(حطوااااا جاااام قبل ما تقراااااااو)
#عندما_يعشق_الشيطان Ath ÎR
عندما يعشق الشيطان❤
حلقة 1:
مطار تونس-قرطاج
كان يمشي بثقة قوية راسو مرفوع بكل غرور مركز على ثنيتو،وصل للطيارة شاف réservation متاعو "الدرجة الاولى" قدم شوية لقى شكون قاعد في بلاصتو..مشالو..
- خويا يظهرلي راك غالط بلاصتي هذي😒😒
- مانيش غالط رزرفيت لبلاصة هذي تنجم زيد شوف مع الجماعة..
بدا يفد اما مازال محافظ على تعابير وجهو الجامدة لمتعبر على شيئ
-يااا سيد قوم راك في المكان الغالط برا انت شوف مع الجماعة انا مانيش متحرك و مانقعد كان هوني😏
قام لاخر بغش يعيط لموظف:
-تراه شوفلي الحجز متاعي !! .. مدلو
و انت زادا Msr 😕
- سامحونا يا جماعة صارت مشكلة صغيرة 2 résarvito نفس البلاصة.. اما Msr بعد اذنك كان تقوم و تقبل نشوفلك بلاصة اخرى؟؟
تنرفز و ولى اعيط 😠 - على كيفكم ياخي شنوا الحالة .. انا ولد عبد ال... نتنازل و نخللي بقعتي تحلم اكيد😡
-عيشك Msr هدي روحك سافا تنجم تقعد.. نحنا نعتذرو منكم و نتمنى كان تتنازلو شوية و تتعدا لحكاية على خير.. و انت Msr مدام مازلت واقف تفضل معايا نشوفلك بلاصة غيرها كان تسمح!!
خزرلو باستهزاء
- و انا علاه باش نتنازل سامحني؟؟😏😏😏
دخل ايدو ل جيب لفاست جبد باسبور امريكي و تاليفون و كلم السفارة الامريكية و هوما كلمو السفارة التونسية و اجلو الرحلة ساعة اخرى باش تتحل مشكلة هالبلاصة المحنونة الي لا حد حب يتنازل عليها..
بعد شوية... مشى واحد مالموظفين ل الراجل لقاعد
- عيشك Msr لازم تقوم و تخليلو لبلاصة و انا نعوضلك ،السيد واصل عندو الجنسية الامريكية و كلمونا مالسفارة توا و تأجلت الرحلة ساعة و كان ما تتحل المشكل هذي عيشك متصعبهاش علينا منعرفش السيد شنو انجم يعمل..
لاخر ما بقا قدامو كان يقوم و يسلم امرو ..
ضحك على جنب ضحكة انتصار و كأنو رضى غرورو كل شيئ عندو مسألت حياة او موت، جنة ولا نار، مقولت خير الامور اوسطها ما يمشيش بيها...
(نعرفكم على بطلنا و بقية الابطال وين نذكر شخصية نعرفكم بيها بعد..)
جاد 29 سنة من ام امريكية و بو تونسي عايش في امريكا من صغرو ،بوه رجل اعمال كبير و معروف على مستوى عالمي بأعمالو و تجارتو الموزعة على برشا بلدان عندو شركات و عقارات،عمارات،ابراج ،وتلا... حصيلو ما يعرش طرف خلاه وين.. امو توفات بعد ولادتو بعامين.. عرس بوه بعدها بطفلة عمرها 17 سنة و هي ل ربات جاد و عاشت معاه لبرا بطلب من بوه.
توا 29 سنة غايب على تونس و الاهم ما عاشش فيها كان اجي اعدي فيها عطل و لا مناسبات و قليل مش برشا.. جاء بعد هالسنين باش يحضر لجنازة بوه و يرجع لامريكا يريقل امورو و يعاود يرجع يستقر في تونس بما انو ولي العهد و الوريث الوحيد..
جاد اسطورة هكا سموه و حكاو عليه الناس، من صغرو الكل يحلم يشوفوه و لا يتعاملو معاه كي كبر و قليل الي انجم.. الناس الكل تحكي على السيطرة و الجبروت، على القوة و النفوذ و القسوة ل فيه و يا ويلو ليغلط معاه ..
(حطوااااااا جاااام قبل ما تقراااو)
الحلقة 2:
بعد جمعتين مالجنازة...
في فيلا من فيلات تونس (بمعنى اخر خلي نقول قصر)
كانت مقلوبة قلبان مهندس داخل مهندس خارج..
اسيل وهي تنفخ:
-اووووف امبو اكون الديكور هكا نون معجبنيش 😤
المهندس الي طلعلو العصب و فد من ذوقها الصعيب
-يا مدام فهمني ستيل لتحب عليه و الله ابارك اما بشكل مباشر بالتفصيل باش انجم نفهمك و نعملك الحاجة لتحب عليها😡😧 قعدت عالفوتاي و قتلو
-نحب حاجة كلاس و كالم ملفتة تجذب كل من شافها مرتاحة حاجة مايكونش كولارها سومبر برشا و لا كولارات ندرا كيفاه توجع العين ،نحب الي يدخل يحل فيها فمو و يتأثر بالالوان و الديكور يعني حاجة ما صارتش في حتى فيلا و في حتى بلاصة حاجة سبيسيال ميهمنيش السوم اهمني المضمون.. كمل قيد هز ماتريالو و خرج..
اسيل - اوووه انت
مريم- نعم مدام
-قداه من خديم في الفيلا و من وقتاه تخدمو هوني نحب نعرف كل شيئ..
-انا و اختي مرام مسؤوليتنا التطييب عدنا 5 سنين و خدمتنا كان وقت الماكلة الاساسية،الفطور 7:00 يكون حاضر ، الغداء مع 13:00 و العشاء 21:00
تورق في مجلة و تحكي معاها
-ماليوم الفطور 6:00 ،الغداء 14:00 و العشاء 22:00
-حاضر مدام ..و فما زادا الي لاهين بتنظيف لبيوت بنت البواب و 5 فيليبنيات..
اسيل - و بنت البواب شنو جنسيتها ؟؟
مريم- تونسية و امها سورية
خزرتلها اسيل هازة حاجبها
-ما نخدموش توانسة ينظفو البيوت😒😏
-سامحني مدام اما بنت البواب مولودة هنا ملي كان المرحوم اله يرحمو حي هو لجابهم و سكنهم في الاستوديو و كتبو باسمهم
اسيل- جابهم؟!!شكونهم؟
مريم - العم صالح و هو البواب و لاهي بجردة الفيلا توا 30سنة عندو 2 بنات وحدة تقرا جامعة و وحدة تخدم في الفيلا هي صغيرة اما قبل موت المرحوم طلبت منو يخدمها في اي حاجة و خوهم محمد يخدم برا الفيلا و فما زادا سالم يكون ولد خو العم صالح شوفور و مسؤول على اي قضية ناقصة تلزمنا..
عاودت رجعت تقرا في المجلة
- اوكي سي بون وجعتلي راسي،، انا توا منيش لاهية و منجمش نجيب ناس اخرين خليهم يكملو خدمتهم و منحب منهم حتى غلطة سي نون نطردهم مش ناقصة همجية و تقصير..
-حاضر مدام تؤمر بحاجة ؟ جاوبتها بصبعها معناها لا
في الكوجينة .. مريم وهي تغلي و تكشكش نحات جلبابها و حجابها
-راهي قهرتني و عجنتلي كرايمي اوووف السخطة هذي ربي يقدر لخير ليامات الجاية
مرام- ريض روحك ما تستهلش تحرق عصابك على خاطرها
-باهي عيش اختي كمل قضيتك نمشي انا لعم صالح نوصلو اوامر لخانو لا تفضحنا .. لبست لنحاتو و خرجت
كان قاعد في الجردة لصارلو فيها سنين..يسمع فيها تقلو
-بابا هات عليك تعبت برشا ليوم ايا خوذ الطبق من عندي كول حاجة و انا نكمل عليك(خذات المقص)
-بابا كان يطردونا وين باش نكنو ريوسنا 😔
-عيش بنتي الغالية يرضى عليك.. ارض ربي واسعة بنيتي يحلها المولى نشاالله
ايثار - نشاالله تطلع المدام ناس طيبة كيف المرحوم
قصت عليها مريم
-اوووف كان شوكة في الحلق،،اقعد انت مني روحك من ناحية باش تطلع باش تطلع... ضحكت ايثار -علاه شبيك؟ مريم تقلد في اسيل
-الي ما يلتزمش بخدمتو يتطرد و منحب حتى غلطة منيش ناقصة همجية و تقصير😂😂 الي يسمعها يقول نخدمو في شركات و هوما شبعة بيوت و كوجينة😠😬
العم صالح- الله يهدي ما خلق و يصلح الحال نشاالله
*ابطالنا: العم صالح راجل كبير طيب و ناس ملاح على نياتو و ضعيف برشا الدنيا مكسرة ضهرو لين معاش فيه خذا مرا سورية كانو يحبو بعضهم برشا و يقدسو الحب بشكل غير عادي ربي معطهاش عمر و هز امانتو اما خلتلو
محمد: 22سنة طفل طايش ما على بالو بحد عايش حياتو في الشارع و يكره ايثار كره اعمى يميزوه عينيه الفاتحين و بيضيتو المبالغ فيها..
اثير:19 سنة تقرا جامعة طب انسانة متجردة مالمسؤولية او متنجمهاش اصلا خوافة لدرجة كبيرة انسانة تحكمها عواطفها ،زينها هادي طفلة رقيقة حساسة ضعيفة شوية شعرها طويل مش برشا و كل شي فيها صغير كيما بوها و خوها عكس ايثار لتشبه لامها ولي كان زينها سوري باتم معنى الكلمة
ايثار: 18 سنة وصلت الباك بالدزان و بطلت كيما تقول هيا مسطكة مانيش متع قراية و فاشلة دراسيا و قررت تعاون بوها في الفيلا و تتلها بيه بحكم مريض، انسانة متفائلة بريئة دينا تضحك تمن الي عمرو الحزن ما كان حل للمصايب،، زينها طاغي عكس اختها عنين خضر و شوافر كحل طوال حواجب مرسمين حزرتها كلها قوة و ثيقة و صدق ملامحها حادة كل شي فيها صغير شعرها اكحل ليل طويييل افوت حزامها ب برشا،،كاملة و الكمال لله من كل شي اخلاق و تربية و حشمة تكره الظلم و الظالمين انسانة مسؤولة رعم صغر سنها اما اجتمعت فيها صفات المرا الكاملة..
(حطواااا جاااام قبل ما تقرااااو)
الحلقة 3:
اسيل: 35سنة عرست براجل عمرها 15 سنة جابت منو 2 بنات توامة نجد و جود بعدها بهام مات و عرست ب بو جاد عمرها 17 تهل راجلها الاول فكولها البنات م هي سافرت بطلب من بو جاد الي خذاها باش تربيلو ولدو هاشت مع جاد سنين ماشفتش بناتها و كي مات رجعت لتونس و رفعت قضية في المحكمة بطبيعة ربحتها و رجعت بناتها،،انسانة تحب المضاهر مغرورة لابعد حد متسلطة متعجرفة ما يعجبها شي تعشق جاد اكثر حتى من بناتها رغم لهو خايب اما تشوفو كان ولدها لربتو..
مريم و مرام: عمرهم 30 سنة ربي مابعثلهمش مكتوبهم عاشو في بيت مع بعضهم امهم و بوهم ماتو و خواتهم كبار كل حد شاف حياتو..
فالاستوديو ايثار و اثير يتفرجو على فيلم دخل محمد كشاكشو خارجة
-ما لقيت وين ترهج لقلوب كان غادي؟ مسخة زايد(اثير زادا تاكل معاها مكلمهاش) ايثار تعودت على كره خوها
-محمد كانك تتسبب و تحب تعاركني شوفلك سبب اخر تلكش بيه عليا.. مشالها ديراكت و لهوث شعرها الطويل على يدو و جبدها لين صاحت مالوجيعة
-لسانك نقص هولك كان مازلت ترجع عليا حرف فهمت
كانت تحاول تفك شعرها منو
- سيبني مانيش صغيرة حتى تضربني نحي كسرتك يا هامل😢
غادي وين جن و قوى في الضرب قولش عليه مستمتع بعياطها و وجيعتها
- انت حيوانة مستحيل تكون انسانة انت مجرمة😈😡
ايثار تبكي مش فاهمة شي هاربة ناحية الباب تحب تخرج جبدها رجعها
-وين خارجة ترص هنا والله ساقك نقصها كان تعتب الباب.. اثير تتفرج فيهم و تبكي على حال اختها لغايضها حالها كل نهار نفس المنوال و نفس الروتين و نفس الحكاية اختها تعودت عالضرب و الاهانة و السب و ما تنجم تعاونها بشي حتى بوها تخاف تحكيلو هلي قاعد يتعاود في النهار اكثر من مرة بلاش حتى سبب مريض والله يمشي فيها تسمع في بكا اختها يقطع القلب،، محمد خرج وهي مشاتلها تجري عنقتها
-عيش اختي تحمل تحمل لطف على روحي والله وراسك اجي نهار وربي يفرجها نشاالله
-لوقتاه؟؟ يا ربي راني تعبت صبرني ملي عمري شهور و هو يدخل يبلط يخرج يبلط لليوم وين نراه نخاف و نستعوذ اختو راني مش عدوتو علاه هذا لكل علاه يكرهني شعملت في حياتي ياااا ربي😢😢ء
(عسلاتي مركيو صاحباتكم و دخلوهم للباج و شجعوني بكلمة موش كمل كمل ...)
(حطوااا جااااام قبل ما تقرااااااو)
حلقة 4:
في امريكا..
قاعد في بيروه الكبير عاقد حواجبو ملامحو كلها قوة و جبروت و تسلط،،دخلو 2 من رجالو لابسين كلهم في الاكحل كان الجهامة و خوه وجوههم مغطية بيناتهم راجل يضهر صغير في العمر وجهو اصفر ملخلخ مالخوف عروقاتو تصب تقول دخل لجهنم..
-جاد: و اخيرا تقابلنا يا مرحبا ..
سعد بضعف و بالسيف يخرج فالحروف لسانو تعقد
-عيشك سيبني خليني نمشي الله يسترك راني بو صغار و عندي عايلة نصرف عليهم في الغربة ما تعملي شيئ خليني نعيش
- جاد ببرود: صدقني مكش باش تموت بسهولة مش جاد ليعملها 😌😏
سعد خايف: يعني؟!!😳 شتقصد؟ مكش باش تقتلني😂😄
قام من الكرسي و قعد على البيرو حاط يدو في مكتوبو
-انت خدمت معايا و خنتني ولا خليني نقول كنت تخدم معايا و تعرف مليح الخاين شيصير فيه😈
-لا لا عيشك يخليك سيبني ما نحبش نموت والله توبة منضري معاش تراه😭😭
تبسم ععلى جنب بخبث😏 -شكون جبد لموت راك صاحبي و هو يصير اهدى يا راجل لبااااس😉
قرصو قرصة خفيفة و فيسع ما تقلب حمر عينيه تنحى البرود لكان كاسي وجهو و صاح،،
- هزوه من قدامي احرقوه و اول متحسو بروحو بدات تطلع جيبولو طبيب يداويه و خليه يعيش مشوه...
خرجو بيه يكرو فيه وراهم وهو يفرفط بيناتهم و يعيط 😭😭جاااااد لا لا ما تعملهاش عيشك خاف ربي يا الله لا يسامحك انت شيطان مش بداندم حسبي الله و نعم الوكيل يجيك نهار يا ظالم..
قعد عالكرسي و يدور بيه ولا كأنو كان فما شكون توا قالب الدنيا بالصياح و الدعا كلام سعد ما حرك فيه حتى شعرة و ما بدل حتى تعبير في وجهو الجامد،،نورمال ييتم صغار و يرمل نساء و يخرب ديار و يشتت عايلات بلا خوف من غير ما تبقى فيه ذرة ندم يعمل كل شي بكل ثيقة في النفس و كأنو يعمل في حاجات صحاح و شكون يتجرأ يكلمو و لا يخمم مجرد تخمام يحكي معاه ولا يعارضو في حاجة..
دخل عليه صاحبو مكرز 😬😠😠
- ا سي الهم بالحق لسمعتو مسيب امريكا و راجع لتونس و ليوم زادا و انا خوك اخر من يعلم
- و باش نطلق نادين معاش تلزمني..
-ههههه حتى انا شميتها ااا معلم ماخذ الجنسية عندك 9 سنين علاه عرس طلق شبيك!!
جاد لاول مرة مش فاهم روحو يحكي مستغرب
-هكا !!قاعد نلوج على روحي''
-ايهم: يعني ؟؟؟
-نحب نتمسك بالدنيا نلوج على وحدة تمنعني اني نعمل هالجنن هذا الكل ما تخلنيش نضيع حتى لحظة من حياتي في الفارغ وحدة تحسسني بكل شي حتى بروحي..
-ايهم مستغرب في صاحبو : اووو الله الله جاد الياس آل راشد يتمسك بالحياة ههههه
-اي سيبني نعرفك انت كان حطيتني في فمك معاش وقت لازم نخلط عالطيارة و انت وصل اوراق الطلاق،،قام خارج ضرب ايهم على ظهرو و قلو ريقل امورك و اخلط نستناك .... خرج ديراكت للمطار و هو يخمم في كلام خالتو...
(حطوااااا جااام قبل ما تقراااااو)
الحلقة 5:
*في الفيلا.. كل شي مقلوب اسيل قاعدة في يدها دوسي تكلم في العباد و تستدعى في معارفهم و عمام جاد الي لا عمرهم خالطوه ولا خالطهم بحكم البعد..اسيل تصيح مفجوعة
-يا هم في عقلك سايس عالفاز اغلى منك هاكا
-ايثار زاهيتلها:حاضر مدام،سامحني😒
اسيل تكلم في جود
-مانيش عارفة وين عقل المرحوم نهارت لخدم هاالهايشة عندو😡😡
جود تتشوحر لايثار لكانت لابسة جلباب و خمار كحل مغطينلها بدنها الكل و شطر وجها
-ووه الطف كالساحرة مش باين منها شي بهالشوالق اللابستهم
اسيل..-قلك هذي بالذات موظفها المرحوم و كاتب في وصيتو بالحرف ممنوع الخدامة التوانسة يتبدلو ولا يتطردو مالفيلا..
نجد قالبة خليقتها كالعادة
-مما انا عصابي توترت و راسي وجعني طالعة لسويتي نرتاح كيف توصل الكوافارة و ستيليست متاعي ابعثهملي امان.. يلا جود 😌😌
*في بلاصة اخرى من فيلات آل راشد..دار فيصل:
-بية تكلم في راجلها لقاعد مقابلها: فيصل سمعت ليوم من مرت محمود خوك الي ولد الياس جاد راجع اليوم لتونس و عاملين عشاء كبير لازم تمشي تستقبلو انت و الاولاد اهلو و ناسو عيب ما نمشيوش..
-فيصل: ربي يستر منها رجعتو هذي خطر علينا
-ووه يا راجل عيب علاه خطر الطفل توفى بوه راجع لبلادو باش ياقف على رزقو يزي ماتغرب..
تلفت لاولادو ينبه فيهم
-هاني نبهتكم من تو ردو بالكم نهار نلقاكم متعاركين معاه كونو ادو ليمين راهو كان صارت حاجة لا انا و لا الدم ليمشي في عروقو و عروقكم يشفعلكم عندو..
-احمد بغش: شرو و بلاه واصللنا من امريكا شيحساب في روحو و انتوما مللي سمعتو ماكلكم الخوف شكونو هوا اصلا لاه البلاد مسيبة ولا على قرنو😡😡
-قحرلو بوه و تكلم كشاكشو خارجة :ااووووه سكر الي عندو فلوس تغطي عين الشمس يشري الدنيا و القانون و يمحيك انت قدامنا و لا فينا شكون يتجرأ يكلمو رد بالك!! .. -احمد- انا مش ماشي الثنية مقابلتكم اسرحو وحدكم و اجرو قدسولو سي جاد متاعكم..
تكلم سامر يهدي فيهم عارفها باش تزيد تلحم بيناتهم
-احمد عيش خويا صليتشي عالنبي تو ،،كلام عمي صحيح جاد ولد عمنا ما ضرنا بشي واجب علينا نستقبلوه عيب ما تربيناش هكا..
-اووو على امي كلمة وحدة مانيش ماشي وفا..
قام بوه و هز فيه صبحو يهدد فيه
-باش تمشي و كلب جيفة على كرومتك يا ويلك تكسرلي كلمتي و نشاالله ما نراكش الليلة في العشاء..
خلاهم و طلع لبيتو .. دانا قاعدة متبعة الحوار و ساكتة قلبها يدق بالقوي تحكي بينها و بين روحها "هالمخلوق على ما العباد يتكلمو عليه و يخافو منو و يقدسولو على ما يكرهوه كره اعمى اما نعرش علاه وقت يتجبد اسمو قلبي يرفرف و عقلي يطير كل شي في شخصيتو حسب الكلام غامض و يجذبك ليه فضول كبير"..
**فيصل :رجل اعمال كبير و جدي انسان واقعي و مسالم يحب خوه الياس المرحوم و على اذاكا يحب ولدو جاد و رغم معرفتو بعمايلو و بلاه و خنارو البرا ساكت خاطر مهما صار يبقى ولد خوه لتحرم منو..
بية: مرا تعشق المظاهر و على مصلحتها تعمل كل شي
احمد:25 سنة محامي في شركة بوه حقاني يكره الظلم و الاستغلال و عمرو لا تفاهم هو و جاد ولا هظمو مالصغرة رغم الي كل واحد على روحو و علاقتهم سطحية برشا
سامر: 22 سنة بايع الدنيا انسان يخير الطريق الساهل و المختصر مهما كان المهم يوصل لغايتو لا شقا ولا تعب يقرا جامعة هندسة
ديما: 19 سنة طفلة خيالية بهلولة و مقربعة عقلها ديما طاير تعشق اي حاجة غريبة و غامضة تهتم بكل حاجة نادرة تكره القرايا بصفة غريبة شخلاها كملت 1ere و شدت الدار..
*في دار محمود: الجو حماسي عكس عايلة فيصل زياد متحمس - والله ولد عمنا هذا حاجة كبيرة😂😆
مهى تقحر الولدها لفيه شوية من طبيعة جاد😒
- ياوليدي مايصيرش هكا اي ريض ولد عمك هذا لا يخاف ربي ولا عبادو تي حتى مالقتلان يقتل و لا ترفلو عين ... احمد زاد تحمس
- اااا والله معلم هاو الصحيح ماعايش فيها كان هو😄
محمود تكلم و هو يضحك على ولدو
-هههه ايوااش هو بدا الجنن متع ولدك يا مهى ناقص مهبلة انا فهالدار
-سحر تتبهلل:يااا كيفاه شكلو زعمة؟؟ايا فيسع نحضرو رواحنا اكيد راهو وصل نموت و نراه😍😍
-مهى: نعم للا عاود شقلت!! كيفاه شكلو يا هاملة والله العظيم كان نقوملك..
-سمر يدها على خدها تنفخ:يا ربي كان جيت طفل😧
بقات تهز فيهم و تحط يا ناري على روحك يا مهي عايشة مع كمشة مهبلة من البو لهالمفرخ
-يكب كبوبكم نشالله قومو من قدامي حضرو رواحكم تحركو
**محمود: راجل طيب فدلاك يرا بالعشرة و الاصل مرتو و صغارو كل شي بالنسبة ليه
مهى:مديرة مدرسة مرا محترمة دينها فوق كل شي تموت على ولدها زياد
زياد:27 سنة يخدم في الشركة مع عمامو فدلاك مقربع و الي يشد عليه حاجة يذلو بيها و يفدو في روحو
سحر و سمر توامة:19 سنة 2 عكس بعضهم هوما و زياد كتوم و جيري...
(حطواااا جاااام قبل ما تقرااااو)
الحلقة 6:
4 متع العشية :
ايثار واقفة في باب الفيلا تعس عالماشي و الجاي الاثاث داخل خارج الدنيا مقلوبة الناس الكل تتجارا كل حد يعمل في حاجة حصيلو ركزت معاهم لين ضربتها الدوخة و فدت بدت تتمشى في الجردة تكلم في روحها
-هوما يحتفلو و انا سي محمد يدخل يبلط يخرج يبلط كالقرنيطة النهار و طولو ناكل فالستاكة من عندو..
تقلد في كلام خوها"انا نكرهك خرا في جرتك كان المصايب و المشاكل"😂 و بغش تضرب الارض بسقيها كيما الصغار و عيطت
-اااااااااا يجيك نهار يا محمد و ننتقم منك😈
ما كملتش كلامها و عاودت صاحت مفجوعة مالطفل لمتعرش عليه منين خرجلها و من وقتاه و هو واقف يسمع فيها😅..عقد حواجبو حرك راسو شوية و عمللها بيدو يعني "مجنونة"؟.. ايثار كانت تبحلق في عيونها مصدومة حتى عيطتها قصات عليها😂😂 رمشت بزربة حالة فمها في شكلو ليخوف ملامحو الحادة عيونو القري الواسعة و حواجبو الخشان شعرو لكحل و لحيتو الخفيفة و اااه من لحيتو و جهو برك كان منظم اكثر من حياتها زين مخلط يجمع الشرقي و الغربي طويل و عريض جهامة بدنو مخدوم لابس لبسة غريبة.. فاقت من سرحتها تهدي في روحها😮😲
-بسم الله الرحمان الرحيم اعوذ بالله😱 ااا سي السيد وين تحساب روحك سارح بابا ممنوع عليك تدخل منا... سكتت و ضربت جبينها
حتى انا مع شكون نحكي ضاهر فيه مش تونسي كيفاه باش نفهمو هالكازي تو حتى طرف الانقلاي لكانو في راسي طارو في جرتو(عاودت سرحت فيه😍😍) اااه يا قلبي في عقلك باش تقتلني ياااا محلاه.. فيق ايثار كمل عارك مش وقت هملتك انت و مخك،،وجهت يدها للباب زعمة باش تفهمو الي المدخل هاكا كان للخدامة كهو.. واقف قدامها مكتف اديه يخزرلها تحسابو مفهمهاش فدت و نفخت😧😡
-ياربي كيفاه نفهو قسما بالله بهيم..
هي اقصر منو هزت راسها جات العين في العين ثبتت في وجهو و لات تحكي بزربة مش شالقة بروحها😂😂
-ماشاالله الله و احد لا والله ياسر هكا ارحمني يرحمك الرحمان من وقتاه الملايكة عالارض قلبي يااا ربي يهبل دخت دخت دخت سياي 😍😍😍
ما نجمش يشد روحو من منضرها و التعابير لتعمل فيها لا تفهمها بهلولة و لا تتصرف كيف الصغار الطرشق بالضحك فجعها اما زيد داخت اكثر من ضحكتو و بقات سارحة في عيونو شلق بيها فاق على وضعو بهت في روحو كيفاه ضحك قدام حد ما يعرفوش فيسع تقلب قولش عليه مش هو لكان يضحك لين عينيه زغلو.. هز حاجبو و بخزرة باردة ثلج 😑
شكونك انت؟؟
ايثار وجها صفار و غصت في ريفها 😂😂😂
- تحكي عربي ؟ و تونسي زادا؟ هههه تفدلك عليا اكيد.
بدات تنقز و تندب فيهم
-وووه على سعدي ووه يكب كبوبك يا ايثار متشدش لسانك الليلة جنازتي و نعشي اقلب🎶😂😅يا مصيبتك و مشيييتي فيها🎶 محمد باش يذبحني و يقددني و عندو حق 😲😔😂
يخزرلها مستغرب في كلامها و حركاتها المهبولة تقول صغير عامل عملة شرد في عينيها و ضاع فيهم تقول في غابة كلها خظار تبسم بعد فاق على روحو و رجع كيما كان جبل جليد بارد لا تعابير و لا مشاعر..
-نكلم فيك ابعد من قدامي لا نذبحك ما تعرفنيش انا شكون و شنو نجم نعملك..
استفزها بكلامو كتفت اديها و هزت حاجبها
-شكونك انت اه؟ و زيد شكون سمحلك و عطاك الاذن باش تحكي معايا بالوقاحة هذي يا وقح😡
جاد جن من كلامها ما تصورش نهار تجي فرخة كيفها تحكي معاه و تهينو هكا بدا الشر يطاير من عينو شدها بعصب دزها على الشجرة و لصق فيها حط يد على فمها و لخرى بمرفقو على كرومتها سرح في عينها توا شافها مفهمش علاه يضعف كتجي لعين في العين علاه فشل و تهد و طمان اول ما دارتلو كي فجعها .. للحظة فد و كره روحو و كره هالضعف لتملكو كشافها مش جاد ليظعف قدام حد حتى قدام روحو ممنوع لازمها تبعد..زاد قربلها لين ولا يتنفس في وجها همسلها في وذنها
-قادر اني نمحيك من وجه الارض و لا مخلوق يعرف عليك حية ولا ميتة ..عاود رجع لعينها و عدا يدو على طول خشمها الصغير و قلها ابعد من طريقي لكلو شوك و يجرح ،،،
خلاها مصدومة و مشى كانت حابسة نفسها او بالاحرى ما نجمتش تخلط تتنفس قربو و ريحتو و نضرتو لقوية و البرود لكان مسيطر عليه كلامو لمافهمتوش حبسولها انفاسها و زادولها في دقات قلبها الي قريب ياقف،طاحت في الارض هزت يدها تخزرها كيفاه ترعش -اااوو يا الميمتي قلبي شنوا هذا شنو كان قاعد يصيرلي توا زعمة نحلم؟! لالا والله لاهو انسان مش عادي علاه تكلم بكل هالثيقة تي عينو ما رمشهاش،، شكونو زعمة ؟؟
بقات ضايعة اتبع فيه بعينيعا لين دخل للفيلا....
(حطواااا جاااام قبل ما تقرااااو)
الحلقة 7:
دخل جاد للفيلا كالعادة يمشي و راسو فالسما نفس الحضور الطاغي و نفس الثقة.. الناس الكل تخاف منو يشوف فيهم صف واحد العنين الكل مرخية،،كمل ثنينو ل السويت متاعو متجاهل اسيل لكانت قاعدة تكلم فالعباد تستدعى فيهم.. دخل يتأمل في البيت كيف ما هي ما تبدل فيها شئ نفس الديكور بيت كلها حجر ستيل خاص بيه و بشخصيتو الغامضة، اثاثها غريب و نادر برشا سلاح معلق في كل بلاصة.. بيت معزولة على كل شي سويت خاص بيه في اخر الفيلا. تعدا للدوش خلى البانو يتعبا و رجع لبيت صغيرة كلها رفوف مليانة بأقدم انواع الشراب و الوسكي هز دبوزة من نوعو المفضل "ماساندرا شيري 1775" و مد كاس حط فيه القلاسون و رجع غطس في البانو ملا الكاس عمل رشفة و تكا راسو لتالي يخمم في حياتو الجديدة لموش عارف منين يبداها و كيفاه باش تكون.. غمض عينو و حط ايدو على جبينو
-ااااه يا جاد كيفاه باش تتعود على هالعيشة كيفاه تقعد مسالم من غير مشاكل و مصايب.. الله يسامحك يا بابا رميتني في الغربة نطيح و نقوم وحدي خليتني نصارع في عباد مش عباد ما نغمض عيني بيناتهم كان و مسدسي بايت في يدي.. لقبوني عزرائيل على ما قبضت رواح من غير تأنيب ضمير كيفاه نعيش من غير ما نضر عبد من غير ما نقتل كيفاه نطيح ماسك الكره المزروع فيا.....
قعد شوية و قام يلبس وقف قدام لمرايا يتبسم 😏
-تي حتى مالجنسية التونسية و رفضتها و رفضت نرجع و نعيش فيها اما الزمان و الوقت مش في صالحي توا😑 عمل البرفان ريقل شعرو لبس منقالتو و خرج من بيتو ماشي ل الصالة ريحتو وصلت قبلو😍 هبط الدروج قابلتو اسيل قاعة و مش بعيد عليها 2 بنات طبس باس جبينها
-اهلا ولدي توحشتك يا بابا سافا😘😘
-اهلا بيك
اسيل لتعودت على طبيعة جاد الباردة
- اليوم عاملة عشاء كبير و مضخم حفلة صغيرة ستدعيت عمامك يتعرفو عليك و تتعرف عليهم
-الكلو زايد يا اسيل اصلا خارج و مش موجود وقتها
عكشت من كلامو و فشلت😒😔
- عيش ولدي خوذ بخاطري و ايجا متحشمنيش معاهم
باهي ... شكون هاكم؟؟؟
اسيل تنفخت عاد و نادتهم
-جود نجد ايجاو سلمو على جاد عيش بناتي
-تي هام كبرو ا سيدي
جود بدات تتمعجن -الحمدالله على سلامتك جاد مدت يدها و قدمت باش تسلم بالبوس😅
وخر شوية و حط يدو في جيبو
-الله يسلمك
جود فشلت مالفازة ما عرفتش شتعمل . جات نجد تنقذ فالموقف زعمة قدمتلو- اهلا جاد وقتاه وصلت؟
طفاها و خرج مالفيلا مش طايق روحو..
نجد تصمتت في بلاصتها
-امي هذا ولدك لفلقتلنا بيه ريوسنا ملا حيوان قداه مضروب في روحو😡😡
جود مصدومة و عنيها قلوب😍😍 -الصراحة عندو الحق وخيتي يشوف روحو عالعباد يهبل يهبل الكازي،،جنتل مان 😘😘 اسيل بفخرة
-ووه اكيد يكون جنتل مان بنتي انا ربيتو.. نشالله فرحتك بيه جود
-يا تكون فرحتي بيه يا مش لازم..😈
وصل للجردة ركز مع الراجل لكان قاعد مقابلو يسقي في الورد معاه الطفلة لشافها اول ما دخل تقدم شوية و قلهم
-تخدمو هوني؟؟
العم صالح بخوف و ربثة
-اي سيدي نخدمو هوني من ايامات المرحوم و ساكنين في الاستوديو التلاني..
خزرلها وهي مش معبرتو
- و هذي بنتك؟
-اي سيدي بنتي و اسمها ايثار
-ايثار؟؟؟
جاوبو العم صالح رخا راسو تفكر مرتو
-اي ايثار هاكا اسمها ام...
قصت عليه بغش و بتحدي في جاد و هو فهمها
-بابا مش اي حاجة تخص عيلتنا اي حد ينجم يعرفها
هز حاجبو 😕
-انا اي حد؟ اي اي مقبولة منك يااااا ايثار.. وغمزها😉
-ايثار عيش بنتي ادخل قبل ما يجي خوك
وقفت تهز فيه و تحط مشات و مركزتش في نضرتو الغريبة ليها...
(حطواااا جااام قبل ما تقراااو)
الحلقة 8:
*نعرفكم على بقية الشخصيات (عيلت آل راشد)
#الجد راشد مرتو متوفية جاب 5 ولاد و طفلة:
#الكبير فيصل و عايلتو (احمد.سامر.دانا)
#بعدو الياس بو جاد متوفي
#محمود(زياد.سمر.سحر)
#عبد الرحمان(عادل 28سنة. غيث 25.غسان20)
#مراد(هنيدة 20.هند19.هديل17)
#عيشة(اسامة29.مجد20.لجين19)
بعد العشاء:
العيلات الكل وصلو للفيلا و تعشو بعد ما فرحو بيهم..
محمود يوشوش لبوه
- بابا هالطفل فشلني جينا و تعشينا و قعدنا و هو سيادتو مولا الدار مش هوني فماش ريحتو و هاك ترا الضيوف لكل يسألو عليه😡
رجع عليه بهدوئ غريب
-شوية و يجي نتصورش يبطى اكثر و اكد على الاولاد كان حد فيهم يقول حاجة مش في بلاصتها ولا يحسسوه انو غريب علينا بالازمة نقيم قيامتهم هاني نبهتك..
احمد مع ولاد عمو
-عادل منرفز :يستهبل فينا هذا ولا شنو حكايتو التسعة قريبة و حضرة جنابو لتو لا شرف😤
-احمد: ولد القورة شتستنا منو بلاهي😌
-زياد: ااا خرا انتي و هو احكو بالشوية كان يسمعكم الشايب تقيم قيامتنا
-سامر: و الله معلم هالجاد عايش حياتو طول و عرض لا ضارب حساب لحد باعث الشايب و ولادو و ولاد ولادو 😂😂
-مجد:ههههه تخيلو كان واحد فينا عملها الفازة هذي بالازمة رو مقطع تو😅😅
قص عليهم كلامو بدخولو الشامخ الراس و الخشم في السما الغرور سيد الموقف مسيطر كالعادة ،،وقف قدامهم
-سامحوني يا جماعة بطيت عليكم قضية اكيدة (وبنفخة) ولا مش لازم الاعتذار اكيد العمام فرحو بيكم و قامو بالواجب..
الجد يحاول يلطف الجو و يبعد التوتر لكان ظاهر على الحاضرين..قام مشالو و بعد السلام
-اهلا مرحبا ليك وحشة ولدي.. دار للحاضرين
-يا جماعة نقدملكم حفيدي جاد ولد المرحوم
الناس لكل قامت تسلم و هو قاعد كان يمد في يدو تبسيمة لا😑😑
شدو بلايصهم و قعد هو في الصدارة بجنب جدو لكان فخور بحفيدو بعد نظرة الخوف ليشافها في عيون الناس و حيطتهم منو..تكلم واحد مالقاعدين
-سي جاد تسمح نسألك لو كان عندك نية انك تبيع اسهم المرحوم في شركتنا
-مازلت ما خممتش اما صدقني الي نعملو انا عمرو ما يعجبكم و -بتبسيمة على جنب😏 -نعمل كان الحاجة لتريحني و راحتي تقلق برشا عباد
-استغفر الله سي جاد راحتك من راحتنا
-احمد لعادل:كان تسيبني يا عادل تو نقوم نفسدلو وجهو
-احمد نقص حسك و مش وقت هبالك خلي هالليلة تتعدا على خير جدك يوصي و يعاود
-اغزرلو بربي تو اذاكا تونسي تي بالحرام وجهو وجه مجرمة و كلوشرات
-مجد: يا ذنوبي في هذي مانيش معاك ولد الخال من لبستو تفعم البحث و الله اعلم
-سامر على نيتو يتمعنى على جاد يقلد فيه :البودي قارد بيبي 😂😂
الاولاد نسو رواحهم و اطرشقو بالضحك صوتهم كان عالي تلفت جاد ركز معاهم
راشد دخل بعضو يحب يلقف الحكاية
-شبيكم شفما؟
-احمد: ما فما شي تعرف سامر و مجد كان تقابلو😁
جاد يتمسخر عليهم
-قلك الي يضحك برشا نهاية ضحكو بكى لذا يا ولاد العم تضحكوش برشا ،، ملا حالة نحساب كبرو 😏😏
-احمد سايي طلعو الدم هو باش يتكلم و سكتو عمو محمود كقلهم جيبولنا قهاوي...
(حطواااا جااام قبل ما تقراااااو)
الحلقة 9:
الصالة لبجنبها وين كانو النسا قاعدين (للعلم العايلات محافظة و النسا لكل متحجبين) يتشوحرو لبعضهم و كل وحدة تتفوخر بحاجة
اسيل تكلم في جاد
-نحاول نكلمو نشالله يهز
-دانا لسحر و سمر: البنات اي قومو نحاولو نشفوه😓
-لجين: لا اكيد هبلت انتي😕
-سحر: سمعت عليه برشا ندفع عمري و نشوفو😍❤
-سمر: وكان يشوفنا عمك محمود والله يقددنا😟😦
-سحر تتحسر :اكيد بعد باش نسلمو على الجماعة كان جاد لا 😔
-هنيدة:كأني سمعت اسم الشيطان؟؟😒
-هند:شيطان يشدك نشاالله فجعتني و انت كجاية تتلبد
-هنيدة قصة في لسانك يا لفعة قدرني اختك الكبيرة راني😂😆
-دانا : امان البنات هيا الزح قريب نقرق بيكم امنيتي نشوفو والله
-هديل:قاعدة تلعب بحياتك انت ما تعرش جاد؟ لا يخاف ربي لا عبادو عمايلو مسودة
-دانا و هي الدافع عليه:وخيتي بالك اشاعات شكون قال صحيح ما تحكمش عليه و تظلمو
-هنيدة: اشاعات؟؟؟ ياخي نسيت عمايلو كي جا فالعيد 3 سنين لتالي؟ شتستنا من عبد لا قدر جدو ولا عمامو
-دانا:لا في هذي عندو حق وقتها حط روحك في بلاصتو و ما تنساش انو عمل هاكا الكل باش ياخو حقو من جدي عللي عملو في عم الياس يرحمو وقت طردوه.. عادي يعني حقو
-هديل :لا يحقلك حق نشالله اما عادي متاعك.. نورمال يحرق الشركة و الفيلا بلا خوف؟ لا يقلك يتحرق حد ولا يموت حد؟؟
-سمر:اي والله مخيبهم هك الايمات تعدو ،قداه بابا و عموماتي تعبو و تهدو باش عاودو رجعو الشركة كيما كانت و خلصو الديون
-هند مستغربة : اما علاه ما شكاوش بيه وقتها؟😕
-هنيدة:ههههه شيشكو وخيتي قداكش زوالية في مخك😂 الراجل عندو الجنسية الامريكية و غادي يخرج منها سلمات فما بالك في تونس اس اس مسطكة
-دانا: ايا اسكتو عليا منحبش نكرهو عاجبني زح رغم الي ما ريتوش من وقت الحريقة زعما كيفاه ولى؟😍💔 ولا بدلو عليا الموضوع اي خرجنا ل الجنينة والله تخنقت هوني والجو تحسو مكهرب...
* في الاستوديو
اثير: ايثار وخيتي تسمع في الغنا و الجو مصاب راني معاهم
- اسكت عليا كلو منك قتلك نمشو حذا سوار و دنيا ما حبيتش والله الساعة محلاها قعيدة معاهم
على دخلت محمد
-شنوا للا عاشقة في خوهم على اذاكا محلاها قعيدة؟؟
- لا بابا غالط سليم في مقامك يعني كيف خويا لذا نقص مالحديث الفارغ متاعك..
شعل لاخر كالعادة
-تقارن فيا انا ب سليم يا هاملة الليلة مهرسك مهرسك و صدم عليها اثير جات بناتهم تحز دزها و نحا السبتة متاعو و شدها كلاها ماكلة هربت منو بطلوع الروح وجها مدمدم كلو تراس ضرب و يدها تقطر بالدم تجري هاربة للجردة تلقاشي بلاصة تتخبا فيها..
فد مالجماعة لداخل خرج يتمشى جبد سيقارو شعلو و من اول جبدة وقف في بلاصتو على صوت بكى يقطع القلب،،حاول يتبع الصوت منين جاي خرج مسدسو لمايتنحاش من جنبو و قدم وصلو الحس لشجرة وقف يخزرلها..
-اول مرة في حياتي نشوف الظلم و نحس بيه و بمعانات صاحبو كنت ديما نشوف الناس تبكي تحت ساقي و ما تتحركلي حتي شعرة كنت ديما انا الظالم نشوف العباد تتشوشط قدامي و صغارهم يبكو و ما نحس بشي،،اما هالمشهد لقدامي ما ريتش كيفو ..طفلة صغيرة بريئة مقابلتني تحت الشجرة مكمشة على روحها حاطة راسها بين سقيها و تبكي.. بدنها ياين مهدود من كثر الضرب حجابها الطايح على كتفها و شعرها الاشقر الطويل مكدس في القاعة وراها كانت كلها براءة للحظة حسيت قلبي دق دقة رحمة و شفقة الرحمة لنسيتها من الصغرة اخيرا رجعت تتنفس في قلبي...
(حطوااااا جااام قبل ما تقرااااااو)
الحلقة 10:
قدم شوية و هبط للحظة ضعف سخفتو حالتها ضاهرة مقهورة ميعرش كيفاه هز يدو و عداها على شعرها اما فيسع جبدها
- شبيك تبكي؟؟
ايثار تفجعت و قامت بعدت عليه شوية تريقل في حجابها كيما جاء المهم تغطي شعرها الطايح وراها مسحت دموعها بكف اديها بحركة بريئة كيما الصغار حركة تلقائية عملتها خلاتو يركز معاها و يثبت في كل تفاصيلها،،بحركتها هذي حس بنفس الاحساس الغريب ليخليه يضعف و يتهد قدامها.. دور وجهو نفخ بعصب و عدا ايدو على شعرو و عاود خزرلها كيسمها قتلو
- مابيا شي برا فوتني😢😢
المرة هذي ركز بالباهي مع وجها و تصدم صاح فرد صيحة و قربلها يغلي و كالعادة مش واعي بكلامو و تصرفاتي خاطر قدامها يكون عبد اخر يخرج جاد لفيه جاد المدفون ورا الف ماسك انسان جديد عليه هو نفسو ما يعرش انو موجود داخلو انو يحس باحساس غير احاسيس العادة غير الكره و الانتقام و الحقد ..
- شكون الكلب لعمل فيك هكا تكلم؟؟
- هو كبير وانا صغيرة،عيشك امشي كان يشوفك معايا تخلا على راسي و انا تعبت يزي ما كليت بلط اليوم😢
فد من كلامها ما يحبش يمشي و يخليها
-كيفاه تسكتلو كيفاه علاه الوحشية هذي لكل؟؟
و بينو و بين روحو( اسكت جاد انت اخر واحد عندو الحق يحاسب العباد بالك نسيت فعايلك و ظلمك)سكت ما لقى ما يقول قدام عينيها الكبار و لونهو لزاد فتاح من الدموع،شوافرها المبلولين شفتها اللوطانية المفلوقة خشمها ليقطر بالدم وجها الي الكلو تراس مدمدم ازرق بالضرب.. سرح و هام في زينها غريزتو تحركت و طغى عليه احساسو غمض عينو نفخ و عدا ادو على شعرو حركة يعملها باش يصبر روحو
-ايثار برا برا ادخل لا نكمل لبداه السيد
-انت ظاهر انسان حنين مستحيل تعمل كيفو عيشك واسيتني
تصدم من كلمة "حنين" لنسى معناها شنو ،،هي مشات و هو بقى مركز معاها كيفاه تمشي و تعكز بساقها مالوجيعة فد و كره روحو و لاول مرة يحس روحو عاجز مربط ماينجم يعمل شي ليها اما لازم يلقى حل
جاد شمدخلك فيها شقلقك مالك و مالها من وقتاه تعرفها اصلا فخار يكسر بعضو...جاد تكذبش على روحك راك تغطي في عين الشمس بالغربال ما تنكرش الي انت تتهد قدام ضعفها و تضعف قدام عينيها..
*في قعدة البنات:
-دانا لجود تصلب فيها على راسها:ايا حمدالله على سلامة خوك
-جود تفجعت خاطر مضروبة فيه: نون عزيزتي مش خويا ولد راجل امي شمجيبو ليا 😑
-دانا تحكي مع روحها بالشوية:افف غصرة و تعدات،الحمد لله و الشكر لله😂😂 نشالله ما تكونش حاطة عينها عليه باين فيها لصقة😒
-جود: السخطة هو يدوخ اك الزين و البدن واللبسة 😍اما خسارة حقار و ضاربو في روحو بزايد مغرور و فيه العيوب السبعة الكل😡
دانا تحي مع روحها "كان سكت خيرلي تي هي ميته فانية عليه هذي،عينيها قلوب اصل😡😒"و بعد قتلها
-ووه يا وخيتي سيب الراجل ما خليت ما قلت فيه لا يزي ساكنة في رزقو و زيد تذم فيه؟؟؟ملا،،هذي هيا ياكلو الغلة و يسبو الملة😬..
هنيدة شمتها قارصة الزوز لفاعي و باش تلحم بيناتم نقزت في وصتهم
-هههه ديما وخيتي ديما تفدلك انت تي يتسمى خوها ..
جود تنرفزت و قامت
- نجد ايا قوم اخطانا من هالقعدة ...
العباد الكل روحت بقات كان عايلة آل راشد،، الجو رايض مقسمين لولاد وحدهم و الرجال لكبار وحدهم كان هو قاعد متطرف شوية وحدو شارد الف حكاية في مخو تلفتلو جدو
- جاد قوم نحكي معاك شوية على انفراد البرا
كان باش يطفيه كلقاه سبقو نفخ و خلط عليه قعدو في الجنينة مقابلين بعضهم..
راشد يدور في راسو عالفيلا😮
-جاد ولدي شنوا الحراسة لعاملها رجالك في كل بلاصة مسركلين الفيلا
-الله غالب راسي مطلوب برشا هالايامات
-ما عاش لياخذ راسك و احنا موجودين
حل مقافل الشوميز و تكى راسو لتالي
-باللهي اخطاك من هاللوغة كي كبرت وليتو موجودين وينكم في صغري اه..بحححح يا كبيرنا😑
-صفي قلبك و انسى لفات ابدا مهانا صفحة جديدة عمرو الظفو ما يخرج عاللحم
-صدقني كان ظفري نهار خرج حتى شعرة نقلعو من لحمو و منقولش اااه
-والله متفهمك و عندك حق اما اسمعني للخر عيش ولدي
حط يدو هلى جبينو مش معبرو
-ضغطك عالميت ما عندو فايدة
-انت مازلت في اول عمرك يا جاد و خذيت حقك و زيادة حتى بوك ما سلمش منك
-والله هكا انا ما نحب كان روحي و انتوما على بعضكم كان نحرقكم لا ترفلي عين تفهم فيا ولا!!
جدو قام برا صوتو يعلا
-شبيك لا حبيت تفهم و ترا الحكاية من شيرتي اه ،صعيب عليا وقتها نشوف بوك يعرس بامريكية و يضيع مني و نسكت، صعيب عليا نسمع بيها حبلة بيك و باش اتطيحك من غير رحمة و نسكت.. عرسهم كان عرس مصلحة لبوك لماخذها على طمع في فلوسها وانت كان مش انا خلطت في آخر لحظة راك مكش قاعد قدامي توا
كالعادة ببرود
-تعرف كان انا ما جيتش للدنيا راهم برشا عباد عايشين توا!! اما الله غالب ربي كتبلي نحيا و كتبلهم الموت على ايدي
-جاد ولدي اسمعني انت بيناتنا و الحمدلله انك موجود،خذيت حقك و اكثر من بوك قبل و مني انا توا،انا سامحتك نحبك ترجع لينا تكون جزء بالفم و الملا من آل راشد بوك تحرمنا منو ما عاشش معانا عيش انت😔.....
متوفر الآن كامل على هذه المدونة لمواصلة قراءته هنا اضغط على الحلقات التالية》
كمنتار ببلوڨر
حتي أنا إسمي بية
ردحذفروووووعة تهبل عاودتها برشااااااا مرات
ردحذف