الحلقة 1:
خرج يزرب ما بين عينو كان اسامة،حالف بيمين ما يخليه عايش،صاحبو و خوه و دافنينو مع بعضهم صحيح اما كل حاجة في بلاصتها،كل شي الا املاكو ايثار خط احمر بالنسبة ليه،عينو تقدح ناار و شر الحكاية صعيبة عليه،اسامة معزتو خاصة كانلو الخو لتحرم منو اما على خاطرها هي اي حاجة عندو اسهل مالساهلة،عطاه انذار وهو يعرف مليح انو جاد عمرو ما يعاود بالانذار الثاني خاطرو بعد الاول يفعل ديراكت و هو باقي مش فاهم روحو.. في نفس الوقت اسامة وصل قدام باب الفيلا دخل الكرهبة و ركاها،مسكين مزال ما حطش ساقو عالارض و يهبط عليه جاد كيف القضا المستعجل😂😡 طول خطفو من كول الشوميز الي تقطع من قوة الجبدة😮دزو عالكرهبة و جا قدامو مرفق يدو على رقبتو خنقو بيها،راسو عالي مرفوع بكل شموخ و استحقاق،العين تشعل ناار و الحاجب مهزوز في السماء😠
-كلمتين نقولهملك نسمع انو صارت حاجة بعدهم راني نفعل ديراكت و ما يرفلي جفن
اسامة مصدوم و مستغرب من ردة فعلو لمايعرش شنو اسبابها اصلا،مايعرش منين هبطلو،ما خلالوش حتى ثانية يخمم و يستوعب لقاعد يصير😕
-جاد شبي عزاك صادم عليا لاباس ماهو؟
-البريود لخرى ماشي جاي عالفيلا ضربة ثنين نلقاك قدامي و بطبيعة مكش جاي على خاطري و اكيد فما ان في الحكاية جيانك مش بلاش،اسامة مش معناها انك انت الوحيد من عاياة آل راشد لعاطيه الجنب و عبارة خويا تغدرني راني والله لا على بالي بحد و تعرفني مليح،عزرائيل كيف يقبظ روح ما يستأذنش،نبهتك و عطيتك انذار و تعرفني مستحيل نعاود بالثاني لذا ابعد من طريقي لا نضطر اني نبعدك بطريقتي😑
سيبو بنطرة و بعد عليه عطاه بالقفا
-اسمع ما تحكيش مع امي بالالغاز،شفما راني مش فاهم شي و فاش غدرتك؟
-نحكي على ايثار..يعني على مرتي(نزل على الكلمة يأكد فيها)
-تي انا جاي توا باش نهزها للكلينيك
-زادا؟اي بابا يعطيك الصحة ما قصرتش😬
يحاول يتحكم في روحو بالسيف،عقلو باش يطير مالغيرة وين يتفكر دموعها يموت الف موتة،يمكنو العصب و يتقهر اكثر كيتفكر احساسو بالعجز لحظتها لا نجم يعنقها ولا حتى يطلب منها السماح ويطمنها انو ديما معاها و وراها في الخفاء من قريب والا من بعيد،عجز،كبرياؤ و غرورو منعوه و وقفو حاجز حال بينو و بينها،كان ما خرجش راهو ضعف قدامها،كلامها ليه في التاليفون زاد دخلو بعضو و خلطلو مشاعرو و وصلو لمرحلة انو يخمم انها ماتبادلوش نفس المشاعر و الاحاسيس مع انو يقينو يقول عكس هذا،خرجو اسامة من دوامة افكارو
-جااد!شبيك شصارلك؟انا فاهمك و حاسس بيك داخل بعضك،حاير،واقف بين اصعب زوز خيارات في حياتك بالنسبة ليك مكش متأكد من برشا حاجات،اما نعلمك انو الي يدور في مخك و مخرجك من سينتك توا راهو غالط طول و عرض و ما عندو حتى اساس من الصحة، حكاية ايثار صفحة و طويتها،من كلامك آخر مرة في المزرعة و انا فهمت روحي،فهمت قداشها تعنيلك و انها مش نزوة والا حالة عابرة،هي غيرهم كلهم،الانسانة هاكي حاجة اخرى بالنسبة ليك،ما تفهمنيش بالغالط!صحيح جياني كثر اما والله لاهو على خاطرها هي،كنت باش نحكيلك غير بقيت نستنا في اللحظة المناسبة و يضهرلي جاء وقتها.. انا قابلت اثير اختها بالصدفة و فهمت انو اعجابي بإيثار كان غلطة و احساس عابر،نحبك في اقرب وقت و بعد ما يقوم عم صالح بخير تمشي تخطب هالي مع اني لمحتلها شوية و مازلت ما خذيتش الاوكي من عندها😟
جاد يسمع فيه مستغرب عينو محلولة داهش في كلام اسامة اما في نفس الوقت طمنلو قلبو و ريحو،برد شوية حس روحو تاعب، حاس روحو يدور في نفس البقعة و انو قريب مالعين وشربانو منها صعيب وباش يتكلفو غالي😢اتكى عالكرهبة بجنب اسامة و هبط معاها قعد عالقاعة ركز مرفقو على ركبتو و رخى عليها راسو
-تعرف يا اسامة انو كل ما تبكي هي نشوف انا الموت،ما نقدرش نتجاهلها مستحيل نشوفها تبكي و ما يتقبضش قلبي عليها و تظلام الدنيا في عيني،يتملكني احساس عظيم بالقوة نحس اني قادر نمحي العالم الكل على خاطرها(باستهزاء)نحس انها امي لتحن عليا وبويا لعمري ما نرفضلو طلب،نحسها اختي لندللها وتخاف عليا،ايثار الملاك لبعثهولي ربي باش يعوضلي بيها كل حاجة فقدتها و تحرمت منها(ضحك بوجيعة) اسامة!ما نحبهاش تبكي لا في حضوري ولا في غيابي كان مش برشا حاجات مانعتني و عاجز في جرتها،كنت على كل دمعة تهبط من عينها نحرق الدنيا الف مرة على اما الله غالب انا ممكن اليوم عايش وغدوة الله اعلم.
اسامة كلمت مصدوم عاجزة انها تعبر على حالتو و هو يسمع في كلام جاد،،جاد الي يعرفو في حلاتو الكل مهما كانت اما لا عمرو لحظة و يستحيل شافو بحالتو هذي والا سمعو حكى و فرغ قلبو و عبر على مقصودو بالطريقة هذي،حالة تمزج بين العشق واليأس و العجز،سكت ما لقاش لكلام اصلا باش يجاوبو و يرجع عليه
-عيونها علمتني كيفاه نهد الدنيا و العالم اجمع على خاطرها،قلبها محسسني انو مزال انسان طاهر و نضيف في هالدنيا(رمى راسو لتالي غمض عينو و حط يدو على جبينو)ما ليزمهاش تتوسخ،و على اذاكا كان تزيد تبقى على ذمتي اكثر تو تتلطخ بوسخ الدنيا الكل😣(خزر ل اسامة و تبسملو بوجيعة بانت في عينو،يتمسخر على حالتو و القريماس متع وجهو و كيفاه مصدوم😏) سااعات نتمنى نضمها لصدري،نعنقها بقوة نسيبهاش نحميها مالدنيا الكل اما قولي كيفاه نحميها مني..نحميها مالشيطان الي فيا😢💔...
(حطواااا جاااام قبل ما تقرااااو)
-مستحيل نخليها فالعراض و تدفع ثمن الي عملتو في حياتي
-جاد تحكي بالحق؟تي بالحرام دخت في مخي ولا فهمت شي من قبيلة نسأل في روحي جاد لقدامي والا؟
-😏(تبسم بوجيعة)الشيطان عمرو ما يعشق اه؟اما لعلمك كيف يحب الدنيا يردها جحيم على خاطرها
-اسامة بفرحة:تحرك فاش تستنى قلها الكلام هذا الكل
-مستحيل
-علاه
-(تنهد)ما نحب حد يمسها والا يعرف حقيقتها،تعرف وضعي مليح،الناس الكل تستنى في طيحتي،الكلها تحب تعرف نقطة ضعفي و مستحيل نضهرها،اذاكا علاه باش نعرس بجود و نخلي ايثار بيني و بين لخلقني
-مش حرام عليك تربطها بيك و تخليها معلقة و هي صغيرة ماشافت شي مالدنيا؟ومش حرام تعيش جود في وهم و تدفعها هي انها تخلص؟
قام ينفض في يدو و دبشو
-كانك عالحرام وجودي في هالدنيا و النفس لنتنفس فيه اكبر حرام و جود حد ما ضربها على يدها و غصبها عليا ماهي تحلم باش تاخوني!هاني باش نحققلها حلمها اما من اولو باش يتحول كابوس،قوم برا وصلها اوكا تستنى فيك(خلاه و مشى)
قام اسامة وصل ايثار للكلينيك،قعدت مع بوها توكل فيه
-ايثار عيش بنتي برا روح انت و هي معايا اختك،اكيد الجماعة يستحقونا اتلها معاهم و طمان عليا،ما تنساش غدوى عندهم ملاك في العايلة و زيد انا حسب ما قالي الطبيب بعد غدوة نخرج نشالله،عماليتي مش خطيرة واصلا مسموح لوحدة كهو تبات
-ايثار:باهي بابا اتو نروح مع اسامة
-اثير: حقا جابو الفاتورة الساعة اما ماقريتهاش ندرا شقتلي الفرملية ما ركزتش معاها
-اسامة:لحظة لحظة يعني انتوما لتو لا خلصتوها؟
-ايثار: اي علاه! هاني جبت معايا الفلوس على اساس نعطي حاحة والباقي نعملو بالتقسيط حكيت مع الطبيب و وافق
-اسامة: تي كيفاه جابوها وهي خالصة وانت ما عندك ما تخلص،تعديت بكري باش نخلص انا قالولي خالصة نحسابكم ريقلتو اموركم
-لا والله ما عطينا فرنك قتلك توا باش جبت الفلوس و مش كاملين زادا،شنو الحكاية؟ما قالولكش شكون؟😕
-لا ماعطاونيش اسم اما قالولي مالعايلة
-غريبة والله،اي باهي اسامة نقومو احنا اروحو ديجا معادش بكري و تعبناك انت معانا عيش خويا الغالي يفرح قلبك نشالله
-عيش ولدي الله يباركلك و يشدلك في صحة بدنك وقفتك مع البنات عمري لا ننساها برا وليدي الله يحميك
-ما عندي حتى مزية عم صالح انت واحد مالعايلة،ايثار اي نقصدو ربي ريقلت امورك سافا؟
-اي سافا😊اثير عينك على بابا و اي حاجة كلمني
-باهي تهنى رد بالك على روحك ماتنساش تسكر الباب كيف ترقد،كلمني كيف توصلو
-باهي ايا على خير(باست بوها و اختها و خرجو)
كان قاعد في البلكون التلاني متع بيتو يحل عالاستوديو يستنى فيها حتى تروح بعد ما بعثلو اسامة ميساج و علمو،يسمع في حس كرهبة قام للبلكون لاخر،يخزرلها كيفاه تحكي مع اسامة وتتبسم ظاهر تشكر فيه هو زادا تبسملها مد يدو قرصلها خدها و خرجلها لسانو😝حشمت منو هبطت،عينو وساعت كان لقى ينقزلو من غادي يقتلو
-باهي يا اسامة والرب لخلقنا غدوة ايدك نقصهالك،بالوقت هز التاليفون و كلمو😂
-كسرة في يدك و ساقك نشالله والله ما نجيفك غدوة شمسك في دين بوها و شكون شاورت باش تحط عليها كسرتك يا واطي، احمد ربي ما هديتش عليك هذي آخر مرة😡
ما خلاشو يتكلم و علق عليه،عرفو في البلكون خزرلو و عملو بيدو معناها مجنون مخك مربط و اتو تعرضلي😂
اسامة ديمارا و مشى و هو رجع لبلاصتو صب كاس فيين و شعل سيغارو اتكى عالعرصة و قعد يتبع فيها بعينو،يرا فيها كيفاه شرعت البيبان و الشبابك الكل تهوي في الدار،الدنيا ظلام مش مشعل الضو هكا علاه مايضهرلهاش،نحات حجابها،هبط شعرها حبل وراها😍كملت نحات الروبة وقتها وين هبل هو شخلاه طيش السيغارو و هبط الكاس،بدنو لهب هز يدو غرسها في شعرو قريب يقلعو😄نفخ وقعد يدور في بلاصتو كالزربوط،بيوضيت لحمها جهرتو على مرتين باش يهبطلها يطالب بكل حقوقو عليها💓الضربة وين كان جات عاطيتو بالقغا ابرك اما هي دارتلو و خلعت هدومها ههه😝رجع قرب كبس يدو عالحديد كأنو يمنع في روحو واقف ضد رغبتو و يحاول يتجاهل مشاعرو وقلبو لقريب يخرج من صدرو،لقات روحها وحدها في الدار لاول مرة حبت تاخو راحتها نسات روحها و لبست روبة بروتال طويلة روز بيبي شعرها مهدود و مرجعة قصتها على جنب،شعرها لحرير الفاتح لكان وين تميل هي يميل معاها😍تمنى يغرس يدو في اعماقو يعنقها و يرقدها في حضنو يحسسها بالامان و يرتحها،يعرف انها في امس الحاجة ليه رغم انها عمرها لا عطاتو امل انها تحبو،ولا عمرها بإلي صار بادلتو نفس الكلام و الافعال كانت في كل مرة ساكتة و حتى كان تكلمت يكون كلامها موزون اما هذا ما يمنعش انو قلبو قايلو العكس،بإنها تحس حاجة ناحيتو و ممكن ياسر تحبو و تبادلو نفس الاحساس،هي زادا مرا و قوية،رغم كل شي عندها مبدأ،كرامة و كبرياء كيفو و مانعينها، خوفها انها تكون معاه غالبها،خوفها الكبير مالمجهول مقيدها و واقف بيناتهم،عاذرها و مقدر ضروفها،رجع ركز معاها عينو ما بعدتش عليها ثانية اللون هذا بالذات يهبلو عليها و يخرجو من عقلو الروبة ضهرتلها مفاتنها الكل بحكم مكبوسة عليها برشا وماشيتلها مع لحمها،معادش فيه ذاب و مات شاد روحو عليها بالسيف و مش عارف كيفاه ما يحبش يضرها و يدخل الامور في حيط اكثر من هكا، شافها دخلت للكوجينة حطت صحن و قعدت تتعشا كلات لقمتيت وبعدتو من قدامها، غطت وجها بيديها و تطرشقت بالبكاء،زاد هبل و جن كل شي يتحملو الا انو يشوف دموعها..
(حطواااا جاااام قبل ما تقرااااو)
الحلقة 2
نفسيتها تاعبة برشا كل شي جا مع بعضو،يشوف فيها تتهز وتتحط مالبكاء يخزرها قلبو متقطع عليها،هبل و جن قدام دموعها يذوب و يتفتفت هي نقطة ضعفو،يمشي و يجي فالبلكون لازم يعمل حاجة ينسيها شوية لازم يشتت افكارها و يلاهيها عاللي قاعدة تخمم فيه و ماجات البالو حتى فكرة غير انو يكلمها
-وي
-نعم😢
-شبي صوتك هكا؟
-ما بيه شي
-تكلم
-قتلك شي،تفضل علاه كلمتني في هالوقت
-سكر الشبابك و بالاخص هذا لمقابلني و برا استر روحك خير مش على خاطر وحدك في الدار تاخو راحتك تنزع و تلبس على كيفك و الباب مشرع ياخي ماتقولش يهد عليا حد؟ (جاوبتو وهي شبه دايخة مش مستوعبة كلامو)
-ولاهي كونشي انت تعملها،ومنين باش يدخل هالحد و سيادتك الفيلا مسركلها برجالك،لحظة لحظة منين ليك هذا الكل!جاد وينك انت😲؟
-اموري،اي قوم امسح دموعك و نقص مالتخرنين برا ارقد ارتاح اكيد تعبت اليوم😍
-مانيش راقدة مايهمكش فيا نبكي والا نتفلق
-شبيك وليت مجودرة انت الساعة هكا ترجع على راجلك😘اي نقص من طولت لسانك لانجي نقصو بطريقتي❤
ايثار!!
-نعم
-(صوتو حن لدرجة خلتها تسكت وتركز معاه اكثر)شبيك تبكي؟تستحق حاجة؟تحب تحكي نهبطلك توا😿
-مابيني شي جاد جوست تعبت،اما بالاهي قولي كيفاه ريتني
-هز راسك هاني مقابلك اونفاس(بايبالها بالتاليفون)
هزت راسها شافت الضو تصدمت،نسات روحها شبه عريانة وقامت تجري قربت للشباك تثبت فيه😮كان قاعد عالحديد متع البلكون ساق تتدرجح لوطا و ساق هازها راكز عليها يدو😍،قربها مالشباك زاد وضحها اكثر روبتها بروتال يعني عريانة من فوق برشا، السخانة طلعتلو و ولي يفور تشوى🔥نفخ وقام من بلاصتو
-ايثار ادخل و سكر الباب لا نهبطلك بالحق توا
فاقت على وضعها😂ماتت بالحشمة تجبد في شعرها تحاول تغطي بيه و تستر روحها حتى شوية وخرت التالي و سكرت الشباك بزربة راسها ما هزتوش شلق بيها تربثت شاخ عليها ضحك😂
-ههه رااك بهيمة،بعداش سكرتو الشباك بعد ما ريت انا كل شي و بالتفصيل الممل؟من مرواحك لتنحية الحجاب للروبة ل الدوبياس الروج وآآه منهم👙 للروبة الروز هذي😝ايييه مليت عيني كيما حبيت عادي راهو جوست انا فاضي شغل قلت نتفرج شوية😄اما آش تتحرك اازحي والله لعبت عليا الدوخة و سكرت من غير شرب،مالروج كهو💋
-تو نورمال انت؟😠تتكشف على بنات الناس
-ولاهي عزيزتي بنت الناس لتحكي عليها تكون مرتي يعني حلالي و بلوغة اوضح انجم توا في اي لحظة نهد عليك و نطالب بكل حقوقي لذا اسكت و ما تستفزنيش لا نهبطلك نعمل الي نحب و نخلص فيك القديم والجديد،وتوا برا طير بدل هك الشوليقة الي لابستها و مازلت نراها عليك نقطعها على لحمك وما تقولش مانبهنيش😑تحرك سكر البيان الكل
-وانت شنو مشكلتك مع الروبة بابا،وحدي راني في الدار و زيد اول مرة نلبسها و هك شفتها طويلة
-ضبابة نشالله قالو بوك راجلك رااجلك سمعت والا نعاودلك😡و بربي منين جاها الطول يخلف عالفونط لمروح لحزامك،ايثار براس امك فوتني توا نحس فالسخانة مكنتني و مخي راب
(جاوبتو بتبهليل خاطر براءتها خلتها تفهمو على قد مخها😂)
-علاه شبيك،مريض؟نجيبلك دوا؟نعملك كمادات😟
-لالا يرحم بوك لا تجيني ولا تشقي روحك بحالتك هاكي احسنلنا الزوز ما نتقابلوش حتى صدفة لا نعمل فيك عمايل زرقة،لاباس عليا صح سالم مش مريض،سخانة اخرى هذي مش تابعتك و صعيبة على مخك😔تحرك توا برا اعمل لقتلك عليه..
يشوف فيها كيفاه تسكر في البيبان تبسم،كان ماعملش هكاكا باش مايراهاش و يركز معاها راو هبطلها،رجع يتكيف و يشرب مايعرش قداه قعد غادي بللي عمل و حاول يخرجها من بالو مانجمش،وين يرمش عينو تجي قدامو مازال بدبشو بخل حتى باش يبدل ما عينو في شي مش منجم يرقد قبل ما يتفقدها كيما كل ليلة يعرف نومها مشوم و تتعرا فالليل مستحيل يجيه نوم من غير مايعدي يدو على خصلة من شعرها و يشم ريحتها،خرج مالسويت و هبط مالباب التيلاتي الي يخرج ديراكت عالاستوديو جبد المفاتح لعندو و حل الباب بالسياسة يحاول ما يعملش حس و يقيمها من غير شي بالسيف رقدت اما محاولتو فشلت😨حل باب بيتها اتكى عليه كتف ايدو قعد يملي في عينو منها و كيما اي ليلة يجبد تاليفونو و يصورها هي راقدة يعشق منظرها الملائكي هكا و يموت في براءة وجها😻ملاك هابط مالسما وراقد عالفرش مازالت لابسة الروبة،راقدة على جنبها اليسار شعرها مطيش وراها هي في شيرة و الغطى في شيرة قربلها تاعب عينو ذابلة شوميزتو محلولة على طولها رقد حذاها على جنبو اليسار ركز يدو عالفرش واتكى عليها سرح مع تفاصيلها قرب منها قريب يلصقها عدى يدو على شعرها و خدها،باس رقبتها من غير ما يشعر لاول مرة،العادة دوب الي يشوفها يملي عينو منها و يخرج،المرة هذي وبعد الي شافو هبل ما نجمش يمشي من غير ما يعمل حاجة يطفي بيها نارو هبط صوابعو و عداهم بحنية على طول يديها، تملكتو رغبة قوية كان لازم يقوم غريزتو سيطرت عليه و غلبتو مهما كان هو راجل وهي مرتو عندو رغباتو و ليه عليها حقوق، وصل وين الباب ما يعرش على روحو كيفاه دخل في الكرسي حربها الدنيا بالحس فجعها قامت تجري في الظلام تشعل في الضو كان عطيها بالقفا ماشافتوش دخلت فيه من تالي دارلها هو فيسع جبدها ليه سكرلها فمها باش ما تصيحش لصقها للحيط و لصق فيها لين الضو شعل وحدو(نتخيل في الفازة برك دخت البنات😂)
-ماتخافش انا جاد😁انحي ايدى و ما تصيحش باهي؟
هزت راسها معناها باهي،دوب ما بعد ايدو جبدت النفس بقوة يدو خشينة خنقتها😍..
(حطواااا جاااام قبل ما تقرااااو)
نظرة خذاتهم مالدنيا و ذابو فيها،نظرة فقدتهم الذاكرة نسات هي روحها شلابسة،نسا هو العهد لقطعو على روحو انو مايقربهاش و يحاول ينساها،يعرف انو يكذب على روحو و مش باش ينجم،يعرف انو نسيانها حاجة مستحيلة،تاه و سرح في عينها،غابتو ليضيع فيها و ينسى طريق رجعتو منها،نساو الدنيا وما فيها،احاسيسهم مسيطرة عليهم،انفاسهم تخلطت،دقاتهم اتحدت في دقة وحدة،العين في العين رغبة قوية تملكتهم الزوز خلات شفايفهم ترعش،لحظة عشق سرقتهم مالدنيا و مشاكلها و همومها،قرب شفايفو اكثر و طبعهم على شفايفها،رعشة سرات في بدنهم فيقتها هي على وضعها ديراكت دزتو ما تعرش على روحها كيفاه هزت يدها و ضربتو بكف دورتلو بيه وجهو،هو ما حس شي مزال على نفس الملامح،ملامح الضعف و الرغبة لمسيطرة على وجهو،كفها ما حرك فيه شي و كأنها لا هزت يديها و لا ضربتو بقوة جهدها،عينها وساعت مالصدمة حركة ماتوقعتهاش منو،وجها حمار مالحشمة و مالعصب في نفس الوقت دخلت بعضها،تمحات من عينها نظرة البراءة و الخوف و تحولت لنظرة حقد و كره ولات تصيح
-نورمال انت لا يزي داخل بالسرقة و توا تحب تبوسني😡و تخرج كأنو ماصار شي شتحسابني و شكونك انت اصلا ااااايي فيييق على وضعك كنت نحسابك ارزن من هكا و بمخك اما هك طلعت تتفورخ في بالي كبرت عالشي هذا و تجاوزتو،ياخسارتك والله اخرج عليا😠
-ايثار نقص حسك
-مانيش منقصة😡اي بابا و شنو ناوي تعمل آخر سامحني؟لحظة لحظة من وقتاه وانت تدخل كيف السارق قداه من مرة جيت
سكت و سكوتو عمالها عينها زيد شعلت و زادت على قدام بصياحها ولات ترعش بكلها،بقى داهش فيها اول مرة يشوفها بهالحالة،اول مرة يكتشف فيها الميزة هذي اول مرة يشوفها تصيح،هدوءها و رزانتها متع العادة طارو و مابقالهم حتى اثر،نساوه انها مرا قوية شرسة وقت مالازم عليها تكون،عياطها فيقو من سرحتو
-تكلم عاد شبيك ساكت وينو لسانك😡
جاوبها بصوت اقرب للهمس،صوت مع البحة لفيه ولى اقرب للاغراء،رغم حسها و عياطها مزال مرهوج من ريحتها لخذاتلو عقلو كيف قربها،مازال حاسس بدقات قلبها ليضربو في صدرو وانفاسها السخونة في رقبتو انفاسها لحرقتو و حركتلو احاسيسو الكل،بعين حمرا ذابلة و شفايف ترعش خرج لكلام منو بالسيف
-جيت برشا و في كل مرة كأني ما جيتش😍
و اسكت قتلك😑 اسكت نقص من صياحك كان يسمعوك الرجال البرا ما يهدو علينا و شباش يسلكها وقتها
-ااا مالا توا خممت في صمعتك خممتشي فيا انا لبايتة وحدي شباش يقولو عليا الناس ما يزيكش لعملتو المرة لولا؟خممتشي في بابا شباش يصير فيه ناقص مصايب هو😢صبرك ياا ربي شمازال ماتعداش على راسي 😠برشا مرات و من وقتاه؟وشنو لتعملو كيف نبدا راقدة و شمجيبك من اصلو😬(بقات تغلي ماحبتش تسكت)
مالقاش طريقة اخرى يسكتها بيها غير انو يحصرها عالحيط و يلصق فيها،بيدو اليسار شيعلها يدها الزوز الفوق لصقهم في الحيط و غرس يدو اليمين في شعرها وبكل عنف حط شفايفو على شفايفها وذاب في بوسة طوييلة،بوسة مزيجها بين الحب والعشق بين رغبة و لهفة،غل،غش وانتقام،من روحو و الا منها ما يعرش،بوسة فرغ فيها هم قلبو منها ماكانتش متبادلة صحيح اما حستو باحساس جديد،احساس بالفرق بين انك تعيش اللحظة هاكي مع المرا لتعشقها ويجمعك بيها حب و احساس روحاني غير مبني على طمع والا رغبة وبين مرا ما تحس معاها شي كان بشهوة و طمع في بدنها هي اذيكا خدمتها وباش تخلص عليها وانت مجرد نزوة وتعديت وقيت..كانت مصدومة عينها محلولة على كبرهم في حالة ذهول تقول باش تخرج،تفرفط تحاول تصيح و تبعدو مانجمتش كان اقوى منها،حسها هدات شوية و سلمت،حاجة سخونة هابطتلو على خدو سيبها وبعد عليها شوية لقاها تبكي بالساكتة😮
تصدم تكونسا في بلاصتو و عقلو طار ضعف و تقوى في نفس الوقت شخصيتو كتلة مالتناقض،مستحيل انها تتفهم،دزها عالحيط شدها من وسطها و لصقها فيه قرب راسو وحط جبينو على جبينها،يحكي معاها بغش و نطرة مرة يعلي صوتو و مرة يوطيه مرة يحكي بلين و حنية و مرة بعنف هو بيدو مش فاهم روحو معها هي بالذات يدخل بعضو و يفقد السيطرة على بدنو و افكارو و تصروفاتو يفقد السيطرة على كل شي،صدرو يتهز ويتحط يحكي بلهفة و يتنفس بزربة في وجها،حرارة انفاسو سخونة حرقتها،كلامو لكان قمة في التناقض رهوجها،رغم بعض الالغاز لفيه كانت تحاول تفهمو،تفهم حالتو و طريقة كلامو الي فيها ماتنازلش ولا لحظة على كبرياؤو و شموخو نفس التكبر و القوة و الجبروت،مرة بصياحو يفجعها و يزعزع الدنيا ومرة بحنيتو يطيرها لسابع سماء بالفرحة فيقها من سرحتها كيف وجعها بنزلتو بقوة على رقبتها،ماكانتش تتخيل لحظة انو جاد باش يخرج عن صمتو،اللحظة لستناتها و خافت منها،اللحظة الي مهما تخيلتها عمرها ما تصورتها تكون في ضروف و وقت كيما هكا و بالطريقة هذي...
(حطواااا جاااام قبل ما تقراااااو)
الحلقة 3:
-ششت دمعةلا😢،ما تبكيش😡تحب تعرف من وقتاه وانا ماشي جاي؟تحب تعرف علاه برشا؟تحب تعرف علاه نرعش عليك هكا؟علاه انا متناقض معاك؟صدقني ما نعرف منهم حتى اجابة الحاجة الوحيدة الي نعرفها حق المعرفة و متأكد منها هي دقت قلبي لتقوى كل مانراك،ضعفي ليضهر قدامك انت وحدك و في غيابك يتحول قوة،ويرجع الشيطان لفيا يخرج😡ايثار!😍😔من اول لحظة ريتك فيها سكنتلي عقلي،جيت مرة😡كيف حبيتك جيت مرتين اما من وقت الي عشقتك ووليت نتنفسك ولات هذي بلاصتي كل ليلة(شدها بقوة من تحت وذنها و مع كل جملة يقولها تتبدل ملامح وجهو لتعبر على وجيعتو و حبو)تحب تعرف شنعمل؟نجي نطمان عليك،نغطيك خاطر نومك خايب و تتعرى في الليل،نقعد نتأمل فيك،مايغمضليش جفن قبل ما نملي بيك عيني،وقت نفد،وقت نتخنق،وقت نتغشش،وقت نخمم،في الاوقات الكل وفي حالاتي الكل نهرب مالعالم و نجيك،نهرب مالدنيا وما فيها ليك انت كهو،انت ملاذي الوحيد،ما نعرش علاش اما حركة لاارادية مانفيق بروحي كان قدام الاستوديو وداخلو،متكي على باب بيتك نتأمل فيك(يمسلحها في دموعها بغش،عيط عليها)قتلك اسكت راهو يزي مالبكا(رجع يحكي بهمس و حنية)عيش مرتي يزي،نموت الف موتة مع كل دمعة تهبط من عينك،مع كل دمعة منك نتدفن انا بالحياة،كل شي الا دموعك😢الدنيا نحرقها وغابتي ما تنزلش منها دمعة، ايثار نخاف نقربك نحرقك معايا بنار جهنم،مانحبكش تتظر في جرتي،حياتي كلهاشوك و حفر،كلها خراب ودمار اما ندفع عمري بللي فيه على لحظة معاك،انت الهوى لنتنفسو،عندك فكرة شنو يصير فيا كيف مانشوفكش؟ياخي لتو ما حسيت بيا و فهمتني؟ما لاحظت شي؟ماحسيت شي؟حرقتني راك و دمرتني كان نعرف انو باش يجي النهار ليولي فيه الشيطان ملاك و يطلع للجنة عمري ما كنت عملت الي عملتو في حياتي،وحياتي توا واقفة بيناتنا،حياتي،ماضيا و حاضري واقفين حاجز قدام عشقي ليك بيهم انا عاجز نكون معاك،ايثار انا جاد الشيطان نعشقك انت الملاك الهابط مالسماء،ملاكي لقلبلي حياتي،بدلني،حبي ليك رجعلي الدم في عروقي كنت كتلة رماد عايش مصير مجهول نستنا في ريح الموت تهزني معاها،كنت ناشف و بارد عايش كان باش ننتقم من عباد ضرت عباد اخرى،ناسي روحي،ناسي اني عبد لحم و دم ونحس،حبك حياني ورجعلي انفاسي،اما نقلك انت شنو؟انت امنيتك تظهر روحك قوية قدام العباد اما اول فرصة تلقى فيها روحك وحدك تطرشق بالبكاء، الي صار بيناتنا المدة الاخرة و من اول ما جيت الكلو خلاك تحب تتفداني خاطر تضعف قدامي،التناقض لفيا خلاك تاخو احتياطك مني في كل شي و تعمل المستحيل باش تظهرلي عكس الي في قلبك،ديما تحاول تبينلي كان الكره و الانتقام،اما الي في اعماقك عكس هذا الكل، احساسي يقلي انك تبادلني نفس الي حاسو انا و عمرو ما خيبني،ايثار استعرف انك تحبني و ارضخ للامر الواقع،ارضا بمصيرك خاطرو مش باش يتبدل،كون قوية حط ايدك في ايدي ايجا نواجهو العالم و نكونو لبعضنا حيين والا موتى و انا نوعدك ساقي ساقك في الدنياوالا فالاخرة،نوعدك نكون معاك لحظة بلحظة وعمري مانخليك،نوعدك نحميك مالدنيا الكل،نحميك حتى من روحي ونقتل كل من يتجرأ يخمم يقول فيك اقل كلمة والا يحط يدو عليك،خللي تفكيرك حر ماتقيدوش،ماتربطوش بحتى حاجة ما تخممش فالعواقب،الاسباب و النتائج😢 والله تعبت ايثار مش لاقي الكلام راني بللي باش نقعد نحكي مستحيل نوصلك ثلث الي انجم و مستعد نعملو على خاطرك،مش باش نزيد نحكي اكثر اما طالب منك تجاوبني ومع الوقت تو تعرف وحدك صحة كلامي..
-ايثار احكي تكلم،سكوتك يقتلني و يوترلي اعصابي
كانت ساكتة كلمة مصدومة عاجزة انها تعبر عن حالتها، في لحظة نسات كلامو الكل و جاوبتو بكلمتين وهي تبعدلو في يدو بشوية،نظرتها كلها حنية و عجز😦
-جاد انت لجود وانا مش ليك،وتوا اخرج عيشك 😢💔
كان متوقع كلامها و عاذرها مش ساهل انها تكون مع جاد بن الياس،مش ساهل انها تحاول تحافظ على السلام متاعها ليخليها في نظرو ملاك،الملاك ليخليه على خاطرو يتنازل على الشيطان لفيه،ماحبش يزيد يضغط عليها حب يخليها على راحتها قربلها طبع بوسة حب كلها شوق وحنية على جبينها😍😘
-مكش مزروبة خمم في عقلك،وحاول حط روحك في بلاصتي تو تعرف علاه جود بالذات،نتمنى تفهمني😣
انت ليا انا وحدي ايثار مهما كانت الضروف،اسمك مربوط باسمي و مستحيل نخلي حد يكسر هالرابط
خلاها و خرج سكر الباب واتكى عليه يسمع في بكاها لقطعلو قلبو و في نفس الوقت فرح بكلامها لطمنو و اكدلو انو احساسو و كلامو صحيح😊
دوب خرج و سكر الباب رجعت ايثار الضعيفة لتحاول تشد روحها و تخبي ضعفها قدام جاد،تحاول انها تخفي دموعهاو قلة حيلتها😔وهو خارج كانت في جرتو تمنات تجري و تكبش فيه و تقلو خليك معايا محتاجتك،تمنات تعنقو من تالي و تقلو نحبك وراني موافقة،مستعدة نكون معاك يد بيد نحاربو الدنيا و نكونو لبعضنا😢برشا اسباب مانعينها،الحكاية ماتخصهمش هوما كهو برشا اطراف اخرين عندهم دخل وعلاقة بطريقة او بأخرى وهي مستحيل تبني فرحتها على انقاض فرحة غيرها،اتكات عالباب وهبطت معاه تبكي و تحكي وحدها
-😢علاه مصيري هكا؟ياربي قويني قدامو و كيما علقتني بيه امحي حبو من قلبي ولا تضهر ضعفي،نحبو و نعشقو رغم كل شي،حاسة بيه و فاهمتو،نعرف انو انسان شخصيتو عكس الصورة ليراوها عليه العباد اما مستحيل نكون معاه كل شي ضدنا الحاضر الاليم و المستقبل المجهول😢
(حطوااااا جااااام قبل ما تقرااااو)
*نهار الملاك
كانت راقدة قامت عى صوت تاليفونها ينوقز بالسيف تحل في عينها هزت تشوف في الرقم،ما تعرفوش😞
-وي
-صباح النور للا لتو راقدة؟اي قوم
-سامحني شكون
-جوزيف
-اهلا بيك وينك سافا
-الحمد الله وينك انت شحال بوك و اثير
-لاباس يسأل عليك الخير،نشالله يخرج غدوة اثير معاه لاهية بيه وانا هاني لاهية في الدار،تاتا سيلين شحالها ابركشي توا
-لاباس توا خير ببرشا وين كانت ووين صبحت حتى نفسيتها تحسنت،ملي قابلتك وهي صارعتلي راسي جيبها جيبها
-هههه ايا باهي حمدالله كيف تحسنت،اما والله لا انجم نتحرك مالدار تعرف حالة بابا،جيبها و ايجاو حذايا
-واذاكا برنامجنا اليوم😊عندها صاحبتها تسكن في نفس البلاصة لتسكن فيها انت تمشيلها و بعد نرجعولك
-باهي مالا نستناكم
-اوكي بيناتنا تاليفون تو نكلمك،سلام
كلمت بوها طمانت عليه و حكات مع اختها و قامت تحرك في الدار
في الوقت هذا اسيل هابطة مالدروج تصيح
-جود نجد وينكم فيسع معادش بكري عادك بيهم وصلو
-جود:وقت ضيافك امي😡مالقيتش روبتي لباش نلبسها الليلة،وينهي اك المقصوفة اثر والا شسماها ربي😤ياااا اثر
على دخلت ايثار للفيلا جاوبتها ببرود
-نعم،و ايثار مش اثر😒
-مش مهم نقص عليا حسك،روبتي الفيولاي تخلقهالي توا مايهمنيش😠
دخل جاد يمشي بهدوئ بدم بارد،بملامح باردة،كأنو مجرد مالمشاعر والاحاسيس
-جود سكر فمك لا نهدهولك نقص حسك😑عمرها ماتقعد رايضة من غير حس هالدار😡
تعدا قعد في الصالة متجاهل كل شي
-جاد،جيت؟😍
طفاها ماجاوبهاش،طلعها العصب دارت لإيثار تفرغ في غشها
-لتو واقفة انت؟تحرك من قدامي جيب لقتلك عليه😠
واقفة تحاول تسيطر على عينها،تحاول ماتخزرلوش،تحاول تقنع روحها انو مش موجود،تركز مع جود و عياطها اهونلها انو تجي عينها في عينو وتتفكر لصار لبارح و كلامو ليها تخاف تدخل بعضها،فاقت على صوت جود
-نحكي معاك راني،العلة هذي
-اوكي لحظة نجيبها و نجي
قعدت اسيل بجنب جاد لكان مرجع راسو عالفوتاي ومغمض عينو مالتعب😦
-جاد!شبي ولدي تاعب،راسك يوجع.اكيد مارقدتش مليح البارح؟ (ما جاوبهاش😂)اسمعني جايا حذايا صحبتي اليوم هيا و ولدها،ديجا قريب يوصلو ماذبيا كان تقعد معانا،و ماتنساش اليوم زادا لازمك تحضر للملاك جدك يأكد عليك ويعاود
جاوبها وهو مازال على نفس الوضعية
-رد بالك مرة اخرى تعطيني اوامر😒هاني عديتها هذي
-اوكي عزيزي يلا قوم اطلع اعمل دوش صحصح شوية
-(جات جود و قعدت حذاه)جاد نجيبلك حرابش
-اسيل:مايشربهمش
-ولات تضحك بدلال و تزعبين
-علاه حبيبي تخاف من حربوشة صغيرونة؟
-جاد: جود الزم حدودك في الكلام لا نقوملك😡
-اسيل:يا جاد جود توا خطيبتك و ملاكم بعد جمعة علاه تكبر فيها شفيها كان فدلكت؟
-اسيل انت زادا ما ذابيك تسكت😑
يشوف فيها داخلة هازة الروبة،ليلة البارح تقعدلو ذكرى ماتتمحاش،مايحبهاش تتلبك وتدخل بعضها و تتوتر على اذاكا يحاول مايخليهاش تشوفو و حتى كان تقابلو صدفة يحاول مايطولش برشا،سرق منها نظرة و رجع غمض عينو
-ايثار: تفضل هاني لقيتها😊تجيك حلوة،صحة
قامت الاخرى خذاتها من عندها بنطرة مع حلة جاد عينو شافها و شد روحو بالسيف باش مايقومش يهرسها بطريحة على تصروفاتها الزفتة و منطقها العادم مع ايثار
-هات هنا😏اكيد تجيني حلوة،الروبة هذي كان تبيع روحك ما تخلطش تلم شطر سومها
-اسيل حبيبتي قوم قيسها نشوفها عليك
ايثار راخية راسها جاتها كيف النبزة،فدت😔
-تستحقو حاجة اخرى؟
كان مركز مع ملامحها حس بيها اما ما جاوبهاش،ستوا قعدتو و خزر للروبة
-الروبة مزيانة اما ما تشرقش عليك تظهرك سمينة دبة يعني😂(وبغرور😏)مانحبش الناس تحكي عليا ويقولو خطيبة جاد بن الياس آل راشد ومن دراك بقرة مثلا😂
جود تصدمت،عينها وساعت،فمها تحل طاقين تبخصت وذابت مالتهنتيلة لخذاتها
-لا تجبني مريقلة هاني تو نقيسها و بعد احكم عليا😣
-اسيل مستغربة:جاد شبيك عليها انت اليوم كل مرة طيشلها كلمة لاباس ماهو😕
-اموري😏(تلفت لإيثار)تنجم تمشي توا ما يحبو شي
-جود قريب باش تبكي😢:لا ما تمشيش جيبلي روبتي الاخرى و هذي خوذها انت كرهتها انا😭
-جاد:حشاها الروبة مسكينة بالعكس هي حلوة اما العيب مش فيها😕فيك انت للا😉
قام و خلاها متمسمرة في بلاصتها شلها بكلامو مالقات ماتجاوبو😶
خلطت عليه تجري للباركينغ
-ستنا لحظة
خزرلها ببرود يحاول يسيطر على روحو و يلين معاها شوية قد ما يقدر باش مايشتتهاش-تفضل😑
-ياخي ماعندك قلب علاه حكيت معاها هكاكا؟ قداكش مجودر وما تعرش تحكي
-و انت شمدخلك؟
-الي مدخلني اسمي لمربوط بإسمك كيما تقول انت و وكيف يبعدو على بعضهم وقتها سيادتك تنجم تقلي شمدخلك،فهمت والا😡
-هز حاجبو و بدم بااارد: عجبني ردك،صحيت هكا نحبك برا توا طير من قدامي ادخل لداخل😂
خلاها تغلي وحدها ومشى طلعت للكوجينة تغزل
طلع في كرهبتو و خرج للشركة مع خرجتو هو يدخل جوزيف بعد ما سأل الخديمة وين يراكي كرهبتو هبط هو و سيلين و طلعو في الاسونسار لليتاج الاول وغادي عرضتهم خديمة اخرى هزتهم لأسيل لمزالت قاعدة في الصالة هي والبنات
-مدام عندك ضياف
على تلفيتتها قابلتها سيلين معاها راجل عاطيها بالقفا مش ظاهر،ديراكت قامت تعنق و تبوس
-سيلين😍عشيرتي وينك توحشتك
-اهلا بيك عزيزتي😘قداه عندي ماريتكش والله ليك وحشة مازلت ترنكوشة كيما عرفتك
-وانت زادا كل ماتكبر عمال تصغار،وينو ولدك
كمل جوزيف تاليفونو و دارلها
-😲جاد؟شتعمل هوني مش خرجت توا وقتاه رجعت؟
(حطوااااا جااااام قبل ما تقراااااو)
الحلقة 4:
سيلين واقفة تضحك مستغربة تحاول تخفي قلقها و التوتر لحاستو
-جوزيف:عسلامة مدام😊ا ندرا شنو حكايتو سي جاد هذا وين نتحرك نلقى اسمو قدامي،حتى انت تعرفو ؟
قدملها مد يدو سلم عليها
-انا جوزيف ولد سيلين
اسيل مبهمة مش فاهمة شي
-عسلامة😊سامحني والله تقول جاد ولدي واقف قدامي
-جوزيف:ولدك؟؟
-اسيل:اي ولدي،تفضلو للصالة سامحوني خليتكم واقفين الشبه لببناتكم ضيعني،ايجا معايا تو تشوف بعينك علاه تصدمت فيك هكا
هبطو 6 درجات مشاو شوية باش وصلو للصالة و غادي وين صدمت جوزيف و سيلين كانت كبيرة،كواترو كبير معلق في الصالة على كبر الحيط فيها تصويرة جاد لقريب تنطق،حس احساس اول مرة يحسو،قلبو تقبض ما رتاحش حاس فما حاجة مش عادية مش ممكن يكون الشبه كبير للدرجة هذي،دقات قلبو قوات عذر الناس لغلطو فيه واقف مقابل الكواترو تقول يخزر لروحو فالمرايا الشبه لبيناتهم مش عادي،سبحانو ليخلق مالشبه اربعين
سيلين حالتها كانت اعظم منو مصدومة اما متملكتها نوع مالراحة و قلبها مطمان،تحكي بينها وبين روحها
-اي والله هو يا ربي قويني،هذا جاد هذا لجيت على خاطرو،ريتو فالتصويرة و صار فيا هكا مالا كان قدامي؟😔مش مستعدة للمواجهة مازلت،يا ربي سهلها عليا
-جوزيف: تحكي بالرسمي ولدك؟ساعة مايشبهلكش😕
-اسيل: هو ولد المرحوم راجلي وانا ربيتو بعد موت امو، اي تفضلو مرحبا شبيكم واقفين اقعدو😊(جود و نجد مصدومين اكثر بالسيف قامو سلمو عليهم) هو توا خرج ياخي ما تقابلتوش؟
-جوزيف:احنا داخلين للباركينغ و كرهبة نوار بلارها فيماي خارجة مش ضاهر شكون يعني
-اسيل:اي هاكا هو،كل شي عندو لازم يكون نوار
قعدو يحكيو لين دخلت ايثار و شافها جوزيف قاملها و ديراكت سلم عليها بالبوس هي واقفة مصدومة و صدمة اسيل و بناتها كانت اكبر
-جوزيف:ايثار شتعمل هنا؟ وينك ا طفلة من نهارتها ما تقابلناش
-اهلا جوزيف سافا،انت شتعمل هوني مش انا😕
قامت سيلين تعنق فيها و تبوس قريب باش تبكي
-ايا سيبلي بنتي توحشتها😘وينك يا هرابة هكا تو تكلمني مرة كهو من آخر مقابلة،البارح قلت لجوزيف غدوة تهزني لايثار ما نفهم شي
-ههه مرحبا بيكم حتى انا توحشتك الله غالب والله غاطسة اما ما تقولش ناسيتك،كلمني جوزيف الصباح و قلي رانا جايينك😊انا نخدم و نسكن هوني و انتوما؟
-انا و اسيل صحبة قديمة من ايامات امريكا
اسيل و بناتها مش فاهمين شي قاعدين ساكتين يغزلو بالاخص كيف شافو محبة و اهتمام سيلين و جوزيف لايثار
-اسيل:يا جماعة فهموني منين تعرفو بعضكم😤
-سيلين:جوزيف و ايثار صحاب عندهم مدة و انا حبيتها هالطفلة ماشالله عليها عقل و ثقل و تربية و زين سوري الي يقلك سبحان لخلقها فيسع تدخل للقلب😍
تمقتو و ماتو بالغزول لمكنهم سكتت مالقات ما تقول عداتها بتبسيمة تستنا فيهم وقتاه يخرجو باش تستفرد بايثار تسقسيها مليح
-ايثار:انا نخليكم توا،جوزيف كيف تقومو كلمني نضيفكم عندي و نزيدو نحكيو اكثر اكيد راكم مش فاهمين شي
-باهي عيشها الصغرونة😚اما هك قاعدة
-ايثار:لا والله عندي خدمة لازمني نكملها باش نفضالكم مليح بيناتنا تاليفون
هي مشات و هو فد،طارتلو منها القعدة غزل من نجد لمابعدتش عينها عليه و من كلام اسيل وجود ليحكيو برواحهم كان التفشليم و الكذب بالسيف موسع بالو
-اسيل:سيلين عزيزتي الليلة عدنا ملاك في العايلة ماذابيا تشرفنا انت و جوزيف
-سيلين:اوكي عزيزتي والله حتى انا فادة و قداه عندي على جو تونسي نروحو نريقلو امورنا و نجيو ابعثلي الادراس ولا يهمك
-ههه نعرف عشيرتي حربية ما تقولش لا، وبعد جمعة خطبة جود و جاد هذي مافيهاش كلام عاد بنت الدار انت مش لازم نقلك،باش تجيو و تقعدو حذانا قبل بأيامات
-باهي يا للا تدلل،اي احنا لازم نقومو يا جماعة ايثار راهي تستنا فينا ملتقانا فالليل مالا
سلمو على بعضهم و خرجو وصلو للباب كلمها
-آطفلة وينك هانا خرجنا
-هاني جاية لحظة برك
جاتهم تجري هزتهم للاستوديو كانت متواضعة حنينة صادقة و تتصرف على طبيعتها،فرحت بيهم عاللخر ماخلات ماضيفتهم كبشت فيهم عالفطور خذاو بخاطرها و قعدو اما شدو الصحيح باش يعاونوها ما خلات ما صنفت طيبو و حضرو كل شي مع بعضهم يغنيو و عاملين جو كملو فطرو عملتلهم قهاوي و قعدو يحكيو سألوها كيفاه تعرف آل راشد و شنو حياتها حكاتلهم كل شي من موت امها لوين تعرفت على جوزيف فالكلينيك، حكاتلهم كل شي بالتفصيل بطبيعة تجاوزت حكاية جاد وعرسهم والمشاكل لماليزمهاش تتحكى،زادو حبوها و تعلقو بيها،سيلين رتاحت و تأكدت انها اختارت الانسان الصح لباش يلم شمل العيلة،جوزيف مع كل كلمة وكل حاجة تعملها يزيد يعشقها و يغرق فيها ماروح كان ماخلاها توعدو انهم يعملو قهوة مع سيلين،تفاهمو باش يتقابلو في الخطبة و روحو
الوقت هذا الكل كان جاد مقطع روحو سلاطة يطلب فيها وهي ما تهزش خاطر ماشلقتش بيه تاليفونها بعيد عليها وهي تزرب تحب تكمل حركتها فيسع و تمشي
في دار مراد الناس الكل حايسة يحضرو للملاك،هند في الحجامة هي والبنات،لجين مافماش ريحتها معاهم مستانسة هي لولا في كل شي المرة هذي جهامة بلا روح، غسان لتو ما تحرك وما عمل شي مسلم امرو لربي يستنى في معجزة،كل شي حظر في رمشة عين،كل شي مريقل وبرفاي، العايلة الكل بدات تتلم،بدات العباد تجي كبار رجال الاعمال و فنانين و صحافة تقول مهرجان،مراد و مهى يستقبلو فالعباد الجو كان كلاس،رايض كل شي فينو و هااي..
(حطواااا جاااام قبل ما تقراااااو)
كان في رينيو طلبها الف مرة ما تهزش طلعو العصب، اجتماع مهم يستنى فيه عندو برشا مانجمش يلغيه ماطمع بالله كمل وطار ديراكت للفيلا فاد و خلوقو في خشمو دوب دخل عرضتو اسيل مالباب
-يا جاد وينك وقت خدمة ياخي معاش بكري اطلع فيسع حضر روحك العيلة الكل تلمت و جدك صرعلي راسي بالتاليفونات يأكد على حضورك
هي تحكي و هو طالع في الدروج ماتلفتلهاش حتى بشطر عين
-مانيش ماشي وبرا فوتني توا لا نغلط معاك😡طالع لبيتو على اساس يعمل دوش ويرقد تعدا من قدام بيت جود و نجد لكانو يحضرو في رواحهم دوب سمع اسم ايثار تمسمر في بلاصتو يسمع في حديثهم
-جود:ريت اك الصدمة بكري😮كان جاء جاد حاضر وقتها والله لا ينجم حد يفرق بينو و بين جوزيف يهبل السخطة
-نجد:ووه ماك تهنيت و خذيت جاد خلي معاك ياديني راني قريب نبور
-اما ريت وقت دخلت ايثار كيفاه قاملها يجري يعنق و يبوس منين طاحت بيه السخطة😡لا و امو لهكا هكا بيها تكونش ناويتلو عليها و نزيدك زيادة مشاولها للاستوديو ستدعاتهم للفطور يا بنتي مشيت انسنس نسمع في ضحكهم و غناهم يشرقع والي يقلك قاعدين يطيبو مع بعضهم عاملين جو و سي جوزيف يتربج بيها في ايثو في صغرونة وهي قاعدة كان تضحك😑
-اي اي بالاخص صغرونة قالهالها قدامنا زادا تكونشي بيناتهم حاجة؟😮تفاهمو باش يتقابلو الليلة فالخطبة هي زادا مستدعية البنات يأكدو عليها ويعاودو 😏
جاد يسمع فيهم مبهم مش فاهم شي،تفكر صحبت اسيل لقتلو اقعد نعرفك عليها وهو قلها لا رجع نادم توا
-شكونو هذا جوزيف منين هبطلي زادا رتحت من اسامة جاني هو ناقص انا،نبطلشي خدمتي انا تو ونشد عساس عليها هي😡(نحى الفاست طيشها عالفوتاي و شمر على يدين الشوميز مشالها هاد للاستوديو😂)مقطعك مقطعك يا ايثار😠اما ناوية عليها لولدها واما جوزيف متع دين بوهم وربي لخلقني نكون قاتلو كان يقربها،المفاهمة معاها هي توا وهو تو نتلها بيه لا و يقلها صغرونة زادا و تعنيق وبوس😠
يهرول فالفيلا تقول هاز خبر و هو قريب باش يولي يجري عينو ظلامت مالغش معاد يرى في شي يحس في الثنية طوالت عليه😂واخيرا وصل يلقى الباب محلول دزو ودخل،تصدم حبس في بلاصتو😍كانت واقفة قدام المراية تعمل فالبارفان لابسة روبة بيضة طويلة ضهرها الكل عريان،شعرها على جنب يقطر بالماء الظاهر كانت تدوش،شافهانارو طفات كأنو شكون جاه وصب عليه سطل ماء بارد داخ و دخل بعضو وقفتها و روبتها وريحة بارفانها خلوه يتحنط يحس في الوقت حبس و حبست مهاه الدنيا الكل على اللحظة هاكي عينو محلولة على وسعها قريب تخرج من بقعتها حتى من ساقيه خانوه و رخو بيه ترهوج ركز مرفقو عالباب وتكى عليه يخزرلها حاير في روحو،يتساءل على السر الي فيها سرها ليخليه يذوب في كل مرة يشوفها فيها و مايقعدش في عقلو،
شافتو عالمرايا شهقت شهقة وحدة عيطتها فيقتو من سرحتو،ذكرتو في الموضوع لخرجو من سينتو وخلاه جايها رابط،رجعت ملامح الغش على وجهو قدملها بزربة،شافتو هكاكا عرفتها مزمرة عليها و ليلتها باش تشوم عينو حمرة دم و عروق رقبتو قريب يخرجو
-جاد شت..
قصى عليها كيف هجم عليها ولصقها عالمراية قريب يكسرها ريحت جال دوشها والبارفان فشلوه مرة اخرى،مشاعرو تناقضت معادش فاهم روحو شنو يحب والا شنو يحس تفرعس ودخل بعضو،تملكتو نفس الرغبة لقوية لتسيطر عليه كل ما يشوفها،نفس الرغبة ليقعد يحاول يسيطر على روحو باش ما يضهرهاش وفي كل مرة يعجز ويفقد السيطرة على كل شي،تتسارع دقات قلبو و يولي يتنفس بالسيف،يديه الزوز في وسطها وجبدها ليه بقوة وكل عنف،مستحيل يقاوم عينها هوما نقطة ضعفو قربلها وديراكت طبع بوسة على جبينها وبعدها فيسع رجع تنرفز،تقلب هز يدو وضربها عالحيط لين تفجعت وغمضت عينها جهل عليها ولي يصيح😬
-وينك للا كلمتك سبعين الف مرة ماتهزش!والا عندك حق مش لاهية بيا،لاهية بسي جوزيف شكونو هو ومنين تعرف دين بوه شمجيبو اصلا،الراجل وصل يتربج بيك صغرونة وايثو وسخطة على راسو😡تعنيق وبوس وعندو رقمك،تباتو للفجاري عاد تحكيو ااه تكلم حل فمك عاد،انا وين؟اامالا راقد على وذني والماء يجري تحت ساقيا😠
يحكي بزربة يرحي فالكلام رحيان حتى النفس نساه تقول ندرا شكون يجري في جرتو ما خلهاش تنطق حرف معاه،
ذوبها وقتلها بكلامو كانت حاسة بيه و بغيرتو حاسة ببدنو ليرعش بكلو وبالرغبة لتملكتو عليها تعشق عينو لتذبال مالرغبة لتسيطر عليه كل ما يعمل فازات هكا،تعشق براءتو وضعفو ليبانو فيهم ومايضهرهم كان قدامها هي شاخت عليه عرفتو منرفز تجبد عليه بدم بارد
-ووه يا جاد اسكت كيفاه باش نجاوبك وانت ترحي على بعضو تنفس شوية يا ديني😆
-سكر فمك😠عندك عين تحل في فمك و تزيد تحكي معايا بدم بارد
-اي تعلمتو منك😉(تحاول تكون قوية قدامو،تحاول ما تضعفش مهما قربلها، العين فالعين تجاوب فيه بكل برود لامبالات)اولا قتلك عليه شكونو جوزيف تقابلني فالكلينيك وغادي تعرفت على امو ومن محاسن الصدف تظهر صحبة قديمة هي واسيل،المرا حبتني وحسبتني كيف بنتها وانا زادا حبيتها و لقيت فيها الام لتحرمت منها
-موضوعنا جوزيف مش امو ياايثار
-الراجل ماريت منو العيب متربي ومتخلق و حاسبني كيف اختو شفيها!ومكش انت لباش تملي عليا شنعمل والا تذكرني انا شكون وشنو اصلي😡
-خوا يخويك،اي بالضبط كيما انا زادا حاسبك كيما اختي،سكر عليا😡تتحدا فيا معناها!ايا باهي مالا تو نشوفو شكون يدوملك يا يموت يا نموت..
(حطوااال جااااام قبل ما تقرااااو)
الحلقة 5:
تفكرت كلام سيلين والماضي و خدمة جوزيف والانتقام،تفكرت الحمل و المسؤولية لحاملتهم والوعد لقطعتو على روحها ولازم توفي بيه،عينها دمعت من غير ما تشعر حطت صبعها على شفايفو باش يسكت
-ششت الموت لا جاد رد بالك تعاودها هالكلمة😢
-شاف دموعها تكبس و شدتو رجفة في قلبو،هز يدو مسحلها عينها لتملات دموع وبعد هبطهم يتحسس في خدها يمشي في يدو بحنية ذوبتها،حنية خلتها تغمض عينها،مهما تحاولت تتقوى على روحها ما تنجمش،حاجة مستحيلة انها تقاومو شافها هكاكا ذاب في ملامح وجها و تقهر نفس السؤال لديما يدور في بالو هي بكلها مرتو حلالو حتى لو كان فالسر علاه ما ينجم يعمل شي ساعات يعجز انو يبوسها و كأنو حاجة تصد فيه وتمنعو😕حاس بدقة قلبها،حس بالرعشة لسرات في بدنها شفايفها لترعش يدها لتكبست في شوميزتو حاس باحاسيسها الكل خاطر كل شي متبادل و صاير عليه.
-ايثار😍
-اممم
-ما تحلش عينك و خليهم مسكرين ماتخافش وما تتحركش
ماقدرش يبعد عينو على رقبتها الطويلة لكانت بيضة شفق بستخالة على الشيرة اليمين استهوتو خذاتلو تفكيرو كبشتلو عليها و حب يبوسها من غادي قرب منها هبط راسو و طبع بوسة طويلة حنينة خفيفة على رقبتها،بوسة خلت لحمهم الزوز يقشعر😮ديراكت حلت عينها تكلمت بالسيف
-جاد امان يزي
-ايثار مرتي راك😍
-اي مرتك بالاسم كهو😟
-(يتمنيك عليها😛)توتسويت كان تحب تو،تولي مرتي بالفم والملا😂غير قول باهي ولا يهمك عندك كان الرجال
غمزها😉وتبسم تبسيمة على جنب ترعب و مع تذبيلة عينو قريب اندوخ بين يديه
-هههه ما هشك و ماضمرك حاصيلو😑اي ابعد من قدامي نكمل نحضر روحي معادش بكري
جبدها رجعها لتالي😂عاود لصقها عالمرايا شيع يدو اليسار فوق راسها متركز عليها و اليد اليمين يمشي فيها بكل حنية على خدها يتحسس فيه،زاد لصقها اكثر بحت صوتو كيف يحكي تقتلها تخليها تتبسم وحدها
-ايثار محلاك بالابيض😍في بالك جيتك رابط الساعة متحلف باش نفشخك بطريحة على سي جوزيف واول ما ريتك في هالروبة و انا تحنط في بلاصتي تي تشليت اصل و رحمت كارمن قتلتني راك و جبت آخرتي شمازلت ناوية تعمل فيا يا فرخة،اي نهربو😂😝
تسمع فيه و داهشة في هبالو😰
-جاد ابعد و نقص مالجنن متاعك قلو نهربو بالك قاتلين روح احنا هاكا لمزال و تبقى عاد لا حلو😕
يحكي معاها بتبهليل لاول مرة في حياتو و منو يشوف ردة فعلها وملامح وجها كيفاه
-انت لا اما انا قاتل ارواح مش روح وحدة وحتى كان مش بطريقة مباشرة اما كنت سبب في موت شبعة عباد،في بالك شرطة مكافحة الاجرام الامريكية طالبتني😜اما الحد الان ما لقاو حتى دليل يثبت ايدانتي،آ مالا راجلك يخدم بنظافة😂في بالك بيا زعيم مافيا،عندك فكرة قداه يتمت صغار وحرقت عباد و شتت عايلات فيهم الظالم و بطريقة او بأخرى فيهم زادا المظلوم..😊ايثار براس امك ابعد من قدامي نشوفك برك لساني يفلت مني و نفرش روحي بروحي من غير حتى لا تسألني برا طير😂
-تو نورمال انت شبيك تسأل و تجاوب وحدك لا سايي عليك جنيت،بالك ضربتك على يدك وقتلك احكيلي بالسيف انا والا بالك كيف تحكيلي باش نصب بيك الصبة
-😁واذاكا علاه لساني يفلت في حضورك خاطرك مكش باش تصب الصبة برويجلك و تقعد معلقة😂
-ممم على اساس تو مانيش معلقة بالاهي ابعد ابعد صدقتي نحكي معاك كلمتين نزيد ندخل في حيط😑
هي ماشية و هو جبدها من يدها عنقها من تالي حوطها بيديه الزوز لصق فيها
-ايجا هنا وين ماشية وشاورتني حتى باش تمشي😤ستنا الساعة نحيت الحجاب وماشية هكا؟ والله نقتلك ونقطعك طروف طروف كان تعملها😡
-يعمل يدك في رقبتك سيبني😒وحق ربي لاك نورمال كيف نقلك راك مريض مانيش غالطة ولا نظلم فيك،هاكا حد مخك معناها ملي تخلقت وانا متحجبة نجي توا وانحيه نشالله لاباس والروبة نفيس فيها وبرا بالك ترا فيا هبلت باش نخرج بيها هكا😞
-لا حبك ربي والله نحشلك ساقك منين نبتت،كان انا راجلك دوب ريتك بيها ترهوجت خلي عاد الي باش يشوفوك بيها الليلة وهذا مازلت لا لبست حجابك ولا عملت مكياجك،برا اقلب خليقتك من قدامي لاندورهالك نحيها فيسع😡،انا هاني ماشي نحضر روحي خاطر تعديتلك مالخدمة حتى بيتي ماوصلتلهاش،حبك ربي كيف نجي نوصلك نلقاها على لحمك تو نوريك😡ونحبك تلبس الروبة لعطاتهالك اك المصفارة جود ماهي تتمنيك الساعة البسها خلي تشوف زينها المركب لتتفوخر بيه و تعرف انو هي بكلها ما تجي شي وما تضهرش اصلا قدام زين وسحر هالبستخالة الي في رقبتك فما بالك قدامك انت بكلك😍
-ووه😲ياخي باش تمشي ساعة مش عوايدك
-اي مش عوايدي وكان مش على خاطر انت ماشية لا نحط فيها ساقي،آمالا نخليك انت تمشي وحدك وبالزين هذا الكل و ليسوى والي مايسواش يملي في عينو منك ويتسلط ههه تحلم انت ساقي ساقك للا😒اي كمل فيسع فيدك نص ساعة نزمرلك تخرج ماتخلينيش نستنا وما تخرجش وحق ربي نهد عليك هنا ونفرعسلك مكياجك وكان ضهرلي روبتك😂😉انا هاني وصيتك وانت وما تحب عاد😆
-ههه ممصتك،اي مضمض مالا مش ماشية معاك ولاباس انت باش تهزني معاك؟شباش يقول الي يشوفنا
-جاوبها يغني:خلي يقولو واش يهم🎵مرتي يا ديني😞
-ههه حلوة هذي يا ديني😂خصك شوية تحطلي يدك في حزامك،برا اقصد ربي انا باش يوصلني عم كمال و يزي مالجنن متاعك قلو توصلني،ماتستنانيش تو نخلط
قلها باهي باسها من كتفها وخرج😍
هذا الكل صار وهو معنقها و واققين قدام المرايا مركزين مع بعضهم وما نتبهوش لجود لكانت تسمع فيهم ومركزة مع كل كلمة تحكات و كل حركة تعملت..😲
(حطواااا جااااام قبل ما تقرااااو)
كانت تحضر في روحها هي و نجد لين شمت ريحت بارفانتو وصلت قبلو،شافتو متعدي اما دوب ما تذكر اسم ايثار و هو وقف ستغربت خاطر تعرفو ماعندوش صنعت تلقيط الكلام والتنسنيس وزيد ديما متملح ما يعطي اهمية لحد،ستغربت من ردت فعلو بلعاني حكات هكك حبت تتأكد من شكها وطلع صحيح كيف لمحتو رجع يزرب وملامح الغش على وجهو تبعتو بالسرقة و تصدمت كيف دخللها للاستوديو جات تحت شباك بيت ايثار لكان شطرو محلول من غادي نجمت ترا وتسمع كل شي بالباهي،جاد كان مشلق بيها خاطر شافها عالمرايا😂ما حبش يخبي حبو لايثار،حب يوصللها ميساج انو قلبو مايدق كان لغيرها و انو الي يخمم يقربها يقتلو ويمحيه،شافتو قريب يخرج رجعت تجري للفيلا ويدقها ربي يطيحلها تاليفونها فالكلوار وقفت تهز فيه ويخلط عليها ديراكت يخطفها من شعرها ويلصقها عالحيط
-ايجا هنا😠تحسابني مش شالق بيك!دغفة عندك باش تعديها عليا يا هاملة،هك عرفت ومبعد!جبت الصيد من وذنو؟😂من غير ما تعب روحك و تبدا تتخيل وحدك وتتحمص تو نحكيلك وحدي😌ياللا ايثار مرتي قدام ربي و عبادو نعشقها ونتنفسها هك الطفلة اي نعم انا ندفع عمري ولا نشوف دمعة في عين ايثار،تعرف انو بهذا الكل انا ما نعرش كان هي تحبيني ولا عمرها قالتلي اما انا متأكد يجي نهار وتولي تحبني خاطر انا نموت عليها ونعرف انها باش تقبلني كيف ماانا بكل عيوبي،باش تقبل جاد لروحو لشخصو لطبيعتو لذاتو مش لفلوسو واملاكو وسلطتو،هي مش كيفكم،هي غيركم كلكم من طينة اخرى،لحد الان مش عارف كيفاه عشقتها،نزيدك زيادة هاكا الكل ميساج ليك انت يعني رد بالك تتجرا انك تخمم تقربها والا طيشلها كلمة هكا والا هكا و اعتبر روحك ميتة كان نعرف انك هددتها و علمتها انو عندك علم بعلاقتنا(خنقها بالقوي قريب تطلع روحها)ورد بالك نسمعك فوحتها الحكاية فهمت والا؟😈
لطخلها راسها عالحيط و دار ماشي يسمع فيها تلهث
-والله مااندمك يا جاد الليلة نحكي كل شي قدام العيلة الكل ههه ورينا شباش تعمل قدام جدك وشماتت ولاد عمك،معرس فالسر وبخديمة ليقلك ما تجيش حتى في ضفري
عالبلاصة رجعلها لفها بكف طيحها بيه فالقاعة، فلقلها شفتها لين تطرشقت بالدم
-هذا باش تتعلم المرة الجاية كيفاه تحترم العباد وتعرف شتخرج من فمك ايثار اشرف منك يالي لاعبتلي فيها شريفة بنت الفاظل اسكت هني على روحك خير ما نجبد لمخبي في كبة تي الكارط متاعك وصلتني لنيويورك😏(تصدمت وزراقت لسانها بلعتو😨)و برا من حينك احكي الي تحب وترحم على روحك بعدها خاطر الي سمعتوه على عمايلي الكل في امريكا صحيح والدور جاي عليك،قد اعذر من انذر وانت دبر راسك يا خطيبتي😏
خلاها تغلي ومشى عمل دوش كمل لبس كوستيم نوار شوميز بيضة عليها بابيون نوار،واقف قدام المرايا يريقل فالاكسسوار متع مونش الشوميز لبس منقالتو عمل بارفان و خرج،هابط فالدروج يسمع في صياح اسيل
-يا جاد وينك احنا نسا حضرنا وانت مازلت!تي هيا معاش بكري الززح في اي مناسبة لازم احنا آخر من يوصل
-نقص حسك هاني جيت(خزر لجود لكانت واقفة بجنبها عينها تتناطر سم وبكل برود)ياا محلا زين خطيبتي صحيت هكا حلوة😍الروبة مش انت راهو😂(رجعت ملامح وجهو باردة ماتعبر على شي😑وعيط عليهم😡)تحركو اخرجو عاد ما فهمتش علاه تستناو فيا😕والا بالك معملين باش نهزكم؟مضمضو كان هكا مانيش شوفور على جدبوكم اوكا كراهبكم موجودة و الشوفرة برشا انا ماشي وحدي
-تكلمت جود ترمي فالمعنى:علاه يا خطيبي ناوي تهز معاك شكون ياخي😉
-ياا مذكاك كيفاه طلعتها يقوى عليك ربي😒اي عزيزتي باش نهز معايا مرتي الغالية هي اولا بيكم
اسيل تضحك مش فاهمة شي حايرة في الانسجام الجديد الي بين جاد و جود
-ههه امبوو😮اول مرة في حياتي نرا جاد يفدلك،والله و رجعتو لثنية يا جود نشهدلك عزيزتي بنت امك -😏اي قدقد من ناحية بنت امها صحيح لشكون باش تطلع بربي،ملا سلع متع زحي😒
خرجو وصلو لدار مراد،الناس الكل ملمومة غنا وعباد ماشية جاية الجو كلاس عاللخر،تعدات اكثر من نص ساعة و هو كل شوية يشوف الوقت عينو قريب تحوال و هو مركز مع الباب ويفركس بين العباد بالك جات وما رهاش،شوية آخر و جات هند مالحجامة هي والبنات طلعت محلاها مكياج سامبل وروبة فينو تهبل اما مع هذا الكل كانت حابسة دمعتها في عينها قلبها موجوع مش بيدها كان مالمفروض غسان هو ليتحرك و يعمل حاجة اما هو كان جبان ماعمل شي و رضخ للواقع و اوامر جدو الي ما تجرأ حد حتى الان ولوالو العصا في يدو والا كسرلو كلمتو،ضميرها يأنب فيها ماترا في شي مركزة كان مع لجين لكانت مقابلتها قلبها عصر عليها احساسها بالخيانة قاتلها حتى لو كان ماتحبش غسان عمرها لاتبني سعادتها على حساب تعاسة غيرها فمابالك هذه بنت عمتها صحبتها الانتيم وعشيرة صغرها،توجع😔ترا في لجين جايتها سلمت عليها وقربتلها تحكي معاها صحيح محطمة اما قعدتها وحدها البريود هذي الكل خلاتها تسلم امرها لربي و تمن انو لكاتبو ربي تو يصير
-تبسمت:سامحني هند كنت انانية قتلك كلام وتهمتك بالخيانة مع اني نعرفك شنو ومقتنعة انو كلام تقال في لحظة غش لا اكثر،سامحني ما وقفتش معاك وما عذرتكش انت زادا متعذبة،غسان رغم انو يحبني اما الي صار خلاني نعرف قداش هو انسان شخصيتو ضعيفة وعاجز انو ياقف لجدو يحمي حبو و يدافع عليه كان توا هكا مالا نهار آخر باش ينجم يحميني انا زعمة!اكيد لا☺مبروك عليك والله قلبي صافي من ناحيتك ما تحط شي في بالك ماناخذو مالدنيا كان الي كاتبهولنا ربي
(حطوااا جاااام قبل ما تقرااااو)
الحلقة 6:
-لجين انا مش راضية عالي صار وخذيت وعد على روحي انو نجمعكم بأي طريقة..
كملو حكاو عنقو بعضهم جبدت لجين غسان حتطلو يدو في يد هند خلاتهم يشطحو و وخرت لتالي تصفق ليهم، العايلة الكل دايرة بيهم شطحو و عملو جو وبعد كل حد شد بلاصتو،كان واقف مع رجال اعمال يحكي معاهم عالخدمة شاد كاس ويسكي دوب حطو على شفايفو باش يشرب حبس،يدو تشلت وحواسو الكل وقف يرا فيها داخلة هي وكمال الشوفور شادة بوشات نوار في يدها عرفها متوترة و حاشمة تبسم بحب😊لابسة روبة فيولاي وعاملة حجاب نوار على لون الطالون،مكياجها كان سامبل علللخر يعشق بساطتها في كل شي،تسحر بيها تاه وضاع في زينها الطاغي الي فرض وجودو في لحظة،الجماعة لمعاه لاحضو ذهولو كان يحكي و في ثانية سكت😶فضولهم خلاهم يحبو بعرفو السبب دارو لوين مركز هوما زاد دوب شافوها سكتو تكلم واحد منهم
-سبحان لخلقها ملاك هذي تباركالله وماشاالله تي شوفو حتى العباد الكل لاحضت وجودها وركزت معاها
كلامو نرفزو خلاه يكبس يدو فالكاس قريب يكسرو شد روحو عليه بالسيف على مرتين باش ينقز عليه يفشخو بطريحة دار فيسع يلوج علو وحدة مالبنات لقا هنيدة مقابلتو غمزها بعينو باش تمشيلها خاطر يرا فيها تفركس بعينها على وحدة منهم باين متلبكة و حاشمة عاللخر وزيد عينين الحاضرين الكل عليها دخلت بعضها، مشاتلها هنيدة وهو استأذن مالجماعة ومشا قعد وحدو يحب يركز كان معاها هي وحدها من غير مايشتتلو حد افكارو،مشات سلمت على هند وغسان وباركتلهم ورجعت وقفت مع البنات هي هكاكا وماترا كان في سيلين داخلة هي و جوزيف تتبسم وتبيبيلها،تبسمت ومشاتلهم،كان مركز مع كل تفاصيلها وحركاتها استغرب زعمة لشكون تبسمت الي تعرفهم الكل واقفة معاهم تبعها بعينو لوين ماشية،يرا فيها وقفت تسلم على مرا بالبوس و مدت يدها لراجل كان معاها عاطيه بالقفا ماشافوش،حس بحاجة غريبة مافهمهاش،حس انو يعرفها المرا شبه كبير بينو هو و المرحومة امو😯وقفو على الطاولة جاهم السرفار هبطو شربهم المرا وايثار خذاو جو والراجل خذا كاس ويسكي من نفس النوعية لخذا منها هو،لابس كوستيم نفس الي لابسها هو بالضبط نفس الذوق،دقة الاختيار هي نفسها عندو خلتو يستغرب ويتساءل -زعمة شنو آخر عدنا فيه نفس الذوق😏
مزال مركز معاها بالديتاي كلامها وحركاتها تبسيمتها الفينو،تصرفها على طبيعتها مع الناس الكل مهما كانو، خزرة عينها لتضج بالفتنة كل هذا خلاه يتناقض حتى بينو وبين روحو،رغم هذا الكل يغلي عليها كان يلقى يمشي يهرسو بطريحة،فيقتو المرا لمعاهم كيف خلاتهم وحدهم ومشات خاطر جاتها اسيل تسلم عليها،يرا فيه كيفاه مدلها يدو وحسب مافهم يحبها تشطح معاه سلو وقتها وين عقلو طار وتسكر معاد فاهم شي ديراكت مشالهم يغلي ويكشكش ستر ربي طاولتهم كانت متركنة شوية وفي آخر الاسباس،كل مايقرب منهم خطوة كل مادقات قلبو تزيد وعصابو تتشنج اكثر،شاد الكاس يدو عرقت يحس فيه باش يزلق ويطيح وصللهم مش مركز دار من شيرتها هي حط يدو على وسطها و قربها ليه باسها من خدها وقرب شفايفو يهمس في وذنها و ما ركزش مع الي معاها اما من المرا لسلمت على اسيل فهم انها صحبتها وهذا جوزيف ولدها حب يغزلو و يوصلو ميساج انو ايثار متاعو هو كهو،تبسم
-وينك شبيك بطيت،محلاك هبلتني يا فرخة😙
تصدمت مهما تتخيل هبالو مستحيل يكون هكا، اريسكي بروحو وبكل شي ويبوسها قدام العباد هاذم الكل
-يكب كبوبك هكا😲جاد يزي برا سيب هبالك بعيد مناش وحدنا،تحرك مد يدك سلم عالراجل،هذا جوزيف
هز راسو وياليتو..تصدم،لسانو تعقد ويدو تربطت،جاد الي ما ينجم حد يجاريه ويقدو في السيطرة عالاعصاب وسيرتوو ملامح الوجه الا انو المرة هذي تعرض للخيانة من حواسو،اي نعم شلق على روحو،فقد سيطرتو و بانت عليه كل علامات الصدمة والدهشة،جوزيف مكانش يبعد عليه برشا رغم انو حسو الاحساس هذا كيف شاف تصويرتو فالفيلا الا انها ردة فعلو المرة هذي كانت اقوى تمالك روحو تبسم و مد يدو
-اهلا،جاد!واخيرا😊شرفتنا خويا
كلمت خويا حستهم الزوز باحساس غريب عجزو انهم يفهموه حتى بينهم وبين رواحهم،رجعت على وجهو ملامح الشيطان الغرور،التكبر،الكبرياء و الغطرسة، رجعت عينو تقدح بالشر،راسو مرفوع وحاجبو مهزوز مدلو يدو
-سلام😶عيشك،وانت اكيد جوزيف
-باللي حكاولي عالشبه لبيناتنا ما تخيلتوش لحظة يكون بارديتاي هكا،سبحان ربي😊
-حتى انا حكاتلي عليك صغرونتي شوقتني باش نراك😉
-صغرونتك؟😕مافيباليش!
-ههه ما قتلكش؟ممم لا عندها حق ديجا ماعندكمش برشا تعرفو بعضكم
تلفو ماخلاشو يرجع عليه😂مد يدو لايثار باش تشطح معاه،هي تغمز فيه عالعايلة لمركزة معاهم ويتهامسو بالاخص جود ونجد وهو متلفها كركرها بالسيف يتهدد ويتوعد تحت حس مس اما معديها بتبسيمة😂هزها وخلا جوزيف مبهم حال فمو مش فاهم شي،هذا هو جاد(ماكس)الي قتلو صاحبو ومعدي كامل مسيرتو المهنية يلوج عليه،شو الدنيا مصغرها😏تبسم تبسيمت خبث ورجع ركز معاهم،هبطها قدام العباد الكل لوين يشطحو الاسباس فارغة الكلهم باهتين فيه و مصدومين كأنهم في حلمة شبه مستحيلة،عمرهم لا توقعوه يشطح ولا انو يعرف اصلا،الكلهم يتهامسو الوحيد لطاير مالفرحة جدو الي شهد الايثار الوحيدة لخلتو يشوف هالنهار السعيد عجبتو برشا لدرجة انو دوب شافهم بداو يشطحو قام يزفر ويصفقلهم😂متأكدة انو العينين الكل عليهم توا على اذاكا ماحبت تخزر ولاتركز مع حتى حد خاطر باش تزيد تتوتر ..
(حطواااا جاااام قبل ما تقرااااو)
وصلو وبالزهر تحطت غناية كلمات لماجدة الرومي غنايتها المفضلة😆هو ماعلا بالو بحد جبدها لصقها فيه قريب يدخلها في ضلوعو شدها من وسطها ويدها،الضو طفى كان هوما فالساحة ماتجرأ حد يهبط معاه وماحب حد يفلت هاللحظة التاريخية
-"جاد بن الياس آل راشد الملقب بالشيطان وسط الملأ يراقص ملاك"(قالها وهو يضحك) اي شقولك في العنوان😂بقدرة ربي غدوة الحي يكون متصدر الصفحة لولى من جريدة الشروق،ريت شعملت فيا؟راك خرجتني من عقلي،زعمة شمازلت باش نعمل آخر على خاطرك 😍
-تتعدا الليلة كيما جاء اما والله يا ولد الياس الا ما ناكلك ماكلة غير اروحو برك واقرا حسابك مروحة معاك😡
-ههه دووييو جيت مع كمال تروح معاه😂تحب تستفرد بيا للا والله عيب عليك نخاف على روحي خاف ربي ياولية عندك خوك في الدار😝
-داء على لونك،زيد تضومر،مالقيت بشكون نستفرد لطف
-ههه مالا نستفرد بيك انا!😝اما تعرف محلاك وانت منرفزة؟محلاك في حلاتك الكل(باسها من رقبتها😍) اي اشطح واسكت عاد كسرتلي راسي،يشيح ريقك يا بنت صالح كيما شيحتلي ريقي ماك تحبها عاد هالغناية اهو بزهرك حطوهالك شيخ عاد.اما هك تعرف ادنسي يا فرخة،واحنا هابطين قلت تو ترصيلي واحل فيها
-ماهو مالفجعة لكليتها نسيت اني نحبها😒ياحسرة عليك اي نعلمك انا؟ماتعرش الحقيقة انت😂ربي يستر من هالضحك نشالله آخرتو خير😁برا يهلكك 😂
ضحكو،قعدو يخزرو لبعضهم سرحو مع الغناية و نساو رواحهم والدنيا الكل،تكاها على صدرو وقعدو يتمايلو يسمع فيها تغني معاها
💕يُسمعني حـينَ يراقصُني كلماتٍ ليست كالكلمات يأخذني من تحـتِ ذراعي يزرعني في إحدى الغيمات والمطـرُ الأسـودُ في عيني يتساقـطُ زخاتٍ زخات
يحملـني معـهُ يحملـني لمسـاءٍ ورديِ الشُـرفـات وأنا كالطفلـةِ في يـدهِ كالريشةِ تحملها النسمـات يحمـلُ لي سبعـةَ أقمـار بيديـهِ وحُزمـةَ أغنيـات يهديني شمسـاً يهـديني صيفاً وقطيـعَ سنونوَّات يخـبرني أني تحفتـهُ وأساوي آلافَ النجمات و بأنـي كنـزٌ وبأني أجملُ ما شاهدَ من لوحات
يروي أشيـاءَ تدوخـني تنسيني المرقصَ والخطوات كلماتٍ تقلـبُ تاريخي تجعلني امرأةً في لحظـات يبني لي قصـراً من وهـمٍ لا أسكنُ فيهِ سوى لحظات وأعودُ..أعودُ لطـاولـتي لا شيءَ معي إلا كلمات..🎶🎵
الغناية وفات والضو شعل وهوما مازالو ضايعين في عين بعضهم فيقهم من سرحتهم تصفيق العباد والتزفير، بالعاني رجعها للطاولة لفيها جوزيف وكمل قعد معاهم لين جات سيلين وشافت معاهم راجل آخر عطينها بالقفا مافرقتش اماهو جوزيف نفس الطول و نفس اللبسة😮ايثار تخزرلها تنبه فيها خاطر عارفتها ماهيش حاضرة للمواجهة وهي مافهمتهاش جات جنبها وقعدت هزت كاس الماء شربت منو هذا الكل دايخة مش مركزة
-ايثار جوزيف محلاكم كيف شطحتو مع بعضكم تهب..
ماكملتش كلامها تصدمت كيف شافتهم الزوز جنب بعضهم حست نهايتها قريبة ولعبت عليها الدوخة😦😲لاحظ الخوف والصدمة لشافهم في عينها اما ماكانت عندو حتى فكرة شنو اسباب هذا الكل بالنسبة ليه هو،زوز يشبهو لبعضهم و طاح راح الناس الكل تمن بربي و بمقولة سبحان ليخلق مالشبه اربيعين عادي يعني،اما الي مش مقتنع بيه في داخلو ومش لاقيلو تفسير هو الاحساس القوي لعمرو ماحسو،هالاحساس لتملكو دوب شافهم،مدلها يدو يسلم عليها
-عسلامة مدام😊انا جاد لشطحت مع ايثار
ساايي معادش فيها حتى بحتو هي نفسها لعند امو ومش عند جوزيف،ترهوجت شوية قريب تطيح كان مش هو شدها
-لطف عليك لاباس،اكيد تاعبة(شربها)
جوزيف خاف عليها تنطر جا حذاها
-سيلين!😮امي سافا،شبيك ياخي كنت لاباس،عيش خويا جاد هات عليك سامحنا عالقلق😊امي عندها كونسار😔
سمع بالمرض جاتو كالصدمة ومش عوايدو اما لقا روحو بطريقة او بأخرى يقارن في الماضي بالحاضر ويجمع في الادلة والاحداث،دقت قلبو غريبة،واحاسيس مافهمش مصدرها واسبابها الشك تخلط باليقين معاد فاهم شي راسو وجعو،حن و قلبو رف لاول مرة ولعباد مستحيل يكون شافهم في حياتو حتى بالصدفة
-لطف عليها ربي يفرج عليها خويا😔حتى انا الوالدة توفات بيه الله يرحمها😢هاكا حال الدنيا،تستحقو حاجة انجم نعاونكم؟
-عيشك جاد سافا😊تو تشرب دواها ولاباس
امي تحب نروحو؟
-لاباس وراس ولدي،ياخي باش نجيك جديدة تو نمشي حذا اسيل ديجا تعبت شوية مالوقفة نخليكم كيف تجي مروح كلمني،ايثار عيش بنتي توصلني شوية😊
-اي اكيد سايس روحك،لحظة ونرجع يا جماعة(مشاو شوية)
-هو يا ايثار بنيتي هو،بالعمل دخت ووه عليا عمري ما تخيلتها الحكاية صعيبة هكا،كل شي بيدك يا بنيتي و عندي ثيقة كبيرة فيك
-تهنى بقدرة ربي كل شي لاباس
وصلتها و رجعت حذاهم تلقاهم ساكتين قعدت بيناتهم خاطر الجو مكهرب شوية
العباد الكل روحت قربو الكلهم وين غسان وهند،راشد ندرا فاش يكمبص ضربة ثنين يخزر لايثار،جود تخطط وتخزر لجاد من بعيد😏فهمها ناوية على حاجة اما هو سبقها، يسمع في جدو يحكي
-ايثار ايجاني بنتي😊
مشاتلو سلمت عليه حاشمة راسها مالقاعة ما هزتوش و راشد بخبرتو في الدنيا فهم ايثار كان متبع تصروفاتها
-والله نشهدلك يا بنتي(دارلهم وعلا صوتو فجعهم😂)سجل يا تاريخ،الوحيدة لخلت جاد يهبطها وسط الناس الكل ويشطح معاها،شابو ليك
-سيلين: سي راشد هاكي ناويتها انا لولدي
الكلهم تصدمو اما تجلطو كيف سمعو جاد شرجع عليهم
😂قحر لجود😒يوصللها في ميساج
-شنوا تو سيبولي مرتي ياخي تخطبو فيها عيني عينك في حضور راجلها..
(حطوااااا جاااام قبل ما تقراااااو)
الحلقة 7:
مصدومين اما صدمتها اقوى قريب تدوخ، ماتوقعتوش يعملها وجها مشى الوان حد ما تجرأ و تكلم كل واحد يستنى في لاخر يبدا،يخزرلهم بالواحد و يتمعن في ملامح وجهم،طيشلهم قمبلة على غفلة حد ما توقعها،للحظة قرر انو يتمادا والي باش يصير يصير اما تراجع وقت جات عينو في عينها نظرة كلها لوم وخوف خزرلها كأنو يطمن فيها ويقلها ماتخافش انا ديما وراك ما ينجم حد يضرك😟خزرتها بدلتلو رايو وخلاتو فيسع يتدارك الحكاية و يلملمها
-هه يا معلم هذي تفدليكة عملت فيكم هكا مالا كان بالحق تتجلطو؟😅جود خطيبتي الغالية شبي وجهك لخلخ وصفار نفدلكو عاد،اما كان سرقتلي قلبي ليا و ليك ربي
-اسيل:ههه طيحتلي قلبي يا جاد ولدي خاطر ما نستغرب منك شي نعرفك تعملها
-والله من ناحية نعملها نعملها وكان خطرتلي مش باش نشاورك😒حياتي وانا حر فيها،حد مايحل فمو ويتدخل
حكى معاها بكل برود اسيل عرفتو باش يبدا يبخس فيها سكتت اما عوضتها جود
- عاللقل كيف راد عليك ربي وتحب تبدلني بدلني بوحدة تصلح مش خديمة ياديني
-النار لتلعب بيها باش تحرقك ياجود..
جدو عرفها باش تلحم قص عليه
-والله والديك راضين عليك كان تعملها،اخزرولها شوفو اكا الزين بربي،بالله العظيم السهرية فليتها فليان وعيني حوالت على امل نلقى وحدة في زينها وشي ملي دخلت تباركالله خطفت العنين الكل ليها، رزانتها وتربيتها ماقال حد لحد،برجولية جاد!هو سعدك لامحالة مكبوب😂اما يزيد يتكب كان تضيعها من يديك، مافهمتش انا شكون يلقى ملاك كيفها ويفلتها ويمشي لل..شباب يقول فمي😒(على جود)اسمع كان ماعينكش انا ناخوها آآ ما نفهم شي لازمها تكون من آل راشد
-شنو تحب على وحيدة ترنكوشة؟(قرب لوذنو)نجيبلك الي تحب الا هي لاا مضمض😑
جدو فهم كل شي تبسم براحة😥
-والله الي يشوف اللمعة الي في عينك والضحكة مايقول كان هاذم راجل ومرتو انا هكا حسيت وقت شطحتو
-اي بالضبط(عاود قربلو)يزي يا حاج راك زلعتها،اسكت بركا لا نقوملك راك تحكي على مرتي،ومانيش نفدلك اقلب دين بوه الموضوع خيرلك😡
راشد علا صوتو شوية بالعاني
-موضوع خدمة يبقى فالخدمة كان تحب تو نجيك للشركة ونحكيو😂ههه ايثار بنتي نفدكو رانا شبي وجهك احمر وذبت مالحشمة قريب معادش نراوك😆
-اسامة:علاه تفدلكو زح ساعة يواتيو بعضهم وقمة في التناقض هو شيطان وهي ملاك اما خير تربيه والا يقعدلنا هكا الي يكلمو مايسلمش من شرو ويتطرشق عليه(غمز جدو)برا اصدم يا ولدي كيما قال جدك يتكب سعدك كان تضيعها انا في بلاصتك تو من حيني نتصدر مع هند وغسان😂
-هنيدة:😂ياولدي خوذ وعينك مغمضة ماتلقاش كيفها،ياخي تقارن في ايثو بعباد اخرين
- اي والله في هذي قلت الحق اما شمقرب الشي لبعضو لامجال للمقارنة اصلا😏(فهمها تقصد في جود) جبد تاليفونو عمل هكا وبعثلها ميساج
-تسمع يا هاملة شيحكيو على للتك؟كان هكا نفدلك فرحو،والله زادو شجعوني😏ابكي انت على همك
يشوف فيها تقرا وتغلي نازلة على تاليفونها قريب تكسرو 😂
دانا كانت قاعدة جنب ايثار مصدومة رغم قالو انهم يفدلكو اما منرفزة
-ممسطها هالتفدليكة ايثار وخيتي شبيك نحسك تسمع وعادي كأنها الحكاية بالمجد😕
دخلت بعضها شي مالخوف قلبها على يدها لاجاد يقول حاجة تتحلف وتتوعد فيه وشي من دقة الملاحظة لعند دانا
-😁هاني نتفرج ونسمع كيفك وخيتي مدامها تفدليكة خلي يبردو قلوبهم
-الحمدالله جات تفدليكة،اما كيفاه جات على بالو جاد وهبطك يشطح معاك هذي لتو لاستوعبها حد ياوخيتي حتى انت تباركالله عليك من غير شي تهبل😚قولي ساعة شكونو اذاكا لكنت قاعدة حذاهم بكري،ماشبو اول ماريناه تشلينا الكل سبحان ربي شيخلق نسخة مطابقة للاصل من جاد
تنفست شوية كيف دانا بدلت الموضوع
-اي والله حتى انا واسامة واثير نهارتها غلطنا فيه نحسابوه جاد فيبالك حتى اصواتهم كيف كيف😮
-انا ناقصة زاد كمل جاء هو حتى نقاوم جاذبية جاد الساعة لحظة لحظة وانت واسامة فاش تعملو مع بعضكم😛
- اووه على هالمخ لعندك يا دانا وخيتي، شعدنا نعملو بربي والله يرحم والديه لقيناه وقت الشدة كان مش هو بابا يمشي فيها، جاتو جلطة اولامس واسامة هزو معانا للكلينيك جاء بالصدفة للفيلا وقتها،وقف معانا وجوزيف اول ماريناه زادا تقابلنا صدفة،كان جايب امو مريضة غلطنا فيه ومن كلمة لكلمة ولينا صحاب مشيت طليت عليها محلاها وبالصدفة تطلع صحبة قديمة هي واسيل جاو للفيلا ومن غادي ستدعاتهم هنا و لخطبة جاد
-لطف عليه عم صالح والله لافيبالنا،اكهو عاد بقينا نزمرو احنا واحد طاحت بيه جود ولاخر مدام الامهات صحاب تو تقفز بيه نجد.الله يقطعهم😒
تحكي مع دانا وهو سارح في تفاصيلها،تمنى كان مرتو بالحق قدام العباد،تمنى كان جاء حر كان تعرف عليها وعشقهاو خذاها في ضروف اخرى كانت الحكاية تكون اسهل كان يكون توا واقف وراها معنقها من غير مايخاف عليها مالكلامات،كان يكون حاميها اكثر عن قرب مش يدو على قلبو خايف لا تكون الشرطة لقات دليل ويهدو عليه😔عجز انو يتخيل قمة وجيعتو من غيرها رغم الي حتى توا موجوع اما الوجيعة والقهرة بحضورها احلى على قلبو مالعسل مستعد يتوجع ويتعذب عمرو الكل اما تكون هي بجمبو وعلى عينو، تبسيمتها خلاتو ياخذ قرار لازم يتنفذ في اقرب فرصة معادش عندو وقت ما يعرش عالدنيا شمخبيتلو يحب يكون معاها،لازم هالسر يتكشف..
(حطوااااا جاااام قبل ما تقراااااو)
كملو سهرو وخرجو مروحين،شافها واقفة تحكي مع جوزيف مشالهم ديراكت العصب طالعو😡و لحسن حضها ما فما حد كان هوما و الشوفار و كعبات ما يعرفوهمش،قربلها برد تحكم في روحو وبرد اعصابو،عنقها من تالي وتكا راسو على كتفها😍صوتو هادي ودافي فيه نوع مالاغراء😂
-صغرونتي اي نروحو اكيد تعبت😚
تصدمت مانجمت تعمل شي ولا نجمت حتى تتحرك خاطر كان محوطها بيدو وكابس عليها
تبسمت قدام جوزيف دورت راسها ليه شوية وشوشتلو في وذنو
-جاد يزي مالجنن متاعك و سيبني كان تخرج جود تو تقيم القيامة تو.ويزي مالفضايح نوليشي نرمي في روحي عليك زادا😠سيبني تو
زاد كبس عليها و باسها من خدها
-حتى انا توحشتك عزيزتي😂😂
دهشت فيه بالعمل حشمت و شدتها ضحكة بالسيف نجمت تخبيها😂ملا مجنون
جوزيف يقحر على جنب مش فاهم شي
-ياجماعة فهموني ياخي بيناتكم حاجة و مافيباليش؟ايثار شفما،تو بركا كنت تقولي خويا😕والا كلام وبرا!
-عزيزتي كيفاه ماحكيتش لخوك،تو يصير هكا😆
بعدت شوية و قحرتلو على جنب
-ما فما شي اي على خير جوزيف كان فما حاجة كلمني نزيد نحكو وسلملي على تاتا سيلين ماريتهاش كيف روحت،نشالله تو نطل عليها اما حتى يخرج بابا(مرقت في جاد خلاتو ومشات)كمال اي نقصدو ربي
هي حلت الباب باش تتطلع وهو سكرو و وقف قدامها
-مافماش مرواح كان معايا وتحرك اطلع فيسع العباد تخزر ماتخلينيش نبدا نهز فيك و ننفض عقاب الليل
-تو كيف تولي تعرف شتحكي قدام العباد والعايلة الكل الساعة وقتها تو نطلع معاك و توا برا اخطاني😑
-ايثار ما تختبرش صبري خيرلك،ماننصحكش،خاطر عندي برشا نغلي عليك و مطفي الضو وزيد هاك ختمتها توا، وسي جوزيف متاعك تو نرالو دبارة و نرزيك فيه ليذا كيف تسمع خبرو ماتستغربش،انا هاني نبهت و دبر راسك
هزت راسها في وجهو عينها في عينو بكل ثيقة فالنفس وبكل تحدي وحطت صبعها على كتفو، تحكي و تنزل عالكلام بسنيها تأكد عليه
-مش هكا باش تربحني يا جاد،فهمت والا؟ و حبك ربي تعملو حاجة جوزيف صدقني تعدي بقية عمرك نادم وقتها يكون فات الفوت،انا زادا هاني نبهتك
تفاجئ من ردت فعلها و طريقت كلامها اول مرة تتحداه،اول مرة تهز عينها في عينو بكل هالتحدي والجرأة هذي الكل اما الي خلاه يستغرب اكثر دفاعها على جوزيف و كلامها لحس فيه لغز كبير،ما يعرش علاه ما رتاحلوش مش على خاطر ايثار كهو اما حاسس انو فما حكاية اخرى و وراه برشا الغاز لازم يحلهم،احساس غريب يجذبو ليه،فضول كبير من ناحيتو و برشا حاجات خلو نوع من الشك يدخل لقلبو،لازم يعرف شنو وراه😮
الاحداث لصارت الكل ملي تعرفت على جوزيف و غيرة جاد الزايدة عليها منو و من اي حاجة خلاتها تعرف انها نقطة ضعفو وباش تستغلها،الوقت يجري وهي ما عملت شي،الوقت ضيق على الناس الكل ولازم تلم شملهم قبل منامة عين سيلين،لازم تتحرك و تبدا في خطتها.لعنة الشيطان،هدات شوية و طيشتلو تبسيمة حركتلو بيها قلبو في وسط الغش هاكا الكل هز حاجبو ما فاهم شي،حلت الباب و طلعت وخلتو واقف😂 خذا مفاتح الكرهبة من عند كمال و خلالو كرهبتو كان هي راسها كاسح هو راسو اكسح منها
كانت متكية راسها لتالي مغمضة عينها وحاطة يدها على جبينها تستنى في كمال يطلع،تسمع في حس الباب تحل، حلت عينها لقاتو هو جات باش تهبط سكر عليها الكرهبة و ديمارا،كلمة لا يرحي في الثنية رحيان مالغش يغلي عليها اما مايحبش يوجعها ويجرحها بكلامو يعرف لسانو ناتن وكلامو مرزي،بلي حاول يسكت مانجمش و دوب قتلو سوق بالشوية راك خوفتني وهو فاح فيها😠 ضرب الفولون بيدو الزوز لين فجعها ولا يصيح عينو حمارت و عروق رقبتو ضهرو مالعصب
-سكر فمك مانحب نسمع منك حتى كلمة،حسابك معايا اما حتى نوصلو..(ماصبرش هو وبدا يحكي😂)آآ للا شكون شاورت باش تاقف و تحكي معاه،رااك معرسة يا ايثار وعندك راجل عرصت كردونة انا طرطور عندك مخليتني و مروحة وحدك وزيد مرقت فيا قدامو و خليتني و مشيت،بالك صدقت روحك كيف حكيت معاك هكا قدامو!
هاكا الكل باش يلزم حدودو و يعرف انك ملكي ومتاعي انا وحدي انت مرت جاد وبس،مرتي ااا زحي ياخي شبيك انت بالذات لصاير عليك كل شي لا حبيت تفهمها هالحكاية ولا حبيت تستوعبها،في بالك حاط عينو عليك للا وانت كالدغفة تعيطلو خويا فيييق.. براءتك ما عندها وين توصلك راهو و طيبة قلبك خليها عندك مش لازم عليك تستعملها مع العباد،ملا حالة وليت وين نتحرك نلقاكم مع بعضكم!منين طلعلي هذا زادا ناقص تخمام و مصايب انا😡
2:00 متع الليل وقتها الدنيا فارغة لا كراهب ولا عباد في وسط الغش والصياح هاكا الكل يعمل هكا و يوقف الكرهبة في قلب الكياس😂هبط دارلها حللها الباب و جبدها ليه هبطها بقوة عنقها دخل راسو في رقبتها يستنشق في ريحتها،حركة عملها و كأنو بيها ياخذ فالنفس مالدنيا الكل،بعد شوية يد شدها بيها من وسطها بالقوي لصقها فيه واليد الاخرى حطها في خدها😍..
كانت خايفة و لتو بدنها كلو يرعش من كلامو و صياحو،في رمشة عين لقات روحا في قلب الكياس برا مالكرهبة وفي حضنو😅كل شي صار فيسع مانجمتش تستوعب ضايعة مش فاهمة شي بالسيف قالت كلمتين
-جاد شبيك ياخي هبلت سيبني رانا في الشارع وفي قلب الكياس،ريض روحك وايجا نحكيو بالسياسة
تحكي معاه بخوف كل ماوين تحاول تجبد روحها منو يعاود هو يلصق فيها ويكبس عليها اكثر
-😠وانت خليت فيا عقل للا! اسمع ماترانيش ساكت وبارد تقول هذا ما على بالو بشي(هزلها يدها وحطها على صدرو❤)ريتو هذا؟ تسمع فيه؟تسمع في اسمك و حاسة بدقاتو؟ والله ما يعلم بيه كان الخالق(صوتو ضعف و عينو ذبالت يحكي بالشوية)ايثار..!راني عبد كيفكم و ولات عندي مشاعر و احاسيس كان كيف عرفتك و حبيتك،وليت نحس و نفهم شمعناتها حب،.الناس الكل لاحضو اني تبدلت كان انت،انت لبدلتني وانا تبدلت على خاطرك ، ياخي ما لاحظت شي هذا الكل؟😢
-ملاحظة اكثر مالناس الكل اما مش هذا التغير لنحب نوصلك ليه ،مازلت لازمك تتبدل اكثر من هكا يا جاد
شدلها وجها بين يديه قربلها برشا وهبط براسو شوية الانفاس تخلطت و القلوب اتحدت
-ايثار،انت مرتي،قابلتني كيف ما انا والا😔
دورت عليه وجها شوية مش على خاطر تنفي في اجابة سؤالو اما محاولة منها انها تتهرب منو و ما تجاوبوش،ضد انها توريه ضعفها مستحيل تخليه يشوفها، عاود رجع دورو
-ما تهربش ايثار وجاوبني لوقتاه ياخي؟ عطيتك برشا وقت وانا ستنيت برشا و ماعاد نقدر اكثر نحب نسمع منك رد على عرضي،نحب نسمع الكلمة لمتمني نسمعها عندي برشا،رغم نعرف شتحس ناحيتي و احساسي مايخيبنيش،رغم الي صار الكل معانا و رغم انك لا عمرك وعدتني بحاجة والا عطيتني امل اما انا فاهمك مليح و حاسس بيك،يزي خلينا نوضحو هاللغز لينا ولغيرنا.. ما غير ما تخزرلي هكا وما تبداش تتبوهل😕فاهمتني مليح على شنو نحكي و فاهمة قصدي...
وقتك وفا ولازمك تجاوبني وفي اقرب فرصة زادا.
مالليلة هذي و من اللحظة هذي بالذات يبدا العد التنازلي،وما تجاوبنيش في ضرف 6 ايام خطبتي من جود اتم و وقتها يفوت الفوت عليا و عليك نطلقك و نعرس بيها ديراكت،،خير و اختار وفي الحالتين باش تعيش في نار و تتحرق معايا،يا تكون معايا و تعيش في جحيم حبي المجنون ليك والا نعيشك في جحيم الانتقام.. في الحالتين مانيش مسيبك لازمك تقبل ايثار وجودي ينعدم من غيرك،الشيطان لفيا بدا يتمحا ويتلاشا وعلى قريب مش باش يبقالو حتى اثر.. مستعدة تكون معايا في جهنم لحظة بلحظة؟مستعدة تتقلا بنار لذة الحب و وجيعتو؟ماضيا اسود يا ايثار خمم مليح.. وحتى على خاطرو اسود مانيش مخليك انا ديما وراك وقدامك،حاميك من الشيرات الكل مستحيل نخلي ماضيا يدمرك والا يدمرني..
كون معايا كهو و نحاربو الدنيا مع بعضنا؟
خمم في يدك6 ايام و نهاية وقتك يبدا من الليلة آخر نهار يقابل نهار الخطبة لذا اقرا حسابك
سرح شوية في عينها المدمعة. باسها من جبينها بوسة طويلة حنينة تحمل برشا معاني و عنقها ..ما يعرش قداه قعد المهم ما بعد و سيبها كان ما خذا منها شحنة اجابية و نوع مالاكسيجين ليخليه مستعد يواجه كل شي مهما كان. ما قالت شي طلعو فالكرهبة قعدت متوترة تخمم غي كلامو يشوف فيها كيفاه تلعب بصوابعها الصنعة هذي لاحظها فيها برشا مرات،حس بيهاا ديراكت هزلها يدها باسها و بقا شاددها..
(حطواااا جاااام قبل ما تقراااااو)
الحلقة 8:
*بعد جمعة..
تعداو 6 ايام و غدوة اليوم الموعود،6ايام كاملين تخمم ليل نهار سايي وقتها وفا ولازمها تجاوبو،تريحو وتريح هي قلبها وبالها،ملي عرفتو ودخل لحياتها لا نهار عطاتو امل والا ضهرتلو انها تعشقو وتموت عليه،مستعدة تكون معاه عالحلوة والمرة،الخايبة والباهية في كل مرحلة من حياتو لحظة بلحظة.
تعرف مليح شنو وضعو وواعية على الوضع الي باش تولي فيه في صورة ماوافقت و تعرف انو بموافقتها باش تتبدل حياتها وتتقلب كل الموازين وباش تخسر برشا حاجات في سبيل تكسبو هو وتكون معاه ومش باش تندم..
كلامو ليها رغم انو كان جارح اما صحيح،فيقها على روحها خلاها تعاود تخمم في حياتها،كلامو صحيح طيبتها تعبتها و حنية قلبها عملتلها برشا مشاكل حتى مع دارهم
متكية على فرشها فكرة تهز ولخرى تجيب لازمها تتبدل مش باش تكمل حياتها بطبيعتها هذي وقت توا العقولية فيه ما توصل لشي لازم تفرض وجودها لازمها تتبدل الي جاي مش باش يكون ساهل والا بالبساطة لمتوقعتها،انها تكون مرت جاد بن الياس مش حاجة ساهلة...
قامت تسكر فالشباك لمحت خيالو ورا الريدو،توحشتو تحب تشوفو وتملي عينها منو اما ما تنجمش تعرف انو باش يأثر عليها وعلى قرارها لتحب تاخذو من غير ما تكون نادمة في المستقبل وتظلم روحها وتظلمو هو معاها،تحب تكون مقتنعة وكل شي بارادتها عارفة مليح الطريق لباش تدخل فيه ديجا هي بطريقة او بأخرى لقات روحها من غير قصد ومن غير ما تخمم تمشي فيه😢😔
جاتها فكرة رجعت تجري لفرشها شافت الوقت لقاتها 11:00 ديراكت كلمت جوزيف لهز عليها صوتو بالنوم
-وي اي وينك سافا،ياخي لتو راقد اي قوم فيسع
-صغروني يقولو صباح الخير راهو😑
-هههه صباح النور صباح الورد
-كي سبتك يا طفلة تي وين حيك والله نقرا في اسمك ستغربت قلت بهيم شكون باش يتكى اليوم،انت ماهو فالحة كان تكلم تتاك سيلين اما ولدها لا😟
-وانا هاكا علاه كلمتك ياسيدي هاني باش نرضيك ماك تقنقن عليا ايجا حذانا وهيا نخرجو نفطرو اضرب عندك نهار كامل على ذمتكم خاطر اليوم فاضية شغل،اي تجي تهزني
-هالخطا السعيد نجيك مالا لا!نصيف ساعة نحضر روحي و نكون قدام الفيلا،اما على شرط الفطور البرا خليه مرة اخرى برجولية باش ندلل عليك ماني وخيك شاهي اي حاجة من يدياتك الملاح وبرا تو نعاونك يجعلو لربي😝
-ههه باهي من عينيا تتدلل يا بابا،اتوت مالا
قامت فيسع طيبت فطور بوها واختها و حركت الدار شوية و خرجت لبوها لكان قاعد يسقي فالجنينة
-بابا ميسالش نمشي نطل على تاتا سيلين هاكي لحكيتلك عليها و جات طلت عليك هي و ولدها كيف خرجت مالكلينيك هاني حركت الدار و ريقلت كل شي، حضرتلك فطورك انت واثير تو عادك بيها روحت افطرو مع بعضكم وماتنساش تشرب دواك،اي شقلت
-ههه ريقلت امورك معناها😂اماهي! هاكي لولدها يشبه لجاد؟
-اي هاكي هي
-انا خاطيني شاور راجلك وكان خلاك اسرح😄
-😬بابا معادش تعاودها هذي انا على ذمتك انت و مرتو هو بالاسم وبرا من غير ماندخل فالتفاصيل
-باهي برا بنيتي يكثر خيرهم هوما اصحاب اصل قامو بالواجب و اكثر ناس طيبين رغم مافماش حتى قرابة بيناتنا،سلم عليها ورد بالك على روحك ما تبطاش
باستو و دخلت عملت دوش و بدات تحضر في روحها عملت طلة مالشباك بالسرقة لقاتو مزال واقف يتبع فيها بعينو،كملت ركحت امورها كلمها جوزيف هزت ساكها و خرجت عاودت مشات لبوها بالعاني باش يشوفها ويعرف انها خارجة و تحديدا مع جوزيف😂
واقف ورا الريدو زعمة زعمة باش مايضهرلهاش يدو في مكتوبو يتبع فيها وين تمشي ووين تجي،عندو جمعة توا كل نهار نفس الحكاية ملي غابت عليه ولات هاكي الصنعة وهاكي البلاصة دوب يحل عينو من بيتو ما يخرجش،يبطل كل شي ويلغي اجتماعاتو الكل خدمتو شبه واقفة تاليفونو ديما مسكر وهو من بيتو ما يتحركش هذا الكل باش يبقا بعيد عليها سحاول ما يضهرش قدامها ويشتتلها افكارها،حاسس بيها وفاهم مليح علاه عملت هكا وعلى اذاكا قرر يعطيها وقتها ويحاول ما يضغطش عليها يحبها تاخو القرار الصحيح مايحبهاش تظلم روحها يعشقها صحيح اما مش اناني لدرجة انو يخنقها والا يفرض عليها روحو بالسيف يحبها تكون مقتنعة و كيف تاخو قرارها يكون عن قناعة الي جاي اصعب برشا ريسك برشا تعب وتخمام ممكن ياسر الخوف يكون مسيطر على حياتهم وممكن اكثر يتفارقو في وسط الطريق احتمال كبير انو يخليها تصارع الدنيا وحدها..برشا عصابات طالبين راسو من شيرة اخرى الشرطة تلوج وتبحث على ادلة تثبت ايدانتو في برشا عمليات كان مالمفروض تقوم بيهم هيا اما هو و كالعادة ديما متقدم عليهم رئيس مافيا صحيح اما للخير ولا مرة ستنا القضاء ياخو حق العباد.. ديما هو لياخو حق المظلوم من الظالم بأي طريقة كانت، حياتو فيها نهايتين لا غير،يايموت على يدين اعداؤو يا يتعفن فالحبس😔وربي كريم و معجزاتو موجودة على امل تتحقق منهم وحدة..دخلت لدار نوع خرجت في نوع مبدلة وحاطة الحطة وحتى انها عاملة روز خفيف على شفايفها
ستغرب هز حاجبو يتبع فيها بعينو لين وصلت للباب البراني حلتو وخرجت،طار عجاجة للبلكون لاخر ليطل على الشارع يفهمشي حاجة
-هذي اي خارجة وين على خير زادا😕ومن غير علمي؟
يرا فيها تسلم على جوزيف لهبطلها مالكرهبة لايزي لابس مريول خلعة روج وزيد جايبلها بوكاي ورد روج زادا قد النهار الازرق مدهولها وطلعو فالكرهبة وطارو..
مخو حبس شيعمل هو تو ياندرا يخلي مخو يسرح والا يستنا مايسبقش الاحداث ومايفهمش بالغالط،شكون شاورت باش تخرج معاه و وين ماشين والبوكاي شنو حكايتو و بأنا مناسبة جايبهولها وعلاه الورد احمر،يمشي ويجي فالبيت مصدوم يحكي وحدو مخو يهز ويجيب و راسو باش يتكسر😦
-باهي يا ايثار صار هكا الحكاية وهذا ردك على عرضي؟،😏اي نستاهل انا الغالط منيت روحي فالفارغ وعطيت لروحي امل وكنت متأكد انها مش باش ترفض،كيف هي هكا مالا علاه هالاحساس القوي الغريب لتملكني وسكن فيا احساس غريب يقلي انها تحبني كيما انا نعشقها ومتيم بيها ،و لأول مرة احساسي يخوني😔
صب كاس وقعد على بيروه يشرب يحس في روحو قاعدة تخرج منو وقلبو يتفتفت تدريجيا..
سلمت على جوزيف و طلعت فالكرهبة وهي متأكدة انو شاف كل شي،اول خطوة نجحت لازم تقتلو بالغيرة تحب تعرف لانا درجة يحبها مش متأكدة رغم انو قلها وعبرلها اكثر من مرة،هي من داخل مقتنعة بحبو اما فضولها خلاها تحب تعرف اكثر،تحب تعرف في صورة ما حب يتخلا عليها ويخليها نهار آخر تحب تبني احلامها على ساس صحيح مش على رمال متحركة يجيها نهار تندثر ويهزها الريح..
مشاو تفاهمو شنو باش يطيبو تعداو لكارفور خذاو مالازمهم سيبو هبالهم عملو برشا سالفي تعرفو على بعضهم اكثر رتاحو لبعضهم وكأنهم عشرة سنين في طريقهم للدار تعمقو شوية في حديثهم حكالها على خدمتو وكيفاه بالتفصيل وعلى مهمتو لخذاتلو من وقتو وحياتو على حساب راحة بالو وصحتو وامو و اصحابو، حكالها على صاحبو لمات (قتلو جاد )اما مش بالتفصيل الممل فالمجهول من غير ذكر اسامي اما هي فاهمة الحكاية خاطر في بالها بكل شي،قعدو يحكيو غنو شطحو عملو جو😄وصلو للدار فرحت بيها سيلين حست روحها مرتاحة كأنها في دارهم حبت تتلها بيها وتحس الاحساس لتحرمت منو حياتها الكل اعتبرتها امها وحبت تعمللها كل شي على كيفها سيلين حست بيها سلمتلها امرها وخلاتها تعمل الي تحب تلهات بيها ايثار بالباهي دوشتلها عملتلها شعرها خطارتلها لبستها عملتلها مكياجها و حطتها حذاها فالكوجينة وحكمت عليها ماتعمل شي وتقعد كان تتفرج عليهم كهو هي وجوزيف يطيبو الدنيا حربوها كانو محلاهم مع بعضهم متفاهمين ماخلا ماعمل فيها فددها في روحها سيلين كانت كل مرة تصورهم عملتلهم برشا فيديوات بتاليفون ايثار،حاصيلو كملو نضمو حطو الفطور فطرو وقامت هي وجوزيف ينضفو فالدنيا،كانت محتاجة لفرحة كيما هكا،محتاجة لعباد جدد وربي بعثهم ليها..والدنيا صغيرة..
نسات روحها وما فاقت بالوقت كان كيف كلمتها اثير،قامت باش تروح وقالت لجوزيف باش يوصلها
كانت10:00متع الليل وصلو للفيلا سلمت عليه و هبطت تتلبد كالسارق تمشي بالشوية خايفة لا يشوفها
-ووه على كبان سعدك يا ايثار كان يشوفك بالازمة يعلقني الليلة يا ربي استر..
ملي مشات وهو من بيتو ما خرجش يسمع في حس كرهبة قام طل يلقاها هي داخلة تتلبد تزرب قريب تولي تجري.
وصلت قدام الاستوديو هزت راسها قابلها قاعد فالبلكون يشرب جات العين في العين خزرلها باستهزاء خلاها و دخل😏
ضو خفيف شاعل في بيتو خلاها تشوف البرود وعدم الامبالاة في عينو تبسيمتو الساخرة فشلتها و بردتها على كل شي حلت الباب و دخلت بدلت حوايجها و شدت بلاصتها حملت مخدتها فادة
-اوووف يا ايثار هو شدك بالكمشة جيت تفدلك حصلت برا عاد توا شباش يسلكها هاكا مخو راو يهز وبجيب وندرا وين سارح تو اكيد فهم كل شي بالغالط و هاكا انا وين حبيت نوصل خليه اييه محلاها فيه خلي يذوق شوية من نار الغيرة لشاعلة فيا انا زادا و يشيح ريقي باش نحاول نخبيها ونتصرف عادي مانظهرهاش
تكات راسها على مخدتها تخمم غدوة نهار جديد يبدا في حياتها لختارتها و تبدا بالشوية تودع حياتها هذي،غدوة نهار الحسم الليلة آخر ليلة ل ايثار القديمة البريئة...
(لبنات موش انا قاتلة روحي و نهبطلكم و لا فما تفاعل و لا شي ايا معادش مهبط)
(حطوااااا جاااام قبل ما تقراااااو)
شمس جديدة مع نهار جديد،شخصية جديدة لطفلة تولدت من جديد،قامت من نومها تململت في فرشها..
ايثار جديدة بروح قديمة،لازم تفك بلاصتها و تكسب حبها مهما كلفها،جاد ليها هي وحدها اليوم ياخذ اجابتو اما قبل هي قررت انها تراهن بيه و بحبو حبت تحطو قدام الامر الواقع و تشوف مدى حبو ليها و شنو ينجم يعمل ابسط حاجة على خاطرها،الي عملتو آمس كان اول خطواتها باش تخليه يخمم انها ختارت جوزيف عليه و تلزو هو باش يختار جود و تشوف ردة فعلو في آخر لحظة،اليوم لازمها تكسب و تبدا تضهر قدام الناس الكل انها تابعتو و ملكو هو..
قامت حضرت الفطور نضمت حركت شوية ريقلت امورها جات 9:00 مشات للفيلا لتلقاها داخلة بعضها مقلوبة قلبان،الي يقلك خطبة جاد و جود😞جماعت الديكور داخلين خارجين اسيل و نجد صوتهم يولعج و صياحهم عامل حالة،بدات تخدم في خدمتها تخمم و سارحة الوقت يجري لف لف و من 9:00 ولات 12:00
عائلة آل راشد الكل بكبيرها و صغيرها حاضرين كان هو ريحتو ما فماش ملي قام الصباح بكري خرج عمل فوتينغ روح دوش بدل ومشا للشركة غطس فالخدمة والا كان يحاول انو يغطس وينسى، المشهد لشافو البارح خلاه يراجع حسباتو من غير ما يندم ولا لحظة انو حبها وعشقها،تجرح صحيح اما مش مسلم ولأخر نفس ليه باش يحارب على خاطرها،رقد مأيس من انها تقبل عرضو اما قام الصباح بعزيمة قوية واصرار اكبر بإنو يحارب و يواجه الدنيا الكل على خاطرها وكان اتطلب الامر انو يبعد جوزيف من طريقو بالقوة ميسالش كان لزم يقتلو و هو مطلوب مطلوب يعني الحكاية مش باش تاقف عليه..قرر يسمعها و يعطيها فرصة انها تبرر موقفها
جات 2:00 عرفت انو مش موجود فالفيلا مشات للسويت متاعو نظفت و نضمت وبعد خطرلها باش تحضرلو دبشو ختارتلو الكوستيم وما لازمها الكل كملت عليها الصباط و المنقالة،ريقلتلو مالازمو وباش تخرج..
غاطس فالخدمة لين كلمتو اسيل تخرنن هز روحو و روح،فاد مش طايق روحو كل شي مجهم عليه لاول مرة في حياتو يحس بالخوف من فقدان شخص،يخاف ترفضو،يخاف يسمع منها كلمة لا،ماشي لخطبتو تقول ماشي لدفينتو؟قادر انو يقلب الموازين الكل والدنيا كان لزم اما كل هذا ما يصير كان بكلمة وحدة واشارة صغيرة منها هي..
وجودو بعيد عليها كرهو في كل شي و خلا الدنيا ضلام في عينو،محتاج انو يشوفها قبل كل شي و قبل ما تصير اي حاجة،يشوفها حتى لو من بعيد اعطيه يتوه في غابتو ينسى روحو و ينسى همومو الكل،يملا عينو منها جوست باش يرتاح و ياخد منها جرعة الاكسيجين ليحتاجها كل ما تضياق عليه الدنيا،القوة ليستمدها من عينها تخليه قادر انو يواجه كل شي و ياقف لاي حاجة ويتجاوزها بسهولة..دخل من شيرة الاستوديو متاعهم ديراكت دخل يلوج عليها لقا اثير سألها
-سلام اثير😊بالاهي كان ايثار هوني عيطلها عندي ما نحكي معاها
-اهلا جاد.. لا راهي خرجت ومالصباح لاهية تحضر مع الجماعة الاكثرية يضهرلي تنظملك في سويتك
هذي فرصتو باش يحكي معاها على راحتو و يقلها الي يحب طار عجاجة و طلع لبيتو مالباب التلاني من غير ما يراه حتى حد و يقلقو،يجري في الكلوار يدعي انها مزالت حل الباب بزربة لقاها في وجهو خطفها سكر الباب ودزها عليه وقف قدامها و حصرها بيديه باش ما تهربش منو يزي ما خلاها على راحتها جمعة كاملة و تحمل بعدها عليه بطلوع الروح،تحمل انو لا يراها ولا يحكي معاها حتى من بعيد و هذا الكل في حد ذاتو معجزة بالنسبة ليه😍
خطفها على غفلة فجعها ما تعرش عليه منين هبط عليها، كيف الحلمة رمشت عينها لقات روحها بين يديه،بلي حاولت تكمل فيسع باش مايراهاش مانجمتش و خلط عليها،قلبها باش يخرج من صدرها تمالكت روحها بالسيف و نجمت تسيطر على ملامح وجها وتبقى عادية واقفة مش مقلقها شي و كأنو شوفتها ليه بعد عذاب جمعة كاملة عادي و ما عندو حتى معنى وحتى قيمة هذا الكل لاحضو فيها...
مش هذي ايثار لحبها و عشقها😕ويني ملامح الخوف الي يضهرو على وجها كل وين تشوفو و يعمللها فازة هكا،وينهي رعشتها ليحس بيها كيف تبدا بين يديه،كلمة باردة كانت غير معبرة بالنسبة ليه لذا اختار انو يسكت ستغرب و عجز انو يسيطر على روحو و بدنو و اعصابو كل شي فلت منو،كل شي فيه كان كتلة مزيج متناقض بين كل شي ولا شي مش فاهم روحو شنو يحب بالضبط،كل شي تخلط من غش و لوم مع نظرة العشق لفي عينو الممزوجة بالغل و القهرة منها،ماعاد فاهم شي و كيما في كل مرة يدخل بعضو و ينسا روحو بحضورها.. برشا اسئلة و برشا حيرة،العين في العين تكلم بصوت مبحاح بعد ما قربلها و تخلطت انفاسهم
تساءل بينو و بين روحو على سر هالتحول لفيها و التناقض لماليها و تصدم اكثر من اجابتها الباردة
-شبيك روحت روتار البارح وين كنت و شعندك معاه جوزيف وين هزك و شبيك لابسة هكك و زيد عاملة المكياج(بدا صوتو يعلا) ستنيتك تجاوبني اما تو معادش تلزمني اجابتك استحفض بيها لروحك كل شي ولا واضح و مفهوم مليح شكون خترت،بعد شهر توصلك طلقتك😲😲
توقع تناقشو تسألو تحكي تعمل اي حاجة تحاول بيها تبرر موقفها،اما شي هذا الكل ما لقا منو كان البرود والامبالاة..
-اوكي طلقتي نستناها تو تجي حتى الساعة فالعقل مزال شهر كامل يا من عاش لوقتها و جوزيف عادي ما عندي معاه شي،اي برا اعمل دوش ريقل امورك الخطيبة تستنا،اوكا حضرتلك كل شي على ذوقي ما تقولش مرتي ذوقها عادم عاد،نشالله يعجبوك😂😝
غمزتو😉تسرسبت منو ببرود و هربت منو هروب،من الصدمة تحنط في بلاصتو😂يرا فيها عمال تمشي و تبعد لين خرجت والباب تسكر فاق وقتها من سرحتو
-مستحيل تكون هذي انت يا ايثار،اول مرة نراها هكا،كل شي قاعد يتبدل وانا وين في هذا الكل؟!معناها هكا تتخلى عليا بكل سهولة😟والله لا فهمت شي اقسم بالله هالفرخة باش تجيب آخرتي على قريب
الخطبة 3:00يعني مزاللها ساعة غير ربع
دوش ولبس دبشو واقف قدام المرايا يريقل في شعرو لبس المنقالة و اكسسوار الشوميز ريقل الكرفات عمل البارفان و طيش ابتسامة لروحو😍😂 بعد ما كان مأيس الصباح بشوفتها تنفس شوية و رحعت فيه الروح،رغم انها كانت مقابلة غامضة الا انو ما حبش يخمم والا يسبق الاحداث و يحكم على حاجة مزال مش فاهمها
تبقت نص ساعة على خطبتو من جود،نص ساعة يلبسها الخاتم رسميا قدام العايلة الكل و اوبليجي عليه ينسا ايثار و الحمد الله ستر ربي جاد كان شرطو انها تكون مناسبة عادية عائلية من غير صحافة والجواجم الزايدة😥
يمشي في الكلوار بكل ثيقة فالنفس راسو عالي فالسماء لين جبدتو من يدو و لصقتو على الحيط.. داخ فيها و ما فهم شي😲كل الي صار صار فيسع في رمشة عين ،و في لحظة لقا روحو قدامها و بين يديها😁الاية تقلبت ولات هي الي مسيطرة على الوضع وهو الي لازم يرضخ لاوامرها و ينفذها زادا😘
لصقت فيه و شدتو من كول الشوميز خنقتو بيه
قريبة منو لدرجة انو خشمها يمس في خشمو هو ماكنتو السخانة من عند ربي و مالاستراس و التخمام الي عيشتو فيهم جمعة كاملة زيد كملت عليه هي كيف لصقتلو و مع شوفتو ليها بالروبة الارجون لماشية مع بدنها و مكياجها،عينها لعجز انو يبعد عينو عليهم والا شفايفها ليشعشع فيهم الروج و عامل حالة من بعيد و هو شاد روحو عليهم بالسيف لدرجة خلت شفايفو يرعشو و عينو حوالت مالقا وين يركز بيهم..
كل شي متبدل عليه هذه ايثار جديدة اما بدا يحبها مهما كان هي مرتو المجنون بيها،تسحر بجرأتها لبدات تظهر و في كل مرة تزيد شوية علي قبلها،فاق على وضعو رغم انو تبسملها اما هز حاجبو مستغرب متساءل علي قاعد يصير و كأنو يطالب بإجابة فورية على كل شي فرد ضربة، مستغرب من تصروفاتها والتناقض لفيها،هذي مش ايثار لكانت معاه في البيت نص ساعة التالي، راسها عالي عينها تقدح كلها جرأة و قوة و ثيقة بالنفس قربت منو و بكل اغراء حطت خدها على خدو قربت شفايفها من وذنو و همستلو
- انت عطيتني جمعة باش نخمم فيها وانا نقلك كان ما تلغيش خطبتك من جود في ضرف درجين من توا نعرس بجوزيف بعد نهارين😲
عدت ضفرها على خدو خزرتلو في عينو
-ملتقانا لوطا عزيزي
عاودت قربتلو حطت شفايفها على شفايفو طبعت بوسة طويييلة خلاتلو تراس الروج عليهم غمزتو و مشات...
(اوكا باش. متقولوش تقوى خايبة )
(حطوااااا جاااام قبل ما تقرااااو)
الحلقة 9:
مسح وجهو بيدو يحاول يستوعب لصار توا حلم والا حقيقة،دخل غسل وجهو وبقا يخزر لروحو فالمراية تفكر بوستها عدا صبعو على شفايفو وتبسم،جرأتها هبلتو مستغرب منها و حاير فيها اما في نفس الوقت عاجبتو شخصيتها الجديدة الي ما عندو عليها حتى فكرة لا علاه لاكيفاه و لا شقام عليها حتى ولات هكا😕تبسم وهبط،
لقا الجماعة الكل لوطا دار سلم عليهم الكل واحد واحد😰كلهم دهشو فيه لاول مرة في حياتو يمد يدو و يسلم تبسيمة على وجهو خلاتهم الكل يستغربو هالمعجزة لصارت،لكلهم لاحضو قداه جاد متبدل..
حط يدو في مكتوبو يتفكر في كلامها المغري و جرأتها، بوستها،شدتها لكول شوميزتو،همسها،لصقانها فيه و خدو الي لامس خدها،مجرد انو جاء على بالو هذا الكل تحركت فيه برشا مشاعر،يحس في روحو فور بالسخانة نفخ عدا يدو على شعرو وبعد على وجهو كأنو هكا يبعد في هالافكار من راسو باش ينجم يهدا و يركز شوية،يسمع في اسيل تعيطلو جايا هي و جود
-اي وينك جاد معادش بكري شوف عروستك محلاها قمرة على حالها تتهنا بيها نشالله(ولات تزغرط)😑
-نقص عليا حسك لا نبطل كل شي😡وعلاه للا الي يشوفكم يشوف هناء هو؟😒
جاه اسامة ضربو على كتفو و عنقو😆
-اما تبطل متاعك نذبحك انا بيدي وقتها😂اي عاد عيش جدجود فيسع خف روحك و كمل هالخطبة العمال على ربي و عليك،حياتي الزوجية مربوطة بيك تو،حكيت مع خالتك عيشوشة على اثير فرحت صحيح اما قتلي مضمض تو ما نمشي نخطبلك كان ساقي ساق جاد وحتى يكمل خطبتو،ما فهمتش علاه في كل زردة مدخلينك اا زحي ملا حالة فيك ترصيلي نستنا حضرة جنابك كي ديما في جرتي الهم هذا😠😝
-اي بطلت مالا مش خاطب و هانا قاعدين الزوز خوك انا هاني معرس و انت اقعد معلق على بلادتك😏😄قلي الساعة وين غبرت انت هالايامات معادش نرا خليقتك لا في الشركة ولا في الفيلا لكنت مخيطها مشي و جي و قريب تسكن فيها
-خوك طااااير يا جاد😍غارق لشوشتي عايش في الجنة ااه محلاه الحب،محلاها الدنيا،حتى انت وليت محلاك(باسو)😂
-هههه بوس بوس قعدت كان انت اليوم
-شنو صاحبي ظاهر فيك شابع
-(تنهد)😂تي بالعمل تسقمت على كل شي
-ملا جود هذي😕
-تي آما جود متاعك،اسمع ابعدني انت نعرف داك وتحب تصلبني على راسي،خليني رايض😉
على دخلت سيلين و جوزيف
-ياذنوبي كان تكمل نهارك رايض هاو شبيهك شرف
-😒ختمت
مشاتلهم سيلين سلمت عليهم وصلتهم وين واقف جاد و مشات،تعدا السرفار سألهم شنو نوع الشراب ليحبو يشربوه تكلمو الزوز فرد وقت"ماسندرا شيري" خزرو لبعضهم،تكلم جوزيف
-ايا باهي نتشاركو في نفس الذوق حد الان برشا حاجات كيف كيف
-اي ريت ماهو 😒 اما مش ياسر عليك هكا؟
-وين عادك نتصور مزالو حاجات اخرين،احنا هانا عاودنا تقابلنا و الايام مزالت بيناتنا نشوفو شنو مخبية
-اي احنا تعارفنا اما ما حصليش الشرف حد الان و تعرفت على مدام سيلين
جات و يدها على قلبها بلي حاولت تلقى اعذار لاسيل و تتفادا هالدعوة ما نجمتش قدام اصرار اسيل و جوزيف لكان يحب يحضر على خاطر ايثار،كانت عارفة انها باش تراه اما عاللقل المرة هذي نوعا ما محضرة روحها شوية للمواجهة لهربت منها و اجلتها سنين توا جاء وقتها و هي مستعدة لكل شي،لازمها تقدم وتواجه يزيها ما هربت مالواقع والحقيقة الي باش يجيها نهار و تظهر..
تغلبت على خوفها رسمت تبسيمة على شفايفها مدة يدها و سلمت عليه
-عسلامة ولدي سامحني عللي صار آخر مرة وقتها كنت تاعبة و ديجا ما عنديش برشا ملي خرجت مالكلينيك😊
شافها حس بنوع مالفرحة والراحة ما يعرش شنو معناه، هالاحساس شنو لازمتو وعلاه منها هي بالذات،رفض انو يركز مع الصراع لداخلو ويرضخ للكلام لقايم بين عقلو و قلبو،تجاهل كل شي رغم انو البرود و القوة و الجبروت من طبعو و هوما اساس مشاعرو و احاسيسو لكانو شبه منعدمين فيه الا انو حب يتصرف بتلقائية و يجرب يحاول يكون لنهار كهو كيما بقية الناس،يحاول يتأقلم و يعيش نهار واحد عادي من غير مجرد التفكير في الانتقام و الكره و الموت،مع انو ملي دخلت ايثار لحياتو بدات تتجرد منو هالافكار الشيطانية لمحتلة تفكيرو و حياتو و يتعلم يعيش مسالم بين الناس..
ما يعرش هالمرا شنو حكايتها بالضبط و علاه وين يشوفها هي و جوزيف يحس احاسيس يجهل معناها تماما ،نوع من الراحة و السلام يحتلو قلبو و عقلو في نفس الوقت يرتابو نوع من الشك ناحيتهم الزوز حس فما حاجة وراهم،حب يتأكد من احساس و اصر عليه😕
-تو كيفاه،يصير هو هكا من بعيد لبعيد!لازم بالاحضان والا مانسامحكش راهو😝
مايعرش علاه قال هكا وعلاه حب يخوض هالتجربة و يحس هالاحساس،الحاضرين الكل انضارهم عليه حد ماهو فاهم حاجة تسمع كان شبيه شبيه مايعرفوش قداه الحب يبدل العبد حتى لو كان عديم القلب..
ضعفت قدامو متوحشة ولد اختها،متوحشة تحضنو وتحس نفس الاحساس لحستو 29سنة لتالي كيف تولدو،كأنها تستنا فيه يطلب هالطلب ديراكت عنقتو فقدت السيطرة على روحها دموعها خانوها وهبطو😢
جوزيف حار في امرها و استغرب من ردة فعلها الغير متوقعة من حتى حد😕
-سيلين!شبيك تبكي انتي لاباس؟..
من غير تخمام ديراكت جاوبتو،عارفة شنو باش تحكي و حضرت روحها مليح للحظة هذي،خذات قرارها ولازم الحقيقة تتكشف،الوقت يجري ولازمها تبدا تلمح
-الله غالب ياولدي سامحني خبيت عليك😢تفكرت خوك التوأم لضاعلنا بعد نهار من ولادتكم،كان الدنيا دنيا راكم مع بعضكم في نهار كيف ماهكا😨
الزوز تحنطو في بلايصهم مالصدمة لملات وجوههم،لا واحد خير من خوه،تكلم جوزيف بالسيف وكأنو يحاول يستوعب و يفهم كلامها،ضيق عينو يسأل فيها حرك راسو شوية يطالب بإجابات توقف حرب الاسئلة لقامت في مخو و تفسير منطقي للكلام لكان يسمع فيه توا.
-سيلين عاود شقلت ،شنو لحكيتو توا؟وين كان الكلام هذا الكل من قبل ؟عندي خو و توأم؟شبيني مافيباليش؟ وعلاه اول مرة نسمعو منك؟علاه ماحكيتليش؟(بدا صوتو يعلا)تكلم علاه ماقلتش؟معناها كنت متعمدة تخبي عليا؟ والا نقلك اسكت توا المفاهمة فالدار😡
جاد ساكت مش فاهم شي كل شي جاه فرد ضربة لسانو رزن و ضاع منو الكلام😶..تاليفوناتهم نوقزت فرد وقت تنوقيزة توافقت مع دقت قلبهم لتزادت،احساس قوي تملكهم الاثنين،احساس بالخوف مايطمنش..
تهزت التاليفونات،العين في العين كلمة لا منهم الزوز
جوزيف مكالمتو من شيكاغو تحديدا مالخدمة لأعلموه بهوية رئيس مافية(ديابل)المجهول والي من اول مسيرتو المهنية و هو يلوج عليه والي هو نفسو جاد ومع انو كان يعرف اللقب و شاكك الا انو معلوماتو تأكدت توا بهالتاليفون لأعلموه بيه انهم لقاو دليل يثبت ادانتو وعطاوه تعليمات باستكمال مهمتو..
نفس موضوع المكالمة لجات لجاد من نيويورك كيف كلمو ايهم صاحبو و قلو انو ماكس العميل السري في شرطة شيكاغو هو نفسو جوزيف و هو لمترأس المهمة هذي و قالب عليه الدنيا عندو سنين حكالو على زميلو لمات على يديه بالغالط وانو مصمم عالانتقام و اكدلو على الشبه الكبير لبيناتهم وانو حاليا موجود في تونس ماخو كونجي..
واقفين الوجه فالوجه،شادين تاليفوناتهم يخزرو لبعضهم وجوهم باردة ما توحي بشي منعدمة من اي تفاصيل مجردة من كل المشاعر و ابسطها الصدمة خاطرهم كانو شاكين في بعضهم جوزيف من لقب جاد و جاد من سمعانو لجوزيف مرة يحكي فالتاليفون مع زميل و من وقتها عطا تعليماتو لأيهم باش يبربشلو عليه و يجيبلو بحثو كامل،الصورة واضحة،حاضر معلوم و مستقبل مجهول.. تلاشى احساس الاخوة لكان فيهم بعد كلام سيلين واحتمالهم انهم يكونو خوات و احتلتهم مشاعر الكره،رجوع احساس الانتقام المزروع في جوزيف،و خروج الشيطان الي في جاد ،وفيسع فرض وجودو و ظهرت ملامحو على وجهو... تبسيمت خبث و مكر على شفايفهم الزوز😏
-اللعبة بدات😈😈
جملة نطقوها فرد وقت كل شي توا باش يولي حكاية حياة او موت😲😲
كان متملح من كل شي همو الوحيد كيفاه يحميها هي من غير ما يوصلها شي،خمم انو يتراجع على القرار لخذاه و ناوي يتقدم بيه خطوة في اتجاها اما لا مش هو ليستسلم ولوقتاه..حصل ما في الصدور توا والي باش يصير يصير..حمايتها من مسؤوليتو..
ما حبش يفسد كيفو تغاضى على الموضوع و اجلو خاطر مش وقتو ومش لاهي بيه اصلا😂هز كاسو لجوزيف غمزو و مشا 😂 كأنو ما صار شي ولا عندو هموم رجع يخمم في كلامها بكل برود، شعل و طلعو الدم كي تفكرها قاتلو "درجين ما تلغيش خطبتك من جود نعرس بجوزيف في ضرف نهارين"😡حس فايتتو حلقة😕اكيد فما حاجة و تو يعرفها..
خايف عليها يرعش رعيش،حط روحو وراء خط احمر حاجز رسمو ليه و رفض يتعداه والا يخلي حد يتجاوزو مهما كان و مهما صار،عدا حياتو يحاول حتى جاء النهار لدخلت فيه ايثار لحياتو و قلبتلو الموازين الكل،خايف لا تتعرف في دومانو و تولي في خطر😔مدامو معاها قادر انو يحميها اما بعدو شنو باش يصير😟هو زادا مهدد مايعرش على روحو ،الحبس يستنا فيه و ممكن يدخلو في اي لحظة و لوقتها هي امانة في رقبتو.
كان هذا الكل صار قبل ممكن تكون الحكاية اكثر من عادية بالنسبة ليه خاطرو كان متملح من كل شي عايش حياتو من غير اهداف كي وجودو كي عدمو،انسان بارد ما علا بالو بحد،اما توا كل شي تقلب،حياتو ولا ليها معنى و عندو سبب عايش على خاطرو،حياتو ولات ليها اهمية ولازمو يحافظ عليها مهما كلفو..مهمتو توا في هالدنيا و سبب وجودو فيها كان انو يحميها هي.. أما لوقتاه باش تقعد سر على الناس،يحب يعيش معاها و يكون معاها العايلة لحلم بيها، لولات اول اهتماماتو ملي عشقها، يحب يقوم الصباح يلقاها جنبو،يحب يتمنى يكمل يعيش بيها و فيها و معاها حياتو الكل لحظة بلحظة ونفس بنفس، قرر انو يخلي كل شي يمشي بطبيعتو و ما يخطط لشي و ما يحسب شي المهم توا.. قصة عشقو،قصة عشق الشيطان لازمها ترا النور❤ والي باش يصير خلي يصير..
قدم شوية حذا الجماعة،وقف جنب جدو يشرب في كاسو بمشاعر متجمدة حتى شافها هابطة و شعلت فيه وفي قلبو النار😍 بروبتها لتتكركر وراها،تمشي بالرنة تتمايل و تترنح يمين ويسار راسها مرفوع في السماء عينها في عينو ما هزتهمش من عليه لحظة تبسمتلو تبسيمت خبث اول مرة يشوفها عليها،مزيج في قمة التناقض على ملامح وجها بين القوة والجرأة، و الغموض والتحدي😌
الناس الكل تسحرو بيها،لدرجة انو البنات ما عرفوهاش ،خذاتلهم عقلهم و سرقت انضارهم ما نجم حد يبعد عينو من عليها..تبسم مش عارف يفرح لنصرها،لشخصيتها الجديدة الي رتحتو نوعا ما و طمنتو و خلاتو يحس انو ينجم يطمان عليها في غيابو.. والا يحزن لشكانو في موت ايثارتو القديمة البريئة لعشقها اول مرة،هبط راسو و عاود هزو تبسم على جنب عض شفتو اللوطانية و غمزها😉😍😽
على ترميشت عينو يشوف في جدو لكان جنبو تنطر من بحذاه و مشالها مدلها يدو هبطها من آخر درجة،ستغرب من هالقرب لولى بيناتهم حار و تساءل بينو و بين روحو 😕وقتاه بدا و كيفاه تكون،تسآءل لآنا درجة وصلولها مالقرب حتى خلت ايثار دخلت يدها في يد راشد و يمشاو جنب لجنب،استغرب اكثر كيف شاف جدو يوشوشلها في وذنها و هي ضحكت ضحكة قوية عالية تردد صدى صوتها على مسمع الحاضرين و قعد يتعاود في الفيلا،ضحكة جديدة مش متع العادة،ضحكة مغرورة براس مرفوع من غير يدين تتحط على الفم حركتها متع العادة لتوحي بالحشمة لترافقها تهبيطة راسها و حمورية وجها،صوتها العالي لحتل بقعة ضحكتها متع العادة ل بالسيف كانت مسموعة
الجو كان رايض او بالاحرى في صدمة و ذهول مالناس الكل باستثناء صوت طالونها لحسو باش ينقب القاعة من مشيتها لتوحي بثيقتها القوية من تصروفتها وافعالها ظاهر انها عارفة مليح شقاعدة تعمل و متأكدة من مشيانها في طريق صحيح راسمتو و مسطرتو مليح وقفت وراه وقربت منو همست في وذنو و بأنفاسها لتظاربت في رقبتو فيقت احاسيس و مشاعر ما نجم يبردهم و يسيطر عليهم كان بجهد جهيد و مع كل حرف تنطقو شفايفها يكبس بونيتو لكان مخبيها في مكتوبو يحاول انو يتجاهل النار لشعلتها فيه و ما اتطفيها كان هي
-وقتك يوفا مع وصولي حذا الجماعة(بغش)تحرك😘
دارلها و رجعلها بنفس الهمسة و بنفس نبرة الصوت
-و مابين وصلتك انت غادي نكون انا مليت عيني من ترنيحت مشيتك و يكون عشقي ليك تزاد ضعف اضعافو
قاطعتهم اسيل لكانت مالغزول و الصدمة لمكنتها تحاول انها تهين ايثار بأي طريقة قدام العباد
-ووه مش هذي ايثار الخديمة بنت العساس،مقوى عقارك يا لفعة يطلع منك 😡
جاوبتها ايثار بكل برود 😏سكرتلها فمها و بكلامها زادت صدمة الموجودين الكل
-مهما قوى عقاري مش باش يوصل لعقاركم يااا اسيل(غمزتها)اي انا الخديمة بنت العساس وراسي وراسو مرفوعين،خدمتي شريفة بسطل و غريزة و فخورة بيهم ابكي عالخنار لبالكوارط(تقصد في جود)اسيل ما فهمتهاش اما سكرت فمها مصدومة فيها تحسابها باش تسكت كالعادة و مش باش ترجع عليها و تناقشها
تكلم جاد
-اي مالا على كلامك المرزي و محقرانيتك للعباد مش خاطبها بنتك اوكي عندك نفخها و اشرب ماها وعالفازة ما ناخو كان الخديمة بنت العساس لتكبرت عليها والكبير ربي سبحانو،وكلامك هذا عليه مفاهمة بعد😡
ضحكت اسيل تحسابو يفدلك
-ههه قداكش ضامر يا وليدي
صاح عليها خلاها تتهز و تتنفض😠😡
-انا ولد كارمن مش ولدك
-راشد : خصتك يا ولدي والله نفرحلك،هكا سعدك يقوم وتولي لاباس عليك
-ههه شنوا كبيرنا مكش راضي على ماخذتي لجود؟ تي عاد قتلي ماللول يا راجل،ميسالش نبدلوها راهو ما فما حتى مشكل
دار لايثار شدلها يدها و طبس باسهالها قربلها برشا يحكي معاها باغراء و مع بحت صوتو حست روحها باش تدوخ بين يديه اما تمالكت روحها و سيطرت على احاسيسها قدامو و حافظت على تفاصيل وجها الباردة
-وين كان مخبي الزين هذا الكل😍😘(باسها على خدها) ايثار!..😍؟
-ممم
-توا و قدام العايلة الكل،انا جاد بن الياس آل راشد يحصلي الشرف كان تقبل بيا انا و الشيطان الي فيا شريك لحياتك ❤و نوعدك ما يقعدلو حتى اثر مدامك معايا..❤
(حطواااا جاااام قبل ما تقرااااو)
هدوئ كبير سيطر عالقاعة الناس الكل تستنا في اجابتها، اسيل و بناتها في قمة صدمتهم جود عارفة روحها كان تكلمت جاد باش يفضحها و ديجا ايثار لمحت للحكاية شوية،قررت انها تسكت و ماتعمل حتى ردة فعل.
دارت بعينها عالحاضرين الكل البنات متحمسين يقولولها وافق الوحيدة لكان الشر يتطاير من عينها هي دانا لكانت هي بحد ذاتها في قرارت نفسها مش متأكدة من روحها و من مشاعرها لحاستها غريبة عليها،متغشة و تغلي اما في نفس الوقت باردة،مستغربة في روحها كيفاه سلمت في حاجة هي تعشقها بالساهل،حايرة زادة في هالاحساس الجديد لمتملكها تجاه جوزيف مش فاهمة شي كل ما تخزرلو تجي العين في العين و مع كل نظرة يرفرف قلبها💓
نفس الشي و نفس الاحساس بالنسبة لجوزيف داخل بعضو مش فاهم روحو من شيرة يحس روحو يعشق ايثار و قلبو حارقو توا يستنا في اجابتها على احر من الجمر ممكن اكثر من جاد بيدو و مستعد يحارب الدنيا و يعمل المستحيل على خاطرها و من شيرة اخرى احساس غريب مش عارف شنو محلو في قلبو حاجة اغرب تجذب فيه بالسيف و كأنها مغناطيس تخليه يخزر للطفلة لمقابلتو و يشرد فيها بالسيف عليه نوع مالتوتر سيطر عليه خلاه في كل مرة يعدي يدو على شعرو بعصب نفس الحركة ليعملها جاد.
قربلها بابتسامة صفرا على فمو وشوشلها في وذنها
-ايثار انطق عيش عزيزتي دين بوك وليت تتعزز توا نص ساعة لتالي كنت خانقتني لداخل تهدد فيا😂😂
هزت راسها تضحك بصوت عالي و فيسع ما اختفات الضحكة من على وجها ولات تحكي بجدية اكثر،قربتلو تحكي و تنزل على سنيها تأكد فالكلام،
-المليح يبطى عزيزي و ماذابيك تسكر فمك لا نسكرهولك بطريقتي قدام الشعب الكل خليك رايض و كلمي روحك😉(دارت للحاضرين)موافقة(عاودت خزرتلو)
نسا كل شي وذنو تسكرت على كلام العالم الكل وما بقات كان كلمتها هي يتعاود صدى صوتها في وذنو رغم انو يعرف اجابتها و رايها الا انو سمعانو للكلمة من شفايفها حاجة اخرى😍تبسم تبسيمتو لتسحر و قربلها شدها من وسطها بيديه الزوز و لصقها فيه حط جبينو على جبينها مالفرحة كلامو خارج بالسيف ممزوج بنوع مالاغراء و بالبحة لفيه خلاوها تترهوج و تنسا روحها، تنسا شخصيتها الجديدة و ترجع ايثار القديمة
-ايثار😍
-مممم
-عاود شقلت نحب نعاود نسمع
كلامو خلاها تحس بدغديغة حلوة في كرشها رجعتلها براءتها للحظة،ضحكت عليه و عاودت تكلمت
-موافقة و نقبل نكمل معاك حياتي
مالفرحة ماعرش كيفاه ديراكت حملها و قعد يدور بيها قدام الناس الكل لقعدو هوما زادا كل مرة يتصدمو في تصروفاتو الي مهما تخيلوه يعملها ما يعملهاش،جدو و الاولاد قلبوها الدنيا بالتصفير و العياط،سكتهم جاد بالسيف بعد ما هبط ايثار و خلاها في حضنو😍
-لحظة يا جماعة العرس بعد جمعة هاو في بالكم😆
حلت عينها على كبرهم مصدومة في كلامو
-😨ووه شبيك هبلت فما شكون يقيم عرس في جمعة لباس في مخك،حتى تجي تخطبني من بابا الساعة تحل في فمك عالعرس😒
-ههه انت بالذات اسكت لباس في مخي عاللخر زادا،للا نسيت انك مرتي
-نقص حسك واحكي بالسياسة لا يسمعوك
-برا كان سمعو بالك عملنا العيب احنا
-ههه لا لا ابدا😒جاد بجاه ربي اسكت
-انت لتسكت مش كأنو لسانك تسرح و طوال شوية هالايامات و يظهري لازمو قصة سمحة و كان صدقني ربي عندي معاك مفاهمة اما صبرك عليا نصيف ساعة بالوقت نطلعو لبيتي تو نقلك كيفاه ترجع الكلمة على راجلك،القزمة هذي شعاملة في روحها
-طالع للسما مضمض انا مش طالعة اوكا الدروج مقابلك اسرح وحدك
-ساقي ساقك و ما تطلعش نطلعك بطريقتي😉 و زيد كسح راسك تو ترا شنعملك
-تعمل يدك في رقبتك
-اسكت يا بنت صالح راني مازلت موسع بالي معاك و ما تنساش عرسنا بعد جمعة راك والله تحصل و نتشمت فيك وقتها ما يفكك مني حد و نخلص القديم و الجديد😍رد بالك
حشمت و هبطت راسها شاخ عليها و على خدودها لحمارو قريلها باسها زاد كمل عليها
-جاد امان يزي
-وووه مرتي معاش تصبر عليا،لازمني نخاف على روحي
-اسمع نقص مالدك متاعك خيرلك
قصى عليهم راشد لقربلهم و جبد ايثار من حضن جاد عنقها و باسها من جبينها و خلاه حال فمو😂
-اييه و جا النهار لتحقق فيه حلمي اخيرا،برا يابنيتي يفرح قلبك،بعثك ليا ربي مالسما كان مش انت عمرو لكان هالزفت يوسع بالو و يحكي معايا حتى،رغم الي لا حد فينا طلب السماح من لاخر اما هاني باش نبدا انا😓يا ولدي على قد ما نطلب منك السماح و حتى كان سامحتني باش يقعد ضميري يأنب فيا علي عملتو مع امك و فيك لمنامت عيني،سامحني😔الكلنا نغلطو و بنادم مش معصوم مالغلط الله غالب ما قدرتش الحب لكان بين امك و بوك و كنت انتي ثمرتو ما نجمتش نفهمهم وقتها الانانية و حب السيطرة على كل شي و فرض كلمتي على الناس و عليكم عماولي عيني و حكمت على كارمن من غير لا عرفتها و لا حاولت نتعرف عليها
تكلم و هو يتبسم 😍
-ايثار بدلتني نحس في روحي عبد آخر و على اذاكا نسيت كل شي،نسيت الكره و الحقد لكنت نكنهم ليكم،،هالفرخة ملي ريتها اول نهار حطيت فيه ساقي في هالفيلا دوب رجعت لتونس وانا عشقتها..
سكت شوية و كمل يحكي سارح فيها يخزرلها بكل حب
-بقات في بالي وسكنتني وبلي عملت فيها ما فارقتنيش لحظة العباد الكل تخاف مني و تقرالي الف حساب هي الوحيدة لكانت ترجع عليا و تعلي صوتها و تزلعني زادا و مهما كان كلامها ما انجم نرجع عليها كان بضحكة خاطر نشيخ عليها و على تنرفيزها كانت ديما قوية وحتى كان خافت تحاول ما تظهرش برشا حاجات فيها شدوني ليها و خلاو الشيطان عاشق ولهان(خزرلها)والله و جبت آخرتي يا فرخة😻
-ههه ربي يهنيكم ولدي قلت الحق احنا الكبار بلي عملنا و حاولنا ما نجمناكش اما هي بنت 17 جابتك ل الثنية والله بنت امك يا ايثار اييه الله يرحمها كانت مرا سورية قوية بنت اصل و عليها الكلام خلات وراها رجال مش بنات😊
-راشد مكش ناوي تحشم على روحك و تسيبلي المرا كان مكش شالق بروحك نفكرك الي انت معنقها توا و نزيدك زيادة جيت و بكل صحة عين فكيتها مني 😠
-هههه سامحني يا سيدي شد هي عندك منك ليها انا ماشي حذا الجماعة غدوة الحي الصباح نمشيو نقومو بالواجب و نخطبلك حسب الاصول انت و اك الهامل اسامة ظاهر فيهم بنات صالح ما خلاوش فيكم عقل😂
هو مشا وهو رجعها لحضنو😍
-تعرف اني نعشقك و نتنفسك؟
-لا
-جد بوك فسدتها اللحظة ساعة كنت باش نبوسك😛
-جرب اقرب تو نقلك،فمك الا ما نهد هولك😒نشالله لاباس مش وحدنا كان مافي بالكش
-مرتي راك
-عالاوراق و حد ما في بالو
-بعد جمعة تولي مرتي بالفم و الملا😉 قدام الناس الكل
-حتى
-ساعات نحسك فوق من قلبك،ياخي ما تقليش شنو حكايتك وليت هكا،بدلتني انا وليت نار حامية وبركان يهيج كل ما يراك و وليت انت كتلة ثلج جامدة،باردة ماعلا بالك بشي
-تو تعرف كل شي في وقتو
-اي نطلعو تحرك عندي حساب لازم نصفيه معاك😉😈
قصى عليهم جوزيف لقربلهم هو و سيلين باش يباركولهم،خزرلهم حس حاجة غريبة،حس فرحتو كاملة بحضورهم رغم معرفتو بحقيقة جوزيف و رغم احساسو الكبير بالخطر على حياتو و حياة ايثار الا انو مستغرب في روحو كيفاه لتو ما خذا معاه حتى اجراء ولا عطا حتى اوامر ضدو،تبسم كيف قربولو حركة عملها لا ارادية خلات سيلين هي زادة تتبسملو و من غير ما تشعر ديراكت حملتو،الزوز مشاعرهم قوية هي ولات تبكي بالساكتة و هو قلبو وجعو من قوة الفرحة لحس فيها عينو تملات دموع ما يعرش شنو صار خاطر تفاجئ بردة فعلها لجات بزربة و ما خلاتلوش الفرصة يفهم روحو و الا يحس احساس آخر غير هالاحساس الحلو لحاسو في اللحظة هذي، عنقها بالقوي كأنو يحب يتأكد من حاجة،ما يعرش علاه هالشبه الكبير لبينها و بين امو و بينو هو و جوزيف عبارة واقف قدام مراية تعكس في صورتو و ديما في كل مرة تجي عينو عليهم يرجع يخمم في كلام سيلين و توأم جوزيف لضاع حسب كلامها و في كل مرة يحس حاجات ناقصين مش فاهمهم
بعد عليها شوية تبسم بحنية و حط يدو على خدها خزرلها في عينها القري الفاتحة لتشبه لعينو عكس جوزيف لعينو اغمق شوية كيف امو،تكلم بحنية
-مش عارف سبب البكا هذا الكل و مش فاهم حتى روحي ولا سبب ردة فعلي انا زادا،عاذرك ممكن خاطر حاسس حاجة غريبة ناحيتكم و ممكن خاطر كلامك متع بكري مزال في بالي(خزر لجوزيف)😊
هوما يحكيو و جات اسيل هزت سيلين و مشات و هي تتشوحر لايثار و جاد..
(حطواااا جاااام قبل ما تقرااااو)
الحلقة 10:
جوزيف مش عارف يركز مع جاد والا ينسى روحو و يسلم في عيون دانا و تبسيمتها و تفاصيلها لراقبهم ساعة من زمان حفضهم الكل،كيفاه تحكي مع البنات و تحاول توصل فكرتها بالحركات لتعملهم بيدها،الغمازة الي في خدها اليسار لتظهر من تحت الحجاب مع كل تبسيمة هادية تتبسمها😍ما يعرش مش فاهم روحو و حاسس انو ضاع داخل بعضو،حاير في قلبو لبرد نوعا ما على ايثار لواقفة مقابلتو جنب عدوه و ولات ملكو،حاير في هالدقات الجديدة لتمكنت قلبو،دقات اقوى مخلطة بنوع من الرعشة و وجيعة معدة خفيفة كل ما تجي عينو في عين دانا والا حتى يخزرلها تحت حس مس،،
يشوف فيها جاية ناحيتهم تربث شوية و فيسع ما هبط راسو دخل بعضو لين شلق على روحو و فهمو جاد كيف وصلت دانا حذاهم تبسم و سكت،قربتلهم سلمت عليهم باركتلهم و وقفت على جنب تحكي هي و ايثار خاطر تربثت و حشمت من نضرة جوزيف لعراها بعينو😊
العين في العين خزرة متناقضة بين اللوم و الحيرة،بين الكره و نوع مالحنين اسبابو مجهولة خلاتهم يتسألو على هالاحساس الغريب لتملكهم من اول نهار تقابلو فيه و عرفو فيه بعضهم،برشا اسألة ادور في مخاخهم لازمها اجوبة،واقفين مقابلين بعضهم في لحظة تقلبت ملامحهم الحيرة لكانت ظاهرة عليهم تحولت لبرود قاتل سيطر على وجه جاد و غش و انتقام واضحين على جوزيف،بعد ما ضحك باستهزاء على جنب تكلم بصوت كلو ثيقة و قوة
-ما تقولش ضمنت ايثار و باش نعرس بيها راك تكون تحلم كان باش نسلملك فيها،حتى لو كانت تحبك و ميتة فانية عليك راهي ما تكون كان ليا بالقوة بالغصب بالسياسة باش تكون ملكي انا كهو فاللخر
يدو في مكتوبو واقف راسو عالي بكل شموخ و قوة و بثيقة في النفس ما اكبر جاوبو بكل برود بملامح جامدة ما توحي بشي خلات جوزيف يتقلق شوية اما ما ضهرلوش
-اعلى ما ف خيلك اركبو و خللي ثيقتك في روحك قوية و كيف ماهيا توا و وريني عرض كتافك و شنو تنجم تعمل سيادة العميل 😏
-و هذا موضوع آخر جمعنا و حكاية طويلة باش تكون فيها نهاية واحد فينا على يدين الاخر😦
-بيناتنا موضوع آخر زادا و عندي احساس باش يقلب الموازين الكل.. تعرف متأكد انو ايثار بدلتني و قلبتلي حياتي سافيها على عاليها اما الشيطان يقعد فارض وجودو مهما غاب و مهما تدفن فيا يجيه نهار و يرجع للساحة و اقوى من قبل و وقتها على الدنيا السلام،مش عوايدي نحكي مع خصمي انا ما نحسبكش عدويا ما تسألنيش علاه و كيفاه خاطر انا بيدي ما نعرش،اما عين الشمس لتغطات طول عمرها بغربال و رغم هذا بقات فارضة وجودها يجيها نهار و تبان بكلها كيف كيف بالنسبة لهل الحكاية و هالاحساس ل فيا انت زادا كيفي و ما تنكرش خاطر كل شي ظاهر في عينك يا جوزيف،في قمة التوتر اما تحاول تخبي و تكذب عالعباد اما مش على روحك و عليا..
ما يعرش علاه حكا هكك هو بيدو داهش في روحو و مالكلام و الافكار لقاعد يصارع فيها في داخلو و في كل مرة يحاول يكذب احساسو القوي الي لا مرة خيبو في حاجة،احساس غريب يجذبو لجوزيف يخليه يقرالو افكارو و كأنهم روح وحدة في زوز ابدان..جوزيف ساكت ما لقا ما يقول ولا يزيد حرف على كلام جاد خاطر كلو صحيح و كأنو حكا على لسانو كل الي كان حاسو و حابب يقولو اما ما كانتش عندو قوة جاد و وقاحتو و برودو ما تجرأش،ممكن زادا خاطرو كان يحارب في افكارو و يحاول يكذبها،، كان يحاول يبدل الموضوع بأي طريقة خاطر ياسر شلق على روحو و توترو الكبير لظهر في عينو فضحو قدام الشخص الغالط الي ملي عرفو و هو في نضرو عدوه الي لازم يقضي عليه..نجم يسيطر على اعصابو تكلم وهو يحاول ما يضهرش غشو
-بيناتنا برشا حسابات و لازمها تصفا و اذاكا علاه لازمنا نتقابلو في اقرب وقت و وحدنا زادا بعيد على الجو هذا الكل،نكلمك و نقلك وين
- اوكي فرار نستناك مالا😉
خلاه و مشا..
كان غايب عليهم بريود كبيرة و من آخر مشكلة ما عاودش ظهر في الساحة..سافر بخدمة و اول ما سمع بحكاية ايثار و جاد و التطورات لصارت والي قاعدة توصلو لحظة بلحظة هز روحو سلم في كل شي و رجع في اول طيارة لتونس،رجع بحقد و كره ما اكبر،،كل ما يتفكر ليلة لشافها بالصدفة من غير حجاب و هي ساكنة في بالو خذا عهد على روحو كان ما تكونش ليه عمرها ما تكون لغيرو،وصل للفيلا واقف في الباب دور عينو على القاعة الكل و وقفت على جاد و جوزيف ترهوج ما فهم شي للحظة ظن انو جاد واقف قدام مراية نفس اللبسة الملامح الجامدة الوقفة خزرة عينهم الحادة لتوحي بالقوة و الجبروت حس حاجة بيناتهم عجز انو يفرزهم ما نجمش يفرق جاد من بين الاثنين و لاخر اول مرة يشوفو ما يعرف عليه شي و ما حب يسأل حد خاطر الافكار لدارت في راسو وقتها و الي ناويه يصير ممكن يخليه في دائرة الاتهام و بحكم خدمة المحاماة و خبرتو شك فما حاجة ديراكت و من غير تخمام جبد تاليفونو صورهم و بعثها لشكون و طالب بتقرير مفصل عالاثنين و كل تحروكاتهم،نفس التصويرة بعثها لزوز من رجالو و عطا اوامر في مراقبتهم 24/24 و لحظة بلحظة..
تبسم بخبث و قربلهم وقف بيناتهم و مد يدو يسلم على جاد،مللي كان غاطس و هايم في بحر افكارو تخمام يهز و لاخر يجيب ما عندو حتى فكرة عاللي يستنا فيه و شنو مخبيتلو الدنيا،سارح و ما يعرش علاه يدور يدور و يرجع يخمم في هالكارثة لواقف قدامو و شنو اللعبة لباش تلعبها الدنيا معاهم لين قطعلو افكارو خيال احمد لوقف بيناتهم ومدلو يدو،،
واقف يدو في مكتوبو هزو ماللوطى لفوق قحرلو على جنب و شدتو هستيريا متع ضحك وقت شاف شفتو لقسمهالو في زوز لتو عليها تراس الغرز و منفوخة
-بصحتك اما باش تتكلفلك غالية ولد العم
جوزيف ما رتاحش لاحمد قعد يتشوحرلو غمز جاد معناه شكونو😞
-عندك ريح ذري عشرة(خزر لجوزيف و تبسم باستهزاء) هذا ولد العم حاسب روحو،يكحلي عالموجيرة و يهدد فيا بيها😏تي احمد ربي ما ذبحتكش نهارتها جاتك باللطف في شفتك
-صحيت هاك قلتها جاتني في شفتي و الزمان دوار
تلفتلو جوزيف مش عاجبو
-انت مش احمد آل راشد المحامي
-اي انا هو..😕
ضحك ضحكة خفيفة باستهزاء و دلوح راسو
-حتى انا قلت رقعة كيفك ما يكون كان من هالعايلة الزفتة،يقطعكم الكلكم على بعضكم زريعة ناتنة..انجازاتك عظيمة لا عمرك خسرت قضية برافو اما كيف ما معروف بذكاك بين الناس و بمصداقيتك و اخلاقك في خدمتك معروف زادا عدنا بخبثك الكبير و الي رغم انك محامي نزيه كيما تزعم الا انو شطر اعمالك شبه غير قانونية،قلو محامي نزيه قلو😏
ضحك على جنب عملو حركة بيدو معناها حطيتك في مخي غمزو و مشا،جاد ضحك ضحكة مسموعة و تكلم
-و البس😂والله و عطا هالك،يعجبني شبيهي الجديد هذا كيفي ما يرجعش في كلمتو..خليك حال فمك للريح مكش فاهم شي نشيخ بيك هكا😂
خلاه زادا هو و مشا يرا في ايثار واقفة عاطيتو بالقفا قربلها و عنقها من تالي جاها على غفلة للحظة حست روحها حشمت قدام العباد مش مستانسة هكا مش طبيعتها هذي و ما ترباتش هكا اما لازمها تكمل في الطريق لختارت انو تمشي فيه خاطرو الوحيد لباش يوصلها للي تحب عليه و هو الحل الوحيد للقاتو باش تنجم بيه تكشف سر الاخوة و تحمي حبها و تضمن اسمها و تفرض وجودها في هالعيلة،فيسع كبست روحها و رسمت ملامح القوة و البرود على وجها، رسمت ضحكة هادية على شفايفها تغطي بيها فالتوتر لسيطر عليها اما هذا الكل و ما نجمتش تغطي والا تلغي الاحساس الي حسو هو كيف حط يدو الزوز على جنابها حسها كيف قصبة الريح ترعش بين يديه عقد حواجبو مستغرب هالطفلة قداه ولات متناقضة اعظم منو ساعات ما ينجمش يفهمها مرات يحسها متمردة ما يهدها شي و الي يشوف خزرتها القوية و ملامحها الباردة و هدوئها بكري يقول هذي مستحيل تحس بلحظة ضعف و لا عمرها باش تحسها,واقف وراها كابس على وسطها يحاول يهديها يعرف انو لتعمل فيه الكل قاعدة تبذل في مجهود كبير باش تظهر روحها قوية و تثبتلو هو بالذات انها ماهيش ضعيفة وتنجم تعمل على روحها في كل شي،،قربلها باسها من خدها زاد فاجأها حلت عينها مصدومة اما فيسع رجعت عادية
-حبيبي اي تجي لحظة الفوق حاجتي بيك
-لواه
-اي عاد ما تزلعنيش قدام البنات(يوشوش في وذنها)
-صبرك يا ربي هو بدا المرج😂
شدها من يدها هوما ماشين و جاوهم اثير و اسامة
-جاد ياخي وقتاه ناوي تمشي تخطبلي فديت و كرهتك راهو و خالتك يبست و حرنت ما تخطبلي كان ما سيادتك تخطب و تمشي انت بساقك معاها تخطبلي و هاك سي بون ناب عليك ربي و تحلحزت و عملت حاجة،اسمع انا ما نفهم شي العشية نجيب عايشة و ما لازم و نعاود نرجع..
جاد نفخ و عدا يدو على شعرو و بعد حطها في نصو و وقف قدامو كان لقا كيفاه راهو قتلو مالعصب😂
-دين والديكم و دين الي جابكم ما كذبش جوزيف كيف قال عايلة زفتة آآزحي بداها هك العلة احمد و هك كملت انتي الله و اعلم شكون باش يجيني آخر😠 كل ما نجي طالع بيها لازم يجي حد منكم يحلالو الحديث و يعطل دين امي سيبوني يعجبكشي زادا ملا حالة فيكم تي كان عطا ربي راكم روحتو و انتوما شديتولي وجهي كليتو ،شربتو و شطحتو اكهو عاد لازم توطنو ااا زحي😠
-اااا معلم شبيك ادزز وسع بالك و انت كشاكشك خارجة الي طالع بيها مرتك دين بوك توا تفكرت باش تطلع بيها كي كتبت الصداق ما عملتهاش هذي و توا كيف عرضت عليها الزواج😂(يتمنيك عليه)ضهرلك باش تستفرد بيها و تعملي فيها عاشق ولهان سي روميو😆
(حطواااا جاااام قبل ما تقراااااو)
بدا يتنرفز و طلعتلو لتوب فد😠
-يا خويا اموري و هك قلتها مرتي وانا حر فيها و في روحي ناقص كان انت تجي ادبر على جد بابا،تو مش فاضيلك حتى نهبطلك ايا ايثار(شدها من يدها و ماشي)
-باللهي لواه طالعين و مخلي ضيافك عيب يا راجل😛
-طالعين نحكيو كلمتين ميسالش ماهو بعد اذنك
-وكيف هو كلام كهو😉ماهو احكيو هنا
-حس برشا و زحمة ما تلقاش راحتها😉
-والله الي ريتو في ايثار اليوم ظهرلي الي انت لمكش باش تلقى راحتك و باش يصير فيك يا معلم يا جاد يا شيطان 😜حقا وين حيو هاكا ذاب كيف الملح😂
-اسامة برا فركهم بعيد و على حد آخر مش خاطر زاهيتلي باش تجي توسع بالك عليا تعرفني كيف نتقلب😡و توا كان ماتبعدش من قدامي تمضمض على اثير بالسواك الحار و نكمل نخطفها وكان لزم نزيد نحرقها😂
و ما فماش لا مشيان لا خطبة كان غدوة الصباح حتى راشد فلقلي راسي يحب يمشي يخطبلي حسب الاصول زعمة زعمة(خزر لايثار عنقها و باسها على جبينها) مسكين ما يعرش الي هي مرتي ❤
اسامة قعد مصدوم في كلامو للحظة صدقو خاطر يعرفو قادر انو يعمل كل شي
-يا خويا سامحني و كل شي يصير كيما تحب انت هانا صابرين لغدوة الصباح امري لله برا اطلع بابا و اخطاني،
و هو طالع يرا في اسيل جات ظاهر جايتو هو تحب تحكي معاه كشاكشها طالعة و الشر يتطاير من عينها و معروف باش تفلقلو راسو خاطر بطل من جود،دور راسو بعصب نفخ و حك لحيتو
-ايوااش ختمت وانا ستغربت قلت كي سبتها لتو لا جات تعارك هاي شرفت😡ايثار هك مع البنات لحظة و نرجعلك
-جاد
صوتها عالي عطاها قحرة ترعب سكرلها فمها سبقها لبيروه و قلها اخلط😒
دخلت وراه تغلي و سكرت الباب
-اسمع سكر عليا و ما تفلقليش راسي مش ناقصك و كان باش تقلي بنتي و ما بنتي ننصحك سكر عليه الموضوع لاتسمع مني حاجات ما تعجبكش
-ما تفاهمناش هكا جاد..توعدني تعرس بيها و بعد تتراجع في كلامك على خاطر جرد خديمة ما تجيش في ضفر جو..
ما كملتش كلامها لوالها يدها و دزها عالحيط😬
-جرد الخديمة لتحكي عليها اشرف من بنتك الهاملة لعاملتلي فيها شريفة عفيفة و هي يرحم عمي باعت روحها بلاش مش حتى بالرخيص تقول ناقصة فلوس
-سيبني فاش تحكي انت لباس تقول على بنتي هكا اي الزم حدودك
-هاو فاش نحكي يا للا ياالي تعرف تربي ماك تحب هكا انت شوف تربيتك اي
حل القجر و طيشلها ماسو على وجها
-شنو هذا؟
-خمج و عفن بنتك
حلتو مش فاهمة شي لين لقات كوارط انواع اشكال بإسم جود و تصاورها مع رجال عريانة كل مرة في فرش تشرب و تزطل و خمج ماهو خمج،تصدمت يدها ولات ترعش لين طيحتهم و بقا الماسو في يدها حست مزال فيه حاجة اخرى ثبتت لقاتو فلاش هزت راسها خزرتلو؟؟
-ننصحك هاكا ما تتفرج عليه كان ما تشاور طبيبك خاطر متأكد باش تجيك جلطة،عرفت توا علاه بطلت منها و ايثار مازلت تجيب اسمها على لسانك نقص هولك و مزيتك لعملتها معايا تو ترجعلك بطريقة اخرى..وكان ريت تصاور بنتك و الفيديووات يدورو عالفايسبوك ما تشكش فيا على خاطر تباركالله عليها معروفة في تونس اكثر مالدينار بيدو و نصيحتي ليك هزهم و برا شوف وين تكن بيهم راسك مالعباد قبل مايسمع راشد و تقيم قيامتك و قيامتهم الحمدلله الياس ما عطاهمش اسمو و قعدو بلقب بوهم والا راهي صارت كارثة و مشات سمعتنا في العفس تحت الساقين،ريقلتلك امورك من غدوة تنجمو تسافرو وين تحبو جيست اختار البلاصة و امشي شوف حياتك و حياتهم و حقك مضمون في كل شي و إحمد ربي نهار و ليل ما قتلتكمش انا خاطر ما تستاهلوش الواحد يمسخ ايديو بيكم.
من الصدمة لا نجمت تتكلم و لا تجاوبو بحرف ولا تهز عينها فيه اسيل بقوتها و عجرفتها لاول مرة تحس روحها ذليلة قتلو لتراه صالح اعملو و مشات طلعت لبيتها دخلت عليها جود تخرنن و تعاود ديراكت مشاتلها شدتها من شعرها و لفتها بكف
-هذا كفويا يا هاملة هكا تعمل فيا احمد ربي ما قتلكش و جاتك في تبطيلة متع خطبة توا تلم دبشك غدوة الفجر مسافرين جبتلنا العار و تيحطلي قدري و قدر العيلة في التراب كان يزيدو يسمعو الكل تو ترا شنو يصير فينا بالازمة لاتقعد وحدة منا عايشة الله يقطعك نشالله وصلت بيك هوني علاه؟ناقصة حاجة؟ناقصة فلوس،نحب كيف نوصل للمطار ما نراش خليقتك برا اهمل و كمل في العفن متاعك تبريت منك ليوم الدين😡
جاوبتها بكل وقاحة و صحة رقعة و كأنها لعملتو الكل صحيح ولاتلها صاحبة حق
-اي باهي يرحم والديه كيف حكالك نقص عليا شوية هرج و ما تعبش روحك هاني خارجة وحدي..
الجماعة لوطا كملو و بدات الفيلا تفرغ الناس الكل روحت بعد ما تفاهمو يرجعو يخطبو البنات غدوة و حددو عرس جاد و ايثار بعد جمعة..
كانو قاعدين في الصالة يحكيو اسامة و اثير دانا قاعدة جنب ايثار لكلاها جاد بالميساجات باش تطلع و شلق على روحو قدام الجماعة بالاخص جوزيف و هي مارقة فيه و عاملة فيها مولى الدار مش هوني 😂..
لتو لا فهم روحو و باقي يكذب فالاحساس القوي لحاسو تجاه دانا لكان كل وين يخزرلها وجها يحمار و يتوتر هو و يدخل بعضو مزال يعاند و يحاول انو ما يخليش هالفكرة تسيطر عليه و تغلبو..
هو مالاول جات عينو على ايثار و حبها و وعد امو ما تكون كان هيا كنتها و باش يحققلها حلمها مهما كانت الضروف و العواقب و الاسباب كان لزم يضحي بأغلى ما عندو و يتنازل على برشا حاجات هو قابل المهم يفرحها قبل منامت عينها..فاق من سرحتو كيف سمع اسامة يحكي معاها
-دانا عزيزتي ايجا عندي توحشتك انا😍
ضحكت و مشاتلو عنقها
-شبي حبي فادد هو و و ينو هك اللسان لنعشقو شبيها دلولة خوها عاقلة اه😚
جوزيف يسمع و العصب يهز فيه و ينفض مكنتو الغيرة،اي نعم غار عليها و بهت في روحو اما فيسع برد كيف قلها اختي ما كانش يعرف الحاجة هذي تكلم من غير ما يشعر و ندم خاف لا يفهموه بالغالط و الا يفيقو بيه و يعمللها مشكلة
-ياخي خوات؟!!
جاوبو جاد بتمسخير يضحك عليه غمزو معناها هاني فاهمك و شالق بيك😉
-خوات يا جوزيف خوات ارتاح
تلفتلو و هز حاجبو شحط عينو نزل على سنيه و حرك شفايفو بعصب معناها اسكت سكر فمك و ما تشلقش😂 تبسم تبسيمة صفرا و تكلم
-لا اما ما تصورتش خاطر ما يشبهوش لبعضهم جملا😒
باسها اسامة من جبينها و قربها ليه اكثر
-يا حسرة عليك تي ما كثر ما نشبهو لبعضنا ساعات يغلطو فيها في الدار و يعيطولها اسامة😂صاحبي الغول راهي اما ما فهمتش شبيها عاقلة اليوم غريبة مستانسة لسانها طويل(تلفتلها)اا صحوبة ما تقليش طحت على راسك و عجبك شكون في الخطبة اي قر قر شكون على صغروني تو نوريك فيه
جاوبتو فيسع خافت لا يشلق بحاجة و ترصيلها في سين و جين على ما فما شي و هي تعرف خوها كيف يكبش في حاجة و يصلبها على راسها
-لباس عليا جوست تاعبة شوية و برا و مافما حتى حد باش يطيحني على راسي بالساهل
-اي نعرف صاحبي قلبو كاسح ما يطيحش بسهولة
جاد عنق ايثار تكاها عندو
- تو اتطيح ما تخافش و على قريب زادا شكون ينجم يقاوم الحب تي هو انا و طحت😄هالفرخة جابتني نسف في التراب مش لعب
-اسامة:اي اي و اخيرا تخلقت لجابتك لثنية يا جاد
-جوزيف: حتى انا يضهرلي طحت😓
قالها بتنهيدة و حيرة مالاعماق 😥
-اسامة:يا خويا محلاها الفيلا من غير اسيل و هك العفش متاعها ملا سخط
-جاد:خرجو ندرا وين سرحو اما قاتلي ل هي باش تهزهم و تنقل للبلاصة اخرى،شخلاني مالفرحة فيسع ريقلتلها امورها معادش يطولو نتصور يزيدو نهيرين ماكس و يسرحو
قام جوزيف
-اي يا جماعة نخليكم محلاها لمتكم و تشرفت بمعرفتكم برمجولنا قعيدة كيما هكا نزيدو نتعرفو على بعضنا..جاد كيما تفاهمنا عاد اتو نكلمك
-اسامة:دانو عزيزتي اي قوم نروحو والله ميت تعب نحب نرقد.
قامو الكل خرجو و حتى كيف خرج معاهم وصلهم للباب مزال معنقها بقوة تقول هاربة عليه ما فلتت من عندو و روحت كان بطلوع الروح..كل حد شد ثنية و هو ديراكت رجع طلع لبيتو نحا الفاست و البابيون طيشهم عالفوتاي و حل مقافل الشوميز شوية و تلوح على فرشو رقد،ما يعرش قداه اما قام على تنوقيزت تاليفونو بالسيف لقاه رقم ما يعرفوش هز صوتو بالنوم
-وي،،شكون
-جوزيف
-اهلا بالعميل
-اهلا برئيس المافيا وينك يا boss، عيب عليك يا راجل تخلي جماعتك وحدهم
-ماهمش وحدهم،،تفضل علاه كلمتني
-يا خويا محلانا هكا و محلا صراحتنا كل شي سورتابل
-هات ماللخر
-اسمعني مليح الحكاية مش باش تتعدالك بالساهل صحيح تعرفت عليكم و دخلت في جوكم و حسيت روحي واحد منكم فاميلتك حبوني رتحت بيناتكم و محلاكم الكل و محلا لمتكم و جوكم اما هذا ما يمنعنيش اني نخدم خدمتي و نقوم بواجبي،نغطي عين الشمس بالغربال نطفي الضو و نعمل مولا الدار مش هوني..زايد الكلام توا اصلا ما يجيش على التاليفون لازم نتقابلو
جاوبو ببرود😏
-تو براس امك مقيمني مالنوم باش تقلي هالكلمتين
-قداكش بايع الدنيا و ماعلا بالك بشي نذكرك الي انت توا معادش وحدك كيما كنت قبل توا ولات وراك طفلة و على قريب عايلة و مصيرهم بين يديك و في رقبتك و مع انو الحكاية فاللخر باش تكون لصالحي و من مصلحتي و باش يفضالي الجو اما يا خويا مارقة برجولية ما نحبش نكور وحدي في التران الله غالب نعشق المغامرات و هك الفازات لذا لازم نكون كونتر شكون😉
-لا مكش وحدك الالاف يستناو في طيحتي و بالنسبة لبنت الناس غيرك يحب زادا اما على جثتي انت وياه😡
-تقصد في هك المحامي..ما يلعبنيش هاكا و زيد جوو مريقل عندي و اصلا بيعتو مقطعة هو صحيح داهية ذكي و كلب كبير مايستهانش بيه اما مش باش يغلبنا،اي قوم اعمل حاجة في حياتك المفاهمة مش توا
-اخرج من مخي توا و سيبني راسي مفلوق خلقي،سلام
ما ستناشو يرجع عليه ديراكت علق،هز طولو شوية و اتكى على فرشو نزل عالبوتون الي بجنبو،راسو يحس فيه قد السخطة و رزين لازمو كاس باش يصحصح و يفيق،درج من زمان و جاتو وحدة مالبنات دقت الباب و دخلت
-تفضل سي جاد
-اهبط لوطا للقبو جيبلي وحدة "ماساندرا شيري" انا لعندي هنا وفاولي تلقاها في زون 1775 اول ما تدخل و هز معاك الكيسان هاكم الي على الطاولة بدلهملي فديت منهم صبلي في غيرهم و طلعلي الدبوزة و ما تنساش لقلاسون،فيسع
هبطت تجري للقبو هزت لي قلها عليه و مشات للكوجينة،دخلت عليها جود تلقاها تصبلو..
لشكون هذا صبلي منو
-سامحني مدام جود اما هذا لسي جاد و تعرفو ما يحب حد يدورلو بحاجتو وبالاخص النوع هذا
-اا صار هو لجاد؟ "ماساندرا شيري" !! مش هكا،،على قد ما لوجت عليه هالنوع و ما لقيتوش ندرا منين يجيب فيه السخطة
-اي مدام.. كان تحب اي نوع غيرو الله يبارك
جاتها فكرة ديراكت قعدت عالكرسي دورت عينها و تبسمت بخيث و حكات معاها بالسياسة
-اي باهي مالا ميسالش امان باش نزيد نتعبك شوية ميسالش تعاود تهبط تجيبلي نوع على ذوقك هك في جرت جاد وليت خبرة عاد في الوسكي و تفهم فيه😌برا فيسع هاني نستنا فيك و ما تبطاش باش اتطلعلو لا يجن جنونو هكا كيف يقوم مالنوم يحب يشرب كاس ديراكت باش يصحصح شوية
-حاضر
هي مشات و جود قامت فيسع خرجت دبوزة صغيرة من قجر متركن في الكوجينة جبدت منها حربوشتين حطتهم على الرخامة نزلت عليهم بالكاس فتفتتهم و حطتهم في وسطو حركت بصبعها و رجعت قعدت..
شافتها دخلت تبسمتلها صبتلها كاس هزتو و طلعت لبيتها تستنا فيها تهزلو و يشرب منو.. بقات تعس لين راتها طالعة بالبلاتو وصلتلو و هبطت ستنات نص ساعة حتى يعطي الدوا مفعولو و مشاتلو دخلت للبيت لقاتو في سابع نومة و الكاس بجنبو فارغ حطت تاليفونو سيلونسيو و بدات... 😲
(حطواااا جااااام قبل ما تقرااااو)
الحلقة 11 :
بعد ما روحت بدلت و قعدت مع بوها لمزال تاعب شوية هي و اثير حكاولو عاللي صار و زيد كلمو راشد قلو الي هوما جيين يخطبو في البنات غدوة و وافق.. دخلت هي رقدت مالتعب تعدا الوقت فيسع حاسة روحها طايحة من بلاصة عالية تصيح و مش يسمع فيها حد قامت مفجوعة و قلبها مقبوض شدتها غصة في حلقها احساس غريب خلاها تهلوس و تتخيل حاجات خايبة ما تعرش علاه ديراكت هزت تاليفونها تطلب فيه اما ما هزش عليها جا لبالها انو راقد هدات شوية و قامت تلقا اثير قاعدة في الصالة توكل في بوها قعدت معاهم..
كانو ملمومين في الصالة يحكيو عالخطبة،ما كانتش مركزة معاهم سارحة تخمم فيه حاولت برشا تنحيه من بالها ما نجمتش فيسع ما فرض حضورو في قلبها و ولى من اولويات تفكيرها حاجة اقوى منها
-اسامة: دانو شبيك و ين سارحة اا طفلة.. امي بنتك ندرا شبيها اليوم مش عاجبتني
-عايشة: حتى انا هاني قاعدة نشوف كنت باش نسألك هالرزانة و العقولية منين هبطو عليها مش عوايدها😕
-يعجبكشي تو باش تعملو مشكلة خاطرني ساكتة😒
تاليفونها نوقز وصلها ميساج رقم ما تعرفوش
-سلام. سافا؟
-و عليكم السلام..شكون؟
-بكري مكش قد بعضك قعدت متحير عليك سافا توا؟؟
تفجعت وجها صفار وولات ترعش عرفتو هو اما حبت تتأكد
-شكون
-جوزيف
-جوزيف لكنت قاعد معانا بكري؟؟
-ههه وي
-لباس عيشك😊شوية تعب و برا
-نشالله لباس صغرون😚
تبسمت😄قداه حستها منو كلمت صغرون و بعد فاقت على روحها رجعت تكتب بزربة
-ياخي منين جبت رقمي؟؟
-ههه ما يصعب شي على جوزيف..اما كان نعملك مشكلة والا حاجة قلي نوعدك معادش نقلقك
-(تربثت)لا عادي اما ستغربت خاطر ما يعرفو حد خلاف الفامي و صحباتي
-و انا توا 😛
-ما جاوبتنيش
-نخدم في الحاكم(كذب عليها) معناها نجم نجيبو بسهولة
-😏😒برا عاد
-شبيك😕
-اكثر عباد نكرهكم
-اول مرة نسمع طفلة تقلي هكا😮علاه ساعة البنات يموتو علينا
-وانا مش كيف البنات
-باه فسرلي علاه تكرهنا للا
-نعرش،اما ما نحبكمش هكا لله في سبيل الله،،ممكن خاطر صعاب مربطين برشا.. المهم فكرتي عليكم و نضرتي ليكم سافابا..ما هضمتكمش سبحان الله كل حد و كيفاه يخمم
-😂كأنو لسانك بدا يتسرح شوية اه😛اي باه هاني عرفت كيفاه انطقك،ما كذبش خوك كيف قال لفعة و لسانها طويل عاللول ما صدقتش اما هاني قاعد نكتشف
-(حشمت)لا نحكي عادي و مش مع الي يجي
-معناها انا مش الي يجي بالنسبة ليك؟؟
-عادي
-نكلمك توا كان ما فماش قلق
-لا مش وحدي خلي مرة اخرى قاعدة مع الدار اي نخليك
-اوكي نشالله مرة اخرى..سلام
اسامة كان مركز معاها اما ما حبش يسألها و يحرجها يعرف اختو كيف تحكيلو وحدها
-نقوم نعمل دوش انا..دانو حضر روحك باش تمشي معايا انا و اثير نقضيو ما نبطاوش خاطر جوزيف راجع لامريكا مستدعينا عالعشا
-عايشة: محلاه هك الطفل و محلا امو قداش رتحتلهم سبحان الله تقول نرا في كارمن الله يرحمها و جاد قدامي الكل تصدمنا كيف ريناهم داخلين بالعمل بابا عينو دمعت،قداشو نادم عللي عملو معاهم اما الحمد لله الي عجزنا عليه احنا سنين جات ايثار و عملتو في ايامات و لمت شملهم من جديد و رجعنا عيلة وحدة قداشي بنت اصل هك الطفلة و عندها القبول وين تمشي تخلي وراها محبة الناس ليها،جاد تو بالوقت يستانس و بالشوية بالشوية يحن لاهلو و يرجع معانا مريقل
-اسامة: نشالله امي ربي يهدي ما خلق،هو زادا عندو الف حق لتعدا بيه مش شوية،،اي دانا قوم عاد تحرك راني ما نستناش دريجين نلقاك حاضرة
قام مالنوم قريب 7 متع العشية راسو في حالة و خواطرو دايرة يلقى روحو مطيش عالفرش بدبشو شوميزتو محلولة..دخل عمل دوش و رجع تفقد تاليفونو،طلبتو برشا مرات تبسم و كلمها
-صغرونتي😍
-شبيك ما تهزش ياخي وين كنت غاطس
-والله دوب خرجتو ديراكت طلعت رقدت قمت شربت كاس و تقول جا شكون بنجني ما نعرش على روحي كيفاه رجعت غطست قمت كان توا عملت دوش،تفقدت تاليفوني لقيتك طالبتني ما سمعتوش حتى كيف نوقز لقيتو تحتي باز حطيتو سيلونسيو مش بلعاني عزيزتي هاني ديراكت كلمتك
-اووه شتغلي يا لطيف وسع بالك و خوذ نفس و انت شديتها على بعضها😂..صحة الدوش😛
-😂باهي زيد تبولد حتى تحصل اهو شمزال جمعة من زمان و نولي ندوشلك انا عزيزتي ما تحط شي في بالك
-جاد خيرلك راهو😄حقا كلمك اسامة
-ما نعرش ريت رقمك ديراكت كلمتك..علاه شفما
-قلك جوزيف قريب يرجع لامريكا و مستدعينا الليلة عالعشا البرا
-معناها اسامة كلمك انت والا قال لاثير و هي قتلك😕
-لا كلمني جوزيف😂😂
-😡باهي لحظة اسمعني و حل طاستك مليح..صديق و كيف خويا و امو عوضتلك امك و رتحتلهم هذا الكل نعرفو و حفضتو و ديجا مريقل اما باش يتحل هو فالعريض و يقعد ضربة ثنين يكلم فيك و هو جايك للدار والا هو هازك لدارهم قال شنوا امو توحشتك هذا الكل تمضمض عليه،انا هاني سي بون وصيتك للا و جرب سعدك نرا حاجة هكا والا هكا راسك و راسو نكسرهم 😠
-وه وه وسع بالك يعجبكشي تو😬انت قلت كلامك و انا هو في بالي
-معناها اسمع وفلت😡؟؟
-كلام الناس يغلط هههه😂😂😆
ضحك و بعد كبس روحو بالسيف😞
-اي تلم عاد😒
-هههه برا برك سيب روحك و كمل اضحك سمعتك راهو
-هههه برا يحرق جد بوك يا فرخة حتى نشدك😁 اي كيفاه تو انت تحب نخرجو معاهم والا نركشو وحدنا راس و رويس
-وه يا غلبتك الراجل مستدعينا واول مرة نقلولو لا عيب مايجيش
-لا يا للا مش اول مرة يستدعاك انت عاد وليت مولات الدار
-جاااد
-اي باهي مالا ريقل امورك و حضر روحك نكلم اك الزفت نفهم منو كيفاه و نتعدالك
-اوكي..
كمل دوش لف منشفة على روحو و خرج جاه تاليفون مالخدمة نرفزو قعد عالفوتاي هز المسدس متاعو يقلب فيه صب كاس و قام وقف مع البلكون يترشف فيه مضيق عينو و سارح مع افكارو على قد ما كان متحمس لهالمهمة السنين هذي الكل و ماخذ عهد على روحو انو يوفي بوعدو و ينتقم على ما توا برد عالحكاية و حس روحو حن والا كيفاه،قلبو مش عاطيه يكمل و الا يوصل يضر جاد مع انو الخطط الي يخمم فيها الكل شيطانية و كل وحدة خير من اختها و فيها نكهت انتقام خاصة و ممتعة يعشقها.
الوقت لف لف،وصل للي حب عليه و لقى عدوو،لقا المجرم الي عدا سنين يفركس عليه واخيرا جاء وقت الانتقام،جاء الوقت لباش يرجع يمارس فيه خدمتو اما علاه حاس روحو مربوط و فاشل مش منجم يعمل شي عاجز انو يخطي خطوة في هالحكاية مش عارف لا منين باش يبدا ولا وين باش توفا و كيفاه باش تكون النهاية، برشا حاجات تبدلو عمرو ما تخيل حماسو و مصداقيتو في خدمتو باش يرخو بالطريقة هذي و يبرد عليهم، علاه احساسو هكا ناحية جاد، كل ما يخمم فيه يكون قلبو بارد بالعكس عمرو ما حمل عليه بغض والا كرهو حاسس انو قريبلو برشا اما لازمو يتغلب على هذا الكل مش قرا و خدم و تعدات سنين في المهمة و خسر اقرب الناس ليه باش يجي توا و يتراجع مستحيل انو ينجر وراء احاسيس تافهة ماعندها من الصحة حتى شي،،من شيرة اخرى الكونجي قريب يوفا و لازمو يرجع لامريكا و يرجع يمارس خدمتو و يشوف معاهم شنو المطلوب و شنو لتبدل بعد ما لقاو عليه دليل يثبت ادانتو،المشكلة انهم مع آخر نهار ليه في الكونجي يرجعو يراقبو تحروكاتو لحظة بلحظة و اكيد باش يفهمو الحكاية على اذاكا لازمو يريقل امورو فيسع ما عندوش برشا وقت بدا يتقرب من جاد و العيلة و حسهم رتاحولو و خرجتو مع الجماعة الليلة لازمها تجيب نتيجة، راحتو توفا غدوة و طيارة غدوة الليل ما يعرش وقتاه ينجم يرجع لتونس اما عارف انو ماشي و مخلي قلبو و عقلو فيها،زيد على هذا الكل القنبلة لفجرتها سيلين في الخطبة و حكاية خوه التوأم الي ما سمع بيها كان اليوم خذاتلو تفكيرو مع انو قاعد يبذل في مجهود كبير و يحاول يلاهي روحو بأي حاجة باش يتجنب التخمام فيها ما نجمش عجز في كل مرة يشرد بأفكارو يدور يدور و يلقا روحو ما يخمم كان فيها، نفى من مخو فكرة انو يحكي معاها والا يناقشها و يحاول يفهم الحكاية خاطر باش يفتح ماضي قديم و ممكن حتى يكتشف حكايات مش وقتها،ممكن كان باش يحكي معاها باش يحل موضوع صعيب انو يتسكر و خايف لا يعرف حقيقة ممكن هو ما يحبش يعرفها والا تقلبلو حياتو الكل و يضطر بيها يتنازل و يتخلى على برشا حاجات،على اذاكا قرر انو يقعد في وتيل باش ما يروحش و يتلز يواجها و يقلها كلام يوجعها وهي مش ناقصة وجيعة المرض يكفيها..
رجع المسدس لبلاصتو و دخل للدريسيينغ لبس حوايجو و هز تاليفون كلم اسامة قلو نتقابلو في الفيلا متع جاد يمشيو من غادي..
كمل حكى معاها هي بدات تحضر في روحها و هو كمل لبس و هبط ماشيلها و يحكي مع اسامة
-اا سلعة وينكم
-ما عنديش برشا ملي روحت هزيت اثير تقضي للخطبة غدوة و خرجت معانا اك الفرخة قسما بالله حفاولي ساقي و هوما من بوتيك لبوتيك اكويني كان مازلت نعمل هالعملة الي يحب يدعي دعوة على راجل يقلو برا ربي يبعثلك خرجة قضية مع مرا😂😯يا معلم ما وصلت للدار كان ما وليت نلهث و اك السخانة عاد جاب ربي خارجين فالعشية..
-😂😂تستاهل هاكم دعواتي ليك ربي استجاب
-زيد تشمت انت روووح.. اي برا فوتني انا هاني حضرت نستنا دانا و نتعداولكم،كلمني جوزيف قللي نتقابلو عندك
باهي..انا حضرت و هاني هابط نتفقد البنات نشالله حضرو(دخل جوزيف و راكا الكرهبة) حتى جوزيف هو وصل توا..اي تحركو عاد
-مريقل حتى دانا هي هبطت دريجين و نكونو حذاكم
علق و مشا لجوزيف..
-سلام
-اهلا..هك ما بطيتش
-لا خوك يحترم الوقت
-اي باه ايجا نقعدو نتنسمو شوية جنب البيسين حتى يخرجو البنات
-اسامة جا؟؟
-😉كلمني هو فالثنية معادش يبطا.. اما اركزلنا روحك صاحبي ياسر عليك
قعدو يحكيو لين دخل اسامة هبط سلم عليهم،عينو ترشقت في دانا دوب شافها دخل بعضو و حس روحو عرق اول مرة في حياتو يتحط في موقف كيما هكا،
ايثار و اثير زادا حضرو و خرجو حذاهم دوب وصلتلو ديراكت حوطها بيدو و جبدها ليه باسها بوسة حنينة بين خدها و رقبتها ريحتها ليعشقها تغلغلت في صدرو جبد منها نفس قوي و عاود طبع بوسة طويلة على جبينها😍😘اسامة ما كانش يبعد عليهم برشا هو زادا داخ في اثير مشالها هو باسلها يدها و رجع بيها حذا الجماعة
-اسامة: دانو عزيزتي وين تحب تطلع اطلع 3 كراهب على ذمتك و انت على شكون ترضى
-دانا: هههه زايد الدنيا و المصالح راك تحصل يا اسامة..انا نورمال نخلط حتى في تاكسي المهم انتوما كوبلووات ما تحطونيش في وسطكم😉 شدان الشمع مش خدمتي😂😛
-جوزيف: علاه تخلط في تاكسي وانا موجود و اونبليس وحدي اي معايا
-اسامة: سي بون مالا مريقلين هكا هك مع ولد الدار جوزيف معادش غريب.. نقصدو ربي مالا..
جاد يوشوش لجوزيف
-والله و تعرف تستغل الفرص يا كلب 😂😂(حطواااا جاااام قبل ما تقراااو)
ملي طلعو و هو ما سيبش يدها مكبش فيها و يسوق و كل شوية يخزرلها و يتبسم والا يقرب يبوسها من خدها، كان طاير مالفرحة و الدنيا الكل مش رافعتو😍..
دانا و جوزيف كان جوهم هادي شوية،،الكلام على لسانو كل شوية يتلفتلها و سايي باش يحكي معاها و يصارحها باقي شي مانجمش و قعد الكلام واحل في حلقو مش حابب يخرج اصلا مش عارف منين باش يبدا و الا شنو باش يحكي خايف يقلها او بالاحرى خايف من ردها و ردة فعلها ما يحبش شكون يرفضو كل شي في حياتو سوا خدمة والا غيرها مسألة حياة او موت،خايف ترفضو و الا يطلع عندها شكون في حياتها،لاول مرة في حياتو يتعلق بوحدة لا حكى معاها ولا يعرف عليها شي،هو عشقها و رافض تماما فكرة انها ما تقبلوش و تقلو لا،،ممكن وقتها يجن جنونو و يتهور يعمل حاجة يندم عليها،،سرحت بيه افكارو و بدا يهلوس،كلاه التخمام لا نجم يركز معاها و يحاول يجبد اي موضوع آخر يشتت بيه الضبابة الي تعملتلو في راسو و لا نجم ياخو راحتو و يخمم في عقلو و ينضم افكارو و يفهم روحو،صراع كبير بين عقلو و كبرياؤو و بين قلبو الي مع كل فكرة جديدة تجي على بالو تزيد دقاتو اكثر،،كانو يمشيو في الكياس 3 كراهب وراء بعضهم و هو آخر واحد يحس في روحو تخنق من هالحرب القايمة في راسو لازم يلقى حل و يعمل حد ل هالحكاية و يفهم روحو تي هو عاجز انو يتصرف على طبيعتو قدامها والا يحكي كلمتين خوات من غير ما يدخل بعضو كل ما وين يراها،،وقف الكرهبة بقوة و على غفلة مسكينة تفجعت و صاحت صيحة وحدة دارتلو ترا فيه سايي نحى السانتير و هبط عجاجة دارلها حل الباب طبس عليها نحالها السانتير و جبدها فيسع خرجها😰كانت مرعوبة كل شي صار فيسع ما لحقت تكبتي شي ملي صار قاعدة كان مبلحقة عينها لكانو محلولين على وسعهم مالصدمة مش فاهمة شي تداركت روحها فيسع و تكلمت بالسيف
-جوزيف شبيك تعمل هكا
تخنق حل شوية مقافل الشوميز كأنو يحاول يخلي الكلام لواحل غادي يخرج و يخفف عليه،حط يدو على جنبو و لخرا على جبينو نفخ يحاول يهدي روحو اما مانجمش دارلها و دزها بعصب عالكرهبة جات متكية عليها حصرها بيدو😲
-دانا اسمعني مليح و ركز زادا،كلمتين نقول هملك (يوريلها بصوابعو😂)و بالسيف عليك بالسياسة بالقوة امورك ما نفهم شي كلامي لازمو يتنفذ😡 باش نجيك ماللخر خاطر انا بيدي نكره اللف و الدوران انت عجبتني و انا حبيتك،سكنتلي قلبي و بالي😍ما عندك حتى فكرة شنو عملت فيا كل شي صار فيسع انا بيدي ما فطنتش بروحي سميها حب من اول نظرة اعجاب هبل امورك ملخص الهدرة ما تاخذنيش الدنيا نهدها على راسكم الناس الكل و هذا آخر كلام عندي و جرب سعدك قول لا
بقات مصدومة شي من طريقة كلامو و ثيقتو الزايدة في روحو و شي من الي عملو والي قاعد يصيرلها اول مرة في حياتها،داهشة مبهمة و مش فاهمة شي ما لقات ما تجاوبو قعدت كان مبلحقة عينها مرة فيه و مرة فالفراغ تحاول تهدي روحها..😨
حسها سارحة و مش مركزة معاه ضرب يدو عالكرهبة يفيق فيها فجعها
-نحكي معاك راني و اوبليجاي عليك تجاوبني تو والا نقلك!!ما تجاوبنيش(وخر شوية يحاول يهدى خاطر حس روحو كثرلها شوية و ما نجمش رجع يصيح😂)في يدك من توا لين نروحو و تجاوبني و بطبيعة بإنك موافقة و جرب سعدك قلي لا وقتها فما كلام آخر(حط يديه الزوز على وجهو مسحو بزربة و غش مش فاهم شي فقد السيطرة حتى على تصروفاتو قدامها مرة يصيح و مرة يحكي بالشوية)ريت شعملت فيا دين ولديك قدامك ما نعرش حتى نحكي اخزر حتى تصروفاتي كيفاه شنو الحالة هذي انا جوزيف العميل ندخل بعضي و ننسى كل شي و هذا الكل في جرت طفلة و زيد قاعد موسع معاها بالي و نستنى فيها تجاوبني (عاود قربلها عدا يدو ورا ضهرها و جبدها ليه بقوة رجع يحكي بالشوية بحة صوتو قتلتها)دانا عينك هذي الي ك عين الريم سحروني و جابو آخرتي ما فما كان هوما الي كل ما حتى نرمش عيني نلقاهم قدامي😍تكلم قول حاجة شتسميه هذا الكل اه،تكلم و ماتزيدش عليا بسكوتك😓
معادش فيها منين باش تبدا تفهم و تستوعب كثر عليها الشي داخت في مخها من طريقة كلامو الي بكلو تهديد و سيطرة لقربو ليها توا لبحة صوتو المغرية لريحة برفانتو لولات تتنفس فيها اكثر مالهوى بيدو،تكلمت بصوت متقطع مالاحاسيس لتملكوها
-امان جوزيف يزي بالله،هدي روحك،،كيفاه تحبني نجاوبك و انت ما خليتليش الفرصة و لا خليتها ل روحك باش تاخو نفس تغلي بكلك كيف البركان الهايج..امان يزي تو والله نوعدك الليلة نجاوبك اما مش هنا شوف وين وقفتنا جنب الكياس الي ماشي والي جاي يتفرج فينا خلينا نخلطو عليهم والله كان يشلق اسامة بحاجة الا ما يقيم الدنيا على راسي و تكون آخرتي الليلة😓
-باه سامحني عللي صار اما بالحق راني سايي..اطلع توا اما مانيش مسيبك الليلة تقلي،،انا الكونجي وفالي و لازمني نرجع لامريكا طيارتي غدوة الليل وماذبيا ما نمشيش يدي فارغة😉و الكلام لقلتو توا كيف تبدا وحدك و تراجع لصار حاول ما تركزش في تفاصيلو برشا(فاق بروحو الي هو زلق فالكلام و ذكر حاجة على خدمتو كيف قلها عميل😲)...
طلعو في الكرهبة يسمع في تاليفونو ينوقز اسامة يطلب فيه بالفيديو ديراكت هز لقاه يضحك
-ياخي وينكم خليناكم ورانا تمشيش فصعتلي بأختي؟؟😂😂يا خويا كانك ناوي اخطفها يرحم بوك و رتحني من طولة لسانها راهي عاملة فيا و نوعدك نزيدك عليها فلوس
جوزيف خزر لدانا و قلها بالشوية و هو يتبسم
-جوك مريقل هو خوك صرحلي خلي رايك عندك معادش يلزمني😉
-تكلمت رجعت على خوها
-بلاهي يا اسامة برا هك بنت على حقيقتك😂
-اسامة: دااانوو حبيبتي هك هنا يا روحي والله توحشتك كنت نوصي فيه عليك 😛😛
-جوزيف: ههه اي باه هانا وراكم ديجا حبسنا شوية...
وصلو للوتيل عرضهم السرفار وصلهم لطاولتهم الجو و الديكور كانو مزيانين برشا حاطين موزيكا كااالم تعشق قعدو يحكيو و يفدلكو و بعد طلبو العشا عداه جاد يوكل في ايثار لكانت اكيد قاعدة بجنبو كملو و قامت مشات تريقل في مكياجها طبست تغسل في وجها وبعد هزت راسها خزرت للمرايا ترا فيه دخل و يسكر فالباب بالمفتاح😨مسحت وجها بزربة و دارتلو مفجوعة
-جاد تو نورمال لتعمل فيه خالط عليا الهوني هبلت ياخي
ماشي و يقدم ناحيتها سارح فيها كأنو مش قاعد يسمع في كلامها كل ما يقربلها عينيها الكبار يزيدو يتحلو على وسعهم و تزيد تلصق فالرخامة 😂،،
عينو ذابلة تقول عليه مخدر قربلها حصرها بيديه الزوز منا و منا قربلها و حكى بالشوية
-ايثار اقعد جامدة و ما تتحركش
قلبها قريب يخرج من بلاصتو و كرشها دارت تقول شكون يدغدغ فيها،،داخت تحس في روحها باش يتطيح ساقيها معادش حاملينها تخلطو عليها برشا احاسيس نسات روحها القوة لبناتها الايامات الي فاتو الكل طاحت فالماء رجعت ايثار القديمة البريئة،ايثار الي وجها يحمار و تشدها الرعشة في بدنها الكل قلبها يولي يدق بالقوي و يتقطع عليها النفس تولي تلهث تقول عليها كانت تجري تولي تشابك في صوابعها و يدها تعرق كل ما تراه قدامها بوهرتو و زينو حتى برودو و عجرفتو كانو يعجبوها فيه فما تفاصيل صغيرة يخلوها تتحول و يصير فيها و تتعدا بالمراحل هاكي الكل فما بالك توا و هو لاصق فيها يتنفس في وجها و انفاسو حارقتها هزت راسها بربثة و خوف جات العين فالعين،،عراها بعينيو الي بكلهم رغبة و لهفة عليها،،يخزرو لبعضهم مرة يركزو على عينيهم و مرة على شفايفهم لترعش..
رغبة قوية تملكتهم الزوز و ضهرت عليهم مالريتم متع نفسهم الي قوى و ولى يتسمع، ايثار عرفت تسيطر على ملامح وجها عكس جاد لكان ظاهر عليه كل شي من عينو لحمارت و زاد ذبلو عروق رقبتو لخرجو من كثر محاولتو انو يسيطر على روحو انفاسو لكانت خارجة سخونة،،كان ضد انو يعمل حاجة يراها مبعد غالطة نزل على الرخمة بيدو قريب يكسرها قاعد يحاول على قد ما يقدر انو ما يتهورش اما ما نجمش حاجة اقوى منو عجز قدام عينها و انوثتها الطاغية لديما فارضة وجودها حتى و هي في اتعس حالاتها شفايفها الروز لكانو يرعشو و كل مرة يتحلو شوية حاسس بيها و بالنار لشاعلة فيهم الزوز و زادت شعلتو بتذبيلة عينها و براءتها..ما يعرش يقلها مرا والا طفلة خاطر ديما تحبسلو مخو وين يقول سي بون هاني فهمتها يطلع فاللخر غالط فيها مزيج غريب مالقوة و البراءة وقت الي تحب تكون مرا تكون و تخرج القوة لفيها وتفرض وجودها بجرأتها و رزانتها و هدوئها لديما محافضة عليه و وقت زادا تحب تكون طفلة ما يجاريها حد في براءتها الي قريب تنطق من عينها و ملامح وجها الهادية تبسيمتها الطفولية ليتسحر بيها كل من شافها..
سايي معادش فيه باش يهبل قربلها و عدا يدو ورا ضهرها و لصق فيها حتى و هي لابسة طالون وصلتلو لرقبتو تكاها عندو قعدت هافتة تسمع في دقات قلبو لعاملة حالة وسط صدرو💓 هز يدو الاخرى عنقها بيها و كبس عليها بقوة،،الكبسة هاكي زادت شعلتهم الزوز شخلاها غمضت عينها و جن جنونو هو وقتها رغبتو سيطرت عليه امنيتو ياقف الوقت و يقعدو فالبوزيسيون اذيكا..بعد راسو شوية و طلع يدو حطها ورا رقبتها شفايفها الروز عماولو عينو و ما يرا كان فيها و فيهم قدامو😍 قرب هز راسو شوية طبعلها بوسة حنينة على جبينها،هبط شوية و طبع بوسة خفيفة حلوة على خشمها❤و وقف غادي شفايفهم مقابلين بعضهم يرعشو لا نجم يقدم و لا نجم يجبد روحو..غمض عينو و قرب شفايفو حطهم على شفايفها و هزتهم بوسة طويلة حنينة كلها حب لعالم آخر ما فيه كان هوما الزوز💋💋يحس في روحو شعل رغبتو زادت و شهوتو قوات بيه للحظة فاق على وضعو وعلي قاعد يعمل فيه كان لازم يجبد روحو منها، بعد عليها و هو يلهث و يتنفس بقوة عينو ما كثر ما ذبلت قعدت مسكرة بالسيف يحل فيهم عاود حط جبينو على جبينها يحكي بزربة و يلهث خانقتو الرغبة لسيطرت عليه صوتو مقطع و البحة لفيه زادتو اغراء بالسيف يخرج فالكلام😔شدلها وجها بين يديه الزوز 😘😘
-ايثار يزي قتلتني معادش انجم اكثر من هكا المجهود لنعمل فيه باش نحاول ننسى بيه شوية من تفاصيلك لتخرجني من عقلي تعبني و خذا قوتي الكل،مرتي و من حقي اما هاني صابر كل شي في وقتو حلو شمزال جمعة و توفى هالحرب لقايمة فيا و تطفى هالنار لحرقتني من داخل،..
معادش طايق بعادك عليا يا روحي ندفع عمري و نعيش لحظة القومان الصباح على صوتك والا وانت راقدة عندي😍😍نعشقك صغروني😘😘
الوقت هذا الكل هو يحكي و هي تسمع فيه و ساكتة في اللحظة هذي عاجزة انها تعبر عاللي تحس فيه حالتها ما كانتش تفرق على حالتو و ممكن هي اكثر منو خاطر هو او موان عبر و حكى و خرج شوية ماللي في قلبو و الي يحس فيه..
تبسمت تبسيمة هادية لين ضهرو غمازاتها شخلاه عاود باسها منهم😍حطت يدها الزوز على اجنابو و كبست عليه و تكلمت بصوت حنين
-جاد!!والله حاسة بيك و باللي تحس فيه خاطر مكش وحدك انا زادا كيفك كل شي من حقك اما من رايي ما نسبقوش الاحداث شمزال جمعة و يوفا كل شي و كيما قلت انت كل شي في وقتو حلو
طلعت شوية و باستو هي المرة هذي على طرف شفايفو 😍
-محلا مرتي ربي يخليك ليا ياروحي
-هيا نخرجو اكيد الجماعة ستبطاونا😙اسبق انت تو نخلط عليك😊
باسلها كف يدها غمزها😉و خرج زادت شوية و خلطت عليه..الجماعة يفدلكو و عاملين جو جوزيف يستنا في دانا تقول قاعد على الجمر ضربة ثنين يقلهم هيا نروحو و اسامة يصبر فيه كل مرة بحكاية،كل مرة يسألها بعينو و هي متلفة الجرة مش هوني..اثير و اسامة يغرمو في زمانهم ولا على بالهم بالطقس..
زادو شوية و قامو الكل المرة هذي جوزيف روح وحدو اسامة هو و دانا و جاد هز ايثار و اثير و كل واحد شد ثنية دارو...
وصل للفيلا دخل الكرهبة ركاها و طلع يتفقد في امو في بيتها لقاها راقدة باسها غطاها و خرج هكاكا و يوصلو ميساج
موافقة...❤❤
(حطواااا جاااام قبل ما تقراااو)
الحلقة 12 :
نهار جديد قامو فيه الزوز ناشطين و الفرحة مش سايعتهم،اليوم الخطبة و الجماعة جيينهم 10:00 قامو بكري نظفو الدار حضرو فطور بوهم الي رتاح مليح بعد العملية و رجع يدور شوية شوية.. سيلين جات هي و جوزيف تحب البنات برشا و هوما زادا حبوها و بالنسبة ليهم في مقام امهم لتحرمو منها حبوها تكون معاهم في نهار كيف ما هكا،تعدا جوزيف شرا لناقص الكل و مشاو وصلو بداو يطيبو و يحضرو،،كانت غاطسة تسمع في تاليفونها نوقز وصلها ميساج عالميسانجر مشات تتفقد فيه لقاتو جاد😍مزال كيف قام مالنوم عمل سالفي و بعثهالها شعرو داخل بعضو و عينو ذابلة لابس شورط و من فوق عريان😰
-صباحو عسل حبيبي😘صغروني وينك توحشتك،،نحبك❤شتعمل؟هك ترا انا تو قمت مالنوم و داخل ندوش😋،نستنا الجماعة يتعداولي و نجي نخطب مريتي،ههه غريبة الجملة؟؟؟ الله غالب عزيزتي احنا آل راشد نكتبو الصداق و بعد نخطبو😆اي شقولك نكملو نجيبو جاد صغرون فرد مرة و بعد نعرسو!!شقولك..مش خير😂؟
تقرا و تتبسم رجعتلو ميساج
-هههه مهبول زايد....
-مهبول بيك اما شنوما النقاط شكنت باش تكتب و سكت؟شبي مريتي حشمت هي،،نحلف عليك توا راك وجهك احمر باش يتطرشق و ذبت مالحشمة كي ريت الفوطو و قاعدة حاطة يدك على خدك تتبسم في هك التبسيمة العسل لسرقتلي بيها عقلي و زيد ضهرو غمازاتك لنعشقهم و نموت فيك وفيهم،،ايثار برا طير نحس في السخانة طلعتني هالصباح وانا نتخيل فيك كيفاه😟
-هههه والله كأنك قدامي،،باهي كنت باش نقلك محلاك عسل حتى و انت قايم مالنوم تهبل😍محلاك في حلاتك الكل❤❤
-يعمبو حبك يا فرخة،،اي برا طير توا ما نزيدش نعطلك حبيبي اكيد راك لاهية مع الجماعة..
كملت حكات معاه و رجعت تكمل في قضيتها، مرجتهم سيلين و كبشت فيهم باش يحضرو رواحهم
-ايثار،،اثير يشيح ريقكم بنياتي تي عندي ساعة وانا نقرق يهيدكم والله لا عاد وقت تي تحركو يا ديني حضرو رواحكم والا ناوين تخرجولهم هكا،،ديجا كملنا كل شي،روتوش صغير و برا تو نكملو انا يلا تحركو طيرو من قدامي فيسع..
باسوها الزوز و خرجو..
جاد كمل عمل دوش لف منشفة و تعدا للدريسينغ يلبس،ختار كوستيم نوار تفتق على بدنو😍كرافات نوار على شوميز بلون😍لبس منقالتو و ريقل اكسسوار مونش الفاست و عمل ضربة بارفان،حل القجر جبد منو صندوق،حلو بكل حنية و حب يمللي في عينو منو خاتم المرحومة امو لعطاتهولو ملي هو صغير قبل موتها و وصيتها ليه يلبسو للمرا الي باش يكمل معاها حياتو و هاكا لصار حطو في جيبو و هبط يتفقد في القضية لوصى عليها..اسامة كيف كيف دوش و لبس شوميز كارووات بلو و بلون فاست بلو نوي عليهم دجين عمل بارفان و هبط يزرب في الجماعة يلقى جدو شوية آخر تلمو الكل و مشاو للفيلا كلم جاد خرجلهم و تعداو للاستوديو عرضهم صالح و سيلين و جوزيف فرحو بيهم،دوب دخل قعد يدور في عينو في الدار الكل على امل يلمح حتى خيالها متوحشها مالبارح ما شافهاش،الجماعة جبدو الحكايات الكل و المواضيع الكل كان موضوع الخطبة و هو و اسامة تقول قاعدين على الجمر كلاهم الغزول سكت سكت و نطق😂
-يا جماعة تو انتوما تباركالله حكيتو في كل شي و جبتوها سحلي و بحري ادخلولنا في الموضوع الرسمي لجينا عليه يرحم بوكم راني مازلت رايض اما للصبر حدود..وانت عيشوشة تكلم عاد جايبك انت و سي السيد متاعك باش تحلقو ياخي تي شوف ولدك كيفاه يتغصور و طلعو الدم باش يتجلط مالغزول و العصب مسكين 😄
-ووه يا وليدي شقو دقو هو مو ناخذو كلمو و نعطيو كلمة ك إنت ك هو الزوز تقول قاعدين عالشوك انت كليتني بعينك و حاجبك ليتهز و يتحط وحدو سمالله العظيم قريب تطيرو من بلاصتو و لاخر عاد مقال حد لحد نحلف عليها ساقي راهي زراقت و هو من بكري يقرص و يعاود😂
-اسامة:اي اي هكاكا عيشوشة زيد ازلعني لاقعد😒
-راشد:ههه يا سي صالح انت و البنات و المرحومة قبل من العايلة و كيفك كيف اولادي مكش غريب، جيناك اليوم باش نزيدو نقربو اكثر من بعضنا و نوحدو عايلاتنا و نزيدو نكبروها،جيناك خاطبين راغبين في بناتك الي هوما بناتي زادا لأولادنا جاد و اسامة
-جاد:اسمع عم صالح يرحم بوك من غير مقدمات قول اي فيسع و سيبنا😂😂
-صالح:ههه يا ولدي عاطيك من قبل مش من تو و اثير زادا😊ربي يتمم فرحكم على خير يا وليدي الي فيه الخير ربي يسهل فيه نشالله
-سيلين :نسألو البنات مالا موافقين والا؟
-اسامة: اما تسألهم و اما تمشيلهم يا مرا يهديك ربي صلي على النبي اي اي نقراو الفاتحة😂
الكلهم ضحكو عليهم، جاد هز التاليفون يكتبلها في ميساج وعلى هزت راسو شافهم خارجين الزوز نوارات تخزر لوحدة تنسا اختها تبسم و حك لحيتو اسامة قام ضربة وحدة عينو ولات قلوب كيف شاف اثير لكانت تمشي وراء ايثار وحدة هازة بلاتو القهاوي و الاخرى الحلو ضيفوهم سلمو عليهم و قعدت كل وحدة جنب خطيبها قراو الفاتحة و قامو باش يلبسو الخواتم اسامة و اثير لبسو هوما الاولين و قلبتها دانا بالزغاريد باسها من جبينها و قعدو قام جاد جبد الصندوق مالفاست و حلو قدامهم...
الكلهم قعدو باهتين فيه و في مودالو القديم و دقة تصميمو عايشة تذكرت النهار لعطى فيها راشد الخاتم هذا ل خوها الياس بحكم هو اول طفل..جدو تبسم خاطر يعرفو مليح الخاتم هذا هو ميراث و رمز العايلة لتعدا على اجيال و اجيال و تصنع خصيصا ليهم و بخلاف الديامونتا لمزين بيها و نادر وجودها قيمتو المعنوية لمحفورة في قلب كل اول طفل يتولد في هالعايلة من بو راشد الي ورثو هو بدورو على امو ليه هو ل ولدو الياس لجاد توا و لولدو في المستقبل.. خذاه بين صوابعو شدلها يدها و لبسهولها و كأنو تصنع خصيصا باش يوالم يدها باسلها جبينها و عنقها قرب شفايفو لوذنها
-هذا ارث آل راشد و لبستو كارمن و انت باش تعطيه نهار آخر لولدنا ثمرة حبنا الي باش يجي للدنيا و يملا حياتنا فرحة..انا موجود معاك والا غايب عليك نحبك ديما لابستو و ما يتنحاش من صبعك مهما صار هذي بلاصتو..نعشقك❤
عاود باسلها خدها و قعدو..
تعدات الخطبة و جات العشية قامت ايثار مالنوم اول مرة ترقد مرتاحة بعد مدة طويلة،قامت فرحانة ناشطة مش حاسة بحتى تعب،تفقدت تاليفونها لقاتو طالبها برشا مرات مرقت فيه حبت تعمل عليه بالعاني هي زادا متوحشتو حبتو يعاود يكلمها تسمع صوتو،،قامت ريقلت بيتها و ضهرلها باش تعاود تعمل ميناج للدار خرجت مالبيت ما لقات حد كلمت اثير قتلها الي هي خرجت مع اسامة و بوها خرج يعمل في دورة ..
لقات روحها وحدها وماخذا راحتها مشات لبست روبة بروتال طويلة روز بيبي فيها فونت منا و منا لمت شعرها الطويل الحرير كعكة كيما جا و شدتو بستيلو😂بدات تنظف الدار رجعتها مراية كملت حلت التلفزة و قعدت جات غناية شرقي زادة فالصوت و من غير ما تشعر لقات روحها قايمة و تميل عليها..
جاد بعد ما كملو الخدمة جاه تاليفون ايرجون مالخدمة لازمو يحضر لإجتماع مهم ما شافش الوقت و ما حسش بيه كيفاه تعدا،كمل ديراكت و خرج طلع في كرهبتو و طار عجاجة للفيلا متوحشها كأنو عندو قرن ما شافهاش و زيد كيف كلمها ما تهزش و بعد تلهى يخدم،و هو داخل للباركينغ وقف الكرهبة على صوت الغنا لاول مرة يسمعو يشرقع هكا في الفيلا استغرب هبط يتبع فيه منين جاي و وصلو للاستوديو،الباب محلول و هي مقابلتو عاطيتو بالظهر تشطح و تميل كل قطعة تتحرك وحدها تقول مش لاصقين في بعضهم،تشطح على غناية شرقي بكل اغراء،انوثتها طاغية بأتم معنى الكلمة،قداه يعشقو عليها هاللون يحسو يزيدها براءة على براءتها و يرجعها طفلة صغيرة بنت خمسة و في نفس الوقت يحسها مرا كاملة و مكملة،مرا تضج بالفتنة كلها انوثة و اغراء ببدنها الابيض شفق المرسوم رسمان و مجرد من كل عيب،بشعرها الحرير الطوييل ليفوت خصرها و يتمايل معاها يمين و يسار،الروبة الروز لكانت لاصقة في بدنها ماشية معاه بكل تناسق و مضهرتلو تفاصيلو بالتدقيق،الفونت الي فيها مالشيرات الزوز يفوت ركبتها و الي مع كل تميلة و دورة تعملهم يبينولها ساقيها البيض الصافين مراية..
عجز عن وصفها حتى بينو و بين روحو،لا نجم يكمل يدخل و يمشيلها و لا عرف يرجع منين جاء و ينسى المشهد لكان قدامو😟وقف في عتبة الباب و اتكى عليه ثنى ساقو كتف يدو و ميل راسو شوية يتمعن فيها يملي في عينو منها و يثبت في ادق تفاصيلها و ادق حركاتها،قداه تعرف تشطع اول مرة يراها هكا،اول مرة ما يراش ايثار الحشامة كانت مسيبة بدنها للايقاع تتمايل بكل راحة و تلقائية،ما كانش يعرف بالموهبة لعندها،شمزال ما يعرش عليها آخر زعمة؟! هالفرخة طيرتلو عقلو كل مرة تفاجؤو بحاجة جديدة توقفلو بيها مخو و تبهرو بيها،مع كل تمييلة تتميلها يميل قلبو معاها الف ميلة،تسحر بيها لدرجة ما رمشش عينو لحظة خايف لا تفوتو حركة من حركاتها و ما يراهاش،،من برة كان هادي محافظ على توازنو و ما ظاهر على وجهو الجامد كان ملامح الدهشة والاعجاب،امسمر في بلاصتو حركة لا كان النفس طالع هابط الي يشوفو هكك يبهت فيه و يقول ملا كتلة ثلج ما متحركتلو حتى شعرة قدام هالمشهد لما ينجم حد يتجاهلو،،الحقيقة عكس هذا الكل من داخل كانت نارو شاعلة و محروق،كان بركان هايج عاجز انو يستوعب كيفاه و منين جاتو القدرة هذي الكل باش نجم شد روحو قدامها،نار تحرقلو في قلبو و جواجيه يحس في روحو واقفة ترعش في مهب ريح عقلو تسلب منو و قلبو هاكا ما قال حد لحد ما قعدش في بلاصتو في صدرو بين ظلوعو،الحواس لخلقهم ربي الكل تحركو فيه و ولى يفور بالسخانة و تملكتو رغبة مش عادية سخن و عينو ذبلت و حمارت شفايفو الروز زادو غماقو و لاو يرعشو عروق رقبتو ضهرو و لبو العرق بكلو تبسم و ما يعرش على روحو كيفاه ولى يغني مع انو صوتو يسحر الا انو نادرا وين يدندن حتى مقطع،في اللحظة هاكي و بالمشهد لقدامو جات على بالو غناية كاظم الساهر ظن منو انو يطفي في نارو بيها اما لقى روحو و مع كل حرف ينطقو و يخرج من بين شفايفو يزيد يشعل و تزيد رغبتو عليها اكثر،يغني و ركز مع آخر مقطع مالغناية...
هل عندك شك أنك أحلى وأغلى امرأة في الدنيا؟!
وأهم امرأة في دنيا ..هل عندك شك؟!
هل عندك شك أن دخولك في قلبي
هو أعظم يوم بالتاريخ وأجمل خبر في الدنيا؟!
هل عندك شك أنك عمري وحياتي
وبأني من عينيك سرقت النار وقمت بأخطر ثوراتي؟!
أيتها الوردة والريحانة والياقوتة والسلطانة والشعبية والشرعية بين جميع الملكات
يا قمرًَا يطلع كل مساءٍ من نافذة الكلماتِ
يا آخر وطن أولد فيه وأدفن فيه وأنشر فيه كتاباتي
غاليتي أنتِ غاليتي .. لا أدري كيف رماني الموج على قدميكِ
لا أدري كيف مشيتي إلي وكيف مشيت إليكِ
دافئة أنتِ كليلة حب من يوم طرقت الباب علي ابتدأ العمر..
كم صار رقيقًا قلبي حين تعلم بين يديكِ
كم كان كبيرًا حظي حين عثرت يا عمري عليكِ
يا نارًا تجتاح كياني .. يا فرحًا يطرد أحزاني
يا جسداً يقطع مثل السيف ويضرب مثل البركانِ
يا وجهًا يعبق مثل حقول الورد ويركض نحوي كحصانِ
قولي لي كيف سأنقذ نفسي من أشواقي وأحزاني؟!
قولي لي ماذا أفعل فيكِ؟!.. أنا في حالة إدمانِ
قولي ما الحل؟! .. فأشواقي وصلت لحدود الهذيان
قاتلتي ترقص حافية القدمين بمدخل شرياني
من أين أتيت؟
وكيف أتيت؟
وكيف عصفت بوجداني؟!
كانت مركزة مع الايقاع و تشطح مش هنا الحس قوي ما حستش انو فما شكون دخل و قاعد يتفرج عليها،مغمظة عينها تميل و تتبسم ما سمعتوش حتى كيفاه يغني،الايقاع قريب يوفا جات باش اتطيح التالي حركة تتختم بيها الشطحة لقفها فيسع و دوب مسها و جات بين يديه بدنو الكل تكهرب و رعش صبرو وفا سايي معادش ينجم اكثر من هكا..شدها من خصرها و من قوة الشدة طاحو الزوز عالفوتاي لوراهم جات تحتو..😨😂💓(حطواا جااااام قبل ما تقرااااو)
جبدتو القوية خلاتهم يطيحو عالفوتاي لوراهم و تجي تحتو عينها محلولين على وسعهم مصدومة تلهث و تتنفس بزربة و بقوة مالتعب و الجهد لعملتو هو زادا كان يتنفس بريتم اقوى منها مالشهوة و الرغبة لتملكوه و ظهرو في عينيه الحمر الذابلين لكانو يشعلو شعلان،عبارة انسان كان مخنوق و رجع يتنفس هو كان هكاكا كان كيف المجنون مش واعي و عقلو شبه حاضر،كبس على رقبتها بقوة قربها ليه و باسها بكل القوة لفيه،بغل و عصب كأنو يتشمت و يحاول يصب فيها غشو و يحسسها بالنار و الحرب لشعلتهم فيه..يبوس فيها لين حسها باش ادوخ تحتو ما كثر ما تقطع عليها النفس يحس في يدها الصغار يحاولو يبعدوه من فوقها..تفاجئت و تصدمت ما تجاوبتش معاه و خافت يدخل عليهم حد و يلقاهم فالوضعية هاكي،عجزت انها تحس معاه الاحساس القوي لحاسو و باين في عنيو،،بقوتها الكل و جهدها ما نجمتش تحرك منو شعرة تعبت و سلمت،،اصلا علاه باش تخاف هي و حتى كان دخل عليهم حد صحيح عيب و ما يجيش حركات هكا اما فاللخر هو راجلها يعني حلالو و من حقو و حد ما عندو الحق يتدخل فيهم والا يقول كلمة،،هكا خممت بينها و بين روحها سلمت و غمضت عينها كاللي بدات تتجاوب معاه شوية و هو حس بتفاعلها فاق على روحو و عللي قاعد يعمل فيه من بكري و هي تحاول تبعدو ما نجمتش يتسما قاعد يغتصب فيها هكا،توا باش استوعب انها بدات تتجاوب معاه شوية رغم انها ما تعرش تبوس اما قاعدة تحاول شد ضحكتو بالسيف هز راسو شوية طبع بوسة على جبينها و تبسم😊قام من فوقها و قامت هي في جرتو قربلها و حط يدو بحنية على خدها يحاول يسيطر على روحو و ما يعاودش يغلط،يعرف مليح انو مش وقتو و هي مش حاضرة جملة اما الله غالب ضعف قدام غريزتو كيما اي راجل يشوف كل هالاغراء و الفتنة،،تكلم بصوتو المبحاح لكان فيه نوع من الرعشة😍يحاول يبرر موقفو قدامها
-سامحني،،روحت تو و كنت طالع اما سمعت صوت الغنا استغربت خاطر اول مرة،جيت لقيتك تميل تمسمرت في بلاصتي شعلت فيا النار و تحرقت كيف ريتك تشطح بالطريقة هذي و زيد لابسة هالروبة كأنك بالعاني تحب تخرجني من سينتي تعرفني قداه نعشقو عليك اللون😘سامحني،،نعرف مش وقتو والله اما الله غالب لحظة ضعف و نستعرفلك اني ضعفت قدامك و عقلي طار من راسي..اما محلاك😍نعرفك حشامة و ما توقعتش لحظة والا جا على بالي انك تعرف الدور و تميل هكا(خزر في عينها اكثر)❤نحبك💕..شمزال آخر باش نكتشفو فيك يا فرخة،بشنو مازلت باش تصدمني شمازلت مخبية ورا الحشمة هذي الكل
رخات عينها و ذابت شي من كلامو و شي من بوستو للتو مزالت تحس في روحها عايشتها و حاسة بيها لتو بدنها يرعش و حاسة روحها فاشلة سقيها مش حاملينها
-جاد امان اخرج..امشي ما فما حد هنا كان يزيد يجي بابا عيب يلقانا وحدنا هكا
-عندك حق حتى انا لازمني نخرج سي نو نعمل عملة ما أعظم خطف بوسة من خدها غرس يدو في شعرها و هز منو خصلة يستنشق فيها و يملي في صدرو بريحت الياسمين الي فيه...
تعداو اربعة ايام عاديين الكلهم بين القضية و الجري لتحضيرات العرس لمزالو نهارين الناس الكل تجري و تجرري،،عايلة آل راشد بكلها مالجد ل اولادو و نساهم و صغارهم الكلهم تصبو فالفيلا متع جاد بأمر منو بعد ما تصلحت الامور بيناتهم و رجعو عايلة وحدة الكل و ولى في صحفة العسل هو و اولاد عمو..جوزيف و سيلين زادا معاهم خاطرهم من طرف العروسة..ايثار بجهد جهيد من جاد بالسيف قنعها انها تحول تقعد في الفيلا بريود العرس خاطر مش باش تنجم تعمل حنتها و تكثر العباد و الاستوديو صغير..
تعدا الوقت غطست هي و البنات في تحضيرات الروبة تعبو و هوما يلوجو و ساقيهم طاحت ما خلاو وين مشاو البوتيكات الكل داروها تحب حاجة سامبل و ما لقاتش جاد بيدو حار معاها و حسب ما حكات للبنات على مواصفات الروبة لتحب عليها و هوما حكاولو فيسع لقا الحل و كلم مصمم ملي يعرفهم في امريكا في نهارتها هبط لتونس ياخذلهم في القياسات متاعها و متاعو م خلاها تشري شي خاطرهم باش يسكنو في الفيلا بعد اقتراحو هو انهم ينقلو و هي رفضت انها تبعدو عالدار لبقات فيها ذرة من ريحت المرحومة امو و بوه زادا حتى و لو كان عاشو فيها مدة اقصر مالقصيرة،،الحاجة الوحيدة لتفاهمو فيها و شرتطها هي عليه انهم يبدلو ديكور بيتو الي مودالها يخوفها و يجيها غريب كلها مسدسات و سيوفا هياكل متع رجال حديد و مدرعات على ريوس حيوانات و حيوط حجر،،وافق ديراكت من غير ما يزيد يناقشها وراها مودلات و عجبتها حاجة تفاهمو عليها الزوز و صار الي حبت عليه بالوقت كل شي وصل و تحط في بلاصتو كل شي تقلب فالبيت و تبدل ما عدا الاسباس لعاملها للشراب و الويسكي بقات كيف ما هي،،كل شي مريقل توا و برفاي كيف ما حبوه الزوز و اكثر..
من غدوة حنتو هو و هي فرد ليلة،كل شي حضر، رفضت انهم يعملو عرس و زازا كبيرة تحكي عليها العباد حبت حاجة عادية و عائلية مع الاحباب و الاصحاب القراب،،قررو انهم يعملو الحنة في جنينة الفيلا و العرس في الصالة و اذاكا لصار جات العشية وباش يعشيو العباد..
الباركينغ و كبرها ما رفعتش خاطر تعبات بالكراهب لين ولاو يراكيو البرا..السرفارا يخدمو في خدمتهم منضمين كل شي كلاس و هادي كمل العشا و بدا الجو النسا وحدهم و الرجال وحدهم،جاد طلعوه الاولاد باش يلبس و قنعوه باللبسة الهندية كان ما شيحلهم الريق متاعهم..ايثار زادا مشات هي و البنات مالصباح عملو حمامهم ريقلت امورها الكل روحو فطرو و قيلو قامو العشية كيف بدات الحركة تكثر عالعادة في الفيلا و بدا العشا و بما انهم نسا صافي و و حدهم حبو ياخذو راحتهم و ما يلبسوش حجاباتهم و مشاو هكاكا..لبسو الكل و حضرو القعدة و مالازمها جات الحنانة بدات تحنيلها و البنات دايرين بيها يغنيو و عاملين جو ،كملو الي قعد معاها قعد والي خرج لحنة جاد خرج،كملو وفات السهرية 11:00 بما انهم بداو بكري عملو الاولاد سويعة لتوديع العزوبية فتقو فيها مواهبهم و شربو لين فدو الكلهم لا واحد فيهم صاحي و ينجم يشد روحو و ياقف على ساقو مالتعب الي روح و الي رقد فالجنينة على بلاصتو كل حد و ثنيتو..جاد شرب اكثر واحد عقلو طار صحيح اما مزال شاد روحو شوية..البنات الكل رقدو مزالت كان هي فايقة ما تحملش الحنة بالاخص في ساقها و البنات كبشو فيها و شدولها العسة باش ما تنحيهاش خلاتهم ما رقدو و نحاتها الحس بهت قامت بدلت و خرجت للفيراندا تشم في شوية هوا..في الوقت هذا جود رجعت للفيلا بعد ما كانت هاملة لا حد يعرف عليها وين و ماشي في بالهم سافرت مع اسيل و نجد،دخلت و هي عارفة تحروكات كل واحد فيهم و عارفة انهم رقدو الكل تفقدت الامور لقات ايثار فايقة و جاد كيف كيف اما كل حد في بلاصة..
تبعتها لين خرجت للفيراندا لمقابلة البيسين وين قاعد جاد كان متكي عالكرسي بعد ما بدل دبشو و قعد كان في شورط استغلت الفرصة مشاتلو و قبل ما توصل بعثت تصاور و فيديو لايثار..كانت تخزرلو من بعيد تتبسم مش مصدقة لوين وصلو و وين وصل انجازها روضت الشيطان الي ما كان حد قادر انو يهز فيه عينو والا يتجرأ و يحكي كلمة قدامو،ترا فيه توا عبد آخر انسان تولد من جديد على يدها هي،فاقت من سرحتها على صونوري الميسانجر حلت التاليفون و ياليتها ما حلت تصدمت عينها ولات كأنها بلارة مسمرة و راكحة في بوزيسيون وحدة بدنها الكل فشل و ساقيها معادش حاملينها البوم كامل بتصاور جود و جاد و معاهم فيديو عريانين الزوز في وضعيات ما تتحلش فيهم العين بالسيف تجرأت و شافتهم و حلت فيهم عينها،بالسيف نجمت تحل الفيديو و تفرجت عليه خاطر خافت انها تتفرج عليه و يوجعها قلبها اكثر من هالوجيعة لقتلتها توا.😨😢
جود عرفت تخدم خدمتها مليح صوتها في الفيديو كان مسموع و واضح كانت كان هي تحكي نجمت تركب صوت قريب لصوت جاد اما مش واضح بالباهي.. الاكيد انهم ما كانوش وحدهم فالبيت معاهم شكون يصور فيهم،عينها حمرا و مليانة دموع خانوها و هبطو حارين على خدها ماضين كيف السكين قسموه على ثنين و تعدات😢تبسمت بوجيعة قلبها تفتفت و ذاب مالقهرة الي حستها غصة كبيرة في حلقها منعتها حتى انها تبلع ريقها،طرافها تجمدت و حواسها الكل و قفو معاد حاسة بشي اتكات عالعرصة بكات بحرقة لين معادش فيها و حلقها وجعها،اما مش فاهمة شبيها من شيرة مقهورة حد الموت و من شيرة اخرى احساس فيها مالاعماق مطمنها يقلها انو هذا الكل ما عندو حتى اساس مالصحة..هدات شوية مسحت دموعها و تقوات فما حاجة غالطة و حلقة ناقصة الحكاية مش راكبة على بعضها جمعت افكارها و عاودت حلت الفيديو وجه جاد ما كانش ظاهر التصاور الكل تصورو من تالي حتى صوتو مش واضح و قليل وين يتكلم،،راجعت روحها صحيح هي صغيرة في العمر اما عقلها كبير و ذكية رزنت و عاودت دورت الحكاية في مخها لقاتها شبه فارغة و حتى كان صحيحة و صارت حاجة بيناتهم هي تعرف حقيقة جود و هو مالو الا راجل ثيقتها فيه كبيرة و عميا، تعرفو مليح قداه يكره جود و نجد تي حتى اسيل لفنات عمرها و قصفت شبابها على خاطرو و وصلت سلمت في بناتها لحمها و دمها و تغربت معاه سنين يكرهها و ما يطيقهاش و زيد ساعات يعاملها بالخايب و ديما يحاول يتجنبها و يتجنب الكلام معاها و مع بناتها،المتأكدة منو تو انو فما حاجة غريبة مزالت مش فاهمتها و هذا ما ينفيش انها توجعت و تقهرت كيفها كيف اي مرا ترا راجلها و الانسان الي تعشقو مع وحدة اخرى غيرها مجرد انها تخيلت بدنو لاصق بدن جود شعلت فيها النار و تخنقت، رغم انها لا مرة اعترفتلو بحبها ولا خرجت منها كلمت نحبك و لا غيرها و لا عمرها وعدتو بحاجة..
هزت راسها على غفلة ترا في جود قاعدتلو في حجرو ساق منا و ساق منا شادتلو راسو بين يديها و غارقة تبوس فيه بكل لهفة..عينيها تحلو على كبرهم مالصدمة داهشة في وقاحتهم اما هذا الكل و مش مسلمتلها فيه مش باش تبعد و تخلليلها الساحة فارغة ما تحلمش بيها الحاجة هذي و نجوم السما اقربلها،هو حسابها معاه حاجة اخرى و تعرف كيفاه تتصرف معاه،،
هي سبق و خذات عهد على روحها و بدلت من شخصيتها و تقوات باش تنجم تفرض وجودها بيناتهم في هالفيلا كيف فهمت انو العقولية و الحشمة و البراءة وصيفاتها هي ك كل مش باش يوصلوها لشي..
تقوات و كبست روحها و مشاتلهم،جود عارفة انو ايثار قاعدة تراقب فيهم و مركزة معاهم،،،😡جاد دايخ يرا في جود في حضنو و تبوس فيه بكل وحشية تخيلها ايثار اما فاق على روحو كيف شافها جاية ناحيتهم بدا يستوعب اما استعابو للحكاية كان رزين و روتار برشا..
(حطواااا جااام قبل ما تقرااااو)
الحلقة 13:
الفيلا الكل رايضة و الناس الكل راقدة كانو كان هوما 3.. جود ماشي في بالها ايثار تقهرت كيف شافتهم مع بعضهم في الوضعية هاكي ياخي تقهرت و دخلت تبكي ..بينما ايثار وراهم و جود خاطرها في حضن جاد ما شافتهاش..شافها هو كيف وقفت جنب الطاولة مالشيرة الاخرى متع البيسين، ركزت عليها يدها كانت واقفة قدامهم موجوعة قلبها مفتفت و عينها تملات دموع لين ولات ترا بيها فلو،تخزرلهم بنظرة لوم لجاد و حقد و كره وانتقام لجود..ترعش بكلها مالعصب تعرف انو جاد بالعو و مش في وعيو اكيد و تعرف مليح انو جود استغلت الفرصة و عملت المعمعة هذي الكل محاولة منها انو تشربك بيناتهم و يبطل العرس.. كانت تنجم تمشيلها تقطعها طروف طروف اما رزنت و عملت عقلها و في نفس الوقت كانت تغلي من داخل نارها شاعلة ما يبردهالها شي عينها ظلامت مالغش و تعمات مالغيرة ترا في دبوزة ويسكي مركوزة قدامها على الطاولة
تحسابها دبوزة ماء خاطر ما كان مكتوب عليها شي و زيد محطوطة على الطواول الكل مشا في بالها ماء هزتها قلبتها في فمها شربت شطرها على فرد نفس مالسخانة لطلعتها، شربتها فرد نفس من غير ما تاقف و تعطي فرصة لروحها تستطعمها و تعرفها شنو،قراجمها بدات تحرق حستو ماء مش عادي و فهمت الحكاية كيف تذكرت انو اسامة قال ل اثير انهم بعد الحنة باش يعملو حفلة توديع العزوبية لجاد،شدها كريز متع ضحك على روحها..اما بعداش سايي توا فات الفوت و قريب توفاها الدبوزة ضربت روحها بكف😂تضحك و تعاود في كلمة ياا ربي سامحني،،بدات ترا في كل شي فلو و مضبب😄ولات تتراما،هي كان تشرب كاس برك تو يصير فيها خللي عاد توا شاربة شطر دبوزة و من نوع قوي مالمفروض يتخلط بنوع آخر باش ينجم راجل يشربو و هي طفلة و زيد اول مرة تحطو في فمها..😂رجعت ركزت معاهم و مشاتلهم تتطايح ساق القدام و عشرة لتالي،جاد يشوف فيها كيفاه قلبت الدبوزة في فمها قريب تكملها تصدم فيها،دايخ و مخو مفرعس مش فاهم شي و ما ستوعبش لصار كان قاعد رايض وحدو في رمشة عين لقا وحدة في حضنو مزال مش مركز و مش منجم يركز على شي جود قاعدة في حجرو مرة يشوفها هي و مرة يتخيلها ايثار و اذاكا علاه لا نجم يدزها ولا نجم يتجاوب معاها كيف كيف ايثار و على خاطر شافها تشرب مرة يراها هي و مرة يتخيلها جود داخ في مخو و حار في امرو الي يشوفو يقول مهبول و هو مرة يضحك و مرة يفد و يتنرفز يغطي وجهو بيديه الزوز و يكمل يعديها على شعرو و يكبس بيها على رقبتو..ايثار وصلتلهم ديراكت جبدت جود من شعرها لكانت غاطسة تبوس في جاد من رقبتو و تدحنس عليه و هو مسلم و مبهم مش فاهم شي،جبدتها طيحتها في القاعة و وقفتها شعرها نسلتهولها😂دارت لجاد صحيح ما عندو حتى دخل و ما عليشو لوم اما زادا هو مذنب بطريقة او بأخرى و لازم تبرد نارها شوية،هزت يدها و عطاتو كف دورتلو بيه وجهو لين خلاتلو تراس يديها الصغار على خدو😰ما عمل حتى شي قعد باهت يخزرلها شاد خدو كيف الصغار سكت سكت و اتطرشق بالضحك..قامتلها جود تصيح قربتلها ايثار بكل برود ملامحها جامدة ما توحي بشي رغم انها شاربة الا انها واقفة قدامها بكل ثيقة في النفس..شدتها من رقبتها نزلت عليها خنقتها لين ولات الاخرى تكح و تفرفط بيديها وجها تغصر و حمار😡تكلمت بالسيف كلامها شطرو مش مفهوم بين الكلمة و الكلمة توكوك و تعاود الحرف الف مرة😂
-حل وذنيك و اسمعني مليح كلمتين،،كان ماشي في بالك باش تعديها عليا و تبعدني على جاد بجرد زوز تصاور و فيديو مفبرك راك غالطة على طول الخط و حساباتك ما هياش ابعد من طريقي خيرلك راك ما تعرش شنو انجم نعمل..
جاد واقف في وسطهم حال فمو كيف الطفل الصغير مضيع كل شي و مبهم يخزرلهم مرة يطيش لبوس ل ايثار و مرة يضحك على جود لتتغصور بين يدين ايثار و زاد شاخ اكثر كيف قربتها لحافت البيسين ركحتها و دزتها بساقها طاحت في وسطو وقتها طاح فالقاعة بالضحك و ولى يصيح قحرتلو على جنب سيفت قحرة لين سكت ذبللها عينو كيف الي عامل عملة و حط يدو على فمو اول مرة تشوف براءة على وجهو😂هزت روحها خلاتو و مشات طلعت لبيتها خلط في جرتها الزوز يمشاو بالشوية و يتطايحو حيط يهز و لاخر يجيب وصلت هي قبلو دخلت و خلات الباب محلول ما تعرش الي هو وراها خالط عليها مالسخانة و العصب دوب دخلت نحات حجابها طيشتو وقتها هو وراها واقف فالباب طلع يتلبد ما عمل حتى حس شخلاها ما شلقتش بيه،تمشي شيرة الدوش تعمل هكا شيعت روبتها نحاتها و قعدت في دوبياس روج وقتها هو وين زاد لعبت عليه الدوخة اكثر و شدتو ترهويجة قوية حس معاها بفوارة متع سخانة ..الحنة و الحرقوس لمغطينلها ساقيها و يديها قتلوه و حركو فيه كل غريزتو و شهوتو..تسمع فيه يتكلم وراها و ينطق في الكلام بالسيف
-ايثار ما تفهمنيش بالغالط ستنى نفهمك ..
نسات روحها الي هي من غير حجاب و شبه عريانة ماخذة راحتها ما علا بالها بشي دارتلو بزربة و رجعتلو جبدتو و طربقت الباب بغش و بدات تصيح و تخرنن...
كلامها مش مفهوم اصلا ما تنجمش تقول كلمتين خوات في جرت بعضهم الويسكي لشربتو بدا مفعولو يزيد يقوى اكثر،،ترا فيه عريان من فوق لابس كان شورط كهو،صدرو لمفصل كل عظلة في شيرة و كل وحدة تغريي فيها اكثر مللي قبلها سموريتو لتلمع بدنو المخدوم مليح عروق ايدو الي من كثر ماهم خارجين بانت زرقيت الدم فيهم😍غصت و ولات تبلع في ريقها بالسيف كل بعد حرف تنطقو تسكت و تبقى داهشة فيه و في زينو تخزرلو و تعاود تمللي في عينها منو...
هو دايخ وجهو و شفايفو باش يتطرشقو مالحمورية و السخانة لمكنتهم ولى يرعش بكلو شيطانو حضر مخو بدا يهز فيه و يجيب معادش منجم يسيطر على روحو اكثر من هكا مللي دخل و شافها تنزع في دبشها ديراكت لون الدوبياس جذبوه و هبلوه اما باقي ساكت و صابر اما للصبر حدود و هو صبرو وفا ما في مخو كان انها مرتو و حلالو 💓هي قاعدة مقطعة روحها تعمل في مجهود و تحاول تحكي و توصلو كلامها و هو مش مركز معاها يرا كان في شفايفها تتحرك زادو خرجوه من سينتو يمشي و يقدملها بالشوية و هي عمال توخر لين حصرها بالحيط و طول لصق فيها بكلو و بقوة قريب يكسرلها ظلوعها،احاسيسهم مخلطة كانو يتنفسو بزربة و وقتها وين استوعبت انها عريانة كيف حست ببدنو و عضلات صدرو الي كيف الحجر لاصقين في بدنها الصغير لولى يرعش، تخزرلو كيفاه مركز معاها و عراها بعينيه اكثر ماهي عريانة ولات تبلع في ريقها بالسيف،رغم انهم الزوز بالعينو خيط الا انهم حاسين انو الليلة هذي مش باش تتعدا عادية و باش تقعد تاريخ راسخة في ذاكرتهم...
شاهيها و هابل عليها حتى و هو بين صحوة و غفوة في مخو ما لازموش يضرها و يحافظ عليها..الافكار لقاعدة تهز فيه و تجيب مش وقتها توا،ملي حط ساقو فالفيلا و شافها و هي بين عينو و شاهيها صبر المدة هذي الكل لازمو يكمل يصبر النهار لمزال..نهار اكهو و يوفى العذاب ليتعذبو كل وين يراها قدامو ..تكلم بصوت مبحاح مغري اقرب للهمس
-ايثار لازمني نخرج سي نون باش نغلط
-سي نون نغلطو الزوز جاد
-شاهيك و هابل عليك لازمنا نصبرو
-اي هو مزال غدوة كهو
-اما انا نحب توا
-حتى انا..
-غدوة خير
-اي اكيد
يحكيو بكل لهفة و شهوة باينة في عيونهم الزوز غريزتهم كانت اقوى منهم و غلبتهم،حس روحو باش يتهور سايي ضرب الحيط بقوة بيديه الزوز سيبها و مشى شيرة الباب على اساس خارج حلو و سكرو ما صحلوش ما نجمش يخرج عاود رجعلها يزرب هي زادا مشاتلو فيسع و كبشو في بعضهم و اندمجو روحين في روح بكل عنف و كل ما فيهم من شهوة لبعضهم ديراكت هزها جات في حضنو دورت ساقيها على ضهرو و عدات يدها ورا رقبتو،قليلة معرفة و خبرتها في الحجات هاذم صفر زكمة بكمة و عمرها ما جربت اما كانت مسيبة روحها معاه تساير فيه تتصرف بكل تلقائية و خلتو هو يتحكم فيها و يسيرها كيما يحب،هو زادا رغم هبلتو و طيرتلو عقلو كان رزين نوعا ما و يحاول بكل ما يقدر يسيطر على روحو و عامل مجهود كبير في الحاجة هذي،عشقو ليها قاعد يزيد مع كل لحظة و كل ثانية تتعدا و تفوت و بللي باش يكون عندو فكرة على النساء يبقى ناقص خبرة،اول مرة باش تتعدا عليه مرا يكون هو اول ما في حياتها و اول راجل يحط يدو عليها و فهم الحاجة هذي كيف شدتو بالسيف و باستو هي نهار خطبتو بالتهديد رغم شخصيتها الجديدة لضهرت نهارتها بالقوة الي فيها و جبروتها الا انها كانت عديمة خبرة ما عرفتش حتى كيفاه تبوسو😂 وقتها قداه فرح و طمان و زاد عشقها اكثر...
رئيس مافيا و ما خلا ما عمل في خلق ربي قتل نهب سرق عباد و تحيل عليهم حرق ديار و شتت عايلات و يتم صغار،،الخنار الكل عملو في امريكا و غيرها مالبلايص الاخرين اما دومان النسا ما كانش جوو اصلا ما لقاش الي تستهويه و تسرقلو قلبو منو و تحتل عقلو و كل كيانو او بالاحرى كان مسكر على قلبو و الحب خط احمر بالنسبة ليه ما لازمش يتجاوزو كان عامل قواعد و عايش بيهم حتى لجات ايثار و دخلت لحياتو و قلبت كل الموازين نجمت تعمل هاكا الكل من غير حتى مجهود تجاوزتلو حدودو و كسرت قواعدو و قلبتلو حياتو و بدلتو هو من شيطان رجيم ل ملاك هذا الكل ب براءتها و بساطتها طيبة قلبها ضعفها و قوتها،جرأتها ساعات،قدرتها على التحدي ،الراحة لتبعثها فيه بنظرة وحدة منها😍كل حاجة فيها مهما كانت سبيسيال .ما لقاهم عند حتى وحدو اخرى..كانو غاطسين في بوسة طويلة عنيفة قوية كلها غل و غش و عصب ممزوجة بنكهة الحب و العشق بين الغرام و رغبة مجنونة..محملها و كل مرة في بلاصة بيت كاملة خيطوها و مش حاسين على رواحهم من وسط البيت للحيط للبلكون للفوتاي و أخرتها عالفرش طيحها و جا فوقها غارق في رقبتها يستنشق و يعاود في ريحتها المخلطة بين الويسكي و الجال دوش و البارفان ليعشقها،الريحة لترجعلو روحو كل ما تضيق بيه الدنيا و تهرب منو،،كانت كيفو تمللي في صدرها بريحتو البنينة لكلها تعبر على رجوليتو الويسكي و ريحة الدخان و البارفان تغلغلو فيها و فشلوها...😨😘😍(حطوااا جااااام قبل ما تقراااااو)
شدتلو راسو بين يديها الصغار و هو حتى دايخ كل مرة يهبط فيها لقطعة من بدنها يهز راسو يسألها بعينو مقتنعة؟نكمل؟؟ و هي تجاوبو بتبسيمة تغمض عينها و تكبس عليهم بالقوي و تحلهم معناها كمل،مقتنعة😍
كان مسايسها ما كثر ما خايف عليها حتى من روحو و خايف انو يوجعها،،كان مع كل حركة يعملها يشاورها بعينو.. هي فرحانة مقتنعة باللي تعمل فيه و اصلا ماهمش يعملو فالحرام راجلها عندو عليها حق و عندها عليه حق و الحاجة هذي باش تصير الليلة والا غدوة كيف كيف بالنسبة ليهم،،بحنيتو و سياستو طيرها لسابع سما حست روحها تولدت من جديد و هي بين يديه😍هز راسو لآخر مرة يشاور فيها على آخر حاجة سألها بعينيه الذابلة الي بالسيف يحل فيهم بسبب لقاعدين يحسو فيه و عايشينو،كان مركز مع عينيها يستنا فيها على امل تجاوبو كيما العادة سكتت و بقات تخزرلو قربت راسو ليها و طبعت بوسة على جبينو تبسمت و همست في وذنو الكلمة لستناها منها برشا"نعشقك"❤ اول مرة تعترفلو و اول مرة يسمعها منها،،كلمة وحدة منها طيرتلو بيها قلبو اكثر حتى مللي قاعدين يعيشو فيه في لحظتها..قصى على كل شي مصدوم مالفرحة ما عرش شنو يجاوبها الكلام الكل ضاع و ما لقاشو ما كان عليه كان يسكت، سكت و تبسم تبسيمت فرحة بانت في عينو و على ملامحو باسها بالمعزة الي يكنها ليها الكل على جبينها و عنقها و رجع كمل منين وقف يسايس فيها كلمتها لتو قاعدة تتعاود في وذنو،دايخ و هي كملت على ما بيه..غمضت عينها بقوة مالوجيعة لحستها وقتها، وجيعة كانت على قلبها احلى مالعسل..توا ولات من آل راشد بكل جدارة و استحقاق،ولات مرتو بالفم و الملا😙دمعت عينها كانت بين وجيعة اللحظة و الفرحة،قلبو تقبض و وجعو عليها عنقها يبوس في جبينها و يعاودلها في كلمة سامحني😄 مانجمتش تقوم والا تهز طولها شوية قام هو ريقللها امورها مشى للقارد روب يشوفلها في حاجة تلبسها،رجع يسأل فيها يشوف في حاجة طايحة شوية من تحت المخدة شك في اللون و كاليتي القماش مشى يتأكد هزها لقاها الشوميز البلون متاعو ما خللى وين لوج عليها ضحك و استغرب فرد وقت
-حبي شتعمل هذي هنا و تحت مخدتك؟؟
خبات وجها بيديها و ضحكت
-اووه ريتها؟؟
-ههه ما تقليش عمتلي خلطة متع بوخوخو..تعرف ساقي حفات و انا نلوج عليها لبستها لبسة وحدة،هي عندك وانا كل ما نتفكرها و تجي هك الطفلة ل لاهيتلي بغسيل حوايجي قدامي نسخسخها مسيكنة😂
-هههه لطف يا ربي بعيد علينا و عليك نشالله،هاكي من اول نهار دخلت فيه لبيتك انظف فيها هزيتها
-معناها نهارت لكنت باش نغتصبك؟😕
-اي،،من عركتنا بحذا الباب و انت في بالي كرهتك و حبيتك في نفس الوقت😝
حك رقبتو و هبط راسو شادد تبسيمتو
-باه نصارحك حتى انا؟،،سرقتلك حاجة من دبشك
-شنو😄
-ما تضحكش؟😕
-هههه باهي
-ايثار مازلت نوصي فيك راني و بديت!😑
-هاني سكت🙊
عمللها بالاشارات فهمتو حلت عينها مصدومة فيه و شهقت شهقة وحدة 😲
-وه يا غلبتك من قلة دبشي تسرقلي خلعة😂و شكون قلك متاعي اصلا
-ههه تي هاكا ما لقيت في الشريطة و نعرفها متاعك هي الي ريتك لابستها كيف قطعتلك جلبابك نهارتها كنت باش نغتصبك بالامارة روز و بكلها دونتال و فيها بابييون😆
-ههه تي هو البوخوخو متاعك اقوى عاد،انا عاللقل شوميز اما انت ياا معلم😮
كانو يحكيو يلبس فيها و يلملها في شعرها و هي بالسيف تضحك و تتكلم موجوعة
-هذي آخرتها معناها انا جاد الي لا عمري حطيت ايدي على شعر مرا بخلاف كارمن الله يرحمها و زيد كنت صغير وقتها.. تجي انت فرخة و تحكم عليا نلمهولك بيدي زادا من غير بروس😒
-ههه😋كان مش عاجبك خللي الكازي محلول
-ممم و انا يا للا نلملك فيه خاطر وين نخزرلو ناري تشعل و نعاود نهبل عليك و مزلنا كيف كملنا و انت موجوعة ولا فايدة لذا خليك رايضة و سكر فمك من فوق 😝😘
كمل مشطلها و تكاها و رقد وراها عنقها من تالي حوطها بيدو ولات معادش ظاهرة تحتو غطس خشمو في شعرها يشم فيه و يعاود ضحك بشوية و تكلم
-في بالك فسدناه نهار غدوة؟الي بيه الفايدة ما صبرناش عليه و عملناه الليلة
-نعاودوها غدوة شنو ورانا😝
-ههه والله راك هايشة اا فرخة..اما نعاودوها متاعك ياا من عاش جمعة اخرى حتى يرتاح بدنك شوية
خزرتلو و حلت عينها داهشة
-ياا باللحق😮ما نعرفهاش هذي
-تي بلاهي اس، انت ما تعرف شي حتى البوس جاهلة فيه نهارتها صدمتني كيف شديتني بالسيف باش تبوسني و زيد سمعت كلامك و طريقة التهديد و الاستحقاق لتحكي بيهم قلت خلات و كيف بستني تصدمت اكثر بالحقيقة و شدييت ضحكتي بالسيف😂
رخات شفايفها😔
-الله غالب ما نفهمش فيهم هالحاجات ولا عمري جربتهم و زيد انت اول راجل في حياتي انا حتى القراية بطلتها على بكري و شديت الدار معناها ما صارت حتى فرصة باش نتعرف على حد
-اممم تفرجت على فديووات كيف قدر عليك ربي
-مرة مشيت حذا بنات جيرانا قعدو يحكيو على الحاجات هاذم و يقولو فما مواقع هكا و وراوني و يا ليتني ما ريت خفت كيف تخيلتهم عليا ندمت و قعدت بريود كل ما نصلي نطلب و ندعي في ربي يسامحني و يغفرلي..
-انبني ضميري و حرام مش لازم عليا نعرف خليني نقعد جاهلة خير تو كل شي يجي بطليعتو😔
شاخ عليها ضحك على كلامها و على تفاصيل وجها كان مركز معاها و هي تحكي و تفسرلو بيديها😍 دورها ليه و ركز مرفقو عالمخدة و حط يدو على خدو قعد يتأمل و يعشق فيها..بدات السكرة اتطير عليهم،الزوز بداو يفيقو و يستوعبو فللي قاعد يصير،كانو يحكيو و سكتو فرد سكتة تقول جاهم شكون طرشق صوابعو قدام عينهم فيقهم على رواحهم و خلاهم يستوعبو و يفهمو الموقف و البوزيسيون لهوما فيها.. خزرتلو بجنبها لقاتو عريان بلعت ريقها هزت الغطا شوية اطل لقات روحها شبه عريانة بخلاف الشوميز متاعو ما لابسة حتى قطعة اخرى بداو يتفكرو فللي صار من الفيديووات و التصاور متع جود لمشيانها ليهم لغيرتها عليه لدبوزة الويسكي لغلطت فيها و شربت شطرها على اساس ماء لين وصلت للحظة لخلط فيها عليها لبيتها و دخل لكلامهم للي صار و وصلولو و كيفاه رسات بيهم الاحداث للحالة لهوما فيها توا..كل شي تعدا قدامهم في رمشة عين في نفس الوقت تلفتو لبعضهم هي سكتت و هو تكلم
-نادمة؟؟
-لا.. وانت؟
-مستحيل...حلالي راك
-حتى انا
-رد بالك تخمم للحظة الي احنا تهورنا والي صار بيناتنا غلطة و نندمو عليها،،لا انت مرتي و حلالي قدام ربي و عبادو حتى كلمت تسرعنا مش صحيحة و ما تنطبقش علينا ديجا مازالو ساعات تفصلنا على عرسنا و الليلة والا غدوة كيف كيف الي صار توا مالأكيد باش يصير بعد.
-جاد مش لازم تفسرلي والا تبررلي حاجة انا مش نادمة و مقتنعة باللي عملتو و الي صار الكل
-عيشها فرختي راني نعشقها كيف تحكي كيما الكبار
-مانيش فرخة
-اووو نسيت الي انت الليلة وليت مرا و نص،وليت مرت جاد بن الياس آل راشد و من دراك
حشمت اما سألتو بصوت واطي بالسيف سمعو و ضحك عليها و على تبهليلها
-يعني سايي
فهمها و باسلها يدها😘😘
-ساايي يا روحي انت عطيتني اغلى حاجة عندك و احلى حاجة ياخوها راجل من مرتو،شرفي و شرفك في الحفظ و الامان طويتها الملحفة و حطيتها في القجر بجنبك وقت انت دايخة ما لقيتش شوميز و انا جيتك عريان الله غالب عليا و عليك😂😉
-هه مبلدك (ضربتو على صدرو)
-سامحني حبيبي وجعتك(باسلها يدها)
-احلى وجيعة و على قلبي احلى مالعسل😘
-مريتي هي العسل..يخليك ليا..اي ايجا عندي نرقدو شوية 2:00 توا هات تاليفونك نعمرو لا نتعداو في الطويل و يشدونا البنات بالكمشة الصباح😂نرقدو حتى سويعة و نقوم نخرج لبيتي قبل ما يفيقو
باستو في رقبتو،عمر التاليفون حطت راسها على صدرو عنقها و رقدو الزوز كيف الصغار مرتاحين ما يعرفوش شنو يستنا فيهم ناسين انو مع كل حاجة بدايتها ضحكة و فرحة تكون آخرتها دموع و احزان😢قام على صوت الريفاي سكتو فيسع باش ما تقومش باسها و قام غطاها بالباهي ودار ماشي شدتو من يدو
-ما تمشيش خليك
-لازم قبل ما يفيقو
-إخر همي
رجع قعد جنبها يحكي و شادلها يدها
-ما جاء الليل كان ما انا مت الف موتة من وحشي ليك عزيزتي
تنقرست مالكلمة تخنقت و قلبها تقبض
-ششش لطف عليك مالموت😢
وجعتها الكلمة حست قلبها تشق في زوز ولاتلها غصة وجيعتها قوية في حلقها تكلمت بالشوية مسلمة امرها
-باهي عيش عزيزي رد بالك على روحك،انا ماشية للحجامة انا والبنات كل شوية كلمني عيش حبي..حتى انا باش نتوحشك برشا
قلها باهي عاود طبس عليها سرق بوسة من شفايفها و خرج فادد و متيقر كأنو مش باش يرجع و كأنها آخر مرة باش يشوفها فيها..دخل لبيتو ديراكت رجع رقد يحس فللي عاشو الكل معاها كيف الحلمة الحلوة و ما يحبش يقوم منها مستعد يكمل عمرو الكل راقد على شرط يحلم بيها كان هي كهو..
هي زادا رجعت رقدت شوية لين جاوها البنات قيموها ماشين للحجامة حضرت ما لازمها الكل جابلها المصمم روبتها هبلت عليها و عجبتها عاللخر قالت للبنات باش يهبطو يفطرو و هي تخلط عليهم و ماشتلو لبيتو تجري دخلت لقاتو راقد في سابع نومة فرحانة اما حاسة روحها ندرا كيفاه تحس في احساس آخر مش باهي و مش فاهمتو شنو و مناش اصلا..ليلتهم البارح كانت احلى ليلة..ليلة العمر محفورة في قلوبهم بكل لحظاتها و كل تفاصيلها الدقيقة ل آخر انفاسهم..
تتأمل فيه بكل حب و تتبسم كان راقد على كرشو و معنق المخدة تحتو شعرو هايج هابط على عينو ل حلها بالسيف دوب شم ريحتها و حسها قريبة منو هز راسو خزرلها و تبسم تململ من تحت الغطا دار على ضهرو و هز يدو يتكسل
-صباحية مبركة يا احلى عروسة.. ممم ايييه مابنك و مابن ريحتك يا فرخة نميزك بيها و كان تبدا بين الف وحدة و وحدة
-صباح النور حبيبي..رقدت مليح
-لا كيف كنت في حضنك راقد خير و شابع بالنوم😔دخلت لبيتي بالسيف رقدت..انت سافا مازلت موجوعة؟
-شوية و برا اما لباس
جبدها عندو و عنقها و هي زادت كبشت فيه
-اقعد عندي شوية و بعد امشي اااااه شباش يصبرني عليك للعشية..حقا عرسنا بالنهار راهو 5:00 نتعدالك نلقاكم حاضرين...
صاحت فرد صيحة و قامت تخزرلو
-وه 😦من وقتاه هالقانون شبيني ما في باليش توا جاي تقللي ياخي في غرغور القايلة معناها..ما تفاهمناش هكا عاد شقام عليك 5:00 يا بابا قدمت فيه 4 سوايع كاملين يا رسول الله و العباد لماشي في بالهم الوقت هو نفسو
-ضبابة 😂(عاود جبدها)ارجع تهد يا معلم ملا حريقة هذي تنفس تنفس ارتاح و انت كشعلت و شديتها على بعضها ..ما تخافش عزيزتي كل شي مريقل عملت حساباتي و قدمت فيه خاطر عدنا وين ماشين يا للا و الا نشالله ناويتنا نعداو شهر العسل في هالحفرة زادا
-اممم فيلا كاملة حفرة ولات 😒باهي قللي وين ماشين
-المالديف😍و من غادي لتايلاند و بعد كان فما بلاصة تحب عليها مريتي نمشيولها ما ورانا شي
مالفرحة عنقتو و قامت تنقز فوق الفرش كيف الصغار.. من صغرها تحلم تمشيلهم كأنو قرا افكارها و داخل في وسطها يعرف في شنو قاعدة تخمم و شنو تحب..
-يا بنتي تهد هبلت ياخي مازلت موجوعة و قايمة تنقز السخطة هذي
جبدها جات فوقو دورت يدها على رقبتو و باستو في شفايفو بوسة حنينة حاولت تتفنن فيها بكل ما تقدر عجبتو و شاخ بيها خاطر كانت تحاول انها تفرحو بأبسط حاجة و ترضيه كبس بيدو على ضهرها و قلبها ولات تحتو
-هو مكياجك فسد فسد ايجا هنا جبتها لروحك يا فرخة
و انت لبديتها كنتشي رايض و عاقل انا تو
-ههه والله نفدلك قوم عليا مرزنك الدب هذا😝جاد امان والله البنات يستناو فيا لوطا
خرجتلو لسانها ياخي قدمها منو بالسياسة كمل باسها و برد على قلبو و قام ريقلت مكياجها و حجابها و خرجت..كل خطوة تخطيها القدام تتلفت وراها الف تلفيتة باش تزيد تمللي عينها منو الزوز كانو فرحانين اما من داخل قلبهم مقبوض و لا واحد فيهم حب يبين ل لاخر..
احساس غريب و وجيعة قوية سكنتلهم في حلقهم مش عارفين كيفاه يخرجوها و لا لاقين الكلام باش يوصفوها و يفسروها حتى لرواحهم...
(حطواااا جاااام قبل ما تقرااااو)
الحلقة 14:
الدموع واقفة على حافة الانهيار،واقفة على حافة الهاوية و تعرف مليح انو مهما هربت و مهما قعدت صامدة في وجه كل شي باش تجيها لحظة يكون فيها مصيرها الانتحار..باش اتطيح و توصل للقاع..توصل للموت.. و رغم هذا الكل مزال عندها امل انو تهب نسمة خفيفة تاخذلها همومها و احزانها،تخليها تتراجع و ترجع فيها الروح،ترجع تعيش و تعشق و تحب من جديد و تكمل طريقها رغم كل شي و اقوى من قبل...
هكا كان احساسهم يمشيو في طريق نهايتو مجهولة..
هي خرجت و هو قام لبس و هبط يشرب في قهوتو، لأول مرة في حياتو يقوم مالنوم و يشرب قهوة مش كاس ويسكي،اول مرة يقوم و راسو مش يوجع،مش مخنوق و على اعصابو..رقد و قام عبد آخر حس روحو تولد من جديد كانتلو ليلة احلامو الي ما حلمش بيها ولا عمرو وصل تخيلها بالطريقة هاكي،ليلة كل ما يتفكر تفاصيلها يتبسم و تعاود تتحرك فيه مشاعرو و احاسيسو الكل.. رجع وين كان قاعد البارح حذا البيسين لقا الدنيا الكل ملمومة و نظيفة الحس باهت شوية و قداش موحشها للحظة قلبو وجعو يخزر لكل تركينة فيها جات قدامو صورتهم،،عايلتو.. امو و بوه كيف كانو ملمومين صحيح ما عاشوش فيها برشا بحكم المشاكل لصارت و راشد الي رفض كارمن و وصلت بيه طرد ولدو.. ما قعدت في بالو كان اللحضات الخايبة اما كومام لحضات يحسهم توا حلووين..يحس في روحو خرج مالظلام للنور ابسط حاجة لبستو لكانت كلها سواد على سواد ولات الوان توا ايثار لونتلو حياتو بصمت بصمتها الي مستحيل انها تتمحا منو و باش تقعد راسخة فيه ل آخر نفس..
الحس باهت،،الفيلا كلها ساكتة جا النهار الموعود،،النهار الي ما خطرلوش لحظة على بالو حتى بالتفدليك انو يتحقق،
بطبيعتو و قسوتو و عجرفتو كان مستبعد كل البعد انو يجي نهار يحب و يتحب، يوصل يعشق انسانة بجنون حد موت توصل تولي هيا عينيه ل يرا بيهم و هواه ليتنفسو، تولي هيا نبضو و دقات قلبو لعايش بيه تبسم و مع تبسيمتو خرجت تنهيدة مالاعماق و مع التنهيدة تخنق و مع الخنقة شدتو غصة في حلقو هبطت معاها دمعة سخونة حارة على خدو😢 ما فهمهاش دمعة حزن و الا فرحة ،ممكن تكون دمعة خوف زادا،الخوف لحسو و كلالو قلبو مالصباح،خوف مالمجهول، مالايامات لمتأكد انها مخبيتلهم في طياتها حزن و بين سطورها دموع و غصة و ممكن فراق..
خذا نفس طويل ملا بيه صدرو مسح دمعتو فيسع بطرف صبعو حرك راسو حركة عملها كأنو بيها يحاول يمحي هالافكار من راسو ما يحب يخمم في شي ما يحب يحسب لشي،ايثار علمتو يعيش كل نهار لنهارو اما مش بالطريقة لكان متعود بيها هو،طريقة اخرى من غير حسابات من غير اوراق و سلاح و دمومات و موت و انتقام،طفلة صغيرة تعلم على يديها يحب و يعيش و يفهم الدنيا لكان طول عمرو فاهمها و عايشها بالغالط من غير حتى اهداف ..
الاولاد صبحو راقدين بعد الي البارح بلعو الكل و رقدو مخر،البنات عند الحجامة و كل حد لاهي في حاجة، جابتلو البون فطورو قعد يترشف في قهوتو مخو هايم و افكارو لعبت بيه تخمام يهز و لاخر يجيب،،رجع لنفس الحكاية زعمة يمشي لسيلين؟يكلمها؟ تحرق و ما عاد فاهم شي ما نجمش ينسا كلامها لفيه برشا تلميح،طيشت كلمتين خلاتهم حايرين هو زادا خمم كيف جوزيف خاف يجبدلها الموضوع يضرها و الا تصيرلها حاجة،شعل سيقارو و كمل سرح بخيالو ل في كل مرة يسرح بيه لما ابعد و مرة يرجعو للواقع،جات على بالو جود و عملتها متع البارح هز تاليفون كلم شكون و عطا تعليمات ب نفيها مالبلاد جملة،،كمل حكا و رجع التاليفون على الطاولة و رجع اتكى ..شوية و عاود سمع تنوقيزتو يقرا فالاسم لقاه جوزيف الي بعد ما حظر للخطبة ديراكت رجع لامريكا و عاود رجع آمس حضر للحنة، احساس قوي حسو لحظتها لدرجة كرشو دارت و يدو رعشة قرن حواجبو مستغرب في هالمكالمة و زيد كلمو من نيمروه متع تونس..
-اهلا بالعميل😊
-اهلا بالبووس😑
-تي وينك ياا راجل..روحتو فيسع
-الله غالب ربي يهني و كهو 😑
-آخر مرة قتلي عندك ما تحكي معايا..الله غالب ما وتاتش فرصة..
-انا فالمطار توا دوب هبط مالطيارة حليت التاليفون و كلمتك..نتقابلو بعد ساعة تو نبعثلك الادراس
-اوكي فرار..نتقابلو و نتعداو للحجام و بعد حمام بالخف مع الاولاد و يودع خوك العزوبية😂
-يعمل ربي وقتها..سلام
كملو حكاو و لاحظ جاد البرود الي في كلام جوزيف،مش هو جوزيف نفسو متع العادة😕الآية تقلبت ولى جاد ينبر و يفدلك لاول مرة و كان معاه هو و جوزيف بارد .. تنقرص منها الفازة اما ما حب يجبدلو شي و الا يسألو،كأنهم تبادلو بأرواحهم كل حد خذا روح لاخر.. زاد استغرب اكثر كيف بعثلو الادراس و كانت على كياس رئيسي ما يبعدش برشا عالفيلا يهز ديراكت لجبل..كلم ايثار توحشها حب يسمع صوتها خاطرو الوحيد ليهديه و يرتحو قصاها مالمكياج و قعد يحكي معاها قريب نص ساعة 😂😢 كمل زاد شوية و طلع لبيتو يهز في مفاتح الكرهبة و خلا تاليفونو على الطاولة...
في الوقت هذا احمد كان يراقب في جاد لحظة بلحظة ،و الي صار لكل كان بتخطيط منو هو و جود،،هو لصورهم في البيت و بما انها تعرف قداه احمد يكره جاد و شهدت عالعداوة لبيناتهم و تعرف مليح قداه يكرهو بعضهم استغلت هذا الكل،، مشات ل أحمد و اقترحت عليه الفكرة و هو ما كانش مالعاكسين وافق ديراكت ،،و ما فماش قطووس يصطاد لربي بما انو هو زادا يعرف حقيقتها وكان حاط عينو عليها اما ما لقا منين يدخللها و توا جات الفرصة لعندو،،و اكيد ما وافق على فكرتها كان ما شرط عليها ترقد معاه و اذاكا الي صار اما طاح فيهم ربي في خطتهم و فشلت خاطر ايثار كانت ثيقتها قوية في جاد و صعيب تزعزعها حاجات تافهة كيف هكا.. كان يراقب فيه من شباك بيتو الفوق و دوب شافو دخل هبط هو مالباب لاخر مشا ديراكت هزلو تاليفونو يفركس فيه و يلقى ميساج جوزيف
"ايجا بعد ساعة للادراس هذي......" ضربت في راسو حكاية كان متأكد 100% انها باش تنجح تبسم بخبث 😈
-هذي ساعتك يا ولد الياس،،وقتك وفا وبدا العد التنازلي 😈😈
خذا الادراس و مشا للباركينغ و بحكم المعلومات لعندو على جاد كان متأكد انو باش يركب في اللمبرقيني الروج وقف قدامها يفركس فيها بعينو جبد الماتريال ليستحقو و بدا يخدم في خدمتو 😣😰كمل فيسع و خرج...
جوزيف مشا و رجع عبد آخر عينو تقدح شر و ما على ملامح وجهو كان البرود،
كمل حكى مع جاد خرج مالمطار تعدا للدار سلم على سيلين و قعد معاها شوية متوحشها كانت في فرشها دخل لبيتها و قعد جنبها تكاها على صدرو و قعد يلعبلها بشعرها
-سيلينتي سافا توا.. سامحني خليتك وحدك الايامات هاذم.. والله قلبي قعد معاك هنا.
-السماح يا وليدي هاني مرة الفوق و مرة لوطا ايثار بنتي يرحم والديها جاتني بذمة هزتني معاها للفيلا قاتلي ما تقعدش وحك انت امي و ما تقعد كان مع بنتك، والله يا جوزيف وليدي قداش نحبها هك الطفلة و قداش فرحتلها هي و جاد اليوم عرسهم ربي يتمم فرحهم على قريب و يهنيهم،حبيتها تكون كنتي ايييه القلب و ما يريد،ميسالش انت والا جاد كيف كيف..
-امي ما تقليش شنو حكايتك شنو هالمحبة لهبطت عليك لجاد،من وقتاه تعطي اهمية لحد آخر غيري😕 جديدة هذي.و ايثار انت حبيتها مالأول تكون كنتك و انا وعدتك.. و باش نوفي بوعدي😏
-وه يا وليدي الطفلة عرسها العشية و عند الحجامة و انت مازلت تقلي وعد و ما وعد،اسمع راك تربيتي و نعرف مليح الهدوئ ما قبل العاصفة لعندك فاش تعجن و تخبز بابا شنو هالبرود و الامبالاة لفيك من دخلتك الساعة بيك حاجة وينو ولدي ليعلمني بكل تحريكة كبيرة و صغيرة،وينو ولدي ليشارورني و ياخو رايي قبل حتى ما يعين ابرة في خيط يحكيلي و يحط في بالي و يعمل بنصيحتي،هاني ساكتة يا جوزيف و مطفية الضو فاهمتك و حاسة راني و نتمنى يكون احساسي غالط هالمرة.. بعد هذا الكل نحبك تمشي تجيبلي جاد و ايثار عندي ما نحكي معاكم الكل..
-كل شي تعرفو في وقتو ..سامحني امي 😢
باس جبينها و قام و فهمت من آخر كلامو انو باش تصير حاجة مش باهية،،
خرج مالدار نوقز تاليفونو و فد كيف شاف الاسم
-سيدي وصلنا
-هاني جاي
لأول مرة في حياتو يكره خدمتو،الخدمة ليعشقها و عطى فيها دم قلبو،الخدمة لفنا سنين من عمرو فيها و اداها على اكمل وجه و بكل نزاهة،،لأول مرة يحس روحو يعمل فالغلط و ما لازموش يكملها هالمهمة مع انو تقرر مصيرها و وصلت لنهايتها،اخيرا باش ينتقم لموت صاحبو و باش ياخو الترقية لحلم بيه،اخيرا باش يرتاح و يرتح مخو هم و باش ينزاح على قلبو،،اما علاه مش فرحان مش متحمس مجهمة عليه و مش حابب يقدم فيها حتى خطوة،الندم ماكلو قلبو للحظة وصل خمم انو يتراجع والي باش يصير خللي يصير مع انها تتسمى خيانة و يتعاقب عليها بالحبس لسنين هذا كان مش مؤبد،ندم على اللحظة لختار فيها هالخدمة و دخل دومانها،احساسو ناحية جاد قوي و علاه هو بالذات دون الناس الكل علاه كل ما يراه يكبس روحو و يحاول يظهر قوي قدامو مع انهم الزوز فاهمين و حاسين ببعضهم،حكاية سيلين و خوه التوأم و الحقيقة للازمو يعرفها و يفهمها منها و الي باين فيها بذلت مجهود كبير و ضحات على خاطرها و تنازلت على برشا حاجات باش توصل تخبي و تخلي هالسر مدفون السنين هذي الكل،قعد ديما يأجل فالموضوع وصل يتهرب من امو باش ما يتهورش و يجبدلها الموضوع خوف منو انو يجرحها و يوجعها بكلامو و لومو يشوف في حالتها مرة مستقرة و مرة يقول سايي ساعتها حظرت و ربي باش يهز امانتو حاير شنو يعمل منا تكوي و منا تشوي يا تجرالها هيا حاجة و يبرد هو قلبو والا يقعد معلق ماهو فاهم شي،حاير كل لحظة تفوت يزيد تخمامو و يتحرق مخو اكثر و اكثرين..طلع في كرهبتو تفقد سلاحو و خلط على جماعتو الي هوما 4 من رجالو و جاو معاه من امريكا ما بطاش برشا و وصللهم خاطرو اقرب ليهم من جاد الي هو زادا طلع في كرهبتو و كيما توقع احمد ركب فاللمبرقيني الروج،احساسو قوي كأنو ماشي للموت بساقو،ماشي من غير رجوع،حاسس انو سايي وصل لنقطة النهاية و طريقو مسدود،جات اللحظة لباش تكون فيها نهاية الشيطان..
قريب يوصل.. دار دورة الجبل و سايي اقل من درج يكون مع جوزيف كلمو ايهم و ما حس من تاليفونو خير كان يصيح و صوتو يولعج تحذير مخلط باللوم و الخوف،،هذا صاحبو عشير الصغر خوه لجابتهولو الايام و المواقف اصغر منو و على اذاكا يصيح عليه يسمعو ما يكره كيف يغلط اما يحبو و الي يمس ايهم مس جاد و تعداه،ايهم خط احمر من خطوط جاد،كان يدو اليمين في كل مهمة و في كل خطوة من حياتو و المنقذ متاعو كيف تخلى و ما عاد بيها وين..
هذا الكل تعدا من في لمحة من قدام عينو هز عليه و قعد ساكت ركز على طريقو و تبسم كشاف جوزيف..😏حتى و هو في آخر مراحل مسيرتو يتبسم اللحظات الحاسمة و في الحالتين باش تاقف حياتو يا يكون على حافة الموت و الا على حافة سلب حريتو..و هنا الزهر باش يلعب دورو..و كيما كان متوقع مش وحدو مع رجالو كان في وسط اربعة رجال مسلحين واقفين و مستعدين باش يكملو مهمتهم ل آخر لحظة و على اكمل وجه يسمع في صوت ايهم 😢😣😏
-جاد رد بالك تمشي لجوزيف..كان مشيت ارجع قبل ما توصل..معاه رجا...
كان بارد ملامحو جامدة مستحيل تفهمو فاش يخمم يبان كأنو غاطس و حاط كل تركيزو و اهتمامو يخمم و يكمبص لحاجة ينقذ بيها روحو اما لا..غيرها هي ما كان شاغل بالو شي ملامحها البريئة ، لون غابتو الخضرا ليتوه في سحرها ،غمازاتها ليبانو من تحت الحجاب، بدنها الابيض شفق ،روحها الطاهرة لسلمتلو فيها البارح بكل حب و كل ثيقة،مطمان عليها و مش مطمان اما قلبو مرتاح شوية خاطر كان حاسس و قرا حسابو التاليفون لعملو الصباح كان في وقتو املاكو الكل بدون استثناء بإسمها وصى المحامي كان صارت حاجة ما يطولش فيسع و يمشيلها..😢😢عاود رجع لصوت ايهم..
-لازمك ترجع لتونس ايثار في حمايتك..خوك حانت ساعتو و الشيطان تكتبت نهايتو في التاريخ..
علق عليه و ولى يجري بالكرهبة حس فيها حاجة غريبة عجز انو يتحكم فيها جوزيف و رجالو قدامو كل شي ولى يجري و يتحرك فيسع ضحك بأعلى صوتو
-والله و عرفت تلعبها يا احمد
تذكر انو شاف خيال تعكست صورتو عالكرون متع التاليفون،خيال واقف مع شباك البيت الفوق و مركز معاه لحظة بلحظة جرب حتى يدور باش يتأكد انو الخيال اذاكا يراقب فيه هو بالذات و دوب دار الخيال مشى،وقتها كان كل تخمامو في ايثار والي عاشوه ما ركزش فالحكاية و ما دورهاش في مخو اما توا فهم كل شي،ضرب يدو عالفولون بغش كيفاه تعدات عليه هذي،كيفاه مشات من بالو و نساه على اساس امورو مريقلة كيفاه خرج منها الكلب.. هذا الكل كان كلام بينو و بين روحو،،بالسرعة هاكي الكل في رمشة يلقى روحو بعيد عليهم حكاية ميترو ما اكثرش جات عينو في عين جوزيف شاف فيهم الندم و حتى الخوف لدرجة انو عجز باش يضربو بالمسدس لكان فيدو و موجه ليه عكس رجالو الي قريب يفرغ من سلاحهم الرصاص..عجز يوقف الكرهبة و فقد السيطرة كليا عليها تبدلت ملامحو خاف مالموت لكان توا مستعدلو كان متوقع نهايتو باش تكون هكا و ممكن اعظم اما كانت تكون ساهلة عليه لو ما دخلتش ملاكو لحياتو💔كان ممكن ما يأنبوش ضميرو حتى لحظة اما توا ماكلو الندم شاف الموت من تأنيب الضمير قبل ما يموت..
جوزيف لاحظ التوتر على جاد و طريقة سياقتو و عطى اوامر لرجالو باش يحبسو،،في اللحظة ذاتها جاد تعداهم بالكرهبة كانت طايرة بيه طيران حاول يحل الباب و ينقز ما نجمش احمد خمم فالحاجة هذي زادا و قرا حساب للسانتير و ريقللها امورها..تاليفونو نوقز تنوقيزت الميسانجر لبقى محلول تصويرتها بالروبة البيضة لحلم و تمنى يشوفهم بيها و حلمو تحقق حجابها مكياجها ضحكتها و غمازاتها لنسى الموقف لهو فيه و تبسم آخر تبسيمة ليه هبطت معاها دمعة..مش دمعة خوف لا .. دمعة فرحة ومالقلب،نسى انو وصل لحافة الجبل،نسى عزرائيل لواقف قدامو باش يقبضلو روحو.. تبسيمتها نساتو في كل شي فقد حواسو.. ما حسش انو سايي الكرهبة طارت بيه مالجبل و قاعدة تتقلب هابطة بيه للحضيض،يحس في روحو قاعدة تخرج حاجة سخونة هابطة على وجهو، صوت اعظامو لقاعد يسمع فيها وهي تتكسر عظمة عظمة،،مزال مكبش فالتاليفون و يحاول بكل القوة لمزالت فيه يحل عينو و يمليها منها..وقتو وفى و عينو تسكرت، تسكرت عليها هيا بكل ملامحها،،على تصويرتها لكانت خاتمة حياتو وبيها كانت نهاية الشيطان..(حطوااا جاااام قبل ما تقراااو)
ثلاثة سنين تعداو على موتو، ثلاثة سنين تعداو بنارهم و وجيعتهم،سنين ما مشاش من بالها لحظة..ماغابش عليها..ما محاتوش حتى من تفاصيل حياتها اليومية..اسمو مذكور بين الكلمة و الكلمة في كل حديثها و الي ما يعرفهاش يقول مختلة عقليا والا بيها حاجة..
والى يومنا هذا تكون لباس عليها تقوم تبكي و تضحك في نفس الوقت..
في السنين هاذم الكل تبدلو برشا حاجات اما بالنسبة ليهم ما تبدل شي و قعدو واقفين في نفس هك النهار المشؤوم لفقدو فيه طعمت الفرحة و راحة البال و تمحات فيه البسمة من وجوهم..
تعداو ثلاثة سنين من عمرها و كبرت ولات مرا كاملة مكملة و الكمال لله،مرا راكزة على قاعدة صحيحة تعرف شتعمل،تعرف على شنو قادمة ،تزادت حكمة و ذكاء و زين ساحر على زينها تعرفت على صغر سنها بطيبة قلبها و رحمتها عالعباد و ذكاها ليمجدو فيه و شاهدين عليه الناس لتعرفها و كل رجال الاعمال ليتعاملو معاها و مع سلسلة شركات جاد بن الياس آل راشد..قليل الي يعرف اسمها خاطر معروفة في الوسط المهني باسم راجلها والي هو جاد رغم انها معرسة بجوزيف الا انها فرضت الحاجة هذي في حياتها المهنية...قوتها الباينة في عينها والي تستمد فيها من ذكرياتو و تفاصيلو لعايشة عليهم و بيهم،القوة لخلاتها تفرض وجودها بين الناس هاذم الكل و تتعامل معاهم ماهي الا ماسك من ماسكاتها الي يطيحو اول ما تكون وحدها،قعدت ايثار القديمة هي هي و ما تبدلتش،ايثار لعشقها جاد..ايثار الطفلة الصغيرة البريئة..عاشت و تعلمت من تجاربها رغم انها فترة قصيرة و تجاربها محدودة الا انها تعلمت اهم الحاجات ليخليوها واقفة على ساقها تحارب فالدنيا و في ذكريات الماضي لرافضة انها تخليها تمشي لدرجة انها كل ما قعدت وحدها وجات لحظات عاشوها على بالها و كانت نسات تفاصيلها تمشي تسأل و تعاود لين تتفكرهم..الناس الكل عايشة عالاكسجين كان هي عايشة على وهم،على سراب،على احلام ماتحبش تفيق منهم و تتصدم بالواقع المرير..
برشا حاجات تبدلو،قدمو برشا صحيح اما عواطفهم،مشاعرهم و احاسيسهم هي نفسها واقفة في بلاصتها..واقفة في نقطة وحدة..نقطة بلاصتها مشؤومة،تاريخها موجع و احداثها قاتلة...تاريخ كان من الممكن انو يكون من اسعد و احلى التواريخ الي تستحق ترسخ في مخاخهم و تتحفر في قلوبهم..
نهار كان نقطة تحول لمجرى برشا احداث و مجرى برشا مشاعر، نهار تقلبت فيه الموازين و الحسابات الكل..
تاريخ يعاود نفسو كل عام وكل ما وين يقرب تتقام جنازة في الفيلا و يتقبلو آل راشد العزاء..نهار تتعاود فيه نفس الاحداث و تتحير فيه نفس الاجراح و المواجع و كأنها وقعت اليوم،نهار الجنازة فيه ولات عادة بالنسبة ليهم،كأنو احتفال و كل عام يحتفلو بجروحهم الي جامي كان برات لحظة، والي مع كل ثانية تفوت تزيد تتحل و تتحير من جديد... ثلاثة سنين قعدو معلقين فيهم بين الماضي الاليم و المستقبل المجهول،معلقين يتأرجحو لا نجمو يعيشو المستقبل و لا يقعدو فالماضي و بين الاولى و الثانية عجزو انهم يعيشو حاضرهم مطمانين مرتاحين البال..كل عام تتقام جنازة و جنازة من غير ميت،من غير جثة ،من غير جاد.. الي ولى على لسانات الناس "المرحوم" الكلمة لتكرها ايثار و الحد الان ما نجمتش تستوعبها ولا تدخل لمخها..ماللحظة لهبط عليها خبر موتو كالنازلة على راسها لحد لآن و هي حزينة داخلها ظلام و خارجها ظلام،كانت وردة مفتحة في جنينة كل يوم بلون ولات كيف عتمة الليل وما كسر سوادو كان لون عينها و لمعتهم،غابتو الخضرا ليعشقها،حتى مع العاصفة لهبت عليهم و محات كل ذرة فرحة فيهم مزالو يشعو بالامل و البراءة و نظرة القوة لقوات و فرضت وجودها فيهم..
قعدت ايثار الصغيرة البريئة الحشامة اما بينها و بين روحها ما يعلم بقلبها الميت و وجيعتو كان جوزيف راجلها لكان معاها في الباهية و الخايبة رغم انهم ما فرحو بحتى لحظة فرحة في السنين لتعداو،كان ديما معاها لحظة بلحظة واقف معاها و حاميها،تبكي على كتفو كي تخنقها الدنيا و ذكريات الماضي لقعدت عايشة فيها و عايشة بيهم، يواسيها كيف تضعف و يقويها،كان ليها السند،كان ليها الخو لكرهها و البو لحبها و فقدتو،كان ليها كل شي الا عشق حياتها..تعرف مليح انو مهما عصفت بيها الدنيا مش باش يخليها هو وعد و كان عند وعدو..الوعد لقطعهولها هك العام و مزال عند كلمتو،كان ليها الساس الصحيح لتعرف انو مهما صار باش تلقاه كان هو لتدور اتدور و ترجع لحضنو الدافي و كلامو الحنين ليرتحها و يطمنها..وقف معاها حاول و مزال يحاول يخرجها من حالاتها المزاجية المتقلبة المفاجئة رغم انها في اغلب الوقت هادية من نهارت عرسهم للتو يكونلو عيد كيف يرا حتى خيال تبسيمتها على وجها و ما يراهم كان في حالة وحدة و هي وقت تسرح و تتبسم يعرفها ديراكت انها قاعدة تخمم و انو ذاكرتها سرقتها من حاضرها هزتها للماضي و عيشتها اللحظة من جديد..
قامت تصيح و تبكي مفجوعة نفس الحلمة هو بيدو الكابوس لتقوم عليه كل صباح من نهارت الفاجعة لحلت بيهم..كان كابوس تخاف منو و تخاف انها تعيش و تحس احداثو اما تفرح بيه خاطرو هو موجود فيه تفرح كيف تلمح خيالو و ترا شبح تبسيمتو،كابوس يبكيها و يخوفها قلبها ياقف منو اما هي قابلتو و ترفض انها تعيش كابوس غيرو..
6:00 متع الصباح..وجها احمر تلهث تتنفس بالسيف شربت شربة ماء و قامت من فرشها مشاتلو طلت عليه لقاتو راقد على كرشو متكعبر يتبسم وحدو و يلكلك في صوابع يدو شعرو الاشقر لحرير عينو الكبار فمو الصغرون 😍..تبسمت بوجيعة هي كملت حياتها اما مزالت واقفة بروحها و قلبها في لحظة موتو..نهارت لخلاها و مشا لعالم آخر..عدات صوابعها تتحسس في بشرتو الرطبة هبطت دمعة سخونة لعنة بيها حياتها و زهرها و النهار لتولدت فيه يا ليتها ماتت مع امها ولا عاشت الوجيعة هذي الكل...الي كتبو ربي و صار صار تو لازمها تكمل طريقها وحدها و تعيش على ما تبقى من ذكرياتو لكبرت معاها و فيها و باش تكبر و تموت معاها..
ايساف ولدها الثاني من جوزيف توأم حبها،توأم الشيطان لماتت و فنات بعشقو...لمت شعرها كيف ما جاء الفوق،شعرها لزاد طوال مع الايام،شعرها لشهدت كل شعرة منو على ليالي الموت لعاشتهم بعدو،ليالي الدموع لبكاتهم دم بعدو،ليالي الظلام لما شافت فيهم كان ذكرياتهم و حبهم و كل لحظة حلوة و مرة عاشوها..وقفت كالعادة فالبلكون نفس المشهد ليتعاود كل نهار.. اثير و اسامة ليشربو قهوتهم كل صباح جنب البيسين و كل مرة ياقف منهم حد يتجراو في جرت جوري بنتهم لتوا بدات تبدل في خطوتها عرسو بعد موت جاد بعام والا اكثر عرسهم كان بلا فرحة بلا طعم قيدو الصداق و كهو.. رفضت انها نعيش وحدها فالفيلا هاكي الكل رغم انو جوزيف معاها و ما حبتش تبعد على اختها هي لتبقات مالعايلة محمد خوها لمزال فالحبس و بوها لهز ربي امانتو بعد باشهرة قليلة من موت جاد كانت ليها صدمة قوية و لتو لخرجت منها..
الباب دق و تحل دارت و تبسمت شافتو جاي ناحيتها يتكعبر جاد الصغرون روح قلبها نوارة عينها ثمرة حبهم لخرجت بيها مالدنيا😘😍
-ثباح الخيل ما..ثافا
-صباح النور يا عمري..انا ثافا و انت؟
-انى انا ذادا ثافا(حتى انا زادا سافا)
هبطت باش باستو وين هو زادا عنقها و قعد في حضنها يلعب بصوابعو شعرو الاكحل مفرفش و داخل بعضو هابطلو شوية على عينو القري الكبار،شوافرو الطوال المقلوبين ليرمشهم بزربة بين التبحليقة و التبحليقة في خوه لراقد في فرشو مقابلو..
-هههههه ما ثوف يزحك(يضحك)
يصيح و يوريلها بصبعو تبسمت و هزتو حملتو و رجعت بيه للبالكون قعدو عالفوتاي و حطتو في حضنها تتأمل فيه سارحة في تفاصيلو لكانت نسخة مطابقة للاصل على بوه جاد،نفس الملامح و الزين هو بيدو نفس العينين القري الكبار الحادين،نفس الشوافر و الحواجب المقرونين نفس الفم حتى انو عندو نفس الوحمة الي في كتف بوه و خالو،نفس الشكل نفس البلاصة،غشو كيفو زادا يتسكر و يبدا يحكي بنطرة ما تفهم منو شي ما يسكتش ديما يحكي ذكي و حاذق برشا عندو دقة ملاحظة مش عادية ساعات خبيث و ساعات مغرور كيف تلبسو لبسة خير من خوه😂يسأل برشا و ما يتعدا عليه شي..هو زادا كيفها جا في وقت عزاء نشالله زهرو مش كي زهرها تعبت في وحمها بيه و تعبت بيه في ولادتو،عرسها من جوزيف كان بعد الاربعين متع جاد كل شي صار بزربة و عرسو فيسع بطلب من جوزيف كان لازم يحميها من كل شي بعد المرة لتعرضت فيها لتتبع من عصابة عندها بونطوات مع الشيطان، خافت على روحها بما انها تعرف كل شي عالعصابة هاكي و شنو عندهم بالضبط عند جاد و شنو يحبو منو حكالها ليلتها و فسرلها شنو لازم تعمل و كأنو كان حاسس بروحو😢 وزيد على هذا عرفت انها حبلة فالشهر الاول..حكات كل شي لجوزيف و هو وافق بطلب منها انو كان يقبل بشروطها تقبل هي زادا بشروطو و بقا كل شي سر بيناتهم.. 😔
تكات راسها عالفوتاي غمضت عينها و سرقتها ذاكرتها،،رجعتها ثلاثة سنين لتالي,ثلاثة سنين كاملين بوجيعتهم و بكاهم و غصتهم و صبرهم...
(حطواااا جاااام قبل ما تقراااااو)
الحلقة 15:
*فلاش باك....
كملت مكياجها لبست روبتها و عملولها حجابها حظرة على بكري و بقالها روتوش صغير بالياسر ساعة وكان تعطلو ساعتين و يتعدالها جاد يهزها و يمشيو للصالة..خذات تاليفونها من عند اثير عملت سالفي كيما وصاها و بعثتهالو عالميسانجر،شافها اما ما رجعش قعدت تستنا في كلامو الحلو متع العادة و شي ما رجعش،تنرفزت سكرت الكونكسيون و رجعت حذا البنات..رغم هذا فرحانة و طايرة مالفرحة..فرحتها مخلطة بوجيعة قوية و غصة فالحلق و هي تصبر في روحها و تقول خوف عادي تعداو بيه البنات الكل في عرسهم اما احساسها قوى و شدتها رعشة مش عادية وقت نوقز تاليفونها و كلمها جوزيف هزت عليه تتبسم و عينها تلمع الفرحة مش سايعتها اما فيسع ما تمحى كل شي طاح تاليفونها من يدها عالفوتاي و طاحت هي معاه فالقاعة تلمو بيها البنات و هزوها تكاوها يفيقو فيها، هزت دانا التاليفون لقاتو جوزيف لكلمها ستغربت و ما فهمت شي..رعش قلبها توحشتو من الليلة لرجع فيها لامريكا نساها و قطع صيلتو بيها ما كلمهاش بعد الي كان تاليفونها ما يسكتش آخر مرة سمعت فيها صوتو و قت سافر و وصل كلمها و طمنها عليه بعدها ما عاودت سمعت عليه حتى شي حاولت برشا توصلو و هو كان مسكر كل ثنية تنجم توصلها ليه، تكلمو يا ما يهزش والا يقلها لاهي فيسع و يعلق حارت و حار دليلها معاه بكات و نوحت تتغشش منو و بعد ترجع تسامحو و تهز التاليفون و ترجع تطلبو اما بتصروفاتو فهمت انو بيه حاجة و قاعد كل مرة يتسبب و يخلق لروحو في اعذار باش ما يحكيش معاها..ما تعرش انو هو زادا قاعد على الجمر موجوع و مخنوق و ما يعلم بحالو كان ربي مش بيدو انو ما يهزش على تاليفوناتها ديما يتسبب و يجبد في روحو يبدا حتى قاعد ما يعمل في شي يرا اسمها عاللكرون تطلب بآلاف المرات فالنهار و يعجز انو يهز قلبو يوجعو و يتفتفت عليها يعرف انها متحيرة و خايفة عليه و جوست تحب تطمان ،هو كان يلقا راهو سيب الدنيا و ما فيها و شد جنبها اما الله غالب هكا الضروف حكمت عليه و هذي هي الخدمة لكرهها،كل دقيقة يلعن اللحظة لختار فيها انو يكون عميل و يلعن روحو الف مرة على الضروف لخلاتو يترأس المهمة هذي بالذات،المهمة الي اضطر فيها انو يتخلى و يتنازل على حبو و على الانسانة لعشقها قلبو و خلاتو يدور ظهرو للراجل لحسبو عدوه و لازم ينتقم منو،للراجل ليرا روحو فيه،يرا خيالو،صورتو و ملامحو، هو مرايتو لتعكس حقيقتو رغم انو علاقتهم تبنات على الكره و الانتقام من الطرفين اما بطريقة او بأخرى ما ينجمش ينكر و يكذب على روحو انو الانسان هذاكا عزيز عليه و ليه في قلبو مكانة خاصة،مكانة يجهل معانيها و تفاصيلها،ما يعرش شنو نوع العلاقة لبيناتهم و الا شنو حقيقة هالاحاسيس و المشاعر القوية ليحسوها الزوز وقت يتقابلو و لوين هازتهم هالصدفة لجمعتهم عن طريق ناس اخرين في ظرف مجهولة نهايتو..
مزالت سارحة في اسمو تتذكر في وجيعتها و بكاها ،غاب عليها و جبد روحو من غير اسباب، من غير ما يبرر موقفو،خلاها معلقة مش فاهمة شي،فاقت على روحها و رجعها لوعيها صياح البنات لمفجوعين على ايثار..تقوات و كلمتو
-وي جوزيف انا دانا..شنو لصار و شنو قلت لايثار حتى داخت و صار فيها هذا الكل😕
-دانا جاد عمل اكسيدون توا و توفى😔
تصدمت عينها وساعت قريب تخرج من بلاصتها و لسانها تعقد للحظة بدنها جمد و ولات ترعش بكلها تكلمت بالسيف
-الله اكبر😨امان جوزيف متأكد😢وينو هو توا😢شكون قلك..تكلم امان ما تقعدش ساكت(ولات تبكي و تصيح)
-الاكسيدون صار قدامي😢حكاية طويلة...😔جات الحماية و الشرطة و هبطنا الدنيا الكل و ما لقيناش جثتو😣احتمال كبير انها تحرقت خاطر طاحت بيه الكرهبة من فوق الجبل و تفجرت.. مجرد انو عاود تخيل المشهد قلبو وجعو و حس روحو خرجت، الاحساس لحسو و وجيعت قلبو القوية وقت شاف الكرهبة تقلبت و طاحت سايي،نظرة جاد ليه و عينو لشاف فيهم اللوم و الحيرة،يشوف في محاولاتو لفشلت باش يسيطر عالكرهبة لكانت طايرة بيه طيران و ما نجم يعمل شي..اول مرة يحس هاكا الكل و اول مرة في حياتو تنزل من عينو دمعة على انسان بالنسبة ليه عدوه،انسان عمرو لا شافو و لا خالطو و لا عاش معاه شنو لخلاه يحزن عليه بالطريقة هاكي..دمعتو خانتو من جديد و هبطت حارة على خدو ومن حرارتها حسو تشق في زوز.. يسمع فيها تبكي زاد كملت على ما بيه تزادت وجيعت قلبو يعشقها ما يحملش فيها ،يهبل و يجن جنونو كيف يتخيلها تبكي و هو عارف انو هو السبب في دموعها ما يعرش كان باش يجي نهار و تسامحو اما نشالله تفهمو عاللقل و تعذرو...كان مزال واقف بعيد شوية على بلاصة الانفجار يد شاد بيها التاليفون و لخرا حاطها على جبينو كبس على راسو بعصب نفخ و فد كيف سمعها تبكي بالشهقة ما نجمتش تكمل تحكي معاه..رجع هو يحكي معاها و يحاول يهديها
-دانا عيشك..
الكلام وحل في حلقو ما نجمش يكمل سكت و عجز حتى باش يقلها "عيش عزيزتي"ما نجمش،ما لازموش يضعف هذي خدمتو و هذي هي الاوامر لمستحيل انو يخالفها و يعصيها،طول حياتو و طول هالسنين في مسيرتو المهنية يعرف يفرق بين خدمتو و حياتو الشخصية...
المرة هذي يحس في روحو عجز حتى باش يجبد طرف نفس يملي بيهم رواريه تمالك روحو و رجع يحكي..
-دانا يزي مالبكاء قوي روحك باش تنجم تقوي ايثار،انت اقرب الناس ليها بعد اثير مستحقتكم و محتاجتكم لازمكم تاقفولها هي توا تمر بفترة من بين اصعب فتارات حياتها كونو معاها كيف خيالها و ما تخليوهاش وحدها خاطر الي جاي باش يكون اصعب و اصعب عليها..و رد بالك على روحك انت زادا...😢😔
علق،، ما نجمتش تجاوبو و الا تزيد معاه كلمة مسحت دموعها و رجعت لايثار لكانت مسبولة كيف الميتة و البنات يفيقو فيها..حاولت تتقوى تكلمت ببرود بالسيف نجمت تتصنعو عكس الحرقة و الوجيعة لحاستهم من داخل😐
-وصلها خبر راجلها لتوفى في اكسيدون الساعة شوية(خزرت للبنات اثير و هند و هنيدة لكانو شادين جنب ايثار و الي حستهم مزالو ما ستوعبوش كلامها لقعدو يستناو فيها تعاودو)جاد مات في اكسيدون تفجرت بيه الكرهبة لطاحت من فوق الجبل...
ما لقاوش الوقت باش يزيدو يستفسرو خاطر هي بيدها ما عندها حتى معلومة فيسع بدلو لايثار لحلت عينها شوية اما مزالت دايخة و في عالم آخر مبحرة عينها في السقف لا بكات لا صاحت و لا نطقت بحرف..وصلو للفيلا للقاوها قايمة قاعدة بالعباد و الحاكم دخلوها ديراكت للبيتها و جابولها الطبيب لعاين حالتها و طلب انهم ينقلوها فيسع للكلينيك خاطرها كانت في بدايت دخولها في غيبوبة جراء الصدمة لتعرضتلها و شوف تفيق منها والا لا و لازمهم يقومو بالازم باش يمنعوها انها تصير... بالوقت وصلت الانبيلونص للفيلا و هزوها و قامو معاها بالازم و بقات تحت العناية المشددة.. اثير و دانا كانو معاها لحظة بلحظة ما سيبوهاش دقيقة..
جوزيف كان لاهي مع المحققين و الشرطة لمزالو يعاينو في موقع الحادث و يبحثو فالبلايص القريبة على امل انهم يلقاو جثتو و الا حتى اثارها وشي حتى الانفجار لصار طفاوه و بربشو الكرهبة ما لقاو كان بقايا باسبورو و تاليفونو و اوراق اخرين ما عدا هويتو..الندم ياكل فيه و ينخر في عظامو صحيح امنيتو كانت الانتقام لموت صاحبو و انو يكمل مهمتو،كان ماخذ عهد على روحو انو يقتل الي قتلو عشير عمرو اما بعد تقلبت الآية و تقلبت معاها الموازين الكل،بعد ما تعرف على جاد و الي صار الكل خلاه يبرد و يتخلى على فكرتو رغم انو فاللخر تلز انو ينفذها اما ما كانش عامل حسابو لهذا الكل،ما عملش حساب للكرهبة و انو ممكن تصير حاجة تقلب كل شي،،شكون كان يعرف انو باش يصير الي صار الكل..هذا حكم ربي و ماشاء فعل.. الخطة كانت انهم يواجهوه و يستفزوه باش يسلم روحو لسلوطات الامريكية و يخضع للبحث و ياخو جزاتو و يتحاكم على التهم الموجهة ليه والي تتمثل في تعطيل الشرطة الفدرالية على القيام بمهامها السرية و تعطيل سير ابحاث قضايا متعلقة بشبوهات فساد و تجارة اعضاء و مخدرات و اسلحة و القتل بالعمد و بغير عمد لناس كان من المفروض انو القانون هو ليعاقبها و يحدد مصيرها و القيام بمهام سرية من اختصاص الشرطة و فرقة مقاومة الفساد..جوزيف شاكك في حاجة،فايتتو حلقة لازم يعرفها شنو و يكشفها،سياقت جاد ما كانتش عادية و يستبعد كل البعد انها عملية انتحار منو و هو يعرف مليح فرحتو بعرسو فالنهار هاكا،كيف ركز معاه حس انو قاعد يحاول يسيطر على الكرهبة و يوقفها اما ما نجمش و مستحيل زادا جاد يخللي كراهبو من غير كونترول خاطرو مهووس و معين حتى شكون لاهي بيهم و حارص عليهم،حاسس فما إن فالحكاية، موتو مش عادية و ما تكون كان عملية و وراها شكون..😕😕 هز روحو و مشا يطل على ايثار لعرف انها فالكلينيك سأل على حالتها طمان عليها و رجع للفيلا يلوج يلقاشي طرف خيط يوصلو للحقيقة و اول ما وصل تعدا للباركينغ تفقد الكاميروات للقاهم مدغدشين و داخلين بعضهم لمدة درجين كاملين،مدة كافية تخللي اي واحد يتلاعب بخيوط الكرهبة و يعمل فيها حاجة شاف الوقت من وين لوين و مشا يسأل فيهم بالواحد بالواحد و ممكن تفصيل صغير و تافه يوصلو للجاني و شي ما لقا.. برد الحكاية نهارتها خاطر لازمو ياقف مع ايثار و يواسيها دخل للصالة وين عرضتو تصويرة جاد لمعلقة على كبر الحيط عينو دمعت و ما فهمش علاش مخنوق و حاسس على موتو،حس انو فقد حاجة منو و فيه،،،حاول يبعد عينو من عليه و يحاول يشتت افكارو و مشاعرو بحاجة اخرى،لقى الاعمام بنساهم و ولادهم و بناتهم الكل قاعدين يتقبلو فالعزاء معاهم راشد لكان مطيش عالفوتاي طالعو الدم و دايخ يقرقو بيه باش يهزوه للطبيب و هو شاد الصحيح في لا،،راجل كبير كيفو بوقارو و قوتو و التسلط لعندهم وراثي فالعايلة انهار قدام الخبر و الفاجعة لهدتهم الناس الكل حفيدو الي لا شبع من بوه كمل ما شبعش منو هو وفي كل مرة يكبر بيه الندم علي عملو في هالعايلة من كارمن و والياس قبل لجاد توا و حمل روحو مسؤولية كل شي صار،بعد ما تصالحو و رجعت المياه لمجاريها بعد السنين هذي الكل و بعد التشتت و الضياع لعرفتو العايلة اخيرا تلم شملهم من جديد حتى جات الموت و سرقتو منهم..
جوزيف من غير ما يشعر لقى روحو مركز مع تفاصيل و ملامح الناس الكل بدون استثناء يدور بعينو عليهم و يتفحص فيهم بالتدقيق و سبحان لخلق فيه دقة الملاحظة فيسع ما جذب انتباهو احمد لكان واقف بعيد عليهم شوية متكي عالعرصة مالي وجهو البرود و الامبالاة و ساعات يظهر عليه انو يتصنع فالحزن كأنو مش ولد عمو لمات و حسب ما سمع علاقتهم كانت مش ولابد.. عكس بقية الاولاد لكانت ظاهرة على وجوههم ملامح الحزن و القلق رغم العلاقة الضعيفة لجمعتهم اما بداو يتأقلمو في البريود الاخيرة.. بيناتهم اسامة لكانت صدمتو قوية و حالتو ما تبعدش برشا على حالة راشد و ايثار كان مستقوي نوعا ما و منهار في نفس الوقت، لا كلام يوصف و يعبر على مدى صدمتو على خسارتو لولد عمو لكانلو الصاحب و الخو الكبير و العشير كان رفيق دربو و ما ختارو كان هو دون ولاد عمو الكل،جاد الوحيد لكان مكروه بيناتهم و كان هو طول عمرو يدافع و يعارك عليه في حضورو و في غيابو،شهد على حبو المجنون لايثار،شهد على التحول لوقعلو من نهارت الي عرفها و من شيطان تحول ل ملاك،شهد على عركهم و هبالهم كيفاه يجي يشكيلو والا يفرغلو قلبو رغم معرفتو بيه قليل كلام و كل شي يخليه في قلبو بينو و بين روحو..توا قعد وحدو خلاه و مشى تمنى راو هزو معاه😢كانو مع بعضهم في الحلوة و المرة في الفرح و الحزن اما هو كان اناني و رحل وحدو من غيرو، كان مستعد يمشي معاه حتى لجهنم كان لزم.. كلام الدنيا الكل ما يعبرش على حالتو توا.. كانو يحضرولو في عرسو و فرحتو ليستنا فيها بالدقيقة و الدرج ياخي حضرولو جنازتو و هاهم قاعدين توا يتقبلو في العزاء على روحو لبقات الدور بيناتهم و ساكنة فيهم و معاهم..
لقا بلاصة فارغة جنب غسان لكان هو زادا متطرف بعيد عليهم شوية مشى قعد حذاه و حاول يجبدو بالكلام..
-الله يرحمو حد ماهو مصدق😢
خزرلو غسان و تبسم بوجيعة
-تعرف وين نراك انت تقولش جاد قدامي من نهارة لدخلت لحياتنا لا مرة فرقتكم على بعضكم و ديما نغلط بيناتك مش كان انا الناس الكل سبحانو ليخلق من الشبه اربعين عاللقل بقيت انت معانا نشالله ما تخليناش بيك نحسو بوجودو بيناتنا اكثر رغم انا ما نستحقوش حاجة تذكرنا بيه خاطرو باش يقعد معانا في قلوبنا،خسارة إنا ما كناش قراب لبعضنا برشا، جاد كان ديما حارص انو يخلي مسافة كبيرة و فراغ ما اكبر بيناتنا بسبب خلافات قديمة بين الكبار و خلصنا احنا الصغار حقها و تحرمنا من بعضنا من الصغرة..الله يهديهم و كهو😢😢
-اما الحمدلله ديما ابرك عرفت انكم على خلاف اما البريود الاخرة لاحظت انو علاقتكم الكل رجعت مريقلة معاه و تلم شملكم من جديد و وليتو حتى تقعدو قعدات و لفترة لباس بيها مع بعضكم على ما اظن..
-وي كلامك صحيح اما باقي تحس انو فما حاجز كبير بيناتنا الكل كيف نتلمو مع بعضنا خاطر الاولاد تحسهم مش الكل صافين و حتى كيف نقعدو ديما ناقصين اكيد عندك علم انو علاقة جاد و احمد سافا با و عمرهم من صغرهم لا تفاهمو.. جاد بارد و لا علاقة و احمد يبخر بريحتو و نتذكر من اول نهار حط فيها جاد ساقو فالفيلا و تلمينا العيلة الكل رحبنا برجوعو وقتها تعاركو و مرة اخرى زادا قامت القيامة بيناتهم فالمزرعة صحيح ما كناش حاملينو على خاطرو متكبر و مغرور و ياسر شايف روحو علينا اما لا حد عبر على رايو خلاف احمد لكان في كل مرة هو الغالط و حسب ما لاحظت طبيعة جاد ما تكلموش ما يكلمكش و يا ويلك كان ضلمتو و الا قلت فيه حاجة وقتها ما يرحمش عمري لا ريتو تبلى على واحد فينا والا جبدنا بكلمة رغم معرفتو بكرهنا ليه..اما كل شي تمحى كيف تبدل هو و حل قلبو لينا و دخلنا في جو بعضنا وقتها بدينا نفهمو طبيعتو و نستانسو بيها هو زادا معذور خاطر ما عاشش كيفنا بين والدينا هو تيتم على صغر سنو و لا نهار شاف في حياتو فرحة قبل ايثار الي الكلنا لاحضنا و شهدنا على حبو ليها...الله يرحمو و كهو نشالله ربي يغفرلو و يسامحو...
جوزيف بدا باش يحكي و يرا في سيلين جاية ناحيتو الظاهر انها سمعت بخبر موت جاد ما حبش يقلها باش ما يفجعهاش و بالك تصيرلها حاجة آخر مدة لاحظ اسألتها الزايدة و استفساراتها الملهوفة على جاد و اصرارها انها تعرف اخبارو و حتى تفاصيل حياتو اليومية كان لزم ،اما بللي تخيل ردة فعلها ما جاش البالو انها باش تكون بالطريقة هاكي.دوب وصلتلو ترمات عليه من كلامها و تصروفاتها الي ما فرزهمش ان كانو لوم و الا اتهام و الا شنو بالضبط.. شدتو من كتفو تخض فيه بجهدها الوافي، تصيح و تبكي تقول ماتلها ولدها، الحاضرين الكل تحول انتباههم ليهم هوما و الضجة لعملتها سيلين بعد الهدوئ لكان مخيم على الصالة خلاف صوت القرآن و المقرين،،تبكي و تحكي لين يتسد عليها النفس تجبد الهوى بزربة لين تسمع شهقتها تسكت لثواني و ترجع تحكي بزربة و تصيح😢😰
-علاه هكا علاه والله حسيتك باش تعمل حاجة علاه كلمتو و علاه حبيت تراه و تقابلو كان مش انت راهو حي و عايش بيناتنا😢كان مش انت و خدمتك و مهمتك الزفتة رانا قايمينلو عرسو توا مش جنازتو،يا ربي لا تشويني و لا تذوقها وجيعة لولية،،(زادت كبست على كتفو و ركزت عينها في عينو) تعرف هكا شكون؟ هاكا خوك😲هاكا لحمك و دمك😲هاكا التوأم متاعك😲هاكا لكنت تجري في جرتو سنين و سنين،هاكا لأصريت و حلفت بيمين انك تنتقم لموت صاحبك منو ،هاكا لمات و لا فرح ولا شاف فرحة في حياتو، هاكا ولد امك و بوك كارمن و الياس دمكم واحد و روحكم وحدة😢(جبدت تصويرة لجاد و هو عريان من فوق و حطتها قدام جوزيف) حل عينك ثبت شنوا الي في كتفو اليمين من قدام،مش نفس الوحمة الي عندك ؟!!اه تكلم و امبوسيبل كان باش تقللي ما حسيت شي ناحيتوو 😢😢يا ربي علاه هو راني ما شبعتش بيه حضتنو مرتين في حياتي في ولادتو و قبل موتو،علاه هكا يا ربي ما قلناش لا و ما عارضناش حكمك يا ربي صبرنا و سامحنا يا ربي..يا ربي تغفرلو و تسامحو..😢😢
شدتها الدوخة ما نجمتش تكمل تحكي طاحت فالقاعة تبكي و تخبط لين صوتها ضاع😢...
افكارو ولات فلو في مخو عينو ضباب ما يرا في شي بعد الي سمعو راسو وجعو شدو بين يديه الزوز و عطاهم بالقفا وقتها وين بدا يربط فالخيوط و بين الاحداث لصارت و الاحاسيس الغريبة لحسها...(حطواااا جاااام قبل ما تقرااااو)
حط يدو على راسو مصدوم و مش مصدق لقاعد يسمع فيه،الحكاية جات على بالو و تخيلها برشا مرات بينو و بين روحو اما كانت مجرد وهم و خيال ،خلاها في قلبو و ما حكاها لحد اما توا جاه النهار لتحط فيه قدام الامر الواقع،تخيلاتو،احلامو و اوهامو ولاو حقيقة على ارض الواقع،حقيقة حلوة جات فاللخر ولات مرة، حقيقة مش منجم يصدقها و يستوعبها، كيفاه؟علاه؟وقتاه؟شنو لصار؟شنو هي الحكاية بالضبط؟دوامة اسئلة تضاربت في مخو .. الاف لما لقالهمش حتى اجابة و حتى تبرير،راسو وجعو،دخل بعضو و معاد فاهم شي،برشا تصاور و احداث صارو،برشا احاسيس حسهم و عمل مولى الدار مش هوني و تفادى حتى التخمام فيهم،ما حاولش حتى انو يسأل روحو ياخذ وقتو و يخمم،ما حاولش يتمعن اكثر فالموضوع و يبحث فيه و يحاول يلقى طرف خيط يوصلو لحقيقة شكوكو و يثبت صحتها..
يخزرلها بنظرة مش مفهومة معانيها،نظرة مخلطة بين اللوم و الحيرة لسيطرة على ملامح وجهو،برشا اسألة حكاتهم عينو من غير ما يتكلم و يعبر..
مزالت مطيشة في القاعة راسها مرخي تبكي و تتخبط بحسرة و حرقة و فيسع ما تلمو بيها النساء هزوها و قعدوها عالفوتاي..الكلهم مصدومين و في حالة ذهول مش فاهمين الكلام لتقال توا و ما دخلش لمخاخهم،مزالو ماهمش مستوعبين مدى اهمية و خطورة هالقنبلة لهبطت عليهم من العدم و تفجرت قدامهم و على مسامعهم،،الكلهم وقفو😲اما قعدو جامدين في بلايصهم بصغيرهم و كبيرهم،، راشد لكان دايخ طالق الاربعة شاد قلبو و يقيسولو فالدم و السكر لطلعوه هز طولو بالسيف يحاول يفهم شنو لقاعد يصير،قام تركز على عكازو و قدم ناحية سيلين،مذهول و مصدوم عاقد حواجبو و مضيق عينو لراشقهم فيها يحاول يركز و يستوعب لسمعو،قعد حذاها و مرة يخزرلها هي و مرة يخزر لجوزيف لكان واقف مقابلو ،تكلم و خرج صوتو مبحاح متقطع😟😢
-هدي روحك عيش بنتي و حاول فهمنا شنو هالحكاية لتلعطلنا بيها و جبتهالنا على غفلة و علاه في الوقت هذا بالذات😮منين تعرف الياس ولدي؟ زيد احنا ما عدنا حتى علم انو كارمن عندها اختها؟
جاوبتو بخنقة تبكي بالشهقة تحاول تسيطر على دموعها لغلبتها و مش منجمة توقفها..
-منين باش تعرفو و انتوما رفضتوها قبل ما تتعرفو عليها..كان سر تعاهدت انا و كارمن انو يبقى مدفون فينا و يموت معانا،قريب ثلاثين سنة توا وانا هازة هالحمل على ظهري لين تقسم و تقسمت انا معاه،معادش فيا و معادش انجم نخليه مدفون في قلبي اكثر من هكا،تعبت و عييت ضحيت و تنازلت على برشا حاجات و في اللخر خسرت كل شي و مشات تضحياتي مع الريح😔امنية حياتي لخرى بعد ما عرفت انو عندي كونسار كانت اني نعاود نراه نحكيلو الحقيقة و يسمعها مني مش من غيري و الا يسمعها بعد ما يفوت الفوت الي هو ديجا فات،تمينت نحكيلو عيني في عينو نواجهو و يواجهني تمنيت نسمع صياحو و عتابو و لومو و نرا غشو،تمنيت نحضنو و نشبع من ريحتو،نحضنو و هو عارف الحقيقة كاملة مش و انا مخبية عليه و يعرفني على اساس مرا عادية تجي للفيلا كيفها كيف غيرها😢😢هذا الكل قعد حلم و تمني،فات و قعدلي حسرة في قلبي رحل قبلي و حرقلي قلبي شواني و مخيبها شوية و ليعة...كارمن اذيكا روحي و نبض قلبي اختي لحرمتني منها الدنيا و قدر الله و ما شاء فعل،كنا ما نتفارقوش لحظة، العباد ماشي في بالهم الي احنا توامة رغم فارق السن لبناتنا و انا نكبرها بعامين وياسر نشبهو لبعضنا😊تعرفنا حتى على زوز اصحاب و عشقناهم الياس و أيمن،قرينا مع بعضنا في الجامعة من قروب لاصحاب لحب لعشق كبير،كبر حبنا و كبرنا معاه عرست انا قبل كارمن تعداو سنين و انا ما حبلتش طبة و دوايات و ما خلينا ما عملنا في اللخر نطلع انا ما نضناش،تأزمت و مرضت تعديت بديبريسيون قوية برشا و صار فيا،كانت اختي واقفة معايا لحظة بلحظة مساندتني و حاسة بوجيعتي و حرقتي، بعد فترة عرسو هي و الياس و عرفت انها حبلة لكن وقتها ما كانتش مستعدة و واتت الفترة اذيكا هي في اوج صعودها و ترقيتها في خدمتها لكانت تعنيلها كل شي بعد الياس قالت مش وقتو و حبت تنحيه و خلطت عليها انت يا سي راشد في آخر لحظة منعتها و هي تراجعت و سلمت في قرارها ،بعد اشهرة اكتشفت انها عندها توامة اولاد وقتها حست بالأمومة و الفرحة كانت مش سايعتهم هي و الياس،،فرحتها ما دامتش خاطر انا في النص و زادت حست بيا اكثر و بحرماني و على اذاكا خذات عهد على روحها انها تعطيني واحد من التوامة و صار الي صار في ليلة ولادتها رجالنا كانو مسافرين في خدمة و كان انا معاها تعداو سوايع و جاو الاولاد للدنيا عطاتني جوزيف بعد ما اعترفتلي و صدمتني بمرضها لفاقت بيه روتار برشا،وصل بيها لمراحل متقدمة فات عليها الفوت و ديجا بدات عليها الاعراض البريود هاكي و حد ما في بالو،سبق انها تفاهمت مع الطبة لباشرو بحالتها باش في صورة ما يحاول الياس يستفسر على حاجة يقلولو انها تعرضت لنزيف حاد خلال العملية و اضطرو انهم ينقذوها هي و واحد من التوامة كهو و فقدو لاخر..حسيت بليعتها وقت سلمتني جوزيف😢الشوية الي في عينها ما ننساهاش و باش تفرحني انا عفست هي على قلبها و ضميرها و فرحتني انا على حساب تعاستها هي..
ما حاولتش اني نمنعها و لا نرفض طلبها،جاريت احساسي و مشاعري بالفرحة و ما اهتميتش بيها و ما رعيتش وجيعتها و قهرتها لحست بيهم، في جرتي انا حرمت ام انها تربي كل ولادها و تفرح بيهم رغم اني على علم بأيامات القليلة لتفصلها على موتها،و حرمت خوات توامة و تجاهلت احساسهم ببعضهم في كل فرحة و حزن و خوف و فجعة حسوها و هوما بعاد..كان مش انا و انانيني ماكانوش تفارقو ولا مشى كل واحد فيهم في ثنية واحد في طريق الحق ولاخر في طريق الباطل..نعرف مليح شعملتو فيه و في صغرو وكيفاه كنت تعاملو في كارمن و الياس و ما نقلكم كان ربي يسامحكم نظرتكم لينا احنا القورة يا سي راشد وانت اكثر واحد رفض اختي خاطر دينها رغم انها كانت مستعدة ترضيكم و تعمل الي تحبو باش تقبلوها بيناتكم و هذا الكل من عشقها لولدكم الياس اما انتوما تسرعتو و حكمتو و فعلتو و ضريتو..رفضتونا خاطرنا كيما تزعمو احنا كفار و نلبسو العرا و بينا و علينا و صفتنا و نعتنا و دينا غير دينكم الاسلامي و نعملو فالغلط ووو.. نقلكم مالا انو انتم الكفار في عقولكم نعرف مليح قداش دينكم نظيف و طاهر و صحيح زادا اما احنا شعب الله المختار كان نسيتو و هذي نظرة راي كل شعب في دينو.. مواضبين على صلاتكم و عداتكم و تقاليدكم و حشمتك و بهذا الكل تعملو في الغلط الي سميتوه علينا كيف الشعوب الكل و ربي يهدي ما خلق نحب نعلمك اني اعلنت اسلامي و مسلمة كيفي كيفكم راجلي ما جبر عليا شي و قبلني كي هو كي عايلتو كيف ما انا و على طبيعتي و حبوني.. مع الوقت عرفت على دينكم برشا حجات و في عمري هذا مزالت نحب نعرف و نتعلم و نطبق،كيفي كيفكم نصلي و نصوم و حاجة انا و ولدي،اختي لكانت مستعدة تعمل الي عملتو انا و اكثر و ديج عملتو و رفضتوها.. و تشتيت العايلة هذا بدا منكم يا بو الياس و يا خواتو العزاز،انتوما بديتو وانا كملت و ربي قاعد يحاسب فيا في الدنيا و مزال حساب الآخرة و الدور جاي عليكم اكيد..ربي عاقبني و عاقبكم بموت الغالي 😢من صغرو لا شاف هنى و لا عاش فرحة،، عاش يتيم و كملتو يتمتوه خليتوه يعيش بعيد عليكم و يختار طريق غالط في نظرو صحيح و في نظري انا ما هوش مجرم كيما نعتوه..ولدكم لحمكم و دمكم لا عمركم سألتو عليه ولا جاء لبالكم تعرفو كيفاه عاش و شنو حس،،صدقتو قسوتو و برودو و عجرفتو الي وراها طفل صغير موجوع مستحق لحضن دافي يتكى عليه و ما لقاه كان عند ايثار لعشقها و تنفس حبها و طبعكم بالغرور و السيطرة في الاصل حاجة عادية في عايلتكم و وراثي،صدقتو الاشاعات و الكلامات لتقالت عليه و ما حاولتوش مرة رغم سلطتكم و نفوذكم انكم تتأكدو من صحة لسمعتوه..لهاتكم الدنيا و الجري وراء الفلوس و الجاه و السلطة والمراكز لين تشتتو و حرمكم ربي من الي تحرمتو منو سنين..وتوا ماكلكم الندم و الحسرة موتو يااا آل راشد فات الفوت و ماعاد ينفع ندم وملام😡رحل الغالي و هجر لبعيد من غير رجوع😢رحل و شوانا خلانا في نارنا و قهرتنا،صلحو من رواحكم الدنيا فانية، العيب و الخيابة عوضوها بحنية و آقفو مع هك الطفلة المسكينة لمطيشة توا بين حياة و موت فالكلينيك كونو معاها و عوضو عمايلكم بخير فماش ما يسامحكم و يغفركم...(خزرت لجوزيف لكان يسمع و كل كلمة منها صدمة ليه هو 😔) هذا زادا ولدكم توأم المرحوم و ما نحكيش على الشبه ل واضح وضوح الشمس و الي غطيتوها بغربال و ما دخللكمش حتى الشك انو خوه مشيتو بمقولة و يخلق من الشبه اربعين و ما طبقتوهاش و ما بحثتوش فيها.. و الي مزال مش مصدق كلامي فما تحليل الدي آن آن موجود و تنجمو تتأكدو..سامحني جوزيف خبيت عليك السر هذا الكل طول هالسنين اما الله غالب الوعد لقطعتو ما نجمتش نوفي بيه كيما وفات بيه امك و تتدفن معاها،نشالله تسامحني يا وليدي و تغفرلي حرمتك من امك و خوك و بوك و هوما حيين و حرمتهم منك..الصباح كيف قتلك جيبلي جاد و ايثار عندي ما نحكي معاكم وراس وليدي وقتها كنت خذيت قرار اني باش نبوح باللي في قلبي و نحكيلكم كل شي😢مش كاتب هكا حكم الله المولى..
تحكي كلامها مرة مخنوق بالغصة مرة ما تنجمش تحكي مالبكى مرة تصيح و تلوم على راشد و اولادو مرة تحكي بحنية مع جوزيف و مرة تتحسر على جاد..😢كانت متقلبة و منهارة مش فاهمة روحها ما سكتت و هدات كان ما قربلها جوزيف و عنقها بكل المعزة و الحنية لفيه باس جبينها و عنقها خنقو البكا و هبطت دمعتو على خدو في سكات😢
-شششششتتت كنت امي و مازلت ما عنديش الحق نلومك هكا ربي كتبلنا في كتابنا و هكا حب و صور اقدارنا صحيح متغشش عليك اما مش باش نعترض على حكم ربي لصار سايي،و ما تقعدش تلوم في روحك على حاجات تعرضنالهم انا والا جاد و في نضرك كان مش منك راهم صارو بطريقة برفاي و صحيحة و ايجابية، ممكن كان مش انت حياتي تكون سلبية اغزر لوين وصلتني عمرك لا حرمتني من حاجة و حبيتني و نحيت من فمك و لحمك و صحتك و عطيتني انا اليوم هنا بفضلك يا امي و حتى بالحقيقة هذي مش باش يتبدل شي امي لجابتني ماتت الله يرحمها مازلت انت لربيتني و تعبت و سهرت عليا ربي يباركلك يشدلك في صحة بدنك و يشفيك يطول في عمرك و يخليك ليا..انا مهما عملت مش باش نوافيك ثلث حقك، ربيتني على الصدق و القناعة و انو عين بنادم ما يمليها كان التراب،،
شوف انا وين اليوم.. بفضلك في اعلى المراتب قريتني و وصلتني للي انا فيه توا بفضلك انت انا اليوم جوزيف الي عمرو لا ظلم حد و لا عملت لغلط و لا ندمت على حتى شي خاطر وين نرجعلك ضايع طالب نصيحتك ما تخيلنيش تاقف معايا و تقويني بكلامك تقنعني و نختار الصحيح،،مللي جيت و تقابلت انا و جاد حسيت بأحاسيس غريبة كنت حسيتها قبل و انا ما نعرفوش رغم كل شي انت تعرفو على خدمتنا الزوز،احنا قلبين في قلب و روحين في روح وصلت اني في النهار لقابلت ايثار حبيتها كيف ما حبها هو اما بعد تراجعت على حبي و مش باش نتراجع على وعدي ليك...الكلام توا زايد (تلفت لراشد لكان ماكلو بعينو يتفحص في تفاصيلو و يدقق في كلامو لما فهمش جزء غامض منها)و بالنسبة لحكاية الدي آن آن و هالعايلة مش وقتها و ربي يعمل دليل فيها..توا تكمل جنازة المرحوم ناقفو لبعضنا و نتلهاو بإيثار ليعلم بيها كان لخلقها..
راشد كان شبه منهار من الكلام ليسمع فيه كيفو كيف بقية العايلة لكانو حاضرين على كل شي بالتفصيل،قدم شوية ناحيتو مد يدو يمس في وجهو بحنية عينو دمعت و دمعتو هبطت،دمعة ندم عللي فات و تعدا و جامي كان يرجع
-السماح الي باش نطلبو الكل مش باش يكفي اغلاطي،،تنجم تعنقني؟؟
تبسملو جوزيف بوجيعة و عنقو تلقاو الاجيال الزوز و تضاربت مشاعرهم و احاسيسهم لبقات مدفونة سنين الزوز بكاو ملي حسوه،تخلطت معاهم وجيعة الموت بفراق الاحبة و حرمان الماضي كل شي باش يتصلح و يتريقل و يتصفى هكا كان قرارهم،انهم يعوضو الماضي و الحرمان و يعيشو و يتعايشو مع بعضهم في نفس الدار و تحت نفس السقف..
تعدات الايام و جات الاربعين لتعاودت تحيرت فيها المواجع و الليعة تقامت مندبة اخرى و بالسيف تجاوزتها ايثار لفاقت من غيبوبتها و خرجت من الكلينيك..جوزيف رجع هو و سيلين بطلب و الحاح من راشد و بقية العايلة انهم يرجعو يسكنو في الفيلا متع جاد و يعوضو لفات بعد احساسهم بالذنب و ليعة الفراق لعمرو ما يرجع غايبو..
كانت من بيتها ما تخرجش و ما حاولتش حتى تدخل للبيتو الي كانت باش تولي بيتهم ،ما حبتش تشوف كيفاه ولات و شنو بدل فيها خاطر حضرلها فيها برشا مفاجآت و خلاها تعطيه وعد انو مهما كلاها الفضول ما تدخللهاش كان معاه هو ليلة عرسهم و هكا لصار بعد موتو طلبت انهم يخليوها كيف ما هي و يسكروها،،كانت متكية في بيتها لين جاتها البون دقة الباب و دخلت
-مدام ايثار العايلة الكل يستناو فيك لوطا
ستغربت من جيانهم وقفو معاها و ديما متواصلين بالتاليفون اما هي تعرف قداش لاهين
-😕العايلة؟علاه شفما و وقتاه تلمو؟
-محامي المرحو..
قصات عليها غمضت عينها نزلت على سنيها بوجيعة
-منى الف مرة نقلكم الكلمة هذي ما تتقالش لا قدامي و لا في قفايا..و المحامي شعندو جاي؟
-سامحني مدام نشالله معادش تتعاود😔ما نعرش الظاهر كلم العايلة الكل و جمعهم هنا، هو توا جاء و قلي عيط للمدام..
-باهي هاني هابطة
قامة لبست شلاكتها و جيلاي صوف بحكم الدنيا شتاء و باردة لفت حجابها كيف ما جا تعدات من قدام المرايا كأنو خيالها مش هيا ضعفت برشا و ماتت عينها ذابلة ماليتها الدموع لرافضة انها تهبط و تريح قلبها شوية و رغم السواد لتحتهم و التعب لماليهم مزالت لمعتهم كيف ماهي ما تمحاتش،لمت جيليتها بيدها و كبست عليها😔هبطت فالدروج وصلت للصالة وقفت تتأمل في صورتو شردت معاها و فيسع ما فيقها صوت المحامي لوقف يسلم عليها..
-عسلامة مدام
-عسلامة خويا..قالولي ناديتني و ما نظنش كان الموضوع يعنيني (سلمت على بقية العايلة و قعدت)
-لا مدام الموضوع انت المعنية بيه مش غيرك و استدعيت العايلة الكل باش يكونو على علم و دراية بكل شي..
تكلمت عايشة ام اسامة
-بلاهي سامحني كان قصيت عليك..من بكري و انت تناديلها مدام مدام و هي مزالت مش معرسة الله غالب ربي ما تممش فرحتهم
-و هذي من بين الحاجات لباش نوضحها نتمنا تسمعوني للخر..نقلها مدام خاطر فعلا هي معرسة و راجلها المرحوم ولدكم سي جاد😨و كتبو صداقهم بعد جمعة من رجوعو لتونس لاسباب مجهولة ما يعرفها كان سي اسامة بعدو هو و المدام ايثار..
الكل تصدمو جاو يتكلمو وقفهم اسامة
-ما يتكلم حد خلاو الراجل يكمل للخر و حد ما يقصي عليه
-عيشك سي اسامة..انت كنت الشاهد الاول على عرسهم و ليك معزة خاصة عند المرحوم الي كان حاسس بروحو و على اذاكا قرر يكتب وصيتو و يحفض حقوق مرتو الكل(هنا انظار العايلة الكل توجهت لأسامة و ما تجرأ حد ينطق بحرف) جيت روتار شوية رغم انو قللي اول ما تصير حاجة تعلن الوصية سامحوني،،ندخلو فالموضوع..سي جاد خلا املاكو الكل من عقارات و شريكات و مصانع و فيلات و كراهب و املاكو الكل سوى كانت في تونس او خارجها بإسم مرتو والي هي ايثار بإستثناء فيلة سويسرا و ما تابعها بإسم المدام اسيل لباشرة بتربيتو و حب يكافأها هكا و كتب كرهبتو المرسالاقو بإسمك يا سي اسامة خاطر يعرف قداه تحبها،و بالنسبة لتفاصيل ادارة الاملاك قلي عندو ثيقة كبير في ايثار و هي تو تعرف تتصرف في كل شي،هذي كامل الوصية و بقية التفاصيل تلقاوها بالتدقيق في الدوسي هذا...
كانت راخية راسها هزتو و تبسمت بوجيعة
-سامحني هاذم انجم بيهم ارجعو للدنيا عايش معانا و بيناتنا؟
ما رجع عليها حد و ما لقات من سكوتهم كان اجابة على سؤالها قامت مدة يدها سلمت على المحامي و شكرتو،طلعت لبيتها ما علا بالها بشي ولا بللي قاعد يصير هربت من اسألتهم و خلات المهمة لأسامة لتعرف انو باش يجاوبهم نفس اجابتها..
تعدات الايام و ما تبدل شي..نهار منهم قامت و كالعادة خرجت شوية للبالكون لقات روحها تحاول تستوعب لصار و تغصب على روحها انو ترضخ للحقيقة و الواقع الي مافيهش شك انو مرير..راجعت روحها و فاقت شوية على وضعها لازمها تكون قوية تعرف قداش تعب و شقى باش وصل كون هالثورة و عطى قوة و جباروت للامبراطورية متاعو طبع اسمو و سمعتو بين العباد و خلاهم راسخين في اذهانهم و لازمهم يقعدو راسخين و يقعد اسمو عالي في السما،تقعد شريكاتو و املاكو متواصلة و في تطور و تحسن و لازم تاقفلهم و ما تمشيش ثيقتو فيها هباء،،حتى و هو غايب و بعيد بعد الي مافيهوشو رجوع الا انها لازم تخلي روحو حية كيف ماهي في كل الاوساط سوى كانت عائلية والا مهنية..كأنو شكون جاء و نفخ في وجها فيقها و حللها مخها و قواها..ما تعرش منين جاتها هالعزيمة و القوة هذي الكل..ديراكت دخلت دوشت و خرجت لبست فالنوار كالعادة كلمت المحامي بعد ما تفاهمت تتقابل هي وياه في الشركة و طلبت منو يعمل اجتماع لكل الموضفين كبار و صغار،..
هبطت لوطا لقاتهم يفطرو،اثير و سيلين و جوزيف لولى اقرب ليها من خيالها في الفترة هاكي و هي طلبت منهم و اصرت انهم يعيشو معاها و هي فرحانة بالحاجة هذي و فرحو هوما اكثر كي هبطت بإرادتها و الظاهر من هيأتها انها خارجة
-صباح الخير
-سيلين:صباح النور بنتي سافا..شحالك اليوم
-حمدلله خير شوية
-جوزيف:صباح الفل..وين على خير عزيزتي
-يزي ما رقدت لازمني ناقف لروحي و نتحمل المسؤولية لبقاتلي و نكمل في الطريق لتعب و شقى باش سطرو و مشى فيه
-جوزيف : صحيت هذا لكان لازم يصير عندو برشا ميسالش كل توخيرة فيها خيرة و حمدلله عليك كيف جيت لكلامنا،احنا ديما معاك في كل خطوة تخطيها
-جوزيف امان ايجا معايا كلمت المحامي باش يعقد اجتماع مع موضفين الشركة اول نهار ليا و زيد تعرفني لا قارية بالباهي و لا نفهم في هالمواضيع و حتى المحامي مش باش نكون مرتاحة و على طبيعتي معاه
-انا املاكي مطيشة لا شكون تلهالي بيهم برا انت صرفت صرفت تو نعملك توكيل و آقفلي حتى انا على رزقي 😛
-يزي امان وقت ضمارك و مساطتك توا
-باهي يا لليلا ما نمشي معاك كان ما تصفي الي على الطاولة الكل و تحاسبني بالاصحنة و الكيسان فارغين..
و بالحق هاكا لصار تقطعت على الماكلة و الدنيا الكل و عزلت روحها ممكن لقرار لخذاتو يخرجها اوموان شوية ملي هي فيه و تحاول تلاهي بيه روحها خير من قعدانها في بيتها بين اربعة حيوط تسقط في دميعاتها...
كملو و خرجو في الطريق،، ساكتين اما حسها تحب تقول حاجة
-ااا فرخة شبيك ساكتة فاش تكمبص حاسك تحب تقول حاجة
-اممم نحب برشا حاجات و اولهم نرجع نقرا و نتعلم نسوق وحدي و نخالط الناس و نعرف برشا حاجات باش انجم نكمل نوقف الشريكات على ساقيهاو نواصل فللي كان يعمل فيه جاد و نكون قد المسؤولية لخلى هالي و هو كلو يقين و ثيقة فيا اني باش نكمل في طريقو
-باهي يا لليلا توا نحضرو للاجتماع نشوفو ماهم وين يصب ومن غدوة نقيدك ترجع تقرا تركح امورك و تدخل تتعلم السياقة و اوكى منو تقرا و منو تعدي بقية وقتك فالشركة تتعلم و لوقتها نشد انا بلاصتك لوين تاقف انت على ساقك ترجع تشد كل شي..اما هذا الكل لازمو عزيمة و قوة و تحدي لروحك باش توصل تحقق الي تحب عليه الكل و انا معاك في كل شي..
وصلو لشركة و غادي وين تقابلو بالمحامي و عرفهم على الموضفين على انها مرت جاد و جوزيف خوه التوأم لتصدمو حتى هوما في الشبه الكبير لجمعهم..قاعدين هي على راس الطاولة جوزيف على يمينها و المحامي على يسارها يفهمو فيها على قد عقلها و هي تسمع و ساكتة و الي ما تفهموش تسأل عليه، صغيرة فالعمر مش قارية اما ذكية فهمها ساهل و فيسع تكبتي الحاجة و تتعلمها،جوزيف تفاصيل خدمتو الي خذا منها كونجي مطول و مفتوح مزالت ملاحقتو و مشات في دمو باقي يدور في عينو الحادة و يحاول يفهم كل واحد موجود و فعلا شك و دارت الشبوهات و اصابع الاتهام على موضفين اكتشف بعد تتبعهم و بحث عميق و مفصل انهم جواسيس و متحيلين لا غير يهزو في تفاصيل دقيقة لناس و اسامي ما عرفهمش..و كل نهار يفوت يزيد يتعمق في بحثو و يكتشف اسرار و حاجات خطيرة شدد بعدهم المراقبة على ايثار خاصة حتى انو عمللها قاردكورات في الخفاء يكونو معاها كيف خيالها من غير ما تحس..و من النقطة هذي بداية جديدة لبرشا مشاكل تستنا فيهم....
(حطواا جااااام قبل ما تقرااااو)
الحلقة 16 :
تعداو جمعتين تقدمت فيهم ايثار برشا و رغم الوقت الضيق تعلمت برشا حاجات في بريود قصيرة،رجعت تقرا و تتعلم فالسياقة تعدي اغلبية وقت فراغها في الشركة،جوزيف كان معاها لحظة بلحظة الفيلا قليل وين يروحولها ساعات يباتو يخدمو و ما يحسوش بالوقت ليتعدا كلو جدية و تركيز، ديما مع بعضهم ما يتفارقوش خاطر جوزيف يعرف مليح الخطر لممكن تتعرضلو ايثار في غيابو و فعلا جاء النهار لكان خايف منو..
البارح كانت ليلة سبت سهرو برشا يخدمو و روحو للدار روتار ديراكت رقدو من غدوة احد مرتاحين صبحت ايثار راقدة و جوزيف قام على صوت تاليفونو لكان ينوقز على بعضو هز صوتو بالنوم من غير ما يشوف الرقم
-وي شكون
-صباح الخير
-مزال فيها خير بعد الي يكلمك مجهول بهبط عليك من السما و يقيمك من عز نومك
-مانيش مجهول و اتو تتعرف عليا كي تقوم توا و تجي للبلاصة الفولانية وحدك و من غير حتى شي يا سيادة العميل"ماكس" هكا معروف اما خلينا فيك انت،في حقيقتك سي جوزيف
-حل فمك و تكلم..شكون معايا😠
-كالمي روحك عيشك😌اي و حاجة اخرى ما تخليش ايثار تحس عليك و الا تشك في حاجة راهو ما تلوم كان روحك..سلام😏
لا يزي قام منرفز و مرهوج مالنوم يزيد يفيق على تاليفون كيف ما هكا دخلو في حيط و ما فهم منو شي،هز طولو شوية و اتكى عالفرش طالعو العصب من هالحكاية الحولة لهبطت عليه كيف القضاء المستعجل على صباح ربي،شاف الوقت لقاها 6:00 قام دوش و لبس تعدا لبيتها يتفقد فيها لقاها راقدة في سابع نومة مالتعب ضغطت على روحها برشا الفترة لخرى و هذا الكل باش تلاهي روحها على وجيعتها و احزانها لما نجمتش تنساهم و تتجاوزهم و توصل لنيفو لتحب عليه في توقيف الشركات على ساقها خير حتى من قبل..
طلع في كرهبتو و مشا للادراس لوصلتلو على تاليفون الثنية ما يعرفهاش و البلاصة عمرو لا مشالها اما حسب ما سأل و تحرا عليها عرف الي بقعة خالية في غابة..و خذات منو ساعة باش وصل كلمتو فيها ايثار مرتين،قامت ما لقاتوش بعد الي مستانس كل صباح يهد عليها لبيتها و يقومها بالسيف حتى كيف سألت عليه الجماعة فالدار لا حد شافو ولا يعرف عليه وين هزت التاليفون كلمتو
-صباح النور
-صباح الفل عزيزتي😊سافا قمت؟
-اي قمت و ما لقيتكش
-مممم ما اقوى سعدي اكيد توحشتني😛
-جوزيف يزيتشي من ضمارك توا جوست استفقدتك ،وين مشيت ياخي؟
-وين عندي نمشي بربي قمت بكري عملت مارش عالبحر و بعدها ماشي نقابل واحد صاحبي،ما تستناونيش عالفطور قول لسيلين و كيف نروح تو نحكيلك كل شي بالتفصيل
-اوكي سايس روحك
-و ما تخرجش وحدك كلم اسامة والا حد مالأولاد و هوما يوصلوك وين تحب و كان مع الشوفار ما تمشيش وحدك زادا
-اوووف جوزيف ياخي رجعنا للحصرة و الخنقة قتلك ما نحب حد معايا😧
-عيشك ايثار اسمع كلامي نبدا مش معاك نهلوس و انت تعرفني ما وصلت قتلك الكلام هذا كان خايف عليك و فما حاجة و كيما قتلك وين نروح نفهمك كل شي والله لمصلحتك و تعرفني قداه نخاف عليك
-باهي اس اس فلقتلي راسي الهم هذا شيحكي😛
-باهي زيد طول لسانك ماك تحصل
-ههه عيش سلفي الغالي يا ربي
-ممم باهي يا مريت خويا حتى تحصل ومن غير ما تبدا ترتب فالسيرة عاد ماني نعرف تنوميسك
-😂😂 باهي ما نلاهيكش و انت تسوق رد بالك على روحك..باي
كمل طريقو و وصل للبلاصة عاود كلمو نفس الشخص من رقم آخر هز عليه
-وي
-خللي كرهبتك بعيد و ادخل على ساقك و سلاحك نحيه من وراء ظهرك مكش باش تستحقو 😲
-شكونك و منين تعرف عليا المعلومات هاذي الكل
-كل شي في وقتو دجو😌 وين انت واقف توا تدخل شوية مانيش بعيد عليك تمشي ديما القدام حكاية 15 ميترو و تاخو دورتك عاليمين فما صخرة كبيرة برشا آقف وراها هاني جايك..
-باهي اعمل الي تحب توا حسابنا مزال
علق عليه و مشا وين قلو قعد واقف يستنا، ربع ساعة و يسمع في صوت خطوات جاية ناحيتو والظاهر مش واحد كهو..عمال و الصوت يقرب لين يحس فيه وراه..😨
ايثار بعد ما كلمت جوزيف قامت مش في خلوقها و على عصابها هبطت باش تاكل جيعانة قعدت على الطاولة و اول ما حطتلها البون القهوة قدامها و شمت ريحتها قامت تجري شادة فمها دخلت لصالدوبان ترد و تعاود لين قريب عينها تخرج خلطت عليها اثير تجري بعد ما كانت اتبع فيها بعينها مللي هبطت،عاودت طلعتها لبيتها قعدت حذاها لين رقدت و ما طولتش برشا خاطر هرب عليها النوم و قامت ابرك شوية قلقت فالدار و فدت مشات عملت دوش بدلت و خرجت ناسية كلام جوزيف و تنبيهو لقات الشوفار قتلو باش يوصلها للشركة..وصلت دخلت لبيروها تكمل في خدمة بقاتلها مالبارح حست حركة زايدة على العادة الكلهم مريحين و ما فما كان العساس تلفت الحكاية و رجعت ركزت قي الخدمة غطست ساعة من زمان تزرب تحب تكمل الي في يدها و تروح قبل ما يرجع جوزيف و ما يلقاهاش هي هكك مركزة و تسمع في الباب يدق هزت راسها
-وي تفضل
-عسلامة مدام
-اهلا عماد..شمجيبك نهار راحتك اليوم
-نفس السبب لجابك انت،مزالت عندي شوية خدمة جيت حبيت نكملهم و نتعدا للمصنع نعمل كونترول على الجلد لباش يوصلنا اليوم من ايطاليا..
-اي باه يعطيك الصحة..الله غالب لا انا لا جوزيف فضينا باش نمشيو ماذبيا تجيبلنا عينة من كل مودال..
-حاضر مدام..انا في بيرويا تستحق حاجة كلمني
-مرسي عيشك ديجا كملت الي فيدي ماكس نصيف ساعة و نروح..
هالعبد لا مرة رتاحتلو ما تعرش علاه،نظرتو كلها خبث و مكر رجعت تكمل في خدمتها و هو خرج و جبد الباب وراه و مشى لبيروه هز تاليفونو يحكي
-نص ساعة و تخرج كونو في استعداد 😈😰
يسوق هايم و سارح مش فاهم شي مصدوم و حاير مش عارف شنو باش يعمل لازم يهدى و ينظم افكارو باش ينجم يتصرف التصرف الصحيح الكلام لتقال و تحكى توا لازم ينفذو خاطر ما فماش طريقة و كلام آخر غيرو و هاكا الي لازم يصير،مزال مصدوم بالاخبار و الحكايات لسمعها و الحقيقة لعرفها،توا مسؤوليتو كبرت تجاه ايثار لازم يحميها بأي طريقة كانت حتى لو كان على حساب حياتو هو
جاه تاليفون من رقم غريب و لقاه نفس الشخص
-في يدك سبعة دراج ما اكثرش ولازمك توصل للشركة على خاطر الثانية لتوخرها باش تندمك و ادفعك ثمن غالي برشا
-ما فهمتش و فك على بابا يزي ما حكيت معايا بالالغاز ياا... يزي الصدمة لكليتها توا
-(يصيح)تحرق الكياس احرقو و جنح كان لزم انا نقلك هكا و انت جايني هكا..ايثار زعمة تهنينا عليها و قلنا انت الانسان الصحيح لينجم يحميها اوكا توا يخططو باش يخطفوها
ضرب بدو عالفولون
-اووف يا ايثار اووف جاب ربي نبهتها وصيتها شي راسها كاسح
علق عليه عمل اتصالاتو لزملاؤو رغم انو في كونجي و خارج نطاق الخدمة اما الحالة لباش تعرض حياة ايثار للخطر و الا تمسها بأقل حاجة وقتها لازمو يتحرك بأي طريقها خاطرها خط احمر بالنسبة ليه..الثنية حرقها في نص ساعة و تعطل في جرت اكسيدون كان قريب من الشركة و حس انو مفتعل بالذمة ليه هو باش يعطلوه نفس الشئ بالنسبة لزملاؤو لصار عليهم هوما زادا و عطلوهم في آخر لحظة... قلبو يدق باش يخرج من بلاصتو حسو باش ياقف و يطيح ساكت من خوفو عليها تعنيلو برشا،تعنيلو كل شي قتلو الاستراس و العصب هبط مالكرهبة سكرها و مشى لشركة يجري ما وقفش ما خذاش نفس ما قدامو كان ايثار تستنجد بيه وحدها لداخل ما معاها حد كان ربي يعرفها قداه خوافة و سانسيبل قاعد يجري بكل جهدو و قوتو اما حاسس الثنية طوالت و قاعد يجري في بلاصتو..
لمت الحوسة لحلتها في البيرو ريقلت حجابها لبست المونتو متاعها لفت على روحها مالبرد هزت ساكها و خرجت جوزيف يطلب فيها ما حبتش تهز عليه خافت لا يشلق بيها خرجت وحدها و يعمللها حالة هابطة و تطلب في الشوفار باش يقدملها بالكرهبة للباب متع الشركة و شي ما هزش عليها..تحل الاسونسار و ترا في زوز رجال لا يوريك يا جبل ما يهزك ريح ملثمين لابسين فالاكحل ما ترا منهم شي خافت جات تعاود تسكر الباب ياخي واحد منهم عرض ساقو عاود تحل و جبدها بقوة من يدها سكرلها فمها و لاخر يمشي قدامو يتفحص فالطريق مع وصولهم للباب لقاوه محاصر بالحاكم حطلها مسدس في راسها عمال يمشيو و يوخرو مركزين مع الشرطة لكانو موجهين اسلحتهم الكل ليهم كانو يحاولو يهربو مالباب التيلاني اما جوزيف وصل الوقت اذاكا و كان منسق مع زملاؤو و متبع كل شي و على اذاكا دخللهم من تالي ضرب الراجل لكان شاد ايثار و بعد بيها من غير ما يحس لاخر و خللى الشرطة تكمل مهمتها..داخت بين ايديه حملها و حطها فالكرهبة و طار بيها للفيلا و غادي وين كلملها الطبيب لعاين حالتها جوزيف كان واقف وراه يغلي يستنا فيه وقتاه يكمل باش يطمان عليها..قام الطبيب يلم في ماتريالو كتب ورقة الدواء و مد هالو
-حالتها تاعبة شوية اما الحمدلله البيبي لباس و المدام بعد ما تستعمل الدوا هذا بإنتظام و تردو بالكم عليها بقدرة ربي تقوم لباس نبقيك على خير سي جاد و نشالله لباس اي حاجة كلمني..
جاء باش يقلو الي جاد توفى و هو خوه التوأم لسانو رزن و فضل انو يسكت.. يحب هالنهار يوفى تعب و عيا من الصدمات لكلاهم وحدة في جرة الاخرى من غير نفس.. حاسس روحو في دوامة مش باش يخرج منها..شكر الطبيب وصلو لباب و رجع قعد جنبها تكى راسو عالفرش يخزرلها داهش في قوتها و عزيمتها الي رغم كل شي و رغم صغر سنها متحملة مسؤولية و حاجات اكبر حتى من جهامتها و لأعظم من هذا انها حبلة و باش تولي ام شبيها ما حكاتلوش و خبات عليه..رجع يخمم فالاقتراح لتلقاه الصباح كان رفضو مالاول صحيح اما بعد الي صار في الشركة و الي عرفو توا من الطبيب لازم يوافق هذا انسب حل للناس الكل كان ليه هو لا..قعد سارح تخمام يهز و لاخر يجيب لين حسها بدات تفيق،تكلمت بصوت واطي بالسيف يتسمع،بالسيف تحكي و تنطق فالكلام
-نحب ماء 😢
قام فيسع دار من شيرتها هي قيمها شوية يشرب فيها،شربت و رجعت راسها لتالي تكتو عالمخدة
-شبيني دخت شصار
-لباس توا ما اتعبش روحك انت لباس و صغيرك لباس زادا ما تتفجعش
خزرتلو مضيقة عينها حركت راسها شوية تسأل فيه بعينها و تحاول تستوعب الي قالو
-شقلت؟ شبيك جوزيف
-شعندي قتلك..انت لباس و صغيرك زادا..ياخي ما فيبالكش بروحك حبلة و عندك اكثر مالشهر؟
حطت يدها على راسها و غمضت عينها جات قدامها الليلة لعمرها ما باش تنساها و لا باش تتمحى من ذاكرتها لحظة،تذكرت كل تفصيل فيها و كل كلمة تقالت و كل احساس حستو فيقها سؤال جوزيف
-من جاد؟؟ (ضحك على روحو بتمسخير)سامحني على السؤال مش في بلاصتو اصلا شكون غيرو هو راجلك اما قصدي وقتاه صارت الحكاية
-ليلة حنتو و مانيش نادمة و كان تتعاود نفس الاحداث نعاود نعمل نفس الي عملتو و اكثر...ما تتصورش قداش فرحانة جوزيف الحمدلله يااا ربي الحمدلله باش نجني قطعة منو ثمرة حبنا..
كان مركز مع ضحكتها و فرحتها لملات وجها و نورتو،مركز مع لمعت عينها و مع كل تفصيل يترسم على وجها و يتبدل مع كل كلمة تقولها و تعبر عليها تكلم من غير ما يشعر
-ايثار لازم نعرسو
فيسع ما تمحات الفرحة من على وجها و تحولت لمزيج من الغش و لحيرة،مستغربة وفيسع ما دارت في مخها برشا حاجات تستنا في جوزيف يكمل كلامو باش تنجم تفهمهم اكثر
-شتحكي..؟؟ واعي فاش قاعد تقول؟؟
-عندك فيا ثيقة؟؟
-اكثر مللي تتصور
-تنجم تصبر و تعمل لنقلك عليه من غير اسألة
-انجم
-ايثار هذا الكل في صالحك انت اكثر وحدة
-علاه فما غيري عندو مصلحة
-الكلنا
-شكون
-تعرف كل شي مع الايام و في وقتو
-الحكاية عندها علاقة بالاحداث لصارت اليوم؟
-اي و اكثر مللي تتصور
-ايثار انجم نختصرلك كل شي الي انت تعرفت عند عصابة و رئيسها العدو الاول لجاد بيناتهم حسابات و حتى كيف عرف انو توفى مزالو يحبو ينتقمو على خاطر جاد سبق و قتلو خوه يحب يرجع الفازة فيك انت توا..هاكا علاه كيف نقلك ما تكونش وحدك في حتى بلاصة تصير تسمع الكلام..هذا شنجم نوضحلك توا الحكاية حكاية انتقام و اكثر و اكبر..لازم نعرسو باش نحميك و يكون عندي عليك حق و ما تنساش انك حبلة ياخي باش تربيه وحدك ؟هو ولد جاد يعني ولدي انا زادا؟ ما تنساش كلامات العباد و اقرا حساب الوضع لانت فيه توا و نوعدك ما يصير بيناتنا كان الخير و حكاية اني نحاول نتقربلك نحيها من مخك و خلينا صحاب و اتصرف معايا على طبيعتك الي نعرفها ،خليك كيف ما انت توا و ما تتبدلش..خمم و الي يريحك انا معاك فيه😊يلا ارتاح توا و ما تحط شي في بالك كل حاجة و ليها حل العشية نزيدو نحكيو..
غطاها و خرج قعدت تخمم بينها و بين روحها كلام جوزيف كان معقول و اكثر من مقنع،كلو صحيح و هذاكا ل لازمو يصير هو وعدها بأهم حاجة خاطر بعد جاد يستحيل يجي حد آخر و يحط يدو عليها..
خرج للبيسين يحس في روحو تخنق رغم المطر لكانت تصب،نار و شعلت فيه كثر عليه الشي و غرقتو مسؤلية الحمل لهازها على ظهرو،بدبشو تبلانجا في الماء فماش ما تبرد نارو و تطفى شوية الحرب لشعلت فيه و قتلت كل احلامو،قتلت كل احساس حلو فيه كان مخبيه لمستقبلو،للمرا لعشقها....(حطواااا جااااام قبل ما تقراااااو)
[* البنات ركزو مليح خاطر المراوحة بين الماضي و الحاضر باش تسيطر على اغلبية الاحداث..و توا مازلنا في الماضي..
كونو مركزين باش ما تضيعوش و تتدخلو بعضكم،
قراءة ممتعة..😘❤]
في نفس الليلة تلمو العايلة الكل في الفيلا عالعشاء كان جوزيف سبق و استدعاهم الكل في موضوع..
كل شي حاضر و برفاي كيما العادة،
جمعتهم الكل طاولة وحدة تقول عرس تلمو بصغيرهم و كبيرهم حكاو في المواضيع الكل الرجال عالخدمة و المشاريع والنساء ركزو على عرس غسان و لجين الي اخيرا هند وفات بوعدها ليهم و تشجعت هي و غسان و واجهو جدهم و حكاولو على الغلطة لصارت وانو لجين و غسان يحبو بعضهم و هند تحسبو كيف خوها لا اكثر،تفهمهم راشد الي ما رفضش الحكاية و تكفل هو بالباقي و توا قاعدين يحضرو لعرسهم لكان مالمفروض تقام اما تأجل بموت جاد لعندو توا اقل من خمسين يوم و هاكي هي الدنيا الي ما تاقف على فراق حد..تضاربت الاراء و تخالفت وكل حد يقترح حاجة،كملو عشاهم و قامو للصالة باش يواصلو يحكيو في هالموضوع،النساء و الرجال قعدو و تجندو البنات باش يلمو الطاولة الي لمة ثلاثة اجيال بما يقارب ستة عايلات😰
-هنيدة:ياا ايثار وخيتي ما لقيت وقتاش تريح البنات كان نهار اليوم شباش يلمها هالمرمة و هك الماعوووون يااا ميمتي هذا الكل و مزال ماعون الديسار
-ايثار:ههه الله غالب والله جات على غفلة و زيد البنات تعبو و كل وحدة جاتها حاجة قعدت معايا كان منى و مسيكنة ياسر عليها وحدها
-هند:ههههه الي يسمعك تقول باش تغسلو انت وحدك😂برا بركا نعرفوك تكره غسيلو الماعون تو نغسلو انا كي قدر عليا ربي
-اثير:تو نتعاونو الي هذي حاجة كل شي يتحرك و يتنضم في نصيف ساعة مدام الجماعة كملو كلامهم و هضمو لكلاوه شوية نهزولهم الديسار
-ايثار: دانا بالله عيش وخيتي باش نتعبك تاليفوني خليتو الفوق في بيتي اعمل تنقيزة جيبهولي..
جوزيف كان في بيتو حل الباب على اساس هابط حذا الجماعة و خلاهم كيف جاه تاليفون مالخدمة، اول ما حط ساقو برا البيت شافها طالعة فالدروج مللي كلم اسامة العشية و قلو باش تجيو الدار الكل كان متوقع جايانها رغم البعد لبيناتهم، يجهل تفكيرها و فاش تخمم و كيفاه موقفها منو،اول ما دخلو العشية و شافها ما نجمش يبعد عينو عليها كانت هادية على وجها نوع مالبرود ليعرف اسبابو مليح ستفقد فيها دانا المهبولة المقربعة لديما ببلادتها و كلامها لما يوفاش،ديما بحسها و تنبيرها و طولة لسانها و هرجها شخلاها محبوبة في كل العايلة و ما تحلا قعداتهم و لمتهم كان ما تكون هي اول الحاضرين..توحش فيها كل شي ما حكاوش برشا اما بالحق سكنت قلبو و روحو و حبو ليها كبير و صادق..من قلبو يتمنى توفى هالاحداث و الضروف لقاعدين يتعداو بيها الناس الكل على خير و بعدها هو كان سبق و خذا عهد على روحو انو ما تكون كان ليه..دوب شافها قلبو رعش و تقبض في نفس الوقت من شيرة متوحشها و من شيرة مسخفتو و مأنبو ضميرو عللي عملو فيها و خايف اكثر من ردة فعلها من هالخبر لباش تسمعو و باش يهبط عليها كيف الصاعقة و متأكد انو باش يصدمها و يجرحها و يعذبها اكثر مللي يتخيل،،كانت هادية فوق اللازمة شخلا العايلة الكل يسألو فيها على السبب و هي لا مرة عطاتهم الصحيح خزرلها قداه من مرة على امل تهز فيه عينها حتى بالغالط و تخزرلو...شافها طالعة فالدروج فيسع رجع للبيت و قعد يطل عليها مالباب هي دخلت لبيت ايثار و هو خلط عليها يجري، دخل و سكر الباب بالمفتاح فجعها لين تهزت و تحطت دارت لقاتو هو تصدمت و تربثت و خافت من اسامة لكان يشلق بغيابها الا ما يقيم قيامتها تكلمت بصوت مقطع تخلطو عليها الاحاسيس الكل و سيطرو عليها لدرجة صعب عليها حتى النفس😨
-جوزيف حل الباب شقاعد تعمل!هبلت ياخي
-مانيش حال
كان يقدم بالشوية يرا في الخوف و الربثة على وجها عينها تملات دموع مش مالخوف اما يعرف انو قلبها تعبى و ابسط كلمة تسمعها والا اقل ضرف باش تتعرضلو هي وقتها باش تنهار و تبكي و تصيح،باش تلومو و تحاسبو و تفرغ الي في قلبها الكل،قربلها متوحش يعنقها و يحس بدفى حضنها و حنية يدها على شعرو..عمال تمشي و توخر كل ما يقدملها هو خطوة مش خايفة منو اما مصدومة ماللي قاعد يعمل فيه كيفاه نجم يغيب المدة هذي الكل لا كلام ولا سلام خلاها معلقة من غير ما يخسر عليها حتى تاليفون والا جرد ميساج يفسرلها فيه الي عملو و على شنو ناوي،،قاعدة تكابر و تعاند و تتحدى في روحها مش وقت ضعفها توا و ما لازمهاش تضعف تحصرت فالحيط لوراها عرفت انو ما فماش منو هروب غمضت عينها كبست عليهم و سلمت امرها لله قعدة مدة مش طويلة ما حست بشي ما مسهاش تحسابو خرج طمانة شوية ،و وقت حلتهم تلاقت عينهم في نظرة طويلة سرحو معاها و رجعت بيهم ذاكرتهم لوقت كانو مع بعضهم،لكلامهم لكان ما يوفاش،هبالو وقت يجيها الفجاري ويقعد تحت شباك بيتها يحكيو بالاشارات و تبدا هي خايفة لا يشلق بيهم حد،لهفتو عليها كيف يراها صدفة مع العايلة و ياكلها بعينو..عينو كانت ذابلة و عينها مليانة دموع...
قلبو كيف قلبها كان يدق بقوة و خوف و لهفة و قريب يخرج من بلاصتو،الرعشة لسرات في بدنهم خلاتهم يحسو بحلاوة حبهم و هوما بعاد،،قربلها اكثر لصق فيها وزاد على ما بيها،جمدت في بلاصتها كابسة روحها و ما حاولتش حتى تتحرك مش عارفة شنو باش تعمل ولا كيفاه تتصرف،حط راسو على كتفها يستنشق في ريحة بارفانها لترهوجو بيها
-دانا توحشتك اكثر مللي تتخيل و قتلني وحشك،، نعرف جرحتلك قلبك و وجعتك،بكيتلك عينك و سهرتك ليالي تخمم فيا،نعرف قداه تحبني و حبك ليا متعبك،نعرفك قداه تعشقني و قداه صابرة عليا و معايا..اسبابي و ضروفي برشا ما انجم نفسرلك منها شي خاطر انا بيدي ساعات نحس روحي ضايع فيهم..انا على يقين انو وجودك معايا في الوقت الحالي و حتى فالمستقبل القريب باش يكون عذاب ليا و ليك انت اكثر، خاطرك ما تعرف تفاصيل حتى شي..نعشقك دانا دخلت حياتي مت فيك و احتليت كياني في وقت قصير،ما وعدتك بشي وانت تعرف الحاجة هذي اما وعدت روحي و نشالله ربي يقدرني و نوفي بيه،،مكش باش تحس بوجيعتي و قهرتي توا و انا نقلك حاول شوف حياتك انا باش نوصلك لازمني نتعدا جبال الضروف الي في طريقي و مستعد نتجاوزهم و قاعد نحاول على حساب كل شي و الي مصبرني على هالضروف و المشاكل هو الامل القليل الي مازالي بإني نلقاك في آخر هالطريق صبرت و قاعدة تستنا فيا،طريقي ممكن طويل و محفوف بالخطر اكيد اما ما عندي حتى فكرة قداه باش يدوم و لوين باش يوصل بيا و لا وقتاه و كيفاه باش يوفى و تكون النهاية،،كل شي مجهول و بيد ربي سبحانو،طريق مجبور و من واجبي اني نمشي فيه..مانيش باش نزيد نفسر و نحكي اكثر من هكا خاطر نتصور فهمت المطلوب..شوف حياتك يااا روحي😢 يا قلبي💔هكا حب ربي و هكا باش يصير..نشالله تتفهمني و تتفهم ضروفي😔..
حكى الي لازم يتحكى و فسر الي من واجبو يفسرو ومش باش يكون اكثر من هكا..قلبو موجوع.. موجوع لدرجة دموعو هبطت على روبتها و بقا تراسها ظاهر على كتفها،عنقها بكل عشقو ليها كان كلامو هادي و رزين بعدها خزر في عينها بعد ما مسح دموع وجيعتو و قهرتو بكف يدو و بزربة،،قعد يمللي في عينو على خاطر هذي آخر مرة يكون ليهم فيها حق انهم ياقفوها بالقرب هذا عدا يدو بحنية على خدها باس جبينها بمعزة و غطس في بوسة طويلة هادية في شفايفها عاود عنقها بقوة قريب يكسرها ضلوعها
-سامحني ياا روحي..نشالله تسامحني
قلها هالكلمتين و خلاها واقفة محنطة في بلاصتها و هبط حذا الجماعة،،فاقت من سرحتها وحست بسخانة دمعتها هابطة حارة على خدها مسحتهم هزت تاليفون ايثار و هبطت رجعت للكوجينة حذا البنات للقاتهم براسك كملو الحركة عاونتهم و حاولت تدخل معاهم فالجو فماش ما تلاهي روحها و ما تخممش فللي صار..
الديسار و القهاوي حاضرين هزوهم للصالة وين كانو ملمومين خرج جوزيف للاولاد لكانو قاعدين البرة جنب البيسين
-اا لولاد يجيكم الديسار هنا والا تحبو لداخل
-اسامة:يرحم بوك قلهم يجيبو هنا والله فلقولي راسي لداخل
-سامر:والله راسي زنزن على قارو و قدام بابا و هك الشايب الواحد يتحنط مش لعب
-اسامة: فرخ تحشم من جدك و بوك و ما قدرتنيش انا خوك الكبير
-سامر: والله الله غالب عليا و عليك وخي ما قلك حد دللني و خرطني عليك و الا راني ما نهزش فيك عيني..جبتها لروحك ما ضربك حد على يدك😂😛
-جوزيف:ههههه اضرب لا قعد 😂😂والله و عطى هالك يا اسامة علمو و اوحل فيه ربايتك الزفتة هذي وين وصلتك😂
-اسامة :تكيف بابا تكيف مش منك 😒😑
جات ايثار هازة بلاتو القهاوي و وراها اثير بالغلة و البنات كل وحدة حاجة
-ايثار: اسامة تحب قهوة
-اسامة: اي ما نقولش لا من يدياتك الملاح اما حاجتي بهك الكوكتال لوراك نعشقو اصل😂(يقصد في اثير)
-غسان:انا عطوني القلاس و سيبوني يا جماعة و مذابيكم ما يدور بيا حد(على لجين)
-جوزيف: هههه شخليتولنا يا جماعة
-غيث: يا للا على الصبايا مقديين زايد مع بنات آل راشد ليقلك
-عادل:غيث وخي نعرفو اسلوبك هذا و ما ولا كلامك يغزل الحرير كان ما قاعد تكمبص لحاجة😕
-غيث:ههههه😋 اي هك حافظ السيستام عدوولة
-مجد: نورتونا يا صبايا تفضلو والله عدنا برشا على قعيدة هكا يعطيك الصحة دجو باللهي مرة كل ويكاند استدعانا حتى بالكذب و لا يهمك
-ايثار: مرحبا بيكم والله ماذبيا اما انتوما كل حد تلقاه لاهي في حاجة..اوما في بالكم مالا من غير ما نبقى كل عشية سبت نكلم فيكم بالواحد افهمو رواحكم العشية تكونو الكل هنا حتى كان ما جاوش الكبار ايجاو انتوما نقعدو شباب في بعضنا و اقعدو حتى باتو...
-اثير:اي والله محلاها لمتنا،هزتنا الدنيا ولهاتنا على بعضنا في الوقت الي لازم نتقربو فيه اكثر( غمزت اسامة لكان مركز معاها من غير ما يشلق حد و هو عاد وين تلقاوه قام يصيح على غفلة و شاد قلبو لين فجعهم الكل)😂😂
-اسامة:اااااااه يا قلبي يا ميمتي باش نموت😂
و فيسع طيش روحو حسب روحو داخ تلمو بيه الكل كان اثير لقعدة في بلاصتها تتسكك بالضحك عليهم و هوما مش فاهمين شي😂...
اول ما شدو جوزيف خاطر كان قاعد بجنبو هو مسلو وجهو و هو قام فيسع و مشى وين كانت اثير قاعظة مقابلتو قعد على ركبتو حل يديه على طولهم يغنيلها و هي تضحك بالدموع على الجماعة لتفجعو😂😄😅
-نحبك يا مجنون يا ساحر العيون بغرامك مفتون..
الاولاد كملو يغنيو معاه و جوزيف قام يسب فيه
-ياعمبوك و بو تراب بوك يا ساقط ياواطي فجعتنا بلاهي شوف اختك لين وجها صفار عليك
-غيث:ياا جماعة فاتتنا لقطة..هي مولاة المول و قاعدة تتكشخ😒و احنا قلوبنا طايحة برا يكب سعدك يا ولد عايشة اكثر ماهو مكبوب😡
-اسامة:هههه ملا دغف😂و انت جوزيف تفجعت على دانا اختي اكثر من فجعتها هي عليا😂😂
-جوزيف: يحرزلك مخلطين و لا راك ريت شنو عمتلك
-اسامة(خمج مخو😂)اوووه ربي يعفو الشر برا و بعيد وخي غالط فيا راك
-جوزيف: زيد حل فمك زيد تفوه 😂
كانو قاعدين الكل على مخادد كبار جنب البيسين، الحال شتاء و الدنيا باردة قامو غيث و مجد شعلو النار في برميل مقصوص لقاوه وراء الاستوديو مجعول خصيصا لقعدة هكا و حطوه في وسطهم
-عادل:ههه ايثار وخيتي تكب سعدو البيسين و طفات وهرتو ولا فيها برميل جملة وحدة😂😂
-مجد: ياا حسرة عليك، سعدك هو المكبوب بلاهي شوف اك الوهرة و النقشة لفيه البرميل يعطيه الصحة لصنعو
-اثير :هاكا عملو بابا الله يرحمو و حسب ما حكالنا من ايامات المرحوم سي الياس وقت كان مزال حي،كانو يتلمو هكا البرا ويحطوه بيناتهم في ايامات البرد
-عادل: توا أحنا شلزنا قاعدين في هالبرد و الريح يصرفق فينا من كل شيرة تقول حاكمين علينا مش كان دخلنا الداخل للدفى خير😕
-اسامة: اما تدخل متاعك يا خويا محلاها قعدة التمرميد و ما عزها😋قعدة كيف ما هكا خويا ضو هادي، نسمة ترد الروح تصرفق فيك من كل شيرة،متغطي، نار تشعل قدامك ،قهوة سخونة و سيقارو و الاهم من هذا الكل الحب الكلو راكش حذاك ،ضحك و تفدليك..والله ما يعطي هالك كان المولى ...
-جوزيف: سيبو اذاكا ما يفهمش فالرومنسية و الاحساس بالمغامرة😄
-هنيدة:جوك عاد انت جوزيف يذكروك بأيامات التدريب
-جوزيف:اي والله كلامك صحيح
-دانا: ايثار اي شقولك كان تمشيلنا حويجة😉
-ايثار: دااناااا😒 ريض
-اثير: ايا عاد والله وقتها بالضبط
الاولاد مبهمين مش فاهمين شي تكلم جوزيف لكان قاتلو الفضول كيف الجماعة الكل
-شبيكم البنات شفما
-اثير: هههه ايثار اختي عندها صويت ولا اروع
-البنات والله ماعيني
كبشو فيها الكل ولات خذات بخاطرهم و غناتلهم "كده يا قلبي" لشيرين
💕كده يا قلبي يا حته مني
يا كل حاجة حلوة فيا
كده هتمشي وتسبني وحدي
في الحياة والدنيا ديا
يعني ايه
يعني خلاص انا مش هشوفك تاني
مش هلمسك
مش هحكي ليك عن حاجة تاعباني
كنت روحي لما كان جوايا روح
عمري ما اتخيلت انك يوم تروح
مش فاضلي مني غير حبة جروح
مع السلامة يا حبيبي وفي أمان
عمري ما هقول يوم عليك ماضي وكان
عمري ما انسى مهما طال بيا الزمان💕
غنات بكل احساسها لتفاعلو معاه الناس الكل صوتها لكان بالحق يسحر و تفاجؤو بيه خاطر حد ما كان يعرف هالموهبة لعندها.. الكلهم مشى تفكيرهم لنفس الشخص،نفس الانسان لغاب عليهم و فارقهم على بكري ،الكلهم حسو بيها و بكل معاني الغناية وبكل دمعة هبطت على خدها و هي تغني،كانت مغمضة عينها و متفاعلة ،كل كلمة خرجت كانت من اعماق قلبها صادقة و مليانة مشاعر،كانت تغني و تحاول تسيطر على الخنقة لشدتها قي حلقها مالبكا كملت خزرتلهم كان الهدوء مخيم عليهم كان صوتها لداعبتو نسمات الليلة هاكي لكان جوها ممزوج بين الضحكة و الفرحة و بالوجيعة و الدموع، القعدة هاكي عاشوها بكل لحظاتها لتلاعبت بآحاسيسهم و مشاعرهم و بدلتها مع كل موقف و مع كل حكاية تعداو بيها..البنات الكل بكاو و حتى لولاد زادا لكانت عينهم مزغلة و حمرة..
اسامة حب يدخل التفدليك و يتجاوز بيه الموضوع و يبدل الجو لتملى بالحزن و وجيعة الماضي لمزال و باش يقعد يتبع فيهم و عايش معاهم لحظة بلحظة
-ياا معلم وين كان خذا الكل و احنا وين تي هو عدنا شيرين و ما فيبالناش والله برافو خمسة و خميس عليك ...جوزيف كان مطبس راسو هزو تبسم بوجيعة بانت في عينو
-الاولاد هيا ندخلو وقيت، هك الشايب تو عادك بيه رخف راسو و قلنا باش نرقد وانا لازمني نحكي معاهم الكل في موضوع بحضورو..
قامو الكل و دخلو قعدو حذاهم حكيو شوية و بعد تكلم راشد
-جوزيف وصلنا منك تاليفون الناس الكل،لباس ولدي؟صارت حاجة؟
-لباس بابا😊كلمتكم الناس الكل حبيت نعلمكم بحاجة و يكون في بالك..باش ندخل في الموضوع ديراكت و من غير مقدمات..انا و ايثار قررنا نعرسو و ماذبيا الجمعة الجاية..😰😣
طيشلهم هالكلمتين و سكت،و بسكاتو خيم الصمت على الصالة،شاف على وجهم كل الملامح من الصدمة و الحيرة و الاسألة لكانت متنوعة و هو ينجم يتخيلها لذهول للحزن و خيبة الامل..الملامح هذي الكل الي لا توحي لا برفض للموضوع و لا قبولو،كسر السكوت صوت فيصل عمو...
-شو يا ولدي ما عدناش الحق ندخلو هذي حياتكم الخاصة و انتوما احرار فيها اما مدامك ستدعيتنا بالذمة و تحب تسمع راينا انا ما نقلك كان جاد توفى الله يرحمو و بنتنا ايثار قعدت لا مطلقة لا معلقة مصيرها مجهول و حتى الي خطبوها الكل رفضتهم و قالت جاد بيه نموت و بيه نحيا و منو نخلق تعبنا و سلمنا. انت خوه و توأمو وانا من رايي خذيتو القرار الصحيح و مساندكم فيه..ااا جماعة شنو رايكم....
-عايشة: ماكمش صغار تباركالله تعرفو ما يصلح بيكم و ما يساعدكم و تنجمو تميزو بين الصحيح و الغلط كان انتوما مرتاحين و مقتنعين ببعضكم فازي ربي يتمم على خير و احنا معاكم في كل شي..
-راشد: الاكيد انكم ما وصلتو خذيتو القرار هذا كان ما انتوما متأكدين و مقتنعين و عارفين انو العرس مش لعب صغار و تباركالله واعيين و تعرفو مليح الي يناسبكم..ما نقلكم كان ربي يتمم على خير ولدي..اما الي ما فهمتوش كيفاه وصلت وحدك قنعت ايثار بالحكاية بعد الي احنا ب صغيرنا و كبيرنا حكينا معاها و كسرنا ريوسنا و هي شي عدات البريود لفاتت الكل في بيتها بين هك الاربعة حيوط!😕 جوزيف طبعك هذا نعرفو مليح و متعدي عليا..بوك زادا كان هكا مقربع اما وقت الجد ما ياخو كان القرار الصحيح رغم كل شي و رغم كل الضروف و العباد الي ضدو و مخالفتو الراي،عندي ثيقة فيك..اما متأكد عندكم اسبابكم😕على راحتك و كان فما حاجة لازمنا نعرفوها تو يجي وقتها..😊
-جوزيف:عيشكم كنتو متفهمين و نشالله ما يصير كان الخير..
-سيلين :ايثار عشقت جاد و جاد تنفس ايثار و مستحيل تحب بعدو ..فاهمتك وليدي..هاز حمل ثقيل ربي معاك و ينصرك..
كانت قاعدة بجنبو قالتلو هالكلمتين حطت يدها على يدو و كبست عليهم...
-دعواتي معاك يا وليدي...😊
(حطواااا جاااام قبل ما تقراااو)
الحلقة 17:
بعد ما روحو الجماعة طلعت لبيتها بدلت دبشها و وقفت فالبلكون سارحة تسأل في روحها الي عملتو صحيح والا،موافقتها على هالعرس من غير معرفتها للتفاصيل و و الاسباب الصحيحة لخلت جوزيف ياخو قرار كيف هكا اما في قرارت نفسها مطمانة عندها ثيقة فيه و تعرف انو مش باش يضرها اكيد عندو اسبابو و ضروف حكمت عليه يتصرف هكا و هذا الكل لمصلحتها..ترا فيه خرج وين البيسين يحكي فالتاليفون يحكي بيدو و كل مرة يشد راسو ظاهر فيه متغشش برشا عقدت حواجبها و هبطت باش تشوف شفما..هو كان في بيتو اما هبط اول ما كلمو رقم غريب و كان متأكد انو ما يطلع كان نفس الراجل لخاف تسمعو ايثار و هو يحكي معاه،خرج البرا هز عليه
-اهلا ب دجو
-مرحبا
-اي يعطيك الصحة بابا كيف جيت لكلامنا،اما بربي كيفاه بدلت رايك و وافقت عالعرس و كيفاه قنعتها هي..والله برافو..
-مش عالتاليفون..توا ما انجم نفسرلك شي..و دين بوك كيفاه عرفت
-هههه مش مني عينين جاد الله غالب😂اسمع حاجة اخرى نحبو عرس ادور تفاصيلو في كل التلافز و الاذاعات و تسمع بيه الدنيا الكل و فهمتني شنو نقصد بالدنيا الكل،،،في يدك خمسة ايام مش اكثر و تريقل امورك،سلم في كل شي و تلهالي كان بعرسك،،الفنانين الكل هبطهم دبر راسك المهم يصير لنحب عليه...
-هذي صعيبة بابا و شبه مستحيلة كان ايثار توافق
-تصنع جوك و كيما قنعتها بالعرس تقنعها بالزازا هذي الكل..سلام
-علق عليه و خلا جوزيف مش فاهمو شنو قصد كيف قلو "عينين جاد"، عقد حواجبو و قعد يدور فالحكاية في مخو و شي.. جاتو ايثار
-جوزيف شبيك لباس نرا فيك تحكي فالتاليفون و منرفز صارت حاجة؟
-لا صافا تاليفون مالخدمة يحبوني نحدد دات لنهاية الكونجي
-يعني باش ترجع لشيكاغو؟
-لا مش توا و حتى كان رجعت ساقي ساقك..اي ندخلو برد عليك..الجماعة رقدو؟
-تا سيلين في بيتها عطيتها دواها و خليتها تقرا كعادتها و اثير تحكي فالتاليفون
-ممم اي باه..ايثار ايجا عندي ما نحكي معاك
-نشالله خير
قعدو في الصالة يخمم منين باش يبدالها و كيفاه باش يفهمها و يقنعها
-احكي جوزيف حيرتني
-ايثار انا سبق و اقترحت عليك حكاية العرس و قتلك ما انجمش لا نفسرلك و لا نحكيلك عالاسباب لخلاتني ناخو القرار هاكا.. و انت تفهمتني
-اي صحيح و انا عندي ثيقة فيك و في قراراتك و على يقين انك ما وصلت قترحت عليا العرس كان ما عندك اسبابك و الاكيد انو في مصلحتي
-باهي نفس الاسباب تفرض عليا انو عرسنا يكون بالزازا و الجو و هك الحكايات و يتعرض حتى على التلافز و الراديوات باش يسمعو بيه الناس الكل..نعرف صعيبة عليك و والله عليا زادا جاد خويا لتحرمت منو حياتي الكل و عشت كارهو و حاسبو عدويا الي خذيت عهد على روحي باش نقتلو..افهمني المرة هذي زادا و كون مساندتني..
-جوزيف انا ما نعرش السبب الي خلاك تعمل هكا، انت تعرف رايي فالحكاية هذي متع الجو و مذابيا تصحاحة و يصير كل شي بالساكتة
-ايثار هكا نكونو ما عملنا شي يعيشك راني والله لا انجم نفسرلك ولا نقلك على حقيقة تفاصيل انا لتو نجهل اسبابها،يهديك..نحي كل شي على شيرة، نعرف مازلت ما تجاوزتش الي صار و هانا الكل كيفك و القلب يعلم بيه ربي و نعرف زادا عيب الي باش نعملوه و ما يجيش بعد الي جاد ما صارلوش حتى شهرين اما صدقني راهو باللي نقلك في مصلحتك و قليل..
-باهي جوزيف ثيقتي فيك عمياء اعمل الي تحب و انا معاك..
-حاجة اخرى الاسباب و ضروف عرسنا تقعد بيناتنا و ما تخرجش للعايلة حتى اثير اختك لا ،نحبك تمثل و تعيش الدور خاطر ممنوع نضهرو على حقيقتنا و انو حكايتنا فارغة..لازم كل شي يبان للناس حقيقة و بكل التفاصيل
-باه تفاهمنا
حكى معاها و ما لقاش صعوبة كبيرة في اقناعها،رجع النفس بالسيف😧 هذي ايثار و حمدلله ما كسحتش راسها هالحكاية ما توفا كان ما يصير فيه بالعصب و الاستراس لمكنو اول ما قابل هك المنحوس ملي عرفو ما شاف خير و لا هدالو بال.. كان متبزع عالفوتاي يد حاطها على جبينو و لخرى شاد بيها المخدة هز راسو قابلو كواترو جاد الي على كبر الحيط جاء لبالو كلامو الي ما فهموش رجع يخمم فيها و كأنو حل اللغز،قام فيسع للكواترو طلع على التمثال لكان محطوط فالكوان على دورة ايثار لكانت طالعة لبيتها و وصلت للدروج تصدمت و صاحت فرد صيحة
-رد بالك يا جوزيف تحاول والا تخمم ادنى تخمام انك تنحيه الكواترو هاكا من بلاصتو و مش معناها وافقت على هالمهزلة لخممت فيها باش تجي توا تتحكم...
قصى عليها خاطر عرفها فهمتو بالغالط
-ااا بنتي اسكت شهل الحريقة هذي شكون قلك باش انحيه هاكا لمزال عاد تو
-مالا شمطلعك غادي
حبيت نتأكد من حاجة
-شنو هي😌
-ايثار براس اميمتك عاوني بسكاتك لا نهبط نهرسك اا شتغلي الكازي هذي😡
و فعلا الي شك فيه طلع صحيح،اول ما شيع الكواترو شوي لقى الكاميرا لكان متوقع وجودها و كانت تحديدا في عينين جاد.ضيق عينو و تكلم
-و عرفت تلعبها..صوت و صورة زادا! اي اي صحة ليك..اي باه تو نتفاهمو فيها هذي😑
-وه جوزيف هبلت شبيك تحكي مع الكواترو
-هبلت و خشيت الخلا يا ايثار..برا اطلع برا
من غدوة اثنين على اساس يخدمو،قامت بكري كي عادتها و استغربت من جوزيف كيفاه ما هدش عليها للبيت باش يقيمها كلمتو بالتاليفون خاطر بخلت باش تمشيلو لبيتو الي هي فالاصل بجنب بيتها،هز عليها يتكلم بالسيف
-صباح النور..راقد؟😕
-و انت تخللي شكون يرقد😑
-ااا معلم فيق اثنين اليوم كانك مضيع
-مانيش مضيع في بالي اليوم شنو و برا غم على راسك خليني نرجع نرقد شوية حتى انا و ما فماش مشي للخدمة اليوم..سي السيد عطانا كونجي
-اما سي السيد متاعك😕اش بعزاك اليوم
فاق على وضعو و استوعب الي هو قال الي ما لازموش يتقال قام تربع في فرشو شعرو مفرفش و هو شبه عريان،الكوفيرتا طايحة و المخادد كل وحدة في شيرة حك عينو و هو يحكي وحدو😂
-يعمبو هالصباح لبديتو بحلان جلغتي ربي يعديه على خير...وانت ااا فرخة تبداش نهاية العالم انت بالذات ما تحاولش تكون اول حد يقيمني خللي الي جاي يتعدا على خير و ما تلزنيش نفسدها فاللخر بعد هذا الكل..
-بجاه محمد فاش تخرف عالصباح بالله العظيم دخلتني معاك في حيط،برا مرقد اخطاني يعمبو لفيقك😑
هي رجعت رقدت و هو قام بعد ما تذكر شيستنا فيه..الوقت 7:30 هز التاليفون كلم اسامة
-وي
-ااااا
قوم تو فيسع ايجاني للفيلا و جيب الاولاد الكل معاك و يا ويلو الي ما يجيش
-ياعمبوك و بو تراب بوك و بو لاخترع التاليفون و البورتابل لخلاك تهزو و تكلمني و تفيقني من عز نومي..شتحب عدنا هالصباح برا صبح الهم هذا بايت تحلم بينا يعمبو اللحظة لاكتشفت فيها انك ولد خالي..
-باهي يا اسامة قول الي تحب صبعي تحت الزرصة توا😡قتلك قوم فيسع كلم الاولاد و جيبهم
-بلاهي برا روح ااا الصباح خير ما نقلك كلمة ما اعظم😑شكون المضبع كيفي باش يقوملك و في هالطقس و احمد ربي انا مازلت نحكي معاك بالسياسة 😡 الاولاد كلمهم وحدك مانيش مستعد نسمع سبانهم و كلامهم المرزي عالصباح الواحد مش ناقص دعاء شر و شوف وشوف كان هزو عليك من اصلو
-عيش الوس ايا عاد والله مستحقكم مش انا ايثار حشمت منكم باش تكلمكم عالصباح و نسات البارح ما حطتش في بالكم
-انا هاني قايم حاجة و حويجة نشوف المرا😛 الاولاد برا منك ليهم تو نكلم عادل و غيث فيهم شوية امل تجيني في بخصة اما سامر خويا غسان و مجد و زياد كسر راسك معاهم خاطر مع النوم ما يفهمو شي..
كمل حكى معاه و كلم مجد و غسان بعد ما كلا على راسو و سمع وسخ وذنو،،مشى عمل دوش و ريقل امورو و هبط قال للبون باش تحضر الفطور خاطر الاولاد جايين و رجع هد على ايثار للبيت
-ايثار قوم براس امك والله لا عاد وقت مش وقت تمعجينك و دلالك
قامت مدهشرة و ديما ماخذا احتياطها ترقد بحاجة مستورة و فولارة خفيفة على راسها خاطر ستانست بهدان جوزيف عليها للبيت..حكت عينها و جاوبتو
-تو مش قتلي ارجع ارقد ش بعزاك الزززح و زيد الطقس زبلة صوت الريح بركا يفجع،شتحب عندي
-قوم اعمل دوش صحصح و ريقل امورك قبل ما يجيو الاولاد و توا تهز التاليفون و تكلم البنات يجيو حتى هوما في يدنا خمسة ايام.. امان ايثار و ما تسألتي شي توا غير قوم
-والله لا فهمت شي ثبت روحك نقوم والا نكلم البنات
-كلم البنات و بعد قوم..اسمع الاولاد باش وافقو على الجيان كان ما قتلهم ايثار حاجتها بيكم باش حشمو على رواحك اعمل نفس الفازة مع البنات و قلهم دجو حاجتو بيكم الناس الكل
سمعت كلامو و كلمتهم الكل و حتى هي خذات بايها من عندهم 😂دوشت و دخلت للدريسينغ تلبس تسمع في حس الكراهب البرا طلت لقاتهم جاو الكل مع بعضهم و دخلو يتجراو عالبرد😂😂
لبسة جلبابها و حجابها و كل عادة نوار، وجها مغسول بالماء و الصابون عملت رشة برفان و هبطت لقاتهم في الصالة كل حد مطيش في شيرة رجعو رقدو😂😂 علات صوتها بلعاني باش يفيقو بعد ما غمزهاا جوزيف
-صباح الخير😊ياا ناري على روحي و انا نقول ورايا رجال و معملة عليهم..عرست و جاب مني ربي،ايا يا جماعة بالاهي فيقولي شوية
-اسامة (متكي على كتف اثير يجاوب فيها و راقد)😂و انت و اك وجه اللوح جوزيف يجي منكم خير هالصباح مقيمينا 7:30 و تحبونا نجيو ناشطين😑
-غيث:الزح حتى الفطور ما خلطناش نفطرو😔
-غسان:انا حتى سيقارو يا رسول الله ما تكيفتوش
-دانا:انا وجهي ما غسلتوش مش لعب،كي ماهزيتش عليك جاني اسامة قيمني بعد ما كلمتو للا،الكلو باهي كيف لبست حجابي و جيت
-جوزيف: وووه على هالفية الكلبة تو انتم تجيو ولاد وبنات عم الواحد يعمل عليكم و يستحقكم..
-غسان:😡انت والله لا ننسى هالك هالتقيمة و في عز البرد نسمع في كلامك و خارج مالدار شوف فاش جيتك سي البغل شورط قصير و كابيش😂😂تي خرجت راقد اصل حتى الكرهبة مش عارف كيفاه سقتها و نحمد ربي ما عملناش اكسيدون في جرتك والا راك رزيت عمك في اولادو الثلاثة ، يحرز جات ايثار والا والله لا تحلم بيها جيتي😠
-جوزيف : باه سكرو افامكم الهموم ايا قومو نبداو
-ايثار: ووه هكا تحكي معاهم😕زايد والله مجودر😒ايا قومو نفطرو الساعة الطاولة منصوبة،حلو اك المخاخ و ركحو جوكم و بعد نبداو
-مجد كان راقد ما تكلم حتى كلمة هي قالت ماكلة و هو طار للطاولة ديراكت و بدا يبعث 😂
خلطو عليه الجماعة فطرو و رجعو قعدو
-هند:هكا تو فقنا و انجمو نبداو..اما على شنو جبتونا و في شنو باش نبداو ما فسرتولنا شي
-ايثار: علمي علمك وخيتي ما في بالي بشي
-جوزيف(قرصها)😂والله مسطكة صحيت هك فرشتني و باش يكورو بيا اليوم
-مجد:جوزييييييف تي هي مولاة المول بيدها ما في بالها بشي😡😡
-جوزيف:تي في بالها و تتبهلل هاكي اي اي فيسع ما عادش وقت قسمو رواحكم العرس بعد خمسة ايام ماليوم، الاولاد باش نعملو ثلاثة سهريات عليهم الباز و نحب في كل ليلة 4_5 فنانين عالميين يحييو السهرة و استدعاو الي تقدرو كحضارة و ماذبيا تركزو على الفنانين الاجانب من اي بلاصة كانت، سيرتوت ليلة العرس نحب الصحافة حاضرة و العرس ملي يبدا لين يوفى و هو يدور فالتلافز و الاذاعات و نأكد على الحاجة هذي و كان لزم حتى السياسيين جيبوهم استدعاو الناس الكل،الديكور و الصالة عليكم اثير و اسامة،،الماكلة و الديسار و كل شي عليك انت مجد و تكون معاك هند،،غسان و لجين نخليلكم الصحافة و الحضارة و التنسيق بيناتهم ،،عادل و هنيدة الممثلين و الفنانين عليكم كسرو ريوسكم نحب حاجة باهية و مش مهم السوم و كيما قتلكم ركزو عالاجانب بالاخص الكبارات،،غيث و هديل الفوياج دي نوس و البيب متع العرس عليكم و نحبكم تبداو فيها توا خاطر البداية بيكم،الفايس تويتر انستغرام الي يجي على بالكم كان لزم حتى فالاخبار المهم على نطاق واسع و الناس الكل تعرف و نحب كل شي على بكري ما تخليوش رواحكم حايسين لآخر لحظة..(خزر لدانا لكانت قاعدة مقابلتو ما على بالها بالطقس،حضورها كان بارد مش كالعادة مسخنة الجو،ما تنجمش تعرف شنو حالتها والا فاش تخمم خاطر تعابير وجها جامدة ما توحي بشي،اما هو يعرفها كيف تحاول على قد ما تقدر تتصنع القوة،يعرف انو حال قلبها كيف حالو مجروح و ينزف دم😢كبس روحو و كمل يحكي و مدلها الكارت بنكار متاعو)دانا انت خليك مع ايثار و البنات زادا مرة هكا و مرة هك اي و ما ننساش الحسابات و تكاليف كل شي عندك نظم امورك معاهم و انتوما اعملو حساباتكم و اي حاجة تاخذوها من دانا،سمر و سحر معاكم سامر و زياد ديكور الفيلا هوني و القضيات الي ناقصة الكل عليكم و كان استحقوكم الاولاد في حاجة كونو معاهم
خزرتلو دانا باستهزاء بعد ما ستنتو يكمل كلامو مع الجماعة😏
-يعني انا تو باش نحضرلك عرسك و نحضرلو زادا هكا؟!😏اي باه يصير
-(جاوبها بنفس الفاصون)عندك حل آخر
-والله حاجة تخصك،يلا ولد خالي شباش نعملك ربي يهني 😡
-مجد:حبي دانا في بالك وليت مليونارة انت تو بالكارت الي في يدك اي نعرسو بيبي😍😂
-دانا :هههه عينين دانا😍يا عمبو لفسدها هيا
- جوزيف:(كلاتو الغيرة وبانت عليه لين اسامة شك😯و زاد تأكد كيف حكى مع مجد بغش)لباس سي مجد😡 ما لقيت كان دانا..نرجو لموضوعنا😒
كمل يحكي و مقطع روحو و هوما داهشين فيه
-عادل:😲😲ايييي يا معلم حسستني سيادة الرئيس معرس لباس،شنوا هذا الكل،،على حسابك بابا ثروة اك الشايب راشد و ثروة اولادو و نساهم و اولاد ولادو نحطوها في عرس سيادتك و نقعدو فراجة الناس الكل
-جوزيف:حد ما يدفع فرنك😕بفلوسي نعنقر كبوسي بابا😋لاه شبيني بالك تحسابني محتحت..كانك على الفنانين باش يسترجلو وحدهم و يغنيو كادو ليا و لعروستي بابا مالا وينك جوزيف راني😌..هكا نكونو كملنا..
-ايثار:😰وقتاه خممت فيه هذا الكل..وانا سي راجلي شتحبني نعمل
-انت عزيزتي ترتح روحك لا استراس لا عصب ولا غش ..😍😘
اسامة كللي طارتلو من تصروفات جوزيف و ايثار المتناقضة ما نجمش يسكت
-بالاهي لحظة و خوذوني على قد عقلي..جاد خمسة شهور ما قفلهمش و انتوما تحضرو للمهرجان هذا الكل الي جاد نفسو ما عملوش في عرسو و لا كان ناوي يعملو تجي انت توا و تبرمج هكا😕 و انت ايثار شنو ا هالتناقض لولى فيك وينو عشق جاد ليبان من لمعة عينك و يعرفوه الناس الك😡والله مش عارف شنقول😕مصدوم حاير مبهم ،كل شي فهمتو الا عرسكم و هالحكاية الحولة لي مش داخلة مخي
مزال يحكي و يوصلو ميساج من جوزيف
-"اسامة اسكت ما تزيدش الطين بلة و تفسد كل شي ما صدقت لربي قنعت ايثار و خليتها توافق بالسيف،مكش فاهم نعرف انا زادا كيفك والله،تو نفسرلك خاطر ما وتاتش فرصة،رقع الي قلتو فيسع تي حتى الجماعة فشلتهم و كللي بداو يفدو انا زادا عبد مأمور رد بالك تتسرع و تحكم علينا هكا"
خزرلو اسامة بعد ما قراه عاقد حواجبو و مضيق عينو علامات الاستفهام الكل في وجهو،فيسع لملم روحو و رجع يحكي..
-جاد الله يرحمو و هذي سنة الحياة الي ما فماش منها هروب و انت خوه جوزيف ما نتصورش يكون حد آخر خير منك لأيثار،على كل ربي يتمم على خير
كملو حكاو و بداو عالبلاصة عملو تاليفوناتهم و حضرو كل شي و العشية بداو فالرسمي ..
من غدوة الصباح بكري تقام عرس آخر اعظم ملي تقام خمسة شهور لتالي،تزينت الفيلا من برا و من داخل، الديكور تريقل و حضرة قعدة حنة ايثار لمشات الصباح للحمام هي و البنات..وصلهم اسامة و غسان و روحو يكملو فلي ناقص ثلاث سوايع بالوقت و عاودو رجعولهم....
خرجو البنات لابسين الكل كيف كيف مالحجاب للروبة للورد لمزين ريوسهم للسفساري لزاد حلاهم بجوهم و غناهم و تصاورهم لحربو بيها الدنيا و ملات كل مواقع التواصل الاجتماعي و هذي ما تكون كان توصيات جوزيف اكيد..
روحو للدار تلمو العايلة الكل بصغيرهم و كبيرهم فطرو و تلمو مرة يفدلكو مرة يحكيو و بطبيعة تذكرو جاد لعاودو بكاو عليه الكل و كل حد يحكي حكاية ربطتو بيه....
ايثار تطلب في جوزيف ما يهزش عليها مالصباح قبل ما تمشي للحمام ما شافتوش و الاولاد ما يعرفو عليه شي حتى سألت اسامة حستو توتر شوية و قلها ما عندوش عليه فكرة و تو يجي 😕
طلعت لبيتها قعدت شوية واقفة عالمرايا تريقل في حجابها لين دق الباب
-ادخل..صار هو انت اهلا بسلفي تي وين هجيت مالصباح..
-اهلا بصغروني😰😲😨
اكثر من خمسة شهور هالكلمة ما سمعتهاش،دارت فيسع تخزرلو حست بدقة قلبها القوية و بحت صوتو كأنها زايدة عالعادة شوية ،تمالكت روحها و رجعت ركزت معاه،حستو هادي مش بهبالو متع العادة و تمقعيرو كيف تقولو سلفي و يقلها مريت خويا المرة هذي ما رجعش عليها اما قلها الكلمة لتوحشت تسمعها حتى فالمنام..سكتت شوية كيف بدا يقربلها و تصدمت
و وساعت عينها كيف زاد قلها
-كانت نفس دات الليلة مش هكا..😲😲(حطوااااا جاااام قبل ما تقرااااو)
لسانها تعقد ما نجمتش تتكلم ما عرفتش حتى شنو باش تناديه نورمالمون يكون جوزيف و مستحيل يكون جاد لتقامت جنازتو خمسة شهور لتالي،بقات ساكتة داهشة و مصدومة،وقفت كلمت جاد في حلقها و ما نجمتش تنطق اسمو..مش فاهمة علاه قلبها يدق بالطريقة هذي؟علاه شدتها الرعشة و سرات في بدنها و علاه تحيرت عليها الاحاسيس و المشاعر هذي الكل الي مالمفروض ما تتحرك كان لجاد لا لغيرو..قربلها و قعد واقف يخزرلها و يعاود كلاها و عراها بعينو لين حشمت على روحها،صبر صبر و اتطرشق بالضحك😕😂
-هههه شبعزاك شبيك تمسمرت في بلاصتك و وجهك صفار تقولش عليك ندرا شنو ريت😂
-اووه يا جوزيف😡والله مبلدك العلة هذا و بالاهي وين هجيت حتى نطلبك ما تهزش عليا
-تلهيت بقضية و هاني جيت..اي صحة الحمام يا عروستي 😛😛
-ممم تيك الصحة،،ما كثر ما تقمصت الدور قريب نصدق روحي نحبك بالحق و ميتة فانية عليك😒
-هههه كأنو لسانك طوال بعدي ااا فرخة😨(سكت فيسع و عاود تكلم) اي ريقلو اموركم و حد ما يقيمني باش نرقد شوية..
قعد كل مرة يزلق بكلمة و يشد روحو بالسيف في آخر لحظة لين معادش ينجم اكثر من هكا هز روحو و دخل لبيتو و ديراكت طيش روحو عالفرش غمض عينو من قوة الوحش و في نفس الوقت تاعب مالمجهود لعملو باش يشد روحو و يظهر عادي قدامها،،كل نهار يحمد ربي الف مرة انو كتبلو يعيش مرة اخرى،تجربة خلتو يحس بقيمة حياتو و يتشبث فيها و فللي عايش على خاطرها،دات اليوم هو نفسو دات هك النهار المشؤوم،نهار موتو و جنازتو عند العباد اما بالنسبة ليه كان النهار الي تولد فيه و باش يعيش من جديد،تكتبتلو حياة جديدة قرر انو يعيشها بنظافة و يصفي حسابات قديمة و جديدة اما باش ينجم يحقق هذا الكل فرضت عليه الظروف و الاسباب انو يتنازل على برشا حاجات حتى على روحو الي قاعد يرا فيها و يتعذب لعذابها من بعيد لبعيد،كلفتو الحكاية انو يتنازل على كل شي حتى على هويتو و يتقيد مع الاموات و يتنسى مع النسيان،تعداو خمسة شهور مزال ما تقدم و ما عمل شي،يراقب من بعيد لبعيد في عباد تصدم في حقيقتهم و دناءتهم،بعد موتو المزعومة ضهرت حقيقة برشا عباد و توا قاعد يعمل في حساباتو و يكمبص باش يبدا يصفي و بنظافة المرة هذي بالقانون و من غير تسييل دم..حط يدو على جبينو و رجع خمسة شهور لتالي لنهار موتو...
فلاش باك:
الطيحة لطاحها من فوق الجبل كان على يقين انو بيها باش تكون هذي نهايتو،نهاية الشيطان..اما ربي سبحانو كتبلو في النهار اذاكا عمر جديد ندم بيه عللي فات الكل،كان سكر عينو على تصويرتها و هي في الحجامة و حمد ربي انو ختم حياتو الباردة بيها،طارت بيه الكرهبة من فوق الجبل اما بقات معلقة و شادة بيه شوية في حجرة كبيييرة،درجين قعد فيهم مصيرو مجهول كيما يقولوها ساق فالبر و ساق فالقبر،مش عارف على روحو ميت و الا حي، درجين من زمان كانو كافين انهم ينقذولو حياتو و يخليو أيهم يلقى كيفاه و بصعوبة انو يخرجو مالكرهبة رغم كل الضروف لكانو فيها..
عندو خدمة رصاتلو بقا لليل امخر برشا قاعد في بيروه غاطس فالدوسيات لقدامو لين جاه تاليفون قام بعدو يجري يكلم في جاد ما يهزج عليه بحكم كان لاهي فالخوضة متع عرسو،طلع فالكرهبة كلم واحد مالمافيا باش يحظرلو طيارة خاصة راجع لتونس،هز معاه 3 من رجالهم و مشى،سوايع يحس فيهم عام طوالت عليه الثنية كل ما يحاول يكلم جاد ما ما يتحصلش عليه والا ما يهزش، المعلومات لوصلتو خطيرة و باش تكلف صاحبو حياتو ولازم يخلط فالوقت و يمنع جوزيف مللي باش يعملو،كان كل شوية يطلبو و شي ما يوصلوش،،سايي وصل لتونس و لجبل جرب كلمو لآخر مرة هز عليه اما وقتها فات الفوت و جاد كان وقتها قدام الامر الواقع ما خلاشو يتكلم كلمة بخلاف تحذيرو لجاء روتار و كمل زيد علق عليه،،،من حسن الحظ ايهم دار بالطيارة للشيرة لمقابلة الي باش يطيح منها جاد،ايهم واقف في باب الطيارة يرا في صاحبو محاصرو رصاص جوزيف و رجالو الي ما لاحظوش وجود الطيارة من اصلو.. الكرهبة طايرة بيه و هو مش مسيطر عليها لين طاحت بيه من فوق الجبل ايهم وقتها حس قلبو و قف لحظتها فشل و عينو وساعت مالصدمة قريب يطيح مالطيارة و من ألطاف الله رجعلو الامل كيف قعدت الكرهبة معلقة في حجرة كبيرة فيسع استغل الفرصة و هبطلو شوية ربط ايهم روحو بحبل و مشالو جبدو بصعوبة و مشاو من غير ما يحس حد،جوزيف وقتها مالصدمة و النهاية الي ما كانش متوقعها و ما حبهاش تكون هكا بقى مصدوم في بلاصتو بقى يعارك في رجالو و ما مشى طل على كرهبة جاد كان ما هي سايي طاحت و تفجرت و على هالاساس توقعو انو جاد تفجرت بيه الكرهبة و تحرق على اذاكا ما لقاوش جثتو،تفكيرو كان منطقي كيفو كيف الشرطة و المحققين لعاينو الحادث..في الوقت هذا ايهم هز جاد لدار بوه الفارغة الي في الغابة و كانت مسكرة بحكم متوفين، كان بخلاف انو يد جاد اليمين في شريكاتو و اعمالو البرا كان زادا يدو اليمين داخل المافيا و طبيبهم الي يباشر بكل حالاتهم الاستعجالية....
الحمدلله ما تعرضش لاصابات خطيرة برشا كانت تنجم تتسببلو في فقدان ذاكرة والا شلل و غيرها مالامراض و هذا يرجع للسانتير لكان عاملها خلاف الكسور الي شملت يدو الزوز و ساقو اليسار و ضربة في راسو من تالي انجر عليها ستة غرز و نزف منها برشا و كسر في كتفو اليمين و ضلع من صدرو..هذا الكل اكتشفو ايهم بعد ما عملو إرام كامل على بدنو و بدا بعدها يعالج فيه و متولهي بيه اكثر من روحو
قعد عالحالة هاكي اكثر من شهرين لا يتحرك لا شي بعدها بدا يتحسن بالشوية،قام جاد نهارتها مالنوم العشية لقى أيهم قاعد عالفوتاي بجنبو سارح يخمم و مهموم،المدة لفاتت الكل ما حكاو في حتى شي و أيهم ما حب يجبدلو حتى موضوع و الا يحكيلو عاللي قاعد يصير، تكلم بصوت هادي يسأل فيه
-شكون كان يتوقع نهار نكون انا الشيطان ممدود هكا في فيلا شبه مهجورة في غابة ما يتجرأ حد يدخللها و انت سي البغل تداوي فيا😂
خزرلو أيهم متعجب في تفدليكو الي ماهوش وقتو حتى طرف، كان مقدم بدنو و راكز يدو على ركبتو
-اي والله عطاك الوقت بابا تبهر فينا بتفدليكك الماسط الي مش وقتو جملة، ياخي واعي بالوضع الي انت فيه اليوم نذكرك يا اللي تتضومر انك شبه ميت عند الاعباد و قامولك جنازة و ندابة على راسك و لولى جثتك المفقودة راهم عملولك شهادة وفاة اما آهم لتو لا سكروها القضية متاعك و البحث مزال جاري بطلب من ايثار و سيدي خوك😲 الي زادو صعبو علينا الامور.
كالعادة ما يشدش فمو و زلق بالكلام،كان مبرمج باش يحكيلو اما مش بالطريقة هذي،ديراكت تلفتلو جاد عاقد حواجبو و مضيق عينو حرك راسو شوية يسأل فيه😕
-كمل احكي شبيك بلعت لسانك و سكت فيسع،ايهم حل فمك لا نقوملك بهالعكاكز قسما بالله وقتها ندقدقك و نحطلك فرش بجنبي..شنو لمخبيه عليا و شكلك ما كنتش ناوي باش تحكيلي توا😡
-جاد والله كنت باش نحكيلك اما قلت مش وقتو شوف حالتك و صحتك كيفاه😓
-شيهمك في جد بابا و في حالتي تكلم حل فمك وترتلي عصابي و سكوتك بدا ينرفزني😠
-اوكي،ريض روحك و اسمعني مليح،نهارت لصارت الكارثة و جيتك انا بالطيارة و جبتك هنا انت وقتها دايخ،فيسع عمتلك اللازم و عاونوني الاولاد كملتلك و خليتك حذاهم و مشيت للفيلا كوم كوا نعزي و نضيع فالجرة بدات العباد تروح و كانو اعمامك و بقية الفامي الكل ملمومين و معانا جوزيف لوقت ركزت معاه لقيتو هو بيدو مركز مع احمد لواقف معانا ما علا بالو بالطقس مشى بعدها جوزيف يحكي مع مجد ولد عمك و شكلو يسقصي فيه على علاقتك بأحمد خاطرو شك فيه،،احنا هكك و دخلت مرا ما عرفتهاش اما بعد فهمت الي هي ام جوزيف..
-أيهم حرك روحك تكلم و اختصر و ادخل فالموضوع راهو مخي تحرق
-يا سيدي ماللخر و عاللخر جوزيف خوك و التوأم متاعك زادا و امكم كارمن و سيلين هي خالتكم الي ما تجيبش صغار و من حبهم لبعضهم هي و كارمن عطاتها امك جوزيف بالسرقة على بوك و عالعباد لكل و تفاهمت مع الطبة باش يقولو الي الطفل الآخر مات في وسط العملية ومشات الحكاية هكاكا لين ماتت امك و تعدات سنين و سنين كبرتو فيها كل حد في شيرة بعيد على الآخر و كل واحد فيكم شد ثنية و يا سي جاد خالتك هذي تراقب فيك مللي انت فرخ صغير و تعرف تفاصيل حياتك الكل اكثر حتى منك تي اكثرش من اولادنا متع المافيا تعرفهم الكل واحد واحد و انت تخيل وحدك قداش كانت معاك لحظة بلحظة مرافقتك و حاميتك بدعاها و انت ما كنتش حاسس بيها و تعرف زادا بسي ماكس الي هو جوزيف و حكاية الانتقام لبيناتكم و حكاية رجوعهم لتونس كانت خاطر مرضها و وقت غفلت عليك شوية ضيعت اخبارك اما عرفت بعد بموت بوك و رجعتك انت لتونس اذاكا علاه هي زادا رجعت بحجة انها في اياماتها الاخرة و بعد الصدفة لعبت دورها و الباقي انت تعرفو.
جاد كان يسمع فيه و حال فمو يحاول يستوعب و يفهم الي قاعد يحكي فيه أيهم،تكلم بصوت كلو تساؤولات
-يعني جويف خويا و هذا يفسر وجه الشبه الكبير الي بيناتنا،يفسر الاحاسيس الغريبة لنحس بيها كل ما نراه,يفسر حبنا الزوز لنفس الطفلة و يفسر الحركات لنعملهم انا و لاحظتهم فيه هو زادا..
-بالضبط..
رجع راسو لتالي عاود اتكى عالمخدة غمض عينو و حط يدو على جبينو كيما كان راقد،ايهم ستغرب فيه كيفاه ما عمل حتى ردة فعل قوية اما يعرف صاحبو مليح وقت يسكت على حكاية كبيرة يفهم الي هو قاعد يربط فالخيوط و يكمبص لحاجة مش باش يكون وراها خير..
-جاد..فما حاجة اخرى😟
-الي هيا؟
-المافيا الروسية..
-ايوااش ختمت تو وانا نقول شبيهم مبهتين الحس و ما عملو شي!
-رجعو بتهديداتهم و يحبو يقتلوك على العملية لفسدنهالهم آخر مرة تي متع السلاح
-اي مو كيف كل مرة تحالفنا معاهم راقبناهم و جبدنا بيهم كالعادة بعد ما خربنالهم المخطط متاعهم و بعد الفدرالية الامريكية كملت خدمت خدمتها بعد ما عطيناهم اهم المعلومات شدوهم متلبسين و حطوهم في قلبو الجماعة الكل
-اي هذا الي صار،اما ماهو خو البوص متاعم خرج مالحبس و كمل مسيرة خوه و يحب ينتقم منك و خوه هذا مش ساهل ولد الدومان و خبرة اكثر مني و منك اكيد سمعت بيه😧سفاح تكساس😲
حكمو عليه مؤبد تي الراجل قلك قاتل عباد قد شعر الراس بخلاف التجارة بالاعضاء و السلاح..الحاصل هو تو خرج ما عندوش برشا و ما في مخو كان انت و هبل كيف سمع بيك مت اما...
-اما شنو حل فمك😡😡
-السيد عينو كبيرة و وصلت لايثار و ناوي يخلص بيها هي😟
-😡👹نجوم السماء اقربلو منها..كالعادة ماهو بعثت جاسوس منا ليهم؟؟
-اكيد
-بيان..ماعدناش برشا وقت لازم نتحركو فيسع و نحب تقرير مفصل ب ماضيه الكل هذا
-روسي الجنسية عمرو 38 سنة و عايش في تكساس مللي هو صغير بدات مسيرتو الاجرامية بقتلان امو و بوه اما كان يحب خوه و اختو برشا و متفاهمين خلاف انو مريض نفسانيا عندو زادا مرض نادر و مهووس بالقتل و يتفنن مليح في تعذيب ضحيتو بشتى طرق التعذيب..هذا الي نعرفو عليه..
-نقاط ضعفو؟...
-حب طفلة مللي كان صغير و ولى مهووس بيها و كره النسا الكل خاطر هي رفضتو و اذاكا علاه اكثرية ضحياه نساء بعد ما يغتصبهم يشرحهم و هوما حيين😨
-جاد شبيك بارد فاش قاعد تكمبص المرة هذي؟😕
-نربط فالخيوط و غدوة نقلك شنو باش نعمل و شنو لازم يصير فالاعوام الجاية😴
-اعوام جملة وحدة؟علاه ناوي تقعد عالحالة هذي؟
-اي..الشيطان لازمو يرجع توا يزيه ما رقد😈👹
-و ايثار😕؟
-جوزيف تو يقوم بالواجب
-يعني؟
-غدوة تعرف😐
-اوكي نخليك ترتاح و ما تنساش تشرب دواك و تعشا قبل
خرج أيهم و قعد هو يخمم و يعاود ليلة كاملة ما رقدش كان الصباح هزتو عينو شوية و قام على صوت ايهم لدخل يتفقد فيه
-صباح النور..هك فقت
-سعيد..وانا رقدت! اقعد حاجتي بيك
-صبح مزالت 6:00 راهو 😯
-ترص اقعد و حللي هك الطاصة لعندك مليح.. البريود هذي خليك مع ايثار و منها تراقبلي جوزيف مليح و نورمالمون ماخو كونجي هو،تعين واحد مالاولاد يشوفلي اك الكلب احمد وين بالضبط و يجيبلي تقرير مفصل عليه،و توافيني بكل جديد متعلق بالمافيا الروسية،،نجيو توا للأهم توا نورمالمون تعداو شهرين على موتي معناها اكيد عملولي الاربعين تزيد تستنا شوية تخرج ايثار مالحالة لهي فيها😢و تجيبلي جوزيف.
و وقتها انجمو نبداو في كل شي..
-اكيد خاطركم توامة و تشبهو لبعضكم الحاجة هذي باش تعاونا برشا
-صحيت هك فهمتها..حاجة اخرى فترة مشيانك و جيانك عالفيلا الكواترو الكبير متاعي الي معلق فالصالة هكا نحبك تعمل فيه كاميرا نحبها صوت و صورة ركب زوز في عيني و في بيت ايثار و بيت جوزيف و انت كسر راسك و اصنع جوك اعمل الي يضهرلك المهم اعرف كيفاه و وقتاه و رد بالك تجيب الشبوهات لروحك و تخللي حد يشك فيك بالاخص جوزيف خدمتو ماشية في دمو هاكا..
مشا كل شي مريقل كيما حب جاد و اكثر،الفترة هاكي كان مداوم عالمساج و عامل مجهود كبير و حارص انو تتحسن صحتو و يرجع يمشي على ساقو كيما كان،و فعلا ارتاح بالباهي و السبور و البيسين عاونوه مليح و زيد الموقع متع الفيلا الي في وسط غابة نائية ما يدخللها حد خلاه يرجع يتدرب على السلاح الي بقا بعيد عليه برشا و أيهم زادا ما كانش مقصر مسكين تعب معاه برشا كان مقطع بين اللهوة بيه و بين كل تحروكات المافيا الروسية و البوص الجديد و بين الفيلا و ايثار و كل تحروكات جوزيف و فكرة الكاميروات الي عملهم كانت في بلاصتها خاطر نقصو عليه برشا مرج و تعب..تعداو الايامات كان يراقب فيها لحظة بلحظة و هي شادة بيتها تعدي النهار بين البكا و النويح و تصاورو الي حفضت ادق تفاصيلهم،ساعات تهبط حذا الجماعة الي محاولين انهم يخرجوها مالحالة لهي فيها،لاحظ زادا التقرب الكبير لقاعد يتطور في كل مرة و يكبر بينها و بين جوزيف و مطمان للحاجة هذي خاطر عندو ثيقة كبيرة في خوه الي ما غابش حتى هو عليه لحظة كان يسمعو كيف يبدا وحدو في بيتو و يحكي عليه يوجعو كلامو و يتحسر على الايامات لعداوها بعاد على بعضهم 😔 و الزوز كلهم امل انو ترجع المياه المجاريها رغم نسبة الامل القليلة لعند جوزيف في انو يلقى جثت خوه المفقودة الي حارو الناس الكل في امرها...
قام الصباح بكري كالعادة خرج عمل فوتينغ في الغابة و رجع يلقى ايهم حضر الفطور عمل دوش و رجع يفطر،قعدو على الطاولة تكلم جاد و هو ياكل
-اومبرانسيب كل شي حاضر و مريقل معلوماتنا كاملة و جونا باهي يضهرلي وقيت باش تجيبلي جوزيف و نتوكلو على ربي
-اي كل شي مريقل..حتى البوص محبس اللعب توا شي من جوزيف الي ما يفارقش ايثار دقيقة و الحماية لمكثفها في الفيلا و شي من الفدراليه الامريكية و حتى الروسية يتبعو فيه و مش لاقي كيفاه يخدم خدمتو
-بيان، كل شي حد لآن لصالحنا و الجو مساعدنا دونك لازم نتحركو..كلم جوزيف توا ما تضويلو شي عليك بدل صوتك و اسلوب كلامك.
كومبوزا أيهم الرقم و كلمو باش يمشيلو..(تعرفو شنو حكاو بالضبط)..
بعثلو الادراس وقت عرفو انو وصل للغابة عاود كلمو ايهم و قلو يستناهم في بلاصة اخرى و غادي وين مشالو هو و جاد و كانت الصدمة الكبيرة لجوزيف و هو يشوف في خوه قدامو حي يرزق😢
كانت لحظات صامتة اما كلها مشاعر و احاسيس و كلام ما تقالش بالفم اما فهمتو عينيهم الي حكات كل شي و دموعهم الي عبرت على كل لحظة حرمان عاشوها من غير بعضهم و كبرو فيها بعاد لا حد يعرف بالاخر،قلوبهم الي تضاربت دقاتها في بعضهم و قت تلاحمت ابدانهم في تعنيقة قوية، تعنيقة الخوات لعاشو النقص و الحرمان،نقص مشاعر و احساس الاخوة لبعضهم و حرمان الخوات من كل حاجة حلوة من كل احساس من كل فرحة وحتى من كل حزن.تحرمو من انهم يعيشو صغرهم بين امهم و بوهم حتى لو فراقهم كبير اوموان تكون عندهم ذكربات تبقى راسخة في قلوبهم و مخاخهم كيفهم كيف اغلبية الصغار ليفقدو ولديهم على بكري،تحرمو من انهم يكبرو مع بعضهم و يتنافسو و يقراو يلعبو ويتعاركو ويرجعو يتسامحو شأنهم شأن الخوات الكل،كان مالمفروض انهم يمشيو في نفس الثنية اليد فاليد مساندين بعضهم فالخايب و الباهي عالحلو و المر ياقفو لبعضهم في كل صغيرة و كبيرة، كان مالمفروض حياتهم تكون برفاي ما ناقصها شي هكا يشوفوها الناس و بالنسبة ليهم هاكي هي عيشة الاغنياء الكل اما الحقيقة بالعكس تماما هوما يلعبو على التصاور ما يعرفو حتى شي من الي قاعد يصير وراء الكواليس و انو الواقع و الحقيقة عكس الي يشوفوه و يفهموه هوما،،حياتهم بالنسبة ليهم كانت فارغة من كل شي رغم انها كانت مليانة بكل شي،كانت في نضرهم فارغة و ديما ناقصة حاجة، ديما عايشين هك الفراغ الكبير الي يجهلو كيفاه و وقتاه و شكون باش يعبيه و يمليه..في اللحظة هاكي كان لقاو كيفاه راهم دخلو في بدونات بعضهم مشهد خلى دموع أيهم تهبط تبسم تبسمة وجيعة حس بيهم و حيرولو مواجعو على اختو الوحيدة الي توافات و كانت سبب دخولو للمافيا مع جاد و حتى كيف حقق انتقامو ليها ما بردش على موتها نارو مزالت شاعلة و ما يشفي غليلو حتى شي كان رجوعها المستحيل و قعد محروم منها و من ضحكتها الي ما فارقتوش ثانية،مسح دموعو فيسع و نسحب خلاهم على راحتهم..بهذا الكل و رغم وحشهم الكبير لبعضهم ما نطقو حتى حرف دموعهم كانت معبرة على كل وجيعتهم و مشاعرهم،جوزيف لكان يتفقد في بدن جاد كيف المجنون مش مصدق انو خوه قدامو حي ما جا لبالو شي وقتها و ما سأل روحو حتى سؤال كان همو الوحيد انو خوه حقيقة قدامو و ماهوش وهم والا قاعد يحلم في حلمة و خايف يقوم منها مع طلوع شمس نهار جديد..
بعد هاكا الكل خلطو على أيهم لسبقهم للفيلا دخلو لقاوه مبزع عالفوتاي يتفرج هز راسو يتمنيك على جوزيف😄😆
-أيهم:اهلا بالعميل..اهلا بسي ماكس
-جوزيف:(ترما عليه جوزيف خنقو)ههه صار هو انت يا واطي اي عطاك الوقت و لعبتلي بعصابي يا فرخ😡
-أيهم:(خمج مخو كالعادة😂)احمد ربي جاتك باللطف و لعبتلك بعصابك كهو😉
-جاد:ههه ايا عاد شنو توا سيبلي شطري😂
-أيهم:توا شطرك انت يا بليس قبل كيف كنت تسب و تلعن فيه ما كانش شطرك اه!! والا جاك هو محسوب و نقذك مو سبب الخراب😒 يااا معلم ملا عايلة ستر ربي منكم زوز كهو و عاملين شر العمايل في الدنيا و ناسها كعبة اخرى و تحتلو العالم ولاد الياس يقوى عليكم ربي
-جوزيف:عين الحاسود فيها لوحة عود شوية فيها
-جاد:جوزيف توا باش نأجلو كلامنا احنا و الاسئلة الي فينا الكل لمرة اخرى خاطر فما ما اهم
حكاولو كل شي من حكاية المافيا الروسية لفسدو عليها عملية ترحيل كميات كبيرة مالسلاح بالمليارات لألمانيا لحكياية سفاح تكساس لموت جاد المزعوم و السفاح ليحب يقتل جاد و باش ينتقم من ايثار لوين نقذو أيهم و الوضع لهوما فيه توا..
جوزيف كان يسمع فيهم مليح و بالاوراق و الادلة لقدامهم و المعلومات لعندهم فهم كل شي و عرفو شنو باش يعملو،سكت جوزيف شوية مضيق عينو مرجع بدنو الكل لتالي متكي عالفوتاي مكتف يدو و قاعد يخمم نفس البوزيسيون عاملها جاد و كيف كيف يخمم😄أيهم بيناتهم يخزرلهم الزوز و هوما مركزين طلعو العصب تكلم بغش😬
-بالاهي فكو على دين بويا و انا تقول قاعد بين زوز مرايات وحدة تعكس في صورة لاخرى
-جاد:شبعزاك الهم هذا😡شتحب لباس ماهو!
-يا خويا ما تقعدوليش الزوز فرد بوزيسيون نفد و نجن انا تي خلاو الواحد يخدم مرتاح يااا زحي بلاهي قداش منو مخي نركز معاكم و الا فالمافيا و الا مع شنو.و يحبكم ربي نهار تجيو لابسين كيف كيف حتى بالصدفة بالله العظيم لا نزيد معاكم درج، ستنى لحظة جوزيف تره نحي مريولك(مشالو ينحيلو هو خاطر جوزيف حبس و ما فهم منو شي و شهق شهقة وحدة كيف لقا عندو نفس الشهوة لعند جاد في كتفو اليسار😂كمل شاف نفس الوشام بحرف"J" زاد هبل😂😂)يا خويا الشهوة و نعديها هاكي تابعة شهاوي للا كارمن اما دين بو الوشام كيفاه صادف و عملتوه كيف كيف؟
-جاد:انا عملتو اول نهار باش ندخل فيه للمافيا قابل بنهار سبت عشية عند وشام في لاس فيغاس
-جوزيف:و انا اول نهار ترقيت فيه و وليت عميل و بديت بأكبر مهمة ليا والي هي اني نشد سيادتك سيدي خويا سقيا حفات في جرتك😒😂و قابل زادا بنهار سبت عند نفس الوشام..اما غريبة كيفاه ما تقابلناش
-جاد:قداه كنا قراب و المسافة بيناتنا مقصرها.
-جوزيف:مصغرها الدنيا ربي كتبلنا باش نتفارقو و نعاودو نتلقاو و تجمعنا القدرة في ضروف كيف ما هكا..الحمدلله تلم شملنا خويا ربي يعوضنا نشالله😊اي نرجعو لموضوعنا توا و انت سي البغل عاونا بسكاتك..
-جاد:و ما فماش علاه باش تضيع بيناتنا و ما تفرزناش تنجم تعرف صاحبك عاد😉
-ايهم : هههه اي والله نسيتها هك الخريطة لعاملها في كرشك😂😂..مريقل توا..واصلو
جاد:قبل ما تبدا تفسر الي في مخك فما حاجة ما اهم و بالحق الخطوة هذي هي الي باش تسهللنا مهمتنا شوية
-جوزيف: الي هي؟؟
-تعرس بايثار😨
-هههه باز تفدلك..نشالله لباس بابا😑
-مانيش نفدلك و تعرفو انو ايثار خط احمر 😡
-تفضل اقنعها انت مالا
-لا هذي باش تكون خدمتك انت و عندي ثيقة فيك جوزيف نعرف انك باش تقنعها و من غير ما تفسرلها حتى شي زادا
-نحاول..اما فسرلي شنو في مخك قبل
-هنا يكون هدفنا مالعرس الي نحبو يكون مهرجان على حالو باش توصل الحكاية للجماعة و هنا باش تضهرلهم ايثار قوية و ماكانتش تحبني و انو طامعة في فلوسي و ثروتي،في نفس الوقت لازمك تفيقها على وضعها بأي طريقة و تخليها تخرج للدنيا و تتعلم تكون قوية و اتدافع على روحها رغم انها مش مستحقة الحاجة هذي خاطر احنا ديما في ضهرها..بعد مدة كيف تعرفها سافا و نفسيتها مريقلة اجبدلها على العرس و بعد على الجو و الزازا و لازمك تعرف كيفاه تقنعها و كيف ما قتلك الحكاية هذي باش تسهللنا مهمتنا و تخفف نسبة الخطر على ايثار..باش نستغلو زادا الشبه لبيناتنا في برشا حاجات..توحشتها لازمني نشوفها قبل ما نبدا في الحرب هذي الكل خاطر هي الوحيد لتعطيني اينارجي و تقويني باش انجم نواجه و ناقف لكل شي😔💔
-جوزيف: اوكي عاللقل نلقى انا الوقت باش نمشي لامريكا و نطرح الحكاية مع بقية القروب خاطر المجرم هذا هارب مالعدالة و الدنيا قايمة قاعدة عليه لازمنا نشدوه اليوم قبل غدوة لا يزيد يعمللنا كوارث اخرين و معادش يبطى باش يظهر قدامنا الا ما يعمل حاجة..و لوقتها كيما قلت انت نتقمصو شخصيات بعضنا حتى يسهل ربي و توفى هالحكاية
-جاد:مريقل اما ماذبيا في اقرب وقت خاطر بالحق معادش انجم نطيق بعدها عليا😔 و جرعة الاكسيجين لخذيتها منها آخر مرة قريب توفى و نحس في النفس بدا يتقطع عليا و بديت نتخنق😣
-جوزيف:نشالله في ايامات العرس خاطر انا وقتها ممكن تقابل سفرتي بالدات هاكي
-جاد: جوزيف ما نيش باش نقعد نحكي و نوصيك عليها هاكي عينك انت و كل حياتي و دنيتي انا و اليوم ما عايش كان على خاطر حبي ليها الي حارب كل شي فيا حب يموت و رجعو للحياة..امانة عندك
-جوزيف: مريقل تهنى..انا لازمني نقوم توا بيناتنا تاليفون و ملتقانا نشالله قريب بإذن الله.....
هنا لوين رجعت بيه ذاكرتو،كان مزال متكي رغم برودة الطقس الا انو كان يفور بالسخانة مش منجم يتقبل و يستوعب فكرة انهم في نفس الفيلا و تحت نفس السقف و قراب لبعضهم القرب هذا الكل و هو عاجز انو يخطي خطوة ناحيتها،عاجز انو يعنق مرتو و روحو،عاجز انو يقربلها و اضعف الايمان يسرق بوسة من خدها،توا باش يتقيد بالمسافة لبيناتها هي و جوزيف عالاقل ينجم يعنقها ينجم يشدلها يدها و يفدلك و يلعب معاها فد اما لازمو يصبر و يضحي خللي توفى هالحكاية، طلعو العصب و السخانة هز روحو و دخل عمل دوش بدا ينحي في دبشو كمل نحى معاهم الجلدة الاصطناعية لعاملها باش نجم يغطي اثار الشلط السبعة الي في كرشو،دوش و بعد ما كمل لف المنشفة على روحو و من فوق عريان وقف يخزر لروحو عالمراية بالسيف يلبس فالخيط الي يلبسو جوزيف ديما في رقبتو و كانت تعليقتو تتمثل في نأب ذيب و رصاصة كان خرجها من صاحبو الي مات بالغالط على يدين جاد، رغم انو بخلاف الليلة هاكي لجمعتهم و كانت آخر ليلة ليهم مع بعضهم الا انو يعرف و متأكد انو ايثار ما نساتش و لو تفصيل صغير في بدنو و تحفرت كل لحظة في قلبها و روحها و على اذاكا كان حريص على انو يغطي اي اثار تخص جاد نفسو و يخلق في روحو كل تفاصيل جوزيف بداها بالخيط هاكا للوشام لعاملو جوزيف في رقبتو تحت وذنو بالضبط وكان تابع الخدمة و بطبيعتهم كانو يتشاركو في نفس الشهوة الي في كتفهم و نفس الوشام الي في يدهم الي كان يتمثل في اول حرف من اسمهم اما الي صعب عليه هو تقليدو لكلام خوه و حركاتو و تفدليكو و طبيعتو بصيفة عامة،صحيح كانو توامة و نسخة مطابقة للاصل اما كل حد و شخصيتو و طبيعتو الي عرفوهم عليها الناس و حبوهم و كرهوهم بيها، جاد و جوزيف نفس العبارة كيف تقول برد و سخانة كانو كتلتين من التناقض و الاختلاف جاد ببرودو المجنون و جوزيف بانفعلاتو و ردات فعلو السريعة الي ياخو بيها موقف في نفس اللحظة و تتعكس طبيعتهم وقت غشهم، يتحول برود جاد لحمم بركانية طايرة من عينو و يرجع لأصلو و وقتها يطلع الشيطان الي فيه و يسيطر البرود على شخصية جوزيف الي تتحول لكتلة ثلج و تتدفن اصل شخصيتو تحت انقاض البرود و اللامبالاة..
للحظة نسا روحو و نسا وضعو الحالي و كل شي واول ما سمع صوتها تنادي عليه و تقلو باش ندخل لين سمع خطواتها وصوت الباب الي علن على دخولها سايي،فيسع خرج مالدوش يزرب و اووب يدخل فيها ما فاق على روحو كان و هي بين يديه لاصقتو و كان تهز يدها شوية تولي معنقتو..تلاقت سهام عينهم اخيرا بعد شهور الحرمان حتى من امل اللقاء الشبه مستحيل،تقابلت نضراتهم و سرحت الى ما لا نهاية حبهم الابدي،واول ما ابدانهم لامسو بعضهم حتى سرات فيهم رعشة في كامل بدنهم رعشت معاها قلوبهم و تحبست معاها انفاسهم و تحجرت عينهم لا ترميشة لا تحريكة😍كان شاددها بيدو الزوز من خصرها و يدها هي الزوز جات على صدرو العريان لكان يقطر بالماء لهابط من شعرو😘😍نفس الاحساس و المشاعر،نفس الرعشة و لهفتهم على بعضهم،ريتم نفسهم المزروب هو بيدو تقول شكون يجري في جرتهم،رعشة شفايفهم و حموريتها هي بيدها،هو عراها بعينو و هي ذوبتو ببراءتها و تذبيلة عينها الاارادية الي مستحيل انو ينجم يقاومها و يشد عليها روحو و ما يعمللها شي كيف ما كان متعود..
هي كانت ميتة حية بين يديه،اليدين الي لا ممكن لحظة تنسى حنيتهم و احساسها بيهم،الاحساس الي تحسو كان مع لمستو هو لا غير،من اول ما شافتو بعد مرواحتو و هي داخلة بعضها احاسيسها و اوهامها و خيالها يهزو فيها و يجيبو و هي كيف الكورة بيناتهم مش فاهمة شي و مش عارفة حتى شنو تصدق من هالمشاعر الي داخلها،رغم قربها الكبير والي تحسن من ناحيت جوزيف الا انها لامرة نجمت تحس و الا تعيش ثلث الاحساس الي حاستو توا،دقة قلبها مش عادية..قاعدين يصيرولها حاجات ما يصيرو الا بحضور جاد و كانت شبه فاقدتهم تقريبا والا شبه حاسة بيهم احاسيس فاتت عليهم شهور و ايام و عاودت تحيرة توا..علاه؟كيفاه؟شنو قاعد يصير؟؟ و غيرهم من الاسألة لكانو يدورو على بالها و مش منجمة تنطق حتى بحرف منهم..اصلا لسانها رزن و مش منجمة تتكلم و الا تقول حاجة،تي ما نجمتش حتى تبعد و الا تجبد روحها منو،روحها الي كأنها لصقت فيه و تأبى انها تبعد و تفارق بدنو مرة اخرى..
قعدو هكك ما يعرفوش قدااه لين خرجت هي عن صمتها،تكلمت و مش عارفة كيفاه نطقت اسمو مصدومة وقت نسا هو روحو و نسا كل شي و نزل عليها بشوية بيديه الزوز و قرب لشفايفها لمات و فنى وحش عليهم،، كانو روز يرعشو💋نفس الحالة و نفس الاحساس بالنسبة ليه هو..اسمو لخرج من شفايفها فيقو عللي قاعد يعمل فيه كان لازم يتدارك الحكاية و يكذب شكوكها الي هي صحيحة او بالاحرى يكذب اوهامها و تخيولاتها الي لازم يكونو سراب و ماعندهم حتى اساس من الصحة بالنسبة ليها،لازمو يكون اقوى من هكا و يتعلم يحارب ضعفو قدامها و يصنع منو القوة لباش تخليه يواجه كل شي و يرجعلها و يرجع لحضنها...
فيسع لقف روحو بعد عليها شوية و جاوبها
-ايثار انا جوزيف😕شبيك ياخي؟؟
كانت داخلة بعضها حشمت قدامو حطت يدها على وجها تغطي فيه و اتطرشقت بالبكا
-سامحني جوزيف😢للحظة تخيلتك هو مانيش فاهمة روحي و شنو صارلي
تحكي وتبكي بالشهقة و مع كل دمعة تهبط من عينها يتقطع قلبو عليها و يمكنو العصب يحاول يسيطر على روحو باش ما تراش غشو الي بان في عينو لحمارة فيسع كبس بونيتو،حس روحو عاجز على حتى انو يواسيها و يخفف عليها كيما يحب هو، على طريقتو الخاصة،على طريقة جاد...
عينو ظلامت تخلط عليه كل شي بين غشو على روحو من العجز الي تملكو و بين الوحش الي خلا بدنو الكل يرعش عليها،يتمنى يعنقها و يقلها كل الكلام لقعد مخزن في قلبو المدة هذي الكل،يحكيلها على عذاب بعدو عليها،على وحشو ليها،على ليالي الارق لعاشهم من غيرها و بات يخمم في حالها المتدهورة عليه😢و في نفس الوقت ما يحبش يعنقها و يقعد ساكت و تكون تعنيقتو باردة ما فيها حتى معنى اما ما نجمش يمنع روحو كي قوات هي فالبكا و دخلت في شبه حالة هستيريا..عاود قربلها يحاول بكل قوتو انو يمنع كل بدنو انو يلمسها ما نجمش خاطر الي قاعد يعمل فيه مستحيل..قرب منها برشا لدرجة انو انفاسها السخونة ضربت في رقبتو و حرقتها و ذاب هو معاها،غمض عينو و قعد مغمضها نزل عليها بقوة باش ما تجيش عينو في عينها و ينهار اكثر و يفقد السيطرة كليا و وقتها معادش ينجم يتحكم في شي والا يمنع الي باش يصير و الي من الاكيد باش يطيحلو كل مخططاتو في الماء،ريتم النفس متاعو قوى ضعف قدامها،حط جبينو على جبينها هز يدو شد بيها رقبتها،انفاسهم تخلطت و اتحدت دقات قلوبهم لعبرت تلقائيا على حبهم و وحشهم لبعضهم من غير علم ايثار الي واقفة بين يديه مبهمة مش لاقية حتى تفسير للي قاعد يصير تعرف مليح انو الشخص لقدامها هو جوزيف اما علاه هالاحاسيس و المشاعر لحاطتلها صورة جاد بكل ما فيه من تصروفات و تعابير و ملامح قدامها..زاد قرب لصق فيها و جبدها في حضنو عنقها بالقوي و غرس راسو في رقبتها يستنشق في ريحتها و ياخذ في جرعة الاكسيجين الي تخليه يواجه الدنيا و العالم الكل على خاطرها، عاود هز راسو و قعد يتأمل و سارح في عينها😍غابتو قداه توحشها و توحش يتوه في اعماقها،،
سايي عجز انو يتحكم في روحو و في الرغبة لتملكتو😍 اماهو العقل ليتقبل فكرة انو يقعد بعيد على مرتو الي هي روحو و نبضو و كل حاجة فيه،يحب يحكيلها و يعبرلها عاللي حاسس بيه والي في قلبو،يحب يقوللها كلمة نعشقك الي كيف تسمعها منو تضحك و تظهر غمازاتها من تحت حجابها..
طريقو لبر الامان طويييل و شنو باش يصبرو على بعدها،طريق طويل و محفوف بالخطر اما لازم يجتازو على خاطرو الطريق الوحيد الي رغم الخطر متاعو آمن في نفس الوقت و هو لباش يوصلو ليها و يعيشو بعدو العيشة لحلم بيها اول ما عشقها..
قداه باش يقعد محروم عاللقل ينجم يستفيد من الشبه لبينو و بين جوزيف اوموان يكون معاها في نفس الدار و تكون تحت عينو..
مجرد انو انفاسها قاعدة تلامس في رقبتو و تحرق فيها فيقت كل شهوتو و الرغبات الي فيه و حركتلو كل حواسو و شعلت الحرب لكانت خامدة شهور من اول و جديد ،يحس في روحو قاعد يتقلى على نار هادية عقلو طار من راسو و عينو ظلامت ديراكت حط شفايفو على شفايفها و قعد يبوس فيها بكل الشهوة لفيه بطريقة مجنونة تعبر على كل الوحش و الحب و الرغبة لفيه ليها....
(حطوااااا جااااام قبل ما تقرااااو)
الحلقة 18 :
كان يبوس فيها بكل شهوة تعبر على وحشو و شوقو ليها,الوحش لقتلو و فناه و عذبو ليالي،شادلها راسها بين يديه و مغلغل شفايفو في شفايفها يذوق و يتطعم و يتبنن فيهم قداه توحشها و توحش كل قطعة من روحها و بدنها،يعرف وجعها و قاعد مستقوي عليها و مغصبها اما مش بيدو هذا حكم قلبو عليه و هو رضخلو بكل حاجة منو و فيه و ماسيبها كان كيف سمع صيحتها المكتومة بين يديه،صيحة وجيعة ما تتقاومش رخف شوية دزتو وقتها بقوة جهدها و على ما تجيب يدها تهزها و يجيه كف منها دورتلو بيه وجهو😂😰عينها تقدح نار و شر،رغم الصدمة و الضعف الي على وجها مستقوية على روحها و عليه زادا،شفتها اللوطانية مفلوقة و دمها سايل اما مش حاسة، دموعها سبالة هابطة سخونة جرحت خدها،مخنوقة،مصدومة و صدمتها قوية من انسان كان آخر شخص تتوقع منو عملة كيف الي عملها،حواجبها معقودة و عينها مضيقتهم ملامح وجها كلها تساؤولات،تحب تفسير عللي صار يوضحلها و الا اوموان يقنعها بأسبابو، كانت ترعش بكلها،سايي معادش فيها بالغش و العصب لعماولها عينها و خلاو الشعيرات الي فيهم يضهرو و يحمارو و تغطى بيهم جزء مالابيض،عينها لتدفن سحرهم تحت انقاض دموعها و قعد بارز فيهم كان اللون الاخضر لزاد فتاح اكثر عالعادة، تخطات الخنقة و الغصة الي في حلقها و تكلمت رغم قراجمها المجرحة و صوتها المبحاح الي بالسيف مسموع اما هي مش حاسة بهذا الكل و مش هاممها شي غير انها تفرغ قلبها الموجوع لفاض كاسو و معاد منجم يتقبل حتى صدمة و ما عاد متحمل حتى بريسيون،تصيح و ادز فيه بيديها الصغار الي دوباش يحركوه
-هذه طينتك ياللي ما تحشمش؟تبوس مرت خوك يا واطي؟خوك راهو الي زعمة زعمة كل ليلة نراك تبكي عليه،برافو طلعت تعرف تمثل..صحيت(تزيد الكف الثاني😲)هذا خوك لتحرمت منو،خوك...
الشيطان كيما سميتوه،الشيطان لعشقتو و باش نقعد لآخر حياتي نتنفس غرامو و عشقو حتى و هو جثة هامدة تحت التراب(مزالت الدز فيه و هو ساكت)تكلم عاد وينو لسانك و وينهي رجوليتك لكنت تستعرض فيها عليا توا،هذا انت يا جوزيف؟ الي حبيتو كيف خويا و احترمتو و اعطيتو قدرو و قيمتو تجي توا تعمل الي عملتو،توصل تخمم تحط يدك على مرت خوك؟والله قداش طحت من عيني يا خسارتك،اما تعرف الي حيرني انك وصلت خممت هكا و انت تعرف انا وضعي شنو،تعرف الي انا حبلة منو،من الانسان لنعشقو و نموت فيه و كان مش حرام راني خلطت عليه انا و ولدو والا بنتو و رتحت من هالعذاب و الجحيم لعايشتهم من غيرو..اما زايد توا الكلام اخرج عليا و كسرتك معادش تحطها عليا و رد بالك تتجرأ و تكلمني مرة اخرى هو النبه عليك و فكرة العرس نحيها من بالك و مضمض عليها... ♡♡واقف يسمع فيها و مش مصدق،مش حاسس لا بيدها لدز فيه و لا بالكفوف لكلاهم،مخو قعد واقف كان فالكلام لقالتو بإنها حبلة منو،الكلام لقعد يتعاود في وذنو و بعدو ما ركز معاها في حتى كلمة اخرى،رجعت بيه ذاكرتو ل ليلتهم المجنونة، لآخر ليلة جمعتهم ببعضهم،ل الليلة لكانت ثاني نقطة تحول في حياتو،الليلة لاتحدو فيها روحين و قلبين لقلب و روح وحدة تنبض بالحياة و الاحاسيس و المشاعر تتنفس و تسمع و تشوف و تحس كان بالحب،روح كلها شهوة و رغبة و عشق و غرام،روح محرومة تايهة ضايعة تلوج عالامن و الامان و الطمأنينة،حلمها ترسي على صدر دافي حنين مليان عشق و محبة ينسيها و يعوضلها الحرمان و الوجيعة و الاهانة لعاشتهم طول حياتها،روح اتطمنو تهديه اتدلو على الطريق الصحيح و انو الدنيا مش دم و ثأر و انتقام،،،ضيق عينو و عقد حواجبو يتساءل في داخلو يعني جوزيف في بالو؟😕مستغرب فيه كيفاه ما حكالوش على اهم حاجة ممكن تصيرلو و شنوا السبب لخلاه عمل هكا،طرافو بردت و حس برعشة سرات في بدنو،حس بمعنى العجز الحقيقي،حس بقداه عيشتو الحالية تافهة و ما عندها حتى معنى،توا باش تلذذ طعمة موتو الي ما عاشهاش،توا حس بقداش دقات هالقلب فارغة و قداش ما عندوش معنى هالنفس ليتنفس فيه و قداش تافه وجودو الي ولى بالنسبة ليه كيف عدمو،قداش الي عملو و الي عاشو ما يسوى شي قدام هالخبر لسمعو توا و مزال يحاول يستوعبو، شنو طعمتها الدنيا كان كيف دوب يسمع خبر هكا ما يعنقش مرتو و يباركلها و يتخيلها حبلة كرشها على قلبها و تتكعبر قدامو..!ما يطيرش بالفرحة..! ما يحسش بقلبو باش يخرج و ريتم النفس متاعو قوى..! ما يتخيلش ولدو والا بنتو كيفاه باش يكونو و ملامح شكون باش يحملو و شنو باش يسميهم..! ما يكونش مع الانسانة لعشقها في كل حلاتها و في كل مرحلة تتعدا بيها من وحمها و شهواتها بأنواعهم و دوختها و قومانها و حرمانها حتى مالنوم،من مرضها و ثقلها و تقلب مزاجها..! ما يكونش معاها في هك اللحظة التاريخية وقت ولادتها و غصرتها و صياحها،معاها بجنبها شادلها يدها..!في هك اللحظة ليشرف فيها ولي العهد للدنيا و يسمع صوتو مع اول بكية يبكيها.
كيفاه باش يكون احساسو وقتها مع رعشة قلبو و دمعة عينو الهابطة على خدو،دمعة فرحة كونية بالنسبة ليه و هو حاضن ولدو ثمرة حبو من الانسانة لتنفس هواها و عشقها،الانسانة لخلتو يبدل نظرتو للدنيا و يشوفها من عينها هي،الانسانة لبعثت فيه الاحساس و الشفقةو الرحمة و قلبتلو كل موازين حياتو، الانسانة لخلتو يحس و يعشق و يحب، الانسانة لبيها تحرك الدم لكان جامد في عروقو و سرا في كل خلاياه و رجعتلو دقات قلبو لكانت شبه حابسة و بيهم كان شبه ميت لا احساس و لا ضمير معدم المشاعر حياتو ظلام في ظلام و بدخولها ولات الدنيا الوان في عينو حتى السم بوجودها يشربو و يقول عسل،كيف يبوس جبينها و هي دايخة مسلمة خارجة من حرب قاومت و حطت فيها كل قوتها و الموت مهددها في كل ثانية تتعدا و تفوت من حياتها، الحرب لانتصرت فيها و خرجت منها بثمار العشق لنتجت عن حب و هويام ابدي مخلد لبعد مماتها من انسان هو روحها و قلبها و كل قطعة منها و فيها.
كان مبهم باهت و هايم مع خيالو،سارح مش فاهم شي،الي سطرو في حياتو الجديدة و خططتلو الكل طاح فالماء و تبخر،راسو وجعو برشا حاجات خمم فيهم و جاو على بالو،برشا تصاور و احداث تعداو من قدام عينو في لحظة،واقف ما نطق حتى كلمة قاعد كان مبحر فيها عينو و المخ سارح مش معاها جملة،يرا في شفايفها تتحرك و مش منجم يسمع شي الخبر هبط عليه على غفلة ما كانش على بالو و لا عمرو كان،آخر حاجة ما كانش يتوقعها حتى،يرا فيها تغلي و تكشكش دموعها على خدها و وجها احمر مالعصب مغلغلة عليه او بالاحرى على جوزيف و كان تلقى تاكلو بسنيها،مزالت تدز فيه و هو واقف ما تحركتلو شعرة،زادتو الكف الثالث وقتها باش رجعلو وعيو و رجع يستوعب و فاق مالسرحة متاعو كان لازم يتدارك الحكاية و يهديها ما لقا ما يعمل كان انو في وسط هاكا الكل و من غير لا كلام و لا سلام ياخذها في حضنو و يعنقها،ضمها لصدرو بقوة و قداش كان صعيب عليه انو يهديها و يحاول يهدي روحو و يطفي شوية من النار لشاعلة في كنينو،عنقها رغم صياحها لزاد قوى في اول التعنيقة و بدات تهدا بعدها شوية شوية،تعبت مالدزان و ضربو على غير فايدة و على غير انو حاسس بحاجة،عنقها عندو حوطها بيدو قعد طابع شفايفو على جبينها و يحكي معاها على امل يهديها شوية و مع كل كلمة يقولها و حرف ينطقو كان يعمل في مجهود كبير بإنو يسيطر على روحو و ما يغلط في حتى شي و قبل ما يخرج الكلام من حلقو يوزنو مليح و يقرالو الف حساب،حاول يؤقع الموقف لتحط فيه و يرجع صورة خوه النظيفة في نظرها،يعرف انو بلبزها برشا و كثرلها اما الله غالب يتسمى بهاكا الكل و عمل حاجة كبيرة و ما خرجش الي في قلبو و ما عبر على شي.
-سامحني،سامحني نوعدك ما عادش تتعاود،ايثار تعرفني قداه نعزك حتى انا،تعرفني قداه نحبك و انت تعرف نوعية حبي ليك شنو،ما عندي حتى تفسير للي عملتو كان انو لحظة ضعف مني و تصديقي لهالكذبة و المسرحية لتحطينا فيها الزوز راضخين للواقع الي فرض علينا نعيشوه كيف ما هو من غير حتى خيارات،سامحني خاطر حتى المرة هذي زادا ما انجم نعطيك حتى تفسير انا بيدي نجهلو.
طيشلها هالكلمتين هز دبشو من فوق الفرش و رجع للدوش يلبس،دخل و سكر على روحو الباب و اتكى عليه شاد جبينو يتسأل بينو و بين روحو على هالحالة لوصلولها بين ليلة و نهار،لوين ماشين و وين باش يوصلو و زعمة الي عنلو حساب الكل باش يصير و الا باش تنطبق عليه مقولة الي يحسب وحدو يفضلو؟؟؟برشا اسألة دارت في بالو و فلقتلو راسو عاود نحى المنشفة دخل تحت الدوش و حل السبالة،ماء بارد قلاس في عز الشتاء هابط على بدنو و هو مش حاس بشي كان راكز كف يدو عالحيط و حاط عليه جبينو يحب يطفي نارو الي مش حابة تبرد من اصلو،،قعد شوية لبس و خرج على اساس راجع لأيهم يبرد وجهو شوية و غادي ينجم يخمم فللي صار و فللي باش يصير خاطر مستحيل كان الي حسبلو حساب باش يقعد على حالو و منها يفرغ قلبو و يفضفض لصاحبو خاطرو سايي باش يتفلق.تعدا من قدام بيتها ما نجمش يعاود يدخل جاتو رزينة و ما حبش يزيد على مابيها،هابط فالدروج يفلفس في تاليفونو يحاول يوصل لجوزيف الي تاليفونو كان مسكر خاطرو لاهي في اهم اجتماع يعملو حد الآن..
طلع فالكرهبة و عجاجة لدار أيهم،ثنية كاملة يغلي يخمم و يكسر في راسو يحاول يفهم شنو السبب لخلا جوزيف يتصرف هكا و يخبي عليه حكاية كيف هكا،كان مالمفروض يسمع هو اول واحد،يسمع منو مش من غيرو و بطريقة اخرى عكس الي سمع بيها،الطريقة لوجعتلو قلبو و خلتو يتوجع و يفقد حتى الثيقة في روحو،انهار و طاح كل شي فالماء،مش عارف يفرح و الا يخللي هاليأس يسيطر عليه و يهدو،يسوق كيف المجنون و كل ما يتذكر حاجة يعدي يدو على شعرو و ينفخ بعصب و يكمل يضرب الفولون بيدو،ما يعرش على روحو كيفاه وصل للفيلا متع أيهم ديراكت هبطو و دخل يصيح و يغلي،الدنيا باردة اما النار لشاعلة فيه خلتو ما يحس بشي كان بحرقتها في داخلو.
-في بالك ماهو بسيدي خويا شنو عمل😡في بالك يا أيهم انو ايثار الي هي مرتي حبلة و مني😡
و في بالك الي سي جوزيف هو الوحيد الي في بالو،علاه خبى؟ علاه ما قلليش؟حاولت نلقى تفسير منطقي ما لقيتش،حاولت نلقالو برشا اعذار على عملتو كيف كيف ما لقيتش..شنو لخلاه يتصرف هكا؟والله العظيم مخي وقف و زيد نكلمو ما يهزش على دين بويا،تعرف يا أيهم شحسيت وقت قتلي و صدمتني،تعرف الوجيعة و الغصة لحسيت بيهم حسيت روحي نكرة كي وجودي كي عدمو،حسيت الي عملتو الكل طاح فالماء و بالحق بالخبر هذا كل شي مشى مع الريح..
-يا جاد يهديك وسع بالك و ريض روحك خللي نفهم شقاعد تحكي,اقعد برد دمك و بعد احكيلي و فسرلي بالضبط شصار
-شنقعد يا أيهم براس امك و دمي ما يبرد كان ما يروح جوزيف و نفهم منو الحكاية و يوضحلي شنو كانت اسبابو..
-جاد ياخي انت كيفاه عرفت؟😕
-كنت ندوش لفيت منشفة و خرجت لقيتها في وجهي تلوج عليا قصدي على جوزيف بقات تحاسب فيا كيفاه ما لقاتنيش و ما هزيتش عليها التاليفون و زيد انا ما نجمتش نشد عليها روحي توحشتها قربتلها و بستها بالسيف و هي ماشي في بالها انا جوزيف دزتني و دخلت فيا بالكفوف و من غادي شدها كريز متع صياح و بكى لين نطقت و حكات كل شي.
-يعني سيادتك انت غالط و شوهت سمعت خوك عند ايثار و جاي توا تلوم فيه
-كان ما غلطش ما كنتش نعرف الحقيقة و الله و اعلم وقتاش كان ناوي سيادتو يحن عليا و يحكيلي
-جاد ما تحكمش عليه و حاول ما تظلموش اكيد عندو اسبابو
-تو نراو حتى يروح
-باه هدي روحك و برا ارجع تقمص دورك و ما تعمل شي حتى يرجع جوزيف و نشوفو معاه شنو الحكاية بالضبط و فرد مرة ريقل امورك و تفقد شريكاتك خاطر البريود هذي كيف غابو ايثار و جوزيف وصلتني حكاية انو فما برشا حاجات صارو بعدهم و بين الموظفين لعندك فما جاسوس و انا متأكد انو هو وراء عملية خطف ايثار المرة الفايتة..
-ما عيني في رجوع والله و حاشم حتى باش نقابلها و متأكد اني كيف نشوفها باش تزيد ناري تشعل و نعمل عملة كالبصل خليني حذاك خير
-يا ولدي تحرك قوم قلو ماعينيش قتلك ايجا كول انا😒و حاول صلح شوية من عملتك و رجع اعتبار خوك و ماتظلموش.
-باهي سكر عليا جاي معاه انت توا 😒مش منك مني انا لجاي نشكيلك همي هاني ماشي اقعد فيها كيف يجي اك الوبش تكلمني ديراكت هاني وصيتك
خلاه و عاود رجع للفيلا،ثنية كاملة يسوق و يحاول ما يخمم في شي خاطر مخو تحرق، وصل و بالسيف برد دمو دخل يلقى الاولاد و البنات الكل ملمومين و هي معاهم كانت تتبسم شافتو وجها تقلب،كان يحاول يتفادى انو تجي عينو في عينها و على اذاكا ديراكت تعدا قعد حذا اسامة و اتكى عليه حركة عملها خلاه حاير و مستغرب،الحركة هذي معروف عند اسامة ما يعملها كان جاد و ما يعملهاش جوزيف،قعد يخزرلو مستغرب و جاد نسى روحو حط يدو على جبينو و غمض عينو و قعد ساكت،قعدو الكل يخزرولو باهتين خاطر مش عوايدو يدخل هكك و ما يسلمش
-غيث:واا دجو شبيك داخل تعفس بابا ما علموكش تسلم،مش عوايدك الحقرة والله العظيم فكرتني بجاد الله يرحمو تقول هو لدخل😕
جاوبو بكل برود و لامبالات من غير حتى ما يخزرلو و الا يعبرو
-انا جاد 😑😨
جاوبو ديراكت من غير ما يخمم ناسي روحو و ناسي كل شي، الحكاية لصارت قلبتلو مخو و بردتو على كل شي،و في لحظة فاق على وضعو و عاود تكلم بنفس البرود و نفس نبرة الصوت لكانت خالية من كل انواع الاهتمام
-بلاهي تواما كيفاه تحبنا نكونو تي مانا فولة مقسومة على ثنين
-غسان:لا هنا تغلط دجو عديها على غافل هذي و قولها لحد ما يعرفكش😒اا معلم راك خرجت نوع الصباح و هك رجعت نوع آخر
-شي ما بيني(قام)
-عادل:قسما بالله تقول جاد،نفس التصروفات😒 مش منك مللي يجيك و يفرحلك بعرسك
-اسامة:(يحكي بهدوئ يحاول يستنبط اي حاجة تأكدلو شكوكو الي قعد يكذب فيها و يحاول يقنع روحو انها مجرد وهم لا غير)دجو باهي ما تقلليش وينهي البرسلاي لديما لابسها و السلسلة زادا منحية حسب معرفتي بيك حاجة مستحيلة انك تنحيهم حتى مالدوش اتدوش بيهم😕😒
كلي تربث شوية يعرف اسامة كيف يحس بحاجة غريبة و يراودو الشك فيها ما يبرد قلبو و يتهنى و ينسى الحكاية كان ما يلقى اجابة مقنعة بالادلة على كل فكرة و شك دارو في مخو،جاوبو و هو يحاول يتحكم في ملامح وجهو لحس انو بدا يظهر عليه التوتر😓و في نفس الوقت تذكر انو كيف دوش ما رجعش الجلدة الاصطناعية لكان مركبها فوق الاجراح السبعة الي في كرشو ماللوطى
-قلقوني شوية مش عارف يظهرلي وليت نتحسس منهم هكا علاه نحيتهم كيف جيت ندوش بكري و نسيت ما عاودتش لبستهم
اسامة هذا الكل و رغم انو بدات تساورو الشكوك و تلعبلو بعقلو الا انو حب يزيد يتأكد و قعد يستنا فالحركة لمستانس بجاد يعملها وقت يبدا داخل بعضو و الا تشد في حاجة و فعلا اذاكا لصار عدا يدو على شعرو ونفخ بعصب و عض شفتو اللوطانية بكل الغزول الي فيه،هنا كانت صدمة كبيرة لأسامة تربث و دارت في مخو برشا اسألة مش لاقيلهم حتى اجابة و قعدو الكل نقاط استفهام مجهولة،كان جاو وحدهم راهو جرا عنقو جاد حاجة اخرى لأسامة هو الي حل عليه عينو و كانلو الخو الكبير،كان معاه في كل لحظة و في كل مرحلة باهية و خايبة من حياتو، عجز و في وسطهم تربط و ما نجم يعمل شي،ما عرفش شنو يعمل فرحتو قريب توقفلو قلبو اما عرف يتحكم في روحو و يكتم مشاعرو و يخلي ملامحو عادية،مزال عندو حاجة برك يتأكد منها باش يقطع الشك و هي انو يشوف الشلط الي في كرش جاد،عاود تكلم و كلو امل انو يوافقلو على الطلب متاعو
-دجو اي برا نعملو غطسة
-نشالله لباس😒في هالبرد؟
-علاه برد و شكون قلك فالبيسين البرا مو لداخل علاه البيسين الي لوطا في الصال دسبور متاعك لواه مجعول😑اي نقص مالبخل عاد
-خللي مرة اخرى والله ماعيني و زيد عندي ما نحكي مع ايثار و بعد خارج ديراكت عندي قضية اكيدة جيست نستنا في تاليفون
هنا اسامة سكت و عداها بضحكة اما قعد يكمبص و يستنا فيه و قتاه يخرج..
واقف و قفت الشموخ المليانة غرور و حاط يدو في مكتوبو يخزر لايثار لكانت مطفيتو،يخزرلها بتعاببر باردة جامدة اما من داخل قلبو معذب و مخنوق😢
-ايثار ايجا عندي ما نحكي معاك
-وانا ما عندي شي نحكيه معاك برا فوتني😒
-قتلك قوم مانيش نشاور فيك😡
صيحتو و نبرة صوتو خلاوها تقوم من غير ما تشعر،للحظة خافت منو و ترعبت مش كان الاولاد حسو الاحساس هاكا هي زادا قلبها ضرب و تزادت دقاتو شي مالخوف و شي من نفس الاحساس لقعدت نهار كامل تحس فيه و تكذب في روحها..
قامت خلطت عليه كلمة ما زادتهاش معاه، دخل لبيروه و هي وراه مستغربة من هالتصروفات الجديدة لولات عندو مش فاهمة شي،البيرو الي من بعدو حتى جوزيف دخلاتو ليه يتعدو على صوابع اليد،دور عينو على كل تركينة فيه كل شي في بلاصتو كيما خلاه هو و كيما كانت طريقة تنظيمو ليه جيست يدخلو ينظفوه و كهو و هذي حاجة مالحاجات لكانت ايثار حارصة عليهم،ديراكت مشا وقف قدام الشباك الكبير البلار،هي مزالت وراه حايرة وقفت في بلاصتها مع وقوفو اما كانت قريبة منو،تتساءل و تحاول تلقى كلام تقنع بيه روحها عللي قاعد يصير و على اكثر سؤال محير قلبها،علاه جوزيف تحول و كل حاجة فيه توحي بإنو جاد كان جات هي الوحيدة لحست الاحساس هذا نقولو تخلوض و تحيرت عليها مواجعها و ولات تلهوس انا الي زاد بهتها انو حتى الاولاد لاحظو الحاجة هذي زيد هبلت كيف تفكرة الفازة لعملهالها و كيفاه شدها بالسيف و باسها حاجة كانت تستبعدها من جوزيف و من سابع المستحيلات انو يعملها خاطرها تعرف مليح هي شنو بالنسبة ليه و تعرف مليح حبو الكبير لخوه الي حرمتهم الدنيا من بعضهم،انفعلت فيسع و قدمت باش تبدا تصيح و تعارك خاطرها لتو مزالت تغلي عليه و قلبها مافرغش،ما نجمتش تمسمرت في بقعتها و هي تخزرلو من تالي،وقفتو و الطريقة لحاط بها يدو في مكتوبو ،شعرو كيفاه معمول (قدمت شوية)سرحتو و التعب لظاهر على وجهو،كيفاه مضيق عينو و عاقد حواجبو،الملامح الباردو و الجامدة الي عمرها ما باش تنساهم و لا نساتهم لحظة هذا الكل بخلاف وقفتو الشامخة و راسو المرفوع،الغرور و الحدة و التعجرف لشافتهم فيه كل شي يوحي بجاد لا غير..قربت منو اكثر تحاول تزيل هالافكار من راسها و تاخو موقف
-تفضل هات شعندك😒شتحب
-(قحرلها)نقص حسك و اعرف شتحكي و رد بالك اتطول لسانك المرة الجاية شنو هذي شتحب؟احكي كالعباد..ملا حالة فيك
ردت فعلو على كلامها خلتها تتصدم و تحل عينها😨و تتساءل على هالكائن لقدامها خاطر مستحيل يكون جوزيف،ضيقت عينها و خزرلتلو كأنها تطالب فيه بتفسير مقنع على تصروفاتو و التغيورات المفاجئة لطرأت على شخصيتو
-شبيك تخزرلي هكا،ما تعرفنيش؟
-واللهي لا نعرفك مالا،جوزيف ماهو😕؟
-جوزيف علاه ترا في حد آخر انت؟
-لا قاعدة نرا في برشا وجوه جديدة ليك
-صحيت هاذم الوجوه لما تعرفهمش انت،اسمعني مليح انا جايبك هنا باش نطلب منك السماح عاللي صار بكري من غير قصد،نعرف روحي غالط و سامحني معادش تتعاود،اما عندي اسبابي
-مأكثر اسبابكم دار بن راشد،تره هات،شنو السبب المقنع لخلاك تشد مرت خوك بالغصب و تتعدا عليها هكا،شنو السبب لخلاك تعمل لعملتو و جاي توا تقللي سامحني؟ياخي الحكاية عندك بالبساطة هذي تطلب السماح و طاح راح و تزيد تحبني نسامحك و نرجعو كيما كنا؟هكا ماهو سي الشباب؟تكلم عاد نستنا راني،اعطيني حتى سبب واحد مقنع يخليني نسامحك و ننسى الي صار😡
وحل ما لقا ما يقلها و لا كلمة يجاوبها بيها،هنا جات البالو حاجة وحد و هي الي باش تنقذو و تبررلو موقفو،نطق و عارف انو وقت يسمع جوزيف باش يقلب عليه الدنيا
-سامحني انا بالحق فقد السيطرة على روحي،ايثار احنا نعرفو على بعضنا كل شي انت لا عمرك خبيت عليا حاجة و تجاوزتني فيها ما حكيتهاليش انا انا خبيت حاجة بيني و بين لخلقني و هاني باش نعترف بيها توا و كان ليك انت بعد جاد الله يرحمو الي كان شاكك فالحكاية
-جاد ما ماتش الف مرة نقلكم ما تترحموش على ميت تقامت جنازتو و تقاملو قبر من غير جثمانو(مستغربة و تسأل فيه)انت الوحيد لكنت حريص معايا عالحاجة هذي جوزيف و انت اول حد ياخو معايا موقف كيف يترخم حد على جاد ما تقليش شبيك اليوم تتصرف هك؟؟
ما تقليش شبيك اليوم بالذات تحب و تحاول انك تتقمص شخصية جاد بالسيف؟شقام عليك؟و ما تقليش خويا و ما خويا و استفقدتو و هك اللوغة خاطر مش عليا يا جوزيف فهمت والا؟و انت اليوم وراك حاجة،وين تحب توصل و شنو تحب توصلي بالضبط؟😕(جاء يجاوب فيها قصات عليه)اسكت عليا و ما تقلي شي جاوبني كان على هالسبب لخلاتك تعمل الي عملتو
-ايثار انا نحب دانا و نعشقها و عملت هكك خاطر اول ما ريتك ما نعرش علاه جات هي في بالي،ممكن خاطر توحشتها و بعدها معذبني،كهو لازم نتحمل عاقبة لصار و نشالله هي زادا تتفهم وضعي😲اما انا خليتها بيها على خاطر عندي اسبابي و الاسباب هذي مش وقتها باش تتحكى و تتكشف كل شي في وقتو..
-دانا؟؟؟ قصدك بنت عمتك؟😨
-اي😔بدات حكايتنا وقت تعرفت حكايتك انت و جاد و تحديدا نهارت خطبتو لكانت باش تكون بجود و بعد خطبك انت..ما تزيد تسألني شي آخر و كيما قتلك تو تعرف كل شي في وقتو..
-و علاه ما حكيتوليش الزوز لا خير لا فيك لا فيها بعد الي كنت نحساب روحي اقرب الناس ليكم الزوز..
-ما حبيت نحكي شي خاطركم قراب برشا من بعضكم خفت لا تفسد صحبتكم و الا تصير حاجة خايبة بيناتكم نكون انا السبب فيها..باهي سامحتني توا؟
-نشالله ما تتعاودش و ديجا خلصت حقي و بزيادة مالكفوف لعطيتهملك😂
-😂😂يرجعولك😒ايثار..سافا انت توا شتحس في روحك مكش متقلقة؟
-تقلقت بكري شوية اما توا سافا حمدلله
-باهي تحب حاجة و الا شاهية حاجة نجيبهالك قبل ما نخرج؟
خزرتلو و ذبلت عينها حركة عملتها خلت بدنو الكل يرعش و دقات قلبو تزيد و سكرت عليه النفس،وجهو ولا احمر و عروق رقبتو ضهرو
-اي شاهية حاجة..الساعة نتفرج جابو بيب عالتوت شتهيتو و حاجة اخرى بلاش بيها خير و ما نحبش نعملها
-ااا بنيت عمي منين باش نخلقهولك انا التوت توا و في عز الشتاء😕اما تو نتصرف كنتش رايض توا شمحلني في فمي😑 اي و شنو الحاجة الاخرى قول ما تحشمش مني مالاول قتلك ولد جاد هو ولدي..اي حاجة تقلي عليها انا..
-باهي جيبلي التوت الساعة و الحاجة الاخرى تو نتفاهمو فيها والا تو ندبر راسي وحدي😆
-على كيفك..انا هاني خارج نحاول ما نبطاش باش نرجع قبل ما تبدا انت تحني..
جا خارج عيتطلو وقف في بلاصتو
-جوزيف ستنا لحظة
-نعم صغرونتي تحب حاجة اخرى؟
مزال يحكي قربتلو و طلعت على طراف صوابعها قدمتو من رقبتو لين صاح صيحة وحدة ضحكت عليه و هربت شد رقبتو يضحك
-باهي يا فرخة ماك تحصل😂😂 قداه توحشها و توحش هبالها و انوثتها الطاغية،توحش المرا لتكمن وراء هالشخصية البريئة،هو هكك يخمم و يجبه تاليفون لقاه ايهم
-وي
-جوزيف وصل و هو حذايا ايجا عندو ما يحكيلك
-اوكي هاني خارج
رجع تعدا من حذا الجماعة اما المرة هذي التبسيمة مالية وجهو لقاها قاعدة بجنب دانا لكانت تخزرلو بنظرة ندرا كيفاه،عرف روحو كثرلها برشا و زاد صعب الامور على خوه خزرلها و قلها سامحني بشفايفو و حرص باش ما يشلق بيه حد بالاخص اسامة،تبسمت باستهزاء و تلفتو😏
-ايثار ايجا
ندالها و خرج و هي لحقت في جرتو
-نعم..
-قعد يستنا فالشوفار يجيبلو الكرهبة مالباركينغ وقف قدامها يخزرلها و يملي في عينو منها
-شبي صغروني
-اطلب مني السماح توا
-بسم الله الرحمان الرحيم شعمتلك زادا تو كنت لباس عليك راهو..يعجبكشي تو😕
-ما قلك حد عيط عليا قدامهم لين فجعتني😣
-صار توا انت باش تفكرتها في بالي تسامحنا عاد احنا..باهي ايجا عندي هذا لبيك انت كان لزم نقعد نطلب السماح نهار و ليل
قربلها و عنقها جات باش تبعدو ياخي كبش فيها،كالعادة ضعف قدامها و غمض عينو حوطها بيدو و لصق فيها بكلو،غرس راسو يستنشق في ريحتها و ريحة برفانها الي لتو ما بدلتها
-وهذي شهوتي انا و هاني خذيتها مش لازم في كل مرة نشاورك هكا والا
-ممم باهي..دجو محلاها البرفان متاعك في بالك هذي كان يستعمل فيها جاد و الوحيدة حسب ما لاحظت في روحي الي كيف شميتها معدتي ما تقلبتش و ما شدتنيش الدوخة..
تبسم و باس خدها😍😘😘
-😊بو حبك..باهي ياللا كيف ما قلقتكش..
-ما عادش تقلي بو حبك خاطر الكلمة هذي من حق جاد كهو
-ما ادبرش فيا شنحب نقلك كان مش عاجبك سد اوذانك..(مزال معنقها)تعرف ريحتك قداه ترتحني والا،نحس روحي تولدت من جديد
-كلام جاد هذا😢
معادش ينجم يشد روحو اكثر قرر انو يمشي خاطر قلبو وجعو و شدتو غصة في حلقو، بعد عليها شوية
-لازمني نمشي انا توا باش نرجع بكري،رد بالك على روحك ما تعمل شي هاني وصيت الجماعة ماني نعرفك ما تريظش،امشي في عقلك ما تجريش و التفوريخ متاعك و اك الهبلة لتهبط عليك ساعات هاكي نحيها لا نتفاهم معاك،ما تنساش انت توا عندك روحين(باسها من جبينها و همس في وذنها) و الروحين الزوز ملكي😨
خلاها محنطة في بقعتها مش فاهمة شي و طلع في كرهبتو و مشى،تحل باب الفيلا و خرج زاد شوية و خلط عليه اسامة لتبع كل(خطواتو مللي خرج من حذاهم،كان يتبع فيه بالكرهبة اما بعيد عليه باش جاد ما يحس بشي يخزر للكرسي الي بجنبو وين كان محطوط الجلدة الاصطناعية و البرسلاي و السلسلة لإكتشف انهم متع جوزيف...
بعد ما دخل جاد هو و ايثار للبيرو استغل اسامة الفرصة و دخل لبيتو و ديراكت للدوش وين كان متأكد انو باش يلقى ادلة قاطعة للشكوك الي في مخو و يتأكد من هالاحساس القوي لتملكو و قعد يلعبلو بأعصابو و فعلا وصل للي حب عليه لقى الجلدة لكان مغطي بيهاجاد التراس الي في كرشو و معاها السلسلة و البرسلاي الي مقلدين على الاصليين الي عند جوزيف و الي مستحيل ينحيهم من رقبتو و يدو هزهم و خرج ستناه شوية لبرا و اول ما خرج شد جرتو،مش عارف وين هازتهم الثنية و لوين باش توصلهم اما قعد يتبع فيه على نار تقولش عليه قاعد عالجمر يستنى في نهاية هالطريق وقتاه،تعدات اكثر من نص ساعة و هو مزال في جرتو لا كل و لا مل مرة يقرب و مرة يبعد و باش ما يشك جاد في شي خذا كرهبت غيث لمزال كيف شراها خاطر يعرف كرهبتو..تعدات ربع ساعة اخرى ثنية خالية عاليمين و عاليسار كلها غابات و شجر اما الحمدلله فما كراهب اخرين غيرهم،خلاه يزيد يبعد شوية و يرا فيه خذا الدورة عاليسار قعد يتبع فيه و يتخيل في ردة فعل غيث كيف يشوف كرهبتو تمشي في طريق هكا و مالنوار ولات باج بالتراب و الغبرة😂ولا يضحك وحدو اما فيسع ما رجع ركز و كل ما يتعدا الوقت تزيد معاه دقات قلبو و تتزاد معاه الرعشة لسرات في بدنو و احساسو بالخوف من الي يستنا فيه عمال يقوى و قوى اكثر وقت شاف جاد وقف الكرهبة و هبط يمشي على ساقو،راكى الكرهبة ورا شجرة طايحة و هبط حتى هو يتبع فيه على ساقو و بعد مشي دام درجين يلقى روحو قدام فيلا قديمة شبه مهجورة و جاد داخللها يزرب،مشى يلوج يلقاشي بلاصة ينجم يشوف و يسمع منها كل شي في صورة ما معاه شكون لوج لوج و شي ما لقا ركبو العصب،قعد يخمم شنو باش يعمل..
جاد دوب الي دخل ديراكت قعد لا سلم على خوه و لا نطق كلمة من اصلو و جوزيف فهم روحو خاطر أيهم حكالو..ركز مرافقو الزوز على ركبتو و يدو سند عليها راسو،ساقو كانت ترعش مالتوتر لفيه هز راسو و عطى قحرة لجوزيف
-من غير مقدمات و قبل كل حاجة مهمة باش تقولها فسرلي جد بوك علاه ما قتليش انو ايثار حبلة،اعطيني سبب واحد و تفسير واحد مقنع رتحلي بيه قلبي حتى شوية راني باش نهبل،علاه تصرفت هكا علاه؟في كل مرة نخمم فالموضوع و نحاول نلقالك اعذار ما نلقى شي،تكلم يا جوزيف خير ما نغلط،فهمني يا رسول الله مرتي راهي و الي في كرشها مني كيفاه انا المعني بالامر آخر من يعلم،علاه اول ما تقابلنا و حكينا في كل شي ما قتليش،شنو يدور في مخك عيش خويا انطق ما تجهلنيش اكثر من هكا راني شاد روحي بالسيف😠
كان يصير و يعيط و كشاكشو خارجة عينو حمرا و تقدح شر عروق رقبتو تمسهم يتطرشقو بالعصب و الغش للبسوه،سايي شيطانو حضر😈 و ظلام قدامو كل شي الصبر لصبرو سوايع فرغو توا في خوه كسر الفاز لقدامو و قلب الطاولة باللي فيها فلت و ما نجمش يتحكم في تصروفاتو
ايهم واقف بعيد متكي عالرفوف الي وراه يتفرج ما حبش يدخل و خلاهم يفضو الحكاية بيناتهم من شيرة جاد عندو الف حق و من حقو يعمل الي يعمل فيه و كان يتحط في نفس الموقف يعمل كيفو بالضبط و من شيرة اخرى عاذر جوزيف و فاهمو علاه عمل هكا و من رايو عمل الصحيح باش يحمي خوه و يرجعلو حياتو الطبيعية لقاعد توا محروم فيها من ابسط حقوقو..جوزيف واقف مكتف يديه ما فما حتى ملامح على وجهو تفسر في شنو يخمم و الا كيفاه باش يكون موقفو و شنو ردة فعلو من كلام جاد و صياحو،واقف يخزرلو كيفاه ماكل روحو و ما عمل شي و ما نطق حتى حرف يستنا فيه حتى يكمل يفرغ غشو و يهدا شوية باش بنجمو يحكيو و يفهمو بعضهم و يعرفو شنو باش يعملو في التطورات الجديدة لصارت و النتائج لرجع بيهم بعد الاجتماع لعقدو في امريكا،هوما هكك و يصدم عليهم أسامة لقرر انو يدخل والي باش يصير يصير،بعد الصياح لكان يسمع فيه و خاف لا يكون فما خطر على جاد و غادي كانت صدمة ليهم الكل وين خيم السكوت على الفيلا و وقف اسامة مذهول مصدوم ملي قاعد يرا فيه جاد و جوزيف مقابلين بعضهم،نسا كل شي ودمعتو هبطت،دموع فرحة لمستقبل مش باش يكون خالي و فارغ بالنسبة ليه و لغيرو من جاد الي تقيد في عداد الاموات.. الشيطان الي تسجل اسمو و تخلد في التاريخ قبل انعدامو مالوجود،،جاد الشيطان الي مزال مجرد ذكر اسمو بين العباد يبعث فيهم الرعب و الخوف و يخليهم يستعوذو حتى من خيالو..(حطواااااا جااااام قبل مل تقراااااو)
واقف مصدوم مش عارف حتى شنو يحكي و شنو يقول في موقف كيف ما هكا،لسانو رزن و عجز انو ينطق بحرف،تبسم تبسيمة تنجم تفهم منها كل شي،قدملهم شوية بخطى ثابتة هادئة و خزر لجاد هز يدو لكان فيها الجلدة و الاكسسوار
-نسيت هاذم كيف دوشت
-انت شكيت فيا و شكك صحيح و اذاكا علاه تبعتني
بقاو الزوز يخزرلو لبعضهم و بعد كل واحد فيهم قدم للاخر شوية لين اتحدو في تعنيقة قوية،دموع حارة عبرت على المحبة و العشرة وعلى وحشهم لبعضهم و لذكريات الصغر الي جمعتهم..بعد دقايق الصمت لحكات فيهم العين على كل شي قعدو للاربعة و عاودو حكاو السيناريو لأسامة لكان مع كل كلمة يتصدم و يتقبض قلبو على كل دقيقة وجيعة عاشها جاد في التجربة لخاضها و عيشها لكل الناس ليحبوه و الي لتو قلوبهم محروقة و مليعة عليه و على فراقو، في وسط تفدليكهم و تنبيرهم و ضحكهم و حسرتهم عاللي صار و وصلولو الجو كان مكهرب بين جاد لكان يغلي و نارو ما بردتش يحب يعرف شنو صار و بين جوزيف لكان هادي و نضرتو حادة و البرود مالي وجهو و عينو لكان مضيقها تقول الوقت هكا الكل فاش قاعد يكمبص،صبر جاد وفى..تكلم
-جوزيف نرجعو لموضوعنا..قاعد نستنا راني و ناري ما بردتش تو تفهمني شنو الي صار و يا ويلك اسبابك ما تقنعنيش😡وقتها ننسى رابط الدم لبناتنا وانت تعرف انو ايثار و كل حاجة تابعتها هي تابعتني و خط احمر بالنسبة ليا ما نسمح الحد مهما كانت صيفتو انو يتجاوزها و ما تنساش اني امنتك عليها و نعرف اني من غير ما نقول عندها بلاصة و معزة خاصة و كل الاسباب ما تبررش الموضوع الي خبيتو
-أيهم:جاد عيش خويا صللي على النبي و يكون منك العقل اسمع خوك للخر و نحي العاطفة و المشاعر على جنب و حاول تفهم و تستوعب شنو هي اسبابو😕
-جاد:نفهم من كلامك انو عندك علم و ما قتليش؟
-أيهم: قبل ما توصل انت بشوية كان جوزيف يحكيلي و انا فهمتو خاطر خزرت للموضوع من ناحيتو هو و حطيت روحي في بلاصتك و ما فهمت باللباهي كان كيف لغيت فكرة وجود ايثار في حياتك يعني ما تنجم تفهم خوك و تقدر موقفو كان كيف تخمم بعقلك مش بقلبك و لعلمك و باش يكون في بالك من تو انو فكرة جوزيف و الكلام لباش يحكيهولك توا هو الحل الوحيد رغم انو يطوال شوية الا انو فاللخر باش تتفظ حكايتك و تخرج منها بأخف الاضرار هذي نصيحتي ليك و انت دليلك ملك..
-اسامة(مش فاهم شي😕)يا جماعة شبيكم خضتو فسرولي شقاعد يصير؟
-جوزيف:اهو تو تفهمو كل شي..سكت سي جاد توا؟ انجم نبدا خدمتي؟
-جاد:خدمتك؟
-جوزيف:رجعت نخدم و انا توا في مهمة تخصك انت و تخصنا احنا كشرطة فدرالية
-جاد:اوكي هاني قعدت(قعدو الكل)تفضل توا فسرلي😑
-جوزيف:اول حاجة انت الي طلعتلي بفكرة اني نعرس بايثار و تعرف مليح قداه قعدت تقنع فيا انت و أيهم باش نوافق وانا كنت رافض الحكاية و بين ليلة و نهار قتلك موافق ما جاش لبالك شنو السبب؟انا ماللول ما كنتش نعرف انو هي حبلة ليلتها شكيت و زيد كيف جبتلها موضوع العرس جات حكاتلي علي صار بيناتكم و اذاكا علاه انا وافقت ..
-معناها تحب تفسرلي انك حميتها من كلامات العباد و كوم كوا البيبي ولدك هكا؟
-جوزيف(بدا يتنرفز)اي بالضبط هك فهمت والا تحبني نخليها على صغر سنها تمشي فالعفس تحت الساقين و كنت قاري حساب للي باش يصير و حمدلله شكي في محلو شوف توا وين واصلين ..اسمع برشا حاجات باش يتبدلو و كل شي تقلب نتمنى تكون حاضر للي جاي الكل خاطر الي تعدا ما يسوى شي قدام الي مزال وكيف طلبتني اليوم و ما هزيتش عليك خاطرني وقتها في اجتماع كنت عقدتو مع القروب متاعي و رئيس المنظمة الفدرالية و شوية وزرة باش نشوفو حل لعصابة سفاح تكساس الي رجع بقوة للساحة بعد هروبو من "الكتراز" اشهر حبوسات امريكا و الموجود في جزيرة نائية في احضان المحيط الهادي..وانت تعرف مليح يا جاد شنو علاقتك ب هالسفاح او بالاحرى شنو يحب منك هو و تعرف مليح انو بكل سهولة وصل لايثار وفشلت عملية الاختطاف متاعو مش منو من بهامة رجال دخلو جدد للعصابة ما عندهم حتى فكرة على الطرق و الاساليب متاعو و هوما لرسمو المخطط و نفذوه...و توا اسمعني مليح و ركز معايا مشيانك للفيلا لازم يقل و حاول ما تسيبش روحك مع ايثار و رد بالك تخليها تشلق و الا تشك انك مازلت حي،الاجتماع الي عملناه كانت شروطو انك ترجع لامريكا و تحديدا لجو المافيا متاعك و تقوم بآخر مهمة ليك ،المهمة هذي ماكس تنجم تدوم 3 سنين كيما تنجم تدوم اكثر و كيما تنجم زادا اتدوم اقل و انت و ذكاك و خبرتك و صبرك و كيف تنجح فيها و نوصلو احنا الشرطة للهدف الي نحبو عليه وقتها باش تكون مكافأتك انو تتدفع غرامة مالية حكايتها فارغة من غير ما تشد الحبس بصيفتك ساهمت و كنت عنصر فاعل في الاطاحة بأشهر و اخطر المجرمين..نجيو للاهم و الي هي تفاصيل المهمة الي باش يصير فيها تبادل بيني و بينك و هنا باش نستغلو الشبه لبيناتنا معناها مرة نمشي انا للعصابة و انت للمقر و مرات العكس و هنا لازمنا نسافرو لأمريكا بريود نركحو فيها امورنا و بعد ساهل انجمو نبداو..
-جاد:جوزيف حاول تختصر راك وترتلي عصابي اكثر ماهي متوترة تحرك فيسع اعطيني التفاصيل😬
-جوزيف:اول حاجة باش تنجح الخطة لازمك يا جاد تخمم كيف عدوك و باش تنجم تخمم كيفو لازمك تكون عايش نمط عيشتو و تعرفو مليح و عندك تجربة في الي تعدا بيه هو و هاذم اهم الاسباب لخلاو اعضاء الشرطة الفدرالية الكبرات يختاروك انت بالذات للمهمة هذي بعد علمهم انك مازلت حي و انا وافقت عليك خاطر ما عندك حتى حل آخر و مستحيل انو تجي فرصة اخرى ليدك كيف ما هذي.
الفرصة الي باش تخرجك من الوضع الي انت فيه بعمايلك مع الشرطة الي في كل مرة تفسدلهم عملية و تقوم بيها انت في عوضهم و هكا تتسمى تعرقل في سير القانون و تحل في قضايا العباد بطريقة غير قانونية زادا و غيرو مالعمايل الاخرى و زيد على هذاا الكل كملت بحكاية موتك و انت حي ترزق و هاكي حكاية اخرى تو نتلهاو باللي عملها هالعملة و على فكرة احمد ولد عمك هو وراء كل شي و هو الي وصلك للوضع هذا ااما ما يعرش انو عمل عليك مزية و سهل عليك برشا حاجات و خلانا نعرفو برشا حقائق و لعلمك انو واحد من رجال "آد جين"(سفاح تكساس).. جاد رغم انها آخر عملية تقوم بيها الا انها باش تكون نقطة لبداية جديدة بالنسبة ليك بيها هي انت باش تتولد مرة اخرى و تعيش العيشة لوليت تحلم بيها مع المرا لتعشقها و مع ولدك الي جاي فالثنية و على خاطرهم لازمك تتجاوز كل شي و تتحدا اي عقبة في طريقك بأي طريقة و اي ثمن..
جاد كان مهدي روحو بالسيف يحاول يتمالك اعصابو و ما يغلطش مع خوه اما من داخل كان يغلي و في كل مرة يقول سايي باش يهجم عليه و يبرد فيه قلبو لتو شاد روحو ..كان مبزع عالفوتاي كل يد مطيشها في شيرا عاقد حواجبو يسمع فيه، من ناحية مركز مع الي قاعد يحكي فيه و من شيرة يحب يقصي عليه و يقوملو و يكسر عليه الدنيا مالغل الي فيه خاطر حتى باللي حكالو و فسرلو ما نجمش يقبل و يستوعب الي قالو، صبر صبر و قام سايي فقد السيطرة على روحو و على تصروفاتو ديراكت دزو عالحيط و حط مرفقو على رقبتو عروقو ضهرت و عينو حمارت مالغش...
-يزي اسكت😠 بلع فمك و يزي مالنفاق متاعك😡خوك راني تخبي عليا حبالت مرتي توا جاي تحل في فمك!!كان ما مشيتش و هي زلقت بالكلام ما كنتش نعرف،هي تحسابني انت و الظاهر كان انتوما الزوز تعرفو الحكاية فسرلي شنو السبب لخلاك تعمل هكا علاه مش من اول نهار تقابلنا فيه بعد الحكاية و عرفت اني عايش شبيك ما صارحتنيش و حكيتلي؟علاه خبيت علاه؟(ضرب يدو فالحيط)
جوزيف كان محافظ على برودت اعصابو خاطر متوقع ردة فعل خوه و عمللها حساب خلاه كمل صياحو و كلامو و فرغ غشو شوية و بعد بعدو عليه بالسياسة و مشى قعد رجع راسو لتالي عالفوتاي و طلق ايدو غمض عينو و تكلم بطريقة باردة يحاول بيها انو يستفز جاد و يحسو بأهمية الفرصة لجاتو و انو لازمو يستغلها بأي طريقة مهما كانت و لازمو يوافق على هالعرض
-تي شكنت نخرفلك انا بكري شبيك تسكرت افهم يااا ززحي،ياخي وليت تخمم بساقك والا شنو حكايتك فيق على وضعك ما نعرفكش هكا😬 جاد..جاد!! اقعد و برد دمك و حل مخك هدي روحك باش انجمو نفهمو بعضنا مليح..اما شبيك وليت هكا انت؟😕على قد ما سمعت عليك و حسب معرفتي و الي لاحظتو اول ما شفتك انسان بارد ما علا بالو بحد و ما يهمو في حتى شي يا جبل ما يهزك ريح و حتى كيف كنت نتبع فيك و في اخبارك رغم انك خسرت برشا عمليات الا اني عمري ما سمعت بيك تنرفزت من حاجة كل شي تعملو ب برودة دم تي حتى كيف تقتل حد و الا تحرقو ما تتحيرلكش شعرة و ما ترمشش حتى عينك شقام عليك توا لهالدرجة تقلبت؟!انت توا عبد آخر..طفلة جات و بدلتك و بدلت حياتك و قلبتلك كل الموازين..
قصى عليه جاد كيف قربلو برشا الوجه في الوجه ..قربلو و طبس عليه حط يد منا و يد منا عالفوتاي و قربلو الوجه فالوجع يحكي و بنزل على سنيه يأكد في مدى اهمية كل كلمة يقولها😬
-الي تحكي عليها ايثار..مرتي..ام ولدي..روحي و كل حياتي..حياتي الي باش نرجعلها على قريب و هاذم الكل خط احمر نحرق كل من يخمم مجرد تخمام انو يتخطاه و الا حتى يقربلو😈و توا فسرلي علاه تصرفت من راسك و ما رجعتلي في شي..جوزيف رد بالك تختبر صبري خاطر مع ايثار نولي ذرة وساع بال ما نكسابهاش لذا حل فمك ...
أيهم و اسامة واحد متكي عالحيط و لاخر حذا الشباك يراقبو فيهم حتى كيف جاد دز جوزيف و كانت تنجم تلحم بيناتهم ما حب حد فيهم انو يتدخل و الا يتجرأ ينطق بحرف و يعطي رايو فالموضوع الي لتو لا فهموه و لا جوزيف رحمهم و حكى شنو في مخو و الا فسرلهم كيفاه يخمم،أيهم مستوعب الحكاية و زيد جوزيف حكالو قبل ما يوصل جاد و فسرلو كل شي و هو معاه و متأكد انو جاد كيف يسمع خوه للخر تو يهدا و يتفهمو خاطر كل شي في مصلحتو..
الزوز عينهم كانت تشعل جوزيف تحدي لخوه و محاولة منو انو يرزن و جاد معادش فيه ذرة صبر وحدة و بصعوبة كبيرة نجم يلعن الشيطان و يقعد
-امشي احكي نسمع فيك😠😬
-فاللخر تو تعرف يا جاد انو كلو في مصلحتك وراس خويا
-كيفاه!؟
-كنت متوقع انو الشرطة باش تعرف انك عايش و بعد هروب "آد جين" مالكتراز و رجوعو باش ينتقم منك لخوه زدت تأكدت من صحة الي عملتو
-اي و سامحني يقول القايل شمدخل حبالت ايثار في هذا الكل باش تخبيها عليا
-و كنت ناوي نخبيها قد ما نقدر و مش نادم خاطر ايثار نقطة ضعفك تي شوف حالتك توا كيفاه تو انت تستاهل يلقبوك بالشيطان😒من شيرة باش نحميها هي مالخطر الي ممكن يوصلها و من كلامات الناس تعرف مجتمعنا مهما كان متفتح الا انو في حاجات هكا ما يرحمش و من شيرة تركز انت في المصايب لهابطة عليك..و زيد ما عندك علاه باش تلومني و حضر روحك ماشين لامريكا و مطولين شوية غادي اقرا حسابك..
جاد كلي أيس و برد شوية تكلم بملامح جامدة ما توحي بشي
-شنو المخطط
-صحيت..هكا نحبك..باهي بدايتك باش تكون مع اليزا اخت "آد جين" 23 سنة طفلة عاقلة طيبة عكس خواتها و ما تعرف شي على دومانهم و جرائمهم ماشي في بالها خواتها دخلو للحبس ظلم خاطر تحبهم و يحبوها برشا و متعلقين ببعضهم..
هي الي باش توصلنا ليهم،الي نتوقعوه احنا توا و متأكدين منو انو "آد جين" باش يمشي لاختو يطل عليها و احتمال كبير يعيش معاها فترة ممكن تدوم عامين..في البريود هذي انت لازمك تدخل لحياتها و تعرف كيفاه تدخللها و كيفاه تحكي معاها و تكسبها لصفك لازم تطيحها و تخليها تعشقك و تحبك حب اعمى و هكك تنجم تسلبلها عقلها و تخليها تحكيلك والا تنسنسلك على كل شي و الاهم انها تجيبلك و اﻹ انت تلقى خيط يوصلك ل وثائق و ادلة مسموعة و مكتوبة على العفن متع خوها تثبت ادانتو و تدل على تورطو في ابشع الجرائم و خاصة آخر عملية قام بيها و بيها ولى ملقب بسفاح تكساس المجزرة لقام فيها بقتل اكثر من 80 ضحية في نهار و استعمل فيها المالاديسك 😲وفما زادا دوسيات لعقارات و املاك مسلوبة و اراضي منهوبة لعباد زواولة من كل انحاء العالم ولازم نرجعوهم لماليهم..حاجة اخرى هي حساسة برشا و لازمك تكون حريص على تصروفاتك معاها اما المشكل انها مش ساهلة و ما تعطيش ثيقتها في حتى حد بسهولة.. الاولاد باش يعاونوك و يكونو معاك لحظة بلحظة..و كيف ما قتلك نحاول انا نشد بلاصتك على خاطر ممكم برشا يستحقوك جماعتنا في حاجات اخرين معاهم.. و ننصحك ما تستناش منهم معاملة طيبة و ماذبيك تستحمل و تسكت زادا خاطر قطعتلهم قسمهم الجماعة يفرحو كي تجيهم عملية على الطاير و بعد تجي انت سيادتك تقصلنا قصة عربي و تقوم بالعملية وحدك تي العباد ولات تمشيلك انت باش تاخو بثأرها في عوض تجي تقدم شكاية😒على كل هويتك الجديدة قريب تحظر و كيف كيف بالنسبة لاوراقك و باسبورك ،حضر روحك طيارتنا بعد 3 ايام في الليل عندك شوية وقت اعمل فيهم طلة على الشريكات متاعك حسب ما ريت الوضع ماهواش و اقرا حسابك ماشين ديراكت للمقر و قبلها لازم تحجملي هك الشعيرات عالزيرو و شد هاذم لونتي نوار مذابيك ما تنحيهمش من عينك و هذا برودوي باش يغطيلك الوشام الي على بدنك و ركزلي على الي في يدك (حرف j) و لاخر الي في رقبتك تحت وذنك(رمز المافيا الموحد)و حتى شخصيتك و هك القحرة متاعك و البرود الي ماليك اوبليجي عليك تنحيهم و تخلي الضحكة ديما على فمك ..هاذم شوية معلومات و نصائح لمهمتك و على شخصيتك الجديدة بقية التفاصيل تفهمهم و تعرفهم كيف نوصلو..
ضحك بتمسخير😏
-اول حاجة سيدي خويا خممتشي اني كيف نحجم انا شعري انت زادا لازمك تحجم خاطرك باش تبدل عليا و باش نستحقو بعضنا بااارشة ثاني حاجة مضمض انت و الي معاك على اني نعملها الحاجة هذي و اراو حل آخر برودوي و الا مكياج اصنعو مخاخكم خاطر فكرتكم ما جات شي و مستحيلة و ما فيهاش نقاش،ثالث حاجة يعني تحبوني نوهم طفلة اني نحبها و نلعب بمشاعرها باش نوصل لخوها علاه شنو ذنبها هي باش تخلص فاتورة تتكلفلها غالية هكا!ما لقيتوش حل آخر كان هذا؟😒😑و تعرفني ننهب نقتل نحرق نفجر و نعمل عمايل سودا كان حكايات البنات راني ما نفلحش فيهم ما عنديش ليها راس و من تو نقلكم راكم غالطين على طول الخط كيف خترتوني للمهمة هذي و البريمة فيكم مبعد يجي يحاسبني في صورة ما فشلت العملية😠 اما تو نحاول و نجرب حضي و نشوف آخرتها وين باش ترسي، نفضو الساعة توا حكاية للا اليزا و بعد تو نشوفو شنو يصير..
قعدو الاربعة كملو حكاو و فهمو بعضهم هوما هكك و نوقز تاليفون جوزيف لقاها سيلين امو هز ديراكت و جاد قاعد بجنبو متكي عليه
-وي أمي
-يا جوزيف اجري ايثار صاير فيها مش عارفة شبيها و ما فما حد معايا فالدار امان فيسع هزها للطبيب
سمعو هالكلام الزوز و كانو يعقلو قامو و دخلو بعضهم ما عرفوش كيفاه يتصرفو لدرجة انهم نساو رواحهم و خرجو يتجراو الزوز ماشين للفيلا😂 ستر ربي ايهم و اسامة معاهم و واعين بالموقف خلطو عليهم رجعهوهم لداخل
-أيهم (يصيح)ياخي هبلتو خارجين الزوز لباس ماهو؟و انت سي جاد ناسي وضعك
-جاد (يصيح اكثر منو)اما وضع و اما دين بوك ايثار يا ايهم ايثار😠
بعدها خزر لجوزيف و نظرتو مالقوة و التسلط تحولت لنظرت ضعف و بان فيهم خوفو عليها
-جوزيف مرتي راهي لازمني انا الي نمشي و نكون معاها مش انت تو نكلمكم..
ما ستناشو يرجع عليه فيسع لبس الفاست متاعو و هز المفاتح و خرج يجري طلع فالكرهبة و ديمارا ديراكت للفيلا الثنية الكل راحاها رحيان عجاجة في هك الطريق لا وقف في ضو و لا احترم الاولوية و لا عمل شي ما قدام عينو كان هي و دمعاتها لي يتخيل فيهم على خدها الي مستعد يتحمل الموت و لا يرا قطرة منهم..طريق متع ساعة مشاه هو في اقل مالنص و وصل للفيلا و كلو باهي كيف وقف الكرهبة هبط كيف المجنون و دخل يجري لبيتها ساقيه اعلى من راسو يصف فالدروج صفان باب بيتها محلول و هي ما فماش يسمع في حسها تبكي قلبو تقبض يحس فيه نزف مشالها يلقاها مطبسة تقشع رغم انها كانت عاطيتو بالقفا اما ترهوج من شوفتها شعرها الاكحل ليل كان محلول طايح على جنب بانت تحتو بروتال الروبة النوار للابستها و زاد تجهر من بدنها الابيض شفق مشالها يجري شدها من نصها و دورها ليه هزها غسللها وجها و نشفلها، قعد يخزرلها يمللي في عينو منها اول مرة يراها في الحالة هذي ،لأول مرة يرا وردتو ذابلة و لونها باهت ،وجها كان اصفر عينها حمرا ذابلة مليانة دموع و وجيعة..شفايفها حمر يرعشو حتى بدنها بين يدو تقول قصبة في مهب ريح قربلها باس جبينها يلقاها تغلي بالسخانة تفجع عليها عقد حواجبو جبدها ليه عنقها بقوة خوفو عليها خباها في حضنو و هزها بالشوية حطها في الفرش جابلها جلباب و حجاب لبسهملها و غطاها بعد هز تاليفون و كلم طبيب العايلة جاها بالوقت و فحصها و عاين حالتها،كان واقفلو على راسو و كل شوية يسألو لين الطبيب تمرج و فد و نطق بالسيف عليه..
-سي جوزيف نتفهم خوفك عليها تنجم تسكت
جاد كان يرعش رعيش عليها و من خوفو و الاستراس لمكنوه تكلم من غير ما يشعر و الا يوزن كلامو
-مانيش جوزيف انا راجلها😮
هز لاخر راسو مستغرب مش فاهم شي اما ما ركزش معاه برشا
-مهما كنت عاوني بسكاتك 😑
-باهي هك كملت شنو وضعها لباس؟😓
-نشالله لباس..هي و البيبي حالتهم مستقرة و لباس بقدرة ربي،وحمها خايب و طلعتها سخانة و ما لازمهاش تشرب دوايات و سيرتو اي نوع مالاعشاب مهما كانت..و توا تشد جنبها و تعمللها كمادات لين اتطيحلها السخانة و تاكل مليح خاطر بدنها ضعيف و تاعب لازمها المراقبة و اللهوة و نشالله غدوة تتحسن شوية و ترجع لباس😊..
قام الطبيب لمد ماتريالو و خرج و هو ديراكت نقز جا بجنبها قعد يخزلها و يمسح
على راسها فاقت شوية و حلت عينها رغم انها متغطية ميتة بالبرد دارت على جنبها بالسياسة و تكمشت على روحها هزت راسها جات العين فالعين الزوز سرا في بدنهم نفس الكورون، عينهم حكات على كمية وحشهم لبعضهم و الوقت لتحرمو فيه حتى من خزرة عين من بعيد لبعيد..
حستو هو قلبها دق و رعش في صدرها لحمها قشعر و عينها تحلت على وسعها ما فهمت شي و حارت في هالاحساس شمجيبو ليها و شنو معناها..تحس في بدنها مهدود و تحل في عينها بالسيف مش منجمة حتى تقاوم هالفشلة لسيطرت عليها و خلاتها تنهار، رجعت تكت راسها و لمت يديها في بعضهم مالبرد و ولات تبكي،كانت اول لحظة ضعف يشوفها فيها قلبو تقطع و تفتفت ما نجمش يشوفها هكك و يقعد مكتف يديه ما يعمل شي حس بالعجز لحظتها كان جاء المرض يتعطا راهو خذاه منها و على قلبو احلى مالعسل و لا يراها هكك..صوتها عمال يقوى، مشا يجري فيسع جبدلها الكوفرتات الكل و غطاهم بيها ولات معادش تظهر و قعد جنبها جاب كمادات و حطهملها على جبينها و قعد يبدللها و لاهي بيها و ضربة ثنين يبوس جبينها يشوف السخانة طاحت والا..هو قرب شفايفو و هي حلت عينها و تكلمت بصوت بالسيف مسموع
-بردت😢باش نموت
كان يرعش عليها و خايف عينو تشعل شعلان هي تقول آآي و هو يموت قبلها مش عارف على روحو شيحكي
-لطف على روحي تقوى عيش حبي على خاطري
-جاد والله مش حاسة بطرافي
الزوز يحكيو و يخبصو مش عارفين شنو يقولو و مش واعين بحالتهم هي مريضة تهتري و هو من خوفو عليها..مشى يجري يخدم في الكليماتيزار يدفي بيه فالبيت و شي ما نفعش و هي باقي تقلو بردانة و مش حاسة بأطرافي..حار دليلو معاها جاء لبالو حل و قرر انو يعملو و ما يهمو في حد اعطيه هي تتحسن..قام سكر الباب و رجع نحالها الجلباب و الحجاب و نحى هو الفاست و مريولو و دخل معاها فالفرش بقات تخزرلو مش مستوعبة ليعمل فيه من شيرة تتخيل فيه جاد و تهتري بإسمو و من شيرة تتخيل فيه جوزيف و تصدمت كيفاه نحى هو دبشو و نحالها هي و دخل معاها فالفرش مش منجمة تعمل شي مسلمة مش منجمة حتى تنطق بحرف سكتت،قربلها و لصق فيها حصرها بساقيه و خباها في حضنو،،بقاو ساكتين الزوز ما لقاوش الكلام الي ضاع في وسط الاحاسيس و المشاعر هاكي الكل كبشت في صدرو و غرست راسها في رقبتو تستنشق في ريحتو الي ما نساتهاش و لا عمرها باش تنساها بالتعب رقدت في حضنو و قداش كانت مرتاحة و مطمانة عكسو هو لكان يتقلى بالسخانة و النار لشعلت فيه اول ما بدنها مس بدنو،اول ما ريحتها تغلغلت فيه،اول ما شعرها داعب وجهو و كملت عليه كيف كبشت في صدرو بقوة بيدها الصغار حس قلبو باش يتنطر من بلاصتو،الاحاسيس الكل تجمعت فيه و خلاتو كيف المجنون لين طار عقلو من بلاصتو و قعد يلعن في الشيطان و يستعوذ منو باش ما يتهورش و يعمل حاجة مش في وقتها و يندم عليها،تمالك روحو بالسيف و عاود حط شفايفو على جبينها يتفقد فالسخانة لقاها طاحت وقتها باش تنفس و رجعت فيه الروح شوية.. باسها كبس على ضهرها و رجع رقد...
(حطوااااا جاااام قبل ما تقرااااو)
الحلقة 19:
ساعتين رقدهم تقول قرن..رقد مرتاح مطمان كأنو ما كانش يرقد المدة لفاتت الكل..حل عينو و هبطهم وين كانت هي راقدة في سابع نومة كيف الملايكة مكبشة فيه بيديها الصغار تقول باش يهرب عليها، تبسم تبسيمة مخلطة بوجيعة كبس على كتفها بيديه و قرب شفايفو، طبع بوسة حنينة طويلة على جبينها،بوسة كلها معاني و مشاعر و احاسيس،تفقد سخانتها لقاها طاحت حمدلله وقتها باش تنفس و رجعت فيه الروح بعد ما كان خايف و يرعش عليها رعيش،رجع تكى راسو عالمخدة و حط يدو على جبينو عندو برشا على احساس كيف ما هكا..اول ليلة و آخر ليلة جمعتهم كانت ليلة حفلة توديع العزوبية متاعو الليلة لكانت نقطة تحول في حياتهم الزوز،برشا منهم سماوها الليلة المشؤومة اما بالنسبة ليه هو عمرها ما كانت مشؤومة صحيح حياتو و حياة عايلتو تقلبت سافيها على عاليها و صار ما صار و هو يعرف انو هذا اختبار من عند ربي سبحانو و راظي بحكمو ماهوش معارضو، الليلة هاكي اروع و احلى ليلة في حياتو الكل،كانت اول ليلة تجمعهم و توحد بدوناتهم في بدن واحد و روح وحدة و قلب واحد، الليلة هاكي راسخة في بالو و باش تقعد محفورة في قلبو و ساكنة كيانو و وجدانو ﻵخر نفس في حياتو بكل تفاصيلها و احداثها،بكل آآه خرجت منهم و كل حرف و كل كلمة نطقو بيها ،بكل دمعة فرحة هبطت من عينهم الزوز،بكل وجيعة عاشتها هي و عاشها هو معاها، بكل كم الحنية و السياسة و خوفو عليها،بكل الاحاسيس و المشاعر و اللذة و نار الحب لشعلت في جواجيهم و ولدت الشهوة بيناتهم،الليلة الي كانت نتيجتها ثمرة عشقهم،ولدو الي جاي فالثنية من صلبو,ولدو والا بنتو الي قاعد يستنى فيه على احر من الجمر..خزرلها و خرج تنهيدة مالاعماق مخلطة بتبسيمة حزينة طالب من ربي ما تكونش آخر ليلة تجمعو بتأوم روحو.. جبد روحو منها بالشوية ركحلها راسها عالمخدة غطاها و مشى قعد عالفوتاي جبد البيسي يتفقد فالتقارير الي بعثهملو ايهم بخصوص الشريكات لقى برشا خنار و برشا تحيل شك جوزيف طلع في بلاصتو و لازم كل شي يرجع كيف ما كان قبل وقت هو موجود..هو غاطس يسمع فالباب تحل هز راسو لقاه جوزيف دخل قعد حذاه
-تو نورمال انت جاي هنا و انا موجود اي كان يدخل حد
-تي بلاهي شكون باش يدخل و زيد ما فما حد اثير بايتة حذا دانا و امي سيلين في سابع نومة تعديت على بيتها لقيتها غاطسة و زيد مالدوا لتشرب فيه ما تقوم كان غدوة😆
-ما شافك حد مالحراس البرا؟
-شافوني الكل و سلمو عليا و ما شلق حد
-اي باه رد بالك غلطة صغيرة نمشيو نزمرو الزوز و يطيح كل شي فالماء
-بقدرة ربي لباس..(خزر لايثار) ااا شحال صغرونتي
عطاه قحرة متع مووت😂و جاوبو بالسيف
-😒صغرونتك؟!اي تلم خير ما نقوم نهدلك فمك..لباس حمدلله طاحت سخانتها ابرك شوية الطبيب قلي وحمها خايب و لازمها الراحة و المسايسة و تبعد عالغش
-ممم😑 تباركالله البيبي طالع لبوه هذا مزال قاعد يتكون و متعبها هكا😕
-اي طالع لبوه عندك مشكل!و هي على قلبها احلى مالعسل..طرس اقعد ما تاقفليش على راسي و ما تكملش عليا عصب هالخدمة يكفيني
-(قعد)باهي سكر عليا فمك شعندك تخرنين😒هك بديت تراجع فالتقارير
-اي والله خنار ازرق الشريكات لازمهم وقفة صحيحة.. اما برافو ريت شوية من خدمة ايثار يعطيك الصحة كيف علمتها
-ما عندي ما علمت هي تباركالله عليها ذكية و مخها محلول فيسع تعلمت و حفظت السيستام و كل شي مزالت شوية و تاقف هي على كل شي تبقى تو نعرفها على شركائنا و الكليونات لنتعاملو معاهم سيرتو الريوس الكبار المهمين،غدوة فما اجتماع مهم مع عملاء روس امشي انت في بقعتي و هزها معاك خاطر هي خدمتو و تعبت عليه الدوسي هذا و الصفقة مهمة برشا ليها خاطر اول صفقة تشرف عليها هي وحدها من غير ما نعاونها انا في حتى شي و مهمة لينا زادا هو على عينك و تعرف وضعنا شنو توا،كل شي قدامك اعمل نظرة الشركة هذي باش تزيد من اسهمنا و مربوحاتنا في روسيا و حسب رايي صفقة ما تتفلتش و ايثار حكاتلي عطاتني شوية تفاصيل محظرة مشروع كبير بأفكار جديدة ركز فيه مليح..
-اوكي مريقل..راجع حذا ايهم؟
-اي..عندي قضية نكملها و نمشيلو ديجا محظر قعدة يا غيبتك و برا
-نشالله ينفعكم😒انا من غير القعدة و نركح في مخي بالسيف..الحاصل سايس روحك فالطريق و كيف توصل اعلمني
-اوكي فرار..اي على خير طمني على ايثار كان فما حاجة كلمني..سلام
اذاكا خرج و جاد رجع غطس فالاوراق لقدامو راجع روحو و ركح مخو و عرف شنو لازم يعمل..كمل و رجع شد جنبها فالفرش جا و راها عنقها من تالي خباها في حضنو و رقد...
7:00 متع الصباح قام عمل دوش و هبط حضرلها فطورها و دواها في بلاتو و طلعهولها للبيت لقاها فايقة قاعدة فالفرش شعرها على جنب عينها ذابلة باين عليهم التعب لدرجة انو لونهم باهت،القلق باين في عينها و ظاهر داخلة بعضها من غير ما يشعر قلها صغرونتي تبسم و قربلها
ضيقت عينها بمجرد انها سمعت الكلمة خاطر جاد الوحيد لكان يقولهالها
-صباح النور دجو(قالتها بصوت تاعب)
تبسم بوجيعة كيف قاتلو دجو اما ما حبش يظهر رسم الفرحة في عينو و قعد جنبها
-صباح العسل يا روح دجو😘
-سافا توا شتحس في روحك
-حمدلله ابرك اما فاشلة شوية
-رقدت مليح البارح؟
هبطت راسها كانت متلبكة نظراتها بين الحشمة و نوع من تأنيب الضمير
-اي رقدت بالباهي و مرتاحة برشا راحة عندي برشا ما حسيتش بيها دجو نحب نصارحك بحاجة انا بيدي مش فاهمتها حاسة روحي داخلة بعضي و كثرو عليا برشا حاجات لين معاد فاهمة شي..
هو زادا بدا عليه القلق و الحيرة
-تكلم والله حيرتني😟 ايثار شفما؟
-ما نعرش وليت نتخيل فيك جاد لدرجة اني حاسة بقربو مني تصروفاتو و نضرتو الي عمري ما ننساها،طريقة كلامو وقفتو كل هاذم وليت نراهم فيك هالايامات ممكن انا نهتري والا هاذم اعراض مني خاطر توحشتو و عايشة كل ثانية من عمري على امل انو يرجعلي و نملي منو عيني حتى لو كان من بعيد لبعيد..و هذا الكل حسيتو بقوة البارح وقت جيت و رقدتني عندك كان لاحظت حتى كيف حكيت معاك خاطبتك على اساس هو كنت انجم نبعدك عليا و ما نخليكش تقربني اما احساسي انك هو غلبني و سيطر عليا حبيت نعيش اللحظة حتى كانها وهم و خيال..ما نحبكش تفهمني بالغالط والا يهزك مخك لبعيد و تتوقع حاجات اخرين الله غالب والله حاجة اقوى مني يا جوزيف
كانت تحكي و هو مركز معاها يسمع في كل حرف تنطق بيه و حاسس بيها و بوجيعتها عارف قداه متعذبة في غيابو و بعدو عليها
-ما تخافش مش انا الي باش نفهمك بالغالط يا ايثار انت تعرف معزتك و قيمتك عندي و مستعد نعمل اي حاجة تنجم ترتحك و تخليك فرحانة..شوف حالتك كيفاه ولات الكلهم يشوفوك محلاك و مزينك و يصدقو الضحكة الي ترسمها على شفايفك اما انا نعرف شنو مخبي وراها التبسيمة هاكي،نعرف انها مش من قلبك و انو انت قاعدة تتصنع فيها، نعرف قداه انت متعذبة و مكش مصدقة الي صار و تعديت بيه،نحبك تكون قوية و ما تستسلمش لضعفك،كون قوية مش لروحك والا على خاطر حد اما على خاطر البيبي الي قاعد يكبر في وسطك توا..ما تقولش خسرت،لا انت ربحت كل شي،البيبي هذا هو الحاجة الوحيدة الي خرجت بيه مالدنيا و هو الي عوضلك خسارتك،بيه و على خاطرو لازمك تاقف على سقيك هو كل شي بالنسبة ليك..ايثار ما نعرش شنو باش نقلك و اكيد مش وقتو في حالتك توا اما الحاجة هذي لازم منها ولازم نكملوها في اقرب وقت..انا سبق و جبدتلك موضوع العرس و كيف حكيتلي انت و صارحتني على حبالتك زيد انا شديت الصحيح و ديجا قررنا وحكينا مع العايلة الكل وحددنا الدات و حضرنا و على اساس النهارين لفاتو و نورمالمون اليوم العرس، الكلهم يعرفو قداه جاد عشقك اما الله غالب ربي حبو،هوما ما يعرفوش شنو صار آخر و حد ما عندو علم بحبالتك غيري انا،الوقت يجري و كان باش نزيدو نأجلو العرس مش لصالحنا خاطر كرشك باش تكبر و احنا مازلنا مش معرسين و على اذاكا لازم نكملو الحاجة هذي و على اساس ولدي و كان باش نزيد نأجلو مش حكاية و مانحب حد يقول فيك كلمة زايدة والا ناقصة لا في وجهك لا في قفاك..
سكت شوية و هو يخزر لملامح وجها كيفاه قاعدة تتبدل مع كل كلمة يقولها و الظاهر انها مستوعبة الوضع و عارفة مليح انو على حق و كلامو الكل صحيح،هزت راسها و هي مشابكة صوابعها،الحكاية صعيبة عليها اما لازم منها و على اذاكا تقوات على روحها و خذات قرارها في الوقت لكان هو يحكي فيه
-كلامك الكل صحيح والي بديناه لازم يكمل ديجا كل شي حاضر و احنا مش عاملين حاجة كبيرة. اليوم العشية يجي العدول نقيدو الصداق و نعملو لمة صغيرة فالدار و برا
-اي حتى انا ماذبيا الليلة خاطر نهيرين اخرين و لازمني نرجع لامريكا كلموني مالخدمة عاللقل كيف نمشي نكون مطمان عليك هاو معاك امي و اثير
-باهي الي تراه صالح انا معاك فيه
تبسملها و باس جبينها حست بنفس الاحساس الي كانت تحسو قبل و هو معاها بوستو حيرت كل ذكرياتها و مواجعها غمضت عينها بقوة من شيرة تمنع في دموعها انهم يهبطو و من شيرة تتبنن فيها و تحاول تسترجع احاسيس مستعدة انها تدفع عمرها و ترجع تعيشهم من جديد..بعد عليها شوية بعد ما حسها باش تنهار فيسع بدل الموضوع
-اي سي بون توا تفاهمنا في كل شي من اليوم نحب نرا كان ايثار القوية لنعرفها.. سافا توا تفرهدت بعد ما حكيت الي كان مقلقك؟
-اي سافا والله تفرهدت قلت بالك يفهمني بالغالط رتحت برشا عيشك دجو
-عيشو روح دجو😙نحبك تتصرف كيف ما انت حتى لو كان عاودت حسيت لحسيتو البارح و خلاك داخلة بعضك عادي انا قتلك مستعد نعمل اي حاجة ترتحك و تخليك فرحانة دونك انت تصرف على طبيعتك و ما يهمك في شي
-ههه باهي...امان والله مت شر ياخي جايبلي فطوري باش تشهيني و تهزو😛
-ههه عدنا😂صحيت نحبك ديما لسانك طويل..اي ايجا نوكلك و الا تاكل وحدك
-وكلني😆
-😑يساسي و يتشرط زادا
-ههههه كان عجبك😝
بدا يوكل فيها ياخي تنرفزت
-😠ياعمبو لقلك وكلني بلاه هات هنا انا نقلك ميتة شر و انت توكل فيا بالشوية كيف الصغار
فكتلو من يدو و طاحت تاكل وحدها تقول كانو حابسينها.قعد يضحك عليها
-😂ملا متوحشة😒
هزت راسها خزرت للوقت تفجعت و عينها تحلو على وسعهم مصدومة😨و قامت تصيح
-اااا برا يكب كبوبك الصباح لهيتني..امان دجو والله لا عاد وقت7:45 توا و انا لتو ما حضرت و عدنا اجتماع و انت سيادتك مسكر فمك و ما ذكرتنيش و تعرف انو اول اجتماع ليا باش نشرف عليه وحدي..مبلدك الززح
-هههه و مجنونة زادا😂يا بنتي شبيك تحولت و ترص لوطا نقص مالتفرفيش متاعك راك هازة روح في وسطك مكش وحدك الخرا هذي😒 والله يا ايثار مازلت تقوم هكا بزربة الا ما نعلقك😠تو نورمال انت و زيد مولات المول تمشي وقت ما تحب و وقت ما يظهرلك و ابار سا الاجتماع 9:00 مازال بكري كمل فطورك و حضر روحك في عقلك و اهبط مدام انا كملت لبست تو تلقاني لوطا
-باهي سامحني معادش نعاودها اما والله ننسى مش مستانسة و مازلت ما تعودتش على وضعي الجديد
-باهي صغرونتي السماح يلا كمل فطورك عيش كعبورتي😘و نشالله ما تكملوش😑
طبس عليها باسها و خرج خلاها كالمصدومة تصروفاتو المتقلبة المتناقصة الي ما تنجمش تتنبأها هي لزاد دخلتها في حيط و فرعستلها مخها..
كملت فطرت و دخلت للدريسينغ لبست عملت شوية مكياج و برفنت تفقدت اوراقها و حلت البيسي متاعها عملت نظرة على التقرير و الخدمة الي حضرتها و هبطت لقاتو يستنتى فيها..كان واقف فالصالة يخزر لتصويرتو لمعلقة قدامو، واقف وقفت العادة اك الوقفة الشامخة مرفوع الراس حاط يد في مكتوبو و الاخرى يشرب بيها في كاس شاف انعكاس صورتها عالكواترو و هي هابطة فالدروج كانت لابسة سروال لارج تاي هوت نوار عليه شوميز نوار واسعة شوية من فوق حاشيتها تحتو و جيلاي ترواكار بلو و نوار مريقلة فولارتها الي كانت حاصرتلها خدودها شوية و ما ركزش في ساقها، دارلها تبسم بحب،قلبو رفرف و عينو ولات قلوب قربلها غرس راسو ديراكت في رقبتها يستنشق في ريحتها و بعد باس خدها شدلها يدها و كركرها وراه للباركينغ من غير ما نطق بحتى كلمة😂😍 وصلو مشات ديراكت هزت مفتاح ال مازدا كازاماي البلون
-اطلع انا باش نسوق😆
-ههه باز تفدلك ايثار😕مازلت حاجتي بروحي(من غير ما يشعر قلها)مت مرة وحدة يزي فيه الف بركة
خزرتلو ديراكت ضيقت عينها و فيسع ما الضحكة تمحات من على وجها و ظهرت عليه برشا تساؤلات وقتها باش فاق على روحو شقال و فيسع قلب الحكاية
-مت البارح وقت كلمتني سيلين وقاتلي اجري لايثار وقتها انا مت و حييت بالفجعة و جيتك ساقيا اعلى من راسي
-اللطف عليك بابا اي اطلع اطلع
-يا بنتي متأكدة باش تسوق انت تي حتى البيرمي خذيتو هالنهارين برك راك
-حط حط اك السانتير و نقص حسك😂
طلع جنبها و قعد مركز معاها كيفاه تسوق،
كانت مركزة على ثنيتها تسوق بكل راحة و كل شوية تخزرلو و تتبسم،فرحان بكل حاجة تعملها معجب بكل تفاصيلها مهما كانت صغيرة..وصلو للشركة و دخلو الزوز يمشيو جنب لجنب هي بكل التواضع الي فيها بهك التبسيمة الي على وجها بنظرة التفاؤل الي في عينها،كان يمشي معاها بكل غرور و تكبر نفس اوصاف الشموخ الي عمرها ما تتبدل فيه،بمشيتو المتعالية، براسو المرفوع،بنظرتو الحادة،بملامح وجهو الجامدة الي ما توحي بشي.. كل بلاصة تتعدا منها تخللي تبسيمتها في وجه كل موظف،تسلم و تسأل على حوال الناس الكل..دخلو لبيروها و مشات قعدت عالكرسي و هو سكر الباب و اتكى عليه دور عينو في البيرو و من ديكورو فهم رزانتها المتوقعة في كل مرة و مخها الكبير رغم صغر سنها،جذب انتباهو تصاورو لكانت في كل بلاصة، يخزرلها و يعاود يثبت فيها و مركز مع كل حركة تعملها،فرحان بالانجازات الي قاعدة تعمل فيهم والي وصلتلهم، عرف قداش هي قوية رغم انو يعرف انو هذا الكل تحدي لروحها و تصنع قدام العباد باش ما تظهرش ضعفها و الا تظهر قدامهم مثيرة للشفقة،يعرف انها مصممة على انها تكون روحها و تاقف لوضعها و تبدا من جديد،الحاجة الوحيدة الي تحسر عليها انو سبق و وعدها انو يحققلها الحاجات هاذم الكل و يكون معاها فيهم لحظة بلحظة اما توا هو موجود و معاها اما بطريقة اخرى توجع،لا ينجم يشاركها فرحتها و لا يعاونها و لا حتى يعبر على فرحتو بيها ك جاد بشخصيتو هو و طريقتو هو،صحيح انجم يعملهم الكل اما تحت شخصية جوزيف الي باش يقعد عايش و مربوط بيها سنين و سنين لوقت غير معلوم.. كان يتبع فيها و هي هاي مشات هاي جات ظاهر عليها الاستراس و القلق و لخوف اما مش حابة تظهرهم قدام حتى حد،قعدت على بيروها تثبت و تعاود و تقرا و تحسب في كل شي..كانت غاطسة هزت راسها لقاتو مركز معاها و قداه حستها اك الخزرة منو ،خلات لحمها يقشعر،خزرة ممزوجة بين الاعجاب و الحب و الفخر الي مستانسة ديما تراهم في عينين جاد،تبسمت😊
-دجو شبيك واقف غادي..امان ترا فيا واحلة وقاعد تتفرج
هوما هكك و دخل السكريتار بعد ما دق الباب
-مدام ايثار قاعة الاجتماعات حضرت و الجماعة وصلو
-مجد وصل (المترجم)؟
-وي مدام هو زادا وصل
جاد كان متبع حديثهم و يتشوحر للسكريتار كيفاه يتبسم ليها و باش ياكلها بعينو يهز فيه ماللوطى الفوق و يعاود كان يغلي مش عاجبتو طريقة كلامو مع ايثار رغم انها كانت عادية كيما اي موظف و عرفتو اما هو كان يغلي ما صبرش ركز عينو على السكريتار و تكلم بغش
-من وقتاه تخدم هوني انت(خزر لايثار) و شبيه السكريتار متاعك راجل مش مرا؟
شهالحالة هذي ياخي خليتها هكا انا الشركة😠
قعدو الزوز باهتين فيه
-ووه جوزيف..تو نورمال انت شبيك صبحت تهز و تنفض يا راجل..مش انت لعينتو علاء و قتلي ذكي و متربي و يفهم فالخدمة و باش يعاونك برشا و زيد الي كانت في بلاصتو عرست و مشات على روحها..ياخي صبحت فاقد الذاكرة انت اليوم 😕اي يزي مالهداري الفارغة و قوم نتوكلو على الله نكملو هالاجتماع على خير و نربحو الصفقة و بعد عندي كلام آخر معاك
قالت للسكريتار يسبقهم،هزت دوسياتها و ما لازمها ريقلت فولارتها و قامت
-ايا و الا مازلت قاعد
اسبقني تو نخلط عليك
-ندخل كان بيك ساقي ساقك..اسمع الاسترااس يهز فيا و ينفض ما تكملش عليا انا مصتنصرة بيك و ناخو في قوتي منك و انت تقلي تو نخلط😔
كان منرفز سمع كلامها و زيد شافها كيفاه رخات شفايفها و بان عليها القلق ربعت يديها و عطاتو بالقفا تبسم و قام قربلها ناسي روحو و هويتو المزعومة و الاجتماع و الدنيا الكل، قربلها عنقها من تالي كبس بيديه الزوز على كرشها و حط راسو على كتفها،هي جمدت في بلاصتها و ما نجمت تعمل حتى ردة فعل ديما نفس الاحساس يتبع فيها و يخليها تدخل بعضها و تولي ماهي فاهمة شي،نفس السؤال يدور في بالها وقت تتحط في موقف كيف ما هكا معاه،كمشت وجها و عقدت حواجبها عينها تسكرت و دخلت في صراعات العادة مع روحها،قلبها يخض مش فاهمة علاه و عقلها تنبشت كل تريكنة فيه تحمل ذكريات حتى كان وهمية لجاد،لكل لحظة تعدات معاه،لكل لحظة مزالت ما صارتش و باش تنسجها هي في خيالها و تعيشها حتى و هو مش معاها فالحقيقة،تعدا سيناريو حياتها قدامها من اول لحظة تقابلو فيها و جات العين فالعين حتى للحظة موتو.هبطت دمعة حارة من عينها و بدات تدخل في حالتها الهستيرية متع العادة اما صوت همسو و قت قرب شفايفو لوذنها و بدا يحكي خرجها نوعا ما من حالتهاو خلاها تفيق و تسمع و تحاول تستوعب الكلام لحكاه
-هدي روحك ما تخممش،ما تحسب لشي، خللي كل حاجة تمشي بطبيعتها و عيش كل لحظة من حياتك كيف ما هي بحزنها و فرحها تلذذ دموعها و طير مع كل تبسيمة و ضحكة تخرج من قلبك،ما تخممش فالماضي و تعاود تعيش حزنك و لا تحسب للمستقبل و تخاف فالاخر تطلع خاسرة،كل شي لباس بإذن الخالق نشالله،ما تخليش الي قاعد يصير يوترك و يزعزعلك كيانك خليك ديما قوية واثقة من روحك والي تعمل فيه و عمرك ما تندم على قرار خذيتو حتى لو كان فاللخر غالط..
دورها ليه و هو مزال لاصق فيها حط راسو على جبينها و حكى بصوت اقرب منو للهمس..ما تخممش فيا انا قريب حتى لو بعيد،انا خيالك الي ما يخليكش حتى فالظلام و عتمة الليل،انا معاك في كل وقت و كل مكان،نعرف ما ترانيش و اذاكا شنو نحب اما يكفيني انك حاسة بوجودي و ما نفارقش تفكيرك و دقات قلبك لحظة😨❤
باس جبينها و كبس على كتفها بيديه الزوز لكان حاطهم عليه باش يخلي بدنها لكان يرعش يهدى و تفيق هي من ذهولها
-فيق ايثار و ما تخليش كلامي يسيطر عليك ما تخلطش خدمتك بأمورك الشخصية.. عندك اجتماع توا..فازي..
كمل طيشلها هك الكلمتين زاد دخلها في حيط اكثر من قبل و خرج سبقها لقاعة الاجتماعات و خلاها غاطسة في افكارها الي قريب تسرقها من كل شي اما فيسع ما اتداركت روحها و نجمت تخرج من بحر الافكار و الشكوك لغرقت فيهم..خذات نفس و خرجت..
دخل سلم و شد بلاصتو على راس الطاولة البلار الكبيرة،كلامو ليها من جيهة حب يلمحلها بحاجات مستحيل انو يكون وقتهم توا و من جيهة اخرى يختبر في مدى قوتها و ثيقتها في روحها و في قراراتها قدام اي مشكلة بسيطة تنجم تعرضها..صحيح ما يعرش امكانياتها اما يعرفها قداش حساسة و فيسع ما تتزعزع لأبسط الحاجات،،كان متوقع حاجتين يا تلغي الاجتماع والا تأجلو يا تدخل متأزمة و يطيح الي عملتو الكل فالماء و تضيع عليه الصفقة يا تصير معجزة و يتقلب كل شي اما توقعاتو كانت غالطة يسمع فالباب تحل و يرا فالرجال لقدامو مركزين مع الشخص الي دخل،دار بالكرسي و تصدم و تفاجئ بدخولها القوي اما كالعادة حافظ على ملامح وجهو و ما ظهر شي،صوت طالونها باش ينقب القاعة و الي وترلو عصابو و نجم يسيطر عليها،راسها مرفوع تمشي بكل ثيقة فالنفس و لمعة الاصرار و التحدي مالين عينها الخضر و كالعادة تبسيمتها مش مفارقة وجها،ريحت برفانها سبقتها و تغلغلتلو في رواريه رهوجتو، تعدات بجنبو ما خزرتلوش اما هو استغل الفرصة و قام شدها من وسطها مع تبسيمة صفرا للجماعة قربلها يحكي بعصب و ينزل على سنيه بغزول
-تو نورمال انت ااه😠..نورمال تلبس طالون بالعلو هذا و انت اونسانت ياخي ما تعرش مش باهيلك والله فرخة حتى نطرف بيك😠
حارت في الاستحقاق الي يفرض فيه عليها و طلايعو الي كل مرة شكل و نوع لين يصدمها و يخليها حايرة و يزيد يحكم عليها ما تطالبوش بحتى تفسير و الا تحاول انها تسألو و تستفسر منو،تحولت تبسيمتها لتبسيمة متصنعة مرقت فيه و جبدت منو روحها بالسيف،ترأست الطاولة مالشيرة الاخرى بعد ما سلمت عالجماعة مدت دوسيات للسكريتار باش يوزع عليهم،ما قعدتش عالكرسي جملة خذات الكوموند و هبطت الاكرون الكبيرة وراها و بدات تفسر و تحكي و جايبة ما عندها و هوما مركزين معاها و مع المترجم لكان يترجم في كلام الطرفين لبعضهم،كل سؤال يتوجه ليها فيسع ما تلقى اجابتو و تقنعهم بأتم معنى الكلمة من غير ما تقعد تخمم شنو باش تقول و تحكي كانت تتصرف بكل عفوية و تلقائية في كل حركة تعملها،تحكي بكل راحة و كلامها موزون و عارفة شنو قاعدة تخرج من فمها،مش كان هو كان معجب بيها هي سحرت الموجودين الكل،مزال يحب يختبرها هز تاليفونو و بعث ميساج لواحد مالرجال المستثمرين و الي هو تونسي زادا و كان معرفة قديمة لجاد و ديراكت سألها محاولة منو باش يدخلها بعضها و يفقدها السيطرة على سير الاجتماع لكان ماشي مريقل
-حكيت و فسرت كل شي و كلامك الكل مقنع و افكارك برفاي و فرحانين بيها تبقى نجيو لأهم نقطة الي من الممكن تخلينا ما نبرموش الصفقة معاكم و تخلينا احنا كمستثمرين نلغيو انو نظمو اسهمنا ليكم و تبطل فكرة مشروع سلسلة شريكات جاد و هي الاشاعات المنتشرة و الي اتداولتها معظم وسائل الاعلام و آ سافوار صحيحة والا،اول حاجة خبر احتمال افلاس وحدة من اكبر شريكاتكم الي يأثر بدورو على مردود بقية الشريكات بعد ما توفى سي جاد شخللى اسهمكم اتطيح في البورص العلامية و تفقدو جزء من اكبر المستثمرين و الممولين و اهم حاجة صمعتكم فالسوق و هذا بعد الاشاعة الثانية المتداولة الفترة هذي بوجود قضايا فساد و تحيل في شريكاتكم..
كان مالمتوقع تدخل بعضها و يبان على وجها الخوف مثلا اما بقات كيف ما هيا ملامحها ما تبدلوش بالعكس زادت تبسمت اكثر من قبل و بكل ثيقة تكلمت و رجعت تفسر
-برافو سؤال في بلاصتو و كان متوقع و هذا من حقكم انكم تعرفو مصير اسهمكم و انتوما زادا تخافو على صمعتكم كيف تولي مربوطة بينا و على اذاكا تنجمو تعملو نظرة على الدوسيات الي قدامكم كل شي موجود فيه الحسابات و الاحصائيات و فما تقرير زادا ينجم يعاونكم و يفسر كل تساؤلاتكم و فيه المعلومات الازمة الكل على شريكاتنا و كان ممكن تعملو نظرة زادا على مخطط و بيانات المشروع الجديد الي نشالله باش نبداو فيه معاكم و كان تفاهمنا و تمت الصفقة نكملو ندرسوه بالتفصيل و نتفاهمو فيه اكثر هذا بالنسبة لمردودية الشريكات و الصمعة اتسترا..اما قبل هذا الكل حبيت نوضح نقطة صغيرة كان تسمح،رغم انو كلامك على شريكاتنا صحيح و مش باش ننكر الي قاعد يدور من اشاعات ممكن يكون مبالغ فيها او مغلوطة نوعا ما،حبيت نصلحلك حاجة من النهار الي تأسسو فيه الشريكات و بوجود سي جاد عمرو ما مولنا حد حتى بمليم بالعكس شريكاتنا كانت تمول في برشا شريكات اخرين و من بينهم شركة بوك سي نوردين وقت تعدات هي بدورها بعجز مادي كان ينجم يتسبب بأفلاس كبير ليكم لولا تمويل شريكات جاد الي هي زادا كانت في اول بداياتها و في اوج صعودها و هذا الكل وقت انت مازلت تقرا ادارة اعمال في طوكيو و توا ما شالله مزالت فالعلالي بعد ما توفى بوك الله يرحمو و خذيت عليه انت المشعل يا مسيو اوس و رغم صغر سنك كملت في طريقو و نشالله تواصل بنفس المنوال و على نفس الطريق و تحافظ على كل حاجة امن عليها معاك بين يدك و الاهم انتك تعرف قيمتها و ما تضيعهاش☺
سكتت و هي مزالت محافظة على نفس الهدوئ و الابتسامة تستنى في قرار منهم و زاد توترها كيف بداو يتشاورو بين بعضهم و يحكيو بالشوية، خزرتلو لقاتو مركز يقرا فالدوسي الي فوتو البارح و ما درسوش و رفض زادا انو يعمل طلة على التقارير الي حضرتهم و تفاجئ بيهم توا..كل شي عجبو كيفاه خلطت عرفت المعلومات هذي الكل و الظاهر انو عارفة خدمتها مليح و راكزة في كل حاجة، داهش في خدمتها الي تمكنت منها و فهمتها فيسع في وقت ضيق وسط الخوضة لكانت عايشتها الكل و الاحداث الاخرة الي صارت و رغم حالتها النفسية المتدهورة و حبالتها و وحمها الصعيب الي متعبها برشا و رغم النيفو متاعها و زيد ما عندهاش برشا على رجوعها تقرا.. وقتها عرف انو قرارو صحيح كيف كتبلها كل شي باسمها و كيف امن على شريكاتو بين يديها،عرف قداش قوية و مصرة انو توصل للقمة و للي تحب عليه مهما كلفها حتى لو كان على حساب صحتها.. ما قال شي سكر الدوسي و وخر ظهرو لتالي و اكتفى انو يكمل يشوف نتيجة هذا الكل..هو زادا كان متوتر كيفها والا اكثر خاطر بالحق الشريكات في تدهور ملحوظ و لازم حد ياقفلهم و المستثمرين هاذم بالذات لازم يربحهم..
يسمع في تصفيق خفيف بجنبو محى ضبابة الافكار لكانت حاجبة كل شي قدامو ،يرا فيهم واقفين و يتبسمولها،هي بيدها تفاجأت تكلمت المرا الروسية لكانت قاعدو بين الزوز رجال و المترجم يترجم لايثار شقاعدة تقول
-برافو ايثار هذا المشروع لكنت نلوج عليه صغيرة و تفاجأت بعمرك كيف سألت عليك و حقيقة حقرتك و قلت هذي صفقة فاشلة من اولها و الحمدلله عطيناك فرصة، تشاورت انا و راجلي و عجبتنا افكارك و التحسن الملوحظ و النجاح الي رجعتلو الشركة و بدات تحقق فيه بعد الاشاعات و الي تقال الكل انا متأكدة انك ماشية في طريق صحيح و عارفة شقاعدة تعمل، (مدت يدها لايثار)مبروك علينا الصفقة احنا موافقين عليها و قررنا نرفعو من نسبة اسهمنا معاكم بنسبة 40%😊
مش مصدقة لقاعدة تسمع فيه مدت يدها للمرا و الرجال الزوز بعد ما سلمو على جاد الي وقف ديراكت هو زادا فرحتو ما تتوصفش مش على خاطر الصفقة تمت لا،فرحتو كانت اكبر للانجاز الي حققتو هي،كلامها و طريقة اقناعها و حساباتها و كل شي شافو بعينو و درسو و تعدا قدامو خلاه فخور و فرحان بيها كل شي اثر فيه لدرجة انو قربلها و عنقها قدامهم لايزي هي مش فاهمة شي و زيد كمل عليها بالتعنيقة و ختمها ببوسة حنينة على خدها و قعد معنقها عندو لين المرا رجعت تصفق
-وااوو محلاكم حبكم ظاهر كبير و عشقكم باين في عينكم و نظراتكم الي كانت من تحت لتحت لبعظكم بين الفترة و الفترة في وقت الاجتماع و الي خلا اعجابي بيكم يزيد تعرفو مليح تفرقو بين الامور الشخصية و الخدمة و الي هاذم الزوز اذا اجتمعو مستحيل ينجحو الزوز فرد وقت لازم حاجة منهم تشوف النور و الاخرى تفشل. برافو
عنقت ايثار
-انا حبيتك و نتمنى علاقتنا ما تاقفش عالخدمة كهو و الي باش تكون ممتعة معاكم نستنا زيارتكم لينا و نستقبلوكم على القريب العاجل في دارنا لو كان تسمحو😊
جاوبها جاد و كان فرحان خاطر وين ما تتحرك صغرونتو تلاقي حب الناس ليها و اهتمامهم الكبير بيها رغم بساطتها في كل شي..
-اكيد مدام هذا شرف لينا
كملو الاجراءات الازمة و صححو في الاوراق الكل و تفاهمو باش يعاودو يتقابلو و يحكيو اكثر..وصلتهم ايثار للباب و سكرتو و رجعتلو شاعلة..
-جوزيف في بالي جاي باش تاقف معايا و تدعمني ياخي سيادتك عديتو اجتماع كامل ساكت قاعد كان توزع فالابتسامة الساحرة متاعك و شنوا الحركات الجديدة لولات عندك ضربة ثنين معنقني و ترمي فالكلام الي قاعد تحاول بيه انك توصلي حاجة،ما فماش خروج اليوم من هوني كان ما تفسرلي الكلام لقلتهولي في بيرويا و نفهم شقاعد يصيرلي،احساسي ما يخيبنيش حاجة مش عادية تصيرلي كيف نبدا معاك ما صارتش قبل هذي حاجة جديدة اما قديمة راسخة فيا..مكش جوزيف😕
انت شكون..؟؟(حطواااا جااااام قبل ما تقراااااو)
توتر و دخل بعضو قدام كلامها لكان هادئ و يوحي بمدى ثيقتها في روحها و في مدى صحة الشكوك الي قاعدة تدور في بالها و كالعادة مش مظهر شي بالعكس شكون ينجم يجاري شيطانا في ضبط الاعصاب و التحكم بملامح الوجه،حاول يظهر روحو متغشش محاولة منو انو يبعد الشك عليه
-ايثار شبيك فاش قاعدة تحكي؟شنو هذي انت شكون؟ شتحب تقول و شنو تقصد بيها،هذا كلام تقولو!و بربي فسرلي شنو يدور في مخك😕
-احساسي كل مرة عمال يزيد يقوى و شكوكي ناحيتك غلبتني و انت السبب،كل مرة ترمي كلام،كل مرة تعمل حركات، تخليني بيهم مبهمة،حيرتني راك مش فاهمة لا روحي و لا شنو قاعد يصير،حرت حتى شنو اناديلك جوزيف والا...
سكتت جاتها رزينة باش تنطق اسمو مش على حاجة اما خوف منها لا تطلع شكوكها غالطة و تجيها خيبة امل كبيرة و تتحط في موقف ما تتحسدش عليه معاه و خايفة زادا في نفس الوقت انو احساسها صحيح و هو جاد بالحق..داخلة بعضها ما نجمت تزيد حتى كلمة مش عارفة شنو باش تحكي اصلا..هو زادا قعد ساكت يسمع في كلامها و استغل سكوتها خاطر بالحق عارفها مش فاهمة شي و هو كثرلها باللي عملو الله غالب هاكا هو جاد قدام ايثار يضعف و مستحيل يسيطر على روحو و يقعد ما يعمل شي والا يقعد ما يطيشش حتى كلمة
-تكلم شبيك سكت،جوزيف والا شكون؟؟؟
قولها ايثار راني فاهمك😡جاد مش هكا!؟
-(ولات تصيح)اي جاد..كيفاه تحبني ما نشكش،كيفاه تحبني نقعد طول الوقت هادية و نزيد نسكت قدام تقلوباتك،مرة تكون جوزيف الي نعرفو و تتصرف على طبيعتك و مرة تتقلب في كل شي و تولي نسخة مطابقة للاصل على جاد و هذا ما يشملش المظهر بطبيعة نحكي على التصروفات و الكلام،شنو الحكاية مستحيل نكون انا نتوهم و نستخايل في هذا الكل..
-يزي مالتخلويض متاعك قلو جاد و ما جاد،(يصيح و متغشش قربلها شدها من اكتافها الزوز يخض فيها)باش تفهم انت جاد مات ماااات فيق يا ايثار😡وقتاه باش تستوعبها هالحكاية...
سيبها و عطاها بالقفا و من غير ما يشعر عظ شفتو اللوطانية و عدى يدو على شعرو و نفخ بعصب،كانت اتبع فيه بعينيها مركزة مع كل تحروكاتو باش يهبلها،هذي هي حركتو متع العادة الي يعملها كيف يبدا منرفز و الي مستحيل تنسى تفصيل من تفاصيلو الي تحفرت في قلبها و بالها..ما نجمتش تسكت عاودت تكلمت بتبهليل و هي راخفة شفايفها
-كيفو بالضبط نفس حركات جاد الي يعملهم كيف يتغشش.،رد بالك تعديها عليا مش بهيمة عندك راني
خزرلها مستغرب في هالمخلوقة لا تفد لا تكل لا تمل تكبش في كل حاجة تقولها و برا عاد كان تبدا متأكدة منها وقتها مستحيل حد مهما يعمل و مهما يكون يخليها تتراجع عن فكرتها والا تبدلها
-وووه على امي هالنهار اي سكر عليا هالموضوع و رد بالك تعاود تجبدو مرة اخرى و تحرك نروحو العدول جاي للدار ما تجهلنيش ايثار..
كان يغلي عليها و يحاول يسيطر على روحو و ما يظعفش قدامها،شاد روحو بالسيف باش يحكلهاش كل شي، يحاول انو يحكي و ما يخزرش لعينها و لبراءة وجها الي تخليه في لحظة ينسى الدنيا و ما فيها..
خرج وين الباب و قعد يستنى فيها،خلطت عليه تعداو على بيروها هزت ساكها و الفاست متاعها في يدها و خرجو،قحرلها على جنب و تكلم بعصب😒
-تحرك البس الفاست متاعك الطقس بارد،هازتها زينة في يدك
-ما عينيش
-ما قتلكش ايجا كول انا..تحرك كلامي ما نعاودوش مرتين راني
سكتت ما رجعتش عليه لبستها و طلعو فالكرهبة،ملفتة راسها للشباك هازة خشمعا عليه،قعدو ساكتين الزوز قربلها حست بالنفس متاعو سخون في وجها من غير تخمام تلفتتلو باش تقلو خدم الكرهبة فيسع و بلعت لسانها كيف شافت خزرة الحب فيعينيه القري الذابلة،شفايفو لكانت ترعش قدام شفايفها الزوز في وضعية استعداد لبوسة توحد نيران الشوق لحاسينها،هي منرفزة مش على حتى شي جيست بقات في بالها حاجة من وقت لمزالو في البيرو يتناقشو و ما تحبش تخزرلو محاولة منها انو تتفداها و اذاكا علاه دوب طلعت دورت عليه وجها و هو توا عاود حيرها ديراكت جات لبالها فازتو و قت تنرفز منها عض شفايفو و نفخ بعصب تتفكرهم كيفاه ولاو حمر و يلمعو كيف بلهم بريقو هي وقتها شتهاتهم و ما نجمتش تقلو خاطر لا الوضع الي هوما فيه وقتها يسمح و لا البلاصة ملائمة حطتها في قلبها و قعدت ترحي و ما قدام عينها كان هوما..بقات مركزة معاهم لين سرحت و تخليت روحها تبوس فيهم،غمضت عينها تتبنن تحب تعيش اللحظة،استغرب من حركتها هو كان قاصد يرقللها السانتير هاكا علاه قربلها و هي فهمتو بالغالط😂
-شبيك غمضت عينك مش باش نبوسك راهو تهنى😑جيست نريقلك فالسانتير😛
كمل ريقلها و رجع للبوزيسيون متع السياق،حلت عينها مصدومة عرفتو يفدلك اما غاضتها الفازة جاتها كيف النبزة تنقرست منها سكتت و ما قاتلو حتى كلمة حطت يدها على خدها و دارت تتفرج على الطريق،هو رجع يسوق و ضربة ثنين يخزرلها لين يرا فيها تتهز و تتحط بالشوية ما تحبش تشلق طل عليها يلقى دموعها سبالة تفجع و دخل بعضو ديراكت راكا الكرهبة في بلاصة فارغة عالكياس بحكم الفيلا كبيرة و متطرفة شوية،هبط يجري و دارلها حللها الباب و نحالها السانتير يد شدلها بيها يدها والاخرى على خدها كان يرعش تفجع عليها كانت لباس و في لحظة ولات تبكي بالغصة
-ايثار شبيك عزيزتي 😟شبيك تبكي متقلقة!(تجاوبو براسها لا)توجع فيك حاجة!(لا)مالا شبيك امان جاوبني الزح شبيك كنت لباس عليك(قوات فالبكا وين هو زاد هبل😁)عيش صغرونتي شبيك مالا نهزك لطبيب!تحب حاجة؟؟
زاد قوات فالبكية اكثر،دموعها تصب خشمها و خدودها حمر كبستلو على يدو و هزت راسها بدلال ببراءة معناها اي😔
-باهي قللي و نجيبلك الي تحب غير انطق انت برك ولا يهمك
-ما انجمش(تشهق و تخرج فالكلمة بالسيف)
-علاه بربي قول والله فجعتني عليك بالعمل ساقي فشلت علاه هكا شبيي صغرونتي قلي شتحب تي نقرق بيك الززح😠
عرفتو بدا يتغشش تكلمت بحلة و رخفة كيف الصغار تشابك في صوابعها شفايفها مرخية تشهق و عينها فالقاعة حاشمة منو -مش انت قتلي اي حاجة قلي عليها ولا يهمك،بكري كيف تغششت مني و عملت اك الحركة ليعملها جاد ديما!! وقت عضيت شفايفك انا شتهيتهم مش انا قصدي البيبي مش انا والله😔
(حطواااا جااااام قبل ما تقرااااو)
الحلقة 20:
😔و زيد بليتهم بريقك ولاو يلمعو ما نجمتش نقلك اما توا ما عادش فيها😢
رجعت تبكي و هو بقى مصدوم فيها و في كلامها و كل حركة عملتها خلاتو يتهد بكلو و يفشل،خلات قلبو يخض مالموقف الي اول مرة يتحط فيه احاسيس الدنيا الكل حسها و اولهم احساس انو مسؤول حتى على نفس هالمخلوقة لقدامو الي كان يلقى كيفاه تو باكلها،هي تبكي و هو مزال يستوعب و في لحظة اتطرشق بالضحك لين سكتت هي و قعدت تخزرلو باهتة فيه
😦
-انا نقلك شاهية نبوسلك شفايفك و انت تضحك عليا😢معادش حاجتي خلي البيبي تطلع فيه اي حاجة😢في رقبتك
-يعمبو حبك ياا فرخة راك باش تهبلني كان انت،تي كان تحب كولني بكلي،هذا الي بيك انت اقعد بوس للصباح والي يقصيك نتفاهم معاه
-لا مش باش نطول شوية و برا
ضحك و قرب باش يبوسها بعدت راسها
-ااا بطلت ما صحلكش توا؟😑
-لا مازلت اما قتلك انا الي باش نبوس مش انت😔
-😨يا معلم انت ظاهر فيك ناوية تغتصبني نهار اليوم،يا بنت صالح يصلح رايك اصبر شوية نقيدو الصداق و خوذ راحة راحتك😂😂
-ياخي باش تذلني على خاطر جرد بوسة، مش لازم خليها عندك اما والله مش انا حاجة اقوى مني شبيك ما تحبش تفهم😢
-هههه لا عاد الا البكا اقعد فم لحظة برك.
سكر الباب و رجع لبلاصتو
-اي للا هاني قدامك اعمل فيا الي تحب
قربلها و قعد يخزرلها كيفاه حايرة منين باش تبدا و شنو باش تعمل
-امان جوزيف سكر عينك
-بااااهي هانا سكرناها🙈
كانت ترعش فرحانة خاطرو وافق و خذا بخاطرها،اول ما حطت شفايفها على شفايفو قدمتو لين صاح صيحة وحدة هو حل عينو و هي عاودة غمضتهم بكف يدها و قعدت تبوس فيهم و تتفنن حطت يدها على خدو بحنية و رغم انها ما تعرش اما لحظتها ولات تعرف دهشت في روحها كيفاه كانت تبوس فيه بلهفة و قوة مرة تعدي لسانها مرة تقدمو و ترجع تمص اما طفات الضو،كانت عادية حتى لي سونتيمو الي حستهم كانو عاديين جيست شهوة في قلبها و تحب تنحيها عكسو هو لذاب بين يدها لهب و شعل،كان كل ما يراها يطفي نارو الشاعلة عليها بالسيف وتوا مش قادر يعمل شي كان انو يحاول باللي يقدر يسيطر على روحو و يبرد دمو الي حرقو بأي طريقة باش ما يتهورش و يعمل حاجة يندم عليها،سيبها تتفنن و تبرد على قلبها يعرف مش بيدها و على اذاكا رفض انو يسايرها خاطر كان مشى معاها فالخط ممكن يعمل مصيبة ما كان منو كان انو يغمض عينو و يغرس صوابعو فالكرسي باش ما يحطش عليها يدو،مسكين معادش فيه سايي ولا يدعي انها تسيبو خاطرو تحرق و تملكتو الرغبة و شهوتو سيطرت عليه جبد راسو منها شوية و هي بعدت عليه تلهث كان ما بعدهاش ما كانتش تنجم تقصي و تسيبو،شفايفها كانو منفوخين حمر و وجها اكثر منظرها اغراه و زاد هيجو عاود جبدها و المرة هذي غطس فيها هو عدا يدو ورا راسها جبدها ليه و رجع يبوس فيها بطريقة جنونية و فيسع ما جبد روحو كأنو حد بعدو عليها،تكى راسو عالكرسي عدا يدو على وجهو الي تكبس و بانت عروقو يلهث هو زادا شفايفو منفوخين ما خزرلهاش ديراكت ديمارا الكرهبة و عجاجة للفيلا فماش ما تتطفى نارو شوية،وصلو دخلوكأنو ما صار شي و الزوز تقلبو ورجعو يتشوحرو لبعضهم تقول مش هوما لكانو هابلين على بعضهم توا فالكرهبة، عرضتهم سيلين
-مرحبا بالعرايس
-جاد:(باسها)اهلا امي سافا
-حمدلله ولدي ياخي فما واحد يمشي يخدم و يكلم امو يقلها حضر كل شي باش نقيد الصداق😕😑
-تي كهو تفاهمت انا و ايثار و يزي ما اجلناها الحكاية اونبليس نهيرين و راجع لامريكا بخدمة عاللقل نكون متهني عليها و تكون على ذمتي
-ممم اي باه خير ما عملتو و ربي يتمم على خير اي ادخلو العيلة الكل هنا جدك دوب كلمتو مسكين كان تاعب جاء هو الاول والله اذاكا حدو عليكم بعد موت خوك اي حاجة متعلقة بيكم انتوما الزوز بالاخص تحيرلو مواجعو و تفرحو في نفس الوقت
-الله يرحمو جاد و ربي يشدلو في صحيحة بدنو اك الشايب حديد ما تخافش عليه
-(خزرت لايثار)بنتي شبيك ساكتة بالعة لسانك،لباس
جاوبها جاد و هو يقحرلها مش عاجبو
-اذيكا دخلت و خرجت فالحلة تعرف يامي علاه عاركتني اليوم!! ماتت و حرنت قاتلي انت جاد مكش جوزيف حتى تصروفاتك و كلامك و ندرا شنو كيفو.. مزالتشي حاجة اخرى توا😕تو هذي انا باش نقيد عليها الصداق توا،بلاهي العظيم ما تهبلني كان هالمخلوقة معاها..
-ووه يا وليدي ميسالش ما صدق لربي خرجت من صدمتها شوية هي و الحمدلله رجعت خرجت من بين اك الاربعة حيوط و حطت داها و همها فالخدمة و القراية و انت اكثر واحد وقف معاها سايسها و خوذ بهواها وليدي و بقدرة ربي لباس..(حطواااا جاااام قبل ما تقرااااو)
-اممم زيد ايجا معاها و كولني بالهف حتى انت ابب تقول ايثار اايي تموتو الناس الكل قبلها ما حليتولها عينها كان انتوما😒
مللي هبطو مالكرهبة و عرضتهم سيلين هوما يحكيو و هي ساكتة اما هو ياسر كثرلها و ما عجبهاش كيف حكى لسيلين على سبب عركتهم فالبيرو تربثت منها و دخلتها بعضها رغم احساسها القوي الي صعيب انو يكون غالط اما حست روحها تسرعت كيف صارحتو عاللي في قلبها و اعترفتلو بالحقيقة الي مدخلتها بعضها و مخليتها متقلقة شوية من ناحيتو،عطاتو قحرة و قدمت باست سيلين
-شيهمك فيه امي خلي يقول الي يحب مش مقلقني😑
-صحيت بنتي هكا نحبك..اه شعملت فالاجتماع سافا
جات باش تتكلم تكلم هو في عوضها لين نرفزها😡
-لا تباركالله عليها مش في وجها انا بيدي تفاجأت عندها اسلوب مش نورمال امي (غمزها😉)ظاهر تعلمتو جديد عندها اسلوب فالاقناع غير عادي و خدمتها و افكارها ولا اروع و اقترحت مشروع باش يطلعنا للسما تنجم تقول بفضلها هي ربحنا اكبر صفقة تعبت عليها انا برشا و خذات مني برشا وقت،جات هي في ضرف نصف ساعة ريقلت امورها
-سيلين:اي ريت ماهو النسا شتعمل بابا
خزرتلو ايثار مش عاجبها
-اي باهي حمدلله عليك كيف عجبتك حاجة و رضيت علينا باركالله فيك..نمشي نطلع نحضر روحي خيرلي 😒
خلتهم و دخلت تعدات ديراكت للكوجينة قالت للبون حطتلها تاكل،شمرت على ذراعها و غطست تاكل لين معادش فيها كملت جبدت تاكل في فالديسار طيشت ظهرها عالكرسي تتنفس تقولش عليها عندها عام ما كلاتش.. هي هكك و هو دخل يشرب شافها هكك قعد مبحر عينو فيها هالمخلوقة قداشها متناقضة ما تنجمش تفهمها و الا حتى تتنبأ شنو تنجم تعمل و الا كيفاه ممكن تتصرف،حاط يدو في مكتوبو و يمشي و يقدم لين وصل قدامها كانت مغمضة عينها لين حست بنفس سخون يحرقلها في وجها،نفس عمرها ما تنسى تفاصيلو و الريتم متاعو ولا حتى ريحتو لتعشقها و تموت فيها هك الريحة لممزوجة بين الدخان و البارفان لتدوخها و تحرك فيها برشا حاجات لدرجة انو كرشها تدور و تحس بإحساس حلو تسري معاه رعشة بنينة في كل طرف من بدنها..حلتهم فيسع على كبرهم مصدومة و مربوثة لقات وجهو في وجها حتى صم بيناتهم ما يجيش جمدت في بقعتها ما نجمت تعمل شي و هو قريبلها القرب هاكا الكل،تحنطت لدرجة انها عجزت حتى باش ترمش عينها،قلبها و قلبو يدقو في نفس الدقات،دقات الحب لجمعتهم و وحدت بيناتهم،الدقات لخلاتهم الزوز في نفس الوقت يتذكرو و يسترجعو كل لحظة حلوة و خايبة عاشوها،ريتم نفسهم هو بيدو كلو لهفة و وحش و رغبة قوية ظهرت و بانت في عينهم الزوز...كان راكز يد منا و يد منا عالكرسي حاصرها بيهم مش مخليلها حتى منين تتنفس و تاخذ طرف هوا و ما عمل هالحركة كان ماهو مشوي من داخل و نفذ منو كل الصبر تكلم بصوتو المبحاح
-انت شهاويك الكل بالبوس زعمة اليوم تعدات المرة الجاية رد بالك تعاودها سيرتو فالليل خاطر وقتها ممكن نكمنديلك البيبي الثاني اوكي صغروني
ما فهمتش كلامو بالباهي قعدت ساكتة باس خشمها و تبسم بحب و اعجاب و هو مبحر عينو في عينها،كان محتاج يشوف هالنظرات في عينها،نظرة عشقها للشيطان, نظرة وحشها ليه والي يعرف قداش تعبت باش نجمت تخبيها عالعباد..صحيح وجهو كان كيف العادة بملامحو الجامدة الباردة الي ما تعبر على حتى شي اما الي كان حاسو من داخل ما ينجم يعبر عليه لا بالكلام و لا حتى بالافعال عاللقل في الوقت الراهن،حرب قايمة و نار شاعلة في جواجيه،احساس العجز الي يحسو في كل مرة يتقابلو فيها و يتحطو في موقف كيف هكا يزيد يتغشش يتنرفز و ينقم اكثر على روحو و على الضروف و ياكلو الندم على اللحظة لخذا فيها قرارو و مشا في طريق المافيا،في رمشة عين تحولت ملامح وجهو لباردة لملامح واضحة ما تعبر كان على الغل و الغش الي مسيطرين عليه و تعكست صورتهم و تفاصيلهم في عينو لكانت تقدح نار باش تتنطر من بقعتها، كبس بونيتو و لحظتها كان قادر انو يهد حيط بيد وحدة،تكبست معاهم عروق رقبتو و وجهو،هز طولو بزربة و دار ضرب الرخامة و قعد راكز عليها يدو عاطيها بالقفا لين تهزت و تحطت ترعبت منو و ملا الخوف وجها،ما فهمت شي حارت فيه، هذا التناقض بيدو و ما من منازع ليه..
-جوزيف شبيك
(حطواااا جاااام قبل ما تقرااااو)
الحلقة 21:
😦
ما جاوبهاش،ما نجمش حتى يخرج حرف من شفايفو خزرلها و هز روحو خرج و خلاها حايرة في امرها من تصروفاتو و كلامو الي ولاو غراب بالنسبة ليها،مش هذا جوزيف الي تعرفو،مش جوزيف الي يتصرف معاها هكا،مش هو نفس الشخص الي ما يخليهاش لحظة تاخذ نفس من بلادتو و تمنييكو و تنبيرو عليها،مش هذا نفس الشخص الي وقف معاها في محنتها و خرجها منها بشتى الطرق و خلاها توصل للمرحلة لهي فيها،هذا انسان جديد بشخصية جديدة قديمة مش متاعو، شخصية انسان تعرفو مليح،هذي شخصية شيطانها...
تعدا الوقت كل شي حاضر..لبست حاجة عادية و هو كيف كيف اما رغم بساطتهم وجوههم منورة و ضحكتهم موزعة على الناس الكل،كملت ريقلت امورها و خرجت من بيتها هي و البنات هابطة لوطا باش يقيدو الصداق و تقابلو كف و غرزة فالكلوار هي وياه و الزوز يتشوحرو لبعضهم مش عاجبهم شي اما من داخل حاسين حاجة اخرى بالاخص هي مرتاحة لهالماخذة،هذا هو نفس الاحساس الي تملكها وقت عرست بجاد صحيح صداقهم كان بالقوة و الغصب تحت الظغط اما فالعرس كانت فرحتها حاجة اخرى،،طفتو و تعدات و هو يمشي وراهم و بعدين وقف
-ايثار
نبرة الصوت هي بيدها الي تخلي بدنها يرعش و لحمها يقشعر من غير ما تشعر،غمضت عينها وقفت و دارتلو
-نعم
-ايجا عندي ما نحكي معاك(خزر للبنات) سافا البنات تو نهبطو مع بعضنا تنجمو تسبقونا😊هوما هبطو و هو مشالها هزها من يدها يكركر فيها وراه و هي ساكتة كلمة ما قالتهاش اما عملت ردة فعل و حلت عينها على وسعهم كالمصدومة و صدمتها مخلطة بوجيعة وقت وقف بيها قدام بيت النوم الي تسكرت عندها شهور توا و ما تجرأتش تدخلها والا حتى تاقف على عتبت بابها😨جبد المفتاح من جيبو و حلو و دخل،ساقها رزنت و تعدا هك النهار بكل تفاصيلو من قدام عينها،هك النهار المشؤوم الي نورمالمون يكون اسعد نهار في حياتها ،كان مالمفروض يكون نهار عرسهم،نهار فرحهم،في لحظة تقلب كل شي و تحول لنهار عزاء، رحل و خلاها في الطريق لكانو ماشين فيه مع بعضهم سيب يدها و مشى وحدو😢،،كان سارحة و من تبحيرة عينها لكانت هايمة بيهم في اللاشئ،من الدموع لكانت حابسة فيهم و ماليتهم،من عقدة حواجبها و ملامح وجها الي تقلبت فهم الصراع لقاعدة تعيش فيه،حس بيها و بالافكار الي تخمم فيها،حس بذكريات الماضي لقاعدة تتضارب في مخيلتها و تمشي و تجي من قدام عينها..ما يعرش علاه عمل هكك و منين خطرتلو هالحكاية اما حس روحو محتاج انو يعمل الي عملو جبدها من يدها و سكر الباب
-ايثار احنا توا باش نقيدو الصداق يعني باش نقلبو صفحة الماضي و نبداو حياة جديدة،نحكيو لوجيك صحيح احنا خذينا القرار هذا بليتو انا خذيتو و انت وافقت و نعرف مضطرة و مكش وحدك انا كيفك زادا خاطر ملي مات جاد حسيت روحي بطريقة او بغيرها مسؤول عليك و ابار هذا الكل انت حبلة من خويا حد ما يعرف غير احنا المقربين حكاية صداقكم و كيفاه بدات و وفات و اسبابها الناس كيف باش يعرفو الكلهم باش يجيو ضدك و تبدا كلماتهم عليك اوكا سلمت في روحك و رقدت معاه و حبلت منو هو اوكا فاللخر حبو ربي و مات و تقعد تقاسي وحدك و هات مك الكلام و تمشي فالعفس،ما نحبكش تخمم انو انا خذيتك خاطر ساخف عليك رد بالك تخمم هكا انت تعرف جوزيف شنو معاك و مستحيل نخدم مخي عليك والا نخزرلك بطريقة اخرى اولا مرت خويا ثانيا احنا صحيبات و قراب برشا اما راك الي تعرفو عليا الكل يتسمى نسبة قليلة تنجم تقول 50% و مع الوقت تو تعرف برشا حاجات وحدك،ملخص الحديث حبيت نقلك ولد خويا هو ولدي و انت ما تتصورش معزتك عندي ما تعرش عالمكتوب ممكن انجم انسيك في جاد كيف ما انت زادا تنجم تنسيني في شخص،صغيرك الاول من جاد انجم يكون الثاني مني و هذا الكل بيدك انت و مش باش نغصب عليك شي كل شي بإرادتك انت..ممكن تكون مصدومة من كلامي خاطر ما حكيناش فيه قبل و لا حطيناه من بين حتى احتمال اما راهو الكل يبقى فرضيات و صور تنجم تتحقق مع الوقت تنجم لا،حبيت نحكي في هذا الكل باش نحطك فالصورة و تحاول انت زادا من ناحيتك تكمل حياتك نورمال كأيها الناس مع اني على يقين حاجة شبه مستحيلة،و دخلتك توا للبيت هذي بالذات فماش ما تحاول تفهم روحك و تستوعب انو هالبيت و الي قاعدة ترا فيه الكل من ديكور و احلام و تصاور و خاصة الانسان الي بنيت معاه هذا الكل مشا و خلاك معناها معادش يرجع،مات،حبو ربي و ماتنجم كان تترحم عليه و تدعيلو بالرحمة و ربي يغفرلو..(حطواااا جاااام قبل ما تقراااااو)
كلامو فاللخر خلاها تغمض عينها و تنزل عليهم شاف تكميشة وجها و حواجبها الي تعقدو و يدها لتكبست على الروبة فهم قداش الكلمات لقالهم رغم انهم حقيقة مافيها شي الا انها وجعتها و وجيعتها قاعدة تقطعلها في قلبها و متأكد انو مع كل كلمة يقولها ذكرياتهم و كلامهم و وعودهم قايمين فيها حرب من داخل..تخمامو الي كان يتعمق فيه كل ما تجي قدامو و الا حتى على بالو يزيد يتأكد مالقرار الي خذاه و لازم ينفذو على خاطر الخطة الي حطها جوزيف تفرض عليه انو يتمحى من بالها و على اذاكا لازم يتقوى عليها و يلزلها برشا باش يحطها قدام الامر الواقع و يخليها تواجه روحها و تواجه وجيعتها قبل كل شي و تتقبل فكرة موتو المزعومة...سكت شوية و رجع يحكي اما علا في صوتو بنبرة حادة بكلمات مستفزة..
-تكلم،احكي شبيك ساكتة ما شاطرتني الراي في حتى موضوع،افهم يا ايثار انو الي حكيتو الكل لوجيك و اذاكا الي ينجم يصير و باش يصير مع الوقت مش باش نضغط عليك اما حط في بالك انو مع الوقت ما ندوملك كان انا جاد مات و لازمك تتقبل هالحقيقة بأي طريقة احنا باش نعرسو و مع الوقت باش نبنيو عايلة و كون متأكدة انو طوالت الايام قصارت انت مرتي يعني حلالي و اتوقع انو باش نطالب بحقوقي كاملة لذا من تو تعرف على شنو قادمة و حتى كان تحب تتراجع انا مش باش نخليك،كلامي هذا ما يتنفذ كان مستقبلا خاطر توا ما عندي حتى نية اني ناخذ فيه حتى خطوة و كيما ينجم يصير كيما لا..كلامي متناقض برشا نعرف و عن قصد و انت اكيد فهمت علاه،حاجة اخرى البيت هذي باش تكون بيتنا و هذا الفرش الي باش يجمعنا و لوقتها نحبك كيف تكون معايا رد بالك تخمم فيا اني جاد😠جاد توفى، مات و انا جوزيف يا ايثار رد بالك تغلط نحبك تتعامل معايا و تتقبلني كيف ما انا ما تقحمش شخصية اخرى و شخص آخر عليا انا جوزيف و مش باش نتبدل..
كان يحكي مرة يصيح مرة يرخف،مرة يحكي بصوت دافي و حنين بنفس بحة الصوت و مرة يتقلب،حتى و هو ينبه فيها انو ترد بالها تخمم فيه انو جاد ما نجمتش😓مستحيل انها تمحيه من بالها هو عايش، احساسها يقلها هكا،كلامو و طريقتو زادت عليها و دخلتها في حيط صدمها في برشا حاجات ما كانتش متوقعتهم منو علاه قلب كل شي في لحظة موفاهمتهم ما كانتش هكا، اما الي مبهتها انو رغم الي حكاه و كل حاجة مخطط انو يعملها بالاخص كلامو انو يطالب بحقوقو الزوجية ركزت معاه برشا ما قلقهاش😕،باش تهبل ما تعرش علاه ولات قدامو تحس روحها عاجزة انها تاخذ اي قرار حتى لو كان قرار مصيري في حياتها،حايرة.. حتى من لسانها يرزن و تحس روحها مخدرة،مخها يطالبها انو تتكلم اتدافع على روحها تحاسبو على كلامو الي تراجع فيه و قلبها قاعد كان ينبض بقوة دقات فرحة هوما نفسهم وقت تكون مع شيطانها بالحق حاسة روحها غارقة في دوامة مش قادرة تخرج منها، صراع نشب بين الزوز قلبها و عقلها كل حد يقول حاجة و هي تتدرجح بيناتهم مع كلامو هو،ما نجمت تزيد تسمع حتى شي غمضت عينها بقوة نزلت عليهم محاولة منها تهرب هالافكار و تطفي الحرب الي فيها و توقف الصراع لباش يهبلها، هو باقي يحكي مش حابب يسكت كأنو عامل بالعاني شخلاها ولات تصيح و التطالب فيه انو يسكت و هو كأنو طرش يسمع فيها و متلف يحبها تصيح و تبكي و تحكي و تخرج الي في قلبها الكل صحيح حكاتلو و عبرت و كان معاها في كل لحظاتها الصعيبة اما متأكد انو مستحفظة بحاجات لروحها هوما الي مخلينها مش عارفة تخرج من ازمتها و مش قادرة تتغلب على وجيعتها و تتقبل موتو و تكمل تعيش حياتها كيف العباد...
(حطوااااا جااااام قبل ما تقرااااو)
الحلقة 22:
حكاو او بالاحرى هو حكى و هي ساكتة مش ضعف منها اما الي قالو الكل خلاها تزيد تمن بالاحساس القوي الي يتملكها ناحيتو في كل مرة،و يخليها بتصرفاتو تزيد تشك فيه و في تقلب شخصيتو اما عاجزة انها تثبت صحة شكوكها حتى لروحها خاطر مستحيل كان يخليلها دليل يثبت ادانتو،،كيما يقولوها الوقت و البريود و الظرف الي هو فيه الزلقة بفلقة،قطع شوط لباس بيه في التخطيط و مزال التنفيذ لذا مستحيل انو يتراجع و الا يرخ حتى شوية و الاهم ما لازموش يغلط حتى غلطة حتى مجرد الشك ما لازموش يتوجد في الوقت الحالي..هبطو مع بعضهم شادلها يدها و كابس عليها،العايلة الكل موجودة تعدا من قدام دانا الي ركز معاها مالدروج و جذبت انتباهو، قداش ذبلت هالطفلة كانت كيف الوردة مفتحة و توا حتى عطرها تبخر،كان باين عليها تعمل في مجهود كبير باش تحبس الدموع في عينها و ما تخليهاش تهبط،حاسس بيها و بعذابها و حرقتها خاطر نوعا ما حالتهم متشابهة الزوز محرومين من حب حياتهم،يا حسرة على دانا الي لسانها داير برقبتها الي ما يسلم منها حد،دلولة جدها، الي وين ما تكون تخلق نوع من الطاقة الاجابية و تنقلها للي معاها الكل بتفدليكها و الجو لتخلقو مهما كان متكدر و معكر،توا حسها ما يتسمعش عايشة بتبسيمة صفرا و حد ما يعرف شنو وراها و الي زاد عذابها انها حاملة غصتها في قلبها لا منجمة تخبيها و لا منجمة تحكيها لحد و تفرغ حتى شوية من الكاس الي فاض في داخلها و بالاخص توا...
حب حياتها قدام عينها مع غيرها الي هي عشيرتها و صاحبتها و اكثر من اخت ليها،ما تنجم تلوم على حد كان على الظروف المجهولة الي ما عندها عليها حتى فكرة و خلتو هو ياخذ قرار البعد او بالاحرى القرار الي خلاها بيه معلقة بين هوا و فضا لا تعرف لا بعدو و لا قربو و هذا بعد ما قلها اصبر معايا و عليا،راهي فترة و تتعدا،يقلها انو يحبها و مش مسلم فيها و يوعدها انهم ما يكونو كان لبعضهم و هي ما كان منها كان انها توافقو و تصبر،و تصبر روحها خاطر تمن بيه و توثق فيه و بحبو الكبير ليها😢...يتعدا من قدامها اما ما تعرش انو اذاكا جاد مش جوزيف،تجي العين فالعين و تشوف فيهم بورود و حب ساكت ساكن هادي مع نظرة ثاقبة حادة استغربت و قارنت بين جوزيف متع البارح و جوزيف الي يمشي قدامها توا يدو في يد غيرها.. تذكرت كيف كلمها عقاب الليل و ما هزتش عليه خافت تزيد تحير و تحير جروحها و مواجعها اكثر و اكثر،تذكرت ليلة البارح و الي صار غمضت عينها بحسرة عاللي فات،بلذة عاللي صار و حستو في وقتها و تحس فيه توا برعشة بدنها و لحمها الي قشعر من جديد، بخوف كبير ماللي جاي..برشا احاسيس في نفس الوقت خلاوها تدخل بعضها و تحل عينها فيسع تحاول تهرب من افكار تضاربت في راسها،،،تعداو من قدامها و قداش كانت فرحتو مالية وجهو تقول يعشقها ايثار و يموت عليها باقي مستغربة زادا من خيال الفرحة الي ترا فيه في عين ايثار و مش عارفة لا هي و لا ايثار و لا حد من الحاضرين بخلاف اسامة انو اذاكا جاد، اما علاه ايثار فرحانة مش منها،مش هي تبسمت و صنعت اك التبسيمة،اذاكا قلبها الي مش فاهمة دقاتو و احاسيسها،من تبسيمتها لظاهرة شوية على شفايفها و برشا في عينها و الي بدورها خذات طريقها ليهم بطريقة لا ارادية منها و الي لو كان تسيب روحها شوية اتو اتطير و ترفرف بيها لسابع سماء،استغربت و تعجبت من ريحة برفانتو الي تبدلت و مش غريبة عليها خاطر تعرفها مليح،مش هذي الي ستنشقتها البارح و ملات منها جواجيها(حطوااااا جاااام قبل ما تقرااااو)
مش هذي الي تحرك فيها كل الاحاسيس الحلوة اول ما تشمها و فيسع ما سرحت بأفكارها و رجعها خيالها ل ليلة البارح كانت باردة برشا،ريح قوي و المطر ترشرش بالشوية و هي كيف العادة تخمام يهز و لاخر يجيب،تعمل في دوش سخون فماش ما يتنحالها الاستراس الي ركبها و زاد بيها من وقت الي اعلن فيه جوزيف على علاقتو بإيثار و قررو انهم يعرسو،،😔 بقدرة قادر هزت روحها مالبانو لفت منشفة على بدنها و خرجت هايمة فاشلة ما عينها في شي كان ترقد و تنسى شوية الوضع الي هي فيه،حلت القاردروب و وقفت تتفرج فيها جبدت دوبياس باج لبستهم و رجعت وقفت تتأمل فالدبش من غير لا هدف و لا محاولة انها تخمم شنو باش تلبس،سارحة فالفراغ لين سمعت تاليفونها ينوقز مشات لقاتو هو ما نجمتش تهز اصلا ما عندها ما تحكي و ما عندها ما تقول و لا تزيد حاجة عاللي قالو هو، حطتو فيبرار و رجعت تتأمل فالدبش لمحت مريولو القري المعلق قدامها تذكرت كيفاه خذاتو منو و من وقتها و هي تلبس فيه كيف ترقد اما بعد قرار البعد الي خذاه و هو معلق تخزرلو من بعيد لبعيد و ما تتجرأش حتى تمسو بيديها خوف من الذكريات و من ريحتو الي باش تقعد في خشمها طول الوقت و تزيد تعذبها و تحللها جراحها اكثر ماهي محلولة..كانت محتاجتو و متوحشتو ما نجمتش تمنع روحها ديراكت لبستو،هزت دبوزة البرفان عملت ضربتين في رقبتها منا و منا حست بهوى بارد داخل مالبالكون مع شعرها لمزال يقطر بالماء جمدت،رجعت الدبوزة لبلاصتها و مدت يدها سكرت القاردروب و تصدمت بخيالو المعكوس فالمرايا لقدامها 😨كيفاه و منين دخل و من وقتاه و هو وراها كيفاه ما حستش بدخولو للدرجة هذي فقدت احساسها من بعدو!!😢مزالت تحاول انها تفهم شنو قاعد يصير،و من صدمتها استوعبت الحكاية روتار لدرجة انها بدات باش تصيح😲و يديه كانت اسرع منها وحدة حطها على فمها سكرهولها و الاخرى حوطها على حزامها و جبدها لصقها ليه،كان هو وراها حاط راسو على كتفها و هي في احضانو ترعش تحب تفلت منو و هو في كل مرة يزيد يكبس عليها بقوة و يرجعها ليه،تلهث تقول كانت تجري تتنفس بالسيف،صدرها كان يتهز و يتحط تخلطو عليها برشا احاسيس معاد فاهمة شي،مفجوعة لا يدخل عليهم اسامة خاطر مخر برشا و هذا وقت مرواحو و خايفة مالمواجهة و الكلام الي باش يحكيوه، نفسيتها تاعبة مرعوبة انو يقلهاش حاجة اخرى تزيد تصدمها اكثر خاطر بالحق الي فيها مكفيها و ما عندها حتى استعداد باش تزيد تتصدم في حكايات اخرين يزيدو على ما بيها، قرب شفايفو لوذنها و همس فيهم بالشوية
-دانا..روحي،دنيتي،هدي روحك عيش حبيبي❤توحشتك قد صبري فالدنيا، محتاجلك و نعرف انك محتاجتلي اكثر مني اما لازمني نكون اناني،البريود هذي ما نعرش قداه باش اتدوم و فيها نحب ناخو منك و ما نعطيكش،نحب ناخذ منك القوة و الصبر للطريق الي باش نمشي فيه ،العزيمة و الاصرار باش نوصل لآخر هالطريق سلامات بأخف الاضرار،و انت لازمك ما تستنا مني شي..
كلامو كان مستفز نوعا ما و كلو تملك و انانية اما كانت تسمع فيه و تستوعب مليح شقاعد يقول،كلامو هداها شوية و نساها خوفها و هو كيف حسها استوعبت وجودو دورها ليه كبسلها على ظهرها و حط يدو على خدها و جبينو على جبينها و هي مع كل لمسة و كل كلمة منو بدنها يتكهرب و تحس حاجات محلاهم اول مرة تحسهم معاه،غمضت عينها و استسلمت للأحاسيس و المشاعر الي سيطرت عليها،كانت محتاجة قربو و محتاجتو معاها،و كأنو هو حس بيها في رمشة عين لقاتو قدامها،المطر قوات و قوات معاها دقات قلوبهم و ريتم نفسهم لكان خارج سخون يحرق في وجوههم الزوز و يدفي فيهم،هو عينو محلولة و كلاها ماكلة ركز اكثر مع لبستها و بدنها لكان مفورم،لأول مرة يراها من غير حجاب،شعرها الطويل لكان مبلول و ماه يقطر عليها و فالقاعة، مريولو القري الي عطاهولها قداه عشقو كيف لبستو هي😍كبير جاها ميكرو دوباش مغطيلها الدريار متاعها،بالنسبة ليه هو مريول و عليها هي روبة😂 يديه الطويلة كان طايحة تتدلدل و هي من حشمتها و خوفها لمدتهم في يدها و كمشت عليهم بصوابعها خدودها حمر و شفايفها الروز المنفوخين شعلو النار في قلبو و حيرو وحش البريود الي ما شافهاش فيها و ما حكاش معاها،حركو كل الاحاسيس الي فيه،عينو ذبالت و بدنو الكل تكبس،و ما كثر ما حاول يسيطر على روحو و على بدنو عروق رقبتو و جبينو تنفخو و ظهرو،معادش ينجم اكثر من هكا يعرف انو ضعيف قدام هالاحساس القوي الي يتملكو اول ما يشوفها و يعرف انو فاللخر باش يفشل فالسيطرة عليه، يخزرلها بكل العشق الي فيه ليها،هذي آخر مقابلة مالنوع هذا،يعرف مليح انو هذي الفرصة الوحيدة الي تجمعو بيها بعدها ما عاد عندو حتى شي آخر يجمعو بيها خلاف انها بنت عمتو،هذي آخر لمسة و آخر لحظات غرامهم،مجرد دارو هالافكار في راسو فشل و قلبو وجعو،قربها لحضنو و غرس راسو في رقبتها،شاد روحو بالسيف خصو كان عالبكاء باش يبعد عليها اما كل حاجة منو و فيه معلقة بيها و فيها،باش يبعد و يمشي جهامة بلا روح بلا قلب بلا عقل،كل ما تجي هالتصاور قدام عينو كل ما يتخيل الي جاي من غيرها يحس روحو قاعدة تخرج منو
(حطواااا جاااااام قبل ما تقرااااااو)
الحلقة 23:
،من توا متعذب مش عارف شنو باش يعمل من غيرها😢عدا صوابعو بخفة على طول ظهرها يتحسس فيه بحنية حطلها شعرها على جنب و عدا شفايفو على رقبتها يبوس في بوسات خفاف و يستنشق في ريحة برفانها لتغلغلتلو في جواجيه،هي بدنها تكبس و ولات كيف قصبة الريح بين يديه تحس في روحها فشلت و ساقيها ما عادش حاملينها تحس في روحها باش تجي كدس فالقاعة كبست بيديها الزوز في صدرو و سلمت روحها،الزوز من غير ما ينطقو بحتى حرف واعين باللي يستنى فيهم و عارفين انها اللحظات الاخيرة، غمضت عينها و كبست عليهم كيف هز المريول و دخل يدو كبسلها على صدرها، قوى بيها الاحساس و خرجت من جواجيها آآه حست بوجيعة بنينة في كرشها ماللوطة زيد كبشت على صدرو اكثر كل شي يمشي بشوية كأنو الوقت وقف اما انفاسهم و دقات قلوبهم هي الي تتسارع،في لحظة فيسع ما هزها حملها و دورلها ساقيها على نصو،حط شفايفو في شفايفها و غرق يبوس فيها بلهفة و وحش مرة يقدملها لسانها و مرة يمصو،هي هذا الكل تحاول تستوعب لقاعد يصير و كأنو قوة الي تحس فيه هو الي فيقها من صدمتها خلاها تحس بسخانة مش عادية في بدنها و خلا وجيعة كرشها تزيد تقوى من غير ما تشعر لقات روحها تبوس فيه كأنها فقدت السيطرة على روحها كليا و ولى هو الي يقود فيها،غرست يدها في شعرو و نزلت عليه بقوة قربتو ليها اكثر و تفاعلت معاه باللي تعرف،طارو الزوز فالسما و نساو الدنيا و ما فيها و عاشو اللحظة كيف ماهي من غير ما يخمو لا في حسابات و لا عقابات،اول مرة توصل تصير بيناتهم حاجة هكا جوزيف بالنسبة ليه دانا حاجة اخرى غير كل الحاجات و خط احمر ممنوع عليه يتجاوزو و اول هالخط انها بنت عمتو غيرو هي اخت أسامة ولد عمتو و صاحبو و خوه و الي ضميرو يأنب فيه من ناحيتو و حس روحو قاعد يستغفل فيه و هذي مش من طبايع جوزيف غيرو ديما حاط في بالو انو كل شي مكتوب و حكم خدمتو الي ما فيها كان حياة والا موت يخليه ديما يخمم فيها من بعدو و على هذا الكل هو ضد انو يصيرو حاجات هكا بيناتهم اما توا غير،الامور خرجت من تحت يدو و سيطرتو و كل شي وارد انو يصير حتى احتمالية موتو😢فاق شوية و نجم يتغلب على شهواتو بعد عليها شوية خذا نفس و خلاها تعرف تتنفس ،قعد يملي في عينو منها و يخبي في تصويرتها بكل ملامحها و بكل ما في هاللحظة من مشاعر و احاسيس اولهم الخوف من الي جاي،قرب شفايفو و طبع بوسة دافية طويلة على جبينها و مشى ناحية الباب دور فيه المفتاح و رجعلها شدها من يدها قعدها عالفرش،هي كانت مطوعتو في كل حركة عينها مبحرة فيه ما تعرش كيفاه تكلمت بصوت ضعيف متقطع كأنها توا استوعبت وجودو و الي صار😨
-ج.وز.يف شت.عمل هنا..شمجيبك😯
-اقعد و اسكت مش قتلك توحشتك،مش قتلك عندي برشا كلام نقولهولك😍
جات باش تتكلم بتمهميه ياخي حط يدو على شفايفها قصى عليها خلاها قاعدة و مشى جبد السشوار و حل الدريسينغ متاعها لوج على كلسون و رجع مدهولها
-قوم البس برد عليك ما تقعدش كان فالمريول هاكا وحدو☺
وقفت و هزت يدها شوية بتبهليل
-شبيه المريول جاني خايب!😔
يعرف انها مش قاصدة تعمل الحركة الي زادت شعلتلو بيها نارو لكان قاعد يحاول بصعوبة انو يبردها و يطفيها حتى شوية، حرقتو و طيحت الي عملو الكل فالماء، واقفة قدامو مكبشة فالمريول بيديها تبسم و قعد يعشق فيها،يحاول ببراءة وجها ينسى الحرب لقايمة فيه،قربلها شدلها يديها لقاهم باردين قعد عالفرش و هي واقفة قدامو حطهم بين يديه يفرك فيهم و في كل مرة يقربهم لشفايفو ينفخ عليهم وساعة ساعة يقعد يبوس كل صبع وحدو
-(هز راسو يحكي معاها)المريول محلاه عليك عزيزتي و انت الي حليتو مش هو حلاك انت الي زدت فيه الشطر مش هو اما انا قتلك هكك خاطر برد عليك تي شوف روحك كيفاه ترعش و زيد شعرك يقطر بالماء،اي تحرك فيسع برا البس و ايجا نشيح لصغرونتي شعرها(حطوااااا جااااام قبل ما تقراااااو)
😚
هو يحكي و هي تخزرلو تتمعشق فيه و تتبسم😍قربتلو طبعت بوسة بزربة على خدو و مشات لبست و رجعت تمشي بالشوية و تخزرلو كأنها بدات تستوعب في فكرة انو هو حذاها في بيتها و قاعد على حافة فرشها،انو بالحق توحشها و وحشو قاعدة ترا فيه في عينو و في كل كلمة يقولها و كل حركة يعملها،احساسها بالفرحة فالوقت هذا كان ممزوج بخوف قوي مالمجهول خلا وجيعة كرشها و الاستراس عندها يزيدو،تغلبت على مخاوفها تحاول تتنساها و قدمت ناحيتو وقفت مقابلتو طبعت بوسة اخرى طويلة حارة على جبينو فهم بيها قيمة حبها ليه و معزتو عندها و قداه هي متوحشتو،كان قاعد وراها عالفرش يشيحلها في شعرها و هي هذا الكل تحس في روحها ضايعة و في حلمة محلاها اما مرعبتها في نفس الوقت،قاعدة تستحلا في سخانة السشوار و ملمس ايدو على شعرها و رقبتها و ساكتة،هو زادا ساكت يعرف قداشها حساسة و على اذاكا قاعد يخمم و ينظم في افكارو باش يعرف كيفاه يوصللها الكلام الي يحب يقولو من غير ما يجرحها و يبكيها،سكت السشوار و قربلها باس خدها و قعد معنقها حاط راسو على كتفها،هي كانت جامدة كالعادة احاسيسها ديما غالبتها حتى تراه واقف بعيد عليها تولي ترعش و تدخل بعضها فما بالك توا معنقها،تسمع فيه يحكي
-حبيبي باش نحكي معاك في موضوع و نحبك كيف ما في كل مرة تفهمني و تراعيني و اول حاجة توثق فيا و تصبر معايا خاطر نعرف مليح قيمتي عندك و مقدار حبك ليا اما انت ما ما تعرش قداه جوزيف يعشقك و يموت فيك اما تو تجي اك اللحظة لتعرف فيها حقيقة كل شي..
تخزر للفراغ اما مركزة مليح مع كل كلمة قالها و فهمت بالباهي الموضوع الي يحب يحكي فيه و من طريقة كلامو الجدية عرفت قداش هالموضوع حساس و حلو باش يكون صعيب عليها و اصعب برشا عليه هو و واعية اكثر للتضحيات الي باش يتقدم بيها كل حد معني بالامر و عندو صلة فهالموضوع،رجفت اطرافها لمت ساقها و تكمشت على روحها و حطت راسها على ركبتها و تكلمت بصوت فاشل
-انا ثيقتي فيك كبيرة و حبي ليك اكبر كون متأكد يا جوزيف صاحبك راجل،مهما باش يكون الموضوع و انا فهمت انو مش ساهل و باش يطوال بينا و يطول علينا الطريق و مهما طوال هالطريق والا قصار و حتى كان بعدنا انا ديما معاك قريبة منك و قريبتلك و بإذن الله وقت ما تستحقني تلقاني،ما نعرش ايثار كيفاه دخلتها القدرة في حكايتنا الي ما يعرف بيها حد و كيفاه بعد موت جاد تقلبت حياة الناس الكل و خذات مسار آخر و تشابك كل شي في بعضو،ما انجمش نسألك و الا نطالب بتفسير انت الاول ما بادرتش و حكيتلي عليه يعني الحكاية مزالت مش كاملة حتى عندك انت،دونك ما تنجمش تحكي حكاية ناقصة نهايتها مزالت ما تعاشتش و مازلت انت في حد ذاتك لحد الآن مش مستوعب كيفاه بدات و خذات طريق تفرض عليك تمشي فيه بالسيف عليك،مش كان انت الكلنا في رمشة عين لقينا رواحنا ماشين في طريق بالغصب مفروض علينا لا عمرنا توقعناه و ما لينا حتى حل و لا بيدينا نبدلو مكتوب ربي و لا نعارضوهم..
يخزرلها و يتبسم بوجيعة مخلطة بنوع مالفخر حاسس بوجيعتها و غصتها الي مش منجمة تظهرهم قدامو اما مستقوية و ايمانها قوي و راضية تماما بحكم ربي، قداش حس هالحكاية كبرتلها مخها و حملتها مسؤولية اكبر منها خلاتها تحس احاسيس مش متاعها قلبو وجعو عليها ما تحملش يراها هكا،جبد روحو منها شوية و اتكا عالفرش فوق الغطا هز الكوات و حللها يدو و تبسم
-اي صغرونتي ايجا عندي معادش وقت لازمك ترقد ترتاح
رخات شفايفها و على وجها علامات خوف
-باش تمشي توا؟؟
ضحك و قلها مازلت،فرحت مشات ديراكت تخبات عندو حوطتو بيديها و غرست راسها في رقبتو تقول باش يهرب و فعلا بالنسبة ليها اذاكا لباش يصير اما تعرف مليح انو رغما عنهم الزوز لازم يقتنعو و يتأقلمو مع الي قاعد يصير و يحضرو رواحهم مليح للي جاي..خانسة و ساكتة و هو يمسحلها على شعرها يحاول ينظم افكارو خاطرو لازم يفسرلها نوعا ما كل شي و يحافظ على غموض برشا تفاصيل الي بالنسبة ليه هو زادة مجهولة ما ينجمش حتى يتوقع و الا يتنبأ بشنو باش يصير مبعد،غمض عينو و تقوا قرر انو يبدا يحكي و الكلام تو يجي وحدو يحاول على قد ما يقدر ما يجرحهاش😣
-حبيبي..صغرونتي
-مممم
جاوبتو و هي فاهمة مليح انو العد التنازلي بدا،الليلة هذي باش تكون نقطة التحول و بداية الصبر و الانتظار،بداية الوجيعة الحقانية و البعد و الدموع و الوحش،هذي النهاية و الله اعلم وقتاه باش تجي البداية الجديدة الي وعدها بيها،هبطت من عينها دمعة حارة ساكتة هادية ما تحبش تتكلم و الا تحكي اكتفات بالممممم هاكي باش ما يحسش انها قاعدة تبكي و تزيد توجعلو قلبو عليها و اتدخلو بعضو اكثر من الحالة الي هو فيها،الهدوئ الي حستو فيه الليلة اول مرة تراه في جوزيف المقربع الي ديما ينبر لا يسيب حد ولا يهمو في شي، ما تعرش انو فاهمها و حاس بيها و بالدموع لقاعدة سبالة على خدها اما باش ما يزيدش الطين بلة يحاول انو يتجاهل هذا الكل بالسيف عليه😢
(حطوااااا جااااام قبل ما تقرااااااو)
💔الحلقة 24:
-دانا رد بالك تاخو قرار مصيري و الا تعطي وعد في لحظة فرحة و الا حتى حزن خوذ وقتك مليح و رد بالك تتسرع، اسمعني مليح للخر و بعد قرر،باش نحكي معاك باللوجيك و بالمنطق وفق الي قاعدين نتعداو بيه و الي حتى حد ما يعرف اسبابو و شنو باش تكون مخلفاتو، انت تعرف و فاهمة مليح انو ممكن الليلة هذي تكون آخر ليلة نكونو فيها هكا مع بعضنا و اللحظة هذي ممكن تكون آخر اللحظات الي نحكي فيها معاك كأنسان يعشقك و روحو فيك خاطر مالخطوة الي باش نخطيها ناحية البالكون و نخرج باش نكون لانسانة اخرى،للمرا لكانت مرت خويا،نعرف الكلام يجوع و قاعد كيف السكاكن يقطع في قلبك و والله يا دانا في قلبي انا زادا،انا تو معاك و ملكك ليك انت وحدك لآخر نفس اما من لحظة خروجي من هنا باش نبعدو و نتفارقو، باش نسير في طريق غير طريقك مع غيرك،حياتي باش تتبدل،باش نرجع لخدمتي الي ما تعرف حقيقتها كان امي سيلين،باش نغيب برشا و نتبدل برشا،باش ترا جوزيف آخر يا دانا مش ليك اما لمرا غيرك لاهي كان بيها،و انت ممكن تكون مجرد بنت خال كيفك كيف الاولاد و البنات الكل،ممكن كيف تجي العين فالعين حتى التبسيمة الصفرا ما نودكش بيها،هذا الكل قلنا ممكن تعرف علاه خاطرك باش تكون مجرد بنت خال مميزة ليها معزة خاصة و عشق خاص و انت الوحيدة المتربعة في قلبي و مالكة هالروح اما هذا الكل مكش باش تفهمو و لا باش تحسو خاطر مستحيل نظهرهولك مدام مرا غيرك باش تكون معايا و طول ما هي معايا مستحيل نخليها بيها،نرجع يا دانا و نقلك ممكن،معناها شطر الكلام هذا الكل ممكن يصير كيما ممكن لا ،،اما يصير و الا ما يصير بلاصتك انت باش تكون هنا و هنا(حط يدو على راسو و بعد على قلبو) اكيد تتساءل علاه نحكيلك فالكلام اليوجع هذا الكل،خاطر نحب نرسملك تصويرة صحيحة على الي يستنى فينا الناس الكل كل شي متوقع و كل شي مسموح انو يصير،خاطر مهما كانت نظرتك لهالحكاية الي تجهلها نظرة واضحة نقلك راك غالطة و هالمشكل تتجاوز توقعاتنا و نظرتنا ليها خاطر ما فيها شي وسط يا نحيو يا نموتو😲تسأل شكونهم هوما و علاه جمعت و ما اتثنيتش روحي نقلك ما عنديش اجابة،كلامي مسيطر عليه الغموض و زيد شغشبتك و دخلتك في حيط صحيح و نعرف خاطرها حكاية غامضة حتى لينا..ما نزيدش نضيعك اكثر ملخص الحديث توا انو انا اناني و متسلط و متطلب،نحب ناخو و ما نعطيش و لازمك انت تضحي مش انا يا دانا،ممكن نجيك وقت نستحقك و ممكن ما نتلفتلكش كل شي ممكن و ممكن،،ممكن نرجعو كيما ممكن لا😢💔...
يحكي و غصة في حلقو كاتم وجيعتو و حابس دمعة تحاول بكل جهدها انها تنهار على خدو و تخليه هو ينهار اما لا مش جوزيف الي يطيح و يتأثر و يستسلم لمشاعر و احاسيس مش وقتها بالكل، حاسس بسخانة في مريولو و عارف انها دموعها الدافية لغرقتو فيها،حاسس برعشة بدنها الي قاعدة تحاول انها تسيطر عليه غمض عينو بقوة و نزل عليهم و حلهم على كبرهم خزر للسقف كأنو يستنجد في ربي باش يقويه و يكون معاه و معاها، تقوى كبس روحو و رجع يحكي عادي كيف ما كان كأنو شي ماهو قاعد يصير و لا باش يصير،
-الأهم من هذا الكل توا وصايتي ليك تقرا على روحك ما تحط تركيزك في شي خلاف قرايتك و طموحك و احلامك الي نحبك تحققهم مهما صار و كان،نحبك تنسى كل شي و تبعد على كل حاجة تنجم تشتتلك تفكيرك و تلاهيك و حاجة خليها ديما في بالك انو جوزيف يعشقك يموت فيك و ما يرا فالدنيا كان بعينيك ما نحبكش تنساني حتى كان انا حاولت نتناسا خليني ديما في قلبك وبالك كيف ما باش نخليك انا..وقيت تو يا روحي اسامة وقيت مرواحو و انا لازمني نمشي...
سكت و قعد يستنا فيها ترجع عليه حتى بكلمة اما ما جاوبتوش،ما عندها ما ترجع عليه و لا عندها ما تزيد على كلامو الي بالحق كيف ما قال هو كان كيف السكاكن وقطعلها قلبها،دوب ما هو سكت عرفتو كمل كلامو و ما عاد عندو ما يحكي آخر خافت تواجهو ما تحبوش يرا دموعها و ضعفها على بعدو و على اذاكا غمضت عينها كوم كوا رقدت،طل عليها لقاها راقدة ماحبش يقيمها خاطر عارف انها تمثل و طريقة نفسها لكانت متسارعة و الدموع لمزالت تصب يأكدولو،قام من بلاصتو بالشوية رقدها بالباهي و غطاها مليح و قعد بجنبها عالفرش شادلها يدها يمللي في عينو منها و مش باش يشبع و عمرو ما يشبع،قاعد يحفظ في تفاصيلها و هي راقدة،قربلها طبع بوسة طويلة على شفايفها بعد اما يدو مازالت تمسح على شعرها و خدها بكل حنية
(حطواااااا جااااام قبل ما تقراااااو)
😍
-باش نتوحشك يا روح و عينين جوزيف..
حستو قام من حذاها لبس الفاست متاعو و تسمع فيه دور المفتاح فالباب حلو بعد ما كان مسكر و خرج منين جاء...
فيقها مالذكريات لرجعت بيها ل ليلة البارح صوت البنات و تزغريطهم لقيم الدنيا فهمت انهم سايي قيدو الصداق هزت يدها تصفق راسمة تبسيمة صفرا على وجها تلخص كمية الوجيعة لحاسة بيها..
اسامة كان واقف ورا جاد قالب الدنيا بالتصفير قرب لوذنو يحكي و يضحك
-عرسك الثاني يا معلم قداس ناوي تاخوها من مرة ايثار😂
-سكر جلغتك هاني عارفك ما تفضحنا كان انت،حتى نستفرد بيك تو نجاوبك😡
على التلفيتة جات عينو في عين ايثار لتبدلت ملامح وجها و الظاهر انها سمعتهم و اذاكا لصار شخلاها جمدت في بلاصتها تحاول تستوعب و مهما دورت الحكاية في مخها مش قادرة انها تفهم شي عقدت حواجبها ولاحظت الفجعة على وجوههم الزوز فيسع تبسمت و طفات الضو..
كملو الصداق بجو عائلي و شوية اصحاب،تلمو الكلهم فالصالة بطلب من راشد لكانت الفرحة مش سايعتو و في نفس الوقت قلبو حزين و موجوع على فقدانو لجاد،الكلهم ملمومين صغار و كبار
-الحمدلله ربي حياني و شفت فرحة ولادي مرة اخرى و العاقبة نشالله للي مزال(خزر لاسامة و اثير)اي سي الشباب وقتاه ناوي تتحلحز نورمالمون عرسكم بعد عرس جاد الله يرحمو و ايثار بجمعة و ما كتبش ربي بعد الفاجعة لصارت و فقدنا المرحوم الي مزال حي بيناتنا...
اسامة هنا غلبو الضحك و شد روحو بالسيف عالفازة و هو يخزر لجاد لكان قاعد مقابلو يشوف فيه كيفاه يتغصور يتحلف و يتوعد فيه و في نفس الوقت كاتم تبسيمتو ما يحبش يشلق😁راشد مزال يحكي و اسامة كبس روحو و قاعد يحاول انو يتأثر بكلام جدو
-اي الله يرحمو مزال حي في قلوبنا عايش بيناتنا😢 كان اكثر من خو تخطف منا في رمشة عين نشالله مثواه الجنة، تعداو اشهرة على موتو ايثار هي تكتبت لجوزيف و ربي يكمل فرحهم،انا وأثير مازلنا ما عاودناش حددنا دات آخر الي تشوفو انت صالح احنا انفذوه انا كان عليا نعرس تو كل شي حاضر تبقى رايكم..
وصلو ميساج حلو يلقاه جاد😂"ترحم عليا انا تو و شهد على روحك بعد يا طحان وكلتني فجعتين اليوم و قريب نتكشفو جرايرك وراس الرب ما نفشخ دين والديك يا هامل😠" يقرا حاط يدو على فمو يحاوب ما يبينش ضحكتو😂
-راشد:جوزيف يسافر بعد غدوة لامريكا راجع لخدمتو شقولكم في دات غدوة للعرس؟
الكلهم شهقو و تفجعو تكلم غسان😨
-اوووه يا حاااج حسستني ماشي للشركة،يا معلم عرس ولد بن آل راشد راهو مش تكويرة😕 ياخي صادم على جبل بقادومة، يا عمتي تكلم يهديك،هو انا و ماخذ موقف مايساعدنيش راهو
-أسامة:لاه بابا مايساعدكش😒(قام باس راس جدو😂)هو الكلام الصندي والله ما حاسس بيا كان انت يا كبيرنا
-عايشة:اقعد ترص وهف هكاكا هو😑يا بابا يهديك ربي كيفاه نقيمو عرس بين ليلة و نهار ياخي ناسي عادات وتقاليد العيلة ناسي انو فما برشا حاجات تسبق العرس، ناسي انو مش كان حوسة اسامة و اثير زادا حوستها وحدها،كيفاه تحكي هكا،هو صحيح كل شي حاضر اما مش تصدمنا هكا على غفلة
ضرب عكازو عالقاعة و قام متركز عليه
-الي عندي قلتو و لازم يتنفذ و هيلمناتكم يظهرلي مش وقتها(خزر لأثير لكانت قاعدة بيناتهم هادية و ساكتة) أثير بنتي شنو رايك العرس عرسك و الي تقولو انت مبروك و اذاكا الي يصير و كان باش تقلي نأجلوه اقعد ساكتة خير
-أثير الي تعملو انت مبروك بابا مش باهي في كل مرة نقعدو نأجلو و زيد مانحبش حاجة كبيرة الفايدة فالهنا
-اسامة: هو الكلام الصحيح يسلم فم مريتي😍تسمع يا عيشوشة يا غالية في كلام كنتك اوكا مش كان انا مزروب 😂
-عايشة:انا معادش نحل فمي اوكا بيناتكم و الي تعملوه مبروك ولدي ربي يهنيكم😘
-راشد:كهو مالا دارك حاضرة غدوة تقيدو الصداق و اسرحو على رواحكم
-اسامة: اكهو مالا الواحد يزيه كره روحو و فد مالعزوبية
-جاد:الي يسمعك يقول شارف و انت لا علينا...😁 اخيرا غدوة نتهنا عليك سي الشباب 😈وقيت اه!!
-اسامة:يهنيك دجو المساطة لا عاد 😚
ايثار فارحة لأختها الحمدلله باش تتهنا عليها في لحظة حست بترهويجة و معدتها تقلبت كبست يدها على ساق جاد و هو ديراكت خزرلها و تفجع كيف شافها تتغصور وجها اصفر ديراكت فهمها حط يدو على كتفها عنقها،الزوز ما حبوش يشلقو قدام الجماعة خاطر حد ما يعرف بحبالتها كان اسامة قام و شدها من يدها و هي تحاول تشد روحها بالسيف..
-اي يا جماعة ماكم مازلتو حذانا احنا طالعين شوية و راجعين
(حطوااااا جااااام قبل ما تقرااااااو)
الحلقة 25:
ما ستناهمش يرجعو عليه و لا حتى سمع ضحكهم و تنبيرهم ديراكت هزها و طار كان يلقى يجري بيها يسايس فيها قدامهم اما دوب بعدو على عينيهم و وصلو للدروج خطفها في حملتو و طلع يجري بيها للبيت دوب هبطها دخلت تجري للتوالات ترد و تعاود روحها باش تخرج دخل في جرتها يجري طبس جنبها يمسح على ظهرها و هي ادز فيه تحبو يخرج و هو مكبش فيها ما تحبوش يراها ضعيفة و تاعبة،كملت هزها غسللها وجها كانت دايخة و فاشلة تحرك في ساقيها بالسيف،حطها عالفرش مشى يزرب للدريسينغ لقا روبة نوم خشينة كلها دبادب هزها و رجعلها نحالها حجابها هبط شعرها الطويل على جنب و تكدس عالفرش، قربلها كأنو يعنق فيها حللها سلسلة الروبة رغم انها مدهشرة و دوختها قوية بعدت منو و عملتلو براسها لا،طفاها ورجع ينحي عاودت جبدت روحها نرفزتو
-ايثار 😠باش تركح والا!! ريض خلي نبدلك دبشك
-ابع.دن.ي تو نب.دل وحدي😧
-اي مو على كيفك هو،راجلك راني
-عال.وراق كهو ر.اج.لي
-يا ربي صبرك😤اسمع قول الي تحب مش باش نركز معاك انت راسك كاسح و انا بديت نتنرفز
طفاها و كمل يلبس فيها هو كان خايف يرعش عليها و هي رغم الي فيه مش عارفة هالاحاسيس الغريبة منين هبطت عليها لا الوقت وقتو و لا هو الراجل المناسب الي تعشقو باش تحس هكاكا حارت في روحها،هبطلها الروبة مالفوق و ديراكت لبسها روبة النوم و هبطها و دخل يدو جبد الروبة لكانت لابستها نحاها
-امان بالله يزي راني والله لاني ناقصة نحس حاجات اخرين😣
كان مركز يزرب و في نفس الوقت يسايس فيها ما حسش احساس آخر غير الخوف و للقلق عليها اما كيف سمعها صدمتو بهك الكلمتين فيقتو و خلاتو بالسيف عليه يركز فالوضعية لهوما فيها مزال مسكرلهاش مقافل الروبة من قدام و مزالت مش مستوية كانت طايحة على جنب هز راسو و ديراكت جا في صدرها ترهوج لدرجة ما فرقش بين بيوضية بدنها و لون ستيانها حاول يبعد المشهد من قدام عينو يكمل يخزر لوجها يزيد يجذبو منظر فمها لكان محلول شوية لون شفايفها و رعشتهم عينها الخظرا الذابلة حتى و هي في هالحالة قمة فالاغراء و الفتنة،تكلم بصوت اقرب للهمس بصوتو المبحاح😍
-شششت انت الي يزي راك قتلتني،انا زادا والله مش ناقص حروبات في بدني كل ما نحاول نطفي ناري تعاود انت بنفس واحد منك تشعلها و تخليني محروق 😣
كبس روحو و رجع سكرلها المقافل و تكاها فالفرش غطاها مليح و جبد كرسي قعد جنبها شدلها يدها
-صغرونتي سافا توا شتحس في روحك، شاهية حاجة!تستحق حاجة!
-ما نحب شي،تو نرقد شوية نقوم لباس
-باهي عزيزتي نخلليك ارقد ارتاح انا خارج بقضية تو نجي قبل ما يروحو الجماعة
-باهي دوب تجي قيمني نهبطو مع بعضنا ديجا هوما جايين على خاطرنا و احنا هانا قاعدين هنا،عيب..
-الله غالب هك تاعبة و مالصباح واقفة ما قعدتش مالشركة ديراكت للصداق تو نقلهم تاعبة و العشية نعوضولهم(باس جبينها و قام) اي عزيزتي نخليك تستحق حاجة كلمني
غمزها و مشى ناحية الباب
-جاد..
من غير ما يشعر وقف في بلاصتو و دارلها يتبسم مزال مش مستوعب الفازة الي عملها،هي زادا تصدمت حالتها حليلة و تاعبة اما مخها مزال يخدم فاللي صار وقت الصداق و الكلام الي دار بينو و بين اسامة،رغم هذا الكل حبت تتأكد من صحة الشكوك الي تراود فيها عندها مدة و في كل مرة هو يكذبها،تبسمت تبسيمة هي بيدها مش منجمة تفهما لروحها خاطر ما فهمتهاش،تبسيمة لخصت كل الاحاسيس لحستهم وقتها،اك الاحساس ليدمج الخوف و الوجيعة بالقوة و الفرحة ممزوج بمشاعر مش مفهوم نوعها،وقتها هو فاق على وضعو و كالعادة نجم يسيطر على ملامح وجهو لقريب تفضحو و تظهر الربثة و القلق لحس بيهم،فيسع ما هد حاجز الصمت لتبنا بيناتهم و جاوبها
-عينين جاد😍نسيت ما قتليش حاجة !
-لا جيست حبيت نتأكد من حاجة،اما شبيك حسيتك كلي حاولت تخبي ردة فعل كيف ناديتك جاد؟
تبسم على جنب و عاود رجعلها طبس عليها يتنفس في وجها و يخزرلها بكل استحقاق في عينها لكانت كلها قوة و حدة نظرة ثيقة لحاجة هي متأكدة منها
-اي تنجم تقول،اما لازمك يا عزيزتي تتفكر كلامي ليك العشية قبل الصداق و الاكيد انك تحاول اكثر تقتنع روحك و تتعود إني جوزيف،راجلك يعني😏
-(عينها في عينو و جاوبتو بكل قوة) عالاوراق عزيزي😌
-(جاوبها بنفس القوة ينزل على كل حرف يأكد في كلامو)على قريب راجلك بالفم و الملا للا 😉😒
ركز ركبتو عالفرش و بكل الغل الي فيه حط يدو ورا راسها و لصق شفايفو على شفايفها و قعد يبوس فيها بكل لهفة و غل،بغش و عصب،بوحش كبير و عشق اكبر،متوحشها و آآآه من هالكلمة الي ما تعبرش على نقطة وحدة من بحر وحشو و شوقو ليها😓باس و تفنن في بوستو كيما حب و اشتهى،كانت عنيفة صحيح اما ما بردتلوش على قلبو حتى شوية،هي كانت في قمة التناقض مرة تقاوم و مرة تجاريه و تتفاعل معاه،حست نفسها تقطع و مش منجمة تبعدو عليها مهما دزتو،غرست ظوافرها في رقبتو بكل جهدها و اليد الاخرى على خدو لين توجع و خرجت منو اك الااااه بحرارة ظوافرها اما ما سلمش و هي كيفو زاد كبشت فيه و عمال تنزل على رقبتو لين جبد روحو منها،الزوز يلهثو و ريتم نفسهم قوي ،احساسهم كان اقوى منهم كان لازم انو يخرج قبل ما يعمل حاجة مش وقتها(حطوااااا جااااام قبل ما تقرااااااو)
-المرة الجاية رد بالك تحاول مجرد محاولة انك تستفزني يا ايثار و كل ما تناديلي جاد باش يكون هكا مصيرك و مش مهم لا البلاصة و لا الوقت و لاحتى العباد الي ممكن يمشي في بالك باش نقدرهم و الا نحشم باش نبوسك قدامهم على خاطرك توسامبلومون مرتي😠
قام و مع اك القومة تمحات تعابير الغش و العصب لكانو مسيطرين عليه و رجع وجهو جامد ما يتفسرش،غمض عين و حل عين متوجع حط يدو عالجرح الي في رقبتو
-و هذي ترجعلك عزيزتي ا تو تولد و نخلص فيك القديم و الجديد،و هذا مش تهديد..حقي و مش باش نسلم فيه😉
غمزها طيشلها بوسة فالهوى و خرج خلاها تتلطخ وحدها و تتساءل على نوعية هالمخلوق تلي ما تنجم تتنبألو بشي😂
فيسع دخل لبيتو بدل و هبط
-مجد: واا معلم قلتلنا لحظة غبرتو الزوز،ويني عروستنا
-(عطاه قحرة سكتو بيها 😒)سامحوني يا جماعة ايثار تاعبة شوية مالخدمة تعدات ديراكت لحوسة الصداق باش ترقد سويعة و تو تهبط و انا خارج بقضية اكيدة و راجع فيسع ما يروح حد،هاني وصيتكم، اسامة اي تجي معايا بالخف و نرجعو
غمزو باش يفهم روحو قام خلط عليه، طلعو فالكرهبة و ديراكت لفيلة الغابة وين أيهم و جوزيف كانو راكشين يتفرجو في سيري و حاربينها الدنيا "الماسندرا شيري" راكزة عالطاولة قدامهم ما مخلين ما كدسو عليها وصلو الاولاد ديراكت دخلو و اتطيشو حذاهم عالفوتاي
-أيهم: هي المناظر العادمة جات 😑
-جاد:اسمع ما تكملش على دين امي مش ناقص عصب
-جوزيف:واا فرار شبيك معصبن راك جاي من كتبان صداقك😁ستنا الساعة شمجيبك و مخلي مرتك😕
-جاد:والله العظيم لا عاد طايق روحي هذا الكل و مازلنا ما بديناش فالصحيح،يا نهبل انا يا باش نهبل الطفلة معايا
-اسامة:شو كي مزال يحل في فمو الراجل كاتب عليها الصداق و مصحح مرتين و الصغير فالثنية و مزال يقلها طفلة، بلاهي العظيم تقول نلعج عليك تو نطيرلك خليقتك😑
-جوزيف:مسكين وخي تسخف وهابل في حالة هو ظاهر حتى هو الشي بابا و باين من رقبتك المزلوعة و شطر جلدتها لطاير و شكلها طارت بيه قطوسة ماضية اه😂😒 شعملت من عملة باش كليت على راسك هكا،تي تقول ذابحينك مش لعب
-أيهم:(طل عليه و شهق 😲)الله الله الله والله مالوريد للوريد اصل😂
-جاد:اي فكيتوش عليا تو، جبتها لروحي نستاهل(رما راسو لتالي) والله عذاب.. التصحاحة بعذابها هاني صابر مش وقتو😧دجو لازمك تلقى حل ايثار و كي تكبش في حاجة عاد،ضربة ضربتين تقلي جاد اليوم بركا تعاركنا سبعين الف عركة على هالحكاية شوف حل براس امك في اقرب وقت..
-باهي مريقل اما لازمك تصبر شوية
قدم للطاولة هز دبوزة الماسندرا صب كاس و خزر لجوزيف لكان ظاهر مش في جوو حتى طرف
-شبيك قالب وجهك!مالبارح هكا هذا
دار لأيهم يسأل فيه بعينو جاوبو بنفس لاشارة و خزر لأسامة فهم انو الحكاية فيها دانا سكت على روحو
-جيت نبرد في وجهي ياخي هو الجو مكهرب الوس اي نطيرو قبل ما يروحو الجماعة؟ دجو تحب تمشي انت؟
-جوزيف:لا والله ماعيني باش نقابل حد هاني راكش هنا و زيد مزالت شوية خدمة و اوراق نحضر فيهم شمازال بعد غدوة شيكاغو بلاصة اقرا حسابك عندك غدوة كمل ريقل فيه امورك و حضر روحك
-باهي ربي يسهل احنا راجعين للفيلا اك الشايب غادي تو يعمل عرعور كملو ركحو جوكم مليح و غدوة الحي نتفاهمو، اي سلام(طبس على خوه)ما تحط شي في بالك ما تكون كان ليك،نوعدك
جوزيف بعد ليلة البارح كان محتاج لكلام كيف هكا سيرتو من عند خوه شخلاه حس براحة غريبة اول ما طيشلو هالكلمتين لحس فيهم بحنية خوه عليه و قداش حاسس بيه و فاهم وضعيتو...
(حطوااااا جااااام قبل ما تقرااااو)
الحلقة 26:
مشاوالدار اسامة ديراكت مشى حذا أثير و الاولاد يتفاهمو على نهار غدوة و يحضرو شناقصهم و جاد طلع يتفقد في إيثار لقاها مزالت راقدة نحى الفاست و دخل معاها تحت الغطا لصق فيها من تالي عنقها و رقد..الجماعة لوطا كانو حايسين مع انهم حاجة بسيطة عاللخر الا انهم دخلو بعضهم،اثير و البنات عالانترنات تفركس في روبة اخرى خاطر الاولى تذكرها فهك النهار المشؤوم موت جاد ،عجبتها وحدة ختارتها،الاولاد يتفاهمو على الديكور يحبو حاجة عادية و فينو بطلب من اثير و النسا لاهين بالليستة متع العشا..تعدا الوقت و فقدو جاد و ايثار -فيصل:اثير عيش بنتي قوم نادي لأختك و جوزيف العشا حضر -عيشة:تو ترا فيه لاهية و تبعث فيها😑اقعد اثير على روحك ،(تلفتت لدانا لكانت تحكي مع غيث)دانا عيش بنتي قوم اطلع نادي ﻹيثار و جوزيف هي قتلها هك الكلمة و لخرى جمدت في بقعتها و ساقيها ثقلت تحاول تلقى سبة -امي ياخي ما فما كان انا بربي شباش يطلعني الدروج والله ساقي توجع و زيد باش نقوم نحضر الطاولة مع سناء(البون) -قوم تحرك بايتة انت غادي دقدق الباب من غير ما تدخل عيطلهم و اهبط فيسع وه يعجبكشي تو و من وقتاه تبخل على حاجة انت!جديدة هذي،اي تحرك تحرك يزي مالعيا متاعك جدك و خوالك و نساهم تاعبين يحبو يروحو ناديهم خللي نسهرو شوية جميع و كل حد يشد ثنيتو.. طلعت ساق القدام و عشرة لتالي تدعي نشالله ما تلقاشو حذاها،نشالله مش فرد بيت،نشالله ما تراش حاجة توجعلها قلبها😣💔وصلت قدام البيت هزت يدها دقدقت بالسيف الاولى،الثانية،قوات فالثالثة ما جاوب حد ندات ﻹيثار ما جاوبتهاش،هوما راقدين في سابع نومة مش حاسين بشي،دزت الباب و يا ليتها ما طلعت من اصلو قعدت تخزرلهم بحرقة في قلبها و غصتها في حلقها،كانو راقدين الغطا طايح عليهم معنقها من تالي يدو على كرشها حاشي راسو في رقبتها و محوطها بساقو،نوع مالصدمة و الذهول تملكوها خلاوها تحط يدها على فمها باش ما يسمعوش صوت شهقتها،نزلت عليه بقوة خايفة تخونها قوتها و تنهار اكثر وتصيح والا تعمل حاجة مش من حقها تعملها ما تنجمش تتصور عاقبتها بعد شنو، كبشت فالبوانيي متع الباب حست روحها ترهوجت مش منجمة تفهم شي،مستحيل يكون هذا جوزيف و مستحيل كان هو و يمثل في هذا الكل و هو راقد في غاية النوم😦 هاذم حركات لا ارادية يعملهم انسان عاشق متيم مع الي يحبو من غير ما يشعر،مش منجمة تزيد تقعد واقفة اكثر من هكا و هالمشهد قدامها هزت روحها و خرجت تجري ديراكت دخلت للدوش سكرت الباب و اتكات عليه حست انها مخنوقة و روحها قاعدة تخرج منها بالشوية رخفت حجابها و بدات تبل في وجها و كل مرة تقوي اكثر و كأنها هالطشة متع الماء باش تنسيها فاللي شافتو و الا باش تمحي لقاعد يصير،بكات كيف ما حبت ريقلت روحها و خرجت حذا الجماعة -دانا:امي لقيتهم راقدين ما حبيتش نقيمهم -عايشة:باهي مالا ايا يا جماعة للعشا،هانا ساهرين كان هبطو هبطو سي نو بطبيعتنا غدوة باش نتلمو.. فالوقت هذا ايثار و جاد قامو مالنوم و لقاو رواحهم في بوزيسيون غريبة بالنسبة لايثار و دهشت في روحها كيف حلت عينها على رقبتو كانو معنقين بعضهم كأنهم بدن واحد هي متعنكشة فيه و هو محوطها بساقو و بيدو غارس خشمو في شعرها تقول مكتفها و خايف لا تهرب عليه،هي تحاول تبعد و هو يكبس في ظهرها يرجعها ليه.. -جوزيف سيبني نحب نقوم 😓 -خليك..زيد شوية.. درج كهو جاوبها و هو مغمض عينو قام عندو برشا و حس بدخول دانا للبيت ما حبش يقوم و الا يبعدها من حضنو كانو الزوز في قمة الراحة بالاخص هي نفسها هادي و دقات قلبها منظمين ما حبش هاللحظة توفى و تفوت كان يلقى يوقف الوقت و الدنيا لكل و يقعدو راقدين هكا بقية حياتهم ما يفارقهاش ثانية،،بعد عليها شوية و قام اتكى عالفرش يحس في روحو فادد كل ما يتفكر انو باش يمشي و يبعد عليها و يخليها وحدها و هي في فترة وحمها الي مالمفروض يكون فيها معاها لحظة بلحظة(حطوااااا جاااام قبل ما تقرااااو)
-وقتاه رونديفوك عند الطبيبة
-غدوة علاه
-نحب نرا ولدي 😨
-ياخي لوقتاه باش تقعد هكا كل مرة اتطيشلي كلمة تصدمني بيها و تخليني ندور ندور و نرجع نخمم في نفس الموضوع
-اماهو الموضوع!اذاكا الي قتلك راك كل ما تجبدو راني باش نشد ناكلك 😍
-انت هددتني مش قتلي 😔لذا معادش نجبدو
-(قربلها اكثر)علاه انت ما تحبش نبوسك
-سامحني لواه نبوسك و الا تبوسني
-(بدا يتنرفز نبرة صوتو تبدلت و حك لحيتو بصبعو الكبير فرصة و جاتو ليديه لازم يبعد الشك على روحو و يحاول ينحيلها من بالها فكرة انو هو جاد )شو ايثار لواه انت تبوسني فاهمينها اما انا علاه!هو باش نجاوبك و نختصرلك شكوكك و تساؤلاتك المدة هذي الكل و من توا باش نقلك راهو اذاكا الكل ماهم الا خطوات بديت بيهم طريقي ليك باش نكسبك،اتو نفهمك.. اول حاجة علاه سيادتك يا للا ضربة ثنين تناديلي جاد و الا تقلي تصروفاتك كيفو!هو عندك الحق خاطر يا ايثار انا عشقتك اول ما قابلتك فالكلينيك وقت انا مع سيلين و انت مع اختك و اسامة تطل على بوك من وقتها ما غبتش على بالي خممت فيك برشا و خيال عينك الخظر المليانين دموع ما فارقونيش و فرحت برشا كيف ولينا صحاب و تقربت من سيلين و حبتك حتى هي و لعلمك انا سبق و وعدتها انك ما تكون كان كنتها و اذاكا لصار توا معايا و قبل مع جاد و عرفت قداه هو يعشقك و انت تموت عليه و بصراحة تنجم تقول اني وعدت روحي نخلليك تحبني محبة اكثر مالصحبة نحبك تحبني حتى شوية و بشوية اك المحبة تعطيني امل باش نزيد نعشقك اكثر و حتى كان ما عطيتنيش انا مش مسلم و مش مأيس و باش نقعد ديما نحاول،مجرد انك تتخيلني جاد و الا تناديني باسمو نعرف انو الي عملتو الكل بمحاولة مني اني ننتحل شخصيتو يفرحني،خاطر الي خطتلو باش نكسب شوية من اهتمامك و محبتك ما طاحش فالماء اما ينرفزني اكثر انك مش باش تنساه و تحبني انا لشخصيتي لروحي كجوزيف، هذا الكل مش مشكل توا جاد مات و انا معاك و باش نكون ديما معاك باش نقعد نحاول محاولة وراء اختها باش نخليك تحبني مش بالغصب!،لا،مع الوقت تو تعرف فهمت توا علاه دخلك الشك اني جاد و اذاكا الي حبيت انا نوصلو،، الحاجة الثانية نشالله ربي يقدرني و انجم انسيك فيه مع انو نعرف حكاية شبه مستحيلة اما باش نحاول،انا توا راجلك و حاول قد ما تقدر انك تستوعبها الكلمة هذي و تستانس بيها و الاهم انك تعمل واجباتك المتعلقة بالكلمة هذي ناحيتي انا و بالنسبة لحقوقي تو نجيوها بالشوية و كيف ما سبق و قتلك انا مش مسلم فيهم و انت مكش هاربة و عايلتي ما نكونها كان معاك و صغاري ما يكونو كان منك و انت ما تكون كان متاعي انا و ليا وحدي😡
كمية الاستحقاق و القوة الي في كلامو و الطريقة الي حكا بيها خلاوها تزيد تدخل بعضها و يتملكها نوع مالخوف و الرهبة الي ما فهمتش سببهم رغم الي جاوبها و قنعها بكلامو على اكثر سؤال قلقها المدة لفاتت الكل
-انا سبق و حسيت بهذا الكل اما عمري ما عطيتك امل و لا باش نعطيك خاطر ما في قلبي كان جاد و مخططاتك الي تحب تعملهم الكل معايا مكش باش تعملهم بالغصب خاطر مش باش نعمل والا باش نعيش حاجات انا ما نحبش نعملهم و لا نعيشهم معاك و الأهم اني مش حاستهم ولا باش نحسهم لا معاك و لا مع غيرك
-الايام بيناتنا يا بنت صالح و نشوفو شكون باش يرضخ لشكون
(حطواااا جاااام قبل ماتقرااااو)
الحلقة 27:
😏
عطاها قحرة خلاها و قام يغلي عليها دخل ديراكت دوش و خرج لابس الكاب لقاها قامت بدلت حوايجها و واقف مع الشباك تشرب في قهوة عاطيتو بالقفا،تعدا صب كاس "ماسندرا شيري" يصب عين فيها و عين عالكاس باش ما يتكبش ،كانت هادية سارحة في المشهد لقدامها😍المطر تنكت بالشوية،صوت الريح الخفيف و قطرات الماء لهابطين على البلار خلاوها تحس بالبرد و كل مرة تاخو رشفة مالكاس تحاول اتدفي روحها،رغم انو البيت سخونة و دافية اما احساسها انو قلبها ملاه نوع مالفراغ العاطفي،خلاها تحس روحها بردانة،،العاطفة و دفاء المشاعر اكثر حاجات مستحقتهم فالوقت الحالي و اكثر الحاجات الي مفرعسينها و مخلينها اتدور في دوامة مش عارفة على آنا شط باش تلوحها،يد شادة بيها الكاس و لخرى مكتفتها و مكبشة بيها فالجيلاي الي على كتافها..هي شاردة في افكارها و هو شارد فيها اتكى عالحيط يتمعشق في زينها و في نفس الوقت هدوئها محيرو عارفها قداش متقلقة و تاعبة من كل شي، مالأحداث لقاعدة تصير بزربة،الوقت الي تحس فيه واقف و موقفها هي في نفس البلاصة قاعدة تقدم في برشا حاجات و تخطي في خطوات صحيحة و ثابتة لمستقبلها و في طريق نجاحها اما احاسيسها و عواطفها حابسة في نهار برك مع شخص واحد،تاعبة من طريقها الي مجهم عليها باش تكملو وحدها و مستقوية بثمرة حبهم الي تستنى فيها بفارغ الصبر،حطت يدها تتحسس في كرشها و تتبسم حس بيها و بالوجيعة الي في قلبها،الوجيعة لوحلتلها كيف الشوكة في حلقها و ولاتلها غصة مش منجمة تخرجها قربلها قريب يلصق فيها واقف وراها يد في جيب الكاب و لخرى شاد بيها الكاس شعرها كان محلول غرس خشمو من غير ما يمسها يستنشق في ريحتها غمض عينو يملي في جواجيه بريحتها ليعشقها،ترهوج مش ملي يشرب فيه اما منها هي الي كل ما يلمح حتى خيالها ما يقعدش في عقلو😍مبحرة عينها فالمنظر لقدامها و فاقت من سرحتها كيف لمحت انعكاس صورتو في البلار و شمت ريحت الجال دوش لستنشقتها مع كل نفس تنفستو، من غير ما تعمل حتى ردة فعل و لا تتلفتلو قعدت هادية تكلمت ببرود قاتل هي بيدها مش حاسة بيه،تحكي من غير حتى ما ترمش عينها مش منها من روحها لضاعت و قاعدة تلوج عليها على اذاكا مش حاسة بطعم حتى شي 😓
-صحة الدوش،،البس حوايجك لا تاخذ هوا و تشد الفرش😐
-تيك الصحة،شبيك هايمة؟
-ضايعة في دوامة موحشة
-انت مكش ضايعة بالعكس انت عالمسار الصحيح اما تحس في روحك هكك خاطرك مضيعة برشا حلقات مش فاهمة شي،اقرا ما بين السطور مليح نعرفك ذكية
طيشلها هك الكلمتين و بعد عليها ماشي للدرسينغ يلبس و مزال قاعد يحكي
-نهبطو و الا لوح
-والله ما عيني نحب نرتاح شوية اما بربي كانك مازلت اهبط حذاهم تو يقولو خلاونا
-و اثير؟مكش باش تكون مع اختك في نهار هكا!!
-اتو نعمل عليها طلة في بيتها نحكي معاها شوية و غدوة هاني نهار كامل معاها
-باهي و اك الشايب من بكري يسأل عليك شعملنا فيه
-باش يبات هوني و شد فيه الصحيح، عندو حق اذاكا راهو ماخذ في خاطرو مني عندي برشا مش لاهية بيه،اتو نتعدالو للبيت قبل ما يرقد،بوسهولي امان و اعتذرلي مالجماعة،حاسة روحي تاعبة عاللخر و مش حاملة شي
كان يحكي و يلبس في نفس الوقت كمل مشالها قربلها نحالها كاس القهوة لكان في يدها و مزال معبي محسوب كيف ما هو خاطر ما شربتش منو برشا
-هذي القهوة و تنساها معادش نحب نراها في يدك مش باهيتلك
(حطوااااا جااااام قبل ما تقراااااو)
حطو على الطاولة و رجع عنقها من تالي باس خدها بوسة طويلة حنينة و دورها ليه يحكي بصوت حنين و تزادت حنية صوتو ودفاه بالبحة لفيه
-اوكي عزيزتي يوصل،ارتاح انت ما تخمم في شي خلي كل شي يمشي بطبيعتو
تبسمتلو من غير ما تقول شي
-ايثار نطلب منك طلب نتمنى ما تخيبنيش،شاهي حاجة و مكبشتلي عليها
-نشالله خير قول، على ما نقدر
-ميسالش نبوسك
-كالسبة وليت تشاور و بطلت الغدرة
-الغدرة معاك انت ما نبطلهاش😘اما نحب نبوسلك كرشك،قصدي ولدي❤
قداش عز بيها و قداش كلامو حرك فيها برشا احاسيس نبعت من قلبها لانسان شاكة في هويتو و يقينها القوي الي في كل مرة يقلها انو هالراجل المتناقض الي قدامك مستحيل يكون هو جوزيف الي تعرفو هزت راسها معناها باهي، هبط على ركبتو شدها منا و منا و باسلها كرشها لحظتها قلبو خض في صدرو حس احساس قوي ما فهموش،عينو لمعت بدموع الفرحة لهبطت على خدو،ثاني دمعة هبطت من عينو على نفس الشخص الاولى وقت طاحت بيه الكرهبة مالجبل و هو يشوف في صورتها يحساب روحو مات و خلاها و الثانية توا،بقى برشا ساكت حد فيهم ما تكلم كان صوت نفسهم المسموع و باين مالريتم متاعو انو نفس لانسان مخلطة عليه برشا عواطف و متملكتو برشا مشاعر،قطع صوتو المخنوق بعبرة البكا الصمت لكان مسيطر عليهم و يحكي بنص وعي،الي قاعد يحس فيه لحظتها خلاه مش واعي لشطر كلامو
-شحسيت؟؟خلي نقلك انا قبل،صورتنا هكا كاملة انا و انتي مرتي روحي و هالبيبي ثمرة حبنا لقاعد ينمو في كرشك، تعرف قلبي حسيتو سكت،عيني تملات دموع و هبطو وحدهم هذا اروع و احلى احساس نحسو يا ايثار،عيشك خاطر عيشتني لحظة كيف ما هذي،عيشك خاطر وصلت حسستني بهالاحساس العظيم الي حسيتو توا(سكت شوية غمض عينو و رجع يحكي في سرو يحمد في ربي و يعاود)حمدلله يا ربي كتبتلي عمر جديد و خليتني نعيش هاللحظة..
تعجبت من كلامو لكان في قمة التناقض و قمة الغموض و الوضوح في نفس الوقت، كلامو الي جمع بين الحاجات هاذم الكل و حيرها و خلا الاسألة تتضارب من جديد و تطرح نفسها و كالعادة ولا اجابة مقنعة مهما خممت و كسرت راسها😦تتكلم و الا تسكت تناقش و تستفسر و الا شتعمل،فشلت و قررت انها تسكت..😓خاطر تعرف مليح انها مش باش تلاقي منو غير الصمت و الكتمان و التحفظ على اجوبة من حقها انها تعرفهم و تفهمهم.. حطت يدها على شعرو تحاول تواسيه وقتها هو فاق على وضعو كبس روحو و قام كأنو ما صار شي باس كف يدها و هز روحو و هبط حذا الجماعة..
-راشد:أي الحمدلله كيف شرفت بابا، وينهي بنتي
مشالو باس جبينو
-هذي من عند بنتك و امانتها وصلت،ايثار تاعبة شوية يا جماعة تعتذر منكم😊
-فيصل:مش مشكل ولدي خلي ترتاح مش هاربين على بعضنا المفيد هي لباس.
قعد حذا اسامة الي ديراكت قربلو
-شنوا بابا شيطانك حظر و مقيل عريس😛اييه و دوش و مبدل و بارفنات،جوك فس فس اييه يا دنيا كيف تدي الظالم😂
-اي اذاكا لناقص كان طريح مصري تو والله كان بالحق تو نقول حاسدني😑 وقتو هو اسامة تحل في فمك والله تو نهد هولك على التجلطيم متاعك برك،المرة الجاية اتو ندوش و نرجع حوايجي القدم😒و أس علينا اتو غدوة تبات عريس ما تبكيش برك
-😁😆 عاودها عاودها بربي مش مصدق،تقول نقوم لأك الشايب نحطو على ظهري و نقعد ندور بيه ما حس بيا كان هو و قال نعرس ل هك المغبون😌
تبسم و دخل يدو لجيبو و مدلو كادو صغير هزو من عندو
-و اجبد عالكادووات،شنو هالي مقرطسو
-الكادو في يدك و عندك مكسورة حل شوف وحدك😒
-(حلو) لا مانصدقش تي هاي فواياج دينوس و لسانغفورة زادا يا معلم 😂
(حطوااااا جااااام قبل ما تقراااااو)
الحلقة 28:
😆 عيشو دجو(عنقو و وشوش في وذنو) ماعادش تهديني شي قدام خلق ربي خاطر تعرف لساني ما يهنيش قريب نقلك جاد و نمشيو فيها زيزي الناس الكل😂 -وقتها نحرقلك والديك يا كلب 😂مبروك الوس نشالله بدو بتمام،واخيرا باش تعمل عقلك و نرتاح من تفوريخك و هبالك، تمنيت نكون حاضر ك جاد،الله غالب ضروف حكمت خويا الغالي😍😓 ما تنساليش اك السيناريو متاعي بربي😉 -ههه عيشو جدجود،ما تخافش هاكا الاول و اهو تو مع شوية دموع تماسيح😂 بعد عليه شوية و رجع يحكي ملامح وجهو ممزوجة بين الحزن و الفرحة -الله يرحمك يا جاد مش مصدق فراقك،قداه حكى على عرسي و قداه خطط باش يعملي و يفرح بيا خويا الكبير نشالله فالجنة يا ربي 😢 جاد كان بجمبو حاط يدو على كتفو زعمة يسكت فيه قربلو اكثر -اسكت وهف و انت تنوح علينا ناقص كان تحط يدك في خديك و تقول فيها وووه، و وقتاه قتلك تو نعملك و خططت لعرسك ستر الله مازلت حي لا تربحك نشالله😂 اما تنجح سافا😄 -لازم تزلعها معناها 😒تي شوف الكلهم تأثرو 😆 قصات عليهم اثير لقربت لجاد تشكر فيه -عيشك جوزيف والله ما تتصورش قداه فرحتي كبيرة -ربي يهنيكم نشالله😘 حاصيلو كملو سهرو الجماعة روحو و هوما كل حد شد بيتو،جاد دخل للبيت ما لقاش ايثار الي مشات تحكي مع راشد و لاهية بيه قعدت حذاه عطاتو دواه حكاو و فدلكو و بعد خلتو يرقد يرتاح باستو و خرجت،دخلت لبيتها لقاتو مبدل و قاعد عالفوتاي يستنا فيها -هك فايق لتو -نستنى فيك،تعرفني ما نرقد كان بيك😍 -ممم جديدة هذي،حاول ترقد مالا الليلة،خاطر شاهية نرقد حذا اختي تحكي و ديراكت تعدادت للقارد روب هزت دبشها و دخلت بدلت و هو يتبع فيها بعينو دوب سمع على النوم قام وقف حذا الباب -لواه تبات حذاها عندك بيتك تشدها و راجلك ترقد حذاه حلوة حتى هذي فماش نوم حذا اثير على خروجها لابسة سروال و مريول بلوسيال و حاطة فولارتها حطان على راسها ماشية ناحية الفرش - شنو دجو شكلك صدقت اني مرتك 😏ما مرت حتى حد بخلافو😠و باش نبات مع اثير الليلة و باش نهز مخدتك😒 هي زادا ما ترتاح فالنومة كان على فرشها و بالاخص كيف يبدا هو معاها و على اذكا حبت تهز مخدتو تشم عليها ريحتو و تحسسها بوجودو معاها و بالامان الي تحسو كيف تبدا معاه اما لازمها تبات حذا اختها باش تتوحشها هي جرفتها الايام و مشاغلها نسات روحها و نساتها فاللي دايرين بيها توا هوما مستحقين بعضهم حتى بكلمة،يتبع فيها بعينو باش يقلها ما تهزش لمخدة اما هي سبقتو و شافت المسدس الي تعرفو مليح هو نفسو الي عليه حرف"J"اكحل و محفر من نوع"والتر بي بي كيو" عيار 9 خزرتلو ببرود وفي نفس الوقت عينها مليانة تساؤلات و حيرة تستنا في اجابة منو،صايي هو تحط قدام الامر الواقع و اذاكا علاه فيسع تمالك روحو و بدل التوتر الي على وجهو بعلامات عادية شبه باردة و تكلم محاولة منو يتدارك هالحكاية ويخرج منها -شبيك ايثار تقولش عليك ندرا شنو شفت -ياخي من وقتاه انت زادا ولات عندك صنعة تبييت المسدس تحت مخدتك و علاه المسدس هذا بالذات؟ - المسدس متع جاد و انت تعرف خدمتي دونك حاجة عادية انو رجل امن يبيت مسدس تحت راسو -في بالي يه متع جاد اما شموصلو ليك،و حسب معرفتي بيك لا عمري ريتو عندك(حطوااااا جاااااام قبل ما تقراااااو)
-شبيك ايثار ياخي لازم نوريه للعباد الكل والا نجيك نقلك راهو ديما تحتي مسدس و ما نتحرك كان بيه غلبها ما لقات ما تقول و زيد ما عندهاش قوة باش تواصل معاه في حوار خارجة منو خاسرة -باهي انا باش نبات مع أثير باش نتوحش اختي و هاكم الكل ماشين فرد ضربة و باش تخليوني وحدي 😔 -علاه ما حكيتش معاها فالموضوع -لا مازلت متأكدة هي توافق اما خايفة اسامة يقول لا ما عندكش فكرة قداه جرى و جرا باش يكمل الفيلا متاعهم و يسكنو فيها عيب باش نطلب منو طلب هكا😢 -باهي عزيزتي احكي انت مع اثير و اسامة خليه عليا ما نتصورش يرفض خاطر ماك تعرف عمي تعب مالخدمة و اسامة بعد العرس باش يشد هو ادارة الشركة متاعهم هو و دانا معناها باش يغطس فالخدمة و تعرف طبيعة خدمتهم ساعات تجيهم بريود يسافرو برشا -زعمة!اوكي مالا تو نحكي معاها و نشالله ما يقولش لا تبسمتلو و جات خارجة -ستنى ايثار ما نسيت شي؟ -بونوي؟ -اي بونوي،نحب نبوس ولدي ميسالش ماهو😒 قربلها هبط على ركبتو هزلها المريول و حط شفايفو على كرشها ديراكت باسها و بعد قام،حست بالدغديغة و لحمها الكل قشعرو شدتها الفشلة لين معادش منجمة تاقف على ساقها و شادة روحها بالسيف -ومرتي زادا(باسها في خدها😍) هي مزالت مزبهلة و مبهمة في زينو و حنيتو الي باش تقتلها و هو يريقللها في فولارتها رجع يحكي -شبيك حاطتها هكا هذي ستنى نريقلها شعرك ظاهر❤كان يعرضك حد مالاولاد و الا الخدام و انت ماشية لبيت اختك😡 كمل شيعها بعينو للباب و رجع صب كاس و قعد يخدم عالبيسي للصباح.. نهار جديد و صباح جديد..واخيرا جاء النهار لتستنى فيه اثير بفارغ الصبر اليوم العرس، 5:30قامت على صوت تاليفونها من غير ما تشوف الرقم ديراكت هزت -صباح النور لأحلى عروسة فالدنيا،اليوم قمت على صوتي فالتاليفون غدوة زادا تقوم على صوتي و تلقاني بجنبك يا روحي😍 -صباح النور عزيزي،(شافت الوقت)ياخي بايت تحلم اسامة امان ارجع ارقد والله مزال بكري 5:30 و حال شتاء رانا يهديك -قولهملي غدوة هالكلمتين تو ترا شنعمل فيك😈😆 اي قوم يزي بلا دلال عرسنا بالنهار يا للا و النهار قصير و طيارتنا 4:00 متع العشية -باهي يا روحي هاني قمت
حطوااااا جااااام قبل ما تقراااااو)
الحلقة 29:
😘
حاصيلو كملو تمعشقو شوية و علقت تلفتت ما لقاتش ايثار البارح سهرو برشا و هوما يحكيو و تذكرو صغرهم و امهم الي ما تكتبلهمش يعيشو معاها و بوهم الي مشى و خلاهم في نص الطريق و خوهم الي لتو مطيش فالحبس و العلاقة الخايبة لجمعتهم و الانتقام الي في قلبو و الكره الكبير الي يكنو لإيثار عاشو محرومين من بعضهم و ذاقو مرارة الحرمان و المعانات من اول نهار حطو فيه ساقيهم فهالدنيا، بكاو ضحكو حكاو برشا حكايات و جبدو برشا مواضيع لين هزهم النوم و رقدو...
ايثار قامت قبل اثير اصلا نومها ليلة كاملة مفرعس و متقلقة و مش مرتاحة و زيد على هذا الكل توحشتو مستانسة ترقد و تقوم على وجهو على اذاكا قامت و رجت لبيتها حلت الباب بالشوية باش ما تفيقوش خاطر تعرف نومو خفيف،تمشي على طراف صوابعها نحات شلاكتها و دخلت بجنبو تحت الغطا،ناقصة نوم و تحب ترقد اما ما تحبش تفلت منظرو و هو راقد قعدت تخزرلو تملي في عينها منو و تعشق فيه كيف تتفكر انو غدوة مسافر و ما تراه كان بعد 4 شهور قلبها يوجعها و نفسها يضياق،تململ هو في بلاصتو ياخي تفجعت و غمضت عينها كوم كوا راقدة😴 وقداه فرح كيف لقاها جنبو،احساس قوي تملكو و طاقة مش عادية سرات في بدنو،دارلها بالباهي و تكى خدو على يدو لكان راكزها فالمخدة و بيدو لخرى يتحسس في بشرتها الناعمة و في كل مرة يهز خصلة من شعرها يستنشق في ريحتو ليعشقها،ما يعرش انو هي فايقة و احاسيس الدنيا الكل تجمعو فيها لحظتها، ما يعرش انو انفاسو السخونة قاعدة تحرقلها في قلبها و خلات كل قطعة في بدنها رماد ما نجمتش تقاوم اكثر حلت عينها على عينو القري لكانو مركزين عليها عينيه الي يلمعو و مليانين عشق و غرام ليها حاجات ينجم يشوفهم اي واحد و يفهمهم من غير حتى صعوبة،هي تلبكت و دخلت بعضها و هو كمل عطاها تبسيمة زاد دوخها بيها شخلاها غمضت عينها تحاول انها تتمالك روحها و تحفظ هاللحظة في ذاكرتها و دوب حلتهم تصدمت منو و مالبوسة لطبعها على خدها و تكلم بصوتو المبحاح من تحت النوم
-صغروني هنا هو،صباح النور حبيبي😍
لا صايي معادش فيها،ما تنجمش تقاوم السحر هذا الكل الي هبط عليها على بعضو فرد ضربة دوخها و ما خلا فيها شي
-صباح النور سافا
-مش سافا خاطرك خليتني و مشيت بت بحذا اللا اختك
-هاني جيت آخر مرة حتى هي😊
قالتها و سكتت خاطر من غير حتى شي لقات روحها في وضعية ما كانتش على بالها،لقات روحها بطريقة ما ترضي فيه و تحاول انها تخليه ما يتغشش و الا ياخو في خاطرو منها،لقات روحها تفسرلو في حاجات بسيطة سبق و فسرتهملو بطريقة اخرى و احساس آخر مش كيف توا
كانو يخزرو لبعضهم هي هايمة مش فاهمة شي و هو ملامحو تقلبت و ولى يحكي بكل جدية شدلها يدها و تعمق في عينها كأنو يحب يوصللها حاجة بطريقتو هو الخاصة
-نوعدك كيف نرجع ما نخليكش و نعوضلك كل لحظة حرمان عشتها بعدي😘
كالعادة يرميلها كلمات مفهومين بالنسبة ليه و كاسيهم الغموض بالنسبة ليها..
نوقز تاليفونو يلقاه اسامة
-ااا كلب ايا معادش وقت عالحمام
-صبح قبل يعطك كلب نشالله
-سعيد صباح الخير غير اخرج يعمبوك و بو الي يبرمج مشية معاكم وليتشي انا العريس نكلم فيكم بالواحد
-ستنا الساعة شكون بالواحد
-هههه اهبط فيسع تو تعرف
-الله يستر من افكارك هالصباح ماني نعرفك انت جرتك حرفة(حطوااااا جااااام قبل ما تقراااااو)
علق عليه و قام يلبس كمل و على اساس يصب كاس يصحصح بيه شوية،هي مزالت فالفرش خانسة و بردانة رغم انو الطقس دافي و مشره اتبع فيه بعينها و اول ما حط يدو على الدبوزة صاحت عليه لين فجعتو 😂
-اااااااي نحي كسرتك من غادي😡 و ماليوم صنعت الشرب عالصباح تنحيها،انا هاني قتلك و اعمل عكس كلامي وقتها تتحمل النتائج انا ما يدخلنيش😒
-لباس تصيح و الناس تسمع تي والله فجعتني قريب نطيحها الدبوزة و نترزا فيها😑😮و شنوا هذا تهديد؟
-سميه الي تسميه انا الي عندي قلتو 😌 و مش باش يسمع حد على اذاكا تهنى الدار لوطا مقلوبة قلبان
-ممم نسيت انو دار عرس..اي باهي مالا نخليك ماشي للحمام مع اسامة و لولاد
-و الحمام ماشيلو بالصحة😒
-اووو فكرتني نسيت ما حضرتش دبشي
-(دلوحت راسها)برا برا اوكا حاضر جاب ربي قتلي اثير البارح امشي فيسع هاكا راهو باش يتجلط و هو يستنى
-(طبس عليها باسها)عيش مريتي الغالية،نكمل مع الجماعة تو نكلمك حضر روحك باش نمشيو للطبيبة باهي عزيزتي
هو خرج و هي قامت عملت دوش و مشات لبيت اختها دوب دخلت لقاتها تشيح في شعرها قلبتها البيت بالتزغريط و مشات عنقتها و قعدت تشيحلها..
تعدا الوقت بين الحركة و القضية تعبات الدار و جاو جماعة الديكور زينو و ريقلو شيرة البيسين عملو حاجة سامبل و مزيانة،البنات الكل فالبيت مع اثير وصلت روبتها و مزالت تستنا فالحجامة تجيها للدار..شوية و جاد كلم ايثار باش تهبطلو يستنا فيها لوطا،مشات لاختها باش تقلها
-أثير عزيزتي الحجامة اهي فالطريق شوية و توصل كل شي حاضر انا خارجة بقضية ما نبطاش ريقل انت امورك و هانا كونتكتاي بالتاليفون
-باهي عزيزتي رد بالك على روحك و امان ما تبطاش روح فيسع باش تحظر روحك حتى انت
هزت ساكها و هبطت لقاتو يستتا فيها طلعت معاه و هو ديمارا و مشى
-صحة الحمام و الحجامة و اللحية😍
-عيش عزيزتي تيك الصحة،ايجا ايجا شاهي نبوسك دين والديك محلاك الهم هاذي 😍جببدها عنقها و باسها في خدها
-ووه جوزيف لباس 😲
ما جاوبهاش استغل الفرصة مرة اخرى وقت هي مركزة القدام فالطريق و هو يسوق قربلها سرق بوسة من شفايفها،كانت عادية مش عاملة شي في وجها خلاف شوية البانسو لفوق عينها لزاد كبرهم و كبر هبالو بيهم اكثر و اكثر كل شوية يطل عليها يحب يتمعن و يخزرلها اكثر لين وصلو للطبيبة لقاوها تستنا فيهم سلمو عليها
-عسلامة دكتورة
-عسلامة مدام ايثار و مسيو جوزيف، تفضلو مرحبا!!
-(كبس على يدو و عداها بتبسيمة تمنى كان قاتلو جاد😔)دكتورة من غير مقدمات ايجا ورينا البيبي و في نفس الوقت اسأل الي تحب
-😂😂ظاهر مزروب باش ترا ولدك
-فالحقيقة هو ولد خويا
-ااا علاه راجلك مش موجود مدام ايثار
-😢عطاك عمرو الله يرحمو
كالعادة قالتها بمرارة مش على حاجة اما خاطرها مقتنعة و قلبها يقلها انو مزال بكري باش تترحم على انسان تقيد في عداد الاموات من غير جثة
-اه ديزولاي😦اما خلالك حاجة منو باش تعيش على خاطرها من بعدو..اي تفضل مدام نعملو الايكو
عاونها جاد باش ترقد على الفرش و قعد جنبها مالشيرة الاخرى شادلها يدها و عينو على التلفزة لقدامو،بدات الطبيبة تحط فالجال و تنزل بالاباراي و في رمشة عين وقف كل شي غادي على اللحظة لسمعو فيها دقات القلب و شافوه عالاكرون لقدامهم كبس في يدها حس كيانو تزعزع لحمو قشعر و هبطت من عينو دمعة مسحها فيسع بصبعو من غير ما يشلق لأول مرة في حياتو بكلها يضعف و ينهار قدام شخص اما مش هامو خاطرو عايش اللحظة بكل تفاصيلها كيف ماهي،كيف ما لازم تتعاش،اللحظة الي قال انها مستحيل تصير في حياتو و ليه هو بالذات و مستحيل انو يعشق و يحب و يعرس و يستقر و يعيش كل هاللحظات لكان طول عمرو ناقم عليهم و مستحقرهم..بالنسبة ليه هو مستحيل انو الشيطان يرضخ كيف العباد و يعيش عيشتهم و يحس احاسيسهم...
(حطوااااا جااااام قبل ما تقراااااو)
الحلقة 30:
😢
ملي خرجو من عند الطبيبة و هو عبد آخر..عامين توا تعداو على معرفتو بهالفرخة لقلبتلو حياتو 180° هو الي كان متجرد من حاجة اسمها مشاعر،هو الي كان قلبو بارد والا خلي نقولو مستحيل انو كان عندو قلب جيست ماكينة تدق لداخل و كهو،هو الي كان غاطس في قتلان العباد و ترجيع حق المظلومين،هو الي طول عمرو ناقم على الدنيا و لا مرة تلفت لروحو و على اذاكا تلقب بالشيطان👹..
توا حياتو مش هي حياتو متع قبل من اللحظة لحط فيها ساقيه في تونس و تعرف على الطفلة الوحيدة الي جامي كان خافت منو و الا سكتتلو على حاجة،الانسانة الوحيدة الي ما ترخيش راسها خايفة منو كيف تشوفو بالعكس تزيد تعطيه قحرة تخليه حاير في شخصيتها و قوتها و جرأتها رغم صغر سنها،توا هي عشقو و هي غرامو هي اوكسيجينو و النسمة لترد فيه الروح هي عمرو و هي كل حياتو لبقى متشبث فيها على خاطرها هي كهو..ثنية كاملة و هو ساكت سارح بأفكارو و عايش الاحاسيس و المشاعر لغامرتو بكل تفاصيلها و لذتها و حلاوتها كل شوية يخزرلها مرة يتبسم مرة فخور بيها و بالنجاز لعملتو باش خلت الشيطان يغرق في حبها و يهيم بعشقها.. وصلو للدار الي لقاوها تعبات بالعباد مع انهم عملو حاجة سامبل و عائلية،كملو تفقدو كل شي لقاوه مريقل،العباد فطرو و شدو بلايصهم زيد جاء العدول قامو معاه بالواجب لين تهبط أثير،اسامة جاء هو و دارهم و قاعد يستنا فيها مع الاولاد الاستراس يهز فيه و يحط ضربة ثنين يكلمها و ما تهزش عليه زيد وين هو يشعل يستنى فالوقت يتعدا خاطرو معادش منجم ليوم لأول مرة يقعد ما يراهاش ل 14:00 متع العشية و الاغرب انهم من الصباح ما حكاوش حتى فالتاليفون رغم انو مكلمها برشا مرات متحلف فيها غير تحصل عنو الا ما يخلص فيها عصب هالسوايع لتعداو عليه من غيرها..طلعو الزوز باش يلبسو خاطر مزالو كان هوما ما حضروش، ديراكت تعدات لبيت اثير باش تراها دقت الباب و دخلت راسها الطل غادي وين عينها تملات دموع و قلبها خض في صدرها تمنات لو امها و بوها عايشين و راو هاللحظة،كان جاو حيين و شافو الفرحة لترا فيها هي توا في عين اختها الي حضرت صايي و واقفة قدام المراية حاطة يدها على فمها مصدومة قداه محلاها مش مصدقة انو بعد لحظات قليلة اخيرا باش تولي ملكو تابعتو،لحظات و يتربط اسمها بإسمو،الظاهر انو الحجامة تو كملتلها و تو هي باش شافت روحها بالروبة البيضة لتلمع بكلها حجابها لزايد فيها الشطر و مكياجها السامبل الي زاد حلاها😍شافت اختها عالمراية ديراكت دارتلها ووقفت تخزرلها و الدنيا مش سايعتها من فرحتها،ايثار كيفها والا اكثر هي من قبل حساسة ناحية اختها الوحيدة لبقاتلها من عايلتها قدمتلها شوية تتبسم حاصرة دمعتها الي في عينها باش اثير زادا ما تبكيش و يفسد مكياجها عنقو بعضهم و شاخو بالضحك بداو يصيحو و قلبوها البيت بالتزغريط الزوز هذا الكل تصنع باش يحاولو ينسيو رواحهم و يشدو دموعهم و ما ينهاروش،ما نجموش خاطر كانت لحظة صادقة بمشاعر جياشة،لحظة و لازمها تتعاش و تتحس تفاصيلها كيف ماهي،بكاو الزوز بكى ممزوج بضحك متقطع،تخلطت عليهم الاحاسيس لكل ما عرفوش يكملو يبكيو و الا يضحكو،تكلمت و هي تتبسم خانقتها عبرة البكا
-اي يزي مالجنن متاعك و امسح دموعك خلي الحجامة تريقلك مكياجك
-و انت وين كنت شبيك لتو لا حظرت،اسامة كلاني بالتاليفونات وانا نستنا فيك و ما نهبط كان بيك
-هههه اوكا مسيكن انا طالعة و هو قابلني فالجنينة يلاجي و يدادي حافة البيسين خيطها بالمشي و الجي 😂مزمرة عليك الليلة وخيتي شباش نقلك كان ربي يكون فالعون😂
(حطوااااا جااااام قبل ما تقراااااو)
😂😆
-اوووه عليا بلاهي اسكت اثير و ما تزيدش على مابيا،برا طير حظر روحك و اخلط خلي نريقل مكياجي😦
باستها و خرجت عملت دوش بالخف فيسع شيحت شعرها و لبست روبتها عملت مكياجها وحدها هي تريقل في حجابها و تاليفونها نوقز
-وي دجو
-يا ايثار وينك العروسة هبطت و انت مازلت تي امشي راني شاد العدول بالسيف الراجل مزال عندو عشرين الف عرس و اسامة باش ياكلني
-امان دجو والله صايي حضرت نعمل فولارتي و نهبط
قلها باهي و علق هز يدو باش يشوف الوقت ما لقاش منقالتو تذكر انو هزها مالدريسينغ زربو اسامة نسى ما لبسهاش سرق روحو باش ما يعملوش محظر و يبقى يخرنن عليه و طلع فيسع لبيتو باش يلبسها مزال طالع فالدروج و عرضتو ريحة برفانها غمض عينو يستنشق فيها وصل حذا الباب لكان مردود شوية حلو من غير ما يعمل حس و دخل سكرو و اتكى عليه يخزر لهالملاك لقدامو ينجم يقاوم كل شي الا هي و كل حاجة متعلقة بيها حط يدو في مكتوبو و عض على شفتو اللوطانية قريب يسيل منها الدم😂،ما كثر ما تزرب و مركزة تركح في حجابها ما حستش بدخولو واقفة عالمراية بروبتها الباج كانت عادية بالنسبة ليها هي اما لأي حد شيوفها غاية فالزين و بالنسبة ليه هو قمة فالجمال و الاغراء، ما حب يعمل شي ولا ينطق بحرف قاعد كان يعشق فيها كملت حجابها و هزت الروج الافر تعمل في شفايفها وقتها هو طلعتو السخانة و دمو فار سايي هز راسو يحاول يتنفس عدا يدو على شعرو بحركة خفيفة بعد كبس بيها على عينو و هبطها ل لحيتو يحك فيها فماش ما يتنحالو هالتوتر الي شدو ما سيب، تنهد تنهيدة تزعزع جبال خلاتها تنتبه لوجودو معاها فالبيت كانت تتصرف عادي اما بقات مستغربة فيه
-ووه جوزيف شتعمل هوني تو بركا علقنا التاليفون راهو ندور نلقاك لاصق فالباب😕و من وقتاه انت هنا!!
تسأل فيه و تخزر لروحها فالمراية اما هو ما كانش يسمع في حتى حرف ماللي قالتو الكل و كأنو في لحظة اول ما شافها فقد حاسة السمع قاعد كان مبحر فيها عينو و ما حاسس كان بيها و بقلبو الي باش يتنطر من صدرو و يمشيلها،هي مكملة تحكي و هو قدم يمشي ناحيتها بخطى هادية ثابتة لانسان واثق من روحو و في نفس الوقت هايم مش عارف شنو يعمل، وقف وراها هز يدو شد بيها يديها الزوز حضنها بيهم و حطهم على كرشها يتحسس فيها طبس راسو باس كتفها و بعد غرس خشمو في رقبتها يستنشق و يعاود في ريحتها الي ملاتلو صدرو زيد لصق فيها من تالي لين رعشو الزوز و بدنهم قشعر،الزوز قامت فيهم شهوتهم و حرقتهم نار الرغبة و الشوق كل حد فيهم محتاج للاخر بطريقة اول بأخرى هي مرة تخزرلو و مرة تغمض عينها تتخيل في جاد و تستحلى فالي تحس فيه و مرة تحلهم فيسع كيف تستوعب انو هذا جوزيف و يقعد الصراع قايم بين قلبها و عقلها واحد يأكد في احساسو و لاخر ينفي فالاوهام و يفرض فالواقع و بين هاكا و هاكا تقعد هي معلقة بيناتهم حايرة متملكها احساس قوي بالطمأنينة و الامان و في نفس الوقت احساسها بنوع من الخوف الي ديما مرافقها و مش منجمة تفهم اسبابو، شفايفهم ترعش و نفسهم ماشي و يعلى قريب يولي أهات مسموعة،عدا صبعو بخفة على طول ظهرها من رقبتها و هو هابط وين هي تهزت وتحطت كأنو هالخط لرسمو بصبعو على ظهرها طريق و شاعلة فيه النار و قاعدة تحرق فيها،هو ما كانش يبعد عليها برشا و ممكن اكثر منها عينو حمر و بدنو تكبست كل عظلة فيه اما باقي مركز مع كل حركة تعملها و ما فلت حتى تفصيل صغير من ملامح وجها لقاعدة تتبدل ملامحو مع كل احساس تحسو، ملامحها الواضحة الي تظهر قداش قاعدة تبذل في مجهود باش اتطفي نار الرغبة الي نفسها شاعلة فيه هو زادا و تحاول تتمالك روحها و تسيطر على شهوتها،تكلمت بصوت مقطع يدل على انها صايي معادش تنجم تستنجد فيه باش يعمل حاجة والا يسيبها 😦
-جوزيف يزي..امان عيشك سيبني..علاه تعذب فيا و في روحك
-خاطرك تحب تكون معايا يا ايثار انا متأكد مالحاجة هذي و قاعد نشوف فيها في عينك و في ملامح وجهك و في كل تفصيلة صغيرة و كبيرة فيك توا😚
-خاطرني سبق و قتلك..صارحتك انو صورتك في مخي هي صورة جاد، و قلبي يأكدلي بشدة انك جاد،و كل الاحداث الي صايرة و كل تفاصيل تصروفاتك و كلامك و حركاتك و حتى تفكيرك واقفين ضدك و ضد انكارك للحاجة هذي و للحقيقة الي تثبت و تأكد مدى صحة الي نقول فيه و حاسة بيه و متأكدة منو😔
-انا جوزيف افهم،جاد مشى و معاد ليه رجوع😡
-ابعد عليا مالا انا الحد الان ملكو وحدو😏
-كيف نقلك انا جاد
(حطوااااا جاااام قبل ما تقرااااو)
الحلقة 31:
😌
-قتلي جاد مشى و انا متأكدة باش يرجع حاسة بيه..ابعد 😯
بعد عليها شوية يحب يشوف ردة فعلها هو هز يدو من عليها و هي كبشت في ساقو، تبسم بكل ثيقة و فيسع دورها ليه بكل لهفة و رغبة و قوة خطفها في حضنو و ديراكت غرس شفايفو في شفايفها بكل عنف و استحقاق لصقها فالحيط و حط يديه الزوز على خدها يبوس فيها النفس مقطوع و القلب يخض رغبة قوية تجمع فيها كل شي الضروف لفرقتهم و بعدتهم على بعضهم و خلتو يتحرم منها،بعد المسافة الي باش يولي بيناتهم بداية من غدوة و باش يتواصل 4 شهور كان مش اكثر وحشو ليها الي ما يتقاسش بحتى شي و عشقو ليها الي خلاه يتجاوز حتى الموت و كل الحدود و الروابط و كان لزم يحقق المعجزات و يعمل المستحيل باش يرجع لدفاء حضنها و يكون معاها لآخر رمق من حياتو..يبوس و يتبنن و كل ما يتذكر حاجة من هاذم يزيد يقوي فالريتم متع البوسة و يسرح بيدو لكل تركينة في بدنها الي ذاب في احضانو،هي كانت كيفو تبادلو بكل شي،بكل الي قاعد يحس فيه توا و هابلة عليه كيما هو هابل عليها اما حاسة روحها مكتفة و مربوطة عجزة انها تعمل حاجة،هذا لكل خاطرو و صل للي يحب عليه و نجح بكلامو في انو يخليها تراجع روحها و تتراجع في شكها و تلغي من بالها فكرة إنو هو جاد و تقنع قلبها بحقيقة انو هو جوزيف هذا الكل حيرها و خلاها متوترة مش منجمة تعيش اللحظة لهوما فيها و تتمتع بيها،حس بيها حاجة بدا يرخ اما نارها كانت اقوى منو هزت يدها لصدرو و لخرى على خدو كبست عليه و المرة هذي هي الي بادرة و رجعت تبوس فيه بكل لهفة و مع كل حركة شكها يكبر و يقينها يزيد باستو كيف حبت و عبثت بشفايفو لين خلاتهم منفوخين بعدت وجها تحاول تتنفس لصقت خدها على خدو تتحسس فيه الزوز دايخين و ساقيهم حاملتهم بالسيف الرغبة الي فيهم مسيطرة على كل شي حتى على افكارهم و تصروفاتهم يحاول يهدي روحو و يبعد لا يزيد يتهور اكثر اما هي بالبوسة لطبعتها على رقبتو بطريقة مغرية جن بيها جنونو و خلاتو يكمل الي بداه دورها و لصق فيها حللها السلسلة متع الروبة و طيحلها كتفها شوية حط شفايفو عليه و ذوبها ببوسة طويلة،هز راسو شوية يرجع فالنفس لتقطع عليه ملي قاعد يحس فيه عاود قرب راسو لرقبتها و قعد يطبع في بوسات في جرت بعضهم و هو هابط على طول ضهرها انفاسو السخونة تحرق فيها و لمست ايدو و شفايفو رهوجوها خلاوها مش منجمة تاقف على ساقها و من غير ما يهبط الروبة هز يدو باش يحللها السوتيان لين نوقزت تاليفوناتهم الزوز و فاقو على وضعهم و على الوضعية لهوما فيها هي حجابها تفرعس،روبتها محلولة و مرخية على بدنها،الروج الي تطبع الكلو على شفايفو هو و رقبتو و كول الشوميز البيضة متاعو لطارلها اول مقفال،البابيون الي تحلت و طاحت على جنب،هذا الكل صار في لحظة و هوما مش فايقين برواحهم و لا مستوعبين الي عملوه،الزوز يخزرو لبعضهم و للحالة الي هوما فيها،تاليفوناتهم ما سكتتش زاد فاقو، واقفة مقابلتو تسترجع فاللي صار هز يدو سكرلها الروبة
شدلها راسها باسلها جبينها هز تاليفونو و خرج دخل لبيتو بدل الشوميز نحى النوار و لبس البيضة كيف كيف البابيون بدلها و لبس كرافات نوار لبس منقالتو عمل برفان فماش ما تتنحى ريحتها الي لتو لاصقة في دبشو و مش حاببها تتنحى💕 تاليفونو نوقز يحسابو اسامة طفاه زيد عاود المرة الثانية لقاه جوزيف هز عليه فيسع
-وااا دجو
-جاد نحب نجي نحظر للعرس و يلزمني بأي طريقة نكون موجود😓
-(تبسم بوجيعة على خوه و فهمو)باهي ايجا و جيب معاك أيهم ما تبطاوش وكيف قريب توصل كلمني باش نخليلك الساحة😉حقا اسمع البس الكوستيم القري و الشوميز البيضة كيما الي عندي..
-(قصى عليه)اسمع سلفي و ابعثلي ما نقعدش موسع بالي حتى تكمل توصفلي روحك
-كلب زايد..اي باهي خف روحك
كمل حكى مع جوزيف و هبط قعد حذا الجماعة بعد ما عملو اسامة عرعور و سمعو ما يكره و هو ساكت شاد روحو عليه بالسيف خاطر يعرفو متوتر و مش حامل شي😂ايثار زادا صلحت الي يتصلح فيسع و خلطت عليه،دخلت للجنينة و كالعادة الانظار الكل توجهت ليها كان واقف مع جدو لكان مركز مع كلامو و في لحظة يرا فيه يزفر و يتبسم يعرف جدو مقربع اما مش لهدرجة
-اااهي بنتي الغالية جات
(جااااام قبل ما تقرااااو)
😊
دار جاد شافها جاية حك لحيتو و هو مذهول فيها مش لاقي لا الكلام ولا الفعل الي ينجم يعبر على مشاعرو و حالتو في هاللحظة تكلم و هو مبحر عينو الي تلمع و تقدح بنار الحب في هالفرخة لسرقتلو قلبو و احتلتلو كيانو
-يزي يا راجل عيب عليك مش شارق عليك الي تعمل فيه تبزنس في مرتي قدامي😍
-مرتك انت اما هي بنتي انا استكفى بروحك و ما تتدخلش😒😌
تمشي و تترنح في هك الروبة توزع في ابتسامتها الساحرة ديراكت تعدا من قدامو لكان صاير درجين لتالي بيناتهم قلبو رعش و حس نفس الاحاسيس قعد هايم فيها و في زينها للمرة الثانية و كأنو يشوفها للمرة الاولى،حس نفس الاعجاب الي حسو كيف دخللها لبيتها و تصدم في حلاوتها،هام و سرح،عينو تبحرت فيها و ترسمت على شفايفو تبسيمة ثيقة و عشق بفخرو بيها،تبسيمة ما تنجم اتدل كان على انو هالمرا تابعتو و ملكو هو وحدو،خزر على جنابو يلقى الشعب الكل مركز معاها😡كلاتو الغيرة و طلعو العصب مشالها راسم تبسيمة صفرا قربلها عدا يدو على حزامها حوطها تقول باش تهرب عليه باس كف يدها و بعد خدها و هزها طار بيها حذا جدو و هو كان يلقى يخبيها في وسطو..
واقفين لين جاو حذاهم البنات و من بينهم دانا لكانت منهارة تماما قاتلتها الغيرة المشهد الي شافتو صاير بيناتهم في البيت و هي طالعة باش تناديلها كان اكبر صدمات حياتها،آخر حاجة كانت تتوقعها منو انو يخونها بالطريقة هذي،مصدومة في ايثار الي ما حبت في حياتها كان جاد،قد ما حاولت تركز و تفهم الحكاية ما نجمتش اصلا مش قادرة تخمم في شي كل ما تجي تحاول تفهم تجي صورتهم قدامها،خانقتها عبرة البكى قاعدة ساكتة الكلهم حايرين فيها و في تصروفاتها الي ولات مش مفهومة في المدة الاخرة الكلهم لاحظو قداشها متبدلة تقول مشات عبدة و جات عبدة اخرى في بقعتها،واقفة تخزرلو كيفاه مكبش فيها و ما سيبهاش لحظة كل ما يتحرك باش يسلم على حد لازم يهزها معاه،تعدا شوية مالوقت و هوما يستناو فالعدول الي جاه تاليفون اكيد و قعد يحكي اسامة يرحي دخلاني معرفش منين يحدها من جاد و ايثار الي عطلوه😂والا مالعدول قعد يتمعشق هو و اثير مش مصدقين انو هذا عرسهم و ساعات قليلة تفصلهم على الفوياج دي نوس متاعهم الدنيا مش سايعتهم مالفرحة ستناو و صبرو برشا هوما هكاكا يحكيو و جاء العدول باش يبداو قعدو على الطاولةو ايثار و جاد هوما الشهود كملو قيدو الصداق فرحو الناس الكل..رغم الي صار و رغم المشاكل و الاحزان و رغم كل شي تعداو بيه مزال فما بلاصة للفرحة،مزالت الضحكة على وجوهم رغم قلوبهم الموجوعة..جاد وصلو ميساج من جوزيف انو قريب يوصل على اذاكا دخل للفيلا و تحديدا للسويت متاعو الي ولى يتعدا عليه مرور الكرام دخل لبيتو الي كانت باش تكون بيتهم قبل هك النهار مزالت كيف ما خلاها آخر مرة ايثار لاهية بيها اكثر من روحها هي صحيح ما عندهاش القدرة و القوة الكافية باش تدخللها اما يعرف انو معينة شكون خصيصا لاهي كان بالبيت هاذي و تنظيف هالبيت و تهويتها كانت عادة لازم تصير نهار بعد نهار،بيتو كانت آخر نقطة في الفيلا و الوصول ليها يستغل وقت،عدا عينو عالفرش لحظتها تفكر اول نهار جاء فيه لتونس كيفاه قابلها قدام الباب و شراتلو عركة،تذكر هبالها و كيفاه كانت شاردة في زينو،تذكر قوتها و جرأة كلامها،الطريقة لخزرتلو بيها كانت هاكي اللحظة لسحرتو فيها بخضار عينها،تذكر الخوف و الوجيعة الي شافهم في عينها وقت حصرها على الشجرة و هي مرعوبة من كلامو و الفاصون لحكى بيها معاها و من اللحظة هاكي بدا صراع الشيطان الكبير بينو و بين قلبو،قلبو لكان جبل جليد و ذاب مع اول لحظة شافها فيها،كانت هي سبب جريان الدم لكان جامد في عروقو مرة اخرى،هي سبب دقات قلبو المتسارعة الي ما فهمش سببها اول مرة و كيفاه ما نساش تفاصيلها ولا لحظة كيفاه سكنتلو بالو و سيطرت على كل افكارو بقاتلو في بالو و كل ما يتفكرها تشعل نارو و ما يعرش شنو سبب غشو مع الوقت اكتشف رغبتو الكبيرة انو يكتشفها و يكون معاها جذبت انتباهو بكل الطرق حيرتو وقت تتحداه و تخزر في عينو و تعاركو و تقول الي على لسانها الكل من غير حتى طرف خوف، تذكر وقت دخل للبيت و حصرها مع الفرش و نحالها جلبابها و طيشها عليه و في آخر لحظة شد روحو بالسيف بعد ما كان باش يغتصبها خاطرها الانثى الوحيدة لحركت الغريزة الي فيه و فيقت الشهوة و شعلت النار و دمرت كبرياؤو و كسرت غرورو و تجاوزت كل الخطوط الحمراء لكان بانيها و مدورها بيه،كسرت اهم قواعد حياتو انو مستحيل يحب مستحيل يعشق مستحيل انثى تحتل قلبو و هاذم الكل تلغاو و معاد ليهم حتى اثر بوجودها هي في حياتو..
تبسم بوجيعة ممزوجة بفرحة شعور متناقض خلاه يحير و يعجز انو يفهم شقاعد يدور في مخو،خرجو من دوامة تفكيرو حس الباب التيلاني الي فالبيت، بابو السري الي بفضلو نجم يعمل برشا كوارث من غير ما يفيق بيه حد،حد بخلاف جوزيف يعرف بوجود هالباب نحا كواتروه الكبير باش ينجم يتعدا و رجع اتكى عالفوتاي يرا فيه واقف قدامو
-ياخي ما نجمتش تعمل اصونصار كي قدر عليك ربي😒تهريت من هالدروج يااا زحي و عرقت برا يهلكك ما يجيش قد دوشي😓 الواحد تقول هابط في كاف و زيد اظلم تي حتى الضو عاملي فيه عصي لوح يشعلو للدرجة فقير صاحبي ما كذبش لسماك شيطان😡
( حطوااااا جااااام قبل ما تقرااااو)
الحلقة 32:
👹
-يراه لابسك الشيطان😂 ما علموكش تقول السلام ما قريتهاش😒و شبيك جاي الدز و ماكل روحك على درجتين عملت حالة في بالي رجل المهمات الصعبة ياخي هك طلعت كان الشقف و وصلت تلهث و حالتك حليلة😏
-خليت فيها السلام انت،بلاهي مطلعني الدروج هاكا الكل غادرني بيه و تقلي درجتين يا طحان،اي اص اخطاني من حسك تو ابعد ابعد خلي نتبطح شوية نرد النفس قبل ما نهبط 😥
تبزع عالفوتاي طلق سقيه و رجع يحكي
-اي بابا هات هات الجديد و قريني درسي باش ما نحصلش كالضبع في حكاية مالحكايات
-علاه و انت ناوي توطن هنا،غدوة مسافرين ولا فايدة لازمني نبات حذا مرتي😌
-مرتي قصدك😂
-على ذكر مرتك،دانا في حالة جوزيف زيد انا كملت عقدت الامور عليكم ساعات ننسى روحي كيف نبدا مع ايثار و ننسى وجودها هي معانا في لحظة تتقلب قداه من مرة نسمعها تبكي،تبدلت برشا العيلة الكل حايرين فيها تي حتى اسامة مكبش يحب يهزها للطبيب متحيرين عليها الكل اول مرة توصل للحالة هذي😢سامحني دجو والله مش بقصد حاس بيك و بيها نعرف حتى انت قداه متعذب و قاعد تتحمل على خاطري و ما حبيتش نحكي معاها باش ما نزيدش نعقد الامور😔
جوزيف شعل سيقارو و قام للشباك يخزرلها مالبلار من غير ما يقعد يلوج عليه بعينو ديراكت عرفها،موجوع و جيعتو واصلة لحدها على هالحالة الي وصلولها يعرف حكاية وقت و تو تتعود هي و يزيد يتحمل هو اكثر من طاقتو حتى لين يفرج ربي و يلقاو حل،نفخ الدخان لكان خارج من فمو و خشمو مصاحبو تنهيدة مالاعماق تكلم و هو ما بعدش عينو لحظة من عليها كانت هادية فوق اللازم و الهدوئ مش من عاداتها،هدوئ يخوف يعكس النار و الحرب لقايمبن فيها و هي يديها مربطة مش منجمة تعمل شي غير انها تتوجع و تبكي بحرقة على اسباب مجهولة
- نحي هالحكاية من مخك توا،و ركزلي عالمهمة من غدوة هاذا الكل باش يتنسى نحبك تقيملي الشيطان الي فيك و ترجعو لاياماتو و بالنسبة لدانا تو تبكي و تتوجع و تنين من عمق جراحها و اتداويها الايام و ترجع لباس عالاقل قدام العباد😐اسبق للفيلا متع ايهم تو نخلطو عليك خليتلك اوراق راجعهم ارتاح والا اصنع حاجة حتى نجيو،توحشت اك الفرخة و توحشت بلادتها و تنبيرها شعامل فيها الوحم!
-اسمع هك ماشي شد جنبها ماهيش قاعدة تاكل مليح ما تعرش عليها وقتاه اتطيح،راسها يابس تعمل كان الي في مخها😡متعبها الوحم اما قادة روحها صغرونتي قوية،شهاويها كثرو ما تستغربش كان طلعتلك بطلعة كيف تهبط،اسمع راني حربتها عليك الله غالب ما لقيت ما نعمل
-آش عملت من كارثة زادا،جاد ما تقليش عاودت مسيتها!😡
-الوووو😒مرتي راهي و مانمسهاش؟اما على اساس انت راهو صارو برشا حاجات بيناتنا اما مش لهك الدرجة ديجا حبلة تي مش وقتو باش نحكيلك بالتفصيل اسامة راهو فقدني لوطا و لازمك تمشي مختصر الحديث قتلها راني نحبك و ضعفنا برشا قدام بعضنا و صارو حاجات..
لحظة و ايثار ماشية معاك فالخط و هي عارفة اني جوزيف😮؟
-تي ماهو المشكل غادي ايثار و كيف تشك في حاجة عاد،بالنسبة ليها مش شك هذا يقين و هي متأكدة من احساسها شادة الصحيح في انو انا حي و مانيش جويزف على اذاكا قاعدة اتبع في قلبها مرة تقدم و عشرة توخر تي الحاصل ماك باش تفهم شي..اي انا لازم نمشي كيف تجيو تو نحكيلك بلاهي وصلو اك الكلب للمطار انت و ايثار ريقل امورك و اخلطو..
جوزيف بالحق ما عاد فاهم شي من حكاية خوه و ايثار،حاس الاحداث قاعدة تتعقد اكثر هالزوز باش يهبلوه و يخرجوه من مخو عمل برفان جاد و هبط يمشي في الجنينة تعدا من قدامها حسها مقلقة غمض عينو دوب شم ريحة برفانها كانت واقفة مع سيلين و عايشة حاس بطاقة ايجابية كبيرة و انو الامور باش تكون لباس نشالله رجعلهم عنق سيلين
-سلوون روحي وينك توحشتك ااا كارثة
-تي وين كنت يا مكبوب السعد بلاصتك ما تسخنهاش و انت كل مرة سارح في بقعدة قداه توحش امو او بالاحرى خالتو اما ديما تقعد امو الي ربتو و فنات عمرها على خاطرو و تعبت عليه قداه ارتاح كيفاه كلمو الطبيب و قلو انها قاعدة تتحسن من مرضها و احتمال كبير انها تبرا منو تماما و هو توا قاعد يشوف في الفرق بين اول ما جابها لتونس و توا كيفاه كانت و كيفاه ولات حمدلله☺خزر لدانا لكانت مركزة معاه و هي عاقدة حواجبها و كأنها حست بوجودو و قاعدة مستغربة تحاول تفهم وقف قدامها و شدلها خدودها الزوز بيديه( حطواااا جاااام قبل ما تقرااااو)
-صغرونتنا روح ولد خالها هي😘شبيها مكشبرة ما تقليش شبيك هالايامات الناس الكل تتشكى منك قالولي ولات عاقلة و الشي مش خارج عليها تي شكون باش يهترهم هالعزاوز اه لا عاد لا صياح لا تنقيز تي حتى ضحكتك نسينا خيالها
-عايشة: ريت ولدي شعاملة في روحها تي معادش نعرفوها اغلبية الوقت ساكتة و سارح الله اعلم مخها وين
قلبو وجعو عليها و على الحالة لوصلتلها جرتو،رسم تبسيمة صفرا قدامهم يداري بيها في وجيعتو و رجع يملي في عينو منها ما عبر حد و تحت ما يسمى بولد خالها خايف عليها باسها بوسة حنينة على خدها و قد ما كانت قصيرة قد ما كانت كلها وحش ما لقاش حل آخر قدامهم و كان لازم يقربلها خاطر حبو ليها تعبو و الوحش كلالو قلبو و من غادي معادش ينجم ياقف قدامها اكثر هز روحو و مشى للطاولة صب كاس قعد يشرب فيه و كلل ما يفرغ يعاود يمليه، الاولاد كانو ملمومين بأسامة بدخول ايهم سلم عليهم و شد جنبو قربلو اسامة يحكي بالشوية
-ايهم ياخي خليت جوزيف وحدة غادي
-اي وحدو😒تي بلاهي هاوينو يبلع من غادي و اذاكا يقعد هو
-والله باش يهبلوني هالزويز،مالا اك الشيطان وين هج
-تي ماو لازمو يهج ياخي باش يقعدولك الزوز هنا جاء جوزيف جاد رجع للفيلا فما اوراق لازم يراهم و عندو شوية تاليفونات
-اممم نرجع ما نلقى حد فيكم معناها باش تضربو على قلوبكم 4 شهور ااا زحي و تهجو الكل فرد ضربة و نقعد انا مع وجوه هاللوح هاذم😑
-هاكا هو الوس لازم كل حد يشوف امورو و خلي تتحل هالحكاية و نرجعو الناس الكل نعيشو نورمال و ترجعلكم الفرحة للدار و انت توا لازمك تاقف على رزق بوك باش تولي بو عايلة
-اي والله عندك حق و هاذا الي باش يصير بقدرة ربي
جوزيف شرب شوية ومشى يبارك لاثير لكانت قاعدة وسط البنات و ايثار معاها ما سيبتهاش لحظة،طبس شدلها جداقها ببلادة و باسها على خدها😝سلم على اثير و باركلها قعد حذاهم شوية و قام هو وياها باش يوصلو اسامة و اثير للمطار، جوزيف يسوق ايثار بجنبو توصي و تعاود في اثير لكانت راكبة من تالي هي و اسامة ثنية كاملة يضحكو و يفدلكو عملو جو وصلوهم و رجعو للدار وين كانو الجماعة قاعدين الكبار فالصالة و الاولاد ملمومين البرا حسهم و ضحكهم واصلين للشارع خاف لا تكون روحت خاطر ما لقاش عايشة و راجلها فالدار و جاتو رزينة باش يسأل ايثار سبقتو و هو خلط عليها هاز في يدو شارب كبيرة صوف لقاها عالفوتاي وصل حذاهم قعد يلوج بعينو على ايثار و ما لاحظش وجود دانا لكانت قاعدة جنبها خاطر بالقفى و زيد بدلت دبشها ما ركزش برشا حط الكاب على ايثار
-اكهو انت غير اعطيك الحلق و التكشيخ و سلم في روحك خارجة هكك للا
-شنوا دجو باش تذلني خاطر غطيتني😒
تكلم عادل
-ويوا عالرومنسية خايف على مريتو هو😂 و احنا ما تجيبلناش ندفيو رواحنا
-الي عينو يقوم وحدو،ياخي دانا و الجماعة روحو شبيهم ما قعدوش الزح
يحكي و يدز في هنيدة لكانت قاعدة جنب ايثار باش يقعد في بلاصتها
-تي ابعد غادي مكبر راسك،الواحد حتى مرتو و فكيتوهالو😆
-هنيدة:وانت ديما تلوج عاللزز،حل عينك اوكي دانا عيشوشة روحت و هي قعدت باش تبات هنا معانا
هز راسو فيها لقاها مصرورة بردانة يعرفها باخلة باش تجيب حاجة تصدم كيفاه ما رهاش ديراكت نحى الفاست متاعو و قام حطها على كتفها حركة ما توقعو حد يعملها ورجع لبلاصتو..يحكيو و يفدلكو شبعو بالتنبير لين فدو و ديجا الوقت صايي لازمو يرجع للفيلا لازمو يحكي مع الاولاد و زيديسانى في تاليفون مهم مالخدمة و كيفاه باش يسفرو جاد
-اي يا جماعة انا نخليكم توا كان مازلتو ساهرين تو نجي نكمل معاكم،عندي قضية لازمني نمشي باس ايثار و قلها باش ترد بالها على روحها و اتو يكلمها و قام ماشي قامت معاه دانا باش تعطيه الفاست قربلها ما عبر حد حط يدو على خدها طبع بوسة على جبينها و قرب يحكي في وذنها بصوتو الدافي لبعث في روحها الراحة و السكون و خلاها تطمان
-رد بالك على روحك،الفاست خليها عندك و انا راجعلك مهما كان❤
قال على خير للاولاد و خلاها واقفة و خرج رجع لفيلا وين لقى جاد و ايهم قاعدين حط مفاتحو و تاليفونو عالطاولة وقعد تاعب مهدود من شوفتها بالحالة هاكي نفخ و مسح وجهو استجمع طرف القوة لفيه و ب.ا يتفاهم مع الاولاد على اول خطوات ليهم
(حطوااااا جاااام قبل ما تقرااااو)
الحلقة 33:
-وصلتني تعليمات الصباح باش يكونو اول خطواتنا و بعد التربص و المراقبة و بعد ما نطيشو الطعم يكونو تعداو 4 شهور نرجعو لتونس بإذن الله نرتحو شوية و نعاودو نتوكلو على ربي نكملو شباش نكملو،باهي التفاصيل،غدوة الحي باش نسافرو و بطبيعة مش مع بعضنا انا و أيهم طالعين مالمطار و انت جاد باش تمشي في طيارة خاصة مع زملاء جايينك بالذمة،الخطة صار فيها شوية تعديلات كالتالي احنا باش ناخذو طيارة ديراكت لايطاليا تحديدا لروما و غادي وين باش نتقابلو و نبداو على بركة الله و نشالله نتوفقو،زيد صحيبنا "آد جين"موجود غادي يصفي امورو او بالاحرى في امور ضحيتنا "اليزا" باش يكون موجود معاها غادي لشهرين تقريبا و بعد باش ينقلو لامريكا وين تبدا مهمتنا الرسمية،و في روما يا جاد لازمك تقابلها عن طريق الصدفة و باش تقعد بين المرة و المرة تظهر في طريقها و تحاول على قد ما تقدر تخلي بصمتك في قلبها و ما لازمهاش تنسى وجهك و يقعد محفور في ذاكرتها وين تحس انها طاحت سايي هنا يكونو صارو 4 شهور و رجوعنا احنا لتونس معناها باش تغيب عليها و هذا الي حاشتنا بيه لازمها تفقدك و تقعد تفركس عليك و ما تلقاكش لين تعاود تجمعكم صدفة ثانية مزعومة في حياتها و هالمرة في امريكا و في هذا الكل تحاول انو "آد جين"ما يراكش حتى صدفة طان كيف تعرف انو "اليزا"تعلقت بيك و ما تنجمش تبعد مهما كان هنا هي باش تتمرد على خوها باش تعكسو و تولي تتصرف من وراه و تخبي عليه،توا وقت دخولك انت للفيلا متاعو و اهم حاجة يا جاد انك تكسب ثيقتها خاطر من غيرها ما انجمو نعملو شي هي الوحيدة خلاف خوها تعرف الي حاجتنا بيه وين محطوط و هي الي باش توصلنا.. خذا شفما لليوم بقية التفاصيل تعرفها كيف نوصلو
-باهي هذا الكل مريقل نشالله غير توفى هالحكاية على خير و نوصلو للهدف متاعنا،كهو نقوم انا!!
-لا لحظة قبل ما ننسى
قام جوزيف جاب ابراي صغيرة و قعد قدام جاد
-اي هات هات اك الوشام متع رمز المافيا لازمو يتنحى و معاهم حرف"J" حتى انا باش انحيه زادا و يالنسبة للشعر تو نرازلو حل عدنا شوية وقت غدوة تو نتصرفو و كيما وصيتك على هالطبيعة و الشخصية الزفتة لعندك نحاولو نكونو الزوز على فرد خط،الاولاد من اليوم الزلقة تهز للموت😌
تفاهمو مليح و هز روحو و رجع للفيلا الثنية رحاها رحيان وقتاه بركا يوصللها و يشوفها يملي عينو منها،و دوب وقف الكرهبة فالباركينغ متع الفيلا هبط فيسع و ديراكت لبيتها دخل يلقاها متكية تعدا عمل دوش لبس و مشالها قعد على حافة الفرش من جيهتها طبس باس كتفها و غطاها مليح حسها تحركت
-اثارتي رقدت؟😓
-لا هاني مازلت مقلقة شوية،وينك انت قتلي ما نبطاش مشيت غبرت
-الله غالب تشديت بقضية
يحكي و داخل تحت الغطى
-اي ايجا ارقد عندي غدوة ماشي راني
-سامحني شكون شدك...
قصى عليها كيف جبدها ليه و غطسها في صدرو و تلهوث عليها كيف الحنش😂
-اسمعني مليح يا بنت صالح انا هاني ماشي و ما راجع كان بعد 4 شهور تردلي بالك على روحك و على ولدي مليح انت توا فالثاني ما تمشي تعرف البيبي طفلة والا طفل كان ما نجي انا و يحبك ربي تمشي من غيري هاني وصيتك من انذر فقد اعذر،اك التفرفيش و التنقيز متاعك تخليه على جنب تاكل مليح و تستحفظ على روحك ما تخلينيش متحير عليك عيش عزيزتي تستحق اي حاجة اسامة و اثير معاك و حقا راهو وافق باش يسكنو معاك تلبس مليح و ما تعبش روحك،الجماعة ما تقلهمش توا عدي شهير هكك و اكيد تو يلاحظو وحدهم سي نو قلهم..و اياك ثم اياك اتعب روحك و تحرق مخك فالخدمة ركز على تكملت قرايتك و بعد ساهل باهي عزيزتي
-باهي يا سيدي مريقل نسيت خاجة ما قلتهاش😒
-صايي فرغت قلبي،و توا وقت نوم ايجا عندي...(حطواااااا جاااام قبل ما تقراااااو)
نهار جديد و بداية جديدة بالنسبة لجاد و جوزيف،طريق قديم باش يرجع شيطانا يمشي فيه،طريق حمد ربي انو جاء نهار و بعد فيه عليه و خرج من حفرة الاموات لكان غارق فيها،توا راجع مضطر بالغصب لازمو يرجعو،هذا الرجوع الاخير الي باش يرجعو للدنيا و لعيشتو و حياتو العادية،هو توا ميت حي،لازمو يرجع من بين الاموات لعالم الاحياء و ما يرجع كان ما يمشي فهالطريق الطويل الي نسبة الرجوع منو ضئيلة ...
حل عينو عليها كانت راقدة في حضنو هادية عكس ليلة البارح لعداتها الكل متقلقة و تاعبة،كان راقد لين حسها قامت بزربة مالفرش و بعد يسمع فيها ترد بصوت يبكي قام مفجوع خلط عليها عين مغمضة و عين محلولة طبس عليها يدو على كتفها يمسح عليها بحنية يسأل فيها متحير😓
-ايثار شبيك تبكي،تكلم عيش عزيزتي، لطف عليك😣
قحرتلو على جنب دزتو و قاتلو اخرج و رجعت ترد ما تحبوش يراها فهالحالة مش حاملة شي،كان انو يتنحالها احساس الدوخة و الوجيعة لحاستهم😢اما هو ما خلهاش زيد شدلها يدها و بقوة و لصق فيها كمل يمسحلها على ضهرها❤
-امان جوزيف قتلك اخرج😢سيبني
-اما نسيبك متع دين بوك،باش نقعد معاك ديما فالباهية و الخايبة و في حلاتك الكل.
ما رجعتش عليه و قعدت فالقاعة دايخة ساقيها مش حاملينها،قيمها هو غسللها وجها و نشفلها حملها بين يديه و حطها فالفرش،هي مسلمة ما عندهاش لا القدرة ولا الجهد و لا حتى طرف قوة للكلام باش تعاركو غطاها و هي تكمشت على روحها ضمت يدها لبعضهم وخنست،دخل بحذاها ميت بالنوم و التعب اما ما نجمش يرقد و يخليها في الحالة هذي خايف تعاود تقوم و ما يفيقش بيها حسها بدات تنعس باش ترقد طمان و غمض عينو شوية لين هزو النوم رقد، يسمع في صوتها تناديلو
(حطوااااا جااام قبل ما تقرااااو)
الحلقة 34:
-جوزيف،،دجو،،قوم امان حاجتي بيك😔
-ممم شبيك ايثار لتو مقلقة
-لا سافا
-مالا شبيك ارقد ارتاح
-باهي قوم الزززح احكي معايا،كيفاه باش نحكي و انت غامم راسك😒
-هاني فقت عزيزتي شبيك
قام اتكى عالمخدة ما لابس شي مالفوق😍كانت دايخة خزرتلو و قعدت مبحلقة فيه،تخزرلو بإعجاب كلاتو بعينها ماكلة مركزة مع كل تركينة في صدرو،مع كل عظلة في يدو و عروقو لظاهرة فيهم و كرشو لكانت مفصلة تقول طوابع شكلاطة، شعرو لمفرعس و عينو الناعسة بالنوم، مشهد كمل على ما بيها و زاد دخلها بعضها و لخبط مشاعرها الي بالاساس مفرعسة، الشي الي خلاها ترمات عندو حطت راسها على صدرو و عنقت كرشو،كان بدنو سخون و دافي حسسها بالامان و الراحة، تذكرت هك الليلة، الليلة لسلمت فيها كل ما تملك و اغلى ما عندها لجاد،لروحها و حب حياتها،تذكرت تفاصيل بدنو و كل تركينة فيه الي مزال محفور في عقلها و قلبها و مستحيل تنساهم،و الذكرى لجذبت انتباهها اكثر هوما الشلط السبعة الي في كرشو ماللوطا،قتلها الفظول و نساها شكانت باش تقلو،توا ما تحب كان تعرف حاجة وحدة اما بقات مترددة خافت يفهمها بالغالط اما مش هاممها اعطيها برك تتأكد من الشكوك الي قتلتها،هو كان مصدوم من حركتها كان هادي و ناعس بالنوم اما هاذم الكل طارو منو وقت حطت راسها على صدرو و كبشت في صدرو تصدم اكثر و شعلت نارو لين تحرق و حس بدنو ولى رماد وقت هزت الغطى لكان ساترلو نصو اللوطاني،لابس سروال قري كارووات تاي باا عاللخر😂ذاب و مات وقت عدات يدها على كرشو ماللوطا تتحس فيها بيديها الصغار تصدمت وقت ما لقاتش التراس جاتها خيبت امل كبيرة كانت متوقعة و حاسة انو باش تلقاهم و يتبدل كل شي عايشينو توا، ما كانتش عارفة شنو عملت فيه و شنو خلفت لمست يديها بعد ما نحاتها،ما حستش بالرعشة لسرات في بدنو و البلاصة لقعدت لاهبة تحرق فيه ،كيفاه عض شفايفو و غمض عينو و شيع راسو من قوة الاحساس لحسو ،حاول يهدي روحو ما فهمش شنو قصدت من حركتها هذي و شنو حبت تعمل و الا تعرف،ما كلمهاش كتفى بإنو يشدلها يدها و يحطها على صدرو و يخبيها عندو غرس شفايفو باس شعرها و رجع يخمم،خيم الصمت و سيطر عليهم و عالبيت،صوت الريح القوي الموحش خلا الذكريات تتضارب في راسها هي و التخمام يهز فيه هو و يجيب حاول يفهم حركتها من غير ما يسألها و يحرجها خاطر عارفها ما قصدت شي و زيد مش عوايدها
(حطواااا جاااام قبل ما تقراااو)
و لا يتوقع انها تبادر بحاجة كيف هكا، ديراكت تذكر ليلتهم و كيفاه بعد ما كملو حطت يدها كيما توا و سألت على سر هالاجراح السبعة لعملهم بيدو و كيفاه تأثرت بيهم بعد ما حكالها و عرفت قداه تعدا بمراحل خلتو يكون هالانسان البارد المتحجر و يوصل يولي شيطان،حكاية الشلط السبعة كانت كيف التحدي بينو و بين روحو،سبق و خذا عهد على انو سابع حاجة تصير في حياتو و تخلفلو ندبة والا فرحة والا تخلي حياتو تاخذ منحنى آخر المهم حاجة بيزار بالنسبة لشيطان عايش في رفاهية جحيمو وقتها هو يتخلى على هالطريق و يعتزل و يرجع عايش كيما عايشين العباد،يعيش حياة عادية كأيها الناس،و كل شلطة يرشمها في كرشو كيما تنجم تخليه يتخلى على عالم النافيا والاجرام كيما زادا تتجم تخليه يغرق فيه و قرارو يرجع لقوة الحدث اذاكا و مدى تأثيرو عليه اول شلطة كانت فقدانو لامو و حرمانو منها،الثانية اول نهار دخل فيه للمافيا،الثالثة اول جريمة و اول روح قبضها،الرابعة ولى زعيم المافيا،الخامسة تلقب بالشيطان و تجرد من كل احاسيس العاطفة و الطيبة و اهمهم الرحمة و الشفقة،السادسة موتة بوه،والسابعة آخر نقطة طوال الزمان والا قصار كان متأكد انو باش يوصللها و باش يجي النهار الي باش يلقى فيه انسان مش بالضرورة مرا يكون هو السبب في التخلي على عالمو الخاص، و آخر شلطة رشمها وقت عركتو هو و اسيل في بيتو و اصرارها انو يردلها جميلها بعرسو من جود ايثار وقتها متخبية فالدريسينغ تسمع الشلطة السابعة كانت دخول ايثار لحياتو و تقبلو لحقيقة عشقو ليها،كانت هي ملاكو و خاتمة اوجاعو لستناها سنين... تبسم بوجيعة و مرارة و فهم انها هي زادا تذكرت ليلتهم المجنونة و اكيد تبسمت و توجعت كيما صار معاه هو توا،فهم انهم كانو املها الاخير باش تثبت صحة شكوكها اما مش جاد الي يحصل😏الجلدة الاصطناعية ديما معاه ما ينحهاش كان كيف يدوش و ستر ربي ما نسهاش، غاطس في افكارو لين يسمع فيها تكلم فيه بصوت كلو تبهنيس و دلال😆
-دجو😍
-روحو❤
هزت طولها شوية و خذات مجلة كانت بجنبها حلتها فيسع عالباج لحاشتها بيها رجعت اتكات على صدرو و حطتهالو في وجهو خزرلها مستغرب😕
-شبيك شنو هذي
هزت راسها حطت صبعها في فمها ببراءة كيف العادة ركز معاها حرقتو بهالحركة هالطفلة باش تهبلو بعمايلها و حركاتها قعد يخزرلها قالبة عينيها و معوجة فمها، ضحكتو اما شد تبسيمتو بالسيف😐
-شترا فيها صباط مثلا😒تي ماهي مجلة اتطرشق بالضحك و كبس على كتفها بتعنيقة كبيرة ضمها لصدرو بقوة
-يعمبوك و بو دلالك يافرخة😍😂في بالي بيها مجلة اما شتحب تقول ما فهمتكش عزيزتي
حطت صبعها على تصويرة يدين بالحرقوس و رخات شفايفها تخزرلو من تحت لتحت
-دجو انا شاهية نعمل حرقوس و توا😣
قاتلو هك الكلمتين و بعد اتطرشقت بالبكا وحدها،تصدم و عقد حواجبو مش فاهم لا هالمخلوقة و لا وحمها ولا هالبيبي لشكون طالع من توا و عامل فيه هكا،عدا يدو على شعرو بدا يتنرفز الانسانة الوحيدة الي ما يحبش يرا دموعها و مستحيل يخلي حد يبكيها يزي ما بكاها هو اول ما عرفها و ذوقها الويل😯
-ايثار شنوا هالشهوة في 2:00 متع الليل و حال شتا منين باش نجيبلك حرقوس انا و منين باش نخلقلك حرقاسة توا،يهديك ما تنجمش تصبر للصباح(قوات فالبكا) باهي باهي اسكت عيش عزيزتي،هاني قايم نشوفلك،يا ربي عدي هالليلة على خير و اعطيني الصبر و طولة البال
(حطواااا جااام قبل ما تقراااو)
الحلقة 35:
قام لبس مريولو و الفاست على اساس خارج مش عارف شكون يكلم و لا شكون يدلو جاء لبالو أسامة😂ديراكت هز التاليفون و كلمو ينوقز ما يهزش تذكر انو أثير عملت حنتها فالفيلا و اكيد عندها حرقوس😂 عاود مرة و ثنين و ثلاثة العصب يهز فيه و ينفظ 😡و بكا ايثار زاد وترلو عصابو و حمملو قلبو،شبع في اسامة بالسب كيما حب و شتها و هو يطلب في جرت بعضو ناسي انو عروس جديد و الليلة دخلتو😂 اخيرا هز عليه يسمع فيه يلهث و يتنفس بزربة وقتها باش رجعلو شاهد العقل😁
-تحرك عديلي أثير،فيسع😡
-يلعن جد بوك يا طحان يا......تييييت😬 يعمبو الي عرفني بيك شمطلبك في امي هالليلة الكلبة ما لقيت وقتاه تطلب😠 ااا الربي راني عريس،راهي ليلة دخلتي،راني مازلت كيف كملت،برا لا تربحك يا ولد الياس😠
-باش نحسب روحي ما سمعتكش ، سكر....و عديلي اثير،فيسع اسامة ما تجهلنيش
-شتحب عندها مرتي
-تحرك اسألها كان مزال عندها حرقوس في بيتها
اسامة هنا تشل و فشل طلعو العصب و رجع يسب في جاد😂😂😂
-يا ولد الهجالة يا.......ناسي انا عرايس و طالبنا عقاب الليل و قاصي علينا باش تسأل عالحرقوس😡😠
-زيد زيد حل فمك يا طحان،فيسع اسامة
ما لقى ما يرجع عليه خاطر بالحق فشلو😂نفخ بعصب و خزر لأثير لكانت راقدة بجنبو فاشلة و موجوعة بالسيف تحل في عينها و تتكلم بعد التاليفون شوية و طبس باسلها كتفها
-موجوعة هي مريتي😯سامحني عزيزتي
هذا جوزيف يسأل فيك عالحرقوس والا شنو قلك مزال عندك في بيتك والا؟
-لواه شيعمل بيه الحرقوس عقاب الليل
هنا اسامة فاق مالغيبوبة متاعو و تنحالو الاستراس لركبهولو جاد و تذكر انو حكاية حبالة ايثار مزال ما في بالو بيها حد
-ما نعرش على بوه شكون يناقشو هاكا والا يتجرأ يسألو،مزال والا؟
-اي قلو فما دبوزة صغيرة فالقجر متع التابل دنوي
رجع قلو عالبلاصة و كالعادة لاخر سمع الي حاجتو به اسامة مزال يحب يسب و هو علق في وجهو😂طيش التاليفون و مشى فيسع لبيت اثير جاب الحرقوس و رجعلها
لقاها مزالت تنفنف و تبكي بالشهقة قعد على حافة الفرش و وراها الدبوزة في يدو و هي دوب شافتها فرحة و ولات تضحك
-😕😑وحق ربي انتوما النسا الي يفهمكم يجي يحاسبني،تو نورمال انت،تحس في روحك لباس،كنت تنوح راك و توا تتكشخ 😒طيحتلي انا الماء في ركايبي و فجعتني عليك و توا تضحك اقسم بالله لاك عادية يا كارثة 😡هاو الحرقوس و بعد ش..
مزال يحكي خطفتها من عندو و لصقتها في خشمها تشم فيها،يرا فيها فرحانة سكت و مازاد حتى حرف،كملت شمتها في عقلها و بعد مدتهالو
-ا كهو😲من بكري تغرد عليا و مقيم انا اسامة و شبعت سب و تسخسيخ لاول مرة من عندو باش انت تشمها كهو؟😡
-امان دجو والله مش انا و حاجة اقوى مني الزززح شبيك ما تحبش تفهم😢😢
-ياعمبويا الكلب ااا بنتي اسكت ما تبكيش باهي شاهية حاجة اخرى نجيبهالك!انت صرفت صرفت الليلة
-نحبك تحرقسلي
-انا؟؟😲
-أي انت،علاه شبيك،تي مش توامة انت و جاد،بيروه و بيت نومو القديمة كلهم تبلووات راسمهم هو و مدامكم توامة اكيد حتى انت تعرف ترسم😆
-هات هنا لا يعطينا ما يغلبنا يا بنت صالح يا فرخة،شتحب نرسملك للا؟
تربعت و هي متحمسة بعدت شعرها الطويل حطتو على جنب طيحت مريولها شوية و مدتلو كتفها
-نحب قفص صغرووون في كتفي
هي طيحت المريول و هو ترهوج و قعد مبحر عينو في بيوضية بشرتها،قربلها بدا يرسم و هو مستغرب علاه قفص بالذات!
-ايثار...علاه اخترت قفص؟؟
-خاطرني لتو أسيرة للشيطان😊
هز يدو يتبسم بوجيعة 😓
-و شكونو الشيطان
-انت..(قالتها بكل هدوئ و ثيقة بالنفس و كأنها تحب توصلو انها للتو شاكة و متبعة احسسها و الي يقلها فيه قلبها)هههه أسيرة لجاد و باش نقعد طول حياتي..
باس كتفها بكل معزة و حب،بوسة طبعها عبر بيها على كل كلمة كان باش يقولها و حصلت في قراجمو لين غص و سكت
-خليها تشيح شوية ما ترجعش المريول
-وووه كملت😕
-اي سي بون،تحب تشوفها؟؟
-لا حتى تكملي و نشوفهم فرد مرة
-علاه للا ناوية تبيتني على ركايبي الليلة و انا نرسملك 😒
-امان دجو والله مش من...
-باهي اسكت نعرف مالبيبي و مش منك و شهوة نقص مالتخرنين برك😑
ضحكت بتبهليل و هزت مريولها شوية
-شاهية فراشة في جنبي ماللوطى
هز حاجبو و قحرلها
(حطواااا جاااام قبل ما تقرااااو)
-ايثار انت ماشية و تهبط بيا لوطى و ربي يعدي هالليلة على خير😑راهو تصير حاجة تتحمل انت المسؤولية خاطر حتى انا وقتها راهو مش مني
قرنت حواجبها و خزرتلو مش فاهمة قصدو😕
-تو انا اونسانت و نتوحم و هذي شهوة مالبيبي و انت سامحني شنو الي باش يصير و مش منك؟؟
قربلها يتنفس في رقبتها هاز عينو الذابلة من قوة الاحساس فيها يخزرلها على جنب
-ينجمو يصيرو برشا حاجات مش مني، مالشيطان الي فيا 😈😉
غمزها و بعد عليها لين وجها ولى كيف الطمطومة و دخلت بعضها بقات اتدور في عينها فالبيت كان في عينو هو عرفها فهمتو قعد يضحك عليها و بدا يرسملها فالفراشة و هي بلعت لسانها ما زادت حتى حرف
-كهو للا!سافا هكا؟يزي والا تحب نزيد نهبط😂😛
-لا لا سي بون تيك الصحة😓اعطيني المراية نشوفهم
-ما عدناش مراية صغيرة هوني قوم ادخل للدريسينغ اوكا زوز مقابلين بعضهم يظهرولك بالباهي😑
قامت و قعد هو فالفرش يتبع فيها بعينو بكل حب،يعشق في كل خطوة تخطيها، يتخيل في كرشها كيفاه باش تكبر و كيفاه باش تولي هي بعد،مش باش يكون حاضر معاها اما اكيد باش يتابع اخبارها و حركاتها في هالبيت و البيرو بكل تفاصيلها،يسمع في ضحكها قام خلط عليها يرا فيها واقفة قدام لمراية و كل مرة تدور لشيرة باش تزيد تشوف نقشة الحرقوس، فرحانة بيهم مش نورمال كيف الطفلة الصغيرة،قربلها حط يديه منا و منا و باس كتفها،خزرلها يحكي معاها عالمراية
-عجبوك صغرونتي؟
-اي برشا،مرسي دجو،يخليك ليا و سامحني قيمتك من نومك و انت تاعب و مسافر غدوة، و سامحني خاطر غششتك و سمعت سب اسامة و سكت في جرتي و على خاطر جبتلي الحرقوس و و سعت بالك على تخرنيني و خذيت بهواية في كل شي😘
دارتلو طلعت على طراف صوابعها تحاول توصل لخدو،ما نجمتش رجعت عادي و رخات شفايفها ضحك عليها و هبطلها هو شوية تبسمت و باستو على خدو 😍
-عيشها الصغرونة يا ربي😛
حط يدو على كتفها و رجعو للفرش باش يرقدو شوية،متقلق و متحير عليها مش عارف كيفاه باش يعمل هو توا معاها و هي في امان خايف لا تصيرلها حاجة كيف يسافر و يبعد تفكر آخر مرة وقت قريب يخطفوها رجال "آد جين" خايف يوصللها مرة اخرى،رغم انو عمل حسابو و خذا احتيطاتو في كل شي اما مزال خايف خاطرو ما يطمان عليها كان معاه والا مع جوزيف..
-ايثار،،انا سوايع و نكون بعيد عليك برشا حط في بالك انو في هال4 شهور مش باش نكلمك كان وقت الضرورة و ما تعرش عليا وقتاه نطلبك و كل مرة باش نكلمك من رقم لذا صنعت انك ما تهزش على رقم ما تعرفوش نحيها،وقت ترا رقم غريب ما تهزش انت ديراكت اعطي التاليفون لأي راجل بحذاك و ما يرجعهولك كان كيف نبدا انا حد آخر لا،تفهم فيا؟(هزت راسها معناها اي)ترد بالك على روحك الدنيا باردة تلبس مليح و تاكل مليح و تواضب على دواك و على رونديفوواتك عند الطبيبة،مع الوقت الجماعة باش يعرفو بحبالتك اعرف كيفاه تتصرف،تركزلي على قرايتك خاطر ديجا هك قريب تكمل و البروفات حكيت معاهم باش يجيوك للفيلا من غير ما تمشيلهم انت،ما تعبش روحك فالخدمة و اياك ثم اياك تروح بعد 8:00 و هاني عملت معاك الباهي خاطر اكيد باش يجيك نهار و تتلز تبقى تخدم،عندك خدمة تروح بيها معاك للدار،توحل في حاجة سوا فالخدمة والا غيرها تهز تاليفون تكلم اسامة و الا اك الشايب مش غيرهم، السكريتار متاعك انا مش عاجبني اما سي بون مدامو مريقل فالخدمة و يحترمك تو نعديه،الخدمة والا اي بلاصة عمتلك شوفار بالذات ليك وين انت وين هو،فديت ما تحبوش و تحب تسوق كرهبتك والا غيرها نسمع بيك خرجت وحدك راني والله العظيم اول طيارة و نكون عندك مفشخك بطريحة ما تتحرك كان ما معاك اي حد، ااه و على فكرة عندي ليك سوربريز قبل ما نسافر غدوة توصل نشالله و اكيد باش تعجبك و نزيد انا نطمان عليك شوية..سي بون يظهرلي كملت توصياتي كان تفكرت حاجة تو نقلك عليها..هيا تو نرقدو و ما تقلي شي توا معادش بكري😆😛
ما خلالهاش الفرصة باش تسألو على التوصيات هذي الكل اما متأكدة انو ما حكى هكا كان ماهو خايف عليها و ديجا من صوتو هو يحكي باين انو متحير و متقلق برشا قاتلو باهي و رقدو ..
بعد هالليلة صبحو راقدين شوية و قامو روتار الزوز على صوت تاليفونو الي ما سكتش لقاه اسامة هز عليه الظاهر مزال ما بردش على عملت البارح😂ركح التاليفون على وذنو و رجع رقد مش يسمع فيه حتى شيحكي لين علق وحدو😂قامت ايثار و قيمتو
-جوزيف..قوم ايا النهار راح معادش عليك وقت 9:00توا
حل عينو تبسم باسها 😘و قام يدوش، ريقلت هي الفرش و البيت خرج هو يلبس و دخلت هي عملت دوش لبست و خرجت
-ايثار ارجع شيح شعرك ما تشيحليش ريقي عالصباح 😒هذا مازلت هنا 😡
-باهي سامحني
-جرب عاودها،حط في بالك انو عيني باش تبقالك فالبيت و في كل بلاصة تمشيلها
-باهي هاني نشيح اسكت عاد😑
-صحيت😍شنو بروقرامك اليوم؟
-مش باش نعمل شي كان اني نعدي نهاري معاك خاطرك مسافر😢و زيد نتفكر البارح قتلي عندي ليك سوربريز و توصل اليوم
واقف قدام المراية يلبس في منقالتو طيشلها بوسة من بعيد و غمزها
-هههه ابب انا نسيت و انت لا
-عاد انت قلت،شمدخلني انا تتحمل مسؤوليتك والا كلام الليل مدهون بالزبدة؟
-😂نفدلك اي نفطرو و نقصدو ربي
كملت هي عملت حجابها و هبطو لقاو الجماعة حتى هوما فاقو روتار و قاعدين يفطرو،صبحو عليهم و قعدو معاهم، وصلو ميساج قام خرج، شوية و بعثلها هي ميساج قلها اخرج هاني فالجنينة التيلانية، قامت مشاتلو مستغربة مش عوايدو، وقفت بعيد عليه شوية ترا فيه واقف يتبسملها و في يدو بوكاي ورد احمر كبير قربلها مدهولها و اكثر ما كان يتخيل فرحتها بيه كانت كبيرة باستو و غرست راسها تشم فالوردات شدها من يدها و خرجو ركبو فالكرهبة و مشاو، كانت فرحانة بالجاست لعملها خاطر ما كانتش تتستنى في فازة هكا منو،ثنية كاملة يحكيو لين وصلو للمزرعة متاعهم،هبط و حللها الباب طلعو الدروج و وين وصل بيها للفيراندا غمضلها عينها بفولارا حمرا و قعد يمشي فيها خرج المفتاح من جيبو و حل الباب و دخلها و قعدو واقفين تحس في حاجة تجري جاية ناحيتها و قعدت اتدور بين ساقيها و هي تضحك
-يااا هذا مش صوت كلب😍امان جوزيف نحي الفولارا خلي نشوف الززح
هو نحالها و اول ما حلت عينها ترا في كلب صغرون محلاه من نوع "هاسكي" أبيض و قري يشبه للذيب شوية،على رقبتو سانتير روز ظاهر فيها انثى مكتوب عليها اسمها"بالما" فرحت بيها لدرجة ولات تصيح و تعنق في جاد،طبست عليها هزتها بين يديها تبوس فيها
-عجبتك السوربريز😍
-اي والله احلى سوربريز،تهبل محلاها، تعرف شنو معناتو اسمها
-هههه لا قلي انت تعرف؟
-اي "بالما" معناها عسل
-كيفك معناها؟😍❤عجبك الاسم والا تحب تبدلو
-لا سي بون عجبني خليه😘هذي الي باش تخليك مطمان عليا..تي هي صغرونة قد الطرف🙈🙊
-هههه ما صغرونة كان انت عزيزتي ستنا تكبر شوية تو تراها قد شنو تولي،النوع هذا يكبر فيسع لدرجة انك تنجم تطلع على ظهرها،هذي باش تولي كي ظلك ديما في جرتك و ما تخلي حد غريب يقربك غير اتلهي بيها مليح باش تستانس بيك😙
-تقول انت يولاو عندي 2 بيبييات
-لا 3 و انا اولهم😘
-اممم اما قلي جوزيف كيفاه عرفت الطريق للمزرعة و انت اول مرة تجيها و ما فيبالكش بيها اصلا
سكت شوية يخمم في كذبة خاطر كلامها صحيح،تكلم و هو يحاول يخفي التوتر لخلفو سؤالها عليه
-و الي عندو أسامة يحير في حاجة😉
-بلاهي سيبو مسكين هاكا من عملتك ليه البارح كان جاء قريب نأكدلك راهو هد عليك للفيلا😂
-هههه اي وانت خليت فيا عقل البارح تي نسيت انو معرس الراجل و ليلة دخلتو تي هز عليا يلهث مش لعب 😂
حشمت من كلامو حطت يدها على وذنها ما تحبش تسمعو
-آآ يوي امان بالله اسكت ما تزيدش توصفلي ما نحبش نسمع😂
كملو عملو دورة في المزرعة يفدلكو و يحكيو و بعد رجعو للمدينة مشاو فطرو وحدهم كملو حبت تتمشى شوية،خرجو مالمطعم شدها من يدها و قعدو يتمشاو لين تعداو من قدام بوتيكات متع دبش
-ايثار ايجا ندخلو
(حطوااا جاااام قبل ما تقراااو)
الحلقة 36:
-لواه شعندك في دبش النسا سيب علينا
-تي امشي و اسكت، الدبش لي عندك الكل اكيد بالحبالة باش يضياق عليك و انا باش نكون بعيد 4 شهور،تنجم تشري وحدك صحيح اما نحب نشريلك على كيفي
-امممم اي مالا شد عندك جبتها لروحك،ما تقليش ساقيا وجعوني برك،دوري باش ننتقم😈😈
دخلو للبوتيك الكلهم قعدو باهتين يتهامزو عليهم،لين فد كيف شاف ايثار مش مرتاحة،مشى لمولا البوتيك يحكي معاه و يصيح😡
-سامحني ياخي كل كليون يحب يدخل يشري تقعدو تهزو فيه و تحطو هكا😡لين يتقلق هو والي معاه ويهج كان تحبو يتسكر و يتقطع قسمك راني حاضر في كل وقت،هذا الي بيك ماهو انت
-(ايثار تهدي فيه)دجو امان يزي هيا نخرجو كهو معادش عيني
-لا انت الي عجبك من هنا دونك ما تخرج كان ما نشريلك كل حاجة تحبها
-يا مسيو سامحنا سوء فهم و تو نفسرلك
-اي هاني نسمع تفضل
-الي يخدمو هوني الكل و حتى انا شبهناك برجل الاعمال مسيو جاد بن الياس آل راشد الي توفى في حادث
-اي الله يرحمو انا خوه التوأم و اسمي جوزيف و هذي مرتو فما مشكل يعني،لازم تعملو منها مشكلة و تقعدو تتهامسو لين نتقلقو شهالحالة هذي
-الله يرحمو و لينا الشرف انو نتعرفو عليك سامحنا مرة اخرى،ريض روحك عيشك حقك علينا،سامحنا يا مدام و البركة فيك و يصبرك مش بقصدنا 😓
على قد ما تنرفز خاطر هي تقلقت ما برد كان بالسيف و هك الراجل يطلب فالسماح و يعاود،رجع عادي دوب الي شافها تبسمتلو و غمضت عينها و حلتهم معناها هدي روحك، رجع عادي كأنو لا كان يصيح ولا كان منرفز،بطريقتها عرفت كيفاه تخرجو من حالتو و تهديه،بدا يختارلها فالدبش و هي تقيس و تخرج توريه و هو مش عاجبو شي،هذي باهية هذي خايبة هذي ضيقة و هذي ما عجبتنيش هذي تواتيك فالخدمة هذي ما تمشيش فيها محزوقة برشا،كان مركز و حارص اكثر منها على دبشها، ختارلها كل شي على ذوقو
-اي توا كملنا الدبش مزالو حاجات في ساقك و نطيرو للدار
-امان بالله يزي اول مرة في حياتي نفد من شريان الدبش و الدوران،تي شوف روحنا بالبوتيكات الكل للدار
-ههههه جاب ربي توصي فيا باش ما نبداش نتشكى ياخي هك انت الي بديت
-تي عندي الززح لواه تزيد نشريلي
-علاه للا بالك ناوية تمشي تخدم في طالون،كان صدقني ربي حرمتو عليك والا انا غالط😒امشي ايثار ما تجهلنيش اليوم
دخلو لبوتيك آخر شرالها الانواع الكل مالاديداس بانواعو لانايك للباسكات وووو كل ما تعجبو حاجة و يتخيلها على ساقها يهزها لين ولاو شبعة صنادق خلص و خرجو كملو دخلو ختارلها البرفان الي يعجبو هو و يحب يشمها عليها
-اسمع اك المكياج خوذو وحدك ماناش حبيبات و ما ندل فيه شي
-الحمدلله خليتني نختار حاجة وحدي😒
هو زادا شرا دبش واكيد على ذوقها هي كملو قضياتهم حطو كل شي فالكرهبة و روحو مزال كيف دخل و كلمو أيهم باش يمشيلهم،قلها تو نجي و خرج طلع فالكرهبة و طار،خاطرو باش يتوحشها المشية مجهمة عليه،وهو معاها نسى الدنيا الكل،نسى انو لازمو يحضر دبشو و اوراقو و كل ما لازمو غادي،نسى الاولاد الي تفاهم معاهم باش يعاودو يتقابلو،نسى انو لازم ينحي الوشام الي على بدنو،معاها نسى حتى انو مسافر بعد سوايع قليلة و باش يخليها هي وراه اما الاولى و الوحيدة الي في قلبو،الوحيدة الي ما لازموش يتفكرها والا يخمم فيها،مجرد انو خمم في هاذم الكل قرر انو يتجاوزو كل شي و يلغي الخطة والانتقام و كل حاجة قرر يعملها و يمشي يحكيلها الحقيقة،اما بعد هذا الكل لازم يحضر روحو للحبس المؤبد كان مش للاعدام،استهدى بالله و كمل ثنيتو ليهم 3 سنين اهونلو من انو ينسى فكرة يرا حتى شبح خيالها مرة اخرى😟 وصل كالعادة راكا الكرهبة في بلاصتها و دخل
-بلاهي وينك سي الزفت توا جاي😒
-دجو سافا،الله غالب شمزال و نطيرو ياخي قعدت نطير في وحشة😉
دخل ايهم هاز القهاوي و معاه واحد آخر،عقد حوايجبو و قام فيسع حط يدو وراء ضهرو باش يجبد سلاحو،حط ايهم البلاتو من يدو و هبطلو المسدس
-اااا معلم باش ترزينا فالطفل هاكا عينينا توا،مافلحك في جبدان السلاح يا خويا😒
لاخر واقف ما تحركتلو حتى شعرة اسمر طويل حرجو اكحل و عينو زرق😍نحى يدو من مكتوبو و قعد جنب جوزيف يترشف فالقهوة و بعد خزرلو و تكلم
-و هذي ابسط حاجة نتوقعها منك،كيما سمعت عليك يا بوس و كيما خليتك😉
جاد هز حاجبو يثبت مليح
(حطواااا جاااام قبل ما تقراااو)
-لا ما نصدقش!!والله ما عرفت دين بوك يا طحان تي هك هنا وين غبرت حفيت و انا نلوج عليك نحسابك مت من هك النهار الاحرف..شوف ااا سيدي هك كبرت و وليت راجل 😂
ضحك و قام يسلم عليه عنقو تعنيقة كلها وحش لعشرة قديمة و ايامات حتى بتمرميدهم و مرارتهم حلووين و ما يتعاودوش
-وين لقيتوه هالكلب يا جماعة،عرفتو تختارو،بديت نتشوق للمهمة مزمرة عليه "آد جين" 😈
-بدلك العشق يا شيطان😏
-هذي هي يا صاحبي"عندما يعشق الشيطان"😧
-وينو الوس آخر مرة ريتو في كندا تقابلنا صدفة
-ههه ما تفكرنيش بالله خونا عريس البارح عمتلو عملة كالبصل 😂😂
-كالعادة انت ما يهمك في شي
-ولى يهمني كل شي يا الخو، ايا ايا نبداو
قعدو الاربعة يتفاهو على المخطط متاعم الي تبدلو فيه شوية حاجات..
آزر 25 سنة من بو فلسطيني و ام المانية مصنف من بين اقوى 20 هاكر'ز فالعالم اول ما تعرف تعرف على جاد و خدمو مع بعضهم و تفارقو في عملية بعدها لا حد يعرف معلومة على لاخر و كل واحد ماشي في بالو انو صاحبو مات قعدو هكك لين تقابل آزر بجوزيف صدفة و غلط فيه و من غادي ولاو صحاب بالباهي و خدمو مع بعضهم برشا زادا و تفارقو اما قعدو كنتكتاي ببعضهم لين عاود جوزيف استحقو فالعملية هذي و كلمو بالوقت جاه لتونس،آزر انجمو نقولو شخصيتو نسخة مصغرة من شيطانا نفس البرود و اللامبالاة متحجر القلب و المشاعر ما على بالو بحد.
-جوزيف:آزر باش يسهل علينا المهمة من تحديد اماكن لاختراق انظمة و غيرهم من حاجات في دومانو،جاد انت اهم حاجة فالمهمة هذي و انت الي عليك الصعيب واكثر حد فينا معرض للخطر بكل انواعو عيش خويا رد بالك على روحك ركز مليح و احنا الكل ديما في ظهرك نشالله ربي يحميك،انا باش نبدل عليك بقدرة ربي مرة معاك و مرة فالمنظمة و ايهم باش يكون جوكيير لازمو يكون حاضر لكل شي،معانا شخص آخر نتعرفو عليه اول ما نوصلو لروما و من توا نعلمكم راهي طفلة باش تعاونا برشا على "آد جين" جاء النهار و اجتمعنا فيه،و سارة جمعتنا حاجة خايبة حطمتنا و حطمت حياتنا،الانتقام الي خلانا نتلمو و في قلوبنا نفس الشر و نفس النقمة لنفس الشخص لواحد كهو،كل حد فينا عندو حكاية مع هالسفاح و خوه،كل حد فينا تحرم و مزال محروم من حاجة والا انسان عزيز عليه و كان"آد جين" سبب او متسبب فهالفقدان، ربي معانا نشالله و يوفقنا..
-أيهم: ما تقليش الي بالي بالك😉كان هي جو صاحبي
-آزر:الصنعة هي هي😒 مالكلام الكل ركزت كان على النقطة هذي
-ايهم:بلاهي اخطاني اانت،ماشين للموت بساقينا صاحبي،نركز و نزيد نركز بابا😁
-جاد: سافا ريقلتو اموركم و اتدربتو مليح؟ كيما قال أيهم ماشين للموت بساقينا عدنا مديدة على مجزرة
-آزر: عقوليتك ما حبتش تتعدالي صاحبي، كيفاه نجمت تقعد في تونس بلا قتل و حرق و سلاح و عياط،سيبت المافيا و جحيمك و الدنيا الكل وراك و نورمال عندك و برا عديناها اما الي صادمني اكثر انو عيشتك هنا عاجبتك و انت الي نعرفك كنت رافض مجرد فكرة انك تحط ساقك فيها تونس والا حتى تمشي في طريقها
-جاد:ما سيبت شي هاني خوك راجع
-آزر: مكره و فوق من قلبك خاطرك خذيت قرارك
-جاد:فرخ راك دين بوك لتو مازلت تحاول تقرا افكار العباد يا عامل و لتو مكبش تقرا في علم النفس والا شنو ؟
-آزر: باش انجم نفهمك صاحبي حالتك ولات مستعصية 😛
-جاد:ياادنيا آزر كبر و يفرك فيهم عليا😏
كملو حكاو و تفاهمو بعد ساعة و نص يعاودو يتقابلو فالفيلا الكلهم حاضرين مزال جاد الي لازم يرجع للفيلا يهز دبشو و يودع الجماعة و يرجع خاطر هو و آزر ماشين في طيارة خاصة مع فريق من الشرطة الفدرالية الامريكية جاتو بالذمة من شيكاغو بما انو ميت بالنسبة للعباد الكل و السفر متاعو لازم يكون غاية فالسرية،أيهم و جوزيف يمشيو للمطار طالعين من غادي اما لازم بعد ما يخرج جاد..
ركب فالكرهبة و شد ثنية الفيلا طلع لبيتو يلقاها قاعدة تخدم باسها و قعد جنبها عالفوتاي اتكى عليها
-صغرونتي سافا!شتحس في روحك مكش مقلقة؟(حطواااا جااام قبل ما تقراااو)
-انا سافا هدي روحك و نحي عليك هالاستراس و القلق لمخلينك على عصابك و ظاهرين على وجهك،كالمي روحك دجو لباس ما عندو ما يصيرلي هك حتى مالقاردكورات حطيتلي زوز😑
-سامحني عزيزتي ما حبيتش نقلك باش ما تزيدش تتحير و يمشي فيبالك فما حاجة، استحمل كل شي حتى نرجع و صدقني باللي عملتو الكل باش نقعد متحير و قلبي معاك خاطر ما نطمان كان كيف تبدا معايا،من آخر فازة صارتلك وانا مش معاك بقيت شوكي و لعلمك مش كان هاكم الزوز لازم يكونلك قراب قراب اما فما الي باش يراقبوك من بعيد،ماتخافش و ما تحط شي في بالك عيش حياتك عادية كيف ما تحبها انت ردلي بالك على روحك و ما تخمم في شي😘
-الله يبارك يا سيدي،طلباتك اوامر،اي قوم اقعد حذايا نحضرلك فاليزتك
دخلو للدريسينغ جبدت فاليز كبيرة و بدات تحطلو في دبشو ساكتة عينها ما هزتهاش فيه لا تبسيمة و لا حتى خيال كلمة على شفايفها ،مزال قدامها اما حاسة بفراغ كبير،من توا حست ببرود البيت من بعدو، الدار الي باش تفرغ عليها في غيابو لا هو لا اثير،كيفاه باش تكون اياماتها من غيرو و من غير اختها قبل رجوعها،كيفاه باش تكون الشهور قبل رجوعو ليها،نفس احساس الوحدة الي اتدور اتدور و بعد ما تتملى حياتها بالعباد ترجع تحس و تعيش مرارتو،امها،محمد خوها،جاد،و بعد بوها هاذم الكل مشاو توا اختها الي عمرهم ما تفارقو نهار و جوزيف..جوزيف،قعد الاسم يتعاود في قلبها،بالاحرى جاد هذا قلبها شنو يقلها هو مصمم و هي متأكد من احساس الي عمرو ما خيبها..
قاعد مقابلها عالفوتاي و هي تمشي و تجي قدامو ساكتة مش عوايدها عارف شنو حاسة و قداش موجوعة و قلبو مقطع عليها،الوقت مش مناسب جملة باش يخليها وحدها في اهم مرحلة لازم يكون فيها معاها اما الله غالب هكا الضروف حكمت و هكا ربي كتب،شدها من يدها وقفها و مع لمست يدو هبطت دموعها حارة من عينها على خدها قام وقف قدامها نحالها فولارتها استنشق ريحتها الي يعشقها و حطها في جيبو،عنقها عندو حالتو مش بعيدة على حالتها ماشي و مخلي روحو مع اكثر روحين يعشقهم في حياتو و راجع ليهم مهما كلفو الثمن و باش يعمل المستحيل على خاطرهم،اول ما حطها على صدرو كبشت فيه و بكات بحرقة فتفتتلو بيها قلبو و زادت على ما بيه،هزت راسها بعدت عليه شوية نفنفت خشمها و مسحت دموعها بكف يدها بكل براءة و نحاتلو الفاست الي لابسها حطتها عالفوتاي و كملت نحاتلو مريولو
-هاذا باش يقعد عندي😢
ضحك على هبالها و دلالها الي في كل مرة تشعلو نارو بيهم 😂
-يعمبوك يا هم حتى تبكي محلاك 😍العينين يفتاحو و الخشم معادش يظهر و الوجه يولي طمطومة،يزي مالبكاء اي عاد ،راني ووالله نبوسك 😛
قالها بتفدليك يخوف فيها ما لقاها كان ترمات عليه عنقتو بقوة و رجعت تبكي، قعد يمسع على شعرها لين بعدت و طلعت عالفوتاي هبط شوية لكرشها باسها و رجع يتأمل في عينها وما يفيق بيها كان باستو هي من شفايفو بشفايفها الدافين الي دوب تبننهم غرق فيهم و نسى الدنيا و اوجاعها هزها في حضنو قعد يبوس فيها و يعاود بكل وحش و حنية،هبطها بالشوية و عنقها
-ايثار ما تخلينيش متحير عليك
-سوى جاد كنت والا جوزيف باش نقعد متبعة قلبي و احساسي انك جاد مهما حاولت باش تقنعني عكس الي شاكة فيه و عندي يقين كبير انو صحيح😢
-اعمل الي يظهرلك اما يزي مالدموع و اتبسم،وريني ضحكتك و رجع فيا الروح، روحي الي ضاعت بين المجهول و المعلوم،روحي الي هامت و ما لقاتش طريق رجوعهاو يا خوفي ما ترجعش💔...
عندما أرسمك "إبتسمي"..
أعلميني أن سيئاتي تغفر في مبسمك،أعلميني أني نقي من ذنوبي..
"إبتسمي" أريد أن أغفر لنفسي و أعتقها،
أريد أن أسامحني و أغفر لي..
"إبتسمي أريد ان أعلم ما هو الحب..
"إبتسمي فأنا أريدك ذنبي الطاهر و خطيئتي الصحيحة..
"إبتسمي" ف بي مبسمك أصبح نقيا..
"ابتسمي" سأرسم ما تحكيه شفتاك و ما تتكلم بيه عيناك..
"إبتسمي" أريد أن أرسم بدايتي و نهايتي بطهرك..
"ابتسمي"...
فالشيطان راحل الآن و بعودته يأتيكي معلنا توبته رافعا اشرعت عشقك..❤
كمنتار ببلوڨر
تعليقات