من الحلقة 37 إلى 72
الحلقة 37
عادل: هو جاء وكذب عليا في داري وانا باش نخليه يدفع الفاتورة غالية
احنا على ذمتك وقت ماتحب نتحركو نتحركو بكلمة منك نقتلوه
عادل: لا موش هو هو باش نجيبو شبوهات لرواحنا
مالا شكون
عادل:سارة سارة صحافية معروفة عندها برشا اعداء واخر حاجة يتوقعوها احنا هي لازمها تموت وفي دارها وتو تلصق لحكاية في محاولة اغتيال جراء تميزها وسيطرتها على ميدان الصحافة ودفع الله مكان اعظم
وقتاه نتحركو
عادل:غدوة صباح راجلها يوصل ولدو للروضة وانتوما ادخلو اهوكا كان حلات في عينيكم اعملو فيها شتحبو هي تمردت عليا برشا
ههه نعرفوك ديما مدللنا
عادل:مايغلى عليكم شي ربي يوفقكم
اكرم قام على صباح لبس زكرياء حوايجو
زكرياء:papa ويني ماما
اكرم:في جنينة احنا تو باش نمشيو نقراو ماما عندها خدمة
زكرياء: باهي ليوم روح بيا بكري قلقت
اكرم:ههه تدلل سارة احنا خارجين
سارة: اكرم تخدم ليوم
اكرم:اي علاش
سارة:شي
اكرم:كان متوحشتني راو نجم نبقى
سارة:ههه ردو بالكم على رواحكم
اكرم: تهنى
اكرم خرج طلع زكرياء وطلع شاف كرهبة مالبلار حذا دارو وقتلي هو مشا هوما قدموا قدام دارو كان حاسس فما حاجة
مشا شوي بالكرهبة وقفها في زنقة ، زكرياء يا روحي ماتتحركش من هنا نسيت تليفون في دار ماتهبطش مالكرهبة عيش ولدي
زكرياء:باهي
رجع على ساقيه كان يشوف فيهم يتفاهمو في الكرهبة دخللها يلقاها في الكوجينة
سارة:اكرم شبيك اصفر هكا وعلاش رجعت
اكرم: اششش هات يدك
سارة:اكرم وينو زكرياء قلي هو لاباس
سمعت تكسير بلار ضربو شباك متع دار جات باش تصيح سكرلها فمها بيدو
اكرم:متصحيش عيش حبي متصحيش ومتخافش اشش احنا باش نخرجو من هنا منغير مايحسو
سارة: منين باش نخرجو
خرج هو وياها منتالي على باب جنينة
يشوفو فيهم داخلين لدار
سارة:شكون هاذم شنوا يحبو
اكرم:هيا لازمنا نمشيو للكرهبة زكرياء وحدو
واحد مارجال شافهم ،فاق بينا رجع هرب مرتو اهوكا
خرج يجري وراهم هوما طلعو في الكرهبة وهوما خلطو
اكرم: ركب signature لزكرياء
زكرياء: papa شبيك تجري
سارة:تخافش ياروحي تخافش معاش علينا وقت
كانوا زوز كرهب يحاوزو فيه قد ماحاول يضيعهم شي مانجمش كانو يضربو بالكرتوش يحبو عجالي الكرهبة تتفش
اكرم:ساااارة هبطططط راسك هبططط
كان يسوق ويحاول يهبطلها في راسها بيدو عرف روحو حصروه ماعاد عندو حتى حل وشافهم خرجو ريوسهم يضريو بالكرتوش سكر شبابك الكرهبة و couvert على سارة بدنو دارلها خطفو كرتوشتين في ظهرو دم خرج من فمو بالوقت
باااش تزيدو تهبطو مالكراهب يابهااااايم رانا في حومة لعباد سمعت حس الكرتوووش تحركو خدمو الكراهب ماتو الكلل ماتو الفرودة فرغوا
الحلقة 38
وخرو بكراهبهم مشاو وخلاوهم كان فيبالهم الي هوما قتلوهم عايلة كاملة اما هو تضرب كان اكرم في ظهرو لعباد كانت طل من ديارها يحبو يعرفو الحس منين سارة كلمت جاد هزت عليها لين حكاتلها الي هي واحلة ولازم تجيها اكرم مكانش ينجم يرجع على ظهرو في الكرسي قعدت سارة معنقتو زكرياء ترعب ولا يبكي
سارة: زكرياء ياماما متبكيش لاباس ياروحي لاباس
زكرياء: شبيه papa
سارة: اكرم تحمل شوي تحمل
اكرم:انا بردان ياسارة غطيني
سارة:سمالله عليك تحمل شوي يا عزيزي
ولات تبوس من رقبتو ،رد بالك تغمض عينيك
لين مبطاتش عليها بعد بربع ساعة كانت حذاها دورت بيها les garde-corps وجات l'ambilance معاها
لعباد كيف شافو سارة هبطت مالكرهبة ولا يصورو جابدين تليفونات
سارة:سايسوه امان سايسوه مضروب في ظهرو
متخافش مدام لاباس لاباس
تخزر للعباد تصور، فاااااش تصووووروو فااااش تحرككككووو فكولهم تليفونات فااااش تصوور صحافة تلمت بيها ضربت لكاميرا بيدها
سارة:لين هز زكرياء معاك لدار انا باش نمشي مع اكرم
مدام تنجمش معانا
سارة: l'ambilance موش باش تتحرك منغيري انا مرتو سمعت ولا
في لحظة القنوات الكل هبطت خبر عاجل
هجوم مسلح على سيارة الصحافية المشهورة سارة بن عبدالله واصابة زوجها اصابات بليغة
امها كانت تشوف في الخبر وموش مصدقة تسخايل بنتها تضربت خذات biyer بالوقت
عادل:هي مماتتش يا بهايم
فيبالنا ماتو الكل الي في الكرهبة
عادل:فيبالك ياكلب فيبالك مشينا فاها كيفاش مافقتوش بيها حية
منجمناش نتفقدو الكرهبة جيبنا في حومة ولعباد خرجت تلزينا باش نهربو
عادل:والله لو يوصلي ضرب مانكون دافنكم وعينيكم حية اخرجووو تحركككو اخرجووو
لين روحت بزكرياء رقدتو وخلات معاه جاد وخلطت على سارة للكلينيك
تلقى سارة واقفة البرا ،كيفاش صار فيكم
سارة:مانعرفش مانيش فاهمة شي مانعرفش اكرم رجع يجري لدار وبعد نسمع في تكسير في شباك نشوف كان في اكرم طاح فوقي
عنقتها،اهدا عزيزتي اهدا لمهم انتوما لاباس انت لازمك تروح تبدل دبشك بكلك بالدم
سارة:مانيش متحركة حتى نشوف اكرم
لين:اسمع كلامي مازالت العملية روح وانا هاني لهنا
سارة:وزكرياء وينو
لين:خليتو راقد معاه جاد اخرج مالباب تلاني الصحافة البرا مسكرة ثنية
سارة:يعشيك خاطرك جيتني بالوقت مابطيتش عليا
لين:ماهيش مزيا الفايدة زكرياء بخير
سارة:اي حاجة تصير كلمني
لين:تهنى
الحلقة 39
لين:ماتخليوهاش تكونو معاها لحظة بلحظة ممنوع تنحيو عليها عينيكم اي حاجة تصيرلها لحساب باش يكون كبير
سارة روحت بدلت دبشها وحضرت دبش لأكرم باش تهزو معاها هي خارجة تشوف في امها
هاجر:بنتي انت لاباس حمدالله على سلامتك
سارة:وانت منين عرفت
هاجر:تلفزة وشنية رجال هاذوما الكل
سارة:انا مانيش لاهية باش نبقى نفسرلك يعطيك صحة على جيتك تو ادخل لدار نحكيو بعد
مشات للكلينيك تلقاها مازالت قاعدت هي وصلت وطبيب خرج
سارة: docteur لاباس
لاباس لاباس طمن متمش تدخل جراحي اصابة جاتو جلدية لازمو يبقى sous observation
لين:merci beaucoup
شكون فيكم مدام سارة ،انا
Monsieur يسأل عليك يحب يشوفك
سارة:نجم ندخلو ،بالطبيعة تفضل
دخلت تلقاه راقد قعدت حذاه، العسل راقد هو انا سمعت كان يسأل عليا
حل عينيه، انت وزكرياء لاباس
سارة:وانا وزكرياء منغيرك شنوا نسواو
اكرم:اول مرة مرتي تحسسني الي هي منغيري تاقف
سارة:هههه
اكرم:ياخي تبكي ولا تضحك علاش دموع
سارة:خاطر نعرف الي هوما كان باش يجيو فيا
اكرم:سارة نحب نخرج يعيشك
سارة:وين عندك تخرج طبيب قال لازمك تبقى sous control اسمع لكلام
اكرم:اسمع انت كلامي مرة في حياتك وروح بيا مانحبش نخليكم وحدكم ولازم نشوف زكرياء خاف برشا ليوم
سارة:انا مت 1000موتة ليوم
اكرم:طول ماانا معاك وبجنبك متخاف من شي خرجني امان
روحت بيه لدار وجاء جاد جابلو زكرياء لدار طل عليه هو ولين وروحو
سارة:زكرياء ياعمري Papa تاعب لازمو يرتاح غدوة العب انت وياه
زكرياء:وعد
اكرم:ههه وعد يابطل
هي هزت زكرياء وامها دخلت لاكرم ،ياخي ماكمش ناوين تفسرولي شنية صار ليوم بلاد كاملة تهزت وتنفضت وانتوما مولا دار موش لهنا كياسات تسكرت وقت الحادثة وبلاد وقفت تلافز الكل تحكي عليكم
اكرم:مرحبا بيك في داري مدام هاجر
هاجر:ليوم بنتي كانت باش تضيع مني
سارة:امي دور الام لحنينة الي جات تجري على بنتها موش راكب عليك شوف حاجة اخرى
هاجر: انا نحكي معاه هو هو كان باش يضيعك مني كانوا باش يقتلوك ماكش تشوف مالصغرة هكا هو طايش ومعلابالوش وانت عميت من محبتك ليه وديما تخبي عليه الهملة كلاتو لين ولات عصابات تحاوز فيكم
اكرم:عندك الحق تخاف على بنتك اما لحكاية المرة هاذي موش تابعتني سامحوني باش نخرج نشم شوي هواء
هاجر:ههه كهو ماتبدل شي سنين هاذي لكل وين مانجي نحكي معاه يهرب ويخليني
سارة سكرت الباب وقعدت تخزرلها ،شبيك تخزرلي اكاكا
سارة:انت في شكون جاية تحاسب بعد سنين هاذي الكل تو تفكرت عندك طفلة انت راو بالنسبة ليا كيفك كيف ناس الي شدت تليفونات وتصور ليوم ماتعنيلي شي
هاجر:انا نحمي فيك
سارة:هههه تحمي فيا من راجلي الي حماني كتفو معلق معاش دخل روحك في حاجات متعنيكش انا عمري ماكنت بنتك وملي مات بابا انت دفنتني معاه وتو مانحبش نسمع صوتك طول ماك قاعدة وانت اخر وحدة تحاسب في دار هاذي
هاجر:ايجا هنا ايجا شبيك تحكي معايا هكا راني امك
الحلقة 40
سارة: كون متأكدة كان موش هو انت راك ساقك متحطهاش في دار يمشيش فيبالك صدقت كذبت الي انت جيت على خاطري
هاجر:كان سمعت كلامي ومعرستش بيه راك انت وامك مابيناتكمش مشاكل
سارة:ياخي جيتك نشكي وانا مافيباليش جيت نبكيلك منو انت قلت كان تعرس بيه تتحمل مسؤوليتك وانا متحملة مسؤوليتي الكاملة وعايشة لاباس عليا
هاجر:ههه على شكون تكذب
سارة:انت تو على شكون جاية تعمل فيهم على شكون جاية تعدي فيها فسرلي شنوا المطلوب
هاجر:لازمك تستعرف بأخواتك
سارة:اخوات شنية انا نعرف روحي وحيدة بابا
هاجر:اما هوما خواتك وانا امك
سارة:طيارة الي جابتك ترجعك مذابيا تكون زيارة خفيفة
هاجر:وين ماشية
سارة:ماشية نشوف الي موش عاجبك تحب حاجة اخرى
هاجر:نموت ونعرف اش معجبك فيه
سارة:كيف ماعجبك راجلك الثاني وتصرف عليه انت من فلوس بابا
هاجر: طلقو وانا ناقف معاك
سارة:انا راني معنديش ظهر وسند في دنيا خلاف اكرم ومحاشتيش بسند غيرو وفر تعبك على روحك كي تصرف على راجلك فيه البركة
خرجت لجنينة مالقاتوش سئلت Les garde corps قالولها مشا يشري في دخان قعدت تستنى فيه وامها تعس عليها مالشباك تشوف فيه جاي وحاطط مصاصة في فمو
سارة:تنجم تفسرلي شمخرجك وانت هكا
اكرم:مشيت باش نشري دخان مالقيتش
سارة:وشنية الي في فمك
اكرم: مصاصة تاكل
سارة:انا قلبي طاح وانت تفدلك
اكرم:باهي سامحني حل حل فمك
سارة: ههه هاذي اسمها خيانة عند زكرياء
اكرم:تاكل شكلاطة
سارة:ياخي شريت الي في الحانوت الكل هبلت
اكرم:هههه ماهي امك فكرتني الي انا مازلت صغير وطايش وزيد نعرفك تحب شكلاطة شريتهالك
سارة:انت متغشش من كلامها
اكرم:لا هي قالت لحقيقة عندها الحق تخاف عليك
سارة:انت صدقت الي هي خايفة عليا
اكرم:حتى كان موش صحيح هي عندها الحق
سارة:لا معندهاش الحق انا نعرف شنية اخترت ومتأكدة من روحي اما ماكنتش نسخايل تحبني لها درجة
اكرم:درجة شنية
سارة:انت رميت روحك بلعاني اما هوما كانوا فيا انا الكرتوشتين
اكرم:وحتى كان تتعاود لحكاية باش نتصرف اكاكا انت سنين هاذي الكل كنت حاملتني وشايلتني فماش مانكفر على ذنوب الي عملتها معاك كان جيت في المستوى راو مصارش هذا الكل
سارة:انت الراجل الي انا نحلم بيه سمعت انت هو
اكرم:وانت طلعت احلى وابن مالحلمة الي حلمتها وجاتني مرا عسل دنيا
سارة:ههه هيا ندخلو باردة عليك
اكرم: حتى هو وقيت نجيبوا خو لولدنا
سارة:بيدك المعلقة منتصورش
اكرم:ههه باهي هيا ندخلو
سارة:لا خلينا لهنا ولات فيها صغار جملة طقس محلاه جنينة خير
اكرم:هههه
سارة:انا هكا نشوف اكرم متع سنين الفاك اقعد هكا على خاطري معنديش سند غيرك
عنقها، الي تحب عليه يصير طلباتك اوامر يااغلى حاجة عندي
الحلقة 41
سارة فاقت على صباح تلقى امها تفطر واكرم يفطر في زكرياء
سارة: اكرم علاش مفايقتنيش راني انا فطرت زكرياء
اكرم:قلت راهي تاعبة وزيد شنية انا ولا انت لمهم الكعبورة هذا يفطر
سارة:انا تاعبة اما انت مضروب ويدك معلقة ماكش تاعب
هاجر:حاجة باهية هو كي حس بيك تاعبة هاو لا يحس
اكرم:عزيزتي افطر على روحك انا باش نخرج نكور انا وزكرياء
سارة:رد بالك على يدك اكرم ولفراع انت وولدك لا
اكرم: معاش تخاف عليا مانيش صغير
هاجر:حتى هي اذاكا الي وصلها لهنا وخوفها ومحبتها العمياء الي مانيش عارفة وين باش توصلها
اكرم حسب روحو ماسمع شي خرج لجنينة مع ولدو
هاجر:ياخي شبيك ماتتكلمش انت ماكش ناوية تحكي معايا
هزت الصحن ضربتو على الحيط ،فااااش تحبننني نحكككي معاككك فاااش شنية تتتحب باش تتخرج من حياااتي
هاجر:انا امك راني وحتى كان خايبة معاك عندي اسباب ومجبورة تقبلني
سارة:اسمعني انا حكاية جاية على خاطري ماهيش داخلة لمخي شنية المطلوب علاش جيت
هاجر: انا حسب مانعرف بوك خلا ورثة كبيرة
سارة: شنية
هاجر:مالا انت باش تملك قناة ماو بفلوس
سارة:هههه تعرف جات لحظة وقريب نصدق الي انت جيت على خاطري
هاجر:انا عندي اخوتك ونحب على ورثتي وفلوسي
سارة:ههه اخوة وورثة وفلوس فاش تحكي ياخي انت تحب تورثهم فلوس بابا وهوما من راجلك لاخر
هاجر:هوما اخوتك شبيك ماكش حابة تفهم ياخي اخوتك اما خير ولا ياكلها راجلك
سارة:راجلي ملي خذيتو ماصرفتش عليه مليم احمر وانت تو راك في دارو ورزقو وانا ماعندي مانعطيك
هاجر:شمعناها
سارة:انت الي شمعناها هه لا انا باش نعطيك ولا القانون اصلا يسمحلك تاخذ انت على ذمة راجل اخر على شنية تحب تاخذ على الحياة الزوجية سعيدة الي عيشتهالو حتى تورثو انا راني كيف كنت نبعثلك في شهرية من عندي راني نسخف عليك اما انا ماميش مطالبة باش نفرق فلوس بابا على يسوى والي مايسواش والي يجيب صغار يقيم بيهم موش انت تجيب وانا نصرف قال شنوا اخوتي انا ماعنديش اخوة وكان فيبالك باش تقنعني نستعرف بيهم نجوم السماء اقربلك
هاجر:الحقد والكره هذا الكل منين جايبتو منين نحب نعرف
سارة:اخزر لروحك تو تعرف منين جايبتو كان جيت تعرف بنتك راك تعرف الي هي معندهاش كره ولا حقد اما نقلك حاجة ياريتك مت انت وقعدلي بابا ياريتك مت وارتحت ورتحت ناس ياريتك غمك تراب ونخلقلك في الاعذار و نكذب على روحي ونقول والله كان عندي امي باهية وكان عندي امي كان جات حية تضرب عليا بالبونية ياريتك مت راني صنعت ام اخرى في خيالي كيف مانحب انا
الحلقة 42
هاجر: هذا الكل حقد على امك تتمنالي في الموت
سارة:كان انت نسيت الي عملتو فيا انا ماننساش الي صار فيا والي عملتو فيا كنت نتشحت فيك ونقلك متبعدنيش عليك وانت شعملت خليتني ومشيت رغم هذا قلت امي وعاوت كلمتك وقتلك ماعنديش غيرك باش تحضر في عرسي وانت شعملت خليتني مرة اخرى يتيمة انت رديتني يتيمة الام والبو زادا وماجيتش وماكلفتش روحك تسأل عليا الراجل الي موش عاجبك رغم لعيوب الي فيه موش كيفك وقتلي انت خليتني مفماش غيرو شدلي يدي ووقتلي عاودت طاحت بيا دنيا هو زادا كان معايا على الاقل مهما تعصف بيا دنيا ندور نلقاه ورايا وبجنبي وكان سند ليا واليوم زادا مالقيتو كان هو في جهنم الحمراء الي عيشتني فيها انت مالقيتو كان هو هو الي كان نقطة الضو الموجودة في حياتي وكل مانفيق نحمد ربي الي عطاني راجل كيفو ساعات نقول ربي عوضني بيه على المهزلة الي عيشتهالي انت
هاجر:ليام داوي وتنسي ومصيرك تسامح امك
سارة: ليام لا داوي ولا تنسي وكان فيبالك باش تسامحك وباش نعاود نشد اليد الي سيبتني راك غالطة انا اليد الي تتمدلي خلاف يد اكرم نقصها منغير لا شفقة ولا رحمة رد بالك تختبر صبري اكثر من هكا
طلعت لبيتها تخزر لاكرم يلعب هو وزكرياء ولات تبكي تسمع في امها تصيح
هاجر: اقعد اكاكا زعيمة كان في امك شخلاه ربي طاح فيك وخسرت كل شي تو يدوملك راجلك ماردك قبيحة في امك كان هو
اكرم دخل هو وزكرياء، papa شكون قلب طاولة
اكرم: برا اقعد العب في بيتك تو نجيك
هاجر:شفت مرتك شعملت ماو
اكرم:زعما شكون وصلها تعمل هكا
هاجر:قلة تربيتها وصلتها تعمل هكا
طلعلها للبيت يلقاها واقفة في البركون عنقها منتالي
اكرم: شبيها مرتي متغشة
سارة:....
اكرم:تره دورلي ونحي lunette
سارة:امان خليني وحدي
اكرم:اخزرلي كنت تبكي
طرشقت بالبكاء، تصور هي جات باش تقلي نحب على الورثة قسمتني يااكرم قسمتني مانتصورش فما ام في دنيا كيفها
اكرم: باهي ماتبكيش الله يخليك ماتبكيش راني نتوتر كي نشوفك هكا
سارة:صدقت كذبت الي هي جات على خاطري وبكل صحت رقعة جاية تطلب في حاجة موش متاعها
اكرم:يزي مالبكاء سارة انا معاك وباش نبقى ديما معاك وحد ماينجم يجبرك على حاجة تنجمش تعملها
سارة: مليت منها ومن كلامها ومن تصرفاتها
باسها من جبينها وعنقها، انت تو على اعصابك اهدا وبعد تو نحكيو
سارة:ماتخلينيش
اكرم:وين عندي نخليك وين ولشكون باش نخليك يامرتي المزيانة اكاكا كسرتلنا الماعون فاش باش ناكلو بلاهي
سارة:ههههه من قلة الماعون الي عنا
اكرم:ربي يخليلي هاضحكة ماني طالب شي مالدنيا
الحلقة 43
سارة: انت تعرف الي كلامها موش صحيح والي انا مانيش حاقدة عليهم ولا نكرهم
اكرم:انا نعرف اذاكا علاش لازم تعطيها ورثتها
سارة:اكرم ورثت شنية الي تحكي عليها القانون يمنعها مدامها معرسة براجل اخر
اكرم:ياخي باش تتعامل مع امك بالقانون
سارة:باش نتعامل معاها بالقانون تحب تشكي تشكي وكان فما حق تو تاخذو
اكرم:انا نعرف الي انت تحكي خاطرك متغشة
سارة:ياخي انت مع شكون بالضبط فسرلي من جهة تعرف الي انا عندي الحق ومن جهة جاي تقنع فيا باش نعطيها حاجة موش متاعها
اكرم: تغششت من كلامي
سارة: .....
اكرم: شبيك ساكة سارة
سارة:كان مصدقها هي اخرج وخليني وحدي
اكرم: ههه ياخي هبلت انا نعرف الي انت صحيحة نعرفش كيفاه سامحني سامحني انا الغالط
سارة:...
اكرم:حاقرتني والله يعطيك صحة مرتي راك بالدنيا
سارة: مانيش حاقرتك نسمع فيك
اكرم:اياباهي مالا عنقني كيف ماكش حاقرتني وماكش متغشة
سارة: منتغشش منك شبيك بارد هكا
اكرم:مانعرفش
سارة:خاطرك ماكش لابس بالڨدا بدل حوايجك
اكرم:حنينة هي خايفة عليا
سارة:مصاب ناس الكل يشوفوني بعينيك راي كانت حياتي اسهل برشا من هكا
يسمعو فيها مازالت تصيح وتعارك ،تسمع فيها
اكرم:اخطاك منها وتلهى بيا وقتاش باش نجيبو خو لزكرياء
سارة:ههه شبيك كبشت في خو لزكرياء هو قلك نحب خو
اكرم:لا هو مقالش اما انا نحب على صغير
سارة:على اساس نجمنا زكرياء باش نزيدوه خو
اكرم: ههه انا متأكد باش نقنعك متأكد
سارة:هههه باهي ايجا نبدلك مريولك وبعد اقنعني ميسالش
هبط لامها لوطا ،شبيك تصيح مدام هاجر فما حاجة
هاجر:اهيكا عملت الي حبت وطلعت خبات وجها
اكرم:سارة راهي متتخباش من مشاكلها وبنتك قادرة تهنتلك في المحاكم وتعمل فيك اش تحب اما هي مازالت تسايس وانت ظاهرلي ماكش حابة تفهم روحك
هاجر:انا وبنتي ماعندكش دخل
اكرم:بنتك هي مرتي والي يبكيلي مرتي نوريه وجهي لاخر
هاجر:نطلعش انا بكيتها اول مرة ومافيباليش
اكرم:اسمعننني اخررر مرررة سارررة تبكي من كلامكك المرزي تحب تبقى في دااار هاذي تحترم مولاتها ماتخلينيش نقلك الباب يفوت جمل اخر مرة مرتي تهبط دموعها على حاجات متسواش وتو استوي وخليك شادة قدرك باش نحترمك عيش نسيبتي
هاجر:ياخي انت وليت راجل معاها كيف جيت انا باش ناخذ حقي
اكرم:وانت وقتاش باش تولي ام لبنتك انا راجل وباش نبقى ديما معاها هي راجل طول ماهي كانتلي مرا سارة راهي موش كيف ماتشوفها انسانة حساسة برشا و fragil على قد ماهي قوية على قد ماهي حساسة وانا راني نتهد كي نشوفها ضعيفة خليني اصحاب انا وياك مكانش باش ترى مني الي عمرك ماريتو
الحلقة 44
هاجر: كان نسيت نفكرك الي هي اختراتك انت عليا انا
اكرم: انت راك غالطة في حق بنتك برشا هي ماختراتنيش انا انت خليتها وحدك انت سلمت في بنتك وليوم كي عرفت بنتك تشهرت ولات مرأة ناجحة وفارضة وجودها في المجتمع رجعتلها
هاجر:انا راني مانجمش نحب طفلة جبتها لدنيا بسيف عليا وبطريقة غير شرعية لا عرسي من بوها باش يبدل هذا ولا شهرتها زادا كيفاش قبلتها تكون مرتك
اكرم:سؤال هذا اسألو انت لراجلك الثاني كيفاش رضى بيك وانت هكا ههه مرتي ماعندها حتى ذنب فلي صارلها هي ماختارتش باش تجي لدنيا في ظروف اذيكا
هاجر: مرتك بنت حرام وشي ماو يبدل هذا وتصرفاتها معايا اكبر دليل علي تعمل فيه معايا وصاير فيها تو
خنقها مع الحيط ،اسمععع اناااا استحملتتك واستحملتتت كلامممك ياسررر ليلللة تلم دبشك وتمشي تبات وين مايظهرلك خاطر دار مرتي ماتقبلش لعفننن الي كيفك والفلوس الي طالبتها تو تجيكك سمعتني الي تحب عللليه تو نبعثهولككك
هاجر:ننصحك طلقها بنات لحرام الي كيفاه ماينجحوش في حياتهم غلطة كبيرة انك جبت منها صغير
اكرم:في يدك ساعة سااااعة وحدة تلم فيها دبشك تحرك
هاجر:اقعد هارب اكاكا مالحقيقة
اكرم:انا لا نهرب ولا نحشم نعرف روحي شعندي بالضبط ماخذ الي تشرفني وتكونلي سند وقت شدة انا خذيت زين وتربية وثقافة وقوة موش جبانة كيفك عاجزة تعيش اولادها انت ماتجيش في ربع متع سارة تعملك خيشة تحت ساقيها لو نخدمها عمري لكل مانجمش نرجع ربع الي عملتو معايا
سارة كانت تسمع فيهم ،اكرم خلينا وحدنا
اكرم: لا
سارة:اكرم
اكرم:قتلك لا ظاهرلي سمعتني
قعدت على طاولة تخزرلها ، ههه شقلت مالا انا بنت حرام هيا باهي مالا بنت لحرام تقلك ماعندك عندي شي
هاجر:حتى انا هذاكا اش توقعت من وحدة كيفك
اكرم تغشش علخر من طريقة كلامها شدتو سارة
سارة: كيف ماقلك راجلي في يدك ساعة باش تلم دبشك وتخرج مالدار هاذي وكان عندك حاجة عندي الحاكم قدامك
هاجر:ياريتني ماجبت طفلة كيفك في الحقيقة انت الي حطمتلي حياتي انت وبوك هو خلاني نجيبك بالسيف انا عمري مانرضى نجيب وحدة في الحرام
سارة:اما انا جيت وباش نكونلك عقدة في حياتك طول ماني واقفة على سقايا
هاجر: راجلك وساقيك الي تتبهى بيهم انت نعرف كيفاه نحشهم
سارة:ههه وريني انا راني كيف نطيح نجي واقفة
هاجر:يانهدك ياتهدني
سارة:باش نهدك ونحرقك ونقهرك وندفنك وعينيا تضحك تو تشوف تو نفكرك في هذا على قبرك وتو تنجم تمشي تفضل
الحلقة 45
العلاقة بين جاد ولين بدات تتوتر وجاد بدى يحس بأعراض المرض ترجعلو وهذا الي خلا علاقتهم تعيش تشنج كبير خوفو مالمرض ومن رجوع لمرض هو الي وصلو للحالة هاذي كان نهار بعد نهار يخض في الفرش ويفيق على صوت لين تفيق فيه
لين:جاد ياعمري لاباس لاباس قوم
جاد:نحب ماء
لين:جاد ماكش حابب تمشي لطبيب راني ترعبت منها لحكاية شوف حالتك الحالة ولات نهار بعد نهار
جاد:ياخي لاباس عليا علاش تحب تهزني ليه طبيب
لين:ااا انت لاباس انا نتبلى عليك باهي سامحني اشرب على روحك
جاد: كل شي تكبرو وتعمل منو حكاية
لين:جاد عنا عام عرس الحالة تتعاود تقلي انا نكبر فيها زح
جاد:لين راسي قتلني متكملش انت ارقد تصبح على خير
عنقتو ،انا من خوفي عليك حس بيا شوي
جاد:نعرف اما انا لاباس فماش علاش
لين:باهي
جاد:انت الي سامحني فيقتك مالنوم هيا ارجع ارقد على روحك
هاجر لمت دبشها ومشات لوتيل ،
سارة: علاش حسبت روحك تعرف لحكاية وانت مافيبالكش بيها
اكرم:حكاية شنوا
سارة:الي انا جيت بطريقة غير شرعية علاش حسبت روحك فيبالك
اكرم: خاطر فماش حل اخر خلاف اني نبلع سكينة بدمها
سارة:انا مكانش قصدي نخبي عليك والله اما لحكاية كانت تقلقني و ..
اكرم:ماتحكيليش كان جيت تحب تحكيلي راك حكيتلي قبل اما تو زايد
سارة:شمعناها
اكرم:معناها كلام امك لا يقدم ولا يوخر في علاقتنا احنا معرسين وعنا صغير ولحكاية ماتت وحتى سمعت بيها قبل بالطبيعة باش نقبل تكون مرتي
سارة: نحبك كيف تعذرني ونحبك كيف تخلقلي الاسباب ونحبك كيف طلعني صحيحة رغم انا الغالطة نحبك كيف تردني عندي الحق نحبك كيف تحس بوجيعتي نحبك كيف تفهمني علاش ماحكيتليش وانا ماقتلك حتى كلمة نحبك برشا
اكرم:ههه ايجا عندي ايجا
سارة:والله خفت
اكرم:كنت تسخايل باش نقلك نطلقو
سارة:اي خاطر لموضوع حاسس وموش ساهل واي راجل يرضى بيه
اكرم:نجوم سماء اقربلك من فكرة انك تبعد عليا تحلم ياسر
سارة:وانا مانحبش نبعد عليك ماتبعدنيش عليك
اكرم:نموت كان تبعد عليا ماعنديش غيرك انت وزكرياء
جاد قام على صباح قبل حتى ماتفيق لين وقرر باش يمشي يقابل طبيب خاطر الحالة ماشية وتزيد وماشية وتطور بيه
طبيب:مرحبا سي جاد تفضل
جاد:وبيك يعيشك
طبيب:ايوه كالعادة ديما في الوقت هذا تبدى تتقلق
جاد:مرتي بدات تحس بالخوف متاعي
طبيب:مرتك لازمها تعرف موش تحس وانت لازم تعرف الي نعمة من عند ربي الي انت عايش تو ونعمة هاذي ملازمش تخبيها
الحلقة 46
جاد: وعلاش منخبيهاش وقتلي هي نعمة مؤقتة شوي وقت وباش نرجع كيف ماكنت
طبيب:احتمال انك تعيش كان 0% ديما تفكر هذا
جاد:رجعتلي وجايع راسي والخضة في ليل وكيف نفيق في نهار نقعد درج على الفرش باش نجم ناقف
طبيب:انت تعرف الي هاذوما هوما العوارض ومفماش حاجة ديما كيف يقرب الوقت يصيرلك هكا
جاد:لازمك تلقالي حل جيتك باش نخرج بحل
طبيب:باش تستهلك دروڨ
جاد:قتلك من قبل مانحبش مانحبش
طبيب:على فكرة انا ماقلتش باش تولي مدمن انت باش تولي تحتك كمية محددة تستعملها كعلاج بإذن من عندي وماتتشدش عليها هو دواء بالنسبة ليك انت خلينا نجربو تستعمل كان الكمية الي انا نعطيهالك
جاد:باهي
جاد فرح ومافرحش بالحل الي لقاه خاطر هو مشكلة جديدة كان مايعرفش طريقة الاستعمال ومشكلة اكبر كان مايستعملوش قعد لبرا وحدو يخمم في الهم الي هبط عليه ويداوي فيه بمشاكل ما اكبر
لين:وين كنت
جاد:الخدمة
لين:تكذب
جاد:انا تو ماحشتيش باش نحكي بعد نحكيو
لين:لا تو باش نحكيو وباش تقلي شنية مخبي عليا تو جاد تو مكانش باش نهز دبشي ونخرج مالدار
جاد: لين ياخي تفهم الي انا تاعب ولا انا تاعب ونحب نرتاح تاعب راجلك تاعب
لين:اذاكا الي خلاك تمشي لطبيب موش هكا وبالسرقة
جاد:وانت من وقتاه تبعني ومن وقتاه احنا نتصرفو مع بعضنا هكا
لين:من وقتلي تقلي كنت في الخدمة وانت عند طبيب
جاد: باهي اسمعني انا اعصابي تاعبة تو كيف نقوم نحكيو
لين:قتلك تو باش نحكيو يعني تو انا فديت من هروبك مالحكاية وفديت من كلامك الي تدهن بيه في الجرح وهو محلول
جاد:فديت باهي المحكمة تقبل تحب طلق طلق الفلوس وخذيتهم اش تحب اخر من جاد طز فيه اعصابو توجعو راسو ساقيه طز الي حاشتك بيه عندك
لين:هذا شنوا خسرت عليا باهي جاد يعطيك صحة
جاد:لين
لين:ششش كهو سمعت الي لازم يتسمع سمعت الي يعجبني فيك تسكت تسكت وكي تتكلم توقفني عند حدي الحق فيا موش فيك
جاد: وين ماشية
لين:ياخي نسيت دار هاذي دارك موش داري وحتى كان تنسى تو نفكرك
جاد:مفماش خروج مالدار
لين:تنجم تبعد مالباب ابعد خير
جاد:لا مانيش باش نبعد فش غيضك
لين:مانيش عاطيتك فلوس حتى نذلك عليهم كيف ماعامل انت وزيد نفكرك ماطلبتش منك باش تعاوني
جاد: انا تاعب سامحني وليت نهز وننفض
لين:لا هذيكا لحقيقة الي انت تو تزيف فيها والمحكمة نعرف ثنيتها تو نطلق ونرجعلك فلوسك ومعاش نحب نحكيو فيه الموضوع اصلا لين تجيك ورقة طلاق لدار
الحلقة 47
اكرم لبس هو جاء خارج وسارة عيطتلو
سارة:وين على خير
اكرم:عندي قضية تو نجي
سارة:هه اي نعرف شنية القضية
اكرم:ياروحي باش نقابل جاد
سارة:ماتخلينيش متحيرة عليك
مشا جبد الفلوس مالبانكة وهزهم لهاجر
اكرم:هذا حقك ووجهك معاش نحب نراه
هاجر:راني ام مرتك عيب
اكرم:مرتي ماتستعرفش بيك
هاجر:انا مانستعرفش بيها موش هي هي بنت حرام
اكرم:تحب شكون يهدلك فمك ولا كيفاه
هاجر:مانفدلكوش
اكرم:من وقتاه نفدلك معاك
هاجر:تعرف والله محلاك اما خسارة جيت راجل بنتي مكانش رانا...
اكرم:مكانش راني دفنتك وعينيك تخزر
جاد: عزيزتي سامحني
لين:مانيش عزيزتك مزيتك الي عملتها ذليتني عليها وكملت كفيت ووفيت بتصرفاتك زبالة معايا كنت نقول شبيه بابا يتعامل هكا مع ناس ياخي صابو لعمى على زوز فرنك عطاهملو ربي خذيت راجل نسخة منو لا وكان عايش في الفقر ويعرف الهم والغم الي معيشني فيه تو
جاد:انا مانيش كيفو
لين:انت اتعس منو انت اخيب تره تنجم تقلي قداش نتعاركو من مرة في نهار وقداش من حكاية مخبيها وقداش من كذبة
جاد:انا مانيش كذاب ومانيش كيفو صحيح نشري في المشاكل اما موش بكيفي
لين:ياخي حبيت وحدة اخرى عندك شكون في حياتك خلافي
جاد:ههه فاش تحكي حبيبي
لين:احكيلي خلي نفهم خير مالذل الي معيشهولي
جاد:لا مفماش وحدة اخرى انا نحبك انت
لين:باين
جاد: انا محتاجلك محتاج تكون معايا منغير اسئلة انا تاعب وعلى اعصابي نحبك تقبلني كيف ماانا لمدة هاذي كهو
لين:موش مشكلتي قداه المدة مشكلتي شنية الي وار هذا شنية مخبي
جاد:حتى شي والله شي خليك معايا هذا شنحب كهو مانحب شي
لين:...
جاد:نمشيش نرقد ونقوم نلقى ورقة طلاق جاتني
لين:محسوب حاسيتها
جاد:نحسها ونخاف منها ونترعب كان تمشي وتخليني
لين:برا ارتاح جاد برا
جاد:بطلت
لين:ماعندي وين نمشي تهنى
جاد:انا بطلت معاش نحب نرتاح
قعد على الكرسي بدا يفرك في صوابعو كانت تغزرلو ومستغربة شبيه هكا مشاتلو قعدت حذاه
لين:مانيش ماشية لحتى بلاصة رتح اعصابك ويدك
جاد:قلي الي انت سامحتني
لين:ههه سامحتك
جاد:منقصدش الي قلتو والله موش قصدي انا بهيم منعرفش نتصرف
لين:الي صار صار يزي ماتلومش روحك راسك يوجع فيك
جاد: لا
لين:مالا شبيك تعوج في راسك اخزرلي
جاد:اي يوجع شوي
لين:ايجا عندي
جاد:هههه تو وين سامحتني بالحق
لين كانت ضاربتها حالة بهتة ومستغربة مالحالة الي تجيه في لحظة يضحك وفي لحظة يتقلب ومابين لحظة ولحظة جاد يولي عبد اخر غير تعرفو كان تحكي بينها وبين روحها وموش عارفة الي عايشتو شنية
انا عارفة الي راجلي مخبي عليا حاجة ومتأكدة الي الحاجة هاذي حاجة كبيرة مأنبتلو ضميرو وموش مخليتو لا يرقد ولا يعيش كيف ناس جاد تبدل ومعاش نعرفو اما الي نعرفو جاد عاجز وحاسس بالخوف ومكبل هذا الي حسيتو في ملامح وجهو سواء كيف يتغشش ولا يضحك
الحلقة 48
فاقت على صباح تلقى الفاليز متاعها لوطا
جاد:صباح خير
لين:شنوا باش طردني مالدار
جاد:انا نطرد نور عينيا مالدار
لين:ماتجينيش غريبة بعد الي سمعتو البارح
جاد:دار هاذي دارك قبل ماتكون دار
لين:مالا علاش لميتلي دبشي
جاد:باش نمشيو نعديو week-end كيف ناس طقس متع بحر
لين:سبحان الله في لحظة تتقلب باهي شكون قلك انا نحب نمشي
جاد:باش تمشي وعتني باش تاخذ كونجي وجات ضربت اكرم وبطلنا تو باش تمشي معايا مانفهم شي مكانش
لين:باش تبدى تهدد فيا زادا باهي باهي فهمت تو نمشيو
جاد: بوزينها مرتي هي الي تاخذ بخاطري
لين:ياخي هزيتلي دبشي الكل
جاد:وين تعرف بالك منرجعوش
لين:وعلاش
جاد:خاطر الوقت الي عندي الكل نحب نعديه معاك موش في الخدمة والريق الزايد هوما فديت من وجوهم اما انت لا
لين:بالطبيعة لا خاطر ماتفش غيضك كان في لين
جاد:خاطر مانحب كان لين
سارة على صباح جاها ميساج من نومرو امها هزت تليفون وهبطت لاكرم
سارة:شنية هذا.
اكرم:شنوا
سارة:انت لبارح موش قتلي مشيت تقابل في جاد
اكرم:خليني نفهمك
سارة:علاش تكذب عليا
اكرم: انت راك ماكش عارفة
سارة:لا عارفة انت عطيتها الفلوس الي حاشتها بيهم من فلوسك زادا
اكرم:خاطر هي موش باش تمشي كان متاخذهمش
سارة:ارتحت انت كيف كسرتلي كلمتي طمان قلبك تو
اكرم:انا مانكسرلكش كلمتك انا نحاول نلقى راحتي معاك وجودها بركة يوترك
سارة:والي عملتو انت دڨدڨلي كرايمي اصلا
اكرم:متكبرهاش سارة
سارة:راك عطيتها ورثة سنين موش من حقها من اصلو وزيد موش مليون ولا ثنين ومالفوق فلوسك الخاصة
اكرم:فلوس الدنيا الكل تهون المهم انت تبدى مرتاحة
سارة:اما انا مرتحنيش الي عملتو وكذاب مالفوق
اكرم:سارة
سارة:انا اكثر وحدة نعرفها انا وهي باش تعاود ترجع وتطلب كالعادة تموت كان شاورتني
اكرم:وانت تموت كان نهار تقلي يعطيك صحة على حاجة عملتها
سارة:كان لازم تشاورني
اكرم:اي خاطر لازم نحسك الي انا منغيرك نجمش نتحرك موش هكا
سارة:ااايييه هكا منغيري متنجمش تتحرك
اكرم:انا باش نخرج نشم شوي هواء
سارة:طقس نااار وين خارج وين تشوف فيه لهواء
اكرم: ماشي حذا زكرياء
سارة:اوووف قتلني بدمو البارد
جاد ولين هبطو لشط ،شفت طقس محلاه ياحبي
لين:اي مل حلاوة تحسو يشوشط
جاد:مانا باش نعومو تو مانتحرقوش
لين:تحكي برسمي
جاد:مالا نفدلك جايبك باش تعوم موش باش تتفرج فيه
رمات يدها على كتفو ،حاستك هكا فرحان نجم نسألك
جاد:ههه اسأل
الحلقة 49
لين:نجم نعرف علاش مشيت لطبيب
جاد:ممم معناها انت تستغل في الفرصة
لين:باهي سامحني موش لازم تقلي
جاد:مشيت على وجيعة راسي
لين:وشنوا قلك
جاد:كهو تعدا نهار في اسئلتك انا هابط وانت اخلط عليا
سارة طلعت تلقى اكرم يلعب با play وزكرياء راقد
سارة:شومصغرو شو
اكرم:....
مشات قعدت حذاه ، نحب نلعب معاك
اكرم:وانا منحبش
سارة:اا حاجة باهية، فكتلو المانات من يدو يانلعبو زوز يا موش لازم
اكرم:موش لازم
سارة:خير اقعد تفرج فيا احسن حاجة
اكرم:شنوا تحب
سارة:نعرف روحي كثرتلها
اكرم:بلاهي والله منك نسمع
سارة:تتمقعر
اكرم: والله مصارها
سارة:تحب نفكرك كيفاه كنت تخون فيا وتخرج مع البنات انواع واشكال
اكرم:ههه على فكرة مفماش راجل مايخونش مرتو
سارة:بربي
اكرم:وربي اما فما ذكي الي ماتفيقش بيه وفما البوهالي الي تشدو مرتو
سارة:وانت طلعت البوهالي
اكرم:انا ولا واحد فيهم
سارة:يزينا عاد
اكرم:اللمعة الي في عينيك تقلي الي انت تعرف لحقيقة الي انا ماخنتكش اما انت تحب تسمعها مني وانا مانيش باش نقولهالك
سارة:ههههه اي نعرف وموش نستنى فيك تحكيلي
اكرم:رغم هذا لحكاية مررتلي بيها عيشتي
سارة:ماخذني انا بكلي وعيشتك مرة مالا الي ماخذين العفش الي كنت تخرج معاهم كيفاه
اكرم:هههه شبيك انت ليوم شتحب مني تحبنا نتعاركو بسيف
سارة:لازمك تحمد ربي عندك مرا كيفي
اكرم:الي يعجبني فيك عندك ثيقة عمياء في روحك وهذا الي حرقلي قلبي
سارة:لطف على قلبك ياروحي انت سامحتني موش هكا
اكرم:علاه انت رضيتني حتى نسامحك
سارة:نستاهل الي جابتو ساقيه لعصا ليه اقعد فيها
اكرم:ههههه باهي باهي اقعد نفدلك والله
سارةكنت باش نقلك حاجة
اكرم:الي هي
سارة:بطلت على المساطة متاعك
اكرم:تكلم على خاطري
سارة: هههه عجبتني فكرة نجيبو خو لزكرياء
اكرم:مممم حتى انا قلت صبرنا برشا عندك الحق
سارة:تعرف كان نقلك نرميو رواحنا في بير تقلي هيا اي والخدمة وشكون باش يتلهى بيه صغير قتلك الفكرة عجبتني
اكرم: ااا صار باش نطبقو المشروع لازم مفوضات جديدة
سارة:صحيت ياحبي المزيان
اكرم:باهي نوعدك يامرتي الي مغلبة عليا الي انا باش نعاونك عليه وباش نعاونك في الخدمة حتى يكبر ويشد روحو كيف زكرياء ونكونو اليد باليد عليه
سارة:موش كافي
اكرم: شنوا اخر زادا نحبل في بلاصتك
سارة:والله حتى الفكرة هاذي موش دونية تعرف
اكرم:سارة
سارة:شنية قتلك موش كافي تره زيد خمم فما حاجة نسيتها
اكرم:ههه الي انا موش باش نحب صغير الي جاي اكثر منك
سارة:وعد
اكرم:نوعدك
سارة:والي انت باش تتلهى بيا انا قبل صغير
اكرم: ههه نوعدك
سارة:والي انا باش نبقى ديما من اولوياتك في دنيا
اكرم:انت تعرف ههه مازلت بيك انا ونسمع فيك
الحلقة 50
جاد: لين ساعة راك في دوش هذا خاطر عملت غطسة
لين:اي غطسة في جهنم ماكش تشوف في لحمك كيفاه
جاد: ههه نشوف اما انا شخت
لين: رد بالك ردبالك تغلط وتمسني راني والله نولي نبكي مافهمتش علاش نسمع في كلامك
جاد:خاطرك تحبني كيف ماانا نحبك
لين: اي انت هو صادق
جاد:البس خلينا نخرجو نحوسو
لين:شعندي نلبس انا هكا ولحمي يحرق خلي نلبس
جاد:انا مايساعدنيش تخرج عريانة
لين:يابهيم قصدي مانخرجوش
جاد:لا هاذي لا شوف اي حاجة اخرى الا مانخرجوش
لين:منخرجوش
جاد:تو تشوف بعد ماتندم وتبدا تتمنى نكون لحظة معاك
لين:علاه وين على خير
جاد:قصدي كيف نرجعو نخدمو
لين:موش هذا قصدك وكلامك مخوفني
جاد:ههه هذاكا قصدي هيا نستنى فيك في réception البس عيش حبي
لين:ياربي دلني على خيط نعرف بيه جاد شنية مخبي عليا ياربي راني معاش نجم
هبطو خرجو يحوسو ،البارح وانت راقدة حطيت نتفرج في فيلم
لين:ياخي
جاد:الراجل كذب على مرتو ومرتو ماحبتش تسامحو كان جيت انت تسامحني
لين:وانت والكذبة الي كاذبها فما كوارث مفيهاش سماح
جاد:هو كذب عليها خاطر ...
لين:خاطر شنية
جاد:نسيت
لين:باهي شنية اسم الفيلم
جاد:مانعرش عرضني صدفة
لين:تفرجت فيه البارح نسيتو اليوم
جاد:هو كذب عليها خاطرو مريض ومايحبهاش تعرف وهي بدات تشك فيه
لين:وعلاش ميحبهاش تعرف
جاد:وين نعرف عليه انا
لين:ههه وشبيك على اعصابك الله لا تردهم
جاد:انت شنوا رايك
لين:فاش
جاد:عندو الحق كيف كذب عليها
لين:الحق والكذب مايجيوش فرد سطر ياقلبي
جاد:شمعناها
لين:معناها هي كان لازمها تعرف وعندها الحق كيف ماحبتش تسامحو
جاد:فهمت
لين:شبيك تأزمت راو فيلم وزيد معاش تتفرج منغيري
جاد:بالحق كان جيت انا كاذب عليك متسامحنيش
لين:علاش انت فاش كاذب عليا
جاد:نسأل لين وبرا جاوبني
لين:ههه نسامحك على كل شي كان حرقت اليوم لا
جاد: معناها كان جيت في بلاصتها تعذرو وتسامحو
لين: نعطيك عينيا وشويا موش نسامحك بركا كلنا اغلاط في دنيا اما ذكاء في طريقة حل المشكل فهو كيف خبى عليها لقى حل جذري للمشكل بالطبيعة لا معناها زايد عمل اكاكا
جاد:علاش ربي مايعطيناش الحاجات الي احنا طلبناها
لين:خاطر طبيب يعطيك الدواء الي يداويك موش الي تحبو انت رغم مرارة دواء هو دواك فالاخر
جاد:مهما نعمل ومهما يصير وكان صارت حاجة نحبك تخمم انا علاش عملت هكا ومتأكد الي انت باش تعذرني وتفهمني
قربتلو باستو من شفايفو ، ومهما يكون السبب انا مسامحة وموش باش نبعد عليك حتى شي مايخليني نبعد عليك شي انا مانحبش تخليني نخمم باش نعذرك نحبك انت تحكيلي واحنا نلقاو الحل موش مشكلة حتى كان مخر المهم انت حكيتلي هذا المهم
جاد:هههه حكيتلك على الفيلم راني
لين:كذاب انت مخبي حاجة وانا بستك وعطيتك ثقة وامان باش تحكيلي ومازال عندك وقت انت حر جاد
الحلقة 51
جاد ولين عداو ايامات وروحو لدارهم ورجعت الخدمة ماكلتلهم اغلبية الوقت لين شك متنحاش من راسها وجاد زاد الخوف متاعو على دروڨ الي يستعمل فيه برغم جاب معاه نتيجة ونقصلو مالتوتر والاعصاب الي عندو ،اكرم روح مالخدمة يلقى سارة راقدة
اكرم: سارة ياحبي قوم شبيك راقدة في نهار
سارة:اكرم بايتة نرقد في زكرياء خليني نرتاح امان
اكرم:انا نجي وانت تحب ترتاح ظاهرلي معاش تحبني كيف قبل
سارة:خليني تو نرقد وتو كي نفيق نحبك كيف قبل واكثر والله
اكرم: انا لبارح حلمت حلمة خايبة
سارة:الي هي
اكرم:حلمت بيك عرست براجل اخر
سارة:هههه
اكرم:احترم على الاقل مشاعري وقوم اسمعني كيف ناس
سارة: صار هو فما راجل اخر ينجم يحملني خلافك والله بشرتني بالخير كان عاوت حلمت بيه جيبو وايجا
اكرم:تفدلك انت تقصر في الوقت نجيبو ونجي
سارة: هات هات اكا لمخدة عيش عزيزي
اكرم: ماكش ناوية تعمل test متع حبالة
قامت قعدت على الفرش ، لا منحبش نتفجع وزيد ماو يبان العوارض علاه test
اكرم:خاطر كل شي فهمتو كان النوم في نهار
سارة: طيرتو نوم يااكرم طار ملي سمعت بالصغير تفجعت
اكرم:هههه انا نتفجع كان متحبلش تعرف حاسس كان ماكش باش تحبل باش تعرس براجل اخر
سارة:ههههه ايجا نمسك ايجا عندك سخانة شصارلك ليوم في الخدمة
اكرم:مصار شي اكثر من مرة نحلم بيها باش تمرضني الحلمة
رجعت تكات على ساقيه ،حبي ندلل عليك في حاجة
اكرم:الي هي
سارة:عندي article نحبك تكتبهولي
اكرم:وكركرة في الخدمة زادة
سارة:والله تاعبة احسبها cadeau خاطر انا رضيت باش نجيب صغير اخر
اكرم:ملا مزية عملتها عليا محسوب
سارة:امان امان مكانش هذا كلامك كيف كنت تتشحت فيا
اكرم:هههه نفدلك عليك باهي تو نكتبو
سارة:تو اكرم تو حاشتي بيه
اكرم:وانت شعندك تعمل
سارة:باش نرقد اهوكا PC في بيت زكرياء وفيه الاوراق وطفي الضو واخرج
اكرم:تحب حاجة اخرى
سارة:كي تكملو ايجا فيقني
اكرم:موش شوية عليا
سارة:طيب لعشاء مالا كيف انت روحت في فورمة
اكرم:صار فماش عشاء
سارة: بالطبيعة لا ومن وقتاه انت تتفاجأ
اكرم:ارقد ارقد كي بيك كي بلاش ارقد
سارة:هههه بوزينو راجلي هو الخدام نحبها خدمة نظيفة حاشتي بيها
الحلقة 52
اكرم كتبلها l'article وعمل commande للعشاء تعب من خدمتها article قد عام ونهار لصقتو فيه
قامت في ليل تلقاه موش بجنبها مشات لبيت زكرياء تلقى زكرياء راقد وهو مفماش هبطت لصالة تلقى تلفزة محلولة وهو راقد
سارة: اكرم ياروحي شبيك لتو خانق روحك با costume
اكرم: وين انا شبيني راقد هكا اي رقبتي
سارة:ههه لطف عليك هيا قوم بدل دبشك وبرا ارتاح
اكرم:مانيش مسامح على l'article اذاكا مانيش مسامح
سارة:ههه ياروحي انت تعبتك معايا تكبر وتنسى وينو لعشاء
اكرم:وتسأل على العشاء زادا سبحان الله المخلوقات الي كيفك حقهم يموتو
سارة:نعرفك تنجمش تعيش منغيري
اكرم:حقها ياخي رجعت تخمم في l'interview مع لين
سارة:اي وفي اقرب وقت زادا
اكرم:فك علينا عيش حبي ربي سترنا المرة لولا يزي
سارة:يا انا يا هو دنيا مترفعناش زوز
اكرم:حتى انا مع شكون نحكي
باستو من رقبتو، هيا برا ارقد على روحك يابنين تهنى المرة هاذي مرتك باش تجيب ڨووول
اكرم:هههه باهي ياڨوول نقص في تلفزة ونحب كي نمد يدي في الفرش صباح نلقاك بجنبي
سارة:تهنى
لين على صباح ترشقت الباب بالمفتاح دخلت تلقى جاد يستنى فيها
جاد:وينك ليلة كاملة ماكش باية في دار
لين:مشيت للمخبر
جاد:وشبيني مفيباليش عندك مخبر
لين:لا فيبالك
جاد:لا مفيبالللليش علاش باااش نكذب عللليك
لين: ماتصيحش تنجم ماتصيحش انا قتلك فيبالك مرتك اصلها طبيبة ماهيش femme d à faire وانت قتلي قسم وقتك وحاول توفق بين لزوز
قعد بدا يتفكر سكت مالقى مايحكي معاها
لين:تفكرت تو وانا زادا ماعنديش علاش نكذب عليك
جاد:سامحني
لين:استانست
جاد: شمعناها
لين:اااااوففف جاد اوووف كل كلمة تشك فيها وتخلق منها حكاية استانست معناها استانست بصياحك وعياطك ونسيانك وكلامك المرزي استانست بيهم الكل باهي هكا نجم نرتاح تو نجم نبقى في دار ولا لا
جاد:خلينا نطلقو
لين:هذا شنوا حبيت تقلي اياباهي تصبح على خير
جاد:نكلم فيك خلينا نطلقو
لين: وانا مانيش مطلقة حتى نعرف شنية سبب شبيك وليت هكا وكيف نعرف تو نطلق وحدي ونعاودلك المحكمة نعرف ثنيتها
جاد:تعبت نحب نطلق تفهم ولا تعبت وتعبتك معايا نحب نطلق لازمك طلق خمم في راحتك
هزت مفاتح الكرهبة ،ايا تعرفش كيفاه جاد اقعد فيها هكا احسن ليا وليك دار معاش حاطة فيها ساقي ارتاح
جاد:لين
لين:فك عليا لا لين لا سماء ماتخلطش عليا
خرجت تجري بقوة كبيرة تغزل عليه عينيها ولات ضباب لا يزي قلة نوم وزيد فوقهم العرك تقلبت بيها الكرهبة
سارة فاقت على صباح شايخة على l'article الي عملو اكرم فطرة حضرت روحها هزت زكرياء يقرا وتعدات للخدمة
الحلقة 53
لين طلبت سارة في تليفون وقالتلها الي هي عملت اكسيدون واليوم موش ممكن تصور معاها
سارة: ابعثلي كلينيك وين ربع ساعة ونكون عندك
لين:ماتعبش روحك لاباس
سارة:قتلك ابعثلي تو
هي جات خارجة وامها دخلتلها ،عنا مانحكيو يمشيش فيبالك مشيت
سارة:موش وقت ومانيش لاهية بيك وماعندي مانسمع منك
مشاتلها للكلينيك ، عزيزتي لاباس
لين:موش قتلك لاباس علاش تعب في روحك
سارة:هه تعبك راحة كان انت نسيت شعملت معايا انا مننساش
لين:ماهيش مزية
سارة:مزية ونص قلي اكسيدون عادي
لين:اي
سارة:متأكدة موش عادل
لين:لا حد مافيبالو باش نعملوه l'interview كان انا وانت وزيد تعاركت انا و جاد خرجت على اعصابي اذاكا علاش
سارة: عركة كبيرة ولا عركة كبيرة كبيرة
لين:هههه عركة كاسحة شوي
سارة:وينو هو تو
لين:مافيبالوش
هوما اكاكا وهو طلبها في تليفون ،هز عليه
لين:مانحبش
سارة:ماقتلكش حبو قتلك هز هز
جاد:لين تنجم تنقص مالمشاكل وترجع لدار
لين:منجمش انا في الكلينيك
جاد:علاش شبيك
لين:تقلبت بيا للكرهبة
جاد:ياااخي شبببيني اخر واحد يسمع لين وين الكلينيك
لين:منغير ماتجي حذايا سارة وباش نخرج
جاد:نعرف الي انت متغشة عليا وماتحبش تشوفني اما على خاطري حل الكاميرا متع تليفون نحب نطمن عليك يعيشك
حلت الكاميرا متع تليفون ،شفت قتلك لاباس
جاد:سامحني
لين:ياخي انت شمدخلك تقلبت الكرهبة علاش تطلب في سماح
جاد:خاطر نعرف الي انا سبب
لين:لا موش انت سبب وانا لاباس هيا اضحك ياخايب
جاد:ههه خليني نجي نروح بيك وموش لازم نبقى معاك في دار
لين:تو تروح بيا سارة طمن هاني جايتك
جاد:لطف عليك
لين:يعيشك هيا عاد هاك طمنت خليني تو باش نخرج
جاد:اي خليها الكاميرا محلولة
لين:جاد تفدلك
جاد:باهي تبطاش
علق تليفون مشا لامو مغلغل، ليوم زعما لا قتلتها
خديجة:اهدا وقلي شعملت في بنت ناس
جاد:منين نهدا منين باش نهبل ونهبلها معايا تحكيلي في حاجات صارت وانا مانيش متفكرها هبلتها معايا انا ليوم شوي لا قتلت مرتي بغلطة مني
خديجة: ويني هي تو
جاد:كلو منك انت وانا مانيش مسامح سمعت مانيش مسامح
خديجة:انت عامل في روحك هكا فهمت انت الحل في يدك
جاد:ياريتني مت وارتحت ياريت مت ولا قعت عايش هكا
روح يلقاها مازالت مروحتش دار على دنيا كسرها تغشش ملقاش فاش يفش غيضو حتى من تليفونو كسرو ماخلى شي
سارة:شنية صاير بينك وبينو
لين:فما حاجة مخبيها ومانيش عارفتها
سارة:وانت فاش شاكة
الحلقة 54
لين:مانعرفش اما انا نموت كان تطلع في حياتو مرا اخرى
سارة: تبدل عليك
لين:ناس تتبدل هو يتحول نحسو يخاف كيف نقربلو وماعندوش ثقة فيا واي حاجة يقلي موش صحيحة ماعادش فاهمتو وتعبت
سارة:جاد رزين ياسر كان فما تو تفهمها بالوقت مانتصورش عندو مرا اخرى في حياتو حاول تجبدو بالكلام تصلبو على راسو
لين:فيبالك فما امل يكون حكا لراجلك وليا انا موش مستعد يحكيلي
سارة:كان اكرم فيبالو بحاجة تو نقلك مايخبيش عليا المهم رد بالك على روحك مرة هاذي سترك ربي
لين:يعيشك ياسارة
سارة:بيناتناش تستحق اي حاجة انا في كل وقت على ذمتك
حلت الباب بالمفتاح تلقاه واقف جامد فرد بلاصة وجهو مستلبس
لين:جاد شنية صار شبيها دار هكا
جاد: شيهمك في دار ايجا اقعد
قعدها وقعد حذاها ،قلي شنية يوجع فيك
لين:قلبي يوجع فيا عليك
جاد:...
لين:علاش عملت هكا
جاد: اخزرلي انا نعرف الي انا سبب فلي انت فيه منغير ماتكذب عليا تعبتك معايا سامحني
لين:ماتطلبش سماح انا غالطة فماش علاش نخرج من داري خير كيف عملت حسيتك بدلتلي ديكور دار
جاد:...
لين:من وقتاه تخبي دموعك عليا فماش حاجة تستاهل تبكي موش لازم مانحب نعرف شي اخزرلي اخزرلي ماعندي كان انت في دنيا وانت تعرف هذا مانحبش نشوفك هكا
جاد:يمكن تصرفاتي عكس هذا اما انا والله نحبك موش قصدي باش نعمل فيك هكا ولا نعيشك ظروف الصعيبة هاذي اما موش بيديا
لين:علاش تحكي هكا ياخي شصار احنا عرسنا على حب وانا لتو مانيش نادمة الي عرسنا ولتو نحبك ومستحيل شي هذا يتبدل انت عطيتني برشا حاجات ماكنتش نحلم بيهم
جاد:نعرف الي هذا موش صحيح
لين:صحيح والله صحيح قلي علاش تبكي هاني لاباس
جاد:كل شي عملتو كل شي كنت ديما نقول فماش ماتتغلبش غلبت الفقر والظروف وفرعنت وطلعت لسماء والي غاضني الي ربي عاود قصلي جوانحي من اول وجديد منعرفش علاش ياخي لها درجة انا خايب انا اصلا مانيش عارف ربي على شنوا يحاسب فيا شنية عملت انا باش نتبلى شنية
لين:اششش معاش تحكي هكا عيش حبي حرام تحكي هكا كل مشكلة ليها حل
جاد:ههه ماليهاش حل وراس عزيزتي مفيهاش
لين:تو تشوف تتعدا الايام كاينها حلمة وتنسى
جاد:دنيا ماتخلقتش ليا من اولها امي كانت ديما تقلي متحاولش تبدل من واقعك يمكن واقعك هذا خير مالحلم الي تحلم بيه اما انا قعت نجري ورا الحلمة وتو نتمنى نرجع للواقع متاعي نتمنى
لين:انت احن واغلى انسان على قلبي في دنيا موش صحيح الي تحكي فيه ربي مايعطيكش حاجة ماتنجمش تتحملها
جاد:هه انت تقول هكا خاطرك تحبني، نحبك تعرف ههه مدامني متفكر على الاقل الي انا نحبك والي نحب نعيش معاك عمري الكل والي ماهيش مزية كيف ماحسستك كي وقفت معاك نحبك اكثر من اي حاجة في دنيا حتى كان ضريتك نحبك مانحبكش تنساني ومانحبكش تكرهني مهما يصير خليك عالاقل انت الحاجة الوحيدة الي حبيتها وماتبدلتش عليا والي انا كنت نحب نجيب منك صغير اما ماكتبش وخير احسن
الحلقة 55
اكرم: انا خدمت وترانيت وروحت وجبت زكرياء وفطرتو ودوشت باش انت روحت
سارة:على غير ماعملت شي
اكرم:علاش شبيك شفما
سارة:لين تقلبت بيها الكرهبة l'interview موش ناوي يعديها على خير
اكرم:هي لاباس
سارة:لاباس روحت بيها لدارها
اكرم:مالا علاش وجهك مقلوب
سارة:حتى شي
اكرم:يزينا عاد موش عليا انا قلي شفما
سارة:نهار كامل نستنى وقتاش نروح باش تعنقني
اكرم:شبيها مرتي ضربتها الفشلة
سارة:حقها شبيه صاحبك شعامل في مرتو
اكرم:شعامل
سارة:نسأل فيك وليت تسأل فيا متعاركين سبب خروجها من دار هو تقلبت بيها كرهبة
اكرم:مافيباليش
سارة:اكرم اخزرلي في عينيا الكذب لا قلي شفما
اكرم:صار اذاكا علاش قتلي عنقني حتى انا قلت شنية الحب الي هبط عليها
سارة:هههه والله توحشتك والله
اكرم:وانا وراسك مانعرف شي تي حتى العركة سمعت بيها من عندك تو
سارة:قلو يستوي روحو مع مرتو مكانش تو نخليها تجيبو لثنية
اكرم:باهي تو نشوفو شبيه
سارة:وكان فما باش تجي تقولهالي
اكرم:لطف ياربي
سارة:يلطف بيا وبيك ربي ياعزيزي خلي نطلع تبدل دبشي
خديجة مشات طل على لين ،بنتي شنية صارلك ليوم لاباس
لين:لاباس علاش تعبت روحك وجيت
خديجة: المهم انت لاباس شبيها دار هكا
لين:حتى شي
خديجة:نعرف العلاقة بينك وبين جاد موش الي هي
لين:كان تعرف حاجة لازمك تقلي عيش امي جاد ماشي ويغرق في الحاجة الي مخبيها عليا
خديجة:اسمع مني لازمك تحبل يعيش بنتي لازمك تحبل في اقرب
لين:اما هو مايحبش
خديجة: موش على كيفو انت احبل واش عليك
لين:منجمش نحبل هو موش حابب صدقني
خديجة:احبل قبل مايفوت الفوت نحب صغير نشم عليه ريحة ولدي
لين:ياخي انت تعرف حاجة منعرفهاش
خديجة:هاني قتلك رد بالك على روحك والحل للمشاكل هاذي هو صغير يملى عليكم دار اسمع كلامي ماتندمش مانيش غارة بيك
لين:باهي اما مانيش عارفة كيفاش تشوف فيه صغير حل وانا نقلك مايحبش
خديجة:هو الحل تو تشوف
لين:علاش جاد هكا
خديجة:اسألو هو انا متعاركة انا وياه
لين:اعطيني منين نشدها لحكاية تو انا نتصرف اعطيني خيط نجم نبدا منو
خديجة:احبل ساعة وبعد تو نقلك اصلا كيف تحبل مجبور يقلك
الحلقة 56
تعداو ليامات ومفما شي جديد لين عملت l'interview متاعها ولات متفهمة ومتحضرة اكثر كيف تصير مشكلة مع جاد خاطر تعرف بعد ماتصير لحكاية هو باش يراجع روحو ويطلب سماح وتعرف الي هي حاجة اقوى منو موش قادر يتحكم فيها
بعد 3شهر بالضبط لين فاقت بروحها الي حبلة فرحت اما زاد خوفها من كل شي من ردت فعل جاد وكيفاش باش تعملو وهي تنجم تقلو من اصلو ولا لا فرحت على خاطر صغير يمكن باش يكون مفتاح لحياة جديدة معاه وينقص مالمشاكل اما هذا موش مضمون معاه يمكن يرفض صغير خوفها لا مايقبلش صغير خاصة انو نبها
جاد و اكرم تفاهمو باش يخرجو يفطرو مابعضهم ويحكيو على وضع الشركة حاليا
جاد: شعامل في شركة
اكرم:مرتك قايمة بالواجب منغير مانعمل
جاد:ههه غريبة كانت ماتحبش حتى تخدم فيها
اكرم:اما تحب ولا تكره هي خدمت ونجحت باش تخرجها مالازمة الي هي فيها
جاد:مرتي ونعرفها قدها
اكرم:كان جيت تعرفها راك الي هي متقلقة من تصرفاتك معاها مثلا
جاد:وانت شكون قلك
اكرم:سارة بلاهي قلي فما راجل مايحبش مرتو تحبل فما راجل مايحبش يولي بو
جاد:انا منجمش نكون بو
اكرم:تنجم وماعندك حتى مبرر تي انا نقنع في سارة باش تجيب صغير اخر زكرياء بدلي حياتي الكل وانت فاش تستنى داخل في العام ثاني
جاد:بالسيف نقلها تجيب صغير ياخي
اكرم:هي ماتحبش خاطرك انت قلت لا
جاد:هاي اخباري الكل عندك
اكرم:احنا تربينا مابعضنا وكبرنا مابعضنا وخرجنا مالفقر مابعضنا ومن حقي نخاف عليك وعلاش لا جرب تكون بو بدل روتين الي عايش فيه وكيف ماتحبش ماتكرهاش هي في حياتها وتجرحها على الاقل مدامها مستحملتك ومستحملة تفاهتك قلو مايحبش يولي بو
جاد:هههه كي انت قلبك عليا اعطينا زكرياء نربيوه موش اسهل
اكرم:تحب سارة تهبل كان جات حتى حبلة
هوما يحكيو وتليفون جاد نوقز،
جاد وينك
جاد:خرجت نفطر انا واكرم علاش شبيك لاباس
لين:ايجاني انا في المخبر
جاد:لين ياروحي قلي شبيك صارتلك حاجة شبيه صوتك هكا
لين:لا لا لاباس متتفجعش نحبك تجيني كهو
جاد: باهي ربع ساعة نكون عندك
اكرم:شبيها
جاد:مانعرفش قتلي ايجاني للمخبر هي غادي
اكرم:كيف ماتفاهمنا لو تعاود تطلب منك باش تجيب صغير خليها
جاد:حسستني شاددلها عصا اكرم
اكرم:الله خير كان تشدلها عصا سارة تشرب من دمك
مشا للمخبر يلقاها تخدم عادي مفما شي
جاد:شفما جبتني متحير
لين:اوعدني ماكش باش تتغشش
جاد:على شنية باش نتغشش
لين:اوعدني جاد
جاد:وعد قلي شبيك
لين:حل جواب
جاد:ههه شنية قررت ترجعلي فلوسي ولا طلقني
الحلقة 57
اكرم: حبي يا حبي وينك
سارة:هاني جاية ياروحي شفما
اكرم: ياخي نسيت اليوم تتعدا الحلقة متاعك انت ولين في تلفزة
سارة:والله نسيتها كنت نرقد زكرياء وانت كسبة تفكرت حلقتي وخدمتي
اكرم:امان موش انا الي كتبتلك larticle وموش انا الي نتفكر وقت البرنامج ونسمع كل كلمة وكل حرف تحكيه
سارة:هههه زيد قلي اذاكا علاش انا ناجحة خاطرك تبع فيا
اكرم:اا باهي مالا هاني ماشي نرقد
سارة:والله نحبك والله ههه ايجا اقعد تفرج معايا
اكرم:كان ماجيتش انا راو برنامج فاشل
سارة:اي دنيا بلا بيك تاقف
اكرم:والله كان ماشديتش فيا صحيح لا نبقى
سارة:هههه
جاد ولين روحو لدار ، جاد عزيزي
جاد:نعم
لين:ماكش متغشش عليا
جاد: من شنية
لين:خاطر حبلة
جاد:لا ياعزيزتي راسي وجعني شوي مبروك علينا هذا احسن خبر سمعتو
لين:ملي عرسنا ليوم اول مرة نشوف الفرحة في عينيك وعينيك تلمع
جاد:شكون مايفرحش مرتو حبلة ياعمري ماليوم انت باش ترتاح وانا باش نتلهى بالشركة حتى لين تولد
لين:ههه لا نجم نخدم
جاد:موش على كيفك انت باش تتلهى بصغرون الي جاي في ثنية وانا باش نتلهى بيك
لين:مالا علاش ترعب فيا كان نعرف راني حبلت من قبلت
جاد:انا قتلك شوي وقت كهو موش مانحبش نجيب منك صغير
لين:ماكنتش نسخايل باش تفرح والله كنت مفجوعة
جاد:كل حاجة منك تفرحني انا نحبك ونحب صغير الي جاينا اكثر من روحي
لين:باهي احنا باش نبداو حياة جديدة بصغيرنا قلي ماكش مخبي عليا شي
جاد: ههه شنوا عندي نخبي عليك
لين:مانعرفش انا جاد نسأل
جاد:مفما حتى شي وما تحط شي فيبالك ياعمري
لين:انا نحبك مهما تكون الحاجة الي مخبيها
جاد: مانيش مخبي حتى شي شبيك ماكش حابة تصدقني
لين:مصدقتك سامحني
جاد:يعيشك خاطر فرحتني لين يعيشك خاطر خليتني نعيش بسيف احساس ماكنتش نحب نعيشو اما هو محلاه
لين:انا وانت واحد فرحتك هي فرحتي
جاد:قلي ماكش شاهية حتى حاجة
لين:شاهية تعنقني
جاد:هههه غالي وطلب رخيص ربي يخليك ليا
الحلقة 58
تعدا الوقت وكرش لين كبرت وبدات تلعب في sport وتحضر لولادتها جاد على قد مكان فرحان بالحبالة وبصغير الي جاي على قد مامخو تحرق مالتخمام قرر باش يمشي لطبيب ويقلو الي هو يحب يقص على استعمال دروڨ حتى كان هو دواء اما طبيب رفض شي هذا خرج متغشش من عند طبيب طلب لين قتلو الي هي مشات lsalle de sport روح بدل دبشو وخلط عليها
لين:هاك جيت ياخي متخدمش
قعد قدامها باسها من كرشها ،جيت لبنتي باش نترانا انا وياها
لين:اخزرلي اخزرلي شكون بنتك انا مرتك وبنتك هي بنتنا فهمت انا قبلها
جاد:ياخي غايرة من حاجة منك
لين:انا كنت نسخايل طفل
جاد:ياخي طلعت ينوتة باش تجي تحب بوها
لين:ماهيش باش تحبك قد ماتحبك امها على فكرة
جاد:انا نحبكم لزوز
لين:انا اكثر
جاد:هههه وانت اكثر قداه عندك في صالة
لين:قريب ساعة
جاد:يزيك راك تعبت
لين:باهي نمشي ندوش نخرج نلقاك كملت
جاد:تبطاش
لين:علاش شبيك
جاد:عندي مانحكيلك في دار لين
لين:باهي
دخلت لدوش وتخمم شنية لحكاية الي باش يحكيها جاد باش يحكيلها الي هي تحب تعرفو ولا لا دوب ماقلها عنا مانحكيو في دار خافت منغير ماتسمع لحكاية جاد كان يترانا ويخمم منين باش يبدالها كيفاش باش يلطفها لحكاية وكيفاش باش يقنعها علاش خبا عليها المدة هاذي برغم تقنع فيه باش يحكيلها وكان كل مرة يكذب عليها
سارة:اكرم فيبالك ليوم عندي تكريم
اكرم:اياباهي
سارة:شنية هاذي اياباهي قلي مبروك قلي علاش تكريم
اكرم:حسب رايك ناس علاش يكرموها خاطرك عملت interview صحافة لكل تستنى فيه ونهار الي تعدا حطم نسب المشاهدة الكل خاطرك صحافية ناجحة مافيش كلام وحد مايحلم ينافسك في ميدانك اقعد خمم في نجحاتك وفي خدمتك و اكرم عادي انساه
سارة:شبيك تحكي هكا اكرم
اكرم:الخدمة يجيها نهار وتوفى وتاريخ وتلفزة باش تشهد الي انت كنت صحافية ناجحة هذا يكفيك ولا لازمك تزيد سارة
سارة:موش على اساس نجاحي هو نجاحك شنية صار
اكرم:صحيح اما موش وقتلي توعدني باش تحبل وانت تكذب تشرب في دواء
سارة:من وقتاه تفركسلي ساكي
اكرم:مافركستش طاح من ساكك وحدو هذا همك انت
سارة:انت تعرف الخدمة ومانجمش نزيد صغير اخر
اكرم:ههه خدمة خدمة كان انت تخدم لا اما انت تحب روحك ديما لولا حتى كان على حساب فرحتي
سارة: موش صحيح
اكرم:انا نعطيك عينيا قتلك نعاونك عليه صغير وانت قلت باهي وصبحت تحربش عادي كنت تنجم تقلي منحبش نحبل منك مرة اخرى راني معاش نحبك خاطر الكذب ميواتيكش
سارة:كيفاش تخمم هكا اكرم انا منحبكش انا منحبش نحبل منك موش صحيح والله
اكرم:انت استخسرت فيا فرحة وقتلي انا نعمل جهدي ودوبل باش نشوف الفرحة في عينيك وانت تنجم تفرحني بأبسط الحاجات اما انت مستخسرتها فيا يعطيك صحة يامرتي الغالية يالي مفماش منك زوز
سارة:اكرم موش صحيح والله
سكر الباب خرج وخلاها في الدار
الحلقة 59
زكرياء:ماما شبيك تبكي
سارة:مانيش نبكي ياروحي ايجا عندي
زكرياء:papa رجع يغشش فيك
سارة:لمرة هاذي انا غششتو موش هو
زكرياء:وين مشا
سارة:عندو قضية تو يروح وانا باش نخرج مانيش باش نبطى عندي خدمة تو نجي ياروحي اقعد العب لين نجي وكان جاء قلو ماما مشات لتكريم تو تجي
زكرياء:باهي
سارة:مبنو ولدي المزيان
لين:ايوه شنوا كان باش يحكيلي راجلي
جاد:ايجا نطلعو لفوق
لين:شفما
جاد:ايجا، شوف حضرت بيت لبنوتتنا الي جاية في ثنية
لين:هههه بنتي باش ترقد حذاية وانت ارقد لهنا موش مشكلة
جاد:تفدلك
لين:بالطبيعة نفدلك حد مايفكلك بلاصتك
جاد:هي كيف باش تتولد سقاها باش يكون قد الفردة هاذي صغار
لين:اناحاسة بلاصتي تفكت وظاهرلي مانيش باش نولد بيها
جاد:كان ماهيش منك انا مستحيل نرضى تجي لدنيا
لين:هذا الي باش تحكيهولي
جاد:مالا شعندي نحكي
لين:نسأل وبرا
اكرم روح قالو زكرياء الي امو مشات لتكريم بدل وخلط عليها ، طلعت باش تاخذ جائزة احسن صحافية خزرتلو شافتو يصفق غمزها ،تفرهدت ولات تضحك كانت تحكي ومزروبة تحب تهبط خايفتو لا يمشي
اكرم:مبروك
سارة:هاك جيت
اكرم:كل حاجة في بلاصتها انا نحب نشوف نجاحك اما انت تبجل نجاحك عليا
سارة:اكرم
اكرم:موش لازم تبررلي سارة الي صار صار وانا معاش باش نجبدهولك موضوع لحبالة انا الغالط ملازمش نخصب عليك حاجة متحبهاش
سارة:معناها ماكش مسامحني جيت باش تقلي هكا وتمشي
اكرم: نحبك وعمري لا نفكر مجرد تفكير اني نعمل حاجة تغشك حتى بدون قصد ديما نحاول نحتويك بالخايب والباهي متاعك ديما نتحمل كل شي وموش مزية مني ديما نقول واجبي ولازم نراعيها ونعاملها احسن معاملة تخليها فرحانة بكل شي بيا وبالدنيا الي معايا مانخممش حتى كي نتوجع منك اني نرد الفعل ونوجعك ديما نرا الحاجات الباهية ب علاقتي بيك ونغمض عيني على الخايب الكل رغم المسافة الي تبنات بيني وبينك انا متفائل بيك وعايشة فيا ونحمد ربي الف مرة في النهار الي جات صدفة مزيانة دخلتك لحياتي، حياتي الي كانت داخلة في حيط وكيف عرست بيك قررت باش نصلحها موش على خاطري على خاطرك انت تستاهل راجل يعيشك عيشة بنينة ومزيانة كيفك كنت مانعطي الجنب لحد والي يسألني نقلو صاحبي ذراعي لين جيت انت وبدلت المقاييس الي كنت عايش بيها الكل ومليتني محبة وغرام وعلمتني شمعناها نحب مرا وحدة ونموت ونحيا فيها وخذيت البلايص الكل ذراعي الي وليت نضرب بيه عليك وقلبي الي سكنت فيه وعقلي الي مايخمم كان فيك وقتها فهمت الي صبري ممشاش خسارة وربي عوضني بيك على الحاجات الي خليتهم وبعدت عليهم
سارة: اكرم
اكرم:بإختصار رغم الي صار والي باش يصير بيني وبينك نبقى لاخر نفس في حياتي نعشقك خاطر عطيتني كل شي محبة اهتمام فرحة ضحكة وصحة الرأس واهم حاجة عطيتني عمرك انا ليوم جيت خاطر لازم نكون موجود بجنبك مانتنفس كان بيك
الحلقة 60
سارة: تعرف كان ماجيتش نقتلك والله نقتلك
اكرم:ههه اذاكا علاش جيت باش ماتخليش زكرياء بلاش بو
سارة:نحبك انا ياخايب نحبك
اكرم:محلاك وانت فرحانة بالجائزة حسستني اول مرة ثلاثة سنين انت تاخذ فيها
سارة:وهاذي احسن وحدة فيهم
اكرم:علاش بدلولها forme متاعها
سارة:لا خاطر عرفت انت تحبني بالحق جيت رضيتني رغم انا الغالطة سامحني
اكرم:سارة تتطلب في سماح ياناس مانيش مصدق
سارة:اششش فضحتنا اكرم سامحني وانت ساكت نعرف الي انت مسامحني اششش
اكرم:هههه
سارة:هيا اطلع خلينا زكرياء وحدو
لين:جاد
جاد:نعم
لين:حاول تتفكر اسم الفيلم الي حكيتلي عليه يعيشك
تفجع ،علاش اش فكرك فيه
لين:نحب نتفرج فيه
جاد:والله نسيت لين
لين:كيف تتفكرو قلي عليه
جاد:لها درجة قعد في مخك
لين:انا متأكدة فما حاجة تجمعني بالفيلم اذاكا حاجة في حياتي
جاد:اي مرتو حبلة وباش تجيبلو بنوتة كيفي
لين:انا مانيش عارفة مناش خايف باش تحكيلي على الحمل الي هازو وحدك
جاد: خايف لا نغشك وبنتنا تسمع قتلك مفما شي ياروحي
لين:سامحني عزيزي سامحني
جاد:كرشك كبرت فيسع
لين:بنتك مزروبة تحب تشوفك
جاد:موش اكثر تعرف قبل مانرجع نقابل بوك ايست الي مازالت حتى ربع فرصة باش نقابلك موش باش نعرسو
لين:اما جات العاصفة الي خلاتك تعرس بيا بسيف موش هكا
جاد:شكون قلك عرست بيك بسيف
لين:انت قتلي كان موش موت بوك مناخذكش
جاد:نكذب انا كنت باش نعرس بيك كنت نستنى في ربع فرصة انت محاسيتش قداش فرحت كيف مشيت لداركم وشفتك هه وتو حبلة وباش تجيبلي لين صغرونة
لين: كل شي فهمتو الا فرحتك بيها وانت كنت ماتحبش على الحبالة
جاد:حاجة باهية إني نحبك مرتين لين مرتي ولين بنتي
لين:ههه
زكرياء:papa شبيكم لتو
اكرم:وانت شبيك لتو مارقتش ياكعبورة
زكرياء:نحب نرقد عند ماما
اكرم:ههه صار جيت حملتني انا باش تقلي تبات عند ماما على فكرة نجم نرقدك حتى انا
زكرياء: نحب ماما
سارة:سمعت يحب مماتو هو قلب مماتو
اكرم:عندو الحق موش صغار الكل عندهم ماما كيفك ياروحي تو تكبر وتعرف الي ماما باش تخليلك حاجات تكون فخور الي انت ولدها الي في بيتك اذمكا الكل جوائز متع ماما وانت باش تكبر تولي كيفها
زكرياء:بالحق ماما
سارة: بالحق ياحبي انت بالحق وانت باش تولي خير مني انا وصلت هكا خاطر papa عاوني برشا مكانش راني مانيش هكا
اكرم:تكبر وتعرف الي ماما كانت كارثة وعاملة فيا
سارة:هههه حتى كيف تقلو هكا باش يبات عندي ماتبدل شي
الحلقة 61
لين قامت على صباح هزت مفاتح الكرهبة وخرجت مشات لدار حماتها
خديجة: بنتي مرحبا انشالله خير
لين:خير يعيشك سامحني جيتك على صباح
خديجة: ههه دار دارك لمهم انت لاباس
لين:نحب نحكي معاك على جاد
خديجة: نعرف
لين:قتلي احبل تو يقلك وانا قريب نولد وكل مرة نحاولو فيها مايقلي شي
خديجة: انا باش نعطيك حاجة وحدة ومانحب حتى سؤال تهزها تو هو يجاوبك
مدتلها ساشي متع دروڨ الي يستعمل فيها
جاد:وين مشيت ياخي على صباح
لين:فسرلي هذا شنوا
جاد:وين لقيتو
لين:من وقتاش tconsommer جاد
جاد:موش متاعي
لين:في دبشك مازلت ناوي تكذب عليا هذا الي اكثر من عام وانا نتحرق على خاطرو ونسأل فيك باش في لخر تطلع consommateur
جاد:لين انت ماكش فاهمة شي والله موش بكيفي
لين:فيبالك جايك صغير في ثنية
جاد:اذاااكا علااااش قتللللك متحبللللش انااا وانت ماحبيتش تسمعني
لين:غالط ونزيد نسمعك تكذب ونزيد نسمعك شنوا باش تقول لبنتك جاد بوك زطال ولا شنية
جاد:بوها مريض ماتخليتيش يعيشك
لين:هذا مرض انت جبتو انت لروحك
جاد:لحظة تو نجيك لحظة ، هاذي carte visit متع طبيب الي نعدي عندو هو تو يحكيلك كل شي والله لاني مستهلك
هزت الكارط وخرجت مشات لطبيب
اول مادخلت قرات طبيب اعصاب تفاجئت
طبيب:مرحبا مدام فاش نجم نعاونك
لين:انا مرت مريض عندك وهو بعثني ليك باش تفسرلي الحالة متاعو
طبيب: ا سي جاد اي كلمني قبل ماتجي
لين:هو مستهلك لزطلة اش مجيبو لطبيب اعصاب
طبيب:راجلك لا مستهلك ولا مدمن يامدام راجلك مريض عندو سنين ومرضو دقيق ونادر ولازم نفسرلك شوي باش تفهمني
لين:اذاكا علاش جيتك
طبيب: راجلك تعرض لحادث كبير ادى لارتجاج في المخ وهذا من حسن الحظ باش اكتشفنا المرض راجلك عندو سرطان في المخ لوكيميا نخاعية حادة كيف تعرض للحادث وقام ناسي كل شي كان فيبالنا جراء الحادث اما هو طلع جراء المرض لحمة كانت تكبر في راسو وتلزيت باش نعملو عملية تم فيها الاستئصال وفي الاستئصال هذا راجلك فقد disque متع ذاكرة متاعو
لين:هههه فاش تحكي موش صحيح راجلي بعد مشافني عرفني ويعرف كل شي راجلي يخدم ويقوم بواجباتو الكل منغير ما يعاونو حد
طبيب:ربي ينعم على الانسان ويعوض ساعات تلقاه ضرير اما يحس اكثر منا راجلك عبقري وموش انسان عادي يحب خدمتو راجلك petit genit عبارةmachine مايتعبش يخدم ويتفكر كل شي اما هذا بالوقت
طبيب:شمعناها lmachine الي عند راجلك كل 5سنين تفسخ كل شي وتعاود تسجيل من اول وجديد نحب نقلك الي معجزة راجلك عايش صدقني ونعمة من عند ربي حتى كان هو بدات عليه علامات نسيان وتعب ولحقيقة هو تعب مالعيشة هاذي اما هي معجزة الاهية الي هو عاش وينجم في اي لحظة يقوم ناسي كل شي كون متحضرة وكيف ينسى ويقوم يلقى روحو مع عباد مايعرفهمش ويلقى ملامح وجهو كبرو هو كيف صار الحادث موش كبير كيف تو يتصدم ومن غادي تشدو نوبات صرع تأدي للغيبوبة مدام ننصحك باش تصبر وتاقف مع راجلك
خلاتو يحكي وخرجت مصدومة مافهمت شي ملي يحكي فيه دنيا تشوف فيها فلو
الحلقة 62
روحت تلقاه قاعد جبدت الكرسي وقعدت قدامو تخزرلو
لين:علاش
جاد:نعرف الي انا غالط والله نعرف وحقني قتلك انا غصبت عليك باش تعرس بيا منغير مانخليك تختار حتى تقبلني بمرضي ولا لا
لين:علاش ماقتليش ياجاد علاش
يخزرلها دموع تقطر في القاعة باسها من يدها
جاد:ماتبكيش يعيشك نعرف الي انا ضلمتك والله نعرف وزت ظلمت صغير الي جاينا في ثنية اما انا باش نخليلكم عيشة باهية بعدي وباش تعيش بنتنا احسن عيشة وتعوضلها كل شي حتى كان انا موش موجود
لين:....
جاد: جاوبني قلي الي انا غالط ميسالش قلي انت موش مسامحتني نعرف ماكش باش تسامحني
لين:فيبالك لفلوس باش تعوض علينا غيابك ولا العيشة الباهية باش تنسي بنتك فيك
جاد: سامحني
لين:على شنوا قلي على شنوا
جاد:على دموعك الي نشوف فيهم وانا سبب فيهم وعلى الكذب الي كذبتو عليك انا نعرف موش باش تسامحني
لين:قلي وقتاش صار فيك هكا وقتاش وكيفاش عرفتني بعد ماشفتني برغم مريض
جاد:اول عام دخلت نخدم فيه عملت اكسيدون اما حالة دوخة ونسوة كانت عندي من قبل ومانعرفش الي انا مريض حتى صارت الكارثة الكبيرة وعملت العملية وقتها فقت ناسي اما طبيب من امي اي حاجة صارتلي قبل الحادث تكتبها وكل حاجة وكل تفاصيل الي صارت في حياتي امي كانت تكتبهم وتقراهم باش انا نتفكر وفي كل مرة تحكيلي حاجة نبدا نتفكر وقعدنا اكاكا كل 5سنين امي تتعب نفس التعب خذيت من وقتها ومن عمرها ومن صحتها كانت تهزني قدام البانكة وتقلي انت كنت تخدم لهنا وندخل ونشوف عباد انا اول مرة نراهم اما في لحقيقة هوما اصحابي كنت نرقد في غيبوبة نلقى امي كبرت وانا كبرت برغم انا خليتها صغيرة وهي كبرت من المعاناة الي تعاني فيها مني مفماش حاحة مخذيتهاش منها حياتها كرستها ليا انا بعد الحادث البيت الي مسكرة في دارنا اذيكا الحاجات الي كاتبتهم امي الكل حياتي انا الكل في البيت اذيكا حياتي في اسطرة وانا منعرفهاش هه والي يضحك الي كانت كل مرة تحكيلي على علاقتي بيك وكانت توجعني لحكاية كيف كل مرة برغم انا فيبالي اما لوجيعة تزيد هاذي حياتي بعدك وكيف عاوت شفتك قلت دنيا ضحكتلي وبعد تفكرت الي انا نجمش اما امي كان كيف شيطان الي يوسوسلي ومابرد على قلبها الا ماعرسنا نعرف الي هذا الكل انت ماعندكش دخل فيه والي انا ضلمتك ماتبكيش بنتنا قاعدة تحس في الي تحس فيه انت وكلو مني انا
الحلقة 63
لين:....
جاد:ماكش باش تجاوبني لين باهي على راحتك
وقف من حذاها طلع لبيت النوم قعد في البركون يخمم خلطت عليه يسمع في صوتها
لين:انا الي وجعني الي انت ماحسبتنيش مرتك كيف ماانا حستبك راجلي وحكيتلك كل شي وكنت سند ليا انت حرمتني حتى باش نكون بجنبك ههه كنت نجم نموت وقت تقلبت بيا الكرهبة ومانعرف عليك شي واحنا عايشين فرد دار كنت نقول الي انا اقرب لحاجة في حياتو والي انا اقربلو مالنفس متاعو ونعرف كل شي طلعت في حياتك كيف ناس الي تتفرج فيهم مالبركون ماشين جاين عابرة سبيل في حياتك
جاد:انت ماتعرفش انا قداش محروق من داخل علي عملتو فيك موش هكا خممت انا انا منحبكش تتوجع بموتي نحبها تكون موتى عادية منحبش الي عناتو امي تعانيه انت انا منحبش نجيب صغير بعد عام ولا ثنين مانعرفوش مانحبش ننساك منحبش امي تفكرني فيك مانحبش نموت ونخلي بنتي ورايا ماتعرفنيش رغم الي انا نحب نعيش معاها ونشوفها وندللها ونشريلها الي تحب وتدلل عليا انا ماطلبتش برشا اما حتى شوي ربي استخسرو فيا
لين:اسكت اسكت معاش تحكي هكا امان انشالله نموت قبلك
جاد:نحبك تسامحني
لين:على شنوا انا مانيش متغشة عليك انا متغشة على روحي مانجمش نعاونك انا متغشة كيفاش محاسيتش بهذا وكيفاش ماشديتش فيك صحيح ولا راني عرفت قبل
مسحلها دموعها، ههه وراس حبي موش باش يتبدل شي الي كاتب نستنى فيه وانا فرحان الي انت حبلة وباش نولي بو حتى كان شي هذا مؤقت انا فرحان بيه
لين: اخزرلي اخزرلي ماهيش مزية كان نفكرك ولا نتلهى بيك ماهيش مزية ياروحي انت عملت كل شي على خاطري راك قطعة من قلبي خلينا نحطو اليد في اليد ونحاول نرجع شويا من البرشا الي عملتو معايا كان مانشيلكش انا شكون يشيلك قلي ياخي انت اخترت هذا انا قتلك من قبل راني باش نبقى نحبك مهما تكون لحكاية
جاد:حتى شي ماهو باش يتبدل يالين وطبيب ماعطانيش امل تعب في روحك وراسك
لين:مفماش تعب ياجاد مفماش موت مفماش رد بالك تخليني تعرف شمعناها نموت نموت
جاد:مفماش موت تهنى ايجا اقعد على الفرش ارتاح وزيد انا لاباس هاك تشوف وباش نتلهى بيك حتى تولد
لين:ماتخلينيش
عنقها ،مانخليكش ياخوافة مفما شي ينجم يبعدني عليك
لين:انا بلاش بيك جوانحي يتقصو وظهري يتقسم وانت تعرف هذا تعرفوا
جاد:نعرف نعرف ياعزيزة قلبي هيا يزي بدل .دبشك وارتاح مايصير كان لخير موش انت قتلي الي ربي مايحبلنا كان الخير
لين:اي
جاد:مالا خليها على ربي خاطر ربي مايخليهاش بينا
الحلقة 64
خلاها راقدة ومشا لدار امو ،شعملت انت ياخي
خديجة: الي مانجمش ولدي جبان يعملو
جاد:انا مانيش جبان اما مرتي حبلة وموش هذا الوقت المناسب باش تحكيلها فيه على مشاكلي
خديجة:انت لزيتنا باش نوصلو لهنا انت ياجاد مرتك جاتني على صباح باش تهبلها لمرا الي يسمع يقول معرس عليها عرفي مريض ومرتك من حقها تسمع
جاد:ياخي تفهم انت ولا لا مرتي حبلة لين ترعبت وخافت فايقة وواعية بلي عملتو لمرا ولات حاطة في مخها تقوم تلقاني ميت
خديجة: اذيكا لحقيقة
جاد:حتى كان هي لحقيقة انا منحبهاش تعيش مرعوبة اخر مرة امي اخر مرة تقول حاجة لين منغير ماتعلمني
خديجة: موش علا كيفك وقتلي ماتحبش تستوي روحك وتفيق على وضعك انا نستويك
جاد:شنية نعمل باش انت تفهم شنية
خديجة:لا كهو الي حاشتي بيه عملتو مرت ولدي حبلة وجايني صغير تو كيف نبدى حاشتي بحفيد اخر نقلها تحبل
جاد:هههه
خديجة: وراس اكا ضحكة حد مايحبك قد امك ويحبلك الخير منغير ماتغشش مني اذيكا لحقيقة وموش عيب مريض
جاد:نعرف ياامي نعرف اما هي حبلة
خديجة:هي كانت شادة صحيح باش تعرف
قعد شوية بحذا امو وبعد روح طلعلها للبيت تكا حذاها
جاد:لين ...
لين:ممم
جاد:شبيك ياخي تبكي اخزرلي
لين:انا موجوعة موجوعة نستنى فيك باش تجي
جاد:متخافش تو نمشيو لطبيب
لين:حاسة صارت حاجة لبنتي
جاد:هه يزي مالتهلويس مفما شي انت خايفة
لين:مصارني نحس فيها تقطعت
جاد:لطف عليك ايجا نبدلك دبشك ونهز حبي لطبيب
هزها للكلينيك
طبيب:حضرو بيت العمليات فيسع
جاد:علاش شفما
طبيب:المدام ليلة ماتنجمش تروح معاك باش تولد
جاد:مازالت في سابع ولادة شنية
طبيب:ههه البنوتة مزروبة نقلولها لا متخافش تصير ماهيش اول مرة انشالله يخرجو لزوز لاباس
كلم اكرم وقلو يبعث سارة للكلينيك باش تبقى حذاها باش يرجع يجيبلها الفاليز متاعها
خديجة: ياولدي شبيك اصفر شصار
جاد:اخزرلي امي وركز هذا دبش صغير ولين ركز وحضر فاليز كاملة
خديجة: فاليز من تو شتعمل بيها ياطفل هبلت
جاد:امي لين باش تولد في سابع على بكري حضر الفاليز يعيشك مانيش ناقص حضر
سارة دخلت مع لين للعملية مخلاتهاش حتى لحظة
سارة:لين متخافش عزيزتي كل شي يفوت تو تولد وتشدها بين يديك
طبيب:باش تولد بالعملية بنجوها
قعدت خايفة شادة سارة من يدها
حطولها الاكسيجان على فمها
سارة:اجبد ياروحي اجبد تنفس بالڨدا
خديجة: هاي الفاليز حاضرة
جاد:تطلعش نسيت حاجة متأكدة
الحلقة 65
خديجة: كونشي لا دخلتني انت بعضي اما هي حاضرة مانسيت شي
جاد:ناقص انا امي كمل عليا انت اصلا هي ولدت بكري مالكارثة الي هبطها انت على راسها
خديجة: اكهو رجع لامو باش يفش فيها غيضها ياولدي هي كاتبلها باش تولد تو نقولو لا
جاد:باهي سامحني سامحني
مشا قعد هو واكرم يستناو البرا حتى خرجت سارة
جاد:شبيك خرجت شفما
سارة:ولدت وجابتلك بنوتة عسل
جاد:هي لاباس
سارة:تهنى لزوز لاباس هي والبنوتة
جاد:نخليكم انا
سارة:اكرم ياروحي ماكش باش تدخل
اكرم:لا
سارة:ههه ماتقليش غرت من صاحبك ياكازي
اكرم:كان حبلت راك تو باش تولد كيفها
سارة:هههه ياعمري هو لتو في مخو لحكاية هوما هذايا اول صغير اما احنا عنا زكرياء ولا نسيت
اكرم:حتى كان تجيبلي 4 كل صغير منك باش نفرح بيه وعندي انا اول صغير
سارة:حمدالله مالا مانيش نسمع في كلامك مكانش رانا جبنا 4كيف ماقلت
اكرم:...
سارة:ههه باهي نفدلك والله نفدلك نوعدك باش نحبل في اقرب وقت والله لازمك تدخل عيب يامغيار مايجيش
اكرم:ممم صحيت كنت باش ندخل بالطبيعتي
سارة:مانعرفكش محسوب
جاد:حمدالله على سلامتك عزيزتي
لين:ههه احنا ولينا 3 ياقلبي ايجا هزها
جاد:خلاها عندك نخاف نوجعها، المهم انت لاباس عندي كنت خايف تصيرلك حاجة
لين:جات تشبهلك وعيناها زرق كيفك
جاد:لشكون تحبها تجي هي روح بوها شنية باش تسميها
لين:خديجة
جاد: علاش
لين:خاطر فكرتها هي البنوتة هاذي الي باش تبدللنا عيشتنا
جاد:ظاهر الي انت تاعبة ومخبية عليا تاعبة لين
لين:شوي الفرحة غلبت تعب وراسك
اكرم:سامحونا سامحونا صغير الي في يديكم خاطيكم بنتي انا
جاد:شبيه هو نجم يهزها وانا خفت
اكرم:خاطرك بوهالي انا عندي صغير وانت لا
جاد:تنساش بنتي الي في يديك
اكرم:وانا عمها شنية جديد
لين:جاد خرجني يعيشك
سارة:علاش زربة هاذي الكل يالين
لين:امان سارة حتى كان جاد ماحبش خرجني مانحبش نبقى لهنا
جاد:باهي انا غدوة نخرجك وراسك تهنى
لين:يعيشك
جاد: لا يحرمني منك
سارة:اكرم عزيزي طفلة مروشتها بالبوس
اكرم:مبنها هي مبنها
جاد:ههه بنتي كيفاه تحبها تكون بالطبيعة عسل
اكرم:بالرغم بوها ماسط سبحان الله
جاد:هههه
رجعها عند لين طبس جاد باسها قعد يلعبلها بيدها
جاد:وقتاه باش تحل عيناها
لين:هي مزروبة بالطبيعتها تخافش
جاد:نحبكم برشا
لين:واحنا مانجموش نعيشو منغيرك
الحلقة 66
سارة: اكرم شبيك ياخي هاذي ماهيش ثنية دار
اكرم:اي نعرف شبيك خفت باش نخطفك
سارة:ههههه انا نخاف منك قلي وين ماشين
اكرم:انا منتفكرش روحي احتفلت بنجاح مرتي انت تتفكر
سارة:حتى انا منتفكرش
اكرم: اذاكا علاش باش نخرجو نتعشاو ليلة
سارة:زكرياء وحدو
اكرم:لا عند ام جاد تهنى زكرياء شايخ
سارة:مممم معناها كنت مخطط للحكاية
اكرم:بالطبيعة من قبل
سارة:فيبالك انت ياراجل ماشي وتزيان
اكرم: انا من قبل مزيان اما انت متثبتش
سارة: اي نفهم فيك
دخلو قعدو باش يتعشاو والي يشوفها يحب يتصور معاها وهو كان يحاول يهدي روحو
سارة:اكرم اخزرلي شبيك
اكرم:ظاهرلي انا ملكك اما انت ملك الشعب
سارة:هههه
اكرم:هههه تضحك نهار باش نحبسك على فكرة خايبة ياسر انهم يشاركوني في حاجتي شي مايبشرش بالخير خاصة
سارة:خاصة مرتك زين وعين نعرف نعرف
اكرم:لا خاصة انا مغيار
سارة:بوزينو هو محاقوش انا ماقتلكش نخرجو انت استحمل شوي
اكرم:على خاطرك باش نستحمل برشا حتى نربط بصغير
سارة: حتى بالصغير ماتنجمش
اكرم:اذيكا المصيبة
جاد:لين روحت بيك وندمت صدقني
لين:علاش
جاد:خاطرك تعديها ليلة كاملة تعس عليا مانيش صغير
لين:مستخسر فيا نشبع فيك ونخزرلك
جاد: موش مستخسر اما انت قتلك الخوف موش هكا باش نكملو نعيشو
وخديجة ولات تبكي ، نقاشاتك ليلية هاذي طول ماعنا خديجة انساها
جاد:هههه شبيها موش رقدت
لين:خطرلها تفيق
جاد:جيبها ترقد حذانا
لين:احنا تفاهمنا ماتفكليش بلاصتي
جاد:ليلة هاذي كهو ماكش تشوف فيها بكاية كيفك
لين:امان امان
جاد:هههه خليك انت تو انا نجيبها
حملها باسها سكتت، شفت ناس في لحظة نسكتها
لين:مالا خليها ترقد في بلاصتها
جاد:انا راو حاسسها مغصورة باش تعاود تبكي
لين:ههههه
جاد:حمدالله عليك كيف ضحكت ياروحي
لين:ربي يخليك ليها ولا يحرمها منك
جاد:امين
اكرم:شبيه هذا يخزرلك ويضحك
سارة:يااكرم نهار الي خرجنا فيه باش تعمل مشكلة
اكرم:شبيك تضحك شفما
تحكي معايا
اكرم:اي معاك انت
لا حتى شي
اكرم:ايجا اقعد في بلاصتي موش خير
سارة:ههه اكرم شبيك
اكرم:ماكش تخزرلو اول مرة يشوف مرا ولا شنية حكايتو دورلي خواطري لكازي
سارة:خلينا نمشيو
اكرم: garçon l addition يعيشك
سارة:هههه كثرتلها انت ماشرب ظاهرلي
اكرم:اي بالضبط
سارة:يزي اكرم راجل حمار مسكين
اكرم:سكين ليه هيا خلينا نخرجو
الحلقة 67
تعداو شهرين على ولادة لين وجاد تعلق ببنتو بصفة غريبة وين مايتحرك يهزها معاه حتى باش ياخذ قهوة يهبطها معاه
جاد:لين ياعمري
لين:هاك تفكرت عندك مرتك
جاد:ههه خلينا نخرجو نحوسو بخديجة قلقت
لين:هي قالتلك راني قلقت
جاد:انا حاسس بيها منغير ماتتكلم
لين:وعلاش انا نتكلم وانت ماكش حاسس بيا
جاد:حاسس بيك اذاكا علاش قتلك خلينا نخرجو
لين:مانحبش جاد تاعبة
جاد:مفماش خروج منغيرك
لين:نحس فيك تعمل في هذا تودع فينا وانا منحبش جاد
حط خديجة في فرشها ومشا قعد حذاها
جاد:موش صحيح
لين: اذاكا علاش ماكش تفارق في خديجة دقيقة
جاد:شنعمل لعمري كيف جبتلي طفلة تتڨرمش
لين:انت ماكش حاسس بهذا اما انا نشوف فيك
جاد: وراسك مفما شي والله استهدا بالله وخلينا نخرجو
لين قلبها حاسس الي باش تصير حاجة بعد الخرجة وفعلا كيف روحو قلها الي هو تاعب ويحب يرقد اما كانت صدمة كيف فاق ولقاها بجنبو طاح مالفرش مالفجعة
جاد:شتعمل في دار انت شكونك شبيك راقدة بجنبي
لين:جاد ياعزيزي شبيك
جاد:ماتمسنيش ماتمسنيش
لين:لا جاد يعيشك ماتعملش فيا هكا امان يعيشك على خاطري انا لين لين مرتك
جاد:انا مانيش عارف روحي وين ويني امي نحب
لين:اهدا اهدا هاني باش نكلمها هاي باش تجي
قام مشا يجري للمراية خزر لوجهو تفجع شكون هذا الي في المراية شكونننوووو شنعممممل انا لهنا
لين ترعبت عمرها ماكانت تتصور في ليلة ونهار رغم طبيب حذرها اما هي ماصدقتش في مخها يكذب
جاد شدتو نوبات صرع طاح في القاعة حتى خرجت لكشاكش من فمو يبس فرد بلاصة
لين:جاد اهدا جاد ياروحي انا لين وانت تعرفني نحي يديك على راسك يعيشك
جاد:.....
لين:جاد حل عينيك حل عينيك
مشات تجري لتاليفون كلمت طبيب بعثلها l'ambilance بالوقت وحضر بيت في الكلينيك
خديجة: بنتي شنية صار
لين:مصار شي كيف العادة مصار شي والله
خديجة: نعرف نعرف
لين:كان راقد وقام خاف مني خرجنا نحوسو بخديجة وروح قال راسو وجعو وباش يرتاح شوي فقت على صياحو
طبيب:مدام لازمك تستانس منغير خوف مصار شي نوبة صرع عادية
لين:راجلي كان يخض بين يديا شنية العادي الي تحكي عليه
طبيب:الحالة مستقرة اما بعد متنجمش تدخل لحياتو على اساس مرتو لا انت ولا بنتك خاطر مايعرفكش وهذا باش يأزم الوضع خاصة كي نحبو نذكروه في حاجة بسيف تجيه نوبة صرع
لين:الحل
طبيب:انت ممنوع تكون لهنا مدام ممنوع انت باش تخرج من حياتو خاطرك تو ماكش موجودة فيها اصلا
الحلقة 68
اكرم مشا هز خديجة عندو لدار سارة خلطت على لين
سارة:لين شوي وقت تو كل شي يرجع كيف ماكان
لين:شي ماو باش يرجع كيف ماكان
طبيب: مدام لازمك تقتنع فماش حل اخر راجلك باش يقوم مايعرفكش زايد انو يشوفك شي هذا باش يعرضو لضغط نفسي
لين:اما انا لازمني نشوفو
طبيب:تنجم تشوفو تو انت وبنتك وهو فايق لا يعيشك مذابيا تسمع كلامي
سارة:هيا شوفو تو لين اسمع كلامو عيش عزيزتي
زكرياء: papa جبتلي اختي
اكرم:ههه شفت اختك محلاها هاذي بنت عمو جاد وانا جبتها باش ترد بالك على اختك
زكرياء:شبيها راقدة
اكرم:تو تفيق انت زادة كي كنت صغرون كيفها كنت ديما راقد
زكرياء:باش نلعب انا وياها كي تفيق
اكرم:خليها تو راقدة عيش ولدي وايجا انت كمل فطورك تروح ماما تتغشش عليك
زكرياء: عمرها ماتغشت مني
اكرم:تاكلك سارة كان تتغشش
زكرياء:ههههه
اكرم:تضحك عجبتك لحكاية
دخلت قعدت حذاه حطت يدها على يدو شدها
لين:انا مانيش عارفة كيفاه باش نخليك ونعطي بظهري فسرلي كيفاه ،جاد معقول تقوم متعرفنيش قلبي نحس فيه باش ياقف هه موش قتلي انت فرحان بخديجة علاش صار هكا كيفاش مشيت منا في لحظة
سارة:لين
وقفت من حذاه ،سارة خديجة خليها عندكم حتى نرجع
خديجة: بنتي وين ماشية بنتك صغيرة
لين:معاش تفرق مانحب نشوف حد ومانحب حد معايا
سارة:لين عندك بنية صغيرة ماتنجمش تعمل هكا
لين:نهارين ونجي نهزها
لين تعبت وماحبتش تقبلها حتى ك فكرة هزتها بنتها وسافرت كانت قداير ربي وحدها هي الي شادتها باش ماتمشيش وتشوفو عدات 4شهر لبرا حتى طلبتها امو وقالتلها تحب تشوف بنت ولدها والي جاد خرج وقاعد معاها في دار
نهارت الي مشات كانت تشوف فيه جنينة ومانجمتش تقدم حتى خطوة هو جاء داخل وهي تخبات في البيت
جاد:امي شنية جبتلي اخت
خديجة: ههه امك عمرها متع جيبان صغار
جاد:محلاها طفلة بنت شكون شتعمل عندك
خديجة: جارتنا مشات بقضية خلاتها عندي تو تجي تهزها
جاد:نجم نحملها
خديجة: تنجم يابابا
لين كل مرة تاكل صدمة هي تعرف الي موش باش يعرف شي اما موش مصدقة صدمة ليها انو معرفش بنتو محملها ومايعرفش الي هي بنتو
ولات تبكي ،بنتي وسع بالك تو كل شي يرجع بشوي
لين:شنية باش يرجعها معرفش احسن حاجة صارتلنا في حياتنا انا وياه فرد دار ومنجمش لا نمسو ولا نقرب منو انا قاعدة نموت قاعدة نموت عرق بعد عرق
خديجة: لطف على بنتي كلو بستر يفوت وراسك شوي وقت
لين:باش نبقاو كل مرة نرجع لنقطة صفر الي مناش باش نطلعو منو وهاذي اصعب حاجة
جاد:محلاك انت محلاك كيفاش امك تخليك وحدك قلي
الحلقة 69
تعداو ليامات وماتبدل حتى شي ام جاد بدات ترجع فيه لخدمتو وتفكر فيه كانت تخرج هي وياه وتوريه لبلايص لين كانت تبع فيه من بعيد منغير ماتقلقو حتى طلب منها طبيب انها تعاود تظهر في حياتو بطريقة عادية نهار وهو في في البحر يسمع في الغناء شاف نفس الطفلة الي كانت في دار امو نفس صغير مشالها
جاد:شتعمل انت لهنا يامزيانة وشبيك وحدك
لين:ماهيش وحدها ياخي تعرفها
جاد:انا شفتها في دارنا وامي قتلي الي جارتنا خلات بنتها عنا
لين:اي هي بنتي
جاد:ربي يخليهالك
لين:يعيشك
جاد:معاش تخليها وحدها
لين:تهنى منخليهاش وحدها
جاد:سامحني كان قلقتك خاطرني نعرفها اذاكا علاش جيتها
لين:مفما حتى قلق
جاد:نجم نسألك
لين:تفضل
جاد:شنية اسمها
لين:اسمها خديجة
قعد يخزرلها ، لا موش اسم امي اسم بنتك
لين:اي بنتي اسمها خديجة
طبس يثبت في طفلة قعد يخزر لين
لين:لاباس monsieur
جاد:تقابلت انا وياك قبل
لين:لا علاش
جاد: سامحني سامحني لازم نمشي
راسو وجعو يحب يتفكر حاجة ومنجمش يحس الي هو يعرفها وماعرفش وين دخل بعضو اسم طفلة قلبلو مخو
لين:نجم نعاونك
جاد:انا باش ندخل في حياتك الخاصة كان ماعندكش مانع
لين:اي
جاد:بوها وين
تهنتلت ماعرفتش شنية تجاوب ، بوها مريض شوي اذاكا علاش موش معانا
جاد:انشالله ربي يشفيه
لين:يعيشك
جاد:نجم نبوسها
لين:تنجم
جاد:هه ظاهرلي انا وياك باش نوليو اصحاب مدام اسمك على اسم امي ياعسلة كان عندك ماتقضي عود جيبها خلاها عندي حتى كان امي موش موجودة مدامك جارتنا
لين:يعيشك
جاد:مفما حتى مزيا نرتاح كي نشوفها
الحلقة 70
لين روحت في دنيا اخرى كيفاه معرفهاش تحس في دنيا ضلامة في عينيها
روح لدار يلقى امو قاعدة تتفرج قعد حذاها
خديجة: ممم شفما
جاد:شفما مفما شي
خديجة:لا فما انا نعرفك
جاد:طفلة صغيرة الي جابتها امها لدار
خديجة: اي شبيها
جاد:شفتها زادا ليوم في شط
خديجة: شنية المشكلة
جاد:انا قتلك مشكلة اما انا علاش منعرفهاش جارتنا
خديجة: تعرفها اما نسيتها تحب نفكرك
جاد:لا لا منحبش
دخل للبيت يفركس قلبها دنيا، تي شبيك فاش تفركس
جاد:تليفوني
خديجة: هاو عندي
جاد:حاشتي بيه
عطاتهولو وخرجت حلو يبربش فيه يلقى تصاورو هو ولين قعد يخزر
جاد:امي ياااا امي
خديجة: ا نعم
جاد:موش هاذي نفسها جارتنا
خديجة: اي
جاد:شنعمل انا معاها
خديجة: اهيكا لبيت ادخل تو تتفكر
جاد:منحبش
خديجة: لازمك تتفكر لازمك
جاد:منحبش
خديجة:اذيكا صحبتك ايام الفاك كيفاه تنسى الي جاتك قدام ناس وقتلك لا منعرسش بيك
جاد قعد يخزرلها بدا يراجع في روحو تفكرو نهار ،اي وبعد
خديجة: بعد كل واحد شد ثنيتو وشاف حياتو
جاد:هي عرست تو
خديجة: مالا بنتها منين جابتها
جاد: اخرج وخليني وحدي
خرجت وخلاتو كلمت لين حكاتلها كل شي
محبش يجيه نوم غاضتو روحو كيف امو حكاتلو لحكاية بايت فايق وعلى صباح قام مشا باش يعمل المساج
لين:صباح خير
جاد:ياخي انت تبع فيا
لين:قتلك صباح الخير راو
جاد:منتصورش الي هاذي كل صدفة وين مانمشي نلقاك
لين: اناطبيبة المساج متاعك تفضل معايا
شدها من يدها ، شنوا تحب مني انت
لين:شعندي نحب منك قتلك انا طبيبتك
جاد: انا راني مانيش متفكرك اما انت تعرفني
لين:مانعرفكش
جاد:قتلك تعرفني
لين:انت لهنا مريض راك موش جاي باش تناقشني كان نسيت هاذي زادا نفكرك
جاد:اخزرلي يعيشك حاول تعاوني انا مانيش متفكرك مانيش نفدلك كانت بيني وبينك حاجة
لين:اي
جاد:باهي برشا انت معرسة وعندك صغير علاش تبع فيا
لين:خاطر انت ... انا مانيش نتبع فيك انت مريض وجيتني بساقيك
جاد:كان نعرف مانجيكش
لين:صدقني موش باش يصير شي انا طبيبتك لا اكثر ولا اقل
جاد:بعد الحصة هاذي نحب نبدل طبيبة حضرلي dossier متاعي
لين:علاش
جاد:مانيش مرتاح معاك
لين:على راحتك على راحتك
روح لدار دخل طول لبيتو ،كيفاه كانت حصة المساج اليوم
جاد:علاش حاسس روحي بهلول في وسطكم انا
خديجة: كيفاش
جاد:امي لمرا اذيكا معاش نحبها دور بيا
خديجة:علاش شصار
جاد:لمرا معرسة وانا كل مانشوفها نحس بحاجة موش عادية
الحلقة 71
خديجة: ماتقليش حبيت مرا معرسة ياطفل
جاد:امي
خديجة: شبيك نسأل فيك
جاد:قتلك نحس روحي قريب منها حاجة تجبد فيا ليها موش معناها نحبها
خديجة: ههه شمعناها
جاد:معناها خليها تخرج من حياتي ومعاش تبعني
خديجة: علاش عندها تبع فيك لمرا براجلها انت تبالغ
جاد:براجلها ؟؟ وين تسكن
خديجة: تي شبيك
جاد:قتلك وين تسكن
خديجة:هي تو موش في دارها الي لهنا
جاد:ااا صار تعرف عليها كل شي
خديجة: جارتي وعندي نومروها
جاد:وين تسكن
خديجة: على شرط
جاد: مممممم امي امشي
خديجة: معاش باش تقلقها
جاد:باهي
بدل دبشو ولبس sac à d'eau متاعو وخرج
خديجة:وين ماشي
جاد:تليفونك عندي تو نجي
طلع في الكرهبة مشالها لدار يلقاها باش تخرج هي وبنتها
لين:مرة هاذي انت تبع فيا
جاد:جيت باش نشوف راجلك لمريض كان ماعندكش مانع نحب نشوفو
لين:باش نقلو صاحبي لقديم جاء يعمل عليك في طلة
جاد:باهي سامحني سامحني انا معاش عارف شنعمل
لين:وين كنت ماشي
جاد:نترانا
لين:تنجم تهبط خديجة في poussette هاني جاية
جاد:اي بالطبيعة
لين:يعيشك
خلاتو يهبطها وقعدت تخزرلو من بعيد
جاد:انا علاش نحس فيك تشبهلي انت قلي علاش تضحك ههه نضحك معاك انا
لين:انا جيت يعطيك صحة
جاد:وين ماشين
لين:باش نقضيو حاجات لدار من centro mall
جاد:حتى انا عندي مانقضي كان تحب نمشيو مع بعضنا
لين:علاش لا
دخلو بداو يدورو خديجة ولات تبكي، سمعتها لين
جاد: اقضي على روحك تو نحملها انا
لين:بالكشي تقلقك
جاد:ماتقلقنيش
لين:حاستك هكا تحب تخطفلي بنتي
جاد:حل تليفون وراها تصويرة هي بنتي زادا انا متأكد من هذا وكان انت عاوت حياتك موش معناها مانشوفش بنتي
لين:ههه ايه عندك الحق
جاد:قداش كنت ناوية باش تقعد مخبية عليا
لين:مانيش مخبية
جاد:انت قلت متعرفنيش من اصلو
لين: خلينا نكملو نقضيو
جاد: نحكي معاك
لين:ماهيش بلاصة نحكيو فيها
جاد:باهي اقعد اهرب طفلة بنتي وباش ناخذها
لين فرحت الي هو على الاقل يحس حس ببنتو قاعد يحس الي فما حاجة عينيها تعبات بالدموع
جاد:ياخي تبكي
لين:لا
جاد:ناخذها راو موش معناها نفكها منك
لين:ههه نعرف
كان يدور هو وخديجة يتفكر في دار الي وقف قدامها موش غريبة عليه موش اول مرة يمشيلها
جاد:نجم نسألك
لين:اسأل
جاد:قداه عنا ملي عرسنا حتى طلقنا
لين:مانتفكرش
جاد:انت زادة مريضة كيفي
لين:تنجم تقول
جاد: علاش متحبش تعاوني ياخي مانيش متفكر من حقي نعرف كان هي بنتي
الحلقة 72 و الأخيرة
جاد رجع بدا يخدم وكان يعس على دار لين ويحب يعرف راجلها موجود ولا بدا يراجع في روحو صحتو بدات تتحسن اذاكا علاش طبيب متاعو طلب من لين باش تحكي معاها وتفهمو مدامو يحب وتقابلو باش تحكيلو
جاد:ويني خديجة
لين:في دار اطلع هانا ماشين حذاها
دخل قعد يثبت في دار ، شنية معرفتهاش هاذي دارك
جاد: علاش طلقنا احنا
لين:مطلقناش
جاد:مافهمتش
حطتلو CD عرسهم ،ايجا نتفرجو مابعضنا وبعد حطلتو تصاور حبالتها كيفاش هو فرحان بخديجة
لين:انت راجلي لمريض انت اذاكا علاش نتبع فيك احساسك صحيح خديجة بنتك
جاد:علاش ماقتليش
لين:طبيبك ماحبش
جاد:كنت حاسس الي انت حاجة تابعتني وملكي
لين بدات تحكيلو وتفكر فيه كيف امو تحاول تفك بلاصتها باش تنقص عليها تعب وهو كان متجاوب معاها ويتفكر
جاد:وانت كيفاه قبلت بيا هكا انا نسيت حتى الحاجات الباهية
لين:انت خبيت عليا مرضك اما حتى ماخبيتش انا باش نرضى خاطر نحبك
جاد:اما انا مانحبش ننسى الي عشتو معاكم
عنقتو ،معاش تنساني جاد رد بالك تنساني مرة اخرى راني قاعدة نموت يعيشك رد بالك تعملها مرة اخرى
جاد:سامحني
لين:ههه على شنية اخزرلي انا شريت كاميرا وعملت كاميرا في دار زادة باش كل لحظة باهية نعيشوها انا وياك وبنتنا تبقى تتفكرها وتتفرج فيها
جاد:حتى وانا مريض كيف شفتك حبيتك
لين:نعرف خاطرك كنت تحاول تتقرب مني
جاد:ههه
لين:شوف كان تحس روحك مرتاح تنجم ترجع دبشك لهنا باش ترجع تعيش معانا خاطر انا توحشتك برشا
جاد:نجم نهز معايا خديجة في الكرهبة
لين:تنجم رد بالك عليها
سارة:اكرم يا اكرم ياحبي ياعسل وينك
اكرم:هات ملخر شنية تحب نقضيلك
سارة:ساقط زايد
اكرم: عيب راجلك راني حافضك
سارة:مانحب شي
اكرم: باهي وين كنت البرا
سارة:جيت باش نقلك الي مرتك وفات بوعدها وحبلة باش تجيبلك
اكرم: تفدليك الماسط نكرهو قلي شبيك
سارة: شد هاو تحليل كان ماكش مصدق
حلو يقرا فيه قعد يخزرلها ،ههه شفت مانيش نفدلك وتو برا جيب الفراز خاطرني شاهيتو اذاكا علاش باش دللني يا ساقط
اكرم: هههه ايجا ايجا عندي مبروك علينا
جاد: امي ايجا شوف شكون جبتلك
خديجة: بنت ناس شتعمل عندك
جاد:شكون الناس العسلة هاذي بنتي انا جات مع papatha لدار مماتها
خديجة: حمدالله على سلامتك ياولدي مرتك تعبت حتى هي
جاد لم دبشو ورجع يعيش معاهم ورجعت الحياة عادية ولين قررت باش تتعامل مع لمرض متاعو حاجة عادية وماتضيعش الوقت الي هو لاباس فيه وتستغلو باش تخلي ذكريات باهية في حياتهم رغم الي فيها برشا تعب
سارة حبلة ودلال قتلها على اكرم رجعت حق لحبالة دوبل عذبتو باش جابتلو خو لزكرياء
النهاية
كمنتار ببلوڨر
تعليقات