《الحلقات السابقة
في احضان الموت
الجزء الأول
الحلقة 49
سوار تحكي: فقت الصباح...حليت عينيا شوية شوية...دورت عينيا عالبيت...نثبت فيها...رجعت سكرتهم...ذكرت اللي صار في الحفلة...رعشت بالوقت...حليت عينيا...و نزلت منهم...دمعة سخونة حرقتني...تغلغلت في شعري...نحب نصيح...نحب نخرج صوتي و نرتاح من الغصة لي واحلة في حلقي...و من الوجيعة لي في قلبي...اما منجمتش...فقدت صوتي مرة اخرى من صدمة...انا اكاكا و يتحل الباب...غزرت بالوقت..نشوف في خالتي راضية دخلت...للحظة توقعتو هو لي باش يدخل...رغم وجيعتي...اما حبيت نشوفو...حبيت انو يكون معايا...لتوا مش مصدقة لي صار...لتوا مش مصدقة انو زياد و هو خاوة...نحس في بدني مدقدق كاني واخذة طريحة...جنبي يوجع فيا
عاللخر...طول نهار و خالتي راضية قاعدة معايا...تعدي في يدها على شعري...و تحكي...حاولت اكثر من مرة تنطقني...اما منجمتش...نحس في صوتي ضايع...و كل ما نذكر وجهو...ينزلو دموعي بالساكت...حتى من ياسر كل شوية يطمن عليا...تعداو 3 ايام على نفس الحالة...متغير فيهم شي...لا نجمت ناكول...و لا نحكي...3 ايام كانو كافيين باش نضعف...و نرجع لنفس الحالة لي عشتها من ست شهور لتالي...اما توا الدوزة قوية برشا...قلبي نحسو باش يخرج من بقعتو...كل مرة يتحل الباب نقول هو لي جا باش يشوفني...اما نطلع غالطة...ساعات نشم ريحتو في البيت...اما نقول جيست خاطر توحشتو...تي علاش باش يخلي خوه و يجيني انا...اصلا اذا مكانش كلشي ملعوب منهم زوز...تي حتى احساسي قاعد يخون فيا...كل مرة نقول لانا كرهتو...وحشي ليه يغلبني...تي حتى اليمات نحسهم تعداو رزان برشا...كل مرة تحاولني خالتي راضية ناكول...منجمش نحل فمي و لا حتى نحكي معاها...اليوم اخر يوم هوني في الكلينيك...منعرفش اذا نفرح...و لا و لا...منعرفش كيف باش نطلع في وجهو مرة اخرى...تي اليمات لي عديتهم هوني كانو كافيين باش نفهم بلاصتي عندو...نشوف في خالتي فاطمة قربت مني باش تبدلي دبشي...جبدت روحي لتالي...منحبش نبدل...اصلا بيجامة مستورة...كلشي نحب عليه نخرج من هوني و كهو...قربت مني...مشطتلي شعري...و خلاتو هابط على كتافي...غزرت لساعة مبعد غزرتلي تحكي
راضية:سواار هيا عيش بنتي خلينا نخرجو توا
استغربت علاش قاعدة تزرب هكا...اما طاوعتها...اصلا معنديش شكون نستنا هوني...دخل عم فاتح...هز الفاليز و خرج...عرفت لهو مش باش يجي لهوني...باقي نفكر فيه...دخلنا للاصونصير...بقيت متكية...محسيتش بيها جملة لا طالعة و لا هابطة...فقت من سرحتي كيف فتح الباب...خرجنا زوز مع بعض...عقدت حواجبي...و انا نشوف مع البلاصة...تي شمجيبنا للفوق...باز خالتي راضية غلطت...بقيت نشوف معاها...قربت شدتني من يدي تحكي
راضية:مهمتي وفات هوني...هيا بنتي رد بالك على روحك نتلقاو في ساعة الخير
ضيقت عينيا...قلبي دق بالوقت...تي انا مهمة...فوق سطح الكلينيك...و شمعنى نتلقاو في ساعة الخير...بقيت نشوف معاها...تبسمتلي تحكي
راضية:متخافش امشي توا...فما شكون يستنى فيك غادي
غزرت للباب الصغيرة...ورجعت غزرتلها...اكدتلي براسها باش نمشي...خذيت نفس و قربت من الباب...طلعت زوز درجات هذوكا و خرجت لبرا...ضربتني نسمة قوية...طلعت راسي نشوف معاه...واقف و عاطني بالظهر...قلبي دق بالوقت...دوب حس بيا تلفت يشوف معايا...وقفت في بلاصتي نشوف معاه..مش مصدقة لهو واقف قدامي توا...دوب غزرلي تبسملي...غلبوني دموعي بالوقت...نزلو يحرقو...منعرفش اذا نفرح و لا لا...و منعرفش زادة علاش يحب يشوفني هوني...اصلا نسيت كلشي و انا نشوف معاه...قرب من بالزربة...نطرت عليه حضنتو بالقاوي...حضنتو قد وجيعتي منو...كبس عليا و طلعني عندو...باسني من خدي يحكي
زياد:يا روحي توحشتك
كبست عليه اكثر...مكنتش نستنا لهو باش يحكي اكاكا...سكرت عينيا بالقاوي...منحب نفكر في حتى شي...كان هو معايا و كهو...اني نجمت نشوفو مرة اخرى...و نحس بيه...خرجت صوتي بالسيف...اصلا منعرفش كيف نجمت نخرجو بعد اليمات هذوما
انا:ز زياد
جبد روحو مني حطني عالارض...حاوط وجهي بيديه يحكي
زياد: يا روح زياد و اخيرا تكلمت انت
هزيتلو براسي ايه...و نزلو دموعي اكثر...نزل على خدودي يمسح فيهم و يحكي
زياد:ششش علاش دموع هذوما توا
انا:ع علاش خليتني وحدي
قرب مني اكثر حضني...و كبس عليا...يعدي في يدو على شعري و يحكي
زياد:في بالك نجم نعملها...و راسك كنت ديما معاك...اما منجمتش نقرب اكثر...كل مرة تكون فايقة السخطة متاع ياسر يشد وجهك...و هاذي باش نتفاهمو علاها مبعد خاطر عطيتو فرصة باش يكون قريب منك لهدرجة
..ووقت نجيك نلقاك راقدة...نطمن عليك و نشبع منك شوية و نخرج
انا:ب بالحق هكا
زياد:ورحمة امي
اول ما حلف برحمة امو صدقتو...خاطر ما يحلف بيها كان وقت يبدا متأكد من حاجة...كبست عليه اكثر نحكي
انا:تاعبة برشا...معادش تخليني وحدي
جبدني من عندو...كبس على يديا الزوز...و غزرلي في عينيا يحكي
زياد:معادش باش نخليك جملة...باش نمشو من هوني توا...باش نبعدو عالكل...نحبك ترتاح و ترجع كيما الاول
انا:وين
زياد:لدارنا
انا:دار الزريعة
زياد:مممم نحبك تنسى كلشي صار...انت برك اثق فيا و نوعدك كلشي باش يوفا...و راسك باش ناخذلك حقك بيدي
سكت...ملقيتش باش نجاوبو...اما فما شي داخلي...يخليني نصدق كل كلمة قالها...هزيتلو براسي باهي...منعرفش اذا اللي نعمل فيه غالط و لا صحيح...اما توا نحب نصدقو و كهو...منعرفش علاش حضورو كافي باش ننسى كلشي خايب تعدا عليا...و ما نفكر في حتى حد غيرو...تي حتى صوتي رجع وقت شفتو و حملتو...فقت من سرحتي كي رجع يحكي معايا
زياد:شبيها راضية خلات مرتي تخرج بالبيجامة...على اساس وصيتها تتلها بيك
مخي وقف عالكلمة هذيكا...طلعت راسي غزرتلو ندرا كيف...كلمة دخلتني بعضي...و خلاتني نعيش احساس جديد...متوقعتش لهو يوصل يقولي الكلمة هاذي...تبسملي...و هو ينحي في الفاست...قرب حطها على كتافي...و نزل باسني بوسة خفيفة...خلات بدني يرعش...قربلي اكثر...حط خشمو على خشمي يحكي
زياد؛شبيك تغزرلي هكا
مرجعتلوش...نحس في قلبي باش يخرج من بقعتو تبسم بين شفافي...و كمل يحكي
زياد:قتلك و باش نعاودلك...انت متاعي...انت ليا انا...ملكي انا و كهو...فهمت
هزيتلو براسي ايه...نزل باسني...هزيت يدي بالسيف حطيتها على رقبتو...و غطست معاه...نحب ننسى كلشي في اللحظة هاذي...كلامو كان كافي...باش يخليني نرتاح...اصلا منحبش نشك فيه جملة..منحبش نتقهر من جرتو...جبد روحو مني شوية يحكي
زياد:خلينا نمشو...خلينا نبعدو من هوني
انا:ب باهي
باسني من راسي بلاصة الضربة كيما طحت...جبدت روحي منو...شدني من يدي...و كمل يمشي...استغربت علاش مرجعناش من الباب...انا اكاكا و نشوف في هيليكوبتر صغيرة...كيما لركبناها اول مرة غزرتلو مصدومة نحكي
انا:باش نمشو فيها
زياد:ممم باش نطيرو من هوني...باش نبعدو عالكل
كبس على يدي اكثر...و جبدني معاه...طاوعتو و مشيت معاه...اصلا مش مصدقة لي قاعد يصير جملة...عمري ما توقعت انو هو يوصل يعاملني بالطريقة هاذي...صحيح مستانسة بيه...اما اول مرة نحسو بالحق توحشني...و يحبني...تي حتى انا منعرفش كيف نسيت كلشي و مشيت عندو...اما منحبش نظلمو...منحبش نحقد عليه...جيست خاطر خوه...حتى انا راجل امي رباني و في الاخير رماني...سكرت عينيا بالقاوي...و كبست على يدو...ثاني مرة نبعد من هوني و يكون هو سبب...كل مرة يظهر في حياتي يخليني نخسر برشا حاجات اما مش بعد اليوم...كان الحكاية كلفتني حياتي...باش نخليه يخلص كلشي...فيقني من سرحتي صوت زياد يحكي
زياد:لباس
حليت عينيا و هزيتلو براسي ايه...تبسملي...و هز يدي باسها...دوب تبسمتلو...نحس في روحي مخنوقة عاللخر...صحيح فرحانة خاطرو معايا...و مخلهاش بيا...اما نحس حاجة مني ضايعة...في بالي قرب زياد كافي باش نرتاح اما لا...رغم اني مرتاحة...اما خايفة فرد وقت...خايفة كان يطلع فما احتمال صغير...انو زياد يكون شريك ادم...وقتها مستحيل ننجم نغزر في وجهو مرة اخرى...حسيت بطيارة كي نزلت...جبد روحو مني نزل...و عاوني نزلت...لقيت رجالو غادي يستناو فيه كيما كل مرة...شد عليهم مفاتح الكرهبة...منعرفش فاش قاعد يوصي فيهم...مخي مش معايا...جيست نتبع فيه بعينيا...حلي باب الكرهبة...ركبت...تكيت راسي عالبلار...خالط عليا...بقيت طول الثنية و انا ساكتة...محسيتش بالوقت كيف وصلنا...تبسمت شطر تبسيمة...و انا نشوف مع دار...نزل و جا من جيهتي فتحلي الباب...صورتو ضبت بين عينيا...سكرت عينيا ورجعت فتحتهم...شديت في يدو ووقفت...حسيت روحي مش قد بعضي...تكيت عليه...دور يدو على ظهري يحكي
زياد:سوااار لباس ياخي
مرجعتلوش...جيست كبست عليه...نزل عليا حملني...و قرب بيا...كبس عليا اكثر...و حل الباب...كمل دزها بساقو و دخل...حطني عالفوتاي في صالة...تسطحت لتالي...قعد على طرف الطاولة...يعدي في يدو على خدي و يحكي
زياد:كيف تحس في روحك توا
انا:م مليحة
زياد:تحب نكلمهم يجيبو طبيب هوني
هزيتلو براسي لا و سكرت عينيا...نزل باسني من خدي...و قام...اول ما طلع الدروج...حليت عينيا...نزلو دموعي بالوقت...منعرفش شبيني...تي من ساعة برك كنت فرحانة خاطرو جا عندي...و جابني لهوني...حسيت بيه نازل...هزيت يدي بالسيف...مسحت دموعي...و سكرت عينيا...قرب مني اكثر غطاني...و قعد يشوف معايا...محبيتش نحل عينيا...بقا يعدي في يدو على شعري...ستحليت لمستو...اما نحس في روحي باش نطرشق من داخل...نحب نخبرو على كلشي...نحبو يوفي بوعدو و ياخذلي حقي من خوه...اما منجمتش...خايفة...خايفة ليكون شريكو...منحبش نشك فيه...منحبش نكذب احساسي...مستحيل زياد يكون متفاهم معاه...اما علاش الصدفة جمعتنا في نفس الحادثة...علاش زياد بالظبط و علاش خوه هو لي دمرني...حرب تحلت داخلي و منجمتش نسكتها...دموعي غلبوني اكثر...و نزلو...خرجو معاهم شهقاتي لي كنت كاتمتها...نزل بيدو لخدي..يمسح فيهم و يحكي
زياد:سوار عزيزتي شبيك
مرجعتلوش...طرشقت بالبكا اكثر...هز عليا الغطا...و نزل عليا...قعدني...و قعد قدامي...جبدني عندو كبس عليا...بقا ساكت...هزيت يدي حطيتها على كرشو...كبست على سوريتو...منجمتش نقص عالبكا...غرس يدو في شعري...كبس عليا يحكي
زياد:شكون سوار...انت برك قولي والله ما نخليه تحت ساقك توا
منجمتش نرجعلو...قويت في البكا اكثر...جا باش يجبد روحو...كبست عليه اكثر نحكي بالسيف
انا:م متخلنيش
نفخ بالقاوي...ورجع كبس عليا...يمسح في دموعي...حسيت روحي هديت شوية...بقا يعدي في يدو على شعري...لين هزني نوم ورقدت
زياد يحكي:
جبدت روحي شوية...رجعتها لتالي...غطيتها...بعدت شعرها على وجهي...بقيت نشوف معاها...نحس في يديا يرعشو و بدني يرقل...نزلت على سنيا...و سكرت عينيا بالقاوي...خذيت نفس...معرفتش شنوة نعمل...تي 3 ايام...عديتهم و انا نفركس على شي يوصلني ليه...اما معرفتوش ¤¤¤¤ تي حتى الهم متاع ياسر بقى معاها في الكلينيك...دوب كنت نلحق نشوفها و نطمن علاها...اصلا احسن حل نجيبها هوني...نعرف للحادثة هاذي بذات...ظهورو في حياتها مرة اخرى باش يتعبها برشا...عديت يدي على وجهي بالزربة...و خرجت لبرا...دخلت القضية من الكرهبة و دواها...حطيتهم في الكوجينة...حضرتلها ماكلتها...نعرف لشي ما كلاتو بعد اكا الليلة...اصلا ضعفت برشا...وجها تبدل بالكل...حطيتو في الصينية...ورجعتلها...حطيتها عالطاولة....و قربت منها قعدت على حرف طاولة مقابلها نشوف معاها...تبسمت و انا نرا في شعرها...تي كل مرة نرجعو لتالي يرجع يطيح على وجها...نزلت يدي...نعدي في صوابعي على خدها و نحكي
انا:سواار...سواار عزيزتي
تحركت شوية...و هزت يدها حكت عينها...تبسمت...نشيخ على فازتها...حلت عينيها شوية...غزرتلي...ورجعت سكرتهم...نزلت بيدي لشعرها نحكي
انا:سواار
سوار:ممم
انا:هيا قوم تاكول شوية
سوار؛هأة
انا:هيا عيش حبي...شوف حالتك كيف رجعت...تي ساعتين و انا في الكوجينة باش حضرتك تاكول
سوار:ا انت طيبت
انا:فما حد هوني غيري
سوار:لا
انا:هيا ملا
سوار:باهي
هزت روحها شوية باش تقوم منجمتش...نزلت بيديا على جنابها قعدتها...حسيتها توجعت...عقدت حواجبي...غزرتلها نحكي
انا:لباس شيوجع فيك
سوار:ح حتى شي
انا:تنجم تاكول وحدك
هزتلي براسها لا...قربت الصينية بيدي...تبسمتلها نحكي
انا:تدلل يا لالة
تبسمتلي...هزيت صحن في يدي...قربت المغرفة من فمها...سكرت عينيها و كلات...حسيتها مقلقة...غزرتلي تحكي
سوار:منجمش نكمل...امانك
انا:هيااا باش تكملو...في خاطري
سوار:ا انت علاش قاعد تعمل معايا هكا
انا:شتقصد
سوار:يعني انا جيست نخدم عندك...انت اكثر حد تعرف وضعي...مش باش تستفاد شي كان عملت هكا على جالي...مانيش طفلة...فما شكون في حياتي...و حتى كان هو كيما الكابوس...اما باش يبقى جزء مني...مانيش باش ننساه...و لا باش ننسى ريحتو و صوتو...و لمسة يديه...صحيح نحبك
طلعت راسي عالكلمة...محبيتش نقص علاها...حبيتها تحكي كلشي باش ترتاح...تبسمت بوجيعة و كملت تحكي
سوار:ايه حبيتك...منعرفش كيف و علاش...اما شي اقوى مني...يمكن خاطرك اول حد في حياتي...على هذاكا انفعلت برشا...حبيتك ليا برك...و نسيت انت شكون و انا شكون...صحيح باش نبقى معاك..و نعرف لانت مستحيل باش تخليني...اما علاقتنا مستحيلة...انت مستحيل باش ترضى وحدة كيفي تكمل معاها حياتك...و انا منجمش ننسى الماضي...يمكن انت شفقت عليا على هذاكا قاعد تعامل فيا هكا...و الا مستحيل كنت تتنازل باش تكلمني بالطريقة هذيكا...و لا تقعد معايا توا
حطيت الصحن من يدي...و شديت من يديها زوز كبست عليهم...خذيت نفس نحكي
انا:سوار...حط في بالك شي واحد برك...انو طول ما انت باش تبقى معايا مستحيل اني نخليك
فلت يدها...و طلعت بيدي حطيتها على خدها...و كملت نحكي
انا:رد بالك نسمع الكلام هذا منك مرة اخرى...و زادة نحبك تعرف شي اخر...انو الكلام لانت سمعتو مني...ما قلتو لحتى وحدة قبلك
سوار؛حتى ميرال
انا:ممم حتى ميرال
جبدت يدها مني...و استندت بيديها على طرف الفوتاي...وقفت بالسيف...غزرتلي تحكي
سوار:باش نطلع لبيتي...تاعبة برشا
محبيتش نظغط بالقاوي...تلفت نشوف معاها...تمشي بالسيف...نفخت بالقاوي...كبست على يدي...في بالي ارتاحت...اما طلعت غالط...كيف باش تنجم تنساه و انا بيدي منجمتش ننساه...نزلت على سناني...نحس في روحي باش نطرشق...حطيت يدي عالطاولة...رميت الماكلة الكل عالارض...هزيت روحي وقفت...ورجعت راسي لتالي...حطيت يدي على رقبتي نهدي في روحي...اما شي...تي فكرة لهو باش يبقى في حياتها...باش تبقى تحس بيه خلاتني نرقل من الغش...تي لتوا مصدوم في روحي...كيف بقيت هادي...عديت يدي على وجهي بالزربة...قص عليا صوت تليفوني لقيتو ادم علقت عليه...رميت تليفون عالفوتاي...و نزلت لميت الحالة هذيكا...و ترميت عالفوتاي...تكيت لتالي...كلامها يتعاود في راسي...رجع نوقز تليفوني مرة اخرى...لقيتها ميرال...علقت علاها و سكرت تليفون جملة...منعرفش قداش تعدا وقت...دنيا ظلامت برا...كلامها فشلني...هزيت روحي بالسيف...منجمش نخليها وحدها اكثر...حليت باب بيتها و دخلت...عقدت حواجبي...كيف ملقيتهاش غادي...قربت من بيت البانو...دقيت عليه نحكي
انا:سواار انت هوني
مرجعتليش...رجعت كلمتها مرة اخرى...زادة شي...كبست عالبواني...عينيا وساعت بالوقت...كيف شفتها طايحة عالارض...قربت منها بالزربة...نزلت عندها...جبدتها عندي...حركتها شوية نحكي
انا:سواار فيق تسمع فيا ياخي
قربت يدي من خشمها...تتنفس بالسيف...نزلت هزيتها...بين يديا خرجت بيها للبيت...حطيتها عالسرير...حليت الكاب شوية...هزيت دبوزة برفان...حطيتلها شوية...جاب ربي وصيتهم يحضرولها كلشي هوني...حركت راسها شوية...نجمت ناخو نفس...خفت كان يصرالها كيما نهار الحفلة...رجعتلها شعرها لتالي نحكي
انا:سواار تسمع فيا ياخي
سوار:ممم
انا:شنوة قاعدة تحس
سوار:د دايخة
انا:خاطرك ما كليت شي...تو نرجعلك
سوار:ز زياد
انا:شنوة يا روحي تحب حاجة
سوار:م متخلينش وحدي هوني امانك
طرشقت بالبكا...خذيت نفس...عديت يدي على وجها نحكي
انا:باش نجيبلك حاجة تاكولها و نرجع
سوار:م منحبش
انا:كان باش تبقى عالحالة هاذي...نظطر نرجعك للكلينيك
سوار:نزلني معاك ملا
انا:ابقى في الفرش توا...كان نزلك توا تاخو برد
سوار:امانك
انا:باهي اتو
هزيت روحي قربت من القارد روب...فركست في الدبش...جبدت اول روبة جات على يدي...و قربت منها نحكي
انا:هيا البسها خلينا ننزلو
سوار:م منجمش
قربت منها قعدت قدامها...نزلت علاها هزيتها شوية...حطيت يدي على خدها نحكي
انا:شرايك نلبسلك انا
سوار:لا
انا:تاثق فيا انت
بقات تشوف معايا شوية...مبعد هزتلي براسها ايه...نزلت بيديا على حزامها حليتو...طلعت راسي غزرتلها لقيتها باقي تبكي...دورت يدي على ظهرها عنقتها...نزلت الكاب...حسيت برعشتها...نزلت لوذنها نحكي
انا:متخافش
هزتلي براسها ايه...جبدت شعرها على جنب...هزيت روب لبستهالها...اصلا عيني ما جات على شي من بدنها كان ظهرها...اول ما طلعت يدها...ضيقت عينيا...و انا نشوف مع جنبها...ازرق...عديت صوابعي عليه...تهزت و تنفضت بين يديا...قلبي دق بالقاوي...حطيت يدي على ظهرها نحكي
انا:من امتى هو هكا
سوار:من نهار طحت
كبست على يدي...نهدي في روحي...خذيت نفس نحكي
انا:شافك طبيب
سوار:لا مخبرتوش
انا:علاش
سوار:اكاكا معاد نحب حتى حد يمسني
سكرت عينيا...و نزلت بستها من راسها...نحكي
انا:باهي ارتاح
كملت لبستهالها...و هزيت روحي وقفت...نحكي
انا:كمل هبطها الروب...انا باش نجيب منشفة و نرجع
هزتلي براسها ايه...دخلت لبيت البانو...عديت يدي على وجهي...محبيتش نوترها اكثر...اول ما خرجت لقيتها قاعدة على طرف السرير...قربت منها...حطيت المنشفة على شعرها...شيحتو...و جبدت روحي نحكي
انا:تحب ننزلو توا
سوار:هأة لملي شعري
انا:تدلل
قربت من الكوافوز...فركست على شكال...ورجعتلها...لميتو في يدي...نحكي
انا:ياخي كيف يتلم هذا
سوار:متعرفش انت ياخي
انا:لا اول مرة نعملها
سوار:تي لمو قلقني زح
انا:محبش...و زيد رجع رزين كي مزال مبلول
سوار:تو نقصو و نرتاح منو جملة
انا:قصو تشوف شنعمل فيك
سوار:شمدخلك انت في شعري
انا:شوف الفرخة كي تحل في فمها
سوار:معادش تقولي فرخة...مانيش فرخة
انا:صار
سوار:مممم هيا لمو
انا:محبش
سوار:باهي خليه هكا ملا
شخت على منظرها...لميتو من قدام برك باش ميبقاش مقلقها...و عاونتها وقفت...هزيت ملحفة خفيفة حطيتها على كتافها...شدت في
يدي دوب نجمت تاقف..قربت منها حملتها بين يديا و نزلت بيها اللوطة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 50
تكيت عالرخامة...نشوف معاها...قاعدة عالكرسي...و تغزر للماكلة عالطاولة...عوجت فمها مش عاجبها...ضيقت عينيا نحكي انا:شفما زادة سوار:ياخي علاش الماكلة هاذي هكا انا:شبيها سوار:تي تقول ماكلة متاع كلينيك انا:خاطرك مريضة...هيا كول باش تهز صحتك
سوار:منحبش
انا:سواار...ياخي تحب تموت انت...شفت شصار فيك قبيل
سوار:متصيحش
انا:الصبر يا ربي...شتحب تاكول
سوار:بيتزا...و كولا...و قلاص...و شكولاطة...و زادة شيبس...و فراز زادة
انا:تتوحم ياخي
قحرتلي قحرة متاع موت...تبسمت على جنب نحكي
انا:و من وين باش نجيبلك هذوما الكل توا...و احنا في بلاصة مقطوعة
سوار:انت باش تحضرلي بيتزا توا...و الباقي وصي رجالك..كيما مستانس تعمل
انا:تحبني نحضرلك بيتزا توا
سوار:مممم
انا:كول لقدامك توا خف روحك...مش وقتها لبيتزا...و الباقي صباح نكلف شكون يجيبهملك
سوار:مش باش ناكول شي
انا:على راحتك...تو غدوة نرجعك للكلينيك ترتاح غادي احسن...و اطلب اللي تحب براحتك
سوار:كي هكا علاش جبتني من الاول انت
نفخت بالقاوي...جبدت الكرسي...قعدت مقابلها...غزرتلها نحكي
انا:تحب تبقى غادي انت
سوار:هأة
انا:ملا
سوار:كنت باش نمشي لدار
انا:يعني محبيتش جي لهوني
سوار:ايه..في الفيلا احسن
انا:باهي تو غدوة نرجعك
سوار:و انت
هزيت روحي وقفت...عديت يدي على وجهي بالزربة لقيتها تغزرلي...طلعت حاجبي نحكي
انا:شيهمك فيا
سوار:شتقصد
انا:مش انت تحب ترجع
سوار:انت لي تحب ترجعني
انا:سواار ياخي شنية حكايتك انت توا
سوار:شي تي كي تعبتك...كنت من الاول مجيبنيش عندك
نطرت الكرسي لتالي...و هزت روحها...وقفت بالزربة...و كملت تحكي
سوار؛كول وحدك
ركبني العصب...قحرتلها...قحرة متاع موت...نحكي و نصيح
انا:سواار شد بلاصتك خف روحك
مرجعتليش...دوب تعدات عليا...جبدتها من يدها...جات في حملتي...كبست علاها نحكي
انا:ياخي مش باش تبطل التفوريخ متاعك
سوار:سيبني نحب نطلع لبيتي
انا:مش باش تطلع لين تكمل ماكلتك
سوار:بالغصب ياخي
انا:ايه مكانش والله يا سوار ما نرجعك غدوة للكلينيك و اخرج منها كان نجمت
سوار؛شبيك تهدد فيا ياخي
انا:خاطرك متفهمش بالكلام
سوار:باهي رجعني...عالاقل غادي ناكول لنحب عليه
انا:صار...قولي تراه باش تخلي طبيب يخلي خدمتو و يطيبلك
سوار:لا اما خالتي راضية طيبلي لي نحب عليه...و ياسر زادة باش يجيبلي لي نحتاجو
بقيت نشوف معاها شوية...ضيقت عينيا...و نزلت علاها شوية...تبسمتلها بخبث نحكي
انا:مازلت تنطق اسمو...تشوف شنعمل فيك
سوار؛شتعمل
هزيت يدي حطيتها على خدها...و نزلت بصوابعي لشفافها...نعدي فيهم و نحكي
انا:المرة هاذي باش نخليك تشتكي منهم اسبوع
عينيها وساعو بالوقت...هزت يدها حطتها على فمها...و جبدت روحها شوية لتالي...بقيت شادها بيدي...تبسمت على جنب و كملت نحكي
انا:باش تاكول و لا
سوار:سيبني ساعة
رخفت يدي علاها...عطاتني بظهرها...باش ترجع لبلاصتها و تحكي فرد وقت
سوار:هامل متاع وذني
انا:شقلت
قعدت عالكرسي...و طلعت راسها غزرتلي...تبسمت تحكي
سوار:شي
انا:متأكدة
سوار:ايه
بدات تاكول من غير ما تغزرلي...احسن انها تكبست شوية...عديت يدي على شعري نحكي
انا:الهامل باش يمشي لصالة تحب منو شي
سوار:اه...ايه نحب ملح
انا:هوكا قدامك
سوار:منلحقش اعطيهولي انت
نفخت بالقاوي...و عطيتهولها...تلفت باش نمشي وقفتني تحكي
سوار:زيااد
انا:شتحب زادة
سوار:نحب نشرب الما
انا:ياخي ¤¤¤¤ هوكا قدامك
سوار:متحشمش انت ياخي
انا:ما شفت شي راك
سوار:نعرف...اصلا شنتوقع من واحد ها
قصت عالكلام كيف حطت يدها على فمها...قحرتلها نحكي
انا:واحد شنية
سوار: شي نحب ما بارد
انا:الجو بارد مش باهيلك
سوار:هأة والله عطشانة
قربت من الفريجيدار...حطيتلها دبوزة الما قدامها...عبات الكاسة و شربتها فرد مرة...بقيت نشوف معاها...حسيتها مش قد بعضها...عقدت حواجبي نحكي
انا:لباس
سوار؛لا
انا:شبيك
سوار:م منعرفش دايخة عاللخر
شدت بيديها على حرف طاولة...قربت منها بالزربة...نزلت عندها شوية...شديتها من يدها نحكي
انا:هذا الكل خاطر عنادك...لازمك تاكول باش تقوى
سوار:زياد
انا:شنوة
سوار:مش باش ترجعني مش هكا
انا:لا طمن
سوار:ملا علاش قاعد تهدد فيا
انا:خاطرك قاعدة تعاند
سوار:هأة باش جيبها هي لهوني
انا:شكون
سوار:زينة
انا:شمفكرك فيها توا
سوار:على خاطر تسكن هوني هي
انا:تي كيف باش نجيبها لهوني...و انا نسيت علاها جملة
سوار:بالحق نسيتها
انا:مممم
سوار:و ميرال
انا:سواار يزي...انا معاك توا...معادش تفكر فيهم...نحبك تتلها بروحك توا...خاطر كان باش تبقى عالحالة هاذي...باش نظطر نرجعك للكلينيك...اصلا الطبيب بالسيف باش قبل انو يخرجك
سوار:علاش كان ناوي يخليني اكثر
انا:ممم عالاقل اسبوع...خاطرك محبيتش تجاوب معاهم
سكتت...و طلعت راسها غزرت لبعيد...تنهدت بغصة...و كملت تحكي
سوار؛خاطر كنت وحدي
انا:لا مكنتش وحدك...انا كنت ديما معاك...و كل مرة يبعد عليك اكا الهم كنت نجي نشوفك
سوار:كنت نشم ريحتك...اما يمشي في بالي قاعدة نحلم
كبست على يدها...و طلعتها عندي بستها منها...و تبسمتلها نحكي
انا:لا مكنتش تحلم...و توا كمل ماكلتك...باش تشرب دواك و تشد فرشك
سوار:هأة نحب نقعد معاك
انا:باهي هيا كمل كول
سوار:حطلي في هاذي ملح زادة
انا:تدلل يعني
سوار:مش انت جبتني ملا اتحملني
انا:باهي يا لالة...انت كول برك
سوار:واللي وصيتك عليهم
انا:تو على عقاب عمري نكلم رجالي على جال شكولاطة و شيبس
سوار:قلاص و فراز زادة
انا:حبلة بتوامة انت
سوار:اعععع بليد...معادش نحب
انا:ههههههه تي كان نطلبهم باش يفهمو لانت قاعدة تتوحم
سوار:تفرك فيهم عليا ياخي
انا:شفاها عادي...بالعكس باش يفرحولنا
سوار:زيااااد
انا:هههههه باهي كمل كول...تو نوصيهم...متحبش على شي اخر
سوار:هأة
انا:هاني في صالة...كمل صحنك الكل...تو نرجعلك
سوار:باهي
بقيت نشوف معاها شوية...احسن شي رجعت تاكول...دخلت لصالة...هزيت تليفوني شعلتو...لقيت مكالمات من بابا و ادم و ميرال...نفخت بالقاوي...ما عيني نكلم حتى حد فيهم...كلمت واحد من رجالي...هز عليا مفجوع...عندو حق حتى هو نص الليل...اما شنعمل لازم باش الفرخة ترتاح...كبست صوتي نحكي
انا:حاجتي بيك في قضية
هو:بالطبيعة تفضل
انا:نحب على شكولاطة...و شيبس...و قلاص
هو:شنية ياخي ليك هذوما مسيو زياد
ناقص انا باش يسألني هو...نزلت تليفون...خذيت نفس...ورجعتو...كبست صوتي اكثر نحكي
انا:جيب كلشي يجي على يدك...دار ناقصة برشا قضيات...و انا معنديش وقت جملة
هو:باهي تحب عليهم توا
انا:لا لا جيبهم صباح
هو:باهي ليلة سعيدة
انا:عيشك
علقت عليه...ورميت تليفون عالطاولة...كنت باش نرجع للكوجينة...شفتها داخلة...تمشي بالسيف...قربت منها بالزربة...شديتها من كتافها نحكي
انا:لباس كملت كليت
سوار:ممم اما منجمتش نكملو الكل
انا:باهي ميسالش...شرايك تطلع ترتاح توا
سوار:خلينا نبقاو هوني
انا:باهي ايجا
عاونتها قعدت...و قعدت بحذاها...غزرتلي تحكي
سوار:منحبش نبقى في البيت مخنوقة برشا
انا:اما لازم ترتاح
سوار:هاني مرتاحة هوني
انا:تحب ترقد هوني
سوار:مممم
انا:باهي على راحتك
سوار:و انت
انا:باش نبقى هوني معاك
هزيت روحي وقفت...باش نخليها تتسطح...شدتني من يدي تحكي
سوار:متحبش ترقد معايا ياخي
انا:لا نحبك ترتاح توا...و هاني باش نبقى هوني معاك
سوار:خليك باش نكون مرتاحة اكثر
انا:اما
سوار:امانك زياد...نحب نرقد عندك
انا:باهي شرايك نطلعو للبيت
سوار:منحبش خلينا هوني
انا:باهي باهي
رجعت قعدت قدامها...نحيت سباطي...سوريتي...طيشتها عالفوتاي اللي مقابلني...غزرتلي تحكي
سوار:علااش نحيتها ياخي...تو تبرد
تسطحت لتالي...و جبدتها عندي...حطت راسها على صدري...تبسمت نحكي
انا:واللي يعرفك يبرد
سوار:شتقصد
انا:شي هيا ارقد توا
سوار:غطيني ساعة
انا:باهي
رميت يدي جبدت الملحفة...و كبست على شعرها شوية...حسيتها مقلقة...و تتغوصر...نزلت راسي غزرتلها نحكي
انا:شبيك
سوار:شي
انا:سواار شفما
سوار:جنبي يوجع فيا
سكرت عينيا و رجعت فتحتهم...جيت باش نقوم وقفتني بيدها تحكي
سوار؛خليك
انا:لازم ترتاح
سوار:تو نتلفت برك
انا:باهي
عاونتها تلفتت..عطاتني بظهرها...ناقص انا...سكرت عينيا...نطرد في الافكار السيئة لي جات لمخي ساعتها...دورت يدي علاها شوية شوية...عنقتها من تالي...من غير ما نكبس علاها...اصلا جاب ربي الفوتاي عريض...و الفرخة ما فيها شي...و الا مستحيل كان يهزنا زوز...حطت يدها على يدي تعدي فيها و تحكي
سوار:مرسي خاطرك جبتني لهوني
انا:ششش ارقد توا
سوار:تعرف مكنتش نتوقع لانا باش نرجع نعيش نفس الاحداث مرة اخرى...و ثاني مرة ياقف قدامي...و ما نجمت نعمل حتى شي...حتى كي كان شادني في ظلام...حاولت نشوفك...حبيت نصيح و نقول ايجا خلصني منو...اما ما نجمت نعمل شي...هو لثاني مرة تغلب عليا...وقف قدامي و الظلمة مرة اخرى كانت الحاجز بينا
لزيتها ليا اكثر...كبست على كرشها...نحكي
انا:معادش تفكر فيه...انا وعدتك و باش نبقى عند وعدي...باش نخليه يخلص حق كلشي عملو فيك...اما توا نحبك ترتاح...نحبك ترجع كيما الاول و احسن
سوار:اوعدني قبل...اوعدني انو مهما صار و اللي باش يصير...اوعدني كان هو طلع في حياتي مرة اخرى...انك باش تبقى معايا و تساندني باش تصدقني و متخليهاش بيا...انا ما عندي حتى حد غيرك
خذيت نفس...كلامها لي خارج بخوف ووجيعة خلا قلبي يدق بالقاوي...نزلت بستها من خدها...و قربت من وذنها نحكي
انا:نوعدك
كبست على يدي اكثر...حسيتها هدات...بقيت محضنها...و تفكيري بعيد برشا...شي معاها...و شي في اللي جاي...خاطر نعرف و متأكد علاقتي بسوار باش تحرق دنيا...باش تخليني نواجه روحي...قبل ما نواجه الناس الكل...اصلا كان لزم نحرق الاخضر و اليابس و منخلي حد يقرب منها مرة اخرى
بنااات سامحوني...هذا لقدرت عليه...نتوما حبيتو على شوية رومانسية و فازات..غدوة باش ندخل في احداث جديدة
سوار تحكي: فقت الصباح...نحل في عينيا بالسيف...حسيت بدني مكبوس...تبسمت...و حطيت يدي على يدو...كابس عليا...نحس بالنفس متاعو على رقبتي...بقيت شوية اكاكا...تحركت شوية باش نتلفت...سكرت عينيا ورجعت فتحهم من الوجيعة لي حسيتها في جنبي...خذيت نفس...و تلفت عندو
بالسيف...طلعت راسي شوية نشوف مع وجهو...راقد و مش حاس على شي...حتى انا تعبتو برشا البارح...هزيت يدي شوية...حطيت على خدو...عديتها تحت عينو شوية...بلاصة الضربة...تبسمت وحدي...مش مصدقة لانا هوني...و بين يديه...زادة مش مصدقة لكابوس حياتي هو خوه...اصلا منجمش نفكر فيها كيف الما و النار ينجمو يكونو خاوة...على هذاكا باش نخلي الاول يعيش في النعيم متاع سوار...و الثاني باش يعيش في جحيم دينيز...المرة هاذي انا اللي باش ناخو حقي منو...باش نخليه يندم و يخلص حق لي عملو الكل...حسيت بخنقة...اما فيسع ما راحت بعد ما حل عينيه و شفت لونهم...عسليين...تحس وراهم برشا حكايات...زعمة كيف كانت حياتو...وين عاش...و شنية خدمتو بالظبط...شكون زياد...كيف نجمت نحب حد ما نعرف عليه شي...كان هو ملاكي الحارس...ممم نقصد الشيطان الحارس...اما في الحالتين نحبو...و منجمش نستخايل حياتي من غيرو...تبسمتلو...سكر عينيه ورجع فتحهم...تبسملي يحكي بصوت نوم
زياد:بونجور
انا:بونجور فقت قبلك
زياد:ممم كيف حتى
انا:خاطر جعت
زياد:حمد الله كي جعت...مترصاليش نغصب فيك باش تاكول
انا:اما باش تحضرلي فطور
زياد:تدلل
انا:هأة اما
زياد:اما شنية
انا:جنبي يوجع فيا على هذاكا
ضيق عينيه شوية...و هز يدو حطها على شعري...يحكي
زياد:شبيك راقدة عليه
انا:اكاكا حبيت نشوفك
تبسملي...و نزل عليا شوية...باسني بوسة خفيفة...و جبد روحو يحكي
زياد:هيا لازمك تقوم...ميجيش تظغط عليه برشا
انا:باش تحضرلي فطور
زياد:ايه
انا:و قضياتي
زياد:يكونو في الثنية
انا:هيا باهي
هزيت روحي شوية...خرجت مني شهقة...ياسر توجعت...هز يدو حطها على ظهري...عاوني قعدت...و تقعد في جرتي...حط يدو على شعري يحكي
زياد:لباس توا
انا:ممم
هزيت يدي حطيتها على جنبي...سكرت عينيا...منحبش نبكي...اما حسيت روحي باش نموت من الوجيعة...هز يدو حطها على ليدي...لفوق جمبي يحكي
زياد:موجوعة
انا:لا مليحة
زياد:سواار
انا:شوية برك...تو تنقص
زياد:تحب نكلم طبيب يجيك
انا:لا امانك منحب حتى حد يمسني...خاصة اذا كان طبيب
زياد:باهي ملا باش نوصيلك على مرهم ترتاح عليه
انا:باهي عيشك
احنا نحكو اكاكا...و نوقز الباب...تبسملي يحكي
زياد:هوكا وصلو قضياتك
انا:باهي
نزل باسني من راسي...ووقف باش يمشي...حبستو نحكي
انا:زياد
زياد:ممم
انا:البس سوريتك دنيا برد برا
زياد:عادي
انا:اماان
نزل هزها...تبسمتلو...بقيت نشوف معاه لين وصل لباب برا...قص عليا صوت تليفونو و هو ينوقز...اول وحدة جات لبالي انو ميرال تكون كلماتو عالصباح...كبست على جنبي...و قربت من الطاولة...هزيتو في يدي...اول ما جات عيني عالاسم...عينيا وساعو بالوقت...وقلبي دق بالقاوي...حسيتو باش ياقف...ادددم...كبست على تليفون في يدي...منعرفش كيف طاوعت عقلي و هزيت عليه...قربت تليفون من وذني...نسمع في صوتو
ادم:وينك يا هامل...يومين نكلم في ¤¤¤ لتوا باش تهز عليا
حسيت بوجيعة في كرشي...و بدني رعش...مخييب صوتو قداش نكرهو...اما بقيت نسمع...كاني نحب ناخو قوة من صوتو باش ننقم عليه اكثر...سكرت عينيا و خءيت نفس...حليتهم على صوتو مرة اخرى
ادم:زياااد نكلم فيك راهو
نزلت تليفون شوية شوية من وذني...نشوف مع زياد وصل عندي...حط القضية عالطاولة و غزرلي مستغرب...سألني بعينيه...عوجت فمي بمعنى منعرفش...و قربتلو تليفون...شدو عليا...دوب شاف اسمو...كلمو
زياد:وي ادم نسمع فيك...منعرفش...البلاصة مفيهاش تغطية...مبعد نكلمك...عيشك
بقيت نشوف معاه و هو يكلم فيه...دوب علق عليه...عدا يدو على وجهو و غزرلي يحكي
زياد:سمع صوتك شي
انا:لا متخافش
زياد:معادش تمسو لتليفون من غير علمي فهمت
انا:فهمت من غير ما تنبزني عالصباح
قحرلي قحرة متاع موت...هز روحو...و خرج...تكيت لتالي...مزال قلبي يدق بالقاوي...كل مرة نسمع صوتو نحس بخوف و كره فرد مرة...خذيت نفس مرة و زوز...من وقت خرج معادش رجع لصالة...نعرفو ميتسهالش في الامور هذوما...كلشي كوم...و حياتو الخاصة كوم اخر...اما لهدرجة يحب يخليني بعيدة على حياتو...تركزت بيديا على حرف الفوتاي...و هزيت روحي وقفت بالسيف...دخلت لبيت البانو لي لوطة...ريقلت اموري...و غسلت وجهي...حسيت روحي تعبت اكثر...صوتو مزال نسمع فيه داخل وذني...تكيت بيدي عالرخامة...و يدي لاخرى حطيتها على جنبي...طحت عليه مرتين...بقيت نشوف مع روحي...وجهي اصفر عاللخر...سكرت عينيا ورجعت فتحتهم...ريقي شاح...منجمتش ناقف اكثر...خذيت نفس...و خرجت...لقيتو في وجهي...هزني و حطني...غزرلي ندرا كيف يحكي
زياد:لباس
هزيتلو براسي ايه...قرب مني اكثر...وقف قدامي...هز يدو حطها على وجهي...يحكي
زياد:متأكدة
انا:ممم
زياد:شبي وجهك هكا...يوجع فيك شي
انا:لا
قرب مني اكثر...دور يدو على ظهري و جبدني عندو...عنقني...هزيت يديا بالسيف دورتهم على ظهرو...هز يدو...يعدي فيها على شعري و يحكي فرد وقت
زياد:نعرف لانت موجوعة...اما تو يمات و ترتاح
انا:باش نبقاو هوني ياخي
زياد:متحبش انت
انا:هأة نحب اما
زياد:اما شنية
انا:خدمتك ..و اختفائنا مع بعض فرد مرة...مش باش يشكو فينا
زياد:انت ما تخمم في حتى شي توا...و مش باش نرجعو لين ترتاح عاللخر
انا:عيشك زيادي...و سامحني على قبيل...مقصدتش نهز اما طول و هو ينوقز
زياد:ميسالش معادش تخمم فيه
انا:باهي
تنهدت بالقاوي...نحس في روحي مخنوقة...و فرحانة فرد وقت...اما احسن شي باش نبقاو هوني فترة..عالاقل باش نجم نخمم...و نعيد حساباتي من الاول...قص عليا تفكيري يحكي
زياد:هيا فطورك حاضر
انا:يااا بالحق في بالي تغششت مني
جبد روحو مني...و نزل بيديه على خدودي...يحكي
زياد:في بالك نجم نخليك جيعانة
انا:مممم علاش متنجمش انت
زياد:نخاف تاكلني يا روحي
انا:اععععع تقصد لانا خايبة
زياد:قلت خايبة انا توا
انا:مقلتش اما تقصد فيها...نعرفك راني
زياد:شتعرف عليا...قولي تراه
انا:مممم متكبر و نكدي و غيور...و هامل
زياد:اووو وحدة وحدة يا معلم تسب فيا راك
انا:هأة انت سألتني شنعرف قتلك الحقيقة
زياد:متحبش تعرف حاجات اخرى
انا:كيما شنية
قص عليا الكلام...كيف نزل باسني بوسة خفيفة...و جبد روحو يحكي
زياد:كيما هاذي...تحب جرب
بقيت نشوف معاه شوية...عقدت حواجبي...و نزلت بيدي ضربتو على كرشو...و جبدت روحي منو نحكي
انا:و منحرف زادة
زياد:شعملتلك
انا:بستني
زياد:علاش تحب شي اخر انت
انا:اعععع زياد يزي
زياد:باهي ايجا عندي دقيقة
انا:هأة باش نمشي للكوجينة
زياد:تي ايجا
انا:منجييييبييييش
مرجعليش...بخطوتين كان ورايا...نزل حملني بين يدي...حطيت يدي على رقبتو نحكي
انا:نزلني نمشي وحدي
زياد:مممم شنعمل فيك توا
انا:علاش
زياد:على كلامك متاع قبيل
انا:شي كنت نقول في الحقيقة حرام راهو
زياد:متأكدة هذيكا الحقيقة
انا:ممم علاش نسيت شي اخر
زياد:ممم نسيت برشا حاجات
انا:كيف شنية
كبس عليا اكثر...طلعني عندو...جا وجهي مع وجهو...بقيت نشوف معاه...منعرفش كيف هزيت يدي حطيتها على خدو...عديتها شوية على لحيتو...و صوابعي عديتهم عالضربة...قرب مني اكثر...حط خشمو على خشمي...نفس متاعو قوا في وجهي...اول ما وصل لشفافي...جبدت روحي...و طلعت بستو من ضربة...اصلا من صباح نحب نعملها...و رجعت غزرتلو...باقي يشوف معايا...قربت منو اكثر...حاوطتو بيديا زوز...و نزلت نحكي في وذنو
انا:مش باش نبوسك لين نلقى قضيتي الكل حاضرة
زياد:صار
انا:ممم
زياد:و انت تعرف كي نحب على مش مش باش تمنعني
انا:ممم نعرف...اما صغرونتك مريضة و انت متحبش تعبها...و باش تستحملها لين تبرا مش هكا
زياد:علاش عندي حل اخر الصبر و برا
انا:عيشك يا روحي
جبدت روحي منو باسني من راسي حطني عالكرسي و قعد مقابلني حسيتو مش قد بعضو...تبسمت وحدي...مكنتش باش نجبد بيه اما ساعات يستهل مش كل مرة باش نخليه على راحتو..عالاقل يتعذب
شوية في جرتي...يكفيه توا انو يعرف انو انا نحبو...نحبو هو و كهو
الحلقة 51
تعدا اسبوع...بعد اكا نهار...تحسنت فيه برشا..جيست مازلت نحس بوجيعة صغيرة في جنبي...اما نتحملها و نعديها...حليت عينيا نشوف مع البيت...تلفت شوية...نشوف معاه...مزال راقد...هزيت يدي حطيتها على وجهو...كل ليلة نحكم عليه ببلاصة...مرة بيتو...مرة بيتي...مرة في الصالة...نمرجو لين يفد و يرضى...اصلا منعرفش كيف مزال متحملني لتوا...اما كل لي نعرفو...انو بعد كلشي صار و كلشي تعدا عليا...كان احسن اسبوع عديتو مع زياد...اول مرة نحس بلهوة حد بيا من غير امي و عماد...تبسمت...و قربت منو بستو تحت عينو كي العادة...جبدت روحي منو شوية شوية...و نزلت من سرير...حليت القارد روب...جبدت مريول gris من عندو...و دخلت لبيت البانو...ريقلت اموري...بدلت دبشي...لميت شعري كعكة و خرجت...لقيتو مزال راقد...محبيتش نفيقو...نزلت للكوجينة...دار دافية عكس الجو برا اللي بدا يبرد...اصلا دار هاذي مختلفة برشا...رغم انها منعزلة جملة...اما تحس فيها حياة...و لا انا اللي نحس هكا...حضرت الفطور...و عملت قهوة...اليمات الكل لي تعداو مخلانيش نمس حاجة...انا اكاكا...و نحس بيديه دارت على كرشي...تبسمت نحكي انا:بونجوور كبس عليا...و نزل باسني من خدي...بوسة مرصوصة يحكي زياد:شبيني محسيتش بيك كي قمت انا:مممم محبيتش نفيقك...جيست بستك زياد:ممم حسيت بيها هذيكا تلفت عندو نضحك...حطيت يديا زوز على صدرو نحكي انا:نعرف عزيزي زياد:نحب وحدة توا انا:منلحقش دور يدو على ظهري...كبس عليا...وطلعني عندو...معادش نحس بالارض تحتي...هزيت يدي حطيتها على خدو...و نزلت بستو تحت عينو...نحكي انا:هيا توا خلينا نفطرو زياد:كهو فهمتو شيقصد...قربت منو اكثر...حطيت شفافي على شفافو نحكي انا:ممم كهو...خاطر لتوا ما جبتليش فراز زياد:مزلنا في نفس الحكاية...لتوا ما نسيتش انا:مش باش ننسى لا جبتلي...لا خليتني نمشي نشريه زياد:جاب ربي مجيتش تتوحم انا:هههههه حتى انا مش باش نجيب صغار جملة زياد:علاش انا:اكاكا...خلينا نفطرو توا رخف يدو على ظهري...جبدت روحي منو...هزيت القهوة حطيتها عالطاولة...نتنفس بالسيف...منحبش نفكر في الموضوع هذا جملة...لا هو يحب عالصغار...و لا انا نجم نعيش حياة كيما ناس الكل...صحيح هو معيا توا...اما يمكن معادش باش نلقاه...قص عليا تفكيري...كيف جبدني من يدي...دورني عندو يحكي زياد:سوار انا:شنوة زياد:صدقني وقت يوفا كلشي...باش نمشو من تونس جملة...لاي بلاصة تحب علاها...انا و انت برك انا:متنجمش تخلي حياتك هوني على خاطري زياد:انت حياتي...انت برك اثق فيا...و نوعدك باش نخرجو منها زوز المرة هاذي قربت منو حضنتو...دورت يديا زوز على ظهرو نحكي انا:خليك معايا ديما...مهما صار ابقى تحبني...حتى و انت مقلتهاش للكلمة...اما يكفي اني نحس بيها...اوعدني زياد باش تحميني ديما
زياد:وعد
خذيت نفس...و جبدت روحي منو...تبسمتلو...نحكي
انا:الماكلة باش تبرد هيا نفطرو
زياد:شيعمل مريولي عندك
انا:مش انت جبرتني نرقد لبارح في بيتك...ملا مكلفتش روحي و لبست من عندك
زياد:مممم حتى هو طلع عليك
انا:نجم ناخو جملة
زياد:ممم نحب مقابل
انا:زايد منحرف...باش ناخو و من غير مقابل زادة
زياد:هههههه باهي خلينا نفطرو ساعة باش نمشي في قضية و نرجع
انا:وين ماشي
زياد:سوااار شقلنا عالاسئلة هاذي
انا:زيااد امان كان ناوي تعدي الليلة برا خبرني توا...منجمش نبقى هوني وحدي
زياد:يا بنتي وين عندي نبات...و زادة رجال هوني محاوطين البلاصة ما تخاف من حتى شي...نكمل شغلي و نرجعلك
انا:باهي
كليت اكا الفطور بالسيف...اول شي جا لمخي...انو باش يمشي عند زينة...اول ما وقف...وقفت في جرتو...قرب مني باسني من راسي يحكي
زياد:رد بالك على روحك
انا:مطولش برشا
زياد:طمن
عدا يدو على خدي...تبسملي...و خرج من الدار...بقيت نشوف معاه من شباك...هز كرهبتو و مشا...خذيت نفس...و رجعت للكوجينة...لميت طاولة...و غسلت ماعون...اما عقلي باقي معاه...كنت باش نمشي لصالة اما رجعت خطوة لتالي...حليت باب البيت لي لوطة...بيت سرية متاعنا...عارضوني نفس الصور...نفس الورق...كلشي باقي على حالتو...جيست مغبر...باز من اكا نهار مرجعش لهوني...قربت من تصويرة امير...تبسمت على جنب لتوا منعرفش كيف نجمت نعدي المهمة هذيكا...غزرت لتصويرة ياسر...عديت صوابعي عليها...منعرفش اذا باش نخبر زياد باللي سمعتو و لا لا...اما كيف ادم دخل في نص...باش نسكت الفترة هاذي...ياسر شريك امير...و العملية التالية زوز مرتبطين فيها...قربت خطوة...غزرت لصورة ثالثة...صابر مختار...لتوا متلقيتوش...منعرفش واحد كيفو شيعمل مع المجموعة هاذي...تي ظاهر فيه محترم...عوجت فمي...تو مبعد نعرفو حكايتو...و كملت لين وصلت لاخر صورة...وقفت علاها...بقيت برشا و انا نشوف معاها...ملامحو ياسر هادية...كيف زياد بالظبط...اما زياد احلى منو...تبسمت على تفكيري...هو الوحيد لي ما نعرف عليه حتى شي...و زياد ميحبنيش نقرب منو...زعمة شكونو...خذيت نفس و تلفت لطاولة...نفركس في دوسيات...الكل لي هوني عندهم صلة مع بعضهم...اما اسم اكا الهم مش مذكور بينهم...و لا صفقة و لا في حتى دوسي...كي هكا شيعمل مع ياسر...اللي متأكدة منو انو هو منهم...و برشا قضايا وراه...فما تفسيرين زوز برك...الاول زياد يحب يجبدو من هذا الكل...خاطرو خوه بالطبيعة...و الثاني يمكن يكون شريكو في كلشي قاعد يصير...و هذا اللي منجمش نصدقو...خاطر كان طلع فما احتمال و لو صغير انو زياد شريك ادم في اللي صرالي...باش نقتلو بيدي وقتها...خذيت نفس و خرجت نجري من البيت...دخلت لبيت البانو لي لوطة...تركزت بيديا عالرخامة...نشوف مع روحي...وجهي اصفر...حليت السبالة...غسلت وجهي...و بليت رقبتي...مجرد التفكير برك...دخلني بعضي و خلى قلبي يدق بالقاوي...منجمش نستخايل لزياد باش يعملها فيا...هو يحبني...اكيد يحبني...خذيت نفس...نهدي في روحي...و خرجت...سمعت تليفوني ينوقز...قربت منو...لقيتو زياد...هزيت عليه...نسمع فيه يحكي
زياد:سواار لباس
انا:ممم مليحة...وينك انت
زياد:مشغول توا ساعتين اخرى و نجي
انا؛متنساش الفراز
زياد:باهي
علقت عليه...تفرهدت شوية كيف كلمتو...هزيت البيسي...و قهوة...و قعدت عالفوتاي...حطيت اسم ¤¤¤¤ احسن سمعتو لقبو في الحفلة...خرجولي تصاورو...بقيت نشوف فيهم بالوحدة...قلبي يدق بالقاوي و خلاقي دايرة...كان فما شي اسمو كره هو ادم...عرفت لي نجم عليه...وين شركاتو...اللي في تونس و برا تونس...شنية مشاريعو لي عملها الكل...و اهم شي من هكا طلع عندو نادي...و مش اي نادي...تبسمت على جنب...علاش لا...باش تكون البداية من هوني يا ادم...باش يكون السلاح هو البداية بينا...سجلت في نادي من النت...و طلبت موعد بعد اسبوع اكاكا...سكرت البيسي...و تكيت لتالي...منعرفش اذا كانت خطوة باهية او لا...اما لازمني نتقرب منو...لازمني نعفس على جرحي...و ناخو حقي منو...و كيف قرب مني في الحفلة...و عرف اسمي...باز وقت يشوفني باش يقرب مني اكثر...انا باش نكون في طريقو و كهو...اول ما وقفت نوقز تليفوني...في بالي زياد...لقيتو ياسر...تبسمت وحدي...رغم كلشي...اما هو بالذات باهي معايا عاللخر...هزيت عليه نحكي
انا:يااااسر
ياسر:حمد الله كي مزلت مذكرة اسمي
انا:نعرف لانت مغشش مني...اما تعرف ظروفي بالقدا
ياسر:كيفك توا
انا:مليحة ارتحت...عيشك
ياسر:كلمتك من قبل اما تليفونك كان مسكر
انا:كنت تاعبة وقتها على هذاكا...سامحني ملقيتش فرصة اني نشكرك
ياسر:من غير مزية...وينك توا
انا:في المزرعة
ياسر:باش طول غادي
انا:مممم منعرفش...باش نرجع في اقرب فرصة
ياسر:احسن خاطر توحشتك
انا:عيشك ياسر و انت ليك وحشة زادة
ياسر:ممم تو نتأكد مبعد
انا:ههههه باهي
قص عليا زياد من تالي...كي فكلي تليفون من يدي...تلفت ليه مفجوعة...محسيتش بيه جملة...بقا يغزر لتليفون شوية...طلع حاجبو...و علق على ياسر...نزل يدو...و طلع راسو غزرلي...هزني و حطني يحكي
زياد:ملا توحشتو
بقيت نشوف معاه...منجمتش نرجعلو...عدا يدو على وجهو..يهدي في روحو و يحكي
زياد:نسمع فيك
انا:شنوة
زياد:شوف سوار تحل فمك و تفسرلي...احسنلك
انا:نفسرلك شنية ياخي
زياد:¤¤¤¤¤ عليا ياخي...علاش كلمتو
انا:هو كلمني
كبس على تليفون...ورماه على طول يدو...قرب مني شدني من يدي...كبس علاها يحكي و يصيح
زياد:و انت جيست كلمك هزيت عليه...و تزيد ¤¤¤¤ و تكثر معاه في الكلام
انا:سيبني زياد مش كيما فهمت
زياد:سمعتتتك...اما انت متفهمش بالكلام...جيست خرجت من هوني...لقيت سي ¤¤¤¤ متاعك يعبي فراغك
انا:ياخيي فاش تحكي انت...زياد سيبني
زياد:تو رجعت تحل في فمك
انا:وجعتني راك...و زادة فهمت بالعكس...سيبني تو نفهمك
زياد:فرخة قدك...شباش تفهمني
انا:مانيش فرخة...و زادة حكيت معاه عادي
زياد:علاش فما كلام اكبر من اللي قلتو...تيوكان تلقى تمشي من توا
انا:زايد معاك الكلام...سيبني...نحب نطلع لبيتي
زياد:مش باش تطلع...لين تحل ¤¤ فمك هذاكا...و تقولي علاش كلمك
انا:جيست يحب يطمن عليا
زياد:صار
انا:ايه...سيبني توا
زياد:اسسسكت
انا:زياااااااد يزي سيبني
زياد:شبي ¤¤¤ تصيح
انا:وجعتني سيبني
دوب رخف يدو شوية...جبدت يدي منو...عفستو و ضربتو على كرشو بكل قوتي...و هربت نجري...نسمع فيه يصيح
زياد:سوااار ايجا لهوني
انا:سيييبني معادش تحكي معايا
زياد:مش باش تتعدالك يا سواار
انا:محسوووب خوفتني
مرجعليش...سمعت صوت خطواتو...عرفتو مخالط عليا...زربت في خطواتي...دخلت لبيتو...اول وحدة جات قدامي...جيت باش نسكر الباب...وقفني...كيف دزو بيدو جابني لتالي...قحرتلو نحكي
انا:فاش تعمل ياخي سيبني
قرب مني...وخرت لتالي...لين ضربت في السرير...و جيت قاعدة لتالي...حاولت نقوم...اما كان اسرع مني..رجعني بيدو و جا فوقي...كبس عليا بيديه يحكي
زياد:حل فمك توا
انا:س سيبني فاش تعمل
زياد:باش تتعاقب
انا:منحبش سيبني
بقى يشوف معايا...حاولت ندزو اما شي منجمتش...نزل عليا اكثر...حط شفافو على شفافي...عضني عضة خفيفة يحكي
زياد:هاذي حق تفوريخك
اول ما جيت نحكي...عضني مرة اخرى...نزلو دموعي بالوقت...جبد روحو يحكي
زياد:و هاذي حق ما كلمتو
هزيت يدي بالسيف...حطيتها على جنبو...كبست عليه نحكي
انا:ي يزي وجعتني
نزل عليا اكثر...لين معادش نجم نتحرك...في بالي باش يرجع يعضني...دورت وجهي شوية عليه...حط شفافو على خدي...نحس في قلبي يخض بالقاوي في صدري...باش يخرج من بقعتو...قرب من وذني يحكي
زياد:مزال موفاش عقابك
سكرت عينيا...منجمتش نقاومو اكثر...نفس متاعو خدرني...ريحة برفانتو دخلت خشمي...دورت وجهي شوية عندو...نزل على شفافي...اما المرة هاذي باسني...كبست عليه اكثر...نزل من شفافي لرقبتي...منجمتش نحكي اكثر...بقيت نطاوع فيه...قرب لوذني يحكي
زياد:مزال نسمع منك كلام اكاكا معاه نقتلك و نقتلو...حط في بالك اي حد يقرب على شي متاعي و ملكي باش نقتلو
جيت باش نحكي...رجع سكتني كيف باسني...كلامو دخلني بعضي...ذكرت ادم وقتها...بدني رعش...لحظتها كلامو في اكا الليلة تعاود في وذني بالكلمة...كانو هو اللي فوقي توا مش زياد...منعرفش علاش ساعتها هذا لي حسيتو...قلبي دق بالقاوي...و دموعي نزلو اكثر...حاولت ندزو اما منجمتش...عرفت كان نخليه باش يكمل لي بداه...اما مش مستعدة حتى طرف...للي باش يصير...اصلا نحس في بدني مقيد باكا ليلة...عفتو و منحب حتى حد يقرب مني خاصة زياد...منحبوش يقرب مني لهدرجة...خاطر خوه هو لي اغتصبني...حبي ليه و قلبي مطاوعينو...اما بدني رفضو...حسيت بيديه كي طلعلي المريول...محسش بدموعي...و لا بدزاني ليه...دوب وصل لكرشي...حبستو بيدي نحكي و نبكي فرد وقت
انا:س سيبني امانك...برحمة امك سيبني
رخف يدو عليا...حطها على وجهي...يمسح في دموعي و يحكي
زياد:سواار
انا:م منحبش...سيبني...متعملش فيا كيفو
زياد:سواار فاش تحكي ياخي
هزيت يديا زوز...سكرت وذنيا...نبكي بالشهقة...جبد روحو مني...هز يدو مسحلي دموعي يحكي
زياد:مش قصدي لي صار
انا:سيبني منحب حتى حد يقرب مني...كلكم كيف بعض
عالكلمة...جبد روحو مني جملة...وقف...منجمتش نحل عينيا...قويت في البكا...نسمع فيه يحكي
زياد:كان كنت كيفو كنت ستغليتك من اول نهار...مش بعد ما
سكت...نفخ بالقاوي...تلكمت على روحي اكثر...كمل كلامو يحكي
زياد:زايد الكلام...بعد اللي قلتو انت
كمل كلامو و خرج...الباب متاع برا سمعتها كي خبطت من البيت...تهزيت و تنفضت في بلاصتي...قويت في البكا اكثر...نحاول نلم في روحي...منعرفش شنية لكنت نقول فيه...اما ساعتها هو اللي كان بين عينيا...اكا الليلة تعدات عليا في دقايق هذوكا...منعرفش الكلام لي قلتو جرحو و لا لا...اما منجمتش نقص عالبكا...نحب نكون معاه...نحب نعيش كلشي معاه...اما من غير اكا الماضي...من غير ما يكون ادم هو خوه...تعبت من البكا...لين دموعي نشفو...بقيت محضنة روحي...سارحة في القارد روب...منعرفش قداش تعدا وقت ساعة زوز ثلاثة...منجمتش نتحرك...و لا نحرك شي من بدني...و منجمتش نفكر زادة...و منحبش نحط احتمال اني بعد ما رفضتو باش بمشي لزينة و لا لوحدة غيرها...لااا مش باش يمشي هو يحبني انا...انا و كهو...هو متاعي...و حتى وحدة ما عندها الحق فيه...سكرت عينيا...و دمعة اخرى لقات طريقها...كيف باش يكون ليا...و انا رفضتو...اول مرة فكر يقرب مني رفضتو...بقيت اكاكا...نبكي و نسكت لين هزني نوم و رقدت
زياد يحكي:
حرقت الكياس...منعرفش قداش بقيت نسوق...خرجت غشي الكل في سواقة...كل مرة نذكر كلامها نهبل في مخي...منعرفش كيف نجمت تقولو...كانت تنجم ترفض...و كنت باش نتفهمها...نعرف لتعدا علاها مش ساهل...و مش بالساهل تنساه...اما بعد كلامها تالي...رجعتني لتالي بعشر خطوات...عكس الخطوة اللي عملتها على جالها...كيف تجمت تقارني بيه مستحيل...ركيت الكرهبة على جنب...عديت يدي على وجهي بعصب...كبست على راسي بيديا زوز...نهدي في روحي...دنيا بدات تظلام...نزلت من الكرهبة...منعرفش على روحي كيف وصلت للبقعة هاذي مرة اخرى...دزيت الباب بيدي و دخلت...اصلا العساسين لي برا مزالو مذكريني...اصوات بدات تعلا في وذني...طلعت راسي نشوف معاها...نفس البدن...نفس لون شعرها اصفر واصل لخسرها...نفس الغزرة...شي ما تبدل فيها...3 اشهر و لا فايت مشفتهاش...اما مزالت كيما خليتها..و مزال الحانة تهتف باسمها...جبدت كرسي...قعدت في اخر طاولة...تكيت لتالي نشوف معاها...شربت الكاسة لاولى و الثانية و الثلاثة...منعرفش قداش...حسيت روحي بديت نسكر...نشوف فيها قاعدة تقرب مني...لين وصلت قدامي...حطت يدها على كتفي...و نزلت باستني من خدي...و قربت لوذني تحكي
زينة:زياااد...قداش توحشت اسمك...و ريحتك...و طلتك...بالمختصر توحشتك
تبسمت على جنب...هزيت يدي...جبدتها من يدها بقوة...جات في حجري...بقيت نشوف معاها...منعرفش قداش بقيت نغزرلها...هزت يدها تعدي فيها على خدي...كبست على خصرها اكثر..و سرحت في عينيها...لي في لون البحر...و شفافها لتحاول تقربهم مني باش نبوسها...اما قدام هذا الكل...تفكيري مش معايا...عقلي و قلبي مش هوني...مع حبيبتي الغجرية...تبسمت على جنب...كيف تعدات صورتها بين عينيا...خاصة شعرها...تي بالحق تقول غجرية وقت يبدا شعرها اكاكا...فقت من سرحتي...على شفافها لي تحطو على شفافي...دورت يدي على ظهرها...و لزيتها ليا اكثر...كاني نحب نخرج غشي و كهو...نحب ننساها توا و ننسى كلامها...اما منجمتش...كل مرة نذكرو...ننزل على زينة اكثر...جبدت روحها مني...و نزلت لوذني تحكي
زينة:شرايك نمشو من هوني نعرف لانت زادة توحشتني
بقيت نشوف معاها...حسيت راسي رزين...يمكن ثقلت في الشرب...اما باقي صورتها بين عينيا...هزت روحها...وقفت...و شدتني من يدي تحكي
زينة:هيا زياد خلينا نمشو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 52
بقيت نشوف معاها...هزيت روحي بالسيف وقفت...مقابلها...قربت مني اكثر لصقتني...بقعة مظلمة...حد ما ينجم يشوفنا...هزت يدها حطتها على رقبتي...نزلت على شفافي...سكرت عينيا بالوقت...نحس في عقلي بعيد برشا...تفكيري مش معايا جملة...جبدت روحها مني...قربت مني اكثر...لين معادش فما مسافة بينا...حطت يدها على خدي...نزلت بصوابعها تعدي فيهم على الضربة...قربت لوذني تحكي
زينة:محلاها الضربة ياسر تعجبني فيك
حليت عينيا بالوقت...لقيتها باش تقرب تبوسني تحت عيني...ذكرت كلام سوار"متخلي حتى وحدة تبوسك هوني"دوب قربت باش تحط شفافها...دزيتها بيدي لتالي نحكي
انا:ابعد
رجعت قربت مني...حطت يدها على خدي...قربت شفافها لشفافي تحكي
زينة:اعترف لانت توحشتني...اعترف لبقيت في راسك و الا مستحيل كنت تاقف قدامي توا
تبسمت على جنب...قبل ما تبوسني...بعدتها لتالي بيدي..نحكي
انا:ياسر واثقة من روحك
زينة:نعرف
انا:ملا برا استغل ثيقتك في بلاصة اخرى
دورت عينيا عالبلاصة و تبسمت باستهزاء...نحكي
انا:تحرك
قربت مني هزت يدها...عدات صوابعها على خدي تحكي
زينة:رجوعك ليا يا سي زياد...كل مرة تقهرك هي باش جيبك ثنية لهوني...لزينة
شديتها من يدها كبست علاها...نزلت اللوطة...و جبدتها عندي...نزلت لوذنها نحكي
ان:متنساش روحك شكون...وقت يكون حاجتي بيك انت لي جيني مش انا...و توا برا اقلب منظرك عليا
زينة:باش ترجعلي نوعدك
تبسمت على جنب...نزلت هزيت مفاتحي و تلفت باش نخرج...نسمع فيها تحكي و تصيح
زينة:باش ترجعلي يا زياد
مرجعتلهاش...نحس في قلبي يدق بالوقت...كيف نجمت نوصل لهوني...كيف نسيتها...كيف فكرت في روحي و خليتها في الحالة هذيكا و خرجت من دار...تي نفسيتها لتوا تاعبة...من اسبوع برك الكلب هذاكا كان قدامها...اصلا كيف سمحت لروحي نفجعها بالطريقة هذيكا...وصلت للكرهبة...ضربت فيها بيديا زوز...نحاول نهدي روحي اما شي ركبت و خدمتها...نزلت البلار نحس في النسمة لي داخلة فيقتني شوية...لتوا مروهج من الشراب هذاكا دوب وصلت ركيت الكرهبة...و تكيت لتالي...منجمتش ننزل...منعرفش كيف باش نقابلها...كلشي نحب عليه توا...نشم ريحتها و نرتاح...جبدت تليفوني غزرت لساعة...تعدا نص ليل...زوز متاع صباح...تي تعدا بالقليلة شي ست ساعات من اللي خرجت من هوني...نفخت بالقاوي و نزلت...فتحت الباب متردد...دنيا ظلمة لوطة و دار هادية...قلبي دق بالوقت...منحبش نفكر في حتى احتمال انو هي تكون مشات من هوني و هربت مني...طلعت الدروج...بالدرجة...متردد و خايف...اي لاول مرة نحسو للاحساس...اول مرة نعرف شمعنى خوف بعد السنين لي تعدات عليا الكل...سوار عوضتني عالفراغ لي عشت فيه السنين هذوما الكل...طفولتي لي ضاعت مني و توسخت بدم امي...لي مسيتو بيدي...نحب نفهم شنوة اللي صار بالظبط...سكرت عينيا بالقاوي...نزلت دمعة مني...مسحتها بكف يدي...مزلت نشوفها هذيكا الليلة كل يوم و نحلم بيها في كل ليلة...كل مرة نقرب...نضيع مرة اخرى و المرة هاذي سوار هي لي صادفتني...اول مرة رقدت مرتاح...وقت كانت بين يديا...منعرفش اذا قاعد نستمد في قوتي منها و لا هي قوتي...كبست عالبواني...قلبي يدق بالقاوي...غمضت عينيا...و فتحت الباب...خذيت نفس طويل و فتحت عينيا...نشوف معاها...تنهدت من عروش قلبي...لدرجة منجمتش نقرب منها و لا نرجع لتالي...بقيت نشوف معاها...مزالت كيما خليتها قبيل متحركتش جملة...راقدة على جنبها...محضنة روحها...شعرها تحل...خصلاتو طايحين على وجها...تبسمت على جنب...قربت منها شوية شوية...تسطحت قدامها...هزيت يدي حطيتها على خدها...رجعت شعراتها لتالي...عديت صوابعي على عينيها و نزلت لخشمها ياسر صغرون...و شفافها منفوخين عاللخر...شدتني بوسة الخال لي فوق حاجبها...تبسمت...هزيت يدي عديت صوابعي علاها...حلت عينيها بالوقت...بقيت نشوف معاها...حمر برشا...ظاهر غفات من البكا...منجمتش نحكي معاها...و منجمتش نقرب منها زادة...مزلت خايف من ردة فعل متاعها...نعرف اللي قاعد يدور في مخها...بقات تشوف معايا...سكرت عينيها و رجعت فتحتهم...نزل بيدي نعدي فيها على شعرها...غمضت عينيا كيف شفت دموعها نازلين...جيت باش نحكي...قصت عليا كيف شدتني بيدها من سوريتي...كبست علاها و لزت ليا اكثر...لين معادش فما مسافة بينا...غرست راسها في رقبتي...تشهق...هزيت يدي...دورتها على ظهرها...كبست علاها نحكي
انا:سامحني
سوار:م منقصدش ل لي صار...شي اقوى مني...س سامحني
انا:ششش يزي
كبست عليا اكثر و بقات تبكي...منعرفش قداش تعدا علينا وقت و احنا اكاكا...لين حسيتها هدات جبدت روحها شوية...مسحت دموعها و غزرتلي تحكي
سوار:و وين مشيت
هزيت يدي...كملت مسحت دموعها...خذيت نفس...معرفتش باش نجاوبها...جيت باش نحكي قصت عليا تحكي
سوار:مشيت عندها مش هكا
انا:شنية
سوار:كنت عند زينة
بقيت نشوف معاها...منعرفش علاش خطرت على بالها توا و اكثر من هكا صحيح كنت عندها اما كيف باش نفهمها...باز باش تفهم اللي تحب عليه و كهو...ضحكت ندرا كيف و جبدت روحها مني بالزربة وقفت...وقفت في جرتها...حطت يدها على وجها رجعت شعرها لتالي تحكي و تضحك مصدومة
سوار:هههه قاعدة نسأل فيك...نسأل في شكون انا...فيك انت...شباش نتوقع منك ياخي
انا:سواار
سوار:شباش تحكي...شعندك تحكي اصلا ريحتها لاصقة فيك...هههه يا ربي قداشني طلعت دغفة...قاعدة نبكي عليك...نبكي خاطر حسيت روحي ظلمتك...ظلمتك خاطر ستخايلتك هو
انا:سوااار اسمعني فاش تخرم ياخي
سوار:ايه صحيح شكون انا...شكون انا باش نحاسبك و نعاتب عليك...انا كيفي كيفها
انا:سكرر فمك هبلت ياخي
سوار:مش صحيح كلامي...وقت كملت شيختك ذكرتني...ذكرت شكون خليت وراك...كلكم كيف بعض...مستحيل نطلع غالطة...انت و هو نفس الشي...هو اغتصبني...و انت استغليتني
ركبني العصب من كلامها...اصلا كلامها فيقني من سكرتي جملة...جيت باش نقرب منها...سبقتني لبيت البانو...وصلت بالوقت...كبست عالبواني.. لقيتها سكرتها من داخل...دقيت علاها بكل قوتي نحكي
انا:سواار افتح...افتح ¤¤ الباب هذا مكانش نهدو فوق راسك
سوار:امشي من هوني ارجع عندها...معندك حتى شي هوني
انا:قتلك حل الباب...حل الباب هذا و عاود كلامك
سوار:امشي من هوني زياد
شهقت عالكلمة التالية...تندهت بقوة حاولت نهدي في روحي و نحكي
انا:سوار حل الباب خلينا نحكو
سوار:مفما حتى شي نحكو فيه...انا فهمت بلاصتي عندك بالقدا
انا:فهمت شنية ياخي...فاش قاعدة تخرم...فاهمة شنية لي تحكي فيه انتي
سوار:علاش غالطة
انا:اي غالطة و قاعدة تغلط زادة...حل الباب خلينا نحكو
سوار:منحبش نحكي معاك...منحبش نشوفك...كان جيت نهمك شوية برك مستحيل كنت تمشي عندها
انا:ما صار شي من اللي قاعدة تفكر فيه
سوار:تكذب...ريحتها لاصقة فيك...قاعد تكذب خاطر تعرفني دغفة و باش نصدقك...دغفة خاطرك كل مرة تهزني للماضي و ترجعني كيما تحب...تجرحني كيما تحب...مبعد يرجع لوم عليا...نكرهك زياد نكرهك
كبست عالبواني...الدم جمد في عروقي من كلامها...منعرفش شباش نقول انا اكاكا و نسمح في صوت تكسير الداخل...رجعت نضرب عالباب...نصيح
انا:سوااار فاش تعمل ياخي حل الباب و لا نكسرو
مرجعتليش...جيست نسمع فيها باقي تكسر و تصيح و تبكي فرد وقت...كسرت الباب و دخلت...منجمتش نقرب اكثر...المريات الكل تكسر فيهم بالوحدة و تصيح
سوار:نكرهكم الكل...نكرهكم...كل حد فيكم يخمم في روحو...لا انت و لا هو فكرتو شنوة اللي باش يصير فيا...كيف باش نعيش حياتي...شنوة اللي باش نحسو و نعيشو...كيف باش نواجه ناس...كرهتوني في روحي...علاش انا...علاش شعملتلكم
معرفتش اذا نسخف علاها و لا نغزل من كلامها...خاطر قاعدة تقارن فيا بيه...جيت باش نحكي...قصت عليا...كيف ضربتني..بدبوزة متاع شامبو لراسي...دوختني الفرخة...فوق ما انا دايخ...غزرتلي تصيح
سوار:شمزال عندك باش تحكي اه...شباش تقول...كيف باش تبرر...تي علاش تبررلي اصلا...نكرهك راني نكرهك
بقيت نشوف معاها...حالتها داخلة بعضها...دموعها غطاو وجها الكل...قربت منها شوية...هزت كلشي جا على يدها رماتو عليا...و تصيح فرد وقت
سوار؛متقربش مني...برا ارجعلها علاش مكملتش ليلتك معاها اه علاش جيت لهوني
قربت منها اكثر...خطفتها من يدها جبدتها عندي...كبست علاها نحكي
انا:كهو يزي اركح
سوار:سيييبني معندكش حق تمسني
انا:صار
سوار:نكرهك...تفهم شمعنى نكر
قصيت علاها كيف نزلت على شفافها سكتها جبدت روحي منها شوية نحكي
انا:قتلك اسكت
سوار:م معادش تبوسني نكرهك راني انت واحد اناني و مستحيل تتبدل
تحكي و باقي دز فيا لتالي...نزلت على يديها كبست عليهم و دورتهم لتالي جبدتها عندي نحكي
انا:اركح خلينا نحكو
سوار:مفما حتى شي نحكو فيه...نحب نمشي من هوني
انا:سواار يزي قتلك ما صار حتى شي من اللي قاعدة تفكر فيه
سوار:تكذب...كنت معاها
انا:صحيح كنت معاها...اما صار شي بينا
بقات تشوف معايا شوية...نزلو دموعها بالوقت...حاولت تجبد يديها...تبكي و تحكي فرد وقت
سوار:ي يزي مانيش دغفة...نفهم اللي قاعد يصير...انت خليتني وحدي هوني و مشيت عندها...ريحتها لاصقة فيك...قاعدة نشم فيها...قاعد تعمل فهذا الكل قدام عيني...ميهمكش جملة شنوة اللي قاعدة نحس فيه...المهم انا نكون كيما تحب
رخفت يدي على يديها...جيت باش نعنقها...جبدت روحها مني...كيف دزتني لتالي...تحكي
سوار:معادش تقرب مني..برا عندها و لا جيبها لهوني احسن...خليني نشوف بعيني كيما اخر مرة
انا:سواار
خرجت تجري للبيت خالطت علاها لقيتها واقفة في نص..تشوف مع المرايا قربت بالزربة للكوافوز..هزت دبوزة برفان...كسرت بيها المرايا...قربت منها نصيح انا:سواار يزي من تفوريخك و اسمعني سوار:ما نسمع حتى شي...اصلا معنديش حق نبقى في البيت...هاذي كلشي موجود هوني خاص فيكم زوز برك انا:شننوة
قربت من الفرش جبداتو بيديها الزوز عالارض...و باقي تصيح
سوار:مش انت رقدت معاها هوني اكا الليلة...ريحتها مزالت في البيت زادة...و انا زيادة هوني...تتذكرني كان وقت يقرب مني حد فيهم...شفاها كان هوما زادة
قصيت علاها كيف قربت منها جبدتها من يدها كبست علاها نحكي
انا؛رد بالك تكملها للجملة...والله نقتلك
سوار؛علاش غالطة هاك انت مرة مع زينة و مرة مع ميرال و كل مرة تسكتني و تقول معنديش حق نحكي...ملا شيمنع اني نكون كيفك
كبست على يدها اكثر...هزيت يدي لاخرى على وجهي بعصب...كان نزيد معاها شوية نعمل فيها شي...نعرف من غشها قاعدة تحكي هكا...اما منجمتش نتقبل كلامها حتى طرف...دزيتها لتالي شوية نحكي
انا:اخرج سواار...قتلك اخرج عليا
غزرتلي ندرا كيف...هزت يدها...مسحت دموعها...تحكي
سوار:باهي هاني ماشية معادش نحب نشوفك جملة نكرهك
عطاتني بظهرها و خرجت من البيت...تبعتها بعينيا...شفتها كيف نزلت الدروج...نفخت بالقاوي...و خالطت علاها...في بالي باش تمشي لبيتها نزلت الفرخة...حتى هي ليلة كلبة من اولها...شفتها باش تخرج لبرا...كبست على يدي..نصيح
انا:سوااار ارجع لهوني فيسع
مرجعتليش...حلت الباب و خرجت...خالطت علاها بالزربة...صحت فرد صيحة باسمها
انا:سوااااار
اول ما سمعتني...طاحت عالارض...قلبي دق بالوقت...قبل ما نوصل ليها وقفت و قربت من الكرهبة...حلت الباب...لحقت علاها بالوقت...سكرت الباب بيدي و حاوطتها نحكي
انا:شبي سماك هبلت ¤¤¤¤ تحب تهبلني...شنية لي قاعدة تعمل فيه انتي
سوار:نحب نمشي من هوني...منحبش نبقى في بلاصة خاصة بغيري
انا:¤¤¤¤ خاصة بشكون...تعرف روحك فاش قاعدة تحكي
سوار:نحب نمشي من هوني...منحبش نتوجع في جرتكم اكثر يزي كهو تعبت من كلشي
رصيت على سنيا و ضربت بيدي عالكرهبة...غطات وجها بيدها...حتى الشتا لي تصب محسيتش بيها...نزلت بيدي لاخرى شديتها من وجها...كبست عليه نغزرلها ضو خفيف ضارب فيها خذيت نفس نحكي
انا:اغزرلي سوار...تشوف فيا كيفو...حل فمك...كان فما احتمال واحد برك انك باش تحطني معاه في نفس الكفة...اني كل ما نقربلك...باش تستخايلني هو...نوعدك باش نخرج من حياتك جملة...و باش نبقى عند وعدي حقك باش ناخو بيدي...حل فمك احكي
بقات تشوف معايا...نزلو دموعها اكثر...رخفت يدي...و تبسمت باستهزاء نحكي
انا؛ظاهر فهمت
جيت باش نجبد روحي...ترمات عليا حضنتني...دورت يديها على ظهري...كبست عليا تحكي
سوار:ه هأة مش كيفو...م متخلينيش في جرتو...منحبش نخسر كلشي في حياتي بسببو هو
خذيت نفس...نزلت بيدي على ظهرها...كبست علاها...نعرف انو الكابوس هذا الكل يوفا وقت تاخو حقها منو...في بالي هدات اما في لحظة دزتني لتالي تحكي
سوار؛ما اخيب ريحتها عليك...معادش تعنقني
انا:شننوة
سوار:نحب نمشي من هوني
انا:شنية حكايتك ياخي في هالليلة الكلبة
سوار:منحبش نبقى مع واحد خاين كيفك
بقيت نشوف معاها شوية...هزيتها و حطيتها...تبلت بكلها...المريول لصق على لحمها...شفافها باقي يرعشو شي من الغزول و شي من البرد...فيقتني من سرحتي...كي دزتني بيدها تحكي
سوار؛رجعني لدار منحبش نبقى هوني
انا:باهي
بعدت علاها شوية...و نزلت علاها هزيتها على كتفي...ورجعت لدار...باقي تضرب على ظهري بيديها و تصيح
سوار:نزلني منحبش نرجع...نزلني يا هامل
مرجعتلهاش...باقي تصيح و تضرب فيا...دخلت لدار سكرت الباب بساقي...وطلعت للفوق...دخلتها لبيتها...رميتها عالسرير...جات باش تقوم...قحرتلها قحرة متاع موت نحكي
انا:رد بالك تتحرك
قحرتلي و شدت في جمبها...ضيقت عينيها تحكي
سوار؛جنبي يوجع فيا...يا سخطة يا هامل
حليت القارد روب...جبدت لي جا على يدي رميتو قدامها نحكي
انا:تحرك بدل دبشك خف روحك
سوار:منبدلش...شمدخلك فيا انت
انا:شوف تتحرك احسنلك...لتوا شاد روحي بالسيف...متركبهاليش ليلة...خف روحك
هزت الروبة في يدها...وقفت...قحرتلي و قربت مني اكثر...لصقتني...غزرتلي تحكي
سوار:كان منخفش شباش تعمل ياخي
نزلت عينيا نشوف لشفافها و رجعت غزرت لعينيها...نحكي
انا:تحرك
جبدت روحها مني و رجعت شعرها لتالي...خصلاتو جاو على رقبتي...بحكم مبلول...سكرت عينيا بالقاوي...بقيت واقف في بلاصتي...لين رجعت...لابسة روبة عند الركبة...يديها طوال هكا احسن...قحرتلي و لفتت وجها قربت منها شديتها من يدها...جبدتها لسرير قعدتها نطرت يدها مني تحكي
سوار:سيبني فاش تعمل
عديت يدي على شعري...نزلت هزيت الغطا...و قحرتلها...نحكي
انا:تسطح خف روحك
سوار:باش ترقدني بالسيف ياخي...منحبش نبقى هوني
انا:قتلك اتسطح
سوار؛مانيش صغيرة يا بابا باش تعاملني هكا
انا:اي نعرف...كان كبرت شوية متعملش لي عملتو قبيل يا فرخة
سوار:مانيش فرخة...اكا لي كنت معاها فرخة
انا:ما كنت مع حتى حد
سوار؛تكذب كنت معاها
انا:اي ارتحت توا...هيا شد بلاصتك خف روحك
غزرتلي ندرا كيف...هزت يدها جبدت الغطا من يدي بنطرة...و تلفتت لشيرة لاخرى...عديت يدي على وجهي...و نفخت نحكي
انا:رد بالك نلقاك برا
مرجعتليش...دوب وصلت للباب...سمعت صوت شهقاتها...كبست عالبواني...هزيت يدي طفيت ضو و خرجت...رجعت لبيتي...لقيتها خايضة...القزاز في كل بلاصة...تي كنت معاها و عملت هذا الكل...كان خليتها وحدها باش تهد دار كاملة...تعديت القزاز...فتحت الدرسينغ هزيت دبشي و خرجت...نزلت لبيت البانو لي اللوطة...عملت دوش...بدلت دبشي حسيت روحي تفرهدت شوية...كنت باش نمشي لصالة اما رجعت لتالي...طلعت عندها...حليت الباب و شعلت ضو...قربت منها...نزلت الغطا شوية...نشوف معاها خشمها احمر من البكا...نزلت بستها من خدها...جبدت روحها لتالي...عرفتها مزالت فايقة...هزيت يدي...نعدي في صوابعي على خدها و نحكي فرد وقت
انا:و راسك ما صار بينا شي...صحيح مشيت عندها...اما منجمتش نمسها...منجمتش نقرب منها لاول مرة منخممش في روحي برك
حلت عينيها تشوف معايا...نزلت بيدي لشفافها...قحرتلي تحكي
سوار:ملا علاش ريحتها لاصقة فيك
انا:خاطر حضنتني
سوار:و انت سمحتلها
انا:مممم لا
سوار:باهي و بستها
انا:تحقق معايا ياخي
سوار؛بستها مش هكا على هذاكا متحبش جاوبني
انا:سواار
هزت الغطا...غطات وجها...تحكي بصوت مغموم
سوار:منحبش نسمعك برا عندها كمل لي بديتو...انا نحب نرقد
انا:متأكدة
سوار:ميهمنيش
انا:باهي كيما تحب...ليلة سعيدة
خليتها في بيتها و نزلت اللوطة...فاد عاللخر وصلت لصالة...ترميت عالفوتاي...هزيت تليفوني غزرت لساعة ديجا لحقت 5 متاع صباح سكرتو و رميتو عالطاولة...تكيت لتالي نحب نرقد و كهو متوقعتش جملة اللي باش يصير اليوم محبيتش نظغط علاها اكثر...نعرف لي مستحيل باش تسمعني توا اصلا و لا مرة بررت اي شي نعملو صحيح و لا غالط...اما الليلة منجمتش نرا دموعها...منحبش نخليها بغصتها منحبش نشوفها في الحالة هذيكا...حطيت يدي تحت راسي و سكرت عينيا...انا اكاكا و نحس بيدها على وجهي...تعدي في صوابعها تحت عيني للحظة ستخايلتها حلمة...حليت عينيا نشوف معاها...قاعدة على طرف الطاولة...و مطابسة عليا...شعرها طايح على جنب...عينيها منفوخين من البكا عقدت حواجبي و ضيقت عينيا نحكي
انا:سوار
قصت عليا كيف حطت صوابعها...على شفافي...تحكي
سوار:باستك من هوني
جيت باش نحكي...نزلت عليا اكثر...باستني بوسة خفيفة روهجتني بيها و طلعت شوية تحكي
سوار؛علاش سمحتلها
حطت يدها على خدي...عدات صوابعها تحت عيني تحكي
سوار:باستك من هوني زادة
هزيتلها براسي لا اصلا مش فاهم تصرفاتها جملة تي من عشر دقايق كانت تبكي و فاتحة منوحة الفوق...نزلت باستني من الضربة سكرت عينيا بالوقت نزلت تحكي في وذني
سوار؛انت متاعي انا كهو
حليت عينيا...هزيت يدي دورتها على جنبها...جبدتها عندي...حضنتها بكل قوتي دورت يديها جنابي و غرست راسها في رقبتي تحكي
سوار؛محلاها ريحتك هكا...احسن شي دوشت
تبسمت وحدي زايد فرخة جبدتها من عندي شوية غزرتلها نحكي
انا:كان عرفت كنت باش ندوش من الاول...مش بعد ما هديت عليا الدار
سوار:مممم تي كان صار بينكم شي..مستحيل كنت نبقى معاك هوني
انا:يعني
سوار:يعني انو انا نوثق فيك و مصدقتك
جبدتها عندي شوية بستها من شفافها...قربت مني اكثر...تسطحت قدامي لزت ليا اكثر تحكي
سوار:نحب نرقد معاك هوني
انا:مش على اساس تحبني نمشي عندها
سوار؛هأة مش باش تمشي انت متاعي انا كهو...معاد تمشي لحتى وحدة فيهم باهي
طلعت راسها تستناني نحكي تبسمتلها و هزيتلها براسي ايه..باستني من خدي و لزت ليا اكثر هزيت الغطا علينا زوز كبست علاها اكثر نشم في ريحتها حسيت روحي هديت شوية نزلت بستها من راسها..غمضت عينيا و غطست معاها في نوم اصلا معاد نجم في حتى شي اخر و لا في اللي صار اليوم جملة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 53
سوار تحكي: حليت عينيا على حلمة خايبة...خايبة برشا...نطرت من بلاصتي جيت قاعدة...هزيت يدي ترعش عديتها على وجهي و رقبتي...نصب بالعرق...نزلت بيها لقلبي...نحسو باش يخرج من بقعتو...سكرت عينيا بالقاوي...للحظة تعدات نفس الحلمة في راسي...ادم يجبد فيا لتالي...و زياد يمشي و يبعد...هزيت براسي لا...مجرد حلمة و باش توفا...دورت راسي...ذكرت ليلة
البارح...مش انا رقدت معاه هوني...يعني بالحق خلاني و مش حلمة...لا هو وعدني مستحيل يعملها...زعمة بالحق تغشش مني و باش يخليني...لا سوار علاش باش يعمل هكا...ينجم يعملها زادة...حتى انا كثرتلها جملة..هزيت روحي بالزربة...طلعت نجري...دخلت لبيتو...عينيا وساعت...البيت خايضة...تي كيف نجمت نعمل هكا...و كيف هو ما قال شي...وخرت بخطواتي لتالي...دخلت لبيتي زادة مفماش...و زوز بيوت لي قعدو محلولين...يعني باز يكون خرجت...رجعت شعري لتالي...و نزلت الدروج نجري...ضربت فيه بكل قوتي..دور يدو على ظهري...كبس عليا..ووخر لتالي نزل...كبست عليه بيديا الزوز...حط يدو على شعري يحكي
زياد:شبيك لباس
انا:وين كنت
زياد:برا نحكي مع شكون...انت شبيك
انا:لباس...لباس
جبدني منو...حطني عالارض...هز يدو حطها على وجهي يحكي
زياد:شبيه وجهك اصفر
انا:في بالي مشيت
زياد:وين عندي نمشي و نخليك هوني
غلبوني دموعي...للحظة ذكرت نفس الحلمة...قربت منو...حضنتو بكل قوتي...نسمع في دقات قلبو...كبست عليه اكثر...هز يدو حطها على شعري...يعدي فيها و يحكي
زياد:سوار لباس...شفما
انا:رد بالك تخليني...رد بالك تصدق حد اخر يقولك اي شي عليا...انا نحبك انت كهو
زياد:علاش الكلام هذا توا...شصار ياخي
انا:شفت حلمة خايبة...خايبة برشا
زياد:ششش وفات..نحي الافكار هذوما من مخك باهي
هزيتلو براسي ايه...و كبست عليه اكثر...نزل باسني من راسي...بقيت عندو اكاكا...لين حسيت روحي هديت...جبدت روحي منو...هزيت يدي مسحت دموعي..غزرلي يحكي
زياد:لباس توا
تبسمتلو و هزيتلو براسي ايه...هز يدو حطها على وجهي يحكي
زياد:هيا تفطر باش نمشو
غزرتلو مصدومة...عطاني بظهرو...و دخل للكوجينة...خالطت عليه نحكي
انا:وين باش نمشو
زياد:باش نرجعو
انا:علاش
زياد:شقلنا عالاسئلة الزايدة
انا:زياااد ياخي شبيك تحكي معايا هكا
زياد:شد بلاصتك خف روحك
انا:مش باش نقعد...مش لبارح على اساس تصالحنا شصار باش نرجعو
تلفتلي...حط الكاس بغزول عالطاولة...و تركز بيديه عالطاولة يحكي
زياد:ورانا خدمة كان نسيت...و انت هاك تحسنت معندناش علاش نبقاو هوني
ضيقت عينيا...للحظة رجع زياد القديم...لي تهمو خدمتو قبل كلشي...خذيت نفس نحكي
انا:يعني
زياد:نحب نعرف اخر مهمة لياسر...امتى...تاريخها ووين بالظبط...و مع شكون...و زادة لحق الوقت باش تتعرف على صابر مختار
قربت منو شوية...تركز بيديا عالطاولة...طلعت راسي...جات عيني مع عينو...تبسمت على جنب نحكي
انا:يعني تحبني نكون دينيز مرة اخرى
غزرلي ندرا كيف...و هز روحو...قرب من الرخامة يصب في قهوة...منعرفش شبيه...اما لي نعرفو...انو نجم نخليه يحكي...خاطر انا اللي باش نكون نقطة ضعفو...قربت من الفريجيدار حليتو...تبسمت على جنب و انا نشوف مع الفراز...جبدت منو زوز...و سكرتو...تكيت عالحيط...ناكول فيها و نحكي
انا:صابر شغلتو ساهلة...اما بالنسبة لياسر صعيب برشا نجم ناخو منو المعلومات هذوما الكل...كان اذا
قبل ما نكمل كلامي...لقيتو واقف قدامي بالظبط...قحرلي قحرة موت...يحكي
زياد:كمل
انا:كان اذا علاقتنا كانت اكثر من هكا
زياد:شتقصد
انا:قصدي واضح...و انت فهمتو...و زادة انت اكثر حد تعرف ياسر...و تعرف تفكيرو في البنات...اذا هو معايا توا...جيست باش يوصل لي حاجتو بيه مني و كهو
قرب مني اكثر...حصرني ببدنو...طلعت راسي غزرتلو...نزل على سنيه يحكي
زياد:فكر برك...جرد تفكير تخليه يمسك...وقتها تموت قبلو
عوجت فمي...و هزيت يدي...حطيت صوابعي على رقبتو...و نزلت بيهم لصدرو...كبست عليه نحكي
انا:ممم عزيزي زياد انت هوني غلطت...اللي تحكي علاها توا...هي سوار مش دنيز...لازم تعرف انو كل مرة نكون فيها دنيز...نقتلها سوار داخلي...و انت بالظبط...معندكش حق تحاسبها لدنيز جملة
هز يدو...حطها على خدي...عدا صوابعو بخفة...و بعدلي شعري فرد وقت...و كمل يحكي
زياد:سوار...دنيز...متفرقش برشا...اما ذكر انو كل مرة حد فيهم يحط يدو عليك...و لا انت قربت منو...برضايتك و لا لا...صدقني باش نحرقك وقتها
هزيت يدي لاخرى...شديتو من مريولو...كبست عليه بيديا الزوز...و طلعت عندو اكثر...حطيت شفافي على شفافو...بستو بقوة...بوسة فرغت فيها خوفي و قوتي فرد وقت...جبدت روحي شوية...نحكي
انا:متنجمش تعملها...مستحيل تنجم تحرقني...خاطرك تعرفني كي نجن عليك...و كان صار و انت عملتها...وقتها معادش باش تكون عندك سلطة لا على سوار...و لا على دنيز
تبسم على جنب...و هز يدو...حطها على رقبتي...نزل عليا اكثر...حط خدو على خدي...سكرت عينيا بالوقت...كبس على رقبتي بيدو...عدا خدو شوية...حسيت بانفاسو...كانو يحب يشم ريحتي...باش يهدي روحو...هز يدو لاخرى...عدا صوابعو على خدي...يحكي في وذني فرد وقت
زياد:سوار متاعي انا...اما كان صار...و انت حاولت تقتلها لاي سبب...تأكد معادش باش تحيا عندي مهما حاولت و مهما عملت
حليت عينيا...و قلبي دق بالوقت...كلامو قد ما كان خاص...كان كيف سم في وذني...كيف نجم نكون هكا..و هو اول ما يبعد عليا...سوار تموت داخلي...هزيت يدي بالسيف...حطيتها على صدرو...جيهة قلبو...قلبو لي يدق بالقاوي...كيف قلبي...يمكن شي هذا برك يكفي باش يوصلي اللي قاعد يحس فيه...تعدا بشفافو من خدي لشفافي...كبس على رقبتي اكثر...من غير ما يبوسني...سكرت عينيا...لزيت ليه اكثر...نعرف كان نرجعو ليوم...معادش باش يكون قريب مني لهدرجة...خايفة من الرجعة لتونس...نعرف انو برشا حاجات باش تتبدل...خايفة اللي جاي باش يبعدو عليا...معادش باش نجم نمسو...و لا نبوسو...و لا باش نغزر لعينيه...عينيه العسليين...كل مرة نغزرلهم...نحس فيهم برشا كلام مخبي...برشا وجيعة...و برشا حب...اما منعرفش انا وين في هذا الكل...يمكن نكون الكل فرد وقتو...يمكن نكون حبو ووجيعتو فرد وقت...كيما نجم نكون حتى شي...منعرفش قداش تعدا وقت...جبدت روحي شوية لتالي...و كبست بيدي على مريولو...طلعت شوية بستو تحت عينو...بحكم كان مطابس عليا...نجمت نوصلو...غزرتلو نحكي
انا:خلينا نفطرو مع بعض قبل ما نمشو
جبدت روحي منو...قربت من رخامة...نحط في الصحون عالطاولة...و يديا يرعشو فرد وقت...قلبي يدق بالوقت...غصة نحسها واحلة في حلقي...شي من كلامو...و شي من خوفي...خوفي من اللي جاي...خذيت نفس و كملت نحكي
انا:مش باش نهز شي من هوني...و البيت باش نلمها قبل ما نمشو زادة...و انت
قص عليا كيف جبدني من يدي...عندو...ضربت فيه...كبس عليا بيدو يحكي
زياد:ششش اهدا
هزيت يدي بالسيف..حطيتها على صدرو...كبست على مريولو...و طرشقت بالبكا...منعرفش اصلا علاش قاعدة نبكي...هز يدو لاخرى...يعدي فيها على شعري و يحكي
زياد:يزي توا
جبدت روحي منو...طلعت راسي غزرتلو في عينيه...باقي نشوف معاه...و نحكي فرد وقت
انا:ش شنية لي صار ياخي
هز يدو...حطها على خدي...يمسح في دموعي..و يحكي
زياد:حتى شي
انا:ملا علاش قاعد تحكي معايا هكا
زياد:شي سوار جيست مقلق
انا:معادش تقولي سوار
طلع حاجبو...و غزرلي مستغرب...هز يدو حك لحيتو يحكي
زياد:ملا شتحبني نقلك
انا:حتى شي...ما تقولي حتى شي باهي هكا
تلفت باش نمشي...رجع جبدني من يدي...رجعني عندو...حاولت نجبد روحي...كبس عليا يحكي
زياد:تي وين ماشية
انا:سيبني
زياد:سواار
انا:تي سيبني
زياد:اركح شبي ¤¤¤ قبيحة
انا:شبيك تسب فيا ياخي
زياد:الصبر يا ربي...شبيك توا
انا:انت لي شبيك معادش حاجتك بيا ياخي
زياد:فاش تخرم انت
انا:من صباح قاعد تعلمل فيا بالخايب...كان على لي صار البارح...انت زادة غلطت كيفي...و مشيت عندها...شكنت تحبني نعمل...ديجا كان صار شي بينكم كنت باش نعمل اكثر من هكا
زياد:تهدد فيا يا فرخة
انا:اعتبرو لي تحب...اما منحب حتى حد يقرب من شي متاعي انا و كهو
زياد:باهي باهي اهدا توا
انا:مش باش تقولي شي
زياد:كيما شنوة
انا:حتى شي خلينا نفطرو
جبدت روحي منو قربت من طاولة...قعدت عالكرسي...تلفت يشوف معايا...دورت وجهي لشيرة لاخرى...قرب يحط في الماكلة...و يتبسم بشماتة...قحرتلو نحكي
انا:شفما ياخي
زياد:شبي حبي مش عاجبها شي
طلعت راسي غزرتلو...هذيكا الكلمة لكنت نستنى فيها منو...قلبي دق بالوقت...اما فيسع ما رجعت قحرتلو...نحكي
انا:نحب ناكول
زياد:تدلل
انا:هأة
كمل حط الماكلة...و قعد مقابلني...ياكول و يغزرلي...كانو يحب يغزلني بتصرفاتو...معدلتش عليه جملة...كملت ناكول...كانو مش موجود...دوب كملت هزيت روحي وقفت نحكي
انا:باش نطلع نبدل دبشي و نلم البيت هذيكا
زياد:خليها فما شكون يلمها
انا:شكون
زياد:زينة
قحرتلو...قحرة متاع موت...ضحك...و حط يدو ورا شعرو يحكي
زياد:زايد فرخة...خف روحك
انا:مانيش فرخة انت
زياد:انا شنوة
من تقحيرتو...بلعتها الكلمة...خاطر نعرف مش باش يعديهالي...عطيتو بظهرو...و طلعت نجري لبيتي...دخلت لبيت البانو عملت دوش...شفت مريولو عالرخامة...كيما بدلت البارح...هزيتو في يدي و خرجت للبيت...لبست سروال و خلعة كيما جا...شيحت شعري...و خليتو مسيب على كتافي...حطيت قلوس...هزيت صاك صغير...حطيت فيه المريول...و الحاجات لي جابهم زياد من الدار...و نزلت عندو اللوطة...لقيتو يحكي في تليفون...اول ما شافني...علق و قرب مني...نزلت عينيا اللوطة...حسيت بيه وقف قدامي...طلعت راسي شوية...غزرلي يحكي
زياد:حاضرة
انا:ممم خلينا نمشو
هز يدو عداها على خدي...و خصلات شعري يحكي
زياد:نحبك ترتاح...و ما تفكر في حتى شي...انا باش نكون معاك ديما...و مش باش نرجع نوصيك على ياسر
هزيتلو براسي ايه...و قربت منو حضنتو...كبس عليا بيدو...و نزل باسني من راسي يحكي
زياد:نمشو ؟
خذيت نفس...و جبدت روحي منو...تبسمتلو و هزيتلو براسي ايه...خرجنا زوز لبرا...سكر الباب و خالط عليا للكرهبة...اول ما خدم الكرهبة...نزلت البلار...و حطيت راسي على يديا زوز...نشوف مع طريق...ياسر فارغة...كلها شجر و غابات...حسيت بيدو تتعدا على رقبتي من تالي...غمضت عينيا و رجعت حليتهم...تلفت عندو نشوف معاه...نزل بيدو لظهري...دورها على جنبي...و جبدني عندو...حطيت راسي على صدرو...سكر البلار عندو...و كمل يسوق بيد وحدة...بقينا طول الثنية و احنا ساكتين...اصلا اللي يهمني الكل...انو هو قريب مني...و نجم نحس بيه...الثنية لي نعدو فيها ساعات باش نوصلو...محسيتش بيها...محسيتش بالوقت كيف تعدا...قلبي غم عليا كيف وصلنا...جبدت روحي منو...و تنهدت بالقاوي...ركا الكرهبة...و تلفتلي يحكي
زياد:رد بالك على روحك
انا:امتى باش نرجع نشوفك
زياد:نكمل لي في يدي و نكلمك
انا:باهي
قربت منو...بستو من خدو بالزربة...تبسملي...هزيت صاكي...و نزلت...شاورتلو بيدي...بقيت نشيع فيه...لين غاب على عيني جملة...تعداو من اكا اللحظة 3 ايام...3 ايام من وقت شفتو...حضنتو و شميت ريحتو...صحيح ديما يكلمني و يحكي معايا...اما باقي بحاجتو معايا..تي كل ما يتعدا نص الليل نكلمو...و يرد عليا بصوت النوم...نرتاح و نجم نرقد...ميهمنيش قداش قلقتو...المهم نعرف اللي هو ليا وحدي...ليا انا كهو
فقت الصباح متقلقة...حاسة روحي فادة...رميت يدي هزيت تليفوني...شفت الساعة لقيتها 9 متاع صباح...هزيت روحي دخلت لبيت البانو...ريقلت اموري...و خرجت...حليت القارد روب...لبست سروال و خلعة كيما جا...خليت شعري مسيب...لبست كونفارسي...هزيت تليفوني...و نزلت اللوطة...لقاتني خالتي راضية تحكي
راضية:بونجور عزيزتي هوكا فطورك حاضر
انا:عيشك خالتي...اما نحب نمشي شوية...تو كي نرجع ناكول
راضية:وين ماشية
انا:نحب نمشي شوية
راضية:البس فاست دنيا برد برا
هزيتلها براسي ايه...خذيت بخاطرها و لبست فاست خفيفة من فوق...و خرجت...منعرفش قداش بقيت نمشي...لين لقيت روحي قدام المقبرة...منعرفش كيف وصلت لهوني...خذيت نفس طويل...و دخلت...هزوني ساقيا لقبر امي...حسيت خطواتي رزنو و انا نقرب...لتوا مش مصدقة لهي معادش موجودة جملة...غزرت لقبرها لقيتو مخدوم...باز زياد اللي خدمو...قربت اكثر...قعدت على طرف...هزيت يدي...عديتها على ترابها...تبسمت نحكي
انا:كيفك امي...تعرف لانا توحشتك برشا...و لا مرة نسيتك...كل يوم و كل ليلة نذكرك...تتذكرها الشركة لي عطيتهالي في عيد ميلادي...ضيعتها بتفوريخي...نعرف لانت تغششت مني برشا...اما والله مش بقصدي صدقني...سامحني يامي...تعرف لعماد معادش موجود هوني...على هذاكا مجاش عندك...خاطرو في فرنسا توا...باش يقرا و ينجح...و يكون مهندس كيما حبيتو...مش باش يخيب ظنك كيفي...باش يكون راجل كيما حلمت بيه...سامحني خاطر حرمتكم من بعض
غمضت عينا...حسيت بدمعة تحرق نزلت على خدودي...خالطو علاها دمعات اخرى...هزيت يدي مسحتهم...و كملت نحكي
انا:تاعبة يا امي...صدقني تاعبة برشا...قاعدة نحاول باش نكون قوية اما منجمتش...تعرف اللي فرقنا على بعض...طلع خو زياد...خو الراجل لحبيتو...لنجمت نعيش على جالو...لعطاني حياة جديدة...كيف نجم ناقف قدامو...و نقلو خوك هو لي اغتصبني...ياسر صعيبة صدقني...منجمتش...حاولت برشا...حاولت نخبرو...حاولت نوصلو كلامي...اما نرجع في اخر لحظة...كيف نجم نخبرو...زعمة باش يصدقني...باش يخلي خوه لي تربا معاه سنين هذوما الكل...و يصدقني انا...خفت..خفت كان يبعد عليا...و يخليني وحدي...يخليني بين يديه مرة اخرى...راني نحبو و منجمش من غيرو...ساعات نخمم اني نقتل ادم و نرتاح جملة...اما اللي عشتو اكبر من الموت...كيف باش نسمحلو يمشي بالسهولة هاذي...و كيف باش نجم نقرب منو و ناخو حقي منو...تعبت يا امي...و تسكرت في وجهي...منعرفش وين نمشي...و لا شباش نعمل...حتى زياد مينجمش ياقف معايا...مينجمش يكون بين اثنين...و انا منحبوش يخسر كلشي في جرتي...منحبوش يكرهني...حاسة روحي وحدي...مخنوقة يا امي...و ملقيت حد نحكيلو...كرهت روحي...و كرهت ناس الكل...نحب نرجع لحياتي...نحب نرجع نعيش معاك...و مع عماد...يا ريت عرفت زياد في ظروف اخرى...كان كلشي مختلف توا...مش هكا...اما مش باش نسامحو...باش نخليه يخلص حق كلشي عملو فينا...هو اللي بداها لعبة و انا لي باش نكملها...نوعدك...انت برك كون معايا ديما...و احميني ديما...و ادعيلي زادة...خاطر مزلت نحس بيك...و مزلت نشوفك يا امي...انت مستحيل تخليني وحدي...مستحيل يا روحي
هزيت يدي مسحت دموعي لي زادت...هذا الكل...حكيتو داخلي...بيني و بين روحي...اما دموعي غلبوني و نزلو...هزيت يديا زوز مسحت دموعي...عديت يدي مرة اخرى على تراب امي ووقفت...حسيت روحي ارتحت برشا بعد ما حكيت معاها...بقيت نشوف مع قبرها شوية...تبسمت و كملت نحكي
انا:باش نمشي توا...اما نوعدك باش نرجع يا امي
تلفت...و بعدت شوية...منحبش نبكي مرة اخرى...مشيت شوية...نحاول نتنفس مليح و نهدي روحي...اما في لحظة وقفت...حكمتني دوخة قوية...و قلبي دق بالقاوي...لاااااااا مستحيل لي ريتو توا...لااا مستحيل...دورت راسي شوية شوية...فمي تحل من الفجعة...و دمعة لقات طريقها على خدي...قلبي نحسو باش يخرج من بقعتو...لا مستحيل...منحبش نصدق...مستحيل يكون زياد عملها...منعرفش ميف نجمت نعمل الخطوات هذوكا...خطوات صغيرة...اما حسيت كاني باش نقطع بلاد...قعدت على الطرف...و هزيت يدي عديتها على رخامة القبر...عديتها على اسمي...ايه اسمي لي كان مكتوب غادي...اسمي و لقبي و عيد ميلادي...قاعدة بجنب قبري و نعدي في يدي عليه...حاسة روحي #في_احضان_الموت...يعني بالحق سوار معادش موجودة جملة...بالحق هو قتلني في الحياة...و نفاني...سكرت عينيا...نزلو دموعي يحرقو...لين رجعت نبكي بالصوت...في لحظة فقت على روحي...هزيت روحي بالزربة...وخرت لتالي...و هزيت تليفوني كلمتو...نوقز مرة و زوز و ثلاثة لين هز عليا يحكي و يصيح
زياد:سواار شفما...مشغول مبعد نكلمك
انا:شكون سوار...ههههههه شكون سوار لي تحكي علاها انت
زياد:سواار شبي سماك هبلت
انا؛سواار...شكون سوار...سوار ماتت عندها ست شهور...و انت دفنتها بيدك...و عملتلها قبر زادة...مش مصدقة لنا واقفة بحذا قبري...ياخي لهدرجة وصلت بيكم...لدرجة تمحو وجودي من دنيا جملة...تعملولي قبر بالحياة...علاش زياد...علاش عملت فيا هكا...شذنبي في اللي...علاش حرمتوني حتى من روحي
زياد:سوار
انا:معادش تقولي سوار...سوار ماتت و انت لي قتلتها...قتلتها نهار عملتلها القبر هذا...و خليت لي يعرفها و اللي ميعرفهاش يترحم علاها
زياد:وينك توا
انا:لحد هوني زياد...يزي...معادش تخالط عليا نحب نبقى وحدي...و شي اخر قبل ما نعلق...الناس الكل تعرفني بلقب اكا الراجل...ميجيش تحط لقب بابا...خاطر حد ما يعرفو...و هكا تسهل عليهم ناس الكل باش يعرفو قبري
جا باش يحكي علقت عليه...و نزلت تليفون...منعرفش كيف نجم يوصل للقب متاع بابا...حتى في اوراقي رسمية...محطوطة باسم راجل امي...و لقب بابا عرفتو من امي...و اوراق قديمة كانت عندي...اما الغريبة زياد كيف عرفو...احسن شي حطو هكا عالاقل مش الكل يعرف لسوار ماتت...و كان نتلقى بشي حد من اللي نعرفهم باش يستخايلوني شبح في جرتو...الهامل الساقط...مش باش تتعدالو جملة...هزيت يدي مسحت دموعي...ووخرت لتالي...تعدا يجيب ساعة و انا واقفة في نفس البقعة...نشوف مع القبر...لتوا مش مستوعبة اللي صار حاسة روحي في حلمة كبيرة.. و باش نفيق منها...حتى تليفوني لباقي ينوقز...سكرتو و رجعتو لمكتوبي...انا اكاكا وقص عليا صوت من تالي...صوت خلى قلبي يدق بالقاوي...الدم جمد في عروقي و بدني رعش...نفس الصوت...و نفس الريحة...سكرت عينيا بالقاوي نسمع فيه
هو؛هوكا جمعتنا الصدفة مرة اخرى
كبست على يدي...و تلفت بالسيف...غزرت لساقيه...و طلعت بعينيا لوجهو...نفس الوجه...نفس الوقفة...نفس ملامح الوجه الباردة لي شفتها نهار الحفلة...نفس الخوف و نفس النقمة...نفس الكره...كلشي...تخلط داخلي...لدرجة كان نجمت نقتلو ساعتها...راني قتلتو...حطيت الاحتملات الكل في راسي...كيف ياش نتلقى ييه...و كيف باش نبدا كلامي معاه...اما المرة هاذي الصدفة حطاتو في طريقي...و الحظ المرة هاذي وقف معايا...و من المقبرة...باش تبدا لعبة المطاردة بيني و بينو..باش نخليه يندم على كلشي...باش نخليه يعيش في احضان الموت
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 54
بقيت نشوف معاه...حاسة روحي قاعدة نواجه في الماضي...ثواني كانت كافية راش تتعاود احداث هذيكا الليلة في مخي...خذيت نفس طويل...رغم الخوف لحسيتو ساعتها...اما نجمت نخلي ملامحي باردة...نجمت نحافظ على هدوئي قدامو...خاطر كل لي نعرفو...انو فرصة و جاتني...و مستحيل نضيعها...تبسمت...تبسيمة خفيفة...نحكي انا:ادم ¤¤¤¤¤¤ متوقعتش باش نشوفك هوني
تبسم على جنب...و حط يديه في مكاتبو...نفس وقفة زياد...و نفس الملامح الباردة...مش خاوة و كهو...حتى تصرفاتهم كيف بعض...قلبي دق بالقاوي كي ذكرتو...فيقني من سرحتي كي رجع يحكي
ادم:صدفة
تبسمت على جنب...حطيت يديا داخل مكاتب كبوطي...و لميت روحي بيه...غزرتلو في عينيه نحكي
انا:صدفة غريبة شوية
جيست تبسم...و هزلي براسو ايه...عوجت فمي شوية...و عقدت حواجبي نحكي
انا:زعمة شنية سبب لخلاك جي لهوني
ادم:نفس السبب لي جابك انت
غزر ورايا...خذيت نفس و تلفت...لقبري...قبر فارغ...اما صراحة لا...داخلو موجودة روح سوار...برائتها...ضحكتها...ريحتها...كلشي مدفون غادي...سكرت عينيا...و رجعت فتحتهم...حسيت بقطرات المطر لي طاحت على وجهي...كانها تحب تعطيني قوة اني نجم ناقف قدامو...تبسمت بوجيعة نحكي
انا:نفس السبب...اما مش نفس الوجيعة
ادم:صعيب تحدد وجيعة حد
تلفت ليه...باقي واقف في بلاصتو...تبسمت على جنب...قربت منو شوية...غزرتلو في عينيه...نحكي
انا:و صعيب تحدد السبب لي جمعنا هوني زادة
ادم:الموت
انا:ممم مش سبب كافي...مش كل حد مدفون معناها مات
ادم:ملا علاش الوجيعة
انا:الوجيعة هي السبب...وجيعتك كيف ما كانت تكون...هي لي جابتك لهوني
ادم:و بلكشي فما سبب اخر
انا:منعرفش...ساعات الواحد يبدا هو السبب المباشر
تبسم على جنب...و هزلي براسو ايه...خذيت نفس...قربت ليه اكثر...و في لحظة تلفت...نحكي
انا:شرايك نمشو من هوني...برد الحال برشا
ادم:تفضل
قرب مني...وقف قدامي...مشيت معاه...خطينا نفس الخطوات مع بعض...هو يعتبرهم خطوات لمعرفة جديدة...و يمكن هدف دنيز هي هدف جديد في حياتو...اما انا نعتبرهم خطوات انتقام...انتقام بدا بخطوات صغيرة...من مقبرة...تبسمت على جنب...حسيت لامي قاعدة تعاون فيا باش نوصل لي حبيت عليه...كان مجيتش اليوم عندها مستحيل كنت نتلقاه...و نخمم برشا باش نخلق فرصة بينا...طلعت راسي شوية...غزرتلو...ريتو...كي ميل راسو شوية...غزر ورايا...لواحد من القبور...غزرة طويلة...غزرة تختصر وجيعة كبيرة...ظهرت في عينيه...اما منجمتش نعرف وين غزر بالظبط...باز فما حكاية تربطو بحد موجود هوني تحت التراب...بقينا نمشو عالساكت...دقات قلبي نسمع فيها...حرب تحل داخلي...عكس الهدوء اللي قاعدة نظهر فيه...دوب وصلنا لبرا...نشوف في كرهبة كحلة...قدامها زوز رجال...سرحت فيها...تشبه برشا للكرهبة لي وقفت قدامي نهارتها...الكرهبة اللي هزوني بيها للموت...تبسمت على جنب...مخيبها الوجيعة هذيكا...مخيبهم الحاجات اللي يذكرونا بوجيعتنا...فيقني من سرحتي يحكي
ادم:تحب نوصلك
طلعت راسي غزرتلو...هزيتلو براسي لا...و تبسمتلو نحكي
انا:لا مرسي نفضل نمشي احسن
ادم:باهي كيما تحب
قربلي يدو...باش يصافحني...قلبي دق بالوقت...منعرفش كيف نجمت تهز يدي...و نحطها في يدو...دوب مسيتو...حسيت بدني تكهرب...نقمت على روحي ساعتها...خاطر سمحت لروحي نقرب منو لهدرجة...خبيت ربثتي...ورا ابتسامة مصطنعة...نحكي
انا:عيشك فرصة سعيدة
ادم:عيشك
جبدت يدي منو..رجعتها لمكتوبي...و كبست علاها...بقيت نشوف معاه...كيف فتحولو الباب...ركب...عملي اشارة بيدو...تبسمت شطر تبسيمة...بقيت نشيع في الكرهبة...لين مشات و بعدت جملة...خذيت نفس و جبدت يدي...كبست علاها بيدي لاخرى...نحب ننسى لانا مسيتو...و يدي جات على يدو...طلعت راسي على صوت فران قوي...رجعت يديا زوز لمكاتبي...و تلفت نمشي بالزربة...منحبش نشوفو...منحبش نحكي معاه...يزي من اللي شفتو اليوم...الفازة وجعتني عاللخر...نحس في روحي مخنوقة...و قلبي يوجع فيا...متوقعتش اللي هو باش يعملها...زربت في خطواتي اكثر...مع صوتو اللي ماشي و يقوا...منجمتش نرجعلو...نحب نبعد و كهو...قص عليا تفكيري...كيف شدني من زندي...دورني عندو بقوة...ضربت في صدرو...هزيت يدي لاخرى...حطيتها صدرو...من غير ما نغزرلو...دزيتو لتالي...نحكي
انا:نزل يدك...سيبنيي
زياد:سوااار
هزيت راسي...غزرتلو في عينيه...3 ايام مشفتوش...و مكنتش قريبة منو...نحب نحضنو...و ننسى لي صار قبيل جملة...اما منجمتش...منجمتش ننسى لهو دفني بالحياة...غزرتي كانت كلها غش...عكسو هو لي كان يحب يوصلي شي بغزرتو ليا...رصيت عالكلام نحكي
انا:دنييز مش سوار يا سي زياد
زياد:سواار اسمعني
نطرت يدي منو...و نضرب فيه على صدرو...نحكي و نصيح فرد وقت
انا:معااادش تقولي سواار...سوااار معادش موجودة انت قتلتها...قتلتها بيدك...و عملتلها قبر بالحياة...شعندك باش تحكي
هز يديه...شدني من يديا زوز...جبدني عندو..كبس عليا...نزل عندي شوية...شعرو ووجهو مبلولين...حتى انا كيفو...نحس في خصلات شعري لصقو في وجهي...من المطر لي نازل علينا...نسمع فيه يحكي
زياد:خلينا نحكو...ايجا معايا توا...هيا خلينا نمشو من هوني
حسيت روحي هديت شوية...شي من قربو...شي من كلامو لي خرج بهدوء...بالعادة يحل كلشي بالقوة...غزرتلو ندرا كيف...غزرة كلها وجيعة و لوم...جبدت يديا منو شوية شوية...وخرت خطوة لتالي..نحكي
انا:نحب نبقى وحدي
زياد:خلينا نمشو من هوني ساعة
انا:زياد امانك نحب نبقى وحدي...مرة وحدة حاول تفهمني...يزي كهو
تلفت و عطيتو بظهري...شديت كبوطي من شيرتين...لميت روحي بيه...و بعدت عليه...نعمل في خطواتي بالسيف...نزلو دموعي بالوقت...منعرفش على شنوة قاعدة نبكي بالظبط...على حياتي...و لا على قبري...و لا على زياد لي بعدت عليه...و حسيت روحي باش تخرج...خطواتي خانوني...لقيت روحي بحذا الشط...قعدت على اول كرسي عارضني...محسيتش بالمطر لي قاعدة تصب...و لا الريح لي خلا شعري يطير لتالي...و لا بدموعي لي قاعدة تنزل...الاحداث الكل قاعدة تتعاود في مخي من اول نهار شفت زياد...من اول نهار جات عيني على عينو...منعرفش وين انا بالظبط...ضعت وسط افكاري...خايفة...خايفة من كل خطوة نعملها اتجاه ادم...تبعدني على زياد اكثر...اما زادة ناقمة عليه...و مغلغلة من داخل...قويت فالبكا اكثر...نحب نرتاح...نرتاح و كهو...دموعي تخلطو مع ما المطر...حتى البحر هايج...كانو حس باللي قاعدة نعيش فيه...كلشي نحب نعملو...اني ننسى نهار اليوم جملة...كاني لا ريتو و لا عشتو جملة
زياد يحكي:
بقيت واقف في بلاصتي...منجمتش نتحرك...نشوف فيها ماشية و تبعد شعرها مبلول...لافة روحها فاكا الكبوط الخفيف...غزرتها...غزرتها ذبحتني...اول مرة تغزرلي اكاكا...غزرة وجيعة...مخلطة ببرشا لوم...نعرف و متأكد انو الحكاية صعيبة علاها برشا...حتى انا منجمتش نخبرها بيها...اصلا مجاش لبالي جملة انو هي باش تمشي للمقبرة...نفخت بالقاوي...ورجعت راسي لتالي...نحس في قطرات المطر قاعدة تبرد فيا...هزيت يدي على وجهي بعصب...و رجعت للكرهبة...محبيتش نخالط علاها...نحب نخليها على راحتها...خاصة توا...يزي من اللي تعدا علاها من صباح...كبست بيديا عالفولون...نسوق و تفكيري معاها...حسيت روحي في حلمة...اصلا فقت من نوم على صوت تليفونها...منعرفش كيف لقيت روحي...في جرة ثنية قديمة...طريق نجي ليها كي نبدا تاعب و كهو...ركيت الكرهبة على جنب...و نزلت...ممرات متاع ضيقة منجمش نفوتهم بالكرهبة...تبسمت وحدي...و انا نذكر في صغري لعديتو مع ادم...سكرت عينيا...نسمع في صواتنا في وذني"ادم...ادم وينك ياخي...عندي ساعة نفركس عليك...تي اخرج...مش باش نحكمك"...حسيت بحطبة صغيرة تحطت في راسي و صوت ضحك من تالي"هااني خرجت...و انت باش تخرج واحد فاشل...منجمتش تحكم رئيس العصابة"..."لااا غشاش انت طعنتني في ظهري"..."متخافش مش باش نقتلك خويا صغير راك"...تلفت عندو و حضنتو نحكي"و انا مستحيل نحكمك نحبك"..."ادم...زياااد الفطور حاضر"..."حاضر امي لحظة برك"..."ادم تي خلينا ندخلو الفطور باش يبرد"..."ششش شوف حنان جاية"..."هذيكا تحبني انا فك عليك"..."زياااد سكر فمك"..."تدخل و لا نبيعك لامي"..."اسبقني باش نسألها على على وظايف و نجي"..."كذذاااااب حنان تقرا معايا مش معاك...امييييي"..."اسكت يا كلب هاني جاي"...ضحكت و انا نذكر في اللي صار...وقتها كنا صغار برشا...يجي عمري ست سنين اكاكا و ادم تقريب 8 سنين...اما زوز كنا سابقين عمرنا ببرشا...عديت يدي على كوبة الباب...اما منجمتش نفتحها...معنديش جرأة ندخل لدار هاذي مرة أخرى...رغم قوتي...و مكانتي...رغم انتي نتسما الشيطان...اما وقت نوصل للباب هاذي...نرجع نفس الطفل لي عمرو ست سنين...وخرت خطوة لتالي...منحبش نذكر لي صار...منحبش نحقد اكثر...كل مرة نقرب من الباب هاذي...قوتي تضاعف دوبل...و معاد يهمني في حتى حد...اما توا لا...سواار في حياتي...اصلا نفس الطفل لي خرج من هوني...لقا نور مرة اخرى وقت حط يدو على يدها...دورت راسي شوية...نفس العطار من سنين تعدات...سنين طويلة...قداش كبر...و بان فيه الشيب...اما باقي بقوتو...بوهرتو...مزال كلمتو ميعاودهاش زوز مرات...حومة كاملة تحبو و تخاف منو فرد وقت...قربت شوية...غزرتلو...قاعد عالكرسي...يشرب في كاس تاي...طلبو من قهوة العربي لي مقابلاتو...و الطفل لي يخدم عندو يريقل في السلعة...قربت منو شوية...دوب شافني تبسم...يحكي
صالح:زياااد ولددي ايجا لهوني
قربت منو...نزلت بستو من راسو...و قعدت بكرسي صغير بحذاه...نسمع فيه يحكي
صالح:برااا يا ولدي جيب كويس تاي لخوك
هو:باهي عمي
انا:كيفك عمي
صالح:كيما تعرفني...ما تبدل شي...انت وينك و اكا مكبوب سعد خوك...معادش تعرفوها طريق
انا:خدمة يا عم صالح...خدمة خذات كلشي باهي في حياتنا
صالح:وصلت لشي
انا:لا...كلشي على حالو...قاعد نلعب في لعبة المطاردة من غير فايدة...و المرة هاذي وقعت روحي بلا ما نحس
صالح:ظاهر وقعة صحيحة
انا:تنجم تقول هكا
صالح:شكون هي
هزيت راسي شوية...غزرتلو...و تبسمت...ديما يفهمها عالطاير...العمر مأثرش فيه جملة...طلع حاجبو...يستنى فيا يحكي...دورت راسي غزرت للقهوة...نحكي
انا:سواار...اسمها سوار
صالح:نسمع فيك
انا:اول مرة نتعلق بطفلة...حتى ميرال مكنتش نحس معاها هكا...نحب فيها كلشي...شعرها...ضحكتها...عينيها...تصرفاتها...تعصيبها
و في هذا الكل نحس في روحي ضايع...منعرفش شنوة اللي باش نعملو
صالح:و خبرتها
انا:لا...قاعد نتصرف كي المجنون...كيما حد ملك لعبة و معرفش يستخدمها...نحسها ملكي...اما غيري عندو فيها حظ اكثر مني
صالح:و انت علاش تعطي فرصة لغيرك...في بالي الشيطان اقوى من هكا ببرشا
انا:على انو قوة تحكي يا عمي...قوتي اللي نحسها طاحت في الما...من غزرتها
صالح:علاش مخبرتهاش...علاش قاعد تتحمل هذا الكل
انا:خاطر ممنوع...لين توفا المهمة...منجمش نبعدها...من اول مهمة نجحت فيها...معادش تابعة ليا و كهو...ولات فرد منا...و العقد اللي وقعاتو ما يسمح بحتى تراجع لين يوفا كلشي
صالح:مش لازم توفا المهمة باش تعيش معاها لي تحبو...هي مهما قوات...تبقى من حمايتك...رد بالك...رد بالك تبعد علاها...اتحملها باللي كان...حتى كان صار و تفرقتو...متخليهاش تتكا على غيرك...ابقى سند متاعها في الدنيا هاذي
انا:اول مرة من سنين نعيش الخوف هذا...يا عم صالح...خايف نخسرها كيما خسرت امي...يمكن هي برك لي حبيتها بعد امي...خايف منها و علاها...خايف علاها خاطرها مزالت صغيرة برشا...واللي عاشتو اكبر من عمرها...و خايف منها كان يجي نهار و تبعد عليا...خايف كان نأذيها من غشي..صدقني خايف
صالح:متخافش لي يحب ميأذيش
انا:تااااعب...تاااعب و برا
هز عكازتو...لتوا مفمهمتش علاش يستعملها...و هو كان تحطو في مسابقة الجري يكلاسي الاول...ضربني بيها على كتفي يحكي
صالح:ملا حبيت يا فرخ
انا:ههههههه والله مفماش فرخة قدها
صالح:و حبك الاول شعملنا فيه اه
انا:اههه ههههه نسيتها جملة...البطبوطة...تعدا برشا وقت...وينها شعاملة...مزالت بصحتها مرتين
هز العكازة ضربني بيها على ظهري...و قحرلي يحكي
صالح:والله لا تحشمها...يا طفل...اصلا جي لهوني برك باش تسيب بلادتك علاها و تمشي
انا:تي لا عاد...هوكا كنت حاميها في كل خطوة تعملها...شنعمللها اكثر...اصلا بعد اخر عركة صرات معادش شفتها جملة...و زيد الطفلة وقتها فرخة يجي عمرها عشر سنين
صالح:هاك مذكر كلشي علاها
انا:هذيكا حبي الاول ههههههه...تي وينها توا...والله في خاطري نشوفها بعد سنين هذوما
صالح:نقلو من هوني عندهم سنين
انا:مممم دوماج...و الا كنت باش نشيخ شوية...كي جيت لهوني
صالح:هيا قوم قدامي...ايجا ندخلو للجامع
هزيت روحي وقفت...قلبي دق بالوقت...حسيت روحي ندرا كيف...تبسمت بالسيف...و قربت بستو من راسو نحكي
انا:باش نمشي توا...و انت ادعيلي بالهداية
صالح:في امان الله...رد بالك على روحك...منوصيكش مرتين
هزيتلو براسي باهي...و عطيتو بظهري...حسيت روحي تفرهدت...بعد ما حكيت كلام مكبوت عندو شهور...كهو عم صالح لي ينجم يفهمني...حتى من غير ما نحكي...خدمت الكرهبة...و هزيت تليفوني كلمت راضية...عرفت منها مزال مدخلتش لدار...قلبت الطريق...و مشيت لشط...نعرف لي هي تحب تبعد عالكل...نعرف اللي هي زادة ترتاح غادي برك...نسوق و ندور في عينيا عالبلاصة الكل...شديت الفران بالقاوي...كيف ريتها..قاعدة على واحد من الكراسة لي موجودين غادي...محضنة روحها و تغزر للبحر...المطر حبس...اما باقي متحركتش...نزلت من الكرهبة...و قربت منها...نحيت كبوطي...حطيتو على كتافها...دوب تلفتتلي...ورجعت غزرت للبحر...عينيها منفوخين...خذيت نفس و قعدت قدامها...غزرت للبحر نحكي
انا:سوار عبد المالك...توفيت اثر حادث الاغتصاب...بعد ايام من اسعافها
شهقت على اخر كلمة اخرى...نزلو دموعها اكثر...كبست على يدي و كملت نحكي
انا:تقرير هذا كتبتو بيدي...و ختمتو...و انت بالنسبة للعالم الكل ميتة...و معادش فما وحدة بهذا الاسم...وقتها كان لازم نعمل هكا...لازم حد ما يشك انو فما شخصية بهويتين...كان باش يكون خطر عليك...حتى راجل امك مستحيل يخليك...حتى تهديد سلاح شتكى بيك...اما حد ما صدق اقوالو خاطرك ميتة...انا عملت هكا باش نحميك...مش اللي فهمتو انت
هزيت يدي...حطيتها على يديها زوز...فكيتهم من بعض...و كبست على يدها نحكي
انا:نوعدك وقت يوفا كلشي...باش نرجعلك كلشي خسرتو..حتى هويتك باش ترجعلك
طلعت بيدي...دورتها على كتافها...و جبدتها عندي...حطت راسها على صدري...من غير ما تقول حتى كلمة...فهمت الصراع لقاعدة تعيش فيه توا...فهمت االي هي مزال مصدومة من اللي صار...اما مفماش حل وسط...نعرف لي كلشي صعيب...اما الوقت ينسي...و اليمات تقوي...و هي باش تقوى...باش تكون كيما نحب و اكثر..مش على خاطر حد...اما على خاطرها و خاطري انا كهو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 55
ادم يحكي: بقيت نشوف مع قطرات المطر...لي نازلة على بلار الكرهبة...قطرات هزتني بالذاكرة لبعيد برشا...لوجيعة محفورة في قلبي و مستحيل شي ينجم يمحيها...سكرت عينيا بالقاوي...ورجعت فتحتهم...غزرت لشوفور نحكي انا:وقف الكرهبة هوني ركا الكرهبة على جنب...و جا باش ينزل...وقفتو نحكي انا:خليك تو ننزل وحدي برا انت شوف شغلك هو:باهي مسيو ادم
حليت باب الكرهبة و نزلت...حطيت يديا داخل مكاتب كبوطي...ورجعت راسي لتالي...غمضت عينيا...نتحسس في قطرات المطر على وجهي...نحس بوجيعة قوية في قلبي...النهار هذا بالظبط يوجعني برشا...مهما عملت..و مهما حاولت مستحيل نجم ننسا..و لا نتناسى...نزلت مني دمعة...تحرق كيف وجيعة قلبي...مستحها بكف يدي...و كملت طريقي...منعرفش كيف هزوني ساقيا...جرة ثنية قديمة...لقيت روحي وسط...حومة شعبية قديمة...حومة لعبنا فيها و حبينا فيها...كلشي كان فيها حلو...كلشي عشناه فيها لاول مرة كان باهي...لين جا هذاكا نهار...دوب حطيت ساقي غادي...صوت نعرفو...صوت نعشقو و نفنى فيه قوا في وذني..."اااادممم ادددم...انااا جيت"...سكرت عينيا بالقاوي...لا مستحيل هي معادش موجودة...متنجمش تكلمني...مستحيل تكون هوني...حليت عينيا دورتهم عالبلاصة اما شي...مش موجودة و مستحيل ترجع...طلعت راسي نشوف مع الدار...نفس الدار اللي دفنا فيها احلامنا...انا و زياد...قربت منها شوية شوية...خطواتي رزنو...حطيت يدي علاها عديتها بالسياسة...حطيت راسي علاها و سكرت عينيا...اصوات ضحكنا و لعبنا قوا في وذني...طفولتنا غادي...ضحكنا و حياتنا...وجيعتنا و برائتنا...مدفونة ورا هالباب بالظبط...كبست على يدي اكثر...و انا نذكر في اكا نهار...كلشي تمسخ بالدم...الحومة هاذي الكل مسخة بالدم...ريحة الدم تنجم تشمها من اول ما تحط ساقك هوني...هذيكا الريحة نجمو نشموها احنا زوز برك انا و زياد...ريحة قوية...توفا وقت كل حد فينا ياخو حقو...بيدو...لا انا و لا هو نجمو نتعداو اللي صار...ساعات نظرات زياد يذبحوني...الوجيعة لي نقراها في عينيه حتى حد ما يحس بيها غيري انا...مهما كبر و مهما دار بينا زمان...يبقى خويا الصغير...يبقى تحت حمايتي و مسؤول مني...كلشي يهون عليا...كان حاجة تصير عليه...مستعد نحرق الدنيا باللي فيها...في وسط الحزن هذا الكل...في وسط افكاري لي غرقت فيها...و الماضي لي هزني لبعيد...حسيت بخطوات خفيفة تقرب مني...ريحة مسك عبات البلاصة...تبسمت على جنب...و تلفت نشوف معاه...ماشي و يقرب في يدو سبحة...ظاهر توا خرج من الجامع...تبسمت و قربت منو بالزربة...هز عكازتو ضربني بيها على كتفي ضربات خفاف...و يحكي فرد وقت
صالح:اددم...اددم
انا:اهلا عم صالح
صالح:في بالي ضيعت طريق لهوني
انا:لا والله اما انت اكثر حد تعرف لانا لاهي مع الخدمة
صالح:و الخدمة تلهيك عليا
انا:مش عليك صدقني...اما قاعد نحاول نهرب من البلاصة هاذي..قد ما نجم
صالح:حتى و كان بعدت من هوني لاخر دنيا...الماضي باش يبقى يلاحق فيك...الماضي لقاعد تصلح فيه باغلاط اخرى و كبيرة
نزلت راسي...غمضت عينيا.. مانيش غالط...و مستحيل نكون غالط...قاعد ناخو في حقي بيدي...و مستعد نعمل اكثر من هكا...هزيت راسي...و غزرتلو..هو اكثر حد يفهم وجيعتي و يحس بيها...خذيت نفس نحكي
انا:مانيش غالط يا عم صالح...و هذيكا البداية برك
صالح:في بالك كي عملت اكاكا في الطفة خذيت بثارك...قولي ربحت شي...وصلت لشي
انا:باش نوصل...باش نخلي اكا الكلب يخسر كلشي...و الدور لاحق لولدو...باش ينطق و يخبرني الحقيقة كاملة...و اللي قاهرني اكثر منجمش نقتلو توا...خاطر السر باش يموت معاه.. على هذاكا باش نعمل كلشي...يخليه يحكي...باش نخسرو في كلشي باهي في حياتو فهمتني
هزلي براسو ايه...و عملي بيدو جاست...باش نمشو نقعدو...جبدت روحي و قربت من الطاولة...قعدت عالكرسي...نشوف في زوز كيسان تاي فارغين...غزرتلو نحكي و فرد نحاول نخبي توتري لظهر...و غشي لبدا يخرج...من اول ما جبدلي على الموضوع
انا:ياخي شكون كان معاك
صالح:واحد من الحومة
انا:باهي
صالح:اتو تو يوصل تاي متاعك
هزيتلو براسي ايه...نشوف فيه شاور لطفل جا يجري من القهوة...هز الكيسان لي فارغين...و رجع بزوز اخرين...حط واحد قدامي...اما انا للحظة سرحت بعيد...سرحت و انا نتفرج للحومة...للقهوة و الجامع...تركزو عينيا في زوز ولاد يلعبو في الكورة...لاخر قاعد يعاون في خوه خاطر طاح...جاست رجعني بذاكرة سنين لتالي...سنين طويلة و مستحيل ترجع...ذكريات حلوة و باهية...اما ذكرتها بوجيعة كبيرة
"ااادددم ااادم اجريلي"..."شبيك شفما"..."ساقييي توجع فيا امانك"..."شصار ياخي"..."هذاكا ¤¤¤¤دزني"..."زيااااد ششش من وين جبتها للكلمة هاذي"..."والله هو دزني ايي ساقي"..."علاااش دز فيه انت"..."والله ما دزيتو كان باش يفكلي الكورة طاح"..."تكذذذب انت دزيتني"..."يزييي زياد قوم من الارض توا"..."سااقي توجع فيا يا ادم منجمتش"...نفخت بالقاوي..و قربت منو...نزلت عليه...حملتو على ظهري...كبش في رقبتي من تالي...نعرف لمش موجوع زيادة...و قاعد يدلل و شايخ خاطرني حملتو...اما نحب ناخو بخاطرو...و لا منحبوش يتوجع بالحق...احنا اكاكا...جات عيني على عينها...شادة كراسة في يدها...شعرها واصل لخصرها...عينيها العسليين اكثر حاجة نحب نغزرلها...و الروبة البيضة لي تلبسها...تخليها كيما الاميرات...لفت وجهي علاها...و كملت نمشي...منجمتش نغزرلها...خاطر هي السبب لي خلاتني نتلهى على زياد...على هذاكا طاح...حضني من تالي اكثر...و نزل باسني من خدي...نعرف اللي عجباتو الفازة..خاطر نعرفو قداش يغير منها و يفد..اما انا حسيت بخنقة...منحبش نحقرها...منحبش نضيعها...يمكن كنا صغار لاكا الدرجة...اما احساسنا كان اكبر ببرشا...احساس كبر معانا...و عشناه لاخر لحظة...وصلنا لدار بالسيف...قرب من وذني يحكي"نزلني نجم نمشي"..."ملا علاش عملت هذاكا الكل"..."باش نتأكد لانت تحبني اكثر منها"...قحرتلو...قرب باسني من خدي...و هرب يجري...تبسمت بوجيعة...و انا نغزر للبلاصة هذيكا بالظبط...فقت من سرحتي...على صوت عم صالح يحكي
صالح:زوز هذوما يذكروني بيكم...كنت كيفهم بالظبط
انا:اما توا خسرنا كلشي...معادش عندنا نفس برائتهم
صالح:لاا اما نتوما تحاولو تغطوها بقوتكم المصطنعة...لا انت و لا زياد قويين لاكا درجة...و الحومة هاذي ثبت كلامي...كل حد فيمم وقت يحط ساقو هوني...كانو قاعد يعفس على قلبو و يقوي في وجيعتو
انا:باش توفا الوجيعة هاذي...وقت ناخو حقي و حق زياد
صالح:اما قاعد تمشي في ثنية غالطة...قاعد تغلط...و باش يجيك نهار و تندم برشا
انا:لا مستحيل نندم و كان يرجع بيا الزمان لتالي...باش نعمل نفس الشي
صالح:باهي مخممتش شصار في الطفلة بعد اكا نهار...زعمة كيف كملت حياتها...زعمة مزالت عايشة و لا هي زادة ماتت
عالكلمة تالية طلعت راسي بالزربة...قلبي دق بالقاوي...من اكا نهار محاولت نعرف علاها حتى شي...حتى وجها مش مذكرو جملة و مركزتش فيه بالكل...اصلا طلبتهم يجيبوهالي بالاسم...لا غزرت لصورتها و لا نعرف وجها...و تعمدت نخلي البلاصة مظلمة...باش متذكرش وجهي بالكل...و لا انا نرا نظرة الخوف في عينيها...لباش تخليني نتراجع ساعتها....خاطر كلشي قاعد نرا فيه ساعتها...حقدي و نقمتي عليهم...اصلا اللي عملتو فيها...كان قليل برشا بالنسبة ليا...كنت نحب نقتلها...و نحطها قدام ساقيه...اما نحبو يموت بغصتو هو و بنتو...نحبهم يموتو بفضيحتهم...اصلا بالعادة نتبع كلشي من بعيد...اما هي بالذات محبيت نعرف علاها حتى شي...يمكن خاطر معندها حتى ذنب في اللي صار...يمكن محبيتش نأذيها اكثر...اللي يهمني هو...وصلت نعرف حالتو كيف و يعرف بالقدا لانا اغتصبت بنتو...اما معندوش الجرأة باش يواجهني...و لا باش يشتكي بيا...اما رغم كلشي صار باقي معند و كاتم السر...كل مرة نحاول معاه...في فمو كلمة منعرفش و كهو...كبست عالبونية متاعي...و غزرت لعم صالح نحكي
انا:منعرفش...و ميهمنيش برشا نعرف علاها
صالح:باهي...شذنبها هي في اللي صار الكل...علاش اخترتها هي بالظبط...و انت لتوا مش مذكر وجها بالقدا
انا:باهي و حنان شذنبها..علاش حرموني منها...علاش هي بالظبط...علاش هي...علاش قتلوني في الحياة يا عمي...صدقني مش باش نهدا و مش باش يغيضني حد من عيلتو...باش ندمرهم الناس الكل...باش نخليهم يخلصو حق اللي عملوه فيا...مش باش نهدا...و مش باش نندم على شي...بالعكس كل مرة ينقهرو قدامي باش نقوى اكثر...و الحومة هاذي باش تتنظف...وقت ناخو حقنا منها انا و زياد
صالح:ربي يصلحك يا ولدي...اما ديما خلي شوية رحمة في قلبك...خاطر باش يجيك نهار...قوتك دور عليك و تهدك
هزيت يدي عديتها على وجهي ووقفت...اصلا من بكري نحس في روحي باش نطرشق...معنديش استعداد نسمع نصائح حد توا...خاصة نهار اليوم...قربت منو...نزلت بستو من راسو نحكي انا:سامحني عم صالح..لازمني نمشي توا
صالح:باهي ولدي الغالي...رد بالك على روحك...و على خوك
انا:من غير ما توصي...تعرفني منحب فيه شي
صالح:ربي يفضلكم
انا:عيشك
خذيت نفس و خرجت من عندو...نسابق في الخطوات باش نخرج من هوني...منحبش نرجع للماضي...ماضي حلو مخلط بوجيعة كبيرة...وجيعة مهما عملنا منجموش ننساوها...سكرت عينيا بالقاوي...و ذكرت كلام دنيز...يمكن عندها الحق في كلامها...يمكن احنا السبب في وجيعتنا...يمكن غلطنا من غير قصد على هذاكا خسرنا برشا حاجات باهيين...اول مرة نسمع كلام حد...و نحسو صحيح لهدرجة...اصلا الطفلة هاذي بالظبط...من اول نهار حطيت يدي على يدها في الحفلة...حسيت لانا نعرفها من قبل...مش احساس و كهو...متأكد اللي انا نعرفها...اما معرفتش وين...صوتها مش غريب عليا...و اكثر شي شدني ليها...عينيها...فيهم نظرة قوية مخلطة بوجيعة...باز حتى هي موجوعة من شي...تبسمت على جنب...منعرفش علاش قاعد نفكر فيها توا...نفخت بالقاوي...اليوم حاسس بشي جديد...رغم انو اكثر نهار يوجعني...اما اليوم حسيت لانا قريب برشا..قريب لهدفي لاكا درجة...وقت ناخو بحقي...ساعتها نرتاح...و نظف الماضي من الوجايع لي سكنت فيه
زياد يحكي: الدنيا برد...الجو مغيم و باش تظلام...قطرات المطر الصغيرة...طيح علينا زوز...نزلت راسي شوية نشوف معاها...حاطة راسها على صدري...و تغزر للبحر...صحيح معايا اما تفكيرها بعيد برشا...قلبي غم عليا...نعرف صعيب لي قاعدة تفكر فيه..و مش بالساهل اللي قاعدة تعيش فيه توا...بقيت نعدي في يدي على طول شعرها...نزلت علاها شوية...بستها من راسها بوسة خفيفة نحكي انا:سوار
جبدت روحها مني...غزرتلي ندرا كيف...غزرة كلها لوم...خلات قلبي يدق بالقاوي...هزيت يدي بالسيف...حطيتها على خدها نحكي
انا:شرايك نرجعو توا...تبدل الجو...و باش تاخو برد
بقات تشوف معايا...مبعد هزت روحها وقفت...سبقتني للكرهبة...بقيت نشيع فيها بعينيا لين ركبت...نفخت بالقاوي...و خالطت علاها...خدمت الكرهبة...بقينا طول الثنية و احنا ساكتين...كل مرة نرمي عيني علاها...نلقاها تغزر لبعيد و مش هوني جملة...اول ما وصلنا...ركيت الكرهبة...تلفتت باش تنزل...سكرت الباب من عندي...تلفتتلي...غزرتلي ندرا كيف...و رجعت تحاول باش تفتح الباب...جبدتها من يدها...بقوة...جات في حملتي...كبست علاها بيدي...نشم في ريحتها...منحبش نخليها في الحالة هاذي و نمشي...حسيت بيدها تحطت على جنبي...كبست علاها اكثر...و نزلت نحكي في وذنها
انا:صدقني...عملت هذا الكل على خاطرك...خاطر خايف عليك و كهو...و منحب حتى حد يقرب منك
هزتلي براسها ايه...جبدت روحي منها شوية...حاوطت وجها بيديا زوز...حطيت خشمي على خشمها...نحكي
انا:احكي معايا...نحب نسمع صوتك
سوار:هأة منحبش نحكي معاك سيبني
تبسمت...شدني ضحك...مكنتش نستنى في ايجابتها جملة...جيست حبيت نسمع صوتها...خاطر خفت لا ترجعلها نفس الحالة متاع اكا المرة...خاصة و نفسيتها مزالت تاعبة برشا...قربت منها اكثر...بستها بوسة خفيفة...لزت روحها ليا اكثر...غمضت عينيا...و غطست في شفافها...حتى مني توحشتها برشا...كبست على جنبي اكثر...شخت في مخي خاطر تفاعلت معايا لتالي...جبدت روحي منها شوية...نحكي
انا:عيشو لميحبش يحكي معايا
سوار:سيبني منحبش نبقى معاك
انا:متأكدة
سوار:ايه سيبني نكرهك
انا:لا مزلت تحبني
سوار:منحبكش
انا:تحبني
سوار:لا
انا:مزلت
سوار:نكرهك
انا:تحب نثبتلك
سوار:سيبني
نزلت بستها بوسة خفيفة...بقا فمها محلول شطر...باقي تشوف معايا...دورت يدي على ظهرها و جبدتها ليا اكثر...حطيت خدي على خدها...و قربت لوذنها نحكي
انا:مزلت تحبني...و مستحيل تنكر شي هذا
سوار:سوار هي لي تحبك مش انا
كلمتها...خلات قلبي يدق بالقاوي...كبست علاها بيدي اكثر...و كملت نحكي
انا:سوار عايشة على خاطري
سوار:لا انت قتلتها
انا:قاعد نحمي فيها
سوار:مستحيل
انا:مش انت تاثق فيا
سوار:كنت
انا:مزلت...و باش تبقى
سوار:لا
انا:انت متاعي...مستحيل تنجم
سوار:لا انت قتلتني زياد...وجيعتي مش باش يمحيها كلامك
انا:خلينا نكملو كلشي و نمشو من هوني
سوار:منجمش نجي معاك
انا:باش جي صدقني...انت مزلت تحبني و مزلت تاثق فيا
سوار:لا سيبني زياد
انا:مزلت
جات باش تحكي...قصيت علاها الكلام...كيف عضيتها من خدها...عضة خفيفة...نزلت بيها لشفافها...قربتلها اكثر نحكي
انا:اعترف لي مازلت تحبني...و متنجمش تبعد عليا
هزتلي براسها لا...نزلت على شفتها اللوطانية...عضيتها عضة خفيفة...و جبدت روحي...غزرتلها بخبث...نحكي
انا:شنوة توا
سوار:محسوب خوفتني...معادش
قصيت علاها الكلام كيف رجعت لشفافها...جيت باش نعضها...وقفتني تحكي
سوار:باهي باهي مزلت نحبك
ضحكت بالوقت...كبست على ظهرها من تالي...قربت لشفافها اكثر نحكي
انا:شفت كيف جي لطريق
سوار:اما المرة هاذي انت لي باش تبع طريقي
انا:كان باش تكون ليا مستعد
قربت ليا اكثر...باستني بوسة خفيفة...استغربتها منها في وضعها متاع توا...جيت باش نحكي...قصت عليا الكلام...بعضة قوية...روهجتني بيها الفرخة...خلاتني نرجع لتالي.. و باقي مسلمتش...كانها قاعد تعاقب فيا على كلشي...كبست على ظهرها اكثر...جبدت روحها شوية...باستني بوسة خفيفة تحكي
سوار:صحيح نحبك...اما مش كلشي يجي بالساهل...باش تتعب في جرتي
انا:زايد فرخة
قربت مني اكثر...حطت يدها على رقبتي...دورتها...تعدي في صوابعها...على شعري من تالي...و تحكي فرد وقت
سوار:كان تحب على سوار...لازمك ترجعها...خاطر معادش موجودة من اليوم...زعمة باش تنجم
تبسمت على جنب...دورت يدي علاها...جبدتها ليا اكثر...غزرتلها نحكي
انا:انت في كل الحالات باش تكون متاعي...ليا انا برك
سوار:ملا خليني نشوف قوة حبيبي
قبل ما نحكي...قربت ليا اكثر...فتحت الباب متا الكرهبة ورايا...و نزلت باستني...بوسة خفيفة...و جبدت روحها لتالي...تبسمتلي ندرا كيف...في لحظة قوات الفرخة...و قلبت عليا الطرح...حلت الباب...و تلفتتلي تحكي
سوار:عم فاتح يغزرلنا...ليلة سعيدة يا روحي
بقيت نشوف معاها...نحس في الكلام هرب مني...دورت وجهي شوية...لقيتو يشوف معانا مصدوم...طلعت حاجبي...شفتها شاورتلو بيدها و دخلت...و لاستغربتها اكثر...انها محشمتش جملة...لا عااد ظاهر انا لي باش نهبل في جرتها...اول ما دخلت...خدمت الكرهبة و طرت بيها...قلبي نحسو باش يخرج من بقعتو...هزيت يدي حطيتها على شفافي...طلعت متوحشة الفرخة...تبسمت وحدي...عقاب عمري طحت على راسي...انا هكا و تعبتني...خلي كي ناوية تتمرد عليا...زدت في الفيتاس...و مشيت لدار ادم...بالعادة ميحبش ليقلقو نهار هذا بالظبط...اما منجمش نخليه وحدو...ركيت الكرهبة...و دخلت...اللي غادي يعرفوني...حد ما تجرأ قالي شي...دخلت لدار لقيتها ساكتة...جيت باش نطلع...اما شفتو من البلار...قاعد برا في الجنينة و يغزر لبعيد...قلبي غم عليا...حتى انا نكرهو النهار هذا جملة و يوجعني برشا...هزيت روحي و خرجت عندو...قربت منو...قعدت قدامو...ضميت يديا...نغزر لبعيد و نحكي
انا:تعدا برشا وقت مش هكا
ادم:منعرفش...حاسس كلشي عشتو البارح
انا:صعيب الواحد ينسا
ادم:مخممتش ننسى
انا:امتى باش نبراو
ادم:منعرفش...كل يوم الجرح قاعد ينزف...و محبش يتسكر
انا:تذكر قداش كنت نغير منها
ادم:ممم نذكر...و نذكر زادة لي رجعتو صحاب...و متفاهمين عليا
انا:ههههه ايه...و كل يوم نتراهنو...على شكون تحب اكثر انا و لا هي
ادم:ديما كنت انت تربح...يمكن على هذاكا هي خلاتني
انا:اما المرة هاذي خسرت...هي خذات معاها ادم القديم...خذات معاها خويا...انت حبيتها اكثر مني يا ادم...و الدليل انك تحكيلها كلشي حتى و هي تحت التراب
ادم:علاش اختارت اكا الطريق...كنت مستعد ناقف معاها...كنت مستعد نعمل اي شي على خاطرها...علاش اختارت الموت...علاش حرقتني...في بالها باش نخليها...في بالها حبي ليها ضعيف لاكا الدرجة...باش تختار الموت عليا انا...علاش عملت هكا...علاش محبتنيش كيما حبيتها...علاش يا زياد
عينيا دمعو...من كلامو لي خرج بوجيعة...من دموعو لي شادهم باش مينزلوش قدامي...ديما يحب يبقى قوي قدامي...على اساس خويا الكبير و ما يهدو شي و حتى انا نتحمى بيه...حسيت بغصة واحلة في حلقي...و الكلام هرب مني...خذيت نفس نحكي
انا:تحبك...وراس خويا تحبك كيما تحبها و اكثر...اما احنا اللي نحبوه يمشي و يخلينا...منعرفش علاش دنيا ضلمتنا لهدرجة...اما ديما خليك متأكد لهي تحبك...رد بالك تشك في حبها ليك
ادم:اصلا انا عايش...على خاطرها هي...مش باش نرتاح...كان وقت ناخو بحقها
انا:نعرف...و انا معاك في اي خطوة تعملها...انت برك قولي عليه...و انا باش نخليه ينطق بالسيف عليه
ادم:لا...باش ناخو حقي بيدي و الا مستحيل نرتاح و نرتحها
هزيت يدي...حطيتها على كتفو...كبست عليه...نحكي
انا:باش يجي اكا نهار صدقني وقتها برك باش نجمو نبراو احنا زوز
ادم:بلكشي بالحق وقتها نبراو
انا:صدقني باش يجي اكا نهار و نلقاو شفا في بعضنا
تلفت غزرلي...تبسمتلو...كان فما وجيعة في قلبي...ادم وجيعتو دوبل عليا...قربت منو اكثر حضنتو بكل قوتي و هو زادة...وجيعتنا وحدة و عذابنا واحد..الزوز محتاجين لبعض...محتاجين باش نبراو من الماضي...الماضي..لوجعنا و خلانا نحقدو على ناس الكل...الماضي لكل مرة نهربو نلقاو روحنا نواجهو فيه..الماضي لكل ما نقربو خطوة لحياة باهية و نقية...يرجعنا لتالي..يرجعلنا بذكريات حلوة و خايبة فرد وقت و نفسو الماضي هذاكا يحب يخبرنا انو باش نلقاو الشفا في بعضنا
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 56
سوار تحكي: فقت الصباح نحل في عينيا بالسيف...نحس في بدني مدقدق...رميت يدي هزيت تليفوني...غزرت لساعة...لقيتها 8 متاع الصباح...تنهدت بالقاوي...كيف غزرت لاخر ابال من عندو...يومين تعداو من اكا نهار...لا خليتو يشوفني و لا يسمع صوتي...منعرفش اذا قاعدة نعاقب فيه...و لا نعاقب في روحي...حتى انا توحشتو برشا...و نحب نشوفو...اما مش المرة هاذي...مش باش نسامحو بالساهل...ضرب في راسي ياسر
ساعتها...تبسمت على جنب...اما مش باش نغزلو...و لا على خاطر يفد منو و يكرهو...و لا حتى على خاطر الخدمة...اما جيست نحب نبدل جو...و ننسى كلشي صار...هزيت روحي...دخلت لبيت البانو...ريقلت اموري...و خرجت لبست...دبشي متاع سبور...هزيت صاكي...و تليفوني...و نزلت اللوطة...صبحت على خالتي راضية...و خرجت لبرا...اول ما ركبت في الكرهبة...ذكرت اكا الليلة...هزيت يدي...عديت صوابعي على شفافي...تبسمت بلا ما نحس...نكذب كان نقول منحبوش...نكذب كان نقول قربو مني يهزني لسابع سما...حبيتو...باللي فيا الكل حبيتو...برغم لي عشتو و شفتو...اما ولا مرة حسسني اللي انا معادش صبية...بالعكس...كل مرة يقرب مني...نحس بالطفلة الصغيرة اللي عايشة داخلي...تحب تكبش فيه اكثر و اكثر...الطفلة لي قتلها خوه...اصلا كلشي خايفة منو...اني نطلع عايشة في حلمة...و زياد يكون شريك ادم في اللي صار...جرد فكرة...خلات دموعي..ينزلو...هزيت يدي مسحت...نزلت البلار...خذيت نفس...و خدمت الكرهبة...ديريكسيون لنادي...اول ما وصلت...نحيت الفاست...و لميت شعري كوت دوشوفال...خذيت نفس و دخلت لصالة...لقيتو حاط الكيت...و يجري...قربت منو اكثر...رميت يدي زدتلو في الفيتاس...طلع راسو يشوف معايا...تبسمت على جنب...و زدت في الفيتاس اكثر...متأثرش جملة...باقي يجري...تكيت بيدي مقابلاتو نشوف معاه...حسيتو مغشش مني...عندو حق...حتى انا من نهار الحفلة معادش قابلتو...و بعد اللي صار مع زياد...في دار الزريعة...معادش هزيت عليه...فهمت لي هو خذا بخاطرو مني...اول ما كمل...حبسها و نزل...هز دبوزة ما شرب منها...قربت وقفت قدامو...حقرني...و هز المنشفة يمسح في وجهو...خطفتها من يدو...و قحرتلو...عوجت فمي شوية...باقي يشوف معايا...خذيت نفس نحكي
انا:مممم ظاهر متحبش تشوفني هوني
مرجعليش...فك المنشفة من يدي...و قحرلي...قرب من الكرسي...ندرا في شنوة قاعد يفركس...قربت منو...وقفت قدامو نحكي
انا:يااسر
هز تليفونو...ورجع شوية لتالي...وقفت مقابلتو...بالظبط...هزيت يدي حطيتها على يدو نزلتها...و قحرتلو نحكي
انا:ياااسر نحكي معاك راهو
هز راسو...قحرلي...قحرة متاع موت...في لحظة...شدني من يدي...ورجع بيا لتالي...ضربت في الحيط...كبس على يدي اكثر...و قرب مني...اول مرة يقربلي لهدرجة...قلبي دق بالقاوي...معجبتنيش الفازة جملة...اول حاجة ضرب في راسي زياد...من عند ربي محذرني من قبل...كان يشوفو قريبلي لهدرجة باش يهد دنيا فوق راسي...صحيح متغشة منو...اما منحبش نهدو بالطريقة هاذي...منحب حتى حد يقربلي غيرو...و من غير رضايتي...هزيت يدي بالسيف...حطيتها على صدرو...نحب نخلق مسافة بينا...طلعت راسي...غزرتلو في عينيه بالظبط...عقدت حواجبي...نحكي و ندز فيه بالسياسة لتالي
انا:ياسر فاش تعمل ياخي
هز يدو...حطها على يدي...كبس علاها...نزلها لتالي...و قرب مني اكثر يحكي
ياسر:علاش تقلقت
انا:ياااسر ابعد...شنوة اللي قاعد تعمل فيه
ياسر:اللي كان لازم نعملو من بكري
انا:شقصدك
ياسر:حاجتي بيك دنيز
انا:شنننوة
ياسر:نحبك تكون معايا...و تكون ليا كهو
انا:ياسر فاش تحكي ياخي
ياسر:اللي لازم يصير
انا:باز هبلت انت...ابعد نحب نمشي
دزيتو بيدي لتالي...و جيت باش نمشي...كبس على يدي اكثر..ورجعني لتالي...حصرني مع الحيط يحكي
ياسر:مزال مكملتش كلامي
انا:مفما حتى شي نحكو فيه
ياسر:علاش عندك شكون في حياتك
هزيت راسي غزرتلو...قلبي دق بالوقت...ايه فما زياد و كهو...نحب نقولو الكلام هذا اما منجمتش...الكلام وحل في حلقي...حبي لزياد سري...و منعرفش اذا باش يخرج لناس الكل...و لا باش يموت معانا زوز...خذيت نفس...و قحرتلو نحكي
انا:ياسر ابعد
ياسر:جاوبني ساعة
انا:مش باش نجاوبك على شي...نحب نمشي من هوني توا
مرجعليش...نزل عليا اكثر...حسيت بالنفس متاعو على وجهي...قلبي دق بالوقت...حطيت يدي على صدرو...نرجع فيه لتالي...دورت وجهي عليه شوية...كابس على يدي بكل قوتو...اول مرة يتصرف معايا بالطريقة هاذي...دورت عينيا عالبلاصة الصالة فارغة...و مفما حد غيرنا...نحس في قلبي باش يخرج من بقعتو...بالعادة زياد هو اللي يمنعني من المواقف هذوما...اصلا منجمش نخلي اي حد اخر غيرو يحط يدو عليا...منعرفش كيف نجمت نحافظ عالبرود متاعي و قوتي قدامو...نفس متاعو قوا في وجهي...دورت راسي...جا وجهي مع وجهو...غزرتلو بكل تحدي...و نحكي فرد وقت
انا:يهمك برشا تعرف
ياسر:ممم
انا:مممم هاني باش نطمنك مفما حتى حد في حياتي اما
قربت منو اكثر...لين معادش فما مسافة بينا...قربت شفافي من وذنو نحكي
انا: صعيب برشا...نخلي حد يدخل لحياتي
ياسر: و السبب
انا:يمكن خاطر منجم نعطي فرصة لحد انو يهدني في الاخير انا دنييز...و مش اي وحدة
ياسر:على هذاكا نحبك تكون ليا
جبدت روحي منو...تبسمت على جنب...لازم نسايرو...و نتعامل معاه عادي...و الا باش يشك فيا...قرب مني اكثر...كبست روحي..منحبوش يبوسني و لا يعمل اي شي اخر...يخليني نعيف بدني...و ننقم على روحي...في لحظة دخل واحد من رجالو...تلفت غزرلو...جبدت يدي منو...تحرق فيا من كبستو علاها...قحرلو قحرة موت و قرب منو باش يحكي معاه...مخممتش مرتين...هزيت صاكي و الفاست متاعي...و تعديت من قدامهم خرجت بالزربة...نسابق في الخطوات باش نوصل للبركينغ...قلبي يدق بالقاوي...مش مصدقة لي صار...اصلا متأكدة كان زياد يعرف باش يقلب دنيا على راسي...و باز باش يعرف...مش باش يخفى عليه شي...اول ما وصلت للكرهبة...حليتها وركبت...رميت صاكي قدامي...حطيت يديا عالفولون...زوز يرعشو...منحبش نوحل روحي في دوامة كيما هاذي...دوب شفتو مخالط عليا...طرت بالكرهبة...خرجت لطريق...نسوق بسرعة...نسمع في تليفوني ينوقز...مغزرتلوش جملة...اول ما بعدت عالنادي...ركيت الكرهبة على جنب...و تكيت لتالي...نتنفس بالزربة...عديت يديا زوز على وجهي...كان ياسر اللي مفما حتى شي بينا...متحملتش قربو مني...كيف باش نتحمل ادم...كيف باش ناخو ثاري منو...و انا حتى انفاسو منجمش نتحملها...رميت يدي جبدت دبوزة الما من صاكي...شربت منها...نهدي في روحي..و نحكي وحدي فرد وقت..."اهدا سوااار...ما صار شي...انت اقوى من هكا ببرشا...شتوصل لي تحب عليه...و تاخو حقك منو بالكل...لازمك تكون قوية.. انت وعدت امك...ووعدت روحك"
قص عليا صوت تليفوني لي يرجع ينوقز...هزيتو في يدي...لقيتو زياد يطلب...قلبي دق بالوقت...شي من الوحش...و شي من الخوف.. خفت كان يسمع باللي صار...نعرف غشو خايب...كنت باش نهز...اما ذكرت لانا معادش نحكي معاه...علقت عليه...ورميت تليفون عالكرسي...خذيت نفس طويل نهدي في روحي...جيت باش نرجع نخدم الكرهبة...وقفني صوت الميساج اللي وصل.. رجعت هزيت تليفوني...حليتو نقرا فيه...عينيا وساعو بالوقت..."عشر دقايق في يدك...منلقاكش في دار ما تلوم كان روحك"...حليت فمي شطر...زعمة يكون عم فاتح خبرو لانا خرجت...باز يكون في الدار توا...رغم الخوف لي حسيتو...اما بعد اكا نهار حلفت...لباش نخليه يهبل في جرتي...من اليوم معادش فما وحدة اسمها سوار جملة...دنيز الموجودة توا...دنيز و كهو...و بالسيف عليه باش يتحملها...خاطر حبي ليه باش يحرقو...خدمت الكرهبة...ورجعت لدار...كل مرة نقرب لدار...قلبي يدق بالقاوي...اول ما راكيت الكرهبة...و نزلت منها...هد عليا...سكر الباب ورايا بالقاوي...حصرني مع الكرهبة...هزيت راسي غزرتلو...عروق رقبتو مكبوسين...عينيه حمر من الغش...باش يطرشق...نزل عليا شوية...قالي زوز كلمات...زوز كلمات رص عليهم...و هو يحكي
زياد:وين كنت ؟
بقيت نشوف معاه...معرفتش شنجاوبو...اصلا مزلت مصدومة...من اللي قبيل مع ياسر...خذيت نفس...و غزرتلو في عينيه...تبسمت على جنب نحكي
انا:يهمك برشا تعرف
زياد:¤¤¤¤¤ عليا ياخي
صوتو خرج بغش اكثر من الاول...قلبي دق بالوقت...هزيت يدي...حطيتها على صدرو...حسيت بقلبو لي يضرب بالقاوي...يدي رعشت...قربو مني لهدرجة يضعفني...و منحبش نضعف...منحبش نكون سوار...مستحيل نجم ننسا لي شفتو...رغم كلشي صار...متوقعتش لانا معادش موجودة جملة...انو هو محا سوار من الدنيا...على هذاكا لازمو يتحملني...لازمو يتحمل دنيز...لي خلقها في بلاصة سوار...كبشت في سوريتو اكثر...لزيت روحي ليه...غزرت لشفافو...ورجعت غزرت لعينيه...نحكي
انا:اهدا عزيزي...جيست نكمل في مهمتي...مش هذا اتفاقنا من الاول
قحرلي...قحرة متاع موت...نزل عينيه من وجهي...عداهم على بدني الكل...هزني و حطني...ورجع غزرلي...تبسم باستهزاء يحكي
زياد:ملا كنت مع ¤¤¤¤¤ هذاكا
انا:اسمو ياسر
غزرلي ندرا كيف...هز يدو...ضربها عالكرهبة...لين حسيتها تهزت ورايا...بدني تكبس...من صياحو
زياد:معااادش تجبد ¤¤¤ على لسانك
صياحو دخلني بعضي...خاصة كي يبدا في الحالة هاذي...يفقد الكنترول على تصرفاتو جملة...عكس الهدوء لي مستانس بيه...اما فيسع ما كبست روحي قدامو...نفخت بالقاوي...و غزرتلو نحكي بصوت ثابت..و هادي فرد وقت
انا:شيهمك انت ياخي... شنوة لي مقلقك كي نقول اسمو...متكونش غاير منو
بقا يشوف معايا شوية...وخر لتالي خطوة...هز يديه زوز حطهم على وجهو ورجع بيهم شعرو لتالي...شعرة لا يقلعو...يحكي وحدو
زياد:الصبر يا ربي...الصبر...عقاب عمري نلعب مع الفروخ
كلامو ركبلي العصب...من ساقي لراسي...قربت منو شوية...هزيت ساقي...ضربتو بكل قوتي على ساقو...نحكي
انا:مانييش فرخة...اخر مرة تقولها للكلمة
حل عينيه...يشوف معايا مصدوم...غزر لساقو...ورجع غزرلي...هزني و حطني...مزال مبهم من الفازة...حتى انا منعرفش من وين جبتها للقوة هذيكا باش ضربتو اكاكا...اصلا متحركش من بلاصتو جملة...يمكن محسش بيها الضربة جملة...اما باز مش باش يعديلي الفازة...كبست روحي...قحرتلو بسموميم...هزيت يدي...رجعت شعري ورا وذني...و عطيتو بظهري...نزرب في خطواتي...ياش نلحق قبل ما يقول كلمة...اما من وين...كان باش يعديهالي اليوم...نعرف لشارب شي و مش في عقلو...اول ما وصلت للباب...وقفني يصيح
زياد:سواااار
مع صوتو...هزيت يدي...دقيت عالباب بكل قوتي...تلفت شوية...نشوف فيه ماشي و يقرب...رجعت نضرب في الباب بساقي...فتحتلي خالتي راضية مفجوعة...دخلت نجري...مكملتش الخطوة الثانية...و خطفني من يدي...لين ضربت فيه بكل قوتي...غزرتلنا خالتي راضية تحكي
راضية:لباس شفما
زياد:لباس...تنجم تخلينا وحدنا
راضية بالطبيعة
اول ما مشات...دورت راسي قحرتلو...قحرة متاع موت...جا باش يحكي...قصيت عليه...بضربة اخرى على ساقو ثانية...نحكي
انا:و هاذي باش تتعلم تحكي مع لي كبار عليك يا معلم
بقا يشوف معايا..تبهم اكثر..و انا نعرف روحي باش نتحاسب...هوكا باش ناخو حقي بالكل...نزل عينيه يشوف معايا..كبس على يدي اكثر...ورجع بيا لتالي...لصقني مع الحيط...حاولت ندزو كبس على يدي لاخرى....طلعهم زوز...حصرني و معادش نجم نتحرك...غزرتلو...نحكي
انا:سيبنيي
قرب مني اكثر...نزل عليا...حط خشمو على خشمي...يحكي
زياد:ملا تتقوا عليا يا فرخة
انا:تستهل
زياد:صاار
انا:مممم
زياد:باهي و تعرف شنية عقابك
مرجعتلوش...تبسم على جنب...عرفتو يحب يعضني...اول ما وصل لسفافي...كبست على شفتو بسناني...قبل ما يعضني...جبد روحو لتالي...غمض عينيه ورجع فتحهم...غزرلي يحكي
زياد:يطلع منك يا فرخة
انا:تعلمت منك
زياد:ههههههه صاار
انا:مممم
زياد:متحبش تتعلم حاجات اخرى
فهمتو شيقصد من كلامو...من اكا الضحكة...قلبي دق بالوقت...قحرتلو نحكي
انا:زايد هامل و
زياد:و شنية
انا:حتى شي...سيبني نحب نطلع لبيتي
زياد:مزال بكري
انا:باهي فكني ساعة
زياد:منحبش
انا:زيااد امان...يدي توجع فيا
نحكي و نحاول نجبد في يدي فرد وقت...صباح ياسر...و هو توا...نحس في يدي باش تتقسم على زوز...و هما كل حد فيهم...قوتو تهد جبل...حسني نتغوصر...رخف يدو شوية...جبدت يدي...عديت صوابعي...بالشوية نبرد في البلاصة...بقا يشوف معايا مستغرب...هز يدو...شدني منها...يغزر لتراص صوابعو...حركتها بالسيف...اصلا عرف لفما شي...خاصة و يدي...حمرا عاللخر من قبل...ضيق عينيه يحكي
زياد:شصار
انا:شي
زياد:اخر مرة نسألك شصار ليدك
انا:حتى شي زياد...جيست انت وجعتني
زياد:¤¤¤¤¤¤ تحب تعديها عليا...شكون شدك منها هكا
انا:حتى حد
زياد:¤¤¤¤¤¤ هذاكا مش هكا...شصار بينكم
اتا:قتلك حتى شي...فاش قاعد تحكي انت
زياد:سوااار
انا:معااادش تقولي سواار...و معاد تسألني على حتى شي ميخصكش جملة
زياد:شوف لتوا...حاكم في اعصابي...تحل فمك...مكانش...نعرف كيف نخليك تحكي
انا:ما فما حتى شي نحكو فيه...انا تاعبة و باش نرقد
جا باش يحكي...قصيت عليه...كيف عطيتو بظهري...و طلعت الدروج نجري...منحبش نذكر لي صار الصباح...و منحبش نحكيلو...خاطر نعرفو باش يهد دار على راسي توا...و اصلا نظراتو حسيتهم يهددو فيا...و يستناو في الايجابة متاعي...اول ما وصلت لبيتي...جيت باش نسكر الباب...وقفو بساقو...دزو و دخل...وقف مقابلني...وجهي مع وجهو...عروقو بالكل مكبوسة...و ظاهرين...يغزرلي بغش و بحيرة...و قلق فرد وقت...غزرة خلات دم يجمد في عروقي...و الكلام هرب مني...خاطر نعرف و متأكدة...مش باش يخرج من هوني...لين نقول كلشي صار
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 57
كان صوت النفس متاعو...لي مسموع في البيت...دقات قلبي لي يخض بالقاوي...نسمع فيهم داخل وذني...الخوف لي تملكني برا...عكس البرودة اللي واقفة بيها قدامو...قرب مني خطوة...هز يدو عداها على شعرو بغزول...ورجع غزرلي يحكي و يرص على كلامو
زياد:شوف هما زوز كلمات تحل فمك تحكي لي صار...مكانش والله يا سوار...ورحمة امي باش نهد دار فوق راسك اليوم
بدني رعش من كلامو لي خرج مكبوس خذيت نفس و غزرتلو في عينيه نحكي
انا:ما صار حتى شي
هز يدو مرة اخرى...عداها على وجهو يهدي في روحو...نفخ بالقاوي...و غزرلي يحكي
زياد:اخر مرة باش نعاودلك...حل فمك و احكي لي صار احسنلك
نزلت بعينيا...شفتو كبس عالبونية متاعو...شاد روحو بالسيف...نعرف كان نسكت توا...و لا نقلو شي اخر...منجمش نتوقع ردة فعلو خذيت نفس و كبست على يدي...نخبي في توتري منو غزرتلو في عينيه...يغزرلي بغش...دورت عينيا على وجهو...ورجعت غزرتلو نحكي
انا؛جيست طلب مني...نكون معاه
عقد حواجبو اكثر ضيق عينيه غزرلي و ضحك شطر ضحكة باستهزاء هز يدو في وجهي يحكي بيها
زياد:عاود مفهمتش مليح
انا:اللي سمعتو ياسر يحبني نكون حبيبتو كهو اللي صار
كملت ملامي و قربت من الباب بالزربة...نحب نخرج قبل ما يهد عليا...منجمش نعرف اللي باش يعملو...بعد اللي قلتو نحس في قلبي باش يخرج من بقعتو...اصلا الهدوء متاعو يدخلني بعضي اكثر...اول ما تعديت عليه باش نخرج...شدني من يدي...و كبس علاها...رجعني لتالي بقوة...شعرة و نطيح لتالي...قحرلي...قحرة متاع موت...بقيت نشوف معاه...قرب مني اكثر...وخرت خطوة لتالي...هزني و حطني يحكي
زياد:ملا يحبك تكون ليه
انا:ايه
زياد:فرحانة باللي صار
انا:صراحة ايه...عالاقل هو حبني على طبيعتي
طلع حاجبو مستغرب...قرب مني خطوة...حسيت قلبي باش يطيح معاها...هزني و حطني...وخرت لتالي اكثر...ندور في عينيا في كل بلاصة...كان عينيه...منحبش نغزرلو...خاطر باش ندخل بعضي اكثر...اما اللي متأكدة منو...كان باش نخاف منو توا...مش باش يعديهالي على خير...اصلا في الحالتين مش باش يعديها...احسن شي نحاول نخرج من هوني...قربت منو شوية...باش نخرج من البيت بخطوة وحدة رجعني لتالي و حصرني مع القارد روب...لين حسيت ظهري باش يتقسم من قوة الخبطة...طلعت راسي...قحرتلو...قحرة متاع موت...و جيت باش نجبد روحي..نزل عليا اكثر كبس عليا بيديه زوز على كتافي...و يحكي فرد وقت
زياد:عملك شي اخر
طلعت راسو غزرتلو...متوقعتش لهو باش يسألني مجاش لبالي جملة سؤال هذا توقعت لهو با يتغشش من كلامي و يجاوبني بشي اخر اما سؤالو روهجني...منجمتش نرجع عليه كبس عليا بيدو اكثر...يحكي
زياد:حل ¤¤ فمك عملك شي اخر
هزيتلو براسي لا...جبد يدو مني حطها على القارد روب قحرلي و كمل يحكي
زياد:احكي احسنلك خاطر والله يا سوار كان نفتح كاميرات النادي و نلقى شي اخر نقتلك و تقتلو
عينيا وساعو بالوقت قلبي نحسو باش يخرج من بقعتو...مجاتش لبالي جملةلهو ينجم يشوف تسجيلات الكاميرا تي باز باش يعرف لانا قربت منو حتى محاولتش ندزو لتالي كان مش حد من رجالو دخل ساعتها منعرفش شنوة لي كان باش يصير غمضت عينيا و رجعت فتحتهم ياخي شبيني خايفة منو يعمل لي يحب عليه انت دنيز توا دنيز مش سوار فيق مع روحك و جاوبو خذيت نفس بالسيف غزرتلو نحكي
انا:كان شيبوسني
عينيه وساعت...يديه ترخفو شوية شوية...على كتافي دور عينيه على وجهي يستوعب في كلامي كبست على يدي مكنتش نحب نحكي هكا اصلا حتى انا مش فرحانة باللي صار و تقززت من قربو ليا جيت باش نجبد روحي في لحظة رجع دزني لتالي...هز يديو شدني من وجهي كبس عليا و غزرلي يحكي...صوتو قوي...خرج بغش اكثر من الاول
زياد:والله كان نعرف برك لهو حط يدو عليك ما تلوم كان روحك
حاولت نجبد وجهي منو...خاطر وجعني و ركبني العصب فرد وقت...فاللي صار الكل مخممش شنوة اللي حسيتو انا...هزيت يديا زوز حطيتهم على صدرو ندز فيه لتالي و رخف يدو شوية عليا.. بقيت ندز فيه و نصيح فرد وقت
انا:يززيي زياد يزيي ياخي شتستخايل في روحك تعمل شصااار كان هو باسني يزييي معادش تحسسني لانا بريئة و انت اول حد في حياتي فيق مع روحك توا فما شكون باسني قبلك فما شكون رقد معايا قبلك معادش
قص عليا كيف هد عليا وخرت لتالي هز يدو ضربها عالقارد روب يحكي و يصيح
زياد:سوااار...اسسكت سكر ¤¤ فمك شقتلك عالكلام هذا..ياخي تحب تهبلني انت شنية حكايتك ياخي
حسيت دموعي باش ينزلو خذيت نفس نمنع فيهم طلعت راسي غزرتلو عينيه حمر من الغش حسيتو باش يطرشق اصلا كل مرة نجبد الحكاية يهبل عليا تقويت على روحي و قربت منو خطوة لين معادش فما بينا مسافة غزرتلو نحكي
انا:يزي زياد تعبت راني تعبت من الكذبة لي عايشة فيها حتى شي ما يبدل لي صار سوار ماتت بعد اكا الليلة و انت دفنتها بيدك صدقني تعبت..تعبت و انا نمثل في الشخصيتين مع بعض سوار ماتت و معادش باش ترجع انا قتلتها داخلي كيما انت دفنتها بالحياة دنيز كهو اللي واقفة قدامك توا دنيز لانت اخترتها دنيز لحطيتها في حياتهم و توا تحب تجبد بيها لازم تعرف اللي اللعبة بدات يا زياد و مش باش تاقف هوني نحكي و نقرب منو دورت يدي على ظهرو حطيت راسي على صدرو نهدي فيه متحركش من بلاصتو جملة كبست عليه اكثر و كملت نحكي
انا:نحب كلشي يوفا بسرعة نحب نرتاح يزي من اللي قاعد يصير
واللي باش يصرا نحبك ديما تاثق فيا مهما صار باهي
حسيتو يتنفس بالقاوي غمضت عينيا نتمتع بقربو حتى انا توحشتو...برشا توحشت حضنو...توحشت ريحتو نعرف لي اليمات الجاية صعيبة برشا و مش بعيد نخسرو مجرد فكرة برك برك خلات عينيا يدمعو و قلبي يدق بالقاوي منحبش نخسرو معاد نحب حتى شي اخر كلشي نحب عليه توا اني نبقى عندو و كهو نحب نشبع منو و ننسى كلشي
صار و اللي باش يصير
حسيت بيديه تحطت على كتافي...غمضت عينيا بالقاوي...من كبستو عليا...عرفتو باش يرجعني لتالي...رخفت يديا شوية شوية على ظهرو...جبد روحو مني...غزرلي...حاولت نلقى شي في نظرتو ليا...اما منجمتش...ملامحو باردة...كيما اول مرة عرفتو فيها...غزرة وحدة...خلاتني نجمد في بلاصتي...منعرفش كيف طاوعني بدني و قربت منو خطوة...قبل ما نكملها...وقفني بيدو..و تبسم شطر تبسيمة يحكي
زياد:باهي...كيما تحب...من اليوم باش تكون دنيز...اما حط في راسك...انو دنيز تمشي بكلامي انا كهو
سكت شوية...ضيقت عينيا شوية...هز يدو في وجهي و كمل يحكي
زياد:من اليوم خدمتك وفات مع ياسر
عينيا وسااعت من الصدمة...مستحييل مش توا...اصلا منجمش نبعد عليه توا...ياسر هو اللي باش يوصلني لادم...منعرفش كيف خرج صوتي و جاوبتو
انا:شننوة
زياد:شبيك تفجعت...قصيت عليك ياخي
انا:ياخي فاش تحكي انت
زياد:لي سمعتو...ياسر تنساه جملة...مكانش وقتها باش يكون عندي تصرف اخر معاك...ممم قبل ما ننسى...هو زادة مش باش يتعدالو لي عملو...راقب لي باش يصير فيه
تبسم ندرا كيف..ظو تلفت عطاني بظهرو...باش يخرج...متوقعتش لهو باش يتصرف هكا...اصلا كان قال كبمة مستحيل يرجع فيها...و زادة ياسر ما عندو حتى ذنب...تي شيعرفو لهي لعبة...و علاش باش يحاسبو هو...افكاري دخلت بعضها...و انا نشوف فيه...خارج من البيت...اول ما وصل للباب...وقفتو نحكي
انا:زيياااد رد بالك تعملو شي
وقف على كلامي...منعرفش كيف قلت اكاكا...منعرفش اذا خفت على ياسر...و لا عليه...و لا على روحي...خاطر باش نخسر طرف الخيط لي يخليني نعرف برشا حاجات على ادم...تلفت غزرلي...نظرة ترعب...كلها غش و استغراب و صدمة...نعرف لي صدمتو بكلامي...تي حتى انا تصدمت فيه...نعرف لي باز باش يفسرو كيما فهم هو...خذيت نفس...و قربت منو...وقفت قدامو بالظبط...هزيت يدي...حطيتها على يدو...باردة عاللخر...كبست علاها...جيت باش نحكي...جبد يدو من يدي...عرفتو وصل لتوب و معادش فيه...و قبل ما يحكي...و يطرشق في وجهي...وقفتو نحكي
انا:مش توا زياد...رد بالك تعملو شي
بقا يشوف معايا مستغرب...من غير ما يقول حتى كلمة...وخرت خطوة لتالي...غزرتلو في وجهو...منعرفش من وين نبدا...و لا شنية اللي باش نقولو...خذيت نفي...هديت روحي بيه نحكي
انا؛ياسر شريك ادم ¤¤¤¤¤
عالكلمة...ضيق عينيه...غزرلي ندرا كيف...متأكدة اللي هو يعرف بالموضوع...اما نوصل انا نحكي فيه...هذاكا لي مكانش متوقعو...غزرتلو في عينيه...و كملت نحكي
انا:ادم ¤¤¤¤¤ نظن تعرفو مليح...ادم خوك انت...شريك ياسر...و صابر هو شريكهم ثالث...صابر اللي هو الضحية ثالثة حسب الترتيب...العملية التالية مبقالهاش برشا...العملية اللي تحب تحكم فيها ياسر و تثبت عليه كلشي...مش هذا لي تحب توصلو...اما زعمة...باش باش تعمل اللي في راسك...و لا تتراجع خاطر خوك رئيس متاعهم
بخطوة وحدة كان واقف قدامي...حط يدو على زندي...كبس عليا...جبدني عندو بالقاوي...لين ضربت في صدرو...كبس عليا اكثر...يحكي
زياد:من امتى الكلام هذا...امتى سمعتو...حل فمك
انا:ياسر حكا قدامي
زياد:شنوة
انا:وقت كنت في الكلينيك...ياسر كان معايا ديما...ليلتها مفكرني راقدة...و حكا مع ادم...و صابر مختار...هو شريكهم ثالث
زياد:علاش مخبرتنيش
انا:وقتها تاعبة...و منجمت نفكر في حتى حد فيهم
زياد:امتى العملية هاذي بالظبط...و شنوة اللي باش يصير فيها
انا:منعرفش...كهو لي عرفتو...الباقي في يدك انت...نحبني نوافق على ياسر...و نكمل لي بديتو...و لا نقرب من صابر...و هكا زوز باش يصيرو في يدك شقولك
رخف يدو عليا...دزني شوية لتالي...دوب كملت كلامي...رجع للبرود متاعو...قحرلي قحرة متاع موت يحكي
زياد:جررب برك يا سواار تقابلو و لا تحكي معاه...و تشوف شنعمل فيك...و رد بالك تعمل شي بلا ما نخبرك بيه انا...فهمت
هزيت يدي نعدي فيها على زندي...شخت في مخي...كي كلمني باسمي...اصلا مستحيل ينجم يفولي دنيز...اصلا اسمي...نسمعو منو كهو...هزني و حطني و خرج من البيت...تبسمت على جنب...تي شنعمل نحبو...كلشي فيه نحبو حتى تعصيبو...قربت من الشباك هزيت ريدو شوية...نشوف فيه كيف فتح الكرهبة بعصب...و طار بيها...تي ساعات نحير فيه...كيف يبدا هادي و معصب فرد وقت...ساعات يتقلق و يهد دنيا...شخصيتو متناقضة...و غامضة...منعرفش انو حد نحب فيهم...اما اللي متأكدة منو...انو هو متاعي...و مهما صار...و لا اللي باش يصير...باش يبقى يحبني انا و كهو...باش يحبني كيما نحبو...وقتها ما يهمني حتى شي اخر في دنيا
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 58
اليمات تعداو كيف بعضهم...قداش تعدا منعرفش...محسبتهمش و لا الاصح محبيتش نحسبهم...محبيتش نحسب الوقت لي غاب عليا...كل صباح ناقف في نفس البقعة...لي شفتو منها اخر مرة...ناقف بحذا الشباك...اخر بلاصة نجمت نشوفو منها...منعرفش اذا هو يعاقب فيا بغيابو...و لا انا حسيت اكاكا...برغم وحشي ليه تغلبت على روحي...و مكلمتوش...حسيت بدمعتي هبطت...و صوت الباب فتح بالوقت...هزيت يدي مسحتها بالزربة...نسمع في خالتي راضية تحكي
راضية:دنيز عزيزتي فطورك حاضر
خذيت نفس...و تلفت عندها...تبسمتلها...نحكي
انا:باهي خالتي تو ننزل
راضية:عيش بنتي
تبسمتلها...بقيت نشوف معاها...لين خرجت...قربت من الكوافوز...نشوف مع روحي...ليوم اول يوم نتلهى بروحي...بعد اخر نهار شفتو فيه...هزيت يديا زوز عديتهم على بدني...نريقل في دبشي...لازمني نكون دنيز...لميت شعري...كوت دو شوفال...حطيت روج غامق...ووخرت خطوة لتالي...تبسمت على جنب...توا كملت الصورة...هزيت الفاست متاعي..و صاكي...و مفاتح الكرهبة...و نزلت اللوطة...منعرفش كيف نجمت نعدي اكا الفطور...جيست باش نرضي خالتي راضية...بستها و خرجت البرا...النسمة الباردة لي ضربت على وجهي خلاتني نسكر عينيا بالقاوي...اول نسمة نحس بيها بعد اكا نهار...كل مرة هو يختار البعد...ندفن روحي في الدار...حتى من ياسر معادش شفتو و لا كلمتو...فايت اسبوع و انا على نفس الحالة...بعد القوة لي مثلتها قدامو...تهديت بعدها...اما اليوم...باش يبدا الفصل الثاني في الحكاية...باش تبدا حكايتي مع ادم...مع اكثر حد نكرهو في الدنيا...مع عدوي...و خو حبيبي فرد وقت...حليت عينيا...خذيت نفس و كملت نزلت...خدمت الكرهبة...نسوق...و تفكيري بعيد...كل مرة نقرب...دقات قلبي تقوى...منعرفش كيف باش نكون قوية...و ناقف قدامو مرة اخرى...باش نشوفو و نقرب منو...حقدي عليه...مخلط بخوف كبير منو...ايه نخافو...و مزلت نخافو...اكا الليلة زرعت فيا خوف منعرفوش من قبل...خلاتني نخاف من كل راجل يعرضني...اما زياد عطاني يدو...يمكن استغلني صحيح...اما بيه هو نجمت نواجه روحي...تعلمت نواجه...و انا في اقصى مراحل الخوف...تعلمت نكون قوية و نواجه روحي اول شي...اما القوة هاذي الكل...خاطر هو واقف في ظهري...نعرف اني في حمايتو...و مش اي ينجم يقرب من املاك الشيطان...ايه انا ملكو لاكا الشيطان...و منحبش نخرج من الجحيم متاعو...اما الجحيم متاعي انا باش يعيش فيه خوه...باش نخليه يتحرق...و يعيش دوبل لي عيشني فيه هو...كل مرة ناقف في وجهو...باش يكون عينين سوار عليه...اما بشخصية دنيز القوية و المتمردة...دنيز اللي دنيا عندها لعبة...و تحب تجرب كلشي...و متخوفهاش كلمة الموت...عكس سوار...لي عايشة في احضان الموت...كل مرة تقرب باش تخطفها...تبدل الثنية و تاخو لعزيز علاها...خذات مني بابا و امي...و معنديش استعداد...نخسر حد اخر...توا لحق الوقت باش نخلي الكل يخسر...باش ناخو حقي...و نرجع كرامتي لي ضاعت مني...باش نثبت لناس الكل برائتي...وصلت لدرجة مستحيل نخلي حد يتعدا على حقوقي في الدنيا...و كان لزم باش نتعدا الخطوط الحمرا...و ما نخلي حد يتعدا عليا...اقكاري دخلت بعضها...و سرحت مع الثنية...فقت من سرحتي...على صوت كرهبة تزمرلي من تالي...تنهدت بالقاوي...و كملت طريقي...كل دقيقة نقرب فيها لاكا نادي...قلبي يدق بالقاوي...و خوف غريب سيطر عليا...نفس الخوف لحسيتو اكا ليلة...كبست بيديا عالفولون...نتنفس بالقاوي...نحب نهدي روحي و نتصرف عادي...ركيت الكرهبة...و نزلت منها...طلعت راسي نشوف مع البلاصة...مش اول مرة ندخل لنادي...اما نادي هذا عكس نادي متاع ياسر...كلشي مختلف فيه...حتى نادي تحسو غامض كيفهم...اكبر نادي في المنطقة...هدية توفيق ¤¤¤¤ لولادو زوز...كهو لي نجمت نوصلو...خذيت نفس و تبسمت على جنب...نقوي في روحي...منعرفش الخطوات اللي نعمل فيها اذا صحيحة و لا غالطة...منعرفش...شنوة ردة فعل زياد عالموضوع...اما فكرة اني نكون في نادي متاعهم...نظن باش يتقبلها احسن ما نبقى مع ياسر فرد نادي...هزيت يدي غزرت لمنقالتي...ربع ساعة برك...و يكون هوني...ربع ساعة تفصلني عليه...السبت و الخميس...يخصص وقتو لهوني...منعرفش علاش...اما نظن احسن فرصة باش نجم نكون قريبة منو...كبست على صاكي و دخلت...برشا عباد داخلة و خارجة...قربت من رسيبسيون...قربت ليا وحدة منهم تحكي
هي:تفضل مدموزال
انا:دنيز ¤¤¤¤¤ سجلت ديجا عندكم من النات
هي:ايه صحيح...الكارت متاعك حاضرة...اكدلنا الفرع ووقع هوني
انا:فرع الاسلحة
هي:متأكدة
انا:مممم...زعمة غلطت في الاختيار
هي:لا بالطبيعة مرحبا بيك
انا:عيشك...باش نبدا اليوم
هي:لا من غدوة
ضيقت عينيا...هزيت يدي وقعت عالورقة...هزيت الكارت متاعي...و تبسمت على جنب نحكي
انا:باش نبدا اليوم...تنجم تورني وين بالظبط
هي:مدموزال دنيز صراحة
مخليتهاش تكمل...قصيت علاها...كيف كبست على صاكي نحكي
انا:تو نعرف وحدي...و كان جا ادم مش لازم تخبرو اني هوني...نحب نعملو مفاجأة باهي
عينيها وساعو بالوقت...تبسمت شطر تبسيمة...و عطيتها بظهري...منعرفش من وين جبت الجرأة هاذي الكل...اما لي متأكدة منو...انو ادم باش يكون موجود على هذاكا قاعدة تلف فيا...و استخدمت اسمو باش منوحلش معاهم في مشاكل...زربت في خطواتي نفركس بعينيا...لين وصلت...دزيت الباب بيدي و دخلت...عديت عينيا على طول الصالة...طويلة برشا...و مقسومة...لاجزاء...اما لاستغربتو اكثر...انها فارغة و ما فيها حتى حد...عوجت فمي..مش لهدرجة بالعادة لعباد يحبو الحكايات متاع السلاح و لا ندرا شنية...خذيت نفس و كملت نمشي..صوت خطواتي مسموعة...خاطر الحس بايت...قربت شوية...رميت صاكي عالارض...بحذا ساقيا...نحيت الفاست متاعي...حطيتها فوقو...حطيت الخلعة داخل السروال...ريقلت روحي بالقدا...هزيت يدي...عديت صوابعي على سلاح لي محطوط غادي...تبسمت و انا نذكر...اول نهار شديتو بين يديا...كنت مرعوبة عاللخر...اما قربو مني و لمست يديه خلاتني نهدى...قد عصبيتو...كان يسايرني و يحاول يتحملني على قد ما ينجم... تنهدت بحرقة...طلعت راسي شوية...نشوف مع الهدف لي حطينو باش نصابو عليه...على شكل راجل...كلشي كان عادي...اما في لحظة بدني تكبس...و نفس ضياق عليا...يديا رعشو...و قلبي غم عليا...من صوت الباب لي تحل...من خطواتو القوية لي باش تنقب الارض...خطوات مش مسموعة...اما حسيت بيها...مش من عادتي نحس بحد...اما الشخص هذا بالظبط...نجم نميزو من بين الف عبد...كرهي ليه يتعدا الحدود...سكرت عينيا بالقاوي...ورجعت فتحتهم...هذيت نفس لميت بيه الطاقة متاعي الكل...ووخرت خطوة لتالي...باش نجم نشوفو...جيت معاه قد قد...اول ما شافني...هزني و حطني...حط يديه داخل مكاتبو...ووقف في بلاصتو يشوف معايا...غزرتلو في عينيه بالظبط...نفس نظرة متاع كل مرة...نفس الحضور الطاغي...نفس وقفة زياد...ساعات نحسهم شخصيتين في بدن واحد...ياخي لهدرجة يتشابهو في كلشي...نفس التصرفات...نفس النظرة الباردة...اما مش نفس لي نحسو مع زياد جملة...حضور زياد مخلط ببرشا حاجات مزيانة...كل مرة نقرب منو...نحس بفرحة مخلطة بوجيعة...نحس بامان منعرفوش من قبل...اما توا و انا واقفة قدام ادم...قدام عينيه...لي مفهمت منهم حتى شي...حسيت روحي في متاهة...متاهة كبيرة...و منجمش نخرج منها...متاهة كان نخرج منها وحدي باش نخسر كلشي...و يتحرق الكل في جرتي...فيقني من سرحتي...صوتو...صوتو لمنجمش نتحمل نسمعو...و اخر شي نتمنى نسمعو في حياتي
ادم:دنيز ¤¤¤¤
تبسمت على جنب...اكثر شي يتماشى في العالم متاعهم...اسم الواحد و مكانتو...كان كنت من الطبقات الراقية و الثورة...تلقى طريقك بينهم...اما كان كنت سوار المسكينة...يحطومك و يبنو روحهم على حسابك...خرج صوتي بالسيف...ثواني تعبت فيها باش نكون الحروف...و نجن ننطقهم بلا خوف...بلا تردد و لا رعشة...تخليه يستغربها مني
انا:ادم ¤¤¤¤¤ مفاجأة
ادم:صدفة
انا:ظاهر تصدق بالصدف برشا
ادم:يمكن من اول ما عرفتك
انا:يمكن
قرب مني خطوة...خطوة وحدة...خلات بدني يرعش من قربو و شعور غريب ندرا كيف خلاني نتقزز من روحي...صوت انفاسو لي مسموع...هزني لبعيد لنفس اما الليلة السودا اللي تعدات عليا...لحلمة خايبة...كلما نحب نفيق منها نغرق فيها اكثر...هز يدو قربها مني...هزيت يدي بالسيف...جمعت قوتي الكل...باش نجمت نحطها في يدو مرة اخرى...و صافحتو...كبس عليا...يحكي
ادم:مرحبا بيك
انا:عيشك
جبدت يدي منو بالوقت...وخر لتالي خطوة...و كمل يحكي
ادم:ايه كيف حتى جيت لهوني
انا:ممم علاش سؤال...ميكونش حضوري قلقك
ادم:كان قلقني...مانيش واقف قدامك توا
انا:صراحة...انا نحب تغيير برشا...و نادي هذا المرشح الاول...عجبني و حبيت نجربو و كهو
ادم:ياسر في بالو
انا:قراراتي ناخهم وحدي...و مفماش علاش نعلم حد بيهم
ادم:نفهم من كلامك انو
انا:انو مفما حتى حد ينجم يتحكم فيا و لا في قراراتي...و كلشي يخصني انا المسؤولة عليه
ادم:جرأة كبيرة...لوحدة قدك
انا:العمر ميهمش برشا...فما حاجات اهم
ادم:كيما شنية
انا:ممم منجمش نخبرك...تنجم طلعهم وحدك
ادم:صار
انا:مممم
ادم:باهي...بما انك هوني..باش توريني شطارتك في تصويب
انا:مممم باهي
رجعت لبلاصتي...استندت بيديا عالطاولة الصغيرة...نتنفس بالسيف...منجمتش نتحمل قربو...مخيبو الاحساس هذا...سكرت عينيا و رجعت فتحتهم...احسن شي لا ينجم يشوفني و لا نشوفو...خاطر فما حاجز بينا...خذيت نفس...و هزيت الكاسك حطيتو على وذنيا...ريقلت سلاح في يدي...و طلعتو...سكرت عينيا نعاود كلام زياد في راسي..."ذكر اللي صار...خلي الماضي مصدر قوتك"...في لحظة تبدل صوتو...قوا صوت ادم في وذني "محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها ريحتك...مبنك...مكنتش نتوقع...اني باش نذوق كعبة كيفك"..حليت عينيا بالوقت...دمعة نزلت مني...منجمتش نتحكم فيها...كبست عالزناد...بكل غل..كانو هو لي مقابلني توا...كل رصاصة جات في بلاصتها...دوب وفاو...نزلت سلاح نتنفس بالسيف...نحيت الكاسك...و هزيت يدي...عديتها على خدي...حسيت بيه واقف ورايا...تلفتلو...و بدلت ملامحي بضحكة خفيفة...شفتو يغزر ورايا...ضيق عينيه يحكي
ادم:هاك طلعت قدها
انا:نعرف
ادم:اما مزلت ناقصة شوية
انا:بالحق
ادم:مممم تو مع الوقت تشد يدك
عوجت فمي...و هزيت كتافي شوية...نحكي
انا:باهي
ادم:شرايك في كافي
انا:توا
ادم:مممم...هوني في نادي
انا:باهي ميسالش
بقينا نمشو احنا الاربعة...الكل شايخ...كان انا كان نلقى باش نطرشق في وجهو توا توا...و نحاسبو على كلشي...اما لا...معادش باش نحاسبو...يكفي لهو كل مرة...يتعمد يفضلها عليا...تي كان جا يحبني حتى شوية...مستحيل...يقرب منها مرة اخرى
قعدنا الاربعة فرد طاولة...قعد مقابلني..يشرب في قهوتو بغزول...ادم يحكي مع ميرال ندرا في شنية مركزتش معاهم جملة...كل لي يهمني...يوفا الفطور المحنون...و نخرج من البلاصة هاذي جملة
نسمع في صوت ضحكهم بعيد برشا...كل تفكيري تحصر في اليمات لي تعدات عليا...فكرة انو هو عدا اليمات هذوكا معاها...خلاتني نسرح لبعيد...نغطس في برشا افكار...نخمم في روحي...ايه في روحي انا بالدرجة الاولى...منعرفش وين باش تهزني علاقتي معاه...منعرفش علاش ساعات يقرب مني لدرجة
ينسيني في كلشي...و يرجع يجبد بيا...كانو ميعرفنيش جملة...طلعت عينيا شوية غزرتلها...ثبت فيها شوية...عمري ما حطيت روحي في مقارنة مع طفلة...عمري ما خممت فيهم الحاجات هذوما...اما للحظة صغيرة سيطرت عليا الفكرة هاذي...للحظة حطيت روحي في مقارنة معاها...شكون هي و شكون انا...كيف باش ينهي علاقة سنين على خاطري...كيف يبعد عالمرا لي حبلت منو على خاطري...شكون انا بالنسبة ليه...برشا افكار غمتني...وقفت بلا ما نشلق على روحي...نحب نهرب من البلاصة هاذي...نحب نبعد عليهم و نخرج من العالم متاعهم...نحب نرجع لبيتي الصغيرة...و نتخبا في سريري...و كلشي يكون كيف الحلمة...طلع ادم راسو...غزرلي يحكي
ادم:لباس ؟
هزيتلو براسي ايه...دورت عينيا عليهم...و رجعت غزرتلو...تبسمتلو نحكي
انا:تو نرجع
ادم:باهي
رجعت الكرسي لتالي...و بعدت عليهم...نمشي و تفكيري بعيد...نفركس بعينيا عالتولات...اول ما وصلت دزيت الباب بيدي و دخلت...قربت من الرخامة بالزربة...استندت علاها بيديا الزوز...طلعت راسي...نشوف مع روحي...وجهي اصفر عاللخر...استغربت حالتي...دموعي محصورة بين شفاري...جاب ربي مفما حتى حد...هزيت يدي...ترعش حليت بيها السبالة...غسلت وجهي مرة و زوز و ثلاثة...و شي...مبردتش...نحس في روحي باش نطرشق...نحب نبكي...و نفرغ غشي الكل فيه...للحظة قلبي دق بالقاوي...ريحتو دخلت لخشمي...خذيت نفس طويل...و حليت عينيا...نشوف معاه من المرايا...واقف ورايا بالظبط...يشوف معايا...غزرت لعينيه...ملامحو باردة عاللخر...تنهدت...و هزيت يدي جبدت بابيي...و تلفت عندو...نشوف معاه...هزيتو و حطيتو...قرب مني خطوة...عبارة حاصرني...قحرتلو...و هزيت روحي قربت منو شوية باش نخرج...دوب وصلت عندو...شدني من يدي...نطرتها منو...نزل بيديه زوز على جنابي...كبس عليا...هزيت يديا زوز...حطيتهم على صدرو...ندز فيه و نحكي فرد وقت
انا:سيييبني...تي سيب
كبس عليا اكثر...و غزرلي في عينيا...يحكي
زياد:اركح احسنلك
انا:زياااد سيبني قتلك
حسيت بيديه...تغرسو في جنابي...حاولت نجبد روحي منو منجمتش...كبس عليا اكثر...ووخر بيا لتالي...لين ضربت في الحيط...قرب ليا اكثر...نزل عليا شوية...حسيت بالنفس متاعو ضرب في وجهي...غزرلي يحكي
زياد:شتعمل هوني
مستغربتش السؤال هذا منو...نعرف لهو باش يسألني...اما مش المرة هاذي...هزيت يديا زوز...حطيتهم على يديه...كبست عليهم...و غزرتلو في عينيه نحكي
انا:نفس السؤال...شتعمل انت هوني
زياد:سوااار...انطق متفددنيش
انا:كيف تنطق انت
كبس عليا اكثر...لين معادش نحس بجنابي...طلعني شوية عندو...غزرلي ندرا كيف...يحكي
زياد:تحل ¤¤ فمك و تقولي شتعمل مع ادم...احسن ما نفقد طرف الاعصاب لبقاولي في جرتك
انا:خوفتني
حسيتو فد...و انا قلبي نحسو باش يطيح بين ضلوعي...شي من قربو...و شي من الوحش...رغم كلشب توحشتو برشا...اكثر شي نحب عليه.. نرخف روحي بين يديه توا...و نشبع منو...اما لا...مش توا...منحبش نضعف قدامو توا...نحس في نفس تسكر عليا...من كبست يديه على جنابي...قحرلي قحرة متاع موت...يحكي بغش اكثر من الاول
زياد:اخر مرة نسألك فيها شتعمل مع ادم هوني
انا:تلقيتو صدفة
زياد:¤¤¤¤¤ عليا ياخي حل فمك
انا:تي سيبني ساعة
نفخ بالقاوي...كبس عليا اكثر...عامل بلعاني...قحرلي يحكي
زياد:لتوا مطول بالي معاك...احكي احسنلك
انا:و كان منحكيش شباش تعمل
بقا يشوف معايا...منعرفش علاش بقيت نصحح في راسي معاه...و نعرف لخلاقو لسما...نزل عينيه غزر لشفافي...فهمت وين هزو مخو...ناقص كان يعضني توا...قحرتلو نحكي
انا:والله كان تعضني...نصيح و نلم عليك ناس الكل
طلع حاجبو مستغرب يغزرلي...باقي نقحرلو...تبسم باستهزاء يحكي
زياد:صار يا فرخة
انا:والله نعملها
نزل عليا اكثر...حط شفافو على شفافي...من غير ما يحكي شي...قربو مني لهدرجة خدرني...نفس متاعو قوا في وجهي...سكرت عينيا بالوقت...نزل عليا اكثر...عضني عضة خفيفة...حليت عينيا...تبسملي ندرا كيف...جيت باش نصيح...قص عليا كيف باسني...كبست على يديه...نحب ندزو لتالي...اما منجمتش...عافرت...عافرت و سلمت...جبد روحو شوية مني...حليت عينيا نشوف معاه...تبسملي ندرا كيف يحكي
زياد:مزلت تحب تصيح
بقيت نشوف معاه...قحرتلو...خذيت نفس...جيت باش نصيح..وقفني يحكي
زياد:ششش اسكت احسنلك
انا:سييبني
زياد:مش قبل ما تحل فمك
انا:مفما حتى شي نحكي فيه معاك
زياد:شتعمل مع ادم
انا:والله تنجم تعرف وحدك...مش انت تحب تعرف على الدات اللي باش يعمل فيها خوك المصون العملية...هاني نحاول نعرفها بخبرتي
زياد:شقتلك على ¤¤¤¤¤ مش قتلك ما تعمل حتى شي...بلا ما تخبرني
انا:نخبر شكون...تحب نذكرك قداش عندنا محكيناش...اصلا منعرفش علاش قاعد تحاسب فيا...و انت غاطس معاها هوني...توا ذكرتني...توا قاعد تحاسب فيا انت...سيبني نحب نخرج
مرجعليش...بقا يشوف معايا...منعرفش علاش حكيت معاه بلوم اكاكا...اما حسيت روحي باش نطرشق...فكرة لهو باش يخليني على جالها...منجمتش نتقبلها...حاولت قد منجم نخبي البحة لي في صوتي...و الوجيعة لي كانت في عينيا...غزرتلو...باقي يشوف معايا...حاولت نجبد روحي منو...كبس عليا اكثر...و رجعني عندو...غزرلي يحكي
زياد:غرت
طلعت راسي غزرتلو...عرفتو يحب يشيخ عليا بتصرفاتو هذوما...كبست روحي قدامو...هزيت يدي...حطيتها على رقبتو...قلبي دق بالقاوي...عديت صوابعي بالسياسة...حسيتو تفاجأ من تصرفي معاه...تبسمتلو...و انا نغزر في عينيه...باقي نعدي في صوابعي و نحكي
انا:علاش نغير منها...انت معاها و تفكيرك عندي...كل مرة تقرب منها...تشوف سوار...انت معاها و
نزلت بيدي من رقبتو لصدرو...حطيتها على قلبو...اللي يدق بالقاوي...رجعت غزرتلو و كملت نحكي
انا:انت معاها...و قلبك عندي
بقا يغزرلي ندرا كيف...طلعت بيدي من صدرو...دورتها على رقبتو...لزيت روحي ليه اكثر...لين معادش نحس بساقيا عالارض...حطيت خدي على خدو...و كملت نحكي في وذنو
انا:حتى وحدة ما تنجم تفكلي بلاصتي عندك
جبد روحو مني شوية...باقي يشوف معايا...نفس متاعو قوا في وجهي...نزل عينيه يغزر لشفافي...كبس عليا اكثر جبدني عندو...لين معادش فما بينا مسافة...نزل عليا اكثر...اول ما وصل باش يبوسني...فتح الباب بالوقت...شدني الضحك...بالعادة نحشم في المواقف هذوما...اما الموقف هذا بالظبط...شدني الضحك...رخف يديه شوية عليا...نزلني...غزرنا للمرا فرد وقت...مرا كبيرة...و مضخمة...تغزرلنا مستغربة...قحرلها...ورجع غزرلي يحكي
زياد:حسابنا مزال موفاش...و تو تهز روحك و ترجع لدار...منعاودش كلامي مرتين
يحكي بغل...تي المرا لي قدامو معبرهاش جملة...و لا حشم على روحو...خاطرو في تولات متاع نسا...هزيتلو براسي ايه...جيست باش يخرج...عدا يدو على شعرو بعصب...قحر للمرا...و خرج...رجعت غزرتلها...قحرتلي قحرة متاع موت...فهمت وين هزها مخها...تبسمتلها...و خرجت لبرا...ملا موقف...نمشي و نضحك وحدي...مزلت نحس في كبسة يديه على جنابي...اول ما قربت نوصل عندهم...كبست روحي...نشوف معاه...قاعد قدام ميرال...يحرك في ساقو بعصب...و يقحرلي من بعيد...ينبه فيا بعينيه...يحبني نمشي من هوني...قربت من طاولة قعدت بحذا ادم...تكيت لتالي...غزرلي يحكي
ادم:لباس
انا:ممم مليحة
ادم:شبيك طولت
غزرت لزياد...يغزرلي باش يطرشق...تبسمتلو نحكي
انا:شي تلفتلي الطريق
ميرال:هههههه حتى هو نادي كبير برشا
تبسمتلها بالسيف...و تلفت نحكي مع ادم...و تفكيري بعيد...سرحت في ملامح وجهو...اسئلة هزتني لبعيد..زعمة علاش عمل فيا هكا...شنية الهدف متاعو...هوكا هو و خوه...ينجمو يكون مع اي طفلة يحبو علاها...علاش اختارني انا من بين البنات هذوما الكل...علاش حطمني و هو ميعرفنيش جملة...حتى وجهي معقلش عليه...ساعات كي نذكر الليلة هذيكا ندخل في هستيريا متاع بكا...شهورة طويلة تعدات على اكا الليلة...اما وقت نسكر عينيا...نحس كاني عشتها توا...ساعات قليلة حطمني فيها...دخلني في دوامة كبيرة...منجمتش نخرج منها...حتى حبي لزياد...تخلط بشكوك...شكوك نحب نقتلها داخلي...اما كي نرا قربهم من بعض و محبتهم لبعض...نرجع بتفكيري لتالي...تعبت والتفكير هذا تعبني بالزيادة...قص علينا زياد يحكي
زياد:ادم لازم نمشو لشريكة توا
ادم:علاش شفما
زياد:نسيت اجتماع متاع توفيق
ادم:والله راح من بالي جملة
زياد:هيا ملا
وقفنا الاربعة فرد مرة...اول ما جات عيني على عينو...غزرلي يتحلف...طفيتو و نزلت هزيت صاكي...طلعت راسي شفتو تلفت يحكي معاها
زياد:ميرال ارجع وحدك توا...مبعد نحكو
ميرال:باهي عزيزي
ادم:تحب نوصلك في طريقي
انا:لا ميرسي جيت بكرهبتي
ادم:هيا باهي خلونا نمشو
نزلت هزيت الفاست متاعي...و صاكي...و قربت منو...منجمش نرفض...معنديش حل اخر...لازم نستغل كل فرصة تقربني منو...قربت منو...وقفت قدامو...رميت عيني...فهمت على قال مزلت ناقصة شوية...خاطرو...كل رصاصة عطاها حقها...و جات في بلاصتها...من غير حتى غلطة.. بقينا نمشو و نحكو فرد وقت...اول ما وصلنا للباب...هز يدو فتحها...سبقت خرجت...خالط عليا خرج ورايا...جيت باش نتلفتلو نحكي معاه...اما جمدت في بلاصتي...حسيت كانو حد كب عليا سطل ما بارد...رمشت عينيا بالزربة...كاني نحب نستوعب لشفتو...رجعت تلفت...نشوف فيه...خارج معاها من صالة متاع سبور...مع ميرال.. مش حد غيرها...لا مستحيل...شيعمل معاها ياخي...تي فايت اسبوع و انا حارقة روحي في جرتو...وصلت ساعات منجمش نرقد و انا نخمم فيه...تي اصلا هو الغالط من الاول...غالط و مزال يمشي في الغلط متاعو...مفهمتش على شنوة يعاقب فيا...يمكن توا...توا برك فهمت...لانا و هو ثنية مسكرة...دموعي تحصرو وسط عينيا...يستناو في اشارتي باش ينزلو...اما لا...مش المرة هاذي...خذيت نفس...بردت روحي بيه...طلع راسو جات عيني في عينو...كان يمسح على شعرو بالمنشفة...اول ما شافني...نزل يدو بالزربة...غزرلي ندرا كيف...يغزرلي اكاكا كان وقت يبدا مغشش مني...ووصل لاخرو...مركزتش معاه برشا...و لا معاها...تلفت لادم...واقف يشوف معاه...يستنى فيه يوصل...يا ربي شباش يسلكها...باز باش نظطر نحكي معاه توا...قرب منا...بخطوات ثابتة...و هي لاصقة في جرتو...اول ما وصل...ضربو ادم على كتفو يحكي
ادم:مافيباليش لانت هوني
زياد:ميرال شدت صحيح
يحكي...و يغزرلي...من تحت لتحت...نعرفها الغزرة متاعو هذيكا...قاعد يتحلف فيا...لا ناقص كان يضربني السخطة...غزرتلو...و تبسمتلو بتسموميم...هز يدو قربها ليا...تقويت على روحي...و حطيت يدي في يدو...قلبي دق بالوقت...كبس عليا يحكي
زياد:دنييز شتعمل هوني ياخي
يسأل فيا بغش...و يقحرلي...يحاسب فيا و يتلف في الجرة...ضحكت نحكي
انا'هههه ظاهر ترحيب عندكم يبدا بسؤال
زياد:شقصدك
جيت باش نحكي...قص علينا ادم...كيف قرب مني...وقف قدامي بالظبط يحكي
ادم:دنيز عضو معانا في نادي من اليوم
زياد:صار
انا:ممم
ميرال:مليح...باش نتلقاو برشا ملا
دورت راسي غزرتلها...اكا لي ناقصني...كان هي...هزيتها و حطيتها...لابسة شورت قصير و مريول نص...تبسمتلها شطر تبسيمة...و رجعت قحرتلو ليه...كبست على صاكي...راسي نحسو باش يطرشق...خاصة كي شفتهم مع بعض...هز ادم يدو حطها على ظهري...كبست روحي...قداش نعيف لمستو على بدني...كبست على يدي نسمع فيه يحكي
ادم:نمشو توا
هزيتلو براسي ايه...اكثر شي يهمني توا...ينزل يدو من ظهري...عينيا باقي مرشقين في عينيه...حتى و نظرتو ليا باردة عاللخر...حتى و انا متغشة منو...اما توحشتو...توحشتو برشا...نحب نقرب منو توا...نحضنو بالقاوي...و نقلو هزني من هوني...بعدني عليه...راهو هو لاغتصبني...هو لي دمرني...خوك هو لي عمل هكا...امانك عاوني...و هزني من هوني...اما منجمتش...كلشي ضدي...و كمل على ما بيا...كيف لقيتو معاها...فكرة لهو عدا اسبوع معاها...يرقد و يفيق على وجها...خلات قلبي يبكي دم...مخيبو الاحساس هذا بالحق...هز يدو عداها على شعرو يحكي زياد:وين ماشيين
ادم:نشربو قهوة
زياد:ممنوع الضيوف
ادم:زايد بليد ايجا معانا
زياد:عيش خويا الغالي
ادم:ههههه تي ايجا برك
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 59
سبقت مع ادم و هوما جيست ورانا...نسمع فيها تحكي معاه و هو جيست يجاوب فيها...اما جملتها تالية خلات دم يجمد في عروقي ميرال:نستناك ليلة تلفت بالزربة...غزرتلو...جات عيني على عينو...يمكن كنت نستنى في الاجابة اكثر منها...تلفتلها و هزلها براسو ايه...لعبت عليا الدوخة لا عاد مش لهدرجة...نفس تسكر عليا...دورت راسي و كملت مشيت...منعرفش كيف نجمت نكمل الخطوات هذيكا...اول ما ضربتني النسمة الباردة حسيت روحي هديت...غزرت لادم نحكي
انا:باش نمشي توا...فرصة سعيدة
ادم:عيشك
صافحتو...و فعست لكرهبتي قبلهم...خدمتها و طرت بيها...اول ما خرجت للكياس...ركيت الكرهبة على جنب...دموعي نزلو بالوقت...لين وليت نبكي بالشهقة...تكيت بيديا عالفولون...نحس في روحي تهديت من الصباح لتوا...منعرفش قداش تعدا وقت و انا غادي...اول ما حسيت روحي هديت...خدمت الكرهبة..ورجعت لدار...طلعت نجري لبيتي...حليت القارد روب...نفرت في الدبش بالقطعة...نحس في روحي غايبة و منعرفش شنية لي قاعدة نعمل فيه...خرجت لي حاجتي بيه...و دخلت عملت دوش...عديت اكثر من ساعة...نبكي و نمخط...لين حسيت روحي تهديت...خرجت شيحت شعري...لبست روب ميني في الاكحل...و كعب في لونها...حطيت شوية ماكياج و روج غامق...خليت شعري اكاكا...و نزلت...عارضتني خالتي راضية تحكي
راضية:دنيز وين ماشية بنتي
مرجعتلهاش...اصلا مزال الحال برشا...رجعت لكرهبتي...بعدت عالدار...ركيت الكرهبة...و تكيت لتالي...منحبش نشوفو...نعرف لاول ما يكمل الاجتماع باش يجيني...يغمني باسئلتو...مبعد يمشي يتفرهد عندها...هزيت تليفوني...نفركس على لي بار لموجودين هوني...اول مرة نفكر نعمل حاجات هكا...اما نحبو يتحرق كيما حرقني و اكثر...نحب ننساه و ننسا كلشي تعدا عليا...نحب ننسى انا شكون...و لا نعرف انا شكون بالظبط...نحب على سوار القديمة...فركست علاها داخلي اما ملقيتهاش...حسيت دموعي باش ينزلو...نزلت بلار الكرهبة...و خذيت نفس...انا اكاكا و ينوقز تليفون في يدي...اول ما شفت اسمو...علقت عليه...و سكرت تليفون جملة...رميتو لتالي...اول ما بدات تظلام...خدمت كرهبتي و مشيت...منعرفش كيف لقيت روحي قدام البار...كنت باش نرجع...اما كيف ذكرت كلامها معاه...تقويت على روحي و نزلت...ساق للقدام و عشرة لتالي...تجربة جديدة باش تعيشها دنيز توا...نحس في شخصيتها احتلتني بالكل...اول ما دخلت حطيت كبوطي في يد الراجل لي غادي...و كملت دخلت...موسيقى قوية...مستحيل تسمع لي قدامك...دورت عينيا عالبلاصة الكل...كلهم ناس مضخمين...صعيب تلقا حد هوني...من الطبقة الوسطى
قربت من كنتوار...جبدت الكرسي قعدت عليه...نشوف مع شراب...الانواع الكل...قص عليا تفكيري السرفور يحكي
هو:تشرب حاجة
انا:عصير
هو:باهي
حسيتو استغرب...اول ما حط الكاسة قدامي شربتها فرد مرة...حسيت روحي مهديتش حتى طرف...هزيت يدي...شاورت بيها نحكي
انا:نحب من هذاكا
هو:متأكدة
انا:مممم
اول ما حط الكاسة قدامي...مخممتش مرتين...شربتها فرد مرة...حسيت روحي تروهجت...و دخت فرد وقت...سكرت عينيا...كلامهم الكل قوا في وذني...كانهم قاعدين معايا...شاورتلو باش يعطيني كاس اخر...منعرفش قداش بقيت نشرب...حسيت بدوخة...استندت بيدي نحكي مع السرفور
انا:قداش شربت انا
هو:برشا
انا:وين زياد
هو:شكون زياد
انا:تذكرت هو باش يبقى عندها الليلة...هو يحبها هي
هو:مدموزال تنجم تعطيني تليفونك
انا:هههههه رميتو في الكرهبة
هو:تنجم تمشي وحدك
انا:نحب نمشي عند زياد...امانك عاوني
هو:تعرف الدار ياخي
سكت شوية...نحاول نذكر وين دارو بالظبط...اول مرة نشرب برشا...في لحظة طلعت راسي نحكي و نصيح
انا:اهههه ذكرت في ¤¤¤¤¤ امانك هزني لغاديكا
هو:باهي تو نطلبلك طاكسي
انا:باهي عيشك
بقيت قاعدة في بلاصتي لين رجعلي...حليت سطوشتي...منعرفش قداش حطيت فلوس...و خالطت عليه نمشي و نتمايل شعرة لا نطيح...ركبت في طاكسي...سمعتو كي قالو عالعنوان...تكيت راسي عالبلار...نشوف مع الثنية...و دموعي نازلة...لين وليت نبكي بالشهقة...كل ما نمسحهم ينزلو اكثر...حسيت بيه كي راكا الكرهبة...و تلفتلي يحكي
هو:وصلنا
هزيتلو براسي باهي...جبدت فلوس حطيتهم في يدو...و نزلت...قربت من البناية...نمشي بالسيف...نستند بيديا على اي حاجة تعارضني...صحيح مزال مغبتش جملة اما دايخة عاللخر...جاب ربي اللي يخدمو غديكا مزالو متذكريني مكانش مستحيل يخلوني نطلع...سألتهم على طابق...دلوني عليه...دخلت للاصونصير...تكيت لتالي...نستنا بالدقيقة و الدرج...باش نوصل...دوب ما تحل خرجت نجري...قربت من الباب...ندق علاها بالقاوي...و نحكي فرد وقت
انا:زيااااد امانك افتح الباب هذا...امانك افتحو...نعرف لانت هوني و ممشيتش عندها...نعرف لانت تحبني انا...امانك افتحها
منعرفش قداش بقيت اكاكا...لين حسيت دموعي نشفت...وريقي شاح...جبدت روحي شوية...قعدت عالدرجة بحذا الباب...تكيت راسي عالحيط...و سكرت عينيا...دموعي نازلة بالساكت...نحس في روحي تهديت و معادش نجم ناقف مرة اخرى
زياد يحكي: دورت الكرهبة...حرقت الكياس...اول ما وصلني ابال من العساس...خاطر وصيتو كان جات لهوني يكلمني...تي فايت ست ساعات و انا نفكرس علاها...تي هدتني الفرخة...نسوق و نتحلف فيها...اول ما وصلت ركيت الكرهبة...و دخلت
نجري...واقف في وسط الاصونصير و نغزل...الا ما نربيها الليلة عالتصرفات الجديدة اللي خرجتلي بيها...اول ما وصلت حليت الباب و خرجت...عينيا وساعت و انا نشوف فيها...قاعدة قدام الباب...روبتها طالعة...متكية راسها...و شعرها مغطي وجها...من قعدتها عرفتها مش قد بعضها...قربت منها بالزربة نزلت على ركبة و نص قدامها...حطيت يدي على وجها...طلعتلها راسها شوية...بعدتلها شعرها بيدي للاخرى حلت عينيها شوية...غزرتلي...و رجعت غمضتهم...كانها قاعدة تستوعب...حلتهم مرة اخرى تحكي
سوار:ز زياد جيت انت
عقدت حواجبي...ريحتها بالشراب...كبست على وجها بيدي نحكي
انا:سوار شربت ياخي
سوار:لا
انا:حل فمك احسنلك
نزلو دموعها بالوقت...هزت يديها زوز...شدتني من سوريتي...و ترمات عليا...كبست عليا بالقاوي...تبكي و تحكي فرد وقت
سوار:ت تاعبة برشا...قلبي يوجع فيا زياد...علاش مشيت عندها...علاش خليتني وحدي ياخي
فهمت لهي تحكي على ميرال...صوتها لي خرج مخنوق وجعني...دموعها على صدري حرقوني...متقلقنيش قوتها...قد ما نفد من ضعفها حتى قدامي...خاصة وقت تبكي بوجيعة...لي تعدا على راسها مش ساهل...طرف فازة توجعها...كبست علاها بيدي...خليتها تبكي...لين حسيتها هدات شوية...جبدتها من عندي شوية...نغزرلها...مزالت تشهق كيما صغار...هزيت يدي...عديت صوابعي على خدودها نمسح في دموعها...و نحكي فرد وقت
انا:شرايك ندخلو توا
سوار:م مش باش تمشي عندها
انا:لا
سوار:باش تبقى معايا انت
انا:مممم هيا قوم توا...نعملك قهوة تفيقك
سوار:باهي
هزيت روحي وقفت...ووقفتها معايا...جات في حملتي...كبست على سنيا و انا نشوف في روب متاعها...من ريحة شراب...عرفت لهي مشات لبار...قصت عليا تفكيري...كيف ترمات عليا...مش منجمة تاقف...كبست علاها بيدي...حليت الباب دخلتها و سكرتها بساقي...دخلتها لصالة...حطيتها عالفوتاي...تكات لتالي...حالتها تاعبة...و داخلة بعضها...هزت يديها تحك في عينيها...ظاهر وجعوها من البكا...نفخت بالقاوي جيت باش نخرج وقفتني تحكي
سوار:باش تمشي عندها انت
انا:باش نعملك قهوة و نرجع
مستنيتهاش تحكي...خرجت و خليتها...العصب ركبني...منحبش نرعبها اكثر...اما حسابها كي تفيق...دخلت للكوجينة...نحضر في القهوة بغزول...حسيت بيها كي دخلت...تلفت نشوف معاها...نحات الكعب...و كبوطها...روبة عريانة من فوق...فاش قام تلبسها...كان نحاتها جملة و ارتاحت...قحرتلها نحكي
انا:برا لصالة تو نجي
مرجعتليش...قربت مني عاللخر...توازن في روحها بالسيف...دورت يديها على ظهري...حاوطتني بيديها...حضنتني بالقاوي...تحكي
سوار:توحشتك برشا...علاش خليتني انت
غمضت عينيا بالقاوي...نزلت يدي حطيتها على ظهرها...تنهدت بالقاوي...في لحظة تغششني و تهديني فرد وقت...كبست علاها اكثر نحكي
انا:وين مشيت
سوار:للبار
انا:وحدك
سوار:مممم
انا:كيف جيت لهوني...وين كرهبتك
سوار:هو عاوني
انا:شكون
سوار:نسيت معادش تسألني راسي يوجع فيا
انا:صار
سوار:انت باش تمشي عندها توا
انا:لا
جبدت روحها مني...طلعت راسها غزرتلي...عينيها منفوخين من الدموع...قحرتلي تحكي
سوار:نستناك الليلة...هكا قاتلك
انا:انا مع شكون توا
سوار:اما تحب تمشي عندها
نفخت بعصب...عديت يدي على شعري باش نقلعو...غزرتلها نحكي
انا:ايجا تشرب قهوتك احسنلك
سوار:جاوبني ساعة
انا:تو كي تصحا نجاوبك
سوار:صاحية...نحس راهو.. جاوبني
صوتها ماشي و يعلى...سكرت عينيا بالقاوي...ورجعت فتحتتهم...قحرتلها نحكي
انا:سوااار ياخي شنية حكايتك ليلة انت
سوار:متصيحش عليا...ظاهر كل فريق توفيق كيف بعض انا:شنننية
سوار:نكرهك راني
انا:لباس ياخي...قداش شربت انت
جات باش تحكي...اما حبست كيف حطت يدها على فمها...قربت منها نحكي
انا:شبيك شفما
حاولت تبعدني بيدها اما مفهمتش علاها...قربت منها اكثر...نحات يدها...كبست على كرشها و تقيات...وخرت لتالي بالزربة...عينيا وساعت...غزرتلها نصيح
انا:سوااار
مرجعتليش باقي تتقيا عوجت فمي...اصلا حالتها تاعبة..و كان لازم نتوقع...انو الشراب باش يضرها اما مجاش لبالي انها تتقيا عليا تقول عاملة فيا بلعاني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 60
وخرت خطوة لتالي...نشوف معاها...مزالت تتقيا...قلبي غم عليا...غمضت عينيا بالقاوي...ورجعت فتحتهم...هزيت يدي نحيت سوريتي...طيشتها عالارض...و غزرتلها نحكي انا:كملت لالة
طلعت راسها غزرتلي...عينيها حمر عاللخر...داخلة بعضها..حالتها تاعبة...عدات يدها على فمها تحكي
سوار:ن نحب نشرب
قحرتلها قحرة متاع موت...اصلا هي لي وصلت روحها...للحالة هاذي...عديت يدي على شعري بغزول نحكي
انا:هوكا الما قدامك...اشرب و برا اغسل حالتك
بقات تشوف معايا...مبعد طرشقت بالبكا...نفخت بالقاوي...و قربت منها شوية...هزيت يديا زوز...حطيتهم على وجها...نمسح في دموعها...و نحكي
انا:باهي...باهي اهدا توا
سوار؛نحب نشرب
انا:باهي ايجا
بعدت علاها شوية...عبيت كاسة ما حطيتها في يدها...شربتها فرد مرة...و حطتها في يدي...باقي تشهق و تحكي
سوار:ك كرشي توجع فيا
انا:بالطبيعة باش توجعك...تو نورمال تمشي تشرب انت...اما الحق مش عليك...الحق عليا خاطر رخفتلك برشا
مرجعتليش...قربت مني اكثر...دورت يديها زوز على ظهري...بدني تكهرب من لمستها...يديها باردين عاللخر...حطت راسها على صدري...و كبست عليا...تحكي بغصة و بحة فرد وقت
سوار:ت تاعبة برشا...امانك متخلنيش وحدي
خذيت نفس...من عند ربي قربها يروهجني...خلي و هي تدلل عليا هكا...حطيت يديا على كتافها...جبدتها شوية من عندي...غزرتلها...وجها مببلبز شي من الدموع...و شي من المكياج و شي من القيا...سخفتني...هزيت يدي...نعدي في صوابعي على خدها و نحكي
انا:باهي ايجا معايا توا
سوار:وين
انا:ايجا برك
هزتلي براسها باهي...نزلت بيدي ليدها...كبست علاها...و مشيتها معايا لبيت البانو...حليت السبالة...و تلفتلها...باقي تشوف معايا...تبسمتلها نحكي
انا:ايجا تغسل قبل
هزتلي براسها باهي...قربت مني شوية...غزرتلي ندرا كيف...ضيقت عينيا نحكي
انا:شفما زادة
مرجعتليش...تتنفس بالسيف...حطت يدها على كرشها...و نزلت تتقيا...غمضت عينيا بالقاوي...و رجعت فتحتهم نحكي
انا:ياخي شنية حكايتك انت الليلة...علاش متقييتش في لافابو
هزت راسها...قحرتلي...قحرة متاع موت...و قربت مني شوية...تحكي
سوار:شمدخلك فيا انت...نتقيا وين نحب
انا:الصبر يا ربي...حتى هي ليلة كلبة...ايجا لهوني
سوار؛ابعدني منحبش
انا:سوااار
سوار:متصيحش عليا
قربت منها شوية...خطفتها من يدها...جات في حملتي...كبست علاها..و قربتها من الرخامة...بقات تعافر فيا...نزلت علاها اكثر...حاوطتها من تالي...و غسلتلها وجها بيدي لاخرى...قد ما عافرتني كبست علاها...بليتلها رقبتها...باش تتفرهد شوية...سكرت سبالة...و بعدت علاها...تلفتتلي...تبكي و تصيح...و تعدي في يديها زوز على وجها فرد وقت
سوار:معادش تمسني...يا سخطة يا هامل...نكرهك
بقيت نشوف معاها...شدني ضحك...منعرفش علاش...اما حسيت عمرها شي عشر سنين...قربت مني بالزربة...دزتني بيديها زوز و باقي تصيح و تبكي
سوار:يزززي معادش تضحك...اسكت يا هم...اسكت
هزيت يدي...دورتها على ظهرها...جبدتها عندي...كبست علاها نحكي
انا:باهي باهي...سامحني
سوار:سييبني
انا:سواااار قتلك اركح
كيف صحت علاها...هدات شوية...خليتها شوية عندي...لين سكتت جملة...بعدتها عليا...شعرة لا رقدت بالواقف...نزلت علاها حملتها....دخلت لبيتي...حطيتها عالسرير...هزت روحها تقعدت...غزرتلها نحكي
انا:هيا توا ارقد شوية باش ترتاح
سوار:وين ماشي انت
انا:ندوش
سوار:علاش
انا:خاطرك تقييت عليا
سوار:هأة تقييت على سوريتك انا
انا:نفس الشي
سوار:لا
انا:كان باش نبقى نعاند فيك مستحيل نعمل شي
خليتها قاعدة...و تلفت باش نمشي...اول ما وصلت لبيت البانو...وقفتني تحكي
سوار:مليت مني انت...معادش حاجتك بيا ياخي
تلفت عندها نشوف معاها...متربعة عالفرش...تحكي و تلعب بصوابعها...شعرها مغطي وجها...اما شهقاتها وصلوني...قربت منها...قعدت بحذاها...هزيت يدي...طلعتلها راسها...نفخت بالقاوي نحكي
انا:ميزيتش من البكا ياخي
سوار:جاوبني
انا:نجاوبك على شنية
سوار:معادش حاجتك بيا
انا:في رايك
سوار:منعرفش كان مزلت بحاجتي...مكنتش تخليني الوقت هذا الكل...و تعديه معاها هي
تحكي و تغزرلي...ببرشا لوم...ببرشا وجيعة...هزتني من داخل...تنهدت بالقاوي...نزلت يدي...حطيتها على يديها زوز...فكيتهم...و كبست على يدها نحكي
انا:مش على اساس مغرتش منها
سوار:مغرتش...اما موجوعة...قلبي يوجع فيا...قاعدة نحاول نكون قوية...اما تعبت...نحبك تكون ليا اما منجمتش...كل مرة نقرب منك...تبعد عليا...ديما تعاتبني...و تنسى لانت الغالط الاول...ياخي علاش علاقتنا هكا احنا
تبسمت على جنب...عرفتها موجوعة مني...و عندها حق...انا الغالط الاول...انا لي قاعد نعامل فيها...على اساس كبيرة و فاهمة في دنيا...و نسيت...نسيت لي تعدا علاها...نسيت لي ما بقالها حتى حد في دنيا غيري انا...كبست على يدها...و جبدتها عندي...جات في حملتي...حطت راسها على صدري...حسيت ببدنها دافي...حطت يدها على صدري...تعدي فيها و تحكي
سوار:شنوة الفرق بينا
انا:شقصدك
سوار:انا و ميرال...علاش ديما تفضلها عليا...شنوة الفرق...جيست خاطر انا اغتصبني هذاكا...و هي لا
كلامها...خلا قلبي يدق بالقاوي...كبست علاها بيدي...و هزيت يدي لاخرى...حطيتها على يدها فوق صدري...كبست علاها نحكي
انا:مش حكينا فيه الموضوع هذا...مش قتلك معادش نحب نسمعو منك...و نحبك تنساها الليلة هذيكا
سوار:منجمش...انا معادش نظيفة كيما قبل
لزيتها ليا اكثر...خذيت نفس...كبست علاها نحكي
انا:ششش...نظيفة...وراس حبي نظيفة...و اشرف وحدة عرفتها
طلعت راسها...غزرتلي...تنهدت...رخات شفافها تحكي
سوار:و ميرال
انا:معادش تفكر فيها
سوار:كنت باش تمشي عندها ليلة
سوار:شفتك راني...وافقتها...كنت باش تمشي عندها
انا:لا...وافقتها باش تفك عليا برك
سوار:تكذب...باز تكون حبلة منك توا
انا:شنوة
سوار:عديت معاها اكثر من اسبوع راك
انا:هههههههه زايد فرخة
سوار:علاش تضحك انت
انا:خاطر يا فرخة الاسبوع لي فات كنت ايطاليا
سوار:شنننية
جبدت روحها مني...تقعدت...تغزرلي...و تقحر فرد وقت...باقي شاد الضحك و نغزرلها...عقدت حواجبها تحكي
سوار:بالحق مشيت لغادي
انا:مممم
سوار:علاش
انا:خدمة
سوار:راحت معاك هي
انا:لا
سوار:لا راحت معاك
انا:سوااار
سوار:باهي كنت معاها
انا:و رحمة امي لا
سوار:ملا شكون راح معاك
انا:ياسر
سوار:شكون ياسر
انا:تو رجعت متعرفش ياسر
سوار:اكا لي حب يبوسني بالسيف
قحرتلها...طبست راسها...تلعب بصوابعها...و كملت تحكي
سوار:مخيبو...احسن شي بعدتو من هوني
انا:في بالك باش نمشي و نخليهولك هوني
سوار:باهي مع شكون بقيت غادي
انا:ايجا عندي ساعة
سوار:لا باش تخبرني الاول
انا:وحدي...طمنت توا
سوار:علاش مكلمتنيش
انا:يزي من الاسئلة توا
سوار:باهي اخر سؤال
انا:شنية
سوار:تحبني انا و لا هي
ضحكت بالوقت...هزيت روحي وقفت...وقفت في جرتي فوق السرير...غزرتلها نحكي
انا:شتعمل يا مهبولة
قربت مني...ترمات عليا...دورت يديها على رقبتي...وجها مع وجهي بالظبط...تبسمتلي ندرا كيف...جيت باش نحكي...قصت عليا كيف حطت شفافها على شفافي...سكرت عينيا بالوقت...بوستها هزتني لبعيد...جبدت روحها شوية مني...حضنتني تحكي
سوار:نعرف لتحبني انا مش هي...و باش يجي نهار تعترف فيه...باش نسمعها منك انت...و قدام ناس الكل...اما يا ريت من هوني لاكا الوقت...منكونوش خسرنا بعض
جبدت روحها...و بقات تغزرلي...بنفس اكا النظرة...كلامها قد ما هزني لبعيد...وجعني...كلمتها تالية...خلات قلبي يدق بالقاوي...نفس تسكر عليا و انا نغزرلها...رجعت قربت مني...باستني من خدي و ترمات لتالي...طاحت قبل ما نلحق نشدها...حطت راسها على المخدة تحكي
سوار:نحب نرقد...تعبت برشا
دوب كملت كلامها...غطست في نوم...منعرفش...قداش بقيت واقف في بلاصتي...و انا نغزرلها...كلامها يتعاود في مخي...تنهدت من عروش قلبي...و نزلت علاها...قعدت بحذاها...بعدت شعرها على وجها...نشوف معاها...عديت صوابعي على خدها...و شفافها...نزلت علاها اكثر...بستها بوسة خفيفة...و هزيت الغطا...غطيتها...و خرجت من البيت...دخلت لصالة...حليت الشباك...و تركزت بيديا عليه...الحكاية بدات بلعبة...باستغلال...و ابشع الطرق باش كل حد فينا يوصل وين يحب...لي اغتصبها كان عندو هدف...و انا اسغليتها باش نوصل لغايتي...ووحدها كانت الضحية في وسطنا...اما شنعمل كي قلبي حبها...غمضت عينيا بالقاوي...يا ريت يوفا كلشي...ياريت نجم نبعد من هوني...نخلي كلشي ورايا...و نمشي...نمشي لبعيد...لبلاصة نجم نعيش فيه معاها مرتاح...اما لا انا و لا هي...نجمو نبعدو من هوني...كان وقت الالغاز الكل تتحل...نفخت بالقاوي...منعرفش قداش بقيت واقف غديكا...نغزر لشارع...كيف هادي...للمطر لي تصب...اما تفكيري بعيد برشا...خذيت نفس...وجبدت روحي...سكرتو...و ترميت عالفوتاي...تكيت راسي لتالي...غمضت عينيا...و غطست في نوم...نحب نهرب من التفكير لي سيطر على مخي...نحب نرتاح و كهو
سوار تحكي: فقت الصباح...نحل في عينيا بالسيف...نحس في راسي باش يطرشق من الوجيعة...لي نحس فيها...بقيت نثبت في البيت...عينيا وساعو...تقعدت بالزربة...شنعمل في بيتو ياخي...هزيت يديا زوز...رجعت شعري لتالي...و غمضت عينيا...حاولت نذكر اي شي صار البارح اما منجمتش...اخر
حاجة نعقل علاها...وقت دخلت للبار...ياخي شعملت انا...هزيت روحي وقفت...عينيا وساعت و انا نشوف مع الروبة...تي شبيها قصارت لهدرجة...نزلتها بيديا و دخلت لبيت البانو...حطيت يدي على فمي...حتى هي داخلة بعضها...تي باز انا لي تقييت هوني...ياخي شعملت انا في دار الراجل...عضيت شفافي بغزول...دورت عينيا عالبلاصة...نظفت الحالة لي غادي...و قربت من البانو...نحيت الروبة...طيشتها عالارض...حتى هي ريحتي شراب...مستحيل كنت معاه و انا في الحالة هاذي...تي انا حشمت من روحي...حليت السبالة...و دخلت تحت الما...حسيت الما لي مسيب عليا فرهدني...و نقص من وجيعة راسي...منعرفش قداش بقيت تحت الما...لين حسيت روحي ارتحت...دورت عينيا عالبلاصة...لقيت كان الكاب متاعو معلق...لبستو...و خرجت للبيت...مزلت نحس في روحي دايخة...فكرت نمشي للبيت لاخرى...بلكشي نلقى شي نلبسو...اول ما فتحت باب البيت...لقيتو في وجهي...هزني و حطني بعينيه...وخرت خطوة لتالي...قحرلي يحكي
زياد:لباس توا
انا:ممم مليحة
زياد:امشي قدامي ملا
انا:وين
زياد:باش نحكو
انا:نبدل دبشي ساعة
زياد:مش لازم ايجا
هزيتلو براسي ايه...اول ما خرج خالطت عليه لصالة...ترما عالفوتاي...قعدت مقابلاتو...تكا لتالي...و غزرلي يحكي
زياد:نسمع فيك
انا:في شنوة
زياد:في اللي عملتو البارح
تبسمت على جنب...تكيت لتالي...حطيت ساق على ساق...تحل الكاب شطر...و ساقيا ظهرو...غزرلو..نحكي باستهزاء
انا:و علاش باش نبررلك
ضحك بنفس الاستهزاء متاعي...شبك يديه...و غزرلي ندرا كيف...يحكي
زياد:شتفسر اللي عملتو البارح
عوجت فمي شوية...و هزيت روحي وقفت...قربت منو...عاللخر وقفت قدامو...طلع راسو يشوف معايا...نزلت عليه شوية...قعدت في حجرو...حسيتو استغرب...اما مهتميتش برشا...هزيت يدي...حطيتها على خدو...نعدي في صوابعي و نحكي
انا:منعرفش شنية لي عملتو بالظبط...اما ظاهر انك متغشش اكثر خاطر قصيت عليكم
هز يدو دورها على ظهري...كبس على جنبي...سكرت عينيا بالقاوي...مزلت موجوعة من كبسة يديه البارح...جبدني ليه اكثر...قرب يحكي في وذني
زياد:انت اكثر وحدة...تعرف وقت يبدا عيني في شي حتى حد ما ينجم يوقفني
دورت وجهي شوية...غزرتلو في عينيه...قربت اكثر حطيت خشمي على خشمو...كبست على خدو بيدي نحكي
انا:اما انت بقيت معايا هوني...منجمتش تخليني...منجمتش تبعد عليا
جا باش يحكي...بستو بوسة خفيفة...و جبدت روحي...نحكي
انا:معندكش حق تحاسبني...انت غالط كيفي و اكثر...رد بالك تحاسبني على شي كنت انت سبب فيه
زياد:قتلك اشرب انا...ياخي هكا تتحل الامور عندك...من امتى انت تتصرف هكا
انا:مش انا...دنيز هي اللي تتصرف هكا...سوار مستحيل تعمل اكاكا...هي اقوى ببرشا من اللي قاعد يصير
جبدني عندو بالقاوي...حضني...هزيت يديا زوز...دورتهم على رقبتو...حضنتو بالقاوي...بنفس الخوف لي تملكني ساعتها...غرس يدو في شعري...كبس عليا...خذيت نفس...و كملت نحكي
انا:سوار ما عندها ذنب في اللي قاعد يصير...صدقني نحب يوفا الكابوس هذا و نمشي من هوني...نحب نخلي كلشي..و نبعد...نبعد برك
زياد:وين باش تمشي
جبدت روحي منو...حطيت يدي على خدو...خذيت نفس...نحكي
انا:نمشي لبعيد...لبلاصة ما فيها حتى حد...وين مفماش ظلم ووجيعة و دموع...بلاصة هادية...نحب نرجع لطفولتي لضيعتها بعيد...نحب نرجع لبرائتي...لماضي بعيد برشا...نبعد لاكا درجة...و انت تكون بحذايا...و مفما حد غيرنا...حتى حد
تنهد بالقاوي...حسيت بالنفس متاعو على وجهي...دوب تبسم...و رجعني عندو حضني بالقاوي...يحكي
زياد:نوعدك...اول ما يوفا كلشي...باش نمشو من هوني...باش نبعدو جملة...انت اوثق فيا باهي...و انا باش نبقى معاك ديما
كبست عليه اكثر...نحس في قلبي باش يخرج من بقعتو...كلامو اللي كان لازم يهديني...خوفني اكثر...خفت خاطر معادش كلشي كيف الاول...توا عرفت شكون سبب اللي وصلني لهوني...تبدل كلشي خاطر ادم و زياد روح وحدة...و متأكدة انو باش يتوجع برشا كان يعرف...نزلت مني دمعة...اما معنديش حل اخر...مستحيل نرجع لتالي...ادم هو الهدف الاول و الاخير متاعي...كان لزم نخسر حياتي...باش ناخو حقي منو...خذيت نفس...هزيت يدي مسحت دمعتي...و جبدت روحي منو نحكي انا:جعت راني زياد:داك في كرشك انا:هههههه ايه بالطبيعة زياد:قوم من فوقي خليني ناخو دوش انا:ممم شبيك مش لابس مريول زياد:و انت خليتلي عقل البارح انا:علاش شعملت انا زياد:قوم البس...و برا نظف اللي عملتو انا:نظفتو زياد:و الكوجينة انا:زااادة زياد:مممم حتى انا مسلكتش انا:مممم تستهل...باش معادش تفكر تمشي عندها...و شي اخر هاني باش نبهك...رد بالك تقربلها مرة اخرى...خاطر كان تحبل منك المرة هاذي مستحيل نسامحك فهمت زياد:شوف كي تهدد فيا الفرخة انا:مش تهديد...اما ذكر ديما...كل فعل عندو رد فعل زياد:هههههه تي قوم برك...و حاول ذكر اللي قلتو البارح تفهم برشا حاجات انا:شقتلي زياد:والله هذاكا يعتمد على ذاكرتك...هيا قوم توا...عندنا خدمة انا:من توا زياد:ممم من توا...ضيعنا برشا وقت...و كان باش نبقاو هكا...شي ما راح يتبدل انا:ممم باهي كبس على جنابي...وقفني ووقف...توجعت شوية...طلع حاجبو مستغرب يحكي زياد:شبيك انا:شي زياد:نسأل فيك راني انا:حتى شي برا لدوش متاعك هز يدو...جبدني من حزام الكاب...ضربت فيه...غزرلي يحكي زياد:حل فمك انا:تحب تعرف زياد:ممم انا:والله يا سي السيد جنابي يوجعو من كبست يديك...حاول تكون حنين مرة اخرى زياد:ممم خليني نشوف ملا يحكي...و يحل في الحزام متاع الكاب...دزيتو بيدي...و شديت الكاب بيدي لاخرى نحكي انا:تشوف شنية زياد:اللي عملتو فيك انا:السخطة هذا...ياخي متحشمش انت زياد:انا نحشم انا:زياااد زياد:ههههه باهي باهي هاني باش نمشي نعمل دوش انا:باهي تلفت باش يخرج...اول ما وصل للباب...تلفتلي يحكي زياد:متأكدة متحبنيش نشوف نزلت هزيت المخدة من الفوتاي ضربتو بيها...شدها في يدو...و يضحك فرد وقت...رماها عالفوتاي...غمزني و راح للبيت...ضحكت على هبالو...حسيت روحي تفرهدت...نعرف كان نعاندو نوصل معاه لثنية مسكرة...رجعت سكرت الكاب بالقدا...كنت باش نمشي للبيت لاخرى...اما حبست كيف شفت تليفونو عالطاولة...هزيتو في يدي...حليتو...دورت عينيا عالصالة...جاب ربي لقيت مذكرة قدام تلفزة...هزيتها في يدي...كتبت نومرو ادم...و ميرال...قطعت الورقة...ورجعت كلشي كيما كان...تأكدت لهو مزال مخرجش...دخلت لبيتي بالزربة...قلبي يدق في المية...نومرو ادم...خذيتو خاطر متأكدة لهو باش يكلمني...و نحب ديما نكون سابقاتو بخطوة...اما نومرو ميرال...منعرفش علاش خذيتو...اما متأكدة باش يجي نهار و نكون بحاجتو...حليت الدرسينغ...اصلا معنديش برشا دبش هوني...نصو في دار زريعة...لبست شورت و خلعة كيما جا...لميت شعري كعكة و خرجت للكوجينة...نظفت الحالة غادي...ظاهر قلبو خرج مسكين اما يستهل لي صار فيه...حضرت فطور خفيف لينا زوز و تكيت عالرخامة...نشوف مع الورقة في يدي...اول ما حسيت بيه...خبيتها داخل مكتوبي و غزرتلو...تبسملي يحكي زياد:لباس توا هزيتلو براسي ايه و قربت منو..حضنتو...منعرفش علاش حاسة بالذنب...نحب نخبرو كلشي و نرتاح...اما منجمتش...خايفة...خايفة لا ياقف في صف خوه و يخليني...خايفة لمعادش يكون عندي فرصة معاه...خايفة عليه و خايفة منو...جبدت روحي منو نحكي انا:باش نفطرو الاول مبعد نحكو في الخدمة زياد:باهي يا لالة قعدنا عالفطور...ناكول و عقلي بعيد...نحاول نذكر اي شي من البارح...خايفة لا نكون غلطت في الكلام و خبرتو بشي...منعرفش كيف كملت اكا الفطور...هز روحو سبقني لصالة خالطت عليه...لقيتو فاتح pc هز يدو حطها عالفوتاي قدامو...بمعنى اقعد...قربت منو قعدت قدامو...نغزر لل pc...نشوف في تصاور صابر...تلفتلي يحكي زياد؛صابر مختار...نظن تعرف عليه كلشي انا:ايه زياد:نحبك تسمعني لتالي انا:باهي نسمع فيك زياد:هذا الشخص بالذات...خدمتك مش مطولة معاه انا:يعني زياد:يعني حكايتها الكل ساعات انا:و شباش نعمل في ساعات هذوما زياد:صابر هو شريك ادم و ياسر الثالث...شي هذا انا و انت كهو نعرفوه...دات العملية ووين...لا ادم و لا ياسر تنجم تاخوها منهم...يعني باش نجمو نتقدمو اكثر...صابر هو اللي باش يكون المفتاح الاول انا:فهمت عليك و شتحبني نعمل تنهد مش عاجبو الحال...تلفت للبيسي...يقلب في تصاور...ورجع غزرلي يحكي زياد:غرفة 308 انا:شبيها زياد:بيت صابر...في الاوتيل متاعو...حد ما ينجم يدخلها غيرو...حتى الخدم اللي غادي...ينظفو كان هو يبدا موجود...و حتى وقت يبدا حاجتو بطفلة...ميهزهاش لغادي انا:المطلوب زياد:انت لي باش تدخل للبيت هاذي...باش تصور دوسيات الكل لي عندوو تاخو نوامر الكل لي في تليفونو و اي شي عندو علاقة بادم و ياسر...انت باش جيب عليه دليل انا:تفدلك معايا ياخي زياد:سوااار وقت تفدليك ياخي هزيت روحي وقفت بالزربة قحرتلو نحكي انا:ملا شتسمي لي قاعد تحكي عليه كيف تحبني ندخل لبيت الراجل و هو لبنات لي يرقد معاهم يهزهم لبيت اخرى
الحلقة 61
طلع راسو غزرلي...قحرلي قحرة متاع موت...و هز يدو...جبدني من يدي...رجع قعدني بحذاه يحكي زياد:سواار اهدااا انا:كيف تحبني نهدا...و انت تحبني ندخل لبيت الراجل...تو نورمال في مخك انت
هز يدو...ضربها عالطاولة...لين تهزت و تنفضت...و غزرلي في عينيا يحكي
زياد:في بالك باش نخليك وحدك...نورمال انت...شبيك هجت فرد مرة
سكت شوية...نشوف معاه...خذيت نفس نهدي في روحي...نعرف لمستحيل يخليها بيا...اما منعرفش علاش المهمة هاذي بالظبط...منجمتش نتقبلها...كبست بيدي على حرف الفوتاي...نحكي
انا:باهي موافقة...امتى ؟
زياد:الخميس...صابر يسهر ديما في بار الاوتيل
انا:باش نمشيلو للبار زادة ؟
عقدت حواجبي و انا نحكي مستغربة...قحرلي يحكي
زياد:على اساس جديدة عليك
فهمتو يحكي عالبارح...سكت...معنديش علاش نلومو..نعرف روحي غلطت البارح...تنهدت بالقاوي...و غزرتلو نحكي
انا:كيف باش نسحرو الراجل من اول لقاء
نفخ بالقاوي...مش عاجبو كلامي...هز صبعو في وجهي يحكي
زياد:من غير الدراما اللي عملتها اكا نهار قدام امير...تنجم توصل لي تحب عليه بطريقة اخرى
هزيت روحي وقفت بالزربة...و تلفت غزرتلو نحكي
انا:صابر انا دنيز...تنجم تخليني ندخل لبيتك...حاجتي باوراق رسمية...مش باش نطول...ناخوهم و نخرج...بالطبيعة دنيز تفضل
نطر روحو وقف بالزربة...حسيتو باش يطرشق...خطفني من يدي ضربت فيه...كبس عليا يحكي
زياد:مش وقت تفديليك...غلطة صغيرة باش يطيح كلشي في الما...افهم انو كل مهمة مرتبطة مع بعضها...كان احنا توا ضيعنا طرف الخيط...و اكتملت مهمتهم...باش تطلع خاسرة في الموضوع
ضيقت عينيا...و طلعت راسي...غزرتلو في عينيه نحكي انا:علاش انا
زياد:واضحة...من الاول حكينا فيها الخدمة...ياخي ¤¤¤¤¤ و لا شنية حكايتك
هزيتلو براسي باهي...و نطرت يدي منو...وخرت لتالي...نحكي
انا:باهي سامحني...نسيت شكون انا...و علاش انا هوني
زياد:سواااار...ناوية تهبلني انت...شنية حكايتك اليوم
انا:و لا شي زياد...اما ظاهر نسيت لانا هوني...باش نركح لرجال الاغنياء و ناخو منهم لحاجتك بيهم
عدا يدو على شعرو بغزول...شعرة لا يطيرو...قرب مني خطوة...شدني من زندي...ووخر بيا لتالي...لين ضربت في الحيط...كبس عليا اكثر...يحكي
زياد:مزلت تعاودو الكلام هذا...والله نقتلك بيدي يا سوار
انا:علاش مش صحيح
زياد:لاااا مش صحيح...قتلك و باش نعاودلك...طول ما انت معايا...و تحت يدي...طحان ما يحط يدو عليك...كان كلفني الشي هذا حياتي...فهمت
كلامو خلاني نرخف بين يديه...بقيت نغزرلو في عينيه مصدومة...متوقعتش لهو باش يقول الكلام هذا...بقا كلن صوت نفسنا مسموع...هو يغزرلي بغش...و انا نغزرلو بحب...كلامو خلاني نشوف الحب متاعو ليا...عمري ما توقعت...انو باش يقدملي حياتو...قصيت عليه غشو...كيف دورت يدي على رقبتو...جبدتو ليا...بستو بكل قوتي...بكل احساس حسيتو ساعتها...جبدت روحي شوية...من غير ما نبعد عليه...غزرلي ندرا كيف...و جبد روحو لتالي...عدا يدو على وجهو بالزربة يحكي
زياد:حتى انا منحبكش تدخل في اللعبة هاذي...اما زادة منجمش نرجع لتالي...نحبك تكون قوية و كهو...شي ما يهدك...و لا يخوفك...حتى في غيابي نحبك تكون قوية
تلفت عطاني بظهرو...شفتو كي كبس عالبونية متاعو...عرفتو مش قد بعضو...غمضت عينيا و رجعت فتحتهم...استوعبت لي قاعد يصير...انا هوني مش حبيبتو و كهو...انا جزء من اللعبة هاذي قبل كلشي...قربت منو بالزربة...حضنتو من تالي...كبست بديا الزوز على كرشو...حطيت راسي على ظهرو نحكي
انا:منحبكش تغيب عليا...رد بالك تعملها...حتى وقت تبدا مغشش مني...خليك معايا...زياد انا ما عندي حد غيرك في الدنيا...رد بالك تخليني...امانك
هز يدو حطها على يدي...كبس عليا...جبدني عندو...جيت مقابلاتو...حط يديه زوز على وجهي يحكي
زياد:ذكر ديما لانت قطعة مني...ووقت انا دخلتك لحياتي...مش بالساهل نخليك...و لا نخلي حد يأذيك...اما بالمقابل...نحبك تاثق فيا...و ما تخبي عليا حتى شي
حسيت قلبي عصر عليا...هربت من عينيه...كيف ترميت عليه حضنتو...نعرف و متأكدة اللي انا نعنيلو برشا...اما زعمة كان نخبرو...بحكاية ادم...باش يصدقني...باش يحاسب خوه على لي عملو فيا...و لا يطيشني انا...اما هوكا حتى هو يطارد في خوه و يحب يكشفو...باز كان نحكيلو باش يصدقني...و يمكن هذا احسن وقت نخبرو بكلشي...خذيت نفس...و تقويت على روحي نحكي
انا:زيااد
زياد:ممم
جبدت روحي منو شوية...حط يدو على خدي...يستنا فيا نحكي...دورت عينيا على وجهو و البلاصة الكل...نحكي
انا:نحب نخبرك بشي مهم برشا
زياد:شفما
انا:زياد انا...انا
عقد حواجبو يستنا فيا نكمل كلامي...بلعت ريقي...و خذيت نفس باش نكمل نحكي...كهو لحق الوقت...لي باش يعرف فيه كلشي...و يختار مع شكون يصف في الاخير...اول ما جيت باش نحكي...نسمع في تليفون ينوقز فوق الطاولة...تلفت بالزربة نشوف معاه...ورجعت غزرت لزياد...باقي يشوف معايا...نحس في قلبي باش يطيح عالارض...فيقني من سرحتي...صوتو لي خرج قوي...و لا انا حسيتو اكاكا ساعتها
زياد:نسمع فيك...احكي شفما
الكلام وحل في لساني...تليفونو باقي ينوقز...هزيت يدي...حطيتها على رقبتي نبرد في روحي...خذيت نفس نحكي
انا:ت تليفونك
عقد حواجبو...غزر لتليفونو...ورجع غزرلي...تلفت عطيتو بظهري...نهرب في عينيا منو...نتنفس بالسيف...سمعتو يحكي في تليفون...و مع صوتو...غمضت عينيا بالقاوي...و انا نسمع فيه
زياد:وي ادم...ايه صحيح...ملا نتقابلو الليلة عند توفيق...حتى عزيزة طلبتني البارح...ههههه باهي باي
حليت عينيا...تنفست بالقاوي...و تلفت عندو...تبسمت بالسيف نحكي
انا:باش تمشي ياخي
زياد:في شنوة كنت راح تحكي
انا:اه...حتى شي
زياد:سوااار نسمع فيك
عرفت انو باش يشد الصحيح...اما حسيتو شايخ و هو يحكي مع خوه...منعرفش كيف باش نخبرو بالحكاية...غزرتلو في عينيه...خذيت نفس نحكي
انا:كنت باش نسألك شي
زياد:شنوة
انا:مش ادم خوك
زياد:ايه علاش
انا:انا متأكدة باش تثبت شي عليهم هوما الثلاثة...اما كيف باش تورط خوك في الحكاية...تنجم ياخي
تبسم على جنب...و غزرلي ندرا كيف...هزلي براسو باهي...يحكي
زياد:و شكون قال لانا باش نورط خويا
انا:شقصدك
زياد:ادم باش يخرج منها الحكاية
انا:شنننية كيف هكا
زياد:منعرفش كيف...اما انت باش تعاوني...نخلي ادم بعيد ساعتها
انا:كيف باش نعاونك انا
زياد:متخممش في الحكاية توا...خلينا في صابر...مبعد ندخلو في صحيح
انا:اما مش خوك مذنب كيفهم...علاش باش تخرجو بريء من الحكاية
زياد:و انت قلتها...هذاكا خويا يا سوار...و كان باش يبدا مذنب لناس الكل...هو باش يبقى بريء في نظري...و مش بالسهولة اني نفرط فيه
حسيت شكون كب عليا سطل ما بارد...كلامو خلا دم يجمد في عروقي...وخرت خطوة بلا ما نحس...نغزرلو مصدومة...مش مصدقة كلامو...حسيت بوجيعة في كرشي...على شعرة كنت باش نصارحو بكلشي...تي باز كان باش يلوحني من غير ما يسأل...توا برك تأكدت اني باش نكمل في الثنية هاذي وحدي...باش ناخو حقي بيدي...حطيت يدي على جنبي...نهدي في روحي...مزلت مروهجة...مزلت مصدومة...تي انا اللي باش نخلصو من الوحلة هاذي زادة..."اه يا ربي صبرني"...قلتها في قلبي...باقوى صوتي...صوت سمعتو انا كهو...خذيت نفس طويل...و طلعت راسي غزرتلو...ضيق عينيه يحكي
زياد:شبيك لباس
انا:ممم مليحة...امتى باش نبداو فيها المهمة
عقد حواحبو مستغرب...قرب مني خطوة يحكي
زياد:شصار ياخي
انا:حتى شي...اما نظن كل ما نزربو اكثر...باش يكون في صالحنا الزوز...مش هذا كلامك
زياد:متأكد فما شي...و باش نعرفو مع الوقت
انا:مفما حتى شي والله
زياد:باهي
انا:ايه شنعملو توا
زياد:انت باش تبقى يمات في الاوتيل متاع صابر
انا:شنيية علاش زادة
زياد:باش ما يشك فيك حتى حد
انا:نسيت لي ياسر و صابر صحاب...كان صار و خبر صاحبو بالموضوع
زياد:ياسر مش باش يعرف...اصلا حكاية يومين...و الهم هذاكا معادش باش تقابلو...مش كل مرة...تركبلي العصب في جرتو
انا:باههي شبيك تصيح ياخي
زياد:هيا برا بدل دبشك باش نوصلك
انا:وين توصلني
زياد:لدارك وين حبيت ملا
انا:منحبش
زياد:شنيية
انا:نحب نبقى هوني
زياد:فاش قام
انا:شبيك تحكي معايا هكا...تطرد فيا انت ياخي
زياد:الصبر يا ربي
انا:تحبني نمشي باش جيبها لهوني مش هكا
زياد:رجعنا لنفس الحكاية ياخي
انا:مش كنت باش تعدي ليلة عندها البارح...ملا باز باش تمشي عندها اليوم
زياد:طمن باش نمشي نتخمد بحذا توفيق و عزيزة ارتحت توا
انا:شكون عزيزة
زياد:اه يا ربي...باش يجي نهار و نعرفك علاها
انا:قداش عمرها
زياد:ياخي تحقق معايا انت
انا:تي جاوب
زياد:و نجاوب زادة
انا:تفرك فيهم عليا...والله يا زياد و تمشي عندها ليلة...والله باش نقلب الدنيا على راسك
زياد:ههههه صار...شوف الفرخة كيف تهدد فيا
عوجت فمي...و نزلت نلعب بصوابعي...نعرف كلامي معاه...مش باش يبدل شي...حسيت بيه كيف قرب مني...دور يديه زوز على ظهري...جبدني عندو...حضني بالقاوي...هزيت يدي شديتو من سوريتو...لزيت روحي ليه اكثر...باسني من راسي يحكي
زياد:و راسك باش نمشي بحذا توفيق
انا:كهو
زياد:ممم كهو
انا:و مبعد
زياد:باش نرجع لدار...نغم على راسي و نرقد
انا:و انا نجم نبقى هوني
زياد:هههههه هذا لي بيك توا
انا:نجم نبقى ياخي
زياد:و انا نجم نقول لا...حتى انا توحشتك يا فرخة
انا:بالحق ياخي
زياد:مممم بالحق
انا:عيشك يا روحي
زياد:توا رجعت روحك
طلعت راسي شوية...غزرتلو...قدمت شفتي لوطنية شوية...نستعطف فيه...حسيتو فهم عليا...نزل باسني بوسة خفيفة...و جبد روحو شوية يحكي
زياد:انا باش نمشي توا...رد بالك على روحك
انا:طول برشا ياخي
زياد:منعرفش
انا:باهي
تبسملي...و جبد روحو مني...هز تليفونو...و مفاتحو...و غزرلي يحكي
زياد:وين خليت كرهبتك ؟
انا:في ¤¤¤¤¤
زياد:باهي
في لحظة قلب وجهو...قربت منو بالزربة قبل ما يخرج...شديتو من يدو نحكي
انا:اخر مرة...وعد
نزل باسني من خدي...تبسمتلو...بقيت نشيع فيه...لين خرج من دار...ريقلت دار...حتى انا في ليلة دخلتها بعضها...دخلت لبيتو...ترميت عالسرير...نشوف مع سقف...كلامو يتعاود في مخي...اليوم برك تأكدت...لانا نجم نخسرو...وقت يعرف الحقيقة كاملة...وقتها معادش نجم نكون معاه...و بين يديه...و هذاكا لي خايفة منو...خايفة نخسرو...منعرفش ساعتها كيف باش نكمل حياتي من غيرو...كبست بيدي عالمخدة...و تلكمت على روحي...سكرت عينيا...و غطست في نوم
ادم يحكي: بقيت واقف نغزرلها...منعرفش قداش تعدا وقت بالظبط...يمكن الساعات اللي نعديهم واقف بحءا الصورة منحسبهمش و يمكن يكونو اهم ساعات في حياتي...مهما تعدا زمان...مهما تعدا وقت منجمتش ننساها...كان نمشي لاخر
دنيا...باش نبقى بنفس الوجيعة...قربت بخطوات رزينة...هزيت يدي...عديتها على خدها...على خصلات شعرها...على حفرة الزين لي على خدها...عينيها و شفارها...كبست على يدي...و غمضت عينيا...نزلت مني دمعة تحرق...روحي تحرقت بعد ما مشات...حاولت و حاولت...حاولت نتعدا شوية من اللي صار...حاولت ندفن وجيعتي معاها اما منجمتش...كل يوم و كل ليلة...تكبر وجيعتي اكثر...لتوا مش مصدق...اني خسرتها و معادش ترجع...لتوا مش مصدق كيف منجمتش نحميها...لتوا صرخاتها نسمع فيهم...لتو صوتها يرن في وذنيا...لتوا نرا في دموعها...لتوا نشوف في الدم متاعها...منجمت ننسا حتى شي من الحادثة هذيكا...كل مرة نذكرها نحس في روحي باش نهبل...حليت عينيا...و تبسمت بوجيعة...في تصويرة هاذي بالظبط...نحسها تغزرلي...نحسها معايا...اصلا و لا مرة حسيتها بعيدة عليا...لا الوقت...و لا السنين خلاني ننساها...و لا اي شي عشتو معاها...قص عليا تفكيري...صوت الباب ينوقز...هزيت يدي عديتها على خدي...تبسمت معاها...ووخرت لتالي...خذيت نفس...تحكي
انا:ادخل
دخل واحد من رجالي...وقف بحذا الباب...غزرلي يحكي
هو:مسيو ادم
انا:شفما
هو:مسيو زياد هوني
عقدت حواجبي...على اساس نتلقاو عند توفيق...جيت باش نحكي...اما قص علينا كيف دخل...حط يدو على كتف الراجل يحكي
زياد:لحقتو تخبروه لانا جيت...والله رجالك اسرع من رجالي ببرشا
انا:هههههه ايجا لهوني يا ساقط
شاورت بيدي لراجل باش يخرج...قرب مني...حط يدو على كتفي يحكي
زياد:ياخي كنت تخطط لحاجة و قصيت عليك
انا:تتفورخ ياخي...مش على اساس نتقابلو عند توفيق
زياد:صراحة مش مستعد باش نسمع مواعظو توا
انا:ههههههه تحب صراحة حتى انا
زياد:شرايك نسهرو لبرا الليلة
دورت راسي...غزرت لحنان...كانت تفد برشا من حكاية سهرات...و ما نخرج مع زياد...كان و ساقها على ساقنا...اما توا كلشي تبدل...حتى انا تبدلت بعد ما خسرتها...قص عليا تفكيري...كيف نطر عليا الفرخ...دور يدو على كتفي...يحكي معاها
زياد:مش باش نأخرو برشا...وعد
تبسمت بالوقت...حتى زياد ساعات نحسو مش مصدق موتها كيفي...خاصة انو احنا ثلاثة كبرنا مع بعض...و كانو صحاب برشا...تلفتلي يحكي
زياد؛هوكا حنان وافقت...اما كان تحب...يا خويا الغالي...نهزك عند توفيق و يعملك طرح درس عالمي...في الاخلاق...و كيف تكون باهي في عالم الاجرام
انا:هههههههه فك عليا عاد...الهم هذا
زياد:مممم مش كانو اعتزلت...و لا انا قاعد نتلف
انا:فاش تخرم
زياد:اما قرابة عام...ما صارت حتى عملية لتوا
انا:تحقق معايا انت
زياد:ههههه ياخي نسيت...انت المجرم و انا الحاكم
انا؛باهي يا حضرة الحاكم...الوضع في ايطاليا مش مليح...على هذاكا...احنا حابسين توا
زياد:تي حتى انت تاجر في سلاح جملة
انا:على اساس انت الشريف في الحكاية
زياد:ههههههه لا انا نحسبهم...بلكشي يسرقولنا قطعة و لا زوز
انا:ههههه امشي قدامي توا...امور الشركات ماشية...و هذاكا المهم توا
زياد:باهي يا قبطان
تلفت باش يمشي...تلفت غزرت لحنان...تبسمت بوجيعة...نعرف لي حتى هي متغشة...من اللي قاعد يصير...اما بعد ما خسرتها...معاد حتى شي يهمني في دنيا ...و اكيد مش باش ناقف هوني...كلشي باش يتحرق...كل حد كان السبب في اللي صار...كل حد خلاني نخسر حياتي...باش نخليه يخلص دوبل...اما زياد في الحكاية خط احمر...مستحيل نخلي حد يقرب منو...و لا نخليه يتورط في الحكايات الكبار هذوما...حتى مستعد نتحمل كلشي و نخرجو بريء من الحكاية...خالطت عليه...نسوق وراه...ركا الكرهبة...بحذا البار...تبسمت على جنب...احسن من القعدة مع توفيق...دخلنا مع بعض...خذينا طاولة مطرفة...بقينا نحكو مع بعض...و نشربو فرد وقت...نشوف في تليفونو ينوقز...ميرال تطلب فيه...علق علاها و كمل يشرب عقدت حواجبي نحكي
انا:علاش علقت علاها
زياد:مش ناقصها توا
انا:مش على اساس فيكس و مش باش تبدلها
زياد:و توا فديت منها
انا:لقيت اخرى
زياد:مممم
انا:باش تعدي وقيت زادة و طيش عليك مبعد
طلع راسو...غزرلي ندرا كيف...هز الكاس شرب منو بغزول...اول مرة نشوفو في الحالة هاذي...هزيت يدي حطيتها على كتفو...كبست عليه نحكي
انا:لباس ماهو...شنية اللي قاعد يصير معاك
زياد:شي...فادد برك
انا:زياااد نعرفك راني...ياخي فما حاجة مافيباليش بيها
زياد:لا...تعرفني ما نخبي عليك حتى شي
انا:شكونها
هز راسو غزرلي...يهرب في عينيه مني...نعرفو مليح...يمكن اكثر من روحي...عقدت حواجبي نحكي
انا:اخر مرة نسألك شنوة اللي قاعد يصير
زياد:شي...اما تفكيري مخلط شوية
انا:متكونش تحب ههههه
زياد:حب شنية ياخي...تعرفني متاع الحاجات هذوما
انا:شفاها ياخي...انت برك قولي شكونها...و انا تو نحطها بين يديك
زياد:ههههههه تعمل مزية...حتى انا حشمت نحكي معاها
انا:هههههه ايه قول هكا من الاول...تو نهز معايا توفيق و عزيزة و نطلبوها من دارهم جملة
ضحكنا زوز فرد مرة...اما اللي متأكد منها...انو فما شي مقلقو...و ميحبش يحكي...هذيكا عادتو من الصغرة من اكا الليلة المشومة...كلشي يشوفو...و لا يتعرضلو...ما يعمل حتى ردة فعل...بالعكس يفضل يبقى ساكت...ساعات لا انا و لا بابا نعرفوه فاش يخمم...كيما زادة متأكد انو هو عمرو ما حب ميرال...جيست خاطر بقات معاه...مخلهاش بيها...اما المرة هاذي...برشا حاجات تبدلت...اولهم هو...حتى الشراب...قاعد يكنترولي في روحو باش ميسكرش...اما كان صار و بالحق فما شكون في حياتو...و باش تكون السند ليه...باش نعمل المستحيل على خاطرهم هوما زوز...غزر لمنقالتو...ورجع غزرلي يحكي
زياد:وقيت باش نمشو
انا:مزال الحال
زياد:ايه نعرف...اما باش نمشي بكري لشريكة صباح...عندي اجتماع
انا؛باهي
هزيت روحي وقفت...دوب حطيت فلوس عالطاولة...نشوف في شلة متاع بنات تغزرلنا...طلعت راسي...لقيتو الفرخ حتى هو يغزرلهم...ضحكت نحكي
انا:شنوة ظاهر مش باش تخرج فارغ من هوني
زياد:هههههه لا مش ناقص تخرنين...اما كان تحب اختار على روحك
انا:هههههه شوف كي تربا الفرخ...ممم باهي و شكون هاذي اللي باش تخرنن عليك
زياد:حتى حد خلينا نمشو
انا:في الاول و في الاخير باش نعرفها شكون
زياد:بالطبيعة...ياخي متأكد متحبش
انا:لااا تاعب...باش نمشي نرتاح...اصلا باش نمشي لايطاليا من غدوة
زياد:تحكي بالرسمي
انا:مممم
زياد:فاش قام...من فترة كنا غادي
انا:تعرفني ما ناثق في حتى حد....و خاصة الصفقة هاذي
زياد:صفقة شنية
انا:تو مع الوقت تعرف...انت اتلهى بالخدمة الفترة هاذي...و ميهمكش في الباقي
زياد:باهي
انا:باهي هيا
خرجنا مع بعض...ودعتو في البركينغ..و شديت كرهبتي...نسوقو تفكيري بعيد...نحس في راسي باش يطرشق...ركيت الكرهبة على جنب و جبدت تليفوني...كلمت واحد من رجالي نحكي
انا:عرفتو بلاصتو
هو:لا
انا:علاش لتوااا
هو:الطفل عندو شهور مختفي...بعد موت امو بيمات برك...مشا من الحومة
انا:مووت امو ؟ فاش تحكي ياخي
هو:مسيو ادم...تونس قلبناها...كانو ارض و بلعتهم...حتى اختو مش مبينة...و الاسوء من هكا...حتى بوهم مختفي...باز يكون هز ولدو معاه
انا:ههههههه ¤¤¤¤ و لا شنية الحكاية...ياخي قاعد نلعب معاكم...شيهمني في ¤¤¤¤ الطفلة انا...نحب على عماد عبد المالك...الطفل هذا هو اللي باش يوصلني وين نحب و هو اللي باش يخلي بوه يحل جلغتو و يحكي
هو:باهي باش نحاولو نعرفو وينو
انا:اسمعني...يومين في يدك...نحبك جيبلي اي معلومة عليه و لا على الكلب متاع بوه نحب نعرف وينو الطحان هذاكا رد بالك يغيب على عينكم
هو:باهي طمن
علقت عليه نحس في العصب راكبني.كل مرة نذكر اسمو الا ما نعيفو في حياتو و نخليه يخسر كلشي باش نفدو في عيشتو لي يحل فمو و يحكي كلشي يعرفو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 62
سوار تحكي: موسيقى و جو صاخب...تتسمع على بعد امتار...ليلة الخميس...ليلة حافلة في الاوتيل هذا...صوت خطواتي مسموعة...صوت الكعب متاعي باش ينقب الارض...لحظات صغيرة تفصلني على صابر المختار...طلعت راسي...و خذيت نفس طويل...اول مرة بعد الشهورة اللي تعدات...حسيت انو دنيز مسيطرة عليا...اول مرة منخافش من اللي قاعدة نعمل
فيه...بالعكس...بعد كلام زياد اخر مرة...تقويت على روحي اكثر...فهمت انو باش يجي نهار...و سوار تموت بالحق في قلبو...باش تبقى ذكرى باهية ليه...خاطر باش يختار خوه علاها...اليمات القليلة لعديتهم وحدي في الاوتيل...خلاتني نفهم روحي...و نفهم اللي قاعد يدور بيا...فهمت انو وقت تتكشف الحقيقة...كلشي يتبدل...وقت توفا اللعبة...كل حد يشد ثنية بعيدة...لدرجة معادش باش نتقابلو في حياتنا جملة...اما قبل هذا الكل...باش نخلي بلاصتي عند كل حد فيهم...باش نعيش مع زياد كلشي...باش نحبو اكثر و اكثر...باش ناخو تجربتي معاه...و نتحدا ظروفي الكل في سبيل اني نكون في قلبو و معاه...باش نعمل المستحيل اني نكون ذكرى باهية في حياتو...اما بالنسبة لادم...باش نكون الجحيم متاعو...باش نخليه يعيش بوجيعة طول عمرو...وقت يسكر عينيه و يذكر اسم دنيز...باش يبكي الدم على لي عملو في سوار...اما انا سوار و لا دنيز منعرفش...منعرفش كيف باش تكون حياتي من غيرو...منعرفش كمية الوجيعة لي راح نعيش بيها...منحبش نخمم...اما الشي اللي متأكدة منو...قلبي باش يتسكر بعد زياد...مستحيل حد ينجم ياخو بلاصتو...و لا يجي نهار نحب بالجنون هذا...بالغيرة و العشق هذوما...تبسمت بوجيعة و انا نشوف في روحي...في مرايات الباب...الروبة الباج لي لابستها مفصلتني...قصيرة عاللخر...ماكياجي غامق برشا...غطا ملامحي الكل...غطا ملامح سوار...الروج لي على شفافي...خلا دنيز تكون حاضرة بقوة...شعري خليتو بوكلي طايح على كتافي...ملامح القوة و القسوة غطات على برائتي...نعرف باش يقلبها على راسي وقت يشوفني هكا...اما نحبو يعرف و يتأكد وقت تحضر دنيز سوار تغيب جملة...خذيت نفس و دزيت الباب بيديا الزوز...حسيت كل الانظار عليا...كل اليمات لي عديتهم هوني...منزلتش للبار هذا...و لي طمني اكثر...انو متلقيتش صابر من قبل...عديت اليمات هذوكا هوني جيست باش ما يشكو في حتى شي...كان صار و اكتشف لي صار...جات عيني عليه اول حد من وقت حليت هالباب...غزرتلو...بحءا صاحبو...متكي عالكنتوار و يشرب...كل خميس ياقف في نفس البقعة...و يختار شي وحدة يعدي بيها الليلة...و كل اسبوع تتكرر الحكاية...اما المرة هاذي هو اللي باش يكون الفريسة...قربت من الكنتوار...وقفت بعيدة عليه شوية...هزيت يدي شاورت لسرفور نحكي
انا:واحد ويسكي
هزلي براسو ايه...السرفور هذا...واحد من رجال زياد...بدا يخدم هوني فايت 3 اشهر...و لتوا خطتنا ماشية في السليم...حطلي الكاسة قدامي...قربتها بيدي...دورت صباعي على حرف الكاس...نشوف معاه...لتوا زياد مجاش...و منظنش لهو باش يكون هوني...خاطر صابر يعرفو...خذيت نفس و هزيت الكاسة شربت منها...تعدا يجيب نص ساعة و لتوا لا حكا معايا و لا قرب مني...و بالطبيعة منجمش نقرب منو وحدي و نرمي روحي عليه...طلعت راسي غزرت لسارفور...عملتلو اشارة بعينيا...حسيتو فهم عليا...شوية وقت و قرب مني...يحكي بصوت مرخوف
هو:دنيز...الوقت مش لصالحنا
انا:شتحبني نعمل نمشي عندو انا ياخي
هو:لا ابقى في بلاصتك...فما شكون باش يجيك توا...حاول تتصرف عادي
انا:شقصدك
هو:متخافش باهي
انا:وين زياد
هو:اللوطة في البركينغ...قاعد يشوف كلشي من غادي انا:صار ملا
هو:شي اخر...ذكر 00:00 لازم تخرجو من هوني...00:45 الكاميرات ترجع تخدم
انا:نعرف
هو:تحب كاس اخر
انا:لا
هزيت الكاسة عملتلو بيها جاست...حكينا عالخفيف...وسط الموسيقى و الضجة...حتى حد.ما حس بينا...رجع لبلاصتو...و انا هزيت تليفوني...غزرت لساعة...لقيتها 22:30..ضيقت عينيا و انا نشوف في ميساج متاع زياد...حليتو نقرا فيه..."تخدم في راسك معايا...مش بعثتلك دبش لي لازم تلبسو...فاش قام تعري في روحك"...تبسمت على جنب...و رجعتلو ميساج اخر.."شرايك نتحاسبو...بعد ما يوفا كلشي"...رجعت حطيت تليفون...و شربت شوية من الكاسة...دقايق...ولحقني ميساج اخر من عندو..."حسابك باش يكون غالي المرة هاذي"...تبسمت و حطيتو...نعرف كان نكثر معاه الكلام...باش نلقاه قدام وجهي...قص عليا سرحتي صوت راجل وقف بحذايا يحكي
هو:متحبش نضيفك على كاس اخر
انا:pardon
هو:ميجيش وحدة كيفك تشرب وحدها
قحرتلو قحرة متاع موت...و تلفت ليه غزرتلو...جيت باش نحكي...قص عليا يحكي
هو:دنيز تصرف عادي
عقدت حواجبي...عملي جاست براسو...فهمت لي الموضوع لعبة...تبسمت على جنب...هزيت الكاسة فرغتها عليه...غزرلي مصدوم...ضحكت نحكي
انا:ديزولي ظطريت
هو:برافو هاك حركتو لسي صابر
عرفتو لجاي ناحيتنا...هزيت صبعي في وجهو...نحكي
انا:رد بالك تغلط معايا مرة اخرى باهي
قص علينا صوت صابر...من تالي...يحكي
صابر:شفما هوني لباس مدموزال
تلفت عندو...جات عيني مع عينو...غزرة لراجل...ورجعت غزرت لصابر نحكي
انا:جرة عباد هكا مستحيل الواحد يرتاح
صابر:علاش شصار
هو:طلبتها ترافقني الليلة
عينيا وساعت من كلامو...جيت باش نحكي...اما شفتو طايح عالارض...منعرفش كي قرب منو و ضربو...و صاحبو يجبد فيه لتالي...قربو زوز من رجالو خرجوه...هز يدي عدل الفاست متاعو...و غزرلي يحكي
صابر:لباس ياخي
هزيتلو براسي ايه...رجعت شعري لتالي...و تلفت هزيت تليفوني و سطوشتي نحكي
انا'ظاهر لازم نمشي من هوني...مرسي مرة اخرى
تلفت باش نمشي...وقفني كيف شدني من يدي...تبسمت على جنب...خذيت نفس...و تلفت عندو...جبدت يدي منو...تبسملي يحكي
صابر:خليك
بقيت نشوف معاه...هزلي براسو معناها ايجا...خذيت نفس و خالطت عليه...وقفنا في بلاصتو...هز يدو شاور لسرفور يجيه...غزرتلو...طمني بعينيه...تلفتلي يحكي
صابر:شتحب تشرب
انا:لي يجي ميهمش برشا
صابر:وفاات
مرجعتلوش...هزيت الكاسة شربت منها...ورجعت غزرتلو نحكي
انا:نحب نتفرهد
حطيت الكاسة...خليتو واقف في بلاصة...و قربت لنص البار...الموسيقى قوات...سيبت روحي معاها...شوية وقت و خالط عليا...دور يدو على جنبي...و جبدني ليه...جات عيني مع عينو...وقتها برك حسيت بخوف...خوف من زياد...نعرف لي روحو تطلع وقت يقربلي واحد لهدرجة...اما هو اكثر حد...يعرف لانا مجبورة...و الا مستحيل نعمل هكا...تبسمت بخبث...و دلال فرد وقت...دقايق لي تعداو عالبيست نجمت نقرب منو فيهم و نجبد عليه فرد وقت...اول ما بدلوها جبدت روحي منو...ورجعنا لبلاصتنا...هزيت الكاسة شربت شيوة...حسيت روحي باش ندوخ خاطر شوية منو يأثر فيا...محبيتش نشرب اكثر...قص عليا يحكي
صابر:شاسمك
انا:يهمك برشا تعرف
صابر:صراحة ايه
انا:الاسم ميهمش برشا...مدام وجهتنا وحدة
هزيت الكاس متاعي...ضربتها على كاسو...و تبسمت بخبث...شربت منها شوية...غزرلي ندرا كيف...و هز كاستو شرب منها...قرب مني شوية...يحكي في وذني
صابر:متأكدة لهي وحدة
عوجت راسي شوية...و تبسمت على جنب...نحكي
انا:تحب تتأكد
ضحك ندرا كيف...ووهز كاستو شربها فرد مرة...و انا لي شخت المرة هاذي...غزرت لسارفور...اكدلي براسو...غزرت لتليفوني...عشر دقايق كهو...و تتعطل الكاميرات الكل...و 45 دقيقة لازمني نكمل كلشي...معادش فما وقت جملة...كل دقيقة محسوبة عليا...قربت منو اكثر...لين معادش فما بينا مسافة...تلفت...تكيت بمرفقي عالكنتوار...وجهي مع وجهو...بحكم كان قاعد...جيت معاه بالقدا...هزيت يدي..حطيتها على يدو...نحكي
انا:مطولين برشا هوني
صابر:يعني
انا:صراحة تعبت و نحب نطلع لبيتي
صابر:من توا
انا:ممم باش نفيق بكري
صابر:وين بيتك
انا:315
صابر:غريبة كيف مشفتكش من قبل
انا:حبيت نرتح مخي يمات هوني...و اليوم حبيت نبدل جو بطريقة اخرى...باش نبدا في الخدمة
صابر؛هههههه باهي يا لالة...شرايك نطلعو مع بعض توا
انا:باهي موافقة
جبدت روحي شوية...هز روحو...قربلي...شديتو من مرفقو...غزرت لسارفور...هزلي براسو و تبسم...الفصل الثاني باش يبدا من توا...اول ما خرجنا من البار...حسيت روحي تفرهدت...اما قلبي نحسو باش يخرج من بقعتو...مخفتش من اللي قاعدة نعمل فيه...اكثر من خوفي من ردة فعل زيااد...دخلنا للاصونصير مع بعض...دوب طلعنا شوية...شفتو شد راسو...غزرتلو نحكي
انا:لباس ياخي
صابر:ايه ايه لباس
اول ما خرجنا من الاصونصير حسيتو تروهج...دايخ و مش قد بعضو...عرفت انو المخدر اللي كان في شراب...اثر فيه...اففف مش وقتو عالاقل كيف نوصلو لبيتو...قربت منو اكثر نحكي
انا:شصار
صابر:حتى شي...يمكن شربت برشا
انا:يمكن...وين بيتك تو نعاونك
صابر:لا مليح...ادخل لبيتك انت
جبدت روحي منو...نشوف فيه دوب ناجم يمشي...قربت منو...حطيت يدي على صدرو نحكي
انا:ميسالش نجي معاك
غزرتلو بدلال...و عوجت فمي...نستعطف فيه...تبسملي...و هزلي براسو ايه...قربت معاه لبيتو...حط يدو في مكتوبو...يلوج عالكارت باش يحل الباب...اول ما خرجها فكيتها من يدو...حليت الباب...و دخلنا زوز مع بعض...تي مش بيت برك..جناح بحالو...قربنا لاول فوتاي...قعد و جبدني معاه...حط يدو على فخذي...قلبي دق بالوقت...تقززت من لمستو...غزرلي يحكي بالسيف
صابر:الليلة باش تشيخني انت
يحكي و يقرب مني...حسيت بالنفس متاعو على وجهي...غمضت عينيا بالقاوي...ورجعت فتحتهم...منجمش نستخايل لهو باش يبوسني...هزيت يدي رجعتو لتالي...نحكي و نضحك
انا:ههههه باش نطلبلك قهوة الاول
صابر:منحبش...حاجتي بيك انت
تنهدت من عروش قلبي...ياخي شنية الوحلة هاذي...تي زح شبيه لتوا فايق...كان جيت في بلاصتو...معادش نعقل على اسمي...هز يدو دورها على ظهري كبس عليا...بقيت نساير فيه...و نحاول نحكي معاه...لين حسيت يدو ترخفت شوية شوية على ظهري...غزرتلو...لقيتو رجع راسو لتالي و غطس في نوم...حاولت نفيقو شي...تأكدت لهو بالحق تخدر...هزيت تليفوني غزرت لساعة...نص ساعة برك...في يدي...دخلت لبيتو بالزربة...حليت قجار تابل دو نوي ملقيت شي...قربت من الدرسينغ...فتحتو...لقيت خزنة صغيرة غادي...و مسكرة بالكود...حطيتها عالسرير...ووقفت نخمم في حل...خرجت عندو...قربت منو...نفركس في مكاتبو مفماش نلقى شي...جبدت تليفونو...و مفتاح صغير...تي فاش ينفعوني...حتى تليفون فيه كلمة سر...عديت يدي على شعري بغزول...بقيت نغزرلو...جات عيني على خاتمو...عقدت حواجبي...قعدت على حرف الطاولة...و نحيتهولو بالسيف...منعرفش علاش خممت فيه اول شي...و من حظي طلع مكتوب عليه دات...جربتها على تليفون فتح...دخلت للبيت بالزربة...كتبتو في الخزنة حتى هي فتحت...ضحكت وحدي...جبدت كلشي موجود فيها صورتو...و نقلت نوامر الكل لي في تليفونو لتليفوني...رجعتها للدرسينغ...ورجعت عندو...لبستلو خاتمو...بقيت نشوف مع المفتاح...صغير برشا...عرفتو متاع تابل دونوي...حليتها لقبت دوسي واحد كهو...عقدت حواجبي...كيف شفتو مجمع معلومات فيه...على ادم و ياسر...و برشا ناس اخرين منهم اللي باش نقابلهم زادة...مخممتش مرتين صورتهم بالقدا...ورجعت كلشي لبلاصتو...حتى من تليفون و المفتاح رجعتهم لمكتوبو...نوقز تليفوني في يدي...لقيتو ميساج من زياد..."اخرج فيسع"...غزرت لساعة مبقاش برشا...دورت عينيا عالبلاصة...لقبت اوراق صغيرة محطوطة...هزيت وحدة فيهم...كتبتلو فيها..."معرفة سعيدة...دنيز"...حطيتها عالطاولة قدامو و خرجت من البيت...باش وقت يفيق...يظهر كلشي عادي و ما يشلق بشي...شفت باب بيتي مفتوح...عرفتهم نزلو دبشي...زربت في خطواتي...نجري للاصونصير...اخترت طابق الارضي...غزرت لساعة...10 دقايق و ترجع الكاميرات للوضع متاعها...ضحكت بالوقت...مش مصدقة اني حليتها بالبساطة هاذي...و نجحت مرة اخرى من غير مشاكل...خرجت نجري للبركينغ...لقيتو واقف متكي عالكرهبة...وقفت نتنفس بالسيف...من تقحيرتو عرفتو مغشش...قربت منو...نحس في خطواتي رزنت...قربت تليفوني منو نحكي
انا:وفاات...كلشي موجود هوني
هزني و حطني...يغزرلي هكا...كان وقت يكون ناوي...يقلبها على راسي...خسر عليا كلمة وحدة كهو
زياد:اركب
كبست عالتليفون في يدي...جيت باش نحكي...قص عليا كيف حل الباب وركب...خذيت نفس و خالطت عليه...اول ما ركبت...طار بالكرهبة...تكيت لتالي...و نزلت البلار...محبيتش نحكي معاه خاطر نعرف غشو...حسيت النسمة لداخلة فرهدتني...ام قص عليا كيف طلع البلار...تلفت عندو قحرتلو...ورجعت نزلتو...زاد طلعو...خذيت نفس نحكي
انا:فاش قام طلع فيه
حقرني..و مرجعليش...نفخت بالقاوي...و كملت نحكي
انا:نحكي معاك ماهو
زياد:سكر فمك...منحبش نسمع حسك
انا:زياااد شصار ياخي...مش انا قمت باللي تحب عليه...فاش قام حتى تتغشش
شد الفرا بالقاوي...شعرة لا خرجت من البلار...تلفتلي...يحكي
زياد:¤¤¤¤¤ عليا...تخدم في مخك معايا...مش بعثتلك ¤¤¤¤ الدبش و قتلك البس هذوما...مش قتلك متقربش منو كان وقت يبدا دايخ...تنجم تفهمني شعملت انت...تنجم تفهمني اللي عاملو في روحك...متفرق على حتى وحدة ¤¤¤¤
عينيا وساعت من كلامو...الكلمة تالية...قعدت ترن في وذنيا...نكرها الكلمة هاذي...نكرها خاطر ذكرني في كلشي تعدا عليا...مزدت معاه حتى كلمة...فتحت باب الكرهبة و نزلت...حطيت يدي على رقبتي...نحب نتنفس...صدري يتهز و يتحط...حسيت دموعي باش تنزل...خذيت نفس باش نمنعهم...زمرلي بالكرهبة باش نركب...محاولتش نتلفتلو جملة...سكرت الباب بالقاوي...و مشيت...محسيتش بالبرد...و لا بالمطر لي قاعدة نحس فيها على لحمي...محسيت كان بيدو لي دورتني...سطعت فيه بالقاوي...كبس عليا يحكي
زياد:شتستخايل في روحك تعمل
هزيت يدي لاخرى دزيتو لتالي..و نحاول نجبد في روحي منو...نحكي و نصيح فرد وقت
انا:¤¤¤¤ اللي تحكي علاها انت بعثتها باش تجيبلك لي تحب عليه...في بالك كان عملت على كلامك...باش يغزرلي باش نعجبو...يزي ما تكذب على روحك...نتوما الرجال الكل كيف بعض...تحبو المظاهر اكثر شي...انا مكنتش هكا...و لا عمري توقعت نوصل نكون بالمظهر هذا...اما ظروف لزتني...لزتني باش نعيش حياة اخرى...يزي زياد...فيق على روحك انت غالط كيفي و اكثر...كان مش عاجبك...كنت من الاول تمنعني...من الاول تخاف عليا...في رايك...كان متخدرش كان باش يسيبني ليلة هههههه تحلم...مفماش حد يضيع فرصة هكا باهي...و نحبك تفهم شي اخر...انا مش ¤¤¤¤ و عمري ما كنت اكاكا...انا مغتصبة...الزمان اغتصبني...قبل ما يغتصبني الكلب هذاكا...و بالعكس مش حاشمة من اللي صار...خاطر ما عندي حتى ذنب فيه...و مستعدة نواجهك و نواجه ناس الكل بكلامي هذا...انا بريئة و مزلت شريفة....واللي صار من غير ارادتي...فهمت...حتى حد يا زياد...حتى حد ما عندو الحق يحاسبني على لي صار...كان فما حد لازمو يتحاسب هو برك...هو اللي باش يخلص مش انا...و رد بالك تقارن حبي ليك باي شي في دنيا
بقا واقف يغزرلي...من غير ما يحكي حتى كلمة...حسيت روحي تفرهدت شوية بعد الكلام لي قلتو...قرب مني خطوة...دور يدو على راسي...شدني من شعري...جبدني عندو...نزل عليا شوية...حسيت بالنفس متاعو سخون على وجهي...عكس البرد لي محاوطنا...قرب مني من وذني...يحكي...و يتنفس بالقاوي
زياد:علاش ناوية تهبلني انت...ياخي تحبني نرتكب جريمة في جرتك...باش تفهمني...في بالك باش نخليك وحدك...مش قالك سارفور قاعد نراقب فيك من بعيد
سكت و هز يدو...حطها على رقبتي...جبد الشركة بالقاوي قطعها...و جبد روحو شوية غزرلي يحكي
زياد:مش قتلك رد بالك تنساها شركة...علاش حتى نأكدلك علاها انا...خاطر الكاميرا موجودة هوني...كل حركة تعمل فيها على عيني...في بالك كان قرب منك باش نسمحلو...كنت باش نقتلو...حتى كان خسرت كلشي بعدها...علاش متحبش تاثق فيا...شمزال تحبني نعمل باش نأكدلك انو حد ما ينجم يأذيك و انت في حمايتي...علاش تجبرني نتعامل معاك على اساس انك دنيز مش سوار...علاش تعامل فيا كيفهم يا سوار
بقيت نغزرلو...كلامو سكتني...منعرفش شكون على حق هو و لا انا...اما الحاجة الوحيدة لي متأكدة منها...اني نحبو...و مستعدة نعمل اي شي على جالو...مستعدة نتعدا الحدود الكل معاه...هو روحي و النفس متاعي...منجمتش نحكي...الكلام وحل في حلقي...ملقيتش طريقة نجاوبو بيها...كان اني نبوسو...و ناخو قوتي منو...هزيت يديا الزوز...كبشت في سوريتو...لزيت ليه اكثر...و غطست معاه في بوسة طويلة...حطيت فيها احساسي الكل معاه...جبد روحو مني...وخر لتالي...حسيت ببرودة في بدني...برود نحسها كان وقت يبعد عليا هو...حسيتو بالحق تغشش مني...هز يدو عداها على وجهو يحكي
زياد:خلينا نمشو من هوني
تلفت قبل ما نقول حتى كلمة...مشا و خلاني واقفة...وقتها برك دموعي نزلو...و تخلطو مع المطر...خطواتو لي كان سابقني بيها...هي المسافة الللي باش تبقى بينا ديما...اما مش اليوم...منحبش نخسر زياد في جرة دنيز...اول مرة نحس كلامو صحيح...علاش نحب نكون دنيز في حضرتو...علاش ديما نخليه المتهم الاول في اللي صار و نحاسبو هو...في بلاصة ما نحاسب الكلب لاخر...علاش نتعامل معاه على اساس هو مذنب...مع انو ديما يعتبرني بريئة...حتى كلامو متاع قبل اعتذرلي عليه...و معادش عاودو...سكرت عينيا بالقاوي...و خليت المطر يبردني...حليت عينيا...لقيتو ركب...تبسمت بوجيعة...مستحيل نخسرو...مستحيل....نخلي شي يفرقني عليه...هو متاعي انا...و كان لزم نتحدا ناس الكل...على خاطر حبي ليه...حبو برك اللي مخلي سوار تاقف مرة اخرى...و مخلي دنيز تكون قوية...و تواجه الناس الكل من غير خوف...خاطر نعرف لهو في حمايتي و مستحيل يخلي حد يأذني و لا يدور بيا
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 63
ليلة باردة...صوت المطر مسموع مع صوت انفاسنا...دورت راسي شوية غزرتلو...يسوق و كابس بيديه زوز عالفولون...عروق رقبتو تحسهم باش يطرشقو...عديت عينيا على وجهو الكل...و حبست في الضربة هذيكا...حتى و هو مغشش...اما ياسر محلاه...قلبي دق بالقاوي...و انا نذكر في اليمات اللي عدياهم معاه في دار الزريعة...اما توا كلشي تبدل...كل يوم يتعدا...قاعدة نفقد الحق فيه...في اني نملكو...و نخليه يكون ليا...الفكرة هاذي بالظبط...خلاتني نحس ببرودة
قوية في بدني...لاول مرة نحسو لهو بالحق تغشش مني لدرجة كبيرة...تي مكلفش روحو حتى يتلفت يشوفني...حضنت روحي بيديا...و تكيت لتالي...حطيت راسي عالبلار...نشوف مع المطر...لكل شوية تقوا اكثر...كيف وجيعة قلبي...منعرفش قداش عدينا في الثنية بحكم الاوتيل بعيد شوية...حسيت كان بصوت الفران...هزيت راسي غزرت للبلاصة...جابني لدارو...تلفت عندي...غزرلي...غزرة باردة...كيما اول مرة شافني بيها...قداش عندي علاها...هز تليفوني في يدو يحكي
زياظ:الليلة باش تبقى هوني...و من غدوة نرجعك
جيت باش نحكي...قص عليا...كيف فتح باب الكرهبة و نزل...خذيت نفس و خالطت عليه...نمشي وراه...رغم البرد لمحاوط بينا محسيتش بيه...رغم اني لابسة روب هذيكا برك...اما محاولش يغطيني كيف عادتو...يمكن حتى هو يحب يعتاد على دنيز...هزيت براسي لا...هو يحب سوار و كهو...حتى دنيز معندهاش الحق فيه...نهز في روحي بالسيف...ساقيا خانوني المرة هاذي...نحب نقرب منو...نعنقو و ننسى روحي معاه...اما منجمتش...وقفت في الاصونصير...نشوف معاه...عاطيني بالظهر...كابس على يدو...نفس متاعو مسموع...شعرو مبلول...دوب فتح الاصونصير...هز روحو و خرج...خذيت نفس و خالطت عليه...بقيت واقفة وراه...حل الباب...و دخل...متلفتليش جملة..بقيت واقفة قدام الباب...نشيع فيه بعينيا لين بعد و دخل لبيتو...نحيت الكعب...سكرت الباب...و مشيت لبيتي بالزربة...سكرت الباب بيديا زوز...و تلفت...حسيت قوتي طاحت في الما...تكيت عالباب...نزلو دموعي بالوقت...لين وليت نبكي بالشهقة...طحت عالارض...حطيت يدي على فمي نكتم في شهقاتي...منعرفش اصلا علاش نبكي...يمكن خاطر بالحق حسيت لانا خسرت روحي جملة...يمكن خاطر قاعدة نفركس على سوار داخلي و ملقيتهاش...كلماتو مزالو يرنو في وذني...مستحيل نكون خسرتو...مستحيل يكون كرهني...اصلا مش باش نسمحلو...مسحت دموعي كيما جا...هزيت روحي وقفت بالسيف...خذيت نفس و حليت الباب...معاد حاسة بحتى شي...كان دقات قلبي لي تعاود في اسمو...نحب نحضنو و ننسا كلشي...منعرفش على روحي كيف وصلت لبيتو...لقيت الباب مفتوح...اول ما دخلت...دورت عينيا عالبلاصة الكل ملقيتوش...كان الفاست متاعو لي مطيشة عالارض...و صوت الما جاي من بيت البانو...قربت بالشوية...لين وقفت بحذا الباب...هزيت يدي حطيتها عالبواني...غمضت عينيا ورجعت فتحتهم...كبست عليه...وحليت الباب...كملت حليتو و دخلت...جات عيني مع عينو...حسيتو تصدم من اللي قاعدة نعمل...ما نطق حتى كلمة...جيست يغزرلي...نزلت يدي من البواني...و قربت منو...من غير ما نزل عينيا من وجهو...نحس في روحي مخدرة...و منعرفش اللي قاعدة نعمل فيه...وصلت عندو جيست...نفزر للما لي هابط عليه...على شعرو لي نزل على وجهو...خذيت نفس...و كملت اخر خطوة...وقفت قدامو بالقدا...نزل عينيه يغزرلي...مصدوم...هزيت يدي حطيتها على صدرو...لزيت ليه اكثر...طلعت راسي غزرتلو...نحل في عينيا بالسيف...الما لي نازل علينا...مخلانيش نشوف ملامحو بالقدا...اما قاعدة نحس بدقات قلبو القوية...بصوت النفس متاعو...وقفت على طراطش صوابعي...نزلت يديا زوز شديتو من يديه نوازن في روحي...وصلت لرقبتو كبست على يديه اكثر...نزل راسو يغزرلي...حطيت شفافي على خدو...و غمضت عينيا بالوقت...بستو بوسة خفيفة...و جبدت روحي شوية...باقي يغزرلي ندرا كيف...جبد يدو من يدي...حطها على خدي...يبعد في خصلات شعري...نزل عليا اكثر...حط شفافو على شفافي...من غير ما يبوسني...قلبي دق بالوقت...هزيت يدي حطيتها على جنبو...حسيتو تكهرب من لمستي...نزل بيدو لرقبتي...كبس عليا...و نزل على شفافي اكثر...نزلو دموعي بالوقت...تخلطو مع الما لي نازل...جبد روحو شوية...قربت ليه اكثر...خذيت نفس نحكي
انا:ز زياد
زياد:اخرج
عينيا وساعت...كلمتو روهجتني...بلعت ريقي و انا نغزرلو...دوخة لعبت عليا...و نحس في روحي باش نطيح...لزيت ليه اكثر...دورت يديا زوز على ظهرو...و حضنتو بالقاوي...نحكي
انا:يزيي زيااد...تعبت راهو...حس بيا مرة وحدة في حياتك
نحكي و كبس عليه بيديا فرد وقت...هز يديه حطهم على كتافي...جبدني شوية يحكي
زياد:سوار امانك اخرج
غزرتلو ندرا كيف...دموعي نزلو مع الما...خذيت نفس نحكي
انا:كان نخرج مستحيل نرجع...فهمتني مستحيل نرجعلك مرة اخرى
بقا يشوف معايا شوية...في لحظة دزني لتالي...بيديه زوز...شدني من كتافي...كبس عليا...قربلي اكثر يحكي
زياد:شتحب سوار
طلعت راسي شوية...جات عيني مع عينو...تنهدت نحكي
انا:نحبك انت
بقا يغزرلي...مروهج من كلامي...حسيت بيه مش قد بعضو...رخف يديه شوية شوية على كتافي...وخر لتالي...عدا يديه زوز على وجهو بعصب...و نفخ بالقاوي...فهمتو بالقدا...و فهمت بلاصتي عندو...نزل يدو باش يحكي...قصيت عليه...كيف بعدت عليه...خرجت نجري...شعري مبلول...و الروب طلعت اكثر...اول ما وصلت للباب باش نخرج...خالط عليا..سكرها...تلفت عندو...حصرني مع الباب...بيديه زوز...شعرو مبلول كيفي بالظبط...نزلت عينيا مع بدنو...لحق لبس منشفة فوق الشورت...رجعت غزرت لعينيه...حاولت نجبد روحي...قرب ليا اكثر...حصرني يحكي
زياد:شتحب مني سوار
انا:معادش يهم
زياد:ناوية تهبلني انت...ناوية على ¤¤¤¤¤¤ شبيك تتصرف هكا
انا:نسيت لمش من حقي نقرب منك كيفها
ضم شفايفو بغزول...تنفس بقوة...هز يدو ضربها عالباب مرتين يحكي و يصيح
زياد:شمدخل ¤¤¤¤ توا...ناوية تهبلني انت
انا:سييبني نحب نمشيي
زياد:مش باش تتحرك من هوني لين تحل فمك
انا:قلت لي عندي...و انت رفضت تسمعني...سيبني توا
نفخ بالقاوي...نزل بيديه زوز شدني من جنابي...كبس عليا يحكي
زياد:باش تهبلني يا طفلة
انا:هأة انت لباش تهبلني
ضحك بالوقت...هز يدو من جنبي...حطها على خدي...يعدي في صوابعو و يحكي
زياد:ناوية عليا انت
انا:مممم نحب عليك انا
رجع راسو لتالي...نفخ بالقاوي...ورجع غزرلي...يحكي
زياد:سوااار
انا:نحبك
عالكلمة...قربلي اكثر...لين معادش فما مسافة بينا...نزل يحكي في وذني
زياد:متأكدة
انا:مممم
زياد:مش باش تندم مبعد
انا:لا
زياد:سواار منحبش نغلط معاك راهو
انا:نحبك زياد
جبد روحو مني...بقا يثبت شوية في وجهي...نحس في قلبي يخض بالقاوي باش ياقف...نزل يدو جبدني من يدي جيت في حملتو...كبس عليا...نحس في يدو تحطت على الشركة...حلها...لين وصل بيها لتالي متاع ظهري...عدا صوابعو على كتافي و نزل بيهم لظهري...بدني رعش بالوقت...جبد روحو شوية...غزرلي...كانو قاعد يستنا في اشارة مني...منجمتش نحكي...ترميت عليه حضنتو بالقاوي...نزل عليا اكثر باسني من رقبتي...و طلع يحكي في وذني
زياد:سوااار متأكدة تحب تكون ليا
كبست على ظهرو اكثر...هزيتلو براسي ايه...حسيتو متردد اكثر مني...و خايف فرد وقت...اصلا منعرفش كيف نجمت ناخو القرار هذا معاه...اما معاد يهمني حتى شي...كان اني نكون معاه و ليه...نزل عليا اكثر...حملني بين يديه...حطيت راسي على كتفو...نحس في قلبو يدق بالقاوي كيفي و اكثر...فقت من سرحتي كيف حطني عالسرير...حاوطني بيديه زوز...نزل عليا اكثر...حط شفافو على شفافي يحكي
زياد:تعرف لي تعبت في جرتك يا فرخة...كل مرة تهبلني اكثر...نعشقك اكثر...ياخي شعملتلي انت
هزيت يدي بالسيف...حطيتها على خدو...عديت صوابعي على ضربة هذيكا...نحكي
انا:بالحق تعشقني انت
زياد:مممم
انا:و هذيكا
زياد:هههههه اه يا ربي...شوف انا وين و هي وين
انا:جاوب
نزل باسني بوسة خفيفة...و طلع راسو غزرلي...يحكي
زياد:نحبك تفهم شي واحد برك...افهم لانا حاجتي بيك انت كهو...يزي ما تعبتني معاك يزي من كسوحية راسك...معادش نحبك تفكر في حتى شي اخر غيري
انا:تحبني كيما نحبك
تبسم على جنب...قص عليا تفكيري...كيف نزل عليا...يمكن يحبني ناخو الاجابة بطريقة اخرى...هزيت يديا ضميتو ليا اكثر...و فرد وقت نحاول قد ما نجم منخممش في اكا الليلة الخايبة...نحب نكون معاه هو كهو...نحب نعيش معاه كلشي من جديد...منحبش نبعد عليه...و لا نرجع لتالي بعد ما سلمتلو...نحب نكون ليه...و نعيش معاه كلشي...يزي من اللي تعدا علينا زوز...منحب نخسر حتى فرصة تجمعني معاه...نحبو يكون ليا و معايا...نحبو هو كهو
نمشي و هايمة...حاطة يديا داخل مكاتب كبوطي...لافة روحي...منعرفش ساقيا وين هازيني...نمشي و تفكيري بعيد...مش حاسة بالبرد...و لا بقطرات المطر...لتوا مش مصدقة لصار البارح بينا...لتوا مش مصدقة لسلمتلو و خليتو يملكني...مندمتش...و عمري مش باش نندم علاها الليلة
هذيكا...اما زادة توجعت...توجعت خاطر كمية الحب لي كان عاطيهالي...حسيتها نقصت وقت قرب مني...وقت خذا لي حاجتو بيه مني...وقت تقوا عليا...حسيتو ندم خاطر قربلي...للحظة حسيت عينيه ضاعو في وجهي...يمكن وقتها استوعب لانا مش طفلة...و مستحيل نكون الطفلة لي يفركس علاها...حسيتو يعاقب فيا...منعرفش علاش تقوا عليا اكاكا...يمكن حبو ليا كان شهوة و كهو...صحيح مبعدنيش عليه...و بقا محضني...اما ليلة كاملة مرقدتش و لا هزني نوم...توا استوعبت انو اكا الليلة مستحيل تفارقا...مستحيل ينجم ينسا لي صار...و لا باش يعاوني اني ننساه...حتى هو مرقدش ليلة كاملة...اول ما دخل لبيت البانو...لبست دبشي كيما جا...هزيت كبوطي و خرجت...مبكيتش و منزلوش دموعي...منعرفش علاش...يمكن خاطر لتوا مصدومة من اللي عملتو...لتوا مش مصدقة لي صار...خايفة و منحبش نخمم لي علاقتنا باش توفا...بعد ليلة البارح...تنفست بالقاوي...و ثبت في طريق...لقيت ساقيا هزوني لثنية قديمة...عندي برشا علاها...سنين تعدات من وقت رحلنا عالحومة...من وقت هزنا راجل امي...و قال معادش باش نعيشو هوني...قد ما حاولت امي...اما مفماش كلمة فوق كلمتو...كنت نخطف الوقت باش نتعدا لهوني...اما بعد اللي صار معادش جيت لهوني...غمضت عينيا نشم في ريحة الخبز البنينة...تشمها كان في الحومة هاذي...حليت عينيا نشوف في قهوة العربي...فارغة و مزال متعباتش...البرد و الكل راكشين في ديورهم...تبسمت بوجيعة...و انا نذكر فيه...منعرفش علاش ضرب في مخي توا...اما زعمة كان وقتها كان معايا...كنت باش نوصل نعيش هذا الكل...ياخي فاش نخمم انا الحكاية عندها برشا...ندرا عليه شعامل توا...اصلا مكنتش نحبو برشا...ياسر بليد...و ماسط...قربت شوية شوية...على اخر خطوة...طليت عليه...نلقاه شاد عكازتو بيد...و دفتر متاع الحسابات بيد...تبسمت وحدي...و كملت دخلت نحكي
انا:عم صالح
طلع راسو غزرلي...غزرة طويلة...حط الدفتر...و هز يدو في وجهي يحكي
صالح:سواار بنتي
قربت منو بالزربة...شدتو من يدو بستها...و طلعت بستو من خدو...راجل كبير...و مهما تعدا بينا زمان...عمرو ما تبدل علينا...و لا نقص من حبو لينا انا و عماد...هز يدو حضني يحكي
صالح:وينك يا طفلة...نسيت عمك جملة
انا:لا عمري ما نجم ننساك
قلت كلامي بغصة...للحظة تعدا صغري بين عينيا...جبدت روحي منو...و كملت نحكي
انا:تاعبة برشا عمي...تاعبة و منعرفش لشكون نمشي
هز يدو حطها على خدي...غزرلي...يطمن فيا بعينيه و يحكي
صالح:شكون لي غششلي بنتي
انا:الكل...الكل يتعمد انو يوجعني...منعرفش شنوة عملت انا...باش نعيش هذا الكل
قرب مني شدني من يدي...قعدني عالكرسي...و قعد قدامي...خلا يدي بين يديه يحكي
صالح:لااا عاااد فما شكون غششلي بنتي...كيف ينجم يبكي وحدة كيفك
انا:ك كيف عرفت لفما شكون
صالح:خاطر العينين هذوما...يقولو لفما شكون في حياتك...و لانت تحبو برشا
انا:صحيح...اما
صالح:اما عندك شكوك...خايفة لا يطلع ميحبكش
هزيتلو براسي ايه...تبسملي...و كبس على يدي يحكي
صالح:متخافش...مفماش حد في دنيا مينجمش يحبك...و انا متأكد لهو يحبك برشا
انا:بالحق
هزلي براسو ايه...حسيت روحي تفرهدت شوية...اما مزلت مخنوقة...مزال منسيتش لي صار...هزيت روحي وقفت نحكي
انا:عم صالح باش نمشي توا...و نوعدك باش نرجع مرة اخرى
صالح:خليك قوية ديما عيش بنتي
هزيتلو براسي ايه...نزلت بستو من راسو...وخرجت نجري...نجري بكل قوتي...نحب نخرج من هوني...نحب ننسى كلشي...وقفت كيف حسيت روحي تهديت...وقتها برك نزلو دموعي...حطيت يدي على كرشي نهدي في روحي...قربت من اول كرسي...قعدت عليه...نتنفس بالسيف...نشوف مع البحر...نبكي بالشهقة...نحس في بدني مدقدق...كل بقعة توجع فيا...لفيت روحي اكثر...و تكيت لتالي...منجمتش نرجع...منجمتش نقابلو...حشمت نوريه وجهي بعد اللي صار...تي انا خاشمة من روحي...من وين باش جيني الجرأة اني نقابلو...اصلا كلشي نحب عليه توا...اني نحضنو و ننسا كلشي معاه
زياد يحكي:
ندوش و عقلي معاها...قد فرحتي بيها...قد ما راني مغشش من روحي...منعرفش كيف تقويت علاها...كيف منجمتش نتصرف عادي...اصلا ستانست هكا...و عمري ما فكرت نتعامل مع اي طفلة عادي...اما سوار...كانت عكس الكل...كانت مختلفة برشا...حبي ليها خلاني نعيش شي جديد...منعرفوش من قبل...معشتوش مع اي طفلة من قبل...عفويتها معايا...مخلاتنيش نفكر جرد تفكير في اللي صار معاها...و لا فما شكون مسها قبلي...هي متاعي انا برك...ليا انا كهو...سكرت عينيا بالقاوي...من اللي حسيتو ساعتها...لتوا مش مصدق لانا ملكتها...كملت الدوش...و خرجت...ضيقت عينيا كيف ملقيتهاش في البيت قلبي دق بالقاوي...لبست دبشي...و مشيت لبيتها زادة مفماش...عيطت علاها شي...هزيت يدي ضربتها بكل قوتي عالحيط...ياخي ناوية تهبلني الفرخة...مش باش تبطلها العادة هاذي...حتى تليفونها هوني...رجعت لبيتي هزيت تليفوني...كلمت راضية...عرفت لهي مرجعتش لدار...هزيت مفاتحي...و نزلت نجري...طرت بالكرهبة...نمشي و نغزر للبلايص الكل...منعرفش قداش عديت و انا اكاكا...شديت الفران بالقاوي...كيف شفتها قاعدة عالكرسي...جاب ربي البرد و مفماش ناس برشا...و الا مستحيل كنت نلمحها...نزلت و قربت منها...قعدت قدامها...تلفتت شوية غزرتلي...ورجعت تغزر للبحر...تكيت لتالي...نحكي
انا:ندمت ؟
السؤال هذا برك لي جا لبالي...بعد ما شفت حالتها...مرجعتليش...قربت مني حطت راسها على صدري...هزيت يدي...حطيتها على شعرها...نعدي فيها...نسمع فيها تحكي
سوار:انا خسرتك بعد ليلة البارح مش هكا
انا:علاش
سوار:منعرفش هكا حسيت
انا:ملا قتلي حسيت
سوار:مغشش مني لهدرجة انت
عرفت على شنوة تحكي...كبست على سناني بغزول...لزيتها ليا اكثر...بستها من راسها..و هزيت يدها بستها..نحكي
انا:و راسك مش كيما تفكر
سوار:كي هكا علاش
مكملتش كلامها...تبسمت بوجيعة...خذيت نفس نحكي
انا:علاش فكرت لانا قاعد نحاسب فيك...و محطيتش احتمال لانا غالط في الموضوع
سوار:شقصدك
انا:منعرفش...طبيعتي هكا...يمكن الماضي اثر فيا لدرجة منجمش نتعامل عادي...ميرال ستانست بيا و متقلقهاش الحكاية...و اي طفلة اخرى ميهمنيش فيها...و منحاولش حتى نعتذر منها...صدقني حاولت قد ما نجم نتحكم في روحي اما منجمتش...مش انت برك لموجوعة من الماضي يا سوار...حتى انا الماضي ضرني...و اثر عليا برشا في حياتي...وصلت لدرجة منفرقش بين الباهي و الخايب...حتى علاقاتي هكا
نزلت راسي شوية...لقيتها مطلعة راسها تغزرلي...كبست بيدها عى سوريتي...تحكي
سوار:ي يعني مش باش تخليني انت
انا:مممم
سوار:و مزال حاجتك بيا و تحبني
انا:ايه
سوار:و ميرال
ضحكت...تي باش تهبلني..نزلت بستها من خشمها...نحكي
انا:انا حاجتي بيك انت...نحبك انتي...و منحبكش تقارن روحك بحتى وحدة اخرى...و مش باش نجبرك تتقبلني كيما راني...نحبك تعاوني نتعدا الماضي زادة...نحبك تعلمني برشا حاجات سوار
سوار:كيما شنية
انا:كيما الحب لي عطيتهولي البارح
سوار:زيااد
انا:مممم
سوار:تو انا البارح رجعت مرتك مش هكا
سألتني و هي تغزرلي...عينيها لمعو...تستنا في نجاوبها...ضيقت عينيا...نحكي
انا:مممم لا
سوار:ع علاش
انا؛خاطر مفماش مرا تهرب من راجلها من اول ليلة
لزت روحها ليا اكثر...حطت راسها على رقبتي...و كملت تحكي
سوار:خفت...خفت انك تخليني...انك تلومني خاطر انا
انا:شششش معادش نحب نسمعو الموضوع هذاكا...انت مرت زياد ال ¤¤¤¤¤ و غير هكا مفما حتى حقيقة اخرى...و نوعدك بعد ما يوفا كلشي...باش نهزك و نمشو من هوني
سوار:زياااد زعمة باش يجي نهار و تكرهني
انا:من وين جيب فيهم الاسئلة هذوما
سوار؛هكا خاطر نحبك انا
انا:عيشو لي يحبني هو
كبست عليا اكثر...غرست راسها في رقبتي...ضحكت و كملت نحكي
انا:مطولين برشا هوني ياخي
سوار:علاش
انا:تي محلانا مخليين الدار و قاعدين هوني
سوار:جعت انا
انا:ايه في بالي...اصلا نستنى فيها للكلمة
سوار:باش تحضرلي فطور
انا:دللل شتحب زادة
سوار:نحبك تحضني...و متخلينيش جملة
انا:مممم مثبتة متحبش حاجة اخرى
سوار:زياااد
انا:شفاها ياخي...مزلت ناقصة برشا و لازكك تتعلم
سوار:نتعلم شنية
انا:هههههه هيا برك...تو مع الوقت تعرف
سوار:زياااد
انا:تي هيا قوم برك
سوار:باهي
هزيت روحي وقفت...ووقفتها في جرتي...نكركر فيها للكرهبة...تمشي بالسيف..ركبتها و ركبت...طول الثنية و هي محضنتني...حسيت بضعفها و حاجتها ليا...خاصة لتوا مش مصدق انها تعدات لي صارلها...و تفاعلت معايا البارح..كل يوم و كل مرة...قاعد نتأكد لانا بالحق نحبها...و منجمش نستخايل حياتي من غيرها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 64
نغزرلها...و شايخ في مخي...نغزر لكل تفصيل في وجها...بلا ما نمل...كاني نحب نحفظ تفاصيلها الكل...لتوا مش مصدق لانا ملكتها...و عشت معاها كلشي...عمري ما توقعت نوصل نحب...ضحكت على روحي...فرخة صغيرة...قلبتلي
حياتي...تي نسيت كلشي و انا معاها...تي مش مصدق جرأتها معايا جملة...متوقعتش لهي باش تسلملي...بالعادة نكرهم الفازات هذوما...اما بالعكس...سوار عمرها ما كانت كيفهم...اصلا استسلامها ليا بعد لي تعدا علاها الكل...انها نسات هذيكا الليلة و هي في حملتي...حتى كيف تقويت علاها...محاولتش تبعد عليا...هذا الكل خلاني نعشقها اكثر...و نتأكد من حبها ليا...غمضت عينيا بالقاوي...و ضحكت...و الله رجعتني مراهق من اول و جديد...هزيت يدي...نعدي فيها على خدها...حلت عينيها بالوقت.. غزرتلي...و رجعت سكرتهم...تبسمت...و نزلت بيدي...غرستها في شعرها نحكي
انا:هيا فيق يا قطوسة
سوار:ممم هأة نعسانة
انا:قوم تاكول و ارجع ترقد
مرجعتليش...قربت مني...هزت يدها شدتني من سوريتي...و لزت روحها ليا اكثر...حطت راسها على صدري تحكي
سوار:نحب نرقد
هزيت يدي...حطيتها على ظهرها كبست علاها...و نزلت بستها من خدها نحكي
انا:سواار هيا قوم
سوار:تاعبة
انا:ملا قتلي تاعبة
سوار:ممم
انا:من شنية تعبت انتي
نحكي و نضحك...لزت ليا اكثر...غطست راسها في رقبتي...تحكي
سوار:زياااد امان
انا:ماك تشتكي...حبيت نعرف سبب
سوار:يزي عاد...شبيك تفرك فيهم عليا انت
انا:مش باش تقوم توا
سوار:لااا والله تاعبة برشا...و نحب نرقد عندك
انا:ههههه اما منضمنلكش نقعد عاقل
طلعت راسها غزرتلي...دوب حالة عينيها...قدمت شفافها...تحكي
سوار:شقصدك
انا:قصدي واضح
نزلت بستها من شفافها...لزت ليا اكثر...حضنتني تحكي
سوار:هأة تاعبة انا
انا:و انا مش تاعب
سوار:زياااد
انا:ههههه باهي باهي...خليني نقوم توا...عندي برشا خدمة راهو
كبشت فيا بيديها اكثر...كيف صغار...طلعت راسها شوية تحكي
سوار:خليك معايا
نزلت علاها بيدي اكثر...هزيت يدي لاخرى نبعد في شعرها لتالي...باش نجم نشوف وجها...و نحكي فرد وقت
انا:باهي ارتاح
عدلت روحي عالفوتاي...و خليتها في حملتي...نشم في ريحتها...قربها برك لي يخليني نرتاح...بقيت نعدي في يدي على شعرها...قص عليا صوت تليفوني...رميت يدي هزيتو من طاولة...لقيتها ميرال تطلب...تنهدت بالقاوي...و نزلت راسي غزرتلها...حلت عينيها على صوت تليفون...جبدت روحها شوية...تحكي
سوار:شكون يطلب فيك توا
طلعت حاجبي...و قحرتلها...تعرفني نفد منهم الاسئلة هذوما...قربت ليا اكثر...لين رجع شطرها فوقي...غزرت لتليفون...ورجعت غزرتلي...تقحرلي و تحكي فرد وقت
سوار:علاش تطلب فيك ياخي
رجعتها شوية لتالي...خاطر مخي بدا ينحرف معاها...ضيقت عينيا نحكي
انا:مش قتلك نقص منهم الاسئلة هذوما
قحرتلي...و خطفت تليفون من يدي بالزربة...علقت علاها...عينيا وساعت مصدوم في تصرفها...و محبستش هوني قبل ما نحكي...وقفت من بلاصتها...رمات تليفون في يدي...و قحرتلي قحرة موت تحكي
سوار:برا عندها رضيها...خاطر علقت علاها
كملت كلامها...و جات باش تمشي...طيشت تليفون...و خطفتها من يدها بالقاوي...قبل ما تبعد...جبتها في حملتي...دورت يدي على جنبها...جات باش تقوم...كبست علاها نحكي
انا:شنوة لي عملتو توا انت
سوار:شي...سيبني
انا:بالساهل ياخي
سوار:هاك من زوز كلمات تغششت علاها...قلت نزيد نغششها هي...و مبعد ترضو بعضكم
شدني ضحك...على تفكير متاعها...كبست روحي...و قحرتلها نحكي
انا:مخممتش كيف باش نرضيها انا
سوار:شيهمني فيك انا
انا:مممم اول شي باش نبوسها هكا
قربت منها...بستها من شفافها بوسة خفيفة...بقات تغزرلي...عينيها تحلو تستنا فيا نكمل...تبسمت بخبث...هزيتها و حطيتها و هي في حملتي...هزيت يدي...حطيتها على بروتال الروب...نزلتو شوية...كبست علاها بيدي لاخرى على ظهرها جبدتها عندي...نزلت بستها من رقبتها...و طلعت نحكي في وذنها
انا:الباقي تعرفو انت
تكيت لتالي نشوف معاها...تغزرلي ندرا كيف...شاد روحي بالسيف باش منضحكش...جيت باش نكمل نحكي...سبقتني دمعتها لي نزلت تحرق...يمكن حسيت بيها اكثر منها...هزيت يدي جبدتها عندي...حطت راسها على صدري...هزيت يدي حطيتها على شعرها...كبست علاها نحكي
انا:سوااار ياخي علاش دموع توا
مرجعتليش...باقي تبكي و تمخط...فهمت مخها فاش قاعد يدور...بالعادة تستفزني بالكلام...اما نعرف لي بعد ليلة البارح...مخها مشا لبعيد...نفخت نحكي
انا:يزززي نفدلك معاك
سوار:ه هأة انت باش تعملها
انا:نعمل شنية
سوار:باش تمشي عندها...و
انا:ممم و شنية زادة
سوار:زياد يزي
انا:ههههه باهي
طلعت راسها غزرتلي...وجها احمر...تتغوصر...حسستني لانا بالحق مشيت عندها...و انا من جنبها متحركتش...هزت يدها حكت عينها تحكي
سوار:بالحق بعد ما نمشي من ه هوني...باش جيبها...لهوني...باش تخليها ترقد ع على سريري
شدني ضحك...مش نورمال الطفلة هاذي...هزيت يدي نمسح في دموعها و نحكي
انا:شوف الفرخة رزاتني في سريري
سوار:هأة كلشي متاعك هو متاعي زادة
انا:باهي دلل...شتحب زادة
سوار:جاوبني
انا:باش جيبها لهوني انت
تكيت لتالي...نشوف معاها...باقي تغزرلي...تستنا فيا نجاوبها...هزيت يدي...عديتها على طول يدها نحكي
انا:في رايك انتي
هزتلي بكتافها منعرفش...عوجت فمها...و باقي دموع محصورة في عينيها...تبسمت وحدي...وقت نشوفها هكا نحس لسوار رجعتلي...مش دنيز...نزلت عليا اكثر...حطت راسها على صدري...تحكي
سوار:منعرفش...اما زادة منحبش نفكر اللي باش تكون في بلاصتي
هزيت يدي نعدي فيها على شعرها...لي مغطي ظهرها الكل بطولو...خذيت نفس نحكي
انا:السرير هذاكا من اول نهار رقدت عليه انت...معاد حتى وحدة رقدت فيه...و مستحيل نخلي اي حد اخر يرقد عليه...اي بلاصة تجمعنا زوز...حتى حد ما عندو الحق يدخلها
سوار:حتى دار الزريعة
انا:ممم حتى هذيكا
سوار:باهي و معادش تمسها هذيكا
انا:مممم هوني المشكلة...منجمش نوعدك
هزت راسها...قحرتلي قحرة متاع موت...نزلت عينيا غزرت لشفافها...قربت منها شوية...اول ما حطيت شفافي عليهم...عضتني بكل قوتها...كبست على جنابها...ووخرت لتالي...غمضت عينيا بالقاوي و رجعت فتحتهم...نحكي و نضحك
انا:هههههه هاك طلعت مش قليلة...و تتعلم فيسع
هزت يديها زوز...تضرب فيا على صدري...بكل بقوتها...و باقي قاعدة في حملتي...تحكي و تغزل فرد وقت
سوار:والله يا زياد..كان تعملها...باش تخسرني جملة...والله ما نسامحك في حياتي...بعملتك هاذي..باش تحرقني
هزيت يديا زوز...شديتها من يديها...كبست عليهم...و جبدتها عندي بقوة...حطيت خشمي على خشمها...حسيت بالنفس متاعها لي طالع هابط...غزرت لقوة الاحاسيس لي في عينيها...خذيت نفس...كبست علاها اكثر...نحكي
انا:ششش اهدا...اهدا يا فرخة...اهدا خاطر متنجمش تتوقع لباش نعملو فيك توا...اهدا و افهم حاجة وحدة برك...افهم انو طول ما انت ملكو لشيطان...مستحيل تحركو طفلة اخرى...كيف وصلت حبيت مستحيل نرجع لتالي...اما كان صار...و حاولت تلعب معايا...وقت مش نحرقك برك يا سوار...وقتها باش نقتلك فهمتني
قصت عليا الكلام...كيف باستني...بكل قوتها...هزيت يدي دورتها على ظهرها...جبدت روحها شوية...هزت يدها...عدات صوابعها تحت عيني تحكي
سوار:انت متاعي انا كهو...و حتى وحدة اخرى ما تنجم تفكك مني...حتى وقت تبدا معاها تفكيرك باش يكون عندي...قلبك باش يكون عندي...مستحيل تنجم تنساني...و لا تخرجني من قلبك
نشيخ علاها قوتها هاذي...نعشقها وقت تحكي هكا...ضحكت بالوقت...و كبست على شعرها جبدتها عندي...غطست في شفافها...مبنها الفرخة...و لا مرة حسيت اللي حسيتو معاها...جبدت روحي منها كيف حسيتها تخنقت...نزلت عليا...حضنتني...نفس متاعها حرقني...اما منحبش نقرب ليها...منحبش نستغلها اكثر...منحبش نخليها تحس لانا حاجتي ببدنها و كهو...نحبها تفهم لانا نحبها هي...حاجتي بيها...طول عمري عشت على خاطر هدف واحد في حياتي...اني ننتقم و كهو...اما اليوم و هي في حضني...عطاتني سبب جديد باش نعيش...سوار سبب كافي باش نعيش...باش ناخو قوتي منها وقت نفد من عيشتي الكلبة...سبب كافي باش تنسيني في الماضي ووجيعتو...و طول ما انا عايش...مستحيل حد ينجم يأذيها مرة اخرى...و لا يحط يدو علاها...سوار ملكو لشيطان...و مستحيل اي حد ينجم يقرب من ملكية الشيطان
سوار تحكي: نمشي و نجي في البيت...كابسة عالتليفون في يدي...كلمتو اكثر من مرة مهزش عليا...نحس في روحي على اعصابي...يومين مكلمنيش...صحيح اليمات لي تعداو بعد اكا الليلة معادش قرب مني جملة... اما يكفي اللي هو وصلي في اللي قاعد يحس بيه...مخلانيش نندم لحظة خاطر سلمتلو...و لا نندم على اي شي عشتو معاه...مصدقتش لامورنا هدات...رجع لطبيعتو...منعرفش علاش من بارح مكلمنيش...و لا جا عندي...قص عليا تفكيري...صوت الباب كي فتح...و خالتي راضية دخلت..تحكي
راضية:دنيز فطورك حاضر بنتي
انا:امانك خالتي قلهم يحضرولي الكرهبة
كملت كلامي..ودخلت لبيت البانو بالزربة...غسلت وجهي...و خرجت بدلت دبشي...هزيت تليفوني و صاكي و نزلت اللوطة...حتى خالتي راضية ملحقتش نكلمها...ركبت في الكرهبة و طرت بيها...نسوق و نكلم فيه فرد وقت...ركبني الغزول...طيشت تليفون...على طول يدي...طاح اللوطة...انا اكاكا و تقص عليا كرهبة الثنية...شديت الفرا بالقاوي...باش مندخلش فيها...بقيت نتنفس بالقاوي...و انا نشوف معاها...عينيا وساعو كيف شفت ياسر نزل البلار...ياخي ناقصاتو انا توا...ضيقت عينيا...و زمرتلو بالقاوي باش يبعد...تبسم ندرا كيف...ماشي و يقرب مني...نفخت بالقاوي...غزرت لتليفوني نسمع فيه ينوقز...جيت باش ننزل نهزو...قص عليا كيف فتح الباب...و قبل ما نحكي معاه...كبس على يدي و خرجني من الكرهبة...نطرت يدي منو نحكي و نصيح
انا:ياخي شنوة تستخايل في روحك تعمل سيييبني
ياسر:اركح...احسنلك
انا:بربي خوفتني
ياسر:ايجا معايا
انا:وين نجي معاك...تو نورمال انت في مخك
كبس على زندي اكثر...و دزني عالكرهبة...هز يدو لاخرى...كبس على وجهي يحكي
ياسر:قداش من مرة كلمتك...فايت اسبوعين...شتستخايل في روحك ياخي...تعرف شكون انا...و تعرف زادة لاول مرة تجرأ طفلة ترفضني...ملا اتحمل لي باش يصير فيك
انا:ياااسر يزي...شنوة لي قاعد تحكي فيه انت...شصار ياخي باش قاعد تعامل فيا هكا
ياسر:دنيز ايجا معايا توا احسنلك
انا:مستحيل...سيبني
مرجعليش جبدني من يدي...يكركر فيا لكرهبتو..تليفوني باقي ينوقز...حاولت نجبد يدي منو شي...حل باب كرهبتو...نطرت روحي منو نحكي
انا:ياااسر يزي سيبني...تو نورمال لي تعمل فيه انت
ياسر:انت مجيش بالسياسة ملا اركب
انا:منحبش...ابعد
ركبني بالسيف و سكر باب الكرهبة...ورجع ركب بحذايا..حاولت نحلها شي سكرها من عندو...جيت باش نحكي طار بالكرهبة...ملا وحلة كلبة وحلتها معاه...حتى من بهامتي خليت تليفوني و جاية معاه...نفخت بالقاوي...و تلفتلو نحكي
انا:نزلني ياسر...ياخي شتستخايل في روحك تعمل
ياسر:سكر ¤¤ فمك
انا:مش باش نسكت...ياخي تعرف روحك مع شكون انت...تعرف للفازة مش باش تتعدالك
ياسر:ههههههه طلعت تعرف تهدد
نفخت بالقاوي...باقي نحاول نحل في الباب.. عرفت لي مش باش نوصل لشي معاه...حتى زياد منجمش نوصلو زح...رجعت غزرتلو...و انا نغزل اكثر من الاول...حطيت يدي عالفولون...دورتو بالقاوي...دزني بيدو رجعني لتالي يحكي و يصيح
ياسر:دنييييز اركح احسنلك
انا:نزززلني يا سخططة نزلني...وين هازني انت ياخي
ياسر:متخافش باش نخليك عندي يمات
انا:شنننوة هبلت انت...تعرف اللي قاعد تعمل فيه باش يكلفك غالي برشا
ياسر:و شكون باش يحاسبني زياد مثلا
عينيا وساعو كيف جبد اسمو...حاولت نتصرف عادي...باش ما يشلق بحتى شي...قحرتلو نحكي
انا:شمدخل زياد في النص
ياسر:مممم سامحني لالة...اما تو نشوفو البطل متاعك اذا باش يسلكك كيف نهار الحفلة
انا:ياخي فاش تخرم انت...هبلت في مخك
ياسر:في بالك باش تتعدا عليا الحكاية...متأكد اللي فما شي بينكم...و الا مستحيل كان يوصل يعمل اكاكا على خاطرك...كلنا نعرفوه لزياد ال ¤¤¤¤¤ و مستحيل تحركو طفلة و برا...الا اذا كان فما شي بينهم...اما المرة هاذي...مش باش نسمحلو ياخو الطفلة لي حطيت علاها عيني
انا:على شكون حطيت عينك...تو نورمال تحكي عليا هكا انت...فاش تستخايل في روحك نزلني
ياسر:علاش في بالك قاتل روحو عليك...لتوا متعرفهمش هو و خوه نفس الشي...اول ما يمل منك باش يطيشك
بقيت نشوف معاه مصدومة من كلامو...هزيت براسي لا...مستحيل زياد يعملها...و مستحيل يكون كيف خوه...نشوف فيه يتبسم بشماتة...غزرت لثنية...بعدنا برشا...زح ملا وحلة...تفكيري بقا مع زياد...عرفت كان نبقى نعافر فيه...باش نوصل لثنية مسكرة...سكت و تكيت لتالي...بقيت نقرا في لي plaque بالوحدة و نحفظ في البلايص الكل...و من شيرة مغزلة و باش نطرشق...عدينا يجيب ساعتين و احنا في الطريق...نحس في روحي باش نهبل من تخمام...فقت من سرحتي...كيف وقف الكرهبة...قدام برتمان كبيرة...البلاصة هادية عاللخر...مش ساكنين فيها برشا عباد...نزل من الكرهبة...و جا فتحلي الباب يحكي
ياسر:انزل
انا:مستحيل...رجعني توا فيسع
ياسر:لتوا موسع بالي معاك انزل احسنلك
لفت وجهي عليه...جبدني من يدي بالقاوي نزلني...و سكر الباب...حاولت نجبد روحي كنو منجمتش...يمشي و يكركر فيا وراه...لين وصلنا لدار...حل الباب و دخلني معاه...دار باهية عاللخر...صغيرة و تحفونة...اما بعيدة برشا...منعرفش علاش جابني لهوني...و لا على شنية ناوي...رجعت شعري لتالي...و قحرتلو قحرة متاع موت نحكي
انا:علاش جايبني لهوني انت
ياسر:باش نحكو
انا:على شنية باش نحكو
قرب مني...وخرت لتالي...كل خطوة يقربها ليا...نوخر لتالي...لين ضربت في الحيط...وصل معايا...حاوطني بيدو...و يدو لاخر حطها على وجهي...يعدي في صوابعو و يحكي معايا فرد وقت
ياسر:في برشا حاجات...في اخر كلام قلتهولك و مرجعتليش...على المكلمات لي مكنتش تهز عليهم...على كسوحية راسك زادة
انا:اختصر شتحب من عندي
ياسر:نحبك انتي
هزيت يديا زوز...دزبتو لتالي...و قحرتلو نحكي
انا:فهمت الموضوع غالط يا ياسر ¤¤¤¤¤ احنا كنا صحاب مش اكثر من هكا...اما مخك المريض صورلك حاجات اخرى
ياسر:ملا قتلي مريض
انا:ايه مريض...و الدليل على لي قاعد تعمل فيه معايا توا
ياسر:¤¤¤¤¤ عليا انت...مش انت لي تقربت مني...مش انت لي دخلت لحياتي
قرب مني شدني من وجهي...كبس عليا...و كمل كلامو ياسر؛اما مش انا لي تعديها عليا يا دنيز...مش انا لي ترفضني طفلة...و مش اي طفلة...كيف وصلت و جبتك لهوني...اعرف لمستحيل نسلم فيك
جبدت وجهي منو...نغزرلو مصدومة...كيف يحكي بغل...عرفت روحي وحلت معاه...و مستحيل نجم نخرج من هوني...زادة مستحيل نظهرلو خوفي...و لا توتري...ضحكت باستهزاء نحكي
انا:اعمل لي تحب عليه...انا مستحيل نكون ليك...فهمت مستحيل
عدا يدو على وجهو...و ضحك ندرا كيف...يحكي
ياسر:باهي تو نشوفو اخرتها معاك...خاطر بالسياسة بالقوة باش ترضى تكون ليا
تبسمت على جنب...نستفز فيه بلعاني...قرب مني جبدني من يدي..يجر فيا للبيت...غادي وين قلبي حسيتو باش يطيح...للحظودة تذكرت اكا ليلة...كان تتكرر توا...مستحيل نخرج منها البيت هذيكا...المرة هاذي باش تكون نهايتي بالحق...اول ما حل الباب...دزني الداخل بكل قوتو...بين وصلت لنص البيت...تلفتلو...قحرلي يحكي
ياسر:باش تبقى هوني...في البيت هاذي...لين تبطل كسوحية راسك و ترضى وحدك
كمل كلامو و سكر الباب...قربت بالزربة...نحاول نفتحها شي...بديت نخبط بكل قوتي...و نصيح فرد وقت
انا:يااااسر حل الباب...حلها...مستحيل يصير شي من اللي في مخك فهمت...انا و انت مستحيل نكونو مع بعض...تي افتحها خليني نمشي
صوتي بح...و هو صوتو مفماش...قعدت عالارض...و تكيت عالباب...رجعت راسي لتالي...تعدا زياد بين عينيا...زعمة باش يلقاني...و يسلكني من عند السخطة هذا...و لا مزال باش يصير اكثر...محبيتش نبكي...محبيتش نضعف...اكثر شي كنت نخمم فيه ساعتها...اني نلقى حل و نخرج من هالورطة الكلبة...لوحلت فيها مع الهم هذا...غمضت عينيا...و تنهدت بالقاوي...نهدي في روحي...و فرد وقت نعاود كلامو متاع قبيل في مخي...متوقعتش لهو باش يوصل يخطفني...تي طلع بالحق مش ساهل...و صعيب الواحد يعديها عليه
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 65
زياد يحكي: نسوق و نطلب فيها...كيف شفت مكالمات متاعها عالصباح قلبي تقبض...شدتني الخدمة يومين...تلزيت نبعد علاها...كبست بيدي عالفولون...و بيدي لاخرى عالتليفون...شعرة لا نحرقو...و باقي متهزش...منعرفش كيف وصلت لدارها...ركيت الكرهبة...و نزلت...حلتلي راضية الباب...كملت دزيت الباب و دخلت نحكي انا:برا عيطلها فيسع
راضية:خرجت من صباح
انا:شنيية وين مشات
راضية:منعرفش...خرجت منرفزة...حتى محكاتش معايا جملة
هزيت يدي عديتها بغزول على شعري...نفد منهم تصرفاتها هذوما...خذيت نفس و خرجت من دار...و نطلب فيها فرد وقت...باقي متهزش...اصلا معندهاش وين تمشي...فكرت تكون راحت لداري...هزيت تليفون كلمت العساس متاع البرتمان...قال لهي مجاتش...حسيت روحي بديت نفقد طرف الاعصاب لي عندي...هزيت كرهبتي...و خرجت لطريق...كيف خرجت بالكرهبة باز تكون بعدت...اما منعرفش علاش حسيت فما شي...خاطر مش من عادتها متهزش...اصلا طالبتني قبل هكا اكثر من مرة...ركيت الكرهبة...و كلمت واحد من رجالي...هز عليا يحكي
هو:تفضل مسيو زياد
انا:باش نبعثلك رقم توا...نحبك تحددلي البلاصة فيسع
هو:باهي
علقت عليه...بعثتلو النومرو متاع سوار...و خدمت الكرهبة...نسوق و كهو...المهم نلمحها و لا نوصل عندها...تعدا اكثر من نص ساعة...نسمع في تليفوني ينوقز...هزت عليه...نحكي
انا:عرفتو وينها
هو:طريق ¤¤¤¤¤¤
انا:متأكد...و متحركتش من غادي
هو:لا...تحبنا نخالطو عليك
انا:لا
علقت عليه...قبل ما يكمل يحكي...دورت الكرهبة...و طرت بيها...نفس الثنية متاع داري...اما علاش مزالت غادي...لمحت الكرهبة متاعها من بعيد...عقدت حواجبي...زدت في الفيتاس...شديت الفران بالقاوي...و نزلت...عينيا وساعو...و انا نرا في كرهبتها مراكية في نص الطريق...قربت منها...الباب مفتوح...طليت...دبشها في بلاصتو...حتى مفاتح الكرهبة...قلبي دق بالوقت...هزيت تليفوني طلبتها...نسمع فيه ينوفز الداخل...قعدت على كرسيها...و نزلت هزيتو في يدي...علقت على روحي...و غزرت لثنية...استوعبت شي واحد كهو...لي سوار مخطوفة...الفكرة هاذي بالظبط...دخلتني بعضي...خوف ندرا كيف تملكني ساعتها...قلبي نسمع في دقاتو...كبست بيديا عالفولون...نهدي في روحي...اول حد ضرب في مخي ياسر...خرجت من الكرهبة...تركزت بيدي علاها...و طلبت ادم...شوية و هز عليا يحكي
ادم:شتحب يا ساقط شبيك طلبتني توا
خذيت نفس...نهدي في روحي...منحب حتى حد يشك لفما شي...كبست روحي نحكي
انا:ادم باش نسألك على شي
ادم:شفما
ياسر:ادم الاجتماع باش يبدا توا
طلعت راسي...كيف سمعت صوتو...كيف هو معاه...سواار وين...صوت ادم فيقني من سرحتي
ادم:زياااد
انا:عندك اجتماع توا
ادم:مممم من صباح نحضرلو...الصفقة مبقالهاش برشا
انا:لي مع ياسر
ادم:ايه
انا:باهي
ادم:علاش شنوة كنت باش تسأل
انا:شي مبعد نكلمك
ادم:لباس ياخي
انا:ايه...مش باش نعطلك توا نحكو مبعد
علقت عليه...و هزيت يدي عديتها على شعري...في لحظة جمدت...يدي منجمتش نهبطها...كيف ضرب كلامها في مخي " محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها ريحتك...مبنك...مكنتش نتوقع...اني باش نذوق كعبة كيفك"...مزلت مذكر كل كلمة حكاتهالي...اكا الليلة...فكرة لهو رجع خطفها...خلات دم يجمد في عروقي...مستحيل انا وعدتها...كان يرجع يمسها مرة اخرى...نقتلو من غير ما نفكر مرتين...هزيت براسي لا...منجمتش نخمم فيها الحكاية جملة...رجعت لكرهبتي...دورتها...و طرت بيها...يدي رعشت و انا باقي نذكر في كلامها..."قتلو سيبني...امانك سيبني...يزي نحب نمشي من هوني...سيبني"..."اغتصصبني تفهم اغتصبني"...حليت عينيا...و زدت في الفيتاس اكثر...حسيت روحي في حلمة...منعرفش علاش خممت فيه هو...اما اذا مكانش ياسر...باز باش يكون هو...اصلا مخي تسكر و معادش نعرف شنوة اللي قاعد يصير...يجيب عشر دقايق..كنت بحذا المركز...ركيت الكرهبة...و نزلت...لي يجي في طريقي ندزو بيدي...حليت باب البيرو...و هديت على الحاكم...هز روحو وقف في جرتي يحكي
هو:زيااد شفما
قربت منو...شديتو من سوريتو...دزيتو لتالي...نحكي
انا:ويينها حل فمك احكي
هو:هبلت ياخي على شكون تحكي
كبست عليه اكثر...جبدتو عندي...دزيتو عالخزانة متاع دوسيات...كبست علاها نحكي
انا:دنيييز
هو:شبيها
انا:¤¤¤¤¤¤ مش قتلكم كان يصرا علاها شي...حد ما يفلت من يدي...مش أكدتلي لباش تخلي شكون وراها ديما...وينهم رجالك متاع ¤¤¤ وينهم
هو:زياااد اهدا...مش فاهم شي راهو...ياخي نورمال انت تهز يدك عالحاكم
كبست عليه اكثر...و دزيتو لتالي...و هزيت يدي في وجهو نحكي
انا:الحق مش عليك انت...هو هوني
هو:هبلت ياخي...نورمال انت باش تمشي عندو
انا:سكر ¤¤ فمك احسنلك...و من اليوم باش تبقى بعيد على كلشي...اتلهى بالعمليات الصغار كيفك فهمتني...مرة اخرى نلقاك في وجهي...ساقك معادش تحطها هوني
بقا متكي عالحيط...يغزرلي...قحرتلو...وخرجت...طلعت الدروج هذاكا في لحظة...وصلت لبيروه...بقيت نشوف معاه...نتنفس بالسيف...زوز واقفين عند الباب...يعسو عليه...قربت بالزربة...باش ندخل...وقفني...يحكي
هو:الجنرال مش هوني...ارجع مبعد
غزرت فيه بنص عين...خذيت نفس...و نزلت عليه ببونية...جبتو عالارض...قرب مني لاخر...دزيتتو بيدي...حليت الباب...و هديت عليه...بيره مظلم كي العادة...دخلو ورايا الزوز...نطق واحد فيهم يحكي
هو:سامحنا ميسيو منجمناش نوقفوه
هز يدو...بمعنى يخرجو...هبطو راسهم زوز...و خرجو...تلفت نشوف معاهم...تبسمت على جنب...ورجعت غزرتلو...متلفت بكرسيه عاطيني بظهرو...المسافة لي بينا هي طول الطاولة...قربت شوية...ضربت يديا الزوز عالطاولة...و استندت عليها نحكي
انا:حضرة الجنيرال...تنجم تقولي سوار عبد المالك وينها
هو:شتقصد بكلامك
كبست بيديا...الراجل منعرف عليه شي كان صوتو...صوتو لي يخرجو بقوة...لدرجة تحسو متبدل على اي صوت سمعتو في حياتي...خذيت نفس...نحكي
انا:سواار مخطوفة...خطفوها صباح...من الكرهبة متاعها...سوار لي خليتها في حمايتكم...خاطر حتى رجالي...نخاف يغدروني...وينها توا
هو:و انت شبيك حارق روحك علاها...يومين...ثلاثة و يرجعوها...الحكاية واضحة
كلامو ركبلي العصب من ساقي لراسي...ضربت يدي بقوة نحكي و نصيح فرد وقت
انا:حضرررررة الجنيرال الكبير...كان نسيت نذكرك انا شكون...انا مش خدام عندك هوني...انت تعرف بالقدا شكون زيااد...و من غير نذكرو الاسم الكامل...نظن مصادرك خبروك بيه...انا مش جرد حاكم...انا هوني في مهمة...و مش على خاطر المافيا لي تحبوني نوصللها...و لا اي شي اخر...انا نحب نكمل المهمة هاذي...خاطر سر متاع امي عندكم...و نتوما لباش توصلوني للقاتل...اما ذكر شي واحد برك...كان صار...و حد فيكم قرب من سواار و لا خمم يمس شعرة منها...حكاية امي باش تتحول لبلادها...و ستخايل واحد بنفوذي و ثروتي...شينجم يعمل...كان الحكاية تتحول للرأي العام...حتى و عندها سنين...اما حقها مش باش يضيع...والله و رحمة امي لي دفنتها في ارضكم...كان يصير شي لسوار...وقتها باش نكشف كلشي نعرفو...لتوا ساكت خاطر زوز حاجات...الاولى خاطر قاتل امي...و الثانية باش ادم يخرج من الحكاية من غير ما يتضرر...و الا مستحيل كنت باش نتعاون معاكم....اما كان يصير شي لسوار متنجمش تتوقع الشيطان شينجم يعمل فيكم...ذكر كلامي مليح...و برا اعمل تقرير عليا...تو تعرف نهايتك كيف باش تكون
كملت كلامي...و تلفت باش نخرج...وقفني يحكي
هو:و اخيرا شيطان خرج من جلدو...و حكا...ست سنين مجرأتش تحكي الكلام هذا في وجهي...اما جرد طفلة خلات اصولك تظهر...و الوحش لي داخلك يفيق...و انا بحاجتو لهذا الوحش...و سواار باش نخلي شكون يعرف الخاطف...اما اذا كان مغتصبها هو لي خطفها...احنا معندناش ذنب...وقتها الحكاية باش تتحول ليك انت و تصرف فيه كيما تحب
تبسمت على جنب...و تلفت غزرتلو...و لا غزرت لظلمة خاطر منجمت نشوف كان خيالو...خذيت نفس نحكي
انا:مش انت لي تقولي شنعمل...انت برك فكر كان يصرا شي علاها شباش يصير فيكم
هو:متخافش انت قويتها لدرجة كبيرة...و حتى حد ما عندو الجرأة يقرب من ملكية الشيطان
محبيتش نرجعلو...كلامو يستفزني بالزايد...و انا على اعصابي من صباح...اول ما وصلت للباب...باش نحلها...كمل يحكي
هو:اما الملكية هاذي...باش تضر صاحبها برشا...ملا رد بالك على روحك...و ذكر ديما انو الحب ممنوع في قانون الشرطة الدولية
كبست عالبواني...حليت الباب..وخرجت...نطرتو ورايا...وقفت نرجع في نفس...منجمتش نرجع على كلامو تالي...خاطرو صحيح...غمضت عينيا بالقاوي...ورجعت فتحتهم...دورت راسي...قحرتلهم زوز...هبطو راسهم...نزلت دروج هذاكا...قابلني الحاكم متاع قبيل...تعديت عليه...وقفني يحكي
هو:مسيوو زيااد...شنية ممكن نعملوه...احنا في الخدمة
قحرتلو...قحرة متاع موت...نزل راسو...هزيت روحي...ورجعت لكرهبتي...هزيت تليفونها...نرا في نوامر لي عندها...ياسر كهو لي مكلمها مل مرة...و برشا مكالمات تعدا مهزتش عليه...تكيت راسي لتالي...منجمتش نخمم اكثر...لازمني نلقاها...اكثر شي خايف منو توا...انها تكون بين يديه...اني باش نخسرها و معادش باش ترجعلي...اني منجمتش نحميها...تبسمت على جنب...و انا نشوف في تصويرتها في تليفون...طلعت مقربعة جملة...كبست عليه في يدي...كيف ذكرت لهي كلمتني اكثر من مرة...و مهزيتش علاها...نعرفها تخدم لي في راسها...كان هزيت علاها مستحيل...تكون خرجت...و لا قرب منها حد...حطيت تليفون من يدي...و خدمت الكرهبة...رجعت لنفس البقعة...نزلت...نشوف مع الكرهبة متاعها...باز فما حد قاطعلها...دورت راسي...نشوف اذا فما كاميرات في البلاصة...شي...غزرت لسوبرات...نفخت بالقاوي...و دخلت...قربت من مولها نحكي
انا:نحب نشوف تسجيلات صباح
هو:علاااش
معنديش خلق...باش ناخو و نعطي معاه في الكلام...جبدت الكارت متاعي...وريتهالو...ورجعتها نحكي
انا:نجم نشوفهم توا
هو:بالطبيعة
جبدت كرسيه...قعدت عليه...و حليت تسجيلات متاع صباح...اما وين كرهبة سوار...مفما حتى شي...غزرتلو نحكي
انا:علاش مش حاط كاميرا في الكوتي هذا
هو:الحقيقة الكاميرا لي غادي تعطلت...و مرجعتش صلحتها
نفخت بالقاوي...و جيت باش نقوم...اما رجعت كيف شفت...نفس الكرهبة...رجعت من نفس الثنية...يجيب ربع ساعة برك...ورجع من نفس الثنية...حبست الفيديو...و كتبت نومرو الكرهبة في تليفوني...و تلفتلو نحكي
انا:الكرهبة لي برا...كانت فيها طفلة...فما شكون خطفها...شفت شي انت
حسيتو متردد...هزيت روحي وقفت...قحرتلو نحكي
انا:كان شفت اي شي حل فمك احسنلك
هو:مشات معاه في نفس هالكرهبة
انا:شتقصد بمشات معاه
هو:ظاهر لتعرفو من قبل...خاطر كانت تحاول تحكي معاه...اما جبرها تمشي معاه
انا:و انت علاش ممنعتوش..و لا خبرت البوليس
هو:انا خدام هوني...منجمش نلعب بخبزتي سامحني
انا:تنجم توصفلي الراجل هذاكا
هو:في نفس طولك...ابيض شوية...لابس رسمي كيفك زادة
انا:باهي باهي...كان عرفت اي شي كلمني عالنومرو هذا
هو:باهي
خليتلو نومرويا...و خرجت...بعثتلهم نومرو الكرهبة...باش يلقاو صاحبها فيسع...و شديت ثنية لشريكة متاع ادم...دخلت للبركينغ...كلمت رجال لي غادي...وراوني كرهبة ياسر...مش نفس الكرهبة جملة...نفخت بالقاوي...و طلعت لفوق عندهم...لقيتو خارج مع ادم من الاجتماع...غزرولي الزوز...قرب مني ادم يحكي
ادم:زياد شتعمل هوني
انا:علاش ممنوع نجي
ادم:سألتك برك شبيك عاقدها عالصباح
انا:شي فادد
تلفت لياسر...تبسمت على جنب...نحكي معاه
انا:اهلا بيك ياسر...وين الغيبة هاذي الكل
ياسر:خدمة
انا:مممم هاني نشوف
ادم:باش نبقاو واقفين هوني
انا:ياسر دنيز لباس
ادم غزرلي...ورجع غزرلو...ضيقت عينيا...نستنا فيه يجاوبني...ضحك يحكي
ياسر:والله كنت باش نسألك علاها...اسبوعين منجمتش نوصللها
انا:مممم باهي
ادم:هيا جماعة
انا:ادم باش نهز الدوسي و نمشي...مشغول
ادم:باهي
دخلت لبيرو ادم...عديت يدي على وجهي...نحس في روحي باش نطرشق...كلمت شكون يراقب الهم هذاكا من بعيد...و هزيت روحي...خرجت...اكثر شي خايف منو...انو يكون رجع لحياتها مرة اخرى...انو يحط يدو علاها مرة اخرى...ركيت الكرهبة...على جنب...و تكيت راسي لتالي...فشلت و بدني معادش يطاوعني...افكار خايبة سيطرت عليا...معاد يهمني حتى شي توا...كان اني نلقاها و نرجعها عندي...نلقاها و كهو
سوار تحكي: نحل في عينيا بالسيف...نغزر لشباك...نحس في بدني مدقدق...اسبوع تعدا...مخرجتش منها البيت هاذي...زياد لتوا بين عينيا...متأكدة لهو باش يلقاني و يخرجني من هوني...سمعت صوت الباب فتح...تلكمت على روحي اكثر...شميت ريحتو...سكرت عينيا بالقاوي...قداش كرهتو و عفتو...كلشي هوني يذكرني باكا الليلة...حسيت بيه كي قعد
على طرف السرير...بعدت شوية...حط يدو على شعري...يحكي
ياسر:مبقاش برشا...و نمشو من هوني...ليلة العام الجديد...اخر ليلة هوني...باش نكون انا و انت كهو...اصلا من اول مرة ريتك فيها...منجمتش نخرجك من مخي...اول مرة نتشد لطفلة هكا...و نعرف لانت زادة تحبني...و تحب تكون معايا...اما طول ما هذاكا بينا...مستحيل نرتاحو
كلامو قززني...جبدت روحي منو...منحبش نبكي...اصلا تاعبة برشا...و مش منجمة نحكي... هز روحو وقف...حط الصينية عالسرير...يحكي
ياسر:قوم كول شوية...و كان احتجت شي انا لبرا عزيزتي
هزيت روحي شوية شوية...نحل في عينيا بالسيف...دايخة...اول ما وصل للباب باش يخرج...لميت قوتي الكل..و ضربت صينية بيدي...لين وصلت عند ساقو...تلفتلي...عينيه حمر من الغش...قرب مني بالزربة...شدني من شعري وقفني...منجمتش نقاومو...حتى انا اسبوع ما كليت شي و لا تعدا شي من حلقي...كل مرة نرميها الماكلة هذيكا...من غير الما شي ما تعدا على حلقي...غزرلي يحكي و يصيح
ياسر:تحب تموووت انت...شنية حكايتك ياخي...تعرف كان تزيد يمات اخرى هكا باش تموت
خذيت نفس بالسيف...قحرتلو فحرة متاع موت نحكي
انا:ك كي هكا رجعني احسنلك
ياسر:تحب تمشي عندو ياخي...في بالك منعرفش لي فما شي بينكم...هاني باش نزيد نقلك...اسبوع و هو يفركس عليك...وظف ناس الكل...تعرف لقاعد يراقب فيا هههههه...اما ميجيش لبالو مسكين اني نجيبك لبرتمان مزال مسكن فيها حد...مشروع جديد عملتو انا و ادم...بالطبيعة مش باش يفكر لانا حطك في رزقهم...انت قدامو و قاعد يلوج عليك...اما مستحيل يلقاك فهمت...ملا شد روحك و كول...و الا باش تموت هوني و متكونش لحد فيهم
كلامو خلا قلبي يدق بالقاوي...كان باش نبقى معاه هوني...باز باش نموت...اصلا لتوا مش مصدقة لمحطش يدو عليا...طلعت راسي غزرتلو...نعرف كان نصحح راسي معاه...مستحيل يخليني...و زادة معنديش حل اخر...لازمني نخرج من هوني...خاطر كان نزيد يومين هوني مستحيل نبقى عايشة...ترميت عليه...هزيت يدي شديت في سوريتو نحكي
انا:ي يزي ياسر تاعبة برشا انا...و لي تحكي فيه مفماش منو جملة...و و زادة ميجيش لي قاعد تعمل فيه...ب باز بابا مش باش يسكت
ياسر:ما تخاف من حتى حد..مستحيل حد ينجم يبعدك عليا
انا:ب باهي تنجم تخرجني من البيت هاذي...نحس في روحي باش نموت هوني
رخف يدو شوية شوية على شعري...عداها على خدي يحكي
ياسر:باهي عزيزتي
نزل عليا حملني...بين يديه...بقيت مطاوعاتو...اصلا منجمش نمشي...حطني عالفوتاي في صالة...و قعد قدامي...شدلي يدي يحكي
ياسر:دنيز يا روحي كان تبقى هكا باش تموت راك...لازمك تاكول شي
بقيت نغزر لطاولة...نشوف مع تليفونو...و مفاتح الكرهبة...نحل في عينيا بالسيف...تلفتلو شوية غزرتلو...هز يدو عداها على وجهي يحكي
ياسر:شراييك نحضرلك عشا توا...عالاقل ترتاح شوية
هزيتلو براسي ايه...جا باش يقوم...شديتو من يدو...نحكي
انا:ن نحب على سلاطة
ياسر:تدلل
تبسمتلو بالسيف...باسني من راسي...و قام بقيت نشيع فيه...لين دخل للكوجينة...هزيت روحي شوية...رجع عندي يحكي
ياسر:شرايك في شربة زادة
هزيتلو براسي ايه...تبسملي و دخل...حسيتو مش نورمال جملة...سكرت عينيا ورجعت فتحتهم...دايخة عاللخر...نزلت عالطاولة شوية...هزيت تليفونو...حليتو...لقيت فيه الكود...شعرة لا ينزلو دموعي...ملا وحلة زح...تي باز كي خلاه قدامي باش يكون فيه كلمة سر...نسمع فيه يحكي من الكوجينة
ياسر:باش يوفا كلشي...باش تكون ليا...باش نمشو لبلاصة فيها كان احنا...متخاف من حتى شي...انا باش نحكي مع بوك و امك...اما بعد ما نمشو من هوني..باهي عزيزتي
نسمع في كلامو بعيد...باز هبل على روحو...رميت يدي لاخرى...هزيت مفاتح كرهبتو...كبست عليهم مع تليفونو...و هزيت روحي وقفت...قربت من الحيط...نشد فيه و نمشي...لين وصلت للباب متاع برا...وقفني يحكي من الكوجينة
ياسر:تحب شي اخر ياخي
قلبي دق بالوقت...كان يخرج توا مستحيل...نجم نمشي من هوني...خذيت نفس...نخرج في الكلام بالسيف نحكي
انا:ن نحب على عصير
ياسر:بااهي
رميت يدي حليت الباب...و خرجت...خليتها محلولة باش ميسمعش صوت...خرجت لبرا...ضربتني نسمة برد قوية...خذيت منها نفس طويل...نفركس بعينيا على الاصونصير...دوب لمحتها...قربتها منها بالسيف...نمشي و نتمايل...دوب نجم نشوف لي قدامي...اول ما وصلت...حليتها و دخلت...اخترت الطابق الارضي...و تكيت راسي عالحيط...واقفة بالسيف...عمري ما توقعت باش نتحط في الحالة هاذي...منعرفش علاش الكل يخمم هكا...علاش منجمش نحس بالامان كان معاه هو...تعدات صورتو بين عينيا...تمينيت كانو هو معايا توا...مستحيل كنت باش نخاف لهدرجة...اول ما وصلت لوطة...خرجت منها نمشي شعرة لا نطيح...دخلت للبركينغ...حسيت عظامي...جمدو من البرد...وقفت في النص...دورت عينيا عالكراهب لي غادي...معرفتش شكون فيهم كرهبتو...كبست على المفاتح في يدي...تحلت اخر وحدة فيهم...قربت منها نمشي بالسيف...حليت الباب...وركبت...تكيت لتالي...نتنفس بالسيف...معادش عندي جهد باش نكمل...انا اكاكا...و شفتو دخل للبركينغ....سكرت الباب بالقاوي...و خدمت الكرهبة...نسمع في يصيح
ياسر:دنييييز انزل فيسع
جمعت قوتي الكل...و مشيت شوية...وقفلي في النص...باش منتعداش...شعلت ضو الكرهبة الكل...و زدت في الفيتاس...اول ما وصلت ليه...بعد من قدامي...كبست روحي اكثر...و خرجت من البركينغ...منعرفش وين انا بالظبط...اصلا الشارع كلو ظلمة...كبست عالفولون نحل في عينيا بالسيف...منعرفش كيف خرجت لطريق...نسوق بسرعة كبيرة...لين حسيت روحي بعدت برشا هالبلاصة هذيكا...ركيت الكرهبة...منجمتش نكمل اكثر...نحس في روحي باش ندوخ...نسمع في تليفونو ينوقز...رميت يدي بالسيف هزيتو...بقيت نثبت في الاسم لقيتو ادم...اخر حد نحب نكلمو توا...اما معنديش حل اخر...هزيت عليه...نسمع فيه يحكي
ادم:ياااسر ياخي شنية حكايتك انت وين غاطس
انا:ا ادم
ادم:شكونك انت
انا:ا ادم انا دنيز
ادم:دنييز...شيعمل تليفون ياسر عندك
انا:ع عاوني امانك ياسر خاطفني
ادم:شنننية
انا:باش نموت امانك اعمل حاجة
ادم:وينك تواااا
انا:م منعرفش...هربت من عندو...كان مخلاني في برتمان لي تابعة لمشروعكم
ادم:باهههي وينك بالظبط انتي
انا:في ك كرهبتو...برا
ادم:باهي مسافة الطريق نكون عندك...خليك معايا
بقيت نسمع في صوتو بعيد و هو يعيط باسمي...رخفت تليفون شوية شوية...لين طاح من يدي...و طحت عالفولون...و معاد حاسة بحتى شي
ادم يحكي:
قاعد في الجنينة نشرب كيف عادتي...نخمم في حالة زياد..حسيت شكون ماتلو...اسبوع تبدل جملة...تي ملحقتش باش نشوف وجهو...حالتو متعجبش جملة...نهار الكل برا...و في الليل لاهي في الشراب...حتى من ¤¤¤¤¤ لاخر لاهي في ندرا شنية و مسيب الخدمة على راسي...كلمتو باش يجيني لشريكة صباح...اما لي فاجأني اكثر...صوت دينيز...منعرفش كيف هزيت روحي...وطرت بالكرهبة...نسوق و نسب فيه...توا فهمت علاش الطفلة معادش ظهرت اسبوع كامل و هو ساعة نشوفو و نهار بطولو معادش يظهر...طلع خاطف الطفلة...و يلعب من تحت لتحت...حرقت الكياس باش وصلت...نشوف في ظو كرهبة شاعل من بعيد...زدت في الفيتاس...ركيت قدامها...و نزلت عندها...مشيت من جيهتها...حليت الباب...طايحة عالفولون...هزيتها شوية نحكي
انا:دنيييز تسمع فيا ياخي
عقدت حواجبي...ورجعتها لتالي...طاحت على يدي...عرفتها دايخة...و مش حاسة بشي...رجعت الكرسي لتالي...و هزيتها بين يديا لكرهبتي...حطيتها...باردة عاللخر...نفس متاعها ضعيف...نحيت الفاست متاعي غطيتها...وركبت بحذاها...و طرت بالكرهبة...اصلا بعد ما شفت حالتها...منتوقعش لهي باش تشد اكثر...نسوق و نغزرلها...ياخي فاش قام يخطف فيها...السخطة...ناقص مشاكل هو...كبست بيديا عالفولون...كان نعرف لهو مسها و لا عمللها شي...مش باش تتعدالو بالساهل...منعرفش علاش محبيتش فيها...مع انو معنديش برشا نعرفها...اما حسيتها مختلفة على برشا بنات...حسيتها غامضة...باز باش تكون حكاية من وراها...اما اكثر شي يهمني توا...اني نخالط علاها...وونجم نسلكها...قبل ما تضيع من يدي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 66
واقف بحذا البلار...نشوف معاها...راقدة و مش حاسة على شي...المنظر هذا بالظبط رجعني سنين لتالي...سكرت عينيا بالقاوي...زعمة شكان صار كان لحقت علاها...مستحيل كنت نخسرها ساعتها...مزلت نحس ببدنها و هي بين يديا...مزال كلامها تالي يتعاود في وذني..."و وصلنا ل لنهاية...ا انا باش نمشي"..."لااا مستحيل حنااان امانك...عيش حبي اتحمل...كان تحبني شوية برك اتحمل على خاطري"ر رد بالك تنساني"..."لااا اتحمل نعرفك قوية...اماانك متمشيش"...هزت يدها كلها
دم...حطتها على خدي و كملت تحكي..." ا ادفن ا الاول و واحرق ثاني كان ن نجمت"..."نوووعدك باش ناخذلك حقك...اما انت ابقى معايا"..."ن نحبك"..اخر شي شفتو هو ابتسامتها...اخر كلمة سمعتها منها نحبك...بعدها فارقتني مشات و خلاتني...حضنتها بكل قوتي...صحت بكل صوتي...ترجيتها باش نفيق شي...اختارت الموت عليا...وقتها برك وعدتها ووعدت روحي...مش باش نهدا حتى ناخو بحقها...و نوفي بوعدي ليها...باش نحرقهم ناس الكل...خاطر حرقوني...دمها غالي و مش باش يضيع اكاكا...انفاسها لاخرى لكانت بين يديا باش يخلصوه لتالي...روحي لي مشات معاها...الحاجات الباهية لخسرتها وقت مشات...مش باش نعديها بالساهل...كان ظطريت نحرق لي ورايا و لي قبلي...باش نقتلهم بيدي زوز...وقتها برك...معادش نذكرها بوجيعة...وقتها برك باش يرتاح قلبي...حليت عينيا على صوت الطبيب...تلفت نشوف معاه
طبيب:مسيو انت لي جبت المريضة لهوني
هزيتلو براسي ايه...تلفت غزرلها من البلار...حط يديه في مكاتبو يحكي
هو:تعرضت لصدمة قوية...و بدنها ضعف برشا...غريبة كيف نجمت تتحمل...كان زادت يمات اخرى مستحيل تعيش
انا:شتقصد ببدنها ضعيف
هو:تعدات بريودة متاكولش...على هذاكا بدنها ضعف برشا
انا:كهو
هو:شتقصد بكلامك
انا:نقصد تعرضت لضرب و لا اي شي اخر
هو:لاا...باش تبقى تحت المراقبة ليلة...و صباح نتبعو حالتها
انا:باهي
اول ما مشا تلفت نشوف معاها...سرحت في وجها...ساعات نحس ملامها مش بعيدة عليا...حتى صوتها سامعو من قبل...اما وين بالظبط نسيت عليه...منعرفش قداش بقيت واقف غادي...افكار تهز فيا و جيب...منعرفش علاش خطفها ¤¤¤¤ متاع ياسر...اما باز مش باش تتعدالو بالساهل...نفخت بالقاوي...منعرفش علاش تقلقت لهدرجة...و الطفلة قابلتها مرتين في حياتي...اما شي تحرك داخلي...بعد السنين هاذي الكل خفت على طفلة...حركة منها رجعتني لاكا النهار الخايب...صوتها و هي تطلب مني نمشي عندها...خلى قلبي يدق بالقاوي...خفت...خفت كان منخالطش علاها و نكون زادة سبب في موتها...غمضت عينيا بالقاوي...حسيت روحي تخنقت كيف ذكرت اكا نهار...حليت فلس سوريتي...زعمة شصار كان مكانتش بنتو...اصلا عمري ما توقعت نعمل اكاكا...اما مش نادم طرف...باش نحرقلو قلبو و مزال ولدو في الثنية...حليت عينيا غزرتلها...زادة هي صغيرة كيفها...كيف طاوعني قلبي نعملها...نفخت بالقاوي...شمفكرني فيها توا...باز تكون نسات لي صار علاها...اصلا بوها يستهل لي باش يصير فيه...خذيت نفس نهدي في روحي...افكاري دخلت بعضها...منعرفش في شكون قاعد نخمم بالظبط...في دينيز لي شعرة و ماتت في جرت الكلب متاع ياسر...و لا بنت اكا الكلب...و لا حنان لي منسيتهاش لحظة...تعدا ليل بطولو...و انا واقف غادي...نحس في روحي باش نطرشق...كان نلقاه قدامي توا...ما نفشخو في طريحة...اما زادة منجمش نمشي و نخليها وحدها هوني...و ما نعرف حتى حد من عيلتها...ضرب في راسي زياد...هزيت تليفوني كلمتو...يجي خمس مرات باش هز عليا يحكي
زياد:شفما ادم...شبيك تطلب فيا عالصباح...شايفني في منامك ياخي
يحكي فاد...باش يطرشق...اصلا اليمات هذوما مش حامل روحي...لي يحكي معاه ياخو حصة منو...خذيت نفس نحكي معاه
انا:وينك توا
زياد:مشغول برشا
انا:حاجتي بيك فيك قضية
زياد:شوف حد غيري...دوب نلحق لخدمتي
انا:منجمش...الحكاية ياسر مهمة
زياد:وينك توا
انا:كلينيك ¤¤¤¤¤
زياد:شتعمل غادي انت
انا:انا هوني مع دنيز
زياد:شنننننوة
مخلانيش نكمل...رجع عليا مفجوع...طلعت حاجبي مستغرب نحكي
انا:شبيك تفجعت ياخي
زياد:لباس هي شبيها شصار معاها
انا:الحكاية طويلة...انت ايجا توا انا باش نمشي...مبعد نحكو
زياد:باهي مسافة طريق
انا:باهي اسمع
علق عليا قبل ما نكمل كلامي...نزلت تليفون نشوف معاه...ياخي شبيه تفجع هكا...تي اول ما هز عليا عملي محضر خاطر خدمتو...و توا يقولي مسافة الطريق...عديت يدي على شعري...بغزول...كلمت واحد من رجالي يحددلي بلاصة ياسر...غزرتلها و خرجت...هزيت كرهبتي...دريكسيون لعندو...نحب نفهم شنية حكايتو مع الطفلة...و شبيه خطفها...اصلا يعرف لاحنا في بريود لازم منغلطوش جملة...وقت يستعرض بطولاتو...اصلا مش باش نستغربها منو...نعرفو وقت يحط شي في بالو...مستحيل يهدا كان اذا وصل ليه...شديت ثنية للبرتمان...لقيتو جاي بكرهبتو جديدة...تبسمت على جنب...لحقو يوصلوهالو...قاطعتلو الطريق شد الفران بالقاوي...حليت الباب نزلت...قبل ما نوصل ليه نزل...يحكي
ياسر:شفما ادم لباس ياخي
مخليتوش يكمل كلامو...هزيت يدي ضربتو ببونية...وخر لتالي مروهج...هز يدو حطها على فمو يحكي و يصيح
ياسر:ااادم هبلت ياخي شصار
قربت منو...شدتو من سوريتو...كبست عليه نحكي
انا:مازلت تحكي...مازلت تسأل
هز يديه دزني لتالي...يريقل في سوريتو و يحكي
ياسر:شنية حكايتك انت
قربت منو بالزربة دزيتو عالكرهبة...هزيت يدي في وجهو نحكي
انا:مش باش نسألك علاش عملت اكاكا...خاطر نعرف مخك خامج...اما دنيز خط احمر...فهمت اخر مرة نلقاك تحكي معاها و لا دور بيها
وخرت لتالي...صوت ضحكاتو ماشية و تعلا...خلاتني نغزل اكثر...غزرلي يحكي
ياسر:صااار دنيز الحكاية...ههههههه في بالي خوك برك يحب علاها...طلعت حتى انت تحب على حصتك
مفكرتش مرتين...رجعت ضربتو ببونية على كلامو...هز يدو ضربني ببونية اخرى و كمل يحكي
ياسر:دنيز ليا انا كهو...افهموها كيما تحبو...و احسنلك ابقى بعيد عالحكاية رد بالك تنسى شنوة لي يجمعنا
ضحكت بتمقعير...قربت منو شديتو من سوريتو دزيتو لتالي نحكي
انا:في بالك تخوفني بكلامك...راني ادم تعرف شمعناها ادم...حتى الشرطة متخممش تقربلي...هاني باش نحذرك...والله كان نلقاك قربت منها مرة اخرى نقتلك...فهمت نقتلك
هز يديه...شدني من يديا يحاول يدز فيا...و يحكي
ياسر:الكلام هذا برا قولو لخوك...ياخي مشفتش شعمل على خاطرها في الحفلة...و لا مشاركين فيها زوز مع بعض
كلامو ركبلي العصب اكثر...نزلت عليه نضرب فيه و نحكي
انا:يا ¤¤¤¤¤ شكونك انت باش تحكي عليا و على زياد نقتلك يا ¤¤¤ فهمممت رد بالك تعاودو الكلام هذا
دزيتو لتالي...جبدت روحي منو...وخرت لتالي...نحكي
انا:حسابك مزاال...صدقني الحكاية مش باش تتسكر هوني
ياسر:و انا موجود في كل وقت
هزيتلو براسي باهي...نتحلف فيه...رجعت للكرهبة...دورتها و طرت بيها...كلامو يتعاود في مخي...دنيز و زياد...الحكاية مدخلتش لراسي جملة...اما باز باش نفهم في اللي قاعد يصير بالظبط...برك شوية وقت و تتوضح الامور
زياد يحكي: نسوق و يديا يرعشو...قلبي نسمع في دقاتو...لكل مرة نقرب من الكلينيك تقوا اكثر...منعرفش اذا نفرح خاطر لقيتها...و لا نتحير خاطرها في الكلينيك...زعمة تعاودت الحكاية...لاا مستحيل...كان اكاكا ادم يقولي في تليفون...اما شتعمل هي مع ادم...و شتعمل في الكلنيك...اسبوع تعدا...حسيت روحي باش نهبل...ضيعت كلشي من يدي...لا رجالي...و لا وصلنالها...حتى ¤¤¤¤¤ متاع ياسر موصلت معاه لشي...زعمة مليحة...زعمة حد مسها...هي بحاجتي توا...هذوما الاسئلة يدورو في مخي و انا نسوق...متوحشها...و خايف علاها...قلبي بقا عندها...منجمتش ننساها دقيقة...شعرة لا هبلت كيف ملقيتهاش...ركيت الكرهبة كيما جا...و نزلت نجري...لي يعارضني ندخل فيه...وصلت لرسيبسيون...لقيت وحدة غادي...غزرتلها نحكي
انا:دنيز ¤¤¤¤
هي:شكون انت
هزيت يدي ضربتها...بغزول...قحرتلها قحرة متاع موت نحكي
انا:حل فمك قولي وين بيتها
هي:187
قحرتلها...و هزيت روحي نجري...للاصونصير محبتش تفتح...طلعت اكا 3 طوابق في دقيقة...محسيتش بروحي جملة...نمشي و نغزر لنوامر غادي...دخلت في فرملية غادي...طيحت كلشي من يدها...غزرتلها...ورجعت كملت ثنيتي...الخطوات القليلة لي يفصلوني على بيتها حسيت بقلبي باش يطيح...حليت الباب لقيت البيت فارغة...كبست بيدي عالبواني...وخرت خطوة لتالي مروهج...غمضت عينيا ورجعت فتحتهم نستوعب في اللي قاعد يصير...مستحيل نكون خسرتها مرة اخرى...تلفت نشوف مع العباد...قربت من اول فرملية...شديتها من كتافها نهز فيها نحكي و نصيح
انا:الطفلة لي كانت هوني...وينها...حل فمك وينها
هي:ن نزلناها لطابق ثاني
انا:علااش
هي:طبيب طلب هكا
جبدت روحي منها...ورجعت نزلت الدروج...البيت لي جي على يدي نفتحها...لين يأست اني نلقاها هوني...وصلت لاخر بيت...كبست بيدي عالبواني...قلبي دق بالوقت...حليتها شوية شوية...جات عيني علاها...حسيت ساقيا رخفو...نزلت يدي...و قربت زوز خطوات منها...نشوف معاها...راقدة و مش حاسة على شي...دورت عيني نشوف مع سيروم في يدها...رجعت غزرتلها...وجها اصفر...قداش ضعفت...قلبي يخض بالقاوي...نحس فيه باش يطيح بين ضلوعي...قربت منها...قعدت على طرف السرير...هزيت يدي متردد...حطيتها على خدها...نعدي في صوابعي عليه...على خشمها...شفافها...سرحت في وجها...نحس في روحي مخدر...مش مصدق لانا معاها توا...نغزرلها و كهو...نزلت بيدي لشعرها...ياسر توحشتها...نزلت بيدي لاخرى...ليدها...كبست علاها...و هزيتها عندي بستها...و نزلت علاها اكثر...باش نبوسها من راسها...قص عليا الامن كيف دخلو للبيت...تلفت نشوف معاهم...و مع الفرملية لي شفتها لوطة...تشيرلهم عليا...ناقصها انا توا...قرب مني واحد فيهم يحكس
هو:مسيو تنجم تخرج من هوني
قرب مني باش يشدني...وقفتو بيدي...نحكي
انا:خليك بعيد
هو:اخرج من هوني من غير مشاكل
انا:اول شي نقص صوتك...و ثاني شي...اخرجو من هوني فيسع قبل ما نفقد طرف الاعصاب لي عندي
هو؛شتستخايل في روحك ياخي
انا:زياد بن ¤¤¤¤¤ برا اتأكد من الاسم و فك عليا توا
غزر لصاحبو ووخر لتالي...دخل الطبيب بالوقت...يحكي
طبيب:شفما هوني ياخي
انا:تنجم تخبرهم يخرجو توا
طبيب:و انت شكونك
انا:شمدخلك انت فيا
طبيب:لا عاد منين هديت علينا انتي
انا:شنية تشوف فيا نعمل...قاعد بحذا مرتي ماهو
طبيب:وين كنت وقت مرتك كانت باش تموت
كلامو ركبلي العصب...خذيت نفس نهدي في روحي و نحكي
انا:شتعمل انت هوني
طبيب:المريضة لازم ترتاح...جيت باش نخرجكم من هوني
انا:مممم باهي عندك حق...هيا يا جماعة سامحونا
خرجو الكل...بقيت كان انا و هو في البيت...قحرلي يحكي
طبيب:شمزلت تعمل هوني انت
انا:ايه نسيت لازمها ترتاح
طبيب:ملا شمزلت تعمل هوني
غزرتلها...ورجعت غزرتلو...راجل كبير...اكبر من توفيق جملة...عديت يدي على شعري وقربت منو...دورت يدي على كتفو...نمشي فيه و نمشي...نحكي
انا:عندك حق...لازمها ترتاح...ميجيش نبقاو الكل هوني
طبيب:فاش تعمل ياخي انت
وصلتو لباب...خرجتو...و شديت الباب بيدي نحكي
انا:و هي ترتاح كان كي نبدا معاها انا
طبيب:شننية
انا:هيا مبعد سامحني
سكرت الباب في وجهو...و دورت المفتاح باش ما يدخل حتى حد...خذيت نفس وقربت منها...لقيتها دوب تحل في عينيها...تحب تفيق...قربت منها بالزربة قعدت بحذاها على طرف السرير...شديت يدها...كبست علاها...و يدي لاخرى رجعتها لخدها...نعدي فيها و نحكي
انا:سوااار يا روحي...انا معاك...تسمع فيا ياخي
باقي تحاول تحل في عنيها...دوب غزرتلي...حركت يدها شوية...خرج صوتها ضعيف برشا...تحكي
سوار:ز زياد
انا:هوني معاك
سوار:ز زياد ا انت هوني
انا:وراسك معاك...اغزرلي عيش حبي...هيا سوار نعرف روحي قوية
باقي تحل و تسكر في عينيها...نزلت علاها اكثر...بستها من راسها و خدها...نزلت لشفافها...بستها بوسة خفيفة نحكي
انا:سواار تسمع فيا ياخي
سوار:مممم
انا:شصار...شكون عمل فيك هكا
سوار:م متخلنيش وحدي
هزيت يدي حطيتها على خدها...باقي قريب منها...رجعت بستها نحكي
انا:سامحني...سامحني امانك...سامحني خاطر خليتك...خاطر منجمتش نحميك
مرجعتليش...هزيت روحي شوية...لقيتها تغزرلي...دوب تنجم تحل عينيها...نزلت بيدي لشعرها نحكي
انا:نعرف لانت تسمع فيا...قولي شكون...شكون عمل فيك هكا
سوار:ي ياسر
اول ما سمعت اسمو...ضربني ضو...حسيت كانو فما شكون كب عليا سطل ما بارد...بقيت نشوف معاها...جبدت يدي منها شوية...جيت باش نقوم...كبست على يدي...و هزت روحها مروهجة...تحكي
سوار:ز زيااد متمشيش امانك
دورت راسي غزرتلها...تحكي و تحاول تقعد فرد وقت...دمعتها لي نزلت حرقتني...مخممتش مرتين...دورت يدي على ظهرها و جبدتها عندي...حضنتها بكل قوتي...نسيت لهي مريضة...نسيت شصار...نحب نتأكد لهي معايا توا...كبست علاها اكثر...نزلت نحكي في وذنها
انا:عملك شي...مسك...متخافش خبرني
كبست عليا بيدها...هزتلي براسها لا...خذيت نفس و كملت نحكي
انا:احكي عيش حبي...احكي متخاف من حتى شي
سوار:ل لا و ورحمة امي ماقرب مني
كلامها خلاني ناخو نفس...اما مش باش تتعدالو...موتو على يدي المرة هاذي...نزلت بستها من راسها...نسمع فيها تحكي
سوار:ز زياد
انا:مممم
سوار:م معادش تخليني امانك...تاعبة برشا
جبدتها من عندي شوية...شديت وجها بين يديا...نحكي
انا:سامحني...نوعدك باش يخلص لي عملو فيك دوبل...انت برك ارتاح وارجعلي...ارجعلي سوار
تبسمتلي...وسط دموعها...قربت منها...بستها من راسها و خدها و شفافها...توحشتها و مش مصدق...لهي بين يديا توا...قحرتلي تحكي
سوار:ك كهو تاعبة انا
انا:شنعمل توحشتك راني
رجعت بستها...حسيتها تعبت...و زادة يدها لي بالسيروم وجعتها...جبدت روحي منها...عاونتها تسطحت...نزلت بستها من راسها...شدتني من يدي تحكي
سوار:خ خليك هوني
انا:متخافش...مش باش نمشي من هوني
تبسمتلي...وسكرت عينيها...هزيت كرسي...قعدت بحذاها...خليت يدها بين يديا زوز...نغزرلها...و تفكيري مع الكلب هذاكا...في بالو باش تتعدا بالساهل...جاب ربي مقربش منها..و لا عمللها شي...مكانش مش باش نخليه يعيش نهار اخر...و كيف قالت ممسنيش...متأكد لهو بالحق محطش يدو علاها...و الا مستحيل كانت باش تبقى هادية لهدرجة...ارتحت بعد ما لقيتها...اما شعلت بركان داخلي...بركان ميخمدش كان وقت نعطي ¤¤¤¤ حقو بالقدا...و نعلمو شمعنى حد يقرب من حاجة تخصني...حاجة ملكي انا...بالدرجة الاولى...و حتى حد ما عندو الحق فيها غيري
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 67
سوار تحكي: نحل في عينيا بالسيف...نحس في راسي باش يطرشق...حبيت نحرك يدي منجمتش...دورت راسي شوية نشوف معاه...كابس علاها بيدو...و حاط راسو...تبسمت و انا نشوف معاه...حتى هو غفى...هزيت يدي لاخرى بالسيف...غرستها في شعرو...حركتها شوية...هز روحو بالوقت...غزرلي...مروهج يحكي
زياد:لباس ياخي
بقيت نشوف معاه...نعدي في عينيا على وجهو...شعرو داخل بعضو...لحيتو هايجة غير العادة...حالتو تاعبة عاللخر...اما زادة محلاه هكا...قداش توحشتو...و توحشت ريحتو...اليمات لي تعداو الكل مفارقنيش لحظة...طلع حاجبو مستغرب...يغزرلي...و يستنا فيا نحكي...معندوش صبر جملة...تبسمت شوية نطمن فيه...حسيتو تفرهد...هز يدو حطها على خدي يحكي
زياد:لباس...توجع فيك حاجة
هزيتلو براسي لا...نزل بيدو لشعري...قربلي اكثر...يحكي
زياد:متأكدة
هزيتلو براسي ايه...خذيت نفس...تبسمت...نحكي بالسيف
انا:م مليحة...خليك معايا
تبسملي...و قرب مني باسني من راسي...بوسة مرصوصة ستحليتها...حتى انا توحشتو قربو...نزل لشفافي...يحكي
زياد:انا معاك هوني...متخمم في حتى شي باهي
هزيتلو براسي ايه...نزل عليا اكثر...اول ما حط شفافو على شفافي...دق الباب...جبد روحو غزرلي...يحكي
زياد:هذا ما يكون كان اكا الطبيب
طبيب:حل الباب فيسع...تسمع فيا ياخي
هز روحو...حك لحيتو...ورجع غزرلي...مش عاجبو الحال جملة...يحكي
زياد:ندرا كيف قاعد يداوي في المرضى...نموت و ميعديش عليا واحد كيفو
شدني الضحك...يحكي و يكش...كانو الكلينيك متاعو و عامل مزية في الطبيب...طبيب باقي يدق برا...و هو عامل دار مش هوني...قحرتلو باش يقوم...عدا يدو على شعرو...و قربلي...يحكي
زياد:صدقني باش يمرضك اكثر...خليه يمشي تو نجيبلك طبيب اخر
بقيت نغزرلو مستغربة...بقا كان يطردو من خدمتو جملة...شدني من يدي...و قربلي اكثر...باش يرجع يبوسني...وقفو الطبيب يصيح
طبيب:حل الباب...نحكي معاك راهو
جبد روحو...عدا يدو على شعرو بغزول...هز روحو وقف...يحكي
زياد:باش نفتحلو الباب احسن...خاطر مش باش يفك علينا
هزيتلو براسي ايه...وصل لباب...دور المفتاح...و حلها...دخل الطبيب يجري...وقف في نص البيت يحكي
طبيب:ياخي شتستخايل في روحك انت...تعرف روحك مع شكون واقف انت
تلفت عندو...هزو و حطو...غزرلو في وجهو...يحكي بتمقصيص
زياد:كان منخافش نغلط...قاعد نرا في الطبيب
طبيب:صحيت يا شاطر...هيا برا توا...خليني نعدي عليها
زياد:شكون يخرج
طبيب:انت
زياد:طرد فيا ياخي
طبيب:هاك فهمتها
انا:اغزرلي هوني...برا عدي عليها و متلتهاش بيا..منعجبكش راهو
قحرلو قحرة موت...وخر لتالي...و قحرلو يحكي
طبيب:اخرج ساعة
زياد:باهي
قرب من الفوتاي...ترما عليه...جبد سلاحو حطو عالطاولة...و تكا لتالي...قحر لطبيب يحكي
زياد:هيا كمل خدمتك عاد
قرب مني...وجهو اصفر...باز تفجع من السلاح...حتى زياد تقول عامل فيه بلعاني...قحرلي ليا زادة...عدا عليا...و جا باش يبدلي سيروم خاطر فرغ...نحولي بنطرة...لين توجعت...نسمع في زياد يحكي من تالي
زياد:هبلت ياخي...شبيك تعامل فيها اكاكا
طبيب:نخدم في خدمتي كان حبيبت
زياد:سايسها...تتوجع مرة اخرى ما تلوم كان روحك فهمتني
مرجعلوش...دورت راسي شوية غزرتلو...غمزني..و تبسملي...تبسمت بالوقت...باقي نشوف معاه...شادة ضحك بالسيف مش باهي في حقو...لين كملي طبيب...جبد روحو مني...غزرلو زياد يحكي
زياد:صحيتك توا تنجم تخلينا وحدنا
جا باش يحكي...قص علينا ادم كيف دخل...قلبي دق بالوقت...ذكرت لي صار اخر مرة...كان مكلمتوش ساعتها...مستحيل كنت نسلك من ياسر...اما زادة معندوش فضل عليا في حتى شي...هو سبب لوصلني لهوني...كان مش هو دخل لحياتي كيف الاعصار...مكنتش باش نظطر نعيش زوز ادوار في حياتي...مكنتش باش نخسر برائتي...و لا نطيح بين يدين عباد كيف ياسر...غمضت عينيا بالقاوي...ورجعت فتحتهم نهدي في روحي...غزر لطبيب لباش يطرشق...ودور راسو لزياد...لي قاعد...يحرك في ساقو...و يجبد بالمرتاح...طلع حاجبو يحكي
ادم:شصاير هوني
طبيب:صراحة
قص عليه زياد كيف وقف...و الا باش نتكشفو زوز في جرتو...قرب منو حط يدو على كتفو...كبس عليه يحكي
زياد:باش تشتكي عليا لخويا ياخي...لا عاد هاذي متفاهمناش عليها
ادم:زيااد شبيك تحكي معاه هكا
زياد:يعرف روحو شعمل
ادم:شعملت ؟
طبيب:لااا عاد ناقص كان ندخل للمحكمة...و نتحاكم
شدني ضحك...والله باش يهبل مسكين...مكفاش زياد...لحق لاخر معاه...جا باش يخرج...وقفو ادم يحكي ادم:امتى نجم نخرجها من هوني
دورت راسي غزرت لزيااد...غزرلي...ورجع غزر لطبيب...قحرلهم زوز يحكي
طبيب:مع شكون باش تمشي هي...تنجمو تفهموني شنية حكايتكم بالظبط
زياد:جاوب قد سؤال
طبيب:من غدوة تنجم تخرج من هوني
ادم:باهي تنجم تمشي
طبيب:مطولوش برشا هوني لازمها ترتاح...و خاصة انت فهمتني
يحكي و يشاور لزياد بصباعو...اول ما قحرلو...هز روحو وخرج...قرب مني ادم...يحكي
ادم:كيف تحس في روحك توا
اما:م مليحة مرسي خاطرك عاونتني
ادم:من غير مزية
زياد:وين لقيتها
ادم:حكاية طويلة
زياد:نسمع فيك
ادم:زياااد مبعد نحكو
زياد:وينو ؟
ادم:ياخي مش باش تهدا انت توا
زياد:كيف تحبني نهدا...ماك ترا في حالتها...شعرة لا ماتت طفلة في جرتو
ادم:قتلك اهدا...شبيك تصيح في الكلينيك...هبلت ياخي
زياد:اييه هبلت...كيف قاعد تتعامل مع عباد هكا منعرفش...ورحمة امي باش يخلص حق لي عملو دوبل فهمت...مش باش يفلت من يدي المرة هاذي
نسمع في صوتو ماشي و يعلا...ساعات كيف يتقلق مينجمش يبقى هادي...هزيت يدي حطيتها على صدري...نحس في نفس ضياق عليا...شي خاطر ذكرت لي صار...و شي من كلام زياد مع ادم...ياريتو يعرف لهو مش يتعامل معاه كهو...هو كيفو بالظبط...قربلي ادم بالزربة...حط يدو على شعري...يحكي
ادم:دنييز لباس ياخي
مرجعتلوش...منجمتش نحكي معاه...نحاول قد ما نجم ناخو نفس...قرب منا زياد...جبد ادم لتالي...قعد على طرف السرير...قعدني...و غزر لادم يحكي
زياد:برا كلم طبيب فيسع
غزرلنا شوية...و هز روحو خرج...حط يدو على وجهي يحكي
زياد:سواار عزيزتي تسمع فيا ياخي...شبيك
مرجعتلوش..دموعي نزلو بالوقت...تخنقت برشا...باقي يعدي في يدو على وجهي...و يحكي
زياد:حاول تاخو نفس...هاني معاك
هزيتلو براسي ايه...بقا يحاول معايا لين حسيت روحي هديت شوية...باسني من راسي...يحكي
زياد:وفاات...وراسك وفات...اهدا توا
رخفت بين يديه...رجعني لتالي...دخل ادم و الطبيب بالوقت...قرب الطبيب من زياد يحكي
طبيب:ابعد خنشوفها
زياد:هوكا رجع...ياخي مفماش حد غيرك هوني
ادم:زيااد شنية حكايتك معاه...خلي طبيب يعدي علاها و يخرج
جبد روحو مني...وخر لتالي...عدا عليا الطبيب...و تلفتلهم يحكي
طبيب:باش نحكي لاخر مرة...هي لازم ترتاح...اذا سمحتو
ادم:باهي ميسالش...هيا زياد
قرب هز سلاحو...و قحر لطبيب قحرة متاع موت...و تلفت غزرلي.. يطمن فيا بعينيه...نطر روحو من ادم و خرج...تلفت ادم غزرلي...سكرت عينيا...منحبش نغزرلو...منحبش نغزر لعينيه لذكرني في كلشي خايب تعدا عليا...اصلا مهما عمل باهي معايا مستحيل نغفرلو...و لا نسامحو على لي عملو فيا الكل...بقا الطبيب يحكي معايا...حسيتو ارتاح كي خرج زياد...زرقلي و خرج...بقيت نغزر للباب...نستنا فيه يدخل...معاد نجم نخمم في حتى شي اخر...لين هزني النوم ورقدت
زياد يحكي: واقف بحذا الباب...نمشي و نجي...راكبني العصب من ساقي لراسي...و ادم واقف يغزرلي مزهبل من حالتي...نحس في روحي باش نطرشق...كان نلقاه قدامي توا...الا ما نقتلو بيدي...قربلي شدني من كتفي يحكي ادم:زياااد اهدا شبيك ياخي انا:هكا نتسما هادي عاللخر
ادم:تنجم تفهمني شنية علاقتك مع الطفلة بالظبط
وقفت على سؤالو...طلعت راسي غزرتلو...يستنى فيا نجاوبو...نعرفو بالقدا...ميسألش كان اذا شك في حاجة...و هو بالذات ملازمش يعرف شنية علاقتي مع سوار...خذيت نفس نبرد في روحي...غزرتلو نحكي
انا:شتقصد
ادم:سؤالي واضح
انا:مفما شي من اللي قاعد يدور في مخك...انا و دنيز صحاب و كهو...و بحكم صحبتنا مش باش نخليه يفلت بالعملة متاعو
ادم:نحسب روحي صدقتك
انا:فك عليا...كان فما شي باز كنت خبرتك...تعرفني ما نخاف من حتى شي
ادم:باهي باهي
عديت يدي على شعري بغزول...نفخت بالقاوي...و غزرتلو نحكي
انا:لازم شكون يبقى معاها هوني
ادم:نعرف
انا:انت مشغول
ادم:شنوة
انا:نقصد لاحنا زوز مشغولين وورانا برشا خدمة
ادم:ممم صحيح
انا:ملا باش نخبر حد من دارهم يجيها لهوني
ادم:تعرف دارهم
انا:مممم وصلتها لغاديكا مرة
ادم:هيا باهي...برا خبرهم و انا باش نبقى معاها هوني لين ترجع
طلعت حاجبي نشوف معاه...جيت باش نحكي...شفت طبيب هذاكا خارج من عندو...شاورتلو بيدي...قرب عندنا...يقحرلنا زوز...تبسمتلو نحكي
انا:كيفها توا
هو:مليحة..و من غير ما تدخلو عندها
انا:لا عاد شبيك تحكي معانا هكا
ادم:ميجيش راهو...باش نبطلو نجو عالكلينيك هاذي
انا:و انت باز متحبش تخسرنا مش هكا
ادم:نظن اكاكا
هو:هاني باش نستقيل و نريحكم جملة...ياخي شنية لي قاعد يصير...معادش فما احترام في هاذي الكلينيك و لا شنية الحكاية بالظبط
انا:تو منجدك تحب تستقيل انت
ادم:زياد محقكش غششتو
طبيب:ربي معاها الطفلة منعرفش كيف متحملتكم زوز
انا:عندو حق
ادم:بالطبيعة
انا:مش باش نعطلك برشا..و تتحملنا اكثر...ربي معاك
ادم:معرفة خير
طبيب:واللي يعرفكم...يعرف الخير هو
قال كلمتو و مشا...بقينا نشوفو معاه...و طرشقنا بالضحك فرد مرة...بالحق مش نورمال الطبيب هذا...من صغرتي نفد منهم الطبة...اما هذا بالظبط...كعبة مش نورمال...ضربني ادم على كتفي يحكي
ادم:باش تمشي انت و لا انا
انا:انا لي باش نمشي...يمكن نطول...خليك معاها هوني لين نرجع
ادم:وين ماشي
انا:عندي قضية
ادم:مش قلت باش تمشي لدارهم و ترجع
انا:مممم اما باش نعمل حاجة قبل...هيا مبعد
جيت باش نمشي...وقفني يحكي
ادم:زيااد استنى
وقفت...قرب مني وقف مقابلني...طلع حاجبو...يحكي
ادم:ماشي عند ياسر انت
انا:في رايك ؟
ادم:مش وقتو توت
انا:باز تفدلك ؟
ادم:لا نحكي بالحق...انا عطيتو حقو متاع اليوم
انا:تعرفني نحب ناخو حقي بيدك
ادم:زياااد انا حاجتي بياسر...و نعرف لانت باش تكبر الحكاية توا...و مش بعيد توصل تقتلو
انا:بالطبيعة
ادم:الحكاية متستهلش هذا الكل...كان يصرا شي عليه باش تقلب دنيا فوق راسنا
انا:ياخي شنية حكايتك انت...انت اكثر حد تعرف انو نسامح في كلشي...كان في الحاجات هذوما...و حتى انت زادة
ادم:نعرف...اما اسمعني توا عيش خويا
انا:شنية لي تحبني نسمعو
ادم:موت ياسر باش يخسرني...اكبر صفقة للعام...باش ترجعني لتالي بعد ما وصلت لهوني...و تعرف بالقدا فشل صغير برك...مستحيل نوصل للجماعة هذيكا...متنساش لانت زادة وعدت حنان معايا
بقيت نشوف معاه...خذيت نفس...كلامو وقفني...وعدي لحنان وقفني...اما زادة لي موجودة الداخل قطعة مني...ووعدتها اني باش ناخو حقها منو...عقدت حواجبي...نحكي
انا:حتى و كان صفقة العام...انا و انت نعرفو بالقدا انو مهما خسرنا فلوس...مش باش نرجعو لتالي...شنية الحكاية بالظبط
ادم:لي حاجتي بيه مش فلوس...و لا السلاح...انا حاجتي بورقة وحدة من عند ياسر...كان صار و ربحت الصفقة...هو باش يربح الفلوس...و انا ناخو من عندو قائمة الرجال لي باش يوصلوني لغايتي فهمت...حاجتي بورقة وحدة كهو...حاجتي باسمواتهم و ياسر كهو لي ينجم يوصلني ليهم
بقيت نغزرلو...نعرف لينجم يخسر ثروتو الكل باش يوصل ليهم...خذيت نفس...نحكي
انا:باهي ياسر ليك توا...اما بعد الصفقة...تجبد يدك من الحكاية
ادم:وعد...بعد الصفقة انا باش نسلمهولك بيدي...و اعمل فيه لي تحب
انا:باهي
وخرت لتالي...عديت يدي على شعري ووجهي بالزربة...منعرفش كيف باش نتحكم في روحي من هوني لاكا الوقت...و لا كيف باش نقابل سوار...حط يدو على كتفي...كبس عليه يحكي
ادم:نعرف لي الحكاية قلقاتك...اما الفايدة توا كي معمللها شي
تلفت عندو...طلعت حاجبي مستغرب...نحكي
انا:شيعرفك انت
ادم:حكيت مع الطبيب...و قال جيست نفسيتها تاعبة...و يمات ما كلات شي
انا:الحكاية موقفتش هوني...تقوى عليها خاطرها وحدها هوني في تونس...و عايلتها بعيدة...و مفما حد وراها...اما صدقني...كان يعرف شكون لي وراها...ميفكرش جرد فكرة...انو يقرب منها
ادم:احنا هوني...انت هوني...نعرف لمشباش تخليها...اما من الاحسن عيلتها تعرف باللي صار
انا:بالطبيعة طمن...انا باش نكلم بوها
ادم:هيا باهي ملا...انت كلمهم توا...نظن باش نمشي احسن...جو الكلينيك يخنقني
هزيتلو براسي باهي...حل فلس متاع سوريتو...عدا يدو على شعرو بغزول...جيست تبسملي...ضربني على كتفي...و مشا..بقيت نشيع فيه لين دخل للاصونصير...تنهدت بالقاوي...احنا زوز...نكرهو البلاصة هاذي برشا...خاصة بعد الاحداث تالية...دورت راسي...نشوف مع طبيب يعس فيا...باش مندخلش عندها...هزيت يدي حكيت لحيتي...غزرت للباب...ورجعت غزرتلو...عملتلو قريماس...متاع الله غالب...لازمني ندخل...حسيتو فد باش يطرشق...محبيتش نغزلو اكثر...حليت الباب...و دخلت...قربت منها...لقيتها غاطسة في نوم...و مش حاسة على شي...ضعفت برشا...كل مرة نغزر لوجها...نغزل على روحي خاطر منجمتش نحميها منو...نفخت بالقاوي...جبدت تليفوني...كلمت راضية تحضرلها دبشها...و تبعثو مع شوفور...حبت جي...اما منعتها...اصلا من غدوة باش نهزها معايا...نحبها تبقى تحت عيني...حتى من ادم بروقرامو...شارجي غدوة...مستحيل ينجم يجي للكلينيك قبل العشية...اما زادة...باش يمرجني بالاسئلة كان عرف لهي عندي...كيف تلفت و غزرتلها...ذكرت اليمات لي خلاتني فيهم...و ما نعرف علاها شي...تأكدت لمعاد يهمني في حتى شي اخر غيرها...سوار الحاجة الوحيدة المزيانة في حياتي بعد لي تعدا عليا...اول مرة ريتها في كلينيك...على نفس السرير...نفس الملامح التاعبة...نفس البراءة لي على وجها...خذيت الخطوة هذيكا و انا متردد...مكنتش نعرف لي جرد لعبة باش تقلب حياتي جملة...اني نوصل نحب...انا نحب...و لا مرة خممت فيها الحكاية...حتى ميرال لي عشت معاها اربع سنين و لا فايت...مخممتش اني نحبها...و لا لا...جيست ستانست بيها في حياتي...اما الطفلة هاذي بدلت فيا برشا حاجات...قربت منها وقفت قدامها...هزيت يدي عديت صوابعي على خدها...تبسمت و انا نذكر في هبالها...تي حتى تصرفاتها لي كنت نفد منهم...ستانست بيهم في حياتي...اصلا معادش نجم نستخايل حياتي من غيرها...اول مرة نعيش خوف كبير لهدرجة...خايف خاطر حبي ليها باش يضرها...و يضرني...يضرني كان يجي نهار و نعيش من غيرها...في لحظة...تذكرت كلام جينيرال...تعاود في وذني بالكلمة..." اما الملكية هاذي...باش تضر صاحبها برشا...ملا رد بالك على روحك...وذكر ديما انو الحب ممنوع في قانون الشرطة الدولية"...جبدت يدي بالوقت...حسيت بخنقة في صدري...و غصة في حلقي...وخرت خطوة لتالي...عينيا ضاعو في وجها...هزيت يدي حليت فلس سوريتي...غمضت عينيا بالقاوي...حليتهم على صوتها
سوار:ز زياد
غزرتلها...نزلت بعينيا ليدها...هزتها شوية...تحب تشدني...قربت منها خطوة شديتها...كبست علاها منعرفش كيف نجمت نشدها...قعدت عالكرسي...باقي تغزرلي...تحكي بالسيف
سوار:لباس
هزيتلها براسي لا...قربت منها اكثر...حطيت راسي على كرشها...دورت يدي على جنبها...نحكي
انا:تاعب برشا
حسيت بيدها لي تغرست في شعري...كبست علاها اكثر...عدات صوابعها بحنانة...محسيتهاش عندي برشا...من وقت عمري خمس سنين...تبسمت بوجيعة...نسمع فيها تحكي
سوار:انا معاك
انا:اوعدني...انو مهما صار بينا...مستحيل تنساني
سوار:انت باش تنساني
انا:مستحيل
سوار:كان هكا علاش قاعد تسأل فيا...علاش تسأل فيا و تعرف لانت روحي
انا:منعرفش حبيتك توعدني...حبيت نرتاح
سوار:وعد...مستحيل ننساك...مستحيل نخرجك من قلبي...حتى بعد من موت
انا:و انا زادة
سكرت عينيا...نستحلى في لمسة يدها على شعري...نحس في قلبي باش يخرج من بقعتو...قاعد نعيش في نفس الخوف...لي عشتو في صغري...تعدات صورة امي بين عينيا...صوتها لي كنت نرقد عليه...تبسمت بوجيعة...و انا نرا في خيالها...مزلت نذكرها بالقدا...مزلت حافظ تفاصيلها الكل...مزلت مذكر امي...شعرها لكان اصفر...عينيها لعسليين كيفي بالظبط...وقت طمني بعينيها نرتاح...مزلت مذكر كيف كانت تحاسبنا...و تصالحنا فرد وقت...خسرت امي...و خسرت صغري...خسرت روحي...ضعت وسط الوحوش...ورجعت زعيم متاعهم...حاولت قد ما نجم ننسا اكا نهار...اما منجمتش...حاولت نعيش نهار عادي كيف غيري...اما الماضي سيطر عليا...كلشي غم عليا...سوار كهو كان النور...لي ريت بيه حياة جديدة غير حياتي...عشت حاجات معاها مجربتهاش من قبل...غمضت عينيا و كبست علاها اكثر...قربها برك يخليني نرتاح...اما حتى قربها مني...رجع خوف...خوف اني نفيق على نهار...و منلقهاش بجنبي...لااا مستحيل...هي ملكية خاصة...هي ملكي انا...لنهار نموت...مستحيل نسمح لحد يبعدها عليا...حتى هي معندهاش الحق تبعد عليا...هي متاعي انا...انا و كهو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 68
سوار تحكي:
كبست على يدو...نمشي وراه...و اليوم وين شفت ظو نهار بعد اليمات لي تعدات الكل...طول الثنية...و هو شادني...بقيت نغزرلو و هو يسوق...ظاهر فيه تاعب برشا...البارح حسيت بيه قداش تاعب...حسيت بخوفو من شي..منعرفش من شنوة...يمكن البارح برك شفت زياد ضعيف قدامي...اصلا متوقعتش...لهو باش يلوج عالامان عندي...فيقني من سرحتي...كي تلفتلي يحكي زياد:لباس
هزيتلو براسي ايه...تبسملي...وقرب باسني من راسي...و كمل يسوق...كبست على يدو اكثر...و قربت منو تكيت على كتفو...نشوف مع الطريق...نفس الطريق لخطفني منها اكا الكلب...غمضت عينيا بالقاوي...منحبش نذكر لي صار...حليتهم كيف حسيت بيها راكا الكرهبة...جبدت روحي منو نزلت...خالط عليا...شدني من يدي...طلعنا مع بعض لدار...سبقني حل الباب...و تلفتلي يحكي
زياد:هيا ايجا
هزيت روحي دخلت...سكر الباب...و جبدني من يدي حضني...هزيت يديا...دورتهم على ظهرو...عدا يدو على شعري يحكي
زياد:وفات معادش تخمم في اللي صار جملة...من اليوم معادش باش نخليك وحدك جملة
انا:نعرف
نزل باسني من راسي...بوسة مرصوصة...و كمل يحكي
زياد:شتحب تاكول
انا:نحب ندوش ساعة
جبد روحو مني..حط يديه زوز على وجهي...تبسملي يحكي
زياد:باهي برا اعمل لي يريحك
انا:عيشك
تبسمتلو...وجبدت روحي منو...دخلت لبيتو...اول شي تذكرتو الليلة اللي عديتها معاه هوني...قلبي دق بالقاوي...قدمت خطوة...غزرت لسرير...غمضت عينيا ورجعت فتحتهم...هزيت روحي...دخلت بالزربة لبيت البانو...حتى البلاصة هوني...ذكرني باللي عديتو معاه...نحيت دبشي...و دخلت تحت الما...تبسمت كيف ذكرت وقت هديت عليه لهوني...كملت الدوش نحيت بيه تعب اللي تعدا عليا الكل...رميت يدي...هزيت الكاب متاعو...قربتو ليا...شميت ريحتو...تي حتى و هو معايا هوني...نحس في روحي متوحشتو برشا...لبستو...وخرجت شعري البرا...هزيت منشقة...شيحتو...حسيت روحي تفرهدت برشا...خرجت للبيت...وقفت نشوف مع روحي في المرايا...غطست وسط الكاب متاعو...بقيت نثبت مع روحي...تبسمت وحدي...تي بالحق الراجل رزيتو في كلشي...اما فيسع ما تمحات ضحكتي...وقت تعدا كلامو في راسي..." و انت قلتها...هذاكا خويا يا سوار...و كان باش يبدا مذنب لناس الكل...هو باش يبقى بريء في نظري...و مش بالساهل اني نفرط فيه"...قلبي دق بالوقت...كيف ذكرت كلامو...زعمة باش يفرط فيا...وقت يعرف الحقيقة...باش يخرجني من حياتو...ويغفر لخوه لي صار...و لا باش يختارني انا...و ياقف معايا...اما كلامو لي قعد يدور في مخي بالكلمة...كبس على تفكيري...مخلانيش نعطي فرصة لروحي قدام خوه...قص عليا تفكيري الكل...كيف حضني من التالي...كبس عليا...نزل باسني من خدي...يحكي
زياد:شتعمل عندك
طلعت راسي...غزرتلو في المرايا...نحكي
انا:زيااد
زياد:مممم
انا:كان جا نهار و ظطريت تختار بيني...و بين حد تحبو شكون باش تختار انت
زياد:علاش سؤال هذا توا
انا:هكا حبيت نعرف
تنهد بالقاوي...نزل بيديه لجنابي...كبس عليا...دورني عندو...هز يدو...يعدي في صوابعو على خدي...و يحكي فرد وقت
زياد:سوار يا روحي...معادش تخمم فيه الموضوع هذا...في بالك نجم نخليك انا...نجم نسمح في قطعة مني
سوار:شكون تحب اكثر انت انا و لا خوك
زياد:ههههههه لا عاد دورتها الغيرة لادم توا انت
انا:جاوبني
طرشق بالضحك...بقيت نشوف معاه...نحس في دموعي باش تهبط...شادة روحي بالسيف عالبكا...نزل باسني من شفافي على غفلة...و جبد روحو يحكي
زياد:هوكا باش نستغنى عليه ادم على خاطر صغرونتي
انا:بالحق
ادم:ممم بالحق...حتى انا فديت منو...هههههه
طبست راسي...حسيتو شلق على روحي...كيف طلعلي راسي...غزرلي في عينيا يحكي
زياد:سوااار ياخي بالحق غرت من ادم انت
انا:هأة
زياد:ملا
انا:انت تحبو برشا...و كان نكونو زوز في مشكلة باز باش تختارو هو
زياد:نختار شنية يا بنتي...الراجل اكبر مني مازلت باش نحميه انا
انا:باش تبقى معايا ديما
زياد:بالطبيعة باش نبقى معاك
انا:باهي
زياد:سوار شبي حبي هي
انا:منعرفش
زياد:معادش تخمم فيها الامور هاذي...كلشي باش يتعدا باهي
هزيتلو براسي ايه...قرب مني حط شفافو على شفافي باسني...و فرد وقت يرجع في شعري لتالي...دور يدو على ظهري جبدني عندو...نزل لرقبتي باسني بوسة خفيفة...غمضت عينيا بالوقت...اول ما رجع لشفافي...نوقز الباب متاع برا...حليت عينيا...عقد حواجبو مستغرب...جبد روحو شوية...عدا يدو على شعرو...يحكي
زياد:شكون باش يجي توا
هزيتلو بكتافي منعرفش...رجع قرب مني باسني من خدي...و كمل يحكي
زياد:ابقا هوني...نشوف شكون و نرجع
انا:باهي
تبسملي...وخرج...تلفت نشوف مع المرايا...هزيت يدي عديت صوابعي على شفافي...تبسمت وحدي...قربو ليا ينسيني في كلشي خايب نخمم فيه...كنت باش نمشي للقارد روب...نلبس حاجة من عندو...لين يكمل مع شكون جا ليه...اما وقفت..كيف سمعت صوت نعرفو بالقدا...قلبي دق بالوقت...قربت شوية من الباب...وقفت قدامها...نسمع فيه يحكي معاها
زياد:ميرااال شنية حكايتك انت توا...مش قتلك معادش جي لهوني
ميرال:شنعمل توحشتك...حتى انت معادش لاهي بيا جملة
زياد:قاعدلك انا ياخي تحب تهبلني انت
ميرال:تعرف قداش من مرة كلمتك...باهي نعرف لانت مشغول و مش قاعدلي...اما مش كيما قبل...تي حتى معادش تهز تليفون و تسأل عليا
زياد:اول حاجة نقص صوتك...ثاني حاجة انت اخر وحدة تحاسبني فهمت
ميرال:راني ميرال يا زياد...شبيك نسيتني جملة...في شنوة قصرت معاك انا...عطيتك كلشي...حتى قوتي طيح في الما قدامك
زياد:انا من الاول ما وعدتك بشي...و انت تعرف بالقدا شنوة طبيعة علاقتنا...و وافقت من الاول...على هذكا فك عليا توا
ميرال:ايه نعرف...نعرف...اما حبيتك...يزي ما قاعد تعذب فيا...نعرف لانت زادة تحبني...و هي مجرد نزوة كيفها كيف غيرها...شوية وقت و تفد منها...و في التالي باش ترجعلي ليا...لميرال
نسمع في كلامها و قلبي يدق بالقاوي...تروهجت...كبست بيدي عالحيط نوازن في روحي...زعمة بالحق ينجم يخليني بعد كلشي صرا بينا...بعد ما سلمتلو...لا مستحيل يعملها...هو يحبني انا كهو...اصلا كلشي يقول لهو يحبني...اما حتى ميرال سلم فيها بعد السنين هذوما الكل...شجي علاقتي معاه قدامهم...غمضت عينيا بالقاوي...حليتهم على صوتو يصيح
زياد:براا ميرال اخررج
ميرال:باهي هاني باش نمشي توا...اما مش باش نسلم في حبي بالساهل...حتى على جثتي فهمت
نسمع في صوت الكعب متاعها باش ينقب لارض...وخرت خطوتين لتالي...هزيت يدي حطيتها على رقبتي...نهدي في روحي...منحبش نبكي...منحبش نضعف...اصلا مستحيل نكون كيفها...طلعت راسي كيف حسيت بيه دخل...تبسمت بالسيف...نحاول ما نظهر شي...ملامحو بارة عاللخر...كل مرة يتغشش يتبدل جملة...هزيت يدي شاورت للقارد روب نحكي
انا:كنت باش نبدل دبشي
مرجعليش...تلفت عطيتو بظهري...قربت من القارد روب...فتحتها...نشوف مع دبش متاعو...اصلا منعرفش فاش قاعدة نعمل...حسيت بيديه كيف دارو على كرشي...جبدني عندو كبس عليا...من غير ما يحكي معايا...هزيت يدي بالسيف...حطيتها على يديه...نحس في الكلام هرب مني...منعرفش اذا باش ناخو طاقتي منو و لا العكس...فهمت شي واحد برك...انو كل اللي دايرين بينا...يحبو يفرقونا...بقصد و لا من غير قصد...علاقتي مع زياد ممنوعة...لناس الكل...لميرال...لخوه...لعيلتو...للمجتمع الكل...و باش تولي ممنوعة ليه زادة نهار يعرف لخوه كان سبب في كلشي...انو خوه هو لي مسني قبلو...تبسمت بوجيعة...قداش مزال يتعدا على راسي...حتى زياد لي محضني توا باش يجي نهار و تفكو الدنيا مني...باش نرجع وحدي كيما قبل...كبست عليه بيدي...قربني ليه اكثر...منعرفش قداش بقينا اكاكا...يمكن ساعات هذوما معادش يرجعو لحياتنا...باش يبقاو ذكرى مزيانة...اصلا هذا لي حسيتو وقت كنت عند ياسر...عندي رغبة كبيرة اني نتلفت...و نحكيلو كلشي...نحكيلو على ادم...على لي صار فيا الكل...نحب نفرغ قلبي عندو و نرتاح...اما فرد وقت خايفة...خايفة اني نخسرو...و نخسر كلشي...خايفة يخرج خوه من الحكاية...و نكون الضحية للمرة الثانية...خذيت نفس...جبدت روحي منو...طلعت راسي غزرتلو...باقي يغزرلي في عينيا...هزيت يدي حطيتها على خدو...عديت صوابعي على لحيتو...طلعت بيهم لضربة هذيكا...تبسمت وحدي...غزرتلو في عينيه...اول مرة نلقاه يغزرلي بالطريقة هاذي...نظرة مفهمتهاش منو...قربت منو اكثر...لين معادش فما بينا مسافة...باقي نعدي في يدي على خدو...هز يدو شدلي يدي باسني منها...و نزلها...نزل عليا اكثر...حسيت بالنفس متاعو على وجهي...غمضت عينيا بالوقت...دور يدو على ظهري...هزني شوية...لين معادش نحس بالارض تحت ساقيا...حط شفافو على شفافي...لزيت ليه اكثر...بوسة قطعت تفكيري في كلشي خايب قاعدة نفكر فيه...و لخصت كلشي قاعدين نحسو فيه...شي اكبر ببرشا من انو نحكو فيه...اكبر من برشا كلام تقال و باش يتقال...جبدت روحي منو...عنقتو بالقاوي...حطيت يدي ورا راسو...كبست على شعرو...نحكي
انا:انت تحبني مش مجرد نزوة...كيما قالت هي
كبست عليه اكثر...نحب ننسى كلامها...نحب نحس لهو يحبني...و مستحيل يفرط فيا مهما صار...نزلني شوية...قلبي دق بالوقت...هزيت يديا زوز كبشت في سوريتو...غطست راسي في صدرو...منحبش نسمعو...هز يدو عداها على شعري...يحكي
زياد:سواار
مرجعتلوش...نزل بيديه على كتافي...حاول يجبدني...كبشت فيه اكثر...حط يدو على اخر ظهري...كبس عليا يحكي
زياد:سواار اغزرلي هوني
هزيتلو براسي لا...حط يدو لاخرى على شعري...حسيتو موسع بالو معايا عاللخر...خاطر نعرفو يفد من الحاجات هذوما...اما بعد اللي صار اخر مرة بينا...حسيت كلامها وجعني برشا...خفت كان بالحق يسلم فيا بعد ما سلمتلو و ملكني...صحيح مبكيتش...اما زادة موجوعة من كلشي قاعد يصير...نزل عليا...قرب من وذني يحكي
زياد:متأكدة متحبش تغزرلي
انا:ممم
زياد:متغشة ياخي
هزيتلو براسي لا...طلع شوية...حسيت بيه كي تنهد بالقاوي...و كمل يحكي
زياد:راك باش تهبلني يا طفلة
طلعت راسي شوية غزرتلو...طلع حاجبو...يشوف معايا...نزلت عينيا منو...اصلا كلشي في البيت هوني يذكرني باللي صار...و بعد كلامها...منجمتش نغزرلو...هز يدو...حطها على خدي...يبعد في خصلات شعري على وجهي...و يحكي
زياد:الكلام لي سمعتو قبيل نحبك تنساه
هزيتلو براسي لا...قحرلي...نزلت راسي...نفخ بالقاوي يحكي
زياد:اي كلمة مسمعتهاش مني...منحبكش تصدقها...و لا تحطها في مخك الصغير هذا...كان كنت مجرد نزوة...مانيش معاك توا...و موصلتش قتلك الكلام هذاكا...و لا قاعد نبررلك توا في كلامها متاع قبيل فهمت
هزيتلو براسي ايه...خاطر حسيتو بدا يفد...اصلا منحبش نخسر ثيقتي فيه بعد اللي سمعتو...يكفي لقاعدة نحس بحبو ليا و خوفو عليا...تبسمتلو...جبد روحو مني...يحكي
زياد:هيا بدل دبشك و ايجا تاكول
كمل كلامو و عطاني بظهرو...اول ما وصل لباب...وقفتو نحكي
انا:زياااد
حبس و تلفتلي...غزرلي...يستنا فيا نحكي...قربت منو وقفت قدامو...غزرتلو...عملتلو بيدي باش ينزل...طابس عليا شوية...بستو من خدو بوسة مرصوصة..ضحك بالوقت...جبدت روحي منو...وخرت لتالي...تبسملي...و مشا للكوجينة...مشيت بالزربة للقارد روب...جبدت مريول من عندو...لبستو...شيحت شعري بالقدا...و خالطت عليه
زياد يحكي:
تكيت لتالي...نشوف معاها تحرك في الشوكة من غير ما تاكول...شعرها مزال مبلول...نظراتها ضايعة في الصحن...حتى صوتها مسمعتوش من وقت قعدت...نعرف لحكاية ميرال تسكرت من قبيل...مش باش تبقى تفكر فيها...حطيت من يدي...و غزرتلها نحكي
انا:شبيك متحبش تاكول
طلعت راسها غزرتلي...بقات تشوف معايا شوية ورجعت غزرت لصحن تحكي
سوار:اسبوع تعدا...كان يجبرني باش ناكول...كل ليلة نفس الحكاية...كان ماتاكولش باش تموت...كول احسنلك...خاطر كان تموت مش باش نرجعك ليه...تموت و مترجعش لزياد...ديما يعاود في نفس الكلام...لين صدقت لانا معادش باش نشوفك...اما تعرف حاجة
طلعت راسها...تبسمت ندرا كيف...و كملت تحكي
سوار:مبكيتش...رغم كلامو...رغم انو كل ليلة يرغمني باش ناكول...كل ليلة يحكي نفس الكلام...مبكيتش...حتى كان قتلني...مكنتش باش نرضخلو...مكنتش باش نوريه ضعفي...خاطر نعرف لمستحيل يضرني..خاطرك انت ورايا
نسمع فيها...و كابس على يدي...نحس في روحي باش نطرشق...كان نلقاه قدامي...ما نقتلو بيدي...يكفي لي حكاتو باش نخرج فيه غشي الكل...اصلا يحمد ربي ممسهاش و لا حاول يقرب منها...و الا مستحيل نخليه عايش لتوا...خذيت نفس نهدي في روحي...نحكي
انا:سواار
قصت عليا...كيف غزرتلي...في عينيا...و كملت تحكي
سوار:راس العام...ليلة السنة الجديدة...هو الموعد المحدد...الليلة الموعودة لي يستنا فيها ياسر و صابر و ادم خوك
عقدت حواجبي مستغرب...خاصة كيف نزلت على كلمة ادم...منعرفش شنية حكايتها معاه...مع انو عاونها...باز فما حكاية و انا باش نعرفها مع الوقت...بقيت نشوف معاها تكيت لتالي نحكي
انا:و انت من وين عرفت
تبسمت على جنب و غزرتلي في عينيا تحكي
سوار:هو خبرني
انا:شنوة
بقيت نشوف معاها مستغرب دورت عينيها على وجهي و كملت تحكي
سوار:في بالو...باش يبقى حابسني عندو...كان ديما يقول العام الجديد باش نمشو من هوني...باش نبداو انا و انت من جديد...انت تحبني انا...باش تنساه وقت تمشي معايا...وين باش نعيشو حياة هادية
هزيت يدي ضربتها عالطاولة...تهزت و تنفضت...نحكي و نصيح
انا:اسسسسكت يزي اسكت
سوار:مخفتش منو...خاطر ما عندي حتى شي نخسرو...كلشي عندي خسرتو من قبل...اما خفت كان معادش نشوفك...معادش باش نحضنك...خفت كان نعيش من غيرك...صحيح مضعفتش قدامو...اما تعبت برشا
تنهدت بالقاوي...كلامها يقلقني و يهديني فرد وقت...كلشي قاعد نرا فيه توا...طفلة صغيرة...خايفة من اللي قاعد يدور بيها...و كل حد فينا عندو ذنب في اللي جرالها الكل...هزيت يدي..حطيتها على يدها فوق الطاولة...باردة عاللخر...استغربت حالتها....كبست عليها...جبدتها عندي...هزت روحها...قربت مني...قعدت عندي...حسيت برعشتها...حطيت يدي على وجها و رقبتها نحكي
انا:لباس ياخي
سوار:مليحة
انا:نوعدك لباش يخلص حق لي عملو فيك الكل...مش باش تتعدالو بالساهل
قربت مني اكثر...حضنتني بالقاوي...حطيت يدي على ظهرها...نسمع فيها تحكي
سوار:نحب نراه بعيني...نحب نخسرو في كلشي...نحبو يخلص حق اللي عملو فيا الكل...نحب ناخو بثاري بيدي زياد
هزيت يديا...كبست على جنابها...جبدتها شوية من عندي...نغزرلها مستغرب...منعرفش علاش منجمتش نستوعب كلامها...غزرتلها نحكي...نحبها تفهمني لتحكي فيه
انا:شتقصد
هزت يديه زوز حطتهم على وجهي...غزرتلي...تحكي
سوار:نحب نكون غادي...نحب نشوفو و هو يخسر كلشي...نحب نرا الخسارة في عينيه
بقيت نعقل في كلامها...وقفتها...ووقفت في جرتها...قحرتلها تقحيرة متاع موت نحكي
انا:هبللللت ياخي...تعرف شنوة اللي قاعد تحكي فيه انتي
سوار:نعررف
انا:ياخي ¤¤¤¤¤ و لا شنية حكايتك...تعرف للحكاية اكبر من اللي يتصورها مخك...تعرف لباش يكون فيها قاتل و مقتول...قولي بربي كيف باش تمشي لغادي
سوار:نعرف هذا الكل...و مش باش نرجع لتالي
عديت يدي على وجهي بعصب...نحاول نهدي روحي قد ما نجم...خذي نفس و زوز...و غزرتلها نحكي
انا:اول شي انا وقتها باش نكون في ايطاليا...و ثاني شي انت باش تبقى مع ادم ساعتها
غزرتلي مصدومة...تتنفس بالسيف...كانو قاعدة تكذب في كلامي...تحكي
سوار:ش شقصدك نبقى مع ادم
انا:لي سمعتو...الوقت لتحب تكون في البقعة هذيكا...انت باش تبعد ادم...كان لزم تشدو نهار الكل
سوار:ههههههه تحب تخرج خوك من الحكاية...براافو زياد...انت برا لايطاليا...و خوك مع سوار...و الباقي ميسالش يتحاسب...ياخي هكا عندكم العدالة نتوما
قربت منها بالزربة...شديتها من زنودها...جبدتها عندي...قحرتلها نحكي
انا:اسمعني في اللعبة اللي عايشين فيها احنا...مفماش حاجة اسمها عدالة فهمتني...فما القوة و النفوذ كهو...كل حد يعمل لي يحب...باش يوصل للهدف متاعو...خاطر الكل مذنبين و الكل برئيين فرد وقت
نطرت روحها مني...رخفت يديا...وخرت لتالي...غزرتلي تحكي
سوار:نفس القوة و النفوذ...اللي خلاوه يغتصبني...نفس القوة و النفوذ...اللي خلاو ياسر يخطفني و نفس القوة و النفوذ اللي تحكي عليهم توا...اللي وصلوني لهوني
غمضت عينيا بالقاوي...منحبش نجرحها بكلامي...اما ديما تفسر من راسها و تخليني نحرق وحدي...اصلا كيف تجبد سيرتو...نهبل في مخي...قربت منها باش نحكي...دزتني بيديها زوز...تحكي و تصيح
سوار:ابعععد....كهو فهمت كلشي توا
كملت كلامها...و خرجت تجري...خذيت نفس و خالطت عليها...دخلت لبيتي...و سكرت الباب من داخل...قربت منو نخبط عليه و نحكي فرد وقت
انا:سوااار حل الباب خف روحك
سوار:نحب نبقى وحدي
انا:قتلك حل الباب و الا ورحمة امي نهدو فوق راسك...سواار
شوية وقت و سمعت صوت المفتاح كي دار...خاطر وقت نوصل نحلف بامي...معادش نرجع لتالي و هي اكثر وحدة تعرف هذا شي...كبست عالبواني...حليت الباب و دخلت...نشوف معاها...واقفة في نص البيت...بقيت نشوف معاها...نزلت عينيها متحبش تغزرلي...قحرتلها نحكي
انا:نلعب معاك انا ياخي
سوار:هأة مانيش فارغة شغل انا
انا:صار
سوار:مممم
قربت منها وخرت لتالي...طلعت حاجبي مستغرب...تي بالحق طلعت فرخة والله لتوا مستغرب من وين جيب التفوريخ متاعها في لحظة خطفتها من يدها نحكي
انا:ايجا لهوني يا فرخة
سوار:سيييبني يا هم
انا:مزالت تحل في فمها
سوار:باش نحلو و باش نحكي باهي وريني كيف باش تمنعني...يا حضرة الشيطان
بقيت نغزر لشفافها و هي تحكي...معدلتش على كلامها برشا...كلشي قاعد نخمم فيه...اني نبوسها و نغطس في شفافها...جات باش تكمل تحكي...دورت يدي على ظهرها و نزلت عليها...ما سيبتها كان وقت حسيت بيها تخنقت...طلعت راسي شوية نغزرلها...باقي كابس على يدها...عقدت حواجبها...قحرتلي...حسيتها باش تبكي...مش نورمال الطفلة هاذي...هزت يدها ضربتني لصدري تحكي
سوار:معادش تبوسني فهمت
ضحكت بالوقت...هزيت يدي لاخرى عديتها على شعري نحكي
انا:علاش تحب نعملو شي اخر
عينيها وساعت..عرفت وين هزها مخها تبسمت بخبث هزت يدها تضرب فيا و تحكي
سوار:زايد بليد و متحشمش..سيبني يا هامل
انا:ريت الكلمة هاذي بالظبط تعرف عقابها بالقدا
سوار:والله و تعضني يا زياد معاد نحكي معاك جملة تي سيبني
انا:باهي اركح ساعة
سوار:منحبش سيبني
انا:تحب عليا انت
سوار:لا نكرهك راني سيبني
انا:مش هذا كلامك قبيل
سوار:بدلتو
انا:صار
سوار:ايه
انا:باهي ايجا لهوني
مخليتهاش تحكي نزلت علاها هزيت على كتفي و خرجت من البيت تخبط على ظهري و تصيح
سوار:فاش تعمل ياخي نزلني يا سخطة
خليتها تفرفط لين وصلت للكوجينة حطيتها عالكرسي طلعت راسها قحرتلي تحكي
سوار:فاش تعمل ياخي هبلت
قربت منها حطيت يد عالطاولة
و يد عالكرسي حاوطتها نزلت علاها ليت جا وجها مع وجهي غزرتلها نحكي
انا:اغزرلي تكمل ماكلتك توا و برا تشد فرشك احسنلك
سوار:منحبش
انا:تاكول و لا ترصالك في حاجة اخرى
سوار:خوفتني
انا:تحب عليا معناها انت
سوار:سيبني نحب نمشي
انا:هاني باش نعاودلك ورحمة امي كان متكملش صحنك باش ترصالك في البيت غادي و انت اختار
سوار:زايد متحشمش و مخك
انا:كمل تو نوريك مخي شفيه بالقدا
هزت يدها ضربتني لكرشي ضحكت بالوقت نحكي
انا:هاني باش نعديهالك توا اما كان متعملش لي قتلك عليه عقابك باش يكون دوبل
قحرتلي و نزلت تاكول قربت من الرخامة تكيت علاها نشوف معاها نشيخ عليه منظرها هذا غش مخلط بخوف اما تفكيري بقا مع كلامها و الصفقة لي جات في غير وقتها جملة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 69
سوار تحكي:
نغزر للمرايا...و تفكيري بعيد برشا...حاسة بخوف مخلط بحقد...الليلة باش نقابلهم زوز...اما منعرفش لباش يصرا...منعرفش اذا باش ننجح و لالا...اما كل اللي نعرفو...انو السنة الجديدة باش تبدل برشا حاجات...حطيت روج غامق...وهزيت لي بوكل من الكوافوز...حطيتهم بالوحدة...و باقي نشوف مع روحي...تو كملت دنيز...تبسمت على جنب...باقي نثبت في روحي...في مكياجي...في شعري لي طايح على وجهي...في الروبة الذهبية...حاولت نفركس على سوار ملقيتهاش...تبسمت بوجيعة...و هزيت روحي وقفت... حطيت يدي عالسلاح لي عالكوافوز...هزيتو...غريبة مخفتش كيف اول مرة هزيتو في يدي...كبست عليه...هزيت ساقي حطيتها عالكرسي...حليت الروبة...بحكم مشقوقة حتى للفوق...ثبتو في فخضي...و نزلت الروب...غزرت للمرايا...عدلت روحي...هزيت سطوشتي...و تليفوني في يدي....خذيت نفس...و خرجت من البيت...نازلة في الدروج...و كلام زياد يتعاود في مخي...زياد اللي فايت 3 ايام مشفتوش...خاطرو سافر لايطاليا..."خليك مع ادم...و رد بالك يغيب على عينك...لهيه قد ما تنجم...متخليهش يخرج من الاوتيل...و زادة متقربش منو اكثر...رد بالك تخليه يمسك و لا يقرب منك...ذكر لانا قاعد نتابع فيك بالخطوة...حتى و مكنتش معاك"...حليت الباب...غزرتلو...لقيتو واقف بحذا الكرهبة...بنفس الوهرة متاع خوه...نفس النظرة الباردة...قربت منو بخطوات ثابتة...من غير ما نزل عينيا عليه...وقفت قدامو بالقدا...هزني و حطني يحكي
ادم:حاضرة
تبسمت على جنب...و هزيتلو براسي ايه...نزل يدو...فتحلي الباب...غزرت للكرهبة...ورجعت غزرتلو...قربت خطوة منو...ريحة برفانتو دخلت لخشمي...خذيت نفس و ركبت...سكر الباب...و خالط عليا...ركب قدامي...خدم الكرهبة...دورت راسي غزرت للبلار...مش مصدقة لانا قاعدة معاه توا...تفكيري مع زياد...اول مرة نقوم بمهمة وحدي...مش مستانس يخليني وحدي...اصلا هو لي دبر كلشي...حتى الحفلة اللي باش نمشي ليها مع ادم مش صدفة...كلشي ملعوب منو...بعد الحادث متاع ياسر...جاني ادم مرتين باش يطمن عليا...وقتها تحججت لنفسيتي تعبت بعد اللي عملو فيا ياسر...و كان العرض متاعو اني نرافقو الليلة...نعرفو يحب يبعد الانظار عليه...على اساس هو في حفلة...و بالطبيعة معايا...باش يأمن روحو اكثر...محسيتش بالثنية...كيف وصلنا للاوتيل...نفس الاوتيل متاع صابر...اصلا البقعة لي باش يسلمو فيها السلاح مش بعيدة برشا من هوني...كلشي مخطط بالقدا...قص عليا كيف قرب منا الخدام فتحلي الباب...كبست على سطوشتي و نزلت...خالط عليا هو...قربلي يدو...طلعت راسي غزرتلو...لقيتو يشوف معايا...منعرفش كيف نجمت نهز يدي..و نحطها في يديو...قلبي دق بالوقت...منحملش قربو جملة...خذيت نفس و دخلت معاه...كل خطوة نقربو بيها لصالة الحفلة...قلبي يدق اكثر...كل دقيقة تتعدا...نخمم في شنوة لباش يصير...اول ما دخلنا...عارضلنا صابر...جات عيني في عينو...حسيتو تصدم...تبسمتلو...منحب نخلي حتى مجال للشك...قرب منا...يحكي
صابر:اهلا بيك ادم
ادم:و بيك
صابر:دنيز
تبسمت...قربلي يدو...هزيت يدي حطيتها في يدو...كبس عليا...باسني منها...و كمل يحكي
صابر:مفاجأة
انا:حتى انا منعرفش لي باش نجي لهوني ادم عملها مفاجأة
صابر:منتستغربهاش منو
دورت راسي...غزرتلو...لقيتو عاقد حواجبو...مش عاجباتو الفازة...كبست على يدو نحكي
انا:باش نبقاو برشا هوني
صابر:سامحوني جماعة انا باش نمشي توا
قرب يدو...صافح ادم...حطلو ندرا شنية في يدو...تبسملنا و مشا...بديت نمشي معاه...نسمع فيه يحكي
ادم:من وين تعرفو من قبل
انا:تلقيتو صدفة في البار
ادم:البار ؟
انا:ممم هوني في الاوتيل
ادم:ممم باهي
سكتنا زوز...وقفنا عند اول طاولة...كل مرة يغزر لتليفونو...كانو قاعد يستنا في اشارة...شوية ووصلو ميساج...تبسم بالوقت...تبسيمة متاع نصر...غزرتلو نحكي
انا:ظاهر ميساج مهم
ادم:برشا
انا:مممم باهي
ادم:تشرب حاجة
انا:نحب على عصير
ادم:متأكدة
انا:السهرة مزالت في اولها
ادم:باهي
قرب منا سرفور...بعد ما شاورلو بيدو...هز من عندو كاس ليه...و عصير ليا...يشرب و يغزر للعباد...نسمع فيه يحكي
ادم:وين بوك و امك
انا:امريكا
ادم:و انت علاش جيت لهوني
انا:نحب نكون حرة
ادم:و توا تحس في روحك هكا
انا:منعرفش...يمكن ايه و يمكن لا
ادم:شتقصد
انا:في بالي هوني باش نرتاح اكثر...اما حتى هوني نفس الشي
ادم:نظن امريكا باش تكون حرة اكثر
انا:متفرقش برشا...خاطر الكل يخمو كيف بعض
ادم:يعني
انا:يعني هوني و لا غادي...الكل يخمو في الطفلة بنفس التفكير
ادم:اما غادي فما بوك و امك
انا:و موجودين هوني زادة
ادم:كيف
انا:عندي كلشي...الفلوس و النفوذ...اني نكون بنت رجل اعمال كبير...و زادة شطر اعمالو غير قانونية...يخلني نعيش بالنفس المستوى
غزرلي مستغرب...هزيت الكاس متاعي شربت منو...و كملت نحكي
انا:مش باش تتخبى عليا امور كيما هاذي...نعرف شنية لي قاعد يدور بيا...و انا عايشة هوني مش على اساس بنت رجل الاعمال الكبير مصطفى...لا عايشة هوني على اساس بنت واحد من المافيا لي تابعة ليكم
حطيت الكاس متاعي...و قربت منو...حطيت يدي على يدو...كبست علاها نحكي
انا:تشرفني بالرقصة هاذي مسيو ادم
باقي يغزرلي مستغرب...نعرف لكلامي مكانش يستنا فيه جملة...اما هذاكاولي لازم يصير توا...حتى الكلام هذا زياد يعرفو بالقدا...غزرتلو في عينيه...نستنى في ايجابتو...عملتلو قريماس...كاني نسأل فيه...هزلي براسي باهي...كبس على يدي...و قرب معايا لنص الصالة...وقفت مقابلاتو...قرب مني خطوة...حط يدو على ظهري لي عريان...بدني تكهرب...و قلبي غم عليا...شدني من يدي...جبدني عندو...ضربت في صدرو...غزرلي ندرا كيف...بديت نتحرك معاه...نحاول قد ما نجم منخليهش يحس بالسلاح...لي في ساقي...بعدني عليه شوية...اول ما دورني...ضرب كلام زياد في راسي..."رد بالك تخليه يمسك و لا يقرب منك"..غمضت عينيا بالقاوي...منحبش نكسر كلمتو...اما تلزيت...معنديش حل اخر...حكايتي مع ادم...مش لعبة نعاون فيه برك...موضوع ادم يخصني انا بالدرجة الاولى...و مستحيل نهدا قبل ما ناخو حقي منو...فيقني من سرحتي...كيف حط يدو...على جنبي...دورني عندو...خذيت نفس...حطيت يدي على صدرو...لزني ليه اكثر...بقيت نغزرلو...قص عليا بسؤالو...متوقعتوش منو جملة
ادم:شنية علاقتك بزياد
قال كلمتو...و دورني زوز دورات مع بعضهم...كانو تعمد يدخلني بعضي...قربت منو...حطيت يدي على كتفو...و غزرتلو نحكي
انا:كيف علاقتنا احنا صحاب مش اكثر اما
ادم:اما
جيت باش نحكي...قصو علينا...كيف حبست الموسيقى...و طلبو منهم يقربو لنص...باش يبداو يحسبو...غزرتلو نحكي
انا:متوقعتش لباش نبدا السنة الجديدة معاك
ادم:للاسف مش باش نبداوها مع بعض
انا:شتقصد
ادم:نراك بعد ساعة هوني...استناني
جيت باش نحكي...طفاو الضو متاع الصالة الكل...دنيا ضلمة دورت راسي نحكي
انا:ادم ادم انت هوني
مرجعليش...هزيت يدي شعلت ضو تليفوني...ملقيتوش قدامي...لا مستحيل نكون ضيعتو...جبدت روحي...من وسط الناس هذوكا بالسيف...متعمدة على ضو تليفون...لين خرجت من صالة...دورت عينيا عالبلاصة ملقيتوش...هزيت روحي نجري..لبرا...لقيتو هز كرهبتو و طار بيها ديجا...بقيت نشوف معاه لين بعد جملة...نفخت بالقاوي مستحيل نكون ضيعتو...و الاسوء من هكا...جيت بلا كرهبتي...بقيت ندور في راسي عالبلاصة...منعرفش لي باش نعملو...اصلا زياد حذرني مهما صار منمشيش لغادي...دورت راسي نرا في زوز رجال يغزرولي...لاحقيني لهوني....اصلا من وقت حطهم زياد يعسو عليا...وين نمشي نشوف وجهم...تي شباش نعمل انا توا...عديت يدي على شعري بغزول...نفركس على طاكسي بعينيا...قرب مني واحد فيهم يحكي
هو:مدموزال دنيز...تحب حاجة
انا:شيهمك فيا انت
هو:ميجيش تبقى هوني وحدك
انا:برا جيب الكرهبة نحب نرجع لدار
هو:متأكدة
انا:تحبني ناخو رايك
هو:باهي كيما تحب
لفت راسي غزرت لاخر...واقف بعيد عليا شوية...و لاخر مشا يجيب الكرهبة...و انا بقيت واقفة في نص...منعرفش لباش نعملو...اما لي متأكدة منو مستحيل نرجع لدار...قبل ما نرا اكا الكلب متاع ياسر و هو يخسر كلشي...حتى من ادم...مش باش نخليه يفلت من الحكاية...من غير ما يتعاقب جملة
ووووه لبنات زعمة سوار باش تكسر كلمة زياد و تخالط على ادم 😱 و كيف باش تهرب لرجال 😕 حتى زياد يعرف خدايمها و حط شكون يعس علاها 😈
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 70
لفت راسي عالشيرتين...نشوف في مرا نازلة من الطاكسي...هزيت الروب متاعي...و قربت منها بالزربة...جبدتها من يدها...بعدتها لتالي...قحرتلي تصيح هي:ملا مهبولة شتعمل ياخي انا:سامحني سكرت الباب...و غزرت لشوفور...نحكي
انا:امشي من هوني فيسع
هو:وين تحب تمشي
انا:تي امشي ساعة...تو نقلك...فيسع
هو:باهي
خدم الكرهبة و طار بيها...تلفت نشوف مع واحد فيهم يجري ورايا...و يفركس على صاحبو...باش يخالطو عليا...ما صدقت لربي خرجنا من الاوتيل...اكيت لتالي...نرجع في نفس...غزرت لشوفور نحكي
انا:هزني ل ¤¤¤¤¤¤¤¤
هز راسو غزرلي في المرايا...مستغرب و مصدوم فرد وقت...يحكي
هو:متأكدة
انا:ايه
دورت راسي نغزر للبلار...كل ما نقرب من البقعة هذيكا...قلبي يدق بالقاوي...فقت من سرحتي...كيف سمعتو شد الفران...و حبس الكرهبة...و تلفتلي يحكي
هو:منجمش نقرب اكثر سامحني
انا:باهي
حليت سطوشتي...حطيت في يدو الفلوس...جا باش يرجعلي الباقي...حليت الباب و نزلت...شاورتلو بيدي باش يمشي...قربت شوية...نمشي و ندور في عينيا عالبلاصة...ياسر كالم...مفما كان ضو القمرة مضوي الدنيا...قلبي دق بالقاوي...متأكدة لباش يصير التسليم في البقعة هاذي...اما علاش مفما حتى حد هوني...كملت نمشي...الدنيا برد...حتى الهم هذاكا حطني بعيد برشا رصاتلي نكمل نمشي حسيت بحركة مش نورمال...اصلا البلاصة...مهجورة...مشروع قديم مش مكمول...حتى صوت خطواتي نسمع فيها...في لحظة وخرت خطوتين لتالي...كيف لمحتهم من بعيد...تخبيت ورا كرهبة قديمة...نحاول نرا في اللي قاعد يصير...كل حد فيهم واقف مع رجالو...ياسر و ادم واقفين مع بعض...ورجالهم وراهم...وواحد مقابلهم...بعيد عليهم زادة برجالو...صابر مش معاهم...باز بقى في الاوتيل باش يغطي على غيابهم...منجمت نسمع شي و لا نفهم فاش يحكو بحكم...بعيدة عليهم برشا...جيت باش ندخل لبرتمان و نقرب من غديكا...اول ما وخرت خطوة لتالي...وقفني صوت من تالي يحكي
هو:عندنا ضيوف هوني
غمضت عينيا بالقاوي...ورجعت فتحتهم...خذيت نفس...و تلفت عندو...غزرتلو...ظاهر واحد من رجالهم...هزيتو و حطيتو...مش وقتو جملة...و كان باش يحكمني توا...باز باش يطيح كلشي في الما...بقيت نشوف معاه...تبسم على جنب...و كمل يحكي
هو:لااا ظاهر سندريلا ضيعت طريقها عندنا
تبسمت على جنب...و غزرتلو ندرا كيف...قربت منو شوية...وقفت قدامو بالظبط...لين معادش فما بينا مسافة...نزلت على شفافي...بسناني...نحكي
انا:صحيح كلامك اما
هو:اما
انا:مضيعتش طريقي
جا باش يحكي...قصيت عليه...كيف ضربتو بين ساقيه...بساقي...وخر لتالي مروهج...دورت عينيا عالبلاصة...هزيت حديدة مرمية عالارض...ضربتو على رقبتو...قبل ما يهز روحو...نحكي
انا:انا في الثنية الصحيحة
بقيت نشوف معاه...نتنفس بالقاوي...منعرفش كيف عملت هكا...و لا من وين جبت الشجاعة هاذي الكل...رميت الحديدة عالارض...قربت من الكرهبة هزيت تليفوني...ودخلت بالزربة...للبرتمان.. نمشي و نتلفت ورايا...نحاول قد ما نجم نخلي خطواتي مش مسموعة...قربت منهم عاللخر...حطيت يدي عالحيط...نشوف معاهم من بعيد...نسمع في ادم يحكي ادم:نظن القطعات الكل موجودة
دورت راسي غزرت في اللي يحكي معاه...هزلو براسو ايه...يحكي
هو:و فلوسك حاضرة
ادم:لحظة
عقدت حواجبي مستغربة...تلفت لياسر...يحكي
ادم:الدوسي
هز ياسر يدو...لواحد من رجالو...قرب منو...حط الدوسي في يدو...غزر لادم يحكي
ياسر:الفلوس
سمعت صوت موتورات قوي...حاولت نركز معاهم...هز يدو لراجل...حط الفلوس في يدو...عطاه الدوسي بالوقت...اول ما حلو...جهر فيهم ضو قوي متاع الموتورات اللي حاوطت البلاصة في لحظة...منعرفش قداش من وحدة...قلبي دق بالوقت...حاولت نثبت فيهم الكل مغطيين وجوهم...ياخي شنوة اللي قاعد يصير...تركزت بيدي...نحاوا نفهم في اللي قاعد يصير...كبست على تليفوني...باقي نتفرج في اللي قاعد يصير...غزرت لادم...كبس عالدوسي في يدو...غريبة...الكل يحب عالفلوس و السلاح...و هو كابس على دوسي...خايف عليه اكثر من حياتو...دخلت الحالة بعضها...الكل يخمم كيف يهرب تحت حماية رجالو...عينيا وساعت...و انا نرا في الراجل لاستلم السلاح...مصاوب...غزرت لياسر...لجبد روحو منهم...و بعد عليهم برشا...كملت خالطت عليه من غادي...اصلا البقعة لانا فيها مظلمة...و مستحيل ينتبهو عليا...في وسط هاذي الضجة الكل...نزلت يدي جبدت سلاحي...و حطيت تليفوني في بلاصتو...منجمش نضيعو...و الا زياد باش يقلبها على راسي...وصلت معاه بالوقت...شفتو باش يركب في كرهبتو...كبست على سلاح في يدي...و تعديت بين الكراهب لي غادي...عيطتلو من بعيد...وقفتو قبل ما يركب
انا:يااااااسر
طلع راسو غزرلي مصدوم...باقي يشوف معايا...عقد حواجبو يحكي
ادم:دنييز
قربت منو شوية...تبسمت باستهزاء...و غزرتلو في عينيه نحكي
انا:مفاجأة
ياسر:شتعمل هوني انت
انا:مممم مش على اساس باش تهزني معاك في السنة الجديدة شصار
ياسر:صدقني كنت مستعد نعمل كلشي على خاطرك...اما نوعدك باش نرجعلك
انا:كان نجمت تمشي وقتها ارجع
جا باش يحكي...هزيت سلاحي في وجهو...عينيه وساعت...و هو يغزرلي...تبسمت نحكي
انا:شصار مش كنت باش تمشي
ياسر؛دنيز انت
انا:اللي تخمم فيه بالظبط...دنيز اللي حبيتها انت طلعت عميلة مش اكثر
ياسر:ههههههه برااافو...فاجأتني بالحق
انا:نعرف
ياسر:اما توا يا عميلة انا باش نمشي...نتقابلو في ساعة اخرى
حل باب كرهبتو...باش يركب...حاولت قد ما نجم نظغط عالزناد و نقوصو...اما منجمتش...رغم كلشي صار و باش يصير انا منجمش نكون قاتلة...منجمش نحمل روحو في رقبتي...اما اكيد مش باش نخليه يمشي من هوني...قبل ما يحط ساقو و يركب...نزلت سلاحي...قوصت على Roue متاع الكرهبة...زوز مرات...غزرلي مصدوم...تبسمت نحكي
انا:سامحني...انا زادة محبيتش توصل الامور لهوني...اما انت زادة عذبتني برشا
ياسر:يا ريت عطيتني فرصة اخرى...كنت باش نثبتلك برشا حاجات...اما يا خسارة
كمل كلامو...و هز سلاحو في وجهي...مستغربتهاش منو...و زادة متأكدة اللي هو ينجم يعملها و يقتلني...زوز هازين سلاحنا في وجوه بعضنا...حسيت غزرتو ندرا كيف...اول مرة يغزرلي هكا...قلبي دق بالقاوي...بعد سلاحو من وجهي...يغزر لشكون ورايا...تلفت شوية...نغزر لواحد من الرجال المقنعين...سمعت كان صوت الرصاص...دورت راسي...مصدومة...و انا نشوف مع ياسر لي طاح عالارض...نزلت يدي...قربت منو شوية...شوية مصدومة...نحكي
انا:ي ياسر
متكي عالكرهبة...يحاول يتنفس...رصاصة بنص صدرو...نزلت عليه شوية...حطيت يدي على صدرو...باقي نحكي
انا:ياااسر امان تسمع فيا جاوبني...يااسر امانك متموتش...امانك جاوبني
باقي يشوف معايا...هز يدو حطها على يدي فوق صدرو...نستنى فيه يجاوبني...عينيه تغمضو شوية شوية...يدو ترخفت على يدي...هزيتلو براسي لا نحكي
انا:ياااسر اماان جاوبني...ياااسر انت مستحيل تموت
نحكي مصدومة...مش مصدقة لهو باش يموت...حتى دموعي منزلوش من الصدمة...حسيت بيد جبدتني لتالي...حاولت نفك روحي نحكي
انا:سيييبني...سسيبني...يااااسر امان متموتش
فكرة اللي انا سبب في موتو منجمتش نتقبلها...كان خليتو يمشي...مستحيل يموت...انا حبيتو يتعاقب اما مش بهاذي الطريقة...طلعت راسي...نشوف في حد باش يصاوب من بعيد...كبس عليا بيدو...و ضربو قبل ما يوصل...حاولت نجبد روحي منو...دور يدو على كرشي حاوطني...رجعني لنفس البقعة المظلمة...رخف يدو...وخرت لتالي نحكي
انا:شكوونك انت
مرجعليش...حسيت بحركة مش عادية...كنت باش نحكي...قرب مني بالزربة...جبدني من يدي...دورني عندو تكاني عالحيط...حط يدو على فمي...و قربلي اكثر...لين معادش بينا مسافة...في لحظة هديت...من ريحتو لي دخلت لخشمي هديت...حاولت نرا عينيه في ضو القمرة...باقي يقوص و كابس عليا بيدو...هزيت يدي...حطيتها على يدو...نزلتها شوية...خرج صوتي مخنوق نحكي
انا:ز زياد
نزل راسو غزرلي...من غير ما يحكي حتى كلمة...للحظة حسيتو تكبس...تعدات رصاصة على يدو...جبد يدو مني...تركز بيها عالحيط...عينيا وساعو...هزيت يدي مفجوعة...حطيتها على يدو...عديتها...حسيت بدمو...جبدت يدي نشوف معاه...حسيت بدوخة قوية...في الاول ياسر و توا هو...كنت باش نطيح لقفني بيدو...لمحت البرا اكثر...جبد روحو مني...تنفس بالقاوي...دزني بيدو باش نمشي...متوقعتش اللي عو باش يعمل هكا...تي ما خسر عليا حتى كلمة...اما اشاراتو الكل يحبني نمشي من نفس البقعة لي جيت منها...باش حتى ما يراني...و حتى كي محكاش معايا متأكدة لهو زيااد...يكفي قربو ليا...باش نعرفو من بين الف راجل...وخرت لتالي...و انا نغزرلو فرد وقت...كبست عالروب متاعي بيديا الزوز...و تلفت نجري...نحب نبعد من هوني نحب ننسى كلشي شفتو...من غير ما نرجع لتالي...منحبش نصدق لياسر مات...منعرفش كيف كملت الخطوات هذوكا...تركزت بيدي عالحيط نرجع في النفس...نحس في ساقيا خانوني و معادش يهزوني اكثر...خرجت لبرا...لقيت واحد في وجهي...معرفتش من رجال شكون...هز سلاحو في وجهي...سكرت عينيا و رجعت فتحتهم...اصلا معادش عندي جهد باش نواجه حد...فقت من سرحتي كيف شفتو طايح عالارض...طلعت راسي...غزرت لادم...منجمتش نستوعب لي قاعد يصير...ياخي زوز معندهمش رحمة...كل حد يقتل اكثر من الاخر...قرب مني بالزربة...دور يدو على ظهري...كبس عليا يحكي
ادم:شتعمل هوني انت
جيت باش نحكي...شفت شكون باش يصاوب عليه...هزيت يدي دزيتو شوية...نحكي
انا:اااااددددم
دار و دورني معاه...سمعت كان صوت الرصاص...حاسة روحي في حلمة خايبة...جبدني معاه...لكرهبتو...جبد روحو مني...حط يدو على خدي...يحكي
ادم:ابقى هوني رد بالك تتحرك...تو نرجع
انا:وين ماشي
ادم:لازم نرجع حاجة
هزيتلو براسي باهي...اول ما بعد عليا...وخر لتالي مروهج...غزرتلو مصدومة كيف شفتو رخف سلاحو طاح عالارض...قربت منو بالزربة...شديتو من يدو...طاح لتالي...نزلت معاه...رصاصة في كتفو...طلعت راسي غزرت لواحد بالموتور...قوص عليه...و طلع سلاحو لوجهي...هزيت سلاح ادم بالوقت...حطيتو في وجهو...كنت باش نكبس عالزناد اما نزلت يدي كيف شفت يدو تنزف لااا عاد مستحيل يكون زياد...كيف باش يحاول يقتل خوه نزل سلاحو و خدم الموتور متاعو هز يدو رما دوسي عالارض و طار بقيت نتبع فيه بعينيا لين بعد علينا جملة
نزلت راسي نغزر لادم...و ليديا لي تمسخو الكل بدمو...قاعد يرجع في النفس بالسيف...نغزرلو و مش مصدقة...نفسو ادم اللي دمرلي حياتي...بين يديا توا...و زياد خوه هو اللي حاول يقتلو...زياد لقال باش يحمي خوه على حساب حياتو...للحظة حسيت روحي في حلمة و مستحيل نفيق منها...كنت باش نجبد روحي...اما منجمتش...منجمش نخليه غارق في دمو و نمشي...حسابو مش باش يكون الموت و كهو...هو لتوا ما تعاقب على حتى شي...نزلت يدي كبست على كتفو نحكي انا:اااددم تسمع فيا ياخي
ادم:مممم
انا:لازم نمشو من هوني...امانك عاوني...و حاول تاقف
مرجعليش...نشوف فيه...يرمي في يدو باش يهز الدوسي...كان باش يدوخ...هزيت يدي حطيتها على خدو نحكي
انا:اددم رد بالك تغيب...تسمع فيا انت لازم تبقى صاحي...هيا قوم معايا امانك
غمض عينيه...ورجع حلهم...يتنفس بالسيف...هزيت روحي وقفت...و كبست على يدو حاولت نوقفو معايا...بالسيف لا وقف...و فرد وقت يغزر لدوسي...احسن شي كنا بحذا الكرهبة...حليت الباب...استند علاها بيدو و ترما عالكرسي يحكي
ادم:د دوسي
بقيت نشوف معاه...فيقني من سرحتي...كيف سمعتو يحكي
ادم:فييسع خلينا نمشو من هوني
هزيتلو براسي ايه...سكرت الباب...و قبل ما نمشي لشيرة لاخرى...هزيت دوسي من الارض...و ركبت...حطيتو...و خدمت الكرهبة..يديا زوز يرعشو...صوت رصاص مزال قايم...قلبي يدق بالقاوي...معرفتش في شكون نخمم...ياسر لي منعرفش اذا حي و لا ميت...و لا زياد اللي متأكدة انو كان هوني...و لا في ادم لي قاعد نحاول ننقذو...منعرفش كيف خدمت الكرهبة...و طرت بيها...نسوق و نغزرلو فرد وقت...مزال متخدرش جملة...غزرتلو نحكي
انا:اددم رد بالك تغيب...شوية و نوصلو للكلينيك
هز يدو...حطها على يدي فوق الفولون...يحكي بالسيف
ادم:ل لا...ر رد بالك تمشي للكلينيك
انا:شنننوة...تحب تموت ياخي شنية حكايتك
ادم:د دنيز اسمع كلامي
انا:وين باش نمشو ملا
وخر لتالي اكثر...هز يدو جبد تليفونو...يبربش فيه...شادو بالسيف...عين مفتوحة و عين مغمضة...يحكي
ادم:ت توا تجيب معاك طبيب...باش نمشي لدار الزريعة رخف تليفون طاح من يدو...كيف سمعت دار الزريعة...قلبي دق بالقاوي...غزرتلو نحكي
انا:وين جاية دار ادم
ادم:ال¤¤¤¤¤¤ امشي لغديكا
انا:شنننوة هبلت ياخي...البلاصة بعيدة و انت خسرت برشا دم
ادم:دنيز ا اعمل لي قتلك عليه...تلقاها الدار الوحيدة في المنطقة
انا:باهي
زدت في الفيتاس اكثر...و شديت ثنية الصحيحة...نفس الثنية لي مشينا فيها انا و زياد...وقت كان يراقب في ادم ليلتها...احسن شي مش نفس الدار...للحظة كيف سمعت دار الزريعة...ستخايلتها نفس الدار...عدست تقريب ساعة و انا نسوق...كل شوية نغزرلو...دوب حال عينيه...و شاد كتفو بيدو...منعرفش كيف وصلت...اصلا المنطقة فيها رجال مفرقين...و باز عرفو كرهبتو...على هذاكا واحد ما وقفني...غزرتلو نحكي
انا:ادددم هاذي هي الدار
حل عينيه شوية مروهج...هزلي براسو ايه...شديت الفران بالقاوي...و نزلت...مشيت من جيهتو...حليت الباب...حطيت يديا داخل مكاتبو...بالسيف باش لقيت المفاتح...اكثر من مفتاح...قربت من دار بالزربة...جربت المفاتح الكل...لين نجمت نفتحها...حليت الباب و رجعتلو...شديتو من يدو نحكي
انا:ايجا معايا امان
هزلي براسو ايه...نزل و استند عليا شوية...وصلنا بالسيف...اول ما دخلنا...رما يدو شعل الضو...قربنا من الفوتاي...ترما لتالي...مروهج...وقفت في نص نشوف مع دار...عديت يدي على شعري لتوا ما وصل حتى حد...و هو خسر دم برشا...قاعد يقاوم بالسيف باش ميغيبش...بقيت ندور في راسي...كان باش نبقى هكا...مستحيل يبقى عايش لين يوصلو...هزيت روحي طلعت الدروج هذاكا بالزربة...لقيت زوز بيوت برك...دخلت لوحدة فيهم...باز تكون بيتو...خاطر ريحتو معبية البلاصة...دخلت لبيت البانو...فركست على بوات فرماسي شي...ملقيتش...دخلت للبيت لاخرى...لقيتها غادي...هزيتها في يدي...و هزيت منشفة صغيرة...و نزلت عندو...قربت منو بالزربة...قعدت على ركايبي زوز قدامو...حطيت المنشفة على كتفو...نحكي
انا:اددم...ادمم تسمع فيا
ادم:ممم
انا:ادم لازمك تكبس عالجرح لين نرجع
هزيت يدو حطيتها عالمنشفة...كبست علاها نحكي
انا:اكبس علاها اكثر...امانك حاول تبقى فايق
هزلي براسو ايه...جبدت روحي منو...وقفت نحيت الكعب...و مشيت نجري للكوجينة...حليت القجار الكل لي غادي...نفركس على اي حاجة تنجم تعاوني توا...جبدت سكينة صغيرة و مقص زادة...غليتهم..ورجعتلو...حطيتهم عالطاولة...عقمتهم بالقدا...و نزلت عندو...لقيتو رخف يدو شوية...حطيت يدي على وجهو...نحكي
انا:ادم انا لازمني نحيلك رصاصة توا...مفماش حل...انت لازم تتحمل لين يلحق الطبيب
مرجعليش...نزلت المنشفة...نشوف مع الجرح...باقي ينزف هزيت يديا زوز قطعتلو سوريتو...منعرفش لباش نعملو...قاعدة نذكر بالسيف فاي شي قريتو...اصلا الرصاصة جانبية...مش في الكتف بالظبط...يعني تعمد يقوصو غادي...خذيت نفس و هزيت السكينة...يدي رعشت بالوقت...حضرت عمليتين من قبل وقت كنت نقرا...خايفة لا نضرو اكثر...اما معنديش حل اخر...هو لازمو يعيش...مش باش يموت من ضربة خفيفة...غمضت عينيا ورجعت فتحتهم...دوب حليت الجرح شوية...توجع بالقاوي...عديت اكثر من نص ساعة معاه...و طبيب لتوا موصلش...اول ما وصلت لرصاصة و نحيتها...هدو علينا زوز من رجالو...و طبيب معاهم...قرب مني واحد فيهم...جبدني من يدي...قحرتلو نصيح
انا:سببيبني يا هم سييبني
بقا كابس عليا...قرب منو طبيب يتفقد فيه...غاب عن الوعي جملة...غزر لكتفو مصدوم...وطلع راسو غزرلي يحكي
طبيب:انت نحيتها رصاصة
انا:عندك حل اخر...خسر برشا دم و ظطريت نعمل هكا
طبيب:باهي تو نكمل انا
انا:نجم نعاونك في حاجة
طبيب:تعرف ؟
انا:ايه بالطبيعة
طبيب:باهي ايجا
انا:سييبني انت
رخف يدو عليا...قربت من طبيب بالزربة...حضرت ابرة...عملهالو...و خيطلو الجرح...حطلو فاصمة...و تلفتلي يحكي
طبيب:احسن شسطي لحقت عليه..ظو نحيتلو الرصاصة...حالتو تاعبة برشا...و صعيب نهزوه للكلينيك توا...انت باش تبقى معاه هوني...تو نبعث دوا مع واحد من رجال...و كان صار اي شي...كلمني تو نجيك
انا:باهي
هزيت روحي وقفت...وخرت لتالي...نغزرلو...راقد و مش حاسس بشي...خرج طبيب...تلفت لواحد من رجالو...واقف يغزرلي...قحرتلو نحكي
انا:علاش مزلت هوني
هو:منجمش نخليه وحدو
انا:انا معاه...و باز مش باش نعملو شي انا...على هذاكا متخدمش مخك برشا معايا
هو:باهي كان احتجت شي كلمني انا البرا
انا:باهي
اول ما خرج...قربت من ادم...حطيت يدي على جبينو..لقيتو باش يطرشق من السخانة...هزيت روحي طلعت للفوق...جبت منشفة جديدة...و غطا...و نزلت عندو...هزيت الما من الكوجينة...و كعبات قلاص...ورجعتلو...حطيتهم عالطاولة...قعدت قدامو على حرف الفوتاي...هزيت يديا بالسيف...كملت حلبتلو سوريتو...شمخت المنشفة...و مسحت الدم لي نزل عليه...من غير ما نغزر لوجهو...دوب كملت...غطيتو...و قعدت عالطاولة...هزيت كمادات حطيتهم على جبينو...مفماش تنزل سخانتو شوية...طلعت راسي شوية...نثبت في ملامح وجهو...اول مرة نغزرلو هكا...حاولت نفركس عالسبب على لي عملو فيا ملقيتش...حسيت النفس تسكر عليا...كنت نجم نخليه يموت غادي...كان ينجم يخسر برشا دم...و يصرالو مضاعفات...اما لا...موت ادم...يعني موت برشا اسرار معاه...عمري ما توقعت نوصل نسلك حياة لاغتصبني...عمري ما توقعت اني نعاونو و ناقف معاه...فيقني من سرحتي...كي سمعتو يهتري وحدو
ادم:م متخلنيش...م متمشيش...حنان
عقدت حواجبي و انا نسمع فيه...ما فهمت شي من كلامو...نزلت بيدي...حطيتها على يدو نراقب في نبض متاعو...عينيا وساعت و انا نرا في خاتم على صبعو...ياخي معرس ؟ اول سؤال جا لبالي...علاش مخذيتش بالي من قبل...كي هكا علاش عمل معايا هكا...ووينها مرتو...اسئلة دخلتني بعضي...و تخنقت اكثر...تخنقت خاطر نحس في روحي دخلت في متاهة مستحيل نخرج منها...تفكيري مع زيااد...مش على اساس كان في ايطاليا...علاش رجع...نعرف لهو...مش باش نغلط فيه مستحيل...و انا...انا علاش قاعدة نعاون فيه...برغم لي عملو فيا الكل...اما عاونتو...للحظة تعدات احداث الليلة الخايبة بين عينيا...هزيت روحي بالزربة وقفت...قلبي دق بالقاوي...ضربت ساقي في الطاولة...حسيت روحي باش نطرشق...نحب نخرج من هوني...حسيت بخوف ندرا كيف...نفس الخوف لي عشتو ساعتها...و انا بين يديه و نترجا فيه...بعدت عليه...حليت باب الجنينة و خرجت لبرا...نهار بدا يطلع...خذيت نفس...مفماش نهدا...صوتو قوا في وذني...نفس الكلام تعدا في مخي...هزيت يديا زوز سكرت وذنيا بالقاوي...نحب ننسا كلشي صار...حسيت روحي تروهجت...قربت من اول كرسي شفتو...قعدت و تكيت لتالي...حليت يديا نغزر لدم متاعو...لروب متاعي...لكلها دم...دمو هو...هو لي خلاني غارقة في دمي و لوحني...مفكرش حتى شنوة اللي باش يصير فيا...و انا قمت بالعكس...انقذت حياتو...تمسخت بدمو...قداش عفت روحي ساعتها...قداش تمنيت كان زياد معايا توا...نبكي و نفرغ كلشي في حضنو...توا اكثر ساعة محتاجتو فيها...فيقني من سرحتي...قطرات المطر لي بدات طيح فوقي...حليت يديا الكل...نحبها تغسلني من دمو...نحبها تنظفني الكل...دموعي نزلو بالوقت...نزلو على حالتي...و على ياسر...سكرت عينيا و انا نذكر في كلامو..." دنيز"...هههه و انا ياسر
"ريت بعد النهار لي تعدا الكل باش عرفنا اسموات بعضنا"....باش نعتبرها صدفة حلوة "عيشك...ملا صحاب.."بالطبيعة "...خرجت مني شهقة نزلو معاها دموعي يحرقو...لين وليت نبكي بالصوت...رغم كلشي صار محبيتوش يموت...محبيتش نكون السبب في موتو...انا لي دخلت لي حياتو...انا لي قربت منو...و الا مستحيل كان يأذيني...بكيت بقهرة...بوجيعة...منجمتش نتعدا لي صار جملة...بالعكس كل يوم و كل لحظة...نتأكد للوجيعة قاعدة تكبر...حسيت بتليفوني ينوقز في فخضي...من وقت حطيتو في بلاصة سلاح نسيتو غادي...جبدتو بالسيف...غزرت لرقم لقيتو زياد...فحمت بالبكا اكثر...منعرفش كيف هزيت عليه...حطيت تليفون في وذني...نسمع فيه يحكي
زياد:سوااار وينك توا
منجمتش نرجعلو...تعدات بين عينيا صورة ياسر...كان مضربوش مستحيل يكون مات...شهقت بالبكا اكثر...سمعتو يصيح
زياد:سوااار
انا:علاش عملت هكا
زياد:فاش تحكي انت
انا:ي ياسر مات و انا سبب...انا كنت سبب في موتو
زياد:شنووة...سوار وينك ياخي
انا:مستحيل نسامح روحي
زياد:اخر مرة نسألك وينك
انا:عند ادم
زياد:شتعمل عندو انت
انا:ادم زادة تصاوب...هو زادة كان باش يموت
مرجعليش...غمضت عينيا بالقاوي...ورجعت فتحتهم...كملت نحكي
انا:علاش دخلتني في اللعبة هاذي...شعملتلكم...شنية ذنبي...باش نعيش هذا الكل
زياد:وينكم توا
انا:معادش يهم
نزلت تليفوني...و طرشقت بالبكا...منجمتش ننسا منظرو و هو يموت قدامي...منجمتش نصدق لياسر معادش موجود...اصلا الرصاصة كانت قريبة برشا لقلبو...و حتى حد ما قرب منو باش يسلكو...و انا زادة خليتو...مرجعتش عندو جملة...انا زادة مذنبة كيفهم و اكثر..بكيت لين تهديت...لين حتى المطر لي كانت تصب بالقاوي حبست...نهار طلع...و الجوء برد برشا...هزيت روحي..نكركر في ساقيا بالسيف...دخلت و سكرت الباب...قربت منو شوية...لقيتو مزال راقد...مشيت للكوجينة...حضرت فطور كيما جا...عبيت كاسة ما حطيت فيها سكر...حطيت الكل في صينية...وخرجت عندو...لقيتو دوب حل عينيه...يغزرلي...كانو قاعد يعقل في اللي قاعد يصير...حاول يتحرك...توجع...قربت منو نحكي
انا:متتحركش برشا...جرحك مزال جديد
ادم:ش شتعمل هوني انت
مرجعتلوش...اصلا معنديش جهد باش نحكي جملة...سكر عينيه...ورجع حلهم يحكي
ادم:ممم ذكرت...اما ش شبي حالتك هكا
انا:شي...انت مليح ؟
هزلي براسو ايه...نزلت هزيت دوا...هزيت كاسة الما حطيتها في يدو...و عطيتو حرابش...دوب شرب الما...سكر عينيه يحكي
ادم:شبيه حلو هكا
انا:خسرت برشا دم...و هذا باش يفيدك شوية...زادة لازمك تاكول
ادم:باهي
حسيت بدوخة...حطيت يدي على راسي...نحاول نوازن روحي باش منطيحش...غزرلي مفجوع...حاول باش يقوم يحكي
ادم:شبيك لباس
انا:ل لباس لباس
ادم:ايجا اقعد
انا:نحب نمشي
عقد حواجبو...يغزرلي...هز روحو تقعد بالسيف...ظاهر فيه موجوع عاللخر...يحكي
ادم:برا ارتاح ساعة
انا:ا امان ادم نحب نمشي...تنجم تخبر حد يوصلني
ادم:باهي
نزلت هزيت الكعب متاعي في يدي...و جيت باش نمشي...وقفني يحكي
ادم:دنيز
تلفت نشوف معاه...حاط يدو على كتفو يتنفس بالسيف...يحكي
ادم:مرسي
جيست تبسمتلو...و جيت باش نتلفت...كمل يحكي
ادم:نجم نطلب منك شي اخر
انا:مممم
ادم:ميسالش ما تخبر حد باللي صار...و خاصة على دار هاذي
انا:طمن
دوب تبسملي...تلفت عطيتو بظهري...نكركر في روحي بالسيف...وصلت للكرهبة...خبرت واحد فيهم يوصلني...ركبت من تالي...طول الثنية...و انا حاطة راسي عالبلار...حتى يدي منجمش نهزها...و منجمتش في اللي باش يصير مبعد...جيست نغزر...و تفكيري بعيد برشا...لدرجة منعرفش في شنية قاعدة نخمم...و لا في شكون...نحس في روحي غايبة جملة...لدرجة منعرفش شنية اللي قاعد يصير بالظبط
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 71
حليت الباب و نزلت...نكركر في ساقيا بالسيف...نحس في روحي باش نطيح...دوب قربت للباب...حلتلي خالتي راضية مفجوعة...حطت يدها على وجهي تحكي راضية:دنيز بنتي شبي حالتك هكا شصار ياخي بقيت نشوف معاها...منجمتش نرجع علاها...جبدت روحي منها...كملت دخلت...رخفت الكعب من يدي طاح عالارض...و تليفوني زادة...طلعت الدروج هذاكا...درجة درجة...نحس في بدني مخدر...دخلت لبيتي...تعديت عالمرايا...غزرت لحالتي...مستغربتش برشا...مخفتش من الدم لي على روبة...و لا من حالتي هكا...اما خفت من روحي...خفت من البراءة
متاعي لي خسرتها...خفت من النظرات متاعي لي ضاعت...حاولت نفركس عل روحي...على سوار...حاولت...و حاولت اما منجمتش...بعدت عالمرايا...و دخلت لبيت البانو...هزيت يديا زوز نزلت الروبة طاحت عالارض...و قربت من البانو...حليت الما سخون...و دخلت تحتو...قعدت في تركينة و لميت روحي...نحب الما هذاكا...يغسلني من كلشي...طلعت يدي نحيت الساعة رميتها عالارض...و نزلت عالتاتو...نحب نحيه من يدي...حاولت لين تهديت...تكيت لتالي...و طرشقت بالكا...محسيتش بالما السخون...قد ما حاسة بوجيعتي...و بتأنيب الضمير لباش يقتلني خاطرني سبب في اللي صار لياسر...هزيت يديا زوز كبست على شعري...لتوا مذكرة كل لحظة عديتها معاه...انا لي دخلت لحياتو...مكانش لازم نلومو على لي عملو فيا...غمضت عينيا...و تكيت راسي عالحيط...حتى دموعي نحسهم نشفو...الما معادش حاسة بيه يحرق على لحمي...بدني تخدر...و عينيا تسكرو من تعب...دوب نجم نسمع في الما...و في صوت انفاسي...نعدي في يديا بالسيف على بدني...نحب نحي منو ريحة الدم الكل...اما منجمتش...قوتي طاحت في الما...اما عقلي باقي يعاود في الاحداث الكل...حضنت روحي اكثر...حسيت بخوف...خوف من اللي صار و اللي مزال باش يصير...نغمض عينيا و نحل فيهم...نحب نفيق...اما منجمتش...نحس في روحي بعيدة برشا...لدرجة معاد حاسة بشي
زياد يحكي:
شديت الفران بالقاوي...و نزلت...قربت من الباب بالزربة...قبل ما نوصل فتحتلي راضية...غزرتلها نحكي
انا:وينها
راضية:في بيتها
مرجعتلهاش...من وقت كلمتني راضية عالتليفون...حرقت الكياس باش وصلت لهوني...من بارح و انا على اعصابي...منعرفش كيف وصلت لبيتها...لقيت الباب محلول...كملت دزيتو و دخلت...عقدت حواجبي...كيف ملقيتهاش غادي...جيت باش نخرج...اما وقفت على صوت الما...قربت شوية من بيت البانو...لقيتو مفتوح...استغربت اكثر...مش من عادتها دوش و تخلي الباب محلول...طلعت عينيا شوية...نشوف مع الروب متاعها عالارض...منعرفش كيف حطيت يدي عالباب دزيتها شوية...عينيا وساعت...و انا نرا في البانو ضباب...قربت منها بالزربة...من غير ما نخمم مرتين...هزيت يدي سكرت السبالة...و نزلت علاها...لقيتها باش دوخ...حطيت يدي على وجها...بعدت شعرها...نحاول نحكي معاها
انا:سواار فيق...تسمع فيا ياخي
حلت عينيها شوية...ورجعت غمضتهم..تحكي بالسيف
سوار:ز زياد
انا:فاش تعمل...ياخي شبي حالتك هكا
مرجعتليش...هزيت روحي بالزربة...جبدت الكاب متاعها...و نزلت علاها طلعتها بيدي شوية...لبستهولها...و هزيتها بين يديا...خرجت من بيت البانو...حطيتها عالفرش...و قعدت قدامها...هزيت يدي بعدتلها شعرها نحكي
انا:سواار فيق...سواار
نحكي و نعدي في يدي على وجها...لي باش يطرشق من سخانة...حلت عينيها مروهجة غزرتلي...دايخة و مش عارفة وين هي...قعدتها شوية...نثبت في ملامحها لي تاعبة...هزت يدها حطتها على راسها...و غزرتلي...تثبت في وجهي...برغم حالتها في الويل...اما اول مرة نرا النظرة هاذي في عينيها...عقدت حواجبي...جيت باش نحكي...قصت عليا...كيف هزت روحها...بالزربة...نزلت من للسرير...وخرت لتالي...لين لصقت في القارد روب...غزرتلها مستغرب...هزيت روحي وقفت في جرتها...نحكي
انا:لباس ياخي
كنت باش نقرب منها...اما هزت يدها وقفتني...تحكي
سوار:م متقربش مني
عينيا وساعو...مفهمتش شتحاول تحكي...قحرتلها نصيح
انا:شنننوة
سوار؛ا مشي من هوني
انا:سوااار شفما هات من تالي
سوار:ع علاش قتلتو...علاش قتلت ياسر
سؤالها روهجني...كنت متأكد باش تتضرر منها الحكاية...و زادة منجمش..ننكر متأكد لهي عرفتني..و بالقدا زادة...اما منجمتش نقلها...بقيت نغزر معاها...استندت بيدها عالقارد روب...و كملت تحكي..و تصيح فرد وقت
سوار:علااااش زيااااد علاااش عملت هكا
خذيت نفس و قربت منها...وقفت قدامها بالظبط...حطيت يدي عالقارد روب بحذا راسها...نزلت راسي شوية نحكي ببرودة...عكسها هي
انا:كان لازم حد فينا يموت
طلعت راسها...غزرتلي ندرا كيف...تحاول تتنفس و تحكي فرد
سوار:ت تكذب...انت تعمدت تقوص عليه...تعمدت باش تقتلو بلا رحمة
كلامها غزلني عاللخر...هزيت يديا زوز...حطيتهم على كتافها...كبست علاها...و نزلت شوية...جا وجهي مع وجها...قحرتلها نحكي
انا:شنننوة كنت تحبني نعمل...نخليه يقتلني...و لا يقتلك...كان متصرفتش ساعتها...مستحيل تلقاني واقف قدامك توا
سوار:كنت تنجم تصاوب عليه في بلاصة اخرى...كنت تنجم تحبسو بطريقة اخرى مش تقتلو
انا:وقت نخمم فيه انا...كان زدت دقيقة اخرى كان هو لي سبقني فهمت
سوار:اما ادم عرفت تقوصو بالقدا
غزرتلها مصدوم...وخرت خطوة لتالي...تبسمتلي ندرا كيف...و كملت تحكي
سوار:شنية تصدمت...في بالك باش تتخبى عليا الحكاية انا:فاش تخرم انت هبلت ياخي
سوار:لااا مهبلتش...انا ريتك زياد...ريت جرحك و هو ينزف ساعتها
خذيت نفس نهدي في روحي...جيت باش نحكي...قربت مني...هزت يدها كبست عالجرح...تعمدت تعملها...نزلت على سناني...باش ما نظهر شي قدامها...نزلت يدها شوية شوية...و غزرتلي...تضرب فيا على صدري تحكي و تصيح
سوار:اعترف زياااد...علاش عملت هكا...علاش ضربت خوك...شنية سبب لي خلاك تعمل هكا مش على اساس حتى كان مجرم باش طلعو بريئ من الحكاية...علاش قتلت ياااسر اه...و لا انت عندك العباد زادة لعبة...زادة باش يجي دوري و تقتلني انا
حسيت راسي باش يطرشق من كلامها...للحظة نسيت حالتها...و نسيت كيف لقيتها كي جيت...هزيت يدي كبست على زندها...ووخرت بيها لتالي...ضربت في القارد روب...كبست علاها اكثر...نحكي
انا:تحب تعرف علاش عملت هكا...تحب تعرف سبب ياخي...ملا اسمع
طلعت راسها...تغزرلي بنفس الغزرة...تستنا فيا نحكي...قحرتلها و كملت نحكي و نصيح
انا:انت سبب...انت سبب في اللي صار الكل
عينيها وساعت...في لحظة نظرتها تبدلت...قلبها حسيت بيه كيف كان يدق بالقاوي...كبست على يدها اكثر...و كملت نحكي
انا:انت سبب في موت ياسر...و انت السبب زادة باش ظطريت نقوص على ادم
سوار:ش شتقصد
انا:كان انت لتزمت بكلامي...و مجيتش للبقعة هذيكا مستحيل كنت نقتل ياسر...كنت نعاقبوو بطريقة اخرى...وعدتك باش ناخولك حقك منو...حتى كان مشى لاخر الدنيا...اما انت معندكش ثقة فيا...انت عمرك ما وثقت فيا يا سوار...كل مرة تعمل العكس...و خاطرني قتلت ياسر...ظطريت نقوص على ادم...قوصتو باش نسلك حياتو...قوصتو خاطر كان رجع...باش يعاون ياسر..ووقتها مستحيل يخلوه عايش...و كان نجمت تشدو في الاوتيل مستحيل نوصلو لهوني زادة...ادم هو الهدف متاعهم فهمت...كل مرة نظطر نكون بحذاه باش ما يصرا عليه شي...على هذاكا معادش تحاسبني على شي بلا ما تعرف سبب فهمت
دزيتها لتالي...و جبدت روحي منها...هزيت صبعي في وجها...و كملت كلامي
انا:كان سمعت كلاامي مرة وحدة...مرة وحدة برك...مستحيل كان يصير هذا الكل...اما لهوني و كهو
جيت باش نكمل كلامي...وقفوني شهقاتها...و صوتها لي خرج مخنوق...خلاني نندم على لي قلتو
سوار:م مش انا سبب...مكانش في بالي باش يموت...معادش تقولي انت سبب انا ما عملت شي...فهمت
خذيت نفس...كنت باش نقرب منها...اما معادش نجم نرجع في كلامي...كبست روحي...نحكي
انا:معادش يهم...كلامك مش باش يرجع لي صار...اما خلاني نفهم برشا حاجات
سوار:ش شتقصد
انا:لحد هوني و كهو سوار...معاد فما شي يجمعنا بعد اليوم
غزرتلي مصدومة...كبست على سناني...نحاول نهدي روحي قد ما نجم...خذيت نفس و كملت نحكي
انا:انت نهيت كلشي...وقت مشيت لاكا البقعة...انت عمرك ما وثقت فيا...و انا معادش نجم نبررلك اكثر...مفما حتى شي يجمعناومن غير الخدمة...و من هوني لين يوفا كلشي...باش تعمل كلشي نقول عليه...و اي غلطة ما تلوم كان روحك باهي
جات باش تحكي...هزيتها و حطيتها...و خرجت من البيت...نزلت اكا الدروج في دقيقة...وصلت للباب متاع برا...باش نخرج...وخرت خطوة لتالي...و تلفت لراضية...لي تغزرلي مفجوعة...خذيت نفس نحكي
انا:متخليهاش وحدها...و كان صار شي كلمني
راضية:باهي
حليت الباب...و خرجت لبرا...حسيت النسمة لي ضربت في وجهي بردتني شوية...قربت من الكرهبة...خدمتها...و طرت بيها...نسوق و صورتها بين عينيا...محبيتش نخليها في الحالة هذيكا...اما زادة كلامها...ركبلي العصب...ركيت الكرهبة على جنب...و تكيت لتالي...لتوا عقلي مش مستوعب لي قالتو...كيف نجمت تستخايل لانا باش نوصل نقتلها...على خاطر مصلحتي...تبسمت باستهزاء...نعرف لقالت اكاكا من فجعتها...اما بعد ما مشات لغادي...بعد ما شفتها واقفة في وجه ياسر و هازة سلاح في وجهو...تروهجت...معرفتش لا نركز في اللي جيت على جالو و لا معاها...في بالها باش تخليه يفلت بعملتو...موثقتش فيا حتى شوية...خاطرت بحياتها من غير ما تخمم في اللي باش يصير...اما لهوني كهو...يمكن كان نرجع المسافة اللي كانت بينا...نجم نحميها اكثر...خاطر كان كل مرة نسامحها...باز باش نخسرها...خليها تتكبس و تفهم اللي قاعد يصير بالقدا...هزيت تليفوني...و كلمت ادم...مرة و زوز و ثلاثة لين هز عليا...يحكي بالسيف
ادم:ز زياد شتحب توا
انا:لباس شبي صوتك هكا
ادم:كنت راقد
انا:ممم باهي
ادم:شفما ياخي باش كلمتني عالصباح
انا:شي جيست نحب نسألك عالصفقة...تعدات لباس
ادم:خذيت لحاجتي بيه...و الباقي ميهمش
انا:هيا باهي...باش نتقابلو عند توفيق ليلة
ادم:لا انا باش نسافر ليلة...يمات و نرجع
انا:وين ماشي
ادم:اسبانيا كي العادة
انا:باهي رد بالك على روحك
ادم:عيشلي خويا
علقت عليه و كبس عالتليفون في يدي...و ارميتو بغزول اللوطة...انا سبب كنت نجم نرجعو باي طريقة اخرى مش نقوص عليه...هزيت يديا زوز ضربتهم عالفولون بغزول...كان لازم نمنعو...و الا كان باش يموت...كنت باش نخسرو...فهمت لهو هز الدوسي...اصلا هذاكا لي حاجتو بيه من الصفقة هاذي الكل...حاجتو بقائمة هذيكا...باش يوصل لي يحب عليه...غمضت عينيا بالقاوي...ورجعت فتحتهم...كبست بيديا الزوز عالفولون...زح كيف نجمت نخليها وحدها...كيف طاوعني قلبي...اصلا لتوا مستغرب كيف نجمت تتحمل لي شافتو...و لي تعدا عليها...و انا بكلامي...كملت على ما بيها...خذيت نفس نهدي في روحي...و مشيت لداري...نحب نبقى وحدي...نحب نفكر بالقدا في لي صار و اللي باش يصير...نفكر كيف نفكر نجبدها من الحكاية هاذي الكل...لهوني و كهو...منجمش نخاطر بيها اكثر...نخاف نخسرها...نخاف في لحظة نغفل علاها و تضيع مني...اما زادة الكلب متاع الجنيرال...محبش يرجعلي دوسي متاعها...زادة كان نجبدها من الحكاية مش باش يخلوها هوما...خذيت نفس و حليت سوريتي...نحيتها و رميتها عالارض...هزيت يدي عديتها عالجرح...الفرخة تعمدت تكبس عليه...لين تحلو الغرز...حليت البوات فرماسي...نظفتو شوية...و استندت بيديا عالرخامة...نشوف مع روحي...مع الضربة لي تحت عيني...ندرا كيف حالتها توا...زعمة هدات...و لا مزالت في نفس الحالة...تي باش جيب اخرتي الفرخة...باش تقتلني بالعرق باش ترتاح...هزيت يدي حليت السبالة...غسلت وجهي برشا مرات...نحب ننسى لي صار الكل...خذيت نفس و خرجت لصالة...هزيت دبوزة و كاس و ترميت عالفوتاي...نشرب و مخي بعيد برشا...بعد احداث البارح...مستحيل شي يرجع كيف الاول...و مستحيل نغفرلها لي عملاتو...تكيت راسي لتالي...يمكن حتى انا بحاجتها اكثر شي...نحب نحضنها و نرتاح...اما كلشي قاعد يمشي بالعكس...منعرفش كيف هزني نوم و غفيت
زياد & سوار 💔 زعمة زياد خذا القرار الصحيح كي بعد على سوار ؟ زعمة باش ينجم يجبدها من الحكاية ؟و سوار باش تكمل في طريقها وحدها ؟ و يااسر بالحق ماات ؟....صراااحة الاحداث الجاية ناار 🔥🔥
هاكا نكونو كملنا الجزء الأول
كمنتار ببلوڨر
روعة
ردحذف