《الحلقات السابقة
في احضان الموت
الجزء الثاني
الحلقة 72
سوار تحكي: نحل في عينيا بالسيف...نحس في بدني مدقدق كاني واخذة طريحة...راسي نحسو باش يطرشق...تنهدت بالقاوي...نغزر للسقف...معاد عيني في شي...كلامو لتوا يتعاود في وذني...لتوا ما نجمتش ننساه...لتوا منجمتش ننسا لي صار اكا ليلة...كل يوم يتعدا نكره روحي اكثر...غيابو عليا اليمات هذوما الكل...خلاني نتأكد لانا سبب في كلشي صار...غيابو كان كافي باش نتهد فرد مرة...لتوا مش مصدقة لهو خلاني...و معادش باش
يرجعلي...انو علاقتنا وفات حتى قبل ما تبدا...ايه صحيح انا غلطت و برشا زادة...غلطت كيف مشيت لغديكا...غلطت كيف موثقتش فيه...اما كلشي فوق طاقتي...في بالي لهو باش يبقى في ايطاليا...مكنتش نتوقع باش يرجع...حسيت بخنقة في صدري...حطيت يدي على قلبي نهدي في روحي...نحب نراه...نحضنو و ننسا كلشي...حتى كلامو...نحب نرتاح عندو و كهو...حتى دموعي معادش تنزل كيما قبل...فديت حتى من روحي...انا اكاكا...و حسيت بالباب فتح...و خالتي راضية دخلت هزت صينية في يدها...حطتها عالكوافوز...و قربت مني تحكي
راضية:دنيز عزيزتي...قوم كل شوية...يهديك ربي
مرجعتلهاش...هزيت الغطا على راسي...و كبست عليه...معاد عيني في شي...نسمع فيها كملت تحكي
راضية:يا بنتي كان تبقى عالحالة هاذي...باش تمرض...قرابة شهر و انت على نفس الحالة...مش باهي راهو...هيا قوم عيش بنتي
انا:منحبش...امان خالتي..نحب نبقى وحدي
نفخت بالقاوي...حسيت بيها تجبد في الغطا...كبست عليه اكثر نحكي و نصيح
انا:خااالتي يزي نحب نرقد
جبدت الغطا بالقاوي...غمضت عينيا ورجعت حليتهم..نصيح
انا:خاااال
قصيت عالكلمة...كيف جات عيني في عينو...قلبي دق بالقاوي...مش مصدقة...لهو واقف قدامي...نغزرلو و نرمش في عينيا بالوقت...نحب نستوعب...لانا نرا فيه بالحق...كبست عالغطا ورجعتو على وجهي...نحكي وحدي...بيني وبين روحي.."ياخي شيعمل هوني...مش قال معاد فما حتى شي يجمعنا...ايه تي باز نحلم...مستحيل يكون هوني"...عضيت شفت اللوطانية...و نزلت الغطا شوية...حبستو عند خشمي...غزرتلو...واقف يقحرلي...رجع الغطا بالزربة نحكي "والله هو يا سواار...هو هوني...رجع والله رجع"...قص عليا كيف كبس عالغطا نزلو بقوة...يحكي بصوت ثابت
زياد:قوم خف روحك
ياااا قدااش توحشت صوتو...منجمتش نرجع عليه...باقي نغزرلو...و نثبت في وجهو...شبيه زيان هكا هذا...قحرتلو شوية...لااا عااد ظاهر متأثرش جملة خاطر بعد عليا...هوكا ظاهر فيه فرحان و شايخ...تي ما صدق تهنى مني...حكمتني غصة متاع بكا...انا وحدي لي قاعدة نحرق روحي في الفارغ...باز رجعلها...و الا شبيه شهر مكلمنيش...و لا جا شاف حالتي...كبست عالغطا...ورجعتو على وجهي...منحبش نغزرلو اكثر...حسيت بيه باش يجبدو كبست عليه اكثر نحكي..و نصيح
انا:سيييبننني...منحببش نقوم...امششي من هوني
مرجعليش...كبس عالغطا اكثر...و جبدو بالقاوي...قحرتلو...قحرة متاع موت...ريتو...كيف نزل عينيه عداها على بدني...كبست على شفافي...و ضيقت عينيا...توا ذكرت لانا لابسة مريولو...اصلا المريول هذا كهو لي عندي فيه ريحتو...و هو لي نجم يعوضني على غيابو...حتى خالتي راضية...تحاولني باش نغسلو منحبش...كل ليلة نرقد بيه...باقي يغزرلي...يعدي في عينيه على بدني...فقت على روحي...عالمريول...لي طلع بالكل...هزيت روحي بالزربة...وقفت عالسرير...جيت مقابلاتو...وجهي مع وجهو...هزيت يدي...نحكي
انا:علااااش جيت انت توا...ما عندك حتى شي هوني...علااش شنسيت مقلتوش...و لا توا وين ذكرتني انت...تي احكي شبيك ساكت
باقي يهز فيا و يحط...يثبت فيا...ركبلي العصب اكثر...خاصة نظرتو الباردة...لي قاعد يغزرلي بيها...قربت منو شوية...هزيت يديا زوز نضرب فيه على صدرو...و نحكي
انا:تي جاوبنني..شبيك سااكت...توا ذكرتني...اه علاش جيييت
زياد:نقص صوتك...و هز روحك قدامي...خف
رخفت يديا شوية...منعرفش شبيه بارد معايا لهدرجة...حتى نظراتو مش كي العادة...وخرت لتالي...ورجعت قعدت...هزيت الغطا...تكيت لتالي...و غميت على روحي نحكي
انا:امشي من هوني...منجي معاك لحتى بلاصة...نحب نرقد
غصيت في كلامي اللخر...منعرفش علاش حسيت اني للحظة خسرتو...و معادش زياد الاول...تي حتى وحشي ليه منجمتش نخبيه...توحشتو...و باش نموت من وحشي ليه...كبست عالغطا...نحس في دموعي سايي باش تنزل...قص عليا...كيف رجع نحالي الغطا...حركت ساقيا بغزول نحكي
انا:سيييبني...امششي من هوني منحبش نراك...علاش متحبش تفهم
مرجعليش...حسيت بيديه...كيف دارو على ظهري...و ساقيا...قلبي دق بالوقت...كبس عليا...و هزني عندو...طلعت راسي غزرتلو...نحس في قلبي باش يطيح بين ضلوعي...مش مصدقة لانا بين يديه توا...باش يهبلني سخطة هذا...عديت عينيا على وجهو الكل...على عينيه العسليين...على ضربة لي تحت عينو...خشمو...لحيتو...شفافو...تي شبيه حلا في عيني هكا...توا استوعبت قداش توحشتو...فيقني من سرحتي...كيف شفتو...تلفت باش يدخل لبيت البانو...عقدت حواجبي نحكي
انا:وين ماشي...نزلني
مرجعليش...بقيت نفركح بين يديه باش ينزلني...كبس عليا اكثر...قحرلي...يحكي بنفس البرودة متاعو
زياد:ارركح
عوجت شفافي...لزيت ليه اكثر...حطيت راسي على صدرو...نحب نشم ريحتو...نحب نحس بيه اكثر...اما من وين...في لحظة حطني في البانو...عينيا وساعت...قحرتلو نحكي
انا:فااش تعمل ياخي
مرجعليش جيت باش نخرج...رجعني بيدو...و حل السبالة...حسيت بالما بارد كيف طاح على راسي...صحت بالوقت
انا:ااعععععع زيااااااد فاش تعمل ياخي هبلت
حاولت نخرج شدني بيدو...ملقيتش بيها وين...بديت نعيط على خالتي راضية...بلكشي تسلكني من الهم هذا
انا:خاااالتي...يا خااالتي وينك
زياد:اسسكت احسنلك
انا:سيييبني...سيبني...نكرهك راني...سيبني
زياد:باش تتعلم تسمع الكلام مرة اخرى
انا:خاااالتي وييينك اعععع تي بارد سيبني...خااالتي
زياد:قتلللك اسكت
عرفت لمستحيل يسيبني...جبدت يدي منو...بردت عاللخر...تي جمدت...طرشقت بالبكا...حطيت يديا زوز على وجهي...منحبش نغزرلو...كهو نبكي...حسيت بالما حبس...نزلت يديا زوز...غزرتلو...دخلت خالتي راضية بالوقت...خرجت نجري...و مشيت تخبيت وراها...نحكي
انا:ا امان قولو يمشي من هوني
راضية:دنييز عزيزتي...شبي حالتك هكا
زياد:راضية اخرج
كبشت فيها بيديا الزوز...غزرتلو في عينيه...نرعش من البرد...نحكي
انا:اماانك خليك معايا
راضية:اما
زياد:ايجا لهوني
انا:لا
زياد:سوااار
انا:منحبش سيبني
قرب منا زوز...كبشت في خالتي راضية اكثر...منعرفش شبيه يتصرف هكا تقول عامل فيا بلعاني...في لحظة جبدني من عندها...كبس عليا بيدو...قحرلها يحكي
زياد:برا لخدمتك
خرجت من عندنا...حاولت نجبد روحي منو...نحكي
انا:سييبني يا سخطة...يا هم...نكرهك راني نكرهك
كبس على يدي اكثر...قربني ليه...نزل عليا...جا وجهي مع وجهو...غزر لشفافي...ورجع غزرلي...يحكي
زياد:من اليوم باش تسمع الكلام بطريقتي
انا:ش شتقصد
زياد:كلامي الكل تسمعو و طبقو...مكانش تصرفاتي مش باش تعجبك جملة
بقيت نغزرلو مصدومة...قلبي نحسو باش يحبس...متوقعتش لهو باش يقولي اكاكا...حسيت بغصة في حلقي...غزرتلو في عينيه نحكي
انا:ك كهو لي جيت على جالو انت...جيت باش تثبت كلامك متاع اكا نهار...باش تأكدلي لي معادش حاجتك بيا...و انو تنجم تأذيني...هوكا لحقني ميساجك سيبني توا
نحكي و نجبد في روحي منو...دموعي...نحس فيهم سخونين على وجهي لي بارد...عافرت لين فشلت...قربت منو اكثر...حطيت راسي على صدرو...تكيت عليه نحكي
انا:يزززي عاد...سيبني...تاعبة راني...معادش نجم اكثر
حسيت بيدو كي تحطت على ظهري...من غير ما يكبس عليا...حركة فهمت منها...لهو بالحق معادش حاجتو بيا...لي بالرسمي جبد روحو مني...خذيت نفس و بعدت عليه...هزيت يديا حكيت عينيا زوز...ورجعت شعري لتالي...و كملت نحكي
انا:و وين تحبنا نمشو
زياد:برا بدل دبشك ساعة
انا:احكي قبل
زياد:سوااار...قتلك معادش نعاود كلامي معاك مرتين
انا:شيهمني فيك انا
عدا يدو على شعرو...بغزول...حسيتو بدا يفد...كي نفخ بالقاوي يحكي
زياد:تحرك
تلفت عطيتو بظهري...هزيت منشفة من الرخامة...و جيت باش نخرج...اول ما وصلت لباب...تلفتلو باش نحكي...اما لقيتو مركز مع بدني...نزلت عينيا شوية شوية..نرا في المريول لصق على لحمي...و لي تحتو الكل باين...عينيا وساعو...طلعت راسي بالزربة...نصيح
انا:اععععع زايد متحشمش دور وجهك
بقا يغزر فيا مصدوم...شي من صياحي...و شي من نظراتو ليا...عدا يدو على شعرو و عقد حواجبو يحكي
زياد:شبي ¤¤¤ تصيح هبلت
انا:خاطرك متحشمش
زياد:تحب نوريك الحشمة على قاعدة
عدا عينيه...على بدني من فوق للوطة...فهمتو شيقصد...و نظراتو فضحوه زادة...تبسمت على جنب...و كملت نحكي
انا:متنجمش توريني...معادش ملكو لشيطان انا
كملت كلامي...وخرجت نجري من بيت البانو...وقفت نتنفس بالقاوي...منجمتش نرا نظراتو لي قدحت بالوقت...قص عليا النفس...كيف دور يدو على كرشي...جبدني عندو بقوة...سكرت عينيا بالوقت...حسيت بالنفس متاعو...على رقبتي من تالي...قلبي دق بالوقت...كبس عليا اكثر يحكي
زياد:مازلت ملكي
كلمتو خلاتني نطير لسابع سما...احساس ندرا كيف حسيت بيه...فرحة مخلطة بربثة بخوف...قص علاها كيف كمل كلامو
زياد:اما ملكية مع وقف التنفيذ...لا باش نقرب منك و لا باش نبعد عليك...مش باش تكون ليا...و مش باش تكون لغيري...خاطر منحبش حاجتي يملكها غيري
حسيت ببدني ترخف...كلامو روهجني...حسيت بدوخة قوية...وصلني قصدو بالقدا...وقتها برك...فهمت لانا لعبة عندو...يقرب مني و يبعد وقت ما يحب...نحس في نفس تسكر عليا...و عينيا تسكرو بالوقت...كان مش كابس عليا...راني طحت...حاولت نستوعب اما منجمتش...راسي كبس عليا...و ترخفت بين يديه
زياد يحكي: نعدي في عينيا على وجها...نحب نشبع منها...قبل ما تفيق...هزيت يدي عديتها على عينيها...لي كل مرة تغزرلي بيهم دخلني بعضي...و تخليني نخمم في اي كلمة نقولها...نزلت شوية لخشمها الصغرون...و عديت صوابعي على تكنفيرة خدها...لي احمر من البكا...سخفتني الفرخة...نزلت شوية.. عديت صوابعي على شفافها لي منفوخين...كلشي كنت مركز معاه وقت كانت تحكي هوما شفافها...قداش توحشت نبوسها و نغطس فيهم...نغزرلها و نتبسم...تي من زوز كلمات
داخت...اصلا وقت كلمتها...كنت مخدر جملة...و هي في حملتي...نزلت عينيا نرا في مريولي لي لاصق على بدنها...متوقعتش لباش نراها لابساتو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
 |
| |
الحلقة 73
زياد يحكي: نعدي في عينيا على وجها...نحب نشبع منها...قبل ما تفيق...هزيت يدي عديتها على عينيها...لي كل مرة تغزرلي بيهم دخلني بعضي...و تخليني نخمم في اي كلمة نقولها...نزلت شوية لخشمها الصغرون...و عديت صوابعي على تكنفيرة خدها...لي احمر من البكا...سخفتني الفرخة...نزلت شوية.. عديت صوابعي على شفافها لي منفوخين...كلشي كنت مركز معاه وقت كانت تحكي هوما شفافها...قداش توحشت نبوسها و نغطس فيهم...نغزرلها و نتبسم...تي من زوز كلمات
داخت...اصلا وقت كلمتها...كنت مخدر جملة...و هي في حملتي...نزلت عينيا نرا في مريولي لي لاصق على بدنها...متوقعتش لباش نراها لابساتو...ناوية تقتلني بالعرق الفرخة...باش ترتاح...غمضت عينيا بالقاوي و فتحتهم...اكا لي بقالي...ملكية مع وقف تنفيذ...تي اناولي باش نتهد و نهبل في جرتها مش هي...منعرفش كيف نجمت نعدي شهر من غير ما نشوفها...و نحضنها...كل يوم و كل ليلة نكلم راضية نطمن علاها...و كيف عرفت حالتها ظطريت نجي...في بالي باش نلقاها قوية و تركبهالي كيف عادتها...اما من زوز كلمات داخت...لا و اكثر من هكا انا لي قاعد نعشق فيها...حتى و هي في الحالة هاذي قاعد نعشق فيها و في قربها...مش نفيقها...نزلت علاها اكثر...نشم في ريحة شعرها...تروهجت...نحس في قلبي باش يخرج من بقعتو...كهو قربها ليخليني نعيش الاحساس هذا...حطيت شفافي على راسها...بستها بوسة مرصوصة...اما مكفاتنيش لتوا متوحشها...لتوا نحب علاها...نزلت علاها اكثر...حطيت شفافي على شفافها...غطست فيها...نسيت كلشي خايب قاعد نفكر فيه...جبدت روحي شوية...غزرتلها...لقيتها حالة عينيها صفيحة...تغزرلي مصدومة...خذيت نفس...و نزلت بيدي نبعد في شعرها...لتوا مخدر من قربها...اصلا منحبش نفكر في اللي باش يصير مبعد...باقي تغزرلي...حلت فمها شوية...في بالي باش تحكي...اما صدمتني...كي صاحت فرد صيحة
سوار؛اعععععععععع
حليت فمي مصدوم...باقي تصيح...هزيت يدي سكرتلها فمها بالوقت نحكي
انا:اسسكت فضحتنا يا فرخة
هزت يديها زوز...حطتهم على يدي كبست علاها...و نزلتها شوية تحكي
سوار:فاااش قام تبوس فيا يا هم
ضيقت عينيا...و نزلت علاها اكثر...وجهي مع وجها..حاوطتها بيديا نحكي
انا:شمدخلك انت
سوار:تي كيف شمدخلني...شفافي هذوما كان عجبك
انا:ممم عاجبني و برشا زادة...مش انت ملكي
سوار:مش على اساس معادش تقربلي..شصار ياخي
انا:بدلت رايي
سوار:مش على كيفك
انا:ملا على كيفك
سوار:مانيش لعبة عندك سي زياد...و توا تنجم تهز روحك من فوقي نحب نقوم
انا:قتلك قوم انا
سوار:بردت نحب نبدل
تحكي و ترص عالكلام...باش تطرشق تحتي...تبسمت بخبث...نشيخ علاها كيف تبدا تتغوصر هكا...هزيت يدي...عديتها على جنبها...وصلت بيها لاخر المريول...كبست عليه طلعتو شوية...حبستني بيدها تحكي
سوار:ف فاش تعمل
انا:مش انت بردت
سوار:نبدل وحدي
انا:اما انا نحب على مريولي توا
سوار:ياخي شنية حكايتك انت...مش على اساس ملكية مع وقف تنفيذ...شصارلك توا
انا:مش انت ملكي انا لي نقرر اذا نفذ و لا لا
قحرتلي قخرة متاع موت...و غزرتلي بشطر عين و تحكي
سوار:زعمة متكونش عندك اظطرابات نفسية
طلعت حاجبي مستغرب...شو الفرخة كي تعرف تحل فمها...جيت باش نحكي...قصت عليا كيف كملت كلامها بالوقت تحكي
سوار:ننصحك ترا طبيب احسنلك...باش يفيدك برشا
تبسمت على جنب...ضحكتني الفرخة...والله كلامها صحيح...من اول نهار حبيتها...عايش على اعصابي...حتى الخوف لي نسيتو من سنين...توا رجعلي...خايف كان يجي نهار...و يفكوها مني...كان هي تمشي و معادش ترجع...سرحت في وجها...سرحت في افكاري...و مشيت بيها لبعيد...فيقتني من سرحتي كيف...حطت يديها زوز على صدري...دز فيا لتالي...تحبني نبعد علاها...بقيت نثبت في عينيها...في صدرها لي طالع نازل...باقي دز فيا و تحكي فرد وقت
سوار:ابعععد يا سخطة
هزيت يدي...شديت يديها زوز...و طلعتهم لفوق كبست علاها نحكي
انا:ياخي مش ناوية تركح
سوار:كيف تحبني نركح...و انا نعامل في واحد مجنون رسمي
انا:تحب عليا انت
سوار:قتلك متنجم تعملي شي
انا:شنية لي يثبتلك
سوار:برشا حاجات...اولهم انك معادش بحاجتي
انا:و تعرف سبب لي وصلك لهوني
سوار:خاطر س سلمتلك..معادش حاجتك بيا...خاطر عمرك ما ريتني كيف ميرال...معادش حاجتك بيا...تحب تبعد عليا...خاطر مستحيل نكون الطفلة لي تنجم تكمل معاها حياتك
بقيت نغزرلها...قاعدة تلوم فيا بكلامها...كلام خنقني...ووجعني برشا...عمري ما فكرت...اني باش نخليها بعد ما سلمتلي...بالعكس زدت هبلت علاها اكثر...و عشقتها اكثر...منعرفش شبيها لتوا محستش بهذا الكل...نزلت بيديا لجنابها...كبست علاها...لين حسيت صوابعي تغرسو فيهم...و حسيتها توجعت من قريماس اللي عملتها...هزيتها شوية...قعدتها...و باقي كابس علاها نحكي
انا:ريتها ميرال لي تحل في فمك علاها...رغم كلشي صار...رغم كلشي تعدا علينا...ورغم اني سلمت فيها على خاطرك...مزالت تاثق فيا...مزلت وقت نحكي معاها كلامي منعاودوش مرتين...صحيح انت عطيتني كلشي اما معطيتنيش ثقتك...وعدتك من قبل اني باش ناخولك حقك...مهما صار..و مزلت عند وعدي...اما ديما تحب تتصرف من راسك...اكثر من مرة قتلك ابعد على ياسر...خلي مسافة بينكم...متقربلوش برشا...اما انت تعمدت تعملها...و كانت نتيجة خطفك...قتلك متمشيش للبقعة هذيكا...مهما صار...اما انت تعديت على كلامي...و مشيت...وقتها عرفت اني خذيت ثنية غالطة...و اول مرة نندم خاطر قربت منك...اول مرة نندم خاطر خليتك تدخل لحياتي يا سوار
بقات تغزرلي...حسيت بقلبها لي يخض بالقاوي...كلام خرجتو فوق طاقتي...اما نحبها تتربا من اللي صار...صحيح مش باش نخليها...و لا باش نسلم فيها...اما نحبها تعرف غلطتها...نعرف لي مزالت صغيرة...نعرف الحرب اللي قاعدة تعيش فيها بينها و بين روحها...اما منحبهاش تغلط اكثر...نحبها تتكبس من اللي صار...خاطر حتى انا منجمش نعيش من غيرها...و لا نجم نعيش بعيد علاها...فيقني من سرحتي صوتها...لي خرج مخنوق تحكي
سوار:خ خاطرني غلطت معادش حاجتك بيا...ب باش ترجع لميرال و تخليني وحدي
جيت باش نحكي...ترمات عليا بالقاوي...دورت يديها على ظهري...كبست عليا...رخفت يديا شوية على جنابها...نسمع فيها تحكي
سوار:متخلنيش...انا عملت اكاكا من خوفي...مش على خاطر مناثقش فيك...كان مناثقش فيك...مانيش معاك توا...مسلمتلكش روحي...و لا امنتك على خويا لي مسمعتش صوتو برشا...امان زياد متخلنيش...متسلمش فيا...باش نضيع وحدي امانك
هزيت يدي بالسيف حطيتها غلى ظهرها...خذيت نفس نحكي
انا:انت مش وحدك...انا ديما باش نبقى وراك...و حد ما يفكر يقرب منك...انا وعدتك من قبل...من هوني لين توفا اللعبة انت تحت حمايتي...و مستحيل نخلي حد يأذيك
جبدت روحها شوية غزرتلي...وجها احمر باش يطرشق...شفارها مبلولين بالدموع...تتنفس بالسيف و تحكي فرد وقت
سوار:ي يعني بالحق باش تخليني بعد ما يوفا كلشي
رعشت بين يديا...و هي تحكي...قلبي دق بالوقت...منحبش نراها هكا...اما زادة منجمش نرجع لتالي...و ملقيتش كلام نحكيه...خاطر نعرف لي من رعشة صوتي و انا نقولها...تعرف لانا نكذب...تعرف لحتى انا ضعيف من غيرها...جيست هزيتلها براسي ايه...سكرت عينيها ورجعت فتحتهم...نزلت منهم دمعة حرقتني بالوقت...تحكي و تلوم فيا فرد وقت
سوار:ك كرهتني مش هكا
مرجعتلهاش باقي نغزرلها...هزت يدها عداتها على خدها...و كملت تحكي
سوار:كي هكا علاش مزلت تقول لانا ملكك...علاش متحب تخلي حتى حد يقرب مني
هزيت يدي حطيتها على خدها...نعدي في صوابعي..و نحكي
انا:ايه انت باش تبقى ملكي انا...خاطرك سلمتلي باش تبقى متاعي...بعد ما ملكتك مستحيل نخلي حد غيري يحط يدو عليك
سوار:باش ترجع لميرال...باش تولو كيما قبل
انا:حياتي متهمكش...انت خسرت الحق في انك تحاسبني...و لا تسألني...انت لاخترت الطريق هاذي ملا اتحمل لي باش يصير
سوار؛ا انت واحد اناني
انا:اناني و معقد...و عندي اظطراب نفسي...املاكي منسلمش فيها حتى اذا معادش حاجتي بيها...و انت ملكي انا...و كان حاولت تقرب من اي حد...ساعتها مش باش نكتفي بالكلام...نحرقك و نحرقو...و من اليوم كلامي منعاودوش مرتين...خاطر وقتها متنجمش تستخايل اللي باش نعملو فيك
بقات تغزر فيا...جات باش تحكي...قربت منها...بستها من راسها بوسة مرصوصة...منحبش نجاهلها جملة...اما جيست نحب نكبسها...و نعرفها جي كان بالكلام هذا...بعدت علاها هزيت روحي وقفت...نحكي
انا:فيسع بدل دبشك و افطر...يزي من اللي قاعد تعمل فيه...مش باش يرجع لي فات...ياسر مات و ادم برا...و انت برك لطلعت الخاسرة في الحكاية...ملا قوم و شد روحك...مزال اللعب طويل...و مزالت الثنية طويلة قدامك
كملت كلامي وخرجت...منحبش نغزر لعينيها...منحبش نرجع في كلامي...منحبش نضعف قدامها...و منحبش نتعبها اكثر...نزلت الدروج في دقيقة...لقين راضية في وجهي...وقفتني تحكي
راضية:لباس ياخي شبيها كانت تصيح
انا:اه شي شي...انت برا اتلهى بيها...و كان محبتش تاكول...كلمني تو نتلهى بيها انا
راضية:باهي
انا:عيشك
هزيت روحي...وخرجت لبرا...خدمت كرهبتي...و دريكسيون عند توفيق...من مدة مشفتهمش...و زادة ادم باش يكون غادي...اصلا من اكا نهار مشفتوش...قال لهو مسافر...اما متأكد لهو حاب يبرا بالقدا باش يظهر قدامنا...طول الثنية و تفكيري معاها...مع كلامها...و مع بدنها و تفوريخها...تي كان نبقى عالحالة هاذي...نهبل عقاب عمري...ركيت الكرهبة...و نزلت...عارضني توفيق عند الباب...يهز فيا و يحط...تقول عامل جريمة...طلعت حاجبي مستغرب...مش ناقصو حتى طرف...قحرلي يحكي
توفيق:هاك ذكرت عنوان دار...في بالي نسيتو
انا:توفيق ياخي تستنا فيا انت
توفيق:اكاكا زيد حل فمك معايا انت و ساقط متاع خوك...ياخي بالشهر باش تذكرو لعندكم بو و جو تزوروه...و لا حتى نعرضكم باش جوني
بيت نشوف معاه...يحكي و يغزل حتى هو عندو حق في كلشي...جيت باش نحكي...قص علينا ادم كيف دور يدو على كتفو يحكي
ادم:توفيق ياخي مكفاش لي سمعتو منك جاي تكمل على خويا
توفيق:هوكا جا محامي دفاع متاعك
ضحكت بالوقت و انا نغزر لادم...حسيت روحي ارتحت و انا نرا فيه ارتاح عاللخر...خذيت نفس نحكي
انا:يزي عاد هاني جيت...ماك تعرفني لاهي في الخدمة لي حطيتها على راسي
توفيق:كان جيت منعرفكش نصدقك...باز تكون غاطس في حبك درباني...و تقولي الخدمة
انا:لااا منغطسش...انا ندخل في الصحيح جملة
طرشقنا بالضحك انا و ادم بالضحك فرد مرة...قحرلنا زوز و جبد روحو يحكي
توفيق:زايد زوز كيف بعضكم...الحشمة متعرفوهاش حتى طرف...ملا حالة فيكم
ادم:زياد يزي...يرضيك غششتو لتوفيق هكا...تحب عزيزة تخلينا بلا عشا
انا:ايه والله راحت من بالي سامحني بابا الغالي
توفيق:اسمعني انت و هو...منحبش تفدليكم الماسط قدام المرا...احشمو على روحكم عاد
ادم:باهي بابا طمن
قحرلنا زوز...و دخل...ضحكت بالوقت...و قربت من ادم حضنتو نحكي
انا:وينك خويا الغالي
ادم:هوني...ليك وحشة يا ساقط
جبدت روحي منو...ضربتو على يدو ضربة خفيفة نحكي
انا:و انت زادة ليك وحشة...شعامل ياخي
ادم:هاني رجعت لساحة
انا:مش بالعادة تغيب 3 اشهر ورا كل صفقة
ادم:اللعب قوا...في بالي انا لي نطارد فيهم...ياخي طلع شكون لاحقني
انا:شتقصد
ادم:فما شكون قتل ياسر...و قوص عليا
انا:شنيية
ادم:الرصاصة جات في كتفي...واللي قوص عليا متعمدش يقتلني
انا:ياخي هذا الكل صار نهار الصفقة
ادم:ممم نفس النهار...الحكاية فيها شي...مع الوقت باش نعرفو
انا:و انا معاك ديما
ادم:نعرف عيشلي خويا
جيت باش نحكي قصت علينا...عزيزة...جاية و تقحر من بعيد
عزيزة:مزال مطولين هوني برشا
انا:عزيزة قول عالسلامة ساعة
عزيزة:والله لي تعمد يغيب نسيانو واجب
انا:طلع تراه كيفاه تحكي ميكونش توفيق يعلم فيك زادة قربت مني...شدتني من وذني..تفرك فيا و تحكي فرد وقت
عزيزة:ياخي معادش فيها حشمة...مزال باش نربي رجال عقاب عمري
انا:عزيزة يهديك ربي سيبني...وذني راهي بحاجتها انا
طرشق ادم بالضحك...هزت يدها لاخرى شداتو من وذنو زادة تحكي
عزيزة؛و انت نسيت روحك...ماك من الصغرة تعلم فيه
ادم:علمتو حاجات اخرى زادة
عزيزة:شنوة
انا:اه منجمش نقلك عزيزة عيب ماهو ميجيش
عزيزة:وه عليا وه
رخفت يديها...و حطت يدها في حزامها...تهز فينا و تحط...تحكي فرد وقت
عزيزة؛ندادكم بولادهم...و نتوما لاهيين في اللعب...ياخي مش باش تكبرو اه
سكتنا زوز فرد مرة...تلفت لادم لوجهو تقلب...عرفتو فد من كلامها...اصلا مقالتوش بنية خايبة...اما في وضع ادم ينجم يقهمو اكاكا...حاولت نلطف الجو...ضحكت نحكي
انا:كان تحب على صغير اصبر 9 اشهر...لين نحبل وحدة فيهم
عينيها وساعت...و ضربتني على كتفي...تحكي
عزيزة:زايد الكلام مع هامل كيفك...ادخلو ياسر برد الحال برا
سبقتنا دخلت...عديت يدي على شعري...وتلفت لادم نحكي
انا؛قلت شي غالط انا
ادم:ادخل ادخل...خصك كان صغار
انا:علاش شناقصني انا
ادم:صغار مش لعبة زياد...وقت جيب صغير باش تولي عندك مسؤولية جديدة...و روح صغيرة لازمك تحميها...و تتلهى بيها...و احنا وضعنا ميسمحش باش يكون عندنا صغار جملة
تبسم بوجيعة...و انا سكت...اما توا بالحق محاجتيش بصغار...يكفي الفرخة لي قاعد نربي فيها...كان تزيد واحد كيفها نسلم في كلشي...مش ناقص تفوريخ...تبسمت على جنب...انا سايي مشيت فيها...حتى كي خممت في صغار...خممت نجيبهم منها...والله هدتني الفرخة...قعدنا عالطاولة الكل فرد مرة...ناكلو عالساكت...صوت بابا...وقفنا
توفيق:حد فيكم يشرحلي...كيف مات ياسر
دورت راسي لادم...غزرلنا لبعضنا بالوقت...مستغربين السؤال متاعو...غزرنالو زوز...تكا لتالي و كمل يحكي
توفيق:هاني نسمع فيكم...ادم...مش هو كان شريكك...زياد مش صار بينكم مشكلة من قبل...هيا حد فيكم يفهمني لي صار
ادم:مفما حتى شي نحكي فيه
توفيق:و انت زياد
انا:و انا زادة
توفيق:ملا انا لي قتلتو...حد فيكم يحل فمو
ادم:شتقصد بكلامك ياخي
توفيق:قصدي واضح...زوز تعرفو لي صار...و انا نعرف اخر واحد
انا:و انت من امتى يهمك شصار معانا
ادم:تفضل جاوب سي توفيق
توفيق:انا لي وصلتكم لهوني...انا لي كبرتكم و تعبت عليكم...باش في الاخير...تعملو اللي في راسكم...باش كل حد يتصرف كيما يحب...و كلامي معادش منو فايدة...بعد ما وصلتو لي تحبو عليه
هز ادم يديه...ضربهم بغزول عالطاولة...يحكي
ادم:وصلناا لشنية ياخيي...لوين وصلتنا انت...في انو عالم عايششين...دخلتنا لعالم الاجرام من الصغرة...علمتنا ديما القوي يغلب الضعيف...و انت السبب في اللي قاعد يصير توا...انت السبب لخلانا نخسرو روحنا...و نخسرو السبب لي يخلينا عايشين...على هذاكا موت ياسر ميعنيكش...كان انا قتلتو و لا زياد...يزي كهو...فيق...فيق مع روحك...انو الفلوس...و النفوذ و القوة...مش كلشي في دنيا...و ذكر ديما انت لي حطيتنا هوني...على هذاكا معادش تحاسبنا فهمت
توفيق:توا وليت انا سبب...كيف منجمتش توصل للي حطمك...جاي تلوم فيا توا
ادم:يززززي...اسسسكت معندكش حق تحكي على لي صارلي جملة...الحكاية تخصني انا كهو...و كان باشيبقى نهار في عمري...الا ما ناخو بثاري من كل حد كان سبب في اللي صار
خذيت نفس...لحمت بيناتهم...و انا باش نطرشق...اكثر شي نفد منو...وقت هو يدخل في حياتنا الشخصية...وقف ادم...وقفت في جرتو...وقفني يحكي
توفيق:و انت سي زياد...لي برا عاملينلك الف حساب باش ياقفو قدامك...خذيت بثارك...و لا مزلت كيفو...تستناو بالدور شكون يسبق و يحقق الهدف
حسيت دم جمد في عروقي من كلامو...اول مرة...يحكي الكلام هذا ليا و لادم و هو اكثر حد يعرف غمق الجرح لي عايشينو زوز...كبست على يديا زوز و جيت باش نتلفت...شدني ادم من يدي يحكي
ادم:ميستهلش يسمع لي باش تحكيه
خذيت نفس و تلفتلو...هزيت يدي في وجهو...نحكي
انا:ذكر الكلام هذا مليح...ذكرو بالقدا...امي انا لي باش ناخو بثارها...و دمها مش باش يضيع...ذكر مليح يا سي توفيق يا بابا الغالي
ادم:خسارة فيك كلمة بابا صدقني...اليوم وين شفنا حقيقتك بالقدا
وفيق:استنى انت و هو...وين ماشيين مزال مكملتش كلامي
انا:معندكش حق تحكي...و يا ريت معادش تفركس علينا...و باش نتقابلو في نفس البقعة هاذي...وقت ناخو ثاري بيدي
ادم:نظن معادش فما كلام اكثر من هذا خلينا نمشو من هوني
توفيق:اهربو كيف عادتكم...اما في الاخير رجوعكم عندي...في تالي نتوما ولادي
كبس عليا ادم اكثر...و جبدني معاه...خرجنا زوز من الفيلا...خذيت نفس نحس في روحي باش نطرشق...و ادم اكثر مني...جبدت روحي منو...و مشيت للكرهبة...نحب نبعد من هوني و كهو...خالط عليا قبل ما نمشي...وقفني يحكي
ادم:طول ما احنا مع بعض شي ما يهزنا...يكفي لانت معايا باش نكمل لتالي
تبسمت على جنب...و قربت منو حضنتو...بكل قوتي...نحكي
انا:انت لي عطيتني فرصة جديدة اني نخرج للحياة مرة اخرى...انت لي عطيتني يدك ساعتها...و انا مستحيل نفلتها مرة اخرى
ادم:باش يوفا كلشي و نبداو من جديد
انا:نعرف...باز باش يجي نهار و نبعدو من هوني
ادم:انشاء الله
جبدت روحي منو...تبسمتلو...حسيتو تفرهد شوية...خذيت نفس نحكي
انا:برا ارتاح توا...مبعد نحكو
ادم:باهي
فتحت الباب وركبت...اول ما خدمت الكرهبة...رجع وقفني...نزلت البلار...نحكي
انا:وي ادم
ادم:حاجتي بنومرو دينيز
عقدت حواجبي مستغرب...منعرفش علاش استغربت الطلب متاعو...حاولت ما نبين شي نحكي
انا:علاش معندكش نومروها انت
ادم:لا اصلا و لا مرة طلبتو منها...و بعد اللي صار مكلمتهاش...و منحبش نمشي لدارها بلا ما نخبرها
حسيت ببدني فور بالوقت...و سخانة طلعت لرقبتي...هزيت تليفوني بالسيف...و عطيتو نومروها عندو...و رجعلي تليفون...يحكي
ادم:مرسي
انا:من غير مزية
اول ما بعد عليا...طلعت البلار خدمت الكرهبة...شاورتلو بيدي و طرت بيها...نسوق و نغزل...شي من كلام بابا...و شي من طلب ادم...منعرفش علاش منحبوش يقرب منها...يمكن على خاطر متأكد لي هو جيست يحب يعدي وقيت...خاصة بعد حنان حتى طفلة ما نجمت تاخو بلاصتها عندو...اما سوار...روحي هذيكا...حتى ادم منجمش نخليه يستغلها و لا يعدي بيها وقت و لا حتى يقرب منها...ركيت الكرهبة...و بعثتلها ميساج "ادم باش يكلمك...اتصرف عادي و ما تخليه يشك بشي و رد بالك تخليه يقرب منك...منعاودش كلامي...هاني حذرتك" حطيت تليفون عالكرسي و تكيت لتالي...شوية وصلني ميساج منها...هزيتو بالزربة...فتحتو نقرا فيه "باهي طمن مسيو زياد"
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 74
رصيت على سناني و انا نقرا في الميساج...تردلي فيها الفرخة...و تقولي مسيو...حتى وهي بعيدة عليا تعرف كيف تركبهالي...تو وليت مسيو...تو فرخة قدها تعرف تحل فمها...نستهل...نستهل خاطر انا لي وحلت روحي...مع فرخة...و قاعد نسايس فيها...شملزني نحب في والديها انا...خذيت نفس منحبش نتقلق اكثر...حطيت تليفون...خدمت الكرهبة...و دريكسيون للمركز سوار تحكي:
هزيت روحي وقفت بالسيف...بعد الميساج متاعو...اصلا بعد ما مشا متحركتش من بقعتي جملة...لتوا مصدومة من كلامو...منعرفش علاش تعمد يوجعني لهدرجة...منحبش نصدق لمعاد فما حتى شي بينا...فكرة لهو باش يرجع لميرال...تخلي قلبي يدق بالقاوي...فكرة لهو معادش ملكي تعبتني من اكثر شي تعدا عليا...قربت من المرايا نشوف مع روحي...مريول لاصق على لحمي...لدرجة معادش حاسة بالبرد...غزرت لوجهي...قداش تاعب...هزيت يدي عديتها على خدودي و شفافي...ياخي شبي حالتي هكا...شعرة و منعقلش روحي...ياسر ضعفت و تهديت...خذيت نفس...و هزيت يديا زوز نحيت المريول...حطيتو عالفوتاي.. و هزيت منشفة...مسحت بدني...حليت القارد روب...لبست روبة خفيفة عند الركبة...لميت شعري من قدام...نوقز تليفوني بالوقت...لقيتو ادم...خليتو شوية بحكم خذيت نومروه من عند زياد عرفتو لهو...هزيت عليه نسمع فيه يحكي
ادم:دنيز
انا:نعم تفضل شكون
ادم:ادم معاك
انا:ااادم لباس ياخي
ادم:سافا لباس...نجم نراك الليلة
انا:الليلة ؟
ادم:مممم
انا:صراحة تاعبة برشا..كان مفماش تعب ايجا عندي انت ادم:باهي بعد ساعة
انا:باهي
علقت عليه ورميت تليفون عالسرير...اخر حد نحب نقابلو توا...قربت من الكوافوز...باز مش باش نقابلو هكا...حطيت مكياج خفيف...و قلوس...برفان...لبست كونفارس متاعي...و نزلت اللوطة...لقيت خالتي راضية في الكوجينة...دخلت نحكي
انا:خااالتي عيشك ميسالش تعملي كاسة حليب بالعسل
راضية:مش مصدقة لانت واقفة قدامي توا...باش نعمل لبنتي ابن كاسة في دنيا
انا:ههههههه عيشك خالتي...هاني في صالة
راضية:عيش بنتي
تبسمتلها و مشيت لصالة...ترميت عالفوتاي...نحس في بدني مدقدق...هزيت المجلات من طاولة...نقرا فيهم...و نستنا فيه يوصل...منعرفش كيف باش نقابلو بعد اللي تعدا علينا اكا الليلة...نعرف لهو جاي لهوني باش يفهم شصار ليلتها...انا اكاكا و نوقز الباب...خذيت نفس...سمعت كي خالتي راضية سبقتني حلتلو الباب ...هزيت روحي عارضتلو...تبسمتلو...جيست تبسم و قرب مني...سلم عليا بالبوس...جبدت روحي منو نحكي
انا:مرحبا
ادم:عيشك
انا:وينك يا راجل لتوا
ادم:خدمة كي العادة
انا:باهي تفضل
دخلنا لصالة مع بعض...قعد عالفوتاي...قعدت مقابلاتو...حطيت ساق على ساق...و تكيت لتالي...طلع حاجبو مستغرب يحكي
ادم:لباس ياخي شبي حالتك هكا
ناقص كان يسأل على حالتي...لي بداه هو كملو خوه...خذيت نفس نحكي
انا:لباس خذيت برد و كهو
جا باش يحكي...قصت علينا خالتي راضية...كي دخلت هازة في يدها كاسة حليب...حطتها قدامي..تحكي
راضية:مرحبا انت زادة تشرب حليب
ضحكت بالوقت...خصو كان الحليب باش يكبر العضلات لي بقاولو...و يحل علينا حرب...غزرتلها نحكي
انا:لا خالتي جيبلو قهوة
راضية:حلوة و لا مرة
جا باش يحكي...قصيت عليه...و حكيت انا معاها
انا:مرة
راضية:باهي
خرجت من عندنا تكا لتالي...و غزرلي يحكي
ادم:من وين عرفت لي نحبها مرة
هزيت كاسة حليب...شربت منها شوية..و تبسمتلو نحكي
انا:انت طلبتها مرة قدامي
ادم:طلعت عندك ذاكرة قوية
انا:اكثر من لي تتوقع
ادم:معندي حتى شك
انا:عيشك
وصلت قهوتو بالوقت...هزها و خذا رشفة...ثبت فيه شوية نحكي
انا:لباس من كتفك
ادم:ممم اصلا جيت لهوني باش نشكرك على لي عملتو معايا
انا:عملت واجبي و كهو
ادم:عيشك اما
انا:اما شنية
ادم:شكنت تعمل غادي ليلتها
غزرتلو في عينيه...مستغربتش سؤالو خاطر متأكدة لهو جا توا باش يفهم الحكاية بالقدا...خذيت نفس...منحبوش يشك حتى طرف في الحكاية...كبست عالكاسة في يدي...و تبسمت على جنب نحكي
انا:فضولي جابني لغادي
ادم:يعني
انا:يعني انك تخليني في حفلة راس السنة وحدي وتمشي...بلا حتى ما نفهم اللي قاعد يصير...فضولي خلاني نخالط عليك...و لقيت روحي وسط حرب...صراحة بالحق كانت تجربة مش نورمال
ادم:مجنونة...ياخي مخفتش حتى طرف
انا:علاش نخاف...بالعكس استمتعت برشا...اما اخر شي توقعتو...انك تتصاوب...وقتها برك حسيت بخوف ندرا كيف
ادم:باهي و كيف نجمت تنحي رصاصة
انا:قريت طب
ادم:شنيية
انا:لي سمعتو...اما بعد فترة قصيت
ادم:و السبب
انا:اكاكا...منحبش حاجة تربطني...حتى اذا كنت نحبها...نحب نعيش تجارب جديدة و لاحقة علاها القراية
ادم:ممم باهي
قصت علينا خالتي راضية...كي دخلت...غزرتلنا زوز تحكي
راضية:العشا حاضر
انا:تفضل
ادم:لا مرة اخرى
انا:متأكد باش تفوت عليك...ماكلة خالتي راضية مش نورمال
ادم:مشغول توا...جيست تعديت خاطر نحب نشكرك على لي صار...و نفهم الحكاية...و باز باش تبقى دين عليا
انا:مش لهدرجة...انا عملت واجبي...و باز كان كنت في بلاصتي باش تعمل نفس الشي و تنقذني
رصيت عالكلمة تالية...لي خرجتها بالسيف...تبسملي يحكي
ادم:بالطبيعة
هز روحو وقف...وقفت في جرتو...تبسمتلو...سبقني خالطت عليه للباب...خرجت معاه لبرا...تلفتلي سلم عليا يحكي
ادم:برا ادخل...ياسر البرد برا
انا:باش نراك مرة اخرى
ادم:بالطبيعة
انا:باهي ليلة سعيدة
ادم:و انت اسعد
بقيت واقفة عند الباب...نشوف معاه...حضنت روحي خاطر البرد برشا...وصل لكرهبتو...ركب و شاورلي بيدو باش ندخل هزيتلو براسي باهي...بقيت نشيع فيه بعينيا...لين بعد جملة...خذيت نفس ودخلت لدار...سكرت الباب و تكيت علاها...منعرفش كيف باش نتعامل معاه...كيف باش نبقى بين زوز خاوة...و الزوز اصعب من بعض...و خوفي من هذا الكل نخسر زياد اكثر...زياد...اول ما جا اسمو في بالي...تنهدت بحرقة...زعمة يكون عند اكا المسبوعة...لا باز في دارو توا...هو يحبني انا...و مستحيل يرجع يمسها...هو وعدني لحتى وحدة ما ترقد عالسرير هذاكا بعدي...اما كان يمشي عندها هو...افففف سواار يزي من تفكير سلبي متاعك...ديجا شيهمني فيه...اول ما وصلت ريحة لاكل لخشمي نسيت عليه جملة...مشيت نجري للطاولة...ياااا قداش معبية اكل...حطيت يديا زوز على كرشي...جيعانة برشا...قداش عندي على اكل هكا...جبدت الكرسي...قعدت..و طلعت يدين الروبة...و غطست في الماكلة...ناكول و نتبنن...نسيت كلشي خايب...اتو نوريه نسا شتعمل...ياخي نورمال يعرف كان يهدد...باهي معادش حاجتو بيا و فهمتها...اما باش يقولي ملكية خاصة و هو يعمل لي يحب عليه...و يمشي يشيخ معاها لا...مش باش نعديهالو...كملت كليت لين معادش نجم نتنفس...هزيت روحي...بست خالتي راضية...بوسة مرصوصة نحكي
انا:يعطيك الف صحة عزيزتي...بنينة برشا الماكلة
راضية:عيش بنتي...نحبك هكا ديما
انا:عيشك...ليلة سعيدة
راضية:و انت اسعد
خليتها...وطلعت لبيتي...سكرت الباب و غزرت لمريولو السخطة فاش قام يعملي اكاكا...تي باش نرقد انا توا...حليت القارد روب...لبست خلعة و شورت...و شديت فرشي...هزيت تليفوني...ندور فيه بيدي...نحب نحكي معاه و مترددة فرد وقت...خاطر نعرف لي باش يحقرني الهامل...و كان يبدا معاها توا...والله يعملها...و منهموش حتى طرف...حطيت نومره بغزول...و بعثتلو ميساج..."نعرف لانت معاها توا...و شايخ عاللخر...على هذاكا برا لدارك توا...احسنلك"...بعثتو و نزلت تليفون...منعرفش كيف نجمت نعملها...و نحكي معاه اكاكا...لحقني ميساج بالوقت...قلبي دق بالقاوي...حليتو بالسيف نقرا فيه.."فك عليا...و نقص من هبالك"...كبست عالتليفون في يدي...تي باز معاها...على هذاكا قالي هكا...رجعتلو بميساج..."كان متخليهاش تمشي...الا ما نجي عندك...توا و تعرفني نعملها"...حطيت تليفون و تكسلت لتالي نغزل...انا اكاكا و نوقز تليفوني...نطرت من بلاصتي جيت قاعدة...كلمني...والله كلمني...قلبي نحسو باش يخرج من بقعتو...نعرف لباش يسمعني كلامو الماسط...اما مش هاذي المرة...هزيت عليه..نسمع فيه يحكي...بغش و صوت عالي شوية
زياد:شبيي سمااك هبلت ياخي
انا:هأة لباس عليا
زياد:¤¤¤¤¤¤ بيا...شنية لي تحكي فيه انت
انا:لي لازم يصير...كانها معاك توا...خليها تمشي احسنلك
زياد:صار يا فرخة
انا:مانيش فرخة...و انت تعرف هذا بالقدا
سمعتو كيف تنهد بالقاوي...فهمت وين راح تفكيرو...اصلا منحرف و تخمامو خايب...نسمع فيه يحكي
زياد:ممم نعرف...و توا شتحب سوار
انا:هي معاك
زياد:يهمك برشا تعرف
انا:مممم كان انت معادش حاجتك بيا...انا نحبك و نموت عليك...و مش بالساهل نسلم في روحي...لمرا اخرى...كان اذا انا معادش موجودة في دنيا هاذي...وقتها برك تنجم تبدا من جديد...و يمكن بعد اللي صار و اللي باش يصير انا باش نبعد لاكا درجة...و باش نبقى ذكرى في حياتك و كهو
سكتنا زوز...حسيت بغصة في حلقي...و حسيت بيه كي نفخ بالقاوي...بقينا ساكتين زوز...لين حكا هو
زياد:حياتك ملكي زادة...و مش بالساهل حد يقرب منك...انت ديما باش تلقاني معاك...و توا برا ارقد...خليني نرقد...عندي اجتماع صباح ربي...لا يزي قصيت عليا نعاس...زيد خرنن على راسي توا
تبسمت بالوقت...وصلي لهو وحدو بطريقة اخرى...و اكا الهم مش معاه...خذيت نفس نحكي
انا:زيااد
زياد:شنوة زادة
انا:تعرف حاجة
زياد:شنية
انا:نحبك...و برشا زادة
مستنيتوش يحكي...نزلت تليفوني و علقت عليه...تكيت لتالي...غطست في فرشي...نتبسم وحدي...محلاه كي يبدا فادد...و ما عاجبو شي...نعرف الكلام لي قالو صباح صحيح...و نعرف زادة مش بالساهل يسلم فيا و لا يبعد عليا...نعرف لهو يحبني...و مش باش يخوني معاها...هذا الكلام لكنت نحكيه بيني و بين روحي...هذا الكلام لي نحب نصدقو ديما...حتى اذا كان كذب...نحب نصدق للحياة عطاتني شي باهي لاول مرة...عطاتني حب زياد...و منجمش نعيش من غيرو...سكرت عينيا...منحبش نبكي المرة هاذي...منحبش نضعف...نحب نفكر في اللحظات الباهية لعديتهم معاه...نحب نفرح بيني و بين روح...نحب ننسا كلشي و كهو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 75
زياد يحكي: تركزت بيديا عالبيرو...نحس في راسي باش يطرشق...كيف وصلولو و هو غادي...خذيت نفس نعيط انا:اسممممااااعيل...اسمااعييل دخل بالوقت يغزرلي مفجوع...غزرلي يحكي اسماعيل:شفما مسيو زياد انا:المعلومات لي وصيتك علاها وينها اسماعيل:صراحة
انا:شنية
اسماعيل:من وقت ماتت مرتو...معاد عرفنا عليه شي...و حتى ولدو زادة
انا:لي يهمني نعرف يخدم شنوة...شنية علاقتو بحكاية ادم...و علاش ادم يحب عليه...نحب نعرف كلشي اسماعيل الحكاية مش لعبة
اسماعيل:باهي طمن
انا:باهي
اول ما خرج...هزيت تليفوني...ومشيت للاصونصير...واقف نرقل وحدي...الحكاية تعقدت اكثر...عدنان عبد المالك...اول الاسماء في القائمة متاع ادم...راجل ام سوار...من شهر و مخي يهز فيا و يجيب...شنية علاقتو بادم...و علاش يحب عليه اول واحد...و موقفتش هوني...اليوم وصلتني مكالمة...فما شكون وصل لعماد...و يحب عليه...جاب ربي حاطو في مدرسة داخلية و مش اي حد ينجم يقرب منو...يعني مش سوار كهو كانت الهدف متاعو...الحكاية اكبر ببرشا...و محبستش في قضية اغتصاب...هو بالعملة هاذي يحب يوصل شي لعدنان...اما شنية علاقة ادم بالراجل هذا...خرجت من الاصونصير...و قربت من الارشيف...لقيت زوز قاعدين...غزرتلهم نحكي
انا:ما نحب حتى حد يدخل لهوني...و لا تخبرو حد اني هوني
هو:باهي شريك
حليت الباب و دخلت...احسن شي كلشي منظم هوني...قربت من دوسيات لعندهم علاقة بالحادثة متاع سوار...جبدتهم الكل...حطيتهم عالطاولة...و الدوسي متاع حنان زادة...و ادم...منعرفش علاش جبدتهم الكل...اما اذا ادم وصل يحب على هذا الراجل...معناها عندو علاقة بقضية حنان...خذيت نفس...حليت دوسي عدنان اول واحد...نقرا في المعلومات لي تابعة ليه خاطر نسيت علاها"عدنان عبد المالك...55 سنة...موظف في ¤¤¤¤¤¤¤ ركزت في اسم الشريكة...نفسها الشريكة المنافسة لينا...عقدت حواجبي...يعني جرد شوفور في الشريكة هذيكا...شنية علاقتو بادم...و علاش باش يوصلو يغتصبو طفلة مش بنتو جملة...و علا يحبو على ولدو...دوسي منجمت ناخو منو شي...جيست فيه المعلومات متاوعو...لي يعرفوها ناس الكل"...سكرت الدوسي...و هزيت دوسي امها..."سعاد الهاني..عبد المالك...46 سنة...كانت حبلة في سادس وقت عرست بعدنان...يعني حبلة بسوار...خدمت في ديار من قبل...و عند العايلات المعروفة هوني زادة...غريبة...هي وراجلها خدمو عند نفس العايلة يعني تقابلو غادي...و علاش مفماش معلومات على راجلها الاول...بو سوار...شكونو و علاش مفما حتى شي عليه...اما نذكر من قبل لسوار في اوراقها محطوطة بلقب امها...الهاني...و زادة قالت لهو لقبها الحقيقي...ملا علاش امها عند نفس اللقب...و هي في بالها...يعني امها خبات علاها الحكاية...لا عاد مش لهدرجة...باز فما سر في الحكاية...و الاسوء من هكا انو امها ماتت و منجم نوصل لحتى طرف خيط لبو سوار...سكرت الدوسي زادة بغزول...تركزت بيديا عالطاولة...دورت عينيا نغزر لدوسي حنان...تعدات عليه توا خمس سنين...رجعت خمس سنين لتالي و انا نغزرلو...ليلتها المطر خيطين من السما...نجري باش نخالط على ادم...لي خرج بالكرهبا طيارة...زوز كنا في نفس هذا المركز...باش نكملو تحقيق في قضية حنان...اما بعد ما كلمت ادم...خرجت حتى بلا ما يخبرني...نسوق بسرعة باش نطير...اول ما وصلت لقيت باب الفيلا مفتوح...وصلت و يا ريتني ما وصلت ساعتها...لتوا اكا المنظر بين عينيا...منظر حنان و هي غارقة بدمها في حملتو...محضنها و ساكت...جيست يغزرلها و يبعد في شعرها من على وجها يعاود في كلمة متخلينش...وقتها برك عرفت و استوعبت لكلشي باش يتبدل...ادم و انا...و حياتنا بعد ما خسرناها زوز...هو خسر مرتو و انا خسرت اختي...حنان الوحيدة لكانت قريبة ليا بعد ادم و عم صالح...ساعتها كلشي تبدل في حياتنا...ادم لسافر عامين و ما عرفنا عليه شي...كان باش يفرح واحد فينا...اما الجرح تضاعف مرتين...خسرت حنان و خسرت خويا...حتى كي رجع...كان يتصرف عادي...و كانو شي ما صار...اما قالهالي بالكلمة ساعتها...و كلامو لتوا يتعاود في وذني..."باش ندفن الاول و نحرق الثاني"...جملة كانت كافية اني نعرف لهو يفكر في حكاية الانتقام...حاولنا برشا...اما تقرير متاع حنان معادش موجود...تبخر...قلبت المركز ساعتها و شي...بدلوه بتقرير اخر...جيست استاذة في عمر العشرينات اغتصبت من مجهول...و انتحرت بعد مدة" و تسكرت قضيتها...حاولت اكثر من مرة اني نطلب الطعن اما شي...معارفنا الكل و حد ما نجم يفتح القضية مرة اخرى...وقتها تأكدت انو اللي عملها اقوى منا زوز...و الهدف متاعو كان ادم...ادم لبعد موت حنان رجع لساحة اقوى من الاول ببرشا...غمضت عينيا بالقاوي ورجعت فتحتهم...منحبش نذكر لي صار...حليت الدوسي متاعها...تبسمت و انا نغزر لتصويرتها...دوسي فارغ فيه حالتها العامة كهو...شكون لي عندو مصلحة ياخو تقرير...و يدو واصلة هوني...دورت عينيا...غزرت لدوسي سوار...يدي رعشت بالوقت...جبدتو عندي...حليتو بالسيف...قريت الورقة الاولى عادي اسمها و عمرها...حاجات متهمش برشا...قلبت الورقة الثانية...نشوف شكاتبين في تقرير متاعها..." تسلمت نيابة الحوادث التقرير الطبى المبدئي من المستشفى المركزي...عن حالة سوار عبد المالك التى تعرضت لاغتصاب على يد مجهول بمنطقة ¤¤¤¤¤ حيث أكد التقرير أن المجنى عليها تعرضت لاعتداء جنسي وأثبت وجود كدمات وجروح تأكد تعرض لعنف جسدي ايضا
حسيت بخنقة و انا نقرا فيها...اول مرة نقرا على قضية اغتصابها...اصلا وقتها كلشي كان يهمني انها توافق تخدم معايا...عرفت علاها كلشي...اما محبيتش نقرا تقرير...ياخي هذا الكل تعدا علاها...خذيت نفس و قلبت الورقة نقرا شكاتبين في التقرير طبي متاعها بالقدا..."و يعود توقيت و تاريخ التقرير الذى شخص حالة الفتاة سوار عبد المالك التى استقبلها الاطباء بدقة الى ظهر اليوم الخميس الموافق 19 ماي 2016
و اشار التقرير الى تعرض الحالة الى العنف الجسدي و اصابتها بجروح فى الرقبة و كدمات فى الصدر و البطن اضافة الى جروح فى جهازها التناسلي نظراً لاغتصابها و الاعتداء عليها جنسياً بعد اختطافها"...قلبي دق بالقاوي...غصة واحلة في حلقي...حسيت راسي شيطرشق...ضربت يدي بغزول عالطاولة...و انا نقرا في اخر ورقة..."و لم تصرح الضحية باي معلومات عن الحادثة...واغلقت القضية تماما بعد وفاتها اثر الصدمة...يوم 25 ماي 2016" نزلت بيديا عالطاولة...رميت كلشي عالارض...و دزيت طاولة بيدي...نطرت الكرسي لتالي...علاش هي...علاش عمل فيها هكا...و علاش انا مقريتوش من قبل...علاش وجعتها بالكلام اكثر من مرة...غمضت عينيا بالقاوي...هزيت يدي بالقاوي...عديتها على خدي...مسحت دمعتي لي نزلت...دموعي لي نزلو على امي و حنان كهو...توا نزلو على سوار...و قلبي يبكي دم...علاش لي نحبهم ديما تصير معاهم نفس الحكاية...علاش مجبور نعيش نفس الجرح مرة و زوز و ثلاثة...علاش تلزيت نكبر بعقدة من الصغرة...في بالي نبرا منها وقت ناخو ثاري...اما لا كل مرة نتأكد انو مستحيل يوفا الكابوس هذاكا...مستحيل يوفا شي...بالعكس كل يوم نتأكد لقاعد نفشل اكثر و اكثر...قاعد نخسر في ناس اللي دايرين بيا...حتى ادم خسرتو بعد ما ماتت حنان...و معادش ادم لي نعرفو من قبل...عديت يدي على شعري بغزول...جبدت تليفوني...كلمتها...من غير ما نخمم مرتين...هزت عليا بالوقت تحكي
سوار:زياااد
اول ما سمعت صوتها...حسيت ندرا كيف...بقيت ساكت...جيست نسمع فيها...تحكي
سوار:زياااد تسمع فيا ياخي
تيسمت بوجيعة...حسيتها بدات تفد...خذيت نفس نحكي
انا:علاش مخبرتنيش من الاول...علاش محكيتليش
سوار:شنوة
انا:علاش محكيتش وقتها يا سوار...كان كلشي تبدل توا...كنت مستحيل ندخلك في اللعبة هاذي...علاش فضلت تسكت...شنوة اللي منعك...علاش محبستنيش...علاش مقتليش شنوة اللي صار فيك...علاش سكت...علاش خليتني نعمل لي نحب عليه...ياخي لهدرجة تشوفني شيطان انت
سكت منعرفش حتى علاش قاعد نلوم فيها...و يمكن قاعد نتهرب من اللي عملتو بيدي...صوت شهقاتها لحقوني...فهمت وجيعتها و فهمت فاش قاعدة تخمم توا...نسمع في صوتها مخنوق تحكي
سوار:خ خفت...كان كلشي كيف الحلمة...مكنتش نعرف لباش نلقى روحي وسط ناس كيفكم...حبيت نحكي...حبيت نقول كلشي عشتو ساعتها...كنت نحب نخرج لناس الكل و نقول لانا بريئة و ما عندي حتى ذنب في اللي صار...اما انت معطيتنيش فرصة نحكي...كيف باش يسمعوني هوما...كيف باش يصدقوني بعد ما وليت دنيز...حد ماهو باش يصدقني...و هو باش يعيش حياتو عادي...كلكم مذنبين في الحكاية يا زيااد...معاد نحب حتى حد يلومني...و لا يذكرني في اللي صار...يزي كهو تعبت راني...و قوتي قاعدة ضيع من غير ما ناخو حقي منو...اصلا اللي مصبرني عالدنيا انت و عماد كهو...معادش تلومني على لي صار عيشك
كلامها الكل صحيح...حتى انا مذنب في الحكاية...خاطر مسمعتهاش من اول نهار...مذنب خاطر معطيتهاش فرصة تحكي...و معملتش جهدي الكل باش نلقى لي اغتصبها...خذيت نفس نحكي
انا:اعطني ثقتك مرة وحدة...و نوعدك باش نخليه يركع عند ساقيك
سوار:يكفي لانا نحبك
انا:خليك قوية ديما...حتى اذا كنت بعيد عليك...انا باش نبقى وراك ديما لاخر نفس في حياتي
سوار:انا من املاك الشيطان...صعيب حد يوصلي
تبسمت بالوقت...اسبوع من وقت قلتلها الكلمة هاذي مزالت متذكرتها...خذيت نفس...كبست روحي
انا:املاك موقوفة
سوار:خلينا نشوفو اللعب ملا
انا:باش يبدا من توا
سوار:باهي يا حضرة الشيطان
تبسمت على جنب...و علقت علاها...حسيت روحي تفرهدت شوية بعد ما حكيت معاها...هزيت الفاست متاعي...و خرجت...تلفتلهم نحكي
انا:الدوسيات لي على الارض الكل تبعثوهوم لاسماعييل اليوم
هو:باهي مسيو
قربت من الدروج طلعت نجري...معنديش خلق باش نستنا الاصونصير...لقيت اسماعيل يحكي مع واحد غادي...قربت منو دورت يدي على كتفو نحكي
انا:اسماعيل ايجا معايا حاجتي بيك
اسماعيل:باهي...انت اعمل لي قتلك عليه
هو:باهي
قرب مني...مشينا مع بعض...غزرلي...يحكي
اسماعيل:شفما
انا:ايجا تو تعرف
عقد حواجبو مستغرب...حليت باب البيرو...دخلنا مع بعض...طيشت الفاست متاعي عالفوتاي...خذيت نفس...غزرلي يحكي
اسماعيل:زيااد شفما ياخي
انا:نحب نفتح قضية حنان مرة اخرى
اسماعيل:شننوة...كيف باش تعمل هكا...فما اوامر من فوق انو القضية معادش باش تتفتح جملة
انا:متخممش في الموضوع هذا...الجنرال مينجم يعملي شي...اما نحب الموضوع هذا يبقى سري
اسماعيل:فاش تخمم بالظبط
انا:فما علاقة بين قضية حنان و اغتصاب سوار عبد المالك
اسماعيل:شنننوة سوار بنت عدنان
انا:ايه
اسماعيل:كيف باش تكون فما علاقة...و المدة بينهم خمس سنين عالاقرب
انا:سوار اغتصبت في نفس النهار اللي ماتت فيه حنان...19 ماي"...بعد خمس سنين بالظبط...و عدنان عندو يد في القضيتين...ادم يحب على عدنان علاش...و شنية علاقتو معاه...و هو جرد شوفور شعندو يعمل مع ادم...و بعد خمس سنين اغتصبت بنتو و لا بنت مرتو كيما في التقرير...خمم معايا شوية...علاش هو مختفي توا...علاش ادم يحب عليه...و علاش اغتصبو سوار...الاحداث مترابطة...و مش بعيد حكاية سوار مرتبطة مع حنان...و اللي عمل هكا في سوار وصل رسالة صغيرة...انو هو مزال في ساحة...و اللي عندو يد في الحكاية نفسو اللي عمل في حنان هكا...و لا
سكت...عينيا وساعو...كيف جا هو في بالي...لا مستحيل فاش قاعد نخمم انا توا...فيقني من سرحتي اسماعيل يحكي
اسماعيل:و لا
انا:ادم
اسماعيل:شتقصد
انا:اذا كان مش نفسو اللي عمل في حنان اكاكا هو لاغتصب سوار...ملا ادم عندو يد في الحكاية
اسماعيل:متأكد
انا:منعرفش
اسماعيل:شنعملو توا
انا:اسمعني اول شي قضية حنان و سوار باش نرجعو نفتحوهم زوز...و نحب المعلومات الكل على عدنان عبد المالك...و الاهم من هكا سعاد الهاني...و علاقتها قبل ما تعرس بيه...اعرف كلشي...عيشك اسماعيل...الحكاية اصعب من اللي توقعت...و اللعبة بدات من توا...و انت شريكي الوحيد...عيشك
اسماعيل:طمن...باش نعمل المستحيل
انا:عيشك انا باش نقابل ادم...و نتأكد اذا بالحق في الفترة هذيكا كان في اسبانيا
اسماعيل:اي جديد خبرني باش نعرف نتصرف
انا:و انت زادة
هزيت الفاست متاعي و خرجت نجري...هزيت كرهبتي...طررت بيها...كلمت واحد من صحابي في فرنسا...لي كلفتو يتلهي بعماد...هز عليا يحكي
هو:زيااد شنية الغيبة هاذي
انا:لؤي اسمعني...عمااد لازم يخرج من غادي بسرعة مفماش وقت
لؤي؛شتقصد
انا:فما شكون حاول يخطفو...و هذا لي صرح بيه للمدير
لؤي؛شنية و شباش نعملو توا...وين تحب نهزو
انا:اول شي...باش نبعثلك هوية مزورة و الاوراق لي يحتاجها الكل...متخرجوش من فرنسا...هزو عند ماري تو نكلمها تتلها بيه...ولدها مات من فترة...باش يبقى باسم ولدها...هكا حد ما ينجم يقرب منو...و باش يقعد في حمايتكم...و صرحو للحكومة الفرنسية انو هو مات...خلي الخبر يوصل لتونس...باش معادش يلوجو عليه...و انا تو نتكفل بالباقي من هوني
هو:باهي زياد كيما تحب نستنا من عند الورق
انا:باهي
علقت عليه...و زدت في الفيتاس...و دريكسيون لشريكة متاع ادم...نعرف لهو مستحيل يعملها...مستحيل يعاود نفس الغلطة...اما نحب نفهم شنية علاقتو بعدنان...ووين كان نهار اغتصاب سوار...كهو نحب نعرف لي صار...خاطر متأكد لادم مش باش يخلي اي طفلة تعيش نفس العذاب لي عاشتو امي و حنان و اللي عشناه احنا زوز...منحبش نشك فيه...منحبش نخسر صورة خويا...نحب نوصل لعمل هكا في سوار و كهو
بنااااات 😍😍 وضحتلكم تقريبا لي صار الكل 😈 زياااااااد بدا يشك في الحكاية 😱😱😱 اما زعمة باش يشك في خوه و يكشف الحقيقة 😲 و لا ادم عندو مبرر على لي صار 😤 و شكون بو سوار 😵 و شنية علاقة راجل امها في الحكاية 😠 احداث ناااار 🔥🔥🔥🔥تستنا فيكم...كونو ديما في الموعد...اتفاعلو و ادعولي معاكم 😙😙😙
ملاحظة:
حاولت قد ما نجم نحكي على الاغتصاب و اضرارو خاطرو القضية الاولى في الحكاية...نحبكم تركزو بين الاسطر...و تحسو لي عاشتو حنان و سوار و برشا بنااات في مجتمعنا...لي حياتهم تبدلت من مجرد اغتصااب...الاغتصاب اللي احنا نلومو فيه الضحية و ننساو المجرم...فما برشاااا بنااات و برشااا اطفال حياتهم ضاعت بكلمة وحدة الاغتصاب و الشرف...الشرف اللي يحاسب عليه المجتمع حتى اذا كانت الطفلة ضحية...متشوفوش في الحكاية على انها قصة حب...و لا قصة مافيا...و متشوفوش لجيهة تشويق في الحكاية..خاطر تبقى حكاية في الاخير...اما فما بناات و فما اطفال راحو ضحية انتقام...و كان الاغتصاب هو الوسيلة...كلمة ساهلة باش ننطقوها اما صعيب وحدة فينا تحس بيها...و عمرنا ما نصنفو انو المجرم كان مجبور و لا مجروح...خاطر يبقى مجرم...ماننيش نقول هكا على خاطر ادم و لا زياد...راني نحكي على كل طفلة في العالم عاشت الاحساس هذا...و مش انك تصلح الغلط معناها بالساهل الوحد ينسى...المجتمع لي عايششين فيه...يجبرنا نسكتو على برشا حاجات...و الاسوء جبرنا نعيشو العهر الفكري في كل واحد فينا...فنحن الفتايات اذا ما ابتلينا كام بلائنا مجرد اغتصاب لبكرة ثم نعلنها فضيحة "
إن شاء الله منكونش طولت عليكم بكلامي.
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 76
دخلت لشريكة...و في مخي الف سؤال...نمشي و تفكيري بعيد برشا...الاحداث الكل تعاودت في مخي من موت حنان...لاغتصاب سوار...لاسم عدنان في الدوسي...اول ما وصلت لقيتو خارج من البيرو...طلع راسو غزرلي...و عقد حواجبو يحكي ادم:زيااااد هوني انا:مفاجأة ادم:وشنية المناسبة
انا:شي فديت...قلت بلكشي تحب نمشو لنادي مع بعض
ادم:باهي اسبقني انت نكمل الاجتماع و نخالط عليك
انا:لا باش نستناك في البيرو ميسالش
ادم:باهي على راحتك
قرب مني...ضربني على كتفي و تبسملي...جيست تبسمتلو...و دخلت...جبدت كرسي البيرو و قعدت...فتحت القجار...نحب نوصل لاي شي متعلق بعدنان اما شي...سكرت القجر تالي بغزول...هزيت الدوسي لي على البيرو...حليتو...لقيت اسم عدنان...و محمود بن عيسى عرفو و معلومات عامة عليهم...سكرتو و غزرت للبيسي...خذيت نفس و حليتو...باز كلمة السر باش تتعلق بحنان...جيست كتبت عيد ميلادها فتح...اكثر شي كان يهمني اني نتاكد لهو في الدات هذيكا مكانش في تونس...و بالظبط يومها كان عندو اجتماع مع الوكلاء في اسبانيا...هزيت ورقة و ستيلو...كتبت اسم الشريكة...و اسماء الوكلاء الكل و ارقامهم...حطيت الورقة في مكتوبي...و سكرت البيسي...اول ما تكيت لتالي...فتح الباب و دخل هو...غزرتلو نحكي
انا:هاك مطولتش
ادم:محبيتش نخليك تستنا برشا
انا:ممم باهي هيا ملا
ادم:باهي
نزلنا مع بعض لوطة...خدم كرهبتو و سبقني...خذيت نفس و خالطت عليه...ركيت كرهبتي على جنب...و جبدت الورقة...غزرت معاها شوية...و كلمت اسماعيل هز عليا يحكي
اسماعيل:وصلت لشي
انا:باش نبعثلك ورقة توا...اسماء الوكلاء في اسبانيا...نحبك تتأكد لهو في شهر ماي 2016 كان غادي...و كان نجمت اليوم...نستنا ميساج منك
اسماعيل:باهي طمن
انا:عيشك
علقت عليه...صورت الورقة و بعثتهالو...خدمت الكرهبة...و طرت بيها...لحقت وراه بشوية...دخلت بدلت دبشي...و مشيت لصالة...لقيتو ديجا بدا يجري...حطيت تليفوني...و بديت نجري معاه...غزرلي يحكي
ادم:شبيك طولت
انا:وحلت في سيركيلاسيون
ادم:فما مشاريع جديدة
انا:انسحبت من مشروع متاع توفيق
ادم:تحكي بجدك
انا:مش هو لاختار الثنية هاذي...معادش باش ندخل...و نظن كان نجبدو احنا زادة يكون احسن
ادم:منفكرش نتعامل معاه...خاصة الفترة هاذي
انا:اما فما احتمال لهو باش يضربنا في سوق
ادم:اكيد مش احتمال...متعرفش بابا ياخي...باش يحاول يفشلنا...باش في الاخير نرجعو ليه
انا:معادش فيها رجعة
ادم:نعرف
انا:باش نسألك ياخي
ادم:شنية
انا:شكون عدنان عبد المالك
دور راسو فرد مرة...غزرلي مستغرب...باقي نشوف معاه نستنى في الايجابة متاعو...تعدات ثواني و احنا نغزرو لبعض...نوقز تليفوني بالوقت...تلفت غزرتلو...وصلني الميساج من عند اسماعيل...ميساج واحد برك...باش يبدل كلشي...دقايق قليلة تفصلني...ايجابتو و الميساج باش يبدلو برشا حاجات...نزلت يدي هزيت تليفوني...و نزلت...هزيت المنشفة و حليت الميساج...عينيا وساعو بالوقت...غزرتلو...ورجعت قريت الميساج مرة اخرى...و ايجابتو جات فرد وقت
ادم:عدنان عبد المالك...نفسو الشوفور متاع محمود بن عيسى...و نفسو الشوفور...لاستلم مني اوراق الصفقة ليبيني و بين محمود...اما من ساعتها معادش ريتو...حتى محمود ميعرفش عليه...و بسببو هو ظطريت نلغي صفقة متاع ملاايين...وين هو وعلاش اختفى بالسرعة هاذي منعرفش...اما مش ادم لي يلعبو معاه
بقيت نغزر فيه...و ميساج اسماعيل...يتعاود في راسي..."ادم بالحق كان في اسبانيا...و قعد شهر غادي...و الاجتماع كان يوم 18 ماي 2016...و هذا لاكدو اكثر من حد وقت كلمتو...يعني ادم ما عندو حتى علاقة بالموضوع"...نفخت بالقاوي...عديت المنشفة على وجهي...وشعري نحكي
انا:باهي ادم
ادم:علاش سؤال
انا:قريت اسمو في الدوسي متاعك...و بما انو مفماش اسم هكا في الدائرة متاعنا استغربت
ادم:ساعات نحسك كيف المحقق
انا:ههههههه مش بعيد الواحد يولي محقق كي يتعامل معاك
ادم:خلينا نشوفو التحقيق الجاي على شنية
انا:على مصير حياتنا
ادم:منستغربهاش منك
انا:نعرف
ادم:باش تكمل و لا
انا:صراحة تعبت...و نحب نفرغ طاقتي في حاجة اخرى
ادم:ههههههه يهلكك يا ساقط
ضحكت بالوقت...رميت المنشفة في يدو...و تلفت...خذيت نفس...توا برك حسيت روحي تفرهدت...نعرف لادم مستحيل يعاود الحكاية...مع اي طفلة...يكفي لعشناه زوز...رغم لتعدا عليا الكل في حياتي...منفكرش نوصل نأذي طفلة بالطريقة هذيكا...اما الحكاية باز مش باش تاقف هوني...لازمني نوصل شنية العلاقة لي تربط بين موت حنان و اغتصاب سوار...شكون بوها...و علاش يحبو على عماد بعد الشهور هذوما...و شكون الهدف متاعو باش يعمل هذا الكل...علاش اختار حنان و بعد السنين هذوما الكل سوار...و شنية العلاقةبينهم...نفس الاحداث تعاودت بعد خمس سنين...نفس الدات...نفس البقعة...و نفس التقرير الطبي...حادثتين مرتبطين ببعض...ضحيتين لشخص واحد..السؤال اللي يبقى مطروح...شكون الشخص هذا ؟...و علاش عمل هكا...شنية الهدف متاعو من هذا الكل...سكرت عينيا بالقاوي...منعرفش كيف نجمت نشك في ادم...كيف نجمت نشك في قطعة مني...متأكد لهو مستحيل يعملها...اما حكاية عدنان لتوا مدخلتش في راسي...خذيت نفس وخرجت من النادي...توا بدات مهمة جديدة...و ثنية جديدة لمجهول جديد
ادم يحكي:
خرجت من النادي...دريكسيون لداري...في ثنية كلمت رجالي يخالطو عليا...مخممتش برشا في كلام زياد...نعرفو يسأل على كلشي...و ما يحب يفوتو حتى شي...اصلا من الصغرة هكا...اول ما وصلت...شديت الفران بالقاوي و نزلت...اول ما دخلتو...دخلو ورايا زوز...خذيت نفس و تلفت نشوف معاهم...نهز فيهم و نحط...دقايق و انا اكاكا...قربت منهم شوية...وقفت قدامهم بالظبط...هزيت يدي حكيت لحيتي...نحكي
انا:نسمع فيكم
هو:م مسيو ادم صراحة
انا:تو انا نقلك صراحة...صراحة هي انو نتوما اكبر زوز فاشلين ريتهم في حياتي
هو:مسيو
هزيت يدي ضربتو ببونية...وخر لتالي...مروهج...طلع راسو غزرلي...حسيتو باش يطرشق...اما معادش عندي صبر اكثر...قربت منو بالزربة...شديتو من سوريتو...وخرت بيه لتالي...نحكي
انا:طفل صغير...طفل صغير منجمتوش عليه...و عندك جرأة تغزر في وجهي...و تواجهني...في بالي بعثت رجال...في بالي باش توفا المهمة في نهارها...اما شنية لي صار...نتوما ببساطة...عطيتيهوم تنبيه...خسرتوني في اكبر فرصة تنجم توصلني لي نحب عليه
نسمع في لاخر يحكي من تالي..دورت راسي شوية نسمع فيه
هو:عدنان عبد المالك...في تونس
تبسمت على جنب...رخفت يديا زوز على صاحبو...جبدت روحي منو...و قربت لاخر...غزرتلو نحكي
انا:برااافو...شي كبير يا معلم...شنعمل بيه انا عدنان عبد المالك...من غير كا نلقى نقطة ضعفو...توا عرفت لوليدو هو اللي باش يوصلني وين نحب...ياخي في بالك باش يحكي من غير سبب...و كان ولدو مش هامو لهدرجة ميخرجوش من البلاد جملة
هو:عماد يقرا في مدرسة داخلية غادي...وصعيب حد فينا ينجم يخرجو
انا:هههههه و بنتو عرفتو تخطفوها من قبل
هو:صراحة بنتو بعد الحادثة
انا:شيهمني فيها بنتو...ناقص همها باش تحكيلي علاها...لي يهمني عماااد عبد المالك...ذكروه للاسم الزوز...عمااد عبد المالك...تقلبوها فرنسا...الطفل هذا نحبو عندي
هو:مسيو ادم...انت ق قاعد تغلط
عالكلمة...هزيت يدي ضربتو...لين تروهج...غزرتلو نحكي
انا:اول و اخر مرة تقولي شنعمل...رد بالك تنسى انت شكون...ووجوهكم منحبش نراها هوني...حتى جيبوه لعماد عبد المالك...و بلاصة عدنان وين بالظبط
هو:باهي
خرجو زوز...هزيت يدي قلبت الطاولة...كلشي جا على يدي كسرتو...و لتوا لا هديت...ترميت عالفوتاي...حطيت راسي بين يديا...تعدا اخر نهار عديتو معاها...نهارتها فقت الصباح...حليت عينيا على وجها...حاطة يدها تحت خدها و غاطسة في نوم...شفافها مقديمين و منفوخين...خدودها حمورا موردين...هزيت يدي نعدي فيها على خدها...نبعد في خصلات شعرها لتالي...حلت عينيها بالوقت...نفس النظرة متاع كل صباح...قربت ليا اكثر...حطت راسها على رقبتي...تبسمت نحكي
انا:يهديك...يا طفلة ابعد عليا
حنان:مممم منحبش...مبنها ريحتك
انا:صحيتك اكاكا...ناقص انا
حنان:اادددم
انا:اشكي
حنان:نحبك انا
انا:ريض اطفلة...حرام لي تعملو فيا...هوكا نتبع في تعليمات الطبيب اكثر منك
حنان:انت معادش تحبني كيما قبل...مش هكا
انا:نعمبو عمري...اغزرلي هوني...و فهمني كلامك
حنان:منحبش
انا:باهي قولي شنية لي مقلق مرتي وبنتي
حنان:باش تحبها اكثر مني...باش تاخو بلاصتي
انا:بدينا في موال كل يوم...حنان يا روحي...اغزرلي هوني
لزت روحها ليا اكثر...كبشت فيا بيديها...طلعت تحكي في وذني
حنان:ااادم انت باش تحبني انا كهو...انا مرتك...و بنتك و حياتك...انت ديما كنت تقولي هكا...يعني مش باش تحبها هي مبعد
انا:ههههههه باش تهبلني يا مغيارة
طلعت راسها غزرتلي ندرا كيف...نظرة خوف اول مرة نراها في عينيها تحكي
حنان:انا معندي حتى حد غيرك...انت كهو لحبيتني لهدرجة...منحب حتى حد يفكلي بلاصتي عندك...انت باش تحبني انا كهو...انا برك حنونتك مش هكا
خذيت نفس...هزيت روحي شوية تقعدت...قعدت في جرتي...حطيت وجها بين يديا...و غزرتلها نحكي
انا:يا روح ادم...مرتي الغالية...هاني طحت على راسي من الصغرة و حبيتك...تو عندي جرأة انا نحب غيرك...تي انا نموت في والديك
حنان:كي هكا علاش ليلة البارح
مخليتهاش تكمل كلامها...نزلت علاها...بستها من شفافها..بوسة مرصوصة...و جبدت روحي نحكي
انا:ناوية عليا انت...مش اكا الطبيب المحنون قال مش باهي ليك
حنان:لا قال سايسها انا سمعتو...اما انت لمعادش تحبني و خايف على بنتك
انا:لااا عاااد الوحم اثر فيك برشاا
حنان:انت السبب
انا:في شنية
حنان:في كلشي...انت حبلتني...و توا نحب عليك انا و انت متحبش
بقيت نغزرلها...مبهم في تصرفاتها...كانت كل يوم تخرجلي بشي جديد...اما المرة هاذي الحبالة تعبتها...نزلت عينيا غزرت لكرشها لي دازة للقدام...عندها اربع شهورة...تبسمت وحدي...نشيخ علاها محلاها...هزيت يدي عديتها بالسياسة...قلبي دق بالقاوي...كيما كل مرة...نمسها...و الاكثر هابل علاها هي...في لحظة جبدت روحها مني...تحكي
حنان:قتلك معادش تحبني و خايف على بنتك
جات باش تنزل...من السرير...هزيت يديا الزوز حطيتهم على جنابها ورجعتها عندي...تكيتها لتالي...و حاوطتها بيديا الزوز...غزرتلها في عينيها نحكي
انا:هاك جبتها لروحك...والله انت و بنتي و الطبيب باش تسامحوني المرة هاذي...باش ناخو حق اسبوعين اللي رزاني فيهم
حنان:ههههههههههه ميسالش...انت باش تكون ليا توا
انا:هههههههههه زايد فرخة و مش سهلة
حنان:هههههههه ما شفت شي راك...انا وقت نحب نهبل انا:صااار ههههههه
ضحكت...ضحكة عالية...و جبدتني ليها...و هذوكا كانو اخر ضحكات في البيت هذيكا...و كانو اخر ضحكات حنان...و اخر ذكرى مزيانة عشتها...حليت عينيا...اللي حسيتهم يحرقو من الدموع..."علااااااااش"..صحت فرد صيحة...لين حسيت دار رعدت...علاش و علاش...كل يوم و كل ليلة...نسأل نفس السؤال...علاااش عملو هكا...كان كلشي باش يكون باهي...علاش اختاروها هي بين الكل...و علاش انا اللي قاعد نغلط...هوما غلطو من سنين...و دمروني...و انا باش ناخو حق مرتي مستعد ندمرهم بالواحد...كبير و صغير...عمري ما ندمت حتى شي على لي صار من قبل...و لا باش ندم على اللي باش يصير مبعد...بالعكس...كل حد عندو علاقة...قريبة و لا بعيدة باش يخلص...دم حنان غالي...و الدم لي نزل لتوا...ميجيش في دمعة من دموعها...اللعبة بدات...و مش باش توفا..لبن ناخو حقي الكل...و من كل حد كلن سبب في اللي صار...باش نحرقهم بالواحد...بالواحد...وقتها برك...تطفا النار اللي شاعلة في قلبي
سوار تحكي: نهار جديد...فقت الصباح...نحل في عينيا بالسيف...غزرت لساعة لقيتها 9...هزيت روحي...دخلت لبيت البانو..عملت دوش و شيحت شعري...لبست سروال جين و خلعة...هزيت الفاست متاعي...و مفاتح الكرهبة...و نزلت اللوطة...عارضتني خالتي راضية مستغربة...تحكي
راضية:دنيز وين على خير بنتي
حسيتها متقلقة...خاطر تعدا شهر مخرجتش من دار...بعد الحادثة نفسيتي تعبت برشا...اما بعد ما كلمني زياد البارح...صحيح ما قال شي...اما كلامو و هو يلوم فيا...بحة صوتو...وصلتلي لي قاعد يحس فيه ساعتها...منعرفش شنوة اللي صار باش كلمني...و لا شنوة لي عرفو بالظبط...اما يكفي هو لباش ياقف معايا و مستحيل يخليني...كلامو عطاني قوة غريبة...اني نبدا نهار جديد...تبسمتلها...و هزيت يدي حطيتها على خدها نحكي
انا:باش نبدل جو ونرجع...متتقلقش عيش خالتي...ساعة من الزمان كهو و نولي
راضية:باهي رد بالك على روحك عيش بنتي
انا:باهي
تبسمتلها...وخرجت...هزيت كرهبتي...دريكسيون للمقبرة...اول ما وصلت...ركيت على جنب و نزلت...خذيت نفس و دخلت...نمشي بين القبور...و نفركس على اسمو...وخرت خطوة كيف قريت اسمو...قربت شوية شوية...نحس في ساقيا رزنو...و قلبي دق بالقاوي...معادش فما نفس الوجيعة...اما مزلت نحس بالذنب على لي صار...قعدت على جنب...هزيت يدي عديت صوابعي على حروف اسمو...نحكي
انا:نعرف لانت مش باش تسامحني...نعرف روحي غلطت برشا...يارييت خليتك مشيت ساعتها...يارييت ماوقفتش في وجهك...نسيت لانا زادة غالطة كيفك...غلطت خاطر عطيتك امل كاذب في الحياة...و نسيت لطرف امل ينجم يبدل حياة الواحد...ديما كنت انا ضحية يااسر...اما المرة هاذي انت كنت ضحيتي...يا ريت نجمت نعمل شي...صدقني تعبت برشا...و نعرف لمزال باش نتعب...نعرف لمستحيل ننسا انو في يوم كنت سبب في موتك...رغم كلشي منسيتش اليمات الباهية لي عديتها معاك...سامحني امانك...سامحني...خاطر مستحيل انا نجم نسامح روحي...انا هوني توا...باش نقلك الكلام هذا...باش عالاقل نجم نكمل حياتي...و نخرج من دائرة لي حصرت روحي فيها...سامحني ياااسر...سامحني امانك
سكت...و غمضت عينيا بالقاوي نزلت دمعة سخونة...لقات طريقها على خدي...هزيت يدي مسحتها...تبسمت بوجيعة...و انا نذكر في اليمات لي عديتها معاه...لاخر لحظة...حليت عينيا بالوقت...خذيت نفس...و هزيت روحي وقفت...غزرت للقبر لاخر مرة نودع فيه...حكيت معاه...كلامي دوب يتسمع..."باي ياسر"...تلفت قبل ما نضعف مرة اخرى...نمشي و قلبي يدق بالقاوي...منعرفش كيف وصلت لقبر امي...دموعي نزلو بالوقت...نزلت عديت يدي على ترابها نحكي
انا:امي...نعرف لانت زادة متغشة مني...اما معادش نجم نرجع لتالي...انا خسرت كلشي امي...و هو كان سبب...منجمش نرجع لين ناخو حقي منو...سامحني اميزو خليك ديما معايا...حتى و انت بعيدة عليا...خليك معايا...و نوعدك لباش نخليه يخلص حق عمايلو الكل...اللعبة بدات من توا و مستحيل توفا لين نراه خسر كلشي في حياتو...هزيت يدي مسحت دموعي...ووقفت...كبست على مفاتحي...خذيت نفس ووخرت لتالي...كل مرة ناقف قدام قبر امي...ننقم عليه اكثر..و نحقد عليه اكثر...نمشي و نخمم في شنوة اللي مزال باش يصير...دورت راسي شوية غزرت لقبري..تبسمت بوجيعة...و كملت نمشي...معادش يهمني...معادش باش نتوجع برشا على حياتي القديمة و نبكي على الاطلال...لحق الوقت...باش ناخو حقي من كل حد عندو ذنب في الحكاية...ادم كيف وصل اغتصبني اكيد فما وراه سبب كبير...و ناس اكبر...هو و هوما باش يخلصو حق كلشي عملوه...مستحيل نتنازل و نسامح حد...خذيت نفس و حليت باب الكرهبة و ركبت...تكيت لتالي...نغزر لطريق...نخمم في اي حاجة تنجم توصلني لي نحب عليه...اما ما نغير ما نخلي زياد يحس بشي...اما من وين...نعرف لهو يحسبلي حتى الخطوات لي نمشيها...و مش بعيد يعرف لانا هوني...هزيت تليفوني غزرت لساعة...وقيت نولي لدار...احسن ما نبقى نبررلو علاش خرجت...خدمت الكرهبة...و خرجت لطريق رئيسي...نسوق و تفكيري بعيد برشا...اما في لحظة حسيت دم جمد في عروقي...و قلبي دق بالقاوي...غزرت لثنية نحكي
انا:لااا مستححححيل
حاولت اكثر من مرة نكبس عالفران اما منجمتش...يعني فرنات الكرهبة مقطوعين...دخلت بعضي...و انا نغزر لدورية الشرطة واقفة...و للاشارة لي لازم ناقف عندها...اما منجمتش...زدت في الفيتاس اكثر...و بعدت عليهم...غزرتلهم من المرايا...باز باش يلحقوني توا...اما تفكيري مش معاهم...تفكيري مع الكرهبة لمنجمش نوقفها...و لا نجمت نقص في الفيتاس...هزيت تليفوني...حطيت نومرو زياد و طلبتو...مرة و زوز و ثلاثة...و تركيزي مع الثنية...كنت باش نزل تليفون...اما في اخر لحظة هز عليا...يحكي
زياد:سواار شفما ياخي
انا:زيااد وينك
زياد:لباس ماهو كلمتني على هاذي انتي
انا:ياااخي وقت اسئلتك و تكبرك توا
زياد:سوااار شنية
دورت الكرهبة...باش مندخلش في ثنية مسكرة...و قصيت عليه نصيح
انا:فراانااات الكرهبة مقطوعين زيياااد
زياد:شنننية كيف
انا:منعرفش...منجمتش نتحكم في الكرهبة اكثر...و منعرفش شباش نعمل
زياد:وينك توا
انا:طريق ¤¤¤¤¤¤
زياد:باهي حاول تتحكم فيهاوقد ما تنجم...تو نخالط عليك باهي
انا:زياد كيف نجم نحبسها ياخي
زياد:متخاافش...انت ابقى في نفس الثنية...باش نجم نلحق عليك
انا:يعني مش باش تاقف مش هكا
سمعت صوت كرهبتو كي خدمها...و تنفس بالقاوي يحكي
زياد:سوااار متخافش...شي ماهو باش يصير عليك
حاولت نحبسها اكثر من مرة شي كل دقيقة تتعدا قاعدة نفقد التحكم فيها...كبست عالتليفون في يدي نحكي
انا:زيااد تنجم تكون هاذي نهااية
زياد:سواار يزي...شوية و نكون عندك...نحبك تبقى قوية...اتحمل شوية برك باهي
انا:شكون لي عمل هكا...شكون لي قطعهم
زياد:منعرفش انت جيست ركز مع الطريق...هيا عيش عزيزتي
انا:باااهي
طاح تليفون من يدي كيف دخلت بالكرهبة في طاولة الخضرة متاع راجل كبير...دورتها بالوقت...قلبي نحسو باش يخرج من بقعتو...للحظة حسيت لهوني باش تكون نهاية...اول مرة نرا الموت قريبة مني لهدرجة...دقايق صغيرة تفصل بينا...بيني و بين زياد و بين الموت...غمضت عينيا بالقاوي...كبست بيديا الزوز عالفولون و دورت الكرهبة...ضربة زوز نغزر للمريا...مفماش نلقاه خالط عليا اما شي...كل ما نبعد اكثر...يديا يرعشو و قلبي يدق بالقاوي...اصلا شكون عندو مصلحة يخمم انو يقتلني...زعمة ادم...اما علاش باش يعملها و انا ميتة بالنسبة ليه...حاسة بخوف كبير خوف ندرا كيف خفت برشا مش من الموت...و لا من اللي قاعد يصير اما خفت اني نموت و نمشي من الدنيا هاذي من غير ما ناخو حقي من كل حد ظلمني خفت كان تكون دنيا ظلمتني مرة اخرى و مش باش تنصفني المرة هاذي زادة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 77
زياد يحكي: نسوق بسرعة كبيرة...نحس في الكرهبة باش طير بيا...نسوق و قلبي نحسو باش يخرج من بقعتو...فكرة لانا منجمش نخالط عليها...خلاتني ننزل عالفولون اكثر...صوتها و هي خايفة خلاني نحس بخوف كبير...خوف اني نخسرها...نفس الخوف لي عشتو في الصغرة...منعرفش كيف لقيت روحي في نفس الثنية...محبيتش نكلمها باش منوترهاش اكثر...اصلا فما طريق وحدة برك و نجم نخالط عليها...انا اكاكا...و نحس بضربة قوية في الكرهبة...خلاتني نفلت الكرهبة شوية...دورت راسي...لشيرة لاخرى...نرا في كرهبة...تضرب فيا...ضربة يدي زوز عالفولون..نصيح
انا:ناقص ¤¤¤¤¤¤ هذا انا توا
كبست عالفولون اكثر...و ضربت كرهبتو...وخر لتالي شوية...زدت في الفيتاس...و بعدت عليه شوية...خالط عليا...نسمع في صوت رصاص من تالي...قاعد نلعب بالكرهبة باش مينجمش يصاوب عليا لحق معايا بالظبط...نزلنا البلار فرد وقت...غزرتلو...مغطي وجهو...تبسمت على جنب نحكي وحدي
انا:باش تقلبو عليا اللعب ياخي
نزلت يدي جبدت الفرد...رجع ضربني الكرهبة...يكرت عينيا من الوجيعة لي حسيتها في يدي...لا عااد مش باش نتحملك اكثر...اصلا معنديش وقت جملة نضيعو معاه...كملت نزلت البلار...قبل ما يصاوب عليا...نزلت يدي ضربت roue متاع كرهبتو على زوز مرات...و رصاصة لاخرى في بوات متاع ليصونص شاورتلو بيدي...و طلعت راسي غزرت للمرايا...نرا في كرهبتو كيف تقلبت لتالي...و تفجرت...كبست عالفولون اكثر...و زدت في الفيتاس...لمحت الكرهبة متاعها من بعيد تحاول تتحكم فيها...خالطت عليها...لين وليت معاها في نفس الخط...نزلت البلار نحكي
انا:سواااار
دورت راسها غزرتلي...وجها اصفر...و نظراتها ضايعين...رجعت غزرت لثنية...تحكي و تصيح باش نسمعها
سوار:زياااد اعمل حاجة امانك...معادش نجم نتحكم فيها اكثر
انا:سواااار بدل بلاصتك فيسع
سوار:هبلللت فاش تحكي انت
انا:اسمعني و متخافش انا باش نجم نسلكك كان اذا انت بدلت بلاصتك
سوار:باش تهرب بيا الكرهبة
انا:شد الفولون بيدك برك هياا سوار معادش وقت
غزرتلي ندرا كيف...وخرت لتالي شوية...و مشيت للشيرة لاخرى...هزيتلها براسي باش تبدل بلاصة...حسيت بخوفها...اما معنديش حل اخر...اول ما بدلت بلاصتها...غزرتلها نحكي
انا:حل الباب...فيسع
هزتلي براسها لا...و حاكمة الفولون بيدها...صحت فرد صيحة نحكي
انا:سوااااار
حلتها بالوقت...قربت منها شوية ضربت الباب مرتين لين طارت...هربت بيها الكرهبة شوية...شدت الفولون بيديها زوز رجعتها...طلعت راسي غزرت للقدام...قلبي دق بالقاوي...دقايق صغيرة تفصلنا على الحافة...دورت راسي غزرتلها...قربت منها عاللخر نزلت يدي حليت باب الكرهبة متاعي...و غزرتلها نحكي
انا:سوااار اعطيني يدك فيسع
سوار؛مننننجمش
انا:اعطيني يدك متخافش
قربت منها اكثر...مديت يدي ليها...غزرتلي متردة...هزيتلها براسي باهي نحكي
انا:هيااا سواار هيا متخافش
غزرت لثنية...و حطت يدها في يدي بالوقت...كبست علاها...قربت منها اكثر...جبدتها شوية...عاونتني...كيف رمات روحها...جبدتها بالقاوي...دورت الكرهبة و شديت الفران بالقاوي فرد وقت...تكات ظهرها عليا...تتنفس بالقاوي...حسيت بقلبها يدق بالقاوي باش يخرج من بقعتو...دورت راسي غزرت للكرهبة...لي طاحت من الجبل...كبست بيدها على يدي...خذيت نفس نحكي
انا:لبااس
هزتلي براسها لا...جبدت روحها مني...نزلت اللوطة...قعدت عالارض...و باقي تشوف في البلاصة لي طاحت منها الكرهبة...خذيت نفس...و خرجت من الكرهبة...نزلت عندها قعدت على ركبة و نص...حطيت يدي على خدها نحكي
انا:وفاات...وفاات
مرجعتليش.قربت مني اكثر...ترمات عليا...كبشت بيديها على سوريتي...و باقي تغزر لغادي...قلبها نحس بيه يدق بالقاوي في صدري كبست علاها نحكي
انا:وفااات عزيزتي...ارتاح
نسمع في صوتها خرج مخنوق...دوب يتسمع تحكي
سوار:ك كنت باش نموت
انا:شششش مستحيل كنت نخليك
نزلت بستها من راسها...ضيقت عينيا...كيف حسيتها رخفت شوية...بين يديا...جبدتها من عندي...عينيا وساعت و انا نرا في دم نازل من راسها...عرفتها لي ضربت روحها وقت جبدتها عندي...هزيت يدي نمسح فيه و نحكي
انا:سوااار تسمع فيا ياخي
سوار:مممم ه هزني من هوني امانك
انا:باهي هيا
كبست على كتافها بيديا زوز...وقفت ووقفتها معايا...جبدتها عندي...حضنتها اكثر...حطيت يدي على شعرها...هزت يديها زوز حطتهم على جنابي...و جبدت روحها شوية...غزرتلي تحكي
سوار:خفت برشا
هزيت يدي حطيتها على خدها...مسحت دمعتها لي نزلت نحكي
انا:وعدتك لمش باش يصير عليك شي...و حد ما ينجم يأذيك طول ما انا حي
هزتلي براسها باهي...هزيت يدي بالسيف...حطيتها على ظهرها...كبست علاها...خليتها عندي لين حسيتها هدات...نزلت بستها من راسها نحكي
انا:شرايك نمشو من هوني
سوار:باهي
جبدت روحها من عندي...جات باش تمشي...لنفس البقعة لي طاحت منها الكرهبة...شديتها من يدها وقفتها...كبست علاها...تلفتتلي...هزيتلها براسي لا نحكي
انا:ايجا
كبست على يدي اكثر...و قربت مني...مشيتها معايا...حليتلها الباب باش تركب...حبست تغزر للكرهبة...فهمت لهي تغزر لضربات لي علاها...عديت يدي على شعرها...و دخلتها سكرت الباب...خذيت نفس و خالطت عليها...ركبت قدامها...هزيت بابيي...مسحت الدم لي نزل على وجها...نحكي
انا:لباس توا
هزتلي براسها لا...و قربت مني...تكات على يدي...مزلت نحس بقلبها لي يدق بالقاوي...محبيتش نحكي معاها اكثر...نعرف لمزالت مصدومة...خدمت الكرهبة نسوق بالسيف...نحس في كتفي يوجع عاللخر...منعرفش...كيف نجمت نسوق...تركيزي الكل معاها...غزرتلها...حالة عينيها و ساكتة...مكبشة فيا بيديها زوز...بقينا طول الثنية ساكتين...لين وصلت لداري...ركيت الكرهبة في البركينغ...جبدتها من عندي شوية...نزلت...و مشيت من جيهتها نزلتها معايا...شديتها من يدها...نمشي فيها معايا...غزرتلها مش هوني جملة...منعرفش كيف وصلنا لفوق...دخلتها لصالة...و مشيت لبيتي...نحيت الفاست...و دخلت لبيت البانو...هزيت البوات فرماسي...ورجعتلها...لقيتها كيما خليتها...تغزر للبعيد...قربت منها قعدت عالطاولة مقابلها...هزيت يدي حطيت الكول عالجرح نعقم فيه...غزرتلي...و متهزتش حتى طرف...جيست تغزر لوجهي...حسيتها لضايعة كاني مش معاها جملة...نزلت يدي...باقي نشوف معاها...توحشتها برشا الفرخة...اما اخر شي توقعتو اني باش نعيش الحادثة هذيكا ليوم...كان مكلمتنيش...كان مخالطتش عليها...مستحيل تكون قاعدة قدامي توا...خذيت نفس نهرب في الافكار الخايبة لي جات لمخي...هزيت يدي دورتها على راسها...جبدتها عندي...بستها بجنب الجرح بوسة مرصوصة...حطيت خشمي على خشمها...منعرفش اذا قاعد نقوي فيها و لا نقوي في روحي...فكرة لانا كنت باش نخسرها...خلاتني ننقم اكثر على لي عملها...خذيت نفس من عندها...نحكي
انا:لباس توا
سوار:مانيش لباس يا زياد...خايفة برشا...شكون عمل هكا...شكون لي يحب يقتلني
انا:ششش معادش تفكر فيها الحكاية...انا الغالط من الاول خاطر خليتك وحدك
سوار:و انت زادة كانو باش يقتلوك مش هكا
انا:لا انساها الحكاية
سوار:ريتهم تراص الكرتوشة على الكرهبة...انت زادة كنت باش تموت
انا:سوااار...مش بالساهل نموت...و لا نخلي حد يأذيك...و ذكر ديما لانت باش تتعرض لبرشا مواقف هكا...و باش تظطر تواجهم...لازمك تكون قوية ديما...باهي
هزتلي براسها ايه...هزت يديها زوز دورتهم على رقبتي...حضنتني بالقاوي...كبست على ظهرها...نحكي
انا:هيا توا باش ترتاح
جبدت روحها لتالي...وجها اصفر...نعرف لمزالت خايفة...و مش باش تنسى الحكاية بالساهل...اصلا لتوا مش مصدق اني نجمت نخلصها...تكات لتالي...بقيت نشوف معاها...هزيت روحي جبتلها ملحفة...لقيتها ديجا غفات...قعدتها شوية نحيتلها الفاست و البوتس متاعها...غطيتها...و نزلت بستها من راسها...و هزيت روحي رجعت لبيتي...دخلت لبيت البانو...نحيت سوريتي بالسيف...حطيت يدي على كتفي و غزرت للمرايا...الاحداث بدات تعدا في مخي بالوحدة شكون من مصلحتو يخطط باش يقتلنا زوز فرد مرة...اللي عمل هكا...الهدف متاعو احنا زوز...و الحكاية معندهاش علاقة بخطف عماد من قبل...عقدت حواجبي...الحكاية كل يوم تتعقد اكثر...معادش نعرف صاحبي من عدوي...انك تكون في عالمين مختلفين...المافيا و الشرطة فرد وقت...متنجمش تعرف صحابك من اعدائك...كبست بيدي عالرخامة...مش باش نعديها الحكاية بالساهل...الا ما نوصل للي عملها...اما توا اكثر شي لازم نعملو اني نأمن حياة سوار...نعرف لمستحيل يخلوها في حالها...الا ما يحاولو مرة اخرى باش يأذوها...تعديت على اكثر من حادثة...اما لاول مرة حسيت بخوف...كل يوم و كل مرة و كل موقف يتعدا عليا...نتأكد لي سوار خذات بلاصتها في حياتي...و معادش نجم نرجع لتالي...و لا نخلي حد يقرب منها
سوار تحكي: حليت عينيا...على لمست يديو...لي تتعدا على خدي...غزرتلو...ورجعت سكرتهم...نحس في راسي باش يطرشق...و بدني مدقدق...خذيت نفس...وحليتهم...نزل بيدو على خدي اكثر...يبعد في شعري لتالي...قاعد عالطاولة...من غير مريول...جيست يغزرلي...و يعدي في يدو على خدي...حركت راسي شوية نحكي
انا:وين انا
تبسم بالوقت...و هز يدو حك لحيتو...يحكي
زياد:شنوة فقدت الذاكرة زادة
بقيت نغزرلو...قحرتلو...و هزيت روحي شوية...نحكي
انا:لا اما انت بالذات معادش نذكرك
زياد:صار يا فرخة...تحب نذكرك بحاجة اخرى
انا:زايد متحشمش
زياد:لا عزيزتي انت لي تفكيرك منحرف
انا:زياااد يزي...تاعبة راني
زياد:باهي كيف تحس في روحك توا
انا:راسي يوجع فيا برشا
زياد:تحب نهزك لكلينيك
انا:لا تو نمشي لدار نرتاح
زياد:باش تبقى هوني
انا:مش لازم...انا مليحة
هزيت روحي...تقعدت...حاولت باش ناقف حسيت بدوخة قوية...استندت بيدي على حرف الفوتاي...ووليت قعدت...متحركش من بلاصتو جملة...باقي يتبع في تحركاتي بعينيه...حطيت يدي لاخرى على راسي...وجيعة قوية برشا نحس بيها...نسمع فيه يحكي
زياد:باش تبقى هوني الفترة هاذي...لين نفهم شنية الحكاية...و شكون من مصلحتو يعمل هكا...و من توا لاكا الوقت...رد بالك تتصرف من راسك كيف عادتك و تخرب كلشي
طلعت راسي غزرتلو...قحرتلو قحرة متاع موت...قداش نفد منو كيف يبدا يتصرف معايا بالبرود هذا الكل...ناقص كان نتحملو انا توا...و نتحمل تفرعينو...هذا الكلام لي قاعد يدور في مخي و انا نغزرلو...شبك يديه...و عدا يدو على وجهي يحكي
زياد:سمعني..اللي قاعد تقول فيه
انا:شنية
زياد:وقت تبدا تغزرلي هكا...نعرف لي مخليت شي و قلتو عليا...ملا اختصر و قولو باش تبرد
عينيا وساعت و انا نغزرلو...تبسم على جنب...تي يتصرف عادي...كانو ما صار شي الصباح...و انا لتوا مرعوبة...و كل ما نسكر عينيا تتعدا الحادثة بين عينيا...طلع حاجبو...يستنا فيا نحكي...تبسمتلو بتبهليل و كبست بيديا على طرف الفوتاي...نحكي
انا:جععت
زياد:شنية
انا:جععت برشا...نحب ناكول توا توا
بقا يشوف معايا مستغرب...يستوعب في كلامي...قحرتلو نحكي
انا:شبيك مزلت تغزرلي جعت ماهو
ضيق عينيه...و هو يغزرلي...جا باش يحكي...قصيت عليه...كيف قربت منو عاللخر...ندز فيه باش يقوم...و نحكي فرد وقت
انا:زياااد هيااا فييسع والله جعت...باش نموت
مرجعليش...هز يدو شدني...من يدي جبدني...بقوة...جيت في حجرو...وجهي مع وجهو...كبس بيدو على جنبي...يغزرلي ندرا كيف...جيت باش نحكي...قص عليا يحكي بتمقصيص
زياد:مثبتة لمش قاعدة تتوحم
عينيا وساعت...حاولت نجبد روحي...كبس عليا اكثر...قحرتلو نحكي
انا:ياخي فاش تحكي انت
زياد:شيعرفني انا...اول مرة نرا وحدة تخمم في الماكلة لهدرجة
انا:تفرك فيهم عليا انت
ثبت في وجهي شوية...و نزل بعينيه شوية...هز يدو حطها على كرشي...قلبي دق بالوقت...متوقعتهاش الحركة منو...غزرتلو في عينيه...حرك يدو شوية فوق كرشي يحكي
زياد:لا...نحكي بالرسمي...ياخي زعمة متطلعش حبلة انتي
بقيت نغزرلو...يحكي و جابد بالمرتاح...حتى بعد الليلة لي عديتها معاه...مفكرتش فيها الحكاية جملة...منعرفش علاش قاعد يحكي هكا...هزيت يدي حطيتها على يدو نزلتها شوية نحكي
انا:لا مانيش حبلة
قبل ما يحكي...هزيت روحي وقفت..خرجت من الصالة نجري...دخلت لبيت البانو...لي في بيتو...استندت بيديا عالرخامة...نغزر لروحي...مستحيل يجي نهار و نعيشو الاحساس هذا...انا خسرت الحق هذا من اكا الليلة الخايبة...خاصة مع زياد...هزيت يدي نرعش...حليت السبالة...غسلت وجهي اكثر من مرة...طلعت راسي غزرت للمرايا...لقيتو واقف ورايا...محسيتش بيه كي العادة...قرب مني اكثر...لين معادش فما بينا مسافة...هز يدو دورها على كرشي...جبدني عندو...نزل عليا شوية...يحكي
زياد:شبيك
خذيت نفس...منحبش نبكي...نحب نواجه كلشي...من غير ما دموعي تنزل...طلعت راسي غزرتلو في المرايا نحكي
انا:كان صار و كنت حبلة...باش تخلي ولدنا يعيش...و لا تجبرني اني نقتلو كيما عملت مع ميرال
حسيت بيدو ترخفت شوية شوية على كرشي...غزرت في يدو...و طلعت راسي...غزرتلو في عينيه...في بالي باش يجبد روحو و يرجع لتالي...اما نزل بيديه زوز حطهم على جنابي دورني ليه...شدني من يديا زوز كبس عليهم...طلعت راسي غزرتلو...نسمع فيه يحكي
زياد:قتلك اكثر من مرة معادش تقارن روحك لا بميرال و لا بغيرها...و كان صار و صدقت الحكاية...مستحيل كنت نقتل ولدي...خاصة اذا كان منك...حط في بالك لانا منجمش نأذيك...مهما صار...و اي شي نعملو و يفسرو مخك العاطل بطريقتو...نعملو جيست خاطرني خايف عليك و كهو
بقيت نشوف معاه...جبدت يديا منو...و ترميت عليه حضنتو بالقاوي...سكرت عينيا...منحب حتى شي يبعدني عليه...خاصة توا...هز يدو حطها على شعري...يعدي فيها...و يحكي
زياد:طول ما انا معاك...متخاف من حتى شي...و ما تفكر في حتى شي...كلشي تحبو تعملو مسموح...ذكر لي حد ما ينجم يحاسبك...على اي شي...انا باش نبقى وراك ديما...و مستحيل حد ينجم يأذيك...حتى انا
كبست عليه اكثر...لين معادش بينا مسافة...نزل باسني من راسي...يحاول يطمني اكثر...كل مرة نلقى روحي نحبو اكثر...خاصة بعد اللي صار اليوم...و كلامو توا...متوقعتش لانا مهمة عندو لهدرجة...جبدت روحي شوية...طلعت راسي غزرتلو نحكي
انا:والله جعت انا
زياد:ههههه باهي خلينا نمشو للكوجينة ساعة
انا:امشي انت...انا باش نعمل دوش لاول
زياد:باهي ايجا ندوشلك قبل
انا:لااا انت باش تمشي تحضر الماكلة الاول
زياد:مممم باهي
بقبت نرا فيه...كيف خارج مش عاجبو الحال...تبسمت وحدي...هزيت روحي بالسيف للبانو...حليت السبالة...وقعدت على طرف البانو...نغزر للما...و تفكيري مع اللي صار صباح...كلشي تعدا بين عينيا...صورة الكرهبة و هي طيح من اكا الجبل لتوا محفورة في ذاكرتي...كان ملحقنيش زياد بالوقت..دباز مكنتش باش نعيش توا...كنت باش نموت...و توفا قصتي هوني...لا خذيت حقي من ادم...و لا عشت لي نحب عليه مع زياد...و مرة اخرى الموت قربت مني لدرجة كبيرة...و رجعت لتالي كيما كل مرة...معادش نستغرب...منعرفش قداش بقيت اكاكا...لين حسيت بالباب...فتح و دخل هو...غزرلي مستغرب...وقرب مني...يحكي
زياد:لباس ياخي شبيك قاعدة لتوا
طلعت راسي غزرتلو...هزيت يدي حطيتها في الما...نحكي
انا:كان ملحقتش عليا انت...مستحيل نكون عايشة توا
تبسم على جنب و قرب مني...قعد على طرف البانو مقابلني...هز يدو شدلي يدي يحكي
زياد:اعتبرها حلمة خايبة ووفات...معادش تفكر فيها...و متخليش حياتك تاقف على ليي صار اليوم
انا:كان انت مدخلتش لحياتي شنية كان باش يصير وقتها
زياد:بسيطة كنت باش ترجع لقرايتك و تكمل حياتك عادي...و بعد عشر سنين يولي عندك 3 صغار تربي فيهم...و منحكيش على حالتك...باش تفجع القريب و البعيد زادة و انا
انا:و انت شنية
زياد:كنت باش ندم برشا...خاطر ضيعتك من يدي...خاطر ما عشت معاك شي
هز يدو حطها على شعري...نزل بيها لتالي...و كمل يحكي
زياد:و مكنتش باش نعدي يدي على شعرك...و لا باش نرا ضحكتك...و لا باش نهبل من تصرفات متاع صغار لي تعملهم
قربت منو شوية...دورت يديا على ظهرو...حطيت راسي...على صدرو...وحضنتو بالقاوي...نحكي
انا:منجمش نستخايل حياتي من غيرك
هز يدو حطها على شعري...يحرك فيها...و نزل باسني من راسي يحكي
زياد:و انا زادة
جبدت راسي شوية...غزرتلو في عينيه...عوجت فمي شوية نحكي
انا:مش قتلي معاد فما شي بينا...غير الخدمة
هزلي براسو ايه...ضيقت عينيا...تبسم على جنب يحكي
زياد:ممم مزلت عند كلامي
انا:يعني معادش حاجتك بيا
زياد:بدينا في موال كل مرة
انا:جاوبني
زياد:من وين جيب فيهم الاسئلة هذوما انت
بقيت نغزرلو...باز ميحبش يجاوبني...جيت باش نقوم...كبس عليا بيدو...يحكي
زياد:قتلك امشي انا
انا:شمدخلك فيا
زياد:صار
انا:جعت و نحب ناكول
بقا يغزرلي...ندرا كيف...عامل فيا بلعاني...قحرتلو نحكي
انا:باش تبقى تغزرلي برشا انت
زياد:متتعبش من الهدرة انت ياخي
انا:كي هكا علاش مزلت متحملني لتوا
زياد:مجبور
انا:لا انت متحملني على خاطر
زياد:كمل
سكت...منحبش نغلط في الكلام اكثر...رجعت قربت منو...عاللخر...لين حسيت بالنفس متاعو على وجهي...غزرتلو نحكي
انا:خاطر تحبني مش هكا
نزل بعينيه لشفافي...عرفتو فاش قاعد يفكر...اول ما قرب مني...جبدت روحي لتالي...وقفت...و مشيت نجري...حبست عند الباب و تلفتلو نحكي
انا:املاك موقوفة مش هذا كلامك...ملا متنجمش تقرب مني
غمزتو وخرجت من البيت...منعرفش على روحي...كيف وصلت للكوجينة...جبدت الكرسي...وقعدت...قبل ما نحط لقمة في فمي...دخل يهز فيا و يحط...قعد مقابلني...معبرتوش جملة...غطست في الماكلة...قربتلو يدي نحكي و ناكول فرد وقت
انا:نحيلي ساعة هاذي
زياد:فاش قام تنحيها
انا:تقلقت منها هاني كل يوم حاطتها خاطر سيادتك
زياد:اكاكا كل حاجة امسحها فيا
يحكي...و ينحي في ساعة فرد وقت...قحرتلو نحكي
انا:مش انت لي عملتلي تاتو هذا بالسيف ياخي
زياد:معجبكش
انا:لااا
زياد:باهي مبعد نعملك واحد اخر
جبدت يدي منو...و طلعت راسي غزرتلو...نقحرلو و نحكي فرد وقت
انا:مستحيل
زياد:علاش
انا:اكاكا يوجع
زياد:باهي كمل كول بركا من الكلام زايد
انا؛زياااد
زياد:شنوة زادة
انا:زعمة لي قطع فرانات الكرهبة...شباش يستفاد من موتي
زياد:شتقصد
انا:يعني ميكونش لي اغتص
قص عليا...كيف قحرلي قحرة متاع موت...يحكي
زياد:لا مش هو...خاطر مينجمش يقرب منك مرة اخرى...انا ديما سابقو بخطوة...اللي عملها هدفو احنا زوز...و باللي عملو وصلي رسالة كاملة...و تحذير موثوق...باش ناخو احتيطاتي منو و انت معاد تفكر لا فيه لا في الحكاية هاذي جملة مفهوم
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 78
كمل كلامو...نطر الكرسي وراه...و هز روحو وقف...حطيت من يدي...و انا نغزرلو كيف خارج من الكوجينة...منعرفش علاش يتغشش لهدرجة...وقت نحكي على لي صار معايا...هزيت روحي خالطت عليه...دخلت لبيتو...لقيتو متسطح...حاط يدو تحت راسو و يغزر لسقف...خذيت نفس و قربت منو...طلعت عالسرير...تسطحت قدامو...حطيت يديا زوز على كرشي...نغزر لسقف زادة...و نحكي
انا:باهي باش ننساها للحكاية...و معادش نفكر فيها...و لا في حتى حد اخر...خاطر نعرف لانا في حمايتك...وواثقة فيك عاللخر...و حياتي ملكك انت و كهو...اما انا خايفة عليك زياد
دور راسو شوية غزرلي...ندرا كيف...قربت منو شوية...استندت على مرفقي...و هزيت يدي لاخرى...نعدي فيها على ضربة لي تحت عينو...و نحكي فرد وقت
انا:انا نخاف عليك اكثر من روحي...منجمش نتحمل فكرة لفما حد باش يأذيك...و لا يقرب منك...خاطر باش نعمل كيفك و اكثر...باش نحارب و نتعدا كلشي على خاطرك...على خاطر حبي ليك باش نعمل المستحيل صدقني
جا باش يحكي...قصيت عليه...كيف نزلت حطيت شفافي...على ضربة هذيكا...بستو بوسة خفيفة...حطيت يدي على خدو...باقي قريبة منو...غمضت عينيا بالوقت...منحبش نبعد عليه...حسيت بيدو لي تحطت على ظهري...جبدني ليه اكثر...حطيت راسي على كتفو...نسمع فيه يحكي
زياد:صار يا فرخة...تخاف عليا انت
انا:مممم و برشا زادة
زياد:متخافش طول ما انت معايا...مستحيل يصير عليا شي
انا:توعدني...لمهما صار باش ترجعلي
طلعت راسي...شوية غزرتلو...نستنا فيه يحكي...هز بدو بعدلي شعري...و طلع راسو شوية...باسني من خدي يحكي
زياد:وعد عزيزتي
تبسمتلو ندرا كيف...ضيق عينيه...جا باش يحكي...حطيت شفافي على شفافو...بستو بوسة خفيفة...و جبدت روحي لتالي...جبدني من يدي...في لحظة لقيت روحي تحتو...قربلي اكثر يحكي
زياد:على شنوة ناوية انتي
انا:شي
زياد:واللي عملتو توا
انا:ما عملت شي...جيست بستك كهو
زياد:كهو
انا؛مش انت مستانس تبوسني و انا ما نحكي شي
زياد:لا انا مستانس نعمل حاجات اكبر من هكا
انا:اعععععع متحشمش...سيبني راسي يوجع فيا
زياد:مممم توا بدا يوجع فيك هو
انا:لا من قبيل والله
زياد:باهي شرايك نحيلك الوجيعة انا توا
هزيت يديا زوز...دورتهم على رقبتو...جبدتو ليا اكثر...قربت من وذنو نحكي
انا:مممم اللي في بالك مستحيل يصير توا...منسيتش كلامك انا و انت معاقب...و كان تحب تنحيلي الوجيعة...خليني نرقد عندك
ضحك بالوقت...جبد روحي مني...ترما لتالي...عدا يدو على شعرو...يحكي
زياد:ملا تعاقب فيا لالة...ما فيباليش انا الغالط
قربت منو...تكيت عليه...وجهي..مع وجهو...غزرتلو ندرا كيف نحكي
انا:انت قلت مرة لانا متاعك...اما لا باش تقربلي..و لا باش تخليني...مشيت من غير ما تعرف شنوة لي حسيتو ساعتها...و لا شنية اللي عشتو...ملا انت زادة توا باش جرب اللي حسيتو انا وقتها...باش جرب
سكت و قربت منو اكثر...حطيت شفافي على شفافو بستو بوسة قوية...جبدت روحي منو بعضة خفيفة...و كملت كلامي
انا:المرغوب الممنوع
زياد:بو زينك يا فرخة كان نشدك
انا:هأة مش باش تشدني انت
تبسمت...و رميت روحي عليه...حطيت راسي على كتفو...حسيتو توجع...كيف تنهد بالقاوي...طلعت راسي غزرتلو مستغربة...نحكي
انا:لباس ماهو
زياد:مممم مليح ارقد
انا:لاا قولي شبيك
زياد:سوااار مش وقت تخرنينك
انا:مانيش قاعدة نخرنن...قولي شبيك
مرجعليش...هزيت روحي شوية...حطيت يدي على كتفو...كبست عليه...غمض عينيه بالوقت موجوع...تقعدت بالقدا...نغزرلو...حل عينيه يحكي
زياد:مش كانت باش ترقد
انا:شبيك موجوع
زياد:قتلك شي
انا:بسببي مش هكا...اصلا انت ديما تتضرب و نكون انا سبب
هز يدو حطها على يدي...جبدني عندو...كبس عليا يحكي
زياد:لباس عليا...متكبرش الحكاية برشا و ارقد
انا:يوجع فيك
زياد:سوااار
جبدت روحي منو...طلعت راسي غزرتلو...نحكي
انا:باش نوجعك اكثر...كان نبقى هكا
قحرلي قحرة متاع موت...نزلت بسناني على شفتي...ورجعت قربت منو...تعديت من فوقو...لشيرة لاخرى...تكيت عليه...تنهد بالقاوي يحكي
زياد:صحيتك هذاكا لي ناقص
انا:علاش مش هكا احسن
زياد:ايه احسن ارقد برك
انا:باهي
هزيت يدي حطيتها على كتفو...نعدي في صوابعي عليه...كبس عليا بيدو...تبسمت اصلا عندو برك نرتاح...لزيت روحي ليه اكثر...غمضت عينيا و غطست في النوم
زياد يحكي: غمضت عينيا...ورجعت 25 سنة لتالي...يومها البرد...و المطر خيطين من السما...نجري بكل جهدي...باش نوصل بكري لدار...مصدقتش لخرجت من المدرسة بكري...نجري على خاطر المطر...و خاطر امي وعدتني لهي باش تحضرلي الماكلة لي نحبها...اول ما وصلت دزيت الباب بيدي و دخلت...طلعت نجري في الدروج...حطيت كرطابلي عالكرسي...نمشي و نعيط على
امي في دار...استغربت لهي مرجعتليش...دزيت باب بيتها ودخلت...لقيتها قاعدة عالسرير وجها اصفر...قربت منها...حطيت يديا الصغار على يدها...باردة برشا...كبست علاها اكثر نحكي
انا:امي لباس
هزت يدها...حطتها على خدي...و هزتلي براسها ايه تحكي
امي:لباس عيش ولدي
نوقز تليفون الدار بالوقت...تهزت و تنفضت في بلاصتها...وقفت بالسيف...قربت منو...خطواتها رزان...مش فاهم شي جيست نتبع فيها بعينيا و كهو...هزت عليه...سكتت شوية...مبعد خرج صوتها مكبوس...تحكي
امي:حق ولدي حد ما ياخو...و اعمل لي تحب عليه
علقت عليه بقوة...لين تهزيت و تنفضت في بلاصتي...نغزرلها نحب نفهم اللي قاعد يصير...قربت من القارد روب...حلت صندوق صغير...منعرفش شنية لجبداتو بالظبط...قربت مني...نزلت على ساقيها زوز...لين ولات في طولي...حطت يدها على خدي...تحكي
امي:زياد اسمعني عيش ولدي...نحبك تحفظ كلامي بالقدا...نحبك تفهمني...و تعمل لي نقلك عليه
هزيتلها براسي باهي...مع اني مش فاهم جملة لي قاعد يصير...نزلت بيديها الزوز...كبست على يديا تحكي
امي:انا يمكن باش نمشي من هوني...و معادش باش نتلقاو جملة...يمكن اليوم اخر يوم لينا مع بعض
قلبي دق بالقاوي...و انا نحاول نستوعب في كلامها...غزرتلها في عينيها...خذات نفس...تخبي في غصتها و كملت تحكي
امي:نحبك تكون قوي...و ما تاثق في حتى حد في الدنيا...خليك ديما قوي و شي ما يهدك...كونك ديما كيما الاعصار...و متخاف من حتى حد...رد بالك على روحك و على خوك...رد بالك يجي نهار و تخسر خوك مهما كان سبب عيش ولدي...باش يجي نهار و تفهم كلامي هذا بالقدا...ذكر ديما لامك تحبك برشا...تحبك اكثر من روحها...انت احلى حاجة صرات في حياتي...نحبك و نموت عليك
بقيت نشوف معاها...فمي محلول شطر...هزت يديا زوز قربتهم من شفافها...تبوس فيهم و دموعها طايحين عليهم...من غير ما نفكر مرتين...ترميت علاها...دورت يديا زوز على رقبتها...حضنتها بالقاوي...حضنها دافي برشا كي العادة...كبست علاها بكل قوتي نحكي
انا:ا امي امانك متخلنيش وحدي...تعرف لانا نخاف برشا...انت وعدتني لمستحيل تخليني...علاش باش تمشي توا...نوعدك لمعادش نقلقك...و لا نتعارك مع ادم...عيش امي متخلنيش وحدي
نحكي و نلحلح بيها...صوت شهقاتها نحس بيهم في وذني...كبست عليا بيديها زوز...جبدت روحها شوية...باستني من وجهي الكل و يديا...عينيها ضايعين...خوف اول مرة نراه و نحس بيه...مع صوت الباب لي تحل اللوطة...عينيها وساعت...وقفت بالزربة سكرت باب البيت...و قربت مني...حلت يدها...حطتلي شركة في رقبتي بالزربة...و مفتاح صغير مع ورقة في يدي...تحكي بصوت قريب للهمس
امي:اسمعني عيش ولدي...رد بالك تنحي الشركة من رقبتك...و الورقة و المفتاح هذوما...اعطيهم لعمك صالح...و تو كي يجي الوقت هو يرجعهملك...و رد بالك تحكي لحد عليهم باهي...هذا سرنا الصغير
هزيتلها براسي باهي...قربت مني...باستني بوسة مرصوصة على خدي...و طلعت غطا السرير تحكي
امي:اتخبا هوني...ورد بالك تخرج...مهما صار و مهما سمعت رد بالك طلع صوت و لا تبكي
باقي نهزهلها في راسي...مش فاهم اللي قاعد يصير...كبست عليا تحكي
امي:اوعدني لباش تعمل اللي وصيتك عليه
انا:وعد امي
امي:نحبك برشا
انا:و انا زادة نحبك برشا
تبسمتلي...ورجعت باستني...قربت منها...بستها من خدها...و تخبيت تحت السرير...وخرت لتالي...و كبست عالورقة و المفتاح في يدي...بقات تشوف معايا شوية...هزت يدها مسحت دموعها...تبسمتلي وقفت...شفتها كي حلت الباب...نسمع في صوت خطوات قوية تمشي و تقرب...باقي نغزر لساقيهم كهو من تحت السرير...نسمع في امي تحكي
امي:شتعمل هوني انت
هو:انا عطيتك خيارين...و انت اخترت الثاني
امي:حق زياد حد ما ياخو...لا انت و لا حد غيرك
هو:متنساش لانا عندي فضل عليكم زادة
امي:انو فضل تحكي عليه...على وراقي لبلوكيتها باش تمنعني نسافر...و لا الثقة لي خنتها...انت اكبر واحد خاين شفتو في حياتي
عالكلمة هاذي...ضرب امي بكف...حسيت بقوتو في وذني...طاحت عالارض...جات عينها على عيني...نزلو دموعها بالوقت...تلكمت على روحي اكثر...عملتلي جاست باش نسكت...هزيتلها براسي باهي...نزل يدو شدها من شعرها...بقيت نثبت على تاتو لي في شكل افعى...لي مرسوم على يدو...كبس علاها اكثر...طلعها عندو...و دزها عالسرير...يحكي
هو:روزا روزا...بعد كل لي عملتو على خاطرك...تقولي خاين ميجيش ماهو
امي:باش تندم على لي عملتو الكل...و الورق لي تحب عليهم متنجمش تهزهم من غير توقيعي...و انا كان نموت مش باش نوقعهم...و شريط باش يوصل لسفارة...و ساعتها لا انت و لا نفوذوك...و لا معارفك اللي في البلاد باش يسلكك من اللي باش يصير عليك...واحد خاين و قاتل كيفك...مصيرو الحبس و لا الموت كهو
نسمع في امي تحكي...و مش فاهم شي...قلبي يدق بالقاوي...و بدني بارد عاللخر...خاطر دنيا برد...نسمع في صوت ضحكاتو لي عبات البيت...نسمع فيه يضحك...و انا نغزر لصباطو الاكحل لي يلمع...قرب من امي يحكي و يضحك
هو:هههههه خوفتني يا روزا...يا الوردة الجورية...في بالك عندك وقت باش تعيش لساعتها
عينيا وساعت من كلامو...فهمت كلامو تالي...فهمت لهو يحب يقتل امي...كنت باش نخرج اما وعدتها...و نبهتني اكثر من مرة...حطيت يدي على فمي...و انا نسمع فيه يكمل في كلامو
هو:امااا قبل ما نقتلك...باش نذوق الوردة الجورية...باز مش باش نخليها في قلبي...من اول نهار ريتك...و انت حبلة...سكنتلي في مخي...خطوات صغيرة كانت تفصلني عليك...اما بالنسبة لوحدة كيفك مش باش تمنعني...مش هكا روزا...حتى انت في بلادك كنت جرد نادلة في بار مش اكثر
امي:اما كنت اشرف مني اني نغزر لواحد مسخ كيفك...و كان تعيش الف سنة مستحيل...تكون كيفو جملة...و لا باش تعيش كيما هو...انت تغير منو...و باش تبقى تغير منو...لين تموت
هو:ملا خليك جرب شكون احسن انا و لا هو
غزرت للفاست متاعو لي رماها عالارض...و قرب بالزربة من السرير...حاولت امي دزو اما كان اقوى منها...تضرب فيه و تصيح
امي:سييييبني يا كلب...يا ساقط يا واطي
مرجعلهاش...للحظة سكتو الزوز...كان شهقات امي...لي عبات البيت...في لحظة اخرى صاحت فرد صيحة...و باقي تصيح...هزيت يديا زوز سكرت وذنيا...بكل قوتي...منحبش نسمع صياحها...و لا صوت السرير لي قاعد يتهز فوقي بقوة...غمضت عينيا...كانت اقوى لحظات عشتها في حياتي...و انا عمري سبع سنين كهو...بدني جمد عالارض...صياح امي قوا في وذني...حليت عينيا على صوتها لي سكت...غزرتلو كيف نزل من السرير...هز الفاست متاعو ريقل روحو...حاولت نسمع صوت امي مفماش...سمعتو يحكي
هو:مش باش ننسى اللحظات هذوما يا روزا...انا زادة حبيتك برشا...متنجمش تتوقع قداش حبيتك...و هو فكك مني...انت عرفتني قبلو...اما اخترتو هو...منت ديما لناقف معاك...اما كنت تجري وراه...خليت بلادك على جالو زادة...مش باش نندم على لي عملتو فيك...و مش باش نخليك عايشة زادة...اما نوعدك لباش نبقى نحبك لاخر نفس في حياتي
تهزيت و تنفضت على صوت الكرتوشة...قلبي نحسو باش يخرج من بقعتو..و غصة واحلة في حلقي...بقيت نغزر لساقيه لين خرج من البيت...غزرت ليد امي لي طاحت من السرير...و الدم يقطر منها...يطيح عالارض بالقطرة...نتبع فيه بعينيا...و هو ينزل بين صوابعها...كبست على يديا زوز...ووخرت لتالي اكثر...كهو نغزر لدم لي نازل...منجمتش نخرج من البقعة هذيكا...و لا كانت عندي جرأة كافية باش تغلب خوفي...احساس خايب برشا...ووجيعة قوية تحفرت في قلبي...لا باش ننجم ننسا لي صار...و لا باش يجي نهار نخرج من البقعة هذيكا...مزال اكا الطفل الصغير لي داخلي...مخبي ببقعة مظلمة تحت السرير...و مهما عملت منجمتش نخرج من غادي...و لا ننسا الاصوات هذيكا...و لا الكلام لي سمعتو الكل
حليت عينيا...و خذيت نفس بالقاوي...هزيت يدي عديتها على تراب امي...عديتها على كل شبر من ترابها...نعدي فيها و دموعي على خدي...نعدي فيها...و انا بروح متاع طفل عمرو سبع سنين...خسر امو بابشع طريقة...نعدي فيها بوجيعة عندها 25 سنة...وجيعة تحفرت في قلبي...و غطا علاها الزمان...طلعت راسي...و كبست على سناني...كبست بيدي عالتراب...غزرت لاسمها بوجيعة و قوة فرد وقت...خذيت نفس نحكي
انا:امي...امي الغالية...تعدا برشا وقت...كل يوم و كل ليلة وجيعتي قاعدة تكبر يا روز...حاولت قد ما نجم...اما اكا نهار تحفر داخلي...يا ريت مشينا من هوني...يا ريت نجمت نعمل حاجة على خاطرك ساعتها...لتوا 25 سنة يامي...و انا منجمتش ناخو حقنا منو...منجمتش نوصل ليه...نحس في روحي باش نهبل...صدقني...كل يوم يتعدا ننقم على روحي اكثر...سوار كهو لي مصبرتني...صدقني نحبها...اما منعرفش كيف نتصرف معاها...تعبت برشا...تعبت و معرفتش شباش نعمل...اما نوعدك...نوعدك باش يوفا كلشي على قريب...باش يوفا كلشي...باش نقتلو بيدي...باش نخليه يخسر دمو بالقطرة بالقطرة...لين يموت...شوية برك...و يوفا كلشي...يوفا الكابوس...متاع السنين هذوما لي تعدات الكل
هزيت يدي بالسيف...مسحت دموعي...ووقفت...نكركر في ساقيا بالسيف...هذا اخيب نهار يتعدا عليا كل سنة...في نفس النهار هذا انا خسرت امي...في نفس النهار هذا حياتي تبدلت...في نفس النهار هذا كبرت برشا...و عمري سبع سنين اما داخلي كبرت...وصلت للكرهبة...تكيت علاها...نغزر للمقبرة من بعيد...برشا اسرار مدفونين هوني...سر امي و حنان...وقبر سوار الفارغ...برشا الغاز باش تتحل من هوني...طلعت راسي غزرت لسما لي غيمت...للمطر لبدات تصب...حليت الباب و ركبت...نسوق...و تفكيري بعيد برشا...راسي نحسو باش يطرشق...الاحداث قاعدة تتعاود في مخي...بالوحدة...عزيت يدي نزلت البلار...خاطر حسيت روحي تخنقت...منعرفش كيف وصلت للبار...ركيت الكرهبة كيما جا...و نزلت...قربت من الكنتوار...طلبت كاس شربتو فرد مرة...هزيت يدي طلبت اخر...نحب ننسا...نحب ننسا و كهو...منعرفش قداش شربت بالظبط...دورت راسي...نغزرلها...واقفة قدامي بالظبط...منعرفش امتى جات...و كيف خالطت عليا...هزت يدها...حطتها على رقبتي...من تالي...تعدي فيها و تحكي
ميرال:زياااد عزيزي...شبي حالتك هكا
انا:شتعمل هوني انت
نزلت بيدها ليدي...كبست عليا...و غزرتلي في عينيا تحكي
ميرال:متسألنيش...انا تعبت برشا باش وصلت ليك...تعبت و انا نجري وراك
تبسمت على جنب...هزيت الكاسة شربت منها شوية...و حطيتها بغزول نحكي
انا:مزال باش تتعب برشا...اصلا حياتي من بكري تاعبة...و اي حد يدخل لحياتي باش يتعب برشا
ميرال؛زياد شرايك نمشو من هوني
انا:مممم برا من هوني انت...ميهمكش فيا
ميرال:اما
قصيت علاها كيف بعدتها بيدي...و تلفت عندها نغزرلها...قربت مني شدتني من يدي تحكي
ميرال:ايجا نقعدو هيا امانك
منجمتش نستوعب اللي قاعد يصير...هزيتلها براسي باهي...و مشيت معاها...ترميت عالفوتاي غادي...و هزيت الكاسة باقي نشرب منها...و صوت امي يتعاود في وذني...قربت مني عاللخر...قعدت على حجري...هزت يدها...تعدي في صوابعها تحت عيني و تحكي فرد وقت
ميرال:صدقني باش يوفا كلشي...و انت باش توصل للقاتل...و معادش باش تعيش الوجيعة هاذي
بقيت نغزرلها و كهو...قربت من عاللخر...باستني بوسة خفيفة...و جبدت روحها كملت كلامها
ميرال:باش يرجع كلشي كيف الاول...انا و انت...باش نعيشو حياة هادية بعيدة عالكل
جيت باش نحكي...سكتتني كيف نزلت باستني...و المرة هاذي اكثر من الاول...ما حسيت بشي معاها...غمضت عينيا بالقاوي...تعدات صورة سوار بين عينيا...فتحتهم بالوقت...و هزيت يديا كبست على جنابها...وقفتها...ووقفت في جرتها...نحكي
انا:شي ماهو باش يرجع
ميرال:زياااد يزي شبيك تبدلت جملة
انا:يزي ميرال يزي...مش ناقصك انا توا
ميرال:باهي برا عندها...اصلا معادش نستغرب الحكاية...الحق عليا خاطر حبيت ناقف معاك في نهار هذا...سامحني
خذيت نفس...و انا نغزر لعينيها لي مدمعين...هزيت يدي بالسيف حطيتها على كتفها كبست علاها نحكي
انا:مانيش بحاجة حد...معادش تعب روحك معايا ميرال...انت كهو لباش تتضرر في الحكاية
ميرال:و هي زادة باش تفد منها كيفي
نزلت يدي علاها...مرجعتلهاش...خليتها واقفة في بلاصتها و تلفت...نمشي و تفكيري عندها...مش باش نفد منها...مش باش ننساها...و لا باش نعيش من غيرها...حمل الدنيا الكل اللي نحس في روحي هازو توا...هي كهو اللي قاعد نفكر فيها...و هي كهو اللي نجم ننسا وجيعتي معاها...هزيت كرهبتي بالسيف...دايخ من الشراب...اول ما خدمتها...دورت راسي غزرت لميرال...لواقفة تغزرلي من بعيد...منعرفش اذا بالحق غلطت في حقها و لا لا...اما منجمش نبقى معاها اكثر...منجمش نخون حبي لسوار...لاكا الطفلة الصغرونة لي حبيتها...منحبش نحاسبها...و نغلط في حقها فرد وقت...نحب نتبدل على خاطرها...يكفي لهي معايا و ليا...و الباقي ميهمنيش...ميهمنيش شنية لباش يصير...و لا لي يحب يأذيني...يكفي لانا عندي سبب باش نحب الحياة على خاطرو...لفت وجهي...خذيت نفس...وخدمت الكرهبة...نسوق بالسيف...منعرفش كيف بقيت كابس عالفولون...و شاد الثنية الصحيحة...اصلا منعرفش على روحي...كيف وصلت لداري...ركيت الكرهبة في البركينغ...دنيا ظلمة...تكيت لتالي...نحس في روحي محبوس في البقعة هذيكا...وسط ظلام قوي برشا...منحبش نبقى فيه اكثر...و لا نحب نعيش فيه...يزي كهو تعبت منو برشا...رميت يدي فتحت باب الكرهبة و نزلت...نحب نمشي لدار...نحب نرتاح...نحب نرا وجها...مفماش ننسا شوية من اللي تعدا عليا...و نحي الافكار الخايبة اللي كبست على مخي...نحب نرتاح برك...نرتاح و كهو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 79
سوار تحكي: واقفة بحذا الشباك...نغزر لبرا...طاح الليل...الدنيا باردة...قلبي نحسو باش يخرج من بقعتو...مش مهنيني حتى طرف...منعرفش علاش لزياد مش مليح...منعرفش من فين جاني الاحساس هذا...من الصباح رايحة جاية في دار...اصلا مشفتوش كيف خرج...و لا عندي تليفون باش نكلمو...من بارح مش قد بعضو...حتى الحادث لي صار مكانش مقلق منو
لهدرجة...بالعكس تصرف عادي و كانو شي ما صار...و مخليني هوني جيست باش ياخو احتياطاتو و كهو...حتى اليمات لي عديتهم معاه...تصرف معايا عادي...جيست البارح...تفكيرو بعيد...حتى من الكلام كلمة و قص...متأكدة لموجوع من حاجة اما منعرفش من شنوة...هزيت يدي حطيتها على قلبي نهدي في روحي...نغزر من الشباك البلاصة عالية و الظلام...منجمش حتى نرا كرهبتو...انا اكاكا و نسمع في صوت الباب باش يفتح...قلبي دق بالقاوي...خرجت من الصالة بالزربة...وقفت نغزرلو كيف حل الباب...ودخل سكرها بساقو...باقي واقف عند الباب...طلع راسو غزرلي...باقي يثبت فيا...يهز فيا و يحط...لميت ساقيا لبعض من غير ما نشعر...منعرفش علاش خفت من نظراتو... من عينيه لحمورا دم...حالتو متعجبش جملة...خذيت نفس و قربت منو...نمشي بالسيف...وقفت قدامو بالظبط...هزيت يدي..قربتها منو...شديتو من يدو من غير ما نكبس عليع...باردة عاللخر...طلعت راسي...غزرتلو في عنيه نحكي
انا:زياد وينك لتوا ياخي
مرجعليش...هز يدو...حطها على خدي...يعدي في صوابعو...من غير حتى كلمة...عقدت حواجبي و كبست على يدو نحكي
انا:لباس ماهو
هزلي براسو ايه...و جبد روحو مني...تلفت نغزرلو...داخل لصالة...اول مرة نراه في الحالة هاذي...خذيت نفس و خالطت عليه...دخلت وراه لقيت الفاست عالارض...مفاتحو و تليفونو عالطاولة...مرمي عالفوتاي و متكي لتالي...نزلت هزيت الفاست متاعو في يدي...طلع راسو غزرلي ندرا كيف...كبست على الفاست في يدي...نغزر لاي بلاصة كان وجهو...خاصة و هو مش قد بعضو هكا...دورت عينيا شوية غزرتلو نحكي
انا:تشرب حاجة
زياد:لا برا لبيتك انت
صوتو خرج رزين برشا...عرفت منو لهو شارب...وخرت خطوة لتالي...هز روحو وقف...قرب من طاولة الشراب...جبد دبوزة و كاسة...لا عاد ميكفيش لي شاربو باش يزيد علاها توا...حطيت الفاست عالفوتاي...و قربت منو...اول ما قرب الكاسة باش يشرب منها...فكيتها من يدو...نزل راسو...قحرلي قحرة متاع موت...بالعادة مستانسة بتقحيرتو...اما توا مت رعبة منها...كبست عالكاسة في يدي...و تقويت على روحي...نحكي
انا؛يزي كهو...انت شربت برشا
تلفت عندي...وقف مقابلني بالقدا...نزل عليا شوية...لين جا وجهو مع وجهي...حسيت بالنفس متاعو سخون...ضحك ندرا كيف...يحكي
زياد:علاش خفت عليا انت
هزيتلو براسي ايه...تبسم على جنب...و طلع يدو...حطها عالكاسة فكها من يدي...ووقف شربها فرد مرة...و تلفت عبا كاسة اخرى...ركبني العصب...مش معبرني حتى طرف...قبل ما يحط الكاسة في فمو هزيت الدبوزة في يدي و رميتها عالارض...حط الكاسة من يدو و تلفتلي...يهز فيا و يحط...وخرت خطوة لتالي...قحرلي يحكي
زياد:شنوة لي عملتو توا
انا:اللي لازم نعملو من الاول...يزي كثرت من الشرب راك...و شبي حالتك هكا
زياد:شمدخلك انت...شكونك انت باش تدخل في حياتي
كلامو روهجني...حسيت بدموعي باش ينزلو...خذيت نفس...وطلعت راسي غزرتلو في عينيه نحكي
انا:عندك الحق شكون انا...باش ندخل في حياتك...حتى شي...انا و لا شي بالنسبة ليك...اصلا و لا مرة حسستني لانا مهمة عندك
سكت شوية...نحس في الكلام هرب مني...اصلا منعرفش شنية لي قاعدة نحكي فيه...جيست نحب نلومو و كهو...خذيت نفس و كملت كلامي...نحكي
انا:حتى في الحالة هاذي...اناني و متكبر...و مستحيل تتنازل...كلشي تتصرف فيه بانانية...حتى حبك ليا اناني...يزي كهو تعبت منك انا
كملت كلامي...و هزيت يديا زوز...عديتهم على وجهي...شادة دموعي بالسيف...قرب مني لين معادش فما بينا مسافة...جا باش يحضني...حطيت يديا زوز على صدرو...دزيتو بالقاوي نحكي
انا:تييي ابعد...متقربش مني
جبدت روحي منو بالزربة...و تلفت نجري...دخلت لبيتو...وقفت في نص نتنفس بالسيف...منحبش نبكي...منحبش نضعف...اما قلبي دم عليه...نعرف لهو موجوع من حاجة...حالتو متعجبش جملة...كانو ميعرفنيش..و في لحظة نظرتو ولات حنينة...و هو يغزر لدموعي...نحب نولي عندو...و نخليه يحكي بالسيف...اما في حالتو هاذي...باش يطرشق في وجهي...دورت عينيا عالبيت...منعرفش كيف باش نمشي نرقد و نخليه...بقيت متردة بين نمشي عندو...و لا نشد بلاصتي...منعرفش قداش بقيت و انا واقفة غادي...احسن شي باش نرجع عندو...قبل ما نتلفت حسيت بيه كي دخل...كيف دز الباب بيدو...قلبي دق بالقاوي...منحبش نتلفت عندو...حسيت بخطواتو و هو يقرب مني...قربت من القارد روب بالزربة...نحب نهرب منو...حليتها نغزر للدبش متاعو...اصلا منعرفش علاش حليتها...حسيت بيه واقف ورايا بالظبط...هز يدو حطها على شعري...نحالي الشكال....طاح على ظهري...سكرت عينيا بالوقت...نزل بيديه حطهم على جنابي دورني عندو...محبيتش نطلع راسي...هز يدو سكر القارد روب ورايا...و يدو لاخرى حطها على خدي من تالي يعدي في صوابعو...طلعت راسي غزرتلو شوية...ونزلتو...رجعلي شعري لتالي...و نزل عليا اكثر...حسيت بالنفس متاعو على وجهي...نزل عليا اكثر...حط شفافو على رقبتي...غمضت عينيا بالوقت...قلبي نحسو باش يخرج...باسني بوسة خفيفة...و جبد روحو شوية...باسني من خدي...و قرب يحكي في وذني
زياد:سامحني
طلعت راسي بالوقت...غزرتلو في عينيه...يغزرلي ندرا كيف...السخطة هذا...منعرفش اذا باش نقرب منو...و لا نهز روحي و نمشي...نزل شدني من يدي كبس علاها يحكي
زياد:سوار منقصدش لي قلتو قبيل
صوتو رزين عاللخر...منعرفش كيف واقف قدامي...و يفسرلي في تصرفو...هزيت يدي بالسيف حطيتها على خدو نحكي
انا:شبيك...شنوة اللي صار
جبدني عندو اكثر...لين معادش فما بينا مسافة...دور يدو على ظهري...حضني بالقاوي...كبس عليا يحكي
زياد:تاعب برشا...انا بحاجتك معايا سوار
صوتو خرج مخنوق عاللخر...نزلو دموعي بالوقت...هزيت يدي بالسيف دورتها على ظهرو...كبست عليه نحكي
انا:شصار عزيزي...شبي حالتك هكا
مرجعليش...باقي يعدي في يدو على شعري...جبد روحو شوية...هزيت يدي...كبست على يدو...و طلعتها عندي...حطيتها على قلبي...و كملت نحكي
انا:قلبي موجوع...يوجع فيا خاطر انت زادة موجوع
هزيت يدي لاخرى...حطيتها على خدو...غزرتلو في عينيه...و كملت كلامي
انا:زياد انا نحبك برشا...و باش نبقى معاك ديما...نعرف و حاسة للحكاية اكبر ببرشا انك تحكيها...اما يكفي لانا قاعدة نحس بيك
بقا يغزرلي...نزل عليا شوية باسني من راسي بوسة مرصوصة...حطو يدو على خدي يبعد في شعري لتالي...يحكي
زياد:انت زادة باش يجي نهار و تخليني
هزيتلو براسي لا...يحكي و برك مش فاهم شنوة يحب بالظبط...ندرا قداش من كاسة شربها...جا باش يبعد...كبست على يدو نحكي
انا:زياد امانك
غزرلي ندرا كيف...باقي يثبت في وجهي...تنفس بالقاوي...حطو يدو على خدي يحكي
زياد:اللي نحبو باش يجي نهار و يمشي...و انت زادة كيفهم يا سوار...الناس اللي دايرة بيا الكل...باش تعيش موجوعة في جرتي...امي ماتت في جرتي...و انت باش تعمل كيفها
كمل كلامو و جبد روحو لتالي...تلفت باش يمشي...وقفتو نحكي
انا:لااا مانيش باش نمشي...مانيش باش نمشي يا زياد...اما كان خليتني وقتها بالحق باش تخسرني
تلفت على كلامي تالي...غزرلي ندرا كيف...بقيت نتنفس بالقاوي...و انا نغزرلو...منعرفش قداش بقينا واقفين اكاكا...قرب مني خطوة...متحركتش من بلاصتي...و منزلتش عينيا عليه...حط يدو على جنبي كبس عليا...وخر بيا لتالي...لين لصقت في القارد روب...نزل عليا شوية...حط خشمو على خشمي...يحكي
زياد:مش المرة هاذي يا سوار...انا مستعد نهد الدنيا كان نخسرك
يحكي و ينزل بيدو على جنبي اكثر...منعرفش شقصد من كلامو بالظبط...تهديد...حب...و لا تنبيه على اللي باش يصير مبعد...قال كلامو بقوة و غل لدرجة منجمتش نعرف المعنى وراه...جيت باش نحكي...قص عليا كيف نزل على شفافي بقوة...سكرت عينيا و خليتو...محاولتش ندزو...و لا نبعدو عليا...نعرف مش قد بعضو...و اي حركة رفض صغيرة نقوم بيها توا...باش يفهمها بالعكس...هزيت يدي حطيتها على رقبتو من تالي...و جبدتو ليا اكثر...بعد عليا شوية يحكي
زياد:و كان انت لي باش تخليني...وقتها نقتلك
كبشت فيه اكثر...قربت منو عاللخر...نحكي
انا:و كان صار و انت لي خليتني...شباش نعمل انا وقتها
دور يدو على ظهري...كبس عليا...و غزرلي يحكي
زياد:وقتها باش تعيش على خاطري
انا:شتقصد
زياد:اذا صار و خليتك...انا معادش باش نكون في الدنيا هاذي
انا:معندكش حق باش تمشي...حياتك ملكي
تبسملي ندرا كيف...و هزلي براسو ايه...هزيت يديا زوز حطيتهم على وجهو...و كملت نحكي
انا:شنية لي يوجع فيك...خبرني نحب نرتاح
زياد:انا انا
انا:احكي
زياد:انا خسرت امي في اليوم هذا
غمضت عينيا بالقاوي...نزلو دموعي بالوقت...نعرفو الاحساس هذا بالقدا...حليت عينيا...غزرتلو...عينيه مدمعين...اول مرة نراه في الحالة هاذي...الكلام هرب مني...جيست نغزرلو...جبد روحو مني...قعد على طرف السرير...و حط راسو بين يديه...و كمل يحكي
زياد:نكره الجو هذا...نكره المطر...و الصياح...نكره الظلام...و البرد...الحاجات هذوما الكل يذكروني بامي...يذكروني باللي صار
قربت منو عاللخر...قعدت على ركايبي قدامو...حطيت يديا الزوز على يديه جبدتهم شوية...جا وجهو مع وجهي...قربت منو عاللخر...بستو من خدو...و حضنتو بالقاوي...نبكي و نحكي فرد وقت
انا:باش يوفا العذاب هذا يا زياد...باش يجي نهار و تتذكر امك كان بالباهي
هز يدو دورها على ظهري...كبس عليا...بكل قوتو...منعرفش قداش بقينا اكاكا...جبدت روحي شوية...طلعني عندو...قعدت على حجرو...كبس عليا...و هز يدو لاخرى...يمسح في دموعي و يحكي
زياد:انت احلى شي صار في حياتي بعد امي
بقيت نغزرلو...عمري ما توقعت اني باش نسمع الكلام هذا منو...نزلت بستو من خدو...دور وجهو بالوقت...غزرلي..و نزل بعينيه لشفافي...قربلي اكثر...غطس في شفافي...عكس المرة الاولى...رجعني لتالي من غير ما يبعد عليا...فهمت الحركة متاعو بالقدا...و لثاني مرة سلمتلو روحي...من غير كلام بينا...خليتو يفرغ وجيعتو الكل فيا...محاولتش نبعو حتى طرف...رغم الوجايع الكل...حسيت بحبو ليا...نسيت كلشي كلامو متاع قبل...نسيت ادم...و نسيت لباش يصير...نسيت الممنوع و الحرام...يكفي لي نحس فيه معاه...يكفيني حبي ليه...حتى اذا كان يوجع لهدرجة...جبد روحو مني...بقيت في بلاصتي...منجمتش نتحرك حتى طرف...في بالي باش يقوم...و لا يعمل اي شي اخر...اما الحركة متاعو فاجأتني...هز الغطا علينا زوز...و قرب مني عاللخر حط راسو على صدري...و حضني بيديه زوز...هزيت يدي بالسيف...غرستها في شعرو...نعدي فيها...لين حسيتو هدا...نزلت راسي...لقيتو غطس في النوم...عكسي انا اللي عديت الليل الكل فايقة...عمري ما توقعت اللي حادث امو باش يهدو لهدرجة...فهمت لهو كان سبب في موت امو...اما منعرفش شنية الحكاية بالظبط...اصلا متوقعتش...لهو باش يكون معيا في نهار كيف هذا...حتى تحضينتو ليا...عكس العادة...باقي نعدي في يدي على شعرو...و نشم في ريحة برفانتو لي مخلطة بالشراب...لين بدا نهار يطلع...ونعاس غلبني...و هزني نوم معاه
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 80
زياد يحكي: حليت عينيا شوية...ورجعت سكرتهم...نحس في راسي رزين باش يطرشق...اما فرد وقت حاسس براحة...مرتاح خاطرني بين يديها...فرخة صغيرة...دخلتني لعالم كبير...عالم منعرفوش من قبل...و لا حاولت اني نجربو...كل عام الليلة هذيكا نعديها وحدي...و لا مرة نجمت نخرج كلمة...من الكلام لي واحل في صدري...حتى لبابا و ادم...و لا مرة بينت ضعفي لحد...و لا تنازلت نخرج كلمة...اما تنازلت و انا نغزر لعينيها...لخوفها
عليا...قوتي الكل طاحت قدامها...هربت من روحي ليها...في وسط سكرتي كنت حاسس بيها...حسيت بقربها...حسيت باللي عشتو معاها...لثاني مرة هزتني لبعيد...و خلاتني نعيش نفس الاحساس...طلعت راسي شوية...غزرتلها...محضنتني...و غاطسة في النوم...تنهدت بالقاوي...بستها من خدها...بوسة مرصوصة...و جبدت روحي شوية...استندت على مرفقي...غطيتها...و سرحت في وجها...في كل تفصيل فيها...ذكرت اليمات لاولى كيف كانت تتصرف...كيف كانت هادية...ساعات نقول لمستحيل تكون هي...اصلا ساعات نحير في روحي كيف و امتى حبيتها...في لحظة سكرت عينيا بالقاوي...فكرة اني باش نخسرها...و لا معادش باش تكون ليا...خلات قلبي يدق بالقاوي...حليت عينيا...جرد فكرة سكرت عليا النفس...هزيت روحي بالزربة قعدت على طرف السرير...حطيت يديا الزوز على شعري...عديتهم بالقاوي...لبست دبشي كيما جا...و دخلت لبيت البانو...سيبت الما على روحي...مفماش نرتاح...اول ما كملت...لفيت المنشفة وخرجت...دوب حليت الباب...غزرتلها...تتحرك في بلاصتها كانها تحب تهرب من شي...عقدت حواجبي و قربت منها...قعدت على طرف سرير....عرقانة عاللخر...تحب تفيق...تهتري وحدها
سوار:س سييبني...سيبني
هزيت يدي حطيتها على وجها...نعدي فيها و نحكي
انا:سوااار...سواار فيق
سوار:لااا امانك...سيبني
صوتها مخنوق بالبكا...تحب تسلك روحها من شي...نزلت بيدي لزندها نحرك فيها و نحكي
انا:سواار...سواار
سواار:لاااااا
حلت عينيها و صاحت فرد صيحة...نطرت من بلاصتها جات قاعدة...قربت منها شوية...حضنتها نحكي
انا:ششش وفاات
هزت يديها زوز...سكرت وذنيها بالقاوي...تحكي و تبكي فرد وقت
سوار؛رجع...هو رجع...انا ريتو...ريتو...عمل فيا نفس الشي
كبست علاها بيدي...و هزيت يدي لاخرى غرستها في شعرها...سكرت عينيا بالقاوي...انا سبب في حالتها هكا...انا لي خليتها تذكر لي صار مرة اخرى...دموعها لي حسيتهم سخونين على صدري...حرقوني...فكرة اللي هو باش يبقى بينا...خلاتني ننقم على روحي اكثر خاطر منجمتش نوصلو لتوا...كبست علاها اكثر...حليت عينيا بالوقت نحكي
انا:وفاات...وراسك مستحيل يرجع مرة اخرى...حلمة خايبة و تعدات...هاني معاك انا توا
سوار:ز زياد
انا:شبي روحي
سوار:نحب نخبرك بشي
جبدتها شوية من عندي...نغزرلها...داخلة بعضها...و خايفة...شادة الغطا بيدها و تغزرلي...هزيت يدي حطيتها على وجها...نحكي
انا:نسمع فيك
سكتت باقي دور في عينيها على وجهي...حسيت لفما شي تحب تحكيه و خايفة فرد وقت...منزلتش عينيا من وجها...جيت باش نحكي...قصت عليا كيف حضنتني بالقاوي...تحكي و تبكي فرد وقت
سوار؛انا نحبك برشا...امان متخلينيش مهما صار...اوعدني لباش تبقى تحبني ديما
عقدت حواجبي...يدي ترخفت عليها...كلامها خرج برعشة متاع خوف...و لا هذاكا لانا حسيتو...جبدتها من عندي شوية...غزرتلها في عينيها نحكي
انا:خايفة مني انت
هزتلي براسها لا...و قربت مني عاللخر...حطت راسها على صدري تحكي
سوار:لااا...وقت تبدا انت معايا ننساه الخوف جملة...ننسا كلشي صار...و كلشي تعدا عليا...حتى اكا الليلة الخايبة نسيتها و انا معاك...اما
جبدت روحها مني...طلعت راسها غزرتلي...في عينيا و كملت كلامها
سوار:اما كان صار و خليتني...كان صار و كرهتني...باش نموت ساعتها...باش تقتل كل احساس عشتو معاك...انا خايفة من اللي جاي زياد...صدقني خايفة برشا...خايفة عليك مش منك...خايفة كان نهار نفيق و منلقاكش معايا...و لا يجي نهار و تبدا حياة جديدة من غيري خاطر تكون نسيتني...ساعتها القبر اللي عملتهولي من قبل...باش يكون حقيقي...وقتها باش تترحم عليا بالحق
نزلت علاها بستها بوسة خفيفة...و حطيت خشمي على خشمها نحكي
انا:شششش شنوة اللي تحكي فيه انت...شنوة مشا في بالك...باش نخليك بعد اللي صار...شنية فكرت لانا وصلت لي حاجتي بيه و باش نخليك...هاني باش نعاودلك...كيف وصلت حبيتك...مانيش باش نسلم فيك
سوار:ح حتى كي نغلط باش تسامحني
تبسمت على جنب...و جبدت روحي...هزيت يدي فركشت شعرها نحكي
انا:ممم على حساب الغلطة
سوار:و باش تبقى تحبني
هزيتلها براسي ايه...هزت يديها زوز مسحت دموعها...تبسمت بخبث و انا نغزرلها...نزلت راسها شوية شوية...غزرت لروحها...عينيها وساعت...و هزت الغطا بالوقت...وضربتني بيدها لاخرى على صدري تحكي
سوار:اععع متحشمش
هزيت يدي عديتها على شعري...و قربت منها شوية...نحكي
انا:شنعمل انا...كي منجمش نشبع منك
سوار؛زياااد تي احشم
انا:متاكدة متحبش
هزت المخدة ضربتني بيها...و قحرتلي تحكي
سوار؛برا بدل دبشك تو تاخو برد
انا:ههههههه باهي يا لالة متحبش حاجة اخرى
سوار:هأة
انا:نعمبو هالكلمة
غزرتلها كيف ضحكت...لين بانت حفرة الزين لي على خدها...قربت بستها من خدها و هزيت روحي وقفت...حليت القارد روب جبدت دبشي...نسمع فيها تحكي
سوار:باش تبدل هوني
انا:وين تحبني نمشي
سوار:لبيت البانو
مرجعتلهاش...هزيت يدي باش نحي المنشفة...غطست في الفرش...و غطات راسها...تبسمت بالوقت...نشيخ على تفوريخها...كملت بدلت دبشي...جبدت اول مريول جا على يدي...و قربت منها...جيت باش نجبد الغطا...كبشت فيه بيديها...تحكي
سوار:سيييبني زيااد
انا:هيا حرك روحك فيسع
نزلاتو شوية شوية...طلت عليا...حسيتها تفرهدت كيف لبست دبشي...تبسمتلي بتبهليل تحكي
سوار؛باهي برا انت توا و انا تو نخالط عليك
انا:لا باش تقوم توا
سوار؛مستحيل
انا:هيا قوم احسنلك
هزت روحها شوية...تقعدت...نزلت عينيها...تحكي
سوار:برا انت تو نلبس و نجي
هزيت يدي دورتها على ظهرها...جبدتها عندي...نزلت الغطا بيدي لاخرى نحكي
انا:مش باش تعمل شي اليوم
سوار:شتقصد
انا:تو تفهم وحدك
كبست علاها اكثر...لبستها المريول...من غير ما نبعدها عليا...منحبهاش تتقلق من الحكاية...بستها من راسها...و جبدت روحي لتالي...وقفت نحكي
انا:هيا توا
غزرتلي..دورت راسي...غزرتلها من المرايا...نزلت ساقيها...ووقفت هبطت المريول...و باقي واقفة...مزهبلة...تلفت بالزربة...قربت منها...غزرتلي تحكي
سوار:جعت انا
انا:مستغربتهاش منك...ايجا معايا
سوار:وين
غزرتلها من فوق للوطة...و قربت منها بالزربة...هزيتها بين يديا...كبست بيدها في مريولي تحكي
سوار:شتعمل ياخي
انا:مممم مش قتلك ما تعمل حتى شي
دورت يديها زوز على رقبتي...و قربت مني عاللخر تحكي
سوار:باش تحضرلي فطور انت
انا:ممم
سوار:متأكد لانت باش تعمل هكا على خاطري
انا:شنية المانع
سوار:منحبش نستانس
انا:هاني انا قاعد نستانس
سوار:يعني انت ما عملت هكا مع حتى وحدة
هزيتلها براسي ايه...عوجت راسها شوية...تحكي
سوار:حتى ميرال
انا:ممم حتى هي
قربت مني عاللخر...باستني من خدي بوسة مرصوصة تحكي
سوار:نموت عليك انا
تبسمت و انا نغزرلها...وصلت للكوجينة بالوقت...حطيتها عالرخامة...و حاوطتها بيديا نحكي
انا:باش تشد بلاصتك هوني لين نكمل الفطور
هزت راسها باهي...و باقي تبع فيا بعينيها...تركزت بيديها عالرخامة تحكي
سوار:زيااد
انا:مممم
سوار؛انت ارتحت مش هكا
تلفت غزرتلها...منزلة راسها و تحكي...قربت منها...وقفت قدامها...هزيت يدي عديت صوابعي على خدها نحكي
انا:مليح
سوار:انا زادة نعرفها الوجيعة هاذي بالقدا...حتى بابا منعرفوش جملة
انا:مريتش تصاورو من قبل
سوار:هأة...اصلا انا كبرت و في بالي عدنان لهو بابا...اما مرة تعارك مع امي...قلها مانيش ملزوم باش نتحمل بنتك زادة...كيف سألتو شتقصد...قالي مانيش بوك...برا فركس على بوك لي طيشك من غير ما يسأل عليك...حاولت امي برشا اما محبتش تقولي شكون وراتني صورة قديمة برشا ليه...و قالت لي لقب متاعي الهاني...مش عبد المالك...و بعد اكا نهار حياتي تحولت لجحيم...كل يوم نكرهو اكثر...كنت نكرهو بيني و بين روحي...كنت نكره من تصرفاتو مع امي...من غزرتو ليا...كانو عامل فيا مزية...كل مرة كانت جي عيني على عينو...يغزرلي بحقرة...كنت نغفرلو التصرفات هذوما...و نقول لهو في مقام بابا...اما بعد اكا الليلة...عرفت لهو مستحيل يوصل يكون كيف بابا...و الا مستحيل كان يخليني وحدي...و يتبرا مني قدام الناس الكل
قد ما سخفتني...اما بقيت نركز مع كلامها...مع اي كلمة توصلني للغز لي بقا مخبي...تحكي و تفرك في يديها...و لا دمعة نزلت منها...خذيت نفس نحكي
انا:سواار عزيزتي
سوار:اففف وجعتلك راسك...اصلا ميستهلش نحكو عليه جملة
بقيت نغزرلها...ياخي مش باش ترتاح من الوجيعة الطفلة هاذي...من ضربة لضربة...هزيت يدي حطيتها على خدها نحكي
انا:سوار باش نسألك شي و نحبك جوابني عليه
سوار:باهي
انا:تعرف لقب امك انت
سوار:ايه ¤¤¤¤¤
انا:باهي و شي مرة قريت لقب امك و لا ريت اوراقها من قبل
سوار:لا...اصلا كل مرة كانت تطلعلي بحجة...حتى الهوية متاعها و لا مرة خلاتني نشوفها...اما علاش سؤال هذا توا
انا:لقب امك الهاني
طلعت راسها مصدومة...غزرتلي في عينيا...تحكي
سوار:شننننوة
انا:للاسف ايه
جبدت روحها باش تنزل من الرخامة...شديتها من يدها عاونتها نزلت...غزرتلي تحكي
سوار:بازز غالط...هذاكا لقبي انا...والله...حتى تنجم تتأكد من اوراقي...اما انت رميتهم على هذاكا منجمتش تعرف
قربت منها شوية...حطيت يديا الزوز على وجها...نحكي
انا:سواار اسمعني...انت مقيدة باسم امك...مش بوك...تأكدت من الموضوع اكثر من مرة
جبدت روحها مني...وخرت لتالي...غزرتلي تحكي
سوار:يعني انا مجهولة النسب هذا لي تقصدو
هزيتلها براسي لا...جيت باش نقرب منها وخرت لتالي اكثر...تحكي
سوا:تعرف قداش عديت وقت و انا نفركس عليه...تعرف شنية عملت باش نوصلو...كل مرة نقول كهو وصلت...نلقا روحي وليت لنقطة الصفر...تعرف قداش كنت نسألها في نهار...و توا جي انت تقول لانا مقيدة على اسم امي...لانا مجهولة...شنية تقصد بكلامك
انا؛سواااار
سوار:شنيية...تحبني نصدقك مستحيل...مستحيل امي تكذب عليا...تعرفني قداش تعذبت...باش نوصل لي نحب عليه...باش نوصل لبابا
جيت باش نقرب منها...دزتني بيدها...و خرجت تجري من الكوجينة...تركزت بيديا عالطاولة...مكارنيش نجبدو للموضوع توا...اما لازمني نعرف كلشي علاها...لازمني نعرف شكون بوها...و علاش عدنان قبل يربيها...خذيت نفس...حطيت الماكلة في الصينية...و مشيت عندها لصالة...لقيتها متلكمة على روحها...و متكية لتالي...حطيت الصينية و ترميت قدامها...حليت يدي و جبدتها عندي...كبست علاها نحكي
انا:يا روحي انت...اصلا احسن حاجة عملها بوك مهما كان يكون...انو جابك لدنيا...جابك ليا انا...نعرف للحكاية صعيبة...اما في الاخير باش تلقى بوك وعد مني
سوار:متخلنيش وحدي...تعبت برشا انا...فديت راهو كل يوم نعرف حقيقة خايبة...والله تعبت من حياتي
انا:و تعبتني معاك يا فرخة...كل مرة تتعب نتعب في جرتك...نحب تعيش مرتاحة خاطر انا وراك...و ما تخمم في حتى شي اخر باهي
سوار:ب باهي
كبشت فيا اكثر...غرست راسها في رقبتي...تنهدت بالقاوي...نحكي
انا:هيا تاكول
سوار:و انت
انا:باش ناكول معاك
سوار:باهي كان هكا
اولما جبدت روحها مني...نوقز تليفوني...هزاتو في يدي لقاتو ادم...علقت عليه...استغربت تصرفها...عقدت حواجبي...غزرتلي تحكي
سوار:باش تتلهى بيه و تنساني
هزيتلها براسي ايه...منحبش نتعبها اكثر يزي اللي عملتو فيها البارح...و اللي حكينا فيه قبيل...كهو تكيت لتالي...و نتبع في تصرفاتها...نحبها ترتاح من كلشي...اما منعرفش كيف نجم نتصرف معاها...ساعات نحسها صغيرة برشا...و ساعات نحسها واعية اكثر...اما اللي متأكد منو...انو سوار ولات نقطة ضعفي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 81
ادم يحكي: نسوق بسرعة كبيرة...منعرفش من وين خرجولي الهم هذوما...منعرفش شكون اللي تعمد يبعث الكراهب هذوما ورايا...ناقص انا...حاصروني من الشيرتين...ضربت يديا بعصب عالفولون...وحلت بينهم...دورت راسي على صوت الرصاص...جبدت الفرد بالوقت...و شديت الفران بالقاوي...و خرجت يدي من البلار...قوصت roue متاع الكرهبة لي على جنبي...لين فقد التحكم فيها و نزل لتالي...رجعلي لاخر...حليت باب الكرهبة و نزلنا زوز مع بعض...هز الفرد متاعو في وجهي...نزلت يديا شوية...نغزرلو نحكي
انا:هات من اللخر شكون بعثك
هو:اللي بعثني يوصلك سلامي...و يقلك نتلقاو في جهنم
تبسمت بالوقت...جهنم فرد مرة...راحت عليك يا ادم...خذيت نفس نحكي
انا:باهي باش تبعثني من توا...و لا نستناه هو يقوم بالواجب
اول ما جا باش يصاوب عليا...و قبل ما نهز يدي في وجهو...تصاوب من بعيد...عقدت حواجبي و انا نرا فيه طايح عالارض...قبل ما نتلفت...حسيت بالفرد تحط على راسي...نزلت يدي بالوقت...و انا نسمع فيه يحكي
زياد:نزل سلاحك
هبطت يدي...هز يديه عداهم على جنابي...ووخر شوية لتالي يحكي
زياد:و اخيرا وقعت يا سي ادم
كبست عالفرد...و تبسمت باستهزاء...تلفت عندو شوية شوية...غزرتلو...بقيت نثبت في ملامحو الباردة...في نظرتو الجامدة...و في الفرد لي هازو في وجهي...حركت راسي شوية...غزرتلو في عينيه بالظبط...وطرشقنا بالضحك فرد مرة...قربت منو...شوية...هزيت يدي ضربتو على كتفو نحكي
انا:عيش خويا
زياد:ديما في الخدمة
هزيت يدي بالوقت...قوصت على واحد منهم كان باش يضربو...تلفت زياد بالوقت...قربت منو بالزربة...نزلت عندو...شديتو من سوريتو طلعتو عندي شوية...نحكي
انا:شكون اللي بعثك...حل فمك...احكي
هو:ه هو...ض
مكملش كلامو و داخ...دزيتو لتالي...نحكي بعصب
انا:الله يلعنك انت وهو
طلعت راسي...لقيت زياد هبط...للكرهبة اللي ضربت في الشجرة...خالطت عليه بالزربة...جبد الراجل لي غادي...طيحو عالارض...يحكي
زياد:شكوون اللي عمل هذا الكل...حل فمك
هو:م منجمش نحكي...خاطر باش نموت ساعتها
انا:في كل الاحوال انت باش تموت
هو:صدقني منجمش
نزل عليه زياد اكثر...شدو من سوريتو...يحكي و يرص عالكلام
زياد:عندك فرصة وحدة تحكي و تحل فمك...و لا كرتوشة وحدة تسكتك جملة
هو:هددني بعيلتي...هددني ببنتي و امي...كان تحب اقتلني...تفضل اما مستحيل نقلك شكون
رخف يدو عليه بالوقت...و هز روحو وقف...باقي يغزر فيه...هزيت سلاحي في وجهو نحكي
انا:كي هكا انت باش تخالط على صحابك
جيت باش نكبس عالزناد...حط يدو على يدي...كبس علاها بقوة...جبدها شوية...جات الكرتوشة عالارض...غزرلنا لبعضنا بالوقت...كل حد فينا يحب يقول كلام...و لاول مرة زياد يرجعني لتالي...هزلي براسو لا يحكي
زياد:برا لمعلمك...خبرو للعبة مزالت في البداية...و مش بالساهل تنجم تقتل حد من ولاد توفيق...ذكرو بكلامي هذا..و قلو باز باش نتقابلو شي مرة...و مش باش يكون فرحان بشوفتي
هزلو براسو ايه...نزل الفرد...و غزرلي...يحكي
زياد:هيا ادم
محكيت معاه حتى كلمة...مشيت معاه لين وصلنا للكرهبة...وقفتو نحكي
انا:شنية لي عملتو انت
زياد:مش كل حاجة تتحل بالطريقة هاذي...مش لازم علينا نقتلو كل حد يجي في طريقنا
انا:شتقصد
زياد:و انت كنت باش تعمل نفس الشي يا ادم...كنت باش تسكت باش تنقذ لي تحبهم
سكت ملقيتش شباش نجاوبو...حتى كلامو خرج ببرشا لوم...هزيت يدي على شعري بغزول...نحكي
انا:كيف نجمت توصل لهوني
زياد؛اركب توا...باش نحكو في الثنية
حليت الباب وركبت...ركب بحذايا...و تكا لتالي...خدمت الكرهبة...و طرت بيها...نحكي
انا:زياااد نسمع فيك
زياد:مش انت كهو المستهدف منهم
انا؛شتقصد
زياد:نفس الجماعة حاولت تقتل دنيز من فترة
شديت الفران بالقاوي...و تلفتلو...مستغرب من اللي قاعد نسمع فيه...عقدت حواجبي نحكي
انا:كيف
زياد:قطعو فرانات الكرهبة...و انا لحقتها في اخر لحظة
انا:شنننوة
زياد:و الاسوء من هكا...حتى انا كنت ضمن القائمة
انا:شكون عندو مصلحة في هذا...و دنيز شمدخلها في الحكاية
زياد:الحكاية عندها علاقة بالصفقة...و موت ياسر...و انت و دنيز مستهدفين بالدرجة الاولى
انا؛كيفها توا
زياد:انت باش تاخو حذرك اكثر من هكا...لين نوصلو لي عمل هكا
انا:سألتك على دنيز
زياد:كان صار علاها شي...كنت عرفت
انا:و كيف حتى لحقت بيها
زياد:كيما لحقت عليك توا
هزيت يدي...حطيتها على كتفو كبست عليه...نحكي
انا:باهي...اهدا
زياد:انا معنديش استعداد نخسر حد اخر...انا منجمش نخسرك
انا:و لا انا باش نخسرك...احنا وعدنا امنا...ووعدنا بعض زادة...انو مهما صار...مستحيل نتفارقو
زياد:و كان اخر وعد ليا زادة
تبسمت بوجيعة...هزيت يدي على وجهي...و خذيت نفس نحكي
انا؛شصاير بينك و بين ميرال
زياد:شمدخلها توا
انا:ريتك وقت بعدتها عليك في البار...شصار بالظبط
زياد:كننت غاديكا انت
انا:في كل خطوة...في المقبرة و البار...لين دخلت لدارك
غزرلي مستغرب...تبسمت بوجيعة..و خذيت نفس نحكي
انا:شنوة كنت تستخايل...باش نخليك وحدك...و لا باش نتعدا الوجيعة هذيكا وحدي...حتى و انت بعيد...كنت معايا
زياد:اسم واحد باش يبدل حياتي الكل...اسم واحد باش نرتاح من العذاب هذا
انا:و راسك باش ترتاح...جيست خليك بنفس القوة
زياد:طمن...متعلم منك انا
انا:هههههه شرايك نمشو توا
زياد:لا خليني ننزل هوني انا
انا:علاش
زياد:نحب نمشي شوية
انا:على راحتك...و كيف نكلمك و الفازة لي تعلمتها جديد مبعد نحكو عليها
زياد:انا فازة تحكي عليها
انا:لي تعلق في وجهي يا معلم
زياد:اه ايه ماك تعرف باز...كنت مشغول برك
انا:ايه انا لي نعرف
زياد:ههههه باي
انا:باي
اول ما نزل...غزرتلو...شاورتلو بيدي و طرت بالكرهبة
نسوق و مخي بعيد...شكون عندو مصلحة...يعمل هذا الكل...و شمدخل دنيز في الحكاية...شعرة و الطفلة راحت ضحية في جرتي...هزيت يدي ضربتها بغزول عالفولون...و زادة متأكد لفما شي بينها و بين زياد... شنوة منعرفش...و حتى علاقتو مع ميرال متوترة برشا...و علاش دنيز ظهرت في الوقت هذا بالظبط...و كيف عرف لحياتي باش تكون في خجر...باز مش صدفة...هوكا الفرخ طلع يخمم مرتين قبل ما يعمل شي...كبست عالفولون...دريكسيون للمقبرة...منعرفش على روحي كيف وصلت لقبرها...قعدت بجنب...و هزيت يدي عديتها على ترابها...شبيه بارد هكا...سكرت عينيا بالقاوي...نحكي
انا؛كنت قريب منك...كنت باش نخالط عليك كي العادة...اما الموت قاعدة تهرب مني...و مرة اخرى منعت منها...كان انت مازلت معايا توا...كان باش يكون كلشي مختلف...كان توا قاعدين نربو في بنتنا...بعيد عالعالم هذا جملة...حنان انا تعبت برشا...معادش نجم...وجيعة ورا اختها تهد...وجيعتك هدتني...راني كل يوم و كل ليلة نموت الف موتة...يا ريت ترجعلي...يا ريت نجم نحضنك مرة اخرى...يكفي معادش نجم...صدقني تعبت...تعبت من غيابك...تعبت من الوحش...تعبت من بعدك عليا...انت كنت المرسى يا حنان...و انا ضعت من بعدك...و معادش لقيت بر الامان...شباش نعمل...كيف نجم نكمل حياتي...كيف باش نعيش من غيرك...قولي شنعمل...جاوبني...امانك هزيت يديا زوز...كبست على عينيا...نمنع في دموعي...حطيت يدي على ترابها مرة اخرى...و نغزر لاسمها...و ضحكاتها و دلالها يتعاود في وذني...منحبش نخمم في الخايب اللي صار...يكفي كمية الحقد لي حاملها في قلبي لتوا...هزيت روحي وقفت...اصلا كل مرة نتعب فيها نجي لهوني...نحكي معاها و نلومها...و نشتكيلها فرد وقت...بقيت نغزر لقبرها...مش مصدق اصلا لانا بالحق خسرتها...ضيقت عينيا...كيف حسيت بحركة خفيفة...هزيت يدي جبدت الفرد...دورت راسي...نغزر لطفلة جاية من بعيد تجري...ضيقت عينيا بالوقت...وصلت عندي بالظبط...ملحقتش نثبت في وجها...وقفت ورايا تحكي
هي:ع عاوني امانك
قبل ما نتلفت ليها...نرا في واحد جاي ناحيتها...يصيح هو؛ايجااا لهوني
هزت يدها حطتها على الفاست متاعي من تالي...كبست عليا...عرفت لهي خايفة منو...وصل قدامي بالظبط...يحكي
هو:باش نقتلك...موتك على يدي...ابعد انت من هوني انت قبل ما نبدا بيك
هزيتو و حطيتو...يتهز و يتنفض وحدو...تي من شكلو يظهر كلوشار...جا باش يحكي...قصيت عليه الكلام...كيف ضربتو ببونية...طاح عالارض...غزرلي بغل...و هز روحو بالزربة...باش يرجعلي ضربة...شديتو من يدو...لويتها لتالي..و جبدتو عندي...نحكي
انا:ريت يدك هاذي لازمك تفكر مرتين باش تهزها في وجهي
هو:سيبننني
كبست عليه اكثر...لين حسيتو توجع...فلتو بالوقت...وخر لتالي مروهج...وخر لتالي يحكي
هو:مش باش تتعدا بالساهل
قحرتلو...تلفت...و عطا على ساقيه...تلفت نشوف معاها...هازة روب شوية بيدها...و تجري...بقيت نثبت معاها...دورت راسها...شكرتني براسها...حاولت نشوفها اما منجمتش...خذيت نفس...و تلفت...غزرت لقبر حنان...خذيت نفس...و تبسمت نحكي
انا:باش نمشي توا...مبعد نرجعلك عزيزتي
ريقلت الفاست متاعي...و غزرت لشيرة لاخرى...اختفات جملة...منعرفش كيف ظهرت قدامي...و لا علاش كانت هاربة منو...طرف كلوشار...هامل...غمضت عينيا بالقاوي...ورجعت حليتهم...رجعت الفرد...خذيت نفس...و خرجت من المقبرة...هزيت كرهبتي...و دريكسيون لشريكة
زياد يحكي: دخلت للمركز...شاورت لاسماعيل خالط عليا...دخل معايا للبيرو ترميت عالفوتاي...قعد عالكرسي...قابلني يحكي اسماعيل:لباس ماهو انا:مش لباس بالكل اسماعيل:شفما انا:كلشي مترابط مع بعضو...كل مرة نقول كهو وصلت...الحكاية تتعقد اكثر اسماعيل:علاش شصار انا:انسا الموضوع توا...راسي تسكر و معادش نجم نخمم فيه اسماعيل:ملا اسمع لباش نقولهولك توا انا:شنية
اسماعيل:سعاد الهاني
هزيت روحي شوية...تقعدت بالقدا...كيف سمعت اسمها ضيقت عينيا نحكي
انا:شبيها
اسماعيل:نجمنا نعرفو شوية معلومات على صغرها
انا:نسمع فيك
اسماعيل:قبل ما تعرس بعدنان عبد المالك...كانت تخدم في الفيلا متاع محمود...وقتها عمرها يجي في 22 سنة...خدمت عندهم عامين مبعد خرجت...بقات فترة مليحة حد ما يعرف وينها
انا:قداش الفترة هاذي
اسماعيل:منعرفش...خاطر بعد ظهورها عرست بعدنان جملة و سكنو وقتها في حومة العربي
انا:شنننية
اسماعيل:حكيت مع البون...اللي كانت تخدم معاها في قصر محمود ساعتها...قالت فما كلام متنجم تقولو كان لبنتها...و كيف ماتت بنتها زادة...معادش باش تحكي حتى كلمة
انا:وين المرا هاذي
اسماعيل:في ¤¤¤¤¤¤ تسكن غادي
هزيت روحي وقفت...باش نمشي عندها...وقفني يحكي
اسماعيل:مرا كبيرة جي في السبعينات...مش باش تقلك شي...كان لسوار...هذا لي قالتو بالحرف...قالت بعد موت الغالية بنت الغالية ماهيش باش تقول كلمة
بقيت واقف في نص...كان باش نهز معايا سوار توا...باش نحب باب اخر متاع مشاكل...خذيت نفس و عديت يدي بغزول على شعري نحكي
انا:باهي معرفتش اذا هي معرسة من قبل
اسماعيل:لا في اوراقها كاتبين لهي ام عزباء
انا:و مع شكون كانت من قبل...شكون لي يمكن يكون بو سوار الحقيقي
اسماعيل:منعرفش...كهو لخبرتني بيه هي
انا:زعمة متكونش عندها علاقة مع محمود من قبل
اسماعيل:لا منظنش...كان هكا علاقتهم وقتها باش تكون واضحة...و الكل يعرف لهو يحب مرتو و يموت علاها...و عندو استعداد يخسر كلشي على خاطرها...و نفس الشي مرتو...ماهيش باش تعطي فرصة لجرد خدامة تقرب من راجلها
انا:كهههو معادش نجم نخمم اكثر...نحس في راسي باش يطرشق...انا باش نمشي توا...و كان عرفت شي جديد خبرني
اسماعيل:باهي طمن
هزيت روحي و خرجت...نمشي و كلامو يتعاود في مخي...باز ورا سعاد الهاني حكاية كبيرة...و لازمني نعرفها...هزيت كرهبتي...و طرت بيها لدار...الدنيا بدات تظلام...منعرفش على روحي كيف وصلت...منعرفش اصلا كيف باش نقابلها...و لا كيف باش نخليها تقابل المرا هذيكا...اصلا مش وقتها جملة...خاصة بعد اللي صار اخر مرة و اليوم مع ادم...الحكاية اكبر من اللي توقعت ببرشا...قص عليا تفكيري...كيف فتح باب الاصونصير...اول ما خرجت عينيا وساعو...كيف لقيت ميرال...تنوقز عالباب...باز كان تفتحلها الفرخة مش باش تتعدا الليلة بالساهل...و زادة مش وقت ميرال تعرف لسوار قاعدة عندي...قربت منها شوية...وقفتها نحكي
انا:ميرااال
ميرال:زياااد انت جيت توا
انا:ممم لباس
ميرال:كلمتك اكثر من مرة
انا؛مسمعتوش
ميرال؛باهي ميسالش
انا:شفما
ميرال:كان نسيت احنا عندنا سفرة
انا:اما سفرة ؟
ميرال:باش نمشو لايطاليا
انا:مممم مشات من بالي جملة...علاش مجيتش اليوم
ميرال:كان كلمتني كنت تعرف اللي ذكرى وفاة بابا اليوم
خذيت نفس ورصيت على سناني...بالعادة نبقى معاها في نهار هذا...توا برك عرفت لانا غلطت في حقها برشا...حتى هي ما عندها حتى ذنب في الحكاية الكل...هزيت يدي حطيتها على زندها نحكي
انا:منعرفش كيف مشات الحكاية من بالي
ميرال:ميسالش...انا باش نمشي توا...و كان نجمت كلمني مبعد باش نحكو في امور سفرة
انا:باهي
ميرال:باي
هزيتلها براسي ايه...تبسمتلي.. و هزت روحها مشات للاصونصير...اول ما وصلت غزرتلي...و دخلت...خذيت نفس...و حليت الباب...جات عيني على عينها...تغزرلي ندرا كيف...سكرت الباب...و قربت منها...عديت يدي على خدها..و دخلت لصالة...نحيت الفاست و ترميت عالفوتاي...شوية و خالطت عليا...قربت مني قعدت عالطاولة مقابلتني...طلعت راسي غزرتلها...وجها اصفر...عقدت حواجبي نحكي
انا:شبيك لباس
سوار:بالحق باش تسافر معاها
عرفتها لي سمع كلامنا الكل...بقيت نشوف معاها...تغزرلي...و تستنا فيا نحكي...هزيتلها براسي ايه نحكي
انا:مممم يمكن
سوار:باش تسافرو وحدكم
انا:ايه
سوار؛علاش
انا:خدمة عزيزتي
سوار:خدمة في ايطاليا
انا؛مش اول مرة نمشي معاها
سوار:اما انا توا في حياتك
انا:سوااار مش قتلك للامور هذوما ميهموكش جملة...علاقتي بميرال منحبكش تخمم فيها
سوار:شتقصد
انا؛ميرال معرفة سنين...و اكثر من هكا تخدم معايا...يعني باش نظطر نتعامل معاها ديما...و شي ماهو باش يتبدل
سوار:يعني باش تسافرو مع بعض
انا:سواار
سوار:باز باش ترجعلها...باش تعيش معاها كلشي
انا:نعيش شنية...هاني ماشي لخدمة...يومين..ثلاثة و نرجع
سوار:و شنية خدمتها معاك
انا:ميرال تابعة لينا...و فرد منا...مش اي وحدة...يعني خدمتي معاها مهمة برشا
سوار:مممم عندك حق عالاقل هي متركحش الرجال...و تاخو منهم المعلومات لسيادتك
كملت كلامها...و هزت روحها خرجت بالزربة...بقيت في بلاصتي نعقل في كلامها بالكلمة...منعرفش كيف لقيت روحي واقف قدامها...خطفتها من يدها...حصرتها مع القاردروب...كبست علاها اكثر...لين حسيتها توجعت...كيف غمضت عينيها بالقاوي...قربت منها اكثر لين معادش فما بينا مسافة...غزرتلها نحكي
انا:كان مزلت تعاود الكلام هذا...تو تشوف شنعمل فيك
سوار؛علاش غلطت...مش هاذي الحقيقة
انا:شتعرف في دين ¤¤¤¤ الحقيقة انت...ياخي ناوية تجلطني...ناوية تهبلني عقاب عمري...فرخة قدك
سوار:سيييبنني...و برا حضر الفاليز متاعك...و لا نقلك خلي انا نحضرهالك احسن
انا:شوف كي مزالت تحل في فمها...اغزرلي هوني...من عند ربي تاعب انا...ريض احسنلك مش وقتو الكلام هذا حتى طرف
سوار:باهي انت باش تسافر معاها
انا:سوااار
قربت ليا اكثر...هزت يدها...حطتها على رقبتي...و طلعت راسها تغزرلي ندرا كيف...تحكي
سوار؛مش باش تمشي مش هكا...انت باش تبقى هوني معايا
ما سمعت حتى كلمة منها...مركز مع شفافها...و كهو...نزات علاها اكثر...اول ما وصلت لشفافها وقفتني تحكي
سوار:جاوبني
انا؛شنوة
سوار:باش تمشي
انا:وين
سوار:زياااد
انا:مممم
سوار؛زياد نحكي معاك ماهو...تسمع فيا انت
انا:ايه
سوار؛باش تمشي
هزيت يدي...حطيتها على خدها...نرجع في شعرها لتالي...ريحتها خدرتني اصل...باقي نفكر انا في السفرة...حطيت شفافي على شفافها...بستها بوسة خفيفة...دزتني شوية لتالي قبل ما نغطس فيها...قحرتلي تحكي
سوار:جاوبني ساعة
انا:يلعن دقيقة لي خممت فيها اني نسافر
سوار:مع ميرال...علاش مكملتهاش
نفخت بالقاوي...ووخرت لتالي...ترميت عالسرير...تكيت لتالي نحكي
انا:هاني باش نرقد احسن
سوار:ماكش باش ترقد قبل ما تجاوبني
انا:تااعب هيا برا اتلها في امور اخرى
سوار؛طرد فيا ياخي
انا:هاك انت لا تحب تسكت و لا حبيت ترتحني زادة
قربت مني شوية...نزلت عليا...هزت يديها زوز تضرب فيا على صدري...و تحكي
سوار:توا وليت نقلق فيك...اما نستهل...نستهل خاطرني نحبك
هزيت يدي...حطيتها على يدها..كبست علاها...وجبدتها فوقي بالقاوي...لين جا وجها مع وجهي...تبسمت بخبث نحكي
انا:ملاا قتلي تحبني
سوار؛سيييبني
انا:مش بالساهل...انت جيت عندي
سوار؛نحبك جاوبني
انا:بشنية
سوار:تفرك فيهم عليا ياخي
انا:لا
سوار؛باهي سيبني توا
انا:خليك
جبدت روحها بالقاوي...تقعدت فوقي...و نزلت عليا...حطت خشمها على خشمي...شعرها لين نزل بجسهة...خلا ضو يولي خافت...قربت لشفافي اكثر...تحكي
سوار:جاوبني قبل
انا:سواار يهديك ربي...قوم عليا احسنلك
سوار؛باش تمشي معاها
انا:قداش من مرة نقلك لهي خدمة
سوار؛باش نجي معاكم
انا:منجمش نهزك
سوار:علاش
هزيت يدي...حطيتها على ظهرها...عديتها شوية نحكي
انا:ميجيش حد يعرف طبيعة علاقتنا توا
سوار:اما ميسالش يعرفو ميرال
خذيت نفس...كبست علاها اكثر...قلبتها تحتي...لين جا وجهي مع وجها...حاصرتها نحكي
انا:معنديش استعداد اني نخاطر بيك
سوار:اما خاطرت بيا من قبل
انا:ندمت و برشا زادة
سكتنا شوية...باقي نثيت فيها...و كل مرة نطبع بوسة على وجها...هزت يدها...حطتها على شعري من تالي...جبدتني ليها اكثر...تحكي
سوار؛باهي...اما اوعدني..انو مش باش يصير شي
انا؛باهي وعد...اما توا
مكملتش كلامي...و نزلت علاها...اول مرة نحب طفلة لهدرجة...حبستني تحكي
سوار:الصوص
انا:شنووة
سوار؛زياااد يزي الصوص
جبدت روحي...شوية غزرتلها مستغرب...هزت يديها زوز دورتهم على رقبتي...ضحكت بخبث تحكي
سوار:الصوص عالنار..و كان باش تنحرق توا...ترصالك جيعان لصباح
انا؛صحيتك وصلت لهوني و ذكرت الصوص
سوار:مممم وزادة انت معاقب مزال باش نحكو فيه الموضوع هذا
جيت باش نحكي...قصت عليا...ببوسة و دزتني لتالي..جبدت روحها...من تحتي...و نطرت وقفت عند الباب غزرتلي تحكي
سوار:هيا حبيبي معادش برشا عالعشا
تيسمتلي ندرا كيف و خرجت و انا هوني قاعد نتحكم في روحي..باش منشدهاش بالسيف و نوريها اللعب على قاعدة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 82
سوار تحكي: ترميت عالفوتاي نغزرلو...كيف لاهي يخدم عالبيسي...من وقت حط راسو معادش هزو...اما اللي قاهرني اكثر...لهو باش يسافر معاها غدوة...خذيت نفس نحكي انا:زيااد زياد:ممم انا:متأكد لباش تسافر غدوة هز راسو غزرلي...تكا لتالي...نعرف لفد من سؤالي...لي عاودتو قداش من مرة...نفخ بالقاوي يحكي
زياد:مزال باش نحكو في الموضوع
انا:قداش باش تبقى غديكا
زياد:منعرفش
انا:نحب نجي معاك انا
زياد:سوااار
نزلت راسي...اصلا نعرف لي كلامي معاه زايد...اما علاقتو بميرال ديما تخليني متوترة...فكرة لهي كانت في حياتو قبلي...و باش تبقى في حياتو ديما...تخليني عايشة على اعصابي...خاصة و كلشي ضدنا...و علاقتنا ممنوعة...سمعتو كيف تنهد بالقاوي...يحكي
زياد:ايجا عندي
هزيت روحي بالسيف...قربت منو...جبدني من يدي...قعدني عندو...حط يدو على ظهري...و يدو لاخرى رجعلي شعري لتالي يحكي
زياد:فترة و باش تتعدا...مش باش نطول برشا
انا:علاش متمشيش وحدك كي هكا
زياد:منجمش...عندي مؤتمر غادي...و ميرال طرف مهم انا:باش تمشو لنفس الدار لقعدنا فيها وقتها
زياد:منعرفش
انا:كيف متعرفش
زياد:سوار عيشك تعرفني نفد منهم الاسئلة هذوما
انا:ميهمنيش...المهم انك جاوبني
زياد:صار
انا؛ممم...باش تبقى معاها فرد دار
زياد:لا
انا:زياد تعرف لانا ناثق فيك برشا...و روحي ما تسوى شي قدامك...امانك رد بالك تقرب منها...باش تحرقني راك
زياد:و انا نجم نحرقك يا فرخة
قربت منو اكثر...حطيت راسي على كتفو...و كبست عليه بيديا زوز نحكي
انا:يعني مش باش تبقى معاك
زياد:لا
انا:باهي كان هكا...و متحكيش معاها برشا...و متقربش منها...خلي مسافة بينكم ديما باهي
زياد:شرايك تحطلي جهاز تعقب
انا:زيااااد
زياد:ههههه باهي باهي
انا:شنوة لي باهي
زياد:ششش شبيك تحكي برشا
انا:خاطرني خايفة
حط يدو على شعري...يعدي فيها بالسياسة...مع اني متأكدة لهو باش يطرشق من داخل...اما شاد روحو على خاطري...تنهد...يحكي
زياد:سوار...عزيزتي...انا و ميرال حكايتنا وفات عندها برشا...و مستحيل يصير بينا شي مرة اخرى...نحبك تحفظو الكلام هذا...و مش معناها اني مسافر لاسبوعين...باش نخليك وحدك...انت باش تبقى تحت حمايتي...انت برك متتصرفش بتفوريخ...و خلي شوفور هو لي يوصلك ديما...و رجال ديما باش يبقاو وراك باهي
انا:باهي
زياد:شي اخر
انا:شنوة
زياد:الفترة هاذي ابقى بعيد على ادم...و كان هو قرب منك...اتصرف معاه عادي...و اذا سألك وين كنت الفترة هاذي...قولو لانت سافرت بعد الحادثة ورجعت
انا:باهي كيما تحب
سكتنا زوز...قلبي بالقاوي...منعرفش علاش...احساس ندرا كيف حسيت بيه ساعتها...خرج صوتي مخنوق
انا:ز زياد
زياد:مممم
انا:باش نبقاو هكا احنا
زياد:شتقصد
جبدت روحي منو شوية...غزرتلو في عينيه...خذيت نفس نحكي
انا:ا انا و انت...يعني علاقتنا باش تبقى في السر و حد ما يعرف بيها
بقا يغزرلي...منعرفش كيف سألتو...و لا علاش سألتو...اما للحظة...حبيت نعيش حياة عادية...مش لعبة و قوانينها صعيبة برشا...هز يدو حطها على خدي...يحكي
زياد:باش يتبدل كلشي...صدقني لكلشي باش يتعدا...اما توا كان يعرفو لانت تابعتني...معادش باش ترتاح في حياتك جملة
انا:باهي كان هكا
هز يدو كبس عليا...رجعني عندو.. لزيت روحي ليه اكثر...و سكرت عينيا...منحبش نبعد عليه خاصة الليلة...منعرفش كيف هزني نوم...ورقدت بين يديه...من غير ما نخمم في اللي باش يصير...نحب نشبع منو و كهو...و من اكا ليلة تعدا اسبوع...اسبوع من وقت سافر معاها...رغم انو ساعات يكلمني...اما نحس في روحي وحدي...خاصة بعد اليمات التالية لي عشتهم معاه...لتوا بين عينيا اكا الليلة لي جمعتنا مرة اخرى...فيقني من سرحتي...صوت تليفوني ينوقز...رميت يدي هزيتو...مركزتش برشا...هزيت عليه ديراكت...في بالي لزياد كلمني...اما في لحظة عقدت حواجبي كي سمعت صوتو
ادم:دنيز
انا:اددم ؟
ادم:ممم كيفك ؟
انا؛مليحة و انت
ادم:لباس عيشك
انا:كيف عرفت الرقم
ادم:مش صعيبة عليا...المهم انت ارتحت
انا:ممم احسن
ادم:باهي نجم نقابلك
انا:الليلة منجمش
ادم:ميسالش غدوة في نادي
انا:باهي بالطبيعة
ادم:باي
انا:باي
علقت عليه...و نزلت تليفون...كبست عليه في يدي...منجمتش نرفض...خاطر باش يفهم لي فما شي...و فرد وقت مغزلة اكثر...خاطر يومين مكلمنيش...نفخت بالقاوي...و تكيت لتالي...نخمم كيف باش نقابلو صباح...و لا كيف باش نحكي معاه...و نتحمل قربو مني...من عند ربي تاعبة...و معنديش خلق...كل تفكيري معاه...جرد مؤتمر علاش باش يعدي اسبوعين معاها...مصدقتش كيف تعدا الاسبوع هذا...و كيف باش يتعدا الاسبوع الي مزال...فكرة لهو باش يكون معاها...لباش يقرب منها...تخليني قاعدة على اعصابي...نهدا كان وقت يكلمني و كهو
ادم يحكي:
طلعت راسي...نغزرلها كيف داخلة لصالة...لابسة دبش متاع سبور...هازة صاك و دبوزة ما في يدها...تبسمتلي...و قربت مني...سلمت علاها...نحكي
انا:لباس ؟
سوار:مليحة عيشك و انت
انا:لباس سافا
سوار:متكونش بديت قبلي
انا:حتى انا تو وصلت
سوار؛هيا باهي ملا
انا:تفضل
سوار؛عيشك
عدينا وقيت مع بعض...نجري و تفكيري بعيد...قصت تفكيري...كيف نزلت...هزت دبوزة متاع ما شربت منها...و قعدت عالكرسي...خالطت علاها نحكي
انا:لباس ماهو
سوار؛تعبت شوية
هزيت المنشفة...و قعدت بحذاها....مسحت وجهي و شعري...كبست عالمنشفة في يدي و غزرتلها نحكي
انا:منقصدش لي صار
سوار؛شنوة
انا:دنيز نعرف بحكاية الاكسيدون لي صار...زياد خبرني...و متأكد للحكاية عندها علاقة بالليلة هذيكا
سوار:الاعتذار مش باش يرجع شي...و انت ما عندك حتى ذنب في الحكاية...كلشي صار قضاء و قدر
بقيت نشوف معاها...كيف تحكي...و تغزرلي فرد وقت...نظرتها وراها برشا حاجات...رعشت يديها الخفيفة ظهرت شوية من خوفها...كلشي في الطفلة هاذي سبيسيال...تحس لورا قوتها برشا حاجات مخبيين...هزيت يدي حطيتها...على يدها...غزرتلي بالوقت...كبست علاها نحكي
انا:نوعدك لمش باش تتعدا بالساهل...و اللي عمل هكا...باش ياخو حقو...ثاني و مثلث
بقات تغزرلي...عديت عينيا على وجها الكل...جبدت يدها شوية...رخفت يدي بالوقت...تبسمت تحكي
سوار؛شرايك في قهوة مع بعض
انا:باهي علاش لا
سوار؛عيشك
هزيت الفاست متاعي...و تلفت نغزرلها...لبست الفاست متاعها...و هزت صاكها...قربت مني تحكي
سوار:حاضرة
انا:متأكدة لانت مليحة
سوار:ممم مليحة طمن
انا:باهي ايجا
قربت مني خرجنا مع بعض من صالة...قرب منا واحد من رجال...منعرفوش من قبل...جيت باش نحكي...قصت عليا هي تحكي
سوار:متخافش...انا مع ادم مش باش يصير شي
انا:مع شكون جيت انت
سوار؛مع شوفور
انا:مممم نجم نسألك
سوار:بالطبيعة
انا:وين كنت الفترة هاذي
سوار:بعد الحادثة لي صرات قررت نبعد فترة باش نرتاح و كهو
انا:باهي
دخلنا للكافي لي في نادي...خذينا طاولة مطرفة...طل على برا...و قعدنا مع بعض...طلبت قهوة...و بعدنا نحكو مع بعض...طلعت راسي...غزرت لراجل لي حكات معاه...وواحد اخر معاه واقفين بعيد علينا...عرفت لحد حطهم وراها...على هذاكا شادين العسة لهدرجة...غزرتلها...تشرب في قهوتها...و تطلع من البلار...سارحة و مش هوني جملة...تكيت لتالي نحكي
انا:دنييز
مرجعتليش...تحرك في قهوتها...و تغزر لبعيد...باز فما شي شاغلها لهدرجة...حطيت يدي عالطاولة...و كملت نحكي
انا:دنيييز انت هوني
سوار؛اه ايه هوني...سرحت شوية
انا:كان فما شي مقلقك خبرني
سوار:لا لا جيست تاعبة شوية...و انت شعامل مع الخدمة
انا:لباس ماشية...و انت متفكرش تدخل في خدمة جديدة
سوار:صراحة لا...منخممش في الخدمة جملة...لاحقة علاها
انا:ههههه باهي...و علاقتك بزياد كيف
طلعت راسها غزرتلي ندرا كيف...نعرف لسؤالي كان مفاجئ و مش وقتو جملة...خذات القهوة رشفت منها...و غزرتلي تحكي
سوار:باهية...انا و زياد صحاب عاللخر...و مش باش ننسى وقفتو معايا...و لا باش ننسى لعملتو انت على خاطري...وقت خطفني ياسر
انا:و لا انا باش ننسى وقفتك معايا ليلتها
سوار:ما عملت شي
جيت باش نحكي...حسيت بحركة خفيفة لبرا..طلعت راسي...غزرت للبلار...زوز كراهب وحدة ورا اختها...نزلو البلار بالوقت...بحكم الكافي طل على برا...نجمت نلمحهم....رميت يدي بالوقت...شديتها من يدها...نزلت و جبدتها معايا لوطة...غزرتلي مصدومة تحكي
سوار:شفما ش
قبل ما تكلم كلامها...هدو عالبلاصة بالسلاح...لين طاح البلار الكل...جبدتها عندي اكثر...و جبدت الفرد بيدي لاخرى...غزرتلها...وجها اصفر مفجوعة...هزيت يدي حطيتها على خدها نحكي
انا:لباس
هزتلي براسها ايه...غزرتلها شوية...خذيت نفس...نحكي
انا:دنيز اسمعني...رد بالك تتحرك من هوني باهي
دنيز:باهي و وانت وين ماشي
انا:معاك هوني
جبدت يدي منها شوية...طلعت راسي شوية...شاورت لرجالي يجوني بالوقت...اكثر من اربع رجال يقوصو علينا...كبست عالفرد في يدي...و هزيت روحي شوية...قوصت على واحد فيهم...لحقو رجالي بالوقت...لحمت بينهم...رميت عيني لدنيز...لقيتها متكية عالطاولة ترد في النفس...عرفتها باش دوخ...اصلا من صباح و هي دايخة...نزلت عندها شوية...حطيت يدي على خدها نحكي
انا:دنييز لباس ماهو
سوار؛ل لا
انا:هيا معايا توا
كبست علاها باش نوقفها...جا وجهي مع وجها...غمضت عينيها...ورجعت حلتهم تحكي
سوار:ا ادم ساقي
نزلت عينيا نرا كان في دم نازل من ساقها...عقدت حواجبي...قزاز البلار دخل في ساقها...هزيتها شوية...مشيتها بالسيف...حطيتها ورا الكنتوار...تكيتها لتالي نحكي
انا:ابقى هوني تو نرجع
سوار؛باهي
هزيت روحي...ورجعتلهم...متوقعتش للحالة باش تكبر لهدرجة...منعرفش قداش بقينا و احنا اكاكا...لين انسحبو زوز منهم...جبدت واحد من رجالي على جنب نحكي
انا:الحكاية كبرت برشا...اعرف شكون ورا اللي صار فيسع...اصلا بسبب لي صار سمعة النادي باش ترجع لتالي...فهمتني
هو:باهي طمن مسيو
تلفت نغزر لناس...كل حد مخبي في شيرة...عندهم حق...حتى لي صار يرعب...وليت عند دنيز بالزربة...لقيتها متكية لتالي...و شادة ساقها بيدها...نزلت عندها شوية...شديتها من يدها نحكي
انا:دنيز تسمع فيا
دنيز:ممم
انا:باش نمشو من هوني...هيا فيسع
هزتلي براسها باهي...حاولت تقوم منجمتش...قربت منها اكثر...جبدتها عندي...هزيتها بين يديا...و قمت...حطت راسها على صدري...اصلا من صباح مش قد بعضها...ندمت لخليتها جي لنادي...منعرفش شنية لي قاصدينو بالظبط انا و لا هي...و لا زوز مع بعض...اول ما وصلت للبركينغ...نزلتها شوية...حليت باب الكرهبة...ركبتها...ورجعت الكرسي لتالي...خالطت علاها...و طرت بالكرهبة للكلينيك...لحقو علاها...نظفولها الجرح...و خلاوها ترتاح شوية...وصلتني ابال...من عند واحد من رجالي...يخبرني لي لازم نخرج من الكلينيك فيسع...خاطر يمكن الشرطة جي بالوقت...قربت منها نحكي
انا:دنيز لازمنا نخرجو من هوني فيسع
مرجعتليش...باقي دايخة...فكيتلها سيروم...وهزيتها بين يديا...معنديش حل اخر...لازم نخرجها من هوني..منحبهاش توحل في مشاكل اخرى بسببي...وقفتني الفرملية تحكي
هي:مسيو ممنوع لي تعمل فيه توا
انا:اتلهى بخدمتك...اي مشكل توا ما تلوم كان روحك
كبست علاها في يدي...و خرجت...حطيتها في الكرهبة...و دريكسيون لدار الزريعة
الحلقة 83
سوار تحكي: حليت عينيا ورجعت غمضتهم بالسيف...مروهجة...نحس في راسي باش يطرشق...خذيت نفس...و حليتهم...نغزر للبيت...عقدت حواجبي...وين انا ؟...هذا لسألتو لروحي...و انا نعقل في البيت...هزيت روحي بالسيف تقعدت...حسيت بوجيعة كبيرة في ساقي...خلاتني نغمض عينيا بالقاوي...كبست بيديا على حرف الفرش...و جيت باش نقوم...قص عليا كيف حل الباب و دخل...غزرت لساقيه...و طلعت بعينيا لوجهو...قرب مني شوية يحكي ادم:لباس توا
هزيتلو براسي ايه...و عدلت روحي بالقدا...خذيت نفس نحكي
انا:ش شنعمل هوني انا
ادم:ظطريت نجيبك لهوني...منجمتش نخليك في الكلينيك وحدك
انا:شكون لي عمل هكا...شكون لي من مصلحتو هذا الكل...مش ياسر مات ملا شكون قاصد يعمل هكا
قرب مني...قعد على طرف الفرش...مقابلني...هز يدو حطها على يدي...يحكي
ادم:اللي عمل هكا...قاصدنا زوز مع بعض...شكون و علاش منعرفش...اما لي متأكد منو...انو شي هذا الكل عندو علاقة بالليلة هذيكا
انا:شمدخلنا احنا في الحكاية...ماهو الكل تصاوب...علاش قاصدينا احنا
ادم:اللي مات ياسر...و الاسوء من هكا...شريكنا في الصفقة زادة مات...باز فما علاقة بينهم...اما نوعدك لمعاد نخلي حتى حد يقرب منك
انا:مش باش يخلونا على راحتنا انا متأكدة
ادم:وحدة قوية كيفك...مش باش تخوفها الحكاية هاذي
هزيتلو براسي ايه...جبد يدو من يدي...و هز روحو وقف يحكي
ادم:باش نجيبلك شي تاكلو و نرجع
انا:باهي
اول ما خرج من البيت...حطيت يدي على يدي لاخرى...عديتها بغل...قداش نتقزز من لمستو...حتى من انفاسو لي خارجة...تقززني من روحي...لتوا نحس بيها على بدني...مزلت نذكر لمستو بالقدا...تخنقت من مجرد اني ذكرت الليلة هذيكا...هزيت روحي بالسيف وقفت...استندت بيدي عالقارد روب...نمشي بالسيف...منجمتش نتركز على ساقي من الوجيعة لي حسيتها...ما وصلت للباب...لين حسيت روحي باش تطلع...دورت عينيا عالبلاصة...عرفت لاحنا في دار الزريعة لي جينا ليها اكا الليلة...وقت تصاوب...محملتش نبقى هوني جملة...تقويت على روحي..و نزلت الدروج هذاكا...درجة درجة...لين وصلت اللوطة...قعدت عالدرجة تالية...خذيت نفس...ريتو و هو خارج شاد صينية صغيرة في يدو...دوب شافني عقد حواجبو مستغرب...حطها عالطاولة و قرب مني...يحكي
ادم:علاش نزلت
انا:شي فديت برك
ادم:باهي شرايك تقعد في صالة
هزيتلو براسي ايه...جا باش يحملني...وقفتو بيدي نحكي
انا:نجم نمشي
هزلي براسو باهي...عاوني وقفت...استندت عليه...لين وصلت للفوتاي...قعدت و تكيت لتالي...قعد قدامي...يحكي
ادم:لباس توا
انا:ممم مليحة
ادم:كول توا باش تاخو دواك
بقبت نغزر لصينية...و تفكيري بعيد برشا...مع زياد...كان يعرف باللي صار...باش يلومني...خاطرني مشيت عندو...دورت راسي شوية غزرت لادم...زادة لازمني نكون هوني...و في البقعة هاذي بالظبط...لازمني ناخو حقي منو...حتى على حساب حبي لزياد...كان باش نخسر حياتي...باش ندفعو حق لي عملو فيا الكل...فيقني من سرحتي يحكي
ادم:دنيز...لباس ماهو
انا:باش نسألك شي
ادم:شنوة
انا:ياخي غرزولي ساقي
ادم:مممم ايه
انا:تحكي بجدك ياخي
هزلي براسو ايه...قلبي دق بالقاوي...نزلت راسي نغزر لساقي...مغطيين الجروح بالفاصمة...ريقي شاح...رجعت غزرتلو...ضيق عينيه بالوقت...يحكي
ادم:شبيك
انا:غ غرزولي في البلايص هذوما الكل ياخي
ادم:مممم
هز كتافو شوية...و تكا لتالي...قحرتلو قحرة متاع موت نحكي
انا:ماهو لباس ياخي...شبيك خليتهم يغرزولي
ادم:ما فيباليش لانت باش تخاف لهدرجة...مش على اساس قريت طب
انا:مخفتش...اما ميجيش راهو...تو ساقي تولي خايبة
غزرلي ندرا كيف...و طرشق بالضحك...قحرتلو...نحكي انا:علاش تضحك ياخي
ادم:ههههه شي...شرايك تاكول توا
نفخت بالقاوي...و باقي نغزر لساقي...نسمع في يحكي
ادم:متخافش...غرزولك في بلاصة وحدة غرزتين و لا ثلاثة...و الجروح الباقية عقموهم و كهو
انا:بالرسمي
ادم:مممم
انا:باهي كان هكا
ادم:ارتاح توا...انا باش ناخو دوش و نرجع
انا:باهي
هز روحو طلع لفوق...قربت صينية بيدي كليت شوية...و تكيت لتالي...كل شوية نغزر لساقي...جات عيني...على بيت مطرفة...محلولة شطر...غريبة علاش مشفتهاش المرة هذيكا...هزيت روحي بالسيف وقفت...غزرت لدروج...باز يكون مزال الفوق...استندت بيدي عالحيط...لين وصلت للباب...كملت دزيتها و دخلت...شعلت الضو...دورت عينيا عالبلاصة الكل...للبيرو لي معبي ورق...و لطاولة زادة...كلشي داخل بعضو...عقدت حواجبي و قربت اكثر...عديت يدي عالورق لي محطوطين غادي...كلهم دوسيات...وصور عباد معروفين و مش معروفين زادة...محاولتش نفهم اكثر...تلفت و جيت باش نخرج...اما لمحت الدوسي اللي رماه زياد لادم هذيكا الليلة...غزرت فيه شوية...و نزلت هزيتو في يدي...نفس الدوسي...كنت باش نرجعو خاطر ميهمنيش برشا...اما في اخر لحظة حليتو...نلقا فيع قائمة متاع اسماء...عوجت فمي و سكرتو...جيت باش نحطو...حسيت بدوخة قوية...و كانو حد كب عليا سطل ما بارد...حليتو بالزربة...نثبت في الاسم مرة و زوز و ثلاثة..."عدنان عبد المالك"...قلبت الورق بالوحدة...لين لقيت الورقة لي تخصو...صورتو...و المعلومات الكل عليه...تروهجت و معادش نجم نتنفس...حسيت بحركة خفيفة برا...سكرتو بالوقت...حطيتو عالطاولة...و خرجت من البيرو...وقفت بحذا الباب...نرد في النفس...كبست روحي نمشي...بالسيف...حتى وجيعة ساقي نسيتها جملة...معاد نجم نفكر في حتى شي...مخي تسكر...كان اسمو لي يتعاود في مخي...منجمتش نصدق لانا قريت اسمو في الدوسي هذاكا...نزلو دموعي بالوقت...فكرة لهو كان السبب انو ادم عمل فيا اكاكا...خلاتني نحس بوجيعة قوية برشا...غمضت عينيا و انا نذكر في كلامو نهارتها..." اغتصاب...يا سوار قداش من مرة قتللك فك عليك من القراية...اما انت ركبتها في مخك...و عملت رايك و اخرتها اغتصاب...ندرا شكون من الكلاب لي تعرفهم خذا حاجتو منك و رماك...والله يا سوار موتك على يدي انا اللي نقتلك...و و نغسل شرفي بيدي"...حليتهم بالوقت...واقفة في نص الصالة مروهجة...الكلام وحل في لساني...قد ما توقعت انو يكرهني...مجاش لبالي لباش تكون عندو يد في اللي صار...انو يكون هو زادة السبب في اغتصابي...و الاسوء من هكا حط عليا اللوم الكل...و تبرا مني قدام ناس الكل...غصة وحلت في حلقي...كيف ذكرت كلامو تالي..." محاجتي بحتى محضر...من اليوم...يا سوار...من اليوم تنسى لعندك عييلة...تنسى لانا بوك...تنسى امك و خوك جملة...لا راك بنتي و لا نعرفك...و ساقك نقصها كان مازلت تحطها في داري مرة اخرى..."حطيت يدي على رقبتي...هو السبب...هو زادة حرمني من امي و من خويا...هو كيف ادم بالظبط...هوما زوز حطموني و خلاوني في بلاصة ماهيش بلاصتي بالكل...طلعت راسي نغزرلو...يمشي و يقرب مني...وقف قدامي بالظبط...وخرت خطوة لتالي...من غير ما نزل عينيا من وجهو...غزرلي مستغرب يحكي
ادم:دنيز لباس ياخي
هزيتلو براسي لا...قداش تمنيت ساعتها اني...نحكي و نلومو على كلشي...اني نسألو سؤال واحد كهو...علااش ؟...علاش عمل فيا هذا الكل...علاش خلاني نعيش اخيب ليلة في حياتي...دموعي غلبوني...حسيت بقهرة...و نفس الوجيعة لي حسيتها هذيكا ليلة...قرب مني اكثر...جا باش يحط يدو على زندي...تلكمت على روحي...وقفتو نحكي
انا:نحب نمشي من هوني
ادم:شصار
انا:س ساقي توجع فيا عاللخر
ادم:باهي ايجا تقعد
انا:لا هزني لداري
ادم:من غدوة نهزك...توا راح الحال
انا:ميسالش
ادم؛دنيز...اسمع الكلام...انت باش تبقى هوني...لين نعرف انو الطريق امان...و حد ما ينجم يقربلك
هزيتلو براسي ايه...قربت من الفوتاي بالسيف قعدت...نغزر لطاولة...مزلت مصدومة...قعد مقابلني يحكي
ادم:شبيك مكملتش ماكلتك
انا:شبعت
ادم:دنيز باش نسألك اخر مرة...تقلقت من شي
انا:لا...اما كان بابا كلمني و عرف لانا مانيش في دار...و كان يعرف باللي صار الكل...باش يرجعني لامريكا
ادم:متخافش ماهوش باش يعرف...انت ارتاح توا...و من غدوة...باش نهزك باهي
انا؛باهي...باش نرقد توا
ادم:تحب نهزك للبيت
انا:لا باش نرقد هوني
ادم:باهي كيما تحب
انا:عيشك
هز روحو قام...و انا تسطحت...شوية وقت ورجعلي...سكرت عينيا...حسيت بيه كي حط الغطا عليا...رصيت على سناني..كيف حسيت بيدو تحطت على خدي رجعلي شعري لتالي...حليت عينيا كان وقت حسيت بيه مشا...نزلو دموعي بالوقت...مع حقد جديد حسيت بيه داخلي...وقتها برك...عرفت قداشني بحاجة زياد توا...اكثر من اي وقت تعدا...فكرة لانا في عرين الاسد...نبكي على لي عملو فيا...خلاتني ننقم عليه و على روحي اكثر...كلشي نحب عليه...نخرج من البقعة هاذي و كهو...غمضت عينيا بالقاوي...نحب ننسا كلشي تعدا عليا...ننسا حتى وين انا...بقيت اكاكا نطلع و نهبط...لين طلع نهار...و غفيت بلا ما نحس على روحي
زياد يحكي: كبست على تليفون في يدي...نمشي و نجي...مخي باش يتحرق...من الصباح نطلب فيها متهزش...واللي حارقني اكثر...حتى راضية متعرفش وينها...جيست لهي مشات لنادي صباح...يعني باز تكون مع ادم...اما من صباح لتوا...شقاعدة تعمل معاه...حتى الرجال متاع ¤¤¤ لي كلفتهم يحرصوها قالو لمشات معاه...بعد الحادثة لي صرات معاهم صباح...فكرة لهي جراتلها حاجة...خلات قلبي يدق بالقاوي...قص عليا تفكيري...ميرال كي حلت الباب و دخلت تحكي ميرال:زياد لباس ماهو
انا:مممم شفما
ميرال؛الحفلة باش تبدا توا
انا:باهي تو نخالط عليك
ميرال:باهي
اول ما خرجت...كلمت ادم...شوية وقت...و هز عليا يحكي
ادم:كنت تحلم بيا ياخي
انا:تنجم تقول ايه
ادم:شصار
انا:سمعت باللي صار صباح في نادي...لباس ماهو
ادم:لباس...ولاد الحرام كي العادة...يتخباو ورا رجالهم
انا:مممم باهي...و انت وينك توا
ادم:في داري
انا:وحدك
ادم:علاش سؤال...كان راك في تونس نقول لانت تحب تونسني
انا:و حرام لي يسألك ياخي
ادم:ريض يا ولدي شبيك على اعصابك
انا:شي جيست تاعب و كهو
ادم:مع ميرال انت
انا:مممم
ادم:وينو التعب في الحكاية
انا:و شمدخلها ميرال
ادم:نعرف لانت تهزها معاك...باش تبدل جو معاها
انا:لا جسيت خدمة و كهو
ادم:صار
انا:مممم...و انت شتعمل
ادم:شي دنيز عندي
كيف سمعت اسمها...حسيت بدوخة قوية...غمضت عينيا بالقاوي...و حليتهم...كبست روحي نحكي
انا؛شكون دنيز
ادم:¤¤¤¤¤ دنيز لانت و هي صحاب
انا:شتعمل عندك
ادم:نلعبو في الكارطة...شبيك هديت عليا بالاسئلة
هزيت يدي...فتحت فلس سوريتي...خذيت نفس بالسيف...نهدي في روحي و نحكي
انا:¤¤¤¤¤¤ بيا...شمجيب الطفلة عندك في نص الليل
ادم:و انت شبيك تحرق في روحك...مش على اساس صحاب و برا
حسيت روحي باش نطرشق...اول مرة نتقلق من ادم لهدرجة...قلبي يخض بالقاوي...فكرة لهي معاه فرد دار...و في هذا الوقت...منجمتش نتقبلها...خذيت نفس و زوز...نحكي
انا:و انا نحكي على هالاساس...بحكم احنا صحاب...قاعد نسأل
ادم:متخافش علاها...الطفلة كبيرة و تعرف لي تعمل فيه..و انت متخممش برشا...و برا اتلها في امورك توا...ميجيش تخلي طفلة تستناك برشا...و خليني انا نتلهى باموري زادة...عندي ما نعمل
نزلت تليفون من وذني...كبست عليه في يدي..نحس في روحي باش نطرشق...منجمتش نسمع كلامو تالي...دخل واحد من رجالي...يخبر فيا باش ننزل اللوطة...منجمتش نرجعلو...حتى اني مسمعتوش جملة اول ما خرج...خالطت عليه نمشي بالسيف...نحس في خطواتي رزينة برشا...كلامو يتعاود داخل مخي...منجمتش نصدق لهي معاه توا...رغم كلشي نعرف ادم بالقدا...و متأكد زادة اذا حط عينو على شي مش باش يهدا حتى يوصلو...اصلا البنات الكل بالنسبة ليه وقت و برا...بعد حنان تبدل برشا...اما لا مش سوار...فكرة لهو باش يقربلها خلاتني نسرح لبعيد برشا...اللي حارقني اكثر...هي شتعمل عندو...نبهت علاها اكثر من مرة...نزلت الدروج هذاكا درجة درجة...تخنقت...و مش طايق نرا حد و لا نكلمو...على اخر درجة قربت مني ميرال...شدتني من يدي تحكي
ميرال:زياد وينك لتوا
مرجعتلهاش...خذيت نفس...و قربت معاها لنص الصالة...وقفت عالطاولة...شاورت لسرفور بيدي...قرب مني...هزيت كاسة من عندو...شربتها فرد مرة...كبست على يدي...تحكي
ميرال:زياااد شصار ياخي...باش تبدا شرب من توا...الحفلة هاذي مهمة برشا
انا:فك عليا احسنلك
شاورتلو مرة اخرى...هزيت من عندو كاسة...ياسر على اعصابي...معاد نجم نفكر في حتى شي اخر...كان فيهم...قربت مني عاللخر...تحكي
ميرال:زيااد عزيزي...ميجيش راهو...الكل عينهم عليك
جبدت يدي منها...و كبست عالكاسة...قحرتلها نحكي
انا:برا اتلها بخدمتك
ميرال:اما
انا:ميرال امانك اسكت
ميرال:باهي
بقيت نحرك الكاسة في يدي...منعرفش قداش من واحد جا لطاولة...كان ميرال لي تلهات بيهم...اصلا منعرفش جملة قداش من كاسة شربت...قص عليا...اخر حد نحب نراه توا...طلعت راسي...غزرتلو...تبسمت على جنب نحكي
انا:اميير العابد هوني
امير:كيفك زياد
انا:لباس...انت شعامل
امير:كي العادة...متوقعتش نراك هوني
انا:هاك ريتني
امير:وين الغيبة هاذي
انا:خدمة كي العادة
قرب مني عاللخر...هز الكاسة متاعو...ضربها على كاستي...يحكي
امير:اما المرة هاذي جوك مريقل
انا:شنية
هز راسو غزر لميرال...ورجع غزرلي...تبسم ندرا كيف...شرب شوية من كاستو يحكي
امير:نظن فهمت قصدي...اما مجاش لبالي...انك باش تسلم فيها بالسرعة هاذي
دورت راسي شوية...غزرتلو مستغرب...كبست عالكاسة في يدي...نحكي بغل
انا:شتقصد
امير:دنيز...نحكي على دنيز
قحرتلو قحرة متاع موت...لا زيد الشهورة لي تعدات الكل و مزالت دور في راسو...شرب شوية...و حط الكاسة و كمل كلامو يحكي
امير:صدقني كان جيت في بلاصتك مستحيل نفرط فيها...و لتوا مزال حاجتي بيها...و انت تعرف بالقدا...وجه جديد عالساحة...قداش باش يربحنا
خليتو كمل كلامو...هزيتلو براسي ايه...بعدت كاستي بيدي شوية...خذيت نفس و هزيت يدي...ضربتو بونية بكل قوتي طاح لتالي...صاحت ميرال تحكي
ميرال:زياااد فاش تعمل ياخي
قربت منو بالزربة...نزلت عليه...جبدتو من سوريتو وقفتو نحكي
انا:ملا قتلي تحب تربح...هوكا الوجه الجديد كيف باش يكون
ضربتو براسي...حسيتو تروهج...دزني بيدو...يحكي
امير:شنووة زياااد لهدرجة محملتوش الكلام علاها
نطرت عليه...جبدتو من سوريتو...شدني من يديا زوز...كبست عليه اكثر نحكي
انا:مزلت تحل في فمك...تحب على اخرتك انت
قربت مني ميرال بالوقت...حطت يدها على كتفي...تحكي
ميرال:زيااد يزي امان...الناس الكل تغزرلكم
ضحك...ضحكة عالية...و جبد روحو مني بالقاوي...يحكي بصوت عالي...يسمع فيهم
امير:زياااد بن ¤¤¤¤¤ عمل عركة على خاطر طفلة...خلاتو بعد نهارين من علاقتهم
كلامو ركبلي العصب اكثر...منعرفش...كيف نطرت عليه ببونية...باقي يضحك و كمل يحكي
امير:هذا خبر الاسبوع...باش يفجر وسائل الاعلام...مفماش تحن عليك و ترجعلك...تستهل بعد لي عملتو على خاطرها
ميرال:زيااد امان خليك منو...هو يحكي هكا بلعاني...امان خلينا نمشو من هوني
انا:مش باش يفهم بالكلام
اول ما وقف...جبدتو من سوريتو...كبست عليه...وخرت بيه لتالي...طاحت اكثر من طاولة في جرتو...ضربتو عالحيط...ضربتو زوز بونيات ورا بعضهم نحكي
انا:كانك امير العابد...انا زيااد...تعرف شمعنى زياد...كان مزال متعرفوش اسمي مليح..برا لسفارة هوني تأكد منو...تعرف لكلمة مني...كلمة وحدة يا امير...مسيرتك...قوتك و نفوذك...توفا في البلاد هوني...نرجعك لنقطة الصفر في لحظة وحدة...و اللي حكيتو توا...اعتبرو تهديد صغير...و توا باش تريقل روحك و تمشي من هوني بقيمتك
نزلت يديا زوز...ريقلتلو الكول متاع الفاست...ضربتو بيدي على كتفي...و تلفت غزرتلهم...هزيت يديا زوز ريقلت الفاست متاعي...ووليت لطاولة...هزيت الكاس شربت منو...كانو شي ما صار...و كل حد رجع لبلاصتو...و لي سارفور يلمو في دنيا...قربت مني ميرال تحكي
ميرال:عجبك لي صار...احنا هوني في خدمة...خدمة يا معلم...اللي تعمل فيه ميجيش...شكونها هي باش تعمل هذا الكل على خاطرها...تلقاها هي شايخة توا...و انت هوني قالب الدنيا
حطيت الكاسة بغزول...و تلفتلها...قحرتلها قحرة متاع موت نحكي
انا:شكونك انت باش تدخل فيا اه
ميرال:ميرال...تحب نذكرك شكون ميرال...ميرال لي خسرت كلشي في جرتك...حتى خدمتي هملتها...و في تالي بدلتني بوحدة ندرا منين جات
ضربت يدي بغزول عالطاولة...هزيت كاسة اخرى...شربتها فرد مرة...و غزرتلها نحكي
انا:من الاول تعرفها حياتي...خبرتك كلشي من الاول..و انت اخترت تكمل معايا...معادش تلومني...اخرج من حياتي..و معادش تدخل في اموري
ميرال:زعمة تستهل لي قاعد تعمل فيه على خاطرها...شنوة يضمنلك لهي زادة تحبك...و لا تحب على مصلحتها منك و كهو
كبست عالكاسة...لين تكسرت في يدي...ضربت الطاولة بيدي لاخرى نحكي
انا:تحملتك برشا راهو...يزي كهو
هزيت هزيت تليفوني...كبست عليه في يدي...و تلفت نمشي و هي ورايا...ما لحقت نودع حد...وصلت للبركينغ...حليت باب الكرهبة و ركبت...خالطت عليا...ركبت قدامي...غزرتلها نحكي
انا:انزل
ميرال:مانيش باش ننزل
محبيتش نزيد معاها اكثر...نحس في راسي باش يطرشق من الشراب...خدمت الكرهبة و طرت بيها...هزيت تليفوني...نكلم فيها...و نسوق بيد...كلمتها مرة و زوز و ثلاثة شي...منعرفش قداش من مرة طلبتها بالظبط...في لحظة حسيتو كانو حد كب عليا سطل ما بارد...كيف علقت عليا...شديت الفران بالقاوي و طلبتها مرة اخرى تليفونها مسكر..نزلت البلار...باقي نطلب فيها مسكر...كبست بيدي عالفولون...نسمع فيها تحكي
ميرال:شفما لباس ماهو
انا:اسكت
حكيت معاها بصوت هادي...نحس في راسي باش يطرشق...خذيت نفس و طلبت ادم...اكثر من مرة...مهزش عليا...يدي رعشت بالوقت...منحبش نفكر في اي حاجة خايبة...ثيقتي في سوار كبيرة...نعرف لمستحيل تعملها و تخلي ادم يقرب منها...تختقت...نحس في روحي باش نطرشق...منعرفش شبيه حتى هو ميحبش يهز عليا...خدمت الكرهبة...نسوق و برك...مزلت دايخ...شربت برشا ورزنت عاللخر...حطت يدها على يدي تحكي
ميرال:شرايك نسوق انا
هزيتلها براسي لا و كملت نسوق...منعرفش كيف عقلت عالطريق...ووصلت لدار ركيت الكرهبة و نزلت...نزلت في جرتي...بقات مخالطة عليا...محكيت معاها حتى كلمة...عقلي مش معاها جملة...بعيد برشا...لدرجة منحبش نفكر جملة في اللي قاعد يصير اول مرة نحس روحي مقيد لهدرجة و ما نجم نعمل شي...كان عليا نرجع في اول طيارة...كلشي نخمم فيه توا...سوار و ادم و علاش هي عندو و شنوة اللي يقصدو بكلامو و لا شنية لي يحب يوصلهولي بالظبط
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 84
رميت الفاست متاعي عالفوتاي بغزول...كملت حليت فلس السورية...قربت من طاولة متاع شرب...كبيت كاسة اخرى...نبرد بيها روحي...استندت بيدي عالطاولة...نحس في راسي باش يطرشق...هزيت تليفوني...كلمتو مرة اخرى شي...جيت باش نطلبها...طفالي...هزيت يدي ضربتو بكل قوتي عالحيط...و كملت شربت الكاسة فرد مرة...و كملت ارميتها هي زادة...قربت مني ميرال...حطت يدها على كتفي...تحكي
ميرال:شصار ياخي...شبيك مش قد بعضك
تلفت عندها...هزيتها وحطيتها...يمكن توا وين غزرتلها بالقدا...لابسة روبة في الازرق طويلة...كيف لون عينيها...تغزرلي متوترة...غمضت عينيا...مروهج من قوة الشرب...فتحتهم...باقي تغزرلي بنفس النظرة...قربت منها شوية...لين معادش بينا مسافة...هزيت يدي...حطيتها على خدها...نعدي في صوابعي...نرجع في شعرها لتالي...نزلت بعينيا لشفافها...تبسمت على جنب...و انا نعاود كلامها في مخي..." زياد تعرف لانا ناثق فيك برشا...و روحي ما تسوى شي قدامك...امانك رد بالك تقرب منها...باش تحرقني راك"...نزلت يدي منها...وخرت خطوة لتالي...نحكي
انا:امشي من هوني ميرال
عطيتها بظهري...هزيت الدبوزة...كبيت كاسة اخرى...قصت عليا تحكي
ميرال:ميزيتش ياخي...لامتى باش تبقى هكا...فيق على روحك زياد...ميجيش لتعمل فيه...باش ضيع روحك على خاطر وحدة كيفها...مكلفتش روحها حتى تهز عليك و جاوبك
شربت الكاسة فرد مرة...و تلفت ارميتها عند ساقها...وخرت خطوة لتالي...قحرتلي قحرة متاع موت...جات باش تحكي...قصيت علاها...كيف قحرتلها نحكي
انا:اخر مرة...تدخل في اموري...مكانش باش يكون عندي تصرف اخر معاك باهي
ضحكت باستهزاء...هزت يديها بغزول...ورجعت نزلتهم تحكي
ميرال؛معادش نستغرب...ذكر كيف كانت علاقتنا قبل عام...شنوة لي تبدل...تنجم تفهمني...راني باش نهبل...حاولت معاك اكثر من مرة...حاولت برشا نرجعو كيف الاول...اما في كل مرة تكون هي بيناتنا...في كل مرة تبعدني عليك...على خاطرها هي
بقيت نشوف معاها...سكتت شوية و قربت مني...هزت يدها حطتها على صدري...و يدها لاخرى حطتها على خدي...تحاول تخليني نغزرلها...تحكي
ميرال:اغزرلي...انا ميرال...ميرال حبيبتك...انا لي ضحيت بكلشي على خاطرك...رغم اني كنت نعرف لمستحيل توصل تحبني...اما مش لدرجة معادش تغزر لوجهي
لفت وجهي...كبست عليا بيدها...و كملت كلامها
ميرال:اغزرلي زياد...اغزرلي...انا كنت المفضلة عندك ديما...انا كنت العميلة رقم واحد...و مزلت في نفس المنصب...فاش قام تبدلني بيها...شنية المميز فيها...شنوة اللي صار...قولي كلمة وحدة...جاوبني امانك
هزيت يدي حطيتها على يدها...كبست علاها...نزلتها من خدي...جبدت روحي شوية لتالي...رخفت يدي علاها شوية شوية...نحكي
انا:حبيتها...خاطرني حبيتها
منعرفش...كيف خرجت الكلمة هذيكا...يمكن اول مرة نعترف لحد بالكلام هذا...اما ملقيتش جواب اخر...غزرتلي ندرا كيف..ووخرت لتالي...مش مصدومة باللي سمعاتو...خاطرها تعرف لانا حاجتي بسوار...اما الاعتراف هذا مني بالظبط صدمها...هزت يدها رجعت شعرها لتالي...يمكن اول مرة نرا النظرة هاذي في عينين ميرال...منكرهاش...و عمري ما كرهتها...اما زادة عمري ما حبيتها...حاولت وقت كنا مع بعض...اما منجمتش...و لا مرة وعدتها بشي...و هي رضات من الاول بعلاقتنا...اصلا لتوا منعرفش كيف حبيت سوار...و كيف وصلت للمرحلة هاذي...عمري ما توقعت نوصل للحالة هاذي في جرة طفلة...غمضت عينيها...و حلتهم تحكي
ميرال:حبيتها...بعد اللي صار الكل...حبيتها هي..باهي و انا...انا لي عطيتك كلشي...وين انا في الحكاية...بالبساطة هاذي رميتني...اما ذكر كان هي دنيز...انا ميرااال...و انت تعرفني بالقدا كي نحب على شي...شنوة نجم نعمل
انا:تهدد فيا ياخي
ميرال:ميطلعليش قدامك...اما باش نثبتلك...لانت تمشي في ثنية غالطة...باش نثبتلك لانت غلطت برشا وقت خليتني
انا:وفا كلشي توا...حتى كان ثبت اي شي...انا منجمش نرجع لتالي
ميرال:باش ترجع...على خاطر خوك باش ترجع
طلعت راسي...على كلامها تالي...غزرتلها مصدوم...عقدت حواجبي...كبست عالبونية متاعي نحكي
انا:شتقصد
ميرال:غريبة...كيف واحد كيفك منبهش للحكاية...ياخي ملاحظتش قداش خوك مهتم بيها...ملاحظتش كيف يغزرلها...و كيف حكا معاها في الحفلة...ملاحظتش اهتمامو بيها...باهي خلينا من ادم...شبيها دنيز مهتمة بيه برشا...علاش بين الف نادي في تونس...اختارت نادي متاعكم...و علاش اختارت انها تدرب عالسلاح...و في وقت اللي ادم يكون موجود...علاش نهار لخطفها ياسر كلمت ادم...علاش مكلماتكش انت...و اليوم وقت هدو على نادي كانت موجودة معاه...و باز مزالت معاه لتوا
سكتت شوية...و انا باقي مروهج من كلامها...تبسمت على جنب...هزت كتافها شوية...وكملت تحكي
ميرال:هذوما الكل مش صدفة...كلشي مدبر...شبيك منبهتش للحكاية و لا على خاطر تحبها...قاعد تبررلها...زعمة متكونش لعبة مع ادم باش يطيحوك...خاصة و حد ما يعرف شكون انت غيري
بقيت نعقل في كلامها...و الاحداث الكل تتعاود في مخي...كلشي قالتو عملتلو فلاش باك...لا مستحيل...نعرف لسوار مستحيل تعملها...اصلا كلشي تعلماتو على يدي...نعرفها بالقدا و مستحيل احساسي يخيبني...كيما زادة متأكد مستحيل ادم ينجم يأذيني...اصلا انا لي عرفتهم على بعض...افكاري دخلت بعضها...و زادة شرب اثر فيا برشا...و لي حارقني...اكثر من هذا الكل...انو و لا حد فيهم هز عليا...خذيت نفس نهدي في روحي...قربت مني...وقفت قدامي بالظبط...شدتني من سوريتي...تحكي
ميرال:امانك فيق على روحك...و ارجع كيف الاول...انساها...وحدة كيفها متستهلش حبك...يزي زياد
نزلت راسي غزرتلها...نثبت في وجها...في عينيها لي بدموع...مستحيل كلامها ينجم يأثر فيا...و لا حتى دموعها...هزيت يدي...حطيتها على يدها...كبست علاها...نزلتها...ووخرت بيها لتالي...لين وصلت لباب...هزيت يدي لاخرى...حليت الباب...وخرجتها...منجمتش نتحملها اكثر...جات باش تحكي...سكرت الباب في وجها...و تركزت بيديا الزوز علاها...نرد في نفس...نسمع فيها تخبط عالباب..وتصيح
ميرال:زياااد حل الباب حل...في بالك كي عملت هكا باش تهرب من الحقيقة...شي ماهو باش يتبدل...حل خلينا نحكو
وخرت لتالي...وليت لطاولة...كملت شربت الكاسة...هزيت دبوزة لقيتها فرغت...رميتها عالارض...هزيت يديا زوز...رميت كلشي عالارض...كسرت كلشي جا على يدي...فرغت غشي الكل...لين حسيت روحي تهديت...ترميت عالفوتاي...غمضت عينيا...معاد نحس بحتى شي...كلشي تسكر عليا...صوت ميرال ماشي يبعد...لين سكتت جملة...ترخف بدني عالفوتاي...منعرفش اصلا كيف هزني نوم...ورقدت...بعد اللي صار الكل
سوار تحكي:
نحل في عينيا بالسيف...نحس في بدني مدقدق...وجيعة في ساقي مش نورمال...خلي وجيعة قلبي...فكرة لانا باش نراه صباح ربي وترتني برشا...هزيت روحي بالسيف تقعدت...نزلت ساقيا عالارض...باش نقوم منجمتش...وليت قعدت و تكيت لتالي...نغزر لشباك...لضو لي داخل منو...حسيت بقبضة في قلبي...احساس خايب برشا...اول حد جا لبالي زياد...حطيت يدي على قلبي...نهدي في روحي...غمضت عينيا...ورجعت حليتهم...نسمع في صوت خطواتو من بعيد...عدلت روحي وخذيت نفس...نغزر فيه ماشي و يقرب مني...يغزر لتليفونو...وجهو ما فيه حتى تعبير...طلع راسو غزرلي...يحكي
ادم:بونجور
انا:بونجور
ادم:رقدت مليح
انا:مممم...و انت لباس ياخي...شفما
ادم:لباس مفما شي
انا:ادم شصار ياخي
ادم:منعرفش زياد طلبني برشا...و توا مسكر تليفونو
انا:علاش مهزيتش عليه
ادم:مسمعتوش
ترما عالفوتاي مقابلني...باقي يطلب فيه...و هو ميهزش...ريت الخوف على وجهو...متوقعتش لهو باش يخاف عليه لهدرجة...قلبي نحس فيه باش يخرج من بقعتي...وقتها برك ذكرت تليفوني...خليتو في صاك...و نسيتو بعد اللي صار جملة...نطرت من بلاصتي جيت واقفة...حتى وجيعة ساقي محسيتش بيها...طلع راسو...غزرلي مستغرب...يحكي
ادم:شفما
انا:تليفوني
ادم:شنوة
انا:ادم ياخي صاكي بقا في نادي
غزرلي مستغرب...عقد حواجبو...و ضيق عينيه يحكي
ادم:نظن بقا غادي...انت مذكرتنيش و الا كنت بعثت شكون يجيبهولك
هزيت يدي حطيتها على وجهي...رجعت شعري لتالي...نحكي
انا:لازم نمشي توا
هز روحو وقف...و قرب مني...وقف قريب مني يحكي
ادم:شصار ياخي
انا:نسيت تليفوني
ادم:وين المشكلة..تو نوصي حد يجيبهولك
انا:ادم امان نحب نمشي توا...باز بابا يكون طلبني...و كان يسمع باللي صار...مستحيل يخليني هوني في تونس...المرة هاذي اكيد باش يرجعني معاه
قرب مني اكثر...حط يديه زوز على زنودي...كبس عليا...طلعت راسي جا وجهي مع وجهو...قلبي دق بالقاوي...نحب نجبد روحي...اما زادة منجمش نشلق بروحي توا...و نحاول نربح ثيقتو باي طريقة...نسمع فيه يحكي
ادم:باهي اهدا توا
انا:امان ادم لازم نمشو توا
ادم:باهي اتو تفطر ساعة
انا:هأة منحبش
تبسم على جنب...ورخف يديه عليا...وخر خطوة لتالي...يحكي
ادم:باهي يا لالة كيما تحب
انا:عيشك
جبد روحو مني...رجع طلع...باز نسى شي...بقيت واقفة في بلاصتي...قلبي و عقلي معاه...فكرة تليفونو مسكر محبتش تدخل لمخي...باز سمع باللي صار...و كلمني...توترت لدرجة...معرفتش كيف نجمت نتلف ادم...و نحكي معاه...انا اكاكا...و نرا فيه يقرب مني...وقف قدامي يحكي
ادم:نمشو توا
انا:مممم
نزل هز الفاست متاعي...قرب مني...لبسهالي...و غزرلي يحكي
ادم:تنجم تمشي
هزيتلو براسي ايه...سبقني...خالطت عليه...الخطوة نعملها بالسيف...تلفتلي...عدا يدو على شعرو...ورجع قرب مني...مدلي يدو...يحكي
ادم:هيا ايجا
هزيت يدي بالسيف...دورتها على يدو..قربت منو شوية...نمشي بالسيف...حتى هو متقلقش مني جملة...يمشي بالشوية على خاطري...اول ما خرجنا...غزرلي يحكي
ادم:لباس ياخي
تبسمتلو بالسيف...و هزيتلو براسي ايه...خذيت نفس نحكي
انا:مليحة مرسي
تبسملي...وتلفت...كملت معاه للكرهبة...قرب فتحلي الباب...عاونب..ركبت...و خالط عليا ركب بحذايا...خدم الكرهبة...و تلفتلي يحكي
ادم:باش نوصلك لدار توا باهي
انا:و تليفوني
ادم:باش تلقى كلشي غادي...وصيت شكون يسبقنا يوصلهم...انت لازمك ترتاح توا
انا:باهي مرسي برشا
ادم:من غير مزية
يسوق بيد...و باقي يطلب في زياد...منعرفش قداش من مرة باقي يطلب فيه...شعرة لا دخلنا في كرهبة...غزرتلو نحكي
انا:ااادم رد بالك
دور الكرهبة بالوقت...عقلو الكل مع تليفون...و انا اكثر منو...زعمة علاش ميحبش يهز عليه...شنية لي صار...قلبي نحس فيه يوجع فيا بطريقة مش نورمال...مش مطمني جملة...خاصة و هو بعيد عليا برشا...نزلت البلار نحاول ناخو نفس...قلبي غم عليا...غزرلي يحكي
ادم:دنيز لباس ماهو
انا:ممم مليحة
نقص في الفيتاس شوية...خاطر حس لانا متقلقة...دورت راسي للبلار...نغزر لثنية...نحاول نهدي روحي...كل تفكيري معاه...منعرفش شبيه ميحبش يهز عليه...و علاش مسكر تليفونو...طول الثنية و احنا ساكتين...و هو باقي يطلب فيه...منعرفش كيف وصلنا...اول ما راكا الكرهبة تلفتلي يحكي
ادم:وصلنا
دورت راسي غزرتلو...فقت من سرحتي...هزيتلو براسي ايه...حليت الباب و جيت باش ننزل...وقفني يحكي
ادم:حاول متخرجش الفترة هاذي...و رجالي زادة باش يكونو هوني...متخاف من شي
انا:باهي مرسي مرة اخرى
جا باش ينزل يعاوني...وقفتو نحكي
انا:ميسالش تو ننزل وحدي مرسي
ادم:باهي رد بالك على روحك
انا:باهي عيشك
تبسملي شطر تبسيمة...كملت حليت الباب و نزلت...تقويت على روحي...و مشيت لدار...كل لي يهمني...اني نكلمو انا بلكشي يهز عليا...اول ما وصلت لباب...شاورتلو بيدي...هزلي براسو ايه...و مشا...دقيت الباب بالقاوي...فتحتلي خالتي راضية مصدومة تحكي
راضية:دنيز بنتي وينك لتوا
هزيت يديا زوز شديتها من كتافها...نحكي بالزربة...نحب نكلمو و كهو...لازمني نحكي معاه...خاطر نحس في روحي باش نهبل
انا:خالتي...امان قولي جابوه صاكي من نادي و لا مزال
راضية:جابوه...هوكا حطيتو في بيتك
انا:باهي
هزيت روحي نمشي بالسيف...منعرفش كيف طلعت الدروج هذاكا...ساقي اعلى من راسي...حليت باب بيتي...و دخلت...نفركس بعينيا على صاكي...لقيتو فوق الفوتاي...حليتو و فرغتو الكل...فوق الفوتاي...هزيت تليفوني...جيت باش نحلو...لقيتو مسكر قلبي دق بالقاوي...حاولت نشعلو...محبش...عرفت لشارج طاحتلو...بقيت نفركس على شارجور...نسيت وجيعة ساقي جملة...اول ما لقيتو...بلاصيتو في تليفون...و شعلتو...عينيا وساعات...و انا نرا في المكالمات متاوعو...اول مرة يكلمني لهدرجة...و كلم ادم زادة...زعمة شيكون صار معاه...كلمتو و يدي ترعش...مرة و زوز و ثلاثة شي...تليفونو مسكر...حسيت دموعي سايي باش تنزل...حطيت يدي على رقبتي...نبرد في روحي...انا اكاكا...ودخلت خالتي راضية تحكي
راضية:دنيز عزيزتي لباس ياخي
انا:مليحة خالتي طمن
راضية:وووه شبييها ساقك
صياحها فجعني...نزلت راسي...غزرت لساقي...نلقا الفاصمة كلها دم...خذيت نفس نحكي
انا:مليحة خالتي متخافش
راضية؛يا بنتي ساقك كلها دم...ميجيش راهو
مرجعتلهاش...باقي نطلب في زياد...قربت مني فكت تليفون من يدي...تحكي
راضية:نحكي معاك راهو
انا:سيبني خالتي امانك...لازمني نكلم زياد
راضية؛باهي ارتاح مبعد كلمو عيش بنتي
انا:لا منجمش...لازمني نحكي معاه توا...بلكشي صايرلو شي
راضية:شنية لباش يصير...بلكشي يكون خدام على روحو...و زادة هو كلمني البارح
انا:تحكي بالرسمي...شقالك
راضية:سأل عليك و كهو
انا:لازمني نكلمو توا...لازمو يهز عليا
راضية:دنييز يزي
فكيت تليفون من يدها...ورجعت كلمتو...مرة اخرى...باقي تليفونو مسكر...قلبي نحسو باش يخرج من بقعتو...حسيت بدوخة قوية...استندت بيديا عالحيط...شدتني من يدي تحكي
راضية:هيا معايا عيش بنتي
كبست على يدها...عاونتني قربت للفرش...قعدت و تكيت لتالي...مشات بالزربة...جابتلي بوات فرماسي...شديتها علاها نحكي
انا:خلي عليك خالتي...تو نقي الجرح وحدي
راضية:اما
انا:تنجم جيبلي حاجة نلبسها امانك
راضية:باهي
نحيت الفاصمة...غزرت للجرح...غمضت عينيا بالقاوي..مش كبير برشا...اما ياسر يوجع...مسحت الدم...حطيت معقم...و فاصمة جديدة...قربت مني خالتي راضية...عاونتني نبدل دبشي...لبست روب خفيفة...ورجعت شعري لتالي...غزرتلي تحكي
راضية:تو نحضرلك شي تاكلو و نرجع
هزيتلها براسي باهي...اول ما خرجت...هزيت روحي بالزربة...كلمتو مرة اخرى...باقي مسكر...بعثتلو ميساج..."زياااد وينك...امانك هز عليا"...تكيت عالحيط...نستنا فيه يرجعلي شي...منعرفش قداش بقيت واقفة...لين دخلت خالتي راضية.. هازة في يدها صينية...اول ما شافتني قحرتلي قحرة متاع موت...تحكي
راضية؛علاش قمت ياخي
انا:خالتي محبش يهز...ميكونش صرالو شي...كلو جرايري خاطرني نسيت تليفوني في نادي
راضية؛يا بنتي...بلكشي يكون مشغول...متعرفوش ياخي...مرات يوصل ميكلمكش جملة...ايجا ارتاح و تو هو يطلبك
انا:منجمش
راضية:دنيييز هيا عيش بنتي
وليت لسرير في خاطرها...حطت صينية قدامي...بقيت نغزر للماكلة...ما عيني في شي...كلشي نحب عليه توا نسمع صوتو...دوب كليت ملعقتين من الشربة...و حبست...غزرتلي تحكي
راضية:معجباتكش ياخي
انا:لا بالعكس...اما والله ما نجمت ناكول
قعدت قدامي...حطت يدها على يدي تحكي
راضية؛دنيز ياخي قاعدة ترا في روحك...ضعفت برشا راك...من وقت مشا و انتي عالحالة هاذي...و زادة هوكا تقريبا كل يوم يكلمك...باز المرة هاذي يكون مشغول.. متخدمش مخك برشا...نعرفك قوية...اكثر من هكا
هزيتلها براسي باهي...حاولت توكلني بيدها...كليت شوية في خاطرها...و جبدت روحي نحكي
انا:كهو...معادش نجم
راضية؛باهي عزيزتي
انا:خالتي امانك اعطيني تليفوني
تنهدت...عرفت لمش باش نهدا كان وقت نسمع صوتو...بقيت نغزرلها...هزتلي براسها باهي...هزت صينية في يدها...وقامت...هزت تليفوتي...حطاتو في يدي...تحكي
راضية:متقلقش روحك باهي...و كان كلمتو طمنني
شديتو علاها...و هزيتلها براسي باهي...خرجت و سكرت الباب...وراها
كبست على تليفون في يدي...و حليتو...مرجعليش على الميساج....كلمتو مرة اخرى باقي مسكر...فكرت نكلم ميرال...اما رقمها بقا في تليفون القديم...بقيت على اعصابي...نهار الكل...منجمتش نتحرك من بلاصتي...نحس في بدني مدقدق...و دايخة عالخر...انا اكاكا ونوقز تليفوني...للحظة ستخايلتو هو...اما حسيت بخيبة وقت لقيتو ادم...خذيت نفس...و هزيت عليه...نحكي
انا:الو
ادم:اهلا دنيز كيفك توا
انا:مليحة عيشك
ادم:و كيف تحس في ساقك
انا:احسن من الاول
ادم:باهي...رد بالك على روحك...باش نكلمك مبعد
انا:ادم
ادم:شنية
انا:زياد هز عليك ياخي
سكت مرجعليش...نعرف لسؤالي صدمو...اما معادش نجم نشد روحي...لازمني نسأل عليه...خذيت نفس و كلمتو مرة اخرى
انا:ادم
ادم:نسمع فيك
انا:ياخي حكيت معاه...خطرم كنت مقلق على جالو صباح ادم:لا...منجمتش نوصلو و تليفونو باقي مسكر...باز يكون مشغول
انا:باهي ميسالش باي
ادم:باي
نزلت تليفوني...حاولت ناخو نفس منجمتش...قلبي غم عليا اكثر...و طرشقت بالبكا...اصلا حاسة روحي تاعبة عاللخر...و معادش عندي جهد جملة باش نتحمل لقاعد يصير...خلي يزيد يفجعني هو عليه...تسطحت لتالي...و كبست على تليفون في يدي...نستنا فيه يكلمني...منعرفش كيف هزني نوم و رقدت
😈😈 لا ادم و لا سوار عندهم ذنب 😲 اما بعد الكلام لي قالتو ميرال لزياد 😡 شباش يعمل😕 باش يصدقها...و يتهمهم زوز...و لا عندو تصرف اخر 😲😵 الاحداث متواصلة...و الشخصيات الجديدة باش يكون عندها حضور قوي في الكرونيك 😍😍
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 85
زياد يحكي:
نسوق و تفكيري بعيد برشا...كلشي نحب عليه توا...اني نوصل عندها و كهو...اصلا خسرت كلمتين عليهم..."لازم نرجع لتونس"...هذيكا الجملة لي لوحتها وقت فقت من سكرتي...شديت اول طيارة و رجعت...خاطر كان نبقى نهار اخر غادي...باش نطرشق...كلام ميرال خلاني بين نارين...قد ما حاولت ننساه...منجمتش...حفظتو بالكلمة...اما زادة منجمتش نصدقو...سوار مستحيل تعملها...هذا الكلام لكنت نقنع بيه روحي...منعرفش كيف وصلت لدارها...اصلا من المطار جيت لهوني...ركيت الكرهبة و نزلت...نعمل في الخطوات بالسيف...اول مرة نكون متردد..قد وحشي ليها...نحب نكون بعيد توا...افكاري دخلت بعضها...معادش نعرف شنية لي حاجتي بيه بالظبط...دقيت الباب...فتحتلي راضية بالوقت...عينيها وساعو كيف شافتني...حلت الباب على وسعها تحكي
راضية:زياااد...نقصد مسيو زيااد تفضل...هوكا من البارح قالبة دنيا عليك...عيش ولدي طمني علاها
استغربت من كلامها...ضيقت عينيا...و غزرتلها نحكي
انا:وينها
راضية:في بيتها
هزيت روحي...طلعت الدروج...نخمم في كلامها...و شقصدها قالبة عليا دنيا...وين كانت وقت كلمتها ليلة كاملة...علاش ذكرتني البارح...حتى ادم زادة كلمني البارح...باز هاذي ماهيش باش تكون صدفة زادة...اصلا بعد ما ريت مكالماتهم و ميساجات...سكرت تليفون...و لتهيت مع الخدمة...باش نجم نرجع في اقرب وقت...وصلت لباب بيتها...قلبي دق بالقاوي...بصفة غريبة...رغم كلشي تعدا عليا...اما من داخل فرحان برشا...لانا باش نشوفها توا...باش نرا وجها...هزيت يدي كبست عالبواني...من غير ما نخمم في حتى شي اخر...باهي و لا خايب...كهو نحب ندخل عندها...حليت الباب...غزرت للفرش متاعها...غزرتلها راقدة...و مش حاسة على شي...حتى صوت الباب محستس بيه...رخفت يدي...ودخلت...قربت بخطوات رزينة للفرش...قعدت على طرف السرير...نغزرلها...نغزر لتفاصيل وجها...لخشمها الصغرون...لشفافها لي منفوخين من نوم...و خلي تكنفيرة خدها...تبسمت على جنب...نحس الغش اللي داخلي الكل وفا...و انا نغزرلها...و كان نبقى حياتي الكل نغزرلها...منشبعش منها...نزلت بعينيا من وجها لصدرها...كابسة على تليفون بيدها و محضناتو...شخت عالفازة...نسيت لجيت على خاطرو...نسيت لانا هوني باش نحاسبها...نسيت الغش لي ركبتهولي ليلتها...هزيت يدي...باش نبعد خصلات شعرها...اما في لحظة كبست عالبونية متاعي...ورجعتها لتالي...غمضت عينيا بالقاوي...خذيت نفس...وحليتهم نغزرلها...منحبش نمسها..منحبهاش تفيق...اصلا منعرفش شنوة اللي باش نحكيه معاها...منعرفش قداش بقيت اكاكا...الغريبة نومها ولى رزين برشا...بدات تتحرك...عرفتها باش تفيق...حلت عينيها شوية...غزرتلي...ورجعت سكرتهم...ورجعت حلتهم...بقات تغزرلي شوية...كانها تحاول تستوعب...هزت يدها...حكت عينها...تحكي
سوار:ز زياد
مرجعتلهاش...باقي نغزرلها و كهو...هزت روحها...تقعدت بالزربة...من غير ما تحكي شي...منعرفش اصلا كيف ترمات عليا...و حضنتني بالقاوي...حسيت ببدنها لي دافي...من غير حتى مسافة بينا...دورت يديها زوز على ظهري...كبست عليا تحكي
سوار:زيياااد وينك لتوا...شصار ياخي...انت مليح...خفت عليك برشا...والله باش نموت من الخوف...علاه خليتني وحدي
نسمع في كلامها...لي خارج بغصة متاع بكا و بحة متاع نوم...خذيت نفس...هزيت يدي بالسيف...متردد...متوقعتش لباش تتصرف هكا...لدرجة مخلاتليش الفرصة حتى باش نحكي...كبست عليا اكثر...تحكي
سوار:علاه مهزيتش عليا...شبيه تليفونك مسكر اه
حطيت يدي على ظهرها...كبست علاها...نحب نشبع منها...نشم ريحتها...قبل ما نحكي على شي...نحبها تبقى عندي توا و كهو...خذيت نفس...و نزلت بيديا على كتافها...جبدتها من عندي شوية...هزت راسها غزرتلي...لحقت تبكي...نغزرلها...و كلام ميرال يتعاود في راسي...نحب نسألها برشا اسئلة...اما فرد وقت...منحبش نشك فيها...خاطر نعرف اللي مستحيل يكون فما شي بينهم...اما زادة اللي صار الكل...مش صدفة...جيت باش نحكي...قصت عليا...كيف حطت يدها على صدري...تحكي
سوار:م متاع هذوكا المرة...حاولو يقتلوني انا و ادم...ساعتها مت رعبة خاطرك مكنتش معايا...كان مش ادم كنت باش نموت...و وليلتها بقيت عندو...خاطر البوليس كان يفركسو عليه...و صاكي بقا في نادي على هذاكا مريتش تليفون وقت كلمتني...من بارح و انا نستنا فيك تحل تليفونك...كلمتك برشا...حاولت نوصلك...حتى ادم سألتو...اما انت مهزيتش عليا
هزت يدها لاخرى...ضربتني على صدري...و كبست على سوريتي...تبكي و تحكي فرد وقت
سوار:علاش مكلمتنيش...علاش خليتني محيرة عليك...شبيك عملت فيا هكا...من بارح نستنا نسمع صوتك برك...شبيك لتوا متحبش تحكي معايا
هزيت يدي...من غير ما نخمم مرتين...جبدتها عندي...حضنتها بالقاوي...نحكي
انا:ششش يزي
سوار:وينك لتوا
انا:هوني معاك
جبدت روحها شوية...غزرتلي في عينيا ندرا كيف...نظرة خوف مخلطة بغش و فرحة زادة...تحكي
سوار:انت مليح مش هكا
هزيتلها براسي ايه...هزيت يدي بالوقت...نرجع في شعرها لتالي نحكي
انا:توا وليت مليح
قربت مني عاللخر...باستني من خدي...ورجعت حضنتني بالقاوي...تحكي
سوار:و انا زادة توا وين ارتحت
كبست علاها بيدي...و نزلت بستها من راسها...غمضت عينيا نشم في ريحتها...نحاول قد ما نجم ما نخمم في حتى شي اخر...اصلا حكات كلشي فرد مرة من غير ما نسألها...منعرفش قداش تعدا علينا وقت...كبشت فيا اكثر...نعرفو خوفها هذا بالقدا...اصلا انا برك لشهدت على ضعغها و قوتها مع بعض...و تبدا هكا كان وقت تعيش نفس الاحساس متاع كل مرة...قص علينا صوت دقان الباب...كبست عليا بيديها اكثر...لزيتها ليا اكثر...نحكي
انا:ادخل
حلت راضية الباب و دخلت...غزرتلنا و تبسمت تحكي
راضية:سامحوني...اما دنيز لازم تاكول شي...من بارح ما كلات شي
عقدت حواجبي مستغرب...هزيتلها براسي باهي...نحكي
انا:باهي خليه عالطاولة عيشك
راضية؛باهي
حطاتو...وخرجت...نزلت راسي نغزرلها...جيست معنقتني...حتى البكا قصت عليه...حطيت يدي على شعرها نحكي
انا:صحيح لي سمعتو
سوار؛ممم
انا:و السبب
سوار:انت
انا:باهي قوم تاكول توا
سوار؛هأة
انا:سواار
سوار:توحشتك برشا
خذيت نفس...حتى انا توحشتها برشا...اما فرد وقت..نحس في روحي تاعب...نحب نعاتبها و نحاسبها...اما منجمتش...منحبش نحسسها بشي...و لا نخلي الشك يدخل بينا زوز...كبست علاها نحكي
انا:شرايك تبقا الفترة هاذي معايا
جبدت روحها مني...غزرتلي في وجهي...مصدومة...خاطر مش مستانس نطلب منها تبقى عندي...كان وقت نحس لهي في خطر...و لا تاعبة...و المرة هاذي بالحق حسيتها تاعبة...رجعت شعرها لتالي تحكي
سوار؛في دارك
انا:مممم
سوار؛تحكي بالرسمي
انا:ايه...عالاقل لين ترتاح
سوار؛باهي موافقة
رجعت حطت راسها على صدري...خذيت نفس...نحكي
انا:اما باش تاكول قبل...هيا ازرب روحك
سوار؛منحبش توا
انا:سوااار...تاعب راني هيا عيشك
جبدت روحها مني...قحرتلي قحرة متاع موت...متوقعتهاش تغزرلي اكاكا...بعدت عليا...نزلت من الشيرة لاخرى...حسيتها لي وقفت بالسيف...جات عيني على بقعة دم عالفرش...قلبي ضرب بالقاوي...طلعت راسي غزرتلها...نرا في ساقها لكلها دم...هزيت روحي وقفت بالزربة...في لحظة كنت واقف قدامها نحكي
انا:شبييك
سوار:منعرفش...البارح عقمت الجرح...يمكن الغرز تفكو
انا:غرز شنية فاش تحكي
سوار؛اكا النهار...وقت الحادثة...قزاز دخل في ساقي...و ادم هزني للكلينيك...و منجمش يخليني وحدي...على هذاكا هزني معاه
انا:باهي...ايجا
شديتها من كتافها...قعدتها عالفوتاي...رجعت شعرها لتالي...قربت من التابل دونوي هزيت بوات فرماسي...و قعدت عالطاولة...مقابلها...لقيتها ديجا نحات الفاصمة...غزرتلي تحكي
سوار:ميسالش تو ندبر راسي
قحرتلها...و نزلت راسي نغزر للجرح...ضيقت عينيا...ياخي ديما جي في راسها الطفلة هاذي...شصار كان ترصت قعدت هوني...مكنتش باش نخلي خدمة قد راسي و نجي لهوني على خاطرها...هزيت قطن نمسح في دم...بالحق الغرز تفكو...تنهدت بالقاوي...نحكي
انا:تحب نهزك للكلينيك
مرجعتليش...طلعت راسي...لقيتها سارحة فيا...طلعت حاجبي مستغرب...نحكي
انا:سوااار
سوار؛ممم
انا:تحب نهزك للكلينيك
سوار؛هأة...انا مليحة
انا:وين سرحت
سوار؛اه منعرفش
انا:علاش مشيت لنادي...مليح لي صار فيك
سوار؛ك كان هو باش يجي لهوني...على هذاكا مشيت انا عندو...في بالي ساعة و تتعدا...مكنتش نعرف لباش يصير هذاكا الكل
تنهدت بالقاوي...نعرف اللي تحكي فيه الكل صحيح...منحبش نشك فيها...اصلا حالتها فجعتني اكثر...متوقعتش اني باش نلقاها في الحالة هاذي...كملت عقمت الجرح...و حطيت يدي على خدها نحكي
انا:معادش تفكر في اللي صار باهي
سوار:باهي
انا:هيا كول توا باش نمشو
هزيتلي براسها باهي...وقفت و قربتلها صينية...و مشيت للقارد روب...باش نجبد شوية دبش...تهزو معاها...نسمع فيها تحكي
سوار:زيااد
انا:شنوة
سوار:ا ادم
انا:شبيه
سوار:هو البارح الصباح...خلى هوني زوز من رجالو...يعني باز شافوك وقت دخلت
تلفت عندها...قحرتلها قحرة متاع موت...نحكي
انا:و انت شبيك خفت
نزلت راسها...شبكت يديها...تنهدت بالقاوي...تحكي
سوار:ا انا جيست خفت يشلقو بعلاقتنا...و تكون انت في مشكلة
اتا:متخافش...مش باش يخفى عليا حتى شي
سوار:باهي
بقيت نغزرلها...هزت يدها تحرك في الشوكة...و تغزر للماكلة...عندي برشا...مريتهاش في نفس الحالة هاذي...و زادة منجمتش نسمع كلمة ادم من فمها...نحس في راسي باش يطرشق...جيت باش نحاسبها وليت نرضي فيها...اما كلشي يهمني توا...انها ترتاح...و تنسى لي صار جملة...مبعد كلشي يولي باين...للكل...ليا و ليها و لادم زادة...كلشي باش يتوضح مع الوقت
☺☺...كنتو متوقعين عركة كبيرة بينهم 👊👊👊 اما الحلقة كانا هادية عاللخر 😈😈😌😌ايه اما هذا مش يعني الامان 😂 الاحداث مزالت متواصلة...و الشك دخل لقلب زياد
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 86
حليت الباب...خليتها دخلت...ودخلت وراها...كملت تمشي بالسيف...جات باش تدخل لبيتها...قربت منها بالزربة...شديتها من يدها كبست علاها نحكي
انا:باش تبقى عندي
سوار:باهي
كملت معاها للبيت...قعدتها عالسرير...حطيت دبشها قدامها...و غزرتلها نحكي
انا:ارتاح توا...انا باش نعمل دوش
هزتلي براسها باهي...جيست تبسمتلها...جبدت دبشي...ودخلت لبيت البانو...سيبت الما على روحي...نفكر في كلامها...و كلام ميرال فرد وقت...و في اللي صار الكل من قبل...لين حسيت راسي باش يطرشق...كملت الدوش...بدلت دبشي و خرجت...غزرت لسرير...لقيتها ديجا غفات...ضيقت عينيا...مش قد بعضها جملة...قربت منها...حطيت يدي على جبينها...معندهاش سخانة...بقيت نغزرلها شوية...تنهدت بالقاوي...و نزلت علاها شوية...بعدت شعرها على وجها...غطيتها...و جبدت روحي منها...قربت من الكوافوز هزيت تليفوني...وخرجت لصالة...ترميت عالفوتاي...نغزر لنومرو ادم...و قداش من مرةطلبني...خذيت نفس و كلمتو...هز عليا بالوقت يحكي
ادم:¤¤¤¤¤¤¤¤ وينك يا ساقط
تبسمت على جنب...كيف يبدا مغشش يسبني قبل ما يفهم الحكاية...خذيت نفس نحكي
انا؛نفس السؤال...وينك
ادم:¤¤¤¤ من بارح نكلم فيك...وين ¤¤¤ توا
انا:في داري
ادم:شوف كي جابد بالمرتاح...شنية صار معاك ليلتها..شبيك طلبتني اكثر من مرة
انا:كان هزيت عليا ساعتها كنت تعرف
ادم:تكلم فيا في نص الليل...تحبني نهز عليك
انا:في بالي باش تسهر كي عادتك...شيعرفني لكنت لاهي في شي اخر
ادم:لاهي في ¤¤¤ انا...المهم كيفك توا
انا:لباس...و انت شعامل
ادم:شي في البيرو...واحل في الخدمة
انا:و دنيز مزالت عندك
ادم:لا البارح...روحت بيها...تو مبعد نكلمها نطمن علاها
انا:مممم باهي...انا باش نمشي نتخمد نرقد على روحي
ادم:باهي تو مبعد نكلمك
انا:باهي
علقت عليه...و طيشت تليفون عالطاولة...تكيت لتالي...معاد نحب نخمم في حتى شي...كلشي حكاتو هي و ادم...واضح...و ما زادو في حتى شي...غمضت عينيا...منعرفش كيف غفيت...اصلا من عند ربي تاعب...فقت على لمسات يدها على وجهي...حليت عينيا نغزرلها...قاعدة قدامي بالظبط...سكرت عينيا و فتحتهم...تبسمت نحكي
انا:شتعمل هوني
سوار:من قبيل نستنى فيك تفيق
انا:صار
سوار:مممم
انا:شتحب
سوار؛شنوة
انا:نعرفهم الغزرات هذوما...هات من تالي
سوار؛يعني كان نقلك توا...باش توافق
انا:منعرفش...قولي ساعة
سوار؛انا جعت برشا
انا:مش جديدة...و شتحب تاكول نطلبلك
سوار:هأة منحبش ناكول هوني
انا:ملا
سوار؛انا نحب نخرج من هوني...نتعشاو برا
هزيت روحي شوية...تقعدت مليح...غزرتلها نحكي
انا:و من فين خرجتلي بيها هاذي
سوار؛امان...والله فادة برشا...نحب نخرج من الدار
انا:وقتها هي...تعرف للاوضاع مطمنش جملة
سوار:امان عيشك...اول مرة نطلب منك...تمشي معايا
انا؛سوااار يزي...مش وقتها جملة
قحرتلي قحرة متاع موت...و هزت روحها وقفت...تحكي
سوار؛باهي اقعد فيها وحدك...انا باش نمشي وحدي
بقيت نغزرلها مستغرب...مزلت مروهج..منعرفش من وين خرجتلي بالحكاية هاذي...هزيت روحي خالطت علاها...لقيتها ديجا لبست روبة طويلة...يديها نص...وقفت عند الباب...تكيت علاها...نغزرلها...تلبس في الكونفارس متاعها بغزول...وقفت ورجعت شعرها لتالي...تمشي بالسيف...قربت من الكوافوز...حطت من برفانتي...و قربت وقفت قدامي...مدت يدها تحكي
سوار؛اعطيني فلوس...تو نمشي وحدي
انا:تمشي هكا
سوار:شنوة
انا:اول شي...راك تمشي بالسيف...ثاني شي...ميجيش تخرج وحدك توا...قولي شنية تحب تاكول...و تو نوصيلك عليه
قربت مني عاللخر...دزرت يديها على جنابي...لصقتني...و طلعت راسها...غزرتلي في وجهي تحكي
سوار:اماان...نحب نخرج انا توا...فديت برشا..امانك
بقيت نغزرلها...كابسة على جنابي.. وتغزرلي ندرا كيف...فازات جدد تعلمتهم الفرخة...هزيت يديا زوز...حطيتهم على يديها نزلتهم...نحكي
انا؛سواار مش اليوم...اصلا انت تاعبة...و مش وقتو الخروج توا
جبدت روحها مني...هزتني وحطتني...قحرتلي تحكي
سوار:عندك الحق...ماك عديت وقت باهي في ايطاليا...فاش قام حتى تاخو بخاطري...اصلا علاه جيت انت...كنت تبقى غادي...ملا حالة...ناقص كان تحبسني هوني برك
انا:سوااار
قصيت علاها نصيح...منعرفش من وين جيب في الكلام هذا الكل..فوق هذا متغشة و معصبة عاللخر...قحرتلي تحكي
سوار:رجعني لداري توا
انا:شنية حكايتك الليلة انت اه...تحب تركبهالي...ناقص تفوريخك انا
سوار:علاش جبتني معاك لهوني اه
انا:ايه عندك الحق نستهل...ناقص وجيعة راس انا
سوار:تو وليت وجيعة انا...كي مشيت و خليتني ميسالش...اما انا ميجيش نحكي...تي فادة...و ساقي توجع فيا نحب نبدل جو و نرجع...اما انت ميهمكش شنوة لي نحسو جملة
عديت يدي على شعري بغزول...منعرفش شبي ¤¤¤¤ توا...ناقصها انا...نفخت بالقاوي...و تلفت باش نخرج...وقفتني...كيف حضنتني من تالي...دورت يديها على كرشي...تحكي
سوار:اماان عيش حبي...مش انت تحبني...هيا امانك
خذيت نفس...حطيت يدي على يديها زوز...نزلتهم...و تلفت عندها...نفخت بالقاوي نحكي
انا:باهي برا البس كبوطك ساعة دنيا برد
سوار:ياااا بالحق باش نمشو
انا:ممم شنعمل ماك نفختلي راسي في هالليلة الكلبة
سوار:كان باش تبقى مكشبر هكا تو نمشي وحدي ميسالش
انا:سوااار
سوار:اففف باهي
قحرتلي...وقربت هزت كبوطها...لبساتو...وقربت مني تحكي
سوار:هيا توا
هزيت يديا زوز...خرجتلها شعرها...و نزلت بيديا...سكرتلها كبوطها...نحكي
انا:امشي قدامي توا
قربت مني...شدتني من سوريتي...كبست عليا تحكي
سوار:انزل عندي شوية
انا؛علاه زادة
سوار:تي انزل
خذيت نفس و نزلت عندها...لازمني نسايرها في هالليلة الكلبة...مكانش باش نطرشق...فصت عليا تفكيري...كيف حطت شفافها على شفافي...باستني بوسة خفيفة...هداتني الفرخة...كاني كنت نستنى فيها...جبدت روحي منها...بقات تغزرلي ندرا كيف...تبسمت على جنب نحكي
انا:مش وقتو لي تخمم فيه...مش على اساس تحب تخرج...و لا ناوية على شي اخر
سوار؛اعععع زايد متحشمش...ما نفكر في شي انا...نحب ناكول و كهو
انا؛باهي هيا ملا
قحرتلي...وتعدات عليا خرجت...تعمل في الخطوة بالسيف...هزيت الفاست متاعي...وخالطت علاها...شديتها من يدها...بقيت نسايس فيها...لين وصلنا للكرهبة...طول الثنية...مرة تحكي...مرة تسكت...لين وصلنا...مشيت لريستو...متاع الاوتيل...باش نبعد المشاكل...غزرتلي تحكي
سوار:علاش جينا لهوني...مش قتلك باش نتعشاو برا
انا:ايه انزل ساعة
سوار؛منحبش
انا:سواار شنية حكايتك ياخي
سوار:نحب نتعشا لبرا...علاش جبتني للاوتيل
انا:باش نتعشاو هوني...انزل يا طفلة
سوار؛اه تقصد في ريستو متاع الاوتيل
انا:ايه
سوار:باهي كي هكا
حلت الباب و نزلت...خذيت نفس و خالطت علاها...دخلنا مع بعض...سبقتني اختارت طاولة...و قعدت...جبدت الكرسي و قعدت مقابلها...اصلا باينة الليلة من اولها...قرب من سرفور...نوقز تليفوني بالوقت...لقيتو جينيرال...منعرفش شبيه يطلب في الوقت هذا...عقدت حواجبي نحكي
انا:اطلب لي تحب عليه تو نرجع
سوار؛باهي
هزيت روحي...خرجت لبرا هزيت عليه...نسمع فيه و نغزل...متحكم في اعصابي باش منغلطش معاه...اول ما كمل كلامو...علقت عليه...خذيت نفس...ورجعت للداخل...عقدت حواجبي...كيف لقيت واحد واقف عند راسها...ظاهر فيهم يتعاركو...قربت منهم بالزربة...نحكي
انا:شفمما هوني
سوار:زياد مزية جيت...قولو يمشي من هوني امانك
تلفتلي الراجل...راجل كبير...في ستينات...قحرتلو نحكي
انا:فاش تعمل ياخي
هو:المدام معاك
انا:علاه
هو:هاني باش نخبرك
انا:شنوة
هو:حضرة المدام...سرقت الصحن متاعي
انا:شنننننية
نزلت راسي غزرت لطاولة...نلقا صحن متاع حوت...محاوطاتو بيديها...و تقحر لراجل...مخي حبس من تصرفها...منجمتش نستوعب اللي تعمل فيه...دورت راسي...غزرتلعا نحكي
انا:سواار ياخي صحيح لي يحكي فيه راجل
سوار:لااا يكذب
هو:نكذب...يا سيدي...انا قمت نحكي مع الراجل...و هي استغلت الفرصة...و خطفت الصحن اول ما حطو سرفور
سوار:ياااا رد بالك تصدقو زياد...قولو يمشي من هوني
بهمت في تصرفاتها...قص علينا سرفور...كيف جاب الماكلة...يحكي
سرفور؛وصلت الطلبية متاعك مدام
سوار؛عيشك حطها عالطاولة
انا:و صحن هذا انت جبتهولها من قبل
سرفور:لا انا حطيتو للمسيو قبيل
قحرتلها قحرة متاع موت...كبست على الصحن اكثر...تحكي
سوار:متصدقوش
هو:ياخي معادش فما حشمة هوني و لا شنية
انا:سواار رجعلو صحنو فيسع
سوار:لااا شتهيتو...و انا لباش ناكلو
انا:اعطيلو صحنو و تو نطلبلك انا
سوار:لا منحبش نستنا...باش ناكلو انا
هزت الشوكة و بدات تاكل...خذيت نفس وغزرت لراجل نحكي
انا:منقصدش لي صار
هو:يعني باش نعديها و نسكت
انا:ميسالش مزالت فرخة...تنجم تطلب مرة اخرى...والعشا على حسابي
هو:باهي
قصت علينا...كيف غزرتلي...و قحرتلي تقحيرة متاع موت...تحكي سوار:فااااش قام حتى يطلب على حسابك...هوكا ظاهر لباس عليه...و الا شيعمل في بلاصة كيما هاذي انا:سواااار يزي
سوار:شنييية...على جرد صحن...باش تدفع انت
رصيت على سناني...و غزرت لراجل لباش يطرشق من تصرفاتها...خذيت نفس نحكي
انا:سامحني مسيو...اعتبر لي صار غلطة...و تو انا نحكي معاها
هو:باهي...اما اكبسها اكثر ميجيش تتصرف مع ناس هكا
انا:باهي
يحكي...و يقحرو لبعض...صافحتو و تلفت باش يرجع لبلاصتو...قربت من الكرسي باش نقعد...شفتها كيف هزت زيتونة في يدها...باش تضربو بيها...وقفتها نحكي
انا:سواار رد بالك تعملها
مسمعتنيش جملة...اول ما قعد...ضرباتو لوجهو...و طرشقت بالضحك...حطيت يدي على وجهي...ملا حالة...نزلت يدي شوية...غزرت لراجل...لقيتو وصل لاخرو...وجهو احمر باش يطرشق...ناس الكل تغزرلنا...و هي تضحك و عاملة جو...ضربت يدي عالطاولة نحكي
انا:سوااار لباس ياخي...شنوة تصرفات هذوما
سوار:شعملت انا...والله اشتهيتو...و كان باش نطلبو من السرفور...باش يطول برشا
انا:نورمال ياخي...من امتى تتصرف هكا...و كيف توصل تضرب راجل...طلع كيف يغزرلنا...مش باش تكبر انت...شنية حكايتك
سوار:شبيك تصيح عليا ماهو لباس
انا:قوم خلينا نمشو
سوار:مستحيل مش قبل ما نكمل صحني
تكيت لتالي...محبيتش نكثر معاها في الكلام...تاكول و شايخة...خلطت الماكلة الكل....كبست على يدي نحكي
انا:سواار يزي...هيا نمشو
سوار:نحب على كيك
انا:زااادة
سوار:ممم كيما متاعو
دورت راسي غزرت لنفس الراجل...لباقي يقحرلها...لا عاد...تلفتلها نحكي
انا:مش وقتو الكيك جملة...قوم خلينا نمشو
سوار:لاااا نحب على كيك توا توا
جيت باش نحكي...قصت عليا...كيف وقفت...تحكي
سوار؛باش نمشي نجيب الكيك متاعو
انا:ترص اقعد تو نطلبلك
سوار:باهي
قعدت بغزول...هزيت يدي شاورت لسرفور جاني...جيت باش نحكي...سبقتني تحكي
سوار:نحب كيك كيما متاع الشيخ هذاكا
سرفور حشم...و الراجل قحرلها قحرة متاع موت...غزرتلها نحكي
انا:مش باش تتعدالك تصرفات هذوما
سوار:شعملت انا
سكت...خاطر كان نحكي معاها...ندرا شباش نعمل فيها...اصلا تفكيري مع تليفون لي جاني قبيل...بقيت نغزرلها نزلت تحت الطاولة...عقدت حواجبي نحكي
انا:فاش تعمل
سوار:الجرح يحرق فيا
انا:تستهل
سوار:شبيك تحكي معايا هكا...ماهو لباس
انا:و اللي عملتو انت شتسميه
سوار:ما عملت شي انا...و معادش نحب عالكيك خلينا نمشو من هوني
وصل السرفور بالوقت...حط الكيك قدامها...مغزرتليش جملة...و بدات تاكول...تبسمت على جنب نحكي
انا:مش على اساس معادش تحب
سوار:شيهمك فيا انت
انا:ممم باهي فيسع ملا...خلينا نمشو
كملت كلات...و هزت روحها وقفت...وقفت في جرتها...حطيت فلوس عالطاولة...طلعت راسي لقيتها تقحر لراجل...تحكي
سوار:صحححة...متحبش نطلبولك شي اخر
قربت منها شديتها من يدها...كبست علاها...نحكي
انا:يزييي لي عملتو لتوا...امشي
سوار:باهي...اما شبيه يقحرلي هكا...ملا حالة فيه...ماك دفعت حق لي كلاه
كبست على يدها...و مشيتها معايا...باقي تغزر لراجل و تقحرلو لين وصلنا للكرهبة...حليتلها الباب ركبت...خالطت عليها...طول الثنية و هي تتغوصر...غزرتلها نحكي
انا؛شبيك
سوار؛كرشي توجع فيا
انا:مش غريبة بعد اللي كليتو
سوار؛وقف الكرهبة
انا:علاش
سوار:نحب نتقيا وقفها
انا:شنوووة
سوار؛اماان
شديت الفران بالقاوي...حلت الباب...خرجت راسها تتقيا...خذيت نفس...هزيت دبوزة ما من تالي...و مشيت من جيهتها...نزلت عندها شوية...عطيتها تشرب...و غسلتلها وجها...رجعتها لتالي...نحكي
انا:لباس توا
سوار:هأة
انا:شفت رايك وين يوصلك
هزت يدها حطتها على كرشها...عرفتها باش تزيد تتقيا...وخرت لتالي...ملا حالة وصلتنا ليها الفرخة...دوب كملت...رجعتها لتالي...رميت يدي هزيت بابيي مسحتلها فمها...بعدتلها شعرها...نحكي
انا:شرايك نهزك للكلينيك
سوار:لا...انا مليحة توا
سكرت الباب...ووليت لبلاصتي...خدمت الكرهبة...حسيت براسها تحط على كتفي...نسمع فيها تحكي
سوار:نعسانة برشا
خذيت نفس و هزيت يدي...حطيتها على ظهرها...قربتها عندي اكثر...حسيتها هدات...نزلت راسي لقيتها ديجا غفات...منعرفش كيف وصلت لدار...بعدتها عليا...نحكي
انا:سواار فيق وصلنا
سوار:ممم سيبني
انا:تفيق توا...و لا نخليك راقدة هوني
حلت عينيها...تغزرلي...هزت راسها مروهجة...تحكي
سوار:هزني انت
انا:هيااا ازرب روحك
حلت الباب...بغزول و نزلت...خذيت نفس...و خالطت علاها...تمشي بالسيف...حطيت يديا داخل مكاتبي...باقي نثبت معاها...لين وصلنا للاصونصير...وقفت قبلي...قد ما هبلتني الفرخة...منجمت نعمل شي...اليمات اللي تعداو...كلشي كنت نحب عليه اني نحضنها و كهو...منعرفش...كيف لقيت روحي...واقف وراها بالظبط...هزيت يدي...عديت صوابعي على خدها...تلفتتلي بالوقت...طلعت راسها غزرتلي...بعدتلها شعرها لتالي...نزلت بصوابعي لشفافها...باقي تغزرلي...بلا ما تنزل عينيها...نزلت علاها شوية...اول ما وصلت لشفافها...فتح باب الاصونصير...دخلت مرا كبيرة بالوقت...قحرتلي...مستانسة بالوضع هذا مع ميرال برشا...قداش من مرة شافتني معاها...هزيت يدي على شعري...شديتها و خرجتها معايا...جبدت يدها تحكي
سوار:ساقي توجع
انا:هيا برك...يزي من دلالك
حليت الباب و دخلت...خالطت عليا منرفزة...مشات ديراكت لصالة...خالطت علاها...لقيتها نحات كبوطها...قعدت عالفوتاي...تنحي في الكونفارس...نطرتها بغزول...قحرتلها نحكي
انا:شبيك زادة
سوار:شي
نحيت الفاست متاعي...طيشتها عالفوتاي...و مشيت عبيت كاس...و قربت قعدت قدامها...تلفتلها باش نحكي...لقيتها تغزر للكاسة اللي في يدي...قحرتلها...نحكي
انا:مش على اساس تحب ترقد
قربت مني عاللخر...لصقتني...هزت يدها حطتها على صدري...تحكي
سوار:زياد عزيزي...تعرف لانا نحبك برشا...حتى وقت مشيت باقي نستنى فيك لين جي
انا:هات من تالي
سوار:نحب نشرب شوية
انا:تحب تجهلني ليلة انت...شنية حكايتك بالظبط
سوار:شوية كهو
انا:سوااار
سوار:اففف باهي...ملا حالة فيك...اشرب وحدك...ملا هم هذا
انا:كلمة اخرى تشوف شنعمل فيك
قحرتلي...و هزت روحها بالزربة...دخلت للبيت...اكيت لتالي نشرب...جات عيني على تليفونها فوق الطاولة...منعرفش قداش بقيت نغزرلو...شربت شوية...و حطيت الكاسة...خذيت نفس...و هزيتو في يدي...حليتو دخلت للمكالمات...لقيتو مكلمها مرتين و لا ثلاثة برك...دخلت ليميساج...لقيت كان ميساجاتنا...رميت عالطاولة...بغزول...منعرفش كيف سمحت لروحي نشك فيها...و لا حتى نفركس في تليفونها...زح قاعد نلوج على دليل...قاعد نظلم فيها...هزيت روحي وقفت مشيت عندها...لقيتها غاطسة في نوم...تسطحت بجنبها...و جبدتها عندي...نحب نرتاح من الافكار الكل لي جات لمخي...نحب ننسى كلام ميرال الكل...مبنها الفرخة...مبن ريحتها...عندي برشا...محسيتش براحة هكا...غمضت عينيا و رقدت...بلا ما نخمم في حتى شي اخر
ادم يحكي:
واحل في الاوراق...الخدمة داخلة بعضها...بعد موت ياسر برشا حاجات تبدلت...و برشا مشاريع باش نخسروها...فقت من سرحتي...على صوت دقان الباب...طلعت راسي نحكي
انا:ادخل
دخلت السكرتيرة...هازة في يدها بوات...قربت مني تحكي
هي:مسيو ادم...الطرد هذا وصلك توا
انا:من شكون
هي:منعرفش اما الامن تأكد منو اللوطة
انا:باهي حطو هوني...و برا لخدمتك
هي:باهي
حطاتو عالبيرو...و تلفتت عطاتني بظهرها...بقيت نشوف معاها لين خرجت...نزلت عينيا...غزرت للبوات...منعرفش علاش حسيت باحساس خايب و انا نغزرلها...هزيت يدي بالسيف...جبدتها عندي...خذيت نفس فتحتها...جبدت شركة...بقيت نثبت فيها...حسيت روحي تروهجت...و نفس ضاقت فيا...غمضت عينيا بالقاوي...نفس الشركة...مستحيل ننساها...نحس في قلبي باش ياقف...رجعت بسنين لتالي...لنفس اكا النهار...نمشي بخطوات هادية...نمشي و نفركس علاها في دار...دخلت للكوجينة...نلقاها واحلة مع العجين...ندرا فاش تحضر...قربت منها...حضنتها من تالي...كبست علاها نحكي
انا:وفا كلشي...انا و انت باش نمشو من هوني
حنان:تحكي بالرسمي
انا:مممم
نزلت بستها من كتفها...و خدها...تلفتت عندي...حطت يديها زوز على خدي...و طلعت باستني...من شفافي بوسة خفيفة...تحكي
حنان:عيش رويجلي الغالي...فرحانة بيك برشا
انا:عيش حبي
نزلت راسي...عديت يدي على كرشها...نحكي
انا:و بنوتي كيفها...معذبة امها هي
حنان:ممم شوية...شاهية حاجة من صباح هي
انا:مممم و شنية تحب بنتي
قربت مني عاللخر...دوب حضنتني...خاطر يديها بالطحين...قربت من وذني تحكي
حنان:شاهية نكون معاك انا
انا:هههههه تي قول من الاول...لانت تحب عليا مش هي
حنان:حتى انت تحبني انا
انا:مممم الحقيقة انا نحب بنتي اكثر
حنان:صار
انا:و انت شبيك غايرة منها
حنان:لا مانيش غايرة برا انت ارتاح انا باش نكمل الكيك متاعي
انا:نحب نعطيك حاجة ساعة
حنان:شنية
هزيت يدي...جبدت شركة ديامون فينو...قربت منها باش نحطهالها...جبدت روحها شوية تحكي
حنان:ادم...شحكينا في الموضوع
انا:مش باش تغلى عليك
حنان:ادم عيش حبي افهم...مش احنا قررنا نبعدو من هوني...معاد نحب حتى شي من الفلوس هذوما...نحبك انت و كهو
انا:عيش مرتي..الشركة مش من الفلوس هذوكا...انا وعدتك...و مش باش نرجع لتالي
حنان:ادم امانك...خلينا نعيشو على قدنا...انا و انت و بنتنا لي جاية في ثنية...من غير القصر هءا و لا الكراهب...يكفي لاحنا باش نكونو مع بعض ديما
هزيتلها براسي ايه...و قربت منها حضنتها اكثر...نحكي
انا:انت برك اثق فيا...و كون معايا...و انا مستحيل نرجع لتالي
حنان:باش نبقى معاك ديما...مهما صار...و اللي باش يصير...انا باش نكون معاك
انا:عيش حبي
جبدت روحي منها...لبستلها الشركة...و نزلت بستها من راسها نحكي
انا:تو ولات عندها قيمة...كي لبستها انت
حنان:يا روحي انت...اما باش تكون اخر هدية غالية
انا:باهي عزيزتي
بنااات هوني القفلة...كتبت الحلقات بالسيف...اذا طلعت سوار حبلة...مش معناها وفات مهمتها...و مش باش تكون فما اي تشابه في الكرونيكات لي فاتت...الاحداث راهي بين المد و الجزر..
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 87
حليت عينيا...نتنفس بالقاوي...ذكريات هذوما يخنقوني...يهزوني لسابع سما...و في لحظة ينزلوني لسابع ارض...كبست عالشركة في يدي...رغم كلشي فرحت...فرحت برشا خاطر رجعتلي...خاطر نحسها حاجة سبيسيال...كل حاجة تخصها...نحبها ترجعلي...هزيت روحي بالسيف وقفت...غزرت للبوات...للورقة لي داخلها...قلبي دق بالقاوي...جبدتها...خذيت نفس و حليتها...عينيا وساعو...من اللي مكتوب فيها..."الحقيقة
قدامك...قريبة ليك برشا...القاتل معاك ديما و قدام عينيك...اما متنجمش تراه...خسارة يا ولد توفيق...خسارة خاطرك باش تبقى مدفون في الظلمة طول عمرك "...قريتها مرة و زوز و ثلاثة...قلبي نحسو باش يخرج من بقعتو...شكون من مصلحتو يكتب الكلام هذا...و الشركة متاع حنان من وين جابها...باز اللي بعثهم يعرف حنان و يعرفني بالقدا...و الاهم من هكا يعرف اللي عمل هذا الكل...فكرة للقاتل قدامي و معايا...خلاتني نهبل...فقدت اعصابي الكل...كلشي جا على يدي...رميتو عالارض...كبست عالشركة في يدي...و خرجت لبرا...حطيت يديا عالبيرو متاع سكريتيرة نحكي
انا:شكون جابها...شكون جاب البوات هذيكا
هي:م منعرفش...واحد من الامن طلعها
قحرتلها...و تلفت...نزلت الدروج هذاكا في لحظة...معنديش خلق باش نهبط بالاصونصير...اول ما وصلت للباب...جبدت واحد من الامن...حصرتو مع الحيط نحكي
انا:شكووون بعث البوات هذيكا...حل فمك شكون جابها
هو:م مسيو ادم
انا:احكككي
هو:اللي جابها كان بالموتور...و حاط كاسك على وجهو...قال للطرد هذا لادم ¤¤¤¤¤ و مشا...حاولنا نشدوه...اما في لحظة طار
انا:الله يلعن ساعة لي خدمتكم فيها عندي...االه لا تربحكم
دزيتو لتالي...وخرجت...منعرفش كيف هزيت الكرهبة و طرت بيها...نسوق و نغزر لشركة في يدي...نغزرلها و مش مصدق...بمجرد اني مسيتها حسيت لهي معايا...بدني ترخف...و معادش نجم نسوق اكثر...شديت الفران بالقاوي...على طرف الطريق...كبست علاها في يدي...نزلو دموعي بالوقت...قلبي نحس فيه يوجع فيا بطريقة مش نورمال...نفس الوجيعة...متاع سنين لتالي...كل يوم و كل مرة نحس روحي عاجز...عجزت باش ناخو حق مرتي و روحي...عجزت نوفي بوعدي ليها...كرهت روحي بعدها...كرهت الدنيا الكل...كنت مستعد نخلي كلشي ورايا...مقابل اني نعيش معاها برك...اني نكون معاها...و مع بنتي لي في ثنية...بنتي لي قتلوها معاها قبل ما جي لدنيا...حرقة سنين مزال نحس بيها...خذيت نفس...و تكيت راسي لتالي...نغزر من البلار...للكراهب لي رايحين و جايين...لقطرات المطر لي طيح عالبلار...حاسس لي دنيا قاعدة تلعب بيا...تخليني نعيش الماضي و الحاضر فرد وقت...غمضت عينيا...للحظة حسيت لهي معايا...لهي جنبي...لهي معايا...مزلت نحس بيها...اليمات الكل لي تعداو...منجمتش نصدق لهي معادش موجودة في حياتي...كل مرة ناقف عند قبرها...نحس روحي عايش في كذبة...حبيتها اكثر من روحي...كنت نرا فيها و في ربي...متوقعتش لي باش نعيش نهار من غيرها...متوقعتش لي في لحظة باش نخسر كلشي...باش نخسر طفولتي و حبيبتي...حاضري و مستقبلي فرد وقت...يمكن تنقص وجيعتي...و تسامحني حنان...نهار ناخو حقها...وقتها نرتحها و نرتاح من العذا اللي قاعد نعيش فيه كل يوم
سوار تحكي:
فقت الصباح نحل في عينيا بالسيف...حسيت بيدو كابسة عليا...طلعت راسي شوية...غزرت لوجهو...غاطس في نوم...تبسمت على جنب...حتى انا عملت فيه لبارح...لتوا مصدومة من عمايلي...منعرفش علاش تصرفت اكاكا...دورت عينيا على وجهو...محلاه السخطة...هزيت يدي بالسيف...حطيتها تحت عينو...نعدي في صوابعي على ضربة...توحشتو برشا...اليمات لي تعدات الكل...و انا نستنى فيه يرجعلي...احسن شي رجع قبل الوقت...و الا كنت باش نهبل عليه...جبدت روحي شوية...طلعت عندو...نزلت بستو بوسة خفيفة من شفافو...حل عينيه بالوقت...يحكي
زياد:شتحب عالصباح
انا:توحشتك برشا انا
زياد:ممم بعد اللي صار البارح ندمت لي رجعت
انا:صار...ياخي معادش تحبني انت
زياد:قوم.من فوقي الساعة مبعد نحكو
انا:هأة جاوبني قبل
زياد:سوااار ياخي شبي سماك اليمات هذوما
انا:شي...خاطرك ستانست بيها هي معادش نعجبك...توا فهمت الحكاية
بقى يغزرلي مبهم...جا باش يحكي...قصيت عليه...كيف جبدت روحي منو...باش ننزل...كبس عليا بيدو...قبل ما نحكي...قلبني تحتو...حاوطني بيديه...يحكي
زياد:امتى تكبر انت
انا:علاش تراه فيا صغيرة ياخي
زياد:و فرخة زادة
انا:و انت هامل...و
زياد:و شنية
انا:شي سيبني
زياد:خليك هوني...باش تخلص حق البارح بالقدا
انا:علاش شعملت
زياد:مزلت تسأل...ماك فضحتنا مع راجل البارح
انا:ما عملت شي...و هوكا طلب مرة اخرى و انت خلصت
زياد:باهي صحن و عدينا الحكاية...فاش قام حتى تضربو
انا:اكاكا
انا:صحيتك...شنعمل فيك انا توا اه
هزيت يديا زوز...دورتهم على رقبتو...جبدتو ليا اكثر...نحكي
انا:حتى شي...خاطر ساقي تحرق فيا...و كرشي توجع...و تاعبة برشا...على هذاكا انت متنجمش تعاقبني
بقا يغزرلي...تبسم بخبث...و ضيق عينيه...يحكي
زياد:على اساس باش تغيضني
انا:لا اما والله تاعبة برشا
نزل عليا اكثر...عامل فيها بلعاني..يدكك عليا...حط شفافو على خدي...باسني بوسة خفيفة...استحليتها منو...غمضت عينيا بالوقت...اول ما وصل لشفافي...سمعت صوت الباب ينوقز...حليت عينيا...غزرتلو...وجهي مع وجهو...ضيق عينيه مستغرب...مش بالعادة يجيه حد في هذا الوقت...ضربت في راسي ميرال...قص عليا تفكيري...كيف نزل باسني...يحكي
زياد:مانيش باش نحل
انا:بلكشي فما حاجة مهمة
زياد:مفماش اهم منك توا
انا:اععع مخيبك
زياد:شنوة
انا:تي سيبني يا سخطة...و برا افتح الباب
زياد:شو الفرخة كي تحل في فمها
هزيت يديا زوز...دزيتو شوية...مررزنو الهم...صوت دقان الباب قوا...حسيتو تقلق...جبدت روحي منو بالسيف...وقفت...تكا لتالي...يغزرلي...تقلقت من الجرح برشا...ياسر يحرق...قحرتلو نحكي
انا:ساقي توجع فيا...انت السبب
زياد:امسحها فيا
انا:بالطبيعة...ياخي مش باش تقوم تحل الباب
زياد:حلها انت مدامك وقفت
انا:و كان تطلع ميرال
زياد:شيهمك فيها
انا:شتقصد...مش على اساس حد ما يعرف بعلاقتنا
هز روحو وقف...في لحظة كان واقف قدامي...عدا صوابعو على خدي...يحكي
زياد:خليهم يعرفو معادش يهمني
بقيت نغزرلو مصدومة...متوقعتش للكلام هذا باش يخرج منو...تبسم شطر تبسيمة...ووخر لتالي...نحا سوريتو يحكي
زياد:شنوة...بدلت رايك...متحبش تحل و ترا شكون
انا:اه...ايه باش نحل
تلفت عطاني بظهرو...هزيت الروبة شوية...وخرجت من البيت...نمشي بالسيف...نقصت الوجيعة...اما باقي الجرح يحرق...نمشي و قلبي يدق بالقاوي...على قوة دقان الباب...معرفتش اذا نفرح...و لا نستغرب...نحل الباب و لا نرجع لتالي...فكرة لعلاقتنا باش يعرفها الكل...خلاتني نحس بحاجة غريبة...فرحة مخلطة بخوف من اللي باش يصير...اول ما وصلت...خذيت نفس طويل...كبست عالبواني...و حليت الباب...طلعت راسي نغزرلو...واحد من الامن متاع البرتمان...عقدت حواجبي مستغربة...مش بالعادة يطلعو عندو...كبست عالبواني اكثر نحكي
انا:تفضل شفما
هو:مسيو زياد هوني
انا:ايه علاش
هو:البوات هاذي وصلت باسمو...خبرو للامن تأكد منها اللوطة
هزيتلو براسي ايه...و شديتها عليه..وقت جات في يدي..حسيت باحساس خايب برشا...كبست علاها في يدي...قص علينا صوتو من تالي يحكي
زياد:شفما
سكرت الباب...و تلفت عندو...غزرتلو واقف من غير مريول...غزرت للبوات...و طلعت راسي غزرتلو نحكي
انا:البوات هاذي ليك
عقد حواجبو مستغرب...قرب مني بخطوات ثابتة...يغزر للبوات...وقف قدامي...غزرلي في عينيا...و هزها من يدي...يحكي
زياد:شكون جابها
انا:واحد من الامن لي يخدمو اللوطة
عوج فمو مستغرب...كبس علاها في يدو...و دخل لصالة...خالطت عليه...قلبي مقبوض...حسيت بوجيعة صغيرة في كرشي...منعرفش علاش مطمنتش جملة...حتى هو مستغرب من البوات لي وصلاتو...غزرتلو قعد عالفوتاي...بقيت واقفة عند الباب...حطيت يدي على كرشي...وجيعة ندرا كيف حاسة بيها..قوات كيف غزرت لملامحو لي تبدلو...كيف كبس على فولار ابيض...فيه وردات في روز...غمضت عينيا و حليتهم نهدي في روحي...خاطر بعد ما ريت وجهو فهمت اللي هذا الهدوء قبل العاصفة زياد يحكي نغزر للفولار...و نثبت فيه...قلبي يدق بالقاوي...بصفة غريبة...الفولار هذا رجعني سنين لتالي...فولار امي...نفسو الفولار لي كانت تحبو برشا...و تحطو في رقبتها...مستحيل ننساه...مستحيل ننسى تفصيل صغير من صغري...فولار قديم و تعدا عليه الزمان...اما مزال فيه ريحة امي...مزلت نشمها حتى بعد السنين هاذي الكل...اما كيف وصل لهوني...شكون بعثو
ووين كان من قبل...شكون لي قريب من الماضي متاعي لهدرجة...قربت لخشمي...نشم فيه...خذيت منها نفس...كبست عليه...بنفس قوة دقان قلبي...نزلتو شوية...غزرت للبوات...ريت ورقة غادي...هزيتها بالسيف...منعرفش علاش قلبي مقبوض لهدرجة...عينيا وساعت من اللي مكتوب فيها... "الحقيقة قدامك...قريبة ليك برشا...القاتل معاك ديما و قدام عينيك...اما متنجمش تراه...خسارة يا ولد توفيق...خسارة خاطرك باش تبقى مدفون في الظلمة طول عمرك " قريتها اكثر من مرة...نثبت في الكلام لي مكتوب...حسيت الدنيا لعبت بيا...اللي بعث هذا الكل يعرفني بالقدا...و يعرف اللي صار الكل...فكرة انو اللي عمل هكا قدامي و منجمتش نوصلو خلاتني نهبل...عروقي تكبست...و منجمتش نتنفس...اني نعيش السنين هذوما الكل...مع اللي عمل هذا الكل...فكرة هزتني من داخل...كبست بيديا الزوز عالطاولة...طيحتها لتالي...خرجت من صيحة...تعبر على وجيعة سنين...نطرت بالزربة جيت واقف...كلشي جا على يدي رميتو عالارض...و لتوا مبردتش...قربت مني...حطت يدها على كتفي تحكي
سوار:ز زياد شصار ياخي
دزيتها بيدي لتالي...ضربت في الحيط...منجمتش حتى نغزرلها...نفركس على تليفوني...كيف المهبول...نحب نفهم لي قاعد يصير و كهو...طلعت راسي شوية...غزرتلها...حاطة يدها على كرشها تتغوصر...ظاهر موجوعة من حاجة...قربت منها بالزربة...حطيت يدي على زندها نحكي
انا:سواار لباس
جبدت روحها شوية...غزرتلي بخوف...وقتها برك استوعبت لي صار...اصلا كي نتغشش معاد نجم نخمم في حتى شي...قربت منها اكثر...حطيت يدي على وجها...نحكي
انا:سوار شبيك...لباس ماهو
سوار:ل لا
انا:شبيك...شنية يوجع فيك
نحكي...و نعدي في يديا زوز على وجها...تفجعت و انا نرا في حالتها هكا...طلعت راسها تحكي
سوار:شي...ا انا مليحة
جبدتها عندي حضنتها بالقاوي...بقوة الخوف لقاعد نحس فيه توا...حسيت بيها ترعش بين يديا...كبست علاها نحكي
انا:سامحني منقصدش لي صار
مرجعتليش...حست بيديها باردين لي تحطو على ظهري...نسمع فيها تحكي
سوار:ز زياد شصاار ياخي...شبيك قلبت دنيا
انا:حتى شي معادش تفكر في اللي صار
سوار:شكون جاب البوات هذيكا
انا:منعرفش
سوار:خايفة برشا
انا:ششش وفات
نزلت بستها من راسها...حضنتها اكثر...كاني قاعد ناخو في قوتي منها...باش نتحمل لي قاعد يصير...جبدتها من عندي شوية...غزرتلها...دوب حالة عينيها...وجها اصفر...طاحت عليا...كبست على ظهرها...نحكي
انا:سواار عزيزتي لباس
مرجعتليش...نزلت علاها...حملتها بين يديا..دخلتها للبيت...حطيتها عالسرير....و قعدت بحذاها...نفيق فيها...شي...قمت بالزربة...هزيت دبوزة برفان متاعي...حطيتلها منها شوية...حلت عينيها شوية...هزت يدها بالسيف...بعدتلي يدي تحكي
سوار:مممم مخيب ريحتك
عقدت حواجبي مستغرب...نزلت علاها...هزيتها شوية...تكيتها لتالي...حطيت يدي على وجها...نتفقد في سخانتها...نحكي
انا:كيف تحس في روحك توا
سوار؛ك كرشي توجع فيا
انا:تحب نهزك للكلينيك
هزتلي براسها لا...و هزت يدها حطتها على خدي...تحكي
سوار؛انت مليح
انا:ممم...مقصدتش ندزك اكاكا...سامحني
سوار؛ميسالش...قولي الفولار متاع شكون
قلبي دق بالقاوي...غمضت عينيا...و حليتهم...نحكي
انا:ا امي
سوار:بالحق
هزيتلها براسي ايه...نحس في الكلام هرب مني...قلبي يوجع فيا بطريقة مش نورمال...جبدتني من يدي...قربت عندها شوية...جبدتني ليها اكثر...حطيت راسي على صدرها...حطت يدها على شعري تحكي
سوار:يا روحي...شكون من مصلحتو...يبعثو
انا:منعرفش...لازم نتصرف...لازمني نعمل شي...لازم ناخو حق امي و حقك
كبست عليا اكثر...عرفت وين هزها مخها...نزلت باستني من راسي تحكي
سوار؛نعرف لانت باش توفي بوعدك...و امك فرحانة بيك توا...فرحانة خاطرك منسيتهاش...و مزلت تحبها
تبسمت على جنب...قاعدة تهدي فيا كي الطفل الصغير...بالحق لاول مرة نحس الطفل لي داخلي رتاح...اول مرة نهدا وقت يحكي معايا حد...حتى النفس متاعي ولى منظم...جبدت روحي منها شوية...بستها من خدها...نحكي
انا:ارتاح انت توا...انا باش نرجع مبعد
سوار:علاه وين ماشي
انا:لازمني نعرف لي صار...شكون من مصلحتو...يعمل هكا
مستنيتهاش تحكي...خاطر اول ما ذكرت لي صار...حسيت روحي باش نتقلق...قمت بالزربة...حليت الدرسينغ...جبدت سوريتي...نلبس فيها...حسيت بيها دخلت تحت يدي...جات مقابلتني...غزرتلي تحكي
سوار:رد بالك على روحك...و متنساش كلمني...باهي
هزيتلها براسي باهي...حطيت يدي على خدها...خذيت نفس نحكي
انا:ما تحل لباب لحتى حد...و باش نكلف شكون يبقى هوني...و كان صار اي شي كلمني...تو نجيك فيسع
سوار:باهي طمن
نزلت بستها من راسها...و جبدت روحي منها...كملت سكرت سوريتي...هزيت الفاست متاعي...و مشيت لصالة...مقلوبة بالكل...فركست على تليفوني...و هزيت الفولار متاع امي...و خرجت...وصيت شكون يبقى بحذا الباب...و مشيت لكرهبتي...جيت باش نركب...اما وليت خطوة لتالي...كيف ريت ورقة...مرشوقة غادي...خذيت نفس...و هزيتها في يدي...حليتها نقرا فيها...مكتوب فيها كلمة وحدة برك...قلبي تقبض...و انا نقرا فيها..."خاينيين"...شقصدهم باللمة هاذي...شنوة اللي يحبو يوصلو ليه...و شكون لي قاعد يعمل في هذا الكل...كبست علاها في يدي...وركبت...خدمت الكرهبة و طرت بيها للمركز...اول ما دخلت...عارضني اسماعيل...شديتو من كتفو نحكي
انا:هو هوني
اسماعيل:منعرفش...تعرف لي يدخل من الباب لاخرى...و حتى رجالو مش باش يأكدولك اذا هو هوني و لا لا
انا:باهي تو نتأكد بنفسي
اسماعيل؛زياااد هاذي ثاني مرة...كان باش تبقى هكا...مستحيل يخليك في منصبك
انا:متخافش...مينجم يعمل شي
اسماعيل:باهي ربي معاك
انا:عيشك
هزيت روحي...طلعت نجري...باقي نفس الوجوه عند الباب...ناقصهم انا توا...قربت منهم نحكي
انا؛برا قولو لي زياد هوني
غزرولي زوز مصدومين...اصلا بعد اخر مرة منظنش لي هوما باش يعملو مشكلة...واحد منهم هزلي براسو باهي...و فتح الباب...باش يسألو...اول ما جا باش يحكي...دخلت وراه نحكي
انا:زيااد
هز يدو كي العادة...شاور بيها للي ورايا باش يخرج...يحكي
جينيرال:زيارة مفاجأة حضرة العميل
تبسمت على جنب...و قربت من طاولة شوية...البقعة لي قاعد فيها مظلمة عاللخر...خذيت نفس...ارميت الورقة و الفولار عالطاولة نحكي
انا:شنية هذوما
جينيرال:شقصدك
انا:خلينا توا من لعبة الالغاز و خلينا ندخلو لصحيح...احنا اتفقنا...بعد ما يكون الراس الكبير بين يديك...توصلني لقاتل امي...انت تربح و انا ناخو بثاري...فاش قام تبدل في القوانين...بلا ما تسألني
جينيرال:المرة هاذي...جيت للمكان الغالط...انا كان عيني نحكي...نقولك عليه من غير ما ندور...و نطول اللعب...فما شكون عندو مصلحة اخرى...و اعدائك كل يوم يزيدو...يمكن حتى لي دايرين بيك...هما طرف في اللي قاعد يصيرلك
كلامو تالي...خلا قلبي يدق بالقاوي...استندت بيديا زوز على طاولة نحكي
انا:شكون من مصلحتو يأذيني
جينيرال؛فما برشا...بوك...خوك...و يمكن حتى سوار...و يمكن عدو جديد...ظهر في ساحة
ركبني العصب من كلامو...خذيت نفس...نهدي في روحي...و نحكي فرد وقت
انا:هاك طلعتهم فيسع...ملا اسمعني...ادم معندوش وقت باش يلعب معايا...لعبة هكا...و سوار متعرفش بالحكاية جملة...و بابا لي تحكي عليه...مستحيل يلعب معايا لعبة مسخة هكا
تلفت بكرسيه...حط يديه زوز عالطاولة...حاولت نرا وجهو شي...جيست نسمع فيه يحكي
جينيرال:ما تاثق في حد...و كيف جيت خليني نخبرك ب شي
انا:شنوة
جينيرال؛سوار...حياتها في خطر
انا:شقصدك
عقدت حواجبي مستغرب...نحس في قلبي باش يخرج من بقعتو و انا نسمع في كلامو...و لتوا مزال يدق بالقاوي...كلام خلاني ندخل في دوامة متاع افكار...من وقت كنت نخمم في اللي صار صباح...لقيت روحي...نخمم فيها...نسوق...و مخي يعاود في كل كلمة قالها بالحرف..."سوار هوني معانا في مهمة...اما انت خليتها نقطة ضعفك...طول عمرك كنت الشيطان...تهد اللي فوقك و لي تحتك...باش توصل لي تحب عليه...اما توا وريتهم نقطة ضعفك...في الاول...حادثة الكرهبة...مبعد النادي...في الحادثتين...سوار كانت موجودة...علاه...خاطر هي المستهدفة...يعرفو بالظبط كان سوار ماتت انت باش تتهد قوتك...يعرفو لسوار هي نقطة ضعفك...انت لحقتها في المرتين...اما زعمة باش تلحق علاها في المرة الثالثة...راح تكون موجود...فكر مليح...طول ما انت معاها حياتها في خطر...و مهمتك باش تكون اصعب...زعمة انت مستعد لخسارة اخرى...مستعد انك تخسرها...مستعد للمغامرة هاذي...عندك قوة باش تتحمل لي راح يصير...فكر زياد...فكر مليح"...شديت الفران بالقاوي...هزيت يدي فتحت فلس سوريتي...نتنفس بالسيف...كل كلمة قالها كانت صحيحة...لدرجة خرجت من غير ما نجاوبو...سوار تعرضت للقتل مرتين...باز اللي صار مش صدفة...و اللي استهدفها...كان مستهدفني انا زادة...و مش بعيد عندو علاقة باللي صار اليوم...قص عليا سرحتي صوت تليفوني...ينوقز...لقيتو ادم...خذيت نفس...و هزيت عليه...نسمع فيه يحكي
ادم:وينك زياد
انا؛في الكرهبة...لباس شصار
ادم:ليوم انا رجعت الشركة متاع حنان...رجعت حاجة ضاعت مني...من سنين
يحكي بوجيعة...وجيعة كبيرة...نفس الوجيعة لقاعد نحس بيها توا...كبست عالفولون نحكي
انا:ادم شتقصد انها رجعتلك...كيف لقيتها
ادم:وصلتني في طرد
قال كلامو باستهزاء...عقدت حواجبي...وتقعدت بالقدا...نحكي
انا:وصلت معاها رسالة
ادم:و انت شيعرفك
انا:الله لا تربحهم...وصلني نفس الطرد...و نفس الرسالة
ادم:شنننوة
انا:اللي سمعتو
ادم:شنية لي وصلك بالظبط
انا:تذكر وقت كنا صغار...امي كانت تحط فولار في الروز على رقبتها...لي كنا ديما نختاروه خاطرو يعجبنا علاها برشا
ادم:مستحيل...فولار قديم لهدرجة...كيف وصلولو
انا:منعرفش...منعرفش...لي حارقني...شكون من مصلحتو يعمل هكا...شيقصد انو القاتل قدام عيني و منجمتش نراه...شقصدو انو يبعث نفس رسالة ليك...شنية لي يحب عليه
ادم:فما تفسير واحد للحكاية
انا:لي قتل امي...متورط بمقتل حنان
ادم:بالظبط...فما علاقة بين الحادثتين
انا:يمكن يكون نفس الشخص
ادم:صحيح معناها شي واحد برك
انا:هدفنا واحد...من اليوم عدوك...هو عدوي
ادم:و طريقنا باش تكون وحدة
انا:من الاول كنا طريق وحدة...اما موت حنان خلاك تاخو ثنية جديدة
ادم:و نفس الثنية جمعتنا مرة اخرى
انا:يا ريت بقينا صغار
ادم:يا ريت
انا:يكفي لانت معايا توا
ادم:نعرف...اسمعني
انا:شنوة
ادم:سوق في عقلك...و ما تخمم في شي...نعرفك كي تبدا هكا معادش تعدل على شي
انا:باهي بابا توصي على شي اخر
ادم:ههههه برا يا ساقط مانيش ناقصك
انا:هههه باهي باي
ادم:باي
علقت عليه و نزلت تليفون...تبسمت وحدي...مكنتش نعرف انو بعد اللي صار اليوم اني باش نتبسم...تنهدت بالقاوي...بحرقة...حرقة في قلبي عندها سنين...و زادت علاها سوار...سوار لانا بحد ذاتي منجمتش نتقبل فكرة بعدها...كيف باش نخبرها انا...ساعات نفكر نخلي كلشي ورايا...و نمشي من هوني...كبست بيديا زوز عالفولون...فكرة اني نخلي سوار مستحيلة...رغم انو كلام الجنيرال كلو صحيح...اما منجمش...شي اقوى مني...و زادة مستحيل نخلي حد يأذيها و لا يقرب منها...تكيت راسي لتالي...معادش نجم نخمم اكثر...نحب ننسى كلشي صار اليوم...نحب نرجع نفيق على وجها...و نعدي نهار اخر...نهار كيف الحلمة...احسن من الواقع الخايب...لي ستانست بيه...طول حياتي
😍 حلقة هذه بينت كيفاه الماضي يبقى مأثر في الواحد...انو ذكريات الخايبة و الباهية...مينجم حد ينساها...باش تعيش معانا حياتنا الكل...نتنساوها ساعات باش نعيشو...اما مننساوهاش...و ساعات نذكروها باش نعيشو...و هذا لي صاير مع زياد و ادم...زياد يحب ينسى لي صار باش ينجم يعيش...و ادم يذكر مرتو باش ينجم يعيش...الزوز عاشو بين المد و الجزر...اما ما لقاو كان بعضهم...حبهم لبعض لقواهم باش يتحملو لي صار...زياد لادم...و ادم لزياد...اما زعمة علاقتهم باش تبقى قوية لهدرجة...و لا يدخلها الشك...زعمة سوار باش تقربهم من بعض...و لا تكون سبب في دمار علاقة الاخوة بينهم...بين زوز خاوة...كبرو مع بعض...على الحلوة و المرة...كبرو على الهم...ضحكو مع بعض و بكاو مع بعض...حب طفلة باش يدمرهم...حد فيهم باش يتنازل...و لا سوار هي اللي باش تكون ضحية بينهم...زياد باش يسمع كلام جنيرال...و لا باش ياخو ثنية جديد
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 88
سوار تحكي: هزيت روحي بالسيف...وليت لصالة...لتوا مستغربة من اللي صار...في لحظة دنيا تقلبت...تقويت على روحي...و لميت صالة الكل...لين تهديت...جات عيني...على ورقة...مرمية عالارض...نزلت هزيتها في يدي...نفس الورقة لي جات مع البوات...عينيا وساعو و انا نرا في لي مكتوب فيها...مصدقتش شنوة اللي قاعدة نقرا فيه...شقصدو انو القاتل قدام عينيه...و الفولار متاع امو...هذا الكل عندو تفسير واحد...انو ام
زياد...ماتت مقتولة...قلبي دق بالقاوي...كيف خممت في الحكاية...توا برك استوعبت علاش هو متعلق بامو لهدرجة...توا فهمت كلامو...انو باش ياخو حق امو...قعدت على حرف الفوتاي...نثبت في الورقة...و لا في الخط بالظبط...الخط هذا مش غريب عليا...اما وين ريتو منعرفش...اما متأكدة لمش غريب عليا...قريتها مرة و زوز و ثلاثة...نثبت في كل حرف...مفماش نذكر وين ريت الخط هذا...انا اكاكا...و نسمع في صوت الباب...نطرت من بلاصتي جيت واقفة...خرجت من صالة نجري...لقيتو يسكر في الباب...قربت منو نحكي
انا:زياد جيت انت
هزلي براسو ايه...غزرلي ندرا كيف...و تعدا عليا دخل لصالة...كبست عالورقة في يدي...فاش قام يطيفيني...اصلا تصرفاتو ولات تقلقني برشا اليمات هذوما...خذيت نفس و خالطت عليه...لقيتو ديجا نحا الفاست متاعو...و تكا راسو لتالي...ظاهر فيه تاعب...بقيت نغزرلو...نغزر لكل تفصيل في وجهو...تبسمت بخبث...من الافكار اللي جاتني ساعتها....خذيت نفس...و دخلت...قربت منو عاللخر...قعدت على حجرو...هز راسو بالوقت غزرلي...دورت عينيا في كل بلاصة...كان في وجهو...حسيت بيدو تحطت على ظهري...غزرتلو في عينيه...تنهد يحكي
زياد:كيف تحس في روحك توا
انا:مليحة و انت
زياد:مليح
انا:ز زياد
زياد:مممم
انا:صراحة انا
زياد:شنوة
انا:قريت الورقة...لي وصلت في البوات صباح
زياد:ايه
بقا يغزلي مستغرب...يستنى فيا نحكي...قربت الورقة منو شوية...نحكي
انا:زياد لي كتب الورقة هاذي...نحس لانا نعرفو
زياد:شتقصد
انا:الخط هذا مش غريب عليا...و نعرفو بالقدا
زياد:متأكدة
انا:مممم طلع هوني...الخط باتقان...و زادة الاحرف مكتوبة بطريقة سبيسيال...انا متأكدة لريت مرة الخط هذا من قبل...اما
زياد:اما شنية
انا:منجمتش نذكر وين...قد ما حاولت منجمتش...اما صدقني والله انا ريتو من قبل...يا ريت نجم نعاونك في الحكاية
حط يدو على خدي...تبسم شطر تبسيمة...يحكي
زياد:ششش ميسالش...انسى لي صار...و معادش تفكر فيه
انا:نجم نخلي الورقة عندي...كان وصلت لشي...باز باش نخبرك
زياد:باهي
تبسمتلو...و بقيت نغزرلو...خاصة لضربة لي تحت عينو...حسيت برغبة كبيرة...اني نقرب منو...و نبوسو منها...لزيت روحي ليه اكثر...حطيت شفافي علاها...غمضت عينيا...و بستو بالوقت...جبدت روحي شوية...حطيت خشمي على خشمو...اول ما قرب باش يبوسني وقفتو...نحكي
انا:زياد...شبيك وليت هكا
زياد:شبيني
انا:منعرفش...ريحتك خايبة
زياد:شنننوة
مرجعتلوش...حسيت روحي باش تخرج...نطرت روحي منو بالزربة...حطيت يدي على فمي...و زربت لبيت البانو...تقييت...ملا حالة وقعت فيها...حليت السبالة غسلت وجهي...خذيت نفس...و رميت يدي...هزيت المنشفة...و تلفت...لقيتو واقف عند الباب...يغزرلي...مسحت وجهي...نسمع فيه يحكي
زياد:لباس ماهو
هزيتلو براسي ايه...قرب مني...وخرت لتالي...منعرفش شبيني جملة...قحرلي يحكي
زياد:سوااار
انا:شبيك تصيح
زياد:شنية حكايتك اليومين هذوما بالظبط
انا:شي...انت لي ريحتك خايبة
زياد:¤¤¤¤¤¤ بيا...شككتني في روحي راك
انا:برا دوش
زياد:صار معادش نعجبك توا
انا:هأة
زياد:الصبر يا ربي...اخرج من هوني
انا:اخرج انت
زياد:والله يا سوار...كان تزيد كلمة...نهزك لدارك توا
سوار:على كيفك ياخي
حسيتو فد مني عاللخر...في لحظة كان واقف قدامي...نزل عليا هزني...ضربتو على كتفو...نحكي
انا؛نزلني فاش تعمل ياخي
مرجعليش...رماني عالسرير...قحرلي...و دخل لبيت البانو...سكر الباب بالقاوي...حطيت يدي على ساقي...خاطر وجعتني...في لحظة تبسمت بخبث...هزيت روحي بالزربة...وليت لصالة...عينيا لمعو...و انا نرا في دبابز الويسكي على طاولة...تلفت ورايا...باز مزال يدوش...قربت منهم بالزربة...كبيت كاسة...شربتها فرد مرة...اول مرة نحسو بنين لهدرجة...كبيت كاسة اخرى...و زوز و ثلاثة...منعرفش قداش شربت بالظبط...لين حسيت روحي دخت...وخرت لتالي شوية...قعدت عالفوتاي...حطيت يدي على كرشي...نتغوصر...خلاقي دايرة...تكيت لتالي...حسيت بيه كي دخل...دورت راسي غزرتلو...ماشي و يقرب...يحكي
زياد:علاه وليت لهوني
ضحكت...ضحكة عالية...و هزيت يدي...حطيتها عالفوتاي...نحكي
انا:ايجا اقعد هوني
غزرلي مستغرب...قرب مني شوية...دوب وصل عندي...هزيت يديا زوز...جبدتو من مريولو...بالقاوي...تكا بيديه عالفوتاي...جا وجهو مع وجهي...عديت يديا من كرشو...لجنابو...كبست عليه...نحكي
انا:ممم مبن ريحتك هكا
قحرلي قحرة متاع موت...غمضت عينيا...خذيت نفس...و حليتهم...دور راسو شوية...و رجع غزرلي يحكي
زياد:سوار انت شربت ياخي
انا:مممم شربت برشا انا
جبد روحو مني بالزربة...يحكي و يصيح فرد وقت
زياد:يلعن ساعة لي خليتك فيها وحدك...¤¤¤ فاش قام تشرب فيه ياخي
انا:بنين...مش نورمال
عدا يدو على شعرو بغزول...قريب يقلعو...باش يطرشق من الغزول...بقيت نغزرلو...حليت يديا زوز...نحكي
انا:شبيك تغششت...مشربتش برشا انا...خليتلك
باقي يغزرلي بشطر عين...قرب مني...شدني من يدي بغزول...وقفني...ضربت في صدرو...طلعت راسي غزرتلو...تبسمتلو بخبث...نزلت بسناني على شفتي لوطانية...و حطيت يدي على صدرو...دزيتو شوية لتالي نحكي
انا:سييبني
زياد:اغزرلي هوني...كان متلمش روحك...والله باش ندمك
ضحكت بالقاوي...و غزرتلو في وجهو...غمزتلو نحكي
انا:هههههههههه شباش تعمل...اخرتها باش تسامحني
كبس على يدي اكثر...جبدني عندو لصقني فيه...قحرلي يحكي
زياد:اما المرة هاذي باش تخلصها
انا:هههههه شنوة مزال باش يصير فيا اكثر...شمزال نزيد نخلص اكثر من هكا
طلعت راسي غزرتلو...لقيتو يغزرلي ندرا كيف...ضحكت و ضحكت...ضحكت بوجيعة...ضحكت على روحي...و عالحالة لي وصلتها...ضحكات عالية...نزلو وراها دموعي...نزلو يحرقو...قد الوجيعة لي حسيتها ساعتها...قربت منو اكثر...حضنتو بكل قوتي نحكي
انا:نتوما الكل كنتو سبب...انت و ادم...و راجل امي...و بابا لي خلاني في صغري...نتوما سبب في لي قاعدة نعيش فيه...نتوما سبب لي خلاني نوصل لهوني...نتوما لديما تجبروني نكون دنيز...انا نكرهم الكل...الكل
حسيت بيدو تحطت على ظهري...كبس عليا...يحكي
زياد:شعملك ادم
سكرت عينيا...و انا نذكر في ليلة هذيكا...كبست عليه اكثر...لين معادش فما مسافة بينا...جيت باش نحكي...قلبي غم عليا من ريحة برفانتو...جبدت روحي منو بالزربة...حطيت يدي على فمي...قرب مني شدني من يدي...حاولت نبعد عليه منجمتش...كبس عليا يحكي
زياد:سوااار اركح
مرجعتلوش...نحيت يدي و تقييت بالوقت...وخر خطوة لتالي يحكي
زياد:شععمملت ياخي
حطيت يدي على كرشو...باقي نتقيا...حسيتو فد...دوب كملت طلعت راسي...نحكي
انا:ز زياد امانك اعمل حاجة...كرشي توجع فيا
نفخ بالقاوي...و قرب مني شدني من يدي...جرني معاه...لبيت البانو...حل السبالة غسلي وجهي...طلعت راسي غزرتلو...باقي يوسع في بالو معايا...حط يدو على خدي يحكي
زياد:تحب تاخو دوش
انا:هأة نحب نرقد
زياد؛باهي ايجا
دخلنا للبيت...هز دبوزة ما شربني منها...و قرب بيا لسرير...اول ما قعدت...شديتو من يدو نحكي
انا:خليك معايا امان
زياد:سواار يزي لي عملتو لتوا...ارتاح توا...و صباح نحكو
انا:لاا خليك معايا...خليك الليلة امانك...انا بحاجتك توا
تنهد بالقاوي...و قعد قدامي...قربت منو اكثر...حطيت راسي على صدرو...حاوطني بيدو...تبسمت بوجيعة...دورت يدي عليه نحكي
انا:زياد
زياد:ممم
انا:انت مش باش تخليني...مش هكا
زياد:فاش قام الكلام هذا توا
انا:مرة و انا صغيرة...سألت امي...قتلها وينو بابا...علاش قبلت تعرس براجل هذا...علاش هو مبقاش معانا...يمكن توا...كنا باش نرتاحو في حياتنا اكثر...تعرف شقاتلي
زياد:شنية
انا:قاتلي لبوك يحبك برشا...اما كان مجبور انو يخلينا...رد بالك تكرهو...من هذاكا نهار و انا في راسي سؤال واحد...كي بابا يحبني...علاش خلاني...و مع هذا الكل مكرهتوش...قد وجيعتي منو...مكرهتوش
طلعت راسي شوية...غزرتلو في عينيه...و كملت نحكي
انا:و باش يجي نهار لانت زادة تولي مجبور باش تخليني...باش تعمل كيفو بالظبط
هز يدو...حطها على خدي...يبعدلي في خصلات شعري لتالي...من غير حتى كلمة...نغزرلو...و نستنى فيه يحكي و كهو...تبسم بنفس وجيعتي يحكي
زياد:لاا مانيش باش نخليك
تبسمتلو بالسيف...نزل عليا شوية...باسني بوسة خفيفة...يحكي
زياد:هيا ارقد توا
انا:اما ريحتك خايبة برشا
زياد:سوااار متركبهاليش ليلة عيش حبي...خليني رايض...مكانش باش نخرج و نخليهالك اقعد فيها وحدك
انا؛شبيك تغششت...باهي هاني باش نسكت
زياد:ارقد برك
لزيت ليه اكثر...غطست راسي في رقبتو...كبست عليه بيديا زوز...و غطست في نوم...رقدت من التعب...و اول مرة نرقد و انا خايفة...اني نفيق على واقع اخيب من هكا...على واقع من غيرو هو...كبست عليه اكثر...باش نحس بقربو مني...و ننسا لي قاعدة نخمم فيه جملة
زياد يحكي:
نغزرلها...نغزر لكل تفصيل في وجها...يمكن معادش جيني فرصة اني نشبع منها لهدرجة...هزيت يدي نبعد في خصلات شعرها...منجمتش نزل عينيا منها...طول الليل و انا نغزرلها...و داخلي احساس خايب...احساس ندرا كيف...نكرهو الاحساس هذا...جرد فكرة جات لمخي...فمرة انو سوار معادش باش تكون ليا...خلات قلبي يدق بالقاوي...نهار بدا يطلع...فقت من سرحتي على صوت تليفوني...هزيتو في يدي...استغربت ووانا نرا في اسماعيل يكلم فيا...وجه الصباح...مش بالعادة يطلب الوقت هذا...كان اذا صرا شي...خذيت نفس...و هزيت عليه نحكي
انا:اسماعيل لباس ماهو
اسماعيل:لباس وينك توا
انا:علاش شصار
اسماعيل:الجنرال قال يحبك اليوم في المركز
انا:شيحب هذا زادة
اسماعيل؛منعرفش اما ظاهر لي حاجة مهمة برشا...حاول توصل بكري
انا:باهي
علقت عليه...غزرتلها شوية...و هزيت روحي...دخلت لبيت البانو...عملت دوش...بدلت دبشي...و ريقلت اموري الكل...و هي مزالت في سابع نومة...قربت منها...نزلت علاها...بستها من خدها بوسة مرصوصة...غطيتها و خرجت من البيت...دخلت لصالة...حالتها في الويل...بعد ما لمتها...تقيات فيها...هزيت دبابز لي بقاو غادي...هزيتهم للكوجينة كبيتهم الكل...مفماش تسكر مرة اخرى...و تعمل شي ميجيش عالبال...هزيت مفاتحي و خرجت...كلمتهم يكلفو شكون ينقي دار...بشرط يبقاو معاها لفوق...هزيت كرهبتي...و طرت بيها للمركز...اول ما راكيت الكرهبة...غزرت للمرايا...كرهبة ميرال ورايا بالظبط...عقدت حواجبي مستغرب...حليت الباب و نزلت...سكرت فلس الفاست...و دخلت...خالطت عليا...تمشي معايا و تحكي
ميرال:بونجور مسيو زياد
مرجعتلهاش...مش ناقصها عالصباح...كملت تمشي معايا...تحكي
ميرال؛زياد شرايك تنسى لي صار في ايطاليا
انا:علاش شصرا
ميرال:ممم باهي
كملت نمشي...باقي مخالطة عليا...لين دخلنا للاصونصير مع بعض...عقدت حواجبي كيف ريتها اختارت نفس الطابق لي فيه جينيرال...سكت...سكت...مبعد كبست على يدي نحكي
انا:شتعمل هوني
ميرال:نظن لانا نخدم هوني زادة
جيت باش نحكي...فتح باب الاصونصير...خرجت قبلي...خذيت نفس و خالطت علاها...اول ما وصلنا لبيروه...رجالو فتحو الباب بالوقت...كيف ريتها داخلة معايا...استوعبت لهو طلبها زادة...و تأكدت لفما شي ميطمنش باش يصير...دخلنا زوز مع بعض...وقفت قدامي...خذيت نفس...نسمعو فيه يحكي
جينيرال:برافو في الوقت بالظبط
انا؛علاه الاجتماع هذا عالصباح
جينيرال:الاجتماع هذا يخصك انت بالدرجة الاولى
انا:شتقصد
جنيرال:نقصد بيه دنيز
اول ما سمعت اسمها...حسيت فما شكون كب عليا سطل ما بارد...كبست على البونية متاعي...خذيت نفس نهدي في روحي...نحكي
انا:شبيها
جنيرال:انت و دنيز باش تكون علاقتكم رسمية اكثر
انا:تنجم تفهمني اكثر
جنيرال:زياااد...مش وقت تفهم كلامي...انت باش تعمل لنقلك عليه و كهو
انا:ما نعمل شي كان نعرف شنوة بالظبط
جنيرال:دنيز باش تولي عضو تابع لينا احنا...يعني انت باش تقلها شتعمل و كهو...و علاقتكم مع بعض باش تبان للناس الكل لهي رسمية...يعني بالمختصر المفيد...انت و دنيز معاد يربطكم حتى شي كان الخدمة
انا:شكونك انت باش تقرر علاقتي معاها كيفاه تكون
جنيرال:كان تحب تطمن على حياتها...هاذي الخطوة الاولى لباش تعملها
انا:نطمن علاها وقت تبدا معايا
جنيرال:وقت تحب هي تبقى معاك...ساعتها اموركم
انا:شتقصد بكلامك
جنيرال:انت و ميرال باش تعرسو
غزرنا لبعضنا بالوقت...انا مصدوم و هي اكثر مني...كلمتو قعدت تتعاود في وذني اكثر من مرة...تلفت عندو خذيت نفس نحكي
انا:لي تحكي فيه مستحيل يصير
جنيرال:معندكش حل اخر
انا:و الا شنية لي باش يصير
جنيرال؛المهمة هاذي باش تمشي لغيرك
انا:شنووة
جنيرال:لي سمعتو...القضية باش تتحول لعميل اخر...وقتها قضية ادم باش تتحول للمحكمة...و الشي لي تحب توصلو...باش يتسكر جملة
انا:ساعتها متنجمش تتوقع شنية لباش نعملو
جنيرال:معندك حتى دليل...فكر مليح...عندكم اسبوع في يدكم...تحضرو لعرسكم...و لا نقول لصفقة جديدة...خاطر عرسكم...باش يظهر للكل...انو دنيز معندها حتى علاقة مع زياد...وقتها تسهل مهمتها اكثر...فهمتني سي زياد...و انت مدموزال ميرال
ميرال:باهي مسيو
خذيت نفس...و خرجت من البيرو...من غير ما نقول حتى كلمة اخرى...نسمع في ميرال تعيطلي...مرجعتلهاش...اول ما وصلت للكرهبة...لقيتها قدامي...وقفتني تحكي
ميرال:زيااااد استنى
انا:شنوة في بالك وصلت لي تحب عليه
ميرال:شتقصد
انا:قصدي واضح...كان في بالك باش ناخو بكلامو و نغرس بيك...طمن لالة...لي في مخك مستحيل توصلو
ميرال:زياااد...حتى انا تفاجأت كيفك...منعرفش من وين طلعلنا بالحكاية
انا:و انت بالطبيعة فرحت
ميرال:نفرح على شنوة...اه على شنوة...على اني نعرس براجل ميحبنيش...راجل كنت لعبة في يدو...مبعد طيشني نهار حب طفلة...على شنوة نفرح
مرجعتلهاش...حليت باب الكرهبة وركبت...خليتها واقفة و طرت بيها...حرقت الكياس...نسوق بسرعة كبيرة...نحاول نخرج غشي الكل...و ننسا الكلام لي سمعتو منو...شديت الفران بالقاوي...كبست بيديا عالفولون...منعرفش شنية لي نعملو بالظبط...منعرفش شنوة باش نخبرها...اصلا الحكاية مش راكبة على بعضها...نعرفها ماهيش باش تصدقني...نعرف لخبر كيف هكا باش يهدها...اصعب موقف تحطيت فيه...اني نختار بين خدمتي...و بينها هي...بين انتقام جريت وراه سنين طويلة...و بين عرسي بميرال...كان باش نخبرها لهو صفقة...لين توفا الخدمة...مش باش تتقبل الحكاية...خاصة الفترة هاذي...و تصرفاتها الغريبة...تكيت راسي لتالي...منجمتش نفكر في حتى حل...يخرجني من الهم لي وحلني فيه...و مع شكون...مع ميرال...مكفاش عمايلها لتوا...تنهدت بحرقة...كلشي قاعد نخمم فيه توا...اني نلقا مخرج من الهم هذا و كهو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 89
سوار تحكي: فقت الصباح...نحل في عينيا بالسيف...نحس في راسي باش يطرشق...بقيت شوية في بلاصتي...نذكر في اللي صار البارح...عينيا وساعت...مستحيل نكون شربت لهدرجة...نطرت من بلاصتي جيت قاعدة...اول شي جا لبالي...انو نكون حكيت شي على ادم لزياد...لا مستحيل نكون حكيتلو...هزيت روحي خرجت نجري من البيت...نفركس عليه بعينيا...دخلت لصالة لقيت مرا غادي تنظف...عقدت حواجبي مستغربة...نحكي انا:شكونك انت
هي:طلبني مسيو زياد...باش نظف دار و نمشي
انا:وينو هو
هي:منعرفش
خليتها واقفة...ووليت للبيت...هزيت تليفوني...نطلب فيه و نعاود...شي...محبش يهز عليا...حسيت بخنقة...فكرة لهو عرف بلي صار...خلات قلبي يدق بالقاوي...باش ياقف...خلاقي دارت...نطرت لبيت البانو تقييت...طول النهار و انا على اعصابي...انا اكاكا...و الباب فتح...في لحظة كنت واقفة قدامو...ترميت عليه من غير ما يحكي حتى كلمة...قلبي يدق بالقاوي...كبست عليه نحكي
انا:زياااد وينك لتوا ياخي
حسيت بيدو...تحطت على ظهري...تنهد بالقاوي يحكي
زياد؛كان لازم نخرج
انا:علاه مهزيتش عليا...وقت كلمتك
زياد:مسمعتوش
انا:باهي
جبدني من عندو شوية...طلعت راسي غزرتلو...حط يدو على خدي يحكي
زياد:ايجا ندخلو...عندي ما نحكي معاك
اما:شفما
زياد:ايجا ساعة
كبس على يدي...و جرني معاه لصالة...قعد...و جبدني معاه...قعدت قدامو...نغزرو مستغربة...نستنى فيه يحكي...ظاهر من ملامحو لفما شي...اما زعمة شباش يصير...خذيت نفس نهدي في روحي...حط يدو على يدي...يحكي
زياد:سوار...اللي باش نحكيه مهم برشا...و انت لازم تسمعني و تفهمني بالقدا باهي
انا؛باهي
زياد:سوار عزيزتي...طول ما انت معايا حياتك في خطر...كل حد يعرف لانت تابعتني...باش يتعمد يأذيك
انا؛شتقصد بكلامك
زياد:يعني من اليوم انا باش نبقى بعيد عليك
بقيت نغزرلو ندرا كيف...متوقعتش لهو باش يقول الكلام هذا...حسيت بخنقة...خذيت نفس...نحكي
انا:باهي و خدمتنا مع بعض
سكت شوية...عدا يدو على شعرو...ووجهو...يحكي
زياد:شي ماهو باش يتبدل...اما مايجيش حد يعرف بعلاقتنا...خاصة الفترة هاذي...و كان عالخدمة...صدقني ندمت خاطر دخلتك في وسطنا...اما باش يتعدا كلشي...وقت توفا...احنا باش نمشو من هوني مع بعض...باش ترجع هويتك...و شخصيتك لي نعرفم انا برك...باش ترجع سوار...سوار و كهو
هزيتلو براسي باهي...اصلا معنديش علاه ناخو موقف...نعرف لعلاقتنا باش تكون مستحيلة في دومان هذا...اما يكفي لهو باش يبقى معايا...حتى من بعيد...قربت منو اكثر...حطيت راسي على صدرو...حط يدو على شعري يعدي فيها...بقينا زوز ساكتين...منعرفش قداش تعدا وقت بالظبط...خذيت نفس و جبدت روحي من عندو نحكي
انا:باش نمشي نحضر روحي توا...و انت حضرلي شي ناكلو...والله باش نموت من الجوع
تبسم شطر تبسيمة...و هزلي براسو باهي...قربت بستو تحت عينو...و هزيت روحي...دخلت لبيتو سكرت الباب...نتنفس بالقاوي...حاولت نهدي روحي قد ما نجم...خاطر نعرف لي باش يجي نهار و يصير هكا...اما قلبي مش مطمني جملة...منعرفش علاه حاسة باحساس خايب...خذيت نفس...بدلت دبشي...ريقلت روحي...لميت دبشي الكل...و مشيت عندو للكوجينة...قلبت ملامحي...بضحكة نحكي
انا:انا كملت...و انت شنوة حضرتلي
تلفت عندي...هز في يدو صحن فيه سندويتش...تبسمت بخبث...جا في وقتو بالظبط...نسيت جملة لكنت نخمم فيه...قربت منو بالزربة خطفتو من يدو...قعدت عالكرسي ناكول فيه بالزربة...تكا عالرخامة يحكي
زياد:بعقلك
انا:شمدخلك انت
زياد:سوااار
انا:شنية
نفخ بالقاوي...نعرفو يفد من تصرفاتي برشا...لفت وجهي عليه...منحب حتى حد يفسد جوي...و انا ناكول...اول ما كملت هزيت روحي وقفت نحكي
انا:خلينا نمشو توا
زياد:باهي
بقيت نستنا فيه لين جاب الفاليز متاعي...نزلنا مع بعض اللوطة...طول الثنية و احنا ساكتين...لين وصلنا...شد الفران...و تلفتلي...حط يدو على خدي يحكي
زياد:رد بالك على روحك...و ما تعمل حتى شي من غير ما تاخو رايي...و كان صار اي شي كلمني باهي
انا:باش نراك مرة اخرى
هزلي براسو ايه...قربت منو اكثر...حضنتو بالقاوي...منعرفش علاش خفت لهدرجة...خذيت نفس...جبدت روحي منو...تبسمتلو نحكي
انا:ميمشيش تعمل شي من ورايا
زياد:ههههه باهي طمن
قربت بستو تحت عينو...و نزلت...خالط عليا...عطاني الفاليز متاعي...غزرتلو في عينيه نحكي
انا:باي
تبسملي شطر تبسيمة...من ملامحو ظاهر فيه تاعب برشا...كبست عالفاليز في يدي...و عطيتو بظهري...نمشي و نجر فيها بالسيف...اول ما وصلت للباب...ركب في كرهبتو...تلفت نشوف معاه...هزيت يدي شاورتلو...حلت خالتي راضية الباب بالوقت...تحكي
راضية:دنيز بنتي...الحمد الله على سلامتك
تلفت عندها...تبسمتلها...قربت منها حضنتها بالقاوي...حتى انا توحشتها برشا...جبدت روحي منها نحكي
انا:كيفك خالتي
راضية:لباس...وينك انت قراية اسبوع...لا كلمتني..و لا طمنتني عليك
انا:كنت مع زياد
راضية:باهي برا ارتاح توا...و مبعد نحكو
انا:باهي
خليت الفاليز غادي و طلعت لبيتي...ترميت عالسرير...تلكمت على روحي...و رقدت...اصلا لتوا نحس في روحي نعسانة برشا...و ما عندي جهد لحتى شي اخر
تعداو يومين...من اخر مرة ريتو فيها...يومين عدياهم بنفس التعب...و التفكير الزايد...فقت من النوم...على يد خالتي راضية تمسح على وجهي...حليت عينيا...نحكي
انا:صباح الخير
راضية:صباح نور عزيزتي
حطيت يدي على كرشي...متقلقة برشا...طولت عالحالة هاذي برشا...هزيت روحي نجري...دخلت لبيت البانو...تقييت...خالطت عليا...تحكي
راضية:دنييز لباس ماهو
حطيت يديا الزوز عالرخامة نوازن في روحي...افكاري تهز فيا و جيب...تنفست بالقاوي...معادش نعرف في شنوة قاعدة نخمم بالظبط...قربت مني...تحكي
راضية:شبي بنتي
انا:شي خالتي مليحة طمن
راضية:باهي ايجا ترتاح
هزيتلها براسي باهي...و خالطت علاها للبيت...قعدت عالفوتاي...نحكي
انا:خالتي نحب نطلب منك شي
راضية:بالطبيعة عزيزتي
انا:نحب على فراز
راضية:توااا
انا:مممم...امانك
راضية:وه بنتي مزال وقتو
انا؛نعرف...اما نحب ناكل منو توا عيش خالتي...خبر اي حد من رجال برا يجيبلي...امانك
نحكي قريب نبكي...قربت مني قعدت قدامي...حطت يدها على خدي...و يدها لاخرى على يدي تحكي
راضية:دنيز ياخي انت
انا:شنوة
راضية:ياخي انت حبلة
بقيت نغزرلها...كلمتها تالية...كانت قوية برشا...خلات قلبي يخض بالقاوي...باش يخرج من بقعتو...دورت الحكاية في مخي...في الاعراض لانا بيها الكل...قي روتار متاع العادة...جبدت يدي منها...نحكي
انا:لااا من وين جبتها الحكاية هاذي
راضية:اعراضك الكل تقول لانت حبلة...نومك رزين...و تتشهى برشا...حتى وقت تبدا تاكول...مش كي العادة...هذوما الكل عندهم تفسير واحد
هزيت روحي بالزربة وقفت...ضحكت باستهزاء نحكي
انا:لاا خالتي...باز انت غالطة...معادش نحب فراز...جيست تشهيتو و كهو
نحكي و نتلف في كلامها...و لا انا منحبش نصدق لي سمعتو...هزت روحها وقفت...قربت مني...تحكي
راضية:باهي عزيزتي...انسى الحكاية...و انا تو نوصي شكون يجيبلك الفراز مش باهي يبقى في خاطرك
خلاتني واقفة في بلاصتي...وخرجت...هزيت يدي...حطيتها على كرشي...نزلت راسي نغزرلها...معرفتش شنية نعمل بالظبط...الحكاية مجاتش لبالي جملة...خاطر نعرف لمستحيل تصير...اذا حبلت من زياد...دنيا تدخل بعضها...قربت من القارد روب بالزربة...بدلت دبشي كيما جا...هزيت تليفوني...و نزلت اللوطة...نسابق في خطواتي...حتى خالتي راضية مراتنيش كيف خرجت...عارضني واحد من رجال...دزيتو بيدي نحكي
انا:ابعد من طريقي
هو:مسيو زياد طلب
قصيت عليه...كيف قحرتلو...قحرة متاع موت...نحكي
انا:زياد يعرف لانا خارجة توا...تفضل طلبو من عندي كان تحب
هو:اما
خليتو واقف...وخرجت لطريق...خاطر كان باش نبقى نسايس فيه نطرشق في بلاصتي...وقفت طاكسي بيدي وركبت...غزرلي يحكي
هو:مدام وين تحب نهزك
انا؛كلينيك
هو:انا وحدة
انا:اقرب وحدة
هو:باهي
طول الثنية و انا حاطة راسي عالبلار...نغزر لناس...و تفكيري بعيد برشا...اول ما وصلت خلصتو و نزلت...قربت من ريسيبسيون نحكي
انا:نحب نعمل فحص حمل
هي:شنية اسمك
انا:سوار...نقصد دنيز ¤¤¤¤¤
هي:تنجم تعطيني هويتك
هزيتلها براسي ايه...جبدتها...حطيتهتلها في يدها نحكي
انا:باش نستنى برشا
هي:لا الدكتور في طابق الاول
انا:باهي
خذيت نفس...و طلعت عندو...اخترت اني نجي هوني...باش نقطع الشك جملة...اول ما وصلت...دقيت الباب...ودخلت...طبيب يعمل في خمسينات...خذيت نفس نحكي
انا:انا...انا
طبيب:تفضل مدام...نعرف خبروني لي لوطة
انا؛باهي
الوقت لي تعدا...و انا نستنا في نتيجة...حسيتو طويل برشا...نغزر لطبيب بعنين ضايعة...احساس ندرا كيف نحس فيه...كبست على يديا زوز...و انا نسمع في كلامو
طبيب:مبروك مدام انت حبلة
نزلت دمعتي بالوقت...كبست على حرف الكرسي...بيديا زوز...نسمع فيه يحكي
طبيب:لباس مدام
هزيتلو براسي ايه...كمل كلامو...يحكي
طبيب:حبلة عندك ست جمعات...اما لازمك تتلها بصحتك اكثر...انا باش نكتبلك على دوا...و رونديفو متاعك باش يكون بعد اسبوعين باهي
هزيت روحي وقفت...خرجت من عندو...نمشي مصدومة...حتى وقت عيطلي مسمعتوش...وقفتني الفرملية...تحب عالفلوس...عطيتها الكل لي عندي...وخرجت...كل لي يهمني...اني نمشي من هوني و كهو...منعرفش قداش بقيت نمشي بالظبط...لين لقيت روحي في بقعة العادة...مقابلة لبحر...قعدت و تكيت لتالي...نغزر للبحر...منعرفش في شنوة قاعدة نخمم بالظبط...نزلت راسي شوية...غزرت لكرشي...هزيت يديا زوز حطيتهم علاها...ضحكت بالوقت...وسط دموعي ضحكت...توا برك استوعبت لقاعد يصير...استوعبت لانا حبلة...حبلة بصغير...صغيري انا...مجرد الفكرة خلاتني ننسا كلشي خايب...و نفكر فيه كان هو...عديت يدي بالسياسة...زعمة باش يكون طفل و لا طفلة...هزيت يدي مسحت دموعي لي نزلو...دموع متاع قهرة...خاطر مستحيل نجم نجيب الصغير هذا لدنيا...هو جا في الوقت و المكان الغالط...مسحتهم بكل قوتي...نسمع في تليفوني ينوقز...اكثر من مرة...جبدتو من مكتوبي...لقيتو زياد...نعرف كان منهزش عليه توا...باش يعمل مشكلة كبيرة...خذيت نفس...و هزيت عليه...نسمع فيه يحكي
زياد:سوااار وينك ياخي
غمضت عينيا بالقاوي...و انا نسمع في صوتو...حليتهم...و خذيت نفس نحاول نخبي البحة لي في صوتي نحكي
انا:في بقعة العادة
زياد:لباس ماهو...صار شي
انا:لا
زياد:باهي رد بالك تتحرك من غادي...مسافة الطريق و نكون عندك
انا:باهي
علقت عليه...و حاوطت كرشي...نغزر للبحر...منعرفش في شنوة قاعدة نخمم بالظبط...كبست على كرشي اكثر...كاني نحاول نحمي فيه...نحب نحس بيه اكثر...يمكن باش نخسرو في اي لحظة...منعرفش قداش تعدا وقت بالظبط...دورت راسي...كيف حسيت بيه قعد قدامي...غزرلي في عينيا...يحكي
زياد:شصار...شبي حالتك هكا
بقيت نغزرلو...منجمتش نحكي معاه...منجمتش نقولو كي العادة...منجمش نستخايل ردة فعلو...قربت منو اكثر...حطيت راسي على صدرو...حاوطت بيدي...كبست عليه نحكي
انا:معادش نحب نكمل
زياد:شنوة
انا:معادش نحب نكمل...زياد امانك خرجني منها اللعبة هاذي...معادش نجم اكثر...معادش نحب نكمل
جبدت روحي منو شوية...لقيتو يغزرلي مصدوم...خذيت نفس و كملت نحكي...و نبكي فرد وقت
انا:امانك زياد اعمل حاجة...نعرف لانت تنجم تخرجني منها...معادش نحب نكون دنيز...مش انت قتلي باش تاخو حقي من اللي وصلني هوني...انا معادش نحب نكمل لتالي...نعرف لانت باش توفي بوعدك...امان كان تحبني حتى شوية...خرجني منها الحكاية امان
غمضت عينيا بالقاوي...نحب نقص عالبكا...حليتهم كيف حسيت بيدو تحطت على خدي...يمسح في دموعي و يحكي
زياد:باهي...باهي
تبسمت بالوقت...كلمة وحدة...خلاتني نحس بشي جديد..يمكن امل...هكا حسيت ساعتها...خذيت نفس نحكي
انا:باش تخرجني منها الحكاية
هزلي براسو ايه...و جبدني عندو...حضني...كبست عليه اكثر...حطيت يدي لاخرى على كرشي...غصة واحلة في حلقي...نحب نحكيلو كلشي توا...و نرتاح...اما زادة معنديش الجرأة الكاملة...منعرفش شنية لباش يصير بالظبط...منعرفش قداش بقينا اكاكا بالظبط...نزل راسو...غزرلي يحكي
زياد:شرايك نرجعو توا...برد الحال
جبدت روحي من عندو شوية...حط يدو على خدي..يرجعلي في خصلات شعري...لي لصقت على وجهي من دموعي...حسيتو زادة حتى هو مش قد بعضو...هزيتلو براسي ايه...نزل يدو حطها على يدي...كبس علاها...وقف...ووقفني معاه...مشينا للكرهبة...حلي الباب...ركبت...و خالط عليا...طول الثنية...و انا محضناتو...لين وصلت...شد الفران يحكي
زياد:برا ارتاح توا...و معادش تخرج بلا علمي
انا؛باهي...امتى باش نرجع نراك
زياد:منعرفش
انا:ميسالش
قربت منو...بستو تحت عينو بوسة مرصوصة...و جبدت روحي منو نزلت...بقبت نتبع فيه بعينيا...لين مشا...حليت الباب و دخلت...عارضتني خالتي راضية...قربت منها حضنتها نحكي
انا:كلامك طلع صحيح...انا حبلة...حبلة يا خالتي
راضية:ششش مبروك عليك عزيزتي...ياخي هاذي حاجة تبكي
انا:امانك خالتي اوعدني لانت مش باش تخبر حد
راضية:اما بوه لازم يعرف
جبدت روحي منها...شديتها من يديها زوز...نحكي
انا:اوعدني امانك...زياد باش نخبرو...اما مش توا...عيش خالتي اوعدني لي الحكاية باش تبقى سر بينا...خاصة الفترة هاذي
راضية:باهي دنيز...باهي..وعد
انا:عيشك
راضية:هيا برا لبيتك توا...و انا باش نمشي نجيب الفراز لي خليت الراجل يدور تونس على خاطرو
انا:باهي عيشك
هزيت روحي..طلعت لبيتي...دخلت لبيت البانو عملت دوش...تفرهدت بيه...لبست روب خفيفة...و قربت من الكوافوز...قعدت عالكرسي...حليت القجر...جبدت مذكرة...فارغة...كانت هدية من عماد...وقتها قالي...كيف تولي دكتورة اكتب فيها...تبسمت بوجيعة...حطيتها...و جبدت الشركة...شركة فيها حرفين برك R و K... محفورين بدقة...و دات في تالي متاعها 10 جوان 1960...غريبة شركة قديمة كيف هكا شكانت تعمل عند واحد كيفو...يعني حتى هو وقتها مكانش كبير لهدرجة...حطيتها على جنب...و حليت المذكرة...كانت اول كلمات فيها...نهار حليت عينيا بعد الحادثة هذيكا..." ضو قوي...قوي برشا...جهر في عيني...برشا افكار دور في مخي...ضو شنوة هذا...من وين جاي...و علاش قوي لهدرجة...شبيه وجعني لهدرجة...سكرت عينيا بالقاوي...ورجعت فتحتهم...برشا مرات...نشوف مع سما"...كتبت كلشي صرا بالتفصيل...حكيت على ليلة هذيكا ببرشا وجيعة...و برشا دموع...حكيت على حبي الكبير لزياد...حكيت على غيرتي من ميرال...حكيت على ادم...كلشي من اول ليلة جمعتنا...لنها عرفتو وقت الحفلة...حكيت على راجل امي و خويا...حكيت على الصغير لي في كرشي...حكيت على برشا حاجات...نحب نقولها...اما منجمش...حكيت على وجيعتي...على خوفي...حكيت الكلام اللي كنت نحب نقولو لزياد...حكيت على كلشي...افضل شي لقيتو باش نفرغ قلبي...اني نكتب كلشي عشتو...و كلشي خايب تعدا عليا...و كلشي حلو حسيت بيه...سكرتها ورجعتها لبلاصتها...هزيت صحن الفراز...و مشيت لفرشي...كليتو الكل...ما خليت حتى وحدة...تبسمت بعد كلشي تعدا عليا...و غطست في فرشي...حطيت يدي على كرشي...كاني لقيت مصدر قوة جديد نعيش على خاطرو...غمضت عينيا و رقدت...رقدت و انا نتمنى نفيق على امل جديد...و حياة جديدة...على امل نخلي كلشي ورايا...و نبدا من جديد
لالالااالالالا....القفلة هوني 😈 الحلقة هاذي...وراها برشا احداث....احداث خايبة 😭 و احداث حلوة 😍....احداث غير متوقعة...اكشن و شخصيات جديدة و قوية...مش شخصية وحدة 😌 3 شخصيات...و يمكن اكثر 😁😁😁هوني تكون نهاية الجزء الثاني و الحلقة الجاية نبداو في الجزء الثالث
كمنتار ببلوڨر
تعليقات