《الحلقات السابقة
في احضان الموت
الجزء الأول
الحلقة 25
بقا واقف في نفس الوضعية...عيني في عينو...اول مرة نجمت نتحدا خوفي و ناقف في وجهو...اليد هاذي ياما تهزت في وجهي...قداش خذيت ضرب في حياتي و سكت...اما هو سبب في كلشي...كلشي وصلنالو كان عندو يد فيه...طول السنين لي تعدات حسبتو بابا و حبيتو...اما مع موت كرهت كلشي...كرهتو و كرهت الظروف...كرهت روحي...معاد عندي شي في دنيا...كان عماد...عماد لي بسبي انا خسر كلشي زادة...و على خاطرو مستعدة لاي شي...كبست على يدو اكثر نطرتها لتالي...باقي واقف يشوف معايا مصدوم...قحرتلو...تبسم على جنب...و قرب مني خطوة...هز صبعو في وجهي يحكي
هو:متلعبش معايا يا فرخة...متنجمش تتوقع شنعمل فيك
انا:هههههههههههه
ضحكت...ضحكة عالية...ووخرت لتالي...حليت يديا زوز نحكي
انا:هههه محسوب خوفتني...هاني قدامك...قرب مني كان نجمت
قحرلي...حسيتو وصل من توب من وجهو لي حمار باش يطرشق...هز يدو يحكي
هو:هذا مش كلامك...فرخة قدك ميخرجش منها هذا الكل...شكون وراك ياخي
تبسمت على جنب...هزيتلو براسي...نحكي
انا:براافو هاك طلعتها فيسع...مانيش وحدي...و توا باش توقع الورق هذوما...ضيعت برشا وقت معاك
هو:هههههه في احلامك...عماد مستحيل يخرج من دار هاذي...طول ما انا حي
نفخت في وجهو بالقاوي...حطيت يديا زوز على وجهي رجعتو لتالي...و تلفت لعماد نحكي
انا:عماد عيش خويا برا حضر اوراقك...و لي تحتاجو كهو...باش نمشو
عماد:باهي
هو:عماااد اقف في بلاصتك...كان تفكر تتحرك خطوة ما نقتلك انت و هي مع بعض...و نحسب ربي مخلقكمش زوز
عماد:يزي بابا ياخي شتحب منا اكثر...انا نحب نمشي مع اختي
هو؛ماهيش اختك...و كلامي ميتعاودش
انا:عمااااد فيسع حضر روحك
قحرتلو...خرج من صالة يجري...تلفت نشوف معاه...قرب باش يخرج...هزيت يدي حطيتها ورا ظهري تحت الخلعة...جبدت الفرد...خذيتو من غير ما يشوفني...اصلا خلاه فوق الطاولة متاع الكوجينة...و نعرف لهو عندو فردو الخاص...مش باش ياخو هذا...كبست عليه في يدي...و هزيتو في وجهو...حسيتو تصدم اكثر...وخر خطوة لتالي ووقف يشوف معايا....غزرلي ندرا كيف يحكي
هو:شتعمل انت منين جبتو الفرد هذا
انا:ميهمكش...فيسع وقع الورق هذوما...خف روحك
هو:مستحيل...ماك صغيرة عاللعب...و نعرف لانت مستحيل تقتلني
انا:ياسر عندك ثقة في روحك...ذكر لانا معادش سوار لي تخاف منك...و ذكر زادة لانا معاد عندي حتى شي نخسرو...ملا وقع احسن ما تكون رصاصة لهوني فيك
بقا يشوف معايا...نزل يدو شوية...حطها في مكتوبو...جبد منها تليفونو...اول ما حط يدو باش يطلب...تبسمت على جنب نحكي
انا:متحاولش برشا...لا الشرطة و لا حد اخر ينجم يفكك المرة هاذي...ذكر لانا مانيش وحدي...و مانيش قعرة لدرجة اني نصاوب على حد بلا ما نكون محمية
وخر خطوتين لتالي قرب من الشباك هز الريدو...قربت منو شوية نشوف من شباك معاه...نحكي
انا:طلع مليح...كلها وجوه جديدة عالحومة...اغزر قداش من كرهبة جديدة هوني...اه ذكرت و فما واحد منهم عند الباب لوطة...مزلت باش تعند
تلفتلي...مصدوم...مفماش تفسير لملامحو...وخرت خطوة لتالي...ريقلت سلاح في يدي...حسيتو خاف اكثر...رخف تليفون من يدو...طاح عالارض...قحرتلو نحكي
انا:وقعهم فيسع...خلينا نسكرو على كلشي توا
هو:باهي ريض روحك
نزل يديه...يفركس على ستيلو في الفاست متاعو...جبدو و قعد عالفوتاي...يوقع فيهم و يحكي
هو:صدقني باش تندم...باش تخلص لي عملتو دوبل...و مش باش نعديهالك...الا ما نخليك تذوق لحبوس و تتمرمد فيهم
نزلت فكيت الورق من يدو...تفحصتهم...تبسمت نحكي
انا:باهي برا خبرهم...و كان كنت قدها نتلقاو في المحكمة
تلفت باش نمشي...رجعت وقفت...و تلفتتلو...هزيت سلاح في وجهو...نحكي بيه
انا:اه متنساش خبرهم لهي تحت حماية الشيطان...شوف وقتها شكون باش يشد الحبس
تبسمت باستهزاء...هزيتو و حطيتو...خليتو مبهم...جامد في بلاصتو...و خرجت من صالة...نعرف لهو مستحيل يمشي للشرطة...خاطر عندو سوابق من قبل...و باش يوحل روحو اكثر...اصلا منعرفش علاش قلت كلمة الشيطان بالظبط...يمكن خاطر تاتو لي في يدي عندو نفس المعنى...و انو انا زادة باش نكون جزء من الشيطان نفسو...خذيت نفس بالقاوي...شفت عماد خارج من البيت...خبيت السلاح بالزربة...منحبش نفجعو اكثر...شفتو هاز سكادو متاعو على ظهرو...و تصويرة امي في يدو...دموعو بين عينيه...قربت منو اكثر حضنتو نحكي
انا:ششش يزي...نوعدك معاد حتى حد يقرب منك و لا يهز يدو في وجهك
عماد:ياخي باش نمشي معاك
انا:ممم باش نمشو منا...معاد عندنا حتى حد هوني
عماد:باهي
جبدتو مني...هزيت يديا عديتهم على وجهو نحكي
انا:لحظة كهو و نمشو
هزلي براسو باهي...جبدت روحي منو...قربت من بيتي..حطيت يدي عالبواني حليتها...سكرت عينيا ورجعت فتحتهم...مزالت كيما خليتها...تبسمت بوجيعة...و دخلت...قربت من البيرو متاعي...عديت يدي عليه...و انا نذكر كيف نبدا نريفيزي و امي تجيبلي كاسة لحليب باش تقويني...خذيت نفس باش منبكيش...نزلت بيدي...حبيت القجر...جبدت منو البومي الصغير...كبست عليه في يدي...و شركة فضة عندها سنين...سكرتو...عديت عينيا عالبيت لاخر مرة...وخرجت منها...قربت من عماد...شديتو من يدو...كبست علاها...تبسمتلو...و هزيتلو براسي باش نمشو...نزلت معاه...حسيت بيه قداش فرح...حسيتو قداش كان بحاجتي...دوب ما وصلنا لوطة...كبس على يدي اكثر..تبسمتلو نهدي فيه...خذيت نفس...كل مرة نقرب من زياد...قلبي يدق بالقاوي...منعرفش شنوة باش نقلو...اصلا منعرفش وين باش نهز عماد توا...خاطر مستحيل نجم نخليه...و الا باز باش يبعدو عليا...اول ما وصلت لكرهبتو...نزل قبل ما نوصل ليه...كبست على عماد اكثر...معنديش حل اخر كان لازم نجيبو معايا و لا باش نخسرو جملة...وصلت عندو وقفت مقابلاتو...غزرلي عماد يحكي
عماد:سواار علاش وقفت...شكون هذا
هزيت راسي غزرت لزياد.. لقيتو يقحرلي...هزيتلو بكتافي...و غزرتلو في عينيه...و هزيت يدي دورتها على عماد نحكي
انا:لازم نحكو
زياد:عماد شرايك تركب في الكرهبة توا
كبس عليا اكثر...و هز راسو غزرلي...هزيت يدي عديتها على شعرو من تالي...تبسمتلو و هزيتلو براسي باهي...جبد يدو مني...و طلع في الكرهبة...خذيت نفس و غزرت لزياد نحكي
انا:معنديش حل اخر
زياد:شصار
قربت الاوراق منو...شدهم عليا...يشوف معاهم...و غزرلي يحكي
زياد:كيف حتى وقعهم
انا:هددتو
زياد:صار
انا:ممم اما منجمش نخلي عماد معاه اكثر...خاطر باز باش يبعدو عليا...صدقني مفماش حل اخر غير اني نجيبو معايا...منعرفش كيف باش نتصرف و لا وين نخليه...خاطر مستحيل يرجع لهذيكا دار...اصلا معاد عندنا حتى حد هوني
نزلت راسي نحس في دموعي سيا باش تنزل...من قبيل كابسة روحي...هز يدو...حطها تحت دقنونتي...طلعلي راسي...يحكي
زياد:خلينا نمشو هيا
انا:و عماد
زياد:باش يمشي معانا
انا:لدارنا...قصدي لدار معانا
زياد:ممم باش يبقى معانا يومين و لا 3 نريقلو امورو...و نسافرو الكل فرد نهار باهي
انا:يااا بالحق باش يبقى معايا اليمات هذوما
زياد:مممم
انا:ياااا مرسسي برشا زياد عيشك
فرحت مش نورمال...مش مصدقة لانا باش نبقى مع عماد يومين كاملين...عالاقل نشبع منو قبل ما يسافر...هزيت راسي نشوف معاه...لقيتو مركز في وجهي..عرفت روحي كثرتلها...كبست روحي...ورجعت شعري لتالي نحكي
انا:خلينا نمشو توا
هزني و حطني...طلع حاجبو مستغرب يحكي
زياد:باهي
غزرتلو بشطر عين و تعديت عليه...ركبت في الكرهبة...خالط ركب بحذايا...خدم الكرهبة...حطيت الالبوم قدامي... كبست عالشركة في يدي...نسمع في عماد يحكي
عماد:سوار وين ماشيين ياخي
فكيت الحزام...و تلفتلو...تبسمتلو نطمن فيه...نحكي
انا:باش تبقا معايا باهي..متخافش
عماد:باهي
رجعت عدلت روحي...و تكيت راسي عالبلار...سكرت عينيا...منعرفش منين جبت الشجاعة هاذي الكل...منعرفش كيف نجمت نتحداه و ناخو خويا منو...اصلا مكنتش نتوقع لزياد باش يخليه يجي معايا...تعدا برشا وقت في الثنية...تلفت لعماد لقيتو رقد...قداش ضعف...نعرف لتعب برشا الفترة هاذي...غزرت لزياد...لقيتو مركز مع الثنية...عروق يديه بارزين...ورقبتو زادة...طلعت راسي نشوف مع ضربة لي تحت عينو...منعرفش دخول زياد لحياتي...اذا سلبي و لا ايجابي...اما كان هو مش معايا توا...منعرفش شنوة اللي كان باش يصير...نعرف لي داخلة عليه مش ساهل...اما عالاقل نضمن حياة عماد...نضمن لهو باش يعيش مليح...و مش باش يحتاج شي...نعرف لي خسر برشا حاجات في جرتي...اما باش نحاول نعوضو...باش نخليه يكون قوي...و ما يحتاج حد..فقت من سرحتي...كي وقف الكرهبة...هزيت روحي باش ننزل...طاح الفرد مني عالكرسي...غزر فيه و رجع غزرلي مصدوم...هزيتو في يدي...و نزلت من الكرهبة بالزربة...سكرت الباب...جيت باش نفتح الباب لعماد...قص عليا كيف خالط عليا يصيح
زياد:سوووار
وقفت نشوف معاه...كشاكو طالعة...قرب مني...قحرلي يحكي
زياد:شعملت بالفرد
مرجعتلوش...وخرت خطوة لتالي...باش نفتح الباب لعماد...خطفني من يدي...دورني ليه...و دزني عالكرهبة...طلعت راسي نشوف معاه...كبس على يدي اكثر...نحالي الفرد...و قرب مني عاللخر لصقني...لين معادش فما مسافة بينا...حاوطني بيديه...و نزل عندي شوية يحكي
زياد:¤¤¤¤¤¤ متاعك مش عليا...كي نحكي معاك اغورلي و جاوبني...فهمتني
بقيت نشوف معاه...نزل عليا ببدنو اكثر حصرني يحكي
زياد:شعملت بيه حل ¤¤¤ فمك
طلعت راسي شوية...حسيت بنفس متاعو سخون على وجهي...روهجني...و دخلني بعضي اكثر...شفافو قراب لشفافي...حاولت نبعد اما كان حاصرني...يديه غرسهم في زنودي...خذيت نفس من عندو نحكي
انا: هددتو بيه
زياد:شنووة...نورمال انتي...علاش مخبرتنيش
كبس عليا اكثر...سكرت عينيا ورجع فتحتهم...غزرتلو في عينيه نحكي
انا:مكانش عندي حل اخر...كان معملتش هكا...مستحيل كان يوقع الورق
زياد:كنت تكلمني انا نحكي معاه...مش لي يجي تهز الفرد في وجهو...ستخايل كان غدرك...ستخايل كان تصاوب...ياخي نورمال تهز سلاح في وجه بوك
انا:م مينجم يعمل حتى شي...خاطر قتلو فما شكون يحميني...انت لكنت باش تحميني...خاطرك وعدتني
بقا يشوف معايا...نفس متاعو قوا في وجهي...رخف يدو...من زندي...حطها على وجهي...تحت شعري...يحكي
زياد:اخر مرة سوار...اخر مرة تتصرف بلا ما تخبرني
هزيتلو براسي باهي...عدا عينيه على وجهي...قرب صباعو من شفافي يعدي فيه...مفهمتش الحركة متاعو...كانو يحب ينحي الروج...بدني ترخف...قلبي يخض بالقاوي...نحس فيه باش يخرج من بقعتو...هزيت يدي بالسيف شديت في طرف الفاست متاعو...نزل عليا اكثر...حط خشمو على خشمي...من غير ما يبعد يدو من وجهي...سكرت عينيا...قوتي الكل طاحت و انا في حملتو...للحظة استسلمت للاحساس لقاعدة نحس فيه...دوب ما قرب مني اكثر باش يبوسني...باب الكرهبة فتح...في لحظة وخر لتالي...عدا يدو على شعرو...خذيت نفس بالسيف...نوازن في روحي...هزيت راسي قحرتلو...و تلفت نشوف مع عماد كي نزل...ظاهر لتوا باش فاق من نوم...قرب مني يحكي
عماد:سوار وين احنا توا
قربت منو وقفت قدامو...هزيت يدي حطيتها على وجهو نحكي
انا:شرايك ندخلو...مبعد نحكو
عماد:باهي لحظة نجيب سكادو متاعي
انا:باهي
وخرت خطوة لتالي...فتحت باب الكرهبة...هزيت الالبوم في يدي...و قربت من عماد دورت يدي عليه...نشوف مع زياد سبقني دخل...كبست عليه نحكي
انا:خويا الغالي جيعان هو يحب ياكول
عماد:لا عيش اختي نحب نرتاح و كهو
انا:علاش
عماد:والله تاعب عاللخر
انا:لطف عليك
عماد:كيما نقلك...يمات مذقتش نوم
انا:نعرف عزيزي...اما شرايك في العجة متاعي...متوحشتهاش ياخي
عماد:كان من تحت يدك باش ناكول
انا:عيش خويا
دخلنا مع بعض...هزيت عليه سكادو حطيتو عالفوتاي...و حطيت الالبوم من يدي...غزرت بشركة و تنهدت...حطيتها داخل مكتوبي...و مشيت للكوجينة...خالط عليا عماد...بقبت نحضر في الماكلة و نحكي معاه...حسيتو تفرهد...اما مسألني حتى شي...حتى على مظهري مسألنيش...حطيت العشا عالطاولة...و قعدت بحذاه...شفتو كي طلع راسو...غزرت معاه..لقيت زياد واقف عند الباب...بقيت نشوف معاه...فيقني من سرحتي عماد يحكي
عماد:تفضل معانا
انا:ايجا قبل ما تبرد
قرب منا...جبد الكرسي...قعد بحذا عماد...مقابلني..حطيتلو هو زادة...بقبنا ناكلو عالساكت...غزرلو عماد يحكي
عماد:شاسمك انت
كنت باش نحكي...خاطر نعرفو لباش يتلفو و لا يسكت...اما قص عليا يحكي
زياد:انا زياد
عماد:ياخي هاذي دارك
زياد:مممم
عماد:شبيها بعيدة لهدرجة
زياد:اكاكا منحبش نخالط العباد برشا
عماد:ممم عندك حق
انا:غدوة باش نعملو دورة مع بعض
عماد:باهي
غزرت لزياد...لقيتو قحرلي...تبسمتلو و نزلت راسي لصحن...كملنا عالساكت...غزرت لعماد نحكي
انا:عماد باش تبات بحذايا الليلة
عماد:بالطبيعة
انا:هيا ملا
غزرت لزياد...هزني و حطني...من صباح لتوا مزال كي يغزر للبستي...يقحرلي...محبيتش نحكي معاه...تلفتلو عماد يحكي
عماد:ليلة سعيدة
زياد:و انت اسعد
مشينا لصالة...هز دبشو...و طلعنا مع بعض...غزرتلو نحكي
انا:ريقل امورك انا باش نبدل دبشي و نرجعلك
عماد:باهي
تبسمتلو...و قربت من القارد روب جبدت دبشي...و دخلت لبيت البانو...حطيتهم...و استندت بيديا عالرخامة...نشوف مع روحي...لتوا مش مستوعبة شخصيتي الجديدة...دوب غزرت لروحي بهت...هاذي مش انا...مش سوار...هاذي دينيز...هاذي شخصيتي الجديدة...اما محبيتهاش حتى طرف...حليت السبالة...و نزلت نغسل في وجهي...نحك في شفافي...نحب نحي الروج هذاكا جملة...نحب نرجع لطبيعتي...هزيت المنشفة مسحت وجهي...وحسيت روحي تفرهدت شوية...نحيت الشركة من مكتوبي...بدلت دبشي...و رجعت لعماد خليتو دخل لبيت البانو...و مشيت قعد عالسرير...شوية ورجع عندي...قرب قعد بحذايا...تكا عليا...بقيت نعدي في يدي على شعرو و نحكي
انا:تعرف لي توحشتك برشا
انا:تعرف لي توحشتك برشا
عماد:و انا زادة يا سوار...توحشتك و توحشت
سكت...لا هو نجم يقولها...و لا انا نجمت نكملها...ياسر صعيبة...صعيبة برشا...و ما يحس بيها كان لي جربها...تبسمت بوجيعة...و رميت يدي وراه هزيت الالبوم من تابل دونوي فتحتو...بقبنا نشوف في الصور مع بعض...غزرتلو نحكي
انا:عماد نحب تسامحني...سامحني على كلشي...على امي لخسرناها و على لي وصلتلو توا
عماد:انت ما عندك حتى ذنب اختي...لي صار تقدرلنا نعيشوه...انت برك ابقا معايا و معاد حاجتي بحتى شي
انا:عيش خويا الغالي...اما انا و انت باش نتفارقو شوية...مبعد نرجعو نعيشو مع بعض
عماد:علاش
انا:اكاكا ظروف
عماد؛ظروف شنية يا سوار...مزال باش نعيش وحدي ياخي
انا:نوعدك شوية وقت كهو...مبعد نخالط عليك
عماد:علاش وين باش نعيش
انا:وين تحب اختار البلاد لي تحب...و اي بلاصة تحب تعيش فيها
عماد:شنية كيف هكا
انا:انت كهو اختار...و نوعدك باش تعيش كيما تحب و اكثر عماد:و انت
انا:دوب ما نكمل خدمتي نخالط عليك و نعيشو مع بعض باهي
بقا يشوف معايا...جبد روحو مني شوية...و كبس عالتصويرة في يدو يحكي
عماد:تكذب
انا:شنوة
عماد:حد فيكم ما عاد يحب يبقى معايا...امي مشات...و انتي باش تخليني وحدي...يزي كهو تعبت راني
جبدتو عندي حضنتو بكل قوتي...حضنتو بوجيعة...نحس في الكلام هرب مني...دموعي نزلو مع دموعو...ووجيعتي قوات...منعرفش شنوة لي باش يصير...و لا شنوة نعمل...نحس روحي في دوامة كبيرة...و كل مرة نغرق في المجهول اكثر
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 26
الوجيعة لقاعدة نحس بيها...اقوى ببرشا..من اني نجم نوصفها...اقوى مني و من دموعي...خذيت نفس بالسيف...جبدت روحي منو...هزيت يديا مسحت دموعي...و حطيتهم على وجهو نمسح في دموعو و نحكي
انا:و راس خويا باش يتعدا كلشي...نوعدك باش يوفا كلشي و نرجعو مع بعض...انت كهو اصبر عليا
عماد:لامتى يا سوار
انا:منعرفش...شوية وقت كهو...نكمل خدمتي و نخالط عليك
عماد:خدمة شنية لي تحكي علاها
سكت...معرفتش شنية نجاوبو...نحس الكلام هرب مني..سكرت عينيا و رجعت فتحتهم نحكي
انا:صدقني باش نحكيلك و نفهمك كلشي...اما مش توا...منجم نحكيلك شي...اما نحبك توعدني...اوعدني عماد انك باش تتلها بقرايتك...باش تتلها بروحك...باش تكون قوي و حد ما يعديها عليك...نحبك تكون راجل معايا و لا وحدك...اوعدني
ترما عليا حضني بكل قوتو...هزيت يديا متردة حطيتهم عليه كبست عليه...نسمع فيه يحكي
عماد:نوعدك...نوعدك باش نكون كيما تحب...اما انت زادة اوعدني باش ترجع...اوعدني انك مستحيل تخليني كيما عملت امي...اوعدني سوار
شهقت في البكية...و انا نسمع فيه...كيف باش نوعدو و انا منعرفش على وين قادمة...منعرفش حياتي كيف باش تكون...كل لي نعرفو اني عايشة #في احضان الموت كبست عليه اكثر نبكي بالصوت...معادش نجم اكثر...قلبي نحسو باش يخرج من بقعتو...خايفة عليه اكثر من روحي...ما عندي حد في دنيا غيرو...نزلت بستو من راسو...بوسة مرصوصة نحكي
انا:م متخافش باش نكون معاك ديما...مستحيل نخليك...انت برك خليك قوي عيش خويا
كبس عليا اكثر...بقيت محضناتو و نبكي...تكيت لتالي...و جبدتو عندي...نعدي في يدي على شعرو...و نحكي فرد وقت
انا:كلشي باش يوفا...نوعدك الكابوس هذا باش يوفا...باش نمشو منا و نبعدو عالكل...انت كهو اصبر عليا...و نوعدك حد ما يقرب منك و لا يأذيك طول ما انا حية
خذيت نفس...و تكيت راسي لتالي...نحس في بدني مهدود و روحي تاعبة...و قلبي غام عليا..قداش محتاجة امي تكون معانا توا...و نحطو راسنا في حجرها كيما بكري...و ننساو تعب الصباح الكل...حسيتو هدا بين يديا...نزلت راسي نشوف معاه...لقيتو رقد...تبسمت بوجيعة...عرفتو قداش تاعب و موجوع...و انا سبب في الحالة لي وصللها توا...جبت الغطا علينا...و كبست عليه بيدي...دوب ما سكرت عينيا غفيت من التعب و البكا
زياد يحكي:
بقيت واقف في بلاصتي...نشوف معاهم...كنت باش نمشي...اما صوت شهقاتها...و بكاها لي واصل لاخر البيت وقفني...تبكي بحرقة بوجيعة مكبوتة...قناع القوة لي كانت لابستو ضاع وسط دموعها...وسط شهقاتها...رجعت سوار الصغيرة...و اللي على اقل حاجة تبكي...الوجيعة اللي قاعدة تحس بيها توا...باش تقويها...اما فرد وقت باش تخليها تخسر برشا حاجات...باش تخليها تخسر روحها...بدرجة اولى...و تخسر الماضي بدرجة ثانية...ساعات الوجيعة كل ما تقويك...كل ما تكبر داخلك...خاصة كي الواحد يخسر شي مستحيل يرجع...خذيت نفس...و جبدت تليفوني من مكتوبي...وخرت لتالي...نزلت الدروج...هز عليا عليا واحد من رجالي يحكي
هو:تفضل مسيو زياد
انا:اسمعني نحبك تنفذ اللي باش نخبرك بيه بالحرف
هو:بالطبيعة تفضل
انا:غدوة باش يوصلك دوسي تلقا في كلشي تحتاجو...باش تختار احسن مدرسة داخلية في فرنسا...مع ضمان اقامة...في اقرب وقت...وظف معارفنا الكل...خاطر بعد يومين نحب كلشي حاضر...صحيح قص تذكرتين زيادة لايطاليا في نفس النهار...باش تلقى لي تحتاجو الكل في الدوسي هذا باهي...منحب حتى تعطيل و لا مشكلة
هو:باهي طمن...بعد غدوة يكون كلشي حاضر
انا:باهي
علقت عليه..و رميت تليفون عالطاولة...ترميت عالفوتاي...و تكيت راسي لتالي...سكرت عينيا...نسمع في صوت امي...جاي من بعيد...صوت مهما تعدات لسنين منجمتش ننساه...مزلت نسمعو و مزلت نحس بامي...مزالت اكا الوجيعة في قلبي...مزلت نحس بيها...مزالت تحرقني...حتى كي تعدا 22 سنة...على اكا نهار...منجمتش ننسا و نتعدا لي صار...مستحيل نجم كان وقت ناخو بحقي...و نشوف لكان سبب يتمنى في الموت...حليت عينيا...حسيت روحي تخنقت...و عينيا دمعو...هزيت روحي وقفت نتنفس بالزربة...بدني تكبس...قربت من الطاولة لاخرى...عبيت كاسة شربتها فرد مرة...زدت ثانية و ثالثة...لين حسيت روحي بديت نهدا...رجعت ترميت عالفوتاي...و سكرت عينيا...تبسمت بوجيعة...غصة واحلة في حلقي...رغم كلشي وصلتلو...رغم قوتي...واللي انا عليه توا...اما منجمتش ناخو لي نحب عليه...كل مرة نقرب خطوة...يبعد عليا هو بعشرة...هزيت يديا كبست على راسي...لنحس فيه باش يطرشق من الوجيعة...منعرفش كيف هزني نوم من تخمام و رقدت...فقت الصباح على تليفوني ينوقز...فتحت عينيا بالسيف...هزيت يدي عديتها على وجهي...و يدي لاخرى رميتها...هزيت تليفون نشوف معاه...من رقم...عرفتو لي وصل...وقفت و طيشتو عالفوتاي...مشيت للكوجينة...جبدت دبوزة ما شربت منها فرد مرة...مازلت مروهج من بارح...و راسي يوجع...خذيت نفس...ورجعت هزيت دوسي...في يدي...و خرجت...لقيتو واقف بحذا الكرهبة...دوب ما شافني قرب مني وقف قدامي...يحكي
هو:بونجور مسيو
انا:بونجور...شد دوسي هذا...وصلو لاحمد...منحب حتى غلطة
هو:طمن
انا:صحيح ذكرت...خبرو يتأكد اذا ادم بالحق رجع لتونس...كيما زادة...حاولو تعملو اي شي يخلي صفقة متاعو توخر شوية...بلا ما يحس...اما كان حسيتو باي خطر اجبدو عليه...كيما نحب نعرف اخر اخبار بابا
هو:باهي كلشي باش يكون عندك غدوة
انا:باهي bonne courage
هو؛مرسي
بقيت نشوف معاه...لين هز كرهبتو...و مشا...رجعت راسي لتالي خذيت نفس طويل...احسن شي لازم ادم يبقا في تونس الشهر هذا...رجعت لدار...كنت باش نطلع...اما حسيت بحركة في الكوجينة...رجعت لتالي...نشوف في عماد يعبي في كاسة حليب...قربت منو نحكي
انا:بونجور
عماد:بونجور زياد
انا:هاك فقت بكري
عماد:ديما مستانس نفيق الوقت هذا...عكس سوار
انا:علاش
عماد:من بكري تقيق روطار...و تبدا تجري من جيهة لجيهة...باش تحضر روحها...و تلحق في الوقت
انا:صار هكا
عماد:مممم ياخي مزالت اكاكا ؟
انا:لااا توا تفيق في الوقت المناسب
عماد:ياخي لهدرجة تبدلت هي
هزيتلو براسي ايه...هز كاسة الحليب في يدو...و جا باش يخرج...وقفتو نحكي
انا:وين ماشي
عماد:باش نهز كاسة الحليب لسوار
انا:باش تشربها هكا عالصباح
عماد:ممم رقدت متقلقة...و كاسة هاذي باش تصحيها...اصلا حتى كي تبدا تريفيزي...امي ديما جيبلها كاسة حليب
انا:ممم باهي و مش باش تحط فيه سكر
عماد:لا هي تحبو هكا
انا:باهي
هو:نجم نحضرلها فطور مع كاسة الحليب
انا:بالطبيعة
هو:عيشك
رجع حط الكاسة متاع الحليب...باش يحضر الفطور...خرجت من الكوجينة...محبيتش نقلقو اكثر...نحب نخليه يرتاح مع اختو...اليومين هذوما...هوكا عرفنا معلومة منو...طلعت الفرخة تحب حليب بلا سكر...غريبة...تبسمت على جنب...و طلعت الدروج...دوب ما وصلت...شفتها جاية تجري...ضربت فيا بالقاوي...جات في حملتي...هزيت يدي دورتها على ظهرها...تحت الخلعة...كبست علاها...و نزلت درجة لتالي...كبست علاها اكثر...حسيت بقلبها يدق بالقاوي...كبشت في مريولي اكثر...منعرفش منين طاحت عليا عالصباح...و شبيها تجري...كملت طلعت زوز درجات لبقاو...و هي في حملتي...نزلتها عالارض...بقات مكبشة فيا...خذيت نفس نحكي
انا:شبيك عالصباح
رخفت يديها شوية...وخرت خطوة لتالي...طلعت راسها تحكي
سوار:عماد وينو...مش في بيتي هو
انا:طمن هو لوطة في الكوجينة
سوار:بالحق
انا:ممم
هزت يدها حطتها على قلبها...و سكرت عينيها..تتنفس بالقاوي...حسيت بيها قداش مفجوعة...بقيت مركز في وجها...في شعرها لي طايح علاها...و مغطي كتافها...احسن شي وقت تبدا هكا...تبسمت على جنب و انا نشوف فيها تنفخ...حلت عينيها تشوف معايا و تحكي
سوار:باش ننزل عندو
انا:لا خليه يحضر في الفطور هو
سوار:اما
انا:برا بدل دبشك...و خالط عليا عندنا فاش نحكو قبل ما ننزلو لوطة
سوار:باهي
خليتها واقفة...و دخلت لبيتي...خذيت نفس...و دخلت لبيت البانو...عملت دوش تفرهدت بيه...و خرجت...جبدت دبشي حطيتو عالسرير...لبست كان سروال...اول ما هزيت مريولي...دخلت بلا ما دق...لابسة روب فلوري عند الركبة...حاطة كان قلوس خفيف...منظرها هكا احسن ببرشا...طلعت راسها تشوف معايا...حسيتها دخلت بعضها...عديت يدي على شعري...نحكي
انا:هاك حضرت فيسع
سوار:اه انت قتلي باش نحكو
انا:ممم صحيح اما شبيك كابسة روحك
سوار:لا مش كابسة و لا شي
طلعت حاجبي نغزرلها...رجعت شعرها لتالي..و عوجت فمها...قربت من الكوافوز تكات علاها بيديها زوز...تشوف معايا تحكي
سوار:ايه قي شنوة تحبنا نحكو
قربت منها شوية...دورت عينيها في البيت الكل...باش متغزرليش...عرفتها حشمت...خاصة كي لقاتني بلا مريول...حبيت نشيخ علاها اكثر...حكيت لحيتي نحكي
انا:مثبتة لانت مرتاحة
غزرتلي في عينيا...قحرتلي...و عوجت فمها تحكي
سوار:ممم مرتاحة احكي توا عماد يستنى فيا
انا:ممم باهي...نحبك تسمعني بالقدا
سوار:باهي
نزلت عينيها مني...و استندت بيديها عالكوافوز...وجها احمر باش يطرشق...للحظة رجعت سوار لي عرفتها اول مرة...هزيتها و حطيتها مرتين...منزلة راسها و تفرك في يديها...قربت منها عاللخر وقفت قدامها...طلعت راسها تشوف معايا...منعرفش علاش قربتلها اكاكا...بقات تغزرلي...من غير ما تعمل شي...نظرتها ضاعت في وجهي...خذيت نفس...و قربت منها اكثر...وقت قدامها بالظبط...باقي تشوف معايا...نزلت راسي نغزرلها نحكي
انا:امور خوك مريقلة
سوار؛بالحق
انا:ممم بعد غدوة باش يسافر لفرنسا
سوار؛باش يعيش وحدو
انا:طمن باش يكون في مدرسة داخلية...و باش يكون مراقب...و محمي...مش هذا لي تحب عليه
هزتلي براسها باهي...حسيتها تغوصرت...تهرب في عينيها مني...عضت شفتها لوطانية...نزلو دموعها بالوقت...هزيت يدي...متردد..حطيتها على خدها نعدي فيها و نحكي
انا:متخافش...باش يكون مليح
هزتلي براسها باهي...قربت مني اكثر...هزت يديها حطتهم على جنابي...دورتهم على ظهري...حطت راسها على صدري...بدني تكرهب...تروهجت...نسمع فيها تحكي
سوار:مزال صغير برشا...امانك زياد...متخلي حتى حد يأذيه..و انا مستعدة نعمل اي شي تحب عليه
هزيت يدي...على راسها...كبست على شعرها نحكي
انا:متخافش...حد ما ينجم يقرب منو...و لا يعرف بلاصتو
كبست عليا اكثر...تبكي...عديت يدي على طول شعرها نحكي
انا:ميزيتش من البكا...باش تفسد فطور صباح راك...و خوك عندو ساعة يصنف
جبدت روحها مني...عدات يديها على وجها...تبسمتلي تحكي
سوار:باش تفطر معانا ياخي
انا:ممم نحب نجرب فطور جديد
سوار:باهي باش نسبقك انا توا
بقيت نشوف معاها...شعرها داخل بعضو..وجها احمر...منظرها يضحك...قربت منها اكثر...رجعت لتالي...لين لصقت في الكوافوز...تشوف معايا...هزت يدها حطتها على جنبي...نزلت بعينيا غزرت لشفافها فرد وقت...يرعشو...ياخي شنوة لي قاعد نعمل في انا توا...رميت يدي وراها هزيت دبوزة البرفان...ووخرت خطوة لتالي...نشوف معاها...نزلت عينيها مني...تحكي بالسيف
سوار؛ب باش ننزل
انا:باهي سايس روحك
قحرتلي...و خرجت تجري...نفخت بالقاوي...و عديت يدي على وجهي...منعرفش شبيني...كل مرة دخلني في حيط الفرخة...تي كل مرة كيف تكون...مش فاهمة روحها جملة...حتى قوتها لي اصطنعتها..منجمتش تخبي بيها برائتها...اما دنيا عكستها...و ظروف عكستها...احسن شي توفا المهمة هاذي جملة...و توفا على خير...و تنجم تشوف حياتها...و ترتاح مع خوها...رجعت دبوزة البرفان ...كملت لبست مريولي...و نزلت عندهم...لقيتها شايخة مع خوها...تحضن فيه و تبوس فيه...ذكرتني في ايامتي مع ادم...تبسمت على جنب...جبدت الكرسي قعدت مقابلها...دوب ما غزرتلي وجها حمار...محبيتش نكثر علاها...نزلت عينيا نشوف مع الفطور...هوكا الفرخ صغير و شاطر...بقيت نفطر و نشوف معاهم...برغم لي قاعدين يضحكو و يفدبكو مع بعض...اما كل حد فيهم حامل وجيعتو في عينيه...وجيعة يحسو بيها هوما كهو...قص عليا صوت عماد يحكي
عماد:سوار ياخي شنوة علاقتكم
غزرتلو..و طلعت راسها غزرتلي...تستنجد بيا...حطيت الشوكة نحكي
انا:صحاب
عماد:كيف صحاب يعني
انا:يعني نخدمو مع بعض
عماد:كهو
انا:مممم
عماد:باهي...كي هكا علاش منجمش نبقى مع سوار
انا:خاطر احنا في خدمتنا نسافرو برشا...و انت لازم تكمل قرايتك
عماد:اما
سوار؛يزي عيش خويا مش حكينا مع بعض في الموضوع
عماد:باهي
كملنا الفطور عالساكت...صحيح صغير...اكا دنيا قواتو...و يعرف و حاس باللي قاعد يدور قدامو...كيما زادة ميحبش يبعد على اختو و يحب يبقى معاها...يمكن حاسس للوقت باش يفرقهم...و يبعدهم على بعض...و ندرا امتى يرجعو يتلقاو مرة اخرى
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 27
سوار تحكي:
فقت الصباح...نحل في عينيا...بالسيف...الليل الكل مرقدتش...من بارح و انا نشوف مع عماد...نحب نشبع منو...مش مصدقة لمعادش نشوفو...اليوم باش كل حد فينا يشد الثنية...نزلت بستو من راسو..تبسمت بوجيعة...و نزلت من سرير..غزرت لساعة لقيتها 6 متاع صباح...ساعتين كهو و نمشو من هوني...دخلت لبيت البانو غسلت وجهي...ورجعت للبيت جبدت الفاليز...حطيتها عالفوتاي...لميت دبشي بالقدا...خذيت لي نحتاجو كهو...كيما وصاني هو...غزرت للكوافوز...خذيت نفس و قربت منها..نشوف مع الالبوم و فوقو الشركة...هزيتهم في يدي...حليتو خذيت منو اول صورة...صورتي انا و امي و عماد...عديت يدي عليها نحكي"نوعدك امي...من اليوم عماد باش يكون مليح...باش يوفا و كلشي و نرجعو كيما الاول...انت برك سامحني امانك"..قربتها مني بستها...و حطيتها في الفاليز...غزرت لشركة...و تبسمت...كل مرة نشد الشركة هاذي في يدي...نرتاح...ناخو قوتي منها...كبست علاها في يدي...تبسمت على جنب و انا نذكر في اكا النهار...خذيت نفس و حطيتها في الفاليز على جنب...عديت نظرة اخيرة و سكرتها...هزيت دبشي و دخلت لبيت البانو...عملت دوش...لبست سروال جين taille haut و مريول في ال gris...و كونفارس في لونها...بوكليت شعري اكثر...حطيت مسكارا و روج غامق...غزرت لروحي...و نفخت بالقاوي...رجعت لدنيز...رجعت لشخصيتي جديدة مرة اخرى...خذيت نفس و خرجت...لقيت عماد فاق...تبسمتلو نحكي
انا:بونجور يا روحي
عماد:بونجور سوار
انا:هيا فيسع قوم حضر روحك...دبشك حاضر من بارح...مبقاش برشا
عماد:باهي
حسيتو متغشش...قربت منو...حطيت يديا زوز على وجهو نحكي
انا:مش حكينا البارح
عماد؛تهنى شوار انا مليح
انا:عيش خويا
خليتو دخل لبيت البانو...فيسع تعداو اليومين...مزلت نحب نبقى معاه اكثر...قربت من الفاليز...هزيتها في يدي...عديت نظرة اخيرة عالبيت...رغم كلشي صرا..اما البيت هاذي نحبها برشا...3 اشهر لعديتهم هوني...ستانست بيها...منعرفش اذا باش نرجع لهوني مرة اخرى و لا لا...اول ما خرج لقيتو في وجهي خارج من بيتو...هاز فاليز متاعو...هزني و حطني...محكاش معايا جملة...قرب باش ينزل...عوجت فمي...شبي سماه عالصباح هذا...كل مرة شكل...خالطت عليه...نزل في الفاليز بالسيف...تي مكلفش روحو حتى يعاوني...وصلت اللوطة نتنفس بالسيف...هزيت يدي شوية...كبست عالبونية متاعي...و قحرتلو...عاطي بظهرو...في لحظة تلفتلي...قحرلي عالجاست...نزلت يدي...تبسمتلو...نحكي
انا:باش نمشي نفطر و نحضر فطور عماد
زياد:عالسريع معادش فما وقت
انا:باهي
تلفت باش يخرج...و قفتو نحكي
انا:زيااد
زياد:شنوة
انا:تنجم تهز الفاليز معاك
غزر فيا شوية...و قرب فكها من يدي...منعرفش شبيه مش حاملني عالصباح...نفخت بالقاوي...ودخلت للكوجينة...عملت سندويتشات خفاف...هزيتهم في يدي و خرجت..لقيت عماد نزل..كليناهم عالسريع...و خالطنا عليه...ركب عماد من تالي...طلعت بحذاه...نحب ساعات لي بقاو نعديهم معاه...طول الثنية و انا محضناتو...و نعدي في يدي على شعرو...كل مرة جي عيني مع عينو في المرايا...نزل راسي...منحبش نتصادم معاه اكثر منعرفش شبيه...محسيتش بالساعات لي تعداو و انا محضنة خويا...كي وقفت الكرهبة...وقف قلبي معاها...حسيت بعماد لي رعش بين يديا...لفت راسي لشباك...نشوف مع المطار...قص عليا..صوت زياد يحكي
زياد:هيا معادش وقت
نزل اول واحد...هبط لي فاليز...غزرت لعماد نحكي
انا؛هيا عزيزي
هزلي براسو باهي...جبد روحو مني...هز سكادو متاعو و نزل...خذيت نفس و نزلت وراه...شفت زياد سلم لمفاتح لواحد...و شد عليه ورق...ظاهر فيه واح من رجالو...متلفتليش جملة...دخل لي فاليز و دخل...خالطنا عليه...اول ما وصلنا لنص المطار تلفتلي يحكي
زياد:عماد باش يسافر اول واحد...طيارتو بعد شوية
انا:شنننوة علاش بعد شوية...مزال محكيناش راهو
زياد:فيسع سوار الله غالب مفماش وقت جملة
هزيتلو براسي لا...تلفت لعماد...لي باقي واقف متحركش من بلاصتو...قربت منو...هزيت يديا زوز يرعشو...حطيتهم على وجهو نحكي
انا:عمااد اسمعني عيش خويا...انت باش تسافر توا...باهي...ما تخاف من حتى شي...فما شكون لي راح يسافر معاك..ووقت توصل باش تلقى كلشي تحتاجو...و انا مبعد نكلمك باهي
عماد:منحبش نسافر سوار...منحبش نمشي من هوني...نحب نبقا معاك
انا:و انا زادة نحب نبقى معاك...اما الله غالب...ظروف و تتعدا...نوعدك اول ما يوفا كلشي باش نجي بحذاك باهي
قرب مني حضني بكل قوتو...كبست عليه...نسمع فيه يحكي
عماد:اوعدني سوار لانت باش جي عندي اوعدني
هزيت يدي مسحت دموعي...و جبدتو من عندي...حاوطت وجهو بيدي نحكي
انا:باش نجي يا روحي...اما متنساش لانت وعدتني باش تشد في قرايتك...و باش تكون قد روحك
عماد:انا وعدتك و انتي
رجعت جبدتو عندي حضنتو بكل قوتي نحكي
انا:م منجمش نوعدك...اما نوعدك لكلشي باش يكون باهي
حضنتو اكثر...قلبي دق بالقاوي و انا نسمع في النداء الاخير..قرب مني زياد يحكي
زياد:هيا سوار يزي
جبدت روحي منو...بستو من راسو...قرب من زياد...عطاه يدو صافحو...هز زياد يدو ضربو على كتفو يحكي
زياد:نعرفك راجل رد بالك على روحك
عماد:و انت رد بالك على اختي هي في حمايتك
زياد:تهنى
قرب منو عماد حضنو...و جبد روحو لالزربة يحكي
عماد:مرسي على كلشي
تبسملو و قرب مني...باسني من خدي...و حط يدو على كتفي يحكي
عماد:طمني عليك...و ذكرني ديما
هزيتلو براسي باهي...دموعي نزلو يحرقو بالوقت...هز باسبورو و تذكرتو من زياد...بعد عليا يمشي من غير ما يتلفتلي...شهقت...مش مصدقة لمعادش باش نشوفو...اول ماا دخل قربت نجري وراه...نحب نخالط عليه...وقفني البوليسي لغادي بيدو...حاولت نفلت روحي منو نحكي
انا:امانك خليني نعنق خويا لاخر مرة امانك
هو:ممنوع مدموزال
انا:شنوة لي ممنوع...امانك مرة وحدة كهو
هزلي براسو لا...دزيتو بيدي...قص عليا زياد...كي حاوطني من تالي شدني يحكي
زياد:يزي سوار
انا:امانك زياد قلهم يخلوني لاخر مرة راهو خويا
زياد:معادش وقت طيارتو باش تمشي
فلت روحي منو بالسيف...قربت نجري من البلار...حجيت يديا زوز...عليه...نشوف معاه...يمشي و معاه واحد...هز يدو شاورلي و تبسم...تبسمتلو بالسيف...نحس في قلبي باش ياقف...عكسو هو لي كلن قوي عليا في اخر لحظة...مشا عماد...غاب على عيني...نشا خويا و معادش باش نشوفو...سكرت عينيا نبكي بالشهقة...توا كهو...عرفت قداش دنيا ظلمتني...قداش عكستني..و خذات مني كلشي...خلاتني وحدي...من غير عيلة...من غير وجهة...خلاتني نمشي للمجهول بساقي...نمشي مع زياد...لهو الجهول بذاتو...توا قدرت قيمة لحظات لكنت عايشتهم وسط عيلتي...توا عرفت الحاجات الصغيرة كي تمشي مترجعش...و لحظات الحزن يكونو اطول من لحظات الفرح...توا عرفت انو كلشي في الدنيا بالمقابل...و مستحيل يجي نهار نسامح لي كان سبب في دماري...سبب لي خلاني ناقف هوني عاجزة...حليت عينيا...على يد زياد لي تحطت عليا...بحكي
زياد:طيارتنا باش تمشي هيا
تلفت ليه بالسيف نشوف معاه...هزيت يدي نمسح في دموعي و نحكي
انا:باش نرجع نشوفو مرة اخرى
زياد:ممم
انا:و كي يوصل باش تخليني نكلمو
زياد:بالطبيعة هيا توا
جا باش يتلفت...شديتو من يدو...تلفتلي...طلعت راسي غزرتلو...منعرفش شبيني...اما نحس في روحي بحاجتو..بحاجة حد يحسسني بالامان و القوة فرد وقت...منحبش نحس روحي وحدي...نزلو دموعي بالوقت نحكي
انا:متخلنيش وحدي
غزرلي شوية...و قرب مني...دور يدو على ظهري...جبدني عندو...هزيت يديا...كبشت قي سوريتو اكثر...نبكي و نحكي
انا:عماد مشا و معادش باش يرجع...من اليوم رجعت وحدي معاد عندي حتى حد
حط يدو على شعري...كبس عليا...يحكي
زياد:شششش...هاني معاك...باش يوفا كلشي باهي
انا؛هأة انت مش معايا...هاك من صباح مش حاملني...و تقحرلي...شبيك اليوم ياخي...كان تحب مش لازم نسافرو
زياد:يا فرخة...كي منسافروش...شباش نعملو
انا:منعرفش
جبد روحو مني...غزرلي...عدا عينيه على وجهي...عقد حواجبو...قحرتلو نحكي
انا:شبيك تغزرلي هكا
زياد؛اه شي
انا:زيااد شفما ياخي
زياد:هاك تبلبزت بالكل
انا:ياااا متكونش المسكارا طاحت
زياد:حتى انت حليت منوحة في المطار
انا:تفرك فيهم عليا ياخي
زياد:لا هيا ريقل امورك فيسع لازم نمشو
انا:اتو عندي لانجات في صاك تو نمسحهم هوني
زياد:باهي خف روحك
خذيت نفس خرجن باكو لانجات صغير...جبدت منو وحدة...حطيتها على وجهي نمسح فيه...بقا يشوف معايا...يحكي
زياد:امسح خدك مليح
فك اللنجات من يدي...بقا يعدي فيها على خدي...و نزل بيها لشفافي...عداها شوية...و نزل حطها في يدي يحكي
زياد:حتى روج تبلبز زادة
انا:ب باهي
زياد:نمشو توا
هزيتلو براسي باهي...و قربت منو...قربلي يدو...فهمتو...دورت يدي على يدو...اول ما قربنا باش نوصلو غزرلي يحكي
زياد:اتصرف عادي...و متحاولش تشلق بشي
انا؛طمن
شديت عليه باسبوري...و تذكرتي...زوز باسم دنيز...زوز مزورين...اما اللي نعرفو...انو مش باش يصير شي خاطرني معاه...تعدا قبلي...حطيت باسبوري وراه...غزرات اكا الراجل معجبونيش...حسيتو لشلق بشي...غزرت لزياد...طمني بعينيه...يحكي
زياد:دنيز شد عليه
غزرتلو مستغربة...تي سيد مزال لتوا يتفحص فيهم...عملي جاست براسو...هزيت يدي باش نقربها...شاورلي على يدي لاخرى...عقدت حواجبي...و قربت يدي...دوب ما غزرلي راجل...رجع غزر لزياد...قحرلو...كملهم فيسع و حطهم في يدي...و باقي يشوف مع تاتو...توا فهمت علاش قالي مد يدك لاخرى...ياخي شنية سر متاع تاتو هذا...قرب مني قص عليا كيف...شدني من يدي...و كملنا مع بعض...دوب ما خرجنا غزرلي يحكي
زياد:لباس
انا:ممم
منجمتش نرجعلو...مزلت مصدومة...لتوا باقي ندور في دوامة...منعرفش كيف وصلنا لطيارة و تعدات على خير...باقي كنت باش نشد الحبس...ركبت بحذاه...بقينا ساكتين زوز...لا نجمت نحكي و لا نجمت نرقد...تفكيري بعيد مع عماد...مع خويا الغالي...لفرقتنا الدنيا على بعض...و منعرفش اذا باش تعطينا فرصة نتلقاو مرة اخرى
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 28
اييطاليا...كنت نسمع بيها سمعان...و لا مرة توقعت اني باش نكون في قلبها...عالم جديد و ناس جديدة...كل حد لاهي في روحو...باقي شادة في باب الكرهبة...و ندور في عينيا عالبلاصة...نغزر للبنايات...منعرفش علاش وقف الكرهبة هوني...قص عليا صوتو ورايا...يحكي
زياد:روما
تلفتلو نشوف معاه...واقف...و متكي بيديه على باب الكرهبة...تبسم على جنب و كمل يحكي
زياد:كلشي باش يبدا من هوني
تبسمت على جنب...وخرت عالباب...و كبست علاها...سكرتها بيديا زوز...و غزرتلو...نحكي
انا:و انا حاضرة
سكر باب الكرهبة...و قرب مني...وقف قدامي...يحكي
زياد:هيا ملا
انا:وين
طلع راسو...غزر للبناية لمقابلتنا...غزرت معاه...زح مضخمها و لا مرة شفت كيفها...كان بالافلام...رجع غزرتلو...نسمع فيه يحكي
زياد:باش نبقاو برشا واقفين
هزيتلو براسي لا...تبسم على جنب...خلاني واقفة...و مشا...خالطت عليه...مبهمة مش فاهمة شي...دوب ما دخل دخلت وراه...تعدينا على زوز من رجال واقفين في دخلة...هز يدو...وراهم كارت و لا ندرا شنية...و دخل من غير حتى كلمة بقيت مخالطة عليه...قرب من رسيبسيون...عطاهم الكارت...و هز من عندهم المفاتح...حكا معاهم بالايطالي...ما فهمت منو حتى كلمة...تلفتلي...عملي جاست بيدو باش نمشي...خليتو سبقني...و خالطت عليه...فتح باب الاصونصير الاولى بكلها حديد...ورجع فتح الثانية...والله طلعت البناية تفتق...دخلت وراه...تكيت عالحيط...و هزيت يدي نلعب بشعري و نحكي
انا:هاك طلعت تعرف ايطالي بالقدا
تلفت شوية...غزرلي بشطر عين...ورجع تلفت للقدام...عوجت فمي و كملت نحكي
انا:جاب ربي مش لازم نتعلمها
زياد:اكاكا باش ترصالنا في 3 سنين اخرى مش 3 اشهر
كبست على سنيا...السخطة هذا ياخي شنية يستخايل في روحو...خذيت نفس نحكي
انا:على اساس انت تعلمتها في 3 ايام
تلفت يشوف معايا...باقي متكية و نشوف معاه...قرب مني عاللخر...حط يدو عند راسي...هزني و حطني...عدلت روحي وقفت بالقدا...نزلت بسنيا...عضيت شفتي لوطانية...عرفت روحي كثرتلها...نزل عليا شوية يحكي
زياد:ملا قتلي 3 ايام
هزيتلو براسي لا...هز يدو شوية...قربها مني...ضربني شوية على راسي يحكي
زياد:ملا مرة اخرى فكر قبل ما تحكي
قحرتلو...هز حاجبو لفوق...رجعت تبسمتلو...جيت باش نحكي...حبس الاصونصير...رجع غزرلي ندرا كيف...وخر لتالي...وخرج...خذيت نفس...و خالطت عليه نجري...نشوف فيه وقف يفتح فالباب...وقفت بحذاه نحكي
انا:باش نبقاو فرد بيت ياخي...شبيك مخذيتليش بيت ليا زادة
حقرني مرجعليش...كمل فتح الباي و دخل...ضربت ساقي عالارض بغزول...و دخلت وراه...عينيا وساعت من اللي قاعدة نشوف فيه...صالة كبيرة...و كوزينة على جنب...و زوز بيوت في تالي...تي مطلعتش بيت...تي دار بحالها...و اكثر من هكا نقية و باهية...ترما عالفوتاي...و طلع راسو غزرلي يحكي
زياد:تفضل ارتاح
انا:ياخي شبيه الاوتيل هذا هكا
زياد:مش اوتيل
انا:ملا شبيك شديت عليهم مفاتح لوطة
زياد:مفاتح دار ملا تحبنا نطلعو من شباك
انا:دار ؟
زياد:مممم
انا:كي دار شبينا مطلعناش نورمال علاش اكا الاجراءات الكل
زياد:دوختني باسئلتك راو
انا:تي جاوبني ساعة
زياد:يا سيدي هوني مش بناية نورمال
انا:كي يعني
زياد:يعني مش لي يجي يسكن هوني
انا:باقي مفهمتش
زياد:اقعد ساعة
انا:هأة حتى تفهمني
زياد:ياخي متعبتش من سفر انت
انا:لا جعت كهو
زياد:باهي برا ارتاح تو نوصي على شي
انا:و مش باش تقولي
زياد:على شنوة
انا:على البناية الخاصة هاذي
زياد:الصبر...لي يجي هوني كان كبار شخصيات و لي معروفين...و محسوبين...مش اي حد غني ينجم يسكن هوني باهيشي هكا
انا:واااو يعني حتى انا طلعت شخصية مش نورمال في اخر الحلقة
زياد:متمشيش من وجهي توا
انا:اخر سؤال
زياد:شنوة زادة
انا:قداش باش نبقاو هوني
زياد:منعرفش
انا:ممم باهي...و شنوة المهمة
زياد: مبعد تعرف
انا:باهي و
قص عليا...كي وقف...وخرت لتالي...عرفت لمرجتو زيادة...كبس عالبونية متاعو يحكي
انا:شمزال عندك تحكي
انا:نحب نطلب شي اخر
بقا يهز فيا و يحط منعرفش كيف وصل قدامي..جيت باش نوخر...ضربت في ندرا شنية...شعرة لا طحت...لقفني في اخر لحظة...شدني من ظهري...هزيت يدي كبشت في سوريتو...وقفني شوية يحكي
زياد:شبيك متركحش انت...ياخي متتعبش من الكلام و الحركة...شبيك متستغلش وقتك في شي اخر...باش تبقى فرخة هكا و متكبرش
قحرتلو و انا نسمع فيه...و فرد وقت ندز فيه نحب نفلت روحي منو...ياخي شنية سيتخايل في روحو...كبس عليا اكثر...و كمل يحكي
زياد:مزال باش تعافر اكثر
انا:ممم سيبني توا...باش نمشي نستغل وقتي بالقدا
زياد:صار
انا:ممم
زياد:ممم و وين باش تستغلو
انا:نتخمد نرقد خاطرني تاعبة توا...و انت ترتاح من صوتي شوية
رخف يدو على ظهري...ووخر لتالي...حك لحيتو شوية...و غزرلي يحكي
زياد:تعرف حاجة...والله احسن شي تعملو توا
انا:صار هكا
زياد:ممم برا على روحك توا
كبست على يدي...جيت باش نحكي...وحل الكلام في لساني...قحرتلو قحرة متاع موت...ضربت ساقي عالارض...لين وجعتني...شفتو كي تبسم على جنب...غزلت عليه اكثر...كبست على سنيا...و بعدت من قدامو...نرحي في الغزول...وقفت بين زوز بيوت مقابلين بعضهم...فتحت اول وحدة على يدي و دخلت...بيت كبيرة...فيها زوز بيبان لداخل...معدلتش برشا...كلشي كنت نشوف فيه هو السرير...نحيت الكونفارس...و ترميت عليه...غميت على راسي...و انا باش نطرشق...توا رجعت مصدر ازعاج بالنسبة ليه..."اففف سوار شيهمك فيه برا يزمر على روحو يحكي لي يحب...اما كان جات المسبوعة متاع زينة..مش كان باش يقول الكلام هذا...ياخي شصار كان اختارها هي...هوكا باش تكملو مهمتو بالقدا...اعععع ياخي فاش قام حتى يختارها هي شناقصني انا علاها...تي هو قال شي يا سوار...شبيك ذكرتها طفلة تو"ا...رجعت تقلبت على ظهري...مبعد على جنبي...تعدا عماد بين عينيا...زعمة وصل توا...عجباتو البلاصة شعامل...تقعدت...و فكرت باش نمشي عندو...اما رجعت ترميت لتالي كيف ذكرت كلامو...نحكي وحدي بصوت مسموع المرة هاذي "مش باش نحكي معاه...الا ما نوريه...مش هو ارتاح مني...معادش باش نحكي معاه جملة...زايد متكبر...قال شنوة...شخصية مهمة...تي كان يبقى ليا...ما نخليه جرد سارفور...تي سارفور شنية ا طفلة...الجهامة هذيكا متاع سارفور...ممم والله يواتي باش يكون حارس شخصي...باكا القريماس لي يعملهم...حتى حد ما يفكر يقرب ناحيتي...تبسمت وحدي...كان يسمعني ما يقتلني عالتخمام هذا...هزيت يدي نعدي في صوابعي عالتاتو...افكاري بعيدة لين هزني نوم ورقدت
زياد يحكي:
واقف بحذا الباب...نسمع فيها...شدني ضحك...عقاب عمرك باش تخليك الفرخة سارفور يا زياد...تبسمت على جنب...قص عليا صوت الباب...خذيت نفس...و مشيت فتحت...لقيت الخدام وصل لي فاليز...دخلتهم عليه...ووصيتو...يجيب قضيات لدار...سكرت الباب و دخلت...شوية وقت...و جاب القضيات الكل...خليتو دخلهم...و مشا...جيت باش نشوف معاهم...قص عليا صوت الميساج في تليفون...حليتو نشوف معاه...المعلومات الكل لي بحاجتها...وصلت في الامايل...حطيت من يدي...ورجعت لصالة...جبدت البيسي...حليتو...ادم ضمن المدعوين...سكرت عينيا ورجعت فتحتهم...مش وقتو جملة...خاصة و هو من كبار رجال الاعمال هوني...كيفي كيفو بالظبط...حتى بابا من مدعوين...ضربت يدي عالطاولة...و هزيت تليفوني نحكي..دوب ما هز عليا...وقفت نحكي
انا:ياخي مش قلتو باش تلقاو طريقة...كيف باش نقابلهم انا توا...ياخي نورمال لي قاعد يصير...دنيز مش وقتها باش تظهر قدامهم....و معايا
هو:زياااد هدي روحك
انا:نهدي شنوة ياخي ماك تعرف...انو كان يصرا شي باش يوفا كلشي...و دنيز باش نعرفها عليهم اما مش توا
هو:ادم اعتبر امرو محلول...تو نوخرو في امور اللصفقة شوية...و نخلوها نهار الافتتاح بالظبط...اما
انا:اما شنوة
هو:قتلك هدي روحك ساعة
انا:هاني هديت شنوة العمل توا
هو:حاول تلقا اي طريقة تخلي توفيق برا الحكاية
انا:متنساش لهذاكا بابا...و نعرفو كيف يقرر شي مستحيل يرجع عليه
هو:باش نخلي المهمة هاذي عليك اتصرف
انا:باهي باهي
نزلت تليفون كبست عليه في يدي...ادم و تحلت مشكلتو...اما بابا...نفخت بالقاوي ملا وحلة وحلتها...رميت تليفون عالفوتاي...حطيت يديا زوز على راسي...ورجعتو لتالي...قص عليا صوتها ورايا تحكي
سوار:شفما شبيك تصيح
نزلت راسي نشوف معاها...حفيانة...و شعرها داخل بعضو...مريولها طالع...ظاهر فاقت على صوتي...قحرتلها نحكي
انا:مش ناقصك...برا لبيتك...شي ميهمكش
غزرتلي ندرا كيف...ورجعت تجري...ترميت عالفوتاي...و كملت قريت قائمة المدعوين الكل...بغزول...تكيت لتالي...تعدا يجي نص ساعة...حسيت روحي هديت...غزرت لساعة لقيتها 20:00...نفخت بالقاوي...كي ذكرت لهي من صباح لتوا ما كلات شي...تي حتى من فطور زربتها...و من شطر سندويتش لي عداتو ما كلات شي بعدو...هزيت روحي وقفت...و مشيت عندها...المرة هاذي لقيتها مسكرة الباب...فرخة...تسكرها كان كي تبدا متغشة...حليتها بلا ما ندق...لقيتها...قاعدة في طرف سرير...ضامة سقيها...و حاطة راسها عليهم...اول ما شافتني دورت وجها...قربت منها نحكي
انا:قوم تاكول شي
مرجعتليش...عقدت حواجبي...و غزرتلها...نحكي
انا:نحكي معاك...هز روحك فيسع
سوار:منحبش ناكول
انا:مش على كيفك
سوار:مش باش تغصبني
انا:شوف هوما زوز كلمات تهز روحك...مكانش عندي تصرف اخر معاك
طلعت راسها غزرتلي...حسيتها مش قد بعضها...هزت روحها وقفت بالزربة...و طلعت راسها...غزرتلي تحكي
سوار؛شنية لي تبدل ياخي
انا:فاش تحكي
سوار:شبيك تعامل فيا هكا
انا:شقصدك
سوار:منعرفش من صباح قاعد تنبز فيا...و تعامل فيا بالخايب...ياخي شنوة لي تبدل...علاش في تونس مكنتش تعاملني هكا
انا:ياخي فاش تخرم انت
سوار:لا نخرم و لا شي...تي من صباح قاعد تسمع فيا في الكلام...ياخي كي قلقتك لهدرجة...شبيك جبتني لهوني...شبيك كي وصلنا لبلاد اخرى قاعد تعامل فيا هكا
حسيت بنظرة خوف في عينيها...نظرات هذوما نعرفهم بالقدا...منعرفشفاش قاعدة تخمم توا..اصلا منعرفش شنية مشكلتي معاها جملة...مش حامل الجية لهوني...و لا كي جات معايا...منعرفش علاش متقلق لهدرجة...غزرتلها...وخرت خطوة لتالي...غزرتلي ندرا كيف تحكي
سوار:زيياد ياخي شنية الحكاية...حتى شي ما راح يتبدل مش هكا...انت وعدتني انو خدمتي معاك باش تكون محدودة...امانك...هاني امنتلك في كلشي خويا و حياتي...قولي انو حتى شي مش باش يتبدل هوني
رعشة صوتها...و كلامها...فيقوني على روحي...مكانش لازم نعاملها هكا و خاصة من نهار الاول...قوتها ضاعت وسط خوفها...سخفتني عاللخر...قربت يدي من يدها...جبدتها شوية عندي...و قربت منها حضنتها..منعرفش علاش عملت هكا...اما نحب نقص الخوف و التوتر لي حاسة بيهم توا...هزيت يدي غرستها في شعرها نحكي
انا:وعدتك من قبل...انو حتى شي ما راح يصير عليك من اللي قاعد تخمم فيه...نحبك تمحي الافكار هذيكا جملة
سوار:ملا شبيك تعامل فيا هكا
انا:على اعصابي...مش قصدي
سوار:هأة تي من فقت و انت تقحرلي...قتلي في المطار ما صار شي و توا تعاود في الحكاية
انا:تحاسب فيا يا فرخة
سوار:ممم خاطر كلشي جديد هوني...و انت زادة تبدلت
انا:باهي يا لالة و شنية تحب كتعويض
سوار:جعت عاللخر و معادش نجم اكثر
جبدتها من لعندي شوية...طلعت راسها...غزرتلها نحكي
انا:جربت مقرونة ايطالية من قبل
سوار؛ممم لا
انا:ملا باش جربها توا
سوار:باش طيب توا
انا:لا برا حضر روحك...باش تاكول المقرونة الاصلية
سوار:اعععع تحكي بجدك
انا:فيسع قبل ما نبدل رايي
سوار:عشر دقايق و نكون حاضرة
انا:5 دقايق
سوار:باهي باهي...اما وين فاليز متاعي
انا:في صالة
سوار:شببيك مجبتهاش لهوني
انا:ظاهر باش نبقاو هوني
سوار:هأة هاني حاضرة...اتو نلبس كونفارسي كهو
انا:باهي
تبسمت و انا نشوف في حالتها...حسيتها تفرهدت شوية...عالصباح...اصلا منعرفش علاش حبيت نخرج...نحس في روحي مخنوق عاللهر...و لازمني نبدل جو باش نرتاح...حتى ايطاليا عندي قرابة عام مجيتش ليها...اما المرة هاذي حسيت عندها طعم جديد...مش كي العادة...خاولت نفهم تغيير لي صاير اما معرفتش...شفت لسوار لي تاكول فالقلاص و شعرها يطاير مع الهوا..تي بعد المقرونة هءيكا الكل...طلبت القلاص ..تبسمت على جنب...يمكن سوار هي التغيير الجديد...حضرت مهمات ياسر...اما المهمة هاذي بالظبط سبيسيال....مش كيما اي مهمة تعدات عليا من قبل في حياتي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 29
سوار تحكي:
تعدا اسبوع...اسبوع في ايطاليا...بعد نهار الاول مخرجتش جملة...اسبوع تعدا كان خدمة...امير العابد...الاسم لكان يتعاود كل يوم...صباح و عشية...كيف تتعامل معاه...شنوة تحكي...رد بالك تغلط في الكلام...تصرف عادي...و برشا حاجات اخرى...لين فديت و روحي طلعت...و الهدف من هذا الكل...ناخو الفلاشة منو...ونرجعها من غير ما يحس بيا...الفلاشة لي ما ينجم يسلم فيها لحد...و لا ينجم يخليها في بلاصة...فلاشة فيها اهم المعلومات...لي تنجم تخلينا ننتقلو للمرحلة ثانية...معلومات انا ما نعرف عليها شي...اما في كل هذا الكل منعرفش كيف باش نعمل هذا الكل...رغم القوة لي قاعدة نبين فيها...من داخلي خايفة عاللخر...خاصة و انو باش ناخذ الفلاشة و نرجعها يعتمد عليا...و من غير تخطيط...و كلشي باش يكون لاول مرة...فقت الصباح بالسيف...اصلا بقينا لنص الليل...نحكو في تفاصيل لي بقات...هزيت روحي...لبيت البانو غسلت وجهي...و خرجت من البيت...دورت عينيا عالبلاصة ملقيتوش...زعمة مزال في بيتو...عوجت فمي...و دخلت للكوجينة...لقيتالفطور حاضر...عقدت حواجبي...كنت باش نمشيلو لبيتو...اما رجعت لتالي...كي لقيت ورقة عالطاولة...هزيتها في يدي نقرا فيها "باش نرجع العشية...pc و دوسيات عالطاولة...كمل خدمتك لين نرجع "...فديت و انا نقرا في الورقة... ياخي وين يكون مشا السخطة...نفخت...حطيت الورقة...و قعدت عالطاولة...نشوف معاها...شبيه يحطلي فطور كاني عاملة رجيم...محاولتش نركز برشا...عبيت كرشي بالقدا...و مشيت لصالة...ترميت عالفوتاي...وحلت في الورق...مكتوب فيهم شنوة لي يحتاجوه من الفلاشة...و لازمني نحفظهم لتالي...باش ننقلهم بترتيب...حسيت روحي تهديت...عملت قهوة ورجعت...فتحت البيسي...كنت باش نكمل نقرا الباقي...اما ضربت في راسي...نعمل طلة...عالحفلات هذوما...كيف يكونو...شنوة نلبس...كيف نمشي...و شنوة نعمل بالظبط...منعرفش علاش مفكرتش فيها من قبل...حطيت الكاسة من يدي...و حطيت على فيديوات...عينيا وساعت...مستحيل...ياربي...كيف باش نكون وسط ناس هذوما الكل...تي و لا مرة ستخايلت باش نحضر حفلات هكا...زادة انا ما جبت حتى شي من دبش الحفلات...ملا وحلة...و الاسوء من هكا انو شطر الحفلة تعتمد عالرقص...تي شباش نعمل انا توا...باز باش نخرب دنيا...سكرت البيسي...و تكيت لتالي...دخلت بعضي...و معرفتش شباش نعمل...دنيا بدات تظلام...و هو لتوا لا جا...و الحفلة غدوة...تي كيف باش نلحق نتعلم هذا الكل...قص عليا تفكيري...صوت الباب كي فتح...نطرت من بلاصتي جيت واقفة...هزني و حطني مستغرب...محاولش يحكي معايا...قرب مني...رمى المفاتح عالطاولة...و ترما عالفوتاي يشوف معايا...بقيت واقفة نغزرلو...تكا لتالي...هزني و حطني مرة اخرى...عقد حواجبو يحكي
زياد:شبيك
انا:منعرفش
زياد:شنوة
انا:تي قصدي...انو انا...الحفلة غدوة
وحل الكلام في لساني...و معرفتش شنحكي دخلت بعضي...و معادش فما وقت...باش نفشل من البداية...عديت يديا الزوز على وجهي بالزربة...سكرت عينيا و رجعت فتحتهم...وقف...و قرب مني...غزرلي يحكي
زياد:تنجم تهدا و تفهمني شصاير
انا:زياد انا باز باش نفشل...مستحيل نجم ننجح
زياد:علاش شصار
انا:برشا حاجات...اولهم انو انا منعرف شي على هذوما الحفلات
زياد:شنوة لي متعرفوش
انا:كلشي...تي مشا في بالي باش تكون حفلة عادية...اما طلع العكس...باش يكون فما برشا ناس...و
قص عليا الكلام...كيف نزل يدو...شدني من يدي...يحكي
زياد:اهدا ما فما شي يخوف مجرد حفلة و باش توفا
انا:اما
زياد:اما شنية
انا:انا لتوا منعرفش كيف يرقصو...اكا الرقص
دورت وجهي...و عديت يدي على شعري رجعتو لتالي...مزال شاد يدي في يدو...هز يدو حك لحيتو...و تبسم على جنب يحكي
زياد:نسيت الموضوع جملة...ملا وحلة
انا:باش نفشل مش هكا
بقا يشوف معايا...ندرا كيف...كبس على يدي اكثر...جبدني ليه بقوة...لين ضربت في صدرو...من الفجعة حطيت يدي على كتفو...خلا يدي في يدو...و دور يدو لاخرى على ظهري يحكي
زياد:مش باش تفشل...انت كهو ارخف روحك...و تبع الخطوات...كونك هادية و كلشي ينحل
هزيتلو براسي باهي...رخفت روحي بين يديه...باقية نتبع في خطواتو...بعد عليا شوية...من غير ما يفلت يدي...دورني دورة كاملة...و جبدني ليه...حسيت بظهري على صدرو...نزل يحكي في وذني
زياد:ارتحت توا
هزيتلو براسي ايه...رجع دورني...ضحكت...ضحكة عالية...يمكن اول مرة بعد اللي تعدا عليا الكل من نهار ماتت امي...ضحكت بالطريقة هاذي...حسيت بشي جديد...مش مجرد رقصة و كهو...اما احساس كبير...طيرني لبعيد...يمكن خاطرني شادة في يدو...و لا يمكن كي قاعد يعلم فيا كيف صغار...ساعات الحاجات لصغيرة هذوما...يفرحو برشا...يفرحو اكثر من حاجة جيك هدية...و لا شي كبير تعمل في خاطرك...خطوات صغيرة نتعلم فيهم...خطوات باش يهزوني لعالم بعيد...عالم ما نعرف منو شي كان...العبد لي قاعد يعلم فيا توا...محسيتش بالوقت لي تعدا...تعلمت الخطوات فيسع...مش كلشي اما يكفو باش نسلك راسي...من رقصة تعدينا للورق...حتى من ماكلة طلبها من برا...حسيت روحي متفرهدة...و طاقتي عالية...بقينا لوجه صباح...كل مرة ينبهني على حاجة...منعرفش كيف هزني نوم..و رقدت على كتفو
فقت الصباح نحل في عينيا بالسيف...لقيت روحي مسطحة عالفوتاي...هزيت روحي تقعدت...غزرت لساعة لقيتها 6 متاع صباح...عديت يديا على وجهي...لتوا ناقصة نوم...قص عليا كي دخل...هاز في يدو زوز كيسان قهوة...حط واحد قدامي يحكي
زياد:اشرب قهوتك باش تصحصح...و نعملو طلة اخيرة...نحبك تكون حاضرة بالقدا
هزيتلو براسي باهي..هزيت القهوة شربتها...و كملت معاه...فهمت لي الافتتاح يكون على 20:00 و هو لباش يهزني معاه...و كيف يسأللوني...جوابي باش يكون..."تابعة لزياد"...قص علينا صوت الباب...هز روحو فتح...نشوف في وحدة...ترمات عليه حضناتو عينيا وساعت...تي تقريبا قدو في طول...مطولها زح...شعرها اصفر قصير...عينيها خضورا...تي ضاربة زينة دوبل...جبد روحو منها...شدها من يديها زوز يحكي
زياد:مونييكا
ياخي اسم شنوة هذا...كمل حكا معاها بالايطالي...فهمت كان اسمها...متحركتش من بلاصتي...لين دخلو زوز...وواحد وراها...هاز فاليز صغيرة في يدو...شاورلها بيدو عليا يحكي...قحرتلو...مش فاهمة لي قاعد يصير جملة...هزيت روحي وقفت...و غزرتلو نستناه يفهمني...قرب مني شوية يحكي
زياد:سوار...هاذي مونيكا
انا:شنعمللها
قحرلي...حسيتو تنرفز...حاول يهدي في روحو و يحكي
زياد:باش تعاونك تحضر روحك و تمشي
انا:نجم نحضر روحي وحدي
زياد:سوواار
انا:بااهي
رجع قرب منها يحكي معاها...باقية نهز فيه و نحط...غزرلي يحكي
زياد:سوار انا باش نمشي توا...مبعد نرجع...كسما وصيتك
انا:انا باش نمشي ندوش...ترجملها...و قلها باش طول
عقد حواجبو يشوف معايا...قحرتلهم زوز...قبل ما نمشي...قرب منها سلم علاها...و رجع عنقها...و خرج...زربت لبيتي...نطرت الباب ورايا...دخلت لبيت البانو.. منعرفش كيف نحيت دبشي...و دخلت تحت الما...العصب يهز فيا و يحط...ياخي خلصنا من وحدة طلعت ثاينة اضرب منها...سوار شبيك شعلت وحدك شعملتلك المخلوقة...تي حتى فمها محلاتوش معاك...عديت وقتي الكل و انا ندوش...كل مرة نذكر تعنيقتو ليها...نحس روحي باش نطرشق...منعرفش شنية الاحساس هذا...منعرفش علاش نحسو...كان وقت تبدا وحدة معاه...علاش وقت نكونو وحدنا...نكون مرتاحة اكثر...كملت الدوش...لفيت الكاب على روحي و خرجت...لقيتها في بيتي قحرتلها...تبسمتلي...و قربت مني تحكي
Monica:I'm Monica ... Do you speak English?
مونيكا:انا مونيكا...ياخي تتكلم بالنجليزي
هزيتها و حطيتها...هزيتلها براسي باهي...ضمت يديها تحكي
Monica:good
مونيكا:جيد
رجعتلها شطر تبسيمة و جيت ماشية...قربت مني...شدتني من كتافي ورجعتني لتالي...مفهمتش حركتها...قعدتني عالكرسي متاع الكوافوز..تحكي
Monica: Just relax
مونيكا:اهدا برك
محبيتش نحكي معاها اكثر...خذيت نفس و تكيت لتالي...نشوف معاها...اول شي بدات بالمكياج...ندرا شقاعدة تعمل تي من طولتها زايدة منجمتش نشوف روحي فالمرايا...دوب ما كملتلي...فتحتلي شعري من تالي...تشيح فيه...منعرفش فاش قاعدة تعمل...مخلاتنيش نشوف روحي جملة...كيف كملت وقفتني...و غزرت لسرير...قربت منو نشوف مع روب في الروج...طويلة...مفرشة عالسرير...ظاهر لي مسنترة من فوق...منعرفش على روحي كيف هزيتها في يدي...خرجت من بيت و خلاتني...لبستها...و لبست كعب فالاكحل قدامها...قربت من المرايا...طلعت راسي نشوف مع روحي...عينيا وساعت...للحظة نصدق لي مش انا واقفة هوني توا...اول مرة يكون ماكياجي هكا...حتى من روج...لونو اغمق من روبة شوية...روبة جات على قيسي بالظبط...مسنترة من فوق...شعري مخدوم بفيانة...ملموم...و منفخ من قدام شوية ...تلفت شوية نشوف مع ظهري...روبة مفتوحة بالكل لتالي متاع ظهري...الكل على برا...يديها طوال...ياسر محلاها...و ياسر حليت فيها...تبسمت وحدي...و قلبي دق بالقاوي...اول شي ضرب هو في بالي...زعما شنوة ردة فعلو...اما كي ذكرت لي صار قبيل...كبست على يدي...و نفخت بالقاوي...الا ما نخليه...يندم الليلة...باش المرة الجاية...يتعلم يجيب شكون يعلمني...تو نشوفو يا مسيو زياد
زياد يحكي:
جيت باش نلبس الفاست متاعي ...و انا نحكي مع مونيكا فرد وقت...اما قبل ما نكمل نلبسها...تلفت على صوت كعب...باش ينقب الارض...تروهجت...و قلبي دق بالقاوي...و تسكر عليا نفس...عينيا وساعت انا نشوف فيها واقفة قدامي...هزيتها و حطيتها...من فوق للوطة...بدني تكبس...و منجمتش نتحرك..قد ما توقعت...انها باش تكون حاضرة للحفلة...مجاش لبالي...لهي باش تطلع هكا...الروبة تقول مفصل على بدنها...طلعت بعينيا تركزت في وجها...ماكيجها غامق...اول مرة نشوفها بطريقة هاذي...خصلات من شعرها طايحين على وجها...ياسر تبدلت...ياسر حلات...اما...اما نظرتها متبدلتش...سرحت فيها...في غزرتها...منعرفش شبيني...تروهجت و منجمتش نزل عينيا منها...مش اول طفلة نشوفها هكا...و مش احلى طفلة عرفتها...اما سوار عندها سحر خاص...سحرها الخاص بيها...باقي تشوف معايا...لا نجمت نحكي و لا هي حكات معايا...كهو تشوف معايا...وقفتها هكا قدامي...نظرتها ليا قوية عاللخر...ذكرني باخر تحدي بينا...ذكرني لواقفة قدامي هي دنيز مش سوار...فقت من سرحتي على صوت مونيكا تحكي ورايا
Monica: Surprise
مونيكا:مفاجأة
هزيتلها براسي باهي...و نفخت بالقاوي...شلقت بروحي...رجعت هزيتها و حطيتها...و تلفت لمونيكا...كملت لبست الفاس و نحكي فرد وقت
Me:yes thank you monica
انا:ايه مرسي مونيكا
قربت مني عاللخر وقفت قدامي...حطت يدها على يدي...باستني من خدي...و بعدت عليا تبسمتلي...و رمات كلمتها بالايطالي"بالتوفيق"...تبسمتلها...هزت صاكها و خرجت...مونيكا معرفة قديمة...قرابة ست سنين و احنا نخدمو مع بعض...نعرفها بالقدا...كل مرة نكون في ايطاليا...تكون يدي اليمين...و كهو هي لنجم ناثق فيها هوني...دوب ما خرجت...خذيت نفس...و تلفت لسوار...نشوف معاها...باقي واقفة في بلاصتها...جيت باش نحكي...قصت عليا تحكي بغش...و غزول...معرفتش شبيها تهز و تنفض وحدها
سوار:مزال مطولين
تبسمت على جنب...و عديت يدي ورا شعري...ياسر وتاها غشها مع لوك جديد...غزرتلها نحكي
انا:لا باش نمشو حاضرة
سوار:ممم لحظة نجيب كاب متاعي و نرجع
هزيتلها براسي باهي...عوجت فمها...و تلفتت عينيا وساعو...عقدت حواجبي و انا نشوف مع ظهرها لي عريان...حتى طرف منو مش مغطي...شبيها مونيكا اختارت روبة هكا...في بالي كانت مستورة...متوقعتش لظهرها يكون عريان لهدرجة...حتى من شعرها لماتو...تي شكان باش يصير كان خلاتو مسيب...ثواني كهو...دخلت بعضي...منعرفش علاش تقلقت لهدرجة...عديت يدي على شعري بغزول...نهدي في روحي...لازم تكون هكا...لازم تكون بالغراء هذا...و خاصة قدام واحد كي امير...اما...قصت عليا تفكيري كي رجعت...لابسة كاب في الاكحل...و شادة سطوشتها في يدها...قربت مني...وقفت قدامي...غزرتلي تحكي
سوار:حاضرة
هزيتها و حطيتها...منعرفش علاش تنرفزت لهدرجة...كبست على سنيا...نهدي في روحي...و نزلت يدي على يدها شديتها...وطلعتها عندي...حطيت فيها فلاشة...شافت معاها..و طلعت راسها غزرتلي تحكي
سوار؛ياخي علاش روج هذا...هوكا هذيكا لندرا شاسمها...حطتلي...و نظن هذا باهي...مش باش نحتاج هذا...على هذاكا رجعو
بقيت نشوف معاها...مخلاتليش فرصة نحكي...قحرتلها نحكي
انا:تنجم تسكت شوية
سوار:اما مش بحاجتو راني...لي حطاتو يكفي...و معادش فما وقت جملة
سكرت عينيا...ورجعت فتحتهم...خذيت نفس نحكي
انا:مش روج...هاذي فلاشة
سوار:شنننوة ملا علاش شكلها هكا كيما روج
انا:الحراسة باش تكون مشددة...هذا مش افتتاح و برا...افتتاح باش يضم اهم الشخصيات...كيما باش يكون فما تبرعات و كذا...يعني ميجيش يشكو في شي
سوار؛باهي
انا:وقت طيح الفلاشة في يدك...اتحجج و ادخل لتولات...غادي تلقا تابلات...انقل المعلومات الكل...مبعد انقلهم للفلاشة هاذي...و رجعلو فلاشتو كيما خذيتها...من غير ما يحس بشي
سوار:و تابلات وين نلقاها
انا:انت ادخل لتولات و باقي ساهل
سوار:باهي
كبست عليه في يدها...و هزتلي براسها باهي...فتحت سطوشتها حطتها فيها...خذيت نفس و بعدت علاها...قربت من الباب فتحتها...خليتها خرجت و خرجت وراها سكرت الباب....حتى في الاصونصير...بقينا ساكتين...دوب ما وصلنا للكرهبة...قربت باش نركب...وقفتني تحكي
سوار:ياخي امتى لحقت تبدل الكرهبة انت
انا:هاك انتبهت على شي
قحرتلي...و حلت الباب بغزول ركبت... تبسمت على جنب...و ركبت قدامها خدمت الكرهبة...طول الثنية حسيتها متوترة...قبل ما نوصلو بشوية...كبست عالفولون نحكي
انا:سوار
سوار:ممم
انا:هدي روحك...و تصرف عادي...و اهم شي انك تكون قد مظهرك هذا...باهي
سوار:طمن (قالتها بغزول)
انا:ذكر...انو كان انت نجحت في المهمة توا...باش تفرض روحك في عالمك جديد...باش توصل لي تحب عليه...و تاخو حقك بيدك...و انت ادرى بكلامي
بقات تشوف معايا...حسيت لي نظرتها ضاعت شوية...اما كان لازم نحكي هكا...نعرف انو كل مرة تتذكر الماضي...تقوا اكثر...جات باش تحكي...قصيت عليها كيف شديت الفران...بقيت نشوف معاها...ملفتتش وجها مني...دورت راسي و حليت باب الكرهبة نزلت...ركحت الفاست متاعي...تلفت شوية...نشوف في واحد رجال فتحلها الباب نزلت...قربت مني...وقفت قدامي...قربتلها يدي شوية...دورت يدها عليا...نزلت راسي نشوف معاها...تغزر مع الباب...و نظرتها ضايعة...مشيت خطوة و هي معايا...جبدتها ليا شوية نحكي
انا:ورا الباب هاذي باش تبدا لعبتك يا سوار...ذكر انو كلشي عملتو باش تثبت روحك هوني...و كان فشلت شوية...انت باش تخسر كلشي...وصلتلو و باش توصلو
كبست على يدي اكثر و هزتلي براسها باهي...مع تبسيمة خفيفة...تبسيمة قوة مخلطة بوجيعة...تبسيمة دينيز مش سوار...الخطوات القليلة لبقات باش نفوتو الباب هذا باش يتبدل كلشي...امير العابد...مش اكبر رجال المافيا لقابلتهم...و مش اخطر واحد فيهم...اما هو المفتاح لبرشا اسرار...عمرو 33 سنة...اما نجم يكون روحو و يثبت اسمو...عرف كيف يكبر ثروتو...و كيف يستغل الناس لي معاه...يعرف كيف ياخو لي يحب عليه باقل الاضرار...و اهم من هكا...عرف كيف يخلي الفيشة متاعو نظيفة...و يبقى كهو رجل الاعمال امير العابد...مالك سلسلة الفنادق في دول مختلفة...و شركة البسة بفروع متنوعة ...كهو لي مكتوب عليه...تبسمت على جنب...اما حد ما يعرف شكون امير العابد غيري...و الفلاشة لكان لازم تكون في يدي من عامين لتالي...لحق الوقت باش ناخوها من عندو...وسط الافتتاح...و من غير ما يحس بحتى شي...الفلاشة...لي تخليني نعرف العمليات الجاية...الصفقات...و الرجال المشاركين الكل...المعلومات لي مينجمش امير يخليهم...لا في بيسي و لا في تابلات...و لا في خزنة...يبقاو معاه كهو...باش يتفادى اي خطر يهددو...خاصة و انو كل مرة يتعرض للقرصنة...عرفت هذا شي من ورا خدمتي معاه لسنين... و توا لحق الوقت باش نلم المفاتح السبعة...اللي يخلوني نوصل لراس الكبيرة فيهم...و نسكر مهمة بدات عندها سنين...و المفتاح الاول هو امير العابد...المفتاح لي باش يكون في يد سوار...نعرف انو مكانش لازم نسلم الفرصة هاذي ليها...خاصة و هي جديدة في دومان...اما مكانش حل اخر...سوار هي اللغز الوحيد...لباش يبقى معلق في عقولهم...اما حد ما ينجم يحلو غيري...انا كهو لي نفرق بين سوار و دنيز
سوار تحكي:
امير العابد...الاسم لمخي يعاود فيه ليل و نهار...قاعدة نشوف فيه قدامي توا...ماشي و يقرب...حقيقتو عكس الصور جملة...جهامتو تقريبا كي زياد...ابيض و حرجو في الاكحل...حضورو قوي...راجل موهر و يقد روحو...كل خطوة يقربها منا...قلبي يدق بالقاوي...منعرفش كيف جبدت يدي من يد زياد...بالشوية...كلشي قاعد يدور في مخي انو امير هو الفريسة ليلة...اما منحبش لقائي بيه يكون عادي منحبوش يصنفني مع زياد...و ميعطنيش فرصة نقرب منو...قبل ما يوصل بخطوات...تلفت شاورت بيدي لسرفور غادي...حطيت سطوشتي في يدو...نحيت الكاب حطيتو في يدو...نسمع فيه يحكي مع زياد
اميير:زيياد ¤¤¤¤ و الله في بالي العيلة الكل اعتذرت
زياد:ماك تعرف الخدمة
امير:انا لي نعرف
زياد:مبروك عالاوتيل الجديد
امير:والله الامور تحلت هوني...و مزال الوجه الجديد للماركة متاع الشريكة
زياد:مش كثرتلها انو كل عام تبدل الموديل
امير؛لازم تغيير في كلشي
زياد:اما ساعات تغيير يخلي خسائر كبيرة
امير:وقت يتعلق الامر بالعارضات كلشي يتحل
زياد:نعرفك تسلك راسك...هاك اوتيلات و شركات فرد وقت
امير:متنساش لانت عندك باي في هذا
زياد:لا احنا كهو كنت شريكك لفترة
امير:و ما زلت
لفت راسي شوية...نشوف فيه صافحو...و عنقو...ياخي شنية الهم هذا في وجهم يحبهم..و يطعنهم في ظهرهم...تي حتى البنات مسلكوش منو..مرة زينة و توا مونيكا..قص عليا السرفور يحكي بالايطالي..مفهمت عليه شي..جبدت سطوشتي منو..و عملتلو بيدي باش يمشي..ناقصة انا باش نعصر مخي معاه...دورت عينيا عالبلاصة و تبسمت على جنب...رغم خوفي الكل اما جمعت قوتي الكل و تلفت....
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 30
اول ما تلفت...عينيا وساعو...زوز تبخرو من قدامي...قلبي دق بالقاوي...زعمة وين مشاو...بقيت ندور في عينيا من طاولة لطاولة...برشا ناس...برشا سارفورات...يمشو من طاولة لطاولة...كل حد لاهي في روحو...انا كهو لي واقفة...مبهمة و مش فاهمة شي...اما اللي يهم اكثر من هذا الكل زياد وين...خذيت نفس..نهدي في روحي...طلعت راسي و تعدلت في وقفتي...نمشي بخطوات ثابتة...خطوات مجهولة...خطوات تفصلني على عالم جديد...منعرفش وين ماشية...اما حاولت ما نظهر شي...حاولت نخبي الربثة متاعي...و نلقى زياد بعينيا وسط ناس هذوما الكل...اما اول حد شفتو من بعيد هو...امير العابد...قلبي دق بالقاوي...نحكي في سري"سوار هاذي فرصتك...انت لازم تنجح...لازم توصل لي تحب عليه...لازمك تاخو حقك و حق امك"خذيت نفس...خرجتو بتنهدية صغيرة...و تبسمت على جنب...هاذي فرصتي و مستحيل نضيعها...لحق الوقت يا امير العابد...نشوف فيه ماشي و يقدم...ظاهر باش يستقبل حد من ظيوفو...كبست روحي اكثر...و قربت منو...حاولت نبعد نظراتي منو قد ما نجم...دوب ما وصلت ليه...دورت راسي...و ضربت فيه بجنب...و بكل قوتي...في لحظة حسيت بيدو باردة تحطت على ظهري من تالي...بدني تكهرب قداش محملتهاش لمستو...هزيت يدي...كبشت في الفاست متاعو شوية...حاولت نظهر روحي مصدومة اكثر...جبدت روحي شوية...باقي شادة في الفاست متاع...يدو ترخفت شوية شوية على ظهري...تحطت على زندي...غزرتلو في عينيه...لباقي دور في وجهي...حكيت بربثة مصطنعة...نحاول نخبي خوفي الحقيقي نحكي
انا:س سامحني
طلع حاجبو...و تبسم على جنب...نزلت عينيا منو...نهرب فيهم...و نحكي
انا:مش قصدي لي صار توا
امير:ممم ريض روحك ما صار شي
رخف يدو على يدي...وخرت شوية لتالي...و طلعت راسي غزرتلو...تبسمتلو...نحكي
انا:عيشك
هزني و حطني بعينيه...ورجع ركز مع وجهي...نزلت راسي شوية...نلعب بيديا...قرب يدو من يدي...غزرتلها..ورجعت طلعت راسي غزرتلو...تبسمت معاه..و طلعت يدي صافحتو...تبسم شطر تبسيمة يحكي
امير:اميير
انا:و انا دنيز
جبدت يدي من يدو...باقي نشوف معاه...نزلت بيدي كبست على سطوشتي باش نخفف توتري...رجع ثبت في وجهي يحكي
امير:مكنتش نعرف انو فما تونسية هوني
ضحكت...ضحكت خفيفة متاع دلال و حشمة...و غزرتلو في عينيه نحكي
انا:و انا مكنتش نتوقع انو باش نلقى توانسة هوني
امير:صدفة محلاها
انا: ايه بالطبيعة
امير:ممم اما قاعد نحس فيك ضايعة
انا:ممم صراحة ايه...ضيعت شكون و قاعدة نلوج عليه
امير:مع شكون جيت هوني
انا:كيف يعني
امير:نقصد باز تكون مرافقة حد
انا:ايه صحيح و انا ضيعتو خاطرني لتهيت شوية
امير:مممم كان تحب تنجم تبقى معايا لي تلقاه
انا:منحبش نعطلك اكثر مسيو امير...ميسالش تو نلقاه وحدي...يظهرلي قريب ليا
امير:باهي كيما تحب
قربت يدي منو مرة اخرى...حط يدو صافحتو مرة اخرى نحكي
انا:مرسي و سامحني مرة اخرى
امير؛ميسالش متشرفين
انا:عيشك
جبدت يدي...و تبسمتلو...رجع تبسملي شطر تبسيمة و مشا...بقيت واقفة في بلاصتي...قلبي يخض بالقاوي...باش يطيح...مش مصدقة لانا حكيت معاه...ووقفت قدامو...راجل كيفو و بوهرتو متوقعتش ياقف دقيقة و يسمعني...خذيت نفس...و طلعت راسي باقي نفركس على زياد بعينيا...وين راح السخطة...انا اكاكا...قص عليا صوتو من تالي
زياد:براافو
تلفت نشوف معاه...هزني و حطني...مع تقحيرة موت...عقدت حواجبي نحكي
انا:وينك ياخي من صباح نفركس عليك
زياد:اما مش بحاجتي راك
انا:شنية
زياد:هاك فيسع ركحت امورك و تعرفت بامير
انا:مش هذا لي تحب عليه انت
زياد:نقص من تفوريخك...وركز مع الخدمة...الوقت مش لصالحنا
انا:تفوريخ...اما تفوريخ تحكي عليه ياخي
زياد:اكبس روحك سوار متنرفزنيش
انا:اول شي دنيز مش سوار...و ثاني شي معملت حتى شي غالط راهو
زياد:سكر جلغتك توا و تحرك قدامي
كبست على سناني...نحاول نهدي روحي...السخطة هذا...نتمنى نفهمو مرة وحدة في حياتي...قرب مني شوية...نزل يدو على يدي...شدني...وجرني معاه لطاولة...وقف...و شد الكاسة في يدو...يشرب منها بغزول...حطيت سطوشتي عالطاولة...نحاول نتلفو...بقيت نتبع في امير من بعيد بعينيا...نسمع فيه يحكي
زياد:حاول تكمل خدمتك فيسع...في بلاصة ما قاعد تغزر اكاكا
خذيت نفس...و تلفتلو نشوف معاه...مغزرليش جملة...متلفني...و يطلع لبعيد...منعرفش شنية حكايتو...تي صباح كنا لباس...خرج ورجع مش حاملني جملة...ني اصلا كي نذكر كلامو في الكرهبة...نحس روحي باش نطرشق...منحب حتى حد يذكرني بشي لي صار...خاطر وجيعتي تكفي...تنفست بالقاوي نحكي
انا:طمن
هزيت سطوشتي...و جيت باش نمشي...بحركة خفيفة شدني من يدي...رجعني يحكي
زياد:ترص هوني قدامي...ما تعمل حتى شي بلا ما تاخو رايي
نطرت يدي منو...و بقيت واقفة في بلاصتي...نخمم نلقى حل يوصلني ناخو الفلاشة هذيكا من عندو...تعدا تقريب ساعتين اكاكا...طاولة مفرغتش يروح حد يجي حد...تي وين يعرف العباد هذوما الكل هو...بقيت ساكتة..نعديها بضحكة خفيفة معاهم و كهو...حسيتو فد من الجو...جيت باش نحكي...قصت عليا طفلة...كي قربت منو...سلمت عليه تحكي تحكي
هي:زياااد وينك يا راجل ليك وحشة
زياد:اهلاا رندة لباس
هي:لباس تي وينك زح هكا معادش ظهرت عالساحة جملة
زياد:ماك تعرف الخدمة
رندة:تي رانا كيف بعض كان مش الخدمة ليوم...ندرا امتى كنا راح نشوفوك
زياد:صحيح على اساس شكون باش دخلت هوني
رندة؛الشريكة جديدة لامير
زياد:و كيف هكا
رندة؛من شهور نحاول نتقرب منو...و الحمد الله نجمت نوصل لي نحب عليه...و نجمت نعرف كل المناقصات..و الصفقات لي دخلها و باش يدخلها
زياد:باهي هاك تعلمت تخدم وحدك يا فرخة
رندة:تفرك فيهم عليا باهي يا زياد
زياد:هههه نفدلك كهو
رندة:مممم صدقتك و انت امورك مريقلة لليوم
زياد:والله كيفك منعرفش...ندرا شباش يصير...ظاهر المهمة باش تتحول ليك
رندة:مممم لا عاد مش حاضرة طرف...اما كان معلمي بعثني ميسالش
زياد:صحيتك مزلت كيما نعرفك
رندة:بالطبيعة...مش باش تبدل
بقاو يحكو مع بعض...و عاملين جو...باز تخدم معاه...تي معرفهاش عليا جملة...و هي كي شافتو...معادش شافت شكون واقف معاه...و بكل صحة رقعة يقلها المهمة باش تتحول ليك...و في وجهي زادة...كي هكا علاش جابني لهوني...علاش علمني...علاش لبسني هكا و دخلني لعالم مش عالمي...تي هوكا قدامو تكفي و توفي...حتى هي فتقة متاع زين...كبست على سطوشتي اكثر...نزلت فيها كل غشي...سكرت عينيا ورجعت فتحتهم...نحكي في سري"اهدا سوار اهدا...انت لازمك تنجح...لازم تثبت روحك...انت هوني على خاطر امك و خوك...رد بالك تضعف من كلامو رد بالك"دورت راسي عليهم...نشوف مع امير...واقف بحذا طاولة...هو و جماعة...مش طاولة عادية...طاولة زهر...بحكم احنا في كازينو الاوتيل...خلا الالعاب هاذي تكون جزء من الافتتاح...يمكن توا الوقت المناسب باش نتقرب منو اكثر...رخفت يديا على سطوشتي...غزرتلو...لاهي يحكي معاها..و مش منتبهلي حتى طرف...خذيت نفس...كبست روحي...خليت سطوشتي غادي...و بعدت عالطاولة..نمشي ناحية امير...قبل ما نوصل...عارضني سارفور جاي...رميت يدي...هزيت كاسة من عندو...نعرف و متأكدة لهو شراب...اما منعرف لا طعمتو و لا نوعو...كبست عليه في يدي...و قربت من الجماعة غادي...وقفت ورا امير بالظبط...نسمع فيه يحكي
امير؛المرة هاذي باش تكون 18
انا:لا 21
تلفتولي الكل يشوفو معايا...هو منهم...عقد حواجبو يشوف معايا...تبسمتلو نحكي
انا؛راهن عال 21 نظن باش يكون رابح
امير: باهي باش ناخو بخاطرك
هز بالون صغيرة في يدو و رماها...بقات دور...و انا قلبي ياش يحبس معاها...منعرفش كان باش يطلع 21...و من حظي حبست في العشرين...سكرت عينيا...و رجعت فتحتهم لقيتها في 21...خذيت نفس...و فرحت مش نورمال...من بكري يعجبني هالرقم...و توا فادني...تلفتلي يحكي
امير:برااافو sexy girl
تبسمت على جنب...و خذيت رشفة من الكاسة لي في يدي رغم طعمتها لمحملتهاش طرف...اما بقيت محافظة على ملامحي من برا...نزلت لكاسة نحكي...بتبسيمة
انا:ممم A lucky girl
امير:ههههه صحيح...و المرة هاذي حظك فادني برشا
انا:ممم اعتبرو تعويض صغير مني..خاطر ضربت فيك قبيل
امير:ما صار شي...اما ظاهر باش نبقى محتاجك توا
انا:ههههه مش كل مرة نطلع رقم صحيح
امير:يكفيني حظك
انا:مممم باهي
بقيت واقفة قدامو...طلعت راسي نشوف لزياد من بعيد...يغزرلي...و هي واقفة بحذاه...نزلت راسي لطاولة...نجنب في نظراتو ليا...هزيت يدي..حطيتها على كتفو نحكي
انا:نحب نجرب
تلفتلي...و تبسم على جنب...هز البالونة حطها في يدي...اخترت رقم 7..و رميتها...و بالحق جات فيه...ملا حظ عندي...ضحكت...ضحكة عالية و غزرتلو نحكي
انا؛شفت كيف هوكا ربحت مرة اخرى
امير:هاك طلعت بالحق محظوظة
انا:ممم ظاهر هكا
ضحكنا زوز فرد وقت...و نزلت هزيت البالونة...و تلفت...كيف كان مقربلي عاللخر ضربت فيه شوية...كي شدني من يدي...اللي في الكاسة تكب علينا زوز...عينيا وساعت...و عضيت شفتي لوطانية نحكي
انا:يااااا مش بقصدي...منعرفش كيف فلتت
امير:ششش اهدا ما صار شي
انا:بالحق مسيو امير منقصدش لي صار...شباش تعمل توا
امير:بسيطة تو نبدل فيسع
انا:بالحق سامحني...نجم نعمل حاجة على خاطرك
امير:لا ارتاح...هاني باش نرجع فيسع
انا:نجم نجي معاك
نزلت على شفتي سفلى...و عوجت راسي شوية...نستعطف فيه...هزلي براسو ايه...قربلي يدو...حطيت الكاسة و شديت فيه...قلبي نحسو باش ياقف...منعرفش شنوة لباش يصير...اما هي لعبة و لازم توفا...محاولتش نغزر لزياد...منحبش نشوفو و لا نذكر كلامو...و لا نشوف لي واقفة معاه...انا هوني على خاطر عندي مهمة...و لازمني ننجح فيها...قربنا من اخر باب في صالة...حلها و دخل...دخلت معاه...بيت كبيرة فيها فوتاي و بيرو...ظاهر بيرو متاع كازينو...نحا الفاست...حطها عالفوتاي...غزرتلو نحكي
انا:مسيو امير والله مش بقصدي...هاذي المرة ثانية...باز تكون تقلقت مش هكا
امير:ههههه اهدا دنيز ما صار شي
انا:بالحق
امير:ممم و امير كهو
انا:باهي امير
شوية وقت دخل واحد هاز فاست في يدو و سورية...حطهم و خرج...غزرتلو نحكي
انا:باش تبدل هوني
امير:هههه هاني باش ندخل للبيت لاخرى ارتاح تو نرجع
انا باهي
اول ما دخل...قعدت عالفوتاي...قدام الفاست متاعو...اول شي...دورت عينيا عالبلاصة الكل...مفما حتى كاميرا...نزلت عينيا للفاست متاعو...حطيت يديا عليها من فوق...نتلمس فيها...حسيت بحاجة صغيرة فيها...عينيا وساعت...باز الفلاشة...رجعت ثبت في البيرو الكل...و دخلت يدي جبدتها...بدني رعشو ساقيا رخفو...حليتها بالزربة...جبدتها...نحيت غلاقها و رجعتو في الفاست..حتى هو في طولها رميت الفلاشة في صدري...و تكيت لتالي...حطيت ساق على ساق نتنفس بالسيف...من خوفي تسكر عليا نفس...اول ما خرج...قلبي حسيتو خرج من بقعتو...حاولت نهدي روحي قد ما نجم...قرب باش يهز الفاست جديدة وقفتو نحكي
انا:مممم امير
امير:ممم
انا:في بالي كهو سوريتك لي تبلت
امير:ايه
انا:ملا البس الفاست الاولى احسن
امير:علاش
انا:منحبش نحس بذنب اكثر...خاطر فسدت جوك و توا باش نفسد دبشك
امير:عادي ما صار شي
انا:امان
قلتها بدلال...خاطر كان يبدل فاست باش يظطر...يهز الفلاشة ووقتها يشلق...و باز باش نخرج ميتة من هوني...ساقيا رخفو و انا نستنا في ايجابتو...تبسملي يحكي
امير:باهي لالة دنيز...تنجم تعطيهالي
انا:باهي
فرحت مش نورمال...هزيتها بالزربة و حطيتها في يدو...لبسها...عدا يديه من فوق لفوق عرفتو يتفحص فيها...دوب ما مس غلاقها...قصيت عليه نحكي
انا:باز الجماعة يستناو فيك
امير:و انت قلتها هيا نخرجو
انا:باهي
شديت في يدو و خرجت...مش مصدقة لي صار...كانو بالحق ليوم حظي...مرحلتين و نكمل مهمتي...منعرفش كيف باش نكملهم...اما لي نعرفو...ليلة انا نجمت نسيطر على امير العابد...و نخليه في يدي لساعات كهو...مبعد باش نبقى دنيز اللغز اللي باش يحاول يحلو طول حياتو
الحلقة 31
كميت ثقة لي قاعدة نمشي بيها توا...ما جي شي قدام خوفي...خوفي لنحاول نخبيه بملامحي الباردة...دخلنا في وسط الناس...دورت عينيا عالبلاصة الكل...نفركس على زياد...جات عيني في عينو...رغم المسافة البعيدة بيناتنا...اما نظرتو اخترقتني...نفس النظرة الباردة...و قوية فرد وقت...نزلت بعينيا نشوف في طفلة متاع قبيل واقفة بحذاه...شداتو من يدو...للحظة قلبي غم عليا...فيقني من سرحتي صوت امير يحكي معايا
امير:تعرفو
انا:شنوة
امير:زياد
بقيت نشوف معاه...سؤال مش وقتو جملة...بقات كلمتو "تابعة لزياد"تتعاود في راسي...تبسمت على جنب...و تلفتلو شوية غزرتلو نحكي
انا:ممم نعرفو...معرفة قديمة
امير:ممم اما ظاهر مزلت صغرونة باش تكون من معارف زياد
انا:صحيح...هو كان شريك بابا...و بقينا صحاب و كهو...و اليوم جيت معاه...نحب نبدل جو...و نتفرهد
امير:مممم باهي وين كنت عايشة من قبل
انا:امريكا...عديت صغري غادي...و الاسبوع هذا جيت مع امي لهوني...خاطر عندها معرض
امير:ممم ملا انت زادة فنانة
انا:صراحة لا...اللوحات و الرسم مش جوي
امير:ملا شتحب
انا:الاثارة...نحب نجرب كلشي باهي و لا خايب ميسالش..المهم اني نعيشو بتفاصيلو
امير:صراحة شوقتني
انا:ههههه كان مزال فما صدف كيما متاع اليوم...باش نجربو حاجات جديدة مع بعض
امير:نعتبرو عرض
انا:ممممم و لا تعويض خاطر صدمت فيك مرتين
امير:اما المرتين كان صدفة حلوة
انا:عيشك
نمشو و نحكو فرد وقت...منعرفش على روحي كيف لقيت زياد قدامنا...و رندة معاه...هازة سطوشتي في يدها...قربتها مني...شديتها عليها...من غير ما نشوف معاه...نسمع في امير يحكي
امير:زياد ياخي امتى كنت ناوي تعرفني على دنيز
زياد:مممم اما ظاهر من غير ما نتعب روحي...ظاهر رجعتو صحاب جملة
امير:صراحة ايه...و ظاهر لقيت طلبي عندك
زياد:طلب شنوة
امير؛الموديل لجديد
زياد:فكرة باهية...لوحدة تحب جرب كلشي جديد
لفت راسي...مصدومة غزرتلو...ياخي كيف سمعني هذا...ياخي شنوة اللي راهو يصير...باز اللي صار صدفة...تبسملي باستهزاء...و هو يهز فيا و يحط...قص علينا امير يحكي
امير:مممم بالطبيعة
تبسمت بالسيف..و انا نشوف معاه...و مع رندة لمكبشة في يدو...الاربعة بقينا واقفين مقابلين بعض...منزلتش عينيا منو...باقي يشوف معايا بنفس النظرة...قص علينا واحد من رجال امير...قرب يحكي في وذنو و مشا...غزرلنا امير يحكي
امير:الافتتاح باش يبدا...على هذاكا باش نعتذر منكم شوية
هز زياد راسو يعني باهي...تلفت شوية نشوف مع امير...وخر شوية لتالي جبدت يدي منو...نزل بيدو شدني منها...و كبس علاها يحكي
امير:سامحني دنيز باش نتلقاو مبعد
انا:باهي ميسالش
تبسمتلو...غمزني...و مشا...دورت راسي نشوف مع زياد...لقيتو يغزر لرندة و يحكي
زياد:نمشو
رندة:مممم
رجع غزرلي...و تبسم نفس اكا تبسيمة متاع استهزاء...غزر لمنقالتو يحكي
زياد:في يدك ساعتين كهو...اكبس روحك...و الا باش ترجع كيما جيت
كمل كلامو...شد رندة...و بعد عليا...بقيت واقفة في بلاصتي...نزلت على سطوشتي...كبست علاها بكل قوتي...نتنفس بالسيف...كلامو دخلني في حيط...تحسو يحبني نفشل...ومنكملش لي جيت على خاطرو...منعرفش شبيه متشمت فيا....منجمت نتحرك...نحس الدم جمد في عروقي...فيقني من سرحتي صوت امير...و هو يحكي مع ناس الكل...خذيت نفس...سكرت و رجعت فتحتهم...نحاول نشد موعي...تلفت شوية...نشوف ناس الكل...لاهيين معاه...و يسمعو فيه...عرفت لي لحق الوقت...توا كهو نجم نغيب و نرجع...بلا ما يشلق بيا حد...كبست روحي...و بعدت عالناس الكل...وقفت نفركس عالتولات بعينيا...لقيتها اخر وحدة...شديت روب بيدي طلعتها...باش نسهل خطواتي...نعرف لفما كاميرات في البلاصة على هذاكا بقيت نمشي هادية...دوب ما وصلت دخلت و سكرت الباب...لقيت غادي كان مرا تعمل في الاربعين...ظاهر تخدم هوني...من لبستها...عرفت لهي تتلها بتولات...بقيت ندور في عينيا عالبلاصة نحاول نلقا تابلات...اما شي...ياخي مش هو قالي انت كهو ادخل لتولات و باش تلقى كلشي حاضر...قلبي دق بالقاوي...و تملكني الخوف...ظاهر باش نفشل بالحق...نشوف فيها قربت مني عاللخر...تمسح في المرايا...و تحكي
هي:تلقاها في اخر توالات
نلفت نشوف معاها في المرايا...هزتلي براسها...من كلامها لي بتونسي...و تصرفاتها...عرفتها لي من طرف زياد...هزيتلها براسي باهي...و قربت لتولات...دخلت و سكرتها...بقيت نفركس علاها...لقيتها ورا تولات...جبدتها...و هبطت غطا تولات حطيتها علاها...و نزلت روبتي شوية...من فوق...جبدت الفلاشة...هزيت تابلات في يدي و قعدت عالتوالات...حليت تابلات و حطيت الفلاشة...و اوووب خرجتلي كلمت سر...عينيا وساعو...و فمي تحل...مش كنت عاملة حسابي ليها جملة...ياخي شنوة باش نعمل انا توا...كتبت اسمو و لقبو و تاريخ ميلادو اما شي مفتحش...عديت يدي على وجهي...معادش وقت...مزال يحكي...نسمع فيه من هوني...سكرت عينيا...نحكي مع روحي"شباش نعمل انا توا...كيف باش نحلو الهم هذا ياربي...باز باش نفشل...باش يوفا كلشي قبل ما يبدا"فتحت عينيا على اخر اسم ذكرتو...اخر اسم و اخر امل...نزلت نكتب فيه و يديا زوز يرعشو...دوب ما كملتو فتح تابلات...ضحكت بالوقت...اسم اختو هو كان كلمت سر...اختو لي ماتت من 4 سنين في اكسيدون...هي و خطيبها...فرحت مش نورمال...عالاقل طلع عندو قلب و مزال مذكر اختو...دخلت لدوسيات الكل...نشوف معاهم نسختهم الكل من الفلاشة لتابلات و نحيتهم...فتحت سطوشتي جبدت منها الفلاشة لاخرى...حطيتها و رجعت نسختهم فيها...ورجعتها لسطوشتي...فسختهم الكل من تابلات...ورجعتها لبلاصتها...هزيت روحي وقفت...ريقلت روبتي...كبست عالفلاشة في يدي..وخرجت...نشوف مع المرا تشوف معايا...هزيتلها براسي باهي...تبسمتلي...قربت من المرايا نشوف مع روحي...خذيت نفس و زوز...نخمم كيف نرجع الفلاشة توا...و الاسوء من هكا كان حاطها في المكتوب دخلاني متاع الفاست...كان نرجعها في وجهو...يرجع شي شبه مستحيل...و اي حركة برا باش تشدني الكاميرا...محاولتش نركز برشا...هزيت روحي خرجت...دخلت وسط ناس...دوب ما وصلت كان كمل كلامو...قلبي رجع يخض بالقاوي...نحسو باش ياقف...يا ربي شباش نعمل انا توا...منحبش نفشل في اخر لحظة...حتى من زياد لي كان عندي شوية امل يعاوني...معبرنيش جملة...للحظة ضربت في راسي فكرة...نحيت البراصلي متاعي...حطيتها داخل سطوشتي...دخلت الفلاشة...تحت يد روبتي..و بقيت واقفة في بلاصتي...شفتو من بعيد تبسمتلو بالسيف...رسمت على وجهي..قريماس حزن...بقا يحكي من واحد لواحد لين وصل ليا...وقف مقابلني يحكي
امير:لباس ياخي
بقيت نشوف فيه بنفس نظرة...نحاول نخبي توتري قد ما نجم...هزيتلو براسي لا نحكي
انا:صراحة لا
امير:شصار
انا:ضيعت براصلي متاعي...و هي هدية من خويا في عيد ميلادي...والله باش يتغشش مني هو
امير:مممم مشكلة...و لوجت علاها
انا؛ممم اما شي زعمة
امير:زعمة شنية
انا:يمكن طاحت في بيروك...كي مشينا قبيل...كان مفماش ديرونجمون تنجم جي معايا
امير:باهي يا لالة ايجا
انا:عيشك
قربلي يدو...دورت يدي علاها...نمشي معاه...و قلبي يدق في المية...خاصة كي مشفتش زياد جملة...اول ما دخلنا...تلفتلو نحكي
انا:امانك لوج معايا نحب نلقاها فيسع
امير:باهي دلل
تبسمتلو...و عطيتو بظهري...نعمل في روحي نفركس عالبراصلي...قربت من الفوتاي...تلفتلو لقيتو عاطي بظهر يلوج علاها بعينيه...جبدت الفلاشة فرد و قت و حطيتها وين كانت الفاست عالفوتاي...و كملت نفركس...شوية ورجع هزيتها في يدي و تلفتلو نحكي
انا:امير
امير:مممم
انا:شوف شلقيت عالفوتاي
تلفت يشوف معايا...عينيه وساعت...و خطفها من يدي...حط يدو داخل مكتوبو جبد الغطا...حسيتو تصدم اكثر...و انا ساقيا رخفو من الخوف...كيف قحرلي اما محاولتش نظهر...ضيق عينيه يحكي
امير:وين لقيتها
انا:هوني عالفوتاي
امير:كيف وصلت لغديكا
انا:شيعرفني علاش وين كانت هي من قبل
امير:في الفاست
انا؛يمكن طاحت منها
امير:اتو
انا:شصار
مرجعليش...قرب فتح البيسي عالبيرو...حطها...عدا يجيب عشر دقايق يتفحص فيها...ورجع نحاها...حطها في مكتوبو...بقيت نشوف معاه بتبهليل..نحكي
انا:شفما ياخي شبيك تفجعت لهدرجة
امير:شي شي منعرفش كيف طاحت مني
انا:يمكن وقت رميت الفاست متاعك بغزول خاطر كبيت عليك الكاسة...سامحني مرة اخرى
امير:عادي ما صار شي...هيا نخرجو
انا:و البراصلي
امير:ممم مشات من بالي
انا:بربي ياخي مش احتا هوني على خاطرها
امير؛هيا برك و تو نكلف شكون يلوجلك علاها
انا:باهيي كان هكا
خرجت معاه و انا مش مصدقة لي وفات على خير...مش مصدقة لانا نجحت و عديتها...مكنتش نعرف لانا باش نكون بالقوة هاذي.. حتى من الكلام مكنتش نعرف منين نجيبو...تعاملت معاه بشخصية دنيز...اما استغليت سوار الحقانية شوية...مكانتش مهمة مستحيلة...اما صعيبة برشا...خرجت من البيرو هذاكا...و انا نعرف لدخلت لعالم جديد...و المهمات الجاية لصعب من هاذي ببرشة...اما هذا الكل كوم...و معاملة زياد بطريقة هاذي كوم اخر...منعرفش كيف باش نتعامل معاه...و لا شبيه يتصرف هكا...ساعات نحسو يبدا هادي و محلاه...و ساعات يستفزني بكلامو و يوصل يجرحني بيه...مرة وحدة نحب نفهمو...و نفهم روحي معاه...شبيني نتأثر بيه زيادة...شبيني نفد من بنات لي يعرفهم...و لي حارقني اكثر...علاش يعاملهم احسن مني...علاش يحكي معاهم عادي...شنوة الفرق بينا...مش هوما زادة يخدمو معاه كيفي...زعمة مش باهية كيفهم...و لا هوما عندهم حاجات سبيسيال...و لا انا خاطرني وحدة مغتصبة...تبسمت بوجيعة كيف شفتو من بعيد...ايه يمكن هذا سبب كافي باش نكون مختلفة عليهم...انا هوني باش نوصل للشخص لي دمرني...مش على خاطر خدمة و كهو...و معنديش حق نلوم حد على تعاملو معايا...خاطر مهما صار...مهما حكيت و فسرت...مش باش نتبدل في نظرة حد فيهم..باش نبقى وحدة مغتصبة...و معنديش شرف...كهو مفهوهم للاغتصاب...انو معادش فما شي ترفع بيه راسك...و مستحيل تنجم تعيش كيما لبنات الكل...حد ما يطلع للوجيعة و الجرح اللي في قلبك...حد ما يحاول يبررلك و ياقف معاك...الكل يجو ضدك...حتى كان معندكش ذنب في اللي صار...اما باش ينصفوك المذنبة الاولى...اما حد ما يعرف...انو الكل مذنب...مش انا كهو...لاغتصبني....و لي كان سبب...و عيلتي...و ناس لي نعرفها...الكل...اصلا...المذنب الوحيد هو المجتمع...كهو علاش معنديش حق نلوم حد على تصرفاتو معايا.. و خاصة زياد بالدرجة الاولى...خاطر نعرفو قداش يتقزز مني...و كيف يحاول يذكرني كل مرة باللي صار...من غير حتى ما يحكي فيه
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 32
قربنا من طاولة...وقفنا معاهم زوز...غزرت لكل بلاصة كان في وجهو...بقا يحكي مع امير و رندة...و انا كابسة على سطوشتي فوق الطاولة...قرب منا سرفور...كل حد فيهم هز كاسة...كان انا...رغم اني فرحانة خاطرني نجحت في المهمة...و منعت روحي...اما نحس في روحي مش قد بعضي و فادة عاللخر...تلفتلي امير يحكي
امير:دنيز لباس
انا:اه...لباس
قربلي عاللخر...نزل عليا شوية يحكي في وذني
امير:ملا شبيك مكشبرة
ضحكت بالوقت...و طلعت راسي...غزرتلو...جا وجهي مع وجهو بحكم قريب مني...تبسملي يحكي
امير:voila
بقينا نحكو مع بعض...لين الموسيقى تبدلت ورجعت سلو...قص علينا صوت زياد يحكي
زياد:تجي
رندة:بالطبيعة
طلعت راسي بالزربة...غزرتلهم...نشوف معاه...قربلها يدو...هزت يدها حطتها في يدو...كبس علاها...قلبي دق بالقاوي...منعرفش علاش...مغزرليش بشطر عين...مشا و هزها معاه...بقيت نشيع فيهم بعينيا...لين وصلو للبيست...جبدها ليه...خطواتهم متناسقة...يرقص و يغزرلها...قص عليا صوت امير يحكي
امير:تحب
انا:لا
امير:متأكدة
انا:مممم
مرجعش حكا معايا...بقيت نشوف معاهم...نحس في روحي باش نطرشق من داخل...كبست على سطوشتي اكثر...نزلت فيها غشي الكل...نشوف في امير يشرب و مش هوني جملة...دورت راسي...نشوف معاهم...قربت ليه اكثر...شعرة لا تبوسو...تلفت لامير...نشوف فيه يحكي مع طفلة...عرفتو باش يمشي معاه...قربت يدي هزيت كاستو...شربتها فرد مرة...حسيت روحي تروهجت اما فيسع ما شديت روحي...اول ما شدها باش يمشي معاها..رميت يدي شديتو من يدو...كبست علاها نحكي
انا:خليك معايا
تلفتلي يشوف معايا...طلع حاجبو مستغرب...و غزرلي يحكي
امير؛دنيز لباس
انا:ممم نحب نرقص معاك انا
امير:باهي
استأذن من طفلة...و قرب مني...رخفت سطوشتي خليتها عالطاولة...كبس على يدي...و شدني معاه...دوب ما وصلنا بحذاهم...جبدني ليه بقوة...حط يدو على ظهري...كبست على سنيا...منحبوش يمسني...منحبش يدو تتحط عليا...حاولت نوازن روحي لتوا مش حافظة الخطوات بالقدا...كبس على يدي...جاب ربي الموسيقى هادية عاللخر...مزلت مروهجة من هذاكا لي شربتو...احسن شي جيت معاه لهوني...و الا منعرفش قداش كنت باش نشرب...صحيح طعمتو خايبة...اما حسيت روحي هديت شوية...جبدني ليه اكثر...نحس في نفس متاعو على رقبتي...كابسة روحي بالسيف باش منجبدش لتالي...طلعت راسي شوية...جات عيني في عينو...بقا يشوف معايا ندرا كيف...كابس علاها...عبارة محضنها...حط يدو على ظهرها لي عريان...و شدها ليه اكثر...لفت عينيا عليه...نحب نتهرب منو...محملتش قربو منها...نظرتو باردة و مستفزة كي العادة...منعرفش كيف طلعت يدي حطيتها تحت راسو شوية...نسمع فيه يحكي
امير:عجباتك الموسيقى
انا:مممم هادية
امير:علاش بدلت رايك
انا:نحب نخلي ذكرى مميزة بينا
امير:مممم باهي عجبتني الفازة
انا:نعرف
تبسمت و كبست عليه اكثر...و غزرت لزياد...باقي يشوف معايا...منعرفش قداش بقينا اكاكا...حسيت روحي بديت نفد...مصدقت لربي...وفات الموسيقى...و بدات اخرى سلو علاها...نزل يدو من ظهري...خذيت نفس و بعدت عليه...شدني من يدي باش نرجعو لطاولة...دوب ما قربنا زوز خطوات...حسيت بيدو تحطت على يدي من تالي...نعرفها لمستو بالقدا...قلبي دق بالوقت...وقفت في بلاصتي...وقف امير في جرتي و تلفتلي...مغزرتش فيه جملة...نزلت راسي نشوف ليدي...ورجعت طلعت براسي غزرت لزياد...كبس على يدي اكثر...بقينا نشوفو مع بعض ثواني...قص علينا امير...يحكي و باقي شد فيا
امير:شفما
زياد:حاجتي بدنيز...ارجع انت مع رندة
امير:ممم باهي
تلفتلت لامير...رخف يدو...و تبسملي...قربت منو رندة...شداتو من يدو و مشات معاه...تلفت نشوف معاه...جيت باش نحكي...قص عليا...كيف جبدني ليه بالقاوي...ضربت في صدرو...حط يدو على ظهري..طلعت راسي...قحرتلو نحكي
انا:فاش تعمل
زياد:في رايك
انا:منحبش نشطح معاك سيبني
زياد:علاش
انا:اكاكا سيبني و كهو
زياد:علاش شطحت معاه
انا:شمدخلك انت
كبس عليا اكثر...و نزل يشوف معايا...و يحكي
زياد:جاوبني...كي وفات مهمتك علاش جيت معاه هوني
انا:علاش ممنوع
زياد:ممم ممنوع...متعمل حتى شي من غير ما نقلك انا
انا:هأة غالط...مهمتي وفات...انا حرة توا...نعمل لي نحب
زياد:صار من امتى
انا:من الليلة...و توا تنجم تسيبني نحب نرجع
زياد:متأكدة انتي تحب ترجع
انا:ممم
هز يدو...حطها على خدي يعدي فيها...و نزل بيها لوذني...باقي يشوف معايا... يحكي
زياد:متحبش تخلي ذكرى مميزة بينا احنا زادة
حسيت شكون كب عليا سطل ما بارد...غزرتلو مصدومة...ياخي وين سمعني هو...ضيقت عينيا نحكي
انا:ياخي انت كيف سمعتني
زياد:ميهمش كيف...جاوبني
انا:مش باش نجاوبك...برا لهذيكا جاوبك بالقدا...نظن باش تكون عندكم ذكرى حلوة مع بعض
زياد:اما انا نحبك انت جاوبني
انا:مش باش نجاوبك يا زياد
زياد:تعرف حاجة
انا:شنوة
زياد:شي
تبسم على جنب و هو يشوف معايا...غزلت عليه اكثر...حاولت نجبد يدي منو...كبس عليا اكثر...قحرتلو نحكي
انا:سيبني زياد
جبدني ليه...و قرب مني اكثر...نزل يحكي في وذني
زياد:ششش اركح
انا:م منحبش
تعدا بشفافو على خدي...قلبي دق بالقاوي...و ساقيا رخفو...اول مرة نحس بقربو لهدرجة...اول مرة يتعامل معايا هكا...كبست بيدي على جنبو...نزل عينيه يشوف معايا...نفس متاعو ضرب في وجهي...سكرت عينيا من قوة اللي قاعدة نحس فيه...نسمع فيه يحكي
زياد:مزلت تحب تمشي
مرجعتلوش...نحس الكلام هرب مني...طلعت راسي...دوب ما غزرتلو...نقص ضو اكثر...دنيا ظلامت كان ظو خافت ضارب فينا زوز...لزني ليه اكثر...حطيت يدي على كتفو...مش مصدقة لانا قاعدة نشطح معاه توا...دقايق لتالي كنت نغزل منو...و توا...توا هديت بين يديه...الغمة لكنت فيها...و الغصة لي كانت واحلة في حلقي...حسيتهم وفاو...نحب نبقى هكا و كهو...جبدني ليه اكثر عبارة عنقني...تبسمت بين شفافي...حبيت تعنيقتو ليا...حبيت قربو...محسيتش بروحي كيف دورت يدي على راسو...و لزيت ليه اكثر...معادش فما مسافة بينا...عدا يدو على طول ظهري...لين وصل لتالي...ورجع طلع بيها لنص...كبس عليا...بكل قوتو..نحس في نفس تسكر عليا...جبدت راسي شوية...طلعت عينيا...نغزرلو...نشوف مع عينيه...ضربة لي تحت عينو...محلياتو اكثر...خشمو و شفافو...رغم ظو الخافت لي فوقنا...اما نجمت نشوف تفاصيلو...نظرتو لي حسيتها تبدلت في لحظة...سكرت عينيا...كيف كبس على ظهري اكثر...كبست على شعرو شوية نخرج في صوتي بالسيف
انا:ز زيااد
نزل عينيه غزرلي بحنية...نظرة مشفتهاش عندو من قبل...طلع بيدو على طول ظهري...جبدني عندو اكثر...حضني...عدا خدو على خدي يحكي
زياد:ششش
سكتني...سكتني من غير حتى كلمة اخرى...نفس متاعو روهجني...خلا قلبي يخض في صدرو بالقاوي...هزيت يدي لاخرى من كتفو...حطيتها فوق يدي لي ورا راسو...لزيت روحي ليه اكثر...حاوطني بيديه زوز...نسيت كلشي...على انا هوني...الناس لي دايرين بينا...كلامو و تصرفاتو من وقت دخلنا لهوني...نسيت خوفي...معاد نحب نفكر في حتى شي و انا في حملتو...لا شنوة اللي راح يصير مبعد...لا كي يبعد عليا وقت توفا الموسيقى...و لا علاش فرحانة بقربو ليا لهدرجة....كبست عليه اكثر...سكرت عينيا و استسلمت لاحساسي بين يديه...بعد اللي تعدا عليا الكل...بعد الخوف لي عشتو قبيل و اليوم...توا وين حسيت بالامان...و انا بين يديه نكون سوار مش دنيز...قداش تمنيت وقتها لحظات هذوما يطولو اكثر...انو نبقى هكا و كهو...اما لي نسيتو...انو لقاعدة نعيش فيه توا...هو دقايق كهو...دقايق من معزوفة رومانسية...اما مش لزوز عشاق...حضنتو اكثر...نحب نشبع منو..نعرف اللي باش يرجع لطبيعتو...بعد ما توفا الرقصة هاذي...سكرت عينيا...نتحرك بالشوية بين يديه...تبسمت...مش مصدقة...مش مصدقة حتى طرف لقاعد يصير...للحظة ستخايلت روحي عايشة في حلمة...فتحت عينيا منها...كي وفات الموسيقى...بقينا اكاكا ثواني...منجمتش نبعد عليه...اول ما رجع ضو...رخف يدو على ظهري...جبدت يديا زوز منو...من غير ما نبعد عليه...طلعت راسي غزرتلو...لقيتو يشوف معايا...مزال قلبي يدق بالقاوي...مزلت مروهجة...و مفقتش من اللي صار...بعد عليا...حسيت ببرودة في بدني...نزل بيدو شدني من يدي...جبدني ليه...يحكي
زياد:اما ذكرى احسن
طلعت راسي غزرتلو...لقيتو يتبسم على جنب...و يغزرلي بنص عين...تبسمت نحكي
انا:بالطبيعة امير...اصلا مش مصدقة انو نجمت نسيطر على امير الحفلة...سهرة كاملة
كبس على يدي اكثر...لين وجعني...عضيت شفافي نحكي
انا:ز زياد سيبني وجعتني
زياد:امير لي تحكي عليه مهمتك وفات معاه
انا:اففف يااا والله ياسر حبيتو
زياد:صار
انا:مممم
زياد:شرايك نخليك تكمل خدمتك معاه..و ترجع الموديل متاعو
انا:باش تفرط فيا بعد ما نجحت
زياد:مهمة سهلة كيف هاءي تسميها نجاح
انا:بربي...كي هكا علاش مخليتش شحرورة لي معاك تعملها
زياد:تقصد رندة....ههههه هذيكا مهماتها اصعب...مش تلف بواحد دغفة كيف امير
انا:صار كي هكا تنجم تستغنى عليا من توا...فما شكون بحاجتي
غزرلي ندرا كيف...تبسمت على جنب...وصلنا لطاولة بالوقت...جبدت يدي منو...ياسر توجع فيا هزيت سطوشتي في يدي...حليتها و تأكدت من الفلاشة...نسمع في رندة تحكي
رندة:زياد شبيكم طولتو في رقصة
زياد:خاطر دنيز باش ترجع مع امها لامريكا...حبيت نعوضها عالسهرة خاطرها جات معايا و نسيتها
رندة:ممم باهي رحاة موفقة
انا:عيشك
هزيت راسي قحرتلو...قحرة متاع موت...صار نساني...و لي حارقني...كيف سمع كلامي مع امير...و هو مكانش معانا...فقت من سرحتي...كيف امير حط يدو على ظهري...حاولت نهدي روحي...ناقصني هو...تلفتلو...تبسملي يحكي
امير:ياخي امتى راجعة
انا:اليمات هذوما
امير:ملا باش نتلقاو
انا:بالطبيعة علاش لا...اما المرة هاذي مش باش تكون صدفة
امير:ههههه ياهي يا لالة
جبدت روحي منو شوية...رخف يدو على ظهري...طلعت راسي شفتو...كي قرب من رندة...عدا يدو على طرف شعرها...تبسمتلو...يا ربي ياخي شنوة اللي راهو يصير...من قبيل برك...كان مطيرني لسابع سما...بقربو...و توا...يعامل فيا كيفي كيفهم...ياخي شبيك سوار انت شنوة تفرق عليهم...باش قاعدة تحكي و تفك وحدك...خذيت نفس و غزرت لامير نحكي
انا:نحب كاس
امير:باهي اتو
طلعت راسي...شفتو غزرلي ندرا كيف...بقيت نشوف معاه...لين جا سرفور...تبسمتلو...و شديت الكاس على امير...قربتها مني باش نشرب...قص عليا يحكي
زياد:دنييز...متكثرش منو
انا:علاش
زياد:مش باهي ليك
مرجعتلوش...قربت الكاسة من فمي شربت شطرها...دخت شوية...دور امير يدو على ظهري يحكي
امير:لباس
انا:مممم لباس
زياد:دنييز حط من يدك
امير:ياخي شبيك من شوية برك بديت دوخ
قرب مني زياد...جبدني من عندو...و فكلي الكاسة من يدي يحكي
زياد:مش مستانسة تشرب...و زادة وعدت امها
انا:ا امي
زياد:ظاهر باش نمشو من توا
جبدت روحي منو...غزرتلو...صحيح دايخة...اما مسكرتش...مزلت حاسة بكلشي...قحرتلو نحكي
انا:منحبش نمشي توا
زياد؛دنييز
انا:شنووة ياخي
زياد:حرك روحك
انا:باااهي
قربت منو رندة...حضناتو و باستو بوسة مرصوصة..و هو مكانش من عاكسين...قحرتلهم زوز و قرب من امير...حطيت يدي على كتفو و قربت منو بستو من خدو نحكي
انا:باش نمشي
امير:وين باش نتلقاو
انا:تو زياد يتصرف و يعطيك نومرويا
امير:باهي رد بالك على روحك
انا:باهي مرسي
حطو يدو على خدي...و تبسملي...جيت باش نرجع نعنقو...جبدتي من تالي...كببس على يدي...طلعت راسي غزرتلو...نشوف في عينيه حمر من الغش...نظرتو هاذي وقت يبدا واصل لتوب و باش يطرشق...من غير حتى معاهم...جرني وراه...كابس على يدي...باش يطيرها...جاب ربي سطوشتي كانت في يدي...و الا باش كلشي يروح اكاكا...حتى من الكاب متاعي...مخلاليش فرصة نجيبو...اول ما خرجنا...لقينا الكرهبة وصلت...و السرفور فتحلي الباب...بعدو بيدو لتالي...و دزني لداخل...سكر بالقاوي...و خالط عليا...خدمها و طار بينا...خلا كان الغبار وراه
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 33
حرق الكياس و هو يجري...اول مرة يسوق بالطريقة هاذي...كبست بيدي على طرف الكرسي...و تلفتلو نحكي
انا:زيياد نقص الفيتاس باش تقتلنا راك
زياد:اسسسكت...سكر ¤¤ فمك
انا:ياخي شصار شبيك تتصرف هكا
زياد:سواااار قتلك سكر ¤¤¤ متفهمش ياخي
انا:منسكتش مانيش ساكتة...وقف هالكرهبة...وقفها
مرجعليش...شفتو كي كبس عالفولون اكثر...لين عروقو بانت...و زاد في الفيتاس اكثر...قلبي غم عليا...و تخنقت من اول مروهجة و دايخة و كمل عليا هو...بتعصيبو و صياحو...هزيت يدي بالسيف حطيتها على يدو فوق الفولون نحكي
انا:زياد وقف الكرهبة امان نحب نتقيا معادش نجم اكثر
تلفت غزرلي...رخفت يدي على يدو و تكيت لتالي...نتنفس بالسيف...سمعتو كي شد الفران بالقاوي...حطيت يدي عالباب حليتها...و نزلت بالسيف...دنيا باش تمطر...و الجو بارد شوية...بعدت شوية...حطيت يدي على كرشي...و نزلت شوية نتقيا...ياسر اثر عليا لي شربتو...دوب ما طلعت راسي...حسيت بدوخة قوية...منجمتش نوازن روحي خاصة كي راني بالكعب...سكرت عينيا ورجعت فتحتهم...حسيت بيدو كي دارت على كرشي...خذيت نفس و تكيت عليه...نسمع فيه يحكي
زياد:لباس توا
انا:ممم
زياد:باش مرة اخرى تتعلم تعمل حاجات جديدة وحدك
عقدت حواجبي...وجبدت روحي منو تلفتلو...جيت باش نحكي...حط دبوزة ما في يدي...شديتها عليه...جات في وقتها...شربت منها شوية تفرهدت...ورجعت غزرتلو لقيتو يقحرلي...تنفس بالقاوي نحكي
انا:ش شتقصد ياخي
زياد:ماك تحب تجرب الحاجات لجديدة...مش هذا كلامك
بقيت نشوف معاه...نحس في روحي باش نهبل ياخي وين سمع كلامي هو...خذيت نفس نحكي معاه
انا:و انت من وين سمعت الكلام هذا ياخي
تبسم على جنب...و قرب مني وقف قدامي بالظبط...بقيت نشوف معاه...هز يدو حطها على شعري...نحا منو شكال...نحل فرد مرة و طاح على وجهي...وخر شوية لتالي...يغزر لشكال و يحكي
زياد:سمعتك بهذا
انا:شننننوة
بقيت نشوف معاه مصدومة...دخلت بعضي...يعني سمع كلامي الكل مع امير...تبسم باستهزاء يحكي
زياد:شبيك تصدمت...متحبش نرجعك ليه بلكشي تحب تحكي معاك في حاجات خاصة
قحرتلو...خذيت نفس...و غزرتلو في عينيه نحكي
انا:مش انت كلفتني بالمهمة هاذي...هاني قمت بالواجب
زياد:الواجب...لي خلاك تشرب..و تبوس و تعنق فرد وقت...ناقص كان تعدي معاه ليلة
انا:شنننوة...ياخي فاش تحكي انت...ماو لباس
زياد:علاش جديدة عليك...ماك مستانسة
رخفت دبوزة من يدي طاخت عالارض...كلامو نزلني لسابع سما...بقيت نشوف معاه...نحس في بدني يرقل وحدو...و قلبي يدق بالقاوي...هزيتلو براسي لا نحكي
انا:لا مانيش مستانسة
خذيت نفس و زوز...اما محسيتش روحي هديت...قربت منو بالزربة...ضربتو على صدرو بكل قوتي نحكي
انا:مانيش مستانسة...فهمت...معادش تقولي هكا
متحركش من بلاصتو باقي يشوف معايا...وخرت خطوة لتالي...طلعت روبتي شوية...و تعديت من قدامو...نجري...دوب ما وصلت للكرهبة...استندت بيدي علاها...نزلو دموعي بالوقت...كل مرة يجرحني...اما توا الدوزة كانت قوية برشا...ياخي فاش يستخايل في روحو...اصلا شمدخلو هو...مش يحب عالفلاشة...هوكا بين يديه...شبيه يعامل فيا هكا...طلعت راسي غزرت لطريق...فارغة...مفما حتتى حد...كان محلات مسكرين...المطر بدات طيح...و غطات دنيا...خذيت نفس...و هزيت روحي نمشي بالزربة...نحب نبعد عليه...معادش نحب نشوف...حسيت المطر بردتني شوية...و خبات دموعي...منعرفش قداش مشيت بالظبط...مع صوتو و هو يعيطلي...زربت في خطواتي...منحبش نشوفو...منحبش نحكي معاه...جرحني و معادش نحب نطلع في وجهو...ياخي كيف يوصل يقولي مستانسة...امتى باش يفهم لانا معنديش ذنب...جيست اغتصبوني و كهو...و لا عمري..ما نوصل نكون معاه في البلاصة هاذي.. حسيت بيدو تحطت على يدي من تالي...دورني بكل قوتي...جبدني عندو...ضربت في صدرو...دوب ما شميت ريحتو...غلبني البكا...شبيني يحسسني بالامان و فرد وقت يجرحني...هزيت يدي حطيتها على صدرو ندز فيه و نحكي
انا:س سيبني...سيبني
زياد:ششش اركح
انا:منحبش...معادش فما شي يربطنا سيبني نحب نمشي زياد:بربي وين باش تمشي تراه خبرني
انا:مش انا مستانسة هوكا تو نلقا لي ياخو حاجتو مني و يلمني
زياد:سووواااار
انا:مش هذا كلامك...ملا شبيك تصيح
زياد:خلينا نرجعو
انا:منحبش نرجع معاك سيييبني
زياد:سواار قتلك اركح
انا:منحبش نركح سيبني
نزلت بيدي...نحاول نحي يدو...لي كان كابس عليا بيها...وجعني عاللخر...و زادة نحب نبعد منو...شدتني غصة متاع بكا...طلعت راسي غزرتلو نحكي صوتي نحسو ضاع
انا:زياد سيبني وجعتني
رخف يدو عالكلمة...ووخر شوية لتالي...بقا واقف يشوف معايا...ثواني تعدات علينا و احنا واقفين اكاكا...عديت عينيا على وجهو...بالزربة...بكلو مبلول كيفي...غزرتلو لعينيه نتنفس بالسيف...حتى و هو بعيد عليا شوية و مش لاصقني...اما قربو روهجني...حسيت روحي ضايعة...منعرفش شنوة نعمل...منعرفش شبيه يصرف هكا...هزيت يديا...نمسح في دموعي...لي تخلطو بالما...و فرد وقت نرجع في شعري لتالي...خصلاتو لي طايحيين على وجهي قلقوني...خذيت نفس و غزرتلو نحكي بالسيف
انا:ن نحب نمشي
مرجعليش...بقا مركز في وجهي...قرب مني خطوة...وخرت خطوة...نحاول نهرب في عينيا منو...قرب مني اكثر...وخرت لتالي اكثر...على اخر خطوة ضربت في الحيط...هزيت عينيا غزرتلو...واقف قدامي بالظبط...غطاني بجهامتو...نحس في قلبي يخض بالقاوي...باش يطيح...كل مرة نبدا في حملتو هكا...ندخل بعضي..و احساس ندرا كيف يسيطر عليا...منحبش نحس لي حسيتو في الخفلة قبيل...منحبوش يقرب مني باش يجبد بيا من بعد...هزيت راسي غزرتلو شوية....و جيت باش نجبد روحي منو...حط يديه زوز على كتافي...ورجع دزني لتالي..قرب مني اكثر...معادش فما مسافة بينا...نزل عليا شوية حط خشمو على خشمي...يتنفس في وجهي...نحس في بدني رخف...نزلت بيديا زوز كبشت في روب متاعي...نتنفس بالسيف...هز يدو حطها على خدي...يعدي في صوابعو عليه...ويبعد في شعري فرد وقت...سكرت عينيا...نحكي بالسيف...نحس في شفافي يرعشو...منعرفش اذا من البرد و لا من قربو مني...خذيت نفس من عنو نحكي بالسيف
انا:ز ز ياد نحب
قص عليا...كيف حط شفافو على شفافي...يحكي
زياد:ششش اسكت
سكت اصلا تروهجت و تسكر عليا النفس...منعرفش فاش قاعد يعمل...اول مرة قرب مني لهدرجة..لدرجة يحط شفافو على شفافي...اما من غير ما يبوسني...جسيت سكتني...لا عرفتو يحب يقرب مني اكثر...و يعلمني حاجة جديدة...منعرفهاش من قبل...و لا قاعد يقاوم...و يحب يجبد روحو...روهجني...ودخلني بعضي...لا عرفت نستسلم و نخليه..و لا ندزو و نجبد روحي...قبل ما يرجع زياد لي نعرفو...لحظات دخلوني بعضي...حرت و حار دليلي...هز يدو حطها بحذا راسي...باقي في نفس الوضعية...يتنفس بالزربة في وجهي...سكرت عينيا...نسمع كان في نفس متاعو...مخلط بصوت المطر...هزيت يدي بالسيف...حطيتها على جنابو...طلعت بيها لصدرو...حسيت بقلبو لي يضخ بالقاوي...احساس قوي...قاعدة نحس فيه...منعرفش شنوة لي قاعدة نحس فيه...منعرفش علاش نحب قربو مني...منعرفش علاش نغير و نفد وقت تبدا طفلة اخرى معاه...وقت تبدا طفلة قريبة ليه كيفي هكا...زعمة علاش...شكون زياد بالنسبة ليا...مش هي مسألة وقت...علاش من اول مهمة بديت نضعف قدامو...يمكن خاطر ستانست بيه شهورة هذوما...يمكن خاطر اول مرة نتعامل مع حد...زعمة انا نعنيلو شي...كيما يعنيلي...مستحيل...كان جيت نعنيلو شوية كهو ميحاولش يجرحني بالكلام...حليت عينيا كيف تعدا كلامو في راسي...نحكي بين شفافو و نحاول ندزو فرد وقت
انا:ز زياد سيبني
سكتني كيف عضني بقوة من شفتي لوطانية...سكرت عينيا بالقاوي...و كبشت بيدي على سوريتو...وجعني عاللخر...خرج صوتي مخنوق "اي"...رخف سنانو شوية يحكي
زياد:¤¤¤والديك...مش قتلك اسكت...شبيك تحكي برشا انت اه
يحكي بين شفافي...باقي مسكرة عينيا...ياسر وجعني...نزلو دمعتي بالوقت...حط يدو على خدي يعدي فيها...و نزل بيها لشفافي...عدا صبعو تحت شفتي لوطانية يحكي
زياد:وجعتك
هزيتلو براسي ايه...تبسم على جنب...من غير ما يبعد عليا...كمل يحكي
زياد:هوكا عقابك خاطرك تحكي برشا
كبشت في سوريتو اكثر...نحس بدني ترخف و باش نطيح...طلعت عينيا نغزرلو...برغم لقاعدة نحس فيه توا...اما منجمتش ننسا كلامو...كي قاعدة يشوف فيا اكاكا...علاش قاعد يعامل فيا بالطريقة هاذي...جيت باش نحكي..قص عليا بعضة اخرى...وجعتني اكثر من الاولى...يحكي
زياد:و هاذي على خاطر تعديت حدودك معاه
نزلو دموعي اكثر...و كبشت فيه اكثر...نزلت راسي نحب نبعد منو...رجع حط يدو تحت دقنونتي...طلعلي راسي...رجع باش يقرب مني...دوب ما وصل لشافي...خرج صوتي مخنوق
انا:ز يا د
زياد:ممم
انا:و وجعتني
زياد:تستاهل
انا:هأة انت جرحتني
قربلي اكثر لصقني عاللخر...و نزل حط شفافو على شفافي...يحكي
زياد:سامحني
انا:اه
زياد:منقصدش لي قلتو قبيل
انا:مانيش مستانسة زياد
زياد:نعرف
سكرت عينيا...للحظة تعدات الحكاية في بالي...نزلو دموعي اكثر...رغم كلشي صار و باش يصرا...منجمتش ننسا...و مستحيل ننسا اكا نهار...حتى من غير ما يوصل حد يفكرني...نسمع فيه يحكي بين شفافي
زياد:ششش يزي كهو
هزيتلو براسي باهي...نزل بشفافو شوية...باسني تحت شفتي لوطانية..بلاصة العضة...بوسة خفيفة...روهجتني...خلاتني نقص عالبكا...نشوف معاه...جبد روحو شوية...غزرلي...هز يدو عداها على خدي...و تبسملي شطر تبسيمة...قلبي نحسو باش يخرج من بقعتو...نزلت عينيا...حسيت بدوخة قوية...نحس في روحي باش نطيح...جاب ربي مزال لاصقني...هزيت يديا زوز...حطيتهم على جنابو...عديتهم تحت الفاست...و قربت منو اكثر...حطيت راسي على صدرو...حضنتو بكل قوتي..نبكي بالشهقة...كهو من صباح كاتمتها...نحب نبكي و نرتاح...حسيت بيدو تحطت على ظهري...كبس عليا...منعرفش قداش بقينا اكاكا...بقا يعدي في يدو على ظهري...فوق شعري...نزل عليا شوية...يحكي في وذني
زياد:مازلت مطولة في البكا
شدني ضحك...هزيتلو براسي ايه...و كبست عليه اكثر...نحس في يدو ترخفت على ظهري...في بالي باش يبعد...اما مجبدش روحو حتى طرف...جيست نحا الفاست...و حطها فوق كتافي...ورجع يدو على ظهري يحكي
زياد: برد الحال...خلينا نرجعو توا
جبدت روحي شوية منو...طلعت راسي نشوف معاه...هز يدو...حطها على وجهي...يمسح في دموعي...نزل بيديه زوز حطهم تحت رقبتي...خرجلي شعري...و نزل للفاست لفني بيها اكثر...ضيق عينيه شوية يحكي
زياد:شوية و منعرفكش
قحرتلو...تبسملي...و نزل بيدو...شدني من يدي...كبس علاها...تلفت يمشي فيا معاه...طلعت راسي نشوف معاه...للحظة رجعت ملامحو لي باردة...سوريتو تبلت تحت المطر...شعرو يقطر على وجهو...تبسمت وحدي...ياسر بعدنا عالكرهبة...مفما حتى حد البرا...كلشي مسكر...حتى من المطر نقص...و عمل جو عالمي...مع الفوانيس لي شاعلة...برغم اني لتوا مشفتش روما بالقدا...و منعرفهاش جملة...اما البلاصة هاذي بالذات...حبيتها عاللخر...مع اني ما شفت منها شي...كان ضو لي شاعل مفرق...منزلتش عينيا من وجهو...يمكن متكونش عندي فرصة...نغزرلو بالطريقة هاذي مرة اخرى...يمكن وقت توفا الدقايق هذوما...يرجع زياد لي نعرفو..و نرجع انا دنيز...مغزرتش للارض..و محسبتش خطواتي...خاطر نعرف لهو مستحيل يخليني...كبست على يدو اكثر...و قربت منو اكثر...نزل راسو...غزرلي شوية...ورجع تلفت...محلاه منظرو هكا...دوب تبسمت وجعوني شفافي...سكرت عينيا ورجعت فتحتهم...منعرفش علاش ستحليتها الوجيعة...و خلاتني نعيش احساس جديد...اول ما وصلنا للكرهبة...رخفنا يدينا فرد...جبدت يدي منو و انا نغزرلو...رما يدو فتحلي الباب...ركبت...و كبشت في الفاست متاعو اكثر...نشوف فيه كيف تعدا عالكرهبة...وركب قدامي...خدمها...و مشا...تكيت لتالي...و لفت راسي نشوف معاه...نحس روحي قاعدة نعيش في حلمة باهية...و باش تفيقني على واقع خايب...بعد كلشي تعدا عليا...بعد كلشي خسرتو...زياد كهو لي بقا في حياتي...احتمال انو انا باش نبعد عليه..يخلي قلبي يوجعني...الليلة كانت بداية لمشاعر جديدة حسيتها معاه...منعرفش الايام كيف باش تصنفها...و لا شنوة باش يصير...منعرفش اذا كان باش اللي يجمعنا مبعد كره و لا حب...صداقة و لا خدمة...اما لي متأكدة منو...انو الاحساس هذا مستحيل يضيع بينهم...احساس اول مرة عشتو...و اول مرة جربتو...سكرت عينيا و حليتهم برشا مرات و انا نشوف فيه...لين هزني نوم و رقدت...رقدت من غير ما نفكر شنوة باش يصير مبعد...و لا شنوة باش يكون موقفنا من اللي صار الليلة...نحب نهرب من كلشي...منحب نفكر في شي...نحب اللي صار توا...باش يبقى ذكرى مزيانة...نحبو يتكتب في ذاكرتي...ذاكرة سوار مش دنيز...خاطرني انا لي عشت اللي صار...اصلا وقت نبدا في حملتو تغيب دنيز...و كهو سوار الموجودة
زياد يحكي:
ركيت الكرهبة على جنب...و فكيت الحزام...المطر تصب...مغطية دنيا...دورت راسي نشوف معاها...مع ضو الكرهبة...راقدة و مش حاسة على شي...شعرها مغطي شطر وجها...نزلت بعينيا نشوف لشفافها...منفوخين و تراص العضة مزالت عليهم...تبسمت على جنب و هزيت يدي بعدتلها شعرها لتالي شوية نزلت لشفافها عديت صباعي تحت تراص بالسياسة ياسر كثرتلها نعرف روحي وجعتها...اما شي اقوى مني...منعرفش علاش تصرفت اكاكا...منعرفش علاش قربها من امير...خلاني نعصب لهدرجة...اصلا منعرفش كيف نجمت نشد روحي...و انا نسمع فيها تحكي معاه...و اللي غزلني اكثر...منعرفش من وين جابت الكلام هذاكا...لا و خلات الراجل يقتنع بكلامها جملة...كلام لا حكينا فيه...و لا تفاهمنا عليه...والله طيحاتو الفرخة...و كملت مهمتها لتالي...من غير حتى ما تحتاجني...متوقعتش لهي باش تكون قدها...رغم العصب لركبتهولي ليلة...نجمت تنجح...تركزت بعينيا في شفافها...قد ما حاولت نجبد روحي منجمتش...كلشي كنت نفكر فيه وقتها و مزلت نفكر فيه...اني نبوسها و كهو...و حتى اني موصلتش عملتها...اما نجمت نحس بشفافها...حسيت بيهم...و حسيت بشي جديد معاهم...مش مستانس نمنع روحي على طفلة...كل طفلة نحب علاها نجربها...و نتمتع بيها...اما سوار شي اخر...حتى ساعات كي نوصل نجرحها نندم...دموعها يغلبوني...تسخفني...ساعات نحسها صغيرة عالشي لي قاعدة تعيش فيه...اصلا منعرفش علاش ساعات...نحسها تابعتني انا و كهو...خاصة وقت تبدا مع حد غيري...مرات نظطر ناخوها على قد عقلها...و نسايسها...يمكن هذا الكل..خاطر اول مرة نتصرف مع وحدة صغيرة برشا...تي مزالت فرخة في العشرين...ضيقت عينيا للحظة هزني تفكيري لبعيد...زعمة شكون وصلها للحالة هاذي...زعمة شنية حكايتها بالظبط...زعمة حكاية الاغتصاب صحيحة..و لا فما حكاية وراها...زعمة تعرفو...و علاش اغتصبها كي هكا...الاسئلة هاذي الكل تعدات في مخي ساعتها...منعرفش كيف يدي لي كانت تتعدا على خدها...خلاتني في لحظة نكبس على تراص العضة اكثر...حسيتها توجعت...كيف حلت عينيها بالسيف مروهجة..و دايخة...متحركتش من بلاصتها...بقيت قريب منها...بعدت يدي من شفافها...و خليتها على خدها...حلت عينيها و سكرتهم مرتين...تحكي بصوت النوم...دوب يتسمع
سوار: ز زياد وصلنا
انا:ممم وصلنا...شرايك..تقوم توا باش نطلعو
نحكي و نعدي في يدي على طرف شعرها...قربت مني اكثر...طاحت على صدري...تحكي
سوار:نحب نرقد انا
سكرت عينيا و رجعت فتحتهم هزيت يدي حطيتها على شعرها نحكي
انا:خلينا نطلعو و ارقد في دار هيا
سوار:هأة سيبني
انا:نعمبو عمري انا...ياخي مش باش تقوم انت
سوار:منحبش دايخة
هزت يديها...كبشت في سوريتي اكثر...هزيت يدي بعدت شعرها...لقيتها ديجا رجعت رقدت...نحس في بدنها دافي بين يديا...خذيت نفس...و نزلت بيديا لجنابها...طلعتها شوية رجعتها لتالي...عديت يدي على وجهي بالزربة...دخلتني بعضي الفرخة...غزرت من البلار...لقيت المطر حبست...هزيت سطوشتها جبدت الفلاشة...حطيتها في مكتوبي...حليت الباب و نزلت...خذيت نفس...حسيت روحي بردت شوية...سكرت باب الكرهبة...و مشيت من جيهتها...حليت الباب...و نزلت علاها...جبدتها ليا شوية...هزيتها بين يديا...حطت راسها على صدري...مش حاسة بشي...نعرف لمستحيل تفيق...خاصة بعد اللي شرباتو...باز باش دايخة...خاطر اول مرة شربت...خليت باب الكرهبة مفتوح...و قربت من البناية...حكيت معاهم يتصرفو بالكرهبة...سبقني واحد فيهم للاصونصير...فتحها...دخلت...كبست علاها في يدي...غاطسة راسها في رقبتي...نفس متاعها على رقبتي روهجني...سكرت عينيا ورجعت فتحتهم...نحاول نوازن روحي...دوب ما حبس الاصونصير...كبست علاها و خرجت...اول ما وصلت للدار...حاولت نفيقها...باش نفتح الباب...مرجعتليش...نزلتها للارض...حلت عينيها مروهجة...ترمات عليا...و دورت يديها على ظهري كبست عليا...و كملت رقدت...شدني ضحك...معندهاش مشكلة الفرخة المهم تكمل نومتها...حليت الباب...و حطيت يدي على شعرها نحكي
انا:سوار هيا ادخل
سوار:ممم
انا:يا طفلة يهديك ربي فيق
سوار:هأة
عديت يدي على شعري...و يدي حطيتها على ظهرها شديت الفاست قبل ما طيح...حتى منها كبشت فيا ملقيتش حتى كيف ننزل نحملها...لفت راسي نشوف مع واحد باش يدخل لدارو...يغزرلنا...قحرتلو و نفخت بالقاوي...كبست عليها بيدي اكثر...طلعتها شوية عندي...دخلت و سكرت الباب بساقي...رخفت يدي علاها طاحت الفاست عالارض...بقات مكبشة فيا...جبدتها شوية نحكي
انا:سوااار
سوار؛ممم
انا:هيا باش تمشي لبيتك
سوار:منحبش
عرفتها مش قد بعضها...رجعت عنقتني بالقاوي...و نحات الكعب...تو هكا رجعت فرخة بالحق...نزلت علاها شوية...رجع هزيتها بين يديا...حطيتها عالفوتاي لي في صالة...جيت باش نبعد شدتني من يدي تحكي
سوار:زياد بردت برشا
حطيت يدي على وجها...سخونة برشا...بعدت شعرها بيدي...و هزيت روحي لبيتي...جبدت لحاف و رجعت عندها غطيتها...قعدت عالطاولة...نشوف معاها...منعرفش قداش تعدا وقت...و انا قاعد اكاكا...كحلها طايح شوية...شعرها مشمخ..مبوكلي كي عادتو...كيما نحبو انا...نحبو ؟...منعرفش علاش جات الكلمة هاذي لبالي علاش يعجبني شعرها كي يبدا هكا علاش غزلت ليوم...كيف بقا ظهرها اكاكا...و الواطي متاع امير شاخ فيه كيما حب كبست على يدي...نهدي في روحي سوار هي وسيلة كهو باش نوصل لي تحب مش من حقك تفكر هكا و لا تحس معاهت بشي كلشي عملتو الليلة غالط من البداية...هو مجرد احساس مع اي طفلة و باش يوفا وقت تشبع منها...لاا مستحيل كي هكا علاش صار فيا كي قرب منها امير شبكت يديا زوز باقي نشوف معاها هزيت يدي باش نعديها على خدها رجعتها في اخر لحظة ميلزمش نقرب منها اكثر من هكا اللي يجمعنا هي خدمة و كهو مستحيل نخليها تقرب مني اكثر من هكا و من هوني لين توفا المهمة باش نحاول نخليها بعيدة عليا منحبش نستغلها باش نرضي روحي و لا راح نسمح لروحي نضعف لقاعد نحس فيه معاها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 34
هزيت روحي...غزرتلها...خذيت نفس...و مشيت لبيتي...دخلت لبيت البانو...نحل في سوريتي...استندت بيديا عالرخامة...نشوف مع روحي...منعرفش قداش بقيت واقف اكاكا...لتوا منعرفش شنوة لي قاعد يصير...من جيهة نتهرب منها...اما فرد وقت قاعد نفكر فيها و في كلشي يخصها...بقيت نتنفس بالقاوي...نحس روحي باش نطرشق...هزيت روحي وقفت نحيت سوريتي...طيشتها عالارض...عملت دوش بارد...مفماش نرتاح...و ننسى لي قاعد نفكر فيه...دوب كملت هزيت روحي خرجت...بدلت دبشي...و ترميت عالسرير...حاولت نرقد اما شي...منعرفش قداش تعدا وقت...سكرت عينيا و رجعت فتحتهم...هزيت روحي رجعت لصالة...نشوف معاها...راقدة و مش حاسة على شي...شعرها طايح على وجها...اللحاف طايح عالارض...لحقت طيحو...قربت منها...هزيتو و رجعت غطيتها...و جبدت روحي...وقفني صوتها و هي تهتري وحدها...تحرك في راسها...نزلت علاها شوية...قعدت على طرف طاولة نسمع فيها
سوار؛س سيبني امانك
طلعت حاجبي مستغرب...هزيت يدي حطيتها على خدها نبعد في شعرها...عرقانة عاللخر و باش تطرشق من سخانة...جيت باش نفيقها...وقفتني تحكي
سوار:ا اسكت...سيبني...امان امي وينك
عرفتها لي قاعدة تحلم...نزلت يدي شديتها من يدها نحكي
انا:سواار فيق تسمع فيا ياخي...سوار
سوار:ا امي امانك عاوني
هزيت روحي من طاولة...قعدت على طرف الفوتاي...حطيت يدي على خدها نحاول نفيقها...و نحكي معاها فرد وقت
انا:سواار قوم...سواار
بقات تتحرك في بلاصتها...كانها تحب تفلت روحها من شي...جيت باش نرجع نفيقها...قصت عليا...كيف حلت عينيها فرد مرة و نطرت من بلاصتها تصيح
سوار:لااااااا
حطت يديها على راسها...شداتو بالقاوي...و باقي تحكي و تبكي فرد وقت
سوار:لااا امان سييبني...امانك لااا
قربت منها شوية...عديت يدي ورا ظهرها...جبدتها عندي...جات في حملتي...كبست علاها بيدي...و يدي لاخرى حطيتها على شعرها نعدي فيها و نحكي
انا؛يزي حلمة ووفات
سوار:لااا باش يبقى يلحقني...امانك قلو يسيبني
انا:شششش وفات
سوار:باش يرجع...مستحيل يخليني
كبست علاها اكثر...و رصيت على سناني...نهدي في روحي...منعرفش علاش كي حكات عليه...تحرك شي داخلي...منعرفش علاش توا بذات...تقلقت من فكرة لفما شكون حط يدو علاها و تمتع بيها...و شاخ فيها...خذيت نفس...و غرست يدي في شعرها نحكي
انا:ششش حد ما ينجم يقرب منك اهدا
جبدت روحها مني بالقاوي...بقات يدي على راسها من تالي...طلعت راسها غزرتلي...تحكي و تبكي فرد وقت...تحكي بيديها تحب توصل كلامها
سوار:ب باش يرجع يا زياد...قاعدة نشوف فيه راني...مستحيل يخليني...ممستحيل...لتوا نحس بيه انا...فهمتني...لتوا نحس بيه انا
دخلت بعضي...و انا نسمع فيها...تحكي اكاكا...هزيت يدي زوز حطيتهم على وجها...ياسر سخونة...باش تطرشق...عرقها تخلط بدموعها...كبست على وجها...قربتها مني...حطيت خشمي على خشمها نحكي
انا:ششش اسكت...اسكت
سوار:مستحيل يخليني هو
انا:ششش متخافش...مدامني حي..و فيا نفس...حتى حد ما يوصل يحط يدو عليك...تفهم شمعنى حتى حد..انت في حمايتي..و حد ما ينجم يقرب منك
هزتلي براسها باهي...و ترمات عليا حضنتني بالقاوي تحكي
سوار:ممتخلينيش امانك...متبعدش عليا
هزيت يدي متردد...حطيتها على ظهرها...كبست علاها نحكي
انا:باهي...يزي توا...اهدا
هزتلي براسها باهي...و دخلت فيا اكثر...حطيت راسي على شعرها نشم في ريحتها...حسيتها هدات شوية...نزلت راسي غزرتلها...لقيتها حالة عينيها شطر حلة...هزيت عديتها على خدها نحكي
انا:شرايك ترجع ترقد
مرجعتليش...جبدتها شوية من عندي...رجعتها لتالي...سطحتها...حطيت يدي نمسح في دموعها و نحكي
انا:تو نرجع باهي
مرجعتليش زادة...جيت باش نقوم حطت يدها على يدي شدتني تحكي بالسيف
سوار؛ب بردانة برشا
انا:باهي باهي
هزيت روحي بالزربة لبيتي جبدت منشفة...و دخلت للكوجينة حطيت فيها كعبات ثلج و رجعتلها...حطيتهم على راسها...حاولت نزل سخانتها...باقي تهتري...و ترعش وحدها...حطيت المنشفة على جنب...قربت منها هزيتها شوية...و قعدت بحذاها...تكيتها عليا...جبدت شعرها على جنب...حطيت يدي على ظهرها...حسيت بيها باش يطرشق من سخانة...خاصة كي بقات بروبة...ظهرها الكل عريان...هزيت اللحاف حطيتو علاها...نحس فيها ترعش بين يديا...كبست علاها اكثر...و هزيت المنشفة..باقي نحاول نزللها في سخانتها...منعرفش قداش تعدا وقت...غزرت لشباك لقيت نهار باش يطلع...نزلت راسي غزرتلها...راقدة بنوم...سخانتها نزلت...سخفتني عاللخر...هزيت روحي شوية شوية...ورجعتها عالفوتاي...غطيتها...و دخلت لبيتي...بدلت دبشي...هزيت مفاتحي...و تليفوني و خرجت...نمشي و تفكيري بعيد...منعرفش فاش قاعد نخمم بالظبط...في الماضي متاعي...و لا خدمتي...و لا انتقامي...و لا سوار لي دخلت جديد لحياتي...و خذات جزء من تفكيري...ليلة وحدة كهو خذيت فيها اكثر من قرار...اما احسن قرار...انو علاقتي معاها تبقى كيما هي...منحبش نأذيها اكثر...ظاهر اللي تعدات عليه مش بساهل...انا وعدتها باش نحميها...اما مستحيل نوصل نستغلها...مستحيل نستسلم لاحساسي معاها...هي شهورة اخرى و باش نبعثها لفرنسا تستقر غادي مع خوها...و معادش بعدها شي اسمو سوار
سوار تحكي:
فقت الصباح...نحل في عينيا بالسيف...نحس في راسي باش يطرشق من الوجيعة...و بدني مدقدق و يوجع فيا كاني واخذة طريحة...عديت يديا زوز على وجهي...و هزيت روحي شوية تقعدت...كلشي قاعد يدور قدامي...دايخة عاللخر...غزرت لطاولة...لقيتها داخلة بعضها...المنشفة...و الما...سكرت عينيا ورجعت فتحتهم...هزيت روحي بالسيف وقفت.. نمشي و نتمايل...شعرة لا طحت...استندت بيديا عالحيط...لين وصلت لبيتي...دخلت لبيت البانو...هزيت راسي غزرت لروحي...عينيا وساعت...حالتي حليلة...و داخلة بعضي...شوية و منعرفش روحي...ياخي شبيني هكا...تي حتى من ماسكارا...بلبزتني بالكل...هزيت يديا كبست على راسي...مفماش نذكر بي صار البارح...شي قد ما حاولت منجمتش...اخر شي نتفكرو...وقت دخلنا لدار...خذيت نفس...هزيت يديا بالسيف...نزلت الروبة طاحت عالارض...قربت من البانو...فتحت السبالة...ودخلت تحتها...حسيت روحي تفرهدت شوية...منعرفش قداش بقيت تحت الما...لين حسيت روحي تحسنت...لبست الكاب و خرجت لبيتي...هزيت منشفتي نشيح في شعري...و نشوف مع المرايا...قربت شوية شوية...نشوف مع روحي...نزلت المنشفة...و هزيت يدي قربتها من شفتيي لوطانية...عديت صوابعي نتحسس فيها...ياسر منفوخة.. و تراص العضة مزالت علاها...تبسمت وحدي و انا نءكر في لي صار...لتوا مش مصدقة...لانا كنت قريبة منو لاكا درجة...لدرجة حط شفافو على شفافي...قلبي دق بالقاوي باش ياقف...كيف ذكرت بوستو...صحيح خفيفة...و رغم الوجيعة لكنت نحس بيها في شفافي...اما حسيت بيها و طيرتني لسابع سما...اول مرة نعيشو للاحساس هذا...اول مرة نجربو و نحسو...اول مرة حد يبوسني...و يقربلي لهدرجة...و لحد هذا هو زياد...زياد مش حد غيرو...مش مصدقة لخلاني نعيش الاحساس هذا...و لا مرة فكرت انو نوصل نفرح لهدرجة...بعد لي تعدا عليا الكل...عضيت شفتي شوية توجعت...سكرت عينيا و كبست عالمنشفة في يدي...و عملت دورة كاملة في البيت...برغم الخوف...و الحزن...و الستراس لي عشتهم ليلة البارح...اما كانت احلى ليلة عديتها في حياتي...و احلى ذكرى في روما...منعرفش شنوة لباش يصير مبعد...و منحبش نخمم فيه...يكفي لعشتو و حسيتو لبارح...تي حتى ليلة الكل قاعدة نحلم لانا بين يديه...تبسمت وحدي...ظاهر هبلت يا سوار...مشيت حليت الدرسينق...جبدت روبة في الباج خفيفة...عند الركبة...لبستها...شيحت شعري...حطيت قلوس خفيف...اما تراص العضة مزالت باينة...خذيت نفس...و خرجت من البيت...كيف ما سمعتش صوتو...ظاهر يكون خرجت...دخلت للكوجينة...عبيت كاسة حليب...و خرجت نمشي و نشرب فيها...وقفت كيف شفتو واقف بحذا باب برا يشوف معايا...نزلت عينيا و حطيت شعري ورا وذني...منعرفش شبيني اول ما شفتو دخلت بعضي...و قلبي دق بالقاوي...ووجهي نحسو باش يطرشق من الحشمة...نسمع فيه يحكي
زياد:لباس توا
طلعت راسي شوية نشوف معاه...هزيتلو براسي باهي...بقيت نغزرلو...لقيتو مركز مع شفافي...هزيت يدي شوية عديت صوابعي على شفافي...مسحت تراص الحليب...حسيتو فاق على روحو...طلع حاجبو...و كمل دخل لصالة...رما مفاتحو عالطاولة...و تلفتلي يحكي
زياد:حضر روحك اليوم
انا:شننوة
زياد:غدوة راجعيين لتونس
انا:شنننوة علاش ياخي
زياد:تحبني ناخو رايك مثلا
انا:لا منقصدش لي
قص عليا...كيف ترما عالفوتاي...و غزرلي يحكي
زياد:فك عليا...مش قاعد باش نسمع كلامك الزايد
سكت...بقبت نشوف معاه...جبد تليفونو...و باقي يبربش فيه...منغير ميرجع يغزرلي...حسيت روحي تروهجت من كلامو...من وقت كنت عاملة جو و متفرهدة...حسيت روحي تخنقت عاللخر...فقت من سرحتي على صوتو يحكي
زياد:مزااال باش تبقى هوني برشا
صوتو فجعني...فلت الكاسة من يدي...قحرلي..و هز روحو وقف يحكي
زياد:زايد ما تنفع في شي
رما كلامو و دخل لبيتو...منعرفش قداش بقيت واقفة اكاكا...هزيت يدي بالسيف مسحت دمعة هربت مني...و نزلت للارض...نلم في القزاز بغزول...جرحت يدي من غير ما نحس...دم عبا البلاصة...هزيت روحي بالزربة رميت القزاز...و مسحت دم...دخلت لبيت البانو لي في بيتي...حليت السبالة و حطيت يدي تحتها...حطيت يدي لاخرى نكتم في شهقاتي...منحبوش يسمعني...جبدت يدي نشوف معاه...الجرح ياسر غميق...جبدت بوات فرماسي...حطيت عليها معقم...و لفيتها بقطن و فاصمة...و خرجت لبيتي ترميت عالسرير...ياسر توجع زح...منعرفش قداش بقيت اكاكا...منعرفش كيف هزني نوم ورقدت...فقت على صوت الباب ينوقز...هزيت روحي بالسيف...نسمع فيه يحكي...قربت من الباب شوية...من صوتها عرفتها اكا الهم لي كانت معانا البارح...رندة و لا ندرا شنوة...حليت الباب شوية...نسمع فيهم...مرة يحكو عالخدمة...و مرة يخرجو عالموضوع...صوت ضحكها واصل عندي...بقيت في البيت على اعصابي...نحب مرة وحدة في حياتي نفهمو...و نفهم تعاملو معايا...راسي كبس عليا...ووجيعة قوات...نحس في روحي محمومة...و مروهجة...اكاكا و نحس في باب بيتي فتح...طلعت راسي نشوف معاه...عرفتها راحت...غزرلي يحكي
زياد:مش باش تتعشا
مرجعتلوش...منحبش نحكي معاه...دور عينيه عالبيت و رجع غزرلي
زياد؛حتى دبشك مش حاضر...قوم توا خف روحك
هزيت روحي وقفت...حليت القارد روب جبدت الفاليز متاعي...بيدي حطيتها عالسرير...نحاول نحلها بالسيف..من غير ما نخليه يشوف يدي...قرب مني...فكها من يدي...يحكي
زياد:برا تاكول قبل من بارح ما كليت شي
انا:منحبش
زياد:مش وقت عنادك...السفرة صباح لازمك ترتاح
انا:منحبش ناكول مش بالسيف راهو
زياد:متنرفزنيش اكثر
انا:فاش قام تتنرفز...هاك كنت شايخ و لباس عليك...شنية لي صار...فاش قام حتى خليتها مشات
قحرلي...و شدني من يدي...جبدني ليه...بقبت نغزرلو تسمع فيه يحكي
زياد:قتلك الكلام هذا مش عليا...تعرفني راك
هزيت يدي لاخرى...حاولت نبعدو بيها...نحكي بالسيف
انا:وجعتني سيبني
رخف يدو شوية...يغزر ليدي لي ملفوفة...و رجع غزرلي قحرلي يحكي
زياد:شبيك
جبدت روحي منو...رجعت شعري لتالي...ونزلت هزيت الفاليز نحكي
انا:ميهمكش
قرب مني نطر الفاليز بالقاوي...يحكي و يصيح
زياد:سواااار حل ¤¤ فمك شصار
انا:ياخي فاش يهمك انت...اموري
زياد:شوف هوما زوز كلمات تحل فمك مكانش نعرف كيف نخليك تحلو
انا:جرحت روحي كي لميت القزاز
زياد:اما قزاز تحكي عليه
انا:وقت طاحتلي الكاسة كهو لي صار...نجم لم دبشي توا
قرب مني شدلي يدي بين يديه...حل البونداج...عينيه وساعت و هو يشوف في الجرح...عقد حواجبو يحكي
زياد:ياااخي من صباح و انت هكا
هزيتلو براسي ايه...و نزلت عينيا نهرب فيهم منو...باقي كابس عليا...جبدت يدي شوية...و غزرتلو نحكي
انا؛نحب نرقد
زياد:بقا نوم هو امشي قدامي
انا:وين
زياد:للكلينيك ياسر الجرح كبير
انا:تو يبرا ميسالش
زياد:زايد معاك الكلام
جرني معاه...للكرهبة..طول الثنية و احنا ساكتين...دوب وصلنا للكلينيك...جاو نقاولي الجرح...حملتها و جيعتي بالسيف...واقف في تالي يشوف معيا...دوب كملت قرب مني...وقفت نشوف معاه...غزرلي يحكي
زياد:لباس توا
انا:ممم
صورتو ماشية و تبعد عليا...جيت باش نطيح لقفني...يحكي
زياد:سواار تسمع فيا
انا:د دايخة و بردانة زادة
زياد:باهي اتو نخلي طبيب يشوفك
انا:امان هزني من هوني نكرها البلاصة هاذي..ياسر تاعبة راني
مرجعليش...نزل حملني...و هزني للكرهبة...و غطاني بالفاست...قداش نكرها الكلينيك و نفد منها...قد ما كنت نحبها خاطرني باش نكون طبيبة...توا رجعت نكرها...خاطر ذكرني بكلشي خايب تعدا عليا...3 ايام لي عديتهم غادي كانو كيف الكابوس...لتوة متذكرتهم...مزلت مذكرة كلشي صار...منعرفش كيف هزني نوم و رقدت...شي من التعب...و شي من الوجيعة لي قاعدة نحس بيها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 35
حليت عينيا...كيف شد الفران بالقاوي...بقيت اكاكا شوية...نحاول نصحصح شوية...ريقلت روحي تقعدت بالقدا...نزلت الفاست متاعو من فوقي...جيت باش نهز يدي وجعتني عاللخر...كبست بسناني على شفتي لوطانية زادة وجعتني...زح مخيبو هالنهار..تي كان نعدي يوم باهي نعرف لدنيا مش قد بعضها....و لا شي غالط قاعد يصير...محبيتش نطلع راسي و نغزرلو...كلشي صرالي من جرايرو...انا البوهالية لي مشيت ورا احساسي...و صدقت كل لحظة عشتها معاه...نسيت انا شكون و هو شكون...نسيت لانا هوني في مهمة...وقت توفا يوفا كلشي معاها...نسيت اللي صارلي في اللحظات لي عشتهم معاه...نسيت انو كل فعل عندو ردة فعل...نسيت انو الجرح كلما يطول عليه الزمان يولي غميق...و ميبراش بالساهل...يقولو الزمان يداوي...اما انا مستحي نبرا...مستحيل ننسا امي لشهدت دفينتها بعيني...و مستحيل ننسا خويا لي خليتو في الغربة...اصلا كيف باش ننسا...و اللي عايشة معاه...كل مرة و في كل موقف بقصدو...و لا بلا قصد يذكرني باللي صارلي...و يحط فوق الجرح ملح...خذيت نفس نخبي في غصتي...هزيت يدي بالسيف...نحاول نحل الباب منجمتش...تي حتى كيف نحرك صوابعي توجعني...حاولت بيدي لاخرى منجمتش...قص عليا كيف قرب مني...حط يدو على يدي باش يفتح الباب...قلبي دق بالقاوي...طلعت عينيا نشوف معاه...دور راسو غزرلي...عديت عينيا على وجعو بالزربة...قلبي يدق بالقاوس نحسو باش يخرج...رغم اللي قاعدة نحس فيه توا...اما للحظة داركت الوضع...عرفت لانا قاعدة نغلط...لانا قاعدة نضر في روحي و كهو...انو الاحساس لقاعدة نحس فيه توا غالط...احساس ميلزمش يخرج و يظهر وسط اللعبة هاذي الكل...خاطرو باش يحطمني..و يرجعني لتالي...باش يخليني ضعيفة ديما...و ضايعة...ضايعة بين سوار اللي قاعدة جرب في احساس جديد مع زياد و تحب تعيش معاه كلشي..و تنسا كلشي صرا معاها...و لا دينيز القوية...و اللي ما يهمها حتى شي..و تعدي كلشي بالساهل...اما بينهم زوز...باش نختار دنيز...باش نتقوا على روحي و على كل احساس داخلي...باش نعيش الحاجات هذوما وحدي...وقت يطيح القناع من وجهي...و نكون سوار...سوار و كهو...نزلت عينيا من وجهو...و جبدت يدي شوية شوية من تحت يدو...حسيتو فاق على روحو...حل باب الكرهبة...ورجع لتالي...كملت دزيت الكرهبة و نزلت من غير حتى كلمة...سبقتو دخلت...خالط عليا...يمشي ورايا...اول ما وصلنا للاصونصير...لقيت شكون باش يدخل...دخلت في جرتو...جا باش يتسكر الباب...وقفو بساقو...و قحرلي قحرة متاع موت...عملت روحي مشفتوش...عطاني بظهرو...تلفت شوية...نلقا راجل يغزرلي...يثبت فيا...تبسمتلو رجع تبسملي...وخرت لتالي...تكيت عالحيط...خاطر نحس في بدني مهدود و معنديش حيل باش ناقف...دوب فتح الاصونصير...خرجنا ثلاثة مع بعض...سبقني لدار...بقبت واقفة وراه نستناه يحل في الباب...غزرت لراجل...لقيتو يحل في الباب...و يغزرلي...هزيت يدي شاورتلو...تبسملي...عوجت فمي شوية...شدني ضحك...منعرفش علاش...يمكن خاطر لقبتو مركز معايا اكاكا...اصلا ظاهر فيه مش عربي جملة...شفتو دخل بالزربة...دورت راسي شوية...نشوف مع زياد...وجهو مكبوس...و عروقو باينة...عرفتو قحرلو...ياخي شيستخايل في روحو سخطة هذا...مش اللي هوني الكل شخصيات و كذا...فاش قام يقحر لراجل...نزل عينيه غزرلي...مع تقحيرة..هزتني من داخل...اما محبيت نظهر حتى شي...هو خلق الفجوة هاذي بينا...و انا باش نكبرها...جا باش يحكي...قصيت عليه...كيف نزلت راسي شوية و دخلت تحت يدو...مشيت للكوجينة ديراكت...باش نموت من الجوع...من بارح محطيتش لقمة في فمي...و بعد اللي صار اليوم...متوقعتش نجم ناقف على ساقيا...حليت الفريجيدار...جبدت حبكة شكولاطة...حطيتها عالطاولة و قعدت...هزيت طرف خبز في يدي حليتو بالسيف...حاولت نحل حبكة شكولاطة..يدي ماطوعتنيش...منجمتش نحلها بيد وحدة...حكمتني غصة في حلقي...كل مرة نحص روحي وحدي...تحكمني اكا الغصة...بقبت نعافر فيها اكاكا لين شفتو فكها من يدي..طلعت راسي نشوف معاه...محسيتش بيه جملة كيف دخل...جيت باش نحكي...شفتو هز الماكلة من رخامة حطها عالطاولة...عرفت لعشايا مزال من قبيل...تي علاش ميكونش فما..وهو تعشا مع اكا السخطة...نزلت راسي نشوف مع الماكلة نسمع فيه يحكي
زياد:تعشا توا...و برا ترقد
مرجعتلوش...دوب هزيت راسي لقيتو خرج...خذيت نفس...و غطست في الماكلة...تي فاش يهمني اذا هو جابها و لا هي...المهم مزالت سخونة...خاطر بقات في الميكروويف...دوب كملت هزيت روحي وقفت...قربت من رخامة...حليت سبالة غسلت يدي...رميت عيني لحبكت شكولاطة...لقيتها محلولة...تبسمت على جنب...عجبتني الفازة...لهو حلها و منسانيش...هزيتها في يدي و خرجت...لقيتو قاعد في الصالة...حاطة الفلاشة و يخدم بالبيسي...تعديت عليه و دخلت لبيتي..كليت منها شوية و حطيتها...هزيت تابلات...من الكوافوز...و قعدت عالسرير...حليت عالنات...و كتبت امير العابد...خرجولي صور الحفلة و الفيديوهات...بقيت نتفرج عليهم...والله لتوا مش مصدقة لانا عملت هذاكا الكل...تي و لحقو ينزلو كلشي...نزلت نشوف في عناوين...لقيت اسم رندة بينهم..و لي هي شريكتو جديدة...دخلت نشوف في تصاورها...فديت عاللخر...منعرفش شبيني لتهيت بالحكاية...لهدرجة...حطيت البيسي عالتابل دو نوي...و تسطحت لتالي...سرحت في افكاري...منعرفش شبيني نقارن في روحي معاها و لا مع زينة...اصلا مفما حتى سبب يخليني نعمل المقارنة هاذي...حتى زياد لي في لحظة حسيت لهو باش يكون معايا...كلامو رجعني لتالي...و فرض عليا نلغي شخصية سوار...باش نعيش معاه و لا مع غيرو على اساس دنيز و كهو...و هذا لي لازم يصير من هوني لين توفا المهمة هاذي باش نكون دنيز و كهو
زياد يحكي :
فقت الصباح...على صوت تليفوني ينوقز...رميت يدي هزيتو لقيتو امير عالصباح...نفخت بالقاوي...و هزيت روحي تقعدت...منعرفش شبيه يطلب فيا عالصباح...هزيت عليه نسمع فيه يحكي
امير:بونجور زياد
انا:بونجور امير...شبيك كلمتني عالصباح ياخي
امير:تي فيق برك حاجتي بيك
انا:شغما
امير:دنيز
كيف سمعت اسمها...هزيت روحي تقعدت بالقدا...رصيت على سنيا نحكي
انا:شبيها
امير؛حاجتي بنومروها
انا:علاش
امير:ماني خبرتك...نفكر تخليها الموديل الجديد...و انت باش تكون محضر خير و تخليني نقابلها مرة اخرى
انا:محضر خير
امير:ايه باش تعاوني...و لا نفركس علاها بطريقتي
انا:باش نخليها تكلمك
امير؛هيا باهي باش نعمل عليك
انا:باهي
علقت عليه...و رميت تليفون...نطرت روحي بالزربة جيت واقف...نحس في بدني يرقل من العصب...دخلت لبيت البانو...حليت الما على روحي...ناقص انا باش نخليها تكون الموديل الجديدة...لا و اكثر من هكا باش يفركس علاها...احسن شي نرجع لتونس ليوم قبل غدوة...لفيت منشفتي و خرجت...غزرت لساعة...مزال 6 ساعات عالرحلة كهو....بدلت دبشي...و جبدت الفاليز...لميت دببشي كيما جا...سكرتها...و خرجت من البيت...كنت باش ندخل لبيتها...اما حسيت بحركة في الصالة...عقدت حواجبي...و مشيت لصالة...نشوف فيها قاعدة عالفوتاي...حاطة البيسي في حجرها...ندرا فاش تعمل...رميت عيني...نشوف مع الفاليز...متاعها حاضرة...و محطوطة على جنب...لحقت تحضرها...بيد وحدة...هزيت حاجبي مستغرب...دوب طلعت راسها و شافتني...حطت البيسي عالطاولة...ووقفت...عينيا وساعت و انا نهز فيها و نحط...لابسة شورت جين قصير عاللخر...و مريول حطاتو داخلو في الاكحل كتفو طايح على جنب...و كونفارس كحلة...تي كان نحات شورت جملة و ارتاحت...منعرفش علاش لبساتو اصلا...شعرها مبوكلي كي العادة...مرجعاتو لتالي...حاطة قلوس في الروز...حتى تراص العضة مش مبينة...تي امتى لحقت تحضر روحها...و يدها مريضة...قحرتلها نحكي
انا:هاك ارتحت فيسع
سوار:ممم حتى هو الجرح بدا يبرا
انا:ممم باهي
سوار:فما مشكلة
انا:شصار
سوار:انا لتوا مفطرتش
انا:كي نجمت تحضر هذا الكل فاش قام محضرتش فطورك
سوار:خاطر نحب نفطر برا
انا:شننوة
سوار؛شبيك تفجعت...انا نجحت في المهمة...و نحب ندلل روحي
انا:صار
سوار:ممم نحب نشوف روما في ساعات لي بقاو
انا:منين طلعت بالفكرة هاذي
سوار:ميهمش...حصيلو انت باش تمشي معايا و لا نتلقاو في المطار
انا؛كان تحب نتلقاو في تونس جملة
سوار:ممم لااا منحبش نقابل ياسر وحدي
انا:شنووة
سوار:مش هذا بعد امير في الترتيب
انا:هاك ذكرتو فيسع
سوار:هأة...شفت صورو صباح كهو...خاطر لتوا مزلت مروهجة من امير العابد
انا:شتقصد
سوار:نقصد انو مزلت نحب نخدم مع امير
انا:هوكا طلبك كموديل شرايك تحقق حلمك
تبسمت على جنب...و قربت مني..وقفت قدامي بالظبط...حطت يدها شدتني من الفاست تحكي
سوار:منحبش
انا:فاش قام
سوار:يكفي انو انا نخدم مع الشيطان توا...ميجيش ندور باعداءو خاطر باش يحرقني
انا:و كيف انت تعرف هالشي علاش تحل في فمك
شدتني من الفاست..تركزت عليا..وطلعت عندي شوية تحكي
سوار:خاطر نار متاعو متنجمش تحرقني
تبسمت على جنب و هزيت يدي...دورتها على راسها...كبست على شعرها قربتها مني اكثر نحكي
انا:شنوة لي يخليك متأكدة
سوار:الوعد
انا:تعلم شروط الوعد مبعد احكي عليه
سوار:اللعبة معاك مفيهاش شروط...فيها تحدي و مخاطرة كهو
انا:و انت مازلت صغيرة عالتحدي
سوار:انت تشوف هكا
انا:ممم
سوار:باهي
جبدت روحها لتالي...رخفت يدي على شعرها...وخرت شوية...و غزرتلي ندرا كيف تحكي
سوار: نحب على Cappuccino ايطالية و كرواسون...ممم نحب نجرب قلاص متاعم زادة
انا:متحبش نجيبلك سرفور لهوني
سوار:لا اما فما واحد في اخر الطريق...باش نفطرو عندو..مبعد باش نعمل جولة خفيفة..قبل ما نمشي للمطار
انا:انسا
سوار:مش لازم جي معايا راهو...انا باش نعمل جو و نتفرهد
انا:باش تنزل اكاكا من غير فلوس
سوار:نووو خذيت نومرو امير...خلي نقابلو لاخر مرة و نعمل معاه جو
جيت باش نحكي...اما كبست عالبونية متاعي...منحبش نخلط في الكلام...و نوجعها بيه...اصلا مش مصدق لهي فاقت مفرهدة....منحبش نفسد جوها...بقيت نشوف معاها...حلت باب برا و خرجت...خذيت نفس و خرجت وراها...ناقصني انا امير...باش توحلنا بيه توا...خالطت علاها للاصونصير...تلفتتلي تحكي
سوار:علاش بدلت رايك
انا:سكر¤¤¤ مبهمكش
سوار:اوكي
دخلت...ودخلت وراها خدمت الاصونصير...تكيت لتالي لتالي نهز فيها و نحط...عبارة عريانة الفرخة...كبست على يدي داخل مكتوبي...شيهمني فيها امورها...و تلبس لي تحب عليه...باقي تلعب بساقيها..عديت يدي على وجهي...ما صدقت لربي الباب فتح...خرجت ووصيت شكون يجيبلي دبش الكل للمطار...و خالطت علاها البرا نشوف فيها...تمشي بحرية...و تشوف مع البلايص...تبسمت على جنب...والله عاملة جو وحدها و مش معدلة على حد...تي حتى ريستو...ظاهر شافتو في نات...اختارت الطاولة و قعدت..قعدت في جرتها...طلبت لي قالت عليه دوب كملنا غزرتلي تحكي
سوار؛خلص الفاتورة يا شريكي...و الحقني
انا:باهي عقاب عمري قاعد نتبع في الفروخ
سوار:باش نعمل 21 سنة مانييش فرخة
انا:امشي برك...امشي
سوار:باهييي
عدينا 4 ساعات اكاكا من بلاصة لبلاصة...هبلتني الفرخة...و محبيتش نكسر بخاطرها...حتى هو اخر نهار هوني...نحبها تتفرهد...و تنسى لي صار شوية...دوب لحق الوقت حكمت طاكسي...و مشينا للمطار
سوار تحكي:
خذيت نفس طويل...دوب شميت ريحة تونس...تفرهدت و تخنقت فرد وقت...تفرهدت خاطر هوني كبرت و عشت هوني حياتي هوني موجودة امي و تخنقت كيف ذكرت كلشي تعدا عليا من اكا نهار لليوم ركبت بحذاه في الكرهبة حطيت راسي عالبلار...نشوف مع طريق...اما تفكيري بعيد برشا...حتى منو هو بقا طول الثنية ساكت...حتى في طيارة محكاش معايا جملة...و انا زادة اخترت نعاملو كي يعاملني...منخبش نضعف اكثر...فقت من سرحتي كيف شد الفران بالقاوي...طلعت راسي شوية عقدت حواجبي و انا نشوف في البلاصة...في بالي باش نرجعو...لدارنا...استانست نقول لدار زريعة دارنا...خاطرنا نعيشو فيها احنا زوز كهو...عوجت فمي...و تلفتلو نحكي معاه
انا:شنعملو هوني
زياد:انزل
انا:شنوة
مرجعليش حل باب الكرهبة و نزل نزلت في جرتو...طلعت راسي نشوف مع البلاصة...ياسر مضخمة و ظاهر اللي عايشين هوني كان الطبقات الراقية...اصلا و لا مرة جيت هوني و لا تعديت من هوني...بقيت واقفة بحذا الكرهبة...نشوف معاه...قرب من باب فيلا صغيرة...تحفونة...قبل ما يوصل لباب...فما راجل فتحو و قرب منو يحكي
هو:مسيو زياد اهلا بيك
زياد:عيشك
منعرفش شنية شد عليه و تلفتلي...هزني و حطني...ورجع غزرلي في عينيا يحكي
زياد:ايجا
عوجت فمي...و قربت منو دخلت وراه...دورت عينيا عالدار من برا...عجبتني عاللخر...تي حتى من جنينة دخلة كبيرة و باهية عاللخر...نشوف فيه فتح الباب و دخل...خالطت عليه...و سكرت الباب...دور عينيه عالدار و دخل لصالة استغربت اللي قاعد يصير وقفت وراه نحكي
انا:زياد ياخي وين احنا...دار شكون هاذي
تلفتلي...بقا يشوف معايا شوية...هز يدو عداها على شعرو بالزربة يحكي
زياد:دارك
انا:شنننوة شتقصد بداري
زياد:لي سمعتو انت من اليوم باش تعيش هوني
انا:و انت
زياد:شيهمك فيا انا
انا:زياد ياخي باش نعيش وحدي هوني
زياد:ملا تحبني نشد وجهك نهار الكل
انا:منقصدش لي فهمتو اما منجمش نعيش وحدي نخاف
زياد:البون باش تبقى معاك هوني...و فما الشوفور لبرا...و العساس...كان احتجت شي تلقاهم معاك
انا:منحبش...خلينا نرجعو لدار زريعة فما احسن...منحبش نبقى هوني
زياد:سوااار
انا:سوار شنية ياخي انا مستحيل نبقى هوني وحدي باهي
زياد:سووااار تي اسكت خليني نحكي
سكت...و هزيت يدي...رجعت شعري ورا وذني...نشوف معاه...قحرلي و نفخ بالقاوي يحكي
زياد:دار لاخرى بعيدة على هوني برشا...و خدمتنا المرة هاذي باش تكون في تونس...و 6 ساعات لي نعدوهم في ثنية رايحين و جايين باش نستغلوهم في الخدمة...الوقت مش لصالحنا راهو
انا:كي هكا...ملا شبيك متسكنش معايا هوني...هكا باش نخدمو مع بعض
عدا يدو على وجهو بالزربة...حسيتو فد من الكلام...خذا نفس...و غزرلي يحكي
زياد:منجمش نبقى معاك هوني...لازم حد ما يعرف طبيعة علاقتنا...خاصة في الفترة هاذي...باش نكونو صحاب و كهو...كنت شريك بوك و انت عايشة في امريكا...متبدلش كلامك...خاطر فما شكون من معارف امير...كيما تنجم تتلقى بيه...يعني حط الاحتمالات الكل في راسك...و بالنسبة للخدمة...تو انا ندبر راسي
بقيت نسمع فيه...دخلت بعضي...يعني خذا قرارو و سايي...قربت منو خطوة...و غزرتلو نحكي
انا:زياد اما
قص عليا كيف حط بوات عالطاولة و مفاتح خرج portefeuille متاعو جبد منو كارت و شاك حطهم عالطاولة...يحط فيهم و يحكي فرد وقت
زياد:هذوما مفاتح دار و دار زريعة و هذا تليفونك جديد نومريا غادي كان احتجت شي و carte bancaire باسمك اصرف كيما تحب و اشري لي تحب عليه...و بالنسبة لشاك...اصرفو وقت ما تحب...باز باش تحتاج فلوس بلا كارت...نظن حكينا في كلشي...انا باش نمشي توا كان احتجت شي كلم الشوفور يجيبهولك و ما تمشي لحتى بلاصة بلا ما تخبرني
هزيتلو براسي باهي معرفتش شباش نحكي بقيت نشوف معاه.. مفماش يرجع في كلامو...اما شي...غزرلي شوية هز روحو تعدا من قدامي و خرج...بقيت واقفة في نفس البلاصة...منجمتش نتحرك نحس دم جمد في عروقي...متقبلتش فكرة اني باش نعيش وحدي...انو معادش باش نشوفو كل يوم...منعرفش اذا هو هوني و لا خرج...اذا طول و لا باش يرجع...معادش باش يكون معايا كي نمرض...زياد و برغم كلشي..و برغم ظروفنا...اما فما شي داخلي يحب عليه...منعرفش علاش...اما هو عوضني على برشا حاجات خسرتها...منعرفش كيف باش نبقى وحدي مرة اخرى...منعرفش كيف باش نعيش...و لا كيف باش نتعود...طول 4 اشهر و نص لي عديتهم معاهم...ستانست بيه...نحسو لهو حاجة سبيسيال...خاص بيا و منجمش نبعد عليه...فقت من سرحتتي...على صوت الباب كي خبط...نزلت دمعة من عيني...تلفت بالزربة...قربت نجري وقفت عند باب الصالة...عرفتو لراح...يعني بالحق كان يحكي...و مش باش يتراجع في كلامو...نحس في قلبي يخض بالقاوي باش يخرج...نحب نخالط عليه و نمنعو...نحب نمشي معاه...اما منجم نعمل شي...نحس في روحي مقيدة...و تسكرت في وجهي...رجعت لتالي...ترميت عالفوتاي...نشوف مع الطاولة...منعرفش قداش بقيت اكاكا...هزيت يدي...جبدت البوات عندي...خرجت تليفون نشوف معاه...تبسمت على جنب...تي جرد تليفون صغير مكنتش نكسبو...و توا عندي اخر موديل...و دار و خدم...كبست عليه في يدي...حليتو...و حطيت نومروه...نشوف معاه...قريتو مرة و زوز و ثلاثة...لين حفضتو...قص عليا صوت البون تحكي...تلفت نشوف معاها
هي:مدموزال دنيز فاليز متاعك وين تحب نهزها
بقيت نشوف معاها...تعمل في عمر امي اكاكا...تبسمت و قرب منها...حطيت يدي على كتفها نحكي
انا:قولي دنيز كهو
هي:باهي بنتي و انا راضية
انا:متشرفين خالتي راضية
هي:عيش بنتي...وين تحب نحطهالك
انا:خلي عليك تو انا نطلعها
هي:باهي ارتاح لين نحضر العشا
انا:معينيش اتعشا انت صحة ليك
هي:ميجيش راهو...مسيو زياد وصاني نتلها بيك
انا:اخطانا منو عيش خالتي...مش جاي على بالي
هي:باهي عزيزتي على راحتك
تبسمتلها...و كبست عالفاليز في يدي...و طلعت بيها بالسيف...بحكم يدي لاخرى مريضة...دوب طلعت وقفت نشوف مع البيوت...كل وحدة في شيرة...عكس البيوت في دار زريعة مقابلين بعضهم...جات عيني على اخر بيت فيهم...كركرت فاليزتي ورايا.. و دخلت...كبيرة عاللخر و منظمة بالقدا...فلت الفاليز من يدي...ونحيت الكونفارس متاعي...و قربت من سرير...ترميت عالفرش...حضنت روحي...و سكرت عينيا...منحبش نبقى هوني...منحبش نبقى وحدي...منحبش نكون دنيز...كلشي نحسو جا مع بعضو...تخنقت...و النوم كان احسن حل باش نهرب من كلشي...و نرتاح
زياد يحكي:
نسوق في الكرهبة و تفيكري عندها...في نظرتها لكانت ضايعة في وجهي...في حركات بدنها لي تحب تقرب مني و توخر فرد وقت نعرفها..قريتها و حفظتها نعرف لي متحبش تبقى وحدها نعرف لي صعيب باش تعيش وحدها و تستانس نعرف لي كلامي ما قنعهاش حتى طرف اما مفماش حل اخر منجمش نخليها معايا فرد دار صحيح نجم نبقى معاها...و نجم نهزها لدار زريعة زادة شي ما يمنعني اما هذا حل وسط من شيرة لين تهدا الاوضاع و يظهر رجوعي لتونس عادي و من شيرة منحبش نقرب منها اكثر منحبش نأذيها على جرد احساس باش يوفا كي نشبع منها كبست عالفولون اكثر و زدت في الفيتاس منعرفش علاش مقلق من حكاية لهي باش تعيش وحدها و انا لي قررت بيدي نخليها بعيدة عليا نحب نحي مخي فكرة لانا ستانست بيها و منجمش نخليها بعيدة منحبش نفكر فيها اكثر و هذا كان احسن حل باش نرتب اموري و نحط حد لكلشي و بعد اليوم مفما حتى شي يجمعني بيها من غير الخدمة..الخدمة و كهو
■■■■■■■■■■■
الحلقة 36
ركيت الكرهبة...نغزر لعزيزة...واقفة بحذا الباب و تشوف معايا...ظاهر متحلفة فيا...تبسمت على جنب و نزلت...قربت منها نضحك...ضربتني على كتفي تحكي
عزيزة:وين كنت يا هامل 3 اشهر ونص كاملين...وين كنت غاطس اه
انا:شوية شوية...شبيك عليا...هاني كلمتك صباح و قتلك جاي...و انت فرحت فاش قام تسب فيا توا
عزيزة:شوف كي يعرف يحل فمو...تي حتى في تليفون تكلمني كان تبدا حاجتك بحاجة اما والله ما نربيك
انا:هههههه والله فكرتني...ياخي كيف قنعت توفيق يبقى هوني و ميجيش لايطاليا
عزيزة:صعيبة هي...عملت روحي تاعبة و ظطريت نعدي ليلة كاملة في كلينيك
انا:لااا عاد...يطلع منك يا عزيزة...هوكا طلع توفيق يحبك و شاريك...شبيك متحبش تعرس بيه و تهنينا
عزيزة:زايد واطي و متحشمش...برا ادخل بوك و السخطة لاخر يستناو فيك
انا:ادم هوني
عزيزة:ايه
انا:في بالو لانا جاي
عزيزة:لا مخبرت حد...كيما وصيتني
انا:يفضلك يا عزيزة يا مزيانة
عزيزة:اكاكا لفني بزوز كلمات
انا:علاش انت فما شكون يعديها عليك
عزيزة:هههه برا عاد...خليني نمشي نحضرلكم العشا
انا:والله حتى انا توحشت مكالتك
عزيزة:نعرف بالطبيعة
ضحكت...و دخلت لصالة...نلقى بابا حاكم ادم و عاملو طرح درس عالمي...وين تلقاه هو فادد و يسمع فيه بالسيف...تبسمت على جنب..نحكي
انا:بالشوية عليه يا توفيق
تلفتولي...زوز يشوفو فيا...هز ادم المخدة ضربني بيها يحكي
ادم:جيت يا ساقط
انا:بدينا في تطياح القدر من توا
بابا:جيت يا هامل
انا:ياخي هكا عندكم الاستقبال نتوما...كارني مجيتش
وقف ادم...و قرب مني...حل يديه يحكي و يضحك
ادم:ايجا لهوني يا صغرون
انا:ارحم توفيق قاعد...ياخي على جرد عام بينا سميتني صغرون
ادم:هههههه تبقى خويا الصغير ايجا
انا:ههههه باهي ادومة
ادم:شقلنا على ¤¤ ادومة هاذي
توفيق:اكاكا زيد في الكلام
ضحكت و قرب من ادم حضنتو...حتى هوما 3 اشهر توحشتو الكازي...جبدت روحي منو و قربت من بابا حضنتو..قربنا الكل قعدنا...غزرلي بابا يحكي
بابا:شبيك لتوا وين كنت غاطس
انا:محبيتش نرجع لتونس...مشيت لايطاليا ديراكت حضرت الافتتاح متاع امير
بابا:و الامور مريقلة
انا:مريقلة شبيك مجيتش في بالي راك معروض
بابا:عزيزة مرضت منجمتش نخليها وحدها
ادم:ههههههه جابتك عزيزة لثنية
انا:هههههه من بكري
بابا:احشم انت و هو
انا:ههههه باهي باهي...و ادم انت شبيك مجييتش
ادم:لتهيت مع الخدمة و من عند ربي امير منهضموش...ارتحت منو
انا:ههههههه صراحة حتى انا...اما فوت عليك
ادم:نعرف خاصة كعبات ايطاليا
بابا:اقلبو منظركم عليا...ياخي ربيت زوز ساقطين و مافيباليش
ادم:ريض بابا...على اساس انت بكري كنت تلعب معاهم الكارطة
ضحكنا زوز فرد مرة...بدا يكح...طلعت راسي نشوف في عزيزة دخلت...غزرنا لبعض و زدنا طرشقنا بالضحك...مش نورمال دوب شاف عزيزة حشم على روحو...قصت علينا تحكي
عزيزة:قوم انت و هو العشا حاضر
وقفنا الكل فرد مرة...مشينا لطاولة...ناكلو و نحكو...توحشتها لمتنا...دوب شفت المقرونة...تبسمت على جنب...منعرفش كيف جات لمخي الفرخة...استانست بيها...زعمة شقاعدة تعمل توا...تعشات...و لا لا...ارتاحت من يدها...سكرت عينيا و رجعت فتحتهم...فيق زياد شبيك تخمم فيها...تعمل لي تحب عليه...مش قلت من اليوم معادش تفكر فيها...فيقتني سرحتي يد ادم لي تحطت على كتفي يحكي
ادم:وين سرحت
انا:شي شي ذكرت قضية مهمة
عزيزة:قضية شنوة اليوم وصلت راك
انا:نعرف اما لازم نمشي
ادم:متقوليش لي قاعد نخمم فيه توا
انا:ايه بالظبط
ادم:مش كانت معاك في اسبانيا
انا:لا مقعدتش برشا...رجعت على خاطر خدمتها
ادم:ممم باهي برا برا اتفرهد
بابا:ترص شد بلاصتك...مش باش تهرب طفلة
انا:بابا لازم نمشي...انت تلها بادم ليلة
ادم:ههههه لا بابا انا زادة باش نمشي هوكا عزيزة احسن مني
انا:هههههه ايجا نخرجو مع بعض
ادم:باهي هيا
خرجنا مع بعض..حكينا شوية في امور الخدمة...شديت كرهبتي...و خرجت لطريق...منعرفش على روحي كيف ركيت قدام دارها...منعرفش اصلا كيف جيت و لا كيف كنت نسوق...طلعت راسي نشوف في ضو شاعل من بعيد...زعمة باش تستانس تبقى وحدها...زعمة علاش تحب تبقى معايا...خاطر ستانست بيا و لا تخاف كهو...زعمة رقدت...و لا مزالت فايقة.. هزيت يدي عديتها بغزول على وجهي...حرقت مخي بالتخمام...منعرفش علاش...ياخي مش انا حبيت...مش انا لاخترت انها تبقى بعيدة عليا...شبيني جيت لهوني...شبيني نحب نشوفها...ضربت بيديا الزوز عالفولون...و نفخت بالقاوي...هزيت تليفوني...كلمت ميرال...منعرفش علاش...اصلا من اربع شهورة هذوما مسألتش علاها جملة...هزت عليا تحكي
ميرال:الو شكون
انا:ميرال وينك توا
ميرال:زياااااد مستحيييل هذا انت
انا:مممم انا
ميرال:انت في تونس ياخي
انا:ميرال وفر اسئلتك مبعد وينك توا
ميرال:باهي باهي...في داري نستنا فيك
انا:باهي
علقت علاها...خذيت نفس...و خدمت الكرهبة...دريكسيون عند ميرال...منعرفش علاش عملت هكا...اول مرة نمشي لعندها و انا فاد لهدرجة...و تفكيري بعيد...هذا احسن حل باش معادش نفكر فيها...معادش نخدم مخي معاها...دوب وضلت ركيت الكرهبة و نزلت...قبل ما ندق عالباب فتحتلي...و نطرت عليا حضنتني بالقاوي...هزيت يدي حطيتها على ظهرها...نسمع فيها تحكي
ميرال:توحشتك زياد توحشتك برشا...شبيك نسيتني جملة
كبست علاها...و سكت...منعرفش شباش نقول...جبدت روحها مني شوية...باستني من خدي...و نزلت لشفافي باستني بوسة خفيفة...تبسمتلها بالسيف...و هزيت يدي نبعد في شعرها...نحكي
انا:شعاملة لباس
هزتلي براسها لا...ورجعت حضنتني...استغربتها...مش مستانس بميرال هكا...عادتها تكون قوية...و حتى كي تتأثر بشي متظهرش...كبست علاها نحكي
انا:خلينا ندخلو
جبدتها من عندي شوية...شدتني من يدي دخلت معاها لصالة...ترميت عالفوتاي...و جبدتها عندي...تكات عليا...و شدتني من يدي...تعدي في صوابعها على تاتو و تحكي
ميرال:كلمتك اكثر من مرة...خرجلي مسكر...عرفت لانت سافرت...ستنيتك تكلمني اما شي...اصلا متأكدة فما شكون عوضك عليا...اما كنت تنجم تكلمني و تطمن...جرد ابال صغيرة...مش تنساني جملة
قصيت علاها كيف نزلت بستها...و جبدت روحي منها نشوف معاها...كيف تغزرلي...اول مرة نشوف حالتها هكا..هزيت يدي نعدي فيها على شعرها و نحكي
انا:خدمة و كهو...اصلا انت اكثر حد تعرف طبيعة الخدمة بالقدا
ميرال:اما اول مرة تبعد لهدرجة...حتى مكلمتنيش جملة
انا:ميرال ياخي فاش قاعد نحكي من الصباح
ميرال:باهي تعشيت
انا:مممم وانت
ميرال: كليت قبيل
تبسمتلها...و تكيت لتالي...حطت يدها على رقبتي تعدي فيها و تحكي
ميرال:متوحشتنيش انت
بقيت نشوف معاها...بالعادة نجاوبها...اما توا رزن الكلام في لساني...منعرفش شبيني...منعرفش علاش مع ميرال و قاعد نخمم فيها فرد وقت...اصلا نعرف لي شيختي و جوي هوني...بحذا ميرال...قربت مني اكثر...قربت شفافها لشفافي تحكي
ميرال:مجاوبتنيش
سكرت عينيا بالقاوي و رجعت فتحتهم...هزيت يدي...عديتها تحت شعرها و غطست فيها...نحب ننساها...معادش نحب نفكر فيها اكثر...اصلا جيت لهوني باش نتفرهد...و كهو...هزت يديها زوز حطتهم على رقبتي...كبست عليا و غزرتلي تحكي
ميرال:توحشتك زياد...توحشتك نحبك ليا و كهو
هزيت يديا زوز...حطيتهم على ظهرها تحت الخلعة...نحيتهالها...و قربتها مني نحكي في وذنها
انا:حتى انا توحشتك و حاجتي بيك
عالكلمة...عنقتني بكل قوتها...كبست علاها...هزيتها في يدي...و دخلت للبيت...شخت بيها و شيختني عاللخر...عديت معاها ليلة عالمية...اما المرة هاذي مش كيما كل مرة..المرة هاذي شيختي كانت ناقصة...منعرفش شبيني...برغم ميرال ديما كنت نحسها سبيسيال على لبنات لاخرين...الليلة العكس..مكنتش مركز معاها جملة...سوار قعدت بين عينيا...للحظة ستخايلتها هي بين يديا...نزلت راسي نشوف مع ميرال...حاطة راسها على صدري و غاطسة في نوم...هزيت يدي نعدي فيها على شعرها...ياسر تعبتها ليلة...رميت يدي هزيت تليفوني...حطيت نومروها...تبسمت على جنب...شفت معاه شوية...مبعد طلبتها...هزت عليا تحكي بصوت نوم
سوار:مممم الو شكون
شدني ضحك...راقدة الفرخة...و غاطسة في نوم...حتى هو تعدا نص ليل...احسن شي رقدت...جيت باش نحكي قصت عليا تحكي
سوار:ياخي شبيكم تطلبو مبعد متحكوش...ياخي مترقدوش نتوما
عرفتها مشافتش نومرو جملة...كبست صوتي شوية...نحكي
انا:ششش شبيك تصيح
سوار:زيااااد
انا:ممم زياد
سوار:شبيك طلبتني توا شفما
سكت منعرفش علاش طلبتها اصلا...خذيت نفس نسمع في صوتها تحكي
سوار:زيااد شفما ياخي
انا:شي سوار كنت باش نقلك انو باش يوصلوك دوسيات شدهم و اقراهم بالقدا
سوار:كهو...على هاذي كلمتني توا
انا:مممم كهو
سوار:علاش مكلمتنيش صباح شبيك فايق لتوا
نزلت عينيا نشوف مع ميرال...منعرفش على سؤال سوار جاني بريء لهدرجة...و معرفتش بشنوة نجاوبها...خذيت نفس نحكي
انا:شي سوار...واحل مع الخدمة...ارجع ترقد انت توا
سوار:باهي و انت زادة ارقد
انا:باهي...استانست بدار جديدة
سوار:يعني...باش نستانس مع الوقت
انا:باهي باي
سوار:ليلة سعيدة
علقت علاها...و نزلت تليفون...عديت يدي على شعري...حسيت روحي تفرهدت شوية...جبدت ميرال من عندي حطيتها عالسرير...هزيت روحي...لبست دبشي...هزيت تليفوني...و مفاتحي...غزرت معاها شوية...و خرجت...نحس في روحي مخنوق...و منحبش نبقى هوني اكثر.. من شيرة ميرال سخفتني...و من شيرة اخرى...تفكيري بقا معلق عند سوار...مطاوعنيش بدني و قلبي نبقى هوني اكثر...هزيت كرهبتي..و قصدت ربي لداري...و سؤالها يتعاود في مخي..صحيح هو سؤال عادي...اما حسيت وراه برشا كلام...للحظة تعدات نظرتها بين عينيا و هي تسأل فيا...ضربت يدي عالفولون...نحكي مع روحي"يزي زياد يزي...شبيك تخمم فيها لهدرجة...شكون هي باش حارق مخك على خاطرها...ما راهي كيفها كيف غيرها"شديت الفران بالقاوي...و نزلت...قطرات المطر لي نازلين بردوني شوية...اما فرد وقت فكروني فيها...في اكا ليلة...لتوا مزلت نحس بيها و برعشتها...و خوفها و نظرتها و برشا حاجات اخرى حسيتها منجمش نوصفها...كبست على يدي و طلعت راسي...خذيت نفس و زوز و ثلاثة نهدي في روحي...نحب نخرجها من مخي و كهو...و لا مرة تحطيت في موقف...نوصل اني نخمم في طفلة لهدرجة...كنت نقول البعد احسن شي...اما من نهار واحد كهو صرا فيا هذا الكل...قد ما حاولت نبعدها عليا...لقيت روحي في جرتها...اما مستحيل...نوصل نستسلم لجرد احساس...مستحيل نوصل نخلط بين الخدمة و حياتي...اصلا كان نقرب خطوة اخرى منها...باش يطيح كلشي في الما...و نخسر كلشي...و انا مستحيل نرجع لتالي...و سوار مسألة وقت...و باش توفا وقت توفا اللعبة...كهو لي لازم نقنع بيه روحي توا و لا مبعد...خذيت نفس حليت الباب و دخلت...طيشت الفاست عالفوتاي...و ترميت عليه...تكيت راسي...و سكرت عينيا...احسن شي باش نرتح مخي معاد نفكر في حتى شي...حتى فيها معادش باش نخممم...نحب نرتاح و كهو
سوار تحكي:
فقت الصباح...نحل في عينيا بالسيف...رميت يدي هزيت تليفوني...لقيتها 8 متاع صباح...نطرت من بلاصتي جيت واقفة...ياسر تأخرت...حليت القارد روب...جبدت شورت في gris متاع سبور...و خلعة بروتال معاه في الروز..لبست الفاست متاعي من فوق...هزيت صاكي متاع سبور...و نزلت اللوطة...نجري...لقاتني خالتي راضية لوطة تحكي
راضية:دنيز شبيك تجري عالصباح
انا:ياسر تأخرت خالتي
راضية:ايجا تفطر مبعد امشي على روحك
انا:والله ما نجم...اصلا تأخرت برشا...8 كان لازم نكون غادي
راضية:اسبوعين و انت تمشي في الوقت شيصير كان تأخرت شوية
انا:برشا حاجات...هاني باش نهز زيتونة في خاطرك...و امان خلي طاولة كيما راهي...تو نجي نقضي علاها
راضية:هههههه باهي رد بالك على روحك
انا:باهي خالتي عيشك
بستها من خدها...و خرجت لبرا...لقيت عم فاتح البرا..حلي باب الكرهبة...صبحت عليه و ركبت من تالي...نزلت البلار...خذيت نفس من النسمة الباردة...اسبوعين تعداو...مشفتوش...و مسمعتش صوتو...بعد اخر مكالمة بينا...توحشتو عاللخر...توحشت صوتو...نحب نشوفو و كهو...اسبوعين و انا نستنا فيه و نستناه يكلمني حتى بالغالط اما شي...حتى انا محاولتش نكلمو...كل مرة نوصل باش نكلمو...نرجع في اخر لحظة...باز شايخ...و مجيتش على بالو جملة...تي حتى كي تبدا حاجة تخص الخدمة...يبعثلي ايمايل و لا ميساج...تي ميسألش عليا جملة...كبست على تليفوني في يدي...منحبش نضعف...منحبش نفكر فيه اكثر...منحبش نبكي في جرتو...ميستهلش...و اصلا اللي قاعدة نخمم فيه ميجيش جملة...فقت كيف عم فاتح راكا الكرهبة...هزيت صاكي و نزلت...طلعت راسي نغزر لنادي...خذيت نفس و دخلت...من اسبوعين و انا نجي لهوني...عمري ما عملت سبور في نادي...اما المرة هاذي سيبسيال برشا...المرة هاذي فما ياسر عبد القادر...عرفت لهو يجي لهوني برشا...اما شفتو مرتين كهو و من بعيد...لا حكيت معاه و لا قربت منو...يمكن ملقيتش الفرصة المناسبة...كيما زادة متأكدة لهو شافني ديجا...اما مقربش مني جملة...دوب دخلت...جات عيني عليه...يجري و يزيد في الفيتاس و فرد وقت حط كيت...حطيت صاكي...و نحيت الفاست...جاب ربي الماشين لي بحذاه فارغة...حطيت تليفوني...و زدت في الفيتاس...مغزرتلوش جملة...منعرفش كيف باش نحكي معاه...و لا كيف نتقرب منو...خاطر نعرف لي مستحيل يحكي معايا هو...و كان نقرب منو انا...باش يشك فياش...منعرفش قداش تعدا وقت...تي تقطع فيا نفس...و هو بدا قبلي و لتوا لا حبس...السخطة هذا...انا اكاكا...و نشوف في تليفوني ينوقز...عينيا وساعت و نقرا في اسم زياد...مستحيل هو...تي يكلم فيا بالحق بعد اسبوعين...نقصت الفيتاس شوية...و هزيت تليفون في يدي...قلبي يخض بالقاوي باش يخرج...جيت باش ننزل...بلا ما نوقفها...اصلا دخلت بعضي و معادش نعدل جملة...نشوف مع نومرو...و في مخي الف سؤال...رميت ساقي في الفراغ...زلقت لتالي...شديت بيدي...حسيت بوجيعة في الجرح...خاصة و لتوا مببراش بالقدا...سكرت عينيا بالقاوي...نكتم في صياحي...تكيت عالماشين...نتنفس بالقاوي...تليفون طاح من يدي...و باقي زياد يطلب...حاولت نقوم اما شي...شي الوجيعة...و شي من تفكيري مع تليفوني...حاولت نقوم.ظظاما منجمتش...يدي توجع و ساقي معادش نحس بيها...بقيت نتنفس بالقاوي...قص عليا صوت...صوت سمعتو من قبل...اما متوقعتش لهو باش يحكي معايا
ياسر:مدموزال لباس
هزيت راسي نغزرلو...و دموعي سايي باش ينزلو...هزيتلو براسي لا...اصلا حشمت من الوقعة قدامو...نزل عندي...جا وجهي مع وجهو...تبسملي يحكي
ياسر:تحب نعاونك
هزيتلو براسي ايه...وقف و عطاني يدو...هزيت يدي متردة...حطيتها في يدو...قلبي دق بالوقت كبس على يدي و قومني...جبدني عندو...جيت في حملتو...دوب عفست على ساقي...كبست على يدو اكثر منجمتش نحطها عالارض...نزل راسو غزرلي يحكي
ياسر:تنجم تمشي ياخي
طلعت راسي غزرتلو و هزيتلو براسي لا...كبشت فيه اكثر...بعد عليا شوية...و نزل حملني...عينيا وساعو...متوقعتش لهو باش يعملها...شديت في مريولو...و باقي نشوف معاه...مزيان عاللخر...خاصة لون عينيه لي في الاخضر...تحسو ياسر غامض...اما مش قد الغموض لعند اكا سخطة....فقت من سرحتي كي حطني عالكرسي...تكيت لتالي...نشوف في واحد هاز بوات فرماسي و جاي شيرتي...عرفت لهو طبيب متاع نادي...قرب مني...عملي شاف ساقي و عملي بونداج..نزلت بسنيا على شفتي لوطانية...باش منوجعش برشا...دوب كملي...هزلو ياسر براسو باش يخرج...بعد عليا و خرج...نزل راسو يشوف معايا و يحكي
ياسر:لباس توا ارتحت
هزيتلو براسي ايه...منعرفش شبيني منجمتش نحكي معاه...و زادة تفكيري...مع زياد...مش مصدقة لهو كلمني اليوم...حسيت بيدي تنزف...حليتها شوية نشوف معاها...قلبي دق بالقاوي...زح تعدا اسبوعين عالجرح...زح من جرد وقعة تفتح...دخلت بعضي..و معرفتش شنعمل...نسمع في يحكي
ياسر:يااخي تجرحت توا انت
هزيتلو براسي لا...و طرشقت بالبكا...منعرفش شبيني...اصلا دخلت بعضي...و معاد يهمني في شي...اكثر حد نحب عليه توا هو زياد...نحب نحضنو...نحضنو و نرتاح عندو كهو...هزيت يدي نمسح في دموعي..نشوف في ياسر قعد بحذايا...و هز معقم قطن من بوات فرماسي لي خلاها طبيب...حط يدو على يدي...ينقيلي في الجرح...سكرت عينيا بالقاوي...ياسر تحرق...دوب كمل حطلي فاصمة...حليت عينيا نشوف مع يدي...نسمع فيه يحكي
ياسر:رد بالك على روحك مرة جاية...ميجيش تسرح اكاكا
هزيتلو براسي ايه...عدا يدو على شعرو و كمل يحكي
ياسر:تحب نوصلك
انا:هأة...مرسي برشا...تو نكلم شوفور يجيني
ياسر:تعرف تحكي...ستخايلت معندكش صوت
كنت نمسح في دموعي...ضحكت بالوقت...تبسملي...و هز روحو وقف
ياسر:كان تحب نوصلك في طريقي...متظطرش تبقى تستنا هوني
كنت باش نرفض...اما مفماش فرصة احسن من هاذي اني نتقرب منو...رجعت هزيتلو براسي ايه...قرب مني عاوني وقفت...نمشي بالسيف...هز الفاست متاعي عاوني فيها لبستها...و نزل هزلي تليفوني...حطهولي في يدي...تبسمتلو نحكي
انا:عيشك
ياسر:هيا برك سايس روحك
هزيتلو براسي ايه...بقا شادني و يسايس فيا...لين وصلنا للكرهبة...عاوني ركبت و سكر الباب...نوقز تليفوني في يدي...لقيتو زياد...قلبي دق بالقاوي...دوب شفت ياسر باش يركب...علقت عليه...منعرفش حتى كيف عملتها...و حطيت تليفوني عالصامت...هكا احسن اصلا في جرتو صرا فيا هذا الكل...بقينا طول الثنية ساكتين...وريتو البلاصة...اول ما وصلنا ركا الكرهبة بحذا دار و غزرلي يحكي
ياسر:لباس توا
انا:ممم مرسسي برشا تعبتك معايا
ياسر:ما صار شي خلينا ننزلو
انا:باهي عيشك
نزل من الكرهبة...و قرب مني عاوني نزلت...دوب شافني عم فاتح...جا يجري...شدني من يدي...غزرت لياسر نحكي
انا:هوكا عم فاتح باش يعاوني ندخل مرسي برشا
ياسر:من غير مزية
انا:تفضل تشرب قهوة
ياسر:مرة اخرى مدموزال
انا:دنييز
ياسر:و انا ياسر
هزيت يدي قربتها منو صافحتو و تبسمتلو نحكي
انا:متشرفين ياسر و مرسي مرة اخرى
ياسر:عيشك رد بالك على روحك
انا:باهي عيشك
بقيت نشوف معاه لين رجع للكرهبة...شاورتلو بيدي...و استندت على عم فاتح...وصلني لدار...اول ما شافتني خالتي راضية شدت في راسها...تحكي
راضية:شبيك دنيز شبي عزيزتي
انا:شي خالتي طحت
راضية:مليحة ياخي
انا:ممم طمن
راضية:متأكدة
انا:والله مليحة يا خالتي
راضية:ايجا برك
عاونتني دخلت لصالة قعدت عالفوتاي ركحتلي المخدة ورا ظهري...و غزرتلي تحكي
راضية:ارتاح تو نرجعلك
انا:باهي
دوب خرجت نسمع في الباب ينوقز بالقاوي باش يتخلع عقدت حواجبي و تكيت لتالي منجمتش نتحرك من بلاصتي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 37
طبست راسي...و كبست عالمخدة ورايا...قلبي يخض بالقاوي...و نفس تسكر عليا...و انا نشم في ريحة برفانتو لسابقاتو ...مش مصدقة لهو هوني...لي سمعت صوتو...سكرت عينيا و رجعت فتحتهم...منجمتش نغزرلو...منعرفش كيف باش نطلع في عينيه...بعد اليمات اللي تعداو الكل...و بعد اللي صار اليوم...حسيت بدني ترخف كيف سمعت صوتو صياحو في الصالة
زياد:سوااار
كبست على المخدة اكثر...نحب نخبي خوفي منو و توتري زادة...خاطر نعرف لباش يقلبها على راسي...خاطر علقت عليه...طلعت راسي شوية شوية غزرتلو...نشوف معاه...عديت عينيا على وجهو الكل...قداش توحشتو...و توحشت طلتو...حتى من عينيه لي حمر من الغش معدلتش عليهم...كل لي يهمني لانا شفتو و كهو...تي حتى كي كان يحكي ما سمعت منو حتى كلمة...نحب نبقى نغزرلو...نحب نشبع منو...حتى هوما اسبوعين...لا شفتو و لا سمعت صوتو...فيقني من سرحتي كيف رجع يصيح اكثر
زياد:سووااار نحكي مع ¤¤¤
تكيت لتالي...خذيت نفس...و طلعت راسي غزرتلو...رغم الوحش اللي داخلي الكل...رغم اني نحب نقوم و نحضنو و نعاتبو...اما اللي نعرفو الحاجات هذوما مش من حقي...مش من حقي حتى نتغشش منو...عوجت فمي شوية...و تنهدت نحكي
انا:شبيك تصيح ياخي شفما
عقد حواجبو...حسيتو على آخرو و باش يطرشق...ضرب الفازة بيدو جات عالارض...و غزرلي يحكي و يصيح
زيااد:سوااار نلعب مع ¤¤¤ انا فاش كنت تعمل مع ياسر و كيف وصلتلو حل فمك
كبست بيديا الزوز على طرف الفوتاي...سكرت عينيا من الوجيعة لي حسيتها في ساقي و يدي...وقفت بالسيف...و غزرتلو نحكي
انا:مش هذا لي تحب عليه انت...مش قتلي ضحية ثانية باش تكون ياسر...و اعرف كيف تتقرب منو...هاني عملت بنصيحتك...شبيك تصيح عليا
قرب مني بالزربة...شدني من يدي...غرس صوابعو في زندي يحكي
زياد: ملا قتلي نصيحتي...انا شخبرتك اخر مرة اه...مش قتلك معادش تعمل شي من راسك...مش قتلك ما تعمل حتى شي بلا ما تخبرني...حل فمك تراه وين حطيت كلامي...يااخي مخك هذا شفيه الداخل
يحكي و يضرب فيا بصبعو على راسي...كبست على سنيا...غلبوني دموعي...و شدتني الغصة...اما شديت روحي...طلعت راسي...غزرتلو و قحرتلو فرد وقت...قلبي نحسو باش يخرج من بقعتو...خاصة و هو واقف قدامي و قريب مني لهدرجة...حاولت نجبد يدي...و نحكي
انا:سيبني...عملت لي كان لازم يتعمل توا و لا مبعد
كبس عليا اكثر...و دزني لتالي...طحت عالفوتاي...شديت بيدي...حسيت الجرح انفتح مرة اخرى...و ساقي معادش نحس بيها...طلعت راسي غزرتلو...هز صبعو في وجهي و يصيح فرد وقت
زياد:¤¤¤¤¤ مع الراجل...و تقولي عملت لي لازم يتعمل...تو نورمال انت لابسة هكا و محضناتو...ناقص كان يدخل لدار معاك...فاش قام حتى يوصلك هو...مش انا حاطلك شوفور...علاش حاط ¤¤¤ انا اه حل جلغتك...حل ¤¤ فمك كيما مستانسة احكي...و اكثر من هكا تعلق عليا في جرة ¤¤¤¤¤ هذاكا....لباس في مخك انتي...حل فمك
صياحو واصل لاخر نهج...حسيتو مش قد بعضو...اما زادة معندوش الحق يحاسبني...هزيت روحي شوية...كتمت وجيعتي...و غزرتلو بغش نحكي
انا:عملت شي غالط انا...مش هاذي خدمتي...نركح الرجال لانت تختارهم...و اهم شي توصل لي تحب عليه مش هكا...المهم توصل لي حاجتك بيه...و انا كان نوصل لسريرهم ميهمكش
عالكلمة هذيكا...قرب مني اكثر...نزل عليا...حط يدو على وجهي...كبس عليه...و غزرلي ندرا كيف يحكي
زياد:فمك هذا باش نهدو كان مزلت نسمع ¤¤¤ الكلام هذا منك
جبدت وجهي من يدو...و غزرتلو...قحرتلو قحرة موت نحكي
انا:علاااش مش انا مستانسة ملا شفاها...مش اهم شي تاخو لي حاجتك بيك...و اللعبة هكا و لا هكا باش توفا
نفخ بالقاوي...و عدا يدو على وجهو بعصب...و نزل راسو غزرلي يحكي
زيااد:ملا قتلي مستانسة
انا:مش هذا كلامك
زياد:باهي ايجا معايا ملا
نزل عليا...شدني من يدي...وقفني بالقاوي...حطيت يدي على يدو...نحاول نجبد في روحي و نحكي فرد وقت
انا:زيياد سيبني فاش تعمل
زياد:مش انت مستانسة...ملا خليني نجربك قبلهم شرايك
عينيا وساعو من كلامو...الدم جمد في عروقي...و قلبي دق بالقاوي...طلعت راسي غزرتلو...نحس الكلام هرب مني...مش مصدقة لي سمعتو...و لا هو قال هكا...بقيت نشوف معاه...فيقني من سرحتي...كي جبدني ليه...ضربت في صدرو...حاولت نجبد روحي منو و نحكي فرد وقت
انا:سييبني فاش تحكي انت
زياد:شنوة مش هذا لي تحب عليه انت...ملا هيا
انا:زياااااد سيبني نقلك...ما نجي معاك لحتى بلاصة
زياد:علاش شنوة زايد فيه هو
انا:ياخي هبلت انت سيبني زياااد
كبس عليا اكثر...قربني منو...حاولت ندزو بيدي منجمتش وجعتني عاللخر...طلعت راسي غزرتلو...هز يدو حطها على شعري...يبعد فيه لتالي و يحكي
زياد:شنوووة خفت...كي انت مش قد كلامك...علاش تحل في فمك
انا:سيبني
حسيت بدني رخف...منعرفش شبيني...قوتي الكل طاحت في الما من كلامو...متوقعتش لهو يوصل باش يحكي معايا هكا...يوصل يخليني لعبة بينو و بين معارفو...غزرتلو بحقد...و انا نحاول نجبد في يدي منو...نزلت يدي لاخرى خاطر شفت الجرح لبدا ينزف و الدم خرج من الفاصمة...و ساقي معادش نجم ناقف علاها...اما باقية شادة روحي قدامو...و منحبش نضعف اكثر...منحبش نبكي...يزي لي شفتو و سمعتو منو...بقيت نجبد في يدي منو...منحبش نفكر لهو قال كلامو بالحق...نعرفو مينجمش يعملها فيا...ساقي وجعتني اكثر...حتى ظهري من تالي...نحسو مقسوم على زوز...غزرلي من فوق للوطة...دوب شاف حالتي...رخف يدو على يدي...و عداها على وجهو بالزربة...جبدت روحي منو...وخرت لتالي بالسيف...خطوة نعملها بطلوع روح...استندت بيدي على حرف الفوتاي..و تلفت نشوف معاه...قحرتلو نحكي
انا:ياسر عاوني باش جيت...خاطر طحت في صالة...مش كيما سيادتك فهمت...و مش انا لي نخلط حياتي الشخصية بخدمتي باهي
قرب مني خطوة...هزني و حطني ورجع غزرلي يحكي
زياد:اليوم تعدات...اخر مرة تعمل شي بلا ما تخبرني...و حكاية ياسر مش باش تتعدا بالساهل...و تفوريخ و ¤¤¤¤¤ متاعك زادة مش باش يتعدا...مش معناه كي خليتك وحدك هوني في بالك باش تكون على راحتك...تحركاتك الكل نعرفهم...و نادي هذاكا تنساه من اليوم
انا:فاش قام حتى ننساه...لقيت راحتي...و بخلاف هذا خدمتي غديكا...معنديش وين نتلقى ياسر بخلاف نادي
زياد:سوااار متنرفزنيش اسمع ¤¤ الكلام خليني رايض...مكانش تشوف شنعمل فيك
انا:محسوب خوفتني
زياد:سوااار
انا:دنييز مش سوااار
زياد:مش ناوية تسكرو فمك هذاكا
انا:لا
قرب مني خطوة..كان قدامي...غزرلي في عينيا يحكي
زياد:باهي يا سوار باهي
طبست راسي...دخلت بعضي من قربو...جيت باش نحكي...اما قص عليا...كيف بعد عليا قحرلي و خرج من صالة...دوب خرج...نزلت دمعتي بالوقت...هزيت يدي مسحتها...و خالطت عليه...الخطوة نعملها بالسيف...دوب وصلت لباب...سمعت باب برا خبط بالقاوي...لين تهزيت و تحطيت في بلاصتي...كملت مشيت لدروج و قعدت...حطيت راسي بين يديا..و طرشقت بالبكا...مخيبو زح...ياخي اسبوعين مشفتوش...و كي جا سمعني هذا الكل...اما مش باش تتعدالو بالساهل...مخيبو زح قداش كرهتو...تي كان وحدة من اكا المسبوعات لي يعرفهم..ميوصلش يحكي معاها هكا...تي لتوا قلبي مزال يدق بالقاوي...و بدني يرقل من كلامو...ياخي كيف يوصل يقولي اكاكا...كيف يحب يستغلني كيفهم...كبست على يدي اكثر...لين حسيت الجرح تفتح الكل...نحب نصيح و نكسر الدنيا الكل مفماش نرتاح..اما بدني مطاوعنيش و منجمتش ناقف...دموع لي خبيتهم منو...خانوني و نزلو وحدهم...نزلو من وجعية بدني و روحي فرد وقت...كهو نحب نبكي و نرتاح
زياد يحكي:
حليت باب الكرهبة...ورجعت سكرتها بغزول...نحس في العصب ماكني من راسي لساقي...استندت بيديا عالكرهبة...نحاوا نهدي روحي...منعرفش شبيني هبلت علاها...اما لتوا كلامها ميحبش يدخل في مخي...لا و اكثر من هكا تزيد ¤¤¤¤¤ مع ¤¤¤¤ متاع وذني...سكرت عينيا و رجعت فتحتهم...هزيت يديا زوز عديتهم على وجهي و شعري بغزول...نفخت بالقاوي...عرفت روحي كثرتلها...و محقنيش نحكي معاها...اصلا منعرفش كيف خليتها في الحالة هذيكا و خرجت...تي حتى كي قربتلها حسيت برعشتها و بدنها سخون يحرق...ضربت يدي في الكرهبة بغزول...منجمتش نمشي و نخليها...حطيت يدي نفركس على مفاتح دار...اصلا قبيل...من الغزول لي ركبني...منجمتش نفتح الباب وحدي...دوب لقيتو...رجعت لدار...اول ما دورت المفتاح...و حليت الباب...خذيت نفس و دخلت...كنت باش نرجع لصالة...اما رجعت لتالي...كيف سمعت صوت شهقاتها لي جايين من دروج...وخرت خطوة نشوف معاها...قاعدة في الدرجة الثانية و حاطة راسها بين يديها...قلبي عصر عليا...كبست على البونية متاعي...نهدي في روحي...منعرفش شبيني منحبش نشوفها في الحالة هاذي...قربت منها...خذيت نفس...و قعدت بحذاها...هزيت يدي متردد...حطيتها على شعرها...نعدي فيها و نحكي
انا:سواار
طلعت راسها شوية غزرلي...وجها احمر باش يطرشق...تي غرقت وسط دموعها...مكنتش نتوقع باش نلقاها هكا...هزت يدها عداتها تحت خشمها و خدها...ضحكتني بالفازة...ضيقت عينيها تحكي بالسيف
سوار؛ع علاش رجعت انت
تبسمت على جنب...هزيت يدي...نعدي فيها على خدودها...نمسح في دموعها و نحكي فرد وقت
انا:شبيك تبكي...و علاش قاعدة هوني انت
سوار:شيهمك انت...وين نقعد...باش ناخو رايك زادة...و لا نسيت شي مقلتوش قبيل
بقيت نشوف معاها...كيف قاعدة تحكي بغش...بغصة متاع بكا...و تقحرلي فرد وقت...تبسمت على جنب...و نزلت بيدي لشفافها...عديت صباعي عليهم نحكي
انا:شششش وفاات...قولي شبيك تبكي انتي
سوار:ش شي...نحب نبكي و كهو
انا:باهي شرايك تطلع لبيتك توا
سوار:منحبش...شيهمك فيا انت...برا على روحك
انا:طرد فيا ياخي
سوار:ممم منحبش نبقى معاك
انا:صار طرد فيا من داري
انا:هأة مش دارك...متسكنش هوني انت
انا:ممم هاني باش ننقل ملا...و نشوفو اذا باش طردني
سوار:منحبش
طلعت راسها غزرتلي ندرا كيف...باقي دموعها ينزلو..و تتغوصر نفخت بالقاوي نحكي
انا:باهي كيما تحب...اما شبيك مزلت تبكي
سوار:قتلك شي
انا:سواار حل فمك...متنرفزنيش
سوار:تي شيهمك انت...برا على روحك
انا:سوااار
تنرفزت عاللخر...حاولت نهدي روحي قد ما نجم...دوب صحت عليه...طابست راسها تحكي
سوار:يدي توجع فيا
عقدت حواجبي...و قربت منها شوية...جبدت يدها...كبست علاها...حسيتها توجعت اكثر...حطت يدها على يدي...تحب تفك يدها...جبدتها عندي اكثر...جات في حملتي...هزيت يدي لاخرى...دورتها عليها كبست علاها اكثر...نزلت شوية...نشم في ريحة شعرها...قلبي دق بالقاوي...توحشتها الفرخة...تبسمت نحكي
انا:سواار حل يدك
سوار:هأة سيبني منحبش
انا:تحلها و لا نخليك تحلها بطريقتي
حلتها في يدي...شوية شوية..عيني وساعت و انا نشوف في الفاصمة كلها دم...رخفت يدي...عقدت حاوجبي وجبدتها من عندي شوية نحكي
انا:شبيك تنزف...مش على اساس بريت منها
سوار؛ط طحت علاها
انا:بالطبيعة باش طيح علاها...خاطرك مركزة مع ¤¤¤¤¤ متاع ياسر...تستهل ملا
جبدت يدها مني بالقاوي...و طلعت راسها غزرتلي...جا وجها مع وجهي...بحكم قريبة مني...قحرتلي تحكي
سوار:طحت على جالك انت مش هو
انا:شنننوة كنت معاك انا...¤¤¤¤¤ ياخي
سوار:خاطرك كلمتني...كنت باش نهز عليك...اما لعبت بيا الماشين و طحت...و ياسر عاوني...كهو لي صار...ارتحت توا...سيبني...ميهمكش فيا
نفخت بالقاوي...ورجعت كبست على يدها...نحكي
انا:سكر ¤¤ فمك و هيا قدامي توا
سوار:منحبش نجي معاك
سكرت عينيا ورجعت فتحتهم...هزيت يدي حطيتها على خدها...نعدي فيها و نحكي
انا:باهي...شرايك نشوفلك الجرح
سوار:لا خليه ينزف تو يحبس وحدو
انا:صاار كي هكا...تو نرجعك للكلينيك و يغرزولك من جديد
سوار:مينجموش
انا:ممم نسيت لانت خبرة عليا...اما كان باش تبقى هكا تو تزيد عليك
سوار:ماك قتلي تستهل...ملا شيهمك فيا
انا:باهي سامحني يا لالة...منقصدش...هيا توا
سوار:مش باش توجعني
انا:متخافش
تبسمتلها...و هزيت روحي وقفت...شفتها وقفت بالسيف...تتغوصر...حطت يدها على يدي و تلفتت باش تطلع...عقدت حواجبي نحكي
انا:شبيك زادة
سوار:سااقي توجع فيا
انا:زادة
سوار:ممم طحت علاها
جبدت يدها من يدي...توازن في روحها...خذيت نفس و قربت منها عاللخر...وقفت وراها...دوب تلفتتلي شوية...نزلت علاها...حملتها بين يديا...كبشت في سوريتي بيدها...جيت باش نمشي لصالة...كبشت فيا اكثر...و غزرتلي تحكي
سوار:نحب نمشي لبيتي
هزيتلها براسي ايه...كبست علاها في يدي اكثر...حطت راسها على صدري...حسيت بيها قداش تاعبة...و مهدودة...و كملت علاها بيدي...اصلا لتوا منعرفش كيف نجمت نتحكم في اعصابي لتوا...بالعادة نقلب دنيا...اما كل مرة نوصل ليها...قوتي طيح في الما...لتوا منعرفش علاش تأثر فيا...اول ما وصلت لفوق...دورت عينيا عالبيوت...اخر بيت بابها مفتوح...عرفتها بيتها...خاطر ديما تخليها مفتوحة...دخلت و قربت من السرير...حطيتها...شفتها كيف كبست على يدها...باقي تبكي...دخلت لبيت البانو...نفركس على بوات فرماسي...جاب ربي لقيتها...هزيتها في يدي..ورجعتلها...قعدت بحذاها...قربت يدي باش نشدها...وخرت يدها لتالي...طمنتها بعينيا...رجعت قربتها مني...دوب حطيتلها معقم...جبدت يدها شوية...كبست علاها نحكي
انا:ششش اركح
سوار:تحرق
انا:حتى هو الجرح تفتح برشا...ياخي علاش مشافكش طبيب متاع نادي
سوار:مشفهاش...اما ياسر حطلي معقم..و
قصيت علاها...كيف كبست على يدها...وطلعت راسي غزرتلها نحكي
انا:هوكا ظاهر اموركم مريقلة مع بعض
سوار:هأة...مزال شوية...منعرفوش بالقدا...تو مع الوقت نستانس بيه
انا:فاش قام
سوار:مش هذا لي لازم يصير
انا:لااا مش هذا...لي نقول عليه انا هو لي لازم يصير
سوار:باهي و شنوة لي لازم يصير
انا:تو كي يلحق الوقت تعرف
سوار:باهي
انا:رد بالك تحكي معاه...بلا ما تخبرني
سوار:باهي طمن
قحرتلها...عوجت فمها...و طابست راسها تغزر ليدها...هزيت بونداج...لفيتو على يدها نحكي
انا:متكبسش علاها باهي
هزتلي براسها باهي...هزيت البوات في يدي ووقفت نحكي
انا:ارتاح توا
سوار؛باش تمشي
انا:ممم عندي خدمة
سوار:باهي
لفتت وجها...تسطحت عالسرير بالسيف...و عطاتني بظهرها..جيت باش نحكي معاها...قص عليا صوت تليفوني...جبدتو نشوف معاه...لقيتو ادم يطلب...عقدت حواجبي...حطيت البوات و خرجت من البيت هزيت عليه نحكي
انا:وي ادم شفما
ادم:علاش لازم فما شي باش نكلم خويا الغالي
انا:هات من تالي
ادم:ههههه زايد ساقط
انا: تعلمت منك
ادم:و انا تعلمت من توفيق
انا:ههههه كان يسمع بيك...يشدك شهر بالهدرة
ادم:ههههه ماو هو قالي كلم اكا الهامل
انا:هههه علاش شفما
ادم:بخصوص الحفلة متاع ¤¤¤
انا:اما حفلة بالظبط
ادم:جمع تبرعات و لا ندرا شنية...قال لي لازم نكونو فما...خاطر برشا من معارفو باش يكونو في الحفلة
انا:وي وي ذكرتها...نظن مزال شوية
ادم:ايه نعرف...اما باش نحطك في الصورة...رد بالك تسافر و لا تختفي كي عادتك...و الا المرة هاذي توفيق مش باش يعديهالنا بالساهل
انا:متقوليش بركا باش تكون حفلة مملة كي العادة نعرفهم الحفلات هذوما راني
ادم:لااا المرة هاذي باش تكون مختلفة انت ايجا و مش باش تندم
انا:ههههه هيا باهي
ادم:ياخي وينك انت
تلفت...نشوف معاها باقي مسطحة...تبسمت على جنب...خذيت نفس نحكي
انا:مع الخدمة
ادم:مزال واحل في صفقة متاع توفيق
انا:لا مع الصفقة الجديدة راني...و باش نهبل منها
ادم:سايس على روحك مزلت نحتاجك
انا:ههههه برا ¤¤¤¤ مشغول توا
ادم:هيا باهي مبعد
انا:اوكي
علقت عليه...ورجعت تليفون للفاست...دخلت عندها...قربت منها...لقيتها غاطسة في نوم...لحقت ترقد...نزلت علاها شوية...حطيت يدي على وجها...معندهاش سخانة...قعدت على طرف السرير هزيتها شوية...نحيتلها الفاست حطيتها على جنب...كبست على سنيا و انا نشوف في الخلعة متاعها...محبيتش نفكر لهي كانت هكا قدامو...تي حتى من شورت...دوب غطا لازم في لازم...رجعتها لتالي...بقيت نشوف معاها...هزيت يدي نبعد في شعرها...منعرفش شبيني...الفرخة دخلتني في حيط...اول مرة نوصل نخمم في طفلة لهدرجة...فكرتني صغري...تبسمت على جنب...عديت يدي على شعري...تي حتى ميرال لي فايت اربع سنين نعرفها...موصلتش خممت فيها لهدرجة...رجعتلها شعرها لتالي...باش ميقلقهاش...و هزيت روحي وقفت...جبدت مخدة..حطيتها تحت ساقها ياسر منتفخة...تي كان في بالي لابال تفجعها لهدرجة...مكنتش كلمتها...اما حكاية ياسر محبتش تركح في مخي...نعرفو...و نعرف انو كي يوصل يحط عينو على طفلة...مش باش يركح لين تكون بين يديه...صحيح اللعبة بدات و مستحيل نجم نوقفها...اما زادة منحبش نخليها تكون الخاسرة و سط الحرب هاذي...من شيرة خاطرني وعدتها...اما من شيرة اخرى فما شي داخلي يمنع فيا حتى نخليها تقرب خطوة منهم...شي داخلي يقول لانا غلطت خاطر خليت طفلة صغيرة وسط لعبة كبيرة...مستحيل حد يضمن فيها حياتو...و مزال برشا باش ترجع كيما حبيتها انا...و لا انا لي قاعد نرجع فيها لتالي منعرفش...راسي كبس عليا...نفخت بالقاوي...بقيت نشوف معاها...كيف ذكرت صباح...ركبني العصب من اول و جديد...خذيت نفس نهدي في روحي...قربت منها غطيتها...عديت يدي على شعرها...و هزيت روحي خرجت من البيت...نزلت لصالة...منجمتش نروح و نخليها...مطاوعنيش قلبي نخليها في الحالة هاذي...اصلا اول مرة نوصل نتلها بحد لهدرجة...طلبت قهوة من راضية...و جبدت تليفوني...كلمت نادي...طلب فيديوات متاع كاميرات المراقبة لي غادي...في اقرب وقت...صحيح لي نعرف لهي غي نادي هذاكا...كيما زادة نعرف لياسر زادة غادي...في نفس النادي...اما مجاش لبالي لي الفرخة توصل تحكي معاه...و يزيد يوصلها لهوني...تي غبت شوية قلبت الدنيا...تي نتفكر الصباح..يركبني العصب منها و تسخفني فرد وقت...مكنتش نعرف لحالتها هكا...اصلا جاب ربي رجعت و حكيت معاها...مكانش نبقى نهار الكل نرحي في الغزول وحدي...دوب جابتلي القهوة...خبرتها تحضرلها فطورها...خذيت رشفة...و تكيت راسي لتالي...سكرت عينيا...لتوا باقي صورتها بين عينييا...و هي تبكي...تي قد ما تسخفني و تفددني...ضحكني وقت تبدا اكاكا...ساعات نحسها صغيرة...اما وسط هذا الكل...وقت نغزرلها...نعرف وجيعتها و نظرتها لدنيا...لي عاشتو مش قليل...ووقت فقدت امها...يمكن باش تكون اكبر و اخر صدمة في حياتها...نعرفها الخسارة هاذي بالقدا...عشتها بتفاصيلها و انا ما نعرف شي من دنيا...حادثة شفتها بالقدا...قد ما وجعتني...قد ما قواتني...و خلاتني نحقد عالكل حتى على روحي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 38
حسيت بحركة خفيفة...هزيت روحي...خرجت من صالة...نشوف مع راضية...هازة صينة في يدها...عرفتها طالعة عندها...غزرتلي و تبسمتلي...هزيتلها براسي ايه...دوب طلعت...خالطت علاها..طلعت وراها...اول ما وصلنا الفوق نسمع فيها تعيط
سواار:خاالتتي راضية تي وينك جعت برشااا راني
شدني ضحك...تلفتتلي راضية تشوف معايا...عملتلها بيدي جاست باش تسكت...هزتلي براسها باهي...و كملت دخلت...قربت من الباب وقفت نسمع فيها تحكي
سوار:ياااا مرسسسي عزيزتي والله باش نموت من الجوع
راضية:بالشفا على بنتي...هيا كول باش تقوا و ترجع كيما الاول
سوار:عيشك خالتي...صحيح اكا السخطة مزال هوني
راضية:شكون
سوار:تي الهامل متاع زياد
تبسمت على جنب...و نزلت على شفتي بغزول...صار عقاب عمري...فرخة قدها تقولي هامل...خذيت نفس...و دخلت...قصيت عليهم نحكي
انا:لا مزلت هوني
طلعت راسها غزرتلي مصدومة...حطيت يديا في مكاتبي نشوف معاها...دورت راسي شوية...غزرت لراضية...تبسمت على جنب...و هزت روحها خرجت...قربت شوية منها...وقفت قريب لسرير...نشوف معاها...حاطة صينية على حجرها...الخلعة يدها طايحة...شعرها داخل بعضو...طلعت حاجبي...نهز فيها و نحط...و نحكي معاها فرد وقت
انا:ملا سخطة و هامل
نزلت على شفتها لوطانية بسنانها...و طبست راسها شوية...تحرك في المغرفة داخل الصحن...محبيتش نوترها اكثر...تنهدت نحكي
انا:ارتحت شوية
سوار:ممم
انا:باهي ملا شبيك متحبش تاكول...صياحك وصل لاخر نهج خاطرك جعت
سوار:تو ناكول
انا:باهي سايس روحك...انا هاني باش نمشي توا...و كان احتجت شي كلمني
مرجعتليش...باقي مطابسة راسها...عطيتها بظهري و جيت باش نمشي...اما وقفتني...كيف سمعتها شهقت...تلفت بالزربة...نشوف معاها كابسة على يدها...عقدت حواجبي...و قربت منها شوية نحكي
انا:شبيك شفما
سوار:ش شي تنجم تمشي انت
قربت منها اكثر...نزلت علاها شوية...هزيت صينية من يدها...حطيتها عالتابل دونوي...وقعدت على طرف سرير بحذاها...هزيت يدي شديتها من يدها...طلعت راسها شوية غزرتلي...هزيت يدي لاخرى...حطيتها على خدها رجعت شعرها لتالي نحكي
انا:مش قتلك منكبسش علاها..علاش متسمعس كلام انت...شبيه راسك كاسح لهدرجة يا فرخة
سوار:مانيش فرخة
تبسمت على جنب...و نزلت بيدي لرقبتها...حسيت برعشتها...غزرتلي ندرا كيف...خذيت نفس نحكي
انا:ياخي مش باش تركح انت
سوار:شعملت زادة
انا:شو كي باقي تحل في فمها
سوار:باش نحلو...شمدخلك فيا انت
انا:تو نعرف كيف نسكرو
سوار:خوفتني...كيف باش تسكرو بربي
جبدت يدي من تحت رقبتها و قربت صوابعي نعدي فيهم على شفافها و نحكي فرد وقت
انا:مش قتلك معادش تخدم مخك معايا
سوار؛و الا باش تعمل
انا:برشا حاجات...متنجمش تخمم فيهم فرخة كيفك
سوار:مانيش فرخة انت ها
سكتت قبل ما تكمل كلمتها...ضيقت عينيا...و غزرتلها نحكي
انا:شنوة
سوار:شي اصلا منحبش نحكي معاك...مش كانت باش تمشي...شبيك قاعد معايا انت
انا:تحبني نمشي انت
بقات تشوف معايا...حسيت نظرتها ضايعة..بيت نعدي في صوابعي على وجها...نستنى فيها تحكي...دوب جات تتكلم...قص عليا صوت تليفوني...عقدت حواجبي...و جبدت يدي منها...خرجتو من الفاست...لقيتها ميرال تطلب...رصيت على سنيا مش وقتها جملة...علقت علاها و جيت باش نحكي معاها...رجعت طلبتني...جيت باش نعلق وقفتني تحكي
سوار؛هز علاها...ميجيش راهو
طلعت راسي غزرتلها..لقيتها مركزة مع تليفون...علقت علاها...ورجعتو في الفاست...جيت باش نحكي معاها...دورت وجها...عديت يدي على شعري بغزول...و نفخت بالقاوي...منعرفش علاش فديت من الفازة...هزيت يدي حطيتها على وجها...كبست علاها و دورتها ليا...نزلت عينيها متحبش تغزرلي...كبست على وجها اكثر...و قحرتلها نحكي
انا:سواار حل فمك
سوار:شنوة
انا:تحبني نمشي
جبدت روحها لتالي...باقي تشوف معايا...غزرت لمكتوبي وين حطيت تليفون تحكي
سوار:ميجيش تخليها تستنى اكثر
قربت منها عاللخر...هزيت يدي حطيتها ورا راسها...جبدتها عندي...كبست علاها...و هزيت يدي لاخرى حطيتها على خدها نعدي فيها و نحكي
انا:سألتك انت جاوبني
سوار:شكون لي كلماتك
انا:شيهمك فيها انت
سوار:هكا نحب نعرف
تبسمت على جنب...و قربتها ليا اكثر حطيت خشمي على خشمها نحكي
انا:و انت شيعرفك انو طفلة لي كلمتني
سوار:باش تمشي عندها
انا:تحبني نمشي انت
سوار:ممم
انا:متأكدة...تحب تبقى وحدك
سوار:ستانست...ماك نسيتني من قبل
انا:ششش
سوار:كنت عندها مش هكا
انا:لا كنت في داري
سوار:وين دارك
انا:ياخي تحقق معايا يا فرخة
سوار:انت زادة...حققت معايا خاطر جيت مع ياسر
انا:مش قتلك معادش تجبدو.. شبي ¤¤¤ متفهمش
سوار:علاش...شيهمك انت
انا:مزلت تحل في فمك
سوار:ممم باش نحكي...و باش نحكي معاه و ع
قصيت علاها...كيف نزلت على شفتها لوطانية...عضيتها بغل...جبدت روحها مني...و هزت يدها حطتها على فمها...عينيها زغلو...و غزرتلي بغش...تحكي بالسيف
سوار:ت تعرف كان تعض انت
انا:علاش تحب جرب شي اخر
سوار:هامل
انا:زيد عاودها تراه...تشوف شنعمل فيك
سوار:ها
دوب قربت منها شوية سكتت...هزيت يدي حطيتها على يدها نزلتها من فمها نشوف مع تراص العضة...تبسمت نحكي
انا:شفت شيصير فيك كي تخدم مخك معايا
سوار:معادش تعضني باهي...برا عضها هي
شدني ضحك...كيف قاعدة تحكي...و تقحرلي...قربت منها...حطيت يدي عالسرير...حاوطتها...نحكي
انا:صار تحبني نمشي عندها
سوار:تستنى فيك هيا
انا:باهي هاني باش عندها
سوار:شكون
انا:لي تحكي علاها انت
سوار:زينة مش هكا
انا:لا...احلى منها
سوار:باهي...انا جعت نحب ناكول
انا:ممم باهي باش نخليك توا
سوار:ممم ميجيش طول علاها
انا:بالطبيعة
قحرتلي...و عدلت روحها شوية...رمات يدها لتابل دونوي...تحب تهز صينية...هزيت يدي شديتها من يدها رجعتها لتالي...نحكي
انا:شبيك تتحرك برشا
سوار:جعت و نحب ناكول...و انت برا اتفرهد على روحك...ميجيش ضيع وقتك مع وحدة هاملة...و
قصيت علاها...كيف كبست على يدها نحكي و نصيح
انا:سواااار ياخي فاش تحكي انت
سوار:مش صحيح ياخي...انا هكا...حتى انت حبيت جربني...مش هذا كلامك متاع صباح...انا وحدة هاملة و ساقطة...مش هذا لي قصدتو انت
تحكي بوجيعة و تغزرلي...كبست على يدي...و نفخت بالقاوي...هزيت يدي لاخرى دورتها على ظهرها جبدتها عندي...حطت راسها على صدري...هزيت يدي حطيتها على شعرها نعدي في و نحكي فرد وقت
انا:منقصدش لي قلتو قبيل...لحظة غش و كهو...و الا منحكيش معاك اكاكا...و مستحيل نفكر نحط عليك يدي
سوار:علاش متفكرش...خاطرني مش كيفهم
انا:ممم انت مش كيفهم...و عمرك مش باش تكون كيفهم
سوار:يعني انا خايبة لهدرجة
تبسمت على جنب. عرفت وين هزها مخها...كبست علاها اكثر...و نزلت علاها شوية نحكي
انا:ششش...سوار...انت عمرك ما كنت كيفهم...انت هوني في خدمة...و حد ما عندو الحق يقرب منك و يحط يدو عليك من غير رضايتك...و حد ما ينجم يأذيك...نحبك ديما تبقى قوية...و طول ما انا عايش...باش تبقى في حمايتي لين توفا المهمة هاذي بالكل
سوار: وقت توفا المهمة هاذي معادش باش نتلقاو جملة مش هكا
انا:منعرفش
سوار:باش تنساني وقتها
سكت...جيست كبست علاها...منعرفش شباش نقلها...تي انا لروحي معنديش جواب...منحبش ندخلها في حيط معايا...جيست نحبها تبقى عندي و كهو...نحب نرتاح...منحب نفكر في حتى شي...كان اني شفتها بعد اسبوعين...تي الفرخة هبلتني...معادش نعرف وين انا بالظبط...عمري ما وصلت تصرفت مع طفلة هكا...انا شملزني نخدم الفروخ معايا يا ربي ناقص انا...ناقص باش نوحل في شي...مش وقتو جملة...تي في حضني ما جات شي...حتى نفسها لي كان قوي وقت قربتلها...هدا...و ترخفت في يدي...بقيت نعدي في يدي شعرها...منعرفش قداش تعدا وقت اكاكا...فيقتني من سرحتي...تحكي و باقي في حضني
سوار؛زيااد
انا:مممم
سوار:جعت برشا راهو
شدني ضحك..جبدتها من عندي شوية...رجعتلها شعرها لتالي نحكي
انا:مممم باقي تخمم في كرشك...ظاهر برد خلي نخبر راضية تو تبدلهولك
سوار؛لا متعبهاش...خليها ترتاح...تو ناكلو ميسالش
انا:باهي
جبدت روحي منها وقفت...هزيت صينية...حطيتها في حجرها...و رجعت لتالي...نشوف فيها تاكول...قص علينا صوت تليفوني...مرة اخرى...طلعت راسها غزرتلي...رميت عيني...لقيتو واحد من رجالي...هزيت عليه نحكي
انا:شفما
هو:مسيو زياااد...لازم جي فيسع
انا:شصار
هو:ميرال
انا:شباها ميرال
هو:فما شكون خطفها...و طلب يحكي معاك شخصياا
انا:شننننوووة شكون ينجم يعمل هكا
هو:منعرفش اما ظاهر اللي خطفها يحب منك شي
انا:الا ما نقتلو ¤¤¤¤¤ بيدي
هو:احنا حاولنا نسجلو مكالماتو...و بلاصتو مش بعيدة برشا
انا:باهي باهي خلوكم عالخط...انا باش نحاول نوصللها...و كان يفكر يمسها الا ما نقتلو بيدي
هو:بااهي مسيو
علقت عليه...لقيتها باقي تغزر فيا...ضيقت عينيها تحكي
سوار:زيياد شفما ياخي
غفلة...و ندرا شباش يصير...و لا كيف باش توفا الحكاية
حرقت الكياس...شوية وقت كنت قدام دارها...نزلت من الكرهبة...طلعت نجري...لقيت الباب مفتوح...كملت دزيتو و دخلت...دورت عينيا عالبلاصة...مفما حتى اثار كان المرايا مكسرة...و المخايد متاع الفوتاي طايحين عالارض...عديت يدي على شعري بغزول...يعني عالحكاية صحيحة...نشوف في تليفونها طايح عالارض...نزلت هزيتو في يدي...اخر مرة كلمتني انا...كبست عليه بغزول...كان هزيت علاها وقتها...باز راني لحقتها...عديت يدي على شعري بالزربة نهدي في روحي...جيت باش نخرج...وقفني صوت تليفونها...ينوقز في يدي...عقدت حواجبي و انا نشوف معاه...هزيت عليه...و قربتو من وذني نسمع فيه يحكي
هو:زياد...زيااد و لا تحب نقلك الشيطان
كبست على يدي...نحس في عروقي تكبست...رصيت على سنيا نحكي
انا:هات من تالي
هو:كي عادتك...مش باش تتغير...اما تعرف طلعت لعبة حلوة معاك...اما مش باش نطولوها المرة هاذي...انا حاجتي بالسندات مقابل القطة الروجية
انا:ههههه لهدرجة خايف من المناقصة انت
هو:و انت لهدرجة متهمكش قطوستك...تي حتى هي مزينها وتعدي روحها...و باش تخليني نعدي ليبة محلاها...مش هكا يا عسلة
ميرال:نزل يدددك يا ¤¤¤¤
سمعتها...من تليفون كيف صاحت...كبست على سنيا نحكي
انا:هاني باش نطمنك...السندات عند ادم...و انت يا سيد لعبت مع الشخص الغالط...حضرلي روحك باهي
علقت عليه...و هزيت روحي خرجت من دار...ناقصني الفروخ باش تلعب معايا...هزيت كرهبتي و كلمت رجالي...عطيتهم نومرو لي كلموني بيه....نحكي و نصيح باش نطرشق...تي ¤¤¤¤¤ منجموش عليه...ناقص انا باش نلتها بيه...وصلت للمقر...اول واحد جا في طريقي...شديتو من سوريتو نحكي
انا:ياخي نورماال ¤¤¤¤ كيما هذاكا متنجموش عليه...مش نبهتكم تراقبوه...و تخلوه تحت عينكم...كان ¤¤¤¤ كيما هذا منجمتوش عليه شخليتو للباقي
هو:مسيو زياد ميرال اخر حد توقعنا يقرب منو هو ميرال...و هي طلبت ما نحطو علاها حتى مراقبة
انا:مش وقت تفسيرك توا...باش تلقاو بلاصتو فيسع...فهمتو
هو:باهي
دزيتو لتالي شوية...و دخلت للبيرو...عديت نص النهار غادي نفركس على حاجة توصلني ليه...فديت و روحي طلعت...نطرت من بلاصتي جيت واقف...تركزت بيديا عالبيرو...رميت كلشي عالارض...نتنفس بالقاوي...قص عليا صوت واحد من رجالي كي دخل يحكي
هو:مسيو زياد لقينا بلاصتها
تعدلت في وقفتي و تلفتلو غزرتلو نحكي
انا:وينها
هو:مستودع في ¤¤¤¤ فما كانت اخر مكالمة
انا:الهامل...¤¤¤¤¤لحق يبعدها...هاني باش نسبقكم و حد ما يقرب و لا يدخل بلا ما نعطيه اشارة مفهوم
هو:باهي
هزيت سلاحي...و مفاتحي...و خرجت...حرقت الكياس باش وصلت لغادي...البلاصة هادية عاللخر...ركيت الكرهبة على جنب بعيدة شوية...تلفت ورايا لقيتهم دسجا وصلو...شاورتلهم بيدي و قربت اكثر من المستودع...نشوف معاهم من الشق لي في الباب...اكثر من ست رجال الداخل...و هو معاهم...واقف بحذا ميرال لرابطها في الكرسي...ركبني العصب اكثر...دزيت الباب و دخلت...الكل حط سلاحو في وجهي...غزرلي يحكي
هو:اوووه زياااد عندنا...شنوة المفاجأة هاذي هاك فيسع لقيتنا
ميرال:زياااد قلو يفكني الهم هذا
انا:هذا حدك انت...تسترجل على طفلة
هو:هههههه لا عاد بدينا في تطياح القدر...هات سندات و خوذ قطوستك
انا:زايد ¤¤¤¤¤ و و ميواتيكش لعب مع الكبار
هو:صار ملا خليني نشيخو شوية قبل ما نسفر بروحك انت و هي
تبسمت على جنب...شفتو قرب منها...حط يدو على خدها نزل بيها على رقبتها...لين وصل لروب...قطعها...صاحت عليه تحكي
ميرال:سيييبني يا هامل...يا ¤¤¤¤ زياااد قلو يبعدني
كبست عالزناد في يدي...جات رصاصة بين ساقيه...وخر لتالي شوية...يشوف معايا...تبسمت على جنب...صوت رصاصة كان كافي باش يخلي رجالي يدخلو...جبد سلاحو حطو على راسها يحكي
هو:لحد هوني و كهو يا زياد...هات سندات و لا نقتلها
ميرال:زياااد امانك
انا:باهي يعني كي تاخو سندات باش تربح في صفقة
هو:عالاقل نثبت روحي في سوق كيفك و كيف خوك الهامل
انا:مممم كهو لي تحب عليه ملا...جرد صفقة منجمتش تاخذها كيما رجال
هو:على اساس انت و خوك رجال
عاللكلمة...ظغطت على زناد...جات رصاصة في يدو...نطر سلاحو لتالي...قربت منو بالزربة...ضربتو ببونية جبت عالارض...و نزلت عليه بالضرب نحكي
انا:قتلك لعبت مع الشخص الغالط...حط في مخك هذا لانا مش راجل اعمال و تاجر مخدرات كهو...الحكاية اكبر من انك تنجم تستخايلها فهمت...انا برافو عليك...لحقت ضيعلي نهار كامل
هزيت روحي وقفت...بعدت عليه...نغزرلو و نصيح
انا:هزوووه من وجهي
خذيت نفس و قربت من ميرال...لقيتها ديجا داخت...استغربت...مش من عادتها تي حتى في المواقف هذوما تبدا قوية و ما تخاف من شي...نزلت عليها فكيتها...طاحت عليا...حاوطتها بيدي...جات في حملتي...تحكي بالسيف
ميرال:ز زياد...هزني للكلينيك امانك...راني باش نخسر ولدي
كلامها...خلا دم يجمد في عروقي...ميرااال حبلة...شبيني مافيباليش شبيها مخبرتنيش من قبل...توا فهمت تصرفاتها بالقدا...جبدتها لتالي شوية...جيت نحكي معاها...لقيتها ديجا داخت...نزلت راسي شوية...نشوف في دم نازل بين ساقيها...بقيت نشوف معاها شوية...كاني نحب نستوعب لي قاعد يصير...خذيت نفس...رجعتها لتالي...نحيت الفاست متاعي حطيتها علاها و نزلت حملتها بين يديا للكرهبة...منعرفش قداش تعدا وقت و انا نسوق...كل شوية نغزرلها...لتوا مش مصدق لي سمعتو منها...منعرفش اصلا كيف وصلت للكلينيك...نزلت و رجعت حملتها...فكها من يدي...ترميت عالكرسي...تكيت لتالي...لتوا مخي مقبلش الحكاية...ميراال حبلة...و باز حبلة بولدي...عمري ما جربتو شعور هذا...عمري ما فكرت انو باش نجيب صغار و نكون بو...و من ميرال زادة...و هي اكثر وحدة تعرف كبيعة علاقتي معاها...منعرفش قداش تعدا وقت اكاكا...سرحت في تفكيري...قص عليا صوت الدكتور يحكي
الدكتور:مسيو زياد انت لي جيت مع المريضة لهوني
هزيتلو براسي ايه...و هزيت روحي وقفت...نسمع فيه يحكي
الدكتور:حبسنا النزيف اما
انا:اما شنية
الدكتور:للاسف هي خسرت الصغير...الصدمة كانت قوية علاها...هي باش تبقى عندنا يومين اخرى...لين نطمنو على صحتها و لازمك تتلها بيها بالقدا
انا:باهي
معرفتش نفرح و لا نحزن...رغم كلشي...تحرك شي صغير داخلي...تبسمت بوجيعة و قربت من بيتها...حليت الباب و دخلت...لقيتها مزالت راقدة...وجها اصفر عاللخر...قربت منها شوية هزيت يدي عديتها على خدها...ميرال بلاصتها سبيسيال...صحيح عرفتها في خدمتي...اما اربع سنين لي تعداو كانت قريبة مني برشا...بدات تحل في عينيها شوية شوية...تحكي بين شفافها
ميرال:و ولدي ولدي
قعدت بحذاها عالكرسي...شديتها من يدها...كبست علاها نحكي
انا:ميرال تسمع فيا ياخي
ميرال:ز زياد ولدي بخير
انا:ميرال صراحة
ميرال:فهمت
سكرت عينيهت بالقاوي و نزلو دموعها فرد وقت كبست على يدها نحكي
انا:علاش مخبرتنيش
دورت وجها شوية...غزرتلي...ندرا كيف...تحكي بالسيف
ميرال:كنت باش تخليني نجيبو لدنيا...ماك كنت ديما تقول خوذ احتياطاتك...منجمتش نزلو...شي اقوى مني يا زياد...هو ولدي كيما هو ولدك...معطانيش قلبي...نقتلو...منجمتش نعملها زياد
هزيت يدي حطيتها على خدها نمسح في دموعها...سخفتني عاللخر...خذيت نفس نحكي
انا:ششش يزي...وفاات توا
ميرال:باش يوفا كلشي مش هكا...معادش باش تغزرلي و تقرب مني
انا:مش وقتو الكلام هذا نحبك تشد روحك فيسع باش نخرجو من هوني
ميرال:اوعدني باش تبقى معايا مهما صار
بقيت نشوف معاها...منعرفش شنوة باش نقلها...عمري ما توقعت نشوفها في الحالة هاذي...نزلت علاها اكثر..بستها من راسها...بوسة مرصوصة...ورجعت لتالي...هزيت يدي نعدي فيها على طرف وجها نحكي
انا:ما تفكر في حتى شي توا باهي...شي مش باش يتبدل...هيا فيسع شد روحك باش نخرجو من هوني
ميرال:باهي
كبست على يدي اكثر و سكرت عينيها...بقيت نشوف معاها لين حسيتها هدات و رقدت...تكيت لتالي...نشوف معاها...منعرفش كيف تعدا نهار هذا...اصلا نحس في راسي باش يطرشق...معاد نحب نخمم في حتى شي...جيست نرتاح و كهو
سوار تحكي:
يومين تعداو...يومين لا رجع و لا سمعت صوتو...مرة كهو في حياتي نحب نفهمو...بعد الي صار اخر مرة متوقعتش...اللي هو باش يرجع نساني...تي محاولش حتى يكلمي...يطمن عليا...تي حالتي كانت تسخف...يومين عديتهم غارقة في التفكير...فقت الصباح مروهجة...ساقي تحسنت على اخر مرة...هزيت روحي دخلت لبيت البانو ريقلت اموري...وخرجت بدلت دبشي...هزيت تليفوني...متردة...بين اني نكلمو و لا لا...يمكن لي صار شي كبير...على هذاكا خرج بلا ما يقول حتى كلمة...كومبوزيت نومروه و كلمتو..قلبي يدق بالقاوي باش يحبس شوية و هز عليا خذيت نفس نحكي
انا:زيااد
زياد:وي سوار لباس
انا:لباس عيشك و انت
زياد:مليح
انا:باهي
زياد:تحب شي...علاش كلمتني
انا:اه...هأة انا كلمتك خاطر...كلمتك على خاطر
زياد:على خاطر شنوة
خذيت نفس و جيت باش نسألو شنوة صاير معاه...اما قص عليا صوت طفلة تحكي معاه
ميرال:زياد امانك عاوني نسكر روبة
زياد:باهي ميرال اتو
قلبي دق بالقاوي تسكر عليا نفس من اللي سمعتو فيقني من سرحتي يحكي معايا
زياد:باش نعلق توا مبعد نحكو
مرجعتش عليه نزلت تليفون من وذني و قربت قعدت عالفوتاي نرجع في نفس منحبش نصدق لي سمعتو جملة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 39
نحس في قلبي يدق بالقاوي...باش ياقف...لتوا صوتها يتعاود في وذني...منجمتش نصدق لهو مع وحدة اخرى...لانا منهموش لهدرجة...لدرجة ميكلمنيش و يطمن عليا...و كلشي صرا عليا في جرتو...منعرفش شكون لي كانت معاه...اما كل لي عرفتو...انو هي مهمة عندو برشا...تي من كلمة كهو علق عليا...و انا لكنت باش نموت و نعرف احوالو...سكرت عينيا بالقاوي...نزلت دمعة منهم...هزيت يدي بالزربة مسحتها...و حليت عينيا نحكي مع روحي"مش لازم دموع هذوما...يزي فيق مع روحك سوار...انت قاعدة تغلط...قاعدة تغرق بالشوية و مش حاسة على روحك...انت و زياد ثنية مسكرة...امتى باش تقتنع انت...امتى باش تقتنع لهو عندو حياتو و مش لاهي بيك...تي ظاهر شكون في حياتو...و انتي باش تبقى تبكي على الاطلال...امتى باش تفيق مع روحك يا سوار...انت هوني على خاطر خدمتك كهو...انت هوني باش تكون دنيز مش سوار...فهمت...فيق مع روحك"حطيت يديا زوز على وجهي...ورجعت شعري لتالي...نطرت من بلاصتي جيت واقفة...قربت من القارد روب...فتحتو...نشوف مع دبش...بقيت نفرت فيه...لبست روب فلوري فوق الركبة...و كونفارس بيضة...خليت شعري مسيب كالعادة...حطيت مسكارا...و قلوس...هزيت صاكي و تليفوني...و نزلت اللوطة...بست خالتي راضية...و خرجت...جاني عم فاتح...فتحلي الكرهبة...وقفتو نحكي
انا:نحب نمشي وحدي
فاتح:اما زياد وصاني نهزك و نجيبك
انا:هاني كلمتو انا...و زادة نحب نمشي شوية و نبدل جو
فاتح:باهي رد بالك على روحك...و كان احتجتني كلمني نجيك
انا:باهي عيشك عمي
هزيت روحي...خرجت من دار...اول مرة نخرج على ساقيا من وقت جيت هوني...حسيت روحي تفرهدت شوية...منعرفش قداش تعدا وقت و انا نمشي...تفكيري نحسو بعيد برشا...الاحداث الكل لي تعدات عليا من اول نهار شفت زياد لليوم...تتعاود في مخي...كلشي خرجت بيه انو كل مرة نضعف وقت يبدا معايا...كل مرة قوتي طيح و انا في حملتو...كان فما شي يفسر هذا...هو انو انا نحبو...منعرفش اذا الكلمة هاذي صحيحة و لا لا..اما مفماش تفسير اخر...كل يوم و كل ليلة...قاعدة نفكر فيه...رغم كلشي صار و باش يصير قاعدة نحب فيه...اما هو شعملي بالمقابل...شي...كل مرة يقرب مني خطوة...يرجع لتالي بعشرة...كل مرة يتعمد يجرحني...تي حتى كي يطلب سماح...يرجع يجرحني اكثر من الاول...تي ساعات نوصل نعيف بدني...و نكره روحي في جرتو...قعدت على اول كرسي عارضني...نشوف مع البحر...سرحت فيه...و في الناس لي متعدية...تي كنت وحدة منهم...و كانت حياتي عادية عاللخر...اما بين ليلة و نهار حياتي تقلبت...خسرت شرفي..خسرت امي و خويا...منعرفش اصلا وين انا...تي منعرفش لا انا مع المافيا و لا مع الشرطة...كلشي لازم نعملو...اني نكون طعم للرجال ليختارهم سيادتو...اما في اخر لحظة انا لي نصطادهم...نسمة لي ضربتني على وجهي...هداتني...قص عليا صوت من تالي...صوت نعرفو و سامعاتو من قبل
ياسر:نجم نقعد
طلعت راسي نشوف معاه...لابس شورت...و فاست متاع سبور...شاد في يدو دبوزة ما...ظاهر كان يجري...تبسمتلو نحكي
انا:ممم بالطبيعة تفضل
تبسملي وقعد قدامي...تكا لتالي...و غزرلي يحكي
ياسر:لباس عليك
انا:ممم كنت نحب نشركك...اما منجمتش تجي لنادي...مرسي برشا
ياسر:ما عملت شي المهم انك ارتحت
انا:عيششك
ياسر:ايه مكنتش نعرف لانت تحب تقعد هوني
انا:و انا مكنتش نعرف لانت تعمل سبور برا زادة
ياسر:ممم يمكن خاطر فديت وحدي
انا:شمعنى
ياسر:شي...مش مهم المعنى
انا:ههههه باهي..تو نرتاح نرجع ياخي مش باش يفكولي بلاصتي
ياسر:لا طمن...شكون ينجم يفكها
انا:عيشك
ياسر:ايه شرايك في قهوة
انا:توا
ياسر:مممم
انا:اما
ياسر:مش باش ترفض
انا:اما باش تكون على حسابي
ياسر:اما انا لي عرضتك
انا:مممم و انت باش تعتبرها رد دين خاطرك عاونتني اكا نهار
ياسر:باهي...حتى انا عندي برشا معرضني حد
انا:ههههه باهي هيا ملا
هزيت روحي وقفت عدلت الروب...سبقتو...بخطوات...وقفني يحكي
ياسر:مش على اساس باش نمشو مع بعض
تبسمت على جنب و تلفتلو...غزرتلو...نمشي لتالي و نحكي
انا:ممم صحيح...هيا فيسع
ياسر:هاك بريت فيسع
انا:ايه ساقي تحسنت برشا
ياسر:ممم ملا كي هكا باش ترجع
انا:بالطبيعة
ياسر:هيا باهي و توا على اي كافي راح تهزني
انا:مممم انت باش تهزني خاطر منعرفهمش
ياسر:يعني
انا:يعني معشتش هوني برشا...امي و بابا عايشين في امريكا...و انا فديت من العيشة غادي...حبيت نشد الخدمة لي هوني فترة مبعد نرجع
ياسر:ممم مش مزلت صغيرة عالخدمة
انا:ممم يمكن...اما توا نحب نجرب كلشي...نحب نعيش حياتي كيما نختارها...ما نحب حتى حد يدخل في قرارتي...و انت
ياسر:مممم حياتي شوية معقدة
انا:كيف
ياسر:يعني الخدمة مش ساهل الحد يلعب بيها...و معنديش وقت نجرب حاجات جديدة...كيفك
انا:مممم يعني حياتك مملة عاللخر
ياسر:هههههه تنجم تقول ايه
انا:يوووو مش باهي راهو...بلزم الواحد يجرب حاجات جديدة
ياسر:ممم هاني قاعد نتعلم منك
انا:ممم باهي...ياخي وين باش نمشو توا
ياسر:هوكا كرهبتي
انا:مممم نحب نمشو على ساقينا احسن
ياسر:انا معنديش مشكلة...اما تنجم تكبس على ساقك اكثر
انا:منعرفش اصلا توجع فيا هي...اما باز فما كافي قريب من هوني
ياسر:ملا خلينا نمشو بالكرهبة
انا:باهي
قربت من الكرهبة ركبت...ركب بحذايا...حسيت روحي تفرهدت...اصلا نسيت لانا معاه على خاطر لعبة و لا خدمة...جيست نحب ننسى و كهو...عدينا الثنية نحكو...محسيتش بالوقت...كيف وصلنا...نزلت من الكرهبة...كافي محلاه مطرف...قرب مني يحكي
ياسر:اول مرة ندخل لكافي بالدبش هذا
انا:ههههه شفت كي قتلك لازمك جرب حاجات جديدة
ياسر:هههه هاني نجرب فيهم من اول يوم
انا:هههههه هيا ملا
دخلنا مع بعض طلب قهوة...و حاجات خفيفة معاها...تي حتى انا خرجت من غير فطور...فطرنا مع بعض...صحيح قاعدة نحكي معاه...اما نحس في تفكيري بعيد برشا...منعرفش قداش تعدا وقت...غزرتلو نحكي
انا:ياخي متخدمش اليوم
ياسر:لا اليوم عطلة
انا:بالحق
ياسر:مممم تحب نمشو لشي بلاصة
انا:منعرفش...اما نحب نمشي شوية...نحب نتعرف عالبلايص هوني
ياسر:هيا ملا
انا:و كرهبتك
ياسر:مبعد نرجعو ليها
انا:باهي لحظة
جيت باش نخلص...شفتو يضحك...ضيقت عينيا نحكي
انا:شفما
ياسر:شي هيا برك
انا:باهي اتو
حطيت الفلوس عالطاولة...و خرجت خالط عليا و باقي يضحك...تلفتلو نحكي
انا:ممم ياخي شصار شبيك من صباح و انت تضحك
ياسر:خاطر الكافي تابعتني
انا:صار
ياسر؛مممم
انا:و انا نقول شبيه يمكن القهوة اثرت على مخو
ياسر:ههههه هيا برك
انا:غشيتني راك
ياسر:اما هوكا خلصنا حق الكافي
انا:باهي باهي هيا برك
ياسر:ههههه باهي
عدينا نهار الكل برا...مكنتش نعرف لورا وجهو المكبوس...حد دمو خفيف لهدرجة...تي بالحق تفرهدت و نسيت اللي صار...و لا حاولت نتناسى...تي حتى من الفطور فطرنا برا...منعرفش كيف تعدا علينا النهار...اصلا متوقعتش اني باش نتلقاه صدفة و نعدي معاه النهار الكل...رجعنا للكرهبة...حسيت روحي تعبت من المشية و ساقي وجعتني شوية...رجعني لدار...اول ما ركا الكرهبة...فكيت الحزام و تلفتلو نحكي
انا:مرسسي برشا
ياسر:ما عملت شي
انا:عيشك
جيت باش ننزل...اما وقفني...كيف حاول ينطق اسمي
ياسر:مممم ا..ا
انا:دنيز
ياسر:هههه و انا ياسر
انا:ريت بعد النهار لي تعدا الكل باش عرفنا اسموات بعضنا
ياسر:باش نعتبرها صدفة حلوة
انا:عيشك
ياسر:ملا صحاب
انا:بالطبيعة
ياسر:نشوفك غدوة
انا:مممم باش نكون في النادي
ياسر:هيا باهي
انا:باي
ياسر:باي
تبسمتلو...و نزلت من الكرهبة...شاورتلو بيدي...و تلفت باش نمشي...جات عيني على كرهبتو...مراكيها على جنب و يشوف معايا...تبسمت على جنب...تي فاش قام حتى يجي توا...اصلا اللي صار صباح لتوا مزال في راسي...خذيت نفس...هديت روحي...كبست على صاكي...دزيت الباب بيدي و دخلت...حلت خالتي راضية...قبل ما ندق...غزرتلي تحكي
راضية:وين كنت يا بنتي شبيك لتوا
انا:علاش خالتي شفما
راضية:زياد من بكري هوني...و كي كلمك و مهزيتش عليه...رجع بهدلنا الكل...جاب ربي مشى على روحو
انا:ياخي شيستخايل في روحو...و ممشاش هوكا برا...و تو يجي
راضية:دنيز عيش بنتي تعرف طبعو خايب...حاول تسايسو
انا:خالتي...لي تجمعني بيه خدمة كهو...و شي اخر مفماش علاش يحل فمو فيه...انا باش نطلع لبيتي...كان جا خليه يستنا لوطة...ناخو دوش و نجيه
راضية:باهي لي يريحك
انا:عيشك
هزيت روحي طلعت بالزربة...صحيح بقيت شادة روحي اما نحس في قلبي باش يخرج من بقعتو...من شيرة توحشتو عاللخر و من شيرة مغزلة و مغشة منو...و في شيرتين معنديش الحق لا في الاولى و لا في الثانية
دخلت لبيتي...رميت صاكي عالفوتاي...نحيت الكونفارس...و قربت من الكوافوز...جبدت شعري على جنب...دورت يدي نحاول نحل في الروب...نحب نلهي روحي و منفكرش لانا شفتو توا...انا اكاكا...و نشوف في الباب تحلت بقوة...دورت راسي غزرتلو...قلبي دق بالوقت...واقف يشوف معايا...وجهو مكبوس...ملامحو باردة...مستغربتهاش منو...كنت نعرف لهو باش يخالط عليا...جمعت قوتي الكل...لي نجم نخبي بيها خوفي...غزرتلو في عينيه...تبسمت على جنب...نحكي
انا:جيت في وقتك تنجم تحلي الروب
بقا يشوف معايا...منعرفش كيف نجمت نقول الجملة هاذي...اما حسيت انو حتى هو استغربها مني...خاطر ما قال حتى كلمة...خذيت نفس و قربت منو وقفت قدامو...و تلفت عطيتو بظهري...جبدت شعري على جنب...نستنا فيه يفتحها...قلبي نحسو باش يخرج من بقعتو...اصلا منعرفش شبيني نتصرف معاه هكا...اما كل لي نعرفو...انو هو لازم يشوف دنيز مش سوار...دنيز لهو خلقها فيا...بالوقت لكنت متوقعة باش يحط يدو و يفتح الروب...سمعتو يحكي
زياد:شكنت تعمل معاه
صوتو خرج مكبوس...خلا بدني يرقل بالوقت...تنهدت...مشيت خطوة و تلفتلو نشوف معاه...عوجت فمي شوية...نحكي
انا:يهمك برشا تعرف
مستنيتوش يحكي...عطيتو بظهري...و مشيت للكوافاز...نفركس على شكال باش نلم شعري...نسمع فيه يحكي
زياد:سواار حل ¤¤ فمك شكنت تعمل معاه
هزيت شكال في يدي و تلفتلو...نشوف معاه...هزيت شعري نلم فيه و نحكي
انا:معملنا حتى شي سبيسيال جيست خرجنا مع بعض و بدلنا جو
جبد يديه من مكاتبو...عدا يدو على وجهو بالزربة...و قرب خطوتين يحكي
زياد:ملا بدلت جو
انا:ممم
زياد:¤¤¤¤¤ معاه و تقولي بدلت جو
تبسمتلو...و عطيتو بظهري..مشيت للقارد روب حليتها...و نحكي فرد وقت
انا:ياخي شبيك معصب لهدرجة...عملت شي غالط انا
نحكي و نجبد في دبش...نحط فيهم عالسرير...نحاول نخبي توتري منو...
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 40
دخلت لبيتي...رميت صاكي عالفوتاي...نحيت الكونفارس...و قربت من الكوافوز...جبدت شعري على جنب...دورت يدي نحاول نحل في الروب...نحب نلهي روحي و منفكرش لانا شفتو توا...انا اكاكا...و نشوف في الباب تحلت بقوة...دورت راسي غزرتلو...قلبي دق بالوقت...واقف يشوف معايا...وجهو مكبوس...ملامحو باردة...مستغربتهاش منو...كنت نعرف لهو باش يخالط عليا...جمعت قوتي الكل...لي نجم نخبي بيها خوفي...غزرتلو في عينيه...تبسمت على جنب...نحكي
انا:جيت في وقتك تنجم تحلي الروب
بقا يشوف معايا...منعرفش كيف نجمت نقول الجملة هاذي...اما حسيت انو حتى هو استغربها مني...خاطر ما قال حتى كلمة...خذيت نفس و قربت منو وقفت قدامو...و تلفت عطيتو بظهري...جبدت شعري على جنب...نستنا فيه يفتحها...قلبي نحسو باش يخرج من بقعتو...اصلا منعرفش شبيني نتصرف معاه هكا...اما كل لي نعرفو...انو هو لازم يشوف دنيز مش سوار...دنيز لهو خلقها فيا...بالوقت لكنت متوقعة باش يحط يدو و يفتح الروب...سمعتو يحكي
زياد:شكنت تعمل معاه
صوتو خرج مكبوس...خلا بدني يرقل بالوقت...تنهدت...مشيت خطوة و تلفتلو نشوف معاه...عوجت فمي شوية...نحكي
انا:يهمك برشا تعرف
مستنيتوش يحكي...عطيتو بظهري...و مشيت للكوافاز...نفركس على شكال باش نلم شعري...نسمع فيه يحكي
زياد:سواار حل ¤¤ فمك شكنت تعمل معاه
هزيت شكال في يدي و تلفتلو...نشوف معاه...هزيت شعري نلم فيه و نحكي
انا:معملنا حتى شي سبيسيال جيست خرجنا مع بعض و بدلنا جو
جبد يديه من مكاتبو...عدا يدو على وجهو بالزربة...و قرب خطوتين يحكي
زياد:ملا بدلت جو
انا:ممم
زياد:¤¤¤¤¤ معاه و تقولي بدلت جو
تبسمتلو...و عطيتو بظهري..مشيت للقارد روب حليتها...و نحكي فرد وقت
انا:ياخي شبيك معصب لهدرجة...عملت شي غالط انا
نحكي و نجبد في دبش...نحط فيهم عالسرير...نحاول نخبي توتري منو...اول ما سكرت بابا القارد روب...و تلفت ضربت في صدرو...لحق ياقف قدامي..قطع عليا نفس بجهامتو...طلعت راسي نشوف معاه...قحرلي يحكي
زياد: سوار تحل ¤¤ فمك...مكانش تشوف شنعمل فيك
عوجت فمي شوية...و تكيت عالقارد روب...نحب نجبد روحي منو...غزرتلو نحكي
انا:هاني خبرتك شعملنا..شتحب نخبرك زادة
عقد حواجبو...وجهو تكبس...هز يدو ضربها عالقارد روب بقوة...لين حسيتها تهدت ورايا...طلعت راسو غزرلي...رجع ضرب يدو...يحكي و يصيح
زياد:¤¤¤¤¤¤ بيا ياخي...نلعب معاك راني...والله كان متحلش فمك فهالليلة الكلبة
انا:شتعمل
زياد:سواار متركبهاليش...وين لقيتو ¤¤¤¤ هذاكا..مش وصيتك انا...مش قتلك ما تعمل حتى شي بلا ما تخبرني
هزيت يديا الزوز...شديتو من الفاست متاعو...كبست علاها...و طلعت شوية عندو...غزرتلو في عينيه نحكي
انا:ملا قتلي مخبرتكش...باهي
رخفت يديا شوية...و نزلت...بعدت عليه شوية...و جيت باش نجلد روحي منو...شدني من يدي...كبس عليا ورجعني تحتو...حصرني مع القارد روب يحكي..و يرص على سنانو...يحاول يهدي روحو
زياد:حل ¤¤ فمك شبيك مخبرتنيش
حاولت نجبد يدي منو...و نحكي فرد وقت
انا:والله يا سي زياد انا كلمتك صباح كان تتذكر...اما ظاهر كنت مشغول و مش لاهي باش تسمعني..على هذاكا مش مشكلتي
رخف يدو على يدي...و هو يسمع فيا...جبدت روحي منو شوية...خذيت نفس...رجع ضرب يدو عالقارد روب...و غزرلي يحكي و يصيح
زياد:مش نبهتك انا من قبل...¤¤¤ حتى كان كلمتني...تعرف لمش باش نسمحلك تخرج معاه
طلعت راسي...غزرتلو...قحرتلو...قحرة متاع موت نحكي
انا:و شكونك انت بربي...باش تسمحلي
عالكلمة...خطفني من يدي...حصرني مع القارد روب...نزل عليا شوية يحكي
زياد:ياخي ¤¤¤¤ و لا شنية حكايتك انت...حل ¤¤ فمك...عاجبك ¤¤¤¤ معاه
هزيت يدي...حطيتها على صدرو...كبشت في سوريتو...لزيت روحي ليه اكثر...قلبي دق بالوقت...اما بقبت شادة روحي...دورت عينيا على وجهو...و تركزو في شفافو...تبسمت على جنب...نحس بالنفس متاعو في وجهي...هزيت يدي لاخرى...حطيتها على خدو...عديت صوابعي بفيانة نحكي
انا:مممم صحيح عاجبني...اما لتوا احنا صحاب و كهو...و خارج اطار الخدمة...يعني مش باش نخدم معاه مخي...كان وقت انت تطلب مني
زياد:صار
انا:ممم
هز يدو حطها...في تالي متاع ظهري...كبس عليا...لصقني فيه...و طلعني شوية عندو...غزرلي يحكي
زياد:¤¤¤¤¤ ملا...تتقبح معيا ياخي
انا:لا اما مفما حتى عقد بينا...يقول لانا باش ناخو رايك في حياتي الخاصة...سي زياد
كبس عليا اكثر...لين معادش نحس بالارض تحت ساقيا...وخر بيا لتالي...لصقني في القارد روب...من غير ما ينزلني...هز يدو لاخرى...عدا صوابعو على خدي...و نزل بيهم لرقبتي...بدني رعش بالوقت...غزرلي ندرا كيف يحكي
زياد:ملا قتلي حياتك الخاصة
انا:ممم
زياد:ملا حط في مخك الصغير هذا...لي حيات الخاصة ملكي انا
هزيت يديا زوز...دورتهم على رقبتو...و تعنكشت فيه اكثر...حطيت خشمي على خشمو نحكي
انا:بانو مناسبة
زياد:انك تابعتني توا
عوجت فمي شوية...و غرست يدي في شعرو من تالي نعدي فيها...اصلا منعرفش كيف نجمت نكون قوية لهدرجة...كيف نجمت نثبت شوية من شخصية دنيز قدامو...خذيت نفس بالسيف...نحكي
انا:مش تابعة ليك...انا كهو طعم لرجالك...اما انا و حياتي معندكش دخل فيهم
زياد:سكر ¤¤ فمك..تو نهدهولك
قربت منو اكثر...حطيت شفافي على شفافو...نحكي...و نحرك فيهم فوق شفافو...نحكي
انا:شبيك تغششت لهدرجة ياخي...مش هاذي هي الحقيقة...ملا علاش تعب في روحك...انت
زياد:سوااار
انا:ششش...يزي كهو...كلامك مش باش يبدل الحقيقة جملة...انا هكا و مش باش نتغير...و لا انت اكثر حد تعرف هذا شي
زياد:ياخي شنية حكايتك انت...شنوة لي صار...شنية حكايتك معاه...عملك شي...حل فمك مجهلنيش...قولي عملك شي...باش رجعت تحكي هكا
جبدت روحي منو شوية...حطيت خدي على خدو...و كبست على شعرو...نحكي في وذنو
انا:ما عملي شي...جيست حسسني لانا موجودة...و عندي اعتبار...تعرف حاجة زياد...انا ليوم شفت تونس بمنظر جديد...ياسر خلاني نحس بانوثتي معاه...كيفو كيف امير...على هذاكا وقت يوفا كلشي منحبش نخسرهم جملة
نزل عليا اكثر...عصرني بين يديه...قطع عليا نفس...نزلت على شعرو اكثر نحكي...باقي نحكي في وذنو
انا:وجعتني راك تنجم تسيبني
مرجعليش...حط شفافو على خدي...و نزل بيهم لرقبتي...بدني رعش بين يديه...و قلبي دق بالقاوي...باسني بوسة خفيفة...خلاتني ننزل على شعرو اكثر...متوقعتش لهو باش يعملها...مستنيتهاش منو جملة...رجع حط خدو على خدي...يحكي في وذني
زياد: كان نسمع الكلام هذا منك مرة اخرى...باش ترصالك في سرير هذاكا
قلبي دق بالقاوي...من كلامو...تي كان مكانش شادني...باز كنت طحت...سكرت عينيا بالقاوي...ورجعت فتحتهم...مستحيل نسمحلو يضعفني...جبدت راسي شوية...ورجعت حطيت خشمي على خشمو نحكي
انا:مممم...زعمة باش نعجبك كيفها
غزرلي ندرا كيف...حسيت كلامي...صدمو...حتى انا منعرفش كيف نجمت نخرجو من فمي...و باقي متبسمتلو...قرب شفافو من شفافي...يحكي
زياد:فمك هذا باش نهدهولك
انا:قلت شي غالط...انت تحب عليا كيفك كيف غيرك...اما ظاهر فما شكون احسن مني...و تحب تعدي وقيت و برا...كيما زادة ظاهر خدمتي اكبر ببرشا من اللي كنت متوقعتها...ووقت تشبع مني انت...خليني طعم لغيرك...هكا باش توفا المهمة فيسع...و نرتاح
دوب كملت كلامي...رخف يدو على ظهري نزلني شوية...حسيتو باش يطرشق...رجعت لتالي...تكيت عالقارد روب...هز يدو عدا صوابعو على خدي...وصل بيهم لرقبتي...يعدي فيهم و يشوف معايا...في لحظة...كبس عليا...و غزرلي يحكي
زياد:كان مزال تخرج ¤¤¤ الكلام هذا من فمك...وقتها باش نقتلك بيدي...و تعرفني نعملها
بقيت نشوف معاه...حسيتو مش قد بعضو...اما مش باش نسمحلو المرة هاذي...باش يبقى يسمعني...و يعرف حدودو..قحرتلو نحكي
انا:اموري و نعمل لي نحب...و انت برا اتحكم فيها هي...و المهم من هذا الكل...الخدمة باش تكون حاضرة...يعني ياسر و لا غيرو...باش يكونو في يدك...على هذاكا رتح روحك
بقا يشوف معايا...رخف يدو على رقبتي...و نزل بيها على طول جنبي...دورها على ظهري...جبدني عندو...و هز يدو لاخرى حطها على راسي...يضرب عليه بالشوية و يحكي
زياد:الكلام هذا متاع الفروخ تنحيه من مخك الصغير جملة...مكانش باش تنسها ¤¤¤ ¤¤ الخدمة...و تنسى الخرجة جملة
انا:و انت شبيك مغشش لهدرجة...مش نخدم معاك و كهو...علاش كابس عليا لهدرجة انت
زياد:اموري...نعمل لي نحب عليه..و انت باش تحفظو الكلام...هاذي باش تكون اخر مرة...نراك فيها معاه..و ات نسمع ب ¤¤¤¤¤ خرجت معاه....الا ما نخليك تندم عالنهار هذاكا
انا:والله كان توفر الكلام هذا ليها...يكون احسن...خاطر هكا و لا هكا انا باش نعمل لي في راسي و كهو
زياد:صار...تخدم في مخك معايا يا فرخة
انا:نقول في الحقيقة راهو
نزل عليا شوية...حط شفافو على شفافي...بقا شوية اكاكا...جبد شفتي لوطانية بسنانو...من غير ما يكبس علاها كيما عادتو...قلبي دق بالوقت...نسمع فيه يحكي
زياد:شنوة تعرف من الحقيقة انت اه...على انو حقيقة تحكي...فمك هذا باش تسكرو و معادش تحلو...خاطر باش تظطر تشتكي منو اسبوع
فهمتو يحكي عالعضة...هزيت يديا زوز حطيتهم على جنابو...نحكي بالسيف
انا:باش نعمل لي نحب عليه و مش باش تمنعني باهي
زياد:باهي...و انا باش نعمل لي نحب عليه
انا:شباش تعمل
مرجعليش تبسم على جنب و جبدني عندو حضني...منعرفش شبيه يتصرف هكا...حسيت بيدو تحطت على ظهري...نزل بالشركة لتالي...حلي الروب...دخل يدو تحتها...و عداها على طول ظهري...يحكي
زياد:متخدمش مخك معايا راك باش تندم
قبل ما نحكي جبد روحو مني خلاني واقفة في بلاصتي مروهجة...وخر لتالي...هزني و حطني يحكي
زياد: برا بدل لي راك لابسو...مبعد نتفاهم معاك
انا:محسوب خوفتني كان عندك شي احكيه توا
زياد:سوااار ياخي جرب فيا انت تحب ¤¤¤¤ باش تفهم
انا:زايد الكلام معاك باش نعمل دوش احسنلي
جا باش يقرب ليا عطيتو بظهري و دخلت لبيت البانو
سكرت الباب...و تكيت عليه...نتنفس بالسيف...مش مصدقة لي صار...قلبي يدق بالقاوي...سكرت عينيا و رجعت فتحتهم...خذيت نفس وقربت من المرايا شوية...نشوف مع روحي...هزيت يدي بالسيف...عديتها على رقبتي...بلاصة البوسة...برغم كانت خفيفة برشا...اما لتوا نحس بشفافو...لتوا نحس بالنفس متاعو...و ريحة برفانتو لي لصقتني...سكرت عينيا...خذيت نفس طويل...باقي نشم في ريحتو...فتحت عينيا...و تبسمت...نشوف مع روبة...باش طيح...خاطر فتحها...منعرفش كيف نجمت نتصرف معاه اكاكا...و متوقعتش لهو باش يقرب مني لاكا درجة...لتوا مفهمتش تصرفاتو معايا...منعرفش علاش كل ما يقرب خطوة مني...يرجع لتالي بعشرة...تي كان هو بالحق بحاجتي...مكانش مشا عند اخرى...مكانش باش يخليني وحدي...عضيت شفافي بغزول...نحب نهدي روحي...نزلت الروبة...فتحت السبالة...و دخلت تحت الما...منعرفش شبيني من كنت فرحانة...بشي لي صار برا...و اني وصلت نخليه يغزل...تخنقت وقت ذكرت اكا طفلة...ميرال و لا ندرا شاسمها...زعمة شكونها...زعمة مزيانة كيما زينة...زعمة يحبها...تي كان ميحبهاش مستحيل يعدي عندها اسبوعين...من غير حتى ما يكلمني...و لا يذكرني...تي كان مش الخدمة مستحيل يفكر يجي يشق عليا...و فوق هذا الكل يحب يستغلني...اصلا كي عندو شكون في حياتو شبيه يحب يقرب مني...شبيه يجبرني باش نكون دنيز...منعرفش كيف نزلو دموعي...و تخلطو مع الما...كملت دوش فيسع و خرجت...لبست الكاب متاعي...و غزرت للمرايا...خذيت نفس...نحاول نهدي روحي...مستحيل نسمحلو يهدني مرة اخرى...و مستحيل يرجع يشوف سوار قدامو...المرة هاذي مفما حتى حد كان دنيز
زياد يحكي:
بقيت ندور في البيت...نحس في روحي باش نطرشق...وصلت لباب اكثر من مرة باش نحلها...و رجعت لتالي...نحس في بدني يفور الفرخة هبلتني...تي كلامها مزال يدور في مخي...اصلا منعرفش شبي ¤¤¤¤ تتصرف هكا ناقص تفوريخها انا...و ناقص اكا ¤¤¤¤ متاع ياسر لي ندرا منين خرجلي...تي منين حبيتو يخرج...و انا حطيتو في طريقها...كبست على راسي بيديا زوز...نهدي في روحي...منعرفش شبيني هبلت علاها...و من شيرة اخرى ميرال لي خليتها مريضة...دوب ما كلمتني الفرخة...كملت لي في يدي و جيتها...خاطر نعرف تصرفاتها...اما اكاكا و لحقت تقابلو...و ندرا شعملت معاه...حسيت مخي باش يتحرق..عمري ما توقعت نوصل...نخمم في طفلة لهدرجة...و نحرق مخي...على جالها...منعرفش اذا انا بالحق حاجتي بيها...و لا هي شهوة و كهو...نحب نجربها و برا...تي اول مرة نعيش تناقض هذا...اول مرة نخلي وحدة قريبة مني و بعيدة فرد وقت...تي ريحتها كهو تخدرني...شفافها لي لتوا مذقتهمش...اما حسيت بطعمتهم...تي حتى بدنها عندو طعم اخر...تي كل مرة تكون في حملتي...نحب نغطس فيها و نشبع منها...منعرفش شبيني...هبلت علاها طفلة...اول مرة يصير معايا هكا...تي و لا مرة فكرت نغزر لطفلة كيفها...كلشي فيها عادي...عينيها...خشمها...فمها...اما شعرها...سموريتها...غمازتها...ضحكتها...تفوريخها برائتها...حاجات نحسهم سبيسيال برشا...منعرفهمش من قبل...تي فوق كلشي...باقي نفكر فيها...حتى وقت تبدا قدام عيني...و باقي نفكر فيها...تي ساعات نهبل في مخي...كي نذكر فما شكون مسها قبلي...شاخ فيها...و شبع ببدنها...لتوا حكاية الاغتصاب مركحتش في مخي...و اكثر من هكا وقت سألتها قالت متعرفوش...شكون لي ينجم يعملها...مستحيل تكون متعرفوش...مفماش حد يوصل يعمل شي بلا سبب...تي ساعات وقت نشوف جرأتها زايدة و كلامها ¤¤¤¤ تكرزني...و نذكر لي صار معاها...منحبش نتقبل فكرة لهي باش تعاود الحكاية هذيكا...والله نقتلها كان تفكر تعمل شي...نقتلها كان تسلم روحها لاي حد فيهم...كبست عالبونية متاعي...ركبني الغزول...جرد فكرة برك دخلتني بعضي...و خلاتني نرعش من العصب...سمعت صوت الباب فتح...طلعت راسي شوية نشوف معاها...لابسة كاب قصير...دوب مغطيها...شعرها محطوط على جنب...حفيانة و شادة منشفة في يدها...هزيتها و حطيتها بعينيا اكثر من مرة...رصيت على سنيا...برغم مش اول مرة نشوف بدنها...اما حسيت عروق بدني تكبسو...نغزرلها و باقي نفس تخمام في مخي...ز عمة شاف بدنها..
زعمة مسها... شبع بيها...استسلمت...و لا قاوماتو...باز قاوماتو مش هو اغتصبها...لا باز استسلمتلو...لا مستحيل هي تعمل هكا...نعرفها راني...فيقني من سرحتي...صوتها و هي تحكي
سوار؛مزلت هوني
قحرتلها قحرة متاع موت...تبسمتلي...و قربت من سرير...نزلت شوية هزت دبشها...تشوف معاه...و رجعت غزرتلي تحكي
سوار:شرايك الروز و لا البيضة
بقيت نشوف معاه...نحاول نهدي روحي قد ما نجم...و نعدي تفوريخها...عوجت فمها شوية...و كملت تحكي
سوار:نظن البيضة احسن
رمات الروبة الروز...عالفوتاي...و قربت مني...وقفت قدامي بالظبط...هزت يدها حطتها على صدري تحكي
سوار:و توا تنجم تخرج...و لا تحب تتفرج عليا و انا نلبس
تبسيمتها و كلامها لي كيما متاع ¤¤¤¤ كرزني...ركبلي الغزول...فوق ما راني ما مغزل...كملت عليا بكلامها...هزيت يدي شديتها من يدها...كبست علاها...و دورتها...جات في حملتي...عنقتها من تالي...حاولت تجبد روحها...شديت يديها زوز بيدي..و حطيت يدي لاخرى على كرشها...كبست علاها اكثر...لين معادش تنجم تتحرك...نزلت علاها شوية...خذيت نفس من ريحة شعرها...خدرتني الفرخة...دوب تحركت في يدي شوية...كبست علاها اكثر...و نزلت علاها...قربت شفافي من وذنها نحكي
انا:كان نحب نشوف العرض...مش باش ناخو رايك
سوار:نعرف...اما حبيت نقص عليك
انا:صار
سوار:مممم
انا:باهي شرايك نبدا انا العرض...و تكملو انت
سوار:شتقصد
انا:قصدي واضح
نزلت بيدي لحزام الكاب...حليتو..حسيتها رعشت بين يديا...حطيت يدي على كرشها...قلبي دق بالوقت...منعرفش علاش حسيت هكا...مش اول طفلة نوصل نمسها...سكرت عينيا بالقاوي...و انا نتحسس في بشرتها بيدي...محبيتش نغزرلها...محبيتش نتعدا حدودي اكثر...حتى هي حسيتها جمدت بين يديها و معادش تحركت...اصلا منعرفش شبيني عملت هكا...اما حبيت نثبت كلامها...حبيت نعرف اذا هي بالحق باش تنجم تعمل لي قالتو...و لا لا...كبست على كرشها اكثر...لين حسيتها توجعت...تكات راسها على صدري تحكي
سوار:ز زياد
كبست علاها اكثر...و نزلت نحكي في وذنها
انا:مش هذا لي تحب عليه
سوار؛سيبني وجعتني
انا:مزال ما شفتش شي راك
سوار:شنوة باش تعمل اكثر
انا:نحبك تنحي الكاب
سكتت...حسيت بقلبها لي دق بالقاوي...برعشتها...بنفسها لي ضياق بين يديا...تبسمت على جنب نحكي
انا:شنوة خفت
سوار:باهي باش نحيه
متوقعتش لهي باش تقول الكلمة هاذي...رخفت يدي علاها...ووخرت خطوة لتالي...بقيت نشوف معاها...مزال عاطيتني بظهرها...رمات الروب عالارض...و هزت يديها زوز...حطتهم عالكاب...نزلاتو شوية شوية...لين وصلت بيه لتالي متاع ظهرها...عينيا وساعات...عرفتها باش تنحيه...متوقعتش جرأتها باش توصل لهوني...قربت منها بالزربة...شديتو قبل ما يطيح...رجعتو علاها...و كبست عليها بيدي...تكات عليا تتنفس بالسيف...هزيت يديا...دورتها على جنابها...شديت الحزام بين يديا...ورجعت سكرتو...خذيت نفس ووخرت لتالي...بقات واقفة شوية و تلفتتلي...غزرتلي ندرا كيف...و تبسمت على جنب تحكي
سوار:شبيك بدلت رايك
كبست على سنيا...و تبسمت على جنب...منعرفش علاش معجبتنيش الفازة بالكل...بالرغم انا طلبتها...اما ستنيتها ترفض...حبيتها تتغشش و تصيح...للحظة تكون سوار لي علمتها على يدي...كبست عالبونية متاعي...من فازة هاذي تعدا في راسي برشا حاجات...غزرتلها في عينيها نحكي
انا:هو زادة سلمتلو هكا فيسع
منعرفش علاش سألتها...اما حسيت روحي باش نطرشق...سؤال هذا سألتو لروحي اكثر من مرة...نحب نعرف حكايتها بالكل...نحب نرتاح و كهو...عقدت حواجبها...و عوجت فمها تحكي
سوار:على شكون تحكي
انا:تعرف على شكون نحكي بالقدا...حبيبك...و لا صاحبك...و لا مغتصبك...متفرقش عندك..المهم انت عطيتو بدنك...و سلمتلو...شكونو حل فمك
بقات تشوف معايا...حسيت ملامحها تبدلو...غزرتلي ندرا كيف...بقيت نشوف معاها...حسيتها دخلت بعضها...كيف طابست راسها...نعرفها تفد من الموضوع...كنت باش نقرب منها...نعرف روحي كثرتلها...نعرف لسؤال هذا مش وقتو جملة...اما وقفتني...كيف طلعت راسها...تبسمت على جنب تحكي
سوار:يهمك برشا تعرف شكون
انا:تعرفو انت
سوار:بالطبيعة...مش هو صاحبي قبل ما يكون مغتصبي...و مش بعيد انا سلمتلو بدني...و نظن الحكاية متهمكش برشا...حتى انت تحب تشيخ ببدني كيفو
بقيت نشوف معاها...قلبي دق بالقاوي...هزيتها و حطيتها...متقبلتش الفكرة حتى طرف...غزلت علاها عاللخر...كبست عالبونية متاعي...كان نلقى نفشخها في طريحة على لسانها...كلشي قاعد نشوف فيه قدامي توا...انو نخرج منها الكلام بالكلمة...و تعترف بكلشي...نحب نعرف شكونو...الا ما نقتلو...و كان يطلع كلامها صحيح و عندها علاقة بيه من الاول...الا ما نخليها تندم عالنهار لي شافتني فيه..قربت منها...وخرت لتالي...كبست عالبونية متاعي...و قربت منها اكثر...ضربت في السرير...جات باش طيح...شدتني من الفاست...تشوف معايا...قحرتلها...قحرة متاع موت...دزيتها بيدي و جيت فوقها 😈😈😈😈
الحلقة 41
هزت يديها زوز...حطتهم على صدري...تعافر فيا تحب تجبد روحها...شديت يديها زوز بيدي...طلعتهم للفوق..نزلت علاها ببدني اكثر..حصرتها تحتي...تتنفس بالسيف...عديت عينيا على وجها...و رجعت ركزت في عينيها...قحرتلي تحكي
سوار:سيبني
كبست علاها اكثر...قربت شفافي من شفافها...نحكي
انا:علاش..مش عادي بالنسبة ليك لي قاعد يصير
سوار:زيااد ابعد سيبني
نزلت يدي لاخرى حطيتها على خدها...و نزلت بصوابعي لرقبتها...سكرت عينيها...و دورت راسها شوية...جات عيني على رقبتها...مزالت مشمخة من شعرها...سكرت عينيا و رجعت فتحتهم...كملت نزل بيدي لين وصلت لحزام الكاب...كنت باش ناقف...اما ذكرت كلامها تالي...رصيت على سنيا و كبست على يديها اكثر...لين حسيتها توجعت...جبدت الحزام بغل...دورت راسها بالزربة...غزرتلي ندرا كيف...رجعت يدي لرقبتها...تبسمت على جنب...و انا نعدي في يدي على بدنها...حسيتها كي تهزت و تنفضت تحتي...كبست على فخضها...بيدي و نزلت لوذنها نحكي
انا:هاك طلعت محلاك
حركت خدها على خدي شوية...تحركت تحتي شوية...تحكي
سوار:زياااد يزي...سيبني...امانك...سيبني
حسيتها تتغوصر تحتي...كلامها خرج مبحوح بغصة...عكس قبيل...طلعت راسي شوية غزرتلها...عينيها مزغلين...منعرفش علاش قلبي دق بالوقت...منعرفش علاش قاعد نعمل هكا...اما كلامها محبش يدخل لمخي...باقي يتعاود في وذني بالكلمة...نحب نغطس فيها..و ناخو الاجابة لي نحب علاها...كبست على فخضها اكثر...تبسمت بين شفافها...نزلت راسي لرقبتها...خذيت نفس من عندها...كهو لازم يوفا كلشي توا...من اليوم باش نحطها في حدها...باش تكون دنيز و كهو...منحبش نكرها اكثر...حتى بدنها لي تحسستو بيدي...نحب نغطس فيه اكثر...اما كلامها رجعني لتالي...بقات تعافر فيا تحب تجبد روحها...كبست علاها اكثر...طلعت راسي لوذنها...رصيت على سناني...نحكي
انا:صدقت روحك ياخي...في بالك باش نمس وحدة ¤¤¤¤ كيفك
ضحكت ضحكة عالية...منعرفش علاش ضحكة هاذي محستنيش بالنصر كيما مستانس...سكرت عينيا و رجعت فتحتهم...رخفت يدي على يديها زوز...و هزيت روحي...وقفت بالزربة...بقات في بلاصتها متحركتش حتى طرف...عديت عينيا بالزربة على بدنها...عروق بدني تكبست...ندمت لي فتحت الكاب...اما كان لازم نحطها في الصورة...فكرة لهي سلمت لحد اخر...خلاتني نعيفها و نصنفها مع الباقي...اول مرة نغلط في طفلة...اول مرة نحس هكا...و احساسي خيبني...نزلت عالبونية متاعي...خذيت نفس و دورت وجهي...منحبش نشوف معاها اكثر...هزيت يدي عديتها على وجهي بالزربة...تخنقت...نحس في روحي باش نطرشق...نحب نخرج من هوني قبل ما نغلط معاها...حاولت نهدي روحي قد ما نجم...هزيت روحي بالسيف...منعرفش كيف نجمت نعمل الخطوات هذوكا...شي داخلي يقلي...ارجعلها...شدها بالسيف خليها تفهمك...باز راهي تكذب...اما منجمتش...منجمتش نرجع لتالي...اول ما وصلت لباب...حطيت يدي عالبواني...كبست عليه...باش نحلها...وقفتني تحكي
سوار:محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها ريحتك...مبنك...مكنتش نتوقع...اني باش نذوق كعبة كيفك"
كلامها خلا دم يجمد في عروقي...يدي ترخفت وحدها عالبواني...تلفتبالسيف...غزرتلها...قاعدة في طرف السرير...رجعت الكاب على روحها بلا ما تسكرو...دوب مغطية لازم في لازم...مطبسة راسها...بقيت نشوف معاها...نحس الكلام هرب مني...من اللي سمعتو منها...منجمتش نحكي و لا نسألها...طلعت راسها شوية...غزرتلي...عينيها...حمورة دم...اول مرة نشوف نظرتها هاذي...تبسمت شطر تبسيمة...متاع قهرة...و كملت تحكي
سوار:قتلو سيبني...امانك سيبني...يزي نحب نمشي من هوني...سيبني
نزلت دمعتها بالوقت...هزت يدها ترعش...تعدي فيها على شفافها...و تحكي فرد وقت
سوار:شششش...مزال بكري...هكا قالي...ششش...باقي يعدي في يدو على شفافي...ترجيتو قتلو خليني نمشي...و مش باش نقول لحد على لي صار...كهو سيبني نحب نرجع...كبس على شفافي اكثر...يحكي"مزال مبديناش يا حلوة...باش تخليني و تمشي"
حسيت ساقيا رخفو...و قلبي يخض بالقاوي باش يخرج...منجمتش نتحرك ببلاصتي...جيست نشوف معاها...نزلت يدها شوية...حضنت روحها تحكي
سوار:عدا يدو على بدني الكل...شوية شوية...مزلت نحس بلمستو...حاولت نجبد روحي...اما منجمتش...كان اقوى مني...نحالي دبشي بالقطعة...و كل قطعة تنحات بالقاوي...و خلات تراص على بدني...و باقي يعدي في يديه على لحمي
كبست عالبونية متاعي...منعرفش علاش الكلام هذا بالظبط...خلاني نهبل...قربت منها شوية...نصيح
انا:يزززيي اسكت...اسسكت
حطت يدها على رقبتها...كبست علاها و تحكي
سوار:صحت برشا...عيطت بكل صوتي...ترجيتو...كل مرة نصيح فيها...يغطس فيا اكثر...كل مرة قتلو سيبني...كبس عليا اكثر...مزلت نحس بيه...مزلت نحس ببدنو فوق بدني...مزلت نشم في ريحتو...و نحس بانفاسو في بدني...منجمتش ننساه...لتوا صوتو يتعاود في وذني..."محلاك...و محلا بدنك"...ترجيتو...قتلو يزي...سيبني...نحب نمشي...اما مسمعنيش...مرجعليش...كبس عليا اكثر...لتوا مزلت نحس بيهم يديه...عداهم على شفافي...ورقبتي...و بدني...ش شفافو حرقوني...حاولت...صدقني...عافرت..اما منجمتش نقاومو...في الاخير اغتصبني
شهقت...كي قالت الكلمة...دموعها نزلو اكثر...طرف الاعصاب لي كنت حاكمهم...فقدتهم...قربت منها بالزربة...وقفتها...جبدتها عندي نحكي و نصيح
انا:اسسسسكت...باش تفهم ياخي...سكر ¤¤ فمك معادش تحكي
قوات في البكا اكثر...رجعت دزيتها عالسرير...مركزتش معاها جملة...كلشي جا على يدي...رميتو عالارض...و باقي نسمع فيها تحكي
سوار:عافرت و عافرت...اما كان اقوى مني...سلمت بين يديه...ا اغتصبني...خذا كلشي عندي...صحت لين معادش فيا...طرف الضو لي كنت نشوف فيه من بعيد...تمنيت شكون يجي منو و يحبسو...شكون يسلكني من يديه...شكون يفكني منو...و يهزني للبعيد...اما ما جا حتى حد...تعرف شقال وقت كمل مني..."محلا بدنك...شيختني يا فرخة...كان نلقى نشدك عندي...اما وفات حاجتي بيك"...تعرف شمعنى اغتصبني...تعرف شمعنى...مزلت نحس بيه...مزال نسمع في صوتو...منجمتش ننساه...سكن فيا...تفهم شمعنى سكن فيا...كل يوم و كل ليلة...نسمع صوتو...نحس بيه...نحس بيديه على بدني...منجمتش ننساه...تعبت منو...نحبو يخرج من حياتي و كهو...منحبش نسمع صوتو مرة اخرى...معادش نحب نذكرو جملة
كبست عالبونية متاعي اكثر...و انا نسمع فيها...كنت باش نتلفت و نسكتها...نحبها تسكت و كهو...دوب تلفت...و غزرتلها...قوتي طاحت في الما...حاطة يديها زوز على وذنيها و تبكي بالشهقة...الكاب دوب مغطيها...تحكي في كلمات دوب يتسمعو...سكرت عينيا ورجعت فتحتهم...سخفتني...قلبب نحسو باش يخرج من بقعتو...خذيت نفس بالسيف...نحس في روحي مخنوق و باش نطرشق...اما مش وقتو...مش وقتو حتى طرف...صحيح حبيت نعرف الحقيقة...اما مش بالطريقة هاذي...مش بالطريقة لي تهدها...و تخليني نخرج من عقلي...قربت منها...نزلت قدامها على ركبة و نص...هزيت يديا بالسيف...حطيتهم على جنابها...لفيت علاها الكاب اكثر...و طلعت يديا...حطيتهم على يديها باش نزلهم...غزرتلي تحكي
سوار:س سيبني...منحبش نسمعو
كبست على يديها اكثر...نزلتهم...و غزرتلها نحكي
انا:ششش يزي وفات
سوار:شي ما وفا...باش يرجع...تعرف شمعنى اغتصبني...هو باش يرجع
حطيت يديا على خدودها...نمسح في دموعها...نهدي في روحي بالسيف و نحكي فرد وقت
انا:معادش تعاودها الكلمة هذيكا فهمت
هزت يديها زوز...حطتهم على صدري...دز فيا لتالي...تحكي و تصيح فرد وقت
سوار:باش نعاودها...مش هاذي الحقيقة...هو اغتصبني...تعرف شمعنى اغتصبني...معناها حطمني...خسرت كلشي بسببو...خسرت امي و خويا..و نتوما الكل كيفو...الكل يحب على بدني...اما حد فيكم منجم يغزرلي...كطفلة...حد فيكم منجم يشوف سوار...كل حد فيكم يحب يشبع ببدني و يرميني...و انت زادة كيفهم...انت زادة يا زيياااد...كل مرة تتعمد ذكرني بيها الحكاية...ياخي شنوة ذنبي انا كي نحب ننساه...كي نحب ننسى صوتو...تعبت من الحكاية راهو...نحب نخرجو من حياتي...اما منجمتش
باقي دز فيا..و تحكي..هزيت يدي دورتها على ظهرها و جبدتها عندي...نزلت من سرير جات في حملتي...غرست راسها في رقبتي...و كبشت بيديها في جنابي...تبكي بالشهقة...هزيت يدي لاخرى...حطيتها على شعرها...كبست علاها اكثر...ندمت على كل كلمة قلتها...خذيت نفس بالسيف...نحس في بدني يرقل من الغش...نزلت علاها شوية...نحكي في وذنها
انا:شكونو سوار
جبدت روحها شوية...طلعت راسها...غزرتلي...هزيت يدي بعدت خصلات شعرها...قوات في البكا اكثر..كبست على جنابي اكثر تحكي
سوار:م منعرفش...منجمتش نشوفو...ياسر ظلمة...خفت برشا...اما محبش يخليني...ياسر توجعت وقتها...ياسر ترجيتو...اما محبش يخليني...معادش نجم راهو...كل مرة نشوف بدني نذكرو..كل مرة تحكي معيا اكاكا نذكرو...منعرفوش اما نحس بيه معايا...نحس فيه يلاحقني من بلاصة لبلاصة
رجعتها عندي...و كبست علاها اكثر...باقي تبكي...و تحكي
سوار:منعرفش علاش عمل فيا هكا...نحب نشوفو مرة وحدة كهو...نحب نسألو بركا...نحبو زادة يدفع حق لي عملو فيا الكل...نحب نرتاح و كهو
غرست يدي في شعرها....و نزلت علاها...بستها من راسها بوسة مرصوصة نحكي
انا:نوعدك...باش نخليك تاخو حقك منو بيدك...نوعدك باش يوفا الكابوس هذا جملة
كبست عليا اكثر...لصقتني...لين معادش فما مسافة بينا...خليتها تبكي...لين شهقاتها نقصو...و هدات...نزلت راسي شوية...بعدت شعرها على خدها نحكي
انا:سواار
مرجعتليش...تبسمت على جنب...نزلت علاها اكثر...نحكي في وذنها
انا:ياخي رقدت انت
سوار:مممم
انا:تحبنا نرقدو عالارض
هزتلي براسها ايه...رجعت بستها من راسها...و جبدتها من عندي شوية...حطيت يدي على خدها نحكي
انا:هيا توا لازمك ترتاح
سوار:وين
انا:عالسرير
سوار:هأة نحب نبقى هوني
انا:صار
رجعت حضنتني...حسيت روحي هديت شوية...بقيت نعدي في يدي على شعرها...نسمع فيها تحكي
سوار:زياد
انا:ممم
سوار:معادش تقولي ¤¤¤¤
انا:ششش شبيك تعاود في الكلمة
سوار:انت قلتهالي
انا:باهي سامحني...لحظة غش كهو...معادش نقولها
سوار:باهي
انا:هيا توا لازمك ترقد
سوار:افففف باهي
تبسمت على جنب...هزيت روحي وقفت...ووقفتها معايا...باقي محضنتني...نزلت بيديا لجنابها...شديت الحزام...سكرت الكاب...و باقي نغزرلها...هزيت يدي حطيتها على خدها...نحكي
انا:باش تبدل دبشك...و تشد فرشك
سوار:و انت
انا:باش ننزل اللوطة
سوار؛متمشيش
جيت باش نحكي...رجعت حضنتني...محبيتش نغششها اكثر...تبسمت نحكي
انا:هيا تبدل ملا
سوار:باهي
جبدت روحي منها...قربت من الفوتاي...هزيت الروبة الروز...نحكي
انا:البس هاذي احسن
سوار:باهي اما متمشيش
انا:باهي طمن
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 42
سوار تحكي:
فقت الصباح...نحل في عينيا بالسيف...حسيت بدني مكبوس..تبسمت بالسيف...عرفتو كابس عليا...خذيت نفس شميت ريحتو...حركت يدي شوية فوق صدرو...حاسة روحي مرتاحة عاللخر...اصلا بعد البارح ارتحت برشا...كلام مكبوت داخلي من شهور خرجتو...كلام كنت نحب نحكيه اما من غير ما نتجرح...من غير ما حد يشفق عليا...جيست نحب شكون يحس بيا...و يحس بوجيعتي...اصلا مكنتش نتوقع لهو باش يتصرف معايا بالطريقة هاذي...مكنتش نتوقع بعد الكلام لي قالو...باش ياقف معايا...باش معادش يشوفني ¤¤¤¤..الكلمة هاذي...وجعتني برشا...ووجعتني اكثر...خاطر خرجت منو...خاطر للحظة صدق شخصية دنيز و نسى سوار جملة...لزيت روحي ليه اكثر...منحبش نفكر في البارح جملة...منحبوش يخليني...يكفي لهو قال انو باش ياخذلي حقي منو...طلعت راسي شوية...غزرتلو...متكي راسو و غاطس في النوم...كابس على ظهري بيدو...بقيت نشوف معاه شوية...نحب نحفظ تفاصيل وجهو...هزيت يدي بالسيف...حطيتها على خدو...عديت صوابعي...على الضربة لي تحت عينو شوية...ياسر محلياتو...و ياسر محلاه و هو راقد...حل عينيه شوية...غزرلي...تبسمتلو...تبسم شطر تبسيمة...و غرس يدو في شعري...بقيت نعدي في صوابعي على ضربة...غزرلي في عينيا يحكي
زياد:بونجور
انا:بونجور...فيقتك ياخي
زياد:لا...رقدت مليح
انا:مممم...عاللخر
كبس على شعري...و هز روحو شوية تقعد...تقعدت في جرتو...باقي في حملتو...عدا يدو على شعرو بالزربة...بقيت نشوف معاه...نزلت بسناني على شفتي شوية...ضيق عينيه يحكي
زياد:شفما
هزيت يدي بالسيف...رجعت حطيتها على خدو...عديت صوابعي شوية...على ضربة...نحكي
انا:شكون ضربك هوني
زياد:منعرفش ضربة قديمة...نسيت علاها
انا:قداش عندها
زياد:فايت عشر سنين
انا:يووو برشا علاش قداش عمرك انت
زياد:ياخي تحقق معايا انت
انا:جاوبني اماان
زياد:32 سنة
انا:اهههه كبير برشا
زياد:ممم انت لي فرخة
انا:مممم لا مانيش فرخة
زياد:صار
انا:اييه
هز يدو...حطها على شعري...رجعو على وجهي...جبدت روحي منو...رجعتو لتالي بيديا نحكي
انا:زياااد يزي
زياد:مزلت تحل في فمك
انا:هأة هاني باش نقوم
تبسملي...و قرب مني...حط يدو على شعري... شفافو على راسي...سكرت عينيا...باسني بوسة خفيفة...و هز روحو وقف...غزرلي يحكي
زياد:هيا هز روحك
انا:باش تمشي ياخي
زياد:لا باش نستناك اللوطة
انا:باهي
هز تليفونو...و غزرلي...تبسمتلو...بقيت نشوف معاه...لين خرج من البيت...ترميت لتالي...حطيت يديا زوز على وجهي...تبسمت وحدي...شعرة و منعرفوش.
.مستحيل نصدق لزياد كان معايا...و عديت الليلة الكل في حضنو..و مخلهاش بيا...تبسمت من عروش قلبي...و هزيت روحي وقفت بالزربة...دخلت لبيت البانو ركحت اموري...و خرجت...قربت من القارد روب...نشوف مع الباب...كسرها السخطة...ما لقا كان هاذي يخبطها...احسن ما جي ضربة فيك سوار...ضحكت وحدي...جبدت شورت...و خلعة بروتال...نحيت الروب طيشتها عالارض...غزرت للمرايا...جات عيني على كرشي...تراص صوابعو مزالو علاها...عديت صوابعي شوية شوية...توجعت...غزرت لفخضي نفس شي...ذكروني في لي تراص لي خلاهم هذاكا وقت اغتصبني...اما منعرفش علاش حسيتهم مختلفين ببرشا...خذيت نفس...هزيت الخلعة لبستها..ورجعت الشورت...لبست سروال سيرفاتمون...لميت شعري...كوت دو شوفال....هزيت صاكي متاع سبور...و تليفوني...جيت باش نخرج...جات عيني عالفاست متاعو...نزلت هزيتها في يدي...كبست علاها...و قربتها ليا اكثر...حطيتها على خشمي...و سكرت عينيا...نشم في ريحتو...مبنها زح...خذيت نفس منها و نزلتها شوية...حضنتها في يدي...حليت الباب و نزلت...لقيت خالتي فاطمة لوطة...سألتها بعينيا عليه...شرتلي لصالة...هزيتلها براسي باهي...و قربت من صالة...وقفت على صوتو
زياد:واحل مع الخدمة ميرال...شتحب...باهي مبعد نكلمك
نزلت على شفافي شوية...باقي واقفة في بلاصتي...نلعب بساقي...سمعتو يحكي معايا من غير ما يتلفتلي...عرفتو حس بيا
زياد:سوار ادخل
قربت شوية...حطيت صاكي عالفوتاي...و باقي شادة الفاست متاعو في يدي...تلفتلي يحكي
زياد:شبيك طولت
انا:شي
زياد:باهي خلينا نفطرو...باش نمشي راهو
انا:باش تمشي عندها
زياد:شكون
انا:هذيكا ميرال
زياد:لا عندي خدمة توا
انا:و مبعد
زياد:سواار يزي...تعرفني نفد من الاسئلة هذوما
انا:باهي
قربت منو...حطيت الفاست متاعو في يدو...و عطيتو بظهري...و قربت من طاولة قعدت...لبس فاستو...و خالط عليا...يحكي
زياد:رايحة لبلاصة انتي
انا:ممم لنادي
زياد:شننوة
طلعت راسي غزرتلو...لقيتو يقحرلي...عرفتو باش يقلبها على راسي...كيف شفتو كبس عالونية متاعو...هزيت روحي بالزربة قربت منو...حطيت يدي على يدو...نحبو يهدا شوية...باش نجم نحكي معاه...طلعت راسي غزرتلو...باقي يشوف معايا بنفس النظرة...خذيت نفس نحكي
انا:تفاهمت مع ياسر باش نشوفو اليوم
حسيت يدو تكبست تحت يدي...كبست عليه اكثر نحكي
انا:لازم نمشي...ميجيش يحس بشي...انا توا نخدم في خدمتي...كي نخرج من بيتي باش نظطر نكون دنيز...و مستحيل نجم نرجع لتالي...و انت اكثر حد تعرف هذا شي...فما ياسر و برشا غيرو...و ندرا نهايتي على يد شكون فيهم
هز يدو...حطها ورا راسي...كبس على رقبتي...قربني ليه يحكي
زياد:طحان فيهم ما ينجم يحطو يدو عليك...و اكا ¤¤¤¤ متاع ياسر...مش قتلك معادش تقابلو حتى نقلك
هزيت يديا حطيتهم على صدرو...لزيت ليه اكثر...خذيت نفس نحكي
انا:نعرف...اما كان منمشيش باش يشك فيا...و بحكم صحبتنا الجديدة...ميجيش راهو
زياد:صار قتلي صحبة
انا:مممم كيفنا يعني
زياد:و كيفنا زادة
انا:مممم شوية برك...يعني نحكي معاه و كهو
زياد:علاش ناوية على اكثر انت
انا:هأة جيست ناخو منو لي نحب عليه...مبعد باش يوفا دور متاعو في اللعبة
زياد:و انت تعرف دور متاعو
جبدت روحي منو...وخرت لتالي...و غزرتلو نحكي
انا:شوية...رجل اعمال كبير...عمرو يجي في ثلاثينات...الكافي لي الشارع لاخر تابعة ليه...صحيح كافي اما تحس المنطقة لي مشيناها...تابعينلو...سمعتو مرة يحكي علة صفقة و لا ندرا شنية...و بالظبط على واحد اسمو ادم...لحد توا...هذا شنجمت ناخو منو...و زادة ينجمو يفيدوك شوية
زياد:صفقة مع ادم
انا:نظن هذا هو الاسم...مقالش لقب متاعو
زياد:امتى صفقة هاذي
انا:منعرفش
زياد:باهي انا باش نمشي توا...و انت باش تشد ¤¤ متمشيش تقابل ¤¤¤¤ فهمت
انا:باش نمشي
زياد:سوااار
انا: ياخي مش ساعة نفهم فيك انا
زياد:انا هكا...نفهم لي نحب عليه و كهو
انا:اما
زياد:جررب برك تخرج من هوني...تشوف شنعمل فيك
انا:مرة وحدة احكي من غير تهديد
زياد:و انت مرة وحدة افهم الكلام
انا:توا رجعت منفهمش...باهي برا عندها هي تفهم احسن مني
زياد:ياخي فاش تخرم انت
انا:شي...مش قتلي باش تفطر معايا...اما ظاهر من تليفون واحد باش تمشي
زياد:سوااار
مرجعتلوش...قربت من طاولة...هزيت شوكة...ناكول بغل...نحب نهدي اعصابي...زاد شوية...و جا قعد معايا...طلعت راسي غزرتلو...بدا ياكول...حسيت روحي هديت شوية...غزرلي يحكي
زياد:اعطيني الما قدامك
هزيت يدي حطيتو قدامو...من غير ما نغزرلو...تنهد يحكي
زياد:اسمعني عندي خدمة...نكملها و نرجعلك...رد بالك تفكر تخرج
انا:يستنى فيا هو
زياد:يستنى و لا ¤¤¤¤ شيهمني فيه انا...لي يهمني ساقك متحطهاش لبرا
انا:باهي
زياد:باهي متاعك هاذي نعرفها راني
انا:طمن مش باش نمشي...باش نستناك
زياد:باهي تو نشوفوك
انا:باهي
كملنا كلينا عالساكت...ناكول و نغزل...باز باش يمشي يشوفها...ملا علاش كلمها...كل مرة نرمي عيني نغزرلو...اففف السخطة هذا...تي مرة وحدة نحب نفهمو...و نفهم تصرفاتو هذوما...و من شيرة نخمم في يلسر باز باش يستناني..و كان منمشيش...باش نحل عليا باب متاع اسئلة...و كان نمشي...الا ما يقتلني الهم هذا اليوم
بقيت نشيع فيه...لين خرج من الباب...خذيت نفس و تبسمت...هز روحو بلا ما يقول حتى كلمة...تي حتى من الفطور دوب كلا منو شوية...و فرد وقت يقحرلي بتسموميم...كملت كليت...و هزيت روحي وقفت...ركحت روحي...هزيت صاكي...و خرجت...لقيت عم فاتح...تبسمتلو نحكي
انا:صباح الخير عمو ياسر تأخرت...خلينا نمشو فيسع
فاتح:دنيز بنتي
انا:شفما
فاتح:صراحة منجمش نوصلك
انا:علاش
فاتح:مسيو زياد وصاني سامحني عيش بنتي
رصيت على سنيا...و تبسمتلو بالسيف...نحكي
انا:باهي ملا باش ناخو طاكسي
فاتح:وصاني منخليكش تخرج من هوني
انا:شنننوة
فاتح:حتى كان ملكمتوش انا...العساس باش يكلمو...ارجع لدار عيش بنتي...اصلا ظاهر مغشش احسن ما توحل معاه
انا:باهي عيشك عمي
تبسمتلو...و دخلت لدار...رميت الصاك بغل عالارض...ياخي شيستخايل في روحو باش يحبسني هوني...و يمشي يشوفها...تي حتى بعيد و باقي يتحكم و يمشي في كلامو...طلعت لبيتي بالزربة...هزيت الفاست متاعي لبستها...خاطر الخلعة بروتال...ورجعت نزلت...هزيت صاكي...و مشيت للباب تلاني...لقيتو مسكر...ياخي عاملها بلعاني و لا شنية حكايتو...خذيت نفس نهدي في روحي...رجعت للكوجينة...لقيت خالتي راضية تقص في الخضرة...هزيت دبوزة ما شربت منها...جات عيني عالشباك...تبسمت على جنب نحكي
انا:خالتي راضية...انا باش نطلع لبيتي نرقد...تاعبة برشا...وقت يجي زياد خبرني
راضية:باهي عزيزتي
خرجت من الكوجينة...مشيت لصالة...فتحت الشباك...شوية عالي اما نجم نسوطي منو...رميت صاكي الاول...ركحت روحي شوية...و سوطيت...وجعتني ساقي شوية...نفضت روحي...هزيت صاكي...و خرجت لطريق...شديت طاكسي لنادي...دوب لحقت لقيت ياسر خارج...وقف يشوف معايا...غزر لمنقالتو...و رجع غزرلي يحكي
ياسر:شبيك لتوا
انا:صراحة مفقتش بكري على هذاكا
ياسر:لباس ياخي شبي وجهك تاعب هكا
انا:شي...مليحة...ياخي انت كملت
ياسر:ممم كان تحب نبداو من جديد
انا:لا اصلا تاعبة
ياسر:متأكدة لانت مليحة
انا:مممم
حسيت بدوخة خفيفة...و قلبي دق بالوقت...لقفني في اخر لحظة..شدني من كتافي يحكي
ياسر:لباس ياخي
هزيتلو براسي ايه...منعرفش شبيني...اصلا من وقت ركبت طاكسي و انا مقلقة و مروهجة...عاوني قعدت عالكرسي...شربني شوية ما...يحكي
ياسرتحب تمشي للكلينك
انا:لا...منعرفش شبيني...جيست شوية دوخة و برا
ياسر:شرايك ترجع لدار احسن
انا:لا نحب نمشي شوية
ياسر:متأكدة
انا:مممم
ياسر:هيا ملا
انا:باش جي معايا
ياسر:بالطبيعة
تبسمتلو...و خرجنا مع بعض...مشينا بلا كرهبة...عدينا الوقت برا لين صار نص النهار...اول ما قعدنا باش نفطرو...نوقز تليفوني لقيتو زياد...قلبي دق بالوقت نزلت تليفون شوية...و خليتو ينوقز...رجع نوقز مرة اخرى...غزرلي ياسر يحكي
ياسر:لباس
هزيتلو براسي ايه..و علقت عليه...تبسمت لياسر بالسيف...باقي تليفون في يدي...دوب جيت نحطو...وصلني ميساج منو...لبني العرق و انا نقرا فيه"¤¤¤¤ عليا يا سوار هاني في الثنية...نلقاك في الباركينغ"...يدي رعشت بالوقت...نعرف غشو خايب...حطيت تليفون...و هزيت يدي حطيتها على رقبتي...قلبي دق اكثر...الشركة...شركة امي مش موجودة...وقفت بالزربة...نعدي في عينيا عالبلاصة...تي حتى زيااد نسيتو جملة...نحس في قلبي باش ياقف...مستحيل تكون ضيعتها...نطر ياسر من بلاصتو يحكي
ياسر؛دنيز شفما
انا؛ش شركة متاعي...منعرفش وين ضيعتها...وين باش نلقاها انا توا
ياسر:اهدا دنيز متكونش ضيعتها في نادي
انا:منعرفش يمكن
ياسر:باهي اهدا ساعة
انا:اماان ياسر...عاوني نحب نلقاها
ياسر:باهي خلينا نرجعو لنادي باز تكون غادي
هزيتلو براسي باهي...هزيت صاكي...و جيت باش نمشي..وقفني يحكي
ياسر:ايجا من هوني باش نشدو طاكسي
كبس على يدي...و جرني معاه...اول ما وصلنا لنادي...نزلت نجري...خالط عليا هو...خرج الكل لي كانو غادي...و باقي يفركس معايا...حتى تليفوني لكان ينوقز...منجمتش نهز عليه...نحس في روحي باش نهبل...ترميت عالكرسي غادي...دموعي غلبوني...متوقعتش اني باش نضيعها...قرب مني قعد قدلمي يحكي
ياسر:دنييز يزي...تو نكلف شكون يفركس علاها باهي
انا:ب باهي
نوقز تليفونو...جبدو من مكتوبو...نسمع فيه يحكي
ياسر:باهي باش نقابل ادم و نقلك...باهي باي
حط يدو على يدي...كبس علاها يحكي
ياسر:دنيز قوم نوصلك...و الشركة باش نكلف شكون يلقاها
انا:م منحبش امشي انت...تو نرجع وحدي
ياسر:لا شوف حالتك خليني نوصلك...منجمش نخليك هوني وحدك
انا:مليحة ياسر...تو يجي شوفور متاعي...متقلقش روحك
ياسر:باهي مبعد نكلمك
انا:باهي عيشك
اول ما خرج...رجع تليفوني ينوقز...بقيت نشوف مع نومروه...فحمت بالبكا اكثر...هزيت يدي مسحت دموعي...هزيت عليه نسمع فيه يحكي
زيااد:وين ¤¤¤¤ وينك ياخي...¤¤¤¤ عليا متحبش تهز...مش قتلك ترص احكم دار...مشيت تقابل ¤¤¤¤ هذاكا...منجمتش تصبر عليه
بقيت نسمع فيه...منجمتش نرجعلو...شهقت بالوقت...نفخ...و باقي يصيح
زياد:وين ¤¤¤ توا اه
انا:ف في نادي
زياد:نعرف لانت في نادي...مش قتلك نلقاك خرجت
انا:وينك انت
زياد:في البركينغ انزل فيسع
انا:باهي
هزيت روحي مسحت دموعي هزيت صاكي خذيت نفس. و خرجت...منعرفش كيف نجمت نوصل للبركينغ...بقيت ندور في عينيا عالبلاصة...مفماش كرهبتو...بقيت واقفة في بلاصتي...انا اكاكا و نحس بكرهبة كي شدت الفران قدامي...بقيت نشوف معاها...كرهبة منعرفهاش من قبل وخرت لتالي...قلبي دق بالوقت...جيت باش نتلفت حل الباب يحكي
زياد:اركب
بقيت نشوف معاه...منعرفش علاش جا بكرهبة جديدة...محبيتش نركز برشا...ركبت و رميت صاك بين ساقيا...دوب سكرت الباب...جار بالكرهبة...خلا كان الغبار وراه...يحكي و يصيح
زيااد:شبيه خلاك وحدك الفوق شصار ياخي...علاش مخليتوش يوصلك لدار
انا:مخلانيش
عالكلمة شد الفران بالقاوي...ضرب يديه عالفولون يحكي
زياد:نعرف لمكنتوش هوني...شوف تحل ¤¤ فمك و تقول شعملت معاه...مكانش اليوم نقتلك
انا:شيهمك انت ياخي...مش مشيت تقابلها...و هو مخلانيش كلمو شكون...و كان لازم يمشي
زياد:شكون
انا:باش يقابل ادم
زياد:شنننوة
انا:باش نبقاو برشا هوني
مرجعليش..خدم الكرهبة...ورجع لتالي...بدل الطريق...غزرتلو نحكي
انا:وين ماشيين ياخي
زياد:شوف سواار سكر ¤¤ فمك...سكرو...منسمعش صوتك جملة...و حسابك مزال...على هذاكا احسنلك متسمعنيش صوتك ساعة
مرجعتلوش...غزلني الهم...تي حتى حالتي...منتبهش علاها...تكيت لتالي...نعدي في يدي على رقبتي نتحسس في بلاصة الشركة...شادة دموعي بالسيف...لتوا منعرفش كيف وقعتها...زح قداشني بهيمة...غاضتني روحي...و الشي الوحيد لبقى ذكرى من امي...شديت دموعي بالسيف...باش منبكيش قدامو...تكيت لتالي نشوف مع ثنية...انا اكاكا...و نشوف في كرهبة ياسر قبلنا...و زياد مخالط وراه...ضيقت عينيا و غزرتلو نحكي
انا:زيياد ياخي انت تبع في ياسر
زياد:شيهمك فيه انت خفت عليه
انا:علاش مخالطين عليه احنل
زياد:اسككت...سكر فمك...منحبش نسمعك...كارهك ساعة هاذي...احسنلك اسكت...معادش تحكي مع ¤¤¤ توا...مبعد نشوف حسابي معاك
قحرتلو قحرة متاع موت ياخي فاش قام حتى يكرهني...على اساس انا باش نموت عليه كبست على يدي قلبي يدق بالقاوي...غزرتلو نحكي
انا:نزلني هوني...نحب ننزل
زياد:مش ناقص تفوريخك...توا
انا:نزلني
زياد:والله يا سواار و تزيد كلمة...تشوف شنعمل فيك
جيت باش نحكي...زاد في الفيتاس اكثر...ياخي سكت...تكيت لتالي..مش ناقصة هبالو توا...منعرفش قداش بقينا ورا ياسر بالظبط...تعدا الوقت و احنا في ثنية...تفكيري مشتت بين شركة وين ضيعتها...و علاش ملاحقين ياسر...وصلنا لبلاصة مقطوعة...حسيت لاحنا خرجنا من تونس جملة...ركا الكرهبة بعيدة شوية...طلعت راسي...نشوف في ياسر يحكي مع واحد عاطي بظهرو...حاولت نشوفو اما منجمتش...باقي يحكي هو و ياسر...زوز مقابلين بعضهم...جيت باش نحكي مع زياد...لقيتو يشوف معاهم...رجعت سكت احسن ما يصيح و يقلبها على راسي توا...مش ناقصاتو جملة...تكيت لتالي...نشوف معاهم و كهو
زياد يحكي:
نشوف في ادم واقف مع ياسر...صحيح نعرف لفما بينهم خدمة...اما مش لدرجة...يتلقاو في بلاصة هكا...ورجالهم محاوطينهم...نعرف ادم بالقدا...باز في راسو حاجة الفترة هاذي...و لقائو مع ياسر...مش اكاكا و برك...تكيت لتالي نشوف معاهم...و نسمع فيها تتنفس بالقاوي...حسيت لي فما حاجة مقلقتها من صوتها لي كان مغموم بالبكا و عينيها لي حمر...اما منجمتش نسألها...لتوا مش مصدق للفرخة عداتها عليهم و خرجت من دار...من الشباك...اصلا اول ما وصلت و عرفت لهي مش غادي...جات عيني عالشباك...قربت منو...قدرت تسوطي الفرخة...كنت باش نرجع لتالي...اما لقيت شركتها غادي...احسن شي مضيعتهاش في بلاصة اخرى...دورت راسي شوية...نشوف فيها متكية لتالي تشوف معاعهم...رصيت على سنيا نحكي
انا:شنوة عاجبك المنظر غادي...هاني خليتك تقابلو و تشبع بيه
سوار:منحب نشوف حد...رجعني لدار و كهو
انا:فاش قام
سوار: تاعبة عاللخر
انا:هذاكا من دوران مع ¤¤¤¤ متاعك
سوار:مش متاعي و ديجا انت علاش متحاسبهاش هي...مش هي زادة تخدم معاك
انا:شيهمك فيها انت
سوار:و انت شيهمك في ياسر
انا:مزلت تقول في اسمو
سوار:ياخي شبيك متحب حتى حد انت
انا:شكون قلك
سوار؛هكا استنتجت وحدي الشيطان مستحيل يحب
انا:و كان طلع يحب
سوار:وقتها باش تبدا العاصفة
انا:بدات ديجا
سوار:محسيتش بيها
انا:علاش تحب تحس بيها
دارت ليا بالكل جا وجهي مع وجها تبسمت على جنب و هزت يدها عدات صوابعها على خدي تحكي
سوار:انا هي العاصفة بحد ذاتها زعمة انت باش تنجم توقفني
تبسمت على جنب و هزيت يدي حطيتها على يدها جبدتها عندي اكثر...حطيت خشمي على خشمها نحكي
انا:انا لي خلقت العاصفة هاذي من نسمة خفيفة...زعمة تنجم تتوقع كيف باش نوقفها
سوار: العاصفة في يدك...كل مرة تفتح يدك...باش تخرج غصبا علاها...وقتها لا تنجم توقف المطر...و لا البحر
قربت منها اكثر...حطيت شفافي قريب لوذنها نحكي
انا:انا الشيطان...بحد ذاتو...و انت في قبضة شيطان...لا المطر و لا البحر ينجم يوقفني
سوار:انا في قبضة الماضي...زياد...مفما حتى شي يسيطر على حياتي كيفو...اما انت حطيتني بين المد و الجزر...من شيرة تحبني نقوى و نقدم اكثر...و من شيرة قاعد ترجع فيا لتالي...وين دفنت سوار
خذيت نفس من ريحتها سكرت عينيا كبست علاها اكثر نحكي
انا:كان باش تبقى ورايا مستحيل نخليك ترجع لتالي
سوار:و انت تعرف لانت سندي هوني...لي يوفا كلشي
انا:مش باش يوفا شي و منحبش نعاود كلامي مرة اخرى....¤¤¤¤¤ هذاكا باش تقابلو بلا علمي...و ديجا مش باش نعديلك الفازة متاع اليوم..اتو نمشو من هوني برك و نوريك اللعب على قاعدة...تسوطي من شباك في بالك باش تتعدا ياخي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 43
بقيت نشوف معاها...عضت شفتها اللوطنية...و باقي تغزرلي...نزلت عينيا لشفافها...نشوف معاهم...خذيت نفس ووخرت لتالي...منحبش نغلط معاها مش وقتو جملة...عديت يدي على وجهي بالزربة...جابت اخرتي الفرخة...اول مرة نحب على وحدة و نتمنع علاها فرد وقت...اول مرة نخاف من القرب لهدرجة...خايف لقربي ليها يأذيها اكثر...تكيت لتالي نسمع فيها تحكي
سوار؛كيف عرفت لانا خرجت من شباك
انا:مش صعيبة على فرخة قدك
سوار:مانيش فرخة يا معلم
تلفت ليها شوية...باقي تشوف معايا...ترقل وحدها من الغش...تبسمت على جنب...ورجعت نغزر للجماعة برا...جات باش تحكي...سكتها بيدي...قربت شوية..من البلار...نشوف في ادم خلا ياسر يوقع على ورقة...مبعد صافحو...و كل حد فيهم شد كرهبتو...خدمت الكرهبة...ورجعت لتالي...دوب بعدو عالمنطقة...خالطت عليهم...شفت ادم خذا ثنية جديدة...ضيقت عينيا...استغربت...وين باش يمشي توا...رجعت خالطت...تلفتتلي تحكي
سوار:مش كنت مخالط على ياسر شبيك بدلت رايك
نفخت بالقاوي...و ضربت يدي عالفولون...نحكي و نصيح
انا:مزال تحل فمك عليه...والله ما نزلك و نخليك هوني
نفخت بالقاوي...و تكات لتالي...زدت في الفيتاس...البلاصة لدخلناها...حسيتها تابعة ليه...اصلا بلاصة خالية...ظاهر فما دار هوني...اما الغريبة ادم و لا مرة جبد حكاية هالدار معانا يمكن يكون المخبأ متاعو سري...كيما دار الزريعة متاعي...نقصت في الفيتاس منجمتش نخالط عليه اكثر...و منجمتش نحدد فانا اتجاه راح بالظبط...خاطر الطريق بدات تضياق...و كان نقرب توا...باز باش يعرف لفما شكون مخالط عليه...اصلا مش باش تخفى على واحد كيفو...دوب حسيتهم بعدو...زدت في الفيتاس...اما ضيعتهم...ركيت الكرهبة...و ضربت عالفولون بغزول...دورت راسي شوية...لقيتها تشوف معايا...من غير حتى كلمة...نفخت بالقاوي...و رجعت تكيت لتالي...دنيا ظلامت...هزيت يدي شعلت ضو الكرهبة...باقي نشوف مع البلاصة...هزيت تليفوني كلمة ادم...شوية و هز عليا يحكي
ادم:وينك يا ساقط...ليك وحشة
انا:¤¤¤¤¤ عليا البارح كنت معاك
ادم:البارح دوب شفتك...و هزيت روحك طرت...ياخي لهدرجة متنجمش تصبر علاها
انا:هاك طلعتها فيسع...وينك توا
ادم:في دار علاش
انا:شي شرايك نتقابلو مبعد
ادم:لا الليلة عندي شكون...غدوة نجيك لشريكة عندنا ما نحكو
انا:باهي سايس علاها برك
ادم:ههههه زايد ¤¤¤¤ متحشمش من خوك
انا:ههههه بقات فيها حشمة هي...هيا باي حتى انا عندي ما نعمل
ادم:باهي رد بالك على روحك
انا:عيشك
علقت عليه...و رميت تليفون...عديت يدي على شعري...متأكد لهو باش يعمل لي في راسو كي العادة...و حتى انا منحبش نسألو...اما لاستغربتها خبى عليا الموضوع متاع البلاصة هاذي...و شراكتو مع ياسر...باز فما شي اكبر..قاعد يخدم عليه...تكيت لتالي..نسمع فيها تحكي
سوار؛مع شكون كنت تحكي
انا:شيهمك انت
سوار:باهي انا الغالطة لقاعدة نسأل فيك...شنوة باش تهبطني هوني...و لا تحبني ننزل وحدي
انا:سوااارر مش ناقصك راني...سكر ¤¤ فمك عليا
حسيتها تكبست...نفخت بالقاوي...كنت باش نخدم الكرهبة...اما حسيت بحركة خفيفة لبرا...ضربت بيدي عالفولون...ناقص انا...عرفت شكون جاي عندي باش يتأكد شكون داخل الكرهبة...اصلا البلاصة صغيرة...و كلشي مسكر توا...و باز يكون واحد من رجالو...منجم نعمل حتى خطوة لتالي...خاطر نعرف باش يخالطو عليا...كبست عالفولون...حاجة وحدة برك جات لبالي توا...سواار...تلفتلها نشوف معاها...ظاهر مغشة عاللخر...عديت يدي على شعري نحكي
انا:سواار
سوار:شفما زادة
انا:متكثرش الكلام حاجتي بيك توا
سوار:شننووة و شتحب مني
انا:زايد معاك الكلام
سوار:ياخي فاش تحكي انت
شديتها من يدها كبست علاها...طيحت الكرسي لتالي...و جبدتها فوقي...حطت يديها على كتفي تغزرلي مصدومة...تتنفس بالسيف و تحكي فرد وقت
سوار:ز زياد فاش تعمل ياخي سيبني
انا:ششش فما شكون جاي...رد بالك تحسو بشي
سوار؛شتقصد
انا:انت كهو اسكت
سوار؛اما
قصيت علاها...كيف جبدتها عندي حطيت خشمي على خشمها...كبست على راسها من تالي نحكي
انا:اللي جاي باش يتأكد احنا علاش هوني..ميجيش يشك في حتى شي فهمتني
سوار:ممم
بقيت نشوف معاها...حسيتها مش قد بعضها...نزلت يدي لظهرها...بدنها يرعش بين يديا...جيت باش نحكي...سمعتو يدق عالبلار...خذيت نفس نحكي
انا:كيما فهمتك
سوار:باهي
جبدتها عندي اكثر حضنتها...حطت راسها على كتفي...هزيت روحي شوية...و نزلت البلار...دوب شافنا اكاكا...حسيتو تكبس...طلع حاجلو يحكي
هو:خويا لباس ياخي
انا:لباس على عينك
هو:باهي...اما مطولش هوني البلاصة محذورة...و باش توحل في مشاكل
انا:باهي
شفتو رجع سلاحو...عدا عينيه عالكرهبة...و بالظبط على سوار لكانت فوقي...كانو يحب يشوفها...طلعت البلار...في وجهو...ورجعت تكيت لتالي...منعرفش كيف نجمت نحكي معاه كلمتين قد بعضهم...و هي في حملتي...تي حتى من نفس متاعها على رقبتي روهجني..خذيت نفس...و حطيت يدي على ظهرها نحكي
انا:سواار
جبدت روحها شوية...تركزت بيديها على كتافي...و غزرتلي تحكي
سوار:مشا مش هكا
هزيتلها براسي ايه...عديت عينيا على وجها بالزربة...ظاهر تاعبة عاللخر...هزيت يدي...عديت صوابعي على خدها نحكي
انا:وفاات
هزتلي براسها ايه...و جات باش تجبد روحها لتالي...رجعتها عندي...و كبست علاها...طلعت يدي لراسها و جبدتها عندي اكثر حطيت خشمي على خشمها نحكي
انا:خليك
بقات تشوف معايا...كبست على شعرها اكثر...حليتو شوية شوية...طاح علينا زوز...هزيت يدي حطيتو على جنب...عديت صوابعي على خدها...تحركت فوقي شوية...حسيتها مش قد بعضها...قربتها ليا اكثر...حسيت بشفافها على شفافي...غمضت عينيا...ورجعت حليتهم...قلبي دق بالوقت...منعرفش اذا باش نكمل و لا نرجع لتالي...كل مرة نحس بيهم شفافها...اما و لا مرة ذقتهم...منعرفش قداش بقيت اكاكا...حتى منها حسيتها رخفت بين يديا...هزت يدها شوية...حطتها على رقبتي..تحكي في شفافي
سوار:ز زياد
انا:ششش
هزتلي براسها ايه...و سكرت فمها...جبدتها ليا اكثر...حضنتها...نحب نشد روحي علاها...و مش منجم فرد وقت...هزت روحها شوية...تعدا خدها على خدي...دورت وجهي شوية...حطيت شفافي على خدها...عديتهم عليه...نحس في قلبي يدق بالقاوي...و هي في حملتي...جا وجها مع وجهي...حسيت بدقات قلبها...قربت من شفافها اكثر...بستها بوسة خفيفة...و جبدت روحي بالوقت...بقات تغزرلي ندرا كيف...ضو الكرهبة ضارب في وجها...هزيت يدي...عديت صوابعي على شفافها...سكرت عينيها...الفازة طيرتلي عقلي اكثر...نزلت بيدي لرقبتها...جبدتها عندي اكثر...حطيت شفافها على شفافي...و غطست فيها...المرة هاذي بستها...بستها من غير ما نفكر في حتى شي اخر...من غير ما نفكر في المهمة...و لا وين احنا...و لا علاش عملت هكا...كلشي نخمم فيه انو لي بين يديا هي سوار و مش حد غيرها...كبست على رقبتي اكثر...عرفتها معادش فيها...جبدت روحي شوية برك...باقي شفافها مسكرين...حستني لاول نبوس وحدة زح...باقي تتنفس بالسيف...هزيت يديا زوز حطيتهم على كتافها...جبدتها عندي اكثر..رجعت شفافي لشفافها نحكي
انا:سواار حل فمك
هزتلي براسها لا...عضيتها من شفتها لوطانية..نطرت شوية توحوح...جات باش تحكي...رجعت بستها...اقوى من الاول...رخفت بدنها فوقي...كبست على كتافها اكثر...نزلت الفاست متاعها بيديا زوز...تركزت بيديها على صدري...جبدت روحي منها شوية...خذيت نفس بالسيف...جيت باش نحكي...طاحت عليا...حطت راسها على كتفي تتنفس بالسيف...هزيت يدي بالسيف...حطيتها على ظهرها...سكرت عينيا بالقاوي...تروهجت...نحس في نفس تسكر عليا...تكيت راسي لتالي...نحس في نفس متاعها على رقبتي...كبست علاها اكثر...منعرفش قداش بقينا اكاكا...و منعرفش شنوة لي قاعد نحس فيه توا...اول مرة نعيشو الاحساس هذا ...من بوسة برك...هزتني لعالم اخر...نسيت فكرة انو مسها حد قبلي...خذيت الاجابة كيما نحب...من بوسة و من خبرتي في نسا عرفت...لهي معندهاش خبرة كبيرة...عرفت انو الحكاية لي صرات علاها...مخلاتهاش تخسر روحها...مزالت صغيرة...مزالت بريئة...و مزالت صبية...كهو لي قاعد يدور في مخي...و انا محضنها...خذيت نفس...و هزيت يدي...حطيتها على رقبتها...نعدي في صوابعي و نحكي فرد وقت
انا:سوار
مرجعتليش...حسيتها مش قد بعضها...عقدت حواجبي...كيف حسيت بدموعها على رقبتي...نزلت بيديا لجنابها جبدتها شوية...دوب شفتها رجعت حضنتني...و كبشت فيا بكل قوتها...تبكي بالشهقة...هزيت يدي غرستها في شعرها...نحكي
انا:سواار اغزرلي
هزتلي براسها لا...كبست علاها اكثر...نزلت لوذنها نحكي
انا:شبيك...ياخي لهدرجة قلقاتك الحكاية
هزت راسها شوية...حطت يدها على شفافها...باقي تبكي و تحكي
سوار:ه هأة
هزيت يدي نعدي فيها على خدودها...نمسح في دموعها و نحكي فرد وقت
انا:ملا علاش دموع هذوما
فحمت بالبكا اكثر...نفخت بالقاوي...جيت باش نحكي...قصت عليا تحكي
سوار:ه هو زادة ب باسني هكا
قلبي دق بالوقت...كبست علاها اكثر...هزت يدها حطتها على شفافها و باقي تحكي
سوار:ق قالي حل فمك...و و كي محبيتش غصبني
حسيت بدني تكبس...و يديا رعشو...اخر شي توقعتو لهي باش تذكرو توا...نزلت بيدي على شعري...نحس في الكلام هرب مني...اول مرة نوحل و منلقاش شنوة نقول...خذيت نفس نهدي في روحي...و نزلت لجنابها...كبست علاها...باش نرجعها لبلاصتها...احسن ما نفقد اعصابي الكل و نفجعها اكثر من هكا...دوب هزيتها شوية...رجع شدتني من الفاست...كبشت فيا اكثر...ورجعت حضتني...غرست راسها في رقبتي...تبكي و تحكي فرد وقت
سوار:م متخلينيش
انا:سوار ارجع لبلاصتك
سوار:منحبش
انا:سواار
سوار:متصيحش...نحب نبقى عندك
كبست عالبونية متاعي...نحب نزل كل غشي فيها...قربت ليا اكثر...تحكي بالسيف
سوار:ز زياد
مرجعتلهاش...هزت راسها شوية...غزرتلي...هزت يدها..حطتها على خدي...تحكي
سوار:قلبي يوجع فيا...م موجوعة زياد...منجمتش ننسا...كلشي قاعد يصير...يفكرني فيه...حتى الحاجات لصغيرة...حتى بدني...اما
قربت مني عاللخر...حطت شفافها على خدي...باستني بوسة خفيفة...حسيت دموعها نزلو بالوق...باقي تحكي
سوار:اما توا حسيت بشي جديد...هوني
حطت يدها على قلبها...بقيت نشوف معاها...الفاست طايحة...شعرها داخل بعضو...هزيت يدي متردد..حطيتها على خدودها نمسح في دموعها...و نشوف مع شفافها فرد وقت...مزالت شهيها...اما منجمت نقرب...منجمش نحط احتمال...انها تستخايلني هو...خذيت نفس نحكي
انا:يزي كهو ارجع لبلاصتك توا
سوار:تغششت مني انت
انا:لا
سوار:ملا علاش تحبني نبعد
انا:سواار شاد روحي بالسيف راهو...قوم احسنلك
سوار:ياخي تغششت مني...خاطر حكيت عليه...نعرف مكانش لازم نجبدو...ا اما اول مرة حد يبوسني على هذاكا ذكرت لي صار
انا:مش باسك هو من قبل
سوار:ل لا...محسيت بشي وقتها كان وجيعة و
قصيت علاها...كيف رجعت بستها...كبشت فيا اكثر...جبدت روحي شوية منها...حطيت خشمي على خشمها...كبست على راسها من تالي...نحكي
انا:انساه...معادش نحبك تذكرو جملة...لا توا و لا مبعد باهي
سوار؛ب با
مخليتهاش تكمل ورجعت بستها...فكرة لهو مزال باش يكون في حياتها...باش تذكرو في كل موقف...خلاتني نهبل...و نخرج من عقلي جملة...جبدت روحي منها...حطيت يدي نعدي فيها على خدها و شفافها و نحكي فرد وقت
انا:كلشي يخصك متاعي...متاعي انا وكهو...نحبك تنساها الليلة هذيكا...و معادش تفكر في اللي صار جملة...رد بالك سوار...رد بالك تفكر فيه مرة اخرى
سوار:ا انا زادة نحب ننسا...اما منعرفش كيف...منجمتش راهو...صدقني زياد قاعدة كل يوم و كل ليلة نحاول...اما منجمتش...منجمتش...علاش متحبش تفهمني انت
حاوطت وجها بيديا الزوز...كبست علاها...نمسح في دموعها و نحكي
انا:باش تنساه...نوعدك لكلشي باش يوفا...كلشي...انت برك اثق فيا باهي
هزتلي براسها ايه...و ترمات عليا حضنتني...كبست علاها بيدي...و نزلت بستها من راسها نحكي
انا:هيا ارجع لبلاصتك توا
سوار:مرتاحة هكا
انا:صار يا فرخة...تعرف راجل لي برا باقي يعس علينا...تو يمشي في بالو نعملو في شي
سوار:ياااا شنوة لي باش نعملوه
هزيت يديا...حطيتهم على ظهرها من تالي...طلعت الخلعة شوية و نحكي
انا:ايجا نوريك
سوار:اععععع لا
جبدت روحها لتالي...بقات تشوف معايا...مصدومة...ضحكت بالوقت نحكي
انا:ههههه مش تحب تعرف
سوار:لا مش توا
انا:مممم تحب نمشو لدار احسن
سوار:تي مش قصدي لي فهمتو
انا:ملا
سوار:زياااد
انا:شنوة
سوار:شي...نحب نبقى عندك توا
انا:حتى انا نحب...اما باش نرجعو توا هيا خف روحك
سوار:ياخي متنجمش تسوق هكا
شدني ضحك...هزيت يديا طلعتلها الفاست...سكرتها...و رجعتلها شعرها لتالي...نحكي
انا:باش تشد بلاصتك توا احسنلك...مكانش باش ترصالنا في شي اخر
سوار:باهي
حطيت يديا على جنابها...باش نرجعها لتالي...قربت مني...باستني من الضربة لي تحت عيني بوسة خفيفة تحكي
سوار:متخلي حتى وحدة تبوسك من هوني باهي
فاجأتني الحركة متاعها...هزيتلها براسي ايه...و رجعتها لتالي خذيت نفس...وركحت الكرسي...خدمت الكرهلة من غير حتى كلمة...منعرفش قداش بقيت نسوق...تلفت شوية...لقيتها رقدت...ركيت الكرهبة...و تلفت نشوف معاها...مزال قلبي يدق بالقاوي...مزلت نحس ببدنها...شي اقوى مني...كلشي قاعد نعيش فيه لاول مرة...هزيت يدي عديتها على شفافها...ورجعت عديتها على ضربة لي تحت عيني...تبسمت بالوقت...اول مرة حسيت لي ضربة هاذي مهمة برشا...نحيت الفاست غطيتها...عديت يدي على على شعري...و ضحكت...والله طحت على راسك يا زياد...تي زح فرخة...و عملت فيا هذا الكل...كل مرة نبعد علاها خطوة...نلقا روحي معاها...اول مرة قلبي يتحكم فيا لهدرجة...حتى ميرال...لكنت اول حد في حياتها...محسيتش معاها هكا...جيست ستانست بيها و كهو...ستانست تغطي الفراغ لي في حياتي...اما عمري ما حسيت معاها شي من اللي نحسو مع سوار...تي الفرخة تحضني برك...نرتاح...طول عمري نلوج شكون تعبي الفراغ متاعي...نلوج عالزين و على اي طفلة ترضيني...اما احساسي مع سوار تعدا كلشي...لليوم كنت متوقع انو انا مشتهيها...اما اللي اكتشفت شي جديد...انو سوار مش شهوة و كهو...هي اكبر ببرشا من اللي قاعد نفكر فيه...هي تابعتني انا و كهو...منعرفش شنوة لباش يصير بعد الليلة...منعرفش وين باش تكمل الحكاية...اما معاد نحب نفكر في حتى شي...طول ما هي قدامي و تحت عيني..باش نحميها ديما...و مستحيل نخليها تكون ضحية...لاي مهمة من اللي قاعدة تخدم فيهم...كل خطوة تعملها...باش تلقاني قدامها...و معاها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 44
سوار تحكي:
نسمة خفيفة...ضربت في وجهي...حليت عينيا شوية شوية...ورجعت سكرتهم...الضو عماني...تململت شوية...ورجعت فتحتهم...دورت عينيا عالبيت...هاذي مش بيتي...نطرت من بلاصتي جيت قاعدة...دورت عينيا عالبلاصة الكل...رجعت بيا ذاكرة لتالي...هاذي اول بيت رقدت فيها نهار جابني زياد من الكلينيك...يعني انا في دارو توا...شبيه جابني هوني...و مهزنيش لداري...عضيت شفتي شوية...سكرت عينيا ورجعت فتحتهم...ذكرت لي صار البارح...هزيت يدي...عديت صوابعي عى شفافي...قلبي دق بالوقت...حسيت نفس الاحساس متاع البارح...وقت حط شفافو على شفافي...اول مرة يبوسني حد...اول مرة نعيش الاحساس هذا...دوب ذكرت حسيت قلبي باش يخرج من بقعتو...ترميت لتالي...و هزيت يدي حطيتها على قلبي...و يدي لاخرى على شفافي...تبسمت وحدي...زياااد باسني...قد ما قرب مني...قد ما حسيت بشفافو قراب لشفافي...ولا مرة توقعت انو هو باش يبوسني بالطريقة هاذيكا...سكرت عينيا...و سرحت في البارح...مذكرة كلشي بالتفصيل...حركاتو...كلامو...لمستو...كلشي...كانو قاعدة نعيش في الاحداث نفسها توا...تي مش مصدقة لانا عشت الحاجات هذوما معاه...و حتى اذا كانت حلمة منحبش نفيق منها...زياااد ورغم كلشي عشتو...و عديتو...رغم الظروف لي عرفتو فيها...هو كان كيف طابع السكر في حياتي المرة...بعد اكا الليلة...كرهت الرجال الكل...و ريحتهم...اما استندت عليه هو...باش نجمت نتعدا شوية من اللي صار...و كل مرة نحب نهرب من الواقع...يكون حضنو هو الملجأ الوحيد...اما اللي عشتو البارح اكبر من اني نجم نوصفو...بوستو خلاتني نطير لسابع سما...لعالم جديد...خلاتني نعرف انو انا نحبو...نحب راجل ما نعرف عليه شي كان اسمو...اسمو و كهو...حتى خدمتي معاه منعرف علاها شي...كلشي نجمت نفهمو لانا باش نكون عميلة و كهو...خذيت نفس...و تبسمت...منجمتش نقوم و لا نتحرك من بلاصتي...فرحتي تعدات كلشي...سكرت عينيا...و سرحت لبعيد...لحياة ما فيها كان انا و زياد كهو...فقت من سرحتي...على صوت لبرا...و حركة مش عادية...عقدت حواجبي...و هزيت روحي وقفت...قربت من الباب...حطيت يدي عالبواني...اما رجعت لتالي...كي سمعت صوت طفلة تحكي معاه...قلبي دق بالوقت...قربت من الباب اكثر حطيت وذني علاها...نسمع في يصيح معاها
زياد:ميراااال يزي
ميرال:هي معاك هوني مش هكا
زياد:شمدخلك انت مع شكون راني اه
ميرال:وينها...وينها
زياد:ميرال ¤¤¤¤ ياخي تحب ¤¤¤¤ انت شنية حكايتك
ميرال:قداش من مرة كلمتك ياخي...مش قتلي باش جي عندي شصار ياخي
زياد:مشغول...و تعرفني مش انا لي نتحط تحت امر الواقع
ميرال:محطيتك تحت حتى شي...قتلك حس بيا كهو...تاعبة راني...شي مرة عاتبتك على شي...سلمتلك في كلشي...حتى ولدي خسرتو على جالك...اما زادة معاتبتكش...حملتها و سكت
هزيت يدي حطيتها على فمي...كلامها تالي صدمني...حسيت بدني ترخف...حليت الباب شوية...دوب لحقت شفتهم...شفتو هز يدو في وجها يحكي
زياد:قتلك منحبش على صغار...قتلك خوذ احتياطاتك...اما انت شعملت
ميرال:ولدك راهو ولدك...كيف تنجم تتصرف بالبرود هذا...تي على جالك خسرتو...على جالك انت صار فيا شي هذا الكل...كنت مستعدة نربيه حتى بلا بيك...اما حتى هذا خذيتو مني...زياد صدقني تعبت...ما حاجتي بشي منك...حاجتي بيك وكهو...نحبك ليا كيما بكري...نعرف لفما شكون هوني معاك...و نعرف زادة لهي كيفها كيف غيرها...خاطرك في تالي باش تكون ليا
شديت بيدي عالحيط...كلامها خلا قلبي يدق بالقاوي...حاولت نشوفها اما منجمتش...شفتها حطت يدها على خدو و تحكي معاه فرد وقت
ميرال:زياد عيش حبي...ارجعلي...نحب نرتاح...نحب نحضنك و كهو
قربت منو حضناتو...جهامتو غطاتها...استنيتو يدزها يقلها اللي هوني...مش كيما غيرها...هي متاعي انا كهو...ستنيتو يحكي اي شي و ينفي كلامها...حبيتو يكون زياد متاع البارح...اما ما قال حتى كلمة...باقي يسمع فيها و كهو...حسيت بدمعتي نزلت بالوقت...عندو الحق...علاش يفسرلها...اصلا محضنها و مرتاح...ظاهر فيه يحبها...و اللي بينهم سوء تفاهم و كهو...و الا مستحيل توصل تحبل منو...سكرت عينيا ورجعت فتحتهم...نسمع فيه يحكي...و باقي محضنها
زياد:ميرال امشي توا مبعد نحكو
ميرال:باش جي عندي الليلة مش هكا
زياد:ممم برا ارتاح توا
ميرال؛باهي صرفها فيسع
زياد:سكر ¤¤ فمك...متغلطش في الكلام
ميرال:باهي باهي...هاني باش نستناك ليلة
زياد:باهي
وخرت لتالي...وقفت في نص البيت...نحب ننسا كلشي شفتو و سمعتو...هزيت روحي بالزربة...دخلت لبيت البانو...حليت السبالة...غسلت وجهي اكثر من مرة...استندت بيديا عالرخامة...و غزرت للمرايا...قد ما سخفني كلامها...غزلت علاها فرد وقت...خاطر حكات عليا اكاكا...نفخت بالقاوي...مش وقت اني نضعف جملة...لعشتو لبارح مستحيل يكون وهم...و مش وقت نكون سوار...دنيز الموجودة كهو...باش نعلمو ياخو كيما يعطي...باش نخليه يتقبل لي في حياتي...كيما قاعد يجبر فيا نتقبلهم...كان انا في نهار من نهارات باش نكون متاعو...هو زادة باش يكون متاعي برك...باش يكون لسوار و دنيز فرد وقت...خذيت نفس طويل...هزيت منشفة...مسحت وجهي...رجعت شعري لتالي...و خرجت للبيت...دنيا ساكتة...سمعت صوت تكسير في صالة...لبست كونفارسي...و خرجت بالزربة...وقفت نشوف معاه...رما الفازة عالارض...اصلا وقت يتغشش كلشي يجي على يدو يروح في الجرة...دور راسو غزرلي...هزني و حطني...و قرب ترما عالفوتاي...تكا لتالي...زعمة حالتو هكا...على خاطرها...عدا يدو على وجهو بالزربة...خذيت نفس و قربت منو...نعرفو وقت يبدا هكا...ميحمل حتى حد يدور قدامو..وقفت قدامو بالظبط..طلع راسو غزرلي...عوجت فمي شوية...معرفتش شنحكي...اصلا منعرفش فاش قاعد يفكر توا...نعرف كان باش نقول اي كلمة...باش ينبزني...كنت باش نرجع لتالي...اما تقويت على روحي...و قربت منو اكثر...قعدت على حجرو...غزرلي ندرا كيف...طبست راسي شوية...هز يدو حطها على ظهري...تكيت عليه...و حطيت راسي على كتفو...منعرفش قداش بقينا اكاكا...لا هو حكا...و لا انا نجمت نسألو شي...اصلا استغربت لهو بقى هادي هكا...حتى انا منحبش نفكر في اللي صار قبيل...مستحيل هو يكون لوحدة غيري...حتى كان ظطريت نكون دنيز طول عمري...حسيتو هدا شوية...طلعت راسي شوية غزرتلو...هز يدو بعدلي خصلة من وجهي يحكي
زياد:ارتحت في النومة
انا:ممم اما علاش جينا لهوني
زياد:تأخر الوقت على هذاكا
انا:ممم باهي
بقيت نلعب بصوابعي...حبيت نسألو على لي صار صباح...اما الكلام وحل في لساني...هز يدو...حطها على يديا فكهم على بعض...و غزرلي يحكي
زياد:شبيك
انا:شي
زياد:نسمع فيك
انا:ميرال
زياد:شبيها
انا:ت تحبها
بقا يشوف معايا...تكا لتالي...و نفخ بالقاوي...هزيت يدي شوية...حطيتها على رقبتو...باقي نشوف معاه...نستنا في يحكي...هز يدو يعدي في يدو على طرف شعري...و يحكي
زياد:معادش تخمم فيها باهي
انا:انت مليح مش هكا
هزلي براسو ايه...و هز يدو عدا صوابعو على خدي...يحكي
زياد:توا ارتحت
تبسمتلو ورجعتو حضنتو...كبس عليا بيدو...و نزل باسني من راسي...هو ليا انا كهو...مش باش يرجعلها...برغم اني مشفتش وجها...اما محبيتهاش حتى طرف...للحظة سخفت علاها و على صغير لي معندو حتى ذنب...اما مش دنيز لي تسلم...نعرف لزياد مش باش ياقف عند طفلة وحدة...نعرف لفرصتي معاه قليلة...اما مستحيل نضيعها...باش نحاول جهدي الكل...خاطر كل احسااس مات فيا...كان احساسي معاه...و خاطر طرف الاحساس هذاكا...باش نحارب عليه لتالي...خذيت نفس و طلعت راسي غزرتلو نحكي
انا:جعت
زياد:استغربت كيف بقيت ساكتة لتوا
انا:ههههه ايه شرايك انا نحضر الفطور
زياد:الفطور حاضر...هز روحك
انا:ياااا امتى حضرتو انت
زياد:من بكري
هزيت روحي منو بالزربة...و نزلت بستو...من الضربة لي تحت عينو...و نحكي فرد وقت
انا:اعععع حتى انا باش نموت من الجوع...مرسي زيادي
شفتو كي تبسم شطر تبسيمة...خرجت نجري من الصالة...دخلت للكوجينة...نحس في قلبي يدق بالقاوي...منحب حتى شي يفسد عليا...حتى الكلام لي سمعتو من هذيكا...قعدت عالطاولة...ظاهر محضرها من بكري...قعدت عالكرسي...قربت صحن ليا...و نعيط عليه فرد وقت
انا:زيااااد...زيااااد...زيييادييي...زيياد
نشوف فيه داخل و يقحر...تبسمتلو نحكي
انا:ساعة نعيط عليك
زياد:حتى الجيران سمعوك
انا:شيهمني فيهم...نحبك تفطر معايا
زياد:لا افطر انت توا باش نوصلك
انا:اول شي باش تاكول معايا...و ثاني شي شبيك مستعجل تحب طردني من هوني
زياد:ياخي شبيك تحكي برشا انت...من صغرتك هكا...و لا من نهار عرفتك برك
انا:سؤال صعب...بالعادة منحكيش برشا...اما انت ساعات متفهمش مليح...نظطر نفسرلك...هاذي هي الحكاية الكل
زياد:صار يا فرخة
انا:ممم
زياد:هيا برك خف روحك
انا:اقعد معايا قبل امان
نفخ بالقاوي...و جبد الكرسي...قعد مقابلني...دوب كلا...باز الحكاية مقلقاتو لتوا...تكيت لتالي نشوف معاه...تفاصيل وجهو حفظتها...اما ضربة هذيكا محلياتو اكثر...طلع راسو غزرلي...شلقت على روحي...كملت ناكول...نسمع فيه يحكي
زياد:باش نهزك لدار...و جرب برك...تخرج بلا ما تكلمني
انا:باهي...و انت وين ماشي
زياد:تحب نعطيك تقرير
انا:فهمت
قحرتلو...ورجعت ناكول...نسمع في تليفوني ينوقز من بعيد...هزيت روحي...دخلت للبيت...من غير زياد..و خالتي راضية و لا حد عندو رقمي...حتى من زياد حسيتو استغرب...هزيت تليفون...لقيت رقم منعرفوش...عقدت حواجبي...كنت باش نعلق...اما هزيت في اخر لحظة...نحكي
انا:الو
ياسر؛معادش تعقل
انا:ياااسر
ياسر:ايه ياسر...لباس
انا:لباس و انت
ياسر:لباس كنت باش نخبرك على شركة
انا:لقيتها ؟
ياسر:صراحة في نادي مفماش...قلت باش نرجعو لريستو متاع البارح...بلكشي ضيعتها غاديكا
انا:باهي ملا باش نتلقاو
قص عليا كيف جبد تليفون من يدي...تلفت نشوف معاه...ملامحو تبدلت بالكل...علق عليه...ورجع غزرلي...يحكي بصوت هادي
زياد:شيعمل ¤¤ نومروك عندو
انا:منعرفش هو كلمني
زياد:¤¤¤¤¤ عليا ياخي
رما تليفون على طول يدو...و شدني من يدي يحكي
زياد:جرب تقابلو اليوم...و الله يا سوار ما تلوم كان روحك
انا:اكاكا صحيتك سي زياد...انت احبسني في دار و برا اغرم زمانك معاها في ليل
زياد:فاش تخرم انت
انا:سمعتها قبيل راهو..."هاني باش نستناك الليلة"...نحكي و نقلد في صوتها...بقا يشوف معايا...نطرت يدي منو...ووخرت لتالي نحكي
انا:برا عندها من توا باز تكون تستنا فيك
زياد:شمدخل ¤¤¤ في الحكاية انتي
انا:ايه صحيح شمدخلني...اصلا شقاعدة نعمل معاك هوني منعرفش
قربت من سرير بالزربة...هزيت الفاست متاعي...و جيت خارجة من البيت...شدني من يدي رجعني لتالي يحكي
زياد:اخر مرة تتصرف...تصرفات متاع الفروخ هذوما...مكانش تشوف شي اخر
بقيت واقفة نشوف معاه...رجعت شعري لتالي...كرزني السخطة...حطيت يدي على جنبي...نحاول ناخو نفس...منحبش نضعف قدامو...طلعت راسي غزرتلو...خذيت نفس بالسيف نحكي
انا:نحب نمشي من هوني
زياد:جرب اخرج هوكا الباب قدامك
تعديت عليه...دوب وصلت لباب البيت...شدني من يدي...كبس علاها...دورني لصقني عالحيط يحكي
زياد:لعب الفروخ مش عليا
انا:مانيش فرخة
هز يدو...حط صوابعو على شفافي يعدي فيهم...و كابس عليا باليد لاخرى...قحرتلو نحكي
انا:سيبني
زياد:ششش اركح
انا:منحبش
زياد:شتحب
انا:نخرج من هوني
زياد:مممم يعني تخدم في مخك معايا
انا:هاك فهمتها فيسع
زياد:وين باش تمشي
انا:لدار مش هذا كلامك
زياد:نعرف تفوريخ راني...ملا هاني باش نقلك...باش تترص تبقى هوني لين نرجع
انا:شنننوة...و شباش نعمل وحدي
زياد:مش اموري
انا:اما
سكتني كيف...حط شفافو على شفافي...سكتني ببوسة خفيفة...خلاني واقفة في بلاصتي...نعدي في صوابعي على شفافي...فقت من سرحتي...على باب دار كي خبطت...لحقت عليه نجري...حاولت نحلها من داخل شي ضربتها بساقي ورجع للبيت ترميت عالسرير...زح شبيه حبسني هوني...باز باش يقابلها...اما مش باش تتعدالو بالساهل المرة هاذي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 45
بقيت واقفة في نص...نرحي فالغزول وحدي...حاولت نهدي روحي...ياخي شيستخايل في روحو باش يحبسني هوني...دورت عينيا عالبلاصة...نشوف في القزاز في كل بلاصة...نفخت بالقاوي...و نزلت لميتو الكل...غسلت ماعون...ركحت الكوجينة...دار بطبيعتها نقية...رجعت لبيتي...هزيت تليفون من عالارض...جاب ربي شعل...خليتلو ميساج..و اعتذرت منو...هزيت روحي باش نمشي لصالة...اما رجعت خطوة لتالي...كيف جات عيني على بيتو...كبست على تليفون في يدي...و قربت شوية...حطيت يدي عالبواني...قلبي دق بالوقت...كبست عليه اكثر و حليتها...سكرت عينيا و رجعت فتحتهم...قربت خطوة دخلت...عديت عينيا عالبيت...خذيت نفس و دخلت...حطيت تليفوني داخل مكتوبي..و قربت من الكوافوز...هزيت دبوزة برفانتو...حليتها...و قربتها من خشمي...خذيت نفس منها حسيت روحي تفرهدت..ريحة برفانتو كهو لي تهديني...للحظة حسيتو معايا و محضني... حطيتها من يدي...و عديت صوابعي على شفافي...مزلت نحس بشفافو...مزلت نحس بحضنو...دورت راسي شوية...قربت من القاردروب...حليتها...نشوف مع دبشو..منظم عاللخر...حتى في دار الزريعة...منظم...هزيت يدي عديتها عليهم شوية شوية...عديتها على كل قطعة...خذيت نفس...و قربت قعدت على طرف السرير...رميت يدي هزيت سوريتو..لكان لابسها البارح...خلاها مطيشة عالسرير...كبست علاها...و قربتها من خشمي نشم فيها...ريحة برفانتو...لي مخلطة شوية بريحة برفانتي...خلات قلبي يدق بالقاوي...خاطر ذكرت لي صار البارح...نحيت كونفارسي...و طلعت عالسرير...حطيت راسي على مخدتو...حتى فرشو...فيه ريحة برفانتو...هزيت يدي...عديتها على الفرش...سكرت عينيا...يدي رعشت بالوقت...للحظة تعدات الليلة هذيكا بين عينيا...صوتو يتعاود في وذني بالكلمة...منجمتش نتحرك من بلاصتي...نزلو دموعي بالوقت...مستحيل ينجم يخليني نهار مرتاحة...منعرفش كيف نجم ننساه و نتعدا كلشي...منعرفش اذا زياد بالحق باش ياقف معيا و ياخذلي حقي منو...و لا مجرد كلام برك...زعمة بالحق حاجتو بيا...زعمة بالحق باش ينسيني فيه...باش يحبني كيما نحبو...كي هكا شبيه لتوا مجاش...هوكا بدات تظلام...هزيت يدي...جبدت تليفوني بالسيف...حطيت نومروه و طلبتو...منعرفش قداش بقيت و انا نطلب فيه...هز عليا يحكي
زياد:سواار شفما ياخي
دوب سمعت صوتو غلبني البكا...حسيت بخنقة...خذيت نفس...و كبست صوتي نحكي
انا:وينك
زياد:ياخي كلمتني على هاذي انت
انا:انت عندها مش هكا...مشيت عندها
زياد:سوااار
انا:باش تعدي ليلة معاها
زياد:ناقص ¤¤¤¤ على راسي توا...شيهمك في ¤¤¤انت
انا:عندك حق شكون انا باش ندخل فيك...كيف باش تخليها هي و جي لوحدة ¤¤¤¤ كيفي...مسها شكون قبلك..باز باش تعيفها...شكون انا باش نقارن روحي بيها
زياد:سواار شبيك.. ¤¤¤ هبلت انت...شبيك تحكي هكا
انا:نقول في الحقيقة...اصلا انا الغالطة خاطر كلمتك...بونوي...تتهنى معاها
زياد:سوار
مخليتوش يكمل...نزلت تليفوني...و علقت عليه...نزلو دموعي بالوقت...لين رجعت نبكي بالشهقة...كبست على سوريتو اكثر...و سكرت عينيا...نعرف لباش يبقى عندها...نعرف لهي باش تبات في حضنو الليلة...اصلا شكون انا باش يخيليها على جالي...منجمتش نهز راسي...خذيت نفس و استسلمت لنوم...نحب نهرب منو و من روحي...نحب نرتاح و كهو
زياد يحكي:
نزلت تليفون...و رصيت على سناني...نحاول نهدي روحي قد ما نجم...كلامها خلاني نرقل وحدي...خاصة صوتها لخارج بغصة متاع بكا...طلعت راسي نشوف مع ميرال...هازة كاسة في يدها...لابسة نويزات...و كاب فوقها...قعدت قدامي...حطت ساق على ساق...و قربت مني باستني من خدي بوسة خفيفة تحكي
ميرال:توحشتك...توحشتك برشا...عيشك خاطر جيت عندي ليلة
مرجعتلهاش...اصلا راسي مش معاها...تفكيري مع الفرخة لاخرى...هزت يدها تعدي فيها على صدري...دورت راسي شوية نشوف معاها...نزلت على شفافي قبل ما نحكي كلمة...جبدتها شوية...غزرتلها...هزيت يدي بعدت خصلات شعرها...منعرفش علاش محسيتش شطر من اللي حسيتو مع سوار...خذيت نفس...و هزيت روحي وقفت...وقفت في جرتي تحكي
ميرال:زياد باش تمشي ياخي
انا:عندي خدمة
ميرال:خدمة شنية...زياد ياخي معاش حاجتك بيا
انا:ميرال تاعب راني...فك عليا
ميرال:مش باش نفكك...مش قتلي باش تعدي ليلة معايا
انا:اول شي معندكش برشا على عمليتك...يعني مستحيل يصير بينا شي توا...و ثاني شي...مش انت لي تقولي شنعمل
قربت مني حضنتني...دورت يديها على ظهري و تحكي
ميرال:نعرف لمش باش يصير شي بينا توا...اما نحب نبقى عندك...نحبك تحضني و كهو
حطيت يدي على ظهرها...منحبش نجرحها اكثر...نزلت على سنيا نحكي
انا:ميرال نعرفك قوية على هكا...برا ارتاح الليلة...متنساش ورانا برشا خدمة
ميرال؛نعرف...اما
انا:هيا ميرال...و نقص من التفكير سلبي متاعك جملة...نحبك ترجع كيما الاول
ميرال:باهي
طلعت راسها تشوف معايا...نزلت بستها من خدها...بوسة خفيفة...و هزيت روحي خرجت من عندها...نعرف كان مجيتهاش ليلة باش ترجع جيني...خدمت الكرهبة و طرت بيها...كل كلمة قالتها قاعدة تتعاود في مخي...منعرفش شبيها...اصلا كنت باش نرجعلها...حسيت روحي تخنقت...نزلت البلار خذيت نفس...الا ما نوريها ليلة...ضربت عالفولون بغزول...نبهتها اكثر من مرة معادش تجبدها الحكاية هذيكا...و تزيد تقولهالي ليا...تي كي نفكر فيها وحدي...نخرج من عقلي...خلي كي تقولهالي هي...دوب وصلت...شديت الفران بالقاوي...منعرفش على روحي كيف وصلت للباب...حليتها و دخلت...دورت عينيا عالدار لقيتها هادية...سكرت الباب...و قربت من بيتها...هديت علاها...عقدت حواجبي كي لقيتها فارغة...حتى بيت البانو مفتوحة...عديت يدي على وجهي بالزربة...دخلت لصالة مكانش...كنت باش نمشي للكوجينة...اما رجعت خطوة لتالي...كي لقيت باب بيتي مفتوح شوية...عقدت حواجبي...و قربت منو كملت حليتو...طلعت راسي نشوف معاها...راقدة عالسرير...قربت منها شوية...نشوف معاها...للحظة حسيت روحي هديت.قربت قعدت بحذاها...نزلت علاها شوية...حطيت يدي على خدها رجعت شعرها لتالي شوية...نشوف مع وجها احمر باش يطرشق...ظاهر لي كانت تبكي...نزلت عينيا شوية...نشوف مع سوريتي محضنتها بيديها...قلبي دق بالوقت...متوقعتش نلقاها في الحالة هاذي...نزلت نعدي في صوابعي على خدها...تململت شوية...دوب حلت عينيها...نزلت علاها بستها من خدها...وجبدت روحي لتالي...بقات تشوف معايا...هزيت يدي رجعتها على خدها...نعدي في صوابعي و نحكي فرد وقت
انا:شبي حالتك هكا
سوار:ا امتى رجعت انت
انا:من شوية
سوار:علاش خليتها شصار
انا:مازلنا باش نحكو في الموضوع
هزت روحها شوية...حكت عينها..ورجعت شعرها لتالي تحكي
سوار:لا شكون انا باش نحكي فيه
تبسمت على جنب...و نزلت علاها شوية...شديتها من جنابها...و جبدتها عندي...حاولت تجبد روحها...كبست علاها نحكي
انا:اركح
سوار:منحبش سيبني
نزلت علاها اكثر...بستها من كتفها...و طلعت نحكي في وذنها
انا:ششش اركح...مخلي خدمتي...و قاعد نسايس فيك راهو
سوار:تقصدها هي مش خدمتك
انا:غرت
سوار:هأة علاش حتى نغير
انا:ممم ملا...شنفهم من كلامك متاع قبيل
سوار:مش هذيكا الحقيقة
كبست علاها اكثر...دورتها عندي...نشوف معاها...غزرتلها نحكي
انا:لا...مش هذيكا الحقيقة انت عمرك ما كنت اكاكا..و كان انا وصلت قتلك الكلمة هذيكا...قلتها في لحظة غش كهو
سوار:اما انت تحبها هي
هزيت يدي عديت صوابعي على خدها...و نزلت بيهم لرقبتها نحكي
انا:و كيف عرفت لانا نحبها
سوار:خاطر حبلت منك
انا:وكي حبلت مني لازم نكون نحبها
سوار:ممم مش نتوما كنتو عايشين مع بعض
شدني ضحك...منعرفش كيف قاعدة تخمم...كملت نعدي في صوابعي و نحكي
انا:مش لازم نحبها باش تحبل مني
سوار:اما باش تبقى معاها
انا:ممم باش نبقى معاها و شي ما راح يتغير
سوار:و انا
انا:انت ما تقارن روحك مع حتى وحدة منهم
سوار:شكون تحب انت
انا:من وين قاعدة جيب في الاسئلة هذوما
سوار:جاوبني
انا:في رايك انت
سوار:منعرفش...انت قلي
انا:مممم لا مش باش نقلك توا
سوار:علاش
انا:اكاكا
سوار:يعني انت هكا باش ترجع لميرال...و باش تحبل منك زادة
انا:هههههه متخافش محاجتيش بصغار توا
سوار:علاش شبيهم صغار يجو محلاهم يتقرمشو
انا:هاني نربي فيك انت...برشا عليا صغير اخر
سوار:لا مانيش صغيرة
انا:صار
سوار:مممم و رد بالك جيب صغير منها
انا:علاش تحب جيبلي صغير انت
دورت عينيها على وجهي...بقات تشوف فيا...نزلت بصوابعي لشفافها...قربت منها شوية...نزلت بستها منهم...و نحكي فرد وقت
انا:تحب نجيبوه توا
دخلت بعضها...جات باش تقوم...شديتها من يدها رجعتها عندي نحكي و نضحك
انا:ههههه تي ايجا لهوني وين ماشية
سوار:هأة منحبش نجيب
انا:جيب شنوة
سوار:زياااد يزي
انا:ههههه باهي اقعد برك حاجتي بيك
سوار:باهي
رجعت قعدت عندي...تكات بظهرها على صدري...فهمتها الفرخة...دورت يدي على كرشها نحكي
انا:شعملت اليوم
سوار:شي قعدت هوني
انا:عجباتك بيتي
سوار:تبات فيها وحدك
انا:تحب تبات معايا
سوار:زياااد شبيك متحشمش ياخي
انا:الحشمة فوتها...متمشيش معايا
سوار:نعرف...اما نحبك جاوبني
انا:طمن من اليوم باش نبات فيها وحدي
سوار:ايه هكا احسن
انا:نقص من التفكير السلبي هذا باهي
سوار:باهي
انا:والله نسيت امور الخدمة الكل في جرتك
سوار:و انا زادة هملت خدمتي جملة
انا:قصدك ياسر
سوار؛مممم
انا:حاول تخلي حدود بينكم...و متخليهش يقربلك اكثر
سوار:باهي...باش نحاول ناخو اخبارو ديما...خاصة مع ادم...هكا اسمو
انا:علاش ادم
سوار:خاطر حسيت لانت تحب تعرف عليه اكثر
انا:باهي باهي...اما كيما وصيتك...اكا ريق تنقصو معاه...و تنقص تفوريخك معاه زادة...و مش كل مرة تمشي لنادي فهمت
سوار:وحدة وحدة زياد...والله فهمت
انا:باهي هيا قوم توا خلينا نتعشاو مع بعض
سوار:باش نحضروه مع بعض
انا:مممم هيا
سوار:باهي
نزلت بستها من خدها...وقفتها ووقفت في جرتها...دخلنا للكوجينة مع بعض...اول مرة نعيش لحظات هذوما...اول مرة نعيش احساس بعيد عالكره...عالانتقام...على انو المرا ترضيني و كهو...سوار كانت غير الكل...كنت نفد من تصرفاتها...اما حبيتهم مع الوقت...كنت نفد من تخرنينها و عنادها...اما ستانست بيه...كل تصرفاها دل على برائتها...براءتها...لرغم كلشي تعدا علاها من اكا الليلة لليوم مفقدتهاش...كيما متأكد انو اليمات الجاية مش سهلة جملة...و انو الماضي باش يرجع كل مرة...باش يكون الفاصل بينا...و اللي في حياتنا الكل باش يكونو الفاصل بينا...اما باش نحميها...باش تكون ليا انا و كهو...هذا الكل لي قاعد يدور في مخي و انا نشوف معاها كيف تتحرك في الكوجينة...و شايخة...تكيت لتالي...نرا فيها...نحب نشبع منها...نحب نخلي صورتها محفورة في مخي..نحب الوقت ياقف و معادش يمشي...نحب نرتاح و كهو
فقت من سرحتي...كيف قربت المغرفة من فمي...طلعت راسي غزرتلها...تبسمتلي تحكي
سوار:ذوقها
حليت فمي...ذقت صوص من يدها...ضيقت عينيا بالوقت عوجت فمها تحكي
سوار:شنوة
انا:مليحة...ناقصة ملح
سوار:كهو
انا:ممم
سوار:باهي
تكيت عالرخامة و باقي نشوف معاها...تزيد في الملح و تنفخ...تيسمت بالوقت...رميت يدي...جبدتها من يدها عندي...دورت يديا على ظهرها طلعت راسها غزرتلي...هزيت يدي عديتها على خدها نحكي
انا:شرايك نتعشاو برا
سوار:علاش
انا:اكاكا
سوار:شنوة لاكاكا ياخي
انا:مزال حاجتب بروحي و ميجيش راجل كيفي يدخل للكلينيك خاطر تسمم
سوار:صار...ياخي مش مستانس تاكول معايا انت
انا:صحيح اما اليوم حاسك مش قد بعضك
سوار:لا مليحة...و باش نتعشاو هوني و انت باش تاكول بالسيف عليك
انا:باهي باهي باش ناكول اما
سوار:اما شنية
طلعتها عندي اكثر...كبشت في جنابي...نزلت بيدي لشفافها...و غزرتلها نحكي
انا:اما نحب على شي اخر توا
سوار:شنية
مرجعتلهاش نزلت علاها اكثر...حسيتها رخفت بين يديا...دوب وصلت لشفافها...كبشت فيا اكثر تحكي
سوار؛ز زياد
انا:ممم
سوار:صوص
انا:شباها
سوار:تحرقت
شدني ضحك...رخفت يدي علاها بالوقت...حكيت لحيتي نحكي
انا:برا شوفها
سوار:والله تحرقت كلو في جرتك
انا:ملا خلينا ناكلو لبرا
سوار:لا
انا:باش ناكلوها محروقة ملا
سوار؛زادة لا
قربت منها...رجعتها لتالي بيدي...و نزلت ذقت الصوص...تلفتلها نحكي
انا:تعدي روحها...خلينا نتعشاو
سوار:تفرك فيهم عليا
انا:هكا بنينة اكثر
سوار:بالحق
انا:ممم بالحق
سوار:باش ناكلو لبرا
انا:لا هيا حضر الطاولة
سوار؛باهي...اما باش تاكولها راك
انا:مممم و بالسيف زادة خف روحك برك
سوار:اوكي
تحضر في الطاولة و تخرنن...انا اكاكا و ينوقز تليفوني...لقيتو ادم...تبسمت بالوقت...ادم خويا و صاحبي فرد وقت...كل مرة يكون في مشكلة نحاول نخرجو منها من غير ما يحس...كيما متأكد لهو يعمل معايا نفس الشي...كل حد فينا يعاون لاخر من غير كلام...كل حد فينا مجروح...جرح قديم تعدات عليه سنين...جرح غطيناه بحبنا لبعض بوقفتنا مع بعض...فرق العمر الصغير اللي بينا..ما غير حتى شي فقت من سرحتي على صوت سوار
سوار:شكون
هزيت يدي سكتها و هزيت عليه نسمع فيه يسب و يحكي فرد وقت
ادم:وين ¤¤¤ ياخي مش قتلك باش نتلقاو عند توفيق
انا:واللهراحت من بالي انت غديكا توا
ادم:هاني نسمع في نصائح بوك العظيمة
انا:هههه ربي معاك
ادم:وينك
انا:في داري
ادم:قاعد ¤¤¤¤ غادي و خليتني جيت هوني وحدي
انا:ناوي على صغير ليلة
ادم:هههه اكا لي خصك و انت مزال توفيق يربي فيك
انا:هههه برا ¤¤¤ خليني نتعشى
ادم:باهي باهي انا باش نعدي ليلة هوني نستناك صباح
انا:باهي سلم على عزيزة و قلها تسايس توفيق شوية خاطر بدا يكبر
ادم:هههه ظاهر احنا لي كبرنا
انا:هههه هيا برا على روحك
ادم:هههه باي
علقت عليه و طلعت راسي لقيتها تشوف معايا و تفرك في يديها طلعت حاجبي نحكي
انا:شفما
سوار:شكون كلمك
قحرتلها جبدت الكرسي قعدت و نحكي فرد وقت
انا:تعرفني نفد من الاسئلة هذوما
سوار:اما
انا:سوااار اخر مرة تسألني الاسئلة هذوما...شكون كلمت و مع شكون كنت و لا شكنت نعمل ميهمكش جملة فهمت
جبدت الكرسي و قعدت مقابلتني...قحرتلي تحكي
سوار؛و انت زادة معادش تسألني
انا:مش نفس شي
سوار:شنوة الفرق
انا:انت في حمايتي...امير و لا ياسر و لا اي حد من اللي باش تقابلهم...مش رجال اعمال و من الاغنياء كهو...هوما اكبر ببرشا من هكا و اعرف انو كل مرة تكون معاهم حياتك تكون في خطر
سوار:نعرف و انت بكلامك تقصد سوار مش دنيز
انا:شتقصد
سوار:هوما يعرفو دنيز و كهو...يعني حد فيهم ما ينجم يأذيني...اصلا شكون باش يأذي دينز...بنت العز و الجاه...غنية و ماخذة دنيا لعب...سوار حد ما يعرفها غيرك...اما صدقني كان انت جرحتها لسوار...باش تموت جملة وقتها و باش نلغيها من حياتي...باش نكون دنيز و كهو...و انت اكثر حد تكرها و تفد منها هالدنيز
كملت كلامها و نزلت تاكول...بقيت نشوف معاها...اول مرة واجهتني بالكلام هذا...حسيت الغزول ركبني...حاولت نهدي روحي قد ما نجم...ساعات منجمش نتحكم في روحي...خذيت نفس و بديت ناكول...بقا الجو مكهرب بينا اما والله طلعت المقرونة بنينة بصوص محروقة...دوب كملت هزيت روحي خرجت من الكوجينة...دخلت لبيتي...عملت دوش...مزلت مغزل منها...اما احسن شي نبقى ساكت...كلامها صحيح...دنيز لانا خرجتها لدنيا بيديا...نكرها و نفد منها...لبست سروال سيرفاتمون...و ترميت عالسرير...ضربتني ريحتها لمخلطة بريحتي...اول مرة نرتاح في فرشي هكا...حطيت يدي على راسي...و سرحت في سقف...انا اكاكا...و نحس بيها داخلة...نزلت عينيا نشوف معاها...لابسة بيجامة طويلة بالكل...شعرها مشمخ...شدني ضحك...منعرفش منين جابتها...محبيتش نحكي معاها...قربت مني اكثر...طلعت عالسرير...حطت راسها و يدها على صدري...سكرت عينيا بالقاوي...شي من قربها...و شي من شعرها لي مشمخ...و تحط على بدني...حركت يدها شوية تحكي
سوار:تغششت مني
هزيت يدي حطيتها على ظهرها...مرجعتلهاش...سمعتها تنهدت تحكي
سوار:نعرف لحياتنا مش باش تكون هادية...و مستحيل نجمو نكون مع بعض...الفكرة هاذي برك تخوفني...انا مستانس بشكون في حياتك...اما انت اول حد في حياتي...قاعدة نقنع في روحي انو لازم نتقبل...اما داخلي منجمتش...دنيز تنجم اما انا لا...و انا منحبش نكون هي...منحبكش تكرهني
هزيت يدي شوية...غرستها في شعرها...كبست عليه نحكي
انا:ششش انا باش نبقى معاك
سوار:حتى مع دنيز
انا:مممم انت في الحالتين تابعتني
سوار:باهي
انا:شبيك مشيحتش شعرك
سوار:تاعبة اصلا غسلتو بالسيف
انا:كان عيطتلي كنت عاونتك فيه
سوار:زايد بليد و متحشمش
انا:ههههه باهي قولي وين لقيت البيجامة هاذي
سوار:في القاردروب متاع بيتي...مش انت شريتلي دبش كي كنا هوني...وقت نقلنا لدار زريعة...الفاليز مكفاتنيش خليت شوية دبش هوني
انا:و لقيت غير هاذي
سوار:ممم باقي دبش متاع برا
جبدت روحها شوية طلعت راسها غزرتلي تحكي
سوار:استنا و هاذي شخصها ياخي
انا:شي
سوار:ملا علاش معجباتكش
انا:بالعكس عجبتني و عجبتني حاجة اخرى شاهيها من صباح
سوار:اعععع هامل
انا:ايجا نوريك الهامل شيعمل
سوار؛هأة سيبني باش نمشي لبيتي
انا:بالساهل هو
دوب جات تجبد روحها كبست علاها و قلبتها تحتي نزلت علاها شوية جا وجهي مع وجها تبسمتلها بخبث نحكي
انا:شنعمل فيك توا
سوار:شي...كنت نفدلك والله
انا:تفدلك
سوار:ممم
انا:اما مش باش يتعدا تفدليكك بالساهل
سوار؛شباش تعمل
انا:باش تتعاقب
سوار:باش تعضني مش هكا
انا:مش فكرة خايبة
سوار:اعععع لا مستحيل
انا:علاش
سوار:توجعني سيبني معادش نقولها للكلمة
تبسمت على جنب و نزلت علاها اكثر...دوب وصلت لشفافها دورت راسها جاو شفافي على خدها...ضحكت بالوقت...عضيتها عضة خفيفة دورت وجها غزرتلي كبست علاها اكثر
انا:في بالك باش تسلك
مرجعتليش باقية تشوف معايا دوب رجعت نزلت علاها بقات تحرك في راسها شدني ضحك ناقص تفوريخ انا ضحكت نحكي
انا:ههههه اركح يا فرخة
سوار:مش باش نخليك تعضني
انا:باهي اركح ساعة خليني نشوف وجهك و لا باش نعمل شي ميجيش في مخك
غزرتلي و حلت فمها شطر عرفت وين هزها مخها...غافلتها و نزلت على شفاتها...عضيتها و جبدت روحي شوية عينيها زغلو بالوقت جات باش تحكي نزلت علاها اكثر و غطست في شفافها مخليتهاش تحكي و مخليتهاش تبكي زادة حسيتها رخفت تحتي جبدت روحي شوية منها و نزلت لوذنها نحكي
انا:شنعمل انا..نحب نعضك
سوار:ت توجع
انا:تو تستانس مع الوقت
سوار:هأة
انا:نعمبو الكلمة هاذي خلينا نرقدو احسن
سوار:عندك
انا:علاش ناوية تمشي لبيتك
سوار:مش باش ترجع تعضني
انا:هههه لا طمن
سوار:باهي ملا
ترميت لتالي نضحك دورت يدي علاها جبدتها عندي عنقتها من تالي هزت يدها تعدي فيها على شفافها تبسمت نحكي
انا:شوية و تروح الوجيعة
سوار:باهي
كبست علاها اكثر نشم في ريحتها لين حسيتها هدات عرفتها رقدت سكرت عينيا و استسلمت لنوم
تصبيرة قبل الليل ♥♥
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 46
فقت الصباح...نحل في عينيا بالسيف...حسيت بيدي
رزينة...تبسمت على جنب...مزالت في حضني الفرخة...جبدت روحي شوية...حطيت يدي على خدها نعدي فيها...راقدة و مش حاسة بشي...اول مرة نرتاح في نومة هكا...اول مرة نحضن طفلة وقت نبدا راقد...كلشي قاعد نعيش فيه لاول مرة...الفرخة دخلتني في حيط...عمري ما توقعت نوصل نتعلق بطفلة لهدرجة...قربها برك يكفيني...تبسمت على جنب...و انا نشوف في فمها محلول شطر...جبدت يدي منها شوية شوية...نزلت علا بستها من شفافها...بوسة خفيفة...و هزيت روحي...دخلت لبيت البانو...عملت دوش...بدلت دبشي...و خرجت...لقيتها بدات تفيق...حكت عينيها و غزرتلي تحكي سوار:ياخي امتى فقت انت انا:من بكري سوار:وين ماشي عالصباح انا:عندي خدمة قوم حضر روحك نوصلك في طريقي سوار:مممم باهي انا:هيا فيسع سوار:تي لحظة مزالت نعسانة راهو انا:سوااار سوار:باهي باهي خرجت و خليتها...دخلت للكوجينة...حضرت فطور خفيف...شوية و دخلت عندي...لابسة روبة طويلة...فكرتني في اليمات الاولى وقت جبتها لهوني...قعدنا عالفطور...غزرتلي تحكي سوار:علاش فقت بكري...وين ماشي عالصباح انا:شقتلك عالاسئلة هاذي لبارح سوار:باهي اما علاش تحب ترجعني لدار انا:هذاكا لي لازم يصير سوار:علاش متحبش تخليني معاك هوني انا:منجمش سوار:باهي علاش متبقاش معايا في دار لاخرى انا:زادة منجمش...و نقص عليا اسئلتك عالصباح سوار:باهي تهنى بفطورك
نطرت الكرسي لتالي...و هزت روحها وقفت بالزربة...رصيت على سنيا...دوب تعدات من قدامي...جبدتها من يدها...جات قاعدة عندي...جات باش تقوم كبست علاها اكثر نحكي
انا:اركح شبي ¤¤¤ قبيحة هكا
سوار:سيبنيي
انا:اركحح
سوار:سييييييببببنيييي
انا:شبي ¤¤¤ تصيح هبلت
سوار:منحبببش نحكي معاااك راهو
كبست علاها اكثر...دورتها عندي...حسيتها توجعت قحرتلها نحكي
انا:مزلت تصيح تشوف شنعمل فيك
سوار:سيييي
قصيت علاها عضيتها...من شفتها لوطنية...دوب جبدت روحي...ضربتني بيديها على صدري تحكي
سوار؛سييبني يا سخطة...معادش تعضني
تحكي و دموعها هابطين فرد وقت...شدني ضحك...عرفتها توجعت...سخفتني فرد وقت...دورت يدي على ظهرها...جبدتها عندي...عنقتها...و نحكي فرد وقت
انا:يزي...تو تنقص الوجيعة
سوار:هأة مش باش تنقص...كلو جرايرك
انا:انت جبتها لروحك
سوار:طلبت منك شي واحد كهو...اما انت تفكر فيا اخر وحدة
انا:ششش...انا و انت منجموش نبقاو فرد بلاصة
سوار:علاش
انا:العيون الكل علينا...و لازم حتى حد ما يعرف شنوة طبيعة علاقتنا...انا و انت معرفة قديمة شوية و كهو...شريك بوك...و تلقينا بايطاليا من قبل...خاطر احتمال امير يظهر في ساحة مرة اخرى
سوار:باهي و شكون باش يبقى معاك هوني
انا:سوااار نقص من تفكيرك هذا
سوار:ميرال باش جيك لهوني
انا:سواار
سوار:ااففف باهي
انا:هيا قوم خلينا نمشو...خف روحك
سوار:باهي
هزت روحها...وقفت...فرد وقت تعدي في يدها على شفافها...شدني ضحك...هزيت روحي في جرتها...سبقتها...خالطت عليا...تمشي بالسيف...طول الثنية و هي تقحرلي...هزت يدها حطت شعرها على جنب تحكي
سوار:زيااد
انا:ممم شتحب
سوار:كرهبة
انا:شنوة
سوار:نحب على كرهبة
انا:هوكا مخليلك زوز في دار...اختار لي تحب و شوفور تحت تصرفك
سوار:هأة نحب انا نسوق
انا:صار
سوار:ممم و منحبش ناخو كرهبة عم فاتح...خاطر كبيرة برشا...انا نحب على وحدة صغيرة امااان
زياد:باهي يا لالة
سوار:و نحبها حمرا زادة
انا:تدلل
سوار:بالحق باش جيبهالي
انا:ممم
سوار:ياا بالحق مرسي
مزالت تحكي...شديت الفران خاطر وصلنا...تلفتتلي تحكي
سوار:امتى باش نرجع نشوفك
انا:منعرفش...اما باش نكلمك طمن
سوار:باهي
قربت مني اكثر...باستني..من الضربة لي تحت عيني...و نزلت تجري...تبسمت بالوقت...و طرت بالكرهبة...لدارنا...لقيت ادم غادي يفطر...مع بابا و عزيزة...قعدت معاهم عالطاولة...توفيق مخلا شي و قالهولي...و ¤¤¤¤ لاخر شاد ضحك بالسيف...حصيلو عديت صباح ¤¤¤¤ مع نصايحو...دوب خرج من صالة...بقيت انا و ادم راس براس...حكينا في امور الخدمة...و الحفلة اللي راحت من بالي جملة...احسن شي مزال يمات علاها...و تكون ميرال تحسنت بالقدا...خاطر لازم نهزها معايا...اول شي هي شريكتي بالخدمة...و ثاني شي...الكل يعرفو بعلاقتنا...عدينا نهار نحكو في تفاصيل...و فرد وقت مغابتش على مخي جملة...والله ناقص انا الفرخة...باش نهبل عقاب عمري
سوار تحكي:
تعداو 3 ايام...على اخر نهار شفتو فيه...صحيح يكلمني...اما دوب نسمع صوتو و لا نحكي معاه يرجع يعلق...نعرف لواحل مع الخدمة...اما زادة رجعت على اعصابي اكثر...لتوا مش مصدقة لي صار بينا...لتوا مش مصدقة لانا كنت معاه...يومين كهو...شفت شخص اخر في زيااد...نعرف روحي قاعدة نغلط...قاعدة نغرق بالشوية...اما منجمتش نمنع روحي...اصلا في حياتي مفما حد ثابت غير زياد...كيما نعرف لعلاقتي بيه باش تكون مستحيلة...على هذاكا كل مرة نخمم على اني دنيز...اني مستحيل نسلم...و نخلي كلشي يتعدا بالساهل...و اني نعاملو بالظبط كيما يعاملني...هو باش يكون متاعي انا و كهو...اما شي هذا مستحيل ينطبق عليه...هو مينجمش يكون ليا برك...3 ايام دخلت في صراع مع روحي...نخرج منو كان وقت يكلمني...فقت الصباح مروهجة كي العادة...على صوت تليفوني ينوقز...في بالي زياد...ياخي لقيتو ياسر...هزيت عليه نحكي
انا:الو
ياسر؛مزلت راقدة يا قطوسة
انا:لا هاني فقت
ياسر:هيا فيسع عارضك على فطور عالشط
انا:مممم باهي نحضر روحي و نجيك
ياسر:باهي نستنى فيك
انا:باهي
حطيت تليفون...و عديت يدي على رقبتي...تنهدت من عروش قلبي...حاسة شي ناقصني...كل مرة نءكر شركتي نحس بخنقة كبيرة...نزلت من الفرش...دخلت لبانو ريقلت اموري...خرجت...لبست روب فلوري فوق الركبة...و كعب مش عالي برشا...لميت شعري كوت دوشفال...حطيت مكياج خفيف...تبسمت على جنب...توا دنيز رجعت حاضرة بالقدا...نزلت اللوطة...خبرت خالتي راضية...لانا باش نفطر برا...و فرد وقت نطلع لتليفوني مفماش نلقى ابال منو...اما شي...نفخت بالقاوي...و خرجت...عينيا وساااعت...و انا نشوف في كرهبة حمرا مراكية قدام الدار...مستحيييل بالسرعة هاذي...حطيت يدي على فمي و ضحكت بالوقت...قص عليا صوتو من تالي
زياد:عجباتك
تلفت ليه بالزربة...و باقي نضحك...نطرت عليه حضنتو بالقاوي...فرحت بشوفتو اكثر من الكرهبة...حضنتو بكل قوتي...عدا يدو على ظهري يحكي
زياد:يا فرخة خنقتني راك
انا:توحشتك شنعمل
زياد:فرحت بالكرهبة مش بيا
انا:لاااا
زياد:باهي باهي...عجباتك
انا:ممم تهبل
زياد:باهي سيبني و برا شوفها
انا:هأة توحشتك
زياد:ملا باش نرجعها
انا:اعععع لا هاني باش نشوفها
جبدت روحي منو...قربت من الكرهبة...نتفحص فيها...نحس في قلبي يدق بالقاوي...انا اكاكا...و نوقز تليفوني لقيتو ياسر...عضيت شفافي...و غزرتلو...عقد حواجبو...حسيتو فهم لفما حاجة...قرب مني شوية يحكي
زياد:شفما
انا:شي
زياد:سوااار حل فمك
انا:الحقيقة ياسر يستنى فيا عالفطور
زياد:صار
انا:ممم
زياد:شقتلك اخر مرة
انا:اما انا قتلك لي مفماش حل اخر
زياد:قابلتو اليمات لي فاتو
انا:مرتين
زياد:هههههه و مرتين زادة...شخص كان جبتو معاك لدار
انا:زيااااد يزي
زياد:محطيت حد يراقب عليك خاطر كنت نستنى فيك تخبرني بكلشي...اما ظاهر ميمشيش معاك هكا
انا:زيااد شصار ياخي...انت اكثر حد تعرف لي لازم علاقتي تكون مليحة معاه
عدا يدو على وجهو و شعرو بالزربة...و غزرلي يحكي
زياد:برا بدل ساعة مبعد نشوفو اخرتها
انا:مستحيل...اصلا تأخرت عليه برشا
زياد:شيهمني في ¤¤¤¤¤ انا نحكي عليك انت
عرفتو تغشش...ووصل لاخرو...قربت منو بالزربة...شديتو من يدو نحكي
انا:يززي والله فطور عادي...و انا توا دنيز مش سواار...شبيك عاقدها هكا...و زادة لبستي الكل انت اخترتها من نهار الاول شصار توا
زياد:باهي يا سوار باهي...اما مش باش تتعادلك بالساهل
انا:نجم نمشي توا
انا:نعرف...ميسالش نجرب كرهبتي
مرجعليش...قربت بستو من خدو...و دخلت للكرهبة...حطيت صاكي و خدمتها...نشوف معاه من المرايا...باقي واقف في بلاصتو...اصلا مستغربة كيف مزال هادي...خدمت الكرهبة و خرجت احسن ما يدور في رايو...صحيح مزلت ناقصة برشا...اما نعدي روحي...تبعت les plaque الكل باش ما نعمل حتى غلطة...ريحة برفانتو مزالت داخل الكرهبة...فرهدتني طول الثنية...دوب وصلت...ركيتها على جنب...و مشيت بالزربة لياسر...لقيتو فد عاللخر...سلمت عليه...و قعدت...اعتذرت منو...لقيتو طلب فطور...بقيت نفطر معاه...و تفكيري مع زياد...فيقني من سرحتي كي حكا معايا
ياسر:دنيز
انا:مممم
ياسر:نحب نطلب منك شي
انا:تفضل
ياسر:فما حفلة اخر الاسبوع...تحب جي معايا
جيت باش نحكي...اما على تطليعتي...لقيتو قاعد في اخر طاولة...يشوف معانا...و ماخو راحتو في القعدة...عينيا وساعت بالوقت...و قلبي دق بالقاوي...غزرلي ندرا كيف...فيقني من سرحتي ياسر يحكي
ياسر؛دنيز وين سرحت ياخي
انا:اه
ياسر:لباس ياخي
جا باش يتلفت...وقفتو...كيف تبسمتلو نحكي
انا:لباس لباس...مش كنا نحكو عالحفلة
ياسر:مممم شرايك
انا:حفلة شنوة
ياسر:جمع التبرعات...حفلة موسيقية و تنكرية فرد وقت
انا:مممم باهي...نشوف بروقرامي..و نقلك
ياسر:باهي
دوب نجمت نتبسملو...و انا تفكيري الكل معاه...باقي يغزرلي...حسيتو مش ناوي على خير...اصلا منعرفش كيف نجمت نعدي الفطور هذاكا...و منعرفش زادة شنوة اللي راح يصير..قاعدة مع ياسر...و عقلي مع زياد...لحق يخالط عليا السخطة...تي لقمتين منجمتش لحقهم ورا بعض...كلشي عملتو...حاولت نتصرف عادي..كانو مش موجود هوني جملة
اول ما كملنا الفطور...هزيت روحي وقفت...وقف ياسر في جرتي يحكي ياسر:لباس ياخي شبيك ليوم مش على بعضك انا:شي جيست اما بابا وصاني نبعثلو ايميلات و نسيت...و اجتماعو بعد ساعة ياسر:وين هو انا:في امريكا ياسر؛باهي تحب نوصلك توا انا:لا جيت بكرهبتي مرسي ياسر؛ممم باهي ملا باش نتلقاو مبعد انا:بالطبيعة
قربت منو...حطيت يدي على يدو...سلمت عليه...و نحكي فرد وقت
انا:باش نشوفك مبعد
ياسر:وي بالطبيعة باي
انا:باي
وصلنا لكراهبنا بالوقت...بقيت نشيع فيه لين هز كرهبتو و طار بيها...اول ما فتحت الباب باش نركب...رجع سكرو بيدو...و يحكي فرد وقت
زياد:صحة الفطور
قلبي دق بالقاوي...تلفت نشوف معاه...تبسمتلو بالسيف نحكي
انا:عيشك
زياد:هيا توا قدامي تحرك
انا:وين
زياد:مزلت تسأل...تحرك قدامي
نفخت بالقاوي...جيت باش نحل الباب مرة اخرى...جبدني لتالي...فكلي المفتاح من يدي...سكرها...و جبدني معاه لكرهبتو...حل الباب و دزني الداخل...ركبت بلا ما نقول كلمة...اصلا غشو خايب...ركب قدامي و خدم الكرهبة طار بيها...غزرتلو نحكي
انا:زيااد ياخي شنوة لي قاعد يصير
زياد:انت لباش تفسرلي
انا:نفسرلك شنوة
زياد:مش قتلك ¤¤¤¤¤ هذاكا متقربش منو لهدرجة...الحالة كبرت رجعت تسلام و ضحك و فطور عالصباح...شمزال يصير ياخي
انا:زياااد ياخي مش حكينا فيه الموضوع هذا
زياد:مزالت تقولي حكينا فيه...¤¤¤¤ معاه و تقولي حكينا فيه
انا:نخدم في خدمتي كان تحب نذكرك...و الا معنديش علاش نقابلو
زياد:بربي...و شنوة استفدت من الفطور قولي تراه
انا:فما حفلة اخر الاسبوع
زياد:هاك عملت انجاز كبير...كان مش انت قتلي توا...مكنتش نعرف لفما حفلة
قحرتلو...ورجعت تلفت...نغزر لثنية...و نحكي فرد وقت
انا:يحبني نمشي معاه
زياد:صااار
انا:مممم
زياد:كان تحط ساقك في الحفلة هذيكا الا ما نقصهالك
انا:شفاها ياخي...حفلة عادية
زياد:متمشيشش مع ¤¤¤¤¤ متهبلنيش
انا:انت باش تكون غادي
زياد:شمدخل ¤¤¤ ياخي
انا:باش تمشي معاها مش هكا...على هذاكا قاعد تتصرف معايا هكا
ضرب يديه عالفولون...شد الفران بالقاوي...و تلفتلي...يحكي و يصيح فرد وقت
زياد:ياخي شنية حكايتك معاها...تعرفها الطفلة انت باش قاعدة تحل في فمك علاها...و اخر مرة نبهك معادش تدخل في علاقتي معاها
بقيت نشوف معاه...كلامو وجعني عاللخر...اما مش المرة هاذي...تبسمت على جنب نحكي
انا:عندك حق...شكون انا باش ندخل روحي...حياتك و انت حر فيها...اما حط في بالك...علاقتي مع ياسر و لا غيرو...خارج اي مهمة تقول علاها انت...متهمكش...خلينا نقصوها من توا احسن...وقت تحتاج دنيز باش تلقاني...و نفذ لي تقول عليه...اما معادش تلوج على سوار جملة باهي
جا باش يحكي قصيت عليه كي حليت باب الكرهبة و نزلت...سكرتها بالقاوي...نشوف في الكراهب معديين...حاولت نلقا بيناتهم طاكسي...ملقيتش...سمعت صوت باب الكرهبة عرفتو نزل عندي...اول ما قرب مني...رميت ساقي باش نشق الكياس...من غير ما نفكر في حتى شي...نشوف في كرهبة تجري...قلبي دق بالوقت...غطيت وجهي بيدي...حسيت بيدو جبدتني لتالي...كبس عليا...حسيت ساقيا معادش يهزوني...دوب نجمت ناخو نفس...نسمع فيه يحكي
زياد:شفت تفوريخك وين يوصلك
حطيت يديا زوز على صدرو...و جبدت روحي منو...قحرتلو نحكي
انا:مكانش لازم تجبدني
زياد:نقص ¤¤¤¤¤ و اطلع للكرهبة خف روحك
انا:شمدخلك فيا ياخي برا على روحك
زياد:سوااار
انا:اسمي دنييز مش سواار
حسيتو فد...قرب مني...جبدني من يدي يجر فيا للكرهبة...حاولت نجبد يدي منو...و نصيح فرد وقت
انا:سيبني يا هامل...سيبني
زياد:والله يا سوار كان متلمش روحك...ما نقتلك اليوم
انا:محسوب خفتك...تي سيييبني...نمشي وحدي
مرجعليش...دوب وصلنا...للكرهبة...شفت كرهبة متاع الحاكم متعدية...وقفتها بيدي...حسو لي فما حركة مش عادية...وقفو الكرهبة...و نزلو منها زوز...تلفت غزرلهم...ورجع غزرلي...تبسمتلو بخبث...رخف يدو على يدي يحكي
زياد:مش باش تتعدالك بالساهل
انا:فكها معاهم ساعة
عدا يدو على شعرو...و قحرلي تقحيرة موت...جا باش يحكي...لحقو بالوقت...قص عليه واحد فيهم يحكي
هو:لباس مدموزال فما حاجة
غزرت لزياد...لقيتو مزال يغزرلي...رجعت خصلة ورا شعري...و غزرتلو نحكي
انا:سي سيد قاعد يقلق فيا...يحبني نمشي معاه بالسيف
هو:مسيو صحيح لقاعدة تحكي فيه
زياد:صحيح
هو:فاش قام
بقيت نغزرلهم...تي زح يحكي عادي و مش على بالو...تبسم على جنب...و جبد كارت من الفاست متاعو...حطها في يد الحكام...لي عينيه وساعو بالوقت...رجعلو الكارت يحكي
هو:سامحنا على تأخير...كان تحب تو نحكو معاها
انا:تحكي مع شكون
هو:مدموزال احنا
قص عليه زياد...كيف نزل شدني من يدي كبس عليا...و يحكي معاه فرد وقت
زياد:المدموزال معايا...برا شوفو خدمتكم
هو:باهي سامحنا مرة اخرى
انا:يسامح شنية ياخي
مرجعوليش...رجعو لكرهبتهم...جبدت يدي منو...نحكي
انا:ياخي انت شاري البلاد و لا شنية حكايتك بالظبط
مرجعليش...حل باب الكرهبة و ركب...بقيت نشوف معاه...عرفتو يستنا فيا باش يمشي...خذيت نفس...ووليت ركبت...طار بالكرهبة...طول الثنية و هو ساكت...حتى انا معرفتش شنقول...نعرف كثرتلها...و الفازة مش باهية جملة...اما زادة هو كثرها...فقت من سرحتي كيف شد الفران بالقاوي...جيت باش نحكي...قص عليا بكلمة
زياد:انزل
خذيت نفس...محبيتش نزيد معاه اكثر...فتحت الباب و نزلت...دوب سكرتها...دور الكرهبة و طار بيها...بقيت نشوف معاه...لين غاب جملة...رصيت على سنيا...منحبش نبكي...منحبش نضعف...اصلا معادش فاهمة وين انا جملة...مشيت شوية وقعدت عالدرجة...منعرفش قداش تعدا وقت و انا قاعدة...حسيت بيد خالتي راضية تحطت فوق كتفي...تحكي
راضية:دنيز شتعمل هوني بنتي
انا:خالتي ياخي انا خايبة لهدرجة
راضية:وه علاش الكلام هذا توا
انا:منعرفش...اما هكا حاسة
قربت مني قعدت قدامي...حطت يدها على يدي...تبسمتلي تحكي
راضية:لات بنتي مزيانة...و محلاها...و اللي قال غير هكا...يكون غاير منك
انا:ملا علاش ميحبنيش هو
راضية:تقصد زياد
انا:مممم
راضية:خاطر بوهالي...وميعرفش وين مصلحتو
انا:هأة هو يحبها هي
راضية:شكون هي
انا:اسمها ميرال
راضية:يزيي معادش تخمم هكا...باز انت احلى منها
انا:منعرفش
جات باش تحكي...طلعت راسي...نشوف في كرهبتي داخلة...للحظة فرحت خاطر نستخايلو رجعهالي...نشوف في واحد هبط منها...و عطا المفاتح...لعم فاتح...جا حطهم في يدي...شديتهم...و كبست عليهم في يدي...غزرتلي خالتي راضية تحكي
راضية:مش مشيت بيها صباح...علاش جابها راجل توا
انا:هو لي وصلني...و باز هو بعثها توا
راضية:ممم باهي هيا قوم معايا توا...حضرت عشا قمقوم تو يفرهدك
انا:بالحق
راضية:ايه
انا:باهي حتى انا جعت برشا...و تعبت من القعدة هوني نهار الكل
راضية:قوم بنتي قوم...و معادش نحب نشوفك هكا
انا:باهي خالتي عيشك
دخلت معاها لدار...تعشينا مع بعض...و شديت بيتي...الليل الكل و انا نتقلب وحدي...منجمتش نرقد...كل تفكيري في اللي صار صباح...ياخي لهدرجة هي مهمة عندو...اكثر شي لازم نعود عليه...انو نقبلهم في حيااتو...من غير حتى ما نعاتبو...تعداو يومين عالحالة هاذي...لا كلمني و لا انا تنازلت نكلمو...حتى من ياسر مقابلتوش جملة...معاد عيني في حتى شي...فقت الصباح على اعصابي...شي من وجيعة ليغاقل...و شي من الفدة...نشوف في خالتي راضية..جابتلي تيزانة...شربتها فرد مرة...نشوف في تليفوني ينوقز لقيتو ياسر...رجعت رميت تليفون عالسرير...نحكي و نصيح
انا:ياخييي لهدرجة معادش نهمو
راضية:شفما دنيز
انا:تي يومين...محاولش حتى يسأل عليا
راضية:تلقاه مشغول
انا:مش مشغول باز يكون معاها
راضية؛دنيز اهدا عيش بنتي
انا:مش باش نهدا...باش نمشي عندو
راضية:وين تمشي
انا:لدارو
راضية:متأكدة ياخي مزلت تاعبة راك
انا:لاا مليحة
نزلت هزيت تليفوتي...و نطرت للكوافوز..هزيت مفاتحي...و خرجت نجري...منعرفش كيف خرجت لثنية كل تفكيري...اني نشوفو و نحكي معاه...نحب نفهم منو التصرفات هذوما...شبيه طفاني جملة...ياخي لهدرجة معادش نهمو...منعرفش قداش عديت و انا نفركس عالشارع لي يسكن فيه...مشفيتش على ثنية مليح...اول ما وصلت بدات دنيا تظلام...كنت باش ننزل من الكرهبة...اما رجعت لتالي...كي شفتو نزل مع طفلة من الكرهبة...حاولت نشوفها اما منجمتش...مغطيها بجهامتو...بدني رعش بالوقت...يعني شايخ و مش على بالو...مش حاسبني جملة...نزلو دموعي بالوقت...هزيت تليفوني كلمتو علق عليا...خدمت الكرهبة...ورجعت لتالي...نزلت البلار خذيت نفس...نحس في روحي تخنقت...دموعي كل مرة نمسحهم...يرجعو ينزلو...منجمتش نستخايلو مع اخرى...فكرة لوحدة باش تكون على سريرو خلاتني نهبل...حبيت نخالط عليه...حبيت نكون دنيز ساعتها..اما منجمتش...منجمتش نشوفو معاها...الحل الوحيد لي لقيتو...اني نبعد من هوني و كهو...تقويت على روحي...مسحت دموعي...ورجعت لدار
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 47
فقت الصباح على صوت تليفوني ينوقز...رميت يدي هزيتو...من غير ما نحل عينيا...نسمع في ياسر يحكي ياسر:ياخي لتوا راقدة انت انا:ممم ياسر:هيا قوم فيسع انا:علاش ياسر:ياخي نسيت الحفلة انت جبدت المخدة و هزيت روحي تقعدت...رجعت شعري لتالي نحكي
انا:حفلة شنوة
ياسر:باش نتغشش منك راهو
انا:اييه ذكرت...سامحني ياسر مش قد بعضي اليمات هذوما
ياسر:يعني
انا:منجمش نمشي ليوم
ياسر:باهي على راحتك نهارك زين
انا:عيشك
نزلت تليفون...نشوف مع خالتي راضية...واقفة عالباب...قربت مني...قعدت على طرف سرير تحكي
راضية:شكون
انا:ياسر حكا معايا عالحفلة...اعتذرت منو و كهو
راضية:علاش رفضت ياخي
انا:اكاكا مش على بالي نمشي
راضية:يزي عيش بنتي...قرابة اسبوع و انت متخرجش من البيت...ياخي مفديتش
انا:لا مفديتش اصلا مكاني طبيعي هوني
راضية:منعرفش شنوة لي شفتو اكا نهار...اما ميجيش لقاعدة تعمل فيه
انا:فديت و منحب نقابل حد
راضية:لاا انت لازم تقوا على روحك...مش لي يجي يهدك...مزلت صغيرة راك...كان باش تواجه الامور بالطريقة هاذي...باش ضيع روحك زادة
انا:شنعمل يا خالتي
راضية:برا للحفلة...اتفرهد و بدل جو...و متحط حتى حد في بالك
انا:اما
راضية:لا اما و لا شي...قوم باش تحضر روحك من توا
مخلاتنيش نحكي...هزت روحها...فتحت الشباك...و طلعت ريدو...هوات البيت...و غزرتلي تحكي
راضية:هيا كلمو قلو باش تمشي معاه
انا:اما رفضت شباش يقول عليا
راضية:يقول لي يحب هيا فيسع
انا:باهي
هزيت تليفوني...ووقفت...كلمت ياسر...حطيت يدي على رقبتي نهدي في روحي...هز عليا يحكي
ياسر:دنيز لباس ياخي
انا:ممم لباس نحب نقلك شي
ياسر:شفما
انا:نحب نجي معاك للحفلة
ياسر:كيف بدلت رايك
انا:نحب نبدل جو معاك
ياسر:ممم صراحة فما شكون باش تمشي معايا
انا:بالحق
ياسر:مممم
انا:باهي ميسالش مرة اخرى
ياسر:هههه تي استنا نفدلك معاك
انا:يعني
ياسر:20:00 نجي نهزك
انا:باهي عيشك
علقت عليه...و مشيت للقارد روب فركست في الدبش الكل ملقيتش روب تناسب الحفلة...غزرت لخالتي راضية نحكي
انا:ياخي شنعمل ما عندي حتى روب مناسبة
راضية:مزال الحال...برا اشري توا
انا:باش نلقا زعمة
راضية:شوف في البوتيكات الكبار لي هوني باز تلقا
انا:باهي حضر روحك باش تمشي معايا يا احلى راضية بالدنيا
راضية:انا نمشي معاك
انا:ممم في مقام امي راك...و نحبك تعاوني نختار روبة
راضية:باهي عزيزتي
بدلت دبشي...كليت بالزربة...و خرجت...ركبت في الكرهبة...دوب خالطت عليا خالتي راضية...طرت بيها...درت الوتيكات الكل...لين لقيت بوتيك سبيسيال للحفلات هذوما...خليت لي تخدم غادي تعاوني...عملت جو مع خالتي راضية...اصلا من اكاكا ليلة لي شفتو فيها...معادش خرجت من بيتي جملة...حتى من الماكلة جيبهالي لبيتي...نفسيتي تعبت برشا...رجعت لليمات لي كنت نحس روحي فيهم وحدي...حتى هو من اكا نهار معادش كلمني و لا دار بيا...اصلا باز ارتاحت و رجعتلو...اصلا كلامها طلع صحيح في الاخير باش يرجعلها...شريت الروب لي حبيتها كانها مفصلة عليا...و شريت كلشي يخص الحفلة...مخممتش جملة لانا باش نتلقاه...و لا باش نغزلو...الليلة نحب نكون انا كهو..سوار و لا دنيز منعرفش...اما نحب نتحرر..نتحرر من الكل القيود لي كانت رابطتني...نحب نضحك و ننسا همومي الكل...نحب الليلة تكون ملكي...نحب نحتفل بعيد ميلادي اللي ما يعرف بيه حد غيري...عيد ميلاد سوار...اليوم هذا كان ديما يكون مميز عندي بكدوات صغيرة من عند امي و عماد...و العطار اللي بحذانا...اما الليلة نحب نذكرها بتاريخ ميلادي...نحب نخلي حاجات باهية ليا...في وسط الوسخ لي عايشة فيه توا
زياد يحكي:
واقف مع ميرال في وسط الصالة...وصلت للكاسة الثانية...نحس في روحي على اعصابي...اصلا من اسبوع و انا داخل بعضي...بخلاف الخدمة...تفكيري الكل بقا عندها...توحشتها الفرخة...من اسبوع مشفتهاش و مسمعتش صوتها...حتى ميرال لي كل مرة تبدا بحذايا نتلفها...حتى الار لي عدات فيها يومين كهو...خلات فيها ريحتها...في فرشي...و بيجامتها لي خلاتها عالسرير...ساعات نحس روحي هبلت بيها...ست شهور برك...ست شهور من وقت عرفتها...اما بدلت شي داخلي...حركت احساس جديد منعرفوش من قبل...حتى ميرال لي من سنين نعرفها...و عشت معاها كلشي موصلتش حركت فيا شعور هذا...اصلا لتوا مستغرب كيف نجمت نشد روحي علاها لتوا و مكلمتهاش...حتى شوفور قال لمعادش خرجت من دار جملة...الحاجة لي ريحتني و قلقتني فرد وقت...نعرف لنفسيتها باش تتعب غادي...نعرفها بالقدا...تي زح نخدم و مخي معاها...نوصل نكلمها و نرجع لتالي...نحب نخليها تفهم شمعنى واحد يقلقها...تي الفرخة جابتلي الحاكم جملة...تي الرجال و معملوهاش...تي حتى في الحفلة...بقا تركيزي معاها...فقت من سرحتي...كيف شفت ادم داخل...شاد وحدة في يدو احسن شي حاطة ماسك...ندرا شكون منهم...قرب مني صافحتو و حضنتو فرد وقت نحكي
انا:شكون لي معاك
ادم:وحدة منهم
انا:ما تفلت حد و توفيق وينو
ادم:هوكا داخل
جبدت روحي منو...نشوف معاه داخل...حتى هو معاه وحدة ضحكت بالوقت نحكي
انا:ههههه راحت على عزيزة
ادم:هههه احشم هذيكا سكريتيرتو برك
انا:صار
ادم:ههههه خرجو على بعضهم
انا:بالطبيعة الكل يخرجو عليه
ضحكنا زوز فرد وقت...وصل بالوقت...قحرلنا زوز...سكتنا...نسمعو فيه يحكي
توفيق:حتى هوني معادش حشمة...نعرفكم زوز كيف تخمو راهو
انا:ربي يسامحك متحبش تعرفنا ياخي
ادم:انسا مستحيل يسمحلنا نشوفوها
انا:باش نبيعك لعزيزة و فكها يا توفيق
توفيق:ياخي معادش قدر بينا...شبيكم متحشموش جملة
انا:هههههه باهي باهي
ادم:ايه ميرال كيفك انت
ميرال:لباس ادم عيشك
ادم:شبيك نازل عالشرب من قبيل
انا:تعرفني نفد من جو الحفلات...كان مش توفيق جبرني علاها مستحيل نجي
توفيق:اتحجج اكاكا...منعرفكمش راني...تموتو على هملات...ما توفا الحفلة الا و تخرجو من هوني ببنات غير اللي معاكم
ادم:توفيق اسكت...فضحتنا راك
توفيق:على اساس تعرفوها الحشمة نتوما
انا:ههههه نسمعو بيها برك
ضحكنا الكل فرد مرة...هزيت الكاس باش ناخو رشفة...اما حبست...و عينيا وساعو بالوقت...نزلت الكاس شوية...نحس في قلبي يدق بالقاوي...و انا نشوف فيها داخلة...من الباب...حاطة يدها في يدو...لابسة روب برنساس في الاكحل طويلة...شطر صدرها على برا...شعرها لماتو بالكل...و حاطة ماسك متاع قطة و لا ندرا شنية...و اكا روج يبان من بعيد...صحيح بالماسك اما عقلتها...بدنها حافضو بالقدا...حتى من مشيتها...و شفافها...كلشي حافظو فيها...فقت من سرحتي على صوت ادم قدامي يحكي
ادم:والله ياسر مش قليل...قنبلة فرد مرة
كلام ادم خلاني ننزل عالكاس بيدي...و عينيا مرشوقين معاها...بالعادة الكلام اللي يقولو ادم على اي طفلة ميقلقنيش...حتى ميرال يوصل يتذومر علاها...و نعديها عادي...اما توا بالظبط...محملتش كلامو حتى طرف...نحس في بدني يرقل...متوقعتش لي هي باش تعملها و جي معاه...في بالي باش تتكبس...و تشد دار...اصلا في بالي اول ما توفا الحفلة باش نمشي عندها نشوفها...سبقتني الفرخة...نزلت عالكاس اكثر...لين تكسر في يدي...قربت مني ميرال...مفجوعة تحكي
ميرال:زياد شبيك لباس
ادم:زياد شفما
جبدت يدي منها...و عديت يدي لاخرى على شعري..نحكي
انا:لباس جيست تقلقت
جبدت روحي منهم..منحبش نشلق بروحي اكثر...طلعت راسي...نشوف معاهم...اصحاب الحفلة موقفينهم و يحكو معاهم...جات عيني مع عينها...تي حتى من تحت الماسك نظرتها متبدلتش...نظرات حسيت وراهم برشا حاجات...عكسي انا...لكنت نحب نوصللها...انو اللي مش باش تتعدا على خير...حتى كان نعرف الحفلة باش تتقلب جملة...الا ما نوريها شمعنى تكسر كلامي...و جي مع ¤¤¤¤ متاع ياسر...كبست على يدي اكثر...باقي نغزرلها...اصلا وسط ناس الكل...ووسط الموسيقى..و الضجة الخفيفة...عينيا وصلو برشا كلام...من نغير ما نحكو حتى كلمة
بقيت نتبع فيها بعينيا...شادة في يدو و عاملة معاه جو...غزرت لادم...لاهي يحكي مع بابا...عرفتو ميحبش يشلق لفما علاقة بينو و بين ياسر...نزلت ليدي شوية...نحيت طرف القزازة...و لفيتها ببابيي...قربت مني ميرال...شدتني من يدي تحكي ميرال:زياد لباس ياخي انا:ممم لباس
جيت باش نجبد يدي...جات عيني علاها...دوب غزرتلي...و قربت من ياسر اكثر...كبشت فيه...رصيت على سنيا...نحس روحي باش نطرشق...منعرفش كيف باش توفا الحفلة...و الفرخة قاعدة تتصرف هكا...اما هوكا باش نخليها تعرف اللعب عالاصول...نزلت بيدي لاخرى...دورتها على ميرال...و جبدتها عندي...معادش فما مسافة بينا...غزرتلها...هزت يدها حطتها على جنبي تحكي
ميرال:زياد عزيزي شتعمل
انا:ششش
ميرال:الكل يشوف معانا
زياد:من امتى يهموك ناس انت
ميرال؛ممم...تعرف لوقت نبدا بين يديك هكا...معاد يهمني حتى حد
تبسمت شطر تبسيمة...وطلعت راسي غزرتلها...دورت وجها بالوقت...و قربت من ياسر اكثر...تحكي في وذنو...نزلت على ميرال اكثر...بيدي...كبست عليا بيدها تحكي
ميرال:ز زياد وجعتني راك
انا:خلينا نرجعو للجماعة
ميرال:باهي
جبدت روحي منها...و نزلت بيدي...شديتها من يدها...قربنا منهم...دورت يدي على جنبها و جبدتها عندي...و هزيت الكاسة باليد لاخرى...نشوف معاها...غزرتلي ميرال تحكي
ميرال:زياد شبيك نازل عالشرب هكا
انا:ششش شمدخلك انت
ادم:زيااد يزي
دورت راسي غزرتلو...فكلي الكاسة من يدي...عديت يدي على وجهي بالزربة...و تلفت نحكي معاهم...اصلا شاد روحي بالسيف...باش منمشيش عندها...و نقلب ¤¤¤ الحفلة على راسها جملة...اصلا مكنتش مركز جملة مع كلامهم...و لا فاش قاعدين يحكو...كل مرة نرمي عيني علاها...نلقاها تضحك و شايخة...و مش على بالها بشي...تي مغزرتليش جملة...اما تو نشوفو اخرة قرارها متاع ¤¤¤ كيف باش تكون
سوار تحكي:
اول حد جات عيني على عينو...وقت دخلت لصالة...زياد...صحيح كنت بعيدة عليه...صحيح متغشة منو و ناقمة عليه...اما توحشتو...توحشت طلتو...بين ناس الكل شفتو كان هو...حضورو كان كافي باش يخليني نفرح و نتقلق...و نخاف...و ننقم...عليه و منو فرد وقت...اما في حرب المشاعر لي تحلت داخلي..نجمت نحافظ عالبرود متاعي من برا...كل مرة نغزرلو من غير ما يشلق بيا...حتى الطفلة لي كان محضنها...منعرفش علاها شكون...بقينا نحكو مع لي مسؤولين عالحفلة...مركزتش معاهم جملة...نغزر فيهم...و تفكيري معاه...شفتو كيف كان يغزر ليدو...حسيتو مش قد بعضو...لحظة قلبي غم عليا...حبيت نخلي كلشي ونقرب منو...اما قص عليا تفكيري كيف حضنها...و هزها معاه...فقت من سرحتي على صوت ياسر...كيف قرب يدو من يدي يحكي
ياسر:نمشو يا اميرة
تبسمت بالوقت...شديت روبة من جيهة..و نزلت شوية نحكي
انا:بالطبيعة
تبسملي...قربت منو...شديتو من يدو...شفتو يقرب من طاولة زياد...قلبي دق بالوقت...كبست على يدو اكثر...دوب وصلنا لكان واقف معاه...عطانا بظهرو...و بعد علينا يحكي...غزرت لزياد بالوقت جات عيني مع عينو..ملامحو باردة كي العادة...قرب يدو من ياسر تصافحو و يحكو
ياسر:زياااد وينك يا راجل
زياد:على عينك واحل مع الخدمة
ياسر:والله نفس شي
دوب تبسملو...و قرب يدو مني...هزيت يدي بالسيف صافحتو...كبس عليا لين معادش نحس بيها...غزرلو ياسر يحكي
ياسر:دنيز
زياد:متشرفين
انا:عيشك
تبسمت على جنب...و جبدت يدي منو...خذيت نفس...صحيح بقيت هادية...اما نظرتو و يدي لكبس علاها...عرفتو قاعد يوصلي في انذار...اما مش وقت اني نخمم فيه جملة...اليوم عيد ميلادي و لازمني نتفرهد و كهو...نحب ننسى كلشي تعديت عليه...من اكا ليلة لليوم...دورت عينيا نشوف مع الطفلة اللي معاه...لابسة روب برنساس في الابيض...و حاطة ماسك كيفي...شعرها احمر طايح على كتافها...و عينيها زروقا كيف سما...بغزرة شفت تفاصيلها الكل...ضحكت في سري...هاذي اللي خلاني على خاطرها...عندو حق كيف نجم نقارن روحي بيها...باز هاذي ميرال...اصلا اول مرة نتهز من طفلة كيفها و كيف زينة...يمكن على خاطر زوز عندهم حظ فيه اكثر مني...و خاصة هي...تي من علاقتو معاها ظاهر يحبها...حاولت قد ما نجم منظهرش غيرتي...الليلة لازم نكون دنيز و كهو...شفت ياسر كيف وقف سرفور...هز كاستين من عندو...حط وحدة في يدي...شديتها عليه بالسيف...اصلا مكنتش ناوية نشرب قطرة منو...و منجمتش نرفض زادة...تبسمتلو بالسيف...نحس في روحي مخنوقة...بقيت كابسة عليه في يدي...طلعت راسي غزرت لزياد...قحرلي قحرة متاع موت...فهمت قصدو...فهمت قاعد ينبه فيا عالشرب...تبسمتلو باستهزاء...و تلفت لياسر...ضربت في كاستو نحكي
انا:صحة ليك
ياسر:عيشك
شفت غزرتو ليا...تبسمتلو...و قربت منو اكثر...بنفس قرب ميرال من زياد...غزرتلو في عينيه...و خذيت رشفة...منعرفش كيف نجمت نعديها...اما يكفي خلاتني...نشوفو كيف نزل على يدو...عرفتو شاد روحو بالسيف...قص علينا صوت ميرال
ميرال:ياسر ياخي مش باش تعرفنا على دنيز
انا:شتحب تعرف
ميرال:كلشي
ياسر:ظاهر ميرال باش تبدا تحقيق
ميرال:ههههههه يعني اول مرة نشوفك قريب لحد لهدرجة
انا:انا دنيز مش اي حد
ياسر:جوابها كافي
ميرال:ممم باهي
تبسمت لياسر...ورجعت غزرت لزياد...باقي يشرب و يشوف معانا...نعرف سكوت متاعو مش على خير...كملت شربت من الكاسة هذيكا...و نحكي مع ياسر فرد وقت...و نشوف معاها كيف تدحنس عليه...و هو يحكي معاها...يدو لي كانت تتعدا على يدها...خلاتني نغزل عليه اكثر...محملتش الفازة حتى طرف...و محملتش قربي من ياسر...و لا لي قاعدة نشرب فيه جملة...رغم الهدوء متاعي من برا...نحس بحرب تحلت داخلي...دورت راسي شوية...غزرتلهم...قربت يدها من ضربة لي تحت عينو عدات صوابعها علاها...طلعت عينيا غزرتلو...الفازة خلاتني نرقل في بلاصتي...تبسم ندرا كيف...حسيتو متشمت فيا كملت الكاسة فرد مرة...بالوقت بدات الموسيقى...غزرت لياسر نحكي
انا؛تشرفني بالرقصة هاذي
ياسر:هههه بالطبيعة
حطيت الكاسة من يدي...و غزرت لزياد...لقيتو مركز معايا...هزيت يدي حطيتها في يد ياسر...كبس عليا...و قربت معاه لنص صالة...وقفنا في نص...وحدنا برك...تبسمتلو...قربت منو اكثر...حط يدو على ظهري...غزرتلو في عينيه...الموسيقى عالمية...كلشي عملتو قاعدة نتحرك معاه من غير ما نغزر ناحيتهم...دوب دورني...جات عيني عليه...باقي يشرب...قص عليا...ياسر كيف جبدني ليه...شوية و طفا الضو...ضيقت عينيا نحكي
انا:علاش قص ضو
ياسر:باش يصرا تبادل
انا:تبادل شنية
ياسر:يعني باش ترقص مع اكثر من واحد توا
انا:صار
ياسر:مممم...اما في تالي احنا لباش نختمو
انا:مممم باهي
قوات الموسيقى اكثر...فلتني بالوقت...دنيا ضلمة دوب تشوف لي قدامك...حسيت بيدو تحطت على يدي...قلبي دق بالوقت...نعرفها اللمسة متاعو بالقدا...خذيت نفس..جبدني عندو بقوة...حطيت يدي على صدرو...ريحتو دخلت خشمي...حط يدو على ظهري...بدني رعش بالوقت...قربو برك لي يخليني نحس بالحاجات هذوما...ضو خافت تسلط علينا...الموسيقى رجعت اهدا...حسيت بنفس متاعو طالع هابط...قربلي اكثر...يحكي
زياد:فرحانة باللي قاعدة تعمل فيه
طلعت راسي شوية...قربتلو اكثر...كبست على يدو نحكي
انا:منعرفش...اما نحبك تعرفك انو قاعدة نحس في اللي تحس فيه انت توا
زياد:و شنوة اللي نحس فيه انا
جبدت يدي من يدو...حطيتها على صدرو...كبشت في سوريتو...و طلعت عندو شوية...حطيت شفافي على شفافو نحكي
انا:توحشتني...كيما انا توحشتك بالظبط...باش تموت من الغزول على ياسر...قاعد تقرب من ميرال بلعاني...اعترف زياد...اعترف لانت زادة قاعد تحس كيفي
سكرت عينيا و انا نقول في الكلام هذاكا...منعرفش من وين جبت الجرأة هذيكا...منعرفش كيف خرج الكلام معايا...جا باش يحكي...قصيت عليه...كيف كبست على شفافو...منعرفش اذا بستو و لا جيست نحب نسكتو...جبدت روحي شوية...من غير ما نبعد...هزيت يدي حطيتها على خدو نحكي
انا:ششش ما تحكي شي...و ما تحكي على حتى حد فيهم...ابقى معايا و كهو...انا و انت برك...توحشتك باش نموت من الوحش يا زياد...خليني نكون سوار في دقايق هذوما برك
كبس على ظهري اكثر...نزل على شفافي باسني...و هز يدو...حطها على شعري...حلو...بالوقت...طاح على كتافي...جبد روحو يحكي
زياد:مش باش يتعدالك الشي لي عملتو...مش باش تتعدالك خاطر خليتو يقرب منك...مش باش تتعدالك خاطر شربت...باش ندمك يا سوار
انا:خليتها تمسك من الضربة...سمحتلها تقرب من حاجة متاعي انا كهو
زياد:انت عطيتها فرصة
انا:هأة...انت متاعها هي...هي موجودة هوني
حطيت يدي جيهة قلبو و نحكي فرد وقت...طلعت راسي غزرتلو...في عينيه...يشوف معايا..و يحرك فيا فرد وقت...هز يدو حطها عالماسك...و نزل بيها لخدي...حطها على رقبتي...و نزل بيها ليدي لي على صدرو...كبس علاها قرب لشفافي اكثر يحكي
زياد:كان هي اللي كانت موجودة هوني...مش قاعد نتحرق في جرتك...و شاد روحي بالسيف عليك
انا:كي هكا علاش مجيتش عندي...علاش مكلمتنيش...شفتك و انا طالع بيها لدارك...علاش عملت فيا هكا
زياد:انت قلت لقاعد نقلق فيك...حبيتك ترتاح مني
قربت منو اكثر...لين معادش مسافة بينا...نزلت على شفافو نحكي بالسيف
انا:كنت تنجم تريحني هكا...وقت تحضني بالطريقة هاذي...وقت تبعد علاها...و معادش تخليها تمسك
زياد:انت تعمل في نفس الشي ملا علاش الغيرة
انا:مش انا...هذيكا دنيز...و اللي معاك توا سوار
زياد:و انا قتلك انت في الحالتين متاعي
انا:منجمش...انت متنجمش تتحكم في دنيز يا زياد
زياد:مفماش شي مستحيل عندي
انا:نعرف
دوب خذيت نفس...نزل على شفافي...نزل بيدي من صدرو كبس علاها...جبد روحو شوية يحكي
زياد:علاش جيت سوار
انا:يمكن خاطر نحب ننسى اللي صار...يمكن خاطر عيد ميلادي الليلة...عيد ميلاد سوار...كنت نحب نعديه معاك اما نعرف لانا منهمكش لدرجة باش تتذكرني
زياد:كان استنيتني كنت جيتك...مستحيل كنت نخليك وحدك الليلة...اما انت جبتها لروحك...و باش تخلص حق عمايلك
انا:ششش معادش تهددني عالاقل توا
نزلت على يدو اكثر...عديت صوابعي على كف يدو...عقدت حوجبي بالوقت...كبست علاها و طلعتها عندي...دوب شفت الجرح...مع ضو لي خافت...قلبي دق بالوقت...غزرتلو نحكي
انا:شبيك
زياد:شي
انا:احكي
زياد:نتيجة صغيرة من جيتك لهوني
انا:تقصد لانت عملت هكا على جالي
مرجعليش...نسيت الحفلة و الموسيقى و كلشي..نسيت لي فما شي اسمو تبادل...ترميت عليه بكل قوتي...بتعب اليمات لي مشفتوش فيهم...كبست عليه و طلعت عندو اكثر نحكي
انا:معادش تعمل هكا...معادش توجع روحك على خاطري
هز يدو...حطها على شعري..نزل بيها على طول ظهري لعريان...كبس عليا لصقني فيه و نزل لوذني يحكي
زياد:شي ما يهمني...اما صدقني يا سوار...ورحمة امي...لي ما نحلف بيها لحد...كل مرة يحط يدو عليك...هو و لا غيرو...و خاصة و انت عريانة هكا...الا ما ندمك دوبل...تذكر لانت جبتها لروحك
طلعت راسي شوية...عديت خدي على خدو...نحكي
انا:باهي...اما ذكر انو كل مرة تحط يدك علاها...كل مرة تحضنها...و لا تخليها تقربلك...باش نخليك تحس دوبل لي حسيتو...باش نكون دنيز...و تعرفني وقت نتمادى
زياد:باهي خلينا نشوفو نهاية اللعبة متاع ليلة وين باش توفا
انا:باهي
جبد روحو مني...دورني...و بعد عليا...دوب شفتو تخفى في وسط الظلام...حسيت ببرودة في بدني...برودة غطاها غيرو كيف حط يدو على يدي...دورني دورة كاملة...دورة وحدة كانت كافية...باش نرجع للماضي...باش نعيش نفس الاحساس لعشتو من ست شهور لتالي..دورة وحدة برك...خلاتني نجمد في بلاصتي...من غير حتى خطوة اخرى
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 48
بقيت واقفة في بلاصتي...دقات قلبي نسمع فيها..نحسو باش يخرج من بقعتو...احساس رهيب سيطر عليا...نفس اللمسة...نفس الريحة...لا مستحيل...باز قاعدة نحلم...مستحيل يكون هو...سمعت صوتو مرة اخرى من غير ما
يحكي"محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها ريحتك...مبنك...مكنتش نتوقع...اني باش نذوق كعبة كيفك"...قص عليا تفكيري...كيف حط يديه زوز على كتافي...و نزل بيهم على طول يديا...سكرت عينيا بالقاوي...مستحيل احساسي يطلع غالط...نفس اللمسة...نفس اليدين تعداو على بدني مرة اخرى...خوف كبير سيطر عليا...بدني رعش بالوقت...غصة وحلت في حلقي...كبس على يديا الزوز...باش يدورني...ثواني برك...ثواني قليلة تفصلني على وجهو...تفصلني على الحقيقة لي قاعدة نفركس علاها...تفصلني على اكثر حد كرهتو و نقمت عليه...قلبي نحسو باش ياقف معادش فيه...بدني ترخف من لمستو...حليت عينيا...دوب دورني طفا الضو بالوقت...جبدني عندو بقوة ضربت في صدرو...ريحت برفانتو دخلت خشمي...قلبي غم عليا...منجمتش نتقبل فكرة لانا بين يديه...هز يدو حطها على وجهي...و قربها من شعري...نزل بيها لتالي يحكي
هو:دنيز ¤¤¤¤
كلمة منو برك...كانت كافية اني نعرف صوتو...من بين الف صوت...حتى في وسط الموسيقى القاوية...نجمت نعقل عليه...حسيت روحي باش نطيح...كبست على يدو اكثر...حتى الخطوات نسيت علاهم...نزل عليا يحكي في وذني..و يحرك فيا فرد وقت
هو:في بالي رقصك باش يكون اقوى من هكا
منجمتش نرجع عليه...نحس الكلام هرب مني...طلعت راسي نحب نشوف وجهو في وسط الظلام...اما شي...صوتو و ريحتو و انفاسو...خلاتني نذكر نهار هذاكا بالتفصيل...الشخص الللي كرهتو...و نقمت عليه...بين يديه توا و نرقص معاع على اوجاع قلبي...النفس تسكر عليا و تخنقت...نزل عليا اكثر يحكي
هو:صحة ليه ياسر عرف يختار
سكرت عينيا بالقاوي...هربت مني دمعة...دمعة تحرق...تحرق قد وجيعة قلبي...كانت في وسط الماسك...ما حس بيها كان انا...حتى صوتي نحسو خاني المرة هاذي...حسيت بيدو لي تعدات على ظهري...قداش عفت بدني ساعتها...الموسيقى قوات اكثر...نزل لوذني يحكي
هو:محلاك
الكلمة هاذي بالظبط...خاصة منو...تخليني نكره روحي لدرجة كبيرة...قال كلمتو و دورني...بقيت واقفة في بلاصتي...قلبي نحسو باش ياقف و ساقيا معادش يهزوني...حبست الموسيقى و رجع الضو بالوقت...تلفت بالزربة...ملقيت حتى حد...دورت راسي عالبلاصة الكل نثبت في كل حد...اما معرفتوش...الكل راجع لبلاصتو...كان انا لي بقيت واقفة في نص...مش مصدقة بي صار...هزيت نحيت الماسك بقوة...و باقي نفركس عليه بعينيا...نتنفس بالقاوي...اصعب موقف عشتو بعد اكا الليلة...منعرفش كيف سمحت لروحي نبقى ساكتة...سكرت عينيا و رجعت فتحتهم...نحس بالصالة قاعدة دور قدامي...حطيت يدي على قلبي نهدي في روحي...حسيت بجهامة واقفة قدامي...طلعت راسي لقيتو زياد...غزرلي يحكي
زياد:سواار ياخي شتعمل انت
بقيت نشوف معاه...هو برك لي ينجم يحسسني بالامان..هو برك لي ينجم يحميني منو...قربت منو بالزربة...ترميت عليه...عنقتو نحكي
انا:ز زيااد امان هزني من هوني...امانك
حط يديه على جنابي...جبدني منو...بعدني لتالي...و غزرلي يحكي
زياد:شفمااا...شبي حالتك هكا
انا:ر رجع هو هوني
زياد:شكون
انا:زيااد تسمع فيا هو هوني معانا...رجع...والله رجع
شفتو دور راسو عالبلاصة...مزالت صالة معبية في الوسط...قرب مني بالزربة...جبدني من يدي...جرني وراه...لين وصلنا لاخر تركينة في صالة..حصرني فما يحكي
زياد:ياسر عملك حاجة
انا:ل لا
زياد:سوار احكي ¤¤¤ مانيش نفهم فيك شكون لي رجع...و شكون عمل فيك هكا حل فمك
قربت منو اكثر...حضنتو...ساقيا خانوني...و معادش نجم ناقف...طلعت راسي غزرتلو في عينيه نحكي
انا:م مسني مرة اخرى...سمعت صوتو صدقني...والله هو هوني...اما منجمتش نشوفو...والله يا زيااد امانك متخلنيش وحدي
بقا يشوف معايا...حسيتو جمد في بلاصتو...رخف يديه على ظهري...جبدت روحي منو شديتو من يدو نحكي
انا:زيااد امانك تسمع فيا ياخي...نحب نمشي من هوني...منحبوش يقرب مني مرة اخرى
جا باش يحكي...قص علينا صوت الميكروفون...يفركسو عليه بالاسم...كبست عليه اكثر نترجا فيه...يخرجني من هوني...قص علينا واحد...ظاهر من رجالو...يحكي
هو:مسيو زيااد...باش يبدا الافتتاح...مسيو ادم يستنى فيك
هزيتلو براسي لا...رجعو طلبوه مرة اخرى...و جا راجل اخر...جبد يدو مني...و حط يدو لاخرى على وجهي يحكي
زياد:رد بالك تتحرك من هوني...تو نرجعلك
انا:امان زيااد منجمش نبقا وحدي...باز باش يخطفني مرة اخرى
زيااد:ششش مستحيل...نوعدك مش باش يصير شي باهي
انا:لا امانك
جبد يدو مني اكثر...و باقي يشوف معايا...وخر لتالي خطوة...من غير ما ينزل عينيه من وجهي...كانو يحاول يطمني...تكيت شوية لتالي...عطاني بظهرو...و مشا...بقيت نشيع فيه لين بعد عليا...سكرت عينيا ورجعت فتحتهم...حتى دموعي منجموش يهبطو من الصدمة...منعرفش قداش بقيت واقفة فما...لين سمعت صوتو مرة اخرى...في صالة الكل صوتو و كهو...يحكي بالمكروفون...هزيت روحي شوية...تعدلت في وقفتي...نمشي بالسيف...دخلت في وسط الناس...منعرفش من وين جبت القوة هذيكا باش نمشي...وقفت في نص و طلعت راسي...غزرتلو...و اخيرا بعد ست شهور نجمت نشوف وجهو...منعرفش قداش بقيت نغزرلو...حفظت تفاصيل وجهو الكل...هو اللي دمرني...و هو لي وصلني الكل...نسيت كلشي و انا نشوف معاه...كان اكا نهار لي يدور في مخي...كان في حياتي لي تبدلت في جرتو...فقت من سرحتي..كيف قرب منهم راجل كبير...دور يدو على كتفو...و لاخرى على كتف زياد يحكي
هو:بما انو الكل هوني...نحبكم تعرفو...انو ادم و زياد هوما لكانو مسؤولين على حفل التبرع الليلة...يعني خلاو بوهم عالطرف و استلمو بلاصتي
ضحك الكل فرد مرة...دورت راسي غزرت لزياد لي دوب قاعد يتبسم بالسيف...مستحيل...مستحيل لي قاعدة نشوف فيه...مستحيل نجم نصدق...شفت زياد...كيف قرب منو حضنو...و زوز فرحانين...زياد لكان عندي شوية امل فيه...انو باش يخرجني من هوني...باش ياخذلي حقي...زياد لي حبيتو...و عشقتو...طلع خوه من لحمو و دمو...هذا اذا مش متفاهمين عليا...و الا مستحيل الصدف تجمعنا احنا الثلاثة بالطريقة هاذي...نحس في نفس تسكر عليا...و معادش نجم نتنفس...صورتهم ضبت بين عينيا...اصواتهم ماشية و تبعد...سكرت عينيا و رجعت فتحتهم...منجمتش ناقف على ساقيا اكثر...بدني ترخف...و طحت عالارض...سمعت صياحهم داير بيا..سكرت عينيا و معاد حسيت بحتى شي
زياد يحكي:
دورت راسي بالزربة...صوت الوقعة...سمعتها وسط الضجة هاذي الكل...نشوف معاها و مش مصدق...العقد لي كانت لابساتو...حجارو طارت في كل بلاصة...شعرها مفروت عالارض...قلبي دق بالوقت...بدني ترخف...طاح الميكروفون من يدي...منعرفش كيف نزلت الدرجات هذوكا...نسيت بابا و ادم...و الناس الكل...نسيت حدودي معاها قدامهم...كلشي قاعد نشوف فيه...هو سوار...سوار و كهو...الطفلة لي نحبها...مرمية عالارض...عمري ما توقعت نشوف حالتها هكا...كنت مخلي عيني علاها...شفتها مش قد بعضها و هي تغزرلي...اما متوقعتش انها باش طيح...الخطوات لي كنت نمشي فيهم عندها...حسيتهم رزنو...قلبي نحسو باش يطيح...معاد نسمع في حتى صوت...و ما نشوف في حتى عبد اخر كان هي...اول ما جيت نوصل عندها شفت ياسر قرب منها...سبقتو بخطوتين...دزيتو بيدي و نزلت عندها...هزيتها شوية دورتها عندي...طلعتها شوية في حضني...هزيت يدي على وجها...نزلت لخشمها شوية...عينيا وساعت...نفس متاعها رزين...دوب تنجم تتنفس...حركتها شوية نحكي
انا:دنييز...تسمع فيا ياخي...دنييز قوم
ياسر:شفما شباها
انا:منجمتش تتنفس لازم نهزها للكلينيك توا
ادم:عندها مشكلة من قبل
ياسر:منعرفش
مركزتش مع كلامهم برشا...كبست علاها اكثر...هزيتها في يدي..ووقفت نحكي
انا:لازم نهزها فيسع
ياسر:تو نهزها انا
قحرتلو...و جبدت روحي منهم...منعرفش كيف نجمت نحملها...منعرفش كيف نجمت نشد روحي باش منغلطش في اسمها...و باش منغلطش في الكلام...خالطو ورايا الكل...اولهم ميرال...قربت مني تحكي
ميرال؛زياد فاش تعمل خلي حبيبها تو يهزها هو
انا:فك على ¤¤¤ توا...كلمة اخرى نقتلك يا ميرال
وقفت في بلاصتها...و انا كملت خرجت...لقيت شوفور جاب الكرهبة...و فتحلي الباب...حطيتها...و رجعت كرسي لتالي...قبل ما يخالطو عليا...ركبت في الكرهبة و طرت بيها...هزيت يدي شديتها من يدها...باردة قلاص...كبست علاها نحكي
انا:اتحمل سوار...اتحمل يا روحي...شوية و نوصلو
زدت في الفيتاس اكثر..نسوق بيد...و شادها بيد...حليت فلس سوريتي...مكانش لازم نخليها...في بالي باش تتحمل شوية...لين نرجعلها...اصلا واقف معاهم...و تفكيري مع كلامها...كان برك نعرف لهو بالحق هوني...لهي بالحق عرفاتو...الا ما نقتلو بيدي...كرهي ليه يتعدا للحدود...كنت نستنا جيست يوفا الافتتاح...و نجبد ¤¤¤¤¤ من وسطهم...خاطر منجمش نحسسهم بقربي لسوار...اما كلشي مشا بالعكس...نزلت على يدها اكثر مزالت باردة...متحركتش جملة...مكنتش نعرف لهي باش تتصدم لهدرجة...دوب وصلت...نزلت من الكرهبة...و مشيت جيهتها...فتحت الباب...و نزلت علاها...حملتها...و دخلت...قربو مني الفراملة بالوقت...نطق واحد يحكي
هو:حطها هوني مسيو
منعرفش كيف طاوعتو و حطيتها...بقيت واقف في بلاصتي...نحس في بدني ترخف و معادش نجم ناقف اكثر...قص عليا صوت ادم من تالي يحكي
ادم:زيااد لباس ياخي
تلفت نشوف معاه...واقف مع ياسر...هزيتلو براسي ايه...قربلي ياسر يحكي
ياسر:دنيز مليحة
انا:منعرفش
ادم:باهي خلونا نستناو طبيب احسن
هزيتلو براسي ايه...ورجعت تلفت...منحب نغزر لحد...خاصة توا...كلشي نحب عليه...اني نشوفها و نسمع صوتها وكهو...منعرفش قداش تعدا وقت ساعة...زوز...ثلاثة منعرفش...ادم قاعد على خاطري...نعرفو ميخليهاش بيا...حتى و كان كنت مع حد ميهمنيش...كيما نعرف انو مبعد باش يسألني و يفهم على كلشي...ياسر مقلق كيفي...محملتش نشوف نظرات الخوف في عينيه علاها...عديت يدي على وجهي بالزربة...انا اكاكا و نشوف في طبيب خارج...متجمتش نقرب منو...قرب منو ياسر يحكي
طبيب:شكون لي معاها
ياسر:انا
طبيب:هي تعرضت لصدمة...و لا شي هكا...باز حالتها نفسية كانت تاعبة من قبل
انا:كيفها توا
طبيب:باش نخلوها تحت المراقبة...يمات عندنا...لين نطمنو هي ارتاحت...وقتها تنجمو تخرجوها
ياسر:نجم نشوفها
طبيب:لا تحت المراقبة هي توا
ياسر؛باهي
عديت يدي على وجهي...حسيت روحي ارتحت...نجمت ناخو نفس...حبيت ندخل عندها و نطمن علاها...اما باش نشلق على روحي اكثر...تلفت لياسر نحكي
انا:لازم حد فينا يبقى معاها ليلة
ياسر:انا باش نبقى
نزلت على سنيا...نحس في روحي نرقل من العصب...منعرفش كيف باش نخليها معاه و نمشي...قرب مني ادم يحكي
ادم:باهي احنا باش نمشو توا
ياسر:باهي
ادم:هيا زياد
انا:باهي
خرجنا زوز لبرا...النسمة لي ضربتني لوجهي...حسيتها بردتني شوية...دوب وصلنا لكراهبنا...تلفتلي يحكي
ادم:الحقني عند توفيق
انا:فك على ¤¤¤ توا منحب نقابل حد
ادم:زيياااد قتلك فيسع
انا:باهي
ركب في كرهبتو طار بيها...ضربت يدي عالكرهبة...منعرفش كيف نجم نمشي و نخليها...حليت الباب وركبت...طول الثنية...و انا نذكر فيها...من اول نهار شفتها...لتفوريخها...لكلامها...حبها...ست شهور كانت كافية..باش نحبها...و نفنى فيها...اما كلشي ضدي...كلشي...ضربت بيديا الزوز عالفولون اكثر من مرة...نحب نخرج العصب لي داخلي الكل...اول ما وصلت...شديت الفران بالقاوي...و نزلت من الكرهبة...لقيت كرهبة ادم...عرفتو وصل...خذيت نفس و قربت من الباب...فتحتلي عزيزة...دخلت بلا ما نحكي معاها...لقيت ادم مع بابا في صالة...وقف بابا و قرب مني يحكي
توفيق:براافو...هوكا جا ولدي الباهي
ادم:بابا يزي تو يحكي وحدو
انا:شنحكي
توفيق:تعرفها انت الطفلة باش عملت على خاطرها اكاكا...الصحافة الكل غادي...و انت ما همك في حتى شي...و زيد هزيتها للكلينيك و طمنت علاها...ناقص كان تشد راسها لصباح
نزلت على سنيا...نعرف كان ننكر توا...باش نشلق على روحي اكثر...خذيت نفس نحكي
انا:ايه نعرفها
وقف ادم على كلامي...قابلوني زوز...غزرلي ادم يحكي
ادم:فسر كلامك تراه
انا:مش لازم تعرفو كلشي
توفيق:زيااااد مش وقت عنادك توا...الطفلة من وين تعرفها...و هي جاية مع ياسر...فما علاقة بينكم من قبل
انا:علاقة شنوة بابا...يعني الطفلة لي نعرفها لازم تكون عندي علاقة معاها
ادم:زيااد الطفلة كانت مع ياسر...و انت تعرف لياسر شريكي...من وين تعرفها
انا:زيدو هددوني احسن...قاعد في تحقيق انا
توفيق:زيااد عيش ولدي.. تعرفني نحكي على خاطر مصلحتك و كهو
انا:دنيز ¤¤¤¤ بنت مصطفى ¤¤¤¤¤ شريكي بمشروع امريكا..اذا مزلت متذكرو...وقتها تعرفت علاها غادي...و تلاقينا زادة في حفلة الافتتاح متاع امير...يعني معرفة سطحية و كهو...و كان مصدقتنيش برا اتأكد وحدك
توفيق:باهي اما ميجيش تنفعل اكاكا قدام ناس...على خاطر طفلة تعرفت علاها
انا:نعرف...اما وقت جات لتونس...بوها وصاني علاها...منجمتش نخليها وحدها
ادم:باهي يزي بابا وفات...حتى طفلة كانت حالتها تاعبة برشا
توفيق:باهي
انا:كان كملتو تحقيق ننجم نمشي توا
توفيق:وين ماشي
انا:لداري وين حبيتني نمشي مثلا
ادم:حتى انا باش نمشي
توفيق:اكاكا انت و هو...تعملو عمايل ما جي لا على البال و لا على خاطر مبعد كل واحد يشد دارو
ادم:متتقلقش توفيق...تو يطلع ظغطك و توحل بيك عزيزة
توفيق:يعيطك وهف انت و هو برا عليا زوز...منحبش نرا مناظركم
ادم:ليلة سعيدة...خلينا نمشو خويا الغالي
انا:باهي
خرجنا انا و ادم...و خلينا بابا يرحي في الغزول وحدو...غزرلي ادم يحكي
ادم:وين باش تمشي انت توا
انا:¤¤¤ تحب جي معايا
ادم:هههه برا ¤¤¤¤ والله لا عاد تحشم جملة
انا:تعلمت منك
ادم:برا على روحك توا نتلقاو غدوة
انا:باهي
ركبت في الكرهبة...منعرفش قداش بقيت فيها...كلمت واحد من رجالي...خبرتو يسبقني للكلينيك...و خالطت عليه...دوب وصلت لقيتو غادي...خبرتو يلهي ياسر باي طريقة...و لا يشدو بالكلام على ادم المهم انو يبعدو من بيت سوار...دوب شفتو خرج...هزيت روحي دخلت...وريت الفرملية الكارت متاعي...و دخلت عندها...وقفت عند الباب نشوف معاها...لابسة روبة متاع كلينيك...لحقو يبدلولها...راقدة و مش حاسة بشي...حاطينلها سيروم اكسجين باش تنجم تتنفس...مكنتش نحب نشوفها في الحالة هاذي...قربت منها اكثر...قعدت على طرف السرير...هزيت يدي عديتها على خدها...و نزلت بيها لشعرها لمغطي المخدة...تبسمت على جنب...شديتها من يدها...طلعتها عندي بستها منها...و نزلت علاها اكثر...قربت من وذنها نحكي
انا:سوار..يا روحي...سامحني منقصدش لي صار في الحفلة...كان عرفت لباش يصير فيك هكا...مستحيل كنت نخليك...مستحيل...و راس حبي ما نخذلك حقك منو...انت برك فيق و قولي عليه...الا ما ندمو على كلشي...نوعدك يا روحي
جبدت روحي منها شوية...غزرت لشفافها...نزلت بستها منهم بوسة خفيفة...قص عليا صوت الميساج...عرفت لياسر باش يرجع...رجعت بستها من شفافها..و طلعت بستها من راسها نحكي
انا:انا معاك هوني...انت برك فيق
جبدت يدي من يدها...ووقفت...بقيت نشوف معاها لين وصلت للباب...خذيت نفس وخرجت...اول ما درت وصل ياسر...خرجت لبرا...عديت يدي على وجهي...في بالي وقت نشوفها نرتاح...اما كيف شفت حالتها كملت على روحي...هزيت كرهبتي...و دريكسيون لدارها...حليت الباب و دخلت...لقيت البون غديكا تستنا فيها...قربت مني مفجوعة تحكي
راضية:زياااد وين دنيز
انا:في كلينيك
راضية:وه على بنتي مش مشات للحفلة شصار ياخي
انا:امانك راضية مش وقت اسئلة توا...برا حضرلها شوية دبش و حضر دبشك انت زادة باش تبقى معاها
راضية:باهي تو نرجع
انا:باهي
بقيت ندور في صالة...جات عيني...عالفاست متاعها عالفوتاي...هزيتها في يدي...قربتها من خشمي نشم في ريحتها...سكرت عينيا بالقاوي...تمنيت كان جات بين يديا توا مستحيل كنت نسمح يصير فيها لي صار...كان عرفتها من قبل مستحيل كنت نسمحلو يقرب منها و لا يحط يدو علاها...فقت من سرحتي...على صوت خطوات راضية...خذيت نفس و حطيت الفاست...قربت منها هزيت الفاليز متاع سوار علاها و خرجت...حطيتها في الكرهبة...و استنيتها لين وصلت...بقيت طول الثنية و انا ساكت...نحس في تفكيري بعيد برشا...متوقعتش الاحداث هذوما الكل باش يصراو في ليلة وحدة...اول ما وصلنا...ركيت الكرهبة و تلفتلها نحكي
انا:اسمعني راضية...انا منجمش ندخل عندها توا...اما هي امانة عندك...فما رجال في الكلينيك ما تخاف من حتى شي...اما حط عينك على هذاكا ياسر...رد بالك يقرب منها و لا يمسها رد بالك...اول ما تفيق كلمني...و طمني علاها...و متخبرها بحتى جي...هاني باش نبقى نتابع فيها من بعيد
راضية؛باهي طمن
انا:عيشك
اول ما خرجت...بقيت نشيع فيها بعينيا لين دخلت...ركيت الكرهبة في بلاصة بعيدة عالبركينغ...و تكيت الكرسي لتالي...نحس في بدني مهدود...اول مرة بعد السنين هذيكا لي تعدات نعيش نفس الخوف...خوف اني نخسر حد اخر نحبو...اول نهار شفت سوار في الكلينيك...صدفة...مشيت في خدمة...اول شي خممت فيه مصلحتي...انو الطفلة هذيكا خسرت حياتها...علاش منستغلهاش...و نكمل مهمتي...للحظة فكرت كيفهم بالظبط...انو الفلوس...الجاه و العز اللي باش تعيش فيهم...يخليها تنسى الشي لي عاشتو جملة...اما لاول مرة نطلع غالط في قرار خذيتو بيدي...اول مرة نتعامل مع طفلة...و نفكر فيها بالطريقة هاذي...كيف نحبها تنسى...و انا كل مرة نذكر لي صرالها...نحس روحي باش نهبل...بعد ما كان عندي هدف واحد في حياتي...رجعو زوز...زوز عباد...ما نرتاح كان وقت نقتلهم بيدي...و نشوف دمهم...تبسمت بقهرة...اول مرة نحس روحي عاجز لهدرجة...سكرت عينيا...و تنفست بالقاوي...نحب يتعدا الوقت فيسع و نرجع نشوفها مرة اخرى...خاطر ما نرتاح كان بيها و معاها
وفاااات الحلقة المنتظرة 😈😈😈 سوار عرفت مغتصبها 😢 ادم باش يبدا دور متاعو في الحكاية من اليوم 😒😒 في رايكم سوار باش تحكي لزياد على ادم و هو باش يصدقها ؟؟...شنوة الاسرار الكبيرة لي مزالت..خاطر حتى ادم وراه سر 😱😱
كمنتار ببلوڨر
تعليقات