انتى سبابي من 1 الى 60

من الحلقة 1 الى 26

"" كرونيك "في قلب_الصحراء" 

بقلم : سمر غالي 

الحلقة 1

كان ماشي في الصحراء .... ساك على ضهرو .. شوميز بيضة محلولة .. مبينة صدرو ... لابس لينات شمس ... كان يمشي و يغزر للمنقالة واقفة - اووووه قداش الوقت زعمة ؟؟ ( بقا يغزر يمين و يسار ملقا حد .. خلاء و قفار .. ) آآآآآه يا ربي انا وييييييييين ؟؟؟ 

طاح على ركايبو يحس في روحو تاعب ... العرق لبووو .. يحس في ريقو شاح بالعطش .. هز عينيه للسماء .. يتشفع للي خلقو - اعلاش صايرلي هكا ؟؟ اعلاااااااااااش ؟؟؟؟ ( حس بالسخانة قريب تشوشطلو راسو .. و بدنو تعب .. حتى نفس مش منجم ياخذو .. يغزر لبعيد .. يرا في ماء .. وقف يمشي و يطيييح .. وصل ما يلقا شي اعرف اللي هو مجرد سراب .. مجرد أمل وهمي .. بقا يضرب في رمل .. بكل قوتو لين تهد ... تعب تعب مش منجم ياخذ النفس و خلي من العطش و الجوع زاد هدو و تعبو ) 

في نفس الوقت كانت تترنح .. خلخالها مزين ساقيها .. يرن .. و صوت شناشنها في معصمها .. يطرب السمع ... في يدها الشمع بش اضوي بيه خيمتها في ليل ... و في يدها الاخرى القلة ..مليانة ماء حاطتها فوق راسها ... هاذي " صحراء " ..اسمها على جسمها .. حتى هي صحراء بنت الصحراء ... تربات الرمل تحت ساقها و الشمس فوق راسها .. اعطات ل لون بشرتها رونق ... قمحوية .. مسرارة ..شعرها طويل مجعد .. يوصل ل ضهرها .. يتمايل مع حركتها .. خلي عاد من عينيها الكبار ..غزالة ... مكحلتهم .. و شفرتها طويلة رباني ... هي مليانة شوية .. اما انوثتها طاغية ... لابسة جلباب اكحل ... زين و عين و قد .. صحيح هي بنت الصحراء اما تعرف كل شي اللي صاير في دنيا .. كملت قرايتها واصلة ... و زيد خااترها بنت " فوزي " .. اكبر تجار الثمر في تونس ..و شكون ما يسمعش بيه ؟؟ عندهم فيلات في كل بلايص ... و خلي من شركات .. بوها ياما قلها تهبط للعاصمة ... بعد التخرج تشد معاه شركة من شركاتو اما هي كانت مصرة تعيش في الجنوب .. تحب تبدا تكتب روايتها .. تعشق الكتيبة ... و الصحراء و اللون الاصفر يجيبلها الالهام .. ساعات تعمل طلة و ترجع لعالمها ..و لحياتها شدت صحرتها .. رجعت لوكرها .. عندهم فيلا في الجنوب .. عالطريق العام تعيش فاها مع عايلتها العيلة الزبالة اذاكا اعلاش هالايامات في الخيمة تاع خوها اللي في قلب الصحراء .. بعيد على مشاكل العايلة .. تصفي في ذهنها من الدمار الشامل اللي عايشتو في دارهم 

بقات تمشي لين لمحتو من بعيد طايح .. بقات تغمض في عينيها و تحل .. طيحت القلة و الشمع و مشاتلو تجججري ... يديها اعلى من راسها ... طاحت على ركايبها و شدتلو راسو - يا سييد ؟؟؟؟؟؟؟ ( تخض فيه .. و هو في عالم آخر .. خضتو مرة اخرى .. ) يااااااا سيد فيق انتا شكون ؟؟ فييييييق نحكي معاك.... مشيش مااااات ؟؟؟؟ ( مسحت على راسو يقلي بالسخانة ... ) ...

بقات تبحلق في عينيها فيه .. وجهووو مرسوم رسم .. حطت عينيها على شعرو الاكحل ليل و شوافرو طوال .. ..حواجبو المعقودين .. و لحيتو الكحلة ..و العرق اللي هابط من جبينو على شفايفو ... خلي من الشوميز بيضة المحلولة ... مبينة بدنو و سروال دجين و صبادري عرفت اللي هو غريب على ها البر .. قربت لفمو يتنفس بالروح .. قلبها بهززز ..شيعت على جلبابها و شبرت ل شيرة الخيمة . مشات تجججري ..وصلت للخيمة 

- ياااااااا محسسسسن يااا محسن وينك ؟؟؟؟؟ ( هذا محسن خوها خرجلها لافف الدراعة فوق راسه ... ) 

- واش بيك تصيحي ؟؟؟ فاش قام ؟؟؟؟ فجعتيني 

- .. يمممكن مات فيييييسع هيا ننقذوه تحكي و تلهث ) فما راجل ريته طايح في قلب الصحراء ... يمكن دايخ ... 

شكووونه ؟؟؟؟؟؟ من شيرتنا ؟؟ تعرفيه ؟؟؟؟؟؟ -

- لا عمري لا ريته ... و لا شفته .. و زيد تحسه مش من هالبر .. ازرب روحححك مشيش يموت 

جبد قلة الماء من الخيمة و ركبو في الهامر متاعو مشاولو ... شاورتلو بيدها - وقف الكرهبة مشيش ترفسه تحتك .. 

- ريته يا صحراء .. تري فيا اعمى ... لا حول ولا قوة الا بالله 

- باهي اسكككت لازم تجبد الشبوك معايا ؟؟؟؟ فيسسسع اهبببط فيسع

هبطو مشاولو و محسن قربله بقا يرش في الماء ماباش يفيق ..- يا صحراء يا اختي يمكن مات الراجل ( بقا يجس في نبضوو يعدي في يديه على خشمو ) فما نفس ضعيف ... 

- اش بش نعمممملو يااا محسن يا وخخخي ..يا نااااااري تحسه راجل صغير في العمر مشيش يممموت ...

محسن :- مستحيل نخليوه يممموت .. ( هزو و ركبو من تالي و صحراء ركبت من تالي معاه .. حطتلو راسو على كتفها ..سمعتو يتمتم ) 

- ماا..ء ماء ...

- يا محسسسسسن تكلم قال ماااااااء مد القلة من جنبك ( مدلها القلة.. بقات تشرب فيه و هو يشرب بالشوية و حالل عين و مسكر عين ..غزرلها ..و مش مصدق يسخايل روحو في الجنة ههه ) 

- انا وين ؟؟؟ ( يحكي بصوت واطي ... تحسو تاعب .. و بدنو الكل يفبري بالسخانة اللي مكنتو ) 

محسن : - لابااااس ..ماتخافش او قريب نوصلو للمستوصف ...

صحراء تكلمت :- ماتخااافش .... لاباس بقدرة ربي ... ( بقات تمسحلو على راسو شدلها يدها ... و بقا يتمتم ) 

- ب..ش نموت ...بش...نمووووت ...

الحلقة 2 "" 

وصلو للمستوصف ... هازينو يكركو فيه دخلوه لطبيب ... قاصلو السخااانة ... و غزرلهم 

- السخانة متاعو طالعة برشا .... و تحس بدنو شاح من الماء.. نحطلو السيروم و بعد ساعتين تنجمو تهزوه 

محسن و صحراء قعدو معاه في البيت ... 

- ا محسن وخي مشيش تصيرلو حاجة الراجل 

- ماتخافيش ا صحراء .. انتي تعرفي خوك مليح مستحيل يخلي اليد اللي تمدتله .... ( حطت يدها على كتفو )

- نعرف خويا ..قدها و قدود ... 

بقاو يستناو فيه لين فااااق .. حل عينيه بالشوية يحس في بدنو الكب يوجع تقول حد وكلو طريحة ... يلقاهم قدامو.. بقا يغزرلهم مش مستوعب شي .. قربلو محسن 

- يا خويا لاباااااس ؟؟ اش حاسس روحك ؟؟؟ 

- راسي يووجع ..( كان يحكي بالرووح .. ) يخي انا وين ؟؟

- انتا في مستوصف في الجنوب سامحني يا خويا مانجمتش نهزك للسبيطار بعيد برشا .. لقيناك دايخ في قلب الصحراء واش اللي صارلك ؟؟؟

- انا ضعت على اصحابي كنت في رحلة و ضعععت .

صحراء تكلمت :- يخي ماعندكش تاليفون ؟؟؟؟ كلمهم ..

بقا يغزرلها و مش مستوعب هي اللي شدلها يدها بكري هي اللي صوتها تعشش في مخو ..هي اللي كان قريب منها ... بقا يغزرلها و شطر تبسيمة في فمو :- تاليفوني تسكر بكري ... نحب على شارج ..بش نشرجيه 

محسن حمحم :- احمممم ا خويا ايجا ضيف عنا اليوم .. عنا فيلا في الطريق العام .. و الصباح رباح .. الشمس قريب تغرب و تو مانخليكش وحدك الصحراء تخوف في ليل و بقدرة ربي غدوة نوصلك للدار ...

- عيشك .. والله مش عارف اش نقلك ... خايف لا نكثر اعليكم

- لا تكثر اعلينا لا شي يا خويا انتي تو أمانة عنا ..اشسمك وخي ؟؟

- اسمي عممممر بن حسين .. 

- مرحبا بيك خويا .. انا محسن و هاذي اختي الصغيرة " صحراء " .... 

غزرلها تحسو بدا يفيق و يركز في ملامحها .. قدامو غنجة .. مزيانة .. انوثتها طاغية و زيد اسمها" صحراء " اسم تحسو غامض ..يوصف يمكن حب عايلتها للصحراء .. اما من بعد فاق على روحو ماهوش بش يعجب ب مرا بنت صحراء .. و اسمها صحراء و مرا جاهلة هو يحب مرا مثقفة ..قارية ... اما هو ما يعرفش اللي صحراء مرا قارية و مثقفة ..و كاتبة زادة ... و اللي قراتو كتب و روايات قد شعر الراس ..

بعد ساعتين "" 

هزوه للفيلا معاهم ..دخلوه للصالة .. بوهم جاء - مرحببا عنا ضيف ؟؟؟؟ 

محسن :- بابا هذا عمر .. لقيناه طايح دايخ في الصحراء ..مسكين كان في رحلة و ضيع اصحااابو 

بوه وجهو تلقب :- و لاباااس تو يا ولدي ؟؟؟ صحراء عيش بنتي برا قول للخدام يحضر العشاء للضيف و يحضرولو بيت الضيوف 

- باهي باابااااا ... ( هزت و حطت عمر و مشات .. ناقصة هي تو اوامر من عند بوها ..) 

- قلي يا ولدي لابااااااس تو ؟؟؟

- حمد الله عمي عيشششك .. الله غالب ضعت اعليهم و تهت في الصحراء كان ماجاش محسن و صحراء راني متت بالعطش و السخانة .. 

- حمد الله ربي لطف بيك راهو الصحراء صعيبة يا ولدي .. ربي لططف بيك و منعك منها ... انتي ولد شكون ؟؟ من عايلة شكون ؟

- بن حسين يا عمي ..انا اسمي عمر بن حسين ..

فوزي وجهو حمااار حك لحيتو بتوتر :- ولد محمد بن حسين اللي عندو شركة الثمر في العاصمة ؟؟؟ مش هكا ؟؟؟

- اي يخي منين تعرفو ...؟؟ 

محسن وقتها وجهو تقلب .. مشا طلع لبيتو يجري عرضتو اختو - شبيك تجججري شنية صااير ؟؟؟ 

- الوضع مايريحش يا صحراء ..ولد عدو بابا جبتو انتي للدار انتي السبب فاللي بش يصير تووو 

جبدتو من مرفقو - شمعناها ولد عدو بابا ؟؟؟ يخي باابا من وقتهاش عندو اعداء ؟؟ فاش تخرف انتي ؟؟ 

- انتي ماتعرفي شي ننصحك شدي ببوشتك و اسكتي

الحلقة 3 "" 

هوما اكاك و فوزي طلع - اجوو تووو ل مكتبي ... لليتكم كلبة ... 

دخلووو و صحراء مش فاهمة شي .. فوزي قعد على بيروه ... حاطط يديو على راسووو - شكووون اللي جاب ولد محمد بن حسين في وسط دااااااااري انطططقو ؟؟؟

- محسن :- صحراء لقاتو مطيش في وسط الصحراء وجات قتلي ..يخي هزيناه للمستوصف

فوزي قام يصيح :- اعلاش تهززو فيه ؟؟؟ اش يهمكم في والديه ؟؟؟ كلو منك يا صحراء قتلك شدي الفيلا ماتتحركيش لازم تهبطي للصحراء و تجيبي ولد بن حسين .. انتي ماتعرفيش بوه اش عمل فيا عيلتو اش عملت في جدك ... كان يسمع جدك اللي دخلتي ولد بن حسين يحبسك ... 

- انا اعملت واجبي يا بابا .. و شمعناها عدوك ؟؟ اعلاش هو بوه اش عمممل ؟؟؟ و شنية ذنبو هو في بوه ؟؟؟ 

- بوه يا للا ..وصلنا للإفلاس .. منافس اول لينا ... وقت يلقا فينا الضربة يضرب دخلني للحبس برشا مرات ب شكاوي وهمية ... فاش تحكي انتي قالو شنية ذنبو ...

محسن :- بابا ماتحط شي فيبالك ليلة و تتعدا و غدوة نوصلو ل اصحابو و كهو ... هدي اعصابك نسيت اللي عندك سكر و دم 

- اووو اختك بش تجلطني ها ليلة الكللللللبة ..

هوما اكاك و تدخل سميرة امهم :- شبيكم اصواتكم طالعة و عنا ضيف هياو اهبطو تلهاو بيه 

فوزي :- اخر عمممممري نضيف في ولد بن حسين ... آآآآآآآآه آآآه يا فوزي شوف ولادك وين وصلوك 

خرج من البيت العصب يهز فيه و ينفض .. و محسن وراه .. قعدت صحراء تغزل .. مكتفة يديها و تتشفع 

سميرة :- شبيكي تتشفعي للي خلقك ؟؟؟؟ 

- ماريتش راجلك يااخي .. مازال مخو محدود في عدو و اعداء و انتقام و درا شنية .. اسمعني انا مايهمنيش لقيت راجل مطيش بش يموت انقذتو و كهووو لا يهمني بوه شكون و لا دينو و لا جنسيتو ولا شي ..مشيت بإنسانيتي و بس .. شمعناها امان ولد بن حسين ما ننقذوش ؟؟ يعني انا نسبب في موت راجل .. على خاطرو ولد عدو بابا 

- انتي ماتعرفيش دار بن حسين اش عملو فينا شوولنا كبدتنا يا بنتي و لحد تو وين يلو فينا الضربة يضربو .. ناس بلا رحمة 

- مانتصورش اللي يعملو فيه بلاش سبب ..مفماش دخان بلا نااااار يامي و السبب حمووك يعني جدي العزيز الغالي ( قربتلها و حطت يدها على فمها ) 

- اسكككتي مسكت يهزك ..جدك اذكا هو اللي قراك و وصلك ... اسككتي هدة في فمك

نحات يد امها و دخلت لبيتها العصب يهز و ينفض فاها تمتم وحدها - قال شنوة شبيني انقذت ولد العدو متاعهم اش يهمني فيهم انا ؟؟؟ ( جبدت من الخزانة سروال دجين و مريول ابيض .. لبستهم تحب تبقا في دار بلبسة العادية متاعها اما كيف تمشي للصحراء تتحول ..تولي بنت الصحراء على قاعدة صحيحة ... )

لبست و ركحت جوها و هبطت للصالة تلقا عمر قاعد في بلاصتها هزتو و حطتو و هو بقا متعجب من هيئتها و لبستها .. وصلها بعينيه لين قعدت قعدت في بلاصة اخرى بقات اتمتم - لا يزي ولد عدوهم لا يزي مصدرينو في بلاصتي 

فوزي :- اش تحكي دبشك انتي ؟؟؟؟ 

- شي بابا قلت صحة و بالشفاء ليكم 

- يخي اتي ماكش ناوية تهز دبشك و تمشي ل تونس ؟؟؟ لوقتاش بش تبقا هوني ؟؟ مافديتش من الشمس و التربة و الرمل ؟؟

- حتى في العاصمة فما تربة و غبرة و دخان ..و فما سخانة .. و انتي تعرف اللي انا نرتاح كان هوني و نحب نبقا مع امي 

بقا يقحر ل سميرة .. غزرة تعني اللي هي السبب في كل شيء ...

فوزي :- مالا قتلي انتي ولد محمد بن حسين ؟؟

- اي يا عمي بابا رجل اعمال كبير في العاصمة عندو برشا شركات في مختلف القطعات و منهم الثمر بالرغم ماهوش من الجنوب 

- اي اي نعرف .. بوك نعرفو مليح مليح .. اتنجم تقول عشرة .. خدمنا برشا 

- انتي شنية لقبك يا عم فوزي ؟؟

- انا فوزي بن أحمد ... كلم بوك و احكيلو اعليا تا يعرفني عالبلاصة محسووووب عشرة سنين .. بيناتنا 

- نتشرفو يا عمي و محلاها صدددفة ...

" صحراء " كحت بالقوووي و ضحححكت ..عمر بقا يقحرلها ... مش عارف شنية حكايتها ... 

فوزي :- فما حاجة اضحك يا روح بوك ؟؟

- لا اما عجبتني الصددددفة ... يا بابا .... ( بقات تتبسم على جنب )

- انتي كووول و اسكت مش لازم تعطي رأيك ..حط مخك في راسك و بعد اتنجم تحل فمممك و تتكلم 

بقات تاكل بغزززول كالعادة بوه مايخليش فرصة ما ينبزهاش ..يعرفها مستحيل تبدل رأيها و تتطلع لتونس ..كل شي وارد في الحياة

""  ﺍﻟﺤﻠﻘﺔ 4

ﺑﻌﺪ ﺍﻟﻌﺸﺎء .. " ﻋﻤﺮ " ﻃﻠﻊ لبيت ﺿﻴﻮﻭﻭﻑ ﻳﺠﺠﺠﺮﻱ .. ﺣﻂ ﺗﺎﻟﻴﻔﻮﻧﻮ ﻓﻲ ﺍﻟﺸﺎﺭﺝ ..ﻳﺪﻳﻪ ﺍﻟﻜﻞ

ﻳﺮﻋﺸﻮ ﺧﺎﻃﺮﻭ ﺍﻋﺮﻑ ﺍﻟﻠﻲ ﻫﻮ ﻓﻲ ﺩﺍﺭ ﺍﻟﻌﺪﻭ ﻣﺘﺎﻋﻬﻢ ... ﻣﺶ ﻣﺼﺪﻕ ﻫﻮ ﻭﻳﻦ ﻭﺻﻞ ﺑﻴﻪ ﺍﻟﺸﻲ

... ﻛﻴﻔﺎﺵ ﺑﺒﻬﺎﻣﺘﻮ ﻳﻔﺸﻲ ﻟﻘﺒﻮ .. ﺻﺎﻳﻰ ﺷﺪﻭﻩ ﺑﺎﻟﻜﻤﺸﺔ ﺗﻮﻭﻭ ﺑﺶ ﻳﻌﻤﻞ ﺭﻭﺣﻮ ﻻ ﻳﺮﻯ ﻻ ﻳﺴﻤﻊ ﻻ

ﻳﺘﻜﻠﻢ ﻻﺯﻣﻮ ﻳﺨﺮﺝ ﻣﻦ ﻫﺎ ﺍﻟﻔﻴﻼ ... ﺑﺄﻱ ﻃﺮﻳﻘﺔ

ﻓﻲ ﺍﻟﻌﺎﺻﻤﺔ ﺗﺤﺪﻳﺪﺍ ﻓﻴﻼ ﺩﺍﺭ ﺑﻦ"" ﺣﺴﻴﻦ

ﻛﺎﻥ ﻣﺤﻤﺪ ﺑﻦ ﺣﺴﻴﻦ ﻣﺎﺷﻲ ﺟﺎﻱ ﻓﻲ ﺍﻟﺼﺎﻟﺔ .. ﺷﺎﺩﺩ ﺗﺎﻟﻴﻔﻮﻥ ﻓﻲ " ﻳﺪﻭ ﻣﺘﻮﺗﺮ ... ﻣﻘﺎﺑﻠﺘﻮ ﺑﻨﺘﻮ

" ﻏﻔﺮﺍﻥ ﺁﺁﺁﻩ ﻳﺎ ﻏﻔﺮﺍﻥ ﺭﺍﻧﻲ ﺑﺶ ﻧﻬﺒﻞ 

-ﺷﺒﻲ ﺧﻮﻙ ﺗﺎﻟﻴﻔﻮﻧﻮ ﻣﺴﻜﻜﻜﻜﺮ ﻟﺘﻮ ؟؟؟ ﺍﻧﺎ ﺍﻟﻐﺎﻟﻂ ﺍﻟﻠﻲ ﺧﻠﻴﺘﻮ ﻳﻤﺸﻲ ﻳﻠﻮﺝ ﻋﻠﻰ ﺩﺍﺭ ﺍﻟﻬﻢ .... ﺍﻻﺯﺭﻕ ﻓﻮﻭﻭﺯﻱ ﺑﻦ ﺍﺣﻤﺪ .... ﻣﺎﻛﺎﺭﻧﻴﺶ ﺑﻌﺜﺘﻮ ﻓﻲ ﺭﺣﻠﺔ

ﻛﺎﻥ ﻣﺸﺎ ﺑﻜﺮﻫﺒﺘﻮ ﺧﻴﺮ .. 

-ﺑﺎﺑﺎ ﻫﺪﺩﺩﻱ ﺍﻋﺼﺎﺑﻚ ﺍﻣﺎﻥ ﺑﺎﻟﻜﺸﻲ ﻃﺎﺣﻠﻮ ﻣﻦ ﺷﺎﺭﺝ ﻭ ﻻ ﺣﻜﺎﻳﺔ .. ﻭ ﺍﻧﺘﻲ ﺗﻌﺮﻑ ﺍﻟﻠﻲ ﻛﺎﻥ ﻳﻤﺸﻲ ﻝ ﻛﺮﻫﺒﺘﻮ ﻣﻤﻜﻦ ﻳﻌﺮﻓﻮﻩ ﻭ ﻳﺸﻠﻘﻮ ﺑﻴﻪ 

ﻫﻮﻣﺎ ﺍﻛﺎﻙ ﻭ ﺗﺎﻟﻴﻔﻮﻥ ﻣﺤﻤﺪ ﻧﻮﻗﺰ ﻫﺰ ﺍﻋﻠﻴﻪ ﻓﻴﺴﻊ 

- ﻭﻳﻴﻴﻴﻴﻴﻴﻴﻨﻚ ﻳﺎ.. ﻋﻤﺮ ؟؟؟ ﺍﻋﻼﺵ ﻫﻜﺎ ﻃﻴﺤﺘﻠﻲ ﻗﻠﺒﻲ ﺍﻋﻠﻴﻚ ﻳﺎ ﺑﺎﺑﺎ ﺭﺍﻧﻲ ﻣﺸﻴﺖ ﻓﺎﻫﺎ ... 

- أنا ﺗﻮ ﻓﻲ ﺩﺍﺭ ﺑﻦ ﺃﺣﻤﺪ ..ﻭ ﻣﺎﻋﺮﻓﺘﺶ ﺍﻟﻠﻲ ﻫﻮﻣﺎ ﺩﺍﺭ ﺑﻦ ﺃﺣﻤﺪ ﺍﻻ ﻣﺎ ﺑﻌﺪ ﻣﺎ ﻗﻠﺘﻠﻬﻢ ﺍﻧﻮ ﺍﻧﺎ ﻭﻟﺪﻙ -ﻛﻴﻔﺎﺍﺍﺍﺍﺍﺍﺍﺍﺵ ؟؟؟ ﺷﻨﻴﺔ ﺻﺎﺍﺍﺭ؟؟؟؟ ﻓﺎﺵ ﺗﺤﻜﻲ ﻋﻴﺶ ﻭﻟﺪﻱ؟؟؟؟ ( ﻣﺤﻤﺪ ﻳﺤﻜﻲ ﺑﺘﻮﺗﺮ ﻣﺶ

ﻣﺼﺪﻕ ﺍﻟﻠﻲ ﻳﺤﻜﻲ ﻓﻴﻪ ﺣﻜﺎﻟﻮ ﺍﻟﻠﻲ ﺻﺎﺭ ﺍﻟﻜﻞ ﻣﻦ ﻟﻮﻝ ﻟﻠﺨﺮ) ... ﻣﺤﻤﺪ ﻣﺶ ﻣﺴﺘﻮﻋﺐ ﺍﻟﻠﻲ ﻋﺎﺷﻮ ﻭﻟﺪﻭﻭﻭ 

-ﻛﻴﻔﺎﺍﺍﺍﺍﺍﺵ ﻳﺎ ﻋﻤﺮ ؟؟ ﻳﺨﻲ ﻣﺶ ﻗﺘﻠﻚ ﺍﺑﻘﺎ ﻣﻊ ﺍﻟﺮﺣﻠﺔ 

-ﻣﺶ ﻋﺎﺭﻑ ﻛﻴﻔﺎﺵ ﺿﻌﻌﻌﺖ ﻭ ﻣﺶ ﻋﺎﺭﻑ ﺍﻟﺼﺪﻓﺔ ﺍﻟﻠﻲ ﺟﻤﻌﺘﻨﻲ ﺑﺪﺍﺭ ﺑﻦ ﺃﺣﻤﺪ ... ﻣﺶ ﻣﺴﺘﻮﻋﺐ ﻫﺬﺍ ﺍﻟﻜﻞ ﻛﻴﻔﺎﺵ ﺻﺎﺭ ..ﻛﺎﻥ ﺟﻴﺖ ﺑﺶ ﻧﺨﻄﻂ ﺍﻟﻠﻲ ﺍﻧﺎ ﺑﺶ ﻧﻄﻴﺢ ﺑﺄﻭﻻﺩﻭ ﺭﺍﻫﻮ ﻣﺎﺻﺎﺭﺵ ﻣﻨﻮ ﺍﻣﺎ ﺻﺪﻓﺔ ﺟﻤﻌﺘﻨﻲ ﺑﻴﻬﻢ ﺑﺶ .. ﻳﻬﺰﻭﻧﻲ ﻟﻠﻔﻴﻼ ﻣﺘﺎﻋﻬﻢ 

-ﻻﺯﻣﻚ ﺗﻘﺘﻨﺺ ﺍﻟﻔﺮﺻﺔ و ﺗﻠﻮﺟﻠﻲ ﻋﻠﻰ ﺍﻻﻭﺭﺍﻕ ﺍﻟﻠﻲ ﻭﺻﻴﺘﻚ ﺍﻋﻠﻴﻬﻢ ﻋﻴﺶ ﻭﻟﺪﻱ 

-ﺑﺎﺑﺎ ﻛﻴﻔﺎﺵ ﻧﻠﻮﻭﺝ ؟؟؟؟ 

- ﻛﻴﻔﺎﺵ ﺗﺤﺒﻨﻲ ﻧﺨﺎﻃﺮ ﺑﺤﻴﺎﺗﻲ ﺭﺍﻫﻢ ﻓﺎﻗﻮ ﺑﻴﺎ ﺻﺎﻳﻰ ﻭ ﻣﺶ ﻋﺎﺭﻑ ﻛﻴﻔﺎﺵ ﻧﺨﺮﺝ ﻣﻦ ... هالمصيبة ﺍﻟﻠﻲ ﻃﺤﺖ ﻓﺎﻫﺎ ﺣﺴﻴﺘﻬﻢ ﻋﻴﻠﺔ ﻣﻬﺒﻠﺔ ﻳﺎ ﺑﺎﺑﺎ 

- ﻣﻌﺎﻙ ﺳﻼﺣﻚ ﻣﺎﻋﻨﺪﻫﻢ ﻣﺎ ﻳﻌﻤﻠﻮﻟﻚ .... ﺍﻧﺘﻲ ﻭﻟﺪ ﺑﻦ ﺣﺴﻴﻦ ﺭﺍﻙ .. ﺧﻠﻴﻚ ﺷﺠﺎﺍﻉ ﻭ ﺍﻋﻤﻞ ﺍﻟﻠﻲ ﻗﺘﻠﻚ ﺍﻋﻠﻴﻪ

-ﺁﺁﺁﺁﺁﺁﺁﺁﻩ ﻳﺎ ﺑﺎﺑﺎ ﺁﺁﺁﻩ ﻗﺘﻠﻚ  ﻣﺎﺩﺧﻠﻨﻴﺶ ﻓﻲ ﺟﻮ ﺍﻻﻧﺘﻘﺎﻡ ﻣﺘﺎﻋﻚ ﺭﺍﻧﻲ ﻣﺶ ﻗﺪﻭ ﺍﻧﺘﻲ ﺗﻌﺮﻓﻨﻲ

ﺟﻮﻱ ﺳﻔﺮ .. ﻭ ﻫﺒﺎﻝ ..ﻭ ﻓﻦ ﻣﺎﻧﻴﺶ ﻣﺘﺎﻉ ﺟﻮﻭ ﺧﺪﻣﺘﻚ 

ﻣﺤﻤﺪ ﻧﻔﺦ ﺑﺎﻟﻘﻮﻭﻭﻱ 

- ﻣﻴﺴﺎﻟﺶ ﻋﻴﺶ ﻣﺮﺓ ﺩﻭﺭ ﻭﻟﺪ ﺑﻦ ﺣﺴﻴﻦ ...ﻭ ﻋﺎﻭﻧﻲ ... ﻳﺨﻲ ﻧﺴﻴﺖ ﺍﻟﻌﻴﻠﺔ .. ﻫﺎﻛﻲ ﺷﻌﻤﻠﺖ ﻣﻌﺎﻧﺎ ﻗﺒﻞ ؟؟ ﻧﺴﻴﺖ ﺍﻟﻠﻲ ﻫﻲ ﺩﻣﺮﺕ ﺟﺪﻙ ﻭ ﻭﺻﻠﺘﻮ ﻳﺸﺪ ﻛﺮﺳﻲ ﻭ ﻫﻮ ﻋﻤﺮﻭ 55 ﺳﻨﺔ ... ﻭ ﻟﺘﻮ ﻣﺎﻳﻨﺠﻤﺶ ﻳﺎﻗﻒ ﻋﻠﻰ ﺳﺎﻗﻴﻪ ﻣﻦ ﺟﺮﺕ ﺟﺪﻫﻢ .." ﻧﺎﺻﺮ " ﺍﻟﻠﻲ ﺩﻣﺮﻟﻨﺎ ﺣﻴﺎﺗﻨﺎ 

-ﺑﺎﻫﻲ ﺑﺎﺑﺎ ﺑﺎﺍﺍﺍﺍﺍﻫﻲ تو ﻧﺤﺎﻭﻝ 

ﺍﻣﺎ ﻫﺎﻧﻲ ﻗﺘﻠﻚ ﺑﺶ ﻧﺤﺎﻭﻝ ﻓﻲ ﻧﻔﺲ ﺍﻟﻮﻗﺖ ﻛﺎﻧﺖ " ﺻﺤﺮﺍء ﺗﺴﻤﻊ ﻓﻴﻪ ﻣﻦ ﻭﺭﺍء ﺍﻟﺒﺎﺏ ﻭ"ﻣﺶ ﻣﺼﺪﻗﺔ  ...ﺩﺧﻠﺖ ﺍﻋﻠﻴﻪ ﺍﻟﻌﺼﺐ ﻣﺎﻛﻨﻬﺎ _ﺷﻤﻌﻨﺎﻫﺎﺍﺍﺍ؟؟؟؟

ﻋﻤﺮ ﻋﻠﻖ ﻋﺎﻟﺘﺎﻟﻴﻔﻮﻥ ﻋﺎﻟﺒﻼﺻﺔ ﻳﺨﺨﺨﻲ تتنسط ﺍﻋﻠﻴﺎ 

_ اش تحكى؟؟ ﻧﻮﺭﻣﺎﻝ ﻓﻲ ﻣﺨﻚ ..؟ ﺍﻟﻠﻲ ﺳﻤﻌﺘﻮﻭﻭ ﺻﺤﻴﺢ ؟؟ ﺍﻧﺘﻲ  ﺟﻴﺖ ﺗﻠﻮﺝ ﻋﻠﻰ ﺩﺍﺭﻧﺎ .. ﺟﻴﺖ ﺑﺶ ﺗﻌﻤﻞ ﺗﻤﺜﻴﻠﻴﺔ ﻋﻠﻰ ﺑﺎﺑﺎ ﺍﻟﻠﻲ ﺍﻧﺘﻲ ﻣﺴﻜﻴﻦ ﺿﺎﺍﺍﻳﻊ ﺍﻣﺎ ﺩﻗﻚ... ﺭﺑﻲ .. ﻭ ﻗﻠﺖ ﻋﻠﻰ ﻟﻘﺒﻚ 

-ﺍﻧﺘﻲ ﻳﻌﻨﻲ ﺑﺶ ﺗﻤﺸﻲ ﺗﺤﻜﻲ ﻟﺒﻮﻙ ﻛﻞ ﺷﻲ؟؟؟ ﺗﻔﻀﻀﻀﻞ ﺍﻳﺎ ﺗﻮ ﺗﻌﻤﻠﻲ ﻋﻤﻠﺔ ﺍﻣﺎ ﻇﺎﻫﺮ ﻣﻦ ﻣﻌﺎﻣﻠﺘﻮ ﻟﻴﻚ ﺍﻟﻠﻲ ﻫﻮ ﻣﺎﻳﺴﻤﻊ ﻣﻨﻚ ﺷﻲ ..ﺗﺤﺴﻚ ﺍﻟﺒﻨﻴﺔ ﺍﻟﺪﻟﻮﻟﺔ ﺍﻟﻠﻲ ﺗﻮﻟﺪﺕ ﻓﻲ ﻓﻤﻬﺎ ﻣﻐﺮﻓﺔ ﺫﻫﺐ ... ﻭ ﺗﺤﺴﻚ ﺍﻧﺴﺎﻧﺔ ﺟﺎﻫﻠﺔ. ﻋﻤﺮﻫﺎ ﻻ ﺷﺪﺕ ﻛﺘﺎﺏ ﻓﻲ ﻳﺪﻫﺎ

..ﻫﻌﻬﻬﻬﻪ 

-ﻣﺎﻧﻴﺶ ﺑﺶ ﻧﺠﺎﻭﺏ ﺍﻣﺜﺎﻟﻚ ..ﺣﻨﺎ ﺍﻭﻻﺩ ﺍﻟﺠﻨﻮﺏ .. ﻣﺎﻧﻀﺮﻭﺵ ﺍﻟﻨﺎﺱ ﺑﺎﻟﻜﻼﻡ ﻧﻨﺼﺤﻚ ﻛﻤﻞ ﻫﺎﻟﻠﻴﻠﺔ ﻋﻠﻰ ﺧﻴﺮ ﻭ ﺻﺪﻗﻨﻲ ﻛﺎﻥ ﺣﺎﻭﻟﺖ ﺗﻠﻌﺐ ﺑﺬﻳﻠﻚ .. ﺑﺎﺑﺎ ﻭ ﺧﻮﻳﺎ ﻭ ﺭﺟﺎﻟﻬﻢ ﺑﺶ ﻳﺎﻗﻔﻮﻟﻚ ﻭﺍﻟﻠﻪ ﺍﻋﻠﻢ ﺍﺵ ﺑﺶ ﻳﺼﻴﺮ ﻓﻴﻚ.. ﻭ ﻗﺪ ﺍﻋﺬﺭ ﻣﻦ ﺍﻧﺬﺭ

..ﻛﺎﻧﺖ ﺗﺤﻜﻲ ﻭ ﺗﺮﺹ ﻋﻠﻰ ﺳﻨﻴﻬﺎ ﻗﺮﺑﻠﻬﺎ ﻭ ﺗﺒﺴﻢ ﻋﻠﻰ ﺟﻨﺐ ﺻﺤﻴﺢ ﻣﺰﻳﺎﻧﺔ ..( ﺑﻘﺎ ﻳﻌﺪﻱ ﻓﻲ ﻋﻴﻨﻴﻪ ﻋﻠﻰ ﻣﻼﻣﺤﻬﺎ .. ﻭ ﺑﺪﻧﻬﺎ ..ﺍﻟﻠﻲ ﺍﻧﻮﺛﺘﻮ ﻃﺎﻏﻴﺔ ﺍﻛﺜﺮ

ﻣﻦ ﺍﻟﻼﺯﻡ .. ﻟﻤﺖ ﺻﺪﺭﻫﺎ ﺑﺎﻟﺸﺎﻝ ﺍﻟﻠﻲ ﻻﺑﺴﺘﻮ .. ﺑﻘﺎ ﻳﺜﺒﺖ ﻓﻲ ﺩﺑﺸﻬﺎ ﺍﻟﻠﻲ ﺑﺪﻟﺘﻮ ..ﻛﺎﻧﺖ ﻻﺑﺴﺔ ﺳﺮﻭﺍﻝ ﺩﺟﻴﻦ ﻭ ﺻﺒﺎﻁ ﺍﺑﻴﺾ .. ﻭ ﻣﺮﻳﻮﻝ ﺍﺑﻴﺾ ﻭ ﻻﺑﺴﺔ ﺷﺎﻝ ﻋﺎﻟﺒﺮﺩ .. ) ﺻﺤﻴﺢ ﺗﺤﺐ ﺗﺨﺮﺝ ﻣﻦ ﻗﺸﺮﺗﻚ ﺑﻠﺒﺴﺔ ﻣﺶ ﻟﺒﺴﺘﻚ .. ﺍﻣﺎ ﺗﺒﻘﺎ ﻣﺮﺍ ﺟﺎﻫﻠﺔ ﻣﺎﺗﻌﺮﻑ ﻋﺎﻟﺪﻧﻴﺎ ﺷﻲ ... ﺗﺒﻘﺎ.. ﺑﻨﺖ ﺻﺤﺮﺍء .. ﺍﻧﺴﺎﻧﺔ ﺟﺎﻫﻠﺔ  ﻛﻼﻣﻮ ﻛﺎﻥ ﻛﻴﻒ ﺍﻟﺴﻬﻢ ﺍﻟﻠﻲ  ﺟﺎﻫﺎ ﻓﻲ ﻧﺺ ﻗﻠﺒﻬﺎ ... ﻣﺎﺣﺒﺘﺶ ﺗﺠﺎﻭﺑﻮﻭﻭ .ﻫﺰﺗﻮ ﻭ ﺣﻄﺘﻮ ﻭ ﺧﺮﺟﺖ .. ﺿﺮﺏ ﺍﻟﺒﺎﺏ ﺑﻘﺒﻀﺔ ﻳﺪﻭ ﺑﺎﻟﻘﻮﻭﻭﻱ .. ﺑﻘﺎﺕ ﻓﻲ ﺍﻟﻜﻠﻮﺍﺭ ..ﺗﺤﺲ ﻓﻲ ﺑﺪﻧﻬﺎ ﻳﻨﻔﺾ ﺑﺎﻟﻐﺰﻭﻝ .. ﺍﻋﻼﺵ ﻫﻮ ﺷﺨﺺ ﻣﺴﺘﻔﺰ ﻟﻬﺎ ﺩﺭﺟﺔ؟؟؟ ﻻﺯﻡ ﺗﻤﺸﻲ ﺗﺤﻜﻲ ﻝ ﺑﻮﻫﺎ .. ﺟﺎﺕ ﺷﺘﺪﺧﻞ ﻟﺒﻴﺮﻭﻩ ﺷﺪﺕ ﻓﺮﺍﻥ .. ﺑﻘﺎﺕ (ﺗﺤﻜﻲ ﻭﺣﺪﻫﺎ ﻛﺎﻥ ﻳﺸﻠﻖ ﺑﻴﻪ ﺟﺎء ﻟﻬﻮﻧﻲ ﻭ ﻗﺎﺻﺪ ﺑﺶ ﻳﻄﻴﺢ ﺑﺎﺑﺎ .. ﻣﻤﻜﻦ ﻳﻀﺮﺑﻮ ﻭﺍﻟﻠﻪ ﻳﻘﺘﻠﻮ ﺍﺧﻄﻄﻄﺎﻧﻲ... ﺍﺗﻮ ﻳﻔﻬﻢ ﺭﻭﺣﻮ ﻭ ﻳﺮﻭﺡ ﻏﺪﻭﺓ. ﺩﻳﺠﺎ ﻣﺤﺴﻦ ﺑﺶ ﻳﻮﺻﻠﻮ

"" ﺍﻟﺤﻠﻘﺔ 5

ﻋﻤﺮ ﻛﺎﻥ ﺧﺎﻳﻒ ﻭﻗﺘﻬﺎ ﻣﻦ ﺟﻬﺔﻫﻮ ﻓﻲ ﺟﺤﺮ ﺍﻟﻌﺪﻭ .. ﻭ ﻣﻦ ﺟﻬﺔ ﺃﺧﺮﻯ ﺑﻨﺖ ﺍﻟﻌﺪﻭ ﺷﻠﻘﺖ ﺑﻴﻪ ﺑﺎﻟﻨﺴﺒﺔ ﻟﻴﻪ ﺍﻧﺴﺎﻧﺔ ﺟﺎﻫﻠﺔ ﻣﻤﻜﻦ ﺗﺘﻬﻮﺭ ﻭ ﺗﻤﺸﻲ ﺗﺼﺐ ﺍﻟﺼﺒﺔ

ﺍﻟﻜﻞ ﻟﺒﻮﻫﺎ .. ﺟﺒﺪ ﺍﻟﻔﺮﺩ ﻣﻦ ﺳﺎﻙ .. ﺍﻟﻠﻲ ﺟﺎﺑﻬﺎ ... ﺑﻘﺎ ﻳﻤﺴﺢ ﺍﻋﻠﻴﻪ ﻭ ﻣﺘﺤﻠﻒ ﻓﻴﻬﻢ ﺍﻱ ﺣﺪ ﻳﻘﺮﺑﻠﻮ ﺑﺶ ﻳﻀﺮﺑﻮ ﻋﺎﻟﺒﻼﺻﺔ ... ﺍﻟﺮﺣﻤﺔ... ﻻﺍﺍﺍ

ﻣﺶ ﻋﺎﺭﻑ ﻗﺪﺍﺵ ﻗﻌﺪ ﻳﺴﺘﻨﻰ ﺍﻟﻤﻬﻢ ﻳﻌﺮﻑ ﺍﻟﻠﻲ ﺟﺎء ﺍﻟﻮﻗﺖ ﺑﺶ ﻳﺤﺎﻭﻝ ﻳﺴﺮﻕ ﺍﻻﻭﺭﺍﻕ ﻭ ﻳﻔﺼﻊ .. ﺧﺮﺝ ﻓﻲ ﻳﺪﻭ ﺍﻟﻔﺮﺩ ﻣﺘﺎﻋﻮ .. ﺣﻄﻮ ﻓﻲ ﺟﻴﺒﻮ ..ﻣﻦ ﺗﺎﻟﻲ

ﻭ ﺗﻮﺟﻪ ﻟﻠﺒﻴﻮﺕ ﺣﻞ ﺍﻟﺒﻴﺖ ﻟﻮﻟﺔ ﺑﺎﻟﺸﻮﻳﺔ .. ﺳﺮﺡ ﻓﺎﻟﻠﻲ ﺭﺍﻗﺪﺓ ﻋﺎﻟﻔﺮﺵ .. ﻗﺮﺏ ﻣﻨﻬﺎ ﺑﺎﻟﺸﻮﻳﺔ.. ﻛﺎﻥ ﺷﻌﺮﻫﺎ ﻣﺮﻣﻲ ﻋﺎﻟﻤﺨﺪﺓ ﺃﻛﺤﻞ ﻟﻴﻞ .. ﻭ ﻻ ﻣﻦ ﻣﻼﻣﺢ

ﻭﺟﻬﺎ ﺍﻟﻤﻼﺋﻜﻲ .. ﺷﻮﺍﻓﺮﻫﺎ ﺍﻟﻄﻮﺍﻝ .. ﺷﻔﺎﻳﻔﻬﺎ ﺍﻟﺮﻭﺯ ﺍﻟﻤﻠﻴﺎﻧﻴﻦ .. ﺧﺪﻭﺩﻫﺎ .. ﺣﻮﺍﺟﺒﻬﺎ .. ﺭﻗﺒﺘﻬﺎ .... ﺳﺮﺡ ﻓﻲ ﻛﻞ ﺗﻔﺼﻴﻠﺔ ﻓﺎﻫﺎ ﻣﺎﻳﻌﺮﻓﺎﺵ ﻗﺪﺍﺵ ﺑﻘﺎ ﻭ ﻫﻮ

ﻳﺘﻤﻌﻦ ﻓﺎﻫﺎ ... ﺳﺮﺡ ﻓﻲ ﺳﺎﻗﻴﻬﺎ ﺍﻟﻤﻌﺮﻳﻴﻦ ..ﺳﺎﻗﻴﻦ ﺑﻴﺾ .. ﻛﻠﻬﻢ ﺍﻏﺮﺍء ﻭ ﺍﻧﻮﺛﺔ.. ﺣﺲ ﺍﻟﻌﺮﻕ ﻟﺒﻮ ﻭ

ﺍﻟﺴﺨﺎﻧﺔ ﻣﻜﻨﺘﻮ .. ﺧﺮﺝ ﻣﻦ ﺍﻟﺒﻴﺖ ﻳﺤﺲ ﻗﻠﺒﻮ ﺷﻴﺨﺮﺝ ﻣﻦ ﺑﻼﺻﺘﻮ .. ﺑﻘﺎ ﻳﺤﻜﻲ ﻭﺣﺪﻭ " ﺻﺤﻴﺢ ﻛﻠﻬﺎﺍ ............ ".. ﻓﺘﻨﺔ ..ﺍﻣﺎ ﺗﺒﻘﻰ ﺟﺎﻫﻠﺔ 

ﻣﻦ ﻏﺪﻭﺓ "ﺻﺤﺮﺍء" ﻫﺒﻄﺖ ﺗﻠﻘﺎ.. ﺍﻟﻌﻴﻠﺔ ﺍﻟﻜﻞ ﻣﻠﻤﻮﻣﺔ ﻋﺎﻟﻄﺎﻭﻟﺔ... ﻳﻔﻄﺮﻭ ﻓﻲ ﻓﻄﻮﺭ ﺍﻟﺼﺒﺎﺡ ﺍﺳﺘﻐﺮﺑﺖ ﺣﺎﻟﺘﻬﻢ ... ﻗﻌﺪﺕ ﻓﻲ ﺑﻼﺻﺘﻬﺎ

ﺻﺤﺮﺍء :- ﻳﺨﻲ ﺿﻴﻔﻨﺎ ﺭﻭﺡ ﺻﺎﻳﻰ ؟؟؟.. 

ﻓﻮﺯﻱ :- ﻣﺎﺗﻌﺮﺵ ﺗﺼﺒﺢ ﻳﺎ ﻟﻼ ( ﺑﻘﺎ ﻳﻘﺤﺮﻟﻬﺎ ﻭ ﻫﻲ ﺗﺒﺴﻤﺘﻠﻮ ) .

- ﺻﺒﺎﺡ ﺍﻟﺨﻴﺮ ﺑﺎﺑﺎ ( ﺷﺪﺕ ﻛﺄﺱ 

ﺍﻟﻘﻬﻮﺓ ﻓﻲ ﻳﺪﻫﺎ ﻭ ﺗﻠﻔﺘﺖ ﻝ

ﺧﻮﻫﺎ  ﻣﺤﺴﻦ) ﻳﺨﻲ ﺑﺎﻟﺤﻖ ﻭﻳﻨﻮ

ﻋﻤﺮ ؟؟ ﻭﺻﻠﺘﻮ ﻷﺻﺤﺎﺑﻮ ؟؟

-ﺍﻱ ﻭﺻﻠﺘﻮ ﻋﺎﻟﺼﺒﺎﺡ ..ﺧﺮﺟﻨﺎ  ﻓﺠﺠﺠﺮ ﺍﻟﻴﻮﻡ ﻭ ﻭﺻﻠﺘﻮ

-ﺍﻣﻤﻤﻢ ﻏﺮﻳﺒﺔ ..( ﺟﺎﺗﻬﺎ ﻏﺮﻳﺒﺔ لحكاية  ﺷﻤﺘﻬﺎ ﻗﺎﺍﺍﺭﺻﺔ)

ﻓﻮﺯﻱ :- ﺷﻨﻴﺔ ﺍﻟﻐﺮﻳﺐ ﻓﻲ ﺍﻟﻤﻮﺿﻮﻉ ﺳﺎﻣﺤﻨﻲ ؟؟؟ ﻣﺎﻭ ﻗﻠﻚ ﻭﺻﻠﻮ ﻷﺻﺤﺎﺑﻮ ﻭ ﻛﻬﻮ ﻗﺺ ﺍﻋﻠﻴﺎ ﻫﺎﻟﻤﻮﺿﻮﻉ ﻫﺬﺍ .. ﻭ ﻣﺮﺓ ﺟﺎﻳﺔ ﺍﺳﺘﻐﻨﻰ ﻋﻠﻰ ﺍﻧﺴﺎﻧﻴﺘﻚ ﻭ ﻣﺎﺗﻌﺎﻭﻥ ﺣﺪ

-ﺷﻤﻌﻨﺎﻫﺎ ؟؟؟؟ ( ﺣﻄﺖ ﺍﻟﻜﺎﺱ 

ﺑﻌﺼﺐ ) ﻳﻌﻨﻲ ﻧﺨﻠﻲ ﺍﻟﺮﺍﺟﻞ

ﺗﺤﺖ ﺍﻟﺸﻤﺲ ﻟﻴﻦ ﻳﻤﻮﺕ ؟؟؟؟ ﻫﻬﻬﻬﻪ ﺍﻗﺴﻢ ﺑﺎﻟﻠﻪ ﻛﻞ ﻣﺮﺓ ﻧﺘﺼﺪﻡ ﻓﻴﻚ ﻳﺎ ﺑﺎﺑﺎ

ﻗﺎﻣﺖ ﻣﻦ ﺑﻼﺻﺘﻬﺎ ﻭ ﻫﻮ ﺻﺎﺡ ﻓﻲ ﻭﺟﻬﺎ 

- ﺍﻗﻌﻌﻌﺪ ﺗﺮﺹ ﻓﻲ ﺑﻼﺻﺘﻚ ﻭﻳﻦ ﻣﺎﺷﻴﺔ ؟؟؟؟

-ﻫﺎﺭﺑﺔ ﻣﻨﻜﻢ ﻭ ﻣﻦ ﺗﺨﻤﺎﻣﻜﻢ  ﻭﻣﻦ ﻋﻴﺸﺘﻜﻢ ..ﺭﺍﺟﻌﺔ ﻝ ﺻﺤﺮﺗﻲ " ﺑﺎﻟﻜﺸﻲ ﻧﻨﺴﻰ ﺍﻟﻠﻲ ﺍﻧﺎ ﺑﻨﺖ ..

ﺑﻦ ﺃﺣﻤﺪ " .. ﺍﻻسم ﺍﻟﻌﺎﻟﻲ ﻭ ﺍﻟﻤﺮﺑﻂ ﺍﻟﺨﺎﻟﻲ

ﻃﻠﻌﺖ ﻟﺒﻴﺘﻬﺎ ﺗﺠﺮﻱ ..ﺧﻠﻄﺖ ﻭﺭﺍﻫﺎ ﺍﻣﻬﺎ

- ﻫﺒﻠﺘﻲ ﻓﻲ ﻣﺨﻚ ﺗﺤﻜﻲ ﻣﻊ  ﺑﻮﻙ ﺍﻛﺎﻙ  ﻣﺎﺗﺤﺸﻤﻴﺶ ﻋﻠﻰ ﺭﻭﺣﻚ ؟؟؟

ﺻﺤﺮﺍء ﺑﻘﺎﺕ ﻣﺎﺷﻴﺔ ﺟﺎﻳﺔ ﺗﺤﺲ ﻓﻲ ﺍﻟﻌﺼﺐ ﻣﺎﻛﻜﻨﻬﺎ 

- ﺍﻣﻲ ﻳﺨﻲ ﻣﺎﻛﺶ ﺣﺎﺳﺔ ﺑﻴﺎ ؟؟؟ ﻳﺨﻲ ﺍﻧﺘﻲ ﻭﻟﻴﺖ ﻛﻴﻔﻬﻢ ؟؟؟ ﻗﻠﻲ ﺍﺳﺘﻐﻨﻰ ﻋﻠﻰ ﺍﻧﺴﺎﻧﻴﺘﻚ .. ﺗﻮ ﻓﻤﺎ ﺑﻮﻭ

ﻳﻘﻮﻝ ﻝ ﺑﻨﺘﻮ ﻫﻜﺎ ؟؟؟

ﺳﻤﻴﺮﺓ :- ﻋﻴﺶ ﺑﻨﺘﻲ ﺍﻟﻐﺎﻟﻴﺔ ﻓﻜﻚ ﻣﻦ ﻫﺎ ﺍﻟﻔﻴﻼ ﻭ ﻣﻦ ﻫﺎ ﺍﻟﻌﻴﺸﺔ ﻭ ﻣﻦ ﺍﻟﺮﻣﻞ ... ﻭ ﻣﻦ ﺍﻟﺼﺤﺮﺍء ﻭ

ﺍﻣﺸﻲ ﻝ ﺗﻮﻧﺲ ﺍﻣﺸﻲ ﻝ ﺩﺍﺭ ﺟﺪﻙ ... ﺻﺪﻗﻴﻨﻲ ﺗﻮ ﺗﺮﺗﺎﺣﻲ.. 

-ﻣﺴﺘﺤﻴﻞ ﻧﺒﻌﺪ ﻋﻠﻰ ﺻﺤﺮﺗﻲ ﻫﻲ ﺍﻟﻨﻔﺲ ﻣﺘﺎﻋﻲ .. ﻭ ﺯﻳﺪ ﻋﻨﺪﻱ ﺭﻭﺍﻳﺔ ﺑﺶ ﻧﻜﺘﺒﻬﺎ .. ﻣﺎﻧﺠﻤﺶ

ﻧﻤﺸﻲ ﺣﺘﻰ ﺑﻼﺻﺔ ... ( ﺻﺤﺮﺍء

ﻗﺮﺑﺖ ﻷﻣﻬﺎ ): ﺍﻣﻲ ﻗﻠﻲ ﻋﻴﺸﻚ ﻳﺨﻲ ﺑﺎﻟﺤﻖ ﻣﺤﺴﻦ ﺧﻮﻳﺎ ﻭﺻﻞ ﻋﻤﻤﻤﺮ ﻷﺻﺤﺎﺑﻮ ﺍﻟﻴﻮﻡ ؟

- ﻳﺎ ﺑﻨﻴﺘﻲ ﺷﺒﻴﻜﻲ ﻭﺣﻠﺘﻲ ﻓﻴﻪ ﻫﺎ ﻋﻤﺮ ﻫﺬﺍ ؟؟؟ ﻭﺻﻠﻮﻩ ﻷﺻﺤﺎﺑﻮ ﻭ.. ﻛﻬﻮﻭﻭ ... ﺭﺗﺤﻨﺎ ﻣﻦ ﻣﻨﻈﺮﻭ

.. ﻗﺼﻲ ﺍﻋﻠﻴﺎ ﻫﺎﻟﻤﻮﺿﻮﻉ

ﺳﻤﻴﺮﺓ ﺧﺮﺟﺖ ﻭ ﺧﻼﺕ ﺻﺤﺮﺍء ﺗﺨﻤﻢ ﻳﻤﻜﻦ ﻣﺶ ﻣﺼﺪﻗﺔ ﺍﻟﻠﻲ.. ﺑﺎﻟﺤﻖ ﻋﻤﺮ ﻭﺻﻠﻮﻩ ﻷﺻﺤﺎﺑﻮ ﺧﺮﺟﺖ ﻣﻦ ﺑﻴﺘﻬﺎ .. ﺗﻤﺸﻲ ﺑﺎﻟﺸﻮﻳﺔ ﻭﺻﻠﺖ ﻟﻠﺒﻴﺖ ﺍﻟﻠﻲ ﻓﻲ

ﺍﺧﺮ ﺍﻟﻜﻠﻮﺍﺭ .. ﻗﺮﺑﺘﻠﻬﺎ .. ﻭ ﺣﻄﺖ ﻳﺪﻫﺎ ﻋﺎﻟﻜﻮﺑﺔ ﺣﺎﻭﻟﺖ ﺗﺤﻠﻬﺎ ﻟﻘﺎﺗﻬﺎ ﻣﺴﺴﺴﻜﺮﺓ ... ﻋﻴﻨﻴﻬﺎ.. ﻭﺳﺎﻋﺖ ..ﻗﻠﺒﻬﺎ ﻫﺰ ﺑﺎﻟﻘﻮﻭﻭﻱ ﺣﺴﺖ ﻟﻨﻔﺲ ﺗﻘﻄﻊ ﺍﻋﻼﻫﺎ "ﻋﺮﻓﺖ ﻭﺍﻟﻠﻪ ﻋﺮﻓﺖ ﺍﻟﻠﻲ ﺍﻟﺤﻜﺎﻳﺔ

.  ﻓﺎﻫﺎ  ﺍﻥ" 

الحلقة 6 "" 

محسن طلع يلقا اختو بجنب " بيت اسرار " العيلة ... تفجع .. مشا جبدها بالقوي من مرفقها ... دخلها لبيتو و دزها بكل قوة تملكتو 

- نوووووورمال في مخك؟؟؟ شبيك تتصرف هكا معايا سي الشباب .؟؟؟ 

- شتعمل بجنب البيت ؟؟ فاااش لاهية تكنبص للا صحراء ؟؟؟ 

- ههههههه ( شدها الضحك ) انا فاش نكنبص؟؟ و لا انتوما ؟؟؟ تسخايلني صدددقت اللي انتوما هبطت اعليكم الانسانية .. و وصلتو عمر لأصحابو ..متأكدة الحكاية فاها إن 

- انتي اشششش مدخلك ؟؟ اش حرق شعيرك ؟؟ تولهي في روحك يا صحراء .. خير ما بابا يكركرك من شعرك و يهزك للعاصمة بالغصب ( كان يحكي و شاددها من شعرها .. دزتو بالقوووي ) 

- نححححي كسرتك ... هههه يا حسرة كيف كنتو تكركروني من شعري ..تو انا كبرت و مسؤولة على روحي ... و مستحيل نخليكم تحبسو راجل في الدار 

خرجت من بتيو تعججججل ..و هو وراها 

- صحراء وين ماااااااااشية ؟؟؟؟ صحراء نحككككككي معاك اغزرلي

طفاتو جملة وحدة مشات للبيت تضرب فاها بساقيها 

- حححححل الباب فيسع حححل قتلك 

- يزززي من هبالك والله بابا يشوملك نهارك 

كانت كيف المهبولة تضرب في الباب بيدها بالقوووووي 

- حححل الباب محسن حححححل ..ماتنرفزنيش ... نورمال في مخك ؟؟؟ تحبس راجل في دارنا ؟؟؟؟ انتي من وقتاش هكا وليت ؟؟؟ بلا احساس و بلا ضممممير شبيك ماتحسش ؟؟؟ 

- ( قربلها يهمس ) السيد اللي ادافع اعليه البارح في ليل كان بش يسرق مستندات ادخل بونا للحبس .. يعني شرف عيلتنا يتلطخ في الحيط اسمع اللي ماتسمعش فوزي بن أحمد بش يشد الحبس ..و انتي للا ادافعلي اعليه ؟؟؟ بأناهو حححق ادافع على ولد عدو بوك ؟؟؟؟؟ ولا ماتقليش اعجبت بيه ؟؟ 

- ههههههه مش مصدقة اقسم بالله مش مصدقة ... تحكي على اختك بالطريقة القذرة هاذي .. مانيش بش نجاوب على تفاهتك و سذاجتتتك و ننصحك حل الباب خيييييييير

جبدها من مرفقها لصقها للحيط 

- يززززي من هبالك و عنادك .. صدقني بابا يشوملك نهارك ... انتي تعرف هبالو ... صدقني يحبسك كيف كل مرة 

- مش قتلك معااااااادش خايفة معااااااااادش ( طاحت في القاعة .. حطت يديها على راسها ) اعلااااااااش يا ربي ؟؟؟ اعلاش طحت في عايلة كيف هاذي ؟؟؟ اعلاااااااش ؟؟؟

محسن حس قلبو وجعو على اختو طبس اعلاها جبدها لحضنو .. بقا يعدي في يدو على شعرها -اشششش يززي يززي كهوووو عيش اختي 

- ابععععدني ( دزتو بالقوي ) قلي شنية ذنبو هو بش تحبسوه ؟؟؟؟ شنية ذننننننننبو ؟؟؟ 

- ذنبوووو خاترو حب يدخل بوك للحبسسس افففهم و نقص من حسك .... نقققص من هبالك ... ( قومها من القاعة وهي تقحرلو ... ) 

- نننننكرهكم نكرهكم الككككككككل ..... 

في نفس الوقت كان عمر في بيت الاسرار .. مكتفينو و مسكرين فمو بش مايتكلمش .. اما سمع كلامها سمع صوتها .. سمع كل شي حكاتو بينها و بين خوها .. حس احساس كبير اللي هي بش تمنعو بين يدين عايلتها ... عايلتها اللي بش دمرو .. بش اضرو .... تفكر ليلة البارح كيف خرج من بيتها .. و اتجه ل بيت اخرى يلقاها مكتب " فوزي " بقا يلوج عالاوراق و المستندات .. اما اللي مايعرفوش اللي هو طاح في فخ " فوزي" و شدو بالجرم المشهود و حبسو في بيت الاسرار ... عقاب ليه و ل عايلتو الكل ... و انتقام من عيلة بن حسين ....

لحظتها صحراء هبطت ل بوها تجججري ... تحس الدجاج الاكحل داير باها تلقاه في الصالة يقرا في جريدة...

- يخخخي نورمال اللي تعملو فيه ؟؟؟ عادي عندك ؟؟؟ حابس راجل ماعندوش حتى ذنب في دار ؟؟ و بكل برودة دم تقرا في جريدة كاينك حتى شي ماك عامل ؟؟؟

نحى الجريدة من يدو مصدوم في كلامها 

- منين اعرفت ؟؟؟؟ شكون قلك ؟؟؟

- انتي تسخايلني بهيمة و راقدة على وذنيا اما انا راني نعرف كل شي يا بابا .... نعرف الاعيبكم الكل

الحلقة 7 ""

جبدها من يدها يكركر فاها ... دخلها لبيتها و سكككر الباب بالمفتاح .. صحراء حست النفس تقطع اعلاها 

- حللللللل ححححل بش تحبسني انا زادة هوني ؟؟؟ هو ولد عدوك و انا شنية ؟؟؟؟؟؟ حححل 

بقات تصيح و تبكي ... حالتها حليلة ..مسحت دموعها بيديها بالقوووي 

- ماتبكيش يا هم ماتبكيش .. اصلا شكون بش يفهمك في عيلة كيف هاذي ... 

هي اكاك و تدخل اعلاها امها 

- يككككب سعدك يكككب كبوبك .... يا صحراء ... قتلك امممشي ل تونس العاصمة و رتحني من همك ..و من مشاكلك 

- بااااااااهي نمممشي للعاصمة والله نمشي .. اما ساقي ساق عممممر ... هو معايا ... 

دخل فوزي يصييييييح 

- شنيييييييية قلت ا للا ؟؟؟؟؟؟؟؟؟ يخي ناوية تجلطني ؟؟؟؟ 

سميرة تبعد فيه بش مايضربهاش 

- يزززي عيشك وسع بالك 

- انتي السبب ..انتي اللي حليتلها عينيها .. الفقصة كبرت ولت تحل في فمها و تتكلم ..... 

- ايجااا اضرررررربني ..امي خليه بضربني ..بش اطيح من عيني ضربة وحدة .... 

فوزي :- سككككر فمممك بلع اكا الفم يخخخخي ماتحشمش على روحك ؟؟؟؟؟ باقي تحححل في جلغتك 

- نحححب نعرف حاجة كهووو .. حاجة وحدة .. اللي حابسو شنية ذنبوووووو في اخطائكم ؟؟؟؟ صحيح هووو ممكن يكون بوه بعثو اما برا حاسب بوه اعلاش تحاسب فيه هو ..و اصلا اعلاش خايف من المستندات اللي بش يهزهم ؟؟؟ ماعندكش الثقة في برائتك ؟؟؟ 

جا شيقربلها سميررررة جبدتو ... 

- عيييييشك عيييييشك امسحها فيااااا ( بقا يغزرلهاا العصب ماكنوووو ) 

- باههههههي باهههي اما انا بش نحاسبها ... و لملها دبشها غدوة عالفجر بش يهزك خوك ل دار جدك بكيفك و لا غصب اعليك .... 

في نفس الوقت .." غفران " وصلت قدام الفيلا متاع دار بن أحمد .. هبطت بكل اناقتها ..سروال اكحل محزوق و شوميز بيضة .. مضهرة مفاتنها .. و معاهم طالون اكحل .. زادها اناقة .. خلي من شعرها القصير الروج .. و ملامح وجها خلاو رجال بن أحمد يبلحقو فاها الكل .. وقف قدامها " صدام " هذا تنجمو تقولو يد اليمين متاع محسن .. 

- اش حاشتك مدام ؟؟؟؟؟؟ انتي شكون ؟؟؟ 

- حاشتي ب فوزي بن أحمد .. 

- حااشتك بيه في شنية ؟؟؟؟؟؟؟ و شكون نقلو ؟؟

- قلو غفران بن حسين .. و حاشتي بيه في امور شخصية 

" صدام " كيف سمع لقب بن حسين وجهو تقلب مشا يجججري حكا مع محسن ..خرجلها .. يدز في صدرو هههه اول ما لمحها .. حل فمو ..بقا يغزرلها و مش مصدق اللي هاذي فرد من عايلة بن حسين ملا زهر عندووو 

- تفففضل ...

نحات لينات الشمس الي لابستها سرح مع لون عينيها البنية .. سحرتو التذبيلة و سحرتو التبسيمة بالرغم صفراء ههه 

- حاشتي ب فوزي بن أحمد 

- انا محسن بن أحمد .. و تفضل اتنجم تحكي 

- انا حاشتي ب فوزي مش ب محسن ... و مانتصورش عايلة محترمة ههه كيفكم تعاملو الضيف بالطريقة هاذي 

- انتي بنت محمد بن حسين ولا شنية تكون منو ؟؟

- اي انا بنتو و انا أخت عمر اللي حابسينو عندكم .... 

- ( حك لحيتو و بقا يضححك ) ههههه و مدامك عارفة اللي احنا حابسينو عنا اش مجيبك لهوني ؟؟ ماكش خايفة على روحك ؟؟؟ 

- خااااااااف على روحك انتي ( قربتلووو تححس في قلبها شيخرج من بلاصتو من العصب اللي مكنها ..غفران شخصيتها عصبية برشا ة ماتنجمش تتحكم في روحها برشا ... ) 

- هدددي اعصابك هددي ... خوك لاباس اعليه ..فرحنا بيه شوية ... خاطرو اتشاغب معانا و انتوما تعرفو اللي الشغب مايمشيش معانا

الحلقة 8 ""

كانت قاعدة قدام فوزي .. تهز فيه و تحطط ... و في قلبها تقول " ربي يهديك يا بابا ملا وحلة وحلتني فاها ... " 

فوزي :- اعلاش بعثك بوك ؟؟؟ اعلاش ماجاش هو ؟؟؟ ولا خايف ؟؟

- ماعندو اعلاش يخاف منك بابا ... انا هي اللي طلبت منو نمشي في بلاصتوو ... من المستحسن نروح و معايا خويا .. 

- هههه خوك اللي كان بش يسرق من بيرو متاعي مستندات مهمة .. و يحشيني في الحبس 

-والله انتي عارف روحك شنية .. عارف روحك بريء ..مالا لواش خايف من شوية مستندات ؟؟؟

- يخي تسخايل بش تجد اعليا اللي خوك كان في رحلة و ضااع ؟؟؟ ههههه بالرغم بوك يعرفني .. يعععفرني مليح مستحيل تجد اعليا حاجة كيف هاذي ولا يمكن تكون خطتكم فاشلة .. و مخططاتكم الفاشلة و حياتكم الفاشلة 

غفران وقفت ... الحقد يتناطر من عينيها 

- مانسمحلكككش ... احنا عيلتنا عرفت نجاحات كبيرة في القطاعات الكل و نتصور انتي شاهد على النجاحات و الانجازات اللي قام بيهم اعزيزي و بابا ... احكي على روحك اللي خايف من كومة اوراق ممكن يدخلوك للحبس في ثانية 

محسن دزها بالقوووي ... جات قاعدة .. باقت تقحرلووو ... 

- اعرررف اش تخرج من فمممك .. اللي ماتعرفوش اللي عايلتي يا للا عندها انجازات تفوق عايلتك بمراحل .. و عارفين شكون خايف من شكون ... و كان جينا خافيين منكم رانا احنا اللي بدينا في اللعبة القذرة ... و الدليل القاطع اللي خوك جاا لهوني بساقيه 

غفران بقات تغلي .. تفرك في يديها و تغزرلهم ... مش عارفة شنية تحكي غير اللي هي تحطت في موقف صعيب و مش عارفة كيفاش تخرج منو ...

فوزي :- نتصور مدموزال لسانها بلعتوووو ... اتنجم تهزها تفرحلي باها ... 

محسن :- حااضر بابا .. الغالي طلب الرخيص 

محسن جبدها من مرفقها بالقوي شعرا لا خلعو 

- شمعناهااااااا يفرررررح بيا ؟؟؟ يخي ماعندكش ضممممير انتي ؟؟ قتلك نحب على خويا .... 

محسن يكركر فاها وراه و هي تصيح و تعيط .. ساقيها تعوجت طاحت على ركايبها ... 

- سيييييييبني يا هم سيبني ... عمري لا تصورت اللي انتوما ناس بلاش رحمة لدرجة هاذي 

محسن وقفها بالقوووي .. مانجمتش تاقف 

- ااااه ساااقي ساقي ... تعوووجت ( تضرب فيه على صدرو .. حملها .. و هي كبشت في رقبتووو.... ) ااااااه ساقي يا ربي ... ااااااه 

دخلها لبيت ..رماها عالفرش .. بنططرة .. بقرف .. 

- تفييييييه اعليكم الكككل حسيبكم ربي ... ان شاء الله تلقاو فعلكم عند ربي 

طبس اعلاها بعدلها شعرها على وجها 

- ارككككح خير ما نعوجلك ساقك الاخرى .. يا بنت بن حسين ارككككح .... ( عدى يديه على خدها و هي دورت وجها ) 

- كللللللللب سيبنييييييي .... والله لا تحشموووووووووهها 

خرج سكر الباب وراه و هي بقات تصييييح 

- حححححل باب ...ححححححل راني موجوعة حرام اعليكم ( نحات الطاللون نطرتو و بقات شاادة ساقهاااا ... دموعها هابطة .. مش مصدقة اللي هي تحبست في دار بن أحمد ... دار اكبر عدو ل عايلتها )

محسن هبط ل بوه ..

- بابا شنية بش نعملو تو ؟؟؟ رانا حابسين اولادو الزوز 

- يستاهل بش مرة جاية يخمم قبل ما يلعب معايا ..

سميرة قربتلو مش مصدقة 

- انااا بش نلم دببببببشي و ماشية ل تونس ... العيشة هوني معادش تتعاش ... ولينا بوشوشة ..حبس مش دار ... 

محسن :- امي اعلاش بش تمشي ؟؟ يخي من وقتاش تحب عيشة تونس ؟؟ 

فوزي بقا ساكت عارف كان بش يحل فمو بش يزيد يفسدها معاها .. تعبت معاه برشا ..ملي عرست بيه و هي من مصيبة ل مصيبة .. سميرة شدتها الغصة وقتها طلعت ل بيت صحراء تبكي .. 

صحراء قربتلها مفجوعة 

- امممي شبيك شنية صاااااار يخي ؟؟ شبيك تبكي ؟؟

- بوووك بش يجلللطني يا صحراء ... مش عارف شكون دعا اعليا بالشر و طيحني بين يدين عايلة كيف هاذي .. في مخهم كان الانتقام و الفلوس و الاراضي لا رحمة و لا شفقة 

- ههههههه ( صحراء قامت تضحك ) يخي تو فقت يا أمي ؟؟ مش انتي اللي ديما تقلي اسكككت يا صحراء ... شيهمك ياا صحراء ... اقرا على روحك كهووو يا صحراااء اما راهو الوضع ما يتسكتش اعليه ... ( قربت لأمها ) أمي يخي عجبك اللي عملوه في الراجل ؟؟ يعني عادي يحبسوه ؟؟؟ 

- ماهوش عاجبني ..و زيد جات اختو و حبسوها زادة هي .. اذاكا اعلاش ناري شعلت يا بنيتي ... لازمنا نمشيو ل تونس بعيد عالمشاكل الكل 

صحراء بقات تخمم تو امها في صفها و اتنجم تعمل اي حاجة على خاطرها ... بقات تكنبص كيفاش بش تقنع امها يهربو عمر و اختو

الحلقة 9 ""

صحراء مشات سكرت الباب فيسع .. و دارت لأمها 

- امي قبل ما نمشيو لتونس لازمنا نهربو عمر و أختو 

- وااه يا بنيتي اش يهمنا فيهم احنننا .. لازم احنا نهربو بجلدنا من هالمشاكل 

- امي راهو مايجيش .. انا نرضاش اللي صاااير ..من بعد احنا نوليو سكتنا على جريمة خططف ... لازمنا نمنعوهم و كهووو توفى الحكاية 

- لا لا اخطططانا يا صحراء انتي ماتعرفش بوووك والله حياتنا تشوم فاش تحكي عيش بنتي اخطانا من مشاكلو و مرجووو 

- شنية بش تخسر انتي يا امي ؟؟؟؟ و شكون قلك بش يشلق بينا .. اسمع كلامي عيششششك ... راو بش نعيشو بتأنيب الضمير ..كيفاش نسكتووو على حاجة كيف هاذي ؟؟ ( شدت يد امها ) عيشك عاااوني امي عيييييشك 

- باااهي باااهي شعندي نعمل ... اما كيفاش يا بنيتي ؟؟

- ( صحراء تبسمت ) خلاها عندي .. انا تا نتصرف 

في نفس الوقت محسن دخل على غفران في يدو شكارة فاها ثلج .. قربلها جبدلها ساقها 

- حيييييت بالشوية يا جببببببببري ..عمرك ما تعاملت مع مرا من قبل ؟؟

- اعلاش ترا في روحك مرا ؟؟ ( كلمتو مستها في قلبها ) المرا بالنسبة ليا كلها انوثة ... في كلامها في حشمتها مش هادة على دار الناس ..تقول عزري ....

كان يحكي و كابس على الشكارة اللي في ساقهاااا .. نطرتلو يدوو و قامت تكوع 

- صحيح انا هديت على داركم على جال عايلتي .. و مايهمنيش انتي تراني شنية مرا ولا حتى راجل ... المهم انا شنية نراك 

قربلها عاللخر

- انتي شنييية تراني ؟؟ يحكي و يغزر ل شفايفها ... ) 

- نراك شيطان في هيئة بشر ..ناس عندكمش لا رحمة و لا شفقة .. تتنفسو فلوس و كهووو .. 

- ظاهر فيك تحكي على عيلتك زادة ... كان نسيت نفكرك اللي انتوما ماعندكم حتى ذرة رحمممة .. 

- ههههههه ماتحكيش على حاجة انتوما ما تشمو منها شي .. الرحمة تخليك تتعدى على راجل بالكرهبة في محاولة قتل و تخليه مقعد حياتو الكل ...

- كانت مجرد غلطة .. جدي ماكانش قاصد يضربو جدك افهمها و استوععععبها .. 

مشات تكوع و قعدت على طرف الفرش 

- جججدك حاول يقتل جدي .. و الناس كل شاهدين اللي هوما كانوا يكرهوا بعضهم ..و جاي تو تقلي جدك ماكانش قاصد ؟؟؟ هههههههه بربي خليني ساكتة خخخييير خناركم خنننار راهوووو 

قعد بجنبها عالفرش و جبدلها ساقها و حطلها بونداج 

- نقص من التفركيح خير .. اعرف اللي انتي مصيرك بين يدينا 

- مصيري يبقا كان عند ربي سبحااانو .... و مش بش ننسا معاملتكم ليا هاذي ... مش بششش ننسى....

خلاها تصيح و خرج .. وقف قدام الباب .. و تبسم 

- ملا مهبولة هاذذذي ... ههه 

في نفس الوقت سميرة تلم في دبشها .. و فوزي واقف قدام باب البيت متعجب 

- يعني مصرة تمشي و تخليني ها سميرة ؟؟

- خليني نمشي نرتح مخي شوية من مرجكم و من مشاكلكم اما عارفة بش نطيح بين كلامات و سلامات السيد الوالد متاعك اما مضظرة نمشي مع بنتي 

- باهي اتو مدة قصيرة و نخلط اعليكم ... 

- بربي خليني ساكتة خير .. مدة قصيرة قتلي ؟؟ زعمة بش اتنجم تفض مشكلتك هاذي في فترة قصيرة ؟؟؟ اعلاش يا فوزززي اعلاش تعمل فينا هكا ؟؟؟ لوقتاش بش ترتحنا من ها المشاكل ؟؟؟

نفخ بالقووي 

- اووووف شبيك سميرة تكبشي برشا ؟؟ يهي نسيتي اش عملو فينا ؟؟؟ نسيتي اللي عشناه من جرتهم ؟؟؟ و انا كل فترة شادد الحبس .. 

- و نسيت اللي هو عانوا منا زادة ؟؟؟؟ 

- شبيكي ها سميرة ؟؟ بش تولي كيف بنتك ؟؟؟؟ اقلب الطنجرة لفمها تطلع البنية لأمها 

- ( حططت يدها على فمها ) هاني بللللعت فمي مشني حاكية شي ها فوززززي اما بش يجي نهار و بش يرجعلك شاهد العقل .. 

- اللي نعرفو اللي مهما يصير بش نرجعلهم الللي عملوه فيا قبل ... و مانيش بش نندم على اي حاجة بش نعملها فيهم ..

الحلقة 10 "" 

من غدوة فجر .. سميرة مشات فيقت بنتها من النوم

- صحرااااء ؟؟؟ عيش بنتي فييييق ..جاء الوقت ... 

صحراء قامت مفجووعة 

- امممي شنية صاااااار ؟؟؟ 

- فيق جاء الوقت عيش بنتي فيييق ... 

صحراء قامت من الفرش ..بقات تعدي في يديها على شعرها 

- جبتلي مفتاح بيت الاسرار ؟؟؟ 

- اي دبرتو ..صايى ... و هاني نومتهم الكككل ..حطيتلهم المنوم في الماكلة ..

- باهي و هزيت الكرهبة للصحراء وين الخيمة ؟؟؟ حطيت فاها الفاليز ؟؟؟ مانسيت شي مش هكا ؟؟

- يا بنيتي بعثت واحد من رجال بوك حطلك كرهبة غادي ... كريتو بالفلوس ان شاء الله يصبش الصبة بينا لبوك ربي يستتتتر و كهوووو ملا عملة عملناها 

- يهمنيش تو اللي يهمني مفتاح بيت الاسرار عنااااااا نمشي نمنع عمر و انتي منع اختو و نتلقاو في الخيمة امممي حاول جيبها وقت انا و عمر نخرجو رانا نجموش نخرجو في نفس الوقت عيشك ايم مشيش تغلط ؟؟

- لا لا نغلللطش هيا برا بدل دبشك فيسع و او المفتاح ( مدتلها مفتاح بيت الاسرار ... مشات بدلت دبشها فيسع .. و جبدت مفتاح البيت و مشات حلت اعليه ..كيف شافها عينيه وساعت ... قربتلو نحاتلووو الحبل المربوط في فمو ) 

- اششششش ماتخافش جيت بش نمنعك منهم ( كانت تحكي بالشوية و تنحيلو في الحبل ... اللي رابطينو بيه .. ) 

- كنت عارف اللي انتي بش تنقذني منهم ( بقات تغزرلو استغربت نبرة صوتو المتبدلة ..) 

- هيا فيسع لازمنا نخرجو قبل ما يفيقو بينا .. امي نومتهم اما باقي خايفة لا يشلقو بينا 

- يخخي شنية صااير ؟؟؟

- اخخخرج تا نفهمك كل شي في الثنية 

- اما ثنية ها بنتي ؟؟؟ وين بش تهزني ؟؟

- للصحراء يا عمر ماشين لقلب الصحراء .. امي حطت الكرهبة غادي بش نحاولو نهربو من الصحراء .. خاطرني حافظتها شبر شبر .. و مستحيل ينجمو يلقاونا ... فيسسسع هيا 

جبدها من يدها و خرجو من دار ... ضو نهار قريب يطلع .. غزرلها مرعوب من فكرة دخولهم للصحراء في وقت كيف هكا 

- صحراء.... ( كبسلها على يدها و هي تبسمت . يمكن وقتها اطمن فيه و اطمن في روحهها .. ) 

- ماتخافش عمممر .. 

- اعلاش تخاطر بروحك ؟؟ اعلاش ؟؟

- بش ضميري ما يأنبنيش .. انا مستحيل نخليك في دارنا ... مستحححيل هيااا ماتخافش راني حافظتها الصحراء بالشبر .. مستحيل نضيعك ... مستحييييييل ... 

دخلو للصحراء ..كان يعجلووو .. و هو شاددها من يدها مش عارف اعلاش خايف اعلاها اكثر ملي خايف على روحو يمكن خاطرها خاطرت و هربتو .. عملت هذا كل بش تحميه .. يمكن تكون جاهلة في نظرو ... اما هي جدعة .. رجججلة .. ساعات الرجولية تكون عند بنات ... هي صحراء .. تعلمت اللي هي تحمي اي انسان في خططر .. اصلا الصحراء علمتها القوة .. الشجاعة و اكثر حاجة الانسانية .. اللي انتي تعاون شخص محتاجلك حتى بقطرة ماء ... 

- يخخخي وين الكرهبة اللي قلت اعلاها ؟؟ 

- قرررريب نوصلو .. بجنب الخيمة حطووها او قررررريب 

هوما كاك و يسمعو في صوت كراهب ..تلفتت تلقا محححسن ... ماصدددقتش ... 

- م...محسن ورانااااااا يا عممممممر فيسع اجججججري فييييييييسع

- كيفاااش مش قلللت اللي امك نومتهم ؟؟؟؟؟ 

- يعننننني امممممي شدوها و اختك ...

- شباهاااااااا اختي ؟؟؟ يخي غفران هوووووني ؟؟؟؟ شبيك ماتقوووووولش 

- فييييييسع لازمنا نفسعو بأي طريقة .. لازم نهرررررربو فيسع .... تو بعد نفسرلك كل شي .... 

شاددها من يدها و يجري معاها في قلب الصحراء ... كان يلهثو الزوووز .. يحس في النفس بش يتقطع اعليه اما هي كانت عاطية الثقة فيه .. يمكن خاطر عارفة اللي هو مستحيل يخلاها وحدها في ظروف كيف هاذي .. مايخليهاش خاطرها حافظة كل تركينة في الصحراء ... و مدام دخل معاها لقلب الصحراء يعني عارف اللي الحرب بش تقووم .. اما في نفس الوقت متهني .. خاتر يعرفها قدها و قدود .. كل مرة ساقها ترخ باها ... جبدها من مرفقها ..يصيح 

- امممشي فييييييسع راهم خالطين ورانا .... اممممشي "صحراء "اززرب روحك 

- عمممر قريب نوصلو للكرهبة راناااا .... ( تشاورلو بيديها ) اهيكككي اهيييييكي فيسع ... ( اعطاتو مفاتح الكرهبة ..و طلعو الزوز .... بقات تتلفت وراها .. ترا في خوها محسن بالكرهبة وراهم ... قلبها تقبض ... ) فيسسسع عمممر خدم الكرهبة خلينا نهربو راهم كان يشدونا مشينا فاها الزوز .... فيييييييسع

الحلقة 11 "" 

عمر شادد الفولون و العصب مااكنو ..الدجاج الاكحل داير بيه 

- يخخخخي اعلاش ماقتليش اللي غفران اختي محبوسة عند العيلة الكريمة متااااااااعك ؟؟؟؟؟؟؟؟؟ 

صحراء :- والله تفاهمت مع امي بش تهرب غفران و انا نهربك انتي والله لا فيبالي اللي محسن بش يفيق والله لا جا لبالي 

- اقسسسسسم بالله لاني بش نعديهالو بوووك هالعملة .. الا ما ندمو على اي حاجة عملها .... كلمممم امممممك تو اسألها على غفران فاش تستنى ..؟؟؟؟؟ 

شدت تاليفون في يدها ترعش بكلها من ساسها لراسها.. .. 

كلمت امها ... هز اعلاها بوها يصيح

- الله الله يا للا ... الله الله ... هاربة بيه يااااا صحححراء؟؟؟؟ تعادي في عيلتك على جال راجل تعرفوش و ولد اكبر اعدائي ... هذاااااا كفوووويا معاك يا صحراء تعادي بووووك ؟؟؟ 

صحراء وقتها شدتها الغغصصصة 

- بابا عيييشك عيشششك ... خلي اخت عمر تجي .. اخطانا من ها لعبة المسسسخة 

- سكككر فمك و عديلي ال**** اللي بجنبك 

اعطات التاليفون ل عمر و شدها البكاء .. اول مرة وتحس روحها ضعيفة يمكن خاطر جات ضد بوها .. هي ديما تجي ضدو في الكلام اما عمرها لا ردت الفعل كيف المرة هاذي ..

فيقها من شرودها عمر يصيييح :

- أقسم بالله تمممس شعرة منها اقسسسم بالله .... وراس اعزيزي اللي ما اغلاش منو .. بنتك معادش تراااا وجهاا...

فوززي:- ماتلععبش بالنااااار يا ولد حسسسين ... انتي تعرف اللي ماكش قدنا ...رجع صحراء .. و خلي حكاية اختك نفضها بين انا و بووووك و مادخلش روحك في حكايات اكببببر منك ... 

عمر:- ههههه تا نشوفو الحكايات اكبر مني ولا لا ..اصلا بابا بش يرجعلك الفازة و كيف ما انتي حابس عندك غفران اختي اعرف اللي بنتك بش نضيفوها عنا هالفترة و انتي تعرف ضيافتنا بالبااااهههي ...

علق اعليه و حل الشباك و رما تاليفون وقتها صحراء مش مصدددقة اللي تسسسمع فيه ..

- فاااااش تحككككي انتي شمعنتها بش تحبسني عندددكم؟؟؟ نسييييت يخي ؟؟؟ انا منعتتتك راني ..

- مايهمممنيش تو اللي يهمني بش نرجع الضربة في عيلتك و خسارة جيييت في العفس انتي ... سامحني ماعنددددي مانعمل.... و من تو نقلك ابقا راكحة خييييير

بقات تضرب فيه على كتفو :

- شنييييية نبقا راكحة خيييييير ؟؟؟؟ فاش تخرف انتي ؟؟؟ وققققققف الكرهبة .. اقققققققف قتتتتتتتتتلك 

( شدلها يدها بالقوي ) 

- يززززي من تفركيح خيرلك .... اررررركح عااد

بقات تقحححرلو ... مش مصدددقة اللي هي اعطات فيه الثقة مش مستوعبة الللي صااار .. نقذتو من يدين عايلتها و هو خطططفها اصلا هو ماعندو وين يمشي باها هي تعرف الصحراء ... 

- انتي ماعندددك وين تووووصل بش تبقا ادووور في الصحراء لين المازوط يوفى من الكرهبة .. 

جبدها من شعرها 

- يخخخخي تسخايلني بهيم ل ها درجججججة ( يعمل هكا و يخرج للطريق الرئيسي ... صحراء بقات مبهمة مش فاهمة شي ) 

- كيفاش اعرفت الطريق ؟؟؟ كيفاااااااااااش ؟؟؟؟ 

- هههه في بيت الاسرار متاعكم بوك مصور في الحيط خريطة الصحراء الكل و انا بقيت ليلة كاملة ..نحاول نحفظها و اكيد بالذاكرة التصويرية متاعي قدرت نحفضها ..

نحاتلو يدووو من شععرها و نطرتها 

- ويييييين بش تهزززني ؟؟؟ شنية بش تعملي ؟؟؟؟؟؟؟ يخي عندكش رحمة ؟؟؟ كلكم كيف بعضكم ..كككككل نسخة مطابقة للأصل نفس الخمج .. نففففس التخمام المقرف ... عايشين على جال الفلوس .. و الحكايات الفاارغة كهووووو 

- محسووووب انتي ماتحبش الفلوس ؟؟؟ انتي منين عايشة ؟؟؟ من النية الطيبة تاكل و تشرررررب ؟؟؟؟ اصلا انتي ببهامتك تنقذ في عدو بوك اللي داخل ل داركم بش يحشي بوك في لحبس الجهل مصيبة 

- كهوووووو اسككككت بلع فممممك مانحبش نسمع صووووووتك ( حطت يدها على وذنيها ..سكككرت عينيها .. تحبش لا تراه لا تسمعوووو .... )

الحلقة 12 "" 

في نفس الوقت كانت غفران تصيح 

- حلوووو الباب يا كلااااااااااب حسيبكم ربي .... ان شاء الله تلقاوه في صحتكم

دخل اعلاها محسن 

- يخخي ماكش ناوية تبلعو اكا الفم ؟؟ 

- خوويا وييييين ؟؟ نعرف اللي هو مشا .. شبيه ماهزنيش ؟؟؟ يخي شنية الحكاية ؟؟؟ اعلاش تتصرفو هكاااااااا ؟؟؟ ماو ما سرق شي .. خليوني نمشي 

كانت تحكي بيديها و بزربة .. استغرب حالتها الضعيفة ... قربتلووو عينيها مليانة خووف ..حقد ..كره 

- اسمعني والله والله لاني بش ننسى اللي خليتوني نعيشوووو ... 

- باهي اسكككت و شبيك ماكليتش ؟؟؟ يخي تحب تموت بالجوع ؟؟ 

- نموت بالجوع و ماناكلش ماكلتكم ...الله اعلم شنية حاطينلي في الماكلة ... 

- ههههه تخافش احنا ماعناش مشكلة معاك عنا مشكلة مع بوك ... 

- مدام عندكم مشكلة مع بابا يعني مع عايلتي يعني معاااااياا .. زايد تخبي عين الشمس بالغرباااال ... و توووو خليني نمممممشي عيشك احكي مع بوووك

- كلمة بابا يعني كلمتي انا ... ننصحك ابقا راكحة و زايد اللي تعمممل فيه تجلط في روحك زاااااايد .. و ننصحك كول زادة خاطر ظاهر فيك بش تبقا معانا مدة 

شدتلو يدو 

- باااهي نحب ندوووش .. نحب نبدل دبشي شنننعمل ؟؟؟ مش مصدقة اللي انا عديت نهار بنفس الحوايج 

- هههه تهنى اكاك .. ( خرج و رجع يكركر في فاليز ) هاذي فاها حوايج و او عندك دووش في البيت عندك كل شي ...

- نحب حوايجي مانلبسش شوالق راني متاع ناس اخرين 

- ( حكك لحيتو يتبسم ) قتلتني بالتواضع متااااااعك بصراحة .. الدددبش جديد عاد انتي ضيفتنا نحبو نفرحو بيك 

غفران حلت الفاليز تلقاها كل دبش اولاد .. دبش سبور و كاكات و صبادريات ... 

- شنييييييية هذا ؟؟؟؟ يخي ترا فيا طفل قدامك ؟؟ جايبلي دبش سبوووور ؟؟

- اي نرا فيك طططفل .. مانيش نرا فيك طططفلة 

غمزها و خرج خلاها تصيح

- قدددددداكش ساااااااقط ..مغروووووووور ..ترا فيا طططفل انا ططططفلة ططفلة راني مرا ... ( شدت الدبش في يدها و مش مصدقة العملة اللي عملها فاها ... اعلاش ديما يحاول يستفزها ... قعدت عالفرش تغززل ..تحكي مع روحها ) الحيووووان هذا يسخايلني بش نغزززل اوووف اصلا انا تو الغززووول يهز فيا و ينفض والله الا ما نرجعهالوووو الخرا هذذذذا ..

في نفس اللحظة .. كانت صحراء في الكرهبة راقدة .. و عمر يسوق ..تعب .. الثنية طويلة برشا ..

شد فران .. مسكينة قامت مفجوعة ..

- شفمااااا شنية صاااااار ؟؟

- عندك فلوس ؟؟؟ لازمنا نصبو مازوط لها الخردة متاعك 

- يااحسرة اعليييييييك .. عالفازة مانيش بش نعطيك حتى فرررنك برااا زممممر .... ملي ريت منضرك و انا من مصيبة ل مصيبة ..عتببببببة هذا 

-بااهي مالاااااااا شووف العتبة شنية بش يعملك ( خرج م الكرهبة و دارلها .. حل الباب و جبدها من مرفقها بالقوي .. و خلاها كاك في الخلاء و القفار و فسع بالكرهبة ) 

- هاااااااااااي ..( تججري وراه ... حتى من محسن خوها ضيعهم يعني هي و الشمس و الارض القاحلة فقط هههه موقف لا يحسد عليه .. ) ستتتتتتتتتنى يا ههمممممم .. تخلينيش وحدددي هوننننني 

كاحت في القاعة .. ساقها تجرحت كل شدتهااا ..

- آآآآآآه حييييت ...حسيبك ربي ياا عمممممر ... 

كيف شافها طاحت رجعلها .. هبط و وقف قدامها .. شيعت يدها حطتها على جبينها بش تنجم تشوفو ..اصلا الشمس تنقب الراس ..

- هات الفلوس ..ولا نخليك هوني .. تحت الشمس تموت بالجوع و العططططش و تضربك الشمس ... ( طبس اعلاها و تبسم ) هاات عاد 

جبدت من جيبها الفلوس و اعطاتهملو بنطططرة 

- شددددد وسخ الدنيا اصلا كيفك ميفهم وووسخ 

وقفت تعكل بساقها موجوعة عاللخر جات شطيح لقفها دور يديه على حزامها و جبدها ليه 

- تا نهزك للفارمسي ..في ثنيتنا ..تحسو جرح تاع غرزة ولا اثنين 

- خلاها محلولة اكاك مستانسة ..( دزتووو ) معادش تحطط كسرتك اعليا خييييييرلك ..

الحلقة 13 ""

وصلو للدار .. هبطها من يدها يكركر فاها .. عرضو بوووه يصييييييح 

- وييييييييين اختك يا عممممر ؟؟؟ وين غفراااااااان ؟؟؟؟؟ 

حتى امو خرجت تصييييييح 

- الله يهلكم .. الله لا تربحكم .. وييييييييييين بنتي ؟؟؟؟ وين بنتي يا عممممر انطططق قلي وين غفران 

- بقات في دار بن أحمد .. و انا جبت بنتهم ( دزها جات طاايحة عالعتبة تاع الفيلا ... شعرها طايح على وجها بقات تلهث بكلها ) 

صحراء :- الله يلعنكم واحد واحد ... الله لا تخلصلكم وحللللة ... 

محمد :- اعلااااااااش جايبها ؟؟؟ قتلك انا مانحبش نرا حتى نفر منهم راني نكره ريحتهم اعلاش يا عمممر ؟؟

امو نزيهة مشات قومت صحراء من القاعة .. صحراء بقات تغزرلها مستغربة معاملتها لها حستها حنينة عكس بوه اللي ماتحركت منو حتى شعرة .. شنية ها العيلة اللي طاحت فاها ؟؟ 

محمد :- يخخخي مش قلللللت اللي انتي ضد هالانتقام 

عمر :- صححححيح صحححيح كنت ضد الانتقام اما كان ترا معاملتهم لينا ... العيلة هاكي بالذات تستحق الكره و الانتقام و الححححقد.... و كاينهم مش ناويين يرجعو غفران الا ماتمشي انتي بساقيييييك تجيبها ... و الله اعلم اش بش يعملولك غادي 

صحراء :- يخخخخي انتي شبيك تحكي على عايلتي بطريقة هاذذذذي ؟؟؟ ( قربلها .. جات عينو في عينها ... نااار شاعلة بيناتهم ... مش مجرد كره لعاليتها و لا كرها لعايلتو .. الحكاية اكبر من هكا ببرشا .. ) 

عمر همسلها بالشوية .. بصوت خلى قلبها يدق دقة زايدة .. دقة نفرتها ماصدقتهاش .. :

- مرحبا بيك في عيلى بن حسين العيلة اللي بش تعيشك في جحييييييم ... 

دزتو و مشات تجري ناحية الباب .. خلط اعلاها جبدها من كرشها حملها بيد وحدة .. دخلها لبيتو ... و دخل معاها و سكر باب وراه .. 

- عممممر حل ..عممممممر حل الباب( ادز فيه و هو كيف العرصة قدامها .. ) اعلاش تتصرف هكااااا ؟؟ هاك سمعت بوك قلك اعلاش جبتني ؟؟؟ يخخخي انتي ماتراش بيه .. راني منعتك من عايلتي ..يعين جيت ضد بابا بش ننقذك و انتي بكل وقاحة تحبسني ؟؟؟؟ بصراحة ندمت كان خليتك محبوس عندهم خير اش مدخلني انا فيييييييك 

بقا يقربلها .. لين طاحت عالفرش .. مش مصدقة اللي هو لاهي يفوت في الحدوود معاها .. 

- شنية تححححب مني ؟؟؟ اخخخخخرج قتتتتتتلك اخرج 

- في بالك اللي هاذي بيتي ندخللها وقت ما نحب .. ( جا بش يقربلها جبدت شقف تاع شراب فارغة جات شتضربو باها ... شدلها يدها بالقووووي و جبدها وقفها شعرا لا طاااحت ... ) 

"جبدها من حزامها بلهفة ... عينيه تكدح نااار .. كان مصمم اللي هو يأثر فاها بأي طريقة .. مصمم يخلاها تترجاه و تقلو سيبني .. يحبها تتوجع ..يحبها تبكي .. يحب يسيطر على حواسها و انوثتها بش تخضعلووو ... اما صحراء أقوى من مجرد بكاء و دموع و خنانة .. صحراء ماتتأثرش ..حط وجهووو على خدها و هي دورتو .. متقززة من قربو 

- آآه مالا تحاول تهرب ؟؟؟ كنت تحاول تضربني ب شقف ؟؟ ههههههه تسخايل روحك بش تنجمني ؟؟؟ 

- ممكن تبعد كسرتك اعليا ( غزرتلو في عينيه غزرة كلها حقققد ..) كرهي ليك ماشي و يقوى يا عمممر ... ننصحك تلعبش معايا 

- شنية للا صحراء ؟؟ تسخايل روحك بش اتنجم عمر بن حسين ؟؟؟ ههههه تسخايل دخول الحمام كيف خروجو ؟؟ مدامك دخلت للفيلا هاذي اعرف اللي انتي مش بالساهل تخرج منها حتى لين يجي بوك يركع قدام باب الفيلا متاعنا..و يطلب السماح ..و كان لزززم تخرج من ها الفيلا بالدم ... عيلتك هي سبب اللي صاار ل جدددي.. سبب دمار عيلتنا ...

- انا ماجيتش للفيلا بساقيا و برضااااايااااااا ( تحكي و تصيح ) انتي كركرتني بالصيف اعلياااا ... و تحكي عالدم ؟؟؟؟ هههه قداكش شخص رجعععي .. يخي مش قلت اللي انتي مثقف .. ؟؟؟ 

- صحيح اما ملي ريت بوك معاملتو ليا انا و اختي اقتنعت اللي انتوما تفهمو كان بالقوة و الانتقاام 

- انتقم مالا.. تلقاني ليك بالمرصاااااااد ..صحيح انا محبوسة هوني ..اما صدقني مانعيفك في حياتك .. مانعيفكم في حياتكم .. ( بقات تغزرلو بكل تحدي ) انتي ماتعرش مع شكون طحت انا بابا مانجمنيش خلي انتي .. راني الصحراء ... تخليك تجوع و تعطش و شمسها تنقب الرااااس ... و تتوقع في الصحراء اللي انتي بش تشرب من ماء متاعها ...و ترويلك عطشك اما تلقاه سراب و انا و السراب متشابهين ... رد بالك ..رد بالك مني راني رمالي بلاعة تبلعك بكلك رد بالك

الحلقة 14 "" 

بعد اعلاها .. و هو مركز مع تفاصيل وجهااا ... عمرو لا شاف مرا في القوة هاذي ... اما عارف اللي هو مأثر فاها م رجفة شفايفها .. و رعشة بدنها كيف يقربلها .. و هاذي نقطة قوة بالنسبة ليه .. 

- كلامك الكل في مهب الريح يا صحراء .. كيفك كيف الصحراء .. بالححق تتشابهو .. قاحلة .. حزينة ... مليانة غبرة .. و غدارة ... و اللي يدخللها بش يعيش حياتو في وهم ..كيف السراب بالضبط و تهنى .. انا لاتغريني صحراء و لا بحر .. في ليلة حفظتها صحرتك شبر شبر ... 

- انتي حفظتها ..قريتها بسطحية .. الصحراء لاها ناسها .. و ماليها يا ولد بن حسين انتي تولدت شامم ريحة دخان الكراهب .. و ريحة المنتنة و دخان المصانع اللي يخنق .. اذاكا اعلاش مخك سطحي ... ننصحك ماتتكلمش في حاجة تفهمش فاهااااا 

قحرلها قحرة بعينيه خلاتها اطبس راسها و تعطيه بظهرها 

- اخخخخرججج و لا هزني لبيت اخرى ... اصلا ريحتك و عيشتك و بيتك و بكلك مقززين .. ( تلفتتلو .. مايعرفش اعلاش كلامها وجعو ... يخي من وقتاش عمر بن حسين يتأثر من كلام طفلة ؟؟ ) 

جبدها من مرفقها و خرجها معاه يكركر فاها ..دخلها لبيت .. و سكر اعلاها .. بقات تغزر .. يمين و يسار ..بيت ظلمة شوية .. فارغة ..مافاها حتى شي .. بقات اددق في الباب 

- ححححل الباب .. عممممممممر حححححل 

عمر خرج ل بوه 

- اسمممعني كلموووو فوزي قلوووو ماتشوف بنتك الا ما تجيب غفران و تجي تركع هوني .. نحب نراه يترجى فينا بش يرا بنتو 

- كلمتووووووو و قال منكم لاها ... مدامها باعتو معادش حاشتو باها ... 

عمر تصدم من كلام بوه 

- كيفاااااش ؟؟ يخي فما بو يعمل هكا في بنتو ؟؟؟ بالححححق ها راجل ماعندوش لا دين و لا ملة

نزيهة : رججججع الططفلة ل بوووها عيش ولدددددي ... هاك سمعت الراجل متبري منها زادة و لا خلاها تمشي ل جدددها يخي مش عندهم دار هوني ؟؟ هزها و اخطانا من حسها .. اعلاش تجيبو في وجيعة الراس ؟؟؟ لاش يا ولدي ؟؟؟ 

-و كيف يسمع اللي بنتو شرفها بش يضيع منها زعمة شنية بش يكون موقفو ؟؟ 

قربتلو امو شدتو من خناقوو 

- شنيييييييية قلت يا روح اممممك ؟؟؟؟ يخي تحب بنتي تضييييييع مني ؟؟؟؟ كيف تقلهم اللي بنتهم شرفها ضاع .. اش بش يعملو ل بنتي ؟؟؟ نسيت اللي غفران عندهم ؟؟؟؟ 

- اوووووف مالا شنية الححححل ؟؟؟ مستحيل نخليهم ينفذو بعملتهم ... 

محمد : اتو نمشيلو اش عننندي نعمل و انتي وصل بنتهم ل دار جدها و اخطانا بربي

- مستحيل مستتتتتتتحيل ..نخليك تمشي ... هوما هدفهم يكسرو كرامتنا و بصراحة انا من تو عدوهم و الا مانعيفهم في حياتهم و غفران تا نعرف كيفاش نجيبها .. نعرف كيفاش..

في نفس الوقت كانت سميرة تبكي على سعدها و سعد بنتها الراقد 

- ياااا ناري اعليك يا بنتي يا ناري اعليك طحتي بعيلة بن حسين .. اش بش يصير فيك يا روح امك 

فوزي : اسكككت اعليا انتي خلاها تتعفن غادي ..خلاها معاهم بش تعرف قيمتنا .. بش تعرف قيمتي ... و تعرف اللي يخالف اوامر والديه ماعندوش ربح في ها الدنيا 

- اسكككت اعليا انتي ..بنتك راهي بنتك .. برا جيبها .. اعلاش تقلهم معادش حاشتك باها ؟؟؟؟ ( قربتلو تصيح ) بنتي بش تضيع مني من جرت تخمامك ... اعلاش تحب تحرقلي كبدتي اعلاها ؟؟ اعلاااااش يا فوزي ؟؟ 

- تستاهل بش مرة جاية ماتخالفش كلاااااامي ... و تمشي تعمل مصايب من ورايا .... 

خرج للصالة يلقا محسن 

- اسمعني محسن هززز بنت بن حسين .. للفيلا في الساحل ... عارفة بش يحاولو يرجعوها باي طريقة 

- و اختي يا بابا ؟؟؟ 

- اش يهمممكك في جد والديها خلاها غاااادي .بش تتربى 

- بااهي بابا..وقتاش نهز غفران ؟؟؟ 

- تووووو حالااااااااااا ... فاش تستنى ؟؟؟ عارفة بش يتحركو بش يحاولو يعملو حكاية بسرقة اما نحن لهم بالمرصااد

                         

الحلقة 15 "" 

في فيلا تاع بن حسين "" 

كان ماشي جاي في البيرو تاع بوه ..

- شنية الححححل بابا ؟؟؟ 

- انا قتلك الحححل ..هزها لدار جدها و فكنا من وجيعة الراس ... اتو نتصرف معاه انا فوزي بن أحمد 

- لاااااا ... بش نكلمو و نهددو ... صحيح هو قال معادش يهمو في بنتو اما نتصور مزال يهمو في شرفو و في كلام الناس .. 

محمد : تعرف كيفاش .. اعمل اللي يضهرلك ... 

عمر تبسم على جنب تو بش يعمممل اللي في مخو ... خرج من بيرو بوه و مشالها ... حل الباب يلقاها قاعدة في القاعة و ضامة يديها لبعضهم .. مشا جبدها من مرفقها و قومها مسكينة تفجججعت 

- وين بش تهزززني ؟؟ انننطططططق يا همممم ( يكركر فاها ..و هي مسلمة .. مش حابة تفارعو ..يمكن صحراء اقتنعت اللي مهما عملت راهو شيعمل اللي في مخو .. دخلها لبيتو ... ) 

- شووووف .. انا بش نكلم بوووك توووو و نقلو اللي انا بش نغتصبك ... ( تبسم على جنب ..) 

- و انتي بش تغتصبني ؟؟؟ ( بقات تهز فيه و تحط بكل حقارة ... ) 

- بش نفشخك ب طريحة ... بش نضربك .. بش نقطعلك دبشك و نصورك .. اما مش بش نمسك 

شدتها الغصة .. هبطت راسها ..و غمضت عينيها 

- مش مصدددقة ... مش مصدقة اللي فما كلاب كيفك في الدنيا ( شيعت عينيها كلها حقد ) تحب تضربني ؟؟ و تفشخني اما من غير ما تمسني ؟؟؟ يعني انتي بش تعتدي اعليا ... جسديا تتسمى 

- بش يضههههر .. بش يضهر اللي انا اعتديت اعليك اما ضربتك كهووو 

- مستحيل نخليك تحححط كسرتك اعليا ... مستحيل ... 

- تا نجيب من رجالي يضربوك .... انا قتلك بش تعرف انتي على شنية قادمة 

- ( شدها كريز تاع ضحك ) هههههه قداشني بهلولة اقسم بالله .. فيبالي نعاون فيك يخي طلعت ارذل و اسقط منهم ... وين بش تضربني ؟؟؟ بش تعطيني ككككف ( ضرررربت روحها بكف قووووي .. ) بش تقطططعلي شعععععري ؟؟؟؟ (' بقات تشد في شعرها بالقووووي و هو مصدوم فاها .. شدلها يدها و هي نطرتها .. ) 

- يززززي .باهههههي تا نتصرف من غير ضرررب باااااهي يزززي ( مشا فيبالو ينجم يضربها اما مانجمممش ..قلبو وجعو حس حكاية اخرى .. نطرتلو يديو و مشات جبدت الشقف اللي كانت بش تضربو بيه ) 

- بش تضربني بهذا ؟؟؟؟ 

- نححححيه من يدك صحراء كهووووو انا الغالط ماكارنيش قلت اكاك 

- شنية رجعلك شاهد العقل ؟؟ و لا انسانيتك سيطرت اعليك تو ؟؟؟؟ مش بش تضربني بيه ( ضربت بيه راسها بالقووووي ... و طاحت في القاعة . القزاو مطيش ملطوخ في القاعة مع دمها و راسها محلوووول ..مشا يجريلها طاح على ركايبو شطر القزاز جرحو اما ما حسش ... نار في قلبو شاااعلة تكوووووي .. ) 

- كهوووووو كهوووووو اعلاش ؟؟؟ قتلك تا نتصرف حاجة اخرى 

تغزرلو دايخة و هو شادلها راسها .. جبدت تاليفون من عندو و دزتوووو ..و هو مبهم فاها .. صورت روحها و بعثت لبوها و نطرتلو التاليفون في حجرو 

- تففففضل .... هاني بعثتها ل بابا وو بعثت ميساج ... الي انتي اعتديت اعليا رتتتحت ( كانت تحكي بصوت مبحوح ... شدت راسها بالقووووي و هو قام جبدها من اكتافها ..) 

- مهبوووولة والله راك مهبولة .... ( يحس قلبو بش يخخخرج من بلاصتو عمرو لا تصور اللي هي في القوة هاكي ) 

- نموت و مانخليكش تمسني .. 

- باهي اسكككت خليني نجيب طبيب راسك حليتو يا هممم ... ( كلم طبيب العايلة جااا .. غرزلها راسها ... هي اكاك و شدت ساقها ... عمممر ضرب راسو نسا اللي ساقها محلولة ... يخي لها درجة قوية تتوجعش ها طفلة ؟؟ الطبيب شهههق ) 

- اعلاش ساااقك اكاك .. قريب تعفننن .... 

- متانسة دكتور عااادي ... ( بقات تحكي و تقحر ل عممممر )

الحلقة 16 "" 

فوزي يغزر لتصويرة و مش مصدق اللي صار في بنتو عينيه دمعت و قلبو وجعووو ..كلم محمد عالبلاصة 

- شعمممملت ل بنتي يا ***** 

- شبي *** ... بنتك هي اللي ضربت روحها وحدها تبداش ترفس بالكلام ... 

- كيفاش بربي كيفااااش هي اللي ضربت روحها ؟؟؟ اقسم بالله الا مانخليك تندم يا محمد .. الا ما نخليك تكره النهار اللي حطيت راسك من راسي ... تا نوريك 

- توو*** فيه ... ما عندك ما ديرلي .. اعرف اللي انا اللي بديت قبل يا فوزي .. و تو جا نهار اللي بش نخلص ثاري فيك ثاني و مثلث الا ما نخليك تجري عريان في شارع .. مضبع ..و الايام بيننا 

- مدام بنتك عندي صدددقني الا ما نكون كيف الشوكة في حلقك يا **** و قد اعذر من انذر ..الا ما نمحي لقب بن حسين من الوجود 

علق اعليه و كلم ولدو محسن 

- اسمعني ا طططفل .. اختك اعتدى اعلاها اكاا الطحان ولد بن حسين ... 

( محسن كان يسوق في كرهبة ماشي للفيلا تاع ساحل و بجنبو غفران .. تغزر للشباك في عالم اخر ) شنية قلت بابا ؟؟؟؟؟ تحكي بالرسمي 

- اتا نبعثلك التصويرة .. اختك راسها محلول ..نحببببببك تنحيلها دبشها و تصورها و تبعثها للطحان خوها الا ما نعيفهم في حياتهم 

- بااب مستحيل نجممممش ...

- يخي قتلك اقربلها انا ؟؟؟ اعمممل اللي قتلك اعليه .... و ماتخالفش امممري راهم فشخو اختك بطريحة ....

- باهي بابا باااااااهي .... 

علقا اعليه و بقا مسوهم .. كيفاش بش يعمل عملة كيف هاذي ؟؟ هو اكاك و توصل تصويرة اختو .. ضرب الفولون 

- كلااااااااااب ... 

صاح بالقوي .. غفران دارتلو مصدومة 

- شبيييييييك ؟؟؟ 

- خوك الطحاااااااان ضرب اختي تفرج شوووف ( رمالها التالفيون تصدمت )

- مستححححححيل مستحيل خويا ما يقتلش ذبانة راهو ... شبيك يخخخخي ؟

- مايقتلش ذبانة ( يعاير فاها ) كااان نشدوووو بين يديا الا ما نقتلوووووووو .. مسكينة اختي شنية ذنبها في الهم اللي احنا فيييييييييه شنية ذنبي انا زادة ؟؟ شنية ذنبي بش نستحمممملك 

- ههههه ( ضحكت بإستهزاء ) اصلا انا هي شنية ذنبي بش نسحملك و نستحمل عايلتك .. وقتاش نتخلص منكم و من همكم و حححل فمك قلي وين بش تهزززني ؟؟؟ 

- سكككككر فمممممممك .... 

وصلو للفيلا في الساحل دخلها بمطططرة و هي بقات تغزرلو مش فاهمة هو اعلاش جايبها هوننني .. خطوت خطوة بعيدة اعليه و تلفتتلو 

- يخخخي اعلاش جايبني لهوني ؟؟؟ 

- بش نعديو ويك اند هوني -_- ... مش لازم تبقا تسأل في برشا اسئلة ... ابقاااا ترررص ( قربلها و قعدها في الصالة ...عالكنابي بقات تغزر قداش الديكور يفتق .. كل شي يوحي بالبحر .. و ا كللشمس .. الوان مشرقة ... ) 

- صحيح ههه كل شي مشرق في ها الفيلا و عالبحر زادة اما بش تبقا جحيم بالنسبة ليا .. بالأخص وجودك انتي هوني 

قربله و قعد مقابلها عالطاولة ..كان ساقيه يضربو في ساقيها ..مش منجمة حتى تبعد 

- انا بش نبقا معاك هوني .. الجحيم الحقيقي مازلت ماريتوش ... 

- ممكن تبعد شوية .. -_-

الحلقة 17 "" 

مشا للكوجينة ..جبد حبل .. و رجعلها كيف شافت الحبل بقات حالة فمها 

- شنية بش تعمممل يخي ؟؟؟ 

حط ساقو عالكنابي و جبدلها يديها بكل قوة .. ربطهم و ربط ساقيها و هي تفااارع فيييييييه ... 

- شنية بش تعممممل ؟؟؟ ( شدلها شعرها فرعسووووو ... ) 

- سككككر فمك .... ماتتكلم حتى كلمة 

جبدلها المريول بنططططرة ... تحس في قلبها شيخخخرج 

- شبببببببش تعممممممممل ؟؟؟؟؟ حرام اعلييييييك ... ( تخضضض في روحها و هو ضربها بككككف ..بقات مصدومة ) الله لا تربححححك ... يا كلب يا ساااقط 

بقات في سوتيان و هو مدووور وجهو حالتها حليلة .. و هو مش منجم يغزرلها ... قلبو واجعووو ... باقت تبككككي و تشهق 

- حرااااام اعليك سيبني ... بربي سيبببببببببني 

- تس اسكككككككت مانيش بش نمسكككك ( دزها و حط شفايفو على رقبتها حست بناار انفاسو .. باسها بووووسة طووويلة .. عضها و هي تشهههههق ) 

- ااااااااه ... خراااااااااا ابعدددددددددني يا **** ابعددددددددددني ( تبكي دخلت في هستيريا .. بعد اعلاها .. دور وجهو و صورها .. بتاليفون .. و بعث التصويرة لبوه ... بعد لبسها توب الاكحل و نحالها الحبل .. بقات تضرب فيه بيديها و ساقيها ) سااااااااااقطططط واطي عمر يلا تصورتك تعمل هكاااااااااا ..مش مصددددددقة اللي انتي خامج .... 

خرجت تجري في جردة و مش مصدقة اللي عملو فاها مش مصددددقة اللي هو وصل نحالها دبشها .... و تعدا الحددود متاعو .. تعداه بلا رحمة و لا شفقة .. صحيح ما مسهاش.. اما صورها ... و هي لا حول و لا قوة ليها ... كتفها و صورها .. 

خلط وراها جبدها ليه .. من حزامها بالقوي

-غفران غفففففران ... ستنى ستننننننى بربي ( كانت يحكي و غارس وجهووو في شعرها) والله بابا ... مش مني هو قلي اعمل هكا يخي ماريتش خوك اش عمل في اختي ؟؟؟ سااااامحني بربي ساااامحني ..

- سييييبني سيييييبني ( كانت لابسة وقتها سروال سبور و توب في الاكحل ... غطاها ب الفاست متاعو و يمشي فاها معاه ... قلبو وجعو اعلاها اعن الساعة اللي وافق بوه يعمل هالعملة بالرغم ماقربلهاش اما هو تعدا على كرامتها .. و جرح انوثتها .. ) 

- (كانت تبكي و تشهههق بالقوووي) حسيبكككك ربي .. الله لا تربحك ... نككككرهك راني نكرهك ... حرااااام اعليك ... والله حرررام 

دخلها للبيت و هي تضرب فيه ... يمكن وقتها وجهو تخبش .. و الكفوف اللي كلاهم من عندها وراء بعضوووو و هو كابس اعلاها ... استحمممل .. خاطر يعرف روحو غالط مشا جاب بوماد و بقا يداويلها في رقبتها 

- حتى حدددد ما وصل باسني من رقبتي كيفاااااااااش تتجرأ تفوت حدودك معايا كيفااااااااااش ؟؟؟؟؟ حسيبك ربي .... الله لا تربحكم الككككل شنية ذنبي انا شنية ذنبي بش تعمل هكا ؟؟؟؟؟؟؟

- يززي كهوووو يززي ماتخلينيش نقتل روحي قدامك بش ترتاح ... كهووووواسكت 

- مانيش بش نسكت اقسم بالله ما نخليك تتفكر اللي اعملتو فيا و تحس بتأنيب الضمير لأخر نهار في حياتك كيفاش تعمل في طططفلة هكااا ؟؟؟؟؟؟ لا و زيد تصووورني ؟؟ نرمال في مخخك ؟؟؟ نووووووورمال ؟؟؟ 

ماعرفش كيفاش جبدها ل حضنوووو كان الجرح وهو الدواء .. خنست عندووو في صدرووو و هو معنقها بكل قوة تملكتو عينيه وقتها دمممعت و حس بالنااار في قلبو ..مش عارف اعلاش حاسس هكا ؟؟ يخي من وقتاش محسن يحس بتأنيب الضمير ؟؟؟ 

- اششششش كهووو هدددي روحك كهووو بربي .. اسككككت حممتلي قلبي 

بعدت اعليه دزتووو 

- اخرجججج خليني وحدددي ( نحات الفاست متاعو رماتها في وجهووو و مسحت اللبوماد في اللي في رقبتها ) معادش تقربلي معادش نحب نشوفك .. معادش تججججي معادش نحب نسمع صووتك و لا نشم ريحة البارفان المعفنة متاعك اخرررررررررج

لحلقة 18"" 

قاعدة بجنبها عالفرش تغزر لحالتها راسها المعصب .. و شعرها منتش من لوطة ..دموع في رموشها .. كحل سايل ..حالة حليلة ... 

نزيهة : اعلاش يا بنيتي اعلاش اعملت في روحك هكا؟.؟ 

_ اولا مانيش بنتك انا نكرهكم كل عيلة كاملة.. ثانيا.. ولدك مريض .. يحب يفشخني قال ... نموت و مانخليوش يمس شعرة مني راني صحراء بنت الصحرى . ..بن بن احمممد راني ...حد ما يمس شعرة مني تفهم فياااااا؟؟

_ وسع بالك عيييش بنتي ...

_ قتتتتلك مانيش بنتك بااااش تفهههم... رجعوني للمخزن مانحبش نبقا في بيت الخامج ولدك ريحة مقززة اصلا كل شي اكحل في ها البيت كيف قلبو المسوووود ... 

هي اكاك تصيح و يدخل عمر ..امو وقفت

_شي يا وليدي ماحبتش تفطر ... 

امو خرجت و هو قعد بجنبها بعدت شوية 

_ اششش تحب مني؟؟؟ 

_ اعلاش ماتحبش تفطر صحراء؟؟؟ اعلااااش؟؟

_ مانحطش في فمي ماكلتكم ... و اخرج اعليااااا خيرلك .. 

_ اعلاش ضربت روحك؟؟؟

_ (بقات تهز فيه و تحط .. ) اعلاش تحبني نخليك تضرررربني؟؟؟؟؟ 

_ انا نحكي و برا يمكن حبيت نستفزك..مستحيل نجم نضربك ... 

_ جرب سعدك حط كسرتك اعليا والله الا مانكسرها ... و مانوكلك رمل الصحراء ..

شدو الضحك ...

_ هههههه كيفاش توكلهولي؟؟ كسكسي و لا برغل 

_ امممم انتي تتمقعر صدقني نوكلهولك.. لين تتخنق ... خامج ..خرجني من ها البيت ريحتك بش تجيبلي الكوليرا .. 

قربلها عاللخر .. ريحتو دخلت في خشاشها هي تكذب اكثر حاجة شدتها فيه ريحة البارفان متاعو ..رجوليتو طاغية برشا .. هبلتها ...

_ كيفاش قلت ريحتي بش تجيبلك الكوليرا 

_ و المالاريا ..و الامراض كل ... ( تحكي و تغزر لشفايفو ..تبلع في ريقها بالروح.. ) 

_ هاك قلتها انا فيروس قاتل ..كان دخل لحياتك صعيب يخرج...

_ نحححب نخرج من هوني عممممر .. تعبت راني ... تعبت ... والله ... شوف حالتي ..شوف انتي و عيلتك وين وصلتوني .. عمري لا تصورت بش نضرب روحي بشقف 

وقف من بلاصتو و حط يديه في جيابو

_ بوووك وصلك لهوني... ( طبس اعلاها) كيفاش انتي بنتو؟؟؟ مش مصددق .. شجاعتك مش متاع دار بن أحمد... ساعات نحس عندك عرق من دار بن حسين ..

_ اللطف اعليا ...ماناقصني كان دار العفن ..انتوما عيلة مجانين .. شعاركم لا للضمير و لا للرحمة ... 

_ اما كان حبينا نحبو من قلوبنا ( تدا يدو عل الفاسمة في راسها و هي مسوهمة فيه ..اول مرة تكتشف لون عينيه المارون الغامقين فيهم لمعة مش عادية ..ولا لحيتو اللي فيها شوية شيبات..سحروها اصل .. و تفاحة ادم اللي في حلقو اشتهات تمسها) صحرااااء؟؟

_ اممم هاا؟؟

_ راسك يوجع فييييك؟؟؟ 

_ لاااا و اخرج اعليا ... اخررررج ... ماعادش نحب نراكم راني عايفتكم عيلة زبالة ..

في نفس الوقت .. منجي بن حسين دخل .. هذا عم عمر .. وقف قدام محمد .. العصب يهز فيه و ينفض 

_ سمعت اللي صحراء هوني ... يخخخي تحب تجلطني اعلاش جايبها ؟؟؟؟ مش قتلك عاديهم كلهم دار بن احمد الا صحراء .. قلت ولا مااااااقلتش؟؟؟ ( ضرب بيديو عالطاولة ..) 

_ كل شي صاااااار صددددفة ... صدقني يا خويا 

_ كيفااااااش صدفة كيفااااش؟؟ شتعممممل بنتي عندك؟؟؟

قربلو يهمس

_ اسككككت لا يسمعك حد و يفضحنا .. اسككككت ... 

_لوقتاش بش نسكككت؟؟؟؟ لوقتاااش؟؟؟؟ 

_ مششش قتلك صايى احسب ماعندكش بنية منهم ...

-اما تبقا بنتي يا محمد ... بنتي انا و سميرة ... عشنا قصة حب كبيرة و الصحراء تشهد .. عشناها القصة في قلب الصحراء ... مالا اعلاش حسب رأيك اسمها صحراء ؟؟

- كهوووو اسكت راك بش تفضحنا .... تحب تشن الحرب اكثر ؟ تحب تقوم القيامة ؟؟؟ تصور كان يسمع فوزي بكلامك هذا ؟؟؟ والله بنتي غفران يقتلها ... نسيت اللي هي عندو ؟؟؟

- رجع صحراء خيرلك يا محمد ... ماترفزنييييييش .... هزها حتى ل دار بن أحمد اللي هوني ... و قول ل ولدك الشارف يحط مخه في بلاصتو ... و يركح ...

هوما اكاك و يدخل اعليهم عمر 

- اهلا بعمي هاك هوني 

- رجع الطططفلة لدارهم يا عمممممر 

- شنية الاخبار وصلتلك ؟؟؟ ما شاء الله اعليهم .

الحلقة 19 "" 

- عممممر قتلك رجع الطفلة ل دارهم. ..و اخطانا من المشاكل نتصور خاطيك الريق هذا ما يخرجش اعليك عيش ولدي 

- انتي اش مددخلك اصلا ؟؟ الحكاية ماتخصكش ... ماك بعيد عاالحكايات هاذي يا عمممي و خليك تو بعيد خير 

- يخخخخي حابس ..بن... ( سكت مانجمش ينطططق ..كيفاش بش يفضح روحو ..عمر عقد حواجبو و محمد جبد منجي من مرفقو )

- كهوووو يززي يا منجي عيش خويا ..

- معادش انجممم نسكككككت يا محمد فااااااض الكاس و انا تعبت راهو 

عمر مش مستوعب عمو فاش يحكي : عمي فااااش تحكي يخي شنية الحكاية ؟؟؟ 

- صحراء بنتي يا عممممر 

عمممر ضحك على جنب : فاش تخرف يخي ؟؟؟ اما بنتك ؟؟؟ نعرف بنتك عايشة ... ماعندكش بنات اخرين ... شبيك عمي ؟؟ ( عمر غزر ل بوه ) فاااااش يحكي ؟؟؟ كيفاش ؟؟ 

محمد : اي يا ولدي صحراء هي بنت عمك .. عيشك هدي روحك تا نحكيلك كل شي 

- فاش تخرفووووو ؟؟؟ راهي بنت بن احممد تي جبتها من عندهم ..كيفااااااااش بنت عمي ؟؟ تي كركرتها و عذبتها تي من جرتي حلت راسها ..و صار فاها

قربلو منجي شدو من اكتافو 

- شعملتها يااااااا ***** ... وينها هي تو ؟؟؟؟؟؟؟؟ وين ؟؟؟؟؟؟؟؟

- تي قلي قبل كيفاش بنتك ؟؟؟ كيفاااااااااااش .؟؟؟؟ صحراء بنت عمي تطلع ؟؟؟ مشششششش مصدق والله لاني مصدق 

منجي بقا ماشي جاي : انا و سميرة حبينا بعضنا في عز الحرب اللي صارت بين جدك و دار بن أحمد .. عشنا في قلب الصحراء عز الايامات ..و ثمرة حبنا هي صحراء ... هي بنتي ... 

-كيفاش اعرفت.. اللي هي بنتك ؟؟؟

- وقتها فوزي في الحبس مشدود ... 

- ( عمممر شادد راسو ) مش مستووووعب .. و فوزي مايعرفش اللي صحراء مش بنتو ؟؟؟؟ تي باز راهو يعرف 

- يعرف اللي صحراء مش بنتو ...بقا عايش مع سميرة خاطرها شادة اعليه دوسيات .. صدقني كان دخل فوزي للحبس مؤبد اعرف اللي سميرة هي اللي دخلتو ... سامحها على جال مصلحتو ... 

- شنية الدوسيات ؟؟؟ شنية اللي عاملو فوزي بن أحمد ؟؟؟ 

- فوزي بن أحمد تاجر مخدرات كبير ... و قاتل ..تي مجرم ... سميرة سنين شادة اعليه الدليل اللي يحشيه في الحبس للأبد ... 

- توووو فهمت اعلاش يتعامل مع صحراء بالخااااااايب ...

منجي طبس راسو : انا السبب في عيشتها توووو ... نحب نراها يا عمممر 

محمد : لا يا مننجي ..اعلاش تحير في المواجع و ترجع الماضي ؟؟؟ خلينا رايضين انتي لمت فاها لدار بن أحمد يخي مش قتلك وقتها اخطانا ..قتلك اخططططانا و برا عيشها بالسرقة اما انتي سلمت فاها و خليتها لدار بن احمد

- هوما ردوه الانتقام و شعرا لا قتلو بابا .... تتفكررو الحادث ؟؟؟ كيفاش كنت انجم ناقف في وجوه مجرمة كيف هاذم ؟؟؟ من وقتها بعدت و هربت اما انتي ماسلمتش يا محمد و بققيت وراهم حتى النهار هذا ..بالرغم تعرف اللي بنتي عندهم ..ععععف يا محمد ععععف و سيب صحراء 

عمر : صحراء لازمها تعرف اللي هي من عيلتنا ... ماليزمهاش تعيش حياتها الكل في وهم ....

محمد :  يززززي من هبالك عيش ولدي 

منجي : انا نحبها تعرف زادة نحبها تعرف اللي هي بنتي ...كهوووو يزي ما سكتنا مدام فوزي يعرف و سميرة تعرف ... الناس الكل يعرفو كان هي ؟؟؟ نتصورها كبرت و من حقها تعرف الحقيقة

الحلقة20 "" 

واقفة قدامهم تفرك في يديها .. شيعت عينيها .. اول مرة  تراه .. راجل يعمل في الخمسينات شعرو اكحل فيه شيب ..  قلبها وجعها شبيهم  الكل قدامها 

- شتحبووو مني ؟؟ ناويين تعدموني ؟؟ اش ها العيلة اللي طحت باها ؟؟؟ 

منجي : صحراء ... ( قعد بجنبها  و هي  مش عارفة شكونو هذا في نظرتو عمق ..بقات تغزرلو ) 

- منين تعرفني انتي شكون ؟؟  و اش تحبو مني يخي ؟؟ تقول عصابة الرداء الابيض واقفي فوق راسي ....

منجي: احنا عايلتك يا صحراء 

تلفتتلو تضحك : عايلتي ؟؟؟ ههههههههه عايلتي دار بن أحمد  اللي انتوما خطفتوني منها .. 

محمد : صحراء هدددي روحك ... لازمك تعرف الحقيقة عيش بنتي  ...

- حقيقة اللي انتووما ناس مهبلة ابداه من صغير للكبير عيلة خر طططر ( وقفت ) شنية تحبو مني ؟؟؟ شنيييييييية تحبوووووو مني ؟؟؟؟ مشكلتكم مع بابا 

منجي : ماهوش بووك هاكي مش عيلتك  احنا عيلتك ..منهم كان سميرة امك ...

- هههههههه انتوما شكون ؟؟ بالحق انتوما شكون ؟؟  ( تحس في روحها تخنقت ضيق نفس مكنها ) يخخي فاش تحكي ؟؟ ( غزرت ل منجي ) 

- انا ..... ( غمض عينيه و خذا نفس قوووي و نططق ) انا بوك يا صحراء ... 

- ( شدها الضحك ) هههههههههههه بابا فوزي بن أحمد ... تسمع فيا ؟؟؟؟؟ انتي يمكن ماتعرفنيش باز غالطين فيا انا صحراء بن أحمد بنت سميرة و بنت فوزي ... راني بن بن أحمد انتي شكون ؟؟؟  انتومااا شكون ؟؟ ( مشات ل محمد) انتي شكون قلي ؟؟؟ مش انتي عدو بابا ؟؟؟ قلو اللي انا بنت فوزي اللي تكرهو ( مشات ل عمر) صححححيح نكرهك انتي امما عيشك قلو قلووووو اللي انتي جبتني من دار بن أحمد و اللي هو مش بااب ...قلو بابا فوززززي يخي مش دخلت لدارنا انتي في الجنوب احكككككككككي ( تخض فيه من اكتافو ) عممممر يا هم احكي انطططق مش قعدت عالطاولة و ريت بابا و حكيت مع خويا و ريت امي و عيلتي ..قلو راني بن بن احمد بابا فوززززي والله اقسم بالله .... 

تحس في صدرها يطقام و يتحط ..مش فاهمة ..مش مصددددقة تحس في الاوكسجين مش حابب يوصل لمخها ..شدت راسها بالقوووي  قربلها منجي عم

- انا و  سميرة عشنا قصة حب كبيرة وقت فوزي في الحبس ... 

- فاااااااش تحححححكي  ( صااحت في وجهووووو ) تفوووت في الحدود متاعك راهو ... ماما تحب بابا و وقفت معاه ... عمرها لا تخونو 

- فوزي انسان خايب امك عاشت حياتها الكل في حبس معاه و كيف راتني في الصحراء ضايع تلهات بيا ...  دواتني و بقيت في الخيمة معاها برشا .. يخي طلعت مرت فوزي اللي يطلع عدو العيلة ..

الحلقة 21 "" 

- شمعناها  ؟؟؟  فاش تححححكي يخي ؟؟ 

- عيييييش بنتي خليني نفسرك عيشك اسمعني ....

- اماااااااا بنتك قالو بنتك فاش تخرف يخي انتي ؟؟ اسمعوني هزوه ل طبيب تحسو ههههبل ..... 

- خليني نكمل نحكي الفترة هاكي قربت ل برشا ل سميرة ..حبيتها برشا و ... عشنا قصة حب ... قصة حب كبيرة و جبناك انتي ... و فوزي سمع بالحكاية ... اما سامحها خاتر شادة اعليا برشا حكايات يدخلوه للحبس 

-  قصة حب ؟؟ عشتو قصة حب ؟؟؟؟؟؟ هههههههه   ( شدها الضحك ) انتوما تتبلاو على امي جملة وحدة ؟؟؟ مستحيل امي تعمل حاجة كيف هاذي .. صحيح ممكن بابا خايب و عامل حاجات يدخلوه للحبس 

-  فوزي مجرم ... و ماهوش بوك عيشك لازم تصددددقني ( قربلها و هي تنطططرت ..تصيح  ) 

-   باابا مش مجرررررررم ... و اصلا انتي كيفاش اعرفت اللي انا بنتك  هيا نعملو تحليل جيني .. و نثبتلك اللي كلامك غالط ( كانت تحكي و ترعش ) انتوما مالقيتوش الضربة في عيلتي تحبو تضربوهم بيا مش هكا ؟؟؟ تحبو تحاربوهم بيااااااا ... اما  ماعندكم وين توصلو ... ( قربتلو تتحدا فيه بعينيها ) اعملو التحليل .. اتو نعطيك خصلة من شعري .. و  بش نمشي معاك وقت يطلع التحليل .. عارفة ممكن ادلسو و تزيفو و كان لزم تعمل التحليل  عند برشا طبة ... 

خرجت و خلاتهم كان وراها عمممر يمشي بالشوية تلفتتلو 

- ماتخافش مانهربش ... بالعكس تو بش نشد فيكم صحيح ..مش طلعتو عيلتي الكريمة .. هههه  ضحكت بإستهزاء و دخلت لبيتو ... باقت قدام المرايا .. تغزر لروحها .. بالحق هي ماتشبهش ل فوزي .. ماعندهاش حتى طبيعتو .. بقات تعدي في يدها على وجها .. زعمة يكون كلام الراجل صحيح ؟؟ زعمة بالحق تطلع بنتو ؟؟؟ بقات مسوهمة ... زعمة امها خبات اعلاها الحقيقة .. وقفت ) 

- مستحيل صحراء فاش تخمم انتي مستحيل .. انا بنت فوزي بن أحمد ...  مستححححيل ( شدت راسها بالقوي هي اكاك و تدخل نزيهة ...) 

- صحراء .. 

تلفتتلها - شصاااار اخر ؟؟؟ يخي شنية تحبو مني ؟؟  قربتلها ) نحسك انتي خاطيك اللي تعمل فيه عيلتك عيشك قلي شنية يحبو مني ... 

- نعرف اللي قالولك الحقيقة ..انتي بنت منجي سلفي  ...

-  حتى انتي تحكي كيفهم ؟؟؟؟؟ مستحيل نكون بنت سلفك منجي و لا شكون راني انا بنت بن أحممممد افهم ... 

- انا كنت صاحبة امك يا بنتي ... صاحبة امك و نعرف  الحكاية الكل 

- مستحيل انتي مكنوك اعليا بش تعبيلي مخبي ..  يخي تسخايلوني بهيمة ل ها درجة بش نصدق سخافة كيما هاذي ؟  انتي تعرف اللي انا  بنت بن أحمد   و بش نعمل التحليل مع سلفك هذا و نشوفو ...  و وقته صدقني الا ما نخليكم تندمو على  اي حاجة اعملتوهالي ... 

في نفس الوقت كانت غفران تخطط كيفاش بش تهرب من يدين هالوحوش اللي طاحت بيهم و منهم محسن... اللي شاددلها العسة في كل شي

حاطط قدامها صحن مقرونة باشميل ...  بقا يغزرلها و هي مكتفة يديها 

- غفران ماكش ناوية تاكل يخي ؟؟؟ و لوقتاش شتبقا في ها البيت ..... 

- حتى لين يجي بابا يروح بيا و كان فيبالك بش ناكل ماكلتكم انساااااااااا ... ( دورت وجها ..  تغزل اعليه هي ديجا تغزل اعليه من  الفازة اللخرة اللي عملها ) 

- احنا وحدنا هوني في الفيلا ... انا اللي طيبت ...

- ههههههههههه صدقني  ماكلة امك ارحملي من ماكلتك ..... ( طيحت الصحن بكل قوة  .. و خرجت من البيت تعجل و هو وراها ) 

- وين ماشية بربي ؟؟؟؟؟

الحلقة 22 "" 

- تسخايلني مازلت بش نزيد نستحملك ؟؟؟ فيبالك بش نطيق نراك كل نهااااااااار و انتي في منظري .... ( حلت الباب و خرجت تلقا برشا رجال قدام باب  الدار ..دارت من تالي في الجنينة تلقا بحححر ... و هو يتبع فاها بهدوء يحب يشوفها اش تعمل .. غزرتلو ) 

- تلعبو معايا لعبة العدو أمامكم و البحر ورائكم مش هكا ؟؟؟؟؟؟   ( كانت تحكي بالقوي .. تصيييح و عروووق   رقبتها بش يخرجو من العصب اللي مكنها وقتها ) قلي ..ميسالش تحبني نبقا في الوسط مذهولة ..يا  نرضى بالواقع يا نغرق في البحر مش هكا ؟؟

- غفران راو مش بيدي ..صدقني بابا هو اللي طلب نجيبك هوني ...

- بوووك بوووووك ديما بووووووووك  ( قربتلو عاللخر ) بوك طلب منك تعمل اللي عملتو ..و وبوك قلك جيبني ..  قلك ذلني و هيني . و امسح بانوثتي القاعة ...قلك اقهرها و اجرحها و خلاها تبكي 

- يززززي كهو يزززي .... هيا ارجججججع ( جا بش يجبدها من يدها بعدتها بحركة لا ارادية ) 

- مش العدو أمامي و البحر ورائي و انا مضطرة نختار البحر ( مشات تجري شيرة البححححر و هو صاح ) 

- مهبووووولة ايجااااا

دخلت للبحر بالرغم تعرش تعوم ..دخلت بدبشها بهمها الازرق ..دخل وراها جبدها من حزامها دورها ليه ... بقات تضرب فيه على صدرو -سيبننننننننني ..الغرق اهون من العيشة   مع ناس كيفكم ..ابعددددددددني قتلك 

جبدها من يديها 

- ارككككككح يخخخخي هبلت اوووف رنختني معاك راني نكره البحر و البلل ..مستناس بالشياح و الصحراء ربي يهديك 

- يهدددددديني و يهديك ..باهي نمشيو للصحراء خلينا نرجعو اعلاش جايبني هوني 

- اي نررررجعو تخدم في مخخخخخخك ...  ااه بش خوك و لا بوك يجيو ينقذوووك  

رشتو بالماء بالقووووي 

- اي ايييييييي نحبهم يجيو ينقذوني من عيلة متوحشة كيفكم ...شوووووف اش عملت فيا شووووف ( شاورت على رقبتها .. قربلها عاللخر حست ببدنو لصق لبدنها .. عدا صوابعو  على رقبتها لمستوووو نااار حرقتها ... بقات حالة فمها .. نشوة مش عادية حستها و هي قريبة منوو ..همسلها صووت زاد وحش ...  خدرها اكثر ) 

- قتلك سامحني .. مش مني .. تي انا كان جا بيدي نهزك لداركم 

- مالا هزني و شيهمك في بوك ... يخي ضميرك وين ؟؟ ( كانت تحكي بصوت خافت ... ) 

- و اخخخخختي ... اخخخخخخخختي ( نزل على رقبتها بعد ما كان حنين ..تحول لوحش ..جبدها بوحشية من مرفقها خرجها من البححححر و هي شدتها الغصةةة ) 

- واله ما ندمكم ..والله ما ندمكم على  كل حاجة خايبة اعملتوهالي .. الا مانعيشك في جحيم ياااا محححسن تا ترا ..ماننتقم منكم من كبيركم لصغيركم و لقب بن أحمد نمحييييييه ...

- سكككككر فمممك تبداش تحكي في حاجة ماكش قدها 

ملصت يدها و جات قدامو 

- نعطيييييك برشا فلوس محسن ..نغرقك بالملاين انتي تعرف دارنا من اغنى العايلات التونسية 

-  هههههههههه ( شدو الضحك و حط صبعو على جبينها )  انتي ترشي في ولد بن أحمد ... قاعد تمع مليح .. اعزيزتي انا غارق في الفلوس للعنكوش نشريك انتي و داركم و لقب بن حسين .... سكككر فمك و تبداش تحكي في حكاية ماكش قدها خايف اعليك راني خايف اعليك لا تغرق معاياا... تغرق لدرجة  تحلالك العومة .... ( كان يحكي قريب منها ) ركح روحك خير مانخليك عندي حياتك الككككل ....  

- مش قلت بووك هو اللي ..( حط صبعو على شفايفها ... حس برجفتها شاخ في مخو اعرف اللي هي تتأثر من قربو ..نحا صبعو و قرب شفايفو هي بقات اذبل في عينيها عمرها لا تصورت بش يقربلها لها درجة ... دزتو بالقووووي و هربت .. بقات تمشي و تتلفتلوووو ... و تحكي وحدها ) 

- خرااا هذاااا .. هبل ظاهر فيييييييه ..هبل .... 

عرضلها صدام :  وين كنت هاربة مدام غفران ؟؟ 

- عندي صاحبي قرصااان ..كنت بش نهربلو من البحر .... 

صدام شدو الضحك : هههههه كفارة  مدام ..ما يدوم حال راهو 

- تضححححكش ..مانيش نضحححك .. تضحكككش قتلك ( هزتو و حطتو و مشات  تمتم ) عيلة مهبلة حتى الخدامة مهبلة و العساس مهبوووول ( وقفت في نص الفيلا ) ااااااااااااع بش يهبلوني معاهم

الحلقة 23 "" 

تعدا الوقت ... و التحاليل طلللعوووو .. صحراء شادتهم تقرا و مش مصدددقة .. و حولها العيلة الكريمة كيف ماتقول هي .. يبحلقو فاها .. صحراء مش مصدددقة .. تح في روحها كيانها في منامة 

- شمعناهاااااا ؟؟؟  شمعنااااااااها ؟؟؟ ( الاوراق طاحو من يدها ... حطت يدها على فمها ) بالحححق مازوتوش الاوراق يعني التحاليل حقيقية ؟؟؟ 

عمر : صحراء لقدامك اعملنا التحاليل اللازمة الكل و قدامك ... جاء الوقت بش تصدددق و تخرج من الوهم اللي عايشة فيه 

- يعنننت خو بنتي كذبوووا اعليه السنين هاذي الكل ؟؟ كذذذبو اعليا ؟؟؟ ( عدات يدها على شعرها بالقووووي ) شكون اللي باعني ؟؟ ( قربت ل منجي اللي مطبس راسو حاشم منها ) انتي بعتني ؟؟ بقداش ؟؟؟  بقددددددداش ؟؟؟؟ بعتني ب عقد شركة ؟؟ و لا عقد ارض ؟؟؟ و لا عقد حانوت ؟؟؟ باش بعتني ... لدار بن أحمد و امي ..كيفاش نجمت تخبي اعليا 

منجي : ما باعك حددددد عيش بنتي 

- ماننننننيش بنتك ماااانيش بنتك .... شكوووون اللي ما قبلش بيا ؟؟؟ ( تلفتت ل عمها محمد ) انتي ما قبلتش مش هكاااااااا ؟؟؟ انتي اللي ماقبلتش تكون عندك  بنت حرااااااااام ... 

منجي : صحرااااااااء اسكت ماتحكيش هكااااا على روحك 

- اعلاش تغطي عين الشمس بالغربال مش انا ثمرة حبك انتي و امي ؟؟ هههههههههه بنت الصحراء تو بالحححق طلعتتت ..... شكووون اللي عطاني لدار بن أحمد ......؟؟؟؟ شكوووووووون ؟؟؟؟ 

منجي : بااب جا ضدددي و اعطاك هو لدار بن أحمد ... 

شاورت براسهااا و تبسمت خرجت من البيرو اللي كانو فيه و توجهت لبيتو عمر خلط وراها 

- الراججججل مريض يا صحراء .. و زيد ملي سمع بيك هوني  .. و هو شادد البيت حاشم على روحو اعلاش تزيد اعليه 

- تدددخلش انتي  ماتدددخللللللللش ...

دخلت اعليه .. تلقاه قاعد عالكرسي متاعوووو في البركوووون .. مشاتلوووو وقفت قدامو ...  بالرغم مقعد بالرغم المرض اللي هلكووو اما كان عندو الريشة .. عينيه فيهم برشا قوة .. اي هي تشبهلوووو تشبهلووو برشا ... حتى في نظرتها .. قلبها وجعها ... و نطقت 

- عسلامة باباااا اعزيزي ..عسلامة ... حفيدتك قدامك جاية تححاااااسبك ... تحاسبك على كل عام عديتو في دار ماهاش دارنا و لقب ماهوش لقبي و على كل نهار ناديت فيه ل بووو مش بابا .... و جد مش جدي .. جايا نحاااااااسبك ..

نططق بصوت مبحوح : صحراااااء ... بنت ولدي ..كبرت ...كبرت وليت صبية 

- اي ككككبرت .. كبرت في دار مش دارنا و مع بو مش بابا .. و عيشة مش عيشتي 

- لا يا صحراء .. انتي بنت الصحراء ..كيفي تشبهلي .. انا تربيت في الصحراء ( قعدت على ركايبها قدامو ) 

-  كيفاش ؟؟ ههههههه تشبهلك وحدة بنت حرام ؟؟؟ مش هكا ؟؟؟ مايجيش .. يخي بعتني ل فوزي بن أحمد .. اعلاش ؟؟؟ 

- خاطر امك مرتووو .. تحبني نفضح المرا ؟؟ و زيد كانو بش يقتلو منجي ولدي 

- و انا بنت حرام  مش هكااااا ؟؟؟

- كنت نخمم اكاك اما انا كنت نرا تصاااورك ( نادى لعمر ) عمر عيييييش ولدي جيبلي الالبوم اللي عالفرش 

عمر مشا جبدووو و اعطاهولو ... بقا يقلب في التصاااور و هي تغزر 

- تفرررج هاذم رجالي صوروك .. بقيت نتبع فيك لين كبرت ... و هاذي اخر تصويرة ليك عندهاش برشا .. و انا اللي شرطت على فوزي اللي هو يقريك في احسن المعاهد و احسن الجامعات و تكلفت بمصاريف  قرايتك الكل ... حبك تكون جااهلة و انا بعثلو الدوبل فلوس ..غير العقارات و الاراضي نحبك تكون قارية و واعية ( عمر هوني تصدم ..عمرو لا صدق اللي صحراء تطلع مثقفة .. ماتصورهااش تطلع قارية و اللي صدمو اللي اعزيزو .. هو اللي صارف اعلاها .. مصدومممم  عاللخر  كان في ذهوووول )

( وقفت على ساقيها  بقات تمشي و تجي ) و انا نقول شبيه يقلي ماكش تقرا ليا .. كان خايب معايا .. عمرو لا حن اعليا .. ساعات يحسسني اللي هو باابا .. ساعات نشلق بيه يغطيني في ليل ..كيف  نمرض ولا نتوجع نحس بدمعتو اماا اغلب الوقت قاسي تي حتى جدي اللي كنت متوقعتو جدي عمرو لا مسحلي على شعععري ..كانت امي كهو حنينة اعليا  حجرة مانحسش .. باندية ...  شبش نعمممل تووو ؟؟  ( بقات ماشية جاااية ) لاااااازمني نواجهو لاااازم ...  غزرت ل جدها ) مازلنا بش نحكيو بررررشا ... بش نتفاهمو كيفاش نبدل لقبي و برشا حكاياات ... نستأذنك ( خرجت و عمر وراها .. تلفتتلو ) 

- ما كنتش قاسية برشا اعليه تخافش ..

-و انتي شبيك شادد جرتي ماتقليش مازلت محبوسة هوني ... هزززني لدار بن أحمد بش نصفي حساباتي معاهم ...

الحلقة 24 ""

في يدها التحاليل .. دخلت للفيلا  اللي كانت تحسبها الفيلا متاعهم ..دخلت بش تواجه العيلة اللي كانت تسخايلها  عيلتها .. و بش تواجه  اللي كانت تسخايلو بوها ... و مش بش تنسى تواجه امها ....  دهمت اعليهم .. رجال فوزي خلاوها تدخل اما تصدو ل عمر غزرتلهم 

- عمممممر معايا خليوه يدددخل ...  ( صاحت بالقوووي الكل يخافو منها .. اي راهي صحراء ..بنت الصحراء .. اللعب لا معاها اما عمر مس فاها حاجات حد ما نجم يوصللهم .. هو قلبها و مشاعرها .. )

- لااااا مدموزال صحراء ممنوع اعلينا ندخخخلوه 

- عمممر  ابقا استناني .... ماتمشيش حتى نرجعلك 

اعطاتو بالظهر و مشات تلقا الباب محلول .. دهمت اعليهم ... تلقا فوزي في الصالة .. وقفت قدامو  عينيها تكدح نااااار ...  فوزي كيف شافها تصدم 

- صححححراء بنتي كيفااااااااش جيييييييييت ؟؟؟؟ ( غزر لراسها اللي معصب ..  جاء بش يقربلها   شاورتلو بيدها ) 

- ردددد بالك تخممم  تقربلي ... و ننصحك كلمة بنتي معادش تقولهالي خاطر ماعندكش الحق تقولها  

فوزي عينيه وساعت ... 

- فاش تحكي يا صحراء ؟؟؟ 

-  عااامل روحك  مولى الدار مش هووووني تسخااايل ساااهل اللي عمممملتو 

فوزي : ما أقل تربيتك شنية للا دار بن حسين عمروك على عيلتك جايا ادز في صدرك اعليا ؟؟؟؟ شبي عزززاك مقلوبة 

-  من وقت ما اعرفت اللي عملتوه فيا ... من وقت ما اعرفت اللي انا مش بنتك سي فووووزي بن أحمممممد (  رمات الاوراق في وجهوووو .. و هو طبس جبدهم يقرا فيهم و عينيها واسعة ... اعرف وقتها اللي  هو خسر كل شي ..خسر كككل شي ... ) 

فوزي : اماااا انااااااا يا صحراء حسبتك بنتي بالحححححححق .....  شكون قراك شكووون وصلك لها المستوى ؟؟؟ 

- اناهو مستوى سي فوزي  ؟؟؟ اناااهو ؟؟؟ هههههههه تي فلوس قرايتي بعثهم اعزيزي الحقيقي.. اعلااااااش خبيتو اعليا اعلاش ؟؟؟؟ و انتي وقتاش حسبتني بنتك وقتااااااااش ؟؟؟ وقت  تعاملني معاملة خايبة ؟؟؟  وقت اتذلني وقت تحسسني اللي انا حتتتتى شي و تلغي شخصيتي .. اما انا بنيت شخصيتي وحدي ... 

شدتها الغصة مانجمتش تكمل تحكي يمكن وقتها حست اللي هي ماعندهاش كلام ... ساعات يجيك اكا الموقف اللي تلقاش كلام بش تعبر على اللي تحس فيه ..دموعها خانوها قدامووو ..عدا يديه على شعرها ..اول مرة يتجٍا و يعملها 

- انا حبيتك كيف بنتي و ربي شاهد اعليا .. كيف ريت منضرك مضروبة في راسك ... بكيت اعليك دم يا صحراء ...جاية تو تحاسب فيا .. انا كبرتك بين يديا .... صحيح نظهر صعيب نظظظهر قاسي ..و هاكي طبيعتي ... القسوة تعلمتها ملي انا صغير اما ربي يعلم باللي في قلبي 

- انتي كبرتني ... انتي قريتني و وريتني الدنيا ههههههه .. ضحكككتني والله .. قريتني و علمتني  القسوة يا فوزي بن أحمد .... ( تحكي و عينيها مدمعة ..ضربت يدها على قلبها بالقوي ) تعلمممت منك  هذاااااااا يكون حججججر ...  تو اعرفت اعلاش كنت تعامل فيا ب جمود و دم بارد .. عمرك لا عنقتني عمرك لاحنيت اعليا .. كيفاش تعنق بنية مش من صلبك ؟؟ بنية بنننننننت حرامممممم .... 

سميرة وقتها سمعتها  ... 

- صحرااااااء ...سكككككككر فمممممك ( تلفتتلها تلقاها تبكي وجها مقلوب الوان ...قربت لأمها بكل  قهرة نطططقت ) 

- انتي السبب ... انتي السبب فاللي صايرلي تو... فيبالي دار بن حسين خطفوني نلقا بابا الحقيقي غاااااااادي من جرت  نقص الحنان و الشهوات اللي عندك ( ضربتها بككككف لا يقرا لا يكتتتتب ... ) 

- بللللللع جللللللغتك راني امك..رد بالك تفوت الحدود معاااااايااااااا ..... 

-  امممممممي ..اي امي اي .... ( شادة خدها و تصيح ) امي اللي خاااانت راجلها و جابت من راجل اخر طططفلة .... 

- قتتتتتتتتتلك سككككر فمك يا ....

- قولها ماك ديما تقولهالي لين تحققت .. يا بنت الحرااااااام قووووولها اي انا بنت حرااااام بنت صحراء .... اي انا بنت الصحراء بالححححق .. بنت العجاج ... بنت العقارب السامة و الحنوشة بنت البلاعة و الشمس الحراقة ..قول عادي ماني عرفت كل شي .... و ..لااااااااا .. بكل وقاحة .. ماتعليش صوتك على بوك يا صحراء سكر فمك راهو بوك يا صحراء ... 

- ماتتكلمش يااا صحححراء ما تعممملش ما ديرش راهو بوووك بوووووك بوووووك فاللخر طلع  مش بابا السسسسسسسسيد .... اعلاش اعملت فيا هكا امي ؟؟ اعلاش ما طيحتنيش ؟؟ اعلاش جبتني لدنيا بش تعيشني في موقف خايب ؟؟؟ اعلاش امممممممي اعلاش ...

الحلقة25"" 

شدت يد امها و طاحت على ركايبها تبكي و تشهق 

- اعلاااااااش يا امي ؟؟؟ اعلاش عيشتني في موقف كيف هكااااا ....  ماخفتش كيف نكبر و نعرف الحقيقة شنية بش نححححس ؟؟؟؟ شنية بش نقووول ؟؟ كيفاش بش نواجه المجتمع و النااااس ؟؟؟ كيفاااااش 

طااحت مع بنتها في القاعة ..شيعتلها راسها 

- هزززز راسك .. راك صحراء القوية الشجاااعة ...    الفترة هاكي بالذات انا كنت عايشة في حالة نفسية صعيبة برشا ... فوزي شد الحبس .. و انا شديت صحرتي ... من وقتها حياتي تبدلت 360 درجة ... لقيت راجل ضااايع حالتو حليلة في قلب الصحراء شنعممملووو ؟؟ نخليه يموت ؟؟ هزيتو للصحراء و تلهيت بيه ..و زيد وقتها قرصتو عقرب سامة .. شعرا لا مات ...تلهيت بيه ... لين براااا و من وقتها حسينا حاجة اتجاه بعضنا .... 

فوزي قص اعلاها 

- و خانتني معاه ... خانت حبي لاها الاعممممى ... خانتني و انا في الحبس ..بين اربعة حيوط لا حول و لا قوة ...  

سميرة وقفت و قربتلو 

- تعرف اعلاش خنتك ؟؟  تععععرف اعلاش ؟؟؟ خاطططرك شخص قاسي ... عمرك لا قتلي كلمة حلوة ..عمرك لا حسستني اللي انتي تحبني بالححححق ... كنت كالحجر لا احساس و لا مشاااعر و لاااا شي ..تعامل فيا ببرود .. حتى طريقة حبك غالطة وين الحب الاعمى اللي تحكي اعليه يافوزي .. انتي عيشتني في جحيم ...

- كاااااان جيت مانحبكش راني قتلتك وقت خرجت من الحبس و لقيتك حبلة .. تتفكر وين لقيتك ؟؟ في الخيمة متخبية عالعينين ... و ولدت في نفس النهار اللي جيتك فيه ..شكون اللي هزك للسبيطاااار وقتها شكووون ؟؟؟ سامحتك خاترني نحبك 

- لا انتي ساامحتني خاتر خايف ...خااااااايف لا تقتل زوز ارواح و تزيد تدخل للحبس ... عارف اللي منجي بن حسين 

قص اعلاها 

- سمييييييييرة سكر فمممك ماتجبدليش اسموووووو ...

- عارف مش بش يسلم في حق بنتو ...   انتي تعرف هذا هاكا اعلاش سامحتني ... و قبلت ببنتي ...

- لااا مالا تفكيرك غاللللط .. انا قبلت ببنتك و سامحتك خاطر مانجممممش نعيش من غيرك ... افهمهااااا هاااااااذي ...

صحراء وقفت تصيح 

- كهووووو فكوني من الماضي التعيس متاعكم .... ماخممتوش فياااااا ...  ماخممتوش كيف نكبر و نعرف ؟؟؟؟ تي كان قتلتني و رتحتني خير وقتهاااااااا ( عدات يدها على شعرها متوترة ...  خذات نفس طويل تقوي في روحها و غزرتلو بتحدي ) بش نبدل لقبي ل بن حسين ... ( قربتلوووو و امها تجبد فاها ..) بش نولي عدووتك تسمع فياااااا ؟؟؟؟ بش نمحيكم من دنيا ... الا مانعيش بش ننتقم منكم واحد واحد ( غزرت لأمها ) انا مش مسامحتكم .. و مستحيل ننسى اللي عيشتوني فيه ..كسرتولي خااطري و كرهتوني في حياتي اللي عشتها الكل .. كل شي طلع وهم و كذذذب ككل شي .. من اليوم بدات الحرب الحقيقية 

جات شتخرج جبدها فووووزي 

- يزززي من هبالك الحرب اللي تحكي اعلاها ماكش قدهاااا يا بنتي 

نطرتلو يدو 

- مانيش بنتك ... صحيح ربيتني ... صحيح حليت عينيا عالدنيا نسخايلك بابا.... اما الي عايشتو توووو ماتنجمش تصلحو كلمة منك و لا مسحة على شعري ...ولا نظرة حنينة ... انا تو بش نتعامل معاك بكل قسوة ... نفس اللي عيشتني فيه قبل .. بش يرجعلكم دوووبل

مشات جبدتها سميرة 

- و اناااااااااا ياااا صحراء ؟؟ انا أمككك... 

- وقت يرجعلك شاهد العقل و تبعد على دار بن أحمد وقتها نقبل بيك تلقاني في دار بن حسين ... عالأقل صحيح مارباونيش اما الدم عمرو لا يولي ماء ... ( شدت امها من اكتافها ) عمري لا ننساك امي اما وقت اطلق من فوزي بن أحمد تلقاني موجودة و بالأحضان ( باستها من راسها ) 

في نفس الوقت  محسن وصل للفيلا كان بش يحكي مع بوه في موضوع غفران ... يلقا عممر قدام باب الفيلا مشاالو يعجججل و الدججاج الاكجل داير بيه 

- شتععععمل هوني ياااااا ******* ( جبدو من خنااااقوووو ..و عمر دزززو ) 

- شبي ***** نستنا في بنت عمي 

- شكون بنت عمممممك ؟؟؟؟ 

وقتها صحراء خرجت من الباب ... عمر تبسم 

- اهيا بنت عممممي ... بنت بن حسين الجديدة .. هي صحيح من قبل اما صار سوء تفاهم صغير ...

محسن مبهم ..غزر يلقاها صحراء اختو شدو الضحك 

- يخخخخي اعمى ؟؟؟ فاش تخرف انتي هاكي اختي اش مدخلها في العيلة الزبالة متاعكم

الحلقة 26 "" 

صحرا قربتلهم 

-  شبيكم يخخخخي ؟؟؟ 

محسن : احكي معاه صحراء ..قال شنوة انتي بنت عممممو هههههه و اصلا انتي كيفاش جيت ؟؟؟ 

عمر : يخخخي ماكش مصدددق اللي هي بنت عمي ... ( تبسم على جنب بكل برود ) للأأسف وقت بوك في الحبس امك رقدت مع عمي 

صحراء : اسسسسسسكت عمممممر يزي نعرف وين تحب توصل 

وقتها محسن العصب مكنوووو تعمى اصل جبد سلاحو و شبرو على  عممممر 

- شكون جبدت تو ؟؟؟؟؟ جبدت امممممي ؟؟ يا ****

- احكيلوووو صحراء  احكي الحقيقة قلو اللي بنت عمي منجي و التحاليل عند بوك اللي تثبت اللي صحراء بنت بن حسين 

صحراء تلفتت ل عمر : يززززي سكر فمك والله يقتلكككك راك تعرفووووش دمو سخخخون .... يدفنك في الصحراء 

- انا نقوووول في الحقيقة ... ولا فما حقيقة اخرى غير هاذي للا صحراء ؟؟ 

- اسسسكت بربي اسسسسسسكت ( تلفتت ل محسن ) عيش خويا هبط سلاحك 

- انتي ماتدخخخخلش مشكلتي مع الطحان هذاااااااااا ..يتبلا اعلينا... يسخاااايل روووحو راااجل كيف يحكي على امي اكاك و انتي عادي عندك ؟؟؟ جاووووووووبو  

- ماهوووووووش يتبلا صصحححيح احكي مع فوووزي بوك تا يحكيلك كل شي ... و امي هاااكي مصيرها   اطططلق منو فوووزززي و نرتاحو والناس الكككل

محسن عينيه وساااعت ..كبس على سلاحوووو مقابلو عمممر ... رص على سنيه 

-  يكذبو اعليك يا صحراء...مااااتصدقهمش عيش اختي 

- ماهمش يكذذذذبو حتى فوزي استعععرف بالحقيقة الككككل عيشك هبط سلاحك ماتزيدش اعليااااا برررربي 

- يكذذذذبو اعليك كل انتي  اخخخختي اختي ... 

- انا مازلت اختك يااااا  محسن اما من الام اكهووووووو 

- لاااااااااااااا ( صاااح في وجها  عروق رقبتو بانو من العصب اللي مكنوووو ) انتي اختي من البو و الام ....

عمممر : يخخخي ماتفهمش اللي امك  جااااابت صحححراء من عممممي ..و خانت بوووك ارتاحححح و هبط سلاححححك .... 

محسن وجهووو ولا احممممر.. ضرب كرتوووووشة عالهاممممش .... صحححراء مش مصدقة اللي ترا فيييييييه ..صاحت 

- عمممممممممر ...( مشاتلو تججججري .. تشوف فيه غارق في دمووووو .... ) هبلت ياااااااا محسسسسسسسسن ؟؟؟ اعلاش ضربتو اعلاااااااش ؟؟؟

- ماتخافش عممممممر الكلاب طووووويل .. بش يتربا مرة جاية يعرف على شكون يححححل فمووووووو 

- آآآآآآآه منك آآآآآآآه ....هزززو معايا بش  نهزو للسبيطار قبل ما يمووووت و تتعفن في الحبوسات اقسم بالله تصير فيه حاجة نممممشي انا هي بساقيا للبوليسية و نشششككككي بييييييييك 

- مااااااااصدقت ولد عممممممك ...ماتصددددقش يااا صحراء راهم يكذذذبو و يفلمو دار بن حسين حافضهم حفاظة راني 

- اما التحليل الجيييييييني مايكذذذبش فييييييييسع نهززززوه مش وقتووووووو 

( محسن نادى للرجال هزوه دخلوه للفيلا )  كان بش نهزوه للسبيطار اتو  يموت بالححححق ... اتووو نكلم الطبيب يجي ينحيلو الكرتوشة ماتخافش اعلييييييه ... 

- نككككرهكم داااار بن أحممممممد نككككرهكم .... 

بعد ساعتين "" في الفيلاا  ماشية ججاااية  تبككككي بالشههفة و تحكي مع فوزي 

- رييييييت ولدك اش عمممممل ؟؟؟ هبل  في مخوووو والله هبل .... كيفاش يضربوووو بكرتوشة و كان جات في قلبوووو ؟؟؟ كان مااااااات ؟؟

- وسسسع بالك مايصير شي ل وولد عممك جبتلو الطبة  و الممرضين تو يتلهاو بيه 

- كان تصير فيه حاااجة  ؟؟؟؟  تعرف اللي محمد بن حسين يفنيك من وجه الارض .... انتي تعععععرف اللي هو مش بش يكست في كلتا الحالتين ...يحرقلك الفيلا بما فاهاااااااا ....

الحلقات التالية 》