الحلقة الأولي:
" دزها الشيطان عالحيط وشدها يبدو الزوز من وجها وطبس راسو قرب شفايفو منها ونفس متاعو سخون نار شفايفو روز صغار سنيه يقتلو لحيتو زايدة فيه الشطر حط شفايفو علي شفايفها وبدا يمغمغ يبوس فاها.... فتون حست الوجيعة في قلبها تمشي وتقوا.. حط يدو لمين عالحيط باش ماتتحركش بقات مصدومة من كل شئ حست روحها رخيصة تفكرت محمود والي عملو والشيطان والحبس الماضي بدات دموعها هابطة كي الشتاء حست في لحظتها الي هي لعبة يحركوها كيما يحبو حست روحها مكسورة من داخل نار شاعلة ... هي تعرف الي ماتنجم تعمل شئ غير انها تبكي ..
فاقت من صدمتها كي نحا يدو من وجها ودورها علي ظهرها وعنقها بالشوية بقات حايرة تايهة موش فاهمة شئ حست بدقات قلبو الهادية.. وجهها في صدرو. ويدها شادتو بيها ورا ظهرو وكبست عليه ..أول مرة حست بالراحة بالأمان والقوة زاد علاها ريحتو البنينة.. ريحت البارفان متاعو ..كيف الشيطان قوية وغامضة وتجبد بقات مغمضة عينيها وجبدت نفس طويل...
الحلقة :2
بعد نص الليل.. رقدت فتون عالفرش وهو تكا بجنبها قعدت تخزرلو وشاردة موجوعة مكسورة من محمود... هي حبتو ماتوقعتش نهار يوصل يضرها بالطريقة هاذي بقات شاردة لين حست بالشيطان قريبلها برشا هزت راسها وقاتلو
فتون:" شبيك مقرب لنا برشا علاه"
الشيطان:" بكيفي نقرب والا نقعد"
حط صبعو الكبير علي شفايفها وعداهم علاها وقلها:"نذوق هذوما"
بعد ماكمل كلمتو هبط راسو وبدا يبوس فاها من شفايفها ويتبنن ... تصدمت ماتحركتش حست بخوف.. قعد يبوس فاها بفيانة عض علي شفتها اللوطانية بشويا زادت هبلت تخلط علاها نفس متاعو الي طالع هابط ريحتو لدوخ ..بدات طاوع فيه تتجاوب معاه تحرك في شفايفها وتبوس فيه عيناها مغمضة موش فايقة .. حاجة جديدة احساس عمرها ماحستو ..بدنو لاصق في بدنها مانجمتش تبعد. حست بحاجة سخونة تحت سرتها هههه أي سي المعلم واقف معاش فيه هه حشمت عاللخر ووخرت شويا وقالت في قلبها :" شنوا الي قاعد يصير معايا"
بقات تخزرلو قرابت درجين وهو حس بالوضع متاعو جبد روحو دخل للطوالات باش مايظهرش لهو سخن عاود رجع وعنقها ورقدو...
لحلقة3:
طلع صباح .. نهار الأربعاء.. قامت فتون من النوم عملت دوش.. وخرجت تنشف في شعرها.. دخلت زهرة للبيت بعد ماطلبت اذنها باش تدخل
زهرة:" شنحوالك مادام"
فتون:"مم لباس"
زهرة:"عندي ليك جواب من محمود"
فتون:"ماحاشتيش باش نقراها لوحو عليا"
زهرة:"شنوا"
فتون:" قتلك لوحو ماحاشتيش باش نشوفو"
هبطت زهرة راسها وقالتلها:" سي محمود قلي الرسالة مهمة ولازم تقراها" قدمت وحطتها عالطاولة وكملت أنا عملت لي عليا وانت حرة مدام" خرجت زهرة
حلت فتون الجواب وبقات تقرا
" سامحني فتوني علي عملتو كنت سكران ومت بالغيرة كي شفتك مع الشيطان نحبك فتون نعرف أنا غلط معاك نستناك كيما المرة لي فاتت ماتبطاش عليا"
غفسط الجواب بيدها وخرجت سألت العساس عالباب" الشيطان موجود "قلها لا طلعت في الدروج للطابق الثالث ودخلت للبيت وين موجود الراجل لكبير...
الحلقة 4:
راها داخلة تبسم وقلها :"فتون بنتي ايجا ادخل لباس"
فتون مشاتلو :" الحمد لله لباس مم ماكش باش تقلي أنت شكون"
ضحك الراجل وقلها:" شنوا جايا تنسنس عليا" بتفدليك
فتون:" امم أنت بو الشيطان"
الراجل:"بوه مات عندو برشا"
فتون:"مالا عمو"
الراجل:"زادا هو مات"
فتون:" مالا شكون"
الراجل :"أنا جدو"
فتون حلت فمها:"يعني بوه وعمو ماتو وجدو مازال عايش"
بعد فاقت بروحها شقالت حطت يدها علي فمها مالحشمة وقتلو :"سامحني مانقصدش"
الراجل:" أنا جدو بو امو الله يرحمها قالها بحزن كبير"
فتون:" الله يرحمها شنوا اسمك"
الراجل:"عبد الباسط
الحلقة 5:
فتون:" شبيه وجهك وحسيتك تأثرت كي جبت علي بنتك الي ماتت"
عبد الباسط:" موتها كان صعيب برشا والشيطان كان حاظر علي موتها وفي عمرو وقتها مكانش لازم يشوفها.. وهو كاطفل صغير أثرت فيه برشا وبدلتو..أنت بنتي فتون احكيلي علي روحك"
فتون:" ماعندي شي نحكيه بابا مات وأنا صغيرة وامي شافت حياتها بقيت وحدي"
عبط الباسط:"باهي نبدلو الموضوع .. احكيلي علي الشيطان شعامل معاك"
فتون ضحكت بغصة في قلبها:"الشيطان كيفاه تحبو يتعامل معايا بحنية .. مستحيل"
عبد الباسط:" حاول تبدلو ..الشيطان طيب برشا من داخل وحنين أما مخبي كل شئ وصعيب برشا يظهرو.. الي صار معاه موش ساهل خلاه يتبدل 180 درجة لعبد كاسح ماعندوش قلب..تبسم وكمل:"أما انت تنجم ترجعو كيما كان وتظهرلو شخصيتو الحقانية والعبد الباهي الي فيه"
فتون :" نجم نعرف علاه يتغشش كي واحد يعيطلو باسمو"
عبد الباسط:"أنت عيطلو باسمو"
فتون مستغربة "أي"
عبد الباسط ضحك وقلها:"أنت بنتي جبارة احمدربي ماعملك شي"
الحلقة 6:
قعد الشيطان يدور في القرية في الأرض بحصانو الاكحل... جاه واحد من رجالو وطبس باش يحييه.. قالو الشيطان:" فما أخبار جديدة"
:"أي سيدي قدم ومدلو أوراق" شافهم الشيطان وضحك ضحكة شيطانية وقال:" ممم باهي برشا.. محمود نهايتو قربت"
روح للقصر دخل للمكتب متاعو .. حط تليفونو عالطاولة ومشا للحيط عالايمين بعد ريدو مالحيط لونو ابيض كيما الدهن متع البيت مايضهرش جملا الي فما باب وراه حلو ودخل..
الحلقة7:
فتون:" تعرف سبب غشو وتنرفيزو"
عبد الباسط :"فما برشا أسباب خلاتو يتبدل حياتو.. القصر.. بعد سكت وقلها امشي توا منا قبل ماتجي الخديمة طلعلي دوايا
فتون:"انا نحب نعرف شنوا الاسباب الي خلاتو يولي هكا"
عبد الباسط:" ظاهر فيك تحب تغرق"
فتون:" مايهمش"
عبد الباسط:" ربي يسهل كي تجي المرا الجاية نحكيلك"
خرجت مالبيت وهبطت في الدروج عرضتها زهرة :"مدام فتون وينك نلوج عليك"
فتون:"شفما"
زهرة :"محمود يستنا فيك في المخزن"
فتون:" مانيش ماشيتلو برا امشي وقلو يمشي منا ومتخافش باش نعمل الي قتلي عليه" تسمم الشيطان..
الحلقة8:
خرجت فتون مالقصر بعد ماحكات مع زهرة قعدت الدور في الجنينة متع القصر سارحة.. بقات تحت شجرة تكات علاها وسرحت في ملك ربي.. تخمم في كل شي في روحها في الشيطان محمود القصر ماضيها.. حتي هزها النوم رقدت .. فاقت علي صوت زهرة تقيم فاها
:"مادام فتون فيق شبيك رقدت هوني"
فتون:" حلت عيناها بالسيف وقتلها غفيت"
زهرة :"باهي ايجا معايا العشاء تحط"
فتون:" قداه الوقت توا"
زهرة:" السبعة"
فتون:" موش مازال بكري عالعشاء" قالتها وقامت وقفت علي ساقها
زهرة:" سيدي الشيطان امرهم يحطوه .. آه حقا هو مسافر غدوة الصباح"
فتون:" اي فيبالي"
الحلقة9:
قعد محمود عالكرسي حاط ساق علي ساق.. مرتاح فرحان امورو قاعدة تمشي كيما هو يحب الشيطان باش يموت وياخو الحكم والقرية ويرجع فتون حبيبتو ملكو هو وحدو..
هز التليفون كلم أيمن
" حظرت كل شئ ماتخافش.. الأمور 10علي 10 حظر الرجال واستنا مني تليفون الصباح"
ايمن:" امم باهي"
محمود:" تهنا فلوسك انت ورجالك حاضرين"
قعدت في بيت الفطور تتعشي بحذاه بقات تخزرلو شارد وهادي موش كي العادة رجعت عيناها لصحنها وكملت تاكل .. بعد ماتعشي قام وخرج لبيتو .. حست بخنقة حايرة موش عارفة روحها علاه
كي العادة جمجمولي..
الحلقة 10:
كملت كلات بعد خلطت عليه دخلت للبيت لقاتو راقد عالفرش هادي كي الصغار مشات للخزانة جبدت حوايجها ودخلت عملت دوش وخرجت تنشف في شعرها دارت لقاتو راقد كيما خلاتو مشات بأطراف صوابعها للفرش باش ماتفيقوش وتكات بحذاه حطت يدها تحت راسها وبقات تخزرلو.. بقات تخزر لجبينو فيه كعبات عرق مدت صوابعها ومسحتهملو .. قام تنفض من بلاصتو كي حس بيدها علي جبينو لين ترعبت هي معاه... بقي يتنفس بزربة صدرو طالع هابط. من قوة النفس ستوات روحها وقتلو :" شبيك لباس"
جاوبها وهو يمسح في جبنو بيدو :" ارجع ارقد"
رجع تكا كيما كان وحط يدو الايمين فوق عينيه بقات تبع فيه بعيناها ترا في يدو ترعش و نازل علاها باش مايضهرلهاش .. حست بحاجة غريبة.. تفكرت كلام جدو كي قلها من داخل فما عبد آخر باهي وحنين..
بيجاد" قتهالو بشويا دارت تلقي يدو ترعش أكثر شدتهالو بيداها الزوز وقتلو :" اهدي.. كابوس ومشا علي روحو"
شهقت كي جبدها ليه وعنقها بالقوي بهتت مالتصرف متاعو معاش عارفة شتعمل كان تحط كف يدها علي ضهرو وتمسح عليه.. لين رقدو
من اهنا لمبعد نلقي تفاعل نهبط حلقات اخرين
الحلقة 11:
طلع نهار جديد.. نهار الخميس محمود يكلم في واحد من رجالو بالتليفون
"كل شئ حاضر"
" اي سي محمود عبينا السلعة في الكميونة"
محمود:" باهي برشا توا امشي باها للحدود واستني مني اشارة"
"حاضر"
محمود:" باش نبعثلك ايمن ورجالو يأمنولك الثنية بعد الحدود"
:" باهي"
وخر راسو لتالي وضحك بالقوي وقال في قلبو:" أكيد توا راو الشيطان شرب السم وخرج بعد ساعتين يسرح في بدنو وووب يموت هههههه قداشني ذكي هههه"
الحلقة 12:
قامت مالقاتوش تفجعت قامت تجري دوشت لبست وشدت شعرها كعكة و جات خارجة نسات دبوزة السم في القجر رجعت بزربة هازتها وحطتها تحتها وخرجت سألت العساس الي عالباب الشيطان خرج قلها لا مازال هبطت للطابق لول دخلت للكوجينة سألت الي يخدمو غادي"الشيطان كلا حاجة"
كلهم بقاو يسالو شكون هاذي .. مشاتلها زهرة قالتها :"مازال أما هو يحب قهوة"
هزت فتون راسها بالمرتاح وقتلها:"باهي طيبهالو تو أنا نطلعهالو"
زهرة:" باهي"
بقات تستني حتي صبتهالها وحطتها في طبق وعطاتها لفتون الي سالتها:" وين نلقاه موجود"
زهرة :" في المكتب متاعو"
مشات لبلاصة فارغة مالخدام باش مايراها حد جبدت الدبوزة صبت شترها في القهوة وسكرتها وعاودت خبتها في جيبها وطلعتلو ..
دقت الباب سمعتو كي قلها ادخل .. دخلت وسكرت الباب قدمت وين قاعد ورا بيروه تبسمتلو وعطاتهالو قتلو:"تفضل"
هز عينيه مالاوراق وقلها:" شتعمل لنا"
فتون:" جبتلك قهوة... أنت مسافر ليوم"
الشيطان:" ماتفرحش برشا نهارين ونرجع مانيش مسافر بعيد"
فتون:" شكون قلك فرحانة"
بقي يخزرلها وهز الفنجان بصوابعو وهي بقات تخزرلو ومن داخل حاسة بحرب في مخها
الحلقة 13:
"متشربش"
قالتهالو وهي تنحيلو في الفنجان من يدو... حاولت تخلي روحها هادية..بقي يخزرلها كملت حكات" أنا مانعرفش نطيب قهوة أكيد مطعمها خايب وماهيش باش تعجبك.. أنا تو نشربها وتو نقول للخديمة تعملك فنجان آخر.."
تلفت ومشات بزربة وين الباب ماخلاتلوش فرصة يجاوبها وقفها بحذا الباب بصوتو الخشين
"وين ماشية"
بلعت ريقها بالسيف تلفتتلو وقتلو
"باش نمشي نقلهم يعملولك قهوة أخري،"
الشيطان:" موش قلت باش تشرب هاذي"
قلهالها وهو يخزرلها مركز في عيناها . عاودت بلعت ريقها بالسيف
فتون:" اي قلت.. باش نشربها الفوق في البيت"
الشيطان:"اشربها لهنا قدامي"
دخلت بعضها شباش تعمل توا ...حبت طيح الكاس من يدها وتعمل روحها الي هو طاح منها موش بلعاني..أما لقات روحها ساقاها هزتها للكرسي لمقابلو وشدت تشرب في القهوة المسممة....
الحلقة14:
بدات تشرب في القهوة المسممة من غير خوف .. أي حست لحظتها الي هي تحب كل شيء يوفا وترتاح الخيانة الكذب الماضي الحبس كل شئ.. حبت تموت وترتاح.. ترتاح من حياتها.. توفا اللعبة وتموت شربتو الكل وحطت الفنجان عالطاولة.. هزت عيناها حبت تقلو حاجة بعد سكتت كي راتو مركز في الأوراق بعد حل القجر وحطهم وسكرو بالمفتاح وقام طفاها ..جا خارج مالباب وقف وقلها
"ماتحاولش تتذكي وتهرب في غيابي... خاطر ماكش باش تنجم وانت تعرف الشيطان شنيا ينجم يعمل والعقاب الي ينفذو"
خزرتلو في عينيه.. تبسمت بمرارةوقتلو
"عقااب شنوا أكثر من هكا"
تبسم وقلها:" الي أنت فيه توا تسمي فيه عقاب"
عطاها بظهرو وخرج.
الحلقة 15:
:" سي محمود قلك توقف الدواء الي تحط فيه في ماكلت فتون" قالها عم سالم لبنتو زهرة في التليفون.. تنهدت زهرة وقتلو
" أنا مانيش نحطلها في الدواء من اصلو"
عيط علاها في التليفون :" شنوا .. تعرف كان سي محمود يعرف شنوا يصير فينا"
زهرة:" وهو منين باش يعرف كان أنت ماتقلوش تو مايعرف بشئ"
سالم:" بهيمة"
زهرة:" أي بهيمة خاطر رضيت ندخل في اللعبة المسخة وأنا نعرف العواقب متاعها... سكتت شويا وكملت :" أنت ورطني يابابا انت ورطنا خاطر طمعك بزوز فرنك..جبتلو الطفلة وبعد كل شئ جا ورا بعضو"
سالم :" اصلا ضميري يأنب فيا ماغير ماتكمل عليا.. أنا تلزيت خاطر ستحقيت فلوس لعرس اختك نعرف موش عذر اما.." قصت عليه وقتلو
:" باش نقول للآنسة فتون كل شئ"
سالم:" رد بالك عيش بنتي كان تقلها تضيعنا الكل أنا وانت والعايلة"
زهرة:" باهي لازم نسكر توا عندي برشا خدمة"
الحلقة16:
دخلت عايدة علي عبد الباسط لقاتو متكي في فرشو :" اهلا بجدو لباس نعرف الي انت متغشش خاطر مانطلش عليك"
خزرلها علي جنب وقلها :" ماعادش تجيني لنا انت لاك حفيدتي لاشئ اخرج عليا"
عايدة:" بالشويا علي بدنك ياجدو لا تتشل أكثر مالي انت مشلول توا وضحكت"
عبد الباسط:" شنوا تحب توا"
عايدة :" انت تعرف أنا حاشتي بالعقد وهو توا عند الشيطان وانت تعرف هو موش حاب عليه جيتك ليك انت تاخذو منو وتمدهولي"
عبد الباسط:" تحب العقد علاه"
عايدة :" طماعة نحب فلوس والقصر"
عبد الباسط:" طماعة كي بوك طلعت"
عايدة جات خارجة قاتلو مانيش باش نفك عليك حتي تعطيني العقد وتاخذو من عند الشيطان"
الحلقة17:
وقف الشيطان كرهبتو وكلم واحد من رجالو في التليفون وقالو:" نص ساعة ونكون في الحدود خلي رجالي الكل يحاصرو الحدود"
بقات فتون قاعدة عالبيرو شاردة تعدات نص ساعة وهي الحالة اذيكا تتذكر في الماضي كل شئ صار معاها دخلت زهرة للمكتب لقاتها قاعدة
زهرة:" الفطور حظر مدام فتون"
فتون:" ماعينيش بالماكلة"
زهرة:" شبيك"
بعد ماشافت وجها أصفر شاحب قامت فتون مالكرسي وخرجت قلتلها:" مافما شئ اطلع بعد شويا لبيتي تفقدني"
بقات زهرة حايرة .. طلعت فتون في الدروج عرضتها عايدة هابطة وضحكة صفرة علي وجها
:" اهلا بالخاينة"
فتون:"شنوا تحب"
عايدة:"ممم شي أما عرفت الي انت متغششة من محمود بلحق!!"
فتون:" وانت كيفاه عرفت"
عايدة ضحكت وقتلها:"موش قتلك نعرف الكبيرة والصغيرة في القصر"
فتون هزت حواجبها وقتلها:" أبعد خانطلع"
عايدة:" لا "
دزتها فتون بيدها قريب لاطاحت مالدروج هي توا معاش يهمها في شئ كملت طلعت ودخلت لبيتها وعايدة بقات حالة فمها والغش والغزول ركبوها علي فتون..
الحلقة18:
بقات في الفرش.. معاش تحس بنصها اللوطاني جملة وجايع في معدتها تقطع فاها وجايع متع موت بقات تتلوي .. مالوجايع والعرق هابط علاها كي الشتاء بدنها الكل عرقان تتوجع بصوت خافت ماتنجمش تتكلم والا تعمل شئ..
طلعت زهرة بصحن فاكية للبيت دقت الباب ماجاوبتهاش سألت العساس البرا ياخي آنسة فتون في البيت جاوبها قلها أي تفجعت .. دخلت للبيت لقاتها ملوحة عالفرش نحات الصحن من يدها ومشاتلها تجري.. لقاتها وجها اصفر عيناها محوقين والعرق في وجها قتلها فتون بصوت متقطع :"زهرة"
زهرة قعدت علي حافة الفرش تسال فاها بخوف:" شبيك هكا شصار احكيلي"
فتون:"ماتخافش عليا لباس"
زهرة:" شنوا لي صار"
فتون:" محمود قلي نحط السم في قهوة الشيطان وأنا في بلاصة نشربو هو شربتو أنا"
زهرة:" وأنت مستغنية علي حياتك علاه ملوحتوش السم ماللول وارتحت علاه عملت هكا في روحك" بقات زهرة تضرب فاها بالشويا علي وجها تفيق فاها بعد ماقلتلها:" توا صايا الي صار صار وداخت"
خافت زهرة وعيناها تعباو بالدموع مشات تجري للباب تصيح جيبو طبيب فيسع فيسع...
الحلقة19:
هبط الشيطان مالكرهبة في الحدود لقي رجالو نحا اللينات متع الشمس الي لابسها وقلهم الكميونة الي جاية توا ماهيش باش تتعدا لحدود ...
وقفت الكميونة عالحدود هبط أيمن ورجالو بالسلاح بعد ماوقفهم واحد من رجال الشيطان
:" سيدنا الشيطان أمر الي الكميونة متاعكم موش باش تتعدا والسلعة الي فاها باش نهزوها
بداو يهبطو في السلعة تلفت أيمن قلو تحلم كان باش تهزوها ضحك الرئيس وقالو ههه أنت تحب تلعب مع الشيطان باهي هز سلاحو الفوق وضرب في الهواء يلقي رجال الشيطان الكل محاوطين ايمن ورجالو من كل جهة هههه هزو السلعة وفكولهم السلاح ..
كلم رئيس الصفقة محمود الي مشا فيبالو امورو في الجبن :" كان يموت واحد من رجالي الا ماندفعهالك غالية روحك نطيرهالك"
محمود مصدوم تحول ولا كل المجنون كي سمع الي الشيطان فكلهم السلعة وخسرو الصفة هبل جن....
الحلقة 20:
خرجت فتون من بيت البانو في الليل .. دوب ماخرجت مشاتلها زهرة وشدتها من يدها عاونتها باش تمشي وحطتلها مخدة ورا ظهرها وقعدتها..وحطت قدامها صحفة شربة قالتلها:" هيا كول هاذي باهيتلك تقويلك في المناعة.."
فتون:" مانجمش" قلتها بصوت تاعب وضعيف
زهرة:"انت تسممت مدام فتون والسم الي شربتو كان قوي برشا قريب لامت كان موش الطبيب عملك غسيل معدة وعطاك دواء راك ماكش معانا لقدر الله وأنا من واجبي توا نتلهي بيك حتي تبرا"
فتون بدات تاكل في الشربة قلتلها:" مانحبش الشيطان يسمع بالي صارلي"
زهرة:" هو احتمال يكون عرف خاطر عايدة كانت لنا وعرفت كل شئ خرجت زهرة مالبيت بعد ماكملت حكات مع فتون وطمانت علاها..
الحلقة 21:
وقف الشيطان عالبالكون شارد يتكيف في سيقارو ويخرج في الدخان من خشمو نوقز تليفونو كلمو واحد من رجالو حكالو بالضبط اش صار
قلو:" أيمن هزوه للحبس ومحمود ماظهرش غادي"
" لا سيدي ماريناهوش"
الشيطان:" باهي ماتنساش تكلم عزالدين تقلو الي الصفقة متاعي تمت"
وعلق
طلع نهار جديد قامت فتون مالنوم تحس بوجيعة في معدتها تمشي وتقوا قامت مالفرش ولات ترا في الدنيا فلو جات داخلة لاطوالات طيح عالقاعة دوخ .. طلعت زهرة للبيت الصباح تتفقد فاها لقاتها طايحة مشات تجري عيطت للعساس جاء حملها وحطها عالفرش.. رشت علاها زهرة شويا ماء بدات تفيق بالشويا فرحت زهرة كي راتها فايقة
زهرة:" الحمدلله "
فتون:" آه معدتي توجع"
زهرة لازمك تاكل وتشرب الدواء باش يخفف عليك الوجايع" كلات شويا وشربت الدواء حست بالوجيعة خفت بعد قامت حظرت دبشها ودخلت دوش.
الحلقة 22:
وقف الشيطان بحذا المراية يستوي في شعرو التالي بصوابعو وقال بصوت مسموع" قربت يامحمود قربت" وضحك
جاء خارج سلم علي الراجل الي عطاه الدار يبقي فاها وخرج طلع في الكرهبة يلقي عايدة مكلمتو 15 مرة هز علاها قتلو:" حبيبي شنوا عامل"
الشيطان:" شنوا تحب تكلم"
عايدة:" بالشويا عليا تعرفني حساسة" وضحكت وكملت:" كلمتك خاطر فما حاجة صارت في القصر"
الشيطان:" شنوا صار"
عايدة:" عشيقتك تسممت"
علق علاها طول وهي بقات تتكلم ألو تغشت كيفاه طفاها
دار للشوفار قلو :" باش نرجعو للقرية بهت الشوفار وبقي يخزرلو عاود تكلمو بصوت عالي:" باش نرجع للقرية توا ماكش تسمع"
درا الشوفار وخدم الكرهبة مالخوف ورجعو للقرية.
جمجمولي كي العادة واعطيوني رايكم
الحلقة 23:
كلم الراجل صاحب الصفقة محمودو قلو
:" اسمعني نحبك تجيبلي مليار ونص"
محمود يهدي في الاجواء في التليفون:" نوعدك نعوضلك علي رجالك الي ماتو اصبر عليا شويا حتي ندبرلك الفلوس" وعلق
قام ينفخ وضرب يدو عاالحيط بجنب البيرو وبقي يتوعد في الشيطان ... وشد كاس شراب بيدو وشربو..
بقات زهرة بجنب فتون تبكي وتتوجع ووجها اصفر.. زهرة موش عارفة شتعمل
زهرة:" شنوا الي يوجع فيك بالضبط قلي"
فتون:"كل شئ كل شئ في بدني يوجع"
زهرة :"باهي خذيت حرابش"
فتون:" خذيت ثلاثة"
زهرة شهقت:"3 حرام عليك علاه"
فتون:"كنت موجوعة برشا" خرجت فتون مالبيت وهي تكورت علي روحها ورقدت تبكي
لحلقة24:
أول ماطلعت ضو الصبح وصل الشيطان للقرية ... للقصر متاعو دخل حط يدو عالباب وحلو دخل وسكرو بالشويا راها راقدة من بعيد قرب نحي الجاكات ورماها عالكرسي وقف بحذا الفرش يتفرج فاها سارح وجها اصفر تاعب عيناها مازال فاهم دموع كيما رقدت البارح وهي تبكي..مال براسو يسمع فاها تتوجع بشويا مد صوابعو يمسحلها في دموعها الي عالقة في رموشها حس باحساس غريب.. حلت عيناها بشويا وهي بين نوم ويقضة
"بيجاد"
شدتو من يدو الي حاطها علي خدها جبدتو ليها بالشويا قرب حذاها وقعد علي حافة الفرش بعد تكي بجنبها وهو يخزرلها لوجها.. زادت قربتلو ودفنت راسها وبدنها في صدرو .. تشم في ريحتو الي خلاتها تفيق مرا اخرى
وهو بقي بارد... هادي حد مايعرف!!!
الحلقة 25:
الصباح حلت عينيها بشويا لقاتو راقد بحذاها بقات تخزرلو وقتاه جا!! حست روحها فرحانة فرحانة لقات روحها راقدة عندو بدنها لاصق فيه ماحبتش تبعد بقات كيما هي تخزرلو تبسمت.. بعدت عليه شويا كي راتو يحل في عينيه .. وهو يمسح بكف يدو علي وجهو و قلها
:"شبيك"
فتون بعدت عيناها عليه قتلو:"شئ"
الشيطان قام مالفرش يسأل فاها:" آخر حاجة كليتها نهار الخميس قبل ماتتسمم شنوا"
فتون بربثة:"نعم"
"موش تسممت"
قالها وهو يحل في الخزانة يجبد في حوايجو باش يدوش... بلعت ريقها بالسيف مالقات حتي كذبة في راسها
الشيطان:" كي نخرج تو نكملو نحكيو"
دخل وهي مشات تجري قالت للعساس يعيطلها لزهرة جاتها زهرة فتون داخلة بعضها
"سألني ومالقيتش شنوا نجاوبو . خايفة يسأل الطبيب"
زهرة:" ماتخافش.. اهدا اتو نلقاو حل خليها عليا.. وكي يسألك حاول تهرب مالسؤال"
الحلقة26:
بقي محمود يغلي ويكال في روحو لازم يدبر الفلوس كلم واحد من معارفو في التليفون برشا مرات بعد هز عليه
محمود:" شبيك ماتهزش"
الراجل:" مانحبش نجاوب تفضل شتحب"
محمود:" شنوا ماتحبش تهز هاذي.. باهي أنا حاشتي بنص مليار"
الراجل:" لا"
محمود:" موش أنا شركيك والا نسيت"
الراجل:" الشراكة لي بيناتنا فضيتها .. وليت شريك مع الشيطان"
محمود:" أكيد تفدلك"
الراجل علق عليه هبل محمود في راسو رما التليفون في القاعة هبط مالدروج متع القصر متاعو يلهث مالعصب والغش تعدا لبيروه جبد فرد مالقجر وهبط يجري كلم الشوفار وهو كي القمبلة باش تترشق
:" تحرك لقصر الشيطان"
ديمارا الشوفار الكرهبة ومشاو..
الحلقة 27:
قعدت فتون هي والشيطان في بيت الفطور ياكلو... حطتلهم الخديمة الماكلة تلفت لقاها سارحة قلها:" نستني فيك تجاوبني"
بلعت ماكلة بالسيف وقتلو
"نجاوبك علي شنوا"
تبسم بتبهليل وجا باش يقلها حاجة يسمع في صوت يعيط ويصيح اللوطة قام في عقلو وخرج بالشويا
:"ياشيطان .. وينك ايجا ياطحان"
خافت فتون كي سمعت العياط خرجت ورا الشيطان .. تصدمت كي راتو محمود وهو الي يسب ويتوعد ..
ضحك الشيطان ضحكة مستفزة وحط يدو اليسار في جيبو و ايدو لخرا طلعها للرجالو الي واقفين ورا محمود امرهم باش يخرجو... الشيطان عرف محمود علاه جاي بقي ساكت
محمود:" أنت كثرت برشا ووقت الحساب جا"
قالها والشر طاير من عينيه جبد الفرد من جيبو حطو بين يديه مقابل الشيطان باش يضربو.
الحلقة 28:
محمود:" أي لازم تخاف خاطر باش نطلع روحك توا"
ضحك الشيطان بالقوي وقلو:" هههه فيبالك باش نخاف مالموت"
حط صبعو باش يضرب والشيطان تكلم:" كي المرا متخبي ورا سلاحك ايجا نهار وواجهني راجل في راجل ياجبان ياواطي " كمل الشيطان كلامو وكور يديه. عطاه بونية علي وجهو لين ترهوج محمود وطيح الفرد من يدو والدم خرج من خشمو قام بغش مالقاعة ورجعلو الضربة ... الشيطان ماعمل حتي حس والا تأثر دار مرا اخري وعطاه بونية اقوي في وجهو لين فمو زادا ترشق بالدم صاحت فتون من غير ماتشعر حطت يدها من غير ماتشعر علي فمها ووخرت لتالي وبقات تتفرج من بعيد موش عارفة شتعمل.. قام محمود بغش يمس بيدو علي فمو يلقي الدم هابط قام باش يضربو شدو الشيطان من يدو قبل ماتوصلو الضربة صاح وقلو:" اليوم واحد فينا باش يموت"
الحلقة 29:
خافت فتون ومن غير ماتشعر نبهتو.. دار الشيطان كي سمع صياح فتون وشدو من يدو .. لواهالو بزربة بعد ماقطعلو محمود سوريتو من تالي وجرحو في ظهرو شدو الشيطان بالقوي وعطاه ضربة بساقو علي كرشو نطرو في القاعة.. دخلو رجال الشيطان وهزو محمود وخروجه كالكلب لبرا..
تلفت الشيطان لفتون وبقا يخزرلها وهز روحو وطلع الدروج ودخل لبيتو بقات فتون مصدومة علي شكون خافت الشيطان محمود موش عارفة.. طلعت خلطت عليه للبيت..
دخل الشيطان للبيت نحا سوريتو ورماها في القاعة قعد عالفرش جبد نفس طويل تفكر امو وقت ماتت في الحالة اذيكا قعد صوت صياحها يتعاود في وذنو نزل علي يدو بالقوي وغمض عينيه..
حلت فتون الباب بالشويا دخلت لقاتو قاعد عالفرش عاطاها بالظهر قعدت تخزر لظهرو وركزت فيه لقات جرح غارق علي طول ظهرو ظاهر جرح قديم...
لقاتو حاط يديه الزوز علي ركبتو وشارد تنهدت بالقوي سمعها خزرلها من ورا كتفو وعاود رجع راسو.. قدمت للقجر جبت الحكة متع الدوايات وجات قعدت فوق الفرش وراه وبقا ظهرو مقابل وجها حلتها وجبدت قطنة تداويلو في الجرح الخفيف.. جبد نفس طويل وتلفتلها براسو وقلها بصوت خشين:" شتعمل"
فتون:" نداويلك في الجرح متع السكينة"
دور راسو بقا ساكت وهي كملت داويلو في ظهرو عدات صوابعها عالجرح القديم وقتلو
:"ظاهر فيه جرح قديم التراس متاعو مزال علي ظهرك"
طفاها كملت تحكي:" علاه وليت شيطان"
الحلقة30:
دارلها الشيطان بعد ماكملتلو وقتلها:" انت تسأل في برشا اسألة.." دار براسو وكمل:" انت تحب تعرف الاجابة وأنت ماكش قدها وماكش قد السؤال زادا"
فتون:" علاه"
الشيطان:" آه هاذي علاه باش تبقي تقول فاها برشا كل ماتسال حاجة باش يطلعلك سؤال آخر"
فتون:" بصراحة حياتك معقدة برشا"
الشيطان:" وأنت جزء منها حياتي المعقدة"
بقات باهتة في كلمتو لخرا حبت تسالو طفاها وقام مشا للدوش..
هبطت وقعدت في الجنينة متع القصر شاردة موش عارفة روحها حاسة بمشاعرها متلخبطة.. موش عارفة هي توا تحب زوز رجال غمضت عيناها بالقوي قالت قي قلبها مستحيل نكون نحبو الشيطان مفاما شئ فيه يخليني اصلا نخمم فيه... هاذي خيانة لمحمود لا موش صحيح... بقات سارحة ..
خرج الشيطان مالقصر مشا للكوري خرج الحصان متاعو وبدا يمسح علي وجهو والحصان بدا يعيط قلو الشيطان وتبسيمة علي وجهو :" شنوا توحشتني"
مشا بيه شدو ماللجام متاعو وطلع فوقو ومشا..
الحلقة31:
خرجت عايدة تسأل عالشيطان بعد ماقالولها الي مشا للجنينة.. ستغلت الفرصة باش تقابلو وتقعد معاه راس راس حلت الخزانة وخطارت شباش تلبس ومشات تعمل في دوش قبل ماتمشيلو..
سمعت فتون صوت الحصان جاي من بعيد والشيطان راكب عليه جايها من بعيد حطت يدها علي صدرها حست بقلبها يدق بالقوي.. موش فاهمة علاش بقات شاردة حايرة حتي وصللها وهي قامت قلها
:" تركب"
فتون:" لا مانحبش" وهزت راسها
الشيطان تبسم بخبث وقلها:" موش علي كيفك"
فتون:" مانيش راكبة قلت.. بالسيف تحب تركبني"
الشيطان ضيق عينيه وقلها:" أنا جا علي بالي تركب يعني تركب"
فتون:" أنا جا علي بالي تركب يعني تركب"
قلدت كلامو بتمقعير هبط مالحصان وقدملها
الحلقة 32:
قدملها بكل ثقة وقلها:" لسانك طوال لازمو قصان"دوب ماكمل جملتو جبدها بالقوي من يدها ليه قريب لطاحت.. طلعها وراه عالحصان وهي بقات تتوجع ركب قدامها ومشا باها وهي بقات خايفة شادة فيه بالقوي وقتلو:" باهي هبطني اتو لساني نقصو" بدا الحصان يجري وهي الخوف يمشي ويزيد.. قلها:" حل عينيك"
بقات شادة فيه بالقوي عاود كلمها:" حل عينيك واخزرلي"
حلت عيناها بالشويا ترا في كل شئ يتعدا بزربة حست بفرحة وهي شادة فيه من تالي قتلو
" أول مرة نركب حصان كانت معاك.. بالحق محلاه المنظر منا حسا روحي باش نطير"
ضحك الشيطان وكملت:" علاش خطرت كان الحصان هذا"
الشيطان:" علاه شبيه ترا فيه نعجة"
فتون:" لا أما عاللون اكحل"
الشيطان:" اذاكا لوني المفضل"
فتون:" امم أنا مانحبوش"
الشيطان :" تو تولي تحبو"
فتون:" نعم"
هز راسو وطفاها قتلو نحب نرجع للقصر
الشيطان:" هيا نرجعو"
الحلقة33:
روح محمود تلوح عالفرش بكلو دمومات ووجهو اصفر شعرو هايج وقلبو معبي موش مصدق الي صار والي هو طلب منو سماح وتهان قدام فتون ...
وصلو للجنينة حملها وهبطها مالحصان وهي مشات بزربة دخلت مالباب الكبير وهو وراها تعدا للمكتب متاعو ... هي طالعة في الدروج عرضتها عايدة تتشوحر
:" فينو الشيطان ياانتي"
فتون:" اول حاجة اسمي فتون موش أنت ثاني حاجة كان تحب تعرف وين أسأل حد غيري"
عايدة:" علاه مانسالكش موش أنت عشيقتو"
فتون حبت تستفزها:" هو كان معايا وتفرهدنا..حاشتك بحاجة"
ضحكت عايدة بالقوي وقتلها:" اتفرهد قد ماتحب... أما في اللخر تو يلوحك كي غيرك"
قربتلها وكملت بتوشويش اصلا انت موش عشيقتو انت خاينة واخرتها باش تموت"
دزتها فتون وطلعت وعايدة ضحكت بالقوي شبيك خفت
الحلقة34:
دارت فتون وكملت طلعت ماجاوبتهاش... طاح الليل عرفت من زهرة الي الشيطان عندو خدمة البرا مو باش يبات في القصر.. تكات عالفرش تخمم في كلام عايدة لين هزها النوم رقدت.. الصباح قامت فطرت وطلعت لبيت عبد الباسط تحكي معاه
عبدالباسط:" وينك بنتي لباس اشنوا احوالك"
فتون:" الحمد لله أنا وعدتك باش نعاود نرجع وتحكيلي علي ماضي الشيطان"
عبد الباسط تبسملها وقلها:" وأنت يابنتي علاش تحب تعرف ماضيه... ننصحك أبعد وماتبربشش وراه كان يعرف بحاجة يهبل"
فتون:" باهي نجم نعرف شنوا حكاية الندبة في ضهرو "
عبد الباسط حرك روحو شويا وقلها ايجا قعدني بالقاعدة قدمت فتون وقعدتو بالشويا كمل يحكي:" أنت وين ريتها الندبة "
فتون :"مايهمش المهم هو ماحبش يحكيلي"
عبد الباسط استغرب :" وأنت كي جبتلو علاها ماعمل شئ
فتون قتلو براسها لا
عبد الباسط:" الندبة اذيكا هو الي عملها هو جرح روحو بروحو واذيكا كانت البداية وسكت"
فتون بقات باهتة حبت تستفسر اكثر ماخلاهاش ...
جات خارجة مالبيت هبطت في الدروج تسمع في صوت
:" شتعمل غادي عندك"
دارت بعينيها اللوطة لقاتو الشيطان ترعبت وبلعت ريقها بالسيف بقات ساكتة....
الحلقة 35:
عاود سالها بصوت خشين:" شنوا كنت تعمل الفوق"
فتون:" ممماما ن ننعمل في شئ قالتها بربثة
الشيطان:" شنوا كنت تعمل الفوق"
:"كانت معايا"
دارت فتون لقاتها عايدة هي الي جاوبت بقات مصدومة علاش حكات هكا ...
ضحكت عايدة وقتلو :" ماو فيبالك الي أنا وياها تقابلنا قبل"
الشيطان:" شنوا كنت تعمل انت وياها لفوق"
عايدة:" عادي حديث متع نساء تحب تعرفو"
الشيطان بغش:" عايدة!!"
عايدة:" نفدلك معاك"
دار الشيطان بعينيه لفتون وقلها وهو هابط ؛" ايجا معايا"
دارت بشويا لعايدة وقتلها بالشويا :"علاش عاونتني"
عايدة:"عندي أسباب آه اي شنوا كنت تعمل لفوق"
فتون :"شئ" وهبطت خلطت عالشيطان في البيت ودخلت سكرت الباب وقعدت فوق البنك..
الحلقة36:
حل الخزانة و قلها :" شنوا كنت تحكي انت وعايدة"
فتون:" ماي جاوبتك"
الشيطان خزرلها علي جنب :" تحبني نصدق"
فتون:" اي صدق تحبني نقلك كلام متع بنات"
مشالها بالشويا وقرب منها وجبدها من شعرها وخرج عينيه وقلها بكل برود:" قتلك راني باش ناذيك كان طول لسانك معايا"
حطت يدها علي يدو الي شادها من شعرها مانجمتش تنحيهالو ولات تبكي وقتلو
:" علاه تتصرف هكا معايا حرام عليك"
الشيطان:" ماك ماتسمعش لكلام وباش تتعاقب"
فتون خرجت كلامها كالسهم:" أنت واطي شيطان ماعندكش قلب اص... خرجت الكلام من غير ماتشعر حست بخنقة من تصرفاتو معاها مازالت تتكلم وهو شد دزها عالفرش بقوة قدملها ونحا سوريتو وهي بقات هازا راسها خايفة مرعوبة شنوا باش يعمل
فتون قتلو برعب:" شنوا باش تعمل"
قدم بحذاها عالفرش وهي دموعها عاودو هبطو كملت:" انت ماكش باش تعملي شي ماكش باش تنجم أبعد عليا"
هي مازالت تحكي وهو شدها من ساقها جبدها جات تحتو بقات تفرفت تضرب فيه علي سدرو وبساقاها كبس علي سقاها بسقيه الزوز باش ماتتحركش بقات تضرب فيه بقبضة يدها..
:" بيجاد ابعد عليا امانك نبوسلك يدك"
قلتها وبدنها الكل يرعش وهي تبكي بهستيرية .. قربلها لوجها ووشوشلها في وذنها:" شفت روحك كيفاه وليت..باش تموت مالخوف.. يعني كي انت ماكش قد العقاب طول في لسانك لواه أنا نبهتك... كمل كلامو ووخر راسو شويا وعدا صوابعو بالشويا علي شفايفها مع تبسيمة متع شر.. وكمل كلامو :" أما انت ماتسمعش الكلام .. دونك تحمل العواقب"
:"بيجاد ابعد عليا"
الحلقة37:
حاولت دزو مانجمتش قدام بدنها الصغير وجهامتو هو حست خزرتو تبدلت مالشر لخزرة اخرا مافهمتهاش مانجمتش تثبت .. وعيناها غارقة بالدموع.. قام علاها ووخر لتالي وهي لصقت ظهرها للفرش ولصقت ساقاها الزوز لصدرها وبقات تبكي تفكرت الماضي امها محمود ...
بقي الشيطان حاط يدو في مكتوبو ودخل يدوش ... بقات تبكي بالشهقة لين داخت..
بقي عبد الباسط يخزر لتصويرة بنتو لي ماتت ام الشيطان وعينو دمعت بقي يحكي وحدو:" كان سمعت كلامي يافيروز وماعرستش بخالد رانا تو مرتاحين انت مت مقتولة .. أنا عرفتك علاه حبيت تعرس بيه باش ترضي غرورك وتحقق الي تحب عليه معاه وخيرت محمود علي ولدك الي تضر في جرتك .الا عبد آخر .. كلا الضرب من بو محمود وانت ساكتة وعاملتو كايينو واحد مالشارع وحسيتو عالة عليك ... أنا زادا كنت السبب مانبهتكش وخليتك تعرس بيه.. شفت يافيروز ولدك الي اذيتو و تخليت عليه شيعمل قاعد ينتقم من كل واحد تسبب في موتك هو ولا شيطان خاترك انت"
بقي يبكي بمرارة وكمل:" تعرف الي خسر في اللخر شكون بيجاد وأنت .. هو توا مايحب حد يعيطلو باسمو خاطر يفكرو فيك صحيح هو متغشش عليك أما هو يحبك أنا الوحيد الي نعرف الي هو يعاني من صغرتو لتو ومايضهرش جملا ربي يسامحك ويرحمك.."
الحلقة 38:
بقي الشيطان يخزر لروحو في المراية متع الدوش عينيه حمر متغشش برشا يحس في حاجة من داخل شعور مايحبش يحس بيه جملا..قال في قلبو أنا بارد ماعنديش قلب ماعنديش الحق نحس باي شعور تجاه اي مرا لبس حوايجو وخرج تلفت لقاها دايخة تفجع علاها مشا يجري للطاولة جاب كاس ماء وحطو بجنبو شدلها راسها عندو بقي يخزرلها عدا يدو علي عيناها مسحلها دموعها وعبا كف يدو بالماء وطشها بالشويا حتي فاقت قعدها عالفرش وقام جاء خارج قلها :"كي تهدا اهبط نفطرو وماتوخرش"
وخرت راسها لتالي سكرت عيناها وبقات تبكي
خرج الشيطان للباب وقال للعساس ابعث زهرة عند فتون"
وطلع لآخر طابق في القصر وين موجودين المحبوسين عندو حبس متاعو
الحلقة 39:
طلعت زهرة لفتون لقاتها تبكي مشاتلها دارت فتون لزهرة قلتلها:" زهرة نحبك تعاوني نحب نهرب منا"
زهرة:" علاش"
فتون:" معاش مستحملة شئ لنا نحب نهرب نعرف الي محمود موش حاب يهربني ت...
قصت علاها زهرة وقتلها:" علي فكرة سي محمود ناوي يرجعك معاه للقصر"
فتون:" بالحق"
زهرة :" اي توا بركا جاني تليفون من عند بابا أما موش توا خاطر سي محمود عندو قضية البرا مالقرية موش باش يبدا موجود لنا"
دارتلها زهرة وقتلها:" انت توا تحب ترجعلو محمود متأكدة"
فتون:" أي علاه تسأل"
زهرة "لا شئ"
فتون،" قداه مازالو باش يغيب"
زهرة" موش برشا جمعة فيبالي"
فتون تنفخ يعني باش نبقي مستحملة الشيطان المدة هاذي الكل"
الحلقة40:
طلع الشيطان ومشا لايمن وين كان محبوس دخلو وبقي يحكي معاه
:" أمم شفت وين وصلت روحك .. تتعامل مع محمود الواطي"
ايمن:" هو كي حكا معايا طمني الي كل شئ مريقل"
الشيطان :" وانت أكيد صدقتوا كي البهيم"
هبط أيمن راسو حاس بالندم سكر الباب وهبط وخلاه...
محمود يحكي مع عمك سالم قلو:" قول لبنتك تحكي مع فتون فما ورقة مهمة نحبها تجيبهالي من عندو"
سالم مهبط راسو جاوبو:" باهي تو نقلها تحكي مع الانسة فتون"
محمود بغش:" مادام فتون ...ياسالم "
برافو يعطيك الصحة كملو هكايا خلي الباج ترجع تنشط و نشكركم برشا برشا على التفاعل الباهي
الحلقة41:
طلع نهار جديد.. قامو مشاو فطرو جا واحد من رجالو يجري للشيطان قلو
:" سي عبد الباسط داخ وماعرفناش شبيه"
سمع الشيطان الكلمتين رما الجريدة من يدو عينو خرجو وخرج طلع للطابق الثالث يجري...
دخل يلقاه الطبيب يزرقلو طاحلو الدم أما طمنو الي هو لباس قعد معاه شادلو يدو لين رقد وبعد خرج مع المغرب..
قامت فتون مفجوعة .. حبت تمشي تطمان مانجمتش موش عارفة شتعمل كان تطلع تو يعرف الي هي كانت تجيه وينجم يقلب الدنيا.. رجعت لبيتها قعدت عالبنك موش منجمة تعمل شئ هي بالحق تفجعت عليه خاطر راجل طيب وقلبو باهي حست الي هو معوضلها بوها تنجم ترتاح كي تحكي معاه... تعدات سوايع وهي تستني بعد دخل للبيت حبت تعرف حاجة عليه بأي طريقة راها داخلة بعضها قلها
:"شبيك"
فتون:" نجم نسألك"
الشيطان" شنوا"
فتون:"شكونو هذا عبد الباسط"
الشيطان:"حاجة ماتخصكش"
فتون:"باهي هو لباس"
الشيطان:" وانت علاه مهتمة"
فتون:" لا أما أنا طبيعتي هكا نحب نسأل عالعباد"
الشيطان :" علاه تعرفو"
فتون بربثة:" لا اما"
قص علاها وقلها حاجاتي الخاصة رد بالك تدخل فاهم فهمت"
مشات تجري للفرش خافت غطت روحها بملحفة وعملت روحها راقدة وهو دخل للبالكون عمل سيقارو ودخل مشا رقد بجنبها عالفرش .. مد يدو بعدلها شعرها علي وجها و قرب راسو لرقبتها باسها وبقي يشم في ريحتها وبعد حملها عندو ... قلبها بدا يدق بالقوي موش فاهمة علاه حس باها غمض عينيه تبسم وقلها:" نعرف الي انت فايقة بونوي"
الحلقة42:
قامت الصباح فتون دارت مالقاتوش بجنبها دخلت الطوالات وخرجت تلقي زهرة تستني فاها قلتلها:" مدام فتون عندي مانحكي معاك"
قعدت فتون عالفرش وقتلها:" شنوا احكيلي"
زهرة:" فما ورقة متع القصر لازم تجيبها الجمعة هاذي لمحمود لازم تكون معاك قبل ماتهرب"
فتون:"باش نسألك"
زهرة:" أي"
فتون:" ورقة متع قصر شكون محمود يحبني نجيبها"
زهرة:" القصر متع أجداد الشيطان ومحمود"
فتون مستغربة:" الشيطان ومحمود!!! وهو وينو القصر هذا"
زهرة:" القصر هذا الي انت عايشة فيه توا"
فتون داخلة بعضها قتلها:" مانيش فاهمة شئ"
زهرة:" شنوا ماكش فاهمتوا"
فتون:" أنا نعرف القصر هذا متع الشيطان شنوا مدخل محمود وو.. هو فما قرابة بيناتهم" بقات زهرة ساكتة مهبطة راسها :" شبيك ساكتة زهرة جاوبني"
زهرة تنهدت وقتلها:" فما برشا حاجات ماتعرفهمش ومنهم الي محمود والشيطان خوات"
شهقت فتون بالقوي بقات حاطة يدها علي فمها موش مصدقة الي تسمع فيه..
خرج الشيطان بالحصان يدور عالخدامة في القرية وقف وقلهم:" عندي ليكم مكافئة علي خدمتكم باش نزيدكم في شهاريكم.. وكان قعدتو تخدمو هكا باش نزيدكم اكثر" كمل حكا ومشا.. بقاو الخدامة باهتين موش مصدقين الي سمعوه و الفرحة ظاهرة علاهم..
الحلقة 43:
في بيت الفطور بقات فتون تخمم كيفاه محمود والشيطان خوات علاه المدة هاذي الكل ماقلهاش الي الشيطان خوه وشنوا سبب العداوة الي بيناتهم... برشا اسألة ادور في راسها قعدت تاكل وحدها وصل للقصر طلع طول للمكتب متاعو .. كملت كلات سألت عليه قلولها الي هو في المكتب متاعو مازال كي وصل طلعتلو حبت تسأل علي حاجات محيرتها دقت الباب دخلت لقاتو يقرا في كتاب قلها
:" كان عندك ماتحكي تفضل كان لا اخرج منا"
فتون تتنحنح بربثة:" اممم أي أنا ج... " هي مازالت تحكي والباب دق دخلت عايدة خزرت تلقي فتون بقات تتشوحرلها هز يدو ونحى الكتاب حطو فوق الطاولة وقلها:" شنوا تحب انت"
عايدة:" جيت نطمان عليك اصلا أنا توحشتك"
الشيطان:" عايدة!!
عايدة:" ياعيون عايدة"
الشيطان بدا يعلي في صوتو :" احكي اش تحب مانيش فضيلك"
عايدة:" موش فاضيلي أما فتون فاضيلها"
جا باش يقوم قتلو بزربة:" او باش نقول علاش جيتك ماغير ماتقوملي"
دارت بعيناها لفتون وكملت:" نحب نحكي معاك وحدنا"
فتون دخلت بعضها جات قايمة اخي وقفها الشيطان
"أقعد"
دارت فتون بقات تخزرلو:" قتلك أقعد ماتسمعش"
عايدة بقات تغزل من داخل:" أمم كان تحبها تسمع الي باش نقولو ميسالش"
الشيطان :" رد بالك تتعدا حدودك"
عايدة:" وهو فما حدود مابين الاخوات"
الشيطان:" خوات!!"
عايدة:" باهي منغير مانلف وندور أنا حاشتي بيك ونحب نعرسو"
الشيطان:" عايدة أنت وأنا خوات بالاسم تنساش الي انت بنت مراد الي هو موش بابا وامي هي الي رباتك ماكش حاشمة علي روحك "
عايدة :" لا"
الشيطان ضحك باستفزاز:" تحب عالورثة والفلوس تحب الاملاك وعلي خاطرهم تبيع روحك الرخيصة " عايدة هبلت وبقات تغلي من داخل هزت روحها وخرجت بعد دار لفتون قلها أخرج أنت توا
فتون:"نعم"
قتلك أخرج لبرا .. قامت بزربة خرجت وسكرت الباب
الحلقة 44:
كلم محمود سالم قلو وينك يا شيوبة شعملت بنتك حكات مع فتون عالعقد متع القصر"
سالم:" أي سي محمود قلتلها وصايا"
محمود:" باهي أنا توا عالحدود نحب كي نرجع نلقي العقد عندي وقلها تزرب فتون والمرة الجاية نكلمك هز فيسع التليفون"
سالم:" باهي سي محمود"
دخلت فتون لبيتها تكات عالفرش بقات تخمم في الي صار بكري بين عايدة و الشيطان توا فهمت الي هوما موش خوات كان بالاسم ... حسب ماعرفت الي أم الشيطان عرست ابو عايدة الي هي موش اختو تكون أخت محمود..
خرجت عايدة كلمت محمود
عايدة:" خويا مودي سمعت الي انت عالحدود"
محمود :" وانت شكون لي قلك"
عايدة تضحك:" أنا مايفوتني شئ كل حاجة نعرفها"
محمود:"شتحب تكلم فيا"
عايدة :"حبيت نقلك لأنا ناوية نعرس بالشيطان"
محمود:" هههه أنت أكيد جنيت هو مستحيل ياخذك"
عايدة:" امم باش نعمل المستحيل ناخذو ونولي أنا الكل في الكل لنا ناخو القصر والأملاك"
علق علاها محمود التليفون كي لقا عز الدين يطلب فيه هز عليه
محمود:" عز الدين بكلو يكلم فيا مرحبا بالخال"
عزالدين حبيت نفكركم هو الي تقابل مع الشيطان في الحفلة في الصالة الي يكون بو أيمن
عز الدين:" فينهم الاوراق يا محمود الي خليت ايمن يسرقهم"
محمود:" هاك قلت ولدك سرقهم يعني اسألو هو"
عزالدين: نعرف الي الاوراق عندك اشنوا المقابل تكلم"
محمود:"نحب العقد متاع فيروز الله يرحمها"
عزالدين: هو موش عندي"
محمود: اي فيبالي نحبك تاخذو من عند الشيطان"
عزالدين:" مستحيل ناخذو"
محمود: مالا كهو قول باي باي عالفلوس واملاكك الي حطيت فاها فلوسك الكل"
وعلق
الحلقة 45:
خرجت فتون مالبيت تجري كي سمعت صوت حس وعياط في القصر اللوطة عرضتها عايدة هابطة سألتها شفما
قالتلها مانعرش هاني هابطة نشوف
هبطو اللوطة بقات عايدة تسأل شفما... راو راجل راكع اللوطة تحت الشيطان ظاهر كلا برشا ضرب شدو الشيطان من راسو بقوة وقلو
:" آخر مرة نسألك ..شكون الي بعثك جسوس لنا"تنفس بالقوي وعينيه تكدح شر..كمل حكا:" ظاهر فيك ماكش خايف وحابب تموت.. باهي"
خذا الشيطان الفرد عند واحد من رجالو وحطهولو في راسو .. الراجل بقي يرعش ويبكي :" أمان ماتقتلنيش عندي صغار ودار ماتيتمهمش" شد يد الشيطان يبوسلو فاها.. دزو الشيطان بساقو طيحو قلو :" آخر فرصة عندك باش تقلي ولا"
بقات فتون تخزر للي قاعد يصير مشات وقفت قدامو قبل ماينزل عالفرد وقتلو :" ماتقتلوش حرام"
الشيطان: ابعد
فتون:" حرام يا بيجاد تقتلو هو ماقتل حد"
الشيطان: قتلك ابعد" قالها بصياح
فتون بعناد:" مانيش باش نبعد حرام تقتلو"
الشيطان: هذا خاين والخاين نهايتو الموت بالنسبة ليا"
حست برعشة في بدنها كبست روحها وقتلو
:" سامحو سامحو خاطر صغارو ماتخليهمش من غير بو"
ضحك و قلها:" نسامحو كلمة سماح ماعنديش في قاموسي"
فتون:" باهي اقتلني أنا قبلو"
خزرلها ببرود :" باش نقتلك قبلو"
حط صبعو عاالزناد وهي غمضت عيناها
:" باهي تو نقول كل شئ"ّ تكلم الراجل خزرلو الشيطان وكمل:" بعثني ليك سي محمود اما موش وحدي"
حلت فتون عيناها بزربة ودارتلو
الشيطان:" موش وحدك ؟؟؟
بقي الراجل يخزر لفتون خزرة غريبة
قلو الشيطان :"كمل"
خزرتلو فتون بعيناها تترجي فيه باش مايتكلمش قبل مايهز عينيه ويتكلم للشيطان ويوفي كل شئ
الحلقة 46:
بقي الراجل يخزر بعينيه بين فتون والشيطان ..وهز صبعو لفتون باش يقلو علاها تسمع كان في صوت رصاصة خرجت وضربتو في راسو في جبينو قامت فتون تصيح مالفجعة والصدمة كي رات الراجل عارق في دمو مييت تلفتت تلقي رجال الشيطان متلفتين لتالي وين الباب يراو في راجل ملثم هارب هو الي قتلو... صاح علاهم الشيطان :" تحركو شدوه ماتخليوهوش يهرب"
خرجو وراه... فتون مالصدمة وخرت لتالي لين طاحت عالقاعة تبكي وعايدة واقفة عادي تقول تتفرج في فيلم أكشن موش حاسة بشئ .. سمعت صوت الرصاص يمشي ويزيد دخلو رجال مسلحين هزو سلاحاتهم في وجه الشيطان وقلو الزعيم متاعهم للشيطان
:" ارمي سلاحك والا باش تموت"
تبسم الشيطان وحط سلاحو عالقاعة وقالو
:" حابب تلعب بروحك اليوم"
كمل كلامو .. هز يدو لتالي وبصبعو جاو رجال الشيطان الكل وراه شادين فرودة هز الشيطان سلاحو وحطو في راس الزعيم متاعهم وقلو
:" هبط سلاحك وقلي شكون الي بعثكم"
:" مانيش مهبطو الا ماتوفي اللعبة ويموت حد فينا"
نزل الشيطان عالزناد وقتلو... وصارت حرب بين الزوز والكرتوش يخيط في القصر.. وفتون حاطة يدها علي وذنها مالرعب وتبكي مغمضة عينيها بالقوي بعد وقف صوت الكرتوش وماتو رجال محمود بعد ماقتلوهم الكل .. عايدة طلعت في الدروج تجري لبيتها..
الحلقة 47:
رمي الشيطان سلاحو من يدو ودار بعينيه عالموتي في القاعدة تعدا طالع للدروج دار بعينيه في الكوان لقاها علي حالتها قاعدة في القاعة مشالها يجري وبقي علي ركبتو ويسأل فاها بخوف:" انت لباس"
هزت عيناها بالدموع وشدتو من سوريتو وقتلو :" خايفة برشا"
طبس راسو بشويا وتبسملها:" ماتخافش أنا معاك هيا" شدها من يدها وقومها وحط يدو لخرا علي جنبها ولصقها ليه وهي تخزرلو بخوف:" ماتخلينيش" مشا باها لدروج حلت عيناها ترا في الموتي عودت سكرتهم بالقوي وبدات ترعش وتبكي شدها حملها ليه وحطت راسها في صدرو ويدها في رقبتو وتنهدت بالقوي ..
الحلقة48:
"صايا سي محمود قتلناه الراجل الي بعثتو اما رجالنا ماتو"
محمود ضحك في التليفون وقلو المهم ماكشفش فتون
واحد من رجالو :" أنت ماكش ناوي تكشف حقيقتها"
محمود:" موش توا مازال الوقت"
الراجل:" مالا أنت ناوي تكشفها"
محمود:" ماتسالش في حاجة ماتخصكش"
دخلها للبيت قعدت فتون عالفرش حاطة كف يدها علي وجها خايفة بقي بجنبها
الشيطان: مازالت خايفة
فتون: شويا
الشيطان: الموضوع وفا ماتخمم في شئ خلاها تكات مشا قعد في البلكون شارد رجعلو نفس الاحساس جبد نفس طويل بقي يخمم علاها خاف علاها حسها كاينها بنتو الصغيرة الي تحب شكون يخاف علاها ويحماها غمض عينيه بالقوي يحب ينسي الي خمم فيه دخل لقاها رقدت تكا بحذاها حط يدو علي جبينو حس بيدها فوق صدرو تلفتلها بقي يخزرلها داخل بعضو تبسم ورقد فاق الصباح لقاها حاطة راسها في رقبتو معنقتو تشم في ريحتو فرح
الحلقة49:
قامت الصباح لقاتو يخزرلها تفجعت بعدت عليه قتلو
شنوا كنت تعمل
الشيطان:" حسب رايك"
فتون:" يعني انت استغليتني"
الشيطان:" كان حاشتي باش نستغلك راني استغليتك من أول نهار فهمت قام دخل للطوالات وسكر الباب بالقوي بقي ينفخ ووجهو حمار ..كمل خرج مشا للمكتب وهي تعدات تفطر..
مشا محمود للحدود باش يقابل شريكو في الصفقة الي خسرها بعد مادبرلو فلوش مزورة مليار مذرح قابلو عالحدود وحكا معاه وعطاهملو..
في قصر الشيطان وتحديدا في المكتب مشالو عزالدين وحكا مع الشيطان وعلي صارلو مع محمود والورقة الي هزهالو وطلب في المقابل عقد متع ام الشيطان فيروز
الشيطان:" باهي سي عزالدين أنا باش نعطيك العقد مدهولو"
عزالدين:" تمدهولي!!
الشيطان:" اي أما مزور"
الحلقة50:
بقات فتون في البيت بعد مافطرت حلت الخزانة لقاتها محلولة بدات تلوج عالعقد الي طلبو محمود منها جبدت اوراق قعدت تلوج لين جات عينها علي ورقة باسم محمود استغربت بقات تقرا فاها ...
زهرة جات هابطة رات الشيطان طالع الطابق اللول مشات تجري للبيت وين خلات فتون تفركس دخلت نبهتها الي الشيطان جاي لقاتها مصدومة موش. فاهمة علاه قربت تلقاها ورقة في يدها
فتون دموعها في عينيها:" أكيد الكلام الي موجود لنا مستحيل يكون صحيح مستحيل محمود يتاجر بالسلاح ويقتل"
زهرة سخفت علاها قلتلها:" اي صحيح سي محمود يتاجر في السلاح ويقتل في العباد ويعمل في علاقات مع بنات ويعدي فاها عالعباد ويشري بنات كيما شراك أنت"
فتون عيناها تحلو مالي سمعتو شهقت من غير ماتشعر حست بروحها جمدت في بلاصتها الدم معاش يدور كملت زهرة:" يعني محمود موش ملايكة كيما أنت فيبالك هو ألعن مالشيطان بيدو"
بقات فتون وحدها في البيت موش مصدقة لا مستحيل محمود يكون هكا هذا الي عرفتو راجلها وحب حياتها تبكي بالساكتة وجها اصفر ..
الحلقة51:
دخل للبيت لقاها قاعدة عالفرش وجها اصفر
الشيطان:" شبيك لباس"
فتون عطاتو بظهرها وتكات:" لا لباس"
قدم وين هي راقدة وجبد الملحفة وغطاها وهي دموعها هبطو قرب وقعد بحذاها علي حافة الفرش ومد يدو مسحلها دموعها من عيناها قلها:" مازالت متاثرة مالي صار"
دارتلو بالشويا شدتلو يدو وقتلو بشويا:" نحبك تعنقني"
بقي يخزرلها ساكت ماقال شئ وخرت شويا جبدتو من يدو وهو نحا صباطو وتكا بحذاها دفنت راسها في صدرو قربلها وعنقها وبقا يمسحلها علي ظهرها بالشويا وهي تبكي علي كل كلمة قالتهالها زهرة توا..
كلم عزالدين محمود قلو وينك
محمود:" نهارين ونرجع"
عزالدين :" الي حاشتك بيه عندي ايجا هزو العقد "وعلق
قامت فتون لقات الشيطان بجنبها راقد خرجت مالبيت بالشويا ..
قعدت زهرة في الكجينة تمسح بكف يدها علي جبينها مسخفها حال فتون كي عرفت الحقيقة تلفتت تلقاها داخلة .. زهرة قامت مشاتلها:" مدام فتون حاشتك بحاجة"
فتون تنهدت جبدت كرسي وقعدت:" نحبك تحكيلي كل حاجة تعرفها علي محمود"
زهرة حايرة تحكيلها لا بعد تكلمت:" شنوا تحب تعرف بالضبط"
فتون :" كيفاه شراني محمود"
الحلقة52:
مدام آنت حابة تعرف محمود كيفاه شراك هاو باش نحكيلك كل شئ ماللول باهي تتفكر قبل بعامين الراجل الي هزك للقصر متع محمود هو باعك ليه بالفلوس تنهدت وكملت والراجل اذاكا هو بابا .. ماللول سي محمود وافق وخدمك عندو وبعد عملك خديمة خاصة بيه كان لسبب معين"
فتون:" سبب معين!!"
زهرة تو تعرف السبب بعد مانكملك وتعرف كل شئ.. في الفترة الي كنت تخدم فاها كان يشريلك في حرابش تهدي العصاب ويحطهالك ديما مع حاجة تتشرب"
فتون باهته:" حرابش مهدئة!!"
زهرة:" السيد محمود كان يعرف عندك عقدة من صغرك وكان يعطيك الحرابش باش تنجم طاوعو وقبل العرس متاعكم العرفي بنهارين حطلك مهدء با...
حشمت باش تقبها فتون :" اي كمل"
:" بعد ماعطاك الحرابش دخل لبيتك ورقد معاك يعني سرقلك.. شرفك"
فتون: مستحيل محمود عمل هكا"
زهرة:" حاجة اخرا تتفكر اول طفل حبلت بيه وطيحتو هو كان السبب مالزرارق الي يمدلك فاهم وزيد موش أنت أول وحدة خذاك عرفي فما برشا قبلك عرس باهم أما انت الوحيدة الي طولت معاه سامحني اني كنت السبب في حالتك بابا قلي كل شئ ماللول خفت نحكيلك.. أما أنا قتلك خاطر باش يجي نهار وتعرف لحقيقة ماحبيتش نخليك عايشة في وهم"
الحلقة 53:
فتون:" مستحيل نصدق الي محمود عمل فيا هكا هو أول واحد حبيتو هو الراجل الي عمرو ماحسسني بحاجة ناقصة كان حنين ويحبني أنا بالرغم الي عملو فيا سامحتو يازهرة"
زهرة تبكي:" نعرف صعيب عليك تتقبل لحكاية خاطرك تحبو برشا وعينيك كانت مغمضة علي برشا حاجات محمود موش هو الشخص الباهي الي في مخك .
قام الشيطان مالنوم حل عينيه
"فتون فتون" تلفت مالقهاش قام دق باب الدوش ماسمع حتي حس حلو دخل راسو مالقهاش مشا خرج طل مالباب مالقاش العساس دخل وقعد عالفرش حط يديه علي ساقو :" مستحيل تهرب فتون .. مستحيل تهرب مالشيطان موش بالسهولة هاذي تخرج مالقصر"
قام خرج مالبيت وهو متقلق هبط يلوج علاها
بقات فتون وحدها في الكجينة بعد ماخرجت زهرة بقات شاردة قلبها عصر علاها رجعت باها الذاكرة لتالي ايماتها معاه بقات تبكي بحرقة موش مصدقة السيناريو الي دار في راسها قامت خرجت مالكجينة للكلوار مشات شويا وطاحت في القاعة تبكي موش منجمة تقاوم السكينة الي تحس فاها تغرست ..
هبط للطابق اللخر متع الخدام يسمع في صوت بكا في الظلمة قدملها وقلها:" فتون"
قالها بقلق قعد علي ركبتو مقابلها نحالها كف يدها من وجها يلقاها عيناها حمر من كثر البكا ترمات عليه عنقتو بالقوي بقا مصدوم موش عارف علاه كمل عنقها بيدو علي ظهرها وقلها:" ماتبكيش اهدا"
بقي يمسح علي ظهرها حتي حست بروحها مرتاحة وقصت عالبكا جا باش يجبد روحو منها ماخلتوش:"خليني هكا"
الشيطان:" باهي"
الحلقة54:
طلعها للبيت وهو محملها قتلو :" مانحبكش تسالني شبيك"
تبسم وقلها براسو باهي مدت صوابعها حطتهم علي شفايفو وقتلو:" ضحكتك حلوة" تبسم
وقعدها عالفرش قتلو:" نجم نطلب حاجة"
ضحك وقلها:"شنوا"
فتون:" انسا" تبسم علي جنب عرفها شنوا تحب .. ترقد عندو تشم ريحتو وترتاح
دار طفا الضو ورقد بجنبها حطت يدها تحت راسها
:"فتون"
هزت راسها حست بيه قريب مالنفس متاعو قلبها بدا يدق بالقوي
:" ايجا نرقدك عندي"
فتون:" نعم!"
تبسم وقربها ليه عنقها لين جا راسها في صدرو
وهكا تنجم ترقد مرتاحة
فتون:" كيفاه عرفت"
الشيطان:" أنت"
رجعت راسها لصدرو غمضت عيناها جبدت نفس طويل ورقدت فيسع وهو بقا فايق حاس بمشاعرو داخلة بعضها
الحلقة 55:
جا محمود مروح مالحدود وقفو الراجل الي يكون هو شريكو في الصفقة المعلم فيهم... قلو:" محمود الفلوس مزورة"
دارلو محمود بخبث وقالو :" عمري مانغشك ماهيش مزورة"
قدم هو ورجالو وشدوه من يديه الزوز وقلو:" مازالت تكذب ياطحان"
وامرهم باش يدقدقوه بطريحة كلا الضرب كيما حب وهو يصيح بغش خوف ذل بعد سيبوه ركب المعلم متاعهم في الكرهبة هز التليفون بعث ميساج للشيطان قلو فيها :" المهمة تمت" وتبسم
قامت فتون كي كالعادة الصباح مالقاتوش بحذاها قامت لقات عينيها الزرق منفوخة مشات جبدت حوايجها ودخلت دوش باش تخفف علي روحها التعب الي تحس فيه في بدنها..
كملت خرجت تنشف في شعرها تمشط فيه عملت كعبات ثلج في عينيها باش ينقص النفاخ بعد عملت ماكياج خفيف برشا دخلت زهرة تلقاها قاعده تمكيج بقات باهة
زهرة:" لباس مدام فتون لبارح خليتك في حالة"
فتون:" فاش قاعدة تشوف أما تهنا تو بالوقت ننسي
زهرة:" اكيد مادام صبح وجهك منور بهت قلت باش نلقاك تبكي..
فتون:" لازمني نكون قوية وأنا تو نحاول نتجاوز الي صار.. لقاتها جايبة في يدها صينية متع ماكلة قلتلها فتون:" شكون الي قلك عالماكلة "
زهرة:" سيدي الشيطان قلي نجيبهالك"
فتون:" لا هبطها أنا باش نمشي نفطر في بيت الفطور وقامت خرجت وراها..
لحلقة56:
دخلت لقاتو يفطر تبسمت وقعدت بحذاه
الشيطان:"لباس توا
فتون:" اي لباس
الشيطان:" بعثتلك فطورك للبيت علاه ماكليتش غادي"
فتون:" لا أما حبيت ناكل لنا"
هزت الخبز وبدات تعدي بالمعجون وتخزرلو كيفاه يشرب في قهوتو ... لاحظ الي هي مركزة معاه بعيناها قلها:" شبيك تخزرلي فما حاجة تحب تقولها"
فتون:" تنحنحت .. ماعندكش فضول تحب تعرف علاه كنت نبكي البارح"
الشيطان:" لا انت طلبت مني مانسالش وأنا حترمت رايك"
فتون:" تعرف أنا حسيت أنك ماكش خايب للدرجة هاذي يعني من داخل نحسك دافي وقلبك أبيض عكس العبد البارد الصعيب الي توري فيه للناس وليا أنت بالحق ماكش خايب جملة فما ناس اخيب برشا م.. قص علاها وقلها
:"موش خاطر عاملتك البارح بالقدا باش نولي ملايكة واكا اللغة"
فتون:"لا أما عندي مدة ملاحظتها الحاجة هاذي"
شد الكاس متع الماء شرب منو وتبسم علي جنب..
الحلقة 57:
بلعت الماكلة فيسع وجات باش تقوم قلها:" فيسع شبعت"
هزت راسها الفوق واللوطة قتلو أي
الشيطان:" أقعد كمل فطورك .. ماكليت شئ"
خزرت للصحن وقتلو شبعانة قام جا خارج مالبيت فطور قامت مشات وراه تلقي عايدة شادة الباب ماخلتوش يخرج
الشيطان:" ابعد"
عايدة تكات بتزعبين عالباب وقتلو:" توحشتك"
الشيطان جاوبها بكل برود معمل حتي تعبير علي وجهو:" ابعد من قدامي مانيش فاضيلك"
بعدلها يدها وخرج مشات تجري وقفت قدامو قتلو :" ستنا نحب نقلك حاجة مم وقتاه باش نعرسو"
الشيطان:" نعرسو!!"
عايدة:" أي أنا قتهالك اكثر من مرة وديما نقلك الي أنا نحبك وحاشتي بيك"
الشيطان:" عايدة ابعد من قدام وجهي توا"
عايدة:" نحب نعرف علاش ماتحبش عليا والا خاطر عندك وحدة اخرا"
الشيطان:" أي عندي وحدة اخرا في قلبي"
خزرتلو بغش وقتلو:"مانيش باش نخليك جملة"
الشيطان:" بالحق"
بقات فتون اتبع في كلامهم من تالي حست روحها تقلقت برشا والغيرة باش تاكل قلبها ..
قدمت منو عايدة وشدتو من كول السورية رات فتون واقفة وراه قتلو :" الي في قلبك فتون موش هكا.. صدقني مانيش باش نخليك جملا" قدمت راسها وبقات تبوس فيه من شفايفو فتون هبلت طلعلها الدم والغيرة عيناها تحلو مالصدمة مشات قدمتلهم بغش والشيطان يشد عايدة من يدها الزوز ويدزها علي ظهرها عالحيط بالقوي لين صاحت مالضربة بقات فتون تتبسم كي راتو دزها بالقوي رجعت قعدت الطاولة والضحكة متع الشماتة علي فمها.. فرحت من داخل موش عارفة علاه تنهدت وشدت كاس الماء وشربتو هه.
الحلقة 58:
را الشيطان فتون من تالي حس بالدم طلعلو لراسو هبط في الدروج وخلا عايدة طايحة في الكلوار شادة ظهرها مالوجيعة ..قامت فتون وخرجت رات عايدة تبسمت بشماتة
عايدة:" جاية لواه"
فتون:" كنت متعدية ريتك طايحة في القاعة قلت نجي نعاونك"
عايدة بغش:" مانيش مستنية وحدة خاينة كيفك تجي تعاوني"
فتون:" علي فكرة أنا نسخف عليك برشا وحدة ترخص في روحها لواحد موش معبرها
عايدة:" حاجة ماتخصكش
فتون؟" لا حاجة تخصني"
عايدة:" والشيطان توا ولا يخصك"
فتون:" موش أنا عشيقتو كيما انت تعرف"
عايدة تضحك باستفزاز:" ههه هاك قلت عشيقتو ترا فيها علاقة مقدسة للا شهر شهرين ويرميك لبرا"
فتون:" اذاكا شهر والشهرين مع غيري أما هو باش يبقي شاد فيا موش أنا الي يعدي بيا شهر وشهرين..
عايدة:" ياقطوس موش خاطر تعامل معاك بالقدا نهارين باش يولي يحبك.. راك تحكي عالشيطان موش حد أخر"
فتون :" أنا كان حاشتي باش نخليه يحبني تو يحبني أما انت خايفة لا الثروة هاذي الكل تمشي لغيرك موش هكا"
عايدة:" بالضبط"
الحلقة59:
قعد الشيطان في المكتب متاعو حاط راسو لتالي عالكرسي مغمض عينيه بقا شارد تفكر كلام عايدة:" أكيد في قلبك فتون موش هكا"
بقا السؤال يتعاود في راسو موش لاقي بالحق اجابة هو بني حياتو عالكره.. القوة.. قلبو مايرحمش موش منجم يستوعب الي الباب هذا متع الحب باش يعاود يحلو بعد ماسكرو من مدة كبيرة برشا.. وقف وجبد الريدو الي موجود عالحيط وحل الباب ودخل ..
مشاتلو فتون للمكتب دقت الباب ماجاوبهاش عاود دقت كيف كيف دورت الكوبة دخلت بالشويا دارت بعينيها في وسط المكتب مالقاتوش قدمت وين الكرسي متاعو بقات تخزر للبيرو والحاجات المحطوطة عليه .. لقات منقالة كلها بالذهب مرصعة هزتها تشوف فاها دورتها تلقي فيها زوز اسامي منقوشة" فيروز فخرالدين"
بقات تخمم في الاسامي متع شكون ... رجعتها عالطاولة دارت للكواطرو عاالحيط بجنب الباب تفكرت الي هي راتو قبل عند محمود...
سمعت صوت متع باب خافت بعد عاودت سمعت صوت الباب مرة اخرا دارت وقدمت وين الحس تلقي ريدو كيما الحيط نحاتو بشويا تلقي وراه باب.. دارت جات راجعة خارجة ..شهقت كي حست بيد جبدتها من وراها وشدتها من جنابها ودخلتها لبيت ظلمة من ورا الباب الموجود في الحيط مانجمتش تعرف شكون الي مقابلها أما نجمت طلعو من ريحتو بقي شادها من جنابها الزوز قتلو بربثة:" بيي يجاد"
بقات تتنفس بالقوي صدرها طالع هابط خايفة عاللخر حست بالنفس متاعو قريبلها نحي يدو من جنابها
:"شكون هنا!!... أنت بيجاد.. أنا موش خايفة علي ف...
شهقت كي جبدها ليه بالقوي وشعل شمعة حطها في يدو بجنب راسها... ضوات شويا نجمت تشوف عينيه الكحل الغامضين بقات سارحة فيهم هي تعشق عينيه بالرغم من صعبهم بالرغم مالقوة والقسوة الي فيهم
الحلقة60:
بقا هو يخزرلها طيح الشمعة من يدو عالقاعة طفات.. حست برعشة في بدنها...
فتون:"شنوا ناوي تعمل"
الشيطان عينيه لمعو وقربلها كملت:" نحب نخرج منا"
الشيطان:" شبيك كي العادة خايفة"
فتون:" ماكش باش تنجم تعمل شئ"
الشيطان:" اتو نشوفو نجم والا لا كيما قلت"
جات باش تحكي قص علاها وهبط راسو وقرب شفايفو منها وحطهم علي شفايفها وبقا يبوس فاها وهي تجاوبت معاه وطلعت ساقاها الفوق باش تخلطاو زادت طلعت يدها لرقبتو وعنقتو وهو كبس علاها من جنابها بدنها لاصق في بدنو ريحتو البنينة النفس متاعو موش مفهوم قلبو يدق بالقوي مخلط بوجيعة بحب بحنين بوحشة يبوس فاها بحنية بقات مغمضة عيناها حبت تفهم علاه تجاوبت معاه ..توا وين فهمت الي هي معجبة بيه ممكن تحبو زادا ... وخر باها لتالي لين لصق ظهرها عالحيط وهز كف يدو الزوز وحطهم علي رقبتها وعنقها بالقوي... بعد شويا لتالي ونفخ بالقوي كاينو يحب يهرب من حاجة تبع فيه مسح بكف يدو علي وجهو قدم وين الباب حلو وخزرلها قلها
:"أخرج"
بقات تخزرلو باهتة رجع شدها من يدها وخرجها قلها:" موش حاب نشوفك في المكتب لنا أخرج"
خرجها وسكر الباب وهي بقات واقفة البرا موش مصدقة.
الحلقة 61:
قعدت عايدة في بيتها تضحك وتحكي في قلبها
:" مسكينة مشا فيبالها باش تنجم تخليه يحبها هه تي هو الشيطان عمرو ماحن لحد عمرو ماحب حتي وحدة وزيد أنا نحبها تجرب واكيد باش تخسر في اللخر ويلوحها علي طول يدو .. آه وقتاه يجي اكا نهار نراك تشعل بالنار في الساحة نرتاح منك ههه"
قعد عالكرسي وحدو في البيت ظلمة غمض عينيه حط راسو لتالي... حب يقتل الإحساس الي صنعتو فيه من داخل حس المدة لخرا الي هو بدا يشوف في حاجة جديدة من ناحيتها .. هي المرا الوحيدة الي خلاتو يحس هكا هو هابل علاها يحب يستملك كل حاجة فيها... ضرب بيدو عالطاولة تفكر الي هو الشيطان مستحيل يخلي حد يرجعو كيما كان.. كره روحو كي حس لهو هابل علاها بقا ينفخ وعدا يدو علي شعرو ساكت هايم ...
رجعت فتون للبيت تضرب في راسها كيفاه خلاتو يهينها موش مصدقة الي هي سلمت روحها معاه .. موش مصدقة الي هو عاملها بالطريقة الباردة .. تعدا الوقت جا وقت فطور القايلة الدنيا دافية الطقس منسم شويا خرجت باش تفطر دخلت لقاتو ياكل ساكت قعدت بحذاه وهو عمل روحو ماشفهاش..
الحلقة 62:
خزرتلو علي جنب بغزول وقتلو:" موش من باب الاحترام تستناني ناكل معاك... مدام أنا وحدة منكم
الشيطان ياكل :" ظاهرلي فيك بديت تتجاوز في حدودك أكثر ماللازم " قالها وهو متغشش برشا موش حاب يظهر ضعفو موش حاب يحس معاها شئ.. بقات فتون تحكي في قلبها:" أنا توا لازمني ننتقم منو علي الي عملو معايا.. لازم نغششو"
مد يدو ياش ياخو الخبز هزت يدها فيسع وخذتهالو عاودت كيف كيف ههه بقا يخزرلها قتلو:" نحب ناكل الخبز هذا"
:" وانت ناوية تاكل الخبز هذا الكل"
" اي خليهولي"
بعد قالت في قلبها لزمني توا نطلعلو العصب
فتون:" نقلك حاجة"
طفاها وهو ياكل بالسياسة موش معبرها هبلت
:" راني نحكي معاك جاوبني" كيف كيف طفاها
هزت عينيها للتاي وقتلو
:" نصبلك تاي"
:"لا مانحبش"
هزت يدها للترموس وكملت:" تفضل"
"موش قتلك مانحبش"
"قداه من مغرفة سكر تحب"
هز يدو مالصحن وتلفتلها بغش وقلها بصوت خشين"
:" شنوا تحب انت توا فتون تكلم"
" وأنا قتلك نحب حاجة"
" مالا شبيك ماتفهمش"
"لا مانفهمش"
قلتها مابين سناها وقامت بزعت عليه التاي
قدمت الخديمة تجري قتلو:" سيدي"
وفتون تضحك بشماتة... قام بزربة شدها من يدها بالقوي وتلفت للخديمة قلها أخرج البرا"
دارلها قلها ظاهر فيك تحب تشوف وجه الشيطان
:" لا أنا نفدلك معاك كهو"
"يعني ماكش خايفة"
"لا مانيش خايفة"
ويتلفت يعطي كف لفتون يطيحها عالقاعة وضربها بغش قلها وهو يلهث لازمك تخاف مني فهمت" بقات عالقاعة تبكي وهو خرج وخلاها..
لحلقة 63:
رجع محمود للقصر مدقدق بعد مافشلو الخطط متاعو الكل.. بقا يحكي مع روحو:" الكلهم جاو ضدي ومشاو في صف الشيطان
. مابقا معايا حد.. كان فتون توا لازمني نرجعها هي الوحيدة الي بقاتلي هي تحبني ماتسلمش فيا جملة نعرفك تحبني حب اعمى مصاب جاو الناس الكل كيفك راني حققت الي نحبو عندي مدة.". رما التليفون بجنبو عاود شدو بالقوي وخزر للكالوندريا وقال:" غدوة النهار الي نستنا فيه وضحك"
عرف عمك سالم بو زهرة بالي صار حكاتلو زهرة كل شئ الي فتون عرفت بمحمود هبل ومرض... طاح داخ جابولو الطبيب .. سمعت زهرة الي بوها تاعب مشات لدارهم تجري تطمان عليه...
زهرة:" خوفتنا عليك يابابا"
سالم:" الي صاير معايا كلو منك انت
زهرة:" بابا نحبك تاثق فيا
سالم:" احكيلي شنوا آخر مخبية عليا
تنهدت وحكات لبوها شنوا الي عملتو من وراه.
الحلقة 64:
دخلت فتون لبيت عبد الباسط في الطابق الثالث خزرلها بصدمة :" فتون بنتي شبي حالتك هكا
فتون:" الشيطان عملي هكا
عبد الباسط" علاه شنوا صار
فتون:" تنجم تحميني مالشيطان كان نقلك الي أنا جسوسة بعثني محمود
عبد الباسط:" جسوسة!!! بقي ساكت عمرو مكان يتوقع الي فتون باش تكون خاينة
هبطت راسها حاشمة قربتلو وقتلو
اي نعم أنا جسوسة محمود بعثني باش نجمع معلومات عالشيطان ونقتلو"
عبد الباسط:" ماكنتش نتوقع منك تعمل هكا قالها وعينيه كلها حزن
فتون:" أنا عملت هكا اجباري هو الي لزني صدقني مكان عندي حتي حل صحيح ماللول رفضت أما بعد قبلت خاطر نحبو سرقت اوراق مهمة مالشيطان وعطيتهالو والله أنا نادمة عاللي عملتو كان يرجع بيا الوقت لتالي راني تراجعت عن قراري وهربت من كل شئ بعد الوهم الي كنت عايشة فيه مع محمود" تنهدت بالقوي وتبسطت راسها موش لاقية حتي عذر للي عملتو
عبدالباسط:" الوقت مايرجعش
فتون:" نعرف
عبدالباسط " انت جاية تقلي الحقيقة توا علاه
فتون:" خاطرني ضعيفة.. بقيت وحدي ما عندي حد نعرف الي حد موش باش يحميني مالشيطان كي يعرف الحقيقة"
عبدالباسط" أنا مانجمش نحميك أنت كان جيت جاسوسة من واحد آخر غير محمود ممكن كنت نجم نعاونك أما اي واحد تابع محمود يستاهل الي باش يصير فيه"
فتون:" محمود مخطط يهربني منا كي يرجع وأنا مانحبش نرجعلو جملة
عبدالباسط:"موش انت حبيبتو كهو مالا
فتون:" مانجمش نرجع لواحد غدرني وخاني مستحيل
عبدالباسط:" احكيلي شنيا حكايتك ماللول
فتون حكاتلو كل شئ مالي تعرفت عليه لين كشفت حقيقتو والدموع هابطة كي الشتاء.
الحلقة 65:
عبدالباسط:" أنا توا مانجمش نحميك وأنا في الحالة هاذي... انت تنجم تحمي روحك منو
فتون:" كيفاه
عبدالباسط:" خليه يحبك
فتون:" أنا جربت وانت هاك شفت أشنوا عمل فيا"
عبدالباسط :" باهي ايجا نقلك كيفاه تتصرف معاه فسرلها شنوا لتزم تعمل
فتون:" باهي بعد الي سمعتو نظرتك ليا تبدلت
عبدالباسط:" يابنتي كلنا نغلطو ماتخافش انت باش تبقي حفيدتي..
هبط الشيطان مالحصان قدم واحد من رجالو وهزو رجعو لبلاصتو وهو دخل للقصر طلع في الدروج الطابق الثاني دخل لبيتو لقاها قاعدة الفرش لامة ساقها لصدرها سارحة سكر الباب بقي يخزرلها قدم قعد عالبنك..
"ايجاني لنا" فاقت من سرحتها كي راتو يعيطلها بصبعو قامت مالفرش مشاتلو وقفت قدامو ضيق عينيه هزها وحطها وقلها:؛ برا عبيلي البانو باش نعمل دوش وجيبلي دبشي مالخزانة"
دارت مشات عملت الي قلها عليه من غير ماتتكلم بعد قام جا داخل لادوش وقف يخزر للجرحة تحت فمها حس بالذنب .. قدم وجبدها من يدها ليه :" صحيت هاك تتعلم فيسع
الحلقة 66:
طاح الليل قعدت في البالكون شاردة تتفرج في النجوم .. دخل يلقاها قاعدة مشالها يسمع فاها تحكي بصوت مسموع
،:" وقتاه نولي حرة كيما النجوم ونرتاح،"
الشيطان تنحنح وقدملها حط يدو في جيوبو وقلها:"شكون قلك الي النجوم حرة"
فتون:" امم وقتاه باش تخليني نمشي تعطيني حريتي..
الشيطان:" علي قريب تو تاخذها
قامت الصباح تتكسل دارت مالقاتوش بحذاها كي العادة
في المكتب متاعو قاعد هو عزالدين
"سامحني أما أيمن غلط ولازم يخلص"
عزالدين:" خليه يتربا أنا نعرف الي انت تعمل في الصحيح حتي كان ولدي.. محمود راجع اليوم"
الشيطان:" اي فيبالي
عزالدين:" شنوا باش تعمل معاه
الشيطان:" حتي شئ
عزالدين:" باش تمشي ليوم تلعب قمار
الشيطان:" اكيد اصلا اللعب مايكملش من غيري
عزالدين:" باش تربح كي العادة
خرج وسكر الباب
رجعت زهرة للقصر مشات لفتون لبيتها تلقاها قاعدة حكات معاها
فتون:" أنا مانيش راجعة لمحمود
زهرة:" مالا كي يجي الوقت واجهو اه علي فكرة اليوم محمود والشيطان باش يلعبو قمار في القرية باش تمشي
فتون مانعرفش
الحلقة 67:
مشا الشيطان للقرية وقبل مايتعدا للساحة مشا لكوخ قديم.. موجود في منطقة معزولة كسر الباب ودخل يلقا راجل قاعد كي را الشيطان ترعب .. تبسم الشيطان وقلو فيبالك باش تنجم تهرب مني...
:" سااا..ممحننيي عععيششك قالهالو الراجل بخوف كبير..
الشيطان:" هههههههههههه نسامح واحد شارك في موت امي تحلم ياكلب
قتلو وخرج قدام الناس الي تخزرلو بكره حقد خوف نقمة... حلو واحد من رجالو باب الكرهبة لبس مرياتو وطلع مشا
دخلت فتون لعبد الباسط لقاتو قاعد
"بنتي تحب تعرف ماضي الشيطان"
فتون:" اكيد
عبدالباسط بقي يحكيلها كل شئ:" وهو صغير عانا برشا تحمل الذل اليتم القهر الضرب باش يخدم علي امو بعد ماتوفا بوه حياتو تقلبت كان يخدم باش يخلص الكراء وفي الاخر بنتي فيروز الله يسامحها مشات عرست بيه وجابت محمود بعد معاملتها للشيطان تبدلت ولات تعامل فيه بالخايب ... هي طمعها وصلها للموت حبت هي تفك الحكم تفاهمت مع اقرب رجال بو محمود باش تقتلو ياخي عرف مراد عذبها بعد هزها للساحة وقال لرجالو يعلقوها من يديها الزوز بقات تترجا فيه في المنصة باش يسامحها ترجيتو أنا وهو ماكانش يسمع في حد قدم وصب علاها الايسونس وشعل فاها النار... كان الشيطان صغير برشا يتفرج من بعيد يصيح موش منجم يصدق الي يرا فيه امو تموت بالطريقة اذيكا قدامو صياحها.. الرجال. بو محمود.. الشيطان وقتها واقف كي الصنبة كان طفل مسالم يحب الدنيا هو ولا شيطان من نهارت الحادثة أنا حكيتلك باختصار علي ماضيه أنا شفت الي عناه طفل في عمرو موش ساهل يافتون"
الحلقة 68:
كي العادة تعبات الساحة بالعباد وتلمو خمسة رجال عالطاولة معاهم محمود والشيطان بداو اللعب.. مشات فتون هي وزهرة للساحة من غير ماتعلم الشيطان.. تعدا الوقت.. بقاو في الاخر محمود والشيطان يلعبو وخسر محمود... قام الشيطان مالطاولة محمود تلفتلو قلو
علاش مانعملوش اتفاق ونرجعو خوات
"ههههه اصلا أنا ماعنديش خوات.. اتفاقك مرفوض"
هبطو العباد مالمدرج خارجين.. بقات فتون واقفة في الباب
زهرة:" شبيك وقفت
فتون:" نستني فيه
زهرة:" قصدك محمود
فتون:" لا الشيطان بقات زهرة تخزرلها متعجبة.. موش فاهمة شي ..قدمو رجال الشيطان باش يفرغو الثنية مالعباد باش يخرج هو ... وواحد من رجالو موش بلعاني دزها طيحها عالقاعة.. هبطت ريحانة شدتها:" مدام فتون انت لباس
فتون بغش خزرت للراجل الي طيحها وقتلو:" اعما ماتشوفش والا شنوا"
خزرلها علي جنب قلها باستفزاز "لا"
فتون:" نعم في عوض ما تبقي تقحرلي راك طلبت السماح
الراجل:" ههه نطلب السماح!!"
فتون :" اي تطلب السماح و... قص علاها الشيطان :" شفما"
خزرلو واحد من رجالو :" مافما شئ سيدي
الشيطان:" كيفاه مفما شئ
فتون بعدت شعرها علي وجها وقتلو بغش " واحد من رجالك دزني طيحني ومالمفروض يطلب السماح أما تبركالله عليه بارد متكبر كيفك.. بقي شارد فاها يخزر لكل حركة تعملها هبلتو بالعفوية متاعها والتراب بقي علي وجها ..
فتون:" نحكي معاك .. تسمع فيا
الشيطان:" وانت علاه جيت للساحة شكون شاورت
فتون:" وأنت هذا الي هامك
الشيطان:" أي جاوب
فتون:" أنا حبيت نحظر ياخي جيت
الشيطان خزر لراجل لمعاه قلو:" باهي حسابك معايا مبعد"
طبس شدها من يدها وقومها قربها ليه :" هيا معايا"
الحلقة 69:
مشا هو وياها وركبو في الكرهبة .. بقات تخزرلو وهو شافها مالمراية القدامية..
لباس
فتون:" علاه
الشيطان:" ماللي طلعنا في الكرهبة وانت تخزرلي ..
فتون:" لا اما سرحت
قدم يدو ومسحلها وجها مالتراب دورت راسها قتلو:" عيشك
روح محمود للقصر دخل لبيتو يلقي دبوزة شراب هزها وبقا يشرب ويحكي وحدو
:" فتون ليا أنا كيفاش نجم يمسها اكاكا.. وزيد قدام عينيا .. الكلب وهي ماقاومتوش جملا كمل شرب الدبوزة الكل سكر ولوحها من يدو بغش وكمل:" أنا نبهت علاها باش ماتخليهوش يقربلها اما هي... قدم حل الكوميدينو بجمبو وبقي يلوج هبل:" ورقة عرسي أنا وفتون ويني كانت لنا أنا حطيتها بيدي جا باش يقوم دعثر طاح وداخ مالشرب
$
الحلقة 70:
طلع الصباح قامت فتون من النوم لقاتو راقد بجنبها.. بقات تخزرلو تثبت في كل حاجة في بدنو راقد كيما الصغار شعرو هايج شويا لحيتو عينيه بدنو تفكرت ماضيه الخايب والكلام الي قالهولها عبد الباسط عينيها دمعت... عمرها ماكانت تتوقع الي الشيطان عاش حياتو هكا وبالاخص صغرو ... بقات تحكي في قلبها:" أنا باش نحاول نرجعك بيجاد.. نرجع فيك العبد الباهي وعد يابيجاد وعد... قام مالنوم لقاها قامت قبلو مشا للخزانة باش يحلها مشات وراه وجبدتلو لبسة مدتهالو قتلو البس هاذي خزرلها علي جنب وقلها وين تحب توصل فتون
هي لا شئ جا باش ياخو لبسة اخرا.. قدمت منو تبسمت وقتلو هاذي حلوة عليك خذاها من يدها بزربة ودخل للدوش... كمل لبس وخرجو مشاو لبيت الفطور باش ياكلو قدمت الخديمة باش تحط الماكلة... شدتلها فتون يدها قتلها خلي عليك اتو نحط أنا
الشيطان:" تصرفاتك موش عاجبتني
فتون:" أنا علاه""
الشيطان:" حاسس ان.. قصت عليه وقتلو :" صار حاسس موش متأكد.. ضحكت بفدلكة.. دور عينيه لصحن وبقا ياكل كمل خزلها وقام قلها:" انت كان تكمل هكا باش تندم
تبسمتلو وقتلو:" انت اصلا لاك باش تضربني لا تتعدا عليا ههه عادي"
تعدا عزالدين لمحمود وعطاه العقد وهو رجعلو الورقة متع الصفقة ومشا... بقا محمود يخزر للعقد وتبسم :" توا لازمني نفذ قراري... أما قبل كل شئ لازمني نرجع فتون"
الحلقة71:
خرجت فتون هي والشيطان باش يركبو عالحصان بعد مالحلحت بيه باش يعلمها تركب عالحصان هزها ومشاو للجنينة قربها ليه لابس مريول نوار مسنتر علي بدنو نص وفوقها فاست باج نص وسروال وبوط طويل وهي لابسة سروال نوار روز ومريول ابيض ... شادة شعرها لتالي قدم منها وشدها من جنبها بيديه وقلها:" مسح عليه بيدك علي راسو
فتون:" لا نخاف مانجمش
الشيطان ضحك:"كان تحب تولي أنت وياه صحاب لازم تعاملو بحنية جرب.." مدت يدها بالشويا ترعش حط يدو فوق يدها و قلها ماتخافش موش باش ياكلك
ضحكت وقتلو اصلا أنا كي نبجا خايفة بدني الكل ويدي تولي ترعش... تبسم وحملها ركبها عالحصان ركب وراها ومشا يعمل في دورة
كلمت عايدة محمود :" مودي ماتسالش علي اختك
محمود:" لا
عايدة:" باهي وقتاه ناوي تجي تهز فتون منا قبل مايفوت لفوت
محمود:" علاه شفما
عايدة:" امم ظاهرلي الشيطان ولا يحبها وهي زادة
محمود:" ههههههههه مستحيل فتون.. تحب الشيطان
عايدة:" هه يظهرلك اصلا لاحظت علاهم الزوز ننصحك أيجا هزها
محمود بجا ينفخ وتغشش:" مستحيل نخلي حاجة كيما هكا تصير.. الليلة باش نرجعها وعلق
الحلقة72:
العشية رجعت فتون للقصر قعدت في بيتها جاتها زهرة
زهرة:" مدام فتون نحب نقلك حاجة
فتون عقدت حواجبها شفما
زهرة:" سي محمود ناوي يهربك الليلة منا حضر روحك
فتون:" لا مانحبش نهرب معاه مانيش راجعتلو جملا
زهرة:" باهي مالا قلو علي قرارك
فتون:" نقلو!!!
زهرة:" اي هو باش يستناك ورا القصر امشيلو قلو
فتون:" كيفاش باش نمشيلو.. وفما حراس لبرا
زهرة:"ماتخافش سي محمود مخطط لكل شئ
فتون:" اوه باهي امشي معايا نكلمو
زهرة :" أنا هكا والا هكا ماشية معاك
الحلقة 73: الاخيرة
طاح الليل..
خرجت فتون من بيتها في الضلام تمشي في الكلوار بالشويا وصلت لدروج نحات صباطها وبدات هابطة بالشويا علي طراف صوابعها.. وصلت للطابق الرئيسي قالت في قلبها
:" فيني زهرة قتلي باش تستناني لنا"
مشات بالشويا في الكلوار الي يهز للباب التلاني متع القصر
:" وين ماشية"
طاح الصباط من يدها تلفتت بشويا قالت
"ماشية لمحمود"
تحلت عيناها عاللخر .. قدم منها الشيطان بشويا قلها:" ماشية لمحمود!!!"
جمدت في بلاصتها حست الدم معادش يدور في بدنها يبست بكلها ولات كيما الموتي دارت باها الدنيا شفايفها جمدو يدها كيف كيف تسمع كان في صوت قلبها والنفس بزربة صدرها طالع هابط موش عارفة موش فاهمة حلت فمها وتكلمت بالسيف
:"بيجاد"
وقف قدامها وهي الخوف الرهبة كل شئ تجمع علاها مع بعضو خزرتلو بعينيها في رعب
:" شبيك مصدومة يافتون محمود الباهي"
وخرت لتالي موش مصدقة لي تسمع فيه وخرت خطوة من غير ماتشعر الدم وقف في راسها الدنيا وقفت باها كمل
:" موش هذا اسمك الكامل زادا"
كمنتار ببلوڨر
تعليقات