من الحلقة 1 إلى 36
الحلقة 1
لعبة القدر :
انا جاد 35 سنة PDG متع بانكة عشت تولدت في عايلة فقيرة ابسط الحاجات فيها موش موجودة حتى لبسة الي تعتبر حاجة ضرورية في حياة الانسان اما كنت فرحان بعيشتي الي خلاتلي point noir باش وصلت ليوم PDG متع اكبر البنوك في العالم ونسير فيهم
انا قريت وخذيت الباك avec montion اذاكا علاش تحلو برشا بيبان في وجهي منهم شر ومنهم الخير
الخير الي انا كنت نتوقع حياة وردية وكنت نسخايل ناس الكل عايشة كيفي اما كيف مشيت وقريت في الفاك عرفت الي انا مردوم والي احنا اصلا يمكن مناش موجودين في الخريطة مع الناس الي قريت معاهم شفت الحقرة و شفت الحقد الطبقي الي تغرس فيا بعد ماصارتلي حكاية عمري ماكنت نتوقعها وكانتلي كف بالرغم الي انا عوضت وتو عايش احسن عيشة وماكنتش نحلم بيها اما مانسيتش الي انا جاد ولد الحومة شعبية الي ڨلع بحلمتو وفرض وجودو في وسطهم وبسيف عليهم ووليت واحد منهم وجاء ووليت كيف مانحب وخير كنت حاسدهم نقول شنية ناقصهم اما كيف وليت كيفهم عرفت الي هوما اكبر فقراء على وجه الارض وليت نرقد بالحرابش وقلبي اكحل كيفهم بالضبط وليت نتمنى نرجع جاد لفقير الي ابسط حاجة تفرحو وتضحكو من عروش قلبو اما الي صار موش شوية
قريت في الفاك وحبيت طفلة وكنت نقول صحيح هي لاباس عليها اما موش منهم وهي كانت نقطة تحول في حياتي كنا نضحكو ونفدلكو ونحكيو لين نهار جيت قلتلها الي انا نحب نعرس بيها وهي مارفضتش وهذا الي فرحني حتى لين مشيت لدارهم وشفت بوها وشفت ناس ملمومة عمري ماكنت نحلم نشوفهم واصحابها في الفاك وكانت الجملة الي راسخة في وذني لليوم
لين:ياخي هبلت انت ظاهرلي خاتر كنت نسخف عليك وليت تحب نعرسو جملة تتوقع انا نعرس براجل كيفك
جاد:كنت تنجم تقلي هذا وحدنا
لين:حبيت نوريك قيمتك قدام ناس شوف انت ماتسوا شي في وسطنا انت راك حتى شي
ومن ليلتها خرجت وطيشت كل شي ورايا كان كل همي نخرج عايلتي مالفقر ونخرج روحي ساعة قبل من الازمة الي عشتها ومن هنا باش تبدا الحكاية انا بديت عملت فلوس موش فلوس انا عملت برشا فلوس ووليت كيفهم ليوم نلبس احسن لبسة وناكل اعز ماكلة ونمشي وراس مرفوع ليوم معاش نحشم ملي عشتو خاطر عرفت الي انا كنت عايش في الخير كانت صحة موجودة وضحكة مالقلب ونية صافية واهم شي راحة البال انا ليوم جاد جديد قديم جاد لغني وولد الحومة الشعبية
الحلقة 2
انا نسيت لين رغم حبيتها بالحق وكمية البراءة الي في وجها وضحكتها عكس لكلام الي سمعتو حسيتو موش خارج منها اما لحقيقة اذيكا هي طبيعة الانسانة الي حبيتها وانا مانيش نادم الي حبيتها كانت حرقة ووجيعة اكثر من كل شي هذا الي خلاني بعدها مانتلفت لحتى مرا ومانخزر لحتى وحدة خلاتني نحس الي بلاش فلوس مستحيل يحبوني انا زادة مانيش ملايكة عندي اغلاط وشكون فينا مايغلطش ومحلاه زمان كيف يدور والقدر يلعب لعبتو وفي نهار وانا في البانكة نسمع في راجل يصيح ويقلهم نحب نشوف PDG متع البانكة وكانت خايضة والخدمة وقفت فقلتلهم خليه يدخل ونشوفو علاش عمل هكا كانتلي صدمة حياتي وعمري ماتصورت باش نشوفو بعد اكا نهار الاسود في دارو سي كمال الرياحي قدامي بو لين قدامي هو معرفنيش ومالغش موش لاهي بيا اصلا
جاد:تفضل علاش تصيح شنية الفوضى الى عملتها
كمال:ظاهر فيك ماتعرفنيش شكون
جاد:لا نتفرج في الاخبار ونعرفك سي كمال رجل اعمال وصاحب مشاريع كبرى
كمال:باهي برشا سهلتها عليا
جاد:لتو مافهمتش علاش عملت اكاكا
كمال:انا جيت طالب قرض
جاد:اي وين المشكل اعمل مطلب فيه قيمة المبلغ و سبب القرض واحنا في ظرف 15يوم نجاوبوك
كمال:هههه ظاهرلي مازلت ماكش مستوعب مع شكون تحكي انت
جاد: انت الي ماكش مستوعب انا شكون انت تحمد ربي الي انا عطيتك من وقتي وتو كان فماش حاجة اخرى تنجم تتفضل
كمال:انا راني نعيش في ازمة مالية ومانجم نرهن شي الي تطلبو فيه مستحيل
جاد:وكي تعرف هذا علاش جاي
كمال:انا زادا نعرف الي اسمي بركا يكفي باش تعطيوني قرض موش هكا انا راني شخصية بارزة في بلاد وكان باش نطيح ناس باش تصبح بطالة تعاني
جاد:ماهيش مشكلتي
كمال:اما الحل عندكم
جاد:قداش montent الي طالبو
كمال:40مليار
جاد:ههههه ومنغير رهنية واسمك يكفي
كمال:انا راني وحدي شطر دولة فهمت
جاد:موش عليا انا وانا منجمش نخرج مبلغ مالبانكة هكا منغير رهنية
كمال:المبلغ راو شهريات خدامة موش ليا انا وانا نعرف الي انت PDG وتنجم اذاكا علاش طليت نقابلك
جاد:سامحني منجمش نعاونك
كمال:موش على كيفك
جاد:ولا على كيفك زادة
كمال عرف الي جاد طلع معاه وموش خايف منو كان حاسس الي هو يعرفو اما ماعرفش وين شاف المنظر
كمال:شوف ياسي ...
جاد:جاد
كمال:انا راني بالحق مخنوق ولازمني قرض وانت ظاهرلي مستسهل لحكاية شنوا رايك نستدعاك على العشاء في داري ونفسرلك بالدقيق وانت وقتها حر اما انت عندي ثيقة الي انت تنجم تعاوني
جاد خمم خمم وقلو علاش لا وقت ماتحب
كمال ليلة باش تجي حذايا انشالله معرفة طيبة
جاد:يعيشك
كمال خرج يفكر وين شافو ، جاد كان يقول بينو وبين روحو زعمة كي يعرفني انا شكون باش تتبدل لهجتو معايا ولا
الحلقة 3
جاد عدا نهار كامل وهو يخزر لروحو في المراية قام لبس تبسم وقصد ربي لدار الي خرج منها ذليل وليوم راجعلها اما موش كيف البارح كيف اليوم
كمال: مرحبا بسي جاد كنت نستنى فيك
جاد: وبيك يعيشك
كمال: نجمو نبداو في العشاء
جاد:كان تحب خلينا نبداو في المشكلة خير
كمال:انت ضيفي حتى كان ماناش باش نتفاهمو
جاد:اا صار انتوما ترحبو بالضيف كي يجيكم
كمال:علاش جيت قبل ومافرحتش بيك
جاد:لا علينا في الماضي خلينا في الحاضر
كمال:منغير ماضي ماتنجمش تكون عندك مستقبل
جاد:اذاكا علاش انا تو واقف قدامك
هوما يحكيو والباب طرشق بالمفتاح
كمال:ااا هاي بنتي جات
جاد جمد في بلاصتو ماحبش حتى يتلفتلها اما بوها عيطلها
كمال:بنتي ايجا نعرفك عنا ضيف ليوم
مشاتلو ،مرحبا مدتلو يدها انا لين
بهتت قعدت تغزرلو حسب روحو ماعرفهاش مد يدو ، وبيك وانا جاد
كمال:بنتي شبيك
لين:لا حتى شي
جاد: ايوه سي كمال
كمال:خلي نعرفك هاذي بنتي دلولة المزيانة الي ماطيحش كلمة بوها وانشالله عرسها على قريب
جاد:انشالله مبروك مدام بالهناء يفضلهالك
لين:بابا يعيشك خلينا وحدنا
كمال:بنتي شبيك
لين:قتلك خلينا وحدنا
خرج وقعد يعس من ورا الباب ، جاد الي قرا معايا موش هكا
ضحك ، ايه انا هو يامدام
لين:شتعمل لهنا
جاد:بالطبيعة مانيش جاي نطلب في يدك مرة اخرى بوك استدعاني مكانش منجيش
لين:ياخي لتو حاططها في مخك لحكاية
جاد:علاش هي تتنسى وانا مفيباليش
لين:هاك لابس خاتم ضهرتلي تجاوزتها لحكاية وعرست
جاد:المظاهر خداعة اما وجودي اليوم خاطيك جملة
لين:و شتعمل تو في حياتك
جاد:انا تو PDG في بانكة وبوك جاء باش ياخذ قرض والقرض قيمتو كبيرة
لين:نعرف لحاصل مرحبا بيك في كل وقت ونتمنى توافقلو على القرض
جاد:موش انا نقرر وموش الامنيات لكلها تتحقق
شدتها غصة ،سامحني جاد سامحني
حس بيها الي هي متقلقة انا منسامحس اما ننسى
لين:وانا فرحت كيف شفتك
جاد:مانتصورش اما كي قلتها صادقة
لين:انا مانكذبش
جاد:لا انت تكذب قبل بأعوام كنت تنجم تقلي مانخذكش خاطر ماعندكش فلوس موش خاطر ماتحبنيش
لين:انا مانحبكش وزيد الفلوس حاجة مهمة في حياة الانسان
جاد:ايه كان مجاتش لفلوس مستحيل تحكي معايا راني طرت من الدار هاذي كيف صار قبل
لين:انت راك غالط
خزر للمنڨالة ،عيط لسي كمال معاش عندي برشا وقت يعيشك
لين:جاد
جاد:باش يجي ولا نمشي على روحي
كمال:هاني جيت نجمو نحكيو بحضور بنتي مدام طلعتو تعرفو بعضكم وانا نعرفك
جاد: انا هو الي جاك وقتلو انت ماتنجمش تكون من عايلتي وماتنجمش تكون راجل بنتي شفت طلعت انا نفسو
الحلقة 4
كمال: الي فات مات
جاد:الي فات مماتش اما تنجم تقول الي ماندخلوش هذا في هذا انت تو طالبني في خدمة ولخرا حياة خاصة تفضل كان باش تحكي
كمال:انا نعرف نجم ناخذ قرض من بانكة وحدة الي هي البانكة الي تخدم فيها انت خاطر موش اي بانكة تعطي مبلغ هكا وانا نحبك تفهم الي القرض موش ليا والي كيف باش نطيح موش باش نطيح شوف هاذي ورقة املاكي لكل تباعت انا محتاج شكون يمن بيا
جاد:انا زادة كنت محتاج شكون يمن بيا وموش بالساهل
كمال:انا عندي الحصانة مالدولة واسمي يكفي اما المشكلة مشكلة وقت
جاد:الحصانة ودولة ماتحكيش عليهم معايا وانا راني للتو مانيش عارف فاش نجم نعاونك
كمال:انا راني مانيش نساسي هذا حق مشروع انا طالب قرض وانت لازمك تصحح ووتوافق عليه شوف عايلة باش تدمر وباش نخسر حصانتي وباش يتحل باب جهنم على 4000خدام
جاد:سامحني انا نجمش نعاونك سامحني
جاد خرج وقاعد يخمم راجل عندو لفلوس اذيكا الكل اش وصلو للحالة الي هو فاها مرهون في خلاص خدامة خلاف املاكو الي تباعو
كمال :بنتي ماقعد حتى حل هاك شفت موافقش لازمك تعرس براجل الي قتلك عليه مكانش باش نغرقو
لين:انا راني مانخذش راجل ساق في البر وساق في القبر جرت ديونك
كمال:اسمعني موش على كيفي وكيفك كان مانخلصش باش يصبح محلول باب جهنم وباش تهبط القضايا مالسماء وتتنحى الحصانة واش باش يفضها ومناش باش نجمو نفضوها جملة انت باش توافق بالسيف ماعندك حتى حل ماقتلكش حبو عرس بيه حتى تسلك امورنا وطلق ماغصبك حد باش تبقى معاه
لين:يابابا راو راجل اكبر منك انت الي جبتني هو اكبر منك كيفاه تحبني نعملها
كمال :لازم نضحيو
جاد روح يخمم علاش حس الي هي عندها غصة وتطلب في سماح وتتمنى لو يعطي القرض لبوها كان عندو الفضول باش يسئلها ويفهم علاش اما الكبرياء متاعو غلبو وحسب روحو متجاهلها
عديها ليلة يخمم شنية السبب الي بدل حياة لين وعلاش الحالة دهورت اكاكا
لين:اسمعني بابا اعطيني اسم البانكة الي يخدم فيها جاد
كمال:زايد راو هو جاء يحب ياخذ بثارو كهو حب يورينا احنا شعملنا فيه
لين:اعطيني واش عليك
كمال:انت راك توهم في روحك بحل اخر فماش حل خلاف انك تعرس براجل وترتحني راني صبرت برشا
لين خذات الاسم والبلاصة وطلعت رقدت وحطت في مخها من غدوة باش تكون عندو
جاد قام مشا لحومتو شاف اهلو وناسو وبعد مشا يترانا روح دوش وفطر وقصد ربي للخدمة متاعو
الحلقة 5
سي جاد ليوم عندك اجتماع في لعشية مع رجال اعمال
جاد:اجلو
اما احنا اجلناه اكثر من مرة نخاف لا يتقلقو
جاد:الي حاشتو بينا مايتقلقش منا خليهم يجريو ورانا
ههه الله يبارك
جاد:يعيشك فما مطلب متع سي كمال ابعثهولي تو
حاضر
دخل قعد يقرا في المطلب ويشوف شنية ينجم يعمل ويخمم باش يعاونو ولا باش يرفض المطلب ولين دخلت
عسلامة مدام تفضل فاش نجم نعاونك
لين:نحب نقابل PDG سي جاد يعيشك
عندك معاه موعد
لين:لا اما قلو الي انا لازم نشوفو
دخلت جاد وقف ،دخلها دخلها متخليهاش تستنى
لين:صباح خير
جاد:صباح نور تحب قهوة
لين:علاش لا، كسبة لابس sport
جاد:ماعنديش des réunion اجلتهم وانت كسبة جيت شفما
لين:لازمنا نحكيو
جاد:في خصوص شنية
لين:شوف شنية في صبعي
جاد:ماتفكرتش شنية
لين:كذاب تتفكر هذا الخاتم الي جبتهولي كي جيت لدارنا اول مرة وانا لتو مستحفظة عليه
جاد:لا بالحق مانيش متفكر مانيش نكذب
لين:جاد اخزرلي وركز انا راني نجمش نحكي اكثر من هكا انت كان ماتوافقش على القرض باش دمرلي حياتي
جاد:وانت كيف دمرلي حياتي عادي
لين:انت ماتعرفش انا قداه لوجت عليك وقداه حسيت بالذنب اما انت فص ملح وذاب من نهارتها
جاد: اما انا منجمش نعاونك
لين:انت راك باش تجبرني ناخذ واحد قد بابا باش تجبرني نحي الخاتم متاعك من صبعي وباش تجبرني نعيش مع واحد انا محاشتيش بيه
جاد:مافهمتش
لين:ياخي جد عليك انا نحب نعرس حتى تشوف انت لعروس هاذي راهي صفقة وانت باش تكون وسيط فيها ماتخلينيش ياجاد رد بالك تعمل فيا هكا
جاد: وبوك على اي اساس وافق
لين:قلو الي هو قادر يخلصلو دينو في اقرب وقت ممكن
جاد: باهي اهدا انا قبل ماتجي انت كنت نشوف في المطلب متاعو ونقرى فيه تو نلقاو حل
لين:فما حل واحد
جاد: ولقيت حل زادا شنية
لين:نعرسو
جاد:هههه تحكي بالرسمي
لين:مانيش نضحك انا
جاد:وانا نجمش ناخذك ومانجمش نعرس
لين:اخزرلي في عينيا وقلي الي انت نسيتني وماتحبنيش
جاد:انا مانحبكش
لين:تكذب
جاد:شنية تبدل اليوم ياخي حتى انا متحبنيش كيفي كيف الراجل صاحب
لين:قتلك اكبر من بابا تفهم ولا ماتفهمش جاد
جاد:انا مانجمش نعرس لين لا بيك ولا بغيرك موش حكاية نحبك ولا مانحبكش وتو خلينا نخرجو
لين:الحل في يدك جاد ردبالك تحابسني على غطلتي بالطريقة هاذي يعيشك
جاد:هيا نخرجو
هوما خرجو وهي شافت صاحب بوها الي يحكيو عليه جاي للبانكة مشالها
شتعمل انت لهنا
جاد:وانت سامحني شبيك تصيح
انا نحكي مع مرتي
سامحني سي جاد هاذوما جماعة الاجتماع الي تلغى جاو
جاد:صار انت واحد منهم
هيا اخرج باش تفسرلي كيفاه جيت لهنا منغير ماتقلي ومع واحد مانعرفوش
جاد: هبط يدك قلو تفسرلك يمشيش جد عليا الي هي مرتك راك قد بوها
اما بوها موافق
جاد:اسمعني وحل وذنيك لين موش باش تعرس بيك وممنوع تحاسبها
شكونو هذا
جاد:انا نحكي معاك اخزرلي متكلمهاش هي لين لا وتو تنجم تخرج هي عندها ماتعمل معايا
فما كلام مع بوك تو نتفاهمو
جاد:ظاهر فيك اطرش
لا هاني خارج
الحلقة 6
لين:لازمني نروح جاد
جاد:ايجا لهنا وين ماشية
لين:قتلك لازمني نروح
جاد:جاوبني اذاكا الخامج الي حابب عليه بوك
لين:هو بيدو وزاد طلع يتعامل معاك
جاد:ياخي خايفة منو
لين:انا خايفة لا نتجبر على حاجات انا مانيش راضية خاصة بعد مافهمت الي انت ماكش ناوي تفهم الي انت الحل الوحيد وقاعد تحاسب فيا
جاد: انت راك جبتني وسط ناس بالذمة وهنتلتني يا لين ضحكت عليا ناس لا نعرفهم ولا يعرفوني حبيت تعملني تكركيرة وعملتني
لين:ظاهرلي كلام بابا صحيح انت جاي باش تفدي ثارك لا اكثر ولا اقل بسلامة
خرج يخزرلها طلعت في الكرهبة روحت هز كرهبتو ومشا لدار امو
خديجة:هاو ولدي الباهي جاء يامرحبا
جاد:وبيك امي يعشيك
خديجة: شبيك ماكش قد بعضك شفما
جاد:نجم نسألك علاش محبيتش تخرج مالحومة بالرغم انا عندي فلوس وشريت دار اخرى
خديجة: كان سؤال هذا باش يرتحلك بالك نجاوبك اما مانتصورش هذا شي الي مقلقك
جاد: جاوبني
خديجة: انا راني منلقاش روحي مع ناس لخرا ومانجمش نعيش عيشتهم هاذم اهلي وهاذم ناسي الي حليت فيهم عينيا مانجمش ننكر اصلي رد بالك ولدي يجيك نهار ولفلوس تقلبك على اعز ناس ليك راهي مادوم الحد
جاد: حتى كان هي عملت معاك الخايب قبل وتو محتاجتلك
خديجة: عاوت شفت لين موش هكا
جاد:شفتها واقف في نص مانجمت نعمل رغم لفلوس هاذي الكل انا عاجز كل مانتفكر الي عملتو نتحول
خديجة: اسمع من امك انت حبيتها طفلة حتى كان جرحتك صحيح ولا
جاد:صحيح اما هي حرقتني
خديجة:حسب رايك الي عملتو فيك باهي
جاد:بالطبيعة لا
خديجة: مالا علاش تحب تعملو فيها وانت قادر تعاونها علاش امك رباتك على الحقد
جاد:امي
خديجة: انا نقلك الي طفلة حاشتها بيك وحتى كان لا لازمك تعاونها احنا مناش متع شر ومانكافيوش بالشر الي يجينا ربي رزقك من عندو وعطاك كل خير ولا تحب تولي كيفهم
جاد:مانحبش اما هوما يجبرو فيا هوما
خديجة: نعرف ولدي راجل ونص وموش باش يكون كيفها ماشي فيبالك ساهل عبد يجي يطلب منك تعاونو وعلى خاطرني امك ونحبك نقلك رد بالك تخذل يد تمدتلك باش تعاونها راك تعيش حياتك كل حاسس بالذنب وضميرك يأنب فيك
جاد:نجم نبات لهنا
خديجة: ههه دار دارك تشاور فيا
جاد:يعيشك
تكا في الفرش يخمم في كلام امو قنعتو الي هو موش كيفهم وهو مايحبش يكون كيفهم اما هي كانت خايبة معاه
خديجة: ولدي ماتخممش انت لازمك تجبدها للخير الي فيك موش هي تجبدك لشر الي فيها
الحلقة 7
لين دخلت وبوها عيطلها ، لين
لين:بابا عارفتك فاش باش تحكي وانا معنديش اخلاق تو يعيشك
كمال:وقتاش تولي عندك اخلاق وقتلي تهجج راجل ويفد من تصرفاتك
وخرت هبطت مالدروج ورجعلتو ، ههه راجل انهاو راجل يمشيش فيبالك انت مخك حكاليك انا باش نرضى بيه
كمال:علاش جاد عطاك حل
لين:حتى كان معطاش حل انا مانيش ماخذتو راو ومايهمنيش من هنا لقدام شنية باش يصير
كمال:ماتقليش رجع لحياتك رجع باش يبلبزها من اول وجديد انا كنت عارف هذا انت بدلت رايك خاطرك شفت جاد
لين:قعت تحفر تحفر حتاش لين طحنا في الحفرة وباش نتغمو بترابها وانا نسمع في كلامك ونقول مانلقى كان بابا برغم نعرف الي انت غالط انا ضحيت بالسنين من عمري وضحيت بحب حياتي وخليتو يشوفني شيطان بعد مامنيتو وعلقتو بيا جبت بيه خليتو يكرهني على خاطرك ذليتو قدام ناس خاطرك انت حبيت اكاكا موش انا نحب نفكرك الي بنتك راهي موش كيفك انا راني حبيت جاد لفقير واضح وانت تعرف هذا
كمال:اما لفقير ماينجمش يكون نسيب بوك فهمت بنتي دنيا مصالح
لين:ياخي انا صفقة عندك
كمال:انت بنتي لعزيزة الغالية ونحبلك ديما لخير
لين:هههه شايب اذاكا لخير
كمال:خير مالفقير الي يعيشك في الهم احسن حاجة انك رفضتو
لين:هههه تعرف انا ليوم شعملت انا ليوم مشيتلو وقتلو خلينا نعرسو لفقير اذاكا هو الي رفض بنتك انا رفضتو تحت الضغط اما هو تو معاش حاشتو بيا تهنى انا مخنوقة ومانيش حاملة روحي اي حاجة نحكيو فيها صباح
كمال:لين لين استنى
لين:كهو وفا لكلام وفا سنين وانا ممروجة قلبي تمرج كهو يزي قاعدة نموت راني
كمال:شمعناها
لين:ياخي انا باش عملتو اكاكا شنوا كان شرطي فكرني
كمال:انك ماتعرس بحد خلافو مدام انا موافقتش عليه
لين:هاك جاوبت يزي تو نجم نمشي
كمال:اما
لين:مفماش اما مفماش انا راني جربت ننساه ومانجمتش وجربت نكرهو ومنجمتش انا منجمتش افهم انا مانجمش نحسب جاد موش موجود
قامت على صباح لبست دبشها وخرجت تلقى كرهبت جاد قدام الدار
لين:شتعمل انت لهنا
جاد:باش نهزك معايا اطلع
لين:لوين
جاد:تو تعرف
هزها ومشاو للبانكة تصدمت تلقى لاخر زادا
جاد:اهدا احنا تو عنا réunion ونحبك تحضر معايا قلي شنية اسمو هو
لين: عادل
جاد:واضح هيا من جنبي ماتتحركش ومتخافش
عادل:نجم نعرفو علاش اجلت réunion قبل قداش نقعدو باش نشوفوك
جاد:قد مانحب انا تو كي نبدا حاشتي بيك نشوفك وحدي باهي خلينا نبداو ياجماعة
الحلقة8
جاد:انا ليوم لميتكم عنا مطلب من عند نائب شعب سي كمال الرياحي والمبلغ ياجماعة كبير شوي اذاكا علاش طلبت باش يكونو ناس الي عندهم des action كبار في البانكة حاضرين خاطر هذا مايتم كان بموافقتكم
عادل:انا مانيش موافق
جاد:ياخي انت سمعت المبلغ ساعة
عادل:الاسم بركا يكفي باش نرفض
جاد:سبب
عادل:انا وياه متفاهمين باش نسلمو المبلغ في اقرب وقت
جاد:مالا هو علاش مقدم مطلب للبانكة يفدلك
عادل:انا نتصور بطل اسأل بنتو هاي موجودة معاك
جاد:انا نعرف موش لازم تحكيلي حكايتك تافهة انت ناوي على صفقة تحت طاولة وزايد نحكيو في حياتك الخاصة لهنا موش وقتو ياجماعة المبلغ قيمتو 40مليار وانا عندي ثيقة ونضمن فيه وانا اول واحد باش نصوت تفضلو
لين وجها ولا الوان خزرلها جاد متخافش باش يوافقو
وفا تصويت خرج فيها عادل ضد ،قعد يخزرلو
عادل:اسمعني ياسي جاد انا لو يخرج مليم احمر من هنا نجبد الاسهم متاعي مالبانكة ومعاش نتعامل معاكم
جاد: اقنعني انت علاش رافض
عادل:انا نعرف معندوش منين يخلص
جاد:اذاكا علاش شادو من يدو الي توجعو موش هكا
عادل:ههه اذيكا الدنيا انا مانيش موافق
جاد:وانا مانيش باش ناقف عليك وبقرار مني انا نحب نقلك البانكة استغنات على خدماتك تنجم تجبد الاسهم متاعك وقت ماتحب
قاعة الاجتماع خاضت ودخلو بعضهم كيفاه جاد ياخذ قرار اكاكا ويعرف نسبة الاسهم متاعو توصل 30%
لين:جاد تراجع على القرار يعيشك وخلينا نخرجو قرارك غالط عندهم الحق
جاد:ياجماعة اهداو يعيشكم انا عندي الحل ونعرف فاش نحكي البانكة عندها شريك جديد باش يعوض بلاصة عادل وماهيش باش تبقى بلاش اسهم
عادل:ههه شكون عندو فلوس كيفي وباش يصبهم في البانكة تفضل جيبو شكون باش ياخذ بلاصتي
جاد:مدام لين الرياحي اذاكا علاش حضرت معايا
قعدت تخزرلو، مدام لين باش تحول الاسهم متاعها لهنا
عادل:لا مستحيل
جاد:انا راني يدي متتلواش وتو وفا الاجتماع وطلب متع سي كمال تقبل وشكرا قبول دعوتكم
لين:ياخي شعملت انت فسرلي مافهمت شي
ضحكلها موش قتلك رانا باش نربحو بوك توافقلو على القرض وماكش باش تعرس بيه حليناه المشكل
عادل:انت راك اليوم علنت الحرب معايا
جاد:وانا منخافش منك
لين: عادل يعيشك مفماش علاش تعمل في مشكلة
عادل:باهي خلينا نروحو
جاد:ياسر عندك ثيقة في روحك هي جات معايا وباش تروح معايا كان مايقلقكش
عادل: يقلقني
جاد:عندك الحق حتى انت عشت برشا لازمك تقلق ننصحك عمرك راو موش متع عرس بوحدة قد بنتك اما تنجم تمشي تعمل حجة فكرة موش هكا
لين:ههههه جاد يزي
عادل:تو نشوفو
جاد:لا متأكد ربي يسامحك غفور رحيم راو
لين:علاش عملت هكا
جاد:خاطر انا منجمش نشوفك تتغصور هيا نمشيو
لين:ايجا هنا فسرلي منين جاتني الاسهم
جاد:افرح ساعة لقيت حل تو بعد نحكيلك
لين:ههه مجنون
الحلقة 9
جاد:وين تحب نمشيو
لين:انا نحب نمشي لداركم
جاد:علاش
لين:نحب نتفكر ايامات قبل
جاد:حتى انا نحب نبدل دبشي
وقفو بالكرهبة قدام الحومة يلقاو صغار يلعبو بالكورة جاه يجري
خالو جاد هيا نكورو كالعادة
جاد:تو مانجمش اما نوعدك باش نكور معاك مرة اخرى يا champion
شكون الي معاك مرتك
جاد: هههه لا زميلة فما سؤال اخر
لا شوطلي الكورة نحب نكمل نلعب
لين:ياخي مستانس تكور معاه
جاد:اي كل نهار احد
لين:هههه ياصغير انت
جاد: شنوا خير مالصغار شخص نرجع صغير وننسى الي صار الكل
طلعو لدار ،امي هاني الي حكيتلك عليها جبتهالك ليوم
خديجة: ههه يامرحبا عنا ضيف
لين:عندك ضيفة
خديجة: انا كنت نعرف بنتي باش تتفكرني وتجيني
لين:ياعزيزتي قداش توحشتك
جاد:امي نبدل دبشي ونجيكم
بدل دبشو وهبط قعد يحكي هو ولين
جاد:قلي شتعمل تو في حياتك مازلت تقرا
لين:انا تو خبيرة في معهد تغذية وعندي مخبر تحاليل
جاد:ربي معاك
لين:اسمعني راك ماقتليش كيفاش تصرفت في لحكاية
جاد:هيا خليني نوصلك
لين: نكلم فيك اخزرلي
جاد:انا باش نحول les actions متاعي بإسمك
لين:علاش
جاد:خاطر ماعنديش الحق ولازم يتحولو بإسمك باش نجمو نعاونو بوك هذا الحل يالين
لين:قداش قيمتهم الاسهم
جاد:نفس القيمة الي عند عادل كيف كيف
لين:كيفاش في ليلة ونهار تكتبلي حاجة كيف هكا بإسمي ماكش خايف
جاد:انا كان عندي حلم وتحطم املي مشا وأيست وماقعد حد معايا انا لفلوس كان منعاونش بيها محاشتيش بيها وماعندي مانعمل بيها انا اخر في حاجة في حياتي هي لفلوس
لين:اذاكا علاش تعبت وعملت منها برشا
جاد:عملت منها باكوات باش معاش نتحقر موش باش نتكبر بيها على ناس باش نوريه كي نحب نوصل نوصل
لين:عندك شكون في حياتك جاد
جاد:لا علاش
لين:خاطر انا نقرب باش نمسك وانت تهرب مني شفما كل مانقرب منك تبعد
جاد:خاطر فماش علاش تقرب مني هكا خير
لين:انا نشوف في عينيك لكلها محبة ليا نشوف في الغيرة في عينيك كي تشوف عادل نشوف في عبد يحبني
جاد:ماتحلمش برشا انا عاونتك باش مايجيش نهار وطفلة الي حبيتها تتذل كيف ماذلتني فهمت
لين: فهمت جاد فهمت ماتحبش تنسى
جاد:هيا خليني نوصلك غدوة باش تمشي معايا للبانكة وتصحح
لين مجاوبتوش تنرفزت من كلامو اما هاذيكا لحقيقة هي ذلتو
خديجة:كالعادة عميتها فالاخر صحيت
جاد:اذيكا لحقيقة
خديجة:الحياة منغير نسيان وتضحيات ماتستمرش وتو اهبط لطفلة
هو حل باب الكرهبة وهي دورت وجها لشباك
الحلقة 10
جاد: لين وين تحب نهزك لدار
لين:لدار
جاد:شبيك مدورة وجهك شفما خزرلي خلي نشوفك
لين:انا مانحبش نشوفك لين نوصل
كانت شادة دموعها بالسيف لين وصلو تلقى كرهبة عادل قدام دار
لين:ناقصني انا كان هذا ناقصة
جاد:شكون
لين:كرهبة عادل ظاهر فيه لداخل حذا بابا ايا بسلامة
جاد:استنى باش نهبط معاك
لين:لا خليك تنجم تمشي جاد يعيشك
جاد:قتلك باش نهبط معاك
دخلو فعلا تلقاه قاعد مع بوها، هاي مرتي جات مع صاحبها
جاد:مرتك شكون مرتك
عادل:انت ماحكيتش معاك انا نحكي مع بو مرتي الي ظاهرلي موش منجم يتحكم في بنتو
كمال:اعرف شتحكي ياعادل سمعتني
لين:بأنا وجه جاي لدار وانت رفضت باش يعطيوه قرض فسرلي
عادل:انا باش نعاونو منغير قرض
لين:مستحيل نكون مرتك
كمال:جاد تشرب حاجة
جاد:كاس وسكي
عادل:انت تعرف الوسكي
جاد:ههه عرفو واحد خامج كيفك خلي انا
لين:جاد يزي امان
عادل: انت راك جاهل بالنسبة ليا
جاد:كان يحطوك في ميزان ماتجيش في العشر الي قريتو انا حتى تقلي جاهل
عادل:انا اليوم تفاهمت انا وبوك على نهار كتبان صداق
لين:بابا فاش يحكي هذا المشكلة تحلت والقرض باش تاخذو
عادل:ههه بوك يحب على بلاصة في السوق لازمو راس كبيرة كيفي موش واحد مازال نافح بروحو
لين:جاد جاد متجاوبوش
جاد:خلينا نخرجو لجنينة عندي مانحكي معاك
كمال:حتى كان عاونتني ياسي جاد انت راك ماتنجمش تحكم في مصير بنتي بنتي باش تعرس بيه وهذا من حقها
جاد خرج هو ولين لجنينة، انا الي عليا عملتو يالين وهاك شفت بوك مقرر
لين:باش نطلب منك لاخر مرة جاد خلينا نعرسو يعيشك
جاد:انا راني مانجمش نكون راجلك افهم انا لا
لين:اخزرلي جاد اخزرلي باش ترميني لراجل اذاكا
جاد: انا عملت الي عليا
لين:خلينا نعرسو
جاد:مانجمش نعرس بيك
لين:ياخي وقتاش باش طيح من روحك وتجي وتقلي الي انت مازلت تحبني وباش تاخذني
جاد:انت تحلم موش باش يجي نهار اذاكا
لين:باش تخليني ليه معناها
جاد:سامحني لين انا مانجمش
خرج وخلاها واقفة تحس في دنيا وقفت وقتها هي كانت تسخايل عامل حب عزيز اما هو الفكرة رافضها اساسا وموش حاططها في مخو
روح لدار امو ،شعملت معاها
جاد:بوها باش يعرسلها وهي تحبنا نعرسو
خديجة:وانت شعملت
جاد:انا مانجمش نعرس ياامي وانت تعرف انا ممنوع نبني حياتي كيف ناس
خديجة:ولدي
جاد:ولدك فشل باش يحقق حلمتو فشلت وماحبيتش نستعرف بهذا دخولها لحياتي مرة اخرى عذاب هي فيبالها انا مانحبش نعرس بيها شفت العجز في عيناها حسيتها تحاول فيا باش نبدل راي اما هي ماتعرفش لحقيقة
خديجة: كل حاجة وليها حل
جاد:هاذي ماليهاش حل ياامي وانا راضي
خديجة: راضي نشوف غيرك فك منك حلمتك
جاد:حلمتي ماتت بعد الي صارلي انا راني مانجمش لا نعرس لابيها ولا بغيرها
الحلقة 11
جاد راقد وامو بدات تصيح تنطر قام يجري امي شفما
خديجة: شوف بو لين حاطينو مات في تلفزة
زاد في التلفزة ،وفاة نائب الشعب ورجل الاعمال المشهور السيد كمال رياحي اثر نوبة قلبية هذا وتم حجز جميع ممتلكاته
يكلم في لين ماتهزش عليه اتصل بالقناة الي هبطت لخبر قالولو الي هي حاليا متواجدة في شركة باش تفسر الوضع لناس
عادل:ابعثو رجالي غادي وخليهم يهيجو الخدامة ملازمهاش تسيطر على الوضع هي تو معاد عندها حد هه شكون باش يصدق الي مرا صغيرة كيفها قادرة تشد بلاصة بوها وتصلح الخراب الي عملو بوها وتخلص ديون مستحيل يصدقو كلامها لازمكم تشعلو نار مانخليها تجي تتشحت فيا باش نعرس بيها مانخليها تتمنى نعاونها هي معاد عندها حد سند ليها وهاذي فرصتي
جاد: ياخي هي كيفااااش يصيرررر هذا وماتكلمنيش ياربببي علاااااش علااااش
خديجة:ولدي ارزن لازمك تعرف شتعمل تو ركز
طلب البانكة وقلهم الي لازم les baudet Gard متاعو يمشيو للبلاصة الي فيها لين ومعاهم للفلوس حتى يخلط هو بالوقت
لين كيف وصلت تفاجئت لقات ناس مستحيل تسمعها ولا تحس بوجيعتها وصحافة في كل بلاصة يستناو في كلمة منها دخلت بعضها وكان صياح ناس وعياط منجمتش تعدا وتسمع كان في شكون اهيكا بنتو احنا مناش خالصين وهي جاية في كرهبة كان واحد من رجال من عادل
الحلقة 12
هجمو عليها وكسرو الكرهبة كانت حالة هيستيرية كبيرة في صفوف الخدامة
جاد هبط هو رجال يشوف في شكون يحب يحل باب الكرهبة يخلع فيه طلب الرجال الي معاه كانت اكثر من 20كرهبة معاه و les baudet Gard
جاد:ادخلو فيهم بالكراهب تتتتتحركو فرقوهمممم ناس الكللل
هبط مالكرهبة يجري ، ياكلللب فاااش تعمل انتتت فسرلللي فاش تعمل بعد
حل عليها باب الكرهبة يلقاها مضروبة في راسها
صحافة كانت تصور في كل شي فضيحة من جميع المقايس اسم شركة وهي تمرمددت وزاد جاد ظهر معاها وصحافة تحب تعرفو شكون
هبطها وشدها من يدها طلعت هي وياه
جاد:فلوسكم حاضرة والي عندو دين باش يخلص
صحافة:يعيشك كان تنجم توضحلنا على اناهو اساس تحكي مع ناس وتمني فيهم وبصيفتك شكون
جاد: اي واحد ليوم تمدت يدو على مرتي باش تتقص وصحافة صورت وباش نعاود نتفرج ونشوف انتوما ماإحترمتوش انسان عندو شكون مات وانا مانيش باش نسكت على صار اليوم واي واحد كانت عندو يد في المهزلة الي صارت اليوم باش يتم عزلو من منصبو وباش تكون فما قررات فورية حالا وانا نعرف شكون عمل هكا وانشالله يكون وصلو كلامي وفهم الي احنا نقومو ونطيحو وحدنا والي مصار شي وتو سامحونا خليونا نمشيو
طلعها في الكرهبة وقال لرجال يتصرفو
جاد:قلي شكون ضربك لين
ولات تبكي ،ياخي شعمل بابا في حياتو حتى ناس تكرهو هكا
جاد:قلي انت موجوعة
لين:مانيش موجوعة تخافش مانيش موجوعة
جاد:كيفاش تعمل هكااا منغير ماتكلمني كيفاش
لين:خفت عليك مالصحافة الي خفت منو طحت فيه
شدها من يدها ، باهي باهي ماتغمضش عينيك هانا وصلنا تغمضش يعيشك
عادل:يهدد فيا في تلفزة شكون هووو كيفاش يدخل في ناس اكاكا بالكراهب حيوان ولد حومة شعبية حيووووان
لين:خليك معايا
جاد:مانيش باش نخليك حتى لحظة ماتخمم في شي ديونهم خلصو فيها الي صار معاش باش يتعاود
لين:ياريتني مت قبل نهار هذا ياريت مت انا
الحلقة 13
لين:شبينا جينا لهنا
جاد:ياخي هاذي موش بلاصتنا ولا نسيتها
لين: منسيتهاش اما موش وقتها
جاد:هذا هو وقتها لين هذا وقتها موش قتلي خلينا نعرسو
لين:قلت اما تو مانجموش
جاد:تو باش نكتبو صداق فماش مانجموش
لين: دنيا هزتني ونفضتني كيف ماحبت انا مانيش عارفة كيفاش باش نكمل ومنين باش نبدى وانا شنية ذنبي في عملو هو وعلاش صار هكا
جاد: لين نعرف الي الفترة هاذي صعيبة عليك شوي وفترة حساسة اما كان ماتكونش قوية تو ومتاقفش تو معاش باش تاقف
لين:هههه ماشفتش ناس كيفاش هجمت عليا ياخي كان ماجيتش راهم قتلوني انا مانفهم شي من خدمتهم ومانعرف شي انا طبيبة طبيبة
جاد:شنوا تفهم مالا شنية الي تفهمو انت دنيا راهي موش امك باش تحن عليك وتعطيك الي تفهموا
لين:دنيا ظلمتني وعمرها ماعطاتني حاجة كاملة وهزت مني كل شي منين باش نبدا
جاد:باش نبداو مابعضنا وباش نسيرو كل شي كالزيت فوق الماء وكل عبد عمل فيك حاجة باش نحاسبو
لين:كلو من بابا الله يسامحو
جاد: ماتبكيش ماتبكيش على خاطري اخزرلي تو كل شي يفوت وتقول انا عملتها وكنت قوية
لين:ماقعدلي حد قعدت وحدي مانيش عارفة اناهو الجرح الي ينزف اكثر واناهو الي لازمو يكف
جاد: انا عايلتك وانا صاحبك وانا سندك والي تحب انت موش كنت تحب تعرس وانا راجلك وانا كل شي الي تقول عليه انا نعملو
لين:خليني وامشي برا امشي على روحك
قربلها باسها من راسها ،هاذي الي مستحيل نعملها حتى كان انت قلت مستحيل
عنقتو، انا موجوعة ياجاد ومخنوقة وتاعبة
جاد:موش لازم تحكيلي انا حاسس بيك هيا يزي ماتبكيش انا معاك مانسيبك الا ماتفد مني
لين:انا مانستحقش الي تعمل فيه معايا
جاد: انت راك ماتعرفش قداش تسوى عند جاد وقداش انت غالية على قلبي كل شي على خاطرك يهون ماتخمم في شي انت تستحق كل شي كان نلقى نعطيك عينيا
لين:ياروح قلبي انت
جاد:شوف عينيك تنفخو مالبكاء خلينا نروحو لازمك ترتاح انت تعبت
روحو حل تلفزة يلقاهم يحكيو عليهم
لين:خلي نسمع ماتبدلش
اعتداء بالعنف على ابنة رجل الاعمال كمال رياحي وظهور زوجها السري ودخوله على خط الصراع وقد ادى تصريح شديد لهجة على كل من تخطى حدوده وتجاوز القانون
لين:شفت قتلك باش يلبسونا تهمة هذا مناش خفت
جاد: تهمة شنية انت مرتي وباش نكتبو صداقنا وبهكا هوما يوليو يقولو في لحقيقة
لين:مافهمتش
جاد:غدوة باش نكتبو صداقنا ونبداو نخدمو على رواحنا غدوة باش نحلو فيهم حرب ومايهمكش في صحافة
الحلقة 14
جاد بات ليلة كاملة يتفرج في تسجيل متع les caméra شاف فيهم عادل وعمل liste متع العباد الي باش تتقدم فيهم قضايا وباش يطردو من الشركة طرد نهائي وباش يعمل هيكلة في مجلس الادارة الحاصل دنيا باش يقلبها على ريوسهم لين فاقت في تلقاه راقد على الكرسي والشمس ساطعة فيه
لين:جاد شبيك راقد لهنا
جاد:لا مرقتش قداه الوقت تو
لين:متخافش مازال صباح ادخل ارقد لداخل بايت فايق
جاد:لا موش وقت نوم اسمعني انت افطر مابين انا حضرت روحي باش نمشيو لشركة
لين:جاد انا راني مانيش ناقف عليها افهمني يعيشك
جاد:اي انت ماكش باش تاقف عليها احنا لزوز باش ناقفو عليها
لين: انا منعرف شي ومانفهم شي
جاد:وانا مانسيبك الا ماتفهم كل شي ومانخليك تسير فيها
لين:انا تاعبة
جاد:كلنا نتعبو ونقلقو ولكلنا نقولو ساعات دنيا ضلمتنا اما في لحقيقة احنا ظلمنا رواحنا وفي هذا الكل القوي هو الي باش ياقف مرة اخرى ياخي ويني لين الي قرات معايا الي متسلمش في حقها
لين: منجمش نتحرك منغيرك
جاد:مالا احنا باش اصحاب
لين:ممم اصحاب قتلي احنا اصحاب
جاد:اي
لين:قالولك قبل الي انت سكر
جاد:لا قالولي ياعسل منين هالحلاوة الكل
لين:ههه البس البس ياعسل هاني سابقة لشركة
جاد:تهنى باش نكون كيف خيالك جماعة يستناو فيك البرا حد ماينجم يمسك ولا يحط عليك وانا طلبت منهم باش مايخليوش صحافة تقرب منك
لين مشات تلقاها دنيا معبية بالصحافة
مدام كان تحب ندخلو مالباب تلاني متع شركة سي نبه
لين:لا باش ندخلو من هنا خلي صحافة تصور من حقهم
مدام لين يعيشك تنجم تفسرلنا شنية قاعد يصير بالضبط
لين:انا مانعطيش حتى تصريح منغير حضور راجلي ساعة اخرى وفما ندوة صحفية باش تفهمو فيها كل شي
لين بدات تقلق وناس تستنى وجاد فات ساعة توترت معاش عارفة شتعمل ولات تمشي وتجي تستنى فيه يجي هي قعدت وهو دخل
لين:شبيك لتو جاد قلبي وقف نسخايل خليتني
مشالها باسها من راسها، ماتقومش سامحني بطيت عليك لين متخافش مفماش شي يخوف
عادل:شوف هالكلب هو صحيح ولد شعبية اما ذكي ويعرف شيعمل يعرف وقتاش يهديها وقتاش يكون معاها باش يتعبني زيد شوي خلي نسمعو شنية القرارت الصارمة متاعو
جاد: ياجماعة بما انو مرتي وضعها مايسمحش باش تحكي وظروف خاصة انا باش نتولى ادارة شركة في الفترة هاذي وفي يديكم ساعة باش تسئلو الي تحبو عليه واحنا باش نجاوبكوم كي انا كي مرتي
عادل:مرتو مرت شكون شبيه هالكلب ناوي يجلطني
الحلقة 15
سي جاد علاش ماسمعنا الي مدام لين معرسة كان كيف ولات تمر بفترات صعيبة وافلاس ومشاكل كبيرة باش ظهرت انت في الاعلام
جاد:على خاطر احنا نخيرو الي حياتنا الخاصة تكون لينا احنا وحدنا وجاد وقتلي لازم يظهر ظهر وجود مرتي يكفي وانا نعرف الي هي قادرة باش تتجاوز هذا الكل في اقرب وقت انشالله
نجمو نتعرفو عليك شوي ظهورك في الوقت الحالي شوش افكار ناس هل تطمح في منصب سياسي ولا في تسير شركات علاش ظهرت في الوقت الحساس هذا
جاد:هي عندكم انتوما يمكن سياسات اما انا وقتلي شفت الي انا لازمني نكون بجنب مرتي كنت موجود وباش نكون موجود وقت ماتحتاجني هي انا على ذمتها
لين كانت مركزة وتسمع فيه بالكلمة بالكلمة كل كلمة منو ترد فيها الروح وكل كلمة تمس ضلع من ضلوعها كل كلمة تخليها تزيد تكبش في يديه وهو يحكي ويتبسم في وجها
سي جاد شنية حقيقة تسليم الاسهم متاعك بإسم مرتك وقمت بخلاص جزء كبير من الديون متع الشركة وقاعد تسعى باش توفر كل المبالغ المهمة كيفاش نجمت تسلم في مبالغ مهمة وارقام خيالية كيف هاذي هل ليوم سي جاد رجع فقير وباش يعاود مالصفر
جاد:اول حاجة ماهيش مزية وكان منقافش تو وقتاش ناقف وعلاش نعمل في الفلوس كيف هي موش باش تفيدني بشي اثنين انا ومرتي واحد وانا متعود نبدا مالصفر اما المرة هاذي باش نبداو مابعضنا ثلاثة انا راني غني بحبي ليها الي مايشريه شي وكان ليوم واقف وموجود لهنا خاطر حاجة بركة هي مرتي هي لين لا فلوس ولا مشاريع ولا حتى اخرى تهمني
سي جاد بعد كلام اثار برشا جدل شنية القرارات الي خذيتهم
جاد:ليوم فما liste تعلقت البرا هاذمكا اشخاص تم طردهم مالشركة ورفع قضايا فورا بالدليل والبرهان حول الاعتداء بالعنف على صاحبة الشركة واحد اثنين احنا مناش باش نتسامحو ولا نتنازلو على حتى شي ولا ربع مليم ثلاثة تم تخصيص budget مهم للغاية باش ناخذو بلاصة في سوق وباش نهبطو بكل ثقلنا باش نكتسحو السوق المرة هاذي اربعة تم عزل كل اعضاء مجلس الادارة واعادة هيكلة جديدة باش تتكون من شباب كيفنا اليوم الحلمة حلمتنا والقرار قرارنا واحنا باش ناقفو وحدنا ومناش محتاجين لحد احنا الكل في الكل
سي جاد في كلمة شنية تحب تقول لمرتك في ظروف ماتتحدسش عليها
جاد:نحب نقلها الي احنا قدها والي احنا على الحلو والمر والمر قبل لحلو والي المر بوجودها معايا يحلى والي انا نحبها في حالاتها الكل انا راني محبيتهاش خاطر غنية ولا خاطر بنت فلان انا نحب لين الانسانة كهو
لين ولات تبكي لبست lunettes متاعها شدها من يدها ياخي باستو من يدو
لين:خلينا نخرجو
جاد:سامحونا
الحلقة 16
لين: باش نروحو
جاد:وين عندك تروح انت ليوم باش تعدي نهارك لهنا في بيروك وفي لبلاصة الي لازم تكون موجودة فيها
لين:جاد
جاد:لا جاد لا حتى شي مانفهم شي باش تعدي نهارك لهنا
لين:باهي منغير ماتغشش
جاد:صحيت استوي روحك اكاكا
لين:اضحك عالاقل تبسم خلي يتعدا نهار لاباس
جاد:ههه انا باش نمشي للبانكة وبعد نروح وانت كل شي تحت يدك باش تروح نختارو مابعضنا الادارة جديدة الي باش تخدم معاها
لين:معناها مالخدمة مناش خارجين
جاد:مناش خارجين
لين:حقها قلي صداقنا وينو
جاد:عندي في البانكة
لين:شمهزو غادي
جاد:باش نعملو تصويرة كبيرة ونعلقو انا راجل لين رياحي
لين:ههههه لا عرفوك موش لازم
جاد:هيا نخليك رد بالك على روحك وماتتحركش منغير رجال الي واقفين البرا واي حاجة تصير بيناتنا تليفون
لين:جاد راني مرتك موش بنتك اقعد تزيدش تتفكر حاجة اخرى
جاد:شنية الفرق بين مرتي ولا بنتي كيف كيف لزوز امخاخكم صغار وتتصرفو كيف كيف
لين:ههه هاذي غلبتني فيها
جاد:ربي معاك و bon travail
لين:merci ma Mari
خرج مشا لعادل وعادل دوب مشافو في الكاميرا قلهم ماتخليهش يدخل
سامحنا سي عادل موش لهنا
جاد:ههه باهي موش مشكلة تو نرجعلو وقت اخر
طلع في الكرهبة وخر بيها marche arrière ودخل في الباب كسرو
جاد:انا نعرف الي هو لداخل وخايف مني الكذب موش باهي
عادل كبس روحو وخرجلو ،الباب الي دخلت فيه اذاكا يشريك انت وداركم
جاد: يشريك انت اما انا اغلى من هكا برشا
عادل:ياخي ولد الحومة الشعبية ماينجمش يحكي بطريقة احسن وخير مالتكسير الي يعملو ناس داخل فيها بالكراهب وتو باب كيف كيف ولاد لحوم الكل كيفك هكا
جاد:انا راني كيف ندوان نولي ولد حرام موش ولد حومة شعبية وتو ركز واسمعني هذا صداق شفتو زيد ثبت فيه لين مرتي والي عملتو فيها المرة ليفاتت باش يخلص
عادل:تهدد فيا في داري
جاد:انا نقتلك في دارك موش نهدد فيك هذا اخر تنبيه تنبيه جاي باش يكون كرتوشة في راسك
عادل:انت تحلم ياسر
جاد:ونحقق احلامي هذا المطلوب باش ماتقولش جاد خايب عملت عليك recherche نلقاك مريض نفسي كان تحب نعطيك carte متع طبيب يداويلك امراضك المستعصية
عادل:هههه انت فيبالك هي باش دور شركة اكاكا وتاخذ اسم في سوق وتزهى دنيا ويرجع اسم الشركة
جاد:هي باش دڨدڨلك كرايمك في سوق وباش تاخذ سوق بكلو وباش تاقف شركة على ساقيها سنة الاسهم متاعك باش طيح في البورصة والفضل يرجع ليا
الحلقة 17
عادل:كيف انت متأكد باش تفك سوق خليها تكون منافسة شريفة
جاد:وكيف انت خايف مني علاش تعمل في دوانة من اولها
عادل:انا مانيش خايف
جاد:وانا مانيش باش نخليها تكون منافسة نظيفة وكل مانلقى فرصة باش نحطمك باش نعملها الي يستقوى على مرا ويحب يجبرها على العرس ويزيد يحرش فيها رجال وتتضرب مستحيل يكون انسان ويحكي على الشرف ونظافة وتو نخليك تصلح بابك ظاهر فيه غالي موش رخيص كيفك
لين روحت ودوشت وارتاحت وهو مازال ماوصلش دخل يلقاها قاعدة
جاد:يامرحبا هاك على بكري
لين:انت مخر موش انا بكري وين كنت
جاد: خدمة
لين:تره شوف تليفون قداه طلبتك من مرة
جاد: سامحني مافقتش بيه قلي شعملت كيفاه تعدا نهارك
لين:انا راني منجمهاش والله انت ماكش حابب تصدق
جاد:كان ماتمنش انت بروحك موش ناس باش تمن بيك اسمعني عندك budget الف شركة تتمناه عندك كل ضروف باش تكتسح سوق صيف سنة وماعندك حتى عذر هي تجربة جديدة في حياتك
لين:تجربة فاشلة
جاد:عمرك ماتنجح كان ماتفشلش وتعاود وعمرك متاقف كان ماطيحش وعمرك ماك باش تكون قوية الا ماتتوجع ملازمكش تهرب موش خير منك الي في شريكاتهم وناجحين
لين:انا راني مانيش انت وسع البال الي عندك نسمع بيه سمع
جاد:لا موش على كيفك وتو ادخل جيب l PC وايجا
لين:جاد باش تمرض راك البارح مارقتش واليوم باش تبات فايق باهي انا موافقة اما ليلة خلينا نرتاحو على خاطري ونوعدك معاش باش نقلك منجمش جملة
جاد:باهي
لين:نحب نقعدو في جنينة
جاد:دنيا ليل علاش قاعدين
لين:باهي اقعد تو نخرج وحدي
خرجت شافها قعدت سرحت تخمم خلط قعد حذاها
لين:مرحبا شبيك جيت
جاد:توحشتك
لين:نجم نسألك وتجاوبني بصراحة
جاد: اسأل
لين:الي قلتو في ندوة اليوم صحيح
جاد:علاش انا شقلت
لين:نسألك ونندم
جاد:ههه بالطبيعة موش صحيح اما هوما ديما كي يطلعو في تلفزة يورينا الي حياتهم وردية حبيت نعمل كيفهم لا اكثر ولا اقل
لين:معناها انت ماتحبنيش
جاد....
لين: شنية لها درجة سؤال صعيب
جاد: الحب انواع انت اناهو منهم
لين:علاش هوما قداش
جاد: فما حب يسند وفما حب يقوي وفما حب يعلم وفما حب يوجع
لين:انا الي يوجع هكا
جاد: موش مهم انت تو علاش تجبد فيه الموضوع مافهمتش
لين:خاطرني خايفة ياجاد خايفة مثلا انت ليوم كذبت ماكنتش في الخدمة مشيت لعادل
جاد:وانت مناش خايفة شكون باش يمسك وانت مرتي
لين:المحبة امان والامان موش Les Beaudet gard الي شادين باب دار انت الامان بالنسبة ليا انت والثقة الي بيناتنا تره فكرني ملي انا معاك خليتنش نمسك ولا حتى نقرب منك كلو كذب انت تكذب قدام صحافة كلو كذب وانا مانحبش نعيش هكا
جاد:دنيا باردة موش هكا شو طقس
لين:جاد
جاد:ههههه ايجا عندي ايجا عنقني بالڨدا مكانش معاش نخليك تقرب مني وانا مانيش كذاب
لين:كذاب
جاد: هههه
الحلقة 18
لين: جاد كان نعدي ليلة الكل عندك هكا موش خير
جاد:صار انت ناوية تفوت درج ليلة كاملة بديت نفد انا
لين: شنية تفد
جاد:تعرف اكثر حاجة نخاف منها شنية هاذي متاعك والوقفة هاذي نحس وراهم نكد وعركة من ايام الفاك
لين: وانا من ايام الفاك نعاني في قلة الاحساس الي عندك تفد فما شكون يعنقوه يقلو نفد
جاد:ههههه
لين:امان تضحك راك حالة مستعصية لازمك تشوف حل
جاد:فاش
لين:شي تصبح على خير
جاد:موش على اساس باش تعدي ليلة عندي ياكذابة
لين:انا منعديش ليلة مع واحد مريض بالفدة
جاد:انا نفد صحيح اما موش منك ايجا
لين:لا
جاد:ايجا مكانش نجي نهزك بالسيف
رجعت قعدت حذاه ، شمجيبك ماو لاباس
لين:ممم ترجع في الفازة باهي جاد باهي
جاد:هههه
لين:علاش عطيتني الفلوس اذيكا الكل
جاد:خاطر انا نعرف كان جيت انت في بلاصتي باش تعمل نفس الي عملتو معاك
لين:لا لا موش صحيح انا مازال عندي مخ نخمم بيه وانا شيهمني فيك
جاد:ههه انا يهمني فيك اكثر من روحك عندك مشكل
لين:اي
جاد:الي هو
لين:باش نحكي معاك بالحق ماتضحكش جاد
جاد:ههه باهي
لين:قتلك ماتضحكش
جاد:باهي
لين:انا منعرفش نطيب وزيد الخدمة كيفاه باش نعمل
جاد:هههه على اساس منغير خدمة باش تولي طباخة هكا ولا هكا انت حالة ميؤس منها
لين:انا نستاهل الي راجعة نحكي معاك
جاد:هههه نعرف الي متعرش طيب غدوة باش تجي مرا لدار تتلهى بالدار وتطيب
لين:ياااا وانا نبقى شايخة
جاد:وانت تشد خدمتك موش شايخة
لين:اما انا نحب خدمتي بالحق
جاد:ايه تنجم في صباح تمشي لشركة وفي لعشية تمشي للمخبر متاعك ساهلة
لين:اي وحياتنا احنا وين في الحكاية مافهمتش
جاد:انت حياتك الكل شايخة جات في هاذي وتفكرت حياتك
لين:شكون قلك كنت شايخة وانا بعيدة عليك
جاد: هيا ارقد ارقد باش غدوة تفيق بكري
لين:صبرني ياربي صبرني راو باش يقتلني بدمو البارد
فاقت على صباح تلقاه موش راقد يجنبها خرجت تلقاه قاعد يقرا
لين:ياخي ماتفدش مالخدمة جاد
جاد:صباح خير
لين:صباح نور
جاد:شفتو الكرسي اذاكا
لين:اي شفتو فايقة راني
جاد:اياباهي جيبو واقعد حذايا
لين:ياااا ربي
جاد: شوف انا اخترت راني برشا اما نحب نبداو لزوز متفاهمين هاذوما الي اخترهم وهاذوما المطالب متاعهم
لين:وشبيهم الكل نساء
جاد:خاطر لمرا تعطي مجهود في الخدمة دوبل متع راجل بالطبيعة كان انت حالة خاصة
لين:ماتحسش الي انت تهين فيا ياسر
جاد:هههه نفدلك انت راك للاتهم
الحلقة 19
لين:على دزة هاذي شركة معاش باش تحط فيها ساقيك
جاد: علاش
لين:نساء عندك في البانكة ونساء في شركة عندي ياسر عليك نخاف عليك تدخل بعضك
جاد:هههه نمشي مغمض عينيا
لين:شفتهم عينيك اذمكا نجبدهم قدامك رد بالك
جاد: لطف على صباح لطف
هوما اكاكا والباب دق
لين:شكون عنا جاينا صباح
جاد: صاحبي وماشي نترانا
مشا حل الباب ،ياخي نقعد ساعة باش تحل عليا باب جنة هو
جاد: تهد معايا شكون في دار
اكرم:شنوا كالعادة بايتة معاك وحيدة
جاد:احشم راك معرس
لين:جاد تحب قهوة معايا
جاد:عزيزتي نجم ناخذ شوي من وقتك لحظة
لين:b1 Sur
جاد:هذا اكرم صاحبي وعشيري باش يكون directeur general في شركة اهوكا فما راجل طير بيه العين
لين:هههه تفهمني كان انت وحدك زايد مدام لين تشرفنا
اكرم:نعرفك منغير ماتقلي شرف ليا مدام
لين:نشرب قهوتي ونمشي جاد
جاد:نخلط عليك هنا بعد sport ولا لا
لين:مانعرفش
اكرم:منين طحت بيها الكعبة هاذي ياوحيد
جاد:هاذي راهي فمك يتهد على خاطرها
اكرم:ههه من وقتاه
جاد:نمشي نلبس دبشي ونجي تو نقلك من وقتاه
جاد طلع وهو دخل يلقاها تحضر في القهوة
اكرم:ماسألتنيش كان نحب قهوة ولا لا
لين:سامحني تحب قهوة
اكرم:من يديك مانجم نكون كان نحب
لين:اياباهي اول ماتخرج اشري لروحك قهوة وصحة وبالشفاء
اكرم:ههه علاش هو سألتو وانا لا
لين:خاطر هو راجلي وتو سامحني باش نخرج
تضرب جاء يدور اكرم ،راجلها وقتاه عرس هذا
جاد:لين مشات
اكرم:اي مشات وقتاش عرست ياخي
جاد:وقت الغفلة
اكرم:ياخي هي مرتك بالحق
جاد: اي وانت باش تخدم معاها في الشركة
وتو هز ساكك وخلينا نخرجو ،لين مشات لشركة تلقى واحد يعارك
لين:شفما شبيها خايضة
مدام واحد ما Les client متاعنا يتشكى مل reterad متاعنا في وصول Les commandes متاعنا
لين:تفضل معايا للبيرو
مدام عندكم retard ب 10ايام كاملين موش معقول
لين:انت تعرف الي شركة فيها شوي مشاكل يااستاذ وقاعدين فما تغييرات في صلب الادارة نعتذر منك شخصيا
مدام يعيشك متوخروش اكثر راني معاش نجم
لين:تهنى باش توصل تلقى سلعتك قبلك
يعيشك تعمل عليا اكبر مزية
لين:ماهيش مزية انت تدفع في فلوسك وتشرفت بمعرفتك
خرجت للخدامة ، الاف ناس تتشكى من الخدمة زبالة الي تخدموا فيها ومن خدماتكم الي ماجات شي مانيش باش نبقى كل يوم نرضي في fournisseur وحدو ماكمش تخلصو في الكروية والي موش عاجبو الباب يفوت جمل يتفضل من تو الشركة باركة موش ناقصة
الحلقة 20
اكرم كمل ترانا وفهمو جاد شنية لازم يعمل بالضبط دخل يلقاها تصيح وعلى اعصابها
اكرم: ههه الله الله زهري ونعرفو بدينا من اولها
لين:شبيك لتو مخر بربع ساعة
اكرم:ياخي مناش باش نتعرفو وتعرفني على الادارة
لين:ياخي جاي تخدم في قهوة وانا فيباليش تو نعرفك بخدمتك ياسيد تفضل الي يجي مخر نطردوه موش نتعرفو عليه
اكرم:على فكرة جرت راجلك وخرت
لين:راجلي هو بيدو الي علمني نتعامل معاكم ادعيلو ، وتو لازمكم تحلو وذنيكم اي تشكيات اخرى مفماش شهريات شهر جاي واضح
خرجت وخلات اكرم معاهم، ههه راكم تقولو مات بوها جات هي ههه شد شومك لا يجيك مااشوم نعرف روحي كليت ستاكا معاكم اما نعرش علاش شامت فيكم وفرحان
اصلا اي واحد تمزبلو مرا كيفها ماينجم يكون كان فرحان
اكرم:هههه صحيت قلت الحق مانجم نكون كان فرحان اما لازم الخدمة مكانش باش نلقاو رواحنا لبرا ومعاش نصبح على هالوجه المزيان
اكرم موش مالنوعية يحب شكون يسيطر ولا حتى ينطر عليه اما كيف خزرلها كيفاه توجه في الخدامة عجبتو اكرم بزناس كبير والي طيح معاه غير يرحمها ربي صحيح سمع الي هي مرت صاحبو اما هو كي تعجبو الحاجة معاد يهمو في شي رغم معرس وعندو صغرون هو الوحيد ودلول بوه ماينجم يكون كان خردة كمل الخدمة وروح يلقى ولدو و femme de ménage
اكرم: ويني سارة ماروحتش
لا مازلت وزكرياء ماحبش يرقد
اكرم:تنجم تروح خليه تو نرقدو انا
جبد الدخان يتكيف وحل تليفون ،ياروحي شبيك مارقتش انت شبيك
قعدو في حجرو وعطاه البيبرون رقد بعد بنص ساعة مرتو
اكرم: مرحبا
سارة:وبيك
اكرم:شبيك لتو
سارة:لتو مستانستش بخدمتي اذيكا هي
اكرم:انا لتو مافهمتش شنية ناقصك حتى تخدم ماتحسش الي دار وولدك محتاجينلك
سارة:ماهوش ولدي وحدي ظاهرلي وزيد هاو بوه تبركاالله مرقدو عندو وهو يتكيف
اكرم: سارة تتمقصص عليا
سارة:خاطر فديت منها لحكاية وانا نقلك راني الخدمة مستحيل نبطلها
اكرم: انت قاعدة تاخذ من وقتي ووقت ولدك
سارة:هههه علاش انت وقتاش خصصتلنا وقت ولا على نهار رقت فيه ولدك يزي لا نحس الي انت الاب المثالي راني تعبت من استهتارك
اكرم:وانا تعبت مالنفس لكلام ودوروس الي تعطيلي فيهم
سارة:شوف تتصلح شوف لا وتو هز طفل طلعو لبيتو مانيش ناقصة باش نزيدو نتعاركو
اكرم:راجعلك سارة ليلة تتفض
سارة:مرحبا
الحلقة 21
لين روحت تلقى جاد قاعد على حرف الفرش وشادد راسو
لين:جاد شبيك لاباس
جاد:لاباس
لين:اخزرلي تكذب عندك حاجة
جاد:ههه والله لاباس شبيك روحت مخر
لين:تشديت في الخدمة
جاد:كي وليت خدامة بركة
لين:ممم صحيت كلو منك
جاد:هذاكا باكو دخان متاعي راك الي هزيتو
لين:باش تذلني على سيڨارو تو نجيب من ساكي
جاد:شبيك انت ليوم مدام تفكرت دخان مدام طالعتلك
رجعت قعدت حذاه ،على فكرة صاحبك مغط
جاد:شبيه
لين:مابيه شي حتى لتو اما انا معجبنيش
جاد:طردو ساهلة لحكاية
لين:ياخي هو خدم حتى نطردو نحكي على طبيعتو موش خدمتو
جاد:موش كنت تحب راجل طير بيه لعين اهوكا beaugoss زادا وعينيه زرق
لين:انا نحب راجل واحد في دنيا هاذي لكل قلي ساعة شبيك شادد الفرش من تو وبدبشك
جاد: تعبت جيت تكيت
لين:جاد ماكش مريض
جاد:مانيش مريض تنجم معاش تخمم فيا وتتلها بخدمتك
لين:وانت تنجم تنسى شوي لخدمة
جاد:وانت فيبالك داخلة في سيڨارو ثالث
لين:فيبالي
جاد:شفما
لين: جاني fournisseur يتشكى
جاد:عادي
لين:كل شي عندك عادي انت
اكرم:سارة حسبت روحك رقت كالعادة
سارة:لا مانيش راقدة انا منهربش كيفك
اكرم: ولدنا صغير ولازم امو تتلهى بيه
سارة:هاك قلت ولدنا معناها لازم امو وبوه تنجم تقلي انا كيف حبلت احنا على شنية تفاهمنا
اكرم:تفاهمنا باش نتلهاو بيه زوز ونعاونك عليه
سارة:ايه شصار علاش تبدلت بعد الولادة
اكرم:خاطررر اناااا قلت الللف مرة مانحبببش مرتتتي تخدم مانحبكش تخدم وانت ماتفهمش
سارة:انت تضغط عليا باش نبطلها وانا مانيش باش نبطلها مفهوم اعطيني سبب واحد مقنع
اكرم:انا مغيار انا انسان نغير
سارة:هههه لا انت بزناس وفيبالك ناس كل كيفك اذاكا علاش خايف
اكرم:خاطر نعرف الي متعدي على زرع ناس يحط زرعو في ثنية
سارة:معناها انا زرعك هكا
اكرم:سارة
سارة:اكرم يزي مالذل والاهانة وتطيح لقدر هذا الي مامنوش فايدة واضح الي احنا طريقنا تسكر لو عندك شوي كرامة طلقني
اكرم:اما انت تعرف الي انا نحبك سارة
سارة:مفماش حد يحب حد بطريقة هاذي مفماش نبدى انا معاك وانت عينيك في بلاصة اخرى ذل الي عيشتو معاك مصارش وانت موش ناوي تتراجع قدري طاح معاك لو يرجع زمان لتالي مستحيل نقبل نكون مرتك
اكرم:انت تعرف الي انا نحبك
سارة:وانت تعرف الي انا مانحب حد يشاركني فيك وكان لتو صابرة راو على زكرياء ههه فكرني نهار روحت مالخدمة قتلي شنية مقلقك شعملت ليوم شنية الخدمة كيفاه تعدى نهارك اخر حاجة انا عندك تخرج تسهر تشرب تروح ريحتك كلها برفانات نساء ههه على شنوا انا باش نضحي ونبطل الخدمة على خاطرك على خاطر راجل مكانش في المستوى ونزيد نخسر عليك خدمتي
اكرم:مافهمتش شنييية الي تبدل شنية ملي عرفتني هكككا
سارة:انا فديت منك فديت اكرم ديما تخلقلي في الاسباب باش تفشلني ديما وانا ماريتش ماافشل منك
اكرم:وانا مانجمش نعيش من غيرك
سارة:وانا سنين هازة لحمل وحدي وساكة طلقني
اكرم:انساها لحكاية هوما مضيعة للوقت اما انت مرتي وام ولدي
سارة:وانت على ذمتهم الكل تبركاالله قتلك طلقني
اكرم:مستحيل
الحلقة 22
سارة:انا تاعبة نحب نرقد غدوة كمل احكي عل راحتك
فاقت على صباح تلقاه في وجها ، صباح نور
سارة:صباح خير
اكرم: خلينا نفطرو مابعضنا
سارة:لا لازمني نخرج فقت مخر
اكرم:تو نوصلك انا خليني على الاقل نشبع بشوفت مرتي الي تروح في ليل وتمشي صباح بكري وتزيد متغشة مالفوق
سارة: انا مانيش متغشة اكرم انا تعبت منك ومن تصرفاتك معاد نحس بشي معاك بشي القعدة معاك ولات حاجة زايدة
اكرم:اما انا لتو نحبك كايني شفتك فيه اول نهار
سارة:ههه احنا عنا صغير اما على ماكثرو عليك لبنات مخك قعد حابس في اول نهار تقابلنا فيه
اكرم:سارة هات ملخر عندك شكون في حياتك حبيت حد خلافي
سارة:ههه زح كل شي عملتو معاك وانت وكاينك ماكش لهنا ماشي وتزيد ناقص نروح نلقاك جايبهم لدار الخيانة حاجة عادية عندك زكرياء مهما يصير يبقى ولدك وتشوفو وقت ماتحب طلقني اكرم طلقني راني علخر منك
اكرم: انا منجمش نعيش منغيرك افهم انا مانجمش
سارة:ياخي انت حاسبني حتى ماتنجمش طلقني
اكرم:هههه
سارة:شفت حتى كلامي ولا يضحكك تنجم تحترم شوي
اكرم:هو يعني لازم مانضحكش باش نتسمى نحترم في تخاريف متاعك
سارة: تنجم نهار اخر تلقاني مع راجل اخر بعد مانطلقو
اكرم:نقتلك ونقتلو
سارة:ههه تصور انا هذا حاملتو وانا مرتك مرتك ونشوف فيك من وحدة لوحدة ساعات نقول شنية ناقصني ياخي فالخر عرفت الي انت هو ناقص موش انا تعرف ملي دخلت لدار هاذي وانا نبكي نحب نتفكر نهار معاك مابكيتش فيه تصدق
اكرم: راجلك هامل وفاسد اما يحبك وكان موش انت انا راني اليوم مانيش هكا احنا عنا صغرون محلاه علاه نحرمو فيه باش يعيش معانا
سارة:انت حرمتو موش انا انت
اكرم: لا انا ولا ولدنا نجمو نعيشو منغيرك خاصة انا وانت تعرف سارة الي انا نحبك
سارة:هكا الحب عندك اكرم هكا تحبني مالا كان تكرهني كيفاه
اكرم: قلي الي مفماش طلاق اعطيني فرصة
سارة:انت في عوض الفرصة خذيت الف اما ماكش حاسس خاطر وقتي انا هو الي ضايع موش انت ،انا باش نرفع قضية وبسيف عليك
اكرم:ربع فرصة وانا باش نثبتلك الي انت عندي اغلى من كل شي
سارة:كرهتك انا كرهتك
وقف مالطاولة هز المفاتح متع الكرهبة ، هيا خلينا نمشيو
سارة:لا تو نمشي وحدي
اكرم:انا باش نوصلك كان بالطبيعة تنجم تحملني ربع ساعة معاك في الكرهبة
سارة:نجم
اكرم:شبيك لابسة هكا انت
سارة:وانت من وقتاه تسأل شبيني ومابينيش
اكرم: مهما تعمل راني نحبك ومانيش باش نخليك طلق
الحلقة 23
خرجت قعدت في الكرهبة تستنى فيه هو دخل للكوجينة
اكرم:صباح خير عزيزة
عزيزة:صباح نور سي اكرم
اكرم:زكرياء منغير ماتفيقو خليه راقد ماتهزوش ليوم لروضة
عزيزة:الله يبارك
جاء خرج ورجع ، عزيزة حسب رايك انا بو باهي لولدي ولا لا
عزيزة: انا سمعت الي تحكى الكل وانا اكبر منكم لزوز وكيف امك انت مرجتها حتى بو صالح لولدك انت ظالم امو
اكرم: اما نحبها هوما مضيعة للوقت
عزيزة: فماش مرا ترضى بلي تعمل فيه وكان رضات راهي تحبك وتستنى فيك باش تتصلح
اكرم: هي تعرف انا نحبها
عزيزة:ماتعرفش قلة الاهتمام تقتل كل شي انت قتلتها انت تحبها تكونلك كل شي وقتلي انت حتى شي بالنسبة ليها
اكرم: شمعناها
عزيزة:معناها مرتك امانة عندك متهينهاش اكثر من هكا
اكرم: نهارك زين
عزيزة:عيش ولدي
خرج طلع بجنبها في الكرهبة يلقاها تستنى فيه
اكرم: بطيت عليك
سارة:موش اول مرة لمهم جيت ياما ستنيتك على العشاء وانت تسهر وتقلي خدمة عادي استانست كان تحب تو نمشي في كرهبتي
اكرم:لا انا باش نوصلك
اياباهي حطت lunette على عيناها وتكات على الكرسي
اكرم:ياخي هاذي لبسة متع خدمة
سارة:مدامني لابستها معناها متع خدمة
اكرم:مانيش نفدلك
سارة:وانا من وقتاش نفدلك معاك
سكت حتى وصلها ، سارة
سارة:انشالله خير
اكرم: يمكن انا ساقط ومنصلحش وكنت خايب معاك اما وراس زكرياء ماعنديش مااغلى منك وماعندي حتى مرا في قلبي خلافك
سارة:هذا نظريا تطبيقيا حاجة اخرى
اكرم: موش صحيح
سارة:تتفكر اول ماتعرفنا على بعضنا شقتلي قتلي نحب ناخذ مرا متثقة وقارية chic و presentable يعني تشرفك انا كنت هاذوما الكل ملي عرسنا للتو باش نلقاك تخون فيا مع شلاكة اجهل من صباتي انا ماطلبت شي ماطلبتش المستحيل طلبت راجل يكون ملكي كهو وانت ماكنتش راجل الي نحبو
اكرم: لا انت تحبني اما ديما تقولهالي بقوة بكبرياء تقول تملك دولة وانا نخدم فيك
سارة:وانت خليت فيها كبرياء ههه نحس في روحي نبعد على الخيشة بالصبر نصنع في القوة بالسيف باش نوصل نمشي وناقف في خدمتي انت راك متعرفش قداش من حرب صايرة في وسطي باش تلقاني ليوم واقفة هكا
اكرم: انا راني اكرم ولد الحومة الشعبية والي حلمت باش ناخذ مرا كيفك وخذيتها وانا لتو نحب مرتي انا نجحت وقريت وخدمت وكنت هكا على خاطرك انا حاربت الظروف ودنيا باش نكون معاك هوما تو يحبوني خاطرني بفلوسي اما انت حبيتني وانا فقير حبيتني كيف ماانا وجبتلي زكرياء اكبر فرحة في حياتي
سارة: معاش عليا بكري لازمني نهبط
اكرم: ماتبكيش تو المكياج يفسد عيش مرتي المزيانة انا نحكيلك باش تتفكر الي انت عاملة عليا مزية موش انا والي انا كان نقعد نخدم فيك عمري لكل وشوي
سارة:هاك تخدم فيا
باسها من خدها ،استهدى بالله يعيشك وراجع روحك وانا نوعدك نوعدك مانكون كان ليك بعد اليوم
سارة:ربي معاك
اكرم: راجلك يحبك متنساش
الحلقة 24
اكرم دور الكرهبة مشا لجبانة يزور في امو
لين: جاد ماكش ناوي تمشي معايا لشركة
جاد: لا
لين:علاش لا
جاد:خاطر هي شركة متاعك وتو لازمني نمشي للبانكة
لين:اما انا منجمهاش وحدي
جاد:تنجمها مرتي قدها ونص اسألني انا نعرف ايا نخليك
لين:ياربي شبيه هذا ياخي انا مانعرفش نفهم ولا هو بهيم راني منجمش اوووفف هاو باين نهار من اولو
اكرم: شفت ياأمي ولدك طلع نذل لبوه بالضبط عيشت مرتي نفس الي عيشهولك بابا طلعت كلب كيفو منسواش اما انا والله منغير مانشعر انا نحب مرتي بالحق عشت سنين هاذي الكل على حساب فرحتها سنين هاذي الكل وهي حاملتني وتو تحب طلقني عندها الحق الي عملو فيك بابا موش شوي اما انا عمري ماني باش نولي كيفو مانيش باش نخلي مرتي تموت مالقهرة كيفك ولا باش نخليها عمرها الكل حزينة كيفك خاطرني نحبها وماعنديش غيرها وزيد زكرياء صغرون ومينجمش يعيش منغير امو ههه ديما نكذب نتخبى بزكرياء في لحقيقة حتى مانسوى شي منغيرها
خزر للمنڨالة يلقاها معاش بكري طلع في الكرهبة مشا للارشيف متع شركة جبد منو دوسيات وقعد يخدم ويشوف شنية الاغلاط الي فيه ولفلوس وين قاعدة تمشي وعلاش شركة غرقت بالديون هزهم ومشا لين
اكرم:صباح خير
لين:صباح نور شنية اذمكا انشالله خير
اكرم:ماتتفجعش خير، هاذوما دوسيات من الارشيف شفتهم ولحقيقة فما برشا اسامي لازمها تتعدى على تحقيق اما اعمل عليهم طلا قبل وبعد تو نتفاهمو شنية لازم نعملو
لين:وين هالخير الي تحكي عليه
اكرم:حقها فما واحد في الارشيف مازال يخدم لتو حط شكون ينصب عليه العسة
لين:علاش
اكرم:مجرد شك وزيد فماش علاش لتو يخدم ادارة كاملة تبدلت
لين: انت لاباس
اكرم:لاباس علاش
لين:حسيتك هكا متبدل متكهرب
اكرم:ههه لا
لين: حقها عنا interview مع قناة خاصة اقنع صاحبك باش يحضر انا نجمش نحضر وحدي وهو موش حابب يفهم
اكرم:شنوا اسمها القناة
لين:منعرش اما الصحافية هاو عندي الكارط متاعها
اكرم: نجمو نفرضو عليهم اسألتنا عادي احنا نعديو الي نحبو موش هوما شنوا اسمها صحافية
لين:مدام سارة بن عبدالله
اكرم:عاود عاود شقلت مافهمتش موش مافهمتش ماسمعتش
لين:سارة بن عبدالله شبيك
قعد يخزر للكارط ،مرتي
لين:شنية
اكرم:الصحافية مرتي
لين:شمعناها
اكرم:معناها انسى مفماش شروط عليها مكانش متفضحنا مرتي ونعرفها ماتعصر منك زيت
لين:هههه صار انت طلعت منهم
اكرم:شكون
لين:خواف من مرتك
اكرم: لا اما مع خدمتها ماتفهم شي
الحلقة 25
اكرم روح في ليل يلقى سارة قاعدة في صالة ومطفية ضوء قعد حذاها ، وينو زكرياء شبيه موش معاك
سارة: رقد هزيتو لبيتو
اكرم:وانت شبيك على ظلام
سارة:صار مافيبالكش
اكرم: باش
سارة: ملي عرست بيك حياتي نشوف فيها هكا ضوء ولا يوجعلي عينيا
قام طفى ضوء ورجع قعد حذاها ساكت
سارة: وانت شصار في دنيا مروح لدارك ماك مستانس تبات لبرا شنوا ليوم لكلهم engagée روحت
اكرم: ظاهر فيك مفوحتها شربت
سارة: حاجات ماتهمكش وين نمشي ووين نجي وشنية نعمل وفاش نخدم وشنية ناكل ونشرب حاجات ملي جاء زكرياء معاش تعنيك
اكرم: اسمعني فيق واحكي معايا بالڨدا
سارة: اسمعني نحب نرقد برا اطلع وخليني
اكرم: من وقتاش ترقد في صالة
سارة: اااوووه اكرم
اكرم: اششش زكرياء راقد
سارة: شتحب
اكرم:نحبك انت
سارة: وانا مانحبكش نجم نرقد
اكرم: اي نعرف انت تعشقني مكانش ماتحبلش مني
سارة: طلقني
اكرم:مدام عنا زكرياء مستحيل نرضى بالطلاق
سارة: اعطيني سبب واحد يخليك مكبش فيا
اكرم: انا راني مانيش نفدلك اي حاجة تابعتك انت تخصني وتعنيلي يمكن ماكنتش الراجل المثالي اما موش معناها مانحبكش ولا محاشتيش بيك
سارة: يكثر خيرك
اكرم: اخزرلي مفماش حاجة في دنيا تستاهل دموعك
سارة:مانيش نبكي
اكرم: لا انت تبكي انا راجلك كيف تبكي قدامي موش عيب وكيف تحكيلي الي مقلقك موش ضعف وكيف تقلي انت تحبني موش باش توفى دنيا رغم الي انا غالط ونعرف هذا اما انا حسيت الي زكرياء فكلي بلاصتي معاك كل وحدة نخرج معاها نتخيلها انت ووقتلي نفيق نمشي ونخليها انا عمري مامسيت مرا خلافك كانو تعديت وقت فيبالك انا فرحان بعيشتي وانا بعيد عليك نعرف الي كان جات مرا اخرى ماتصبرش اما انت صبرت خاطر تحبني
سارة:لا صبرت خاطر زكرياء
اكرم:لا خاطرك تحبني شفت كي تكذب
سارة:انت جاي تعدي في ليلة ظاهرلي وانا مانيش ناقصة تصبح على خير
قامت وخلاتو جات طالعة في دروج طاحت مشالها يجري
سارة:نجم نقوم وحدي سيبني
اكرم: انت كثرتلها وانا بديت نتغشش
سارة:ماحقوش راجلي هو تغشش خسارة تفلق كان عليا
اكرم:هههه
حملها طلع بيها دروج، مانحبش نرقد انا وياك فرد بيت علاش طلعتني
اكرم: ياخي حالفة ليلة تقوم زكرياء
تكات على الفرش ،باهي سكت رتحني من حسك برا اهبط لصالة
اكرم: تحلم انت
قامت ،مالا تو نهبط انا شدها من يدها
اكرم: الفرش يرفعنا لزوز اخزرلو مكبرو
سارة:بالسيف نرقد معاك
اكرم: بلاصتك بجنبي
رجعت تكات حذاه ، باش ترقد بدبشك
سارة: باش نقوم مزروبة مانحبش نرا وجهك
ولا يضحك عنقها اما انحب نشوف وجهك على صباح
سارة:على فكرة قتلي بلاصتي بجنبك موش عندك معناها تنجم تنحي يدك
اكرم: لا منجمش ليلة باش ترقد عندي
سارة: اكرم
اكرم: سارة ارقد نهار طلع وانت تعارك
الحلقة 26
جاد: صباح خير
لين: صباح نور
جاد: شبيك لتو في دار مفماش خدمة
لين:ليوم راحة كان قلقت مني تو نخرج
جاد:هههه علاش باش نقلق منك
لين:نحسك اعطيك ترتاح مني بركا ديما الخدمة
جاد: اسكت بركة ارتاح ارتاح
لين:حقها عنا interview مع قناة خاصة وصحافية نتوقع تعرفها
جاد:منين عندي نعرفها
لين:مرت صاحبك اكرم
جاد: ههه سارة هاو من تو انا راني مانحضرش
لين: حسستني باش تاكلك
جاد: احضر مالا
لين: وانت شبيك متحضرش
جاد: لحقيقة هي مرا مزيانة برشا نخاف لا نسا روحي في T.v ونبقى نخزرلها
لين: لعمى فيهم عينيك لعمى
جاد:ههه بالحق مانيش نفدلك مرا streect برشا في خدمتها عندها carizma قوية برشا
لين:شمعناها
جاد: معناها ملخر زلقة معاها بفلقة وبأسلئتها باش تاخذ منك الي تحب هي تخرجو منك موش انت
لين:الله الله وجاي تحكيلي وفرحان
جاد: شوف فما حل يرضيني انا وياك
لين:الي هو
جاد:ياخي موش اكرم directeur de société
لين:اي
جاد: كهو خليه هو راس راس هو ومرتو هو يتسمى ممثل على شركة هوما طالبين واحد مالشركة موش بالضرورة انت
لين:تعرف والله ساعات نحسك بهيم اما عجبتني في هاذي
جاد: حتى يوافق
لين:مالا انت فاش تعمل انت باش تخليه يوافق ميهمنيش
سارة قامت تلقى يدين اكرم محطوطة بدات تصيح
اكرم:كنت تنجم تفيقني بطريقة خير من هكا
سارة:ماتقليش صارت حاجة بيناتنا وانا مانيش فايقة
اكرم: شفت حال الي يشرب
سارة:مانيش نفدلك اكرم
اكرم:اي صار وهزيتك لطبيب قلي حبلة باش تجيب خو لزكرياء تي اعمل عقلك راك راقدة بدبشك شوف روحك
سارة:حمدالله ياربي قلبي طاح
اكرم:لها درجة تحمد في ربي
سارة:موش وقتك
قام لبس ومشا لبس زكرياء وعطاه البيبرون متاعو
اكرم:عزيزة شبيها سارة لتو ماهبطت
عزيزة:تحب نمشي نشوفها
اكرم:لا خليك بحذا زكرياء تو نمشي انا
طلعلها يلقاها قاعدة ، شبيك ماهبطش
سارة:شوف ساقي نجمش نعفس عليها
اكرم:ههه من طيحة البارح
سارة:تضحك
اكرم:سامحني توجع فيك
سارة:شوي ومنفوخة
اكرم: اسمالله عليك هيا نعاونك باش تهبط زكرياء باش يمشي لروضة خليه يشوفك قبل مايمشي
سارة:وانت شبيك مامشيتش تخدم
اكرم:مانيش ماشي نوصل زكرياء ونجي نهزك لطبيب
سارة:لا لاباس ليلة وتتعدى
اكرم:ليوم نهار كامل راسي راسك ماعندك منين تهرب
سارة:فرحتني
زكرياء: ماما جات صباح خير
سارة:ياروح ماما صباح نور
زكرياء: لابس انا و papa كيف كيف
سارة: هاني نشوف اما انت طلعت ازين من بوك برشا
اكرم: هههه مذابيا ولدي يجي خير من بوه
سارة:اي بالطبيعة ولدي ازين وخير منك
اكرم: ههه اخزرلو بكلو انا بكلو انت تحبو خاطرو نسخة مني اذاكا موش ولدك ولدنا
زكرياء:لا انا ولدها هي كهو
اكرم: بيوع زايد
سارة: هههه ياروح قلبي انت هيا خلي papa يوصلك معاش عليك بكري
الحلقة 27
جاد مشا فيبالو باش يحكي مع اكرم على l'interview ياخي لقاه مجاش لشركة تعدا للبانكة ،اكرم وصل زكرياء لروضة وروح
اكرم: عزيزة ويني سارة
عزيزة: في جنينة البرا
اكرم: وانت فاش تعمل
عزيزة:كمدات لساقها تنفخت
اكرم: هاني شريتلها دواء هات عليك تو نكمدلها انا
عزيزة: رد بالك تزيد تبلبزها حطها في عينيك
اكرم:ولدك راجل كان مانخليهاش تسامحني انا مانيش اكرم
عزيزة:ههه اكاكا نعرفك لسين وماضي
اكرم:والله هي امضى ماعندك ماريت
هز الثلج وطلع حذاها ، مازالت توجع فيك ساقك
سارة: على فكرة انا وصيت عزيزة باش تجيب ثلج موش انت
اكرم: احسبني عزيزة ميسالش
سارة:ههه كان خليت زكرياء ماهزيتوش خير
اكرم: علاش
سارة:متوحشتو
اكرم:موش كان تتوحشني انا خير
تليفونو نوقز ،شوف شكون وحدة من نساك يطلبو فيك
اكرم: انا معرس بمرا وحدة
سارة: ممم هز هز
حل تليفون haut parleur
جاد:وينك ياولدي مشيتلك لشركة مالقيتكش
اكرم:سارة طاحت منجمتش نجي صبحت ساقها توجع فيها
جاد: هزيتها لطبيب
اكرم: شريتلها دواء
جاد: انشالله لاباس حاشتي بيك في موضوع كي تتفرهد ويبدا عندك وقت كلمني
اكرم: باهي
جاد: سلم عليها وانشالله لاباس
اكرم: يبلغ
سارة:ياخي انت ليوم منكت مالخدمة على خاطري
اكرم:علاش تسأل
سارة:خاطر نسخايلك مرتاح بالطبيعتك
اكرم:نجم نمس ساقك ولا زادا لا
سارة: باهي ماتلكعنيش بالحق موجوعة
اكرم: لطف عليك
كمدلها ساقها وعمللها دواء ،انشالله تتفرهد ويتنحا نفاخ
سارة: يعيشك اكرم
اكرم: على شنية
سارة: خاطر ماخليتنيش وحدي
اكرم: ومعاش باش نخليك وحدك
سارة:ولات عندي كيف كيف اما انا قتلك يعيشك خاطر مانيش مستانسة نلقى لهوة هاذي الكل منك
اكرم: ماتخلينيش انا منغيرك نضيع
سارة: ....
اكرم: نهون عليك نعدي حياتي بلا بيك شوف من عمري قداه ضيعت سنين وانا بعيد عليك انا وياك باش نمشيو لبعيد ونعيشو عمر جديد وحياة جديدة مفماش عيشة منغيرك بالنسبة ليا
سارة:ياخي انت خايف لا نفكلك زكرياء ولا شنية
تغشش ضرب يدو في طاولة ، ياخي ماتفهمششش سااااارة زكريااااء شنوا زكريااااء انا نحبك انت نحب نعيش معاااك انت ونكمللل معاك انتتت وانتتت تقلي زكرياء صحيح انا نتخبى بزكرياء باش نبقى معاك اما انا نحب الي جابتلي زكرياء
سارة: باهي كهو سامحني شوف يدك تجرحت
اكرم: جرح في اليد ولا جرح في القلب حط فيبالك كان باش تخليني مانيش باش نسامح روحي جملة علي عملتو فيك راك كان تخليني نتقسم اكبر خسارة باش تكون في حياتي خسارتك انت فاهمة هذا ولا
سارة:باهي فهمت اكرم فهمت
اكرم:لا ماكش فاهمة كان جيت فاهمة ماتجبدش عليا بالمرتاح هكا انا مرعوب منها الفكرة وين نتفكر نهبل
الحلقة 28
سارة: انا نجبد عليك بالمرتاح
اكرم: اي سارة انت تجبد عليا انا قاعد نتحرق وانت ماكش موجودة
سارة: تره خليني نشوف يدك
اكرم: اخزرلي العبد الي قدامك يخاف يعيش منغيرك انا نخاف
سارة: ههه اكرم شبيك طلعتلك سخانة شبيك ليوم
اكرم:مانيش نفدلك انا راني قوي بيك
سارة:ياخي لقيتني لامة دبشي وخارجة مالدار شوف حتى ساقي نجمش نمشي علاها
اكرم:ماعندك وين تمشي سمعتني
سارة:انا نكره شكون يأمرني وانت تعرف هذا
اكرم: ماعندك وين تهرب مني
سارة:وين تحب توصل
اكرم:نحب نرجع لقلبك كيف قبل
سارة: ماتنجمش
اكرم: اما شدت يدك في يدي تقول عكس هذا
سارة: اكرم خليني على راحتي يعيشك
اكرم: باهي نجمو نحكيو في حاجة تخص خدمتك
سارة:مانجمش نبطلها
اكرم:شكون قلك بطلها مافهمتش
سارة:خاطرك ديما تحكي نفس لحكاية
اكرم:اذاكا كيف كنت نتسبب عليك
سارة:صار كنت تعرف روحك
اكرم:انا نعرف حاجة وحدة الي مرتي قوية وتستحق الشهرة والقوة الي هي فيها توا والي انا فخور الي عندي مرا كيفك
سارة:ياحسرة على اكرم متع ايامات الفاك كنت كل حاجة نقلك باش نعملها تقلي ازدم وانا معاك بعد العرس انا نتكلم وانت تقلي دار تقولش عليها داري وحدي
اكرم:ههه باهي اسمعني انت طالبة interview مع الشركة الي نخدم فيها
سارة: اناهي منهم
اكرم:ياخي ماعطيتش الكارط متاعك لين مولات شركة
سارة:ااا اي شنية صاحبتك جديدة
اكرم:كهو موش لازم بطلت
سارة:ههه نفدلك والله نفدلك
اكرم: هي مرت جاد صاحبي وزيد عارفك باش تعصر منها زيت وموش وقتو
سارة:اما هي قبلت ،linterview
اكرم: بالطبيعة لازمها تقبل خاطرها لازمها تخرج لناس وتحكي معاهم
سارة:حاجة باهية شنية المطلوب مافهمتش
اكرم:هي ماتنجمش تحضر وجاد كلمني باش نحضر انا بما انو انا الممثل رسمي على الشركة
سارة: مانقتلك يااكرم مانخلص فيك لقديم وجديد
اكرم:ماو انا اذاكا مناش خايف شوف تطلع تهبط نبقى راجلك انا بالطبيعتي مرعوب تكملش عليا ماطلبتش برشا
سارة:وانا شيهمني الاسئلة الي لازم نسألهم باش نسألهم كهو
اكرم:انا كي نخزرلك نتوتر
سارة:هاني قدامك ثبت فيا باش ماتتوترش
اكرم:ساقطة
سارة:هههه كل شي يفوت مفما شي يخوف تو تشوف
اكرم:وقتاش الحلقة
سارة:غدوة تصوير غدوة باش تمشي معايا
اكرم: سارة فش غيضك فيا لهنا موش لازم قدام الكاميرا
سارة:لاني باش نزيد ولا باش نقص كل كلمة على حسابك
اكرم:ماتستفزنيش
سارة:انا حرة انت جيتني بساقيك
الحلقة 29
لين: فيبالك ليوم تصوير الحلقة متاع الشركة
جاد:انت ماك سلكتها ووحلت راجل
لين:باقي متوترة يهمني شنوا باش يحكي
جاد:يا مرتي ولات مسؤولة
لين:انا من قبل مسؤولة
جاد:تو نشوفو اش باش يقول
اكرم وسارة مشاو لتصوير كانت حاسة الي اكرم متوتر مشات قعدت حذاه
سارة:فيبالك كتبت الاسئلة ب stylo متاعك
اكرم:قتلك ماتستفزنيش
سارة:هههه باهي هاني ماشية
اكرم:ايجا هنا و stylo
سارة:نسيت خليه في جيبك ماتشدوش في يدك وتبدا تلعب بيه تبان متوتر
اكرم:صار عارفة الي الي انت وترتني
سارة:اي
اكرم:ههه محلاك كل يوم تمشي وتزيان
سارة:انا لازمني نمشي
اكرم:اسمعني انا تحصرت معاش نجم
سارة:اكرم هذا وقتو
اكرم:صار هي لحكايات هاذي عندها وقت
سارة:هههه باهي برا لتوالات اهيكا في الكلوار
دخل يسمع في زوز يحكيو ، هاذي فرصتنا باش نعملو كل شي المعلم كلمنا
خرج يلقى سارة واقف معاها واحد مايعرفوش
شبيك سارة لاباس
سارة:لاباس ساقي منفوخة شوي نجمتش ناقف
دخل يدو في جنبها ،نحي عليك طالون
اكرم:فاااش تعمل ياخي انت
شكون هذا
سارة:اكرم مصار حتى شي
اكرم:استنى انت استنى
شبيك داخل فيا هكا هي راي واعدتني باش طلقك ونعرسو
سارة قعدت تخزرلو ،فاش تحكي ياقصي هبلت
قصي:ياخي موش قتلي انت وراجلك مكامش متفاهمين ويخون فيك ووعتني باش طلقو
اكرم:مجابتوش امو الي باش يعديها عليا ياكلب انت الي كنت في توالات اه انت
اكرم كسرلو الكاميرا دخل فيه بالمشطة وفكلو الكاميرا الي في رقبتو
سارة:اكرم مستحيل والله موش صحيح الي يحكي فيه مانيش عارفة منين عرف لحكاية
اكرم:هيا باش نروحو فماش تصوير
سارة: مانجموش
اكرم: قتتتتلكككك باااااش نروووحووو تحرككك اطللللع في الكرهبةة سااااارة
عادل طلب عزيزة وقلها لازمها تهرب مالدار وتخلي زكرياء باش يفيقو بيها الي هي خرجت اسرار حياتهم الخاصة ياخي الدار قداش فيها من واحد
رجال مشاو لعادل ،راجلها سمعنا وفك الكاميرا
عادل:بهايم زوز حيوط كيفكم تتفكلكم الكاميرا على كل حال احنا دخلنا فيهم شك ومحامي القناة تو يرفع قضية فورا في الاعتداء على صحافين وفي عوض برنامجها الي كانت باش تعديه باش تعديو عزيزة تحكي على حياة صحافية المشهورة
عزيزة:شنية باش تربح
عادل:انت ماعندكش فكرة يامدام عزيزة على الخدمة الي خدمتهالي وزيد ناس متشوقين باش يعرفو حياتها شخصية الي ديما مخبيتها وانت اول ماتكمل تصوير البرنامج تاخذ فلوسك وتخرج مالبلاد هاذي حرب قوية عليك موش متاعك
عزيزة: علاش عملت فيهم هكا
عادل:انا قلت لمرتو ماتصورش حلقة على شركة اما هي رفضت مرتو راسها كاسح وهاذي نتيجة وهوما مالهم كان قنطرة للي باش نوصلو ههه سي جاد فيبالو سلمت
الحلقة 30
لين كلمت اكرم باش تقلو شنوا عمل وهو حكالها كل شي في تليفون وقلها متصورتش الحلقة بايتة تخمم هي وجاد
لحكاية تخصهم هوما ولا سارة لين كان عندها احساس الي هي مقصودة
جاد:مانجمو نعملو شي حتى نشوفو سارة يالين تو نفهمو منها كل شي
لين:حتى كان شفناها متأكدة لحكاية تخصني افهم جاد لمرا سنين تخدم فيها القناة شمعناها في l'interview متاعنا دخلت بعضها متستحقش برشا ذكاء
اكرم وسارة روحو مالقاوش عزيزة في دار ويلقاو زكرياء راقد في فرشو
اكرم طلع يلم في دبشو من بيت نوم وسارة خلطت عليه
سارة:فاش تعمل
اكرم: ياخي ماسمعتوش قلك باش طلق وتعرس بيه
سارة: معناها ماكش مصدق الي انا ماحكيت شي علاش باش نحكي مشاكلي في الخدمة فسرلي
اكرم:خاطرك مقررة باش طلق والموضوع وفا وظاهر الي انت بديت تبني في حياة جديدة
هوما يحكيو وتليفونها نوقز ، حل haut parleur
سارة: الو شكون معايا
عادل:يامدام سارة عيب عليك موش قتلك فك عليك مالبرنامج علاش توصل فيا للعيب معاك وانا منحبش
سارة:عادل معايا موش هكا
عادل: بالطبيعة راجلك مشا وخلاك اسمعني انا نعرف ضريتك اما انت ماحبتش تفهم بالرغم انت ذكية
سارة:انا راني مانيش صحافية بدورو وعامل عليا مزية انا راني رئيسة تحرير والقناة عندي فيها نص يعني كيفي كيفك
عادل:هههه مالا نحبك تقعد تتفرج في حياتك الخاصة الي باش تحكيها مدام عزيزة ربي يفضلها في قناتك الخاصة
سارة:ماتنجمش تعمل هكا انا رابطتك ب contra سمعت انت مربوط ب contra
علقت عليه تليفون ضربتو على الحيط
اكرم: زكرياء راقد
سارة:انت ماكش مصدقني والله عمري لا حكيت الي انا باش نطلق
اكرم: مصدقك انا مصدقك كنت عارف سمعتهم وانا في توالات اذاكا علاش كسرتلو الكاميرا
سارة:عزيزة خانتني عزيزة قضاة عليا كلو مني انااا كلو هو قلي لا وانا استفزيتو انااا
قعد على ركايبو قدامها
اكرم:الغلطة موش غلطتك غلطتي انا ماكنتش راجل في المستوى وخليتهم يلويلك يديك بيا انا الي مانيش عبد وصلتك للحالة هاذي سامحني
ولات تبكي عنقتو ، انا ماكنش قصدي نحسك بالاهانة والله لا كان قصدي
سارة:ماتخلينيش وتمشي كان موش انت راي الكارثة كانت اكبر انا متأكدة كان متفكتش الكاميرا الكارثة باش تكون اكبر
اكرم: ماتبكيش سارة موش ديما تقلي فما الحل والقوة هي الكل
سارة: خسرت خدمتي وخسرت داري وخسرت carrière كاملة في صحافة وخرجت بفضيحة
اكرم: احنا ماخسرنا حتى شي احنا تو متوترين مناش منجمين نفكرو كان لزم نحل ثنية في البحر على خاطرك مرتي ملي عرست بيها ماسمعتش منها كلمت خسرت وماتخسرش سارة ماتخسرش
الحلقة 31
سارة: انا معاد يهمني شي المهم احنا مبعضنا وانت ماكش باش تخليني موش كنت تقلي كي نبكي قدامك ولا نحكيلك شنية مقلقني موش ضعف
اكرم: اي
سارة:انا تو في اضعف واخيب حالة عشتها في حياتي ماتخلينيش
اكرم:منغير ماتطلب شي هذا خاطر مانيش باش نخليك اصلا انا سبب في هذا الكل
سارة: هذا كاتب باش يصير بيك ولا بلاش زايد تو مانجموش نوخرو الوقت لتالي لازم نخمو في غدوة
اكرم:غدوة لازم نخمو في غدوة
سارة: حقها شبيك عملت اكاكا لراجل
اكرم:ماشفتوش هو شعمل كان يحب يمسك بأي طريقة
سارة:لا هو كان يحكي وانت ضربتو
اكرم:هو حب يمسك انا شفتو وحسب روحو باش يعاونك
سارة:الغيرة باش تقتلك
اكرم: حط فيبالك الي انت اي راجل يتمنى خزرة منك وكان جيت كل يوم نمشي معاك راني كل يوم نضرب واحد
سارة:هههه والله ضحكتني وماعينيش باش نضحك
اكرم:ماكنتش حاسس الي انا باش نضرك لدرجة هاذي
سارة:انا كي عرست بيك كنت نعرف الي بعيوبك وفيك اغلاط
اكرم:فما اغلاط من اغلاط
سارة:اما انا رضيت بيك وموش باش نجي تو ونتراجع خاطر برنامج في تلفزة
اكرم:ياخي وليت انت تصبر فيا ولا شنية
سارة: انا نحبك يا فاسد
اكرم: فيبالك اول مرة بعد ماجبت زكرياء تقلي الي انت تحبني
سارة: لا انا نحبك قبل مانجيب زكرياء وبعد الي صار الكل انا مازلت نحبك
اكرم: عنقني
سارة: نحبك اما موش لها درجة
اكرم: عنقني
زكرياء فاق مشالهم للبيت ، ماما
سارة:ياقلب ماما انت ايجا عندي ايجا
زكرياء: شبيه papa كان يبكي
سارة: لا موش يبكي عينو وجعتو مشا يغسل في وجهو ياروحي انت
زكرياء: لا سمعتو يبكي اذاكا علاش انت عنقتو
اكرم:معناها انت كنت تعس علينا موش هكا ياعسل
زكرياء:اي
سارة:هههه مبنو هو ولدي المزيان ايا لازمك تنني هو تصبح تقرا
زكرياء:نحب نرقد معاكم لهنا
اكرم:علاش شبي ولدي خايف
زكرياء: عزيزة قتلي انت ماتحبش ماما والي كان مانرقدش باش تخلينا وتمشي
اكرم: شنية قتلك اخر
زكرياء: نسيت
سارة: اخزرلي ياعمري موش صحيح الي قالتو عزيزة papa يحبنا ومستحيل يخلينا
اكرم:وانت تنجم ترقد معانا ايا ايجا نرقدو عيش ولدي وانسا الي قالتو عزيزة موش صحيح
فاق على صباح يلقى سارة تلبس في زكرياء باش يهزو يقرا فطرو مابعضهم
اكرم:جاد ولين جاين لهنا
سارة:خليهم يجيو
اكرم:نوصل زكرياء ونرجع مانبطاش عليك
زكرياء: papa كيف نروح نلقاك معانا
اكرم:بالطبيعة وين عندي نمشي يابطل انت
الحلقة 32
وصل زكرياء وروح يلقى جاد ولين في دار
لين:ياخي شنية صار فسرلي
سارة:انا باش نسأل شنية صار موش انتوما فسرولي شنية يربطكم بعادل
لين:قتلك رانا احنا المقصودين ياجاد قتلك
سارة:اهدا وجاوبني علاش عمل هكا هو
جاد:كان يحب ياخذ لين
سارة:اا فهمت وبعد
اكرم:انا مايهمني في شي ياجاد مرتي تو عايشة تحت تهديد راجل ولا يطلب ويهدد فيها مرتي اكبر متضرر في لحكاية
سارة:بالشوي اكرم خليني نفهم
لين:هو ماطلب منك شي
سارة:طلب باش البرنامج مايتعداش
لين:وانت رفضت
سارة:اي
لين:ياخي
سارة:مفماش ياخي ياخي شنوا
لين: باش هددك هو
اكرم: هددها باش يفضح حك...
نزلت عليه سارة ، هاذيكا مشكلتي نفظها وحدي ماعندو باش هددني
جاد:بالتخبية ماعنا وين نوصلو
سارة:وانا ماعندي مانحكيلكم كان من الاول لازم تعلموني الي انت عندكم مشاكل معاه
لين:وانا منين نعرف الي هو مالك القناة
سارة:هو موش مالك القناة وحدو انا عندي فيها نص وعندي حقوق البث وهذاكا علاش قررت نعمل معاك البرنامج
لين:سارة فما حاجة اخرى مخبيتها
سارة:الي لازمكم تعرفوه عرفتوه
جاد:باهي ويني عزيزة
سارة:كونجي عزيزة خذات كونجي
اكرم: الحل توا
سارة: لين باش تمشي وتعطي lplan متع مشروع الشركة جديد لاكرم
جاد: وبعد
سارة:واكرم باش يهزو لعادل ويقلو الي هو خدمو خدمة لعمر
لين:وعلاش هذا لكل
سارة:خاطرني انا تحت تهديد
جاد:مستحيل مشروع كامل مضحين عليه خلاف لفلوس الي دفعت باش نفكو بلاصة في سوق
سارة:ماكمش باش تعطيوه lplan صحيح اما باش نخليوه يفهم الي هو lplan صحيح
جاد: اكرم شنية مخبي انت ومرتك
سارة:حتى شي انتوما باش تعملو الي قلت عليه هيا براو لشركة تو اكرم يخلط
خرجو وعارفين فما حلقة ناقصة في لحكاية
لين:هي اصعب ملي كنت نتوقع
جاد:ماعندك ماريت
لين:مافهمتش كيفاه رضات بالبوهالي صاحبك
جاد:انا مانيش فاهم هو كيفاش عايش معاها احنا على اناهو اساس نسمعو في كلامها
لين:هي تعرف الي احنا مافيبالناش بيه ومجبورين نتبعوها خاطر حياتها في خطر جرتي انا
جاد:اما هي ماحبتش تصارحنا
لين:خلينا نبتعوها
سارة: اكرم باش تسلم lplan على شرط يسلملك عزيزة خلاف هذا ماترضى بشي
اكرم:عينيه مانحطهم قدامو
سارة:عينيك زرق ماكش متع شي هذا
اكرم:تتمقصص على راجلك باهي
سارة: احفظ الي باش نقولهولك بالحرف عيش حبي ركز
سمعها وفهم شنية باش يعمل بالضبط بدل دبشو وخرج مالدار هز lplan ومشالو
الحلقة 33
عادل: يامرحبا يامرحبا
اكرم: انا جيت وقصرت ثنية وباش نعطي الي عندي الكل
عادل:علاش مجاتش سارة ساعة هاك تشوف بدلت دبشي باش نفرح بيها
اكرم:اما هي مستحيل تخزرلك
عادل:اما راجلها خرز لغيرها وطلع مايستاهلهاش تعرف انا معاك شكون فينا مايغلطش حبيت تبدل جو عادي
اكرم:حد ماطلب رايك في علاقتنا وانا نحب مرتي ومرتي تحبني وحاجات متخصكش
عادل:ههه اسمع عيش ولدي وحل وذنيك انت راك ماكش ماخذ مرا كهو انت ماخذ مرا الف راجل يتمناها قراية ثقافة مستوى من عايلة معروفة اصلها يشرف ويعرف صحافية ذات مستوى راقي لاباس بيها هه وراجل شنية يحب خلاف هذا انا مافهمتش شنو حبيت تعمل كيف خنتها
اكرم:باش تحكي معايا في الخدمة ولا نخرج على روحي
عادل:ههه كلو الا غشك تفضل تفضل
اكرم:انا جبتلك ماتحلمش بيه ورغم نعرف الي نجم نفضها بطريقة اخرى اما انت ماتنجمش تفضها منغيري
عادل: الي هو
اكرم:انا جبتلك مشروع شركة كامل وقداه حطو budget في سوق وكيفاش باش تتفك بلاصتك واسامي les sponsors الي يتعاملو معاهم ظاهرلي فرصة تجي مرة في العمر
عادل:والمقابل
اكرم:نحب عزيزة لازمك تعطيني عزيزة
عادل: شنية مرتك خافت تتفضح
اكرم:ههه مرتي موش بهلولة ليك وتعرف الي حقوق البث عندها معناها ممنوع تعدي حاجة وهي موش مصححة فيها
عادل:مالا شتحبو في عزيزة
اكرم:ظاهرلي ماناش باش نتفاهمو بسلامة
عادل:استنى شبيك مزروب
اكرم: ماعنديش كان انت
عادل:ههه اي عندك سارة بكلها
اكرم:مقدرك على شيب الي في راسك
عادل:تعرف كان تطلع تلعب عليا صدقني ماندمك على النهار الي جابتك فيه امك لدنيا
اكرم:انا لا نخاف ولا نتهدد
عطاه عزيزة هزها حطها في الڨاراج متع الكرهبة وطلع لسارة
سارة:شعملت
اكرم:اهيكا لوطا
سارة:بطل راجلي بطل
اكرم:جبت زكرياء
سارة:اي اهوكا راقد لفوق
اكرم:رد بالك على روحك على سارة
سارة:علاش شبيك
اكرم:لا حتى شي
سارة:ماتقليش خفت
اكرم:خايف عليك موش على روحي
سارة:شصار
اكرم:حسيتو موش داخلة لمخو برشا لحكاية وعارف فما حاجة موش هي في الموضوع
سارة:معناها خايف
اكرم:انا مانخاف في دنيا هاذي كان من بعدك عليا كهو
سارة:مانبعدش
اكرم:انا راضي بكل شي الا بعدك
سارة:مهما تبدلت ظروف ويصير الي يصير انا راني مانتراجعش على interview في تلفزة رد بالك تقول مرتك حاشمة ولا خايفة لا تتفضح بيا
اكرم:انت اهم حاجة في حياتي ووجودك هو الكل عندي يااغلى حاجة نملكها
الحلقة 34
جاد: لين يالين تي وووينك
لين: هاني جيت شبيك تصيح جاد
جاد: ماتقليش لبارح مشربتش لحرابش
لين: لا مشربتش هذا علاش تصيح
جاد: اما احنا تفاهمنا فماش صغار
لين:اما انا صبرت ووفيت بالوعد لوقتاش
جاد: علاش مشاورتنيش
لين:علاش باش نشاورك نسيتهم
جاد:لا موش نسيتهم انت عملت بلعاني خاطر تعرفني قلت لا
لين: فسرلي علاش لا علاش
جاد:خاطر انا مانحبش
لين:فايق فاش تحكي ياخي
جاد:فايق
لين:معاش عليا بكري لازمني نمشي للخدمة
جاد:حتى كان تحبل باش طيحو هاني نبهتك
لين:علاش تطلعش ماكش قادر تعيشو وانا مفيباليش شنية ناقصنا حتى مانجيبوش صغير
جاد:مناقص شي انا تو ماعينيش في صغير مانحبش نتحمل مسؤولية زايدة
لين:تكذب موش هاذي لحكاية الي متحبش عليها صغار اما ظاهرلي فهمت انت ماتحبش تجيب مني انا صغير واضح
جاد:لا موش صحيح
لين:كهو فهمت لازمني نمشي
هي حلت الباب وهو خلط عليها سكرو، ماتمشيش متغشة والله موش حكاية مانحبش منك صغير والله
لين:شنية مخبي عليا
جاد:حتى شي
لين:موش كنت قبل تقلي باش نجيبو بنية وكنت تحب تجيب صغير ياخي شنية صار بعد اعوام الفاك الي خليتك فيهم شبيك تحولت
جاد:مصار شي هي حكاية وقت كهو اما كيف انت شادة صحيح عادي
لين:انا الي خلاني شادة صحيح تصرفاتك
جاد:مشكلة فيا موش مانحبش نجيب منك قتلك مانحبش مسؤولية
لين:باهي جاد فهمت
جاد:مفماش خروج وانت متغشة
لين:مانيش متغشة
جاد:كذابة
لين: قتلك مانيش متغشة
جاد:باهي سامحني انا الغالط قاعد نجرح فيك منغير مانشعر ومانفيق بروحي
قربتلو قعدت تخزرلو ، موش هذا الموضوع انت تعرف حاحة ومخبيها عليا
طبس راسو قعد ساكت
لين:ياروحي قلي كان فما مشكلة تتحل
جاد:....
لين:باهي المشكلة في جيبان صغار
جاد:لا ياخي عرست قبل حتى نعرف روحي نجيب ولا لا
لين:ههه وانا وين نعرف عليك شككتني في روحي
جاد:هههه وراسك لا فما شي مشكلة وقت كهو وتو كيف ضحكة تنجم تمشي
لين:اياباهي
جاد:اكاكا امشي منغير ماتبوسني
لين: هه نسيت وانت خليت فيا عقل
لين مشات وهو خرج تعدا لدار امو حكالها
جاد:ياامي لين معادش صابرة تحب على صغير
خديجة: شنية المشكل
جاد:كاينك ماتعرفش الي عشتو
خديجة: قداش باش تبقى خايف من مرضك مصيرك باش تعيش وتجيب صغار الي خلف مماتش
جاد: اما انا مانحبش نجيب صغير بعد شوي وقت معاش باش نتفكرو
خديجة: على اساس كيف تجيك الحالة مازلت باش تتفكرها لين
جاد:انا كنت باش نعاونها ونطلق قبل مانوصلو نخممو في صغار جملة
خديجة: انت توهم في روحك انت حبيتها وخذيتها وماخممتش في طلاق
جاد:انت الي توهم في روحك ولدك لاباس وينجم يعيش كيف ناس راك غالطة فيق على روحك
خديجة:الخوف ماعندو وين يوصل لازمك تعيش حياتك الموت والحياة بيد ربي
الحلقة 35
جاد:امي انت وصلتني لهنا قتلي خوذها وتو تحبها تحبل كلو منك
خديجة:موش مني اذيكا دنيا انت لازمك تحكيلها
جاد:شعندي نحكيلها قلي شنية باش نحكيلها باش نقلها راني بعد عام ولا عامين باش نرقظ ونقوم لا نعرفك ولا نعرف بنتي ولا ولدي الي جاي
خديجة: ياخي موش هذيكا لحقيقة انت عايش هكا عندك سنين والبيت هذيكا تشهد حياتك الكل مكتوبة بالحرف بالحرف باش كي تدخل في غيبوبة وتفيق امك تفكرك شنية صار وشنية مصارش وشنية عشت وشنية ماعشتش
جاد:انت تعرف الي طبيب قال العرس لا وانا خالفت هذا وعرست
خديجة: طبيب ماقلكش خاف من عيشتك ولا قلك خبي لحقيقة على مرتك انت ماعطيتهاش الفرصة حتى باش تختار تعيش معاك بمرضك ولا لا
جاد: فرصة شنية انا ماحبيتش ناخذها وكان موش المصيبة الي هبطت عليها مانعرسش
خديجة:ااا اياباهي مالا لمصيبة هاي تعدات وشركة وقفت على ساقيها وطفلة لاباس تنجم تطلب طلاق
جاد:عاملة عليا بلعاني
خديجة: خاطرك تكذب ومانيش فاهمة على شكون انت طفلة كنت حاببها وماخذها بالمصيبة ولا بلاش فكرة انك باش تعيش في دنيا هاذي مرة وحدة مرة تخليك تفكر باش تعيش بجنب ناس الي تحبهم ويحبوك وتعيش كيف ماتحب موش تهرب ايه انت مريض اما في نهاية دنيا فانية ولكلنا ماشين بالمرض ولا بلاش ماتكونش جبان وتحرم روحك من فرحة انك تكون بو المرض ماكلك ماكلك وموش باش يرحمك كيف يسمع بيك ماتحبش تجيب صغار
جاد:انا الغالط الي جاي نحكيلك اصلا انت غرقتني فيها لحكاية ولا انا ولا انت باش نحكيو لين لحكاية مشكلتي نحلها وحدي
خديجة:خاطرك جبان باش تعيش جبان وتموت جبان تو تشوف ليام تو توريك الي امك عندها الحق
خرج وخلاها راسو وجعو خزر للوقت يلقاه نهار تعدا عند امو روح يلقى لين في دار
لين:وين كنت مشيت للبانكة قالولي ماجيتش ليوم
جاد:كنت عند امي ونسيت روحي
لين:باهي
حط لمفاتح على الطاولة ومشالها باسها ،نهون عليك تبقى نهار كامل متغشة عليا
لين:ولينا كل يوم عركة جاد ياسر على اعصابك واي حاجة تغشك
جاد:ماتقليش هنت عليك
لين:كيفاه تهون عليا وانت عايش فيا
جاد:شقولك ناخذو كونجي
لين:ممم علاش شصار
جاد:ملي عرسنا كلاتنا الخدمة وانا معاش عندي وقت حتى تضيعو
لين:علاش ناوي تهرب
جاد:ههه وين عندي نهرب كي نهرب نجي عندك
لين:اخزرلي جاد كي تحكي معايا اخزرلي شفما
جاد:هاني نخزرلك شفما نحب نعديو وقت مابعضنا خوذ كونجي على خاطري
لين:مانيش عارفة شنية سر اما باهي مانفلتش فرصة باش نكون معاك
جاد:يعيشك
الحلقة 36
زكرياء: papa ياخي متخدمش
اكرم: لا نخدم يا papa نخدم
زكرياء:هاك وليت تقعد معانا برشا وقت في دار
سارة:هههه طفل صغير وفاق بيك الي انت كنت هامل
اكرم:هههه وانت شنية تحب نبقى معاك ولا نخرج
زكرياء: لا خليك معانا
اكرم:ياروح papa انت كمل فطورك
زكرياء:ياخي ويني عزيزة علاش معاش تجي
اكرم:ياسارة لمرا نسيناها
سارة:لا منسينهاش كنت عندها
اكرم:ماكش ناوية تسيبها
سارة:لا مانيش ناوية
اكرم:عزيزتي فك علينا مالمشاكل
سارة:كان فيبالك المشكلة وفات تحلم عادل يرقد في الحكاية تو تشوف شنوا يعمل خاصة كيف يفيق الي احنا كذبنا عليه
تليفونها نوقز ماحبتش تهز، تي شبيك ماكش تسمع فيه
سارة:نسمع فيه امي ومانيش هازة
اكرم:علاش
سارة:خاطرني نتقلق ونفد كي نسمع صوتها ونعرف حكاياتها
اكرم: papa كان كملت نهزك تغسل يديك
زكرياء:كملت
سارة:هزو يغسل وبدلو اهوكا مرمد روحو
اكرم:محسوب لشكون جاء ماو ليك انت لتو تبقع في دبشك
سارة:الله لا يفضحنا
لين كانت حالة pc تخدم وجاد مشا للبيت رقد كملت وطلعت حذاه كانت تشوف فيه شاد راسو في الفرش
لين: ياروحي لاباس
جاد:لاباس راسي وجعني
لين:موش كان تمشي لطبيب خير لحكاية تعاودت اكثر من مرة
جاد:ههه شنية خفت
لين:علاش ملازمنيش نخاف قداه عندي من جاد انا
جاد:تو نغسل وجهي نرجع لاباس ارقد انت على روحك
اكرم:سارة
سارة:مممم
اكرم:منغير ماتحسب روحك راقدة كنت نشوف فيك تبربش في تليفون دورلي
سارة:ههه تفضل شحاشتك اشكي
اكرم: لوقتاش باش تبقى تحبش تكلم امك
سارة:عزيزي موش كان ترقد وترتح مخك من مشاكلي خير
اكرم:وانت تنجم تنحي يدك على شعري وتجاوبني
سارة:منجمش نحي يدي اما نجم نجاوبك
اكرم:هههه وليت بليدة ياسر انت
سارة: وانت وليت لاهي بيا وبمشاكلي برشا وزيد ملي عرسنا انت تعرف الي انا منكلمهاش شنية جديد
اكرم:لازمك تلقى حل زكرياء كبر ولا يفهم لازم يعرف مماتو موجودة
سارة:مفماش علاش باش يعرفها
اكرم:ياخي تعاقب فيها خاطرها عاودت حياتها
سارة:لا خاطرها طيشتني وعمرها ماحسبتني بنتها وانا فماش علاش باش نقلها ياامي
اكرم:ربي يغفر ويسامح
سارة:وانا مانيش ربي باش نسامح يااكرم انا عبد كيفي كيفها ونحس
اكرم:مالا انت حاسة الي انا كل يوم نزيد نحبك
سارة:لا هاذي مانيش حاستها
اكرم:هههه جاد كلمني لين باش تاخذ كونجي ونسافرو مبعضنا
سارة:وزكرياء
اكرم:اي شبيه نهزوه معانا
سارة:اما انا عندي خدمة
اكرم:الخدمة متوفاش حتى كان تعطيها وقتك
سارة:تفاهمنا ياحبي تو نجم نرقد
اكرم:ههه اي تنجم
سارة bon nuit
كمنتار ببلوڨر
تعليقات