت

-الحمد الله

-مبروك عليك مسيو سلامة المدام و البيبي

-يبارك فيك دكتورة

-ايا توا تعدى خوذ دوا و مذابيك تبعد على الشمس روحو فيسع

خرجو مالكابيني شراو الدوا و روحو للدار ... طريق كامل و كريم حاط يدو على كرشها

يستنى فيه يتحرك

قد ما فهمتو اللي هو موش توا يتحرك و شي

وصلو للدار طلعها للبيت عملو دوش و دخلو للفرش باش يرقدو شوية

حملها و حطت راسها على صدرو

-حبي ...

-يا روحي

-شنية الحاجة اللي تخليك تبعد عليا

-امممم الموت

-يزي عفراء اللطف عليك

-نفدلك بيبي اصلا اللي يخليني نبعد عليك انت متعملوش

- اللي هو

-الكذب و الخيانة

-و تخليني

-منعرش ... اما منقبلهمش

خاصة الخيانة

اما علاش تسال حبي

-لا شي حبي شي

💗الحلقة 16💗

-نور قتلك معادش نخليك في تونس وحدك بعد اللي الصار

-امان با ماني قتلتك متخافش و زيد انا عندي قضيات هوني منجمش نخليهم

-باش تقعد معناها في اوتيل و يقعد انا قلبي عليك

-توا نكري و الا نتصرف ... اما باش نرجع لفرنسا راني منجمش

-حياتك كاملة و انت راسك صحيح و متعمل كان اللي في مخك

كيف امك الله يرحمها

-انا كيفها في كسوحيت الراس و انت في التخرنين

-امان يا نور خاطر خايف عليك ... توا محبيتش تقلي شنية شصارلك في الاوتيل و قلت كي هي لباس بركا و زيد توا متحبش ترجع معاييا و تحبني نقعد رايض

-يا بابا يا روحي اللي صار في الاوتيل قضاء و قدر معندي عليه حتى فكرة و انا توا عندي برشا قضيات في تونس منجمش توا نرجع لفرنسا افهمني امان

-بففف باهي يا نور اعمل اللي يضهرلك ربي يقدر الخير منك و اكهو و القعدة في تونس انا منيش مرتاحلها

-باهي نجمو نتعشاو خاطرني جعععععت

-باهي ليلا صحة عليك معندك فاش تخمم تاكل و تتمقصص

-باباااا امان قص علينا الهدرة

هزت روحها و دخلت لبيتها تتنفض ...

سكرت الباب و ترمات على الفرش تتفرج في تصاورها هي و كريم ... عضت على شفايفها و حملت مخدتها طابعة عليها تصويرتو

-يا روحي ... يحبني نمشي و نخليك مع اكا العقرب مرتك

تهنى حبيبي منيش باش نسلم فيك باش نرتحك منها و نقعدو مع بعضنا على طول

جبدت التاليفون دخلت للكونت متاع عفراء

الفوتوات الكل اللي حاطتهم فوتواتها هي و كريم

عينيها ولاو يتشاعلو و قلبها وجعها

-موش عارفة اش معجبك فيها هالمصفارة .... فكتك مني و خلتتك تاخو على مرتك اكيد عاملتلك حاجة خليتك تنساني و انا منيش باش نعديهالها

شدت التاليوفون وقعدت تحط في صوابعها على عينين عفراء وتعض على سنيها

-و الله الا ما نقضي عليك ياعفراء و الله يا انا يا انت ...

رمات التاليفون بجنبها و حملت مخدتها و رقدت ...

الصباح قامت كيما العادة تلقى كل شي منضم و فطورها بجنبهاو معاه دواها و وردة حمرة و ورقة مكتوب فيها "صباح النور يا عمري ... البارح احلى ليلا تعاد ... نشا الله ليالينا واياماتنا الكل هكا ... افطر بالباهي ومتعبش روحك يا روحي ..

ب.س: نحبك نعشقك و نموت عليك "

تبسمت .. باست الورقة ورجعت تكات لتالي لين شعرها تهز و تحط

حطت يدها على كرشها و تحكي معا البنبينو

-في بالك اللي انت محظوظ اللي عندك احلى و احن بو في العالم؟

اكيد انا محظوظة اكثر منك خاطرني مرتو و روحو ههه و محظوظ زادة خاطرك عندك ام كيفي انا عسولة و محلاها هههههه

ايا توا نقومو ندوشو و نفطرو وتوا نقعدو نحكيلك كيفاه تعرفت على بوك

قامت عملت دوش ولمت بيتها لبست شورط قصير و خلعة سبونج بوب و كرشها بدات تكبر شوية ..

شعرها مسيب .. هزت فطورها و خرجت للجنينة حطت غنا و قعدت تفطر و تغني و عاملة جو

التاليفون يصوني

-وي حبيبي

-يا روح حبيبك انت .. صباح الفل

-صباح النور و الفل و الياسمين .... صباح الحب حبي

-فطرت؟

-هاني نفطر .. وقتاه تروح انت

-منبطاش عندي شوية خدمة نكملها و نروحلك

-هههه جو جو

-هههه اي متفرحش برشا باش نتعبك راني

-نرمال المهم تجي بكري قلقت وحدي

-برا اخرج اعمل قهوة مع جوزي

-لا موش توا ... تاعبة و دايخة اليوم و الدنيا سخونة

تنطر مالكرسي جا واقف

-شبيك دايخة شفما

-شي حبي متخافش اما مالوحم ممكن

-فجعتني يا سخطة .. ايا برا ريغل اومورك توا نروح فيسع

-باهي معناها نفطرو مع بعضنا

-نفطرو مع بعضنا ....

-اممم و تجيبلي بيزا..

-نجيب لحبي بيزا

-انا شاهية حاجة

-شنية هي روحي

-شاهية برتقان

-حبيبي امان توا برتقان في عز الصيف

-شنية نعمل انا والله شاهيتو

-و انا منين باش نجيبو توا

-خلي كريم توا ولدي تجي فيه برتقانة قد راسك و نقلو اللي انت محبيتش تشريلو اوكي

-باهي عفروتي كلو الا غشك توا نتصرف يا روحي و نجيبلك

-اممم باهي و متبطاش توحشتك انا

-هههه حتى انا توحشتك يا مهبولتي

في بالك اللي انت خليتلي يدي زرقة بالعضان متاعك

-تي اكهو حبي شهوة شهوة

-اي لا الحق ملا شهوة

-هههه ايا بيبي اتلهى اخدم خليني ناكل راني جيعانة و انت عمتلي شوية فطور

-يا روحي هذاكا الكل شوية

-اي شوية و انا جيعانة

-باهي يا روحي كول صحة و بشفا ايا سايس روحك باي

-باي نحبك

عنقت التاليفون و باستو كيما كل مرة يعلق فيها كريم

خزرت للبلاتو اللي قدامها تلقى روحها كملت التارتين اللي عملهملها و الكرواسون و القهوة و الجي و الكايك و مزالت جيعانة

تكاات عالكرسي و بوزت كيما الصغار ... بعد جاتها فكرة ... علاش مطيبش كراب و غاتو و تاكلهم ...

دخلت للكوجينة طيبت الكراب بالشوكولا عملت اربعة كعبات كلاتهم حست روحها سافا تفرهدت و شبعت

نضمت الكوجينة و حلت الفريجيدار باش تشرب تلقى حكة النوتيلا هزتها و هزت مغرفة و مشات للصالة حلت الكليماتيزور و حطت فيلم و تكات عالكانابي و مركحة النوتيلا على كرشها

تتفرج في Ashiqui 2 و تاكل و تبكي

💗الحلقة 17💗

كمل الخدمة .. نضم الاوراق سكر الباب و جا خارج تعدى للسكريتار

-امينة

-نعم سي كريم

-اسمعني منيش باش نحضر للاجتماع متاع العشية باش يحضرلو بلال في بلاصتي و غدوة ممكن منجيش كان فما حاجة ايرجون كلموني توا نجي

-حاضر سي كريم

طلع في الكرهبة و تعدى شرا البيزا و قعد يدور و يلوج على البرتقان ملقاه كان ما روحو طلعت

ركب في الكرهبة و طار للدار يستنى وقتاه يوصل توحش عفروتو روحو

وصل للدار حل الباب في بالو باش يلقاها تستنى فيه و مهبلة روحها كالعادة نويزات و مكياج و شعر و برفان ...

يلوج بعينيه ملقاهاش جا باش يطلع للبيت يسمع في صوت التلفزة تلفت يلقاها متكية على الكانابي و حكة النوتيلا على الطاولة و اكيد التلفزة محطوتة في م.ب.س بوليوود

شعرها هابط على وجها

قعد على ركايبو بعدلها شعرها على وجها

فمها مبلحط بالشكاطة يضحك اما ديما سكسي ... رموش عينيها اللي واصلة لحواجبها ... خدها احمر ....

طبس عليها باسها من شفايفها بالشوية و نحالها الشكلاطة اللي مسختلها وجها

حست حاجة دغدغ فيها حلت عينيه بالشوية ...

تشوف في الوجه الملائكي اللي تتمنى تعدي حياتها تخزرلو

تبسمت و باستو من شفايفو برومنسية هبلتو و

دخلتو في حيط

-حبي ... جيت

-لا عفروتي مازلت ما جيتش توصي حاجة

-هههه يا بليييد

-ههه يا روح البليد ... ياخي متشبعش بالنوم؟

-و الله مفقت بروحي كليت و رقدت

-هههه ايا باهي ... ايا تقوم تعمل دوش توا نحضر الفطور

-اممم باهي جبتلي اللي قتلك

-اي يا روحي اكيد

-عيشلي روجلي الله لا يحرمني منك

-ايا برا يا روحي بدل دبشك و اعمل دوش

قربلها عاللخر

-و حضر روحك باش ناكلك راني

حشمت و وجها حمار هبطت راسها و ولات تتبسم

-هههه عيشو الحشام هو

ياخي مزلت تحشم مني ... مرتي راك عنا 3 سنين عرس و لتوا حاشمة

-تي يزي بلا بلادة

قامت تزرب طلعت للبيت عملت دوش لبست روب نوار قصيرة برشا و كرشها بدات تكبر زادت حلاتها ...

صدرها عريان جبدت شركة اللي جابهالها كريم في عيد عرسهم الاول فينو و فيها قلب هابطة لبين صدرها

لبست خلخال فينو فيه وردات صغار ساقيها بالروج و يديها كيف كيف

سيبت شعرها لبست شلاكة طالون و هبطت تتبختر تلقى الطاولة معبية بالخيرات و خاصة البيزا اللي شاهيتها و البرتقان اممم جو

كي سمعها هابطة تلفت قعد يخزرلها ...

بدنها اللي زاد حلا بكرشها ... ريحت البارفان طير العقل ... بدنها ابيض يلمع يهبل .

الروب و الخلخال اللي اغراه و صدرها المكبوس واقف يلم في الحليب

-واااااو شنية الزين هذا ... وتاتك الحبالة يا لفعة

-هههه عيش حبي

-ههههه شنية عيش حبي و ماشية باش تقعد اكهو

-هههه مالا شنية تحب

مشالها ... هو يقدم و هي توخر

-ههه امان حبي خلي بعد الفطور

-منجمش يا روحي .. خزرت لروحك في المرايا

-هههه باهي امان و الله جيعانة

-باهي هات بوسة توا نسيبك

قربتلو باستو من شفايفو بالقوي زادت هبلتو

-يا سخطة ياخي تحب تمنع ولا تحب تخلى عليك

-هههه بربي يزي عيش حبي

-باهي ايا امشي كول فيسع باش تتلهى بيا

قعدو على الطاولة يفطرو و يحكيو

الباب دق

-زعما شكون جانا

-منعرش ممكن جوزي ...

-باهي توا نمشي نحل

-لا اقعد روحي توا انا نشوف انت ثقيلة حبي اقعد كول لين نجي

-لا توا نستناك

خرج باش يحل ...

لابسة روب طويلة خلعة بلون شعرها مقصوص مسيب شادة الفاليز

-انت ... شتعمل هوني .. لباس جايتني لداري

نحات اللينات ببروديت دم

-في عوض تقلي الحمد الله على سلامتك ... و تجي طل عليا

قربتلو

بعد الطريحة اللي عطيتهالي

-شنية تحب انت ...

-شي ... جاية نطل على ولد عمي ... عيب

هز يدو باش يدزها

-أهلا نور سافا ... لباس رتحتشي

بعدت عليه و مشات عنقت عفراء

-اهلا عفروتة وينك .. هكا مطلش عليا ؟

-الله غالب

خزرت لكرشها

-نشا الله كيما نرا عندك ...

نور وجها صفار و لخلخ تبسمت تبسيمة صفرة

-يااا مبروك عزيزتي

موش مشكل المهم انت لباس

-عيشك ...

خزرت للفاليز و بعد خزرت لكريم تحب تستفسر منو

-ادخل باش تقعد البرا؟

-عيشك ...

دخلت الفاليز و دخلت

-ياخي شفما شبيها جايبة الفاليز متاعها

- و انا وين نعرف عليها

-باهي هيا ندخلو نشوفو الحكاية

كريم يغلي و يربرب من داخل

ظاهر فيها التريحة اللي كلاتها مكفاتهاش

و مصح رقعتها جاية لداري و جايبة الفاليز معاها زادة

دخلت و قعدت تلعب في عينيها على الدار واسعة و كبيرة و مزيانة

دار هاذي نورمالمون تكون دارها هي و تعيش فيها مع كريم اما عفراء دخيلة

و توا باش تبدى رحلتها مع عفراء ... باش تكرها في حياتها و تعذبها

باش تكره كريم فيها ... هاذي اخر فرصة ليها باش يكون ملكها ... اخر ورقة باش تلعبها و لازم تلعبها صحيح ....

-تفضل اقعد

قصة على افكارها الشريرة اللي جات في

مخها

-عيشك عيش اختي

-ايجا افطر معاناقعدت على الطاولة و قعدو يخزرو

ايجا افطر معاناقعدت على الطاولة و قعدو يخزرو لبعضهم

كريم و عفراء حاشمين باش يسالوها علاش جايبة الفاليز معاها ...

هي فهمتهم يحبو يعرفو شمجيبها

-سامحوني جيتكم هكا على غفلة

انا كيما تعرفو كنت في السبيطار فما شكوون تعدى عليا

خزرت لكريم قعد يقحرلها

-المهم انا منجمش نرجع للفرنسا و انا في الحالة هاذي ... و عندي برشا خدمة هوني و معندي حد كان كريم ولد عمي

قلت نجي نعدي بحذاكم ايامات و نشا الله منثقلش عليكم

عفراء مسكينة صدقتها و في بالها بالرسمي مريضة و مستحقيتهم

-اي عزيزتي اكيد مالا شكون عندك انت

كريم خزرلها متغشش

-عيشك عفراء

و انت كريم ميسالش نقعد

-مرحبا بيك

اصلا معندوش ما يقول مدام عفراء قتلو اي

توا عاد ما عاد ينجم يوقفها شي

توا تنجم تنتقم و تلعب لعبتها الخامج

💗الحلقة 18💗

قعدت تخزر لكريم كيفاه وجهو ملخلخ و في قلبها تقلو "مزال يا كريم ... مزلت ما ريت شي"

عفراء تتبسملها و تاكل في البيزا اللي شاهيتها و مهيش متوقعة اللي نور شيطان ودخل لدارها

نور تفطر و تخزر لكريم من تحت و هو عينيه حمرة و نارو شاعلة ...

-اممم برتقان و في الصيف

-اي انا شتهيتو ياخي كريم جابلي

-اممم صحة ... انا زادة شاهيتو

-اي تفضل كول

-لا وه كعبة بركا و انت شاهيتها حبلة كول

-اي عفراء كول انت حبلة و زيد مفماش هاكي اخر كعبة

-لا كريم نرمال و الله كول نور

خذاتها من يدها بكل صحة رقعة و بدات تاكل و عفراء تخزرلها

كريم فد و دخل في حيط ... بدات من توا بتصروفاتها متاع الفروخ

وقف بغل و مشالها خذا من يدها البرتقانة و رجع لبلاصتو

عفراء حست الطفلة تنبزت و ما عجبتهاش الفازة

-كريم شبيك

-شبيني؟؟؟ ماك شاهيتو كول ... ما يساعدنيش ولدي تطلعلو برتقانة في راسو

بدلها بضحكة و خزر لنور ...

-سامحنا نور عادة... توا نشا الله كي تعرس و تاخو عبد يحبك و يخاف عليك كيما انا نحب عفراء و نخاف عليها و تحبل توا تعرف علاش انا عملت هكا

تحمصت و وجها حمار .. تبسمت تبسيمة صفرة و هو يوكل في عفراء

-نشا الله ربي يدوم العشرة

دارلها كريم و قحرلها

-عيش اختي

-احممم ... انا الح...مد الله ..

مهمهت و قامت مالطاولة

وقفت عفراء باش توراها بيتها

-بالشوية حبي موش وصيتك معاش تقوم هكاكا بقوة

شدها من يدها ...

-سامحني حبي نسيت

قربلها و حط جبينو على جبينها و شبك صوابعو بصوابعها

-معادش تنسى عيش حبي ...

باسها بوسة خفيفة من شفايفها و نور وجها حمار و عينيها تعباو بالدموع اما ملازمهاش توري ضعفها

عفراء تصدمت خاطر اول مرة كريم يبوسها قدام العباد و علاش عمل هكا

-احمم ... هيا نور نوريك بيتك ..

-هيا عيش اختي انا بيدي نحب نرتاح تاعبة

-ستنى توا نطلع معاكم

-وه كريم شبيك ... توا نوريها بيتها و نجي

-باهي متبطاش حاشتي بيك

-هههه باهي اوكي

طلعت نور مطلعة الفاليز و عفراء قدامها تمشي بالشوية

نور كان تلقى تجبدها من ساقيها و طيحها و تضربها و تقتلها

اما موش هذا الحل

طلعتها للطابق الثاني فما اربعة بيوت ... بيت نوم كريم و عفراء كبيرة و بجنبها بيت سجود

و في الجنب الاخر البيت اللي باش تعطيها لنور مقابلة بيت نوم عفراء و كريم فما البيرو متاع كريم نور تلعب في عينيها

-ايا عزيزتي هذي بيتك

حلت الباب

بيت كبيرة شوية فيها فرش كبير و طابل دو نوي

كوافوز و غارد روب و بلكون و تلفزة

-هاذي بيت ضياف ممكن مكركبة شوية ديزولي مفيباليش بيك جاية و الا راني زدت نضمتها

-لا موش مشكل عيشك

-ايا برا نضم دبشك و ارقد ارتاح توا بعد نقيمك للعشا

-اوكي عيش اختي... اما نحب نعمل دوش

-ااا اوكي الدوش هذا مايمشيش توا نحضرلك الدوش اللي في بيتي نعيطلك

-عيشك...

تبسمتلها خرجت و سكرت الباب وراها

نور ترمات عالفرش و هزت التاليفون

-الو ... وي

قلي القرطاس اللي عطيتهولي نجم نحطهولها في فرشها

-اي اكيد اما تركنو بالباهي في المخدة و الا رشو على الفرش

-متاكدة يعطي مفعولو

-في ضرف نهارين تولي في عينيه غولة و ريحتها زفرة و معاش يحملها

-باهي توا نكلمك كي نستحقك

علقت و مشات حطت دبشها في الغارد روب

كريم استبطاها طلع وراها دخل لبيتهم يسمع في الما متاع الدوش سكر الباب و دخللها

-حبي فاش تعمل

-نحضر في الدوش لنور

-نعم ليلا؟؟؟ شنية هاذي ناقصني كان نور تدخل لبيت نومي

-تي شبيك على الطفلة حبي

-منهضمهاش

وزيد انا موش موصيك منحب حد يدخل لبيتنا

-حبي يزي بلا عياط امان توا تسمعك

قربتلو و حطت يدو على صدرو

-توا الطفلة تحب دوش و الدوش مكسر شنية باش نعملولها

-دوش في الدوش اللوطة اما باش تدخل لبيتنا انسا اوكي

و هاني نوصيك يا عفراء

البيت ديما مسكرة بالمفتاح هي و بيت سجود و رد بالك تعطيها دبشك و الا تاكل من يدها حاجة و الله تشوف شنية نعملك

عفراء تفجعت منو اول مرة تراه في الحالة هاذي

عينيها دمعت كيفاه عيط عليها

حس اللي هو كان قاسي معاها اما هي شنية ذنبها مسكينة

متعرش اللي هي شيطانة و تنجم تعمل كل شي

عض على شفايفو ... عينيها حمارت و خشمها كيف كيف

حملها و باسها من شفايفها بوسة طويلة

-بربي لا تبكي يا روحي ... دموعك غالية

سامحني عيطت عليك منقصدش

خايف عليك

-مناش كريم؟ فهمني

-من كل شي يا روحي منيش عاطي الثيقة في حد

نخاف عليك مالنسمة و الله

-باهي و البانو اللي عبيتو شنية نعملو

قربلها عاللخر

-نمشي نقول لنور تهبط للدوش اللوطة و انت اقعد في البانو لين نجي

غمزها و خرج

مشى لنور كشاكشو طالعة

دق الباب خرجت في يدها الكاب دو بان و في اليد الاخرى مخبية القرطاس

تتبسم في بالها عفراء

تشوف فيه يتبسم و يخزر في خزرة متاع شر

شدها من رقبتها و دزها لين جابها عالحيط

طاح الكاب دو بان و بقات مكبشة في القرطاس

تتبسم في بالها عفراء

تشوف فيه يتبسم و يخزر في خزرة متاع شر

شدها من رقبتها و دزها لين جابها عالحيط

طاح الكاب دو بان و بقات مكبشة في القرطاس

-العابك مهيش باش تتعدى عليا و ماليوم باش ناقفلك كيما الشوكة في حلقك

يا انا يا انت و ريت ر** تحاول تقرب لعفراء المرة اللي فاتت دخلتك للسبيطار المرة هاذي نسفرلك بروحك

تحب تنحي خمجك متنحيشو في بيتي برا هيكا الدوش متاع الضياف نضف روحك

وجها زراق و لات تفرفط بين يديه

-و بيتي و بيت مرتي متحاولش تدخلها خاطرها نضيفة و ميساعدنيش وحدة خامجة كيفك تمسخها

دزها جات عالفرش و خرج

تجبد في النفس بالسيف و تكح

سكر الباب و خرج

دخل لبيتو سكر الباب بالمفتاح

نحى النقالة و نحى دبشو قعد بشورط

دخل لبيت البانو يلقاها الكلها ورد

و البانو كلو ورد و شمع و غنا كالم و عفراء في وسط البانو و ساقيها مخرجتهم لبرا تلعب بيهم و الخلخال مزينهم

تبسمتلو و عيطتلو بعينيها

-واااو شنية الجو الرومنسي هذا

-ههههه خاطر مرتك رومنسية و تحبك

-امممم واكهو

نحى الشورط و دخل في وسط البانو و حطها قدامو بين ساقيه

شعرها ملموم كعكة و هو يبوس فيها من رقبتها و هو هابط لبدنها

نور حاطة وذنها عالحيط و تسمع في ضحك عفراء و كلامهم الرومنسي

تسمع فيها كيف تدلل و تتوجع و هو يسايس فيها و يقلها في كلام حلو

تسمع حتى في صوت الفرش اللي بالشوية بالشوية ولا يتحرك بقوة و هي قلبها باش يخرج من بلاصتو

تسمع في الآه متاعو و متاعها اللي تخلطو

زاد كرهها لعفراء كبر و غيرتها حمصتها

قعدت تمشي و تجي في وسط الدار و تلوج في حل باش تتخلص منها

ضاهر فيه كريم مهوش باش يخليها تقربلها ...

هبطت عملت دوش لوطة و حبت تهدي الجو شوية حتى لين تقرب اكثر لعفراء و يوليو صحاب و بعد يا حي

كريم حمل عفراء و رقدها عندو يلعبلها بشعرها

عمر البرطابل باش يمشي يروح بسجود

قام الاربعة لبس و قيم عفراء لبست دبشها و خرجو

-حبي متوصي شي باش نجيب سجود

-شي حبي سايس روحك

-نحبك سايس روحك و كيما وصيتك اه

-باهي يا روحي تهنى و الله

باسها و خرج

مشات عفراء عملت تاي اخضر و حطت غاتو و حطت فيلم و قعدت

شوية و هبطت نور تتكسل

-صحة النوم

-عيش اختي

-اااه تفرهدت شوية

-اي سافا عيشك

-ايجا اقعد ... تحب تاي

-عيشك ... فاش تتفرج

-فيلم هندي كيما العادة ههه

-كول غاتو

-عيشك ... مغرومة بالافلام

-اي نعشقهم ...

ايا باهي ... انا نموت على افلام الرعب

-انا منبه عليا كريم باش منتفرجش فيهم خاطر في الليل نولي نحلم و نبكي و زيد ماللي حبلت معاش مخليني نتفرج في شي خايب

-ايا باهي ... خير

قعدو يتفرجو ساكتين

عفراء على نيتها و اللخرة تاكل في روحها تحب تقوم تمرمدها اما عارفة اللي موش حل و كريم يقتلها و اكاكا تخسرو

-وينو كريم

-مشى يجيب في سجود

-ويني هي

-في الروضة

-اممم ايا باهي انا بيدي نحب نراها

-يا بنتي توا تراها ياسر ناشطة مشا الله

هوما يحكيو و كريم دخل محمل سجود و يحكي معاها

هبطها و هي مشات تجري لعفراء

-مامااااا

-يا روح ماما

حملتها و تبوس فيها و سجود تحكي بيدها و تحكيلها شنية صار نهار كامل

-ماما هارون تتاني انا وليت ابكي زربني على زهري

-اللطف على بنتي ... توا نوريه توا نقول لسندس تضربو

-لا لا محبش ارون ابكي تتيشو

-هههه يا لفعة متحبوش يبكي؟

ايا برا بوس طاطا نور

خزرتلها سجود و محبتش تمشيلها موش مستانسة

مستانسة تروم

ولات تبكي و محبتش تمشيلها

كريم تبسم

-ايا سيبلي بنتي متحبش تبوس ايجا نفرغو الساك و نطيبو العشا

-لا حبي توا انا نطيب

-لا عزيزتي انت ثقيلة و اكيد تاعبة من بكري اقعد ارتاح

-هههه يا بليد

-ههه ايا سجودة هيا نمشوي

-تحبش نعاونك

-لا خلي عليك

💗الحلقة 19💗

نور زادت فدت كيفاه ماللي جات و هو ينبز فيها و يستكلها اما مهيش باش تستسلم

زادت فدت اكثر كيف شافتهم كيفاه متفاهمين و فرحانين و يحبو بعضهم

دخل كريم للكوجينة و معاه سجود حطها على الرخامة و قعد يقص في الخضرة

عفراء قلقت حست روحها موش على راحتها مستانسة كي يبدى كريم يطيب تمشي تقعد بحذاه و يبداو يفدلكو و يلعبو مع سجود

شدت روحها معاش تنجم

-خليني نمشي نشوف كريم يستحقش حاجة نعاونو فيها

-اي اكيد تفضل

قامت عفراء تتبختر و هي تخزر لكرشها و عينيها باش تطلع منها

جبدت سيغارو مالساك و شعلتو

عغراء كي سمعت صوت البريكي دارت تلقاها ترحي في الدخان

فدت خاطر قلة احترام نورمالمون تخرج تتكيف البرى الطفلة صغيرة و هي حبلة

دخلت فادة للكوجينة

-عفراء شبي حبي

-برا شوف بنت عمك شعاملة

-شبيها اش عملت

-نرمال هي ياخي مشعلة سيغارو و تتكيف في الدار الداخل

كريم فد و الدم طلعلو طيش السكينة و

مشالها عينيه تتشاعل جبدها من يدها و خرجها للجنينة يكرر فيها

-اي اي شبيك ياخي لباس شعمتلك انا

دورها قدامو بقوة

-ياخي ربك متفهمش ؟؟؟ مسكرة هوني

يضرب فيها على راسها

ياخي تحبني نقضي عليك ؟؟؟

موش قتلك اي حاجة تعملها تحب تضر بيها مرتي و الا بنتي راني نقضي عليك

-شعندي عملتلهم انا ياخي

-السفا اللي تتكيف فيه متتكيفوش في داري و مرتي حبلة و بنتي صغيرة فهمت و الا نفهمك بطريقة اخرى

هز صبعو قدامها يهدد فيها

-هاذي اخر مرة يا نور تعمل حاجة كيما هكا

المرة هاذي باش نعديهالك بكيفي

المرة الجاية نخرجك منها دار و انا نكركر فيك من شعرك فهمتني

عيط عليها صوتو كان قوي كي الزلزال هزها و حطها

-متنساش الفيديو اللي عندي عليك اللي نجم نباصيك بيه

-** بيه الفيديو

المحامين اللي عندي ينجمو يخرجوني منها كيما الشعرة مالعجينة و مرتي تحبني و تسامحني و التصاور اللي تهدد بيا فاهم خاف على روحك خير....

كان يراهم بوك شنية يعمل فيك و الا كان يهبطو في الجرايد شنية يصير فيك

تحب تقعد هوني تقعد بقدرك مكانش تطير

عفراء تخزر مالشباك اما موش تسمع في شي تشوف كان في كريم يحكي بيديه ديما كيف يتغشش يولي يحكي بيديه و وجهو احمر و نور قدامو مهيش ترا فيها بالباهي خاطر هي زادة طويلة كيما كريم و منجمتش تراها بالباهي

سجود تجبد فيها من ساقيها

-ماما بي بي ماما

-باهي ياروحي ايجا نهزك

ولات تبكي هزت الكرهبة و خرجت تجري

دخل و سكر الباب وراه لين طرشقو

عفراء تفجعت و هبطت تجري و في يدها سجود

-شفما كريم لباس

-لباس هيكا قلبت وجها علينا

-وووه يا كريم امان علاش هكا علاش منبهتش عليها و السلام

-نبهت عليها ياخي تغششت و هزت روحها و مشات

ايا ايجا نتعشاو و معاش تجبدلي عليها

-كيفاه الطفلة امانة و كي يكلمك بوها يسال عليها و زيد بعد الفازة اللي صارتلها

اووه امان كريم برا جيبها

-عفراااء

عيط عليها عيطة خلاتها ترعش في بلاصتها و شدت كرشها مالفجعة

عينيها وساعة

سجود تخبات ورا امها

عدى يدو على شعرو و نفخ

-معادش نحب نسمعك تحكي عليها

ابعد عليها راهي كالجرثومة متجيب كان المشاكل مصدق لربي خرجت علينا مالدار

هز صبعو في وجها يحذر فيها

-معادش .. تبعها مفهوم

قعدت تخزرلو و تخزر للكره اللي لي عينيه

علاه يكرها هكا و هو قال اللي هو ميعرفهاش

علاش ميحبهاش تحكي معاها

علاه عيط عليها و هو عمرو معملها

قعدت باهتة في تفاصيلو الجديدة اللي اول مرة تراهم فيه

عينيها تعباو بالدموع

طبست على سجود حملتها

-عزيزتي ماما تحب تنني انت تنني زادة

-اي انا نني

هزتها و مشات لبيتها و كريم يخزرلها حس بالذنب كيف عيط عليها

حطتها في فرشها و رقدتها

حست حاجة خانقتها تحب تبكي و منجمتش

متحمل حد ينبزها

حست وجيعة في كرشها قوية شادتها و تنزل عليها

خرجت للباب حسة بترهويجة شدت في الباب و وقفت خذات نفس و كملت طريقها و هي شادة في الدروج

كريم حس بخنقة خرج البرة يتنفس شوية

"يا ربي شنية ذنبها هي يجي غشي الكل فيها "

طالعة في الدروج شادة فيها و الوجايع تقطع فيها "يا ربي شنية كليت معدتي باش تتقطع "

وصلت لبيتها بالسيف تحل في الروب و السلسلة من تالي منجمتهاش باش تتخنق تحب تنحاها

هذا الكل مالفجعة اللي كلاتها اول مرة يصير فيها هكا قلبها باش يطلع من بلاصتو

كريم سطبطاها و تحير عليها طلع للبيت

الباب محلول دزو و دخل بالشوية

يشوف فيها متركزة على الكوافوز و شعرها هابط على وجها

-حبي شبيك

تتنفس بالسيف و موش منجمة تتكلم

بعدلها شعرها يشوف في وجها ازرق

-عفراء شبيك فاش تحس؟

حطت يدها على كرشها و ولات تعيط

-ااااااه اااااه

حملها و حطها عالفرش

حللها السلسلة و نحالها الروب باش تتنفس شوية

مشى يجري طلب الطبيب و عطاه الادراس و هي تعيط و تصيح

كريييييييم امااان اجرييييليييي ااااااه وجايع

-سملا على حبي يا ربي سملا شكليت

-شي نسيييت ااه

-اصبر شوية امان هاو الطبيب جاي

يسمع في سجود تبكي

شنية باش يعمل توا ما بين عفراء و سجود

كلم جوزي جاتو قبل حتى ما يجي الطبيب

قعدت مع سجود محملتها و لاهية بيها و كل متسمع عياط عفراء تبكي

كريم يضبضب يمشي و يجي و يطلب في الطبيب يحب يشوفو وين

شوية و وصل الطبيب طلع يجري للبيت

-ويني المدام

-امان دكتور راهي باش تموت بالوجايع

-باهي متخافش سي كريم استنى البرا

دخل و سكر الباب عمللها زريقة باش تهدى عمللها ايكو و بعد عيط لكريم

دخل كريم يلقاها راقدة

-شفما دكتور

-سي كريم المدام لباس عليها

ممكن ستراس و ضغط

-اي خاطر انا عيطت عليها كيف تفجعت شدت كرشها

-مالا اكهو مالفجعة كانت قوية عليها

-و ولدي لباس

-اي الحمد الله لباس توا عمرو 4 شهر كان جا اصغر راهو طاح مالفجعة

-اللطف ... الحمد الله ربي ستر

-اي اما موش كل مرة تسلم الجرة

-شمعناها

-معناها المدام بدنها ضعيف برشا و معروف اللي اي وحدة حبلة موش لازمها الفجعة موش باهية

معناها اتلهى بمرتك لين تولد موش وقتو العرك و المشاكل

و التاهالها بماكلتها دمها طايح

و هذا دوا اشريهولها

فما حاجة كلمني

-باهي عيشك

وصلو للباب و رجع يلقى جوزي محملة سجود و تسكت فيها و هي تبكي على امها

-جوزي عيش اختي تهزها معاك لدارنا

-خليني معاكم

لا برا هز سجود شوف كيفاه تفجعت و انا توا نتلهى بعفراء

توا نرجع غدوة

-باهي عيش اختي

💗الحلقة 20💗

قعد بجنبها على الفرش و شدلها يدها و هي مدورة رايها متحبش تخزرلو

-حبي سامحني عيطت عليك و فجعتك

و الله ما نقصد شي

-كريم شنية حكايتك مع نور

كريم تصدم و وجهو لخلخ

-م..مبيناتنا شي ... علاش السؤال هذا

-جاوبني كريم و متحاولش تكذب عليا ماللي شفتها اول مرة و وجهك تبدل شكيت

جيتها للدار و عركك معاها

مكش حابني نتقرب منها

هذا الكل علاش زعما؟

كريم حس الدنيا دارت بيه و باش تشلق بيه

باش تخليه و باش يخسرها و يخسر بنتو و صغيرو اللي في الطريق اما موش وقتو باش يحكيلها

وقف

-عفراء انا و نور مبيناتنا شي و معندي بيها حتى علاقة

مغير متبدة تشك فيا تعرفني منخونكش

-باهي كريم اخرج خليني وحدي شوية نحب نرتاح

-خليني معاك

-نحب نقعد وحدي

خرج و سكر الباب بغش

عفراء حاسة روحها تاعبة برشا و دايخة و زيد قلبها مقبوض برشا

غمضت عينيها تحاول ترتحهم و ترقد شووية

منجمتش اول مرة باش ترقد و خي مهيش في حضنو

تنهدت و حملت مخدتو تشم في ريحتو

كريم في الجنينة واقف قدام البيسين و حاط يدو في جيوبو يشوف في حياتو اللي باش تضيع من يديه و هو يتفرج عليها

معادش ينجم يتحمل اكثر من هكا

لازمو يلقى الحل اللي يخليه مرتاح و يبعد عليه نور

هز راسو للسما يشوف فيها قداه صافية

.... صافية كيما كانت حياتو مع عفراء قبل ما تجي نور

توا نصف الليل و نور في الكرهبة تجري في بلاصة متعرفهاش .... طريق ضلام ... الدموع مالية عينيها و قلبها كلو كره و غيرة و حسد

منجتمش تتقبل فكرة اللي كريم موش متاعها

اللي هو عندو مرتو و يحبها

عندو بنتو و يستنى في صغيرو الثاني

الحقد اللي في قلبها زاد كبر اكثر

مهيش باش تتحلى عليه بالساهل

مهيش باش تستسلم ...

وقفت قدام بار مضخم و صغير شوية

دخلت و عينيها منفخة بالدموع

-ويسكي

قعدت على البار و شعلت سيغارو

كاس في يد و السيغارو في اليد الاخرى

ترحي في الدخان و كاس ورا كاس

جود كان قاعد مقابلها هو و اصحابو

يشرب و يخزرلها كيفاه تتكيف و تشرب

الحالة اللي فيها متاع وحدة محطمة ...

حس روحو راها قبل ... قعد يثبت في تفاصيلها

موش عارف وين راها اما متاكد اللي هو يعرفها

وقف و مشالها

قعد بجنبها و خذا كاس و قعد يترشف فيه و يخزرلها

-السلام

خزرتلو و مجابتوش

-ضاهر فيك عندك برشا مشاكل و معندكش لشكون تفرغ قلبك

باقي متلفتو ومهيش هوني

أنا نجم نسمعك ... اصلا معندك ما تخسر ... عبد متعرفوش وباقي متلفتو ومهيش هوني

أنا نجم نسمعك ... اصلا معندك ما تخسر ... عبد متعرفوش و مكش باش تعاود تراه مرة اخرى

تنجم تفرغلي قلبك و ترتاح و بعد نمشي على روحي لا تعرفني لا نعرفك

كلامو قنعها و رتحها نوعا ما

الحاجة اللي خلات دموعها تسبق كلامها و قلبها يولي يضرب و الكلام يخرج مغير ما تشعر بيه

-نحبو ... منجمش نعيش حياتي بلا بيه

-شكون هو ... فسرلي

و شنية المشكلة كي تحبو

-هو ولظ عمي و انا ماللي صغيرة نحبو برشا اما هو ما يعرفش خاطرني اصغر منو

المىة الوحيدة اللي راني فيها و ركز معايا في عرس قريبنا

انا فرحة و في ليلة عطيتو بدني

كنت نمن اللي بدني ميستحقو كان اللي نحبو

اما هو عاملني كيما وحدة تبسع في روحها

و هو وقتها كان سكران و موش شالق و اصلا ميعرفنيش بنت عمو

الكلام اللي تفول فيه كاينو يعرفو ... جود زاد ركز معاها يحاول يتفكر وين سمعها الحكاية هاذي

-قمت الصباح قتلو راني بنت عمك و صلح غلطتك معايا راني نحبك

طلعت لفرانسا و خليتلو الورقة على الطاولة

و هو شعمل ؟ مشى خذا وحدة اخرى مصفارة . متسوى شي

و انا رجعت باش نرجعو ليا

اما هو ذلني و ضربني و هاني و طردني من دارو على خاطر مرتو

ركزت الكاس بالقوي

-والله الا ما نقتلك يا عفراء

كيف سمع الاسم ترهوج ...

-ش...ن...ية اسمو

-كريم ****

عينيه ضببت ..ظ ضرب راسو و تفكر اللي صار قبل خمسة سنين في عرس قريب كريم و الطفلة اللي حكالهم عليها و اللي هو سكران و مهوش في عقلو و اللي هو كان باش يصلح غلطو اما حبو لعفراء خلاه ينساها

-كريم يا كون ليا يا ميكون لحد

و كي هو محبش يرجعلي انا باش نقتلها و نرتحو منها

هي و بنتها و صغيرها اللي في كرشها ...

-كيفاه باش تقتلها

-ههههه انا توا بديت بالخطوة اللولة و باش نكرهو فيها و نخليه يعيفها

-كيفاه

-حطيتلها سحر في التاي ... كي يقوم الصباح باش يولي يكرها و معادش يحملها و يعذبها لين تخليه و تبعد عليه و وقتها يا يحبني و يرجعلي ية نقتلها

وقف مربوث مالكلام اللي سمعو

- و شنية ... شنية الحاجة اللي تنجم تيطل مفعول السحر

-شي .... كان اللي عملها ينجم ينحيها

-و شكون اللي عملها

-ههه موش كاينك تحب تعرف اكثر ماللازم

قعد يخزرلها ... يخزر للفرحة اللي في عينيها ... شيطان واقف قدامو

كيفاه يعطيها قلبها تعمل اللي عملتو

خرج يجري طلع في كرهبتو

المشكلة موش عارف دار كريم وين

و حتى كان عرف شنية عندو يعمل

هي توا عملت اللي في مخها

و كريم الصباح باش يتبدل معاها و باش يعذبها و هو ما يحملش فيها

💗الحلقة21💗

قام الصباح يتكسل فرحان ...

تلفت لجنبو ملقاهاش قام دخل للدوش و خرج لبس دبشو و هبط

دخل للكوجينة يلقى الطاولة معبية بفطور الصباح تبسم و قعد يستنى فيها لين تجي

دخلت عفراء لابسة روب قصيرة بيضة شعرها مسيب و ريحة البارفان متاعها تعشق

مشاتلو من تالي عنقتو و باستو

-صباح الفل يا روحي

كيف هبطت تبوس فيه شم ريحة دورتلو خواطرو

-صباح الحب يا روحي

قعدت بجنبو تتبسم و تاكل

حس روحو مخنوق و مهوش ماخو راحتو

-شبيك عزيزي

-شي حبي ...موش عارف شبيني متقلق

-اللطف عليك مناش

-موش عارف والله

خليني نمشي للخدمة

-موش كنت باش تقعد معايا

-منجمش ...عندي برشا خدمة لازمني نمشي

ايا باي

-افطر كريم شبيك

-صحة صحة معينيش و تعدى جيب سجود

-منسيت شي

-لا علاه

-لا شي...

-ايا باهي السلام

خرج يزرب يستنى وقتاه يوصل للكرهبة

حس روحو مخنوق و موش حامل القعدة في الدار

طلع في الكرهبة و قعد يخمم

اول مرة يحس روحو فاد و هو مع عفراء بالرغم يحبها برشا

خرج بالكرهبة وصل للخدمة طلع للبيرو مغير ما يحكي مع حد

جود شافو كي دخل المرة اللولة قعد متردد يدخل يقلو و الا لا

و بعد قرر يمشيلو

دق الباب

-ادخل ...

-صباح الخير كريم

-اهلا جود سافا

-الحمد الله سافا ... جيتك على الاوراق اللي باش تصححها

-اي اكيد هات

مدلو الاوراق و قعد يخزرلو

-عفراء لباس

-اي الحمد الله

-و انتوما لباس مع بعضكم

-اي علاه

-لا شي غير نسأل

حسو متبدل اما موش منجم يحكي معاه ...

-كريم صاحبي باش نسألك حاجة

-اكيد جود تفضل

-لا حكاية مهيش تابعة الخدمة ... هيا نخرجو نعملو قهوة و نحكيو

-باهي هيا نمشيو للكفيتيريا خاطر عندي برشا خدمة

هبطو للكافيتيريا هبطو قهاوي و قعدو

-اي احكي جود

-كريم ... موش عارف كيفاه باش نحكيلك

-نشا الله خير شفما

-تتفكر نور اللي حكيتلنا عليها وقت عرس قريبك و اللي صار معاها

كريم تفجع و وجهو لخلخ

-اي نتفكرها علاه

-شفتها البارح ... بالصدفة .... كي شفتها تفكرت الحكاية ... شعملت معاها

-شي ... الحكاية وفات و تعدات

-ايا باهي ...

كريم محبش يتعمق معاه ... مهوش حابب يصارحو خاطرو خايف منو .. خاطرو يعرف اللي جود كان يحب عفراء

يحب يصدو و يبعدو ميحبو يسمع شي عليه و على مرتو

-هذا علاش انت تحب تحكي معايا

-اي

-ايا باهي هيا توا لازمني نرجع نخدم

جود قعد باهت في تصرفات كريم

هو كان ناوي يعاونو اما هو صدو

هو توا مسؤول علي باش يصيرلو

نور بعد ما عدات ليلة كاملة من بلاصة لبلاصة رجعت لدار عفراء باش تهز دبشها و تخرج و تشوف شنية الاجواء

وقفت الكرهبة و هبطت ... الجو هادي و مفماش برشا صوت

حلت الباب و دخلت

-عفرااء

عفراء كانت في بيتها ... بعد ما قعدت تخمم علاش عمل معاها اكاكا رقدت

طلعت نور للبيت تلقاها مسكرة ... دخلت للبيت اللي هي فيها لمت دبشها

جات باش تخرج سمعت عفراء تحكي في التاليفون

-سندس كريم صبح متبدل ... مهوش طايقني

منيش عارفة شنية اللي صار البارح تعدات ليلة عسل و اليوم...

اي ممكن ستراس ... انا خممت نعملو سيربريز و نخرجو ... نمشيو لكندا و نبعدو على الجو هذا

نور كيف سمعت كلامها تفجعت

اكيد ما يساعدهاش كريم يبعد من قدامها ... لازمها توا خطة اخرى

دخلت للبيت رجعت دبشها و مشات لعفراء

دقت الباب

-شكون

-انا ... نور

-لحظة نور

خرجتلها عفراء تتحرك بالسيف كرشها بدات تكبر

-صباح الخير نور

-صباح النور

عفراء نحب نحكي معاك

-اكيد هيا نهبطو للصالون

قعدو في الصالة و نور مهبطة راسها زعمة حاشمة

-سامحني عفراء عاللي صار ... انا الايامات داخلة بعضي ... و منيش عارفة كيفاه نتصرف

-مش مشكل ... انت في مقام اختي و انا منيش متغششة عليك

-عيشك عفراء ... معناها قلبك صافي

-اي عزيزتي اكيد

-ايا باهي

-برا ارتاح شوية توا نطيب الفطور تلقاك جيعانة

-لا ووه انت حبلة برا ارتاح انا توا نحضر كل شي

-عيشك نور عيش اختي

اما ميسالش منيش تاعبة والله

-باهي على كيفك

مشات بدلت دبشها و عفراء بدات تحضر في العشا اللي يحبو كريم

حاطة التاليفون قدامها و تسانى فيه يكلمها

اما شي توا السبعة ... العشا قريب يحضر و هو متكلمش ... موش مستانس ... و زيد خلاها مريضة و تتحرك بالسيف

مستانس كل لحظة يكلمها و يتفقدها و توا ......

شنية اللي صار خلاه يعمل هكا نشا الله المانع خير

هزت التاليفون و طلبتو

-ألو ... وي حبي وينك

-في الطريق

-قريب توصل؟

-اي

-ايا باهي سايس روحك .. نح...

مكملتش الكلمة و التاليفون علق

تصدمت و دمعتها سبقتها

نور تتفرج في التلفزة تقول مولات الدار

اكيد فرحانة اللي هي وصلت للي في مخها توا كريم معاش يخزر لعفراء و هي تكمل لعبتها

مشات لعفراء تعاون فيها على تحضير الطاولة

شوية و كريم دخل ...

-السلام

عفراء في الكوجينة مجاوباتوش ... حستو جرحها

-السلام كريمخزر لنور اما موش بكره .. اول مرة يخزرلها كيما انسانة عادية ...

-السلام ويني عفراء

-في الكوجينة

دخل للكوجينة ... يشم في ريحة مفهمهاش كيفاه

نفس الريحة متاع الصباح

-ويني سجود

صوتو فيه قسوة ... موش هذا كريم اللي كي يوصل يحملها و يبوسها ... يقلها كلام حلو ..

تكلم فيه مغير ما تخزرلو ...

-انا نسالك ويني ... شبيك مجبتهاش

-ياخي موش قتلك الصباح جيب سجود ... ياخي معندكش مخ ... نرمال بنتك لتوا في الغارد

-شبيك تعيط انت؟؟؟؟ ياخي مفيبالكش بيا مريضة نتحرك بالسيف ؟؟؟ و من وقتاه انا نجيبها سجود؟؟

-باهي يا عفراء موش وقتو توا الكلام

وحدة مهملة كيفك متستحقش تكون ام ... انا نخشم على روحي في بلاصتك هذي وحدة بركا منجمتش تتلهى بيها ... فما بالك زوز ...

كان تنيح خير ... مكش اهل باش تكون ام

-امان كريم ... انت تحكي معايا انا هكا؟؟؟ ياخي شبيك شنية صارلك ... مكنتش هكا راك ... بين ليلة و نهار تقلبت ... مكش كريم اللي نحبو ... انت مكش راجلي اللي معاه 4 سنين ...

كلامها حسو ... كلامو طالع من فمو اما موش منجم يشدو ... يحس في حاجة اقوى منو قاعدة تتحكم فيه .. قاعدة تقول في حجات موش هو اللي يقول فيهم ... قلبو يبكي على الكلام اللي يخرج فيه ... يحب يحملها و يطلب منها السماح ... يمسحلها دموعها قبل ما يخرجو ... يقلها اللي فما قوة مسيطرة عليه و مكبلتو ... يقلها امان عفراء انقذني و خرجني مالحرب اللي عايشها

يخزرلها بعينو و موش حاملها ... و بقلبو عاشقها ... يحاول يقاوم اللي قاعد يصير .. عارف ..ظ متاكد اللي نور هي السبب .... اما شنية اللي عملتو ... شنية اللي قاعد يصير .... شنية اللي مخليه مينجمش يتحكم في كلامو مع مرتو و روحو ... تقول دمية و نور تتحكم فيها

خزر لنور يلقاها تتبسم ... زاد تاكد اللي هي السبب ... خزر لعفراء ... موش عارف يوصفها يرا فيها ابشع وحدة ماللي كان يرا فيها ملايكة ... شد راسو و عيط

-ابعد من قدامي ... منيش حامل نراك دور قدامي ... باش تفهم ...

دزها جابها عالغاز لين يدها تحرقت

-اااااااي ... يدي

يسمع فيها تبكي ... يحب يرجع يحملها و يطلب السماح .... و موش منجم ...

-امااان يا كريم ... شنية عمتلك باش تعاملني هكا ...

باقي موش يكلم فيها خرج يزرب و طار بالكرهبة

نور مشات لعفراء داويلها في يدها و سكرت الغاز

حاسبة روحها خايفة عليه

عفراء تبكي و موش فاهمة شي

موش هذا كريم اللي تحبو

موش هذا كريم راجلها و روحها

كريم عمرو ما يعمل هكا

فما حاجة .... فما حكاية لازمها تعرفها

مهيش باش تخسر حب حياتها و هي متاكدة اللي هو ميعملش معاها هكا

كملت نضفت الحراق و خرجت قعدت في الجنينية تمشي و تجي ...

هزت التاليفون و كلمت سندس و حكاتلها

-عفراء متاكدة ماللي تحكي فيه

-اي يا سندس تتصور كريم يعمل هكا معايا

-عفراء الحكاية هذي مهيش غريبة عليا

-شتقصد.... كيفاه

-هذا ما يكون كان سحر ... مكليت شي من عند وحدة غايرة منك

-لا جملا

-عفراء هذا ما يكون كان سحر و اللي عملو يحب يبعد عليك كريم و مدامك ما زلت في اللول لازمك تنقذ راجلك

-باهي سندس علق هاو جاا توا نكلمك

-باهي مقتلي خير يا عفراء

-تهنى ... تعرفني منسلمش في كريم ... روحي هذاكا

متاكدة اللي حاجة اقوى منو ... تهنى منيش باش نخليه

هبطت سجود مالكرهبة تجري لامها

-حبي انا ... يا روحي سامحني منجمش نحملك عندي احة

-عندك احة؟؟؟؟

خزرت لكريم و قلتلها اي ...

شدتها من يدها و دخلو ...

كريم دخل وراها و مكلمهاش حط ساك سجود و طلع بدل دبشو و هبط

قعد في الصالة و عفراء حطت العشا

-نور ايجا تعشى

-لا صحة عيشك ... انا جاني تاليفون و لازمني نخرج توا

-باهي اوكي

خرجت نور و هي متهنية اللي كريم و عفراء مهمش باش يتهناو

💗الحلقة 22💗

قاعد في اخر الطاولة و هي في الطرف المقابل تعشي في سجود

قاعد ياكل و مهوش يخزرلها

يخزر ليدها بالسرقة و هي ملفوفة بالفاصمة و البلاصة متاع الحرقة كبيرة

موش منجم يواجها و لا يخزر في عينيها حاس بالذنب و في نفس الوقت موش حامل يقعد في الدار

موش حامل يراها قدامو ... موش فاهم روحو ... موش فاهم شبيه ولا هكا ... حياتو ولات جحيم

-غدوة عندي موعد مع الطبيبة

باش نشوف الساكس متاع البيبي

باش تمشي معايا؟

-منجمش .. عندي برشا خدمة ...

-ا بون ؟ من وقتاه خدمتك اهم مني

-منحبش نتعارك و منيش حامل روحي دونك مغير مطيرهالي اكثر

-سجودة ايا تمشي لبيتك تلعب

-اي ماما

جات باش تحملها يدها وجعتها ...

-ايييي

كريم كي سمعها تتوجع قلبو وجعو ... اما مكلمهاش

وصلت سجود للبيت و سكرت الباب و رجعتلو

-نجم نعرف شنية حكايتك ... كريم راني عفراء ... راني حب حياتك ... راني عفروتك ... تعمل معايا هكا .... راك متحملش فيا النسمة وليت توا تعمل معايا هكا

اخزر كريم ... اخزر لعينيا و عاود الكلام اللي قلتهولي بكري

قلي اللي انت معادش تحبني ... قلي اللي انت مكش حاملني ندور قدامك قلي اللي انت مكش حاملني

قلي اللي انت معادش تحبني و انا نخرج من حياتك و معاش تراني و نبعد نخليك على راحتك

موش لازم تعذبني اكثر من هكا

كريم احكي معايا

انا متاكدة اللي هي حاجة اقوى منك

انا متاكدة اللي انت متعملش هكا بكيفك

قلي فاش تحس خليني نعاونك

-حاس روحي مخنوق منجمش نعيش فيها الدار

نعرف اللي انا منيش طبيعي اما حاجة قوية و منجمش نقاومها

-علاش متحبش تخزرلي

-منجمش ... منحملش

-متحملش تخزرلي .... مرتك ...

-منيش حاملك دور قدامي افهم ... راهي حاجة قوية عليا ... منجمش يا عفراء ...

-نمشي ...

-متخلينيش ...

-انت تحب تبعد

-انا نحب نرجع كيما قبل

فرحان معاك ... موش منيش حاملك و موش حامل حتى صوتك ... ريحتك ... كل شي كنت نعشقو فيك توا كرهتو ... علاه ... نحب نفهم علاه

قامت و خلاتو

-وين ماشية

-نصلح اللي كسرتو ... نرجع راجلي ... نرجع حب حياتي ... نرجعك يا كريم ...

مشات سكرت البيبان الكل

دخلت للبيرو و سكرت على روحها

حلت البيسي و عملت روشارش على السحر و الشعوذة

تقرا في نفس الاعراض ... اللي يعمل فيه كريم و اللي يحس بيه ... اما شكون عندو يد باش يعمل هكا

تكات راسها على الكرسي و بدات تتفكر ...

ماللي دخلت نور و كل شي تقلب ... ماللي دخلت و كريم ولى على عصابو ... ماللي جات و حياتها تبلبزت

غمضت عينيها و بدات تتفكر كل لحظة عداتها نور في دارها

تفكرت وجايع كرشها ... تفكرت التاي اللي خلتو بجنبها و بعد شربتو و من وقتها و الوجايع في كرشها مقصتش عليها ...

وقفت بزربة

-بهيمة ... انا بهيمة ... كيفاه معرفتش اللي هي مخبيتلي حاجة

خزرتها

تصرفاتها

كل شي فيها يدل اللي هي تخطط لحاجة اما علاه ... علاه هذا الكل

شنية عملتلها تحب تخربلي داري ...

شافت منقالتها تلقاها التسعة ... توا متنجم تعمل شي .. لازم تعرف شنية الحل اللي تنجم تخرج بيه كريم من حالتو ... لازمها تعرف علاش نور عملت هكا معاها ... شنية السر ...

كملت عملت الروشارش متاعها على كل حاجة مربوطة بالسحر هذا و شنية الحاجة اللي تنحيه و كيفاه لازمها تتصرف

لازمها تبعد من قدامو و معاش تحكي معاه و تخليه يتوحشها و يحس ببعدها ... هو الوحيد اللي قادر يقلب السحر على الساحر ... البعد هو الحل باش يرجعلها كريم

باش يفيق على وضعو و يحاول يلوج عليها

خاطر السحر محطوط فيها ... كي تبعد هي هو معادش يتاثر ...

و هي لازمها تشوف شكون ينحيلها السحر اللي عملتهولها نور

اما كيفاه تبعد و تخلي نور معاه؟؟؟

لازمها تفهم الحكاية ... لازمها تبعدها من قدامها ... لازمها تنتقم لحبها و تنقذ دارها اللي حلتها لوحدة كيفها

خذات ادراس متاع وحدة تنحي السحر بالقرآن

سكرت البيسي و خرجت

تلقى كريم راقد عالكانابي ...

طلعت لبيتها لمت الفاليز و مشات لبيت سجود لمتلها الفاليز متاعها ...

رجعت لبيتها باش ترتاح شوية و تستنى لين يجي الوقت المناسب اللي باش تخرج فيه

اما وين تمشي ... لازمها بلاصة ميعرفها حد ... بلاصة مينجمش يلقاها فيها كريم

اكيد موش عند سندس و موش عند جوزي

قعدت تمشي و تجي في البيت تحاول تتفكر وين تنجم تمشي

تفكرت جود ... جود قرا معاها و تعرفو و عندها فيه الثيقة و علاقتو مع كريم مهيش متعمقة يعني ميعفرش دارو

هزت التالفون و قعدت تلوج على نومروه

ترددت الف مرة قبل ما تطلبو

-الو

-وي عفراء شبيك لباس

-مستحقتلك جود ... سامحني

-يا بنتي شبيك ... انا اصلا منيش راقد

شفما شصارلك

-ملقيت وين نمشي ... و لازمني نخرج مالدار باش نجي نقعد عندك ..

-انت و كريم ...

-اي ... حكاية طويلة و متتحكاش في التاليفون

-باهي حضر روحك و ابعثلي الادراس في ميساج توا نجيك و كي نوصل نكلمك

بعثتلو الادراس و هو كان قاعد مع الاولاد طار

بالكرهبة موش عارف يفرح خاطر باش يراها ... موش عارف يحزن اللي الظروف اللي خلاتها تخلي دارها و تخرج 3 متاع الصباح

اكيد نور زادت نكدت عليها ...

عفراء لمت كل شي مخلات شي باش كريم يتفكرها بيه ...

هي اعلنت الحرب على نور .. اما الحرب الباردة اللي لازمها تربحها مغير ما تخسر هي شي ...

حتى البارفانات و المكياج و كل شي هزتو

اما قعدت حايرة كيفاه باش تنجم تخرجهم الكل و هي ثقيلة

بدات تخرج بالفاليز و تحط في الجنينة بالشوية باش كريم ميفيقش ... ههه اصلا حتى لو فاق مهوش باش يمنعها

خرجت الفاليزات متاعها و متاع سجود و حطتهم في باب الجنينة

تفكرت نهارت اللي هربت فيه من دارهم باش تعيش .... نهارت اللي عرفت كريم ... نهارت اللي بدات فيه حياتها اما عمرها ما كانت تتصور انها يجي نهار و تخرج من دارها .... اما مدامو في مصلحة كريم كلو يهون

تشوف فيه كيفاه راقد بدبشو على الكانابي قلبها وجعها عليه

البارح بركا كان راقد معاها في فرشهم و بيتهم اللي عمرو لا خرح منها و بات البرة ... محملها و تحس في دقات قلبو في صدرها

تخزرلو و دموعها سابقتها

"نعرف يا عمري اللي هو موش منك ... نعرفك تحبني و حذرتني منها برشا ... اما شنية اللي خلاها تعمل هكا معانا ... للدرجة العباد ولات قلوبهم حجر ... اما انا اللي نعمل فيه موش ضعف مني ... منيش باش نخلاها بيك اما لازمني نبعد باش تقعد ديما تحبني و متنسانيش ... لازمني نحي السحر للي عملتهولي و نعرف السبب ... لازمني نرجع راجلي ... نعرف باش تتعذب .... برشا ..... في بعدي اما و راس حبي ما يدوم شي و باش نرجعلك و نرجعو لحياتنا كيما قبل و احسن ... سامحني ... "

قدمت شوية و حطت شفايفها على شفايفو بالشوية و باستو باش ميفيقش

جاها ميساج من عند جود

مشات لبيت سجود حملتها و هي راقدة و كرشها على قلبها و تتحرك بالسيف ......

خزرتلو لاخر مرة ... خرجت و سكرت الباب بالشوية ...

جود يرا فيها تتحرك بالسيف مشالها يجري

-عفراء هات نهز سجود

-عيشك يا جود و سامحني الف مرة على تعبك معايا

-معاش تقول هكا راك عشيرتي و منخلي

💗الحلقة 23💗

بيت متوسطة و مزيانة فيها فرش كبير و كوافوز و غارد روب ... مزيانة البيت و متحفنة

حطت سجود على الفرش و غطتها و قعدت على اطرف الفرش

حطت راسها بين يديها و ولات تبكي ... كيفاه باش تنجم تعداها الليلة مغير كريم ...علاش منجمتش تحمي حبهم

زعما منها و الا من صحاب الشر اللي مخلاوهمش متهنين بحبهم

الباب دق قص عليها ... مسحت عينيها

-نعم جود

-عفراء تعشيت

-لا ... انا معينيش

-لا مفماش ماعينيش

هاني باش ندخل الفاليز بدل دبشك وايجا كول حاجة و اطلع ارتاح

-باهي ادخل هوكا الباب محلول

دخل حط الفاليز و مهزش راسو فيها وخرج وسكر الباب

تبسمت على خاطرو ياسر متربي و متخلق

حلت الفاليز و جبدت بيجاما سروال روز و مريول واسع روز و فيه دبوب ومعاهم شلاكة كيفهم

لمت شعرها لفوق كعكة تفقدت سجود و هبطت

تلقى الطاولة حاضرة فيها بيزا و عصير و كوكا

فرحت كي رات البيزا تقول حاس بيها تحبها

يسمع في خطواتها دارلها يشوف فيها تتكعبر و كرشها قدامها تبسم ... محلاها و محلى زينها حتى و هي منفوخة و حتى و هي ... حزينة ...

مينجمش يراها حزينة ... و مهوش باش يخليها هكة باش يعمل المستحيل باش يرجعها تضحك و تلعب و فرحانة

-سامحني هذا اللي نجمت ندبرو توا منجمش نطيب

-ممم بيزا وكوكا ... اش خير من هكا

-ههه اي البيزا ليك اما الكوكا انسى

-علاه

-خاطر في بالي اللي هي تقلق المرا الحبلة ..

-ههههه اي صحيح موش مشكل توا نشرب عصير

-باهي ايجا اقعد

قعدو و بدات تاكل وتشرب في العصير اما موش على راحتها ...

-عفراء

-نعم

-تنجم تقلي شنية اللي صار ...وشبيها يديك هكا

وقفت و قعدت تخزر مالشباك ... بدات تحكيلو عاللي صار بيناتها و بينات كريم ماللي دخلت لحياتهم نور

وقف و قربلها و قعد يسمع فيها ...

حاسس بيها باللي صاير في جرت اللفعة نور

دارتلو وكملت تحكيلو على يدها كيفاه تحرقت واللي سببو كريم و اللي عمرو محمل فيها دقت الشوكة

توريلو في يدها و تبكي تقول بنية صغيرة

عينيها كبيرة و معبية بالدموع و تبكي بالشهقة

تخزرلو و تبكي ... حس قلبو تحطم كيف راها هكاكا

قربلها و مسحلها دموعها

-ما تبكيش عفراء ...انا معاك و توا نلقاو حل و يرجع كل شي كيما كان و خير زادة

..في لحظة ضعف ...في لحظة استحقت فيها حضن دافي يحميها و يصبرها

حملتو و جات في حضنو

المرة اللولة قعد مصدوم ...اما كيف حس بقلبها اللي يدق في صدرو و حضنها الدافيتنهد و حملها بنفس القوة اللي حملتو بيها حط يدو على شعرها و قعد يمسح عليه

-نوعدك يا عفراء نرجعك فرحانة كيما قبل و اكثر ... نوعد نعاونك تصلح اللي بلبزتو نور...

دموعك غالية ...معادش تبكي

كلامو طمنها برشا ... بعدت عليه و مسحت دموعها ...

-في بالك اللي انا غدوة لازمني نشوف الساكس متاع البيبي... كيفاه باش نجم نعمل حاجة كيما هكا و كريم موش معايا

-انا معاك ... و كريم يحبك و مينجمش يبعد عليك...متاكد انو باش يجيك و ترجعو احسن من قبل

تبسمت

-اما منجمش نمشي للكابيني ... خاطرو ينجم يجي و يلوج عليا و يطيح كل شي في الما

-موش مشكل توا نشوفو كابيني اخرى ... برا توا ارتاح و غدوة توا نلقاو حل

-عيشك يا جود منيش باش ننسى وقفتك معايا

-يزي بلا بلادة متاعك برا بحذى بنتك توا تقوم متلقاكش تتفجع

طلعت للبيت و هو رقد في الصالة ...

هي راقدة بلا حب حياتها و راجلها ... هو راقد في نفس الدار مع حب حياتو اما مهيش ملكو ... و الاخر راقد في دارو مغير مرتو ملكو .. روحو ...

كل واحد عايش وضع ميتحسدش عليه ...

الضو ضرب في عينيه .. يحل فيهم بالسيف ... ضهرو يوجع فيه مالنوم عالكانالي قام يحك في عينيه ... يشوف في حوايجو اللي مبدلهمش ... نومتو عالكانابي ...

فاق و تفكر اللي عملو البارح مع عفراء

المشكلة اللي هو في غيابها يرجع كيما قبل و احسن اما في وجودها مفعول السحر يكون اقوى

قام مفجوع يعيطلها و مهيش تجاوب فيه

طلع يجري لبيت نومهم ملقى شي الغارد روب محلول و مفيه حتى قطعة من دبشها ... ريحة بارفانتها اللي كانت تضرب من قبل ما يدخل للبيت مفماش ... مكياجها ... تصاور عرسهم ....مفما شي

هبط كالمهبول لبيت سجود ملقى شي كان شوية دبش متاعها كيف كانت صغيرة و بارفانتها و تصويرتها

حمل التصويرة و هبط عالقاعة ... هبط على ركايبو و ولى يبكي بالصوت و ينادي بقوة ... بكل ما فيه ... على قد الجرح اللي حاس بيه

-عفراااااااااااااااااااااااااااااء ...

قعد يضبضب في البيوت يدور و موش عارف شنية يعمل ...

يحاول يفهم اللي صار فيه ... علاش في ليلة و نهار تقلبت حياتهم 360 درجة

متاكد اللي تصرفاتو هي اللي خلات عفراء تهرب هي و سجود

دخل للبيرو متاعو و ترمى على الكرسي تكى راسو لتالي و غمض عينيه و قعد يتفكر في عفراء في كل لحظة عداوها مع بعضهم

دموعو هبطت

حل البيسي باش يتفرج في سي دي عرسهم

يلقى البي سي محلول ...

يلقاه في الباج متاع السحر اللي كانت تشوف فيها غفراء

يقرا و مصدوم

كيفاه متذكاش ... كيفاه مفهمش اللي نور ورا هذا الكل ....

كيفاه تعدات عليه

معناها الوجايع اللي في كرش عفراء من السحر اللي عملاتو نور باش تفرق بيناتهم

لازمو يرجع مرتو و بنتو و يشوف حل باش ينحي بيه السحر...

المهم توا لازمو يشوف عفراء وين

خرج يجري ركب في الكرهبة و طار بيها اول بلصة جات في مخو دار سندس و بلال

ملقاهاش و بعد دار امو و جوزي

و شي ... دار الدنيا الكل و ملقاهاش و بعد تفكر اللي اليوم الموعد متاعها في الطبيب اكيد باش يلقاها غادي

وصل للكابيني دخل يزرب يشوف في الصال دا تونت ملقاهاش

قعد يستنى في الباسيونت لين خرجت و دخل للطبيبة

-صباح الخير دكتور

-صباح الخير مسيو كريم ويني المدام

-انا زادة جيت باش نسالك جات هوني ولا لا

-لا مجاتش ديجا الموعد متاعها فات و مجاتش

-باهي عيشك دكتورة كي تجي كلمني

اوكي مسيو

"يا ربي شنية هالعملة وين مشات مرا ثقيلة و في يدها بنتها الكلو مني انا لكلو مني خليتها تمشي .... يا ربي عاوني خليني نرجع مرتي راني نعشقها ... راني نتنفسها يا ربي ... شنية باش نعمل ... زعما ويني و شنية صاير فيها توا ... زعما فاش تعمل ..."

💗الحلقة 24💗

قامت الصباح ... هي اصلا مرقدتش باش تقوم .... و كيفاه تنجم ترقد و كريم موش معاه ... مش معنقها ... مهيش تشم في ريحتو ... مهيش تسمع في ضكتو و صوتو اللي يقيمها ... اللي يتلهى بيها و يحميها مالدنيا الكل

تنهدت و قامت بدلت دبشها و قيمت سجود ... بدلتلها مغير لا تلعب معاها لا تكلمها كيما كل مرة

سجود تمروش فيها و هي شي مش هوني

هبطتها و هبطت ملقاتش جود في الصالة ... زعما وين مشى توا الستة مزال بكري ... ممكن مشى يخدم

مشات للكوجينة حلت الفريجيدار جبدت الحليب و عملت بيبرون لسجود عطاتهولها و قعدت مقابلتها على الطاولة و تخزرلها و هي تشرب فيه

-في بالك اللي انت تشبه لبوك في تصرفاتو ... كيف يقوم يقعد يمروش فيا و يضحكني ... كيف يشرب قهوتو يولي يتبسم كيفك انت توا و انت تشرب في حليبك ... عينيه .... عندو نفس الخزرة متاعك و انت فرحانة ...

في بالك اللي انا توحشتو برشا و نحب نعنقو و نرجع نشم ريحتو "

سجود تخزرلها و تضحك ... مهيش فاهمة حتى شي اما ترا فيها تحكي معاها

وقفت بالشوية حست بترهويجة ... باز السكر طايح ... تفكرت موعدها مع طبيبتها ... تفكرت زادة اللي هي ملازمهاش تمشي و لازمها تعفس على قلبها و ترجع حب حياتها

مشات بالشوية للكانابي و قعدت و تكات راسها لتالي

حست بدوخة اول مرة تحس بيها

عينيها بدات تضبب تشوف في الدنيا فلو

سجود ولات تبكي و هي موش منجمة تتحرك

مدت يدها للفيكس تحاول تتفكر نومرو جود و تكلمو

لسانها ثقيل و راسها اكثر

طلبت النومرو قعد يصوني شوية و بعد علق و الباب تحل

دخل جود في يدو قضيا و جي و لعب لسجود

كيف سمعها تبكي تفجع يلقاها في الكوجينة في الكرسي و فاحمة بالبكا مشى يجري حملها و حط القضيا اللوطة

عفراء منجمتش تعيط ... حاسة ببدنها ماشي و يتخدر و تفقد الوعي ...

-عفراااء ... وينك عفراااء

تفجع كي مسمعش صوتها دخل للصالون يشوف فيها عالكانابي شبه دايخة حط سجود اللوطة و مشالها يجري

تشوف فيه قاعد يقدم اما تصويرتو مضببة تسمع في صوتو كيما الصدى في راسها

-جو.....دد

حملها و طلع بيها لبيتها يجري و كلملها الطبيب حط سجود في بيت صغرونة عباها باللعب و حطلها "طيور الجنة" و خلاها تلعب و قعد بجنب عفراء و قلبو دم عليها

لازمو يصارحها و يحكيلها على نور و اللي عملتو .. في لحظة كان انانني و خمم في روحو .. حبها تكون ملكو و ليه و تقعد ديما معاه

أما نسى اللي هي ملك كريم مهيشأما نسى اللي هي ملك كريم مهيش ملكو و قلبها يدق كان ليه و كان تبعد عليه تموت

و هو ميحبش يراها هكا ... هو يحيها تكون كيما عرفها فرحانة و صحتها لباس

موش مكسورة و مهزومة ....

شوية و جى الطبيب عدى عليها و عمللها ايكو و قاسلها الدم

يلقى السكر طايح و الحديد كيف كيف غير الارهاق و قلة النوم و الغش

تاكد اللي البيبي لباس ... قداشو قوي هالبيي قد ما تعدى على راسو شاد روحو

عمللها السيروم و كتبلها دوا و ماكلة لازمها تاكلها و عطى التصويرة متاع الايكو لجود

-مبروك مسيو ... البيبي وليد هوكا بنية و ولد الحمد الله

اما المدام راهي تاعبة و لازمها برشا راحة و الغش لا هذا الدوا لازمك توا تجيبو

-عيشك دكتور

خذا من عندو الورقة و خلصو و وصلو للباب

رجع لعفراء كانت راقدة كيما الملايكة

مشى لسجود هزها و مشاو للفارماسي اللي بجنبهم خذا الدوا و روح

طلع يتفقد فيها يلقاها مزالت راقدة

هبط لبس سجود طبلية متاع كوجينة صغرونة و هة لبس كيفها و حطها فوق الرخامة يحكي معاها و هي تخزرلو و تضحك

-اي نطيبو لعفروتة فطورها

-اي

تصفق و فرحانة

جابلها ماعون بلاستيك قدامها تقول عليها تطيب و هو يحضر في الفطور و لاهي بيها في نفس الوقت

حضر الشربة و صحن الغلة و الياغورت و العصير و شاد سجود من يدها طلعو للبيت حطو الفطور و قعد يقيم فيها بالشوية لين فاقت

-انا وين

-عفراء متخافش هاني معاك دخت شوية و توا لباس اما لازمك تاكل حاجة باش تاقف على ساقيك

-دايخة جود

-اي من قلة الماكلة ايا قوم كول و هز روحك باش تشرب دواك

قامت بالشوية عاونها جود باش قعدت و حطلها مخدة ورا ضهرها و حطلها الماكلة في حجرها

-ايا كول ... في بالك اللي تنا و سجودة طيبنا الفطور

-بالرسمي سجودة ؟؟؟ عيشلي بنيتي كبرت

-اي انا طيبت سربة لماماتي

-ههه عيشها هي بنت مماتها

-ايا كول على خاطر سجودة

-باهي ...

بدات تاكل في الشربة و جود و سجود بجنبها يعسو عليها

-عيشك

-على شنية

-على كل شي عملتو معايا

كان جا واحد اخر ما يقفش معايا كيفك

-قتلك و نعاودهالك

مهيش مزية انت عشيرتي و نحب نراك فرحانة

و باش نعاونك و ناقف معاك للخر

تبسمت و حست بالامان كي قلها اكاكا

كملت كلات و شربة دواها و خرجها جود و هو شادها من يدها للجنينة هي و سجود و بقى مقابلها

سجود تلعب في الجنينة و عفراء سارحة و ساكتة قرب الكرسي و شدها من يدها بسديه الزوز

مدلها تصويرة البيبيمدلها تصويرة البيبي

-الطبيب قال اللي انت عندك ولد ...

تصدمت و هزت راسها تخزرلو في عينيه و عينيها مدمعة

خذات من يدو التصويرة و قعدت تثبت فيها و حاطة يدها على فمها و الكلام غاب عليها الكلام

-اكيد تتمنى كريم يكون معاك في اللحظة هذي و تفرحو مع بعضكم و تخممو في اسم لولدكم و تختارو الدبش و ترحو للدار تكملو فرحتكم ...

عفراء ... انا اليوم باش نقلك اللي كان لازمني نقولو من قبل ....

عفراء ... تعرف شنية معناها حب ؟؟؟ معناها تتمنى الفرحة للي تحبو ... حتى و لو كانت مع غيرك ... معناها تفرح كي تشوف ضحكتو و تبكي كي تشوف دمعتو

معناها تعمل المستحيل باش تخليه فرحان و متفرهد ...

أكيد راك تقول علاش يحكي معايا هكا

أنا من اول نهار ريتك فيه في الفاك ... تعرف شنية صارلي ؟؟!!!

عشقتك ... و هبلت عليك ... النهار هذاكا نتفكرو تقول عليه اليوم

كيف انا قاعد مع الاولاد في الكافيتيريا و انت دخلت باش تاخو فطورك ...

لابسة روب طويلة و واسعة ... شعرك ملموم لتالي و لابسة ليناتك ... شادة الاوراق متاعك و ساكك تقول قامت حرب و انت حاشمة و تتحرك بوربة و متنجمش تهزز عينيك في حتى حد

خذيت كرواسون و عصير و خارجة ... وقتها إكرام عرضتلك ساقيها و طيحتك انت و اوراقك و عصيرك و تمرمدت و البنات يضحكو عليك .... و

قصت عليه مغير ما تخزرلو

-وقتها جيتني انت و لميت معايا الاوراق و عطيتني بابي باش نمسح روبتي و قعت تعارك في اكرام ... انا هزيت روحي و مشيت و انت خلط عليا و قعدت تحكي معايا و تضحك فيا و من وقتها متفارقناش

-و من وقتها و انا نحبك و نخاف نحكي معاك و نصارحك ... وقتها انت كنت معندكش ثيقة في روحك و متحب تحكي مع حد كان انا خفت لا تفهم حبي ليك بالغالط و استغلال ... خفت نخسرك حياتي كاملة عمري ما كنت نتصور نهار تتفك مني ... كان جيت نعرف اللي الرحلة باش تكون السبب انك تبعد راني صارحتك قبل ما تمشي

عمري لا كنت نتصور كريم يحبك ... كان ميهضمكش و ديما يضحك عليك اما كي عرف شخصيتك و طيبة قلبك عشقك و داب فيك

كنت انا و كريم كيما خيالو قبل ما تكون ليه

كريم كان يتبع في برشا بنات و شرب بطريقة غير عادية ... كان فاسد و الفلوس غارتو اما كان قلبو طيب و عمرو محقر العباد اما كان ماركة بنات ...

قبل ما يمشي للرحلة و يعرفك ... قبلها بجمعة ... كان عندو عرس قريبو ..قبل ما يمشي للرحلة و يعرفك ... قبلها بجمعة ... كان عندو عرس قريبو ... قبل العرس مشينة شربنا انا و هو و بلال و واحد اخر و كريم كثرلها بالشرب

بعد مشينا للعرس ... كل واحد فينا شاف بنية و ركش معاها ... الكلنا سكارة و الكلنا كنا نخممو كان في البنات

الصباح تقابلنا و كل واحد يحكي على الليلة اللي عداها

جا كريم وجهو اصفر ... شاف طفلة في العرس عجبتو و هو سكران ميعرفهاش و عدا معاها الليلة

في بالو تخدم على روحها ... قبل ما تخرج قلها هز الفلوس و خلي نومروك توا نكلمك

خلاتلو ورقة كي قام يلقاها ... و الورقة هذيكا هي اللي بدلتك حياتك انت و كريم ..

-شنية الورقة ... احكي جود امان

-الطفلة اللي بات معاها كريم ... هي ... هي ...

-شكون؟؟؟

-نور ...

كانت اول مرة تتمس فيها ... هي حبت كريم مالصغرة و في بالها كي رقدت معاه ولات مرتو بالدم ... هي توا مهيش قابلة فكرة اللي انت مرتو ... هي مقتنعة اللي هي مرتو بالدم و انت معندكش فيه الحق ...

هي اللي عملت هذا الكل ... هي اللي عملت فيكم هذا الكل تحب تبعدكم ... اما كي منجمتش ولات إلتجات للسحر ... نور تمن بالحكايات هذي و السحر .. تحب تكره كريم فيك و بعد هي يخلالخا الجو

-و انت منين ليك اللي هي عملت هكا

و كريم علاه مقليش

-انا تلاقيت معاها بالصدفة في بار و هي سكرانة ... كيف حكاتلي حبيت نقلك و خفت

و كريم زادة خاف لا انت تبعد كي تسمع

-يا ريتو قلي راني وقفت معاه و تعديناها الحكاية مع بعضنا ... يا ريتو قلي

-توا اللوم بعد القضاء بدعة اما توا لازم نلقاو حل

-كيفاه الحل

-لازم نشوفو شكون ينحيه السحر هذا و لازم منهوني لوقتها نبعدو عليه نور

شو عفراء انا راني منيش باش نخليك تخسر كريم و باش ناقف معاك لين نرجعك لدارك و بقدرت ربي ما تولد كاان و انت مع راجلك ...

مزال يحكي معاها و جاه تاليفون ... يلقاه كريم يطلب بعد على عفراء و هز

-وي كريم

-جود وينك في الشريكة

-لا راني مشيت بكري كملت الخدمة و بعد روحت علاش فما حاجة

-لا مفما شي ... جود نجمو نتقابلو

جود وينك في الشريكة

-لا راني مشيت بكري كملت الخدمة و بعد روحت علاش فما حاجة

-لا مفما شي ... جود نجمو نتقابلو

-باهي اما سويعة اخرى و نكون بحذاك

-باهي عيش خويا نستناك في القهوة متاع العادة

علق التاليفون و رجع بحذى عفراء

💗الحلقة 25 💗

-عفراء أنا لازمني نمشي

-ماشي لكريم

-اي كلمني و قلي حاشتي بيك

-امان رد بالك عليه متخليشو يتهور و يعمل حاجة غالطة

- تهنى عفراء

-جود ... سامحني ... عمري مكنت نتصور روحي نتحب ..

-معادش تطلب مني السماح .. معرفتي بيك كانت احسن حاجة ف الدنيا

غمزها و وصاهاةباش تسايس روحها لين يجي ...

قاعد في القهوة يحرك في ساقيه بتوتر و يلعب بالتاليفون بيدو و يستنى في جود

-كريم

-جود و اخيرا جيت

حملو كريم باش يسلم عليه ... شم ريحة عفراء ... قعد باهت و يثبت ممكن هو غالط

حس روحو ولى يهلوس و شنية اللي باش يهز عفراء لجود

-شبيك كريم حيرتني عليك

-جود ... عندي مشكلة كبيرة ...

و نحبك تعاوني فيها بلال توا لاهسلي بالخدمة و مينجم يعاوني كان واحد فيكم انت ولا بلال

-شبيك كريم فاش نجم نعاونك

-تتفكر .. نور بنتي عمي

-اي نتفكرها شبيها

-رجعت ... تحب تخربلي داري

بدا يحكيلو و جود يسمع فيه و هو عارف كل شي

-باهي شنية الحل توا

-لازمني نحي نور من قدامي ... لازمها تنساني و تبعدني

خايف لا تكون عملت في عفراء حاجة

انا متاكد اللي عفراء بعدت باش انا نرتاح اما هكا الحكاية مهيش باش توفى

لازمني نبعد نور مكانش حتى و لو يتنحى السحر باش تعاود تلقى حل اخر تبعدنا فيه على بعضنا

-باهي فهمتك اما كيفاه باش تبعدها

نور مريضة و مهيش باش تبعد بالساهل

-هذاكا علاش انا ناديتلك اليوم ... نحب حل يخليها تكرهني و الا تنساني

-مثل عليها اللي انت نسيت عفراء و خلاها تستعرف بعملتها و سجلها و وقتها توا نتصرفو و نبعدوها

-و عفراء كيفاه باش نلقاها ... منجمش نزيد لحظة بلا بيها و اللي نموت

-مدامها بعدت هي عارفة شنية تعمل ... اكيد كيف يتصلح كل شي توا ترجع

-عيشك يا جود عيش خويا

-مبيناتناش هاك قلتها خوك

توا برا ارتاح و تهنى عفراء مخها كبير متعملش حاجة و تخليك

-منجمش نرتاح و هي بعيدة عليا و بنتي... نرتي حبلة و مستحقتني ...

-كريم انت بفمك قلت اللي انت مع عفراء معذبها في جرت السحر

متكونش اناني و تخمم في راحتك

و هي شنية ذنبها تتحمل هذا الكل

-صحيح

-مالا خليها توا وحدها ترجع اول ما يتنحى السحر

حس كلام جود طمنو اما ريحت عفراء اللي يشم فيها على طول ما هو قاعد مع جود دخلتو بعضو

شك فيه للحظة اما مركزش مع الحكاية خاطر عفراء متمشيش بحذى راجل عايش وحدو

عرفو كان تعملها شنية يصير ... كلو الا الحكاية هذيكا ...

مهما كانت الظروف

يغير عليها مالنسمة ...

-كريم شبيك نحكي معاك راني فاش سارح

-اه .. سامحني ... شقتلي

-قتلك وين قاعد توا

-في دارنا مع جوزي

الدار معادش طايقها مغير عفراء

-قوي روحك صاحبي و ربي يبعد عليكم اولاد الحرام

و المرة جاية اعرف شكون دخل لدارك ...

-عندك حق ... اللوم بعد القضاء بدعة ... المهم توا هي ترجعلي و ترحمني مالعذاب اللي عايشو

خليني توا نمشي عندي قضية لازمني نعملها

-باهي انا زادة خليني نروح

سلنو على بعضهم و كريم زاد عاود شم ريحة عفراء مرة اخرى زاد دخلو الشك اكثر و اكثر

طلعو الزوز في كراهبهم اما كريم محبش يتحرك لين يمشي جود

خدم جود الكرهبة و مشى ... هز التاليفون و كلم عفراء باش يطمان عليها و يطمنها

-وي عفراء وينك خيرشي شوية

-انا لباس ... شنية عملت مع كريم

-كريم مهوش منجم يبعد عليك ... و يحب باسرع وقت ترجعلو و يصلح اللي عملو و لو انو موش بيدو

-باهي انت وينك توا

-انا في الطريق قريب نجي توصي حاجة

-لا شي ...

-باهي ايا رد بالك على روحك

علق و حط التاليفون ... يخزر مالريتريفيزور يشوف في كرهبة كريم تبع فيه ...

زعما علاش يتبع فيه ... يطلعش شك في حاجة ... المهم توا لازمو يضيعو و ميخليشو يعرف الدار

كلم صاحبو و تفاهمو يتقابلو في قهوة بعيدة على الساكتور هذاكا جملة وحدة

كريم بعد مشافو هو و صاحبو لعن الشيطان و روح للدار

دخل للبيت مهدود يشوف في جوزي قاعدة في الكانابي و تككي بالتاليفون و اول ما راتو علقت طول و هي مربوثة و قعدت تبربش في التاليفون

-في شكون تكلم

-اه ... في ما ... قالت اللي هي ممكن تجي الجمعة الجاية

-مثبة في امك موش في عفراء

-لا وه عفرااء ... و انا وين ندري عليها elle est ou tu est tjrs comme sa ..

-باهي باهي متبداش امان تكسرلي في راسي بالفرنسي متاعك باش تتهرب

-امم اوكي ... نحطلك عشاك

-معينيش ...

-كريم ... (تحكي معاه و حاطة يدها على يدو )

مغير ما تعذب روحك ... عفراء بعدت خاطرها تحبك و تحب ترجعوو سافا

-جوزي متخبيش عليا كان تعرف عليها حاجة قلي امان راني باش نموت

-منعرف شي .. اما تهنى كان جيت نعرف راني قتلك

نحطلك تاكل

معينيش ... معيني في شي

باش نخرج عندي قضية

-وين ماشي

-توا تعرف كل شي في وقتو

خرج و سكر الباب و جوزي مشات طول للبورطابل -الو عفراء سامحني علقت عليك كريم دخل

-وينو هو توا

-خرج و محبش يقلي وين ماشي

انت فاش تعمل

انا قلقة برشا و نحب نرجع لكريم

-توا ربي يحلها نشا الله و ترجعلنا و نعاودو نتلمو

-نشا الله يا ربي .

-وي نور

-ك....كر....يييم

-اي كريم وينك نحب نراك

-هاني في الاوتيل **** علاه

-نحب نراك ابعثلي الادراس

-باهي ... نستناك

"هذا هو النهار اللي نستنى فيه ... كريم ولى ملكي .. اكيد نساها هكا المصفارة .... رجع ليا انا ... "

قامت تزرب عملت دوش و بدلت دبشها ... لبست روب قصير و عريانة و البيت الكلها شمع ... حضرت روحها و قعدت تستنى فيه

جود وصل للدار بعد ما تاكد اللي كريم معاش يتبع فيه

حل الباب يلقى سجود تلعب و عفراء طيب في العشا ...

-السلام

-اهلا جود جيت

-اي ... بعد ما ايس كريم

-سامحني يا جود بربي ... خليتك في المشاكل و على عصابك

-السماح ياخي انا شعندي عملت معاك ... عذا واجب العشرة اللي بيناتنا

-باهي مالا برا بدل دبشك و ايجا نتعشاو

-اايييه تعرف ماللي ماتت امي و انا ماكلت الدار ما ذقتهاش ...

-انت لازمك مرا في الدار

-ههههه منين باش نجيبها؟؟؟

انا منعرس كان منحب ... و بيناتنا صعيب برشا نعاود نحب

-علاه ؟؟؟

معاش تقول هكا ... احسن حاجة في الدنيا الحر

مهما يعذبنا اما منستغناوش عليه

-كلامك صحيح اما يا نلقى قصة حب كيما انت و كريم مكانش موش لازم

-نشا الله ربي يسهلك

كريم في الطريق و يشوف في تصويرة عفراء في البورت فوي متاعو

وصل للاوتيل اللي فيه نور

هبط مشالها للشومبر متاعها

وقف قدام الباب و خذا نفس و دق الباب

زعما على شنية ناوي يا كريم .... علاش جاي للنار اللي باش تحرقك بساقيك ؟؟؟

حلتلو الباب تتبسملو

-كريم ... هالخطا السعيد

تبسملها و غمزها

-توحشتك ... حبيت نجي نراك

-قداه ليا نستنى فيها الكلمة منك

-ندخل و الا باش تخليني لبرا

-اي اكيد ادخل تفضل

دخل للشومبر ... شاف جو الشموع و الشرب اللي عاملتو

ما فيبالهاش اللي هو عمرو ما يجي بالطريقة هذيكا

قعد على الكانابي

جابتلو عصير و ليها هي عصير

مد يدو في جيوبو جبد حرابش متاع صراحة و اعتراف تخلي الليىيشربها يحكي بصراحة و يحكي كل شي

-شنية اللي فكرك بيا

-عفراء ...

-شبيها

-معاش نحبها و معاش حاشتي بيها

فديت منها و معادش حاملها

توحشتك انت و توحشت اياماتنا

تتفكر

-اي يا روحي نتفكر اكيد

-احكيلي شنية تتفكر ...

جبد التاليفون و بدى يسجل فيها و هي نحكي بار ديتاي اللي صار الكل

حتى لين وصلت لقعدانها في تونس

-نور ... شنية تنجم تتمل على خاطري ...

-كيما عملت قبل ... نجم نعمل توا و اكثر زادة

-كيما شنيا ...

-كيما السحر اللي عملتهولها باش معاش تدور بيها

في بالك اللي انا نموت في النهار الف مرة كي نراك معاها

السحر هذا مينجم ينحيه كان انا

مشات تجري جابت قرطاس

هذا هو دواه

خذاه منها بوزربة و قلها كمل شنية تنجم تعمل اخر

-نجم نقتل العباد الكل على خاطرك

باش تكون ليا انا بركا

قربتلو و حبت تبوسو و الباب دق

-اوووه شكون جاي توا

-برا شوف

حلت الباب تلقى بوها في وجها و عينيه حمر

-ب.....ااا ....

هز يدو و عطاها كف على قوتو

❤الحلقة الاخيرة❤

مشى للدار يجري بالكرهبة دخل لجوزي

نارو شاعلة

-جوزييييي

تفجعت و قامت تجري

-شبيك تعيط شفما يا كريم

-توا تعطيني الادراس متاع جود

-ش...ش..شكون جود ... منعرفش

-جوزي تكلم عيش اختي الدقيقة بحسابها ... كان مناش باش نخلطو عليهم توا معادش باش نلقاها عفراء

امان جوزي تعرفني منجمش نعيش بلاش بيها

نور متافهمة مع جود و كان منيش باش نمشي توا و الله لا عاد نلقاوها

مشات تجري جابت التاليفون و جبدت منو الادراس اللي بعثتهالها عفراء

-كريم امان خليني نمشي معاك نعرفو الطريق بالباهي باش متضيعش

-باهي هيا اهبط فيسع

مشاو للكرهبة هزت جوزي التاليفون باش تكلم عفراء

فكو كريم من يدها

-وي جوزي عزيزتي وينك

-عفراء

قلبها ضرب و وجها حمار

قاعدة هي و سجود في الجنينة و جود مزال مروحش

-ك...ك...كريم

-اسمعني يا روحي ... متعلقش و كان جود بجنبك مغير متحكيلو اللي انا كلمتك

انا مشيت لنور و سجلتها و كلمت بوها و جاها و قتلي اللي هي باش تبعد اما باش تقول لجود يهزك و يبعدك عليا خاطرو يحبك و يهزك انت و سجود لبلاصة بعيدة و منلقاكش

انا توا في الطريق حضر الفاليز فيسع و اخرجلي بالسرقة

-جو...و...د موش هوني و فما باب تالاني جوزي تعرفو توا نجيك لغادي فيسع ...

-باهي سايس روحك امان رد بالك على ولدنا و بنتنا و على روحك نعشقك يا روحي

-و انا نعشقك يا عمري

طلعت تجري لمت الفاليزات و خرجتهم لبرا و سجود معاها تكركر فيها و ماهي فاهمة شي

خرجت للباب التالاني و حطت الفاليز و تستنى في كريم ... المرة اللولة كانت هاربة منو ... توا ولات هاربتلو ... اصلا معندها حد كان هو في الدنيا

و جود كيفاه نجم يعمل معاها هكا هذا الكل خاطر يحبها

ياخي اللي يحب يعمل هكا

سمعت الباب تحل قلبها ضرب

-سجود اسكت متتكلمش

خرجت و قعدت من تالي و جود يلوج عليها في الدار الكل قلبها البيوت الكل ...

ماللي جاه الميساج و هو على عصابو و زيد الكرهبة عملتها بيه في الطريق

تفكر نهارت اللي جاتو عفراء و ستانس بيها في الدار و معاش ينجم يبعد عليها نسى صحبتو مع كريم و نسى تربيتو و اخلاقو خمم كان في طريقة تخلي عفراء ديما معاه

وقتها عمالو الحب عينيه و تفاهم مع نور باش يبعدوهم على بعضهم و اكيد موش توا بعد ما عمل هذا الكل باش يستسلم

يجري و يعيطلها و هي ريحتها مفماش

كريم يسوق على عصابو لين وصل للبيت

-دور من هوني كريمدار من تالي يلقى عفراء واقفة و سجود في يدها

سجود مشات تجري لبوها حطها في الكرهبة و جوزي هزت لي فاليز و كريم مشى لعفراء

هي تحاول تزرب شوية اما منجمتش

وصللها حملها على قوتو حس روحو رجعتلو

-يا مهبولة ... راك ليا ... كيفاه تهرب مني ... زايد تقعد ديما بهلولة ... قتلك معادش تاثق في حد

-س...

مخلاهاش تتكلم باسها من شفايفها و عينيه دمعت و هي ولات تبكي

حست روحها تسرعت و ضلمتو

-يزي ماالبكا عيش حبي (مسحلها عينيها) برى للكرهبة هاني جاي

-لا امان وين ماشي يا كريم

-عيش حبي برا توا نجي

مشات للكرهبة طلعت من قدام و جوزي هبطت طلعت من تالي و في يدها سجود

كريم دخل للدار يسمع في جود يعيط لعفراء .. يسمع في صوت خطواتو بداو يقربو ... هبط جود مالدروج يلقى كريم قدامو تصدم اما كان متوقعها

حب يخلط هو قبلو و يهز عفراء معاه اما الضاهر اللي كريم و عفراء ماهو باش يفرقهم شي ...

-ك...ريم

يحس كان في البونية جاتو على وجهو

-ستنى نفسرلك

شدو من كول الشوميز و خنقو بيها

-شباش تفسرلي واحد طحان كيفك يطاول على نسا الرجال

شكنت ناوي تعمل ؟؟

كنت ناوي تهزلي مرتي و تهرب بيها؟

نسيت الما و الملح اللي بيناتنا ؟؟

نسيت عشرتنا ؟؟؟

-سامحني كريم ... موش عارف كيفاه باش نفسرلك ...

انا غلط في حقك و في حق عفراء

اما متنجمش تلوم انسان عاشق

-تعشق في مرتي يا ****

رماه عالقاعة و قعد يتضارب هو و ياه بونية و مشطة كل مرة واحد فيهم فوق الاخر يضرب فيه لين فشل جود و سلم و كريم فوقو يضرب فيه و يعاود و الدم خارج من فمو و خشمو

-هذا باش تتعلم معادش تقرب لعفراء و باش تزيد تتاكد اللي عفراء ليا وحدي ... و كان نسيت توا نزيد نفكرك سي الطحان و احمد ربي خايف على عايلتي و الا والله نقتلك و نقضي عليك

دزو بساقيه و بزق عليه و خرج يشوف في يديه الكلها دم و فمو كيف كيف

عفراء تشوف فيه جاي فرحت اما كيف قرب و بدات تشوف في الدم تفجعت هبطت بزربة ياخي عمللها بيديه اقف

-متجريش يا روحي و متتفجعش لباس عليا اقعد غادي هاني جاي

منجمتش تشد روحها مشاتلو و ولات تبكي

تشوفلو في يدو و تبوس فيها و تبوسلو في شفايفو بالدم

-سامحني يا روحي انا اللي وصلتك لهوني

حملها و غرقت في صدرو

-مهيش غلطتك يا روحي .... هاذوما عباد مرضة يحبو يفرقونا ... ميعرفوش اللي انا و انت ميفرقنا شي ...

أما يا عفراء جيتك هوني مع راجل غريبأما يا عفراء جيتك هوني مع راجل غريب مهيش باش تتعدى بالساهل

خاطرك تعرفني كل شي نعديه كان حكاية فيها رجال تعرفني نغار عليك مالنسمة

-ك..

جبدها من يدها و طلعها للكرهبة و مكلمهاش

طلع يسوق و طريق كامل كلمة لا ...

عفراء محبتش تتكلم قدام جوزي خاطر عمرهم ما حلو مشاكلهم قدام حتى حد اخر

طريق كامل و هي يدها على قلبها و خايفة من ردت فعلو كيف يوصلو للدار

تعرفو مهوش باش يسامحها على خروجها في الليل مع جود و مشيانها معاه للدار

هو يسوق و هي تخزرلو من تحت ... وجهو كان ميتفسرش لا تعرفو فرحان ... لا متغشش لا حتى شي

الحاجة اللي خلاتها تزيد تخاف

وصل جوزي للدار وقف قدام الدار

-كريم خلي سجود عندي الليلة

-مهبولة انت ... تي انا نستنى وقتاه تروحلي ... ايجا غدوة هزها بحذاك الصباح

-باهي اوكي

هبطت جوزي و كريم متحرك كان مطمان عليها اللي هي دخلت للدار و سكرت الباب

خدم الكرهبة و بدا يسوق

-كر... يم .... امان خليني نفسرلك

باقي مهوش يكلم فيها يسوق و ساكت

دموعها هبطو .... هبطت راسها و قعدت تحرك في صوابعها مالستراس

كريم شالق بيها و خايف عليها اما موش باش يعديلها الفازة بالساهل ... حاسس نار فيه ... مهوش قابل كيفاه تعدي تلاثة ايام في دار جود ... مهوش مسامح روحو خاطرو وصل للحالة هاذي حاسي اللي هو منجمش يحافظ على دارو و مرتو

نادم خاطرو محكالهاش كل شي ماللول

كان كل شي يتبدل

اما هي زادة غالطة .... علاش هو بالذات ؟؟؟علاش جود ...

الافكار هاذي خلتو ميشلقش بالطريق كيف فيسع وفا و وصلو للدار

هبط حمل سجود و دخل و خلى عفراء في الكرهبة

وقت سكر باب الكرهبة تفجعت تهزت و تحطت ... مخيبو كي يبدى متغشش و خاصة غاير

هبطت بالشوية و حلت الباب التالاني و جبدت الفاليز خاطر معندها حتى قطعة باش تلبسها في الدار

الفاليز رزينة و هي حبلة تتحارب معاها لين وصلت للباب تلقاه خارج من بيت سجود

شدت الفاليز و مكملة طريقها

-سيب الفاليز رزينة هات توا نهزها

حسبت روحها مسمعتوش و باقي مكملة

مشالها بغش نطرها من يدها و هز طلعها

-اخلط عليا عندي منحكي معاك و المرة جاية *** عود اسمع الكلام

شدت دموعها بالسيف و قعدت تمشي وراه لين وصلت للبيت

-تنجم تفهمني علاش مشيتلو؟؟ علاش كان هو من دون خلق ربي

واقفة قدامو و مهبطة راسها ... شعرها هابط على وجها و دموعها في القاعة

هي قصيرة متبانش تحتو و هو يمشي و يجي قدامها مغزل و يستنى فيهاهي قصيرة متبانش تحتو و هو يمشي و يجي قدامها مغزل و يستنى فيها باش تجاوب

-تكلم عاد ... و الا بلعت لسانك ...

قلي اش مهزك لجود ... و الا حنيت لاياماتك

كيف سمعت كلامو تشوكات

هزت راسها و قعدت تخزرلو بتحدي و عينين مليانة دموع و قهر و برشا تعب

مسحت دموعها

-تحب تعرف علاش ... شفتها هاذي ؟؟؟

ورتلو الحرقة اللي في يدها

هاذي الحرقة اللي حرقتلي قلبي معاها ... هذا كريم اللي يخاف من النسمة على عفراء ...

هذا اللي وصلتنا ليه انت خاطرك خبيت العلاقات الخامجة متاعك و انا موش معاك

كذبت عليا و مع ذالك عذرتك و منحاسبكش على حاجة عملتها قبلي

مشيت لجود خاطر الحل الوحيد باش نرجعك هي اني نخليك و البلاصة الوحيدة اللي ممكن انا نعرفها و انت متعرفهاش هي دار جود

خاطر انا معندي حد في الدنيا كان انت ... انت كل شي بالنسبة ليا .... دنيتي و عمري و صحابي و خويا و كل شيي ... لدرجة اني كيف جيت باش نهرب منك ملقيت لشكون نهرب كان اني نهربلك ... انت الوحيد اللي نامن على روحي بين يديه ... انت عرفتني ضعيفة و معندي حد ... انت اللي قوتني ... اصلا انا بلا بيك منسوى شي ... على هذاكة انا درت درت و تاكدت اللي معندي حد غيرك انت

حس كلامها وجعو و ضلمها برشا ... يشوف في يدها المحروقة و قلبو محروق عليها ... يحب يحملها و يعنقها و يقلها سامحني

اما كيما كل راجل شرقي ... كرامتو مسمحتلوش يعبر عاللي في قلبو

خرج مالبيت و سكر الباب ...

عفراء قعدت عالفرش و حطت راسها بين يديها و ولات تبكي بالصوت و هو متكي عالباب و بكاها زاد حطمو

مشى للصال دو بان اللوطة حس روحو مستحق دوش باش يعرف يخمم

عفراء كيف كيف عملت دوش و لبست نويزات و دخلت في الغطا تحاول ترقد تتقلب يمين و يسار و شي ليها تلاثة ايام مرقدتش خاطر كريم موش معاها و كمل الليلة

كريم نفس الحكاية و اتسع ... شباش يعديها هالليلة يا ربي ... بدنو تاعب و مخو اكثر و قلبو اتعس

منجمش يشد روحو اكثر ... كيفه يكون هو و عفراء فرد دار و ميرقدش بجنبها.

نورمال توا يطلع يرقد بجنبها اما مغير متشلق بيه

طلع بالشوية للبيت حل الباب بالشوية و دخل

عفراء كيف سمعت خطواتو حسبت روحها راقدة

وغمضت عينيها

دخل تحت الغطا و قعد يخزرلها و هي راقدة ...

حس روحو ضلمها برشا ... اصلا عفراء الملايكة متنجمش تعمل حاجة تضر كريم

تنهد و تكى بجنبها

حاول يقربلها باش يشملها شعرها

حس النفس متاعها قوي و ضربات قلبهاحس روحو ضلمها برشا ... اصلا عفراء الملايكة متنجمش تعمل حاجة تضر كريم

تنهد و تكى بجنبها

حاول يقربلها باش يشملها شعرها

حس النفس متاعها قوي و ضربات قلبها اقوى و اقوى

-سامحني يا روحي راني و الله نحبك و نعشقك و نموت عليك ...

تنهدت و تلفتتلو

حشات راسها عندو في صدرو و ولات تبكي

هزلها راسها و باسها و مسحلها دموعها

-انا زادة نحبك يا روحي ... سامحني

-انت راك ليا انا يا عفراء ... معادش تهرب مني راني نعشقك راك عشقي و الله نحبك

عنقها و باسها ... جبدها تحتو و طلع فوقهاةبدا يبوس فيها من بدنها الكل و هي كي الشوليقة تحتو

-اييييي

-عفراء شبيك

-ايي يا كريم ضربني

-وين

شدتلو يدو و حطتها على البلاصة قعد يستنى فيه لين عاود ضربة اخرى

ضحك و شاخ عليه

-ضاهر فيه باش يطلع شيطان

-اي كيما بوه

-هههه باهي يا عفروتة ايجا توا نوريك بوه شيعمل فيك

-لا ... كرييم ... ههه يزي...

طلع فوقها و كمل اللي بداه و تعدات ليلة احلى من الليالي الكل ...

♡♡♡♡♡♡♡♡♡♡♡♡♡♡♡♡

بعد عام ......

-اعععع يا كريم امان جيب البيبرون

-اوووه منك يا عفراء خليني نرقد نصبح نخدم و الدنيا باردة

-تي قوم زح .... امان راني تعبت ....

-باهي يا روحي متبكيش بركا هذا يوسف خلص فينا القديم و الجديد

-ريت بربي موش قتلك راهو باش يطلع شيطان كيما بوه

-اي نعم حتى الشبيهة كيما بوه

-ربي يخليك ليا يا بو صغاري و روحي

-و يخليك ليا يا عشقي يا احلى عشق في الدنيا ...... يا عفراء ... يا عشقي انا ....

❤النهاية❤

Chroniques.كرونيات

عفراء عشقي انا الجزء الثالث

تعليقات

إرسال تعليق

انتي نجمتي الجزء الثاني