انتى سبابي من 1 الى 60

《 الجزء الثاني 

الحلقة الاولي:

بقات واقفة مصدومة.. قتلو :" كيفاه عرفت" 

قربت الدموع لعينيها .. قرب منها شدها من يدها نزل علاها.. جبدها بالقوي وهزها للمكتب متاعو.. صاحت  مالفجعة وخوف سكر الباب بالقوي بساقيه قريب لا كسرو دزها بالقوي طاحت في القاعة تبكي هزت راسها لفوق تخزر للأوراق ملوحة بجنبها

:" تتفكرها الورقة هاذي"

قالها بكل برود ومشا قعد عالبنك الموجود بحذا الباب حط ساق علي ساق .. خزرتلو بشويا من ورا كتفها عاودت دارت هزت وحدة مالاوراق الي ملوحة .. عيناها تحلو مالصدمة موش مصدقة الي تشوف فيه

الجواب الي بعثهولها محمود أول ما دخلت لقصر الشيطان... شيعمل عندو؟؟ شافت الأوراق لخرين تتفكر الي هاذوما سرقتهم وعطاتهم لمحمود .. كيفاه توا عند الشيطان.. حطت كف يدها عالقاعة باش تقوم بقات تمتم موش فاهمة ضايعة دايخة

:" الأوراق هاذم كيفاه"

الشيطان شعل سيقارو ونفخ و قلها:" حقك تعرف الأوراق اذوما فيبالك عند محمود"

كمل حكا:" أنا مانيش بهيم باش نخليك انت والا غيرك ياخذ حاجة مني... كل شئ بكيفي خليتك تهز الأوراق بكيفي.. تعطيهم زادا لمحمود بكيفي وتحل القجر وتفركس عالاوراق بكيفي زادا"

فتون:" يعني انت كنت تعرف"

الشيطان:" أي نعرف الي أنت جاسوسة لمحمود"

فتون:" ووو.وو..تت عع ررف زاا..دااا الييي اأنا مرت...

الشيطان:" اي نعرف"

الحلقة 2:

فتفتون:" ووو.وو..تت عع ررف زاا..دااا الييي اأنا مرت...

الشيطان:" اي نعرف" قص علاها بكل ثقة برود جامد ماتعرش حتي شنوا يخمم .. صاحت فيه بالقوي وهي تبكي

:" كنت تعرف كل شئ.. وبقيت تلعب بيا.. شنوا تخمم وين تحب توصل شنوا الهدف متاعك.. شبيك ماظهرتش الي انت تعرف ماللول علاه خليتني المدة هاذي الكل عايشة في رعب.."

قص علاها كلامها وقام قدملها قلها:" أي كنت نعرف كل شئ.. وخطت لكل شئ والهدف متاعي نطيح محمود في الحفرة الي كان ناوي هو يطيحني فيها" بقي واقف قدامها حط يديه الزوز في جيوبو وكمل بصوت خشين صعيب .." انتوما تلعبو مع الشيطان واللعب معايا موش ساهل والي يحاول يلعب يتسمي بدا يلعب بروحو"

بقات تخزرلو جامدة ماتحركتش جملة مارمشتش عينيها بقات ساكتة مانجمتش تتحرك :" فيبالك انت بهيمة.. تعرف علاه خاطر وافقت تدخل في لعبة أنت موش قدها وانت تعرف لي محمود ضعيف قدامي ..موش باش ينجم يحميك ويحمي روحو مني.."

فتون:" أنا مادخلتش اللعبة هاذي بكيفي" 

الشيطان:"أما كملت فاها بكفيك"

فتون:" أي كملت فاها وقتها خاطر نحبو.. ومستعدة نعمل أي حاجة علي خاطرو"

الشيطان:" مالا مستعدة تتحمل العواقب علي خاطرو"

فتون:" لا" قالتها بكل ثقة 

الشيطان:" زيد تحمل علي خاطرو شويا حبيبك محمود..." هبطت راسها في القاعة ... موش منجمة تقول شئ حاسة روحها مكسورة مدقدقة من داخل كل شي فيها تكسر توا ..

الحلقة 3:

خرجت عايدة من بيتها تفرك في عينيها مالنوم تعدات في الكلوار ترا في ضو المكتب يشعل.. قدمت تشوف الشيطان لتوا ساهر!!! حطت راسها في الباب ولصقت وذنها سمعت كل شئ صاير لداخل تبسمت تبسمية متع نصر... خبث فرحانة قالت بالشويا:" اخيرا فتون تكشفت"

طلعت لبيتها في الطابق الثالث تجري سكرت الباب هزت التليفون كلمت محمود

محمود:" شبيك ماو لباس مكلمتني الوقت هذا"

عايدة:" كلمتك حبيت نسألك علي فتون ..هي جاتك"

محمود:" لا مازالت"

عايدة:" حبيت نقلك الي هي موش جاية"

محمود:" موش جاية!!!"

عايدة:" حبيبت قلبك تكشفت صايا الشيطان عرف كل شئ"

محمود:" شنوا كيفاه تكشفت.. آه اكيد انت قتلو يا بنت ال.... قصت عليه :" وتسب فيا زادا علي فكرة أنا ماقلت شئ هابطة توا بالصدفة عرفت كل شئ وهي توا معاه"

محمود:" معاه"

عايدة:" أي وحضر روحك باش تقرا الفاتحة علي روحها علي قريب.."

علقت التليفون ورماتو بجنبها تكات عالفرش تضحك مرتاحة توا الساحة فاضيتلها باش تلعب وحدها..

عدا محمود يدو علي شعرو وبقا يتمتم:" كيفاه عرف شكون الخاين الي بيناتنا اتو نطلعو ... ياشيطان ياطحان... لوح التليفون من يدو عالقاعة وركب في الكرهبة ومشا..

الحلقة 4:

بقات فتون ساكتة.. البيت ولات جبانة كان صوت النفس طالع هابط.. شاردة في الهاوية معاد شئ فاها يتحرك .. بقات بنص عقل موش عارفة تخمم الأفكار الكل تخلطت في راسها .. أما الشيطان قعد في البنك هادي ماتعرفش شنوا يدور في راسو 

فتون:" تعرف" بلعت ريقها بالسيف وتمسح في دموعها علي وجها كملت:" أنا قبل مانجي للقصر سمعت عليك برشا حاجات .. وكنت خايفة اني نشوفك وكانت أول مرة قابلتك فاها كانت في الساحة..

الشيطان:" والمقابلة اذيكا كانت كافية باش نشك فيك.. اصلا محمود باعثلي وحدة تتجسس عليا قابلتها قبل في الساحة"

فتون:" يعني انت كنت تعرف الي أنا جسوسة عند محمود أول ماجييت للقصر

الشيطان"لا ماكنتش شاك فيك حتي ريت الرسالةو.. قصت عليه وقتلو

:" كيفاش لقيتو الجواب

الشيطان:" موش مهم تعرف

فتون:" مهم اني نعرف

الشيطان:" فما حاجة اخرا بخلاف الجواب خلاتني نعرف كل شئ"

فتون:" مانيش فاهمة

الشيطان:" ستنا تو تفهم... أدخل"

دارت للباب كي راتو تحل دخلت زهرة للمكتب متبصة راسها حاطة يداها الزوز قدامها كابسة عليهم .. شهقت فتون كي راتها ستغربت

:"زهرة"

درتلو يعينيها وقتلو :" أنت تعرف الي هيا معايا.. أما ماعندها حتي دخل ماتضرهاش"

جاوبها وجوابو كان كف بالنسبة ليها:" زهرة قتلي علي كل شئ .. هي قتلي عالحقيقة ماللول" 

بقات مصدومة تمتمت بالشويا :" لا يكذب ..يكذب مستحيل "هزت راسها وقامت تجري لزهرة شدتها من كتافها 

:" انت قتلو عالحقيقية... اكيد يكذب عليا موش هكا"

بقات زهرة متبصة راسها مانجمتش تخزرلها جملا قلتلها :" سامحني"

وخرت فتون لتالي وضربت روحها بكف بالشويا موش فاهمة :"لا مستحيل زهرة أنا حبيتك وعاملتك كيف اختي وقفت بجمبي .. تخون ثيقتي وتعمل فيا هكا"

زهرة:" هذا لمصلحتك ومصلحتي.. توا سامحوني نخليكم سكرت الباب وخرجت..

الحلقة 5:

خرجت سكرت الباب وهي مسخفها حال فتون الي بقات تحكي :" كهو كل واحد يبرأ روحو.. ويشوف مصلحتو وتوا وليت أنا المذنبة.. اصلا دخلتوني في لعبة كنت وحدة زايدة فاها أنا نكرهكم الكل كلكم ظالمين كلكم خاينيين قالت الكلام هذا وهي مقهورة كلام مخلط بوجيعة  غش كبير خزرتلو وقتلو:" كل شئ في جرتك انت كان ماسرقتش حاجة غيرك.. راو ماصارش هذا الكل..  شدها من وجها بيدو صاحت بالقوي وقلها:" أنا سرقت حاجة غيري؟؟ هما الي سرقو كل حاجة حلوة سرقولي حياتي وانت جاية تقلي سرقت.. أنت ماتعرف شئ شئ.. كمل كلامو ودزها لتالي جات في القاعة عينيه خرجو بقا يخزرلها خزرة متع وجيعة.. قوة.. طبست راسها في القاعة خاطر تعرف الي قالتو الكل غالط

الشيطان:" موش انت عملت هذا الكل خاطر حبيب القلب مالا اشرب وماتحطش اللوم علي حد"

"كنت نحبو"

قربلها وطبس وين هي قاعدة و قلها:" خلي حبك ليه ينفعك توا ..والي باش ينهيلك حياتك .. ورد بالك تخمم الي هو باش يجي يعاونك.. هو باش يبيعك كيما الكلب وموش باش يسأل عليك"

" نعرف الي هو موش باش يحميني وباش يبيعني"

الحلقة 6:

خزرتلو في عينيه وقتلو:" أما أنا نعرف حد أخر باش يحميني... أنا متأكدة"

" هههه مفما حد باش يحميك مني"

" أي فما.. أنت الي باش تحميني"

ضحك بالقوي و قلها:" هههههههههههه ظاهرلي فيك نسيت الي أنت جاسوسة.. وانت تعرف الخاين نهايتو عندي محسومة"

" يعني باش تعذبني كيما عذبت لخرين"

" وأكثر"

" مالا اقتلني وارتاح"

"لا" بعد مد يدو وعداها علي رقبتها وشعرها وجبدها ليه بقوة

"نحب نشوفك كيفاه باش تتعذب..نشوف الوجيعة في عينيك... نشوف الدمومات والجروح علي بدنك الكل ونشوف دموعك علي وجهك.. يعني باش نتلذذ بموتك أما بشويا بشويا"

فتون بقات تخزر للكسوحية في عينيه قتلو:" هذا الكل مانتوقعش انك تحب تعذبني خاطرني جسوسة عند محمود شنوا السبب الحقيقي.. خاطر خدعتك والا تحب تثبت لروحك الي أنت تنجم تسلم في حاجة ملتلها نهار في حياتك"

ضحك بصوت خشين وقلها:" أنا عمري ماني باش نميل لحتي وحدة.. وخاصة لوحدة مستعملة قبل"

شدها من يدها وقومها وخرج باها لبرا وقلها:" وقت لكلام وفا"

عيط للحراس متاعو قلهم  :" هزوها لاحبس والباقي معروف"

الحلقة 7:

كلمت نص الليل زهرة بوها في التليفون

سالم:" ألو زهرة لباس بنتي شفما..

زهرة:" بابا صايا الحقيقة تكشفت .. بقات تبكي

سالم:" اكهو يابنتي المهم احنا خرجنا منو الموضوع هذا وبعدنا من شر الشيطان

زهرة:" نعرف أما أنا حاسة روحي ندمت علي عملتو فيها فتون ماتستحقش هي وثقت فيا وتوا ترا فيا خاينة .

سالم:" أما الشيطان كي عرف ماللول خير اكاكا غشو يكون أقل خير مالي يعرف في اللخر وقتها معاش يشوف شئ قدامو.. وهذا في مصلحتها هي

زهرة:" باهي يابابا توا لازم نعلق..

رجع محمود للقصر دخل للصالة بقا يتمتم باسمها قعد علي بنك صغير عدا يدو بغش علي شعرو:" شنوا باش يعمل..كيفاه باش ننقذها هي توا تحت يد للشيطان لازم ننقذها منو لازم " تمتم بشويا وبعد نفخ بغش وجبد كاس وبقا يشرب..

طلع نهار جديد قامت عايدة من النوم فرحانة تقول ليلة عرسها لبست حوايجها وتغني عاملة جو... خرجت من بيتها هبطت لاطاق اللول سألت الخدام :" الشيطان وينو.. في المكتب متاعو..

" لا سيدي موش موجود في القصر"

"ممم باهي"

الحلقة 8:

بقي الشيطان في بيرو عزالدين حاط ساق فوق ساق شاد سيقارو يتكيف فيه بقا يخزر لعزالدين وهو يحكي من ورا بيروه 

عزالدين:" يعني عشيقتك الجديدة... طلعت جاسوسة لمحمود وانت كنت تعرف.. علاه خليتها عندك وأنت فيبالك الي هي خطر عليك"

الشيطان:" ماكانتش خطر عليا

عزالدين:" كيفاه.. وهي كانت تهزلك في الأوراق وتعطي فيهم لمحمودو... قص عليه وقلو:" من الناحية هاذي ماتقلقش كانت الاوراق توصلي قبل بعد نبدلها بأوراق مزورة ونبعثها"

ضحك الشيطان بشويا.. غمزو عزالدين وقلو

:" ماطلعتش ساهل بالكل"

الشيطان:" أكيد"

عزالدين:" اي حقا شنوا ناوي تعمل فيها.. نفس العقاب متع اي خايين"

بقي الشيطان ينفخ في الدخان ساكت جامد.. ماعمل حتي تعبير بوجهو بعد دارلو قلو

:"لا"

هز عزالدين حواجبو الفوق مستغرب :" لا"

قام الشيطان وقلو:" عقوبة أيمن وفات وباش يخرج اليوم" بعد خرج من دار عزالدين ومشا..

الحلقة 9:

أنا جاية نعاون فيك ترجع فتون أما باش تساومو علي حاجة.. قالتها عايدة بخبث لمحمود هز راسو و قلها

" كان جاية تعدي وقت ... مانيش فاضيلك"

" ماعنديش مصلحة من أني نضيعلك وقتك"

" امم شنوا الحاجة الي باش نساومو علاها"

" عبد الباسط"

ضحك محمود بالقوي وقلها:" ههه عبد الباسط مات عندو برشا"

عايدة:" لا مماتش"

محمود هز حاجبو مستغرب :" نعم"

عايدة:" أي جدي مزال عايش... هو عايش في قصر الشيطان في بيت منعزلة علي لخرين"

محمود:" كيفاه تي هو مات قدامي.."

عايدة:" لا ماتوفاش.. بعد ماضريتو انت بالفرد نقذو الشيطان ودواه .. اتو نحكيلك هذا مبعد توا خليني نفسرلك كيفاه باش تدخل للقصر وتساومو مع فتون..

محمود:" مم باهي وقتاه"

عايدة:" تو أنا نقلك لازم نمشي قبل مايرجع الشيطان"

خرجت تبسمت تبسيمة متع خبث وقالت في قلبها:" عيشك محمود خاطر مشيت ورا كلامي... وهكا باش تسهلي الثنية... ويمشي فيبال الشيطان الي فتون قتلك علي عبد الباسط واكاكا نضرب عصفورين بحجرة ونرتاح منكم الزوز"

الحلقة 10:

ورا الحديد متع الحبس قاعدة فتون ع القاعة في بيت وحدها لامة ساقاها الزوز لصدرها تبكي بحرقة الدم خارج من خشمها بقات تتفكر في كلامو:" أنا عمري ماملت لحتي وحدة .. وزيد وحدة مستعملة قبل" الكلمة تتعاود من داخل .. وجيعة في ضلوعها قلبها يوجع نار شعلت أكثر من قبل.. حست روحها رخيصة هو عندو الحق يحكي هكا مرا معرسة باعت روحها لواحد ماتعرفوش حست لي هيا لعبة أما تكسرت ترف ترف هي توا معاش يهمها شئ ..

" فتون انت لباس"

دارت بعينيها تلقاها زهرة

تبسمت فتون بوجيعة وقتلها:" لباس عاللخر ماكش تشوف "

هبطت راسها وقتلها:" سامحني"

حطت فتون يدها عالقاعة باش تقوم مانجمتش زحفت بساقها وين الباب وتكات ظهرها عالحيط.. دخلت زهرة يدها مالباب مدتلها دبوزة ماء باش تشرب.. مدت يدها باش تشرب صاح عليهم العساس:" ممنوع تشرب"

دارتلها متاسفة:" حبيت نعاونك أما هاك شفت الأوامر سامحني"

فتون:" عادي"

هبط الشيطان مالكرهبة دخل للدبو جاه العساس يجري

الشيطان:" السلاح الكل موجود لنا"

العساس:" أي الكل سيدي"

الشيطان:" احرقهم الكل"

العساس:" هاذوما الكل سيدي بعد ما خسرت علاهم"

الشيطان:" تهنا تو نعوضلك.. أنا ماعندي مانعمل بيه"

الحلقة 11:

دخلت عايدة للقصر طلعت الدروج بقات تحكي في قلبها والضحكة علي وجها:" مدام الشيطان موش لنا لازم نستغل الفرصة"

وصلت للطابق للخر.. مشات في الكلوار تخزر للرجال الي موجودين في الحبس قدمت لقدام راتها مشاتلها وقفت قدام البيت الي هي موجودة فاها قلتلها:" أووبسس .. فتون" هزت راسها بالشويا وخزرتلها كملت:" والله راني سخفت عليك كي شلق بيك الشيطان .. امم شنوا أحوالك لباس"

تنهدت فتون ودورت راسها وكملت عايدة:" أم شبيك متقلقة مالحبس.."

فتون:" امشي منا.. مانيش ناقصتك"

عايدة:" حرام عليك أنا جاية نطمان عليك وانت طرد فيا"

فتون:" يزي بلا تمثيل جاية تشمت فيا"

عايدة:" هههخ اي فرحانة وشامتة فيك"

فتون:" فرحتك موش باش دوم ماتفرحش برشا"

عايدة:" لا باش دوم" تلفتت للعساس الي واقف وقتلو:" فما أوامر جديدة مالشيطان باش تهزوزها للحبس متع التعذيب الي في السطح"

العساس:" سجن التعذيب!! كيفاه بارد برشا وخطير .. سيدي مايحبس فيه حد"

عايدة:" المرة هاذي باش يتحبس شكون فيه امشي توا نفذ اوامرو"

بقا العساس متردد كملت:" كان ماكش مصدق امشي أسأل الشيطان.. وهو توا عطا أوامر اي واحد يقلقو باش يتصرف معاه دخل يرتاح"

العساس:" باهي حاضر"

الحلقة 12:

"شفما" قالتها فتون بخوف وهما يكركرو فاها من يدها لبرا خزرت لعايدة بشك.. هزوها لكلوار ضلام برشا طلعوها في دروج ضيق وحلو بيت صغيرة رماوها فاها وسكرو الباب.. دارت لقاتها ضلمة بقات تصيح:" جبتوني لنا علاه" دارو خلاوها ومشاو :" خرجوني منا أمان ماتخليونيش دق في الباب :" خرجوني خايفة عيشكم وينكم صوتها ضاع معاش عندها قوة"

دارت للبيت تكات ظهرها عالباب وبقات تبكي بالشهقة غصة :" بربي خرجوني منا ماتخليونيش" ماسمعت حتي حس قدمت في الكوان وقعدت لمت سقاها الزوز لصدرها ترعش خايفة ...

رجع الشيطان للقصر كان ماشي للمكتب متاعو بدل الثنية طلع في الدروج لاطابق الثالث عرضتو الخديمة قتلو:" سيدي عبد الباسط يناديلك"

مشالو الشيطان قعد يحكي معاه 

الشيطان:" امم ماكش ناوي تقلي علاش عيطلي وضحك

عبدالباسط:" حبيت نطمان عليك"

الشيطان:" كي تبدا انت لباس أنا لباس باسو من يدو وخرج.. جاه تليفون خزر للوقت يلقاها 4 متع العشية كلمو واحد من رجالو:" ألو سيدي هاو رجال الصفقة الجديدة جايين في الثنية للقصر باش يقابلوك"

"باهي هاني نستنا فيكم" دخل للمكتب متاعو وصلو الرجال قعد يحكي معاهم عالصفقة ...

كمل الإجتماع خرج 7 متع العشية طلع في الدروج الطابق لخر يلقي ايمن خارج :" عيشك خاطر خرجتني"

:" ياريت كان توب علي عمايلك وتبعد علي محمود"

أيمن:" نجم نكون واحد من رجالك"

الشيطان:" ممم نجربك ونشوف"

تعدا في الكلوار وقف وين البيت الي محبوسة فاها هز حواجبو وقال للعساس:" ويني"

العساس:" هزيناها لحبس متع التعذيب"

تلفت الشيطان بزربة وقلو بالقوي:" شنوا نعم"

الحلقة 13:

العساس:" نفذنا اوامرك سيدي"

الشيطان:" وأنت شكون الي عطاك الأوامر باش تعمل هكا" قالهالو بصياح بصوت خشين يخوف ترعب العساس تلعثم في الكلام

:" ان..ت سي..ديي امرت..."

كور يدو وعطاه بونية علي وجهو جابو عالقاعة خرج عينيه وكبس علي يدو وقلو :" حسابك مبعد"

قالهالو والنفس طالع هابط لين عروق يدو ظهرو مالغش.. مشا يجري في الكلوار طلع الدروج يزرب حل الباب دخل لقاها ملوحة عالقاعة جامدة مالبرد ترعش بكلها لامة سقاها لبدنها.. جامدة مالبرد يداها جامدين وجها اصفر عاطي عالاخضر شفايفها زرقة مالبرد عينيها حمرا دم حل عينيه بالقوي كي شافها هبل مشالها يجري هبط علي ركبتو وبقا يعيط باسمها خايف عاللخر :" فتون"

مد يدو شدها من وجها بارد كي القلاص عنقها:" فتون فيق فتون"

هبل كي راها ماتتكلمش هزها حملها خرج باها لبرا هبط في الدروج يجري يسمع فاها تمتم:" بابا وينك.. بابا عاوني" حس بالنار شعلت في قلبو ندم علي عملو قرب وجهو و قلها:" أنا معاك ماتخافش"

حلت عيناها بالشويا قتلو :" انت جيت بيجاد" رجعت راسها علي صدرو داخت

الحلقة 14:

دخل باها للبيت حطها عالفرش قرب منها وغطاها بالقدا وقام خرج بزربة قال للحارس عالباب:" كلم الطبيب.. فيسع"

كمل كلامو وهو طالع للدروج وصل للطابق لخر ومشا في الكلوار بغش وشد العساس من رقبتو وجبدو من سوريتو وقلو بصوت خشين:" كيفاش تتصرف بكيفك آه تكلم... كيفاه تهزها لحبس التعذيب وانت عارف الي أنا مانيش ندخل فيه حد تكلم..... يحكي معاه بعياط وبعد شدو عطاه بونية اللولة الثانية ركح فيه بالضرب والنفس طالع هابط مالغش:" كنت باش تقتلها ياكلب" طاح العساس عالقاعة الدم هابط من بدنو الكل مالضرب جا الحارس لاخر يجري قلو:" السيدة عايدة هي الي قلتلنا نهزوها غادي وقالت الي هي اوامرك احني معنا حتي دخل سيدي" قالهالو وهو يرعش بكلو مالخوف يرا في الشيطان جان هابل 

"عايدة عايدة!" كبس علي يدو بالقوي لين حمارو عروق يدو خرجو علي برا هبط يجري للطابق الثالث .. لبيت عايدة دز الباب بالقوي ودخل لقاها راقدة عالفرش تلفتت قتلو:" شفما هاذي طريقة الواحد يدخل باها"

كملت كلامها شدها من شعرها بالقوي وجبدها

" ايجا لنا يابنت ال......" بدات تصيح آه شعري

الشيطان:" شكون الي قلك أنك تأمر رجالي يهزو فتون لسجن التعذيب حل فمك يامسخة.. خزرتلو والخوف باش ينطق من عيناها " شكون قلك تكلم باسمي جاوب"

:" شبيك متغشش موش أنت حاب تعذبها.. قلت خليني نعاونك" عيط علاها :" أنا الي نعذبها موش أنت فهمت أنا ماطلبتكش باش تعاوني"

بدات تبكي:" شبيك وليت تعامل فيا هكا"

الشيطان نزل علي سنيه و قلها:" مازالت باش تشوف مني الويل...كان ماتبطلش عمايلك الخامجة هاني نبهتك"

الحلقة 15:

دخل محمود لبيتو حط راسو عالمخدة تكا لتالي وبقا سارح.. كيفاه عبدالباسط مزال عايش كيفاه ..كيفاه نقذو الشيطان مالموت كيفاه.. غمض عينيه وهو يتذكر شنوا صار معاه اعوام لتالي

الماضي:

دخل محمود يجري للقصر لقا بوه مراد ملوح في القاعة غارق في دمو شدو من يدو يكلم فيه بخوف:" بابا ماتمشيش رد بالك تسلم"

بوه:" محمود عيش ولدي رد بالك تضيع الي عملتو... رد بالك.. نحبك انت تولي أنا ..تملك القصر والورث الكل .. قالها بكلام متقطع روحو قريب تخرج..

محمود:" قلي شكون الي عمل فيك هكا قلي بابا واحد قريب؟؟"

هز راسو لفوق ولوطة جا باش يخرج للكلام منجمش :" ع.ع......ع..."

محمود:" عبد الباسط بابا قلي"

جا باش يجاوبو عينيه تغمضو ومات بقا يصيح ويعيط يبكي قام بغش مشا يجري لبيرو بوه جبد فرد وخرج يتوعد:" باش نقتلك بيدي عبد الباسط استنا عليا"

دخل محمود لقصر عبد الباسط بالقوة.. ووقف يعيط:" ياعبد الباسط ايجاني لنا

هبط يجري يلقاه في يدو فرد :" شفما شبيك "

محمود:" قتلت بابا وهربت"

عبدالباسط :" شنوا بوك مات"

محمود:" تستهبل ياكلب" 

عبدالباسط :" مستحيل نعملها"

محمود:" يزي مالكذب انت خذيت حق بنتك وأنا توا باش نخولو حقو" كمل كلامو نزل عالفرد ضربو في صدرو ... تبسم وخرج

الحلقة 16:

وقف الشيطان في البيت ورا الطبيب الي قاعد يخلطلها في الدويات هزلها راسها وشربهملها بالزريقة بعد كمل قام قدم وين واقف الشيطان وقلو..:" température متعها أقل من 35 درجة... يعني الحرارة متع بدنها العادية طايحة برشا... وأنا عطيتها دوا باش طلعلها في température شويا أما موش كافي لازم حاجة اخرا تعملوهالها باش تعاونها أكثر..

الشيطان:" شنوا"

الطبيب:" لازم تبدلولها دبشها الكل وتحطوها في ماء دافي.. عالاقل ربع ساعة.. وبعد تلبسها تحطها عالفرش تغطيها مليح باش تساعدها ترجع تومبيراتير لبدنها نرمال"

الشيطان:" باهي تو أنا نعمللها هذا الكل

هبط الطبيب راسو وقالو :" نجم نمشي"

هز الشيطان راسو باش يخليه يمشي سكر الباب.. دخل الشيطان لبيت البانو عباه بالماء سخون وخلاه يتملا وخرج قعد بجنب الفرش قومها بالشويا بقي يخزرلها هادي حط يدو الامين ورا ظهرها ويدو لخرا شدلها باها مريولها بقي ماللول متردد ..تنهد بالقوي وكمل نحالها دبشها الكل وهو مدور راسو ماحبش يخزرلها.. بعد مانحالها دبشها حملها ليه بالشويا بقي يخزر لوجها أصفر بعد دور عينيه للبانو مسو شويا بصبعو باش يتأكد ليهو دافي وحطها فيه حس برعشة في بدنها... خزرلها يلقاها تحرك بشويا في رموشها

"فتون"

حلت عينيها بالشويا خزرتلو مانجمتش تثبت فيه خاطر عينيها مضببة شويا ..عاودت غمضتهم وحلتهم فيسع كي حست ببدنها في الماء وتوا نجمت تراه قتلو بصوت ضعيف برشا

:" شنوا تعمل"

" نعاون فيك"

حركت رقبتها بالسيف " شنوا الي صاي..."

مانجمتش تكمل جملتها كي رات روحها في الحالة اذيكا شهقت بالشويا:" شنوا هذا ..لا لا"

بقات تبكي وتبعد فيه علاها... تضرب فيه بقبضة يداها علي صدرو لين سيبها من غير مايشعر تغمت الكلها بالماء في وسط البانو شدها بزربة من يدها خرجلها راسها.. بقات تكح شرقت مالماء كبس شويا علي يدها

:" أنت تستهبل ولا شنوا هكا باش تضر روحك"

خزرتلو وبقات تبكي:" انت تعمل فيا هكا علاه حرام عليك..

الشيطان:" متخافش مانيش باش نعملك شي صدقني"

شدت يدها الزوز ولفت باهم روحها تغطي في بدنها خزرتلو:" با..ش ندوو.."

داخت شدها بالقدا من يدها وخلاها في البانو درجين بعد حملها وخرجها مالماء وحطها عالفرش مشا يجري للخزانة جبد منشفة وحوايجها .. بقا ينشفلها في بدنها ولبسها .. كمل.. حملها رقدها في بلاصتو مالجهة لخرا شايحة بلاصتها مبلولة غطاها بالباهي قعد بجنبها يخزرلها مركز معاها حس بالندم خزرة متع وجيعة وحنان فرد وقت قام مشا وقف قدام الباب كبس علي يدو وضرب الباب بالقوي جبد نفس طويل مخلط غش وقال:" علاش نحس هكا علاه"

عدا يدو ورا شعرو حل الباب خرج عرضتو زهرة قلها:" رد بالك علاها حتي نرجع"

الحلقة 17:

دخل الشيطان للمكتب متاعو .. نحا الريدو الي بجنب الحيط دخل للبيت صغيرة تكا عالفرش شعل بجنبو شمعة صغيرة حط يدو علي وجهو بقا يخمم في كل شئ اول مادخلت فتون لحياتو ماللول محمود دخلها لحياتو وهو خلاها تبقي في القصر باش ينتقم من محمود هو يعرف الي غلط كي خلاها في القصر عندو وهاو قاعد يرا في العواقب توا... وخر راسو لتالي تفكر امو..:" وليت شيطان في جرتك حياتي تقلبت في جرتك... رتحت توا  وليت عبد آخر بقا يحكي مع روحو... بعد قام خرج رجع لبيتو لقا زهرة بحذا فتون توكل فاها. ماحبتش تاكل شئ وقف بحذا الفرش يخزر لوجها أصفر قامت زهرة قتلو:" ماحبتش تاكل شئ"

الشيطان:" باهي تنجم ترجع لخدمتك تو أنا نتصرف معاها" قرب بحذاها عالفرش وشد المغرفة وعباها بالشربة وعطاها تاكل دورت وجها قتلوا:" مانجمش تو نرجعهم"

الشيطان:" أما أنت لازم تاكل"

خزرتلو وقتلو:" تحبني ناكل وتعاون فيا علاش موش تحب تنتقم مني وتقتلني

الشيطان:" أي أما أنا مازالت ماعذبتكش باش تموت فيسع"

فتون:" كلامك برك كافي باش نتعذب "

خرجت عايدة علي طراف صوابعها مالبيت مشات لبيت عبد الباسط زرقتلو في يدو منوم ضحكت بشماتة وخبث .. بعد هزت التلفيون كلمت محمود قتلو دورك توا باش تنتقم"

علقت ورجعت لبيتها تمدت عالفرش فرحانة

الحلقة 18:

طلع الصباح قامت فتون مالنوم علي صوت صياح الشيطان لبرا هبطت بالشويا مالفرش بدات تمتم:" بيجاد"

وصلت للباب تسمع فيه يصيح عالخدامة في القصر ظاهر فما حاجة صايرة

الشيطان:" كيفاش مفماش ابرا هو... وينكم انتوما فاش قاعدين تعملو.. يابهايم كلهم هبطو ريوسهم في القاعة قدم مالخديمة متع عبد الباسط و قلها:" شكون اخر واحد دخلو البارح"

" حد مادخلو بعدك انت سيدي"

تلفتلهم وعينيه خرجو :" تخرجو تلوجو عليه.. تجبدوه من تحت الارض تحركو من هنا"

بعد ماكمل كلامو جبد تليفونو يلقا نومرو يطلب فيه

"الو"

"شبيك تلوج علي عبد الباسط هاو معايا ماتخافش

"محمود يا...." هبل عليه كبس  يدو وبقا يصيح في التليفون

محمود:" ممم هدي روحك .. أم كان تحب يرجعلك نعملو اتفاق"

الشيطان:" منين عرفت الي هو عايش"

محمود:" موش مهم منين عرفت تعطيني فتون نعطيك عبد الباسط"

الشيطان بغش:" لا"

محمود:" موش علي كيفك.. فتون تخصني أنا ترجعها والا ودع جدك وتنسي كان باش تنقذو مالموت"

الشيطان:" صدقني كان تصيرلو حاجة الا ماندفنك ياطحان"

محمود:" في يدك نهار نستني قرارك وعلق عليه

الحلقة 19:

مشا الشيطان لبيت عايدة دز الباب بساقيه بقوة ودخل... قامت بتزعبين عملت روحها تفجعت عرفتو باش يجي قتلو:" شفما!!"

وقف قدامها و قلها:" أنت قلت لمحمود الي عبد الباسط عايش"

عايدة:" أنا؟؟:!!"

شدها من شعرها جبدها بالقوي صاحت 

" ماتعمليش فاها دور الضحية وتبدا تتسكبن أنت قلت ولا تكلم كبس علي سنيه بغش 

"لا"

"مازالت تكذب"

"علاش شاكك فيا أنا بالذات"

"خاطر انت الوحيدة تعرف الي هو عايش "

" لاغالط عشيقتك عندها مصلحة مالحكاية"

قلها مستغرب:" فتون"

:" أي فتون أكيد هي قتلو خاطر كانت ديما تمشيلو.. اكيد هي قالت لمحمود الي جدي عايش"

سيبها من شعرها وجا خارج قعد يتوعد:" تعرف كان تطلع تكذب باش يكون هذا آخر نهار ليك في القصر .. وكان تطلع انت ورا الحكاية وتهمتها باش تكون نهايتك "

بقات فتون في ييتها خايفة متقلقة بعد ماسمعت الي محمود خطف عبد الباسط واكيد الشيطان باش يشك فها هيا مسحت بكف يدها علي وجها وبقات تمتم:" علاش عملت هكا محمود علاه" تفجعت كي راتو داخل هايج هابل  بدات ترعش وقتلو:" موش أنا" قرب منها بغش شدها من يدها باالقوي:" صحيح الي سمعتو انت قلت لمحمود الي ... قصت عليه وقتلو:" لا والله ماقتلو شئ علي جدي عبدالباسط"

بقا يخزر في عينيها حس الي هي صادقة سيبها من يدها بقا يخزرلها ساكت قتلو:" عندك حق تشك فيا أما أنا والله عمري ماقتلو شئ علي جدي عبدالباسط عمري مانغدر باليد الي تمدتلي وعاونتني وحسستني بالحنان.. أنا كنت نحبو كيف بابا كيفاه نخمم نضرو

الشيطان تنهد:" باهي باش نحاول نصدقك"

الحلقة 20:

خزرلها وعينيه كلها حزن قلها:" تعرف محمود علاه خطفو"

هزت راسها قتلو لا جاوبها:" محمود عمل هكا يحب يرجعك ليه خطفو باش يساومني"

فتون:" عمل هذا الكل علي خاطري"

الشيطان:" فرحانة"

فتون:" أكيد لا"

قلها بطريقة مستفزة:" علاش ماتفرحش هو يحب يرجعك ليه.. المفروض تكون فرحانة ترجع لحبييك"

فتون:" محمود موش حبيبي"

الشيطان:" هو راجالك"

فتون:" أنا مانيش حاسبتو راجلي" جا باش يتكلم سبقتو وقتلو:" أنا موش حاسبتو حتي شئ في حياتي ولا حاجة ماللي في بالك"

الشيطان:" مالا حاجة اعمق من هكا"

فتون:" يعني انت لتوا ماكش فاهم ماكش تشوف؟؟

الشيطان:" لا فاهم لا شايف"

قدمت منو خطوة وقتلو:" يعني تحب نفهمك"

الشيطان:" لا موش حاب " وخر شويا لتالي وجا خارج قلها كان تصير حاجة لجدي نحط اللوم عليك يا فتون

الحلقة21:

في وحدة من البلايص المهجورة .. بقي محمود وعبد الباسط يحكيو

" آه جدو شنوا احوالك... عنا سنين ماشفناش بعضنا شنوا ماتوحشتنيش..."

عبدالباسط:" لا"

محمود:" ماتتصورش قداه فرحت كي سمعت الي انت عايش نستنا نعيش اللحظة بعد آخر مرة تقابلنا وغمزو"

ضحك عبدالباسط وقلو:" أم وتوا خاطفني خاطر مانجمتش توصل للي تحب عليه"

محمود:" لالا أنا حقي خذيتو منك أعوام التالي ماكش تشوف في حالتك"

عبدالباسط:"مالا علاه خاطفني

محمود:" باش نساوم بيك

عبدالباسط:" تساوم بيا؟؟

محمود:" حبييتي في القصر متاعو يعني مفما كان الطريقة هاذي باش نرجعها

عبدالباسط:" فتون موش هكا

محمود:" اي تعرفها؟؟

عبدالباسط:" أي نعرفها وحكاتلي علي كل شئ

محمود:" قتلك كل شئ كيما شنوا

عبدالباسط:" قتلي علي عمايلك الزفته معاها وحكاتلي علي خبثك وحقيقتك الكل

محمود مصدوم:" نعم حقيقتي عمايلي كيفاه

عبدالباسط:" استغليتها واستغليت ضعفها كيفاه عطاك قلبك تقتل ولدك وولدها"

محمود حل عينيه ماللي سمعو :" فتون عرفت بو...

عبدالباسط:" أي عرفت عرفت ونحب نقلك الي هيا كرهتك معاش تحبك .. طلعت نسخة 2 من بوك خسارتك.. طفاه محمود وخرج مالبلاصة الي هو فاها موش مصدق الي هو تكشف هبل شكون الي قلها شكون كيفاه عرفت...

الحلقة22:

طاح الليل وصل الشيطان للقصر متغشش فادد عرضو العساس قلو :" سيدي فتون"

الشيطان:" شباها!!"

طلع للطابق لخر مشا للبيت الي موجودة فاها قلها بصوت خشين:" شنوا تعمل لنا"

هزت راسها وقتلو :" هاذي بلاصتي

هز حاوجبو موش فاهم :" نعم"

قدم العساس حلو الباب دخللها هبطت راسها قتلو: لقيتوه؟؟"

الشيطان :"لا"

فتون:"سامحني" بقا يخزرلها قلها:" قوم"

فتون:" بالحق سامحني الي صار الكل في جرتي أنا "

الشيطان:" قوم"

فتون:" سلمني ليه خلي يرجع جدي لباس عليه"

طبس وين هي قاعدة وشدها من دقنونتها بالقوي نزل علي سنيه:" أنت هذا لتحب توصلو.. تحبني نرجعك ليه أما مانيش باعثك يافتون باش نعذبك بحذايا أنا"

فتون:" أي عذبني وخليني بحذاك"

شدها من يدها قومها معاه وخرجها مالحبس:" كان ماكش باش تبطل الفازات متاعك صدقني تندم"

فتون:" انت بالحق ماكش فاهم ولا حاسس"

نحاتلو يدو من كتفها وشدتلو كف يدو قربت منو قتلو:" ظاهرلي فهمك رزين في الحاجات هاذي"

قربتلو اكثر هزت ساقها لفوق وقفت علي طراف صوابعها قربت لشفايفو وعيناها في عينيه قتلو

:" بيجاد أنا نحبك"

الحلقة23:

حست نظرتو باردة ماللول بعد ركزت في عينيه حستو دخل بعضو شويا..شويا بهتة كملت تحكي وتخزرلو في عينيه:" أي أنا حبيتك..موش مهم وقتاه وكيفاه أما أنا غرقت باش تنقذني قبل مانغرق اكثر ولا!! قالتها اللخرا بتفدليك عمل روحو موش داخل بعضو را ضحكتها كبس روحو قلها:" ماكش ملاحظة الي قاعدة تتجاوز في حدودك معايا؟؟

" مفماش حدود بيناتنا" قتهالو بعد عادت صوابعها علي لحيتو الخفيفة:" وكان بيدي راني تجاوزتها معاك أكثر"

هز يدو بشويا ونحالها كف يدها الي حطتها علي خدو قلها:" الأحسن أنك ماتحاولش تتخ... قصت عليه قتلو:" شنوا باش تعمل أنا معادش نخاف منك"

نزل علي يدو و قلها:" فتون.. وين تحب توصل بتصرفاتك هاذي"

فتون:" وين نحب نوصل؟؟ توا الحب ولا فيه مصلحة"

الشيطان:" فما مثلا تحب تحمي روحك مني"

فتون:" علاش ديما تفهم الأمور بالغالط"

الشيطان:" معناها انت تحب توصلي الي وليت تحبني فجأتا"

فتون:" لا موش فجأة أنا عندي مدة كنت نحس تجاهك بحاجة غريبة وتوا تأكدت"

الشيطان:" كلام متع أفلام"

فتون:" أنت موش هذا العبد الي موريه.. تكذب علي روحك متصنع عبد خايب..

الشيطان بعد علاها و جا هابط تلفتلها قلها:" حظر روحك باش نهزك لمحمود

عيناها تحلو مالصدمة مشاتلو تجري وقفت وراه 

:" لا مانيش حابة نرجعلو"

تلفت بالشويا لقا عيناها مليانة بالدموع

"علاه ماتحبش ترجعلو.. موش هو حبيبك"

" يزي معاش تقولها الكلمة هاذي.. هو مستحيل يكون اكاكا العبد الي غدرني وكذب عليا مستحيل" قالتها بعياط  كملت:" أي أنا نكرهو محمود مانحبوش مانحبش نرجعلو موش قتلي توا مانيش باش نخليه يهزك علاه بدلت رايك"

الشيطان:" خطرلي... أنا قلت الي عندي حظر روحك نهار نهارين نبعثك ليه"

هبط اللوطة حس بروحو متردد يخلاها لا يسمع فاها تمتم:" بيجاد ماتخلينيش"

الحلقة 24:

ال11 متاع الليل خرج الشيطان من بيت البانو يشيح في شعرو بمنشقة تلفت للفرش بعد الغطا.. رما المنشفة عالكوميدينو وتمد عالفرش راقدا بحذاه محبش يخزرلها.. حط يدو علي جبينو غمض عينيه .. عاود حل عينيه كي حس براسها تحط علي صدرو قتلو بصوت خافت:" بما أنو اليوم آخر نهار لينا... خليني نرقد عندك في حضنك" بعد مدت يداها حطتها علي كتفو كملت:" آخر مرة"

غمضت عيناها تشم في ريحتو اخر نهار .. بقا يخزرلها سارح في وجها

"محمود كيفاه ضرك واستغلك؟؟"

حلت عيناها بالشويا بقات ساكتة بعد قتلو :" علاه سألت"

"عادي"

"سرقني من غير مانحس واستغلني.. كذب عليا لدرجة قلي لأنا مانجيبش صغار..بعد ماقتلي ولدي" قالتها الكلمة لخرا بحرقة لين دموعها هبطو علي مريولو :" هذا المختصر مايتسمي شئ ..قلي كيفاه تحبني نرجعلو بعد الي عملو فيا.. كان باش نرجعلو احسب فتون وفات صايا باش نبقي عايشة معاه من غير روح باش نولي كي اللعبة يتصرف فاها كيما يحب كيما المدة الي عديتها معاه كنت مخدوعة معاه مشاني كيما حب من غير مانقول لا" تنهدت بالقوي مسحت دموعها وكملت:" أما ميسالش خاطر جدي عبدالباسط نستحمل كل شئ"

كملت حكات غمضت عيناها رقدت وهو بقي يسمع في كل كلمة قالتها حس بغش من داخل نار شعلت فيه  وجيعة يحس فيها علي خاطرها بقي اكاكا سارح ساكت تلفتلها عدا كف يدو علي ظهرها وصل لشعرها بقا يمسح عليه لين هزو النوم رقد..

الحلقة 25:

في بلاصة المهجورة بقا محمود قاعد في القاعة متكي ظهرو عالحيط شاد دبوزة شراب يشرب فاها ويدو لخرا شاد بيها تصويرة فتون بقا يحكي معاها :" فتون انت ليا أنا... انت ملكي تسمع فيا.موش باش نخلي الشيطان ييعدنا مستحيل نخلي اي حاجة تبعدنا.. انت تكرهني!!! لا لا مستحيل نعرف الي انت تحبني برشا انت باش تبقي جمبي ليا أنا كهو رقد عالقاعة مالشرب .. بقا يتمتم باسمها..

- -   -------------- -  ------- ------------ -------------،---

طلعت الشمس الصباح حلت فتون عينيها هزت كفها ومسحت بيه وجها.. خزرتلو لقاتو راقد بقات تخزرلو تبسمت فرحت.. بعد وجها تقلب كي تفكرت الي هذا اخر نهار معاه تنهدت بالقوي هبطت مالفرش ومشات لبيت البانو..

خرجت مالدوش تلفتت مالقاتوش راقد مشطت شعرها خرجت بزربة ماشية لبيت الفطور .. خرجت تشوف في عايدة هابطة مالدروج وقفت فتون قدامها وقتلها:" عايدة ياحلوة شنحوالك

عايدة:" احسن منك"

فتون:" مفماش واحد أحسن مني لهنا هههه ماتقليش مبروك خرجت منو الحبس "

عايدة بغزول:" ماتفرحش برشا اتو ترجعلو

فتون:" تو توتو موش أنا الي باش ندخلو انت الي باش تدفن فيه.. نصيحة من أختك رد بالك

عايدة:" اختك!!

فتون:" مايشرفنيش يكون عندي أخت كيفك

مشات لبيت الفطور وخلاتها تلقاه قاعد يفطر شاد جريدة يقرا فاها قعدت بحذاه تاكل خزرلها قلها:" فتون.. قلي انت باالحق هربت من المدينة متاعكم..

فتون:" أي علاه تسأل

الشيطان:"  باهي كيفاه وصلت للقرية

فتون:" أنا بيدي مانعرش كيفاه وصلتلها حليت عيني لقيت روحي فيها"

الشيطان:" علاه هربت

فتون:" خاطر كرهت عيشتي.. فضيحة أمي مع صاحبها تمرميدي أنا في جرتها

الشيطان:" باهي بوك وينو

هبطت راسها بحزن كبير وقتلو :" بابا مات وأنا صغيرة"

الشيطان:" توحشتو

فتون:" أكيد اصلا بعد ما مات كل شئ تقلب في حياتي.. 

الشيطان:" كيفاه وصلت لمحمود

فتون:" واحد هزني ليه بالمعني الأصح باعني ليه"

الشيطان نحا الكاس متع القهوة من يدو وقلها :" كنت متوقع الي هو شراك.. محمود يشري لبنات يعدي بيهم وقت بعد يرميهم اما أنت لا"

فتون:" نعرف قالتها بمرارة :" هو ستغلني وانت باش ترميني للإنسان الي ضرني"

الحلقة 26:

بعد ساعتين كلمو محمود

"آه شقررت"

" وين نتقابلو"

"في الحدود"

"باهي بعد ساعتين نتقابلو غادي ومعاك جدي"

" وانت جيبها معاك"

بعد ماحكا رجع للبيت ..دخل لقاها قاعدة عالفرش شادة قماش صغير تطرز فيه خزرلها قلها:" شتعمل؟؟

هزت راسها تبسمتلو وقتلو:" انت شنوا شايف"

الشيطان:" منين جبتهم الحاجات هاذم"

فتون:"  طلبتها من عند وحدة مالي يخدمو جابتهالي.. قرب للخزانة بدا ينحي في مريولو قلها:" هيا قوم حضر روحك

فتون:" نحضر روحي علاه عنا وين ماشين

الشيطان:" نسيت الي باش نرجعك ليوم لمحمود

فتون:" فييسع تحب ترتاح مني باهي نكمل في يدي ونقوم"

دخل للطوالات ريقل شعرو خرج قلها هيا

رجعت للفرش جابت القماش الي طرزتها وقفت قدامو عطاتهالو:" ييجاد هاذي ليك"

بقا يخزرلها :" بنا مناسبة

فتون:" فراقنا تبسم بحزن وهي عيناها لمعو بالدموع بقي يخزرلو قتلو قبل ماياخذو :" تبقي تتفكرني بيه نعرف موش حلو برشا أما يعدي روحو"

هبطت راسها بقا يخزرلها تبسم قلها هيا.. مشات قدامو هز المنديلة في يدو وحطها في جيوبو

عادية كلمت محمود:" هما خرجو مالقصر جايينلك انت خرجت

محمود:" لا مازالت"

عايدة:" باهي

محمود:" توا باش نخرجو سلام

الحلقة 27:

هبط الشيطان مالكرهبة تقابل هو ومحمود الي جاي يضحك

:" ويني" قالهالو وهو يخزر لكرهبة الشيطان

الشيطان:" اعطيني عبدالباسط قبل

محمود ضحك:" نمدهولك باش تاخذو وتهرب"

الشيطان:" أنا مانيش كيفك نهرب بعد ماناخذ الي أنا حاشتي بيه

هز يدو الشيطان لواحد من رجالو باش يهبطو فتون بقا محمود واقف قلو الشيطان مازالت ماكش باش تتحرك.. هبطت مالكرهبة قلبها يدق خايفة حاسة بغش قدمت ورا الشيطان خزرلها محمود عينيه لمعو:" فتون توحشتك حبيبي... قدملها باش يمشيلها شدو الشيطان من يدو ودزو التالي " موش توا اصبر"

هز محمود حواجبو وقلو " اهوا جدك هزو" قدمو رجال الشيطان كيما امرهم الشيطان باش يهزو عبدالباسط ويحطوه في الكرهبة بالسياسة.. قدم الحارس شد الكرسي ومشا بعبدالباسط وحطو في الكرهبة محمود خزرلو :" اهوا جدك نجم نهز فتون" الشيطان:" سيبتهالك"

تلفت ومشا وين الكرهبة تعدا بجنبها يسمع فيها تمتم بيجاد... ماتلفتلهاش أما هو كان يعرف الي هي تخزرلو بعين حزينة تترجا فيه باش مايسلمش فاها ركب في الكرهبة ومشا 

قدم منها محمود بزربة وعنقها من تالي

:" فتوني اخيرا رجعتلي"

بقات تبع في كرهبة الشيطان تبعد علاهم وقلبها دم تبكي بحرقة دارتلو بشويا قلها:" تعرف قداه كنت متقلق عليك وانت معاه" مسحت دموعها وقتلو" هيا نمشيو منا" ركبو في الكرهبة ومشاو

الحلقة 28:

بقا الشيطان شارد في الصحراء قلبو دم حط تليفونو علي جنب بقي شارد يخمم فيها في كل شئ يخصها صوتها وهي تعيطلو.. أول مرة يحس الي هو فقدها... هبط راسو يخزر للقماش الي طرزتو فتون بقا يخزرلو قربو من خشمو وبقا يشم فيه 

" ارجع تو للحدود"

جا الشوفار باش يدور وقفو:" لا ماغير ماترجع كمل للقصر.."

كمل كلامو وبقا كابس عالقماش بقوة في يديه وبقا سارح هايم حزين..

بعد جمعة .... في قصر محمود قاعدة فتون فوق الفرش لامة ساقاها وشاردة حزينة وجها اصفر شاحب ذابل ولات حالة ضعفت قعدت علي هالحالة ماللي روحت معاه..

دخل محمود جابلها صينية متع ماكلة

" لوقتاه باش تبقي هكا ... كول"

مجاويتوش كمل:" فتون ... لوقتاه باش تبقي متجنبتني وماخذة موقف مني .. ماتحبش تحكي معايا أنا راجلك.."

فتون:" كان زمان الكلام هذا بلو واشرب ماه لاعاد راجلي لا مستعرفة بيك 

محمود بقا يحكي معاها وهي تلف فيه يبرر علي عمايلو بعد قام قلها :" الليلة حفلتنا... باش نبعثلك البنات يعاونوك نحبك كي الوردة الليلة

فتون:" مانيش حاضرة"

محمود:" موش علا كيفك.. خرج سكر الباب وهي بقات تبكي..

الحلقة 29:

عبدالباسط:" ما تعرف حتي شئ علي فتون"

الشيطان:" لاو مانحبش نعرف"

عبدالباسط:" موش حاسس ب..

الشيطان:" لا"

عبدالباسط:" كذاب... انت لوقتاه باش تبقي هكا.. تكذب علي روحك وعلي الي معاك..انت ماكش ناوي تبدل الطبيعة الي فيك

الشيطان:" لامانيش ناوي"

عبدالباسط:" مدام ماكش ناوي تبدل من تصرفاتك تحمل الي باش يصير فيك في المستقبل"

الشيطان:" علي أنا ناس تحكي معايا... عاللي واقفة بجمبي خاطر خايفة مني والا الي تسرقلي في فلوسي..."

عبدالباسط:" انت الي عطيتهم الحلين هاذم عمرك ماخليت حد يقربلك ويحبك... 

الشيطان:" ماعادش فارقة معايا

عبدالباسط:" أم علي فكرة أنا فيبالي الي انت تراقب فاها من بعيد وتبع في اخبارها وتوصلك كل كبيرة وصغيرة علي فتون"

مقال الشيطان حتي كلمة .. قام هز روحو وخرج..

في الليل قعدت فتون سارحة قدام المراية كملت المرا مكيجتلها لابسة روب نوار طالون روج شعرها عملتو بوكلي ..دخل محمود كي راها ضحك قدم باش يبوسها بعدت عليه قتلو

" خلي حدود بيناتنا من فضلك"

" أنت كثرتلها راك وأنا معاش نستحمل"

" تستحمل والا اقعد"

شدها من يدها بالقوي كبس علاها:" كان ماكش باش تحسن منطقك وأنت تعرف أنا نعمل بالفعل مانحكيش.. خاف مني .. هاو نبهتك"

سيبها من يدها وشدها من وجها بكف يدو  قلها:" هيا نهبطو الضياف يستناو فينا اللوطة"

الحلقة 30:

في الحفلة كانت فتون قاعدة في طاولة في الوسط قدم منها محمود وشدها من يدها وقلها :" هيا معايا باش نعرفك علي شكون"

نفخت بقلق محبتش تقوم قلها بالشويا :" ولا كلمة" جبدها من يدها للراجل واقف قلو:" نعرفك علي مرتي المزيانة.. شقولك"

الراجل:" امم محلاها باسم الله مشاء الله"

ضحك بفخر وقلو:" باش تعرف الي أنا مانخطارش الي يجي"

قدم السارفور خذا محمود عصير عطاه لفتون بقات تخزرلو علي جنب موش مرتاحة

هبط الشيطان مالكرهبة ودخل لقصر محمود بقات فتون تترشف في العصير .. كي راتو داخل  قلبها بدا يضرب بالقوي.. وحل العصير في وسط قراجمها غمضت عيناها وحلتهم موش مصدقة الي ترا فيه حقيقة والا تتخيل.. بعد تأكدت الي هو داخل... دارت هزت البابيا بزقت العصير الي وحل في فمها بلعت ريقها بالسيف كي جات العين في العين.. طفاها دور وجهو وسلم علي واحد مالرجال حست بوجيعة في قلبها رجعت للطاولة حزينة... هبطت راسها باش تخبي الدموع في عينيها وألف سؤال يدور في راسها.. ماتوحشهاش؟؟ تبسمت بمرارة حست الي هو موش معبرها معادش تلفتلها جملا"

محمود بخبث:" اوه شو شكون الشيطان بيدو نورت حفلتي أنا وفتون"

الشيطان :" أكيد

محمود:" سامحني نمشي بحذا مرتي شويا

الشيطان:" خوذ راحتك

قدملها محمود شدها من يدها ومشا باها لوسط الصالة وتكلم :" عن اذنكم هاذي حفلتي أنا ومرتي فتون .. كيما تعرفو هي موش حبييتي برك هي مرتي امي اختي كل شئ حط يدو علي كتفها وكمل اي مرتي ليوم نحب نقول قدام الناس الكل الي هيا مرتي"

الحلقة 31:

الناس الكل بقات باهتة كيفاه .. قدم الشيطان منهم وصفقلهم قلهم بطريقة مستفزة

:" مبروك عليكم عرفت تختار"

:" أكيد"

" مبروك يامدام فتون.. احسن ماخترت"

هبطت راسها حشمت جاوبو محمود:" العاقبة ليك"

الشيطان:" علي قريب"

قدم محمود قص القاطو ووكل فتون وباسها من شفايفها قدام الناس... الشيطان عينيه ضلامت كي راه يبوس فاها .. فتون مانجمتش تهز راسها جملا والا تحط عينها في عينو..

:" سيدي الشيطان"

تلفت يلقاه واحد مالمدعووين :" حابب نعرفك علي زينب بنتي"

داارلها بعينيه بدات تتمعجن قتلو:" شنحوالك يا بوقْوص"

خلاها بوها معاه ومشا قربتلو قتلو:" فيبالك الي انت عاجبني من أول مادخلت للقصر"

جاوبها بكل برود:" اي ملاحظ"

" مدام ملاحظ مالا هيا" وغمزتو قربلها و قلها

" هيا شنوا؟؟"

" انت تعرف"

ضحك و قلها:" انتوما النساء موش ساهلين جملة"

" وانت أول مرة تعرف"

"لا" كملت حكات معاه ولصقتلو مالجهة لخرا تبع فيهم فاش يعملو نار الغيرة شعلت في قلبها العصب طلعلها الدم طلع لراسها كي راتها تبوس فيه قامت بزربة و مشاتلهم وقتلو:" مايجيش الي تعملو فيه"بعد الشيطان علي زينب وهو فيبالو الي فتون تخزرلهم من بكري قلتلها زينب :" وانت شبيك"

الحلقة 32:

فتون نزلت علي سناها قتلها:" شنوا شبيك ماكش تشوف فاش قاعدين تعملو قدام الناس"

الشيطان:" وأنت ماكش تشوف في روحك شتعمل أنت وراجلك هانا عملنا كيفكم" سكتت فتون مالقات ماتجاوب تكلم محمود كي سمع كلامهم قلو:" هي موش قصدها خاتر موش مستانسة تشوف الحاجات هاذي"

دارلو الشيطان بغش وقلو:" اقنعتني"

وبعد خزر لزينب قلها:" هيا نمشيو منا"

بعد تلفت بعينيه لمحمود وفتون وقلهم:" مبروك عليكم مرا اخرا"

جاو خارجين بقات تغلي فتون دارت قتلو:" مم باش تضيع وقتك مع هاذي " تلفتت زينب وجها تقلب عوجت فمها جات باش تتكلم سبقها الشيطان وقلها:" نضيع وقتي معاها.. كيما ضيعتو مع الي قبلها"

تضربت الكلمة في راسها وهي حست كالسكينة من داخل عينيها دمعو موش مستحملة الي ترا فيه.. ضحكت زينب بشماتة وخرجو..

تلفتلها محمود وقلها:" انت تجيب في الكلام لروحك"

طفاتو وطلعت لبيتها جا باش يخلط علاها عيطلو واحد مالرجال تلها معاه..دخلت لبيتها سكرت الباب بالقوي.. ضربتو بغش سندت ظهرها عالباب وبقات تبكي بشهقة بصوت عالي معاش تنجم تتحمل معاش عندها القدرة جملا.. هبطت عالقاعة تضرب فاها بغش بيدها:" علاه يصير فيا هكا.. علاه ديما نتوجع.. شنوا عملت حرام معاش فيا قلبي يوجع معاش نستحمل وهو موش هامو ماشي مع وحدة اخرا هو قصدو يخليني نغير أنا نكرهك بيجاد نكرهك أنا نحبك قالتها الكلمة لخرا بصوت خافت

------------ ---  - --------  ------   -----   ---------------

"وين ماشية" قالها الشيطان بكل برود

زينب:" ماشية معاك"

الشيطان:" وأنت صدقت الي أنا باش نهزك"

زينب:" يعني"

خرج سطوشو من جيبو وجبد فلوس عطاهملها:" خوذ اذوما وامشي"

شدت الفلوس بيدها وقتلو:" اخي انت شنوا تستخيلني..مانيش مستحقة فلوسك"

"باين"

دار تبسم علي جنب وركب فس الكرهبة تلفتت بغش لوحت الفلوس في القاعة وقتلو هز فلوسك ماحاشتيش طفاها ومشا خلاها..

الحلقة 33:

قامت مالقاعة مسحت دموعها نعرش كيفاه جاتها الشجاعة باش تخرج من بيتها ومن قصر محمود... ماشية للشيطان

"استناني لنا" قالتها للتاكسيستي دخلت تجري للقصر عرضتها زهرة في الباب :" فتون توحشتك برشا.. شنوا عاملة مع سي محمود"

فتون:" اهوكا الحال ماشي"

زهرة:" ماقتليش علاش جيت لنا"

فتون:" جيت نشوف الشيطان هو موجود"

زهرة:" فيبالي موجود"

فتون:" كانت معاه وحدة

زهرة:" ماعنديش فكرة.. أما كيفاه نجمت تخرج مالقصر

فتون:" بطرق متاعي الخاصة

طلعت في الدروج للطابق الثاني مشات في الكلوار وصلت لبيتو جات باش تدخل قلها العساس:" سيدي الشيطان مايحب حد يقلقو في بيتو" خزرتلو علي جنب وقتلو:" ماتخافش مانيش باش نقلقو" دورت الكوبة متع الباب ودخلت لقاتو متكي عالفرش يخزرلها ببرود

"هي فين" قلتهالو بشويا مع غزول من داخل نار تاكل فاها

" علي شكون تحكي" قلهالها بتبهنيس 

" أنت تعرف"

"لا مانعرش"

قدمتلو والعصب راكبها وقفت قدامو وقتلو:" ماتعملش فاها روحك ماتعرش أنت تعرف علي شكون نحكي"

مشات للبالكون تفركس بعد مشات للطوالات مالقاتهاش رجعتلو بغش وقتلو:" فين مخبيها"

الشيطان بدم بارد:" مخبيها؟؟"

فتون:" هي فين بيجاد"

نزلت علي سنيها بغش قلها:"انت جاية لواه"

:" جاية باش مانخليكش تعمل معاها شئ فهمت"

" وانت علاه ماتخلينيش حاجة ماتخصكش"

" خاطر انت ليا أنا قتهالو وقعدت بجنبو عالفرش ،" مدام أنا موجودة مانخليك تقرب حتي وحدة"

تبسم وستوا روحو وقلها:" وأنت شكون باش ماتخلينيش"

فتون:" أنا الي تحبك"

الحلقة 34:

ضحك بالشويا وقلها:" تعرف الي أنت توا تخون في راجلك"

فتون:" ماتقليش راجلك" قامت مالفرش وقتلو:" امم ماجبتهاش معاك جيست حبيت تغيضني كهو" قام هو مالفرش حط يدو في مكتوبو وقلها:" باش نغيضك علاه اخي انت شكو... قصت علي كي قتلو:" أنا فتون الي كانت عشيقتك"

الشيطان:" مفتخرة برشا وأنت تقول فاها"

هبطت راسها مالحشمة وكمل بغش :" تعرف شمعناها عشيقة عندي .. يعني وحدة نعدي معاها نهار شهر جمعة ونرماها وانت كيفهم نرماها ترجع"

فتون:" أنا مانيش كيفهم

الشيطان:" مانيش نرا في اختلاف بيناتكم 

هبطت دموعها من عينيها وقتلو:" حتي كان متراش أنا نعرف روحي موش كيفهم"

قربت منو حست بالنفس متاعو في وجها خزرتلو في عينيه الكحل وكملت:" تعرف أنا حرت معاك... من ملامحك تظهر صعيب وكي نخزر لعينيك نرا العكس.. انت شنوا بالضبط قلي وماتخلينيش حايرة اكثر ممكن خاطر نحبك نشوف في الحاجات الاجابية الي فيك..

الشيطان:" أنت ماتحبنيش فتون انت تحب تنسي وجيعتك فيسع موش أكثر"

فتون :" أنا لا نحب ننسي لا شئ بالحق نحبك

الشيطان:" اصلا أنا شخص مانتحبش.. أنا الشيطان

فتون:" وأنا حبيت الشيطان الي مايتحبش

الحلقة 35:

فتون :" الناس مسمينك الشيطان خاطر شايفينك مالبرا عمرهم ماراو الطفل الي من داخل أنا نرا في طفل صغير محتاج لحنان الي ماحسيتش بيه مالصغرا ..

الشيطان:" حفظت الكلمتين اذوما منين

فتون:" انت زادا محتاج تنسي انتقامك ماللي قتلو امك.. حل عينيه وقلها:" منين عرفت"

فتون:" أنا عرفت كل شئ

الشيطان:" شكون عطاك الحق باش تعرف.. 

فتون:" كان لازم نعرف باش نفهمك

الشيطان:" قصدك باش تسخف عليا

فتون: لا"

الشيطان ضحك و قلها:" اذاكا علاه هبط عليك الحب فجاتا"

فتون:" أنا حبيتك قبل حتي ما نعرف

زادت قربت منو وشدت وجهو بكف يدها وكملت:" أنا حبيتك موش خاطر ساخفة عليك أما حسيت بوجيعتك والي عنيتو أنا زادا صارلي كيفك في صغري أنا وياك كيف كيف.. قربت لشفايفو وكملت:" انت بعثتني لمحمود باش تبعدني عليك أنا فاهمتك ... مهما تعمل ماكش باش تنجم تبعدني عليك"

قربت شفايفها من شفايفو وباستو من فمو .. غمضت عينيها وهي تبوس فيه بحنان وبسياسة وبفيانة ...وهو زادا ضعف قدامها غمض عينيه وستسلم معاها عدا يدو ورا ظهرها وجبدها ليه ولات لاصقتو اكثر

الحلقة 36:

دخلت عايدة لقصر محمود تلوج عليه.. راتو واقف مشاتلو:" مسكر تليفونك علاه"

محمود:" باش حد مايقلقني

عايدة:" باهي ايجا معايا لبيروك حاشتي بيك"

قعدت عالكرسي قعد مقابلها.. قبل ماتمشيلو للقصر كلمت أيمن عرفت منو الي العقد متع القصر خذاه محمود من عند بوه..

محمود:" شنوا الموضوع

عايدة:" العقد

محمود:" شبيه

عايدة:" حاشتي بيه

محمود:" موش عندي

عايدة:" مم فيبالك باش نصدق.. فيبالي الي الشيطان عطاهولك..

محمود:" أي عندي ومانيش عطيهولك

عايدة:" العقد موش متاعك موش من حقك تاخذو

محمود:" انت جاية الطريق هذا الكل خاطر العقد.. ماكش ماخذتو.. ماتحلمش بيه

عايدة:" ننصحك مدهولي مكانش نقتلك وماترفليش عين..

ضحك و قلها:" ههه تحلم أنت

عايدة:" ممكن نقتلك توا كيما قتلت بوك مراد..

حل عينيه مالصدمة موش مصدق لسمعو :" اا..نن تت..ي؟؟

الحلقة 37:

" اي أنا لقتلت مراد .. أنا قتلت بو... نقْز علاها وشدها من رقبتها قلها موش مصدق

" انت... انت كيفاه نجمت تقتل بوك.. انت..

" عادي أنا نعمل اي حاجة خاطر الفلوس"

سيبها... حاول يستوعب الي يسمع فيه.. :" أنا قتلتو خاطر طلبت حقي مالورثة وهو ماحبش . 

خزرلها محمود كي المجنون والنار تشعل في عينيه عاود قرب منها وشدها مرا اخرا من رقبتها بالقوي :" أنت مجنونة كيفاه تقتل الي رباك صرف عليك وحماك كيفاه نجمت تكلم"

طاحت مالكرسي وهو مازال فوقها نازل علاها.. تخنقت بدات دز فيه وتصيح بالشويا مانجمتش 

" أنت لازم تموت .. وحدة قح.. قتلت بابا لازم تموتت لازم... بقي يخزرلها وهو يلهث ضربها باشويا علي وجها:" عايدة عايدة "

تنفض من بلاصتو كي عرف الي هو قتلها بقي يخزرلها من بعيد.. عدا يدو علي شعرو كي المجنون  بقي يتمتم:" شنوا الي عملتو.. شنوا أنا قتلتها"

وخرت فتون لتالي باش تاخو نفس خزرتلو وعينيها تلمع مالفرحة قربت لشفايفو وقتلو

" أنت تحبني؟؟"

خزر لعينيها الي سحرتو وقلها:" كيفاه عرفت"

فتون:" اكيد باين"

الشيطان:" كيفاه" تبسمت وحطت كف يدها علي صدور وين قلبو وقتلو :"من دقات قلبك"

هزت يدها من صدرو عداتها علي رقبتو خزرتلو فعينيه وكملت:" وزيد داخل بعضك دورت يدها لوجهو :" عينيك... شفايفك كل حاجة فيك بينتلي

الحلقة 38:

بقي يخزرلها.. بعد عطاها بظهرو ومشا وقف عالبالكون كره روحو كي حس الي هو يحس بحاجة من ناحيتها يحبها 

" نعرف الي صعيبة عليك انك تستعرف بحاجة كيف هكا أما ميسالش انا باش نصبر عليك وقفت وراه وحطت يدها علي كتفو  بقا ساكت 

" لازمني نمشي التاكسيستي يستنا ومحمود مايلاحظ... قص علاها قلها:" امشيلو" 

فرحت كي راتو تقلب حست بغيرتو قتلو

" أنا ماشيتلو موش من حبي فيه.. باش نمشيلو خاطر مضطرة... قص علاها ببرود متصنعو

" برالو اصلا ماكش هامتني"

فتون:" اي باين بصراحة... هيا سلام"

خرجت مالباب دارتلو تبسمت وييبات عليه ومشات

قرب محمود من عايدة يمس فاها من يدها بقا شاد راسو ويتمتم :" شنوا نعمل... لازم نخبيها لازم نتصرف" قام ستوا الكوستيم متاعو وخرج للصالة اللوطة قلهم :" سامحوني لازم ننهي الحفلة يعطيكم الصحة الي حظرتو قامو خرجو بقي واقف حتي خرجو الكل..

رجعت فتون لقصر محمود.. دخلت ماالباب التلاني وطلعت في الدروج مشات في الكلوار 

"فتون"

سمعت صوت محمود دخلت بعضها وترعبت

:" وين مشيت"

" آه كنت في الكوجينة نشرب في الماء"

" باهي أنا كنت جايك باش نقلك... مانيش باش نبات في القصر الليلة"

" باهي" تلفتو وطلعت

الحلقة 39:

بعد نص الليل قدم محمود مالجبل مالفوق وبقا واقف من بلاصة عالية وبجمبو جثة عايدة خزر مليح تردد ماللول بقي يتمتم:" كان ماتعملش هكا محمود راك باش تمشي في هاوية قدم من وراها ودزها مالجبل رماها تلفت لتالي ورجع للكرهبة ركبها ومشا...

خرج الشيطان من بيتو ماجاهوش النوم.. مشا للطابق اللول في المكتب متاعو دخل سكر الباب قعد عالكرسي وخر راسو لتالي جبد يتكيف... بقي شارد يخمم فالي صار ليوم ومع فتون ومشاعرو من ناحيتها هو توا مستعرف بهذا مع روحو أما ماينجمش يقولها والا يحكي لحد عالي يحس فيه هو عندو سبب مانعو.. يحب ينهي انتقامو ويبدا معاها حياة جديدة بعيدة علي كل شئ هذا الي قرروو..

الحلقة 40:

الصباح قامت فتون مالنوم فرحانة.. حاسة براحة كبيرة.. قامت مالفرش مشات للخزانة جبدت حوايج باش تلبسهم سروال نوار ومريول وشوميز بوردو سكرت القْلص وقامت داخلة للطوالات دق الباب دخلت الخديمة بعد ماستاذنتها..

" سيدي محمود يحبك تاكل الفطور كلو" تنهدت فتون وقتلها:" وهو مازال ماجاش"

" لا مازال"

" أحسن" تمتمت فتون وكملت:" مم باهي تو ناكلو تنجم تمشي توا" 

خرجت الخديمة... قدمت فتون خذات ترونش جبن كلاتها ودخلت للطوالات..

------    --------   ---   - - - --- -------------------- -----

خرج الشيطان من بيتو لابس سروال قْري ومريول أبيض مكبوس على بدنو جا هابط في الدروج عيطتلو الخديمة مالفوق:" سي عبد الباسط يناديلك سيدي" هز راسو قلها باهي .. بدل ثنيتو طلع الطابق الثالث وين موجودة بيتو دخل " شنوا عامل اليوم جدي" قالهالو بعد ماجبد كرسي وقعد بجمبو عالفرش 

عبدالباسط:" لباس بعد ماوصلتني الأخبار "

الشيطان مستغرب:" أخبار شنوا"

عبدالباسط تبسم وقلو:" صحيح فتون جاتك البارح"

الشيطان:" اي.. وانت كيفاه عرفت الي هيا جات"

عبدالباسط:" مصادري الخاصة"

ضحك الشيطان وقلو بفدلكة:" ظاهر فيك تعديت من عايدة" بقي يخزر للتصويرة متع امو فيروز محطوطة عالكوميدينو مقابلتو بقا مركز فاها يخزرلها قام هزها في يدو وقال لجدو:" تعرف .. أنا قررت حاجة" 

عبدالباسط:" شنوا قررت"

الشيطان تنهد وقلو:" قررت ننهي انتقامي"

تبسم عبدالباسط :" اخيرا.... مم وهذا من تأثير فتون هه"

هز الشيطان حواجبو بتنرفيز ضحك عبدالباسط وكمل:" باهي هي ماعندها حتي دخل..المهم باش تسيب محمود"

الشيطان:" بالطبيعة لا"

عبدالباسط:" مالا"

الشيطان:" وقت تصفية الحساب جا"

تقلب وجهو عبدالباسط وقلو :" يعني انت ماكش ناوي تنهي الموضوع علي خير أنا مهما قلت كلامي دخلو منا تخرجو منا"

الشيطان:" بالضبط"

:" هذا أسلوب تعامل بيه جدك الي رباك ويحب مصلحتك " قالها عبدالباسط بغش وعياط لين ولا يكح بالقوي.. قام الشيطان مفجوع صبلو كاس ما وعطاهولو ..ضربو بالشويا علي ظهرو كمل حكا:" أنت باش تقتلني علي قريب .. أنا امنيتي نشوف بيجاد الحقيقي ونفرح بيك قبل منام عيني"

قام الشيطان من بلاصتو رجع التصويرة لبلاصتها وقالو:"فطرت الصباح.. اتو نكلمهم يجيبولك حاجة " تلفت وخرج مالباب..

الحلقة 41:

دخل محمود للقصر طلع في الدروج للطابق اللول دار عالليمين وحل باب بيتو دخل يحكي في التليفون مع واحد مالرجال الي يتعامل معاهم

:" تهنا الأوراق متع الصفقة الكل عندي الأصليين.. اليوم نكون عندك" حل الخزانة حط الاوراق في ساك صغيرة وحط فوقهم حوايجو وخرج دار للبيت لمقابلة بيت فتون حل الباب مالقاهاش دار براسو سأل الخديمة:" فتون ويني"

" في الصالة اللوطة"

هبط محمود بزربة يلقاها قاعدة تشرب في قهوة خزرلها تبسم وقلها:" فتوني اخيرا قمت وخرجت من بيتك... يعني نجم نقول رجعتلي"

فتون:" فاش تحكي تحلم كان باش نرجعلك فتون القديمة ماتت"

محمود:" مم تو ترجع كيما كنت نعرف.. آه أنا ماشي البرا مالقرية باش نغيب نهارين"

فتون:" فاش قام تقلي"

محمود:" حبيت نعلمك موش مرتي ولا نسيت" ضحك وهز صاكو وخرج..

الحلقة 42:

دخل الشيطان للبيرو متاعو ...

دخلتلو زهرة وقفت قدامو قتلو:" حاشتك بيا سيدي"

"أي" خزرلها وعطاها جواب في يدها خزرتلو موش فاهمة... قلها:" حلو شوف.." هبطت راسها حلتو وخزرتلو:" فلوس... علاه عطيتني"

الشيطان:" حقك"

قوست حواجبها وقتلو:" موش فاهمة"

الشيطان:" خوذو وكهو"

زهرة:" أمّا..."

قص علاها بخزرتو الكاسحة :" عيشك سيدي هبطت راسها مالحشمة" 

الشيطان:" تنجم تمشي"

جات خارجة عيطلها :" استنا"

دارتلو بقات تخزر شنوا باش يقول سكت شويا وقلها:" ماشية لقصر محمود"

زهرة ستغربت مالقات شنوا تقلو:" أنا سيدي"

الشيطان:" أي أنت تمشي غادي نحبك تجيبلي شويا معلومات"

زهرة:" معلومات علي شكون"

الشيطان:" فتون"

زهرة:" آنسة فتون... كيفاه"

الشيطان:" من عندها نحب معلومات علاها هيا ومحمود.. أنا طلبت منك أنت خاطر عندي فيك ثقة"

هبطت راسها وقتلو :" حاضر سيدي "

الشيطان:" أما ماتقلهاش الي أنا بعثتك"

زهرة:" باهي" ودارت خرجت

الحلقة43:

خرجت زهرة بعد ماحكات مع الشيطان.. وصلت لقصر محمود دخلتها الخديمة للصالة.. بقات تستنا في فتون تهبطلها ... بعد دقايق هبطت فتون مالفوق وين قاعدة زهرة خزرتلها متعجبة 

:" زهرة"

قامت زهرة ضحكت وقلتلها:" شنوا احوالك مدام فتون" قدمت منها فتون لابسة روب بيضة طويلة وشلاكة قربتلها وعنقتها بالقوي..:" وليت لباس بعد ماشفتك" بعدت علاها وقعدو عالفوتوي 

زهرة شدتها من يدها وقتلها:" سامحني كان جيت من غير موعد"

فتون:" أنا موعد... يا زهرة أنت صحبتي واختي تجيني في كل وقت"

زهرة:" أنا الحقيقة ماحبيتش نجي خاطر سي محمود مانعرفش ردة فعلو معايا.. حبيت نطمان عليك قلت خلي نجي والي شيصير خلي يصير"

فتون:" أنت تجيني في كل وقت ماتخافش ماعندو مايعملك

زهرة:" باهي.. احكيلي أنت شعاملة..

فتون تنهدت بالقوي :" ماعندي مانعمل .. شنوا تحبني نعمل بعد الي عرفتو"

زهرة:" واجهتو"

فتون:" أي.. وكان عذرو الي هو يحب يحميني وخايف عليا... يحبني نصدق الكلمتين الي قالهملي .. فيبالو مازالت فتون القديمة الي نصدق كل كلمة يقولها"

زهرة:" عندك حق"

فتون:" فيبالك .. حطيت حدود بيناتنا كل واحد في بيت خذيت بيت وحدي.. 

فرحت زهرة قلتلها:" بالحق.. صحيت نحبك هكا تبقي قوية.. توا لازمني نمشي

فتون:" ابقي معايا

زهرة:" عندي ورايا برشا خدمة لازمني نمشي

الحلقة 44:

في قصر عزالدين قعد الشيطان مع عزالدين وأيمن في المكتب يحكيو

الشيطان:" باش نسلمهالك انت أيمن الصفقة هاذي

أيمن:" أنا!!" 

الشيطان:" أي أنت والا موش حاب"

أيمن:" باهي

الشيطان:" باش نجربك المرا هاذي لازمك تهزها وتسلمها لقرية حامد محتاجينها"

حط الشيطان يدو في جيبو ومقابلو أيمن واقف موش مصدق الي يسمع فيه" أنت باش تبعثلهم السلاح باش تعاونهم" هز الشيطان راسو لفوق واللوطة وقلو أي

قوس ايمن حواجبو تلفت لبوه وعاود خزر للشيطان وقالو:" مالا علاه محمود كان يقلي الي أنت تشري في السلاح باش تقتل بيه ال... قص عليه بوه عز الدين :" هو كان يقول هكا باش يظهر الي الشيطان خايب وماعندوش رحمة .. يشوهلو في سمعتو...

أيمن:" محمود الكلب ولد الكلب عداها علينا الواطي ..خلا القرية الكل تصدق

قام الشيطان من بلاصتو وجا خارج :" خليونا في موضوعنا توا.. نحبك توصل الصفقة ومانحب حتي مشاكل..

أيمن: تهنا"

دار لعزالدين وقلو:" أنا ماشي

الحلقة 45:

بدا الليل يطيح .. دخل الشيطان للقصر مشا في الكلوار دار للحارس بعينيه قبل ما يدخل للمكتب متاعو قلو:" ابعثلي زهرة"

دخل قعد ورا بيروه حط ستيلو فوق الطاولة يدور فيه سارح.. بعد دقايق دخلت زهرة وقفت قدامو حاطة يدها قدامها وراسها اللوطة

الشيطان:" هاهه احكيلي"

وعينيه تلمع متقلق خايف ماللي باش تقولو زهرة:" مشيت للانسة فتون.. وحكيت معاها عادي والي عرفتو منها الي هي متجنبتو.. وزيد ماخذة بيت وحدها بعيدة عليه.." هز عينيه تبسم كي سمع الي قالتهولو عدا يدو علي شعرو بزربة ماحبش يظهر.. :" تنحنح باهي تنجم ترجع لخدمتك" تبسط شويا لوطة وخرجت.. وخر راسو لتالي عالكرسي وتنهد براحة عاود دق الباب دخل واحد من رجالو دخلو وين قاعد 

" الجواب هذا ليك انت سيدي" خذاه من يدو بقا يخزرلو..حلو بعد ماامر راجل متاعو يخرج 

"أنا مسافرة.. حبيت نرتاح شويا.. ونبعد عالقرية.. فيبالي الي انت موش ملاحظ غيابي وموش هامك كان عرفت الي أنا سافرت ولا أنا عملت لي عليا رويجلي المستقبلي باش نتوحشك من عايدة"

حط الجواب عالبيرو وحس بحاجة غريبة قام ناوي يمشي لبيت عايدة...

--         -------------   ----------- ---------------------

" الرسالة وصلت للشيطان سي محمود"

محمود:" ممم حلو برشا اوكي مالا الموضوع هذا انساه جملا وانسي الجواب ورد بالك نسمع حاجة خرجت"

"حاضر سيدي"

---------- -      --- -------------- -----------------------

خرج الشيطان من بيروه طلع في الدروج بالشويا وصل للطابق الثالث حل باب بيتها مشا للخزانة حلها مالقاش حوايجها 

- "سيدي" قالتهالو الخديمة بصوت باكي... قوس حواجبو كي رآها تبكي

" شبيك شفما"

الحلقة 46:

" سيدي عبد الباسط مات"

بقا الشيطان واقف في بلاصتو يحاول يفسر الي قالتو.. حس بروحو موش فاهم..دارت بيه الدنيا بقي جامد في بلاصتو دقيقة بعد ضرب راسو غمض عينيه حلها خرج من بيت عايدة يجري موش حاس بساقو تحتو وقف قدام باب بيتو دار بعينيه لفرشو لقاه مغطي ملحفة بيضة.. خفف من مشيتو بلع ريقو بالسيف قرب منو وين الفرش عرالو علي وجهو بقي يخورلو ماعمل حتي تعبير علي وجهو :" اخرجو الكل البرا"

خروجو الكل مالبيت .. بقا وحدو هبط علي ركبتو .. عينيه كلهم حزن يتبسم بمرارة شدلو يدو قعد يحكي:" وأنت زادا مشيت ... كلكم مشيتو وخليتوني وحدي... مانجمتش تستنا شويا كنت حققتلك الي انت تمنيتو نزل علي سنيه أما انت مشيت علي راحتك.. امشي امشيو كلكم انجم نعيش وحدي.. قام غطالو وجهو خرج مالباب تلفت لرجالو:" حظرو كل شئ للدفن"

قبل نص الليل .. وقف الشيطان قدام قبر عبد الباسط حاط يديه في جيبو بقا شارد في القبر وقلبو حزين.. ماكانش مظهر جملا غمض عينيه كبس علي يدو وتلفت ركب في الكرهبة ورجع للقصر

حطت فتون الشال علي راسها وقفت عالمراية بقات تحكي مع روحها:" نعرف الي نعمل فيه غالط اما.. غمضت عينيها خرجت مالبيت هبطت خرجت مالباب التلاني ومشات لقصر الشيطان

الحلقة 47:

في بيت الشيطان..

قعد عالقاعة.. وبجمبو دبوزة شراب معبية.. متكي ظهرو عالحيط.. شارد في هاوية يخزر في بلاصة وحدة شد الدبوزة بغل وبدا يشرب يشرب.. قلوبو محروق موش مستحمل الوجيعة هو موش مستانس بالشرب... أما المرا هاذي عبد جديد خسرو مرا اخرا.. عينيه ذابلة شعرو داخل بعضو عروقو خارجة لابس سورية نوار ..فلسها محلولة مالفوق سروال مكبوس مارون.. حزين مكسور هو اخر شخص يفقدو من عايلتو.. عبدالباسط كان معوضلو بوه..صحيح كان بارد أما عمرو مايضهرلو حبو.. دار بجمبو هز الكاس لقاه فارغ عاود عباه بقي يخزرلو وشربو فرد فم... عينيه حمارو يديه باردة ثلج.. عروق يدو ظاهرين.. بقي يحكي مع روحو بصوت مسموع صوت خشين ممزوج بوجيعة ببحة..

" الدنيا خذات مني كل حاجة نحبها..هزت مني بابا وأمي وتوا جدي.. خذاتهم الكل ممم برافو .. برافو.. هههههه ضحك بمرارة نزل علي سنيه بقوة..."

وصلت فتون لقصر الشيطان بعدت الشال علي وجها وقالت للحراس الي البرا

- فتون

-سامحنا.. تفضل ادخل.. بعد العساس وخلاها تدخل... دخلت تمشي في الكلوار ترعش وقفها صوت زهرة :" أنت شكون" ماعرفتهاش زهرة خاطر كانت فتون حاطة شال علي راسها..

دارتلها فتون بزربة:" أنا زهرة ماتخافش" 

" آه سامحني في الظلام ماريتكش.. لباس علاش جيت"

" حبيت نشوف الشيطان"

تلفتت باش تتطلع في الدروج وقفتها زهرة

:" نحب نقلك حاجة مدام فتون"

"شنوا"

" سيدي عبدالباسط"

قوست فتون حواجبها :" أنت تعرفو؟؟."

" أي نعرفو" 

" اي شبيه"

بلعت زهرة ريقها بالسيف " سي عبدالباسط مات"

حلت فتون عينيها مالصدمة عيناها تعبات بالدموع ولات تبكي" ب..لح..ق م...اات" بقات تبكي شفايفها ترعش" وينو"

زهرة:" دفنوه"

" وبيجاد"

" في بيتو"

الحلقة 48:

طلعت تجري في الدروج وصلت للطابق الثاني مشات في الكلوار.. وقفت قدام باب بيتو حلتو دخلت بخطوات رزينة راتو قاعد كلو محطم.. عينيها لمعو بوجيعة قلبها وجعها..قدمت منو بشويا وقفت قدامو هبطت علي ركبتها وهي تخزرلو مسخفها حالو..

" يزي مالشرب"

توا وين حس باها موجودة هز راسو خزرلها.. بعد عاود رجعو وهز الكاس يشرب.. قربو من فمو.. مدت يدها نحاتهولو:" أنا عرفت... قلبي دم عل... قص علاها قلها:" أخرج البرا وهات هذا" خذا منها الكاس وكمل شرب.. 

" علي فكرة الي تعمل فيه غالط..مايلزمكش تشرب باش تنسي المفروض.. قص علاها مرة اخرا وجاوبها بكل برود " مايهمكش فيا ..موش أنت باش تقلي شنوا...

فتون " اي أنا الي نقلك ونواسيك موش الشرب.." قالتهالو بحنية وصوت دافي

قربت منو أكثر وعنقتو قربت فمها من وذنو :" نعرف الي أنت حزين..موش لازم تخبي تحب تبكي ابكي" بقات تمسح بيدها علي ظهرو بحنية.. عنقها بالقوي ليه.. ودفن راسو في رقبتها .. حست بدموعو هابطة علي رقبتها سخونة ممزوجة بوجيعة بضعف

الحلقة 49:

هبطت دموعها.. علي خاطرو..أول مرة تراه يتوجع لدرجة يبكي.. تمنات تنحي وجيعتو من قلوبو وتحطها في قلبها.. تمنات ترجعو كيما كان..كان بالنسبة ليها خير ماللي تراه ضعيف يتوجع. مسحت دموعها بكف يدها وقتلو بصوت مخشخش دافي:" أنا جمبك .. مانيش باش نخليك وحدك باش نبقي معاك علي طول وعد..

سمعت صوتو الباكي" كنت باش نحققلو الي تمناه.. أما هو مشا مشا.." 

فتون:" هو مشا لبلاصة خير برشا.. صدقني" 

خذات نفس طويل غمضت عينيها وكملت" جدي كان طيب .. عندك حق تحزن عليه.. وتتعلق بيه كيما أنا تعلقت بيه.. تعرف كان راك في الحالة هاذي تو راو فرح برشا.. يفرح كي يعرف الي أنت تحبو.." زاد قوا في البكا عدات صوابعها في شعرو وقتلو:" يزي.. ماتبكيش ..مانيش مستحملة نراك في الحالة هاذي.. نتوجع يزي بيجاد"

خزرلها بعينيه ووقف عالبكا.. " فتون واسيني" 

مدت يداها مسحتلو دموعو قربتلو وحلت يداها عاودت عنقتو:" ايجا" بقا معنقها قامو الزوز مالقاعة حملها ومشا باها للفرش ..حست بالنفس متاعو سخون علي رقبتها.. حست بشفافيو.. باسها من رقبتها.. تكمشت عندو.. قدم باها حطها عالفرش.. وجا فوقها..

الحلقة 50:

"بيجاد" حست بيدو الي تنحيلها في روبتها عاودت قتلو بخوف" لا بيجاد لا" حاولت تبعد يدو وتبعدو عليها مانجمتش.. حست بالخوف مرا اخرا " عيشك بيجاد.. ابعد" ظهرلها الي هو موش في وعيو مالشرب.." قتلك واسيني وانت وافقت" 

"مايجي.." قص علاها كي باسها من شفايفها.. بعد و قلها:" موش أنت عاشيقتي.. أما لتوا ماخدمتش خدمتك" 

عاود رجع قربلها بدا يبوس فاها من شفايفها.. مانجمتش تقاوم الي تحس فيه.. ذابت معاه هزت يدها وعداتها علي شعرو.. بعد شويا كمل نحالها الروبة.. أول مرة يثبت فيها.. بدنها صدرها افخاذها شعرها.. عينيها شفيفها بكلها بقا مركز مع البوستخالة علي كتفها داخ بدنها أبيض شمعة صدرها روز مدور.. رجع يبوس فاها يعض فاها من شفايفها غمض عينيه بالقوي يتبنن فيهم باسها من جنب فمها هبط شويا لرقبتها يبوس فاها بفيانة.. وهي طاوعتو بدنو سخن نحا سوريتو ورماها عالقاعة نحا دبشو الكل عدا ملحفة فوقو ورجع فوقها بدنو مكبوس عروق يدو ميسكل متاعو الي زاد دوخ فتون... عدا يدو ورا ظهرها حللها السوتيان حست برعشة في بدنها.. يدو لخرا حطها علي صدرها وهبط بشويا لصرتها دور صبعو علي صرتها .. حطت يدها من غير ماتشعر علي صدرو ورعشة خفيفة في كرشها كمل هبط يدو اللوطة اكثر غمضت عينيها وجبدت نفس طويل هبط شفايفو لصدرها يتبنن ويعاود تقول طفل صغير يرضع من امو هههه.. بقا النفس طالع هابط موش منجم يقاومها حس برعشة قوية وجيعة .. جبدها ليه اكثر وبعدلها شويا ساقها... حست بيه حاجة مكبوسة حاجة قوية أول مرة تحسها داخت ترهوجت من ريحت البارفان ريحتو هو.. النفس متاعو بدنو.. هزها لعالم آخر هزت يداها الزوز حطتهم ورا ظهرو وكبست عليه بظوافرها حل عينيه وخر التالي شويا خرج كل شئ تفرهد رجع باسها من رقبتها بقا معنقها حاط راسو في رقبتها عدا صبعو علي البستخالة في صدرها.. الضو خافت صوت النفس طالع هابط صوتهم هما على ضو القمرة..

 

الحلقة 51:

طلع الصباح.. في بيروه بقا الشيطان ماشي جاي في البيرو موش فاهم شئ..كيفاه عملت هكا.! كيفاه كنت ضعيف لها الدرجة!!.. كيفاه .... كيفاه ظهرت ضعفي قدامها..كيفاه بكيت قدامها عدا يدو علي شعرو.. بعد دار قعد ورا بيروه.. يتفكر الي صار معاها ليلة البارح..شعل.. عينيه تقدح مالغش.. متغشش من روحو..ومنها اي.. منها كيفاه خلاتو.. علاه مافيقتوش علاه مامنعتوش.. تلفت للبيرو هز كاس بلار رماه عاالحيط كسرو ولوح كل شئ محطوط عالبيرو في القاعة..

"كيفاه وصلت للحقارة هاذي كيفاه"

في بيت الشيطان.. قعدت فتون عالفرش لامة ساقها لصدرها مغطية بدنها بملحفة قري.. شاردة تخزر في هاوية تمتم في قلبها:" خاينة .. أنا خاينة" ولات كيف امها خاينة .. لا موش كيف امها خانت راجلها المتوفي مع صاحبها.. هاذي اشنع .. خانت راجلها وهو عايش اي عايش..هو راجلها حتي كان هي موش حابة هذا.. جات قدامها تصويرة بوها متغشش حزين.. حطت كفّ يدها علي وجها موش منجمة تستوعب الي صار دموعها هبطو الماضي .. بوها امها هي كل شئ تلم مع بعضو..

الحلقة 52:

خرج محمود من بيت لوتيل الي كان قاعد فيه لابس مريول نوار وفازت قري سروال نوار.. قعد في الرسابسيون.. يستنا في الراجل الي يخدم هو وياه يجي.. 

" ممم حاجة باهية.. كي وقتك تعديه في الخدمة.." قلهالو الراجل الي قاعد معاه

تبسملو محمود بخبث وجبد لوراق الي هزهم معاه ومدهملو خذاهم الراجل من عندو وقام :" دقيقة ونرجعلك" هز محمود حواجبو مستغرب "شنوا فما"

" تو تعرف كي نرجع"

بعد درجين رجعلو الراجل وفي يدو الأوراق غمزو محمود " آه شفما" 

رمالو الاوراق عالطاولة وقلو:" الأوراق هاذي مزورة"

خزرلو محمود مبهل مصدوم" كيفاه مزورة" 

"مممم مدام الكاشا «الختم» مزور يعني الأوراق مايصلحوش"

هز محمود الأوراق مالطاولة بزربة خزرلهم

" مستحيل... مستحيل تكون مزورة.. اكيد فما حاجة غالطة"

" لا ماهيش مزورة..أنا شكيت ماللول.. هزيتها لواحد خبير في الامور هاذي قلي مزورة... وأنت مافيبالكش الي هي مزورة"

" لا بالطبيعة" نزل علي سنيه بقوة وكمل" أكيد الشيطان الطحان"

"مم مالا الصفقة..موش باش تم سلام"

كبس محمود علي يدو بالقوي.. الدم طلعلو كيفاه الشيطان يعديها عليه ويخسرو الصفقة..

طلع في الكرهبة هابل " ارجع لقرية الشيطان.. تحرك"

قامت فتون مالفرش لافة روحها بالغطاء.. قامت تطايح مالفرش..هزت حوايجها مالقاعة دخلت لبيت البانو.. حلت المرش وقفت تحتو مغمضة عينيها بالقوي تنهدت بوجيعة...

خرج الشيطان من بيروه.. طلع للطابق الثاني.. تردد ماللول باش يدخل للبيت تنفس بالقوي.. دخل للبيت عدا عينو عالفرش مالقاهاش.. سمع صوت الماء في الدوش عرفها الي هيا لداخل جا باش يخرج.. بقا يخزر للفرش تذكر ليلة البارح.. غمض عينيه بالقوي نزل علي يدو كبس علاها تنفس بخشونة... حل الباب باش يخرج سمع صوت طيحة في الدوش

الحلقة 53:

رجع يجري للدوش خايف .. دور الكوبة بيدو..ماحبش الباب يتحل زاد تقلق بقا يدور..

"فتون... فتون.." يدق ويعاود

جاوبتو بصوت باكي:"شنوا حاشتك"

"حل فتون.. انت لباس"

خزرت للدم الي يسيل من يدها وقتلو:" امشي منا"

جاوبها بصوت خشين"فتون حل" نزل بقوة علي سنيه بقا مكور يدو عالباب "كان ماكش حالة راني باش ندخل"

"لحظة" قدمت للمعلاق بجنب الباب لبست الكاب دو بان بوجيعة وحلتلو الباب وراسها متبص في القاعة "شنوا الحس الي سمعتو الد.." سكت كي شاف يدها.. تنفض بقوة..دخل. قربلها أكثر شدلها يدها وقلها بقوة" شنوا كنت تعمل في روحك.. آه جاوب" وجهو حمار مالغش ..جبدت يدها منو "نحب نقتل روحي عندك مانع"

دار بعينيه لداخل شاف السكينة مسخة بالدم ملوحة في القاعة.. " فتون انت مجنونة" 

شدها من يدها مرا خرا وخرجها مالبيت البانو.. حابت تملص روحها مانجمتش قعدها عالكرسي وعطاها قحرة.. دار جبد صندوق الاسعافات الاوليه مالدروج وحطو قدامو وبقا يداويلها في يدها..بعد ماكمللها حطو علي جنب وقلها بتبسيمة صفرة" الحمدلله الجرح سطحي ماصرلكش ايموغاجي.. شفت تهورك وين وصلك"

قامت جات خارجة طفاتو متغششة.. خلطت وراها شدها من يدها.. دارتلو وعينيها كلهم لوم 

"سيبني بيجاد.. موش مكفيك الي صار" ويدها لخرا تضرب فيه علي صدرو..

تصدم من ردة فعلها..سيبها من يدها ووخر لتالي

"أنت واحد واطي مشا ورا شهوتو ونزوتو..ماكنتش متخيلتك هكا"

سكتت مانجمتش تعبر..هبطت راسها اللوطة وعينيها مليانة بالدموع

" أنا وليت خاينة.. في جرتك أنت بيجاد أي في جرتك.."

"جرتي!!" قالها بصوت خشين وقربلها مرا اخرا كبس علي يدو

"أوكي الي صار في جرتي.. أما أنت علاه مامنعتنيش آه علاه ماضربتنيش وهربت. عورتني... آه جاوب ماتعرفش؟؟"

شاف في عينيها نظرة متع لوم خزرة متع ندم... 

"خاطر ضعفت..خا...."

قص علاها" كهو مادام ضعفت تحمل العواقب"

خزرتلو ودموعها هابطة.. تبكي بحرقة

"أنا بهيمة... نستاهل..ديما نمشي ورا احاسيسي"

غمضت عينيها بالقوي..حطت كف يدها علي وجها.."أنت كيفو... كيف محمود مشا فيبالي أنت احسن منو أما أنا غالطة"

وخرت لتالي وبقات تمام" أنت كيفو كيفو..كلكم واحد أنا نكرهك..أنت ماتستاهلش حبي"

بقا يخزرلها ضايع موش عارف شنوا يعمل عدا يدو علي شعرو..يرا فيها تبكي.. قلوبو وجعو مايحبش يراها هكا.. قدم منها جبدها من جنابها وعنقها ليه نحات كف يدها وحطتو علي صدرو" نكرهك نكرهك بيجاد"

دفنت راسها في صدرو وبقات تبكي

الحلقة 54:

نوقز تليفونو.. وخرت فتون لتالي بعدت عليه مسحت دموعها.. جبد التليفون من جيبو جاوب.. خزرتلو وبعد دارت هزت حوايجها.. لبستهم في الطوالات وخرجت هابطة في الدروج تجري.. عرضتها زهرة مستغربة.. رات وجها شاحب حزين عينيها حمرا مالبكا..

"مدام فتون شبيك.. لباس كنت تبكي... أكيد علي موت عبدالباسط.. الله يرحمو".. هزت فتوت راسها لفوق ولوطة ماحبتش تحكي في الحالة اذيكا..

"زهرة تنجم توقفلي حاجة ناخذها.. باش نرجع لقصر محمود" 

"باهي مدام" هبطت لبرا باش توقفلها تاكسي..

ثنية كاملة في القرية ومحمود يغلي.. دمو فاير موش مستوعب الي صار... يسب فيه يتوعد يهدد ..هز التليفون بغش كي را الخديمة الي خدمها عندو ايامات

" شبيك تكلم فيا.. لباس.. فيبالي خدمتك معايا وفات "

" نعرف الي وفا.. أما فما حاجة نحبك تعرفها"

" شفما"

" المدام متاعك"

" فتون؟؟"

"أي اذيكا.. توا بركا شفتها خارجة من قصر الشيطان"

" شنوا.. فاش تحكي"

" مانعرش أما توا شفتها"

"علق"

علق علاها طول وطلب العساس في القصر متاعو بالوقت..

الحلقة 55:

فتون في القصر عندك"

" اي سيدي"

" اتاكدلي توا تحرك روحك"

"حاضر"

" ابعث الخديمة تشوف"

دخل يجري للقصر بعث الخديمة هبطت قتلو موجودة

"اي سيدي موجودة"

" باهي علق"

دارت الخديمة ومشات بزربة خايفة لا يفيق بكذبتها.. 

"طلعو السلعة في الكميونة باش نتحركو" قالها أيمن للرجال الي معاه باش يعبيو السلاح في الكماين ويهزوه.. كيما امرو الشيطان.. بعد هز التليفون وكلمو باش يعلمو الي السلاح باش يخرج... بعد مايعطيهم الأوامر..

وصلت فتون للقصر لافة روحها بالشال.. دخلت ماالباب التلاتي وطلعت في الدروج بالشويا.. تفجعت كي رات الخديمة تستنا فاها حطت يدها علي صدرها مالفجعة قدمت منها الخديمة

"مدام فتون... اخيرا جيت. سي محمود يسأل عليك"

حلت عينيها بخوف" هو رجع"

" لا أما بعث واحد مالحراس الي لبرا يسأل في الخدام وبزهرك سالني أنا.. ياخي كذبت عليه قتلو الفوق"

حطت فتون يدها علي كتف الخديمة تبسمتلها " عيشك خاطر خبيت عليه" دارت وكملت طلعت في الدروج دارت عالليسار دخلت لبيتها نحات الشال رماتو عالفرش وتكات عليه حطت مخدة علي وجها وبقات تبكي بسكات..

الحلقة 56:

وصل محمود للقصر.. بعد غروب الشمس بشويا... دخل للقصر.. طلع في الدروج دار عالامين وين موجودة بيتها.. قدم حل الباب يلقاها ظلمة بكلها .. مد يدو في الحيط يلوج عالفلسة باش يحل الضو.. شعلو خزرلها من بعيد لقاها راقدة لابسة سروال بيجاما نوار مريول نوار شعرها لامتو كعكة.. قدم منها قعد علي حافة الفرش.. عدا يدو علي شعرها.. كي حست بيه بجنبها تنفضت من بلاصتها قامت تلفتتلو بغش

"محمود!!"

"توحشتك... ماتوحشتنيش" حبت تبدل الموضوع "وقتاه رجعت"

"توا وصلت.. جيتك طول"

دورت وجها عليه " مفماش علاه جايني لنا.. برا لبيتك"

تبسملها" أما أنا نحب نجيك نجي عندك حبي"

حست بالذنب ماللي عملتو.. تفكرت الي صار مع بيجاد دخلت بعضها.. عدات يدها علي شعرها بربثة.."تنجم تخرج" 

تلفت ليدها لقاها بالبونداج قوس حواجبو.. شدهالها " شنوا هذا.. شباها يدك"

بلعت ريقها بالسيف" ت..ضربت..ببلار.."

"رد بالك مرا الجاي"

" جرح خفيف تو يبرا" عاودت دارت عطاتو بالظهر ورقدت" تاعبة نحب نرتاح..عيشك اطفي الضو واخرج"

قام ينفخ.. موش عاجبو الي صار.....

دخل عزالدين لبيت أيمن لقاه شارد متكي عالفرش " شنوا فما وحيدة وماتقليش" فاق ايمن من سرحتو تلفت يلقا بوه واقف يضحك يحك في لحيتو" ههه لا يا شيخ أنا طفلة.. مازال حتي ندبرولك أنت وحدا"

" صايا بوك بابورو زفر.. أما كان فما مانقولش لا.. نعمة ربي.." هز ايمن حواجبو بعد ضحك كي عرف بوه يفدلك

" أم ماقتليش فاش كنت سارح"

" في الشيطان يابابا"

"شبيه"

" أمورو موش عاجبتني.. اليوم تقابلت معاه علي الخدمة.. حكينا بقا سارح.. موش من عوايدو أنا نعرفو خدمتو مركز معاها برشا.. أما اليوم موش فاهمو"

" أكيد عندو حاجة شاغلتو اتو يرجع.. ياولدي الشيطان.. الي صارلو موش ساهل خلاه كي السيد في القرية.. المهم وصلت السلاح لقرية حامد"

" تهنا بابا كلو مريقل"

الحلقة 57:

هبط في الليل الشيطان مالكرهبة وقف قدام القصر جا داخل وقف كي ندالو واحد من رجالو دارلو .." سيدي محمود كان لنا سأل عليك"

الشيطان مستغرب هز حاجب لفوق"محمود!!"

" أي وكان متغشش"

تبسم الشيطان علي جنب وتمتم"اكيد جاي يعارك" دار ودخل للقصر طلع في الدروج للطابق الثاني.. جا ماشي لبيتو.. بدل رايو وكمل طلع للطابق الثالث.. بيت عبدالباسط..حب يشوفها.. يشم ريحة جدو.. حس الي هو مازال عايش ماماتش.. كان معوضلو بوه.. صحيح مقعد.. أما عمرو ماوجعو والا حسسو الي هو" يتيم" عينيه حمارو زغللو بالدموع كي تفكر كلمة يتيم.. تفكر كي كان يطلع لبيت جدو في الليل يطمان عليه يوصل للباب كان يسمع صوت.. صوت كي سمعو حس بالأمان حس الي هو موش وحدو.. سمع صوت جدو يرتل في القرآن..

( فِ أمّاُ اَلِيّتُيَمِ فُلِاّ تِقُهَرِ )💙 كانت الآية كيما الصاعقة نزلت عليه... بكا طاح عالقاعة.. سند ظهرو عالباب.. تفكر الي هو يتيم البو والام تفكر راجل بوه الي مارحموش.. ضربو.. ذلو.. كسرو.. كسرلو جناحو وهو صغير.. مرمدو.. كان يخدم في أرض بوه ليل ونهار يبات للبرد.. جيعان..كان يرا في امو موش حنينة عليه. بالعكس حاستو نقمة في حياتها.. كان يشوف في رزق بوه في يد عدو الي مارحموش.. الحيوان يسخفو عليه يدخلوه عالبرد .. هو لا، دخل للبيت شم ريحة جدو .. كانت موحشة،كان كتاب قرآن موجود عالفرش حلو.وبقا يقرا شويا.. باش يدفي قلبو .. باش يحس بالراحة الي كان يحسها كي كان جدو قبل يقرا قرآن..لقا ورقة صغيرة في وسط المصحف حلها يقراها كانت قديمة شويا صفرة.. 

"دموع الايتام تهز عرش الرحمان عن ابن عمر رضي اللّھ عنهما أن رسول اللّه صلى اللّه عليه وسلم

قال: (إن اليتيم إذا بكى اهتز لبكائه عرش الرحمن، فيقول اللّه تعالى لملائكته: ياملائكتي من ذا الذي أبكى هذا اليتيم الذي غيبت أباه في التراب فتقول الملائكة ربنا أنت أعلم فيقول اللّه تعالى لملائكته: ياملائكتي اشهدوا أن من أسكته وأرضاه؟ أنا أرضيه يوم القيامة)." 

تعدا كي الكورون في بدنو.. حس برعشة في يدو ..الورقة طاحت من يدو من غير مايشعر... دموعو بلت المصحف مسحها فيسع.. هبط عالقاعة.. علي ركبتو سجد لوطة.. أول مرة يركع أول مرة يحس فما حاجة تحركت فيه أول مرة يحس الي فما شكون يخزرلو أول مرة يحس بروحو موش وحدو..

الحلقة 58:

" قلي شنعمل موش عارف كيفاه نتصرف.. أول مرة نحس روحي عاجز.. موش فاهم روحي.. موش فاهم شئ.." قالها الشيطان موش عارف لشكون.. قام مالقاعة تفكر كلام فتون" أنا نكرهك بيجاد نكرهك"... تعدا الوقت ماحسش بيه.. خرج من بيت جدو وتعدا لبيتو يرتاح..

تعدات جمعة.. 

مشات زهرة طل علي دارهم بعد ماسمعت الي محمود طرد سالم من عندو... بقات تواسي فيه "بابا أنا توا لازمني نمشي ماتحط شي فيبالك"

"زيد اقعد بحذانا أختك مروة مازالت كي جات من دار راجلها"

" مانجمش بابا.. لازمني نمشي لمدام لفتون.."

" مدام فتون.. يعني لقصر محمود.. عيش بنتي فك عليك. كان يراك محمود"

" ماتخافش عليا ماعندو مايعملي"

" ماهوش باش يسيبك..علاه ماشية لمدام فتون"

" ماشية نطل علاها.." 

"باهي رد بالك علي روحك"

الحلقة 59:

تعدات جمعة..

قامت فتون الصباح مالفرش تطايح.. شدت كاس الماء شربت جات باش ترجعو تبصت شويا طاح من يدها.. تفجعت كي رات محمود داخل علاها للبيت يبتسم قدملها بالشويا وين واقفة

"شنوا عاملة ليوم فتوني"

بلعت ريقها بالسيف.. وشهقت كي جبدها من يدها بالقوي وكمل" مم شبيك خايفة هكا..مانيش عاملك شئ اليوم"

خزرتلو بغل وكره" ابعد"

" توتو منغير ماتقولها الكلمة هاذي تنرفزني"

"نكرهك في الدم.. أبعد عليا" ضربتو بالقوي علي يدو.. خرج عينيه" وزادا هاذي تكرزني"

قرب منها شدها من دقنونتها " مازلت ماتعرفنيش كي نتقلب نتحول 180°"

" ياواطي" قالتها وعينيها كلها دموع

" ماكش باش تتربا.. تحب نكسرك وجهك آه.. تحب نضربك"

جبدها للمراية " شفتو وجهك تحب نشوهولك.. ولا بدنك نزرقهولك مالضرب.. كان ماكش باش ترجع كيما قبل نوريك الويل رد بالك"

سيبها وجا خارج قلها:" حضر روحك في الليل باش تكون ليلتنا يا فتوني ليا أنا"

الحلقة 60:

مع المغرب.. وصلت زهرة للقصر.. بقات تستنا اللوطا.. مشات الخديمة لفتون دقت علاها الباب.. مسحت فتون دموعها" أدخل"

الخديمة" مدام فتون فما وحدا البرا تحب تراك"

"شكون.. دخلها" دخلت زهرة للبيت راتها فتون تبسمت " مدام شبيك .. شكون الي عملك هكا.." خرجت الخديمة قدمت فتون من زهرة وعنقتها قعدت بحذاها 

زهرة" احكيلي شنوا صار"

"شنوا باش نحكي وشنوا باش نخلي... بعد مارجع محمود للقرية بناهرين في الليل جاني سكران.. دخل لبيتي حب يمسني..مخليتوش..

صديتو.. شدني ضربني.. مارحمنيش..جاني من غدوة طلب السماح وكي العادة حاولني ماحبيتش ضربني.. كل ليلة يجيني سكران..اليوم زادا جاني يهدد فيا موش عارفة شنعمل" تنهدت بعد مسحت دموعها.. بقهرة ووجيعة. تنهدت زهرة وقتلها:" اهرب مدام فتون منا اهرب."

"صعيب.. تي هو موش مخليني نخرج حتي للجنينة هاك تشوف عازلني عالناس الكل"

سكتت زهرة بقات تخمم بعد تكلمت:" سيدي الشيطان"

قوست فتون حواجبها "شبيه"

" تو نكلمو يعاونك"

" موش باش يهمو جملا"

" لا تو نشوف اكيد تو يعاونك"

" امشبي زهرة منا قبل مايرجع محمود.. ويلقاك لنا" قامت زهرة باست فتون وخرجت

الحلقة 61:

رجعت زهرة لقصر الشيطان دخلت مشاتلو للبيرو.. دقت الباب.. كانت مترددة خاطر كلام فتون بقا في بالها "نعرف موش باش يهمو" خافت لا مايعمل شئ.. سمعتو قلها ادخل.. وقفت قدامو داخلا بعضها.. خزرلها 

"نسمع فيك" قالهالها بصوت هادي.. بلعت ريقها بالسيف " فما حاجة نحب نقلهالك.. أما مانعرش كان باش تهمك والا لا"

" قلي وأنا تو نشوف تهمني ولا" هزت راسها لفوق ولوطة.. " مادام فتون"

لمعت عينيه كي سمع اسمها.. حاول مايضهرش قلها:" شباها"

حكاتلو زهرة الي حكاتهولها فتون بالتفصيل.. وجهو تقلب عاللخر وقام خرج مشا لقصر محمود كي الجن..

دخل الشيطان لقصر محمود..بغش سأل وحدا مالخدام بصوت عالي خشين" محمود وينو"

"ه..هو ال..فوق"

طلع يجري في الدروج وصل للكلوار بقا يدور

"موش عيب تدخل لقصري وتسرح فيه" قالهالو محمود وهو خارج من وحدة مالبيوت لفوق 

"لا موش عيب"

قدم منو محمود" جايني لنا لواه"

غمزو الشيطان وحط يدو في جيبو" جاي ناخذ حاجة تخصني"

هز محمود حواجبو.. قدم منو الشيطان خطوتين

"حاجة تخصك؟؟؟ وعندي!!"

" اي"

" شنوا الحاجة"

"فتون"

الحلقة 62:

خزرلو محمود وضحك بصوت عالي

"فتون... ههه من وقتاه تخصك"

"موش مهم من وقتاه"

"ظاهرلي فيك نسيت الي هيا مرتي"

تبسم الشيطان علي جنب يستفز فيه

" مم يظهرلي نسيت"

تبسم محمود بغزول "مدام نسيت نفكرك مالا الي هيا مرتي"

خزرلو الشيطان قبل مايتعداه وقلو:" اناهي فيهم بيتها"

" وانت تحب تعرف اناهي بيتها لواه آه"

" حاشتي باها"

حط الشيطان كف يدو علي وحدة مالبيوت باش يحلها قدم منو محمود بزربة شدو من يدو نزل علي سنيه بغزول وتنرفيز.."أخرج مالقصر متاعي توا ياكلب"

خزرلو الشيطان خزرة باردة" باش نخرج.. أما بعد مانهزها معايا"

"شنوا معناها تهزها.. لباس"

صاح محمود بالقوي وقلو بصوت عالي سمعتو فتون قامت مالفرش بزربة" فتون مرتي وأنا راجلها مانيش مخليك تهزها.."

" راجلها!!ههههه فيبالي موش معبرتك جملا"

شدو محمود مالكول متع السورية وجهو حمار" أخرج لبرا" ضحك الشيطان بالقوي" سايس علي روحك لايتقطعلك عرق" 

عاود عيط" اخرج تحرك" شدو الشيطان من مريولو وعطاه بونية علي وجهو جابو في القاعة.. حلت فتون الباب بالشويا.. تمتمت "بيجاد" دارلها جات العين في العين برشا كلام احاسيس تحكات مالعين..

الحلقة 63:

بقا يخزرلها.. عينيه ظلامت شدها من يدها وخرجها مالبيت.. مشا باها في الكلوار وقف في الدروج..كي حسها وقفت دار يشوف يلقا محمود شادها من يدها الامين موش مخلاها تتحرك... وجهو أحمر نزل علي سنيه بغش " قتلك فتون مرتي.. مانيش مخليك تهزها"

تنفس الشيطان بخشونة وقلو بصوت يرعب

"محمود ماعنديش خلوق باش نتعارك معاك"

ضحك بقهر" وكي انت ماعندكش خلوق جاي لنا علاه ياطحان"

" جيت باش نهزها ونمشي"

" وأنت فيبالك باش نسيبهالك بالساهل"

" هههه.. انا مانيش مستنيك تسيبهالي.. أنا جيت وباش ناخذها.."

كمل الشيطان كلامو وجبدها ليه بقوة.. توجعت.. خباها وراه.. تصدم محمود كي را الشيطان جبد فتون قام وكور يدو باش يضربو.. صدو الشيطان بكف يدو قبل ماتجي في وجهو

"رد بالك تلعب بحياتك.. نبهتك وهذا آخر تنبيه"

كبس علي يد محمود وسيبهالو.. بعد دار لفتون شدها من جنبها وهبطو في الدروج وخرجو مالقصر ركبها في الكرهبة وبعد ركب بجنبها مالقدام باش يسوق.. جا وحدو المرا هاذي من غير رجالو والا الحراس متاعو.. بقا محمود يخزر هبل جن دار يكسر في أي حاجة بحذاه موش مصدق موش منجم يتحكم في روحو..

الحلقة 64:

"الو زهرة.. وينك بنتي لباس.."

"اهلا بابا الحمد لله لباس"

" ماعملك شئ يابنتي محمود"

" لا يابابا تهنا وقت مشيت هو موش موجود غادي"

" هيا باهي.. هاي امك تحب تكلمك"

"زهرة بنتي..ويني مدام فتون شنوا عاملة عند محمود"

"كان تراها يا ماما حالتها تسخف.." بقات تحكيلها عاللي صار

" محمود الواطي عمل فاها"

" أي وأنا تصرفت كلمت الشيطان وقتلو"

" الشيطان؟؟ وهو شعمل.."

" دوب ماقتلو.. خرج بالوقت"

" باهي يابنتي رد بالك علي روحك لازم نعلق"

"باهي ماما باي"

دخلت فتون للقصر ورا الشيطان...

"بيجاد" عيطتلو بصوت خافت كملت" استنا"

وقف.. دارلها.. قدمت منو بخطوات " ماغسي خاطر عاونتني"

هز راسو الفوق واللوطة بخفة ودار بزربة وقف كي كملت" ماكنتش متوقعة تعاوني.."خزرلها من فوق كتفو " فيبالي خليتني صايا.. آاه 

حست بوجيعة في ظهرها بقات تتوجع.. دار كي سمعها تأن.. ماحبش يظهر.. زاد لقلق متاعو كي راها مغمضة عينيها بالقوي.. قدم منها بزربة

قتلو بصوت متقطع" اه.. ظ..هري..يوجع فيا برشا.."

حل عينيه من غير مايشعر.. قدم منها حاوطها بيدو من جنابها وشدها " انت لازمك طبيب"

مشا باها وين الدروج.. تتوجع تمشي بالسيف تطايح..طلعت الدرجة اللولة بالسيف خزرلها.. شهقت كي راتو قربلها عدا يدو ورا ظهرها وحملها ليه

"شتعمل"

مجاوبهاش كمل طلع باها للطابق الثاني قدم العساس حلو باب البيت دخلها حطها عالفرش ودار خارج" نمشي نجيب الطبيب ونعيطلك لزهرة"

الحلقة 65:

دخل محمود للبيرو متاعو كشاكشو طالعة.. فاد هابل قعد عالكرسي يتنفس بقوة..يحرك في صبعو بزربة وساقيه ترعش مالعصب.. عينيه حمارت وجهو حمار..موش فاهم،كيفاه الشيطان تجرأ وهزلو مرتو.. قدام عينيه..كيفاه مادفعش علاها حتي كان آخر نهار في حياتو.. عصر علي عينيه غمضهم بالقوي.. فتون كيفاه طاوعت الشيطان وستسلمتلو.. كانت تستنا فيه!!..طلعلو الدم الراسو.. السخانة طلعت..بقا يهز في راسو كي المجنون ويتمتم

" فتون ليا أنا.. أنا كهو.."

تعدات ربع ساعة ماللي دخل الطبيب يشوف في فتون.. حل الشيطان باب البيت دخل.. قدم منهم..قام الطبيب طبس يحي في الشيطان.. هز ظهرو لفوق مرا اخرا.. كي سالو الشيطان

" ها.. شنوا لباس..شعندها"

" ظاهر فيها طاحت علي ظهرها وصارلها كيما الفتلة..أنا عملتلها فاكسان باش تخفف علاها الوجايع..وغدوة تبداو تدهنولها بكريم عطيت اسمها لزهرة.. هز الشيطان راسو الفوق واللوطة قلو باهي مدلو فلوس وخرج الطبيب..تلفت الشيطان لفتون لقاها رقدت.قامت زهرة من بحذا فتون.. بعد ماغطاتها بملحفة قري.. قدمت مالشيطان

مطبسة راسها" نمشي نشري الكرام سيدي" تلفت خرجت مالبيت.. قدم منها بقا يخزرلها.. شارد بعد هز روحو خرج..

----- --  - ------    ------------ --- --   ----------- ------

طلع نهار جديد.. الشمس زرقت

" هو طلبك حابك تعاونو..أنا مانيش فاهم.. أنت كيفاه باش تعاونو.. كيفاه باش تعاون محمود؟؟"

قالها أيمن لبوه.. موش مستوعب شئ.. تلفت عزالدين لايمن بعد مالبس سوريتو البيضة ..

" أنا موش باش نعاونو يا ايمن .. ماشي معاه للشيطان..ونحكي معاه في موضوع فتون.. اصلا مايجيش الي عملو.. كيفاه يمشي ويهزلو مرتو.. قدامو.. عيب عيب.. مايجيش.."بعد حط يدو علي كتف أيمن يطمن فيه

" صحيح عندك حق الي عملو مايجيش.. أما بالك عندو سبب خلاه يعمل هكا"

"مهما كان السبب ماعندوش حق يعمل حاجة كيف هكا"

دق الباب دخل العساس لبيت عزالدين" سي محمود وصل"

"باهي هاني هابط توا"

خرج..قبل مايهبط تلفت لايمن قلو:" أنا ماشي" هز ايمن راسو باهي..

الحلقة 66:

حلت فتون عيناها بالشويا.. عاودت غمضتهم.. بعد حلتهم مرا اخرا بزربة دارت براسها. تتفكر هي وين.. قامت تكات ضهرها عالفرش.. تذكرت كل شئ.. جبدت نفس طويل..حست بوجيعة في ظهرها.. هبطت ساقها عاالتابي اللوطة.. جات باش تقوم.. دق الباب.. دخلت زهرة في يدها بلاطو فيه فطور الصباح..تبسمت زهرة كي راتها " صباح الخير مدام فتون.."

"صباح النور زهرة"

"يالا ايجا افطر" حطت الطبق فوق الطاولة وبدات تحط في الماكلة.. قهوة،عصير،زيت زيتونة،كيك،جبن،زبدة،معجون فراز كيما تحبو،طوست.

"شاهيتي مسكرة.. ماعنديش نفس للماكلة"

"لا مايجيش لازم تاكل حاجة" حكت فتون شعرها بعد قامت" باهي خلي نغسل وجهي الساعة"

بعد ماكملت خرجت قعدت عالكرسي تشرب في القهوة خزرت لزهرة "ايجا افطر معايا"

" لا عيشك فطرت"

" باهي اقعد عالاقل بحذايا خير ماللي نقعد وحدي"

هزت راسها وقعدت مقابلتها

" الشيطان وينو؟؟"

" سيدي الشيطان في المكتب متاعو مالبارح"

"مالبارح" حارت فتون.. علاه ليلة كاملة بايت في المكتب.. مايحبش يشوفها زعمة.. كان هكا علاه عاونها مالا.. شردت شويا بعد تكلمت

"زهرة قلي"

"تفضل"

البارح كي قلت للشيطان عليا وعلي حالتي شنوا قال"

"مقال شئ" 

"باهي تعابيير وجهو كيفاه" 

"مانعرش أما وجهو تقلب.. مانجمتش نميييز بالظبط " تنهدت فتون قامت زهرة باش تهز الفطور" نهبط الفطور اللوطة ونرجع ندنهلك ظهرك بالكرام..مزال يوجع فيك؟؟

" شويا.. ندخل نعمل دوش مدام آنت جيت"

"باهي"..

الحلقة 67:

خرج الشيطان مالبيت الي موجودة في المكتب قعد عالكرسي ورا البيرو متاعو شد كاس ما شرب منو. عاود رجعو.. بدنو مدقدق..مانجمش يرقد مليح البارح مالتخمام المدة اللخرا.. رجع. راسو لتالي عالكرسي غمض عينيه..

دق الباب رجع راسو لقدام " ادخل" دخل واحد من رجالو متبص راسو" سيدي سي محمود وسي عزالدين البرا يحبو يشوفوك"

هز الشيطان حواجبو الفوق.. مستغرب

"محمود وعز الدين!!.. باهي دخلهم"

بعد دقايق دخل عزالدين وراه محمود يتسكبن. قعد عزالدين عالكرسي مقابل الشيطان وبجمبو محمود.. موش مظهر غشو.. 

" شنوا .. قضية الشرق الأوسط يابوص "

قالها الشيطان وهو يخزر لمحمود خزرة ترعب..

تلفت عزالدين للشيطان حب يهدي الجو

" باهي قبل كل شئ.. شنوا عامل"

" جوي فسفس"

"جيتك لنا باش نحكي معاك في موضوع مهم.. خزر الشيطان لخالو عزالدين يسمع فيه شباش يقول كمل" محمود قلي علي كل شئ.. ما يجيش الي عملتو.. فتون مرتو.. مايجيش تمشي تهزها كاييني معندهاش راجل تشاورو"

تبسم الشيطان علي جنب بطريقة مستفزة..سمع كلام خالو وموش عاطيه اهمية خزر لمحمود وقال" وهو الراجل هذا ماينجمش يرجعها وحدو.. خايف ظاهرلي فيه"

"شيطان" عزالدين قالها بعد كمل" عيب الي تعمل فيه.. موش أنت الي تطلع منك التصرفات هاذي.. انت واعي وتفهم في الاصول نورمالمون ماتهزلوش مرتو..."

قص عليه الشيطان بكل برود" مرتو الي ماخذها عرفي"

بقا محمود ساكت باش الخطة ماتفشلش كي يرجع فتون أما مانجمش يكمل يسكت.." اسمو عرس واسمها مرتي يعني ماخذها عرفي حاجة ماتخصكش..وفتون باش ناخذها..يعني باش ناخذها."

"واريني كيفاه"

قام محمود بغش شدو عزالدين من يدو قعدو.. " اهدا شويا..باش نخليك تاخذ فتون.. أما استنا ماتدخلش"

دار عزالدين للشيطان " اسمعني" قص عليه الشيطان" أنت اسمعني.. أنت تعرف الي أنا نحترمك.. أما مادخلش روحك.. باش احترامي ليك مايتبخرش"

"تعرف أنا الغالط الي جيت لنا ننصح فيك.. من فضيحة قدام الناس بسبب موضوع كيف هكا وطفلة كيف هكا.."

كور الشيطان يديه بغش من كلام عزالدين بقا ساكت يسمع فيه.." نعرف الي هيا كانت عشيقتك.. أما موش ملكك.هي ملك راجلها."

قص عليه الشيطان." وأنا هو راجلها"..

الحلقة 68:

كانت الكلمة كي الصاعقة علي عزالدين..حل عينيه بالقوي..مالصدمة.. محمود ضحك بصوت عالي موش مصدق " هههه مرتك كيفاه...فسرلي"

مد الشيطان يدو.. وحل القجر الي بجمبو.. جبد منو دوسي فيه ورقة جا عزالدين باش يهزها سبقو محمود وخطفو من يدو وحلو بالقوي.. عينيه تحلو موش مصدق موش مستوعب..هو راجلها أما كيفاه..كيفاه!!..وهاذي تصحاحة متاعها..فتون كيفاه وافقت تعرس بيه..هز عينيه للشيطان وقلو تحت تأثير الصدمة

" اكيد الأوراق مزورين اكيد.."

خزرلو الشيطان علي جنب " فيبالك بيا كيفك.. باش نستعمل الطرق هاذي.."

طلع الدم لراس محمود ولا كي المجنون.. عاود شاف الأوراق وقدم مالبيرو بدا يضرب فيه بقبضة يدو" كيفاه مرتك آه.. كيفاه.. وهي في الأساس مرتي؟؟"

" وشكون قلك هي مرتك من اصلو" قالهالو الشيطان مع تبسيمة مستفزة.. 

"شنوا تقصد؟؟" قالها محمود وهو يوخر خطوات لتالي دارلو عزالدين موش فاهم شئ..

"كيفاه مرتك؟؟"

دار الشيطان لعز الدين " عادي عرست باها كيما اي زوز عرسو فما شهود وعدل الاشهاد وتوقيع العروسة"

" كيفاه اه... فما ورقة بيني وين فتون تمنع أنك تعرس بيها.." قالها محمود بصوت عالي والنار تاكل فيه...

"أنّا ورقة!! آه قصدك ورقة العرس العرفي الي حرقتها"

"كيفاه!! شنوا ..حرقتها!!" 

دارلو محمود لبيروه وشدو من كول سوريتو والشر طاير من عينيه.."انت مجنون .. كيفاه حرقتها.. كيفاه تعمل هكا ياواطي" 

بقا الشيطان هادي دمو بارد " ظاهر فيك مصر تحب تلعب بروحك" بعد شد يدين محمود بالقوي ودزو.. حط ساق علي ساق وكمل" استحمل عمايلك ياكلب أنت الي بديت اللعبة.. وأنا باش ننهاها"

" ننهيوها أما بعيد علي فتون" قالها محمود من بين سنيه 

" أنا لي نقرر ننهيها بعيد عليها ولا لا"

قام محمود هايج وقف عزالدين وشدو بالقوي..

" يزي توا.. محمود هيا معايا كهو.."

"مانيش ماشي من غير فتون"

" مالا كيف هكا خليك للصباح" رمهالو الشيطان باش يغيضو.. هبل محمود.. قدم باش يمشيلو عاود شدو عزالدين وجبدو للباب خرجو وبقا لاخر يصيح" مانيش مسيبهالك فتون ياطحان"

الحلقة 69:

دقت زهرة الباب علي بيت الشيطان.. قامت فتون تترنح باش تحل الباب

"وينك زهرة لتوا..شبيك بطيت..ظهري يوجع معاش نجم.. جبت الكريم..؟؟ خزرت فتون لزهرة الي كانت شاردة.. 

" سامحني اي هاو جبتها باش ندهنلك.."

قدمت فتون مالفرش وتكات قعدتها بجنبها زهرو هزتلها شوميز متاعها..وبقات تدهنلها.. بعد كملت.. تنهدت فتون بالقوي..رجعت الشوميز..

" زهرة توا إلي عملتو أنا غالط"

"علي شنوا؟؟"

" علي خاطر جيت مع الشيطان. وخليت محمود"

" أنا مانيش نشوف الي عملتو غالط"

" يعني أنا مانيش خاينة.. خاطر خليت راجلي.. مشيت مع واحد آخر.. مع راجل غير راجلي.. حبيت واحد اخر.. الحاجات هاذي الكل تخليني نكون خاينة..مانحبش نكون خاينة. وفي نفس الوقت منحبش نرجع لمحمود.." قالتها وعينيها كلها حزن وقهر..هبطت راسها.. عينيها تملات بالدموع.. " قلي شنعمل زهرة.. 

"مدام فتون..نحب نقلك علي حاجة سمعتها.."

مسحت دموعها بكف يدها.. جات باش تتكلم سمعت صوت الشيطان داخل للبيت " نجم ندخل"

قامت زهرة مالفرش وهبطت راسها.. وخرجت بزربة" نخليكم" 

قدم الشيطان مالفرش يخزرلها شنوا عاملة ليوم"

"لباس عيشك" وخر لتالي ودخل للبالكون.. وعاود خرج محمل السرج متع الحصان.. راتو فتون خارج.." باش تركب الحصان"

خزرلها من فوق كتفو..كملت" كان باش تمشي نحب نجي معاك"

" لا"

" علاه نحب نركب بيجاد"

" علي فكرة مستحيل نهزك وظهرك..مزال واجعك"

قامت بالسيف بزربة خلطت وراه.." خايف عليا" قالتهالو وحست بوجيعة في ظهرها اما معطاتهاش أهمية..

الحلقة 70:

خرجت وراه للجنينة وقف دارلها.." ستناني لنا نخرج الحصان".. لابسة شوميز بيضة وسروال تاي اوط..وصباط نوار بعد درج خرج ومعاه حصانو الاكحل.. قدم منها.. خافت شويا كي رات لحصان خزرلها تبسم" خايفة؟؟"

"لا" قدمت منو ومدت كف يدها بقات تمسح علي راس الحصان.. الي كان هادي والي زاد من فرحة فتون..

نحب نسألك سؤال؟؟

خزلها..كملت حكات أما مترددة" وقت حكاتلك زهرة عليا.. شنوا حسيت؟؟"

بقا يخزرلها بعد دور عينيه قدامو.. " الرابونس متع السؤال هذا تهمني"

" ماحسيت بشئ" قالهالها الشيطان بدم بارد..ماعمل حتي راياكسيون.. شد الحصان ومشا بيه.. بقات واقفة متبصة راسها حست بالذل شفقت علي روحها كيفاه مشات لراجل مايحبهاش.. كانت تتوهم الي هو حبها.. موش عارفة كان بالحق هي تعنيلو ولا..تنهدت بالقوي قبل ما ترجع للقصر..

دخل محمود للقصر متاعو بعد ماطرد شطر الحراس متاعو دخل لبيتو سكر الباب بالقوي ولوح كل شئ موجود عالطاولة.. كيفاه نجم يسرقلي الورقة من قصري الكلب..كيفاه قالها بعياط هابل جن شاد راسو باش يدوخ..

الحلقة 71:

طاح الليل..دخل الشيطان للمكتب متاعو..شاد في يدو دوسي يقرا فيه.. قعد ورا البيرو..ماحسش باها قاعدة مقابلتو كان كي تكلمت" غاطس لدرجة ماشفتنيش"

وقفت.. بعد الدوسي من وجهو حل فمو مبهم.. " أنت لنا.. ممن وقتاه"

" من بكري نستنا فيك"

" علاه؟؟"

"خاطرني ماشية"

" ماشية؟؟؟!!" عقد حواجبو مسغرب

" أي ماشية"

"لوين؟؟"

"لمحمود"... عينيه خروجو.. 

"هبلت أنت اه" قلهالها بصوت خشين يرعب 

"لا" رما الدوسي عالطاولة بقوة وتنرفيز..

" مدام باش ترجعلو.. علاه جيت معايا ماللول؟؟"

"غلط" تنفس بخشونة وجهو حمار..

" باهي.. امشيلو أما تستناش مني نعاونك مرا اخرا فهمت؟؟

"باهي" دارت خرجت بزربة باش مايرهاش تبكي خرجت مالمكتب متاعو وهي حزينة فادة.. وهو شد تمثال صغير محطوط عالطاولة ورماه بقوة عالحيط ماالغش..

"بهيمة.." بقا كابس علي يدو بقوة..

بقات تمشي بشويا فالكلوار تبكي.. هو مامنعهاش.. يعني مايحبهاش جملة.. ماتهموش وهذا الي زاد علاها.. وقفت كي سمعت زهرة تناديلها..

"مدام فتون.. وين ماشية"

"راجعة لمحمود"

"نعم.. وعلاه راجعتلو؟؟"

تنهدت فتون "هذا الصحيح"

صاحت علاها زهرة بغش

"لا رد بالك ترجعلو.. مايجيش"

"لا يجي"

جبدتها زهرة من يدها لتركينة فارغة وقتلها

"انت راجعتلو خاطر حاسة روحك خاينة"

هبطت فتون راسها من غير ماتشعر.. كملت زهرة

"من الناحية هاذي ماتقلقش.. ماكش خاينة خاطر سيدي الشيطان...بلعت ريقها بالسيف وكملت" راجلك"

الحلقة 72:

هزت فتون راسها بزبة،عينيها وساعو مالصدمة..

موش مستوعبة لكلمة لسمعتها

"فاش تقول زهرة.. قصدي أنا شكون راجلي.. يعني شنوا فسرلي..

" الي سمعتو.. سيدي الشيطان معرس بيك أنا سمعتو اليوم.. كي جيت ماشية نحكي معاه باش يخليني نمشي لدارنا سمعتو قال الي هو راجلك.."

هزت فتون راسها موش مصدقة.. تمتمت

"الشيطان راجلي.. مالا محمود؟؟"

" مانعرش، أما سمعت سيدي الشيطان يحكي قال الي حرق الورقة متاعك أنت ومحمود.."

سرحت فتون شويا.. حبت تتذكر ملامح الشيطان كي قتلو باش نمشي لمحمود..كان متغشش.. منرفز.. توا وين تضربت في راسها الحكاية اي هو هبل وجن كي قتلو باش نرجع لمحمود..تبسمت ابتسامة نورتلها وجها..سنيها ظهرو مالفرحة قلبها رفرف كي العصفور.. هي مرتو موش شالقة.. رجعت من سرحتها كي تكلمت زهرة

" باش ترجع لسي محمود"

دورت فتون راسها يمين ويسار لا موش راجعة تبسمت زهرة " الحمدلله.. شنوا باش تعمل توا. باش تقول لسيدي الشيطان الي انت عرفت؟؟"

"لا" قالتها فتون بخبث بعد دورت عينيها تخمم ههه 

" شنوا ناوية تعمل"

" لازم نمشي توا" قالتها فتون لزهرة وخرجت وين الباب متع القصر

"وين ماشية"

" باش نتمشا شويا في الجنينة ..نحب نبقا وحدي شويا..

خرج الشيطان مالمكتب منرفز طلع لبيتو نحا مريولو قعد في خلعة وشورت وترما عالفرش يخمم فاللي قالتو فتون كبس علي يدو كل مايخمم الي هي رجعتلو يهبل.. موش مستوعب شي. علاه يحس هكا هي مشات وخلاتو.. حط يدو علي جبينو غمض عينيه رقد..

مع الحداش ونص متع الليل دخلت فتون للقصر ظلام.. طلعت في الدروج الطابق الثاني دخلت لبيت الشيطان كان الضو فيها خافت، البالكون معدي شويا ضو للبيت.. سكرت الباب نحات الجاكات الي لابستها بقات في مريول نص أحمر جبدت شورت قصير نوار لبستو.. قدمت وين الفرش راتو راقد كي الملايكة.. طلعت بجمبو تكات.. تغطات بالملحفة بوردو حطت كفوف يدها تحت راسها وبقات تخزلو وتخمم..

الحلقة 73:

بقات تخمم علاه خذاها؟ خاطر يحبها؟؟ مالا علاه مقلهاش؟؟ بعدت عينيها عليه تفكرت الورقة الي خلاها تصحح علاها بالقوة.. الورقة اذيكا هي صداق متاعهم؟؟ تنهدت بالشويا وعاودت خزرتلو وبقات تمتم تلوم فيه " مخليني متعذبة المدة هاذي الكل..وفي اللخر تطلع راجلي"

مدت كف يدها وعداتها علي جبينو.. بعد بصبعها الكبير عداتو علي لحيتو لخفيفة.. بقات تخزرلو تعشقو،تعشق ريحتو ،النفس متاعو ،كل حاجة فيه..تمنات تقلو قداه فرحانة كي عرفت الي هي مرتو. أما ماتنجمش،خممت تعطيه درس صغرون تبسمت أكثر قربتلو اكثر ببدنها لبدنو وشفايفها قربتهم لشفايفو " باش تشوف مني أيام كحلة ياشيطاني.. استنا عليا"

كملت جملتها.. دفنت راسها في رقبتو تشم في ريحتو الي توحشتها عندها مدة

طلع الصباح.. الشمس في قلب السماء.. 

حل الشيطان عينيه بتنرفيز كي حس بصوابع تتحرك بخفة علي وجهو.. حل عينيه عاللخر مصدوم كي راها راقدة بحذاه.. تبسمت كي راتو فاق.. قتلو بصوت دافي

"صباح النور"

"فتون" قالها موش مستوعب شي.. يحلم ولا فايق..ههه لا اكيد فايق .موش جنية..مسح عينيه بكف يدو بالقوي يتأكد ههه ستوا روحو شويا قبل مايقعد.. " شنوا تعمل لنا؟؟"

" شنوا ترا" قامت قعدت كيفو.. 

"مامشيتش لمحمود علاه؟؟"

" هكا بكيفي" قلتها وهزت كتافها الزوز لفوق موش مهتمة.. خزرلها علي جنب وقام قلها

" لا موش بكيفك تخرج..وترجع للقصر متاعي

بقات تتبهلل قدامو.. قامت مالفرش ودارت عليه ووقفت وين هو واقف قربتلو وحطت فمها في وذنو ووشوشتلو" لا بكيفي"

كملت جملتها تبسمتلو.. ودارت دخلت للطوالات وهو بقا واقف منرفز خاطر شم الي فما حاجة غريبة تصير..

ههههه النار ولعت يا بيجاد ههه

الحلقة 74:

كملت لبست روبة طويلة روز بالنوار وشلاكة روز .ومشات لبيت الفطور تلقاه يفطر..

" موش مالمفروض تستناني؟؟" طفاها مجاوبهاش الي نرفزها.. بقات بجمبو صبت قهوة وخذات طوست بالجبن تاكل فيه.. بعد بدات تنظم في أفكارها شنوا باش تعمل معاه.. كيفاه شتتصرف..هزت عيناها الي لمعو بخبث ههه قربت يدها من كاس قهوتو وطيحتو.. قامت بزربة " سامحني ..موش عارفة كيفاه يدي رعشت وطاح.."

قحرلها علي جنب " تو نصبلك قهوة اخرا"

حطت قدامو كاس اخر قهوة وصبتلو وقعدت

" باش نشربها من غير سكر يعني؟؟"

"صحيح.. قداه تحب سكر" قامت حلت حكة السكر..وقتلو " قداه من مغرفة؟؟"

" اربعة"

" اربعة!!"

قوست حواجبها باهته.. حطتلو اربعة مغارف... كيما طلب.،"هاه تفضل"

قام مالكرسي وقلها بكل برود " اشربها أنت توا"

خرج مالبيت يتبسم وهي بقات تغزل ترحي هههه كيفاه يغيضها اكاكا..

في قصر محمود يحكي مع واحد في التليفون

"نحبك دبرهالي بعيد عالقرية"

"صعيب ياسر نلقالك دار غادي"

"تصرف مايهمنيش.. تو نرجع نكلمك"

علق التليفون.. تبسم بخبث.. بقا يحكي وحدو "نهارين ونرجعك.. نرجعك عندي.. نهار عيدميلادك فتوني.. وتبقا معايا"

الحلقة 75:

دخل الشيطان للمكتب متاعو معاه عزالدين 

خالو الي بقا يلوم فيه..

" بصراحة ماكنتش نتوقع منك تقلل مني قدام محمود..ولا غيرو" بقا عزالدين متأسف علي الي عملو وكيفاه حكا معاه بالطريقة اذيكا..

"سامحني ياسيدي.. مكانش قصدي..تغششت شويا لحظتها"

"ماهوش مبرر هذا" بعد سكت شويا وكمل

"ماكش باش تقلي حكاية فتون هاذي كيفاه، وكيفاه وصلت ورقة العرفي ليدك؟؟"

بقا الشيطان ساكت يخزرلو " ماكش باش تجاوب؟؟"

" عطيت وحدا مالخدام متع قصر محمود فلوس باش تجيبلي الورقة"

تعجب عزالدين " وكيفاه نجمت تلقهالك وتجيبهالك"

تبسم علي جنب وقلو" الفلوس تخلي الواحد يعمل المستحيل وسيغتو وحدة تبدا محتاجة.. وأنا اخترت وحدا كيفها..جابتلي الورقة في نهارين"

" وانت عملت هذا الكل علاه ؟؟"

خزر الشيطان للأوراق الي قدامو وقلو بصوت خافت" عادي"

عادي!! مستحيل تعمل حاجة كيما هكا ياشيطان من غير سبب"

خزرلو الشيطان علي جنب وعاود رجع عينيه للأوراق.. بقا عزالدين مستغرب" تطلعشي حبيتها؟؟"

تجمد الشيطان في بلاصتو .. كمل" والا تكون معجب باها هكا قلت"

تنحنح الشيطان وتكلم" تعرف علاه عملت هكا؟؟ خاطر حبيت نقهر محمود و..

قصت عليه فتون كي دخلت علاهم تكلمت بصوت عالي فيبالهاش معاه شكون" انت كيفاه تعم.... حطت يدها علي فمها حلت عينيها بالقوي كي راتو معاه شكون وماهوش وحدو..وجها حمار عاللخر مالحشمة هبطت راسها تكلمت بربثة " مع..ك شكون.. سامحني ماف..يبالبش"

ضحك عزالدين هز يدو عيطلها" ايجا ايجا هه"

خزر للشيطان الي تبسم بشماتة..هه دار لفتون يسأل فاها

"تفكرتني الساعة؟؟"

هزت راسها لا" تقابلنا قبل!!"

" اي تقابلنا"

" في الحفلة موش هكا" جاوبتو فتون كي تذكرتو..هز راسو يضحك " أي.. أما وقتها ماعرفتكش بروحي ..أنا خالو عزالدين "قالها وهو يخزر للشيطان..

"نتشرفو"

" أنا اكثر يا عرو.."

قص عليه الشيطان باش مايفضحش الحكاية" موش باش تمشي مالا" قالهالو وهو يهمز فيه باش مايحكيش.. فهمو عزالدين الي فتون ماتعرفش.. تبسم وقلو" هاني ماشي عندي مانعمل بطبيعتي"

قام عزالدين وخرج بقات فتون منرفزة..كيفاه الشيطان يعامل خالو بالطريقة اذيكا قدمت وقعدت في بلاصة عزالدين 

"كيفاه تعملو اكاكا وطردو.. موش عيب..هو اكبر منك"

طفاها مجاوبهاش بدم بارد يقلب في الاوراق يقرا فاهم كملت بغش " أنا كان جيت في بلاصتو راني ربيتك.. علمتك كيفاه...

"كملت" قص علاها " لواه جاية لنا؟:"

" أي حقا.. نحب نطلب منك حاجة.. نحب ندور في القرية..مادرتهاش جملا مالي جيت"

بقا ساكت خزرلها علي جنب " آه موافق"

" لا"

" علاه"

" مانيش فاضيلك"

الحلقة 76:

" مايهمنيش..لازمك تفضالي.. كان متهزنيش تو نمشي وحدي"

" باهي برا وحدك"

قام وقامت معاه خرج وخلاها ..ضربت ساقاها عالقاعة بغزول..دخلت لبيتها بدلت حوايجها لبست مريول قري وسروال نوار وسبادري وخرجت مالقصر متغششة. وقفت كاليس وركبت فيها " نحبك دور بيا في القرية"

تلفتلها الراجل الي يسوق فيها وقلها:" معاك فلوس؟؟

" فلوسك عند الشيطان" ستغرب الراجل موش فاهم" يعني دور بيا في القرية وبعد فلوسك تو يمدهالك الشيطان"

" أنت تقربلو؟؟"

هزت راسها لفوق واللوطة قتلو اي دار لقدام يمشي في الحصان وعينيه لمعو بطمع..

بقا يدور باها في القرية وهي طل براسها تتفرج ترا في بلاصة كيما الشارع مزين بالنوار وامبايل.. خيوط مزينة.. ترا في عباد تنظف تزين تحط في الكراسي ونسا،صغار. كيف كيف 

" اقف لنا.. شنوا فما هنا.. التحضيرات هاذي!! عندكم مناسبة؟؟" 

"لامفماش أما احنا ديما نعملو نهار نحتفلو بيه بعد مانكملو الخدمة نشطحو نتفرهدو واكا الجو"

تبسمت بفرحة" مم..انجم نحضر معاكم الحفلة؟؟"

" أكيد"

"وقتاه تبداو"

" في الليل"

كمل يدور باها بالكاليس بقا يحكيلها عالجو الي يعملوه في الحفلة..

الحلقة 77:

دخل الشيطان للمكتب متاعو ووراه رجالو..وقف واحد منهم قدامو قلو:" سيدي لحقناها وهي بأمان"

" خليكم وراها.. مانحبهاش تغيب علي عينيكم وأي حاجة تصير تعلموني بالوقت"

" حاضر سيدي"

خرجو رجالو قعد ورا بيروه كلم أيمن

" ايمن حاشتي بيك فمهمة جديدة"

" مهمة شنوا؟:"

طاح الليل الشارع ضوا بالامبايب الي ركبوهم الناس وصلت فتون للبلاصة الي عاملين فيها حفلة.. ترا في الناس تشطح صوت الموزيكا مشرقع.. فرحانة تغني.. قدمت وين العباد ملمومة تشوف في الصغار دارت بعينيها رات طفل صغرون يشطح بطريقة هبلت فتون..بعد ما كمل عيطتلو طبستلو اللوطة باش تولي هي وياه فرد طول

"شنوا اسمك"

"يحيا" باستو من وجهو وعدات يدها علي شعرو قداه تحب الصغار..تمنات كان جاها صغير قبل أما محمود حرمها منهم..عندها برشا ماعشتش هالاجواء والاحتفالات ماللي هربت من دارهم....

شدها يحيا من يدها " ايجا اشطح معانا" 

جبدها للوسط وين الناس متجمعة تشطح ..شادها من يدها يحركلها فاها ولات تشطح معاهم دورت حزامها كيما حبت ههه 

هي تشطح وتحس كان بيد شدتها من يدها ويخرج فيها من وسط العباد.. حبت تملص يدها مانجمتش.. حبت تشوف وجهو مانجمتش..

الحلقة 78:

خرجها بعيد شويا عالعباد حبت تنحي يدو مانجمتش..

" أنت شكون؟؟ كيفاه تخرجني هكا"

بعد شويا البونا الي مغطي باها راسو باش تنجم تشوف وجهو.. تمتمت شويا..

"بيجاد".. رجع البونا علي وجهو 

الشيطان:"شنوا تعمل لنا!!"

فتون:" مالمفروض أنا نسألك أنت لشتعمل لنا؟:"

سكتت شويا بعد كملت:" هو أنت جايني لنا باش تسالني السؤال هذا؟؟"

" لا"

" علي فكرة أنا راجعة.. حبيت نتفرهد شويا"

جات باش ترجع شدها مرا اخرا وجبدها ليه بغش

" تتفرهد بالشطيح.. وهزان الحزام قدام اذوما الكل اه!"

حبت تتملص منو منجمتش" مايهمكش..سيبلي يدي بيجاد"

نزل علي يدها بقوة" تعرف شنوا يسموك"

" مانيش وحدي نشطح ماكش تشوف في اذيكا واذيكا واذيكا..هزت صبعها توريلو في النسا يشطحو

" زادا؟؟"

نحات يدها بالسيف منو وقتلو:" موش عندك خدمة.. وماكش لاهي.. برا تلها فيها وخليني نتفرهد" نفخ بغش جات راجعة عاود شدها من يدها بقوة قدم منها وحملها ليه.. شهقت بقوة " بيجاد شتعمل؟:"

" ورايا خدمة ماكملتهاش.. مانيش ناقص عنادك"

مشا باها وين الكرهبة بقات تفرفط بساقاها في الهوا تحب تهبط مانجمتش قدام جهامتو.. "هبطني بيجاد ..هبطني" وصل للكرهبة هبطها حللها الباب شتطلع وطلع بجنبها..

جام كي العادة ونستنا رايكم

الحلقة 79:

بقات فتون سارحة تخزر مالبلار متع الكرهبة.. حزينة شاردة.. هي حبت تعمل جو وهو جا وهزها... حبت تنسا شويا همومها.. نفس الوقت الي كان فيه الشيطان يتبع فيها مالمراية متع الكرهبة القدامية..وخرت راسها لتالي.. بقا هو متغشش كيفاه تشطح اكاكا قدام الناس الكل هو مايحب حد يشوفها حتي بشطر عين وخاصة حاجة تعنيلو وتخصو اي هي تخصو مرتو عرضو..

" تعرف بيجاد شنوا شايفينك العباد..شايفينك وحش.. وشيطان ماعندوش رحمة..علاه مخليهم يشوفوك بالصورة هاذي الخايبة..علاه ماتحسنش من روحك قدامهم"

خزرتلو وكملت " حاول تحسن من صورتك في عينيهم، اتعامل معاهم ببيجاد موش شيطان، نحيه الماسك.."

وقفت الكرهبة هبط " اهبط" خرجت ماالكرهبة وهو داخل حاط يديه في جيوبو..

دخلو للبيت مشات للخزانة جبدت كاب دو بان ودخلت تعمل في دوش وهو نحا الجيلا و بقا في مريول خلعة.. وشورط قصير مكبوس علي ساقو..خرجت بعد دقايق لابسة مريول ابيض بروتال عريان مالصدر وشورط قصير نوار لامة شعرها التالي.. ريحت جال الدوش دوخت بيجاد الي ماظهرش.. كي رآها عينيه لمعو.. وهي توا باش تاخو راحتها ومعاش تحس بالذنب والا خوف بعد ماعرفت الي هو راجلها حلالها أما ماتنجمش تقلو الي عرفت شي تحبو هو يقلها تحب تنطقو.. ههه تكا عالفرش طفا الفايوزة كان ضو القْمرة داخل مالبالكون الي بقا محلول باش يدخل نسمة دافية تعشق.. حط يدو فوق جبينو نحاهم ودارلها كي سمعها قتلو:" بيجاد علاه راقد بخلعة.." قوس حواجبو موش فاهمها شتقصد.. والا شناويا ههه.قربت منو الي زاد علي مابيه..نارو شعلت كي حس بيدها علي صدرو وراسها في رقبتو مانجمش يشد روحو علاها..هو عبد.. راجل يحس كي أي واحد.. خذا نفس طويل هزها من ساسها لراسها يشوف فيها المريول الي لابستو كان مشنقْل شويا لفوق.. ظهرلها سرتها.. وكرشها الي مدورة ولاصقة في جنبو.. عدا صوابعو علي كرشها بخفة.. وتمتم بشويا.." الماسك هذا عاش معايا برشا.. صعيب برشا نحيه.. أما باش نحاول نحيه بعد ماننهي انتقامي.." قدم منها وهي بقات ساكتة كان صوت النفس طالع هابط.. قربها ليه أكثر وعدا يدو ورا ظهرها حست برعشة ماللوطة تحت سرتها.. عدات يدها علي لحيتو .. توحشتو توحشت كل حاجة فيه بدنو المسكل عروق يدو الي تغري.. حواجبو الكحل عينيه الي تسحر فيهم لمعة مافهمتهاش.. دورها بزربة فوقو جات بكلها عليه.. قلبها خرج من بلاصتو كل مرة يقربلها تقول أول مرة بقا سارح في وجها النمش الي علي خشمها..عينيها الزرق وشفايفها الي مانجمش يشد روحو وغطس فيهم يبوس ويتبنن عدا لسانو علي شفتها بعد عضها بشويا..هبلت ترخفت بكلها يدو لخرا عداها علي رقبتها وهبط بشويا لصدرها ويدو الي ورا ظهرها نحالها باها المريول بقات في سوتيان نوار بقا يخزر يثبت فيها .. دورها مرا اخرا جابها تحتو ..هبط بشفايفو لرقبتها... خزر للبستخالة الي في كتفها هبلتو بقا يتذكر الي هو راها قبل.. أما سكران نسا التفاصيل طلع يدو الي كانت ورا ظهرها وحللها السوتيان ..صدرها يقتل.صحيح طايح أما كانت فورمتو تهبل راس صدرها كلاه بالعضان وبلسانو يدورو عليه الي خلاها تتأوه وتعاود وهو نحا الخلعة والشورط والي تحتو لوحهم في القاعة ورجع فوقها هابل أول مرا طيرو لسما احساس غير غادي.. وهي بيدها الزوز عداتهم ورا ظهرو وكبست عليه هبطت شويا شويا لسرتها يتفنن فيها بالبوس كمل هبط اللوطة يكتشف في الي بيه فايدة كان هو موش ناقص منفوخ شويا مستحمر غامق شويا بحكم النسا موش ديما تلقاه فاتح.. زاد جن موش عارف علاه بعدلها سقاها شويا وعدا لسانو عليه وهي تتوحوح الي زاد جننو اكثر حط متاعو الي تكبس صايا وحطو فوقو وبقا يعدي فيه بشويا لين داخت مالي تحس فيه بعد خزرلها يحب يشوفها .. وهي توا مرتو حلالو موش باش تعارض بالعكس تصرفاتها زادت خلاتو يغتص اكثر ويدخلو باالشويا نار ياحبيبي نار نار ولعت جوا جوا آه ياني عليكم هههه كمل كل شي خرج البرا فرغ بعيد ورجع جنبها جبد ملحفة نوار وغطاها وتغطا باسها من وجها كانت مرهوجة وفرحانة برشا ريحت البرفان زادت هبلتها بقات تتبهلل قدامو عقد حواجبو وتكا ظهرو لتالي " لا عاد ماتقليش تحب مرا اخرا .. الماء لي عندي شاح...هه

الحلقة 80:

قام الصباح مالنوم يفرك في وجهو بكف يدو شعرو داخل بعضو..دار بعينيه مالقاهاش ستوا روحو لبس شورط متاعو سمع صوت الماء في الدوش عرفها لداخل.. بعد شويا خرجت راتو واقف يخزرلها دخلت بعضها من خزرتو الي ترعبها.. ههه بقا يخزر للمنشفة الي لافة باها روحها وجها حمار.. بقا مركز مع العضمة متع رقبتها.. حب يمسها قدم منها شويا.. وعدا صبعو لكبير عليها ماتت بالحشمة " شنوا تعمل؟؟"غمزها طفاها وتعدا لادوش يغسل في وجهو خزر للمراية " شنوا الي عملتو.. والي ناوي نعملو"

كمل غسل لبس شوميز مخططة زرقة سروال مارون ومشا للمكتب متاعو.. يلقا ايمن يستنا فيه

" اه شعامل؟؟ مفما حتي رياكسيون من محمود؟؟"

" لا جملا"

"جملا؟؟"

هز الشيطان حاجبو وهز الستيلو يدور فيه بطريقة روتينية " فما حاجة غريبة أكيد"

في الصباح هز محمود التليفون 

" آه شعمتلي في حكاية الدار"

" سي محمود لقيتلك وحدا في قرية بني سعيد"

"موش بعيدة برشا"

" اي أما اذيكا لي لقيتها.. "

" باهي ميسالش"

" اما لازمها تنظيف وتصليح نهارين وتكون حاضرة"

" باهي مريقل"

كمل الشيطان مع أيمن خرج مالمكتب..طلع في الدروج للطابق الثالث.. لبيت عبد الباسط توحشو توحش ريحتو حل الباب دخل لقا فتون قاعدة عالفرش متاعو.." شنوا تعمل لنا" قدم منها وين كانت تمسح في دموعها.. 

"مانعمل في شئ. جيست جدي توحشتو برشا"

جبد كرسي محطوط بجنب الفرش وقعد تنهد بالقوي

" توحشتو بيجاد؟؟"

" اي توحشتو برشا" قالها وعينيه كلها حزن.. كمل" تعرف جدي كانت عندو امنية"

كان يحكي وعينيه اللوطة..

" امنيتو اني نرجع بيجاد..نرجع كيما كنت"

خزرتلو وتبسمت هزت راسها " هاي وانت ماكش ناوي تحققلو امنيتو؟؟

سند مرفقو الزوز علي ساقو وخزرلها " لا" 

علاه؟؟؟ خاطر ماضيك والا انتقامك؟؟"

" ماكش باش تفهم" قالهالها بعد ما رجع ظهرو لتالي قدمت منو فتون أكثر شدتلو يدو وتكلمت

" لا نفهم.. جرب قلي.. فرغ قلبك.. احكيلي..جرب حلي قلبك مرا وحدا"

عينيها لمعو بالدموع.. خزرلها تفكر كلام الناس الكل.. قام من بلاصتو تنفس بخشونة..وتكلم يخرج الي خباه في قلبو من سنين..

"واحد ماعاشش طفولتو كيفاه تحبو منو يرجع نرمال؟؟ واحد شاف في صغرو كل انواع الكره والعذاب الحقد والقسوة..مستنين منو شنوا؟؟ مستنين يبقا طيب مثلا؟؟" قالها الكلمة اللخرانية بخشونة وغل

" أما انت طيب" قدم منها بغش وشدها من يدها الزوز بقوة " أنا مانيش طيب..أنا شيطان والشيطان عمرو مايرحم فهمت"

" وشكون قلك الي انت شيطان.. أنت الي سميت روحك شيطان..موش خاطر لقبت روحك بالشيطان يعني.. قص علاها" يزي"

دزها لتالي شدت روحها" موش عارفة انت تهرب من شنوا.. انت تعرف الحقيقة وتعرف روحك شكون.. ومتخبي من روحك وهذا الضعف بحد ذاتو

قالتهالو شافقة عليه وعلا حالتو هزت روحها وخرجت.. شد فاز ورماه عالحيط حب يخرج غشو الكل..

ح81:

دخلت للبيت تكات عالفرش.. تخزر للسقف حاسة بالندم ماللي قلتو... راتو دخل حل القلص نحا سوريتو..حطت يدها علي وجها

" فيبالك بيا موجودة ولا؟؟"

" نعم" قالها الشيطان في التليفون للراجل الي يكلم فيه" باهي هاني جاي توا" علق كمل لبس قعدت فتون وقتلو:" وين ماشي"

" تسأل في اسالة ماتتسالش"

" علاه"

طفاها وخرج حست بغش ممكن بطريقة كلامها معاه بكري... 

------    ،---،،،،-----    - --------------- ---- ------------

" حطيت ورد الجوري قدام الدار كيما قتلك وفي البيت؟؟"

" اي تهنا عملت كيما قتلي"

علق محمود التليفون وتبسم بخبث.. وخرج للبالكون يحكي ويضحك" كل شي يهون علي خاطرك فتون.."

طلع نهار جديد... سمعت فتون الباب يدق حلت عينيها بالسيف

" شكون"

" أنا زهرة مدام فتون"

" ادخل زهرة"

" صباح الخير.. باش تفطر لنا ولا"

" هو الشيطان رجع ولا مزال"

"لا مزال"

" باهي جيبلي لنا"

" حقا كل عام وانت حيا بالف خير مدام فتون"

حلت فتون عينيها مستغربة.. ياخي ليوم قداه هو؟؟

" 20 مارس"

" بالحق ليوم عيد ميلادي..وأنت كيفاه عرفت الي هو ليوم؟؟"

" من بابا..كان قبل يجيب لسي محمود القضيات متع عيد ميلادك

" آه هه عيشك زهرة"

مع المغرب وصل الشيطان للقصر دخل يمشي في الكلوار جاتو الطباخة تجري

" حظرلي العشا"

" حاضر سيدي"

طلع في الدروج الطابق الثاني دخل لبيتو لقاها ظلمة راها راقدة عالفرش وضو الشمس مستحمر باش تغرب في السماء .. ضوها عاكس علي وجها..الجو هادي تعدا للقلص جبد حوايجو ودخل للدوش.. قامت بزربة نحات الملحفة قامت شعلت الضو والشموع معبيا البيت والزينة تهبل امبايل وورد..مشات تجري للمراية تشوف في روحها.. لبست روب كرامال مسنترة علي بدنها وفيها نقب وين الصدر وطالون نوار فارني..  بحذاها بيسا حطت السادا وفيه موزيكا كالم رومانتيك ومشاتلو دقت الباب بيت البانو بشويا وهو حل الماء باش يدوش كي سمع الباب سكرو وخرجلها لابس كان سروال حل فمو كي جبدتو من يدو يرا فيها حاطة الحطا شعرها بوكلا ماكياج يقتل خرجتو وسط البيت وحطت يدها علي كتافو ويدو في جنابها.. بقا دايخ مبهلل موش فاهم شئ..أول مرة يحس روحو عاجز قدام هالزين.. تسلب من عقلو تسلب بكلو.. من هالوردة الي قدامو وهي كانت مربوثة شويا.." اليوم عيد ميلادي.. حبيت نشاركو النهار هذا مع راجلي.. ملامح وجهو تجمدت.. جمد في بلاصتو.. عينيه تحلو..

ح82: 

تجمد في بلاصتو.. " شنوا قلت؟؟"

بقات مركزة في عينيه اكثر الي ظهرت فاهم الدهشة.. " قلت ليوم عيد ميلادي..حبيت نشاركو مع راجلي.. عندك مانع؟" قالت الكلمة اللخرا بكل فيانة.. تبسم علي جنب باستخفاف " لاماعنديش مانع..أما نحب نعرف شكون راجلك الي تحب تشاركو عي... قصت عليه بهدوء 

" انت..انت راجلي" 

بقا يخزرلها شويا.. بعد طرشق بالضحك 

" هههههههههههه أنا!! منين جبت الكلام هذا"

بقات واقفة باهتة فيه.. كيفاه تصرف ويضحك..

" ظاهر فيه حبك ليا..خلاك تتوهم وحدك"

وخر لتالي شويا.. عاودت قربت منو" هي سمعتك كي قلت الي أنا مرتك.. والي حرقت ورقتي أنا ومحمود.. ضحك مرا آخرا قبل مايمشي للخزانة.. " أي أنا قلت هكا.. أما الكلام موش صحيح"

حل الخزانة باش ياخو مريول يلبسو " موش صحيح!!" 

" أي" 

" أنت تكذب.. علاه تحب تكذب الموضوع وتخبيه آه" 

كمل لبس خزرلها علي جنب تعدا للطاولة يشد في الشموع يطفي فيها.. خلطت وراه.. شدتو من يدو " علي فكرة أنا مانيش معارضة.. أنت تعرف الي أنا نحبك.. وموافقة نكون مرتك.." دارت بعينيها عالطاولة تلقاه يطفي في الشمع

" شنوا تعمل.. ماطفيهمش.."

طفاها وكمل مشا لاكوميدينو يطفي الشمع الي موجود فوقها..مشات تجري وقفت قدامو تترجا فيه" اليوم عيد ميلادي ماتعملش هكا"

ماخزرلههاش قدم باش يطفيهم شدتو من يدو" عيشك" مدت كفوف يدها حطتهم علي وجهو و عينيها مزغللة بالدموع:" مرا وحدا عاملني فيها بالقْدا مرا وحدا"

خزرلها في عينيها.. حس بروحو فاد. هي تترجا فيه في حاجة يحب يعملها اما مينجمش.. مايعرش علاه.نحالها يدها بالشويا وتعدا طفا الشموع الي بقات..خزرتلو بكل خيبة..مع افكارها الي دخلو بعضهم. ذكرياتها معاه.. ليلة البارح كل حاجة معاه.. خلاتها حايرة حزينة هايمة مكسورة..

"كملت رتحت" قتهالو بحزن كبير في قلبها.. قعد علي حافة الفرش "انت علاه هكا.. علاه تعامل فيا بالطريقة هاذي.. علاش عمرك ماحسستني الي أنا مهمة عندك عالاقل قدرني..اليوم عيد ميلادي وانت شوف شعملت... حبيتو يكون نهار سباسيال.. سبسيال معاك انت الشخص الي حبيتو.." كملت بصوت مدغدش " نحب نعرف.. علاه مصر تهدم كل حاجة حلوة نحب نعملها.. تهدم فاها ببرودك"

قدمت منو اكثر وين قاعد:" تعرف ببرودك هذا قاعد يدمرني..يخليني نأيس اني نوصلك"

" حد ماقلك اوصلي"

تبسمت علي جنب بقهرة وقتلو:" قلبي قلي.. وخسارة مشيت وراه"

" خسارة" قالهالها بعد قام جا خارج.. شدتو من يدو وراسها اللوطا " لاخر مرة باش نسالك.. شعورك ناحيتي شنوا.. ماتكنليش مشاعر جملا حتي 1 بالميا.. فكر في الريبونس متاعك..خاطر باش نعتبرها كارط خضرا الي يخليني نكمل معاك.. والا كارط روج خليه يقولي ستوب فيق من وهمك"

ح83:

كبس علي يدو بالقوي.. وهو يخزر قدامو.. غمضت فتوت عينيها.. قطعت النفس متاعها حاسة بالخوف.. 

" لا مانكنلك حتي مشاعر.. حتي1 بالميا لا"

حلت عينيها..دموعها سالو علي خدها.. رجعت نفس طويل حست بوجيعة.بلعت ريقها بالسيف 

" يعني اجابتك الكارط الروج..تلفتلها نحات يدها منو.. تبسمتلو بمرارة.." ماغسي عالكادو متع عيد ميلادي..كملت جملتها ومشات وين الباب باش تخرج.. بقا يتبع فيها بعينيه. متوجع خرجت سكرت الباب تمتم بحزن" سامحني"

خرجت من بيوتو تبكي بالصوت بمرارة.. شافقة علي روحها وعلي حالها.. كانت تستخايل الي هو يحبها أما هي كانت غالطة..مالحظتش الهدوء في القصر الي يخوف.. مكانش فما حراس..كان القصر خالي.. خرجت ماالباب هزت راسها للشباك متع بيتو..راتو واقف يخزرلها..تمتمت بقهرة وهي تخزرلو " أنا نكرهك بيجاد"

بعد ماكملت جملتها راتو رجع لتالي يجري.. قوست حواجبها مستغربة.. شهقت كي حست بيد شدتها من تالي من خشمها.. حبت تتملص منو مانجمتش..حست بدوخة.. ووب داخت في يد الشخص الي حطلها منوم ودوخها.. 

شاف الشيطان كل شئ مالفوق الي خلاه يوخر لتالي ويهبط يجري في الدروج.. يتمتم باسمها.. ميت بالخوف علاها..خايف لايفقدها.. خرج كي المجنون لبرا يجري كي الفهد.. وجهو أحمر... حب يخلط عالكرهبة الي هزتها..مانجمش

ح84:

" وين مشيتو .. خليتو القصر من غير حراسة" 

قالها بصوت خشين يعيط بغش هابل..علي رجالو الي واقفين كلهم قدامو مهبطين ريوسهم عروق يدو باش تخرج وهو مكور يدو ..

" حد يجاوبني" عيط علاهم وهما ملقاو ميقولو..

تنحنح واحد من رجالو بخوف وهو يرعش

" سيدي جاتنا أوامر منك ناخذو بوز نرتاحو و...

خرج عينيه بغش" وأنا من وقتاه نعطي أوامر كيما هكا.من وقتاه نعطيكم راحة تكلمو" كان هابل يدور ويمشي ويجي كي السيد الي يلوج علي فريستو..

" سامحنا سيدي"

تكلم واحد اخر" احنا غالطين سيدي ماكانش لازم نصدقو.."

دار عالبيرو ضربو بكف يدو.. تنفس بخشونة..نفخ بغش " لوجولي علي محمود.. شوفولي البلاصة الي هز فيها فتون" 

"حاضر سيدي"

" وانت صبري انشرلي في القرية اي واحد يرا محمود عندو مني جايزة" قالها لواحد من حراسو هز راسو قلو حاضر سيدي..خروجو لكلهم من عندو بزربة حط مرافقو علي الطاولة وكف يدو علي وجهو..يتمتمم بغش وقهر.." أنا غالط..انا بهيم سيبتها"

بقا يضرب في البيرو بقبضة يدو.. 

---  --    ---------  ------- -  --------- ----------------

بعد نص الليل

حلت فتون عينيها بالسيف دارت براسها في البيت تمتمت بشويا:" أنا وين؟"

" فتوني.. انت معايا يا روحي"

"محمود" قالتها بعد عاودت داخت..

طلع الصباح.. الشيطان مارقدش ومجاهوش النوم وهو باش يهبل.. يتكيف في السيقارو ورا خوه.. قهاوي عالبيرو 4 فارغين عدا يدو علي شعرو 

" شنوا معناها مفماش في القرية..جيبوهولي من تحت الأرض تحرك" صاح علي واحد من رجالو بعد مقلو الي ملقاوهوش في القرية فص ملح وذاب..كمل حكا بصوت باح يرعب" لوجو في القرا الي بجنبنا وعالحدود"

" حاضر سيدي" خرج من عندو رجع الشيطان قعد عالكرسي يتوعد ويتمتم :" مانيش مسيبك محمود ياطحان موش مفلتك المرا هاذي ستنا عليا"

ح85:

قامت فتون.. شادا راسها بيدها يوجع فاها هبطت مالفرش دور براسها باهتة موش عارفة هي وين.. طلت مالشباك ترا في بلاصة غريبة خالية قدامها كان الجبال.. شكون جابها لنا الشيطان؟؟!!"

"فقت اخيرا..صباح النور فتوني"

شهقت بالقوي كي دارت براسها راتو محمود داخل للبيت..صاحت بصدمة" محمود انت.."

قص علاها.. قدم منها" اي أنا.. توحشتني موش هكا؟"

غمضت عينيها بالك تتخيل والا تحلم عاودت حلتهم لقاتو هو بشحمو ولحمو.. يتبسم شعرو عاملو علي جنب لابس مريول متع دار ابيض سيرفاتمون وسروال " شنوا نعمل أنا معاك لنا؟؟"

حط الصينية الي في يدو عالكوميدينو كانت بيت صغيرة مدهونة بالقري فاتح.. فاها فرش متع بلاصتين ظاهر قديم انتيكا وبجمبو زوز قجرات لوح و خزانة في الحيط..جابلها ماكلة ومعاها ورد جوري احمر كيما تحبو .. قدمت منو وتكلمت " أنا شنعمل لنا جاوبني"

" ايجا افطر.. جبتلك فطورك وورد كيما تحبو انت" 

"جاوبني

" أنا جبتك" تذكرت كل شئ صار البارح حلت عينيها بالقوي " قصدك خطفتني"

قدم خذا طوست.. عملهولها بالجبن ومدهولها.. بعدتلو يدو بقوة" أنا منحبش نبقا معاك.. نحب نمشي منا" خزر للخبز الي ملوح في القاعة وخزرلها" موش عيب توا"

مشات للباب بخطوات مزروبة وقتلو بغش :" أنا ماشية"

خزرلها تبسم :" أنت امشي وأنا نجيبك " خزرت لوطة لقات روحها حافية.. الطالون تنحالها والا طاح ماتعرش.. حلت الباب هبطت الدروج بزربة جات باش تحل الباب صاحت بقوة كي جبدها من شعرها" سيبني..نحب نمشي"

جبدها بقوة طلعها للبيت دزها عالفرش 

" وين ماشية.. هاه انت بلاصتك لنا بحذايا"

هزت شعرها لدخل بعضو بعدتو علي وجها

" أنا بلاصتي موش لنا"

" آه مالا فين عند الشيطان"

" انت بلاصتك لنا حتي كان أنا موش راجلك.. انت ليا أنا"

" أنا مانيش ليك" مشا وين الباب باش يخرج خزرلها من فوق كتفو" مادام موش ليا يعني ماكش لحتي واحد غيري"

خرج سكر الباب دارت شدت المخدة بجنبها ورماتها عالباب بغش وعينيها بالدموع..

----- ----- ---   -ّ--- -------------- ---  ------------------

سيدي فما واحد البرا يحب يقابلك

قلو مانيش لاهي مانحب نقابل حد

سيدي قلك يحب منك فلوس

فلوس شنوا

قال وصل مدام فتو..

قلو مبعد..

تنهد الشيطان بغش وخر راسو التالي توا موش معدل موش فاهم شئ.. عاود دق الباب دخلو الحارس مرا اخرا.. خزرلو الشيطان بغش

"شنوا فما زادا"

" سيدي سي عزالدين البرا يحب يقابلك

"دخلو.. دخل عزالدين موش فاهم شئ قعد عااكرسي مقابل الشيطان يرا فيه وجهو تاعب

" هو شنوا فما.. شباهم رجالك منتشرين في القرية الكل" خزرلو الشيطان وقلو بهون

" فتون تخطفت

"نعم قالها عزالدين بصدمة شكون خطفها؟؟

"محمود 

"محمود يا ولد الكلب

غمض الشيطان عينيه " انت خايف عليها؟؟"

هز الشيطان راسو اي

" باين عليك برشا"

سند مرفقو عالطاولة خزرلو بعينين ذابلة " عاوني.. نلقاها. لوج عليها معايا قول لايمن هو كان واحد من رجال محمود اكيد راو يعرف البلايص الي تخبا فيهم

ح86ّ:

باهي تهنا تو نعمل الي نقدر عليه..وقف عزالدين جا خارج تلفتلو وضحك " بديت نشك فيك أنت"

قوس الشيطان حواجبو موش فاهم دار عزالدين وخرج..

دخل محمود علي فتون لقاها شاردة للشباك لامة سقاها لصدرها قاعدة .. قدم منها خبا ورا ظهرو كادو قدم منها

" شحاشتك عندي

" فتوني شوف شنوا جبتلك مد يدو وعطاها الكادو حلو قدامها فردة مزيانة.. قحرتلو

" شنوا هذا مانحب منك شئ

" هذا كادو عيد ميلادك..شدت نطرتو من يدو 

. تبسم بغش وشدلها دقنونتها ونزل علي سنيه

" شوف مادام عايشة معايا يا تتعامل بالقدا نردك ملكة وكان لا انت تعرف وجهي لاخر وجربتو قبل..

شدها من رقبتها من تالي نزل علاها " حاول تتاقلم معايا نهارين.. وبعد تو تشوف وجهي الثاني.. ومانيش باش نتساهل معاك فتوني

بعد علاها وجا خارج.. شكون قلك باش نبقا معاك نهارين اخرين..

" ههههه علاه شنوا متوقعة باش يجي الشيطان يهزك منا

قامت مالكرسي وترمات عالفرش تبكي بقهرة تمتمت بوجيعة " نعرف الي هو موش جاي"

خرج الشيطان مالمكتب متاعو طلع لبيتو.. وصل للباب تردد ماللول باش يدخل بعد حلو ودخل وقف في وسط البيت حس كينها في البيت.. تحوم معاه.. ريحتها في كل تركينة.. صوت ضحكتها صياحها تمردها يسمع فيه.. ترسمت علي شفايفو تبسيمة كي تخيلها جاية عندو وتهمس باسمو.. قرب مالفرش قعد عالحافة متاعو خزر للمخدة متاعها شدها بيدو بقا يثبت فيها قربها لخشمو وشمها بالقوي شم ريحتها البنينة.. عنقها بالقوي بدات الافكار الخايبة تجيه كي تفكر الي هي معاش ترجع ممكن يهبل حس بالخوف ..

تنكر محمود باش مايعرفو حد هبط اللوطة خرج البرا بقا يوصي في الراجل علي فتون

" أنا باش نغيب شويا ونرجع عندي قضية.. رد بالك علاها"

عاود هبط الشيطان للمكتب متاعو كي قالولو الي عزالدين جاه ..

" آه عرفت حاجة. توصلك ليها"

"لا"

" باهي أنا عرفتلك"

"بالحق" قالها الشيطان بلهفة..وكمل" فين؟؟ وين هزها"

" قرية بني سعيد

" قرية بني سعيد!! قالها مستغرب وانت منين عرفت الي البلاصة هاذي فاها فتون

" شوف أنا موش متأكد الي هيا غادي ولا اما الخديمة متع فتون الي في قصر محمود سمعت محمود يحظر في دار في قرية بني سعيد توقعت يكون هزها غادي مدام موش في القرية

هز التليفون الشيطان يكلم في شكون قلو عزالدين في شكون تكلم " سعيد"

بقا يصوني مهزش رما التليفون عالبيرو بغش قام جا خارج " أنا ماشي غادي

" شبيك هبلت..كيفاه تمشي وانت ماكش متأكد

" نرمال فما احتمال كبير يكون غادي اكيد سعيد تو نتحصل عليه

جام عاد علي كل حلقة

ح 87:

دخل محمود للبيت فتون حل الباب وفي يدو صينية متع ماكلة " فتوني وين.." خزر قدامو ملقهاش.. قدم وحط الطبق عالكوميدينو

كانت واقفة ورا الباب متخبية شادا فاز قدمت منو ترعش باش تضربو..تلفت شدها من يدها بزربة.حلت عينيها بصدمة.." وليت سوفاج انت اه" دزها عالفرش وكمل" نحب كي نرجع نلقاك كليت الماكلة هاذي..خرج بقات تبكي.." انا مستحيل نبقا معاك..باش نمشي يامحمود منا.."

بعد نص الليل

طلع الشيطان في الكرهبة يتبسم فرحان بعد ماتأكد الي فتون موجودة في الدار الي قلو علاها الراجل. وتوا معاه الادراس.. قبل مايتحرك قلو واحد من رجالو

" سيدي شنوا نعملو معاه هذا؟؟

" سييوه

هز راسو تحركت الكرهبة جاقْوار كحلة ووراه رجالو بكرهبة اخرا..

هز التليفون كلم ايمن الي بعثو لقرية بني سعيد

" ها وصلت للقرية

"وصلت للحدود متاعها

" باهي..امشي للعنوان الي باش نعطيهولك وابقا غادي راقب البلاصة.. الماشي والجاي

" اوكي..ابعثلي

عطاه العنوان علق بعد مارما التليفون بجمبو بقا يضرب بيدو عالفولون.. ويتمتم " نهايتك اليوم محمود ستنا عليا..

من غدوة..كلم الراجل محمود في التليفون

" سامحني..الشيطان عرف بلاصتك

سمع محمود شقلو هبل تصدم بقا يصيح

" كيفاه عرف شكون الي قلو

" هو جاني حتي لداري.. و.و ك..ان كان ماقت..لوش راو.. ق..تلني

" يانعجة ياكلب موش نبهتك أنا

" نبهتني..أما شنعمل كانو باش يقتلوني

" علق رما التليفون بغش عالقاعة وخرج من بيوتو مشا يجري لبيت فتون.. هجم علاها لين ترعبت.." يالا قوم باش نمشيو.. قدم منها..قتلو " باش نمشيو؟؟

شدها من يدها قومها..قامت وحدها " شبيك هايض..شفما؟؟"

"موش وقت أسئلة..

شدها من يدها ومشا باها لبرا

---- --------- ----------- ----- --- ----------- ---  -----

"محمود خارج مالدار ومعاه فتون.. ظهرلي فيه عرف الي انت عرفت بلاصتو.. قالها ايمن للشيطان في التليفون

" باهي حاول تلهيه متخليهوش يمشي.. ماتخليهوش يهزها

" باهي أما أنت فين توا

" صايا أنا هاني عالحدود

"شيطان

"نعم

سكت ايمن شويا بعد قلو متردد " يضربها..محمود يضرب فيها

الشيطان هبل عينيه حمارو كور يديه رما التليفون بغش بجمبو " مانيش باش نرحمك محمود مانيش راحمك ياولد ال..." قالها من بين سنيه.. زاد قوا في الفيتاس متع الكرهبة باش يطير بيها..

ح88:

خرجها محمود البرا بقات تفارع ماحبتش تطلع في الكرهبة معاه..فقد عصابو شد يضرب فيها ..معاش يتحمل عنادها كانت لابسة مريول يدو طويلة أكحل سروال دجين طاي اوط لبستهم الصباح كي لقات حوايج في الخزانة شادة شعرها كوت شوفال عينيها حمرا مالبكا..

خلاها تطلع بالقوة في الكرهبة.. رجعت فتون راسها لتالي تتنفس بصعوبة رجعت وجايع ظهرها تحيرت علاها..طلع بجنبها خزر للشوفار قلو امشي..

خدم الكرهبة..خزر الشوفار لقا واحد واقف قدام الكرهبة.. " سي محمود" تلفت محمود للشوفار كي نداه بعد شاف ايمن.. قوس حواجبو " ايمن!!

حل محمود الباب هبط مالكرهبة مشا وين ايمن كان واقف.." أيمن شتعمل لنا"

" الحمدلله كي مزلت متذكرني محمود

" وهو انت تتنسا.. هز ايمن عينيه بخبث وخزر للكرهبة وعاود خزر لمحمود بتبهنيس:" مم شكون الي معاك في الكرهبة..وحدا جديدة.

" موش لازم تعرف اذيكا شكون

هبط راسو ايمن متصنع " علاه ماتقليش موش صاحبك أنا زادا

" ايمن ماقتليش جاي لنا علاه

"عندي شويا خدمة لنا..

"هيا باهي كي لقيت خدمة.. تولي تتلها فيها

خزرو محمود بكل برود.. ورجع للكرعبة.بقا أيمن واقف في بلاصتو " ايمن ابعد هز راسو قلو لا.. خزر محمود للشوفار " اهبط أنا باش نسوق

هبط الشوفار وقف علي جنب ركب محمود من قدام حل الشباك وقلو " ايمن ابعد من قدامي باش نمشي..طفاه ايمن " ابعد سينون باش نعفس عليك وميهمنيش فيك

نزل محمود عالامبراياج بقوة وديمارا الكرهبة وخرج بزربة.. تنحا ايمن علي جنب بزربة قبل مايضربو بالكرهبة.. وقلو بصوت عالي :" ماكش باش تنجم تهرب 

دقيقتين وصل الشيطان لقا ايمن واقف 

" توا مشا الحقو

خزر الشيطان للكياس وقلو :" قول للحراس يستناو لنا

"حاضر

------------------------------------------------------------

" وقف الكرهبة" قالتها فتون لمحمود الي كان يسوق خزرلها مالمراية القادمية 

" شبيك

" اه تاعبة وقف الكرهبة..بقا يخزرلها وجها اصفر ظاهرا تاعبة،جا باش يوقف.را مالمراية البرانية كرهبت الشيطان وراه.. زاد قوا في الفيتاس كي تأكد الي هو وراه." قتلك تاعبة..ظهري

" مانجمش ناقف توا..خزرتلو راتو داخل بعضو حست فما حاجة دارت براسها بشويا التالي رات كرهبة كحلة وراهم" كرهبة شكون الي ورانا

خزرلها مالمراية" ماتخافش.. مانيش مخليه يهزك مني

خزرتلو موش فاهمة..عاودت دارت لتالي تركز في شكون الي يتبع فيهم..حلت عينيها بالقوي موش مصدقة تمتمت " بيجاد"

بعد عينيها لمعو مالفرحة :" انت جيت"

ح89:

كان محمود يقوي في السرعة.. دخل في برشا ثنيات ضيقة باش يضيع الشيطان اما مانجمش.

وقف محمود الكرهبة كي عرف الي الطريق نهايتو الهاوية..هبط مالكرهبة دار للباب التلاني باش يهبطها حبت تبطي حركتها باش ينجم الشيطان يخلط علاهم. فهم محمود قصدها ولا يجر فيها في القاعة بقوة وراه.. وصل الشيطان لاخر الطريق وقف الكرهبة هبط علي ساقيه خلط عليهم.. تلفت محمود را الشيطان خالط عليهم.. وقف محمود كي عرف روحو معاش ينجم يقدم أكثر كانو واقفين علي حافة الجبل مالفوق بلاصة عالية ترعب ترا كان سحاب قريبلهم

"محمود"

قلهالو الشيطان وهو يلهث.. تبسمت فتون وهي مطمانة.. شدها محمود بالقوي ودار مقابل الشيطان..

" فين باش تهرب توا

" ماكش باش تاخذها مني

قالها محمود بصوت عالي.. تبسم الشيطان علي جنب ..قدم خطوتين القدام..فيسع وخر كي هددو محمود" كان تقرب اكثر..نرميها مالجبل..وانت هاك تشوف أنا وياها خطوتين ونوليو بححح..

خزر الشيطان لفتون بخوف وقلق بعد خزر لمحمود.." شنوا حاشتك وتسيبها

"حاشتي باها هيا

" هي ماهيش ليك موش متاعك

" ولا ليك انت

"لا هي متاعي مرتي.. قالها الشيطان بعد ماخزر لفتون الي عينيها لمعو بفرحة..

قلو محمود بغش " اما هي كانت مرتي وانت سرقتها مني.. انت ديما تسرق مني كل حاجة نحبها..كل حاجة ملكي ديما تاخذها.. والمرا هاذي مانيش باش نخليك تاخذها"

" محمود سيبني عيشك خزرلها بحزن" مانجمش نسيبك فتوني انا كان نخليك..نموت..

"محمود... قص علاها " انت تحب تسيبني باش تمشيلو.. سامحني مانيش مخليك تكون معاه.. مستحيل نراك فرحانة ومتهنية مع واحد غيري سيغتو هو..

" انت واحد مريض.. حبت تتملص منو مانجمتش زاد كبس علي جنابها ولات تأن وجعها

"ههه أنا مريض بحبك فتوني

" قتلك ماتقربش قالها محمود للشيطان الي كان قريبلهم..بدا يعيط:" كان تزيد تقرب نرميها أنا مجنون ونعملها..

" تحب تقتل الي قلت نحبها توا

"  اي نقتل الي أنا نحبها كيما قتلت اختي قبل من لحمي ودمي.. حلت فتون عينيها بالقوي بصدمة والشيطان زادا الي تكلم :" عايدة!!؟"

" هههه اي عايدة تحب تعرف كيفاه قتلتها؟؟ تبسم كي المجنون وكمل :" خنقتها اي..ههه لين ووب ماتت خاطر قتلت بابا..خزر لفتون الي ولات ترعش:" هي تستاهل..قتلت بابا وأنا قتلتها ورميتها مالجبل شنوا رايك نخلطو علاها؟؟"

ولات تبكي خايفة ترعش.. حاولت تبعد عليه مانجمتش ولا يضحك بطريقة خوفتها

:" هاو شنوريك المجنون شنوا باش يعمل توا

وخر لتالي وهي تحاول تبعد منو صاح الشيطان بصوت يرعب:" شد روحك فتون شد..

"بيجاد.. أمان خليه يسيبني

"باش نسيبك" قالها محمود وهو يوخر اكثر.. حتي ولات شطر ساقو في الهوا..

" سلام يابيجاد"

الشيطان عينيه تحلو بخوف صدمة..قلبو باش يخرج من بلاصتو في الالف يدق وهو يراها طيح مالجبل..

ح90:

كمل محمود كلامو وهو يسيب في فتون بشويا..

قدم الشيطان يجري بقوة بعد ماعرف شنوا في مخ محمود.. صاح لاخر بقوة

" آخر مرا نبهك رد بالك تقرب

وقف الشيطان زوز ميترو بعيد علاهم والشيطان وجهو مشا وجا ألوان مالخوف ورعب وقلق..هز محمود يدو الفوق فئ الدقايق اللخرا..وقلها بشويا

"هاه سيبتك

بقات فتون واقفة في بلاصتها..الخوف خلاها تجمد، الدم جمد في عروقها..خوف صدمة رهبة..صاح الشيطان بصوت يرعب يزلزل

" فتون ايجا لنا فتون..حطت كف يدها الي يرعشو علي وجها وبدات تبكي بهستيرية..

ضحك محمود كي المجنون :" هههههههههههه شفت أنا سيبتها وهي ماحبتش تجيك ماحبتش تسيبني قول باي توا.. قالها محمود كاانذار الي خلا الشيطان ينقْز من بلاصتو لفتون.. وخر محمود حرف ساقو وطاح لوطة مع طيحتو جبد ساق فتون معاه 

الشيطان عينيه تحلو بخوف صدمة..قلبو باش يخرج من بلاصتو في الالف يدق وهو يراها طيح مالجبل.. تقطع عليه النفس..من غير مايحس رما روحو علي حافة الجبل في القاعة ولقفلها يدها باعجوبة .. موش مصدق الي هي اللوطة هزت عينيها وكلهم خوف ورعب تمتم بصوت متقطع 

"ب..ب.بيجاد

" ماتخافش مانيش مسيبك ماتخافش

قالها من بين نفس متاعو وهو يلهث يطمن فيها..

كانت تخزر تحتها وتبكي وتمتم باسمو.. وهو مكانش اقل منها خوف رعب دار في لحظتها سيناريو في مخو..كابوس، ممكن انو يخسرها للابد الفكرة بركا قريب لا قتلت خلايا متع عقلو كورون ضربو في بدنو..هو مستحيل يقبل يخسرها وصلو الكورون للنخاع

" باش نموت بيجاد باش نموت" قالتها وهي تخزر اللوطة للهاوية وتبكي بقوة

" ماكش باش تموت..ماتقولش هكا..مستحيل نخليك تموت..مستحيل

ح91:

هزت راسها شافت دموعو الي مخبيها في عينيه.. " اسمعني فتون..شدلي يدي بايديك الزوز "

هزت يدها وكبشت فيه.. جبد نفس طويل وقوتو وغشو الكل وجبدها بصعوبة وطلعها.. ستوا روحو شدها ليه من ظهرها ويحطها علي يدو..كان يخزرلها في عينيها بخوف وراحة عنق وجها بيديه الزوز بلهفة وهو يحكي معاها بنفس متقطع " فتون.. حل عينيك

حلت عينيها بالشويا وهي تخزرلو " بيجاد"

" أنا معاك"

غمضت عينيها وحلتهم فيسع..تخزرلو موش مصدقة.. تخزر وين محمود رما روحو.. ولات بكلها ترعش.. عنقها ليه ووشولها:" ماتخافش كل شئ وفا"

عاودت خزرتلو في عينيه وتبسمت بتعب

" انت خفت عليا صحيح؟؟"

بقا شارد في عينيها سكت شويا وقلها بكل صدق

" ماخفتش بركا.. أنا كنت نموت كان تصيرلك حاجة"

هبطت الدموع من عينيها موش مصدقة.. مد صبعو ومسحلها دموعها بحنية..بعد شدلها يدها نزل علاها باش يوقف الرعشة متع يدها " أنا معاك متخافش

" عنقني قالتهالو ودفنت راسها في صدرو باش تحس بالأمان.. مد يدو ومسحلها علي شعرها..

وقام شدها وحملها ليه توجعت آه

" شبيك فما حاجة واجعتك؟؟

" ظهري"

مشا باها للكرهبة " حاول تستحمل شويا

هزت راسها وعدات يداها علي رقبتو.. وعنقتو اكثر :" كنت نستخايل ماكش باش تجي

" هاني جيت..كهو توا يزي مالبكا كل شئ وفا وأنا جمبك توا..

ح92:

كانت راقدة في الكرهبة وقف في بلاصة هادية هبطها حملها دخل باها لبنية مضخمة كيما الوتيل اما هي دار مالبرا تظهر ضخامة الرخام الابيض كي البلار عالقاعة ،دخل بيها لباب كبير لوح فيه فردتين.. مشا باها لبيت في الطابق لول دز الباب بساقيه دخل.. حطها عالفرش.. وتلفت لايمن الي كان واقف لبرا

" ايمن امشي فيسع جيب طبيب"

"شباها.. تأذت؟؟" خزرلو الشيطان بعينيه علي جنب ..دخل ايمن بعضو" باهي هاني ماشي توا نجيب طبيب"

جبد نفس طويل وخرج مالبيت سكر الباب ومشا في كلوار صغير يهز لصالة قعد علي بنك كان موجود بحنب الباب قعد عليه وخر راسو لتالي..كان ظاهر عليه التعب..تنهد براحة ومسح بكف يدو علي وجهو وهو يحمد في ربي خاطر ماصارلها شي..مايعرش شنوا كان يصير فيه كان صارتلها حاجة..غمض عينيه حب يرتاح أما مخو مخلاهوش.. عاودلو السيناريو الي صار بكري في ثواني، خلا قلبو يضرب بالقوي.. كي تذكر لحظة الي طاحت مالجبل.كانت لحظة كي الصاعقة هبطت عليه.. قلوبو طاح معاها.. حل عينيه وهو يخمم زعما جا الوقت باش يحكي علي مشاعرو تجاهها.. ويقلها

بعد نص ساعة دخل الشيطان علي فتون بعد ما خرج الطبيب من عندها دخل ووقف مقابلها..

" حاسة بتحسن؟؟ هزت راسها تبسمتلو وقتلو اي.." مالا هيا نرجعو للقرية،"

خزرتلو لقاتو يتبسملها موش مصدقة.." شبيك فتون تخزرلي هكا؟؟" سئلها كي راها مبهللة فيه

" هاه لا شئ

طبست راسها مالحشمة قدم منها وحملها عندو..هزت عينيها بربثة:" شتعمل؟؟ نجم نمشي وحدي

" نعرف الي انت تنجم تمشي وحدك

" باهي هبطني

مشا باها وين الباب وقلها " موش توا

لقا ايمن واقف قدام الباب خزرلو الشيطان وقلو :" جبت الي قتلك عليه؟؟

" اي وحطيتو في كرهبتك

هز الشيطان راسو ومشا في الكلوار :" ماغسي ايمن علي الي عملتو اليوم.. بهت ايمن كيفاه الشيطان يشكر فيه حل فمو وعينيه :" انت تشكر فيا انا!! "

تبسم الشيطان وقلو:" اي.. فما أيمن غيرك لنا؟؟  مشا وخلاه مذهول مبهم وهذا كان حال فتون زادا...هه

في الكرهبة بعد متعدات ربع ساعة وهو يحاول يوكل فيها.. تنهد براحة :" انت عنيدة برشا"

خزرتلو علي جنب وهي تتوعد في قلبها:" انت مازلت ماشفت شى هه..وخر راسو التالي غمض عينيه حب يغمرها ويوريها شويا حنان..وحب كامرحلة اولي اما هي فسدت كل شئ بعنادها

ح93:

طلع نهار جديد..حلت فتون عينيها بالسيف كانت الشمس صاطع ضوها في عينيها بقات دور بعينيها لقات روحها في بيت الشيطان.. بقات تتذكر وقتاه رجعو.. مالتعب رقدت في الثنية ماحستش بشي.. خرج الشيطان ماالدوش دارتلو ستوات روحها وسئلتو :" وقتاه رجعنا؟؟

:" 10 متع الليل"

" أنا ماحسيت بشئ

" كنت راقدة

قامت مشات للخزانة باش تاخو حوايجها.. بقا هو علي حافة الفرش ينشف في شعرو بمنشفة بيضة.. لابس مريلول أبيض سروال قري وشلاكة متع بيت كحلة .. وعينيه تبع فيها كي الصغار..

--- --------- --    ----- - ---     -- ----------- -    ----

" تي طلع مجنون يابابا الراجل" قالها ايمن لبوه..

" ايا حمدلله كي مات ورتحنا من مشاكلو وهبالو ..

" تعرف بابا حاس بحاجة

" ياناري علي ولدي لازم نعملولو توا زاوية ولا يحس هه عراف يا شيخ

ضحك ايمن علي بوه الي ديما يفدلك وعاملو جو..

" حاسس الي الشيطان يحب فتون.. تصروفاتو وخوفو.. هو كان جا مايحبهاش ماينقذهاش من محمود"

" ياريت يطلع يحبها

" بابا كمل فطورك

" شبعت هاني ماشي للشيطان

"علاه؟؟"

"تو بعد ايا باي"

خرجت فتون مالدوش تنشف في شعرها..لقاتو مازال قاعد في البيت.. بهتت موش مستانس يستناها.. مستناس يسبقها كي عاتو.. خزرتلو وهو تكلم:" يالا نستنا فيك..باش نهبطو نفطرو مع بعضنا"

موش مصدقة لي سمعتو اما فيسع خبات دهشتها باش طبق الي قررت تعملو:" باهي" قعدت الكرسي قدام المراية تمشط في شعرها وساعة ساعة تخطف نظرة ليه..

خروجو لبيت الفطور.. بقا الشيطان يدور في المغرفة في كاس القهوة شارد :" باش تبقا تحرك برشا؟؟"

قالتهالو وهي تخزر للصحن متاعها.. كانت لابسة روب نوار للركبة وشلاكة بالنوار مضخمة لامة شعرها كعكة.. خزرلها بعد مانحا المغرفة وخذا رشفة مالقهوة ورجعها قام خرج مالبيت فطور متوتر داخل بعضو مهما حاول ماينجمش جملا..

رمات فتون المغرفة بغش وتنهدت

ح 94:

ماكش ناوي تستعرف؟؟ قالها عزالدين للشيطان الي كان داخل بعضو عاود سئلو:"ماكش ناوي تقلي عملت هذا الكل ماللول لواه؟؟ علاه عرست بيها وعملتهم الكل باش تنقذها؟؟"

تنهد الشيطان وخزرلو لعينيه :" ظاهر فيك مصر تعرف"

هز عزالدين راسو يستنا فيه يحكي بقا الشيطان ساكت هو محتاج شويا شجاعة ويقلو السبب أما هو أول مرا يحس روحو جبان وضعيف..

" ماللول كانت خطتي نعرس بيها باش نقهر محمود والطريقة هي ناخذلو حاجة تخصو ولي هيا مرتو.. قالها بصوت هادي وكمل بالسيف وهو يحاول مايخزرش لخالو الي كان مركز مع كل كلمة " بعدين .. بعد بديت نحس اني.. بديت نحس بمشاعر جديدة وغريبة ناحيتها..ماكنتش نعرف شنوا الإحساس الي حسيتو  ماللول خاطر اول مرا.. سونتيمون الوحيد الي تأكدت منو الي أنا معجب بيها..سكت شويا وهو يرد في النفس الي تقطع عليه.. كي حس بتوتر

" والسبب الي خلاني ننقذها هو تنجم تستنتجو وحدك بعد الي حكيتهولك.. هز عينيه وعاود خزر لخالو.. تبسم عزالدين :" أنا ستنتجت الي انت تحبها..اذكا علاه خفت علاها وعاونتها"

من عينيه حس عزالدين الي هو دخل بعضو عمل روحو يخزر للكتاب قدامو ضحك عزالدين وكمل:" مدام تحبها علاه رجعتها لمحمود

" اهدا بالشويا مانيش منجمة نسمع بالقدا في جرتك.." قالتها فتون للعساس الي عالباب كانت متبصة شويا مايلاة علي جنب حاطة وذنها عالباب تتصنت فيهم ههههه وهو يحاول يبعد فيها عالباب متع المكتب..

:" كان ماتمشيش منا ندخل ونقول لسيدي الشيطان "

دارتلو بكلها بغش وشفايفها مبوزة وعينيها مقلوبين خلاتو ومشات وملامح وجها تبدلو لفرحة

#بربي_توضييح_صغيير_فتيات 🌹🌹🌹🌹

برشا موش فاهمين الماضي متع بيجاد والا ماقراووش بالقدا الحلقات باش نحط ملخص علي ماضيه 💎💎💎

بيجاد بوه مات وهو صغير الي خلاه يخدم وهو صغير في ارض بوه وكان مولا القرية الي هو بو محمود عامل فيه عذبو خلاه يخدم ليل ونهار بلا شفقة بعد عرف الشيطان الي عملو خاطر امو ومحبش يخلاها تستحق شي عرست بالعدو متع بوه وعمل فيه وامو جابت محمود الي كانت مميزتو علي بيجاد الي محسش جملا بحنية من امو.. كبر الطمع بأم الشيطان حبت تملك كل شئ من رجلها وتولي هي الكل في الكل تفاهمت مع اقرب رجال راجلها باش يقتلو..اما متوقعتش الي هو باش يكون مخلص برشا لسيدو قود بيها.. بعد ماعذبها وعمل فيها هزاها للساحة وربطها قدام القرية الكل وحرقها حية وكان الشيطان صغير وقتها شاف امو كيفاه تتحرق صياحها ورجالو الي شادينها وحرقوها .. وهو من وقتها ولا شيطان وانتقم من كل واحد تسبب في موت امو وقتلهم الكل...

🔥🔥🔥🔥

ح95:

مانجمش الشيطان يحكي لخالو الحقيقة كاملة..خاطر عزالدين مافيبالوش الي عبدالباسط كان حي.. وعلي خاطر جدو رجع فتون لمحمود..

" عملت هكا حبيت نثبت لروحي كي بعت الي هي شخص موش مهم في حياتي..ومعندهاش بلاصة في قلبي..وكل شئ نحسو معاها وهم.. فكرة اني نقنع روحي وقتها بيها خاطر السونتيمون الي حاسيتو ناحيتها قلقني..ماحبيتش نرجع بيجاد قبل ماننهي انتقامي" السبب الي حكاه الشيطان لعزالدين كان صحيح....هو كان قادر يرج جدو من غير مايسلم فيها.. اما هو رجعها وقتها لمحمود..ماحبش يتبدل ويرجع كيما كان قبل ماينهي الي بداه وياخو حق امو..

" باهي هاو وفا انتقامك توا..باش تقبل ترجع بيجاد ولا 

" نحاول

قالها الشيطان وهو يتبسم قام عزالدين جا خارج:" خليها تعاونك.. قلها الي انت تحبها.. وعلي فكرة فرحت برشا كي الحب اخيرا دق باب قلبك

ضحك الشيطان بانو سنيه :" واخيرا بانو سنيك قلت طاحو هاذم ههه 

تلاشت ضحكتو كي تذكر الشيطان حاجة:" حقا فما حاجة نسيت ماقلتهاش

" شنوا؟؟

" عايدة محمود قتلها"

" شنوا؟؟"

قالها بصدمة رجع قعد عالكرسي " طلعت هي الي قتلت بوها.. وهو كي عرف قتلها ورماها مالجبل..حل عزالدين عينيه موش مصدق :" ماكذبش ايمن كي قال مجنون" هز الشيطان راسو قلو اي

ح96:

كمل الشيطان مع عزالدين..خرج مالمكتب متاعو..جا طالع في الدروج عرضتو الخديمة في الكلوار.." سيدي مدام فتون  في الاسطبل تستنا فيك.." عقد حواجبو ستغرب.. هبط اللوطة خرج مشا للاسطبل دخل ملقاهاش تفجع كي جا لبالو الي هي ممكن تكون هزتو... خاطر حصانو ماتنجمش تتحكم فيه.. خرج لبرا يجري لقاها طالعة فوقو تتبسم وقف قدامهم..

" هيا باهي كي جيت ومابطيتش

"كيفاه طلعت عليه؟؟

" طلعت وحدي

" ياكذابة.. اكيد الي لاهي بالحصان هو الي طلعك..خزرتلو تتبهنس هزت راسها قتلو اي..دار بعينيه يلوج عليه..

" تلوج عليه؟؟ علي فكرة أنا قتلو يمشي ماكش باش تلقاه لنا

جبد نفس طويل ومد كف يدو يمسح عالحصان الي ولا يعمل في صوت يظهر في حبو لصاحبو والف بيه..

" ماكش حاب تعرف علاه عيطلك..باهي اولا باش نحكيو شويا.. ثانيا نحبك تركب معايا الحصان ثالثا.. قص علاها " الي يشوفك مايقولش هاذي لبارح كانت علي حافة الموت..كان جا واحد اخر غيرك توا راو راقد ماد الاربعة عالفرش مالفجعة..

" نعرف أما أنا هاك تشوف قلبي قوي.. باهي ثالثا نحبك تعوضلي علي ليلة عيد ميلادي... بقا يخزرلها سيب الحصان قدم منها وطلع وراها وشد اللجام من يدها و مشا بيه وهي بقات مغمضة عينيها والنسمة تهبب علي وجها شعرها طاير قلبها اكثر..

طاح الليل دخلت فتون للبيت بخطوات هادية قدمت للفرش ترمات فوقو وخرت ظهرها باش ترتاح غمضت عينيها باش ماتخليش الدموع تهبط أما غلبتها دموعها.. هي تحس بالوحدة.. اول مرا تحس هكا احساس قتلها من داخل. خاصة بعد ماحكات مع زهرة الي روحت من دارهم حكاتلها زهرة علي عايلتها امها بوها خواتها الي يحبو بعضهم..هذا السبب خلاها تحزن.. دخل الشيطان للبيت حست بيه قامت قعدت عادي..توقف لحظة عالمشي كي رآها كانت تبكي.. ودموعها ماوقفتش قدم عندها قامت بزربة عنقتو..بقا باهت مالاول بعد عنقها ليه وشوشلها

:" فتون شبيك تبكي؟:"

مشا باها وين البنك الي مقابل الفرش قعدها وقعد بحذاها..وهي مازالت دافنة راسها في صدرو

" ظهرلي فيا حسدتك بكري..؟؟"

مسحت دموعها وبقات تحكيلو في وسط الظلام كان ضو القمرة مضوي البيت

" تمنيت جا بابا عايش راو عندي اوموان عايلة بيجاد.. أنا فقدتو برشا كان هو صدر الحنين كانت صغيرة نتفكر شويا مايخلينيش وحدي ديما معايا كان مايحبش فيا دقْت الشوكة.. كان كل شئ.. ماالي مات حياتي تقلبت امي تمنيتها ماعملتش الي عملتو... كانت تحب روحها تحب تعيش لروحها حسستني لأنا عالة علاها بالرغم هذا تمنيت يكون عندي اخت عاللأقل نلقاها في حزني فرحتي..اما أنا تقطعت من شجرة تمنيت يكون عندي عايلة دافية كيف زهرة.. تنفست بوجيعة عدا يدو بحنية علي وجها وقلها بصوت دافي:" علي فكرة.. أنا جمبك..أنا باش نولي عايلتك..باش نولي كل شئ في حياتك..بوك.. أمك.. حبيبك..راجلك..حطت يدها علي صدرو بعد هبطتها وحطتها علي جنبو حست بدقات قلوبو.. ترسمت ضحكة علي شفايفها وهو غمض عينيه بفرحة..

ح 97:

طلع الصباح 

دخل عزالدين علي ايمن لقاه فايق في بيتو.. 

" اه ايمن فيق نحبك في مهمة

" صباح النور بابا اي تدلل

قعد عزالدين بجمبو عالفرش وشدلو يدو "تعرف موش مصدق الي عايدة ماتت والي قتلها محمود

" الله يرحمها كهو اذكا عمرها..باهي شنوا تحبني نعملك

" مم باهي اليوم نحب الناس تعرف حقيقة الشيطان نحبها تعرف وجهو الحقاني تعرف بيجاد..

دخلت فتون لمكتب الشيطان بعد ماعرفت الي هو موجود غادي دخلت مالقاتوش ستغربت قربت للبيرو دارت بعينيها في الحيط وين موجود الباب ورا الريدو.. بعدتو ودخلت..ماحسش بيها..قعدت بحذاه عالقاعة كان شاد تصويرت امو يحكي معاها..قلها الي هو خذالها حقها ماللي قتلوها..وانهي انتقامو صايا..

"فيبالك طلعت مزيان كيف امك" قالتهالو وهي تخزر لتصويرة امو في يدو..تبسم وقلها:" نعرف"

"كنت تحكي معاها؟؟"

" اي"

"شنوا قتلها" سكت شويا وتكلم :" كنت نحكيلها علي انتقامي.. واني خذيتلها حقها من كل واحد تسبب في موتها..

" وانت توا مرتاح؟؟"

تبسم باستخفاف وقلها:" موش مهم توا مرتاح ولا"

مدت يدها وشدتلو وجهو وخلاتو يخزرلها كانت شمعة مضوية بيت صغيرة..

" باهي حكيتلها عليا" هز راسو بحزن قلها لا

" ياخسارتك.. كيفاه ماتعرفهاش علي مرتك

خزرلها علي جنب خذات التصويرة من يدو وهي تحكي معاها بحماس

" شنوا احوالك طاطا.. أنا فتون مرت ولدك. وصيه عليا خاطر يعامل فيا بالخايب برشا " قالتها لخرا بتبهنيس وهي تخزرلو بطرف عينيها راتو يتبسم وهي تعشق ضحكتو 

"بيجاد باش نسئلك؟؟ عندي فضول نعرف علاه عملتها البيت هاذي؟؟

" اخزر بجمبك تو تعرف" قامت تخزر للتصاور الي معلقين في الحيط وكانت تصويرتو وهو صغير يهبل محلاه يضحك برئ.. 

"كنت تجي لنا باش تتفكر ايام طفولتك؟؟"

"ماعنديش ايام طفولة باش نتفكرها اصلا" قالها بوجيعة كبيرة برشا..مدت صبعها توري فيه في تصويرة:" هاذوما امك وبوك" هز راسو اي

" توحشتهم؟؟" خزرتلو ماجوبهاش دارت بعينيها  وتنهدت بالقوي:" أكيد توحشتهم كيما أنا توحشت امي وبابا"

بلعت ريقها بوجيعة وتبسمت وقدمت وين كان قاعد ساند ظهرو عالحيط جبدت نفس طويل

" بما انو انا وياك معناش حد يعني باش نكونو لبعضنا كل شئ.. باش نكون امك بوك خوك كل شئ كيما انت زادا..

حشمت عاللخر كي راتو كيفاه يخزرلها وجها حمار هبطت راسها مد يدو وشدها من دقنونتها هزلها راسها وقلها بصوت خافت يسحر

"فتون"

"نعم" قالتها وقلبها يضرب بالقوي حست بيه باش يستعرف سكرت النفس متاعها 

" أنا نحب نقلك.. استناني.. اصبر عليا"

قوست حواحبها موش فاهمة بلع ريقو يالسيف يحاول يهرب عينيه منها :" أنا رزين ..في مواضيع.. الح..وقف ماكملش كلمتو :" شوف انسا"

خلاها وقام خرج بزربة خلاها مصدومة من تصرفاتو الي خلاتها تحس بخيبة امل

ح98:

في الليل قعد الشيطان مع أيمن في المكتب متغشش..

" شنوا الي عملتو يا ايمن شكون قالك امشي احكي مع الناس

" هو أنا قلتلهم حاجة غالطة ... قلت الي انت واحد باهي وانت كنت تقتل في الناس الي قتلت امك وتسجن في العباد اكيد الي غلطت وانو الشيطان اسم لقبوه بيك نورمالمون لمحمود الي كان يقتل في الزوالي ويستعمل في السلاح بطريقة خايبة... " كور الشيطان يدو وهو هابل :" انت علاه ماخذيتش راي

" بابا هو الي قالي اعمل هكا كان تحب احكي معاه هو أنا مادخلنيش" قام ايمن روح خرج الشيطان مالمكتب طلع لبيتو..قعد عالبنك شارد يخمم فاللي قالو ايمن هو كلامو صحيح والي عملو مكانش يستحق الغش اذاكا الكل.. الي عملو ايمن كان في صالحو.. مال شويا نحا صباطو وسوريتو.. تعدا للخزانة باش يلبس مريول آخر دار بعينيه يشوف فاها يلقاها لافة روحها بكلها بملحفة ماباين شئ منها.. من اخر مرا حكاو كانت متجنبتو مطفيتو مافطرتش معاه جملا علي اساس راقدة..كمل لبس مريول أحمر مشا طلع عالفرش نحالها الملحفة علي وجها ضحك كي شافها ترمش في عينيها..تكا حذاها حط وحدا من يديه تحت راسو ويدو لخرا عداها علي عينيها بخفة بقا شارد في وجها الي كان كي الملايكة.

" باش تبقا تخزرلي برشا؟؟"

" يعني"

"يعني قوم" قوس حواجبو مبهم دارت ببدنها عطاتو بظهرها..

" واطفي الضو وراك"

قربلها اكثر وحاوطها من تالي بيديه ووشوشلها في وذنها :" مانيش قايم.. أما نجم نطفي الضو"

خزرتلو علي جنب وهي تحاول تخبي ضحكة ترسمت علي شفايفها..حست برعشة كي باسها بوسة خفيفة تحت وذنها.. ولخرا علي. رقبتها..

"انسا" قوس حواجبو موش فاهمها شتحكي..

كملت بنبرة متع تمقعير :" استنا عليا اصبر"

عرف الي هي تعاود في كلامو تقلد فيه

" حاسس الي انت تقلد فيا !"

" اي نقلد فيك"

تبسم علي جنب وقلها:" علاه؟"

:" هكا بكيفي" قالتها بطريقة تحب تغيضو

" اوكي"

تلفتتلو كي حست روحها باش تتفجر من اسلوبو معاها :" تعرف انت واحد بارد.. اصلا موش عارفة كيفاه حبيتك انا بهيمة مجنونة لي حبيتك"

"صحيح" قالها ببرود وهو مغمض عينيه حست روحها باش تبكي وهو يغيض فيها.. دارت للكوميدينو لقات كاس ماء  شدتو وبزعتو عليه من غير ماتخمم..تنفض من بلاصتو خزر لروحو بعد لها هي:" شنوا لي عملتو هذا"

هزت كتفها من غير مبالات وتتبسم بنصر قام شدها من يدها..جا باش يتكلم اخي تكلمت حبت تشعلو:" تستاهل يا بوس آه"

صاحت كي نزل علي يدها:" لم لسانك..موش سكتلك يعني باش تتمد" نزل علي سنيه بغش

"سيبلي يدي"

حبت تتحداه:" اه وكان ماسكتش شنوا باش تعملي مثلا اه"

قلل من قبضة يدو:" باش نعمل حاجة ماتعجبكش

" شكون قلك موش باش تعجبني؟؟ كل حاجة منك وفيك تعجبني" قالتها بتلقائية هز حاجبو مبهلل فاقت علي روحها ماللي قالتو حبت تصلح :" قصدي موش منجم تعملي شئ"

حست بحشمة وجها حمار عينيه لمعو بخبث وهو يهز في راسو 

:" كيفاه مالا كل حاجة تعجبك!!"

"لا.. دخلت بعض..." جات باش تفسرو انقض علاها يبوس فيها بحب الي مانجمش يعبر عليه بالكلام عبر عليه بالفعل وهي زادا غطست معاه تتبنن في شفايفو..

رقدو عالفرش معنقتو حاطة راسها علي صدرو العريان وهو محملها من جنابها..

" شنوا سبب الجرح الي في ظهرك بيجاد قبل سئلت جدي وقلي الي انت ضربت روحك هزت راسها بعد ماقلها اي

" أكيد انت مجنون..حطت يدها علي فمها بزربة

"سامحني

"صحيح مجنون.. جرحت روحي جرح كبير حبيت نتحدا روحي .. اي جرح باش نتجرحو بعدها موش باش يوجعني..وكان اكبر وجيعة بعد وجيعة أمي الضربة في ظهري..وبعدها كان اي جرح تافه مايوجعنيش..

خزرلها لقاها شاردة فيه

"شبيك باهتة فيا

" نحب برشا باسها من جبينها وهي تبسمت دفنت راسها في صدرو تشم في ريحتو ورقدو..

ح99:

بعد جمعتين..

خرجت فتون مالقصر مشات للاسطبل كيما قالتلها زهرة.. الي سي بيجاد يستنا فيها غادي..

دارت تلوج عليه بعينيها منا ومنا قبل ماتدخل للكوري..

"بيجاد بيجاد" بقات تعيطلو ماظهرش تمتمت:" ظاهرلي فيه مازال مجاش.. نبقا نستناه 

كانت عاملة شعرها بوكلا نوار كيما الليل عملتلو خصلات زرقة ماللوطة جاها يقتل.. لبست شوميز كرامال محلولة مالصدر شويا.. خاطر نبه علاها ماتلبسش حاجة عرية البرا.. وسروال دجين معاه صبادري نايك ابيض.. مشات خطوات لداخل وقفت قدام حصان متع بيجاد وحطت يدها تمسح علي راسو ،وهي تحكي مع الحصان :" شفت بيجاد..يقلي ايجا وبعد يوخر عليا..عاجبتك تصرفاتو توا.. خزرت قدامها

:" تعرف عندي جمعة مانيش قاعدة نشوف فيه برشا..عندو خدمة يادوب نشوفو في الليل كي نرقد ولا في الصباح..جبدت نفس طويل وهي شاردة تحكي وحدها كملت.." وقتاه باش يعترفلي زعما..كل يوم نستنا فيه يصارحني بالفارغ.. خزرت للحصان تسأل فيه :" تخمم كيفي زعما نحس ساعات الي هو مايحبنيش..وماخذني باش يعدي وقت..وماعنديش بلاصة في قلبو.!!"

هبطت راسها بخوف وتمتم :" زعما كان يطلع بالحق هكا شنوا نعمل؟؟"

" وخرت؟؟"

قالها بيجاد وهو واقف وراها زوز ميترو تلفتت بزربة تبسمت من غير ماتشعر هزت راسها وهو يقدم منها:" سامحني وخرت عليك"

" باهي المرا الجاي ماعاش توخر"

" باهي.. اخر مرا"..كان لابس مريول روز فاتح مظهرلو صدرو وسروال نوار وصبادري نوار.. تعدا بجنبها باش يخرج حصانو سبقتو البرا :"يالا".. قالهالها وهو يخزرلها باش تطلع الحصان شدها من جنابها وطلعها..طلع وراها شد اللجام ضرب بخفة الحصان بدا يجري..كانت فتون هادية تخزر قدامها شاردة

:"شبيك؟:"

فاقت من سرحتها :" هاه لا شئ"

خزرلها مالفوق وهو يتبسم يتفكر في كلامها في الاسطبل ياخي مجنونة هههه اي بهالية خاطر تخمم باالطريقة هاذي هو سمع كل شئ وقت كانت تحكي وحدها..خاطر ماعترفلهاش ولات تخمم الي هو يلعب بيها.. تنحات الضحكة من فمو ..يقا الجو هادي حتي تكلم

" مازالت تستنا؟؟؟"

هزت راسها موش فاهمتو :" ها اه" 

" قتلك استنا عليا اما انت ماكش صابورة جملا"

هزت حواجبها بغش بعد مافهمت قصدو:" هذا الكل ومانيش صابورة" سكتو شويا بعد تكلم

" مانيش باش نخليك تستنا برشا" هزت راسها بقلق:" يعني !!" حست بخوف ماللي قالو زعما باش ينهي كل شئ بيناتهم.. زعما توقعاتها كانت صحيحة..هبطت راسها بعد مالمعت عينيها بالدموع.. وفيسع هزت راسها موش مصدقة كي قلها بجنب وذنها :" يعني نحبك" قلبها خرج من بلاصتو لا موش مصدقة تعدات الكلمة كي الكورون في بدنها يدها جمدت حلت عينيها علي كبرهم.. رمشتهم بالقوي موش مصدقة لسمعتو :" آه شنوا"

بلع ريقو بالسيف وهو يستجمع في الشجاعة متاعو :" نحبك يافتون.. نحبك ومانيش نلعب بيك"

ولات تبكي مالفرحة هبطو دموعها علي خدها نحا يدو الايمين ماللجام ومسحلها دموعها 

"اخيرا قلتها" اخيرا قْالها قْال احبك قالها وانا قلبي قلبي توقف بعدها ههههه...

ح100 والاخيرة:

قالتهالو من بين شهقة وربثة دفنت راسها في صدرو وهي تمتم :" اخيرا يابيجاد اخيرا"

بعدت راسها علي صدرو وكملت:" تعرف قداه عندي نستنا فيها الكلمة هاذي.." هز راسو "نعرف" عدات كف يدها علي رقبتو وصلت بيها لعينيه :" تعرف ومخليني متعذبة"

" سامحني"

جبد اللجام وقف الحصان.. حركت صبعها الكبير علي شفايفو وهي تتبسم كي الصغار :" اعتذارك موش مقبول" عدا يدو علي حزامها..هبطت راسو قرب ليها كثر :" وانا باش نخليه مقبول"

هبطت يبوس فيها من شفايفها ويتبنن وهي زادا هبلت من ريحتو الي ديما مدوختها..شدتلو يدو لخرا حطتهالو علي رقبتها وبصوابعها تهيجلو في شعرو وهي في عالم آخر يبوس بلهفة حب متوحشها نارو شعلت قلبو حن يعدي في لسانو علي شفتها اللوطانية يتفنن فيهم ومرا يعض.. هزت راسها تاخو في نفس وهي توشوشلو تلهث:" بيجاد موش نحلم اه؟" ضحك بخفة بانو سنيه والفوسات الي هبلوها هي وقلبها معاش فيه:" لا" ..الدنيا ضلامت شويا هز راسو قلها شوف قدامك دارت ترا في الساحة الكل شمع وورد مضوية الدنيا شهقت موش مصدقة..قربلها لوذنها وتمتم:" هاذا كادو عيد ميلادك"

كمل كلامو هبط مالحصان وهبطها بقات محملتو وهي تخزر قدامها امبايل روج وشمع في كل بلاصة نوار جوري احمر الي تعشقو خزرتلو بعينيها الي دمعو :" عملت هذا الكل وقتاه"

"اليوم حبيت نعوضلك علي عيد ميلادك"

هزت راسها والفرحة في عينيها موش مصدقة

"ماغسي بيجاد"

بعد علاها شويا هبط علي ركبتو الايمين خرج من جيبو حكة صغيرة حمرا حلها قدامها :" فتون تعرس بيا"

ضحكت حطت يدها علي وجها هي في حلم ولا لا موش مصدقة ملقات ماتقول:" مانا معرسين"

" عادي نعرسو مرا اخرا" هزت راسها قتلو اي مدت يدها اليسار:" موافقة نعرس بيك لامرا الالف" قام يتبسم لبسها خاتم ديامون يرعب فينو قدمت منو وعينيها كلهم دموع.. عنقتو بقوة وهو جبدها قلها سايس عليا شوف هاذي تجيك زعما..بقات عاقدة حواجبها.. تلفتت وين كان يخزر بعينيه وكانت المفاجأة زهرة في يدها روب بيضة برنساس داخت لا ههه:" بيجا..بيجاد روب بيضة تمنيت طول عمري نلبسها..موش مصدقة هذا الكل بيجاد أنا موش منجم.. قص علاها :" ادخل توا البسها" مشاو للقصر موش فاهمة شئ ترا في الدنيا كلها تضوي القصر ضاوي حس اي حس غناء..قدمو مالباب الدخلاني تلقا ايمن عزالدين وشويا من صحابو وعايلة زهرة.. قدمت ام زهرة شدت فتون طلعوها لبست وهي موش فاهمة شئ مصدومة.. الفرحة موش سايعتها قلبها رفرف 

"انا يتيمة وفرحتوني عمري ماتوقعت الي باش تفرحولي هكا عيشك طا"

"معاش تقلي طا انا ماليوم امك كيما زهرة بنتي تجي حذايا في كل وقت تحب" قامو شطحو النسا هبلوها في الجنينة البرا زغرتو شاخو كلاو قاطو فرحو طارت فتون وطار الحزن من قلبها...قدمت زهرة ورمات نوار علااها..تعدا جو عالمي قصر مييت رجعت فيه الروح بيجاد كان هو والرجال في الصالة

" ايا يا جماعة ناوين تباتو معاه العريس راوفد" قالها عزالدين للضياف قامو الكل يضحكو والشيطان حشم.. تعدات ليلة وفراقها صباح وانتوما تعرفو الباقي..

تعدا شهر..

" مانيش منجمة نقوم يا زهرة باش ندوخ كلملي الطبيب توا" قالتها فتون من بين نفسها المتقطع.. :" باهي خليني ندخلك الداخل"

كانت فتون قاعدة عالقاعة متع الدوش وجها اصفر..:" اعمل الي قتلك عليه قبل"

بعد ساعة..طلعلها بيجاد للبيت وجهو ملخلخ مفجوع.. قدم منها شدها من وجها

" فتون شبيك..شبيك تبكي؟:"

زادت قوات في البكا عنقها بقوة :" اهدا فتون اهدا"

بعدت عليه وهي تحل في فمها وتبكي :" انا..انا.."

خزرلها باش يهبل:" انت شبيك تكلم"

" أنا حبلة بيجاد"

حل عينيه مبهم مصدوم ولا يضحك بصوت عالي عنقها وعينيه دمعو بعد خزلها:" انت متغششة خاطر حبلة مني؟؟"

مسحت دموعها وهي مازالت تبكي:" لا أما فرحانة فرحانة برشا"

تبسم بفرحة:" باش نولي بو نحبك فتون نحبك ياروحي"

"اي" 

" بلاصتي تفكت صايا.. " عنقتو ليها " انت بلاصتك لنا " عدات يدها علي قلبها تبسم وحملها :" حبي توا وقتاه تولد يعني شهر اخر نولي بو " ضحكت "لا يا عمري 9 "

" اه باش يطلع بليد كيف بوه"

النهاية