الحلقة الأولى :
وقفت عالبالكون تتفرج في الشمس قاعدة تغرب .. السماء مستحمرة والدنيا بدات تظلام والطقس ربيع نسمة خفيفية دافية.. بقات سارحة شادة في يدها قهوة تترشف فاها رجعت باها الذاكرة لستة سنين لتالي.
الماضي:
فتون كانت عايشة مع امها بعد ماتوفي بوها ..كانت صغيرة وقتها..ما تعرف شئ مالدنيا .فتون مزيانة برشا .. وردة جوري علي حالها.. كي الفراشة تحلم لقدام .عايشين هي وامها في دار صغيرة. كانت كل ليلة تبات وحدها.. خاطر فيبالها امها تبات تخدم البرا..كبرت شويا .ولاعمرها 19 سنة.تتفكر ليلتها وقت روحت بكري ماالقراية للدار.. هي حلت باب الدار ومن هنا باش تتبدل حياتها الكل.... تسمع في حس في بيت النوم.. دخلت بالشويا تشوف تلقي امها مع راجل عالفرش تقززت مالحس الي تسمع فيه حطت يدها الزوز علي وذناها تسمع في صوت زفيف .راسها دار .دارت باها الدنيا ..طلت علاهم من بعيد مانجمتش تقدم أكثر .. صوت صياح امها يتعاود في راسها فيبالها مستحيل نهار تعمل حاجة تمس من شرفها مستحيل تخون وتمشي للحرام .. مالصدمة بقات واقفة باهتة تحس في حاجة تكسرت فاها من داخل .. نار شعلت في قلبها تحس في روحها طلعت.. وجيعة ماتتوصفش.. هبطت دمعة سخونة علي خدها. تفكرت بوها المسكين الي تعب وشقي ومرض باش يعيشهم مستورين. موش مستحقين حد ..تفكرت وقت تبات ليالي وحدها مستوحشة تمنات صدر حنين تتكي عليه ...ومالقات حد ..بوها مات وخلاها وامها لي تغرم في زمانها وماخممتش في بنتها والا شنوا لي ناقصها عمرها ماحنت ولا رأفت علاها تقول موش أم ... فاقت مالصدمة مسحت بكف يدها دموعها وخرجت مالدار ماتعرف علي روحها شئ كان انها تجري في الشارع خرجت ماخممت في شي والا كيفاه.. ولا وين ماشية. موش عارفة الثنية الي باش تهزها وين. حبت تهرب. تهرب مالوجيعة الي تحس فاها والا تهرب من روحها حبت تصيح تخرج كل شئ وترتاح ..بقات تمشي لين لقات روحها في قرية والدنيا ضلام دمسة كان ضو القْمرة منور الثنية...
الحاضر:
رجعت من سرحتها كي سمعت صوت يناديلها من وراها فتون وين سرحت
دارت تلقي محمود واقف يخزرلها وبزربة نحي مريولو و دخل للبيت حل القجر وجبد منشفة دخلت وراه وحطت كاس القهوة لي في يدها عالطاولة.. قتلو" كي العادة ماشي تلعب في القمار".. خزرلها بزربة قلها" أي ولازم ندخل نعمل دوش ونمشي للقرية"
قتلو "هزني معاك نحب نشوفك كيفاه تلعب، بربي فديت وحدي في القصر محبوسة .
قالها الموضوع هذا معاش نحكيو فيه قتلك لا مافماش مشي معايا للقرية وزيد تعرف الي هي ملك الشيطان وتعرف الي مالازم حد مايعرف لانتي مرتي حاليا.
بدات تبكي قتلو "علاش ماخذني مالا باش تخليني محبوسة لنا. عندي 5 سنين معرسة بيك وديما مانع عليا الخرجان والمحواس حتي باش نحضر معاك في اللعب مع الشيطان و الكبارات لا .."....يتبع
الحلقة الثانية :
دخل للدوش وقلها بنطرة باهي يا للة قوم حضر روحك نكمل الدوش ونلبس نلقاك حاضرة
قامت نقزت ومشات تجري باستو من وجهو قتلو
-محمود يخليك ليا
مالفرحة موش مصدقة مشات تجري حلت القاردروب و ختارت روبة نوار بالدونتال تمشي مع بدنها خزرت للمراية تلقاه وراها.لبس وجبد شال عطاهولها
-شد هذا حطو علي راسك ناوية تخرج معايا هكا روب كلها عريانة تعرفني نهبل ونغير عليك وما نحب حد يراك لبستو و خرجت وراه مالبيت
الحلقة الثالثة:
خرجو مالبيت ..هبطت هي ومحمود مالدروج وصلو للساحة متع القصر البرا وركبو في كرهبة ومشاو للقرية الي ماتبعدش برشا عالقصر متع محمود
فتون تخزر ماالشباك متع الكرهبة ترا في الخضار وراها وضو القمرة الي خلاها ترجع بالذاكرة لتالي.
الماضي
تتفكر وقت وصلت للقرية بعد ماهربت من دارهم.. كانت تمشي في وسط القرية وموش عارفة هي وين حتي سمعت صوت حصان يجري من بعيد فرحت كي رات راجل كبير عامل لحية بيضة قربلها وقلها
-يابنتي شتعمل وحدك لنا في القرية في هالوقت؟؟
بقات فتون تخزر للراجل مالقاتش الكلام تعبر بيه علي حالتها والا السبب الي خلاها توصل لبلاصة كي هكا لا تعرف علاها شئ والا اش مخبيتلها عاود سألها
- يابنتي شبيك ماتجاوش فيبالك انت وين
-فتون : مانيش عارفة ياحاج
-أنت في مزرعة الشيطان وأي وحدة يلقاها يهزها تولي خديمة عندو وجارية ومعاش تشوف ضو النهار
فتون كي سمعت كلام الراجل ترعبت وخافت وبدات تبكي
- امانك احسبني بنتك ماتخلينيش لنا عيشك أنا هربت من دارنا وجيت لنا موش عارفة كيفاه..
بقي الراجل باهت في كلامها ظاهرة عندها حكاية والا مشكلة خلاتها في الحالة هاذي هبط مالحصان وقدم وين واقفة ..وخرت فتون لتالي بربثة وهو شدها من يدها قلها
- بنتي ماتخافش ايجا معايا تو نهزك لبلاصة آمنة كن فاها راسك حتي ربي يعمل دليل
فتون هبطت راسها و تبعتو ماكان عندها حتي حل غير أنها توافق وتشوف مصيرها والمستقبل شمخوبيلها. بعد بنص ساعة هبطها قدام قصر كبير قعدت شاهقة فاكا الضخامة والكبر دخل باها لساحة كبيرة وعالاجناب كلها اصنام قديمة دايرة بيها الخضار أول مادخلت تحل باب عرضتهم خديمة دخلتها ومشات باها لبيت مأثثة كلها دبش باش تبدل حوايجها.. بعد ما امر الراجل الكبير الي هو عم سالم الخديمة باش تعاون فتون بعد طلع حكي مع مولا القصر الي هو محمود باش يحكيلو علي فتون الي جابها معاه ويخليها تخدم عندو
وافق محمود باش يراها . هبط في الدروج للصالة وين موجودة فتون..
..................................................
فتون طفلة عمرها 24 سنة شعرها اكحل توتة طويل لكتفها وعيناها زرق وبيضة برشا وبدنها مزيان ملليان ماعندهاش كرش ولا الزايد عندها شويا نمش في وجها وين خشمها هذا الي زادها زين علي زين شفايفها صغار وروز يهبلو خشمها طويل ومسكر هذا الزين والا دعا والدين هه
باهي محمود راجل طويل اشقر عينيه زرق وشعرو مصطصفر خشمو طويل وفيه ضربة في الوسط وضربة قديمة حكايتها موش باش تتنحي من مخو ...
الحلقة الرابعة :
وصل للصالة كي شافها عينو لمعت و كبس روحو يرا فاها قاعدة خايفة لابسة روب بيضة وشادة شعرها لتالي الي خلا محمود يهبل مالزين الي راه بالرغم موش عاملة ماكياج شاف الشعر الي كي الحرير علي وجها والنمش الي زايد فاها الشطر دخل بشوية .. فتون كي رات محمود وقفت وبقات عينها اللوطة مانجمتش تخزر في عينيه
هوما اكاكا ويدخل عمك سالم الشيوبة نافخ روحو وقلو آه سي محمود شقولك فاها تنجم تقول هدية مني ليك بقات فتون باهتة موش فاهمة شء وترسمت تبسيمة علي فم محمود الي بدا يقلب فاها من راسها لساقاها
الحاضر
رجعت من سرحتها بعد ماسمعت صوت الفران متع الكرهبة دارت لمحمود قتلو وصلنا
تبسملها وقلها براسو اي وبعد تمتم- الليلة باش تكون نهايتك يا شيطان باش تخرج خاسر مانيش باش نخلليلك فرصة تربح.. بقات فتون تخزر قد ماحكالها محمود علي عمايل الشيطان والشر متاعو تمنت أنها تراه وتشوف هالشخص الي قرية كاملة تعملو الف حساب وتخاف منو
الحلقة الخامسة :
هبطو مالكرهبة وبداو يمشيو لين دخلو في باب كبير قديم يهزّ للساحة الي باش يصير فاها اللعب بقات فتون شادة يد محمود وتخزر للضو قوي في الساحة بالضبط في وسط الساحة وين محطوطة طاولة كبيرة قْري مدورة ودايرين باها 7 كراسي الي باش يلعبو فاها القمار "محمود و الشيطان و خمسة رجال آخرين ذو نفوذ "
محمود دار لفتون قلها انت اقعد في المدرج ماتتحركش دارت علي يمينها وين الساحة تلقي المدرج وين يقعدو الناس الي جات مالقرية باش تتفرج فيهم .. ترا في حشد كبير مالعباد كبار صغار شياب نساء ورجال داخلين باش يشدو بلاصة في المدرج تقول يستناو وقتاه كل جمعة يجيو باش يشوفو شكون الرابح .. الي هو الشيطان كان راجل قوي عمرو ماخسر قدام حد وبالاخص محمود ...
الحلقة السادسة :
طلعت فتون في الدروج الي يهز للمدرج الي داير بالساحة وقعدت من تالي تستني في اللعب يبدا ترا في محمود راجلها شدّ كرسي عاطيها بالظهر وبجنبو الرجال لخرين يستناو في الشيطان يدخل للساحة .
تعدات ربع ساعة ويراو في كرهبة كحلة وقفت علي جنب وهبط منها واحد طويل .شعرو اكحل. وعاملو التالي. شفايفو صغار اللحية خفيفة مستوية علي وجهو. مسرار حارجو في الاكحل. عينيه مارون وشوافرو طوال رقبتو طويلة ولابس شوميز نوار منقالة في يدو وعندو خزرة خلات فتون تدخل بعضها ماتعرفش علاه حست بقلبها قبض علاها أما تسمع فيهم العباد يقولو "هاو الشيطان وصل"
بقات تخزر ومركزة معاهم بقي الشيطان مقابل فتون الي بقات تثبت فيه من بعيد.
جبد الشيطان الكرسي وقعد
دارلو محمود قلو "شرفت سي السيد امبراطور القرية." قالهالو بضحكة متع حقد وكره.
جبد الشيطان الكارطة و جاوبو ببرودية دم وبصوت رجولي و كاسح" أنا امبراطور روحي و قريتي وأنت مانجمتش تكون حتي مسؤول علي هاذوما الزوز وتبسم"
دارت الكارطة علي الطاولة وبدا اللعب و محمود بقي يرحي من داخل خسرو كي العادة الخمسة رجال ..وبقي محمود هو والشيطان يلعبو.. بعد رما الشيطان الأوراق علي الطاولة وخزر لمحمود بعين باردة وقلو " صايا وفات اللعبة وكي العادة خرجت خاسر سي محمود"
محمود هبل ودخل بعضو وكبس علي يدو وقال "بصحتك يا شيطان المرة هاذي زادة ربحتني أما لمرة الجاية تنسي كان باش تحلم انك تربح. توا باش ترا محمود آخر وباش نحطمك ونحطملك غرورك يا واطي.."
حط محمود يدو علي كتف محمود وجاوبو
أنت كل جمعة تبقي تقول في نفس الكلام خاطرك طحان وعمرك ماك باش تراه الربح ولا باش تفرح بيه"
قلو هالكلمتين وقام مالطاولة...
الحلقة السابعة:
قامت فتون بعد ماعرفت الي محمود خسر.. ترا فيه من بعيد والشر خارج من عينيه.. والشيطان داير بيه.. ترا في العباد هابطة مروحة قامت ووصلت للباب متع الساحة وتلقات هي والشيطان وجات العين في العين كبست يدها علي وجها الي شادة بيه الشال مغطية بيه شطر راسها وبزربة خرجت وين كان الشوفور يستني فاها حللها الباب وطلعت في الكرهبة
وبقات تستني في محمود لين يجي..
طلع بعدها في الكرهبة وعروقو باش تخرج مالغش .. ممكن مالكلام الي قالهولو الشيطان خلا الدم يطلع لراس محمود وبدا يكبس علي يدو حتي حس بيد فتون علي وجهو دارلها وقلها" الليلة آخر ليلة للشيطان باش نخليه يخلص كل شئ عمايلو وجرايمو وضحك.." خافت فتون من كلام محمود هي ماتعرش اشنوا ناوي محمود يعمل هي تحبو وتخاف لا تخسرو.. بتهوروا وكرهو للشيطان.....
الحلقة الثامنة:
الشيطان هذا اسم لقبوه بيه سكان القرية اسمو الحقيقي بيجاد فاخر كان مايرحم حد يقتل يعامل فاهم الكل كأنهم عبيد عندو يحرق الاراضي والديار يشد في الرجال في الحبس الي عاملو هذا الكل سمعتو فتون كي كانت تخدم أول ماجات للقصر من عند الخدام.. قلبو حجر اكحل....
هذا الي خلا فتون تترعب منو ومن المشاكل الي قاعدة تصير بين
محمود والشيطان..
------------------------------------------------------------
في الليل:
رقدت فتون علي صدر محمود وعنقتو وهو بقي شارد يخمم في الخطة الي باش يعملها والي باش ينفذها علي قريب لين هزو النوم رقد وبقات فتون تتفكر وقت أول مرة تعرفت علي محمود عن طريق عم سالم
الماضي
محمود عجبتو فتون وخدمها المسؤولة علي البيت متاعو الخاصة ديما تهزلو ماكلة قهوة تنظملو فرشو حتي نهار طلب منها تكون مرتو مالصدمة بكات موش مصدقة محمود بكلو الي البنات هابلة عليه والي يملك القصر هذا ورجل أعمال يقرر يعرس بفتون ...
وافقت عالعرس كان سري خايف من الأعداء والمشاكل الي تنجم تصير لفتون..
وافقت بعد ماعذرتو علي وضعو الي مايسمحلوش يحكي لحد علي عرسو
الحلقة التاسعة :
بقات تتذكر في الماضي متاعها لين هي زادة هزها النوم قامت الصباح علي ضو الشمس الي عاكس علي وجهها.. حكت عيناها بيدها وقامت مالقاتوش بجنبها قالت في قلبها أكيد خرج
قامت مشات للطولات وخرجت للبالكون لقات فطور الصباح محطوط كيما مستانس يحطهولها كل يوم .. ومعاهم بوكا نوار جوري أحمر كيما تحبو هي وفي وسطو كارت كاتبلها "فتوني حبي حظر روحك واهبط " فرحت عاللخر شمت بوكا النوار وقعدت تاكل بزربة وقامت عملت دوش سخون وخرجت لابسة منشفة واصلة للركبة.. لبست روب روج بروتال وطالون نوار ومشطت شعرها عالمراية ... تسمع في صوت العساس والحراس متاعو يصبحو عليه مشات تجري طلت مالشباك لقاتو جاء رجعت للمراية تستوي في شعرها و هبطت من الدروج التلاني مالقصر.
خرجت لبرا تلقي وحدة من كراهبو.. باستو وطلعت معاه في الكرهبة
-فتون : عنا برشا ماخرجناش نتفرهدو اي عاد وين باش تهزني
-محمود: للبلاصة الي تحب تقعد فاها ديما
-فتون: خايفى لا يرانا حدّ
-محمود: ليوم الأحد تهني حبي
-فتون: اي ماتنساش حظر التجول في القرية
-محمود: تهني أنا مأمن كل شئ ماتخافش ..
قلبها طمان كي وصلو هبطت مالكرهبة لأكثر بلاصة تحبها في القرية هي الأرض الخضراء الي مليانة ورد جوري خرجت تجري في وسط الأرض تشم في ريحة الورد والنسمة الخفيفة قلبها كي الفراشة طاير مالفرحة هي البلاصة الوحيدة الي تخلاها تنسي الي تعدا علاها وتنسي همومها...
تبسطت باش تنحي الطالون الي قلقها ..ياخي شدها محمود من يدها و جبدها ليه وعنقها وباسها من خشمها و قالها "توا اخطاك مالمنظر وتلها بيا أنا يا روحي"
عطاها كاس عصير وهو كاس وسكي
نحات من يدها الكاس عالحجرة الرخام المنقوشة الي بجنبهم وقتلو "اش تفاهمنا عالشرب عالاقل ماتشربش قدامي"
تبسم وقلها "تؤمر ياروحي"
بقي محمود يخزرلها قالها" فتون نحب نقلك حاجة" قالها بربثة
فتون: أي قول
محمود: أما توعدني حبك ليا مايقلش وعمرك ماك باش تكرهني ..
فتون: أنا عمري مانكرهك باش نبقي نحبك لآخر نفس وعد..
حس بتأنيب الضمير وقلبو ماعطاهوش لاكن في الآخر قرر انو مايتراجعش جملة
محمود:أنا باش نطلب منك طلب.. نعرفك باش ترفض أما أنا نحبك توافق علي خاطري وخاطر حبنا ومستقبلنا
فتون: شدت يد محمود وقتلو قلي اش تحب تعرفني عمري مانرفضلك حاجة
محمود: أنت تعرف ملي أنا صغير نحب القرية تولي ملكي وتحت سيطرتي اما حلمي ماتحققش قالها بقهرة ونزل علي سنيه "هو الي سرق مني القرية وحلمي وكل شئ"
فتون: شكون هذا
محمود : بيجاد فاخر هو الي سرق مني حلمتي الشيطان هو الي سرقها .. وأنا باش نرجعها حتي كان نستغني علي ضميري والا روحي والا اي حد آخر..
بقات فتون باهة قربت منو وحطت يدها علي خدو وقالت : انت موش محمود الي عرفتو توا عامين لتالي وقت عرست بيك شبيك تحكي هكا
محمود : عامين موش كافين باش تعرفني قالها ببرود تام
صحيح هي ماتعرف عليه شئ في البريود الي عرست بيه وخر لتالي وعاود سالها
"ماتحبش تعرف العرض متاعي"
بقات ساكة كمل كلامو "باش نبعثك لبيجاد فاخر الشيطان .. تجمعلي عليه المعلومات الكل مهما كانت صغيرة"
هزت راسها وقتلو لا بصوت مخنوق
مانيش ماشية لحد مستحيل نعملها
محمود نفخ وهز يدو وعداها علي شعرو وقلها
"موش علي كيفك .. باش تمشي اجباري تنفذ الي طلبتو منك سينون.....
الحلقة العاشرة:
بدات تصيح وقتلو
"أنت عارف روحك شطالب مني في عقلك والا لا؟؟
جاوبها: اي عارف
فتون:تعرف أنا شكون
محمود: انت فتون
فتون: أنا مرتك مرتك...
محمود: عرفي
تصدمت .. هو لا موش هو محمود الي عرفتو لا موش مصدقة هذا حبيبها وراجلها وسندها ودنيتها..
محمود: أكيد فهمت العرض متاعي ومتاكد عندك برشا تساؤلات ؟؟؟؟ علاه بعثتك انت بالذات ومابعثتش وحدة اخري في بلاصتك..
أول حاجة أنت ماكش معروفة في القرية و حد مايعرف عليك حتي شئ وأنا محظر كل شئ متخافش وثانيا انت مزيانة برشا اكيد تو يدور. بيك ويحاول يتملكك ويموت فيك ويهبل عليك..
هزت عيناها والدموع قريب تهبط من عيناها..
فتون: محمود أنا مستحيل نعمل هكا.. مستحيل نمشي قالتها بغصة.. كان تحبني ماتعملش معايا هاكا محمود كان ترا بالعشرة ماتخلينيش نخاف كان يشلق وقتها أنا نمشي في هاوية يقتلني وماترفلوش عين
محمود: أنا قلت لي عندي باش نخليك وحدك تخمم في لي قلتو وماعندك حتي حل غير أنك توافق
الحلقة الحادي عشر:
تلفت ومشي وخلاها
طاحت عالقاعة قعدت علي ركبتها ..تبكي بقهرة ضربت بيدها التراب وقلعت الحشيش بيدها.. وقالت في قلبها مانيش موافقة ومستحيل نمشي
دارت براسها مالقاتش الرجال متاعو.. خممت باش تهرب قامت بزربة مسحت دموعها نحات الطالون لوحتو وهربت تجري .. هاربة مالجحيم الي فيه. تجري وتتلفت وراها باش تتأكد الي حد مايتبع فاها من رجال محمود .. أما هي ماتعرش الي هو يشوف فاها من بعيد وموش مخليها تهرب موش باش يخلليلها فرصة.. بقات تجري كي المجنونة تصيح بالقوي
"ياربي أنا ماعندي حد راني وحدي.. راني يتيمة علاه العذاب هذا ياربي. عاوني ياربي.. عاوني راني باش نموت تدعي بصوت عالي مخلط بغصة بقهرة بوجيعة... بقات تجري لين تصدمت في راجل طويل هزت راسها عرفتو لي هو من حراس محمود حصروها 3 رجال في الوسط وبعد وخرو التالي.. ترا في واحد مالرجال يعيط لواحد بصبعو باش يقدم.دارت علي يمينها تلقاها طفلة، وبعد جات طفلة أخري علي يسارها، ووحدة من تالي. وشدوها من يدها لوهالها وحدة من شعرها تريشلها فيه ووحدة بالكف علي وجها لين حست بترهويجة من قوة الوجيعة معاش تحس بشئ كلاوها بالضرب كف وبونية ومشطة تقول حيوان يضربو فيه موش عبد ... وسي محمود يتفرج من بعيد وساكت جامد ماعمل شئ هو الي أمرهم يضربوها باش ترجع لمخها وتوافق بالقوة
الحلقة 12:
بعد ماضربوها ماخلاو فاها شئ هازوها رجال محمود وركبوها في الكرهبة من تالي بحذاه وقلها : في يدك شهر.. شهر ونص تجيبلي المعلومات الي قتلك علاهم أعمل الي قتلك عليه تصرف.. وأنا تو نقلك اش تعمل
هزت راسها بشوية وقتلو بوجيعة كبيرة
"كرهتك"
محمود: نعرف موش من قلبك
حست بالذل بالاهانة هبطت راسها وغمضت عيناها فماش ما تخف الوجيعة .
وقفت الكرهبة وهبطو رجال محمود وهو شدها من وجهها بقوة وقلها بتهديد
"ردّ بالك تسلملو روحك انت ليا أنا كهو" حلت عيناها بالسيف معاش تحس بشئ ببدنها المدقْدفْ مالضرب.
طلب من رجالو باش يحملوها ويرميوها في القاعة وركبو في الكرهبة ومشاو
بقات ملوحة عالطريق والدم مخلط بالدموع الي علي وجها خارج من فمها وخشمها وهي تتوجع وتتلوى شعرها داخل بعضو و الوجايع الي بدات تتحيير في بدنها .. بقات تتفكر كيف كان يقلها أنت حياتي أنت كل شي أنا نحبك هذا هو الحب بالنسبة ليه يسلم فاها لواحد آخر والي هو العدو متاعو يسلم في مرتو هذا الي وعدها باش يعوضلها علي ماضيها المرّ علي حنان امها الي فقدتو والا موت بوها الي كسرلها ظهرها بكات بحرقة وبدات تمتم " بابا وينك يابابا كان جيت عايش مستحيل تخلي حد يمس شعرة مني بابا علاه مشيت علاه خليتني أنا يتيمة الام والبو يابابا ااه ه ه علاه ما متش أنا علاه
بقات تبكي بالشهقة حست بالضعف . وعيناها حمر حتي ضلامت عيناها وداخت ومعاش تحس بشئ وسلمت كل شئ
الحلقة 13:
حلت عيناها الزرق بالشوية ترا في الدنيا ضباب قدامها.. حطت يدها علي راسها وبدات تنزل بصوابعها علي جبينها. بعد قامت بشوية تتفقد في روحها لا لقات دم علي وجها لا شئ وينهم حوايجها الي كانت باهم بدات تتفقد في روحها فيبالها كانت تحلم حلت عيناها مليح وشدت روحها وقامت موش عارفة هي وين تلقي روحها في بيت راقدة في فرش انتيكا مضخم ومزكرش بكلو ..رجعتلها الذاكرة بعد ما استرجعت الي صارلها ..والواقع المرّ الي تلزت عليه. رجعت حست بوجيعة في قلبها تفكرت الي عملو فاها محمود حب حياتها... دارت بوجها تقلب في عيناها في البيت تخزر للبيجاما الي لبسوهالها بيضة وزرقة ياستار ياجبار هي اكاكا وجات عيناها في عينين مارون كاسحين غامضين يخوفو عرفتو طول.. واقف يخزرلها من غير حتي تعبير علي وجهو حست برعشة في بدنها كي تذكرت الراجل الي واقف قدامها راجل مايرحمش مجرم سفاح كيما حكاو عليه دخلت بعضها . تفكرت محمود الي وصل للي حب عليه تذكرت الشيطان الي بلا رحمة والي عمايلو علي لسان الناس الكل غمضت عيناها وقالت في قلبها"ياربي شنوا هالجحيم الي وصلني ليه محمود آه
حلت عيناها كي سمعت صوتو
"أنت شكون"
بقات تخزرلو مالخوف مانجمتش تجاوبو عاود سألها بقوة بصوت حاد وخشين النفس متاعو برك خلاها تحس بوجيعة تحت سرتها
"أنت شكون"
خرجت الكلمتين من فمها بالسيف
"فتون "
بقات كابسة بيدها عالغطاء متع الفرش
جاوبها " أمممم إسم حلو"
بقي يخزرلها في عينيها
هز راسو وهبطو وقربلها بكل ثقة وقوة مع البرفان متاعو دوخ ريحة بنينة أول مرة تشمها لابس شوميز كارامال مكبوسة علي بدونو وسروال نوار تربثت وقف مقابلها وقلها
"شبيك خايفة"
بلعت فتون ريقها بالسيف وجاوبتو وشفايفها ترعش وتوكوك
"ما. .م..مانيش خايفة"
أما هي الخوف ظاهر علاها برشا قدمت مالفرش وقعدت علي حافة السرير وقتلو وعيناها اللوطة
"نجم نمشي"
جاوبها بكل برود وصوت خافت
"لا"
وبعد تلفت وخرج مالبيت
وقال للخادم الي واقف عالباب ماليوم باش تبقي في بيتي الخاصة نقلها عندي ..
جاوبو "حاظر سيدي" وهبط راسو ويده خاطر علمهم يكونو عبيد لا أكثر ينفذو كهو
خرج الشيطان مالبيت بكل شموخ وحاط يدو في جيب سروالو ويدو لخرا عداها علي شعرو وترسمت علي شفايفو تبسيمة متع خبث
الحلقة 14:
بعد ماخرج الشيطان قعدت في القاعة وتكات ظهرها عالفرش وحطت راسها علي ركبتها وقعدت تبكي.. بحرقة شباش تعمل كيفاش باش تمنع روحها من هالورطة.. تعمل كيما قلها محمود حب حياتها و روحها وتولي خاينة كيف أمها الي كرهتها من عملتها الي ماتتغفرش.. بقات تخمم تحكي للشيطان علي سبب دخولها للقصر متاعو وعلاش هي موجودة والا تسكت.. قالت في قلبها
"كان نحكيلو كل شي.. محمود وأنا نموتو أما هو بعد لي عملو ما يستحقش اني ندافع عليه "
لفت روحها بيدها هي توا محتاجتو محتاجة لكلمة حلوة منو مستحقة يعنقها ويخفف علاها هي تحبو تحب محمود هي رغم الي عملو مستحقتو...
هي متنجمش تكرهو هو أول واحد حبتو أول راجل مسها أول راجل دخل لحياتها هو راجلها
تفكرت الكلام الي دار بيناتهم
الحلقة 15:
قاعد محمود علي بيروه وحاط ساق علي ساق ويدور بصوابعو في ستيلو عالبيرو بطريقة متع ستراس وتنرفيز
دق الباب بشوية
محمود: ادخل
دخل عم سالم الراجل الكبير الي يخدم في القصر عند محمود و لاهيلو بأمور القصر وغيرها وهو الي عرف محمود علي فتون وقت لقاها ضايعة في القرية..
قدم عمك سالم وين قاعد محمود وقلوا
" قالولي الي أنت حاشتك بيا سي محمود تفضل" وتبسم.
وقف محمود ونحي الستيلو من يدو وقلو
"بنتك تخدم في قصر الشيطان موش هكا"
دخل بعضو عمك سالم وقلو
" سي محمود هي تخدم اللوطة مع الخدامة تنظف لاتعرف تجيب معلومات لا شئ"
محمود: تنهد وجاوبو "تو تعرف تجيب"
تقلق عم سالم من كلام محمود خاطر يعرفو عندو سنين. دار محمود عالكرسي وخزر للشباك عطاه بالظهر وقلو "حاشتي ابنتك في قضية"
الحلقة 16:
في قصر الشيطان: فتون
تتفكر الكلام الي دار بيناتهم
-تعرف أنا شكون
-انت فتون
-أنا مرتك
-عرفي
غمضت عينها بالقوي وبقات الكلمة اللخرة تزن في وذنها صوت بكاها علا تبكي بالشهقة تبكي دم...
سمعت حس الباب يدق .. جاوبت "تفضل" مسحت دموعها بزربة تلقاه الحارس متع الباب قلها
"هيا باش تمشي معايا "
فتون موش فاهمة شي "وين ماشين"
عاود جاوبها تفضل معايا تو تعرف خرجت قدامو .. هزها لبيت أخري دخلت تلقاها غير البيت الي كانت فاها واسعة ومضخمة وألوان البيت غامقين الفرش كان لونو ذهبي والغطاء اكحل مطروز بدقة وفيانة الحيوط الوانهم غامقة دارت للحارس الي وراها قتلو بيت شكون هاذي
جاوبها " هاذي البيت الخاصة متع الشيطان باش تولي تبات لنا "
هي جات باش ترجع وتتكلم تلقي طفلة شادة في يدها صينية متاع فطور الصباح ولابسة طابلية متع كوجينة دخلت باها للبيت و دخلت وراها فتون تسأل فاها
"سمحني قداه الوقت توا"
الخديمة "توا 11 مدام فتون"
فتون بقات مصدومة كيفاه نطقت اسمها
سالتها بزربة "منين تعرف اسمي"
جبدت الطفلة فتون من يدها وقعدتها عالفرش وبدات تحكي معاها بصوت خافت" أنا اسمي زهرة بعثني ليك سي محمود"
جبدت فتون يدها من يد زهرة وقالتلها بغش
"وهو مازال موش مسلم موش ناوي يرجع في كلامو"
زهرة: اسمعني سي محمود قلك نحبك تعمل الي قتلك عليه بالحرف..
فتون" مانيش عاملة شئ مالي طلبو"
زهرة" استعوذ مالشيطان راو ما تعرش سي محمود شنوا يعمل"
فتون "أي بالحق طلعت مانعرفوش"
وقامت عالفرش ووجها اصفر حالة وقالت لزهرة "ماعندي حتي حل توا غير اني نوافق"
قامت زهرة فرحانة وقالتلها "رد بالك علي روحك" وخرجت .. زهرة هي بنت عم سالم الي يخدم عند محمود .وصلت الي صار لمحمود عن طريق بوها. طار محمود مالفرحة و صوت ضحكتو يسمع قصر كامل ..
بقات فتون سارحة...هي توا ماعندها حتي حل محمود والشيطان زوز حبوسات تحطت فاهم موش عارفة تخمم ولا تلقي حل غير انها ترضي بالواقع الي فرضو علاها محمود بقات تبكي من داخل تفكرت أياماتها مع محمود بعد ماعرست بيه عرفي...
الحلقة 17:
هي سارحة وترا في الشيطان داخل للبيت دخلت بعضها ترا فيه ماشي للخزانة وحلها وبدا ينحي في الشوميز متاعو البيضة... عيناها تحلو وشهقت بالقوي وقامت تجري خارجة مالبيت وحطت يدها علي عينيها وصلت للباب .. تسمع فيه يعيطلها
"وين ماشية"
جبد لبس مريول ودارلها
فتون "خارجة"
جاوبها بصوت عادي
"ممنوع تخرج مالبيت من غير أذني".
هزت حواجبها الفوق ودارتلو نص دورة تلقاه تكا عالبنك الي حاطو مقابل الفرش الي خلا قلبها يرعش من غير سبب
الشيطان: "ايجا اقعد باش نحي معاك" يداها رعشت بلعت ريقها بالسيف ومشات قعدت علي حافة الفرش مقابلتو قلها
"موش بهامة واحدة تهرب من العاصمة وتجي لقرية موش معروفة"..
فتون تنرفزت وعاود عقد حواجبو وقلها "للضرورة احكام"
فتون:" أي للضرورة احكام"
ضحك وقلها :ظاهرة بداية مبشرة
فتون تربثت من كلامو
قام من البنك ... بدنو الطويل مخدوم لدرجة عروق يدو ظاهرين الي خلا رجوليتو تبان أكثر ريحة البرفان زادت دوختها قلبها بدا يدق بالقوي مشي للفرش وتمد وحط ذراعو علي وجهو وحط ساق فوق ساق وغمض عينيه
قامت فتون بزربة
فتون: باش ترقد لنا
جاوبها بكل برود : بيتي
عاودت جاوبتو بزربة: وأنا وين باش نرقد
الشيطان: معايا
حلت فمها موش مصدقة وقالت: نعم!!!
وخرت بالتوالي ومشات باش تحل الباب البيت.. باب لوح. دورت الكوبة محبش يتحل عاودت مرى أخري كيف كيف... عرفت الي الباب مقفول
عاودت رجعت وين راقد وقتلو "مستحيل نرقد مع واحد غريب فرد بيت"
لا ممكن مدام حظك الزفت رماك عندي
ودار علي جنب ورقد...
الحلقة 18:
طلعت الشمس.. نهار جديد .. حلت فتون عيناها مالنوم بتعب .. البارح مارقدتش مليح باتت تخمم شنوا باش تعمل.. قامت تتحرك بالسيف حطت يدها علي رقبتها تدلك فاها رقدت عالبنك رقبتها وجعتها وبدنها صبح مكسر
خزرت للفرش مالقاتوش فرحت مشات تجري للتوالات وصلت للباب ورجعت كي رات الطاولة فها فطور صباح عصير قهوة جبن كاك زيتون جونبون قعدت تاكل بزربة لبارح ماكلات شئ.. بعد لي تعدا علاها
دق الباب. دخلت زهرة كي راتها فتون تبسمت
فتون:"صباح الخير"
زهرة:"صباح النور رقدت مليح مادام"..
فتون تنهدت وقالت" تنجم تقول .. زهرة نحبك تجيبلي لبسة قعدت بلاش "
زهرة: "فما لبسة في الخزانة ديما موجودة "..
فتون: ديما؟؟ ههه صار هو طلع مالنوع الي كل مرة مع مرا .. أنا نكره النوع هذا متع الرجال مصاب الرجال الكل جاو كي محمود"
خزرتلها زهرة بغرابة وشفقة ..
مشات فتون حلت الفردة لولة متع الخزانة لقات لبسة شطرها عرية وكعبتين مستورين نفخت وسكرت الخزانة بالقوي
زهرة: "شفما شبيك"
فتون:" مفاما حتي لبسة تصلح كلها بروتال ومتع نوم وعرية... جيبلي لبسة من عندك "
ضحكت زهرة قالتها "اصلا لبستي ماهيش باش تكون في المستوي" .
فتون : "هذا جزء مالخطة كان تحبو نفذها جيبلي اي حاجة من عندك"
زهرة:" باهي"
خرجت زهرة مالبيت. وترمات فتون عالفرش وقررت باش تنفذ الخطة .. وتخدع الشيطان.صحيح خايفة ومتقلقة أما صايا باش تتغلب علي خوفها وتواجهو. بعد دقيقة رجعت زهرة معاها جلباب عطاتهولها باش تلبسو دخلت لبيت البانو باش تلبسو ..دارت لزهرة قالتلها "ستناني لنا"
الحلقة 19:
في القرية خرج الشيطان يدور بحصانو الاكحل ويعاقب في الخدامة الي موش قاعدة تخدم جملة..
هو يدور يرا في طفل صغير عمرو ما يعملش 15 سنة عيطلو
مشالو الطفل خايف مربوث منو
الشيطان:شتعمل لنا
الطفل:قاعد نخدم سيدي
الشيطان:فيبالك ممنوع عالصغار أقل من 18 سنة يخدمو..
الطفل: أمي مريضة برشا ومعناش فلوس باش نشرولها الدواء وأنا لازمني فلوس باش نعاونها
هز الشيطان راسو وعمل اشارة بيدو للواحد من رجالو وعاود سالو
"شنوا اسمك"
الطفل:يحي
تقدم واحد من رجالو وعطاه رزمة فلوس ومدها للطفل
يحي ماحبش ياخو الفلوس من عند الشيطان
الطفل: أنا ماناخوش فلوس من عندك خاطرهم حرام خاطر تجيب فاها من الحاجات الخايبة الي تعمل فاها..
عقد الشيطان حواجبو وقلو : شكون الي قلك هكا
الطفل: ماما هي لي قتلي
دار الشيطان لراجل متاعو ومدلو لفلوس قلو هز وصلو لدارهم ومد الفلوس لأمو..
-- ---- ---------- --------- ------- ------------- ---
خرجت فتون مالدوش لافة شعرها مبلول بنشفة خزرتلها زهرة وطرشقت بالضحك لين عينها دمعو.. بقات فتون باهتة فاها
"زهرة شبيك تضحك"
زهرة: الجلباب جاك كبير برشا وليت كي شيخ القبيلة هههه معاش باين منك شئ
الحلقة 20:
فتون عجبها الجلباب وقفت تمشط في شعرها بعد ماخرجت زهرة بقات تحكي مع روحها في المراية اصلا هذا جلباب الأمان من الكوارث وضحكت هزت روحها ومشات للبالكون الي في البيت خرجت تلقاه واسع وكبير برشا خرجت تجري لين وصلت للسور طلت ترا في أرض كبيرة برشا خضراء الكلها.. تبسمت خاطر من احسن البلايص الي تحبهم .. أما فيسع ما تلاشت الضحكة كي راتو يجري ورا حصان أكحل اصلا هو اكثر لون تكرهو يفكرها في حياتها الي تعدات ظلمة.. ترا فيه شد الحصان ماللجام متاعو وصوت الحصان يعبر علي غش.. مدّ الشيطان يدو يملس علي شعرو حتي الحصان هدا بقات فتون تخزر للحصان كيف تجاوب معاه بقات باهته... تبسمت وقالت في قلبها ظهرلي مازالت باش نشوف برشا حاجات
رجعت للبيت تتفرج فاها مالقات ماتعمل وهي محبوسة ترا في خزانة بجنب المراية مشات تجري باش تحلها تفكرت محمود كي قلها نحبك تجمعلي اي معلومة عليه مشات تجري تحل فاها فماش ماتلقي وراق حاجة.. ماحبش عاودت تجبد فاها بالقوي ماتحلتش مشات للخزانة في الوسط كيف كيف ماحبتش.. تنفضت وتهزت وتحطت كي سمعت صوتو
"فاش تعمل غادي"
قلبها يدق في الألف تبلع في ريقها بالسيف جاوبتو
"أنا"
"لاخيالك"
"مانعمل في شئ "
الشيطان:بالحق
الحلقة 21:
حبت تخرج روحها مالموقف وقفت علي ساقاها وقتلو "لوقتاه باش تبقي حابسني "
قدم ووقف قدامها تبان قصيرة برشا قدامو.. تلفها شدها من يدها وقلها
"شنوا الي لابستو ناوية طهر ولا شنوا"
فتون بربثة:"ما..ما معنديش لبسة"
الشيطان:منين جبتها هاذي ..
فتون: زهرة جابتهالي
الشيطان جاوبها وعينيه حمارو علاها: نقص بلا ترهدين. الي في الخزانة شنوا اذيكا ماكلة برا نحي عليا هاذي والبس الي موجودين.
فتون: مانيش لابستهم
الشيطان: غمزها.." اكيد يواتيوك الستيل متاعك تخرج عليه اللبسة اذيكا".. قالها بقباحة وجرأة.
قدم مالخزانة وجبد حوايجو باش يبدلهم
حبت تهرب مالمنظر الي باش تراه وتستغل الفرصة وتدخل الطاولات باش ماتراهوش عريان.
هي قدمت وهو جبدها من يدها ليه جاء بدنها لاسق بدنو..
الحلقة 22:
فتون توا في موقف لا يحسد عليه بدنها لاسق بدنو وراسها واصل لسدرو والنفس طالع هابط بزربة وقلبها في الألف تفكرت كلام محمود كي قلها ردّ بالك يخليه يمسك.. تحس بقبضة يدو علي ذراع يدها توجع فاها بدات تفرفت وعملتهم الكل وبدات ترعش وقتلو
"سيبني ردّ بالك تقربلي"
دخلت بعضها في الكلام وبدات تنزل علي سناها شويا مالخوف شويا من ريحتو شويا من بدنو...
عقد حواجبو وبقي يخزرلها
"لا شبهت عليك لمرا كبيرة ماتت الله يرحمها"
وجها صفار وخضار حشمت عاللخر جبد يدو بشويا وحط صبعو علي شفايفها و عداهم علاها غمزها،ودار تمد عالفرش ودور يدو علي جبينو ورقد
هيا وينكم جمجمو كي العادة ورايكم اكيد..
الحلقة 23:
مشاتلو مغششة وين راقد ووقفت بجنبو وقتلو
"أنت ماعندكش قلب وتستفز فيا. نحب نخرج سيبني.. حلي الباب نحب نخرج مالحبس هذا"
قام مالفرش وبقي يخزرلها
عاودت تحكي معاه بغش: "آه ألو جاوب شبيك ساكت ماتسمعش. نحكي معاك خرجني توا.. انت إنسان تافه ساقط حيو..."
قص علاها كلامها كي قام بزربة وخطفها من يدها بالقوي وحطهالها ورا ضهرها ونزل علاها"
فتون:" نحي يدك ياحيوان آه.. سيبني.."
زاد نزل علاها اكثر.. قريب لاكسرلها يدها وقلها بكل هدوء
"لسانك طويل... ماكش ملاحظه آه .. جاوب توا.."
خزرتلو وعيناها مزغللة بالدموع "سيبني آه"
الشيطان: "موش قبال ماتاخذ عقاب صغير باش تنقص من تطويل لسانك.."
بعد ماكمل كلامو.. هبط راسو شويا وفي عينيه لمعة تخوف. وهبط علي شفايفها يبوس فاهم ويتبنن يبوس بقوة مع وجيعة. وهي مسلمة معاش تنجم تقاوم ... جاء لبالها السيناريو متاع أمها بدات ترعش و صوابعها جمدو..غمضت عينيها بالقوي وهبطت دمعة سخونة علي خدها. وهو لاصق فاها يبوس فاها وموش معبرها حاط يدوا ورا ظهرها ولخرا في وجها باش ماتبعدش عليه.. تخلطت في مخها الماضي الي هربت منو ووجيعتها.. دارت باها الدنيا عينها ظلامت.وطاحت داخت.
الحلقة 24:
حلت عيناها الزرق.. تلقي زهرة بحذاها .. كي راتها تبسمت وفيسع قامت زهرة وقعدت بجنبها عالفرش وقالتلها:"الحمدلله علي سلامتك مدام فتون.. الطبيب كان لنا وقال الي أنت صارلك إنهيار عصبي"
قامت فتون وقعدت عادي وحطت وراها مخدة تتكي علاها دارت بعينيها في البيت مالقاتوش
خزرت لزهرة وقالتلها :"نحب نبقي وحدي نرتاح"
زهرة:"كان تستحق حاجة ناديلي"
خرجت زهرة مالبيت .. بقات فتون وحدها.. غمضت عينيها رجعلها الماضي مرة أخري.. أمها الخاينة، راجلها. شدت يدها الزوز حطتهم علي راسها وتمتمت "يزي يزي".. قامت مالفرش وحطت ساقها الصغيرة عالقاعة ومشات للطاولة باش تشرب ماء... شدت الكاس بيدها الي ترعش قريب لاطاح منها.. حست بيد لقفت الكاس ون يدها دارت تشوف تلقاه بيجاد الشيطان.
وخرت اللتالي بطريقة عفوية هز حواجبو وقلها
"ماكش باش تشرب ماء"
" لا مانحبش"جاوبتو بصوت خافت ومربوث
رجع بيجاد الكاس عالطاولة .. وحط يدو الزوز في جيب سروالو وقلها
"عندك الحق تخاف مني أما موش لدرجة الي صار بكري.."
هز يدو الايمين عداها ورا شعرو وقلها
"أنت وراك ماضي كبير برشا وغامض أكيد تو نعرف شنوا"
دخلت بعضها حست لي هو يعرف علاها حاجة
أما كبست روحها وماحبتش تبينلو شئ
عاود تكلم بصوت مغشش
"ماكش ناوية تنحي هالجبة الي لابستها"
فتون:" لا عاجبتني"
الشيطان:"امم اوكي ابقي لابستو طالعة حلوة عليك"
عطاها بظهرو وقلها
"ايجا معايا"
فتون:"لوين"
ماجاوبهاش .. قامت خرجت وراه مالبيت..
الحلقة25:
هزها لبيت كبيرة في وسطها طاولة معبية بأنواع الماكلة الكل وريحة الماكلة فايحة في البيت .. هذا الي زاد في شاهية فتون.. أما ماحبتش تظهر.
فتون: جايبني لنا علاه
طفاها وقعد الطاولة باش ياكل
قتلو بتنرفيز "مانحبش ناكل"
الشيطان:"ايجا أقعد"
فتون:"قتلك مانحبش ناكل باش نرجع للب...
قص علاها وقلها بصوت حاد:" قتلك ايجا أقعد.. مانيش باش نعاود كلامي"
خافت من كلامو ورضات باش تقعد مشات جبدت كرسي باش تقعد.. بعيد عليه
قلها : "ايجا أقعد بجمبي"
خزرت في عينيه ترعبت من خزرتو الغامضة الي تخوف ومشات قعدت بحذاه
بلع اللقمة الي في فمو وقلها "كول"
"ماعينيش"
الشيطان:"موش علي كيفك للا مادام قعدت معايا مدام تاكل .. مكانش باش تشوف تصرف آخر"
فتون :"يعني ناكل بالغصب"
هز لحمة كبيرة وحطهالها بالقوة في فمها .. كلاتها و سكتت.. كملو كلاو وهو هز روحو وخرج مالقصر..وهي رجعت للبيت باش تتكي.. فرحت كي عرفت الي هو باش يبات لبرا.. خاطر يشرف عالقرية وامورها .. شربت دواها ورقدت فيسع من تأثير الدواء..
رجع الثلاثة متع الصباح .. للقصر عكس الي سمعتو فتون الي باش يبات البرا دخل للبيت وسكر الباب.
الحلقة 26:
دخل للبيت حل الخزانة.. جبد حوايجو دار يلقاها راقدة. دخل لبيت البانو عمل دوش سخون وخرج تمد عالفرش بحذاها.. قربلها وحاوطها بيدو علي كرشها.. لين لصق صدرو في ظهرها
حلت عيناها مفجوعة كي حست يد محملتها من تالي خزرت من فوق كتفها بربثة.. قربلها ووشوشلها في وذنها "متخافش مانيش باش نعملك شئ"
رجعت راسها كيما كان هي توا مجبورة تعمل هكا.. غمضت عيناها بوجيعة وبقات تبكي بالساكتة..
طلع الصباح
حست بيه بجنبها يتحرك غمضت عينيها عملت روحها راقدة
حل عينيه وبقي يخزرلها بقي راقد في نفس الوضعية متع البارح معنقها من تالي وحاط راسو في رقبتها.. قام مالنوم و دخل للطولات يعمل في دوش.. حلت عينيها كي سمعت صوت الماء بعد ربع ساعة خرج... عملت روحها راقدة كي العادة
خرج مالدوش حاط منشقة علي كتفو وخرج أوراق مالخزانة المسكرة ..قعد يخزرلهم وهي تحل في عينيها بالشوية تخزرلو.. بعد تلفت لقاها حالة عينيها
قلها:"رقت مليح"
جاوبتو بنبزة:"أي عاللخر"
لبس دبشو وجاء خارج قلها "ريقْل امرورك وايجا أفطر"
فتون"مانحبش"
الشيطان"ماتبطاش" خزر لمنقالة في يدو تلفها وخرج
الحلقة 27:
قامت مالفرش بزربة حلت القجر متع الخزانة تلقي برشا أوراق فرحت خاطر تنجم تفيد محمود بأي حاجة منهم ...
دخلت زهرة للبيت..تفجعت فتون فيبالها الشيطان قاتلها "مدام سي محمود سمع باللي صارلك انهيار عصبي"
جلت عيناها فتون بالقوي ومشاتلها شدتها من يدها فرحانة
فتون:"أكيد راو تحيير عليا.. وتفجع"
زهرة سخفت علي حالها وكذبت علاها" أي تحيير عليك"
فتون:"ماقالكش لهو باش يجي يهزني منا"
زهرة:"لا.. قلك جيبلي المعلومات في اقرب وقت"
فتون تأزمت كي قالتها الجملة اللخرة..
خرجت فتون مالبيت مشات لبيت الفطور وين موجود بيجاد وقعدت تفطر ساكتة...
قاعد بجنبها يقرا في جريدة بعدها شويا علي وجهو وقلها:"شبيك لتوا"
فتون:"اني جيت"
هزت كاس القهوة تترشف فيه وقتلو:"نحبك نعمل دورة في القصر"
حط الجريدة علي جنب وعيط لوحدة مالخدام وقلها :"هز فتون وراها القصر"
فرحت.. وقامت ورا الخديمة باش تتفرج علي قصر الشيطان..
الحلقة 28:
محمود كشاكشو طالعة ويعيط علي واحد من رجالو:"ويني السلعة موش نبهت عليكم حد مايسمع الي هي خارجة مالحدود"
"سيدي فما شكون وصلو الي السلعة فاها سلاح مهرب"
محمود يضرب بكف يديه عالبيرو :"الكلب الطحان باش تكون موتو علي ايدي الشيطان وجماعتو..
وهز روحو وخرج مالقصر
الحلقة 29:
بقات فتون تتفرج في البيوت ومنبهرة مالفينيسيون والفيانة والزخارف الي فيها.. أول مرة ترا حاجة مزيانة هكا حاجة تفرهد القلب عكس الي تصورتو.. وصلت للطابق الثالث وقفت في وسط الكلوار ترا في ييت منعزلة عالبيوت الكل..
هزت صبعها وين البيت وقالت للخديمة :"شنوا فيها البيت اذيكا مسكرة"وبعد قالت في قلبها اكيد فما سرّ أما تو نعرفو
جات الخديمة باش تتكلم ياخي قصت علاها صوت طفلة وراهم "حاجة ماتخصكش تسأل علاها"
دارت فتون وعقدت حواجبها قالتلها:"أنت شكونك"
ضحكت الطفلة وقالتلها:"أنا الي لازم نسألك انت شكون"
جاوبتها:"أنا فتو...
قصت علاها وجاوبتها" أنت أكيد وحدة ماللي يرخصو رواحهم ليه"
فتون هبلت كي قلتلها اكاكا:"لم لسانك احسنلك"
طفاتها الطفلة وقالت للخديمة جيبلي قهوة لبيتي وسكرت الباب ودخلت
دارت فتون تسأل في الخديمة علاها
فتون:"شكون اذيكا"
الحلقة30:
الخديمة:"اذيكا الآنسة عايدة أخت الشيطان من الأم.."
هزت الخديمة راسها وقلتلها :سامحني نمشي نحظر قهوة للانسة عايدة وأنا تو نبعثلك وحدة اخري دور معاك..
بقات فتون مركزة مع البيت... بيت غير البيوت الي راتهم مختلفة في الزينة وكل شئ مشات في الكلوار قدمت للبيت حطت يدها عالكوبة باش تدخل تشوف شفاها ياخي عيطتلها الخدمية لخري :"مدام شتعمل لنا" تربثت فتون وقالتلها:لا قاعدة نتفرج في البيوت
-------- ،--------- ------------- ---------------- -------
وقف محمود قدام قصر الشيطان وبقي يخزرو مالبرا وقال"القصر هذا باش يجي نهار ويولي متاعي"
دخل للقصر من غير الحراس متاعو....
الشيطان قاعد في المكتب متاعو متكي. راسو لتالي عالكرسي ومغمض عينيه.. دخلو واحد من رجالو قلو:"سيدي محمود وصل"
الشيطان:"دخلو"
دخلو محمود في المكتب كشاكسو طالعة ومتغشش.
رجع الشيطان راسو لقدام وخزلو بكل برود وقلو
"ظاهرلي فيك جاي تحكي عالسلعة"
محمود:"ظاهرلي نسيت الإتفاق الي بناتنا"
الشيطان:"علي انّا اتفاق تحكي"
محمود:"شنوا سي الامبراطور تفاهمنا خدمتي ماتدخلش فاها جملة كل حاجة تخصني تبعد علاها.."
الشيطان:"ماعادش فما اتفاق"
محمود:"موش علا كيفك "
الشيطان وقف وحط يديه في جيوب سروالو وقلو:" بكيفي كي نلقي سلعة فاها سلاح.. وانت خنت و خالفت الاتفاق"
الحلقة 31:
بلع محمود ريقو بالسيف وقالو :" أنا ماخالفتش الاتفاق"
شدو الشيطان مالكول متع السورية بغش وجبدو وقلو:" ماتعمليش فاها دور الضحية انت تعرف روحك شعملت وعملتك هاذي انجم نطيرلك باها رقبتك ونرتاح .. يعني طحينك ماتسيبوس عليا.
رجع قعد عالكرسي متاعو وحط ساق علي ساق
محمود :استني عليا شويا وأنا باش نكون الكل في الكل في القرية وأنت نمحيك منها..
الشيطان: أقعد صبر روحك بهالكلمتين
خرج محمود من المكتب دجاج الاكحل ومتع الحاكم داير بيه... راتو فتون في الكلوار قلبها بدا يدق بالقوي وفرحت كي شافتو هو هابط شم ريحتها هز راسو جات العين في العين وبقي يخزرلها لا ضحك لا شئ تعابير باردة علي وجهو ... دور وجهو وخرج ... هي ولات تبكي مشات رجعت للبيت وسكرت الباب.
الحلقة 32:
دق واحد من رجال الشيطان الباب ودخلو للمكتب متاعو
"ظهرلي جبتولي المعلومات الي حاشتي باها"
قالها الشيطان مع تبسيمة متع نصر
جاوبو :"اي عرفنا بلاصتو اخيرا.. كان متخبي في المزرعة في القرية الرابعة وهو توا غادي ورجالنا محاصرينو يستناو في اوامرك سيدي"
الشيطان : هبطوه للميدان .. جمع الناس باش نعدموه توا".. اعدام الخاينين...
خرج الراجل لي كان عندو ... والشيطان جبد سيقارو اكا متاع الاكابر وبدا ينفخ في الهوا
" ما عندكم وين هاربين مهما تخبيتو باش نلقاكم ونقتلكم واحد واحد..
بقات فتون علي حافة الفرش حاطة كف يدها علي وجها تبكي علي سعدها دخلت زهرة لقاتها في الحالة اذيكا.. عرفت الي محمود كان لنا
زهرة:" مدام فتون يزي مالبكا كان لاحظو الي يخدمو لنا أي حاجة والا تصرف تو يوليو يشكو فيك وأنت تعرف العاقبة..قوم أغسل وجهك قبل مايجي سيدنا الشيطان للبيت
فتون تمسح في دموعها قالتلها: موش في الخدمة هو..
زهرة:لا
قامت مشات لبيت البانو تمسح في دموعها
لحلقة 33:
وقفو الناس في الساحة ملمومين بالراجل الي معلقينو عالمنصة وباين من وجهو كلا برشا ضرب شادينو زوز رجال قْبارا خشان..
بقات فتون واقفة بعيدة عالناس الي ملمومة في الساحة مع زهرة الي امرها الشيطان باش تهز فتون وتحظر عالاعدام... هذا بالنسبة ليه حدث مهم يجبر الناس الكل تحظر..
وصل بالكرهبة متاعو للميدان مشالو واحد من رجالو يجري حلو الباب التلااني لابس مرايات متع شمس مضخمة برشا قدم وين المنصة وقال للراجل المعلق:" مشا في بالك باش تنجم تهرب مني.."
نحي اللينات من عينيه وقلو :"غلطتك انك ولد الجندي"
الراجل جاوبو والدم في كل بلاصة من بدونو:"بابا كان اكثر واحد آمين معاك"
قام الشيطان يضحك بالقوي ونزل علي سنيه وقلو :"آمين هه مالا هاك باش تخلط عليه وصلو سلامي معاك.."
تلفت لواحد من رجالو وعطاه اشارة بيدو ..
قدمو زوز رجال وصبو عليه الايسونس وشعل الشيطان بريكية في يدو ورماها عليه والنار شعلت لهبت فيه وهو يعيط.. الناس الي في الساحة بقات تعيط وتسب في الشيطان علي عملو في الراجل
عاود لبس مراياتو وركب في الكرهبة .. بقات فتون تتفرج مصدومة موش مصدقة خزرت لزهرة وعيناها مزغللة بالدموع ويدها ترعش وقالتلها:"نهايتي باش تكون هكا"
الحلقة 34:
سمع محمود بالي صار للراجل شد كاس وسكي وكسرو عالحيط مالغش وحط مرفقو الزوز علي ساقو وبدا يتمتم:" الكلب دار علاهم بالواحد قتلهم وأكيد جاي الدور ليا أنا.. أما انا باش نقتلو ونقضي عليه قبل مايوصلي..
عيط لعم سالم وقلو قول لبنتك تزرب فتون ماعادش عندي وقت..
وصلت ريحانة للقصر ومشات طول لبيت الفطور كيما قالولها اللوطة كيما امرهم الشيطان باش تطلع عندو .. كانت مجبورة تمشي ما عندنا حتي حل بقي في مخها الراجل الي قتلو وتخيلت روحها في بلاصتو
دخلت لبيت الفطور وقعدت تاكل بسكات وشاردة والماكلة طايحة علي حوايجها..
الشيطان:" فاش قاعدة تخمم.. خايفة تكون في بلاصتو"
خزرتلو وعيناها كلها خوف وربثة
:"باش نكون في بلاصتو لواه زادا"
قامت من الكرسي نفضت حوايجها وقتلو شبعت ماشية نبدل حوايجي تمسخو
تلفها ماجاوبهاش وكمل ياكل
دخلت للبيت تتغصور قلبها يضرب في الألف حلت الخزانة لقات حوايج كلهم عرية سكرت الخزانة بالقوي ومشات دقت الباب وقالت للعساس عالباب "عيطلي لزهرة"
هز راسو وقلها باهي هو جا ماشي ويلقي الشيطان واقف مقابلو قلو " ارجع وين كنت"
طبس راسو باحترام دخل الشيطان للبيت وسكر الباب..
الحلقة 35:
خزرتلو علي جنب وقتلو:" علاه ماخليتوش يعيطلي لزهرة طفاها ومشا حل الخزانة وجبد منها روبة بروتال في النوار ورماها علي وجها
شدتو بيدها وقتلو :"شنوا نعمل بيها هاذي.. ماتقليش باش نلبسها
درالها وقرب منها وقلها:"وكان قتلك أي شباش تعمل"
فتون :"مانيش لابستو "
جاء وجها في وجهو وقلها:" موش علي كيفك كي نقول كلمة مانعاودش"
فتون:"مستحيل نلبس حاجة هكا عريا برشا ... والله أعلم شكون لبسها قبلي"
عمل هكا جبدها من جنبها وحملها شهقت بالقوي.. وشدت الروبة عنقتها في صدرها... باسها من فمها بزربة ماخاللهاش فرصة تخمم ..
بعدت راسها لتالي وهو مازال شادها "ردد..دد بالك تزيد تقربلي.."
شدها من دقْنونتها وقلها:"انت ماشعفتش مالعقاب متاعي آخر مرة... ظاهر فيك تحب تجرب مرا اخرا"..
بقا شادها من ظهرها ونازل عليه بكف يدو تربثت وغمضت عينيها بالقوي.. قلها "تمشي تلبسو والا تعرف شنوا نجم نعمل مانيش باش نعاود كلامي"
هزت الروب ومشات تجري لبيت البانو سكرت الباب ودخلت..
مشا تكي عالفرش وحط يدو ورا راسو وغمض عينيه... بعد نص ساعة حلت الباب وخرجت شعرها مبلول بعد ماعملت دوش وقعدت عالكرسي مقابلة لمراية تمشط في شعرها.. بقات سارحة شباش تعمل باش تخرج مالحبس لي هيا فيه... هي سارحة وترا كان في يد جبدتها مالكرسي ترعبت كي راتو... والشر طاير من عينيه
شنوا هذا لي لابستو شنوا قتلك أنا.. الجبة هاذي تنحاها مكانش باش ترا وجهي الثاني يافتون وجه الشيطان فهمت... سيبها ورجع للفرش وعاود تمد... بدات ترعش هزت روحها وقعدت عالبنك مقابل الفرش وبدات تبكي لين هزها النوم
الحلقة 36:
قامت الصباح مالنوم علي ضو الشمس الي ساطعة في عينيها دارت برأسها تلقي روحها راقدة في الفرش بقات باهتة خاطر تتفكر الي هي رقدت البارح عالبنك ... قامت فطرت لبست وفرحت كي جابتلها زهرة لبسة جديدة من عند مرا تبيع فاهم ختارت الي حاشتها بيه وتنهدت حاجة ورتاحت منها..
في المكتب متاعو يتكيف وحاط ساق علي ساق.. دق الباب دخل واحد من رجالو قلو :"سيدي آنسة عايدة تحب تقابلك"
الشيطان: "خلاها تدخل"
دار بالكرسي وخزرلها خزرة باردة وقلها:" تفضل شتحب"
عايدة:"نحب سلامتك"
الشيطان:"من غير ماتلف ودور احكي شنوا حاشتك"
عايدة:"حاشتي بيك أنت"
الشيطان:" مرة اخرا تعاود فاها،"
عايدة:"باش نبقا نعاود مرة وثنين والف"
الشيطان:" ماكش ناوية تنقص بلا رخص ولا شنوا"
عايدة :" نقص وقت أنت تصدق معايا..آه شفتها البون القطوسة الجديدة الي جبتها فتون موش هكا مم موش خايبة"
الشيطان موش معبرها:"ماطلبتش رايك"
خزرتلو بغزول وحمصة وقتلو: ماكش ناوي تنفذلي الطلب متاعي ونولي حرة في القصر وتعرس بيا ونجيبو صغار.."
ضحك بالقوي وخرج الدخان من فمو وقلها
"نسيت الي أنت اختي ولا كيفاه.. وتحبنا نعرسو.. نسيت الي أنت أخت العدو متاعي نقص بلا تمنيك متاعك..
عايدة:"نسيت الي أنا بعثت خويا وجيت عندك"
الشيطان:"أنت عملت هكا خاطرك خايفة مني ومن شري .. نقص بلا تزعبين فهمت والا تحب نفهمهالك علي كيفي"
الحلقة 37:
دخلت زهرة للبيت وين كانت فتون سارحة قدمت بحذاها وقالتلها:"مادام فتون وصلتك رسالة من محمود"
قامت فتون مالفرش عينيها لمعو وضحكت
فتون:" عيشك زهرة"
زهرة:"لازم نمشي توا عندي خدمة اللوطة"
كملت كلامها وخرجت.. حلت فتون الرسالة تقرا فاها
فتوني:
سامحني نعرف الي أنت متغشسة مني أما لازمك تعذرني عالطريقة الي عاملتك باها أما كان لازم نتصرف هكا باش مايشك حد... توحشتك برشا نستنا وقتاه ترجعلي... نبات كل ليلة نحلم بيك وصلتلي زهرة الي أنت معاش تحب تنفذ كلامي أما أنت هكا تعرض فيا للموت وأنا وياك في موقف خايب كان موش باش تنفذ قرارك باش تخسرني وتخسر روحك.. سلام
مسحت دموعها وطوات الجواب وحاطتو في القجر لي بجنبها وخباتو..
قامت خرجت مالبيت ماشية للشيطان في المكتب متاعو بعد ماقررت انها تكمل في الخطة
الحلقة 38:
بقات واقفة البرا قدام المكتب تستنا في الحارس يدخلها
بعد خرجلها..دخلت وسكر الباب وخرج العساس بقات تخزر للمكتب وتخزر للطابلو الكبير الي معلق بجنب الباب بقات مركزة ماتعرش وين راتو قبل ..
قص علاها تركيزها الشيطان كي قلها:" عجبك برشا"
قدمت وين البيرو وقعدت عالكرسي وجاوبتو:
"أمممم أنا جاية نحب نقلك علاه مانوقفوش العرك هذا الكل ونوليو صحاب"
خزرلها وبقا ساكت كملت حكات
"أنا قلت بما انو قعدتي مطولة علاش مانوليوش صحا..."
قص علاها وقلها:"لا"
فتون:" نجم نعرف علاه"
الشيطان طفاها ماجوبهاش
بقات تسب فيه في قلبها
جبدت نفس طويل وعاودت تكلمت:" باهي انجم نسألك"
الشيطان بكل ثقة وتحدي :"لا"
قام من ورا البيرو و جا خارج وين الباب وقف في وسط المكتب كي سمعها تمتم
- واطي
داراها قلها :"قلت حاجة وعطاها قْحرة"
بلعت ريقها بالسيف وبدلت الموضوع قتلو
"شفت اختك عايدة"
جاوبها:" اي وأنا شنوا تحبني نعمل"
فتون:"لا اما سبحان الله نفس الطبيعة والبرود والاسلوب المستفز"
دار حط يدو في جيب سروالو وخرج وخلاها..
الحلقة 39:
ضحك محمود بالقوي كي عرف من عمك سالم عن طريق بنتو زهرة الي فتون باش تبعثلو اوراق وباش تعاونو
داراو وقلو :هههه شفت نجمت نأثر فاها بشويا كلام حلو... شاد كاس الشراب في يدو وتلفت للشباك وكمل كلامو تعرف الي يعجبني في فتون شنوا كونها تمشي ورا مشاعرها كي البوهالية... وهذا الي معاوني ..
دخلت فتون للبيت واستغلت الفرصة وحلت القجر الي موجود في الخزانة لقاتو محلول جبت الأوراق قراتهم خذات الي حاشتها بيه وطواتهم حاطتهم في القجر متاعها وين خبت الجواب..
حست بخنقة كبيرة مالقعدة في البيت خرجت باش تتنفس في الجنينة متع القصر ترا في الحراس متع القصر قد شعر الراس .. حست الي مستحيل كان نهار باش تنجم تخرج مالجحيم هذا..
فما حارس بيناتهم قال لشيطان الي فتون موجودة في جنينة متع القصر
الحلقة 39:
ضحك محمود بالقوي كي عرف من عمك سالم عن طريق بنتو زهرة الي فتون باش تبعثلو اوراق وباش تعاونو
داراو وقلو :هههه شفت نجمت نأثر فاها بشويا كلام حلو... شاد كاس الشراب في يدو وتلفت للشباك وكمل كلامو تعرف الي يعجبني في فتون شنوا كونها تمشي ورا مشاعرها كي البوهالية... وهذا الي معاوني ..
دخلت فتون للبيت واستغلت الفرصة وحلت القجر الي موجود في الخزانة لقاتو محلول جبت الأوراق قراتهم خذات الي حاشتها بيه وطواتهم حاطتهم في القجر متاعها وين خبت الجواب..
حست بخنقة كبيرة مالقعدة في البيت خرجت باش تتنفس في الجنينة متع القصر ترا في الحراس متع القصر قد شعر الراس .. حست الي مستحيل كان نهار باش تنجم تخرج مالجحيم هذا..
فما حارس بيناتهم قال لشيطان الي فتون موجودة في جنينة متع القصر
الحلقة40:
دخل الشيطان للبيت الي في الطاق الثالث حل باب البيت الي موجودة وحدها والي فاها السر لحبت تعرفو فتون.. ودخل وسكرو وراه وقف عالبالكون موجود في البيت وبقي يحكي مع واحد وراه
"قربت ننهي هالمهزلة ونكمل انتقامي... بقي هو كهو نحب نتلذذ بموتو عرق بعد عرق .. وبعد ننسي كل الشئ الماضي ونبات مرتاح ....باش ننسي" قالها الشيطان وهو نازل علي سنيه
بقات فتون دور في الجنينة وتتمشي عالحشيش مبلول بالماء طبصت باش تنحي وردة جوري... قامت تلفتت تخزر للحراس تلفتهم.. ولمت شعرها المبوكل فددها قامت وربطتو لتالي. بقات شاردة في ذكرياتها مع محمود النحس وموش تسمع في الحصان الاكحل يجري وراها جاي عندها. فاقت من سرحتها كي سمعت صوت الحصان ترعبت حلت فمها من صدمة لخوف لحمها قشعر... حطت كف يدها علي وجها وغمضت عينيها بالقوي..
حست كان بيد خطفتها من تالي من جنبها وطلعها قدامو نحت يدها موش مصدقة الي صار دوختها ريحت البارفان متاعو البنية برشا خزرتلو وبدنو القوي لاسق فاها عرفتو طول الشيطان شكون غيرو
دخلت بعضها كي جات عينو الغامضين لعينيها الزرق حبت توخر شويا ماخلهاش
قتلو بربثة:"تنجم تبعد"
جاوبها:"يعني أنت هكا تتكلم عادي"
قوست مابين حواجبها وقتلو :"أي"
لمعت عينيه بخبث قربلها أكثر ومال براسو اكثر لوذنها ووشوشلها
"هكا احلي" وبيدو حللها شعرها ..هبط علي كتفها كيما كان يتسرسب.
فتون وجها حمار عاللخر خدودها روز عالأحمر طلعتلها السخانة مالحشمة قلبها بدا يضرب في الألف بالقوي
حطت كف يدها علي سدرو العريض باش تبعدو ياخي نحي يدو من جنابها ووخر شويا مالحشمة هبطت راسها اللوطة مد يدو وهزلها راسها بصوابعو الزوز وبقات مربوثة جات باش تتكلم ياخي حست بيدو لخرا علي رقبتها حست بحاجة غير غادية بدنها تزولف .. وهو بقي سارح في عينيها لين قص علاهم صوت الحصان هههخ فهم اللعب بدا يحراش
الحلقة 41:
رجعت فتون لبيتها بعد الي صار معاها في الجنينة... عيطت لزهرة وعطاتها الاوراق الي خباتهم في الدروج وقالتلها:"هاذوما الاوراق الي حاشتو باهم محمود اعطيهملو
زهرة: مدام متأكدة من قرارك
فتون: اي متاكدة أنا نحبو ومستحيل نعرضو للخطر هو عاوني برشا قبل كي تعديت بفترة خايبة هو وقف معايا مخلانيش حتي بريت
هزت زهرة الأوراق ماقالتلها شئ وخرجت...
رجع الشيطان للقصر بعد ماكمل امورو الكل و تفقد القرية.. دخل للبيت حط أوراق جدد في الخزانة و جبد حوايجو تلفت في البيت مالقهاش.. تعدا طول للدوش وسكر الباب
سمعت صوتو كي دخل للبيت كانت فتون قاعدة في البالكون ع القاعة بعد مادخل للدوش دخلت للبيت.. تعدات ربع ساعة خرج شعرو مبلول يلمع اكحل وكان منقص في اللحية وقف قدام المراية عدا يدو علي شعرو .. وراها من وراء المراية عقد حواجبو وكبس علي يدو وقلها:"وين كنت"
كانت تخزرلو طفاتو ودورت وجها للجيهة لخري
عاود سألها بصوت عالي وخشين:" وييين كنت"
عاودت طفاتو ومجاوبتوش ههه
طلعلو الدم لراسو وهبل علاها كان حاط منشفة علي ظهرو ومشالها شدها من شعرها وجبدها وهي مالوجيعة حطت يدها علي يدو الي شادها منها..وقلها:"كي نكلمك جاوبني طول وماتخلينيش نعاود سؤالي مرتين"
الحلقة 42:
فتون تحملت الوجيعة وقتلو :"أموري مانيش مجاوبة ومانحبش نجاوب.. بالسيف زادا!!"
زاد قوا قبضة يدو علي شعرها لين عينيها دمعو
الشيطان نزل علي سنيه وقلها:" مدام أنت تحت رحمتي وفي عرشي فماش حاجة اسمها علي كيفي"
نحي يدو من شعرها وهي طاحت عالقاعة تبكي وتمخط .. قام حل الخزانة جبد منها أوراق ورجعلها وقعد علي ركبتو وجبد ستيلو وقلها
"صحح لنا تحرك"
خزرت للأوراق وهزت عينها وقتلو "مانيش مصححة شئ"
الشيطان:" موش علي كيفك "
شدلها يدها بالقوة وقربها مالاوراق :"صححّ"
تبكي بالشهقة وتجاوب فيه بغصة :"لا"
"صحح" قلهالها بعياط وصوت خشين خلاها تترعب منو ومن عينيه الي خرجو وعروق يدو الي ظهرو عاللخر...
هزت الستيلو وصححت وايدها ترعش والدموع هابطة كي الشتاء..
هز الأوراق وقام حطهم في الخزانة وسكرها بالمفتاح..
"المرة الجاية باش نتصرف تصرف آخر"
الحلقة 43:
دخل عمك سالم علي محمود ومدلو الاوراق الي بعثتهملو فتون مع زهرة..
شد الاوراق قلبهم وضحك ضحكة متع نصر وقال:"نحب نشوف وجهو وقت يعرف الي الاوراق رجعولي ههه باش يموت مالصدمة الطحان الكلب باش نشمت فيه ونحشيهالو علي قريب هههههههه..
--------- ------- ------ ------- -------- ---------- -----
طاح الليل كي العادة رقدت فتون عالفرش وهو معنقها من تالي مدور يدو علي كرشها وصدرو لاصق في ظهرها قلبها تغصور وظاق باها النفس كي شمت ريحتو تنهدت بالقوي وهو حط راسو في رقبتها ورقدو...
قامت مالنوم علي صوت الشيطان يعيط عالعساس البرا قامت هزت كاب دوبان منشفة و دخلت لبيت البانو باش دوش..
رجع الشيطان بعد ربع ساعة للبيت كي تفكر الي هو نسا منقالتو في بيتو بالضبط في بيت البانو هه نيهاها
الحلقة44:
كملت الدوش لفت المنشفة علي بدنها كانت عرية مامغطية كان الي باهم فايدة بدنها أبيض شمعة.. وتغني موش لهنا بقات تنشف في شعرها ترعبت كي رات باب الطولات تحل كي راتو تهزت وتنفضت وهو دوب ماراها حل عينيه الزوز كي الذيب عينو لمعت وهزها وحطها.. بعينيه، قلبها من راسها لساسها يرا فاها كابسة يدها بمنشفة بيضة علي بدنها تبسم لين بانو الفوسات علي خدو .. رجع لتالي وسكر الباب وخرج
شدت وجها بيدها... شعلت فاها النهار حبت تبكي مالحشمة منو..
كملت لبست وخرجت مالبيت مشات تفطر عرضتها زهرة في الكلوار قالتلها بتوشويش باش مايسمعهم حد:" سي محمود قالك ايجا للأرض متع شيطان المنطقة المعزولة مالك يحب يعطيك حاجة..
فتون مستغربة: وشنوا الحاجة
زهرة: موش عارفة
دخلت فتون تفطر بحذا الشيطان ساكتة..
بعد ماكملت قتلو :نجم نطلب منك حاجة"
خزلها وهي كملت:"نحب نخرج مالقصر.. يعني نشوف القرية والأراضي...
قام من بلاصتو وشاف المنقالة وقلها: باهي هيا معايا"
خرجت معاه هزها للكوري متع الحصنة خرج حصانو الاكحل وكذبت الي خممت فيه..
وقلها هيا
بقات تخزرلو خايفة:"باش نمشيو في هذا ماعندكش كرهبة والا شنوا"
خزرلها بكل برود وقلها:" لاماعنديش"
بقات يدها ترعش حطت يدها لخرا علاها وبقات واقفة
الشيطان:" باش تبقي واقفة والا ماتعرش تطلع عليه"
فتون:" لا نعرف"
بقات واقفة تخمم كيفاه باش تطلع ياخي تبسم بتمنيك وقلها:"حط ساقك علي هاذي وأطلع"
حطت ساقها مانجمتش قدم شدها من جنابها وطلعها وطلع وراها وشد اللجام متع الحصان وحصرها بيدو الزوز
بدا الحصان يجري حست بالخوف مدت يدها وشدتو من سوريتو ونزلت علاها بالقوي وهو وراها ضحك وبانو سنيه البيض ....
الحلقة 45:
هما وصلو للقرية وقف الحصان متاعو وهبط مد يدو باش يعاونها تهبط اخي قتلو بنطرة :"نعرف نهبط وحدي مانيش مستحقة تعاوني"
حط الشيطان يديه في جيوب سروالو ووخر لتالي شويا وبقي يستني فاها
خزرتلو وشدت اللجام باش تهبط ياخي الحصان صاح وتحرك من بلاصتو ههه شهقت فرد شهقة
هو عرف الي هذا باش يصير بقا يخزرلها ويتبسم بتمسخير..
قتلو وعيناها كلهم خوف:" عاوني أمان باش.ششش يهرب بدات توكك
الشيطان:" موش قتلي ماكش مستحقة نعاونك آه"
الحصان بدا يجري وهو خطفها بيديه الزوز بزربة
هبطها من فوق لحصان لين جات عندو معنقتو..
خرج محمود نافخ صدرو مالقصر متاعو وركب في كرهبتو ماشي للقرية وين باش يقابل فتون.
بعدت فتون راسها من صدرو وحست بخواترها دايرة باش ترد.. بقا معنقها عندو وهي هبطت راسها اللوطة تبلع في ريقها بالسيف
الحلقة46:
قرب راسو منها وحط شفايفو في رقبتها وبقي يبوس فاها حست بالسخانة طلعتلها حاجة بنينة بدنها قشعر شويا من ريحتو شويا من شفايفو علي رقبتها فاقت علي روحها كي جبد روحو وغمزها ..هبطها وقلها :"هيا"
مشات وراه رات بلاكة معلقة..
قتلو هاذي منطقة المالك" اسمها"
الشيطان:"أنت شنوا ترا"
فتون:"حبيت نتأكد وبرا"
فما راجل كبير في المنطقة شاد عصا لوح ويجري ورا زوز ولاد صغار يعملو في الشغب بقي يجري وراهم لين تعب وقف ورما العصا علاهم ياخي جات علي واحد آخر بالغالط
الراجل الكبير قلبو وقف مالصدمة وزوز أولاد حسو الي دنيا وقفت باهم كي راو الي العصا جات في الشيطان نيهاها ..
الحلقة 47:
بعد مارات فتون الي صار شدها كريز متاع ضحك وبقات تضحك بصوت عالي وتخزر لوجهو الي تقلب مالغش تلفتلها و عينيه تقْدح بالشرّ.. تنرفز عاللخر :" تضحك علي شنوا انت"
سكتت فتون كي رات عينيه باش تخرج خافت ولبدت.. قدمولو زوز أولاد والرعب في عيناهم وقالولو
:" سامحو ياسيدي الشيطان احني نرفزناه شويا"
قدملو الراجل الكبير وقلو وبدنوا الكل يرعش مالخوف:" سامحني سيدي والله مانقصد"
هز كف يدو وقلو اسكت
دار للولاد وقلهم :" مالا انتوما السبب"
الاولاد:" اي احنا"
الشيطان:"أمم ظاهر فيكم ماكمش خايفين"
واحد مالاولاد:" نحنا نخافو كان من ربي"
الشيطان:" عجبتني الشجاعة متاعك"
هز يدو وعيط لواحد من رجالو وقلو :"هزهم الزوز للحبس والراجل شهريتو تنقص للشطر"
هزهم ومشا..
فتون موش مصدقة الي عملو
:" حرام عليك علاه الحبس مازالو صغار وهو موش بلعاني قصد يضربك.. ماعندكش رحمة في قلبك"
الشيطان جاوبها بصوت خشين:" وأنت ريت قبل الشيطان عندو رحمة"
فتون:"شيطان ساقط"
شهقت بالقوي كي شدها من يدها وحطهالها ورا ظهرها ونزل علاها
الشيطان :" موش قتلك معاش طول لسانك .. قلت ولا ماقلتش..
"ظهرلي جيت في وقت غير مناسب"
تلفت الشيطان لقاه محمود
الشيطان:" انت ديما تجي في أوقات غالطة"
دخلت فتون بعضها كي رات محمود حبت تبعد علي الشيطان ياخي ماخلهاش
محمود:" بالشويا علاها والا ناوي تكسرلها يدها"
الشيطان:"حاجة ماتخصكش"
جبد الشيطان يدو وجبدها ليه وحملها من جنبها وقالو:" انت لواه جاي لارضي"
محمود:"أرضك!!!"
كمل يحكي والدم طلعلو :" ظهرلي فيك نسيت الي هاذي موش ارضك وحد..."
كبس محمود عليا يدو كي شاف الشيطان شاد يد فتون طفاه ومشا هه..
الحلقة 48:
طاح الليل قعدت فتون في البيت بعد مارجعو للقصر قاعدة فوق الفرش تاكل في ظوافرها بغش تتفكر الي صار وخزرت محمود الي كلها شرّ.. دخل الشيطان للبيت لقاها قاعدة خزرلها علي جنب وقلها:" شبيك كابسة روحك فما حاجة"
فتون:" نرمال تشدني اكاكا قدام العباد عادي"
الشيطان:" أنت مع الشيطان في القرية متاعو.. يخافو منو الكبير والصغير كيفاه تخمم الي حد يوصل يحل فمو ويحكي علي حاجة تخصو"
قربلها وين قاعدة عالفرش دزها وطلع فوقها ههه جاء بدنو لاصق بدنها تسكر علاها النفس الدنيا دارت باها الجهامة هاذي الكل فوقها لا لا شبح عينو يلمعو وراسو قرب لوجها بدنها جمد معاش تحس بيه ريحت البرفان متاعو دوخ أول مرة تراه قريبلها للدرجة هاذي حط يدو تحت. رقبتها ويدو لخرا عداها بفيانة علي كرشها الصغرونة بدنو مسكل عروق يدو صدرو العريض دخلت بعضها أول مرة تحس برعشة تحت سرتها وهج خارج من صدرها غمضت عيناها بالقوي جات دور في راسها شدو بشويا وباسها علي جنب فمها بقات جامدة موش عارفة شباها يمكن خوف منو.. رجع فمو وحطوا علي شفايفها باسها.. قلها بصوت خافت رجولي:" أنت تخصني"
فتون قلبها قريب لاخرج من بلاصتو قام علاها غمزها وقلها أنا ماعملت شئ وأنت صار فيك هاكا مالا كان كملت ضحك وتعدا يعمل في دوش وهي بقات مصدومة مالي صار"
الحلقة 49:
قام محمود مالبيرو وشد كاس الشراب كسرو وبقي يتفكر الي صار في القرية هبل وجن وقعد يحكي وحدو:" فتون متاعي أنا كهو هي ملكي أنا الكلب الواطي خسرني فلوسي والصفقة ..كنت باش نقتلو ونرتاح بالسم إلي كنت باش نعطيه لفتون.. بصحتو أما ماعندو وين هارب
خرج للبلكون وضرب بيدو علي حافة السور :" ستنا عليا يا طحان ناخو المعلومات الكل و شوف أش باش يصير فيك"
في الصباح..
خرج الشيطان مالقصر بعد ماسمع الي فما سلاح مهرب ...
مشات فتون للخزانة لقاتها مسكرة نحات شكال من راسها وحلتها..جبدت اوراق معينة قراتهم و حطتهم في جيبها باش تمدهم لمحمود قامت باش تسكر لخزانة ياخي فما اوراق طاحو طبست تلم فاهم دارت ترا في وحدة داخلة ترعبت
شبيك خفت" لقاتها عايدة أخت الشيطان
فتون بلعت ريقها بالسيف حست روحها وصلت للخر
عايدة بضحكة صفرة كملت حكات" اوباا خاينة .. تخيل تراه كان الشيطان عرف الي انت تخون فيه آه لا وتبعث في الاوراق لمحمود تخيل تره"
الحلقة50:
فتون:"اكيد نعرف.. المطلوب مني"
عايدة:"اممم ردّ بالك تقرب من بيجاد هو متاعي"
فتون مستغربة:"بيجاد!!"
عايدة:"الشيطان"
فتون:" أنا ماعنديش نية نقربلو انا نحب محمود"
عايدة:" اوكا" وهزت روحها وخرجت
بعد دخلت زهرة مشاتلها فتون تجري مرعوبة :" عايدة عرفت كل شئ خخاييفة لا تقلو
زهرة تهدي فاها:" ماتخافش أصلا سيدنا الشيطان مايتعلملش معاها وحاسبها موش موجودة.."
فتون:" ياخي هي موش اختو"
زهرة:" أي مالأم"
فتون:"باهي مالا علاه قتلي هو متاعي مانحبكش تقربلو"
زهرة بقات ساكتة جبدت فتون الأوراق وقالتلها المهم اعطي الاوراق هاذم لمحمود..
اليوم عشرة بركا كي يرجع التفاعل باهي تو نرجع نهبط بالعشرين حلقة
الحلقة51:
فرحت فتون كي عرفت الي الشيطان موش باش يبات في القصر رقدت مرتاحة.. طلع الصباح قامت مالنوم تفرك في عيناها خزرت للبالكون تلقاه واقف عاطيها بالظهر رجعت غمضت عينيها وهو دار خرج مالبيت .. بعد قامت حضرت روحها ولبست غوب مفخفخة مزيانة فلوري وخرجت مشات تفطر وين كان موجود...
دخلت لبيت الفطور وقعدت بجنبو كي العادة وهو أمر الخديمة باش تحط الفطور .. بقاو ياكلو بسكات حتي تكلمت وقالت
"بيجاد"
وقف الماكلة وتلفتلها بالشويا وخزرلها بخزرة غريبة موش مفهومة..
الشيطان:" عرفت اسمي منين"
سألها بنبرة متع غش وهز المغرفة في يدو.. حست بالخوف
فتون:" سألت وحدة مالخدام وهي قتلي
بلع الشيطان اللقمة في فمو وقلها
:" الإسم هذا معاش نحبك نسمعو اسمي الشيطان فهمت"
هزت حواجبها مستغربة وقتلو :" أنت اسمك بيجاد"
ضرب بقبضة يدو عالطاولة بغش .. لين خافت
" ظاهرلي كلامي واضح"
شدت المغرفة بيدها الي ترعش وهبطت راسها تاكل وهو خرج ماالبيت والشر طاير من عينيه
الحلقة52:
دخل الشيطان للمكتب متاعو ضرب بيدو عالبيرو بغش وتنرفيز هز راسو لتالي عينو ضلامت كي تفكر الماضي تفكر امو كي كانت تعيطلو باسمو جبد سيقارو وشعالو... بقي صوت اموا يتعاود في وذنيه...
استغلت فتون الفرصة وطلعت في الدروج للطابق الثالث... مشات في الكلوار وين البيت المنفردة ترددت ماللول أما هي تحب تعرف شنوا فاها دورت الكوبة ودخلت.. وسكرت الباب ... خزرت في البيت بعيناها حتي رات راجل كبير قاعد علي كرسي متحرك قدمت وين قاعد.. قعدت تخزرلو راجل ظاهر عليه الكبر شعرو كلو أبيض و يديو كلها تجاعيد.. فيه شبه كبير مالشيطان قالت في قلبها زعمة هذا بوه!
تحلت عينيها بالقوي كي راتو حل عينيه وخرت لتالي بعفوية قلها
:"شكون انت"
"أنا ففف..تون"
هز راسو وتبسم قلها:"سامحني ماعرفتكش
حشمت منو مالقاتش شنوا تقولو .. تقولو لي هي صاحبت الشيطان وعشيقتو
فهم من تصرفاتها لهي مربوثة تبسم وقلها ايجا عاوني ودخلني للبالكون..
شدت الكرسي ودخلتو للبالكون
فتون:"ماقتليش أنت شكون خاطر فيك شبه كبير مالشيطان"
ضحك الراجل الكبير وقلها بتفدليك
:"مالقيت بشكون تشبهني"
تبسمت علي الفدلكة متاعو وقتلو:" صحيح"
الراجل:"ظاهر فيك طيبة يابنتي ايجا أقعد بحذايا"
جبدت كرسي بلاستيك في البالكون وقعدت مقابلتو أول مرة تحس بالراحة مع حد في القصر..
الحلقة 53:
" تعرف كان يشلق الشيطان إلي أنت لنا شنوا ينجم يعملك" كمل بتفدليك "يمحيك مالدنيا"
بلعت ريقها بالسيف وحست روحها متقلقة سمعت حس في الدروج قامت
قلها برا من هنا هاذي الخديمة جايبتلي فطوري
فتون:"قلي الساعة أنت شكون"
" كي تجي المرا الجاية اتو نقلك أما رد بالك يراك حد ويمشي يعاود للشيطان وقتها ماتعرش شنوا يعملك"
هزت راسها وخرجت بزربة عرضتها زهرة في الدروج قالتلها" وينك مدام فتون نلوج عليك"
فتون :"كنت نلوج عالشيطان كذبت علاها ..علاه شفما"
سي محمود بعثلك هذا وقلك استعملو في الوقت المناسب مدتلها جواب ومشات..
الحلقة54:
مشات فتون للمخزن في الطابق الثاني كيما قلتلها زهرة الي محمود يستنا فاها غادي
دخلت وهو جبدها من يدها وقلها
"فتوني توحشتك"
تبسمت كي راتو وقتلو:"أنت زادا"
باسها وقدملها ماكنتش تشوف فيه في الضلمة شعل بريكية كي راتو ضحكت قتلو شبيك هكا متنكر..
قلها" لازم نلبس هكا باش نجم ندخل ونشوفك. "
فتون:"كيفاه دخلت لنا"
محمود:"أنا محمود والا نسيت مخطط لكل شئ"
ضربتو بشويا علي صدرو وقتلو شنوا هذا الي بعثتهولي
محمود:"دبوزة سم"
فتون مصدومة"نعم"
محمود:"نحبك تحطو للشيطان بايدك "
فتون:"مستحيل نعمل هكا .. مستحيل نقتل حد"
محمود:"أنت ماكش باش تقتلو.. باش تحطلو السم وهو تو يموت وحدو"
فتون:" انسي مستحيل نعمل هكا أنا نحطلو السم..يعني أنا باش نقتلو"
محمود:" اصلا هو مستحيل يكون عبد والا إنسان كان ماكش باش تعمل هكا هو ناوي يقتل 300 واحد في القرية تعرف شمعناها باش يقتل أرواح وعايلات"
وافقت براسها وهو تبسم بالسرقة ...
جاء خارج حطلها الدبوزة في يدها وقلها كان ماتعملش هكا القرية الكل باش يسيل فاها دم دم
دارتلو وقتلو:"باهي باش نقتلو"
ضحك وقلها:" نهار الخميس قبل ما يخرج مالقصر تقتلو تحطلو السّم في القهوة متاعو وتحاول تخليه مايشكش فيك"
الحلقة 55:
قام مالكرسي متع البيرو ويدو تقطر بالدم .. هز راسو للطابلو المعلق بجنب الباب وبقي يخزرلو
خزرة متع لوم و غش...
الأحاسيس لكل تلمو موش عارف شباش يعمل يلوم ولا يعاتبها والا يحسس بالمرارة منها..
"علي فكرة مانيش مسامحك علي عملتو.. أما تهني باش ناخولك حقك من كل واحد تسبب في موتك موش حقك بركا حقي زادا"
قالها الشيطان وهو واقف شارد...
سكرت الماء ولبست منشفة نشفت روحها ولبست حوايجها وخرجت مالدوش تنشف في شعرها .. تنفضت كي راتو قدامها وجهو خالي من أي تعبير ..
فتون:" وقتاه رجعت"
الشيطان:"حاجة ماتخصكش"
طفاها وتعدا دارات باش تحكي معاه بغش هزت حواجبها كي رات يدو اليسار تنزف بالدم مجروحة.. ماحسش باها!
مشات تجري ووقفت قدامو وقتلو :" يدك تنزف بالدم ماحسيتش باها" قالتهالو وهي مصدومة
الشيطان جاوبها ببرود:"لا"
فتون :" يدك كلها دم"
الشيطان:"ابعد من قدامي"
مشات تجري للقجر وجبدت حكة متع اسعافات أولية ومشاتلو وين قعد
الشيطان:"فاش تعمل"
فتون:" باش نداويلك يدك"
شدتلو يدو وبدات تحطلو في الدواء علي الجرح وتعمل فيها بالقطن..
جبد يدو ودزها بالشويا وقلها :" ردّ بالك تتخطي حدودك"
فتون:" أنت آخر واحد تحكي عالحدود جات في يدك ولات فما حدود بيناتنا كملت دويلو فاها وجبدت نفس طويل وكملت:" أنت واحد مريض وأنا ساخفة عليك.. بقات تحكي فيبالها موش يسمع فاها اصلا أنا مانيش نشوف فيك جملة"
الحلقة56:
بقات داويلو في يدو ومالاحظتش اللمعة في عينو خزرة متع تحطيمة متع واحد مكسور من داخل.. بعد قامت قتلو "كملت"
هي جات ماشية وهو يجبدها من يدها وحطهالها ورا ظهرها ودزها ليه بقي ظهرها لاصق لصدرو.. حست بالنفس متاعو سخون قرب وجهو من وذنها وقلها "عيشك"
بعد سيبها ومشا للخزانة جبد حوايجو ودخل يدوش مسح بيدو البخار الي عالبلار وغمض عينو بالقوي كي تفكر روحو كي كان صغير وتوا فرق كبير رجعت بيه الذاكرة لتالي
الماضي
أول مرة دخل فاها للقصر عمرو 15 سنة دخل يفركس علي امو ويعيط ماما ماما أنا وليت نعرف نركب عالحصان والفرحة في عينو مشالها يجري لبيتها يلقاها تبكي وبجنبها عالفرش راجلها الي هو بوه مغطي بملحفة بيضة قتلو الي بوك مات يابيجاد فخر الدين مات... بعد ما مات بوه حياتو تبدلت ولا يخدم ليل ونهار في الارض باش يعيشها ويوفرلها كل شئ... كان حاكم القرية وقتها هو الي خلاه يخدم شردهم مالدار تعرض للاهانة والضرب اما تحمل هذا الكل خاطر امو وكانت صدمتو وقت سمع امو عرست بالراجل الي ضلمو...
الحلقة 57:
بعد ما كمل الدوش خرج مالبانو ولبس دبشو ومشا رقد عالفرش وين كانت فتون راقدة حط يدو علي جبينو وبقي سارح فاق من سرحتو كي حس بيد فتون علي صدرو مسح وجهو بكف يدو و قربلها بالشويا وحاوطها بيدو لين ولات في حضنو راقدة موش لنا بقي يخزرلها وقال
"شايفتني شيطان.. باش نعذبك حتي تولي تموت علي حاجة اسمها شيطان" وبعد تبسم ورقد معنقها
طلع الصباح .. حلت فتون عيناها مالنوم تلقاه معنقها وجها في صدرو وريحتو مخلطة جال دوش بارفان هزت عينها بالشويا تلقاه راقد أول مرة تشوفو هادي .. حست بيه يتحرك باش يفيق غمضت عينيها بزربه... عملت روحها راقدة حل عينيه حس بنفسها موش طبيعي ..
تبسم وقلها:" فتون تعرف تمثل مليح النوم ..حقك تولي ممثلة"
وجبد روحو منها وقام مشا للطولات يضحك بصوت عالي حلت عيناها وبقات تسب فيه في قلبها مالتهنتيلة الي عطاهالها ههه نيهاها
الحلقة58:
بعد ماعمل دوش خرج يحكي في البالكون مشات وراه تسمع فيه يحكي مع واحد
قلو وقتاه باش تم الصفقة متع السلاح وتكون نهاية للكلاب. باش نقتلهم الكل ونرتاح ... رجعت تجري للفرش وحطت يدها علي فمها وشهقت بالشويا قالت في قلبها :" ناوي يقتلهم نهار الخميس كيما قال محمود أما أنا باش نقتلو قبل مايقتلهم.. خرج مالبالكون قلها حظر روحك اليوم..
فتون :"علاه "
تلفها خرج وماجاوبهاش
دخلت عايدة لقصر محمود لابسة شال اكحل .. مشاتلو وين قاعد في بيروه
قتلو:" شعامل خويا العزيز"
محمود:" وانت توا تفكرتو خوك"
عايدة:"جيت نطمان عليك"
محمود:" ماحاشتيش باش تسأل عليا"
عايدة :" واجبي نطمان عليك"
محمود:" أن واجب تحكي عليه بعد الي عملتو مازالت حاسبك اختي"
عايدة:" حمودي احنا خوات ماتقولش هكا"
محمود:" خوات!! بعد مامشيت لعدوي بساقيك"
عايدة:" هو مش عدوك هو خوك وخويا"
بعد قام خرج وخلاها وهي هزت روحها ورجعت للقصر
الحلقة59:
بقات واقفة في البيت تستني فيه خايفة مالي باش يصير لابسة روب حمراء طويلة ماشين لحفلة وباش يكون محمود موجود
تلفتت كي سمعتو يقلها
ممم شعرك حلو هكا معادش تشاشورو
بقات تخزرلو كمل حكي ..."وروبتك زادا طالعة عليك.." بعد ماكمل قربلها وباسها من رقبتها الطويلة..دزتو وهو بقا مكبش فاها هبطت راسها مانجمتش تهزو وهو تلفت وقلها "هيا"
الحلقة60:
شدها من يدها حست بكورون في بدنها كبس علي يدها وهبطو ركبو في الكرهبة ومشاو..
هبط محمود مالكرهبة معاه ايمن دخلو للصالة كبيرة قعدو في الطاولة هبطو زوز كيسان وسكي ومحمود يحكي مع ايمن قلو:" صفقة السلاح الي وقفهالنا الشيطان باش تم نهار الخميس خرج ورقة من جيبو متع الصفقة ومدهالو ايمن باهت قلو منين جبتها هاذي
محمود:" موش مشكل منين جبتها الصفقة باش تم وقت الشيطان يتلهي بتسليم السلاح باش يغيب نهارين ومممكن يغيب جملة وهكا تسهال المهمة وناخوه.."
أيمن:" اوكي اما نحب دوبل الصفقة الي فاتت فلوس كاش"
محمود جاوبو :" باهي"
بعد قال في قلبو باش نحطهملك علي قبرك يا طحان
دخلت فتون والشيطان للصالة شادلها يدها وهو بجنبها لابس كوستيم أزرق معاه كرافات نوار وصباط نوار ومنقالة ترعب الناس الكل الي في الصالة يخزرولهم ويتبعو فاهم بعينيهم وهو هاز راسو الفوق ويمشي ماعمبالو بحد دخلت فتون بعضها كي رات محمود وأيمن جاين لعندهم وقف قدام الشيطان وقلو أيمن :" اهلا نورت سيدنا الشيطان وبعد دور راسو لفتون وكمل:" آه شنوا هذا سيدنا صاروخ منين جبتها"
خزرلو الشيطان خزرة متع موت وهز حاجبو .. لبد أيمن كي را عينين الشيطان تقْدح شر..دار محمود وقال:"اكيد شاريها من برا خاطر باين من وجها موش مالقرية زاد قرب مالشيطان وقلو بشويا أكيد جايبها من بواطا "ملهي ليلي"
سمعت فتون الي قالو محمود تصدمت وتغششت موش منجمة تعمل شئ كان انها تبلع السكينة بدمها
الحلقة 61:
دارلو الشيطان بكل ثقة وقلو :" البواطة تليق بيك أنت عاد اذيكا بلاصتك"
ضحك محمود بغزول وقلو :"بلاصتي!! أنا نعمل كيفك كل مرة وحدة
ضحك الشيطان وقلو :" تضحك علي روحك والا علي شكون" فاتو وجبد كرسي وقعد وبجنبو فتون بقات شاردة حست بروحها كرهت محمود ونفرتو وقتها.. شنوا كان يقصد الشيطان كي قلو تضحك علي روحك والا علي شكون محمود طلع كل مرة مع وحدة .. بقات تخمم دارت تلقي الشيطان يخزرلها
:" فاش تخمم"
فتون:" شي"
الشيطان:"ظاهر"
رات راجل كبير مضخم برشا واقف يسلم علي الشيطان..وقلو :" الشيطان بيدو لنا نورت الصالة؛
قام الشيطان سلم عليه
الشيطان:" وينك عندي مدة ماريتكش في القرية عز الدين"
عزالدين:" ماك تعرف عاد السبب
الشيطان:" تبسم وقلو مبروك عليك"
خزر لفتون وقال للشيطان:" شنوا وحدة جديدة"
الشيطان:" لا هاذي غير"
عزالدين:" مالا"
الشيطان:"عشيقتي"
بقات فتون مصدومة مالكلام الي تسمع فيه اول مرة ترا الشيطان يعامل حد بتربية ولطف..
الحلقة 62:
محمود قاعد بحذا أيمن ياكل في روحو دار لايمن وقالو :" بوك يحب الشيطان علاه وعامل معاه صحبة زادا
ايمن:" تعرف كان سمع بابا الي أنا نخدم معاك في الصفقة متع السلاح شيعمل يسلمني للشيطان طول"..
خزر عزالدين لفتون وقلها :" تسمحلي برقصة معاك"
دارت فتون للشيطان ... تشوف في رايو شدها من يدها وقام قالو هاذي متاعي ...أنا باش
نشطح معاها
عزالدين ضحك وقلو :" تقطعلي في رزقتي راو
الشيطان :" انت كبرت صايا
جبدها من جنبها بيدو وهزها لوسط الصالة ...
بقات باهتة تتبهلل هذا الشيطان الي يفدلك ويضحك توا لا موش هو ..
الحلقة 63:
شدلها يدها حطهملها علي كتفو وشدها من جنابها الزوز وقربها ليه وبداو يشطحو تحس في النفس متاعو قريبلها برشا
فتون:"شنوا الي عملتو؟؟"
الشيطان:" وضح سؤالك،"
فتون:" ماحشمتش كي قتلو لي أنا حبيبتك"
الشيطان:"لا" تبسملها وقلها:" أنا نحب نكون ديما واضح"
فتون:" كان جينا معرسين عرفي كنت باش تقول نفس لكلام
الشيطان:" علاه سألت هكا
فتون:"لاشئ"
قرب عينيه الكحل منها وبقي يخزرلها .. أول مرة فتون بقات سارحة فيه حست بحاجة جديدة حاجة غريبة هزت كف يدها وحطتو علي وجها وقالت في قلبها فاش تخمم فتون اصلا مفما شيء يجبدني ليه..
قربلها الشيطان وباسها من شفايفها حست برعشة في فمها قلبها بدنها...
محمود قاعد يتبع فاهم من بعيد قريب يهبل شد الكاس متع الوسكي وشربو فرد فم وبقي يتمتم
"باهي فتون تو نتفاهمو ستنا عليا"
الحلقة 64 والاخيرة :
رجعت فتون لبلاصتها بعد قامت للطوالات دخلت تبل في وجها حست بيد شدتها من تالي بالقوي دارت تلقاه محمود عينيه حمرا مالشراب والدم طالع لراسو
محمود:"موش قتلك انت ليا أنا كهو تكلم جاوبني بقات فتون ساكتة شدها بدا يبوس فاها بوحشية وهي دز فيه محمود سيبني كي الكلب الي تسيب يبوس فااها بغزول وحقد بقات تبكي وتضرب فيه علي يدو دزتو عالحيط وخزرتلو بمحقرانية وكره وخرجت مسحت وجها..
عزدين:" يعني صفقة السلاح موش في القرية"
الشيطان:"صحيح"
عزالدين:"آه صحيح شنوا اخبارك مع محمود"
الشيطان:" يخمم يقتلني كي العادة
عزدين:" موش ناوي يبطل العمايل الكلبة متاعو
الشيطان:" اصلا انا موش حاسبو خويا من اصلو
كملت الحفلة
في القصر دخلت فتون لبيت البانو تخلط علاها كل شئ محمود الشيطان ماضيها حست بوجيعة حست روحها كي اللعبة هي اكاكا وحل الشيطان باب الطولات لقاها سارحة
الشيطان:"شتعمل لنا"
فتون:" علاه زادا ناسي حاجة عندي
الشيطان:" هز حواجبو تكلم فيا أنا هكا"
دخل وسكر باب الطولات بالمفتاح خزرتلو وقتلو :" شتعمل"
الشيطان:" باش نربيك شويا .. عينيه لمعو وقربلها دزها ا
عالحيط ووووو نكمل الاحداث في الجزء الثاني قريبا نحب رايكم بنوتات واكيد وعدتكم باش نعطيكم لمحة صغيرة عالجزء 2 سلام
اللمحة: فتون باش تحط السم في قهوة بيجاد
الشيطان... الأوراق الي خلاها تصحح علاهم هي أوراق الصداق يعني الشيطان عرس بفتون من غير ماتعرف ... التفاصيل في الجزء الثاني 🔥🔥🔥🔥🔥🔥🔥❣️💋❣️💋
كمنتار ببلوڨر
تعليقات