في احضان الموت
الجزء الأول
بقلم : سمر قايد
الحلقة الاولى
ضو قوي...قوي برشا...جهر في عيني...برشا افكار دور في مخي...ضو شنوة هذا...من وين جاي...و علاش قوي لهدرجة...شبيه وجعني لهدرجة...سكرت عينيا بالقاوي...ورجعت فتحتهم...برشا مرات...نشوف مع سما...ضو هذا...هو ضو الشمس...
الشمس لي مستانسة تفيقني...بنورها الخفيف...لداخل من شباك بيتي الصغيرة...اما شبيه المرة هاذي قوي برشا...مش حنين كي
العادة...مستحليتوش...منجمتش
نتقبلو...خاطر اكثر شي متأكدة منو انو ضو هذا...هو بداية نهار جديد في حياتي...نهار اللي باش يكون الفاصل باش حياتي تتغير للاسوء
اصوات قوات في وذني...قوية برشا...اصوات
متاع صغار...ظاهر فيهم يلعبو...صورتهم ماشية و توضاح بين عينيا...بدني مدقدق...يوجع عاللخر...اما وجيعتو...مش قد وجيعة قلبي...مش قد وجيعة الصرخات لخرجو مني وقتها...مش قد وجيعة الصوت لكنت نسمع فيه في وذني...مش قد وجيعة اللي حسيتو...وقت خسرت شرفي...اكثر شي تمنيتو البارح و انا بين يديه...انو معادش نشوف الضو هذا جملة...انو نموت بعد ما خسرت روحي...اصوات عمالها و
تقوا...اصوات الصغار اللي يحبو يعرفو شنوة اللي قاعدين يشوفو فيه...شكون الطفلة لي ملوحة هوني...في وسط غابة...غارقة في دمها...ببرائتهم...قاعدين يمسو فيا من وجهي
و يسألو فيا انا شكون...و شبيني...و شكون لي ضربني...نحب نجاوب...نحب نعيط على طول صوتي...و نقول لانا بريئة...لانا اغتصبوني...مش ذنبي شي...مش ذنبي اني مروحة من الفاك و خطفوني...نحب شكون يرحمني و يفهمني...في الوقت لي كرهت فيه روحي...نحب الكل ياقف معايا...و ميكونش اسمي عاهرة بعد اليوم...نزلت مني دمعة سخونة...تحرق...تحرق عاللخر...قد وجيعة
قلبي...تغلغلت داخل شعري...شعري لي مستانس مغطي...شعري لحد ما يعرف لونو...كان دارنا...اليوم رجع مكشوف...بدني لحافظت عليه عشرين سنة...البارح نهشو كي الكلب الضايع...ذيب و يحب على فريستو...اما علاش اختارني انا...اصلا شكون هو...و علاش عمل فيا هكا...علاش خذا مني كلشي...وسط ضحكات مالية
البلاصة...ضحكاتو هو بالدرجة الاولى...و ضحكات اخرين...برا البيت...ضحكات لتو نسمع فيها...مخيبها...مخيب صوتو...صوتو كهو خلاني نتقززز من روحي...كلامو يتعاود في وذني
بالكلمة...بالكلمة...كانو معايا توا "محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها
ريحتك...مبنك...مكنتش نتوقع...اني باش نذوق كعبة كيفك"اششش اسكت اسكت اسكت اسكت...معادش تحكي...معادش نحب نسمعك...مخيبك...مخيب صوتك...مخيب لمستك" هذا الكلام لكنت نقول فيه داخلي...و انا نشوف مع السما...من دمعة لي نزلت رجعو دموع...خرجو معاها شهقات قوية...شهقات من داخل قلبي...منجمتش نوقفها...منحبش نوقفها...ننحب دموعي تغسل بدني...تمحي الدم لي على دبشي...نحب نقوم و نلم
روحي...نغطي روحي....نغطي شبقى من بدني...حتى من لمسات الصغار ليحبوني نفيق محملتهاش....تقززت من بدني لدرجة منحب حد يحط يدو عليه....حسيت بشي ترما عليا...كان غطا في الابيض...يا ريتو...يا ريتو وقتها كان كفني...عالاقل كنت باش نرتاح...و نطلع لربي صافية...و منتجبرش نعيش وسط ناس نعرف لنظرتهم و كلامهم باش يتبدل من اللحظة لي يعرفو اني...خسرت شرفي...يا ريتني..مت...و لا نتجبر نعيش في احضان الموت...حسيت بيدين تحطو على وجهي...دافيين عاللخر...كيف يدين امي...دورت راسي نشوف معاها...و هي تحكي معايا و طرد في صغار بيديها
هي:بنتي تسمع فيا ياخي شكون عمل فيك هكا...و شتعمل هوني...
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة الثانية
نسمع في صوتها...بعيد برشا...صورتها تمشي...و تبعد...دموعي ضبو عليا و معادش نعرف وين انا...و لا شنوة اللي صار فيا...رجعت لظلام لفقت منو لحظات كهو...لحظات رجعتني للواقع لباش نعيشو...و خطفتني مرة اخرى...تمنيت كان مت وقتها...
تمنيت كان وفات حياتي...من غير ما نطلع في حتى حد اخر..و ما نبرر لحتى حد لي صار...خاطر في الاخير انا لباش نطلع الخاسرة الوحيدة...انا لباش نكون الخطيئة...انا لباش نتسمى العاهرة...باش نتنسى...الكل باش يدفني في ذاكرة الماضي...باش نكون من اليوم مجرد رذيلة...هذا الكل خاطر المجتمع يقيمنا بقطرات دم...ميهمش لعشتو و لا لي شفتو...ميهمش شنوة اللي قاعد تحس
فيه...المهم انك عذراء...و يكفي باش يسموك شريفة...هي قطرات دم كهو...تكفي باش تحدد مصيرك و مكانتك في المجتمع...يكفي باش تكون شريفة...يكفي...يكفي...و يكفي باش تعيش فالمجتمع هذا...مجتمع الكبت و الفضيحة...اصوات بعيدة فيقتني مرة اخرى...اصوات قريبة و بعيدة فرد وقت...ضو اخر جهر في عيني...حليت عينيا...نلقا اكثر من واحد داير بيا...يجرو بيا في سرير...و يحكو بينهم...حوار نسمع فيه و مش فاهمة منو طرف
"عندها نزيف قوي برشا"..."يمكن عندها تمزق في رحم"..."مدام تسمع فينا رد بالك تغيب"...برا حضر غرفة العمليات بسرعة"..."و شوف زمرة دمها شنوة فيسع"..."زعمة شبيها ولدي" نظن حالة اغتصاب"...الكلام هذا الكل نسمع فيه...كل مرة من واحد...
مرة الفرملية...الطبيب...و المرا متاع قبيل...حليت عينيا...نشوف في جهامة...جهامة راجل...منعرفش علاش بقيت نشوف...مع انو صورتو مش واضحة في عيني...اما حسيتو...يطلع فيا...وجايع قوية نحس بيها من اللوطة...تحسها سكاكن قاعدة تقطع
فيك...للحظة تسكرت الباب...و تسكرو عينيا...بعد ما زرقولي...و هزوني لعالم اخر...غادرت الواقع...ساعات رجعت بيهم لحياتي...حياتي بنهار قبل...ما نوصل لهوني...لبيت باردة عاللخر...
بين يدين اطباء يحاولو يلمو فضيحتي...وقتها فقت الصباح...على ريحة القهوة...لعملتها امي...هزيت روحي...كيف كل صباح...باش نمشي لقرايتي...و لا باش نحقق حلمي بالدرجة الاولى اني نكون طبيبة...لبست حجابي...كي العادة...حطيت الفولار متاعي...و لميت كتبي...من البيرو و نص عالارض...حتى مني عديت ليلة الكل نحضر لاخر كونترول عندي...و باش ناخو عطلة و نتهنى...خرجت لبرا...لقيت امي حضرت طاولة...تفطر في عماد...عماد خويا
صغرون...برغم عامو الاول في الليسي...اما تحسو راجل دار...في الوقت ليبدا بابا غايب...بحكم خدمتو...كيما زادة نحسو حنين برشا...عليا و على امي...قدام قسوة بابا...يمكن خويا برغم صغرو...كان معوضني على بابا برشا...بابا لعمرو ما قابنا كلمة مليحة...عمرو ما حسسنا بالامان...كهو في راسو شي واحد تغلط تخلص...خذيت نفس...و صبحت عليهم...قربت من طاولة...هزيت طرف خبز...حطيت فيه معجون عالواقف...قحرتلي امي تحكي
امي:سوار يا بنتي اقعد و كول كيما ناس
انا:تأخرت برشا...و زيد معنديش فلوس باش نحكم طاكسي امي
عماد:تحب نعطيك سوار
انا:لا يا روحي لعندي يكفو...انت كهو عدي مليح باهي...و متنساش شفهمتك البارح
عماد:مريقل اختي...والله حافظ كلشي
قربت منو بستو...و بست امي نحكي
انا:عيش خويا الغالي...هيا باي...امي دعيلي معاك
امي:ربي معاك بنيتي و يوفقك
انا:عيشك امي
مكنتش نعرف....مكنتش نعرف انو هذا...اخر نهار نشوف فيه ضحكة امي و خويا...مكنتش نعرف اني باش نعدي اخر كنترول و انا فرحانة....مكنتش نعرف انو حياتي باش تتهد اليوم...باش نشوف الموت بين عينيا...و باش نتجبر اني نعيش في احضانها من اليوم...اغتصاب...كلمة كنت نسمع بيها في المسلسلات..في الجرائد..في الاخبار...اما مكنتش نتوقع اني باش نعيش الاحساس هذا...
باش نعيش العذاب هذا لحظة بلحظة...و الاسوء من هكا...كيف باش نعيش بعد توا...كيف باش نواجه امي و خويا...و كيف باش نواجه بابا...كيف باش نقنع الكل...لانا بريئة...و لانا طفلة مغتصبة و ما عندي حتى ذنب...شكون باش يصدقني...شكون باش ياقف معايا...شكون باش يجيبلي حقي...لشكون باش نشتكي...و كيف باش نبرر...كيف باش نقلهم لاكا الوحش...اغتصبني...اما شكون الوحش هذا...تي انا مشفتش وجهو جملة...منعرفش شكون لاغتصبني...و لا علاش اغتصبني....منعرفش علاش انا
بالظبط...الاسئلة هاذي...دور في مخي سؤال بسؤال...و انا في بيت العمليات...صحيح مخدرة اما داخلي عايشة برشا حاجات...في الوقت لهوما يحبوني نرجع للحياة...قاعدة نلوج على اجوبة داخلي...اجوبة نعرف لباش يسألوني عليها...اللي نحس فيه توا خوف من نوع اخر...خوف من مجهول...خوف من نظرة ناس...في ساعات هذوما عايشة بين نارين...نار الاولى اني نموت و نتهنى جملة...اما نار الثانية اني نعيش بين احضان الموت...إما تخطفني جملة...إما باش نواجه الناس الكل و نثبت برائتي...نثبت
وجودي...نثبت حياتي الجديدة لباش نعيشها...باش نكون من اليوم سوار جديدة...زعمة شكون باش نختار بين النارين هذوما...الاولى و لا الثانية...و لا باش نختار طريق اخرى...و حياة اخرى...يجبرني القدر اني نعيشها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
كيف تقرأ القصة من دون إنترنت من هنا
الحلقة الثالثة
نحل في عينيا بالسيف...نحس في راسي رزين...ووجيعة قوية من اللوطة...سكرت عينيا بالقاوي...ورجعت فتحتهم...ندور فيهم عالبيت...بيضة بالكل...نسمع كان في صوت الالات...بقيت فترة...و انا نعقل...للحظة تعدا شريط ليلة الخايبة هذيكا بين عينيا...نطرت من بلاصتي جيت قاعدة...فكيت سيروم من يدي...و الحاجات لي لاصقين على
صدري...شديت راسي بين يديا...و طرشقت بالبكا...نبكي و نضرب في وجهي مفماش نقص وجيعتي...مفماش نفقد ذاكرتي وننسا كلشي...ننسا لي صار...ننسا لانا معادش صبية...ننسا لانا خسرت شرفي...خسرت عيلتي...خسرت الحاجات الباهية في حياتي...ننسا الليلة هذيكا و نمحيها من حياتي جملة بالوقت دخل طبيب مع زوز فراملة...شدوني...و قرب مني طبيب زرقلي...هديت شوية...رجعت تسطحت...كاني فقدت القدرة اني نتحرك...اما دموعي...دموعي منجمتش نشدهم...كل
دمعة...تعبر عالقهرة لي قاعدة نحس بيها توا...تعبر على كمية الوجيعة اللي في قلبي و في بدني...لمسات طبيب لكانت تتحط على بدني و هو يتفحص فيا و يرجعلي في سيروم...خلاتني نتقززز...خييييت قداش كرهت رجال...كرهت ريحتهم و
صوتهم...كل راجل يقرب مني...نشوف فيه الوحش
لاغتصبني...حاولت نبعد عليه...حاولت نقوم...اما نحس في بدني مهدود...جيست نشوف معاه وسط دموعي...و انا نسمع فيه يحكي
طبيب:مدام لازم تهدي روحك...و تتلها بصحتك خاصة اليومين هذوما...مزال جرحك جديد...و كان باش تبقى باش نظطر ندخلك لبيت العمليات مرة اخرى
مرجعتش عليه...كهو نشوف معاه...كيف زرقلي هديت عاللخر...عكس البركان لقايم داخلي ..سكرت عينيا ورجعت فتحتهم...نلقاه بعد عليا يحكي
طبيب:تو حاول ترتاح...و الشرطة باش تاخو افادتك مبعد...و خبرنا اهلك تو ساعة من زمان و يكونو عندك
كمل كلامو و خرج...دقات قلبي زادت...لدرجة رجعت نسمع فيها داخل وذني...شنوة باش نقلهم...كيف باش نواجهم...دموعي زادو و غرقت في وسطهم...خوف تملكني ساعتها...رغبة قوية...اني نصيح و نكسر كلشي...اما قاعدة نحس اني فقدت صوتي...فقدت روحي وسط افكاري...وسط دموعي...وسط وجيعتي...وسط الاسئلة لي دور في مخي...شكون و علاش عمل هكا...سؤالين حرقوني من داخل...
خلاوني ساعات حالة عينيا...نحب نلقا جواب...جواب واحد كهو...شكون الوحش لدمرني...و علاش اختارني انا...مع انو قادر يجيب البنت لي يحب...خاطر وسط الظلام لكنت فيه...عرفت انو مش حد و برك...كيف باش يكون حد و برك...و صوتو اللي يرعد...خلا الرجال الكل لي غادي
يسكتو...صوتو اللي تقززت منو...اول ما سمعتو...يديه لي تعدات على بدني...خلاتني نعيف روحي و نعيف بدني...لاقصى درجة...اللي نحسو وقت نذكر الوحش هذاكا اكبر من الكره...نكرههو و نشوف وجهو في كل راجل يتعدا عليا...و كان جا بيدي الموت كنت هنيت الدنيا من شرو...قص عليا الباب كي فتح...نشوف في زوز بولسية داخلين...مرا و راجل...قرب مني راجل فيهم...يحكي
هو؛مدموزال جيت باش ناخو افادتك...شكون لي عمل فيك هكا...و شنوة اللي صار بالظبط
اعععع مخيب صوتو...سكرت عينيا...و دورت وجهي عليه...منحبش نسمعو...منحب حتى راجل يحكي معايا...حسيت بيد تحطت على يدي...تلفت نشوف معاها...لقيتها المرا هذيكا...طلعت فيا تحكي بصوت هادي
هي:عزيزتي...احنا هوني باش نعاونوك...باش نعرفو شكون عمل فيك هكا...و علاش...و انت لازم تعاونا...تقولنا كلشي اسمك...وين كنت...و شكون عمل فيك هكا ووين...و تو القانون ياخذلك حقك
كبست بيديا...على الفرش...و سكرت عينيا نذكر في كلامو اللي قالو في وذني وقت خذا حاجتو مني
هو:هاك طلعت كعبة مش نورمال...جديدة و مزيانة عاللخر...اما للاسف معادش تنفعني...و باش نرجعك منين جيت...و هذا باش يبقى سرك الصغير...يا صغرونة...اه قصدي فضيحتك الصغيرة...ههههههه
هزيت يديا من الفرش...سكرت وذنيا...مخيب ضحكتو...مخيب صوتو...مخيبو...شهقت بالبكا...صوتو ميحبش يتنحا من وذني...كلامو منجمتش ننساه...حفظتو كلمة بكلمة...شهقت بالبكا...صوت البولسية نحسو بعيد برشا قدام صوتو لي داخل راسي
هي:حاول تحكي...حاول تذكر...نوعدك اول ما نلقاوه باش يوفا الكابوس متاعك...نوعدك باش نعملو المستحيل باش ناخو حقك منو...انت برك احكي...هيا عزيزتي...احكي شكون...شكون الكلب هذا
نسمع فيها...ودموعي نازلة...نلوج على صوتي باش نحكي...نحب نحكي و نحكي و نحكي كلشي...نحب نقلهم مشفتوش...اما من ريحتو نجم نعرفو...نحب شكون ياقف معايا...و يجيبلي حقي...خذيت نفس بالسيف...نخرج في الحروف من فمي...بالسيف
انا: ا ا ا انا
قص علينا الباب كي فتح بقوة...طلعت راسي نشوف مع بابا...كي هد علينا...مت الف موتة و موتة...قرب مني..بسرعة...شدني من كتافي...يهز فيا و يصيح بكل صوتو
بابا:علااااششش سوووار علااااش عملت هكا...علااااش شنوة عملنالك احنا...شكون هذا احكي حل فمك...شكون هذا اللي عمل فيك هكا...شكون لي سمحتلو يعمل فيك هكا و لوحك كي الكلبة...ميكونش كلب من الكلاب لي يقراو معاك...احككككي شكوون
منجمتش نرجع عليه...كان دموعي نازلين...نبكي بالشهقة...ختم كلامو...بكف على وجهي...قرب منو البوليسي...شدو و بعدو عليا يحكي
هو:مسيو امان اهدا...بنتك تعرضت لحالة اغتصاب
بابا:اغتصاب...يا سوار قداش من مرة قتللك فك عليك من القراية...اما انت ركبتها في مخك...و عملت رايك و اخرتها اغتصاب...ندرا شكون من الكلاب لي تعرفهم خذا حاجتو منك و رماك...والله يا سوار موتك على يدي انا اللي نقتلك...و و نغسل شرفي بيدي
هزيت يديا سكرت وذنيا...منحبش نسمع الكلام هذا...دموعي قوات...شهقاتي رجعت تخرج بصوت...فتحت عينيا نشوف مع امي و عماد...محضناتو من تالي...يبكو زوز و يشوفو معايا...قداش تمنيت اني نحضن امي وقتها...نحضنها و ننسى كلشي...اما بابا كان كي الحاجز بينا...كبست على وذنيا اكثر...نحس في روحي باش نهبل...ريقي شاح...دموعي حرقتني من البكا...نشوف في المرا قربت مني...تحكي
هي:سواار عزيزتي اهدا
بابا:باش نقتلك...تفهم شمعنى نقتلك
هي:مسيو احترم روحك...نقلك الطفلة تعرضت لاغتصاب...معندكش حق تحكي معاها هكا في حضرتنا و تهددها...و من يوم و رايح...هي تحت حمايتنا...و كان باش تمس شعرة منها...نعرف كيف نجيبك
تلفتت عندي...نحاتلي يديا من وذنيا...و نزلت بيديها لكتافي...عاونتني نقعد...ورجعت طلعت فيه تحكي
هي:برا توا معندك شي تحكيه معاها توا..كلشي باش تعرفو في المحضر متاع شرطة
بابا:محاجتي بحتى محضر...من اليوم...يا سوار...من اليوم تنسى لعندك عييلة...تنسى لانا بوك...تنسى امك و خوك جملة...لا راك بنتي و لا نعرفك...و ساقك نقصها كان مازلت تحطها في داري مرة اخرى
نسمع في كلامو...و مش مصدقة...تبرا مني...تبرا مني في جرة غلطة كنت انا ضحية فيها...لهدرجة معنديش قيمة عند بابا...لهدرجة يخمم في كلام ناس...فضل كلام ناس على بنتو لرباها عشرين سنة...طلعت لامي...و عماد...نشوف معاهم...يحبو يجو عندي...اما لف امي بكف قدامي...حسيت بوجيعتو...كل مرة كان يهز يدو عليها كنت نتوجع في بلاصتها...عماد مد يدو لعندي يحب
يشدني...قداش عزو بيا...تمنيت كان مت و لا عشت اللحظات هذوما...تمنيت كان خرجت عمري قبل ما يوصل بابا...تمنيت كان نجمت نحضن امي لاخر مرة...نحس في صوتي ضاع...و معادش نجم نحكي...كيف خرجو...خرج معاهم البوليسي...قربت مني المرا لمعاه...في يدها كاس ما شربتني بالسيف...و مسحتلي دموعي تحكي
كرونيكات مافيا و إجرام
هي:رد بالك تضعف...اللي شفتو شي من اللي باش يصير عليك...لازمك تكون اقوى ببرشا من هكا...لازم تاخو حقك من اللي ظلمك...لازم تتقوا على روحك و تبدا من جديد...ضربة لمتقتلكش تقويك...باهي عزيزتي..و نوعدك باش نعاونك...مش كمحققة كهو...اما خاطرني مرا كيفك منحبكش تضعف عيش اختي...و توا نخليك ترتاح...ووقت تحس روحك مليحة باش ناخو افادتك باهي
هزيتلها براسي باهي من غير حتى كلمة...نبكي و كهو...نبكي من وجيعتي من قهرتي...من شرفي و دارنا لي خسرتهم بين ليلة و نهار...كيف حلت الباب و خرجت...شفت نفس جهامة الراجل...قبل ما ندخل للعمليات...يشوف معايا...اما مشفتش وجهو بالباهي...و منعرفش عليه
شكون...تسكر الباب...هزيت يديا مسحت دموعي...معادش نجم نبكي...نحس في عينيا يحرقو...يحرقو لدرجة كبيرة...معادش عندي قوة جملة...رجعت تسطحت...نشوف مع السقف...و نخمم في كلام بابا...و نظرات امي...مكانتش نظرة خيبة امل...و لا لوم...كانت نظرات شفقة ام لبنتها...اكثر شي صعب عليا...و خايفة منو انو معادش نشوف امي جملة...و معادش نحضنها...و نحط راسي على حجرها..و نسمع حكاياتها كيف
مستانسة...سكرت عينيا...نزلت مني دمعة اخرى...و هزني نوم...لعالم اخر...عالم نقي...اما كابوس الواقع قعد ملاحقني...و مستحيل باش يخليني مرة اخرى مستحيل
_____________________________________
مسيو مسيوو...صوت جاني من بعيد...اما منجمتش نتلفت...نشوف مع شق الباب...نفس الطفلة لشفتها البارح...غارقة وسط دموعها...فما شكون يصيح معاها...ظاهر بوها من شكلو...يسمع فيها في الكلام.. عرفت انو هي مغتصبة...و لا هكا حاجة...اما كلام بوها..ظاهر كانت تعرف شكون...حطيت يديا داخل مكاتبي...مثبت مع المنظر...لي نشوف فيه...اما مخي مركز مع كلام اخر...يتعاود في مخي "باش تنجح المرة هاذي...لازمك
طفلة...جديدة عالدومان...مش معروفة...و معندهاش اهل...و مفماش شكون يسأل علاها و لا يحب علاها جملة...و اهم شي معندهاش سوابق...و فيشتها نظيفة...خليها تطلب لي تحب...اعطيها لي تحب...اهم شي تكون موثوقة...و قد المسؤولية...اما كان حسيت بطرف خطر من جيهتها...تعرف كيف تتخلص منها"
فقت من سرحتي...على تسكيرة الباب القاوية...عديت يدي على شعري...و عطيتهم بظهري...نمشي...و كان الكلام هذا يتعاود في مخي...و صورتها بين عينيا...زعمة باش تكون هي...خذيت نفس كي وصلت للباب...نشوف مع واحد من رجالي جاني يجري يحكي
هو؛مسيو مسيو فاق
مرجعتش عليه...قربت من الباب...فتحتها...هديت عليه...و خليت زوز من رجالي برا...قربت من جبدتو...من سورية الكلينيك لي لابسها.. طلعتو عندي شوية نحكي
انا:شكون عملها
هو:م منعرفش
هزيت يدي لاخرى حطيتها عالجرح لي في كتفو كبست عليه...صياحو قوا...طلعتو عندي اكثر نحكي
انا:اخر مرة نسألك...شكون عملها شكون قطع فرنات الكرهبة...شكون حاب يقتلني...شكون بعثك
هو:م منعرفش ج جيست عطاوني فلوس...و طلبو مني قبل ما تخرج من نادي نفذ مهمتي
انا:مش باش تقول شكون
هو:منع
مخليتوش يكمل و ظغطت عالجرح اكثر...لين رجع يصيح و ينزف.. كملت نحكي
انا:ظاهر مش باش تحتاج عملية مرة اخرى...خاطر مش باش ترجع تخدم بيها يدك
هو:س سمعت ل لي عطاني فلوس يحكي في تليفون
انا:شقال
هو:اعتبر زياد معادش موجود...و عدوك اللدود مش باش يظهر في طريقك مرة اخرى
انا:كممل
هو:و وقال سلعة باش دخلها وقت ما تحب
انا:مممم باهي
رخفت يدي عليه...ترما عالسرير...شاد في كتفو...قربت من الباب ورجعت تلفتلو نحكي
انا:اعتبرو تهديد صغير...و برا وصل لبعثك...و قلو زياد مش باش يموت بالساهل...و كان عندو جرأة خليه يواجهني هو...خليه يواجه شيطان بنفسو
خرجت من عندو...و سكرت الباب بالقاوي نحكي
انا:باش تراقبوه من بعيد لبعيد...من غير حد ما يشلق بيكم...مكانش عندي تصرف اخر معاكم
هزولي زوز براسهم باهي...هزيت روحي...و خرجت من الكلينيك...نسوق...و مخي...بعيد...المهمة لي جاية صعيبة برشا...و انو تكون معايا طفلة مخدمتش في دومان هذا من قبل صعيب برشا...و الاسوء انو في 3 اشهر لازم تتعلم كلشي...ركيت الكرهبة...و نزلت منها...تكيت عليها...نشوف مع
البحر...
و تفكيري مع نفس الطفلة...نحس في روحي نعرفها...كاني شفتها من قبل...اما منعرفش وين و امتى...اما علاش حالتها كانت اكاكا...كنت باش نسأل...اما مش وقتو...اللي عرفتو انو معطاتش افادتها و هذا مهم برشا...عالاقل...معندها حتى شي عندهم لتوا...زعمة كان نقترح عليها الموضوع باش توافق...باش تقبل تخدم في دومان هذا...باش تقبل تخاطر بروحها...تي زياد شبيك...الطفلة ظاهر مصدومة...و انت تخمم في الخدمة...اما مفماش حل اخر..تي قرابة شهر...و انا
نفركس...و مش اي طفلة باش توافق...و كان انا توا ستغليت ظروفها باز باش توافقني...و بالمقابل...تنجم تخرج من المشكلة لوحلت روحها فيها...خذيت نفس ورجعت للكرهبة.. هزيت تليفوني...كلمت شكون نحكي
انا:نظن لقيتها
هو:متأكد لهي نظيفة و مش باش جيبلك مشاكل
انا:لتوا متأكد...اما باش نقابلها و نعرف عليها اكثر
هو:باهي...اما رد بالك اي خطر تحس بيه اجبد روحك فيسع
انا:هههههه توصي فيا ياخي
هو:تعرفك قدها...طمني كان وصلت لخبر جديد
انا:باهي طمن مسيو
علقت عليه...وكلمت واحد من رجالي لي خليتهم في الكلينيك...هز عليا يحكي
هو:تفضل مسيو
انا:اسمعني تذكرها طفلة لكنت واقف بحذا بيتها قبيل
هو:ايه
انا:ملا اسمعني...صباح لاحظت فما شكون من البوليس يحب يحقق معاها...خليها تحت عينك ليلة و كان حاولو يدخلو عندها امنعهم بمعرفتك باهي
هو:باهي تهنى
علقت عليه...و رميت تليفون عالكرسي لقدامي...و شديت ثنية لدار...و في راسي شي واحد كهو...انو صباح باش نقابلها...خاطر اليوم مستحيل تنجم تتعاون معايا...و هي فالحالة هاذي...عالاقل تكون هدات...و تنجم تحكي..و تستوعب كلامي...و كان وافقت بالحق...نكون بديت في مهمتي من غدوة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة الرابعة
وصلت لدار...ركيت الكرهبة على جنب...و نزلت...تبسمت على جنب و انا نرا في كرهبتو مراكية...زح بدل كلشي في حياتو...كان كرهبتو... هزيت المفتاح في يدي نلعب بيه...اول ما وصلت...فتحت البون الباب قبل ما ندخل...و لا منجمش نسميها البون...خاطر نعتبرها اكثر من هكا...بستها من راسها نحكي
انا:شنوة ظاهر رجع بكري ليلة
عزيزة؛والله هو كل يوم يرجع بكري...اما انت و السخطة لاخر...تغيبو كيما تخبو و تجو وقت ما تحبو
انا:شنوة عزيزة ياخي توحشتني انا و لا هو قر خنشوف
عزيزة:برا السخطة هذا لا عاد حشمتو نتوما زوز
انا:ملا عينك على توفيق
عزيزة:تي احشم عاد...هكا تحكي على بوك
انا:ههههه باهي باهي وينو توا
عزيزة؛في صالة
انا:عيش عزيزة الغالية...اه و على سيرة السخطة لاخر...مركح جوو عاللخر
عزيزة:على اساس انت كنت تصلي و تسبح
وقفت في بلاصتي...و هي سكتت...بدلتها بضحكة تحكي
عزيزة:برا اسمع محاضرتك و انا تو نحط العشا
انا:باهي عزيزة عيشك
خذيت نفس...و كملت طريقي لصالة...حسيت بشكون راح يضربني لوجهي...وخرت راسي لتالي...و شديتلو يدو...بخفة...و درت عندو...تبسمت على جنب نحكي
انا:مش باش تبطلها العادة هاذي
بابا:و انت مزال عندك نفس الخفة
انا:تعلمتها عليك
بابا:زياد زياد...ولدي الغالي
انا:بابا والله ليك وحشة
قربت منو حضنتو...و جبدت روحي منو...ضربني على كتفي يحكي
بابا:وين كنت غاطس
انا:كي العادة
بابا:ممم باهي...و شصار في اللي حاول يقتلك اخر مرة
انا:ههههه ياخي ما يخفى عليك شي انت
بابا:توفيق راني و لا نسيت
انا:عطيتو درسو
بابا:تهديد مش كافي...رصاصة وحدة تهنيك منو
انا:بابا الغالي...ماك تعرف تهديدي...و هو زادة يعرف شكون زياد...و لي سماه توفيق الشيطان من صغرو...شينجم يعمل فيه...الموضوع تسكر و معادش يفتح...و كان باش نقتل واحد كيفو...باش نحلو فوق راسنا مصايب كبيرة...و متنساش شي مهم...مازلنا بحاجتو...و انت ادرى
بابا:و اكثر شي يعجبني تفكيرك في شي مرتين...مش كي السخطة لاخر
انا:قصدك نسخة متاعي
بابا:فرحان ياخي...زوز وصلتو لثلاثينات...و معادش حشمتو على روحكم
انا: شنوة باش نعدوها بين سلاحات كهو...لا عاد الواحد لازم يتفرهد
بابا:بالطبيعة...باش تتفرهدو...ملا باش نستغرب انا
انا:شرايك نشوفلك عزيزة...والله عزت بيا...عرس بيها و تهنا...و سيب علينا الخدمة هاذي
بابا:يعيطك يا طفل اقلب منظرك عليا
انا:لا مش قبل ما ناكول...والله باش نموت من الجوع...و زيد انا لشديت سلعة الاسبوع هذا...و ستر ربي راني مزلت عايش...باش دللني راك
بابا:صحيح...على سيرة سلعة...ما جانا حتى خبر من اللي استلمها لتوا
انا:المهم فلوسك وصلوك...و الخبر باش يوصل اليوم و لا غدوة
بابا:باهي باهي...باش تبات الليلة هوني
انا:لا...جيت باش نودعك
بابا:وين على خير
انا:شنوة توفيق نسيت ياخي...بعد كل عملية...باش نغيب 3 اشهر عالوسط
بابا:باهي رد بالك على روحك...و طمني عليك
انا:بالطبيعة هيا توا عزيزة حطت العشا و تستنا فينا
بابا:فمك باش تلمو...مش كل مرة تعملو الفضح قدام المخلوقة...في مقام امكم راهي
انا:كي هكا علاش متعرسوش و تهنونا
بابا:شو كي مزال يحكي
انا:ههههه باهي باهي ايجا برك
بابا:باهي
متكي على فرشي...نرمي في الفلايش بالوحدة...عاللوحة اللي معلقة عالحيط...نسمع في شكون يدق عالباب...كملت نرمي فيهم...نحكي
انا:ادخل
دخل واحد من رجالي...طلعت عليه...حط يديه فوق بعضاهم...مطابس راسو يحكي
هو:السلعة وصلت
تبسمت على جنب...و كملت رميت اخر فليشة...جات في الوسط بالظبط...هزيت روحي تقعدت..نشوف معاه و نحكي
انا:و صاحب السلعة
هو:مات
انا:مممم باهي وينها توا
هو:في المخزن
انا:شكون يعرف بالخبر هذا غيري
هو:بخلاف رجالنا حتى حد
انا:مليح برشا...ملا اسمعني شباش تعمل توا
هو:شنوة
انا:باش تنظفو كلشي وراكم...منحب حتى حد يعرف لي صار...و انت تعرف نقصد شكون
هو:بالطبيعة طمن
انا:باهي برا على روحك توا
رجعت تسطحت...جا باش يخرج...وقفتو نحكي
انا:استنى
هو:تفضل مسيو
انا:ابعثلي وحدة بمعرفتك
هو:باهي ساعة و تكون عندك
انا:نص ساعة
هو:باهي مسيو
اول ما خرج...هزيت تليفوني...كلمت السخطة هذاكا...هز عليا يحكي
زياد:و اخيرا مسيو ادم تنازل و كلمنا
انا:ههههه توحشتكم شنعمل
زياد:سكر على شعرة باش نصدقك
انا:وين غاطس يا واطي
زياد:قاعد نتعشى مع توفيق
انا:شعامل مع عزيزة
زياد:هاني نحاول فيه يعرس بيها
بابا:سكر انت وياه...ملا بهايم ربيتهم انا
انا:ههههههه والله ليه وحشة توفيق
زياد:نعرف هاني نطير فيها منو...ماك تعرف بعد العملية لازم نرتاح يمات
جيت باش نحكي...دق الباب...دخلت وحدة...بيضة...شعرها اكحل نازل على كتافها...المعري اكثر من المغطي...مطبسة راسها...مش من الحشمة جيست من الخوف...تبسمت على جنب...ظاهر باش نشيخ الليلة...عملتلها بيدي تقرب مني...وصلت قدامي...جبدتها من يدها جات على حجري...و كملت نحكي مع زياد
انا:مبعد نكلمك
زياد:شفما ياخي
انا:باش نلعب مع كعبة مش نورمال
زياد:زايد خامج برا على روحك
انا:هههههه والله انا معنديش وقت نضيعو مع توفيق
زياد:هههههه ماو انا ساعة عندي كعبة فيكس...تو كي نحب نبدلها نكلمك
انا:حتى هي تستاهل باش تكون فيكس...برا متخليهاش تستنا برشا...و خلي توفيق يستفرد بعزيزة
زياد:و انت قلتها...ليلة سعيدة و سايس علاها
انا:بلا ما توصي بونوي
علقت عليه...و رميت تليفون عالتابل دونوي...رجعت تسطحت و جبدتها فوقي...مركزتش مع وجها برشا...اصلا حاجتي لي بيه الفايدة...و هي زادة تعرف اللعب الصحيح...قلبتها تحتي...و غطست فيها...فرغت فيها ستراس النهار الكل...و زادة هي مقصرتش معايا...و شيختني...شيختني عاللخر...و هذاكا لي حاجتي بيه انا...دوب ما كملت...جبدت روحي منها..و غطست في نوم
سوار تحكي:
"سوار...سوار...سوار...بنتي الغالية...سوار ايجا عندي...اممممي"..."لاااا سيبني امانك لاا امي تستنا فيا سيبني....سوااار...بنتي....اممممي سلكني امانك"...فتحت عينيا فرد مرة...مع صيحة كبيرة خرجت مني..."اممممممي"...صوتي خرج...بعد 3 ايام من الحادثة...نجمت نحكي...هزيت روحي تقعدت.. غطيت وجهي بيديا الزوز...و فحمت بالبكا...معادش نجم...ياسر تعبت...معادش عندي
قوة...توحشت امي...كانو عندي شهور مشفتهاش...توحشت عماد...توحشت بيتي الصغيرة...لي طل عالحومة...الحومة لي تربيت فيها...الحومة لي حبيت ناسها و حبوني...الحومة اللي كنت كل صباح نمشي فيها و نصبح على النسا ليبكرو صباح ربي...و نسمع دعاويهم ليا...الحومة لكنت نحلم نخرج منها عروسة...يمكن لحد من ناسها و لا لحد اخر...تمنيت نرجع طبيبة كبيرة هوني...و الكل يفرح ستانست بالوضع هكا...ستانست بناسي و حومتي...اما...كل حلمة حلمتها طاحت في الما...بعد الليلة هذيكا...معاد عندي حق في حتى شي...مصير بعد اكا نهار
مجهول...خسرت كلشي فرد مرة شرفي...قرايتي و اهلي...تكيت لتالي...نشوف مع السقف...و تفكيري بعيد...زعمة كي نخرج من هوني وين باش نمشي...شنوة باش نعمل...زعمة بالحق الشرطة باش جيبلي حقي...زعمة باش يلقاو الحيوان لي عمل فيا هكا...نحس في مخي يتحرق كي نذكر كلامو و صوتو...اعععع مخيبو...يا ريت لا خرجت...و لا عشت ليلة هذيكا...كرهت الرجال و ريحتهم...كرهت جنس ادم جملة...معاد نحمل حتى حد...و لا حد...مخيبهم الكل كيف بعض...مسحت دموعي...تسطحت و سكرت عينيا...نحب نرقد...نحب نرتاح من الدوامة لي دخلت فيها بين ليلة و نهار...نحب ننسى كلشي...و نفيق على صوت امي و ريحة القهوة...نحب نرجع لدارنا و كهو
فقت الصباح...على صوت طبيب يحكي مع الفرملية...حليت عينيا بالسيف...قرب مني يحكي
طبيب:تحس في روحك لباس
هزيتلو براسي باهي...كمل فحصني...و بعد عليا يحكي
طبيب:بعد ساعة باش يجو الشرطة...حاول تحكيلهم كلشي صرا معاك...و هوما باز باش يعاونوك باهي
هزيتلو براسي باهي...اصلا معنديش قوة باش نحكي معاه...تفكيري الكل في امي...و الكلام لباش نقولو لشرطة...ووين باش نمشي بعد ما نخرج من هوني...نحس في راسي باش يطرشق...كمل خدمتو و خرج...جيت باش نرج نتسطح...نشوف في الباب فتح مرة اخرى...اما المرة هاذي...لي دخل مش الطبيب...عينيا وساعت...و انا نشوف
معاه...تي اصلا الاشكال هاذي متشوفهاش برشا...تي طولو وحدو قد الباب...جات عيني في عينو...للحظة حسيت ببرودة في بدني...و نفس الخوف لي حسيتو ليلة هذيكا...رجعت تقعدت...ووخرت لتالي...تكيت و كبست بيديا عالفرش...نرقل وحدي..واحد كيف
هذا...شيحب عندي...و شمدخلو لهوني...قلبي يدق بالقاوي نحسو باش يطيح...تعدات ليلة هذيكا بين عينيا...الوحش هذاكا تقريبا في نفس جهامتو...تلكمت على روحي...و ركزت مع وجهو...حسيت اني نعرفو...اني شفتو من قبل...اما وين...و الاهم من هكا...شيعمل هوني...و شيحب مني
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة الخامسة
عينيه دور على وجهي الكل...كانو يحب يثبت و يحفظ كل تفصيل فيه...شي بخلاني نرقل من الخوف...نتنفس بالسيف...و الف سؤال و سؤال يدور في مخي...في لحظة ذكرت لشعري مش مغطي...و لبست الكلينيك مش مستورة...بلعت ريقي...كل نظرة من راجل...نشوف فيها نظرة اكا الوحش لبدني....بقيت نشوف معاه...هز الكرسي بخفة...قربو مني...قعد عليه...حط ساق على ساق...بطريقة مستفزة...تحسو مولا البلاصة...و لا ندرا شنوة...ميل راسو شوية...باقي يشوف في وجهي...من خوفي لزاد...كبست عالغطا و طلعتو عليا...قلبي يدق بالقاوي...نحسو باش ياقف...نحس في دموعي باش يهبطو...كاتمة شهقاتي بالسيف...نسمع فيه يحكي
هو:سوار بن مالك
صوتو خرج قوي برشا...زعزني في بلاصتي...و خلا بدني يرعش من الخوف...خوف كبير حسيتو...كي سمعت اسمي من فمو...صوت رجعني لاكا ليلة الخايبة...سكرت عينيا بالقاوي...ورجعت فتحتهم...نشوف معاه...تكا لتالي شوية...ضيق عينيه و كمل يحكي
هو:سوار بن مالك...عشرين سنة...تقرا العام ثاني طب...تسكن في حومة ¤¤¤¤¤¤...عماد بن مالك...16 سنة خوك الصغير...عامو الاول في الليسي...امك خدامة عند عيلة عابدين...و بوك موظف عادي...من 3 ايام تعرضت لاغتصاب...و عيلتك تبرات منك...نظن هاذي حياتك و عيلتك...كان نسيت شي ذكرني
زادت دقات قلبي بالوقت...شكونو...و كيف يعرفني و يعرف عيلتي...نحب نحكي معاه...اما نحس في صوتي ضاع...نزلت من دمعة...هزيت يدي فيسع مسحتها...و طلعت للباب...نحب شكون يدخل و يخرجو عليا...تبسم على جنب و كمل يحكي
هو:متطلعش برشا...كان نقتلك توا...حد ما راح يسمع بيك...اما توا جيت لشي ثاني...و نحبك تسمعني لتالي باهي
هزيت براسي باهي...كنت نجم تصيح و لا نعمل اي شي...اما كيف سمعت اسم امي و خويا من فمو...حبيت نسمعو لتالي...كبست عالغطا اكثر...نشوف معاه...كيف هزني و حطني يحكي
هو:اللي حاجتي بيه عرفتو عليك...و اللي نعرفو زادة انو وقت تخرج من هوني...حياتك باش تمشي للمجهول...اما عندي عرض ليك...و كان باش توافق تكون خرجت روحك من المسألة هاذي..و باقل الاضرار
كلامو دخلني في حيط...في لحظة حسيت روحي هتميت لي يقول فيه...زعمة عرض شنية لباش يعرضو عليا...نزلت الغطا شوية...و تكيت لتالي نشوف معاه و نسمع فيه يحكي فرد وقت
هو:نحبك تخدم معايا...من اليوم تكون تابعة ليا كهو...كلامي هو اللي يمشي...اهم شي فيشتك تكون نظيفة...و شرطة متعرفش بقضية اغتصابك...و القضية تتسكر هوني...خاطر الشرطة ما عندها وين توصل و مستحيل جيبلك حقك...و تسكر موضوعك جملة...و بالطبيعة انت ما تربح شي...كان اسمك لي يتوسخ بالمقابل راح تاخو كلشي تحب عليه...دار فلوس كراهب...باش ترجع تثبت
مكانتك في المجتمع مرة اخرى...و تبرأ اسمك...اما اللي لازم تعرفو...كيما هاذي الخدمة باش طلعك لسما في يمات...تنجم تنزلك تحت الارض في نهار...اهم شي لازم تعرفو...انك كان تكون تابعتني باش تعيش في احضان الموت...و انت اختار...انا و لا الشرطة خاطر في الحالتين...باش تعيش في احضان الموت
هز روحو وقف...طلع لمنقالتو...ورجع غزر فيا...عدل الفاست متاعو
و كمل يحكي
هو:ربع ساعة و تكون شرطة قدامك...باش تاخو افادتك تنجم تاخو قرارك فيها...و بعد ربع ساعة بالظبط تلقاني في الجنينة نستنا فيك....و اعتبرها اول و اخر فرصة ليك
كمل كلامو...هز روحو و خرج من البيت...بقيت نشوف مع الباب...قلبي باش يخرج...نحس روحي قاعدة ندور في دوامة كبيرة..اغتصاب...اهلي لي تبراو مني...و توا هذا...لمنعرفش اسمو شنية...يعطيني في فرصة انو نخدم معاه و نكون تابعة ليه...تي اصلا محكا عالخدمة شي...كان اني نكون نظيفة عند شرطة...شي بي حيرني...كيف هو واصل.. و ظاهر نفوذو كبار...شنوة حاجتو بطفلة كيفي...ظروفها في الويل.. طفلة مغتصبة...و الاهم من هكا عطاني فرصة من غير تهديد...مع انو كان ينجم يهددني بعماد و لا امي...قص عليا صوت الباب لي فتح...نفس الشرطي و المرا جاو باش ياخو افادتي...بقيت نشوف معاهم...وكلامو يدور في مخي فرد وقت " بالمقابل راح تاخو كلشي تحب عليه...دار فلوس كراهب...باش ترجع تثبت مكانتك في المجتمع مرة اخرى...و تبرأ اسمك"صوت الشرطي وهو يسأل رجعني للواقع
هو:سوار بن مالك...كان ارتحت توا...تنجم تحكيلنا كلشي...و تنجم تقدم شكوة...و الشرطة باش تخدم خدمتها و تاخذلك حقك
بقيت نشوف معاه شوية...مبعد طلعت للباب...نذكر في كلامو مرة اخرى" اهم شي فيشتك تكون نظيفة...و شرطة متعرفش بقضية اغتصابك...و القضية تتسكر هوني...خاطر الشرطة ما عندها وين توصل و مستحيل جيبلك حقك...و تسكر موضوعك جملة...و بالطبيعة انت ما تربح شي...كان اسمك لي يتوسخ"...رجعت ثبت فيه و هو يحكي
هو:احكي من غير خوف احنا معاك...قدم شكوة متاعك توا...و احنا باش نعملو لازم
سكرت عينيا...ورجعت فتحتهم...نحيت الغطا من فوقي...و هزيت روحي وقفت...طلعت فيه...جمعت الكلام داخلي نحكي
انا:منحب نشتكي بحتى حد...و ما نقدم حتى شكوة...لا شفت لاغتصبني و لا نعرفو حتى...سكر القضية توا
هي:سوار فما شكون هددك...احكي عزيزتي وراسك باش نخرجوك منها المشكلة
تبسمت على جنب...هزيت فولاري لكان محطوط عالتابل...حطيتو على كتافي...نحكي
انا:حتى حد ما هددني...و كيف نحس روحي حاضرة انا لباش نجي و نقدم شكوة...اما توا امان منحب نحكي شي
هو:متأكدة
انا:مممم و توا سامحني نحب نخرج للجنينة شوية
هو:باهي
حليت الباب...و خرجت...خرجت و انا حاملة حقد الدنيا الكل في قلبي على رجال الكل...خرجت و انا حاملة شحنة انتقام قوية...تكفي باش ندمر كل راجل يقرب مني حتى بكلمة كهو...حطيت يديا زوز تحت رقبتي...خرجت شعري...من تحت الفولار...رجعتو لتالي...هزيت راسي الفوق...نشوف مع الباب...مهمنيش في شعري لمعادش مغطي..و لا في روب لي جاية عند ركبة...و لا في ناس اللي قاعدة تشوف
معايا...و لا في الوجايع لقاعدة نحس بيها في قلبي و بدني...و منعرفش زادة القرار لباش ناخو توا صحيح و لا غالط...اما بعد ما خسرت كلشي...الراجل اللي جاني اليوم...باش يكون الوسيلة الوحيدة...اني نخرج من الوحلة...هاذي...عالاقل المجهول لباش نمشي ليه توا...نستفاد منو...و يخليني نوصل لي نحب عليه...برغم نعرف و متأكدة...لباش يطلبو...اكبر مني ببرشا...اما بعد ما خسرت كلشي...باش نكبش في اخر فرصة...باش نعيش في احضان الموت...باش نرجع حقي من اللي ضلمني...و باش نحمي امي و خويا...باش نعوضعهم على كلشي...حتى كان خطفتني الموت...باش نموت مرتاحة...مرتاحة خاطر خليت شكون ورايا...يستحق يعيش...و يحقق كلشي تمنيتو انا
___________________________\\______
زياد يحكي:
بقيت متكي عالكرهبة.. نشوف مع الباب...منعرفش لي عملتو صحيح و لا غالط...منعرفش اذا انا توا نستغل في ضعفها و لا راني نعطيها فرصة...انها تاقف من جديد...اما قد ما تكون فرصة ليها...هي باش تكون اكبر فرصة ليا...تفاصيل وجها و هي تغزر معايا بكل اهتمام...خلاتني نتأكد انو هي باش توافق...و عمري ما غلطت في نظرتي لحد...هزيت يدي طلعت لمنقالتي...ربع ساعة بالظبط...هزيت راسي لباب...نستنا فيها...كنت باش نتلفت...و نمشي...خاطر في عادتي ليتأخر...و لي يرفض اول فرصة...معادش ينفعني...دوب ما جيت نتلفت...جات عيني عليها...جاية تمشي...راسها لفوق...برغم الخوف لي في عينيها الا انو عندها قوة...قوة ممزوجة بين التحدي و الخوف...كيف جات عينها على عيني...تربثت...نزلت راسها و قربت مني...هزيتها من الفوق للوطة...مزالت بدبش الكلينيك...طلعت راسها شافت فيا شوية...من وجها ظاهر ياسر تاعبة...وواقفة بالسيف...و كيف جات
لهوني...يعني وافقت باش تكون معايا...غزرت في عينيها نحكي
انا:دقيقة روتار
سوار؛مهم اني جيت
انا:اول شي لازم تتعلمو هو انك تكون عالوقت بالظبط...دقيقة روتار تتحسب عليك
سوار:باهي
وخرت شوية لتالي...حطيت يدي على باب الكرهبة فتحتها...و غزرتلها...شافت فيا شوية...و رجعت طلعت للكرهبة...خذات نفس و ركبت...سكرت الباب...هزيت تليفوني...كلمت واحد من رجاللي لي الداخل...يوقع اوراق خروجها...نحب كلشي يكون قانوني...و حد ما يشك في الي قاعد يصير...و قضيتها باش تتسكر في محضر الشرطة...خالطت عليها ركبت بحذاها...حاطة يديها فوق بعضهم...و تشوف للقدام...خدمت الكرهبة...شديت ثنية لداري...اللي استغربتو اكثر...لا سألتني شكون انا...و لا شنية نوع الخدمة...و لا شنوة اللي باش يصير فيها...ملامحها لكانت باردة و مخلطة بالخوف...تفهم منها برشا حاجات...اول ما وصلنا...تلفت ليها نحكي
انا:انزل
سوار؛باهي
نزلت من الكرهبة...زادت شوية ورايا و نزلت...قربت مني وقفت قدامي...طلعت راسها تشوف مع البناية...خليتها واقفة و دخلت...خالطت عليا...جيران لي غادي...يشوفو معاها...عديت يدي على شعري...منجيش لدار هاذي برشا...كان وقت تكون معايا طفلة...و نجي كان في نصاص الليالي...على هذاكا
استغربو...يشوفوني في الوقت هذا...حتى منها تمشي...و ما تطلع في حتى حد...دخلنا للاصونصير...شوية و شدت في يدي..طلعت فيها نحكي
انا:شبيك
سوار:شي شوية دوخة
انا:باهي
اول ما وصلنا...حليت الباب...بقات تشوف شوية مبعد دخلت ورايا...تلفتلها نحكي
انا:باش تبقا الفترة هاذي هوني...يومين و لا 3 منعرفش خاطر بعدها باش نمشو من هوني
سوار:وين
انا:مبعد تعرف
سوار؛باهي
انا:برا ارتاح في البيت هذيكا توا
مشات من غير ما تقول حتى كلمة...هزيت تليفوني...وصيت على اكل...و مشيت لصالة ترميت عالفوتاي...بعثت ميساج لشكون...رجعلي بالوقت...تبسمت على جنب...نسمع في الباب ينوقز...مشيت هزيت الماكلة...و دخلت للكوجينة...حطيتها في صحون...و دخلت عندها للبيت...لقيتها ديجا رقدت...محبيتش نفيقها...خليتلها ورقة عالتابل دونوي...هزيت الفاست متاعي و خرجت
______________\\_____________\\_____
ادم يحكي:
حليت عينيا بالسيف...تلفتوعلى جنب نلقاها راقدة بحذايا...شعرها طايح على وجها...حكيت لحيتي...و هزيت روحي تقعدت...لبست الشورت...و دخلت لبيت البانو...تركزت بيديا عالحيط...خليت الما يطيح فوقي...هزتني ذاكرة سنين لتالي...كبست على يديا اكثر...نرجع في اللي صار
عزيزة:ادم زياد وينكم لتوا
انا:في البار
زياد:اسكت يا ساقط فضحتنا
انا:وين المشكلة
عزيزة:المشكل في مسيو توفيق...كان نخبرو شيعمل فيكم توا
زياد:امانك عزيزة كان يبدا في محاضراتو مستحيل يفكنا
انا:صار تخاف من محاضرات توفيق
زياد:على اساس انت تحبهم
انا:نحب الجزء لي يتعلق بالبنات كهو
زياد:كيما القنبلة لي كنت معاها قبيل
انا:والله صحة ليك...كورتها ليلة
عزيزة:احشم انت و هو عاد
زياد:والله الحشمة طارت من بكري
عزيزة:تي لي يشوفكم يحسبكم توامة
انا:علاش احنا مش اكاكا
عزيزة:و اكثر هيا العشا باش يبرد
انا:باش نمشي نعيط لتوفيق
زياد:باهي
خليت زياد...يسيب في بلادتو على عزيزة..و مشيت للبيرو...نسمع في بابا يحكي في تليفون...رجعت يدي من البواني متاع الباب...نسمع فيه...زدت شوية و هديت عليه نحكي
انا:بابا صحيح لسمعتو
بابا:ادددم من امتى انت هوني
انا:جاوبني صحيح لسمعت
بابا:ششش اسكت
انا:مستحيل...مستحيل مش زياد يا بابا
بابا:لازم تسكت...خاطر كان زياد يعرف باش يوفا كلشي
انا:علاش علاش عملت هكا
بابا:ادددم اخر مرة تحل فمك و تسأل سر هذا باش يموت معاك...زياد مش باش يعرف شي فهمتتت
انا:بااااش يعرف باش يوفى كلشي
بابا:باهي برا خبرو...وقتها شوف لباش يصير...حياتنا باش تتقلب بالكل...اما كان تسكت توا...حد فيكم ما راح يتضرر بالعكس...قوتكم باش تكبر مع بعض...نتوما ولاد توفيق يا ادم...ولاادو فهمت شمعنى ولادو...و كان زياد يعرف لسمعتو توا...كلشي باش يتخرب..و اهم شي انت الوحيد لباش تطلع خاسر في الموضوع...فكر في الموضوع مرتين
كبس على كتفي و هو يحكي...هزيتلو براسي ايه...خاطر لنعرفو و متأكد منو...انو سر هذا كان يعرفو زياد...باش يتقلب كلشي...اول ما دخلت قلبتها بضحكة...كاني ما سمعت شي و لا حكيت شي....فيقني من سرحتي يديها لي دارو على كرشي...حطيت يدي على يدها جبدتها قدامي.. و فرغت فيها غشي الكل فيها...مهمنيش اذا وجعتها و لا...مهمنيش شنوة لي قاعدة تحس فيه...دوب ما كملت منها...لفيت منشفتي و خرجت...بدلت دبشي...هزيت تليفوني و مفاتحي...و مشيت للمخزن...عالاقل نتفرهد خاطر عملت لي في مخي..ووصلت لي نحب عليه
😍😍 متنساوش رايكم ♥و توقعاتكم😉😉 و شوية الصبر تاو فالحلقات جاية تفهمو الأحداث و توضاح المعطيات
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة السادسة
سوار تحكي
__________\\\_______\\\________\\\
حليت عينيا بالسيف...نحس في بدني مدقدق...دورت عينيا عالبيت...نسيت جملة وين انا...نطرت من بلاصتي جيت واقفة...سكرت عينيا و رجعت فتحتهم...ضربت بيدي على راسي...صحيح انا جيت هوني مع هذاكا...زح حتى اسمو
منعرفوش...سوار شبيك...لهدرجة معادش تخمم...جيت مع حد و لا مرة شفتو و لا عرفتو من قبل...رجعت قعدت عالسرير...شديت راسي بين يديا نعاود كلامو في مخي...اما شي لي محيرني...انا وين شفتو من قبل...متأكدة لانا شفتو...اما وين...لهدرجة معادش نذكر...نفخت بالقاوي...زعمة غلطت كي جيت معاه...زعمة القرار لي خذيتو صحيح...زعمة باش نوصل لي نحب عليه و نرجع
اعتباري...ايه صحيح اصلا بابا تبرا مني...و معادش عندي لا دار و لا عيلة...هذا القرار الاحسن توا...اصلا منحبش نخمم شنوة اللي راح يطلبو مني...خاطر في الاول و في الاخير باش نوافق...هزيت روحي بالسيف...وقفت...جات عيني عالتابل دو نوي...لقيت فيها ورقة...قربت هزيتها في يدها...مكتوب لي الماكلة في الكوجينة...و هو باش يرجع في اي وقت...حطيت الورقة...و خرجت من البيت...بقيت نثبت...صحيح برتمان...اما كبيرة برشا...بقيت نفركس عالكوجينة...اول ما دخلت لقيت الماكلة عالطاولة...كوجينة وحدها قد دارنا...تبسمت على جنب...و قربت من الطاولة...نشوف مع الماكلة...مش كيف لي طيبها امي...مستحيل تكون كيفها...نزلو دموعي بالوقت...هزيت يدي مسحتهم...يزي سوار لازم تكون قوية...اليوم هو نقطة تحول في حياتك...لازمك تكون قوية...لازم...رجعت شعري لتالي...هزيت كاسة الما شربتها فرد مرة...كليت شوية...خاطر نحس في بدني مهدود...من 3 ايام ما كليت شي...بخلاف سيروم...لكلنو يحطوهولي...انا اكاكا و نسمع في الباب يتحل...نطرت من بلاصتي...مسحت يديا...نشوف معاه...واقف عند الباب...هزيت يديا رجعت شعري لتالي...نثبت معاه...جهامتو قد الباب...بقيت نشوف معاه...لين حكا هو
هو:لباس
هزيتلو براسي ايه...طلع حاجبو..و هو يشوف معايا ذكرت لانا مزلت بروبة الكلينيك...شبكت يديا...كمل يحكي
هو:الحقني لصالة حاجتي بيك
اول ما مشا...خذيت نفس...شربت كاس اخر نحس ريقي شاح...و خالطت عليه...لقيتو قاعد عالفوتاي...حتى قعدتو تحسها سبيسيال...برفانتو عبات دار في لحظة...هزني من فوق للوطة ثبت فيا شوية...مبعد تكا لتالي يحكي
هو:اقعد
مشيت للفوتاي لاخر...قعدت مقابلاتو...بيناتنا طاولة...غزرلي في عينيا يحكي
هو:نحبك جاوبني على كلشي...و تفهم كلشي نقولو
هزيتلو براسي باهي...ثبت فيا شوية يحكي
هو:عندك شكون في حياتك
استغربت سؤالو...نفخ و رجع يحكي
هو:صوحبت من قبل
هزيتلو براسي لا...عدا يدو حك لحيتو و كمل يحكي
هو:احسن...باهي خبرني تعرف تسوق كرهبة عندك بارمي
هزيتلو بكتافي و راسي لا...هز كاس من طاولة شرب منو...و غزرلي يحكي
هو:تحب تشرب
هزيتلو براسي لا...تبسم على جنب يحكي
هو:حتى شرب لا...غريبة
هزيتلو بكتافي...و عوجت فمي...منحبش نحكي معاه...حسيتو فد...رجع حط الكاسة يحكي
هو:اخر سؤال...سافرت من قبل...مشيت لبلاصة خارج تونس
هزيتلو براسي لا...عقد حواجبو...و ضم يديه يحكي
هو:معندكش بارمي...و باسبور...عمرك ما صوحبت و لا شربت...من غير هوني ما مشيت لحتى بلاصة
هزيتلو براسي ايه...رجع تكا لتالي...يحكي
هو:ظاهر باش نتعب في جرتك
هزيتلو براسي ايه...عدا يدو على شعرو...يحكي
هو:ملا حط في بالك الحاجات هذوما اهم شي لازم تتعلمو توا...بخلاف حاجات اخرى تعرفها مع الوقت
عينيا وساعت...شقصدو بالحاجات هذوما...يعني باش نصوحب و نشرب...قلبي دق بالقاوي...مستحيل نجم نخدم لي يفكر فيه...مستحيل نسمحلو...عينيا حمارو...هزيت روحي وقفت نحكي
انا:كان قصدك لي تخمم فيه...انا مش متاع شي هذا فهمت
تبسم على جنب...هزني من فوق للوطة يحكي
هو:طلع عندك صوت ملا...في بالي بكمة زادة
قحرتلو...هز روحو وقف...حط يديه في مكاتبو يحكي
هو:متخافش...خدمتك اكبر من انها تكون في اللي قاعدة تخمم فيه...انت كهو رتح روحك...و اشرب دواك هوكا عالطاولة...خاطر يومين ثلاثة...باش نسافرو من هوني
انا:نسافرو ؟
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة السابعة
هو:مممم قتلك الخدمة اللي تخدمها باش تكون صعيبة عليك برشا...و برشا حاجات راح يتبدلو في حياتك...اولهم اسمك
هزيتلو براسي باهي...تلفت باش يمشي...وقفتو نحكي
انا:نجم نطلب منك شي
هو:اشكي
انا:نحب نشوف امي و خويا قبل ما نسافر معاك
هو:باهي...هاني باش نرجعلك غدوة رد بالك على روحك
انا:باهي
هز روحو خرج...و انا تلفت لطاولة...هزيت لدوا في يدي نقرا فيه...كلهم عبارة عن مهدئات...و مراهم...باز خذا الوصفة من كلينيك...شربت منهم...ورجعت لبيت هذيكا...تسطحت نشوف مع سقف...نخمم في الخدمة اللي قال عليها...زعمة شقصدو اكبر ببرشا من اللي نخمم فيه...و الحكاية فيها تصوحيب و شرب...نفخت بالقاوي...مستحيل نخدم اللي في مخو...اما كي قال مش اكاكا....حسيتو يحكي بجدو...و مش من نوع ليكذب في مواضيع هكا...اصلا وهرتو و رجوليتو...متقولش لهو يحب يستعملني...كوحدة عاهرة و لا هكا شي...غميت على راسي سكرت عينيا...و استسلمت لنوم
إدارة
ربما تحتوي الصورة على: شخص واحد، ولقطة قريبة
زياد يحكي:
خرجت من عندها...و في مخي الف سؤال...بربي طلعت طفلة متعرف شي جملة...منين باش نبدا نعلمها...تي حتى ستيلها ظاهر سامبل عاللخر...زعمة باش تكون قدها...و لا باش نخاطر بيها...هزيت كرهبتي...نسوق و تفكيري بعيد...قص عليا صوت تليفوني...كي نوقز...هزيت من غير ما نطلع عالرقم...نسمع فيها تحكي
ميرال؛زياد حبي وينك
انا:اهلا ميرال واحل برك
ميرال:يومين ورا بعضهم...متوحشتنيش ياخي
تبسمت على جنب...عديت يدي على شعري نحكي
انا:في رايك
ميرال:كان هكا نستنا فيك...و لا تحب نجيك لدارنا لي بالعادة
انا:لا ابقى غادي حضرلي روحك مسافة طريق
ميرال:باهي يا روحي
علقت عليها...و شديت ثنية لدارها...ميرال نعرفها عندي برشا...اما علاقتنا بالظبط بعيدة عالخدمة جملة...منعرفش كيف بدات..ولا كيف وصلنا لهوني...اما ستانست بيها...لي حاجتي بيه تعطيهولي و بالزايد...اصلا عاجبتني علاقتي بيها هكا...كيما متأكد لهي تحب تشيخ كهو...تحبني...متحبنيش اخر همي...منعرفش كيف وصلت عندها...فتحتلي الباب بلا ما ندق حتى...هزيتها من فوق للوطة...لابسة نويزات في الاكحل قصيرة...الكاب مفتوح طايح من كتافها...روج في فمها غامق عاللخر...ظاهر باش نشيخ ليلة..تبسمت على جنب...قربت مني...حطت شفافها على شفافي باستني...دورت يدي على ظهرها...لزيتها ليا اكثر...حتى مني يومين غاطس كان فالخدمة...وخرت بيها لتالي...و سكرت الباب بساقي...جبدت روحي منها شوية...حطت يدها على وجهي تحكي
ميرال:توحشتك راني...وين غاطس...و لا فما شكون فك بلاصتي
حطت صبعي على فمها سكتها...نحكي
انا:ششش ميرال بربي...متمرجنيش بالاسئلة هاذي توا...انت اكثر وحدة تعرف اني نكره حد يسألني
ميرال:باهي باهي سامحني...منقصدش...ياخي باش تبقى عندي ليلة
انا:مممم
ميرال:باهي ايجا
شدتني من يدي...بقيت نتبع فيها...دخلنا لصالة...ترميت عالفوتاي...نشوف معاها...بدنها حافظو اصل...رجع بالنسبة ليا عادي...حطيت يدي ورا راسي...و تكيت لتالي...عبات كاستين...و قربت مني...حطت واحد في يدي...وقعدت على حجري...تعدي في يدها على وجهي تحكي
ميرال:ياخي مش باش تسافر
انا:مممم
ميرال:باش نمشي معاك لمرة هاذي
انا:لا
ميرال:علاش
انا:خدمة
ميرال:ممم باهي
بقات تعدي في يدها على وجهي ورقبتي...تعدات صورة سوار بين عينيا...ضربت في مخي...الموضوع هذا ميرال كهو لي تنجم تعاوني فيه...كبست على جنبها قربتها مني نحكي
انا:ميرال
ميرال:يا روحي
انا:حاجتي بيك في حاجة
ميرال؛لي تحب
انا:فما طفلة
بعدت عليا شوية...عقدت حواجبها مستغربة تحكي
ميرال:شبيها
انا:نحبك تتلها بيها و بستيلها
ميرال:علاش هذا الكل
انا:ميرال قتلك معادش تسألني...كان تنجم مرحبا...متنجمش اسكت
ميرال:باهي باهي امتا
انا:مش توا...كي يلحق الوقت...نخبرك
ميرال:باهي...اما توا باش تفكر فيا كهو
تحكي و تحل...في زرار سوريتي...قربت من شفافها نحكي
انا:متأكدة لتحب عليا توا...مش باش نرحمك راهو
ميرال:ستانست بيك
انا:باهي ايجا ملا
هزيت روحي وقفت...هزيتها في حملتي...للبيت...طيشتها عالسرير...و نزلت عليها...فرغت فيها طاقتي الكل...بعد ما كملت منها ترميت قدامها و رقدت...حطت راسها ظهري و رقدت
إقرأ أيضا أنتي سبابي
ادم يحكي:
واقف في نص المخزن...ندور في عينيا عالسلعة...ركبني العصب...تلفت لواحد من رجالي...جبدتو من الفاست متاعو.. قربتو ليا نحكي
انا:شكون هز منها
هو:منعرفش
انا:اخر مرة باش نسألك...خاطر المرة ثالثة اعتبر روحك مش موجود
هو:صدقني مسيو توفيق سلمها ناقصة
انا:¤¤¤¤¤ تعرف لبابا مستحيل يعمل هكا
هو:ملا مسيو زياد
انا:زيااد...الفلوس و خذاهم علاش باش ينقص منها
هو:م منعرفش
دزيتو لتالي...هزيت تليفوني كلمتو...ساعة ينوقز...هز عليا يحكي بصوت النوم الفرخ...ندرا وين غاطس
زياد:شفما تفيق في ¤¤¤ عالصباح
انا:زايد ساقط...شتعمل
زياد:¤¤¤ عندك مشكلة
انا:اسمع ¤¤¤¤ باش نسألك شي
زياد:شفما
انا:دين ام سلعة كي سلمتها...و خذيت فلوس...و انا رجعتها من عند اكا طيط...شبي ¤¤¤ ناقصة
زياد:صار انت رجعتها...والله و يسمع بيك توفيق...ما يوكلهالك
انا:برا ¤¤¤¤ قولي وين الباقي
زياد:تذكرو لي حاول يقتلني
انا:ايه
زياد:خليتهالو بونيس في كرهبتو
انا:شنووة
زياد:مممم هكا باش ياخو حسابو على قاعدة...هو و اكا طيط لبعنالو سلعة...هاك ربحت سلعة و فلوس...وين المشكلة كي نقصت شوية
انا:زايد ساقط...شنوة نغيب يمات...توفيق يعملك دروس خصوصية
زياد؛فك على دين امي توا...عندي ما نعمل
انا:شبي ¤¤¤ سايس عالطفلة...شي نهار باش تقتلها
زياد:سكرر¤¤¤ هي رايضة...شنوة مقلقك انت
انا:نخمم عليك...مترصالناش في المحكمة بقضية اغتصاب زياد:على اساس انت رايض...ندرا البارح مع شكون كنت غاطس
انا:ههههههه ماك روحت عليك قنبلة مش نورمال ¤¤¤ شيختني لين قلت يزي...متحبش علاها ياخي
زياد:علاش لا...اتو نرجع من السفر...و نعتبرها هديتك ليا خويا الغالي
انا:زايد ساقط...و ما تفلت شي
زياد:خرجت ليك
انا:برا فك عليا...كمل وين راك...انا باش نمشي نشوف حل للمشكلة متاع الكمية ناقصة...خاطر باش نسلمها ليلة زياد:باهي معادش تكلمني...عندي ما نعمل
انا:نعرف نعرف...اما الا ما طيح في يدي
زياد:كلشي يهون في خاطرك
انا:عيشو لعزيز باي
زياد:باي
علقت عليه...و هزيت تليفوني...كلمت لباش يهز سلعة ليلة...خاطر كان باش تزيد ليلة هوني...يمكن شرطة تهد علينا...و انا مش ناقص مشاكلهم توا...هوكا الفرخ غاطس...و خلاني نوحل في ¤¤¤ السلعة هاذي...مكنتش نحب نخليهم يعرفو...خاصة بابا...باش يبدا في موضوع المبادئ و ندرا شنية...خذينا لفلوس لازم نسلمو سلعة...اما نسا لاكا طيط...حاول يقتل زياد...و هذا اقل رد على لي عملو...خسارتو الكبيرة...لتكلفو فلوس...و تعب...و حبس...و هكا نكون خذيت بحقو منو...خاطر مش بعيد...نكون انا الضحية ثانية...و تهديد كيف هذا كافي...باش يخليه يركح...و يريض
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة الثامنة
سوار تحكي:
فقت الصباح...على ضو ضرب في و جهي...حليت عينيا و تبسمت بوجيعة...بديت نتقبل اللي صار...اصلا مش وقت نضعف توا...كان نخلي اللي صار يضعفني...باش نخسر الجزء الصغير لمزال عايش داخلي...كان لازم نعمل هكا...لازم نتقوا على روحي...وننسا لي صار...برعم مزلت نشوفو في احلامي...رغم صوتو معشعش
داخلي...رغم خيالو مزال بين عينيا اما لازم ننساه...ننسى باش نبدا من جديد...ننساه لين نرجع نجمع قوتي...باش ناقف في وجهو و ناخو قوتي منو...باش نسرق كلشي باهي في حياتو كيما سرق مني حياتي...هو بيدو وصلني لثنية مسكرة...باش نخليه
يفتحها...صحيح منعرفوش...مشفتوش...اما وقت كي يلحق اكا الوقت لي يجي وجهي مع وجهو...باش نخليه يندم على كلشي...على كل دمعة...على كل حرقة كان هو سبب فيها...قص عليا
تفكيري...صوت خطواتو...و هو يقرب من البيت...هزيت روحي بالزربة تقعدت...حل الباب و دخل بلا ما يدق...طلعت راسي نشوف معاه...نفس الوقفة...نفس البرود...نفس الغزرة...كيما كل يوم...اصلا و لا مرة وقفت و حكيت مع حد في الوهرة هاذي....غزر فيا شوية...مبعد حط كيس صغير عالكوافوز يحكي
هو:معادش وقت قوم فيسع
انا:شنوة هذا
هو:دبش...برا بدل عندنا وين ماشيين
انا:وين
هو:معادش تسألني...اهم شي لازم تعرفو توا...انو انا منحبش ليسألني...كهو تنفذ
انا:باهي
هزيت روحي وقفت...هزني من الفوق للوطة...هز حاجبو شوية...وخرج...نزلت راسي...نغزر مع روحي...غريبة...شبيه استغرب كأنو ندرا شنوة شاف...هزيت بكتافي للفوق...و دخلت لبيت لبانو...طلعت للبانو...احسن شي نعمل دوش ساعة...لتو مزلت بروبة الكلينيك...نحيتها...رميتها عالارض...طلعت راسي...نغزر
للمرايا...عينيا وساعو...رقبتي و صدري بالكل بقايع زروقة...تراس خبشات لتوا على رقبتو...ضربة على جبهتي حمرة دم...اصلا من اكا نهار مغزرتش للمرايا...محبيتش نواجه روحي...خفت...خفت نشوف لانا عليه توا...هزيت يدي بالسيف...نعدي فيها على كل بقعة...على كل تراس...قلبي دق
بالقاوي...نزلت راسي نشوف مع بدني...نفس لي تراس على كرشي...نزلو دموعي يحرقو...سكرت عينيا بالقاوي...ووخرت لتالي...فتحتهم...و تلفت نشوف مع البانو...قربت منو...عبيتو بالما سخون....و دخلت فيه...كملت حليت الما على
روحي...سخون يحرق...نعدي في يديا على بدني بعصب...نحب نمحي كل تراس...نحب نمحي لمسات يديه على بدني...مزلت نحس بيها...نكذب كان نقول باش ننسى..منجمش شي اقوى مني...محسيتش بالما سخون لكان يطيح على بدني...بالعكس نحس فيه قاعد...ينظف فيا من ريحتو...من بدنو لي جا على
بدني...دموعي يحرقو امثر من الما...في لحظة جا سمعت صوتو في وذني... "محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها
ريحتك...مبنك...مكنتش نتوقع...اني باش نذوق كعبة كيفك"...هزيت يديا زوز...حطيتهم على وذنيا نبكي بالشهقة...و نحكي وحدي"اسكت...اسكت...معادش نحب
نسمعك...سيبني...اخرج من راسي...ابعدني...اسكت...اسكت كهو...اسكت"صوتو قوا في وذني...نزلت اللوطة...غطست في الما...قد ما راهو سخون محسيتش بيه...مش قد وجيعتي...مش قد الوسخ لنحب نحيه من بدني...ميحرقش قد دموعي لنازلين توا...يديا منجمتش نحيهم من وذنيا...نشوف مع دنيا رجعت ضباب
بالكل...يمكن من الما سخون لي قاوي...في وسط ضباب قاعدة نشوف في في امي...في عماد...قاعدة نشوف في صغري لي تعدا فيسع و محسيتش بيه...قاعدة نشوف في حياتي لي ضاعت مني...قداش نتمنى...نترمى في ضباب هذاكا و نرجع للماضي متاعي...صحيح مكانش باهي...اما يكفي...يكفي لامي و بابا و عماد موجودين...يكفي..او كنت وقت نحط راسي ما نخاف من شي...يكفي اني كنت طفلة طاهرة و نظيفة...مش كيف توا...عايشة في سراب...وقت نسكر عينيا...منعرفش على شنوة باش نفيق...نزلت دمعة مني تحرق اكثر من اللي نزلو...سكرت عينيا...و غطست في الما اكثر...لين معاد نحس بشي
___________________//______//____
زياد يحكي:
غزرت لمنقالتي...عندي برشا من قتلها تحضر روحها...وين ¤¤¤ لتوا...رجعت نرقل من الغش...مكفاش الواحد تاعب من طرح الصباح...و الخدمة لي جاتني عالسريع...جاب ربي لقيت وقت باش جيتها توا..اصلا دبش جبتو من عند ميرال...اصلا كيف حطيتو شلقت لهي اقصر من ميرال...و ضعيفة عليا شوية...ندرا كيف باش يجو علاها...نفخت بالقاوي...ياسر طولت...احسن شي...نمشي نشوف وين غطست...هزيت روحي...فتحت باب بيتها و دخلت...دورت عينيا عالبيت مفماش...سمعت صوت الما في بيت البانو...قربت من الباب...دقيت علاها نحكي
انا:سواار خف روحك
مرجعتليش...رجعت دقيت اكثر من مرة نحكي
انا:تسمع فيا ياخي...شتعمل عندك
عقدت حواجبي...ركبني العصب اكثر...صوتها مفماش...نسمع كان في صوت الما...استغربت برشا...كبست عالبواني...و حليت الباب...عينيا وساعت..من ضباب لمعبي البيت...رميت عينيا للبانو..لمش ظاهر وسط الضباب...هزيت روحي بالزربة...قربت منو...نشوف فيها بالسيف...غاطسة في البانو بالكل...كان يدها لمرمية لبرا...هزيت يدي سكرت السبالة...و نزلت عليها...دخلت يديا الزوز...الما سخون يحرق...عينيا وساعت...كبست على جنابها زوز جبدتها من الما...مركزتش برشا...مع بدنها لعريان ...شديتها بيدي و رميت يدي هزيت الكاب...حطيتو فوقها...و نزلت حملتها للبيت
حطيتها عالسرير...بدنها سخون يحرق...عينيا وساعت و انا نشوف في البقايع الزروقة...و لي تراس على بدنها...عديت يدي على شعري...خذيت نفس...و نزلت عليها...لبستلها الكاب مليح...لفيتو علاها...و غطيتها بالقدا...قعدت قدامها...حطيت يدي على خشمها نفس متاعها رزين...حاولت نفيقها شي...هزيت تليفوني...كلمت طبيب...مسافة طريق و كان عندي...قرب منها فحصها...و زرقلها...قال لهي باش طول و تفيق...و ستر ربي...مطولتش برشا تحت الما...اول ما خرج...رجعت عندها...تكيت عند الباب نشوف معاها...زعمة شكون عمل فيها هكا...شبيه عذبها لهدرجة...زعمة تعرفو...و لا كانت علاقة بينهم...مفماش حد يعمل في وحدة هكا...الا اذا كان يعرفها...و هذا من تجاربي سابقة في دومان هذا...نحس راسي تكبس عليا...كيف سرحت في وجها...نعرف لانا شفتها في بلاصة...اما وين...شبي وجها مش بعيد عليا...عديت يدي على وجهي بعصب...و نفخت بالقاوي...شيهمني انا فيها توا...ليهمني خدمتي معاها و كهو...هزيت روحي...دخلت لبيتي...نحيت الفاست...و سوريتي...طيشتهم عالسرير...جاب ربي...عندي دبش
هوني...هزيت مريول...لبستو...و مشيت لصالة...ترميت عالفوتاي...تكيت راسي لتالي...كل مخططي متاع النهار طاح في الما...اصلا وقتي محسوب عليا...كنت باش نخليها تشوف امها و خوها ليوم...خاطر مبقاش وقت و نمشو من هوني...منعرفش قداش بقيت اكاكا...هزيت روحي باش نطمن علاها...خاطر قال يمكن يزيد علاها...دخلت لبيتها قربت منها...نشوف فيها تتحرك...كابسة بيدها عالفرش...تحكي
سوار:س سيبني...سيبني...اسكت...امان
مفهمتش كلامها برشا...نزلت قعدت بحذاها...على طرف سرير...هزيت يدي حطيتها على جبينها...سخونة تحرق زح...تعرق بكلها...دورت راسها شوية تهتري وحدها
سوار؛سيييبني...امانك سيبني...سيبني
حطيت يدي على كتفها هزيتها شوية...نحكي معاها
انا:سوار فيق...تسمع فيا
شفتها كيف حركت راسها شوية كبست على عينيها اكثر..و خرجت منها صيحة
سوار:لااااا اممممممي
حلت عينيها فرد مرة...و نطرت من بلاصتها جات قاعدة...تصب بالعرق...نظراتها ضايعة...كمية الخوف لشفتها في وجها لحظتها...نعرفها مليح...نظرات هذوما حافظهم...فقت من سرحتي...كيف ترمات عليا...حطت راسها على صدري...و دورت يديها على ظهري...حضنتني بالقاوي...اول مرة بعد السنين هذوما الكل...حسيت بشي تحرك داخلي...نظراتها و خوفها لي هي فيه توا...رجعني سنين لتالي...قلبي دق بالقاوي...كبست عليا اكثر...تبكي بالشهقة...و تحكي فرد وقت
سوار:امان ابعد...سيبني...امان فما حد هوني
هزيت يدي باش نحطها على ظهرها...اما تراجعت في اخر لحظة...معنديش علاش نواسيها...اصلا مكانش لازم...نحس لي حسيتو توا...رجعت يدي لتالي...و خليتها ..معنقتني...تبكي...لين حسيتها هدات...هزيت يديا زوز حطيتهم على كتافها...رجعتها شوية لتالي...لقيتها رقدت...ركحتها في بلاصتها...و هزيت روحي...جبت كمادات و رجعتلها...حطيتهم على راسها...مفماش تنقص سخانتها...مش من عادتي نسخف على حد...نوصل مرات نقتل من غير رحمة...اما ليلة و توا بالذات...منعرفش علاش غاضتني...علاش حسيتها مظلومة...برغم لعشتو في حياتي الكل...اكثر شي نكرهو...انو حد يظلم حد...اما اللي مقتنع بيه...انو حكايتها متهمنيش...اول ما توفا المهمة هاذي...لندرا قداش باش تبقى...وقتها نحررها جملة...باس نخليها تبدا من جديد...اما وقتها باز مش باش تكون سوار...لي قاعد نشوف فيها توا...دوب ما طمنت لهي ارتاحت شوية...هزيت روحي و مشيت لصالة...هزيت تليفوني...لقيت ميرال طلبتني اكثر من مرة...رجعت رميتو عالفوتاي.. و تكيت راسي لتالي...و سكرت عينيا...رجعت بذاكرة سنين لتالي..."تي وينك ايجا لهوني...لا امي هاني باش نمشي بحذا ادم...لا ايجا نبدلك ساعة...منحبش
يامي...شبيك تكبس...باهي اتو تشوف كي نحكمك...بابا باش يسلكني...باهي باهي"...قلبي دق بالقاوي...عروقي تكبست...حليت عينيا...و خرجت من فمي كلمة..."اميي"...خرجت بين شفافي...اما حسيت بيها خرجت من عروش قلبي...للحظة حسيت روحي ضايع في الماضي...ماضي تعدا عليه اكثر من 20 سنة...تنهدت بالقاوي...سكرت عينيا...و استسلمت لنوم
سوار تحكي:
فقت الصباح...نحل في عينيا بالسيف...نحس في راسي رزين...و بدني مدقدق...اخر شي نذكرو...اني غطست في البانو...نطرت من بلاصتي جيت قاعدة...زح كيف تعدا الوقت هذا الكل و انا راقدة...من بارح صباح محسيت بشي...و لا كليت شي...و الاهم من هذا...كيف وصلت لهوني...نزلت راسي نلقا روحي بالكاب...سكرت عينيا و رجعت فتحتهم بالقاوي...حطيت يدي على فمي...خرجت شهقة صغيرة مني...يعني هو...هو لي جابني هوني...شافني...هو شافني عريانة اكاكا...قلبي دق بالقاوي...حاولت نذكر اي شي صار و لا اي كلام بينا...اما شي...وجيعة راسي زادت...رميت عيني للكوافوز...دبش مزال غادي...باز باش يتغشش توا...خاطر هو في الاصل كان مستعجل...هزيت روحي بالزربة...شربت شوية ما...و هزيت الكيس في يدي...نشوف فيه...زح اكيد باش يجيني كبير...اصلا مفما كان سروال و خلعة و روبة في الابيض معاهم...احسن شي توا...نلبس روبة...مبعد نشوف معاه حل للدبش هذا
أنجح الكرونيكات التونسية
لبستها من فوق لحمي...جاتني تحت ركبة...مع انو ظاهر ستيلها جي اقصر...احسن...عالاقل نتفرهد فيها...خاصة..و اني نحس في لحمي يحرق فيا...يديا لتوا...حمورة جمر...خلي بدني...اما عادي...نتحمل الحرق هذا...و لا البقايع و لي تراس لي خلاهم اكا الهم على بدني...قربت من الكوافوز...نشوف مع المرايا...سكرت عينيا...ورجعت
فتحتهم...نثبت مع روحي...حتى رقبتي...و خدودي..حمر عاللخر...ظاهر الما سخون لدرجة كبيرة...اما شبيني محسيتش بيه وقتها...دورت عينيا عالكوافوز..مفماش نلقى شكال نلم بيه شعري...اما شي...خليتو طايح على وجهي...لطبيعتو مبوكلي...احسن هكا عالاقل يغطي...خدودي..ورقبتي لي حمرة و مخلطة ببقايع زروقة و لي تراس...لي ندرا امتى يروحو...خذيت نفس و خرجت من البيت...دخلت للكوجينة...في بالي مشا...هزيت حليب سخنتو...نحس في روحي باش نطيح من الجوع...حطيت من الكعك لبقى عالطاولة...دوب حطيت الحليب في الكاسة...صوتو القوي لي يزعزع دار وقفني يحكي
هو:كيف تحس في روحك توا
تلفت ليه نشوف معاه...واقف عند باب الكوجينة...يديه في مكاتبو...عينيه متركزين عليا.. فس لحظة ذكرت له شافني عريانة...حسيت دم طلع راسي...وجهي باش يطرشق...اكثر ما راهو احمر...هزيتلو براسي ايه بالسيف نبلع في ريقي...كمل يحكي
هو:مرة الجاية رد بالك
انا:باهي
بقيت مطابسة راسي...معنديش جرأة اني نطلع فيه...حسيت بيه كان كي دخل للكوجينة...فتح الفريجيدار...جبد دبوزة ما...شرب منها جملة...جيت باش نهز الكاس نحطو عالطاولة...حسيت بدوخة...اصلا من يمات مكليتش ..و كملت عليها...اليوم...جيت باش نطيح لقفني بيدو...اصلا منعرفش...كيف نجم يخالط عليا...و منين عندو سرعة هاذي...جبد الكرسي بيدو لاخرى.. قعدني عليه...هز دبوزة ما لشرب منها...قربها ليا...شربت منها عالساكت...غزرلي يحكي
هو:لباس
انا:مممم
هو:لازمك تكون اقوى من هكا...لازم تثبتلي انك باش تكون قدها
انا:نعرف طمن
هو:ارتاح اليوم...و باش نوخرو الموضوع لغدوة
انا:باهي
هو:و اتلها في بالقدا...خاطر اللي جاي صعيب
هزيتلو براسي باهي...تلفت باش يخرج...اول ما وصل لباب وقفتو نحكي
انا:لحظة
وقف بلا ما يتلفتلي...و بلا ما يقول كلمة...خذيت نفس نحكي
انا:نجم نعرف شنوة اسمك
هو:زياد
انا:و كيف تحبني نعيطلك
تلفت ليا شوية...غزر في عينيا...و كمل يحكي
زياد:قولي زياد كهو...و الباقي تعرفو مع الوقت
انا:باهي
كمل مشيتو...سمعت كان باب برا كي تسكر...تلفت لطاولة...قربت مني كاسة الحليب...نشرب فيها...و تفكيري معاه...زياد...قد ما حطيت اسموات في مخي...متوقعتش لاسمو يكون زياد...زعمة راجل كيفو...شنوة خدمتو...و شنوة باش تكون خدمتي معاه...اصلا كيف باش نخدم عندو بلا رسميات...شنوة نوع الخدمة...لي تطلب هكا شروط...منعرفش كيف كملت كليت...حسيت روحي تفرهدت شوية...اما بدني يحرق فيا عاللخر...هزيت روحي وقفت...نمشي بالسيف...رجعت لبيتي...دخلت لبيت
البانو...نفركس على بوماد...تنقص من الحريقة هاذي...شي...نفخت بالقاوي...و خرجت من البيت...باز باش نلقا في البيوت لاخرى...اول ما دخلت للبيت لاخرى...رميت عيني عالسرير..نلقا فاست متاعو و سوريتو غادي...يعني هو بدل هوني...و بقا معايا نهار الكل هوني...غريبة...تحس وراه برشا خدمة...كيف حتى بقى...تي على قد ما هو مزروب يطيش الكلام و يمشي...مركزتش برشا...دخلت لبيت البانو...نفركس شي...خرجت للبيت...اما قبل ما نرجع لبيتي...جات عيني عالارض...نشوف في نويزات مرمية عالارض...بجنب
سرير...عينيا وساعت...خرجت نجري من البيت...دخلت لبيتي...حطيت يدي على قلبي...تي طلع منحرف جملة...خاطر باز متكونش مرتو ليجيبها هوني...كان هكا مستحيل هو يحطني هوني...حسيت روحي هديت...شبيك سوار...شيهمك فيه
امورو...تي قطعة فجعاتك هكا...اصلا لباش تشوفو اكبر ببرشا...تقوا على روحك...لازمك تكون قوية اكثر...هزيت روحي...مشيت لصالة...شعلت تلفزة...و تيكت عالفوتاي...عقلي بعيد برشا...مع امي و عماد...زعمة شعاملين توا...زعمة توحشوني...زعمة بابا باش
يحاسبهم هوما زادة عاللي صار...زعمة بالحق باش ينساو لهوما عندهم طفلة...باش نكون ماضي متاعهم...لا امي مستحيل تعملها...هي تحبني برشا...و باش تبقى تحبني...و زادة عماد مستحيل يكرهني...حتى بابا...نعرف لهو اكاكا صعيب اما
يحبنا...بقات افكار تهز فيا و جيب...لين هزني نوم و رقدت مرة اخرى...اصلا كمية تعب...لنحس بيها في بدني منجمش نوصفها...خلي الحروق لكملت عليا...ستر ربي...لحق عليا في اخر...مكانش كنت باش نموت...و نتهنى من حياتي جملة...اما اهم شي نسيتو...انو انا عايشة في احضان الموت....هي ديما قدامي اما مستحيل تخطفني...بالعكس باش توصلني لاخر نقطة...و ترجعني مرة اخرى😍
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة التاسعة
"دقات قلبي قوات...دنيا ظلمة...كان ضو خفيف في اخر نهج...اما نحس في بدني مكبوس...منجمش نتحرك...نفس قوي على رقبتي ووجهي...قد ما حاولت نبعدو
منجمتش...صوتو قوا في وذني...شي اقوى مني يخليني نسمعو...مستحيل يكون رجع...لا مستحيل...انا في حلمة و لازم نفيق منها...لازم نفيق...مستحيل نخليه يحط يدو عليا حتى في الحلم...حطيت يديا زوز على وذنيا...منحبش نسمعو...كيف قوا صوتو اكثر...حليت عينيا على وسعهم...و نطرت من بلاصتي جيت قاعدة...شفافي يرعشو...العرق يصب عليا...بدني يرقل...حسيت بشكون في الصالة...طلعت راسي نشوف معاه...جات عيني في عينو...يغزر فيا كيف عادتو...صورتو مضبة بين عينيا...مضبة خاطر دموعي...نزلو وحدهم...نزلو يحرقو...بعد كل حلمة ينزلو يحرقو اكثر...و حرقوني اكثر خاطر وجهي بطبيعتو متضرر بعد اللي صار في البانو...كبست على يديا زوز..نحب نكتم شهقاتي اما
منجمتش...منجمتش خاطر شي اقوى مني...مزلت نحس بيه...مزلت نسمع صوتو...منجمش ننسى...هو سكن فيا...سكن فيا بوسخو...بصوتو لنتقزز منو...و اكثر من هكا كيف جي عيني في زياد نذكرو...يجي بين عينيا...اصلا كل راجل نشوفو...نشوف وجهو غادي...نحس في روحي باش نهبل...و راسي كبس عليا من الوجيعة...هزيت يديا زوز كبست عليه...نحب ننسى و كهو...حسيت بيه كيف قعد عالطاولة قدامي...طلعت راسي نشوف معاه...ملامحو باردة عاللخر...متنجم تعرف منها شي...لا في شنوة يخمم و لا في شنوة راح يحكي...وخرت شوية لتالي...هزيت يدي مسحت دموعي...عقد حواجبو شوية يحكي
زياد:الاحلام هذوما و الدموع...باش يكونو جزء من حياتك...مستحيل تنساهم...و لا يغيبو عليك نهار...اما لازم تتعلم اهم شي...لازمك تتعلم تتعايش معاهم...تتعلم كيف تتغلب عليهم و تصنع منهم قوتك...و تاخو حقك...خاطر و لا حد في دنيا ينجم يعاونك...و لا يخليك تنسى...كان انتي...و كان باش تخليهم يغلبوك باش يحطو حد لحياتك...و مستحيل ترتاح
قصيت عالبكا...و انا نسمع فيه...هز روحو وقف...غزرلي...و كمل يحكي
زياد:هذا اول درس باش تحفظو من توا...خاطر ثنية باش تكون طويلة قدامك
هزيتلو براسي باهي...مشا شوية...ورجع تلفتلي يحكي
زياد:غدوة باش تشوف امك
مع الكلمة نطرت من بلاصتي...جيت واقفة قدامو...طلعت راسي نشوف معاه...اصلا ما نجي شي قدام جهامتو...عينيا زغلو و انا نحكي
انا:بالحق باش نشوف امي...باش تهزني عندها
زياد:ممم
انا:باهي وعماد زادة باش نشوفو مش هكا
زياد:ايه
انا:وين
زياد:شقتلك عالاسئلة
انا:باهي باهي سامحني باش نمشي توا
زياد:استنى
انا:شنوة
زياد:باش تلقى مع القضية...بوماد تخفف الحريق هذا
انا:باهي مرسي
خذيت نفس...و نشيت للكوجينة...حطيت القضية عالطاولة...و زادة معاه عشا...كليت لقدرت عليه...هزيت البوماد...و دخلت لبيتي...من غير ما نرجع لصالة...اصلا هذا اذا مكانش مشا...خاطر مسمعتش صوتو جملة
زياد يحكي:
اول ما خرجت...ترميت عالفوتاي...ساعات الدنيا تظلمك...و متلقاش وين تمشي...هي من اليوم باش تكون طريقها من طريقي...كل خطوة نخطيها باش تكون معايا...الخطر و الموت لواجهتهم في حياتي...باش تكون جزء منهم بعد اليوم...صحيح خدمت مع برشا...منهم ميرال...اما هي شي مختلف...اول مرة نتعامل مع طفلة ما تعرف حتى شي في دومان هذا...منعرفش اذا باش ننجح و لا لا...خاطر قد ما نحتاجها للخدمة...باش نحتاجها لشي اخر...شي يخصني انا كهو...و هي برك لي تنجم توصلني لي نحب عليه...منعرفش اذا هذا باش يكون استغلال ليها و لالا...اما اللي نعرفو...انها بعد شهورة برك...باش تكون اقوى ببرشا...باش تكون قوية...و هذكا لي حاجتي بيه...اصلا انا في حياتي الكل...عرفت كان الوحدة اللي ديما تثبت روحها...في الخدمة و لا في
الفرش...المهم انها تقد روحها...عديت يدي على وجهي...طلعت لمنقالتي...تبسمت على جنب...مواعد اكا ¤¤¤¤ متاع ادم في البار...هزيت روحي وقفت...خذيت نفس و خرجت من صالة...وصلت لباب بيتها...مفتوح شطر...جات عيني علاها...عاطية بظهر...شعرها على جنب...ظهرها بكلو عريان...روبة لكانت لابستها حابسة عند خسرها....تحاول تحط البوماد على ظهرها باي طريقة...تعافر في في روحها...تبسمت على جنب خاطر ضحكني مظهرها هكا...هزيت روحي و خرجت من دار...خدمت الكرهبة...و دريكسيون للبار...دوب ما وصلت...عطيت مفاتح لشكون باش يراكي الكرهبة...و دخلت...لقيتو قاعد يشرب...قربت منو وقفت قدامو...فكيت الكاسة من يدو...شربت منها...غزرلي يحكي
ادم:وينك لتوا يا ¤¤
انا:خدمة
ادم:تعديها عليا يا هامل...منعرفكش راني
انا:برا ¤¤¤ فاش تستخايلني انت ¤¤¤¤
ادم:هههههه سكر ¤¤¤ توحشتك راني
انا:حتى انا يا ¤¤¤¤
حطيت الكاسة...و قربت منو حضنتو...حتى احنا زح من فترة معادش نتلقاو برشا...توفيق مخلاش فينا بالخدمة..بعدت عليه و تلفت لسرفور نحكي
انا:واحد ويسكي
ادم:وين غاطس ياخي
انا:شي بعد يومين باش نسافر
ادم:وين
انا:منعرفش تركيا و لا اسبانيا...ماك تعرف بعد العملية لازم الواحد يغيب و انت
ادم:باش نمشي لايطاليا...مكانش توفيق باش يكسرلي راسي خاطر مسافرتش
انا:ايطاليا يا بليد
ادم:زايد مخك خامج
انا:شنوة...نعرفك من نهار لاول باش تبات عريس
ادم:بالطبيعة...اما باش تخليني نرجع نخمم لتوا مجربتش وحدة اسبانية
انا:¤¤¤¤ ما تسيب شي
ادم:هههههه كيفك
انا:تي ¤¤¤ ليوم باش نهز وحدة نعدي بيها ليلة
ادم:و هذيكا
انا:قصدك ميرال
ادم:ايه
انا:خذات حقها من يومين خليها ترتاح شوية
ادم:هههههه ¤¤¤¤ شي نهار باش تحبل منك
انا:هههههه متخافش ماخو حسابي معاها
ادم:و انا نخاف على شيطان
انا:برا زمر شبيك لتهيت ب ¤¤¤
ادم:سكر ¤¤¤ و شوف لشيرة هذيكا
كرونيك حب خادع
تلفت ورايا...نشوف في شلة بنات...حكيت لحيتي و رجعت تلفتلو نحكي
انا:ظاهر باش تلحم ليلة
ادم:و انت قلتها
تبسمت على جنب...هزيت الكاسة في يدي...و لفت راسي شوية...نشوف معاهم...عجبتني وحدة فيهم شقرا...بطبيعتها عينها جات فيا...عملتلها جاست بالكاسة...و هي مقصرتش...هزت سطوشتها و قربت مني...تلفت لادم نحكي
انا:طلعت ساهلة
ادم:¤¤¤ الكل كيف بعض
انا:مش ناوي على وحدة ليلة
ادم:ههههه هوكا وراك لاحقة صحبتها
انا:طلعت اسهل منها
ادم:قتلك كيف بعض
شربت الكاسة فرد مرة..حطيتها و تلفت ليها...لقيتها وصلت قدامي...تكيت لتالي...تبسمتلي تحكي
هي:مش باش تطلبلي كاسة
شاورت بيدي لسارفور عطاها واحد...و كملت نشرب لي في يدي...قربت مني اكثر...حطت يدها على صدري تحكي
هي:شهرزاد اسمي و انت شاسمك ياخي
تبسمت على جنب...و هزيت يدي...عديتها على طرف شعرها نحكي
انا:مزال ليل طويل و تعرف اسمي
هي:ملا باش نمشو من توا
انا:ملا مستعجل
هي:تنجم تقول
تبسمت على جنب...و تلفت لادم...لقيتو ديجا يبوس في طفلة...ركحها الهامل في دقيقة...ضحكت نحكي
انا:ادم
ادم:ممم شنوة
انا:باش نمشي
ادم:وين
انا:للاوتيل متاع توفيق
ادم:كان يحكمك ما ترصالك تفك فيها لصباح
انا:لا باز يحكي لعزيزة في همومو
ادم:ههههه باهي باهي برا على روحك
انا:باي
ادم:كلمني قبل ما تسافر
انا:طمن
قربت منو حضنتو...وجبدت روحي...شديتها من يدها و خرجت من البار...دريكسيون للاوتيل...بالعادة نمشي لدار هذيكا...اما توا سوار غادي...منحبش نقلقها..خاصة و هي فالحالة هاذي...دوب ما وصلت شديت عليهم المفتاح...و طلعت للبيت...اول ما دخلت جبدتها عندي...حتى انا عندي قرابة شهرين مقربتش لوحدة غير ميرال...حتى هي مقصرتش معايا طرف...تي حتى هاذي لندرا شنية اسمها راح من بالي جملة...عداتلي ليلة مش نورمال...و شيختني عاللخر...منعرفش حتى كيف هزني نوم و رقدت
سوار تحكي:
فقت الصباح فرحانة...رغم الوجيعة لنحس فيها داخل قلبي اما فرحانة عاللخر...فرحانة خاطر باش نشوف امي و عماد...بعد اسبوع باش نشوفهم...غريبة...اني بعد اسبوع نجمت ناقف من جديد...خاطر بعد اكا نهار...متوقعتش اني نجم ناقف مرة اخرى...انو صوتي يرجع...و برشا حاجات اخرى...هزيت روحي لبيت البانو غسلت وجهي...ورجعت للبيت...نحس في روحي ارتحت بعد البوماد لحطيت منها...بقيت نخمم باش نمشي نقابل
امي...روب هاذي مش مناسبة حتى طرف...صحيح كبيرة عليا...اما مش مستانسة نلبس هكا...كيف بعد ما كنت مستورة بالكل نطلع هكا...اما شعندي نعمل...ركحت شعري خذيت نفس و مشيت للكوجينة...كليت حاجة خفيفة...و قعدت عالكرسي نستنا فيه...زح شبيه طول لهدرجة...مستانس يجي بكري على هكا...بقيت على اعصابي...لين سمعت الباب فتح...نطرت من بلاصتي جيت واقفة قدامو...غزرلي من فوق للوطة...و هز يدو عداها على شعرو...قربت اكثر نحكي
انا:حاضرة
زياد:شنوة
انا:باش نشوف امي مش هكا قتلي
زياد:ايه صحيح
انا:باش نمشو ملا
زياد:تو شوية نمشو
نا:باهي
عدا يدو على وجهو...و دخل...و انا رجعت للكوجينة...نستنا فيه...نرقل من العصب...نحب نحضن امي و كهو...شوية ورجع عندي يحكي
زياد:ايجا باش نمشو
انا:باهي
هزيت فولاري...حطيتو على كتافي...و خرجت معاه...طول الثنية و احنا ساكتين...محبيتش نسألو وين ماشيين و لا وين باش نتلقاها...كهو نحب نشوف امي...حسيت بيه كان كي راكا الكرهبة في بلاصة فارغة...بعيدة عالمدينة جملة...اصلا و لا مرة جيت لبلاصة كيفها...تي الارض قاحلة جملة...ترا كان السما...قلبي دق بالقاوي...اكاكا و نشوف في كرهبة كحلة ركات شوية بعيد علينا...نزلو منها زوز رجال...قلبي دق بالقاوي...شفتهم كيف فتحو الباب...و هبط عماد...عينيا وساعت...جيت باش ننزل وقفني يحكي
زياد:جيست تودعهم...متحكي حتى شي اخر
هزيتلو براسي باهي...حليت الباب و نزلت نجري...نجري كيما عمري ما جريت...جا عماد في حملتي...حضنتو بالقاوي...حضنتو لدرجة دموعنا تخلطو...من غير حتى كلمة...طلعت راسي شوية...نشوف في امي تحاول تنزل من الكرهبة...بطبيعتها ظهرها يوجعها برشا...ابسط حركة ضرها...جبدت روحي من عماد...و كملت نجري عندها...خالطت علاها قبل ما تنزل من الكرهبة...دوب ما وصلت عندها طحت على ركايبي قدامها...حطيت راسي على حجرها...نبوس في يديها و نحكي
انا:س سامحني ياامي...امانك سامحني...سامحني والله ما عندي حتى ذنب في اللي صار
حطت يدها على راسي...محنها...قداش توحشت لمسة هاذي...طلعت راسي نشوف معاها...وجها اصفر و تاعب...نزلو دموعي اكثر...تشوف معايا و كهو...هزيت يدي مسحت دموعي و كملت نحكي
انا:امي سامحني...سامحني يا غالية...والله انا ما غلطت في شي
حطت يدها على وجهي...تمسح في دموعي...تبسمتلي كي العادة وقت تحب طمني...نزلو دموعها تحكي
امي:و راس بنتي نعرف...رد بالك على روحك...و خليك كيما ربيتك...و خوذ حقك بيدك
انا:متبكيش امي...وراسك نوعدك باش يتغير كلشي...انت كهو ادعيلي و متنسانيش
امي:راك الغالية يا سوار...راك روحي و قطعة مني...نعرف لانا منجمش نحميك...كيما نعرف وين انت توا باش تلقى لي يحميك...هكا خبروني الشرطة
انا:شرطة
امي:تي لي جابوني توا
انا:ايه امي شرطة...طمن انا باش نكون مليحة معاهم...و اول ما يوفا كلشي باش نرجعلكم
امي: ربي معاك يا بنتي الغالية يا روحي
تابعني على الوتيد
///طلعت عندها اكثر...حضنتها بكل قوتي...كيما عمري ما حضنت حد...نحب نشبع منها و كهو...حسيت بيد عماد تحطت علة كتفي...تلفت عندو شديتو من يدو نحكي
انا:عماد امي امانة عندك...رد بالك عليها عيش خويا...و رد بالك على روحك و على قرايتك
عماد:متخافش يا سوار...يا غالية....اوعدني باش ترجع لينا
انا:نوعدك خويا الغالي
قرب منا اكثر...حضنتهم زوز فرد مرة...نبوس في امي و نعاود...قاعدة نحس في احساس خايب...نحب نمشي عندهم...نحب نرجع لحياتي...منحبش نبقى هوني...قداش نتمنى نقلها امي هزني معاك و متخلينيش هوني...نحب نحكي برشا حاجات اما منجمش...حسيت بيد...تحطت على زندي...جبدتني لتالي...دورت راسي نشوف معاه...و عمل براسو لرجالو جاست...نشوف في واحد قرب من عماد دخلو للكرهبة...و سكر الباب...نشوف في امي حطت يدها عالبلار...نزلو دموعي بالوقت...نحس في صوتي ضاع...فقت على صوت
الكرهبة...قاعدة تبعد...عماد يخبط في البلار لي ورا و يصيح...صوتو بعيد...فكيت روحي منو بالسيف...نجري ورا الكرهبة...نحبها تاقف...مزال مشبعتش من امي...مزال نحب نحكي معاها...مزال نحبها تسمحلي...عماد لتوا محضنتوش بالقدا و شبعت منو...خايفة برشا يكون هذا اخر نهار يجمعني بيهم...طحت على ركايبي زوز نبكي بالشهقة...نحس في قلبي باش يخرج من ضلوعي...دموعي نحس فيهم دم على قد ما يحرقو...كبست على يديا زوز...و خرجت مني صيحة...من
الداخل...كاتمتها عندي برشا...سكرت عينيا و رجعت فتحتهم...نشوف مع ساقيه...واقف مقابلني...طلعت راسي...نشوف معاه...عطاني يدو باش نقوم...غزرتلو و نزلت عيني ليدو...فهمت قصدو...فهمت لمن اليوم...باش نشد في اليد هاذي كهو...من اليوم باش تكون طريقي هي طريقو...بالمليح بالخايب لي فيها...هزيت يدي بالسيف حطيتها في يدو...كبس عليا...و قومني بالقاوي...لين ضربت في صدرو...كبس على يدي اكثر...و جبدني معاه...يمشي للكرهبة...بقيت نشوف معاه...اول مرة نشدو من يدو...اول مرة بعد اكا نهار نعرف انو بديت طريق جديدة...تلفت نشوف ورايا...نزلت مني دمعة...عرفت لمستحيل امي ترجع...مستحيل نشوفها مرة اخرى...حسيت كان باب الكرهبة لي فتح...تلفت نشوف معاها...رخف يدو...خذيت نفس و ركبت...حطيت راسي عالبلار.. محسيتش بيه كيف خدم الكرهبة و مشا...طوالت الثنية...طلعت راسي نشوف فيه...راكا بحذا بوتيكات قدام بعضها...عقدت حواجبي...و غزرتلو...خسر عليا كلمة كهو
زياد:انزل
قبل ما نحكي...فتح باب الكرهبة...و نزل...هزيت يديا زوز مسحت دموعي لي نازلين طول الثنية...و حليت الباب نزلت...غزرت لحالتي...روبة توسخت بالكل...حالتي متعجبش بالكل...كيف باش نمشي هكا...خذيت نفس و خالطت عليه...وقفت قدامو...نسمع في تليفونو ينوقز...هزو في يدو...نفخ...و غزرلي يحكي
زياد:ادخل تو نخالط عليك
هزيتلو براسي باهي...و قربت من البوتيك...خطوة لقدام و عشرة لورا...دوب ما طلعت درجات...عرضتني لي تخدم غادي...هزتني من فوق للوطة تحكي بتمقصيص
هي:مدموزال برا على روحك...غالط في العنوان راك
قحرتلها...و نزلت درجة لتالي...عندها حق...حالتي متسمحش ندخل لبلايص هكا...قص علينا صوتو من تالي يحكي
زياد:و شكونك انت باش تقرر
هي:اه هي معاك
زياد:معايا و لا مش معايا...تشد فمك و تلتزم حدودك
هي:س سامحني مسيو
زياد:برا عاونها تاخو لي تحب عليه
هي:باهي اتفضل مدموزال
تبسمت على جنب...تي طلع كلشي يمشي بالمظاهر...حتى الخدامين...طلعت وراها...و هو معانا...قعد عالفوتاي...يشوف معايا...جات عيني...على لي روب طوال...و فلورات...محلاهم يهبلو...قداش كنت نعشقهم...قداش كنت نحب يكون عندي كيفهم...تي كنت نتعدا من بوتيكات لي كيما هذوما باش نشوفهم كهو...قربت مني تحكي
هي:تحب منهم
قص علينا صوتو من البعيد يحكي...عرفتو لكان مركز معانا
زياد:لا...اختارلها بمعرفتك...نظن فهمت قصدي
هي:باهي مسيو
غصيت...كيف باش نجم نتخلى على كلشي في لحظة...حتى من ستيلي باش يتبدل...خذيت نفس باش منبكيش...عطيتها طاي متاعي...و بقيت نتبع فيها...اختارت كان دبش قصير...و دبش سبور...حاولتني نجربهم...محبيتش...حتى منو مقال شي...تي منعرفش قداش اختارت...تي تحسها فرغت البوتيك...حطتهم في كياس...و كلفت شكون ينزلهم للكرهبة...خلصها و هو يقحرلها...و نزل...خالطت عليه من غير حتى كلمة...اول ما وصلنا تلفتلي يحكي
زياد:هز لنجمت عليه و تو نكمل الباقي
انا:باهي
نزلت من الكرهبة...هزيت لنجمت عليه...و دخلت للبناية...كمل هز الباقي و خالط عليا...دوب ما دخلنا لدار...حطهم من يدو...كملت دخلتهم لبيتي...و هو دخل للكوجينة...ندرا فاش قاعد يعمل...محبيتش نخرج عليه...دخلت لبيت البانو...عملت دوش...فركس دبش...جبدت منو بيجامة طويلة...عالاقل حطت شي مستور...لبستها و مشيت للكوجينة...لقيتو ديجا حط الماكلة...استغربت...عملي جاست بيدو باش نقعد...هزيت الكرسي و قعدت...ناكول عالساكت و هو زادة...دوب ما كمل...غزرلي يحكي
زياد:خالط عليا لصالة
انا:باهي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة العاشرة
اول ما خرج من الكوجينة...هزيت روحي وقفت...حسيت لهو باش يحكي شي...بقيت ناخو في نفس طويل و نحكي وحدي
انا:اهدا سوار...باز باش يحكي في شي كيف عادتو...رد بالك تغلط معاه...لازمك تكون اقوى...هيا برك
شربت كاس ما...و هزيت روحي لصالة...لقيتو قاعد عالفوتاي..كيف عادتو...قربت منو...جيت واقفة مقابلاتو...عملي جاست بيدو باش نقعد...قعدت عالفوتاي لي مقابلو...ضميت ساقيا لبعض...نشوف معاه...تكا لتالي يحكي
زياد:نحبك تسمعني مليح...و تفهم كل كلمة نقولها...خاطر مش باش نعاودلك مرة اخرى
انا:باهي
زياد:البلاصة هاذي مش امنة ليك...و لا ليا...احنى باش نبعدو من هوني 3 اشهر
انا: 3 اشهر ؟
قحرلي...رجعت سكت...و ضميت يديا لبعض..نسمع فيه
زياد:3 اشهر باش تتعلم فيهم كلشي...كيف تمشي...كيف تحكي...شنوة تلبس...شنوة تاكول...شنوة تشرب...حتى سلاح باش تتعلم تهزو و تصاوب بيه...كلشي في حياتك معملتوش من قبل باش تعملو...و اهم شي من هذوما الكل...تنسى الخوف جملة...تنسى كلمة خوف...لازمك تكون جريئة...و حد ما يعديها عليك...فهمتني
هزيتلو براسي لا...قحرلي...رجعت شعري لتالي نحكي
انا:نحب نعرف علاش باش نعمل هذوما الكل...شنوة الهدف منهم
زياد:باش تكون المفتاح لكلشي...باش تكون الطفلة لحد ما يعرف علاها شي...و كل حد تقرب منو تبقى لغز في حياتو...و الحل متاعو عندي انا كهو
انا:و شكونهم هذوما
زياد:اهم الشخصيات متحلمش انك تقابلهم في حياتك و رجال الاعمال...مافيا...شرطة...منجمش نحددلك...خاطر كل مرة باش تكون في بلاصة...كل مرة باش تسافر لبلاد...لين توفا المهمة جملة
انا:مهمة شنوة
زياد:اسئلتك وفات هوني...الباقي تعرفو مع الوقت
انا:اخر سؤال
زياد:باهي
انا:زعمة نجم نعمل هذا الكل
زياد:انا وراك...و لازمك تفهم اهم شي...كيف تحب على شي توصلو...و انت ثنيتك طويلة برشا...اما كان كنت قدها باش تختصر برشا حاجات
انا:باهي
زياد:شي اخر...ثيقة...اهم شي...كان فكرت مرة تخون ثقتي...مش باش نهدمك انت كهو...بالعكس باش تكون فتحت جهنم بيديك
انا:طمن
نزل يديه لطاولة...قربلي ظرف...بقيت نشوف معاه...غزرلي يحكي
زياد:ظرف هذا هو بداية مشوارك
غزرتلو...و نزلت عينيا لظرف...هزيتو في يدي...قلبي دق بالقاوي...خذيت نفس و حليتو...جبدت منو هوية و باسبور...شديتهم في يدي...و حطيت ظرف عالطاولة...فتحت الهوية اول شي...عينيا وساعت...فتحت الباسبور نفس شي...طلعت راسي نشوف معاه...متكي لتالي...خرجت صوتي مصدومة
انا:دنييز ؟؟
زياد:دنيز...هو اسمك لجديد...هوني...و في اوراقك الكل...كيما زادة باش يكون عندك اسماء غيرها
انا:اما هذا اسمو تزوير هوية...ياخي تعرف شنوة عقوبتو انت
زياد:متخافش...طول ما انت معايا...حد ما ينجم يأذيك...و لا يوصلك...لا شرطة و لا المافيا
انا:اما
زياد:شقتلك اهم شي في تعاملنا الثيقة...و شي اخر الخوف تنساه جملة
غزرت للباسبور و الهوية في يدي برشا...و رجعت هزيت راسي غزرت فيه...هزيتلو براسي باهي...ورجعت حطيتهم عالطاولة نحكي
انا:امتى باش نسافرو
تبسم على جنب...و تكا لتالي...غزرلي يحكي
زياد:غدوة
انا:باهي نجم نمشي توا
زياد:بالطبيعة
انا:ليلة سعيدة
زياد:و انت زادة
هزيتهم من طاولة في يدي...و مشيت لبيتي...منعرفش قداش بقيت نشوف معاهم...من اليوم انا دنيز ¤¤¤¤...عمري ما توقعت...انو باش يكون عندي اسم اخر...باش نكون شخصية اخرى...و الشخصية لي يحبني نكون علاها...و لي كان هو يحكي علاها هي دينيز...زعمة باش نجم...برشا حاجات باش نتعلمهم...و باش يتبدلو في حياتي.. تسطحت...نشوف مع سقف...لين هزني نوم و رقدت...المرة هاذي رقدت من غير دموع...من غير خوف...خاطر حباتي تبدلت من الدقيقة لاسمي تبدل فيها
زياد يحكي
فقت الصباح...هزيت روحي عملت دوش...بدلت دبشي...عديت ليلة هوني...باش نربح وقت...طلعت لساعة...مبقاش برشا...مشيت لبيتها...حليت الباب بلا ما ندق...لقيتها ديجا لبست دبشها...و تسكر في الفاليز...بقيت نثبت فيها...روب بيضة طويلة...يديها نص...مزال برشا باش تستانس بشخصيتها جديدة...شخصية دنيز...اخترت الاسم هذا على خاطرها كهو...نحب اسمها يبقى نظيف...منحبهاش تضرر بعد ما يوفا كلشي...خذيت نفس نحكي
انا:حاضرة
تلفتتلي...غزرت فيا...رجعت شعرها لتالي...تحكي
سوار:ممم حاضرة
انا:باهي فيسع...عندنا ما نعملو توا
سوار؛باهي
سكرت الفاليز...هزت صاك في يدها...و قربت مني...عطيتها بظهري...وخرجت...خالطت عليا...جر في الفاليز...تلفت نشوف فيها تعافر كيف قاعدة تعافر فيها...قربت منها فكيتها من يدها...ظاهر يلزم اكثر من 3 اشهر...باش تتبدل...منعرفش كيف وصلت لوطة...حطيت الفاليز...في الكرهبة...دوب ما ركبت...خدمتها و طرت بيها...ركيت الكرهبة...بحذا لي يخدم تاتواج...تلفتلها نحكي
انا:انزل
سوار:باهي
اول ما دخلنا...قرب مني وقف قدامي...حطيت يدي على كتفو نحكي
انا:ريت تاتو لي على يدي
هو:ايه
انا:نحبك تعمللها كيفو
سوار؛شنووة
قحرتلها سكتت...قربت منو وريتو تاتو...قرب منها يحكي
هو:اعطيني يدك
سوار؛مستحيل
انا:اعطيه يدك
سوار؛لا
انا:كل دقيقة محسوبة عليا راهو
سوار؛شيهمني مستحيل نمد يدي
انا:شقتلك البارح
سوار:منحبش هذاكا شي...و هذا شي اخر...و محكيناش فيه من قبل راهو باهي
بقيت نشوف معاها...اول مرة تحكي بالطريقة هاذي...اصلا صوتها ميتسمعش برشا...خذيت نفس...نطول في بالي معاها نحكي
انا:ياخي نورمال انتي...جرد تاتو صغير خوفك...مش تقرا طب و لا فاتني شي
سوار:شمدخل قرايتي في الوسط التاتو هذا مستحيل نحطو...اصلا شنوة هذاكا لمرسوم في يدك...مفهمت منو شي
انا:شيهمك فيه انتي...اسمعني باش تعملو خلينا نمشو
سوار:لا مستحيل
انا:باهي
حسيتها رتاحت...كيف قلتلها باهي...خذيت نفس...و خطفتها من يدها...دورتها عندي...حضنتها من تالي و كبست علاها..هزيت يدي لاخرى شديت يدها و كبست علاها نحكي
انا:اعمل لي قتلك عليه
سوار:سيبني فاش تعمل ياخي نورمال انت
انا:ششش اسكت...شوية وجيعة كهو و توفا
سوار:منحبش سيبني
كبست عليها اكثر...دوب ما قرب منها...حسيتها تكبست بين يديا...ثبت يدها اكثر...و نزلت نحكي في وذنها...شعرها لبوكلي و طويل...دغدغني في وجهي...بحكم كابس علاها منجمتش نبعدو
انا:ارخف روحك كهو...وجيعة صغيرة و باش توفا...اصلا انت تحملت اكثر منها...وجيعة هاذي ما جي شي قدام وجيعتك...كهو ارخف روحك...و حاول تتعدا الخوف...خاطر من اليوم باش تعيش فيه
حسيتها ترخفت شوية...قلبها يدق بالقاوي...نحس بيه يضرب في يدي...نفسها رزين عاللخر...طلعت راسي شوية...نشوف مع الراجل...لقيتو باش يكمل تاتو...دوب ما كملو...رخفت يدي علاها...ووخرت خطوة لتالي...نشوف معاها...متحركتش من بلاصتها جملة...تشوف مع يدها...محاولتش نركز معاها برشا...رجعت قربت منها...جبدتها من يدها...جريتها ورايا...و خرجت...لقيت زوز من رجالي لبرا...هزيتلهم براسي باش يدخلو...يعرفو خدمتهم...خاطر لعمل تاتو هذا...لازم ينساه جملة...صحيح مش باش نقتلو...اما شوية تهديد كافي باش ينساه جملة...قربت من الكرهبة...ركبتها و ركبت...طول الثنية و هي ساكتة..تشوف مع يدها...حسيت كلامي معاها دخلها في حيط...غزرتلها على جنب نحكي
انا:باش تبقى تحرق يومين...مبعد ترتاح
سوار:عندك حق...الوجيعة هاذي...ما جي شي قدام وجيعتي
سكت...وركزت مع الثنية...محبيتش نحكي اكثر...سمعتها كيف تنهدت تحكي
سوار:باش يبقى في يدي طول عمري
انا:لا وقت يوفا كلشي...تنجم تنحيه
سوار:علاش عملتو
انا:وفر اسئلتك...خاطر الوقت هو باش يجاوبك
سوار:باهي
تكات راسها لتالي...تشوف مع الثنية...هزيت تليفوني كلمت شكون...هز عليا...خذيت نفس نحكي
انا:كلشي حاضر
هو:بالطبيعة
انا:باهي مسافة طريق و نوصل
هو:متأكد متحبش تخرج من البلاد
انا:لا انت كهو اعمل لي قتلك عليه...المهم الكل يمشي في بالو لانا خرجت من البلاد جملة
هو:باهي طمن
سكرت عليه...و حطيت تليفون....دورت راسي نشوف معاها...نلقاها ديجا رقدت...خصلات شعرها تتعدا على وجهي...من الهوا لي داخل من شباك...حاطة يدها عالجرح...سكرت البلار من عندي...و هزيت يدي...بعد خصلات شعرها من وجها...تبسمت على جنب من منظرها...هزيت يدي عديتها على وجهي..و تلفت لثنية...زدت في الفيتاس...و كملت ثنيتي ...خاطر من اليوم باش تبدا مهمتي معاها...من اليوم و بعد 3 اشهر...هي باش تكون وحدة جديدة...عكس لي قاعدة بحذايا توا
سوار تحكي:
فقت على شدان فران قوي...فتحت عينيا بالسيف...نحس في راسي رزين عاللخر...حكيت عينيا...ورجعت شعري لتالي...نشوف فيه نزل...قربو منو تقريبا ست رجال...كل حد فيهم قد الحيط...الكل لابسين لبسة رسمية...عينيا وساعت...و انا نشوف فيه يحكي معاهم...الكل ساكت و يسمع فيه...للحظة حسيت بخوف..حطيت يدي على قلبي نهدي في روحي..توا فهمت لهو اقوى ببرشا من اللي ستخايلتو...و انو مهمتي باش تكون اصعب من حكا...من المنظر لقاعدة نضوف فيه...ظاهر انو هو شخصية مهمة برشا...اما شنوة خدمتو بالظبط...شكون هو زياد...السؤال هذا قاعد يدور في مخي من اول نهار شفتو فيه...فقت من سرحتي...كيف حد فيهم فتح باب الكرهبة...هزيت راسي غزرت لزياد...عملي براسو جاست انزل...خذيت نفس و نزلت...نشوف معاهم مبهمة...الحريقة لي في يدي نسيتها جملة...حاسة بوجيعة في كرشي...نتنفس بالسيف...قربت منو...وقفت قدامو...نشوف في واحد منهم هاز الفاليز متاعي ندرا وين...تلفتلي زياد يحكي
زياد:حاضرة باش نمشو
انا:ح حاضرة
كرونيكات قصيرة
نشوف في حد فيهم...سبقنا يجري...و رجال الباقيين بعدو على طريقو...بقا يمشي و انا وراه...عينيا وساعت...و انا نشوف في طيارة صغيرة...مش كبيرة برشا...صوتها قوي عاللخر...ما فهمت شي...تسمع اللي بحذاك بالسيف...الهوا اللي قاعد يجي منها تحسو باش يطيرك...غزرلي زياد يحكي
زياد:هيا فيسع باش نمشو
انا:باش نطلعو فيها
زياد:ياخي معندكش اسئلة مهمة في حياتك انتي
انا:لا تو مع الوقت نتعلمهم منك
زياد:امشي برك
خذيت نفس و قربت من طيارة...خالط عليا هو...عاوني واحد من رجالو طلعت...و طلع ورايا...حسيت بيها بدات تمشي...قلبي دق بالقاوي...منعرفش كيف قربت منو عاللخر...دورت يديا زوز على يدو...و كبست عليه...نزل راسو يشوف معايا...غزرت لعينيه نحكي
انا:شنوة زادة
زياد:شي
انا:اول مرة نركبها على هذاكا خايفة
زياد:باش تتعود مع الوقت
انا:باهي
سكرت عينيا بالقاوي...كيف حسيت بيها باش طير...كبشت فيه عاللخر...و غرست راسي في كتفو...و هو متحركش من بلاصتو جملة...حتى كلمة ما خرجت منو...جبدت راسي شوية...طلعت من البلار...عينيا وساعت...البلاد الكل تشوفها من الفوق...و لا مرة ستخايلت اني نوصل نشوف المنظر هذا...للحظة حسيت الخوف لداخلي الكل وفا...بمجرد طلعت من البلار...مبقيناش برشا و حسيت بيها تنزل...رجعت كبشت فيه...نزلنا في بلاصة اخرى...ظاهر مخرجناش من تونس جملة...اما شنوة اللي خلاه يستعمل طيارة خاصة...مع انو ينجم يمشي بالكرهبة
///بعد عليه كيف حطت عالارض...جبد روحو نزل...و عاوني نزلت...نزل الفاليز...حطها قدامي...شديتها في يدي و خالطت عليه...نشوف في كرهبة اخرى مراكية...ياخي منين قاعد يجيب فيهم هذا...ظاهر مزال ما شفت شي...خذيت نفس...و قربت منو.. حطيت الفاليز من تالي...وركبت بحذاه...بقبت طول الثنية ساكتة...منحب نسألو حتى شي...حطيت يدي على كرشي جعت برشا زح...من صباح ما كليت شي...نزلت عيني نشوف مع الجرح في يدي...لتوا مفهمتش شنوة هذا مش ظاهر برشا...حسيتو كي راكا الكرهبة...و تلفتلي يحكي
زياد:اانزل
حليت باب الكرهبة و نزلت...من غير ما نقول كلمة...طلعت راسي نشوف مع الفيلا...لي في وسط غابة...بالحق تحسها غابة...خاطر مفما كان هاذي دار في وسطها...و شجر بعاد عالدار شوية...البلاصة ياسر مزيانة...ياسر كالم...زعمة علاش جينا هوني...و شباش نعملو...الف سؤال قاعد يدور في مخي...حسيت بيه كان كي قرب يحل في الباب...دوب ما حلها...قربت منو دخلت بلا ما ناخو منو اشارة...حتى من الفاليز نسيتها جملة...دخل ورايا و سكر الباب...بقيت نشوف مع دار...زح مضخمها...و محلاها...كلشي مرتب فيها...نسمع فيه يحكي ورايا
زياد:من اليوم باش نبقاو هوني
تلفت عندو نشوف معاه...رجعت شعري لتالي نحكي
انا:قصدك 3 اشهر
زياد:ممم
انا:شباش نعملو هوني الفترة هاذي الكل
زياد:مبعد تعرف...توا برا اختار البيت لتعجبك و ارتاح فيها
انا:باهي اما
زياد:اما شنوة
انا:جعت
زياد:برا للكوجينة تلقا كلشي تحب عليه
انا:باهي مرسي
خليتو و مشيت نفركس عالكوجينة...دوب ما دخلت مشيت للفريجيدار...زح هذا امتى لحق يعبيه...حطيت القضية عالطاولة...نشوف معاها...مشا في بالي نعمل عجة حارة...قداش شاهيتها العجة متاع امي...بديت نحضر فيها و دمعة هربت مني...مسحتها بكف يدي و كملت..دوب ما حضرت حطيتها عالطاولة...و قعدت ناكول...و نشوف مع الكوجينة...زادة محلاها...دار هاذي تشوفها كان في الافلام...قص عليا تفكيري كيف دخل للكوجينة...غزر فيا...و مشا للفريجيدار...جبد دبوزة ما..شرب منها كي عادتو...و حطها عالطاولة...بقا يفركس ندرا على شنوة..خذيت نفس نحكي
انا:زياد
زياد:ممم شتحب
انا:متحبش تاكول ياخي
زياد:لا
انا:على راحتك...انا باش نمشي نرقد
زياد:باهي
هزيت روحي..غسلت صحني...و غطيت العجة لي بقات...و جيت خارجة وقفني يحكي
زياد:استنى
انا:ممم
زياد:باش تلقا كيس عالطاولة...فيه دواك و بوماد للجرح
انا:باهي عيشك
زياد:شي اخر
انا:شنوة
زياد:كان حسيت بوجيعة و لا اي مضاعفات خبرني...مهم برشا راهو
انا:طمن مليحة...كيما زادة نعرف روحي لي انا ارتحت برشا..تقلقش روحك
زياد:باهي
انا:بونوي
زياد:بونوي
خليتو و خرجت من الكوجينة...مشيت لصالة هزيت دوا...بقيت نثبت فيها شوية...و خرجت...هزيت روحي و طلعت دروج...دوب ما وصلت عارضتني اكثر من بيت...رجعت شعري لتالي...نشوف في اخر بيت...منعرفش كيف مشيت ليها...دوب ما حليتها...ريحتو دخلت لخشمي...رجعت سكرتها...عرفتها بيتو...وخرت لتالي...اخترت البيت لي بحذاها...بحكم لبيوت لاخرين بعاد علاها...رغم اني نحاول نتغلب على خوفي...اما شي اقوى مني...رغم اني كرهت رجال الكل...اما هو بءات مش خايفة منو...افكاري دخلت بعضها...فتحت الباب و دخلت...شعلت ضو...بيت محلاها...ديكورها سامبل...حطيت الكيس و دبوزة الما..عالتابل دونوي...شربت دويا...حطيت البوماد عالجرح...ييي قداش يحرق...جيت باش نبدل دبشي...ذكرت لفاليز لي نسيتها في الكرهبة...ضربت بيدي على راسي...عجزت ننزل لوطة...اصلا نحس في روحي تاعبة عاللخر...كلشي نحب عليه...نرقد و كهو...نحيت كونفارسي...و قربت من سرير...ترميت على كرشي...حضنت المخدة...و غطست في نوم..معادش عندي جهد باش نخمم في حتى شي...كهو نحب نرقد و نهرب من كلشي...نهرب من الواقع..من الوحش اللي محبش يخرج من مخي...من بابا...من زياد...لي ما نعرف عليه شي كان اسمو...و اهم شي نهرب من روحي...نرجع للماضي متاعي...و ننسا روحي غادي
زياد يحكي:
اول ما خرجت...رجعت نفركس في الفريجيدار...جعت عاللخر...و زادة فاد عاللخر مش حاب نطيب شي...جات عيني عالعجة...حكيت لحيتي...و قربت منها نحيت علاها الغطة...و ذقت منها شوية...والله بالحق طلعت بنينة كسما متاع عزيزة...حطيتها عالطاولة...و نزلت علاها بالخبز...زح حتى مني توحشت ماكلة عزيزة شباش يصبرني علاها 3 اشهر كاملين...مع اني مخرجتش من تونس اما نحس في روحي بعيد عليهم...و سبب لي خلاني نختار طيارة...باش سوار متعرفش انو بلاصة هي..هكا باش نكونو زوز في امان اكثر...دوب ما كملت...هزيت روحي و طلعت الفوق...نشوف في باب بيتها مفتوح شطر...كملت حليتو...نشوف فيها راقدة على كرشها...و شعرها مغطي وجها الكل...خرجت سكرت الباب..و دخلت لبيتي...نحست مريولي...و ترميت عالسرير...غميت على راسي و رقدت
■■■■■■■■■■■
الحلقة 11
فقت الصباح...على تليفوني ينوقز...هزيت روحي بالسيف نشوف معاه...لقيتها ميرال...نفخت ورجعت غميت على راسي...كيف لقيتها جولت هزيت علاها نحكي
انا:شتحب عالصباح ¤¤¤
ميرال:توحشتك
انا:بربي ميرال تكلم فيا عالصباح باش تقولي الكلام هذا
ميرال:شفاها ياخي متوحشتنيش انت
انا:ميرال فك عليا و هات من اللخر شتحب
ميرال:وين غاطس ياخي
انا:اسمعني هاني باش نخبرك من توا
ميرال:شفما
انا:اليوم باش نسافر و باش نبقى اكثر من شهرين لبرا...ووقت نرجع باش يكون حاجتي بيك في حاجة
ميرال:كيف باش نجم من غيرك شهورة هذوما الكل
انا:تنجم تنجم باي
ميرال:زياد
انا:اشكي
ميرال:نحبك
انا:باهي
سكرت علاها...ورميت التليفون على جنب...هزيت روحي دخلت لبيت البانو...عملت دوش...و خرجت بدلت دبشي...هزيت تليفوني...كلمت واحد من رجالي...وصيتو على حاجات...و خرجت من البيت...تعديت على بيتها...نسمع في صوتها تصيح...استغربت...حليت الباب و دخلت...قربت منها...نشوف معاها...مكبشة بيديها عالسرير...في فمها مام كلمة سيبني...تصب بالعرق...عرفتها قاعدة تحلم...قربت منها عاللخر قعدت بحذاها على طرف السرير...هزيت يدي متردد...حطيتها على راسها نحكي
انا:سوار سوار فيق
تحركت شوية...وحلت عينيها فرد مرة...و نطرت من بلاصتها...جات في حملتي...حطيت يدي على زندها نحكي
انا:حلمة كهو ارتاح
سوار؛م منجمتش ننسا...مستحيل نجم
انا:باش تنسى مع الوقت
سوار:منجمش تاعبة عاللخر
انا:باهي شرايك توا تقوم تاخو دوش باش تتفرهد
سوار؛باهي
جبدت روحي منها وقفت...وقفت في جرتي...تبسمتلها شطر تبسيمة...و تلفت باش نمشي...وقفتني تحكي
سوار:زياد
انا:شنوة
سوار:ميسالش جيبلي فاليز متاعي
انا:باهي
سوار:مرسي
خرجت و خليتها...نزلت اللوطة...جبدت الفاليز من الكرهبة...حطيتها عالارض...نشوف في كرهبة اخرى ركات قدامي..عرفتو من رجالي...نزل و قرب مني حط تليفون جديد في يدي...غزرتلو نحكي
انا:متأكد لهو مش مراقب
هو:طمن مسيو متأكد
انا:و الحاجات الاخرى لوصيتكم عليهم
هو:في الكرهبة
انا:باهي برا حطهم في الجنينة لورا دار و امشي
هو:باهي
هزيت الفاليز و دخلت...سكرت تليفوني...و شعلت تليفون جديد...منحب حتى حد يشك لانا في تونس...نشوف فيها نازلة...عرفتها تحب على فاليز...قربت حطيتها قدامها نحكي
انا:ارتاح اليوم...و ما تفكر في شي
سوار:باهي عيشك
هزت الفاليز...و طلعت...حسيتها تاعبة عاللخر...نعرف لي نفسيتها تاعبة...و تفكيرها بعيد...على هذاكا منحبش نظغط علاها اليوم...نحبها ترتاح عاللخر...دخلت للكوجينة...هزيت دبوزة ما صغيرة...و خرجت...نجري و افكاري بعيدة...حالة سوار رجعتني سنين لتالي...نحس في مخي باش يطرشق...وقفت في نص الغابة...شربت الما فرد مرة...اصوات قوات في وذني
"اممممي لاا امان فيق"..."زياد يا روحي ولدي الغالي"..."زياد انا و انت خاوة و شي ما يفرقنا في دنيا"..."ادم امي قالت شدو بعضكم كي تقصو الكياس"..."باهي خويا الغالي"
الماضي الكل يتعاود في مخي..كبست بيديا زوز على راسي...كملت رميت لي بقا على وجهي...نحب ننسى...نحب نفيق و كهو...حليت عينيا...نشوف مع شجر... صحيح حد ما ينجن ينسى لي صار...اما ينجم يتعايش معاه..ظو انا عايش لاكا نهار بالظبط...لتوا ما خذيت حقي كامل...الا ما نوصل لي نحب عليه...و نخلي الكل تحت يدي...اصلا في دنيا ما يهمني حد كان خويا الغالي...و بابا...و بعدهم عزيزة لي رباتنا...خذيت نفس..ورجع لدار
سوار تحكي:
عملت دوش و بدلت دبشي...نزلت لوطة عرفتو خرج...نحس في راسي باش يطرشق من الوجيعة...الاحلام هذيكا ياسر رجعت تقلقني...حتى كيف نفيق...تبقى مسيطرة عليا النهار الكل...سخنت حليب حطيتو عالطاولة...نشرب معاه و تفكيري بعيد...المفروض توا عطلة...نعديها بحذا امي و عماد...نتفرج في مسلسل العادة...نحلم في احلام بريئة...مش قاعدة هوني...مع راجل منعرف عليه شي...كان هو شخصية مهمة كهو...و حاجتو بيا في خدمتو اللي ما نعرف علاها شي...كملت حليبي...و قمت من الطاولة...باش نغسل كاسي جات عيني على العجة...ظاهر كلاها البارح...تبسمت هلى جنب...الجوع يعمل...كملت غسلت الباقي...و طلعت لبيتي...ركحت الدبش في القارد روب...خاطر ظاهر مطولين هوني...عديت نهار الكل الفوق...حتى وقت نزلت نتعشى...حضرت مقرونة...كليت وحدي...و خليت منها بلكشي يحب ياكول...و جيت طالعة لبيتي..وقفني يحكي
زياد:ارتحت
انا:ايه عيشك
زياد:من غدوة نحبك حاضرة
انا:باهي
زياد:هيا برا ترقد توا متسهرش برشا باش تفيق بكري
انا:باهي ليلة سعيدة
زياد:و انت اسعد
تلفت و كملت طلعت لبيتي...شربت دوايا...بدلت دبشي و ترميت عالسرير...منعرفش شنوة اللي باش نعملوه غدوة...محاولتش نركز برشا...سكرت عينيا....و استسلمت لنوم...اصلا كان باش نفكر ما نجم نوصل لشي...عالاقل توا نرتاح شوية...و نحاول نستانس بالوضع الجديد و حياتي الجديدة
فقت الصباح...على صوت قوي...حليت عينيا بالسيف...نشوف فيه واقف قدامي...لابس شورت و فاست سبور...سكر منبه متاع تليفون كي شافني حليت عينيا يحكي
زياد:15 دقيقة تحضر فيها روحك فيسع
انا:شننووة قداش ساعة ياخي...طلع تراه نهار مزال مطلعش
زياد؛راهي 4 متاع صباح
انا:شباش نعملو توا ياخي
زياد:قوم البس دبش سبور و خالط عليا...تو تعرف وحدك
انا:باهي
اول ما تلفت...رجعت ترميت عالسرير...نعسانة عاللخر..نسمع فيه يحكي بلا ما يتلفت
زياد:15 دقيقة...تتأخر دقيقة نعاقبك علاها
انا:باهي باهي هاني قمت
///..اول ما خرج...هزيت روحي بالسيف لبيت البانو...غسلت وجهي بالزربة...ورجعت للقارد روب...نفركس على دبش سبور...عين مفتوحة و عين مغمضة...لين لقيت سيرفاتمون في الاكحل...لبستها...و لميت شعري ذيل حصان...و نزلت عندو لوطة...لقيتو واقف بحذا الباب...شاد في يدو دبوزة ما صغيرة...غزرلي يحكي
زياد:دقيقتين روتار اخر مرة
انا:باهي اما وين ماشيين
زياد:نجرو
انا:نجررووو ؟ تي ساعة مزالت 4...شرايك نخلو نهار يطلع
زياد:دقيقة اخرى...نخليك تعمل دورتين زيادة
انا:باهي
فتح الباب و خرج...تأففت و خالطت عليه.. لقيتو ديجا بدا يجري...بقيت نشوف معاه...صوتو لقوي خلاني نتهز
زياد؛خف روحك
خالطت عليه نجري وراه...منعرفش قداش بقينا نجرو ساعة و لا اكثر...زح الغابة هذيكا جريناها الكل...حسيت روحي باش نتهد...وقفت...و طبست شديت ركابيا زوز بيدي...نرجع في نفس بالسيف...نسمع فيه يحكي
زياد؛شد هاذي
طلعت راسي نشوف معاه...رمالي دبوزة الما في يدي...لقفتها عليه.. وقعدت عالارض...شربت منها فرد مرة...اول مرة نجري بالطريقة هاذي...قرب مني...عطاني يدو فهمتو يحبني نقوم...سكرت دبوزة الما...و حطيت يدي في يدو...جبدني عندو...ضربت في صدرو...وخرت لتالي...غزرلي يحكي
زياد:لباس توا
انا:ايه
زياد:لازم تتعود خاطر ديما باش تفيق الوقت هذا
انا:قصدك كل يوم باش نفيق على 4
زياد:مممم
انا:علاش نحضر باش ندخل لحرب ياخي
قحرلي...سكت عرفت روحي كثرتلها...عدا يدو على شعرو يحكي
زياد؛3 حاجات نحبك تحفظهم و تنفذهم
انا؛باهي
زياد:اولهم معادش تسأل برشا...خاطرني من عند ربي نفد منهم الاسئلة هذوما...و ثانيا تفيق كل يوم الوقت هذا من غير ما تتذمر..و ثالثا لازم تكون خفيفة على هكا ببرشا...خاطر كان باش تبقى هكا ترصالي معاك اكثر من 3 اشهر
انا:اما علاش هذوما الكل
بقا يشوف معايا...عرفت روحي رجعت سألتو.. هزيت يدي حطيتها على فمي...و هزيتلو بكتافي...نفخ و تلفت باش يمشي...وقفتو نحكي
انا:جاوبني
رجع تلفت عندي...و هزني من فوق للوطة...شبكت يديا نحكي
انا:صدقني نحس في روحي ضايعة...نحب نعرف وين انا بالظبط...و شمدخل الجري و الحاجات هذوما في الخدمة لي قلت علاها انت...داخلة في حيط راني
قرب مني عاللخر...وقف قدامي...جا راسي في صدرو...نزل عليا شوية...يحكي في وذني
زياد؛اولا انت باش تبني شخصية جديدة...ستيلك...كلامك...مشيتك...و برشا حاجات اخرى...اما هذا الكل باش يصرا..بعد ما تبني قوتك...خاطرك باش تقابل عباد و تظطر تتعامل معاهم وحدك...وقت نبدا مش معاك
انا:ش شمعنى نتعامل معاهم
وخر لتالي...تبسم على جنب و كمل يحكي
زياد:بعد 3 اشهر تاخو الجواب هذا
انا:و انت شنوة خدمتك
قحرلي...نفخت...زح كان منسألش نطرشق...تلفت يحكي
زياد:خف روحك...عندنا ما نعملو
انا:باهي
كمل يجري...خالطت وراه...موقفش لين وصلنا لدار...دوب ما دخلنا...ترميت عالارض...نرجع في نفس بالسيف...نسمع فيه يحكي
زياد:فيسع اعمل دوش و انزل تاكول شي
انا:تعبت معادش نجم
زياد:قوم و لا نرصيلك في دورة اخرى
هزيت روحي وقفت...طلعت دروج بالسيف...دوب ما دخلت لبيتي...نحيت دبشي و عملت دوش سخون...لبست الكاب و خرجت طلعت لساعة...نلقاها 6 متاع صباح...زح نعسانة عاللخر...منين طلعلي بموضوع الجري توا...بقيت...نشوف مع سرير...نحب نرقد و كهو...هزيت روحي..ترميت عليه بالكاب...منجمتش حتى نبدل...تي دوب ما سكرت عينيا هزني نوم
زياد يحكي:
دخلت للكوجينة...جبدت دبوزة حليب شربت منها...و خرجت لصالة...طلعت لمنقالتي نلقاها فاتت 6...عرفتها طولت هزيت روحي..طلعت عندها...فتحت الباب و دخلت..نشوف فيها راقدة على كرشها بالكاب...شعرها مبلول غم علاها...جاب ربي الكاب طويل شوية...مكانش كنت باش نشوف كلشي...عديت يدي على وجهي...و تلفت باش نخرج...محبيتش نفيقها...نعرف مش مستانسة بالفيقة هاذي...مشيت لبيتي...عملت دوش...بدلت دبشي...هزيت البيسي...و تليفوني و نزلت لوطة...خليتهم في صالة...و مشيت نحضر فطور خفيف..خاطر الوقت ضيق برشا
دوب ما كملت الطاولة...حسيت بيها داخلة...تلفت نشوف معاها...حسيتها تفجعت...خاطر دخلت من غير حس...لابسة روب في الباج عند ركبة...شعرها مزال مبلول طايح على كتافها...غزرتلها نحكي
انا:علاش طولت
سوار؛اه رقدت شوية كهو
انا:باهي ايجا تفطر عندنا ما نعملو
سوار:باش نجرو
انا:لا شي اهم...افطر توا مبعد نحكو
سوار:باهي
///...بقينا نفطرو عالساكت...طلعت راسي نشوف معاها...تاكول شوية...و طلع قصتها لي طايحة على وجها بيدها كل مرة تهبط فيها...ظاهر قلقتها...خاصة كيف شعرها مبلول...منعرفش كيف تبسمت...عجبتني الفازة...اصلا اول مرة نركز مع طفلة هكا...هزيت يدي على شعري و كملت ناكول...اول ما كملت غزرتلها نحكي
انا:كان كملت خالط عليا
سوار:باهي
هزيت روحي...مشيت لصالة...ترميت عالفوتاي...حليت البيسي...نشوف فيها داخلة...قعدت مقابلتني...هزيت يدي حطيتها عالفوتاي قدامي نحكي
انا:ايجا هوني
هزت روحها و قربت مني...قعدت قدامي...غزرتلها نحكي
انا:استخدمت بيسي من قبل
سوار:ممم شوية وقت نستعمل متاع صحبتي
انا: باهي هوكا باش نعلمك فيه كلشي توا...و نحبك تستخدمو كل يوم
سوار:علاش
انا:خاطر باش تحتاجو في خدمتك برشا
سوار:باهي
انا:اهم شي تعرف كي تنقل اي شي من بيسي لفلاشة و من فلاشة للبيسي...من غير ما تخلي حتى دليل
سوار:اي شي كيف شنوة
انا:فيديو...صور...دوسيات...كل شي يطيح في يدك باش تنقلو للبيسي و لا تابلات..و لا تليفون...مداما اهم شي تعمل هذا الكل في سر...كيف و امتى...تعرفو في وقتو...خاطر نعرفك مزال باش تسأل
سوار:باهي باش نبداو ملا
انا:باهي
عدينا اكثر من 3 ساعات عالبيسي...علمتها على كلشي...زادة راسها خفيف عاللخر...متعبتنيش برشا...كل شي حكماتو عالطاير...حطيت البيسي في يدها...و تكيت راسي لتالي...غزرتلي تحكي
سوار:نجم نقوم توا
انا:وين
سوار:جعت باش نمشي نحضر شي و نرجع
انا:باهي
هزت روحها قامت...و انا هزيت تليفوني كلمت واحد من رجالي...هز عليا يحكي
هو:تفضل مسيو
انا:حضرت لخبرتك عليه
هو:بالطبيعة...المعلومات لي تحبها الكل في CD
انا؛باهي حاجتي بيه في اقرب وقت
هو:باهي طمن
انا:شي اخر
هو؛تفضل
انا:حاجتي بسلاح
هو:اما نوع
انا:كي العادة...اما نحب واحد منهم يكون خاص بتدريب
هو؛باهي
علقت عليه...و هزيت روحي وقفت...ريحة المقرونة...وصلت لخشمي...عديت يدي على شعري...حتى انا زح جعت برشا...مشيت للكوجينة...لقيتها مزالت واقفة تحضر...جبدت كرسي قعدت عليه...تلفتتلي و شهقت تحكي
سوار:كيف دخلت لهوني
انا:من الباب
سوار:نعرف من الباب اما انا محسيتش بيك
انا:هاذي قاعدة جديدة لازمك تتعلمها...اهم شي تكون خفيفة و فرد وقت هادية
سوار:مستحيل نوصل نكون هكا
انا:باش توصل...انت كهو ركز معايا
سوار:غدوة زادة باش نفيق 4 متاع صباح
انا:ممم
سوار؛ميسالش تخليها 5 والله ما نجم
انا:ارقد بكري تنجم تفيق
سوار:باهي سؤال اخر
انا:شنوة
سوار؛انت مرة قتلي باش تقابل برشا شخصيات محلمتش اني نشوفهم في حياتي
انا:اممم
سوار؛و انت قصدك المعلومات اللي باش ناخوذها راح تكون منهم...على هذاكا باش نقابلهم
تبسمت على جنب...و تكيت لتالي نحكي
انا:برافو...اول مرة تفكيرك يطلع صحيح
سوار:باهي اما
انا:اما شنوة
سوار:ملا علاش قتلي باش تستعمل سلاح و تدريب و ندرا شنوة
انا:خاطر مرات باش تظطر تتعامل وحدك...و اي شخص يهدد حياتك تقتلو بيدك
فلتت صحن من يدها...تغزرلي مصدومة...حسيت بيها كيف كانت ترعش...هزيت روحي...قربت منها...وقفت قدامها بالظبط...حطيت يدي على يدها...حسيتها جمدت في بلاصتها...عقدت حواجبي نحكي
انا:شبيك
سوار؛ت تحكي صح انت
انا:اصلا كل كلمة نقولها صحيحة...مفماش تفدليك في الخدمة
سوار:م منحب نقتل حد...منحبش نشد سلاح جملة
انا:ششش ريض...مش لازم تقتل اما تنجم تهدد...كيما مش كل ضربة تقتل باهي
سوار:ب باهي كان هكا
انا:باهي ارتاح توا...و متفكر في شي...خاطر وقت تنحي الخوف هذا...وقتها كهو..معاد يهمك شي
سوار؛باهي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 12
سوار تحكي:
منعرفش كيف حطيت الاكل عالطاولة...حسيت بوجيعة في كرشي...و راسي باش يطرشق...من كلامو...متوقعتش لهو يوصل يقتل...و لا يفكر يخليني نقتل كيفو...قعدت مقابلاتو...بعد ما كنت جيعانة...ما نجمت ناكول شي...بقيت نشوف فيه ياكول...و تفكيري بعيد...حطيت يدي على كرشي نهدي في روحي...نحاول ناخو نفس منظم...بقيت نتغوصر طلع راسو يشوف معايا يحكي
زياد:شبيك لباس
انا:مممم
زياد:كول
انا:لا نحب نمشي
زياد:باهي
هزيت روحي وقفت...نشوف فيه خيال قدامي...تركزت بيديا عالطاولة...نحس في روحي باش نطيح...خذيت نفس...و جيت باش نمشي...اما حسيت لساقيا رخفو...و معادش يحملوني...نحس كان بيد قوية...لقفتني من ظهري..جيت في حملتو...هزني بين يديه لصالة...حطني عالفوتاي...صحيح حالة عينيا...اما نشوف في كلشي بعيد نسمع في يحكي
زياد:سوار فيق تسمع فيا
بقا يفيق فيا...هز دبوزة الما...رشني على وجهي...و شربني منها...ورجع حطها...حسيت روحي تفرهدت شوية...بقا قاعد عالطاولة مقابلني...شاد يدي في يدو يحكي
زياد:لباس
انا:مممم
زياد:اسمعني هوني مستحيل نلقا طبيب...و زادة منجم نطلب حتى طبيب هوني...خاطر باش يكون خطر علينا زوز...على هءاكا كان تحب نهزك انا
انا:ل لا نحب نرقد كهو
زياد:متأكدة
انا:مممم
زياد:باهي اتسطح هوني
انا:باهي
عاوني تسطحت لتالي...ضميت ساقيا اكثر...باش منتعراش...حطيت يدي تحت راسي...حسيت بيه كي قام...سكرت عينيا و نزلت مني دمعة..تغلغلت داخل شعري...نحس في قلبي باش ياقف...نحس روحي قاعدة ندور في دوامة كبيرة...و لا مرة توقعت اني نطيح في موقف كيف هكا...اني نكون قاتلة...حاولت نهدي روحي...هزيت يدي حطيتها على الشركة لي في رقبتي...رغم كلشي صرا اما متنحاتش من رقبتي...رغم اكا الكلب...نهش لحمي الكل...اما الشركة متنحاتش...قوتو مكفاتش باش ينحي الشركة لحطتهالي امي وقت كنت صغيرة...قالت لهي باش تحميني...اكا نياتها امي...حتى من عماد حطتلو وحدة...كبست علاها اكثر...ناخو في قوتي منها...هي كهو لبقات من ريحة امي...و هي كهو لي تعطيني قوة باش نجم نكمل لي بديت فيه...زياد قال اهم شي اني نتخلص من خوفي...اهم شي معادش نخاف...اما نسا يقول اهم شي...انو الواحد ميكونش عندو قلب و ما يحس بحتى شي...اصلا عندو حق...انا حياتي دمرت بالكل...خسرت اهلي...قرايتي...حياتي...من شنوة باش نخاف اكثر...و علاش باش نخاف...باش نرجع نعيش لعشتو مستحيل...مستحيل نسمحلو و لا نسمح لغيرو يغيشني نفس الكابوس...و كان يبقا اخر حد في دنيا باش ناخو حقي منو...اصلا كرهي ليه...يفوق كلشي في دنيا...و كيما اغتصبني و استغل ضعفي...و جبرني على حياة جديدة...هو لباش يكون قوتي المرة هاذي...القوة لباش دمرو...و تخليه يضعف قدامي...وقتها كهو باش نرتاح...حتى الموت وقتها مش باش تخوفني جملة...بعد حرب الافكار لي دخلت فيها...هزني نوم...و رقدت
زياد يحكي:
طلعت بزربة هزيت غطا في يدي و نزلت...خاطر دار باردة بطبيعتها...اول ما وصلت لصالة...لقيتها ديجا رقدت...حطيت الغطا علاها...و قعدت على طرف الطاولة...نشوف مع وجها...شطر شعرها طايح عليه...جات عيني على يدها...مكبشة على شركة في رقبتها...نعرف لهي صغيرة...نعرف لقاعدة تعدي فيه توا اكبر منها ببرشا...اما ظروفها حطتها في ثنيتي...و ظروفي هزوني ليها...خذيت نفس و هزيت روحي للكوجينة...نشوف مع طاولة...طلعت صنافة...و هي جرد فرخة...لميت طاولة...خرجت للكرهبة...هزيت الحاجات لبقاو...و مشيت لبيت جاية لوطة...حطيت كلشي عالطاولة...هزيت تصاور الكل لي غادي لصقتهم عالحيط...كلهم لاهم الشخصيات لي في البلاد و لي برا البلاد...سكرت عينيا ورجعت فتحتهم كيف لصقت اخر صورة...هزيت الجرائد في يدي...فما لي عندهم اعوام...قصيت كل خبر يتعلق بشخصية لصقتهم مع كل صورة...تكيت عالطاول نشوف معاهم...هزيت ماركور في يدي...و قربت منهم ربطت كل شخصية مع اختها...مع اني حافظ كل وحدة فيهم...اما توا دور سوار...باش تحفظهم الكل...لدرجة انها ترجع تعرف كلشي عليهم من غير ما تقابلهم حتى...اصلا اهم شي في الخدمة هوني تسلسل...انك توصل تكون جزء من المافيا...المافيا لي تظهر لناس بوجوه بريئة...لازم تكون فايتهم بخطوة...خطوة وحدة كهو تفرق برشا في عالم المافيا...كملت خدمتي غادي...سكرت الباب و خرجت...رجعت لصالة نلقاها مزالت راقدة...اصلا طاح الليل احسن شي تطلع لبيتها توا ترتاح...قربت منها فيقتها...نطرت من بلاصتها مفجوعة...عرفتها كانت تحلم...كبست على كتفها نحكي
انا:اهدا ما صار شي
سوار؛ب باهي
انا:برا لبيتك ارتاح
سوار:قداش ساعة
انا:20:00 برا كول شي و ارقد بكري
سوار:م منحبش...ميسالش نكمل نومتي هوني...كان ميقلقكش...تاعبة و منجمتش نطلع
انا:باهي على راحتك
سوار؛عيشك
خليتها رجعت تسطحت...طلعت لبيتي...نحيت مريولي...طيشتو ندرا وين جا...اصلا فاد عاللخر...شيعديهم 3 اشهر هوني زح...و اكثر من هكا اول مرة نتلها بطفلة المدة هاذي الكل...تي حتى من شخصيتها لازمها برشا باش تتغير...هذا اذا تغيرت...دخلتولبيت البانو عملت دوش...بدلت دبشي...و ترميت عالسرير...غطست في النوم فيسع...اصلا حتى هو اليوم يتعب عاللخر
/// فقت الصباح...هزيت تليفوني نشوف ساعة لقيتها 5:30...غميت على راسي...نص ساعة راحت في نوم...هزيت روحي دخلت لبيت البانو غسلت وجهي...صحصحت شوية...و خرجت...لبست دبشي...و خرجت...كنت باش نتعدا لبيتها نفيقها...اما ذكرت لهي رقدت في الصالة...نفخت و رجعت نزلت...اصلا باش ترصالي نتأخر نص ساعة اخرى في جرتها...دوب ما وصلت لصالة عينيا وساعو...و انا نشوف فيها...قاعدة عالفوتاي...لابسة دبش سبور...و هازة البيسي في يدها تبربش فيه...طلعت راسها تشوف معايا و تحكي
سوار:بونجور
طلعت حاجبي...و انا مركز معاه...تي بالحق هاذي فاقت قابلي و قاعدة تحكي معايا...و لا انا لي قاعد نحلم...فيقتني من سرحتي كيف رجعت تحكي
سوار:تأخرت شوية قلت نعدي الوقت في البيسي لين جي انت
انا:باهي باهي خلينا نمشو
سوار؛باهي
سكرت البيسي حطاتو عالطاولة...هزت دبوزة ما من عالطاولة...تي ظاهر محضرة روحها من بكري...عديت يدي على شعري...و خرجت معاها...بديت نجري و هي معايا...غزرتلها نحكي
انا:كيف حتى قمت بكري
سوار:من اليوم باش نفيق ديما وحدي
انا:تحب تقول لانت باش تتعود
سوار؛لا اما
انا:اما ؟
سوار؛سوار جديدة باش تتعود
انا:كي هكا باش ندخلو في المضمون من اليوم
سوار:بالطبيعة موافقة
انا:هيا ملا خف روحك
سوار؛باهي
من كنت نجري بالشوية...زدت في الفيتاس...و هي معايا...اهم شي انها بدات تتعود عالوضع..و هذا باش يساعدني برشا...اني نعاونها تتغير...و تكون شخصية جديدة
سوار تحكي:
نجري و نشوف معاه كيف سابقني بخطوات...خطوات خلاهم بينا باش انا نمشي فيهم...باش نتعلم منهم...من اليوم انا باش نكون سوار جديدة...باش نحاول نبني شخصيية اخرى...شخصية تساعدني نكون في دومان هذا...منعرفش قداش بقينا نجرو...لين وصلنا ورا دار...وقفت ناخو نفس...بالسيف...عكسو هو لي فرغ دبوزةط الما على وجهو...دورت عينيا عالبلاصة...نشوف في حاجات عالارض...فكروني في يمات الليسي...عقدت حواجبي و طلعت راسي نحكي معاه
انا:شنوة هذوما
زياد؛معدات تدريب
انا:تدريب متاع شنوة
زياد:ياخي متتعبش من الاسئلة انت
انا:اما
زياد:اسكت و حضر روحك
انا:هاني حاضرة شنعمل
هز تليفونو...ندرا شكان يعمل و غزرلي يحكي
زياد؛5 دقايق في يدك باش تهز دبابز لهوني و تحطهم في صندوق هذاكا من غير ما تكسر حتى وحدة
انا:كااامل ؟
زياد:مممم
انا:ياخي نورمال انت...فايت 100 دبوزة كيف تحبني نهزهم في 5 دقايق بربي
زياد:وقتك بدا
قحرتلو...نحيت الفاست رميتها عالارض...بقيت بمريول...من غير كمام...هزيت اربع دبوزات في يدي ركحتهم في صندوق...بقيت على اكا الحالة رايحة جاية...لين سمعتو يحكي
زياد؛وفا وقتك...40 دبوزة في 5 دقايق
بقيت نشوف معاهم...لحق يحسبهم زح...نتنفس بالقاوي...فلت دبوزة لي بقات في يدي...تبسم على جنب يحكي
زياد:لازمك تشد روحك اكثر
انا:شننوة
زياد:هيا توا عندنا خدمة اهم
انا:علاش خليتني نلمهم
تلفت على غفلة...جا وجهي في صدىو بحكم كنت مخالطة عليه...طلعت راسي نسمع في يحكي
زياد:اهم شي هوني انك تكون خفيفة...لدرجة حد ما يحس بيك
انا:باهي
وخر لتالي و تلفت...خذيت نفس...هزيت الفاست متاعي من الارض...و خالطت عليه...دوب ما وصلنا للباب...ركات قدامنا كرهبة...نزل منها واحد...قرب من زياد يحكي
هو؛مسيو زياد
زياد:رياض شتعمل هوني
هو:وصلت اللي وصيتني عليه تعرف منجم ناثق في حد
زياد:باهي جيبهم
هو:باهي اتو دقيقة
مشا للكرهبة و رجع...هاز في يدو...كرتابل حطو في يدو يحكي
هو:مسيو لوصيتني عليه الكل الداخل...و كان احتجت شي كلمني
زياد:باهي
مشا راجل بقيت نشوف معاه...تلفتلي زياد يحكي
زياد:مطولة هوني
انا:اه لا لا هاني داخلة
زياد:باهي
دخلت وراه...رما الكرتابل عالارض..و دخل للكوجينة...جبد دبوزة حليب شرب منها...هزيت العصير...فرغتو في الكاس...جيت باش نشرب فك الكاسة من يدي...حطها عالطاولة...و حط دبوزة الحليب في يدي يحكي
زياد:الحليب احسن
انا:باهي
زياد:برا اعمل دوش...و انزل عندنا ما نعملو
انا:باش ناكول شي قبل
زياد:برا ريقل روحك تو نحط انا الفطور
انا:باهي فيسع
طلعت نجري لبيتي...عملت دوش تفرهدت بيه...خرجت فيسع...حليت القارد روب...لبست سروال جين و خلعة...لميت شعري...و نزلت للكوجينة...لقيتو حط طاولة...عينيا وساعت...قعدت عالكرسي نحكي
انا:شنوة هذا
زياد:من اليوم باش يكون فطورك هكا
انا:ياخي عاملة رجيم انا
زياد:كول و اسكت
انا:باهي
بقيت ناكول و نغزل...تي بعد طرح الجري متاع صباح باش ناكول هكا...و هو عامل مولا دار مش هوني...ما صدقت لربي كملت هالفطور المحنون و قمت
///...نلم في الحصون بغزول...زح مزلت جيعانة...تو نورمال هذا...يفطرني شطر ماكلة...هز روحو وقف...يحكي
زياد:سيب من يدك و ايجا معايا
انا:وين
نفخ...و خرج من الكوجينة...خذيت نفس...شنعمل كي انا نحب نسأل برشا و هو يكره الاسئلة...خالطت عليه...نشوف فيه دخل لبيت...و خلا الباب مفتوح...قربت منو...دخلت وراه...دورت عينيا عالبلاصة...برشا صور...برشا كتيبة و علامات...عقدت حواجبي...و دورت راسي نشوف معاه...متكي على طاولة كبيرة...معبية ورق...و تصاور...نسمع فيه يحكي
زياد:البيت هاذي باش تكون البيت السرية هوني
انا:يعني
زياد:يعني انو خدمتنا الكل باش تعتمد عالموجود هوني
استغربت كلامو...قربت شوية...نشوف مع تصاور المعلقة عالحيط...تي فايت عشرة صور...قرب مني وقف ورايا بالظبط...حسيت بقربو مني...خاطر ما نظهر شي قدام جهامتو...نسمع في صوتو لي عبا البيت الكل
زياد:اللي قاعدة تشوف فيهم توا...من اكبر شخصيات في البلاد...و برا البلاد...و كل شخصية عندها علاقة مع بعضها بطريقة و لا باخرى...فما علاقات معروفة...و فما علاقات لازم انت تعرفها
انا:شقصدك بالظبط
زياد:فما علاقات سرية...تجمع بينهم...علاقات حد ما ينجم يعرفها..كان اذا دخل لديارهم و قعد على طاولتهم
انا:و انا لي باش نكون على طاولتهم
زياد:برافو...بخبرتك لباش تكتسبها مع الوقت...راح تخليك تستدرج كل شخصية بطريقتك...كمية الاخبار لي انت راح جيبها منهم هي لي حاجتي بيها انا
انا:باهي اما شنوة لي يخليك تتاكد اني باش ننجح في المهمة هاذي
زياد:هدفك
انا:شتقصد
زياد:انك توصل و تكون مع حد فيهم...انك تثبت روحك في وسطهم...و تنسى الخوف لداخلك...انك تنجح تبني شخصية جديدة...كل هالشي...باش يعاونك انك توصل لهدفك...و تاخو حقك في اللي وصلك لهوني
قلبي دق بالقاوي و انا نسمع في كلامو...عندو حق...انا هوني لسبب هذا اكثر من اني جاسوسة و لا عميلة و لا ندرا شنوة بالظبط...انا هوني باش نكون سوار اخرى...باش ناخو حقي من اللي وصلني لهوني...خذيت نفس...قويت روحي...و تلفت ليه...جا وجهي في صدرو...طلعت راسي شوية نشوف معاه...غزرلي يثبت في وجهي...سكرت عينيا و رجعت فتحتهم...كل مرة نثبت في وجهو بالطريقة هاذي...نحس اني نعرفو...و اني شفتو من قبل اما وين...شبيني منجمتش نذكرو جملة...مش غريب عليا جملة...فيقني من سرحتي كيف حكا معايا
زياد؛فهمت قصدي
انا:ممم عند الحق
وخرت خطوة لتالي...منعرفش علاش قلبي يدق بسرعة هكا...غزرتلو نحكي
انا:تنجم تفهمني اكثر
زياد:بالطبيعة...تشوف في الصور هذوما
انا؛ايه
زياد؛اهم شي انو في شهورة هذوما...تحفظ كل شخصية منهم...و ملشي يتعلق بيهم...لدرجة تحس روحك منهم و فيهم...و تعرف طبيعة العلاقات بينهم...و اصغر تفاصيل لي تربطهم...خاطر كل حد فيهم عندو مفتاح...مفتاح يوصلنا للاعب الاكبر
انا:و انا مهمتي نجمع المفاتح هذوما
زياد:اكبر من هكا
انا:يعني
زياد:باش تكون الطعم لاخر لاعب
حسيت دم جمد في عروقي...و اما نشوف معاه...خذيت نفس...خرج صوتي بالسيف
انا:تقصد في الاخير باش تضحي بيا
زياد:متخافش...طول ما انت مع زياد ما تخاف من شي...خاطر انا الخوف بذاتو...كل حد فيهم هوني...بحركة مني نحطهم تحت ساقي...اما اللي نحب نوصلو اكبر ببرشا...من اني نستعمل فيه العنف...و اللي حاجتي بيه...قبل ما يحط يدو عليك...نكون قضيت عليه
انا:توعدني
بقا يشوف معايا...عقد حواجبو...حسيتو استفز من كلمتي...خذيت نفس و كملت نحكي
انا:نحبك توعدني...انو حد فيهم ما يوصل يحط يدو عليا...و لا يستغلني...نظن فهمتني شمعنى يستغلني...يعني مستعدة نعمل كلشي و اي شي باش ناخو منهم لي تحب عليه...اما حد فيهم ما يحط يدو عليا
زياد:طمن...اصلا لي باش تتعلمو كافي باش دافع على روحك...وحدك و لا معايا
انا؛باهي عيشك
زياد؛هيا باش نرجعو لخدمتنا
انا؛باهي
زياد:كل شخصية علاها الاسم متاعها...عنوانها...و علاقاتها بشخصية لوراها
كمل كلامو...ووخر لتالي..بقيت نشوف مع تصاور...و نسمع فيه رجع يحكي
زياد:و هذا CD باش تلقا فيه كلشي يخصهم...حياتهم شخصية...مشاريعهم...علاقتهم...ميولاتهم...شنوة يحبو شننوة يكرهو...هذا الكل...نحبك تحفظو...و تربط في مخك طبيعة العلاقات لي تجمعهم...و اي معلومة جديدة توصللها...و لا فكرة...حطها معاهم هوني..باش تسهلها على روحك...و انا بطبيعتي كل يوم نعاونك...كيف باش تتعامل معاهم واحد واحد
طلع يدي هزيت عليه CD و عملتلو براسي باهي...ظاهر باش نتعب برشا في شهورة هذوما...غزرلي يحكي
زياد؛هيا توا
انا:وين
زياد:باش نشوفو قداش من دبوزة راح تلم توا
انا:زاااادة ؟
زياد:فيسع
انا:باهي
حطيت CD عالطاولة...و خالطت عليه...و انا فادة و جيعانة زادة...شباش يكملو نهار هذا...و نترص نرقد في بلاصتي من غير ما نخمم في حتى شي اخر...كهو نحط راسي و نغطس في نوم...في احلام بعيدة على كلشي قاعدة نعيش فيه
خرجت وراه...غزر لمنقالتو...و غزرلي يحكي
زياد:بدا وقتك
انا:شنوة المقابل
زياد:شننوة
انا:كان نلم اكثر من صباح باش نعاود نفطر
زياد:شنووة فاش تحكي انتي
انا:كهو لي عندي
زياد:باهي هيا ابدا
انا:باهي
منعرفش قداش لميت اكاكا...دوب ما وفا الوقت...تكيت عالصندوق نسمع فيه يحكي
زياد:دبوزتين زيادة
انا:جووو ملا باش نعاود فطوري
مخليتوش يحكي...هزيت روحي نجري و رجع لدار...دخلت للكوجينة...حطيت فطور اخر عالطاولة...و غطست فيه...زح هوكا الفطور متاع صح...مش كيف لي جبرني ناكلو صباح...ملا راحة ياخي...و ملا فطور عالاقل نتفرهد و نرتاح شوية
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 13
زياد يحكي:
نشوف فيها دخلت تجري لدار...عقدت حواجبي مستغرب...عديت يدي على شعري...و نزلت للارض نعمل في لي بومب...و تفكيري مع الخدمة...و مع كلامها متاع قبيل...منعرفش منين طلعتلي بحكاية الوعد هاذي...مع انو موعدتهاش...اما متأكد انو وقتها باش اكون عندها القوة الكافية...انها دافع على روحها...و تحط حد لكلشي متحبوش...هزيت روحي وقفت...دخلت لدار...كنت باش نطلع...اما رجعت خطوتين لتالي...وقفت عند الباب...متاع الكوجينة...نشوف معاها...غاطسة في الصحن...شعرها طايح على وجها...ظاهر حلاتو باش ينشف...تي تاكول بالزربة...تحس شكون يجري وراها...شدني ضحك...عديت يدي على شعري نحكي
انا:يزي...كهو هكا برا لبيتك
طلعت راسها...تشوف معايا...فمها معبي بالماكلة.. هزتلي راسها تحكي بالسيف
سوار؛ل لا باش نكمل ن ناكول
دوب ما كملت كلامها...شرقت...رجعت تكح...تلوج عالما بيديها...دموعها نزلو...من قوة الكحة...سخفتني...كان محكيتش معاها...ميصراش فيها هكا...نفخت و قربت من طاولة...هزيت دبوزة الما و قربت منها...ضربتها على ظهرها بيدي...خرجت لي في فمها الكل...قربت دبوزة الما شربتها منها...و حطيتها عالطاولة...نشوف معاها...شوية و نزلو دموعها اكثر...هزيت حاجبي مستغرب...نحكي
انا:شفما زادة
سوار:ظ ظهري
انا:شنوة
سوار:و وجعتني...ظهري يوجع
غرفت روحي وجعتها...تي نسيت جملة انو هي مزال مش مستانسة بالوضع هكا...و ضربة كيف هاذي باش تهدها...حكيت لحيتي نحكي
انا:باهي قوم توا لبيتك
سوار:ع علاش ضربتني ياخي...مكفاش غصيت في جرتك
انا:مش قصدي...في بالي تتحمل ياخي طلعت Fragile
سوار:لا انت متوحش
انا؛ياخي كيف تتعرض لمواقف هكا باش تتصرف بالطريقة هاذي
سوار:شقصدك...ياخي باش نتضرب زادة و لا شنية الحكاية ياخي
تنهدت...و نزلت عليها اكثر...حطيت يدي عالكرسي...جبدتها بيه شوية...تركزت بيدي عليه...و يد حطيتها عالطاولة...جا وجها مع وجهي...اول مرة نكون قريب لوجها لدرجة هاذي...حسيت بالنفس متاعها سخون...يضرب على وجهي...عينيها ضايعين...تحب تلقا روحها وسط الي هي فيه...قربت ليها اكثر...دورت عينيا على وجها بالزربة...و ركزتهم في عينيها نحكي
انا:كان انت تعاملت بالطريقة هاذي...بالطبيعة باش تكون ضحية...و باش تتعرض لاكثر من هكا
سوار:م ملا شنعمل
انا:تكون عندك ردة فعل
سوار:قصدك باش نرجع ضربة
انا:لا باش ترد ضربة قبل ما جي عليك
سوار:و كيف باش نعمل هكا
انا:تدرب اكثر...و تفهم طبيعة كل حد يقرب منك...و اهم شي من هذوما
سوار؛شنوة
انا:تنقص الماكلة هاذي
سوار:مستحيل
انا:على كيفك ياخي ؟
سوار:باش تحرمني من ماكلة انت
انا:كان ظطريت ايه
سوار:ملا معادش ندرب
انا:طلع عندك لسان ياخي...و تعرف تحكي
سوار:بالطبيعة تحب نوريهلك
نزلت عينيا من عينيها لشفافها...و رجعت طلعت فيها...تبسمت شطر تبسيمة نحكي
انا:متخدمش مخك معايا برشا...خاطر تصرفاتي متعجبكش
سوار؛شقصدك
انا:المرة هاذي باش تفهم قصدي وحدك
سوار:تعرف شي
انا:خبرني
سوار:انت واحد متكبر
انا:قديمة...هات جديد
سوار:لتوا كهو شنعرف عليك
انا:مممم باهي
سوار:نجم نكمل ناكول
انا:لا توا باش تقوم لبيتك...تعاود لي علمتك عليهم عالبيسي...و تشوف CD
سوار:تو نص نهار نرتاح شوية و نعملهم
انا:لا توا خاطر كل دقيقة محسوبة عليك
سوار:باهي
كبست عالكرسي اكثر...جبدتها بيه لتالي...حتى هي ما فيها شي...بيد نجمت نحركها...هزت روحها وقفت بالزربة...ضربت فيا...ووخرت شوية لتالي تحكي
سوار:سامحني
انا:هيا فيسع
سوار:اتو لحظة
انا:شباش تعمل
سوار:شبي بصمتك محروقة اتو تو تشوف
انا:باهي
قربت من طاولة...هزت زوز طراف خبز...حلتهم...حطت فيهم ندرا شنية...fromage و سلاطة...و ندرا شحطت زادة...سكرتهم و هزتهم في يديها...قربت مني...حطت واحد في يدي بقيت نشوف فيه مستغرب نحكي
انا:شنوة هذا
سوار:سندويتش...كولو بنين مش نورمال هكا
انا:فاش تخرم
سوار:لا نخرم و لا شي جربو و اتو تشوف...و توا باش نمشي لبيتي
هزت طرف متاعها و خرجت من الكوجينة...بقيت نشوف مع طرف لاخر في يدي...جيت باش نحطو...اما دار في رايي...كليت منو شوية...بالحق بنين هكا...منعرفش منين تطلع بيهم الفازات هذوما...هزيت روحي طلعت لبيتي...و ناكول فيه...دوب وصلت كنت كملتو...عملت دوش عالسريع...بدلت دبشي...و مشيت للبيرو...باش نكمل خدمتي..و من جيهة نحكي مع بابا و ادم...توحشتهم برشا...و من جيهة نعرف خبارهم زادة
///...طلبت بابا في تليفون عزيزة باش ميحاولش يتأكد من الرقم...حكيت معاه...طمنت عليه و على عزيزة...زادة...طلبت منها تفسخ رقم...نعرفها باش تعمل هكا...اصلا و لا مرة رفضتلنا شي انا و ادم...و ما تخبر بابا بحتى شي يخصنا...علقت علاها...و حليت البيسي...طلبت ادم في سكايب...هز عليا...نشوف فيه...من غير مريول شعرو داخل بعضو...ظاهر مغشش...تبسمت على جنب نحكي
انا:شبي ادومة
ادم:سيب ¤¤¤ قتلك معادش تقولها ادومة هاذي
انا:والله كي تقص علاها عزيزة تو نقص علاها انا
ادم:تو كلمتني باش تفركهم عليا
انا:خويا و نحكي كيما نحب
ادم:صار
انا:ايه شعامل شبيك قالب وجهك هكا
ادم:خدمة متاع ¤¤¤ مرجتني
انا:خدمة كهو هههههه
ادم:ههههه زايد هامل...هوكا رقدت عندها برشا
انا:ههههه و انا نقول شبيه قالب خليقتو
ادم:وينك توا
انا:اسبانيا سافرت عندي اسبوع
ادم:شبيك مكلمتنيش و تليفونك ميعلقش
انا:ماك تعرف لازم بيس انترنسيونال...و ملازمنيش نخاطر
ادم:ايه صحيح....هاني انا واحل في ايطاليا...و زادة لخدمة هوني يلزمها برشا تخطيط
انا:انا لي نعرف...هوكا خلينا توفيق وحدو
ادم:شخصو قاعد مع عزيزة...يحكو على يمات بكري
انا:هههههههه عندك حق
جا باش يحكي...قصت عليا سوار كي حلت الباب و دخلت...طلعت فيها هازة بيسي في يدها...تحكي
سوار؛تنجم تعاوني في حاجة
غزرتلها و غزرت لادم...لحسيتو استغرب...خاصة كيف سمعها تحكي بالتونسي...وخرت بالكرسي لتالي...كيف يعرف لانا في اسبانيا...كان لازم نسلك الوضع...بعدت عالبيسي هزيت يدي عملتلها تسكت...قربت منها نحكي
انا:بالطبيعة باش نعاونك يا روحي
غزرتلي مستغربة...هزيتلها براسي باش تحكي
سوار:باهي عيشك
انا:شرايك تسبقني للبيت تحضرلي روحك...و انا تو نكمل و نخالط عليك باهي
سوار:باهي
عملتلها بيدي باش تخرج...خذيت نفس و رجعت لادم...قعدت عالكرسي...بدلتها بضحكة...عدا يدو على شعرو يحكي
ادم:شنوة منجمتش تستغنى علاها
انا:شقصدك
ادم:مش هاذي ميرال
انا:هههههه شدت صحيح باش جي...و انا معنديش علاش نرفض
ادم:بالطبيعة...قنبلة على حالها...علاش حتى ترفض
انا:هههههه سكر ¤¤¤¤ هامل متاع وذني ما يفلت شي
ادم:هههههه برا ليها توا متخليهاش تستنى برشا...و انا باش نمشي نشوف القطوسة الايطالية
انا:صحة ليك
ادم:ههههه عيشك
انا:باي ادومة
ادم:¤¤¤ كي نتلقاو تو نوريك باي توا عندي ما نعمل
انا:ههههه باهي
سكرت البيسي و تكيت لتالي...جاب ربي ما حكات شي...و ستخايلها ميرال...مكانش كنت باش نعلق في اسئلتو...خاصة سوار لازم حد ما يعرف فيها غيري...هي الكارت السرية لكلشي باش يصير...هزيت روحي وقفت...و مشيت لبيتها...هديت علاها...لقيتها واقفة في نص لبيت...تلفتت عندي...تشوف معايا و تحكي
سوار؛ابقى فما
انا:شنوووة
سوار؛متقربش مني
انا:فاش تحكي انتي
سوار:نحكي على لي قلتو قبيل...يمشيش في بالك باش نحضرلك روحي...ياخي نورمال انت...و الله كان تقرب مني تشوف شي ما يعجبكش
هزيت حاجبي نستوعب في كلامها...تو نورمال هاذي في مخها...في بالي فهمت اللي انا كنت نحكي في البيسي...على هذاكا قلتلها اكاكا...رميت عيني وراها نشوف في البيسي عالسرير...قحرتلها...و قربت منها باش نهز البيسي...وخرت لتالي اكثر تحكي
سوار؛قتلك متقربش مني
مرجعتش علاها...كل ما نقرب خطوة...توخر لتالي اكثر...ضربت في السرير...جات باش طيح...خطفتها من ظهرها جبدتها عندي...حسيت بقلبها يدق بالقاوي...تتنفس بالسيف...نسمع فيها تحكي
سوار:ا امان خليني نمشي
حسيتها ترعش بين يديا...عرفتها خافت...رخفت يدي علاها...بقات واقفة في بلاصتها...وجها اصفر...فهمت وين هزها مخها...تي كيف تخمم طفلة هاذي...وخرت شوية...هزيت البيسي في يدي...دوب ما غزرتلو...عرفت لهي وحلت فيه...ريقلتو...ورجعت حطيتو عالسرير نحكي
انا:هوكا تنجم تدخل لدوسيات توا
هزتلي براسها باهي...من غير ما تتحرك من بلاصتها...طلعت فيها من الفوق للوطة...و هزيت روحي باش نخرج...دوب ما وصلت للباب...تلفتلها نحكي
انا:كنت نحكي في البيسي قبيل...على هذاكا تصرفت معاك اكاكا
سوار؛ب بالحق
انا:ممم ظاهر باش نعلمك لغة الاشارات زادة
سوار؛باهي
خليتها واقفة...وخرجت...تبسمت على جنب...مش نورمال طفلة هاذي...ظاهر انا لي باش نتبدل في شهورة هذوما مش هي...قبل ما ندخل لبيتي...وقفتني تحكي
سوار؛زياد
تلفت نشوف معاها...واقفة عند باب بيتها...تفرك في يديها تحكي
سوار:بيسي رجع كيما الاول
بقيت نشوف معاها...تي مزال موصلتش لبيتي...رجعاتو كيما كان...لا و زادة تطلع فيا ندرا كيف...متاع وحدة عاملة عملة كبيرة...عديت يدي على شعري نحكي
انا:برا جيبو و الحقني
سوار؛باهي
دخلت لبيتي...نحيت المريول...طيشتو عالفوتاي...اول ما فتحت فلس السروال...دخلت...تشوف معايا مصدومة...رجعت عطاتني بظهرها تحكي
سوار؛ب باش نرجع مبعد
غزرت لروحي...عديت يدي على شعري...تي اول مرة نتعامل مع طفلة تحشم...نفخت...و سكرت فلس السروال...قربت منها جيت واقف قدامها...نشوف معاها مسكرة عينيها...حطيت يدي نحيتلها البيسي...فتحت عين تشوف معايا...ورجعت سكرتها تحكي
سوار؛هيا فيسع باش نمشي
انا:باهي يا لالة
كملت ريقلت البيسي...جيت نحطو في يدها...كبست عليه نشوف معاها...مسكرة عينيها...تتنفس بالسيف...كاني مسكر علاها نفس...شعرها اكحل طايح على وجها...مبوكلي بكلو...محليها مع سموريتها...شفافها يرعشو...منظرها يضحك هكا...تبسمت على جنب حطيت البيسي في يدها...ووخرت لتالي نحكي
انا:ركز مرة اخرى
سوار؛باهي باي
حلت عينيها و خرجت تجري من البيت...اول ما خرجت...ضحكت مش نورمال بالكل...هزيت روحي دخلت لبيت البانو...عملت دوش بدلت دبشي...ورجعت للبيرو..نكمل خدمتي
سوار تحكي:
اول ما دخلت لبيتي...حطيت البيسي عالكوافوز...قلبي يدق بالقاوي باش يخرج...ملا منظر ريتو...تي زح يعرف لانا باش نخالط عليه...فاش قام حتى ينحي مريولو...لا و زادة باش ينحي سروالو جملة...افففف نحس في وجهي باش يطرشق من الحشمة...كيف نجم نطلع فيه مرة اخرى...حطيت يديا...على وجهي...نبرد في خدودي...سوار زح شبيك...عادي...اهم شي لازم تكونك جريئة...اما زادة مكانش لازم يبقا اكاكا...تي وفات شيهمك فيه انتي...يبقا كيما يحب...خذيت نفس طويل...هزيت البيسي...ورجع لسرير...شغلت روحي بيه...احسن ما نبقا نفكر فيه...و في اللي صار اليوم
تعداو يومين...على نفس الحالة...اصلا معنديش جرأة نطلع في وجهو جملة...منعرفش كيف كنت ندرب معاه...لتو منظرو بين عينيا...و هو عامل مولا دار مش هوني...و يتصرف عادي...تفرجت على CD لتوا عرفت اول شخصية...تحسو غامض برشا...برغم سنو يتعدا الاربعين...اما ظاهر فيه مهم برشا...مولا اكبر اوتيل في تونس...و عندو فرع اوتيلات اخرى خارج البلاد زادة و عقارات اخرى في تونس و برا تونس...يومين كهو متكفيش باش نعرف شخصيتو بالقدا...كلشي عرفتو عليه كتبتو على ورقة...و لصقتها جمب صورتو ليل في البيت اللوطة...حتى من زياد حسيت لعجباتو الفازة...اني مهتمة اكثر...اما كهو لازم نعمل على روحي..ظلازم اول ما يوفاو شهورة هذوما نكون حاضرة للمهمة لقالي عليها...نحب كلشي يوفا....و نرتاح مع امي و عماد كهو...اليوم فقت متقلقة غير العادة...نحس في بدني مدقدق...ووجيعة في كرشي...عرفتها لي ليغاقل...في بالي بعد الحادثة معادش باش جيني بالوجايع...اما طلعت غالطة...هزيت روحي بالسيف...قمت من الفرش...قربت من القارد روب...نفركس على سرفيات...نعرف لي وقت قضيت معاه شريت منهم...في وسط القضية...اما نسيت وين حطيتهم...رجعت فركست في قجار كوافيز...لقيتهم غادي...هزيتهم في يدي...دخلت لبيت البانو ريقلت اموري...و خرجت...لبست سيرفاتمون...لميت شعري...و نزلت لوطة...لقيتو يستنا فيا...غزرلي يحكي
زياد:تقريب ساعة روتار
انا:معادش تنعاد
زياد:باهي امشي
انا:باهي
اول ما خرج...خالطت عليه...نحس في كرشي تتقطع من الوجايع...دوب ما ضربت نسمة باردة في وجهي...خذيت نفس و بديت نجري وراه...حطيت يدي على كرشي...منعرفش قداش تعدا وقت و احنا نجرو...وقفت في نص الغابة...نشوف معاه...ماشي و يبعد...صورتو ضبت بين عينيا...كلشي ضب بين عينيا...حاولت ناخو نفس...منجمتش...نزلت على ركايبي...حطيت يد على كرشي...و يد عالارض...نحاول ناخو نفس...مقواها الوجيعة هاذي زح...اول مرة نحس بيها يمكن خاطر ظغطت على روحي اكثر...حسيت بيه نزل قدامي على ركبتو...منعرفش كيف رجع عندي...حط يدو على وجهي طلعلي راسي يحكي
زياد:شبيك لباس
انا:م مليحة تو نقوم
زياد: شوف حالتك ياخي...يوجع فيك شي
انا:ل لا
زياد؛باهي حاول تقوم توا باش نرجعو
انا:باهي
حط يديه على كتافي...وقفني...سكرت عينيا و رجعت فتحتهم...نحس روحي باش نطيح...هزيت يدي كبشت في مريولو..و حطيت راسي على صدرو...بقا واقف في بلاصتو...نسمع فيه يحكي
زياد؛لباس
انا:ل لا عاوني امان
زياد:باهي باهي
حط يدو ورا ظهري....و نزل هزني في حملتو...حطيت راسي على كتفو...نحس في بدني مرخوف...فاتحة عينيا بالسيف...و هو يمشي...عبارة مش هاز شي في يدو...حطيت يدي على كرشي...قلبي يدق بالقاوي...منعرفش علاش...رغم اني دايخة...اما حاسة بيديه لي كابسة عليا...دقات قلبو لي نسمع فيها...اول مرة نحس بقربو لدرجة هاذي...اول مرة نحس هكا...دوب ما وصلنا...ندرا كيف حل الباب و دخل لصالة...حطني عالفوتاي...تلكمت على روحي...و كبست على كرشي...دموعي نزلو بالوقت...معادش نجم اكثر قعد عالطاولة مقابلني يحكي
زياد:سوار شفما ياخي شنوة يوجع فيك
انا:ش شي
زياد:اسمعني قولي شنية يوجع فيك...عالاقل نمشو لاقرب كلينيك هوني...و لا نخبرهم يجيبولك طبيب
انا:كرشي توجع فيا برشا
زياد:علاش كليت شي مش باهي
انا:ل لا اكاكا برك...تو نرتاح
عدا يدو على وجهو...و نفخ بالقاوي...مبست على كرشي اكثر...و غطست راسي في المخدة...نسمع فيه يحكي
زياد:ياخي متكونش ليغاقل عملت فيك هكا
طلعت راسي شوية نشوف معاه...ملا صحة رقعة عندو...قحرتلو...و هزيتلو براسي ايه...حك لحيتو يحكي
زياد:تحب نكلم طبيب يشوفك
انا:ل لا
زياد:باش تبقى هكا
انا:تو نقوم نعمل تيزانة نرتاح علاها
زياد:لا ابقى هوني تو انا نعملها
انا:باهي
مشا للكوجينة...بقيت كابسة على كرشي...مفماش تنقص الوجيعة...اكاكا و نشوف فيه رجع في يدو كاس حليب حطها عالطاولة...و قرب مني...قعدني...و حط الكاسة في يدي
زياد:ملقيتش تيزانة...دبر روحك بهذا توا...و انا باش نكلم حد من رجال يجيبها
انا:ل لا تو نرتاح على هذا مرسي
زياد:باهي
حشمت نطلب منو شي اخر...مكفاش فازة البيت...تو الفازة متاع اليوم...تي معادش عندي وجه اصلا باش نطلع فيه...شربت الحليب هذاكا بالسيف...و هو يشوف معايا...دوب ما كملتو رجعت تسطحت...و سكرت عينيا...نحاول نرتح بدني و ننسا الوجيعة...مفماش توفا و نرتاح منها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 14
زياد يحكي:
بقيت قاعد عالطاولة نشوف معاها...كيف كابسة بيدها على كرشها...عرفتها لي رقدت كيف رخفت يدها...هزيت يدي...حطيتها على طرف شعرها...بعدتو على وجها...نشوف معاها...زعمة غلطت كي اخترتها هي...زعمة تستهل باش تكون في وسط نار هاذي...لي تطفا نهار حد فينا يمشي من دنيا...شنية ذنبها باش تكون هوني...فقت من سرحتي...جبدت يدي من شعرها...و عديتها على وجهي...قدرها حطها هوني...باز غلطت ووصلت روحها...باش يصرا علاها هذا الكل...كهو لقانع بيه روحي لتوا...على هذاكا محاولتش نركز في حكايتها برشا...وقفت...و هزيت الغطا لي على الفوتاي لاخر...غطيتها...و نزلت عدلت المخدة تحت راسها...رجع طاح شعرها عليه...تبسمت على جنب...رجعت بعدتو على وجها...باش ميقلقهاش...و مشيت للكوجينة...هزيت تليفوني كلمت واحد من رجالي هز عليا يحكي
هو:تفضل مسيو زياد
انا:حاجتي بقضية...لهوني باش توفا
هو:باهي تو نجيب كلشي تحتاجو...ساعة من زمان و نكون عندك
انا:باهي اسمعني
هو:تفضل
انا:جيب معاك تيزانة
هو:تيزانة ؟
حسيتو استغرب...عديت يدي على شعري و كملت نحكي
انا:ايه حاجتي بيها مطولش برشا
هو:باهي مسيو
علقت عليه...حطيت تليفون عالطاولة...و جبدت الخضرة لي بقات حطيتها عالرخامة...حضرت فطور خفيف...و عملت Soupe في بالي باش ينفعها توا...اصلا لازم تقوم فيسع...كل دقيقة محسوبة علينا زوز...3 شهور مش كافية لشي...دوب ما حطيتهم في صينية...نوقز الباب...مشيت فتحت لقيتو وصل القضية...خليتو دخلها للكوجينة...غزر لصينية و غزرلي...حسيتو استغرب اكثر...حكيت لحيتي نحكي
انا:جبت لوصيتك علاها
هو:اه ايه تيزانة هوكا في كيس هذاكا
انا:باهي
هو:حاجتك بشي اخر
انا:لا تنجم تمشي
هو:باهي
اول ما خرج...هزيت تيزانة في يدي...حضرتها...فرغتها في الكاسة...حطيتها عالصينية...و مشيت لصالة...حطيت صينية عالطاولة...و قعدت على طرف الطاولة...حطيت يدي على كتفها...هزيتها شوية نحكي
انا:سوار فيق
تحركت شوية...و حلت عينيها تشوف معايا...وجها احمر باش يطرشق...غزرتلي شوية...مبعد طلعت راسها...و هزت روحها شوية...شعرها رجع طاح على وجها...رجعاتو بيدها تحكي
سوار:ش شفما
انا:فيق لازمك تاكول شوية باش ترتاح
سوار:منحبش تاعبة
انا:لا باش تاكول
سوار:مبعد باش ناكول
هزست كاسة التيزانة في يدي...و قربتها منها نحكي
انا:اشرب هاذي ساعة مبعد كول
سوار:شنية هذا
انا:تيزانة
سوار:مش قلت ملقيتش منها
انا:و توا لقيت باش تشربها ياخي و لا باش تبقى تسأل فيا
سوار:باهي
قربت يديها زوز...شدتها عليا...شافت معاها شوية..حسيت لهي متحبهاش...قربتها من فمها...شربت منها شوية...سكرت عينيها بالقاوي...ورجعت فتحتهم تحكي
سوار:اعععع شنية هذا
انا:شنوة
سوار؛مرة برشا اععع
انا: اشربها هكا باش تنفعك اكثر
سوار:لا منحبش...مش بنينة حتى طرف
انا:ياخي انت وقتها باش تخمم اذا بنينة و لا باش تنقص الوجيعة
سوار؛حطلي فيها سكر تو نشربها
انا:لا اشربها هكا
سوار:لا لا منحبهاش هكا هيا امان حط فيها 3 كعبات سكر و تو نشربها فيسع
انا:منكونش خدام عندك و مافيباليش
سوار:لاا اما بحكم احنا عايشين مع بعض و نخدمو مع بعض...يعني توا احنا صحاب...و انا مريضة و منجمش نقوم...و انت باش جيبلي سكر اماان
بقيت نشوف معاها...تحكي بيديها...مش كانت دايخة...منعرفش منين قاعدة جيب فيها الهدرة هاذي الكل...عديت يدي على شعري نحكي
انا:متتعبش من الكلام انتي
سوار:صراحة لا...انا نحكي اكثر من هكا ببرشا...اما كيف انت عاقدها نهار طول...معنديش مع شكون نحكي
انا:عاقدها ؟
سوار:مممم يعني انت كيف تنجم تعيش هكا...كلام قليل...و خدمة كهو
انا:خاطر كان جيت نحكي كيفك...نوصل روحي لامور كبيرة...كيفك انت مثلا...زعمة ميكونش لسانك سبب لوصلك لهوني
سكتت تشوف معايا...هزيت روحي...مشيت للكوجينة...هزيت سكر...منعرفش علاش قلتلها اكاكا...اما ساعات نفد من الكلام زايد...رجعت عندها...حطيت سكر عالطاولة...و جيت باش نحكي معاها...اما سكت كيف سمعت صوت شهقاتها...مشلقتش بيها تبكي في الاول خاطر شعرها مغطيها...نزلت عينيا...نشوف فيها كابسة عالكاسة في يدها...نفخت نحكي
انا:شبيك زادة
مرجعتليش...طلعت راسها...رجعت شعرها بيدها و تمسح في دموعها...قربت الكاسة تشرب منها من غير سكر...هزيت حاجبي نحكي
انا:و سكر
سوار:م معادش نحب
بقات تشرب فيها بغزول...رجعت قعدت عالطاولة مقابلها...فكيت كاسة من يدها...حطت يديها على وجها...وفحمت بالبكا...طلعت فيها شوية...و هزيت سكر حطيت 3 كعبات في التيزانة...حركتها شوية...و حطيت يدي على يديها نزلتهم نحكي
انا:شد هاذي تو رجعت حلوة
سوار:م منحبش
انا:باهي مش قصدي لي قلتو
سوار:معادش نحكي معاك جملة
انا:علاش
سوار:اكاكا باش ترتاح مني
انا:مممم مشكلة كي هكا كيف باش نخدمو
سوار؛معادش نحب نخدم زادة
انا:ملا شباش تعمل
سوار؛شي
انا:شي شي متأكدة
سوار:و كي معاد نعمل شي...شباش تعملي انت
انا:حتى شي جيست شوية ريجيم
سوار:لااا الا هذا منجمش عليه
انا:ههههه باهي هيا ملا اشرب تيزانتك و افطر
سوار:يااااا
انا:شنوة
سوار:تعرف تضحك
انا:و انت تعرف تبكي
سوار:هههههه باهي اعطيني تيزانتي توا
انا:باهي
حطيتها في يدها...قربتها لفمها تشرب منها...بقيت نشوف معاها...عينيها حمر من البكا...حتى من خشمها احمر...منظرها يضحك هكا...تبسمت على جنب...و هزيت روحي خرجت من الصالة
خرجت البرا...ضربت نسمة باردة في وجهي...خذيت نفس منها...حطيت يديا زوز ورا راسي...رجعت تبسمت وحدي...صورتها لتوا بين عينيا...تي تحسها طفلة صغيرة...اصلا اول مرة نتعامل مع طفلة صغيرة...فرخة عمرها عشرين سنة...معرفتش اذا باش ندربها و لا نربيها...تي ملا وحلة وحلت روحي فيها...مش كنت نختار وحدة اكبر منها احسن...اصلا منعرفش اذا باش تنجح..ظو لت باش تبقى تتفورخ هكا..
.زادة اللي متأكد منو انو ديما باش نكون وراها..في كل خطوة تعملها...خاطر نعرف كان باش نسيبها...يتقلب كلشي على راسي...خذيت نفس...و دخلت لدار
سوار تحكي:
مبنها الماكلة...مش خايبة حتى طرف...طلع يعرف يصنف...عالاقل ينفع في حاجة مفيدة...بعيدة عالخدمة الخايبة متاعو...كليت اللي في صينية الكل...اصلا وجيعة اللي في كرشي نقصت...و شهيتي انفتحت...قال شنوة باش يعملي ريجيم...تي اصلا الشي الباهي في دار هاذي كهو...هو الماكلة...غصيت و انا نذكر في امي...زعمة شعاملة توا...زعمة نساوني...كنت كي نمرض هي اللي تعملي تيزانة..و تبقا معايا لين نرتاح...اما توا بقيت وحدي...حطيت الصينية عالطاولة...خذيت نفس نمنع في دموعي...زعمة شنوة سبب لي وصلني لهوني...يا ريت ما عشت من نهار هذاكا...يا ريت نعرف سبب لوصلني لهوني...هزيت روحي وقفت بالسيف مازلت تاعبة...جيت باش نخرج من صالة لقيتو واقف عند الباب...مسكر الخرجة الكل بجهامتو...طلعت راسي نشوف معاه...غزرلي شوية...رجعت شعري بيدي نحكي
انا:مرسي عالماكلة بنينة
زياد:باهي وين ماشية
انا:لبيتي نبدل دبشي و نرجعلك
زياد:لا مترجعش...برا ارتاح اليوم
انا:مليحة باش ننزل
زياد:اسمع الكلام
انا:باهي
بقا يشوف معايا...طلعت راسي جات عيني في عينو...زح نظراتو قداش باردين...شعرو داخل بعضو...لحيتو هايجة شوية...اما محلاها...ضربة صغيرة لي تحت عينو...ظاهر تراس متاع عركة قديمة...زايدة فيه شطر...منعرفش علاش سرحت فيه هكا...فقت من سرحتي على صوتو
زياد:مزال مطولة
انا:اه لا لا باش نطلع
زياد:باهي
جبد روحو شوية...بعد عالباب...نزلت راسي...وخرجت...قلبي يدق بالقاوي...اول ما وصلت لدروج...حطيت يدي على قلبي نرجع في نفس...زح شبيني...نحس هكا...خذيت نفس...و طلعت...اول ما وصلت لبيتي ترميت عالسرير...احسن شي مفماش خدمة اليوم...هزيت البيسي...حطيت على فيلم...اول مرة نتفرهد بعد اكا نهار...و نعمل شي نحبو انا...عديت نهار في البيت...دوب ما طاح الليل...جعت برشا...هزيت روحي...نزلت اللوطة...قربت من الصالة...وقفت عند الباب...تلفت يشوف معايا...تي منعرفش كيف حس بيا...فاعد عالفوتاي...يشرب...غزرلي من فوق للوطة...شبكت يديا نحكي
انا:جعت
زياد:برا كول شي حاجة
انا:مفماش عشا ياخي
زياد:شنوة ستانست
انا:لا اما مزلت تاعبة راهو
زياد:شوية وجيعة متاع ليغاقل تعباتك
نبزني السخطة...ملا حشمة...نزلت راسي...نحس في وجهي باش يطرشق...حسيت بيه كان كي وقف قدامي...طلعت راسي نشوف معاه...رجعت نزلت راسي نحكي
انا:باش نمشي للكوجينة
زياد:هوكا مزال فما soup متاع صباح سخنها باش تنفعك
انا:باهي
تلفت باش نمشي للكوجينة...وقفني يحكي
زياد:اسمع
تلفت عندو ...غزرتلو...و نزلت رلسي نحكي
انا:شنوة
زياد:متبقاش حفيانة
انا:باهي
مشيت للكوجينة نجري...منعرفش كيف سخنت الماكلة و لا كيف كليت...ملا تبهديلة قدامو...تي حتى هو ميعرفش الحشمة حتى طرف زح...كل مرة يحطني في موقف يحشم اكثر من اللي قبلو...اول ما كملت عشاتي...طلعت لبيتي...بدلت دبشي...و ترميت عالسرير...دوب ما سكرت عينيا...غطست في نوم...اصلا تاعبة و نحس في بدني مدفدق...فقت الصباح...حليت عينيا بالسيف...ضو الشمس ضرب في عيني...نطرت من بلاصتي جيت قاعدة...زح باز تأخرت...رميت عيني لساعة نلقاها 9:00
دخلت لبيت البانو...ريقلت روحي...ورجعت للبيت...بدلت دبشي...كي العادة...و نزلت عندو اللوطة...لقيتو في الكوجينة...يعمل في قهوة...نلفتلي يحكي
زياد:اقعد
انا:مش قصدي نتأخر...باش نمشو توا
زياد:ياخي متسمعش مليح انتي اقعد
انا:باهي
قربت من طاولة...لقبت فطور حاضر...قرب مني قعد يشرب في قهوتو...بقيت نشوف معاه...طلع حاجبو يحكي
زياد:شبيك
انا:شي
زياد:افطر عندنا ما نعملو
انا:باش نجرو ياخي
زياد:لا شي جديد
انا:شنوة هو
زياد:مبعد تعرف
انا:باهي جو...احسن من الجري عالصباح...والله صبحت تاعبة...هكا باش نفطر في راحتي...و زادة فطور ملوكي كي العادة جو
كنت نحكي...بيني و بين روحي..اما بصوت مسموع...طلعت راسي لقيتو يغورلي مستغرب...تبسمتلو..و كملت ناكول..من غير ما نرجع نطلع فيه جملة...اصلا نعرف كان المرة هاذي نغزرلو باش ينبزني...قال شنية ميحبش لي يحكو برشا..عاملي فيها ندرا شنوة...اما والله الفطور محلاه...تي زح شبيه يعرف يطيب هكا...طلع احسن مني جملة ...اصلا عمري ما شفت واحد شرير يعرف يطيب...و لا يحكي كلمتين على قد بعضعهم..دوب ما كملت...غزرلي يحكي
زياد:كان كملت خلينا نخرجو
انا:باهي هيا
زياد:باهي
هزيت روحي وقفت...خرج من الكوجينة...خالطت عليه...لقيتو ديجا خرج لبرا..زعمة شنية الشي جديد لي باش نعملوع توا...انشاء الله يكون احين من الجري و كهو
حطيت يديا داخل مكاتبي نفركس على شكال...نلم بيه شعري...تي في بالي روتار معرفتش حتى كيف نزلت من غير ما نلمو...اصلا نعرف باش يقلقني...كي ندرب مع اكا السخطة...انا نفركس اكاكا...و نسمع فيه يحكي
زياد:خف روحك
طلعت راسي نشوف معاه...واقف بحذا الكرهبة...عقدت حواجبي...مستغربة نحكي
انا:ياخي باش نمشو في الكرهبة
زياد:ايه ايجا
انا:وين باش نمشو
زياد:سوااار نقص من الاسئلة و ايجا لهوني
انا:باهي هاني جاية لحظة نلوج على شكال نلم بيه شعري
زياد؛خليه اكاكا
طلعت راسي غزرتلو...لقيتو يهز فيا و يحط...رجعت شعري ورا وذنيا...نحكي
انا:باهي هاني جيت
قربت منو وقفت قدامو...فتح باب الكرهبة من جيهتو يحكي
زياد:اطلع
انا:وين نطلع منعرفش نسوق راني
زياد:نعرف
انا:ملا علاش تحبني نطلع هوني ياخي
زياد:في رايك
انا:منعرفش
زياد:سوار قتلك اطلع
انا:باهي اتحمل انت نتائج ملا
زياد:شنوة
انا:شي شي هاني طالعة
قربت منو بعد يدو...خلاني طلعت...والله محلاها القعدة هوني...سكر الباب...و جا ركب بحذايا...حطيت يدي عالفولون نحكي
انا:زياد والله محلاها القعدة هوني...اما شبيني منلحقش كيفك للفرانات لوطة
زياد:قرب الكرسي تو تلحق
حطيت يديا عالكرسي...نجبد فيه محبش يتحرك...غزرتلو نحكي
انا:شبيه محبش يتحرك الكرسي
زياد:اكبس عليه من لوطة تو يقرب وحدو
انا:باهي اتو
فركست على حديدة من لوطة...دوب ما كبست علاها...تحرك الكرسي وحدو...قربتو عاللخر...حطيت ساقي عالفرانات...وصلتلهم...سيبتها...و غزرتلو نحكي
انا:و توا شنعمل
زياد:شنوة توا فهمت علاش ركبت
انا:ايه ايه باز باش نتعلم...قولي شنعمل زادة باش نمشي
زياد:باهي تعرفهم لي لوطة شنوة اسمهم...و لا شنوة خدمتهم
انا:لا
زياد: ملا كيف تحب تمشي
انا:شيعرفني ياخي هيا فيسع علمني
بقا يشوف معايا مستغرب...رجعت شعري لتالي نشوف معاه...تكا لتالي يحكي...عدينا اكثر من ساعة باش حفظت شكان يحكي...و كيف نستعمل كل وحدة...دوب ما كمل...خدمت الكرهبة نحكي
انا:باش نمشي ياخي
زياد:ايه هيا سيب ساقك شوية شوية
انا:باهي
كبست عالفولون اكثر...دوب ما سيبت ساقي تحركت الكرهبة...حسيت قلبي يدق بالقاوي غزرتلو نحكي
انا:زياد زح شبيها تجري هكا
زياد:متخافش كمل
انا:منحبش شوف كيف تجري نحب ننزل
حط يدو معايا عالفولون...و غزرلي يحكي
زياد:سوار شد الفولون قتلك متخافش كهو ركز هيا
انا:باهي اما متنحيش يدك من الفولون امان
زياد:باهي كمل برك
انا:باهي
منعرفش قداش بقيت نسوق اكاكا حصيلو...بعدنا عالدار برشا...و خرجنا لطريق...شوية و دخلنا لمدينة صغيرة...غزرتلو نحكي
انا:زياد معادش نجم اكثر نحب ننزل والله خايفة
زياد:هاك وصلت حتى لهوني...شفت مفما شي يخوف
انا:اما هوني فما ناس نحب ننزل
زياد:باهي ارجع اكبس كيما فهمتك قبيل
انا:باهي اتو
نزلت راسي نشوف معاهم باش نكبس عليهم نسيت لانا نسوق جملة...نسمع فيه يصيح
زياد:سوااار اغزر قدامك شنوة لي تعمل فيه
طلعت راسي مصدومة...شعرة لا دخلت في خضرة راجل...كان مش هو دور الفولون...منعرفش كيف شديت الفران بالقاوي...وقفت...نحس في قلبي باش يطيح...نسمع فيه يحكي
زياد:ياخيي نورمال انتي...هكا فهمتك انا
انا:ياخي شبيك تصيح عليا...شيعرفني انا...تي في بالي نغزرلهم ساعة...و ديجا انا اول مرة نسوق كرهبة...و كرهبتك كبيرة برشا...كي تحبني نتعلم شبيك مجبتش وحدة صغيرة...ياخي شبيك حطيت لوم الكل عليا انا
زياد:انزل كان تستغل الكلام هذا في شي اخر باش ينفعك اكثر
انا:حتى هكا نافعني...انت كهو متحبش تسمعني
زياد:انزل و اسكت
انا:باهي
قحرتلو..و حليت الباب نزلت...دورت راسي...لقيت راجل لكنت باش ندخل في بسطة متاعو يشوف معايا...مسكين راجل شنوة تي شيخ على حالو...حشمت منو عاللخر...خليت الباب مفتوح...و قربت منو وقفت قدامو نحكي
انا:عمي بربي سامحني...والله ما نقصدها لي صار جيست معرفتش ناقف
هو:ميسالش بنتي...كل حد فينا يغلط...رد بالك مرة الجاية
انا:يعني سامحتني
هو:بالطبيعة
انا:عيشك عمي باش نمشي
هو:استنى لحظة
طلعت فيه...نشوف فيه يحط في كعبات تفاح في كيس...و قرب حطهم في يدي...غزرتلو نحكي
انا:عمي معنديش فلوس راهو
هو:محاجتيش بفلوس...يكفي انك طلبت سماح...ظاهر في بنية صادقة
انا:عيشك عمي يفضلك...و مرسي مرة اخرى
هو:اسمعني بنتي
انا: تفضل عمي
هو:رد بالك على روحك...و خليك قوية ديما...منعرفش علاش خبرتك هكا...اما حسيت لانت حاملة هم كبير رد بالك مرة اخرى...و متخلي حد يهدك و ياقف في طريقك
انا:باهي عمي عيشك
تبسمتلو...و تلفت...نلقى زياد واقف بحذا الكرهبة...يشوف معايا...محاولتش نركز معاه...اصلا كان بعيد عليا شوية...فتحت الكيس جبدت كعبة تفاح في يدي...رجعت شعري لتالي...و قربت تفاحة باش ناكولها...قص عليا صوت من تالي يحكي
هو:مفماش كعبة لينا...يا كعبة انتي
تلفت نشوف معاه...ظاهر واحد من كلوشارات...منعرفش منين جا...قلبي دق بالقاوي..نزلت يدي...نشوف معاه...ماشي و يقرب مني يحكي
هو:ياخي باش تبقى تشوف معايا هكا...و لا نمشو لبلاصة اخرى...صراحة انت احلى طفلة شفتها في حياتي
قلبي دق بالقاوي...باش يطيح...كلامو ذكرني في الليلة الخايبة...نفس الكلام...ينعاد قدامي...اععع مخيبو....مخيبو...صوتو رجع لوذني في اللحظة هذيكا...جمدت في بلاصتي...كيف حط يدو على يدي...باش يجبدني...حتى الكلام هرب مني...صوتي ضاع...حاولت نجبد روحي منو...دموعي هبطو بالوقت...كبس عليا اكثر...طاح الكيس من يدي...قبل ما نصيح شفتو طايح عاللارض
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 15
هز راسو غزرلي بغش...خلا بدني يرقل من الخوف...حسيت بيد زياد تحطت على يدي...جبدني لتالي...جيت وراه...نسمع في راجل يحكي
هو:شنوة طلع عندك شكون
هز روحو شوية...رجع زياد ضربو بساقو لكرشو...طاح عالارض...مسح الدم من خشمو و غزرلنا يحكي
هو:علاش العركة هاذي الكل...و احنا نجمو نقسموها ههههههه
وخرت لتالي اكثر...قداش تقززت من كلامو...من نظراتو ليا رغم الضرب لي كلاه توا...عالكلام تالي...هز روحو وقف بالسيف...يشوف معانا و يمسح في دمو...يضحك بالصوت...وين شفت زياد كبس على البونية متاعو اكثر...دوب ما جا يضربو...شدلو يدو دورها يحكي
زياد:يا ¤¤¤¤ يا هامل...كي تحب تسيب ¤¤¤¤¤¤¤ مش معايا فهمت
قبل ما يحكي ضربو على راسو جابو عالارض...و نزل عليه...هزيت يديا زوز سكرت وذنيا...نزلت على ركايبي زوز...صوتو قوا في وذني...منعرفش علاش في لحظة لقبت روحي في نهار هذاكا...نهار لكل يوم و كل ليلة نحاول ننساه...قلبي نحس فيه باش يخرج...سكرت عينيا لا نحب نشوفو...و لا نحب نسمعو...منحبش حد يفكر فبا بطريقة هاذي جملة...فقت من سرحتي...على يدين تحطو على كتافي...حليت عينيا...نشوف راجل هذاكا غارق في دمو...رخفت يديا شوية...كبس على كتافي اكثر وقفني يحكي
زياد:وفات خلينا نمشو من هوني
مرجعتلوش...بقيت نشوف مع راجل عبارة ميت...بدني رعش...دموعي نزلو اكثر...نشوف معاه نزل هز الكيس...و حط فيه كعبات تفاح لي طاحو منو...و رجع قرب مني يحكي
زياد:هيا معايا
نزل بيدو لاخرى...على يدي...و تلفت جبدني معاه...بقيت نمشي وراه...يدي في يدو...اما عقلي مع راجل اللي خلاه غارق في دمو...فتحلي الباب...ركبت من غير ما نحكي...حط الكيس قدامي...سكر الباب و رجع ركب بحذايا...خدم الكرهبة يسوق...تكيت راسي عالبلار...نشوف مع ثنية...احداث اليوم رجعتني لتالي...صوتو قوا في وذني "محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها ريحتك...مبنك...مكنتش نتوقع...اني باش نذوق كعبة كيفك"...سكرت عينيا بالقاوي...في لحظة تقززت من بدني مرة اخرى...بدني لكل مرة ندوش فيها نحب نحي الوسخ لي فيه...نحب نحي تراس يديه و ريحتو...قلبي غم عليا...و دموعي قوات...رجعت راسي لتالي...تكيت عالكرسي...نحاول نوقف دموعي...نحس بنسمة قوية ضربتني لوجهي...حليت عينيا نلقاه فتح البلار.. خذيت نفس طويل...نشوف مع الثنية...نحس في راسي رزين...و عينيا باش يتسكرو...حاولت نبقا فايقة اما منجمتش...سكرت عينيا و استسلمت لنوم
زياد يحكي:
نسوق...و كابس عالفولون...العصب راكبني بالكل...¤¤¤¤ هذاكا كان مفرغتش فيه غشي كنت باش نطرشق...كلوشار متاع ¤¤¤ شنوة يستخايل في روحو...جهامة من غير فايدة...تي اصغر واحد في رجالي يمسح بيه الارض...جاي يتمرجل على طفلة...دورت راسي نشوف معاها...لقيتها رقدت...النسمة لي داخلة تلعب بشعرها على وجها...هزيت يدي سكرت البلار...باش ميقلقهاش اكثر...رجعت غزرتلها نلقا خصلة من شعرها بقات على وجها...منعرفش كيف هزيت يدي...بعدتها علاها...و رجعت كبست عالفولون...ركزت مع الثنية...مش حل...كان باش تبقى تخاف هكا مش حل جملة...اهم شي لازمها تكون قوية...لازمها تتصدا لكل موقف خايب طيح فيه...منعرفش كيف وصلت لدار...ركيت الكرهبة...و تلفتلها نشوف معاها...غاطسة في نوم...و مش حاسة على شي...محبيتش نفجعها...خاصة بعد الصدمة لي خذاتها اليوم...نزلت...و مشيت فتحت الباب من جيهتها...جيت باش نفيقها...نسمع فيها تحكي
سوار:اسكت اسكت...سيبني
انا:سوار فيق تسمع فيا
سوار:ا امان سيبني
عرفت لمستحيل تفيق...زادة تحكي في كلام مش مفهوم جملة...نزلت علاها اكثر...جبدتها ليا...شوية حملتها في يدي...حطت راسها على كتفي...اول ما وصلت للباب...كبست علاها في يدي اكثر...و فتحتها...سكرت الباب بساقي و دخلت لصالة...حطيتها عالفوتاي...رجعت شعرها لتالي نشوف معاها...تصب بالعرق...عقدت حواجبي...هزيت يدي حطيتها على راسها...باش تطرشق من السخانة...نفخت مش وقتو جملة...لعنتو الف مرة الهم...كان نلقا نقتلو مفماش نبرد...ناقص انا باش تزيد تمرض هي توا...نحيت الفاست متاعي...طيشتها عالفوتاي...عديت يدي على شعري...نفكر شنوة نعمل...طلعت الفوق...نفركس على ضمادات...شي مفماش...نفخت و هزيت معايا منشفة صغيرة...ورجعت نزلت للكوجينة...جبدت كعبات قلاص...و رجعت عندها...حطيتهم عالطاولة...نشوف معاها مزالت في نفس الوضع...خذيت نفس...و رصيت على سنيا...مش من عادتي نتلها بحد...اما الطفلة هاذي طلعت فراجيل اكثر من لازم...قربت منها اكثر...حليت الفاست لي كانت لابستها...حطيت يدي تحت ظهرها...طلعتها شوية...جات في حملتي...كبست على ظهرها بيدي...راسها على صدري...هزيت يدي لاخرى...نحيتلها الفاست...ورجعتها لتالي...مسلمة مش حاسة على شي...بقيت نزل في سخانتها...و مركز معاها فرد وقت...زينها طبيعي عاللخر...تصرفتها زادة...ردة فعلها مش متوقعة جملة...تي كان تدرب شوية كهو...كان تحط ¤¤¤¤ هذاكا بضربة...زعمة باش تتعلم كلشي في شهورة هذوما...باش تكون قد الخدمة هاذي...و لا باش تبقى هكا...فيقني من سرحتي صوتها لي خرج ضعيف
سوار:س سيبني امان...امانك سيبني
استغربت كلامها...عرفتها تحلم...جيت باش نقوم...حلت عينيها...و تنهدت بالقاوي...غزرتلها...نشوف في دمعو هبطت منها...حطت يدها على قلبها...سكرت عينيها ورجعت فتحتهم تحكي
سوار؛ح حلمة...حلمة و كهو معادش نخاف...ملازمنيش نخاف منو
نزلت عندها شوية...قعدت على طرف الفوتاي...مفهمتش كلامها برشا...غزرتلي ندرا كيف...نفس نظرة متاع الخوف...لي كانت فيها قبيل...خذيت نفس نحكي
انا:لباس توا
سوار:ل لباس...راسي يوجع فيا
انا:حاول تهدا...تو ترتاح...باهي
سوار؛باهي
هزيت روحي وقفت...نشوف معاها...رجعت سكرت عينيها...ظاهر تاعبة عاللخر...محبيتش نحكي معاها اكثر...حطيت يديا داخل مكاتبي نفركس على تليفون...ذكرت لانا نسيتو في الكرهبة...غزرتلها لقيتها ديجا رجعت رقدت...تلفت و خرجت...رجعت للكرهبة...جبدت تليفون...جيت باش نسكر الباب...جات عيني على كيس التفاح...تبسمت على جنب...ذكرت الفازة كيف قاعدة تلعب بيه في يدها...و يدها لاخرى هازة كعبة في يدها...نزلت هزيتو...سكر الباب...ورجعت لدار...اول ما سكرت الباب نوقز تليفوني...هزيت نسمع فيه يحكي
هو:زياد
انا:تفضل
هو؛شعامل مع الطفلة الجديدة
انا:طمن مريقلة
هو:يعني مش باش تظطر تبدلها
انا:لا
هو:تذكر هوما 3 اشهر كهو...يعني مفماش وقت جملة
انا:طمن تعرفني قد كلمتي...الطفلة باش تحضر بعد 3 اشهر...و باش تكون منا و فينا
هو:باهي تحتاج شي...كلشي تحت تصرفك
انا:نعرف سلام
هو:سلام
سوار تحكي :
حليت عينيا بالسيف..نحس في راسي باش يطرشق بالوجيعة...و بردانة عاللخر...مع انو الجو برا مليح...تقعدت شوية...دورت عينيا نفركس عالفاست متاعي...لقيتها محطوطة عالطاولة...مذكرتش لانا نحيتها...جات عيني على منشفة و صحن فيه كعبات ثلج...تبسمت بالسيف...مش نورمال الراجل هذا جملة...طول النهار عاقدها...ووقت نمرض نلقاه عند وجهي...هزيت روحي بالسيف وقفت...مزلت دايخة و مروهجة...اما جيعانة عاللخر...رجعت شعري لتالي...شديت روحي..و مشيت للكوجينة...اول ما دخلت لقيتو واقف يحرك في ندرا شنية...تلفتلي حتى بلا ما نعمل حس...غزرلي من فوق للوطة يحكي
زياد:لباس
انا:ممم مرسي
زياد؛اقعد كول شوية...اليوم باش نخليك ترتاح...اما غدوة باش نرجعو لخدمتنا...ياسر ضيعنا وقت
انا:باهي عندك حق
زياد:مش باش يأثر عليك خاطر مزلت مريضة
فهمت قصدو...هزيتلو براسي لا...نحس في وجهي باش يطرشق...ناقصة انا باش يحشمني هو...قربت من الطاولة...جبدت الكرسي قعدت...تلفت يكمل ريحة المقرونة وصلتني...بقيت نشوف معاه...لتوا مش مصدقة لانا عايشة...مع راجل فرد دار...عمري ما توقعت اني نوصل للحياة هاذي...و مش راجل كهو...تي ظاهر من اكبر رجال المافيا...كان مش هو رئيس متاعهم...اما اللي محيرني لتوا...علاش مش خايفة منو...رغم كلامو...رغم قوتو...رغم النظرة متاعو لي ما نفهم منها حتى شي...اما رغم هذا الكل...نعرف اللي هو مش باش يأذيني...مش باش يجبرني نعيش نهار هذاكا...انا توا بصفتي مدربة عندو...اما بعد 3 اشهر منعرفش شنوة باش تكون خدمتي...تي كل لي فهمتو اني باش ننقلو الاخبار الكل...اما كيف باش نتعامل مع ناس هذوما لتوا منعرفش...و معنديش فكرة على الموضوع...كلشي نعرفو اني لازم نكون قوية و كهو...تلفت يشوف معايا...مزلت سارحة فيه...فقت على صوت الصحن لي حطو قدامي...حط صحنو و قعد مقابلني...ياكول...من غير ما يغزرلي...هزيت المغرفة...ذقتو...بنين يهبل...تو نورمال واحد كيما هذا يعرف يطيب...تي شيهمك فيه يا سوار...كول و برا لبيتك ارتاح...بقيت ناكول..نحاول منغزرلوش...جات عيني على يدو...مجروحة بالكل...عرفتو لي تجرح من العركة متاع الصباح...ذكرت راجل هذاكا...زعمة يكون مات...لا باز عايش...شمفكرني فيه انا توا...فقت من سرحتي على صوتو
زياد:شبيك
انا:نحب نسألك
زياد:متنجمش تعدي نهارك بلا اسئلة انت
انا:لا نحب نسألك توا
زياد:باهي شتحب
انا:سيد هذاكا
زياد:شكون
انا:لي ضربتو انت ياخي مات
زياد:شيعرفني انا
انا:متخافش يمشي يشتكي بيك ياخي
تبسم وحدو...اول مرة نشوفو يتبسم....رجعت شعري لتالي...نستنى فيه يحكي...مرجعليش...رجعت كلمتو
انا:زياد نسأل فيك راهو...متخافش يشتكي بيك
زياد:كان اشتكى باش نسلمك في بلاصتي
انا:شنوة فاش قام حتى تعمل هكا
زياد؛خاطر انت سبب باش ضربتو
انا:و انا قتلك اضربو ياخي...فاش قام حتى تضربو اكاكا...تي ضربة وحدة تكفي...مش تقتلو...اففف ملا وحلة وحلناها في جرة عركة...تي صحيح هو يستاهل لي صار فيه اما ميجيش توسخ يديك بيه...ديجا متخافش اذا شتكى بيك هوكا باش نقولهم علاش ضربتو باهي
حط المغرفة و تكا لتالي يشوف معاها...كملت كلامي...و غزرتلو...منزلش عينيه من وجهي...تحسو مستغرب في كلامي..عضيت شفتي اللوطانية...و كملت نحكي
انا:نعرف لحكيت برشا...اما والله جيست باش تفهمني...اصلا تاعبة و منعرفش فاش قاعدة
نحكي
زياد:تاعبة و هكا...ملا كي تبدا مليحة...مش باش تسكت جملة
انا:لا باش نسكت...اما والله توا نحكي على خاطرك...ياخي كان يشتكي بيك...مكانش وقتها ليدربني مش هكا
زياد:يشتكي بيا
انا:ايه
زياد:و مكانش لي يدربك وقتها
انا:يعني هكا
زياد:ملا طمن مينجمش يشتكي...و انت برا ارتاح على روحك بلا ما تفكر في امور تافهة كيما هاذي
انا:والله تافهة...احسن شي نكمل ناكول و نطلع لبيتي
مرجعليش...رجعت طابست راسي لصحن...كليتو الكل على ضربة...تي شنوة هذا ضاربها في روحو جملة...يمشي يشوف شكون يعاونو وقت يشتكي بيه...يااا اافف سوار يشتكي بيه شنية و سيد عندو شطر رجال تونس تحت تصرفو...برا يزمر شيهمني فيه انا ياخي...كملت صحني...و هزيت روحي وقفت نشوف معاه نحكي
انا:مرسي
مرجعليش...قحرتلو...و جيت باش نتلفت...جات عيني على كيس تفاح رجعت خطوة لتالي...هزيتو في يدي...حليتو نحكي
انا:ياخي شبيه ناقص هكا
زياد:شنوة
انا:وقت عطاهولي كان فيه اكثر
بقا يشوف معايا...باهت...عرفت روحي كثرتلها قلبتها بضحكة نحكي
انا:ميسالش لي هوني يكفو
هزيت يدي جبدت كعبة حطيتها قدامو...تبسمت نحكي
انا:بونوي
هزني من الفوق للوطة...بلا ما يحكي...اصلا من نظراتو تحسو مستغرب من تصرفاتي...اما شيهمني فيه...نعمل لي يريحني و كهو...تلفت...عطيتو بظهري...هزيت الكيس في يدي و طلعت لبيتي...خاصة انو جاني من عند شخص طيب عاللخر...دوب ما طلعت لبيتي...بدلت دبشي...هزيت تفاحة في يدي...و ترميت عالسرير...حليت البيسي...نعدي بيه وقيت...منحبش نرقد...اصلا من يومين ما عملت شي...كيما نعرف انو الوقت مش لصالحي جملة...ضربت طلة خفيفة عالشخصيات الكل...تحس كل حد مختلف على لاخر...و كل حد اغنى من الاخر...اما في هذا الكل...فكا حلقة مفقودة...راسي وجعني...سكرت البيسي...و تكست لتالي...دوب ما سكرت عينيا غطست في نوم
فقت الصباح...سكرت الرفاي قدامي...هزيت روحي بالسيف...غسلت وجهي...حليت القارد روب...دبش السبور لتوا مغسلتوش...نفخت...و بديت نخرج في دبش مفماش نلقا حاجة نجم ندرب بيها اليوم...لقيت شورت في الاكحل مش قصير برشا...اما زح كيف باش نلبسو هذا...خاصة و اليوم نهار ثالث متاع ليغاقل...جبدت معاه مريول نص كمام في الابيض...لبستهم...لميت شعري و نزلت اللوطة...لقيتو ديجا حضر و يربط في كوردون...كيف حس بيا...طلع راسو...هزني من الفوق للوطة...حاولت نزل شورت شوية...و نحكي فرد وقت
انا:بونجور
زياد:بونجور حاضرة
انا:ايه من بكري نمشو
زياد:ايه
هز روحو وقف...و غزرلي يحكي
زياد:تنجم تجري
انا:ممم اما
زياد:اما شنية
انا:شي باش نجري
زياد:باهي
حبيت نقلو لي منجمش نجري برشا...اما حشمت منو...رجعت سكت و خالطت عليه...نجري وراه...المرة هاذي جرا بريتم عادي...حسيتو تفهمني...عدينا دورة و رجعنا ورا دار...وقفت ناخو في نفس...رمالي دبوزة الما شربت منها...رجعت راسي لتالي...نحاول ناخو نفس منظم...نحس بيه واقف قدامي نزلت راسي نشوف معاه...لقيتو مركز في وجهي...وخر خطوة لتالي...عدا يديه زوز على شعرو...يحكي
زياد:اللي باش نحكيه توا تحفظو بالحرف...منحبش نعاودو مرة اخرى...و كل يوم باش نرجع نسألك عليه...نلقاك حافظة كل كلمة و كل حركة
انا:باهي طمن
زياد:اول شي باش تتعلم دافع على روحك...اول بالمعنى الاصح تعرف امتى دافع على روحك
انا:باهي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 16
قرب مني عاللخر وقف قدامي...هزيت راسي نغزرلو...نسمع فيه يحكي
زياد:اهم عنصر وقت تصير عركة...و لا تلقا روحك في مواجهة...هي المفاجأة
انا:شقصدك مفاجأة
زياد؛يعني لازم ترد بالك من ضربة مفاجأة...خاطرها سبب الاول في انها تفشلك
انا:و كان ضربة هاذي جاتني بالحق شنوة نعمل انا بعدها...باش نشهد على روحي و لا شنية
قحرلي...وخر لتالي...غزرلي...يثبت فيا و يحكي
زياد:وقتها باش تستخدم مخك هذا
انا:يعني
زياد؛ وقتها باش تاقف...و زادة باش تستعد...ديما خلي ساق للقدام...و ساق لورا...كيما زادة ثقلك باش تخليه على ساقك لورا باش تكسب سرعة انك تتراجع اذا خمم يزيد يهز يدو عليك...كيما زادة لازم تفهم لغة الجسد
انا:و شنية اللغة هاذي
زياد؛شرايك تنقص اسألتك و تستغلها في الفهامة مش احسن
انا:كان منسألش منفهمش
زياد:لغغة الجسد يعني...تتوقع ردة فعل خصمك...قبل ما يعمل اي حركة...كان هو استمر في الكلام بعد ما ضربك...احتمال بعيد يرجع يضربك...اما اذا رجع و ضربك وقتها باش تتراجع...و باش تبدل وضعيتك...لوضعية المواجهة
رجع قرب مني...نزل يدو على يدي...شدني منها...منعرفش كي تحطت يدو على يدي...حسيت بشي..ندرا شنية...بقيت نشوف معاه...طلع يدي و غزرلي...يحكي
زياد:باش تكبس عالبونية متاعك...تقربها لوجهك بالطريقة هاذي...و في نفس الوقت باش تحدد الهدف متاعك
كبس على يدي اكثر...و قف ورايا بالظبط...و نزل عليا شوية يحكي
زياد:باش تركز على زوز حاجات الاولى تتصدا لضربات لي جيك...اما في نفس الوقت باش تضرب
خذيت نفس...منعرفش علاش قربو مني...روهجني بالطريقة هاذي...عقدت حواجبي نحكي
انا:و اذا كان لباش نضربو طويل كيفك شباش نعمل وقتها انا...مستحيل نجم نضربو
زياد:زايد مخك ميخدمش
جبدت روحي منو...و تلفتلو...جا وجهي في صدرو...وخرت شوية لتالي...طلعت راسي نحكي
انا:لا هو يخدم...انت كهو تحب تعقد الامور
زياد:كان خدمت مخك شوية...كنت تعرف وقتها كيف متنجمش تعتمد على يدك تستخدم ساقك زادة
انا:بالحق باش نستخدم ساقي ياخي
زياد:مممم
انا:مفماش طريقة احسن
زياد:سلاح
انا:شنوة
زياد:باش تقتل جملة...و تهني روحك
انا:تي نقتل شنية يا بابا...وين كنا في الاول خلينا نكملو
تبسم على جنب...و عدا يدو على شعرو يحكي
زياد:باش تتعلم كيف تصاوب اما مش قبل ما تتعلم دافع على روحك هيا برك
انا:جعت
زياد:هيا حرك روحك فيسع
انا:باش نمشي ناكول و لا باش نكمل
زياد:لا باش تكمل
انا:ميسالش نكملو مبعد شرايك ياخي
زياد:كان باش ناخو براي فرخة قدك يرصالي في 3 سنين مش 3 اشهر
انا:مش فرخة...و زادة حفظت كلشي حكيتو لتوا
زياد:حفظتو ملا
انا:ايه
زياد:باهي عاودلي شكنت نحكي قبيل
انا:حتى ناكول قبل
طلع حاجبو مستغرب...حسيتو فد...هز يدو عداها على شعرو بالزربة...في لحظة خطفني من يدي...جابني قدامو...رجعني للوضعية لكنت فيها..و نزل عليا يحكي
زياد:كان متركزش توا...تنساه الفطور جملة
انا:تهدد فيا ياخي
زياد:اعتبرو لي تحب و توا ركز
انا:باهي
كبست على سنيا...و كملت معاه...ركزت مع كل خطوة يعمل فيها..و كل كلمة يحكيها...تعدا عالحالة هاذي شهر...شهر تعدا كلو تدريب...جري و حركات دفاع ستانست بيهم...تعدات لحظات كنت نسرح فيه...نفيق على وضعي...كي يبدا يصيح...حركاتي...و بدني تحسنو برشا...مع شوية ريجيم لي كابسني عليه...ساعات قربو مني يضيعني...يخليني نحس بحاجات جديدة...منعرفش عليها شنية...و لا علاش نحس بيها...حتى منو ساعات نحسو يغزرلي ندرا كيف...مبعد يفيق على روحو...اما الكلام هذا الكل يطيح قدام لانا هوني على خاطرو...و اهم شي هوني هو الوقت...الوقت و كهو...الوقت لباش يخلي زياد يثبتني...و انا نثبت روحي
فقت الصباح...نحل في عينيا بالسيف...بعد تدريب البارح نحس في بدني مدقدق...هزيت روحي لبيت البانو...عملت دوش تفرهدت بيه...لبست الكاب و خرجت...طلعت للمنقالة...لقيت روحي روطار بساعة...عضيت شفافي...نعرف باش نوحل في لسانو توا...فتحت القارد روب..نفركس على شي نلبسو...جبدت شورت في الابيض...و مريول في الروز...حطيتهم عالسرير..و هزيت المنشفة نشيح في شعري...انا اكاكا....و نشوف مع الباب فتح...طلعت راسي نشوف معاه...بقا شاد البواني بيدو...هزني من فوق للوطة...حشمت على روحي...خاطر الكاب قصير برشا...جيست مغطيني...نزلت المنشفة على ساقيا نحكي
انا:بونجور
مرجعليش بقا يشوف معايا...رجعت شعري لتالي...خذيت نفس...ورجعت نحكي
انا:زياد
حسيتو فاق من سرحتو...عدا يدو على شعرو من تالي...يحكي
زياد:اه شبيك تأخرت لتوا
انا:مفقتش بكري كهو...هاني 20 دقيقة نحضر و ننزل
زياد:عشر دقايق...تزيد دقيقة ترصالك في 10 دورات زيادة
حليت فمي...و طاحت المنشفة من يدي...عشرة دورات تي انا 3 نكملهم كان بالسيف...يحب يقتلني السخطة هذا و لا شنية حكايتو...نزل عينيه...يشوف معايا...و رجع غزر لوجهي...لحسيتو باش يطرشق من الموقف لي تحطيت فيه...عقد حواجبو يحكي
زياد:خف روحك
انا:باهي
اول ما خرج...نزلت باش نهز المنشفة...رجع فتح الباب...وقفت بالزربة...لميت الكاب...لي شعرة لا تحل...نسمع فيه يحكي
زياد:شيح شعرك باش متخذش برد عالصباح
هزيتلو براسي باهي...غزرلي شوية و خرج...هزيت يدي حطيتها على قلبي...منعرفش علاش يدق بالقاوي..نحسو يخض بقوة باش يخرج من بقعتو...سكرت عينيا بالقاوي...ورجعت فتحتهم...منعرفش شنوة لي قاعدة نحس فيه...اصلا اول مرة نحس بالحاجات هذوما...و لا مرة اثر فيا قرب حد لهدرجة...تبسمت وحدي...اما فجأة تذكرت العشرة دورات...عينيا تحلو...هزيت دبشي لبستو بالزربة...شيحت شعري بالباهي...هزيت شكال في يدي...و حليت الباب...خرجت..نزلت نجري في الدروج...قبل ما يوفا الوقت...دوب ما وصلت لوطة...لقيتو طالع...ضربت فيه بكل قوتي...لين وخر لتالي...هز يدو حطها ورا ظهري...كبس عليا...جا وجهي في صدرو...احسن شي شدني مكانش كنت نجي على وجهي...قلبي رجع يدق اكثر من الاول...طلعت راسي نشوف معاه...هز يدو بعدلي شعري يحكي
زياد:شبيك تجري عالصباح
انا:ا اكاكا قبل ما يوفاو العشر دقايق و ترصالي في عشرة دورات
غزرلي...و تبسم على جنب...حسيتو باش يضحك...اما شدها...رخف يدو شوية...و جبد روحو لتالي...حك لحيتو يحكي
زياد:نشمو
انا:اه ايه نمشو
زياد:متحبش تشرب شوية ما قبل
انا:علاش
زياد:منعرفش حاسك مش قد بعضك
انا:لا لا مليحة هيا نمشو
زياد:باهي
رجع تبسم...و تلفت عطاني بظهرو...حطيت يديا على خدودي نبرد فيهم...لميت شعري كيما جا...و خالطت عليه...بعد طرح جري...وقفنا...في بالي باش نكملو في تدريبات العادة...عديت يديا على وجهي نحكي
انا:ميسالش نرتاح شوية قبل ما نبداو
زياد:متخافش اليوم مفماش تدريبات
انا:يااا بالحق...ملا باش نرجع نرقد شوية
زياد:مكفاش ساعة روطار...باش تزيد ترقد
انا:كي مفماش تدريبات شنوة باش نعمل
زياد:تدريب من نوع اخر
انا:بالحق
زياد:مممم
انا:تدريب شنوة هذا
زياد:ايجا معايا تو تعرف
انا:باهي
خالطت عليه...بعدنا على بقعتنا شوية...طلعت راسي...نشوف مع اكثر من دبوزة قزاز...مرتبة قدام بعضها...فوق طاولة و لا ندرا شنية....عقدت حواجبي...استغربت لي نشوف فيه...و ما فهمت منو شي...تلفت ليه...غزرتلو نحكي
انا:زياد ياخي شنوة هذا
زياد:ايجا هوني تو نقلك
انا:باهي
زياد:شنوة تشوف فيه
انا:س سلاح اما علاش جبدتو
زياد:باش تدرب بيه
انا:شنووة علاش حتى ندرب بيه ياخي
زياد:عقاب عمري باش نهبل من اسألتك
انا:شقلت انا ياخي...نحب نعرف و كهو
زياد:افهم شي واحد كهو...كلشي نقولو انا تنفذو من غير اسئلة
انا:علاش
سكر عينيه و رجع فتحتهم...عضيت شفتي بالقاوي...عرفت روحي كثرتلها...قربت منو شوية نحكي
انا:باهي باهي معاد نسأل شي
زياد:تو نشوفو اخرتها معاك...شد هذا
انا:باهي
هزيت يدي متردة شديت الفرد عليه...رزين شوية...اول مرة نشد فرد...بقيت ندور فيه في يدي...و في نفس الوقت نحس في قلبي باش يخرج من بقعتو...فقت من سرحتي على صوتو
زياد: Mauser
انا:شنوة
زياد:اسم السلاح اللي في يدك Mauser تنجم تتعرف عليه من الخطوط لي مرسومة عليه...تنجم تصاوب بيه من مسافة بعيدة...و بدقة زادة
نشوف مع الفرد و نسمع في كلامو بالحرف...اصلا هو اذا قال كلمة ميحبش يعاودها زوز مرات...اما اهم من هذا الكل...كيف باش نستعملو...كيف باش نصاوب بيه..و انا شفت شي هذا في الافلام كهو...في بالي حاجة بسيطة اما طلعت...اصعب من اللي توقعتو...خذيت نفس و غزرتلو نحكي
انا:فهمت لي حكيتو اما
زياد:اما شنية
انا:كيف باش نصاوب بيه منعرفش...اول مرة نشد فرد في يدي...و خايفة برشا
قرب مني...هز الفرد من يدي...هز يدو لاخرى حطها على يدي...جبدني بالقاوي...دورني قدامو...وقف ورايا بالظبط هز يدو عداها على طول ظهري...بدني تكبس..و قلبي دق بالقاوي...صدمني بالحركة متاعو...نسمع فيه يحكي
زياد: ظهرك لازم يبقى مستقيم بالطريقة هاذي
منجمتش نرجع عليه...منعرفش علاش...قرب مني اكثر...حط يديه على كتافي...نزل بيهم على طول يديا...بدني رعش بين يديه...اول مرة يقرب مني بالطريقة هاذي...اول مرة يمسني هكا...وصل ليديا...حط بينهم الفرد...و كبس عليهم...طلعهم الفوق...غطسو وسط يديه كان الفرد لي بقا يظهر منهم...نزل عليا شوية...حسيت بنفس متاعو سخون على رقبتي...سكرت عينيا ورجعت فتحتهم...نحاول نحارب لي قاعدة نحس فيه...و نركز مع كلامو...مع صوتو لي خرج ببحة المرة هاذي
زياد:خلي ظهرك هكا...و الفرد باش تشدو بالطريقة هاذي...متحاولش تنزل كتافك...و بدنك الكل يكون مستعد...انسى الخوف...انسى السلاح لي راك شدو...انسى لواقف قدامك...و انسى انت شكون...كهو تركز عالهدف متاعك...الهدف لباش تنهي اللعبة معاه برصاصة وحدة تخرج من هوني...رصاصة تعطيه بيه فرصة اخرى و لا تسفرو من دنيا جملة فهمتني
كمل كلامو...و كبس على يدي...لي تكبست على زناد...خرجت منو رصاصة جات في نص الدبوزة...لي بعيدة علينا...صوتها زعزني...خلاني نرعش بين يديه...حاوطني اكثر...يحكي
زياد:اهدا كهو ركز متخافش
انا:ب باهي
كبس على يدي اكثر حركها شوية...ورجع ظغط عالزناد خرجت منو رصاصة اخرى...قعدنا بالطريقة هذيكا...لين وفا رصاص و دبابز فرد مرة...رخفت يدي شوية...بقا شادني...حتى من بدني نحسو رخف...صوت رصاص لتوا في وذنيا...نزلت يديا الزوز...بقا شادني منهم...منعرفش شبيه مبعدش عليا...جبدتهم منو شوية...و تلفتلو...بقيت في حملتو...جا وجهي في صدرو...يديا زوز يرعشو...مش مستانسة بالحاجات هذوما...صحيح تقبلت كلشي...اما اني نهز سلاح و نكون مجرمة...و نوصل نضرب حد منجمتش نتقبلها...زادة قربو يضعفني و يعطيني قوة فرد وقت...نحس في العرق يصب عليا...شي من التعب...و شي من الخوف...طلعت راسي شوية...لقيتو يغزرلي...اصلا اول مرة نحس بقربو لهدرجة...سكرت عينيا و رجعت فتحتهم نحكي بالسيف
انا:ت تعبت
بقا يشوف معايا...هز يدو قربها من وجهي...عداه صوابعو على طراف خدي...و خصلات شعري لي طايحين...ورجع جبدها...قلبي دق بالوقت...مفهمتش شيقصد بحركة متاعو...وخر شوية لتالي يحكي
زياد:برا ارتاح شوية باش نكملو
انا:م ميسالش نخلو التدريب هذا لغدوة
زياد:و شباش نعملو
انا:لي تحب عليه...اما مش سلاح...منحبش توا..امان
زياد:باهي باهي...برا لدار توا...مبعد نحكو
انا؛باهي عيشك
وخرت لتالي اكثر...عطيتو بظهري...نمشي و نسمع في دقات قلبي لي متحبش تاقف...قربو روهجني لهدرجة...للحظة سرحت بتفكيري بعيد...منعرفش كيف لقيت روحي بحذا الباب...دزيتو بيدي و دخلت...حطيت يدي على قلبي نحكي مع روحي"شنية اللي راهو يصير معاك سوار فيق على روحك ياخي...جرد سلاح خوفك...لا لا اللي نحس فيه مش خوف...ملا شنية...تي يزي...فاش قاعدة نخمم انا...يزي سوار يزي"...عديت يديا الزوز على وجهي...فتحت عينيا...و طلعت لبيتي...دخلت لبيت البانو...غسلت وجهي اكثر من مرة...و خرجت...فتحت القارد روب...جبدت روب في الباج طويلة...لبستها...و حليت شعري...اصلا حسيتو كابس عليا...نحب نرتاح من الشكال شوية...خليت شعري مسيب اكاكا...و نزلت اللوطة للكوجينة...جبدت الماكلة الكل حطيتها على الطاولة...و غطست فيها...قبل ما يجي و يبدا في بروقرامو...متاع ريجيم و لا ندرا شنوة...اصلا احسن حل نشبع شوية قبل ما يوصل عندي
زياد يحكي:
بقيت نشوف معاها...لين غابت على عيني...رميت سلاح عالارض...سكرت عينيا بالقاوي و رجعت فتحتهم...عديت يدي على وجهي و شعري بالزربة...نفخت بالقاوي...للحظة افكار غريبة سيطرت عليا...حاجات غريبة حسيتها و هي بين يديا...حاولت نسيطر على روحي...نزلت نعمل في لي بومب...و نحكي مع روحي
"يزي زياد...شنوة اللي قاعد تخمم فيه...طفلة مش متاع شي هذا...و انت تعرف اللي هي هوني جيست على خاطر الخدمة...مش انت لتأثر فيك طفلة يزي.. شنوة فيها يعجب باش عجباتك ياخي...فيق على روحك...اصلا مش جوك جملة"...كبست على يديا ووقفت...منعرفش علاش هي بالظبط...يمكن على خاطر اول طفلة منجمش نقرب منها...اصلا مفماش وحدة عجبتني و مذقتهاش و شخت فيها...خذيت نفس طويل...و هزيت روحي...رجعت لدار...نلقا الباب مش مسكر...دزيتو بيدي...و دخلت...كنت باش نطلع...اما وقفتني الحركة في الكوجينة...وخرت خطوة لتالي...نشوف معاها...واحلة مع الماكلة فوق الطاولة...تي متكملش لي فمها...تلحق لقمة لاخرى...و يد ترجع بيها في شعرها...اكثر وقت تتفرهد فيه وقت تبدا تاكول...عديت يدي على شعري...تبسمت على جنب...و رجعت طلعت...محبيتش ندخل ليها...نعرفها باش تتربث...و تبدا تحكي...اصلا في حياتي مشفتش وحدة تحكي كيفها...دوب ما وصلت لبيتي...نحيت مريولي طيشتو...و دخلت لبيت البانو...عملت دوش...تفرهدت بيه...و خرجت بدلت دبشي...طلعت لساعة...ديجا نص النهار...نزلت اللوطة...دخلت للكوجينة...لقيتها تغسل في ماعون...حليت الفريجيدار جبدت دبوزة ما شربت منها...هزيت الحليب حطيتو عالطاولة...تلفتتلي مصدومة تحكي
سوار:ياخي كيف دخلت لهوني
انا:من الباب
سوار:قصدي شبيني محسيتش بيك جملة...تي حتى من دبشك بدلتو
انا:علاش كنت حابة تطلع معايا باش نبدل
سوار:اه لا مش قصدي..يعني جيست انا...قصدي محسيتش بيك...كهو مش لي فهمتو انت والله
انا:باهي باهي برا لصالة...عندنا خدمة...تو نخالط عليك
سوار:نكمل هذوما و نمشي
انا:باهي
محبيتش نحكي معاها اكثر..خليتها تكمل شغلها..و تلهيت في روحي...دوب ما كملت كليت...مشيت معاها لصالة...قعدت قدامي...حليت البيسي...نزل شعرها الكل على وجها...هزت يدها...رجعاتو على جنب...تحكي
سوار:هذوما زوز فوتهم...رجعت نعرف كلشي يخصهم
انا:ممم باهي هوكا طلع مخك خفيف
سوار:نعرف...اما لتوا معرفتش علاش تحبني نعرف عليهم كلشي
انا:خاطرك باش تتعامل معاهم
سوار:شنووة كيف نتعامل معاهم
انا؛متخافش مش كيما تتعامل معيا
سوار:ملا كيف
انا:باش تعرف مع الوقت توا كهو اعمل لي قتلك عليه
سوار:باهي
عدينا شطر نهار لي بقا عالبيسي...حسيت روحي فديت عاللخر...خاصة شهر و لا فايت مبدلتش جو...غزرتلها نحكي
انا:سوار اسمعني انا باش نمشي توا...كمل لي قتلك عليهم باهي
سوار؛وين باش تمشي
انا:عندي شغل
سوار:متبقاش برشا خاطر منجمش نبقى وحدي هوني باهي
انا:باهي طمن
سوار:باهي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 17
هزيت روحي...طلعت لبيتي...حضرت روحي...ريقلت اموري...و نزلت...لقيتها طالعة في دروج...رجعت شعرها لتالي...تشوف معايا...محبيتش نحكي معاها...جيت باش نكمل ننزل...وقفتني تحكي
سوار:زياد
وقفت من غير ما نتلفتلها...خذيت نفس نحكي
انا:شنوة
سوار:مطولش برشا امان
انا:باهي
خليتها...و كملت نزلت...دوب ما وصلت للكرهبة...تلفت نشوف مع دار...نعرف ميلزمش نخليها وحدها...اما نعرف للمنطقة مأمنة و مش باش يصير علاها شي...و انا زادة نحب نخرج و نبدل جو...خدمت الكرهبة...و مشيت...منعرفش قداش بقيت نسوق...اصلا مفماش هوني بار و لا بواطة...خاطر البلاصة كي القرية...وقفت الكرهبة...بحذا محل يجي كي بواطة...لي يهمني نتفرهد و كهو...و اهم شي حد ما يعرفني هوني...خاطر من برا ظاهر لي يجو هوني ناس على قدهم...جيست يفرهدو على روحهم...هزيت روحي قربت منو...صوت الموسيقى واصل لبرا...اول ما دخلت جات عيني على طفلة تشطح...رقص شرقي و لا ندرا شنوة...مش مستانس برشا بهكا مناظر...بقيت واقف نشوف معاها...كيف تتمايل..و دور...اخر دورة جابتها عندي...ضربت فيا...وخرت خطوة لتالي...و رجعت شعرها بيدها...ترجع في نفس و تشوف معايا فرد وقت...شقرا...كيما نحب بالظبط...نزلت يدها حطتها على خصرها...و قربت ساقها شوية...تبسمت بدلال تحكي
هي:ظاهر فما ضيف جديد في ساحة
تبسمت على جنب...و غزرتلها...هزيتها من فوق للوطة...و رجعت ثبت في عينيها...جرأتها واضحة فيهم...الجرأة اللي حبيت نشوفها في عينين سوار...و لي لتوا منجمتش نوصلهالها...تبسمت على جنب...نشوف فيها وقفت سارفور بيدها...و غزرتلي تحكي
هي؛ويسكي و لا vin rouge
هزت كاسة من عندو و قربتها مني...و كملت تحكي
هي:اه اه مش ويسكي و مش vin...هوكا الموجود كهو...زعمة ضيفنا باش يتشرف يشرب منو
تبسمت على جنب...و نزلت يدي...بعدت يدها من وجهي..نزلتها من غير ما تكب شي من الكاسة... تبسمتلي تحكي
هي:ممم نسيت...فما شي اهم من هذوما الكل...فما زينة
قالت اسمها بالقاوي...خلا الكل يعاودو وراها...عرفت للكل هوني يجي على خاطرها...شربت الكاسة فرد مرة...و تلفتت تمشي...دبش الرقص لي لابساتو يتمايل معاها...قربت من اول طاولة عارضتني...رميت يدي جبدت كرسي قعدت عليه...حطيت ساق على ساق...نشوف معاها...رجعت تشطح...من واحد لواحد...كل حد يحاول يرمي يدو تجبد روحها لتالي...و عينيها عليا فرد وقت...للحظة خممت كان اخترتها هي في بلاصة سوار...شكان باش يصير...يمكن مهمتي تكمل في شهرين كهو...عندها كلشي...بدن...زين...جرأة...تكفي باش تكون لي نحب عليه...اما سوار عندها شي اهم من هذوما الكل...برائتها واضحة...تخلي اكبر حد فيهم يصدقها...سكرت عينيا و رجعت فتحتهم...لقيتها قدامي...هزت يدها...عدات صوابعها على خدي...خطفتها من يدها...قربتها مني...نحكي في وذنها
انا:انت قد لي تحاول تعمل فيه توا
زينة:كان عندك شكوك جربني
انا:اما انا شيختي من نوع اخر
زينة:نحب نجربها
انا:متأكدة
زينة:بالطبيعة
انا:هيا ملا
زينة:باش تصبر لنص ليل...لين نكمل خدمتي
انا:مش لازم برا بدل دبشك تو نتصرف انا
زينة:باهي مس اه شنوة اسمك
انا؛زياد
زينة:باهي
جبدت روحها مني...وخرت لتالي...هزيت يدي شاورت لسارفور هزيت منو كاسة...و حطيت فلوس عالصينية نحكي
انا:وصل هذوما لعرفك...و قلو حاجتي برقاصة متاعو ليلة
هو:باهي مسيو
نشوف فيها لبست فاست خفيفة و جاية عندي...شعرها طويل برشا...اما لونو اصفر...قربت مني تحكي
زينة:حاضرة يا باشا
عطيتها بظهري...نسمع في خطواتها...ورايا..دوب ما وصلت للكرهبة...غزرتلي تحكي
زينة:وه وه ملا كرهبة يا معلم
تبسمت على جنب...هزيت روحي ركبت...شوية و خالطت عليا...ركبت تحكي
زينة:وين باش نمشو
انا:اهم شي نقص اسئلتك...ثاني شي مهم انت تعرف لي جيت على خاطرو
زينة:و قداش باش تدفع
انا:لي تحب عليه
زينة:مممم نص مليون نظن مش باش تأثر فيك
انا:مليون و تسكت
زينة:ووووه...ياخي وين تلقا فيهم الفلوس هذوما الكل
انا:شقلنا عالاسئلة
زينة؛باهي باهي فهمنا
سكتت...و انا كملت نسوق...كان باش نهزها لدار توا نفجع سوار...خاصة و هي مش مستانسة بالحاجات هذوما...رجعت قلبت ثنية...نعرف المنطقة هاذي بالقدا...مشيت لاقرب اوتيل هوني...دوب ما وصلت...غزرتلها نحكي
انا:انزل
زينة:باهي
سبقتها دخلت...دوب ما وريتهم الكارت متاعي...عطاوني مفتاح البيت...خليتها مخالطة عليا...اول ما دخلنا للبيت...نحات الفاست متاعها طيشتها...غزرتلها بشطر عين...و كملت دخلت...نحيت الفاست متاعي...وقعدت على طرف سرير...قربت مني اكثر...قعدت على حجري...حطت يدها ورا راسي تحكي
زينة:باش نبقاو برشا قاعدين
هزيت يدي حطيتها على فخذها...و يدي لاخرى على جنبها قربتها مني اكثر نحكي في وذنها
انا:اللي باش يصير مش باش يعجبك برشا
زينة:اذا باش يجي منك باش يعجبني
تبسمت على جنب...جبدت روحها مني وقفت طفات ضو...و شعلت ضو الفيوز...وقفت مقابلتني...حلت بياس فوقانية متاعها...نحاتها و رماتها عالارض...ورجعت قربت مني...حطت يديها على كتافي...دزتني لتالي...بقيت مطاوعها فترة...خليتها تعمل لي تحب عليه...اما كيف وصلت لتوب...قلبتها تحتي...شبعت بيها...اما تفكيري...نحسو بعيد...مش معايا...برغم الطفلة لي بين يديا كيما نحب بالظبط...اما مش شايخ معاها...يمكن خاطر ستانست بميرال...منعرفش...اما صراحة...حتى زينة هاذي شيختها مش نورمال...و هذاكا لي حاجتي بيه ديما...الجرأة...جرأتها زايدة...و متعرفش الخوف...جبدت روحي منها تكيت لتالي...و سكرت عينيا...حسيتها كيف حطت راسها على صدري...تعدي في صوابعها عليه و تحكي
زينة:تعبتني راك
تبسمت على جنب...محبيتش نرجعلها...طلعت راسها غزرتلي تحكي
زينة:زياد تعرف اسمك فيه ياسر جرأة...و ياسر غموض و انا:كان تختصر الكلام هذا في شي اخر
زينة:في شنوة
انا:في طرح اخر
زينة:علاش لا
قلبتها تحتي...و نزلت عليها في طرح اخر...خاطر نعرف اليمات الجاية...مش باش نلقا وقت جملة...و مخي توا طاير في شيخة كهو...و معاد نفكر في حتى شي اخر
منعرفش قداش تعدا وقت...دورت راسي نشوف معاها...راقدة على كرشها و غاطسة في نوم...رميت يدي...هزيت تليفوني...طلعت لساعة...نلقاها 5 متاع صباح...ضربت في راسي سوار...ملا عملة..نسيتها جملة...زعمة تكون مليحة توا...نعرف لحد مش باش يقرب منها...اما زادة وصاتني اكثر من مرة...الدار وسط الغابة...و مفما حد بالطبيعة باش تخاف...هزيت روحي بالزربة...نلبس في دبشي...حسيت بيديها كيف دارو على صدري...تحكي بصوت النوم
زينة:مزال الحال...وين ماشي توا
نزلت يدي...بعدت يديها عليا...و جبدت روحي لتالي...و تلفت...غزرتلها...شادة الغطا بيدها...هزيتها و حطيتها...و نزلت هزيت الفاست متاعي...جبدت الفلوس لي كانو غادي الكل في يدها...منجمش نكتبلها شاك...باش حد ما يوصل يعرف عليا شي...دورتهم في يدها و رجعت طلعت فيا مفجوعة تحكي
زينة:ووواو زوز ملايين...مش تفاهمنا على مليون كهو
هزيت يدي...عديت صوابعي على خدها...نحكي
انا:خاطرك كنت قدها
زينة:ممم باهي...وقت تحب عليا تعرف بلاصتي
انا:لا المرة هاذي انت لباش جيني
زينة:و كيف باش يصير هكا
انا:وقت نحب عليك...فما شكون يجيبك عندي...و توا باش نمشي
زينة؛زيااد مطولش عليا برشا
انا:من لاكا الوقت تنساه اسمي باهي...و تنسا ليلة هاذي جملة
زينة:اما ميسالش نذكرك بيني و بين روحي
تبسمت على جنب...خليتها واقفة في بلاصتها...هزيت مفاتحي..و تليفوني...غزرتلها...و خرجت...مشيت بالزربة...دوب ما خدمت الكرهبة طرت بيها...خاصة و الدار مزالت بعيدة شوية...اول ما وصلت...هزيت روحي نزلت...قربت من الباب فتحتها...دار ساكتة...باز تكون راقدة...تلفت باش نسكر الباب...حسيت بحركة خفيفة في الصالة...عقدت حواجبي...دوب ما تلفت...نشوف فيها جاية تجري عندي...قبل ما نحكي ترمات عليا بكل قوتها...لين وخرت خطوة لتالي...كبست عليا تحكي و تبكي فرد وقت
سوار:ز زيااد وينك لتوا ياخي...ع علاش بطيت...مش قتلي شوية و نرجع...شبيك نسيتني هوني...علاش هكا ياخي
صوتها مخنوق من البكا...تحكي بالسيف...بقيت واقف في بلاصتي...مش مستوعب لقاعد يصير...اصلا اول مرة تحضني وحدة بالطريقة هاذي...منعرفش علاش قلبي دق بالقاوي...سكرت عينيا بالقاوي و رجعت فتحتهم...هزيت يدي متردد...كابس على بونية متاعي باش منحطهاش علاها...طلعت راسها شوية...تشوف معايا....ضو الشمس لي بدات تطلع داخل من بلار الشباك...ضارب في وجها...وجها لاحمر من البكا...عينيها منفوخين...جبدت يديها شوية من ظهري...من غير ما تهزهم...كبشت بيهم على جنابي...ورجعت تحكي
سوار:خ خايفة برشا...علاش خليتني...قتلي باش ترجع بكري علاش كذبت عليا ياخي وين كنت لتوا
بقيت نشوف معاها...منعرفش كيف هزيت يدي...قربتها من خدها...عديت صباعي تحت عينها...مسحت دمعتها قبل ما طيح...جيت باش نحكي قصت عليا...كيف رجعت حضنتني...حطت راسها على صدري...و كبشت بيديها اكثر...تروهجت...منعرفش شنوة لقاعد نحس بيه...تي اول مرة نحس هكا...و لا مرة وصلت نتحط في الموقف هذا...و لا وحدة جرأت قربت مني بالطريقة هاذي...نحس في روحي ضايع...نعرف غلطت...اما منعرفش كيف باش نواسيها...هزيت يدي بالسيف...حطيتها على ظهرها متردد...كبست عليا اكثر...خذيت نفس نحكي
انا:يزي وفات
سوار:هأة موفاتش...باش نموت من الخوف راني
تحكي في صدري...صوتها مزال مخنوق...هزيت يدي من ظهرها...لشعرها...نعدي فيها و نحكي
انا:منجمتش نجي بكري...كانت عندي خدمة...على هذاكا طولت
جبدت روحها مني شوية...طلعت فيا غزرتلي...تحكي
سوار:و باش تمشي كل يوم ياخي...كان هكا هزني معاك...المرة الجاية...خفت برشا...قص ضو...و سمعت اصوات برا...و
هزيت يدي...حطيت صباعي على شفافها...سكتها نحكي
انا:ششش مش باش تتعاود الحكاية...معادش تخاف باهي
هزتلي براسها باهي...تشوف معايا...نزلت يدي عليها...عديتها على شعري بتوتر...نحكي
انا:برا ارتاح توا
سوار؛مش باش تمشي مرة اخرى...مش هكا...و كان مشيت هزني معاك
انا:باهي متخافش باش نبقى هوني
سوار:مش باش ندربو ليوم
انا:باش ندربو اما برا ارقد شوية
سوار:باهي حتى انا مرقدتش جملة
انا:باهي
تبسمتلي...و هز يدها مسحت دموعها...تلفتت عطاتني بظهرها...بقيت نشوف معاها...طالعة في الدروج...شعرها...واصل لخصرها...اكحل...و لا مرة عجبني لون هكا...اما شعرها تحس انو فيه سحر خاص...مزالت بروب اللي لبستها البارح...كنت باش نطلع...اما رجعت بخطواتي لتالي...دخلت لصالة...ترميت عالفوتاي...تكيت راسي لتالي...نحس في راسي باش يطرشق...تذكرت كيف قاتلي نمشي معاك...شدني ضحك...اصلا كان تعرف وين كنت...معادش تنجم تطلع فيا جملة...نعرفها تموت بالحشمة...مزلت نحس بكبسة يديها على جنابي...تنهدت بالقاوي...نهرب في الافكار اللي قاعدة دور في راسي...نعرف كان باش نقرب منها باش نستغلها كيفها كيف غيرها...و باش نحرقها اكثر...و هذا مش من ضمن اللعبة...منجمش نقرب منها...خاطر عجبتني...و لا خاطر نحب نجرب نوع جديد من بنات...خاصة و انو لتوا نحب كان الشقرا و الروجية...هزيت يدي كبست على راسي...نحكي مع روحي"عجباتك كان سوار هوكا برشا كيفها و جرب على روحك"...مش من عادتي...انو نحب على شي و منجمش نوصلو...اما المرة هاذي مش منجمتش...انا لي نمنع في روحي..منحبش ندخل الحاجات هذوما في الخدمة...منعرفش قداش بقيت قاعد...مجانيش نوم جملة...طلعت لساعة...ديجا تعداو 3 ساعات...هزيت روحي...طلعت لبيتي...عملت دوش تفرهدت بيه...تعدات زينة بين عينيا...تبسمت على جنب...و الله طلعت مش نورمال الطفلة هذيكا...دوب ما كملت...بدلت دبشي...ريقلت اموري...و خرجت...جيت باش ننزل...اما رجعت لتالي...قربت من بيتها...باب مفتوح...شطر...كملت دزيتو و دخلت...قربت شوية من سريرها...جيت باش نفيقها...اما رجعت يدي لتالي...نشوف معاها...حاطة يدها تحت خدها و غاطسة في نوم...خشمها مزال احمر...تبسمت...منظرها ضحكني...نزلت علاها شوية...بعدت شعرها لتالي...و نزلت لكتفها نفيق فيها و نحكي
انا:سوار سوار
سوار:ممم
انا:فيق يزي من نوم يكفي كهو
سوار:م منحبش سيبني
انا:كان متفيقش توا...باش نخرج و نخليك هوني
طيشت كلامي...و جبدت روحي...تلفت باش نمشي...شدتني من يدي تحكي
سوار؛متمشيش هاني فقت
وقفت في بلاصتي...خذيت نفس...جبدت يدي منها تلفتلها نحكي
انا؛ياهي حضر روحك...نستنا فيك اللوطة
سوار:فما تدريب اليوم
انا:لا باش نعلمك شوية سواقة...لتوا مامشاتش يدك فيها
سوار؛باهي برا انت حضر شي ناكلوه...و انا شوية و نلبس
انا:باهي فما اوامر اخرى
سوار؛حضر معاك تاي عيشك...نحب نشربو عالصباح
انا:و تاي زادة
سوار:مممم مش انت خليتني البارح وحدي...من وقتها ما كليت شي والله...صدقني
انا:باهي هيا فيسع
سوار:عيشك زياد
تبسمتلي...بقيت نشوف معاها شوية...قاعدة على ركايبها...روب طايح كتفها...شعرها داخل بعضو...عديت يدي على شعري...عطيتها بظهري...و خرجت من البيت...منحبش نغطس في افكاري اكثر نزلت اللوطة...حضرت الفطور...و زيد تحب على تاي...هوكا وليت سارفور و طباخ عقاب عمري...دوب ما كملت حضرت طاولة..نشوف فيها داخلة...لابسة روب في الروز عند الركبة...حاطة شعرها على جنب...قربت مني تحكي
سوار:حضرت تاي ياخي
انا:ممم
سوار:باهي مرسسي اقعد تاكول معايا
انا:و نقعد زادة
سوار:بالطبيعة مش انت حضرتها الطاولة
انا:باهي تأمر
سوار:عيشك
جبدت الكرسي...قعدت...نشوف معاها ديجا غطست في صحن...وقت تشوف الماكلة...تنسى كلشي...تي حتى شعرها تشدو بيدها باش ميقلقهاش...حكيت لحيتي...و نزلت عينيا لصحن...احسن شي نحي الافكار اللي قاعدة دور في مخي...و نىكز مع الخدمة كهو
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 18
اول ما كملت...هزيت روحي وقفت...غزرتلها نحكي
انا:هيا باش نمشو
سوار:لحظة شبيك مزروب
انا:ياخي ساعتين عالطاولة
سوار:شنعمل مشبعتش جملة...و انت زادة ما كليت شي...لاحقين عالسواقة لحظة نكمل صحني
بقيت نشوف معاها...رجعت تاكول...خذيت نفس...و قربت منها...شديتها من يدها...قومتها بالقاوي...حاولت تجبدها تحكي
سوار:زيياد شبيك ياخي...بالعقل...خليني نكمل
انا:لاحقة علاها امشي قدامي توا
سوار؛منحححبش سيبني خنكمل ناكول...سخطة هذا سيبني نقلك...و الله لا راني متحركة قبل ما نكمل صحني
كبست على يدها اكثر...جبدتها قدامي...شعرة لطاحت...رجعتها عندي...شعرة لا ضربت فيا...شعرها طاح على وجها بالكل...رجعاتو بيدها...غزرتلي مصدومة...رخفت يدي دزيتها شوية لتالي...قحرتلها نصيح
انا:يزززي من تفوريخك و امشي...مكانش باش يكون عندي تصرف اخر معاك فهمت
بقات تشوف معايا شوية....ركحت شعرها...و كبست على يدها...عرفتها توجعت...غزرتلي ندرا كيف...اما منجمتش نتحكم في اعصابي اكثر...منعرفش علاش نصرفت هكا...حسيتها تربثت و خافت فرد وقت...عديت يدي على وجهي بالزربة نحكي
انا:خف رووحك
هزت يديها زوز...عدلت روب...و قربت مني خطوة...عطيتها بظهري و جيت باش نخرج...على تلفيتي...نشوف فيها هزت زيتونة من صحن...و خالطت عليا...زايد الكلام معاها...داها في كرشها...وصلت للكرهبة...نشوف فيها جاية...قبل ما توصل عندي...نزلت لوطة...تسكر في كوردون الكونفارس...جات عيني على صدرها...فيقتني من سرحتي كي وقفت...منعرفش شبيني زح...نفخت نحكي
انا:فييسع
سوار:هاني وصلت...برا اركب انت شبيك واقف هوني
هزيتها و حطيتها...عطيتها بظهري...ركبت فالكرهبة...ركبت بحذايا...قربت الكرسي...و حطت الحزام...حطت شعرها على جنب تحكي
سوار:وين باش نمشو
انا:امشي برك
سوار:باهي
خدمت الكرهبة...و مشات...عالاقل تعلمت شي من غير ما تغلط فيه و لا تسألني...تسوق بعقلها...تي مش بعقلها كهو...كان باش نبقاو عالحالة هاذي...مستحيل نوصلو لشي بلاصة...غزرتلها نحكي
انا:زيد في الفيتاس
سوار:علاش
انا:خاطر لتوا مزلنا بحذا الدار
سوار:و كيف باش نزيد الفيتاس ياخي
انا:تول نسيتها هاذي
سوار:باهي باهي تو نزيد
نزلت راسها تشوف اللوطة...شدييت الفولون نصيح
انا:قتلللك معادش تطلع اللوطة
طلعت راسها مفجوعة غزرتلي...سيبت الكرهبة الكل...شديت الفولو دورتها نحكي
انا:شد الفران فيسع
بقات تشوف معايا...تزهبلت...و معرفاش شتعمل...رجعت نصيح اكثر
انا:سوااار شد الفران
سوار:ب باهي اتو
حطت يدها فوق يدي عالفولون...كبست عليا...شدت الفران بالقاوي...تهزت و تحطت...جات باش تخبط راسها في الفولون...رجعتها بيدي لاخرى...تكات لتالي...ترجع في نفس تحكي بالسيف
سوار:ح حبستها سايي
انا:شبيك ياخي...تو نورمال انت تسوق هكا
سوار:ش شبيك تصيح عليا من الصباح ياخي...ماك تعلم فيا...و اصلا الكرهبة هاذي كبيرة برشا...معادش نحب نسوق فيها...ديما تغلبني...معادش نحبها جملة
منزلة راسها تحكي...غالبها صوت البكا...نفخت بالقاوي...نعرف كثرتلها...اما بالسيف علاها...بازمها ترجع اقوى...بالسيف علاها تفهم اللي قاعدة تعمل فيه...لا الصياح...و لا المواقف كيما هاذي...تضعفها...نحب الدموع هذوما تنساهم جملة...كيما انا نسيتهم من زمان...نحبها تدفن جرحها في بلاصة بعيدة...تضعف وقت تبدا وحدها...بينها و بين روحها...قد ما سخفتني...غزلتني فرد وقت...فايت شهر مزالت تخاف...مزالت شخصيتها ضعيفة...كبست على سنيا...نطرت يدي من تحت يدها...حسيتها تفجعت اكثر...حطت يدها فكت الحزام...و جات باش تحل الباب و تنزل...وقفتها كي شديتها من يدها...جبدتها عندي...نزلت بيديا لزنودها...كبست عليهم...قربتها مني عاللخر...لين صار نفس متاعي على وجها...غرست صوابعي فيها نحكي
انا:يزي سوار يزي...لازمك تكون قوية اكثر...افهم معادش فما وقت...الوقت قاعد يلعب بينا و انت معرفتش تستغلو...كيما حاولت معاك...متحبش تجاوب معايا...كان باش تبقى بالطريقة هاذي...نظطر باش نتصرف معاك تصرف اخر...تصرف يخليك تندم برشا فهمتني
بقيت نشوف معاها...حسيت برعشتها...نفسها قوا في وجهي...تروهجت...اي تروهجت منعرفش علاش...علاش قربها بالظبط يقلقني...و يخليني نخمم في حاجات اخرى غير الخدمة...نزلت عينيا لشفافها...يرعشو...رجعت غزرتلها لقيتها تشوف معايا...ندرا كيف...قربتها مني اكثر...و كملت نحكي
انا:فهمتنيي معادش نحب نعاودو الكلام هذا
هزتلي براسها باهي...رجعت نزلت عينيا لشفافها...قربت ليها اكثر...غمضت عينيها...كنت باش نبوسها...سكرت عينيا و رجعت فتحتهم..عديت عينيا على وجها بزربة...للحظة ستوعبت لكنت راح نعملو...رخفت يديا زوز علاها...جبدت روحي منها...خذيت نفس...منعرفش كيف وصلت خممت هكا...احسن شي شديت روحي علاها...غزرتلها..مزالت جامدة في بلاصتها...حلت عينيها...تشوف معايا..مصدومة و مستغربة فرد وقت...قحرتلها نحكي
انا:هيا حرك روحك توا
هزتلي براسها باهي..ورجعت ركحت روحها في الكرسي...بقيت نشوف مع يديها يرعشو وحدهم...خذيت نفس نحكي
انا:ركز كهو...كيف تركز شي ما يغلبك
سوار؛باهي
انا:هيا ملا
رجعت شعرها لتالي...خدمت الكرهبة...حسيتها تكبست شوية...و عدلت روحها...خرجنا لطريق...جبدت تليفوني...باش نبعث ميساج لشكون...حسيت بالكرهبة حبست...طلعت راسي...نشوفها فتحت البلار...و فكت الحزام...تحكي مع طفلة ميتعداش عمرها ست سنين اكاكا...تبيع في لي بابيي موشوار...تغزر فينا زوز و تحكي
هي:تنجمو تشرو عليا ياخي
سوار:شبيك قاعدة تبيع هوني...وين داركم
هي:بابا مريض...مينجمش يمشي...و انا قاعدة نعاون في امي
سوار:مش باهي راهو..لازمك تتلهى بقرايتك اول شي و انت مزلت صغيرة على شي هذا
هي:نعرف اما نجي بالسرقة على امي...تنجم تعاوني و تشري عليا
سوار؛باهي اتو
تلفتتلي تحكي...مكنتش مركز برشا مع حديثهم...خاطرني لاهي بالتليفون
سوار؛زياد
انا؛مممم
سوار:تنجم تعطيني فلوس ياخي
طلعت راسي...نشوف معاها...محبيتش نسألها برشا...الفلوس لي بقاو في الفاست عطيتهملها...نحكي
انا:خف روحك معادش فما وقت
سوار:باهي
في بالي باش تعطيها...اما فتحت الباب و نزلت عندها...حطيت تليفون و نزلت وراها...وقفت وراهم..حطيت يديا في مكاتبي...نشوف معاها..طابست علاها تحكي
سوار؛شاسمك ياخي
هي:وفاء
سوار:وفاء قداش تبيعني هذوما الكل
هي:باش تشريهم الكل
سوار؛ممم الكل
هي؛علاش
سوار؛مممم خاطرني نبكي برشا و مخنانة على هذاكا باش ينفعوني
هي:علاش عمو يبكيك برشا هو
تلفتت غزرتلي...ندرا كيف...ورجعت تلفتتلها تحكي
سوار:لا مش هو...اما انا نتأثر برشا
هي:اما منعرفش قداش يجو هذوما الكل
سوار:مممم هات نحسب عليك
شدتهم عليها حسبتهم...و عطاتها فلوس في يدها تحكي
سوار:وفاء برا لداركم توا...و معادش تخدم صنعة هاذي مزلت صغيرة...و العباد مترحمش باهي
هي:باهي عيشك طاطا...باش نمشي توا
سوار:وين تسكن ياخي
هي:هوكا ورا الجامع هذاكا
سوار:باهي يا روحي
باستها...ووقفت...تشوف معاها...شاورتلها بيدها...و قربتلي...مدت يدها...فيها باقي الفلوس..غزرتلها نحكي
انا:علاش معطيتهملهاش الكل
سوار؛مش لازم انا عطيتها حق لي بابيي كهو
انا:شنوة لي يمنع
سوار؛باش ما تتعلمش تمد يدها لناس...و تاخو حقها كهو...كنت نجم نعطيها الفلوس هذوما الكل...اما بوها و امها باش يصدقوها...اللي هي خذاتهم منا...لا..حد ما راح يصدقها...على هذاكا نحبها تبقى على نياتها و احنا نجمو نعاونوها من بعيد..و زادة هذوما باش ينفعوني برشا
هزيتلها براسي باهي...قربت مني الفلوس اكثر...شديتهم علاها...تبسمتلي تحكي
سوار؛باش نمشو توا
انا:مممم
تلفتت باش ترجع للكرهبة...وقفتها نحكي
انا:انا باش نسوق
سوار:باهي احسن
حسيتها تفرهدت...تبسمت على جنب..و انا نشوف فيها تجري باش تركب...خالطت علاها...طرت بالكرهبة...رجعت لدار...اول ما وصلنا غزرتلها نحكي
انا:برا بدل دبشك و انزل
سوار:علاش
انا:باش تدرب عالسلاح شوية...و اول ما يوفا شهر فما حاجات جديدة لازم تتعلمها
سوار:شنية الحاجات هذوما
انا:يزي من اسئلتك و برا بدل دبشك
سوار؛منحبش باش ندرب هكا
انا؛هيا قتلك
سوار:والله تاعبة عاللخر...خليني ندرب هكا...جرد سلاح باش نبدل دبشي على جالو
اما:جرد سلاح
سوار:مممم
انا:باهي انزل قدامي خنشوفك
سوار:باهيي
نزلت من الكرهبة...نزلت نمشي وراها...نشوف معاها...نعدي في عينيا على بدنها من بعيد...روب فوق الركبة شوية...كونفارس في لونها...و شعرها واصل لخصرها...بدنها متناسق...اول مرة نركز مع طفلة سمرة...لهدرجة...اول ما وصلنا...تلفتتلي تحكي
سوار:وينهم دبابز ياخي
انا:تو نحطهم
سوار:نحب نعاونك
انا:باهي هيا
هزتهم معايا...وصلت باش نحطهم غزرتلها نحكي
انا:ابقى غادي...القزاز في كل بلاصة
سوار:باهي
ركحتهم الكل...ورجعتلها..جبدت الفرد حطيتو في يدها نحكي
انا:نفس القوانين لي علمتك عليهم
سوار:باهي
هزت سلاح مني...و صاوبت على دبابز لي غادي..و قوست...ندرا رصاصة وين راحت..اما و لا دبوزة طاحت...قحرتلها نحكي
انا:جرد سلاح
سوار:مممم شنعمل منجمتش نصاوب مليح
انا:باهي ايجا هوني...قربت مني...حاوطتها من تالي..نزلت علاها اكثر...غطست في وسط شعرها...حطيت يدي عليه جبدتو على جنب...تعدا طراف صوابعي على رقبتها...حسيتها رعشت...كبست عليها اكثر نحكي
انا:ركز...خلي هدفك بين عينيك كهو...شي تحب توصلو و لازمك تجيبو...ذكر انك لازم تخرج رابحة و كهو
سوار:على اما وحدة نصاوب
انا:لي تحددها انت
سوار:باهي
كبست عالفرد اكثر في يدها...دورتها شوية...و نزلت نحكي في وذنها
انا:صاوب...هيا
سوار:باهي اتو
انا؛ركز برك
كبست عالزناد...جات الرصاصة في دبوزة...رخفت يديا علاها...وخرت لتالي...نحكي
انا:هيا لي قدامها توا.
سوار:وحدي
انا:مممم نعرفك تنجم ركز فاها...حط اكثر شي حاقد عليه بين عينيك...و تحب تنهي حياتو برصاصة هاذي...الهدف لي في راسك هو اللي باش تقوصو...مش جرد دبوزة كهو...هيا سوار...لازمك تكون قوية...صاوب هيا لازمك تنجح المرة هاذي
دوب ما كملت كلامي....كبست عالزناد...و المرة هاذي نجحت وحدها...رصاصة جات في بلاصتها...رخفت يديها زوز..نزلتهم...قربتلها نشوف معاها...دمعة نزلت منها...وجها متبدل... مزالت مركزة...بعيد...عرفتها تذكرت شي...و لا انا ذكرتها بشي بكلامي...كلامي وجعها...خلاها تعرف شنوة هدفها...ردة فعلها عطاتني فرصة نعرف كيف نتعامل معاها...كيف نخليها متوحشة بريئة فرد وقت...هذا الكل باش يصير وقت هي تتوجع كهو...وقت تتوجع تقسى اكثر...و هذا لي حاجتي بيه توا
سوار تحكي:
نحس في يديا زوز يرعشو...مزال مهديتش...للحظة اكا الليلة تعدات بين عينيا...صوت زياد...تخلط مع صوتو داخل راسي...حسيتو هو اللي قاعد يحكي معايا...كانو يحب يقلي...لانت ضعيفة و انا تمكنت منك خاطرك ما تسوا شي...من القوة لي كسبتها للحظة...حسيتها طاحت في الما...حتى كيف رجعت صاوبت...منجمت نضرب حتى دبوزة منهم...حسيت بيدو...تحطت على يديا زوز...فك السلاح مني يحكي
زياد:يكفي...برا ارتاح توا
مرجعتش عليه...نزلت يديا...نشوف لبعيد...تفكيري بعيد برشا...اسئلة كبست على مخي...علاش انا هوني...و شنية سبب لوصلني...و علاش رضيت بالخدمة هاذي...علاش خليت حياتي...الاسئلة هذوما الكل عندهم جواب واحد...لي هو مغتصبي...هو سبب في كلشي وصلتلو انا توا...اما سؤال واحد كهو هو اللي باش يجاوبني عليه...علاش اغتصبني...علاش دمرني...و الاهم من هذا الكل شكون هو...باش عمل فيا هذا الكل...و باش نوصل للاجوبة هذوما زياد هو الحل...هو لي باش يوصلني ليه...باش يخليني ناخو بحقي منو...اما قبل هذا الكل...يلزمني نعمل على روحي اكثر...خذيت نفس...من النسمة...بردت بيه خاطري...و تلفت ورايا...لقيتو مشا على روحو...تي نموت و نعرف كيف يمشي بلا ما نحس بيه السخطة هذا...هزيت روحي رجعت لدار...دريكسيون للكوجينة...صحيح باش نعمل اكثر...اما مش على حساب كرشي...اهم شي عندي اني ناكول...اول ما شبعت...مشيت للبيت اللوطة...سكرت الباب...تكيت عالطاولة...ندور في عينيا...عالتصاور لي عالحيط...تقريبا...نعرف الشخصيات الكل...خاصة الشخصية الاولى و الثانية....خاطرو مرتبهم...قربت لاخر تصويرة...نشوف معاها...فما تصويرة وحدة كهو ليه...عكس لاخرين...لتوا ما نعرف عليه شي...و اسم مش ضمن القائمة...و لا في CD استغربت...لما محاولتش نركز برشا...نعرف وقت يبدا حاجتو بيه...يخبرني عليه...عديت باقي نهار غادي...نربط في الاحداث بينهم...و نشوف في دوسيات لي فما...حسيت بالباب فتح...طلعت راسي نشوف معاه...هاز كاس في يدو...سكر الباب بساقو...و غزرلي يحكي
زياد:مش كانك طولت برشا هوني
انا:لا عادي
زياد:ممم باهي
انا:زياد نجم نسألك
زياد:شفما
انا:اللي في تصويرة تالية...شكونو
زياد:علاش سؤال
انا:خاطر مفما حتى شي يخصو...لا في دوسيات لي هوني...و لا في CD...و بحكم انت قتلي لازم تعرفهم اكثر من روحك...هاني نسأل فيك
زياد:هذاكا نحيه من بالك جملة...يخصني انا كهو...و انت برا اتلهى في اللي قتلك عليهم
انا:باهي
زياد:برا تعشى و طلع ارتاح...يزيك ليوم
انا:كي العادة حتى سمحتلي نرتاح
زياد:خاطرك باش تفيق بكري...و نظن بعد تدريب قبيل مكنتش قد بعضك
انا:لا جيست تعبت...باش نمشي توا
زياد:باهي
رجعت شعري لتالي...تعديت عليه باش نخرج...وقفني يحكي
زياد:شكونو ؟
تلفت نشوف معاه...سؤالو روهجني...خذيت نفس نحكي
انا:شكون ؟
زياد:لي وصلك لهوني...لفكرت فيه توا
تبسم على جنب...قلبي دق بالقاوي...منعرفش علاش...نحس فيه باش يخرج من بقعتو...بدني رعش...و ساقيا رخفو...شعرة لا لعبت بيا الدوخة...منعرفش علاش السؤال هذا منو هو بالظبط...دخلني بعضي...طلعت عينيا...غزرتلو...مفهمتش نظرتو ليا...للحظة حسيتها نظرة احتقار...استهزاء...خرجت صوتي بالسيف نحكي
انا:ممنعرفش
تلفت...و خرجت من غير ما نستنى كلامو...سكرت الباب...و كبست بيدي عالبواني...دمعتي لكنت حاصرتها نزلت...مزال قلبي يدق بالقاوي...محملتش نظرتو ليا...اصلا شنتوقع منو..و لا من غيرو...كان بابا مصدقنيش...شنية نستنا من غيرو...حسيت بوجيعة...وجيعة في قلبي من داخل...رخفت يدي عالبواني...عديتها على خدي...كبست روحي...و طلعت لبيتي...نحيت الكونفارس...دورت يديا نحل في حزام الروبة...منجمت ناكول شي...سكرت عينيا...و رجعت فتحتهم...منجمتش نتقبل نظرتو هذيكا...تي فاش يستتخايل في روحو...اععع مخيب نظرتو...قداش فددني و عيفني في روحي...هزيت روحي دخلت لبيت البانو...حليت السبالة...نشوف مع الما...هزيت ساقي...دخلت للبانو...هزيت راسي الفوق...الما لي مسيب على وجهي...تخلط مع دموعي...عديت يديا الزوز على بدني فوق الروب...للحظة الاحداث الخايبة هذيكا تعدات في مخي...قرابة شهرين...حاولت نتناسى فيهم...و هو زادة و لا مرة سألني عالحادثة هذيكا...منعرفش قداش تعدا وقت غادي...حسيت روحي تهديت...هزيت روحي خرجت..دورت عينيا نفركس عالكاب مفماش...ذكرت كيف دوشت صباح خليتو فالبيت...رجعت خرجت للبيت...هزيت منشفة عالفوتاي حطيت على شعري نشيح فيه...بردت عاللخر...اول ما وصلت للقاردروب فتح الباب...دورت راسي نشوف معاه...كان باش يحكي...اما سكت كيف شاف حالتي...بقا يشوف معايا...هزني و حطني اكثر من مرة...جات عيني في عينو غزرلي ندرا كيف...عكس قبيل...اما مزلت مغزلة عليه...مزلت منرفزة منو...قحرتلو نحكي
انا:زياد شفما ياخي
فاق من سرحتو...كيف عدا يدو على شعرو من تالي يحكي
زياد:ممم شبيك متعشيتش
انا:خاطرني شبعانة
زياد:انتي
انا:مممم
زياد:باهي...برا بدل دبشك و ارقد
انا:باهي
رجع هزني و حطني...و خرج من البيت...تلفت للقارد روب...جبدت بيجامة...حطيتها عالسرير...باش نفتح روب..جات عيني عالمراية...نشوف مع روحي...الروب لاصقة على لحمي...مفصلتني...و اكثر من هكا طالعة برشا...ملا تبهديلة...على هذاكا بقا باهت...نحيتها بالزربة...بدلت دبشي...و ترميت عالسرير...جبدت الغطا عليا...و غطست في نوم...من غير ما نفكر في حتى شي اخر
زياد:يحكي
شهر...بقا شهر كهو...و تبدا اللعبة الحقيقية...اليمات لي تعدات...حاولت نقوي فيهم سوار اكثر...صحيح لتوا مش كيما نحب...اما احسن ببرشا...اهم شي انها تفهم فيسع...جيست خوفها لكان مسيطر عليها...و كل مرة نوجعها بكلمة...تتقوا على روحها اكثر...مكنتش نحب نوصل للpoint هاذي اما خوفها جبرني نتعامل معاها هكا...فقت الصباح...بالسيف...رميت تليفوني...نشوف مع ساعة لقيتها 6 متاع صباح...هزيت روحي لبيت البانو عملت دوش...و نزلت لوطة...محبيتش نفيقها خاطرها تعبت برشا البارح...اول ما وصلت اللوطة...عقدت حواجبي...كيف حسيت بحركة خفيفة في الكوجينة...قربت منها دخلت...لقيتها تحط في الفطور عالطاولة...غزرتلي تحكي
سوار:بونجور
انا:بونجور...شنوة لي صار باش فقت بكري
سوار:طار عليا نوم
انا:ممم باهي
سوار:اقعد تفطر
هزيت الكرسي...قعدت...قعدت مقابلتني...بقيت نشوف معاها...اول ما قعدت غطست في الصحن..تاكول و تتبنن...عديت يدي على شعري...شهر كهو مزال...زعمة يكفي...خاصة و فما برشا حاجات لتوا سوار متعلمتهمش...حاجات مش انا لنعلمها فيهم...ميرال كهو لي تنجم تعاوني...و كهو ميرال لي نجم ناثق فيها في موضوع هكا...اما اللي متأكد منو انو قدوم ميرال لهوني...فيه خطر كبير...و باش يعقد الامور اكثر...و الوقت يجري...و مش لصالحي...و سوار لازمها بعد 3 اشهر تكون حاضرة...حبيت و لا كرهت...شي اكبر مني...و باش نثبتو...كملت فطرت...و غزرتلها نحكي
انا:الحقني لصالة عندنا فاش نحكو
سوار:باهي اتو نلم طاولة
انا:قتلك توا
سوار:باهي
مشيت لصالة...ترميت عالفوتاي...نشوف معاها جاية...وقفت مقابلتني...لابسة سالوبات جين...و كونفارس بيضة...شعرها ضافراتو على جنب...حقيقة ستيلها مش خايب...اما لازمو تعديل...خاصة في المجال اللي باش تكون فيه...عملتلها جاست بيدي باش تقعد...ضميت يديا نحكي
انا:في بالك لي بقا شهر كهو
سوار:ممم نعرف و هاني نعمل في المستحيل باش نثبت روحي
انا؛ميكفيش
سوار:شنعمل اكثر
انا:باش نسألك و انت جاوبني
سوار:باهي
انا:حضرت حفلات من قبل
سوار:قصدك الاعراس
انا:لا حفلات رجال الاعمال...و اعياد الميلاد و اكا الريق
سوار:لا و لا مرة
انا:باهي و بالنسبة للرقص...شنية تعرف
سوار:كان تحكي عالرقص متاع اكا الحفلات باش نقلك ما نفهم فيه شي...و لا مرة جربتو
انا:باهي باهي برا حضر روحك
سوار:وين ماشيين
انا:باش تدرب
سوار:باهي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 19
تكيت لتالي...استندت بساقي عالحيط...نشوف معاها...كيف هازة سلاح...صحيح لتوا ممشاتش يدها مليح...اما احسن من قبل ببرشا...هزيت تليفوني...جيت باش نكلم ميرال...اما تراجعت في اخر لحظة...كان نكلم ميرال توا...باش نحل على راسي باب متاع اسئلة مش وقتها جملة...صحيح باش تعرف بسوار اما مش توا...عديت يدي على وجهي بالزربة...لازم شكون يعاونها في برشا حاجات مشيتها و لبستها و كلامها...و باش تتعلم فيسع لازم طفلة كيفها...تعلمها...كيما لازم في اسبوع كهو تتعلم الحاجات هذوما...نفخت و هزيت تليفوني...نكلم واحد من رجالي...يشوفلي شكون و يبعثها...في لحظة عقدت حواجبي...و حكيت لحيتي...ضربت في راسي طفلة متاع اكا نهار...تي حتى اسمها مش معدل عليه...نسيتو جملة...اما توا و في الوقت هذا هي كهو لي تنجم تعاوني...عدلت روحي وقفت...غزرت لسوار...لقيتها تحط في رصاصات...وقفتها نحكي
انا:سوااار
سوار:شنية
انا:حط من يدك و ادخل لدار توا
سوار:علاش شصار
انا:انا باش نمشي في قضية...و انت برا اعمل شي اخر لين نرجع
بقات تشوف معايا شوية...عوجت فمها...و قربت مني...حطت سلاح في يدي تحكي
سوار:وين ماشي توا انت
انا:سوار متهبلنيش قتلك قضية و نرجع
سوار:لا باز باش تتأخر كيما اكا المرة...و تخليني وحدي...و زادة انت لي تحتاجو فما شكون يجيبو علاش باش تمشي و تخليني هوني وحدي..منغيضكش ياخي
بقيت نشوف معاها...راخية شفايفها و تحكي معايا..ياخي تستعطف فيا هاذي...مجنونة بالحق...منعرفش على روحي كيف تبسمت على جنب...ريقلت سلاح في يدي...و حطيتو ورا ظهري نحكي
انا:متخافش المرة هاذي باش نرجع بكري
سوار:هأة نجي معاك
انا:باش تدخل لدار و تكمل خدمتك
سوار:والله ما نخدم شي هاني باش نبه عليك
انا:صار
سوار:مممم
انا:سواار هيا قتلك
سوار:افففف باهي
انا:سوااار
مرجعتليش...طبست راسها...و سبقتني تمشي...خالطت علاها نمشي وراها...اول ما وصلت للكرهبة...تلفتلي مشبكة يديها...خصلات شعرها طاحو على وجها...عضت شفتها لوطانية..ورجعت رخفتها تحكي
سوار:منحبش نبقى وحدي
بقيت نشوف معاها...طلعت حاجبي مستغرب في حالتها...طلعت راسها غزرتلي...و كملت تحكي
سوار:زياد امان امان
نفخت بالقاوي...نهرب في عينيا منها...دخلت بعضي...منعرفش شبيني...رجعت غزرتلها...لقيتها مزالت تغزرلي...خذيت نفس نحكي
انا:باهي اركب
سوار:بالحق
قحرتلها...ضحكت ورجعت شعرها لتالي تحكي
سوار:باهي باهي
عطيتها بظهري ركبت...ركبت قدامي...حسيتها شاخت عاللخر..نعرف مخها هزها لاكا ليلة...و في بالها باش تبقى وحدها...كيما نعرف لهي تحب تبدل جو زادة...خدمت الكرهبة محبيتش نركز معاها برشا...نزلت البلار تحكي
سوار:زياااد
انا:ممم
سوار:ياخي فانا ولاية احنا توا و شاسمها البلاصة هاذي
انا:ميهمكش
سوار:شبيك عاقدها جرد سؤال راهو
مرجعتلهاش...قحرتلي...و تلفتت للبلار...خرجت وجها و يديها زوز...مستمتعة بالنسمة...محبيتش نتلفتلها...اما في لحظة...حسيت خصلات شعرها...دغدغوني في خدي و رقبتي...تلفت شوية جاو في وجهي...الريح لي داخل من شباك...خلا شعرها خصلات شعرها يوصلو لوجهي...هزيت يدي نبعدهم اما شي...نسمة كانت قاوية...كبست بيديا عالفولون...و لفت وجهي نحكي
انا:سواار
مسمعتنيش...باقية تمشي في يديها مع النسمة...شايخة عاللخر...كبست عالفولون اكثر نصيح
انا:سوااار
جبدت روحها...و تلفتتلي...تغزر فيا مفجوعة تحكي
سوار:شفما
مرجعتلهاش...هزيت يدي سكرت البلار من عندي...قحرتلي تحكي
سوار:علاش سكرتو ياخي
انا:شد بلاصتك و اسكت
سوار:منحبش...افتحو شبيك سكرتو ياخي
انا:اسكت
سوار:منسسكتش...افتحو توا...شبيك ديما عاقدها...ياخي نحب نطل افتحو
انا:سواار شنية حكايتك اليوم انتي
سوار:شي...نحب نطل...علاش سكرتو...كنت متفرهدة و عاملة جو...هبط البلار امان
انا:لا و سكر فمك خليني نعرف نسوق
سوار:لا افتحو ساعة...و لا باش نمرجك بكلامي...اماااان خليني نهبط البلار
انا:صار
سوار:مممم هيا امان
انا:باهي لم شعرك قبل
سوار:علاش
قحرتلها...هزت يدها...لمت شعرها على جنب...شداتو...و حطت يدها لاخرى فتحت البلار...ورجعت طل منو...شوية وقت ورجعت حسيت بشعرها على وجهي...خذيت نفس...محبيتش نحكي معاها اكثر...اصلا مبقاش برشا على ثنية...دوب ما وصلت ركيت الكرهبة على جنب...تلفتلها لقيتها تشوف معايا...سكرت البلار نحكي خذيت نفس نحكي
انا:ابقى هوني تو نرجع
سوار؛نحب نجي معاك
انا:سواار متنرفزنيش اكثر من هكا ترص شد بلاصتك تو نرجع
سوار:باهي
حسيتها تغشت...مركزتش برشا...هزيت روحي نزلت...طلعت للمحل...لقيتو مسكر...باز يخدمو الليل كهو...قربت منو...وقفني واحد من رجال لي يخدمو غادي...وقف في وجهي...قحرتلو..و نزلت يدي شوية للفاست بعدتها...اول ما شاف سلاح وخر خطوة لتالي يحكي
هو:تفضل مسيو حاجتك بحاجة
انا:حاجتي بعرفك...برا قلو فما شكون بحاجتك
هو:باهي لحظة
هز روحو دخل يجري...خالطت عليه دخلت وراه...بقيت واقف نشوف في عرفو جاي عندي...عطاني يدو باش نصافحو...تبسمت على جنب...و غزرتلو...نزل يدو يحكي
هو:اهلا بيك عندنا مرة اخرى...تفضل اقعد...صحيح منحلوش توا...اما اعتبر المحل على حسابك
انا:حاجتي بشي اخر
هو:تفضل لي نقدر عليه
جيت باش نحكي....قص عليا صوت منتالي...تبسمت على جنب و انا نسمع فيها تحكي
زينة:حاجتو بيا
قربت مني اكثر...وقفت بحذا عرفها مقابلتني...طلعتلي ندرا كيف...هزيتها و حطيتها...لابسة روب فلوري عند الركبة...لامة شعرها كعكة...غزرلها عرفها يحكي
هو:كيف بحاجتك
زينة:هو باش يجاوبك
انا:اللي قالتو صحيح...انا حاجتي بيها
هو:على حسابك اما بعد سهرة
انا:حاجتي بيها اسبوع و لا فايت
هو:شنننوة
غزرولي زوز مفجوعين...حطيت يديا زوز داخل مكاتبي نحكي
انا:بي سمعتو
هو:سامحني اما منجمش...المحل هوني الكل يعتمد على زينة...كان باش تهزها اسبوع كامل المحل باش يتسكر و يفقد سمعتو
انا:متخافش اللي تربحو في اسبوع باش نعطيك دوبل متاعو...شقولك
هو:اما
انا:باهي اطلب المبلغ لي تحب عليه
هو:باهي اما اسبوع كهو
انا:باهي...و توا نجم نبقى معاها وحدنا
هو:بالطبيعة
هز روحو...خرج...تبسمتلي...و قربت مني عاللخر...بطبيعتها طويلة شوية...و بالكعب لي لابساتو...وصلت لكتافي..هزت يديها زوز دورتهم على رقبتي...طلعت ساقها...و غزرتلي ندرا كيف تحكي
زينة:اسبوع يا معلم...لهدرجة توحشتني انت
هزيت يديا زوز...حطيتهم على يديدها نزلتهم...بعدتها عليا شوية نحكي
انا:حاجتي بيك في شي اخر
زينة:واااو لهدرجة عجبتك يعني
انا:اسكت و اسمعني
زينة:مممم باهي
انا:حاجتي بيك في حاجة مهمة...و لازم توفا في اسبوع
زينة:و شنوة هي الحاجة هاذي
انا: فما شكون نحبك تعلمها حاجات spéciale
زينة:مممم spéciale و شنوة الحاجات هذوما لي spéciale فهمني اكثر
انا:لبستها...مشيتها و اهم من شي هذا الكل كلامها...نحبها تكون جريئة شوية في طريقة كلامها...خاصة وقت تحكي مع شخصيات معينين
زينة:شخصيات كيفك
انا:بالظبط
زينة:مممم علاش هذا الكل...شكونها ياخي
انا:ميهمكش كهو تنفذ لي قتلك عليه
زينة:مممم و شنوة المقابل
انا:لي تحب عليه...الفلوس اللي باش تاخذهم في اسبوع...يخلوك ترتاح في حياتك جملة
زينة:اما انا حاجتي بشي اهم من الفلوس
عقدت حواجبي...نحاول نفهم كلامها...قربت مني...حطت يدها على صدري...تعدي فيها...نزلت يدي حكمت يدها و كبست علاها نحكي
انا:فلوسك باش تكون حاضرة...و كي نحتاجك في شي اخر وقتها نعرف كيف نخليك جي...مش باش نستنى اشارة منك
زينة: تحت تصرفك راني
نطرت يدها...ووخرت لتالي نحكي
انا:غدوة تكون حاضرة...فما شكون يجي يهزك من هوني
زينة:باهي باي
مرجعتلهاش...خرجت من غادي...ورجعت للكرهبة...اول ما ركبت...غزرتلها باش نحكي...نلقاها رقدت...راسها مايل و معوج...شعرها داخل بعضو...بقيت نشوف معاها...تبسمت على جنب...ضحكتني الفرخة...تخمامها كان في الماكلة و النوم...ساعات نندم خاطر دخلتها في الحكاية هاذي بالكل...هزيت يدي باش نرجعلها الكرسي لتالي...طاحت على يدي...تي حتى نومها رزين...عطا ربي تغفى...نزلت علاها شوية...بعدت شعرها بيدي...نشوف معاها...جبدتها مني...رجعتها للكرسي...و طيحتو لتالي...عدلتها...بقيت نشوف معاها شوية...عديت يدي على وجهي... خدمت الكرهبة...و قصدت ربي لدار...احسن ما نفقد تركيزي جملة...منعرفش شنوة اللي نحسو وقت تبدا هي قدامي...خاصة كي تكون مسلمة هكا...اول ما وصلت ركيت الكرهبة...تلفتلها...هزيت يدي...بعدت شعرها من وجها نحكي
انا:سواار فيق وصلنا
سوار:مممم سيبني
انا:فيق و لا باش نخليك هوني
حلت عينيها شوية تشوف معايا...ورجعت سكرتهم تحكي
سوار:توحشت امي زياد
انا:شنووة
سوار:قاعدة نحلم بيها هزني عندها امان
انا:هيا فيق توا يزي
سوار:نحب نشوفها
رجعت حلت عينيها...مع دمعة نزلت منها...تشوف معايا...من غير ما تهز راسها من الكرسي...منعرفش علاش سخفتني...شي داخلي تحرك...نعرفو شعور هذا بالقدا...هزيت يدي...عديتها على خدها...مسحت دموعها نحكي
انا:هيا توا مبعد نهزك عندها
سوار:نحب توا
انا:منجمش توا صدقني...ميلزمش نخرجو من بقعتنا جملة
سوار:باش تهزني مش هكا
انا:مممم هيا توا باش تاكول خاطر عندنا ما نعملو
سوار؛شنوة عالفطور
انا:منعرفش اما تو نعدو روحنا بالموجود هوني
سوار:انت باش تحضرو
انا:ايه هيا برك
سوار:باهي جو
تبسمتلها...هزت روحها تقعدت...مسحت دموعها...رجعت شعرها لتالي...و نزلت من الكرهبة...خالطت علاها...دخلت وراها...نشوف معاها راحت لصالة...باز باش تكمل ترقد...نحيت الفاست...و مشيت للكوجينة...محبيتش نظغط علاها اكثر...خاصة كيف ذكرت امها...رغم كلشي مزالت صغيرة...و مزالت بحاجة امها...تي حتى ملحقتش تحكي معاها بالقدا...من الكلينيك جبتها لهوني...و لقاهم كان شكلي...مركزتش برشا...حضرت الفطور...دوب ما كملت دخلت...قعدت عالطاولة...تاكول من غير ما تستناني جملة...تبسمت على جنب...و قعدت نفطر معاها...محبيتش نحكي معاها باش منوترهاش اكثر...خاصة انو الظغط باش يزيد علاها من غدوة
سوار تحكي:
فقت الصباح مرهوجة...عديت ليل الكل نبكي...توحشت دارنا عاللخر...حتى اليوم عديتو مخي ضايع...مصدقت قالي برا لبيتك...هزيت روحي بالسيف...نحس في راسي باش يطرشق من الوجيعة...طلعت لساعة...لقيت روحي روطار ساعتين ديجا...عقدت حواجبي..شبيه لتوا مفيقنيش...زعمة يكون خرج...باز يكون خرج و خلاني هوني وحدي...نطرت لبيت البانو غسلت وجهي...فيقت روحي...و خرجت...جات عيني على بيتو لقيتها مفتوحة...باز مشا..ياخي نورمال في مخو يخليني هوني وحدي...نزلت الدروج نجري...وصلت للكوجينة...وقفت عند الباب...نشوف فيه يفرغ في القهوة...خذيت نفس طويل...ارتحت كيف شفتو...تلفتلي يشوف معايا...يحكي
زياد:بونجور
دخلت بعضي من تطليعتو...هزيت يدي حطيت شعري ورا وذني...طبست راسي نحكي
انا:بونجور
زياد:شبي حالتك هكا
انا:اه
طلع حاجبو مستغرب...نزلت عينيا نشوف مع روحي...عضيت شفتي لوطانية...ملا تبهديلة عملتها لروحي...تي شبيني نزلت بشورت و الخلعة متاع نوم...حشمت على روحي...نحس في وجهي باش يطرشق...شعري بالكل نزل عليه...منجمتش نغزر فيه جملة...حسيت بيه وقف قدامي...طلعت راسي شوية نشوف معاه...حط كاسة في يدي...حسيت بيها سخونة في يدي نزلت عيني نلقاها قهوة كبست علاها في يدي نحكي
انا:ممرسي
مرجعليش...بعد عليا...بقا يشوف معايا...شرب من كاستو و نزلها يحكي
زياد؛شفما
انا:اه شي
زياد:ملا شبيك واقفة غادي
انا:ب باش نطلع نبدل دبشي و نرجع
زياد:افطر ساعة
انا:هأة نبدل قبل
زياد:شبيك مبدلتش قبل ما تنزل
انا:ع على خاطر
زياد:شنوة
انا:في بالي مشيت و خليتني هوني
زياد:نخليك
انا:ممم في بالي مشيت كي مفيقتنيش...على هذاكا نزلت بالزربة
زياد:ممم باهي فيسع معادش وقت
انا:باش ندربو زادة
زياد:لا مش انا لباش ندربك اليوم
انا:اه ملا شكوون
زياد:مبعد تعرف
انا:قولي توا
زياد:سوااار
انا:باهي باهي
قربت الكاسة...شربت منها...احسن شي باش نسكت و معادش نسألو...قربت من طاولة قعدت غزرلي يحكي
زياد:مش قلت تبدل قبل
انا:لا نحب ناكول جعت...و زادة مش انت لي راح دربني يعني براحتي
زياد:نقص الكلام و خف روحك
انا:متحبش تاكول انت
زياد:كول و اسكت
انا:على راحتك
مرجعليش..هز كاستو وخرج من الكوجينة...كملت ماكلتي و طلع لبيتي...لبست سروال جين...و خلعة...لميت شعري كعكة...و نزلت اللوطة...لقيتو باش يفتح الباب متاع برا...طلعت حاجبي مستغربة نحكي
انا:زياد وين ماشي
مرجعليش...فتح الباب وخرج...كبست على سنيا...غزلني السخطة...شنوة يستخايل في روحو ياخي...خالطت عليه...لقيت كرهبة كحلة ركات قدامنا...حط يديه في مكاتبو يشوف معاها...بقيت واقفة وراه...نزل واحد من رجالو...مستانسة نشوفو...في بالي جاب قضية كي عادتو...جيت باش نتلفت...اما وقفني...كيف فتح باب الكرهبة منتالي...نشوف في طفلة نزلت...حطت يدها عالباب تشوف معانا...عقدت حواجبي نشوف معاها...قربت من زياد...وقفت قدامو...طلعتلو ندرا كيف...هزيتها و حطيتها...لابسة روب فوف الركبة في الابيض...شعرها اصفر طويل...اما مش واصل لخصرها كيفي...عينيها لونهم في الازرق...مليانة شوية...ياسر مزيانة...اما زعمة شكونها و شتعمل هوني...دورت راسي نشوف معاه...واقف يغزرلها...تي شبيه يطلع فيها هكا...اففف سوار شيهمك فيه انتي...اما لازم نعرفها شكون...خذيت نفس و قربت من زياد...وقفت حذاه بالظبط...جات عيني في عينها...طلعت فيا ندرا كيف..تبسمت على جنب...و غزرت لزياد تحكي
هي:هاذي هي
زياد:ايه
هي:ممم ظاهر شغلتها مطولة
انا:شنوة لي مطول...زياد ياخي فاش تحكي هاذي
هي:اووه تو تعرف يا روحي
قحرتلها...وطلعت راسي غزرت لزياد باقي يشوف معاها...نزلت يدي شوية...جبدتو من الفاست...نزلت راسو غزرلي...قحرتلو...عدا يدو على شعرو يحكي
زياد:سوارر انت و زينة باش تخدمو مع بعض
انا:نخدمو شنية
هي:يقصد باش نعلمك حاجات مش هكا
انا:تعلمني شنية ياخي فاش تحكي انت
زياد:سواار اسكت
انا:علاش انا لي نسكت مش هي
زياد:سوااار
قحرتلو...و تلفت عطيتو بظهري...رجعت لدار...ياخي شبيه عمل فيها ندرا شنوة...هو و اكا زينة متاعو...دخلت للكوجينة عبيت كاسة الما شربتها فرد مرة...وقفت بحذا شباك نشوف فيه يحكي معاها...حطيت الكاسة بغزول...ياخي ناقصة انا باش يجيب هاذي تعلمني...خذيت نفس و زوز نهدي في روحي...خرجت من الكوجينة باش نطلع لبيتي...وقفني صوتو يحكي
زياد:سوار ايجا هوني
تلفت نشوف معاهم...شادة فاليز صغيرة في يدها...رجعت خصلة ورا وذني نحكي
انا:علاش
زياد:عندنا فاش نحكو
انا:باهي
دخلو لصالة زوز...كبست على يدي...و خالطت عليهم...قعدت مقابلاتو...تكا لتالي يحكي
زياد:سوار اسمعني زينة باش تبقى بحذانا اسبوع
انا:شنوة علاش اسبوع
قحرلي...غزرتلها...ورجعت غزرتلو... شبك يديه يحكي
زياد:زينة هوني على جالك
انا؛علاش
زياد:فما حاجات باش تعلمهملك
انا:شنوة الحاجات هذوما
زينة:حاجات نفهم فيهم انا و انت كهو
انا:منحبش تو نتعلمهم وحدي
زياد:سوار يزي اعمل لي نقلك عليه
انا:باهي
زينة:ملا باش نبداو اليوم
انا:علاش اليوم
زياد:قتلك معادش فما وقت...برا معاها تو تفهم منها
انا:باهي
هز روحو وقف...وقفنا في جرتو...غزرلي ندرا كيف و تلفت باش يخرج...وقفاتو هي تحكي
زينة:زياد ياخي وين بيتي
زياد:تو سوار تعاونك تختار وحدة
زينة:باهي
اول ما خرج...تلفتتلي...هزتني و حطتني...قحرتلها نحكي
انا:شبيك تغزرلي هكا
زينة:هاك طلعت متوحشة
انا:ممم تحب تتأكد
زينة:ههههه لا لا خلينا نبداو احسن
انا:نبداو في شنوة...تي انا لتوا مش فاهمة شي
قربت مني وقفت قدامي...طويلة عليا و زادة لابسة الكعب...هزت يدها...حطتها على شعري...نحات شكال منو...طاح على وجهي...وخرت لتالي قحرتلها...تبسمتلي على جنب تحكي
زينة؛ظاهر باش نبداو بمظهرك اول شي
انا:شبيه مظهري زادة
زينة:اركح هاني باش نخبرك
انا:شنوة
زينة:انا هوني باش نعاونك كهو
انا:ارتاح مش بحاجتك راني
زينة:مممم ظاهر هكا
انا:اسمعني...ندرا شاسمك...اول شي مش باش تعلمني...بالمعنى صحيح انت خدامة هوني...و باش تاخو فلوس على تعبك...ثاني شي...الحاجات هذوما ياخو اقل من اسبوع...و اهم شي احكي معايا باحترام باهي...مكانش تنجم تمشي من توا
زينة:هاك طلعت عكس اللي قالو زياد...و لسانك طويل
انا:وفر عليك الكلام و خلينا نبداو...في اللي جيت على جالو...خاطر لتوا مش فاهمة شي
زينة:اول شي وريني بيتي مبعد نبداو
انا:باهي امشي
زينة؛باهي
نحيت الشكال من يدها...ورجعت لميت شعري كيما كان و خرجت من الصالة بقات مخالطة عليا...منعرفش علاش محملتها حتى طرف...اول ما وصلنا لفوق سمعتها تحكي
زينة:وين بيتي
انا:اختار وحدة هوني
زينة:هاذي
انا:هذيكا بيتي
زينة:مممم و هذيكا
انا:بيت زياد
زينة:هوما طلعت بيوتكم مقابلين لبعض
انا:مممم
زينة:ملا باش نختار البيت لبحذاها
انا:لااا
زينة:علاش شكون يعيش هوني زادة
انا:حتى حد اما
زينة:اما شنوة
انا:مش انت هوني على جالي
زينة:مممم
انا:ملا باش تاخو البيت لي بحذا بيتي باهي
زينة:لا باش ناخو لاخرى
انا:قتلك لا انت باش تاخو هاذي...و حتى كان تسأل زياد باش يقلك خوذ براي سوار
زينة:علاش شفما بينكم...ميكونش حبيبك و مافيباليش
قلبي دق بالقاوي...سؤالها دخلني بعضي...صحيح انا علاش نعمل هكا...شبيني تنرفزت من فكرة بيتها تكون بحذا بيتو...شبيني محملتش وجودهم مع بعض جملة...علاش قلبي قاعد يدق بالطريقة هاذي...لا مفما حتى شي جيست ستانست نبقى هوني وحدي...و هي متكبرة زيادة...و كي هي باش تعلمني انا باش تكون بيتها بحذا بيتي...فيقتني من سرحتي...كيف حطت يدها تحت دقنونتي شدتني منها تحكي
زينة:ممم متخممش برشا هاني باش ناخو بخاطرك...و ناخو البيت لي بحذاك
وخرت لتالي...تبسمتلي...هزت الفاليز متاع في يدها...دوب ما وصلت لباب بيتها...وقفت تحكي
زينة؛حط في بالك يا حلوة انا كيف نحب على شي نعرف كيف نوصلو
غزلت من كلامها...محبيتش نتلفت...اول ما حسيتها دخلت تلفت دخلت لبيتي و نطرت الباب ورايا...قعدت عالكرسي غادي...نرقل وحدي...ياخي ضنوة تستخايل في روحها...اصلا هو علاش يجيبها باش تعلمني...كان ينجم يعلمني هو...بقيت في بلاصتي..لين هدت عليا طلعت راسي نشوف معاها دورت عينيها عالبيت و غزرتلي تحكي
زينة:حاضرة
انا:في شنوة
زينة:مممم اتو
عوجت فمي و طلعت حاجبي كيف شفتها قربت من القارب روب حلتها نطرت من بلاصتي جيت واقفة ياخي شنوة تستخايل في روحها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 20
قربت منها...وقفت وراها...هزيت يدي...شاورت للقراد روب نحكي
انا:ياخي فاش تعمل انتي
مرجعتليش...باقية تجبد في دبش و ترمي فيه عالسرير...غزلت عاللخر...رصيت على سنيا نحكي
انا:تنجم تفهمني لتعمل فيه
تلفتتلي...شادة زوز روب...وحدة روز...ووحدة في الاحمر...قربت مني حطتهم عليا بالوحدة...وخرت لتالي...قحرتلها...رمات الروب الروج عالسرير و حطت روبة الروز في يدي تحكي
زينة؛اول شي باش تبدل دبشك...مبعد باش تنزل لصالة...خاطر البلاصة هوني ضيفة
انا:علاش تحبني نبدل
زينة:شبيك نازلة عالاسئلة من صباح
انا:شيهمك فيا
زينة:ظاهر مزلت صغرونة و دلولة...هيا فيسع نستنا فيك لوطة
هزت كعب اكحل في يدها...غمزتني...و خرجت من البيت...بقيت نشوف مع الباب و نحكي وحدي" مزلت صغرونة و دلولة"برا تزمر شتستخايل في روحها...غزرت لروبة في يدي...مش باهية حتى طرف...طيشتها عالسرير...و هزيت روب لي في الاحمر...دورتها في يدي...والله هاذي احلى منها... ظاهر قصيرة شوية...اما تبقى احلى من روبة لاخرى...نحيت دبشي و لبستها...مسنترة من فوق...ظهرها عريان...فوق الركبة شوية...بقبت نشوف فيها في المرايا...والله ياسر مزيانة...هزيت يدي...حطيتها على شعري...نحيت شكال...طاح على وجهي...مركزتش برشا...خذيت نفس...وخرجت من البيت...نزلت اللوطة...اول ما وصلت لصالة...رجعت شعري لتالي بيديا...هديت روحي...و دخلت...دورت عينيا عالبلاصة هو مفماش...نزلت عيني نشوف معاها...قاعدة عالفوتاي...حاطة ساق على ساق...شطر فخضها على برا...طلعت راسها...هزتني و حطتني...و عقدت حواجبها تحكي
زينة؛مش كاني قتلك البس الروب لاخرى شصار ياخي
انا:معجبتنيش
زينة:ممم باهي حتى هاذي محلاها عليك
انا:عيشك
وقفت من بلاصتها...قربت مني...وقفت مقابلتني..تحكي
زينة:هاني باش نفهك لباش نعملوه مع بعض توا
انا:نسمع فيك
زينة:اول شي...باش تعرف تنسق الالوان في لبستك...و تعرف تختار الدبش المناسب في الوقت المناسب
انا:يعني
زينة:يعني وقت تبدا عندك حفلة في بار و لا حفلة متاع خدمة مش نفس شي
انا:مممم و زادة
زينة:باش نعلمك زادة كيف تمشي
انا:اووه علاش جيتك نحبي مثلا
زينة:هههه مش هكا...اما فما مشية سبيسيال عزيزتي
انا:شقصدك
زينة:تو مع الوقت تفهم قصدي
انا:باهي و شباش نعمل توا
زينة:برا البس الكعب هذاكا
انا:علاش
زينة:باش تاخو جواب عالمشية لي سبيسيال
انا:باهي
ترميت عالفوتاي..جبدت الكعب ليا لبستو...عوجت فمي...زح شبيه عالي هكا...ياخي ناقصة انا باش نتعلمها المشية سبيسيال هاذي...نفخت بالقاوي...و هزيت روحي وقفت...قربت مني...كعبها مش عالي برشا...اما تساوينا في طول...بحكم هي اطول مني شوية...وازنت روحي بالسيف...مش مستانسة بيه حتى طرف...حتى كي نمشي لعرس نلبس كعب يبدا هابط و نرتاح فيه...غزرتلي تحكي
زينة؛ايجا من الجيهة هاذي باش تنجم تتحرك براحتك
انا:باهي
قلتها بغزول...وازنت روحي بالسيف...و قربت لنص صالة...وقفت...شادة روحي على شعرة...مفهمتش شمدخل الامور هاذي في خدمتنا...حتى منو هو السخطة مشا و خلاني مع الهم هاذي...قربت مني حطت يديها على كتافي تحكي
زينة:خلي ظهرك مستقيم...و راسك مرفوع شوية
عملت كيما قاتلي...وخرت لتالي و كملت تحكي
زينة:و توا حاول تعمل خطوات متساوية...من غير ما تنزل راسك
انا:باهي
نتبع في خطواتها و راكبني الغزول...نحس في روحي باش نطرشق...ياخي شنوة الهم هاذي لي وحلني فيها السخطة...اففف مخيبها...و مخيب الكعب لي لابساتو توا...اصلا من وقت نزلت و انا نفخ...نستنى في نهار يوفا...و نطلع نغم على راسي...نرقد و ننسا كلشي
زياد يحكي:
عديت وقتي برا...نريقل في البلاصة...هزيت تليفوني...طلبت قضية...و رصاصات جديدة باش تدرب بيهم...طلعت لساعة...تعدا وقت مليح...زعمة تكون تفاهمت مع زينة...و امورهم مريقلة...حطيت من يدي...و دخلت لدار...كنت باش نطلع لبيتي...نعمل دوش...اما رجعت خطوات لتالي...وقفت عند باب الصالة...نشوف معاها...تحاول توازن روحها...لابسة روب في الروج قصيرة...شعرها مغطي ظهرها الكل...اول مرة نشوفها لابسة هكا...في بالي بعد الماكلة هذيكا الكل حتى شي ما يناسبها...هزيتها و حطيتها اكثر من مرة...فقت من سرحتي على صوت زينة
زينة:قتلك كيف تمشي متطلعش لوطة
سوار:شنوة يعني تحبني نطيح انت
زينة:باهي اغزرلي توا...و قرب مني خطوتين
سوار:باهي
سوار:باهي
قربت منها خطوتين...و لا خطوة على بعضها...رجعت شعرها لتالي تحكي
سوار:تعبت خليني نرتاح توا مبعد نكملو
زينة:لا هاك اكثر من ساعة منجمتش تعمل خطوة صحيحة
سوار:بربي ملا فشنوة كنت نعمل
زينة:شيعرفني انا
سوار:كي انت متعرفش تعلم...شبيك تلوم فيا ياخي
زينة:سواار يزي و ركز معايا
سوار:هأة تعبت برشا
زينة:هاني باش نخبر زياد فاللي قاعدة تعمل فيه
سوار:برا خبرو محسوب نخافو...ياخي نورمال انت
شدني ضحك...هوكا طلعت الفرخة متخافنيش جملة...و تحكي فيها بكل رقعة...حسيت زينة تنرفزت منها...اما باقية تسايس فيها...نزات هزت زوز كتابات من طاولة...و قربت منها تحكي
زينة:باش نعملو اخر خطوة و نخليك ترتاح باهي
سوار:باهي احسن
قربت منها عاللخر...باش تحط الكتوبات فوق راسها وخرت لتالي تقحرلها و تحكي
سوار:فاش تعمل ياخي
زينة:انت باش تمشي و هذوما فوق راسك...باش تخلي خطواتك مستقيمة...من غير ما طيحهم من فوق راسك
سوار:افففف منك...ياخي شتستخايلني انت لعبة عندك
زينة:اسمعني لتوا قاعدة نسايس فيك...خاطرك ما تعرف شي...ملا اعمل لنقلك عليه
سوار:و كان منعملش
زينة:ياخي قداش عمرك انت
سوار:منعرفش بابا و امي مقيدونيش
شدني ضحك...لا عاد...مش لهدرجة...تي اول مرة نشوفها تتصرف هكا...تحكي و فرد وقت تحاول توازن روحها...قربت منها زينة..فادة...حطت الكتب فوق راسها تحكي
زينة:كان تعمل دورة ورا الطاولة من غير ما طيحهم...نخليك تمشي توا
انا:باهي
حطتهم فوق راسها...طلعت عينيها...تحاول تشوفهم...دوب ما بعدت عليها زينة...بدات تمشي...حاولت توازن روحها قد ما تنجم...دوب ما عملت دورة...نزلت خصلة من شعرها على وجها قلقتها...حاولت تنفخ علاها...تحب تبعدها...منجمتش...حركت راسها لتالي...طاحو الكتب من راسها...عضت شفتها لوطانية...و سكرت عينيها بالقاوي...و رجعت فتحتهم...جات باش تتلفت لعب بيها الكعب...شعرة لا طاحت...لقفتها بيدي في اخر لحظة...كبست علاها بالقاوي...رجعتها لتالي شوية...كبشت بيديها في سوريتي...تتنفس بالقاوي...نحس في قلبها يخض بالقاوي في صدري...طلعت راسها شوية غزرتلي...باقي مكبشة فيا...كبست علاها اكثر نحكي
انا:لباس
هزتلي براسها ايه...خذات نفس ووازنت روحها...رخفت يدي علاها...وخرت لتالي شوية...ورجعت كبشت فيا...عرفتها منجمتش تاقف بيه اكثر...شخت علاها...حطيت يدي على جنبها...كبست علاها...غزرتلي ندرا كيف...دورت عينيا على وجها...سرحت فيها شوية...فيقتني من سرحتي زينة...تحكي
زينة:زيااد
على صوتها رخفت يدي على سوار...و غزرتلها...قربت منا شوية تحكي
زينة:من امتى جيت
انا:من بكري
نزلت عينيا لسوار...باقي مكبشة في سوريتي...طبست راسها...فهمت لانا سمعتها...رجعت غزرت لزينة تبسمتلي تحكي
زينة:احنا باش نكملو توا مش هكا سوار
كبست على سوريتي اكثر...نزلت راسي نشوف معاها...غزرتلي...عقدت حواجبها تحكي بدلال...تستعطف فيا الفرخة
سوار:هأة تعبت والله
زينة:اما توا بدينا...يزي من الدلال و خلينا نكملو
سوار:قتلك لا
انا:باهي سوار برا ارتاح توا
زينة:اما
انا:خليها براحتها
سوار:شفت كيف
تبسمتلها ندرا كيف...نزلت يدها من سوريتي...حطتها على يدي...كبست علاها...و نزلت نحات الكعب...طيشاتو عالارض...رجعت قصيرة يما كانت...والله الكعب طولها شوية...رخفت يدها..ووقفت حسيتها تفرهدت...غمزتني...و خرجت تجري من صالة...بقيت نتبع فيها بعينيا...لين بعدت بالكل...فيقني من سرحتي...يد زينة لي تحطت على كتفي تحكي
زينة:شبيك مخبرتنيش لهي مسطكة و بوهالية لهدرجة...تي راسي تنفخ و هي ما حكمت شي
بقيت نعقل في كلامها...ركبني العصب...من ساقي لراسي...كبست على سنيا...و هزيت يدي...حطيتها على يدها...كبست علاها بالقاوي..و نزلتها من كتفي نحكي...و ننزل على يدها اكثر
انا:اسمها سواار...متنساش روحك شكون...و لي تحكي علاها مش مجرد طفلة تعلمها... و اخر مرة نسمع منك الكلام هذا...مكانش باش نسفرلك بروحك فهمت
بقات تطلع فيا ندرا كيف...رخفت يدي على يدها...و دزيتها لتالي نقحرلها...شدت يدها عرفتها توجعت...طلعت فيا ندرا كيف...تحاول تستعطفني...عوجت فمها شوية تحكي
زينة:مش قصدي لي صار اخر مرة
هزيتها و حطيتها...كبست على يدي...و خرجت من صالة...نحس في العصب راكبني...جاب ربي شديت روحي...منعرفش علاش تنرفزت من كلامها لهدرجة...اول ما وصلت لبيتي...نحيت مريولي طيشتو عالارض بغزول...و دخلت لبيت البانو...عملت دوش...بردت روحي بيه...بدلت دبشي...و خرجت من البيت...تعديت على بيتها...لقيت الباب محلول نص...قربت منو باش نكمل نحلو...منعرفش...حسيت برغبة كبيرة اني نشوفها توا...منعرفش شبيني...كبست عالبواني...تعدات صورتها بين عينيا...خاصة فازتها متاع قبيل...نفخت بالقاوي...ورجعت يدي لتالي...نحب نغلب احساسي...و ننسا لي قاعد نفكر فيه...وخرت لتالي...اول ما جيت ننزل وقفتني تحكي
سوار:زيااد
وقفت في بلاصتي...خذيت نفس...و تلفت نشوف معاها...مزالت بنفس الروبة...اما لابسة كونفارس معاها...تبسمت على جنب...كبست روحي..و غزرتلها...رجعت شعرها لتالي...و كملت تحكي
سوار:انا...انا
انا:انت شنوة
سوار:جعت
هزيت حاجبي...نغزرلها...حكيت لحيتي...نحكي
انا:ملا جعت
سوار:ممم
انا:باهي برا حضر شي لروحك
سوار:و انت
انا:شيهمك فيا
سوار:باهي على راحتك
عوجت فمها..و تعدات عليا نزلت...بقيت نشوف معاها...نازلة بعقلها...عرفتها تاعبة...اصلا ياسر ظغط علاها...خالطت علاها...دخلت للكوجينة...و انا مشيت لصالة...لقيت زينة غادي...قاعدة حاطة ساق على ساق...تبسمتلي...لفت وجهي علاها و ترميت عالفوتاي...جبدت تليفوني نشوف في الامايلات لي وصلتني...بقات تشوف معايا...اكاكا...و نشوف سوار داخلة...هازة في يدها زوز سندويشات...قربت مني عاللخر قعدت قدامي تحكي
سوار:زياد شد هذا
غزرتلها مستغرب...لحقت تحضرهم فيسع...و الاغرب من هكا قعدت قدامي...و مرتاحة عاللخر...مطلعتش لزينة بشطر عين...نزلت عيني لصحن...عملتلي جاست بعينيها...متاع شدو عليا...حطيت يدي عليه فكيتو من يدها و باقي نغزرلها...فيقتني من سرحتي زينة تحكي
زينة:ياخي نسيتني انت
سوار:لا
زينة:ملا وين متاعي
سوار:هوكا الكوجينة...تعرفها برا حضر لروحك
تبسمتلها...و بدات تاكول...شدني ضحك...رميت تليفون عالطاولة...تعدلت في قعدتي...و يديت ناكول معاها...نشوف في زينة نهز تنفض وحدها...لين قامت و خرجت من صالة جملة...يطلع منها الفرخة عرفت كيف تزلعها...ظاهر هي لباش تعلمها مش زينة...تاكول و مش على بالها شي...اصلا من وقت شافت زينة عرفتها محملتهاش حتى طرف...منعرفش كيف باش يتعدا الاسبوع هذا بينهم...خاطر مكنتش عامل حساب جملة...انو الجو يكون مكهرب بينهم هكا
إدارة
ربما تحتوي الصورة على: شخص واحد، ولقطة قريبة
سوار تحكي:
هزيت روحي وقفت..غزرتلو...كمل سندويش متاعو طلع راسو غزرلي يحكي
زياد:سواار
انا:ممم
زياد:هز معاك الفلاش هذا و اعمل طلة خفيفة عالمعلومات لي فيه قبل ما ترقد...و كان مفهمتش شي ايجا عندي
انا:باهي
نزلت هزيت الفلاشة من طاولة...تبسمتلو...و خرجت من صالة...طلعت للبيتي...احسن شي مشفتش وجها...دوب ما دخلت حطيت الفلاشة...عالكوافوز...نحيت المونفارس طيشتها لتالي...حليت الروب نحيتها...زح من صباح كابسة عليا...لبست شورت و خلعة...هزيت الفلاشة و البيسي...وتربعت عالسرير...فتحتو...حطيت الفلاشة...اما الدوسي محبش يفتح لازم كلمة السر...شبيه معطهاليش باز يكون نسا...نفخت بالقاوي..سكرت البيسي..و هزيتو في يدي وقفت...دورت على شلاكتي...مفماش...عجزت نلبس كونفارس مرة اخرى...تنهدت و خرجت حفيانة...نزلت الدروج نجري...اول ما وصلت لصالة...دخلت شطر...عينيا وساعت من اللي قاعدة نشوف فيه...حطيت يدي عالحيط...وخرت لتالي بالزربة...استندت بظهري لتالي...حطيت يدي على فمي...نتنفس بالقاوي نحس في قلبي باش يطيح عالارض...مش مصدقة اللي شفتو توا...جملة...نحس في بدني يرعش...سكرت عينيا بالقاوي...تعدات صورتها و هي قاعدة على حجرو يبوسو في بعضهم...حسيت بحاجة على خدي...فتحت عينيا بالزربة...و هزيت يدي حطيتها على خدي عديتها...دموع ؟ نبكي؟...علاش ؟ علاش نزلو دموعي...علاش نبكي...شنوة اللي قاعدة نحس فيه...لااا مستحيل...مستحيل نبكي خاطر شفتهم مع بعض...مفهمتش شنوة اللي قاعدة نحس فيه توا...تي نحس في نفس تسكر عليا... كبست عالبيسي في يدي...خذيت نفس نهدي في روحي...منحبش نرجع نشوفهم مرة اخرى...تلفت باش نمشي...اما سمعت شي طاح عالارض...و صوت خطواتهم يقربو...قلبي دق اكثر من الاول...دورت عينيا عالبلاصة...قربت بالزربة...استندت عالحيط ورا دروج...جاب ربي الفازة كبيرة غطاتني بقيت نشوف فيهم...خرجو من صالة...وقفت في وجهو...دورت يديها على رقبتو...قربت شفافها لشفافو تحكي
زينة:زياد نحب نبقى عندك ليلة...نعرف لانت توحشتني...متنجمش تنكر شي هذا...مش هكا..ممم و زادة انا نحب ترضيك على لي صار قبيل
هزيت براسي لا من غير ما نشعر...منعرفش شبيني...نحبو يبعد علاها و كهو...سكرت عينيا بالقاوي...ورجعت فتحتهم...نشوف فيه دور يدو على ظهرها جبدها ليه اكثر...غرس شفافو في شفافها...دورت وجهي...و كبست عالبيسي في يدي اكثر...هزها في حملتو...من غير ما يبعد علاها...و طلع...تي محسش بيا جملة...زياد لي خطوة صغيرة يحس بيها...اول ما طلعو...رخفت روحي...مزال بدني يرعش...مزلت مصدومة من اللي شفتو...شي واحد يفسر لي صار الكل...هو مجابهاش لهوني على خاطري...هو جابها ليه هو...جابها على جالو...الكلام لقالو انو هي باس تعلمني زيادة قدام لي شفتو...خءيت نفس و زوز...حسيت ريقي شاح...هزيت روحي بالسيف...طلعت نجري...اول ما وصلت لبيتي...طلعت راسي غزرت لبيتو...قلبي غم عليا...دخلت لبيتي...سكرت الباب و تكيت علاها...نحاول نمنع دموعي...مفماش علاش نبكي...يعمل اللي يحب عليه شيهمني فيه ياخي...اما غاضتني عمري...غاضتني خاطرو شايخ معاها و مش عاملي حساب جملة...تي افف سوار علاش يعملك حساب...شنوة انت بالنسبة ليه...اصلا زياد شنوة بالنسبة ليك انت...علاش مصدومة لهدرجة انتي...فاش يهمك...شبيك غايرة منها طفلة...غايرة ؟...لاا لا...باز صرا فيا هكا...خاطرو استغفلني...و مخبرنيش لهي حبيبتو...قربت من كوافوز حطيت البيسي...بالقاوي...جيت باش نتلفت...جات عيني عالمرايا...حطيت يديا زوز عالكرسي...استندت عليه...نشوف مع روحي...شعري داخل بعضو...وجهي احمر باش يطرشق....قلبي نحس فيه يخض بالقاوي...استغربت حالتي...نزلو دموعي بلا ما نحس بيهم...هزيت يديا زوز نمسح في وجهي بالقاوي...و نرجع في شعري لتالي...خذيت نفس..و تعدلت في وقفتي...نشوف مع روحي...هزيت يدي عديتها على طول شعري...على خدي و شفافي...نشوف مع بدني...مفما حتى مقارنة بيني و بينها...تي ما نشبها في حتى شي...عندو حق...تي هي زين و قد...حتى ستيلها ياسر مزيان...نزلت عينيا نشوف في المكياج لمحطوط عالكوافوز...من نهار جبتو مع دبش و حطيتو هوني...مستعملتوش...قربت يدي متردة...هزيت الروج لي غادي...قعدت عالكرسي...حليتو نشوف معاه...قربتو من شفافي...نعدي فيه...حطيتو نشوف مع روحي...شوية روج زاد فيا شطر...عديت صوابعي بخفة على شفافي...هزيت يديا زوز...ركحت شعري هبطو خصلاتو على وجهي...عديت فترة مليحة نشوف مع روحي...سرحت لبعيد...لاكا الليلة الخايبة...سكرت عينيا بالقاوي...نزلت منهم دمعة...حرقتني في خدي...فتحت عينيا...تبسمت بوجيعة...شنوة اللي قاعدة نخمم فيه انا...علاش حتى نبكي...علاش نستنا زياد يغزرلي كيما يغزر لزينة...كيف نخلي الاحساس هذا يغلبني...كيف نسمح لروحي نخمم فيه بالطريقة هاذي كيف ننسا لاكا ليلة خذات مني كلشي باهي في حياتي...و خذات كل حق مني...حق اني نتقارن مع حتى طفلة...كلشي وفا من اكا الليلة...واللي قاعدة نحس فيه توا زايد...الاحساس لنحسو مع زياد...ما يعني حتى شي...خاطر مستحيل يصير شي...من اللي قاعد يدور في مخي...مستحيل يجمعني بيه شي غير الخدمة...اصلا هو ميوصلش يطلع لوحدة كيفي بشطر عين...تي كان مزلت
نقية...منوصلش نكون في البلاصة هاذي جملة...و نتخلى على كلشي في حياتي...مبادئي...اخلاقي لي تربيت علاها...و عيلتي الصغيرة لي معنديش غيرها...هزيت يدي بالسيف...جبدت وحدة لانجات...مسحت شفافي بالقاوي...لين حسيتهم باش يطيرو...كبست على يديا الزوز...نزلو دموعي اكثر...و انا نذكر في كلامو" "محلاك...محلا بدنك...بالحق انتي اجمل طفلة ريتها في حياتي...اجمل طفلة في العالم...باش تشيخني ليلة...ممم مبنها ريحتك...مبنك...مكنتش نتوقع...اني باش نذوق كعبة كيفك"...منجمتش ننسا كلامو...شي اقوى مني...كل مرة نحاول نتقوى على روحي...كلامو يرجعني لتالي...هذيكا ليلة تسيطر عليا...حطيت راسي بين يديا...تفكرت كلام زياد...وقت ينبزني...و يحاول يذكرني بيه....ملا علاش انا قاعدة نخمم فيه توا...و هو شايخ معاها توا...زعمة شقاعدين يعملو توا...تي اففف اففف...علاش مزالني نخمم فيه انا...هزيت راسي...حالتي مبلبزة...نحكي مع روحي "يزي سوار يزي...شبي حالتك هكا...برا يزمر على روحو شيهمك فيه انت "مفكرتش مرتين...هزيت روحي بالسيف...و مشيت ترميت عالسرير...غميت على راسي بالمخدة...سكرت عينيا...كبست بيدي على شركة لي في رقبتي...ناخو منها قوتي...تبسمت و انا نعدي في ذكرياتي مع امي و عماد...منعرفش كيف هزني النوم و غفيت...فقت من نوم على حلمة خايبة...حليت عينيا بالسيف...عديت يديا زوز على وجهي...ضو اللي جاي من شباك ضرب في وجهي...غزرت لساعة لقيتها 6 متاع صباح...هزيت روحي من الفرش...دخلت لبيت البانو غسلت وجهي عينيا منفوخين من بارح...ريقلت جوي..وخرجت...لبست شورت متاع سبور و مريول نص لبست فوقو فاست خفيفة لميت شعري كوت شوفال...غزرت لروحي...في المرايا...شفافي مزال فيهم شوية من روج البارح...حاولت نمسحو بيدي محبش يروح...نفخت...و هزيت روحي خرجت من البيت...غزرت لبيتو...قلبي دق بالقاوي...سكرت عينيا و رجعت فتحتهم...محبيتش نحس لي حسيتو البارح...نزلت دروج نجري...دخلت للكوجينة...في بالي نلقاه غادي مي العادة يستنا...اما من وين...باز لتوا مفاقش..هزيت دبوزة ما في يدي و خرجت...احسن شي نمشي نجري وحدي...خذيت نفس سكرت الفاست..بديت نجري..قطرات المطر الخفيفة بردتني شوية..نجري و الاحداث لعشتها من اكا الليلة لليوم تتعاود بين عينيا...نحب ننسى كلشي...ننسا و كهو
■■■■■■■■■■■
الحلقة 21
زياد يحكي:
فقت الصباح مروهج...نحل في عينيا بالسيف...دورت راسي شوية...نشوف معاها...راقدة قدامي...على كرشها...مغطية لازم في لازم...ظهرها عريان الكل...يدها محطوطة على كتفي...هزيت يدي بعدتها...تقعدت...لبست كيما جا...و دخلت لبيت البانو...حليت الما على روحي...رغم الليلة لعديتها معاها...اما تفكيري كان بعيد برشا...كل مرة كنت نسكر عينيا...نشوف صورتها...كبست عالبونيا متاعي...و عضيت شفتي بغزول...نعرف لشافتني البارح...حسيت بيها كي جات داخلة لصالة ورجعت لتالي...اما مركزتش معاها برشا...كنت باش نجبد روحي من زينة...اما حضورها خلاني نرجع بقراري لتالي...نحب نسيطر عالاحساس لحسيتو وقت دخلت...مش باش نتراجع خاطرني شفتها...خليت تركيزي الكل في زينة...تي منعرفش جملة كي خرجت من صالة وين مشات...طلعت بزينة...و فرغت طاقتي فيها الكل...فتحت عينيا...على يدها لي حطتها على ظهري...تنفست بالقاوي...قربت مني اكثر جات في وجهي...هزت يدها باش تحطها على صدري...شديتها و كبست علاها بكل قوتي...دزيتها لتالي...هزيتها و حطيتها...لابسة سوريتي...لي لصقت على لحمها من الما لي طاح فوقها...كبست علاها اكثر و نزلت علاها شوية نحكي
انا:اخر مرة تدخل لبلاصة نكون فيها من غير ما نسمحلك
زينة:اما انا هوني على خاطرك
هزت يدها عدات صوابعها على خدي...جاست متاعها غزلني اكثر ...هزيت يدي حطيتها على رقبتها...كبست علاها نحكي
انا:متخدمش مخك معايا...راك باش تندم برشا
هزتلي براسها باهي...تحاول تفلت روحها مني...عرفتها تخنقت...رخفت يدي و دزيتها لتالي...خليتها تحت الما...هزيت المنشفة لفيتها على روحي..و خرجت من بيت البانو...بدلت دبشي بغزول...منعرفش شبيني...منعرفش علاش تصرفت معاها هكا كي قصت عليا تفكيري...تفكيري لي بقا عند سوار من بارح...منعرفش علاش قاعد نخمم فيها لدرجة هاذي...يمكن غلطت في حقها و محقنيش نتصرف بالطريقة هاذي في حضورها...افففف...هزيت يدي كبست على راسي نحكي وحدي"شبيك زياد من امتى انت تحط حساب لحد اخر...و متحبش تغلط في حقو...يزي سيب عليك شيهمك في ¤¤¤¤"خذيت نفس...و خرجت من البيت...احسن ما نزيد نشوف ال¤¤¤¤ لاخرى و ترصالي في كلام اخر معاها...اول ما خرجت...جات عيني على بيتها...عقدت حواجبي كي شفت الباب مسكر...مش من عادتها تسكرو...خاطرها تخاف..ديما تخليه مفتوح شطر...قربت بالزربة...فتحتو بلا ما نخمم...دورت عينيا عالبيت مفماش...باب بيت البانو مفتوح...عرفت لهي مش في البيت...خذيت نفس و نزلت باز تكون لوطة..دخلت للكوجينة...باقية على حالها...استغربت...نعرفها اول ما تفيق جي تاكول اول شي...نفخت بالقاوي...و خرجت باش نمشي لصالة...وقفني صوت الباب متاع برا...كي فتح...رجعت خطوة لتالي...نشوف معاها داخلة...عقدت حواجبي...هزيتها من فوق للوطة...شادة دبوزة ما في يدها...فاست متاعها محلولة...خصلات شعرها طايحين على وجها...شفافها روز عاللخر...مش كي العادة...غزرتلي...في عينيا...قربت منها نحكي
انا:وين كنت
سوار:نجري
انا:علاش مشيت وحدك
سوار:عادي محبيتش نفيقك...و زادة مبعدتش برشا
انا:اخر مرة...اي شي تعملو..نحب يكون عندي علم بيه
سوار:باهي نجم نطلع توا
انا:مش باش تفطر الاول
سوار؛لا باش نطلع نبدل دبشي...ياسر تأخرت
انا:باهي
محبيتش نظغط علاها اكثر...حسيتها مش قد بعضها...تلفت باش نمشي وقفتني تحكي
سوار:زياد
انا:ممم
سوار؛مع شكون باش ندرب معاك و لا مع زينة
انا:معاها
سوار:باهي
تلفتت...و مشات...بقيت نشوف معاها طالعة...و فرد وقات زينة كانت هابطة...وقفتها تحكي
زينة؛كنت تعمل في فوتينغ عالصباح
سوار؛ممم
زينة؛ممم برافو هاك طلعت شطورة
سوار:عيشك هاني باش نطلع نبدل دبشي...و نخالط عليك
زينة:باهي
تبسمتلها...و كملت طلعت...بقيت نشيع فيها من بعيد لين غابت على عيني...استغربت تصرفها مع زينة عاللخر...في بالي باش تنبزها...ياخي تصرفت عكس البارح جملة...وصلت عندي زينة قحرتلها...و جيت باش ندخل لصالة وقفتني تحكي
زينة:شصار ياخي
انا:شقصدك
زينة:شصار حتى حكات معايا عادي...متكونش كبستها انت
كلامها غزلني عاللخر...كبست على سنيا...و هزيت يدي في وجها نحكي
انا:شمدخل ¤¤¤ في الحكاية...نكبسها و لا لا...خدمتك هوني تخدمها بساكت و من غير اسئلة
زينة:باهي باهي شبيك ترنفزت لهدرجة...اما تعرف شي...حتى هكا نحبك
غمزتني...و مشات للكوجينة...نفخت بالقاوي...حتى هاذي طفلة مش نورمال...دخلت لصالة ترميت عالفوتاي...شفت زينة داخلة...هازة في يديها زوز كيسان قهوة...حطت كاس عالطاولة قدامي...و قعدت مقابلتني...رجعت راسي لتالي...شبيها خرجت وحدها ليوم...مش مستانسة...اصلا تفرح...كي نقلها مفماش تدريب ليوم و لا مش باش نخرجو...علاش ليوم بالظبط خرجت وحدها...زادة حسيتها مش قد بعضها جملة...صوتها لي جاي من باب الصالة فيقنب من سرحتي...تلفت نشوف معاها...تحكي
سوار:حاضرة نجمو نبداو
زينة:ممم باهي اما مش هوني
سوار:وين
زينة:لفوق
سوار:باهي هاني باش نسبقك انا
زينة:باهي
تلفتت باش تمشي...وقفتها نحكي
انا:سواار
سوار:شنوة
بقيت نشوف معاها...منعرفش علاش كلمتها...منعرفش شباش نقلها...بقات تشوف معايا...لابسة روبة gris و كونفارس روز...لامة شعرها كعكة...رجعت ركزت في شفافها...زعمة حاطة روج...تي لا روج يجي اغمق من هكا...تي اففف شيهني فيها انا...شبيني مركز في تفاصيلها هكا...فيقتني من سرحتي كي رجعت تحكي
سوار:انت بحاجتي
انا:ايه...ايه شفت اللي خبرتك عليه البارح
سوار:لا
انا:علاش
سوار:لازم كلمة سر
انا:مممم باهي تو مبعد نشوفو
سوار:باهي هاني باش نطلع توا
انا:باهي
اول ما خرجت من صالة...وقفت زينة باش تخالط علاها...وقفتها نحكي
انا:اسمعني
زينة؛مممم
انا:سايسها مفهوم
زينة:كيما تحب
قحرتلها...و هزيت روحي خرجت من صالة قبلها...طلعت للبيرو...حليت البيسي كلمت ادم...هز عليا يشوف معايا...تبسمتلو نحكي
ادم:وينك يا هامل حاولت نوصلك اكثر من مرة
انا:ماك تعرفني...عطلتي نحب نستغلها
ادم:ايه شعامل ملا
انا:شي بخلاف اني توحشتك و توحشت توفيق
ادم:والله كيفك هاني الاسبوع هذا نرجع لتونس
انا:اما لتوا موفاتش 3 اشهر
ادم:فما سلعة جديدة...و كيما نحب زادة
انا:اما coté ههههه
ادم: ¤¤¤¤¤ يا هامل تشوف فيا نفدلك
انا:ههههههه باهي باهي...قلت نتأكد خاطر نعرفك
ادم:على اساس انت قاعد تحسب في نجوم غادي...تي هذا كان مجبرتش انواع الكل لي موجودة فما
مع كلامو...ضربت سوار في مخي...ايه جربت اما مش الانواع الكل...تنهدت بالقاوي...نحكي
انا:مممم جربت
ادم:ممم مش كانو فاتني شي
انا:شنوة
ادم:شكونها
انا:شقصدك
ادم:اللي منجمتش توصلها يا فرخ
انا:شنية ¤¤¤¤متاع فرخ هاذي
ادم:سكر ¤¤ فمك و جاوبني
انا:حتى حد...فاش قام حتى منجربش...تعرفني كي نحب على شي نوصلو
ادم:مممم باهي باهي
انا:هاني باش نسكر توا و نكلم توفيق
ادم:باهي متخممش برشا كهو ههههه
انا:نعل ¤¤¤¤ يا كازي برا زمر
ادم:ههههه باي
سكرت البيسي...و هزيت روحي...خرجت من بيرو...تعديت على بيتها باش ننزل...اما رجعت خطوة لتالي...نشوف معاها...قاعدة عالكرسي...مقابلة المرايا...و زينة واقفة معاها...تعلم فيها كي تحط مكياج...حسب المناسبات...بقات مركزة معاها...كانها قاعدة تسجل في كلامها...تبسمت على جنب...هزيت يدي حكيت لحيتي...كنت باش نمشي..اما وقفني كلام زينة...عقدت حواجبي و انا نسمع فيها تحكي
زينة؛سوار شرايك تقص شعرك شوية...ياسر غامك...وقتها تظهر ملامحك اكثر
بقات تشوف معاها...هزت يدها عداتها على طول شعرها...و جات باش تحكي...قصيت علاها انا نحكي
انا:لاا
تلفتولي زوز مفجوعين...قحرت لزينة...و غزرت لسوار نحكي
انا؛متقصوش خليه هكا
زينة:اما
انا:مدخلش روحك انت...و انت هز روحك حاجتي بيك
سوار؛علاش مزال مكملناش
انا:منعاودش كلامي...سكر ¤¤ فمك و قوم قدامي
سوار:باهي
هزت روحها...قربت مني...خرجت من البيت نزلت الدروج...بقات مخالطة عليا...دخلت للبيت اللوطة...حليت البيسي...حطيت فلاشة لي عندي...عامل دوبل علاها...غزرتلها نحكي
انا:كلمة سر هي الشيطان
سوار:شنوة
انا:لي سمعتو هالكلمة باش تسمعها برشا...كيما زادة انت تحمل العلامة هاذي
سوار:شقصدك نحملها
قربت منها عاللخر...وقفت قدامها بالظبط...هزيت يدها...في يدي...و عديت صبعي عالتاتو نحكي
انا:العلامة هاذي...ترمز لشيطان
سوار:كيف هكا
انا:اللي سمعتو...متسألنيش برشا...و توا ركز لازمك تشوف تصاور هذوما
سوار:باهي
قربت مني اكثر...نزلت شوية..استندت بيديها عالطاولة...تشوف مع تصاور...شعرها لي طاح على وجها...غطاها...و غطا البيسي زادة...بقيت نشوف معاها...منعرفش شبيني تقلقت من فكرة انها تقصو...تي اول ما سمعتها قاتلها اكاكا...حسيت شكون صب عليا ما بارد...نعرف انو كي تقصو باش يبين ملامحها اكثر...اما زادة هكا نحسها مختلفة برشا على غيرها...خاصة كيف يبدا بوكلي اكاكا...انا اخترتها هكا..و نحبها تبقى على طبيعتها...نحبها تكون عينة جديدة في دومان هذا...سكرت عينيا بالقاوي ورجعت فتحتهم...ريحة شعرها روهجتني...عديت يدي بالزربة على وجهي نحكي
انا:شفتهم بالقدا
سوار:ممم مش هذا نفسو امير العابد
انا:بالظبط
سوار:ايه و صور شنوة هذوما
انا:طلع مليح...شنوة تشوف
سوار:يظهرلي هو هوني قدام اوتيل و لا شريكة
انا:اوتيل
سوار:على حد علمي عندو فرع اوتيلات داخل و برا البلاد...اما في المعلوملت السابقة مفماش صور للاوتيل هذا
انا:الاوتيل هذا جديد
سوار:في تونس
انا:ايطاليا
سوار:ايطاليا ؟
انا:مممم اوتيل يتضمن اكبر كازينو...الافتتاح باش يكون بعد شهر بالتقريب...و الحفلة باش تكون في الكازينو متاع الاوتيل
سوار:يعني
انا:يعني بعد شهر بالظبط باش نكونو في ايطاليا
سوار:قصدك نسافرو
انا:ممم
سوار:نخرجو من تونس يعني
انا:ايه
سوار:مستحيل منجيش معاك
انا:شنوة
سوار:لي سمعتو مقتليش من قبل انك باش تخرجني من تونس
انا:بربي
سوار:ممم
انا:و الباسبور لي عطيتهولك...باش تتفرج فيه مثلا
سوار:باسبور ؟
انا:شنوة نسيت
سوار:يااا ايه والله عطيتني باسبور نسيتو جملة...يعني هكا باش ترصالي نسافر خاطر وافقتك من الاول...و باش نمشو لايطاليا
انا:ممم
هزيتلها براسي...نشوف معاها مصدومة...باقية تعوج في فمها...مش عاجبها...نزلت بسنيها عضت شفتها اللوطانية تحكي
سوار:ايطاليا...ايطاليا
انا:شنوة معجباتكش
سوار:هأة محلاها...اما
انا:اما شنية
سوار:مش كانو ياسر بعيدة
انا:يمات كهو و نرجعو لتونس مش باش نستقرو غادي
سوار:صار هكا ريحتني
انا:زايد فرخة
سوار:مش فرخة...و ديجا علاش باش نحضرو الافتتاح احنا...ياخي باش نمشو لغادي على خاطر جرد افتتاح و نرجعو لهوني...مش قاعد تشوف فيها برشا انت...باش تصرف برشا طيارة و حق فواياج...ياسر راهو والله
بقيت نشوف معاها...تحكي بيديها...تحب تفهمني...عقدت حواجبي نحكي
انا:كملت
عوجت فمها...و نزلت عينيها...طبست راسها تفرك في يديها...عرفتها متوترة...نعرف اول مرة باش تخرج من تونس...اما بحكم الخدمة...لازم انها توافق...قربت منها عاللخر...وقفت قدامها...نزلت يديا...شديت يديها زوز بين يديا نحكي
انا:اغزرلي
محبتش طلع راسها...تنهدت...و طلعت بيديا لوجها...منعرفش علاش عملت اكاكا...شي اقوى مني...خلاني نعمل هكا...حاوطت وجها بيديا الزوز...طلعت راسها...غزرتلي...جات عينها في عيني...كبست علاها نحكي
انا:سوار...اسمعني السفرة هاذي ياسر مهمة...كيما هي اول و اخر فرصة تثبت فيها روحك
سوار:ش شقصدك
انا:انت اذا نجحت في المهمة هاذي...باش تثبت اسمك...مكانش تعبنا الكل يطيح في الما...و اذا صار و فشلت...وقتها حتى انا منجمش نحميك
سوار:ع علاش
انا:خاطر وقتها مش باش نكون معاك...حتى وقت تنجح...نحبك تبقى قوية...احنا داخلين على لعبة كبيرة...ممكن حد فينا يخسر حياتو...كيما يمكن ياسر انا نموت...و لا الظروف تفرقنا...مش لازم كل مرة نكونو مع بعض...فما مهمات انت باش تعملهم وحدك...فما شكون راح يكون عندو سلطة عليك اكثر مني...نحبك تكون قوية و تبقى قوية...في حضوري و لا غيابي فهمتني
هزتلي براسها باهي...مبعد هزتلي لا...دمعت...و جبدت روحها...في بالي باش تبعد...اما ترمات عليا حضنتني بالقاوي...كبست بيديها على ظهرلي...هزيت يدي بالسيف حطيتها على ظهرها...كبست علاها...قريت الخوف في عينيها...نعرف للمهمة ياسر صعيبة...نعرف انو اول مرة في كلشي تكون صعيبة...اما نحبها متخافش...نحبها تثبت روحها...و تثبت اسمها...نحب وقت نغيب علاها تبقى بنفس القوة...حد ما يهدها بعدي...منحبهاش تضعف بعدي...و لا تكون لعبة بين يديهم...مش كل مرة لازم نحميها...قربها مني لهدرجة روهجني...اول مرة نحسو الاحساس هذا...و لا طفلة نجمت تأثر عليا لهدرجة...لدرجة انو بلا ما نمسها...بلا ما تكون عندي سيطرة على بدنها...اما نجمت تأثر فيا...يمكن خاطرني منحبش نخلط الخدمة مع علاقاتي الخاصة...يمكن خاطر منعت روحي اني نجربها...و نتمتع بيها...برغم و لا مرة حبيت النوع هذا...اصلا وقت اخترتها...مش على خاطرها مزيانة برشا...و لا اخترتها خاطر عجبتني...لا...خاطرها طفلة عادية عاللخر...وقت اخترتها...اول شي خاطرها مجروحة...و جرحها باش يقويها...و ثاني شي...نعرفهم يحبو شي جديد...بنت سمرة...و بريئة...و غامضة فرد وقت...هي كهو اللي باش تكون اللغز الوحيد لباش يحيرهم...اما...داخل تفكير هذا الكل...قلبي غم عليا...منعرفش كيف باش ندزها وسط هذا الكل...منعرفش علاش قاعد نحس في روحي نغلط...اول مرة نحس روحي نغلط في شي...اما كيف كل مرة...مستحيل نخلي احساسي يغلبني...دقايق دخلوني بعضي...فقت من سرحتي على صوتها...صوتها لي خرج ضعيف...شي خاطرها غارسة راسها في صدري...و شي من البكا...كبست على ظهري اكثر تحكي
سوار:ل لا..منحبش...زياد امان معادش تقول لانت باش تخليني...منجمش نبقى وحدي صدقني...منعرف حتى حد غيرك...انا خسرت كلشي...نعرف لكلشي صعيب...نوعدك باش نكون كيما تحب...اما من توا لين يوفا كلشي...اوعدني انك باش تحميني...اوعدني باش تبقى معايا ديما...و عمرك متخليني...لين توفا اللعبة هاذي الكل
كلامها روهجني...دخلني بعضي اكثر...رخفت يدي علاها بلا ما نحس...نحس في قلبي يخض بالقاوي...مكنتش نستنا كلامها يكون هكا...جبدت روحها شوية مني...باقي يديها على جنابي...طلعت راسها غزرتلي...تحكي
سوار؛ا اوعدني زياد
خذيت نفس...هزيت يديا بالسيف...حطيتهم على وجها...نمسح في دموعها بصوابعي...نحكي
انا:ششش متخافش...مدام فيا نفس...و طول ما انت قدامي...حد ما يجرأ يمسك باهي
هزتلي براسها باهي...كبست على وجها اكثر...نزلت عينيا نشوف مع شفافها...كانو روز من الاول...و توا حمورا من البكا...عديت صباعي عليهم...حسيتهم باش يطرشقو...نزلت علاها...قربت منها اكثر...تطليعتها ليا...انفاسها لي قوات في وجهي...يديها كبسو على جنابي اكثر...هذا الكل عطاني...رغبة...رغبة كبيرة اني نبوسها...نبوسها و نغطس فيها...عالاقل نرتاح من اللي قاعد نفكر فيه الكل...نطفي نار اللي شاعلة فيا توا...نذوق شفافها لاول و اخر مرة...تعديت بيدي ورا راسها غرستها في شعرها...قربتها مني اكثر...حطيت خشمي على خشمها...اول ما جيت نبوسها...قص عليا صوت دقات الباب...رخفت يدي شوية...نتنفس بالقاوي...منجمتش نبعد علاها...ثواني برك كان تفصلني على شفافها...جبدت روحي شوية...كيف شفت البواني متاع الباب نزل...جبدت روحي منها بالزربة...وخرت لتالي...حكيت لحيتي...نشوف معاها...باقي واقفة في بلاصتها...وجها باش يطرشق...تغزرلي ندرا كيف...بقيت نعدي في عينيا على وجها قص عليا صوت زينة من تالي...لي دخلت بلا ما تسأل
زينة:مطولين ياخي
طلعت راسي...غزرتلها...قحرتلها قحرة موت...قربت منا...وقفت قدامنا تحكي
زينة:ياسر طولتو
رصيت على سنيا...كبست عالبونية متاعي...جيت باش نحكي...قصت عليا سوار تحكي
سوار:سامحوني...انا باش نخليكم براحتكم توا
انا:استنى
سوار:مممم
انا:مقتلكش امشي
سوار:علاش مزال فما خدمة
انا: انا لي نقرر
سوار؛كانك عالموضوع...هاني باش نرجع نشوفو من عندي
انا:ياخي متفهمش انت...تمشي وقت نقول امشي
سكتت...بقات تشوف معايا ندرا كيف...منعرفش شبيني غزلت لهدرجة...باقي نشوف معاها...فيقتني من سرحتي...يد زينة لي تحطت على كتفي تحكي
زينة:شبي الجو مكهرب بينكم ياخي
سوار:لا مفما شي...انا نحب نمشي ناكول...كان مفماش مانع
زينة:بالطبيعة تنجم تمشي
طلعت راسها غزرتلي...ندرا كيف...مفهمتش نظرتها ليا...منجمتش نحكي...عطاتني بظهرها...و خرجت من البيت...دوب ما غابت على عيني...رجعلي شاهد العقل...دزيتها لتالي...قربت منها عاللخر...عديت يدي ورا رقبتها...كبست علاها...لين حسيتها توجعت...قربتها مني اكثر...نحكي
انا:هاذي ثاني مرة...تدخل لبلاصة بلا ما نسمحلك...المرة الجاية...باش نقتلك بيدي...فهمت
زينة:ا اما دقيت عالباب
انا:سمعتني قتلك ادخل
زينة:ياخي شبيك تغششت لهدرجة
انا:شمدخل ¤¤¤¤ انتي
هزت يدها..عدات صوابعها على خدي...تحاول تجبد روحها خاطر وجعتها...تبسمتلي بالسيف تحكي
زينة:علاش ياخي هي شيخاتك اكثر مني
على كلمتها...ركبني العصب...من ساقي لراسي...جبدتها ليا اكثر...غطست في شفافها...فرغت غشي الكل فيها...للحظة ستخايلتها سوار...بين يديا...كبست على جنابي اكثر...عرفتها تخنقت...جبدت روحي منها...دوب ما غزرتلها...رجعلي شاهد العقل...دزيتها بيدي لتالي...عدات صوابعها على شفافها تتوجع...قحرتلها نحكي
انا:اقلب منظرك عليا
زينة:اما
انا:برا لخدمتك...و اللي باش توفيه في اسبوع...باش يوفا في 3 ايام...مكانش نعرف حسابي معاك
زينة:شصار ياخي...معادش نعجبك
انا:لا...اما وقت نشبع من شي نعيفو
تبسمتلي...على جنب...و قربت مني حطت يدها على صدري تحكي
زينة:باش يوفا كلشي في 3 ايام...اما
رخفت يدها...ورجعت شعرها لتالي...و كملت تحكي
زينة:في لاول و في الاخير رجوعك لزينة...خاطر انا الكلام ميأثرش فيا...انا لي نخلي اثري في ناس الكل...متنساش لانا زينة...و انت ادرى
رجعت قربت مني...باستني من خدي بوسة خفيفة...و جبدت روحها...غمزتني...و تلفتت خرجت من البيت...سكرت الباب وراها...سكرت عينيا...ورجعت فتحتهم...حطيت يديا زوز ورا راسي...ندور في عينيا عالبلاصة...في لحظة...حطيت يديا عالطاولة...رميت كلشي عالارض و استندت بيديا...ناخو في نفس...مش انا لي طيحني طفلة...لي حسيتو معاها شي عابر و باش يوفا و حتى شي من غير الخدمة يجمعني بيها
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 22
سوار تحكي:
اول ما خرجت من عندهم...طلعت الدروج نجري...منعرفش كيف وصلت لبيتي...سكرت الباب...و تكيت علاها...هزيت يدي حطيتها على قلبي...يخض بالقاوي..نحس فيه باش يخرج من بقعتو...سكرت عينيا...نتنفس بالسيف...مش مصدقة لي صار قبيل...اول مرة نحس بقربو لهدرجة...تي على شعرة كان باش يبوسني...كان مش زينة كنت باش نضيع بين يديه...زعمة علاش تصرف معايا اكاكا...علاش قرب مني لهدرجة...زعمة ؟...للحظة افكاري هزتني لبعيد...قص عليا...دقان الباب القوي...فتحت عينيا...هزيت يديا زوز حطيتهم على خدودي...نبرد فيهم...لتوا مزلت مروهجة من قربو مني...لتوا مزلت مصدومة...خذيت نفس طويل...رجعت شعري لتالي...بعدت عالباب...حطيت يدي عالبواني...حليتو...جات عيني في عينها...كبست على سنيا...نحاول نتصرف عادي معاها...من وجها ظاهر منرفزة عاللخر...منعرفش شصار معاهم لوطة...يمكن تغشت خاطر لقاتو معايا...عندها حق في نهاية هي حبيبتو...وخرت عالباب...خطوة لتالي...قحرتلي...قحرة موت...و دخلت تحكي
زينة:اسمعني
انا:شنوة
زينة:بروقرامي تبدل...خدمتنا لازم توفا في 3 ايام كهو...نحبك تكبس روحك...و متضيعش وقت
تبسمت على جنب...وربعت يديا...غزرتلها نحكي
انا:والله انا هوني على 24...كان انا متلتهاش في امور اخرى...باش نكملو في نهار مش 3 ايام
زينة؛شتقصد بكلامك ياخي
انا؛تعرف كلامي مش مهم برشا...خلينا نبداو احسن
خليتها واقفة تشوف معايا...قربت من الكوافوز...نعدي في يدي على ماكياج لي غادي...و كملت نحكي
انا:ايه شنعملو توا...باش نكملو و لا نعملو شي ثاني
قربت مني وقفت قدامي بالظبط...بحكم كانت لابسة كعب...كانت اطول مني شوية...استندت بيدها عالكوافوز...و غزرتلي باستهزاء تحكي
زينة؛ياخي شنوة بينك و بين زياد
حطيت اللي كان في يدي...رجعت شعري لتالي نحكي
انا:شتقصد بسؤالك
زينة:شكونك انت...و علاش يعمل هذا الكل معاك...ياخي شنية لي صاير
تبسمت على جنب...و غزرتلها في وجها نحكي
انا:ممم صعب نجاوبك
زينة:يعني
انا:يعني...كان تحب تفهم لي صاير...برا عندو و تو هو يفهمك على قاعدة
زينة:مممم هاك طلعت قدها.. و تعرف جاوب بالقدا...يعني شوية رتوش عليك و ترجع حاضرة
انا:ملا خلينا نبداو من توا...معادش برشا و توفا 3 ايام
قحرتلي...تبسمتلها...من ساعات لي عديتهم معاها...عرفت انو اسلوبها استفزازي عاللخر...و باش نواجها...نعاملها بنفس اسلوبها...منعرفش كيف تعدا نهار...دوب ما خرجت من بيتي...دخلت لبيت البانو...عملت دوش سخون فرهدت بيه روحي...لبست روبة قطن عند الركبة...شيحت شعري بالمنشفة...و خليتو مسيب...باش ينشف...كنت باش نرجع لسرير...اما حسيت بدوخة قوية...استندت بيدي عالقارد روب...و حطيت يدي لاخرى على راسي...من صباح ما كليت شي...لبست شلاكتي...و هزيت روحي خرجت من البيت...نزلت الدروج هذاكا بالسيف...منعرفش كيف وصلت للكوجينة..دوب ما دخلت شعلت الضو...و فتحت الفريجيدار...جبدت جبنة و زيتون و عظم...حطيتهم عالرخامة...و سكرتو...نحب نحضر شي خفيف نشد بيه الجوع...و نطلع نرتاح...خاطر نحس في بدني مهدود...ياسر تاعبة...ياسر مظغوطة...معاد نجم نركز في شي...قبل ما نتلفت...حسيت بيه دخل للكوجينة من ريحتو...و من جهامتو...طلعت راسي نشوف معاه...لابس سروال سيرفاتمون...بدنو عريان من فوق...و عرقان زادة...ياخي قاعد يعمل سبور في نص الليل...ياخي نورمال هذا في مخو...نزلت عينيا منو...حشمت عاللخر...بقيت واقفة في بلاصتي...مكنتش نتوقع لهو باش ينزل توا...خاطر في بالي باش يكون غاطس معاها...محكاش معايا...قرب من الفريجيدار...جبد دبوزة ما...شرب منها فرد مرة...كي عادتو...قرب مني وقف قدامي...وخرت شوية لتالي...هزني و حطني بعينيه...حط دبوزة الما عالطاولة...حك لحيتو يحكي
زياد:شتعمل انت هوني
انا:ج جعت
زياد:شقتلك انا عالماكلة متاع ليل...ياخي نورمال نازلة تاكول في نص الليل انت
انا:ا اما
زياد:برا لبيتك خف روحك
منجمتش نحكي معاه اكثر...صورتو ضبت بين عينيا...بدني ترخف...نحس في روحي باش نطيح...قربت شوية من الطاولة...نحاول نشد في اي شي...باش نوازن روحي...اما منجمتش...معادش نجم ناقف اكثر...هزيت يدي حطيتها على راسي...كنت باش نطيح...اما لقفني في اخر لحظة...جيت في حملتو...راسي على صدرو...كبس بيدو على ظهري...و يدو لاخرى حطها علة راسي...غرسها في شعري...معادش نحس بساقيا عالارض...نتنفس بالسيف...رغم الحالة لي كنت فيها...اما نجمت نحس بقربو مني...نسمع في صوتو بعيد برشا
زياد:لباس ياخي
منجمتش نرجع عليه...رخف يدو عليا..و باقي كابس على ظهري بيدو لاخرى...جبد الكرسي...و بعدنس عليه شوية...عاوني نقعد...هز دبوزة الما لي شرب منها قبيل...شربني منها...ورجع رشني بيها...باقي في عادتو...جبد الكرسي لاخر...قربو مني قعد عليه مقابلني...هز يدو...عداها على وجهي...يمسح في قطرات الما...بدني رعش بالوقت...ناقصة انا...جبد يدو يحكي
زياد:لباس توا
انا:ممم
زياد:ياخي شبي حالتك هكا
انا:خ خاطر ما كليت شي اليوم...و زادة تاعبة عاللخر
زياد؛ياخي فاش قام حتى ما كليتش
انا:ا اكاكا...ياخي باش تحاسبني انت توا...جعت راهو نحب ناكول
هز روحو وقف...نطر كرسي لتالي...و غزرلي يحكي
زياد:ملا قوم كول...و برا ترقد على روحك
هزيت يدي بالسيف...حطيتها على يدو...شديتو من صوابعو...طلعت راسي...تلفت غزرلي...خذيت نفس نحكي بالسيف
انا:ن نحب ناكول امان
بقا يشوف معايا...قلبي غم عليا...منجمتش نحكي اكثر...رخفت يدي على يدو...ترخفت عاللخر...رجع شدني...و نزل عليا اكثر...هزني في حملتو...حطيت راسي على صدرو...اول ما دخل لصالة حطني عالفوتاي...عاوني تسطحت...وقف يحكي
زياد:ارتاح تو نرجع
مرجعتلوش...هز روحو خرج...شوية وقت ورجعلي...هاز في يدو سندويتش...قرب مني قعد عالطاولة...هز يدو بعدلي خصل على شعري يحكي
زياد:سواار فيق توا
حليت عينيا بالسيف...هزيت روحي تقعدت...حطو في يدي...دوب ما شديتو عليه...غطست فيه ناكول و نتبنن..كانو عندي عام مكليتش...تي حتى منو..نسيت جملة لهو قاعد قدامي...هزيت راسي نشوف معاه...قاعد على حرف الطاولة يشوف معايا...هزيت يدي بعدت شعري...حسيت روحي رجعت...و تفرهدت بعد ما كليت...تكيت لتالي...و ثنيت ساقي...نشوف معاه نزل راسو هزني و حطني...نزلت راسي نشوف مع روب متاعي طلعت عاللخر...وجهي حمار بالوقت...هزيت يدي نزلتها...طلع راسو غزرلي يحكي
زياد:كيف تحس في روحك توا
انا:لباس مرسي
زياد:برا اطلع لبيتك ملا
انا:باهي
هزيت روحي وقفت...مشيت خطوتين...ووقفت...مزلت مرهوجة...و راسي يوجع...وخرت خطوة لتالي...ضربت فيه...لحق ياقف ورايا...هز يدو حطها على كرشي...بدني رعش بالوقت...نسمع في يحكي
زياد:مش على اساس ارتحت
انا:اه ايه ارتحت لباس
نحس في قلبي يدق بالقاوي...ياخي شصاير اليوم...شبيني قاعدة نحس هكا...باز هو يتصرف على طبيعتو...شبيني مكبرة الحكاية...جبدت روحي شوية...تلفت عندو نشوف معاه...بقا يدور في عينيه على وجهي...ملامحو باردة عاللخر...متنجم تعرف منها شي...و لا في شنوة يخمم...على هذاكا ملازمش...نضعف قدامو برشا...هزيت يدي عديتها على شعري نحكي
انا:لباس مليحة انا...هاني باش نطلع نرتاح...مرسي برشا
مرجعليش...نزلت يديا...شبكتهم مع بعض و كملت نحكي
انا:بونوي
تلفت عطيتو بظهري...و خرجت من صالة...قلبي يدق بالقاوي...لدرجة نحسو باش يخرج...منعرفش كيف وصلت لبيتي...ترميت عالسرير...نشوف مع السقف...صورتو بين عينيا...هزيت يدي قربتها مني...نشوف مع تاتو...عديت صوابعي عليه...من العلامة الكل فهمت كان حرف D لي توا عرفت معناها devil...اول مرة نركز مع تاتو هذا لهدرجة...حسيتو ياسر مختلف و اول مرة نشوف كيفو...لتوا منعرفش سر وراه...اما متأكدة...انو فما شي كبير مخبي...تاتو هذا عندو معنى...و باش تظهر في تالي...رميت يدي طفيت ضو في الفيوز...سكرت عينيا...باقي قلبي يدق بالقاوي..مزلت نحس بقربو...مزالت ريحتو في خشمي...احسن شي مقابلتهاش توا...خاطر معنيدش خلق...باش نواجها و نحكي معاها...باز قاعدة تستنا فيه في بيتو...كبست بيدي عالمخدة غميت على راسي...و غطست في نوم...بعد تعب اليوم منعرفش كيف باش نفيق صباح...و لا كيف نواجهو و نطلع في وجهو بعد اللي صار اليوم
فقت الصباح...مروهجة...تاعبة عاللخر...اما فرحانة برشا...فرحانة خاطر اليوم اخر نهار مع اكا الهم...هزيت روحي لبيت البانو...غسلت وجهي...و تكيت بيديا عالرخامة...و نفخت بالقاوي...حاسة باحساس خايب عاللخر...رجعت غسلت وجهي برشا مرات..خذيت نفس...و خرجت لبيتي...بدلت دبشي كيما جا...و نزلت اللوطة...دخلت للكوجينة...فطرت لي لقيتو غادي...تفكيري بعيد برشا...منعرفش اصلا كيف كملت ماكلتي...هزيت روحي لصالة...لقيتها فارغة...عقدت حواجبي...ياخي لتوا مفاقوش...غزرت لساعة لقيتها 9:00...مش من عادتو زياد يبقى للوقت هذا...باز يكون بايت معاها على هذاكا...رصيت على سنيا بغزول...تنفست بالقاوي...و قربت من شباك...هزيت ريدو شوية...كنت باش ندخل...اما قربت اكثر...كيف شفتو واقف قدامها بالظبط...ووراهم كرهبة كحلة...باز جات باش تهزها...قربت من شباك اكثر...كان عطيني بظهرو...ندرا فاش كانو يحكو...جات عيني على عينها...غزرتلي ندرا كيف..ظو هزت يدها...حطتها على وجهو تحكي بصوت مسموع...بحكم كانو قراب لشباك...سمعتها
زينة:باش نتوحشك راني
مرجعلهاش...هز يدو...نزللها يدها...و كبس علاها...تبسمتلو تحكي
زينة:سامحني مرة اخرى باهي...و كيف تحتاجني باش تلقاني في بقعة العادة
زياد:لي شفتو هوني...و لي سمعتو حتى كان بالغالط تنساه جملة...مكانش تعرف حسابي معاك
هزت يدها لاخرى حطتها على يدو...فوق يدها كبست علاها تحكي
زينة:طمن يا روحي
قربت منو اكثر...لين لصقت فيه...طلعت يدها حطتها على كتفو...غزرتلي ندرا كيف...و قربت منو باش تبوسو...قلبي دق بالوقت...كبست بيدي على طرف شباك اكثر...منجمش نشوفها و هي تبوس فيه...منعرفش على روحي كيف...خرج صوتي...و قصيت عليهم نحكي
انا:زياااد
دوب ما سمع صوتي...تلفت يشوف معايا...وخرت هي شوية لتالي...طلع حاجبو...مستغرب يشوف معايا يحكي
زياد:شنوة
انا:اه انا...انا
زينة:شفما ياخي
انا:شمدخلك انت
زياد:سواار
انا:شننية
قحرلي...ورجع تلفت لزينة جبد يدو...يحكي
زياد:هيا توا باش تمشي
زينة:باش تودعني عالناشف
قصيت علاها...كيف هزيت يدي نشاورلها و نحكي
انا:لا عاد...مش باش تمشي عالناشف...مشكورة على مجهوداتك...و كان احتجت شي نكلمك انا باهي باي
بقاو يشوفو معايا زوز...مستغربين...حسيتها غزلت من الفازة اكثر...تبسمت على جنب...دوب ما تلفتلها...هزيت ريدو في وجها...رجعت شعري لتالي...و خرجت نجري من صالة...قربت من باب برا...حليتها و خرجت...حطيت يديا في مكاتب سروال من تالي...و قربت منهم...وقفت قدامو...قحرتلي قحرة متاع موت تحكي
زينة:انا باش نمشي توا...باش نتلقاو عن قريب مش هكا
زياد:باهي
قربت من اكثر...باستو من خدو بالزربة...ووخرت لتالي...تبسمتلو...وركبت في الكرهبة...كبست على سنيا...نحاول نهدي روحي و ما نظهر شي...دوب ما بعدت الكرهبة...تلفتلي يشوف معايا...هزني و حطني...عضيت شفتي لوطانية...و شبكت يديا...نغزرلو بتبهليل...عدا يدو على شعرو يحكي
زياد:شتحب
انا:شقصدك
زياد:نعرفهم الحركات هذوما...قولي شتحب
انا:باش توافق كان نطلب منك توا
زياد:اشكي
انا:زياد انا ن نحب نشوف امي...والله معاد نجم اكثر صدقني...نشوفها شوية كهو حتى من بعيد ميسالش
بقا يشوف معايا...قلبي دق بالقاوي...نستنا فيه يحكي...عدا يدو على وجهو بالزربة...و نفخ يحكي
زياد:مش حكينا فيه الموضوع هذا
انا:اما
زياد:سواار اسمعني... انت تعرف لمعاد عندك حتى علاقة بحياتك السابقة...و مخاطرة كيما هاذي مش وقتها جملة
قربت منو خطوة...هزيت يدي بالسيف...حطيتها على يدو..نزل راسو...ورجع غزرلي في وجهي...معنديش حل اخر...توحشت امي لدرجة كبيرة...لدرجة رجعت نشوفها حتى في منامي...كبست على يدو اكثر نحكي
انا:والله توحشتها عاللخر...عيشك امانك مرة وحدة كهو
جبد يدو مني...وخر شوية لتالي...طلعت راسي نشوف معاه...نستنى في يحكي...تنفس بالقاوي...حك لحيتو..ورجع غزرلي ندرا كيف...زاد هز يدو و عداها على وجهو يحكي
زياد:باهي باهي
انا؛يعني باش تهزني توا
زياد: لا مش توا قبل ما نسافرو باش نهزك
انا:اما انا نحب توا
زياد:متخلنيش نبدل رايي
انا:باهي باهي
زياد:هيا قدامي توا
انا:وين
زياد:لتدريب
انا:تواا
زياد:ممم توا هيا
انا:ندربو على شنية
زياد:عالسلاح...مبعد السواقة
انا:هذوما الكل
زياد:هيا اسبوعين كهو و ترتاح جملة
انا:باهي
تعدا اسبوع...كان تدريبات..مرتحتش فيه جملة...و نفسيتي تاعبة...اما من شيرة زينة ارتحت عاللخر كي مشات من هوني...اليوم فقت من نوم...على حلمة خايبة...نطرت من بلاصتي جيت قاعدة...حطيت يدي على قلبي نهدي في روحي...مخيبها الحلمة هذيكا ما فهمت منها شي...و ما ذكرت منها كان بركة دم لي قاعدة نغرق فيها...و عماد قاعد يمدلي في يدو باش نخرج منها...كبست على راسي اكثر نحب نذكر باقي المنام منجمتش...هزيت روحي لبيت البانو...غسلت وجهي...نشوف مع روحي في المرايا...عديت صوابعي على وجهي...مزلت مرعوبة...خرجت لبيتي نرجع في نفس...بدلت دبشي كيما جا و نزلت لوطة...منجمتش نفطر...دخلت هزيت دوسي امير عابد...و خرجت للجنينة من الوراني.. قعدت عالكرسي...نشوف معاه...خاصة انو اسبوع لازم نكون نعرفو للامير هذا بالقدا...كاني كنت نعرفو من سنين...و اهم شي كيف نتعامل معاه...يلزمني نعرف كلشي بالقدا...و من غير حتى غلطة
زياد يحكي:
تعدا اسبوع اخر...تحسنت برشا...اما مزال عندها مشكلة في سلاح...مزال متنجمش تصاوب بالقدا..من وقت مشات زينة...حسيتها تفرهدت برشا...و عملت مجهود اكبر...دورت راسي غزرت لساعة...لقيتها 7:00...نفخت بالقاوي...و هزيت روحي لبيت البانو...غسلت وجهي...و تكيت بديا عالرخامة...نشوف مع روحي في المرايا...هزيت يدي عديتها على تراس ضربة تحت عيني...تراس عندو سنين..رجعني بالذاكرة لتالي...كبست بيديا اكثر عالرخامة...و سكرت عينيا..."ياخي شكون ¤¤¤¤ اللي ضربك...تو نوريك فيه"..."اشش ادم...عديها ليلة كان يسمع بابا باش ترصالي في طرح درس عالمي".."و انت فرخ قد وذني علاش دخل في روحك ياخي".."الطفلة صغيرة...فما شكون حب يتعدا علاها...تي خارجة من المدرسة راهو...باش نخليهم يعملو لي يحبو عليه...جاب ربي تعديت بالصدفة".."تي لي يسمعك يقول تخدم في حماية طفولة".."برا زمر على اساس انت كنت باش تسمحلهم".."مش باش نسمحلهم...اما مستحيل كنت ناخو ضربة كيف هاذي...و اصلا انا مستحيل نتعدا من بلايص اكاكا"..قحرتلو...ضربني على كتفي و كمل يحكي"هيا...و كان سألك توفيق...سلك روحك معاه".."باهي نبدل دبشي و نجي".."باهي"...فتحت عينيا على صوت تليفوني ينوقز...خذيت نفس بالقاوي...ورجعت غسلت وجهي...ساعات منحبش نذكر الماضي جملة...نفخت بالقاوي...و خرجت للبيت...باقي تليفون ينوقز...استغربت...بالعادة كيف يبدا شي مهم...يخلولي ميساج...قربت هزيت تليفون في يدي...لقيتو واحد من اهم رجالي...هزيت عليه...نسمع في يحكي...قلبي دق بالقاوي...و عروق بدني تكبست...مصدوم من اللي قاعد نسمع فيه...متوقعتش جملة اني باش نسمع خبر كيما هذا...و في الوقت هذا...علقت عليه...و رخفت تليفون من يدي...طاح عالسرير...باقي واقف في بلاصتي...لا نجمت نقرب و لا نوخر...كهو واقف...واقف من غير حتى حركة
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 23
واقف نشوف فيها من بعيد...قاعدة عالكرسي غادي...تقلب في دوسي...نسمة باردة تعدات رجعتلها شعرها لتالي...و بردتني فرد وقت...سكرت عينيا...ورجعت فتحتهم...خذيت نفس طويل...منعرفش...منعرفش كيف باش نخبرها..و لا شنوة نقلها...قربت منها اكثر...وقفت وراها...كبست على يدي...حست بخطواتي...تلفتتلي تشوف معايا...استندت على يدها في كرسي من تالي...غزرتلي...حسيتها تاعبة مش كي العادة...تبسمتلي تحكي
سوار؛بونجور زياد...جيت في الوقت...فما حاجة مفهمتهاش...تنجم تعاوني فيها
بقيت نشوف معاها...منعرفش كيف باش نقلها...اصلا قاعد نحس في روحي مذنب زادة...فيقتنيومن سرحتي كيف حكات معايا
سوار؛زيااد ياخي سمعتني انت
خذيت نفس...نفخت بالقاوي...و قربت منها...قعدت بحذاها عالكرسي...تلفتلها...عدلت روحها...كبست عالدوسي في يدها تحكي
سوار؛زياد فهمت انو الافتتاح باش يكون بعد اسبوعين لتالي...ياخي احنا امتى باش نسافرو
هزيت يدي...حطيتها عالدوسي...فكيتو من يدها...سكرتو و حطيتو على جنب قدامي...غزرتلي مستغربة...حطيت يدي على يدها كبست علاها...غزرتلي في يدها و رجعت غزرتلي...خذيت نفس نحكي
انا:سواار انا...نحب نخبرك بشي
سوار؛شصار ياخي
انا:اللي باش نقولو مهم برشا...نحبك تكون قوية
سوار:علاش شفما...متقوليش بركا باش نسافرو من غير ما نشوف امي...زياد انت وعدتني راهو امان...مرة وحدة كهو عيشك
كبست على يدها اكثر...قلبي دق بالقاوي من كلامها...حسيتو اصعب موقف تحطيت فيه في حياتي الكل قدام واحد...اول مرة منعرفش شنوة نحكي...و لا شنوة نقول...عديت يدي على وجهي بالزربة...نحكي
انا: سوار الحقيقة انو
سوار:زياد شفما ياخي
انا:امك
سوار:شبيها امي...يااا متقوليش باش نمشو عندها اليوم امان زياد و الله توحشتها عاللخر
انا:سواار الحكاية مش هكا
سوار:ملا
انا:الحقيقة امك...امك توفات
بقات تشوف معايا...منعرفش كيف نجمت نخرج هالكلمة من فمي...من وقت سمعت الخبر...و انا نفكر كيف باش نقولهولها...رخفت يدها شوية...جبدتها من عندي...باقي تشوف فيا مصدومة...ضحكت باستهزاء...رجعت شعرها لتالي تحكي
سوار:ياخي فاش تحكي انت...باز تفدلك مش هكا...انت قاعد تقولي هكا باش متهزنيش ليها...باهي باهي متهزنيش معادش نحب نمشي اما امان معادش تحكي هكا على امي عيشك...معادش تفدلك معايا هكا
تنهدت بالقاوي...و انا نشوف معاها...تحكي...بيديها سخفتني عاللخر...رجعت شديت يديها زوز بين يديا كبست عليهم نحكي
انا:ششش...سوار اسمعني...قاعد نقلك في الحقيقة...امك البارح جاتها جلطة قلبية...و منجموش يسعفوها في الوقت...و اليوم انا عرفت لهي
سوار:شششش متكملش مستحيل...مستحيل امي تكون ماتت مستحيل
جبدت يديها مني بالقاوي...وقفت...حطت يديها زوز على راسها...دموعها هبطو بالوقت...تحكي و تبكي فرد وقت
سوار:مستحيل...مستحيل...لا منجمش نصدق...امي مستحيل تكون ماتت انت قاعد تكذب مش هكا احكي
هزيت روحي وقفت قدامها...نحس الكلام هرب مني...نعرفو الشعور هذا بالقدا...نعرف الاحساس هذا...و عشتو من قبل...عشتو من سنين لتالي...عشتو بابشع طريقة...هذاكا كان اصعب نهار و اصعب احساس عشتو في حياتي...فقت من سرحتي...كيف ضربتني بيديها زوز على صدري تصيح
سوار:مستحيل لقاعد تحكي فيه...انت تكذب...قاعد تكذب عليا...مستحيل امي تكون ماتت...مستحيل تخليني...انا وعدتها باش نرجعلها...كيما وعدتني باش تستناني...مستحيل تكون خلاتني...امانك قول لاتت تكذب...باش نعمل كلشي تحب عليه...امانك احكي قول شي امانك
خليتها تحكي...محسيتش بضربات لي على صدري...كبشت بديها اكثر على سوريتي...لصقتني تحكي
سوار:انت وعدتني باش تهزني نشوفها...وعدتني كيف تهدا الامور باش تهزني لامي...فاش قام حتى تكذب عليا توا...ياخي شبيك تكرهني لهدرجة انت
هزيت يدي متردد...حطيتها على ظهرها...من غير ما نكبس علاها نحكي
انا:سامحني
طلعت راسها...تشوف معايا...كبست على سوريتي اكثر تحكي
سوار:هزني عند امي امان...هزني عندها كيما وعدتني..نحب نشوفها و نحكي معاها...نحب نحضنها...نعرف لهي قاعدة تستنا فيا امانك
هزيتلها براسي باهي...و جبدتها عندي...كبست علاها اكثر...لين معاد فما حتى مسافة بينا...حاوطتها بيديا زوز...نسمع في صوت شهقاتها القوية...منجمتش نواسيها و لا نبرر شي...خليتها تبكي...مفماش ترتاح...اول مرة نحس بوجيعة حد لهدرجة...حسيتها رخفت بين يديا و صوتها تقطع...رخفت يدي شوية...رجعتها لتالي...لقيتها داخت...هزيت يدي بعدت شعرها على وجها...عديت صوابعي عليه نمسح في دموعها...نزلت هزيتها بين يديا...دخلتها لصالة حطيتها عالفوتاي...و قعدت على حرف طاولة...نفيق فيها...حلت عينيها شوية تشوف معايا...بعدتلهاشعرها نحكي
انا:لباس
سوار:امي...نحب على امي
سكت...منعرفش كيف باش نهزها لغادي...اصلا الكل في بالو مسافر...كان توا ظهرت قدامهم و مع سوار...باش يتبدل كلشي...هزت روحها...تقعدت...حطت يديها زوز على يديا تحكي بصوت مخنوق...غالبو البكا
سوار:ن نحب نشوف امي...انا مستعدة نعمل اي شي...اما نحب نشوفها للمرة تالية
انا:سوار اسمعني...خطر علينا زوز نخرجو من هوني
سوار:راهي امي يا زياد...امانك متحرمنيش منها
هزيت يدي...عديتها على خدها..مسحت دموعها نحكي
انا:باهي باش نهزك...استنى شوية كهو...نكلم شكون و نمشو
هزتلي براسها باهي...خليتها قاعدة في بلاصتها...و طلعت لبيتي...تي حتى من تليفوني نسيتو جملة...كلمت واحد من رجالي...يجيبلي كرهبة و يكلف رجال يراقبو البلاصة...عرفت منو انو مراسم دفن باش تبدا على بكري...منعرفش كان باش نلخق و لا لا...حتى كيف نطلب طيارة لخاصة لجسنا بيها لهوني...باش نضيع وقت كبير...نفخت بالقاوي...و نزلت عندها...لقيتها متكية راسها لتالي...دموعها نازلين وحدهم من غير صوت...حاطة يدها على رقبتها...كابسة عالشركة...قربت منها نحكي
انا:تو توصل الكرهبة و نمشو
سوار؛و كرهبتك
انا:منجمش نمشي بيها
سوار:ياخي لهدرجة مسكرة في وجهي...شطلبت اكثر من اني نشوف امي
مرجعتلهاش باقي نشوف معاها و كهو...بقات في نفس الوضعية...لين لحقت الكرهبة...بعثلي ميساج قالي فيه هو لبرا...قربت منها نحكي
انا:هيا سوار
سوار؛باش تهزني عند امي
انا:ممم
سوار:تو تشوف لانت قاعد تكذب...و لهي تستنا فيا توا
قربت منها اكثر...نزلت عليها وقفتها...نحكي
انا:هيا برك
سوار:باش نشوفها مش هكا
انا:ايه
منعرفش كيف وصلنا للكرهبة...ركبتها و ركبت بحذاها...محببتشنسوق...الكرهبة مظلمة من تالي...و هذا لي حاجتي بيه...خبرتو عالبلاصة باش يوصلني...تي بالقلية 3 ساعات في الثنية باش نوصلو...طول الثنية و هي متكية راسها عالبلار و ساكتة...سخفتني عاللخر..و فرد وقت هزتني ذاكرتي لتالي...هزتني لنفس الاحساس لعشتو سنين لتالي...منسيتش و مستحيل ننسا اكا النهار
سوار تحكي:
فقت من سرحتي كيف وقفت المرهبة على جنب...نزلت الكارو...نفس الحومة...نفس العباد...كلشي باقي على حالو...اما البلاصة اليوم...ياسر حزينة...لتوا مش مصدقة لسمعتو منو...كلشي نحب عليه...ننزل من الكرهبة هاذي...و ندخل عند امي...نعرف لهي قاعدة تستنا فيا...اول ما فتحت الباب...وقفني بيدو...و نزل البلار...يحكي مع واحد
زياد:راقبت البلاصة مليح
هو:ايه طمن اما
زياد:اما شنوة
هو:الحقيقة كملو المراسيم هوني و باش يدفنوها...يعني مشاو للمقبرة
انا:شنننوة زياد ياخي فاش يخرم هذا
زياد:باهي باهي...كمل خدمتك
تلفتلي...غزرلي ندرا كيف...ورجع يحكي مع شوفور
زياد:هزنا للمقبرة
انا:ياخي مقبرة شنوة...امي في دار و قاعدة تستنا فيا
هز يدو حطها...على يدي كبس علاها يحكي
زياد:سواار اهدا...انا وعدتك باش تقابل امك...هاني باش نخليك تقابلها لاخر مرة
هزيتلو براسي لا...عينيا تعباو بدموع...نحكي
انا:م مش باش تكون اخر مرة...اول ما نكمل خدمتي معاك باش نرجع عند امي...باش نعيش معاها...هي وعدتني باش تستناني...وعدتني...و امي مستحيل تخلف بوعدها نعرفها راني
هز يدو...عداها ورا ظهري...جبدني بالقاوي حضني...دموعي قوات اكثر...جبدت روحي منو...منجمتش نصدقو و لا نصدق حد...سكرت عينيا نبكي بالشهقة...حليتهم كيف وصلنا للمقبرة...ساقيا رخفو...و قلبي نحسو باش يخرج من بلاصتو...نزل...و فتحالي الباب...بقيت نشوف معاه..حط يدو على يدي..نزلني معاه...بقيت مخالطة عليه...نحس في روحي هايمة..عايشة في حلمة خايبة...و باش نفيق منها على صوت امي...وقفت كيف شفتهم دايريين على قبر...ايه هءاكا قبر امي...قبر الغالية...عرفتوكيف شفت بابا...بابا لعيشها في المرار حياتها الكل...و شفت خويا...خويا الصغرون...لي رجع راجل...كبر من هم دنيا...متوقعتش انو اخر مرة نشوف فيها امي...تكون من بعيد...و تكون في تابوت...حتى وجها معادش نجم نشوفو...معادش نجم نمسها و لا حتى نحضنها...كلشي نعرفو انو انا سبب خاطرني خسرت امي...انا لي كان لازم نكون غادي مش هيا...جبدت يدي منو بالقاوي...و نزلت نجري...خالط عليا...جبدني من كرشي...حضني من تالي...بكل قوتو...حاولت نعافرو اما شي...جيست نحكي معاه
انا؛سيبني...سيبني نحب نشوف امي
زياد:اهدا سوار...اهدا فكر كان يشوفك حد توا...مستحيل يخلوك في حالك
انا:معادش يهمني...نحب نشوف امي
زياد:يزي...امك مشات توا...و كان تمشي قدامهم توا باش يضعفوك اكثر...كيما زادة بوك مستحيل يغفرلك...و باش يعتبرك سبب الاول...خليهم يمشو ساعة
هزيتلو براسي لا...منجمتش نشد روحي اكثر...رخفت بين يديه و انا نشوف فيهم من بعيد...نحب نصيح و نخرج كلشي داخلي...رخف يدو على كرشي...و دورني ليه...حضني بالقاوي...كبس عليا يحكي
زياد:ششش اهدا..نجم نخليك تمشي عندهم اما منحبش نخاطر بيك صدقني
مرجعتلوش...كبست على جنابو اكثر نبكي بالشهقة...رغم اكثر حد كرهتو في الوقت هذا...خاطرو سبب لمخلانيش نشوف امي...اما ما لقيت كان حضنو...ملقيت حد بعد امي غيرو...زادة مفما حتى حد ينجم يحس لانا قاعدة نحس فيه حتى هو...حد ما يعرف انو انا سبب في موت امي...و مش انا كهو...انا خسرت امي مع اكا ليلة...و زادة رجع عندو دين اخر عليا...الا ما نخليه يخلص حق اكا ليلة دوبل لي خلاني نعيشو و نحسو...كان في بالي هذيكا اكبر وجيعة عشتها لتوا...اما وجيعة امي مش تحرق كهو...تشوي...تقتل بالحياة...اصلا امي كانت سبب لي خلاني نحارب و ناقف من جديد...و توا انا خسرت سبب اللي يخليني نكمل حياتي...مع موت امي مت انا
====== اصعب حاجة في دنيا...انك تاقف من غير ما تنجم تعمل شي...انو تحس روحك مقيد...انو تشوف اقرب ناس ليك ينحط تحت تراب و ما تنجم تعمل حتى شي...عمري ما توقعت اني باش ناقف في البلاصة هاذي...اني باش نحضر جنازة امي...انو تفارقني من غير ما نجم حتى نحكي معاها لاخر مرة..اني نحضنها لاخر مرة و نشبع منها...رغم الوجيعة الكل لكنت عايشتها...اما وجود امي كان مصبرني...مخليني نستنا النهار لباش نفيق من الحلمة هاذي في حضن امي...اما الموت خطفتها مني...و انا لي كنت سبب...انا سبب في لي صار الكل...قلبي نحسو باش ياقف...صوتي ضاع في صدرو...كان كابس عليا على قد شهقاتي لي قاعدة تخرج مني...اكبر وجيعة قاعدة نعيش فيها...جبدت روحي منو شوية...تلفت نشوف معاهم بدا الكل يمشي...كان عماد مكبش و يبكي بالحرقة...و بابا يجبد فيه لتالي...هزيت يدي حطيتها على قلبي...نبكي بالحرقة...عماد كان اخر حد بعد من قبر امي...جبدت روحي من زياد...و نزلت نجري...نجري بكل قوتي...طحت على ركايبي..حطيت يديا زوز نعدي فيهم على قبر امي...مزال بارد...بارد برشا...نزلت عليه اكثر...حطيت راسي عليه...كبست بيدي على حفنة تراب...و يدي لاخرى نعدي فيها عليه...نحب نحضن امي...نحب نحس بيها...نحب نحكي معاها و نشبع منها...حضنت قبر امي اكثر...نحكي معاها"امي...امي الغالية...نعرف لانت تسمع فيا...نعرف لانت تحس بيا توا...ماني بنتك يامي...ياخي علاش مشيت...علاش خليتني...مش وعدتني لانت باش تستناني...مش وعدتني انك باش تبقى معايا و تكون ند ليا...كيف تحبني نبقى قوية و انت خليتني وحدي...يامي ياخي انت لشكون خليتني...شكون عندي غيرك في دنيا...شكون باش يحن عليا...و يواسيني...شكون باش يصبرني عالدنيا...يامي علاش خليتني...منجمتش نصدق...و منحبش نصدق لانت هوني...منحبش يامي...ارجعلي و خلينا نمشو من هوني...انا و انت و عماد...نمشو لبلاصة بعيدة ما فيها حد غيرنا...مش هذا كان حلمك...هيا امي فيق و نوعدك معاد نخليك تخدم شي...هيا امانك ياميي متخلنيش وحدي...منجمش نعيش من غيرك...راك روحي...امانك ارجعلي يامي"
صوتي بح...تخنقت...و معادش نجم اكثر...حسيت بيدو تغلغلت داخل شعري...يعدي فيها و يحكي
زياد:سوار...يزي هيا قوم توا
حضنت قبر امي اكثر...منحبش نمشي من هوني...منحبش نخلي امي وحدها...شهقت نحكي
انا:م منحبش...سيبني نحب نبقى مع امي
نزل بيديه لكتافي...جبدني عندو...حضني من تالي...كبس عليا اكثر يحكي
زياد:صدقني باش يوفا كلشي...باش يوفا...امك ممشاتش بالعكس هي قاعدة ترا فيك و تسمع فيك...ميجيش لي قاعد تعمل فيه...هيا معايا توا
هزيتلو براسي لا...نزلو دموعي اكثر...حاولت نجبد روحي منو نحكي
انا:نحب على امي...سيبني نحب نبقى معاها...مش انت وعدتني تخليني نشوفها...ملا سيبني ههي بحاجتي...منحبش نمشي معاك...امانك خليني معاها
كبس عليا اكثر...وقفني معاه...حاولت نجبد روحي منو...اما شي...بقيت نفرفط بين يديه و نصيح...لين تهديت و بدني ترخف...صوتي ضاع...و معاد نحس بشي...نزل عليا حملني بين يديه...حطيت راسي على صدرو...بقا محملني لين وصلنا للكرهبة...حطني من تالي...و ركب بحذايا...تكيت عليه...كل جهدي طاح في الما...حليت يدي نشوف مع حفنة تراب...نزلت مني دمعة حرقتني...طول الثنية و انا نرجع في ذكرياتي مع امي...مرة نتبسم بوجيعة...و مرات نبكي بحرقة...فقدت امي...فقدت السبب اللي مخليني قوية السبب لي يخليني عايشة لتوا...الموت خطفت مني امي...و خلاتني نتخبط في احضانها...لا حبت تهزني...و لا خلاتني نعيش...خلاتني عايشة بين المد و الجزر
زياد يحكي:
منعرفش قداش تعدا وقت...و احنا في الثنية...محسيتش بالوقت جملة...بقيت نشوف مع حالتها و هي متكية على صدري...وجها منفوخ من البكا...و روبتها البيضة...رجعت بلون التراب...شعرها داخل بعضو...يمكن تكون هاذي اصعب وجيعة عاشتها في حياتها...اصلا مفماش وجيعة اقوى منها...وجيعة نعرفها بالقدا...وجيعة عشتها سنين لتالي...عشتها و انا عمري 8 سنين...نزلت راسي نشوف معاها لقيتها رقدت...غزرت ليدها لقيتها كابسة عليها...نزلت يدي حليتها...نلقاها شادة تراب في يدها...سخفتني عاللخر...يمكن بعد السنين هاذي الكل لي عشتها...اول مرة نسخف على حد...اول مرة يغيضني حد...اللي شفتو اليوم كان من اكبر المواقف لي عشتها...هزيت يدي كبست علاها اكثر...و تكيت لتالي...سكرت عينيا...نحس في راسي باش يطرشق..فقت من سرحتي...كيف وقفت الكرهبة...نزل الشوفور فتحلي الباب...غزرتلهالقيتها غاطسة في نوم...تي اذا مداختش...خاصة نهار الكل و هي تبكي...بعدتها عليا شوية..و نزلت...قربت من جيهتها نزلت علاها اكثر هزيتها بين يديا...طلعتها لبيتها...حطيتها عالسرير...حالتها حالة...مسخة بتراب...وجها احمر باش يطرشق...مش حاسة على شي..لا كيف حملتها لهوني...و لا كي حطيتها...عديت يدي على شعري...دنيا بدات تظلام...اصلا ساعات نعدوهم في ثنية باش نمشو لتونس و نرجع...بحكم البلاصة جاية في ريف...هزيت تليفوني و خرجت...كلمت رجالي...نطمن عالاخبار...و اذا حد شك لانا هوني في تونس...رجعت عندها...مزالت كيما حطيتها...قربت منها اكثر...باش نفيقها...من صباح ما كلات شي...و زيد حالتها بالويل...حاولت نفيقها اما شي...حطيت يدي على راسها...لقيتها باش تطرشق من سخانة...الروبة لي لابستها لصقت على لحمها من العرق...هوكا وحلنا في شي اخر...نفخت بالقاوي...حطيت تليفوني عالتابل دونوي...و دخلت لبيت
البانو...عبيت البانو بما دافي...و رجعتلها...قعدت بحذاها...حطيت يدي ورا ظهرها جبدتها عندي...جا راسها على صدري...جبدتها شوية...هزيت روحي وقفت..و هزيتها في حملتي...حطيتها داخل البانو بالروب...محبيتشنحيهالها...خاطر نعرف باش تحل على راسي قضية...بقيت كابس علاها بيدي باش مطيحش لتالي...منعرفش قداش بقيت اكاكا...لين حسيت سخانتهت نزلت...و ارتاحت عاللخر...وقفت هزيت الكاب بالزربة...وقفتها و حطيتو علاها من فوق...و رجعت هزيتها لسريرها...لبستهولها بالقدا...مغزرتش لبدنها جملة...منحبش نخدم مخي معاها...ركحتها في بلاصتها...و قعدت على حرف سرير نشوف معاها...قداش تظهر صغيرة..صغيرة برشا و الدنيا عملت فيها...اصلا دنيا ما رحمت حتى حد فينا...هزيت يدي عديت طراف صوابعي على خدها...موت امها فاجأني منعرفش اذا باش تنجم تكمل معايا و لا لا...منعرفش شنوة اللي باش يصير بعد اليوم هذا...الحكاية الكل بقالها اسبوع كهو...و في اخر اسبوع تهدت و قوتها طاحت...اصلا معادش نجم نفكر اكثر في اللي جاي...كل لي يهمني انها ترتاح من صدمة متاع اليوم..فيقني من سرحتي صوتها لي خرج ضعيف
سوار:ا امي امانك متمشيش...امي متخلينيش
نزلت يدي ليدها كبست علاها...و يدي لاخرى نبعدلها في شعرها نحكي
انا:ششش وفات انا هوني معاك
كبست على يدي اكثر...تبسمت على جنب...نزلت يدها لحزام الكاب...عرفتها تحب تحلو...حكيت لحيتي...تي طفلة كبست على كرشها جملة...و هي دايخة بالنوم...حطيت يدي رخفتو شوية...جيت نجبد يدي منها باش نغطيها...كبست علاها اكثر تحكي
سوار:متخلنيش كيف امي..ابقا معايا امانك
كبست علاها اكثر...تلفتت على جنب...تنهدت بالقاوي...هزيت يدي لاخرى غطيتها بيها...بقيت نشوف معاها...لين حسيتها هدات عاللخر...جبدت يدي شوية منها...حطيتها على شعرها بعدتو من وجهو...عديت طراف صوابعي على خدها...سخفتني عاللخر...منعرفش كيف نزلت بستها من راسها...اول مرة بست طفلة من راسها...يمكت خاطر حاسس بوجيعتها...هزيت روحي وقفت عديت يدي على وجهي بالزربة...و مشيت لبيتي...عملت دوش خفيف..و خرجت بدلت دبشي...خاطر لاخر تشمخ كيف حملتها...اول ما كملت رجعتلها...مزالت كيما خليتها...بقيت متكي عالقارد روب نشوف معاها...ساعات دنيا تظلمك و تاخو القريب منك...تخليك تعيش كل انواع العذاب بمجرد تخسر شخص تحبو...اما كيف تخسر امك...يفوق العءاب حدودو...تحس روحك غي عايش في جحيم...ليلة كاملة و هي تهتري...بامها...كيما ليلة كاملة و انا قاعد نطلع و نهبط وحدي...نخمم في اليمات الجاية كيف باش تكون
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
الحلقة 24
فقت الصباح على صوت رصاص...حليت عينيا و عقدت حواجبي...مستغرب...3 ايام تعدات بعد اكا الليلة..3 ايام لا حكات معايا و لا سمعت صوتها...تي لا تكول و لا تقوم من الفرش جملة...حاولت معاها اما شي...زادة محبيتش نظغط علاها...نعرفها تاعبة و قاعدة تعدي في اصعب ايام حياتها...اما من جيهة اخرى...بقيت مقلق خاطر يمات كهو و تبدا مهمتها...منعرفش اذا باش تنجم علاها...و لا باش تخليني نخسر كلشي...باقي نسمع في صوت...هزيت روحي تقعدت...غزرت لساعة لقيتها 6 متاع صباح...نفخت بالقاوي...هزيت مريولي في يدي...لبستو بالزربة...و خرجت من البيت...رميت عيني على باب بيتها لقيتها مسكرة...طلعت حاجبي...تي اخر مرة خرجت من عندها خليتها مفتوحة...امتى لحقت تسكرها...و علاش سكرتها...مركزتش برشا...نزلت الدروج هذاكا بالزربة...حليت الباب تلاني...لي يخرج للجنينة..عينيا وساعت و انا نشوف فيها من بعيد...قربت منها شوية...نثبت معاها...عقدت حواجبي اكثر...اول مرة من جات لهوني نشوفها هكا...و لا قول لوك لجديد متاعها...لابسة شورت جين قصير عاللخر...و خلعة بروتال في الاكحل...و دومي بوتس في الاكحل...شعرها بوكلي اكثر من العادة...مسيب...محستش بيا جملة...باقية تصاوب عالدبابز...كل دبوزة بحقها...مضيعت حتى وحدة...طريقتها كيف شادة سلاح و تصاوب صحيحة...بقيت نتبع فيها لتالي...لاخر دبوزة...نزلت يديها لوطة...تشوف مع البلاصة...بقات اكاكا دقايق...مبعد تلفتتلي تشوف معايا...دورت عينيا على وجها...حاطة روج غامق عاللخر...نظرتها باردة...اول مرة نشوفها...نزلت عينيا نشوف معاها...صدرها ظاهر شوية من الخلعة...رجعت ركزت في عينيها نحكي
انا:سوار ياخي
قصت عليا...كيف قربت مني عاللخر...وقفت قدامي بالظبط تحكي
سوار؛دنيز
انا:شنوة
سوار؛دنيز سالمي...مش هذا اسمي الجديد...ممم باز نسيتو
بقيت نشوف معاها مستغرب...كيف تحكي...قربت مني اكثر...حطت يدها على يدي...هزتها شوية...و قربت حطت سلاح في يدي تحكي
سوار:توا رجعت حاضرة بالقدا...نظن مش باش تكون عندك remarque المرة هاذي
شديتو علاها...تبسمت على جنب..ووخرت لتالي...قحرتلها نحكي
انا:نجم نفهم تغير جديد لي صار توا
سوار:لي قاعد تحكي عليه مش تغير...لي قدامك توا دنيز...دنيز لي تحب علاها انت...مش سوار...اصلا معادش فما وجود لسوار جملة
تبسمت بوجيعة...وجيعة شفتها بين عينيها...جات باش تتلفت...اما رجعت وقفت تحكي
سوار:صحيح...بقا 3 ايام كهو و يوفاو 3 شهور...انا حاضرة...و كيما تحب زادة...اما المرة هاذي عندي شرط عندك
تبسمت على جنب...و هزيت يدي حكيت لحيتي..هزيتها و حطيتها بعينيا نحكي
انا:ملا عندك شرط
سوار:ممم و المرة هاذي شرطي باش يتنفذ...خاطر كل مرة نكون بحاجتك...انت تكون بحاجتي اكثر شي...و بما انو احنا باش نخدمو مع بعض...باش تكون شروطنا متساوية لين توفا لعبة لتالي...شقولك
غزرتلي بتحدي...هزيت براسي باهي...و تبسمت على جنب...قربت منها...وقفت قدامها بالظبط...هزيت سلاح في يدي...حطيتو على وجها...نزلت بيه لرقبتها...بعدت بيه شعرها شوية و كملت نعدي فيه على طول رقبتها نحكي
انا:المظهر الجديد مش عليا...و مش انا لي نتحط تحت امر الواقع يا سوار...متنساش لانت جيت لهوني بارادتك...ما جبرتك على شي...ممم و شي اخر شرطك هذا يعتبر طلب...و من هوني لين يوفا كلشي...انت باش تحترم قواعد اللعبة لتالي...قواعد تعرفهم بالقدا...من غير ما نظطر نخبرك بيهم يا دنيز ¤¤¤¤
بقات تشوف معايا لين كملت كلامي...هزت يدها...حطتها عالسلاح...من تالي...نزلتو من رقبتها لصدرها...حطاتو في نص...كبست عليه...شطر يدها على يدي فوق السلاح...غزرتلي تحكي
سوار:بسيطة...كان انا تعديت قاعدة وحدة...وقتها رصاصة لي هوني باش تكون نهايتي و كهو
بقات تتنفس بالقاوي...سلاح طالع نازل مع نفسها...كبست على سنيا...و نزلتو شوية...بعدتو علاها نشوف معاها...وخرت خطوتين لتالي...شافت معايا شوية...هزت يدها رجعت شعرها لتالي...مبعد تلفتت عطاتني بظهرها...بقيت نشوف معاها...و هي تبعد لين غابت على عيني...كبست عالسلاح في يدي...نهدي في روحي...منعرفش علاش تقلقت لهدرجة...مش هاذي سوار لي نحب علاها انا...مش هاذي طفلة لي حاجتي بيها...ملا شبيني دخلت بعضي...شبيني محبيتش مظهرها لجديد جملة...سكرت عينيا و رجعت فتحتهم...نفخت بالقاوي...نبرد في اعصابي...هذا شي في صالحي...هي تقوات على روحها في اخر لحظة...خاطر الوقت مش لصالحنا جملة...اما...اففف اففف رجعت سكرت عينيا و رجعت راسي لتالي منحبش نخمم...ملازمش نخمم...اللعبة باش تبدا...و اللي قاعد نخمم فيه مش وقتو جملة...خذيت نفس و خالطت علاها...دخلت لدار...جيت باش نطلع...اما رجعت لتالي...كي حسيت بحركة في الكوجينة...اول ما دخلت لقيتها قاعدة عالكرسي...مطلعة ساق شادتها بيدها...و يد قاعدة تشرب في قهوتها...هزيتها و حطيتها...قربت منها...رميت الفرد عالطاولة...طلعت راسها تشوف معايا...جبدت الكرسي...و قعدت مقابلها...شبكت يديا فوق الطاولة نحكي
انا:ملا قتلي حاضرة
سوار:ممم
انا: ملا برا حضر روحك بعد يومين باش نكونو في ايطاليا...و الحاجات الصغيرة لي ناقصة تتعلمها غادي
حطت الكاسة من يدها و غزرتلي...حسيتها توترت شوية...هزت براسها باهي تحكي
سوار:مش باش نسافر قبل ما نطمن على عماد
انا:شنوة
سوار:هذا هو شرطي...نحب نطمن على عماد
انا:باهي و كيف تحب تطمن عليه
سوار:نحب عماد يسافر من هوني...لاي بلاصة خارج تونس...يبقى في مدرسة داخلية...نحبكم تتلهاو بيه و بقرايتو...و ما يخصو حتى شي...و كلشي يحتاجو و يطلبو يلقاه عند وجهو...والاهم من هذا الكل منحب حتى حد يوصل ليه...و لا يوصل يهددني بيه...حتى انت...و في المقابل انا تحت خدمتك...و ما نحب حتى شي منك
بقيت نشوف معاها...كلامها صحيح...و من حقها تطمن على خوها زادة...غزرتلها في عينيها نحكي
انا:باهي...طمن...اعتبر لي حكيت عليه صار...اما فما مشكلة
سوار:شنية
انا:خوك لتوا معندوش سن القانوني...و باش نسفرو من هوني...يلزمني تصريح رسمي...من عند بوك...ميجيش نخرجو بطريقة غير قانونية خاطرو صغير
سوار:باهي اعتبر الموضوع هذا محلول
انا:كيف
سوار:انا لي باش نحكي مع بابا
انا:تحكي بجدك
سوار:ممم
انا:تتذكر اخر مرة كيف عاملك...ياخي كيف باش يسمعك المرة هاذي
سوار:و انت قلتها اخر مرة...اما مش المرة هاذي...لا هو و لا حد غيرو ينجم يوقفني...باهي
هزت روحها...نطرت الكرسي...ووقفت...حطت يديها عالطاولة نزلت شوية...شطر صدرها ظهر...طلعت راسي نشوف معاها...غزرتلي تحكي
سوار:باش نجيب تصريح هذا اليوم...و انت حضر الاوراق الباقية...نحب نطمن على عماد قبل ما نسافر معاك
هزيت روحي وقفت...ونطرت الكرسي فرد وقت...رجعت خطوة لتالي...تشوف معايا...قربت منها...وقفت قدامها بالظبط...نزلت عينيا نشوف مع شفافها...و رجعت غزرتلها نحكي
انا:ملا باش تمشي اليوم
سوار:ايه
انا:باهي برا حضر روحك...و من هوني لين توصل لتونس المحامي يكون حضر الورق اللازمة
سوار:حاضرة باش نمشي من توا
انا:هكا
غزرتلها من الفوق للوطة...حومتها شعبية...و ميجيش تمشيلهم هكا
تبسمتلي على جنب...و غزرتلي تحكي
سوار:ايه باش نمشي هكا...اصلا على شنوة باش نحشم...انا خسرت كلشي
قالت كلامها بوجيعة...و خرجت من الكوجينة تجري...كبست على يدي...محبيتش نظغط علاها اكثر...نفخت بالقاوي...و طلعت لبيتي...هزيت تليفوني...كلمت المحامي اول شي...مبعد كلمت واحد من رجالي...خبرتهم يجيبو الاوراق من عند المحامي...و يأمنو المنطقة...خاصة من رجال بابا...خاطر ادم توا لاتي بمهمتو جديدة...و مش لاهي بيا...بدلت دبشي بغزول...و نزلت اللوطة...لقيتها غادي تستنا فيا...تعديت علاها خرجت...خالطت عليا تحكي
سوار:زيياد
وصلت للكرهبة باش نفتح الباب...تلفتتلها نشوف معاها...كملت تحكي
سوار:نجم انا نسوق
انا:لا
منعرفش شبيني...اما نحس في روحي باش نطرشق...ركبت و سكرت الباب...خالطت عليا ركبت بحذايا...طول الثنية و هي ساكتة...يجيب 3 ساعات اكاكا...باش دخلنا لتونس...رميت يدي سكرتلها البلار...قحرتلي...و ستوات في قعدتها...اول ما وصلنا لحومتها...تلفتتلي تحكي
سوار:اقف هوني كهربتك متنجمش تدخل اكثر
انا:باش تمشي هاذي الكل وحدك
سوار:مستانسة انت استناني هوني
انا:باهي باش تلقا شكون عند بابكم شد عليه الاوراق لي باش يوقعهم بوك
سوار:باهي
نزلت من الكرهبة...بقيت نشوف معاها لين غابت على عيني...حبيت نخليها تتصرف على راحتها...خاطر فاهم بالقدا الصراع لي قاعدة تعيش فيه بينها و بين روحها...نعرف لي هي تحاول تاخو فرصتها و تكون سوار جديدة...و بالاصح...تحب تثبت شخصية دنيز في الواقع
سوار تحكي:
نمشي في زقاق حومتي...حومة عشت فيها و تربيت فيها...لعبت فيها...بكيت و ضحكت فيها...تعلمت فيها...كبرت بين ناسها...بين صغارها و كبارها...اما اليوم...دخلتها بقلب محطم...بوجه جديد...بروح جديدة و خاطر مكسور...اليوم هي معادش حومتي...و معادش انا سوار الصغرونة لي عشت فيها...الدنيا لعبت بيا كيما حبت...مرمدتني...و خذات مني الغالي...خلاتني ما نسوا شي قدام الناس...عفستني و بكاتني...دورت راسي نشوف مع النسا لي قاعدين عند بوابهم مصدومين فيا...و يحكو فيما بيناتهم...يحكو عالطفلة لاغتصبوها من شهور...و توا تمشي بشطر دبش و امها ترابها لتوا منشفش...باش يشوفو في بدني و في وجهي..كيما ناس الكل...اما حد ما راح يغزر لقلبي...حد ما راح يعرف قداش تشويت...قداش بكيت و تعذبت...حد ما راح يحس بيا...خاطر اللي كانت تحس بيا معادش موجودة توا...كيما نعرف لهي مش راضية على لي قاعدة نعمل فيه...اما معنديش حل اخر...انا دخلت في لعبة و لازمني نكمل لتالي...لازمني ناخو بحقي من اللي غدرني ووصلني للحالة هاذي...لازمني نحمي خويا و نضمن مستقبلو بعيد من هوني...عالاقل وقتها ترتاح امي في قبرها و نرتاح انا...و قفت على اخر خطوة...طلعت راسي نشوف مع دارنا...طابقين قد حالهم...مهترية...و تحسها باش طيح في اي لحظة...دار كبرت فيها و عشت فيها...تحملتا الجوع و البرد...اما كنت راضية بعيشتي...حب امي كان مكفينا على كلشي...تمنست وقت نخرج من دار هاذي نكون طبيبة و عروسة فرد وقت...اما على شنية باش نتحسر توا...نزلت راسي نشوف مع واحد واقف بحذا الباب...حاط كاسكات مغطي بيها وجهو...و شاد وراق في يدو عرفتو من طرف زياد...قربت منو...شديت الورق عليه من غير حتى كلمة...دزيت الباب بيدي و دخلت...طلعت دروج درجة درجة...و انا نذكر في امي...غلبتني دمعة نزلت مني...هزيت يدي مسحتها و كملت طلعت...عقدت حواجبي على صياح بابا...كملت طلعت بالزربة...نشوف فيه شاد عماد من مريولو من تالي يخض فيه و يصيح
بابا:ياخي مش قتلك حضر الفطور شبيك لتوا
عماد:بابا بالاهي سيبني والله تاعب...علاش هكا خسرنا امي معندناش برشا...شبيك تعامل فيا هكا
بابا:سكر¤¤¤¤ والله ما نرميك للكلاب برا
عماد:باهي سيبني و كهو تو نمشي نحضرو
دزو على طول يدو...جا في حملتي...طلع راسو يشوف معايا مصدوم...هزيت يدي مسحت دمعتو...و هزيت يدي مسحت دمعتي...قداش زدت كرهتو و نقمت عليه...هو سبب في كلشي وصلنا ليه لتوا...نزلت يديا كبست على عماد اكثر...نغزرلو بحقد...بوجيعة و كره...هزني و حطني اكثر من مرة قربلي يحكي
بابا؛شتعمل انت هوني
تبسمت على جنب...كبس عليا عماد اكثر...الفرخ رجع في طولي و باش يفوتني...نسمع في يحكي
عماد:سوار علاش رجعت يا اختي...مش باش يرحمك راهو
حطيت يدي على راسو و كبست عليه اكثر نحكي
انا:شششش متخافش كلشي باش يوفا اليوم
بابا: جااااوبني...شتعمل انت هوني
هزيت راسي غزرتلو...غريبة معادش نخاف منو...لا من جهامتو...و لا من صوتو...لا من جبروتو بالعكس...الحقد لي داخلي قواني اكثر...جبدت روحي من عماد بعدت عليه...و قربت من بابا...وقفت قدامو بالظبط...رميت الورق عالطاولة نحكي
انا:باش توقع الورق هذوما و كل حد يمشي على روحو
نزل راسو غزر للورق...ورجع غزرلي...قحرلي قحرة موت يحكي
بابا؛ورق شنية هذوما
انا:الوصاية على عماد لين يوصل السن القانوني...و تصريح السفر زادة
بابا:هههههههههه انت باز هبلت...ياخي تحب تلحق امك انت
تبسمت على جنب...هزيتو و حطيتو نحكي
انا:علاش انت لي قتلتها
هز يدو باش يضربني...هزيت يدي شديت يدو قبل ما توصل لوجهي نحكي
انا:اخر مرة تفكر تهز يدك عليا...متنساش روحك شكون...انت ماك كان راجل امي...حبيتك و قدرتك...خاطرني حليت عينيا عليك...كان ماشي في بالك اانا منعرفش تكون غالط...اما من وقت عرفت كتمت السر هذا داخلي و حتى امي مخبرتهاش لانا نعرف...حملت ذلك و بقيت نعيطلك بابا...كنت ديما نكذب و نقول رغم كلشي انت بابا...انت ربيتني...ووصلتني لهوني...كنت نترجم كلامك و صياحك على اساس خوف عليا...خاطر حتى ولدك لي من دمك و لحمك مرحمتوش...و صنفتنا مع بعض...خليت حياتنا جحيم...قمار و شرب...ضرب و تهنتيل...كان كنت بابا بالحق...كنت تصدقني...كنت تاقف معايا و تساندني...مش عند اول مشكلة ترميني على طول يدك و متسألش عليا..و توا توقع الورق هذوما بارادتك...ويرجع عماد من مسؤوليتي...و لا باش يكون عندي تعامل اخر معاك...و انت اختار
كمنتار ببلوڨر
تعليقات