انتى سبابي من 1 الى 60

من الحلقة 27 الى الأخيرة  

 

  《 الحلقات السابقة 

الحلقة 27"" 

قربلها يضحك بحررقة و قهرة : بنتي اللي كبرتها ولات تهدد فيا بالعدو متاعي ... الله الله ..

- يخخخي مازلت تنطق فاها كلمة بنتي  ؟؟؟ غريبة فيك والله ...( قعدت عالكنابي تعدي في يديها على شعرها تحس في بدنها يفبري بكل خااايفة  عالخر على عمممر و اول مرة تحس روحها خايفة لهااا درجة .. ) مضطرة نبقاا هوني لين يبرا عمممر و من بعد نهزو و نمشي ... مضطرة نستحمممل نرا وجوهكم ... ( كانت تحكي بغصصصة ... هي  اكاك و امها جاتها ) 

- عمر لابااااس اعليه .. الكرتوشة جاتو في كتفوووو ..و فاااق 

صحراء ضحككت من غير ماتشعععر مشات تجججري طلعتلووو تلقا الفرملية خرجت من عندووو ... 

- عممممر لاباااس ؟؟؟ 

- اي لااااباااس ... ماتخليوش يتعب .. الكلام و الحركة برشا اتعبووو ..

- باهي ..( ضحكت و دخلتلووو ..تلقاه راشق عينيه  في السقف قربتلووو بالشوية ) عممر ؟؟ 

غزرلها و ضحك 

- شبيك تبكي ؟؟؟ هههه شنية خفت اعليا ؟؟ تخافش مانموتش ... 

- ( مسحت دمووعها ) لا خفت لا خويا يولي قاااتل و كهووووو ...

قام من الفرش ..كان لابس سروال دجين و مريول ابيض ... بقا يمشي اتجاها و هي توخخخر ... 

قربلها .. حصرها بينو و بين الحيط ...

_ طلعت بنت عمي مالا ؟؟ هههه عمري لا كنت نتصورها .. لا و زيد ظلمتك طلعت قارية و واصلة خير مني ..

حطت يدها على بلاصة الجرح

_ ماتعبش روحك ... اعلاش قمت من فرشك ..مزالو كيف خرجو منك كرتوشة ... عمممر ارجع ارتاح ..

تبسم على جنب 

_ تخافش .. مستانس ... ( قرنت حواجبها شنية يقصد باللي هو مستانس؟؟ نحا مريولو بصعوبة شههقت) 

_شتععععمل هبلت في مخك ؟؟ 

اعطاها بظهرو .. بقات تعدي في عينيها على ترااااس اللي في ظهرو 

_ شوووف هاكم الكل كرتوش ... ( تلفتلها .. ) قتلك مستانس ..كليت طرايح من رجال بوك قد شعر راس وو كلتهم طرايح .. عشت طفولة صعيبة من جرتك 

_ من جرتي؟؟؟؟ اعلاش العداوة اللي صارت بين العايلات من جرتي .. تي ماو من قبل ... مش من جرتي ... اللي صار كل من جرة الفلوس و الخنن و وسخ الدنيا ..

( قربلها عاللخر حطت يدها على صدرو بعدتو ): عمر شنية حكايتك معايا؟؟؟

_ انتي شنية حكايتك صحراء .. وصلولي اللي انتي صااار فيك ...بكاء و دموع ... شنية القوة و الشجاااعة وين مشااااو؟؟ 

دزتو توووجع ... شد كتفووو ..قربتلو بلهفة _سااامحني سامحني عممممر ... انتي تستفز فيا .... معادش تستفزني ... 

شدووو الضحك و حط جبينو على جبينها بحركة سريعة ... تفاجئت من قربو لاها .. حاولت تبعد جبدها من حزامها ..

_ نحب نقلك حاااااجة .. 

_ عمممر اش تحب مني؟؟؟ ابعدددني راك تفوت في الحدود معايا 

_ نحب نغرق في الصحررراء خليني نغرق فيكككك..

جا بش يهبط ل شفايفها دزتو ... و فسعععت .. تكات عالباب .. تحس في قلبها شيخرج من بلاصتو مش مصدددقة اللي هو فات حدودو .. اما هي زادة فاتت الحدود ... فاتتها قبلو...  بعد تفكرت الكلام اللي قالو على امها رجعتلوووو هدت اعليه تفجججع 

- شبييييييك ؟؟؟ شنية صااار بدلت رأيك فيسع 

- لاااااا يخخخي نورمال تحكي على امي هكاكا ؟؟؟ ماعملتش حساب مشاااعري ..عادي تحكي راهي مازالت امي...  صدددقني يا عممممر مازلت تحل فمممك و تقول كلمة عيب فاااااها ( قربتلوووو و حطت يدها على قلبووو ) الكرتوشة تجيك هووووني من عندي

قرب لشفايفها و تكلم 

– ماتنجججمش ... ماتنجمش تضربني .. 

شيعت عينيها في عينيه ... حست قلبها بش يطيح من بلاصتو ..كبست على قبضة يدها 

– صددددقني  كان تحل جلغتك على امي بكلمة عيب .. نحيه قلبي و نعفس اعليه 

تبسم على جنب  ..و قرب ل جبينها  باااسو .. تصدمت من اللي عملو .. 

– ساامحني ..نعرف روحي كترث .. عندك حححق..اهوكا خوك اعمل الواجب 

صحراء وجها تقلب الوان : احمممممم ... اشرب دواك و كول بالباهي .. بش نبقاو هوني لين تبرا و نرجعووو الحرب بش تبدا على قريب ...

             

الحلقة 28 "" 

غفران في الفيلا تاع الساحل.. داخلة في حيط ... عملت طلة من الشباك تلقا الرجال مسربسين الفيلا ...  و محسن ريحتو مفماش .. بدا الفار يلعب في  عبها .. بقات ادور في الفيلا .. و تحكي وحدها 

- لازمني حححل يخرجني من هوني لاااازمني نخرج بأي طريقة ....  

مشات للكوجينة تلوج على دبوزة الغاز ..  و جبدت الوقيد... و رجعت للصالة عباتها بالغاز ..

- لاااااااازمني نحرقها الفيلا .. بما فاها تا نوريكم اللعب مع غفران بن حسين وين يوصلكم يا دار بن أحممممد ..... 

شعلتها الصالة و بقات تغزرلها .. عينيها تكدح نااار الحقد اتجاه .. عيلة بن أحمد ... حلت الباب تصيييييييح 

- الفيييييييييييلا تحرققققققققققققت ..اجريوووووولي ( قداش تعرف تمثل بصراحة .... ) 

دخلو الرجال .. يحاولو يطيفو الفيلا وقتها اقتنصت الفرصة و هربت ..هربت تجري ... و حد ما شلق باها ...بقات تجججري لين وصلت للكورنيش ...  تلهث بالقوي ..صدرها  يطقام و يتحط .. تعدي في عينيها  بلاصة غريبة اعلاها ... ناس ماشين و جايين ... وجوه عجيبة .. بقات ضامة يديها لبعضهم و تمشي و تتلفت وراها .. يمكن ندمت اللي هي عملت كاك و فسعت ... لا هي ندمت بالحححق 

في نفس الوقت محسن دخل للفيلا تاع الساحل ..  كيف ما لقاش الرجال قدام الباب الخارجي  العصب مكنو هبط من الكرهبة الدجاج الاكحل داير بيه .. يصيح 

- صدااااااااااااام ..صدام ويييييييييينك يخي نخلص فيكم كروية ؟؟ 

صدام خرج من الفيلا وجهو اكحل من رماد الناااار 

- يا سي محسن .... الفيلا تحححححرقت شططططرها 

محسن مشالو جبدو من خناقو 

- شمعناهاااااااااا  تححححرقت .؟؟؟؟؟؟؟ ( محسن حس قلبو طاح من بلاصتو ) و  غفران ؟؟؟؟ غفران ويييييييييين ؟؟؟ ( دخل للفيلا مذعور اول مرة يحس بالخوووف اعلاها)   غففففففففففران 

طلع الفوق مالقهاش .... هبط كيف المهبول 

- وييييييييين غفران ويييييييييين ؟؟؟؟؟ 

-مش موجودة يا سي محسسسن 

محن وقتها فهم .. و اعرف سبب الحريق اللي صااار ... كبس على قبضة يدووو و صاااااح 

- غفرااااااااااان .... الا مانشدك .... والله ما نشدك ما عندك وين تهرب مني يا بنت بن حسين...

في نفس الوقت كانت تمشي و خايفة ... حاولت ترجع و مانجمتش ضيعت الثنية .. و الشمس بدات تغرب ..يمكن وقتها لعنت عايلتها و عايلة بن احمد و اكثر حد سبتو في قلبها هو محسن ...

- آآآآآه يا محسن عمري لا بش ننسا اللي عملتو فيا

هي كاك و تتعدا كرهبة .. تمشي بالشوية وقتها .. قلبها بهز فرد بهزة ... راجل خرج راسو ... 

- بسسسسست شبي الزين وحدوووو  ؟؟؟ 

غفران دورت وجها و بقات تعجل في مشيتها ... قلبها تحسو شيطيح من بلاصتو ..مش مستانسة تتحط في مواقف كيف هكاااا 

- هاااااااي شبي الزين مطفينا ؟؟؟؟ مانضحيوش احنا ؟؟

تلفتتلو - عييييييشك برا على روحك .. اممممشي يخي تحشمش على روحك 

- لاااا قدام الزين مانحشمش ...  هيا اركب هيااا و لا نهبطلك 

- تي اقلللللللللب وجججججهك عااااد  .. هيا اقلللللب .. خير ما نلم اعليك خلق ربي الكل .. ( بدات تعلي في صوتها و هو هبط ..جبدها من مرفقها ) 

- وينهم خلق ربي اللي تحكي اعليهم ؟؟

نطرتلو يدو - هببببببط كسرتك يا حيوان و اقلب منضررررررك يخي ماتحشمش بغل كيفك مزال يبزنس في البنات ....  

هوما اكاك و محسن يقرب بالكرهبة و يبقق في عينيه 

- مش هاكي  غفرااااان ؟؟؟؟؟ 

كيف شاف الراجل يتلصوق هبط من الكرهبة .. في يدو عصا ... الراجل كيف شاف محسن فسع.. اما غفران بقات ترعش بكلهااااا ... محسسسن نطر العصا و قربلها جبدها من مرفقها

الحلقة 29 "" 

_ نوووورمال انتي؟؟؟؟؟  نورمال تهرب ... و كان خطفك الراجل كان ضررررك ... باهي و كان مسك و لا اعملك حاجة ... 

قصت اعليه 

_ محسوووب انتي مش خاطفني؟؟؟ انتي ماكش اضرررر فيااااا؟؟؟؟ محسوب انتي ماقربتليش ؟؟؟؟ شوووف الامارة شووووف( وراتو رقبتها ... و  بقات تهز فيه و تحط ) اي انا هربت منك . و من عيلتك و من الخنن اي هربت ... نموت وحدي و لا تقتلني انتي 

_ مستحيل نقتلك انا مانيش قاتل مانيش مجرم اصلا جيت بش نهزك لداااركم كهو وفات المسرحية .. الحكاية ولات ما اعمق من مجرد انتقام ... 

- شمعناها شنية تقصد بكلامك هذا وضحلي ؟؟؟

عدااا يديه على شعرو 

- صحرااااااء اختي ... اخخخخخخختي طلعت من دار بن حسين  ... 

- شنيييييية ؟؟؟؟؟  ههههههه اختك ؟؟؟ 

- اي اختي صحراء .. هههههههه ( هز يديه  يضحححك) اختي اللي عشت حياتي كل نحسبها اختي من بااباااااااا و  ماما  ...   طلعت بننننننننننت عمممممممك  ههههههههه طلعت بنت  عمممممممك ههههههههههه (  بقا يضحك بهستيريا و يقدم و هي توخر ) طلعت بنت بن حسين .... بنت العدو متاع دارنا ... كل شي تو تقلب ضدنا كل شي .... من جرت عمممممك ..... امي اللي كنت نراها اطططهر مرا في الدنيا من جرة عمك وليت مانجمش نغزرلهااااااا و خووووك سي الخرااااااا ... بقا يتكلم و يتجلطم .. اعطيتو كرتوشة في كتفووووو 

غفران عينيها وساااعت قربتلو جبدتو من خناقوووو

-شعمممممممملت ل عمممممممممر يا كلب ؟؟؟ شعممممممممملت ؟؟؟؟؟؟؟؟؟ هووووو لاباااااااااااس ؟؟ انطططططططق يا خراااااااااااا

جبدلها يدها كبس اعليهم 

- عمر الكلاب طويل ماتخافش لاباس اعليه و صحراء اختي فيسع ماربات اعليه كبدة تبكي و تنوح ..صايى عاد ولد العم .. و الله اعلم اش من حكاية بيناتهم ....  انتي و عيلتك  دخلتو فينا غولة ..كرهي ليكم اعمى و بش نهزك تووو لداركم ماعادش نحب نرا منضرك الاحرف 

- محسووووووووب انا نحب نرا منضرك الاحرررررررف قلي خويا لاباس و لا لا ..؟؟؟

- اصصصصح من الجن خووووك غير اسكككككت ( جبدها من مرفقها وهي تفارع فيه ) 

- نحححي كسرتك يا خرااااااا ... نحاااااااااهاااااا ( تفارع فيه و هو كيف الجبل اللطف ..صمامة ..ماتحركت منو حتى شعرة ..طلعها للكرهبة..ثنية كاملة تصيح و تعيط هي طبيعتها كاك مجنونة ..حساسة .... اي حاااجة تأثر فاها .. تضرب فيه على كتفو و هووو  كل مرة يصيح اعلاها و هي شي مش لاهية تسمع فيه )

- كيفاااااااااش ؟؟؟ كيفاش نجمت تضرب خويا بكرتوشة ؟؟؟ مش قلت اللي انتي ماكش قااتل ؟؟؟ انتي كنت ناوي تقتلو ؟؟؟؟؟ والله كان صارت فيه حاجة والله راني باصيت اعليك راني كليتك بسنيا راني دفنتك بالحياء هاكا خويا ...روححححي راهوووو ماعنديش غيرو 

- خووووك ..فات الحدووود متااااعو 

- شنية الحدددود يخخخخي قال حاجة غالطة ؟؟؟ تي ماو امك رقدت مع عمممي و جابت اختك شنية الغالط(  شد فران بالقوي .. العصب مكنوووو ....   كبس عالفوالون وغزرلها ..عينيه مليانة حححقد ..عروق رقبتو بانو.. حتى لون عينيه تبدلو ولاو خضر غامقين من الغصب اللي مكنو من ساسو لراسو رص على سنيه )

- عااااود شنية قلللت ؟؟؟ عاود ... عاااااااااااود 

- انتي تستفز فيااااااااا .. انتي تحاول تستفزززني ديما بأي طريقة ..مايهمنيش فيك تنرفز من هوني للصصصصباح ..بش تضربني بكرتوشة اضرب ..محسوووووووب ..... ميسالش اما بش ترجعلك ب أربعة كراتش ...باهي ؟؟؟ بابا مش بش يسككككككت ( غفران وقتها خافت ..الخوف عماها جات بش تهبط من الكرهبة تلقا الباب مسكر عرفت اللي صايى ركبتلووو ..جبدها من شعرها بالقووووي .. تضرب راسها على صدرو  شهقت بالقووووي ..همسلها في وذنها  و هي مغمضة عينيها الرعب ماكنها اول مرة تخاف منو  لدرجة هاكي ) 

-  مازلت تحل جلغتك و تقول كلمة على امي و لا عايلتي .. نعفس اعليك بالكرهبة و بلا رمشة عين ... ( بقا يحكي بصوت واطي ..اما مبحوح كلو تنرفيز .. و حقد و برشا غل ) صدقني نفنيك من وجه الارض ....  ( دزها بالقووووي .. الخوف مكنها خدرها ...  غفران خووافة برشا بقات كاك لين هزها النوم .. و هو بقا يسوق كالمجنون  ..لين وصل للفيلا متاع دار بن حسين .. وقف  يغزرلها من بعيد  )

الحلقة 30 "" 

- آآآه دار بن حسين نتمنى نحرقك .... باللي فيك ( غزرلها .. قلبو وجعووو عدا يديه على خدها.. يمكن وجعها ..يمكن  خوفها بكككري اما هي تجاوزت الحدود متاعها ..حلت عينيها و هو بعد يدو فيسع ) 

- شنية صااااار ؟؟؟؟؟  ( بقات تغزر لحومتها ... مش مصدقة ) اي اي انتي وصلتني صاايى ( هبطت تجججري و تتلفتلو .. بعد عرفت  اللي هي معادش بش تراه شدت فران دارتلو .. عينيها مليانة دموع و هو يغزرلها بحرقة ) 

محسن : اممممشي غفران عيشك امممشي راني مش بش نخليك مش بش نخليك ... ( كان يحكي بينو و بين روحو ) 

غفران : خسارة محسن تلاقينا في وقت غالط و في عيشة غالطة ..و في عايلات غالطين خساااااارة ...  كانت تحكي في قلبها و تغزرلو بكل لهفة .. كاينها تقلو ماتمشيش .. ايجا عاود اخطططفني .. ضرب يدو عالفولون .. و هبط بكل لهفة ... بقا يصيح ) 

- امممممممشي اممممشي غفران ... 

شاورتلو براسها لااااا ...  قربلها بلهفة و شغف جبدها من وجها 

- راني في جحر العدو ...  لاهي نخاطر بروحي .. امممشي عيشك و خليني نمشي 

- محسن ... ( جات بش تتكلم حط جبينو على جبينها ) 

- اشششششش اممممشي عيشك .. نوعدك معادش بش تراني و لا حتى تلمح خيالي غفران اخطاك من اللعبة المسخة متاع العايلات ..و زيد اختي طلعت منكم ... هي مازالت اختي ..انا بش نسافر .. بش نهرب راني تعبت ..تعبت من كل شي .

- ( غفران حلت فمها مش مصدقة ) تساافر ؟؟  تسافر و بوك راهو 

- تعببببببت من ككككل شي ( بعد اعلاها و كبس على قبضة يدو ) واحل في الخنن للعنكوش ... راني عمري لا حطيت سلاحي في راس حد اليوم حطيتو في راس خوووك 

- قهههرتني راك اسسسسكت ... كهوووووو ... ( تحس في راسها بش يتكسر ..صوت داخلها يقلها اضربوووو صيح اعليه ... و صوت اخر يقلها عنقوووو قلو نسافر معاك ..قلو خليني معاك نحب نتعرف اعليك نحب نقربلك و نحس بيك و نعرف تفاصيلك .. ) 

- اممممشي ( دزها و هي كبشت في يدووووو ) 

- محسن ... ( جات بش تقلو نحب نبدا صفحة جديدة نسافرووووو و ترا كان في كرتوشة اخترقت جنب محسن ... عينيها وسااااعت ... شهههههههقت بالقووووي تلفتت تلقاه ولد عمها ماهر ... عينيه تكدح نااااااار هذا قريب من عمر عاللخر ... و خو صحراء يتسمى ولد منجي بن حسين .. محسن طاح و  غفران طاحت معااااااه تصيح ) 

- محسسسسسن ..( شدتلو الجرح ..و هو  صدرو يطقام و يتحط موووجوووع .... قربلهم مااااااهر ) 

- سيبووووووووو خليه يمووووووووت ...  بش يتربى معادش يهز السلاح على اسيادو ال***** ( في يدو السلاح مشبرو جات قدامو نحاتلو السلاح و رماتو ) 

-  هببببببببببلت ..عمممممممر لاباااااااااس ماصارلو شي اعلااااااااش تضرب فيه اعلااااااااش ؟؟؟؟ ( رجعت لمحسن تبككككي ... حست بقلبها   حد شدو عصرووو روحها شتطلع ..معنققتو ) مااااااااااهر بش نقتتتتتتتتلك والله نقتلك كان تصيرلو حاجة .... هززززو معااياا للسبيطااااااااار هياااااااا ..... هززززو 

مااهر فاق على روحو ...  عدا يديه على لحيتووو 

- بش نتحبس .. بش نرجع للحبس  ..( هزو للكرهبة و سكرها ) هزززو انتي فيسسسسسسسع ... رد بالك تجبد للبوليسية حاجة 

قربتلوووو عينيها مدمممعة مخلوجة 

- اقسم بالله كان تصيرلو حاجة اقسم بالله ..انا بيديا نحشيك في الحبس ياااااااا ******

كانت تجري  تلوج على طبة ...  لقات الممرضين 

- عنننننندددددي مضروب في الكرهبة اماااان فيسع فيييييييسع ..( مشاو يجريو .. حطوه عالفرش يكركرو فيه و هي تحس في قلبها شيخرج من بلاصتوو ...  دخلوه العملية و بقات تستنى .. اعلاش حاسة كاينها هي اللي اضربت بالكرتوشة ؟؟ هي اش مدخلها ؟؟  اعلاش  خايفة ؟؟ مرعوبة من فكرة اللي هو ممكن يموت ؟؟ هي اكاك و ترا في بوها جاا مشاتلو تججججري العصب ماكنها ) 

- انتي خليت ماااااااااهر يضرررررب محسن مش هكا ؟؟؟ اعلاش ...؟؟؟

- خاترو ضررررب عمممر خوك بلا شفقة .. و بلا رحمة .. يستاهل 

- اماااااا اما هوووو طلع  خووو  صحراء اللي طلعت بنت خووووك 

- اش يهمني فيهم يتخذووووو المهم عندي انتي و خوك ..و شبيك داخلة بعضك ؟؟؟ فاش قام البكاء و خناين ..يخي شنية صار بينك و بينو ؟؟

الحلقة 31 "" 

ضحكت على جنب : ماصار شي يا بابا .. مااااصاااار شي ... هههه مش مصدقة مش مصدقة وين وصلت بيكم الحالة .. تتقاتلو تسيلو في الدم ... اش مدخلني انا اش ذنبي ؟؟؟ تحبست قداش من نهار عندهم .. كرهتني فيهم .. فيبالي هوما شواطن اما طلعنا احنا كيفهم...شوف وين وصلنا الراجل ..للعملية ... اعلاش بابا ؟؟؟ اعلاش هذا  الكل ؟؟ خاتر شنية ؟؟ شوية عقارات و ديار ..و اراضي مهمشة عندها سنين ؟؟ اعلاش خاطر وسخ الدنيا 

- الحكاية اعممممق الحكاية عندها سنين ... بداها جدك .. الله اعلم اش من عملة مخبيها اعلينا لتو ... و ختمها  عمممك اللي جايب طفلة من مرت فوزي بن أحمد ... وحلنا للعنكوش من جرت غرايزو و شهواتو  المكبوتة و الله اعلم انتي اش  بش ترصيلك  ترعش على خاتر ولد بن أحمد شنية للا عجبتك لعبة الاختطاف .. تسخايل روحك الاميرة اللي خاطفها الامير و فاللخر بش تتوج العلاقة بزواج على جثتي 

غفران مش مصدقة كلام بوها 

- فااااش تحكي ؟؟ انتي بابا اللي نضرب بيه المثل ؟؟؟  انتي بابا اللي راسي مرفوع بيه حقاني و عادل ؟؟؟   مش مصدقة مشششش مصدددددقة كرهتكم الككككل كرهتكم و كرهت انتقامكم و عيشتكم ..و حياتكم و كل شي فيكم كككككل شي معادش طااايقتو يا ليتني جيت من عيلة على قدها ..نكبر في وسط عايلة زوالية نوصل نقرا و نخدم و نعرس و نجيب صغار و نموووووت ..كرهت فلوسكم و ورثتكم كرههههت دمكم و عرقكم و اصلكم و فصلكم ... 

رماتلو الكلمتين و مشاااات تجر في ساقيها خلاتو مصدوم في كلام بنتو ..قداش طلعت مخبية في قلبها عرف اللي هي معادش بش ترجع ... تفريست ... اما هي  فاقت على روحها ...

تعداو الايامات .. عمر رجع لابااااس و هز صحراء للفيلا في تونس ...   اما  غفران بقات تستنى في محسن اللي مزال في غيبوبة .. عدات ايامات صعاب برشا ... كان ماهر يجيها يغصب اعلاها الماكلة و هي تعاركو لين يفد و يروح .. ديما من وراء البلار تشوفو ...  قداش خايفة من فكرة اللي هو يبقى في غيبوبة ..  كانت متكية راسها عالبلار اللي يفصل بينها و بينو .. و تمتم 

- محسن فيق ..فيييييق راني تعبت ..ماعادش عندي نفس نتحمممل فيق ...  تعبببببت ( فجأة شافت يدووو تحركت ..حست بمعدتها قلبها قلبها رفرف ..مشات تجري لبيرو الطبيب ) 

- دكتووووووور محسن حرك يدوووو ... تحررررررك ( كانت تحكي و يديها ترعش بكلهاااا شطططر الكلام مش طالع ) 

- غفران هدددي روحك هددددي روحك.... هاني بش نمممممشي نشووووفوووو 

الطبيب مشا يججري و هي وراه تدعي 

- يااا ربي يفيق يااااااا ربي .....

مش عارفة هي بالحق خايفة اعليه و لا مجرد احساس بتأنيب الضمير اللي عيلتها هي السبب فاللي صارلو وقتها  فوزي جااااا ..يكر في ساقيه و وراه سميرة  وجها مقلوب الوان 

- يخخخخي لتو هوني انتي ؟؟؟؟  ( فوزي  يحكي و يهز و يحط في غفران ) 

سميرة قربتلها : احشم على روحك  و برا روحح راك كثرت ...  من جرتكم  ولدي مطيش عندو مدة هزيتو بنتي من بين يديا في رمشة عين و  قريب تهزولي ولدي والله الا ما نحرقكم وقتها الككككل  براااااااا روح 

- مانيش مروحة مانيش متحركة الا ما يفيق محسن وقت يقلي هو امشي انا تا نمممممشي ( تعرف اللي هي مش بش اتنجم تحط ساقها في دارهم مرة اخرى بعد الكلام اللي قالتو لبوها اللي طلع من قلبها ... كيف السهم اللي تغرس في قلب بوها ..من وقتها و هو يخمم في بنتو اللي فرطت من بين يديه ... كهو اللي خاف منو طاح فيه ... سيناريو لاهي يتعاود ... قصة الحب اللي بش تصير بين دار بن أحمد و دار بن حسين ... العداااوة بش تتواصل اكثر ..اما يبقى الحب متحيل و ممنوع بين هالعيلتين اللي النار تكدح بيناتهم و الحب يزيد يكدح مش يطفي ..يزيد يلهب النار مش يخمدها ..النار بش تبقا قايدة برشا و متواصلة ...و ربي يستر ملي جاااااي ) 

في نفس الوقت عمر و صحراء دخلو للشركة ... كانت لابسة  جيب اكحل قصير و شوميز في الابيض ... و تالون اكحل و عمر لابس كوستيم كحلة .. بكل اناقتهم داخلين .. غزرتلو 

- اليوم بش تبدا الحرب الحقيقية يا عمممر اليوم بش نعلن الحرب على دار بن أحمد اللي حرمتني من عيلتي الحقيقية ..و خصيصا من فوزي بن أحمد نحب نخليه يفلس ..نخليه بلاش فرنك 

- مرحبا بيك في عيلتنا  مدموزال بن حسين ( مد يدو و تبسم على جنب .. بكل جاذبية هههه .. يزيو رمضان ههههه  تبسمتلو و تسحرت في تبسيمتوووو ..و مدت يدها سلمت اعليه )

الحلقة 32"" 

- مرحبا بيك مسيو بن حسين .... 

دخلو ل غرفة الاجتماعات .. يلقاوها فاارغة ..  قعدو و هو بدا يعلم فاها اش بش تعمل 

- نحبك قوية ... دمك بارد .. 

قصت اعليه - انا قوية و دمي بارد يعني شنية الجديد 

- عنا شريكنا بنسبة 40 في المية اسمو يوسف الغاوي ..رد بالك تخليه يأثر فيك مش عارفين تو شنية يحيك من ورانا ولد الحرام ... خوذ احتياطاتك الكككل ... ماتركزش معاه ... و كان حاول يجبدك بالكلام  اتجنبوووو عندو لسان يغزل الحرير ما شاء الله 

صحراء تبسمت على جنب و دورت الستيلو في يدها 

- و انتي مازلت ماتعرفنيش انا حد ما يأثر فيا نسيت ...

قص اعلاها 

- فهمنا صحراء بنت الصحراء .... 

ضحكت - اي بالضبببط هاك حفظت درسك .... 

هوما اكاك و يدخل يوسف الغاوي  ... رشقت عينيها فيه .قدامها راجل بكل معنى الكلمة... حلت فمها فيه ..  في هيئتو اللي تجذب اي مرا مهما كانت قوتها ههه .. قدام الكائن هذا مستحيل  اتنجم ماتغزرش .. عمممر حمحم 

- احممممم 

و هي لا حياة لمن تنادي .. عينيها ترقت في لحيتو الكحلة ..و عينيه  الكحل و خلي من تقرينة الحواجب .. نضرتو  تصيب اي انثى ... 

عمر همزها 

- احممم صحراء ( وقف و هي وقفت ..  فاقت على روحها ... تبسمت ) نعرفك هذا شريكنا يوسف الغاوي 

سلمت اعليه و هو بالها يدها 

- مرحبااااا ...  انتي صحراء  الحفيدة الجديدة ؟؟ يعني ههههه  اسمك حلو برشا و يجذب الاهتمام صحراء  ( غمزها و تبسم على جنب بخبث ..و هي عرفت اللي هو زينو و رجوليتو سر قوتو اما مش اعلاها في قلبها تقول ... انتي ضربتي القاضية يا  يوسف الغاوي  انتي ورقتي الرابحة ... بش نقضي اعليهم الكل بش نوريهم كيفاش يلعبو بيا ... جاء وقت الانتقام منهم الكل من العيلتين الزوز .. ) 

- اي انا هي ..نتشرفو بيك مسيو يوسف   ... 

-  مسيو عمر تسمحلي نضيفها على قهوة ونتعرف باها 

صحراء : انا كبيرة و واعية .. مش بالضرورة تسأل مسيو عمممر ....

- مالا تقبل دعوتي ؟؟؟ 

قالت في قلبها - نقبل مالا مانقبلش .. يا ورقتي الرابحة .... 

- مدموزال صحراااااء وين سرحت 

- لا معااااك ( تبسمتلو تبسيمة صفراء ) اكيد موووافقة  يشرفني مسيو يوسف 

خرجت مع يوسف و عممممر العصب ماكنو يهز فيهم و يحط ...  قعد عالكرسي ..يغززززل 

- هزززها و عادي قدامي ؟؟؟ يخخخي على شنية ناوي  زير النساء متاع وذني هذا ؟؟؟ لاااااااا مستحيل نخلاها معاااه .. لااااااااازمني نتصرف 

وقتها صحراء قعدت مقابلة يوسف في البيفات متاع الشركة ... 

- مرحبا بيك صحراء .. جيت في وقتك ... جيت في الوقت قد قد

- اسمعني بلا لف و دوران ..منين اعرفت نومرويا ؟؟ و كيفاش اعرفت اللي انا ناوية ننتقم من العيلتين الزوز ؟؟؟ و كيفاش اعرفت اصلا حكايتي ؟؟؟ 

وخر لتالي و ضحك 

- راني يوسف الغاوي  .. ماتتعداش اعليا ... و حكايات دار بن حسين يوصلولي بالتفاصيل المملة ... اتنجم تقول حاطط عصفورة في وسط دارهم توصلي كل شي .. 

- و كيفاش اعرفت  اللي انا نحب ننتقم من العيلتين ؟؟؟ كيفااااش ؟؟؟؟

-   صحيح دار بن أحمد كانوا سبب في بعدك على عيلتك الحقيقية اما زادة   ..  جدك الحقيقي هو اللي  باعك .. بشوية فلوس بش يقريوك في احسن فاك هههه  ... واصلني كل شي قتلك ما يتخبا اعليااا شي .. انتي ماضابيك العيلتين الزوز يفلسو و باح .. لا عاد سلطة و لا جاه ....طاح راح ... يوفا الانتقام و يوفا كل شي... 

( مش مصدقة قداشو هو ذكي و قداشو يلعب بذيلو و قداشو شخص وقح ..ضحكت بالقووووي  ) قداكش شخص منافق بصراحة ... ههههه عمري لا ريت كيفك ...

- لازمك تتعلم مني ... اعزيزتي صحراء ... انا وياك بش نفيدو بعضنا ياسر نغمو على عيلتين ... نفلسوهم ..و نبقاو في السوق وحدنا حد ما ينافسنا ... ندخلك شريكة معايا  ( غمزها  .. ) 

- مانحبش ندخل شريكة ... نسيت اللي انا بدلت لقبي بن حسين .. انا نحب نفنيهم الالقاب الزوز هاذم حطموووني و ردوني كالكرة بيناتهم ..

الحلقة 33 

-  مالا كيفاش بش تعيش قلي ؟؟؟؟؟ بش تطلب قدام سيدي محرز ؟؟ شبيك يخخخي بوهالية ؟؟؟ 

- مش مهم .. انا كاتبة ..  عندي موهبة .. و زيد كتابي في طور الكتابة ... يتطبع و نربح فلوس اللي نحبو تو الزوز يعانيو من الفقر . ... بش نخليهم يعرفو الانتقام على قاعدة صحيحة ....

( يوسف صفقلها ) 

- برااافو اتحفتني بصراحة بقوة شخصيتك ...  و ذكائك و سرعة البديهة اللي عندك .. اما لها درجة الفلوس ماتعنيلك شي ؟؟ 

- انا عيشتي حاجة اخرى عالم خاطيك ماكش بش تفهمو انتي خمم في الفلوس و السوق اللي بش تاكلو وحدك لا منافس و لا والو و انا خليني عندي اسبابي .. 

- و عمر ؟؟ حبيب القلب ؟؟ ماو فيبالك يوصلي الكلام الكل ؟؟؟ ههههه ( غزرلها يعرف كل شي بالتفاصيل  ) 

- مش مهم عمممر .. تا يجي نهار و يفهمني ... المهم تو  لازمنا نحطططو خطططة 

ضحككك  و غزرلها 

- هدددي روحك تو  نحطو خطة في اقرب فرصة ...  عممممر جااااء خليك على طبيعتك ..

وصللهم جبدها من يدها 

- هياا صحراء عنا خددددمة و زيد راك اول نهار في الخدددمة ...

- بالشووووية شبيك عمممممر ..؟؟؟ شنية صاااار ؟؟ ( استغربت حالتو وجهو احمممر ... و حواجبو مقرونة .. تحسو منرفز و واصلة معاها لتووووب ...) 

يكركر فاها وراه ..كابس على يدهاااا بالقوووي 

- عمممممر شبيك هبلت ؟؟؟؟ شنية صااار ؟؟؟  مازاد حتى كلمة بقا 

دخلها للبيرو و دزها 

- الله الله اعليك يا للا ..راكشتلي مع يوسف العجمي   و شايخة 

- شبيك يخي ..مش الشريك متاعنا و عااادي ... هو اللي بش يوصلنا للمستندات متاع دار بن أحمد   هو حكا معايا توووو  مستعد ياقف معانا  

- ننصحك اخرج منها اللعبة هاذي يا صحراء راك بالحححق ماكش قدها انتي ماتعرفوش يوسف راهو ماتعرفوش مع شكوون يتعامل كهوو خليني انا تا نتصرف نوعدك ننتقم منهم 

- عمممر مخبي اعليا حاجة يخي ؟؟ ولا هاذي مجرد غيرة ؟؟؟ كان غيرة ننصحك نقص من التفاهة شوية ..مايخرجش اعليك 

جات بش تخرج جبدها من مرفقها ..تلفتتلو جات العين في العين و كالعادة القلب دق دقة زايدة 

- عمممر شنية تححححب ؟؟؟ 

- نحببببك تبعد على يوسف الغاوي ... راهووو متاع نساء ..صدقني يلعب بيك كيف ما يحب و يشتهي 

- هههههههههه ( ضحكت بالقوي ) يخي تسخايلني كيف البنات متاع تو اللي يذوبو بكلمة حلوة ؟؟؟ويسلمو مشاعرهم بتبسمية ؟؟؟ شبيك عمممر راني صحراء ...( سكتت كانت بش تقووول بنت بن أحمد .. طبست راسها و تبسمت بققهرة .. قربلها و حط يدو على دقنتونتها و شيعلها راسها شاف دمعة محبوسة في عينها ) 

- انتي بنت بن حسين ... القوة في دمك تجججري و الشجاعة اصلك و فصلك ... مانيش خايف اعليك يا صحراء خايف منووو صدقني كان يحاول يحط حتى عينو اعليك نفنيه من وجه الارض ... ( عدا يديه على شعرها الموج اللي سحرو ) بش نبدلك البيرو بش تولي جنبي .. مستحيل نخليه يقرب ل ... ( ماعرفش شنية يقول حتى هو .. غمض عينيه ..و حلهم ) ل بنت عمممي

- ماتخااافش ماعندو ما يعملي انتي خليك مركز معايا و اعطي الثقة فيا باااهي ؟؟؟ 

تبسم على جنب 

– انا مانعطي الثقة في حددد يا صحراء .. و كيف نشم الخنن نوحل اكثر ... رد بالك منو و كهوووو 

خرج و خلاها  تغزززل 

– اوووووف عمممر مش وقتك مش وقتك جممممملة

الحلقة 34

هوما اكااك و عفران تدخل اعليهم للبيرو  ..عمر كيف شافها مااااصدقششش 

_غفراااان ؟؟؟  ( مشا حط يديه على وجها ) كيفاااااااش جيت ؟؟؟ شنية عملولك ؟؟؟؟؟ انتي لااباااااااس ..؟

نحاتلو يديه 

_ تو   شلقت عندك اخت  ؟؟؟ قداش من نهار تعدا ماحاولتش حتى تلوج اعليا ... و انا ملوحة في يدين اللي مايتسماوووو ... كيف سمعت اللي انتي تضربت بكرتوشة  هبلت في مخي.....

_ بااااهي نعرف اما انا راو يعلم بيا كان ربي .... غفران افهمني عيش اختي 

_ مش مهم تووو فيبالكم اللي ( غزرت لصحراء ) فيبالكم اللي محسن تضرب بكرتوشة  زادة 

صحراء وجها تقلب الوان قربتلها 

_ شنييييييية ؟؟؟ وقتاش تضررررب ... شكون ضربو ؟؟  شكوووووون ؟؟؟؟

_ هدددي روحك هو سافا كان في غيبوبة و فاق منها ..

_ قلي شكوووون ضربو ؟؟؟؟؟ كيفاااااش صاااااااار ؟؟   احككككي انطططططق 

_ خوووك الجديد ماااهر .. سمع اللي محسن  ضرب عمممر يي رجع الفازة اما خسااارة جااتو في بلاصة حساسة برشا .. حمد الله منع من الموت بأعجوبة هكا قال الطبيب ....

صحراء بقات ماشية جاية مش مصددقة اللي صااار تلفتت ل عمر 

_ امشي معايا تووووو  هززززني للفيلا تاع منجي بن حسين ..هياااااا تووووو 

غفران : انا راجعة بحذا محسن جيت حبيت نقلك عمممر جيبلي دبشي الكككل عيشك قول لأمي تلمهولي معادش راجعة  للفيلا جممملة  

مشات و خلاتو يصيح 

_غفراااااااان شنية ماااكش راجعة جممممممملة ؟؟؟؟؟؟ غفراااان ....؟؟؟؟؟ 

مشات و طفاااتو تلفت ل صحراء ..

_ هيا نوصلك لداااار عممممي و من بعد  امشي ل خوك و انا نحكي مع غفران متحيل نخلاها تعمل اللي في مخها ... ربي يستر تطلعش حبتو خوووك 

_ مش موضوعنا هذاااا ..هيا وصلني لدار منجي ...

صحراء دهمت على  الفيلا متاع بوها الحقيقي منجي بن حسين .. تلقا بوها في الصالة ..  كيف شافها وقف ..

_ مرحبا ببنتي الغالية .. و اخيرا جيت تكتشف في عيلتك الجديدة 

_ شووو اكا العيلة الهايلة عاااااد ...  ههههه .. الله الله اعليكم حالين عصاااابة ... شمعناها ولدك يضربلي خوووويا بكرتوشة؟؟؟ شمعناهااااا؟؟؟؟؟

_ ولدددددي هو خوك زااااادة ... 

_ مانستعرففششس  ب خووو كلوووشاااار و فاااسد ... يخي تسخايل ماصقسيتش انتي شكون و قداش عندي من خو .. نعرف اللي ماااهر ولدك شخخخص مريض بالأعصاااب ..عندو هوس الاجرام ..  نتصور كان تمشي اداويه خير ما تبقى ادافع اعليه 

_ محسووووب خوك سي محسن  ناقص فساااااد ..   و تسخايل انا مانعرفش دار بن أحمد و الخنن متاعهم؟؟؟ صدقني يا بنيتي انا نعرف حاجات على فوزي و محسن ..اكثر ماتعرفو انتي ... عايشين في الخمج للعنكوش 

_  مششس مهم تو كلامك .. مايعنيلي شي.. ولدك وين؟؟؟؟ شبيه متخبي كالفار؟؟؟ يحمد ربي   محسن فاق من الغيبوبة خير ما ندفنو في قلب الصحراء .... 

هي اكاك و ماهر هبط يترنح ..

_ شكووون بش يدفني في قلب الصحراء؟؟؟؟؟ 

قربلها شادد سيجارو في يدو بقا يتكيف و ينفخ في وجها

_ صعيبة برشا ضهرت اختي الجديدة ههههه 

_ مازلت ماريتش صععععب ( تحكي و تهز فيه و تحط)  شمعناها تهز سلاحك و تضرب خويا ؟؟؟ باش ضرك؟؟؟ مسك؟؟؟ قربلك؟؟؟؟؟ تتعاركو على حرثة و لا ورثة؟؟؟ اششش موصلك ليه؟؟؟؟ 

_ خوووك محسن بن أحمد .. هههه ضرب ولد عمي عممممر ..

_ عمر لاباس اعليه ..  اهوكا رطع وقف على ساقيه و جاتو  خفيفة اما خويا من جرتك دخل في غيبوبة ..

_ يستاهل بش مرة جاية يعرف مع شكون يتعامل ..  و بش انتي تعرف اللي احنا مانرحموووش .. العين بالعين و السن بالسن و البادي اظلم و خوك الغالي هو بدا و شبر سلاحو و ضربلي ولد عمي

الحلقة 35

_ تي عممممر ماعملش كيفك يخي عندك هوس  .. مخك اجرامي؟؟؟؟ تسخايل مش عارفة اللي انتي تحربش ... صدقني يا ماهر مازلت تقرب ل خويا تلوم كان نفسك .. يا نحشيك في الحبس ياااا ندخلك ل رازي .. و بسهولة تدخلو ما شاء الله عندك المقومات الكل .. ياااا ندفنك في الصحرااااء . ندفنك بالحياااا 

صااح في وجهاااا

_ انا ماهر بن حسسسين فيق على روحك مانتهددش اعزيزتي .. رد بالك اعرف مع شكون تحكي و تحل فممك جاية ادز في صدرك اعلينا اللعب هذا مش متاع نساء 

_  مش متاع نساء .. اما لعب متاع رجلة اللي انتي ماتشم منها شي .. خساارة حبيت يطلع عندي خو راجل ..طلع لاهو لاهو ... 

ماهر دخل في حيييط عينيه حممارت ..  و عروق رقرتو بانو 

_ تححححب نوريك الرجولية  مالااااا يا للا ؟؟؟ 

جا بش يقربلها ضربتو بمشطططة  في ... 

المنطقة الحساسة ههه طاح يتوجع ...

و منجي قربلهم جبدها بالقووووي من مرفقها  

_ يززززززي شبيكم يخي ؟؟؟؟؟  

ملصت روحهااا من عندووو 

_ بش مرة جاية يعررررف مع شكون يحكي راني صحراء تربيت في دار بن أحمد و عندي عرق بن حسين ..دمي من دمكم ... و مدامني منكم راني زادة انا مانرحمش ...  و اللعب كيف يوصل ل محسن خويا وقتها نتحووول و نتقلب  صدقني  نخليكم تندموا عالنهار اللي  حكيتولي الحقيقة فيه 

هزتو و حطتو و مشات ... اعرف  وقتها اللي صحراء  بنتو قوية .. شجاعة و ما يقدها حد.. خرجت من الفيلا تلقا عمر يستنى فاها  قربتلوو .. 

_ من جرتك صاار هذا الكل و محسن خويا شعرة لا مشا فاها طلع ماهر مريض بيك ..

_ انا و ماهر قراب برشااا خاطرني نفهموووو للأسف هو  مانجمش يتملك اعصابو ...

_ صحيح خويا غلط كيف ضربك ..  اما مايستحقش اللي صار شعرا لا مشا فاها .. ( بقات تعدي في يدها على شعرها متوترة .. ) 

_ شعملت ؟؟ شنية قلت ل ماهر؟؟؟؟ 

_ عمري لا تصورت يطلع عندي خو كيفوو .. ساذج ... متخلف .. و تحسو جالغ .. مايعرفش يحكي .. اعطيتو مصروفو و فوقهم بوسة ..

عمر ضحك على جنب

_ تعرف اللي انتي تواتيني؟؟؟  عندك نفس لوغتي ..نفس طريقتي ..نفس القوة و الشجاعة .. انا وياك كالفردة و لقات اختها .. ( عدا يديه على شعرها .. بكل حنية..خلاتها تدخل في حيط .. بقات تلعب في عينيها يمين و يسار )  تعرف ملي ريتك حسيت فيك حاجة مختلفة؟  .. حاجة عمري لا ريتها عند البنات الأخرين..  

_ عمممر لازمك تعاوني بش نفلس دار بن أحمد.. بش تعاوني مش هكااا؟؟؟ 

استغرب نظراتها المرتبكة 

_ شبيك داخلة بعضضضك؟؟؟ ( دورلها وجها ليه ..جات عينها في عينو اعلاش ماتنجمش تخبي نظراتها ماتعرش تكذب قدامو ... تتكشف كل اوراقها) مخبية اعليا حاجة مش هكااا؟؟ احكيلي صحراء 

_ مش مخبية شي .. اما انا نحب نحطمهم كيف ما حطموني.. و كهو .. 

_ بش تحطمهم لازمك ادخل فوزي للحبس .. و أمك عندها الاوراق و المعلومات الكافية بش ادخلو بيهم للحبس ..

_ انا مانحبوش يدخل للحبس ..نحب يذوق الفقر .. نحبهم يتمرمدوا .. و يحمدو ربي عالعيشة اللي كانوا يعيشو فاها .. 

_ اتنجم تخليه يرهن كل شي .. عندي معلومة انو فوزي  مدمن على  البوكر و القمار ..و انتي تعرف المدمنين ينجمو يرهنو كل شي .. 

_ كيفاش يرهن كل شي؟؟؟؟  مستحيل يوصل يرهن فيلاتو و شركاتو الكل على طرح بوكر امان خليك واقعي شوية .. ( بقات ماشية جاية قدامو )  ماهوش بهيم لها درجة راك تحكي على رجل اعمال مشهووور..  

_ صدقني مالا فمااااا  برشا رجال اعمال مشهورين اكثر من بوك و رهنوا كل شي على طرح بوكر اي راني نحكي على ادمان اما لازم منافسو  يكون ذكي .. و يعرف كيفاش يكعبرهالو ..  و المنافس متاعو بش يكون  قوووي ( غمزها و هي ضحككككت ) 

_ حتى لو ما رهنش كل شي ينجم يرهن شطر  ممتلكاتو 

_ اما لازمنا ندبرولو منافس قوووي ..  انتي لوج و انا نلوووج لازم شخص يكون ثقة و ما يطلبش منا برشا فلوس ..

_ باهي تو وصلني لخويا و الصباااح رباااح ....

الحلقة 36

في نفس الوقت غفران دخلت على محسن للبيت تلقاه راشق عينيه في السقف حمدت ربي  اللي هو لاباس اعليه .. قربتلو بالشوية و قعدت بجنبو عالكرسي غزرلها و تبسم 

_ يخي...لتو هوني انتي ...؟؟؟ هههه

_ محسن مانجمش نخليك اللي صار فيك من جرت عايلتي ... ( طبست راسها حاشمة منووو .. ) 

_ انتي مااعندك حتى ذنب .. كنت عارف مصيري بش ناكلها الكرتوشة  .. فيبالك  في الغيبوبة ريتك ...كنت معايا ...  ( غزرتلو تلقاه يتبسم .. بقات تتمعن في وجهو و ملامحو الذابلة .. قلبها وجعها .. قبل كان تلقا تقتلو شباها تو ؟؟ شنية صايرلها ؟؟؟ زعمة تعلقت بيه ؟؟  الف سؤال يدور في مخها ..)  يمكن انا ماكارنيش ضربت عممر ... انا دخلت في حرب  مش قدها و مش متاعي ... 

_ قبل ما يضربك ماهر ... ( قصت اعليه ) 

_ ماهر شكون ؟؟  نسخايل  بوك ضربني ماهر شكوننننن ؟؟؟

_ ماهر ولد عمي ..يجي خوو صحراء من البو  ... قريب من عمر عاللخر و رجعلك الفازة ... 

_ معادش يهمني تو في حد ... بش نخرج منها هاا الحكاية ..  نكمل نبرا على قاعدة و من بعد نسافر 

حبت تقلو هزني معاك اصل في قلبها تقلو 

_ هزني معاك نحب نهرب من العيشة هاذي راني تاعبة ... الفلوس مش كل شي .. فما حاجات ما احلى .. نحب نرتاح ... نحب نحس بالامان 

وقتها هو حس باها  شدلها يدها حت الكورون سرالها في بدنها الكككل .. احساس حلو حستو  وقتها اما مافهمتوش .. مافهمتش هي اعلاش تحس هكاااا ؟؟؟ كاينها بين فضاء و هواء ... طاايرة في دنيا اخرى ...

_ غفران ... شقولك تسافر معايا ؟؟؟   ( ضحكتلو من غير ماتشعر) هيا غفران اخطانا من عيشتهم .. و من خبابلهم و خنارهم ... هيا نطيروا ... نجنحو و نبعدو ..بعيد عالكرتوش ..بعيد عالدم .. بعيد على الحرب اللي مش بش توفى هاذي 

_ خايفة .. خايفة برشا ..

_ خايفة من شنية ؟؟؟ 

_ خايفة لا المرة الجاية  نمشيو فاها ... مش بش يرحمونا ... مش بش يخليونا رايضين ..عندك حق لازمنا نسافرو نطيرو و نجنحوا 

_ صحيح المرة هاذي جات باللطف مرة جاية  مش بش نمنع منها و انا وليت خايف اعليك ... ( كب على يدها ) صحيح من لول كنت مع بابا ..  ثااار ..دم ... حرب ... جرحتك .. خطفتك ... اما والله نادم ..نادددم عاللخر .... الحرب ماكانتش لازمها تصير معاك ..ماعندكش ذنب ... جاء الوقت بش يوفا كل شي و الحل هو الهروب 

في نفس الوقت صحراء  دخلت للسبيطار  و معاها عمممر ... كيف حسن و حسين ولاو ههههه .. كانت وقتها مش مصدقة اللي هي سمعت اللي صار لخوها أخر عباد ربي .. سألت عالبيت اللي راقد فاها خوها و مشاتلو تلقا فوزي بن أحمد قدام البيت .. طفاتو و هو ندالها 

- ماتسلمش للا ؟؟؟ ماتسألش ؟؟؟؟ صايى ؟؟؟ نسيت السنين اللي عديتهم في داري معززة مكرمة ؟؟؟ 

تلفتتلو - هههه انا وقتها في دار أمي( قربتلو و تبسمتلو بكل بررودة دم ) من واجبك تصرف اعليا ... اما انا وقتها آخر همي الفلوس .. آخخخخر همي ... كنت محتاجة بو معايا ... 

- هاك لقيتو بوك ؟؟؟ وينو ؟؟؟ شبيه ماجاش معاك ؟؟ ( دور وجهو العصب ماكنو يمكن وقتها حس اللي بنتو اللي رباها سنين فرطت منو و مشات بساقيها لدار العدو اللي يكره الريحة متاعهم لا و شكون ؟؟ منجي بن حسين ..ههههه ) 

- صحيح لقيتو اما تو فات الفوت ... عندي اهداف اخرين في مخي غير اللي انا نحس بالحنان و العطف من باابااا ... قلي محسن لابااااااس ؟؟؟ سمعت اللي هو في تحسن اما كيفاش مايقلي حد ؟؟ امي وين ؟؟

- أمك روووحت تحضر في ماكلة ل خوك .. و اهيكي بيتو ادخل شوفو .... تحسك ياسر ملهوفة على خوك .... كان جا عمر ولد بن حسين ( غزرلو يهز فيه و يحط ) راك تبكي و تجججري و تتقام و تتحط 

شاورتلو بيدها 

_ وسع بالك عندك السكر و الدم ...

الحلقة 37

ضحكت على جنب و دخلت لخوها تلقاه غفران غادي ..و محسن كيف شافها دور وجهو 

_ شتعمممل هوني ؟؟؟ تو تفكرت عندك خو ؟؟؟ 

قربتلو بلهفة 

_ محسن اللي صارلي مش شوية حس بيا عيش خويا ؟؟؟ في ليلة و نهار نطلع بنت بن حسين راني مصدومة لتوووو ( غزرت ل غفران ) نتصور تعرف اللي انا نحبك برشا محسن راك مازلت خووويا 

غفران فهمت روحها و قامت 

_انا خارجة نخليكم وحدكم 

محسن : ابقا غفران حتى شي ماهو مخبي اعليك ( وقف على ساقيه موجوع ) 

_ فيبالك يا للا صحراء الي انا بقيت فترة في غيبوبة و انتي لا حس و لا خبر ....

- راني غارقة في الهم للعنكوش ...و زيد انا سمعت من عممممر ..كيف شاف غفران حكاتلو .... 

- ننصحك صحراء اخرج منها اللعبة المسخة اللي يلعبو فيها العايلتين ... ماكش قدها برا شوف حياتك ..سافر جنننح احلللم ..اكتب كتابك ... عارفك على شنية ناوية راك اختي و قاريك قراية 

_ ماعندي مانعمل ..انا من قبل نحب ندخل في شركة و هاني لقيت الفرصة 

_ لا يا صحراء .. لاااا( وقف موجوووع شادد جنبو ) انا نعرفك تكره ريحة الاوراق و المستندات .. تكره اي حاجة متعلقة بالشركات و العقارات شنية تبدل تو ؟؟؟؟ قلي شنية تبدل ؟؟؟ الحكاية فاها إن اما انا معادش يهمني بش نهز غفران و بش نسافر ..

وقتها كانت غفران مع خوها في الجنينة تاع السبيطاااار 

_ شمعناها للا غفران ؟؟؟ 

_ شنية شمعناها اللي سمعتو انا بش نسافر و بش نخليهالكم واسعة و عريضة  ...اش مدخلني انا في حربكم اللي مش حابة توفا هاذي ؟؟؟ تو انتي مش كنت  ضددد  هالتفاهات ؟؟ شنية  اللي تبدل تو 

_ برشا حاجات تبدلت ..  ملي دخلت لدارهم و  عرفت هوما شنية .. يستاهلوها الحرب ...  هوما اللي بداو 

_ انتي ماتعرفش شكون اللي بدا ..بالحق ماتعرفش ... الله اعلم شنية اللي مخبينو اعلينا .. شنية وراء هالحرب اللي بين العيلتين ؟؟؟ شبيك عمممر ؟؟ شنية اللي صارلك خويا ؟؟ شنية اللي بدلك ؟؟  تي انا اللي كنت شادة صحيح في الانتقام منهم و تو استسلمت من بعد اللي عشتو  ... ريت الموت قدام عينيا و الكرتوش يخيط قدامي وين عايشين احنا في افغنستان ؟؟ 

_ مش مهم انتي كيفاش تخمم ..تحب تسافر برا سافر اما مادخلني في حتى شي ... بينك و بين بابا انا خرجني منها 

شدها الضحك 

_هههههه يخي من وقتاش اندخلك في اموري .. اما زادة انتي لازمك تعرف  حقيقة هالحرب ..مثال برا اسألأ جدك ...و لا بوك 

_ اعلاش انتي تعرف حاجة ؟؟؟  شنية سمعت ؟؟؟؟  اكثر ماللي جدهم وخر على جدي بالكرهبة و خلاه في كروصة  لبقية حياتو ؟؟؟ 

_ و نسيت اللي عمك  زنااا مع مرت فوزي و جاب منها طفلة ؟؟؟؟ نسيت ؟؟ 

_ برضاااها مش بالغصصصب .. نتصور عاشو قصة حب افلاطونية ...  حد ماضربها على يدها .. جابت بنت حرام برضاهاااااااا خليني ساكت خير 

وقتها كانت صحراء تسمع فيه .. صدرها يطقام و يتحط مش مصدقة اللي عمر قال اعلاها اكاك ... وقتها زادت نقمت عليهم الككككل عينيها تعبات بالدمووع .. سمع شهقتها تلفت يلقاها تبكككي ... اعرف وقتها الللي هي سمعت كل شي 

زعمة شنية بش يكون موقف  صحراء تجاه عمر ؟؟ شنية بش يصير ؟؟  و شكون بش يعاونهم بش يخليو  فوزي يرهن فلوسو الكل في القمااار ؟؟ الاحداث ماشية و تحلى 

الحلقة 38

اللي سمعتو يوفي و يكفي بالنسبة لاها معادش تحب حتى تغزرلو  ..مشات و خلاتو ...     

بقا يجري وراها و هي كانت تعجل في خطوتها مش مصدقة عمر يحكي اكاك بالرغم حذرتو اللي هو معادش يحل فمو على امها لا و المرة هاذي جبدها هي ... 

_ صحححراء استنى ..صحرااااااء شبيك اززززح .... تنى شبي عزززاك 

تلفتتلو تصيييح

_ الي اي انا هي بنت الحرام اللي كنت تحكي اعلاها بكري مع اختك اش مخلطك اعليااا مدامني بنت حرااام 

دزتووو بالقووووي على صدروووو 

_ تككككلم انططططق اش مخلطك اعليااااااا .. برا ارجع ذمني مع اختك قلها اللي امي زانية و جابت بنت حراااااام اللي هي انا قوووول احكككي ... فرغ شكارتك سي عممممر انا هي الغالطة اللي اعطيت فيك الثقة فيبالي مش كيفهم طلللعو ارحم منك .. و اهون 

جات شتمشي جبدها من مرفقها لصقها ليه 

_ صحيح قلت اكاك و هاكي الحقيقة اما انتي ماعندك حتى ذنب .. نحكي على امك 

_ و انا قتلك معااادش تحكي على اممممي معادش تجبدها ... شنية مشككككلتك ... (ملصت يدها بالقووووي ) شنية مشكلتك ؟؟؟ تعرفني دمي سخوون تعرف اللي انا معصابة تحب تستفزني بأي طريقة 

_ كان جيت نحب نستفزك راني قلتو في وجهك 

_ قووولوو تراه قووول في وجهي اللي انا بنت حرام قوووول فاش تستنى ؟؟؟ ( تضرب فيه و هو يحاوووول يهدددي فاها كانت تصيح و تبكي .. موجوعة عاللخر منهم كككل ) تعبت منكم راني تعبت .. صدددقني الا ما ندمكم واحد واحد على اللي لاهية نعيش فيه تو و اللي نحس فيه .... ( عنقها بالقوووي و هي تفرفط تحتتتتو ) سسيييييييبني سيبننننني 

_ اشششش بربي يززززي ... نعرف روحي غالط اما تعرف زادة انا مانعرفش نحكي 

_ لاااااااا انتي قلت اللي في قلبك انتي تحتقر فياااااااا .... ( ملصت روحها بالروح منووووو غزرتلو بتحدي و هو نظرتو متاع ندم و خوف اعلاها .. شاورتلو بيدها تحذر فيه ) تا نوريكم بنت الحرام شنية تعمل فيكم ...تا تشووووف 

جبدها من مرفقها بالقوي 

_ وين عندك مااشية يا للا ؟؟؟ و شنية المنطق اللي تحكي بيه ؟؟    فاااش تحكي صحراء على شنية ناوية ؟؟  

_  ننصحك تبعدني عمر ملي ريتك ماعرفت خير في حياتي دخلت فيا غووولة  .. يا ليتني كان خليتك مرمي في الصحراء و ماعاونتكش ... خليتك تموت خخخخخييير عندو ححححق فوزي بن أحمد ... ساعات الانسانية برشاااااا خااايبة ماعندها ماتفيد ... 

مشات و خلاتو ..  يعاود في كل كلمة قالتهالو في مخو .. يعاود و مش مصدق اللي الكلام هذا كل في قلبها .. ضرب  ساقو في القاعة  بنططرة ... عارف اللي صحراء بش تعمل اللي مخها.. عنيدة و راسها صحيح ...

اما هي مشات للشركة ..دخلت للبيرو متاع يوسف ..وقفت قدامو .. و هو كيف شافها تبسم على جنب 

_ مرحبا... شنية الجديد ؟؟؟ 

_ الجديد فمااا .. خطة بش نخلي باها  فوزي بن أحمد يرهن املاكو الكككل 

_ القمار مش هكااا ؟؟ ( استغربت كيفاش يعرف هذا كككل ..ضحك و قربلها  ) يخي تسخايلني ماجربتش ؟؟ فوزي بن أحمد راهو ماهوش بهيم لها درجة ..   انساها هالحكاية 

_ مالا شنيييييية الحححل ؟؟ كيفاش بش يرهن ممتلاكاتو الككككل ؟؟؟ 

_ فماااا حــــل .. اما مانعرش انتي توافق و لا لا ...

_ شنية الحــــل ؟؟؟ 

_ فيبالك اللي فوزي بن أحمد نقطة ضعفو سميرة أمك هكا و لا لا ؟؟؟ لازم هي تجي في صفناااا .. عندها مستندات و اوراق يدخلوه للحبس ... لازمك تقنعها تهددو يا يسلم ممتلكاتو الكككل  لجمعيات خيرية يا يشد الحبس مدى الحياة .. نتصور حد ما يسلم في حرية متاعو 

صحراء قعدت عالكرسي تخمم 

_ صحيح كلامك كل صحيح ... امي عندها ما يثبت اتنجم ادخلو للحبس بسهولة ... اما امي مستحيل تعمل الشي هذا ..مانتصورش تحب تعيش في الفقر بعد ما كانت معززة مكرمة في فيلا كبيرة و عيشة  الباياااات ..شبيك يخي ؟؟ 

( قعد مقابلها ..جبد سيجااارو  يتكيف فيه .. ) 

_ مالا لازمك تلقا الملفات و المستندات اللي عند امك بأي طريقة ... وقتها هددو انتي منك ليه ... (  طبس راسو ناحيتها و ضحك بصوت واطي ) هههه يا توري الملفات للحاكم و يتحشى في الحبس مؤبد  يااا  يسلم فلوسو الكل مايملك اللي وراه و اللي قدامو ليك انتي ولا لجمعيات خيرية ..مدامك ماتحبش عالفلوس انتي

الحلقة 39

_ بالحححق لازمني نلقاهم الملفات ( وقفت من بلاصتها ) و لازمني تو نهبط للأرشيف  متاع دار بن حسين .. لازمني نلقا دليل  يخليني نهدد زادة محمد بن حسين ..

_ صعيب راهو يخلي حكاية في الارشيف .. كل وثيقة موجودة في دارو و في الكاسة ..مستحيل يخلي حااجة اكاك قدام الموظفين 

_ نحب بأي طريقة نستلم ادارة الشركة في بلاصتو ... يعملي توكيل وقتها انجم  نبيع كل شي ... كككل شي و نخرجو يديه اعلى من راسو 

_ ماتنجممممش ..مستحيل الشركة راهي فاها شركاء ..كانك اعليا نعملك توكيل اما عمممر و منجي ..و الباقي ؟؟ دار بن حسين مستحيل  اتنجم  تخليهم يعملولك توكيل ... لازمهم حاجة اذكى من هكااا ..مثال فضيحة .. اللي منججي جايب طفلة اخرى و مخبيها سنين ..هددهم بها الحكاية و خليهم يعملولك توكيل و اضرب ضربتك اعزيزتي ( غمزها و هي بقات مصدومة فيه قداشو ماااكر و شرير اما هي زادة اتبع فيه يعني كيفها كيفو ) 

_ فضيحة ؟؟؟ ههه شبيك يخي ؟؟ تحبني نفضح روحي زادة ؟؟؟؟ وقتها شكون بش يقرالي الرواية متاعي ؟؟ نولي منعوتة بالصبع ..لا يزي فقرية لا يزي حد ما  بش يقرالي الرواية .. اش بش نربح انا ؟؟؟  نجي نطبها نعميها .. نمشي للأرشيف نلقاش حاجة و بعد تا نرجعلك نزيدو نحكيو كيفاش بش نمشي لدار بن أحمد ... 

ضحكلها و قرصها من خدهاا 

_ اوكى يا مزيااانة 

نطرتلو يدو و مشااات ...  

لأرشيف تلوج على اي خيط يوصلها بش تنجم تهدد بيه محمد بن حسين ... كانت تحكي وحدها كالمهبولة 

_ اوووووف حاشتي بدليل واحد ..يخلي عندي الصلاحية نهددو و نخليه يصححلي على توكيل انجم نتستغلو على قاعدة صحيحة و نهلكهم الكل ...

هي اكاك و سمعت صوتو 

_ شكون بش تهلك صحراء ؟؟؟ 

تلفتتلو مفجوعة 

_ ع...عمر ؟؟؟ 

قربلها عاقد حواجبو 

_ اي عمممر ... يخي تسخايل بش نخليك تقرب ل بابا ؟؟؟ بش نخليك تقرب لعايلتي ؟؟؟ انا ليك بالمرصاد و ديما نعاودلك راك طحت في لعبة ماكش قدها للأسف ..

_ ماعندك ما ديرلي يا ولد محمد .. انتا ماكش قدي راهو انا نعرف اش نعمممل غير انتي تلاهى في روحك ..و ننصحك حل حساب في البنك خاص بيك لم فيه طرف فلوس على ما يحدث 

_ مدامني حي و نتنفس مش بش يحدث شي ملي تخمم فيه ..ماعندك وين توصل يا بنت عمممي و اللي لاهية تخطط معاه بش اطيح بيه عيلتي .. بش نعمل مستحيل نطردو من ها الشركة 

شاورتلو بيدها بش يسكت .. جات شتمشي وقف قدامها 

_ شتحححب عمممر ؟؟؟ 

_ نحبك تخمم مليح و تفكك منو يوسف ماعندو وين يوصلك .. بش توووحل و ادور ادوووور و ترجعلي ... راهو مخو خامج 

_ ماتدددخلش .. مايهمككككش ... 

_ لا يهمني يا صحراء يهمني بررشا ماتتصورش قداش يهمني ....( جبدها من حزامها بالقوي .. غزرتلو و قارنة حواجبها قربو منها بدا يوترها ) 

_ عممممر خليني نمممشي بربي ... شنية تحب مني ؟؟؟ قتلك ماعنديش مشكلة معاك مشكلتي مع كبارات العيلة .. لعبو بيا كيف الكورة بيناتهم يمين و يسااار ... مرة نمشي لدار بن أحمد ..و من بعد لدار بن حسين اتو نوريهم صحراء اش تعمممل 

_خااايف اعليك يا مهبولة خايف اعليك .... اخرج منها هالحكاية ... صعيبة اعليك راك بش تضر انتي 

_ اكثر ملي اضريت ؟؟؟ اكثر ملي عشتو ؟؟؟؟ النار اللي في قلبي حد ماهووو حاسس باها .. حد ما يحس بياااا .. اصلا ما يحس بالجمر كان اللي يعفس اعلاااهااااااااا 

دزتو و مشات ..بش تتقابل مع يوسف جا الوقت بش تاقف ند بالند قدام فوزي بن أحمد و تسلبلو فلوسو و كل مايملك في طرح بوكاااار ...قمااار .. تخرجو يديه اعلى من راسو .. تلفتت لعمر و بقات تمتم 

_ خسارة يا عمر تمنيت كان تعرفنا في ظروف خير من هكا ..

الحلقة 40 

كانت مقابلتو و هو ياكل .. حطت يدها على خدها استغربت  حالتو  كيف الطفل الصغير ..   اما في نفس الوقت رجل جذاب .. رجوليتو طاغية ... غزرلها و ضحك 

_ شبيك تغزرلي للا غفران ؟؟ تعشق فيا ؟؟  

عينيها وساعت و وجها ولا احمر  

_ احممم مانيش نعشق فيك .. اذاكا اللي مزال 

_ غفران غدوة نخرج من السبيطار ... نركحو اوراقنا و نمشيو .. 

_ وين بش نمشيو محسن ؟؟؟ وين بش نسافرو ؟؟؟ شنية بش نعملو ؟؟ كيفاش بش نبداو كل شي من الصفر ؟؟ اصلا انا مش مصدقة اللي بش نسافر معاك .. ديما شاعلة بيناتنا الناار ..كنت خاااطفني و عملت فيا حاجات ..  ( طبست راسها ) مش مصدقة وكهووو اللي كل شي تقلب 360 درجة .. 

_ انا من قبل حب نتمرد على دارنا ..فديت من الحرب اللي مش ناوية توفى .. نفسيتي تعبت يا غفران .. حاسس روحي في دوامة .. من الصغرة  رباو فينا الحقد على الغير .. رباو فينا النقمة .. النقمة اللي خلاتني مانتقدمش في حياتي واحل بين الخيمة في الصحراء .. و التمرميد في تونس بين الشركات و المصانع ... ( حط المغرفة و تبسم ) فيبالك اللي انا  نحب الرسم ..كنت ديما نرسم بالسرقة على بابا ... بالسرقة على جدي .. هذا جدي شخص دكتاتور و متسلط ..حرمنا  من اي حاجة حلوة .. ركبلنا الانتقام في مخاخناااا .... اما انا في عالمي الخاص عمري لا كنت هكاا 

تبسمتلو كاينها بدات تكتشف في حاجات حلوة فيه حاجات حد ماينجم يفهمهم ..عوجت راسها 

_ عالمك الخاص .. هو اللي فد .. حبك ترجع لطبيعتك .. انا زادة عشت بين الشركات .. حتى القراية اللي كنت نقراها تحرمت منها قداش تمنيت نكون مخرجة سينمائية .. تو كيف نتفرج في فيلم ماسط في تونس نمرض .. قراني ادارة اعمال بالروووح ..و كان لازمني نحبها و ننجح فاها .. (وقفت و بقات ماشية جاية )  بقا يعبيلي في مخي اعليكم على دار بن أحمد و زيد بابا اعزيزي اللي كان مقعد في كروصة .. كل مانراه نزيد ننقم اعليكم .. لين وصلتو اعملتو فيا اكاك .. وليت كرهت حاجة اسمها انتقام و نقمة ..و كل شي نحب نرتاح .. نفسيتي تعبت عاللخر ..

وقف على ساقيه و قربلها .. 

_ نمشيو ل فرنسا ؟؟ غادي ممكن تبدا  تقرا السينما و انا نرجع ندخل لعالمي الخاص و نرسم .. غادي يقدرو الفن   و زيد عندي دار غادي شاريها بالسرقة .. كيف نفد نمممشي نهرب ... حد مايعرف .. 

_ هههههه بديت نكتشف فيك حكايات غريبة ..رسام ..و عالم خاااص ..و فرنسا و دار تهربلها ... كاينك مش انتي محسن بن أحمد الي خطفني و اعمل فيا اللي مايتعملش 

_ انااا نادم غفران نادم اللي انا خطفتك و اللي حبستك و اللي انا ضربتك خوك بكرتوشة ..نادم اللي انا مافقتش من قبل .. و الزيد اللي صارلي فيقني اكثر و اككككثر ... و زيد انتي .. 

طبست راسها 

_  انا ؟؟ شبيني انا ؟؟؟ 

_  ماكش حاسة اللي صاير بيناتنا غفران ؟؟ بالرغم الزوز من عيليتن قريب يقتلو بعضهم ..و ماضبيهم يقتلو بعضهم ..  جدك ناقم على جدي و بابا  يكفر بريحة بوك و عمك ... بالرغم ها الكل 

_ بالرغم هذا الكل شنية ؟؟ احنا فقنا اللي احنا لازمنا نخرجو ملي احنا فيه .. نعملو على رواحنا و نهربو ...  كمل ماكلتك و اشرب دواك انا نمشي للفيلا نلم دبشي ..ظاهر فيه عمممر مش حابب يعاوني في شي لازمني نواجهم اصلا هكا و لا هكا بش نواجهم 

خرجت و خلاتو كاك .. مش عارف  اعلاش هي مش حابة تتعرف باللي يحسو فيه تجاه بعضهم .. اما هي بقات تمشي و  خايفة .. اي هي خايفة لا يطلع يكذب ..تأمل و يطلع كلو كذب و يطلع هو لاهي ينتقم ..مخها ولا يمشي فاها لبلايص اخرى .. تي هو سمع كلام بوه في كل شي ..حبسها  ..مرمدها ..جرحها ...  دمعتها هبطت منها من غير ماتشعر مسحتها و هربت تجججري ... بقات تجري في الشارع .. و تلهث .. مخها يمشي فاها و يجيب ..زعمة تكمل معاه في الخط و تشوفو وين بش يوصل ؟؟ و كان يجبد باها آخر لحظظة ؟؟؟ باهي و كان في فرنسا حاول ينتقم منها ؟؟؟ شدت راسها بالقوي .. تحس فيه بش يطرشق ... الف سؤال يدور في راسها .. الف حكاية و رواية ... زعمة تمشي و لا لا ؟؟؟ تهرب وحدها و تتسقر  بعيد على الناس الككككل ؟؟ مش خير اكاك اضمن لاها .. غفران كانت حااايرة حااايرة برشا ..  وقتها قررت اللي هي تهرب منهم الزوز من عايلتها و من محسن اللي كان يستنى فاها وقتهاش ترجع .. يستنى فاها بفارغ الصبر و يصارحها بمشاعرو  و اللي يحس بيه ..اما  خساارة القرار اللي خذاتو غفران  مش في بلاصتو جممملة ..

الحلقة 41 ""

غفران دخلت للفيلا تلقا امها في الصالة كيف شافتها مشاتلها تعجل 

_ وييييييينك يا للا وينك ؟؟؟؟ اسمع اللي ماتسمع بنتي انااااا تتلااوح في السبيطارات مع ولد بن أحمد ... شكون قاااال اللي اناتي غفران .. اطيح الطيحة المسودة اللي طحتها 

_ عسلامممة امي .. راك عندك قداش ماريتنيش ملا استقبال 

_ يا ريتك بقيت محبوسة و لا سمعت اعليك الكلام اذاكا يا بنتي .. ياا ريتك جيتي محبووووسة عندهم ... 

_ شنية تحب امي ؟؟؟  تحب تراهم  قتلوني بش ترتاح ؟؟؟ 

_ يقتلوك خير ماتحب ولد بن أحمد 

_ مااحبيتش حتى ححححد .. انا جاية هوني بش نهز  قشي و نمممشي معادش نحب نرا حددد ....

_ بربي يا غفران ؟؟؟ بربي ؟؟؟؟ هذا كفويااا معااااااااك ..هذا كفونا معاك ؟؟؟؟ لاش يا بنتي ؟؟ شكون اللي دورلك مخك على عايلتك ؟؟

_ اناااااا فقت على روحي يا امي و انتي لامك تفيق .. لوقتاش بش نبقاوووو ننتقمووو حياتنا تمحورت على عايلة بن أحمد .. فوزي اعمل فوووزي  قاااااال ... عيشتنا مرارت ..وقتاااش ناوية تفيق ..هوما عاشو ا حياتهم اكاك احنا شنية ذنبنا ؟؟؟؟؟   انااا بش نمشي ..و ماتسألنيش وين .. عندك نومرويا  اتنجم تكلمني وقت ماتحب 

جات شتمشي شدتها من يدها 

_رد بالك على روحك عيش بنتي ... ماتنساااش اللي الدار هاذي راهي دارك وقت ماتحب ارجعلها و ماتنساش عندك أم عيش بنتي 

غفران عنقت امها بالقوي كاينها خايفة معادش تشوفهااا ماتعرش عالدنيا شنية مخبيتلها 

_ نحبببك ماما نححححبك برشا ... ربي يستر و كهوووو  

هزت دبشها و مشاتلو ..مش ل محسن اما مشات ل غسان .. دقت الباب خرجلها .. استغرب وجودها  

_ غفران شتعمل هوني ؟؟؟ 

_ نحب نعرف كل شي على عيلتي ..كل شي من لول للخر 

_ تفضل ... ( دخلت تكر في ساقيها خايفة من ها المقابلة عندها سنين .. هذا غسان ولد عمها ... يجي خو صحراء .. غسان عندو سنين بعيد على دارهم ..بعيد على الخنن متاع دار بن حسين   قعدت في الصالة تستنى  فيه جابلها قهوة و قعد بجنبها ) 

_ توحشتك غفران ..توحشت  عمر زادة 

_ حتى احنا توحشناك غسان .. انا جيت اليوم ب  تفكير جديد ب غفران جديدة .. بعيدة على جو دار بن حسين كليااا .. نحب نعرف كل شي على اللي خلاك تهز دشك و تخلي العز متاعهم و تمشي .. شنية اللي خلاك تمشي غسان ؟؟ شنية الخبر اللي سمعتو و خلاك تممممشي ...

_ ههههه قبل وقت جيت بش نحكي سكتوني .. ماسمعتونيش ... ( قصت اعليه ) 

_ عيشك غسان مش وقت ماضي قتلك انا فقت على روحي نحب نعرف اللي عرفتو الكككل .. تي انتي اكثر شخص كنت تكره دار بن أحمد ..فجأة قلبت اعلينا الطاولة ...تمردت على عمي و بابا ..و على عيلة كاملة اعلاش غسان ؟؟ نحب نعرف ... 

_ مستعدة تسمع الخبر اللي خلاني نهرب من عيلتي بن حسين ؟؟؟ مستعدة تسمع  غفران ؟؟ مستعدة تسمع الخنن ؟؟ 

_مستعدة  غسان غير احكككي راني  بش نهبل .. ( شدت راسها بالقوووي و وقفت  قدام الشباك ) احكككي وارحمني 

وقف وراها 

_ في ليلة سمعت جدي و بوك يحكيو .. يجبدو في توارخ القدم ..و الخنن طلع ..  باابا اعزيزك اللي تضرب بيه المثل طلع  مجرم ..مججججرم كبير ... قتل  الخو الكبير ل فوزي بن أحمد .. قتلو في عز شبابو ...   

تلفتتلو مش مصدقة .. قربتلوووو عينيها مليانة حيرة 

_ كيفااااااش ؟؟؟ فاش تحكي يخي كيفاش قتلو ؟؟؟ مستحييييييل ... بابا اعزيزي مايعملش هكاااا مايعملش يا غسان باز سمعت بالغالطططط  

_ جدك كان ضابط في الشرطة ..  وقتها الخو الكبير لفوزي بن أحمد دخل للحبس ..  قتلو متعمد ..  قتلو بلا رحمة و لا شفقة كان عندو هوس التعذيب ... عذبو لين مااااااات ... وقتها خو فوزي كان مع  الاخوان .. متشدد في الدين ... يخي جدك  بلا ارحمممة قتلو .... 

غفران تصدمت .. بقات تغزرلو مش مصدقة 

_ مستحيييل ..مستحيل .. بابا اعزيزي كان شرطي يضربو بيه المثل كان شرطططي و يفتخرو بيه لتووووو

الحلقة  42"" 

_   هههههه  المظاهر خداعة صدقني... وقتها بو فوزي .. كبير العايلة انقم على جدك و عفس اعليه بالكرهبة و خلاها مشلول في كروصة حتى لتو ... يعني اللي بدا هو جدك .. الانتقام اللي كسرولنا ريوسنا بيه ... لازم نحاربوهم ناقفو ضدهم كيفاش و هوما خلاو جدنا في كروصة حياتو الكل .. و بالرغم اللي صار جدنا العزيز الغالي ههه مايتحكمش حتى نهار و بقا بوووك و بابا يدخلو في فوزي للحبس بتهمة  اللي هو خوانجي كيف خوه و ساعات يتهموه باللي هو ارهابي ..و درا شنية ... و خلي بعد الثورة قداش من قضية لفقوهالو ..او تاجر مخدرات او مجرم .... اما فوزي بن أحمد نظيف يا  غفران

_ اما سميرة مرتو شادة اعليه مستندات يحشيوه في الحبس ... هذا اللي سمعتو .. هذا اللي نعرفو يعني هو مش نظيف 

_ يخخخخي انتي مشكلتك تو هو نظيف ولا لا ؟؟؟ 

شدت راسها بالقووووي 

_ كنت عاااااااارفة اللي حكاية الانتقام وراها حكاية ما اككككبر .. كنت عارفة ديما نقول ل عمممر راهي الحكاية ما اككككبر اذاكا اعلاش انتي مشيت ؟؟ ههههربت من كل شي 

_ انا ماهربتش انا واجهتهم بخمجهم .. واجهتهم بخنارهم .. خباو اعلينا  اللي الحكاية بدات منهم ..  تي اول حاجة تعلمناها كيفاش نحقدو على دار بن أحمد ... تعلمنا كيفاش نكرهووهم .. و نكفرو  بالريحة متاعهم .. هكااا ولا لا غفران ؟؟

_ صحيح كلاااامك الككككل ( كبست على قبضة يدها ) لاوم عمممر يفيق و ماهر 

_ هههههه عمر يمكن يفيق اما ماهر خويا نعرفووووو ..ولد بوه ...يسمعش اللي بوه مجرم ماتتحركلو حتى شعرة ... اعطيه الصوارد و سيبو 

_ سمعت ب صحراء ؟؟؟ اختكم ؟؟؟؟ 

_ سمعت سمعت بكل شي و اعرفت كل شي ... يخايلوني بش نبقا راقد على  وذنيا .... قداش كرهتهم الكككل تو راحتي هاك ترا وين في الدار هاذي ... جوي عيشتي .. معادش نحب نرجع للفيلا ... و لا ل دار بن حسين ما بقالي منهم كان اللقب اللي كان نلقا نبدلو بأي طريقة .... 

غفران قلبها وجعها ... قعدت مصدومة 

_ مش مصدقة اللي صااار كنت متوقعة كل شي كان يطلع جدي  اللي نحبو اللي نضرب بيه المثل يطططلع مججججرم ؟؟ يطلللع هكااااااا ؟؟؟ لا و اوهمولنا اللي  دار بن أحمد هو اللي بداو في الخنن ... طلع الشي مخبي و احنا راقدين على وذنينا .. اصلا انا هكا و لا هكا كنت بش نفسع .. هزيت دبشي و بش نهرب 

_ وين عندك تمشي ها بنتي ؟؟؟   

_ نحب ناخو هدنة قبل ... هدنة نستوعب فاها الكم الهائل من الصدمات اللي هبط اعليا و بعد تا نخمم وين نمشي .. غسان ممكن نبقا  بحذاك ؟؟ عادي يعني ؟؟ لين نخمم وين نمشي و نخمم اش بش نعمممل 

شدلها يدها باسها 

_ تي راك بنت عمي ..و وخيتي الصغرونة  ..نسيت اللي انتي تربية يديا .. ( عنقتو بالقووووي ) 

_ ربي يخليييييك ليااااا ... 

اما صحراء كانت وقتها في قهوة مع يوسف ..  

_  يخي مازلت مصمم على حكاية الفضيحة ؟؟ ماني قتلك مش مستعدة نخسر سمعتي راني 

_ تي بالعكككس  ( ترشف من قهوتو شوية و بقا يتكيف) انتي بش تكون الضحية .. و اكاك تتشهر على حساب دار بن حسين .. تضرب عصفورين بحجرة  .. اولا تعمل البوز و يوليو يحبو يقراو للكاتبة هاذي اللي كانت الضحية و زعمة بش تحكي حكايتها في الرواية ؟؟ اكاك تربح من روايتك .. و زيد دار بن حسين يتفضحو الكككل ..

_ اي و بعد  مايتفضحو ؟؟ انا حاشتي بيهم يفلسو يا يوسف .. حاشتي بيهم يخرجو ب حتى فرنننك ... حتى التهديد ماعندو مايفيدهم ... لازمني دليل آخر .. نهددهم بيه دليل .. يخليهم يتفجعووو مني .. نخليهم يخافو مني ...نحب نعرف اعلاش شادد صحيح في الفضيحة  اللي بش نهددهم باها ؟؟؟ ههه ( دورت وجها ) 

_ شنية صحراء يخي ماعندكش الثقة فيا  ؟؟؟ 

_ اي ماعنديش الثقة فيك انا ماعادش نعطي الثقة في حتى حد .. حتى في روحي ..خسارة احنا رانا في عصر الغدرة   في عصر تفيق الصباح تلقا  عيلة ماهاش عيلتك و لقب مش لقبك .. و سنين عشتهم تتوهم في عيشة مش عيشتك ...   ( كانت تحكي و خانتها غصة .. مدلها كاس ماء بش تشرب ) 

_ ماتحط شي فيبالك انا وياك عنا هدف واحد .. انا زادة نحب نقضي اعليهم ..  

_ باهي تو قلي شنية الحححل رانا ندروور في دائرة مفرغة ...

_ ماعنا كان حل آخر تقنع امك بش توري المستندات و الاوراق اللي يحشيو  فوزي للحبس .. و توفا الحكاية الكككل ..و لا ادخل لدار بن أحمد و لوج وحدك نتصور ماكش بش تحير في حكايات كيف هاذم 

_ بالححق ماعنا كان الحل هذااا ..  انا من غدوة نمشي للجنوب .. نتسبب بأي حكاية و نلووووج ( مد يدووو سلمت اعليه ... ) 

_ متفاهمين صحراااء ... ان شاء الله تروح و في يدك الدليل اللي بش يخلي دار بن أحمد تتهد سافيها على عاليها .. و صدقني مع الوقت تو تلقا الزوز العايلات اللي حطموك .. تحت الصفر ... 

_ هذا اللي نتمناه يوسف 

هوما اكاك و يدخل عمممر مع ساندرا هاذي انتميتو ..اصحاب من الصغرة .. عدا عينيه على القهوة  لمح يوسف شادد  يد صحراااء حس بكورون ضربوووو .. تصمر في بلاصتو و صحراء على غزرتها تلقاه مع طفلة ... حست بالدم جمد في عروقهااا

الحلقة 43""

وقف قدامهم .. عينيه تكدح ناااار ..  كان مستعد وقتها يجبدها من يدها و يكركها وراه ... اما ساندرا شدتلو مرفقو تهدي فيه فهمت اللي عممر ماهوش لاباس ..    اما صحراء بقات تهز فيهم و تحطط .. تقحر ل يد ساندرا اللي حاطتها على عمر مش فاهمة هي اعلاش حاسة هكا ؟؟   هزت قهوتها و شربت منها رشفة ... 

يوسف غزر لعمر و تبسم :

_ اهلا شريك  .. هاك هوني ..صدفة حلوة مش هكا صحراء ؟؟  (  غمزها و صحراء طبست راسها .. اما عمر كان يلقا يجبد عينين يوسف ...) 

عمر : اي صدددفة .. مافيباليش  اللي انتي و صحراء وليتو اصحاب.... 

صحراء وقفت  و تبسمت ابتسامة صفراء 

_ انا ديجا كنت بش نمشي ... 

عمر : لااا زيد خووذ راحتك ..( غزرتلو في عينيه تعرفو شنية يقصد مليح هو شايخ اعلاها يتمقعر .. خاتر هو حذرها من يوسف برشا مرات ) انا ديجاااا جيت مع ساندرا .. عندي برشا ماريتهاششش 

صحححراء ..حست بمعدتها وجعتها ..    غزرت ل ساندرا .. عمارة قدامها مش مرا ..  شاورتلو براسها 

_ باااهي   على خير .. ( مشات و ضربتو على كتفووو بكتفهااا .. غمض عينيه بالقوووي حس بقلبو وجعوووو ماحملش فاها حس روحو نبزها .. وقتها صحراء خرجت من القهوة مش مصدقة اللي هي  قلبها يوجع فاها .. تكات عالحيط .. و حطت يدها على قلبها ) 

_ من وقتاش تغير و تتوجع ؟؟ راك حجر و تبقا ديما حجر يا قلبي ..  كهووو ( دمعتها هبطت .. مسسحت دموعهااا عمرها لا بكات على راجل عمرها ... حست بيه وراها ...  تلفتتلو ..) 

_ شبيييك ؟؟ شنية صااار ؟؟؟ 

عمر : صحراء شبيك انتي ؟؟؟ شبيك وجهك تقلب ؟؟ 

قربتلو تضحك 

_ لااا حتى شي .. شبيني ؟؟ ما بيا شي ...   (  دورت وجها بش ما يقراش  ملامحها تعرفو ذكي ..ذكي برشا و يخطفها و هي طايرة..حست بيه كيفاش لصقها و حط اطراف صوابعو على دقنونتها و دورلها وجها جات عينو في عينها ... نحاتلو يدو بعدتها ) شنية تحب عمر ؟؟ برا ارجع ل ساننندرا و لا شكون ماتخليهاش تستنى .. 

_ ههه ساندرا و لا شكون ؟؟؟  ( ضحكلهااا .. اعرف اللي هي غايرة .. )  ساندرا بقات مع اصحابنا .. ماجيناش وحدنا تهنى ..

_ شمعناها نتهنى ؟؟ انا شيهمني فيك .. نتصور كل حد حر .. انتي ولد عمي و كهو اعلاش بش نتهنى ؟؟؟ 

_ ماتدخلش بعضك راني بديت نقراك و نحفضك .. نحفضلك حركاتك و سكاناتك صحرااء ( بقات تغزر يمين و يسار المهم ماتتلقاش عينيها  بعينيه .. تحس بدنها يتكهرب .. هي تو واقفة على ساقيها بالروح .. شباها هاكا ولات ؟؟ مستحيل تكون طاحت عل ى راسها ) اما انتي تبارك الله اعليك  للا صحراء ... فيسع ما وليت صحبة مع يوسف ..بالرغم وصيتك و شي 

_ اناااااا حرررررة   ( تططقت بصوت عالي ... ) نعمل اللي نحب نخرج مع اللي نحب ... مش معناها انتي قلت يعني صدق الله العظيم  -_- ...             

_ انا نعرفو اكثر منك يا بوهالية ... مانحبكش اطيح على راسك معاه .. ماهوش متاعك .. هو جو متاعو بنات و سهريات .. كل ليلة مع طفلة 

_ ماتقارنيش بيهم ..مانيش بش نطيح على راسي ( و هي في قلبها تقول انا طحت على راسي و كمملت... )مانيش بوهالية .. و زيد انا وياه ماناش اصحاااب راهو 

_ مالااااااا شتعمل انتي وياه تو في نص الليل ؟؟؟؟ 

طبست راسها ماحبتش تجاوبو على سؤالو اصلا شنية عندها بش تقلو 

_ عمر انا بش نبات في اوتيل اليوم .. نتصور معادش نحب نرا حد من عايلة بن حسين 

_ شمعناها ؟؟ يخي مش بدلت لقبك  بن حسين .. و عادي .. و ليت منا و الينا ؟؟؟ شنية اللي تبدل 

_ من غير ماتسألني بربي ..تعبت من الاسئلة .. تو نتلقاو غدوة ( الهدوء اللي مكنها وقتها حستو هدوء ما قبل العاصفة ..اعط بضهرها و هو خلط اعلاها .. جبدها من مرفقها ) 

_ وين عندك ماشية ؟؟؟ ترمي كلمة  و تمشي ؟؟ شبيك صحراء يخي يوسف ال** .. دورلك مخك اعلينا ؟؟؟ 

_ انا مخي داااير من قبل يخي تسخايل ساهل ..بش نولي منكم و اليكم في  نهار و ليلة ؟؟ شبيك عمممر ماكش لها درجة ماتفهممممش ... 

عممممر عينيه وساعت 

_ نعرف نعععرف اللي انتي ناوية تحطمنا اما مافيباليش اللي بالحث ركبتلك في مخك صحراء  على شنية ناوية بالضبط ؟؟ يخي قربك من يوسف ليه مصلحة في تدمير عايلتي ؟؟ 

دورت وجها و هو قام يصيح 

_ احكككككي يخي ماكش ناوية تخرج منها ها اللعبة انساااااا تعلم انسا و كمل عيش حياتك .. ماكش لولة و لا اللخرة اللي صار فاها اللي صاااار 

_ امااااااااا ماااكش في بلاصتي بش تحس اللي انا نحححححس فييييييييه ( صااحت في وجهو تصدم من صوتها العالي فجأة ) ماكش حاسس بقلبي شنية فييييييه ماكش حااسس انا قداش موجوووعة تراني هكا قوووية ... تراني جبل ما يهزك ريح تراني شجاعة .. و قليب تراني حجججرة و قاسية اما انا هشششة من داخل حساسة لدرجة كلمة تكسرني ... كلممممة تبكيني ... تسمممع فيااا ؟؟؟؟      حططط روحك في بلاصتي ...   حليت عينيا نلقا روحي مع بو مايحبنيش ..  و عيلة مش عاجبتها حالتي فجأة تطلع مش عيلتي ... كل شي كل شي كذذذب و و هم ..انا خسرت كل شي من جرتهم .. خسرت طفولتي .. 

_ لازمك تنسى ...  و تتعدى .. خمم في روحك صحراء .. خمم في مستقبلك 

_ اناا مش بش انجم ننسى ..كيف نفيق الصباح نتفكر اللي صااااار تركبلي بش نمشي نحرق داركم و دار بن حسين ..نحرق شركاتهم و فلوسهم و كل شي ...  حاسس بيااااااا عمممر ؟؟ قول اللي انتي تحس بياااااااا راني بالحححق تاعبة

الحلقة 44"" 

ماعرفش اعلاش جبدها ليه و عنقها .. غرست وجها في صدرووو .. كانت  محتاجة التعنيقة هاذي محتاجة حد يعنقها بالقوي و يقلها راني معاك  ماتخافش ... محتاجة حد يطمنها و ياقف معاهاا .. بقا يعدي في يدو على شعرها 

_ هاني معااااك صحححراء ..

بعدت اعليه عينيها مدمعة 

_ معايا ؟؟ متأكد اللي انتي بش تكون معايا عمر ؟؟ انا نحب نقضي على العيلتين الزوز ... اللي عملوه فيا مش شوية .. كيف الكورة بيناتهم ... بش نخليهم تحت الصفر 

_ و أنا ؟؟؟  انا شنية بش نعمل ؟؟ بااهي  مش انا ماتخممش فيا .. خمم في امك كيفاش بش تعيش ؟؟؟ ماتخليش الانتقام يعميك .. خمم فاللي داير بيك 

_ هوووما خمموا فياااااااا ؟؟؟ حد ما خمم فيا حددد ..   ( اعطاها بالظهههر و بقا يحك في لحيتو ... ) اغزرلي عمممر نعرف اللي انتي مخبي  فلوووس نعرف اللي مكفن برشا فلوس 

_ شكون قققققققلك ؟؟؟ ( دااارلها يصيييح ... اول مرة تراه منرفز بالطريقة هاذي ) شكون قلك  اللي مكفنهم الفلوس ؟؟؟ اعلاش مخك هكا انتي ؟؟؟ لااااااا و تبع في يوسف .. ماتعرفش اللي يوسف   ملك الرذالة صدقني يلعب بيك و يطيشك ... مش ساهل راهو مش ساااهل .. تعرف شمعناها اتفلس زوز عايلات ؟؟؟ يعني تفلس زوز العايلات اللي قراوك .. اللي وصلوك ...

_ ههههههه  وصلوني ؟؟؟ ههههه ضحكتني والله ( شدها الضحححك ) ههههههه شكون اللي وصلني ؟؟؟ انا وصلت وحدددي ... قريت وحدي ... حتى الفلوس االلي جابها جدك  شارولي باها شوية كتب ..و شوية اوراق اما انا هي اللي اجتهدت انا اللي تعبت و قريت حتى كان قريت قراية نحبهاااا .... و ربي اللي اعطاني موهبة الكتيبة  اللي خرجتني شوية من ستراس اللي كنت عايشة فيه للعنكووووش ... ماتحكيش على حاجة ماكش عايشهاااا .. فيبالك اللي انا كنت نخدم و نقرا ؟؟؟ 

قرن حواجبو مستغرب 

_ كيفاش ؟؟؟ تي فوزي بن أحمد مليونير 

_ صحيح .. اما   فلوسو كنت نمشي نتبرع بيهم و لا نصدقهم ... ديما نحس اللي فلوسو  فلوس حرام ..حتى الماكلة كنت ناكل فاها بالروووح .. خدمت في العاصمة مرة سكريتار مرة  مع مصور ..مرة  في قهوة ... و ساعات الصحافة يشلقو بيااا لين تفضحت و بابا حرم اعليا الخدمة ... كنت معملة على روحي في كل شي ..ذقت الفقر اي اي ساعات نبات بلا عشاء ... 

_ يخي لهاااااا درجة ؟؟؟؟؟ 

_ اي و اكككثر .. انتي ماتعرش القسوة اللي لابستو فوزي .. شخص قاسي .. و معصااااب ... ماكنتش عاطية الثقة فيه كاينو قلبي  كان حاسس اللي هو مش بابا .. بالرغم هذا تمنيت يمسح على شعري و لا يعنقني و لا يقلي كلمة باهية ..  مش لازم نحكيو في الماضي  تو اللي يهمني اللي انا بش ننتقم من العيلتين الزوز و نوريهم الانتقام على قاعدة صحيحة 

_ كيفااااااااش بش تنتقم تراه قلي كيييييييفاش ؟؟ ... بش  تهددهم باااش ؟؟؟ ههههه راك تلعب مع اكبر رجال الاعمال في تونس و في الوطن العربي .. ماعندك وين بش توصل غير اللي انتي بش تخسر روحك في ها اللعبة اللي ماكش قدها شبيك ؟؟ تي براااااااا عيش حياتك ... اعمل كيف البنات الاخرين امشي للحجاامة شوووف راججججل ... حب و تحب ...  اكتب كتتتاب و لا رواية ..اخدم احلللللللم سااااااافر شبيك يخي ؟؟ 

_ ههههههه راك تحكي على صحراء ... مانيش كيف البنات الاخرين .. انا نهرب  للصحراء بش   نختفي .. بش نذوووب كارهة الدنيا اللي تحطيت فاها .. ساعات نقول اعلاش ما نعملش خيمة و نعيش فاها .. نكتتتب اي نحب نكتب .. اماااا بعععد ماننتقم لكرامتي ..  ننتقم لطفولتي ... و لصغري ...  ننتقم من البو اللي سلم فيا ..  من منجي بن حسين ..و منكم الكل واحد واححد 

_ باااااااهي انتقم صحرااااء انتقم و شيخ جوووك اما رد بالك تجي تقلي راني فشلت و لا عاوني ... وقتها تو يوسف درا شكون يعاونك 

جا شيمشي نداتلو 

_ عمممر ... ( غمض عينيه ..  نبرة صوتها وعوعت قلبو .. تلفتلها .. ) 

_ هااا نعم ؟؟ شنية تحب صحراء ؟؟ 

_ عاوني ... عيشك عااوني .. نعرف اللي انتي ماكش بش تحير.. نعرف اللي انتي عندك موطن شغل اخر .. عاااااااوني 

شدوو الضحححك و قربلها 

_ ههههههه نعاونك بش نهدم عايلتي ؟؟ بش نهدم العيلة اللي رباتني و ردتني راجل ؟؟؟ شبييييييك يخي هبلت ؟؟؟  .. تطلب في طلب احووول .. مش لوجيك راهو اللي تطلب فيه ... نعاونك بش ندممممر بابا و عمممي ..و اسم عيلتي ؟؟؟ مانيش خاين ..و الدم عمرو لا يولي ماء  

_ باااااااهي مش لاااااااااازم نتصور يوسف يكفي و يوفي بش يعاوني 

_ بش نفضها الشراكة معاه .. عيشك خليتني نحل عينيا  اكثر و اكثثثثثثر على خامج كيفوووو

الحلقة 45 "" 

_ عممممر ؟؟ ماعندككككش دليل ههههههههه  وين الدليل اللي يقول الللي يوسف خاين .. صحيح هو يعاون فياااا بش يطيحكم على ريوسكم لش يفضالو السوق التجااري اما انتي ماعندكش دليل على خيانتو و لا على تلوعيبو 

قربلها تبسم .. قرب لشفايفها و نططق 

_ انتي بوهالية و كهووو ... ماتعرفش اللي انا عمر بن حسين .. ( جبد تاليفونو فيه تسجيل لكلامها الكل سكككر الريكورد .. و ضحك بالقوووي ) ههههههههه انا عديتها اعليييييك مالا هو شنية بش يعمل فيك زعمة ؟؟؟؟؟؟؟ 

جبدتوو من مريولو 

_ اعلااااااااش ؟؟ فسخخخخ عممممر اعلاااش تعمل فيا هكااا ؟؟ 

_ خاترك بهيمة .. التسجيل هذا بش يكون عند باابا و بش يفضو الشراكة مع سي يوسف متاعك و زيد انتي تتفضح ... وقتها يطردوك و معادش حتى حد يعطي الثقة فيك و زيد يوصل لفوزي .. وقتها شكون بش  يقبلك ؟؟ حتى حددد ... ابقا راكككحة ابقاااا راكحة خخييييير... 

_ عمممري لا تصورت اللي انتي هكا ساقط بش تطلع 

_ مش اسقط ملي كنت معااااااه ..مش اسقط من يوسف ... اعرف اللي انا راني نحب مصلحتك يا بش تركح و تريض يا صدددقني  نوصلو التسجيل .. وقتها ننصحك ابدا حضر الخيمة اللي بش تبات فاها في الصحراء ماعندكش حل اخر يا صحراء 

خلاها مبهمة فيه ... شااخ اعلاها ... قدهاااش بهيمة هي اي بهلولة و بهيمة .. لا و تطلب منو بش يعاونها ..   بقات ماشية جااية تعدي في يدها على شعرها ..  

_ اعلاش تعمل فيا هكككا ...؟؟ اعطيت فيك الثقة 

_ حتى انا اعطيت فيك الثقة .. نحبك تفيق على روحك يا بوهالية ..فييييييق ... راك اللي تعمل فيه بش يضرك اكثر ما ينفعععك .. يا تعمل عقلك يا يوصل التسجيل 

_ شنية تححححححب مني نعمممل ؟؟؟ 

_ تكلم يوسف و تقلو اللي انتي تراجعت على قرارك .. تقول اللي انتي ندمت و  راهم عايلاتك الزوز .. و ماتحبش اضر امك و خوووك ...  و توفا اللعبة ... يرجعللك شاهد العققل .. و وقتها تحب تمشي اممممشي ..المهم عيلتي خططط احمممر للا صحراء 

_ باااااهي مالااااااا تو توووووو ..( رجعت للقهوة و عمر وراها ) 

_ صحراء اش بش تعممممل ؟؟؟ صحراء نحككككككي معااااااااك ...

طفاتو و دخلت للقهوة تلقاااا  يوسف راكش مع ططفلة لاصقة عرفت اللي هو بالححق متاع بنات .. عمر تبسملها 

_ شم قتلك متاع بنات 

_ و انا ماقتلكش اللي انا نحب نعرس بيه ... 

مشات ليوسف وقفت قدامو كتفت يديها 

_ يوسف انا بطططلت 

كيف شافها وقف 

_ شنية قلت  صحرااااء ؟؟؟ 

_ انا ناادمة مانيش بش نكمل اللي بدينا فيه ... نتصور واضح كلااااامي .... 

جبدها من مرفقها و خرجها البرة ..

_ عااارفة روحك فاش تحكي ؟؟ 

_ يوسف تا نبعثلك ميساج من بعدد ... ( وقتها عممممر خرج  ولا تصيح ) اناااا معادش نحب ندخل في ها اللعبة بالحق مش  بش انجمهاااا ..كهووو وفااااا ... 

اعطاتو بالضهر و مشات لعمر تبسمتلو تبسيمة صفراء توحي قداش هي تغزل اعليه وقتها امااا اللعب مش مع صحححراء ..

_ اللي تحب اعليه عملتووو .. وجهك معادش نحب نراه  .. قداشني نااادمة اللي اعطيت في واحد كيفك الثقة كل كيف بعضكككم ..كيف سيدي كي جوادو

بقات تتمشى ..و في يدها التاليفون بعثت ميساج ل يوسف " اللي صااار بكري و اللي قلتو مجرد كلام .. انا عمري لا نستسلم .. الحكاية و مافاها عمر   سجلي صوتي و انا نصب في الصبة كككل ... مثلت قدامو اللي انا بطلتها اللعبة و مش بش نعمل شي .. هذا كككل بش مايوصلش التسجيل ل بوه و لا لفوزي و نتفضح و حتى حد ماعاد يقبلني ... غدوة بش نمشي للجنوب و بش نكمل المهمة ... استنا مني خبر " 

صحيح هي بش تمشي للجنوب  و بش تكمل المهمة متاعها اما اللي ماتعرفوش اللي عمممر وراها بالكرهبة يتبع فاها و واخو حذرو منها ... مش لهادرجة بوهالي بش يصدق للي  هي استسلمت فيسع .. بدا يعرفها مليح ..  

شافها كيفااااش مشات للوتيل .. و هو بقا يستنى فاها كان لزم يبات قدام الوتيل المهم ماتفلتش من انظارو لحظظظة وحدة ..

الحلقة 46 ""

محسن بقا يستنا برشا  في السبيطااار .. يستنى في غفران ترجعلوو .. ترجع ليه و يساافرو يطططيرو .. كا يحلم اما الحلم تحول ل كابوس كيف تعداا  3 ايام  و غفران ما رجعتش اعرف وقتها اللي هي بدلت رأيها .... وقتها معادش ينجم يصببر مشااا للفيلا متاعهم .. هبط من الكرهبة .. يصيح 

_ غفررررررررراااان ... ( يصيح بصوت  مبحوووح ...) غفراااااااان اخرررررررج قتلك .. ( رجال دار بن حسين وقفو قدامو   تكلم واحد منهم ) 

_ شنية تحححب ؟؟  

_ حااااااشتي بغفران هي وييييييين ؟؟؟؟؟ ( ضرررب يدو على باب الحديد ) نحححححب على غفراااااااااان 

هو اكاك  و خرجت امها 

_شنية تححححححب ؟؟؟؟ شنية تحب يا ولد بن أحمد ؟؟؟؟ غفرااان هججججت و خلاتنااااا من جرتكم ... مشاااااااات.. معاااادش تحب تعيش معانااااااا كلووو من جرتككككم  

_ وين مشااااااات وين ؟؟؟؟؟؟؟  

 جاات هزها دبشها و مشااات .. غبببببرت قالت فدددت ... انتي شنية تحب منها ؟؟؟ يخي ماكفاكش اللي صار من مصايب ؟؟؟ شنية تحب اخر ؟؟؟ شنية تححححب ؟؟؟ تحب  تموت المرة هاذي ؟؟

_ معادش يهمني نموت و لا لااااا حاشتي ب غفران و كهوووو ماحاشتي منكم شي آخخخخخر ... كرهتكم انتوما و عايلتي ... 

_ عيشك امشي من هوني خير ما نكلم البوليسية 

_ حتى انا تو نكلم البوليسية و نقلهم تفكرت شكون  ضربني بكرتوشة اللي هو  ماهر متاعكم وقتها عيلتك تتفضح و مانننننننيش متحرك من هوني حتى نراهااااااا .... و اعملو اللي تحبووووو  يا بش تعطيني نمروها يا نبقا هوووني لين تجججججي... 

_ مش بش تجي باش تفهم انتي ؟؟؟؟؟ مااااااهش بش تجججججي 

_   مالا اعطيني نمروهااا 

امم غفران شيعت عينيها للسماء تتشفع دخلت للدار كلمت بنتها 

_ يكب كبوبك فيييييييينك 

_ امي شبيك قتلك راني بش نمممشي ...

_ سي الشباب متاعك قدام الفيلا حرن قال ما نمشي الا ما نرا غفران و الله اعلم اش بش يصير كان يراه ماهر و لابوك اتو يقتلو بالححححق مش ناقصين مصاااايب... عيش بنتي ايجااااا احككككي معاه 

_ باهي باااهي ماما هدي اعصابك هاني جاااية اش عننندي نعممممل 

علقت اعلاها و بقات تأفئف 

_ اووووووف .... عمري لا تصورت بش يجي للفيلا يعني اللي كنت نخمم فيه غالط ملااااا وحلة 

غسان : شصااار غفران ؟؟؟ على شكون تحكككي 

غزرتلو متوترة ..  

_  محسن .... ( طبست راسها ماعرفتش اش تحكيلو ) 

غسان تبسم و قربلها 

_ نعرف كل شي الاخبار توصلني ... 

_ نحب نعرف حاجة كهو انتوما ولاد بن حسين كيفاش توصللكم الاخبااااار ؟؟ غريبة اعلاش انا ما يوصلني شي ؟؟ اعلاش ؟؟ 

_ خاترك ماكش حاطة عصاافر في الفيلات متاع دار بن حسين لازمك تتذكى شوية .. ناس تبيع روحها على جال الفرنك 

_ تو لازمني نمممشي محسن حرن  واقف قدام الفيلا يحب يراني لازمني نمشيلوووو نقنعو يمشي والله ماهر بش يقتلو المرة هاذي 

_ اسمعو قبل بالكشي تبدل رأيك .. تحسو بالحححق شاريك مش بش يلعب بيك ... ماتتسرعش  غفران

الحلقة 47 "" 

غفران مشات ل محسن .. تلقاه  متكي عالكرهبة و يتكيف .. عرفت اللي هو متأزم .. فادد مخنووووق من فازتها اللي عملتها ..قربتلو 

_ محسن اش تعمل هوني ؟؟ اعلاش تقلق في امي ؟؟ 

غزرلها  و تبسم بقهرة ...رما السيجارو   و عفس اعليه بالقووي 

_ اعلاش  عملت اكاك غفران ؟؟ اعلاش جبدت بيا ؟؟؟ يخخي شمعناها العملة اللي عملتها ؟؟؟ 

_ انا ماعينيش بش نسافر معاك مانحبش نسافففر معاك 

_ في ليلة و نهار تقلبت اعلاش ..؟؟؟ شنية اللي صارلك يخي ؟؟  تقلبت اعليا .. اعلاش مارجعتش غفران ؟؟

_ مش مهم تووو ..  عيشك امشي محسن  يززي من الفضايح ...  و زيد كان يشوفك ماهر و لا بابا .. صدقني مرة جاية الكرتوشة  تجيك في قلبك 

_  ديجا جاتني كرتوشة منك في نص قلبي كيف ماجيتش يا غفران ...  ( جبدها من اكتافها  يخض فاها ) اعطططيت فيك الثقة راني 

مصلت منو تصيح 

_انااااا معاااادش نعططططي الثقة في حددددددد ... لا فيك و لا في دارنا و لا حتى في روحي تفهم فيااااااا ؟؟ 

_ انا معادش فاهم شي .. احنا كنااا بش نسافروا بش نهربوووا .. بش نجنحوووو .. 

_ انا اجنحتي مكسورة يا محسن .. مكسووووورة ...  انتي ماتعرش اللي صااار ..ماتعرش انا شنية سمعت يا محسن ... 

_ شنية سمعت ؟؟؟ 

_ مش مهم توووو ( قص  اعلاها ) 

_ يخخخي ترمي الكلمة و بعد  تقلي مش مهم شنية  الحكاية ؟؟ شنية سمعت ؟؟؟ 

_ اللي نعرفو  ... اللي انا كنت في وهم سنين ..فيبالي عيلتكم هي اللي بدات .. فيبالي انتوما السبب فاللي صاار كل وقت اعزيزك ضرب اعزيزي بالكرهبة .. يخي الحكاية طلعت ما اكبر 

_  فيبالي اللي الحكاية اكبر .. فيبالي اللي  اعزيزك قتل عمي الكبير .. جيب الجديد ... 

غفران عينيها وساعت ماصدقتش اللي محسن فيبالو بكل شي 

_ هاك تعرف كل شي ؟؟؟ مالا اعلاش ماقتليش ؟؟ اعلاش ماوجهتنيش و طزيتها في وجهي ؟؟ اعلاااش ماحكيت شي ؟؟ 

_ حبيتك تعرف منهم هوما اش مدخلني انا في  حكاياتكم ... ( بقا يغزرلها يحب يقلها اللي هو ماحبش يجرحها اكثر ملي هي مجروحة ) 

_ يا ريتك ادخلت يااا ريتك ... مخخخي بش  يطرشق  من تخمام ... ( شدت راسها بالقوووي .. )  شكون قال وقت انا نسافر معاك ماتنتقمش مني غادي ؟؟؟ 

_ يعني انتي تخمم هكا يا غفران ؟؟ اللي انا نغدر بيك ؟؟؟ 

_ عايلتي غدرو بيا ... خباو اعلينا الحقيقة سنين .. كرهونا فيكم علمونا الحقد و القسوة ... زعمة انتي ماتغدرش بيا كيفهم؟؟؟ من حقك تنتقم لعايلتك لعمك اللي توفى ..

_ تحسك ياسر متأثرة بالمسلسلات التركية ... انا حسيت حاجة اخرى اتجاهك حسيتك كيفي ..كارهة حياتك و عيشتك و تحب تهج و تخليهالهم واسعة و عريضة هوما و خمجهم و انتقامهم .. اما مخك طلع متاع افلام و حكايات تافهة .. ماتصورتكش هكاااا ...

_ من حقي نخاااف من حقي معادش نعطططي الثقة في حدد اما مايمنعش اللي انا حاة زادة حاجة اتجاهك و هاكا اللي قاهرني ... هاكا اللي موجعلي قلبي 

قربلها حط يدو على خدها 

_ ابقااا معايا غفران ... اعلاش تسكر فاها ؟؟ 

طبست راسهااا 

_ بش توجعني و تقهرني ( شيعت عينيها غزرتلو .. كانت عينيه فيهم برشا حكايات و ورايات غريبة .. كاينو شخص اخر قدامها ... اما شخص مختلف احسن من محسن تاع قبل )  انتي بش تغدر بيااااا .. هذا مخي اش يقلي ..هذا احساااسي 

_ احساااااسسسسسسك غالط ... ( بدا صوتو يعلى .. و هي بقات تغزر يمين و يسار ) 

_ يزززي هبط صوتك ... مش عارفة شنية بش يصير المرة هاذي ...  كان يجي ماهر 

قص اعلاها 

_ معاااااادش يهمني  في حددد اللي بش يجي خلي يجججي ... معادش يهمني ... 

_  مش نااقصة فجاايع راني مش مستعدة نراك غارق في دمك مرة اخرى ..  تي انتي توو مازلت ماكش لاباااس شوف حالتك ( كانت عينيه محوووقة ..  وجهو اصفر و حالتو حليلة ) 

_ امشي معايا تو نرجع لابااااااس .. امشي معايا  غفران ..اش نعمل بش تصدددق اللي انا مشاعري حقيقية تجاااهك ( حط جبينو فوق جبينها يجبد في النفس بالروحح .. ضحكت من غير ما تشعععر .. احساس تحس فيه مش عادي ..مش متعودة بيه .. تحاول تبعد اما حاجة فاها مش حابة تبعد تحب تقربلو تشم ريحتو .. اتعنننقو ..و عنقتو من غير ماتشعععر ...طرشقت بالبكااااء .. كانت محتاجة  قربو  .. بش تفرغ اللي في قلبها الكل و هو حاوطها بيديه  و بقا يوشوش في وذنها ) 

_ كيف ماجيتش هبلت يا غفران اعلاش اعملت فيااا هكاااااا  اعلاش ؟؟؟ 

_ ماتجرحنيش بربي ماتغدرنيش راني مش ناقصة جرووح ... ( بعد اعليه شوية ) اللي عشتو في صغري مش شوية يا محسن .. ماتخلينيش نعيش اللي عشتو ..خرجني من قوقعة هاذي 

( مسحلها دمعتها اللي خانتها .. كانت ديما قوية اما هالفترة هاذي كل   وجيعة بحسابها .. الزلقة بفلقة .. ولات حساسة و دمعتها قريبة  .. )

الحلقة 48 "" 

من غدوة   صحراء خذات ثنية الجنوب .. ثنية كاملة و هي تغزرلو من مرايا .. عارفتو يتبع فاها شدت فران في قلب الصحراء .. هبطت من الكرهبة  و مشاتلو .. كيف شافها كاك شد فران و هبط .. وقفت مقابلتو مكتفة يديها و هو تبسم على جنب 

عمر : وين على خير بنية عمي ؟؟ 

قربتلووو تقحرلو .. 

_ يخي شبيك كيف ظلي ؟؟ معايا وين ما نمشي ؟؟ اخرج من مخي عمممر يخي تسخايلني مش بش نشلق اللي انتي بايت قدام الوتيل ليلة كاملة .. اش تحب ؟؟؟ 

_ خايف اعليك و كهو .. خايف لا تعمل عملة من عمايلك .. مخك فارغ عارفك اتنجم تعمل مصيبة و ادخل روحك في حكايات ماكش قدها ...

_  يخي مش قدامك البارح اللي صااار ؟؟ صاايى وفااا اش تحب آخر ؟؟ 

_ وين ماشية ؟؟؟

_ حسب رأيك ؟؟؟ ماشية ل جزر مالديف ؟؟؟ على شوفت عينك ماشية نطل على امي ... ننصحك عمر ارجع منين جيت ماعندك وين توصل غير اللي انتي اتعب روحك و اتعب نفسيتك ..

ضحك على كلامها ..مايعرفش اللي تعبها راحه ..و اللي هو كيف يتبعها و يراها  يرتاح نفسيا ..

_ لا انا افا جووي باهي .. بالعكس نبدل في الجووو 

_ يخي ماعندكش لا خدمة و لا حكاية تعملها غير اللي انتي تبعني من بلاصة ل بلاصة ..  شنية تحب مني ؟؟؟ 

_ نحبك تعمل  عقلك و تركح ... عيش الزين  .. اركح خير ما نعمل حاجة ماتعجبكش .. ( قربتلو كتفت يديها .. بقات تهز فيه و تحط ) 

_ ماتنجمش تهددني يا عمر .. ماكش بش اتنجم ... 

_ هاني نجمت نهددك البارح .. هاني نجمت يا بنية عممممي .. ولا شنية بش تضربني بكرتوووشة كيف ماعمل خوووك  الزوفري ؟؟ 

دورت وجها  تنفخ ... تحس في صدرها يطقام و يتحط بدا يستفز فاها و هي دمها سخون 

_ شنية قلت ؟؟ شبيه خويا ؟؟  

_ خوك زوفري و باندي و جبري و وجهو متاع صحورات .. اصلا بلاصتكم هوني .. في وسط الرمل .. ماتعرفو عالدنيا شي .. غير الانتقام عاميلكم عينيكم و انتي وقت اعرفت العزززز و اعرفت اللي انتي بنت بن حسين ... في بلاصة ماتحمد ربي ..  تحب تنتقم منا 

جبدتو من كول  مريولو 

_ اعررررررف اش تخرج من فمك... ( كانت ترص على سنيها .) محسوب انتوما مش وجه انتقام ؟؟؟  ههه  مش حبتوني في داركم .. زعمة زعمة رهينة بش  يجي فوزي يهزني ... اما طلعت كيفهم .. طلعت فولة و تقسمت على اثنين منهم ..  الملامح متغيرة اما طينة نفسها 

_ حتى انتي منا و الينا باهيشي مش انتي بنت بن حسين .. 

دزتو بالقووووي 

_ اقلــــــــب وججججهك من صحورات مالا ماكش قدها يا قننو ..   ناقصك  فولار و ضربة  روج .. اش تعرف انتي على الرجال 

قربلها جبدها من مرفقها و لوااه قربها ليه عاللخر .. حت ببدنها لهب من قربوووو 

_ تحححب تعرف الرجال اش تعمل ؟؟ ( يحكي بجنب شفايفها و هي ترعش بكلها... بالرغم تعرف اللي كل كلمة بحسابها مع عمر اما هي تحب تستفزو ) شقوووولك ؟؟؟ نوريك  الرجولية على قاعدة للا صحراء ؟؟؟ 

_ وريني حاجة انتي تمتلكها ( تحكي في وجهووو انفاسها ناار حرقتووووو ... دوختووو .. رشق عينيه في شفايفها .. حب يذوق طعمهم .. استفزت رجوليتو بالحححق .. حست بشفايفو فوق شفايفهااااا عينيها وساعت ... بقا يبووس و يتبنن ..  كيف الكورون سرالها في بدنها الكل ... دزتو بالقووووي  جات بش تضربو بكف شدلها يدها ) 

_ اركككح .. يزي من التفركيح .. خير ماناخو راحتي اككككثر ... 

_  تسسسخايل الرجولية هكاكا ؟؟؟؟؟؟ ما اقل حيااااااك ( كانت تمسح في شفايفها و تحكي بالروح مسكينة تغفق ..و هو فهم اللي هي تأثرت من البوسة ..وجها قريب يطرشق ...  بقات تضرب فيه على صدرو ) ماتحشممممش بنت عمك راني .. يخي نورمال تخمم فيا هكااااااا ؟؟ مخك خااااااامج يا خامج 

_ مش كان انا نخمم حتى انتي ماضابيك يخي تسخايلني مش شالق اللي بيناتنا حاااااجة ... 

فجأة نسات الانتقام نسات كل شي .. تحس في قلبها يوجع فاها و معدتها توجع ..احساس مخلط بين الحلاوة و المرارة .. حاجة مقلقتها اما عاجبتها .. حست روحها لا حول لاها و لا قوة ... ماتحبش تتلم لمشاعرها اما تعرف اللي بينها و بين عمر مشاعر قوية قوية عاللخر من اول مرة راتو فاها ...  بقا يحك في لحيتو و يغزرلها 

_ بش تركحححلي ... لازمك تركحلي ... ( شاورلها بيديه ) الا مانخليك تركح .. و تفيق على وضعك ..و مدامني نتنفس .. الزين هذاااا ( عدا يديه على خصلة من شعرها  و ضحك ) ههه الزين هذا ما يكون كان لياااااا ... و الايام بيننا 

_ ههههههههه مسكين تحلم برشا .. صدقني اول شخص يجي يتقدملي بش ناخذووو ... و الايام بيننا وقتها تا نشوفوك اش بش تعمل سي عمممر بن حسسين الززززفت متاع وذني 

جبدها من حزززامها  ... و حط يدو الاخرى في فمها و كبس اعليه 

_ بش نوكلهولك الززززفت .....  ( بقات تفرفط تحتووو كان اطووول منها  هي تفارع فيه و هو يضحححك .. قربها لصدرووو بقا معنقهااا .. و يه كيف الطفلة الصغيرة ضربتو في ساقووو بالقووووي ... شواتوووو  ... ) 

_ خراااااااا هذذذا ..الهمممممم .. اعلاش ربي طيحني بيك اعلاش ؟؟؟؟ 

_ ( بقا شادد ساقو  يتوجع و يضحكككك ) ههههههه قضاء و قددددر ... 

اعطاتو بضهرها و مشات ركبت في كرهبتها تحكي وحدها كيف المهبولة 

_ شبييييييه هكااا ؟؟ اعلاش عمل فياا هكا ؟؟ يخي بالحححق يحكي و لا انا توهمت .. ( عدات صوابعها على شفايفها   البوسة لتو حاسة باهااا .. ضربت يدها عالفولون ) والله ما نوريهم واحددد واححححد الهموم  اللي طحت بيهم ... اااااااه

الحلقة 49 ""

 صحراء ماشية جاية قدام امها .. 

_عجبببك اللي صار يا امي .. سي صدام متاعكم دخلني  بالروووح قال شنية المعلم معادش يعطي فيا الثقة ...

_ وسع بالك عيش بنتي عاد انتي وليت عدوة لدار بن أحمد كيفاش تحبهم يدخلوك بالساهل 

_ انا عدوة ليهم الاثنين يا امي ... ليهم الاثنين و انتي لازمك تعاوني بش ننتقم .. امي شنية اللي مخبيتو اعليا ؟؟ شنية اللي يخلي فوزي بن أحمد يسامحك بالرغم خنتو ؟؟؟  شنية اللي هددتو بيه نحب نعرف ؟؟ مخي بش يتحرق 

_ انتي اش مدخلك  في المعامع هاذي ؟؟؟ شوف انا ربيتك  تتلهى بقرايتك و بس و تو بش تتلاهى بخدمتك و يززيني من الهم اللي عشتو ل شبابي لتوووو ... خليهم يتخذو فخار يكسر بعضو المهم انتي اعفي روحك من ها الحمل الثقيل 

_ نحبهم يعيشو احساس الانتقام على قاعدة ... العايلات هاذم حطمووووني 

_ كيفاش تحططمت ؟؟    هاك عشت احسن عيشة .. قريت و وصلت ... تحب تحكي على التحطيمة الحقيقية  ( جبدتها من اكتافها ) اغزر لأمك اغززززر .. عشت قداش من عام  تحت سقف ناس مش ناسي ... على جالك و جال خوووك ... قالولي يا تعيش خدامة تحت رجلينا يا نقتلوك و نقتلو اللي في كرشك ..طلبت نبقا خدامة و  اللي في كرشي ما يموتش ... ريت الويل بعينيا و انا حبلة بيك ... عيشوني في الصحراء ... ساعات نوصل نبات بنهارين عالماء و شوية خبز ... و انا حببببببببلة .. لين خرج فوزي و ...

_ و شنوة كمممل ؟؟ شنية صار من بعد ؟؟؟ باااش هددتو بش يقبل بيااا ؟؟؟ 

_ ماهددتوش يا بنتي ... ماهددتوش فوزي نظيف .. نظيف و ماعمل شي ... 

_ شمعناها نظظيف ؟؟ ههههههه يعني تحب  تقنعني اللي فوزي .. ماعامل شي  و دوسيه نظيف ؟؟؟ مش دخل للحبس ؟؟ 

_ اي دخخخل اما بتهمة باطلة ..... افهم راك ماتعرف شي 

_ شنية اللي مانعرفووووش شنية ؟؟؟؟؟ ارحممممني وقلي .... اعلاش ادافع اعليه بعد اللي عملو الككككل ؟؟؟؟ 

_ خاتروووو يحبنني ... و يحب التراب اللي نمشي اعلاه ... منعني من يدين بوه .. كنت كالخدامة تحتهم .. جا قلب الدنيا ..بلرغم استعرفتلو بخيانتي اما سامحني .. فما راجل يسامح مرااا خاااانتو ... 

صحراء حطت يدها على فمها كانت تبكي و تشهق 

_ و  منجي ؟؟ مشيتلو قتلو اللي عندو بنية ؟؟ 

_ هههه اي اي مشيت ... ( سميرة  طبست راسها ..) طردنننني من دارو كيف الكلبة ... قال شنوة بوه يقتلو و يحرمو من الورثة ...  اما فوزي قبلك و حط في مقام بنتو ..هو طبيعتو قاسي و برا ...

_ تكذذذب اعليا .. باز فوزي عامل عمايل 

_ ماااعامل شي .. تي كان عامل راهوووو قتلني و قتل الروح اللي في كرشي وقتها ...افهم عيش بنتي ..راك طيشت النعمة اللي كنت عايشة فاها و مشيتي لجحيم بساقيك ... 

_ مالا اعلاش دار بن حسين واحلين مع فوزي ؟؟ اعلاااااااش ؟؟؟؟ 

_ خاترهم ناس خامجة في مخاخها كان الفلوس ... صدقني  يا بنتي .. صدقني  راهم ناس ماترحمش ..   مايعرفوش اش معنتها رحمممة .. اولهم منجي بن حسين ... كرهت النهار اللي قابلتو فيه يا ليتني خليتو للموت و لا قابلتو 

صحراء وقتها تفككرت عمممر .. تفكرت اللي صااار .. مش كاينو سيناريو امها و منجي لاهي يتعاود .. بقات ادور في نفس البلاصة .. قلبها يخض في بلاصتو اش ها العملة اللي عملتها ؟؟؟ 

_ فيبالك فيبالك الي  خو فوزي قتلو جددددك بن حسين ؟؟؟  

وقتها صحراء عينيها وساعت قربت لأمها 

_ شنية قلت ؟؟؟؟ ( كانت تحكي و ترععععش ) 

_ اي قتلو جددددك ولد بن حسين كان ضابط شرطة و قتلو في الحبس .. عذبو لين مااات .... بقالهم هاجس الانتقام وقت بو فوزي عفس على جججدك بالكرهبة و خلاه معاق .. مش من العدم سألتش روحك اعلاش عمل اكاك ؟؟؟ 

صحراء حطت يدها على فمها مش مصدقة اللي صااار .. 

_ فوزي بقا مصدوم .. و القسوة ملاتلو قلبو تراه قاااسي امااا هو داخلو طيب  ستنا هاني جاااية ..

صحراء بقات  تستنى في امها و الف سيناريو يدور في مخهااا .. وقفت تحكي وحدها 

_ انا اش عمملت ؟؟ تورطت مع ناس مايرحموووش .. و فوزي ماعندو حتى ذنب .. انا شنية اللي عملتو ؟؟ و عمممر باز كيفهم عمر كيفهم .... ( شدها البكاااء .. شهقت بالقوووي ) كيفهم ماايرحممممش ..

الحلقة 50" 

قربلها يتبسم 

_ شنية يا بنت عمي درت اعليا ؟؟ شنية قالولك ولاد بن أحمد ؟؟  

_قالولي الحقيقة الكل ككككل شي انتوما قتلتو   ولدهم الكككككبير... و بعد جايين تنتقمو بكل وقااحة ... امشي عمر عيشك راك ولد عمي من لحمي من دمي مانحبش انضرررك ماتخلينيش نكممممل اللي بداه محسن خويا ... صدقني نحفرلك قبر في الصحراء و نخلي العقااارب ينهشو جثتك اممممشي 

قربلها و حط يدو عالسلاح 

_ تحب تقتلني ؟؟ و انتي مش منجمة تغزرلي حتى في عينيا ... اغزرلي و احكيه الكلاااااام كان تتجرأ

غزرتلووو تترجا فيه بعينيها 

_ عيشك اممممشي و ارحمني 

_ مناش خايفة ؟؟ قلي من شنية ؟؟؟ مني انا لا نغدر بيك و لا ننتقم منك و لا شنية ؟؟؟ 

_ اي خااايفة منك و منكم الككككل ... اي خااايفة و من حققققي نخاااااااااف ... تسخايل اللي نحس فيه تجاهك شوية ؟؟؟ يقتل فيا نهار بعد نهار بالعرق بالعرق.. حتى لو انا منكم صحيح انا بنتكم اما مايمنعش اللي انا عشت غريبة اعليكم ..عشت بنت هافيلا و ها النا ..فوزي هو بابا يتسمى ... و داركم لقات فيا الضربة و ضربت 

_ اللي تحكي فيه عارفووووو من غير ماتفسرلي اما انا مانيش كيفهم ياااا صحححراء ... انا كنت ناااوي ....

_ اششش ( قصت اعليه) امممشي امممممشي عممممر ماتزيدش اتعبني اككثر 

نحا السسلاح من يدها و رماااه على جنب ..جبد  باس يدهاا بلهفة .. حطها على خدووو و هي قريب اذوووب من قربو لاها 

_ فكنا منهم الكل هيا نعملو كيف محسن و غفران هيا نهجووو و نرتاحووو 

_ ماكش بش تلعب اعليا بكلمتين .. صحيح بابا شدك هوني في الفيلا وقتها اما شدك بسبب .. انتوما عندكم هاجس الانتقام ..و انا تعبت .. بش نرجع نشد صحرتي و بش نكتب روايتي .. ابعدددوني خيرلكم ... 

_ باهههي اتو نبعدك .. كيف ماتحب اما ماتنساش يا صحححراء راك بش تكون كان لياااا يا بنت عممممي .... 

مشا و خلاها غارقة في افكارهاا .. كانت تتمنى يرجع يحكي معاها يفسرلها اكثر ... اما هو اعطاها ظهرو و مشا اللي ماتعرفوش اللي عمر مشا بش يصفي حساباتو مع بوه ... و الحساب بش يكون مش متوقع ..

صحراء دخلت للفيلا تلقا فوزي في الصالة ..

_ صحراء لازمني نحكيلك اللي صاااار 

قربتلو مستغربة 

_ شنية صاار اخر يا بابا ؟؟ شنية صااااار احككككي ؟؟ 

_  يا بنتي راووووو  محمد بن حسين هددني بيك ... وقت حبسك ..و خلاني ... ( خانتو العبرة حس بغصة في حلقو ) 

_ كممممل يا بابا شنية صااااااار ؟؟؟ خلاك اش تعمممل ؟؟؟ 

_ خلاني نسلم في املاكي ليه الكل ... يعني ل عمممر ولدو خاتر عاملو توكيل ... خلالي كان هالفيلا ... 

صحراء عينيها و ساعت بالصددددمة قعدت عالكنابي  

_ ك...كيفاش ؟؟ عمم..عمر يعمل هكا ؟؟؟؟؟؟؟؟ 

_ تي عممممر  كيف الخاتم في يد بوه اللي يقلو اعليه يعمممملو ...

_ بابا كيفاش تعمل هذا ؟؟؟ كيفااااااش تسلم في املاكك الكككككل ؟؟ اذاكا اعلاش تقول راني ماعندي وين بش نوصل ؟؟ وهو زادة قلي ...( وقفت تحس في بدنها يرعش بكلو ..مخها يخدم في الحوار اللي دار بينها و بينو كذب اعلااااااها شاااااخ اعلاها ) 

_ انا على  خاطرك يا بنتي نعمل كل شي ..نبيع اللي ورايا و اللي قدامي المهم انتي لابااااس و ماعملولك شي .. 

_ يهددو فيك ببنتهم ؟؟؟ كيفااااااااش راني لحمهم و دمهم كيفاش يهددوك بيااااااااا ؟؟؟

_ ااه يا بنيتي انتي ماتعرفش طينتهم ..راهم ناس بلا شفقة ..قسوتي ماتجي شي قدام قسوتهم 

قربتلو عينيها مدمعة 

_ انتي سلمت في كل شي على خاطططري ؟؟ مش مصدددقة و انا اللي كنت بش ننتقم منك قدااااااااشني بهيييييييمة ..كيفاش صدقتهم ؟؟؟ كيفاش لعبو بيا قد ماحبو و اشتهاو ؟؟؟ كنت بش نبيعك و نعفس فييييييك و انتي على خاططططري اعطيت املاكك ... 

_ خاتر انتي بنتي ..انتي اللي ربيتها انتي تاج راسي ... صحيح علاقتنا مش هي .. ماناش متفاهمين اما سلامتك على عاتقي ليوم الدين 

_ حتى و انا مش بنتك ؟؟؟؟؟ كيفاش تسلم في رزقك ؟؟؟؟ مش مصدددقة والله حاسة روحي نحلم ....انا كنت بش نعفس فييييييك ..ك..كنت بش  نسلم فيك و نخليك فقير ..و انتي تحمي فيا و مافيباليش

الحلقة 51

_ هوما كلاااااااااب حاشاك ... يموتو عالفرنك ماضابيه السوق ليه يرتع فيه وحدو ..انا سلمت كل شي ..معادش عندي طعم لا لخدمة لا لفلوس ..المهم رجعت يا صحراء عارفك مش بش تخلينا وحدناااا .. انتي تو سندنااا ... و ساس الدار ..مدام اكااا  الطحان خوك مشا سافر 

_ تعرف هو اللي فاهم ... رتح من وجيعة الراااااس ... باهي و جدي شقلك ؟؟؟

_ جدك  في دنيا اخرى معادش همو لا فينااااا و لا في املاكناااااااا ..عايش مرااهقة متأخرة ... اسمعني يا  صحراء خليني نبيع الفيلا و نمشو للصحراء نعيشو غادي منو انتي اكتبي كتابك و منو انا نرجع لصحرتي ..نرجع لوكري و حوشي ..شقولك ؟؟

_ لااا بااباا لااااااا ابقا انتي و امي هوني ..انا عندي برشا حسابات نحب نفضها مع دار بن حسين و نرجع ..

قربلها شدها من اكتافها 

_ فككك اعليك ها بنيتي .. اخطينا منهم و من همهم ...

_ بابا ماتخاافش ماشية نكمل اللي بديتو و نرجعلك...نرجع لصحرتي و نشد وكري ... ماتخافش راك ربيت صحراء .. القوية ...جبل مايهزك ريح ..ماتخافش ... 

بعد نهارين "" 

عمر واقف قدام بوه مش مصدق اللي سمعو من عند صحراء   

_ بابا يخي صحيح اللي جدي هو اللي قتل الخو الكبير لفوزي ؟؟؟ عذبو لين تووووفى ؟؟؟؟ 

محمد طبس راسو 

_ اي صحيح انتي منين عرفت ؟؟؟ 

_ صحراء قالتلي ... كل شي طاح في الماء اللي عملناه ككككل طاح في الماااااااااء ... عجبك توووو ؟؟؟ اعلاش خبيت اعليا ؟؟؟؟؟؟ 

_ حتى شي ما طاح في الماء يا عممر ... احنا وجعناه ببنتو  و خليناه يتنازل على املاكو الكككل .. اكيد غير الفيلا 

_ اما هي مش بنتو تي هي بنت خوووك ..

_ صحيح هي منا ..و انا ماعنديش  مشكلة معاها قتلك من لول مشكلتي معاه هووووو 

_ يخخخي شنية عملك هو شنية عممملك ؟؟؟ بقيت تهدد فيه ب صحراء و تعرفو هو اللي رباها و يحبها كيف بنتو ضربتو عالوتر الحساس ..مشا فيبالي خاتر ثااار جدي المشلول ...طلع انتوما السبب من لول في ها الانتقاام .... اعلاش يا بابا اعلاااااااااش ؟؟؟؟؟ 

_ يستاااااااااااهل ...( صاح بالقوووي ) يستاهل راهو السوق ملكي تو في يدي ...

عمر تبسم على جنب و حط يديه على طاولة _نسيت يا بابا ؟؟ نسيت اللي انتي عاملي توكيل بش نتصرف في الاملاك الكل ... كيف نقلك اللي انا بكككري بعت الاسهم ل يوسف اش تقول ؟؟؟ 

محمد عينيه وساعت 

_ شنييييييييية عممممممملت يا كلب ؟؟؟؟؟؟؟؟ 

_ شوف انتي لعبت بيا كيف ما حبيت اوهمتلي اللي دار بن أحمد غالطين خليتني حتى نجرح صحراء ...  تي كنت بش نقربلها و بعد نجبد باها ... اما هي طلعت اذكى مناااا و شبرت اعليا السلاح ..مشا فيبالي بش تخرج من غادي  و نعيش معاها قصة الحححب الللي انتي كتبتها هههههه يخي اعطاتني درس عمري لا ننساه 

جا شيمشي ندالو بوه 

_وين مااااااااشي يا *** تعمل عملتك و تمشي ؟؟  شبش نعممممل انا توووووو ؟؟؟ اعلاش تعمل فيا هكا راني بووووك 

تلفتلو _ انا شريت كرامتي و عزت نفسي بعتهم الاسهم و اهوكم الفلوس في الحساب متتاعك اعمل بيهم اللي تحب اما الشركة و البورصااااا اللي تحلم بش تملكهم وحدك تراصيلك تو خدمة من صفر بش ترجع تحتل المراتب الاولى... و نحب نبشرك اللي الخدامة الكل فرحانين بالبوص الجديد اللي هو يوسف هههههه  

قربلووو و تبسم على جنب 

_ نحب نقلك اللي صحراء قربتلها برضاياااا ..خاتر لقيت فاها حاجات  عمري لا لقيتهم في حتى طفلة ..هي القوة و الشجاعة .... و الكرامة اللي لقيتهاش في دار هاذي علمتني درس عمري لا ننساه 

_ آآآآآآآآآآه  وينك يا بابا و ايجا شوف ولد ولدك اش عمممممل ويييييييييينك 

يصيح و يعيط قلبها الدار بالصياح 

_ انا الغالط يا ولد الحراااااااااام انا الغالط اللي اعطيت فيك الثقة و حسبتك راجل و نعمل اعليك تبيعني يا طحااااااااان ؟؟؟؟ تبيع بوووووك ؟؟؟؟ تبيع عايلتككككككك 

دخل بوه بالكروصة 

_ اش بيك تصيح ها محمد ؟؟ شنية اللي صاااااااااار ؟؟ 

_ ولد ولدك الطحاااااااان بش يقتلني عرق بعد عرق تعرف اش عمممممل ؟؟؟ مشااا  باع اسهم الشركة الكككل ل شريكنا يوسف ....  هاني سمعت كلامك ها بابا وين وصلت ؟؟؟؟؟ وصلت للصفر ..لقاع البير من جرت الطحان هذااااا ... على جال شكون قلي ؟؟ على جال صحراء ؟؟؟؟ صحيح هي بنت عمك بالدم اما راهي تربية دار بن احمد 

عمر : معاااااااااادش تجبدهم خيرلك ...  نااس ماعملوولنا شي اصلا اللي عملوه مع جدددي مايجيش الربع اللي عملتوه فيهم ..تي راك عذذذذذبت ولدهم ( غزر لجدو ..) تكلم مش انتي  اللي عذبت خو فوزي الكبير لين ماات وقتها في الحبس ؟؟؟ شنية  كسبت نجمتين  في كتفك وليت تمااارس في بطولاتك و هواجسك و الهوس متاعك ...

الحلقة 52 و الاخيرة 

جدو طبس راسو 

_ و دفعت الثمن غالي ... هاك ترا فيا عشت باقي  حياتي في كروصة 

_ اما اللي قاهرني بكل وقاحة تحاسبو فيهم و مازلتو تبعثو فياااااااا بش نلوج على مستندات تحشي فوزي في الحححبس و انا كيف البوهالي مصدقكم خااتركم دمممي و لحمي ..اما قبل الدم تجي الانسانية و النخوة اللي تعلمتها من فوزي ..ضحا بكل شي  سلم اللي وراه و اللي قدامو على جال بنية رباها ..و مش من صلبو .. و انتوما اش عملتووووووو ؟؟؟ اش عملتو فسرولي ؟؟؟ عيشتونا في جحيم الانتقام ... ( قرب ل جدو و حط يدو على الكروصة )  تعرف الانتقام وين وصلك يا جدي ؟؟؟ تخليني نمشي للجنوب و الشمس شعرا لا نقبتلي راسي و تعرف شكون منعني ؟؟ صحراء ... تربية فوزي بن أحمد ... و ماتبداش تقلي انا اللي اعطيتها فلوس شوية الكوارط اللي صرفتهم اعلاها مايربيوش ... و هي تربية فوزي .... اما انا فرحان عاللخر اللي في العيلة هاذي بقالكم حفيد واحد برك في صفكم هو مااهر .. خاترو يشبهلكم انا  متبري منكم ليوم الدين 

هو خرج و بووه  قام يصيح 

_ ارججججججججع يا كللللللللللب والله مانحاسبك على كل كلمة قلتها ... والله مانحاااااااااااسبكككككككك .... 

بوه غزرلو 

_ سيبو يا محمد سيبووووو .. اللي قالو الكككل صحيح ... كل حرف نطقو صحيح ...

في نفس الوقت دخلت للشريكة .. استغربت  الموظفين حستهم وجوه جدد .. طلعت في الاسنسار ..   تلقاهم يحكيو و يوشوشو 

" ملا عملة عملها سي عمممر ... وحلنا في عرف كيف يوسف " 

" اوووف ملا عرف ... كثرلها الصراحة ...." 

استغربت كلامهم ..  تحل الباب و مشات لبيرو يوسف تلقا موظفين فيه .. 

_ عسلامة مداموزال 

_ عسلامة سامحني يخي مش هذا بيرو مسيو يوسف ال**

_ ااه سي يوسف ولا المدير .. ههههه   بيروه   اخر بيرو عاليمين 

صحراء مستغربة اللي صااار ..كيفاش يوسف ولا هو المدير فجأة ؟؟؟ دهمت اعليه تلقاه مع السكريتار يدحنس فاها .. كيف شافها تفجع ..

_ ليلى برا شد بيرووووك ... ( بقات تهز فيه و تحط و خرجت .. قرب ل صحراااء ) صحححراء جابك ربي عندي برشا نحاول نتصل فيك 

_ يزززي من الكذب متاعك .. تاليفوني محلول ... و ماوصلني من عندك شي حتى جرد ميساج ماوصلش .. على شكون تفلم ؟؟؟؟ 

_ صحراااء كان ترا اللي صاااار .... شريت الاسهم الكل من عند عمر 

تلفتتلو  عينيها وساعت 

_ كيفاااااااش اقنعتو بش يسلم في الاسهم ليك ؟؟؟؟؟ كيفااااش ؟؟؟؟ 

_ بصراحة حسب ما سمعت .. هو  قلب الطاولة على عايلتو ..من فازاتهم مع دار بن احمد ..و معاك خصيصااا 

_  يعني تحب تقلي اللي عمممر باعلك الاسهم بش يخلي بوه يحل شركة جديدة و يبدا من الصفر 

_ اي اما وقتها انا نبدا محتل المراتب الاولى في البورص يا اعزيزتي 

صحححراء تبسمت من غير ماتشعر 

_ يعني عمممر اعمل هذا كل على خاتر ...

قص اعلاها 

_ اي على خاااترك يا للا ... 

خرجت من البيروووو تجججري يمكن وقتها في مخها اللي هي تراه ..  بقات تكلم فيه و شي ماتحصلتش اعليه .. حتى كيف مشات للفيلا و سألت اعليه محمد طردها  

_ برااااااا ارجع منين جيت 

_انا ماجيتش عليكم .. انا جيت نحب نرا عمممممممر وينو ؟؟؟؟؟؟؟؟؟؟؟؟ اعلاش حد ما يحب يحكيلي ؟؟ اعلاش ؟؟ 

_ عممممر مشا يا صحححراء قال تبرا منا و من عمايلنا و السبب انتي  ... ام

ممممشي خير مانسيب اعليك الكلاب ... من جرتكم خسررررررت كللللل شييييييي ...

صحراء اعطاتو بظهرها و بقات تحكي بينها و بين روحها 

_ عمممر وين مشيت وووووووين ؟؟؟؟ 

هي اكاك و يكلمها فووزي .. هزت اعليه .. قريب تبكي 

_ نعم بابا ؟؟؟ 

_ عمممر هوني يا بنتي 

_شنييييييية ؟؟ شيعمل عمممر عنااا ؟؟؟ اعلاش جاااااااا ؟؟

_ رجعلي الاملاك الكل يا صحححرااااء 

_ اش موصلني توووو  تحبلي برشا بش نوصل للجنوب .. عيشك يا بابا شدو تخليووووش يروححح راني من بكري و انا نحاول نوصلووووو شدددو امان 

_ بااااهي بركا هيا خخخف روحك انتي .. 

علقت على فوووزي بقات تضحك و تصيييييح قدام فيلا تاع بن حسين 

_ ياااااااااااكلااااااااااب هههههههههه و اخيرا ربحنا الحححححححرب ..

خرج محمد يهرول حل الباب يصيح 

_ برااا روووح اش تحب ؟؟؟

_ ربحنا الحرب يا عممممي العزيز .. ربحناهاااا ..صحيح انتوما من دمي و لحمي اما الرباية تغللللب ...  اول مرة نحس روحي ننتمي لدار بن أحمد .... مبروك يا عمي وفا الانتقام هوني سلم على بابا  البيولوجي مسيو منجي بن حسين و قلو انستك بولدك المريض و انسا اللي عندك بنية 

رماتلو بوسة في الهواء و طلعت في كرهبتها  و طاااارت .. من الفرحة كلمت محسن عالماسنجججر 

_ محسسسسسسسسن 

_ يخي نورمال هكاااا ؟؟؟ ماعندك لا خدمة و لا عملة غير تقلقني 

_ نحببببك نحبك نحبببببببك يا احلى خو في الدنيا 

_ هههههههه من غير ماتحكيلي وصلني كل شي هيا مبروك ربحنا الحرب و حمد الله اعليك رجعلك شاهد العقل ... 

_ آآآه مرتاحة يا محسن مرتاحة و اللي مرتحني اكثر اللي عمممر زادة فاق على روحو و قلب الطاولة على عيلتو الخامجة على خاطررري 

_ مالا شد فيه بيديك و ساقيك و سامحني خاترني ضربتو وقتها ..كان فيبالي اللي هو بش يولي نسيبي راني مامسيتووووش 

_ هههههههه قلي شنية الجو في فرنسا ؟؟ و غفران ؟؟؟ احمممم 

محسن كان يلعب بشعر غفران و هي في حضنوووو _ هيا علق علق اش تكبش 

علق في وجه اختو و باس غفران من جبينهاا 

_ يخي مش قلت معادش يهمك في انتقام هاك تحسك فرحاان و ربحتو الحرب ؟؟؟ 

_ ههههههه انتي تعرف يا روحي اللي انا بالحق الانتقام نحيتو من مخي اما فرحان خاتر ربي ما يضيع حق حد و بصراحة خوك طلع راججججل و قلب الطرح على بوك 

_ هاكا اللي لازمو يصير من لول يا محححسن ( عنقتو بالقوووي ) توو انسا كل شي خلينا عايشين هالحللللمة  مانحبش نفيق منهااا 

قربتلو من شفايفو و باستو و هو غططططس فاهااااااا ماشلقو برواحهم كان ذايبين في بعضهممم .. قربووو منها زاد خلاها تتعلق بيه و تحبو و تعشقوووو  و هو مش عارف هالمشاعر وين كانوا متخبين اما كاينها الارواح تلاقت من قبل حتى ماتتعارف <3

صحراء وصلت للفيلا في الجنوب  هبطت تجري .. دخلت للدار تلقاش عمممر 

_ بابا يخخخي عمر وين ؟؟ يخي مش قلت اللي هو هوني ...؟؟؟ 

سميرة : يا بنيتي رد النف راك  كنتي في سفر ..ابقي ارتاحي 

_ اما نرتاح مانحبش نرتاح نحب نشوف عمممر ...

_ تي سيبها ها سميرة .. عمممر مشا للخيمة في الصحراء و قلك كيف تجي الحقي اعلييييه 

مزال ماكملش كلمتو و طااارت للخيمة .. ركبت في الهامر و  شقت الصحرااااء .. وقفت قدام الخيمة .. هبطت تحس في صدرها يطقام و يتحط ... 

_ عممممممر ... وينك ؟؟؟؟؟؟  

خرج من الخيمة .. يتبسم .. قربلها و هي تحس روحها بش ادووخ صااايى .. بكامل اناقتو قدامهاااا ... 

بقا يقربلها لين معادش مسافة بينتاهم .. حط يدو على خدهااا و هي غمضت عينيها تستحلى في لمسة يدو .. 

_ و اخيرا يا صحراء و اخيرا تلاقينا من غير خوف مالي قلوبنا ...من غير انتقام يعمينا ... و اخيرا 

حلت عينيها و تبسمت 

_ اممم بالححق اول مرة .. اما اعلاش في الخيمة ؟؟ تعرفش قداش بقيت في الثنية ... 

قربها لصدرو و بقا يعدي في يديه على شعرها المموج ... 

_ تعبت مش هكااا ؟؟؟؟ 

_ ميسالش  .. المهم ريتك عممر مش مصدقة اللي عملتووو ؟؟ اعلااش ؟؟؟  ( هي تعرف اعلاش اما تحب تسمعها منووو... ) 

_  انتي علمتني الانسانية اللي مالقيتهاش في دارنا .. على خاطرك نعمل كل شي ..زادة كرامتي .. مش منجم يا صحراء .. مش منجم نكمل درج في وسط دارهم و معاهم تعبت حتى انا ... 

_ انا زادة تعبت .. و اخيرا رتحنا يا عمممر .. و اخيراااا حاسة روحي خفيفة و مرتاحة 

جبدها من يدها و دخلها للخيمة تلقاها مليانة كتب ..و اوراق ..و ريحة مسك .. عالم آخر .. حلت فمها 

_ شنية هذااااا الككككل ؟؟

_ عمتلك الجو اللي تحبو بش تكتب روايتك الاولى .. ( جبدلها يدها باسها ..) عيشك جو اعزيزتي 

بقات ترمش في عينيها و مشات قعدت ..و جبدت الريشة .. 

_ ريشة ؟؟؟ هههه شكون قلك اللي انا نحب نكتب بالريشة ؟؟ 

_ عرفت اعليك برشا حاجات يا صحراء و نحب  نزيد نعرف اكثر 

بقا بجنبها ... شدتلو يدوووو 

_ شقولك نكتب اول جملة من روايتي الاولى و انتي بجنبي ... ؟؟؟ 

باسها من جبينها  و همس 

_  امممم اكتب  .. 

ضحكت و غمست الريشة في الحبار و كتبت .." في قلب الصحراء ..رأيته من بعيد ..   ينظر للسماء و يتحدث بجنون  .. علمت حينها انه في خطر .. تركت ما في يدي و ذهبت اليه مسرعة لعلني اجد معه سعادتي لكنه اغمى عليه .. " 

شدووو ضحككك و جبدهااا من حزامها عنقها بالقوووووي و هي بقات في حضنوووو ... حست روحها ططااايرة .. في دنيا اخرى ... و هو حس اللي هو لقا الروح اللي ضاعت منو سنين ...