(حطواااا جاااام قبل ما تقرااااو)
الحلقة 1:
ايطاليا-روما..
سافرو كل حد في طيارة بعد ما قسمو رواحهم، جاد الي مشى في طيارة خاصة مع الشرطة الي جاوه خصيصا بطلب من جوزيف و البقية طلعو من المطار عادي.. سوايع و وصلو..
جوزيف و أيهم فيسع هبطو ريقلو امورهم و قعدو يستناو في آزر الي دوب هبط مالطيارة قعد يحكي فالتاليفون،كمل و مشى يهز في دبشو و غادي وين يلقى وحدة قدامو تتعارك هي و شكون مسكرة البلاصة و معطلة كل شي😕قعد واقف يستنا و يتفرج طلعو العصب صبر صبر و نطق يحكي معاها بالسياسة يحاول يسيطر على روحو باش ما تزيدش الحكاية تكبر
-يا جماعة راكم معطلين الدنيا الكل شوفو العباد الي وراكم مش فاضين شغل حتى باش نستناوكم تفضو مشاكلكم😠
جاوبتو هي ديراكت صوتها يلعلع😡
-تفضل بابا نادينالك😒تستنا كيفك كيف غيرك ما يهز حد حاجة كان ما يرجعولي الي تسرقلي
-و احنا شنو دخلنا سامحني😠 يزي مالعوج و ارتقيو شوية شنو الحالة هذي
-نعم بابا شتحكي انت😠اسمع ما تخلينيش نكملك معاهم
-مازلت موسع معاك بالي و نحكي بأدب لذا ابعد من خليقتي خلي نهز بقاجي ما عنديش كان انت في مخي والا فاضي شغل باش نستنا حضرة جنابك😤
-و انا قلت مش باش يهز حد بقاجو كان ما يرجعلي مسروقي
-اسمع صوتك هذا ما يعلاش عليا فهمت عزيزتي لذا سكر اك الجلغة لا نهدهالك فالعادة نقدر النساء و بالنسبة ليك انت مش قاعد نرا لا في انوثة ولا في حشمة و تربية مشاءالله عزري مسيب😒الي كيفك يتحقرو خير
(حطواااا جاااام قبل ما تقرااااو)
خلاها تغلي وحدها ندرا فاش تحكي و تجاوزها تعدا هز بقاجو و خرج يلقى لولاد يستناو فيه
-جوزيف:بلاهي وين غبرت شهر باش تجيب فاليز
-آزر:بلاهي فوتني تو و اخرج من مخي الي خلتو اك الفرخة لداخل ما تكملوش انت تو😤ما نعرش كيفاه ما شديتش هرست والديها
-أيهم:😂😂😂كل توخيرة فيها خيرة صاحبي و مدام فيها انثى تهنى
-آزر حشاها الانوثة كان ترضى تتحط في وحدة كيفها تي عيرود مسيب لا حشمة لا جعرة ما تكساب مالانوثة شي😤 اسكتو تو راني مازلت نغلي عليها سوق و اسكت يا ايهم براس امك و بعدني من هوني خير ما نرجع نفشخها و نباصي عليها😑
شوية و وصلو مشى كل حد لوين باش يسكن.. كانو باش يسكنو في عمارة وحدهم كل حد وحدو على اساس حد ما يعرف لاخر باش يبعدو شوية الشبوهات اما تبدلت الخطة في آخر لحظة بأمر من جوزيف على اذاكا سكنو في نفس الحي اما بعاد على بعضهم ارتاحو شوية و تقابلو الكل عند جوزيف و كالعادة ديما أيهم آخر واحد،وصل تاعب عمل دوش و رقد ما قام كان بالسيف على صوت تاليفونو آزر يكلم فيه هز عليه صوتو بالنوم 😴
-شتحب
-حبة و كبة قوم😠جوزيف طلبك عشرين الف مرة شبيك ما تجاوبش
-كنت راقد😑
-مرقد😒اي تحرك عندو ما يحكي معانا و باش نتلمو الكل في دارو،اخلط فيسع
-باهي هاني قايم😑
علق من عند آزر و قام هااز روحو بالسيف عمل دوش آخر صحصح بيه شوية لبس شوميز بيضة و دجين مقطع و سبادري و خرج يزرب يمشي فالشارع يفلفس في تاليفونو دار الدورة و اوووب يدخل في طفلة ما يعرش عليها منين هبطت عليه هو طاحلو تاليفونو و هي طاحت بكلها فالقاعة و تفرتولها الاوراق الي كانت هازتهم تمشي بالزربة حتى هي و مش مركزة على طريقها
-اووف😠 يااا ربي شهالنهار الزح ناقصة عطايل انا برا تو شباش يلمهم هاذم 😢
-سامحني والله ما ريتك ما كنتش مركز خاطر مزروب
-السماح انا زادا نمشي و عقلي مش فوقي مش كان انت غالط
-ستنا نعاونك😊
مدلها يدو عاونها باش تقوم و كيف جبدها جبدها بقوة لين جات في حضنو😍قعدو يخزرو لبعضهم سارحين تكلمو الزوز فرد وقت و قالو نفس الكلام
-محلاهم عينيك😍
فاقو من سرحتهم و اتطرشقو الزوز بالضحك،بعدو شوية على بعضهم
-انت لباس
-لباس عيشك،سامحني جرايري تاليفونك تكسر
-مش مشكل 😊
هبطو الزوز فرد وقت يلمو فالاوراق الي طاحو منها،يلم و يخزر لرسوماتها الي عجبوه و جذبوه😍
-رسوماتك هاذم؟
-اي😊ما تعارفناش..انا اليزا☺
-انا أيهم😊نتشرفو
مدو يديهم يسلمو على بعضهم
-سامحني اليزا لازمني نمشي مزروب،موفقة في روسوماتك 😊
-عيشك أيهم😊
خذات ستيلو و قدمتلو شوية شدتلو يدو شيعت مونش الشوميز شوية و كتبتلو نيمروها على معصمو
-هذا نيمرويو نحب نعوضلك تاليفونك الي تكسر في جرتي😉نتمنى تكلمني و نستنى تاليفونك
قاعد يخزرلها كيفاه تتبهلل شاخ على ملامح وجها هي تحكي و هو يخزرلها حس بكورون ضربو كيف شدتلو يدو و دغديغة كيف بدات تكتب، ستحلى ملمس يدها على يدو ركز مع يدها البيضة يدين رسامة بعروقها الظاهرة تفاصيلها،رطابتهم الي خلتو يتبسم من غير ما يشعر..
فاق من سرحتو يتأمل فيها
-نكلمك اكيد اما عرضك هذا خليه عندك و خمم في عرضي انا😝 اليزا شرف ليا انك تعوضلي خسارتي لتالفوني كيف تقبل تشاركني فنجان قهوة في يوم مالايام
-ممممم نفهم من كلامك انو عزيمتك مطولة شوية؟😊
-فهيمة😊نحاول انو يكون في اقرب وقت
-و انا نستنا تاليفونك...
سلمو على بعضهم مرة اخرى و كل حد مشى في طريق و خيال الاخر بين عينيه.. جاد وصل هو اول واحد قعدو الزوز مقابلين بعضهم و كل حد غاطس يخمم من شيرة، الزوز يخممو في نفس الحكاية و في نفس هالمشاكل لدايرة بيهم من كل شيرة و لازم يخرجو منها بأي طريقة كانت حتى لو عن طريق موت واحد منهم😦،الزوز يحاولو يلقاو الحلول الي باش يختصرو بيها ثنية 3 سنين كاملين كان مش اكثر اما ما ينجمو يعملو شي كان ما يخطيو اول خطواتهم في الخطة الي حطوها و يجسو النبض و على اساسها يتحركو،الزوز ساكتين كأنهم اغراب على بعضهم،سكوتهم كان مخيم على الدار الكل و من كثر قلقهم مش حاسين بشي كان بأهمية و مدى خطورة الي هوما فيه..يستناو في آزر و أيهم يدخلو😑دق الباب قام جاد شاف شكون مالكاميرا لقاه آزر حلو الباب
-كملت قعدت سي الشباب علاش جاي و وينو الكلب لاخر😒
-آزر:ما نردوش النفس ااا ربي،انا هاني قدامك و ايهم هو خالط كلمتو و عادك بيه وصل
-جوزيف:يراه مقطوع النفس ادخل بابا😑
ما قعدوش دريج من زمان و الباب عاود نوقز قام جاد يحلو
-اكهو نخدم بواب انا اليوم في جرتكم كل واحد نحلولو وحدو😒من نهارت الي عرفتك تكركر يا أيهم مش عارف علاه قاعد صابر عليك😠
-انا نستناها عمري الكل اااااه يا قلبي😍
خلا جاد واقف وين الباب و دخل هو ديراكت قعد عالفوتاي و الاولاد مش فاهمين شي من كلامو
-هاااا تفضلو لباس ماهو تقحرولي الكلكم😒مش باش نركز معاكم انا زاهي توا و فرحان ما نفسدش مزاجي بيكم😝😛
-جوزيف:قومو للطاولة هذي خلي نبدا فيسع قبل ما نخنق منكم واحد انتوما الزوز راكم غلبتو عليا😂😂
تلمو الاربعة على الطاولة مركزين مع جوزيف الي بدا يحكي و يفسرلهم في تفاصيل العملية،نوقز تاليفونو
-وي وصلت.. مزال عندك المفتاح ماهو.. ادخل مالا هانا لداخل☺(علق و خزر للاولاد) اا تتفكروها الطفلة الي قلتلكم باش تلتحق بينا فالمهمة و تعاونا؟ سي بون وصلت😊
هوما هكك و تحل الباب دخلت طفلة شعرها اكحل قصير بيضة و عينها زرق مش طويلة و مش قصيرة سافا طولها😍الكلهم دارولها كان آزر مبزع عالكرسي يريقل في شعرو على الايكرون متع تاليفونو يشوف في خيالها الي تعكس قدامو عينو تحلت على وسعهم و فيسع دارلها مصدوم😨
-انت!!😲
-انت😑اوووه يا بابا ناقصة انا ربي يعدي الي جاي على خير
آزر قاملها شاعل 😂
-ايجاني هوني ايجاني انا مازلت ما بردتش عليك اليوم نفتفتك😠
جبدو جاد من مريولو
-اقعد هنا تهد قالو تفتفتها😒
جوزيف مش فاهم شي😕
-ااا جماعة وسعو بالك منين تعرفو بعضكم
-يا دجو راهي هي نفسها متع المطار 😡
ايهم قاعد ولا على بالو قالق مخو قعد مع اليزا اما حب يفركهم شوية على ازر و ينرفزو😂😌
-هذي الي قلت عليها عزري مسيب و ما تكساب مالانوثة شي؟يا ولدي مثبت!😈
إلينا قحرت لآزر على جنب و خزرت لروحها كانت لابسة سالوبات نوار معاها توب نوار بالبلون جاوبتو بكل نفخة و ترمي فالمعنى على آزر
-كيف الرجلة تحظر و تغيب حتى الانوثة زادا،ساعات ما تلقاش الرجال الي تاقفلك تولي تسترجل و تعوضهم😌
-ايهم:ووووه ضربة جزاء لا غبار عليها صاحبي آزر اضرب يا الينا لا قعد 😂
-آزر:انتوما الزوز نتجاوزكم و انت يا شسمك مش نرا فيك راني😏
-جاد:اي اسكتو ناس الكل و افرحولنا بيها
قامو لكل سلمو عليها كان آزر بطبيعة قعد كان يتشوحرلها😂😈
قعدو و جبد جوزيف دوسي ملي قدامو حلو و جبد منو تصاور مدهم لجاد
-اي يا جماعة نبداو تعرفتو توا على الينا نعرفكم توا هذي هي "اليزا" 23 سنة كارية دار عايشة فيها وحدها في منطقة اسمها "بياتزا نافونا" انسانة عكس خواتها تماما حساسة و طيبة لأبعد ما يكون، منظمة في حياتها عاللخر كل شي بالوقت و هو اهم حاجة عندها و الحاجة الوحيدة بعد خواتها الي محترمتها و ملزوم على كل من يعرفها و يتعامل معاها يكون عارف قيمتو، مزالت كيف بدات في طريق الرسم و عندها افتتاح معرض على قريب على اذاكا هي البريود هذي الكل مالدار ما تخرجش كان العشية كهو و لمدة ساعتين لا اكثر تقسمهم بين كلبها الي اوبليجاي تخرجو تعمل بيه دورة من بعد تتعدا تعمل قهوة تشري ورد و قضيات و تروح اما رغم طيبتها هي قوية و ما اتطيحش بسهولة و هذا يعني يا جاد انك لازم تعمل المستحيل باش تدخل قلبها و تخليها تحبك و اهم حاجة انها توثق فيك و انت تعرف كيفاه بطريقتك نخليلك الحرية و ما تنساش انو كل ما زربت كل ما كان الوقت لصالحك، فالوقت هذا آزر و أيهم باش يراقبو "آدجين" و رجالو و كل تفصيل صغير عندو قيمة كبيرة..اي نبداو مالا و ربي يوفقنا نشالله و الينا تكمل تعطيكم بقية التعليمات بالتفصيل اكثر ..
ايهم كان مركز مع كلام جوزيف و جذبو اسم الطفلة و تصدم وقت حل جاد الدوسي و جبد منو تصويرة الطفلة خذاها من عندو يثبت فيها😮
-جاد: شعزاك هات هوني التصويرة مازلت ما كملتش قريت😒
-ايهم: لحظة برك جاد.. يا جماعة الطفلة هذي قابلتها دريجين لتالي دخلنا في بعضنا بالغالط و تاليفوني تكسر في جرتها(هز يدو يوريلهم في نيمروها) قيدتلي رقمها على يدي تحب تعوضلي الخسارة و انا لصراحة عجبتني لدرجة انكم تمزبلو فيا بكري و مش مركز معاكم 😒شنعمل انا تو😧الصبر دينا في جرتي التابعة نمشي نحل كتاب على روحي خير 😑صحة سي جاد مبروك عليك حبيبتي😂نباركلك و عزيني ليل فرحك يا صاحبي هذي هي والله😂
الاولاد اتطرشقو بالضحك على الزهر لعندو الطفلة لعجبتو طلعت هدفهم لمهمة و اخت سفاح و رجل عصابات و زيد على هذا المهمة تفرض على جاد انو هو يكون معاها😂
-جوزيف: لينا و ليك ربي وخي باش تموت باير😂
يحكي و يفدلك و مش عارف علاه الحكاية غايضتو توا لازمو يجبد روحو هي صحيح عجبتو و برشا زادا، عندها حاجات سبيسيال في شكلها و طريقة ملامها جذبوه ليها 😧تنهد و سكت لازمو يبعد باش ما يصعبش الحكاية على جاد و في نفس الوقت ما يشتتش انتباه اليزا،رجع مركز مع الاولاد جوزيف قعد و قامت الينا بدات تحكي و آزر قصى عليها😏
-تو هذي باش تعطينا التعليمات هاكا الي مزال و تبقى عاد لا حلو😒انا خارج و كان قالت حاجة تصلح عاودوهالي شوية و نرجع😏
قام خرج حد ما حب يكلمو خلاوه على راحتو و كملو هوما يحكيو و يتفاهمو لين جاء، تفاهمو شنو باش يعملو و الي هذا شنو مهمتو.. آزر قام نحى الفاست متاعو و جبد البيسي لبس ليناتو و غطس،جاد كان هادي كالعادة مش مفهومة لا ملامحو و لا باين فاش يخمم،قاعد بكل برود و ما على بالو كان سؤال واحد كيفاه باش يرجع لهالطريق مرة اخرى بعد ما خرج منو بصعوبة،يخاف يرجع يغرق روحو،يخاف تتحير هواجسو بالقتل مرة اخرى،يعرف انو هذا الكل مسألة و قت لا اكثر و باش يجي نهار و توفى اما آسك ينجم يرجع و يرجع الانسان لصنعتو ايثار!الراجل لزرعت فيه روح جديدة و غيرت كل حاجة فيه للاحسن،زعمة ينجم يحافظ على طيبة القلب و الحنية الي هوما اصلا مغروسين فيه اما هي الوحيدة الي نجمت و عرفت كيفاه توريهم للعباد و تخليه هو في حد ذاتو يكتشف انو عندو هالصفات هاذم الي كان يجهلهم في روحو!زعمة ينجم يقاوم اك اللذة و النشوة الي تتملكو كيف يقتل والا يحرق حد،زعمة تحظر حنيتو وقت يشوف حد مظلوم و يتصرف يخرجو من الموقف الي هو فيه..هذا الكل و اكثر دار في مخو و خمم فيه،برشا اسألة اجابتهم مجهولة ما ينجم يعرفهم كان كيف يخوض التجربة مرة اخرى..
خرجو من سرحتو جوزيف كيف حط يدو على كتفو و كبس عليه كأنو يطمن فيه و يقلو راني معاك و واقف في ظهرك،كأنو حاسس بدوامة الافكار و الهواجس الي دارت في مخو و تملكتو هز راسو يخزرلو بعد ما حط يدو على يد خوه يطمن فيه بعينو تبسملو و قام
-اي يا جماعة انا خارج نلقاشي هالقهوة نبنك فيها بالك نخلط على اليزا و نطيشلها الطعم .خلي نبداو و ربي معانا نشالله
-ايهم:موفق جاد نعرفك قدها😉
خرج من حذاهم لبس ليناتو و هبط حب يتمشى شوية كان محتاج انو ينظم افكارو يحس روحو مزال مش حاضر خوفو من قومة الشيطان الي فيه من جديد باعثة فيه نوع من الرهبة الي مخليتو حاير في روحو و متعجب من قوة ايثار و قدرتها الجبارة في التبديل الجذري لشخصيو، مجرد انها جات على بالو تملكتو نوع مالقوة و الاصرار على انو يخوض هالتجربة من جديد و يغامر حتى على حساب حياتو و يقمر بيها في سبيل انو يكون معاها فالمستقبل ك جاد الي مزال عايش يخزر لغابتو و يملي صدرو بريحتها و يزيد يخزن ملامح وجها في ذاكرتو اكثر و اكثر يحط يدو على خدها و يسرح معاها في خيالو حتى لو كان جزء مالثانية و بعد خلي تخلا الدنيا و يصير الي يصير.. لاول مرة يمشي فالكياس و يبدا شارد مش مركز في شي و لحسن حضو كان لابس ليناتو الي بيها نجم بخفي ملامح الضعف و احساس الخوف من المستقبل المجهول،بفضلها نجم يخفي كل شي وراها بلارتها الفيماي و يقعد في نظر اي حد يشوفو فالطريق بنفس الهيبة و الكاريزما و الجبروت و التعالي الي في شخصيتو و يتجسدو في مشيتو و راسو المرفوع..
الحلقة 2
يمشي بكل غطرسة و غرور،بكل هدوئ و رزانة تعكس ثيقتو في روحو و تخفي الاعصار لقايم في داخلو،كان يمشيو شارد لدرجة انو ما سمعش صوت الطفلة الي شاح ريقها و هي تعيط و تصيح عليه باش يبعد من قدامها و هو مش هوني ولا على بالو هايم و سارح في افكارو قاعد يحاول بينو و بين روحو انو يقسى و يتغشش و يحاول اكثر انو يرجع يتقمص دور الشيطان او بالاحرى يحرك الشيطان الي في داخلو..هو مزال هكك و عادو بروحو واقف كل شي صار بزربة و في رمشة عين،بين اللحظة و اللحظة يلقى روحو طايح فالكياس ممدود و طايحة فوقو طفلة ما نجمش يشوف ملامحها خاطر شعرها الطويل كان هابطلو على عينو،هز يدو يبعد فيه يلقاها شاردة فيه تتأمل في عينو القري الي تسحرت بيها لدرجة انها تجرأت هزت يدها و كانت ناوية تعديها على شوافرو اما يديه كانت اسرع، من غير ما يشعر حركة لا ارادية عملها شدلها يدها بزربة قبل ما توصلو و نطرهالها دزها من فوقو طيحها عالقاعة و قام فيسع عطاها قحرة😒 و من غادي تقلبو الزوز هو لبسو شيطانو و تحول و هي فاحت فيه😠
-لباس انت😠اطرش ياخي ما تسمعش ساعة و انا نبرح عليك و نوقزت الف تنوقيزة بناقوز البيسكلات و انت سي السيد مكش هوني
حمر عينو و هز صبعو قريب يدخلو في عينها ما ينجم حد يفهم و يستوعب حجم و كمية التناقض الموجودين في هالراجل،التناقض الكبير الي في برود كلامو و النبرة الي يحكي بيها و بين الغش الي في حركاتو و صياحو الي يلعلع،حرك صبعو بخفة و جاوبها بكلمتين لا اكثر من غير ما يستوعب ولا يجي لبالو و لا يسأل حتى روحو شكون هالطفلة و منين طلعتلو..زعمة هالنقاش الي ولدتو الصدفة لشنو باش يتحول؟ و هل يا ترى القدر كيف لعب دورو و جمعهم شنوا مخبيلهم؟...
-كملت كلامك؟😏
كلمتين قالهم بصوت عالي يسيطر عليه البرود و التناقض،حط يدو في مكتوبو و هز روحو و مشى مام با خزرلها والا عبرها حتى بينو و بين روحو ما قرالها حتى حساب و لا تعب روحو و قعد يخمم فيها خلاها واقفة تغلي باهتة و مصدومة حالة عينها في عجب ربي و في كتلة هالجليد الي تمشي قدامها لا طلب منها سماح و لا طالب انها تطلب هي طيشلها كلمتين و سرح على روحو كأنو ما صار شي😕 مشى شوية كأنو بدا يستوعب الي كان صاير ما يعرش كيفاه ربي حل بصيرتو و رجعلو شاهد العقل لكان فاقدو و عدا من قدامو تصويرة الطفلة الي ورهالو جوزيف،وقف في بلاصتو تبسم على جنب و كمل طريقو و خلاها تغلي ما ركزش حتى شقاعدة تحكي،تبسم تبسيمة شر لفرصة جاتو على طبق من ذهب و هو باش يستغلها لصالحو...ما مشاش برشا و وصل للقهوة...قهوة كلاس برشا من ديكورها تظهر زمنية شوية و في نفس الوقت عصرية ارضيتها اللوح و حيوطها البلار و الورد الملون الي مالي كل تركينة فيها بنظام 😍هذا الكل يجذبك ليها و من غير ما تحس تلقى روحك ماخذ بلاصتك في طاولة تطل على منظر من احلى المناظر رغم بساطة كل شي،هذا الي صار مع جاد جبد الكرسي و قعد نحى ليناتو هبط شربو و جبد سيقارو مالباكو بشفايفو مضيق عينو و عاقد حواجبو كمل شعلو و خذا منو جبدة،ركز يدو على الطاولة هز راسو و نفخ الدخان لقعد مخزنو شوية،خرج من فمو و خشمو بطريقة قمة فالاغراء و مع ملامح وجهو الي تخلي اي انسان يتجذب ليه.. كان شارد و هايم انجمو نقولو دخل في اللاوعي مش مركز في حتى شي خلاف سمفونية "جون ستراوس" المحلولة فالقهوة و الي زادت رخاتلو اعصابو و رتحتو و خلاتو يزيد يغرق في افكارو اما رغم شرودو ما نساش مهمتو الي بدات تحلا نوعا ما بالنسبة ليه و حس نشوة الحماس الي بدات تتحير فيه،تذكر اليزا و عاود حس نفس الاحساس وقت طاحت عليه و جات العين فالعين،احساس غريب تملكو وقتها ولدلو توا و هو يتذكر الاحساس بالذنب و نوع من تأنيب الضمير من قبل حتى ما يبدا في كل شي،شاف كم الحنية و الطيبة الي في عينها كيفاه باش ينجم يجرها و يلعب بيها و بمشاعرها على حكاية لا عملت فيها لا يدها لا ساقها شنو ذنبها هي باش تخلص شطر فاتورة خواتها كان مش الكل، تمنى توفى الحكاية على خير و يخرجو الناس الكل بأخف الاضرار و ينالو الضالمين جزاءهم،حس روحو بدا يضعف و حس بقلبو حن و لان كبس روحو و رجع لعينو حدتهم و لوجهو ملامح البرود القاتلة الي يتميز بيها خذا رشفة مالقهوة المرة لقدامو و عاود هز راسو يتأمل فالشارع الي مقابلو يرا في نفس البسكلات عليها نفس الطفلة جاية من غادي و كل ما تقرب يزيد يتأكد من ملامح الخوف الي على وجهها و محاولتها انها تاقف و ما نجمتش و اوووب طاحت جات مادة الاربعة من غير ما يخمم قام فيسع مشالها بما انو اقرب واحد للشارع طبس عليها قومها ما نجمتش تمشي ساقها تزلعت شوية و ولات بالدم يسايس فيها بالشوية يمشي فيها و هي تتشوكع و تسب و تلعن فالبسكلات و في روحها و في نهارها الزفت كيفاه تعدى😂و ما هزتش حتى راسها و شافت شكون هذا الي عاونها حطها عالكرسي و من غير ما يخزرلها طبس يمسحلها فالدم من ركبتها بعد ما جبد منديل من جيبو و هي صاحت اما قعد محافظ على برودو و ما حركتلو حتى شعرة و ما هزش فيها عينو و لا عبرها😏
غمضت عينها مالوجيعة الي حاستها و كبست بيدها الزوز على البنك الي قاعدة عليه تحاول تخفف منها، شوية و هزت راسها بعد ما سمعت صوت الراجل الي حذاها،صوت لتو ما نساتوش و مازال يتعاود في وذنها عندو سوايع و خلاها للحظة هذي تغلي و تاكل في روحها ماكلة على برودة الدم و اللامبالات الي عندو،حلت عينها بزربة تحب تتأكد من صحة توقعاتها و تصدمت اكثر كيف لقاتو هو قدامها و يمسحلها على الجرح جبدت ساقها منو بزربة
-انت!!😡ابعد عليا،شعزاك وين نتحرك نلقاك في خليقتي ملي شفتك ما شفت خير ثاني مرة نطيح اليوم و الكلو جرايرك😠
-لباس ماهو 😒شبيك ماكلة روحك سلاطة انت😑اول حاجة مش نتبع فيك لا نعرفك و لا عمري ريتك و ثاني حاجة تعلم سوق و بعد ايجا اتهم العباد كان جيت حالة عينك مليح و مركزة في ثنيتك راك ما طحتش مرتين على بعضهم 😒المرة الاولى صحيح انا الغالط و مش باش نطلب السماح خاطر مش مشكلتي و ما يهمنيش😌و المرة هذي جيت نعاون فيك خاطر ريتك كيفاه تحاول تسيطر على البيسكلات و ما نجمتش..المهم انت لباس؟
هو يحكي و هي مبحلقة عينها فيه و في زينو 😍تمهمشت و ما فهمتش روحها ما عرفتش وين تخزر بالضبط لشفايفو الروز من عند ربي و الا لعينو القري والا بدنو والا تاخذ موقف من قمة التناقض الي فيه و في كلامو،فاقت من سرحتها و رجعت عليه
-على كل مغسي عيشك..
سكتت شوية كأنها تنظم في كلام على لسانها خزرتلو رجعت تحكي تسأل فيه
-تمن بالصدف؟؟
قام حط يدو في مكتوبو يخزرلها متعجب من سؤالها😕هز حاجبو كيف العادة و جاوبها
-انا انسان تعلمت اني ما نمن بشي فالدنيا هذي
-مممم باهي..سامحني ما عرفتكش على روحي..
انا إليزا
-وانا جاد
تبسمو الزوز و مدو يديهم يسلمو على بعضهم
-ايطالي؟؟؟
-لا😊تونسي امريكي😉 وانت؟
-امريكية
-بكري كيف طحت في جرتي كنت لا علاقة بيك و ما طلبتش السماح حتى..كان تقبل اعتذاري بفنجان قهوة توا؟
-😊اكيد..ستنا نقوم
-سايس روحك
عاونها باش قامت و مشاو قعدو على نفس الطاولة الي كان قاعد عليها هو كملو حكاو و تعرفو على بعضهم معرفة اولية سطحية تسيطر عليها المجاملات و التصنع نوعا ما،خذاو نوامر بعضهم و تفاهمو يوليو اصحاب..
كالعادة كان قمة فالتناقض خلاها تتعجب و تحير في امرها و في هالمخلوق الي قدامها اغلب الوقت ساكت ما يحكيش برشا و كيف يتكلم يخليها هايمة و سارحة مش فاهمة شي شي مالطريقة الي يحكي بيها و شي من زينو و الوهرة الي فيه، هي تمشي و هو يمشي بجنبها و يمشي فالبيسكلات متاعها ظهر طريقهم هو نفسو و يسكنو في نفس الشارع،اصر جاد انو يوصلها للدار و يطمان على ساقها و هي وافقت..وصلو قدام الدار كانت محلاها تعكس ذوق اليزا،شيع راسو يتأمل فيها كاتت من برا كلها حجر المودال الي يعشقو هو ذكرتو بالبيت متاعو القديمة
-قداه محلاها دارك ذكرتني ببيتي في تونس
-عيشك😍انت زادا تحب النسق الالماني
-برشاا😍
-كان ما فماش قلق تفضل ادخل نشربو قهوة و منها تشوف الدار من داخل كيف هي عجبتك اكيد عندك فضول😁
-اي والله كأنك قريتلي افكاري😀انا مودالات هكا ما نجمش نفلتهم يقعدولي في قلبي كان ما نشوفش تفاصيلهم و نتأملها😆
ضحكت و حلت الباب عرضها كلبها يجري ترمى عليها
-اوووه يا روحي سامحني ما خرجتكش اليوم الله غالب غدوة نعوضلك انشاءالله
-هاكا علاه عرضك يجري هو
-اي مستانسة الوقيت هذا نعمل بيه دورة.. تفضل جاد الدار دارك خوذ راحتك
-ياخي عايشة وحدك؟؟
-ممم ساعااات وين يجي حذايا خويا مش برشا اما اكثرية الوقت وحدي..
-ظاهر فيك مغرومة بالرسم،يعطيك الصحة محلاهم لوحاتك
-نتنفس رسم😍 غرامي رسم😍 قاعدة نحضر لافتتاح المعرض متاعي على قريب..ايجا كمل شوف الاخرين و نوريك الدار
يمشي وراها و عينو ما هداتش كل مرة في بلاصة عجبو ديكور الدار و ستيلو كلاس و هادي برشا كواتروواتها معبية الحيوط و القاعة،يمشيو فالكلوار توري فيه فالبيوت لين وصلو لآخرو مقابلو اونفاس باب قدم على اساس باش يحلو و يدخل و تفاجأ بيد اليزا الي سبقتو و بعدتلو يدو على البوانيي متع الباب😮
-سامحني جاد اما هذي ممنوعة و محرمة على اي شخص يدخللها،بيرو خويا يجيني بين الفترة و الفترة و منو ما يخرجش، الباب هذا يتحل مرة كل شهر و كان ما يكلمني هو و يقلي حل جيست باش نمسحلو غبرة و انظفو ما اكثرش، ما يحب حد يدخلو هو انا ما يقلي ادخل كان ماللزز عندو حساسية قوية مالغبرة و لازم كيف يجي يلقاه نضيف،البيرو هذا فيه حياتو و اسرارو و اوراقو و دنيتو الكل على اذاكا هو ممنوع ☺
جاد استغرب و حس انو البيت هذي هي مفتاح حياتو الجديدة و هي المخرج متاعو للدنيا مرة اخرى و لازمو يدخللها مهما كلفو الثمن،ما خبش يجيب الشك لروحو خزرلها و تبسم تبسيمة حاول بيها انو يطمنها 😊
-ااا سامحني والله ما كنت نعرف جيست ديكور الدار و مودالو جذبني برشا و زرع فيا حب الاطلاع باش نكتشف هالابواب شنو الديكور الي وراها خاطر بالحق تنظيم و تنسيق روعة كل بيت و كل تركينة عندها حكاية خاصة بيها فريمون يعطيك الصحة 😊
-مغسي جاد عيشك، باهي ايجا معايا هذي آخر بيت و لازمك تشوفها و تعطيني رايك فيها عي والي في وسطها😊
مدت يدها حلت باب شكلو مختلف على بقية البيبان و دخلو، بيت كبييييرة حيطوها كلها مرايات في وسطها سيبور منصوب و عليه تابلو كبيرة مغطية ظاهر فيها مش كاملة،دخل و قدم شوية يتفحص في رسمها قداه عجبو و قداه هي موهوبة..
-اليزا انجم انحي الغطا نشوف هذي
-اي اكيد اما راهي مش كاملة
-شدني ليها فضول كبير مش عارف علاه
-بديت فيها و هي آخر تابلو باش نختم بيها المعرض اما المشكل اني نرسم هكك و برا و الصورة مش كاملة في مخي😓 في الحقيقة هو وجه انسان ديما نحلم بيه اما عمري ما ريت ملامحو و تفاصيل وجهو كاملة يجيوني تفاصيل طايشة مش منظمة مش كاملة الحاجة الي نجمت نركز عليها هي عينو بديت نرسم فيها على امل تكملشي و شي النافع الله😢
هز القماشة و تصدم كيف عينو وساعت و تحلت على كبرها بانت عليه ملامح الدهشة و الذهول، وقف في بلاصتو مستغرب لدرجة انو القماشة طاحت من يدو فالقاعة كيف شاف روحو فالتابلو الشعر شعرو نفس المشطة،نفس العينين الي تشع بالقوة و الغرور و الذكاء و الحدة و النظرة الشيطانية الي يتميز بيها..😨😮
شافتو هكك تعجبت من وقفتو قربتلو مرة تخزر لتابلو مرة ليه هو،نفس الملامح و نفس كل شي رغم انو الرسمة مش كاملة و توا وين كملت في خيالها..
زوز مش فاهمين شي كل شي صار بالصدفة...
زعمة المهمة و التخطيط هوما الي جمعوهم والا الصدفة و القدر لعبو دورهم لحكاية جديدة و مستقبل مجهول مظلم بدا يشع بالنور ...
الحلقة 3
كان يمشي في ساحة "بياتزا نافونا" هايم مش عارف وين هازتو ساقو شاد الكاميرا في يدو يلوج عالالهام حاس روحو مخنوق و ما يتفرهد و ترجع فيه الروح كان كيف يصور الحاجة الي ترتحو، يمشي و ما عجبتو حتى بلاصة و حتى بلاصة ما ارتاح فيها و حس انها باش تجيبلو الافكار،وصل وين نافورة "تريفي"كانت البلاصة هادية و مع عتمة الليل و سوادو و نسمتو الباردة حس بالدغديغة بنينة سرات في بدنو، والي زاد المشهد روعة حبات الثلج الهابطة بهدوئ عالارض تلامس في اناملها بحنية مع ضو الشارع الاصفر الخافت الي تسلط على التماثيل الموجودة فالنافورة و زادهم سحر على سحر تبسم و هز راسو يخزر للسماء ضيق عينو شوية كيف هبط الثلج على وجهو دار بعينو فالبلاصة يتأمل في حلاوتها و قداه ترتح و تهدي جذبو المبنى الي حذا النافورة بجنبو كنيسة قعد يتخيل في سحر البلاصة مالفوق فضولو خلاه يدخلو و يطلع في الدروج وصل لاخر طابق الوقت روتار برشا بطبيعة الحال الناس الكل راقدين هدوء كبير مخيم عالاجواء، صوت الريح الخفيف و ضو الشارع لكان خافت تحير فيه كل شي ذاكرتو تنهشت من هالمنظر لقدامو هبط عليه الالهام قعد يصور بالكاميرا متاعو اي حاجة تجذب انتباهي و تشتتلو افكارو.. قاعد على حافة البناية الي يشوفو يقول هذا اكيد باش ينتحر، كان يلوج و يفركس على اي حاجة تخليه ينسى همو شوية برشا حاجات شاغلة بالو و تفكيرو يحس في قطرات المطر الي بدات تنكت شوية شوية على خصلات شعرو و قاعدة تهبط تدريجيا على وجهو 😍 ليلة باردة ريحها مرة يصفر و مرة يكون هادي يفكر في الموضوع الي شاغل بالو عندو سنين زعمة ينجم يكملو و يرتاح و يرتح ضميرو😧 كان سارح عينو مبحرة فالفضاء، فالانهاية لتو ما لقاء خيط تعب و هو يلوج اما ما يرتاح كان كيف يوصل للي يحب عليه السبب هذا كان من الاسباب الاولى لدخولو للمافيا يحس في روحو تايه و ضايع يدور في دوامة لا بلعتو و وصلتو للقاع و طيشتو على حافة الهاوية ولا لقا اامفتاح الي باش يوصلو لنهاية طريقو رغم انو الهدف كان على مرآى من عينو برشا مرات اما ممكن مكانش مستعد مش حاضر انو ينفذ الافكار الشيطانية الي تدور في راسو 😈محاولاتو انو ينسى همومو باءت بالفشل قد ما حاول يهرب بأفكارو و يحاول يتناساها على الاقل ما نجمش في كل مرة يرجع لنقطة البداية قعد يحاول مرة ياخذ تصاور و مرة تسرح بيه افكارو و يرجع هو و يحاول يبعدها..
* * * *
جوزيف زادا حالتو ما تبعدش على حالة جاد عينو ما غمضتش بقاء يتقلب في فرشو لين فد وكره روحو لبس دبشو وهز سلاحو طلع فالكرهبة و قعد يسركل بيها من بلاصة لبلاصة لين لقى روحو يمشي في طريق الجبل وصل راكا الكرهبة على الحافة متاعو و هبط ضربتو نسمة الليل الباردة رجعت فيه الروح و فرهدتو اما ما كانش حاسس لا ببرودها و لا سامع صفيرها اتكى عليها يتأمل في منظر المدينة من فوق اضواء الشارع تبان كأنها حبات رمل من بعدها عليه اما قربو للسما حس روحو لامس النجوم الي كانت بالسيف تبان من وراء السحاب و الغيوم، حاسس بإينارجي قوية فيه و لازمو يخرجها لقى دبابز بلار سيرهم جنب بعضهم قدامو جبد سلاحو و قعد يضرب فيهم حاط فيهم كل تركيزو، مع كل رصاصة تخرج مالسلاح يحسها شقت قلبو و تعدات و خلات دمو سايل و جرحو محلول💔 3 سنين باش يبعدوه على دانا ،باش يبعدوه على روحو الي خرجت منو و خلاها في تونس😢مش عارف كان هي باش تستناه،كان هي باش تصبر عليه و معاه و تاثق فيه،رغم انها وعدو في آخر ليلة مشالها فيها و صحيح نسبيا مطمان اما نوع مالقلق و الخوف ديما مرافقينو خلاو الشك يدخل لقلبو و يعيشو في حيرة، تبسم من غير ما يشعر تذكر تبهليلها و تنبيرها و بلادتها،ضحكتها و غمازاتها،عينها الكبار و لمعت الفرحة و حبها ليه الي يبانو فيها و ديما فاضحينها، اخر ليلة مزالت في خيالو،خرجت منو ضحكة قصيرة صوتها خفيف وقت تذكر مريولو الي لابستو و جايها روبة قداه شاخ عليها وقتها، شعرها الي كان يقطر بالماء و كيفاه قعد يشيحلها فيه بالسشوار، بدنها الي خلا بدنو يلهب و حرك كل حاسة فيه و شعل نار بطلوع الروح نجم يطفيها ما يعرش كيفاه نجم يتحكم في روحو ليلتها و ما تهورش و عمل حاجة كان ينجم يندم عليها كرة اخرى،تذكر سيلين قداه توحشها و توحش نصايحها محتاجلهم الزوز توا و بشدة،محتاج لحضن دانا الي يعرف انو باش ياخذ منها شحنة كبيرة تخليه يواجه كل شي و محتاج لنصيحة سيلين الي في كل مرة ترجعلو ثيقتو في روحو و ترتحو و تزرعلو في قلبو الطمأنينة الي تخليه يخدم خدمتو و يعمل الي عليه و هو مخاي كل شي على الله، في لحظة تقلب و تحول البرود الي في وجهو لغش فيسع حط سلاحو وراء ضهرو وقرب لحافة الجبل غصة في خلقو لازم يخرجها لازم يقوى و يستقوى على كل مشكل و كل مصيبة و يتجاوز كل العراقيل،برشا قلق و برشا حيرة و نار في شاعل في قلبو و جواجيه،حرب قايمة فيه لازمها تطفى، خرج صيحة من اعماق قلبو كلها بوجيعة و اجراح، وجيعة الغربة و الفقدان،وجيعة وحش و عشق معلومة بدايتو و مجهولة نهايتو ..😢
* * **
بدات عتمة الليل تزول و ضوات الدنيا شوية لون السماء عاطي عالقرمزي طلوع الفجر و بداية شروق الشمس اللون الي تعكس البحر و عطى منظر ساحر رغم الريح الي مزالت قوية و الطقس بارد،الثلج معادش يصب و البحر مزال هايج و امواجو عاتية تعبر على الحرب الي حاس بيها في عقلو و قلبو تضرب في بعضها و كأنها في صراع و حيرة اما مش قد الاعصار و الدوامة الي عايش فيهم هو من سنين راكب على لوح التزلج متاعو يتحدى في الامواج بكل ثقة وعزم مش خايف منهاا ولا من الغش الي هي فيه كل ما يطيح وترجعو الموجة لحافت الشط يقوم و يرجع يركب على اللوح ويرجع يتحدى من اول و جديد، شعرو لكان يقطر بالماء عينو الي ما تفرقش لونها من لون السماء بحدتهم و نظرة الاصرار الي فيهم هذا هو ايهم بتبهليلو و تنبيرو و تفدليكو، الي يشوفو ديما يضحك و يفدلك يقول هذا ما علا بالو بشي عايش الدنيا بطولها و عرضها و كهو اما الحقيقة تكس هذا الكل كل انسان عندو ماضي و نقاط سودة في حياتو ما يعرف بيها حد و كل انسان داخلو مكسور و قلبو محطم من وجيعة تعدا بيها و عاشها في يوم مالايام، الوجيعة الي لا نقصت و لا تمحات من قلبو بالعكس عمال ماشية و تكبر و تزيد و في كل يوم تقتل فيه برشا حاجات ، كل انسان عندو جانب مظلم من حياتو عالم خاص ما يعرف بيه حد، أيهم الي ماعندو حد في الدنيا يتذكرو كان وحيد بأتم معنى الكلمة للنهار الي تعرف فيه على جاد و كملو عاشو المراحل الاخرة من صغرهم و كبرو مع بعضهم، عايلتو الوحيدة كانت اختو بعد موت امو و بوه هي زادا فقدها في حادث و حبها ربي عندو فراقها مزال قاتلو موتها الي كانت ليه كيف الصدمة و لتو ما نجم يتجاوزها دخولو للمافيا كان نوع مالانتقام من روحو حس انو ما اهتمش بأختو و تلهى بيها،ما نجمش يحميها احساسو بالذنب و تأنيب الضمير قاتلو كان كاره حياتو و عيشتو، لقى روحو ما عندو ما يخسر في حياتو ما عندو حد دونك كان عادي عندو انو يموت و الا تجرالو حاجة،مش عارف كيفاه جات على بالو للحظة تذكر اليزا تعدات تصويرتها من قدام عينو خلتو يتبسم و خلات نوع مالفرحة يدخل قلبو و يحس بالراحة،تذكر وقت جبدها و جات في حضنو حس بدغديغة شعرها على وجهو و عينيهم الي تلاقت وقتها و سرحو يتأملو في بعضهم ، تذكر كيف كتبتلو نيمروها على معصم يدو و الكورون الي حسو سرا في بدنو من حنية يديها و ملمسهم الرطب ،كان واقف و اووووب طاح في وسط الماء 😂😂هز راسو و بيدو رجع شعرو لتالي لكان هابطلو على عينو الي كانت تلمع بانعكاس ضو الشمس الخفيف عليها😍ضحك على روحو و على مدى قوتها في تشتيت تفكيرو مالنيقاتيف للبوزيتيف توا لحظات لتالي كان متأزم و موجوع و قاتلو التخمام دوب جات هي غلى بالو كل شي تمحى و ركز كان عليها 😊قداشها ساحرة لتو يتذكر تفاصيلها و حركاتها و كلامها و كل حاجة فيها يتمنى يعاود يشوفها حتى صدفة😍
هز اللوح متاعو و خرج مالماء مشى لكرهبتو لكان مراكيها قريبة مالشط يسمع في صوت وراها دار لقاه كلب صغير بجنب العجلة كان مبلولو يرعش مالبرد ضحك و هزو بين يديه 😍
-محلا زينو هو شتعمل هوني و شمجيبك شكون ينجم ينسى بوقوص كيفك هوني شكون😂
الكلب كان يرعش بين يديه و يعوي حل الكرهبة جبد منها الكاب نشف روحو و لفو هو في منشفة صغيرة خلاه بجنبو عالكرسي دار مالشيرة الاخرى طلع فيها لبس دبشو و ديمارا و روح للدار،ثنية كاملة ضربة ثنيت يخزر للكلب الي عمال يقوي فالنبيح و العوي متاعو😕
-شبي صاحبي جيعان بابا😯!لحظات نوصلو للدار و تو تشوف الدلال😚
(حطواااا جااااام قبل ما تقرااااو)
الزوز واقفين و الصدمة مالية وجوههم برشا اسألة تهز فيهم و تجيب اجاباتها مجهولة،لا حد فيهم فاهم حاجة
تكلم جاد يحاول يقطع حبل الافكار و التساؤلات الي زادت دخلتو بعضو و شوشت افكارو
-اليزا هذا انا و الا شنو الحكاية!ياخي تعرفني قبل و الا تقابلنا و انا نسيت ؟
-لا والله اول مرة نقابلك ديجا مالاول قتلك العينين هاذم يجيوني على شكل حلمة تخلي قلبي يتقبض و نقوم نصيح، تنجم تقول كابوس والا صنفو وين تحب،قتلك ديما نحلم بالشخص هذا و ديما الرؤيا تجيني فلو نقوم الصباح ناسية كل شي و ما قعدت متذكرة كان هالشعر و العينين و البرود القاسي و قمة الشر الي فيهم،غير هكا لا نعرفك و لا عمري قابلتك
-للدرجة هذي توصل الصدف يعني😕
على كل عجبتني الرسمة و موفقة فيها😊اي خلصني توا هاني نحيتلك من قلبك الدوامة الي كنت فيها و باش تنجم تكمل ترسمها و تخلط تشارك بيها فالمعرض ديجا معادش عندك وقت😊😉.
أعطيني قليلك.. القليل الذي يغنيني عن كثيرهم
أشعرني بوجودك.. الوجود الذي يكفيني عن حضورهم
خذني كلي واترك منك كلمتين وشيئاً من صوتك😢أعلم أنك هنا.....
أكاد أسمع وقع خطواتك فوق حروفي......
خفقان قلبي لا يكذب ولا يضطرب إلا في حضورك..انت هنا وانا أعلم !!!❤❤
(حطوااا جااام قبل ما تقراااو)
الحلقة 4:
نهارين تعداو كأنهم عامين،نهارين ملي مشى سافر و خلاها،،للمرة الثانية يخليها و للمرة الثانية تحس نفس الاحساس القاتل الي حستو وقت مات موتو المزعومة..مش عارفة على شكون تحس و بشكون تحس، شكونو المعني بالامر جاد الي توفى و تقامتلو جنازة من غير جثة والا جوزيف الي تقلب كيانو و سيطر التناقض على شخصيتو و تقمص فيها شخصية جاد ، جاد الي في عداد الاموات بالنسبة للعالم الكل الا ليها هي،الاحساس الي تحسو في كل مرة،الاحساس القوي الي ما فارقهاش لحظة من نهارت الحادثة احساسها عمرو ما يخيبها و هو ما ماتش ما خلهاش،مدام لتو لا وصلتهم جثتو ولا لقاوها هو مزال حي و مزال عايش بيناتهم و فيهم و معاهم، احاسيسها ملخبطة تحس في روحها رجعت من نقطة البداية،مالصفر.. مش عارفة شبيها،مش فاهمة روحها حتى، سوى كان جاد والا جوزيف من نهارت الي مشى كرهت كل شي كان معاها مونسها في وحدتها و حزنها و حسرتها و بوجودو معاها لا حست لا بفراق بو و لا اخت ولا خو و لا بوجيعة الدنيا و كفوفها لكانو هابطين عليها كيف المطر..
كانت قاعدة جاء لبالها اول لقاء بيناتهم ترسمت تبسيمة حلوة على شفايفها😊 تذكرت تبهليلها وقت شافتو لاول مرة فالفيلا،عيونو القري الكبار وحواجبو الحاديين و هيأتو، كمية الغرور و الجبروت و التسلط الي على ملامح وجهو، و رغم برودو الجدي الا انو كانت عندو نوع من خفة الدم 😂زاد تبسمت اكثر كيف تذكرت تبهليلها وقت حسبتو مايحكيش نفس لغتها وقعدت تتأمل في عينو و تتغزل بيهم😍خرجت منها تنهيدة مالاعماق😓 توحشت كل حاجة فيه ضحكتو وتبسيمتو، الحركة الي يعملها وقت يكون متغشش يعدي يدو على شعرو ويعض شفتو اللوطانية،تذكرت بدنو السخون الي يحوطها كل ليلة بذراعو و تخنس عندو، ريحتو الي تعشقها و الي كانت كيف المهدئ ليها، صوتو قداه توحشتو عندها برشا ما سمعتوش و قداه محتاجة تسمعو،للحظة تذكرت حاجة قامت تجري حلت الميكرو متاعها و دخلت لدوسي مسميتو "عندما يعشق الشيطان" قعدت تتبربش على حاجة وقداش ارتاحت كيف لقاتها حطت التسجيل و قعدت تسمع،التسجيل الي سجلتو وقت هو شارب و خرج قعد حذاها فالجنينة عالبيسين قعد يغنيلها و هي ستغلت الموقف و سجلتو وقداه كانت فرحتها كبيرة و حمدت ربي انها ماضيعتش الفيديو و سجلتو لوقت كيف ما هكا احتاجت انها تسمع فيها صوتو، تبسمت بوجيعة وحطت يدها على كرشها ثمرت حبهم الي ولدها عشقهم و قعدت منو ،لازم تتلهى بيه و بروحها ايامات و ترجع للطبيب عندها كونترول المهم عندها انو يكون ولدها لباس، تتحسس في كرشها تتبسم تذكرت فرحتها وقت عملت الاكو و عرفت انو عندها طفل تمنات جاد معاها وقتها،تمنات تشوف لمعة عينو و الفرحة الي فيهم حنات راسها شوية لكرشها و بدات تحكي😊
-جاد الصغرون😍 يا روحي مدة صغيرة و باش تجي للدنيا باش تشرفنا و تكون ولي العهد و تحمل اسم بوك و اسم العيلة و تكون انت راجل الدار بعدو المهم عندي توصل بصحة وعافية و تكون بخير😍روح امك انت و قلبها و وحيدها تسمع في صوت بوك! و الحنية الي فيه زعمة البحة الي في صوتو تجي في صوتك😍 هذا
بوك و هذا صوتو جاد بن الياس آل راشد ههه اكبر رجل مافيااا،تعرف انهم ملقبينو بالشيطان! الناس الكل تخاف منو و حد ما يتجرأ ياقف في طريقو،بوك كان مغرور شموخو و كبرياؤو فوق كل شي ملامحو ديما باردة و جامدة حد ما ينجم يتنبأ والا يعرف عليه حاجة و لا شنو يدور في مخو😂و انا عشقتو بكل الصفات الخايبة هذي الكل،عشقت غموضو، تعرف زادا يا روح ماما انو احلى و احن و اطيب راجل بالدنيا و تصدق انو فالتسجيل هذا كان قاعد ويغنيلي معجزة في حد ذاتها و حدث مستحيل انو يتكرر على اذاكا انا تذكيت و سجلتو😂 تحكي و تتبسم و في لحظة التبسيمة تقلبت لبكاء و دموع و وجيعة ما فارقتهاش لحظة،تحيرت عليها آلامها و جراحها،تبكي بهستيريا ما نجمتش تمنع روحها و تحبس دموعها😢 غصة في حلقها خلاتها مش منجمة تبلع حتى ريقها،حطت يدها الزوز على وجها و اتطرشقت بالبكا اكثر و اكثر غيابو حارقها عدات حياتها الكل من غير ام من غير حنان،عاشت اهم مراحل حياتها وحدها ونهار الي ربي بعثلها الحب و عاشت الفرحة كيف العباد عاودت الدنيا لعبت دورها وفي لحظة بين ليلة و نهار سرقت منها كل شي و رجعتها لنقطة الصفر، النقطة الي عانات و ذاقت الويل باش نجمت تتجاوزها..
حست روحها تقلقت و خلوقها دارت قامت تجري بقات ترد وموجوعة ودايخة كملت قعدت على القاعة تمسح في وجها تبسمت وعرفت انو هذي الحركة اشارة مالبيبي حسسها بيها انو معها ولات تضحك مست كرشها 😊
_قاعد تواسي في ماما ياروح قلبي مازلت صغرون اما حاسة و متأكدة انك باش تكون كيف بوك 😘
بقات تعدي في يدها على كرشها و تتذكر في كلام جوزيف انها لازم تاكل وتقوي روحها لازمها تتلهى بروحا اطثر و تحاول تخرج من دوامة الاكتآب الي هي فيها،قداه وجودو كان مرتحها و مفرحها سواء جاد او جوزيف كان مش مخليلها و لو لحظة تحس فيها بالخوف و الرهبة مالمجهول الي التخمام فيه توا ماكللها قلبها،مش مخليلها فرصة تحس بالحزن و الفراغ كان ماليلها و قتها و حياتها و غامرها بحبو و اهتمامو..
كانت قاعدة فالقاعة مغمضة عينها متكية راسها عالحيط لين سمعت باب بيتها يدق مانجمتش تقوم ،كانت دانا فالباب،دانا الي غياب جوزيف حرقها هي زادا اول مرة تحب وتعشق و تسلم مفاتح قلبها لراجل لكن كل شي قسمة و نصيب فالاخر.. الراجل الي تحبو حب الطفلة الي حسبتها عشيرتها و اختها الي ما جابتهاش امها العرس الي ما فهمتش اسبابو و لتو مجهولة بالنسبة ليها،لحظات تعداو قدام عينها بينو و بين ايثار وجيعتها تحفرت في قلبها مش منجمة تنساهم شافتو و هو حاضنها و هو يستنشق في ريحتها و هو يبوس فيها،شافت في عينو كمية الحب الكبير لايثار، الحب الي ما شافتوش في عينو ليها هي، اما الي مصبرها و مخليها مطمانة رغم القلق الكبير الي حاستو جيتو الاخيرة ليها لبيتها كل ما تتذكرها خلاتها تحس براحة مؤقتة مش عارفة نهايتها وقتاه نهارين تعداو عليها بعامين حبست فيهم روحها في بيتها والي زاد وكمل عليها غياب خوها اسامة على الدار الي ولات باهتة كأنها بلاش روح هزت روحها نهارتها و مشات حذا ايثار تطمان عليها عندها برشا ما شافتهاش و حست روحها محتاجة تشوف و تلمس حاجة تابعة جوزيف فماش ما تطفى نارها شوية😧وصلت للفيلا الي هي زادا حسها باهت لا حس لا حركة طلعت فالدروج وقفت قدام بيتها و دقت عليها الباب و ما جاوبها حد عاودت المرة الثانية و الثالثة كيف كيف خافت يكون صارتلها حاجة دخلت تجري تلوج عليها بعينيها في البيت ما لقتهاش زاد كبر خوفها لمحت باب بيت البانو محلول مشات تجري دخلت لقاتها قاعدة فالقاعة منهارة عينها منفوخة دموعها تجري و تبكي من غير صوت عاونتها باش قامت حطتها في فرشها و جابتلها منشفة وقعدت تمسحلها في وجها لكان اصفر وذابل مكسورة من برا ومن داخل غيابو عليها للمرة الثانية قتلها و قتل فيها كل احساس حلو و كل فرحة و لهفة كانت فيهم و عايشتهم،😦 بقات دانا تحاول تهديها تعدي في يدها على شعرها حاسة بيها و بوجيعتها هذا احساس الاخوة الي جامي دانا حساتو طول عمرها وحيدة وسط زوز رجال قعدت تحاول تنسي فيها وجيعتها و ما لقات هي شكون ينسيها و يواسيها مخنوقة و ما تنجم تحكي لحد و لا تشكي لحد حبها سرها المدفون..
الزوز كانو في دوامة طويلة عريضة طاحو في بير غارق الخروج منو صعيب، ايثار شدها كريز متع بكاء مرة اخرى،تبكي بصوت عالي مش منجمة تسيطر على روحها حطت يدها على فمها تحاول تكتم صياحها دانا كانت فاهمتها و حاسة بيها هي زادا قلبها مكسور و محطم تذكرت جوزيف والليلة الي جا فيها لبيتها و ودعها من غير ما تشعر عدات صوابها على شفايفها للتو حاسة حرارة بوستو، البوسة الي وحدت مشاعرهم و قلوبهم😊
بقات مع ايثار تهدي فيها لين غفات حطتلها راسهاوعلى المخدة و هبطت لوطى تكلم فالبون باش يعملولها حاجة تاكلها مالصباح على ريقها ماكلات شئ و هي طالعة في الدروج عرضتها كلبة ايثار "بالما " ديراكت ترمات عليها هزتها داما بين يديها بدات تلعب عليها و تضحك طلعتها معاها للبيت و حطتها عالفرش بدات تنقز و تلحس في يدين ايثار😂 حتى فاقت بقات تحك في عينيها تستوعب فالحاجة الي تتحرك قدامها شافتها تدور وشايخة خزرت لدانا و تبسمو الزوز هزت روحها شوية تكات عالفرش و حطت بالما في حضنها😍
_ ياروحي انت مالصباح نلوج عليها وين لقيتها ماتقوليش كانت في البرا
_ لا كانت في الجنينة وكي جيت طالعة خلطت عليا والله تقول بيبي محلاها هي الي عاملة الحركة فالفيلا و خالقة جو
_ حتى هي اسمها "بالما" يعني عسل
كانو يحكو لين دخلت البون هازة بلاتو الماكلة ايثار اول ما شمت الريحة قلبها غم عليها حاولت تشد روحها و ما تشلقش قدام دانا الي خذات البلاتو من عند البون و حطتو قدامها و بدات توكل فيها
_ ايثار ايا عزيزتي طيارة طيارة 😂لازمك تاكل و ما تقليش لا مالصباح ماكليت حتى شئ راك😒
_ بلاهي انتي وتبوليدك مش منجمة والله حاسة روحي مخنوقة من الريحة
_ اسمع ما تبداش تكسح في راسك خيرلك يلا كول تي شوف حالتك كيفاه خزرت لروحك فالمراية اليوم والله صفرا اللطف تقول كعبة قارص اي عيش اختي..
* * * *
في ايطاليا كانت قريب 4:00 متاع الصباح قاعد في فرشو ماجاهش النوم البلاصة تبدلت عليه وزيد صغرونتو ماهيش في حضنو مش حاطة خشمها في رقبتو ولا غارسة ظوافرها في صدرو كيف العادة شعرها الطويل مش حاسو طايح على وجهو، حس روحو مخنوق عدا يدو على شعرو و قام😧 كيفاه باش ينجم يعدي هالثلاثة شهور و بعدهم ما يقارب 3 سنين كان مش اكثر مش قادر على فراقها حس بركان شاعل في قلبو و نار شاعلة في جواجيه تحرق فيه مع كل نفس يتنفسو، مع كل لحظة تفوت و كل نهار يتعدا يزيد يلوم روحو على عمايلو الزفتة لكان يعمل فيها و يلعن روحو الف مرة على اللحظة لدخل فيها للمافيا و ورط روحو في الف حكاية و حكاية كان جاء يعرف انو المستقبل باش يكونلو هكا وقتها لا عمرو يوصل لهالمواصل و لا عمل هالعمايل الكل ولا لعب مع "سفاح تكساس" شلال افكار هبط عليه ليلة كانت باردة و هو لابس شورط و من فوق عريان مش حاسس لا ببرد و لا بثلج الي كان يصب يحرق فالدخان و نار الندم تحرق فيه زاد شعل كنينو و لهب وقت تذكر ولدو الي جاي فالثنية،تذكر ايثار الي نورمالمون يكون معاها في وقت كيف هكا اكثر وقت هي مستحقتو فيه و لازم يكون معاها نعارين توا ما كلمهاش و ما سمعش حتى صوتها شاد روحو عليها بالسيف يعرف روحو كيف يكلمها ينهار و ممكن ياسر ياخذ طيارة و يرجعلها لتونس😦تذكر ولدو الي قاعد توا ينمو و يكبر بعيد عليه كل شي واقف ضدو مش باش ينجم حتى يعيش كيف اي بو اللحظات الاولى الحلوة معاه مش عارف اذا كان وقتها باش يكون عايش ولا حس بخنقة كبيرة حل البركون و قعد الريح كانت قوية نفس العاصفة الي حاسسها هو في داخلو و مش عارف كيفاه يوقفخا فيسع و يرجع لاحضانها الي تستتا فيه على احر من الجمر،شعر السيقارو الثاني ركز يدو عالبلار و قعد يتأمل فالعباد الي مروحة الفجاري لديارها و كل حد و حكايتو للحظة حس بالعباد لكان يقتل فيهم بكل برودة دم و لا مبالاة لا احساس و لا ضمير، توا حس بوجيعتهم وقت كان يعذبهم ويحرقهم من غير ما يرفلو جفن و لا تغمضلو عين، وجعو قلبو عليهم رغم كانو يستاهلو الي صارلهم اما توجع على خاطرهم حسو نفس الاحساس الي حاسو هو توا،احساس الغربة و الوحدة،وجيعتو القاتلة و هو بعيد على حب حياتو و روحو،بعيد على ولدو والا بنتو الي يستنا في ولادتو على احر من الجمر..
حبل الافكار طويل و الذكريات زادت احساسو بالندم و الخوف الي يتمكن بيه و يتملكو وقت يبدا وحدو،النوم طار هليه و لازم يلاهي روحو بأي حاجة جبد طابلو كبير وقعد يرسم يحب يبعد هالافكار من راسو خذا البانسو وكل مايعمل بيها خط يتخيلها بكرشها الكبيرة تمشي و تتكعبر والا وهي قاعدة تضحك شفايفها الروز وشعرها الاكحل كيف عتمة الليل بشرتها الشفق الطرية، ساعات يتخيلها تبكي على غيابو و وحدتها من بعدو و احساسها انو هو جاد قاتلها و قاتلو هو اكثر لعجزو انو يعمل حاجة يرتحها بيها و ينسيها حتى شوية، مش وقت انها تضعف توا و تتهد ،مش وقت انها تسكر على روحها و تقعد تبكي و تلعن فالنصيب الي فرقهم لازم يعمل حاجة اي حاجة سوى كان باش تزيد تبكيها والا باش ترتحها و تفرحها المهم عندو انها مهما دخلت في مرحلة اكتآب و حزن والا غيرهم فالاخر تتقوى على الدنيا و الضروف و كل حاجة تعرقللها طريقها و تخليها ما توصلش لحلمها و تحقق طموحها لازم تاقف لروحها بروحها😟فد لازم يلقى حل لكل شي مهما كان راسو رزن مالتخمام يحس فيه باش يتطرشق كبس عليه بيدو الزوز كأنو يحاول يخرج منو الافكار السلبية و يستقبل افكار جديدة تكون حل لمشاكلو، هز راسو للسماء يناجي في ربي
- اووووف كيفاه شنو باش نعمل يااا ربي دلني على الطريق الصحيح و نور بصيرتي، مجرد اني نتخيل دموعها نضعف و ننهار فما بالك و هي قدامي، عذابي يزيد وقت تبكي و وقت تتوجع،وقت تحنلي و تتوحشني،وقت نجي على بالها و نعرف اني ما نفارقهاش لحظة و ديما تخمم فيا، هذا الكل انا السبب فيه،انا سبب وجيعتها و اجراحها الي لتو لا حبت تتسكر و ترتحها😢 كيفاه انجم نمحي الشك من قلبها ونخليها تصدق انو انا مت، نعرف وقتها باش تزيد وجيعتها تكبر اما على الاقل فترة و تتعدا بعدها اكيد باش ترتاح شوية.. لازم نلقى حاجة و ما يحلي هالمشكل كان اك الكلب لا زم نكلمو...
* * * *
(حطواااا جااااام قبل ما تقرااااو)
الحلقة 5:
راقد على كرشو يسمع فالتاليفون ينوقز بجنبو قام عين مغمضة و عين محلولة خزر للوقت لقاها 10:00 متع الصباح ليلة كلبة تعدات عليه البارح بين القلق و الحيرة و كمل النوم الي عمل بالعاني وهرب عليه ما يعرش على روحو و قتاه خذاتو عينو و هزو النوم توا وين قام راسو يوجع باش يتكسر،ليلة طويلة و طقسها الموحش زاد كمل عليه ساهر يخمم شنو باش يعمل و شنو هو الحل الي يحاول بيه انو يقنع ايثار بموتو كيفاه يخليها تنساه و تنحيه شوية من بالها و تحاول تكمل تعيش حياتها،خرجو من دوامة افكارو صوت التاليفون مرة اخرى لقاه جوزيف يطلب ما عينو باش يحكي مع حد خلوقو مش فيه و كان يهز عليه اتو يتعاركو و الزوز ما عندهمش وين يدور الريح طيش التاليفون عالفرش و قام ماشي يعمل دوش لين عاود نوقز هز ديراكت من غير ما شاف شكون 😤
- نعمل مطلب باش تهز😠وينك ااا زحي عام باش تسمعنا صوتك😒
جوزيف يغلي و كشاكشو خارجة و جاد كالعادة لا علاقة يحكي ببرود مش هوني جملة😌😂رجع عليه بصوت هادي😐
-شبيك بابا تاكل في روحك ماكلة لباس ماهو😒كنت راقد و ما سمعتوش و هاني هزيت عليك ميسالش؟😒
ضحك جوزيف باستهزاء😏
- مش قتلك نحي عليك هالبرود و التصرفات الزفتة متاعك😤
_ و انت سي الشباب مقيمني مالنوم باش تقلي هالكلمتين مش وصيتكم ما تكلموني كان كيف تبدا حاجة ايرجون😒
-اي و هذا انا شقاعد نعمل،اي اخطاني من حسك توا ،الاجتماعات باش يكونو كل مرة عند واحد و اليوم في دار آزر فيسع ريقل امورك و اخلط هاني باش نكلم اك الكلب ايهم هو زادا ظاهر قيه مصبح،كمشة همال طيحني بيكم ربي وهف يهزكم علل😒
-انت اسبق لدار آزر ابداو الاجتماع و أيهم خليه عليا تو نكلمو انا ديجا عندي ما نحكي معاه تو نخلطو عليكم
-اوكي فرار..سلام
علق من عند خوه و قام باش يدوش فماش ما يفيق شوية و تطفى هالنار لشاعلة فيه، كمل فيسع لبس دبشو و تذكر ايهم لازم يكلمو..
قاعد فالصالة مبزع عالفوتاي يشرب في قهوتو وحاط الكلب في حجرو يحكي معاه و عامل بيه جو، شايخ عليه بالضحك قداشو صغرون و محلاه
-ااا صاحبي سافا توا😂اسمع اك التروعيش متاعك البارح معادش نحب نشوفو اتكبس يا خويا راجل راك شنو الحالة هذي😒اسمع ااا شقولك في هك الدوش البارح و اك المساج الي عملتهولك يديات اه😂😂
هو يحكي و الكلب قاعد يخزرلو مش فاهم شي و لاخر قاعد كان يضحك و يسيب في هبالو😕لين سمع تاليفونو ينوقز لقاه جاد هز عليه و لاخر ديراكت فاح فيه قريب يخرجلو يفشخو لين ايهم بعد التاليفون من وذنو😂
-اا سي الزفت وينك😠
_ يافتاح يارزاق شبيك صبحت الدز لباس ماهو 😒صبح هالصباح و احكي كيف العباد زايد صنعتك الزبالة لا تبطلها😑
-ما قدكش زبالة يا هامل مش عارف شنو لمصبرني عليك و ما عملتلكش عملة،اي تحرك وينك عندي مانحكي معاك ايجا لدار آزر الاجتماع عندو اليوم
_ اوكي نصيف ساعة و نكون حذاكم
كمل معاه و قام طلع لبيتو باش يلبس و اك الكلب في جرتو وين يمشي يتبعو
-اووووه سامحني صاحبي والله نسيتك،تو وين باش نخليك انا بصراحة ما نجمش نأمنك على الدار خاطر مازلت صغيرون😂تغرشي كيفاه اي برا معايا حذا الاولاد نبنكو و ناكلو و نشربو و نسهرو و بعد نهزو رواحنا و نروحو😂😂
راقد و قعد بين نومين يسمع في مفاتح يدورو فالباب تذكر انو عطى المفتاح الغالط لجوزيف هز راسو مش منجم يقوم و باخل، شعرو مفرعس و عيونو ذابلة مالتعب يحل فيهم بالسيف لابس شورط ومالفوق عريان،هز طولو و قام يكركر في ساقو تكركير هو دوب حل الباب و جوزيف دزو ودخل طول لا سلام ولا كلام ديراكت تبزع على الفوتاي و آزر رجع اتطيش على فرشو رقد مزال كيف غمض عينو و الباب عاود نوقز طلعو العصب😤
-اوووه على امي سيبو جد بابا نقعدشي ماشي جاي انا اليوم😠بالازمة لا قمتها😌 جوزيف قحرلو على جنب ضربو بالمخدة و قام هو حل لقاهم جاد و ايهم يشوف في حاجة صغيرة جايتو تجري😂كلب صغير محلاه هزو بين يديه و رجع قعد يلعب معاه
-كلب يربي كلب اي والله برافو😂
-أيهم:والله ما كلب كان انت مالصباح تنبح و حالتك حليلة ماكل روحك سلاطة و الجماعة الكل صابحة تفشخ فالنوم😒 وينو اك ازر ريحتو ما فماش
-جوزيف:جاء يتلبد حلي الباب ورجع رقد ندرا انا بر كلاه البارح بايت يتهومل من بلاصة لبلاصة ليلة كاملة،مدام الكاميرا متاعو مطيشة بجنبو عالفرش بااااز راهو كان في سطح مالسطوحات و الا تركينة مالتراكن كيف الوزغة يصور في حاجة😂
هوما هكك و الباب عاود نوقز تلفتو الكل لبعضهم يتسأءلو شكون آخر جاي نورمالمون مريقلين،يخزرلو لبعضهم و كل واحد يستنا في لاخر يقوم هو يحل😂 فاللخر رصات عند جوزيف قام هو يسب فيهم و يلعن😒حل يلقاها الينا
-ايواااش سي بون توا كملنا،اي ادخل ادخل عشيرتي هانا ملمومين😘
سلمت عليه ببوستين على خدو و دخلت دخلت
-بونجور دجو سافا 😘
ما كملتش كلامها و ما ركزتش هو شقلها انبهرت بالدار الي تقول عليها وتيل فالاصل كانت عبارة على استوديو تصوير فوتايات انواع و اشكال منشرين في كل بلاصة، تبلووات و تصاور معلقين عالحيط الكوجينة الي كانت في آخر الدار تحل على بيت فطور، الدروج البلار و الثريا الكبيرة المعلقة فالسقف حتى مالقاعة عامل فيها تصويرة لنيويورك بتقنية "هاش دي" اتدور و عينها محلولة في كل تركينة صاحت باعجاب و تحكي بصوت مسحور
-تهبل الدار مش نورمال😍اكيد هذا ذوقك جاد مش هكا؟😊
الاولاد اتطرشقو بالضحك و تلفتو لآزر الي جاي ناحيتهم يكركر في شلاكتو و يمشي بالسيف ساعة ساعة يغمض عينو😂 بدل لبس سروال كارووات متع دار و من فوق مزال عريان حاط خلعة على كتفو مزال ما لبسهاش😍😂
_ يتشوحرلها و يعاود في كلامها يقلد فيها بتمسخير😂اوووه تهبل الدار مش نورمال😱 بلحاط😒مش دار جاد انت في داري للا لذا اقعدي عاقلة بنية عمي لا نشدك نبدا نهز فيك و ننفظ ديجا نستنالك فيها😂😒😏
قعد عالفوتاي جنب ايهم يهز فيها و يحط من بعيد لبعيد يسمع في حس كلب صغير تلفت لقاه خانس عند ايهم ما شافوش
_ تي والله بالحق كلب و انا لنحساب روحي نخرف مالصباح😊شسمو؟
-ايهم:سميتو ازر و قاعد نلوجلو على كلبة للحلال الي باش يجبب منها كليبات صغار و نسميهم جوزيف وجاد 😂😂
-جوزيف:😒كملت بلادتك سي الماسط انجمو نبداو..اي يا جماعة ندخلو فالصحيح من غير مقدمات..
بدا يحكي هاز حاجبو يقحر لايهم😂 وقص عليه جاد
-دجو ابداو انتوما انا و ايهم لحظة هانا راجعين عندي مانحكي معاه 😊
خلاو الجماعة قاعدين و هوما دخلو لصالة بعيدة عليهم،وقف مقابل الشباك البلار الكبير الي يطل على اغلبية المنطقة بحكم انو الدار في آخر طابق،واقف يدو في مكتوبو يخزر لبعيد لحاجة ما عندهاش نهاية و مش كاملة في خيالو الي خذاتهولو ايثار و ملكتو بما فيه من احاسيس و مشاعر ..
-يا ايهم فديت عذابها معذبني اكثر منها و حارقني لازمني مش منجم نركز و نلقى حل يخليني نقنعها بموتي،حل يخليها تنساني حتى شوية و ترجع تتقوى و تاقف على ساقها و تتلهى بولدنا،مش منجم نركز بالباهي حتى على المهمة تفكيري مشتت و ضايع 😧
-مزال عندها امل انهم يلقاو جثتك على اذاك هي مصدقة انك حي ،حتى الشرطة تحكي في نفس الكلام الناس الكل حايرة و داخلة في حيط،تي هو اد جين مش مصدق موتك جواسيسو وصلولو انو جثتك مفقودة و يا خوفي انو شاكك في حاجة و هذا الي مش لصالحنا جملة..
-الحكاية الكل مرهونة في جثة يعني 😊
-قصدك !!😨...اي و والله و لقيتها يا شيطان توا رجت للساحة😉 والله غابت علينا هالفكرة 😉
قربلو ضربو بخفة على كتفو ودخلو للاجتماع حذا الجماعة..
* * * *
حلت عينها طار عليها النوم اتكات عالفرش تحس في روحها رغم تعبها ناشطة و ما تحبش تعدي نهارها فالدار، نهارين توا الشركة ما حطتش فيها ساقها العادة تمشي هي و جوزيف توا هو مش موجود و مش معاها😓لازم تاقف لروحها و للشركة،لازمها تتعلم و تتعب و تشقى باش تكسب الخبرة و تخلي بصمتها في كل صفقة و كل خدمة تخدمها و على اذاكا قررت انها تمشي تعمل طلعة رغم انها تاعبة و متقلقة لازمها الراحة،عملت دوش لبست و هبطت للكوجينة ماشية لسيلين تعرفها كل تحضر فالفطور مع البون باستها من خدها و قعدت😚
-صباح النور سيلينتي سافا
-صباح الورد بنتي ااا رقدت مليح 😊
-اي سافا اما طار عليا النوم الصباح قلت نمشي نعمل طلة على الشركة نهارين توا مامشيتش
-اي والله خير احسن ما عملت بنيتي، مسؤولية اكهو الازم لازم و منهو اخرج انت و شوف خلق ربي يزي ما سكرت على روحك البيبان،امشي حوس سافر اخرج مع البنات وراس بنتي قعدت الدار ما تخيبش اما زادا ما نكثروش منها الهملة لازم منها ساعات😂
-اي تو نهملو علاش لا😂اي خلي نقوم انا كملو قضيتكم و افطر مليح ما تنساش دواء عيش امي
-ايجا هوني وين ماشية ما فماش خروج كان ما تفطر دجو يوصي فيا و يعاود
-😨ياخي كلمك امي؟؟
-لا يا بنيتي من نهارت الي مشى لا طلب لا سأل على حد انا انا نحكيلك قبل ما يمشي😊
-مممم باهي😧اي يزيني والله لازم نقوم
عاودت باستها هزت مفاتح الكرهبة و خرجت وصلت للشركة كالعادة تسلم و تسأل على الناس الكل التبسيمة مش مفارقة وجها و الضحة مالية عينها و باينة فيهم،شدت بيروها عندها خدمة كملتها و هزت التاليفون كلمت السيكريتار باش يجيبلها دوسيات تتعلق بمردود الشركة و انتاجها و موقعها فالسوق من نهارت الي شدت هيا الشركة و تسلمت كل شي، عاودت برشا حسابات و فرحت كيف لقات انو كل شي ماشي و يتحسن و الشركة في طور النمو مرة اخرى و ان شاء الله باش تاقف على ساقها و ترجع تتصدر المراكز الاولى فالسوق،قعدت تحسب و تعاود و تكمبص هذي تجي هذي لا و تلوج عالانترنات و الي تصعب عليها تهز تاليفون و تكلم اسامة و الا اؤ حد مالاولاد ساعات يجيها سامر بحكم قاري ادارة اعمال و عندو تجارب في شركات بوه و جدو،فما حاجات صغار لازم يتصلحو و بيهم هوما فما احتمال كبير انو الشرة تسلك طريق جديد و تحقق مكاسب و ارباح مالية كبيرة و الاهم من هذا يرجع اسمها للقمة و اىجع تخدم كبف قبل وقت كان جاد موجود😔كلمت السيكريتار مرة اخرى
-وي مجد،عدنا اجتماع بعد نص ساعة اعلم الجماعة
-اوكي مدام 😊...
نرجعو لروما..فالوقت هذا الاولاد كملو اجتماعهم و كل حد شد ثنية،جاد ما عينو في شي و زيد الطقس ما يشجعش عالخروج دنيا باردة قرر انو يروح للدار ،حل الباب حط مفاتحو و ليناتو و دخل ديراكت صب كاس و قعد واقف قدام الشباك البلار الكبير يد يشرب بيها و الاخرى حاطها في مكتوبو يتأمل فالحركة الي لوطى و هو فالحقيقة مش مركز معاها جملة هايم و سارح عقلو ضايع يخمم فالحل الي لقاه و كيفاه باش ينظمولو و وقتاه باش ينفذوه كل شي لازم يكون مريقل و من غير اغلاط،كل خطوة توا بحسابها يحس في روحو فاشل و ناقص حاجة،ناقصها هي، روح قلبو و توأم روحو كيفاه قاعد صابر هكا و ما كلمهاش،متحرق انو يسمع صوتوها و يحس بهدوئها و يشوف تبسيمها، على ذكر الشوفة فيسع حط الكاس و جبد البيسي متاعو حلو😨
-بالازمة لا عاد فيا عقل انا،قاتلني الوحش نهارين توا باش ما نكلمهاش و لا نسمع صوتها و ناسي اني قبل ما نجي ركبت كاميراوات في كل بلاصة 😈
دوب حلو خرجولو برشا تصاور قعد يلوج عليها بعينو فالدار تركينة تركينة ما لقهاش تفجع و قلبو تحط
-الف مرة نقلها ما تخرجش مالدار😡زايد تعمل كان الي في راسها و كلامي انا هازو الريح،زعمة وين مشات😤
دخل يشوف في كميراوات الشركة،تبسم كيف لقاها غاطسة فالخدمة و مركزة عالاوراق الي مفرتة قدمها عالبيرو ساعة ساعة تكلم اي واحد مالأولاد تسأل و تستفسر وقت ما تعرفش حاجة،يشوف فيها هزت دوسيي ملي قدامها و قامت لقاعة الاجتماعات وين يستناو فيها الجماعة،دخلت و كيف العادة تمشي و التبسيمة مش مفارقة شفايفها قعدت على راس الطاولة الي تلمو عليها كل الموضفين سمعت اقتراحاتهم و تناقشو في بعضهم و تفاهمو على اهم النقاط الي باش يركزو عليها فالبيريود هذي،اعلمتهم بالاستراتيجي الي لازم انهم يتبعوها باش ترجع الشركة تسترجع المراكز الاولى فالسوق الخارجية
-بون يا جماعة يظهرلي كل شي واضح توا تبقات حاجة وحدة لازمنا مستثمر اجنبي بإسمو و شريكاتو معروفة، احنا في كل الاحوال مش مستحقينو برشا اما ما فيها باس نزيدو نطلعو النيفو متاعنا اكثر و اكثر المهم عدنا توا ترجع سلسلة شريكات جاد تاخذ سيطها و تسترجع اسمها و صمعتها فالسوق و خاصة فالخارج..اجتماعنا كمل يا جماعة ربي يعينكم و نشوفكم بخير ان شاء الله😊
رجعت لبيروها و على دخولها تسمع في تاليفونها ينوقز لقاتو راشد هزت عليه
-اهلا بالغالي
-اهلا ببنتي لباس،اي وينك توا
-الحمدلله بابا هاني فالشركة عندي نهارين ما جيتش قلت نعمل طلة
-اي باهي يعطيك الصحة..اي اسمعني عدنا لمة اليوم
-ياااا😍عيش بابا بالله نعملوها فالفيلا عندي... مك تعرف لا جوزيف لا اثير لا حتى حد راسي راس امي سيلين خلي نبدلو الجو شوية
-تدلل بنتي و اذاكا الي باش يصير
-عيش بابا اي مالا نخليك توا نكمل الي في يدي فيسع و نكلم الاولاد نقلهم و نرجع للفيلا
-ههه اي باهي مالا ما تبطاش..سلام
يسمع فيها كيفاه تحكي مع جدو مركز مع كل تفاصيلها،ملامح وجها الي تتبدل مع كل كلمة،تبسيمتها الي بعثت الراحة في قلبو و خلتو يحس بالفرحة، قداه شوفتو ليها طمنتو و رتحتو عمل زوم للكميرا قربها ليها اكثر قداه توحشها و توحش كل حاجة فيها، صوتها الهادي عطاه قوة غريبة حسها سرات في بدنو و مع قشعريرة خفيفة خلتو يحس بالبرد، يتأمل فيها و يعاود حاس بالوجيعة الي كانت واضحة وضوح الشمس في عينها تمنى كان جاء معاها توا، كان جاء قاعد بجنبها يواسي فيها اما ما بيدو حيلة هو مربط من ناحيتها و ما ينجم كان يعمل الي قاعد يعمل فيه توا،كل شي يهون على خاطرها
عذابو و وجيعتو و نارو الي قاعد يتقلا فيها مع كل لحظة هي بعيدة فيها عليه..
قلبو خض في صدرو و شدتو غصة في حلقو تخنق و عينو تملات دموع هز يدو لكانت ترعش عداها عالاكرون يمس في وجها،مغمض عينو يحس في احاسيس محلاهم رغم بعدها عليه و كأنها قريبة منو، موجوع و وجيعتو قوية محتاجها و محتاج حضنها و كلامها الي يقويه، محتاج حنيتها و لهفتها عليه،محتاج تجي العين فالعين و يستمد طاقتو منها،الطاقة الي باش تخليه يواجه و يتحدى كل شي و ياقف في وجه كل عقبة في طريقو..😢
رجع ظهرو لتالي عالفوتاي فادد مخنوق عدا يدو على شعرو خرجت معاها تنهيدة مالجواجي،تنهيدة قوية ما تنجمش تعبر على طريف من ثلث القلق و الحيرة الي حاسسهم،ما ينجمش يقابلها على انو جاد ديما باش يقعد متخفي وراء الشبه الي بينو و بين جوزيف و وراء شخصيتو، ماينجمش يحكيلها الحقيقة مستحيل يعرضها هي و الا حد من عيلتو للخطر،حمل كبير على عاتقو كأنو هاز اجبال و اجبال على ظهرو هذا الكل مجبور يعملو و لازم يعيشو و يتجاوزو و فاللخر يا تكون نهايتو الموت والا احضان ايثار..جات على بالو غناية ناصيف زيتون قعد يدندن فيها بالشوية بصوت متقطع و مبحاح من غصتو و عبرة البكاء الي خنقتو 😢😢
لما تبقى القسوة نوع من الكرامة..
مجبور اقسى سامحيني ع القسوة سلف..
مجبور هلق اوقف مع جروحي طرف..
بعرف عندي ماضي ونقط سودا ما بتنعد
و اني عامل اشياء ما سمعتي عنا بعد
وإني عَامِلَ اشياء مَا سَمْعَتُي عَنَّا بَعْدَ 😢
أكتر ناس عرفو الصح هني اللي عملو غلط
فكري منيح لما تحطي عحروف حبنا نقط...😢💔
الحلقة 6
ايطاليا_روما
الايام تجري و سرعتها مش لصالح جاد و جوزيف شهر كامل تعدا صحيح تقدمو برشا اما مزالو ما وصلوش للي بيه الفايدة، كانت بريود صعيبة عليهم الكل بالنسبة لجاد الي رغم المشاكل الكل و رغم الجوجمة الكبيرة الي في راسو كان يحاول انو يحط اساس للخطة قربو الكبير من اليزا و انو يخليها توثق فيه ثيقة عمياء في حد ذاتو مفتاح للمهمة متاعهم و نجاحها و اذاكا الي صار فالايامات الي تعداو،كل شي ماشي كيف ما يحبو هوما و على حسب الخطة الي رسموها اليزا ما قاومتش سحر جاد و جاذبيتو غموضو و تصرفاتو الباردة خلاوها تغرق فيه و في كل تفاصيلو الكبيرة و الصغيرة و تتعمق فيهم تبدا تستنى بفارغ الصبر وقتاه يكلمها و اعطيها برك يقلها هيا نخرجو في لحظة تكون حاضرة و تستنا فيه، ملي عرفتو لا نهار فدت منو والا من كلامو و حتى انو كان قليل الا انها تعشق حتى سكوتو و حبها ليه كبر كيف عرفت انو مغروم بالرسم كيفها حكاو برشا على معارض حضروها و لوحات شراوها و كتب قراوها و قعدت في بالهم،اليزا معاه حست بالحنان الي فقدتو من سنين لهوتو بيها و اهتمامو بكل تفاصيلها خلاوها تتعلق بيه، هذا هو الانسان الي كانت تسنى فيه،اي هو بكل تفاصيلو و مواصفاتو،هو الي رسمتو في خيالها و هامت بيه،هو الي تمنتو و حلمت بيه و حبتو قبل حتى ما يجي و تشوفو..😍
من ناحية اخرى جاد الي كان كل تفكيرو و عقلو مع ايثار توحشها و محتاجها معاه تخمامو الكل فيها جاء لروما اما قلبو وعقلو وروحو قعدو معاها هي، مع الانسانة الي عشقها بكل كيانو و عبدها و المعبود الله، هي الوحيدة الي قدرت عليه و قلبتلو حياتو و كسرت كل القواعد الي كان راسمها و تجاوزت كل الخطوط الحمرا لكان حاطهم في حياتو، هي الوحيد الي نجمت تروض الشيطان الي فيه و الوحيدة الي محات جبل الجليد لكان فيه و حولتو لجبل احاسيس و مشاعر،هي الوحيدة الي خلتو يحب و يتحب و يشوف الدنيا الوان بعد ما كان مسيطر عليها الظلام، شاف الدنيا بعينيها هي و من وجهة نظرها هي و بيها هي عشقها بحلوها و مرها و الخايب الي فيها، هي الي لونت حياتو و خلاتلها طعم جديد و من غيرها هي و بلاش بيها كل شي ظلام في عينو و كل شي ماسط و تافه ما عندو حتى قيمة، حياتو بلاش بيها عذاب كل يوم يعدي عليه من غيرها بالنسبة بيه عقاب من ربي على العمايل الي عملها و على العباد الي حرقها و قتلها، مكوي بنار البعد و الشوق و عايش حرمان المتغرب في غيابها، صابر بالقدرة عليها ساعات تخطر في بالو انو يسيب كل شي و يدفع الي مزالو من حياتو و يعدي لحظة معاها و الي باش يصير خلي يصير، الطريق المظلم الي مشى فيه و بعد عليه مع دخولها هي لحياتو دفعو فاتورة غالية قاعد يخلص فيها توا بدم قلبو،محتاجها و في امس الحاجة ليها، محتاج لحضنها الدافي الحنين الي يرد فيه الروح و يطمنو بإنو الي جاي خير،مستحق لخزرة عينها و القوة الي ياخذها منها و تخليه قادر يواجه و ياقف قدام كل شي،موجوع قلبو مقبوض و مش مرتاح أفكار موجعة تهز فيه و تجيب و هو مسلم امرو ليها تاعب و ما عندو حتى جهد باش يقاوم، جرعة الاكسيجين الي خذاها منها آخر مرة قريب توفى و لازمتو وحدة اخرى، هو في امس الحاجة انو يشوفها و يملي عينو منها،حاجات هكا ما عندو لشكون يشكيها و يفرغ منها قلبو كان ليها هي رغم وجود جوزيف و ايهم و آزر معاه الا انو وجودها هي معاه حاجة اخرى، على اذاكا كان اغلبية الوقت ساكت كاتم وجيعتو و دافنها في قلبو ما لازموش يطيح والا يتعب هو اساس هالمهمة و بطيحتو هو يطيحو الاولاد و تتشتت المجموعة و يطيح كل شي عملوه فالماء، كان عايش زادا تأنيب الضمير من ناحية اليزا و حاسس انو هي الضحية الوحيدة و هي الخاسرة في آخر هالرحلة، حاسس قداه تعلقت بيه و ولات تحبو كان معاه اغلبية الوقت بارد حاسبها صديقة مقربة مش اكثر عمرو ما كنلها مشاعر غير هكا و لا وعدها بحاجة و لا قلها كلمة تخليها متعلقة بيه رغم انو الخطة و المهمة تفرض عليه هكا مش حابب يوجعها و الا يجرحها بكلمة والا بفعل همو الوحيد كان انو يختصر كل شي و يخليها تحكيلو اسرار خوها مش اكثر، ساعات كيف يخرجو يحاول انو يتقرب منها اكثر و يغوص في تفكيرها اما هي فعلا ما كانتش الفريسة الي يتم اصطيادها بسهولة، اليزا طفلة مش عادية رغم هدوئها و رزانتها رغم تبهليلها ساعات اما تقعد طفلة ذكية تحسب الف حساب لكل خطوة تخطيها ساعات يحسها غامضة و غموضها يقلقو و ساعات تكون كتاب مفتوح بالساهل انك تقرا بين سطورو و تفهم معانيه، يحاول ديما انو ياقف معاها و يعاونها بلي يقدر، كان هو ملهمها الوحيد ديما يشجعها في كل خطوة تخطيها في طريق مستقبلها و خدمتها ديما نصايحو مرافقتها و معمول بيها و على اذاكا تقدمت برشا في لوحاتها و زاد الضغط عليها بحكم دات افتتاحها لمعرضها الي قرب برشا😊
(حطوااااا جاااام قبل ما تقرااااو)
خرجت مالشركة و روحت ديراكت للفيلا عدات الكرهبة للباركينغ دوب ما هبطت تسمع في ضحك جاي من داخل استغربت و قداه فرحت وقت دخلت و لقات الاولاد و البنات الكل ملمومين فالصالة
-ياااا احلى سوربريز والله😍وقتاه جيتو شبيكم ما قلتوش راني روحت بكري شوي تحكي و تسلم عليهم
-سامر و هو يعنق فيها:وليتلنا سيدة اعمال اد الدنيا لازمنا رونديفو عزيزتي و شوف نخلطوشي 😛
-يزي مالدك متاعك انت ستر ربي ضربة ضربتين بحذايا فالشركة و في بالك بيا رجعت كان اليوم نمشي😒
-دانا:سيب اختك بلحاط يبلحطك ديما بمساطتك ..توحشتك عزيزتي😘
-حتى انا والله توحشتكم الكل،اما مبلدكم خليتوني وحدي الزح نعرف كل حد لاهي في همو اما احنا تفاهمنا باش ديما تجيو حذايا نتلمو و نسهرو و تباتو😒انتوما باهي باهي و فالريح
-عادل:هاي باش تبدى تنوح علينا تو😒ااا بنتي اسكت جيناك بالذمة باش نقعدو حذاك😆
-مجد: يا ايثار ما تصدقوش راهو يكذب😈 ما جينا كان ما كلمنا اك الشايب و جينا قدر فيه و كهو، انا مك تعرفني كلمتي نقولها لو كان حتى على قطعان رقبتي😌
-ايثار:بو زينك مجدوش😘تعجبني صراحتك
-غسان: تي اكبر منافق اذاكا نقطع يدي كان مش يكمبصلك في حاجة يا ايثار😏
-ايثار :😂😂احساس متبادل غسان وخي 😂نعرفو كيف يبدا يتسكبن😏 اي شنو برنامجكم يا جماعة شتحبو نعملو😚
-هنيدة: باش نعملو عمايل و عندك سوربريز عزيزتي اكيد باش تفرحك باااارشة
-ايثار: شنو هي ؟؟
-دانا:ههههه لا يبطى هكك مش توا تعرفها، الصبر باهي😛اي نقومو نحضرو قبل كا يوصلو الجماعة
-ايثار :اما جماعة زادا،شكون جاي
-سامر:بلاهي شكون تي ماهو اك الشايب و و أولادو و نساهم 😆
-ايثار :ممم باهي اي مالا
(حطوااااا جااااام قبل ما تقرااااو)
الحلقة 7:
البنات قامو و الاولاد زاد مدو ساقيهم و خذاو راحتهم اكثر😂قحرتلهم ايثار
-نعم يا روح امك انت و هو😒لباس ماهو اي قومو قومو قدامي😡ملا زاد حلولي رواحهم على قاعدة 😑القضية ما تبدا و توفي كان بيكم😏والا بالك معملين علينا احنا خازوق يشدكم تحركو اي😒
-غيث:يا ايثار امان تي علاه هكا،حسدتنا على نومة 😣
-ايثار :باش تقومو الكل ما نفهم شي😌
خلاتهم و مشات هي و البنات و ما كان قدامهم كان انهم يقومو و يعاونوهم، الاولاد كل حد حويجة حويجة لين كملو فيسع و رجعو قعدو فالصالة و البنات فالكوجينة يحضرو فالفطور، ايثار بدات معاهم شوية لين بدات ريحة الماكلة تفوح خلوقها دارت و شدها الردان ما نجمتش تزيد تقعد اكثر هزت روحها و خرجت و البنات كملو عليها..
دخلت لبيتها رقدت شوية فماش ما تتنحى عليها الدوخة شوية..
فالوقت هذا هبطت طيارتهم فالمطار خرج اسامة يدز فالشاريو بيد و اليد الاخرى شاد بيها يد اثير الي كانت تمشي بجنبو ضربة ثنين يهزها يبوسهالها،برشا حب و برشا دلال مع كل لحظة تفوت عشقو ليها يزيد و يزيد يكبر حبهم لبعضهم، احلى ايامات عسل عاشوهم و هوما من بلاصة لبلاصة،اسامة بالنسبة لاثير ما كانش فارس الاحلام كهو كانلها زادا المنقذ الي عمرها ما توقتو يجي و ينقذها مالعيشة لكانت عايشتها،هو الروح و النفس و هو الدنيا و الحب و السند بعد موت بوها، اسامة عوضلها كل ذرة حرمان و حب و حنان عاشتهم و تعدات بيهم،كلمة حب قليلة انها توصف كمية العشق و الاحترام الي تكنهم ليه، خارجين مكبشتلو في يدو كيف الطفلة الصغيرة الي مكبشة في يد بوها و خايفة تفلت منو و هو ما يفلتهاش ،عينيهم مليانة فرحة و مليانة حب باين على ملامح وجهم..يمشيو لين شافو الجماعة يستناو فيهم كان راشد فالمقدمة حال يدو على طولها و خذا اثير في تعنيقة و كأنها بالحق بنت ولدو و نفس الدم يجري في عروقهم،اثير احساسها القوي بكم هالحنية و الحب خلاو دموعها تسيل على خدها و قلبها يرفرف مالفرحة
-بنتي الغالية 😘
-بابا ربي يخليك لينا توحشتكم الكل😍
-يا بنتي الفيلا فرغت علينا من بعدكم و بعد سفر جوزيف و الاولاد كل حد لاهي في خدمتو و حياتو و مشاريعو
-هانا رجعنا و باش يرجع كل شي مريقل ان شاء الله😊
اسامة كمل سلم عليهم الكل و اثير مزالت معنقة جدو ولى يجبد فيها بالسيف منو ولاخر ما سيبها كان بالسيف😂
-يا حاج سيبلي المرا يعجبكشي توا😒خلي تسلم على حماتها 😂
-بنتي و انا حر فيها تهد لا نهدك😌
عنق جدو بحب كبير
-اييييه والله و خليت بلاصتك يا هامل
-الحمدلله كيف ستفقدتوني
اثير كملت سلمت على عيشة و البقية، طلعو في كراهبهم و رجعو للفيلا..
البنات كملو حضرو كل شي و ريقلو سويت اسامة و اثير الي باش يسكنو مع ايثار فالفيلا بطلب منها و هوما وافقو اما بشرط انو مش على طول، كملو بدلو دبشهم و هبطو للصالة حذا الاولاد،دانا تستنا في دخول خوها بالدقيقة و الدرج قداه توحشتو و قداه خلا عليها بلاصة كبيرة فالدار كان قريبلها برشا و كانت دلولتو ما تعين ابرة في خيط كان ما تشاورو و تاخذ رايوو و نصيحتو في اي موضوع مهما كان و حتى بعد ما كبرت و نضجت عادتها هذي ما نحاتهاش، الحاجة الوحيدة الي عجزت انها تحكيلو عليها عي علاقتها بجوزيف و حبهم المجهول و حكايتهم الغامضة الي لتو مش مفهومة وين باش ترسي.. سارحة تخمم لين نوقز تاليفونها لقاتها امها
-ااا عيشوشة، وينكم..ااا باهي..باي😍
علقت من عند امها و قامت فرحانة شوية و تولي تنقز و تصيح
-اي البنات قومو فيسع عادك بيهم وصلو توا خرجو مالمطار جايين
-غسان: يا جماعة رااااااني مت بالشر ارحموني😣😩
-لجين:😒عزيزي سكتشي توا و انت ملي جينا تزن علينا
-تي بلاهي شنعمل الجوع كافر يا روحي
-شمزال سويعة اخرى و ناكلو الناس الكل
-😱ساااعة لباس انت😒انا باش نستنا ساعة اخرى والله نموت
-😂لطف عليك ما تموتش اي اصبر شوية (غمزتو و طيشتاو بوسة😂)
-😃عزيزتي نستناكم العمر الكل في عقلكم..😂😈
هوما هكك و بالما هبطت تجري قعدت عند سامر
-سامر:مدام بالما جات يعني سيدة الحسن و الجمال ايثار قامت و باش تهبط
و فعلا ايثار هابطة فالدروج و تتبسم
-سامحوني يا جماعة خليتكم وحدكم والله كان ما رقدتش راني تجلطت، ياخي وينهم البقية بابا راشد و الكل مش قلتو جايين و امي سيلين ما ريتوهاش وين تعديتلها لبيتها ما لقيتهاش😕
-مجد: امك سيلين خرجت بقضية هي و هند و هاو جايين و بوك راشد و الجماعة عادك بيهم وصلو
قعدت بجنب دانا و عادل مزالت مدهشرة بالنوم رخات شفايفها كيف الصغار
-يا جماعة انا شاهية سيريز😔
قحرلها عادل على جنب😒
-بنية عمي منين باش نجيبوهولك السيريز توا مزال مش وقتو حتى تزيد تسخن الدنيا شوية
-ايثار: شنعمل انا توا نقعد بشهوتي 😣
-هنيدة:ايثار وخيتي حتى انت مالشهاوي الكل نقزت كان عالسيريز ضربة وحدة تي حتى كونجيلاي يظهرلي ما فماش
-غيث:اثيرو عزيزتي زعمة مكش تتوحم😕والله و عملها دجو😈😂
دانا كانت تتبسم و على سمعناها هالكلمتين وجها تقلب و دخلت بعضها لين شلقت على روحها،تحاول على قد ما تقدر انها تسيطر على روحها و على الغصة لشدتها في حلقها، ايثار زادا دخلت بعضها و ندمت على هالكلمتين لقالتهم كان قعدت ساكتة خير فيسع خزرت لدانا اكيد باش تتقلق حاسة بيها و بوجيعتها حاولت انها تصلح الي خربتو تبسمت تبسيمة مصتنعة
-ههه غيث وخي فاش تخرف والله ما ناقصني كان وحم انا توا،لا ما ظاهرلي و مش وقتها و ما تجيش😊
دانا يديها الزوز عرقو حطتهم في بعضهم تفرك فيهم فماش ما تزيل هالتوتر الي ركبها هدات روحها شوية و تبسمت بهدوئ
-وه علاه لا و ما يصيرش و ندرا شنو حقكم عزيزتي انتوما عرستو باش تكونو عيلة و تكملو بقية العمر مع بعضكم،ان شاء الله يطلع وحم و تجيبلنا دجو صغرون يتكعبر و يملي علينا الفيلا😍
لاول مرة دانا تتصنع في مشاعرها و تكذب في حاجة و خاصة على ايثار الي في مقام اختها و مهما يصير و يجرى لا نهار نقمت عليها و الا كرهتها، ايثار مزالت ما جاوبتهاش خاطرها قعدت مركزة على الباب الي تحل و على اسامة الي دخل شاد يد اثير، اختها الي لا عمرهم تفارقو و لا بعدتهم مسافة كيف المرة هذي، لاول مرة ما يراوش بعضهم و ما يحكيوش المدة هذي الكل،4 ايام توا تعداو كأنهم 4 سنين بالنسبة ليهم الزوز حطت يدها على فمها تحاول تكتم الشهقة الي شهقتها عينها زغللت بدموع الفرحة مشاتلها تجري و ديراكت ترمات عليها عنقتها تعنيقة كلها وحش و حب
-يا روحي توحشتك بااارشة خليتني وحدي و خليتو عليا بلاصة 😢الفيلا فرغت عليا و موحشها من بعدكم
-انا زادا توحشتك عزيزتي و اذاكا علاه قصينا عليه شهر العسل و رجعنا فيسع و معادش باش نبعد عليك و كان مشيت لبلاصة ساقي ساقك😁
ما سيبت اختها و بعدت عليها كان بالسيف جاء قدامها اسامة للحظة قلبها عصر عليها و وجعها حست روحها متوحشة جاد والا جوزيف!!..ما تعرش..ترمات عليه عنقتو بالقوي تحكي بصوت خانقتو عبرة البكاء و اقرب منو للهمس
-اسامة ايجا وخي نعنقك،ايجا خويا نشم عليك ريحتو،ريحة الغالي😢 والله لا نسيتها يا اسامة و لا فارقتني لحظة راهي ساكنة فيا و واحلة في جواجية مش حابة تخرج و انا مش مخرجتها،اسامة راني محروقة و بعدو معذبني، قداه يوجع غيابو،قداه متوحشتو يا اسامة محتاجتو معايا و بجنبي،اسامة راني مستحقتو اكثر من اي وقت يكفيني شوفتو حتى من بعيد والله،امان رجعهولي وحشو قاتلني يا وخي،نااار شاعلة فيا ما طفاتش😢
تخنقت بالبكاء سكتت ما نجمتش تزيد تكمل تحكي حتى حرف، اسامة معادش فيه قلبو وجعو عليها و تقبض،عينو حارة تملات دموع و سالت على خدو و هبطت تخلطت مع دموعها،كلامها خنقو حاسس بيها و بعذابها كان جات الحكاية بيدو و الا بيد جاد والا جوزيف راهم حكاولها و ريحوها عالاقل ما تكونش حالتها هكا وين يقولو هي هدات و بدات تنسى يلقاو رواحهم غالطين و هي جرحها زاد اكثر و اكثر و رجعت لنقطة البداية،ما بيدو حيلة و لا ينجم يعمل شي كان انو يصبرها و يواسيها في محنتها و ياقف معاها،زاد عنقها بالقوي و كبس عليها طبع بوسة على جبينهت بكل الحنية و الحب و المعزة الي يكنهم ليها هي اختو الثانية بعد دانا والي يوجعها يوجعو،بالحق كمية العشق و الحب الي يشوفهم في عين ايثار لجاد خلاوه يقدس الحب و يعبدو و المعبود الله، حبهم اسطورة و حكايتهم تقعد مخلدها التاريخ و يحييوها هوما في كل ذكرى، حكايتهم حكاية ما تتصدقش و عشقهم ما بعدو عشق
-يزي عيش اختي بالله اعتق روحك،يزي مالبكا نعرف وجودنا احنا الكل في كوم و و جودو هو وحدو في كوم آخر اما رانا ديما معاك و عاملين مجهود فماش ما نحاولو نعوضو ثلث حضورو هو و نعرف ما يقدر حد بخلافو انو يعوض هذا حكم ربي علينا ما بيدينا حيلة، كون قوية و آقف لروحك اخرج من حزنك و جنازتك و تو تشوف كيفاه ربي ينورلك بصيرتك على برشا حاجات و برشا حقائق يكونولك الدنيا و ما فيها الا ما يجي نهار سعدك و يعوضك ربي بفرحة كونية يبكي ليها قلبك، ايا عاد يزي مالبكا و وريني اك الضحكة المزيانة😊😚
كلام اسامة هداها شوية و ما سيبها كان كيف رسمت تبسيمتها الحلوة على شفايفها كملت سلمت على راشد و البقية و مشاو قعدو فالصالة لين حضرت البون طاولة الفطور الي تلمو عليها الناس الكل
-غسان:انت مش انت و انت جيعان😂مش مصدق هالعملة لعملتها في روحي اليوم،قاعد مجوع روحي نهار كامل حتى يشرفنا سي اسامة 😒
-ههههه تستاهل كان في بالي بيك راني قلتلهم يعملو روتار فالمطار😈
-راشد : اسامة ما قتليش شبيكم جيتو على بكري مش على اساس بعد جمعتين و ماشي متحلف ما ترجع كان بعد شهر كامل عسل😂
-اي والله اذاكا البرنامج الي كان اما الله غالب حكمو بحكامهم(خزر لاثير) تي ماهو طاحو بتخرنينهم عاد يا كبيرنا و في توحشت اختي في توحشت بابا راشد و امي عايشة و ندرا شنو اكهو عاد رصاتلي مروح بيها والا شمرجعني انا على بكري حتى كونجي الخدمة مزال 😑
الكلهم ولاو يضحكو عليه قريب باش يولي يبكيلهم 😂
-مجد يتبهلل :كان نقلكم الطلعة لطلعت بيها ايثار اليوم😒قاتلك شاهية سيريز تصورو معناها فما عباد هكا
-عيشة: هالخطا السعيد يا بنيتي تطلعشي تتوحم 😍
ايثار كانت تشرب فالماء قريب تشرق كان لقات وقتها راهي شدت غيث قطعتو طروف طروف😠
-لا تاتا صعيب مش وحم جيست شتهيت حاجة و كهو😊
-مع الوقت تو نشوفو اما انا قلبي قايلي انو انت اونسانت و تو تشوف كيفاه تاقف على كلامي يا بنتي و هو بيناتنا الايام😊
-راشد: شخص ايامي يا ربي نشوف احفاد ولادي قبل منامة عيني،ان شاءالله تطلع اونسانت يا بنتي ان شاء الله..
* * * * *
(حطوااااا جااااام قبل ما تقرااااو)
الحلقة 8:
الجماعة الكل كانو مركزين في الاجتماع الي عملوه المرة هذي في دار ايهم ،كانو ملمومين الكل على الطاولة جوزيف يحكي و يفسر لين جاهم خبر على اد جين و المجزرة الجدية الي عملها،كان عاقد صفقة سلاح مع عصابة و هوما خانوه بعد ما تسلمو فلوسهم الكل و على اذاكا انتقم منهم على طريقتو و قتلهم الكل و كانت هذي ثاني مجزرة يعملها في ضرف شهر و نصف و في غرغور القايلة، الكلهم كانو مركزين ماكلهم العصب على هالخبر الي مش في صالحهم جملة الا جاد لكان مركز مع الايمايل الي بعثتهولو اليزا و كان في شكل دعوة انهم يحضرو معرض في روما موضوعو على الالهة و جاد الحاجات هاذم ما يفهم فيهم شي قعد حاير عاقد حواجبو و مضيق عينو، جوزيف كان قاعد بجنبو يقحرو باش يسيب الي في يدو و يتلهى معاهم و هو مش معبرو و باقي مش حاشم على روحو، لاخر صبر صبر لين فد سايي هز يدو و خبطو على ظهرو لين جاد تفجع وفاق من سرحتو
-شبيي عزاك يا هم هكاكا يضربو هوما ماو لباس فجعتني ااا خرا😠
-اكهو انا مالصباح ننبح و ريقي شايح في هالكارثة لهبطت علينا و انت مولى الدار مش هوني كأنو المشكل مشكلتي انا وحدي تي ركز جاد امان والله لا عاد فينا مالعصب، اتلهى معانا خوذ كلمة و اعطي كلمة لازمنا نلقاو حل راهو والله لا عاد وقت جملة شهر و نص تعداو و احنا ما وصلناش للصحيح😒
جوزيف يغلي و جاد كالعادة بكل برود رجع عليه زاد نرفزو😂
-دجو براس مميتك فاش قاعد نعمل انا تو ياخي اليزا خاطية المهمة تي ماكم قلتولي رز على اليزا هاني مركز ثبتلي روحك صاحبي شنوا توا😑
-باهي نقص عليا حسك شنو هاكا الي غاطس فيه
-اليزا بعثتلي انفيتاسيون تحبنا نمشيو نحضرو لمعرض موضوعو على الالهة متع الاغريق والا شنو و انا هاذم ما ندل فيهم شي لذا اخطاني خير ما نقوملك😡
ازر كان متربع فالقاعة لابس ليناتو و شاد البيسي متاعو ندرا فاش غاطس و عقلو مش فوقو اصلا يسأل في روحو و ساعات يجاوب😂
-زعمة شعزاها اك المسبوعة القزمة ما جاتش اليوم للاجتماع،هو كي تجي تشوف ملا راحة منها هي تدخل و انا نستلبس و يمكني العصب و نقعدو يا نتعاركو يا نتشوحرو لبعضنا والا تعملي فالمصايب😒مرعوشة زايد و هي هاي مرة كبت عليا قهوة و نرة فسدتلي كاميرا رزاتني فيها يحرز محرز نهارتها ما فشختهاش و دخل جاد بيناتنا والا راني قتلتها😠 اوووه وين نتذكر اني ترزيت فيها اك الكميرا نفشل و تلعب عليا الدوخة😓 يرزيني فيك يا الينا😡(خزر لجوزيفو رجع يحكي وحدو😂) مسكين دجو قعد كيف الاربيتر في وسطنا،خليه يستاهل اصلا شمدخلو😒جاد و ايهم قاعدين كان يضحكو و يتمسخرو علينا و ساعة ساعة يشعلو النار بالاخص اك المسمام ايهم السم خارج من عينو بلحاط يبلحطو😒تو هي الينا بيناتنا ما تخيبش كاسحة اما فسدتها بخدمتها هي تكره فيا البرود و الامبالاة و انا نكره خدمتها تي براس امك كيفاه تجي هذي طفلة كيفها تخدم عميلة و حياتها الكل خطر في خطر ملا لعب يا حاج مش متاعها برجولية كان جات عندي راني وريتها التزعبين و الترهدين متاعها كيفاه 😡(هذا الكل بحكي وحدو و مع كل جملة ملامح وجهو تتبدل الاولاد مركزين معاه اما ما حبوش يكلموه😂) تو انا لباس نحكي وحدي و شوف اك الموضوع عاد الي نحكي فيه على الينا😑اوووه يا بابا والله سايي عليا خجيت و خشيت الخلا، فاق من سرحتو هز راسو يلقى الجماعة مركزين معاه و شايخين عليه بالضحك😂
-جاد: آزر وخي لباس بابا،شبيك ياخي ظاهر فيك تحكي و تجاوب وحدك😕
-آزر: شي ما بيني 😒
-أيهم:سيبو يا جاد اذاكا نعرف شبيه😛تي ماهو صحيبنا متع العادة ما جاش على اذاكا ما لقى هو و شكون يتعارك دار على روحو😂
-جوزيف:صاااار هذي الحكاية هذا الي بيك،الله غالب جاتها خدمة اكيدة اليوم ما نجمتش تجي ان شاءالله غدوى آزر 😂
قعدو يضحكو يفركو فيهم على آزر و هو مش معبرهم جملة، رجع جوزيف و مد وجهو حذا جاد الي مزال غاطس يلوج
-ولد امي ماقتليش فاش قاعد تلوج ياسي البغل
-اوووه على بابا تي ماني قتلك سيبني عاد دجو والله فديت انا ملزوز شتحبني نعمل، هاني نلوج على راس ميدوسا والا شنو تي الحاصل عفسة كيما هاك 😔
ايهم مرجع راسو لتالي عالفوتاي و مغطي عينو بيدو سمع الاسم جاوبهم من غير ما يتحرك
-هاذي ياسي الشباب كانت الهة واتهموها بانها دنست المعبد مع اله البحر وحكمو عليها و حولو شعرها لحنوشة
جاد حل عينو و هز حاجب بحاجب😨
-أيهم وخي المعلومة عندك و انا من بكري مقطع روحي و نلوج اي شقولك تمشي انت في بقعتي مع اليزا والله ما عيني و لا عندي خلوق و وساع بال للحاجات هاذم
كان بودو انو يمشي و يكون معاها لحظة بلحظة حياتو الكل كان لزم،جات على بالو فاللحظة هاكي تفكرها و تفكر اول لقاء بيناتهم قداه حس وقتها انو باش تجمعهم حاجة و تكون بيناتهم برشا حاجات اما شوفتو لدوسيها و تصاورها عند جوزيف نهارتها و انهم لازم يستهدفوها و تكون مفتاح ناجح للمهمة متاعهم مؤشرات خلتو يتراجع على برشا افكار و يدفن برشا احاسيس، قلبو وجعو و تقبض علاه اي حاجة يحب عليها يتسكر الطريق في وجهو من اولها قبل حتى ما يخطي فيه خطوة،لاول مرة يتزعزع كيانو لمرا هكا و اول مرة تحركلو مشاعرو مرا بالطريقة هذي،زعمة هذا الكل شنو يكون ؟صحيح تعجبني اما زعمة نكون حبيتها؟؟
فاق من سرحتو و رجع جاوب جاد
- لا صاحبي المرة هذي باش نرفضلك الطلب متاعك و الله غالب عليا و عليك قاطع حديثهم تنوقيز الباب قام ايهم يحل لقاها اليناا دخلت وسلمت عليهم و كالعادة هي و آزر لا حد طايق لاخر قاعدين كان يتشوحرو لبعضهم قعدو يحكو لين وصل لازر ايمايل شد راسو بين يديه عاقد حواجبو و ساعات يغمض عينو كأنو ما يحبش يستوعب هالخبر لوصلو يعاود كان في كلمة لا وفي لحظة لطخ البيسي و قام يحكي في التاليفون
-مخدم كمشة بهايم عندي،كيفاه فلتو و شنو معناتو ضاع منكم ما نفهم شي تجيبوه مالسما دبرو ريوسكم اموركم مش مشكلتي لازمو المرة الجاية يكون قدامي والا تعرفو شنو انجم نعمل 😡
علق عليه التاليفون قعد يمشي و يجي قدامهم اصلا كان ناسيهم و ناسي وجودو معاهم يحس في وجهو باش يتطرشق بالغش و بدنو يشعل شعلان كان يلقى دار يهدها توا،عينو حمرا تقدح بالشر و مش باش يطفيها حد،هدوئ كبير خيم عالدار الكلهم سكتو و ركزو معاه طبس هز البيسي متاعو وجا خارج قام جوزيف شدو من يدو ما خلاشو يمشي
-آزر وين ماشي مازال عندي ما نحكي و مزال اجتماعنا ما كملش
-دجو براس امك سيبني مش طايق روحي و اصلا حتى كان قعدت مش باش انجم نركز معاكم في شي
-انت في كل مرة تهز روحك و تخرج و تخلينا و ما يكلمك حد المرة هذي ما فماش خروج حتى نكمل كلامي شبيك مش حابب تفهم انو خطتنا الجاية الكلها تعتمد عليك و بيديك انت
آزر جن جنونو من جوزيف عينو ظلامت ما عاد يشوف في شي قدامو
- سيبني جوزيف مش حامل روحي افهم يااا زحي
جاد عرفها باش تزيد تلحم بيناتهم اكثر قام فيسع و فكهم من بعضهم بالسيف آزر طربق الباب و خرج و جوزيف قعد عالفوتاي،الكلهم قعدو باهتين في ردة فعل آزر الي على قد ما عرفوه لا مرة شافوه في هالحالة المجنونة لكان فيها عبارة ثور هايج و تسيب عليهم حل فيهم حرب و خلاهم و مشى، الكلهم يعرفو انو بورود آزر ما بعدو برود ياخي طلعو غالطين و ظهر عاصفة على حالها..
جوزيف يحرك في ساقو بتوتر قاعد راكز مرافقو الزوز على ركبتو مش عارف كيفاه هز يدو ضربها على الطاولة لكانت قدامو حس روحو كثرلها مالمفروض كان يخليه على راحتو اصلا الكلهم ملاحظين انو الفترة الاخيرة آزر ما كانش عادي قرب منو جاد وحط يدو على كتفو
-دجو ما تاخوش عليه آزر الكلنا تاعبين و منهارين الله غالب هو ما نجمش يسيطر على روحو اكثر و تحمل بما فيه الكفاية كل حد فينا و همو اكيد توا يهدا شوية و يرجع
الينا قعدت قدامو على الطاولة وحطت يدها على كتفو تحاول انها تواسيه هي زادا اتصدمت في ازر كان ليها الانسان البارد الهادئ الي ما يزلزلو شي و ما ينرفزو شي و ما غلا بالو بحتى شي فاللخر تكتشف انو عكس الصورة الي رسمتهالو في خيالها
- دجو عزيزي ما تحط شي في بالك كيف ما قال جاد الكلكم على اعصابكم و مش حاملين شي هاكا تو يمشي يركش في بلاصة يعمل تصويرتين ثلاثة و يرجع جوو مريقل
-جوزيف: ضحكتني يا هم تعرفو والله ساعات نلقاه في بلايص حتى باتمان وما يطلعلهمش ااا زحي لتو مش عارف كيفاه يوصللهم لا و الي يزيد يصدمك اكثر انو يكون قاعد على الحافة ساقو تتدلدل لوطى و الريح يصرفق فيه مالشواير الكل و هو سي السيد و لا هامو شي اعطيه بركا ياخذ بوزيسيون التصويرة الي يحب عليها غريبة فيه والله ما يعجبو التصوير كان في بلايص هكا و كان ما ياخوش ريسك ما يتسماش صور😒
شوية شوية رجع الجو مريقل بيناتهم كملو اجتماعهم الينا كانت قاعدة مقابلتو وتكتب عالبيسي شوية و قامت تعطيلهم في معلومات مزالت كيف وصلتها
-يا جناعة توا وصلني ايمايل بتأكيد معلومات و اوامر كنت خذيتهم الصباح في الاجتماع الي مشيتلو،دجو اكيد وصلتك المعلومات
-اي اكيد اما قعدت نستنا انهم يوافقو غليها و يأذنولنا فيها
-اي صحيح سي بون توا الاوامر لازم تتنفذ،يا جماعة الشرطة الفيديرالية قررت اننا نعملو تدريبات ومناورات على السلاح، هي تعرف عمالائها و تعرف قدوراتهم اما التدريبات هذي لازم منها و هي كيف المراجعة و لازمنا نقومو بيها😊
جاد هز حاجبو مش عاجبو الكلام و هالاوامر يشوف فيها تضيع للوقت و للمخطط متاعهم مش اكثر
-الي يسمع تقول داخلين على حرب و هي الحكاية الكل راجل نشدوه و يعدي بقية عمرو فالحبس و كان رحموه و حنو عليه يتحكم اعدام و طاح راح، شقام علينا نتدربو من اول و جديد انا نشوفها حاجة زايدة قاعدين يضيعولنا بيها في وقتنا
-اي عبارة قادمين على حرب جاد انت تعرف انو مهما كانت نقاط ضعف عدوك معروفة و مهما كان يبان انو خصم ساهل عمرك ما تستهان بيه و بقدراتو،حد فينا ما ينجم يتوقع آد جين شنو في مخو والا فاش قاعد يكنبص فهمت سي البغل😒
-معناها الواحد باش يطيحولو قدرو و هيبتو شقالك شقال عليك جاد بن الياس آل راشد يعاود فالتدريبات و قاعد يتعلم كيفاه يشد سلاح 😑
-ايهم : تهنى بابا انت ما ينقصلك حد من هيبتك مانا نعرفوك ما فالح كان في جبدان السلاح و تشوشيط العباد😒
قامت الينا الينا وزعت عليهم وراق ورق فيها معلومات على التدريب و وين باش يكون
-اي ياجماعة هاذم اوقات التدريب الي باش يكون كل مرة في بلاصة و ان شاء الله بعد غدوة بإذن الله نتوكلو على الله و نبداو😊
كملو و قعدو يرتحو في ريوسهم الي ما هداتش لحظة مالتخمام و كل حد و همو ايهم كان حال فايسبوكو طالع هابط غالاكاي تقولش عليه يدهن لين خرجتلو بيب في باش و شاف تصويرة الكلب الصغير الي لقاه توا مدة شهر لتالي و رباه مولاتو حاربة عليه الدنيا و حتى انها خاطة مبلغ مالي للي يلقاه و يهز هولها حاطة الادراس متع دارها و رقم تاليفونها قيدهم عندو و قغد يخمم فيه كيفاه باش يرجعو و هو سايي حبو و استانس بيه و ملا عليه الدار ،تلفتلو كان قاعد في حجر الينا ايهم عيطلو و هو مشالو خنس عندو
-واا صحوبة تي هام قايمين عليك الدنيا و انت راكش عندي مسكنتي ماكل شارب ولا على بالك بالطقس😒و انا الي كنت نحسابك يتيم كيفي اي قوم بابا قوم نوصلك ليها لا يلقاو بلاصتك و يهدو عليا يرجعوني خاطفك و ترصيلي بايت في قلبو الليلة ظاهر فيك واصل يا حلوف😂 اما والله ربيت عليك الكبدة يا خرا و تعودت بيك ديما معايا😢اسمع هاني باش نرجعك ليها و ما نوصيكش عاد ساعة ساعة افصع و ايجاني للدار و الا حذا الجماعة سايي عاد توا كبرت وليت راجل و عرفت الحفر و التراكن الكل😂
جاد كان سارح تلفت يلقى ايهم يحكي مع الكلب و قريب باش يبكي😂هز روحو و قام قعد حذاه
-ايهم شعزاك تحكي وحدك لباس و شبيك متأزم هكا و وجهك تقلب😕
-ما بيا شي هاني ما لقيت ما نعمل في روحي حليت الفايسبوك عرضتني بيب متع مولات الكلب قالبة عليه الدنيا لازمني نرجعهولها😢
-صار هذا علاه انت نحساب ندرا شبيك الهم هذا فجعتني،قوم ثوم فيسع وصلو وايجا انا فاد برا نخرجو و احنا ملي جينا مردومين في دار واحد منا 😂
* * * * *
في تونس
كملت الخدمة و روحت بكري شوية باش ترتاح ،الخدمة تعبتها و جوجمتها حكاية هالمستثمر دخلتها في حيط لوجت لوجت ما لقاتش الي تحب عليه بالمواصفات و الشروط الي حطتهم،كانت عشية سبت و عاملين لمة فالدار لقات البنات سي بون وصلو و بداو يحضرو تلهات مع البون فالكوجينا تحب كل شي مريقل و لازم يعملو كيف ما طلبت هي، وبالما ملي دخلت و هي في جرتها وين تمشي هي تخلط عليها، حست روحها تعبت شوية من الصباح ماقعدتش جملة و هي من رينيو لرينيو طلعت لبتها عملت دوش و خرجت لبست دبشها كرشها كبرت شوية وتكعبرت وزادت هي سمنت اما مش مشلقة انها اونسانت للتو تحاول تلقى اعذار للبنات و سيلين و عيشة الي نهار و طولو مكبشين فيها و مارجينها باش تعمل التاست و تشوف روحها اونسانت والا ،بدات تلبس في حاجات واسعين اما لوقتاه باش تخبي سايي توا لازمها تحكيلهم اليوم صحيح نقص عليها الردان شوية اما مزالت عندها الدوخة وجيعة جديدة تزادت اما على قلبها احلى مالعسل ساعات تحس بضربة البيبي و قداه تفرح و تشيخ هي هكك و تسمع فالباب يدق قامت لقاتها دانا الي ولات تجي ساعات تبات حذاها و يتلمو فالليل
-ااا عزيزتي سافا صحة الدوش😘
-تيك الصحة ادخل هاني كملت جيست نشيح شعري و نهبطو، بابا راشد و الجماعة وصلو؟
-اي تو دخلو 😊اي اقعد نشيحلك انا مالا
بدات تشيحلها في لحظة سرحت لعالم آخر،تسأل في روحها زعمة اسامة يوافق! زعمة تنجم تقنع امها و تاقف معاها،فدت و كرهت روحها من قعدت الدار صحيح مش ناقصة شي والي تطلب تلقى و الثنية الي تحب عليها تمشيلها اما ديما تحس روحها ناقصة برشا حاجات،تحب حاجة تلاهي بيها روحها و تحط فيها اهتمامها و حبها الكل، من فترة الحماية شاغلتلها بالها اما مش متشجعة عليها تعرف اسامة كيف ما تعجبوش حاجة و يكبش في كلمة لا خافت تحكيلو و يسكرها الحكاية في وجها و تفقد الامل مرة اخرى قبل ما تبدا قرارها هذا ما خذاتو كان ما حست انو مستقبلها في خطر لاكن الاصح و الحقيقة عكس هذا الكل من وقت الي بدات شهاوي ايثار تكثر و الكلهم مارجينها اتها تمشي للطبيب و تشوف كانها اونسانت والا وقتها بدا خوفها الكبير من انها تكون سايي خسرت جوزيف يسيطر عليها و كي بالحق تكون اونسانت و منو ؤعني تنسى تماما فكرة انو يرجعلها و الا كان مزال يكلمها و الا يدور بيها حتى، حست بالخطر لازم تنقذ قلبها و تحافظ على كرامتها و مشاعرها، لازمها تلقى حاجة تكون مصدر الهامها و قوتها في يوم مالايام جاء للوقت الي لازم تاقف فيه على ساقها وحدها من غير ما يعاونها حد مش صغيرة لازمها تتعلم تاقف لروحها، و هالحكاية الي في مخها قاعدة من مدة تخمم فيها اما في كل مرة تقول خلي مش توا حتى الساعة مزال بكري لليوم ستوب لازمها تفيق على وضعها،تشيح في شعر ايثار و سارحة تخمم
-دانو عزيزتي وين سرحت من بكري نكلم فيك راني😕
-سامحني سرحت شوية
-شبي اختي عندك حاجة مقلقتك احكيلي كان تحب
-اي والله مقلقتني برشا و من مدة نخمم فيها شوف ايثار اليوم بعد العشاء وثت نكونو ملمومين الكل باش نحكي مع امي و اسامة في موضوع نحب نرجع نقرا تصميم لقيت فاك بريفاي طيارة نحب نبدا منها هي و كيف سألت قالولي نتعلم بريود صغيرة و اذا نجحت يسفروني لبرا ما نعرش وين مالضبط اما يخرجوني باش نشارك في اكبر المعارض و نبدا اول خطوة ليا في عالم الموضة😍والله حلمي يا ايثار و ان شاء الله يتحقق يا ربي غير امي و اسامة ما يسكروهاش في وجهي من اولها،آقف معايا ماني وخيتك حاول اقنعهم معايا و انت تعرف اسامة و امي يسمعو منك
-والله فرحتني عزيزتي انا معاك للخر و تن شاء الله ربي يسهلها في وجهك و توصل لحلمك و ابعد، بعد انت ابدا و انا تو نكمل و تو نزيدو نحكيو مع بابا راشد تعرفو انت بالذات عمرو ما يرفضلك طلب، امورك مريقلة عزيزتي تهنى😘
قامت باستها و عنقو بعضهم كملو يحكيو لين جاتهم البون قالتلهم العشاء حضر
هبطو حذاهم تلمو الكلهم على الطاولة و ماشاء الله على لمتهم بكبيرهم و صغيرهم برشا حب و برشا قدر و التزام و احترام لمتهم الي متعودين بيها و لازم منها بين الفترة و الفترة ينساو بيها هم الدنيا و مشاغلها و تزيد تقربهم و تحببهم في بعضهم اكثر..يحكيو و يفدلكو و ينبرو على بعضهم كملو و قامو للصالة تلمو الكل كيف العادة و بعد الحديث عالخدمة و مردود الشريكات الي لازم منو في كل قعدة ايثار غمزت راشد باش يبدا يتكلم، سبق و لقاتو وحدو قاعد استغلت الفرصة هي و دانا و حكاولو كل شي و هو ما كانش مالعاكسين يحب يشوف احفادو متألقين و في اعلى المناصب يتعبو و يخدمو و يحققو احلامهم و يوصلو وين يحبو، حمحم شوية باش يسكتو اشارة يعملهالهم وقت يبدا فما موضوع مهم و لازم يتقال في لمة هكا قدام الناس الكل و يزيدو يتشاورو و يحكيو فيه الكل مع بعضهم
-راشد:اي يا جماعة كليتو و شربتو توا اسمعوني مليح و الكلام موجه ليك انت سي اسامة و ليك انت يا بنتي عيشة
-عيشة:ان شاء الله خير بابا احكي
-باهي، يا ولادي ربيتكم و كبرتكم و لا عمري حرمتكم من حاجة، جانيش واحد منكم نهار يحب يعمل اك الحاجة و انا قتلو لا؟ الكلكم الي يحب يولي محامي والي حب يبطل و الي قرا هندسة و ادارة اعمال ولي ولي ولي قلتلكم نهار لا؟ (جاوبوه)صحيتو😊ديما نقلكم راكم كبرتو و عقلتو و تعرفو تحدو مصيركم نوافقكم و ناقف معاك اما نقلكم بعد ما نحب حد يجيني يتشكى و يتبكى راني نظيد نتشمت فيه خاطر انتوما الي حددتو مصيركم و اخترتوها وحدكم الحاجة هاكي و الحمدلله ما خيبني حد فيكم الكلكم توفقتو فلي حبيتوه و اخترتوه ملخص الهدرة يا سي اسامة و يا بنتي عيشة انا روح قلبي دانا جاتني خايفة تحب تحقق حلمها و عارفة مليح انكم باش ترفضوه و تاقفو في طريقها قبل ما تبدا تمشي فيه، اي تعرفوشي تره هي شنو تحب؟ما تعرفوش! اي حاجة متوقعة خاطركم الي هذا لاهي في مشاغلو و حياتو و ناسين بعضكم الحاجة الي ديما نقلكم و انبه فيها عليكم اتلهاو ببعضكم تلمو و احكيو و ناقشو و افهمو كل حد شنو يحب و ما يحبش اما انتوما لا الي هذا يتصرف كيف ما يحب ولا على بالو بغيرو، دانا تحب تقرا تصميم و انا موافقها عندها تصاميم كانت عملتهم من مدة و فيهم القديم خبات موهبتها خوف منكم ترفضوها😏اي سمعوني رايكم تره و لعلمكم الجامعة هذي يقراو فيها بريود و يعملولهم اختبار و الي ينجح يخرجوه لبرا و يعملولو معرض خاص بيه هو و تصاميمو و تعرفو مليح انو فرصة كيف ما هكا صعيب انها تتوجد و بالاخص للمبتدئين الي مزالو في اول الطريق..
-اسامة : دانا سبق من مدة طويلة لمحتلي عالموضوع و انا جاوبتها بالرفض خاطر وقتها هي مزالت صغيرة و ما عندها خبرة في شي و هذا كان راي امي زادا
-راشد: و توا بنتي كبرت و لازمها تعمل على روحها حست روحها انها تنجم تتحمل مسؤوليتها و مسؤولية قراراتها اكهو سي بون في بالي وقيت يا ولدي
-اسامة:الله يبارك يا كبيرنا هاني باش نمشي على خطواتك و ترد بالها تجيني مرة اخرى تتشكى و تحب تبطل و الا تعمل حاجة اخرى
-دانا:لا والله ما نجيكش و لا ترا منظري😢و زيد شريكاتنا هي الاولى فالنسيج و تصدير القماش علاه نجيبو في مصممين ندرا منين تو نقرا انا و نولي على ذمتكم
الكلهم ضحكو عليها و على تبهليلها😂
-عيشة: توا تكلمت انت يا لفعة😂
ايثار بجنبها عنقتها اول وحدة
-والله فرحتلك برشا يا روحي اوكا امورك مريقلة من غير ما نتدخل انا و نقول حرف قتلك مدام بابا راشد معانا ما تخاف من شي😛
-مدام الداخلية و الدفاع الكلو معانا لباس😂😂
مشات حضنت خوها و باست امها و قعدت حذاهم بالحق الفرحة مش سايعتها و مش عارفة كيفاه تعبر عليها مدام اسامة واقف كل شي باش يكون مسهل خاطر تعرف خوها مش باش يخليها و باش ياقف معاها في كل شي رغم كل شي
-ايثار: يا جماعة انا زادا عندي ما نقول
الكلهم تلفتولها راشد كان قاعد بجنبها شادلها يدها
-قول يا بنتي و بشرني بلي في بالي
-انا اونسانت و عندي برشا قعدت في كل مرة نكذب روحي و ما نحبش نشوف، عندي توا قريب 5 شهور و الي جاي طفل ان شاء الله😍
الكلهم فرحولها و قامو يباركولها راشد عينو زغللت بدموع الفرحة،الكلهم كانو يستناو في خبر كيف ما هكا يدخللهم الفرحة لقلوبهم ...
* * * * *
في ايطاليا ❤
الناس الكل على اعصابها فادين و لا حد طايق روحو،الايامات لف لف و العد التنازلي قريب يبدا و المهمة ما عاد ما مازاللها، جاد وجوزيف يثبتو و يعاودو فالمعلومات الي وصلتهم على اد جين يحاولو يلقاو حتى خيط صغير يوصلهم لحاجة ينجمو يبداو بيها،برشا استراس و برشا تخمام و زيد على هذا الكل التدريبات الي باش يبداو فيها من غدوة الحاجة الي زاد لخبطتهم و فرعستهم قاعدين يخسرو بيها فالوقت الي كانو ينجمو يستفادو بيه و يستغلوه في حاجة اخرى، ملمومين على الطاولة كل واحد يخمم من شيرة يحاول يلقى حل بطريقتو، في لحظة جاد تذكر حاجة هز راسو يحكي و عينو كلها امل و احلام انو هالحاجة باش توصلهم لطريق نهايتو ناجحة و لصالحهم، ضيق عينو كأنو قاعد يتذكر فالتفاصيل
-لحظة لحظة، نسيت ما قلتلكمش يا جماعة على حاجة تنجم تعاونا😇 تعرفو اني كيف مشيت حذا اليزا لدارها و قعدت توري فيا فالبيوت و ديكور الدار الي بالحق عجبني لفتت انتباهي بيت هي الوحيدة الي كانت مسكرة و يابهت مختلف على بقية البيبان قربت على نيتو باش نحلو اليزا قاتلي هذا بيرو خويا و فيه خدمتو و حياتو الكل حد غيرو ما ينجم يدخل، الاولاد حاسين معايا انو البيرو هذا مفتاحنا لكل شي؟و زيد كان صدقني ربي فما كلافيي والا تابلو بجنب الباب ابارامون الباب بخلاف المفتاح يتحل ببصمة اليدين والا بشبكية العين ما ركزتش مليح
-جوزيف: جاد وخي توا رجعتلك ذاكرتك علاه ما تكلمتش من قبل شوف قداه عندها الحكاية اكثر من شهر يا زحي😒 لازمنا نحلوها و ندخلولها البيت هذي اكيد فيها الي حاجتنا بيه و بالادلة زادا، و نتصور فيها بروقرامات على عمليات نفذها و مزال باش ينفذ
-جاد: الكلافيي و اك البيعات مهمة آزر اما كوبيي المفتاح الي عند اليزا لازمني نطيح بيها مهما كان و بسها راس آد جين يولي بين يدينا
_-ما نتصورش كان آدجين باش يعمل مفتاح عادي لباب وراءه كل اسرارو و حاجات تهزو للهاوية،هذا الكل مش مشكل توا جاء دور آزر و كل شي بيدو هو...
* * * * *
(حطواااا جااااام قبل ما تقراااااو )
الحلقة 9:
في الوقت هذا ازر كان يمشي ومش عارف وين هازتو ساقيه،ملي خرج من حذا الجماعة و العصب يهز فيه و يحط لتو لا هدا و ما يهدا كان ما يوصلل للي يحب عليه، للحظة أيس و قال سايي الموضوع وفى، وين يقول اخيرا كل شي تصلح وانو السنين الي عداهم فالمافيا جابو نتيجة يطلع غالط في حسابتو و تخرجلو مشكلة مالحيط، خصمو مش ساهل و ذكي برشا و الظاهر انو لعبة القطوس و الفار مزالت باش تطوال و مش عارف نهايتها و قتاه اما الا ما يجيه نهار و يحصل..
كان يتمشى عالبحر فد و ضهرو باش يروح خرج عالكياس بالك يلقى تاكسي خاطر كرهبتو راكاها بعيد و ماعينوش باش يسوق هو هكك و ايهم وقفلو بالكرهبوة طلع معاه ثنية كاملة ساكتين، هدوئ تام مسيطر عليهم كل حد لاهي في همو و غاطس في افكارو كان صوت كلب ايهم الي ساعة ساعة يشتت تركيزهم بنبيحو وقفو فالضو لين قرر ازر انو يحكي و يكسر هالسكوت و يخرج هو من دوامة افكارو
-راجع روحك مليح صاحبي و احسبها صح تخاف يفوت عليك الفوت و ترجع نادم و تقول يا ليت و وقتها تلقى روحك في متاهة ما منهاش خروج، اسمع صوت قلبك..😊
-آزر يرحم بوك ما تحكيش معايا بالالغاز والله ما عندي ليك مخ😓
-تعرف مليح شنو نقصد لذا من غير ما تبدا تسيب عليا فالتبهليل متاعك😏عاجبتك برشا و سالبتلك عقلك ما تبداش تحلل و تناقش برشا و تقرا في الف حساب لحاجات مش باش اتدوم،ننصحك اصدم ديراكت
-ساعات تندمني على النهار الي شجعتك فيه باش تدخل تقرا علم النفس😒 زايد مكش باش تبطل هالصنعة في قراية افكار العباد،تهد شوية يعطك هدة😒،خليلنا شوية خصوصية يا أخي 😂
-و شبيك رجعتو هذا مش على اساس باش ترجعو لمولاتو
-اي مشيت للدار ما لقيت حد عاودت رجعتو
-تي مش خذيت رقمها و كل شي
-ماللخر ما عينيش باش نرجهولها ستانست بيه الكازي و زيد مالي عليا الدار و عامل بيه جو😔
-اي احكي هكا ماللول مش تقلي مشيت و ما لقيت حد😒
وصلو لدار جوزيف عرضتهم ريحة الماكلة مالثنية قبل ما يدخلو،دوب ما حللهم جاد الباب دخلو و اتطيشو عالفوتاي كل حد في شيرة لقاوهم يطيبو فالفطور، جوزيف شاف آزر مشالو
-ااا هامل جيت،بكري ادز في صدرك و خارج و انا قلت خوه الكبير باش يقدرني و يقعد 😒
-ديزولاي دجو والله ماني في مخي بكري و انت كبشت صاحبي شعندي نعملك،كان لازم اني نخرج سي نو راني عملت كارثة
-جاد: اي يا جماعة باش اتدوروهالي ام بي سي دراما توا، آزر قوم بابا جاتك زردة كيف ما تحبها انت عندك باب يتحل بالبصمة و الا بشبكية العين مازلنا ما نعرفوش شوفلنا حكايتو كيفاه لازمنا ندخلولها البيت هاكي و انت أيهم سيب اك المكلوب من يدك لا نرزيك فيه من صباح ربي و انت مكبش فيه تقول ولدك 😒😂
قام آزر جبد البيسي و حلو
-جاد مزالت تتفكرو كيفاه والا،هاني تو نوريك مودالات بالك يعاونوك سي نو ما عليك كان تمشي لدار اليزا تصورو و تبعثهولي، ايجا تره شوف هاذم
قربلو جاد قعد يثبت فالتصاورو
-ارجع لحظة، اسمع هي تابلو صغيرة تشبه لهذي
-كيف ما توقعت عاملهم الزوز ،مسح بصامات و تحليل لشبكية العين
-اي شمعناها انا تو نمشي نجيب ادجين نقصلو يديه و نقلعلو عينو والا شنعمل😒
-ممكن تكون بصامات حد آخر اليزا مثلا..
هكا شي ما يصير توا ما عليك كان ترجع لدار اليزا و تبعثلي تصويرة للتبلو و انا من هوني نحل الشيفرة الي فيها و نحاول نحل الباب انت وقتها تدخل و تريقل امورك..
-جوزيف : اي باهي مالا متافهمين اليوم نرتاحو و غدوة فالليل عدنا تدريبات و بعد تو نشوفو كيفاه حكاية هالباب...
* * * * *
تعدا النهار اذاكا و جاء نهار جديد مش عارفين شنو مخبيلهم والا شنو جايب معاه، نهار مجهولة احداثو و تفاصيلو..
راقد على كرشو و الشمس ضاربتلو في وجهو تلملم شوية مضيق عينو باخل باش يقوم يهبط الريدو كالعادة لابس شورط و الباقي عريان يحس في حاجة تدغدغلو في وجهو حل عينو يلقاه الكلب تبسم و قام يتكسل و يحل في عينو بالسيف يحكي معاه و لاخر قاعد كان ينقز فوق الفرش و ينبح
-بونجور صديقي سافا.. اي والله حتى انا جعت هاكا علاه قمت..اسمع لحظة نعمل دوش بالخف و نعملو فيها فطور قمقوم انا وياك و بعد تو نشوفو شنو البروقرام😁
قام دخل يدوش و اك الكلب في جرتو قاعد قدام الباب يستنا فيه خارج لاف منشفة على نصو و شعرو يقطر بالماء😍 لبس دبشو غرق روحو فالبارفان و دخل للكوجينة حضر اوملات و قهوتو حط للكلب فطورو و قعد ياكل يخزرلو و يخمم
-اسمع صاحبي برجولية لازم اليوم نرجعك لمولاتك جيت نحسب فيها لقيتها ما تقابلش برجولية،صحيح انا حبيتك و تعلقت بيك و انت رجال و تسمع الكلام و محلاك😂اما لازمك ترجعلها انا مك تعرف الضروف باش نغطس فالخدمة و ما نلقى شكون يتلهى بيك و زيد ضميري انبني يعلم بيها ربي كيفاه الي كنت عندها مدام قايمة حرب عالفايسبوك بتصاورك الاكيد انها مستفقدتك و متعلقة بيك اكثر مني، و كيف ما وصيتك عاد ساعة ساعة افصع و ايجا بحذايا يظهرلي حسب الادراس الي حاطتها تسكن هوني مش بعيد اوكا شاخت عدنا ضربة ثنين باش تولي جايني، اي هانا كملنا الفطور انت مدوش و امورك مريقلة اي نقصدو ربي توا😘
هزو طلعو فالكرهبة بجنبو و قعد يلوج عالادراس بالجي بي ياس وصلو قدام فيلا صغيرونة محلاها الكلب ولا ينبح دوب ما هبط ايهم و حلو الباب نقز يجري، ما يعرش علاه حاسس احساس غريب اما هو مش مركز و مش عاطيه اهمية مد يدو نوقز على الدار و طبس على الكلب يحكي و يلعب معاه لين سمع الباب تحل قام من غير ما يشوف شكون قدامو و كانتلو صدمة زعزعتلو قلبو يشوف في اليزا واقفة قدامو حس قلبو خض في صدرو و شدتو فشلة في ساقو للحظة ترهوج اما فيسع لقف روحو و تكبس قدامها مش عارف شنو يعمل و كيفاه يتصرف قدام هالصدفة الي جمعتهم للمرة الثانية، يسمع فيها تكلمت بصوتها الدافي، هي زادا تحسها مصدومة و مش فاهمة شي اما الغريب فالحكاية ملامح الفرحة الي واضحة وضوح الشمس على وجها
-يااا أيهم 😃وينك سافا
-اليزا ما تقوليش انت الي حطيت البيب عالفايسبوك
الكلب حربها بالنبيح متاعو كيف شافها ديراكت نقز عليها، طبست عليه حملتو تبوس و تعنق
-يا روحي حمدلله رجعتلي خليتني وحدي والله خفت عليك برشا و بالي قعد عندك توحشتك يا روح ماما😍
خزرت لايهم الي قعد واقف ساكت اما رغم برودو مزال فما اثر لتبسيمة حلوة على شفايفو، قدمت مالفرحة مش عارفة كيفاه باستو من خدو و لصقت فيه عنقتو و في نفس الوقت قعدت تحكي
-ايهم مغسي مغسي ما تتصورش فرحتي برجوعو للدار، ما تقليش البريود هذي الكل و هو عندك!وين لقيتو
شاد روحو بالسيف البريود هذي الكل كان يحاول على قد مايقدر انو ينساها و ما يخممش فيها رغم الصدفة الي جمعتهم مرة كهو الا انها خذاتلو عقلو و كل تفكيرو بمقابلة وحدة خلات قلبو يدق و يرفرف كل ما يتذكرها و يتذكر تفاصيلها و كلامها و كل حاجة فيها، بوستها و بدنها الي لصق في بدنو خلات نارو تشعل و بدنو يلهب كانت لابسة شورط دجين مقطع شوية و قصير برشا معاه بروتال توب روز بيبي و شعرها الطويل الاشقر هابط على اكتافها و على طول ضهرلهاسموريتها الخفيفة و زروقية عينها الي كيف لون السماء رهوجوه و طيرولو عقلو، قداه قعد صابر على شوفتها و قداه شد روحو باش ما يكلمهاش و يتقابلو و يزيد يقربلها و يتقرب منها، المجهود الي عملو طيحتو هي توا فالماء بهالتعنيقة حاول يكون بارد و يكبس روحو على اذاكا شاف انو لازم يمشي فيسع
-امانتك رجعتلك نخليكم على راحتكم توا لازمني نمشي مستعجل شوية
ما ستناش انها ترجع عليه طيشلها تبسيمة و و وخر جاء ماشي فماش ما تطفى هالنار لشعلت فيه، شدتو من يدو و جبدتو لداخل
-امان ايهم تلقالي اعز حاجة عندي و توصل قدام باب داري و ترجع فارغ اوموان ادخل نضيفك حاجة والله عيب
مجرد انها تحكي تزيد تشعلو و تحرك فيه المشاعر و الاحاسيس الي قعد يحاول البريود هذي الكل انو يدفنهم و بيدها الي لامست يدو على غفلة فقد السيطرة على كل شي حتى على يدو الي سكرة الباب و دزها عليه عينو ظلامت قدام سحرها عجز انو يقاوم زينها و جاذبية عينها، ريحتها الي دوب ما حلت الباب و استنشقها و دخلت فيه و تغلغلت في اعماقو طيرتلو طرف الرزانة لكان شاد بيهم روحو، بدنو الكل قشعر بقربها ليه، بدنها الطري الي كان لاصق فيه حاسس بيه يرعش بين يديه، عينيهم الي كانت هايمة في بعضهم و ذابلة من قوة الاحساس الي جاهم على غفلة و فشلهم الزوز، كان لاصق فيها بكلو ادلها يدها لتالي وراء ضهرها و كابس عليها شوية انا هي مش حاسة بوجيعتهم قدام صوت دقات قلبها المسموعة الي قريب باش يخرج من بلاصتو، ريتم نفسهم القوي و صدرها الي كان يتهز و يتحط، شفايفهم الروز المحلولة شوية و ترعش و كأنهم فاستعداد انهم يتحدو مع بعضهم و يضيعو في متاهة بوسة ما منهاش رجوع، أيهم معادش فيه مالرغبة الي تملكتو و سيطرت عليه رغم محاولتو انو يبعد و يسيبها و يخرج اما بدنو و عقلو و قلبو و كل مافيه كانو يحبو عليها و رافضين ينساقو لاوامرو، هز يدو اليمين حطها على خدها يتحسس فيه، تغميضة عينها و هي تستخلا في ملمس يدو عليها خلاتو يفقد اعصابو و يحط شفايفو على شفايفها بكل الغل الي فيه و وحشو ليها المدة لفاتت الكل و يغوص فيهم و في حلاوتهم فماش ما تطفى هالحرب القايمة في داخلو و ينسى الدنيا بلي فيها...😱😍❤
كانت مصدومة مش فاهمة شي ملي قاعد يصير في لحظة لقات روحها بين يديه، مفجوعة مش عارفة تقعد خايفة والا تسيب روحها و تتفاعل معاه في هالبوسة لهبط بيها عليها و طيرها بيها لسابع سماء، من نهارت الي قابلتو صدفة عجبها، حلا في عينها و قعد في بالها ما فارقهاش خممت فيه برشا و تمنات تقابلو مرة اخرى، ستنات برشا انو يكلمها و يولاو يخرجو و يقربو من بعضهم اكثر اما ما كلمهاش و الي تمنتو الكل ما صارش، احساس غريب حستو و اكتشفتو لحظتها،اكتشفت قداه حضور جاد و وجودو في حياتها الايامات الي فاتو الكل ما خلاهاش تخمم في ايهم بالطريقة الازمة رغم اعجابها الكبير بيه، خلا حضور ايهم في بالها حضور شبه منعدم و ما يجي على بالها كان وقت تبدا ترسم والا وقت تبدا وحدها،فاقت من سرحتها و تبهليلها وقت حستو عض شفتها عضة خفيفة و العضة وجعتها و خلات برشا حاجات يتحركو فيها، حست بوجيعة بنينة في كرشها خلاتها تاخو نفس و تهز يدها الزوز ناحيتو، وحدة غرستها في شعرو من تالي و الاخرى على خدو لصقت فيه اكثر و تفاعلت معاه بطريقة مجنونة خلاتها تحير في روحها و تستغرب ملي قاعدة تعمل فيه..
أيهم كان في عالم آخر تماما و مش حاسس بالوضع الي هو فيه، قاعد مركز مع حلاوتها هي و بنة شفايفها الي طيروه فالسماء و كأنو في حلمة يتمنى ما يقومش منها و ما توفاش، يتحسس في بدنها الطري و ملمسو الحرير اليزا طيرتلو عقلو و خلتو يعجز لاول مرة انو يتحكم في روحو و يسيطر على الرغبة الي تملكتو،يبوس فيها و يعاود و في كل مرة يقوى بيه الاحساس و تقوى بيه الرغبة، اليزا هيجت الشوق الي فيه ليها،كل ما فيها رهوجو و دوخو و دخلو في غيبوبة ما فاق منها كان كيف حس ببدنها الي زاد لصق في بدنو و بيه زادت شعلت نارو جبد روحو شوية ياخذ في نفس مزال ما جبدوش و هي جبدتو ليها بقوة رجعتو لحضنها بكل استحقاق ،حس بيديها الي تغرست في شعرو و تحطت على خدو رخف روحو شوية وقتها دورتو و لصقتو عالحيط و لصقت فيه،حس بريتم نفسها الي قوى عالعادة و شفايفها الي تحركو و تفاعلو معاه،راسها الي غرستو في رقبتو و لسانها الي تعدي فيه عليها بطريقة قمة فالاغراء خلات عقلو يطير من راسو و بوساتها الخفاف الي هبلوه و شعلو النار الي كانت باش تطفى،نفسها السخون في وذنو الي زاد حركلو مشاعرو و كل حواسو اكثر و اكثر،معادش فيه هبلت و هبلتو معاه،حط يد على آخر ظهرها و نزل عليها بقوة و اليد الاخرى في رقبتها من تالي عاود دورها دزها عالباب و هبط على رقبتها يبوس فيها بقوة و بكل اللهفة الي فيه، غمضت عينها تستحلى فالاحساس الي عايشتو عضها بالشوية في رقبتها و من قوة احساسها خرجت منها آااه من شيرة زادت هبلتو و من شيرة رجعلو شاهد العقل و فاق بروحو شنو عمل،غمض عينو بقوة لاعن زهرو و القدر الي حط اليزا في طريقو و الي لازم يضحي بيها و ينساها على خاطر المهمة و على خاطر خوه و اعز صحابو😢ضرب يدو بقوة عالحيط و بالسيف هدى و طفى نارو، خذا نفس قوي جبد روحو منها بالشوية حل عينو و تلاقت بعينها الذابلة الي زادت رهوجتو، الزوز في عينهم برشا كلام منو الي تفهم و منو المجهول والي ما يتحكاش و لازمو يقعد في القلب،بعد عليها شوية يحاول يسيطر على قلبو الي مزال يدق بالقوي حط يدو في مكتوبو و كبسهم بقوة لين عرقو رسم تعابير البرود على وجهو تقول مش هو الي كان طاير في سابع سماء و عايش اللحظة الي تخيلها ديما و تمناها تصير و صارت،تقول مش هو الي قلبو كان يرفرف مالفرحة و دقاتو مسموعة قريب يخرج من صدرو، برشا تناقض و برشا نقاط استفهام ما عندهاش تفسير منطقي، تكلم بالسيف و خرج صوتو مبحاح زاد قوى رغبتو و رغبتها و رجعلو لحظة الضعف الي حاربها بقوة و فشل فالمحاولة
-سامحني..
ما ستناش تتكلم والا تقول كلمة ولا نجم هو يزيد يحكي و يوضح الي صار والا حتى يبرر موقفو والي عملو، بعدها شوية من قدام الباب حلو وخرج و خلاها مبهمة سارحة مش فاهمة شي و مش لاقية تفسير لحرب المشاعر و الاحاسيس الي كانت قايمة بيناتهم لحظات لتالي..
دوب خرج و ضربتو النسمة تنهد و تبسم تبسيمة هو بيدو مش فاهمها اصلا مش فاهم روحو و علاه تصرف هكاكا و عمل الي عملو،الحاجة الي ممكن يكون بيها صعب برشا حاجات على جاد و شتت بيها انتباه اليزا الله غالب مشاعرو كانت اقوى منو و تغلبت عليه ما نجمش يشد روحو اكثر من هكا في كل مرة و في كل فرصة تجيه باش يقابلها و يحكي معاها يفلتها من يديه بلعاني، قاعد البريود الي فاتت الكل يكابر و يكذب في احساسو،يكذب في قلبو الي ما فماش مرة جاء فيها خيالها على بالو ما زادش نبضو و ما حسش بتفويرة في بدنو،توا تأكد من صحة كل شي،تأكد من صحة شكوكو و حار في روحو و في قلبو الي عشق من اول نظرة... ❤
( الحلقة ما توصلش ل 100 جام مافماش كمالة)
(حطواااااا جااااام قبل ماتقرااااو)
الحلقة10:
تعدا الوقت فيسع و جا الليل،الليل الي ظلامو مالي الدنيا و منور قلوبهم رغم تعبها و صبرها،رغم حنين و وحش اشهرة تعدات عليهم اعوام..
الليلة هذي تعدات زادا و كانت ليلة طويلة على عالاولاد و هوما كل حد مطيش في شيرة كل واحد فيهم شاغلتو حاجة، المهمة الي يخممو فيها نهار و ليل و ساكنتلهم في قلوبهم تفكيرهم الي مركز على الف حاجة و حاجة و هذا غير مشاكلهم الخاصة الي مخليتهم متحيرين و متقلقين اما صابرين خاطر ما عندهم حتى حل آخر كان انهم يصبرو...
كانو ملمومين كيف العادة يبحثو على اي حاجة تنجم تعطيهم راس خيط يتمسكو بيه و يتناقشو على ادق كل التفاصيل الي عندهم،كل حد غاطس في حاجة آزر الي كان قاعد فالقاعة كيف العادة متربع الكاسك على رقبتو لابس ليناتو و مركز فالبيسي الي قدامو و صوابعو ما تتاراش ما كثر ماهو حاط مخو الكل و يفركس في حاجة ممكن انها توصلهم ل آد جين، جوزيف الي كان واقف و في نفس الوقت متكي على الطاولة في يدو كاس قهوة يحاول يصحصح بيها شوية و يحكي مع جاد الي كان قاعد و كل اذانو صاغية مركز معاه و مع كلامو الي يشرحلو بيها في الخطة الي عملوها باش ينجم جاد يدخل لبيرو آد جين، الوحيد الي كان همو هم آخر و عقلو مشوش و مشاعرو مفرعسة هو ايهم الي من وقت خروجو من دارها و هو يغلي دخلاني و يخمم ما نجم يحكي لحد فيهم مع انو محتاج انو يحكي و يفضفض و يفرغ قلبو الي يحس فيه باش يتطرشق،حضورو بيناتهم كان زايد خاطر كيفو كيفو عدمو كلمة يسمعها و عشرة لا وقت يقول لازمني نركز و نتبعهم لحظات و يلقى روحو رجع لدوامة افكارو و رجع يخمم فيها و فالاحساس القوي الي يعاود يتحير عليه و يحسو من جديد وقت يتذكر البوسة الي جمعتهم و وحدت مشاعرهم😍...
الوقت يجري ما حسو بشي زرقت عليهم الشمس و هوما كل حد مطيش في بلاصة، كان ممدود عالفوتاي الي مقابلة البركونة الكبيرة الي تطل على ساحة بياتزا نافونا و منظرها الساحر،هز روحو بالسيف و قام عمل دوش فماش ما يصحصح شوية و ينشط و يستجمع افكارو الي تبعثرت ليلة كاملة،نهار اليوم مهم برشا بالنسبة ليهم و ينجم يكون نهار الحسم و اليوم الموعود الي باش توفى فيه رحلة البحث على المعلومات و الادلة القاطعة الي كانت سبب جيانهم لروما، احداث نهار اليوم سوى كانت ناجحة او فاشلة النتيجة جاد هو الي باش يحددها و بيها يتحدد مصيرهم و مصير مهمتهم الي توا باش تبدا،اليوم لازمهم يلقاو طرف الخيط الي باش يتشبثو بيه و يوصلهم لآد جين و كل ما كان اسرع كل ما ربحو الوقت و كان لصالحهم اكيد..
كمل لبس ريقل امورو و هبط يلقى الاولاد قامو و جوزيف كالعادة يحضر فالفطور الي دوب شم ريحتو حس بالجوع قعد جنب آزر لكان ميت بالنوم بعد ليلة البارح الي عداها عالبيسي ،كان يحاول يصحصح و كل ما يتغمضو يرجع يحلهم بزربة كيف المرعوب من حاجة😩خزر لجاد على جنب
-ما علموكش تصبح 😒
-جوزيف:قليل حياء بلاهي شباش يجي منو😛
-جاد:صباح النور،سامحوني يا جماعة والله مكوفخ و راسي في حالة😩
-أيهم:صباح الخير
جاي يمشي يكر في ساقيه و بالسيف يحل في عينو جبد الكرسي و قعد
-آزر:يا والله عملة شهالحالة لا واحد فينا مصحصح كيف العباد جينا في النهار الي بيه الفايدة و بركنا رجع علينا تعب السهر و قلة النوم برا عاد توا شباش يحزها😣
-جوزيف:اي فيقولنا شوية عاد يا جماعة افطرو مليح فماشي ما ترجع فيكم الروح شوية، و انت جاد اليوم يومك يا فوق سابع سماء يا تحت سابع ارض اي حاجة باش تصير اليوم مهما كانت بسيطة هي بالنسبة لينا مسألة حياة او موت ركز مليح عيش خويا الزلقة بحسابها..
-جاد: ان شاء الله ربي يوفقنا و تتعدا هالغصرة على خير..نعرف كل واحد فينا بحكايتو و الاربعة جمعتنا حاجة وحدة و هي الانتقام،الانتقام من نفس الشخص و جمعتنا الصدفة و القدرة باش نكونو صحاب و يد وحدة ضد نفس العدو الي كان سبب في خسارة انسان عزيز علينا و سبب في تدمير حياتنا و حياة غيرنا😢
قام آزر من بلاصتو بعد ما سرح مع كلام جاد الي زاد حيرلو جراحو و خلا عينو تلمع لمعة شر مخبية وراء ماسك البراءة الي ديما على وجهو😈تبسم على جنب تبسيمة قوة توحي بنصر جاي،تبسيمة حلوة هادية بين الحسرة عالماضي الي تعدا و مستقبلو الي ممكن يضيع بسبب نفس الماضي الي لتو يتبع فيه، حاول يبعد هالافكار الي لا الوقت وقتها و لا البلاصة مناسبة باش يخمم فيها،قام و رجع مد اباراي صغيرة ترونصبارونت لجاد
-شد هذي حطها في وذنك ما تنحيهاش باش تعاونا إنا نتواصلو معاك و نوجهوك كيف تمشي لدار اليزا رد بالك تضيعها راهو من غيرها ما يصير شي،تره اقرب خلي نركبهالك و نجربوها
كمل آزر ريقلها و رجع قعد عالفوتاي بعيد عليهم شوية و على مشيتو جاد سرح و نسى روحو بدا ياكل مش هوني جملة و آزر ريقو شاح مسكين و هو يكلم فيه بالشوية يجرب فالفوليم متع الاباراي و لاخر شي ولا على بالو آزر طلعو العصب و وجهو حمار مالغش لا يزي فاشل و بالسيف يتكلم زيد كمل عليه جاد ببرودية الدم متاعو شخلاه ولى يعيط و يصيح😠 جاد تهز و تحط تفجع من صياح آزر الي طرشلو وذنو
-يعمبوك و بو تراب بوك يا كلب هكا وذني يا خرا😠
-طرش يشدك ان شاء الله و انت ما تسمعش ساعة و انا نبرح عليك و سيادتك مش هوني😡سي بون اوكا مريقلة
قام رجع حذاهم و مدلو تاليفون
-جاد:و هذا شنو زادا عندي تاليفوني😒
-آزر:تاليفونك خليه خوذ هذا تستحقو اكثر،كيف تجي باش تتدخل انزل عالبوطون هذي يخرجولك زوز سنون صغار تحطهم عالاكرون الي في باب البيرو باش انجم انا نحلك الباب و زيد فيه فلاش في صورة ما فما بيسي والا حاجة تنسخ المعلومات الكل فيه و فيه كاميرا باش تصور الي نستحقوه😉
-جاد:اوكي الزو،كهو سي بون معاد عندك ما تعطي
-آزر خمج مخو😂:الي مزال ما يتعطاش ليك انت صاحبي😈
-هامل زايد 😒اما يقول القايل كان تطلع الشيفرة الي باش تحطها انت غالطة و يطلع عمك آد جين حاط سيستام الارم للاكرون و تعمل هكا و تفزع الدنيا شعملنا و جاء مليح وقتها 😒
-ايهم:وقتها تهردت علينا يطيح كل شي فالماء و استنا عمك آدجين و تفرج فالعرض الي باش يعملهولنا وقت يفيق بينا 😂😂
-آزر :انت بلع فمك نعرف تكهناتك زبلة و اذا حليت عينك في حاجة عليها السلام و برا😒 جاد اخدم خدمتك بابا و خليني انا نخدم خدمتي و الستار الله كيف ما قال دجو ركز انت باش انجمو احنا نركزو و راهي الزلقة بفلقة شيحتلي ريقي برا الله يشيح ريقك يا هم 😧
(حطوااااا جاااام قبل ما تقرااااو)
كملو حكاو و قعدو فالصالة يقصرو فالوقت كل حد سارح في حاجة لا عندهم كلام يتحكى و لا ليهم خلوق باش يحكيو على هز جاد راسو قابلو ايهم هايم و سارح باين تاعب و مهموم و ظاهر انو يخمم في حاجة و ماخذتلو كل تفكيرو تقلق عليه عندو برشا ما شافش صاحبو بالحالة هذي تكلم فماش ما يغطس معاه فالحديث و ينسى همو شوية اما ما فيبالوش انو بسؤالو هاكا حير فيه الف جرح و جرح 💔
-يا جماعة حاسين كيفي انو فما حاجة ناقصة بيناتنا توا😕ايهم وينو اك المكلوب متاعك
-ايهم:(قحرلو على جنب)ماهوش مكلوب و مش متاعي،لقيت مولاتو و مشيت رجعتهولها ارتاحو😒
-جوزيف:صار هاكا علاه انت مش في صحنك و مدمر اللطف تقول ماتلك ولدك نعزيوك تقبل العزاء
-آزر:تي هاك ظهرت حساس صاحبي 😂
خزرلهم ايهم بالسيف هز فيهم عينو عطاهم تبسيمةصفرا و رجع راسو لتالي عالفوتاي خرجت معاها تنهيدة مالاعماق تحكي عالاجراح الي فيه الكل، بالحق فادد و مش طايق روحو قاعد في وسطهم حاسس بخنقة كبيرة و الدنيا الكل مش رافعتو،غمض عينو حاسس بوجيعة في قلبو الي وفات حكاية حبو قبل ما تبدا و تشوف النور يحب يحكي و يعبر و يطفي النار الشاعلة في جواجيه و حارقتو،يحب يطفيها و يبرد قلبو مش منجم،ممنوع انو يحكي و مالاحسن يقعد ساكت مخبي وجيعتو يبلع و يغص فالكلام الي واقف في حلقو و ساد عليه النفس،لازم يقوم و يخرج سي نو باش يعمل حاجة يندم عليها سايي معادش فيه يتنفس بالسيف تقول خانقينو،قام من بلاصتو فيسع عينو ذابلة باين على وجهو التعب
-انا مروح تستحقو حاجة قبل ما نمشي؟
الكلهم استغربو منو و دهشو فيه مستانسين بيه يفدلك و ينبر و ديما عامل فيهم اليوم يشوفو في عبد آخر قدامهم، آزر كان قاعد بجنبو حط يدو على كتفو يحاول يفدلك معاه
- شبي صاحبي😧نعرف ستانست بيه و كان مالي عليك الدار هك قاعد وين عندك تمشي،شنوا تو كلب باش يعمل فيك هذا الكل تي ما شاء الله ربي معوضك بزوز كلاب شارفين و يتكلمو زادا(يقصد في جاد و جوزيف😂)
-ايهم:(تبسم بالسيف) ميسالش والله لازم نمشي فاد و مش طايق روحي تستحقو حاجة كلموني☺
آزر حكاية الكلب ما تعداتلوش حس انو فما حاجة اخرى و متأكد انو اليزا فالحكاية قام حطلو يدو على كتفو معنقو و دخلو لبيتو صب زوز كيسان مدلو كاس هو قعد عالفرش و ايهم واقف مقابلو متكي عالطاولة الي عليها دبابز الوسكي، يد شاد بيها الكاس و الاخرى حاطها في مكتوبو يخزر فالفراغ سارح مش مركز في شي
-آزر: مممممم احكي نسمع فيك، لبودك هذا وراه حاجة😏شبي صاحبي
-ايهم: بستها ....😧
-😨😱شكون زادا😨لا عاد مااااا تقوليش الي في بالي،وقتاه تقابلتو و كيفاه و فين!
-والله انا بيدي مش فاهم شي في دين امها هالحكاية،كل شي صار فيسع و جا صدفة حاولت نخرجها من مخي الي سكنت فيه و كيف سايي قلت بديت ننسى و نرضخ للامر الواقع القدر لعب دورو و حطها في طريقي ..
-وانت جد بوك وين ريتها آمس مش مشيت باش ترجع الكلب للمولاتو
-اي و هاكا الي صار كيف خذيت الادراس مشيت للدار و اول ما نوقزت خرجتلي هي و انا خوك تصدمت و تحنطت في بلاصتي حبيت نمشي ما نجمتش ساقي ثقلت تقول تغرست فالارض،بالسيف تمالكت روحي و حافظت على ملامح وجهي،فرحت برشا بالكلب متاعها و بشوفتها ليا زادا و هذا كان واضح على وجها حكينا شوية على الصدفة الي عاودت جمعتنا كبشت فيا باش ندخل ما حبيتش قتلها لازم نمشي مزروب و عندي ما نعمل هزيت روحي و درت على اساس سايي ماشي😟
-آزر😦:اي و بعد شصار؟؟
-أيهم:تعرف اول ما ريتها قلبي خض في صدري حسيتو باش يخرج من بلاصتو و من قوة دقتو قلت سايي سمعتو و باش نتفضح و تحس فما حاجة،لبني العرق و بدني لهب(تبسم)كانت لابسة شورط و خلعة توب شعلتني يا آزر 😔قلت خلي نمشي قبل ما نعمل مصيبة و فعلا ما شديتش روحي و عملتها اول ما درت ماشي عاودت رجعت فيسع لصقت فيها و دخلتها لداخل و سكرت الباب و صار الي صار مالاول كانت مصدومة قعدت محنطة تحاول تستوعب ما تفاعلتش اما زادا ما رفضتنيش جبدت روحي شوية ناخو في نفس و ما خذيتوش خاطر في لحظة عاودت جبدتني ليها و لات هي الي مسيطرة عالوضع وقتها انا فقت على روحي ابار كلمة سامحني ما زدت معاها حتى حرف هزيت روحي و خرجت مصدوم و قعد قلبي معاها..
-يا والله احوال انت صاير فيك هذا الكل،هي عجبتك برشا و اكيد نزوة كيف غيرها و تتعدى
-مش نزوة يا آزر و مش كيف غيرها و مانيش نشوف في غيرها، انا توا معمي عالنساء الكل قد ما نحكيلك شنو حسيت مش باش نوصفلك و الي خلاني نعمل هكك نأكدلك انو ماهيش شهوة و كهو لا بالعكس حسيت احاسيس مش مفهومة صعيب اني نحكيهم،،اوووووف باش نهبل انا لازم نلقى حل لروحي سي نو باش يتشربك هذا في هذا و تدخل الدنيا الكل في بعضها و يطيح كل شي فالماء، فاهمني آزر؟؟ راني لا صبت نكمل و نصارحها خاطر متأكد انو حتى هي منجذبتلي بأي شكل مالاشكال و لا صبت نبعد و نقعد نتفرج و نعرف مليح انو جاد بالسيف عليه لازم يخليها تحبو و ما نحبش نتخيل شنو ينجم يصير بيناتهم💔
-والله شباش نقلك تحطيت في وضعية صعيبة برشا يا ريت انجم نعاونك،انا من رايي حاول ابعد و لعل و عسى تجمعكم القدرة مرة اخرى ما تعرش عالدنيا☺
-خلي نمشي انا توا معادش حامل روحي،تستحقو حاجة بيناتنا تاليفون و تو نرجع وقت جاد يمشيلها للدار..اي سلام..
(حطواااا جاااام قبل ما تقرااااو)
الحلقة11:
تعدا الوقت فيسع و جات العشية،لابسة شورط و بروتاال معاهم كونفارس عاملة شعرها كعكة واقفة قدام آخر تابلو ليها الي لازمها تكمل الليلة بأي طريقة كانت..
كانت متوترة و داخلة بعضها مش فاهمة شي راسها يوجع لا عندها افكار و لا الهام و لا عندها كيف باش ترسم،داخلة بعضها و مش فاهمة روحها عقلها مشوش مش منجمة تركز داهمها الوقت و كثر عليها الضغط ساعات قليقة تفصلها على اهم اول معرض ليها و التابلو الي عليها السر مش كاملة..
تنرفزت و فدت سايي معادش تنجم تزيد اكثر من هكا جهدها الكل وفى طيشت البانسو من يديها هزت كاس القهوة شربتو الكل فرد ضربة و قامت مشات للصالة طيشت روحها عالفووتاي كانت ساكتة ما بيها شي اتطرشقت بالبكا حست روحها عاجزة يديها تربطت لمت ساقها في بعضهم و قعدت تبكي بالشهقة، من شيرة الوقت الي داهمها و التابلو الي عليها السر فالمعرض مش كاملة و من شيرة مشاعرها الملخبطة الي ضيعتلها تركيزها فالرسم، تذكرت ايهم و الصدفة الي جمعتهم و البوسة الي وحدتهم الزوز و طيرتهم فالسماء نفس السؤوال يدور في بالها من لحظتها، علاه عمل الي عملو زعمة للدرجة هذي منجذب ليها و يكنلها مشاعر والا غايتو يوصل لحاجة اخرى و كانت هاكي بداية الاستدراج،راسها وجعها اكثر حركتو فماش ما تبعد عليها الافكار السلبية الي سيطرت عليها و زادت دخلتها في دوامة ما عندهاش نهاية..سارحة بافكارها تسمع فالباب ينوقز باخلة باش تقوم تحل و تشوف شكون اصلا ما عينها باش تقابل حد و ما عندهاش خلوق باش تحكي جيست تحب تقعد وحدها و تشوف حل لروحها و شنو باش تعمل فالتابلو قبل المعرض الليلة ما فماش نوم قبل ما تكملها،الناقوز عاود ضرب هزت روحها بالسيف و قامت تكركر في ساقها حلت الباب لقاتو قدامها آخر شخص كانت تتوقعو يجيها، صحيح خممت فيه و جاء على بالها برشا حبت تكلمو عالاقل تحكي معاه و يواسيها و تعرفو ما يخيبهاش اما يدها ثقلت عالتاليفون ما حبتش تقلقو و خصوصا انو قلها بلي هو فادد شوية باش يعدي النهار مع الاولاد..
وصل قدام دارها راكا الكرهبة و هبط ضرب الناقوز مرة و عاود بالثانية باش حلت الباب شافها واقفة قدامو تفجع من عينها الحمر المنفوخين و خشمها الاحمر باين عليها التعب و ظاهر بكات برشا، سخفو حالها و تحير عليها اما فيسع فاق
-جاد هذي فرصتك و ممكن تكون الوحيدة استغل الموقف مليح😈
رسم تعابير الحزن على وجهو قربلها شوية و كلمها بحنية و في نفس الوقت كوم كوا مفجوع و متحير عليها😏
-شبي عزيزتي لطف عليك
( حطواااااا جاااام قبل ما تقراااو)
دوب قال هالكلمتين ترمات عليه عنقتو بقوة و اتطرشقت بالبكاء تقول تستنى في جيتو و في كلامو
-شبي عزيزتي😢
زاد قوات فالبكية و كبشت فيه اكثر بيديها كيف الصغار،دخل بيها للدار و هي مزالت معنقتو و لاصقة فيه و هو محوطها بيدو،سكر الباب و مشى بيها للصالة قعدها عالفوتاي و قعد هو قدامها هبط على ركبتو و شادلها يدها، مهبطة راسها تبكي بالشهقة وبوجودو معاها شدتها هستيريا ما نجمتش تسكت يلعبلها على شعرها يحاول يهديها ما حبش يضغط عليها خلاها فرغت قلبها لين سكتت وحدها و هدات😢قاعد كان يخزرلها سرح فيها جات على بالو صغرونتو قداه توحشها،توحش يعنقها و يشم ريحتها، تمنى لو كان هي في بقعة اليزا توا راهو خباها عندو و دخلها في وسط ضلوعو و سكر عليها حتى لو ما يحملش يشوف دموعها اما تمناها في بقعتها يعرفها ما تلجألو كان هو و ما ترمي راسها كان على صدرو و ما تبكي و تشكي كان ليه،في كل مرة تجي على بالو و يخمم فيها قلبو يوجعو و يتقبض تشدو غصة في حلقو و مع كل ذكرى تقوى وجيعتو و يتخنق و هذا احساسو اغلبية الوقت و طول ماهي بعيدة عليه😢قطعلو حبل افكارو و رجعو للواقع صوت اليزا و هي تبكي بالشهقة مكبشتلو في يدو تحاول تحكي و غصتها مش مخلية الكلام يخرج😢😣
-ما عندي شي في مخي،..التابلو الي عليها الفايدة ما نجمتش نكملها و الافتتاح غدوة😢يااا ربي راني باش نهبل..تعبت يا جاد والله تعبت و فديت و كرهت روحي..قلبي تعب و حتى روحي زادا.. معادش عندي وقت جملة.. مش فاهمة شبيني و روحي حاستها ضايعة مني..مش منجمة نركز في شي..انت و هو..ضعت و ضعفت و ضليت طريقي..امان رجعني تهت وحدي ما عرفتش شنعمل😢..داخلة بعضي و ماعنديش غيرك..ما تخلينيش😢
تبكي و تحكي بالشهقة كلامها متقطع تنطق فيه بالسيف ترمات في حضنو و هو ما لقى ما يقول اصلا يفهم فيها بصعوبة مركز و يا دوبك كبتا حاجة من كلامها، يسأل في روحو شنو الي صار،شكونو هو ؟على شكون تحكي؟و زعمة حالتها هذي بالحق سببها الرئيسي التابلو الي ما كملش والا الشخص الي تحكي عليه و الا شنو بالضبط؟؟ قعد حاير و ما لقاش الوقت باش يدور الحكاية في مخو و يحاول يفهم شدتها هستيريا متع بكاء ما نجمتش تسكت قومها بالسيف قعد يمشي فيها غسللها وجها و قعد يحاول يهدي فيها لين هدات شوية
-ا عزيزتي سافا توا سي بون هديت؟ اوكا خليتك بكيت و فرغت قلبك توا يزي كون قوية و قوم معايا اي تحرك فيسع😊😍اي اي انا وياك توا بضحكة و لعبة باش نكملوها التابلو تعرفني ما نتحملش نشوف دموعك😊
هزها من يدها و دخلها للصالة الي ترسم فيها حطها قدام التابلو نحى الفاست متاعو و كل وين يخزرلها يطيشلها غمزتو الي تقتل فماش ما ينحيلها التوتر الي هي فيه حط روحو في بلاصتها سخفو حالها و بعيد على المهمة و على كل حب يعاونها، هز بانسو ليه و وحدة مدها ليها ريقل الكولارات و قعد يحكي معاها و كل مرة يجيبلها حكاية باش تحاول تفهم روحها و تفهمو على موضوع التابلو و شنو حكايتو و كيفاه تحبو يكون من كلمة لكلمة تفاعلو مع بعضهم و نسات هي همها و تعبها، تعدا الوقت فيسع لدرجة انهم ما حسوش بيه يحكيو و يفدلكو ما خلاوش حاجة ما حكاوش فيها..
حسها تعبت و شاف انو الوقت مناسب و لازمو يبدا 😈خزرلها و نفخ
(حطواااا جااام قبل ما تقراااااو)
لا عاد
-وه شبيك😨
-عزيزتي شوف الدنيا ظلامت و الوقت فيسع تعدا معاك ما حسيت بشي اكيد تعبت يا روحي
-اي والله قداه محلاه الوقت كيف يتعدا معاك ما حسيت بالتعب كان توا كيف حبسنا😊حلقي شاح
-حتى انا كيفك،اقعد ارتاح نعمل تنقيزة للكوجينة نجيب حاجة نشربوها و نجي فيسع لاحلى مرا 😍
غمزها و باس خدها و مشى خلاها تتبسم و طايرة بالفرحة قداه مرتاحة معاه و وجودو قربها و معاها ديما محسسها بالامان و الراحة و عاطيها قوة غريبة تخليها تواجه اي حاجة تتعدا بيها،حطت يدها على خدها و سرحت و في كل مرة تلقى روحها تقارن بين جاد الي ديما معاها و مرتاحة معاه و بين ايهم الي جمعتها بيه الصدفة مرتين و فالمرتين كهو سرقلها تفكيرها و احتل بلاصة في قلبها..
دخل للكوجينة جبد زوز كيسان صب فيهم الجي و طل شوية عليها من بعيد و رجع فيسع مد دبوزة صغيرة من مكتوبو صب منها في كاسها حركهم شوية و ريقلهم جبد تاليفونو كتب ميساج لأيهم و ركح الاباراي الي في وذنو مليح رسم تبسيمة تسحر على شفايفو و خرج يلقاها تخزر للتابلو،وقف وراها باسها من خدها و في نفس الوقت مدلها الكاس و قعدو عالفوتاي😈
-تعرف والله ريقي شاح هات هات😊
-و انا ريقي شاح باش لقيت الكيسان هاكا علاه بطيت عليك، اي اقعد ناخذو بوز اقعد حرثنا على رواحنا حتى احنا الالهام الكل صبيناه فيها التابلو😂
يحكي ياخي تثاوبو الزوز في نفس الوقت اتطرشقو بالضحك 😂كانو قاعدين عالفوتاي بعاد على بعضهم شوية قربتلو لين قريب تلصق فيه
-جاد مغسي انك معايا و مغسي انك دخلت لحياتي يا احلى صدفة فيها😘
تبسم على جنب و هز يدو مسحلها على طرف شفايفها بكل حنية يحكي و يخزر في عينها
-كانتلي احلى عركة في حياتي عركتي معاك يا لفعة،مغسي ليك انت انك خليتني ندخل لحياتك،لحياة احلى مرا و تملا عليا حياتي و تزينها بألوانها و ضحكتها الي تسحر كل من شافها😘
تبسمت هزت الكاس شربتو الكل فرد ضربة و حطت راسها على كتفو قعدو يحكيو لين ولات تحكي و كلامها متقطع بالنوم قام تكاها عالفوتاي
-عزيزتي نهزك لبيتك ارقد ارتاح و نرجع انا نكمل التابلو و نروح معادش وقت ديجا
-هزني لفرشي
حملها بين يديه و هي مكبشة فيه بيديها و ساقيها ما وصل بيها لبيتها كان سايي بين نومين و تحل في عينها بالسيف،حطها على فرشها و جا خارج شدتو من يدو
-جاد خليك ،،ميسالش تبدات اللليلة معايا☺
كان متوقع الطلب متاعها و في نفس الوقت حاير شنو باش يعمل وقتها تبسم و دخل بجنبها دارتلو حوطتو بيدها و قعدت تخزرلو حس بيدها تحت مريولو و طالعة لصدرو شنو باش يعمل جات ايثار قدام عينو عمرو لا خمم نهار انو يخونها والا يخزر لوحدة غيرها حتى بتفدليك مجبور انو يعمل الي قاعد يعمل فيه توا،مجبور انو يمشي مع اليزا فالخط و يشوف ماها وين يصب،العين فالعين مركزة معاه و مع ردة فعلو بعد الحركة الي عملتها،هو فاهمها كأنها تجس فالنبض كان هو سكت تو تكمل و تصير حاجة بيناتهم و كان رفضها تحاول تملكو بالسيف خاطرو هبلها و خذا عقلها،الوقت يجري و البنج لتو ما عطا مفعولو و هو فد ما لقى ما يعمل اما لازم يكسبو و يحاول يلاهيها بالكلام و شوية فازات ما بين البنج عطى نتيجة خلي ترقد و يقوم يكمل مهمتو فيسع الي يخاف كان تعكس اليزا توا و ما يمشيش معاها فالخط تصير حاجة تعكر سير المهمة و اتطيحلو كل شي فالماء، تبسملها هز يدو بعدلها خصلة من قدام عينها
-اليزا
-مممممم
-تعرف محلاك!،،،تعرف انك سحرتني!
-جاد..تعرف انك خذيتلي عقلي؟..جاد احنا شنو؟شنو علاقتنا و شنو اسمها؟قلي خاطر بديت نغرق فيك، بديت نعشقك...
(حطواااااا جااااام قبل ما تقرااااااو)
الحلقة 12:
سمع سؤالها ما لقى ما يقلها صحيح علاقتو بيها لعبة و هي مستهدفة مالاول منهم و مستخدمينها باش يوصلو لخوها اما عمرو لا ربط مرا بيه و لا باش يربط اصلا قلبو مش ملكو و روحو مش ليه والي قاعد يعمل فيه الكل توا جيست باش يرجع يعيش و هو فالاصل على قيد الحياة و يرجع لمرتو روحو الي ولات بروحين و قاعدين يستناو فيه مع نسبة امل ضئيلة بإنو يكون عايش على اذاكا ما يحبش يعلق لا اليزا و لا غيرها بيه باش ما يقعدش تحت وطئت عذاب الضمير، ضميرو الي صحى و تحير بدخول ايثار لحياتو،سكت شوية و تكلم بعد ما بدل الحديث و حاول يتجاهل و يتهرب من سؤالها😊
-انا ما قعدش عندي عقل من نهارت الي قابلتك و سحرتني بعينك و شعرك و شفايفك
يحكي و كل كلمة يقولها يمسلها الحاجة الي سماها وصل لشفايفها عدا صبعو عليهم و تصدم وقت لصقت شفايفها على شفايفو الي ما استحلات و اتطعمت كان شفايف مرتو و روح قلبو و صغرونتو ايثار ما تجاوبش معاها و اصلا ما نجمش يتجاوب و كأنو لسانو تعقد و شفايفو تحنطو قعد حابس لين حسها بدات تترخف بالشوية و طاح راسها على صدرو
قعد شوية و قام بعد عليها غطاها و ركحلها راسها عالمخدة خرج و سكر الباب و ديراكت للبيرو وقف قدام الباب الي تعب و ريقو شاح باش وصل للنقطة الي وصللها توا،النقطة الي باش تكون نهاية لمرحلة ما تنجم تكون حتى شي قدام مرحلة جديدة باش تبدا،الحرف فيها يعنيلو الحياة او الموت...
فالوقت هذا آزر و أيهم و جوزيف ملمومين يستنتو في اشارة من جاد لين وصلهم ميساجو انو سايي حاضر و ينجم يبدا رجعلو ميساج باش يعمل الي قالو عليه،جبد جاد التاليفون و لصقو عالايكرون الي فالباب و بيه وصلت اشارة لآزر الي كان يستنا في هاللحظة على نار باش يبدا خدمتو و بعد شوية بحث عرف نوعية الايكرون و الاجهزة الي محطوطين جنبها و نجم يفك الشيفرة و على اساس سي بون باش يتحل الباب طلعتلتو تابلو جديدة لازمو يعمل مسح بصامات و مسح لشبكية العين الي مش عارفينهم لشكون و المشكل انو المحاولة تكون مرة وحدة و الثانية توصل لآد جين بإنو فما اختراق امني لبيروه، الوقت يجري..جاد مكنو العصب و الاستراس قدام الباب و الاولاد حالتهم مش بعيدة عليه قعدو يخممو لشكون هالبصامات و هوني الزلقة بفلقة حاول آزر بمحاولة قبل ما يجربو حتى حاجة فماش ما يعرف نوعية البصامات و طلعو بصامات انثى و الانثى الوحيدة في حياة آد جين هي اليزا اختو..
جوزيف يمشي و يجي مالعصب،ايهم مخو محروق بين المهمة و الحالة الي هوما فيها توا و بين تساؤولاتو شنو ينجم يكون صار بين جاد و اليزا يعرف انو مش وقتو اما الله غالب ما ينجمش يتجاهل دقات قلبو الي قاعدة تزيد كل ما خمم فالحكاية..
آزر كل تركيزو مع جاد مقابلتو الينا الي التحقت بيهم روتار فماش ما تنجم تعاونهم بحاجة اما صار العكس،شوشت انتباه آزر و ضيعتلو شوية من تركيزو، الكلهم لاحظو الحاجة هذي و فهموها،في كل مرة وين يهز عينو تجي في عينها قاعدة فوق الطاولة مقابلتو اتدلوح في ساقها و تمضغ في شوينقوم😂 الي يشوفها يقول هذي لا علاقة بالطقس اما من داخل هي كيفهم ترحي و ماكلها العصب حطت همها الكل في هك الشوينقومة فماش ما تلاهي روحها، كانت لابسة دجين مقطع طاي هووت و بروتال توب ييضة بالقدر هي و السروال لامة شعرها كعكة كيف ما جاء ،سيب كل شي و قعد يخزرلها و سارح في تفاصيلها كانت كيف الصغار مركز معاها لدرجة انو ما سمعش جوزيف و هو يحكي معاه 😂
-آزر...يا آزر😠😠يا هم هوووووو😡
-هااااا شتحب
-وين كنت ياخي ساعة نبرح عليك
-شي ما بيني،شتحب
-تي شوف جاد شعمل الزح مكني العصب مزال فيا عرق اهوو باش يزيد يتقطع حتى هو
-الكلنا كيفك😒 كلمي روحك و اصبر هانا نستناو
ايهم قاعد عالفوتاي حاط مخدة في حجرو و رامي راسو لتالي مغمض عينو و كالعادة يسيب في بلادتو على آزر خاطر مشلق بيه و بخزرتو لإلينا الي من تحت لتحت😂
-آزر ركز فالبيسي الي قدامك بابا ،فايقين رانا وسع بالك صاحبي😈
قحرلو على جنب خاطر فهمو ما يزيش الاستراس الي راكبو و زاد كمل عليه ايهم ببرودية الدم متاعو،رجع حاول يركز ما نجمش صوت تكتيك الشوينقوم و ساقها الي تمشي فيها و تجي و البوستخالة الي في رقبتها و قريبة من صدرها الي تقريبا شبه عريان الروز الي عاملتو في شفايفها الصغار و خصلة شعرها الي مفددتها هابطة على عينها ضربة ثنين تنفخ عليها باش تطلع فالهواء و تبعد😍عصب المهمة و التوتر الي مكنو و هو يستنا في جاد الي مشى يجيب في اليزا و جوزيف الي خيط الصالة بمشيانو و جيانو كل هالتفاصيل فورولو دمو و دخلوه في حيط يحس فالدنيا الدور بيه و هو قاعد بين هوا و فضى صوت ريشة المنقالة في وذنو،صوت الماء و هو يقطر سايي معادش فيه تخنق حس بالهوا تقطع عليه نفخ بقوة و نحى الكاسك و شد راسو ولى يصيح 😠
-اااااااا يزي اسكتو..
(حطواااا جاااام قبل ما تقرااااو)
في لحظة كل شي جمد و تقطعة الحركة حتى صوت النفس معادش يسمع فيه الكلهم قعدو داهشين فيه يخزرولو مستغربين توا كان لباس عليه تكلمت الينا و يا ليتها ما حلت فمها😂
-شعزاك شقام عليك،لباس بابا
مسكينة مزالت تحكي قصى عليها ولى يصيح
-انت بالذات تسكت و تبلع فمك😠 ما نحبش نسمع صوتك😠 ركح كسرتك و قوم من قدامي و نحي اك الشوينقومة من فمك لا نقوم نلصقهالك في شعرك و اقعد كيف العباد مش لاصقتلي فوق الطاولة كالوزغة😠
الينا تصدمة فيه😨 ما لقات ما تقول باقي مزالت تستوعب في كلامو و تراجع في روحها شنو عملت حتى باش يصيح عليها هكك مالغزول كبست يدها في بعضهم و هبطتلو شاعلة عينها حمرا باش تتفجر عليه😂 جوزيف فيسع دار لأيهم و هز حاجبو😏
-ايواااش هي باش تلحم بيناتهم توا و اتطيح الارواح و شباش يحزنا عاد😑
-ايجا ايجا اقعد و تفرج عالعرض نلاهيو رواحنا حتى يرجع سي جاد حاجة و حويجة يعني😈
-قداكشي شمايتي يا راجل و قداش دمك بارد😒اما فكرة هانا قعدنا يا سيدي😂
واقفة قدامو هازة صبعها في وجهو راسها مرفوع بحكم هو اطول منها تحكي و تصيح سمها طاير فالسماء
-نعم نعم بابا عاود شقلت؟😠قلقتك؟عمتلك حاجة؟تشوحرتلك؟ تكلم تره..توا تطلب مني السماح😌
-نجوم السماء اقربلك قالو نطلب السماح😏اي قلقتني و انت لا ركحت لا ساقك لا جلغتك وترتلي عصابي بالشوينقومة الي اتكتك فيها الواحد ما يزيش العصب و زيد تكملو عليه
-هاي هاي اوووه ستوب صوتك هذا ما يعلاش عليا فهمت والا😠مش نخدم عندك والا قاعدتلك في دارك،اي تلم تلم خيرلك عندك مديدة تشري فالشبوك و انا ساكتتلك اما لهوني و يزي اكهو عاد تحليت فالعريض تلم😠
جوزيف و ايهم ينبرو عليهم و شايخين بالضحك،آزر سايي باش يتطرشق عليها و يسمعو في ميساج وصل طفاها خلاها واقفة تغلي و تكشكش و ديراكت جرا حط الكاسك و كلم جاد
-اااا وينك بطيت
-اسكت عليا ما تزيد حتى حرف😠باش تجيني جلطة يعنبو عمري و بو هالعملة، قلي تو شنو نعمل
-جبت اليزا؟
-امشي فيسع يا آزر قبل ما تقوم و نتهردو
-باهي اسمعني حطلها يدها كاملة عالايكرون و في نفس الوقت عينها مقابلة الزون الحمرا الي قدامك، توا الحظ هو الي باش يلعب دورو و على الله 😧
قالو هالكلمتين و سكت جاد زادا ما نطق حتى حرف الكلهم مكوكبين عليه فوق راسو تركيزهم و كل حواسهم فالبيسي يستناو فاللحظة الحاسمة و يديهم على قلوبهم،جاد كان اعظم منهم عمل كيف ما قالو آزر غمض عينو يستنا شنو باش يصير و فعلا يسمع فالباب تحل، حل عينو و كتم ضحكتو بالسيف مالفرحة تقول تحلو باب العرش اخيرا باش توفى هالحكاية و يرتاحو شوية،اخيرا باش يرجع و يشوف صغرونتو و يخبيها في حضنو😍هذا اول ما خطر على بالو ديراكت خمم فيها و حاجة طبيعية خاطر الي يعمل فيه الكل و كل هالتضحيات في سبيل انو تتلاقى عينو بعينها لحظة،في سبيل انو يتحسس خدها و يشم ريحتها،في سبيل انو يرجع و يغمض عينو و هو بين يديها و يرتاح من هم الدنيا يتطويو صفحة الماضي و يبداو من جديد...
فيسع هز اليزا لبيتها حطها في فرشها و رجع يجري دخل للبيرو يسمع في آزر
-جاد ما عندكش برشا وقت قدامك درجين قبل ما يعاود الباب يتسكر وحدو لازم تلقى كل شي اكيد باش تلقى بيسي اول حاجة تعملها ركب الفلاش و خليه يتصب و كمل لوج و الي تلقاه جيبو والا صورو..
الوقت يجري و لازم يكمل فيسع متوتر برشا لازم يريض روحو و يركز مليح برنشا الفلاش فالبيسي و خلاه يتصب و قعد يبربش لقى برشا حاجات و تصدم في برشا حاجات ما كانش متوقعهم، البيرو فلاه فليان صحيح لقى برشا ادلة موثقة و سيدييات اما باقي حاسس انو فما حاجة مفقودة و ناقصة تربث وقف في وسط البيت يدور و يحوس بعينو في كل تركينة و في ادق التفاصيل حط يدو في جنبو و الاخرى عداها على شعرو و نفخ بعصب الوقت غمو غمان و سايي قريب يوفى صوت الاولاد في وذنو و عينو الي قريب تحوال و هو مرة يدورها عاللبيت و مرة عالبيسي يتفقد فالفلاش فد و تخنق نحى الاباراي من وذنو حطها في جيبو و ما يعرش كيفاه ترهوج شوية اتكى على الرفوف الي وراه مرصفين بالكتب كيف دار لاحظ انو فما كتاب كبير خارج شوية هز يدو بتلقائية على اساس باش يرجعو لبلاصتو هو دزو و الرفوف تقسمو على زوز شيرة عاليمين و الاخرى عاليسار يرا في خزنة قدامو ديراكت صورها و بعثها لآزر
-آزر مزال درج كهو لازمني نحلها الخزنة حاسس فيها حاجة لازمتنا
-فيسع جاد الوقت يجري و الباب ممكن يتسكر في اي لحظة،ركز روحك النوعية هاذم عندك الحق في مرتين كهو باش اتدخل الكود المرة الثالثة تفزع علينا الدنيا بحسها😧
آزر يحكي و جاد مش معاه جملة يخمم شنو باش يكون الكود كتب آدجين خرجتلو الكتيبة روج معناها غالط مزالت عندو محاولة كهو لازم 6 حروف كتب بالفغنساي Elissa تحلت 😃لقى فيها اوراق جبدهم الكل و صورهم بالتفصيل رجع كل شي لبلاصتو طل عالفلاش يلقاه تصب نحاه حطو في جيبو يسمع في حس دار على غفلة يشوف فالباب يتحرك و سايي قريب يتسكر عليه جرا فيسع و تزرف هو خرج وصل قدام باب الصالة الي فيها التابلووات و تسكيرة الباب و الموسيقى الي عملها وخروج اليزا مالبيت هاذم الكل صارو فرد لحظة،وجهو لونو تخطف الدم جمد في عروقو و عينو قريب تخرج من بلاصتها دقات قلبو من كثر قوتها تهيألو انها وقفت،جات عينو في عينها و بانت ملامحها غريبة كيف الي فاق بحاجة و الا شد انسان بالبروفا يعمل في حاجة بالسرقة غمض عينو و رسم تبسيمة ما يعرش عليها كيفاه ترسمت من استراسو😊
(حطواااا جااام قبل ما تقراااااو)
الحلقة 13:
عزيزتي شبيك قمت سافا
هي تبسمتلو و هو طمان تقول كان هاز جبل على كتفو حسها مزالت مرهوجة بالنوم و مفعول البنج مزال منو شوية اثر هذي فرصتو باش يضيع الجرة قربلها حصرها مع الحيط و تلز باش يعمل حاجة فوق من قلبو،حط شفايفو على شفايفها يبوس فيها ما شدهاش بيدو خاطر حاطهم وراء ظهرو فيهم الاوراق الي هزهم ديراكت طواهم و حشاهم تحت مريولو...
حس ببدنها الي ترخف و يديها الي عنقتو حملها و رجعها لفرشها و رقد بجنبها كبشت فيه يسمع فيها تحكي
-جاد شكنت تعمل غادي
-(تفجع😨) وين عزيزتي
-الزح خليتك بجنبي ما لقيتكش قمت نلوج عليك نحسابك روحت😔
-(سمع كلامها طمان و رجع النفس😧)انت رقدت انا تبدلت عليا البلاصة قلت نقوم نكمل التابلو نلقى الماء وفى خرجت باش نجيب مالكوجينة ياخي عرضتني ازين و احلى مرا😍(خزر للوقت)عزيزتي انا لازمني نمشي معادش وقت اما نوعدك الصباح نكون عندك ديجا الافتتاح 10:00 كان لزم نجي نقيمك انا و نكملو شوية الخدمة الي فالتابلو مع بعضنا😘
-امان زيد شوية😔باهي عالاقل انا نرقد و انت امشي😢و غدوة كان تنجم قيمني بكري لازمني نكون فالمعرض قبل بساعة..
-اكيد عزيزتي،يلا ارقد ارتاح
راقد بجنبها تقول راقد عالجمر يستنى فيها وقتاه برك تغمض عينها باش يمشي للاولاد درج من زمان و هزها النوم من مفعول البنج الي مزال فيها قام فيسع لبس الفاست متاعو و خرج ركب في كرهبتو و مشى..
يسوق و يتبسم على جنب يحس في قلبو باش يطير و يرفرف فالسماء مالفرحة، تخيل برشا حاجات مالمستقبل و شاف برشا حاجات حبهم يكونو موجودين في حياتو الجاية مع ولدو و مرتو، بعد الي وصلو للي يحبو عليه مالمفروض توا ايامات قليلة تفصلهم على رجوعهم لتونس مجرد تفكيرو بالرجوع دقات قلبو دزادت و قوة عجيبة تملكتو لدرجة انو شاخ بالضحك شدو كريز يضحك بصوت عالي يجري بالكرهبة فالكياس كان يزيد شوية تو اتطير بيه، لقى روحو في ثنية البحر وصل راكا الكرهبة عالشط و هبط حل يديه ضربتو النسمة الباردة فاق و رجعت فيه الروح حاس حمل ثقيل انزاح من فوقو حس بحاجة كانت خانقتو و خايف منها و مشات على روحها، شاف الوقت لقاها قريب 1:00 اتكى عالكرهبة جبد تاليفونو و ديراكت حل الكاميراوات الي عاملهم فالفيلا عندو مدة ما شافهاش او بالاحرى تفادى انو يشوفها و يضعف اكثر ماهو ضعيف عليها و قدامها متوحشها لدرجة الموت يعرف و ينجم يتخيل قداه هي تاعبة و قداه متوحشتو و محروقة من بعدو و غيابو و الي حارقها و شاويها اكثر الشك الي عايشة فيه بين موتو و حياه..خرجولو البلايص الكل الي فالفيلا تفقد الامن و الحراس الي عاملهم لقاهم يخدمو في خدمتهم و متيقضين فالجنينة يرا في اثير و اسامة معنقها و قاعدين ندرا شيحكيو جبد تاليفونو لاخر كلمو يرا فيه كيفاه تكبس و تربث قدامها قدم ظهرو باش ما تسمعوش و هي بعدت شوية من حضنو
-الوس يا كلب😂
-دجو سافا
-ماشية معاك بابا قاعدين تتنسمو عالبيسين و رومنسية و عالم
-اي والله كأنك حاضر
-لا هاني نخزركم و مشاعري متحيرة يزي فيه البركة😒
-(يتلفت يمين و يسار😂)ياخي جيتو😃
-اكهو افضحنا 😑بلع فمك وهف و سايس على رقبتك نسيت اني مسركلها بالكاميراوات😉العودة على قريب ان شاء الله ما تضوي لحد..اي اكهو طير توا و سلم..
علق من عندو تعدا لسيلين يتفقد فيها لقاها في سابع نومة ديراكت بدل لبيت ايثار على اساس يلقاها راقدة ما فماش دارها الفيلا تركينة تركينة و هي لا ريحتها، لين وصل لبيروه و فعلا كانت مركزة ظاهر فيها تخدم الاوراق مفرتة و البيسي قدامها و هي من حاجة لحاجة عمل زووم قربلها اكثر،قرب لملامح وجها و لكل تفاصيلها الصغيرة و الكبيرة،عينها الي تلمع بالعزيمة و الاصرار و هي في قمة تركيزها، تبسيمتها وقت تكتب و الا تلقى حاجة و الظاهر انو تعجبها و تفرح بيها و حفرة الزين الي على خدها و تبان مع كل تبسيمة😍شعرها الي طايح على جنب و هي كل مرة تبعد منو الخصلة الي هابطة على عينها، صوابعها الصغار الي شادة بيهم الستيلو،تصويرتو الي في كواترو حاطتها بجنبها و ساعة ساعة تخزرلها و تسرح فيها، كل هاذم تفاصيل خلاو وجيعة قلبو تتحير و تزيد متشوق ليها و متوحشها قد صبرو على هالمهمة و اكثر😢، يرا فيها قامت ماشية ناحية البركون تبسم كيفاه تتكعبر كرشها الي كبرت و بانت تمنى يركع و يبوسها، كانت لابسة روبة بروتال بيضة و شعرها طايح على اكتافها وقفت تشم في شوية هواء و تتبسم لاثير و اسامة الي مزالو قاعدين حس بيها و بحزنها و حسرتها الي ظهرو باللمعة الي في عينها😢معادش ينجم لازم يسمع صوتها و ياخذ قوتو الي انهارت و وفات و يرجع ثيقتو في روحو كومبوزا نيمروها و قعد يستنا،مزال مركز معاها تاليفونها ضوو شعل فوق البيرو مشات ناحيتو تتكعبر و تبسم مع تبسيمتها وقت شافت الرقم الي سبق و كلمها منو بعد مدة بالنسبة ليهم طويلة
-وي......
(حطواااا جاااام قبل ما تقرااااو)
حرفين قالتهم، سكتت هي و سكت هو ما رجعش عليها هي تسمع في صوت موج البحر و هو يسمع في صوت انفاسها و يستحلى فيه بدنو رعش مش مالنسمة القوية لا،مالمشاعر و الاحاسيس الي تحيرو اكثر و تخلطو عليه و دخلوه بعضو
-توحشتك❤
تبسمت و غمضت عينها من وحشها ليه و لبحت هالصوت الي تعشقها..
-مش اكثر مني❤خذيت وقتك و زيادة باش كلمتني😢
- سامحني صغرونتي حقك عليا
-نستنا في رجوعك،،الفيلا فرغت و فرغت معاها انا
-موعود بعيونك و سحرهم على قريب ان شاء الله..و مكش وحدك خليتك مع راجل الدار بعدي😊
-يعني قريب..راجل الدار مزال ما شرفش لا هو لا انت😢
-مش واضح..اي صغرونتي امشي ارقد ارتاح
-نحبك جاد😍
-ايثار...
-ممممم
-افهم جاد مات و معادلو حتى وجود بيناتنا كان في قلوبنا
-جنازة من غير ميت و قبر من غير جثة يعني حي و بيناتنا
-على قريب تعرف العكس..نعشقك..❤
كانت آخر كلامهم قبل ما وفات المكالمة علق و معاها خرجت تنهيدة قوية قطعها جوزيف الي كلمو
-تي وينك
-مسافة الطريق
-سايس روحك..مزال عدنا ما نحكيو هيا.
طلع فالكرهبة و ديراكت لدار أيهم الي مزال قاعد هو و الاولاد و الينا يستناو فيه وصل حلو خوه الباب وقفو مقابلين بعضهم لمعة الفرحة الي في عينهم و على شفايفهم خلاتهم يحضنو بعضهم بقوة
-اخيرا فرجت يا دجو اخيرا
-حمدلله 😊
كمل عنق البقية و قعدو مد الاوراق لجوزيف و التصاور لآزر و الينا بعد ما تنابزو شكون ياخذ الاول😂 يحكيو عالخنار متع اد جين و المصايب الي عاملهم و مزال ما يعرف بيهم حد و تفجعو بضربة يدين جوزيف عالطاولة بالعصب بعد ما شاف ورقة مالاوراق
-يا جماعة مازلنا تحت الضغط و هالكلب مش باش يخلينا نرتاحو بالساهل
-ايهم:شبيك
-جوزيف(مدلهم الورقة و الكلهم تصدمو😨)تفرجو..
-آزر: تي هاو كارثة يااا ززحي تقطعت الرحمة كنت نتصورو في كل شي الا في هاذم
-جاد: مريض و كملت عماتو الفلوس😠 كيفاه توا شنو الحل؟
-الينا: لازم نتحركو فيسع و نلقاو حل،هو مزال يخطط اما على حساب هكا مزالو اقل من 4 شهور على هالكارثة الي ناوي يعملها
-جوزيف:اي حتى العدد مش شوية،اما شوفو هوني فما حلقة ناقصة وين و كيفاه و وقتاه هاذم الكل لازم نعرفوهم
-جاد: معناها مزال عدنا ما نعملو في روما يا احنا يا هو و الموت اهون مالخسارة في هالعملية..
-ايهم: و مزال عدنا ما نعملو مع اليزا😏
-آزر:يا جماعة توا ما يصير شي كان الصلاة عالنبي مازلنا كيف خرجنا من حرب اعصاب و غدوة عندي افتتاح المعرض ناخذو بوز نهيرين و بعد ساهل خلي واحد يريض مخو شوية
-ايهم :تو لازم عليك انت هالمعرض ناقص فلوس
-آزر:اي لازم و لوحاتي لازمهم يتباعو الفلوس مش ليا
-جاد: ايهم البريود الي عرفت فيها آزر و هالعادة بالنسبة ليه مقدسة و واجب عليه كل عام هكا الفلوس الي تجيه مالمعرض هذا مخصصهم للعايلات و الصغار الي تشردهم الحروبات و للجمعيات الخيرية..
-ايهم: اسمع ااا سيدك ولد المافيا ملاك
-جوزيف:بالضبط😂
-الينا تسمع في كلام جاد و مستغربة ما كانتش متوقعة حاجة كيف هكا من آزر و لا توقعتو انو بالانسانية هذي،خزرتلو جات العين فالعين تبسمتلو بحنية وقتها حس حاجة غريبة ناحيتها و كأنو قلبو كان ساكت و توا باش ضخ الدم في عروقو، رجعلها تبسيمة و فيسع دور راسو خاطر حس حاجة بيزار من خزرتها ليه و هو زادا كلي دخل بعضو شوية..
(حطواااا جااااام قبل ما تقراااااو)
الحلقة 14:
-جوزيف: اي يا جماعة كل حد يشد بلاصتو ارتاحو و الصباح رباح،الينا الليلة مش باش انجم نوصلك جاتني قضية اكيدة كان تحب هز كرهبتي روح بيها و الصباح بطبيعتك جاية للافتتاح..
ايهم تلفت لجاد الي قاعد مقابلو غمزو و ضحك ناوي عالشر،حمحم و طلح بحكاية مالحيط 😂😈
-كيفاه دجو في بالك بكرهبتي معدومة و عندي قضية اكيدة الصباح بكري ياخي تعطيني كلمة و تجبد بيا😠
-جوزيف:اما كلمة عطيتهالك متع دين بوك صلي على مولاك وقتاه حكيت معايا انت عالكرهبة من اصلو😒
جاد قاعد بجنبو نكزو بيدو و غمزو نزل على سنيه و قلو اسكت بالشوية و خزر لآزر وقتها جوزيف فهم البيعة😂
-ااااا اي اي والله نسيت،سامحني لنو حتى الكرهبة امبوسيبل،،مالا لازم واحد مالاولاد يوصلك مش معقول نخليك تروح وحدك والا في تاكسي
-جاد: انا تعرفوني كل ليلة شنبات نعمل دونك ما تحسبونيش ديزولاي لينا اي نقلكم على خير 😈
-ايهم: انا نستنا في شكون باش يجيني بعد ما تخرجو انتوما سهرية و فراقها الصباح😆، محتفل خوكم😌
آزر كان غاطس في تاليفونو يسمع فيهم اما مش مركز لين حسهم سكتو وقتها بدا يستوعب فالحكاية و شامها قارصة، هز راسو دهش فيهم😨
-ااا شعزاكم، شبيكم تخزرولي الكل لباس ماهو، (تلفت لإلينا)اسمع انت ما تبداش تخزرلي هكك و تتيتم و تذبلي في عينك و تعملي فزاتك الملائكية الكل ماني نعرفك لفعة، تعرفني نكرهك و انت زادا كيفي معناها طلوعنا الزوز فرد كرهبة راهو آخرتو كارثة و مصيبة😠،و انتوما من غير ما تقنعوني اني نوصلها اوكا عزري مسيب ما يتخافش عليها،انا نخاف على روحي معاها😒
-ايهم:يا آزر يهديك هيب نخليو طفلة تمشي وحدها عقابات الليالي لا من دينا و لا اصولنا و تربيتنا😒
-آزر ببرود:كان حرقك عليها الحليب قوم وصلها انت و ايجا سي نو بلع😑انا مش موصل و ما يحكي معايا حد اللفعة هذي نهايتها على يدي على ما قتلتني عرق بعرق و جابت عليا الماء😈
-الينا:بالك جيت نقرق بيك باش توصلني بابا و الا بالك ملوحتلك و نستنى في رحمتك هاكا الي مزال عليا كان توصلني انت والا نطلع معاك فرد كرهبة تي انا هوني و بالسيف حاملتك و اصلا شكون قلك انا مروحة بايتة هوني الليلة قوم انت روح😏
-اي مك عزري مسيب باش تبات في دار راجل
-تلهى في روحك،و مش وحدي الكلكم باش تباتو هوني و لا حد متحرك و لا حد باش يعتب عتبة الباب ما فماش مرواح و اذكا الموجود و الي عندو حاجة الليلة يلغيها و هذا آخر كلام عندي😌😈
جوزيف عرفها باش تلحم اكثر تكلم باش يقص هالمشكل
-يا جماعة صليو عالنبي شعزاكم عالحرف تكبشو في بعضكم، تو نباتو الكلنا هوني اصلا شمزال فيه الليل على غمضة سويعتين من زمان اتو نكملوهم و كهو
(قحر لأيهم و تكلم بالشوية) ريت عمايلك سي البغل برا عاد توا شباش يسكتهم هالزويز 😑
-😌انا الي عليا عملتو امورهم توا
-يخلي دار شرك كالسوسة يعطك وهف اكهو شعل النار و مد ساقيك تفرج😒
هوما هكك و دخل جاد فادد ديراكت طيش روحو عالفوتاي و تكلم بالسيف
-آزر و الينا شدو ببايصكم لا نفشخكم الزوز و نقصو حسكم مش وقت عرككم توا و انتوما النهار و طولو مشنعينها😒
-ايهم:شبيك رجعت مش قلت عندك ما تعمل
-ما نجمتش مخي تحرق و راسي باش يتطرشق وصلني تاليفون آخر و آد جين عندو ليستا طويلة عريضة بمصايب مزال ناوي باش يعملهم على قريب...
-آزر:ياخي لا يتعب لا يمل هذا ديما عندو مصايب شواطنو يخدمو في خدمة نضيفة بقلب و رب😑
-جاد:هاكي هيا خدمة المافيا
-ايهم: اممممم😒على اساس احنا كنا انظفو فالجوامع و نخدمو في مكة بلاهي بلعو الزوز😑
-جوزيف: لا عاد انتوما تبتو و تهديتو و هو ماشاء الله فيسع خذا عليكم المشعل و شد البلاصة،السيد رجع متحزم و حصدها الناس الكل لا خلا لا اخضر لا يابس.
-الينا:معناها توا لازمنا نعرفو شنو في مخو و شنو ناوي يعمل و منين باش يبدا و وقتاه و كيفاه
-جاد: الزوو المهمة هذي عليك شوفلنا يرحم بوك خلي الواحد يفهم روحو و يعرف كيفاه يتصرف..
زادو شوية و كل حد شد بلاصتو رقد بطبيعة كان آزر ما رقد و تهنى كان كيف وصل للي حب عليه،قعد للفجر تعب مسكين رقد على بلاصتو...
(حطواااا جاااام قبل ما تقرااااو)
صباح جديد و نهار جديد قام فيه جاد بآحاسيس و مشاعر و معناويات صفر ما عندو شي في مخو كان آد جين الي ولى يرقد و يقوم عليه،راسو باش يتفجر مالتخمام عمل دوش و دخل للصالة قعد على الفوتاي تاعب و مزال ناقص نوم و في نفس الوقت ما ينجمش يرقد تكى راسو لتالي مغمض عينو لكانت تحرق فيه هز يدو مسح بيها وجهو و كمل عداها على شعرو،حس بيدين تحطت على كتفو و هاليدين ما تكون كان يد خوه 😍
جوزيف زادا قام ريقل امورو و كالعادة دخل للكوجينة باش يحضر الفطور يلقى جاد قاعد قرب منو وحط يدو على كتفو بعد قعد بجنبو..
-صباحك يا شيطان
-صباح الفل،لا قعد فيها لا شيطان لا عفريت ايثار قامت بالواجب و ربي هز متاعو😏كان مازلت شيطان ما يجيش واحد كيف آد جين متع زحي و يحل فينا هالحرب
-كلها اسباب لطريق صحيح و حياة جديدة،الصبر باهي و مصيرو يوفى كل شي و يتعدا و فالاخر يقعد كلو كلام.
-ان شاء الله..خلي نشوفو آزر شنو عمل و و وين وصل البارح ان شاء الله لقى حاجة تفيدنا
-مدام رقد على بلاصتو ما يكون كان لقى حاجة والا راهو مزال يلوج
-اي خلي نقوم نحضر قهوة و نعمل سيقارو راسي زنزن
شوية و قامو الاولاد بعد ما جوزيف قيم القيامة بصياحو تلمو عالطاولة يفطرو و جاد جبد فلاش ديسك وصلو البارح و فيه معلومات مدو لآزر باش يضوف شنو محتواه و بعد البحث الي ما رقد آزر كانما كملو و بعد برشا استنتاجات و ربطان خيوط و برشا تخديم مخ ما تعدات نص ساعة كان ما آزر لقى كل شي..
-جوزيف :كملتشي يا آزر يهديك
-اي سي بون، الي لقيتو مش باش يعجبكم
-جاد :شفما زادا آش من كارثة اخرى
-البارح اخترقت موقع مافيا تابع آد جين و طحت بليستا طويلة عريضة ..
على جيان الينا الي مزالت كيف قامت تمشي و تتنهد و مجرد انو شم ريحتها الي سبقتها اعصابو توترت و مكنو العصب من لا شي 😠😂😂
-صباح الخير يا جماعة، تلعب عليا الدوخة و نفشل كيف نتفكر اسمو هالكلب في سيرتو عالصباح يا رسول الله
هي قعدت و هو يتشوحرلها على جنب يهو فيها و يحط و اكيد ما يتعدالوش الحال طيب و ما يتهنى و يبرد قلبو كان كيف ينبزها😂
-تلعب عليا الدوخة و نفشل(يقلد في صوتها) شمجيبك هنا اصلا طفلة كان جات الدنيا دنيا راك عاملة دار و صغار شادة جنبهم و لاهية بيهم مش قاعدة وسط الرجال و زيد عميلة😑
كالعادة جاوبتو ببرود و كلامو ما حير فيها حتى شعرة و لا اثر فيها
-و انت شمدخلك بابا..لاني معرسة و لا جايبة صغار و لا عندي هالبرنامج في حياتي من اصلو..ارتاح😏
-جوزيف:يا ربي صبرك منهم هالزويز مزال صباح يا ربي العمال عليك، آزر ابدا احكي شنو لقيت راهو الواحد على اعصابو و زيد الجماعة فالثاعدة يستناو منا في معلومات باش يبداو معانا فالخطة الي لازم نكونو فيها الناس الكل جنب لجنب من غير وحداتنا ما يصير شي و عددنا احنا اكيد ما يجي شي قدامهم..
-آزر: باهي اول القائمة للاسف باش تكون تجارة اعضاء 😢بعدها عندو صفقة تهريب مخدرات بينو وبين جماعة اوكرانيين .. بعدهم عندو مناقصة سلاح و اخيرا عملية سرقة من بانكا امريكية مشترك فيها مع واحد من اخطر المجرمين ايهم: اوووه على بابا شباش يسلكها نعانيو في واحد باش يوليو زوز
جوزيف: مش هاذي المشكلة ..كيفاش نوصولو لادجين وهو محاوط من كل ناحية والي يحيرني انو متخبي في بلاصة ما يسمعش بيها الجن الازرق ..
-آزر :عدنا حل وحيد فيه شوية ريسك اما مش باش يصعب عليك جاد ديجا عايش التجربة و كنت فيها،شنو رايكم ترجعو لتجار المخدرات هكاا يسهل عليكم الوصول لادجين ..
(حطواااا جاااام قبل ما تقرااااو )
الينااا صفقت بيديها 😃
-اي والله فكرة .. ومن صفقة لصفقة حتى توصلو للراس الكبيرة..
هوما يحكيو و جاد ساكت يخزرلهم ببرود -سي بون كملتو هدرتكم انجم نحكي😒 (تلفت لأيهم) شقولك اعطينا رايك
-أيهم فكرة ازر تنجح عجبتني .. اما ادجين مش بهيم و دغفة لينا هوني لازمنااا واسطة
-جاد: اي يا جماعة الوقت وفى نحكيو فيه مبعد ، آزر اي قوم لازمك تكون فالمعرض انا نمشي لإليزا توا و نتقابلو غادي..
* * * * * *
واقفة على حافة الجبل روبتها ترفرف وراها من قوة الريح و كرشها قدامها ملامحها باردة باهتة مش مفهومة تفاصيلها و لا شنو قاعدة تخمم تخزر للانهاية،للفراغ،قلبها مطمان اما دقاتو قوية و في نفس الوقت حرب قايمة داخلها و نار لاهبة في كنينها،مخنوقة تحب تبكي و ما عندهاش دموع تحس في عينها شايحة،كانت في قمة التناقض،في لحظة تتقلب و تترسم تبسيمة شر على شفايفها، تبسيمة ثيقة و اصرار و انتقام ما تعرش من شكون و لشكون اما متأكدة انو هالتبسيمة ليها هي و هالانتقام من روحها مش من غيرها،هذي هي نفس البلاصة الي فقدت فيها روحها و توقف فيها قلبها و نسات فيها طعم الفرحة و خسرت اغلى ما تملك،خسرت الانسان الي وفات حكايتها معاه و هي في اوج بداياتها،نهارتها كل شي تقلب في لحظة و في لحظة كل معاني الفرحة تقلب حزن،من روبة العرس البيضة لروبة الجنازة الكحلة،من تهاني العباد و فرحتهم ليها لتقبلها لكلام الحزن و العزاء،من دنيا ملونة بالفرحة و البهجة لدنيا ظلام و خنقة و حزن،،زادت في تبسيمتها و قدمت خطوة طيشة روحها من فوق الجبل بالنسبة ليها العيشة من غيرو الموت اهونلها و ارحم من لحظة ما تشوفش فيها عينو و ما تتبسمش شفايفها لتبسيمتو.. تحرك في راسها يمين و يسار، وجها الاصفر الي تخطف لونو و نشف مالدم ،خصلات شعرها الي لصقو على جبينها مالعرق،انينها و ضعفها و ضعف صوتها،،حلت عينها و قامت تصيح مفجوعة تمس في روحها و الحمدلله هذا الكل كابوس من الكوابيس الي تقوم عليهم كل صباح من نهارت الي توفى توا سنين،نفس الوجيعة و الفجعة و القلق و الحيرة الي تقوم عليهم كل صباح، ولات تتهرب مالنوم و تخاف ترقد،مش خايفة مالموت بقدر انها تخاف تموت و في اعماقها احساس قوي يقلها مزال موجود ومزال الوقت و مزال عايش❤
(حطوااا جااام قبل ما تقراااو)
الحلقة 15:
قامت شربت شربة ماء و اتكات عالفرش تململت شوية عدات يدها على كرشها مع تبسيمة تسحر صبحت على ولدها😍
-روح ماما صباح النور قمت😘سامحني مرة اخرى خاطر فجعتك،اي نعملو دوش و نلبسو و نمشيو نمميو اكيد جعت 😍
قامت ريقلت فرشها و دخلت عملت دوش صحصحت شوية،كملت شيحت شعرها لبست و هبطت تتكعبر فالدروج قابلتها تصويرتو الي فالحيط تبسمت بوجيعة لفقدانو و بعدو و لهالامل الصغير الي مزال فيها انو عايش و موجود،تلقى الجماعة قاعدين على طاولة الفطور باست سيلين و اختها و صبحت على اسامة و قعدت
-اسامة:بطة كحلة انا ما نتباسش😒😂
-ايثار:😂😂😂هاو بدا يتضومر عالصباح
-اثير:ههههه يزي عزيزي سيبها، ايثار شبي عزيزتي متقلقة موجوعة من حاجة؟
-ايثار:لباس جيست نفس الحلمة الي نقوم عليها كل صباح و كهو😓و زيد نخمم عالخدمة
-سيلين: ووه يا بنيتي لتو ما لقيتو هالمستثمر
-ايثار :لتو يامي،هاني نستنى مالمفروض اليوم عندي مقابلة مع واحد منهم صدقني حتى دوسيه لا حليتو و ريتو و لا نعرف شكونو و منين على اذاكا لازمني نمشي بكري للشركة نراجع حسباتي شوية،المشكل انو الي يجي يا تكون فلوسو ناقصة يا عندو مشكل فالسوق و احنا نلوجو على هاذم الزوز و زيد على هذا الشتاء عادك بيه دخل و نورمالمون نكونو بدينا في موديلات السنة اما وين يا حسرة زهري و نعرفو حتى المصمم فسخ عقدو معانا،معادش وقت جملة😧
-اسامة: تستحق حاجة،نشوفلك مصممين ملي نعرفهم
-ايثار:المشكل مش غادي،احنا نحبو مصممين شبان صاعدين و مش معروفين،نحبهم يكونو لشركاتنا كهو و كان ناقصين احنا نزيدو نأطروهم و يتعرفو بينا احنا و معانا، حكاية المصمم تنجم تصبر المهم توا نلقى مستثمر😦خلي نقوم انا معادش وقت،اسامة بالله كلم سامر يخلط عليا نطلب فيه شكلو مزال راقد
-اسامة:اوك عزيزتي ربي معاك رد بالك على روحك،ان شاء الله تخطف مع هذا
قاالو ان شاء الله و قامت هزت ساكها طلعت في الكرهبة و مشات،الف حكاية و حكاية في راسها، تفكيرها ياسر مشتت، خايفة و مرعوبة ما تعرش من شنو بالضبط تخلطو عليها برشا حاجات و ما عادش تعرف لا كيفاه تتصرف و لا شنو تعمل،حبالتها، موت جاد المزعوم و بعدو عليها،الشركة الي بدات اتطيح بعد ما رجعت وقفتها و رجعتها للسوق و رغم الي حبو يعاونوها الا انها رفضت و اصرت انها تعمل كل شي وحدها فاللخر ماهو الا رزق اولادها و رزق جاد الي تعب عليه باش كونو و هي لازمها تتعب و تشقى باش ترجعو كيف ما كان و خير ملي كان و توصل عي و توصل الشركة للمراكز والمراتب الي تخططتلهم و تحب عليهم..
(حطواااا جاااام قبل ما تقرااااو)
تسوق و تزرب شاردة مش مركزة فالطريق لدرجة ما سمعتش تاليفونها ينوقز و على تلفيتت عينها تشوف شكون يطلب و عاودت هزتهم للطريق تلبكت و دخلت بعضها وفقدت التركيز اكثر ما تعرش على روحها كيفاه ضربت فران بقوة و تخضت في وسط الكرهبة و حمدلله نجمت تسيطر عليها قبل ما تدخل في كرهبة اخرى، خافت شدت كرشها مالفجعة غمضت عينها تهدي في روحها و في بدنها الي ولا يرعش تسمع في صياح و ترا في راجل جاي ناحيتها ندرا فاش يحكي و كشاكشو خارجة غزلت و طلعها العصب نحات الشانتير و هبطتلو😠
-يعبو الي علمك السياقة،تي ماهو كي ما تعرش تسوق شد بلاصتك و ريض ما تبداش تفلم علينا سمعت للا ملا حالة فيكم
-اوووه صوتك ما يعلاش عليا يا سيد عالاقل انا شردت شوية اما انت بابا الي لا يزي ماشي فالانتردي و زيد خارجلي من زنقة لا زمرة لا ندبت على سعدك الراقد،يعمبو الي عطاك البرمي سخانة تجيك نورمال انت بالك مسيبة هي و الا البلاد على قرنك،في عوض ما تطلب السماح جاي تتمرجل عليا،لا يزي غالط و زيد على الفجعة الي فجعتهالي ما نشكي بيك نسيب الي ورايا و الي قدامي و نتلهى بيك يا انا يا انت اليوم😠
هزت تاليفونها تكلم في الشرطة😂
-لا خوفتني للا و انت على تطويلة لسانك برك الي ما نشحتفك و نمرمدك اليوم فالمراكز
هز حتى هو تاليفونو باش يشكي😂 و لحمت و طلعت بيناتهم للسماء تعاركو و ما خلاو ما قالو لبعضهم خلاتو يغلي و يكشكش وحدو طلعت في كرهبتها خلتو و مشات للمركز الي كان قريب مالبلاصة هاكي وصلت قبلو قابلت رئيس المركز و اول ما قالت اسمها و عرف انو هي مرت جوزيف دخلها للبيرو قعدت ضيفوها و فرحو بيها، و بعد الترحيب قعدت تحكيلو عالمشكل و هي تغلي هوما هكك و دخل عون بعد ما دق الباب
-سيدي، سي جواد يحب يقابلك
خزر لإيثار و تبسم
-كان ما فماش مشكل نستقبل ضيف فالغادة ما يطولش😊
-اي تفضل خوذ راحتك
تلفت للعون و قالو خلي يدخل و غادي كانت الصدمة 😂هو دخل و قامت حرب اخرى فالبيرو لا واحد فيهم حب يسكت هو يقول و هي تقول و رئيس المركز حار بيناتهم و ريقو شاح ما كثر ما صاح و حاول انو يهديهم و هوما مش معبرينو و مش ضاربينلو حساب كان ما ضرب عالطاولة بقوة باش سكتو😠
-شعزاكم اسكتو،ماكمش صغار تقول عليكم في روضة😠
سكتو الزوز و بلعو لسناتهم تقول مش هوما لكانو قالبين الدنيا،قلهم تفضلو اقعدو هي رجعت لكرسيها و هو قعد مقابلها و يتشوحرو لبعضهم😒
-مش لازم تتكلمو فهمت البحث و ديجا هاو باين و كل شي واضح لذا تسلمو على بعضكم و تهزو رواحكم و تخرجو خاطر مش باش نسجل حتى شكوى ضدكم الزوز معرفة و الزوز عندكم عليا فضل كبير لذا عيشكم ريضو رواحكم و وسعو بالك و كان تحبو تعويض انا نعوضو اكثرشي من هكا😧
تكلمت و هي تخزرلو مقابلها تتشوحر و تهز فيه و تحط بعينها كان تلقى تنقز عليهتاكلو بسنيها على ما غششها و ركبلها الغزول 😠😑
-هاني باش نطفي الضو على الفجعة الي كليتها و وقتي الي ضيعتهولي و ان شاء الله نلقاك قدامي مرة اخرى الا ما نفتفتك 😠سي سليم سامحني لازمني نمشي عندي رينيو مهم برشا و هذا مش لازم نسلم عليه😏
(حطواااا جاااام قبل ما تقرااااو)
قامت و هو قام في جرتها
-اي هكاكا زيد طول لسانك اما مش باش نرجع عليك خاطر مرا
-لا خليت الكازي بابا😒فما حاجة مازلت ما قلتهاش و انت تصيح و صوتك يلعلع لا حشمة لا جعرة بلاهي برا فوتني و خليني رايضة هالصباح😑سلام..
هزت روحها و خرجت و خلاتهم باهتين الزوز😂رجع جواد قعد و يحكي بصوت عالي
-ملا حالة و ملا هي الي يشوفها يقول ملاك هابط مالسماء و هي لفعة،اببببب مطول لسانها الي يغلبها يجي يحاسبني،حريقة هذي حريقة و نار مقدية في كل شي😈
-حتى انت وين طحت😂رد بالك مش الي يجي هذي و مش تابعة الي يجي،ما تسرحش برشا و خليك في جوك،نصيحة
-تي محسوب شكون هي
-ننصحك ما تعرش خير
-خلي نقوم نمشي انا معادش عليا وقت عندي رينيو لازمها اتم اليوم تعطلت فيها برشا، بيناتنا تل العشير.. سلام😉
خرج حتى هو طلع في كرهبتو اما ما مشاوش من نفس الثنية هو وصل قبلها و هي تعطلت شوية فالسركيلاسيون دخلت للباركينغ متع الشركة تلقى بلاصتها فيها كرهبة زيد طلعها الدم و الكرهبة مش غريبة عليها😲
-ووه ووه تي هذي مش كرهبة اك المتخلف الي ما يتسماش شمجيبها هوني يطلعشي يتبع فيا😳،لا لا ما نتصورش اصلا انا خرجت قبلو
نادت لعون مالشركة بعد الكرهبة هاكي باش نجمت تراكي هي كرهبتها و دخلت،لابسة جيب و حجاب بلون،مريول ازرق،بوط كورت نوار و ساك مارون و فاست نوار شادتها في يدها😍 تمشي فالكلوار و كالعادة ضحكتها مش مفارقة شفايفها رغم العصب الي بدالها مالصباح و التشحتيفة الي تشحتفتها جرت اك المتخلف صبحت على الناس الكل وصلت وين السكرتير متاعها
-صباح النور مجد
-نهارك زين مدام،سافا
-حمدلله،جيبلي دوسيي المستثمر الجديد
-حطيتهولك على بيروك من آمس و ديجا وصل و يستنى فيك
-اوووه الله غالب روتار اليوم مش لازم نشوفو الدوسيي معادش وقت خلي نبدا فالرينيو باهي مالا شوية آخر نركح اموري و قلو يدخل و كلم مسيو سامر يخلط عليا لازمو يكون حاضر😊
-اوك مدام
دخلت ريقلت امورها شدت بلاصتها خزرت لتصويرتو الي عالبيرو بجنبها عدات يدها عليها تبسمت بوجيعة و دارت بكرسيها للبلار الفيماي الي وراها تخزر للماشي و الجاي الكقس الي كان مسحب شوية و نسمتو الي ترد الروح و الي حيرت فيها برشا احاسيس و برشا ذكريات،غمضت عينها مش مستعدة لحرب الافكار الي تتصارع في مخها حركت راسها شوية محاولة منها انها تنسى او تحاول تتناسى كأنعا تشتت فالذكريات الي تجمعت داخلها و ما تحبش تعاود تحس نفس الاحاسيس و الوجيعة الي رغم انها موجعة اما بنينة و محلاها،حست المستثمر بطى رغم انو موجود فالشركة قامت ناحية الباب باش تشوفو بما انو مجد يحضرها في قهوتها،تمشي هايمة مش مركزة مليح هي حطت يدها عالبوانيي متع الباب و الباب تحل تفجعت و بعدت باش ما تتضربش فقدت توازنها شوية مالت عالحيط و هو فيسع لقفها، جات بين يديه و في حضنو لاصق فيها،العين فالعين،الانفاس تخلطت ذاب في سحرها و قلبو دق....😍❤
(حطوااااا جاااام قبل ما تقرااااو)
الحلقة 16 :
..................
(لبنات باش ما تتخلوضوش راهو ابتداءا من الحلقة هاذي فما مرور متاع زمن بعد ما تعدى اشهر من هنا الأحداث باش تبدا تتبدل و تحلى اكثر الحلقة هاذي في ولادة ايثار😙😙)
................ ..
راكز يدو على ركبتو يرجع فالنفس الي تقطع عليه نهار كامل،نهار كان بكلو احداث و حركة آل البعض منها للخايب و النتيجة يعيش فيها توا لحظة بلحظة ،قاعد عالكرسي فالكلوار كل ما يتذكر هك الجملة يتقطع عليه النفس مرة اخرى و يحس بنبضو يضعف تدريجيا و كأنو قلبو باش ياقف،تذكر هك الاحساس،احساس متع واحد روحو قاعدة تخرج منو طالعة للي خلقها،عينو تسمرت عالطبة الي كانو دايرين بيها يحاولو يسيطرو عالوضع،يخزر للخط الي استقام فالإكرون الي بجنبو و تفجع مالصوت القوي الي يسمع فيه،فشل بكلو كيف زاد سمع الطبيب يصيح باش يعملو انعاش قلب للمريضة.. يدو ترعش فوق يدها و من ألطاف الله انو قاعد على ركبتو الي و حتى هو قاعد عليا مش حاسس بساقيه ولا بأطرافو و لا حتى بوجودو هو في هالعالم من غيرها هي..من غيرها هي و ولدو الي لحضات و يطلعو للسماء مخلينو هو يتلطخ وحدو في قاع كلو ظلام..كبس على يدها يترجى فيها كيف المجنون دخل في حالة هستيريا كبيرة، يترجى فيها تقعد و ما تمشيش،ما تخليهوش وحدو في دنيا تحدا الموت و وصل بابو و في آخر لحظة على خاطرها رجع، ما كانش خايف مالموت وقتها بقدر خوفو عليها و خوفو الاكبر انو يفقدها خاطر بعدها وجودو ماليه معنى و ما عندو حتى مغزى و حتى سبب..هبط راسو حط جبينو فوق يديهم المتشابكة الي الف قوة بشرية لا تنجم تبعدهم على بعضهم،دموعو احتلت كل نقطة من وجهو و تمادت هبطت لرقبتو،حاس بفوارة في بدنو و سخانة مش عادية يناقضها فالمقابل احساس برودة غير عادي،الدم حبس في عروقو و وقف الوقت و الدنيا الكل فاللحظة هاكي على امل تصير معجزة الاهية و يرجع كل شي للنسق الي كان عليه قبل،ترجع هي تحل عينها، تتنفس،يحس بنبض قلبها الدافي و سخانة بدنها مش بهالبرد الي حاسو عليها توا..
كأنو سلم و ما سلمش،أيس و مزال يحارب في روحو،فقد الامل و في نفس الوقت مزال متشبث بيه،غمض عينو يدعي في ربي ترجعلو و يخليها معاه يكملو طريقهم لآخر نفس مع بعضهم،ما يعرش قداه قعد على هالحالة في وسط هك الخوضة و صوت الماكينات و الطبة و الخوف الي كان ينخر في عضامو،كل شي داير بيه يجري و يتحرك فيسع الا هو ساكن في بلاصتو ما تحركش، اصلا ما عندوش لا القوة و لا القدرة باش يتتفس حتى..
كان غايب على كل شي بين الوعي و اللاوعي..وفي لحظة وذنو جذبها صوت يدفع عمرو و يسمعو،رجع حل عينو فيسع و هز راسو،عينين ظهر لونهم القري و شوافر تبلو بدموع العشق و شفايف حمارو بعضات الندم و الخوف و الحسرة، شعر متناثر و مبعثر كل شي فيه كان فوضوي يدل على نقطة الحضيض الي وصللها في لحظات تعداو عليه من غيرها، يسمع في صوت نبضها..يرى في بيبي في يد الطبيبة..صوت آخر يقلهم المريضة دخلت في غيبوبة و هو ضايع بين كل شي و كأنو في مفترق طرق مش فاهم شي و لا كيفاه صار هذا الكل..
يرجع يعاود يخزرلها هي و مرة اخرى يرجع يخزر للبيبي،تاه و ما عاد فاهم شي، غمض عينو على كل شي و رجع ركز معاها،كل المشاعر و الاحاسيس الي فيه تخلطو داخلو و ولدو حالة متناقضة،كبش في يدها بيديه الزوز يبكي،يضحك،يتنهد، يتبسم،يغمض عينو و يرجع يحلهم فيسع،مشاعر مبعثرة متناثرة بين غادي و هوني لا فاهم و لا مستوعب الي قاعد يصير،ساعات يسرح و عينو تتجمد و تتحل على وسعها و ساعات اخرى تتملى بالدموع الي فالاصل ما وقفتش و لا نجم هو يكتمها و يسيطر عليها،كل شي صار فيسع و كل شي صار قدامو و ما شافوش ولا حس بيه،كان مغمض عينو يحاول يحس بدقات الانسانة الي رجعتلو روحو و جعلت منو هو عبد بني آدم مش شيطان..
الدقات الي على خاطرها خاطر بروحو و تحدى المستحيل و مزال باش يتحدى ، دايخ،مرهوج و مذهول مش قادر انو يفهم و لا عندو القدرة باش يستوعب شي، فيقتو من شرودو الطبيبة الي قربتلو و بين يديها روحو و دمو و لحمو،قطعة منهم الزوز،روح مزالت كيف حطت ساقها فالدنيا،حاجة صغرونة كل ما فيه يتحرك بهدوئ،يديه و ساقيه الي قريب ما يبانوش،تعابير وجهو الي فالثانية تتبدل اكثر من مرة،صوت بكاه المتقطع و غيرهم مالتفاصيل الي خلوه يخرج مالدوامة و الصراع الي كان فيهم و يستعيد توازنو من جديد و يستوعب شنو صاير،قاعد يتأمل كأنو يكتشف في حاجات جدد و يحس في مشاعر جديدة عليه لأول مرة باش يحسهم و يعيشهم،في وسط الخوضة هاكي الكل شقت تبسيمة هادية طريقها لشفايفو،تبسيمة كلها فرحة و رضا رافقتها لمعة عينو و تعابير وجهو الي بدات عليها الراحة،قلبو طمان نوعا ما و حس ببدنو دفى تنهد تنهيدة خرجت بآآه من اعماقو حس بعدها بحمل كبير نزاح من فوق اكتافو اما ما نحاش الخوف و القلق الي كان حاس بيهم على ايثار الي دخلت في غيبوبة حسب ما نجم يستوعب في حالة الشرود الي كان غارق فيها😢
-مسيو جاد 😨
(حطوااا جاااام قبل ما تقرااااو)
😨تفجع مجرد ما سمع اسمو من حد غريب و ديراكت خزر للطبيبة الي مزالت واقفة قدامو يلقاها تخزر للبيبي،باش يقلها نعم لحسن الحظ سبقتو هي و تكلمت بتبسيمة😊
-جاد الصغرون(هزت راسها خزرتلو)الف مبروك مسيو جوزيف ان شاء الله يكون مالذرية الصالحة و يتربى في عزكم😊تجي معايا البرة نفسرلك حالة المدام😊
خرج معاها و خلى قلبو لداخل واقفة مقابلتو تنحي فالبوني الي في شعرها و تحكي و هو مركز معاها و مع كلمة تقولها
- الحمدلله على سلامتو السيد قفل العام في كرش امو و حالة كيف هكا نادرة برشا و معجزة انو ما ماتش حاجة خلاتنا نقعدو باهتين،و هذا الكل ناتج على الصدمات و المشاعر المتقلبة و حالة مدام ايثار النفسية الي كانت متقلبة برشا و عاشتها فالبريود الي فاتت بون مسيو جوزيف هو الحبالة النورمال تقعد 40 سومان و هذا فالحالات العادية و تنجم المرا تولد قبل يعني فالشهر السابع والا قبل بجمعة فالشهر التاسع و اذا وخرت تنجم تدخل فالشهر العاشر و توصل لجمعتين فيه و هذا ليه عدة اسباب منها انو البيبي يوصل يوزن 4 كيلو كيف الحالة الي جاء فيها ولدك و الرزن هذا ينجم يأثر على الميسكل متع الرحم يخليه يهبط و في سبب آخر الهرمونات و السلوكيات متع الام تدخل بعضها نتيجة القلق و الارهاق و تعب و الصدمات الي تتعرضلهم كيف ما سبق و قتلك امور نفسية تدخل فيها زادا قلة الماكلة و اللهوة و الحرص على نظامها الغذائي و الاهم وقفتك انت معاها هذي اهم حاجة للمرا الاونسانت و انت فاهمني مليح و آخر سبب ومش الاخير انو المشيمة تضعف الكفاءة متاعها يصير فيها كالخلل تولي معادش تعدي الماكلة و الماء و كل شي ينجم ياخذو البيبي من امو باش ينمو طبيعي معناها ضعف المشيمة هي الي تأثر على نمو البيبي و بااارشة اسباب اخرى سوى كانت صغيرة والا كبيرة هي الي أثرت و عملت روتار فالولادة و من ألطاف الله البيبي ما ماتش اما ما نجمش نقلك انو لباس و تجاوز مرحلة الخطر مزال فيها و 42 ساعة الجاية هي الي باش تحدد مصيرو فالحالة هذي لازم يقعد فالكوافاز تحت عنايتنا و الطبة المختصين هوما الي باش يراقبوه و يحرصو على حالتو..و حالة الام كيف ما تعرف مربوطة بالبيبي و حاجة نورمال انو هو يتأثر بيها في كل شي وبالنسبة ليها هي ظاهر انو تلقات برشا صدمات في حياتها و بالاخص البريود الاخرة الشي الي خلى حالتها تتدهور و تدخل في غيبوبة،ما تخافش هي تجاوزت مرحلة الخطر و حالتها مستقرة نسبيا توا جيست كيف ما قتلك الظاهر انو آخر صدمة كانتلها قوية برشا كيف ما نقولو تحملت لين معادش فيها ما نكذبش عليك ما نعرفوش وقتاه باش تقوم مالغيبوبة خاطر الحاجة هذي تعتمد عليك انت بالاخص مدامك راجلها لازمك تاقف معاها و تحاولو انتوما الكل كعايلتها على قد ما تقدرو انكم تكونو معاها كيف ما ترى هي توا لا تسمع لا تتكلم و لا تتجاوب، كل شي يعتمد عليكم و الاكيد مش باش تفوت شهر ان شاء الله..الاسم الي ختارتو المدام حلو برشا،مسيو جوزيف نعرف فترة باش تكون صعيبة برشا اما لازمك تتقوى و تكون مستعد لكل الاحتمالات خاطر كل شي وارد احنا عملنا واجبنا و الباقي على الله و عليكم نهنيك مرة اخرى ان شاء الله مرتك و ولدك يقومو لباس في اقرب وقت،هذا كل شي و التطورات الجاية تنجم تكمل تعرفهم مالطبيب الي باش يراقب حالتها و يشرف عليها في الايامات الجاية..
-عيشك دكتورة😟
(حطوااااا جاااام قبل ما تقرااااو)
الحلقة 17:
هي مشات و هو رجع للبيت الي موجودة فيها ايثار لقاهم نضفولها و ريقلوها هي و البيبي رجع شدلها يدها و مسيبهاش لحظة لين هزوها حطوها في بيتها طمان عليها و خرج للكلوار تخنق و فد حاسس روحو معلق بين هوا و فضاء هايم مش فاهم شي..
هذا الكل استرجعو و عاود تذكرو و تعدى من قدام عينو في وقت قصير فاق من سرحتو على صوت تاليفونو يلقاه جوزيف
-وي دجو
-جاد ايثار ويني لباس؟
-ايثار ولدت و شرف ولي العهد يا دجو☺
قالها مع تبسيمة ما عرفش كيفاه لقات طريقها لشفايفو وسط الكم هاكا الكل مالخوف و القلق الي كانو متملكينو،فرحة كبيرة ما نجم يلخصها كان فالجملة هاكي،فرحة ما ينجم يوصفها لا بكلام و لا بأفعال تلخصت في هك التبسيمة و دمعة حارة غدرتو و هبطت من عينو رافقتها دقات قلب مجنونة رافضة انها تهدى..
جوزيف من كلام جاد و طريقة نطقو ليه بصوت يرعش ممزوج بأحاسيس الدنيا الكل حس برجفة و رعشة قشعر منها لحمو و خض منها قلبو في صدرو، عينو تملات دموع فرحة بفرحة خوه نصو الثاني و توأم روحو،احساس غريب بفرحة غريبة يحسها لاول مرة في حياتو رغم انو غير معني بالامر بشكل مباشر،احساس كيف جاء يوصفو بالكلام مع جاد لقاه ما يتوصفش و الحروف ضاعت بين عقلو و لسانو و تلاشت،تكلم بصوت مخنوق محشرج يدل على الفرحة الي حسها..
-الف مبروك ان شاء يتربى في عزنا و دلالنا الكل،، جاد نحب نشوفك توا مازلت وين ما خليتنا لا نجمت نمشي و لا انجم نجيك مك تعرف والله نتقلى عالجمر اهبط كان تنجم فيسع و ارجع😢
-عيشك دجو اما..😔
-اما شنو جاد شبيك تكلم ايثار صارتلها حاجة؟😢
-ايثار دخلت في غيبوبة و البيبي لازمو لهوة كبيرة خاطر صارتلو مظاعفات و تجاوز برشا البريوود الي كان لازم يتولد فيها على اذاكا مزال في مرحلة الخطر مش فاهم شي والله حاس روحي ضايع كل شي صار فيسع و عكس ما توقعنا بلي عملت حسابي ما توقعتش ردة فعلها تكون قوية للدرجة هذي انا السبب في حالتها انانيتي الزايدة هي الي وصلتها للحالة هذي،هي في غيبوبة جرايري انا،للدرجة ما خممتش فيها؟كانت تنجم تموت و نخسرها هي و ولدي😢في بالك قلبها سكت وسط العملية و بقدرة قادر رجع؟ تعرف شنو حسيت وقت ريت خط نبضها ولى خط واحد مستقيم فالاكرون قدامي و صوت نبضها معادش مسموع؟تعرف انا شنو حسيت من غيرها يا جوزيف؟ انا حتى شي،و ما نسوى شي،نكره، لا هوية تعرف بيا ولا بلاد ننتمي ليها..لا رفعتني لا ارض و لا سماء.من غير وجودها هي انا مانيش موجود...
الي حسيتو مش ممكن يتحكى و لا يتفسر و لا يتعبر عليه خاطر مستحيل كان باش نلقى حرف واحد يعبر عاللي حسيتو انا في ساعة والا قداه ما نعرش.!!(في لحظة ظاهر من ملامح وجهو انو استوعب حاجة سكت و رجع يحكي و هو مضيق عينو كأنو يسأل في روحو) معقول وجيعة الموت هذي حستها هي السنين الي فاتو الكل عليا و مزالت تحس فيها و الله أعلم لوقتاه؟؟..
جملتو الاخرة الي تلخصت في سؤال قالها بالشوية و سمعها جوزيف،قالها بخيبة امل كبيرة،سؤال كان مجهول اجابتو لوقت غير معلوم و حد فيهم ما عندو عليها فكرة و لا ينجم يتنبأ قداه مزالو باش يقاومو و هوما فالاصل مزالو ما بداوش فلي بيه الفايدة و الاهم....
(حطواااا جااااام قبل ما تقرااااو )
كانو قاعدين فالكرهبة الثلاثة جوزيف و ايهم و آزر الي سبق و خلط عليهم،يسمعو في كلام جاد و حاسين بيه و بكم الوجيعة الي ساكنتو و قاعدة ادمر فيه و قداه هو منهار و الي كانت مصدر قوتو حتى و هي بعيدة عليه ديما معاه اليوم غايبة عليه و على الدنيا الكل،كانت ديما مقويتو و بقوتو هو هوما مستقوين خاطر يد وحدة و قلب واحد و مزالو كيف ماهوما اما توا هي ممدودة على فرش في كلينيك في حاجة لشكون يقويها و يرجعها للدنيا،توا جاء دورهم باش ياقفو معاه و يساندوه اكثر من قبل هذا هو اكثر وقت محتاجلهم فيه،ايثار لازمها تقوم مالغيبوبة بالتالي جاد ينجم يرجع يعيش و يرجع يتنفس من جديد...
بغش و غل و كمية عجز كبيرة يحسها لأول مرة ضرب يدو بقوة على فولون الكرهبة،يديه مكبلين مش منجم يعمل شي حتى ابسط الحاجات،اقل حاجة انو يكون واقف مع خوه هو بيدو محتاج يعنقو،رابط الدم الي بين التوأم اكبر و اقوى ببرشا من رابط الخوات العاديين الزوز هوما قلب و روح وحدة في زوز ابدان،الزوز يحسو بنفس الاحساس حتى لو كانو بعاد على بعضهم سوى فرحة والا حزن و غيرهم مالاحاسيس و المشاعر المختلفة يحسوها ببعضهم و على بعضهم،هذا الرابط الي يجمعهم و الي مش ممكن و مستحيل انو يتقطع و يتجزأ و يتلاشى بسهولة، هو نصو الثاني الي يتقاسم معاه كل شي رغم اختلاف شخصياتهم و تناقضهم، دموعو على خدو مش منجم يوقفهم من شيرة يخمم على جاد و من شيرة اخرى على ايثار و خايف عليها و في وسط هذا الكل فرحة كبيرة اما ناقصة بولي العهد الي هو زادا ممكن الفرحة بيه ما اتدومش😢.. ما عادش ينجم يصبر و لا طايق الصبر،كان يلقى يرمي كل شي وراه و يمشيلهم يطمن قلبو عليهم و يريح روحو اما فاللخر يرزن و يهدى ما عملوش الي عملوه و ما وصلوش للي هوما فيه توا باش يجي هو في لحظة يحطمو بتهور صغير..ساعات وسط اكبر المصايب لازمهم يضحيو بكل شي في خاطر الي فات والي مزال باش يفوت..
تمالك اعصابو بصعوبة و مسح عينو بزربة تلفت لأزر و ايهم و تكلم بصوت خانقتو عبرة البكاء 😢
-امان الاولاد اطلعو حذاه هاني هوني كلموني ما لازمش يكون وحدو،ريقلو الاوراق و كل الي لازم اعملو طلة على ايثار و جاد الصغرون طمنوني عليهم و حاولو معاه هو خلي يروح يرتاح باش انجم انا نكون في بلاصتو و نطمان بعيني خاطر هكا زدت توترت و نحس في روحي قاعد عالجمر و ممكن نتهور في اي لحظة..
مزال كيف ماهو..مزال في نفس البوزيسيون ما تحركش شارد و غاطس في بحر افكارو موجة تهز و الاخرى تجيب،تعب اليوم بدنيا و نفسيا كيف ما ما تعبش في حياتو الي تعدات الكل و كأنو الي سبق عاشو و حس بيه قبل نهار اليوم تفدليكة و مجرد قرصة وذن..
حس باليد الي تحطت على كتفو و خرجتو ملي هو فيه هز راسو يلقاهم الاولاد.. تبسم و قام عنق ايهم و فعلا كان في امس الحاجة لشكون يعنقو و يحتويه بعد الضياع الي كان عايشو و مزال ما خرجش منو،عنقو بقوة كأنو ينفض في حملو عليه،آزر كان واقف وراهم ديراكت عنقو حتى هو بقوة بقدر محبتو و احترامو لهالجبل الي قدامو..لهالشيطان.. اطيب و احن شيطان الي هو نفسو نسخة منو كيف ما كان يقلو ديما..الشيطان الكلمة الي وراءها تتخبى برشا وجوه متناقضة تماما لشخص واحد ينجم اي انسان عادي ما يعرفوش ديراكت يحكم عليه بإنو اقسى مخلوقات الله و اكثر انسان منعدم الرحمة و الحقيقة تتلخص كاملة و بإختصار في حالة جاد توا،ملامحو و هيأتو قلبو المكسور و عينو الباكية و كأنو في عوض 29 سنة تقدم بيه العمر 20 سنة اخرى..فاق من تخمامو و بعد شوية على جاد حط يدو على كتفو بتبسيمة هادية حزينة باركلو😊
-الف مبروك صاحبي،يتربى في عز اخوالو
-جاد:خوالو؟😒
-آزر:😑العمى في عينيك مش عاجبينك احنا
-جاد:وقت ضمارك و بلادتك يا كلب،اصلا انت من وقتاه تفدلك راك كيفي ،انت نسخة مالشيطان آزر..انت نسخة مني.. رد بالك تمشي في طريقي، و كان تحب تكمل تمشي و تعيش هكك رد بالك تعشق كيف الشيطان الي رصاتلو غارق في حب ملايكة😦
-ايهم(حب يبدل الجو اما ما فلحش)الزوو الماسط و ضحكك يا شيطان،معجزة فيكم الزوز
(حطواااا جاااام قبل ما تقرااااو )
الحلقة 18:
تبسم جاد بوجيعة و رجع قعد تكى راسو لتالي و غمض عينو يحكي ببرود و وجيعة عمرهم ما لاحظوها فيه..
-اليوم جنازتي هههه😢و اليوم تبعثت من جديد اما جاد صغرون و اليوم زادا طلعت روحي للسماء مرة اخرى اما ما وصلتش و قعدت معلقة،نعرف ربي يعاقب فيا و هذا مصير كل قاسي متجبر ما يملكش في قلبو ذرة رحمة لا على روحو و لا على خلق ربي،هذا مصيري راضي بيه و الحمدلله اما يا ليتو جاء بكري شوية وقت كنت بلاش قلب..وقت كنت شيطان و في اوج جباروتي،وقتها على قلبي احلى مالعسل نموت ما نموتش ما على باليش، اما ربي يعرف شنو يعمل و فعلا يمهل ولا يهمل..(سكت شوية و رجع يحكي عبارة يخاطب في روحو) نموت و تتقاملي جنازة،يسكت قلبي و يرجع ينبض في نفس الوقت يسكت قلبها هي..يسكت قلبي ،و انا السبب،انا تعبتها،ااااه حملك ثقل يا جاد يا ويلك من ربي(هبطت دمعة سخونة بالنار الي شاعلة دخلاني فيه، سالت على خدو من عينو الي مزالت مسكرة) يسكت قلبي اما يرجع ينبض بدقتين،بروحين الف حمد و شكر ليك يا ربي روحي رجعتلي اما مازلت معلق مانيش فالدنيا،معلق لا سايعتني ارض ولا رافعتي سماء،فرحتي بولدي ناقصة،اصلا انا مش حاسس بالفرحة في غيابها،هي فرحتي و سبب تبسيمتي،هي قوتي والي مقويتني،اليوم انا ضعيف وينو الجباروت و القوة و السلطة و الجاه؟😏ويني عجرفتي و قسوتي؟وينو دمي البارد و جبل الجليد الي كان فيا؟ وينو الشيطان...
-ايهم:يزي جاد اسكت،عمري ما ريتك هكا و لا نحب نشوفك بالحالة هذي و لا نحب نشوف ضعفك الي ما نتفكرش نهار ريتو،ايثار سبب قوتك و انت قوتنا و بيك هي تتقوى زادا،لازم ترجع تاقف على ساقيك مش وقت اتطيح و تتهد توا هي في امس الحاجة ليك و يزي من تأنيب الضمير الي تركب فيه لروحك ما عندك حتى ذنب فلي صار هذي مشيئة ربي، لازمك ترجع قوي و تاقف مع ولدك شنو ذنبو هو ما تفرحش بيه كان تعرف ايثار الحاجة هذي باش تتجرح و برشا زادا😢
-آزر: جاد ايهم عندو الحق والي تعمل فيه في حق روحك غالط،فيق ملي انت فيه و ارجع كيف ما نعرفوك والا عاللقل حاول تتقوى على خاطرهم و تعرف مليح انو احنا معاك لحظة بلحظة و خطوة بخطوة كيف ما سبق و كنت معانا..قوم روح ارتاح خلي جوزيف يجي في بلاصتك باش يموت الراجل و هو محصور فالكرهبة و صرعنا بالتاليفونات
-جاد:لا امبوسيبل نروح ما نجمش نخليهم وحدهم
-ايهم : احنا معاهم و تو يخلط دجو و الدار الكل عادك بيهم وصلو
-آزر:برا روح شوف حالتك كيفاه اعمل دوش و ارتاح مدام الجماعة جايين و ما تخلي حد يشوفك منهم
-جاد:باهي هاني قايم ما نبطاش ماكس ساعة و نجي ديجا لازمني نجيب لايثار و جاد ما لازمهم،كلم دجو يطلع و وصي الطبيب كيف يجيو الدار ما يخليهمش يطولو حذاها
كمل تفاهم مع الاولاد و تعدى للطبيب المسؤول على حالتها دق الباب و دخل،هز الطبيب راسو و تبسم كيف شافو نحى ليناتو و شاورلو بيدو😊
-مسيو جوزيف مش هكا،تفضل
تبسم جاد بالسيف و جاوبو براسو معناها اي و دخل قعد عالكرسي مقابلو و القلق و الخوف ماكلينلو قلبو الي ضعف و معاد قادر يتحمل مصايب اكثر من هكا كل شي صار قبل و تعدا بيه في حياتو الكل في كوم و الي صار اليوم و عاشو في كوم آخرخاطر تعدى طاقة تحملو و صبرو،ما يعرش علاه جاء للطبيب مع انو الطبيبة سبق و فسرتلو كل شي اما ممكن كان عندو شبح امل انو فما حاجة اتطمن اكثر ما عرفهاش💔
دكتور طمني مرتي شنو حالتها توا ما تخبيش عليا و وقتاه باش تقوم مالغيبوبة،و ولدي بعد ما عاينتو حالتو تجاوز الخطر؟😢
-هدي روحك مسيو جوزيف اول حاجة نتقدم بتعازيا الحارة ليكم ربي يصبركم سمعت انو اليوم يصادف جنازة المرحوم مسيو جاد الي لقاو جثتو اخيرا بعد عام الحاجة الي كانت سبب صدمة مدام ايثار و الحالة الي هي فيها توا..الدكتورة الي كانت مشرفة عليها و مختصة في امراض النساء و التوليد نظن فسرتلك، بون ما نخبيش عليك صدمتها كانت قوية برشا و الي صار اليوم نقلك راهو معجزة الاهية كبيرة سوى من ناحية المريضة والا البيبي الي تجاوز المدة الي كان مفروض يتولد فيها في الحالات الي هكا البيبي كان يموت في كرش امو و كان ما ماتش وقتها يموت كيف يتولد ديراكت اما الي صار بالحق كان عكس توقعاتنا و خلاني انا شخصيا كبروفيسور و طبيب ننظر في الحكاية و باش نزيد نتعمق في دراستها..نرجعو للمريضة و بعد ما تناقشت في حالتها انا و دكتور مختص في علم النفس و عاين حالتها و باش يكمل يتبع حالتها حتى بعد ما تفيق ان شاء الله فسرلي انو صدمتها كانت قوية و هي استقوات على روحها و على كل شي و حملت روحها اكثر من طاقتها ما نعرش انا كيف ما نقولو كانت متوقعة حاجة مطمانة بيها و صارت حاجة اخرى عكس حساباتها و هذا اثر عليها من جميع النواحي و خلى ولادتها روتار برشا نزيدو عليهم الاسباب الي فسرتهملك الدكتورة اما حمدلله البيبي تجاوز مرحلة الخطر نسبيا اما ما نجموش نخرجوه والا نحطوه مع امو لازم يكمل تحت المراقبة في 24 ساعة الجاية عالاقل..بالنسبة للغيبوبة كيف ما تنجم اتدوم نهار كيف ما تنجم اتدوم جمعة و ثنين و شهر و هذا يعتمد على قوة المريض و تجاوبو مع العلاج و الدواء و اصرارو انو يعيش و الاهم من هذا اذا كان عندو اسباب تخليه يتشبث بالحياة اكثر و يصر انو يرجع يعيشها على خاطر اشخاص والا اسباب معينة تعنيلو برشا..للاسف هي توا مش قاعدة تتجاوب و بدنها ما عطى حتى ردة فعل فالساعات الي تعداو و للاسف زادا نقلك انو و هي فالغيبوبة مش قادرة لا تسمع و لا تتجاوب و لا حتى شي..هذي حالتها حاليا بما انو اول نهار و مزالت كيف دخلت فالغيبوبة هذا كل شي حد الان و ان شاء الله الايامات الجايين تتحسن حالتهم اكثر الزوز خلي ايمانك بيهم و بربي كبير و باذن الله لباس..
سلم عليه و خرج بعد ما شكرو،يمشي يكر في ساقيه بالسيف مش عارف يفرح و الا يخاف و يحزن و الا يخلي عندو امل،ما عرفش كان كلام الطبيب زادو قلق والا ريحو خاطر معادش عارف شنو يحس والا شنو يحكي حتى بينو و بين روحو،يمشي مش عارف لوين لحظات و لقى روحو واقف يخزر لولدو مالبلار،استوعب و فاق من دوامتو قلبو خض في صدرو و دقاتو قوات ما نجمش يقاوم الدموع المتحجرة في عينو على اذاكا طلق سراحها و خلاها تهبط على خدو خاطر معادش عندو قدرة انو يمنعها،هز يدو الي كاانت ترعش حطها عالبلار كأنو يتحسس في ولدو،كل شي فيه ترخف حتى ساقيه رخت بيه و معادش حاملينو اما تمالك روحو بالسيف،معادش عندو جهد باش يتصنع القوة الي كان يتصنعها المدة لفاتت الكل،معادش عندو قوة يتظاهر بالبرود و الامبالاة بعد الي كانو صيفات ما تتجزأش منو...رعشة سرات فيه و خلات لحمو يقشعر،لاول مرة يحس كل شي غريب عليه،قاعد يعيش في احاسيس و حاجات جديدة غرابتها محلاها طاير من فرحتو الناقصة بولدو..هذا هو احساس الراجل الي يكون فيه بو لاول مرة؟؟ اما ناقصة من غيرها،العايلة مش كاملة و متفرقة كل حد في شيرة و هو وسط كل شي،فرحة ما تكمل كان بيها و بوجودها معاهم و قتها تكمل العيلة الي علمتو هي كيفاه يحلم بيها و كيفاه يأسسها،هو رب هالعيلة المصغرة توا لازمو يحميها و ياقفلها و ما يخلي حد مهما كان انو يهدها حتى لو هالحد هو نفسو.
(حطوااا جااام قبل ما تقراااو)
الحلقة 19:
احساس عجيب بالقوة حسو و هو يتأمل في ولدو.قوة و طاقة كبيرة مش عارف منين هبطو عليه و بعثو فيه الامل و الصبر من جديد على حكمة ربي..تذكر جوزيف مشى و مش حابب يمشي اما مجبور يعرف خوه و يتوقع القلق الي حاسو على ايثار و قدام متشوق و فرحان انو يشوف ولد خوه و ينجم يحس زادا برغبتو الكبيرة في انو يكون معاه توا ياقف معاه و يقويه و يحضنو،نفس الاحساس متابدل بيناتهم و حاسو في اللحظة هذي..
طلع فالكرهبة و روح تعدى ديراكت لسويتهم لحسن حضو ما لقى حد فالفيلا شكلهم الكل مشاو للكلنيك،دوب دخل لبيتهم عينو جات على فرش البيبي الي بجنب فرشهم و الزينة الي كانت فالاسباس هاكي بالذات،حضرت كل ضي حدها من غيرو،يسأل في روحو قداه بكات في لحظات كيف هكا و قداه تمنتو يكون معاها لحظة بلحظة،قداه توجعت و حلمت انو معاها يعملو في التحضيرات الصغيرة و الكبيرة الي باش يستقبلو فيها اول مولود ليهم..قداه من مرة هو تخيل و تمنى يكون معاها في كل شي يسمع ب قراماتها و شنو باش تحضر بالحماس و الفرحة الي كان ديما يشوفهم في عينها،قداه و قداه و قداه...كبس يدو عالفرش بقوة مغمض عينو لاعن ماضيه و حياتو قبل ما تخترق هي اسوارهم..
في الوقت هذا جوزيف طلع حذا الاولاد يزرب باش يشوف ايثار دخلولها مع بعضهم كانت ممدودة على الفرش كيف الملايكة وقف بطنبها يخزرلهاا قلبو وجعو عليها..هذي الي قلبو دقلها و حبها في يوم مالايام و وعد امو انها تكون كنتها،و وفى بالوعد و كانت كنتها فعلا اما مرت خوه..هذي الي كان مستعد يعمل على خاطرها المستحيل المهم تكون ليه،هذي الي غرق في سحر عينها و اعجب بأخلاقها العالية و كل حاجة فيها..توا هي مرت خوه الي يقدرها و يحترمها و مزال مستعد انو يعمل المستحيل باش يحميها.. هذي الي عاشت و ذاقت الحزن و الحرمان ملي تخلقت و كيف تبسمتلها الدنيا شوية و اتطعمت الفرحة رجعت عطاتها بظهرها و غرقتها فالحزن و الهم مرة اخرى..قبل هو عشقها اما توا يعشق قوتها الكبيرة و صبرها،ذكاها و قدرة تحملها في التعامل مع اي حاجة و اي مشكلة تتعرضلها..الدنيا تعبتها لين عودتها و تعودت و تعلمت تكون هكا،طريقة نظرتها للدنيا و كيفية التعامل معاها.اصرارها و عزيمتها في انها توصل تحقق كل حاجة تحب هي توصللها و الاهم هالسر الي فيها!..سر سحرها الكبير الي حول شيطان لملاك و اسقط كل الاقنعة الي كانت محصنتو و مانعتو يكون انسان عادي يحب و يتحب،سر سحرها الي خرج الحقيقة الي داخلو و ظهر طيبتو و حنيتو و اهتمامو للناس الي يحبهم و يحبوه، السحر الي بيه خلتو يحب الدنيا حتى بالخايب متاعها و يتحب...
(حطواااا جاااام قبل ما تقرااااو)
تبسم و هو شادلها يدها و بدا يحكي معاها اعتقاد منو انها تسمع فيه😊
-سبحانو مقلب القلوب..ايثارتي قوم يزيك مالنوم،قوم و شوف السلطان الي جبتهولنا محلاه،مازلت ما ريتوش خاطر جيتك انت ديراكت اما ريت تصويروو عند ايهم،قوم شوف ولي العهد،جاد الصغرون..تعرف انو يتاكل ماكلة😍،في بالك انو نسخة مطابقة للاصل على جاد؟اما سرق عينيك انت.. كيف ما بيهم سحرتني انا قبل و سرقت قلب جاد والي بيهم روضت الشيطان هو زادا بعينو باش يسحر و يسرق ايييييه شبعة بنات😊 قوم راني توحشتك عندي باااارشة ما ريتكش و كيف ريتك شوف حالتك كيفاه😟تتفكر كيفاه تقابلنا و كيفاه كنت هايم بيك؟ كيفاه كنت عاشقك و كيفاه كان عرسناههه يا حسرة بوون عرسنا اما مش انا العريس😆توا كيف ما انت سرقتلي قلبي و كنت انا باش نسرق من جاد جات الي سرقتني منك..تعرف يا فرخة كان غيبوبتك تقعد اكثر من جمعة الا ما نعلقك😠قوم يزيك مالنوم رد بالك تعجبك الحكاية للا..حقا ما جيتكش وحدي معايا ايهم صاحب جا. اكيد تتذكرو و تعرفو مليح الزووو يا بنتي هذا سلعة ما نحكيلكش ما تعرفوش اما قوم تو نغرفك عليهم هذا نسخة من سي راجلك و بو ولدك للا😒مش فالشكل اما الفعايل و العصب و الغش يتحول يولي شيطان و العياذ بالله الله غالب صغرونتي عليشين في جهنم😊قوم نعرفك عليهم اكيد باش تحبهم ما تتصورش قداه متحيرين عليك و قلبهم معاك صحيح صحاب سوء و شلايك😂اما النهار ما يتعداش بلاش بيهم خاطر نكملو بعضنا الاربعة،تسألني شكون الاربعة و احنا دايرين بيك ثلاثة نقلك كل شي في وقتو حلو انت اصبر و تقوى و آقف على ساقيك،اسمع قوم و تكلم سكوتك هذا منرفزني راهو و زيد فيسع ارجع لولدك هو توا ساكت عامل فيها راجل الدار و زعمة زعمة ما يتقطعشالسيد هابط يدز بعد عام اما يا ذنوبي كان يطول بالياسر لغدوة و يحربها بالبكى😝..
زادو شوية و دخلو عليهم الجماعة يطلو على ايثار و قلوبهم متقطعة عليها اثير و محمد في حالة عليها،خلاوهم و خرجو للكلوار كلمو جاد خاطر استبطاوه مع انو الساعة ما فاتتش لا جاء لا هز عليهم التاليفون و هو الي كلاه التخمام و الندم و بكى لين هزو النوم و رقد كيف ما هو،مطيش عالفرش بالعرض بظبشو كيف ماهو..يسمع في صوت يناديلو حاول يحل عينو بالسيف و ما نجمش حاس روحو راقد وسط نار تاكلو في لحمو و فعلا كان يتقلى بالسخانو ة غارق في عرقو،قراجمو توجع اوذانوتصدع و راسوباش يتطرشق بالوجيعة،بدنو فاشل مش منجم يحرك حتى صبعو،تقوى على روحو اكثر و حل عينو شوية يلقى وجوهم الثلاثة في وجهو😂
-جوزيف:جاد عيش خويا حل عينك قوم
-آزر:هذا يتقلى بالسخانة لحظى نكلملو طبيبو يجيه
-ايهم:😒و انا شقاعد نعمل هوني بابا
-آزر:والله نسيتك جملة انت و نسيت انك ماخذ دكتورا و كنت طبيبنا فالنافيا غير الوقت مزمر😂اما ما نتصورش فما ماتريال هوني كيفاه باش تشوفو😕
-جوويف:اكيد فما قوم ايهم فيسع،لحظة نجيبلك كل شي،شوف شعزاه والله باش يجلطني و يجيبآخرتي كان هو
-جاد(تكلم بالسيف بصوت مقطع مبحاح):شتعملو هوني كان يجي حد يلقاكم،ايثار ويني و جاد😦
-ايهم:اسكت بلع جلغتك ما يجي حد اصلا الكلهم عند ايثار ما تقلقش روحك
جابلو جوزيف الفاليز فيها الي يلزمو الكل فيسع قاسلو الدم و شافلو نبضو و عينو و وذنو و قراجمو
-هذا ماخذ برونشيط قوي برشا و قاعد بالسيف يتنفس حتى نبضو ضعيف شوية عالعادة و بدنو فاشل،سخانتو لازم اتطيح فيسع
-جاد:هزوني لايثار توا لا نقوملك😠رقدوني بحذاها و اعملو فيا للي تحبو ميسالش
-آزر: كلامو صحيح هو مريض مريض باش يقعد فالدار باش يمرجنا عليها و هو لازمو يرتاح مليح دونك نهزوه حذاها و كهو
-جوزيف:جاد نهزوك حذا ايثار اما و حق ربي تفوت نهار ما تقومش الا ما نقتلك بيدي مش وقت تشد الفرش جملة و بالسيف عليك لازمك تبرى ما تفهم شي و مش ناقص حصرة انا اكثر من هكا😠
-جاد:نقص حسك و هزوني و بعد نحكيو
-أيهم:باهي امرنا لله،مش قلت باش تهز حوايج لايثار و ولدك وينهم؟
-جوزيف:سي بون اثير ريقلت امورها و هزتلها ما يلزم
(حطواااا جااااام قبل ما تقرااااو)
هوما هكك وصل تاليفون لجوزيف قعد يحكي و جاد قام بدلولو الاولاد خاطر مش منجم يعمل شي و خرجو للكلينيك شافو الطبيب و اطمنو عليه انو لباس جيست لازمتو الراحة فالدار مليح و يتحسن بعد ما ياخذ الدواء الي عطاهولو اما هو رفض قعدة الدار ة اصر انو يرقد مع مرتو و ثار الي حب عليه..
الاولاد مزالو عند الطبيب في نفس الوقت العايلة الكل عند ايثار ملمونين بيها بعد ما وصاهم الطبيب باش ما يعملوش برشا حس و يحافضو على هدوئ البيت لراحة المريضة..كلهم متحيرين و خايفين عليهاا بالخص اثير و محمد الي كان قلبهم دم على اختهم..واقفة بجنبها تبكي معنقة اسامة و على الكرسي قاعد محمد شاد يد ايثار مقربهها لفمو يبوس فيها و دموعو على خدو،وجودو فالحبس خلاه يعرف قيمة خواتو بالاخص ايثار الي شبعت منو ضلم و شافت الويل و العذاب،حتى وجودها توا فالكلينيك و الحالة الي هي فيها نسبها ليه و انب روحو عليها لدرجة البكاء،عينو حمرا دم و دموعو تصب بسكات،برشا كلام قالو دخلاني بينو و بين روحو،حير الماضي و ندم علي صار فيه،ندم على كل لحظة هز فيها يدو عليها و الا علا صوتو و قال يا ليت هك الكره كان حب..جاء الوقت توا انو يفرحها و يعوضها على كل لحظة ظلم و حرمان عاشتها و كان هو السبب فيها..خروجو مالحبس كان بالنسبة ليه ولادة جديدة و حياة نضيفة طوى قبلها صفحة الماضي الي رغم طويانها قعدت نقطة كحلة في حياتو و ذاكرتو و بصمة عار ما ينجمش بسببها يحط عينو في عين حد...
نوقز تاليفونو هبط يد ايثار اما ما سيبهاش و باليد الاخرى علق علق على التاليفون و كيف طفاه جذبو الخيال الي وراه و مركز معاه والي تعكست صورتها قدامو عالايكرون،ضيق عينو و عقد حواجبو مستغرب من هالنظرة مش فاهم شنو سببها،حس بحاجة غريبة،دقة غريبة و رجفة اغرب يحسها لاول مرة في حياتو،مزال سارح في انعكاس صورتها على تاليفونو يتأمل فيها لاول مرة،كيفاه مركزة معاه رغم انها وراه و مش ترا حتى في شوي من وجهو،واقفة بجنب اختها الي ماي عرفهم و حتى من قبل لا مرة نجم يفرق بيناتهم شكون سمر و شكون سحر..لاحظ نظرتها الي بكلها اعجاب ممزوجة بحنية واضحة وضوح الشمس و محاولة اكتشاف لغموضو و حالة الهدوئ الي ولات مسيطرة عليه اغلبية الوقت،كلاموالقليل مع العباد،رزانتو و حياتو الخالية تماما من عباد او صحاب ما عدى خواتو،ما يظهرش ديما وحد ما يعرف عليه حتى معلومة من وقت خروجو مالحبس،حستو ديما يتجنب اي فرد سوى كان مالعايلة والا غيرها حتى علاقتو مع الاولاد سطحية رغم محاولاتهم انهم يدخلوه معاهم في جوهم و خرجاتهم.قبل كانت تشمئز منو و تستحقرو على حاجة وحدة و هي معاملة القاسية و الغريبة لايثار و ضربو ليها على اقل حاجة و من غير سبب،تشوفو ساعات فالشارع و يظهر عليه انسان طايش و مهمل يتكيف و سمعت انو يتعاطى ما صدقتش انو يوصل للدرجة هذي اما بالادلة الي قالو لقاوها فالكرهبة نهارت الي شدوه تصدمت اما ملي خرج لاحظت انو لا مرة شافتو شاد سيجارو و حتى كيف يبدا قاعد مع الاولاد فوق من قلبو و يبداو يتكيفو و يمدولو ما ياخوش و يقلهم بطلتو..اما رغم هاكا الكل قبل لا عمرها شافتو تبلى و الا عمل مشكلة لحد كان خايب مع روحو ومع اختو..تتفكر انو كان يعجبها شكلو رغم كل شي و التناقض الي بين لون عينو الزرقة و سمورية بشرتو الي سحرتها،الصفات هاذم الزوز خلى قلبها يدق بصيفة غريبة كل ما تشوفو صدفة والا حتى تسمع اسمو حتى لو ما كانش هو المعني بالامر..البريود الي قعدها فالحبس ما منعش اقتحامو لذاكرتها و تفكيرها بيه من مدة لمدة و سرحتها بكل تفاصيلو الي تخرجلها في مخيلتها..
هذا الكل جاء على بال سمر لكانت واقفة بجنب سحر و شاردة في محمد جاهلة تماما انو فايق بيها و ينظراتها الي اخترقت كل جزء منو..هو زادا ما بعدش عينو من تاليفونو الي كان مطفي..ما يعرش كيفاه جاتو الجرأة و من غير تفكير دور راسو شوية ناحيتها متجاهل وجود العايلو الكل و خصوصا زياد خوها اما حد ما كان مركز معاه غيرها هي الي تلبكت و دخلت بعضها اول ما تلاقت عينيهم و كيفاه شابكت يدها في بعضهم و نزلت عليهم لين عرقو مالتوتر الي ركبها و عينعا الي تغرست فالقاعة و راسها الي ترخى لدرجة انو ذقنها قريب من رقبتها بعد ما شافت الحركة الي عملها و كيفاه عقد حواجبو و حرك راسو شوية غمزها كأنو يتساءل على هويامها بيه و سبب تركيزها معاه.ما تحكمتش في روحها ولا في قلبها الي رفرف بدقاتو و طار والا تبسيمتها الساحرة الي خانتها و بانت على ملامحها خلاتها لا اراديا تعض شفتها اللوطانية تحاول انها تكتمها و تخبي تبسيمة اكبر كان باش تفلت منها و نجمت تسيطر عليها،هالتفاصيل شافهم في انعكاسها على تاليفونو بعد ما ذوبها بالحركة الي عملها و رجع دور راسو،حركات صغيرة عملتهم بتلقائية هبلوه و خلاوه في وسط حزنو يتبسم تبسيمة تلمع منها عينو و تتغير بسببها دقات قلبو الي كانت هادية و في لحظة تقلبت و تحولت لدقات قوية مستعجلة على حاجة ما فهمهاش..
استغرب من تبسيمتو الي نبعت من قلبو في وسط الي هو فيه و كيفاه حركة عفوية منها نجمت في لحظة تنسيه الي حاسو من وجيعة و قهرة على حالة اختو،حاول يرجع عادي و ينسى الموضوع كيف تذكر هي بنت شكون و هو شكون و منين و وين كان...💔
(حطواااا جاااام قبل ما تقرااااو)
الحلقة 20:
تعداو 3 ايام و العايلة الكل بين خدمتهم و ديارهم و الكلنيك..جاد الصغرون تجاوز مرحلة الخطر بعد لهوة كبيرة مالطبة و حولوه لبيت ايثار الي مزالت كيف ما هي و جاد الي برا حتى هو و كان واقف معاها لحظة بلحظة،لاهي بيها و يحكي معاها و يحكيلها و هي لا تجاوب و لا تتجاوب مع شي،يبدللها و يمشطلها شعرها،عمللها الفيرني في ضوافرها ، مكيجلها،يسمع فيها فالغنايات الي جمعتهم في لحظات حلوة ما تتنساش اما في نفس الوقت كان حريص على كلامو و انو ما يبينش الي هو جاد مهما كان.. الطبيبة الي عينها لولدو لاهية بيه و بكل ما لازمو لوين تفيق ايثار،عركو مع خوه كان متواصل بالتاليفون يوميا،جوزيف الي فد مالحصرة و جاد مش حابب يسيب ولدو و مرتو لحظة...
ليلتها كانت مطر و الدنيا باردة راقد بجنبها معنقها يستنشق في ريحتها و ربحة شعرها و ولدو في فرشو بجنبهم راقد مهدود و ضعيف،فقد الامل في كل شي و بالشوية رجعتلو قوتو على خاطرهم،هوما الي بدا يحارب فالدنيا على خاطرهم و مش باش يجي توا بعد الي وصلو و يسلم في كل شي..دق الباب و تحل طل ايهم براسو شوية غطالها شعرها بفولارتها باس جبينها و قام من فرشو وين دخل ايهم و آزر معاهم جوزيف الي ما كثر ما غطى روحو بانو كان عينيه باش يفيق بيه حد، جاد حل عينو على وسعهم دوب شاف خوه قدامو 😨و شعلت النار ببناتهم
-جاد:شمجيبك انت يا هم كان يشوفنا حد و احنا هكا الزوز وقتها باصينا الكل
-جوزيف:سكر جلغتك😠انت هوني ماخذ حريتك و انا محصور في جرتك ستر ربي قتلك ما تفوتش نهارين ما تمونش اناني يا جاد
-😡لا تو نسيب مرتي و ولدي وحدهم و نجيك
-ولدك هو ولدي و مرتك هي اختي و خوفي عليهم ما يقلش على خوفك
-ايهم:جاد جوزيف يزي احكيو بالشوية و ريضو رواحكم كان يسمعكم حد و انت جاد يزي مالعصب متاعك ولد راقد يتفجع.
خزرو لبعضهم هذي اول مرة يتقابلو وجه لوجه بعد الي صار كان مالمفروض يتعانقو اما هوما بداوها بعركة و الزوز عندهم الحق من خوفهم على ايثار..تبسم جاد بوجيعة لجوزيف الي كان خاسس نفس الاحساس حل يدو على وسعهم وين ترمى جاد في وسطهم بقوة،معنق خوه غارس وجهو في رقبتو كانو طفل صغير عند بوه،دمعتهم خانتهم الزوز و هبطت،الزوز كانو في حاجة للتعنيقة هذي،الزوزساكتين و حد فيهم من نجم يتحاوز خنقت البكاء الي شدتهم و يتكلم والا يعبر والا يواسيو بعضهم على المحنة الي قاعدين يتعداو بيها😢بعد لحظات تكلم جاد بصعوبة
-تعبت يا جوزيف والله تعبت و ما تعبني شي و هدني قد شوفتها في هالحالة،انا السبب انا السبب😠،لا عمري عملت حاجة صحيحة و كيف مجي نصلح نزيد نغلط و نحربها..
بعد عليه شوية و مشى ناحية فرشها شدلها يدها و كمل يحكي بقلب موجوع و غصة فالحلق بلع منها ريقو بالسيف😢
-ما كنتش نتخيل لحظةو لا جاء لبالي انو خطة الجنازة باش توصل للمواصل هذي و بلي توقعت ردة فعلها ما تصورتهاش بالدرجة الكبيرة هذي الي خلاتها تدخل في غيبوبة والله و اعلم وقتاه باش تقوم منها،اما كان لازم منها..كان لازم انحيلها هالشك القوي الي مساورها من وقت الاكسيدون و هي الوحيدة الي كانت متأكدة اني مازلت عايش..
سيب يدها و رجع قعد على فرشو سكت شوية ميف سمع صوت الاباراي الي عاملينها لايثار نوقزت و سكتت فيسع تجاهل الحكاية يحسابها عادية و ما عطهاش اهمية..
-جوزيف:جاد عيش خويا يزي ما تضعفش و تضعفني معاك خاطرني مربوط بيك والي بيناتنا ما يحسو حد،خليك قوي و قويني بيك،لازم تاقف لروحك جاد مرتك باش تخرج ملي هي فيه و تقوملنا لباس الكلنا قلوبنا معاها و ندعيولها..شوف السلطان الي جانا ولي العهد الي باش يخلد اسمك،ولدك نسخة منك و منها ثمرة حبكم و احلى حاجة خرجتو بيها ملي صار الكل،وابي عشتوه رغم مهمتنا و البعد قاعدين و مكملين تعيشو فيه بطريقة او بأخرى و تحاولو انو يكون عادي كيف ماهو ،ايثار اقوى ملي تتخيل يا جاد و كيف ما تجاوزت خبر موتك المزعوم و موت بوها و فشل شريكاتك الي بيها و بفضلها قاعدين يرجعو بالشوية من جديد و ماشين في طريق النجاح،فما وحدة في عمرها رغم صغرو توصل تعمل و تتحمل الي قاعدة تعمل فيه هي و متحملتو،ايثار ب100 راجل رد بالك تستخف بيها و كيف ما تجاوزت هذا الكل باش تتجاوز فاجعة جثتك و التكيد مش باش تكيدها غيبوبة اليوم عندها ولدها الي باش يعوضها كل شي و على خاطرو باش ترجع تقوم و يقويهااكثر و اكثر و توتشوف كلامي و تاقف عليه...بالنسبة للمهمة ما تخافش قريب تفرج ان شاء اللهوقت كنت مريض حكيت مع رئيس المنظمة و قتلو عالضروف الي احنا فيها توا والي عملتو انت كان خطوة من خطواتكةالي بيها باش تنجم تركز بالباهي علي جاي و الكلنا نعرفو شنو يستنى فينا و نعرفو مش ساهل و كان لازم تعمل هكا باش تحمي عيلتك و هو كان متفهم.. المدة هذي احنا مركحين مل شي و هوما باش يكملو يتعقبو آد جين و الينا مراقبة اليزا مليح و قاعدة تنقلي في كل التطورات الصغيرة و الكبيرة، المدة هذي احنا الاربعة باش نقعدو في و تونس بالياسر 3 جمعات اخرين بعدها نرجعو لروما اعدنا اجراءات صغيرة نقومو بيها بعدها ديراكت لامريكا وين باش يتحدد مصيرنا الكل خاطر يربطنا نفس الانتقام و عدونا واحد😈 وراس خويا لا عاد برشا قريب نوصلو للي تعبنا عليه و انا نوعدك معادش نطولو برشا و نحاول على قد ما نقدر نقصر هالطريق..
جوزيف ما كملش كلامو و صوت قوي متواصل خرج مالاباراي متع ايثار..
جاد فيسع تنطر جاء بجنبها شدلها يدها مفجوع قلبو باش يخرج ،ايهم خرج ينادي للطبيب و جوزيف فيسع عاود تلثم و خرج هو و آزر..
في لحظة ولات تتهز و تتحط فوق الفرش كأنو شكون يخض فيها😢الصوت ماشي و يقوى.ولدو فاق مفجوع يبكي و هو بيناتهم مشنوق قلبو على ثنين هز عينو للسماء و قال يااا رب.... 😢
Athir....❤
(حطواااا جاااام قبل ما تقرااااو)
البيت تقلبت ودخلت بعضها،صوت بكاء جاد الصغرون و صوت الماكينات و صياح جاد الي قلبها الدنيا و هو ينادي للطبيب...
شادلها يدها و مالفجعة وجهو صفار و لخلخ،ساقيه معادش حاملينو و حاس روحو باش يطيح فالقاعة،عنقها بالقوي و خباها في صدرو محاولة منو انها تحس بيه و تهدى، تحل الباب و دخلت الطبيبة الي لاهية بالبيبي و وراها ديراكت طبيب ايثار الي صاح عليه و امرو باش يخرج فيسع مالبيت لاكن هو ما كانش يسمع فيه و لا حاس بوجودو،مركز كان معاها هي و مكبش فيها مش حابب يسيبها و لا فاهم حاجة ملي قاعد يصير.. جاه ايهم جبدو و خرجو البرة تسكر الباب وراهم من غير ما يعرفو حتى معلومة و لا يطمنهم حد عليها،اتكى عالحيط و سيطر عليه هدوئ غريب عكس النار و الحرب الي شاعلة في كنينو و محسستو بالعجز،كان يلقى يعطيها روحو و شوية عليها،مربط و مكبل ما ينجم يعمل شي كان انو يدعيلها و يستنى... ايهم ما كانش هادي كيفو،كان يمشي و يجي فالكلوار متوتر و على اعصابو،هو زادا حاسس بالعجز و عجزو كبير انو يشوف خوه و صاحبو و رفيق عمرو في الحالة هذي و ما ينجم يعمل شي والا يعاونو بحاجة كان انو يكون بجنبو و ياقف معاه في محنتو و يواسيه و يصبرو..ما يعرفوش قداه تعدى وقت تحل الباب و خرج الطبيب و في رمشة عين كانو الزوز قدامو،تنطرو عليه بخوف و قلق كبير باين على وجوههم، تكلم جاد حاط يدو الزوز على كتف الطبيب،صوتو يرعش و حروفو بالسيف خارجة منو😢
-دكتور شصار؟مرتي لباس؟طمني عيشك
-المريضة حمدلله قاعدة تتجاوب معانا و الحقيقة هذا شي ادهشني فعلا ما نعرش ممكن سمعة حاجة والا تذكرت حاجة خلات مؤشراتها الحيوية تستعيد نشاطها و وضيفتها من جديد حتى انو كل المحفزات رجعت لوظيفتها فالبدن و هذا ما ينجم يكون كان مؤشر باهي و على قريب ان شاء الله تفيق..قاعدة تتجاوب و تحاول تحس زادا بلي داير بيها و تحاول تخرج مالنفق المظلم الي هي فيه و املها كبير انو ترى بصيص نور حتى لو كان صغير باش تتشبث بيه و على ما اظن هذا شنو صار مع مرتك.انا سبق و قتلك مالاول انها ما تحس بشي و لا تنجم تتجاوب و رغم استمرار غيبوبتها الا انها تنجم توا تحس بشكون معاها لاكن مش الناس الكل،الاغلبية يكونو ناس تحبهم و قراب منها برشا و الاصح يكونو ناس متعرضة لصدمة قديمة و خلفة نتائج قوية عليها و هالصدمات هوما الي عاونوها تخرج شوية ملي كانت فيه و اثر على مدى خطر الغيبوبة و طول مدتها الي كان ينجم يطول اكثر مالمتوقع و على اذاكا هي حست بيك ،ممكن تكون انت زادا حكيت معاها في حاجة والا ذكرت حاجة كانت هي في امس الحاجة انو تعرفها و تسمعها.. المهم هي لباس و انجم نقلك توا انها بالحق تجاوزت الخطر و احتمال دخولها في غيبوبة اقوى من هكا ينجم ينجر عنها فقدان ذاكرة و قريب برشا باش تحل عينها و تقوم و الحاجة الاهم والي تفرح انو بإمكانها توا تسمع و تستوعب اي حاجة تحكيها بحذاها و الاكيد انها باش تحاول تتجاوب و تتفاعل حتى بمجرد انها تحرك صبعها كمثال، ماذابيا تضاعفو جهودكم معاها في صالح انها تتعافى فيسع و تقوم بشكل كامل في وقت اقل مالوقت الي قدرناه احنا في حد اقصى..تنجمو تتفضلو بحذاها اما عيشكم من غير كلام خاطرها ديجا تعبت روحها برشا باش نجمت تخرج شوية ملي كانت فيه..
-ايهم: عيشك دكتور
(حطوااا جااام قبل ما تقرااااو )
الحلقة 21:
هو تبسم و مشى و هوما الزوز دخلو حذاها و تاليفوناتهم ما سكتتش ،جوزيف يطلب و يعاود متحير و يدو على قلبو يحب يعرف شنو صار لايثار،كلمو جاد و طمنو عليها بعد ما عاود حكالو علي قالو الطبيب..
-ايهم:جاد انا خارج نخليكم على راحتكم اكيد توا باش تسمعك،توصي حاجة قبل ما نمشي؟
قربلو يحكي بالشوية و يوشوشلو في وذنو
-هي توا تسمع معادش تذكرو اسمي هوني و زيد طمن الاولاد اكيد دجو متقلق و باش يصرعني بالتاليفونات (رجع يحكي عادي بصوت مسموع)عيشو الخو سايس روحك 😊
قالو ايهم باهي باس جاد الصغرون و خرج بعد ما سكر الباب وراه..
دخل معاها في الفرش لصق فيها بعد ما خباها في حضنو و غرس خشمو في شعرها يستنشق في ريحتو الي خلاتو يهدى و يغمض عينو محاولة منو انو يرقد شوية و يرتاح بعد الي عاشو فالايامات الي تعداو و النوم الي ما لقالوش طريق...
صباح جديد و النهار الرابع في غيبوبة ايثار قام مالنوم يلقاها مكبشة في مريولو😊فرح و عرف انها حاسة بيه و بقربو و بوجودو معاها و قاعدة في كل مرة تحاول تتحسن و تتجاوب اكثر مع كل حاجة تصير،دق الباب و دخلت طبيبة جاد الصغرون قام هو من حذاها بعد ما ريقللها فولارتها و غطاها مليح دخل غسل وجهو و صحصح شوية و رجع وقف بجنب فرش ولدو يراقب في الطبيبة كيفاه تبدلو و تتفقد في حالتو الصحية كتف يديه يخزرلو و يتبسم جاء لبالو سؤال سألو للطبيبة
-دكتورة جاد سافا؟ شنو حالاو توا؟ زعمة المدة الطويلة الي قعدها في كرش امو تنجم تأثر عليه والا على حاجة فالمستقبل،ما نعرش كيما النمو والا اي حاجة؟
-لا مسيو اتطمن و كون متهني حالتو عال العال حمدلله نمو متاعو مراقبينو و ماشي مريقل كل شي سافا جيست ساعات تجيه شوية سخانة والا يولي يقشع يعني حاجة عادية كيما الصغار الكل اما تبقى تقوم امو لباس باش ينجم ياخو حليبها خاطر مهم برشا 😊
-اي باهي حمدلله ان شاء الله ربي يفرجها و تقوملنا لباس😊سي بون كملتلو انجم نحملو؟
-اي اكيد تفضل،لحظة لفو مليح رد بالك صغيرون برشا شدلو راسو من تالي،سييي بون..ههه اول بيبي و اول تجربة اما صدقني حلوة برشا و احاسيسها حاجة اخرى ان شاء الله مالذرية الصالحة😊
(حطواااا جاااام قبل ما تقرااااو)
خرجت الطبيبة و هو قعد باهت ما يعرش كيفاه نطق بهك الكلمة و لا اراديا اندفع و حب ياخذو في حضنو رغم انو ما كانتش على بالو الفازة،ملي تولد صحيح فرحان بيه اما فرحتو ناقصة و ديما يلوم في روحو على عدم احساسو بوجودو بيناتهم، كان موجه كل اهتمامو لايثار خوفو الكبير عليها خلاه ينسى و مايحسش بولدو لدرجة انو لا مرة خمم انو ياخذو في حضنو و يحسسو بوجود بوه و حنيتو و حبو في غياب امو و انو مش وحدو.. بين يديه كأنو مش هازز شي و اول ما خزرلو في عينو و تأمل تفاصيلو الصغيرة حس بأحاسيس الدنيا الكل الحلوة و كأنو ملك العالم،قلبو يرعش و لحمو قشعر،كورون سرى في كل نقطة من بدنو و عينو تملات دموع،دموع فرحة ما تعادل حتى فرحة تذكر انو كان نافي تناما هالحاجة من حياتو و رافض انو يتجاوز الخط الاحمر الي سطرو لروحو و فرضو هو بالسيف على روحو، ضيق عينو شوية يتساءل دخلاني و هو مستغرب😕
-هذي هي يا جاد الفرحة الي كنت خايف منها؟هذي الي كانت سبب باش ما تحلش قلبك لحتى وحدة؟هذا الاحساس الي كنت رافض تعيشو و ناقم عليه مالصغرة؟😢قداش كنت غالط،ممكن كنت صحيح زادا اما دخول ايثار لحياتي هو الي بدل خزرتي للدنيا و خلاني نشوفها من منظور آخر،هي الي خلاتني نشوف الدنيا من عينها و بيهم ولى كل شي في عيني حلو،هي الي عاودت رباتني و ولدتني من جديد و خرجت مني جاد متناقض تماما و عكس لجاد القديم،جاد جديد مش الشيطان،انسان عكس الي كان بروح و قلب جدد و هي الي زرعت فيهم كل حاجة حلوة موجودة فيا توا😢😊
محملو خايف عليه من قوة يديه يسايس فيه تقول شاد حاجة بلار جويدة و خايف عليها تتكسر كان تقوى شوية،كان بين يديه هادي يخزرلو بعينو الكبار الي خذاهم على ايثار يرمش فيهم و يضحكلو،خارجة منو اصوات غريبة تماما على جاد،اصوات خلتو يضحك بصوت مسموع نابع من اعماق قلبو،يتأمل في ملامحو الصغيرة، خذا منو كل شي حواجبو ،خشمو ،فمو الصغرون، نظرتو الحادة اما لون العين الزرقة الي ساعات ما تفهمهاش كيفاه تتحول خضراء لون غابتو الي يتوه فيها و ما يعرف فيها خروج و لا رجوع، الشوافر الطوال الكحل و نظرة البراءة و كبرهم كل هاذم خذاهم من ايثار..للحظة جات لبالو حاجة و ديراكت صمم انو يتأكد منها و من شكوكو بعدلو مريولو شوية شيرة كتفو اليمين و تصدم من توقعاتو الي كانت في محلها و مجرد شك،خمم فيها صحيح اما كانت احتمال شبه مستبعد،عينو وساعت على كبرهم مش مصدق الي يرا فيه😨 الوحمة الي في كتفو هو و جوزيف جات في ولدو زادا..ما عرفش يفرح والا يخاف..
وفعلا خاف و قلبو خض خضة فزع،كلمة خوف ممكن شوية مقارنة بلي دار في مخو و السؤال الي سألو لروحو و كان يخوف اكثر لدرجة انو غمض عينو بقوة محاولة منو انو يفسخ طيفو من مخو..
هذا جاد بأتم معنى الكلمة ،هو نسخة منو اما مصغرة،نفس الاسم،نفس الملامح و تفاصيل الوجع الصغيرة و الاكيد باش تكبر مع كبرو بالشوية،نفس الوحمة... و السؤال الي خلا الدم ياقف في عروقو زعمة يكون شيطان؟...😯زعمة يمشي في نفس طريقو و على دربو؟الطريق الي خذالو 10 سنين من حياتو؟طريق المافيا و السلاح؟؟...
(حطوااا جااام قبل ما تقراااو )
تقلق و فد و مكنو الخوف من حاجة كانت مجرد فكرة اما رغم انها فكرة الا انها خلاتو يرعش و مجرد التفكير فيها قبضلو قلبو و سد عليه النفس،مستحيل يخلي مجرد فكرة سخيفة جات لبالو تصير والا تتحقق،طول ماهو عايش و فيه روح و يتنفس يخلي ولدو يعيش الحياة الي عاشها هو و ذاق مر عذابها😢قربو اكثر لصدرو باس جبينو و خباه عندو و كلو خوف و قلق سكنو ملامح وجهو...
الباب دق اما تركيزو الكبير مع افكارو و مخاوفو خلوه ما يسمعش و ما يحسش بالشخص الي دخل،مزال واقف معنق ولدو لابس بكلو فالنوار لونو المفضل الي يعطيه جاذبية ما تتقاومش تخلي الغموض و السحر يطغاو عليه و يسيطرو على كل ملامحو..دخل جواد في يدو بوكاي كبير من ورد الجوري الاحمر شاف ايثار راقدة اما كيف دار بعينو عالبيت لمح راجل واقف عاطيه بالقفى تقول جبل شاهق و بعلو يعاند فالريح..ضيق عينو و عاود دق الباب الشي الي خلى جاد يفيق من شرودو و يدورلو.. الزوز عاقدين حواجبهم،جواد الي كتم صدمتو و نجم يسيطر على ملامح وجهو و دهشتو و جاد الي يتساءل على هوية هالراجل الي جاء يطل على مرتو و شنو علاقتو بيها..
قربلو جواد مش مصدق عينو😨على اساس هو ميت و حتى جنازتو تعداو عليها 4 ايام زعمة شكونو هلي واقف قدامو!؟ تضاربت الاسألة في مخاخهم الزوز و حارو و الزوز مش فاهمين شي..وقف جواد مفابل جاد يرى فيه محمل بيبي بين يديه عرف انو ولد ايثار،حب يوقف هالحرب الي تقامت في راسو و يلقالها اجابات على اذاكا رسم تبسيمة على شفايفو و مد يدو سلم على جاد😊
-عسلامةانا جواد المستثمر الجديد فالشركة كنت مسافر و اليوم رجعت و سمعت بلي صار،الحمدلله على سلامتها و مبروك ما نزادلها
-سلام،جوزيف(تبسيمة صفرا)
مشى جواد حط البوكي بجنب ايثار وقت كان جاد يهز فيه و يحط و يخزرلها في خزرة ترعب ما صبرش و سألو و الدخان باش يخرج من اوذانو 😂
-سامحني كيفاه عرفت انو ايثار تحب ورد الجوري😠
-ااا بون،ما كنتش نعرف اما صدفة حلوة☺سامحني سؤال شخصي شوية ..على حد علمي مسيو جاد متوفي و صدف ريت فالاخبار انهم لقاو جثتو نهارة جنازتو انو جنازتو 4 ايام لتالي،نعرف تصاورو بما انو رجل اعمال ناجح و مشهور اما انت شكون كان ما فماش مانع؟
-جوزيف بن الياس آل راشد😐
و هذي كانت الصدمة الثانية لجواد
-يعني انت خو المرحوم؟
-التوأم...
سكت جاد شوية يتفحص في ملامح وجهو الي ماشية و تتبدل مع كل كلمة يقولها،ماةيعرش علاه ما رتاحلوش و لا طمانلو قلبو،تجربتو فالمافيا خلتو يعرف العباد من خزرة وحدة و يكتشف نواياهم خايبة كانت والا باهية،حب يزيد يتأكد مالشكوك الي مراودتو باش كيف يعمل الي ناوي عليه ما يكونش ظلمو،كمل يحكي و هو مركز في عينو
-خوه التوأم و راجل ايثار😏
جواد تصعق فعلا مالصدمة الثالثة و تهدت كل اسوار الامل الي كان بانيها باش يوصل لقلب ايثار الي سحرتو هو زادا و سلبتلو عقلو بدون سابق انذار و صدمتو كانت واضحة وضوح الشمس على وجهو و مستحيل جاد يلقالها تفسير آخر غير التفسير الوحيد الي في مخو
تكلم جواد محاول انو يتدارك روحو و ما يفضحش مشاعرو
-سامحني ما كنتش نعرف الحاجة هذي و حتى كيف سبف و سألتها نفات انها عاودت حياتها مرة اخرى
هوني جاد بدى يتنرفز و كيفو بدا يطير😡حس انو قاعد يستفز فيه بكلامو و لازم يشد روحو باش ما يكسرلوش وجهو،جاوبو بنبرة سخرية تدل عالقوة و الجباروت و الثيقة بالنفس
-على ما اظن انك مستثمر في الشركة يعني بيناتكم امور خدمة لا غير فاش قام تدخل في روحك في امور ما تعنيكش و تتجرأ و تسألها سؤال شخصي بالدرجة هذي😒اسمعني حاجتين نوضحهملك و اازمك تفهمهم مليح اولا رد بالك تتجاوز حدودك لو كان بحرف و ثانيا مرتي خط احمر يا سيد نمحي كل من يتجرأ و يخمم مجرد تخمام انو يتجاوزو😬
(حطواااا جااام قبل ما تقراااو)
الحلقة 22:
جواد واقف مصدوم من جرأة جاد و الطريقة المباشرة الي حكى بيها معاه من غير لف و دوران،حاول على قد ما يقدر يتحكم في اعصابو و برودة دمو
-يعني..
-يعني يا سي جواد الي يدور في مخك مستحيل يصير،المرا معرسة و كيف ما ترا هذا ولدنا جاد ،بلغة اوضح رد بالك تخمم تتقرب من مرتي
-كيفاه عرفت؟تقرا الافكار ياخي
-نقرا العينين😠خدمتي خلاتني نفهم العبد و نقراه قراية من عينو و نفهم شنو يدور في مخو الزفت و توا الزيارة وفات مشكور و الباب مزال محلول تنجم تتفضل البرا...
خرج جواد العصب يهز فيه و يحط من وقاحة جاد و جرأتو و طريقة كلامو معاه و في راسو اسألة ما تتعدش و احساس قوي بإنو حاجة غريبة قاعدة تصير و اكثر الاسئلة الي شاغلتو و محسستو بالغرابة هو نفي ايثار لعرسها الثاني و من خو جاد..شنو صاير زعمة؟!..لازم يعرف اكيد..
في الوقت هذا جاد رجع ولدو لفرشو و قعد عالكرسي بجنب ايثار شادلها يدها يحكي معاها و في نفس الوقت يلوم فيها
-صغرونتي شكون هذا.. شبيه جايبلك الورد الي تحبو؟ كيفاه عرف؟ في بالك انو حاط عينو عليك😠يعطيه عمى😂 هو ظاهر يحبك و انا باش نقلعهالو العين الي باش ياكلك بيهم حتى و انت في حالتك هذي،نقتلو و نمحيه كان يخمم لحظة يقربلك و تعرفني على خاطرك شنو انجم نعمل،قال شنو المستثمر😒وهف يلمو الكلب جاي يعدي فيها عليا انا الي نقرا العباد قراية،حتى و انت راقدة هكا حسيتو باش ينقز عليك و بملامح وجهو الي تقلبت عرفت انو ناوي عليك😠 و حتى اانت عندي معاك حساب حتى تقوم تو نوريك علاه ما قتلوش انك عاودت حياتك و عاودت عرست للا؟قوم تو نوريك يا بنت صالح حتى من ولدك متحلف فيك و ما عجبتوش الحكاية😡حبيبي صغرونتي ياهي هيا قوم يزي مالنوم و حل عينيك راني توحشتك رغم انو ولي العهد معوضني شوية خاطر ورث عليك عينيك الحلوين يا روحي و في عوض الغابة ولاو عندي غابتين نسرح فيهم و نشرد و نتوه اما قوم نحبك تقوم خاطر صبري بدا يوفى....😢
كيف العادة قصة عشقها مع النوم ما توفاش😴تململت في فرشها خزرت للشباك تتأمل في المطر الي بدات تنكت و صوت الريح الي خلاها تمبش في مخدتها و في كواتها و تقرر انو اليوم زادا ما تمشيش للفاك الي من بريود عرس لجين و غسان بدات تقرا فيها و الفترة هاكي الي قابلت دخولها للشركة و وقفت عايلتها معاها و الجو الي كان فالدار عاونها برشا و خلا روح داناالقديمة ترجع من جديد،الروح الي مليانة طاقة و اجابية و حماس،الروح الضحاكة الي وين ما تمشي تخلي بصمتها في كل بلاصة و في قلوب العباد،الروح الي مزهية العيلة بهبالها و طلعاتها و عاملة فيهم عمايل لين دخل جوزيف في حياتها و زادها فرحة و ضواها اكثر و اكثر و في لحظة خطف منها نورها و خلاها في عتمتها و مشى و توا بعد ما حست روحها القديمة رجعتلعا و بدات الدنيا تحلى في عينها مرة اخرى و محاولاتها انها تنساه او تحاول بكل جهدها تتنساه عاود رجع من جديد و لخبطها مرة اخرى،رجوعو بربش ذاكرتها و حير ذكرياتها لاكن هي كانت اقوى من انها تضعف قدامو..عينهم الي تلاقت نهارت الجنازة و كم البرود الي تلقاه هو منها كان كافي انو يلخبط كيانو و يدخل الخوف لقلبو الي حسو مهدد بخسارة حبو..
تذكرت هذا الكل،تذكرت حلمها الي لازم توصلو كبست روحها و قامت تجري بدلت دبشها و ريقلت امورها و هبطت تجري خاطرها روتار،ما لقاتش سامر باش يوصلها تلزت انها تسوق كرهبتها وحدها الي قلبل وين تستعملها،ضربتها برودة الطقس في عظامها طلعت فالكرهبة و ديراكت للفاك بزهرها الكياس فارغ ما تعطلتش،تحاول تزرب باش تخلط عالكور هذا اول نهار ليها بعد الجنازة و النار الي شعلت فيهم من جديد،ما تحبش تتذكر و تخمم في صارلهم الكل و الي تعدات بيه،ما تحبش تنغص فرحتها بحياتها الجديدة الي رسمت طريقها بيدها..المكر بدات تقوى اخيرا وصلت للفاك طايرة بالكرهبة تحب تراكيهاةفيسع و تدخل مركزة عالطريق و ما شافتش الكرهبة الي جاية ناحيتها و راكت برة مالباركينغ...
(حطوااال جاااام قبل ما تقراااو)
هو زادا روتار و كمل تعطل كيف وصل للباركينغ متعوالفاك و ما لقاش بلاصة يراكي فيها كرهبتو عاود خرج ينفخ بعصب البرة و بالزهر لقى بلاصة،هبط يجري باش ما يتبلش بالمطر و اوووب تتعدا كرهبة و تتطرشو بالماء تبل دبشو و وصلو الماء لوجهو😂قعد يسب و يصيح و يلعن فهالنهارالي باين من صباحو،مام با حبست قدامو خسرت عليه ديزولاي و دخلت فيسع خلتو يتعز و يتحط مالعصب😠 خلط عليها يلقاها وقفت ما لقاتش وين تحط الكرهبة حللها الباب و جبدها بقوة من يدها هبطها وين هي تصدمت و طلعلها الدم لراسها صاحت عليه و نطرتلو يدو😠
-نحي يدك كسرة فيهم،نورمال انت يا سيد تشدني من يدي تهبطني هكا
-انت مالا الي نورمال للا تتطرشني تعومني بالماء عالصباح و تتعدى،الي يسوق يحل حبوب عينيه راهو مش يغمضهم و يعفس عالعباد😡
-طلبت منك السماح اطرش ياخي؟😡
-و انت تره تره نحي اللينات خلي نشوف بالك حولة و عين تصب في عين😂
خلتو يحكي وحدو يغلي و يكشكش و طلعت فالكرهبة ركحتها البرة و دخلت، لقات صاحبتها الب تعرفت عليها تستنى فيها وين تفاهمو باش يتقابلو سلمت عليها و قعدو يحكيو
-آية جبتلي الكور الي فاتني؟
-ما جبتلك شي اصلا ما قريناش البروفة هاكي نقلت و اليوم يجينا البروف الجديد
-ااا اي باهي احسن
-و انت شبيك روتار الساعة ما يزيكش الجمعتين الي قعدتهم فالدار
-قعدت فالدار ماني نلعب والا مرتاحة 😒تي ماهو مالعرس تقلبت جنازة و دخلنا بعضنا بربي لا تفكرني😢و زيد قمت الصباح نلقى الطقسةماهواش كنت مش جاية و بعد ستينفت..
قعدو يحكيو بين وصلو للصال كلمها اسامة قالت لصاحبتها تسبق و هي قعدت تحكي لين تعدا هو من قدامها عطاها قحرة ترعب كان يلقى يشد يفشخها😂
-حولة متع وذني😒بربي لا عاد تسوق يرحم بوك..عمى
علقت على اسامة من غير ما تشعر و خلطت عليه نخات لوناتها و جبدتو مالفاست متاعو دورتو ليها بقوة و عينها الكبار يقدحو شر😠
-احترم روحك كيف ما انا مازلت محترمتك يا شسمك و ديجا طلبت السماح لذا تلم و اعرف شتخرج من جلغتك😡
هي تحكي و تصيح و هو واقف يخزرلها كيف المسحور بيها😍..عينو مسمرة على عينها الي حمارت بالغش،شوافرها الكحل الطوال و لونهم العسلي الي سلبلو عقلو و خلاه عاجز يبعد عينو من عينها و حال فمو من حلاوتهم و حلاوتها هي الي تصدم فيها..فالعادة مقعار و ما يسكتش حتى لو كان ظالم و يقعد يذل فالغبد الي قدامو لين يبرد قلبو انا المرة هذي قلبو برد قبل ما يعمل شي و قبل ما ينطق بحرف..كأنو لسانو تعقد ما نجم يقول شي قعد واقف مقابلها هي تهنتل فيه و هو يسمع فيها بالع السكينة بدمها و ساكت😂 ما فاق كان كيف خلتو و مشات دخلت للصال نفخ بقوة مسح وجهو بيدو مش فاهم شنو صارلو توا،مش وقت اسألتو لازم يدخل فيسع و اول ما فات عتبة الباب استوعب انو هي زادا دهلت هوني و هذا يعني انو هو بروفها و باش يقريها، تحمس ما يعرش علاه😊لوج عليها بعينو في وسط الحاضرين الكل ما نجمش يلقاها كانت متركتة هي و صاحبتها راكشين لتالي و تصدمت كيف عرفت انو هو البروف متاعهم الجديد، حط يدو في مكتوبو و وقف قدامهم
-صباح النور الناس الكل😊انا زكريا و يعيشكم بلاش مسيو و بلاش زكريا خاطر ما نحبهمش تنجو تناديوني زاك يكفي ديجا فرد جينيراسيو بالنسبة للبعض منكم و ما بيناتناش برشا😊بما انو البروفة الي كانت قبلي نقلت انا هوني في عوضها ان شاء الله نكونو على وفاق و ماذبيا نكون صاحبكم و خوكم مش بروفكم هكك باش نزيد نعرفكم اكثر عند قرب و نكون متمكن انو نعاونكم و تستفادو مني اكثر وتوصلو تحققو الي على خاطرو انتوما هوني و انا نوعدكم نعاونكم و ناقف معاكم في كل كبيرة و صغيرة و كلامي ما يقتصرش على الفاك برا منها زادا انا موجود و في كل وقت بما انو صحاب و مع الوقت نزيدو نتعرفو على بعضنا اكثر 😊بون نبداو ..
(حطواااا جاااام قبل ما تقرااااو)
الحلقة 23:
بدا يعمل فالابال لين وصل اسمها و ما جاوبتوش،عاود المرة الثانية جاوبتو بصوت ضعيف بالسيف مسموع تحاول تخبي روحها منو😦
-دانا آل راشد(ضيق عينو كيف قرا اسم العايلة و تبسم)
-حاضرة
-ما سمعتش،قوم مداموازال ماذبيا نتعرف عليكم بالواحد و نحفظ وجوهكم😈
لعنة اللحظة الي شافتو فيها و قامت بالسيف هز عينو لقاها هي زاد تحمس اكثر،كمل و خاول انو يتعرف عليهم اكثر و يقرب منهم و لشخصياتهم باش ينجم يعرف انتماءات كل حد فيهم و فات الحصة و بداو يخرجو، تعمد انو يقعد يلم في اوراقو بالشوية لين تعدات هي تزرب تحاول تخرج فيسع و هو لقفها
-دانا..لحظة عيشك😊
-نعم مسيو
-بلاش مسيو..زاك يكفي😊
-تفضل😑
-عيشة آل راشد شكونهي
-(😨تصدمت و عينها وساعت)كأنك تحكي على أمي؟؟؟
-اووو لا لا امبوسيبل..قداش الدنيا صغيرة
-تكلم منين تعرفها امي(علات صوتها)
-بنات إل راشد الشراسة تجري في دمكم
-زاك ما تلعبليش بأعصابي عيشك😠
-محلا زاك من فمك بربي عاودها😁
اول ما عرف اسم العايلة فرح برشا بالاخص انو عرف انها بنت عيشة ما حب يقلها شي و لا يفسرلها شي،قرر انو يقعد يتبولد عليها ة يستفزها و اصر انو ينتقم لعملتها الصباح على طريقتو،تبسم تبسيمت خبث استفزتها فعلا و كمل يحكي بكل ثيقة في النفس😌
-عات هات نومروها مازالت ناشطة فالجمعيات كيف العادة؟و مازالت تغرد في كل مرة يسافر فيها اسامة لكندا 😂😂
تصدمت دانا من طريقة كلامو و معرفتو الكبيرة بالتفاصيل الصغيرة و الدقيقة لحياة امها😕
-لا انت مكش نورمال مش كان نكلملك اسامة والا سامر خير😠
-اي اي الي تحب كل شي منك حلو عزيزتي😚
معادش فيها مالعصب الي عمالها عينها من وقاحتو هزت يدها باش تضربو بكف انا فيسع لقفها و فيسع ما ملامح وجهو تقلبت و عينو حمارت بالفش و فيسع عاود رسم تبسيمة على شفايفو
-رد بالك تعاودها نرة اخرى عزيزتي سي نو يدك تتكسر😊سلملي على شوشتي و توا برا روح و ديراكت للدار
-معادش تنجم تتحمل القعدة معاه فرد بلاصة هزت روحها و خرجت على اساس مروحة ما كملتش قرات و فالطريق كلمها سامر على اجتماع ايرجون مع بقية المصممين و تذكرت مودال ما كملتوش دورت الكرهبة و رجعت للشركة...
محمل جاد الصغرون يرقد فيه،ينشي و يجي فالبيت لين حسو ترخف بين يديه حطو في فرشو و خرج من غير ما يعمل حس،نوقز تاليفونو يلقاه جوزيف..
-وي دجو سافا
-حمدلله انت شعامل..ايثار ما فماش جديد في حالتها؟
-مزال ما فما شي و ما قامتش اما كل مرة نحسها انوقاعدة تحاول انها تتجاوب معايا..وينك انت توا
-في فيلة الغابة انا و الاولاد..اسمع كلمتك لازمك تجي فما تطورات فالمهمة و رئيس المنظمة يحب يحكي معاك شخصيا،بلش نعقدو معاهم اجتماع مباشر بالكام،حاول تكون هوني في ضرف اقل من ساعة
-باهي نكلم اثير والا محمد يجيو حذا ايثار و نجيك ديراكت..
علق من عندو كلم اثبر و محمد درجين و كانو بحذاه خلاهم معاها وخرج ديراكت لفيلة ايهم وين لقاهم مزالو كيف بداو الاجتماع كمل معاهم عرفو التطورات الجديدة الي باش تكون لصالحهم عدلو شوية في خطتهم و تفاهمو شنو باش يعملو..الينا كانت معاهم عالكام بالبيسي و قعدو يحكيو حتى بعد ما وفى اجتماعهم مع رئيس المنظمة،كانت تدرب بالسلاح لابسة سروال نوار و بروتال نوار سانتير السلاح على كتفها و بورتكان نوار شعرها محلول عاملة ايلاينر على عينها و روز على شفايفها كانت محلاها و ديما يحسها صغرونة قد الطرف..واقف متكي عالطاولة يدو في مكتوبو وراء ايهم الي كان قاعد عالفوتاي بجنبو جاد و جوزيف و هي مرة تركز عالهدف الي مقاملها و تصوب عليه و مرة تاقف تحكي معاهم لين كملت حولت المكالمة على تاليفونها هزتو و داخلة لبيروها بما انها كانت تدرب البرا..تمشي كلوار المقر و كل مرة يتعدا حد يعمل التحية والا يسلم عليها..بالنسبة للاولاد حاجة عادية بإستثناء آزر الي كان العصب يهز فيه و يحط مكتف يديه ينتف في ضوافرو😂هالفرخة باش تجلطو و تجيب آخرتو متغشش مش عارف من شنو والا علاه ،ملي بداو يحكيو معاها ما نطق حتى كلمة ،حديث مانل و هو ساكت مركز معاها كيفاه تمشي فالكلوار و تحكي معاهم و كل ما يتعدا زميل بجنبها يحس روحو باش يخرجلو مالبيسي يختقو صحيح يضهرو محترمينها و حد ما يتجرأ يقول فيها كلمة و الا حتى يتبولد عليها اما كان فاهم نظرات البعض منهم ليها يخزرو لبدنها و باش ياكلوها بعينهم،و في وسط حديثهم من غير وعي ولا تخمام منو صاح عليها هلاها تسكت و تقصي على كلامها مصدومة فيه و فلي قالو😮نفس الشي بالنسبة للاولاد قداه عندو ساكت لين سمعوه نطق بنبرة صوت عالية كلها لوم و تملك و سيطرة
-تحرك فيسع البس حاجة والا عاجبتك ىوحك هكا تمشي وسط الرجال عريانة،كان شديت الدار كان خيرلك😏
قال هالكلمتين و هز روحو خرج من حذاهم يحس في الدم طلعلو لراسو وجهو حمار و تملكتو فوارة في بدنو مش عارف منين جات.طربق الباب بالقوي و قعد يمشي و يجي البرا مش لاقي تفسير لافعالو و تصروفاتو الي في كل مرة هو نفسو يتفاجئ بيهم..
الاولاد قعدو يخزرو لبعضهم مبهمين،علاه في كل مرة يصير هكا..الينا وصلت لبيروها و قعدت مصدومة ما نطقت بحتى حرف..تخزر للاولاد لقاتهم هوما زادا كيفها
-يا جماعة حد فيكم يفسرلي حاجة عيشكم،تو تحسوه نورمال هذا؟.. ااسي بوان يكرهني معناها؟ تي علاه في كل مرة تصير نفس الحكاية و في كل مرة تتعاود نفس النبزيات و نفس البخص و العياط و الكلام المرزي،شنو عمتلو حتى باش يتصرف معايا هكا..باعي مالاول تقولو غلى فازة المطار اي و توا؟ يضهرلي تعظات الحكاية و نساها و ديجا خذا حقو وقتها و بالوافي و قال الي يخب اكهو عااد.. انا والله لا انجم نخدم في اونتوراج متوتر هكا..لا ملمتو و لادرت بيه يقوم يحكي هكا و مش اول مرة على فكرة..
-جاد: الينا عيش اختي هدي روحك هانا الكل كيفك مصدومين فيه،اتو نحكي معاه و نشوفو شننو الحكاية
-جوزيف: الي يعمل فيه غالطو ما يصيرش مش عادي هالراجل عمال وين ماشي و يتمادى اكثر
أيهم ما ما كان مركز مع آزر شرد يخمم ما يعرش كيفاه تكلم من غير ما يخمم فلي باش يقولو
-ايهم: يا جماعة تخممو فلي نخمم فيه؟ تصروفات آزر ما عندها كان تفسير واحد ما فماش غيرو و تقص يدي كان يطلع غالط خاطرني متأكد و توا كيف تذكرت برشا حاجات ما كنتش عاطيهم اهمية و بيهم فهمت شنو قاعد يصيرلو..
-جوزيف: شفهمت ايهم،صارت حاجة و احنا ما عدناش بيها علم
-ايهم: يظهرلي السيد غارق لشوشتو و طايح ل...
ما كملش كلمتو و جاد قحرلو و ضربو بمرفقو باش يسكت..
-الينا: كمل ايهم شبيك سكت
-ايهم: شي شي انا نهتري وحدي لحظة يا جماعة جاني تاليفون
هز روحو و خرج كوم موا يحكي
-جاد: طفيه الينا هاكي طبيعتو آزر يكره الجنس اللطيف😀 و ما عندوش معاهم كي تبدا شكون و شكون لازم يسمعها كلمات و ما يعجبوش العجب
-جوويف: الينا برا كمل خدمتك عطلناك تو بعد نكلمك و ركزلي علي قتلك عليه
-الينا: اوك دجو ديجا الخدمة مكدسة عندي مهمة لازمتي نخرج و انت حاد امان طمني على ايثار كان فما تطورات
-جاد: عيشو الخو سايس روحك..سلام
علقت الينا بدخول ايهم و آزر
-جوزيف: آزر شبيك ياخي فما حاجة مقلقتك علاه حكيت مع الطفلة هكك
-يا دجو ما ريتهاش شلابسة الزح و كيفاه الي ماشي و الي جاي يملي في عينو 😠
قالها بعصب و صوت عالي مش فايق بروحو
-جوزيف: شمدخلك في جد بوها طفلة عاقلة و خدامة بألف راجل ياخي كل وحدة معرية بيها و عليها شبيك اا زحي طول عمرك عايش وسطهم هلي يعريو و لا مرة قلقتك الحكاية و لا انت ركزت معاها شصار توا،فايق بروحك شتحكي آزر
-ايهم: لاك خوها و لا بوها و لا راجلها باش تحزر عليها والا تطلعشي تحبها؟؟
هوني آزر قلبو خض و نبض نبضة مستحيل تكون عادية و في نفس الوقت خزر لايهم بشر..زوز احاسيس و زوز ردات فعل متناقضين في نفس الوقت القلب يأيد و العقل ينفي و آزر بيناتهم متوتر مش فاهم روحو و فاللخر سيطر العقل و كان هو سيد الوقف
-آزر: 😂😂فاش تخرف،اي ميت فاني عليها و منها نخلق😒ما فيبلكش انت😑 يزي بلا كلام فارغ ايهم،هذي حاجة مستحيل تصير لا معاها لا مع غيرها و النوضوع هذا معادش تجبدو حتى بتفدليك هاكا الي مزال و تبقى عاد😂انا هاكي طبيعتي و ردت فعلي عادية دمي سخون كيما اي راجل شرقي وهي وحدة منا و زيد لاحظت نظرة زميلها الي نيتو كانت باينة من عينو و احنا رجال نفهمو بعضنا و حكيت معاعا هكك باش تحل عينها و ترد بالها على روحها اكثر، صحيح هي بألف راجل و ما يتخافش عليها اما فاللخر تقعد مرا و المرا مهما كانت قوتها و جباروتها الضعف حاجة مغروسة فيها دونك لازمها تفيق على وضعها و معادش تلبس هكا،يظهرلي عملت عاجة عادية و الينا كان تغششت مني تو نكلمها و نفهمها..
(حطواااا جاااام قبل ما تقرااااو)
جوزيف: شنوا توا باش نعملولها قاوق الحكاية،آزر عندو حق و انا معاه في هذي و اي حد في بلاصتو يعمل كيفو جيست احنا كنا غاطسين نحكيو عالمهمة ما ركزناش (غمز الاولاد باش يسكرو الموضوع) انا ماشي للشركة فما اوراق قالي عليهم سامر لازم ايثار تصححهم و مدام هي تاعبة توا خلي نمشي نريقلهم و فرد مرة نشوف شنو الامور..
-جاد: اي كنت باش نقلك عليهم حتى انا نورمالمون يكونو اوراق بخصوص صفقة جديد متعلقة بالكلكسيون الي قاعدين يحضرو فيها،ثبت مليح الشركة بدات ترجع للسوق و المنافسين برشا
-باهي تهنى اي سلام كان فمة جديد مع ايثار كلمني
طلع في كرهبتو دور المفتاح و طار للشركة وين كانت دانا هي و سامر حايسين دانا الاوراق الكل مفروتين قدامها عالبيرو تحاول تكمل آخر و اهم تصميم متوترة و داخلة بعضها ضيق الوقت فقدها تركيزها و مع الاوضاع الاخرة الي صارت فالعايلة خلاتهم خايضين و ناسين برشا خاجات و توا قاعدين يكملو فلي لازم يكمل و قعد ناقص، التصميم الي يحضر يتبعث للاتولياي باش يتخيط عند اكبر و اشهر صناعية في هالمجال على اذاكا ما يتسماش تعطلو برشا.. سامر قاعد عالفوتاي و الطاولة قدامو تقول متفجرة فيها قنبلة و هو كيف المجنون في وسط تصاور العارضات الي لازم يختارهم على حسب كل تصميم من غير ما يخرج عالموضوع متع الكولكسيون..
نوقز تاليفونو فد و زاد مكنو العصب و خرج على تركيزو
-شبيك سامر هز
-كان تعرف شكون يطلب تو تقلي سكرو و طفي الضو،الستار ربي (هز)..وي عسلامة ااا اوك سي بون..مرسي مدام.. باي
علق و طيش التاليفون عالفوتاي لاخر بجنبو اتكى لتالي و طيش يدو منا و منا طلع ساقيه عالطاولة دز التصاور لين طاحو فالقاعة و طاح يسب😂
-سيب من يدك ياعمبو الخدمة الله لا تخدمت و لا قام فيها ياعمبو الكلكسيون و التعب و الشقى و بوو امك و امي يادانا و بويا انا الي اخترت نخدم وانا صغير و بو راشد و جد جد والديه الزوز😂😂😑
-وه وه شعزاك شقام عليك دا على لونك
-ااااا الحمدلله يااا ربي ..المعرض تأجل جمعتين اخرين يعني مش بعد 3 ايام و احنا حرقنا رواحنا قريب نخرجو البيترول مالارض😪
هو قال هك الكلمة وهي سيبت الي في يدها الكل و طيشت راسها على بيروها كأنها كانت تحارب و تهدت مالتعب
-حمدلله لله،صدقني كان زدت شوية مخي راهو خرج من راسي تسكرت و ما عاد عندي شي نرسمو و لا نجمت نخمم في شي😭😭
تحكي و راسها عالبيرو مغمضة عينها مالتعب ما حستش بيه كيف دخل ووقف ورا الكرسي متاعها يخزرلها و يتبسم من حركات الصغار الي تعمل فيهم و مش ناوية تبطلهم،استغربت من هدوئ سامر مستانس ما يسكتش و يقعد يتمقعر على اقل حاجة هزت راسها ما لقاتوش تنرفزت و جات باش تخلط عليه كيفاه خلاها تحكي وحدها و خرج،لا لحقت تقوم و لا تحكي بينها و بين روحها يدو كانت اسرع منها دورها ليه بالكرسي جات مقابلتو،مازلت مش مستوعبة و خلطت تبدل ماامح وجها،هزت راسها لقاتو هو فعلا قدامها..من نهارت الي جاء و هي تاصنع فالقوة و البرود واللامبالاة قدامو و قعدت تصارع و تحارب في قلبها باش ما تضعفش و عملت المستحيل باش تسيطر حتى على ملامح وجها باش ما تفضحهاش في كل مرة يطلع صدف قدامها..توا غدرها و جاها لحد عندها حاجة ما كانت متخيلتو يتجرأو يعملها تلبكت و توترت عينها بعد ما تلاقت بعينو ديراكت تغرست فالقاعة حست شوافرها رزنو مش مخلينها تحلهم و تهزهم فيه.. تفجعت و قلبها رجف، مشاعرها تخلطت عليها و كرشها دارت تكبست بكلها وقت حصرها بيدو الزوز منا و منا كيف حطهم عالكرسي و طبس عليها الجه فااوجه اما عينها مرخية فالقاعة مد يدو هزلها راسها،تفاجأت من حركتو و جرأتو الزايدة، ديراكت خزرت ناحية الباب خوفها انو يدخل حد جذبها صوت و بحتو السبيسيال الي تعرفها مليح والي من مدة مش شوية ما سمعتهاش😦
-ما تخافش سامر روح و وصيتهم ما يدخلولك حد😊
(حطوااا جاااام قبل ما تقرااااو)
الحلقة 24:
قعد على ركبتو و شدلها يدها الزوز الي رعشو بين يديه، حس انو وراء هالقوة الا انو قربو المفاجئ ليها في كل مرة يخليها داخلة بعضها،تبسم و فرح كيف فهم انو مزال عندو تأثير كبير عليها..زاد قرب اكثر لدرجة انفاسهم تخلطت هز يدو على خطها يتحسس فيه بكل حنية و في عينو لمعة عشق الدنيا الكل ليها و البيد الاخرى كبسلها على يدها،حالتو ما كانتش تبعد على حالتها هو زادا كان مش فاهم روحو و لا شنو هلي يعمل فيه،علاه ما نفذش وعدو لروحو بإنو يسيطر على قلبو و تصروفاتو في حضورها علاه يدو خانتو و تمدت ليها و ساقيه الي جابتو جري لعندها اول ما عرف انها فالشركة،وينو كلامو لروحو كيف تعهد انو يتقوى قدامها و يتحاول يتفداها بأي طريقة و مهما صار حتى لو بادرت هي و حكات معاه والا حاولت تتقرب منو انا صعيب و هو متأكد انها مستحيل تقدم هي بخطوة هكا يعرف عزة نفسها و صحة راسها و من نهارت الي جاء لا عبرتو و لا خزرتلو حتى بشطر عين ظاهر انها ماخذة موقف عالاقل هي خير منو و كانت اقوى و نفذت الي عزمت عليه و هو توا الي قاعد يلف و يدور قدامها حتى جابتو ساقيه ليها..حرك راسو بالشوية محاول انو يخرج هالافكار الي مش وقتها و يعيش هاللحظة الي جاتو صدفة من غير حساباات،يزي ما تعذب قداه عندو ما ملاش عينو منها و قداه ما تحسسش نعومة بشرتها الي يعشق رطوبتها،قداه ما شمش ريحتها الي تخدرو و تخليه مرهوج..وقف اما مزال مطبس عليها نظراتو اخترقو كل انش منها و كلات عينها ماكلة،غمض عينو للحظة و حلهم حرك صوابعو بخفة على خدها يتحسس فيه، هزلها يدها الاخرى قربها من شفايفو و طبع بوسة طويلة عليها...
و بعد لحظات صمت مش طويلة تكلم بصوت واطي هادي كأنو يوشوشلها و ما يحب حد يسمعو غيرها رغم وجودهم وحدهم في البيرو،يحكي و يتأمل في وجها لعل و عسى يفهم حاجة من تعابيرهم الي كانت جامدة ما تبدلتش..
-توحشتك..متعذب من غيرك و بعدي عليك قاتلني.البعد الي فرضتو الضروف عليا بالسيف و انا فرضتو عليك..مش عارف لوقتاه باش نتحمل و وقتاه باش يوفى هالكابوس الي فرقنا الناس الكل على بعضنا و حرقنا بنارو الي لتو ما طفات و مزالت باش تشعل اكثر و اكثر😔
رغم كلامو الي كان كلو ألغاز و ما فهمت منو شي الا انها حست بكمية وجيعتو و صدق الي قالو مع انو الي سبق و عملو عكس الي حكاه..مش كان يدها ترعش بين يديه كانت بكلها كيف الي واقفة في مهب ريح،حاسة بدنها الكل يفبري قدامو و قاعدة تحاول انها تسيطر عليه و ما تظهرلو شي..عاودت هزت عينها فيه كيف رجع يحكي..
-رغم الضروف الي فرضت انو نتقيد بيها بالسيف و رغم الوعد الي قطعتو الا اني مش عارف جيتك ساقي اعلى من راسي تول ما سمعت انك هوني،مش عارف شنو الي جابني و شنو المغزى من جياني كأنو على اساس باش تتبدل حاجة😏ممكن خاطر الي جاي باش يكون صعيب و خبيت نستمد قوتي منك بما انك سبب هالصبر الي فيا و قوتي الي نستمدها بمجرد خزرة عينك ليا و تبسيمتك الي تبعث فيا الروح من جديد..دانا خليك معايا..استناني اكثر شوية..انا ليك وكان عرست بنساء الدنيا الكل فاللخر الرجوع ليك انت وحدك.. و انت ليا انا لجوزيف الي عشقك و مات فيك و مزال.. كيفك ضايع و جاهل وين باش ترسي بينا هالسفينة،يا نكونو في بر الامان يا ياكلنا الحوت.. نعرف ما عنديش الحق و لا الصلاحية اني نقلك استناني اما باش نمنح روحي هالحق حتى لو بالغصب خاطر متاعي..(بدات ملامحو تتبدل للغش و صوتو بدى يعلا😡 يحكي بكل استحقاق) اما انت ما عندكش الحق تسألني شي و انا مش ملزوم باش نفسرلك والا نبررلك حاجة هذي مش مشكلتي و ما يهمنيش..انت وعدتني دانا.. انت الي وعدتني انك تصبر معايا و تستناني مهما يصير لازم توفي بوعدك و رد بالك تخلف بيه كان نعرف نقتلك و ما تكون لغيري..نقتلك و لا نتخيلك بين يدين راجل غيري.. ما تخليش المظاهر تخدعك و حاول اقرا بين السطور..ما تصدقش عينك مش كل حاجة نشوفوها صحيحة..
و في غفلة منها شدها بخفة من رقبتها و جبدها ليه لصق شفايفو على شفايفها طبع بوسة طويلة تغلغل فيها بلسانو لأعماق روحها و حرك كل حاجة كانت ساكنة فيها،
بوسة هادية من طرف واحد بدات تتحول بعد لحظات قصيرة لبوسة عنيفة..
(حطواااا جااااام قبل ما تقرااااو)
كانت مصدومة بأتم معنى الكلمة مش مصدقة،لا نجمت تتفاعل معاه و تبادل الحب الي في قلبها ليها و تلخص وحش طويل و لا نجمت تاخذ موقف و لا تعمل ردة فعل، وفي لحظة فاقت ملي هي فيه جبدت روحها منو فيسع دزتو و قامت تلهث..تفكرت الي تعدات بيه و هي معاه و من غيرو و في غيابو،قداه عانت ملي يعملو و قداه بكات كيف عرس بإيثار و كمل حبلت منو و توا عندو منها بيبي بهذا الكل و زيد جايها يقلها استناني،معاد فاهمة شي ملي قاعد يصير..رغم هذا الكل تخاول في كل مرة تلقالو اعذار و تبررلو موقفو قدام روحها،في كل مرة تحاول تعطيه فرصة انو يفسرلها هو بنفسو الي صار والا يطلب السماح تي حتى يقلها كل حد على روحو المهم تخرج مالدوامة الي هي فيها و ترسم طريق لروحها و تمشي فيه و تشوف حياتها و ما تقعدش لا معلقة و لا مطلقة تستنى في حب هو عن نفسو ما يعرش يرجعلها والا.. هذا الكل ما صارش و ما عمل منو شي و لا ناوي يعمل بالعكس كان في كل مرة يطلب السماح و يأكد عليها باش تزيد تستناه و تصبر عليه و معاه و الاغرب من هذا جاي توا بكل استحقاق يعاود في نفس الكلام و يبوس فيها بكل وقاحة و زيد ما عندهاش الحق انها تعرف الاسباب والا اتطالبو بحاجة..
حطت يدها على جبينها و ضحكت بعصب و بدات تتترفز،كل شي فات قدرتها على انها تتحمل و تصبر اكثر من هكا و هو توا يحمل فيها اكثر من طاقتها، ولات ابلعوفي ريقها بالسيف تلخبطت مش فاهمة روحها و لا شنو تعمل معادش تعرف والا حاسة كان هو فعلا مزال يحبها و حاجتو بيها،فقدت ثيقتها في روحها اما مش فيه و على اذاكا لازمها تفهم.. حاولت تكون باردة او تتظاهر قدامو،حاولت تكون استفزازية عالاقل باش تفهم شنو وراء كلامو الغامض و على شنو هو ناوي بالضبط و على اذاكا تتصرف..قلبها مقبوض و موجوع على الحالة الي وصلولها و حبهم المجهول و وين باش يرسي بيهم فاللخر..دموعها تحجرت رافضة تنهار قدامو و مستحيل تخليه يشوفهم و يشوف ضعفها بعد الي خذات قرار بنسيانو و تعرف مليح انها تكذب على روحها و هذي حاجة مستحيل انها تصير اما اضعف الايمان لازم تعرف شنو مشاعرو ناحيتها و كان فعلا كلامو ليها صحيح..كبست روحها و تقوات كان واقف يخزرلها مستني تبسيمتها متع العادة و موافقتها اما تصدم من نظرة البرود الي في عينها و من ملامحها المتجمدة الي ما توحي بشي..تصدم من تبسيمة السخرية الي ترسمت على شفايفها فجأة و القوة الي بانت في لمعت عينها بكل ثيقة فالنفس رغم انو فرح بهذا الكل الا انو خايف و خوفو من فقدانها كبير،قلبو ما قايلو خير و هذا اكيد هدوئ ما قبل العاصفة و فعلا..وقفت قدامو بكل ثيقة راسها عالي،شيعت يدها الفوق و ضربتو بكف دورتلو بيه وجهو😡و هزت صبعها في وجها تنبه فيه تصيح و عينعا تقدح بالشر..
-هذا للي عملتو توا،و كان باش نتحاسبو راهو حسابنا طويل و وقتي ما يكفيش باش نضيعو فالكلام معاك😡والي صار توا رد بالك تتجرأ و يتعاود خير ما نكبر الحكاية و توصل لكبارات العيلة و انت تخيل وحدك وين باش توصل الامور و احسنلك تلزم حدودك و تتصرف كولد خال..مسيب مرتك و جايني انا لباس بابا...😠
(حطواااا جاااام قبل ما تقرااااو)
ما تصدمش مالكف اكثر ما تصدم من طريقة كلامها معاه الي كلو تهديد و نبرة صوتها المليانة لوم و غل،تصدم من نظرة التحذير و القوة الي شافهم في عينها..اما نجم في وسط هاكا الكل يتمالك اعصابو و يحافظ على تعابير وجهو،ضيق عينو بخوف يحاول يفهم الي قدامو شكون😕
-دانا هذي انت؟هذي الي حبيتها تحكي هكا؟شنوا الي بدلك؟
-اسكت جوزيف كلمة ما تزيدهاش و انت آخر حد عندو الحق يسألني على حاجة والا يقلي شنو نعمل ،و توا اخرج يعيشك و احسنلك تلزم حدودك معايا و تذكر مليح انك معرس و عندك بيبي اااا حقا مبروك ما نزادلك😊تنجم تتفضل من بيرويا توا..
عطاتو تبسيمة و رجعت قعدت على كرسيها تحاول تتظاهر باللامبالات و البرود و تحافظ على قوتها المتصنعة لحد ما يخرج..
واقف كلمة مصدوم قليلة في حقو،قدم شوية باش يتكلم و قاطعو صوت الشخص الي دق الباب و دخل من غير حتى ما يستنى الاذن باش يدخل..هزت راسها و تصدمت كيف لقاتو زكريا😨تحكي بينها و بين روحها
-ووه على بابا شهالنهار يا ربي على شكون صبحت😭شيعمل هالهم ما ناقصني كان هو توا ما يزيشو جلطني الصباح زيد خالط عليا هوني بوجود جوزيف يا ساتر يا ربي حاستها باش تلحم😣
هزت راسها تخزرلو مستغربة مش عارفة شنو تعمل في حضور جوزيف،تبسمت تبسيمة فرحة متصنعة استغرب منها زكريا😂جوزيف يتأمل في وجها و شعلت نارو كيف شاف تبسيمتها،دار حب يشوف شكون هلي خلاها تتبسم بمجرد دخولو، عقد حواجبو و تبدلت ملامح وجهو للغش و ترسم عليهم الشر😠زاد جن جنونو كيف سمعها تكلمت بفرحة و شاف لمعة في عينها لانسان غيرو ما يعرش منين هبط عليه😑
-دانا:زااااك هوني😃 يااا مرحبا ،نور بيرويا اليوم،اكهو احنا برا مالفاك و كيف ما قلت انت بلاش استاذ و بلاش زكريا زاك احلى اكيد😊
زكريا وقف مصدوم😨هذي هي نفسها الي قريب تاكلو الصباح بطول لسانها😕مش فاهم شي قعد واقف يبحلق في عينو😨على دانا و على التحول المفاجئ الي هبط عليها،طريقة كلامها معاه الصباح و توا كيفاه تحكي فهم انو وراها ان و مش بلاش يعرفها لفعة اما كمل معاها فالخط..
-دانو!! سافا..سألت عليك اية نعتتني على الشركة..نسيت تاليفونك عندي الصباح و توا انا باش فضيت و جبتهولك..
-ووه كيفاه ما نتبهتش اني نسيتو☺
قعد جوزيف يدور في راسو بيناتهم مش فاهم شي ،راسو وجعو و وجهو تغصر مالغش و العصب الي يهز فيه و يحط،معادش فيه و معادش منجم يسيطر على روحو اكثر،سكت سكت و قام يصيح و دار لزكريا شدو من كول الفاست😠
-اسكتو الزوز..شكونك انت،منين تعرفها ووين كانت معاك حتى باش نسات تاليفونها عندك و وين كنتو اصلا؟؟😠تكلم حل فمك لا نهدهولك..
زكريا تنرفز نطرلو يدو و بعد عليه يحاول يهدي روحو
-نحي يدك سافا خويا شبيك ادز وسع بالك و شكونك انت من اصلو باش تسألني الاسألة هاذم الكل
-سألتك تحرك جاوبني فيسع ما تستنفذش صبري خير😠
-مانيش مضطر باش نجاوبك و انا حر والا بالك عند قاضي تحقيق و مافيباليش😒
عينو ظلامت و معادش فيه سايي فيسع دخل يدو ورا ظهرو تحت الفاست خرج المسدس متاعو حركو بخفة و حطو على راس زكريا العين فالعين و الزوز تقدح فيهم النار تكلم بكل ثيقة
-جوزيف بن الياس آل راشد عميل فيدرالي للمنظمة الامريكية..
زكريا بكل برود بعد ما فهم الحكاية و انو يحب دانا لحد الجنون كيف ما قاعد يشوف
-مش للدرجة تكشف هويتك😏
-نمشي بيك لما ابعد،لدرجة اني نقتلك و نمحيك من وجه الارض انت و غيرك 😈
-(زكريا بدا يصيح)شنوا هالجنان و هالعايلة طول عمرك متهورين يا زززحي،فك على زحيي و ابعد من قدامي و اصلا مش من مهامك الي تعمل فيه
-انا حر نصنع مهمة لروحي وقت ما نحب،اسمعني مليح بابا(يشاورلو بصوابعو الزوز بعد ما قربلو اكثر العين فالعين و الشر يتطاير منهم) ما نعرش انت شكون و لا شنو علاقتك بيها اما مش مشكل بحثك في لحظة يوصلني المهم مازلت تعتب باب الشركة و بالاخص باب هالبيرو ساقيك نقص هملك و الاهم من هذا الكل هذي تابعتني تخمم مجرد تخمام تكلمها نمحيك
-(زاك حط عينو في عين جوزيف و تحداه)ماشية و تزيد تحلى اللعبة نموت فالتحدي😉 عندك ريح ذري عشرة بابا و هذي طريقنا ليها واحد و من كان الاسرع..
بعد هالكلمتين جوزيف ما قعدش في عقلو هبل هبل و جن جنونو هز يدو و ضرب زكريا لين فلقو شفتو و سال منهم الدم و تلفت لدانا الي كانت تراقب فيهم و قلبها يرعش مالخوف من حالة جوزيف الي اول مرة تشوفو فيها،قربلها ركز يدو الزوز عالبيرو.المسافة الي بيناتهم قليلة لدرجة انهم انفاسهم تخلطت و خلات بدنها يرعش بكلو مالرعب الي تملكها من خزرتو ليها و النار الي شاعلة فيهم.. يحكي و مع كل حرف ينطقو ينزل على سنيه بقوة يأكد في مدى جدية كلامو و انو مش مجرد كلام عادي..😠و في لحظة نزللها على جداقها بيدو لين وجعها
-انك تكون لغيري يا دانا حاجة على جثتي و حتى على جثتي مستحيل تصير😠
قال آخر كلمتين بصوت عالي تهزت و تحطت منو فوق الكرسي و كلها خوف من كلامو..في لحظة رجع فيسع تبسملها تبسيمة هادية و عدا يدو بكل حنية على خدها كأنو مش هو الي كان توا نازل على وجها باش يكسرو.. ضرب يدو عالبيرو بقوة و هز روحو خرج مخلف وراه رماد لنار مزالت كيف شعلت🔥...
Athir..❤
(حطوااا جااام قبلل ما تقراااو)
الحلقة 25:
3 أيام تعداو على حالهم و ما تبدل شي تقريبا..الاولاد كانو بين الكلينيك و فيلة ايهم..بالنسبة لجوزيف ما حب يقدم حتى خطوة ناحية دانا ولا حب يواجها ولا يحكي معاها حتى و هذا خوف منو انو الامور تزيد تتعقد اكثر على اذاكا حب يخلي الامر يستراح و فماش ما هي تهدى شوية و تعطي لروحها فرصة تخمم فيها..
ايهم و آزر حالهم نفسو و الزوز تخمامهم بين اليزا و الينا..الزوز بعاد مخلين مخااخهم و قلوبهم في ايطاليا..آزر الي لتو بين نارين يا يقعد مسكر قلبو و ما يقبل يعطي مفتاحو لحتى وحدة و بأنقص جواجم و وجيعة راس كيف ما يقول هو والا ينسى كبرياؤو و يسلم روحو ليها، فكرو ضايع اصلا مش فاهم روحو و مزال يحاول يستوعب،مزال يحاول يستكشف خفايا غيرتو الي مش فاهمها و تخمامو الي في كل مرة تكون هي الي مسيطرة عليه و مستحوذة على كل تفكير كبير و صغير و فارضة روحها في كل شي.. بالنسبة لأيهم حالتو كانت معقدة و مشابهة نوعا ما لحالة جوزيف و جاد و ممكن هوما ابرك حال منو عالاقل حكايتهم مكشوفة بين بعضهم و ينجمو يحكيو و يفرغو قلوبهم،،و هو؟؟ هو ما ينجم يعمل شي..حتى آزر الي شالق بالحكاية ما ينجمش يفضفضلو لازم ينسيه الحكاية و يوهمو انو نساها بالحق خاطر ما يعرش شنو مستنيهم و ممكن الامور وقتها تتقلب ضدو على اذاكا لازم يكتم جرحو و يستحفظ بوجيعتو لروحو و مايقبل يشاركها والا يشاركو فيها حد..المهمة الملعونة فرضت عليه انو يدفن قلبو تحت انقاض ما يسمى التضحية و هو الي لازم يضحي فالوقت الراهن😔من واجبو حسب نظرتو هو للامور انو لازم يحاول يتناساها عالاقل و يبعد خيالها من قدام عينو اما هذي حاجة صعيبة و مستحيلة بالنسبة ليه،مجرد انو يخمم فالفكرة قلبو يتقبض و يمكنو الخوف،دافن كل شي قاعد يبلع و يغص في هالوجيعة وحدو..ما ينجمش يحكي و لا يشكي و بمجرد نطقو بحرف باش يولي في نظرهم هالحب محرم و ممنوع و الأهم باش يكون عائق في طريق نجاح مهمتهم الي تعبو و ضحاو برشا باش وصلو بيها لوين هي توا.. ممكن هو ينجم ينسى انتقامو لأختو الي تقتلت على يدين آدجين لسبب يجهلو لحد الان،ينجم زادا ينسى امو الي ماتت بحسرتها على بنتها الوحيدة و بوه الي ما تحملش فراق مرتو و مات هو زادا و خلط عليهم و خلاوه هو وحدو لا حنان لا سند يعيش بيهم كيف اي انسان عادي مع ام و بو يحبهم و يحبوه،اي هو مستعد يتجاوز هذا الكل على خاطرها يزيه ما تعذب و تحرم و حرم روحو من فرحة تمناها و كيف لقاها حرمت عليه،مستعد ينسى و يرمي كل شي وراء ضهرو يمشيلها و يصارحها و يبدا معاها صفحة جديدة و اكيد هي باش تقبل خاطرو حس بلي في قلبها ناحيتو رغم كل شي صار و باش يصير،رغم لقاءهم الواحد..حتى رغم شكها هي بإهتمامها بجاد و قداه حايرة بيناتهم اما هو متأكد و على يقين انو قلبها باش يكون من نصيبو توا والا مبعد.. اما في هذا الكل و في سبيل سعادتو هو يكون بنى هالفرحة على حساب جاد و جوزيف الي يعرف مليح قداه ضحاو و حرمو رواحهم باش يوصلو المهمة للتقدم الكبير هذا و يحققو الانتقام الي لم شملهم الاربعة و عدوهم واحد..
عينها بدات تتحل بالشوية..و تحلت بالكامل..حاسة بوجودو من ريحة برفانو الي مالية البيت و خيالو الي قدامها و قاعدة تشوف فيه فلو و حتى كان ما شافتوش جملة ملامحو و تفاصيلو المحفورة في قلبها مخلية خيالو ديما ما بين عينيها..بالشوية بدات الرؤية قدامها توضاح اكثر و شافتو اخيرا.. هزت يدها الي حستها رزينة بالسيف ناحية وجهو تحاول تتحسس خدو،تبسمت مع شوفة تبسيمتو و بالفرحة الي في عينو خلاتها مليانة دموع،تسمع فيه يحكي و هو هايم في سحرها و زينها الي مخلينو مع كل لحظة تفوت سوى حاضرة و الا غايبة يزيد يعشقها اكثر و هابل بيها و عليها😍
-كأنها خلقت من عتمة الليل،قلبها قمري و عيناها نجمتان تجوب افلاكي.. و انا الفضاء..فلا من كوكب او مجرة يساوي نجمة في عينيها..
اللهفة الي في ضحكتو و باينة في عينو بفرحتو الكبيرة برجوعها ليه خلتو يعجز انو يسيطر على دمعتو..هك الدمعة الي خانتو و هبطت سخونة على يديهم المتشابكة،حس بكتفو خف و غمة كبيرة تنحات من قلبو و الغصة الي في حلقو زالت،كيف الي كان غارق و نقذوه هكا هو رجعلو النفس و رجع عايش و حاسس بالدنيا و الي فيها..عنقها بقوة يبكي بالصوت و ما نجم كان يبكي خاطر الحروف الكل خانتو عجز حتى انو يكون بيهم كلمة،هزت يدها تمسح على ضهرو و هبطت من عينها دمعة حارة بحرارة وحشها ليه و حرمانها منو الاعوام الي فاتو اما ضعفها ناحيتو هذا عمرو ما باش يخليها تتراجع تنفذ القرار الي خذاتو و الي باش تبدا بتنفيذو توا و حالا..
غمضت عينها متوقعة مليح صدمتو بعد الي باش تقولو،نزلت على سنيها و تشجعت، تكلمت بصوت واطي محشرج خرج بصعوبة من بين شفايفها
-توحشتك...جوزيف😨
كلمتين منها خلاو جاد يجمد و يرجع لارض الواقع..يرجع للحقيقة الي هو رسمها و خططلها،الحقيقة الي رسم حكايتها و قاعد يمثل فيها،الحقيقة الي في كل مرة يتذكرها و يخمم فيها توجعلو قلبو و تخليه عاجز بأتم معنى الكلمة..تبسم بوجيعة و خزرلها يتأمل فيها بلهفة😍
-روح جوزيف و قلبو انت😚الحمدلله على سلامتك عزيزتي،حمدلله على رجوعك ليا،سافا توا شتحس في روحك؟
تتأمل فيه متعمقة في تفاصيلو و ملامح وجهو و الوجيعة الي باينة في عينو، قداشو قوي و قداش قدرتو عالتحمل كبيرة،هالانسان ما عندوش حدود معينة لتحملو باش وين يوصللها يقول ستووووب،بالعكس ديما يقبل و ديما يقول زيدوني.. لا يتشكى و لا عمرو تشكى قدامها و لا عمرو قال تعبت من هك الحاجة..هذا هو الشيطان الي عشقتو و عشقها،هذا الي شبعتو الدنيا كفوف و مزالت تزيد و هو واقف مقابلها يا جبل ما يهزك ريح و ساعة ساعة يتبسم و بهك التيسيمة يزيد يقهرها و يستفزها اكثر و تزيد هي تتشمت فيه و تزيدو وجيعة اضعاف وجيعتو..هي توا باش تعمل معاه كيف الدنيا بالضبط،صحيح هذا قرارها و مغصوب عليها و مغصبها عليه حد غيرو هو..بسبب القرار الكبير الي خذاه في حياتو و بسبب هالسر الي متشاركو مع خوه و صحابو الزوز حياتهم توا واقفة على حافة الهاوية،شكها الكبير و يقينها بإنو عايش كانو في محلهم و تعرف احساسها عمرو ما يخيبها و في كل مرة يصدق و هي الوحيدة الي سبق و آمنة بوجودو و جاء الوقت توا انها تزعم و تمثل تقبلها لحقيقة موتو،الحقيقة الكاذبة الي صدقها الكل و فرضتها عليهم الضروف و الاسباب..مالليلة هاكي خذات هالقرار... الليلة الي فاقت فيها و اكتشفت فيها الحقيقة و لولا حضورهم الاربعة ليلتها و جبدانهم للموضوع كان ممكن تكون للتو تتخبط وحدها في هك الظلام و تحارب في سبيل ترجع لولدها و الاكيد انها مزالت معلقة بين الشك و اليقين في حقيقة موتو و الي كان صاير في البريود هاكي الكل.. من هاللحظة هي زادا باش تكون سبب في وجيعتو الي باش يخفيها حتى على روحو و يكذبها، مفروض عليها تعمل هكا اذا هالحاجة باش تعاونو في مهمتو و تخفف عليه القلق و الخوف و التخمام فهي مستعدة تعمل اكثر من هكا اذا هالوجيعة باش تخليه مطمان عليها و على عايلتو و تنقذهم و تنقذ روحها من خطر مهددهم فهي مستعدة...تصدم من كلامها و حس صوتها علا،نسى روحو و نسى كلام جاد ليه و ما بقى يتذكر كان صحبتو هو و ايثار و كيفاه يحكيلها على كل شي
-سامحني عزيزتي حقك عليا والله😓...
دوب خرج و قالها باش تخلط عليه مام با صبرت درج و لحقتو، تمشي كلوار الكوجينة و في رمشة عين تجبدت من يدها ،حلت عينها تلقى روحها في بيت المونة😂جبدها بقوة دخلها سكر الباب و لصقها عليه و لصق فيها..يتنفس بزربة لدرجة صدرو يتهز و يتحط من قوة وحشو ليها و لهفتو عليها،عنقها في وسط هك الظلام..مجرد انها قربت منو للدرجة هاكي و حطلها راسها على صدرو ذابت و دارت القاعة تحتها،حاسة روحها طايرة فالسماء و دقات قلبها تقول طبال في عرس،تكبست بكلها و كرشها وجعتها و نفسها بدا يعلى، حوطتو بيدها و تخبات عندو😍حست بسخانة شفايفو على جبينها كيف باسها بوسة طويلة و بالشوية بدا يهبط حتى تلاقت شفايفهم و بدات بوستهم المجنونة متع العادة الي تخليهم يهبلو على بعضهم و يعوضو وحش مدة طويلة ما تقابلوش فيها...
مزال في بلاصتو مع الجماعة قاعد عالفوتاي و ايثار في حضنو بدات تنعس و هو محوطها بيديه الزوز و حاط دقنونتو فوق راسها يحاول ما يخزرش لدانا و ما يركزش معاها كل مرة يلاهي روحو بحاجة و الا يحكي مع حد حتى وصلو ميساج من جاد باش يرجع لفيلة ايهم و هو يمشي للفيلة متاعو قراه من تحت لتحت و طبس راسو يحكي مع ايثار😍
-صغرونتي رقدت
-ممممم
-انا خارج عندي ما نعمل ساعة بالياسر و نكون هوني، تحب نطلعك لبيتك
-لا خليني هوني تو نفيق و انت ما تبطاش العشاء قريب
باسها و قام ما نتبهش لدانا الي قامت هي زادا قبلو بعثتها اثير لبيتها.. طالع فالدروج ماشي لبيتو باش يلبس فاست بحكم العشية بردت..دانا دخلت تلوج على جيلي اثير ما لقاتهاش كلمتها قاتلها تو تلقاها عالفرش في بيت ايثار..هزت روحها و مشات حلت الباب و دخلت شافت عالفرش ما لقات شي..واقف قدام المراية متع الدريسينغ و الباب محلول دوب نحى
مريولو و حل عينو شافها عالمراية جاية ناحيتو تخبى وراء الباب هذي فرصة مستحيل يضيعها هي دخلت و هو طفى الضو و سكر الباب و جبدها ليه فيسع دورها جات لاصقة عالحيط،كل شي صار فيسع و ما فهمت شي، حلت عينها و جات ديراكت على صدرو العريان و بدنو المفصل تفصيل قربلها اكثر يتنفس في وجها، مد يدو شعل الضو و عينو مغروسة في عينها باش ياكلها ماكلة،ربثتها و خوفها و قلقها،حشمتها و لون وجها،رعشة شفايفها و تذبيلة عينها تفاصيل هبلتو و هيجت كل نقطة فيه😔
-دانا لازمك تسمعني.. توا لازمك تفسري شكونو زاك و منين طلعلي ناقصو ياخي انا ما يهزيش همي و الي نعاني فيه من بعدك عليا؟ حذاكم توا و مخي يخدم و قلبي مش مرتاح خلي كيف نرجع و نعاود نبعد مستحيل نركز في خدمتي و الا حتى في روحي..دانا راك وعدتني كون عند وعدك و طمني..دانا اصبر راني بين نارين..صدقني كان تعرف الحقيقة تو تعذرني.. والله لا فما حاجة بيدي و كل شي مفروض علينا الكل..ما انجم نحكيلك شي ولا حتى حرف اما انجم نقعد نحكيلك لغدوة على حبي ليك و وحشي و لهفتي عليك الي قاعدين يزيدو مع كل دقيقة تفوت..
قلبها خض في صدرها بعد طريقة كلامو و الي حكاه،قربو رهوجها و ريحتو دوختها و خلاتها مش منجمة تاقف على ساقيها، نجمت تسيطر على ضعفها دزتو بيديها الزوز بعدتو حلت باب الدريسينغ و خرجت خلط عليها شدها من يدها دورها ليه و فيسع ما نطرتهم و عينها حمارت و تملات دموع،معادش فيها لوقتاه باش تعيش هكا،لوقتاه باش تتحمل تقعد معلقة في حبو لا عارفة تقرب و لا تبعد، صاحت في وجهو و خرجت الي في قلبها الكل 💔
-يزي جوزيف..يزي مالنفاق شبعت بيه و عبيت منو شكاير..بكري شوية تعنق و تبوس في مرتك و عليا عامل فيها مغيار و حزار اركز و ثبت روحك..هي مرتك و انا شنو؟عشيقة؟ والا بنت حرام تستنا مني باش نخربلكم داركم و نفكك عيلتكم الصغيرة و نحرمك من ولدك و نفكك من مرتك؟ شتحسابني بابا😠(تصيح و تبكي😢)يزي ما حكيتلي الغاز راني مستحيل انجم نحلهم، يزي ماعطيتني وعود و سألتني نستناك..اي انا وعدتك و كان مت وقتها نكون خلفت بوعدي اما زادا مش باش نوفيه و انا حية..فهمني.. احكيلي باش انجم نستنى(قرب منها)ابعدني ما تقربنيش انت توا ملك غيري و الزم حدودك معايا و اعرف تتصرف قدام العباد مش ناقصة مشاكل و وجيعة راس.. انا نسيتك و بديت من غيرك حياة جديدة (بدات تضعف و صوتها ينقص تعبت ولات تحكي بالشوية) في بالك وقت دخلت لحياتي لونتها و معاك تعلمت نحب!!في بالك الي معاك اول مرة نحس الدنيا ليها معنى و فيها ما يتحب؟كنتلي راحة،كنتلي الدنيا،كنتلي الحب..😢 وفي لحظة يا جوزيف مشيت و خليتني بلاش سبب و حكمت عليا باش نعيش التعب😢 اما نقلك حكاية انت بيدك خليت لكل احساس فيا نهاية..معادش نحس..حتى قلبي حبس.. معادش كيف ما كان معاك ديما يدق..توا معادش يدق..تي حتى صوت الضحكة المزيانة لي كانت عندي تسرق.. في بالكك بعد ما مشيت غصة في حلقي خليت و عيني بالدمعة عبيت؟ في بالك الي انا نكرهك و حتى اسمك مشيت؟.. (سكتت شوية تحاول تكابر ما نجمتش) تي نكذب والله كيفك عمري ما حبيت.. حبيت عينك،ضحكتك،ريحتك و حنية يديك؟..باهي قلي شكون ينسيني فيك؟؟ شكون باش يعوضلي غيرتك و هبالك و لهوتك..قلي شنوا السر الي فيك؟ زعمة حبيتني يا جوزيف والا الكلو كذب و ترافيك؟؟نحبك...لا..انا نكرهك..لازم نكرهك😢فيق يا جوزيف راك معرس و انا باش نشوف حياتي بلا بيك و اكيد انا زادا باش يجيني شكون و نحاول ننساك بيه..-جوزيف..جوزيف تي وين سرحت ياخي من بكري نحكي معاك و انت مخك ندرا وين😔
-(تبسم) إيثار.. حاير في حاجة بالحق،نعرف سبحانو يبيتها في شان و يصبحها في شان و سبحانو مقلب القلوب اما بالحق هالحاجة بلي حاولت نلقالها تفسير ما نجمتش و نظن انو مش بالساهل انسان يتبدل فيسع و بالسرعة هذي..
-شبي عزيزي..في شنو حاير؟
-حاير فيك و مستغرب من تصروفاتك، حاير في عنادك الي معادش موجود و في صحة راسك الي كانت معايا قبل..نتذكرك ساعات ترضى روحك مخنوقة و مش على راحتك المهم ما تقعدش قدامي من غير ما يكون راسك مغطي رغم اني راجلك و مش غريب..توا غسلتلك شعرك و قاعد نشيحلك فيه عادي ما قلت شي،بدلتلك دبشك قطعة قطعة عالآخر و كيف كيف ما قلت شي ما عملت حتى ردة فعل حتى كلمة لا ما نطقتهاش بالعكس وافقت على كل شي و شكلك فرحانة.. صحيح حتى قبل كنت متناقضة مرة تقبل مرة لا اصلا انا ما كنتش فاهمك و لا منجم نفهمك توا..مرة تصدني و مرة انت الي تقربني ليك و تقرب مني..الحقيقة ما نكذبش عليك الي صار بيناتنا آخر مرة..
قصات عليه و دارتلو تحكي بكل ثيقة فالنفس و عينها في عينو..
-الي صار آخر مرة ندمت عليه؟ ندمت انك خنت خوك و رقدت مع الي كانت مرتو؟
ردة فعلها كانت صادمة و كلامها رهوجو..
-مانيش نادم انت كنت مرتو و توا مرتي ما عندك علاه تقول خنتو و انا حبيتك قبل و انت اخترتو هو و انا تقبلت الحكاية و رضيت بقرارك و احترمتو و قعدنا صحاب و حتى بعد عرسنا كنتلك الخو و الصاحب و العشير الي تتشارك معاه كل شي اما ما نعرش في لحظة تقلبت الامور و انت بيدك حفرت على مشاعر نكنها ليك كنت دافنها و رجعت انت حيرتها و شعلتلي ناري من جديد..
-جوزيف الي تقول فيه الكل زايد توا الي صار صار و هك قلتها بفمك مرتك و انا توا قاعدة نحاول نطبق هالكلمة بلي فيها من حقوق و واجبات اما باش نفهمك حاجة.. انت اكثر واحد تعرف اني الوحيدة لكان عندي امل انو جاد حي و كنا ديما نتعاركو و نتناقشو فيها الحكاية هذه و انت بيدك كنت تتنرفز كيف اناديلك بإسمو حتى و كنت في كل مرة تحاول تقنعني بموتو.. علاه توا بعد ما انا قاعدة نحاول اني نتقبل الحكاية انت معادش عاجبتك؟ جوزيف هاكا الكل ما عندكش الحق تلومني عليه خاطر كنت نراه في كل شبر منك ،في بدنك و نظرة الحب الي في عينك ليا،لهوتك بيا، بحة صوتو في صوتك و لمساتو عليا الي عاودت حسيتهم معاك،كلامك و حنيتك و تصروفاتك.. كل هاذم و اكثر تفاصيل جاد لقيتهم فيك، كيفاه تحبني ما نشكش و مانعيشش التناقض الكبير الي كنت فيه معاك..
جوزيف نحبك تاقف معايا و تعاوني بحق و حقيقة،نحب نبدا من جديد..انا صحيح فقدت جاد اما شوف مزال موجود هوني (حطت يدها على قلبها😊) و مزالي جاد الصغرون هو الي باش يعوضني حرماني من بوه ومن كل شي و انت زادا باش تكون معايا مش هكا؟؟كالعادة و كيف كل مرة في هالوقيت واقف مقابل البلار الي يطل على جردة الكلينيك هاز ولدو في حضنو كل مرة يحكيلو حاجة من اياماتو هو و ايثار و كيفاه تعرف عليها و حبها و لاخر يخزرلو ساعات يسكت و ساعات يتطرشق بالضحك كأنو بالحق عبد كبير و قاعد يفهملو في كلامو لين تعدا الوقت و رقد بين يديه😍هزو رجعو لفرشو غطاه مليح و بعد تلفت لايثار الي كانت راقدة كيف العادة و ما تبدل شي في حالتها..جبد الغطا شوية و دخل معاها فالفرش عنقها و غرس خشمو في رقبتها يستنشق في ريحتها الي تهبلو، غمض عينو و قرب فمو من وذنها يحكي بتوشويش😙
-صغرونتي سافا اليوم؟شتحس في روحك؟انا نحس في روحي ضايع من غيرك و من غير عينيك😢مازلت في هك الظلام؟على خاطري و على خاطر هالبوقوس الي جبتهولي قاوم اكثر و حاول تقوم راني معادش قادر على فراقك،صبري وفى و استنفذتو قطرة قطرة و معاد طايق شي والله😢،قوم نروحو لدارنا نفرحو بولدنا و نتلهاو بيه و يكبر معانا و في وسطنا،قوم و ارجع لخدمتك نعرفك قداه تحبها و زيد كل شي حابس و واقف يستنى فيك خاطر ما ينجح كان بيك،قوم نعرف مرتي قوية و ما يكيدها شي..
قعد يحكي يحكي لين نعس و قريب يهزو النوم حتى سمع الحرب الي قامت تحت راسو.. الماكينات الكل نوقزت فرد وقت،حس بحركتها بين يديه، حل عينو، سمع تنهيدة منها و كذب ،تنطر فيسع من حذاها و قام يجري ينادي للطبيب الي عرضو فالباب رجع يزرب يغطيلها في شعرها كيف ما جاء... ساكنة حركة ما عملتهاش الطبيب يفحص فيها و على وجهو تبسيمة رضا..نحى الايكوتار ميديكو و خزر لجاد يطمن فيه😊
-مسيو جوزيف مبروك اونفان المدام استجابت كليا و رجعت لحالتها العادية كل مؤشراتها مريقلة و عال العال،مزالت دايخة شوية و اول ما تستوعب حالتها درج درجين هكاكا بالوقت و تحل عينها،انا باش نحضرلها تصريح بالخروج توا هي و البيبي تنجم تروح بيهم اليوم😊
الطبيب خرج و هو فاق من شرودو كأنو الي كان يسمع فيه توا حلمة ما يحبش يقوم منها،الفرحة مش سايعتو و ما لقالهاش الوقت باش يزيد يسرح و يخمم فيها..كان ديما يستنا في هاللحظة الي باش يروح بيها للفيلا،خذا تاليفونو و فيسع كلم جوزيف يطمن فيه و فرحتو باينة من لهفة صوتو حس روحو تولد من جديد و رجعت فيه الروح..فيسع مشى لمدلها دبشها و دبش ولدو و ريقل كل شي بعد ما زاد كلم محمد و حكالو الي صار..
الحلقة 26
كمل و قعد عالفوتاي بجنبها شادلها يدها يخزرلها بلهفة يستنى فيها وقتاه تحل عينها كأنو اول مرة باش يشوفها و في كل مرة يقول اهو باش تقومتوا...
تعداو الدرجين و تعدات الربع ساعة و النص ساعة و هو باقي مسمر قدامها ما فقدش الامل،وصل انو يحاول ما يرمشش عينو باش ما تفوتوش لحظة شوفتو لغابتو الخضرا الي توحشها💔مركز معاها لين حس صبعها تحرك بين يديه،زادت لهفتو مع ريتم دقات قلبو الي قوى هو زادا،قربلها اكثر وجهو في وجها يعس عليها، لحظات و فعلا بدات عينها تتحرك و شاف عقدة صغيرة على حواجبها..عينها تحلت شوية و عاودت غمضتها بضو الشمس الي جهرها،حس بيها قام فيسع طفى الضو و رجع الريدو لين ظلامت البيت شوية،رجع يزرب و يلهث ناحية فرشها عاود شدلها يدها مرة يفركهم يحاول يدفيهم و مرة يتحسسهم باش يعاونها تقوم و تعرف انو موجود معاها..قعدو يحكيو لين قالولهم الفطور حضر خرجو للجنينة الي فيها الطاولة الوحيدة الي ترفع عيلة آل راشد بكبيرها و صغيرها و عملوها مخصوصي للماتهم هذي..
بين الضحك و التفدليك و عرك الاولاد عالماكلة تعدا الوقت فيسع و جات العشية، تلم راشد بأولادو و نساهم قعدو فالجنينة و الاولاد دخلو يتفرجو عالماتش بينما البنات دخلو للصالة يلعبو على جاد الصغرون و شايخين بيه،مسكين مروشوه و هوما كل مرة اتطل عليه وحدة لين ولا يبكي هزتو ايثار تسكت فيه قاعدة هالفوتاي شعرها محلول بما انهم بنات وحدهم،دخل جاد ما فاقتش بيه عالاول اما حست بأنفاسو في رقبتها كيف قرب منها برشا،طبع بوسة على خدها و قعد بجنبها يبوس في جبين ولدو و شادلها هي ولدها يخزرلها و ذايب في زينها،مرهوج بريحتها الي في كل مرة تخدرو بيها و تسلبلو عقلو
-عزيزتي البس حجابك الماتش وفى و ممكن الاولاد يدخلو حذاكم
ضربتو على خشمو بخفة و دلال بطرف صبعها وضحكت
-يخليهولي المغيار،بو زين اك العينين😘
-روحو انت المغيار😘
خذا من عندها البيبي و غطت هي شعرها، البنات كانو مركزين معاهم يتهامسو و ذايبين مالمشهد الي قدامهم فرحانيلهم، دانا الوحيدة الي كانت تراقب فيهم بوجيعة،شوية و بداو الاولاد يدخلو حذاهم و كل مرة يخلط حد..
نوقز تاليفون جاد بميساج من عند جوزيف قالو فيه "اخرج يستناو فيك هاني برا الفيلا نشد بلاصتك" باس ايثار و قام
-عزيزتي نطلع لحظة للبيت و نجي😘
طلع لبيتو يلقى جوزيف سلم عليه و خرج مشى يقابل في شكون و جوزيف رجع حذا الجماعة قعد بجنب ايثار بعد ما شرحلو جاد شوية تفاصيل..
عادل ديراكت تعدا بحذا هنيدة..الاجواء المدة الاخرة ما كانتش ولا بد،على اذاكا كل حد تلهى في امورو و حتى كيف يتقابلو يكون الجو مغيم كلو كآبة و حزن..
و اليوم بعد مدة يتقابلو و لازمهم يعوضو.. قربلها يوشوشلها في وذنها،حاسة بأنفاسو السخونة داخلتلها من تحت فولارتها
-روح قلبي و سلطانتي، عيون عادل هي توحشتك😍
-عادل تعرف صوتك هذا يذوبني و طريقة كلامك توا مغرية و تعرف مليح انك نقطة ضعفي..
-فولا على اذاكا انت باش تخلط عليا توا بعد ما نقوم للكوجينة خاطر الجماعة الكل البرا... و انا متوحشك،ما تبطاش عليا
قام خرج شوية و خلطت عليه....
لجين و غسان ما كملوش الفوياج دينوص متاعهم و رجعو اول ما سمعو بلي صار، متربعة عالقاعة فوق الزربية و هو متكي في حجرها يلعبلها يبدها و ضربة ثنين يبوسهم😂
عكس سامر و هند الي كانو يتشوحورو لبعضهم من غير حتى سبب، كل حد فيهم يهز و يحط في لاخر هي مغلغلة اليه ما تعرش علاه مش طايقتو و هو يعشق فيها بعينو اما كشوحية راسها مش مخليتو يعرف يتصرف معاها باش يقربها منو اكثر و قعد معلق بين انو يقرب منها و بين انو ينساها و يشوف حياتو مع غيرها...
اثير و اسامة الفرحة مش سايعتهم بعد ما مشاو عملو الايكو و عرفو انو عندهم بنوتة الحاجة الي مطيرة اسامة بالفرحة و خلات دموعو تسيل اول ما قالتلهم الطبيبة "مبروك عندكم طفلة" من وقتها و هو يغزل في اثير الي حبت على طفل اما كل شوية يرجع يبوسها و يعنقها و بهالخبر مع خروج ايثار زادت فرحة العايلة..
عالفوتاي لاخر غيث و هديل كانو متربعين بيناتهم الطابلات يلعبو و ماكلين بعضهم كيف المهبلو ما علا بالهمش بالطقس😂...
محمد كان معاهم يخزرلهم الكل فد لين نطق😡
-اكهو انتوما المعرسين و المخطوبين لاهين مع بعضكم و احنا البايرين عالحيط 😒 ملا عيشة و ملا قعدة
-زياد : عيشة العز يا خويا شلزنا هانا بايرين خير،خوك عايش وحداني سلطان زماني
-محمد:انت اسكت ضارب خواتك وحدة عاليمين و الاخرى عاليسار تحكي معاهم شتحب اكثر😒
-سامر: يظهرلي كان احنا الثلاثة بايرين
-مجد(هز يدو) انا الرابع خوكم ما تنساونيش 😒
-زياد: انت بابا بيرك غارق ديما صبورة كحلة الضو لا و ديما بح
-مجد:(خزر لسحر و تبسم) زيدون هو فما خيط اما مازلت ما كبشتش فيه...
-محمد:كان انا يا ززحي حتى خيط متع خياطة ما فماش😔
-اثير:شبي خويا انت غدوة ناخولك للات النساء والا علاه ماشين لبعيد هاو البايرات عدنا بزايد😂الي عينك فيها قلي..مثلا دانا
-جوزيف(تنرفز😂)ايثار سكت اختك لا نقوملها😂قلها تسيب الطفلة 😒
حسبت روحها غارت و تنرفزت
-ايثار:جوزيف ما تقليش شقام عليك العشية، الكلام هذا احكيه ورايا عالاقل مش في وجهي توا انا قاعدة نحاول نكون معاك و اعترفتلك توا جاي تقلي دانا و ما دانا انساها مش ليك 😡موقفو قدامها وقتها ما كانش مخولو انو يجاوب والا يرجع على حتى كلمة ملي قالتها والا يعارضها اكتفى بإنو يسكت و يعنقها و بالو يخمم فلي جاي..
يسمع في صوت محمد فالبيت سبقها هو خرجلو و هي قعدت تريقل في حجابها.. كملت و ركزت يدها على الرخامة تتأمل في روحها عالمراية..تعرف انو قاعد يكابر و ماشي معاها فالخط مليح و متقن لدورو اما تعرف زادا قداه مصدوم من تغيرها المفاجئ و شخصيتها الجديدة عليه الي مخليتو يسأل روحو الف سؤال فالدقيقة، في عينها برشا خوف ملي يستنى فيها و تعرف مليح مقدار الوجيعة الي باش تتسببلو فيها بلي باش تعملو و تقولو في كل مرة،كل حرف ليه باش يوزنو مليح و باش يخلف تأثير كبير عليه و الاكيد بقايا الرماد الي باش تخلفو نار الغيرة في قلبو..هذا الي لازمو يصير خاطر هذا الحل الوحيد الي تنجم تعاونو بيه باش تسهل عليه المهمة الي واقفة حاجز بيناتهم الكل..خذات نفس طويل و خرجت تمشي بالشوية تسايس في روحها و موجوعة لقات محمد قدامها ترمات في حضنو
-روح خوووها جات (عنقها و باس جبينها) حمدلله على سلامتك عزيزتي،سافا توا؟
-يا روحي توحشتك برشا،والله لباس ما تخافش عليا..جوزيف امان وبنو ولدي نحب نحضنو و نشم ريحتو؟
هوما هكك و دخلت الطبيبة هازتو في يدها و هو قد الطرف مش باين في وسط الكوفيرتة حملو محمد و جاد عمل هكا و هز ايثار بين يديه ولات تضحك و تصيح
-يا مجنون هبطني انجم نمشي وحدي😂
-انا موجود و مرتي تمشي على ساقها و هي موجوعة😒عاوني بسكاتك حسك ما نسمعوش لين نوصلو و ما فيها باس ساعة ساعة تعطيني شوية بوساات😁
طلعو فالكرهبة و روحو للدار دوب وصلو الدنيا قامت بالزغاريد، الكلهم كانو ملمومين يستناو فيها بكبيرهم و صغيرهم ، اول حد تقدم و عنقها هو راشد حس بقرحة كبيرة برجوعها،مدة وجودها فالكلينيك ما كانش منجم يزورها برشا بحكم مان مريض اما قعد ديما يتكلم يسأل عليها...
كملو سلمو عليها الكل هز جاد البيبي بعد ما رقد طلعو حطو في فرشو و رجع لايثار حملها طلعها لبيتها باش ترتاح،حطها عالفرش و اتكى بجنبها راكز راسو على يدو يخزرلها بحب😍
-عزيزتي سافا..تحس في روحك تاعبة؟
-اي بلاصة العملية مقلقتني تو نرتاح شوية و نقوم لباس..ااا ما قتليش عجبك الديكور الي عملتو
-(هزلها يدها باسها)كل شي من هاليدين عسل..اي ارقد شوية ارتاح
-لا يزيني ما رقدت زيد الجماعة الكل هوني و ملمومين يحكيو نزيدو شوية و نهبطو حذاهم دوب دخلت شميت ريحة الماكلة ظاهر امي سيلين هي الي طيبت اييه والله توحشت ماكلتها😋
-شتمووت عالحلق يا مرا😂 و قلي ماللول داك في كرشك مش تتسبب بالجماعة😂
-هههه ااا وي اهم حاجة هي الماكلة و زيد انا توا ام لازمني ناكل مليح😌
قعدو يحكيو و بعدين هبطو يلقاوهم الكل ملمومين
-سامر:عرفتي😘الشركة بكلها ظلام من غيرك😆
-ايثار: عيشو سيمو و الله توحشت بيرويا و الشركة و الخدمة و الجري النهار و طولو و ما توفاش(تلفتت لدانا) ااا شعاملة الستيليست متاعنا سافا ماشية الدنيا
-دانا: انا متغششة عليك😒يا هم والله حيرتنا عليك و فجعتنا الناس الكل بالعمل دخلت فينا غولة الواحد ولا على اعصابو من هالمصايب😔
-ايثار: و نعم بالله حمدلله على كل حال عزيزتي لباس هاني معاكم توا 😚عينو دمعت من كلامها شدتو غصة في حلقو ديراكت جبدها عنقها حس بضعفها و قوتها الي تحاول تتصنعها،حس برجفتها و خوفها،حس بقلبها الي ينزف و هو سبب نزفانو،هو سبب هالجرح و سبب هالوجيعة،عنقها بقوة كان يلقى يدخلها في قلبو باش تشوف مقدار عشقو ليها💔
-شششششت😢 سامحني انا الي وجعتك و انا سبب هالدموع الي نهبل كيف نشوفهم،انت ما تليق بيك كان الضحكة و في بلاصة هالدموع لازم تكون كان الفرحة،كان جاء بيدي و الحكاية تعنيني وحدي راني حكيت و فسرت اما ما نجمش نختار الموت على اني ننطق بحرف..هذي حياة عباد يا دانا ما انجمش نخاطر..تعرفني مليح شنخدم و اكيد عندك فكرة على نوعية خدمتي، تحمل دانا و اصبر والله لا عاد برشا..نعشقك والله نعشقك❤💔
بعدت عليه و حاربت روحها بقوة و قالت كلمتين نشق بيهم قلبو و غلا الدم في راسو😠💔
-انساني جوزيف
عاود جبدها يد شادها بيها من وسطها و الاخرى وراء رقبتها و غرق في شفايفها يبوس فيها بغل و عصب ملي قالتو، طوالت البوسى ما يعرفوش قداه بدات تولي بوسة حنينة دافية هداو بيها الزوز، بعد شوية اما خلى جبينو على جبينها يحكي بهمس و صوت متقطع مالرغبة الي حاسها و متحكم في روحو بصعوبة
-آخر مرة نسمع هالكلمتين و آخر مرة انت تخمم فيهم،انت متاعي و ما تكون كان ليا و الي يقربك يا دانا قسما برب العزة نكون قاتلو،يطوال الزمان والا يقصار انت ليا وحدي و ناخذك حتى كان عزوزة و انا شايب..كان باش توفى حياتي نتمنى تكون نهايتي بين يديك❤
قلبها يبكي دم على حالهم و حبهم،حايرة، واقفة بين زوز ثناية،بين قلبها و عقلها..زعمة في آنا ثنية باش تمشي؟..
عتمت الدنيا و كل حد طلع لبيتو مشى جوزيف و رجع جاد،دخل للبيت يلقاهم راقدين البيبي في فرشو و هي عالفوتاي ظاهر كانت تستنى فيه تعدى ديراكت عمل دوش و رجعلها لابس سروال كارووات ازرق كيف سروالها القري و من فوق عريان،ينشف في شعرو بالمنشفة الي على كتفو،طبس عليها هزها حطها في الفرش و شد هو بلاصتو بجنبها حست بوجودو فاقت لقاتو بجنبها قربت منو طبعت بوسة على صدرو قشعر منها بدنو عنقها و رقدو من غير كلام و لا تخمام..
و كيف جرات العادة في كل لمة لازم يقعدو يباتو في فيلة جاد خاطر لماتهم هاذم راشد ما يعديهمش بالساهل لازم يكون مخطط لحاجة و فعلا بعد صباح نهار جديد قامو و تلمو الكل فالجنينة عالفطور..في وشط حديثهم و ضحكهم هبط راشد كاس القهوة من يدو و حمحم بالصوت عالي باش يسكتو الكل و يسمعوه
-اي يا جماعة تعرفو مليح انو بيتانا هوني ليلة البارح مش بلاش و اكيد عندي ما نقلكم و عدنا فاش نتشاورو الكل..اليوم الي عندو ما يعمل والي عندو قضية و الي عندو رينيو يأجلها..اليلة بخروج بنتي مالكلينيك و بمبروك ما نزادلنا فالعيلة وريث المرحوم و بمناسبة النوارة الي باش تتزادلنا على قريب باش تتقام لمة و عشاء على شرف كل الخير الي نعم علينا بيه ربي و ان شاء الله يكونو محل بركة و خير على هالعيلة و ابار هذا الكل عندي ما نحكي معاكم و ما نحب حتى غياب و من غير ما نقلكم على العواقب تعرفوها مليح.
كملو و قامو البنات يلمو في حوسة الفطور بينما دخلو النساء للكوجينة يحضرو للفطور و يشوفو شناقص للعشاء..هكا تعداو الايامات الثلاثة بين التخمام و القلق و الحيرة..
في فيلة عيشة دانا من هك النهار ما عفستش الفاك و لا حطت فيها ساقها خذات برونشيط قوي خلاها تشد الدار.. قامت الصباح على صوت العصافر في شباك بيتها،تململت في فرشها و تكسلت، تفرك في عينها و بدات تصحصح شوية تسمع في صوت ضحك لوطا خزرت للوقت لقاتها 9:00 استغربت ماشي في بالها اسامة جاء لدارهم على اذاكا زادا سامر مزال ما مشاش للشركة، هبطت مالفرش باش تعمل دوش حست روحها ابرك و معادش عندها الفشلة و الدوخة، كملت لبست اكثر بيجاما تحبها شيحت شعرها الارطب مليح عملت برفانها و قعدت على فرشها رغم الدوش مزال عندها نوم اما صوت الضحك ما شجعها كان انها تهبط تموت على لمة اخواتها و الضحك معاهم هزت الباندا متاعها عنقتها و هبطت تحك في عينها،شعرها محلول سرحتو بطريقة عشوائية بيدها و خلتو على جنب و فوضويتو ما زادها كان سحر على زينها،شفايفها الروز و عينها ذابلة خلى لونهم يفتاح و يظهر اكثر😍وصلت للصالة ترا في اسامة و سامر و امها قاعدين و ماانتبهتش للشخص الرابع الي معاهم بحكم فوتايتهم عالين،ماشية ناحيتهم ترا في امها تخزرلها كأنها مصدومة تهز في حواجبها و تحط حالة عينها على وسعهم😂ما عطاتهاش اهمية،طفاتها و مشات نقزت عند اسامة عنقتو و تمدت عالفوتاي بجنبو حاطة راسها في حجرو،عنقت الباندا و غمضت عينها تحكي😂
-صباحكم عسل و دقلة و حليب و سكر بإختصار صباحكم انا😆 الوس شمجيبك عالصباح تطلعشي اثير طردتك، ااا زفت شعملت من عملة يا كلب،مسكينة بنت الناس غشيناها يعطيها الصبر و القوة كيفاه عايشة معاك و مستحملتك😂 ( سكتت شوية و رجعت تحكي) عيشوشتي امان باش ندلل عليك صاحبي شاهية املات محرحرة من هك اليديات العسل😚(عاودت سكتت و حلت عينها هزت راسها و تلفتت لامها) حقا امي شبيك بكري و انا جاية تهز في حاجبك و تحط و شاحطة عينك،لباس؟والا عاودت قلقتك مرة اخرى تحب نمشيو للطبيب؟
بعد استعاب مش طويل جات تشوف حست بهدوئ غير عادي عكس الحس الي كانت عليه الصالة قبل ما تدخللها😯تثبت في امها تلقى ملامحها متبدلة وجها حمار و تغصر قريب باش تتجلط😂سامر مقابلها مالشيرة الاخرى كيف كيف جامد في بلاصتو و كاينو الدخان خارج من اوذانو و خشمو كان يلقى ينقز عليها يغفصها😂 اسامة مالصدمة ما نجم يعمل شي كيف بدا يفيق قدامو الطاولة ديراكت هز منها النااب و لفهولها على راسها قريب يخنقها بيه😂قامت تربعت تصيح تحاول تنحيه و هو باقي شادها بيدو،بعد ما نجمت تبعدو شوية اول ما حلت عينها ترا في راجل غريب عليها قاعد عالفوتاي مدور وجهو عكسها هي باش ما يشوفهاش استوعبت الحالة الي هي فيها و انها من غير حجاب😱 قامت تصيح تخبات وراء الفوتاي وين اسامة
-شكون هذا؟شبيكم ما قلتوش عدنا ضياف؟امان اسامة خبيني امي باش تقددني اليوم شو كيفاه تخزرلي😭 و شكونو السيد هذا،يااا ربي مش عاملة حجابي 😭😭
اسامة بالسيف تجاوز الصدمة الي حطتهم فيها قام يضحك😂
-يشيح ريقك يا فرخة ديما بعمايلك و مكش ناوية تكبر و تعمل عقلك..اطلع فيسع نحي بيجامات الدبادب متع الصغار الي لابستها و بعد ايجا نعرفك و زيد مش غريب ولد الدار يا ذنوبي انت اصلا كان باش تتذكرو😊تعدي في يدها على خدو تتحسس في لحيتو الي هملها المدة الي فاتت الكل و بصبعها مسحة دمعة كانت شاقة طريقها لخدو..
-جوزيف..نعرف انو الكلام الي باش نقولو مش وقتو توا اما لازمني نحكي...دجو الغيبوبة الي كنت فيها تعبتني برشا صحيح اما فادتني و الاهم علمتني و وعاتني و خلاتني نراجع روحي في برشا حاجات عملتهم و رغم انها صعيبة انك تحارب وحدك وسط ظلام ما معاك حد كان انت براسك اتدافع على روحك في سبيل انك تقوم و تكمل تعيش عيشة انت فالاصل ما كنتش عايشها لا هي لا غيرها والا خليني نقول كنت عايش فيها جهامة بلا روح،حرب وسط ظلام ما تعرش تخرج منها رابح والا ما تخرجش منها جملة😢 انا موتت جاد قتلتني و قسمتلي ظهري و رغم هذا انا الوحيدة الي قعد عندي يقين كبير انو عايش و توا هاليقين تلاشى واضمحل،ما نعرش علاه كان توا حسيت الحاجة هذي و علاه كان توا حسيت روحي تقبلت فكرة موتو و انو سايي معادش يرجع،ممكن شوفتي لجثو قدامي خلاتني نستوعب امر حقيقة عرفتها في حياتي.. اخيرا فهمت و استوعبت الي قاعد يصير بعد ما كنت عايشة على امل كاذب عمرو ما باش يضح و يولي حقيقة، خاطر عمرهم الموتى ما يرجعو حيين والي مشى عمرو ما يرجع،انا عشقت في حياتي انسان برك و هو جاد و بعدو ولدي منو (سكتت شوية تراقب في ملامح وجهو) و توا باش نحاول نعشقك انت..(جاد تصدم فعلا😨و عينو تحلت على وسعهم) خليني نكمل كلامي للخر نحب نحكي كل شي..انا رجعت مالموت اليوم باش نبدا حياة جديدة نطوي بيها الي فات..جوزيف..حسب ما نتذكر انت سبق و حبيتني قبل و عطيت عاهد لامي سيلين اني نكون كنتها و وفيت بوعدك اما كان مجرد وعد على ورق غطينا بيه قدام العايلة حقيقة انو جاد ولدي هو ولد جاد و على اساس ولدك انت..جوزيف نتمنى عرضك مزال قايم خاطر انا مستعدة نبدا معاك من جديد و نكون ليك كمرتك كيف ما انت كنت بو لطفل مش ولدك...ما تخممش انو كلامي هذا مبني على عاطفة والا رد جميل لا جوزيف انا بالحق خذيت هالقرار على اساس نكون مرتك بحق و حقيقة..
يسمع فيها و مش مصدق..حاجة ما كانش متوقعها تصير و لا كان قاريلها حساب.. اما علاه يتصدم و هو الي حب على هذا الكل و كانت هذي الحاجة الي تمناها،علاه منرفز توا و علاه هالغصة الي في حلقو مخليتو مش منجم يبلع ريقو حتى.. الي حب عليه اهو صار توا و باش ينفذ مهمتو و بالو مرتاح و مطمان على عايلتو و تو كيف يجي الوقت المناسب تو يحكي الحقيقة الي لازم يعرفوها الناس الكل..اما شبيه حاسس بخوف!!.خوف من شنو؟ من انو كيف يكشف حقيقتو ليها يكون فات الفوت و هي تكون حبتو ك جوزيف؟؟..
الحلقة 27
مجرد الفكرة جمدة الدم في عروقو و فيسع ما نقذ روحو من دوامة الافكار الي تسحب ليها و قريب يهبل منها..فاق من شرودو و تبسملها تبسيمة حب و في عينو عشق الدنيا الكل ليها..طبع بوسة دافية حنينة على جبينها و قام..
-عزيزتي ارتاح توا و كيف ما قلت الكلام هذا مش وقتو من بكري تحكي و مطفية البوقوس الي نخار و طولو يغرد عليك.. نعرف متلهفة و تحب تهزو في حضنك اما اصبر شوية انت مازلت مرهوجة و ظاهر مازلت لتوا تحاول تستوعب انك سي بون قمت على اذاكا كنت ناسيتو.. توا لازمنا نطيرو للدار محمد خوك فالطريق جاينا هوني و لوين يوصل قوم نبدلك دبشك مادام الطبيبة حضرت جاد و نروحو😊😘
قاتلو باهي..قام نادى للطبيبة و هو حمل ايثار و دخلها للدوش غسللها شعرها وهو يسايس فيها خايف يوجعها😍كمل حطها على الفوتاي الي دخلهالها و نحالها دبش الكلينيك و لبسها دبشها بعدين وقف وراها مقابلين المراية يشيحلها في شعرها.. سارح في برشا حاجات،تخمام يهز و لاخر يجيب الف سؤال و سؤال شاغلو بالو مخليه هايم و شارد و مش سامع صوتها و هي تناديلو..شدتلو يدو بقوة قربتها لشفايفها طبعت بوسة طويلة عليها، هزت راسها تلقاه يتأمل فيها بكل حب مع تبسيمة هادية تسحر..😍
نوقز تاليفونو شافت الاسم و تبسمت ديراكت عرفت انو جوزيف الي كلمو بحرف "J" الي مقيدو بيه..حستو دخل بعضو شوية و هو ما حبش يقوم يخرج يحكي بعيد خاف لا تزيد تشك في حاجة، نقص فالصوت يعد ما هز عليه
-وي اهلا سافا
-اسمع لازمك تجي ايرجون صارو حاجات لازمك تعرفهم و تطلع عليهم وحدك
-اا باهي و انت ماهو كيف العادة؟
-تي اي تو نستناك توصل و نمشي في بلاصتك
-مريقل اما قبل هذا اكيد نتقابلو صارو حاجات لازمك تعرفهم..
ما كمل حكى مع جوزيف كان ما وجهو لخلخ و تغصر، حس روحو سخن و لبو العرق لقاها تخزرلو تبسملها بالسيف😊
ما حبتش تركز معاه باش ما يزيدش يدخل بعضو، تسمع فيه يحكي معاها تبسمت و قامت بالشوية
-عزيزتي لازمني نمشي مرة اخرى و نوعدك نجي قبل العشا ارقد انت ارتاح
-باهي عزيز رد بالك على روحك😚
باس جبينها و بعد الغطى جا قايم اما وقف كيف سمع صوتها
-جوزيف...
قالت هك الكلمة هو دارلها و هي قربت منو لدرجة انفاسهم تخلطت و هو ترهوج من قربها الي ما كانش متوقعو😵يخزر لشفايفها الحمر الي يرعشو و كانو محلولين شوية حس روحو فشل و تملكتو رغبة قوية،اشتهى يبوسها و يغرق في شفايفها لين يشبع منهم شوية اما بعد الفكرة من راسو بما انها تقبلتو كجوزيف اخيرا و قاعدة تحاول تقبلو في حياتها، ما يحبش يضغط عليها و يفرض روحو اما تصدم كيف شدتلو راسو بيدها الزوز قريت منو و غرقت في شفايفو تبوس فيهم بلهفة و تصدم صدمة حياتو و خاب ضنو فيها كيف قاتلو😓
-نحبك جوزيف...😨
Athir..❤
واقف على حافة البيسين يتكيف،مضيق عينو مالشمس الي شاطعة في وجهو،يد في مكتوبو و الاخرى شاد بيها السيجارو يرى فيها متعدية هازة صندوق ظاهر فيه رزين من مشيتها، تتحرك بيه بالسيف جلبابها يتكركر و معطلها فالمشي، قعد يتبع فيها بعينو و على الترميشة سمع صيحة بعدها صوت قوي تلفت يلقاها تتخبط فالبيسين😱ما يعرش كيفاه طيش السيجارو و رمى روحو في جرتها،البيسين كبير يعوم لين وصللها و هي تفرفط مرة تغرق و مرة تطفو ،صوت صياحها متقطع ظاهرة ما تعرش تعوم،قربلها شدها من وسطها و خرج بيها طرحها عالقاعة كانت دايخة تقطر بكلها بالماء،تتهز و تتحط تردد فالاول بعد قرب منها يعمللها فالتنفس و بيديه الزوز ينزللها على صدرها لين حسها شرقت و بدات تكح و الماء خارج من فمها،بعد عليها شوية بدات تحل في عينها اما عاودت داخت،دخل بعضو اول مرة يتحط في موقف هكا هزها بين يديه و جرى بيها لداخل وين كانو البنات و الاولاد قاعدين،دخل يجري ينادي لاثير..
زياد كان واقف يحكي بالتاليفون دوب شاف اختو بين يدين محمد دايخة، تفجع و فشل و مكنو الرعب ديراكت مشالهم يجري.. حطها محمد عالفوتاي و هو يدور في وجهو باش ما يشوفش بدنها الي تفصل من دبشها المبلول الي لصق عليها،خذا البشكير من عند اثير غطاها بيه و بعد..
-زياد: سمر..سمر عيش اختي قوم..محمد شبيها شصار😦(يحكي و في نفس الوقت يحاول يفيقها)
-محمد:كنت نتكيف بجنب البيسين و هي تعدات هازة صندوق يظهرلي ادعثرت في جلبابها طاحت فالماء
-زياد:عيش خويا حمدلله كنت موجود و فيسع لقفتها والا الله و اعلم شكان صار فيها،سمر ما تعرش تعوم و عندها فوبي مالبحر وحتى البيسين
-محمد:اي لاحظت، حمدلله ما فماش حاجة تخوف،هي فاقت شوية و رجعت داخت..نكلمو طبيب مش خير؟
-اثير (جات و في يدها صندوق) لواه طبيب هاني هوني
بدات تعدي عليها جات سحر تجري كيف حست بأختها صارتلها حاجة ترمات عليها تبكي و مفجوعة،حات مهى امها ترعش على بنتها..عملولها الازم و فاقت جابولها الدواء شربت منو،كانت ترعش بالبرد طلعوها بدلولها و هبطوها و باقي ترعش شعلولها الشمينية و كدسو عليها الغطى، تلمو الكل حذاها كل مرة لاهي بيها حد..
قاعد بجنب محمد بعاد شوية عالجماعة شارد يخمم في تصروفاتو و كل شوية يخزرلو.. محمد حسو يحب يقول حاجة اما ما نجمش فهمو طبس راسو..
-محمد: زياد نعرف فاش تخمم، سامحني خويا اما الله غالب كنت في موقف ما يسمحليش ناخو فيها لحظة تخمام و اناديلكم تربثت اول مرة نتحط في موقف هكا،ما نجمتش ما نعمل شي و هي تتهز و تتحط قدامي، الي يدور في بالك توا انا كان تحطيت في بلاصتك نخمم كيفك.. اول ما خرجتها ترددت فالاول اما كان لازم نعملهولها التنفس باش نجمت تخرج شوية مالماء خاطر شربت برشا، و ربي شاهد عليا كان خمجت مخي والا حاولت نستغل الموقف الي هي فيه.. زياد انا متأكد انكم الكل مازلتو تراوني محمد القديم الكلوشار الخارج مالحبس، اما صدقني انا تبدلت و تبت و فقت على روحي، انا زادا عندي زوز ولايا و نخاف ربي فيهم و الي انجم نعملو لغيرهم غدوة ممكن يرجعلهم...
قصى عليه زياد كيف تبسم و حط يدو على كتفو..
-زياد:محمد ما تحكي شي و ما عندك علاه تبرر موقفك قدامي، ضحيح خممت فلي حكيت عليه و حاجة عادية بما اني خوها اما ما ضنيتش فيك العيب..الكلنا نعرفو انك تبدلت و بديت صفحة جديدة، احنا زادا نسينا ماضيك و تهنى صاحبي في عيلتنا كان الرجال و انت واحد منا اكيد.. ما نكذبش عليك وقت دخلت بيها راقبت تصروفاتك لقيتك تهرب في عينك باش ما تخزرلهاش و هي بكلها مبلولة و اول ما حطيتها فيسع غطيتها و بعدت و هاذم حاجات ما تعملها كان الرجال يا محمد وبيهم زدت كبرت في عيني😊تبسمو الزوز براحة و قام محمد بعد ما قلهم ان شاء الله لباس، بعدو مش ببرشا زياد جاه تاليفون خرج ركب على موطورو و طار بيها للبلاصة الي تفاهم هو و صاحبو باش يتقابلو فيها..هبط نحى الكاسك من راسو حطها و قدم لصاحبو الي هبط مالكرهبة
-زيدوون سافا
-ااا كلب ..اي حمدلله على خلاص الوحل اخيرا لقينا ارض لمشروعنا
-اي والله.. شقولك؟هي صحيح حومة شعبية اما بداو يريقلو فيها و احنا في آخرها يعني في جرتنا باش يسلكوها
-ربي يسهل في كل شي شريك..اي برا ندزو دورة و نشوفو الامور
قعدويمشيو لين وصلو لاخر الارض،زياد ضيق عينو و تلفت لمنتصر صاحبو
-منتا ياخي الدار هذي ما في بالكش بيها موجودة على ارضنا؟مش قتلي جيت آمس انت و مولاها؟
-انا كيف جيت ما وصلتش لهوني و ما جاش لبالي انو الدار هذي داخلة فالارض و الارض تابعة الحاكم ما تابعة حد آخر.. اما غريبة علاه كيف عملنا الاجراءاات ما قالولناش عليها الدار😕
-شو باين فيها خربة صحيح اما الله و اعلم بالك ساكن فيها شكون ما في حالوش
-توا نزيد نشوف الحكاية شنو و كان ساكن فيها حد نعوضوه و يخرج منها سي نو مشروع كامل باش ياقف..
تعدى الوقت و جات العشية بعد الفطور و حوستو الاولاد خرجو و قعدو البنات فالصالة يتفرجو على فيلم و التساء يحضرو فالعشاء و فالصالة الاخرى الرجال يحكيو عالخدمة و المشاريع..
حست روحها متقلقة شوية طلعت لبيتها باش تتكى شوية ما بين حضر العشاء، جاد الصغرون راقد عملت عليه طلة و اتكات بدات تنعس لين سمعت الباب دق..
دخل يلقاها راكشة في فرشها و خانسة دخل معاها تحت الكوفيرة و حط راسو على كتفها..
-عزيزتي توحشتك..سافا اليوم
-حمدلله هاني خير شوية
-العملية مزالت مقلقتك؟
-شوية اما ابرك مالبارح ببرشا
-اللطف على روحي..ايجا عندي
جبدها بالشوية حطلها راسها على صدرو و حوطها بيدو..خنست عندو تشم في ريحتو الي توحشتها، تحمد في ربي كل لحظة انو احساسها صحيح و في محلو..مش مصدقة انو معاها توا و في حضنو،اما للاسف مش كل فرحة كاملة، رغم هذا الكل تمنات هالسر الي قايم حاجز بيناتهم يكون مجرد كابوس و يقومو منو مع صباح جديد، تمنات كان تترمى عليه و تعنقو اكثر و تقلو راني نعرف الحقيقة و نعرف كل شي..اما ما تنحمش😢هي واعية ومش صغيرة عارفة مليح كان جاء هالسر يتحكى و يقعدو عايشين بأمان راهو حكالها و صارحها بكل شي و ما تلزش يعمل هالتمثيلية و يوجع قلوب برشا ناس يحبوه، كان فضح هالسر فيه الخير ليهم راهم عايشين لباس عليهم، واعية مليح بمدى خطورة هالحكاية على اذاكا لازمها تصبر و تضحي معاه حتى لو كان باش تتسببلو في وجيعة تنجم تشتتلو افكارو و تفقدو تركيزو فالمهمة..مشات تجري طلعت لبيتها من غير ما تشوف شكون بدلت ريقلت روحها فيسع و هبطت تتلبد زعمة زعمة حاشمة😂 مشات ديراكت خنست بحذا اسامة و سامر يقحرلها في قحرة ترعب و امها من غادي تتحلف و تتوعد فيها بطريحة😂 مطبسة راسها تسمع في اسامة يحكي
-دانو هذا زاك كانو جيرانا قبل لين حولو لدبي و استقرو غادي و انا وياه و سامر متربين مع بعضنا و احنا صغار و توا رجع يقري في تونس😊
تسمع فيه مصدومة و خايفة تهز راسها يطلع هو الي في بالها،قعدت ساكتة لين سمعت صوت زاك فعلا😨
-تعرف يا الوس انا توا مصدوم صدمة حياتي، فيسع تقلبت و عقالت سبحانو مغير الاحوال 3 ايام لتالي باش تعملي كوردة بلسانها اللطف مأطولو تي قريب تعطيني طريحة كيف قريت اللقب متاعها و سألتها على شوشتي و تكمل عالصباح في هك المطر تطرشني بالماء و تتعدا مام با طلبت السماح ملا حريقة ابببب😒.. اي و توا متأكدين انو هذي دانا الي خليتها عمرها عام و نص مزالت كيف بدات تمشي و تتكعبر؟😂بون هي لتو مزالت تتكعبر و لتو مزالت عندها هالصنعة متع الدبادب من صغرها تعشق الباندا😂تره تره (يثبت فالباندا الي في حجرها و مكبشة فيه) اووو لالااا شوشتي مش هذا الباندا الي جبتهولها في عيد ميلادها الاول؟لاا ما نصدقش،ياا والله هو😃
-عيشة:هههه يا زيكو هاكا من صغرها ما ترقد و تقوم كان بيه حتى و هو اكبر من جهامتها و مش مسيبتو و مسلمة فيه مسكين ما تنجمش تهزو تشد تكركرو وراها المهم ما تخليشو😂 و هك تشوف باقي على نفس الحال حتى بعد ما كبرت
-اسامة(عنق دانا) صغرونتي هذي روح خوها سيبوها و يزي مالدك متاعكم.. اسكت يا زاك خير ما تتحول و تشوف الهبال على قاعدة😂
-دانا(بصدمة😨) لحظة لحظة باندوتي الي نحبو انت هديتهولي؟شبيني ما فيباليش و علاه لا مرة حكيتولي عليه سي زاك متاعكم(تتشوحرلو😒)
-عيشة: يا للا زكريا وقت انت عمرك عام هو عمرو 6 سنين يعني نداد هو و اسامة خوك كان يموت عليك و انت وين يجي هو للدار باش يلعب مع اخوتك تكبش فيه ما تسيب و برا عاد كان روح و الا نطق هالكلمة النهار يشوم تزراق بالبكاء و تعمل بعمايلك😂و في عيد ميلادك الاول هدالك الباندا هاكا و انت من وقتها ما تتحرك كان بيه..
-دانا: انااا😨لا لا مش صحيح تفدلكو عليا مستحيل نحب حاجة من عندو هو و زيد ما نتفكروش و لا عمري تفكرتو
-سامر:يا دغفة كيفاه باش تتفكرو و انت مازات فقصة وقتها و اصلا هوما نقلو لدبي عمرك عام و نص هكاكا 😑
زكريا و سامر تلفتو لبعضهم بشر حبو يطيروها لدانا و ينرفزوها😈
-سامر: يا زاك بربي تتفكرها فالصيف كيف كانت امي تلبسها اك الخلعة الروز و تخليها فالكوش😂😂و انت تدخل تهزها تبدا تمشي و تتكبر بيها و تقعد تلعب انت وياها وحدكم😂
-زكريا: ههههه اي و تبدا انت و اسامة تتشوحرولي و غايرين مني خاطر دانا تحب تلعب معايا و كيف تجيو حذانا تقيمها بالبكاء و اتطردكم😂تي وصلتو كرهتوني و مرة هالوبش اسامة طردني من داركم كيف جيت نسأل عليها..
تخزرلهم و ميتة بالحشمة و هي تتخيل في روحها كيفاه كانت قدامو وجها تلون و حمار خبات راسها وراء اسامة و هوما ولاو يضحكو عليها😂
-عيشة : سيبولي بنتي حشمتوها شو وجها كيفاه ولى..اي قومو افطرو هاو الفطور حظر ،اي زاك عمتلك الجي الي تحبو كيف كلمتني البارح و انا تذكرتك
-زكريا:بالحق!!😍وحدك يا شوشتي ايييه قداه بكيت عليه و غردت على زكية باش تعملهولي و شي بلي عملتو ما جاش بنين كيف الي تحضرو انت
-اسامة: يا مزمر كان تسمعك زكية تو تولي تتلبد و تتيتم😂
-زكريا:زيكو اذيكا الدنيا و الحب
-دانا:شكون زكية...مرتك؟؟
الكلهم تلفتو لبعضهم و اتطرشو بالضحك
-سامر: يا للا خالتك زكية هذي ام زاك و عندك معاها تاريخ كان تتذكرو اتو تكرهها😂مرة منهم ما كثر ما غلبت عليها ضربتك على يدك لين تنفخت و انت زرقت و خضرت بالبكاء وقتها هي مزالت كيف دوشت لسي زاك و بالسيف هزتو من كدس رمل متع الجيران الي كان غاطس في وسطو😂و بسيدي و سيدك ركح و خلاها اتدوشلو بعد ما خبطتو بالبروس على راسو قريب تنقبهولو😂بعدها رقدتو خرجت و دخلت باش تتكى بحذاه مسكينة ميتة بالتعب تلقاك انت ممدودة على كرشك بحذا راسو مخرجة لسانك و مركزة مع الخريطة الي عملتهالو في وجهو بالمركار الي سرقتو لاسامة و هربت بيه لدار زكية و هو سي السيد راقد في عالم آخر مش هوني و ساعة ساعة يتبسم😂😂اوووه كيف نتفكر وجهك يا زاك شعملت فيه دانا😂
الكلهم ولاو يضحكو بالدموع قعدو يفطرو و كل مرة يتذكرو حاجة يحكيو عليها من ايامات قبل..
(حطوااا جاااام قبل ما تقرااااو)
الحلقة 28:
جات العشية و ما حسش بالوقت الي تعدا و هو يتأمل في وجها الملائكي و هي راقدة، ما نجمش يرقد و لا يغمض عينو بعد الي صار حاس انو كل شي ماشي ضدو و معاه في نفس الوقت،علاه مش فرحان و ماكنو الخوف من حاجة مزال بكري انو يخمم فيها و هي ما صارتش اصلا و حتى كان فما نية انها تصير فهي قابلة للتغيير اكيد..حتى لو ايثار حبتو بصيفتو جوزيف متأكد انو كيف تعرف الحقيقة و انو عايش باش ترجعلو اكيد.. فاقت مالنوم على صوت تاليفونها البنات يطلبو فيها باش تهبط،تبسمتلو كيف لقاتو شارد فيها،شابكت يدها في يدو و باستهم
-عزيزي رقدت مليح؟ياخي مش قلت عندك قضية باش تمشيلها؟
-صحة النوم يا قطوسة تي هك اعظم من ولدك فاق قبلك و هبط حذا الجماعة و انت مازلت..اي عزيزتي مشيت و جيت
-ووه و جاد شكون هبطو
-يا روحي انت مازلت تاعبة شوية و لوين تصح و ترجع لباس انا جبتلو طبيبتو باش تتلهى بيه و تعاونك😘
عدا يدو على خدها بعدلها خصلة من شعرها كانت هابطة على عينها و باسلها جبينها
-ايا روحي نهبطو ظاهر يستناو فينا البنات يطلبو و يعاودو
-باهي عزيزتي اهبط انت قبلي هاني خالط عليك..تنجم والا نهبطك
-سي بون انجم وحدي تو نسايس روحي
-باهي رد بالك..نعمل دوش بالخف و نجي
هي خرجت و هو رجع تكى راسو عالمخدة يحاول يتمالك اعصابو الي تنجم تفلت في اي لحظة من هالتمثيلية الي كرهها و فد منها،ما ينجمش ينافق و الا يمثل على ناس يحبهم،ما ينجمش يخون حبو لدانا حتى بتفدليك..قعد يتذكر كيفاه تقابل هو و جاد وقت تقابلو في دار ايهم
-ااا جاد جيت؟ اي ابدا فيسع الجماعة يستناو لداخل و انا هاني ماشي للفيلا
-جوزيف لحظة،فما حاجة لازمك تعرفها و تواصل فيها قدام ايثار،نعرف صعيبة عليك الحكاية و حاس بيك قداه فاد و متقلق اما احنا بدينا و لازمنا نكملو
-شفما جاد تكلم
-جوزيف نظن انو الخطة متاعي نجحت،ايثار كيف قامت مالغيبوبة قامت و هي مستوعبة تماما فكرة موتي
-اي هاو باهي اما شنو المشكل
-المشكل انها اول ما حلت عينها قاتلي (توحشتك جوزيف😓) و تعرف اكثر حاجة صدمتني و وجعتني شنو؟. و انا جاي توا قاتلي (نحبك جوزيف) و هي الي بادرت المرة هذي و باستني و هذا بعد ما اعترفتلي انها باش تحاول تكون مرتي بالفم و الملا💔
مسح وجهو و تنهد بعد ما تذكر هذا الكل.. كل شي عمال ماشي و يصعاب و الحمل قاعد يرزن على ظهرو هو،خاف انو الحاجة هذي تزيد تعقد الامور بينو و بين دانا و مجرد فكرة بعدو عليها تخلي دمو يغلي و قلبو يتقبض،لعن الشيطان و قام يدوش مقرر انو يتجاهل تصروفات ايثار و في نفس الوقت يحاول يتصرف على طبيعتو قدامها و قدام العيلة و ما يبين شي على روحو..
فالصالة كانو الكل ملمونين يتفرجو و يحكيو بهبوط جوزيف الي كان يمشي و عينو تفركس عليها بيناتهم لقاها و كانت راكشة عند سامر تتعارك هي وياه على حكة النوتالا الي حب يفكهالها،😂ضحك على تصروفات الصغار متاعها الي مش حابة تنحيهم،قداه متوحشها و رغم وحشو الا انو حاسس روحو مهدد بالخروج من حياتها في اي لحظة و الحاجة هذي ما تصير كان على جثتو..
كبس روحو و تعدا قعد بجنب ايثار عدا يدو على كتفها جبدها لعندو عنقها و هي تكات راسها على كتفو و رغم ريحة البرفان الي يتشابه فيها هو و جاد الي انها نجمت تشم ريحة الجال دوش و الوحيد الي يستعملها هو جوزيف،تبسمت و سكتت..هوما هكك فجعهم اسامة كيف صاح على مجد😲
-اسامة: مجد رجع القناة الي قبل هذي فيسع
-مجد:(رجعلو جاء باش يسبو و سكت قدر فالجماعة حذاهم😂) شعزاك يا هم فجعتني شفما
-اسامة:يا دانا شو شكون😃
-دانا(تثبت فالراجل و عينها محلولة على وسعهم داهشة) يااا مش هذا هارون صاحبك..تي اخزر شكاتبين ماللوطة الفنان العالمي هههه
-اسامة:اي والله هو😂ريت الكلب هي هي و عمل الي في راسو
-عيشة: مش هذا صاحبك الي سكنت انت وياه في كندا سنين و كان يجي حذانا هوني شبيه يغني مش على اساس يقرا مدسين
-اسامة: اي امي من قبل عندو صويت اما بوه حبو يولي طبيب عايلتهم الكل طبة
-دانا:هو حليلتو و صاحب جو اما ديما عامل عليا بالعاني 😒
-اسامة : انت كشطة و اربط و هو يزيد يشيخ عليك كيف تبدا متغشة😂
هوني جوزيف خزرلها و هز حاجبو اليمين فالسماء و بدا يغلي ما يعرش على روحو كيفاه نطق😠
-علاه للا و انت منين تعرفو
الكلهم تلفتو باهتين في سؤالو و طريقة كلامو 😮
-ايثار: ووه جوزيف شبيك و انت شيهمك فيها منين تعرفو يعجبكشي زادا😒
الكلهم تلفتو باهتين في سؤالو و طريقة كلامو 😮
-ايثار: ووه جوزيف شبيك و انت شيهمك فيها منين تعرفو يعجبكشي زادا😒
كلام ايثار فيقو و حس روحو عورلها اما فيسع ما تكلم و قلب الحديث
-شبيكم باهتين فيا الكل سؤال عادي ياخي مش ولد خالها انا و زيد ما يعرفو حد هذا عالاقل كان فما سوء فهم يتنحى.
تبسمت اما ما حبتش تبين شي تذكرت فازة زكريا فالبيرو و هارون توا و فهمت انو نقطة ضعفو هي الغيرة و جنانو كيف يشوف حد داير بيها😈 فهمت كلامو و حست بكم الغيرة الي فيه،تكلمت بتبهليل و هي عازمة انها اتطيرلو عقلو و من هاللحظة عارفة كيفاه باش تتصرف معاه
-شنوا منين نعرفو..نعرفو مليح هارون صاحب اسامة و سكنو سنين مع بعضهم في كندا و انا كنت ساعات نمشي نعدي ايامات حذا اسامة
-نعم للا😨😠(نسى روحو و صاح عليها) تمشي تقعد ايامات حذا خوك و معاكم راجل غريب،لا والله حلو 😠
صباح جديد طل عليهم بشمس دافية.. فاقت مالنوم بعد ما سهرت ليلة البارح تستنى فيه على امل يمشي جوزيف و يروح هو و روح امخر برشا وقتها جاها النوم و رقدت بين يديه متجاهلة كل التساؤولات و الحيرة و الصدمة الي ترسمو على وجهو😂تململت في فرشها مدت يدها على يمينها ما لقاتوش بجنبها،حلت عينها الي سطعت فيهم الشمس ضيقتهم شوية و قامت اتكات عالمخدة مزالت مرهوجة بالنوم،حست بهدوئ بيتها و الفيلا كاملة ،هدوئ مش عادي مش مستانسة بيه تذكرت ولدها تفقدتو في فرشو ما فماش،دورت عينها فالبيت خرجت منها ضحكة فرحة كيف استوعبت الي تشوف فيه، هزت الكوفيرتة من شيرتو هو تلقى وردة جوري حمرا معاها ورقة مكتوب عليها"صباحك سكر يا اجمل نساء الكون" عاودت ضحكت😍لبست روب ديشومبر متاعها و قامت ترا فالقاعة كلها ورد موزعين على كامل البيت و تحت كل وردة ورقة، مشات شوية تلقى بوكاي كبييييير فوق البووف هزتو تلقى فيه كارت صغيرة مكتوب عليها "حبيبي ما تعبش روحك و تقرا الاوراق الكل خاطرني في كل ورقة عجزت نعبر على عشقي ليك و جنوني بيك😓❤امشي اعمل دوشك😘" تقرا و قلبها مرفرف فالسماء مالفرحة،مشات للدوش دوب حلت الباب هبطو عليها اوراق متع ورد ملون،الدوش كلو شمع و حتى فالقاعة،البانو كيف ما تحبو هي معبي بالماء و الجال دوش مرشوش عليه ورد احمر.. كملت دوشها لبست الكاب بعدين هزت المنشفة باش تلف بيها شعرها طاحت منها وردة و ورقة مكتوب عليها "صحة عروستي" تبسمت و مشات للدريسينغ باش تلبس حلت الباب حستو رزين طلت براسها لداخل تلقى دبدوب كبييير من كبرو حارت كيفاه دخلوه..
دخلت بالشوية وقفت قدامو و قداه فرحت بيه كانت تخزرلو كيف الصغار عينها محلولة على كبرهم و حاطة يدها على فمها بعدتو بالسيف من قدام الباب، تلفتت تلقى روبة عالفوتاي
عقلها طار بيها قداه عجبتها و فرحت بيها هزت الوردة تشم فيها مغمضة عينها تستنشق في ريحتها بعد حلت الورقة الي خلاهالها "عشقي..❤ عجبتك الروبة؟ البسها تهنى ما فما حد فالفيلا غيرنا خوذ راحتك و تبع طريق الورد " ما فهمتش كلامو اللخر اما تشوقت باش تفهمو..
لبست عملت مكياجها سامبل بوكلت شعرها و هزتو الكل لتالي و حطت سبلات هابطين جات روعة هزت بوشاتها و خرجت دوب حلت باب الشومبر فهمت كلامو كيف قلها تبع طريق الورد😍 رسملها طريق باوراق ورد الجوري الاحمر و مالاجناب وردات طايشين وراء بعضهم كيف الخط😍غطات وجها بيدها من هول الصدمة الي كانت على شكل فرحة كبيرة ما يتعبرش عليها لا بكلام و لا بأفعال..
قعدت اتبع فالورد هبطت مالدروج و قعدت تمشي لين خرجت للجنينة وين البيسين..بالحق ما نجمتش تعبر على شي في كل مرة يفاجأها بحاجة اقوى ملي قبلها،مشاعرها تخلطت ما فرزتش تبكي والا تضحك الضحكة على فمها و الدموع في عينها قلبها ينبض بقوة و كل نبضة تلفض اسمو الي تنقشت حروفو و تحفرت فيه.. واقف و كيف العادة ساحرها بزينو و لبستو و ضحكتو الي ترسمت اول ما شافها ،مقابلها مالشيرة الاخرى ما يفصلهم كان البيسين الي تغطى بأمبايل بلون و روج و الورد الي كان منثور على سطح الماء،طريق الورد مزال متواصل كملت مشات فيه و نهايتو وصلتها قدامو،قدام عينيه و سحرهم،مواجهة انفاسو السخونة الي حرقتها في وجها،قدام اك التبسيمة الي في كل مرة تسحرها و تذوبها و ريحة برفانتو الي تخدرها،قدامو مواجهتو و قي لحظة بين احضانو في دنيا اخرى،دنيا روز كلها فرحة و ضحكة..بعدو اما مش برشا حبس اليخت وسط زرقة البحر و صفاه الجو كالم و الطقس محلاه قاعدة بجنبو حاطة راسها على كتفو جاها النوم قداه الجو رتحها و ريحها
-عزيزتي رقدت
-محلاه الجو توا اكتشفت اني كنت مستحقة لدورة هكا وسط البحر😘
-توا قريب 11:00قوم مالصباح ما كليت شي ايجا نفطرو
-احساس الفرحة الي طيرتني بيه اليوم و عيشتهولي خلاني ننسى الماكلة و الجوع والله😂
دارو مالشيرة الاخرى طاولة عليها كل شي دايرين بيها فوتايات، فطرو و قعدو يحكيو و يضحكو و هي في حضنو حست انها ملكت العالم،وهي في حضنو و بجنبو نسى همو و الدنيا و ما فيها،متكي عالفوتاي و هي في حضنو و مادة ساقيها يلعبلها على شعرها و خدو على خدها و اليد الاخرى محوطها بيها من خصرها
-صغرونتي
-روحها
-متوحشك
-انا اكثر
-جوزيف
حس بغصة بقدر كذبة هالاسم و الشخصية المزعومة الي عايش بيها،كبس سنيه بقوة على بعضهم غمض عينو و خذا نفس يهدي في روحو😊تبسم بوجيعة و حاول ما يركزش و يعيش اللحظة كيف ماهي بشخصيتو هو
-روحو جوزيف
-وقتاه بديت تحبني هكا
-انت تعرف..من اول مرة ريتك فيها فالكلينيك
-اما بعد انت بعدت و حبيت دانا
-حبيت دانا اما من قبل و من لحظة عرسنا عشقتك انت
-احنا تفاهمنا نقعدو صحاب و انت وعدتني و بعدها عرضت عليا العرس كيف عرفت اني اونسانت من جاد بجاد و باش تحميني من عباد اخرين
-اي و انا خلفت بالوعد و بكل شي،جاد الله يرحمو توا انا و انت و ولدنا كهو..
-تعرف؟..الصدمة الي عشتها من موت جاد وفي جنازتو و الامل الكبير الي كان عندي بإنو عايش كيف دخلت فالغيبوبة و قمت،قمت مستوعبة الي صار كأني في لحظة تقبلت الحقيقة و رضخت للأمر الواقع،في لحظة لقيتك انت معايا و اكتشفت قداه توحشتك وقتها و كيفاه بديت نحبك من بعد العرس اما كنت نكابر و نقول عمري ما نخون حبي لجاد
- و خنت..😏
-جاد ساكن فيا..ما نسيتوش قطعة منو معايا..وهو مالماضي و انت الحاضر
-و شكون المستقبل زعمة؟
-ههههه انت اكيد
كلامهم كلو كذب اما صادق في نفس الوقت،هذي هي قمة التناقض في عشقهم،و هذي الحقيقة المرة الي عجزت ايثار انها تكشفها و مع كل كلمة قالتها كانت واعية انها كانت سكاكن في قلبو،حاسة قداه توجع و تنجم تتخيل قمة وجيعتو،نفس الوجيعة و ممكن اكثر حستها هي،انك تعرف حقيقة تسوى الدنيا و متعلقة بالشخص الي هو كل الدنيا بالنسبة ليك اما مضطر انك تخبيها و تخزر في عينو و تكذب و تقول العكس هذا في حد ذاتو قوة ما يتحملهاش مخلوق و ما يتحمل وجيعتها كان انسان وصل لاعلى و اسماء قمم العشق..و هوني يترافق العشق مع التضحية الي في وقت مالاوقات تكون سابقتو في بعض الضروف الي تفرض روحها ولازم تتعاش باش تتجاوز...
لحظات صمت بيناتهم قررت انها تلغيها، دارتلو و سحرتو بتبسيمتها الي نستو مرة اخرى بحر الافكار و الوجيعة الي غاص فيهم..عدى يدو على خدها الي ولى روز من نسمة البحر،يمشي في صبعو و وصل لشفايفها،حس بحرارتهم و رعشتهم اول ما تحسسهم،شدها من رقبتها و بالشوية قرب منها يذوق و يتبنن في طعمهم الي في كل مرة يحلى يتروى منو و ما يشبعش، غمضت عينها و سلمتلو😍..حملها بين يديه و هبط للبيت الصغيرة الي فاليخت، حطها عالفرش و شفايفهم ما تباعدتش لحظة،في نفس الوقت يحللها فالروبة، محوطة رقبتو بيدها تحاول تجاريه،حضرت الرغبة و سيطرت عليهم اما عشقهم غلب،يحكي معاها و يلهث عينو ذابلها و صوتو مبحاح غارق
-ايثار متأكدة؟
-انا قتلك حبيتك و قتلك بكلي ليك و توا قاعدة نثبتلك
غمض عينو مش عارف يصدق و الا يكذب،مش فاهم ولا يحب يفهم متوحشها يحب يطفي نارو منها الي عمرها ما باش تطفى😍بعد شوية يتفس بزربة يبوس فيها من رقبتها و هو هابط بعد ما نحالها الروبة،حلتلو مقافل الشوميز و نحاتها و غرقو فالحب..-ااا شبيك فحت فيا لباس ماهو اصلا انت شمدخلك مشيت لخويا و دارنا في بالهم و اصلا الطفل كيف نمشي انا غادي هو يمشي لدار صاحبو باش نقعد انا على راحتي و ما يجي كان بحضور اسامة و محسوب واحد مالاولاد كان ديما يجينا هوني😌
-اااا اي ماو قول هكا مالاول😒
-اصلا مش عارفة فاش قام عليا نفسرلك نورمالمون نطفيك انت
-لا جرب سعدك نسألك و طفيني
وسط العايلة الكل كانو كان هوما الزوز يتناقشو و يحكيو و البقية مركزين معاهم و شايفين الموقف عادي الا اسامة شايف الحكاية غير، علاه منهم الكل ما تكلم كان جوزيف و علاه كمية هالاستحقاق في كلامو ليها؟حس حاجة مش عادية و كل التبريرات مش راكبة على بعضها اصلا مش لاقيلو عذر،فما ان فالحكاية و حاجة غريبة متأكد انها قاعدة تصير و احساسو ناحيتها خايب و قلبو مش مرتاحلها و هذا الكل لازم يفهمو و يعرفو منها والا منو والا بطريقتو😠..كان سارح فيهم يخزرلهم و كل هالكلام داير في راسو ما حب يخمم في شي و لا يتسرع و يتخيل حاجات ممكن انها تعمل كارثة في وسط العيلة، ايثار تخزرلو حست بملامح وجهو المتبدلة و باين عليه القلق، ضربت جوزيف بالشوية على جنبو باش يسكت و تكلمت و هي تنزل على سنيها بصوت واطي
-جوزيف هدي روحك عزيزي😊
كلامها عاود فيقو للمرة الثانية سي نو اكيد مزال متمادي يحكي ما على بالوش فيسع كبس روحو و تبسم اما من داخل يرحي فالغزول رحيان و تمكنت بيه نار الغيرة الي عماتلو قلبو لدرجة انو عنق ايثار اكثر و كمل عدى يدو الاخرى على وسطها و حط شفايفو قريب لرقبتها 😯نسى روحو غادي و نسى انها مرت خوه و لا قدر الكبار الي معاه و لا قرا حساب لمشاعر دانا و عينها الي تحجرت و تملات دموع من هول الصدمة 😢
ايثار تصدمت هي زادا حاجة ما كانتش متوقتها منو و لا تخيلت لحظة انو يتجرأ و يقدم عليها خصوصا بعد الحقيقة الي عرفتها،تبسمت بالسيف و بعدت شوية
-جوزيف يزي مش وحدنا..عيب
تبسم كأنو سارح في حاجة بالحق ما كانش في وعيو وقتها غيرتو عماتلو عينو خلتو ما يرا شي و لا يراعي شي اعطيه يطفي هالنار الي شعلت فيه من غيرتو عليها و يردلها الضربة،ما يعرش حتى كيفاه تكلم و قال الي قالو😨
-متوحشك عزيزتي، اي نطلعو😱
قالها بصوت مسموع كلو رغبة،صوت وصل لاوذانهم الكل الي حشم و الي تلف والي تصدم و الي توجع و قلبو بكى دم 💔قلبها تشق و تقسم في ثنين اول ما سمعت هالكلام هوني دمعتها خانتها و هبطت قامت فيسع حسبت روحها تحكي فالتاليفون و بعدت عليهم😢 ايثار ما لقات ما تقول،عجزت انها ترجع عليه و الكلام منها هرب من ناحية اخرى فهمتو و تفهمت موقفو و حست بغيرتو الكبيرة على دانا و لوين ممكن توصل...
الحلقة 29
اسامة قاعد يتبع في هذا الكل بجبين مكمش و حواجب مقرونين يحاول يكذب الي شافو و سمعو،يحاول انو ما يصدقش الدموع الي شافها بعينو في عين اختو بعد الي صار،يحاول انو ما يفهمش المغزى من وراء كلام جوزيف لدانا خاطر هذا الكل ما يوصل كان لطريق كهو،طريق بدايتو شك و نهايتو دمار و خراب اكيد🔥..تحط العشاء و تلمو الكل عالطاولة و بالتفدليك و الجو تعدى الوقت فيسع و بعد ما كملو تلمو الكل فالصالة بأمر من راشد الي كان قاعد وسط اولادو و نساهم و احفادو مقابلينو و دايرين بيه،حط كاس التاي عالطاولة بعد ما حمحم و بدا يحكي الجو هادي و الكل ساكتين يستناو في كلمتو و متوقعين انو باش يصدمهم بحاجة على اذاكا كانو متحضرين لكل شي
-تعرفوني لا نلف و لا ندور و لا نعمل مقدمات باش ندخل في صلب الموضوع ديراكت و تعرفو مليح انو كلامي لازم يتنفذ من غير لا علاه و لا كيفاه...
عادل و هنيدة ابداو حضرو رواحكم عرسكم بعد شهرين من توا و هاني ما زربتكمش مش على حاجة اما معاكم شكون (خزر لغيث و هديل الي كان متوقع ردة فعلهم) غيث و هديل عرسكم باش يتعمل فرد ليلة..صحيح مازلتو صغار و ممكن تخافو من مسؤولية العرس خاطر مش ساهل اما احنا في عيلتنا ما عدنا كان الرجال و الكلكم حمدلله على قد مسؤلياتكم و متحملينها على اكبر وجه و انا فخور بالحاجة هذي و مطمنتني عليكم توا و حتى بعد ما يهز ربي امانتو.. غيث ولدي انت صحيح مقعار و تعملهم الكل اما نعرف قداه تحب هديل و هالحب ريتو في عينك و فهمتو بعد ما كنت انت الوحيد بيناتهم الي تجرأ و وقف قدامي يشاور فيا و ياخذ في رايي و بعدها كيف وقفت قدام الناس الكل و قلت نحبها،مخك كبير رغم كل شي و رغم الصغير الي فيك الا انك باش توصل تضمن مستقبلك الي ديجا مضمون و حاجة مش جديدة عليا رغم انو الكلكم ما ناقصكم شي جيست انكم تعيشو و تصرفو الي تغبت عليه انا و والديكم اما انتوما لا بالعكس قريتو و خدمتو و تعبتو و حركتو على رواحكم باش تضمنو المستقبل الي تحبوه و اخترتوه انتوما مش الي باش تورثوه😊الحمدلله ربيت والديكم عالقناعة و الاحترام و حبهم لبعضهم و هذي اهم الحاجات الي لازم تورثوها و ورثتوها😊
هديل اسمعني بنتي انا خذيت قراري صحيح و انت تعرف مليح انو باش يتنفذ رغم اني نعرف شنو رايك و شنو انت تحب و قرارك شنو باش يكون... اما عيش بنتي خمم مليح..
-هديل: بابا عزيزي انا الصغيرة فالبنات الكل محسوب اكيد متوقع اني باش نرفض و مش رفض قطعي اما مزال بكري عليه،تعرفني قداه نحب قرايتي و متمسكة بيها و ما في مخي حاليا كان اني نوصل نحقق الي نحلم بيه،نحب غيث و ما نتخيلش حياتي بلاش بيه اما انا نرا في روحي مازلت صغيرة عالعرس نعرف باش تقلي ايثار و اثير اصغر مني والا فرد عمر و اوكا معرسين و شوف وين وصلو اما انا نقلك كل حد يعرف روحو و يعرف جهدو و انا نرا في روحي مش قد هالمسؤولية و مستحيل نوفق بين عرس و قراية و دون هذا الكل نحب نعيش حياتي و نتمتع بحريتي اكثر،مازلت نحب نخرج و نشوف و نتعلم و نسافر..
غيث بدا يتنرفز من كلام هديل الي رغم كل شي ما توقعوش جاء باش يتكلم قصى عليه راشد الي اول ما تلفتلو فهمو و عرف شنو يحب يقول و قالو عليه😊
-راشد: شو بنتي انا هذا الكل متوقعو منك و نحترم رايك و طريقة تفكريك كل جيل و جيلو و كل وقت و وقتو اما باش نقلك حاجة..انت مكش باش تاخو انسان غريب ما تعرفوش والا احنا فارضينو عليك بالسيف هذا ولد عمك و انت اخترتو و حبيتو، هذا غيث الي تربيت و عشت معاه و تعرفو و يعرفك مليح،صدقني الي تحب تعملو الكل اعملو مع راجلك و شوف الفرق بيه و تخيل من غيرو كيفاه و انت وحدك مستحيل كنت تعمل حاجة بلاش بيه.. هديل و انت غيث زوز مهبلة و هبالكم يزيد يحلى كيف تبداو مع بعضكم،هو زادا مزال صغير يخمم و يحب يعمل الحاجات الي ذكرتهم انت الكل و اكثر اما يحب يعملهم و يعيشهم معاك،الزوز مازلتو صغار و ما ريتو شي مالدنيا مركزين كان على قرايتكم و مستقبلكم الي تحبو تخلطو تعملو فيه كل شي و يكون برفاي كيف ما تحبوه و انا توا قاعد نعطي فيكم في فرصة باش تكون احرار و تعيشو هالحرية رغم انكم عايشينها و حتى انتوما هكا اما جوانحكم قصيرة فما عايلة قدامكم مطالبين انكم تتمشاو و تحترمو قواعد العيش فيها و معاها،فما مجتمع متناقض مع بعض احلامكم و برشا حاجات بانية حاجز صغير قدام احلامكم و باش تتجاوزوه لازمكم تعملو تنقيزة صغيرة و تعيشو حرية كاملة من غير نقصان كيف ما تحبو😊والا شنو رايك غيث..؟-غيث:الي حبيت نقولو و نفهمو لهديل انت قلتو الكل و ما عندي ما نزيد عليه بابا انت فهمتني و فاهمني مليح شنو نحب و شنو نحب نعمل و لوين نحب نوصل و فاش نخمم و كيفاه (خزر لهديل و شدلها يدها😍) هديل حاول افهمني و خمم مليح في كلام بابا عزيزي و بالحق شوف الحكاية من كوتي اخرى غيرك انت،حط في بالك انو الي تحبو انت الكل انا ك راجل احلامي اكثر من هكا نحب نعلي و نجنح و نطير و نحققهم اما ما نجمش من غيرك انت جوانحي و في خيالي انت الي بيك و معاك رسمت الاحلام الكل، في كل حاجة خططتلها توا و حتى قبل ما نعترفلك بحبي كنت موجودة في كل خطوة من قراراتي و قاريلك حساب خاطر ايماني بحبي القوي ليك كان اقوى و اسمى اني نخمم مجرد تخمام انك ترفضني و ترفض حبي..قبل ما نعرسو انا نوعدك توا و قدامهم الكل كان هذا يخليك مرتاحة حتى شوية و يعزز ثيقتك فيا اكثر اني نحرص نحققلك الي تحب عليه انت قبل الي نحب عليه انا،نوعدك مش باش يتبدل شي،نوعدك نعملو الي تحب عليه انت الكل و بعد ما تكمل قرايتك وقتها فما كلام آخر،نوعدك نعاونك و ناقف معاك في كل شي،تحب نعيشو خوات نعيشو😱 و انا نتنازل على حقوقي الكل لوين تكمل قرايتك،نعيشو اصحاب كأنو مش معرسين جيست هي ورقة و تتصحح لا اكثر ولا اقل و ما تقولش نحكي هكا كلام و برا.. كلامي هذا نقول فيه و انا في كامل وعيي و قدام عايلة كاملة بكبيرها و صغيرها مش ليك وحدك باش بعد نجبد بيك والا نتراجع عليه لا يا هديل انا عند كلمتي و تعرفوني مليح الكل عمري ما خلفت بوعد مهما كان صغير...
الكلهم تصدمو من كلامو الحاجة الي ما توقعوهاش،ما توقعوش حافة العشق الاعمى الي وصللها غيث و انو ممكن يوعد بحاجة هكا شبه مستحيلة تقريبا..
-عبد الرحمان:عيش ولدي غيث ما تعطيش وعد تخاف مجرد خوف انك توفي في بيه،هذا حقك تنجم ما اتطالبش بيه ؟
-غيث:كلامي مش كلام و برا بابا و نعرف شقاعد نقول و مش تقولو العرس مش كان حب باش ينجح لازم تكون معاه التضحية و القدر و الاحترام؟ انا باش نضحي معاها و نصبر عليها و ناقف معاها ، نعرف خايفة و قرار العرس جاء على غفلة منا و ما كناش عاملين حساب و لا مرة حكينا فيه الموضوع خاطرو كان بالنسبة لينا بعيد شوية و مزال عليه بكري فالوقت الحالي اما مدام بابا عزيزي حب هكا قرارو لازم يتنفذ و انا متأكد انو ما وصل خذا هالقرار بالاخص بخصوصي انا و هديل كان لمصلحتنا و عندو اسبابو رغم معرفتو براينا فالموضوع..
-نجوى :عيش ولدي تحب نأجلوه نأجلوه و كلامك هذا انت وحدك الي باش تتحمل مسؤوليتو و نتيجتو و تعبو،الحمل باش يكون عليك انت وحدك😧
-غيث: عيش امي ما تخافش والله نعرف شقاعد نحكي و مانيش ماخذ الحكاية تفدليك هذا عرس و هذي حياتي و حياة هديل و مستقبلنا معناها مش قاعد نلعب و لا باش نتعب لا شي حتى كان تعبت هديل معايا..😊
خزرلها بحب و كبس على يدها اكثر،كان خايف صحيح و نظرة الخوف الي في عينها صانعة من ضعفو قوة و اصرار انو يثبت العكس ليها و للكل و انو قد الوعد الي قطعو..قلبها خايف و حستو رزن اما في نفس الوقت كلامو و ثيقتو في روحو و في حبو ليها حسسوها بنوع مالراحة و الامان،كان هي تحس هكا مالا هو الي خذا هالوعد على عاتقو و خلتو يتحمل هالمسؤولية كيفاه احساسو توا وراء هالتبسيمة الهادية و حنية يديه الي محوطة يدها،زعمة باش ينجم ينفذ وعدو و انهم يعيشو خوات كيف ما قال؟ زعمة هالشعور بالذنب ناحيتو باش يزول؟ و قلبها...؟زعمة يطاوعها في كلامها والا باش تتراجع و تصدم و تحاول تتقاسم معاه هالمسؤولية؟؟..😔نفس صدمتهم بكلام سامر و عرضو تصدمو من كلام هند الي كان غير متوقع و صراحتها الي مشى في بالهم تفدليك و الكلهم فرحو بقرارها الا راشد الي كان يعرف مليح كل فرد من عايلتو و تركيزو الكبير مع هند بطريقة كلامها و تصروفاتها و ردات فعلها الي كانت تحاول تخبيهم و علمو مسبقا العلاقة المتوترة بيناتهم الزوز و رفضها ليه لاسباب مزال ما عرفهاش خلاه يزيد يتأكد من احساسو و انو هالطفلة باش تعمل في ولد عمها كارثة😂
-راشد:باهي يا جماعة مدامنا ملمومين و الطفلة موافقة و العايلتين زادا على حد علمي نقراو على بركة الله الفاتحة من غير ما ندخلو في تفاصيل تخصهم اما انجمو نحددو دات الخطبة الرسمية..شقولكم بعد جمعة ماليوم؟
-هند:😱بابا عزيزي جمعة ما تكفينيش
و في لحظة استوعبت شقالت عظت شفايفها تحكي بينها و بين روحها..لا والله ياسر هكا😠جمعة ما تعملي شي و ما تكفيش باش نكرهو في روحو و نخليه هو يلغي الخطبة خاطر كان باش نلغيها انا تو تقوم قيامتي..اما ميسالش في يدي هالجمعة نحاول نعمل جهدي😈
-راشد(فاهمها مليح):لشنو ما تكفيكش بنتي،فما حاجة؟
-هند:قصدي للتحضيرات 😦
-سامر:هكك ما تخافش قمنا عرس في جمعة مش باش تكيدنا خطبة😘
الكلهم ضحكو كان هي وراء تبسيمتها شعلت نارها و تمنات تشرحلو بدنو و هو حي و عينو تخزر😂..
عادل وصلو تاليفون قام خرج يحكي و يتمشى فالكلوار ما ركزش مع هنيدة الي خلطت عليه بحجة انها تعلم البون تجيب الحلو بالمناسبة.. تمشي وراه لين بعدو عالعين طفات ضو الكلوار،خطفتلو التاليفون من يدو علقت و جبدتو هو لبيت المونة وسط الظلام و سكرت الباب، دورتو بزربة شادتو من كول المريول قربتلو تتنفس في وجهو،تفورلو في دمو و تحرقلو في عروقو عرق بعد عرق..
مش معقول ما يعرش اكثر ريحة برفان ترهوجو و تخلي نارو تشعل و تطفى في نفس الوقت،المرا الي تبردو و اتدفيه الي تفرحو و بيها و منها و ليها يحزن و يتغشش،الي تحرقو و تطفيه،الوحيدة الي تسيطر على كل تناقضاتو و عليه،شدها من وسطها لصقها فيه و بزربة حملها و في رمشة عين ولات بين يديه تكاها عالحيط، حوطتلو لجنابو بساقيها الي تعراو كيف تهزت روبتها و تكهرب بدنها بلمسة يديه الي عداها بخفة عليهم و كل ما يزيد يطلع يحرق الي و راه والي قدامو قبل حتى ما يوصل،حوطتلو رقبتو بيديها الزوز و رجعتلو الحرقة و التكهريبة و الرعشة و قوات في ريتم نفسهم و دقات قلوبهم كيف غمرتلو شفايفو بشفايفها و خذاتو في بوسة طويلة كلها رغبة و عشق من بوساتهم المجنونة..😍يتأمل فيها و في كل تفاصيلها من طالونها و هو طالع بعينو لتفاصيل بدنها المنحوت للروبة الروج الي كيف ما توقع كانت تسحر عليها ،رقبتها البيضة الي مزينة بكوليي على لون الروبة و البوسةخالة الكببرة الي على الشيرة اليسار ،شعرها و السبلات البوكلاي الهابطين بطريقة عشوائية على وجها و رقبتها، مكياجها و شفايفها و الفيرني و عينها الي فتاحت و زادت لمعتهم..تفاصيل كبيرة و صغيرة ما خلاوه كان يقرب منها اكثر و يعنقها يخبيها عندو، زينها عجزو انو يقول كلمة والا ينطق بحرف😍بعد عليها شوية شدلها راسها بيديه الزوز وطبع بوسة حارة طويلة على جبينها، رجع يخزرلها يتأمل فيها سارح و دايخ بزينها،يحكي بصوت واطي زاد حلا بحة صوتو 😍
-نبض قلبي كل عام و انت عشقي،كل عام و انت سندي و رفيقة الدرب،كل عام و انت توأم روحي و نصي الثاني،كل لحظة و انت النفس و الهواء و الضحكة و الفرحة و سبب وجودي..
خليني نحكي و نقلك
قداش محلاك و حليتني قداش ضحكتني و بكيتني،بكيت عليك مش منك و محلا التبسيمة الي نراها على فمك نهدى و نرتاح و تهزني الارياح ترميني عندك...
خليني نحكي و نقلك
قداش محلاك و زينك وتاك يا حواء يا حلوى يا حلوة يا حارة يا شرارة يا آمارة و أمارة في قلبي متربعة مسرارة.
خليني نحكي و ما تحكيش خلي ساسك واطي ما تعليش..ما تفرقناش،ما ترمينيش...
خليني نحكي و نقلك
قداه خزرتك ترهوجني و بلمعة عينيك تسحرني
قداه صوتك يطربني و همستو تخدرني
يا قصيرة لقلبي يا قطرة من دمي
يا خمرة الكاس يا جبل احساس
يا عطر الانفاس يا تاج ياقوت مرصع عالراس..
يا حنينة يا بنينة يا ظل ياسمينة..
يا بيضة يا سمراء يا ام خدود حمراء ..
يا صنديدة يا وقادة يا سهام صيادة...
يا رموش رماح تسابق الارياح..
يا عينين الريم يا رموش كحلة مالعيوب قحلة يا فحلة يلي مالقمرة احلى..
يا حفرة الزين عالخد اليمين..
يا سنون بيض من بينهم العسل يفيض..
خليني نحكي و نقلك
قداش رسمتلك ظلك..
رسمتك بجنبي في حضني بين يديا تحضني ..
يا دافية مدفيتني بحبك مغرقتني ..
يا مخدرتني يا مرهوجتني..
يا جنتي و جنوني يا منسيتني محوني..
يا خليلة يا فنانة يا ضحكة مالقلب رنانة..
يا نسمة الصيف في سخانة الريف..
يا قوت و ياقوت يا شفايف التوت...
خليني نحكي و نقول..
قداه وعدتك وعود و خذيت منك عهود..
يا قطرة الندى يا نسمة الهواء..
يا نجمة قطبية موريتني الثنية..
يا شمس الشتوية يا نوار عشية..
يا ضحكة الروح يا حلاوة صوتي المبحوح..
خليني نحكي و نقولك.
ما تحكيش،ما تخبيش..
ما تشكيش،ما تبكيش..
ياما حكيتللي سرك و بانت دمعة حتى من ظلك..
يا مخلوقة من ظلعي المعوج حتى بجنبي ديما عليك نلوج..
يا روحي يا عمري يا شمسي يا قمري..
يا ليلي يا نهاري يا بحر افكاري ..
يا وردة و فلة يا ماء بارد فالقلة..
يا راويتني يا ساقيتني يا كاويتني بنارك و مبردتني..
يا فين و فيانة بالزين مليانة..
يا بدن منحوت بزعانف الحوت..
يا رمش مذبل مالعين يهبل..
خليني نحكي و نقلك و ما تقول لحد..
اني عشقتك لهك لحد
لحدي و حدودي الي مش موجودين
و مالنهاية متجردين..
ما تحكي لحد..
حبيتك بالجد..
مملية بالقد..
الزين الي يسحر و الخد..
من عندك نستنى فالرد ..
الي روحي باش يرد..
يهزني ليك و ما يرد.تعدا الوقت فيسع كان لازم يقومو،حل عينو يتأمل فيها راقدة بجنبو دار على جنبو باش ياكلها بعينو كل ما يشوفها تتملكو نفس الاحاسيس في كل مرة، شفايفها الروز المنفوخين والي في كل مرة يكونو سبب لنهايتهم عالفرش😂شعرها الطويل الي احتل صدرو و المخدة و رقبتها وستر البوستخالة الي يعشقها😍 بعدو شوية و قرب باسها منها و قيمها ببوسة من شفايفها.. و قامت..
-عزيزتي قوم لازم نرجعو،ايجا نلبسك دبشك😍هاذم كادو آخر😍تعبت؟
-اممم تعبت🙈و يزي مالكادوات راك دوختني
-سامحني ياروحي..دخت من حلاوتي مش مالكادواات 😛اقعد فالفرش ارتاح..
عملت كيف ما قلها كمل لبسها و لبس خلاها رجعت ركشت فالفرش و طلع يسوق..
وصلو للبر..طلعو فالكرهبة و عاودو رجعو للفيلا لقاتها مزالت فارغة..
-دجو ياخي ما تقليش الجماعة وين بعثتهم😂
-شيهمنا فيهم طفيهم😂
طلعو لسويتهم،الحس بااهت شادها من يدها دخلو سكر الباب اما كل شي ظلام،خلاف الشمع ديكور البيت الي مزال على حالو بالورد، عنقها من تالي و مدلها خبزة قاطو صغرونة اما تهبل،بدا يغنيلها في وذنها ببحة الصوت الي تعشقها😍و باليد الاخرة حط يدو فوق يدها و غطسها في خبزة القاطو حست بحاجة غريبة، صندوق صغير😯جبدتو تضحك
-شنو هذا 😍
-حل
خاتم بألماسة وحدة كبيييرة💍خذاها من عندها لبسهالها و قرب يدها من فمو يبوس في صوابعها صبع صبع و فرد مرة ياكل منهم فالقاطو😂
-امان مش للدرجة هذي،وصلنا للالماس😍
-انت ألماستي الي ما تتشراش بالدنيا و مافيها..انت متاعي انا و بس..😘
عنقتو و في كل مرة تعجز تعبر و توصف و تحكي..
-اي عزيزتي ما ادوخليش مش وقتو لازم نخرجو توا..ايجا نبدلو،البس مليح و ماذبيا البس سبور حاجة تكون مرتاحة فيها
-علاه وين ماشين زادا😨
-امشي امشي قدامي للدريسينغ..شد البس هاذم فيسع.
ما كثر ما زربها مش عارفة كيفاه كملت لبست 😂لبس هو زادا و خرجو لآخر لفيلا وين كانت طيارة الهيليكوبتر تستنى فيهم،ضحكت و خزرتلو
-شنو حتى هذي كادو ليا
-العيد ميلاد الجاي حبي😂خذينا يخت مش باش تكيدنا هيليكوبتر وحدة اخرى
-😱علاه عندك كعبة
-اممم.. 😁
-اطلع جوزيف باش تجيبلي جلطة راك😓
ضحك من كلامها و ملامح وجها و طلعو..
علات بيهم،اول مرة تعيش التجربة و اول مرة ترا العالم من فوق السحاب،الدنيا محسوب بعد المغرب و السماء كانت ملونة بلون الغروب بمزيج يسحر بين الازرق و الاحمر و الاورونجاي و الفيولاي و الاصفر سبحانو الخالق في ابداعو😍 بين الضحك و الكلام و التمعشيق تعداو سوايع و ظلامت الدنيا مليح،غفات الشوية و قامت على صوتو،حست بحركة الطيارة الغريبة كأنها قاعدة ادور في بلاصتها..
حلت عينها جات في عينو 😍
-آخر سوربريز عزيزتي،ما تخافش عمتلك السانتير الكل
-علاه😱ما تقليش باش انقزو من فوقها
-هههه بهلولة زايد😘
-احنا وين
وقتها قام حل الباب ضربها الهواء و شهقت كيف بانلها برج ايفيل و اضواء باريس الي تسحر، ما لقات ما تقول و عبرت بضحكتها الي يعشقها و تكفيه و تغنيه على كلام الدنيا الكل، قربلها شدها من يدها و قرب بيها حذا الباب، ما كانتش خايفة و هي في حضنو و بين يديه محوطها بكلها من تالي و لاصق فيها مغرق وجهو في رقبتها يستنشق في ريحتها يعاودلها في كلمة نعشقك❤...
في الوقت نفسو مقابل التلفزة وسط الظلام في دبو مالدبووات المهجورة تحديدا في امريكا..
وسط السلاح و المخدرات بأنواعها، دايرين بيه رجالو،يتفرج على الحكاية الي قالبة الدنيا، الحكاية الي تعرضت على اكبر القنوات العالمية و اكثرهم نسب مشاهدة، يدور في كاس الويسكي الي في يدو يحرك فالقلاصون يسأل في واحد من رجالو
-مش هذا الشيطان؟
-الشيطان مات و هذا خوه التوأم...😱
Athir...❤
راكا الكرهبة قدام اول باار عرضو،دخل طيش الفاست عالكرسي بجنبو و هبط شربو،غصة في حلقو و نار شاعلة في كنينو يحب اطفيها،كاس وراء الكاس و ما يرا كان في الينا قدامو و مشهد الزميل الي كلاها بعينو و كلالو قلبو معاها، الاحساس الغريب الي يحسو ناحيتها،علاه محتلة كل افكارو و ما يخمم كان فيها سكنتو و دخلت و دخلت معاها غولة فيه و قلبتلو حياتو من غير مجهود منها،قلبو شاعل و يزيد يلهب كيف تجي تصويرتها بين عينيه،ساعات تجيه لحظات يتمنى يعدي يدو على شعرها و خدها والا يحط يدو على يدها و يكبس عليهم،هو متمني ابسط و اقل من هكا ببرشا مثلا تقعد مقابلتو و يغرق في عينها يتأمل ملامحها و يضيع فيها و في غموض شخصيتها الي في كل مرة تتملكو رغبة قوية في اكتشافها و يفهمها و يحفضها..
يحس في روحو ميت فاني عليها ومتوحشها لدرجة انو ستخيل فيها بالطريقة هذي توا،من ناحية اخرى يشرب بزربة كأنو يشرب فالماء يحب يمحي اسمها و ضحكتها و عينها و كل حاجة متعلقة بيها من بين عينيه،،هكا ملا عليه عقلو اما قلبو رافض انو ينصاع لهالاوامر الي ما منها هروب وما ليها فايدة..
صب آخر كاس من دبوزة الويسكي شربو فرد ضربة هز مفاتحو و قام خرج يسوق بالسيف بستر ربي لين وصل راكى الكرهبة عالشط،خرج دبوزة ويسكي و قعد مقابل لبحر متكي على عجلة الكرهبة مد ساقيه و جبد تاليفونو كومبوزا نومروها الي سرقو من تاليفون جوزيف و طلب..😱
-اسكت ما تحكي معايا حتى كلمة،الطحان الي كلاك بعينو صحة ليه اما وراس الحنينة هاكي الي ماتت و ما ريتهاش في جرت هك الكلب😱لا عديتهالو،قسما بالله ما نفركو من بعضو غير نرجع لايطاليا😠 وانت حسابك معايا غير😂عمايلك تجاوزت الحد المسموح بيه و تجاوزت حدودي..كثرتلها يا الينا..انا الي كرهت جنس حواء!.،عشقتك انت منهم😓اسكت كا عندكش الحق تسأل لا علاه لا كيفاه انا زادا ما نعرش و ما عنديش ادنى فكرة،الي نعرفو توا اني شارب دبوزة ويسكي وحدي و الثانية في يدي محاولة مني اني ننسى ملامحك و تفاصيلك الي ترسخت في قلبي و قعدت بين عيني و ما نسيتش..😔اما هذا الكل باش تخلصو يا الينا و رب العزة ما تخلصو😂تفهم والا ؟تكلم حل جلغتك😠والا نقلك؟اسكت خير😟(يصيح)شكون شاورت باش تدخل لدين انها حياتي و تخليني في هالحالة نشرب على خاطرك و اول مرة نشرب و يكون السبب مرا😠ياا ربي راني نكرهك،و من اول ما ربتك كرهتك😑هذا شنو يقلي عقلي..اما من داخل من داخل..عشقتك❤ و باش تخلص..😂
اي نعم انا آزر عشقتك و يا عمبوه قلبي و بو بويا انا معاه و بوك انت معانا زادا😌
انا باش ننتقم و انت باش تخلص و تو تشوف انا والله نعشقك..اوووف برا فكني،برا اخطاني الهم هذي..الينا!..
الينا... محلاك..لقيت روحي متوحشك..
مخنوق من غيرك..تعرف؟
ديما هايم بيك و عيني ساهرة ما تنام الليل..
نشعل و نجن كيف يقرب منك حد ..
كان هذي هي الغيرة انا نغير عليك حتى من خزرة عيني الي تشتهاك و تعشق فيك😍
نغير عليك من قلبي الي ينبض بإسمك..
كل ما فيا يرعش عليك الينا..
تصدق..؟حبيتك من عركتنا فالمطار؟؟
اي والله من وقتها و انت في بالي اما مش فاهم ولا مستوعب الحكاية و لا جاء لبالي اصلا اني حبيتك و انو هذا هو الحب..
الحلقة 30
حب..؟ ملا حرفين شعملو فيا😓اااااخ منك...
كان هذا هو الحب الي يحكيو على عذابو و وجيعتو؟
انا راضي..بحلاوة عذابو..و محلاها وجيعتو...خاطر حبيتك انت..❤تبسم زياد و قام مشالو،ما يعرش علاه رغم كل شي ولى يرتاحلو خاصة بعد التحول الكبير الي صارلو دهولو للحبس و موتة بوه و الضروف الي عاشها و تعدى بيها باش عمل عقلو و راض و ولى راجل دابو داب روحو متحمل المسؤولية بكل انواعها و يتعمل عليه و يتأمن..وصل حذاه قربلو و شاف حالتو مليح مد يدو و حس بحشمة محمد و فهمو كيفاه باش يسلم عليه و هو فالحالة هذي،هو فاهم مليح نظرة محمد ليهم و ظنو الغالط بيهم انهم ساخفين عليه رغم محاولاتهم الكبيرة الكل انهم يدخلوه معاهم فالجو 😓
-الله يعين الرجال،سلم ما تحشمش راجل و سيد الرجال صاحبي😊
-عيش خويا زياد اما هك ترا فيا و فيك،روحت نزرب باش ندوش ريحة و حالة حليلة
-لا ريحة لا شي يستخايلك..اا سافا الامور شنو الدنيا
-هانا ندهدهو كل مرة في خدمة والي يسمع بيا معدي رابطية يا يطردني و يقولهالي في وجهي ديراكت يا يجيبها بلغة خدمة نقصت تو نكلموك، حمدلله..
-شبيك ما تسمعش الكلام قداه من مرة قلنالك اخدم معانا والا نشوفولك خدمة
-شنخدم معاكم يا زياد و انا ختى السيزيام ما كملتهاش مطرد مالمدرسة😓
-باهي اخطاك منا احنا، خواتك قداه قرقو بيك حبو يعاونوك و انت حتى الفلوس الي تلمدلك فيهم ايثار كل شهر مدة رابطيتك ما حبيتش تقبلهم لين بكيتها مسكينة
-الله غالب يا الخو ان شاء الله يسامحوني الزوز ما نخب يسخف عليا حد حتى لو خواتي،تعلمت و تبت و والله تبدلت😔 الحاجة الي ما يحبوش يفهموها العباد و نظرة الشفقة و الحقرة الي نشوفها فيهم ليا تخليني نزيد ناكل صوابعي ندم صحيح انا دخلتي للحبس ملفقة و ما دخلتش على الزطلة و السلاح الي لقاوهم فالكرهبة اما السبب الحقيقي يستاهل ندخل عليه للحبس و نتعدم و هذي اقل حاجة،ربي يغفر و يسامح اما عبادو لا تسامح لاترحم و بالنسبة للفلوس هوما اولى بيهم مني،ممكن قاعد نعاقب في روحي على ذاكا نحب نتلطخ و نطيح ونقوم وحدي و ان شاء الله يجي نهار و نقوم، لباس 😊
-يا محمد افهم عيش خويا الفلوس هاكم معاش بوك الله يرحمو و من حقك علاه رافضهم؟
-هوما زادا عندهم فيهم الحق
-انت اولى بيهم و هوما ما شاء الله معرسين و عندهم رجالهم يصرفو عليهم
-عيشو زيدون تخمم عليا كهو خويا لازم نتعلم و تعلمت،لباس عندي تفتوفة تحتي من خدمة الحبس نلم عليها حويجة و نشوف مشروع صغير نسترزق منو و نستر بيه الحال و نكون منو مستقبل..
لمحها جاية ناحيتهم قلبو دق بقوة و رعش في صدرو يحسها كيف المسكن و المهدئ شوفتها برك تريحو و اتطمنو، من نهارت الحادثة ما شافهاش حس روحو توحشها اما كيف شافها توا حشم و رجع يخمم انو مش من حقو يحلم بيها و حبو ليها ما يغيرش حقيقة الواقع بإنو تولدت هي وسط وردة متفتحة و تولد هو على شوك نفس الوردة😢هبط راسهو و على شفايفو تبسيمة قهر و و جيعة و مخيبها قهرة الرجال
-سمر: اهلا محمد الله يعينك
-سلام الله يسلمك،لباس؟ان شاء الله تكون بخير توا
-الحمدلله بفضلك كان مش انت ما نعرش شكان صار،عيشك و بلي نقلك والله لا نوفيك حقك
-يزي يهديك ما عندك علاه اي حد.يعمل الي عملتو، سابس روحك انت و معادش تهز حاجة اكبر من جهامتك😊
هي تبسمت و حشمت من نظرتو ليها الي شافت فيها و حست منها برشا حاجات و هو طار و رفرف فالسماء من هك التبسيمة
-اي نخليكم لازمني ندخل نرتاح ان شاء الله مرة اخرى تو نتلمو زيدون
-ان شاء الله خويا و خمم فلي قتلك عليه ما تيبسش راسك وخيان رانا جيست انت ما تحسبهاش برشا
-عيشو الخو..سلام
محمد.مشى و زياد و سمر رجعو حذا الجماعة و مزالت سيرتو على لسانهم
-سمر: ربي يعينو ظاهر فيه تاعب برشا، كيفاه كان و كيفاه ولى سبحانو مغير الاحوال
-والله رجال ربي بلاه بالحبس باش يولي الانسان هذا و يفيق على روحو و يتبدل، كل مرة يزيد يكبر في عيني و زيد نقدرو و نحترمو اكثر،محللعا التوبة الحمدلله و ربي يرزقو و يسهلها عليه..
-آمين ...راشد يتأمل فيه و ساكت كان ينجم يأجل عرسهم اما كلام غيث شجعو و اكدلو انو خذا القرار الصحيح ليهم..كبر في عينو اكثر،كان فرحان برشا يحمد في ربي على هالعيلة و على هالاولاد و البنات الي خرج بيهم للدنيا،فخور بيهم و مطمان عليهم..
ما عندوش برشا ملي عرف بمرضو ما يعرش وقتاه ربي يهز امانتو اما خير لا يعمل عمليات و لا يداوي ما يحب كان يكمل بقية اياماتو في دارو وسط عيلتو بين اولادو،يحب يدور و يضحك بيناتهم و في كل مرة يحمد ربي و يشكرو انو كتبلو يعيش و يشوف احفاد اولاد اولادو، فرحان بالعيلة الي كونها و بناها و عرف يربيهم،الي عطاتو قدرو و قيمتو و احترمتو والي مهما يصير فاللخر ما تكون الكلمة كان كلمتو و الشورة شورتو في كل كبيرة و صغيرة يعلموه و يشاوروه،الكلهم و حتى بعد هالعمر لا نهار واحد عصى كلمتو والا هز فيه عينو،عاش بقدرو وسط عيلتو و العباد و هوما معروفين بيه يقولولهم عيلة آل راشد و هالاسم الي كان و مزال فخر ليه و ليهم،الاسم الي بصغيرهم و كبيرهم عمرو حد فيهم ما وطالو راسو والا عمل حاجة مسخ بيها هالاسم و السمعة الي كرس حياتو يبني فيها،يحب يتهنى على كل واحد فيهم و يشوفهم فرحانين و في اعلى المراتب و المراكز و وقت يموت يموت مرتاح و متهني عليهم...
تبسم😊و فاق من سرحتو يخزرلهم يملي في عينو من لمتهم و حديثهم و ضحكهم.. حكاية مرضو ما علم بيها حد خلاف المساعد متاعو و يدو اليمين حسن الراجل الي في عمر اولادو و حاسبو منهم، الراجل الي يعرف اسرار هالعيلة و كل كبيرة و صغيرة فيها، حسن الي يعرف اسرار كان تتكشف معادش تقعد عايلة و متأكد رغم هالحب الي بيناتهم وقت تتكشف الحقيقة باش يتقلبو على بعضهم و تشعل نار الحقد و الغيرة بين اولاد راشد في حد ذاتهم و تبدا حرب الميراث بين الاحفاد و يتهدم السقف الي فنى عمرو يبني فيه و يلم في شملهم تحتو.. اول ما عرف بمرضو كتب وصيتو و كشف عالمحجوب و المستور الكل فيها و وصى المحامي انو ما تتقرا هالوصية كان بعد موتو بجمعة بحضور الناس الكل..
فاق على وضعو بصوت هند الي كانت قاعدة بجنبو تذكر كلامها
-يا جماعة مزال عندي ما نحكي و كلامي ما وفاش..كيف ما دانا خذات فرصتها و اثبتت روحها و نجحت عندي نفس الثيقة في هند و متأكد من نجاحها
-مراد:شتقصد بابا شبيها هند
-راشد:قبل منامة عيني نحب نشوف احفادي ناجحين و ان شاء الله ربي يكرمني و نشوف ولادهم الكل..هند من مدة بعثولها باش تكمل تقرا في اكبر جامعات هولندا للطب الشرعي و علم الجريمة و القانون و هذا حلمها و انا باش ناقف معاها و نساندها اكيد مانيش نشاور فيكم اما علمتكم و الموافقة باش تصير سمعتني يا مراد؟الكلام موجه ليك زادا يا آمنة،و حد ماهو باش ياقف قدامها و الا يعارضها و يمنعها مدام انا عايش و كيف ما نجحتو انتوما نحب نساء العيلة ينجحو زادا..و انا من رايي يا هند تكمل العام هذا هوني ديجا ما عاد ما مزال فيه و العام الجاي تمشي😊
-هند: يا بابا علاه نضيع في عام
-راشد :ما تتسرعش بنتي خمم مليح تو تلقى انو الحكاية في مصلحتك و انت كي باش تفوت هالعام و هوما اشهرة اصلا مكش باش تقعد فالدار ما تنساش انك ماشية لجامعة من اكبر الجامعات فالعالم دونك لازمك تزيد تتعمق في بحوثك و تزيد تقرا اكثر و كان لزم عاود ستاجك مرة و ثنين و الحكاية هذي خليها عليا..
قاعد بيناتهم كلمة تهزو و كلمة تجيبو يحاول يفهم و يستوعب،صحيح رفضتو و في كل مرة ترفضو اما مزال عندو امل انها تحللو قلبها و تحبو و هذا مش باش يصير منو شي كان بعدت عليه و سافرت كيف ما قاعدين يخطتو توا.. ديما كان يحاول يتهرب او بالاحرى يأجل حكاية انو العيلة والا حد آخر يعرف بحقيقة مشاعرو ناحيتها،كان ديما يحب يكسب قلبها و يعيشو قصة حب و بعد يتقدملها و يفاتحهم فالموضوع اما ظاهر انو تحط على بكري قدام الامر الواقع و قدامو حلين يا يسكت و تسافر هي و تبعد اكثر ماهي بعيدة يا يجبد الموضوع توا و تعاود ترفضو قدام العيلة الكل و متأكد انو عمو باش يوافق عليه و تتضغط هي وقتها تاخذو بالاكراه و بالسيف عليها و مش بعيد تزيد تكرهو اكثر و تنقم عليه.. زعمة شنو يعمل؟ زعمة يصدم و الي يصير يصير؟ ماخممش برشا فاق من تخمامو يسمع فيها تقلو
-هند: باهي بابا كلامك صحيح والي تقولو هاكا هو،نكمل السنة هوني و العام الجاي نمشي..
ما كملتش كلامها و تكلم هو خلا الانظار الكل تتوجهلو و عينهم الكل تساؤولات😮
-سامر: ما عندك وين ماشية لا السنة لا العام الجاي و كان تحب تمشي لازم نعرسو 😱وقتها نهزك وين تحب..شقال عمي و مرت عمي؟
سكت شوية يخزرلهم و يتبسم،ما يرتاح الا ما تكون ليه،هي الوحيدة الي عشقها و خذاتلو قلبو و لتو مش فاهمة شنو عملت فيه،لتو مش مستوعبة حبو المجنون ليها و على خاطرو مجنون قرر يا تكون ليه يا ما تكون لحد😯حتى لو كان هو خدم مخو توا و قاعد يحاولة يستغل موقف العيلة و حب عمو و مرت عمو ليه و العيلة الكل و لغة ولد عمها اولى بيها اما في نفس الوقت خايف من ردة فعلها يعرفها ما ترخش في مواقف هكا و ما تسلمش في حقها مهما يصير،يعرف قداه راسها مصعص و ما تمشي كان بلي يقلها عليه على اذاكا ستنى شنو باش يكون موقفها فاللحظة هاكي..
الكلهم مصدومين من كلامو😱 سكتو يستوعبو اولهم راشد الي كان شاكك فالحكاية اما ما حب يعمل شي خلاهم هوما يقررو مصيرهم و يعيشو حياتهم كيف ما يحبو بعد ما يخوضو تجارب الحياة الي باش توريهم الصح مالغلط..
بالنسبة لهند اقل ما يقال على حالتها انها مصدومة...بجيت عادل و هنيدة بعد ملحمة العشق العنيفة الي كانو عايشينها مش منتبهين للعينين الي كانت تراقب فيهم و فلي صار بيناتهم من شباك بيت الموتة الي كان محلول..😱😱
خلطت عليهم هند تغلي اما مش مبينة شي و مخبية بركان الكره الي ما ممكن ينهار في اي لحظة و يحرق الي كان السبب في انهيارو وراء تبسيمتها الهادية
-غسان:نسيتي عروستنا العسلة😍
ضحكتلو من غير ما تجاوبو و طبست وراء سامر الي كان صافن سروالو و قاعد على حافة البيسين مغطس فيه ساقيه يخمم في هالهدوئ الي مسيطر على هند اما متأكد انو هدوئ ما قبل العاصفة و دوب شافها واقفة حذاهم تبسم و زادت ظربات قلبو و كبر خوفو من مواجهتها بعد الي عملو و خاف اكثر انو الامور بيناتهم تزيد تتعقد اكثر من هكا😧خزرلها و تكلم دخلاني بينو و بين روحو
-العاصفة جات يا ساتر😓😂
قربتلو و طبست توشوشلو في وذنو
-عزيزي تجي معايا لحظة😇
-اي اكيد نجي معاك حتى لجهنم عزيزتي
-و انا نلقاك في جهنم نهز حطباتي و جمراتي و نمشي نتعذب بعيد عليك😒
قالتها بالشوية اما هو سمعها و اتطرشق بالضحك 😂😂😂
-استغفر الله العظيم يا ربي..الاولاد ماني خوكم ادعيولي😧
تمشي قدامو و هو وراها يدو في مكتوبو يتبع فيها و قلبو ما قايلو خير
وصلو لأخر الفيلة تكلم و يا ريتو ما نطق
-شبيك جايبتني لآخر الفيلة،تي اخزر معادش ظاهرة مالشجر،على شنو ناويتلي يا طفلة😈
هزت يدها ضربتو بكف كانت ترعش بكلها مالعصب و ستنات اللحظة هذي باش تفرغ فيه غشها الي كان سبب فيه
-اعرف شتحكي يا خامج 😠
حركة كان مستبعد تمام انها تتجرأ و تعملها ما توقعهاش تكون بهالقوة و هالجرأة و لا توقع يكون مكروه منها لهالحد،حركتها خلتو يفقد السيطرة على اعصابو و يفقد هدوؤو، عينو جمارت مالعصب و عقلو حسو طار،شدلها يدها لواها و دورهالها وراء ضهرها،وجعها لين صاحت، قربلها لين لصق فيها و كل مرة يزيد يتقوى و ينزل عليها اكثر،الوحيدة الي هزت يدها في وجهو و الوحيدة الي باش يعديهالها،يحكي بزربة صوتو كان مرة يعلى و مرة يكون هادي و مرة قريب للهمس اما مش خالي من نبرة الغش😠
-يدك نكسرهالك كان تتعاود اما هاني باش نعديهالك بكيفي المرة هذي😈
نزل على يدها بقوة اكبر و لصق فيها بعنف و في نفس الوقت يحاول يهدي روحو بريحتها الي يعشقها حط خدو على خدها يتحسس فيه و بصوابع يدو الاخرى يتحسس في شفايفها،يحكي بصوت هادي فرحان بقربو منها للدرجة هذي حتى لو بالاكراه منها..
-هند افهم ،حاول تستوعب عشقي ليك و لوين وصلني حبك،كون على علم اني مستعد نعمل اي حاجة باش نكسبك،سنين توا و انا في جرتك و انت ميبسة راسك مرة يلين و مرة يكساح،جات فترة انتي الي زدت غرقتني فيك كيف لمحت منك شبه امل بعدها رجعت تقلبت و لا رجعت حنيت،مش فاهم هالرفض الكبير و لا فاهم اسبابو،علاه كل هالكره و المحقرانية منك و انا الي حاطك في عيني و مسكنك قلبي و تطلب روحي ما تغلاش عليك؟علاه؟
تفارع فيه تحب تتملص منو و كان اقوى منها اكيد..كرهت قربو منها و عافت روحها،تحكي بصوت عالي و هو كأنو اطرش بعشقها مش سامع من كلامها و صياحها شي
-سيبني يا هم سيبني😠ماشي في بالك كيف باش تقرب مني هكا و تلصق فيا و تعملهم الكل انا باش نضعف ونستسلملك و توصل للي تحب عليه.؟لا على جثتي يا سامر و مدامني نتنفس لا اتطول شعرة مني و لا تحلم انك تقربلي والا تمسني ختى كان انت غلبتني و صار العرس تفهم فيا والا؟ نكرهك!!نكرهك!!
جمعت قوتها الكل و بمرفقها ضربتو على جنبو باش سيبها كيف توجع،بعدت عليه،واقفة مقابلتو تلهث و تتنفس بالسيف،دموعها تصب و عينها حمرا دم تقدح بالشر😠
-نكرهك،تعرف علاه؟والله لا باش نقلك خليك كيف الكلب،انا نحقرك اي نعم و نتقزز منك زادا و نعيفك،تعرف شحسيت كيف قربتلي توا؟احساسي اني نكون غارقة في كانار بالنسبة ليا اهون من لمسة الكسرة متاعك عليا و نجوم السماء اقربلك مني و انسى كان انا في يوم مالايام باش نكون ليك،على جثتي😠تسمع فيا والا؟ على جث..تي😠ما وصلتليش مشيت استغليت العيلة و حبهم ليك مساكن يحسابوك راجل😂و انت ذكر..ذكر كهو لا تكساب نخوة ولا رجولية،الزمان دوار يا سامر تذكر كلامي مليح😠ماشي في بالك ربطتني بالخطبة و كيف استعرضت عضلاتك قدامهم و دزيت صدرك و اعلنت حبك الي انا نتقزز منو و منك قدامهم؟مش انا الي تتفرض عليها الضروف و تسكت و ما نتسماش هند كان ما نكرهكش في روحك😈😡
قربتلو عينها تشعل شعلان تحكي بالشوية و تنزل على كل حرف تقولو صبعها غلى صدرو ادز فيه
-تعرف شمعناها نتقزز منك والا؟ معناها يجيني الردان مجرد اني نشوفك يا سامر😏،كرشي اتدور بالعربي،انت مكش راجل و مستخيل تكون في عيني تذكر كلامي ملييييح مليح..
مشات و خلتو واقف مصدوم كأنو تمثال،مخلفة سكوت رهيب يخوف بعد العاصفة الي عداتها عليه، عينو كانت متحجرة مش مصدق الي سمعو منها هي بالذات،كلامها الي كان كيف السكاكن في قلبو و مشات خلتو ينزف،قالت برشا كلام شطرو كان الغاز و رميان معنى و تلميحات و مرة اخرى يرجع يسأل روحو نفس السؤال علاه هذا الكل؟..خرجو بقية الاولاد بالواحد بالواحد باش يتكيفو فالجردة وين البيسين و خلطو عليهم البنات كيف فدو من حديث الكبار..
اتكى زياد عالحيط مد ساقيه بعد ما شعل سيجارو عمل منو جبدات و رجع راسو لتالي يخرج فالدخان من فمو و خشمو بالشوية كأنو يرسم في حاجة هو بيدو مش عارفها شنو 😍
-مجد: عجعجتها الدنيا اا معلم😑
ما جاوبوش زياد ولا كان معاه اصلا كان في عالم آخر سارح هايم ما يعرش وين و فين، مش لاقي روحو😔مخنوق و مهموم من مدة و هو يحس في احساس ندرا كيفاه مش فاهمو و لا فاهمو منين جاه ولا شنو السبب متاعو،مش مرتاح حتى في مشروعو و لا قاعد يخدم عليه كيف العادة و لا مركز فيه حاسس فما حاجة مش راكبة على بعضها فيه و في كل مرة قاعدة يوخر في اجراءات الهدم لاسباب مصطنعة و متعمدة منو في حد ذاتو يجهلها الي يعرفو مليح انو مش مرتاح في حاجة مالحاجات،فاق كيف جاو سمر و سحر و قعدو عاليمين و عاليسار و كل وحدة تكات راسها على كتف😍تبسم عنقهم و باس جبينهم
-عيني اليمين و عيني اليسار جاو كنت ما نراش اما توا سافا😂😍
-سمر:اللطف على خويا 😘شبي زيدوني متطيقر و فاد😢
-سحر: شبي خويا فاش سارح😢مجد من بكري يحكي معاك و انت مش هوني
-والله ما نعرف انا بيدي مش فاهم،ممكن ضغط خدمة
-سحر:سايس روحك حتى انت حاط همك الكل في هالمشروع
-سمر:زيدون فماشي موجيرة خلي نعرسولك و تتلهى بيك تنسيك همك شوية عالاقل😘
-😂😂يا لفعة ترا في حالتي ماهو كيفاه والا؟انا مش لاقي وقت لروحي في جرت هالمشروع و انت تقلي موجيرة😒ااا ربي صبرني عليهم😑تي وينك يا راجل نشوفوك بالصدفة؟
تلفتو الكل يلقاوه محمد شكلو مزال كيف روح وقف بعيد عليهم شوية،تقلق كيف لقاهم قراب مالاستوديو متاعهم القديم الي رغم محاولات ايثار و اثير باش يسكن معاهم فالفيلا الي انو خير و قرر يقعد بين الحيوط الي تربى و كبر وسطهم مالصغرة يشم عليهم ريحة امو و بوه يترحم عليهم و يطلب منهم السماح نهار و ليل.. روح بعد نهار كامل خدمة قصدلو ربي مالفجر كيف كلمو واحد حبيب مزال كيف روح مالبحر رزقو ربي و عطاه من خيرو و هو تفكر محمد على اذاكا اول ما كلمو مشالو و عدى النهار و اول الليل لا ماكلة لا مذاق، روح يحب يدوش و يرقد ريحتو بالحوت تاغب و ميت بالجوع،حشم كيف لقاهم ملمونين و ما نجمش يقرب منهم و يسلم عليهم و خاصة كيف شاف البنات معاهم، من بعيد لبعيد تكلم و جاوب زياد😊
-السلام عليكم..انستم يا جماعة ،هاني خويا خدام
-غيث: شبيك من بعيد لبعيد ايجا خويا بنك حذانا
-عيشو غيث،مازلت كيف روحت مالخدمة و هك تشوف فالحالة(هز يدو يوري فيه)من شيرة اخرى و في نفس الوقت تحديدا في دار ايهم كانو قاعدين الثلاثة جاد ايهم و آزر و الثلاثة فادين مش طايقين رواحهم😧 جاد الي كان يستنى في تاليفون جوزيف باش يكلمو خاطر توحش ايثار و ولدو..أيهم و تفكيرو في اليزا حاسس انو محتاج يحكي عليها و على الي يحس فيه لحد اما مش منجم نافي نفيا تام هالفكرة و مجرد تخمام يخليهم يشكو في حبو ليها،بالع السكينة حامل تقطيعها و ساكت..آزر الي حالو ما يبعدش على ايهم اما فالمجهول هو بيدو مش فاهم حالتو و لا عارف شقاعد يصيرلو و لا شنو هالاحاسيس الجديدة عليه الي في كل مرة يكذبها و هو من داخل من داخل يحب يستسلملها و يعيش حلاوتها، فد و تخنق قام بدل و مش عارف وجهتو لوين،تعدا من قدام الاولاد خارج
-جاد: وين على خير ولدي
-أيهم(زفر😂):إيييه الحلاوة يا راجل..وين ماشي تسكسف بابا😁
-آزر:اي ثبتولي رواحكم عاد امي مع شكون رقدت و شكون فيكم سيد الوالد بالضبط😑
-جاد:😂😂😂يحرق والديك يا كلب نعرفك ما ترشفها لحد
-ايهم:😂😂والله و عطاهالنا،باين عاد ولد شكون و تربيت شكون
-جاد:ربايتي و نعم التربية 😎
-آزر:😒رباية زفت..انا خارج،سلام
-جاد بعد ما خزر لايهم: الزوو اي نستدعلو رواحنا والا تسترجل وحدك😁
-ازر:الرجولية تحضر و تغيب صاحبي ترص هك مروح لمرتك و انت ايهم اقعد مد وجهك حتى يجي جوزيف،على خير
ما ستناهمش يجاوبوه طفاهم و خرج😑
بكل قوتها تحاول انها تهدي روحها،تعرف مليح انها مش في موقف يخوللها انها تعمل ردة فعل قوية تزيد الطين بلة و تتقلب الاوضاع ضدها مش معاها،تعرف مليح انو سامر شدها من يدها الي توجعها و عرف يلعبها صح او بالاحرى حسبها مليح،و هي متأكدة من راي عايلتها في سامر و قداه يحبوه خلاف المرات الي تتعمد فيهم امها تجبدو في قدامها في حديثهم كيف يبداو ملمومين و بوها الي في كل مرة يلمح انو ماهوش باش يلقى راجل يأمنو على بنتو و يحبها خير من ولد عمها،على اذاكا سكتت بعد جهد كبير اما من داخل تتحلف و تتوعد و مدامها هي تتنفس باش تقطع عليه هو النفس..
كبست يدها عالفوتاي وسط السكوت الي سيطر عاللمة،رسمت تبسيمة حست بيها انو شفايفها قاعدة تتقطع للدرجة هذي هي ناقمة عليه و لدرجة ما اكبر كارهتو..!
هدات روحها بصعوبة بعد ما هدات روحها بعد ما خممت مليح شنو باش تعمل و خذات قرارها في ثواني،هزت عينها فيه تحاول ما تبينش كرهها ليه الي يعرفو مليح قدام العيلة😡
-سامر مش مالمفروض يكون عندي علم بلي كنت تحكي فيه؟اسمعني مليح هذا مستقبلي الي على خاطرو رفضت الي تقدمولي الكل خاطر ببساطة موضوع العرس مش في مخي جملة، عندي بيييت واحد في حياتي و هو نوصل نحقق الي نحلم بيه في مسيرتي المهنية و نخدم الخدمة الي نعشقها..
-تحب تقلي انك على خاطر كمشة الموتى الي تشرح فيهم نهار و ليل و عايشة معاهم اكثر منا باش ترفضني؟
-اعرف شنحكي عالعباد😡و زيد شكون قال باش نرفضك؟
-يعني قابلتني؟
-لا...اما نحاول😏..قتلك على خاطر حلمي مستعدة نعمل كل شي حتى اني ناخذك
-للدرجة رافضتني
-اا وي
-تعجبني صراحتك
-و باش تعجبك الافعال زادا😈
الحلقة 31:
"آي تي بالعربي اهلا و سهلا فيكن...
بي بي سي الاخبارية،،تتربع هته الاخيرة البريطانية على عرش قنوات العالم من حيث عدد المشاهدين و ذالك بفضل سنوات من الثقة التي جمعتها بأجيال من الجمهور الذي يفضلها عن غيرها من القنوات و ذالك لبرامجها الرزينة و الوازنة..
كنقلها الآن للبث المباشر و تحديدا من اعلى برج ايفيل في العاصمة باريس..
جوزيف حفيد رجل الاعمال التونسي المشهور راشد آل راشد الذي اتضح فالاخير انه توأم رجل الاعمال الراحل جاد بن الياس آل راشد بطائرة خاصة تحت الاضواء الباريسية الرومنسية معلنا عشقه لزوجته و ذالك تزامنا لعيد ميلادها..
التفاصيل بعد الفاصل..."
بعد ما كملت تفرجت عالمسلسل في الآم بي سي قامت باش ترقد و دوب شافت تصويرة جوزيف تحنطت في بلاصتها ديراكت هزت التاليفون كلمت اثير الي بالصدفة وقتها هي و اسامة في دارهم ملمومين يسهرو و مزالو ما روحوش،نوقز تاليفونها تفجعت تحساب ندرا شفما
-ووه هذي هنيدة شبيها تكلم فيا توا
-اسامة: هز عزيزتي ان شاء الله خير
-وي هنيدة لباس؟
-هنيدة: اجري بدل الآم بي سي4 فيسع (و علقت😂)
-هبلت هذي شبيها علقت😕دانا تره حط الآم بي سي... اي باهي البيب وفى،تي هاو جوزيف و ايثار 😍اقرا اقرا العنوان😂
يا والله احوال الراجل هبل،محلاها الفازة صحة ليهم 😍
-عيشة:ههه الي ما عملوش جاد يرحمو عملو جوزيف، حمدلله ربي عوضها بنيتي..
اسامة عينو ديراكت على دانا و ايديها الي نازلين عالكوموند لين حمارت،ملامح وجها الي ما تعبر على شي جيست تبسيمة صفرا قاعدة تحاول ترسمها بالسيف على شفايفها،مصدومة صحيح اما رغم هذا ما تعرش علاه هالصدمة و هالخبر ناقصتهم حاجة،علاه احساسها بالصدمة و الوجيعة ناقصين و هوما مالمفروض يكونو كبار و مش قادرة تتحملهم،علاه كل هالتناقض في قلبها رغم الي تتفرج فيه و رغم الكلام الي قالتو المذيعة اما باقي حاسة براحة مستغربتها في روحها..
بلي حاولت تتمالك روحها و تحافظ على هدوئها الا انو اسامة لاحظ ربثتها و الكاس الي تحرك من رعشة يديها،عينها الي رفت و لمعت بالدموع الي بدات تتجمع فيهم، والي توجع منو و خلى دمو يغلي على جوزيف التبسيمة الصفرا و ملامح الفرحة الي يعرف قداه عملت مجهود كبير باش نجمت ترسمهم على وجها😢زعمة لوقتاه باش يقعد يتفرج على اختو هكا...
*حل عينو بالسيف كيف سطع فيه ضو الشمس الداخل مالشباك حط يدو على جبينو يحاول يستوعب الي صار، آخر حاجة يتفكرها انو مشى للبار شرب بعدها مشى للبحر 😨هوني استوعب و قام مفجوع يلوج على تاليفونو كيف المهبول😂،تذكر انو كلم الينا،تذكر كلامو ليها و اعترافو بحبو😧مات و تفصل تمنى الارض تتشق و تبلعو😂كيفاه ضعف هكا، كيفاه ما نجمش يسيطر على روحو،علاه يكلم فيها من اصلو😠فد و تنرفز و كشاكشو خرجت،جبد سلاحو من تحت المخدة هزو و خرج يلقى جوزيف و أيهم فالصالة يفطرو،خزر جوزيف لأيهم و غمزو
-هاو قام سي السيد شوف كيفاه جاي رابط من غادي،ظاهر فيه تذكر الي صار
-هههه اي برا نفركوها عليه وراس امو الا ما انطقو اليوم و نخليه يعاود الكلام الي قالو البارح..😈😂
وصل حذاهم طيشلهم السلاح على الطاولة يصيح و ماكلو العصب
-واحد منكم يفرغو في راسي تو سي نو تو نعملها وحدي😠يااا ربي شنو عملت في روحي يعطيني قصة في يدي😧 ضاع عمري و راح لا عاد لا ولد شيطان و لا حتى نسخة منو 😢
-جوزيف:شعزاك يا هم صبح هالصباح دين بوك لباس ماهو😒
-اقتلوني،اعملو فيا الي تحبو المهم ما تخليونيش عايش😧وينو جاد كلموووه يجي يحرقني😂
-ايهم: آزر شبيك هالصباح المبروك،شصار؟
-انا آزر الكالم الرزين الي نحسبها الف مرة هزيت التاليفون و كلمتها،يااا زحي راني فرغت قلبي يا عمبو هالعملة الكلو مالويسكي الي شربتو يا عمبويا الكلب😂
-ايهم: يا آزر فاش تحكي فهمنا باش انجمو نعاونوك😊
يحكي و يتبهنس شاد روحو بالسيف باش ما يضحكش جوزيف كيف كيف عارفو باش ينطق سايي😂
-باهي هاني باش نحكيلكم اما قبل انا كيفاه روحت الساعة
-جوزيف: ايهم قالي انك خرجت مش على بعضك و كيف استبطيناك تبعناك ب جي بي آس خلط عليك ايهم يلقاك مراكي عالشط روح بيك
-ايهم براس اميمتك كيف لقيتني في يدي تاليفون؟لقيتني نحكي مع شكون؟ تكلم ايهم الحكاية فيها موت😦
-وصلت لقيتك ماد ساقيك لوطى متكي عالكرهبة تحكي فالتاليفون ارجع شوف شكون كلمت شبيك آزر راك من بين اقوى 10 هاكرز يا الززحي صعبت عليك هذي حتى باش تخمم فيها؟ برا شوف امورك و شنو حكيت و مع شكون،وين نعرف عليك انا احرك يا خويا شوف امورك😌..
وصل بيه الغش لآخرو يحس في مخو تشوشط باش يطير من راسو تلفت يلقى الاولاد شايخين بالضحك😂
-دين والديكم الكلب😠بلاهي فكو الززحي راني نغلي و باش نعمل عملة في روحي..
-ايهم: ايجا بابا اقعد.. اقعد روميو اقعد و رتح فخار ربي و احكيلنا يزي ما عملتهم علينا و احنا مشلقين بيك و مطفين الضو..
-جوزيف: غارق في الينا يا طحان و البارح مكلمها لا و سارق رقمها من عندي عمري ما ريت انا هاكرز مسطك😂
-باش تذلوني توا😒؟ اي نحبها و على خاطر البارح حليت دين ام فمي و استعرفت اليوم انا لساني نقصو كان مازلت نعاود هالعملة المزفتة😤
- ايهم: 😂ما عندك ما تقص هدي روحك، ارتاح و تهنى كومبوزيت نومروها اما ما كلمتهاش😂
و من هك الكلمة تنطر عليه يعنق و يبوس
-قول والله ايهم يعمبو اصلك راني نحبك، نخير نموت و لا نتنازل قدامها هك القزمة نحسها كل ما تشوفني تحب تذلني و كان لزم تقتلني😒
-جوزيف: اما انت ياسر مشلق على روحك ارزن شوية صاحبي عملت العار راك😂
-ايهم:😂😂😂😂😂😂😂
-😒اي تلمو الزوز و سكروه الموضوع ما نحب حد يسمع،بيانسير كان قعد حد ما حكيتولوش ماني نعرفكم 😒 و باش نرجع نرقد تو حد ما يقيمني..😌
-جوزيف: توا كنت باش تموت و حالتك حليلة يعطك عرصة😂😂
الحلقة 32
لبنات رجعت و نهاية لجزء هذا انا لي بش نكملها خاطر مولاتو مكملتوش عندها بريود كبيرة نشاله نلقا تفاعل عليه و مع الاحداث الجاية🌻
نرجعوا للولاد لي كانوا قاعدين يفركوا فيهم على آزر و حالتوا مع دخول جاد
جوزيف: اهلان بسي العاشق الولاهان عسلامة يا بابا خربتها على راسي لبارح و عشق و دنيا و ام بي سي و باريس و ضوء يعطك سخانة تهزك تفيه عليك و على لونك بلحاط يبلحطك😂
جاد: شبي بابا شيوجع فيك ماك لباس سيدي خويا شنيا بغضتني في شوية وقت مع مرتي ايا فوكني عاد
جوزيف : نعم نعم تنساش لي دور لي تلعب فيه هوا دوري 😞
ايهم.. كي تكملوا تتعاركوا قولولي بلاهي ملا صباح حصيلوا واحد يضحك شخير مضحك😂
هوما اكك و الينا طلبت كام هوما هزوا وتلموا و آزر عجاجة جاء😂
تلفت ايهم : كايني فما ريحة دخان جيا 😂 جوزيف وجاد فهموا لحكاية و تلفوها بضحكة تلموا لاربعة
الينا : عسلامة سي العاشق الولاهان😂 ايا نتوما قاعدين قاعدين سي جاد فيبالك لبارح بشي لي تعدى في الاخبار يعني اد جين تفرج دونك موش بعيد برشا يبدا مخطط لحاجة على قريب و اصلنا نحب نفكركم لي نتوما مزلتوا نهارين وراجعين لروما و بش نبداو في الي جاي نحبكم تحضرولي رواحكم راو لي جاي صعيب واصعب من قوتنا الكل عيشكم رانا في وسط احداث لكلها تلعب في نار .. ايا توا عندي رينيون نخليكم ركزوا الخطة بلڨدا ..سلام
هيا كملت و هوما قعدوا لكل مقابلين بعضهم سارحين في لي جاي و صعوبتوا ولي ينجموا يخرجوا منوا سالمين والا يرجع واحد فيهم ميت قص عليهم جوزيف كمية التوتر لي هوما عايش فيها
جوزيف : شوفوا يا جماعة مبقاش برشا وقت توا بش يبدا العد التنازلي جاد ريڨل اومورك مع ايثار واعلم اسامة بتطورات ايهم و آزر ركزولي في كل حاجة عندها علاقة ب اد جين و اليزا مزال مكملش قص عليه صوت جاد
لحضة لحضة يا جماعة عندي حكاية مهمة من نهار لي دخلت البيت هذيكا و انا حسس روحي لي فما حلقة مفقودة ياخي كي هيا لبيت تنجم اليزا تحلها يعني والاوراق لي خرجتهم منها فيهم عمليات لخوها و هيا موش عارفة لدرجة يعني
ولي زاد حيرني لي مفعول المنوم قوي كيفاه نجمت هيا تفيق و حتى كي مشيت صباح نلقاها فايقة والي هوا مفعولوا قوي برشا حاسس يا جماعة فما حلقة مفقودة برسمي
جوزيف .. نقلكم الحق انا زادا ضربت في مخي لحكاية و مخي تحرق بتخمام عليها اما مجاتش فرصة بش نعاود نجبدها خاطر شوفوا لوقت لي تعدا علينا و خاصة حالة ايثار كيفاه كانت و جيان ولي العهد الاحداث لكل جات مع بعضها
تكلم آزر يعني مقعدش عنا حتى حل اخر غير انوا نعاودوا ندخلوا للبيت في رجعتنا الاخيرة لروما لي هيا بش تكون بعد نهارين ...
ايهم ..بضبط و المرا هذي لازم لكلنا ندخلوا خاطر واحد اكهو مينجم يعمل شي احنا اربعة و الينا تقعد تراقب لوضع من كاميرا في دار آزر
قص عليهم صوت لميساج لي جاء لآزر و قلبلوا بيه وجهوا و خلاه يدخلوا بعضوا ويطلعلوا لعصب خلاهم مبهمين و قام خرج
يمشي و يجي قدام بابا لفيلا يعاود يقرى في الميساج لي جاه" خواتك توا اقربلك من نور الشمس تبع لخيط توا تلقا لي يجمعك بيهم"
رجعت بيه ذاكرتوا لي وقت كان عمرو 16 سنة وقت فرضت عليه الدنيا يخرج من الميتم و يبدا يلوج على خدمة يعيش منها وقت بدات تجيه ها تهديد بش يدخل عالم المافيا و مكانش يقتلوه مكانش عندو حتى حل غير يعمل ويطبق نفس لكلام لي يجيه في لميساجات دخل عالم المافيا وغادي وين تعرف على جاد و ايهم و بدا معاهم حتى كبر وصل عمروا 20 سنة وقتها كانت عملية ليهم وصار فيها مداهمة من الشرطة وقتها تفرق على جاد و ايهم و قرر بلفلوس لي لمها يكمل يقرى طب نفسي و يكون روحوا اما مبعدش على طريق المافيا .لي نهار لي بدات تجيه رسائل و تقول لي هوا عندوا اخواتوا وموجودين ولازموا يلوج عليهم ولازموا يلقاهم كل مرة يجيه دليل على مكانهم الا انوا يتبخر كان عاجر خاطر الرسائل تجيه من مجهول وكل مرة من رقم مهوش معروف وبرغم انوا من اقوى الهاكرز الا انوا فشل فها العملية ولحد ليوم مزال ميعرفش شنوا مصيروا زعما يلقاهم ؟زعما يجتمع بيهم و تتنحا هالوحدة من قلبوا ؟ ولا يتبخر كل شي و يطلع كذب؟
كان يرحي في دخان رحيان و يتفكر في ماضيه ولوين وصل حتى حس بإيد ايهم
ايهم شبي عزاك انتا
شي مبيا فادد وقالق هيا نرجعوا
رجعوا تلموا على الطاوله
جوزيف : جاد برا توا ريڨل اومورك و تفقد ولدك ومرتك و شركاتك واعمل نضرة علي بقا بش بعد غدوة لعشرة نبدوا في المطار وكلعادة نتي وايهم طيارتكم
هز جاد مفاتحوا وخرج وكلم اسامة بش يحكيلوا بتطورات لي صارت الا انو استغرب وقت اسامة حكالو على البروف لي يقري في دانا وجاي حسب كلامو يحب يتقدم
جاد اسمع اسامة انا من رايي تشاورها هيا قبل
اي واذاك لي بش يصير يا خويا ايا متبطاش عاد
علق من عند اسامة و ديراكت دور لخوه
جوزيف اسمع لي بش نحكيهولك بتفصيل و ركز روحك حكالوا كل شي واذاك دموا فار و العصب مكنوا يتحلف ويتهدد في دانا
تفاهموا بش جاد يمشي يريڨل اوموروا ويرجع فيسع بش خوه ينجم يخرج
الحلقة 33
طلع لبيتوا يلقاها راقدة شعرها على جنبها وجها وكمية البراءة لي فيه جاد الصغرون لي فايق ويلعب منغير حس بس ولدوا و تفقد مرتوا باسها من جبينها
حلت عينها بشوية و من ريحتوا عرفتوا لي هوا جاد ريحتوا تنجم تفرقها من الف واحد فيسع عنقتوا وباستوا زادا غطس فيها و حملها يشم في ريحتها و ياخذ في قوتوا منها مرتوا وصغرونتوا وحياتوا. هيا كهو لي تعطيه الشحنة و ترجع فيه قوتوا وروحوا
ايثار عندي منحكي معاك
شبيك دجوا شفما ؟
تبسم بوجيعة وبدا يحكي
انا بعد نهارين راني بش نرجع للمقر و عندي مهمة خطيرة كيف متنجم توفا في مدة قصيرة كيف متنجم تتطوال عامين ولا حتى عام ونص لذا عيش صغرونتي نحبك تتلها بروحك بيلڨدا منغير منقعد نوصي عدخول والخروج الحراس موزيعين في كل بلاصة رودبالك علىروحك و على ولدنا أمانة عندك حتى نهار لي نرجع فيه نحبك تاقف على ساقك و توعدني ترد بالك على روحك
ايثار باهي يا روحي نتي مرا ب100 راجل متخافش رودبالك انتي على روحك و طمني عليك وزادات عنقتوا ودخلت في ضلوعوا
كانت تعرف لي هوا توا في اصعب فترة تتعدا عليه وقاعد يقاوم بش ترجعلوا ويرجع لحياتوا ولدوا لي كان يستنا فيه بدقيقة ودرج كانت عارفة لي هالحرب لي تلعبلهم بمشاعرهم بش توفا على قريب لمهم هوا معاها والموت عطاتوا فرصة يعيش على خاطرها كان محملها ويشم في ريحتها وياخذ في قوتوا منها للي جاي وسارح يخمم في المجهول حتى وصلوا ميساج من جوزيف
يا روحي صغرونتي ارقد شوية اصلن ليلة لمناصر لكل شادة ديارها اشبع بنوم وكان استحقيت حاجة اهيك اثير و اسامة معاك انا عندي قضية فيسع نجي
باستوا وخرج وهيا رجعت غفات شوية
اول مطلع كرهبتوا بعث ميساج لجوزيف لي هوا خدم كرهبتوا وطار بيها لدانا
اقل من نص ساعة وكان تحت شباك بيتها
كانت قاعدة لبست بيجماتها لي تحب ومحملا الباندا متاعها تخمم في لحكاية لي صارت و كيفاه قسات على روحها كيفاه رضات بطلب متاع زاك كيفاه بش تنجم تتخلى حياتها وروحها ودنيا متاعها لي متعلق في جوزيف اما هيا عملت هك شماتة فيه خاطر قاعدة تشوف فيه يتقرب من ايثار عشيرت عمرها و يوجعلها في قلبها منغير ميخمم هيا شنيا تحس في لحضة كيف هكا قررت انها تحط ساقها في ثنية غير ثنيتوا صحيح وعدتوا اما متنجمش تشوفوا وتقعد تتعذب لازمها تبدل ثنية
قاعدة متلكمة في كواتها و تسمع في غناية يتخلى عليا بلاش و تبكي 😞😞😞 ( وله في بلاصتها انا راني مت الف موتة )
تحس بنسمة متاع هواء دخلت من البركون تلفت و غادي كانت صدمتها😊🖐️🖐️
جوزيف اقق عيشك امشي امشي من هوني ربي يخليك متزيدش جروحي امشي عيششكك امشيييي متحطمنيش امشي كانت تحكي معاه ودموعها سبالة و تحكي من جروح قلبها💔💔💔
كان يخزر لدموعها لي قتلوه لي حرقوه معاش ينجم سيئ هناء توفا حتى من جاد صرحلوا انوا يحكيلها يزي متعذبوا هازوز يزيي يزيي كان يحكي في قلبوا مسعهاش مشااا فيسع شدها من يدها و حصرها مع الحيط شد وجها بين يديه و غطس في شفافيفها وتصدم كي لقها دورت ايديها ورا ضهروا و تفاعلت معاه
تعدات لحضات مبعد عليها كان كيف حس بنفس متعها تقطع و هيا بدات تترخف شدلها يديها صغرونين وهزلها راسها و ضاع في عينيها لكبار و شوافرها لمبلولين بدموع
شبي صغرونتي يزي يا روحي راي دموعك تحرقني راو قلبي ياقف كي نشوف دموعك راني نحرق دنيا ومافيها ومتشوفش دمعة من دموعك يا روحي نعرف لي نوجع فيك اما كنت ملزوز اما يزي حد ليوم قالوا زاك قالوا انتي ياتكون ليا يانحرق دنيا و نحرققك معاهم و ماتكونش لحد اخر غيري تسمع يا دانا ليا انا كهو
دورت يدها وعنقتوا وترشقت بلبكاء
خلاها فرغت قلبها و جبدها و دخلها للفرش و غطاها ومشا دخل معاها و شدلها أيدها صغرونين و قلها دانا لي بش نحكيهولك توا راو اكثر من سر هذا حياتنا ناس لكل عيشك دانا كون متفهمة ليا و عاوني وتجاوبش حتى نكمل نحكيلك لحكاية من اولها لاخرها ونتي احكم وقتها
بدا يحكيلها من اول حادث جاد ل قراروا بعرس ايثار لممخطط لي صار في 4 شهورلي غابهم حكالها بتفصيلو يتدقيق و كيفاه صار هذا لكل و علاه و شكون معاهم في الخطة و كيفاه لازم يخرج بأقل الاضرار و لازم يكونوا يد وحدة و كيفاه هوا كان مجبور يمثل قدام دانا والعيلة لي هوا يحب ايثار و كل شي وعلى قد ماهوا يحكي هيا عينها تتحل على وسعهم و دموعها حبست منضرها منجمش نقول عليها كلات صدمة اكثر من الصدمة
بعد ما كمل قعد يستنا فيها تحكي
دانا ياااااااا ربييي يااا ربييي هذا الكل جوزيف كيفاه كيفاه تخبئ عليا حاجة كيما هك علاه خليت قلبي يحترق عليك كل درج و ثانية علاه يا جوزيف لحضة لحضة ولات تضحك يعني جاد الصغرون موش ولدك يعني لي لقيتوا يبوس في ايثار موش انتي يعني لي راقد محمل ايثار موش نتي يعني الي يبدا معنقها في وسطنا موش نتي يا ربي قداشني بهيمة هههههه وانا نروح نغرد وله مسقطك يا جاد راني دانا كيفاه تخبوا عليا و انا كل مرة كنت يضربني شك و نبقا ناكل في روحي لا عاد واسامة خويا معاكم ومضاونيش نعنطلعواعليكم لكل ولاهي مسخيين راكم متحشموششش لحضة لحضة ههههه ياخي جاد مامتش يعني هوا حي يعطها سخانة نشاله
جوزيف صبر صبر و طرشق بضحك ههههههههه هههههه حسيبك ربي يا دانا درجين لتالي كنت باكشة ابب ابب ابب شتاكل وضو نتي هك صار ههههه مصدوم انا بصراحة كيفاه شنعيشو تحت سقف واحد احنا فسرلي
ههههههههه مسقطك يا جوزيف زاح وله مت الف موتة عليييك زاح شبيك محسيتش بيا 😞
الحلقة 34
ههههه يا روح جوزيف نتي راني نعشق اك تذبيلة متاع العينين يا روح قلبي نتي
لا لا لا لا مشني مصدقة انتي وله تكذب عليا بش نصدقك و ماناخذش زاك لا لا مانتأكد من كلامك كان ماتكلملي جاد توا ونكلموا ونتأكد
ههههههههه اش بش يعدي امها الليلة الكلبة خليتك اكك انا شمحللني في فمي تره
حط نومروه وطلبوا وكي هز عينها وسعات على كبرها و تنطرت فكتلوا تاليفون
جاااااااااااادددددد تفيه عليك وله مانقتلك وحق ربي مانباصي علييك يا منضر تيفه تيفه زاح دانا راني هك تخبئ عليا زاح 💔
دندون سامحني كنت ملزوز اهوك جوزيف توا يفسرلك و يقلك كيفاه بش تعاونا و عيش اختي مانحب حد يعرف بسرنا هذا 😞 انا زادا متحمل اكثر من جوزيف واكثر
حاضر يا جاد اما والله حسابك معيا ماوفاش توا تشوففففففف
علق جاد التليفون ودخل يلقاها راقدة مطيشا شعرها وراها و متلكمة محملا لمخدة جاد صغرون راقد هوا وزدا اسامة واثير في الصالة خالهم يتفرجوا وعاملين جو
نحا مريول و سبادريه ودخل معاها تحت الغطاء يبوس فيها من راسها ويبلعبلها بشعرها و يحمل قاعد يخاو منها في طاقتوا قاعد يملا في عينوا منها خاطر عارف ليامات لي جايتوا اصعب ملي هوا متصور و اصعب ببرشا ملي يتوقعوا
كانت نستنا فيه وحست بيه كي جا و دخل يحمل و يعنق فيها هيا زادا حالتها موش اقل منوا قاعدة حاسة بيه و قاعدة تشبع في روحها منوا خاطر بش يخلي عليها بلاصة كبيرة و قلبها بش يموت من بعدوا اما هيا تعرف لي هوا قوتها وضعفها وتعرف لي هوا قاعد يعمل في هذا لكل بش يرجع لولدها وليها هيا و يعيشوا حياتهم لباس عليهم وفرحتهم تكمل كانت صابرة وتدعي لربي يوفقهم فها المغامرات لي دخولها بقات تحكي بينها وبين روحها حتى حستوا رقد حلت عينها بشوية تملى في عينها منوا ومن صفاتوا قداش " قداش فرحانة يا جاد لي انا مرتك ولي انتي روحي و قطعة منك معيا ربي يرجعك ليا سالم ربي يحميك لينا ربي يطولي في عمرك و لي فيك فيا يا ربي اقبل دعيا"
كلمت كلامها وغطست عندوا رقدت
نرجعوا توا لجوزيف ودانا لي قعد يقري فيها ويوري كيفاه لازم تتصرف و ماتبين شي و خاصة قدام العيله ويأكد ويعاود على ايثار ملازمهاش تعرف شي هذا قاعد يوصي و يعاود بش ماتغلطش و يمشوا لكل فيها بعد لتقدم لي عملوه
تفاهم هوا وياها بش كي تبدا فما حاجة هناء والا لإيثار تكلموا هوا لول بش هوا يعرف كيفاه يهدي جاد و كي تبدا فما بتطورات يكلم اسامة تبدا حاضرة هيا معاهم و ملازمش يبقاو يتواصلوا برشا خاطر ينجموا يكونوا مراقبينهم
بعد مكمل وفسر تلفت قالها توا ناخوا بايتي حتى انا راني توحشتك صغروني راني نموت فيك وفي تذبيل عينيك يا روح قلبي و بنتي المدللة
شد وجها وغطس في شفافها .....
بعد نكملوا سحتتوا بش مايشلق حد بيه لي هوا معاها اما قبل مايمشي قتلوا
اسمع معاش يطلع عليك تجني كسارق راو😂
تعرف كان مش عيب راني جيت توا وريتك سارق كيفاه
ههههه نفدلك اولدي صلي عنبي برا روح نحبكككككك
يا نعبوا عمري نعشق دين امك يا صغرونتي مواههه
كملت ستنتوا يركب في لكرهبة هوا مشا و هيا سكرت باب البركون ودخلت فرشها اول ليلة بش ترقد متهنية وفرحانة بعد ليالي بكاء وعذاب و قهرة تعدات عليها😞💕💕💕
الحلقة 35
صباح جديد بطلوع شمس لي خيوطها ضربت في شباك البيوت لكل قامت تحك في عينها حلت عينها تلقاه يتفرج فيها
دجو ههه وقتاه فقت
قبلك يا روح دجو حبيت نشوف كمية هالبراءة هذي لكل
مممم عيشهولي راجلي لعسل هوا امممممااااه
ايثار نحبكككككك 💔 قالها وقلبوا بش يخرج من بلاصتوا خاطر عارف هيا فش تخمم ولي قدامها موش جاد و هوا جوزيف
ضحكت وهيا تعرف بلڨدا كيفاه قاعد يخمم هوا اما هيا تعرف لي هوا توأم روحها و حبيب قالبها
حتى انا يا روحي 💕
ضحك وقدم باسها من راسها وحملها
ايثار ليوم اك الشايب عامل لمة زعما زعما يودع فيا😂
اووه وانا نشم في روايح ونكذب في روحي هههه ملا باز لبنات لكلهم هناء و جماعة جو
اي يا روحي جو نسا في لكوجينة و اك ذري متبزعين كيف لعادة
ههههههههه ملا حالة ايا قوم خنهبطوا
حبيبي انا سيي ريڨلت اموري اني بش نهبط ونتي كمل وايجا ومتعبش روحك برشا مانوصيكش عاد
حاضر شاف😂
مناضر
هوا هبط وهيا قامت عملت دوش بلخفة لبست حوائج دار خاطر مزالت موجوعة من العملية عملت فولارتها و هبطت محملا جاد تمشي بشوية تسمع في حسهم كيفاه يولعج دخلت عليهم
صباح نور يا جماعة هههه مرحبا بيكم
غسان : اووو هاي الات الحسن والجمال هاي شرفتنا
هند : يا روحي صباح نور
مجد : صباحك هندي صاحبي
اسامة : صباح الورد مريت خويا
جاد : (جوزيف) شبي عزاك سيبولي مرتيييي شنيا هالحالة هذي
قام مشا خذا منها جاد و قعدها
اثير : ممسطكم زاح متقولوش كلمة وتسكتوا
عادل : ههههه شبي بابا شبيك نتا دجو غرت
سامر : هههه نتا سي العاشق الولاهان اسكت اسكت عورررتتت
تكلمت دانا لي دخلة في يدها لقهاوي وجهها ليوم مقلوب فرحة على غير العاده ولي لاحضوه الناس لكل كيفاه ليوم زاهيتلها في نوار وتضحك وتكشخ وتنبر كي عادتها
سيبولي ايثار يا جماعة ملا منطق عليكم هاكم فوتوا نساء لي فلكوجنية
اسامة : اووووه هاو محامي الدفاع جاء اش بش يسلكها عااااد😂😂😂
ايثار : يعمبويا انا لي هبط بش تسكتوا ولا نمشي نشد بيتي 😂
عادل : ابنتي والله ماصارها نفدلكوش فها دار😂
جاد( جوزيف) : نقصوا حسكم عاد😂😂😂
عطاتهم دانا لقهاوي و قعدوا يفدلكوا ويحكيوا كيما لعادة حتى تكلم جاد
اسامة اخلط عليا للجنينة
هز روحوا وخلط عليه
شبي عزاك سيدي خويا اشكي
اسامة فما طرف سادس دخل لمجموعتنا ومنغير متشلق عاد ماني نعرفك
اههه شبيك انتا فش تخرف شكون هذا
تكلمت انا
دارو زوز و اسامة قعد حال فموا
دانا انتي
اي انا علاه ماعجبكش اه شنيا ماشي فيبالي خويا لعزيز تخبي عليا حاجة كيما هكا😞
اجماعة فسرولي لي صار يرحم بوكم
جاد : دانا اني بش ندخل هزوا للكرهبة وفسرلوا كل شي بش مايسمعكم حد رودبالك
حاضر صاحبي
هوا دخل وهيا هزتوا وطلعوا للكرهبة
اسامة عيش خويا نحبك تفهمني وتركز في كلامي عيشك و متتغشش
احكي شفما
اسامة انا نحب جوزيف وكنت كل يوم نموت الف موتة في غيبوا وهوا زادا يموت عليا وكان ماجاش لي قاعدين نعيشوا فيه توا راو جا و خطبني
وكي سمع لي زاك ناوي عليا جاني وحكالي لي عملتوه وعلى الخطة بتفصيل
يا ناري عليك يا اسامة يا ناري وانا نقول شبي عزاها ليوم ضاهرا موش كلعادة وهيا الاخت في لحب للعنكوش هي شبيه معقول اما اتخبؤ عليا وحق ربي مانتوبك يا جوزيف تخبي عليا تفيه عليكم واحد واحد ماسقتكم لا عاد و جاد معاكم شلايك زايد
ههههههههه شبي بابا موش عاجبوا
ههههه عاجبني اختي عاجبني مش مصدق لي انتي هيا نفس طفلة لي تفيق كل صباح معنقة دبدوبها اسمع اسيدك اه اسمع
هههههه خرا هذا ايا ايا خليني نكمل مع لبنات
هبطوا هوا يمشي و يتمقصص عليها وهيا دنيا موش واسعتها من فرحتها
تعدا لوقت بين تنبير لولاد كلعادة وتمعشيق لبعض منهم ههههه وبين وقت لبنات في لكوجينة كهو حتى طاح ليل و تلمت علية ال راشد بكبيرها بصغيرها يترأس الطاوله راشد ياكلوا ويفدلكوا وفرد وقت يتفاهموا على الخطبة متاع الجماعة لكلهم فرحانين كان هند تتشوحر لسامر موش عاجبها الوضع
تعدات الليلة هذيكا بين تفدليك ولعب و ضحك جماعة وتوديع جاد لي بش يسافر غدوة وسهروا سهرة يتفكروا فيها في ذكراياتهم و أسرارهم لي تضحك ولي تبكي
ورغم كل ضحكة يضحكها كل واحد فيهم الا انوا عندوا هم مخبي في قلبوا وميعرفوا كان هوا💔
الحلقة36
طلعت شمس اليوم معاها وجيعة لكل واحد من عيلة ال راشد لإيثار لي بش يرجع يبعد عليها قلبها وروحها لجاد لي محطم كليا من كل شي هزوا وحدوا وموش منجم يحكي ولا يفرغ قلبوا حتى شوية ولي موش عارف حتى كيفاه بش ينجم يفارق روحوا وشطروا ومرتوا ولدوا صغرون 💔
ولا جوزيف لي قلبوا بش يبقا عند دانا اما بطريقة خير من المرا لولا خاطر انزاح عليه هم كبير
ولا من دانا لي روحها وعقلها في جوزيف
ولا اسامة لي بايت ليلة كاملة يتقلب مجاشوا نوم يخمم على خواتوا و ولاد عموا اش بش يصير معاهم ومن شيرة اخرى آزر لي قلبوا بش يطير بلفرحة خاطر بش يشوف الينا لي يستنا بدقيقة ودرج رجوعوا ليها ولا م ايهم لي فاني في عشق اليزا و حارم روحوا نن هالحب هذا 💔💔💔💔
فاقوا عيلة كاملة بين جري منا ومنا بش يحضروا رواحهم قام جاد على وجه ايثار لي معنقها ليلة كاملة ومرقدش يحب يشبع منها ومن ريحتها قام باسها من جبينها و قام دخل دوش و لبس لقاها قامت وحضرت روحها و حضرتلوا متابعوا لكل هوا خرج وهيا تنطرت عليه حطت شفافها على شفافوا وباست ديراكت ذاب معاها ومع بوستها لهزتوا لسابع سماااء و خمم انوا يتراجع و يبطل جد ام كل شي اما منجمش خاطر يعرف صحابوا قداه ضحوا على خاطروا شدلها وجها بين يديه واول ما بعدت لقفها هوا ولمرا هءي باسها بكل قوة ورغبة وشهوة عندوا مهموش هيا شكون تشفوا كجوزيف ولا كجاد لمفيد هوا يفرغ قلبواااا خاطر بش يبعد معاش بش يشوفها لمدة طوييلة بعدت عليه حط جيبنوا على جبينها
ايثار نحبك تستناني راك نتي روح والقلب و الدنيا ومافيها راك نتي روححي من داخل راك نتي لعايش بيها وعلى خاطرها راك نتي صغرونتي لي سكنت فيا لي خرجتني العالم النوررر يا روح قلبي خليك معيا
نحبك وله نحبك ولاخر نفس في حياتي ولاخر دقة من دقة قلبي لي هيا ليك وحدك وحدك وحدك ليك ليك وموش لغيركك جبدها عنقها يشم في ريحتها لاخر مرة مشا كمل عنق ولدوا يبوس و يحمل ويشم في ريحة الطفولة والنسخة المصغرة عليه💔💔💔 ( يا لبنات تصوروا معيا زاح قداه مشهد يبكي ) و جبد ايثار كمل عنقها وفي يدهم جاد وهكا وضحات الصورة العايلية 💔
نرجعوا لجوزيف لي تفاهم مع دانا بش يتقابلوا في بلاصة يفرغ وحشوا ليها 💔💔💔💔 تقابلوا هوا يبوس ويوصي ويحمل و هيا متعنكشة فيه ومحبتش تسيبوا ولا حتى تبعد عليه وصاها بش ترد بالها على روحها و توصلوا كل المعلومات لي يصيروا في ميساجات من نومروا موش نومروها وبالاغاز بش يحطاط من كل شي
زاح حصيلوا انا حسيت في بلاصتهم ملا نهار تعدى عليهم
سيئ توا 10 متاع صباح جوزيف و ازر في المطار وبعد ربع ساعة طيارة تتطلع طيارتهم ...
جاد وايهم كيف كيف جوزيف وجادروحهم في تونس 💔 اما آزر و ايهم قلبهم موش وساعهم من الفرحة برجوعهم لروما وباش يقابلوا نصهم وشطرهم
نرجع لإيثار لي كانت جهامة منغير روح لي قلبها برد على دنيا ومافيها معاش فيها كان جات تنجم وقت هوا خارج يكر في فاليزوا راي شدتوا و قتلوا يا جاد راني نعرف بلحقيقة كاملة راني ليك وموش لحد غيرك راني كلمة نحبك عارفة لي انا نقلك فيها راني وقت عاودت سلمتلك روحي راني نعرف وحافضة كل تفصيل منك مستحيل حد غيرك يعرف تفصيل بدني و يخاف عليا 💔💔 غمضت عينها و تفكرت وقت قتلوا لي هيا حطتلوا باكوا في فاليزوا وفيه برشا اوراق على قد غيبتوا ولا حتى اكثر ولازم كل يوم يجبد ورقة و يقراها تفكرت وقت خارج ويتلفت يخزراها هيا وكانا واقفة ومحملة جاد قلبها تقطع معاش فيها💔💔
في الوقت هذا وصلوا الروباعي لروما وين ماكن جوزيف يستنا في طيارة جاد وايهم تهبط بش يديماروا وديراكت يرجعوا وين كانوا تعادت ربع ساعة و هبطت طيارة هبطوا لثنين لونات على عينيهم حطوا فاليزاتهم في لكرهبة وطلعوا زوز من تالي وقتها جوزيف سلم عليهم هوا ازر و ديماروا لطريق ديارهم وين كانت الصدمة جايتهم على قريب 🖐️
(يا جماعة زعما شنيا تصوروا يصير)
وصلوا لربعة هبطوا وتلموا في دار جاد يستناو في الينا تجي بش يبدوا لخطة اليلة مينجموش يصبروا خاطر العد التنازلي لمشيانهم الامريكة بدا معندهمش برشا وقت ولازم يزربوا
تعادت ساعة كملت الينا الخدمة وطلعت كرهبتها ديراكت دار جاد دقت الباب وغادي قلب آزر لي كان يدق مع كل دقة من الباب روحوا بش تطلع بش يشوفها قام ايهم يحل . .....
الحلقة37
اهلا صوحبة سافا
اهلا وسهلا لباس هاك تشوف
سلمت عالاولاد وكلعادة هيا وآزر يڨحروا لبعضهم عدخول هوا عمل اكك بش ميشلقش على روحوا اما هوا في الاصل كلاها بعينيه كانت لابسه روب فلوري بيضة فوق ركبة مسيبة شعرها عاملا بانسوا صغرلها عينها لكبار و عاملة روج غامق في فمها لي زاد شعل آزر من داخل و حرقوا و لابسة سبادري باطوا قعدوا يحكيوا وتوا قعدوا تلموا لكل عطاولة وبدا يرسموا في الخطة لي بش يعملوها بش يزيدوا ينفيوا شكهم كليا من الحلقة لي قاعدين يدوروا فاها
ايهم يدوا على قلبوا لتطلع اليزا كيف خواتها💔 هايم وسارح في افكاروا 😞
جاد: يا جماعة توا نلخصوا الخطة انا نمشي لاليزا نسلم ونحطلها منوم كلعادة ندخل نحل لباب وهناء بش تكون مهمة ازر يعطل القفل لمدة كافية نفركسوا نعطي ايشارة نخلطوا عليا ثلاثة الينا تراقب تحركات الدار لكل وتوا نخليلكم باب الدار محلول 🖐️
ايا نتوكلوا يا جماعة معاش وقت
قام جاد في طريقوا لدار اليزا اما موش فاهم علاه قلبوا مقبوض حتى الاولاد وجوهم حسها من كلعادة فما حاجة بش تصير اما خلي للوقت توا يكشف وصل لدارها هبط ودق اول محلت الباب ترمات حملتوا جاد زاح وينك طوالت غيبتك عليا وله معاش حاملة فراقك زاح
نزل على سنيه خاطر تا يتسمى قاعد يخون في نصوا و توأم روحوا حملها وتكلم بسيف اول ماجبت هاني جيتك نجري بش تخليني لبرا؟ ههه
هههه او عليا سامحني ايا ادخل ادخل
دخلوا قعدوة يحكيوا شوية وصلوا ميساج معند جوزيف يعني ازرب روحك لازم نص ليل يكون كل شي كامل
تلفت عندوا ساعة غير ربع لازم يزرب اليزا عزيزتي نقوم نجيب نشربوا حاجة
اي عزيزي ....مشا صب زوز كيسان و صب في كاسها المنوم مشا وبداو يشرب وحب يعمل جاست بش تزيد تاثق فيه جبدها عنقها عندوا متعادش درجين ويحس فيها ترخفت بين يديه فيقها فيقها كي تأكد انها سيئ رقدت قام بش يحل لباب وقفها قداموا وحلوا وتكلم في لابراي لي كانت في مريول آزر توا تبدا خدمتك فيسع درج في ايدك الينا نتي زادا حضر روحك كانت الينا في دار جاد قدام البيسي والاولاد الثلاثة بلبسي في للكرهبة قراب من دارها بش ميضيعوش وقت
تكلم ازر يلا سفا توانجموا نبدوا مهمتنا الاولاد حبطوا الثلاثة لابسين كلهم في الاكحل ومعاهم كفوف كحلة بش ميخلوش حتى دليل ولا بصمة ( لبنات تخيلوا المشهدهههه كيفاه جماعة المافيا ولبسة الكحلة 😂)
دخلوا منغير حس رماو كفوف لجاد وبداو الخدمة الينا قاعدة تراقب في البيوت الكل وفيهم زادا هوما فلاوه البيروا فليان لاكن ملقو شي كل واحد في شيرة ضرب جاد يدواعطاولة
سخطططططط لي عملناه لكلوا فارغ تعب هاو مفما شيييي
هوما اكك لين ايهم اتك علحيط اوبااااايوخر الحيط و تتقلب رفوف في وسطهم خزنة وفوقها لمفتاح قعدوا يخزرو لبعضهم وبعد فيسع مشاو يجروا ليها بش يتأكدوا من شكوكهم و يحلوها خاطر هذي لمرا لوخرا جاد مشلقش بيها
حلوها لقاو فيها تلاثة دوسيات تقول على حسابهم كل واحد يزرب خذا دوسي يقرى و يقلب فيه ومع كل واحد يقرى عينوا تتحل على وسعهم و متجرأ حد يتكلم قاعدين مصدمين ولا خليني نقول الصدمة ماتكفيش بش توصفهم حتى تكلمت الينا
يااااا جماعة ازربوا اخرجوا توا توا. امشوااا امشوااااا ضو تقص في دار كاملة عيشكم ازربوااااا ولا خليني نكلم الدعم جوزيف اخرج جاد آزر ايهم امان فيسع شبيكم واقفين فما حاجة بيزار حتى زاد طفا الضو لي عندهم في البيروا هوما اكك ويشوفوا في زوز داخلين و يصفقوا قعدوا حالين فامهم موش فاهمين شي الينا لي كلات روحها تعيط بش يخرجوا ولامن الاولاد لي كلو صدمة موش معروفة شنوا هيا ولا من الي دخل عليهم يصفق وحتى وجوهم مشي ضاهرة..........
🖐️🖐️🖐️🖐️🖐️🖐️🖐️🖐️🖐️🖐️🖐️🖐️🖐️🖐️
يا جماعة هك يكون وفاء الجزء الثالث و منوا بش نخرج بحكاية الاسرار لي مخبية و لي ضروف لي بش يعيشوها وزعما شكون الشخصيات لي بش تتدخل جديدة وشكون بس يحتل المراتب الاولى فيها هالكرونيك صحيح مولاتها قصت عليها اما انا بش نكملها و بش تشوفوا برشا مغامرات وبرشا احداث وتقلب في الاحداث اما يا جماعة رانا مزلنا لتوا نحكيوا الاحداث في الماضي يعني لتوا قاعدين نكتشفوا شنيا صار بعد حكاية الاكسيدون لصار لجاد منحبكمش تتدخلوا بعضكم مزلنا في الماضي وكي يبدا فما رجوع للماضي نقلكم ونكتوا ايا توا نحب برشا برشا تفاعل واعطيني رايكم في لكتبتوا حد لتوا بش نكمل الجزء لي مزال و ترقبوا برشا احداث غامضة زعما شنوا لي بش يصير وشنيا الاسرار لي بش تتكشف وشنيا مصير عيلة آل راشد؟؟؟؟ استنوا الجزء الرابع🌻🌻
كمنتار ببلوڨر
تعليقات